date
stringdate 2022-07-25 12:51:24
2025-05-04 07:18:57
| link
stringlengths 76
222
| title
stringlengths 6
48
| content
stringlengths 35
16k
| categories
stringclasses 46
values |
|---|---|---|---|---|
2025-04-13T06:55:25 | https://tainovel.com/%e1%80%90%e1%82%83%e1%82%87%e1%81%b5%e1%81%a2%e1%81%bc%e1%80%ba%e1%80%99%e1%80%ad%e1%80%b0%e1%80%9d%e1%80%ba%e1%80%b8%e1%81%bc%e1%82%83%e1%82%88/ | တႃႇၵၢၼ်မိူဝ်းၼႃႈ | မိူင်းၼိုင်ႈမိူင်းၼႆႉ တႃႇတေၶိုၼ်ႈမႃးပဵၼ်မႁႃႇဢႃႇၼႃႇ လႄႈ ဢုပ်ႉပိူင်ႇၵမ်ႇၽႃႇၵႂႃႇလႆႈၼႆႉမၼ်းဢမ်ႇၸႂ်ႈလွင်ႈငႆၢႈငႆၢႈ လႆႈၸႂ်ႉ ၶၢဝ်းယၢမ်း ပၺ်ႃႇ ပိူင်ဢုပ်ႉပိူင်ႇ လွၵ်းၵၢတ်ႇၵၢၼ်ၵႃႉၶႆၢ ၵၢၼ်ၽွင်းၶဵဝ် ၵၢၼ်သိုၵ်း ၾိင်ႈငႄႈၾိင်ႈထုင်း လွင်ႈယုမ်ႇယမ်ၸၵႂႃႇၸိူဝ်းၼႆႉယူႇ။ ဝၼ်းမိူဝ်ႈၼႆႉ ဢိင်ႈၼိူဝ်လႆၢလွင်ႈလႆၢတၢင်းသေ တေလႆႈႁၼ်ဝႃႈ တင်းၵမ်ႇၽႃႇၶႂ်ႈ တႅၵ်ႇၵႂႃႇပဵၼ်လႆၢမူႇလႆၢၸုမ်းသေ ၽိုတ်ႉႁိမ်ဢဝ်တီႈယူႇတႃႇတေမီးဢေႃးၸႃႇဢႃႇၼႃႇ လႄႈပဵၼ်မႃးမႁႃႇဢႃႇၼႃႇမႆၢၼိုင်ႈၶွင်ၵမ်ႇၽႃႇယူႇယဝ်ႉ။ မိူဝ်ႈၼႆႉငဝ်းလႆၢးပဵၼ်ႁိုဝ် ၽႂ်ပဵၼ်ၽႂ် ပိုၼ်းမၼ်းမီးၸိူင်ႉႁိုဝ် လႄႈ မိူဝ်းၼႃႈတေပဵၼ်သင်မႃးဢၼ်ဝႃႈၼၼ်ႉ ၵဝ်ၶႃႈတင်းပႆၢၵမ် ၶေႃႁွၵ်ႇတေမႃးၶႆႈၼေပီႈပီႈၼွင်ႉၼွင်ႉႁဝ်းၶဝ်ၵႂႃႇယူႇ။ ဢွၼ်တၢင်းသုတ်းတႄႉ တေယွၼ်းတႄႇတီႈသိုၵ်းၵမ်ႇၽႃႇပွၵ်ႈသွင်ၵွၼ်ႇ ဢၼ်ႁဝ်းၵႆႉယၢမ်ႈငိၼ်းၼၼ်ႉ၊ ၵွၼ်ႇၼႃႈသိုၵ်းၵမ်ႇၽႃႇၼႆႉ မိူင်းၼႂ်းယူႇရူပ်ႇတင်းလႆၢဢွၼ်ၵၼ်ၵႂႃႇၶႂၢၵ်ႈမိူင်းသေ ၵေႃႇတင်ႈၶူဝ်ႇရူဝ်ႇၼီႇယူႇႁင်းၽႂ်ႇႁင်းမၼ်းယဝ်ႉ။ ၸိူင်ႉၼင်ႇမိူင်းတႆးႁဝ်းၵေႃႈ တူၵ်းယူႇတႂ်ႈၶူဝ်ႇရူဝ်ႇၼီႇဢိင်းၵလဵတ်ႈၶဝ် ဢၼ်ၶႂၢၵ်ႈမႃးတၢင်းမိူင်းဢိၼ်ႇတိယ မိူင်းရၶႅင်ႇၶဝ်ယူႇ၊ ၽႆၢႇမိူင်းလၢဝ်း ဝဵတ်ႉၼၢမ်း ၵမ်ႇပူးသျႃး ဢမ်ႇၼၼ် ဢိၼ်ႇတူဝ်ႇသျႆၢးၼႃး ၼႆႉသမ်ႉတူၵ်းယူႇတႂ်ႈၾရႅၼ်ႉ မီးမိူင်းထႆးၵူၺ်း ဢၼ်ဢမ်ႇတူၵ်းယူႇတႂ်ႈၽႂ် ၼင်ႇႁိုဝ် ပေႃးတေဢမ်ႇတူၵ်းယူႇတႂ်ႈမိုဝ်းၽႂ်ၼၼ်ႉ ၶုၼ်ႁေႃၶမ်းထႆးမိူဝ်ႈယၢမ်းၼၼ်ၵေႃႈ လႆႈႁဵတ်းၵၢၼ်ၽွင်းၶဵဝ် မိုတ်ႈၵိုဝ်းၶဝ်ႈႁႃမိူင်းဢၼ်မီးဢႃႇၼႃႇယူႇယၢမ်းၼၼ် ၵူၺ်းၵေႃႈ ယင်းလႆႈလူႉသုမ်းမိူင်းဢၼ်ယူႇတႂ်ႈဢႃႇၼႃႇၸၢၵ်ႈ ပၼ်ဢိင်းၵလဵတ်ႈလႄႈ ၾရႅၼ်ႉၶဝ်ယူႇ ၼင်ႇႁိုဝ်ပေႃးတေဢမ်ႇတူၵ်းယူႇတႂ်ႈၶဝ်လုမ်းလုမ်းၼၼ်ႉ။ ယၢမ်းၼၼ်ၼႂ်းၵုၼ်ဢေးသျႃး ႁဝ်းၵေႃႈၶႂ်ႈၸမ်ၺႃးဢုပ်ႉမူတ်းယဝ်ႉ ၵူၺ်းၵိုတ်းယူႇမိူင်းၵျပၢၼ်ႇဢၼ်ပဵၼ်ၵုၼ်ယူႇၼႂ်ႈၼမ်ႉပၢင်ႇလႆၢႇၼၼ်ႉ ၼင်ႇႁိုဝ်တေဢမ်ႇၺႃးၵလႃးၼႃႈၽိူၵ်ႇၶဝ်ၶႂၢၵ်ႈမိူင်းမႃးၼႆလႄႈ ၵျပၢၼ်ႇၵေႃႈလၵ်ႉလွမ်ႁွမ်ဢဵၼ်ႁႅင်းသေ ၶဝ်ႈတိုၵ်းဢဝ်ၽႅၼ်ႇလိၼ်ၵူဝ်းရီးယႃးယူႇ တိုၵ်းၶိုၼ်ႈၵႂႃႇတင်းၼိူဝ်ၵႂႃႇၺႃး ၸူဝ်းဝဵတ်ႉ ဢမ်ႇၼၼ် ရတ်ႉသျႃး ယၢမ်းလဵဝ် တိုၵ်းတင်းၸူဝ်းဝဵတ်ႉၵေႃႈၵျပၢၼ်ႇတိုၵ်ႉပေႉယူႇ ယွၼ်ႉဝႃႈတႃႇၸူဝ်းဝဵတ်းတေသူင်ႇတၢင်းၸွႆႈထႅမ်လုၵ်ႉဢဝ်တၢင်းတူၵ်းမႃးတၢင်းဢွၵ်ႇၼႆႉ လႆႈၸႂ်ႉၶၢဝ်းယၢမ်းႁိုင်ၼႃႇလႄႈ။ ၵျပၢၼ်ႇပေႉယဝ်ႉၵေႃႈ ႁဵတ်းမိၵ်ႈသူၺ်ႇဢူၺ်းလီတင်းထႆးတင်းမၢၼ်ႈသေ လူင်းမႃးတၢင်းတႂ်ႈလိုပ်ႈပႅတ်ႈ ဢိင်းၵလဵတ်ႈ လႄႈၾရႅၼ်ႉၶဝ်ယူႇ။ မိူဝ်ႈၼၼ်ႉထႆးၶဝ်ၵေႃႈ မီးဝႃႇတၵၢင်ၸႂ်ၶႂ်ႈလႆႈၶိုၼ်းမိူင်းဢၼ်မီးၵူၼ်းတႆးယူႇလႄႈ ၸႂ်ႉၵႂၢမ်းတႆးၼၼ်ႉ ယၢမ်းၼၼ် လႆႈႁၼ်ထႆးၶဝ် သူင်ႇသိုၵ်းၶဝ်ဢုပ်ႉၵဵင်းတုင် မိူင်းပၼ်ႇၸိူဝ်းၼႆႉ။ ၵမ်းလိုၼ်းသုတ်းၵေႃႈ ယွၼ်ႉၺႃး ၽႆၢႇဢမေႇရိၵၼ်ႇၶဝ် ပွႆႇမၢၵ်ႇပွမ်း ၼိဝ်းၶရေးယႃး သွင်လုၵ်ႈသႂ်ႇလႄႈ ထိုင်တီႈၵျပၢၼ်ႇၵေႃႈၵႃႈလႆႈယွမ်းသုမ်းယူႇယဝ်ႉ။ ၵႂႃႇတူၺ်းထႅင်ႈၽႆၢႇၼိုင်ႈ ၼႂ်ႈယူႇရူပ်ႇ မီးမိူင်းယိူဝ်းရမၼ်း ဢၼ်ႁိတ်ႉလိူဝ်ႉ ဢွၼ်ႁူဝ်ၼၼ်ႉ ၶႂ်ႈတိုၵ်းသိမ်းဢဝ်ၾရႅၼ်ႉလႄႈ ယူးရူပ်ႇယူႇ။ ယၢမ်းၼၼ်ႉ ယိူဝ်းရမၼ်းၶတ်းၸႂ်သၢင်ႈဢူၺ်းလီတင်း ဢိတလိယူႇ ၵူၺ်းၵႃႈ ဢိတလိၵေႃႈ ဢမ်ႇၸွမ်းၸွႆႈထႅမ်လႆႈၼင်ႇၸႂ်။ ၵမ်းလိုၼ်းမႃးမိူင်းယူးရူပ်ႇၵေႃႈ လႆႈယွၼ်းတၢင်းၸွႆႈထႅမ်တီႈ ဢမေႇရိၵႃႇလႄႈ ၸူဝ်းဝဵတ်ႉ တႃႇႁႂ်ႈၵိုတ်းပၢင်တိုၵ်းပွၵ်ႈသွင်ယူႇယဝ်ႉ။ ဝႆၢးသေဢမေႇရိၵၼ်ႇၺႃး ၵျပၢၼ်ႇၶိုၼ်ႈတိုၵ်းတီႈၾိူဝ်းႁႃးၿိူဝ်ႉယဝ်ႉ ၽႆၢႇဢမေႇရၵၼ်ႇၵေႃႈၸင်ႇၵွႆႈၶဝ်ႈယူႇၽႆၢႇဢူၺ်းလီသေ တိုၵ်းယိူဝ်းရမၼ်း ၵျပၢၼ်ႇၶဝ်ပႅတ်ႈယူႇ။ ဝႆၢးသိုၵ်းၵမ်ႇၽႃႇပွၵ်ႈသွင်ယဝ်ႉ မိူင်းဢၼ်ယၢမ်ႈၶႂၢၵ်ႈမိူင်းၵႂႃႇဢုပ်ႉပိူင်ႇပိူၼ်ႈၸိူင်ႉၼင်ႇ ဢိင်းၵလဵတ်ႈ ၾရႅၼ်ႉၶဝ်ၼႆႉ ၺႃးၽေးပၢင်တိုၵ်းႁႅင်းၼႃႇလႄႈ ဢဝ်ႁႅင်းဢူၼ်ႈဢွၼ်ႇမႃးသေ လႆႈပွႆႇပၼ်မိူင်းတႂ်ႈၶူဝ်ႇရူဝ်ႇၼီႇၶဝ်ၼၼ်ႉ လႆႈၵွၼ်းၶေႃမႃးယူႇ ၼႂ်းၼၼ်ႉၵေႃႈပႃးမိူင်းတႆးမိူင်းမၢၼ်ႈႁဝ်း။ သိုၵ်းၵမ်ႇၽႃႇပွၵ်ႈသွင်ယဝ်ႉၵႂႃႇသေတႃႉ ပၢင်တိုၵ်းတႄႉ ဢမ်ႇပႆႇယဝ်ႉ။ ပၢင်တိုၵ်းဢၼ်ယႂ်ႇယႂ်ႇၼႆႉ တေၵႆႉႁွင်ႉဝႃႈ(Cold war)ပၢင်တိုၵ်းယဵၼ် ပၢင်တိုၵ်းၼႆႉတေပဵၼ်ၼႂ်းၵႄႈ ဢမေႇရိၵၼ် လႄႈ ၸူဝ်းဝဵတ်ႉ၊ ၶဝ်ဢမ်ႇတိုၵ်းၵၼ်ၵမ်းသိုဝ်ႈသေတႃႉ ၶဝ်တိုၵ်းၵၼ်ၽႆၢႇဢုပ်ႉပိူင်ႇ ထႅၵ်ႉၼေႃႇလေႃႇၵျီႇ ပႆၢးမၢၵ်ႈမီးတႃႇတေၶိုၼ်ႈပဵၼ် မႁႃႇဢႃႇၼႃႇမႆၢၼိုင်ႈယူႇယဝ်ႉ။ ၽႆၢႇဢမေႇရိၵၼ်ႇ ၸႂ်ႉဝႃႇတ ၻီႇမူဝ်ႇၶရေႇသီႇ ဢဝ်ၵူၼ်းၼမ်ဝႃႈ ၽႂ်ႁဵတ်းလႆႈမၼ်းႁဵတ်း ၽႂ်မီးငိုၼ်းမၼ်းပိူင်ႇလႆႈ။ ထႅင်ႈၽႆၢႇၸူဝ်းဝဵတ်ႉသမ်ႉပဵၼ် ၶွမ်ႇမျူႇၼိတ်ႉ ၵူႈလွင်ႈပဵၼ်ၶွင်လူင် ၵၢၼ်ၵူႈၵၢၼ် ၶူဝ်းၵူႈမဵဝ်း တေလႆႈၽေမႅင်ႇၵၼ် ၵူၼ်းၵူႈၵေႃႉၽဵင်ႇပဵင်းၵၼ် ဢမ်ႇမီးသႃႇသၼႃႇ ဝႃႇတၶွမ်ႇမျူႇၼိတ်ႉၼႆႉတႄႇမႃးတီႈ ၵူၼ်းမိူင်းလုၵ်ႉၽိုၼ်ႉပႅတ်ႈၶုၼ်ႁေႃၶမ်းသေဢုပ်ႉမိူင်းၼၼ်ႉယဝ်ႉ။ ဝႃႇတ ၶွမ်ႇမျူႇၼိတ်ႉၼႆႉ ၽႄႈလၢမ်းၵႂႃႇ မိူင်းၶႄႇ ၵူဝ်းရီးယႃး လႄႈ ဢိၼ်ႇတူဝ်ႇသျႆၢးၼႃးၸိူဝ်းၼႆႉ။ ၽႆၢႇတၢင်းဢမေႇရိၵၼ်ႇၶဝ်ၵေႃႈၵူဝ်ဝႃႈ ဝႃႇတၶွမ်ႇမျူႇၼိတ်ႉ တေၸၢင်ႈဢုပ်ႉၵမ်ႇၽႃႇၼႆလႄႈ ၶတ်းၸႂ် ၶတ်းၶႂၢင်ယူႇယဝ်ႉ။ ၸိူင်ႉၼင်ႇ ၽေၵူဝ်းရီးယႃးပဵၼ်ပွတ်းႁွင်ႇပွတ်းၸၢၼ်းသေဢုပ်ႉပိူင်ႇ ပွတ်းႁွင်ႇၶွမ်ႇမျူႇၼိတ်ႉ ပွတ်းၸၢၼ်းၻီႇမူဝ်ႇၶရေႇသီႇ။ မိူင်းၶႄႇတႄႉ ၶႄႇလႅင်ၶွမ်ႇမျူႇၼိတ်ႉဢုပ်ႉလႆႈမူတ်းလႄႈ ၶႄႇၽိူၵ်ႇ လႆႈပႆၢႈၵႂႃႇယူႇ ထႆႇဝၼ်ႇ။ မိူင်းဝႅတ်ႉၼၢမ်းၵေႃႈထုၵ်ႇမႅင်ႇပဵၼ်သွင်တွၼ်ႈ ပွတ်းႁွင်ႇပွတ်းၸၢၼ်း ၵူၺ်းဝႅတ်ႉၼၢမ်းၼိူဝ်ဢမ်ႇယွမ်းလႄႈ တိုၵ်းလူင်းၵႂႃႇလႆႈဝႅတ်ႉၼၢမ်းတႂ်ႈပႃး ၾရႅၼ်ႉတိုၵ်းဢမ်ႇလႆႈၵေႃႈ ပၼ်ဢမေႇရိၵၼ်ႇသူင်ႇသိုၵ်းၶဝ်ႈမႃးတိုၵ်း။ ယၢမ်းၼၼ်ႉဝႃႇတၶွမ်ႇမျူႇၼိတ်ႉလႆႈတၢင်းၸွႆႈထႅမ်သွင်တီႈၸူဝ်းဝဵတ်ႉ ၵူၺ်းၵႃႈဝႆၢးသတႃးလိၼ်း ၽူႈဢွၼ်ႁူဝ်ၸူဝ်းဝဵတ်ႉတႆၢယဝ်ႉ ၶႄႇလႄႈၸူဝ်းဝဵတ်းၵေႃႈဢမ်ႇပေႃးမႅၼ်ႈၵၼ်။ ၶဵၼ်ၶွင်ၶဵၼ်ၼႆႉပဵၼ်ဢူၺ်းလီၼႆလႄႈ 1970ပႆၢၼၼ်ႉ ဢမေႇရိၵၼ် ဢၼ်မီးရီးသျၢတ်ႉ ၼိၵ်ႉသၼ် ပဵၼ်ၸွမ်ၸိုင်ႈၼၼ်ႉ သူင်ႇၽွင်းၶဵဝ် ၵႂႃႇဢုပ်ႇၵုမ်တင်းၶႄႇလႄႈ ၶႄႇၵေႃႈပိုတ်ႇဝၢၼ်ႈမိူင်းၵႃႉၶႆၢတင်းမိူင်းဝၼ်းတူၵ်း ၶၢဝ်းတၢင်းမွၵ်ႈသၢဝ်းပီၼႆႉၵူၺ်း ၸူဝ်းဝဵတ်ႉၵေႃႈၺႃးမိပ်ႇငႅၼ်းလွင်ႈၵႃႉၶႆၢပႆၢးမၢၵ်ႈမီးၵျၢမ်းၼႃႇလႄႈ ပီ1989ၵေႃႈၸင်ႇတႅၵ်ႇပဵၼ်ရတ်ႉသျႃးလႄႈ မိူင်းဢွၼ်ႇလႆၢမိူင်းယူႇ ၼႂ်ႈၼၼ်ႉပႃးမိူင်းယူႇၶရဵၼ်းဢၼ် ရတ်ႉသျႃးတိုၵ်ႉဢဝ်ယူႇမိူဝ်ႈလဵဝ်။ ၼႂ်းၵၢၼ်ႁူမ်ႈမိုဝ်းတင်းဢမေႇရိၵၼ်ႇၼၼ်ႉ ၶႄႇလႆႈသုၼ်ႇလႆႈလႄႈၼမ်ႉတွၼ်းၽွၼ်းလီၼႂ်းၵၢၼ်ၵႃႉၶႆၢတင်းၼမ်တင်းလႆၢ။ ဝႃႈတႄႉၶွမ်ႇမျူႇၼိတ်ႉၼႆႉ ၶဝ်မီးဝႃႇတဢၼ် လူင်ပွင်ၸိုင်ႈၵူၼ်းမိူင်းဢုပ်ႇပိူင်ႇမူတ်းမူတ်း ၵူၺ်းၵႃႈၵၢၼ်ပိုတ်ႇမိူင်းၵႃႉၶႆၢၸူးဢမေႇရိၵၼ်ႇၼႆႉ မိူၼ်ၵၼ်တင်းၵၢၼ်ယႃႉပႅတ်ႈဝႃႇတၶွမ်ႇမျူႇၼိတ်ႉၼႆႉယဝ်ႉ။ ၵူၺ်းၽူႈဢွၼ်ႁူဝ်ၶႄႇ ယၢမ်းၼၼ်တႄႉဝႃႈ မႅဝ်းၼႆႉလူဝ်ႇမေႃၺွပ်းၼူၵူၺ်းၼႆ။ ဝႆၢးပိုတ်ႇမိူင်းယဝ်ႉ ၶႄႇၵေႃႈမီးသုၼ်ႇၵႃႉၶႆၢ သိုဝ်ႉၶဝ်ႈ ၶႆၢဢွၵ်ႇလႄႈ ႁဵၼ်းႁႂ်ႈမၢၵ်ႇမီးလီပဵၼ်မႃးတႄႉတႄႉ ထိုင်မႃးပီ2010ၼႆႉ ၿႃးရၵ်း ဢူဝ်ႇပႃးမႃး ၶိုၼ်ႈမႃးပဵၼ်ၸွမ်ၸိုင်ႈဢမေႇရိၵၼ်ႇလႄႈ တေႇၸႁၼ်ၶဝ်ၸၼ်ဢဝ်ရတ်ႉသျႃး ၶဝ်မႃးၶိုၼ်းၼႂ်ႈၵၢတ်ႇၵႃႉၶႆၢယူႇ ၻူဝ်ႇၼူဝ်ႇထရမ်ႉ ၶိုၼ်ႈမႃးယဝ်ႉမၼ်းႁၼ်ဝႃႈၶႄႇၼႆႉ လႆႈၼမ်ႉမျၢတ်ႈၼမ်ႉတွၼ်းၼိူဝ်ၵၢၼ်ၵႃႉၶႆၢတေႃႇဢမေႇရိၵၼ်ႇ တင်းၼမ်တင်းလႆၢ ယၼ်ႉၼၼ်လႄႈ ၸင်ႇလႆႈတင်ႈႁူဝ်ႉၶွၼ်ႇတေႃႇၶႄႇယူႇယဝ်ႉ။ ၶၢဝ်ႇငၢဝ်းဝၼ်းမိူဝ်ႈၼႆႉယိၼ်းဝႃႈ ဢမေႇရိၵၼ်ႇ ၶိုၼ်ႈၶွၼ်ႇတေႃႇၶႄႇ 145% ၽႆၢၶႄႇၵေႃႈဢမ်ႇယွမ်း ၶိုၼ်ႈတေႃႇဢမေႇရိၵၼ် 125%ယဝ်ႉၼႆ။ ၵၢၼ်ၶိုၼ်ႈၶွၼ်ႇ ၼႆႉသမ်ႉတေလႆႈၽွၼ်းလီၸိူင်ႉႁိုဝ်ၼႆ မၼ်းတေႁဵတ်းႁႂ်ႈၶူဝ်းၵုၼ်ႇၼၼ်ႉ ၵႃႈၶၼ်မၼ်းသုင်ၶိုၼ်ႈ ထိုင်တီႈဢမ်ႇမီးၵူၼ်းသိုဝ်ႉ ပေႃးဢမ်ႇမီးၵူၼ်းသိုဝ်ႉ ပိူၼ်ႈၵေႃႈတေဢမ်ႇသူင်ႇၶႆၢၼႂ်ႈမိူင်းၶဝ် ႁဵတ်းႁႂ်ႈ ၶူဝ်းၵုၼ်ႇၼၼ်ႉ ၶႆၢဢမ်ႇဢွၵ်ႇ။ ဢမေႇရိၵၼ်ႇၵေႃႈလၵ်းလိင်း ၸဵမ်မိူဝ်ႈဝႆၢးသိုၵ်းၵမ်ႇၽႃႇပွၵ်ႈသွင် ၼၼ်ႉ ၶဝ်ဢဝ်ငိုၼ်းတေႃႇလႃႇပၼ်ပိူၼ်ႈႁိမ်တႃႇပူၵ်းပွင်ဝၢၼ်ႈမိူင်း လႄႈ တႃႇႁႂ်ႈငိုၼ်းတေႃႇလႃႇၽေႈမႃးၼၼ်ႉ ၼႂ်းၵၢၼ်သိုဝ်ႉၶႆၢၼမ်ႉမၼ်းၵၼ်ၼၼ်ႉၵေႃႈႁႂ်ႈၸႂ်ႉၻေႃႇလႃႇၼႆ။ ၼႂ်းၵႃႈၶွၼ်ႇဢၼ် ဢမေႇရိၵၼ်ႇၶိုၼ်ႈၶႄႇၼႆႉၼမ်လိူဝ်ပိူၼ်ႈယဝ်ႉ ၵူၺ်းၵႃႈၽူႈၶဵၼ်ၵဝ်ႇ ဢမေႇရိၵၼ်ၸိူင်ႉၼင်ႇရတ်ႉသျႃးသမ်ႉဝႃႈ ဢမ်ႇၺႃးၶွၼ်ႇသေဢိတ်းၼႆ လႅပ်ႈတေလၢမ်းလႆႈယဝ်ႉၵႂႃႈၼေႃႈ။ ပၼ်ႁႃလူင်ထႅင်ႈဢၼ်ၵေႃႈ ဢမေႇရိၵၼ်ႇၶႂ်ႈပၼ်ႁႅင်းၶႄႇၽိူၵ်ႇၶိုၼ်း တႃႇမိပ်ႇၶႄႇလူင်း သင်ဝႃႈၶႄႇလႄႈဢမေႇရိၵၼ်ႇႁိမ်ၵၼ်ထႆႇဝၼ်ႇ ၼႆ ဢၼ်ၶႄႇဢမ်ႇမီးဢမ်ႇပဵၼ်ၼႆႉ ပဵၼ်ၼမ်ႉမၼ်းယဝ်ႉ ပေႃးဢမ်ႇမီးၼမ်ႉမၼ်ႉၶိူင်ႈၸၢၵ်ႈၵေႃႈဢမ်ႇၼိုင်လႆႈ မေႃႇၼမ်ႉမၼ်းဢၼ်ၸမ်လႄႈ လႅပ်ႈတေၶႆၢပၼ်ၶႄႇၼၼ်ႉၵေႃႈပဵၼ်မေႃႉၼမ်ႉမၼ်းၼႂ်းရၶႅင်ႇၼႂ်းမိူင်းမၢၼ်ႈၼၼ်ႉယဝ်ႉ။ ၵွပ်ႈၼၼ် ၶႄႇၵေႃႈဢမ်ႇတမ်းၸႂ်မၢၼ်ႈ ဢမ်ႇတမ်းၸႂ်ၶူဝ်းလႆၢးလႄႈ ၵႃႈလႆႈပၼ်ႁႅင်းမႁႃႇမိၵ်ႈၶဝ်ပွတ်းႁွင်ႇထိင်းသဵၼ်ႈတၢင်းၼမ်ႉၶမ်းထိုင်ရၶႅင်ႇယူႇ။ ၽႆၢႇမၢၼ်ႈၵေႃႈလၵ်း ၽိူဝ်ႇႁၼ်ဢမေႇရိၵၼ်ႇ ပိၼ်ႇၽႆၢႇၶဝ်ႈႁႃရတ်ႉသျႃးယဝ်ႉၼႆၵေႃႈ မိၼ်းဢွင်ႇလႆၢႇ ၵႂႃႇႁူပ်ႉထူပ်းပူးတိၼ်းၵမ်းလဵဝ်။ ၶႄႇတေပေႉႁ ဢမေႇရိၵၼ်ႇတေပေႉႁ ဢမ်ႇႁူႉလႆႈ ဢၼ်ယူႇၵၢင်သေပေႉဝႆႉတႄႉပဵၼ်ရတ်ႉသျႃးယဝ်ႉ။ ၶႄႇတင်းဢမေႇရိၵၼ်ႇၼႆႉ ၽႂ်ပိုင်ႈဢိင်တူဝ်ၵဝ်ႇလႆႈ ပဵၼ်တီႈပိုင်ႈၶွင်ပိူၼ်ႈလႆႈၼႆၵေႃႈ ၸင်ႇတေပဵၼ်ၽႆၢႉပေႉယဝ်ႉ။ ၸိူင်ႉႁိုဝ်ၵေႃႈလီ ၵမ်းလိုၼ်းၼႆႉ ဢမ်ႇဝႃႈမိူဝ်းၼႃႈတေပဵၼ်ႁိုဝ်မႃး ၵေႃႈယဝ်ႉတႃႇလုၵ်ႈလၢၼ်ႁဝ်းႁႃး ၸိူဝ်ႉၶိူဝ်းႁဝ်းႁႃး မိူဝ်းၼႃႈတႄႉ လူဝ်ႇမီးၽႅၼ်လိၼ်ပၼ်ၶဝ်ၵိူတ်ႇပၼ်ၶဝ်ယူႇယူႇဢိူဝ်ႈ။ မီးၽႅၼ်ႇလိၼ်ပၼ်ၶဝ်ယဝ်ႉ တႃႇႁႂ်ႈပေႃးပိုင်ႈဢိင်တူဝ်ၵဝ်ႇလႆႈၼၼ်ႉ ၵူၼ်းၼိုင်ႈၵေႃႉ ၼႃႈႁိူၼ်းၼိုင်ႈႁိူၼ်း ဝၢၼ်ႈၼိုင်ႈဝၢၼ်ႈ ဝဵင်းၼိုင်ႈဝဵင်း မိူင်းၼိုင်ႈလုၵ်ႈ ၼႆႉ လူဝ်ႇလႆႈမီးတၢင်းႁူႉၼႂ်းလွင်ႈသုၼ်ႇလႆႈသုၼ်ႇပဵၼ်လႄႈ ၼႃႈတီႈၸဝ်ႈၵဝ်ႇယဝ်ႉ။ ၽေးမိူဝ်းၼႃႈၼႆႉ တေဢမ်ႇၸႂ်ႈမၢၵ်ႇၵွင်ႈမဵဝ်းလဵဝ် ၵူၺ်းတေမႃး ၸိူဝ်ႉမႅင်းတၢင်းပဵၼ် ၽေးသၽႃႇဝ လွင်ႈဢိုပ်းယၢၵ်းၸိူဝ်းၼႆႉ တၢင်းဢွၵ်ႇမၼ်းတႄႉ ပိုင်ႇဢိင်တူဝ်ၵဝ်ႇႁႂ်ႈလႆႈလႃႈ ၽုၵ်ႇၵိၼ်ၵူၺ်း ၶူဝ်းယဵပ်ႉၵူၺ်း မီးၵုမ်ႇမၼီႇႁဵတ်းဢွၵ်ႇဢၼ်လူဝ်ႇၸႂ်ႉၼႂ်းမိူင်းႁဝ်းၵူၺ်းၼႆတႄႉ တေပူၼ်ႉလွတ်ႈပၢၼ်ၶႃႈယူႇ။ တႅမ်ႈ ၶေႃႁွၵ်ႇ Photo crd. | ['ပွင်ႈၵႂၢမ်း'] |
2025-05-04T07:18:57 | https://tainovel.com/%e1%80%90%e1%80%ad%e1%80%af%e1%81%bc%e1%80%ba%e1%82%87%e1%80%9c%e1%82%85%e1%80%84%e1%80%ba%e1%80%b8-%e1%80%90%e1%80%bd%e1%81%bc%e1%80%ba%e1%82%88%e1%80%9e%e1%80%ad%e1%80%95%e1%80%ba%e1%80%b8/ | တိုၼ်ႇလႅင်း တွၼ်ႈသိပ်း | ၶမ်းႁွမ်ၵေႃႈမႃးယူႇႁိုင်ၼႃႇယဝ်ႉ ဢမ်ႇႁၼ်ဝႃႈ ပိူၼ်ႈတေႁဵတ်းပၢင်ၽိုၵ်းၽွၼ်ႉသေပွၵ်ႈလႄႈ လႆႈႁဵတ်းၸွႆႈၵၢၼ်သႅင်ၽွင်းယူႇၵူႈဝၼ်းၵူၺ်း ထၢမ်တူၺ်းသႅင်ၽွင်းမိူဝ်ႈလႂ်ၵေႃႈ လၢတ်ႈဝႃႈ “ႁဵတ်းတႄႉႁဵတ်းယူႇဢမ်ႇပႆႇလႆႈၶေႃႈတႅပ်းတတ်းဝႃႈတေပဵၼ်မိူဝ်ႈလႂ်” ၼႆတႃႇသေႇ။ ဝၼ်းၼိုင်ႈၶမ်းႁွမ်ၵေႃႈ လႆႈၵႂႃႇထၢမ်တူၺ်းထႅင်ႈတၢင်ႇၵေႃႉလႄႈ လႆႈႁူႉလွင်ႈတၢင်းသေ ၸင်ႇတေႁူႉဝႃႈၼႂ်းသီႇလိူၼ်ပုၼ်ႉၸင်ႇတေႁဵတ်းၼႆယူႇ ၶမ်းႁွမ်ၵေႃႈ ဢမ်ႇၶႂ်ႈယူႇသဵင်ႈၶၢဝ်းယၢမ်းပဵၼ်လိူၼ်ပဵၼ်လိူၼ် လူၺ်ႈတီႈဢမ်ႇမီးၵၢၼ်သင် ၵွမ်ႉၵႃႈလႆႈၸွႆႈသႅင်ၽွင်းဢိတ်းဢိတ်းၵူၺ်းၼၼ်ႉ ဢမ်ႇၶႂ်ႈပဵၼ်ၼႆလႄႈ လႆႈၵႂႃႇဢုပ်ႇဢူဝ်းတူၺ်းတီႈသႅင်ၽွင်းသေ ၸႂ်လမ်ၵေႃႈပႃးၽွင်ႈလႄႈ လႆႈၶိုၼ်ႈသဵင်တေႃႇဢိတ်းၼိုင်ႈယဝ်ႉ။ “သႅင်ၽွင်း!..ပဵၼ်သင်လႄႈဢမ်ႇလၢတ်ႈၵၼ်ဢမ်ႇသပ်းလႅင်းၼႄၵၼ်တႅၵ်ႇလႅင်းလႃႇႁဝ်းၵေႃႈတေပွင်ႇၸႂ်ယူႇဢမ်ႇၸမ်ပဵၼ်တေလႆႈလႅၼ်ၵၼ်ၵေႃႈလႆႈႁဝ်းၵေႃႈၵေႃႉယႂ်ႇယဝ်ႉလူးသူမီးလွင်ႈသင်ၼႆၵေႃႈလၢတ်ႈၼႄႁဝ်းၵွၼ်ႇဢမ်ႇလႆႈႁႃႉ” “ၵေႃႈလႆႈဢွၼ်တၢင်းတေလၢတ်ႈႁဝ်းယွမ်းၼွမ်းယူႇဢၼ်ပူၼ်ႉမႃးႁဝ်းဢမ်ႇယၢမ်ႈသပ်းလႅင်းၼႄသူၵူၺ်းၵႃႈလွင်ႈတၢင်းဢၼ်ႁဝ်းဢမ်ႇၶႂ်ႈလၢတ်ႈၼႆႉႁဝ်းၵူဝ်သူၶႂ်ႈမိူဝ်းၵူဝ်သူၸႂ်ထိုင်ႁိူၼ်းယွၼ်ႉမႃးယူႇတီႈၼႆႈၼႆႉမၼ်းဢမ်ႇမိူၼ်ယူႇတီႈႁိူၼ်းယဝ်ႉၵေႃႈႁဝ်းၶႂ်ႈႁွင်ႉသူမႃးလႄႇပွႆးလႄႈၶႂ်ႈႁႂ်ႈသူလႆႈႁၼ်ပွႆးႁဝ်းႁူႉဝႃႈပွႆးလႄႈတၢင်းပၢင်ၽိုၵ်းၽွၼ်ႉၼႆႉမၼ်းယင်းတိုၵ်ႉၵႆၵၼ်ယူႇၵူဝ်သူယွၼ်းမိူဝ်းပႅတ်ႈဢွၼ်တၢင်းလႄႈဢမ်ႇလႆႈလၢတ်ႈၵႃႈၼႆႉၵူၺ်းၼင်ႇၵဝ်ႇ” “ သူဢမ်ႇဝူၼ်ႉဝႃႈႁဝ်းတေသုမ်းၶၢဝ်းယၢမ်းၽွင်ႈႁ” “ႁဝ်းၵေႃႈၶတ်းၸႂ်ႁႃပၼ်ၵၢၼ်သူယူႇဢၢၼ်းတေလၢတ်ႈၼႄသူၶမ်ႈၼႆႉယဝ်ႉပိူၼ်ႈတေၸတ်းႁဵတ်းပၢင်သွၼ်ၶွမ်းၼႆဢိူဝ်ႈပၢင်သွၼ်ၵေႃႈတေႁိုင်ယူႇမွၵ်ႈၼိုင်ႈလိူၼ်ၼႆႉယဝ်ႉတေသွၼ်ၵဵဝ်ႇၵပ်းလွင်ႈၶွမ်းယူႇလၢႆၸိူဝ်ႉလၢႆလွင်ႈၼၼ်ႉယဝ်ႉပေႃးသူသူၼ်ၸႂ်ၶႂ်ႈလဵပ်ႈႁဵၼ်းၼႆႁဝ်းတေလႆႈသႂ်ႇပၼ်သၢႆမၢႆၼၼ်ႉၼႃႇ” ၶမ်းႁွမ်ဝႆႉၸႂ်ယဵၼ်လူင်းယဝ်ႉ “ၵေႃႈလႆႈယူႇႁဝ်းတေၶိုၼ်ႈၸွမ်းပိူၼ်ႈ” ၶမ်ႈၶိုၼ်းလပ်းသိင်ႇ လႅင်းမိူင်းၵေႃႈလႆႈၵႂႃႇႁူပ်ႉထူပ်းၵူၼ်းလူင်ၶဝ်မႃး မိူဝ်ႈႁွတ်ႈမႃးၶိုၼ်းၼၼ်ႉပႃးလူၺ်ႈသီၼႃႈဢမ်ႇလီသေဢိတ်း သင်ႇႁႂ်ႈလုၵ်ႈၼွင်ႉမၼ်းသိမ်းၶူဝ်းသေဢွၵ်ႇၵႂႃႇပႅတ်ႈယူႇ။ ၼႂ်းၶမ်ႈၶိုၼ်းလိုၵ်းယဵၼ် သဵင်လူတ်ႉမေႃးမႃးမိူဝ်ႈၽွင်းၼွၼ်းယဵၼ်ယူႇလႄႈ သဵင်ၵိုတ်းယဵၼ်ၵႂႃႇၼႃႈႁူင်းသဝ်းၶမ်းႁွမ်ၶဝ်ၼၼ်ႉယဝ်ႉ။ ယၢမ်းၼၼ်ႉသဵင်ၾူၼ်းၶမ်းႁွမ်ၵေႃႈလင်မႃးၵမ်းလဵဝ် တင်းၶႂ်ႈၼွၼ်းသေ လၢမ်းလၢမ်းႁပ်ႉၵႂႃႇယူႇ။ “ၶမ်းႁွမ်!” “မီးလွင်ႈသင်လႃႇသိုပ်ႇမႃးၵၢင်ၶိုၼ်းၸိူင်ႉၼႆ” “ႁဝ်းယွၼ်းၶၢဝ်းယၢမ်းထူပ်းသူၵမ်းၼိုင်ႈၸွင်ႇလႆႈ!” တင်းသဵင်ဢၼ်မွင်ၸႂ်ၼၼ်ႉယူႇ။ “သူမီးယူႇတီႈလႂ်” “ႁဝ်းမႃးမီးယူႇတၢင်းၼႃႈႁူင်းသဝ်းယဝ်ႉ” ၶမ်းႁွမ်ၶုၼ်ႇလုၵ်ႉမႃးၸၵ်ႉဢဝ်သိူဝ်ႈသွၼ်ႉၼုင်ႈသေ ၼႅတ်ႈလႅၼ်ႈဢွၵ်ႇၽၵ်းတူယဝ်ႉ။ လႆႈႁၼ်လႅင်းမိူင်းၼင်ႈငဝ်ယူႇတီႈလူတ်ႉမၼ်းၼၼ်ႉလႄႈ ၶမ်းႁွမ်ပႆၵႂႃႇၸူးလွႆးလွႆးသေ “ၵတ်းပေႃးတၢၼ်ႇၼၼ်ႉမႃးၼင်ႈထွင်ႇလူမ်းထႅင်ႈယဝ်ႉ” “ႁဝ်းယွၼ်းၶၢဝ်းယၢမ်းဢိတ်းၼိုင်ႈၵူၺ်းၵမ်ႉၵေႃႈယဝ်ႉယဝ်ႉ” “သူတေယွၼ်းၶၢဝ်းယၢမ်းႁိုင်ၵႃႈႁိုဝ်ၵေႃႈဢမ်ႇပဵၼ်သင်ယဝ်ႉသူမီးလွင်ႈသင်တေႉလႃႇတူၺ်းႁိပ်ႈၼႅတ်ႈတေႉယဝ်ႉ” “မိူဝ်ႈၽုၵ်ႈႁဝ်းတေလႆႈၵႂႃႇယဝ်ႉ” ၼႂ်းၸႂ်ၼၼ်ႉၵေႃႈၵိုင်ႉၵၢင်ႉမိူၼ်ၾႃႉၽႃႇမႃးၵမ်းလဵဝ် တႃႇတေၸုၵ်းတမ်းၼိူဝ်လိၼ်ၼၼ်ႉၵေႃႈမိူၼ်တေဢမ်ႇမီးႁႅင်းယဝ်ႉ သဵင်ႁွင်ႉႁႆႈၼၼ်ႉၵေႃႈလင်ဢွၵ်ႇမႃးယူႇၼႂ်းႁူဝ်ၸႂ် ႁၢမ်ႈပေႃးဢမ်ႇလႆႈယဝ်ႉ။ ၵူၺ်းၵႃႈၽၢင်ႁၢင်ႈဢၼ်ႁၼ်ယူႇၼၼ်ႉတႄႉ ဢမ်ႇဢွၵ်ႇမႃးႁႂ်ႈလႅင်းမိူင်းႁၼ်လႆႈၼင်ႇၵဝ်ႇ ၶမ်းႁွမ်ပႆႇၸၢင်ႈတွပ်ႇသင်ၶိုၼ်း ယဵၼ်ၵႂႃႇၵႅပ်ႉၼိုင်ႈသေ ႁွမ်ႁႅင်းတႃႇတေလၢတ်ႈယဝ်ႉ။ “လၢတ်ႈမွၵ်ႈၼႆႉၵူၺ်းလၢတ်ႈၼႂ်းၾူၼ်းၵေႃႈလႆႈတေၶၢမ်ႇယၢပ်ႇႁဵတ်းသင်” “ႁဝ်းၶႂ်ႈမႃးႁၼ်ၼႃႈသူၸူဝ်ႈၵႃႈတေၽၢတ်ႇၵႂႃႇႁဝ်းဢမ်ႇႁူႉဝႃႈတေလႆႈထူပ်းသူထႅင်ႈမိူဝ်ႈလႂ်” “ႁဝ်းဢမ်ႇထုၵ်ႇလီထူပ်းၵၼ်ထႅင်ႈယဝ်ႉ” ၶေႃႈၵႂၢမ်းၼၼ်ႉၸူၵ်ႉမႃးထိုင်ၼႂ်းဢူၵ်းမၢၵ်ႇႁူဝ်ၸႂ်လႅင်းမိူင်း ပေႃးၶႂ်ႈလႅဝ်ၵႂႃႇမူတ်း။ “ယွၼ်ႉႁဝ်းပဵၼ်သိုၵ်းလႄႈႁူႉၵႃႈတေလႆႈႁဵတ်းၸွမ်းၼင်ႇၶေႃႈၸိသင်ႇသမ်ႉဝႃႈၶႂ်ႈႁဵတ်းၸွမ်းၼင်ႇၵၢင်ၸႂ်သေတႃႉၵေႃႈတိုၼ်းတေလႆႈႁဵတ်းၸွမ်းပုၼ်ႈၽွၼ်း..ႁဵတ်းၸွမ်းပိူင်ဢၼ်မၵ်းမၼ်ႈဝႆႉသမ်ႉဝႃႈႁဝ်းဢမ်ႇၶႂ်ႈၵႂႃႇႁဝ်းၵေႃႈတိုၼ်းတေလႆႈၵႂႃႇယဝ်ႉတွၼ်ႈတႃႇၵႅတ်ႇၶႄပၼ်သုၼ်ႇလႆႈသုၼ်ႇပဵၼ်ပေႃႈမႄႈပီႈၼွင်ႉၵူၼ်းမိူင်းႁဝ်းၽႅၼ်ႇလိၼ်ဝၢၼ်ႈမိူင်းႁဝ်းတႃႇႁႂ်ႈၸိူဝ်ႉၸၢတ်ႈဝၢၼ်ႈမိူင်းႁဝ်းပေႃးတေလႆႈယူႇၼိမ်သဝ်းၵတ်းယဵၼ်မၼ်းပဵၼ်ပုၼ်ႈၽွၼ်းႁဝ်းတေလႆႈႁဵတ်းၼၼ်ႉယဝ်ႉ” ၶေႃႈၵႂၢမ်းဢၼ်လႅင်းမိူင်းလၢတ်ႈၼၼ်ႉ ႁဵတ်းႁႂ်ႈၶုၵ်းၸႂ်လႆႈၶိုၼ်းၶေႃႈၵႂၢမ်းဢၼ်မႄႈလၢတ်ႈၼၼ်ႉဝႃႈ “သင်ယိင်းတူဝ်ထူပ်းတူၺ်းယိင်းၵေႃႈတေပွင်ႇၸႂ်ယူႇ” ႁဵတ်းႁႂ်ႈပွင်ႇၸႂ်မႃးသေ လၢတ်ႈၸူးလႅင်းမိူင်း “ႁဝ်းယွမ်းၼွမ်းယူႇ ” “ႁဝ်းပွင်ႇၸႂ်ယဝ်ႉ” ၶမ်းႁွမ်ၵေႃႈထွတ်ႇဢဝ်သိူဝ်ႈသွၼ်ႉဢၼ်ၼုင်ႈမႃးၼၼ်ႉ ယိုၼ်ႈပၼ်လႅင်းမိူင်းၵႂႃႇ တင်ႈၸႂ်ႁိုဝ်ဢမ်ႇတင်ႈၸႂ်တႄႉဢမ်ႇႁူႉ သိူဝ်ႈၼၼ်ႉလႆႈပၼ်ၶိုၼ်းတီႈၸဝ်ႈၶွင်မၼ်းယဝ်ႉ။ ၶမ်းႁွမ်ယၢင်ႈဢွၵ်ႇယၢၼ်ၵႂႃႇပႅတ်ႈလွႆးလွႆး သၢႆတႃဢၼ်ယၵ်ႉတူၺ်းၸွမ်းၽၢႆႇလင်ဢမ်ႇၽႅပ်ႉလႆႈ ၶႂ်ႈႁွင်ႉၸူး ဝၵ်ႉတၢဝ်းဢဝ်ၶိုၼ်းၵေႃႈ ပေႃးပူၼ်ႉၵႆၵႂႃႇယဝ်ႉ။ တေၸၢင်ႈႁဵတ်းႁိုဝ် ႁူႉၵႃႈလႆႈၵွင်လင်ဝၢႆႇၶိုၼ်းတၢင်းၵဝ်ႇၼၼ်ႉၵူၺ်း ဝၢႆးသေသဵင်လူတ်ႉဢွၵ်ႇၵႂႃႇယဝ်ႉ ၶမ်းႁွမ်ၸင်ႇလႆႈပွႆႇၼမ်ႉတႃဢၼ်ၵၼ်ႈဝႆႉတၢင်းႁိုင်ၼၼ်ႉဢွၵ်ႇမႃးယဝ်ႉ။ တႃႇတေပိုတ်ႇၸႂ်ပၼ်ၽႂ်သေၵေႃႉၵေႃႉၼၼ်ႉမၼ်းဢမ်ႇငၢႆႈငၢႆႈ မၢင်မဵဝ်းမၼ်းတေဢမ်ႇပဵၼ်လႆႈၼႆၵေႃႈ ၶႂ်ႈၸၢမ်းတူၺ်းလႄႈ မုင်ႈမွင်းလွင်ႈဢၼ်တေၸၢင်ႈပဵၼ်လႆႈၼၼ်ႉယူႇ။ ၶတ်းၸႂ်ၶဝ်ႈၸႂ်၊ ၶတ်းၸႂ်ပွင်ႇၸႂ်၊ ၶတ်းၸႂ်ယွမ်းႁပ်ႉဢၼ်တေပဵၼ်ၵႂႃႇဢမ်ႇလႆႈ၊ ယွမ်းပွႆႇဝၢင်း၊ ယွမ်းၶတ်းၶႂၢင်တူၺ်း ၵူၺ်းၵႃႈ လွင်ႈဢၼ်လႆႈႁပ်ႉၶိုၼ်းၵေႃႈလွင်ႈၽၢတ်ႇယၢၼ် လွင်ႈၽၢတ်ႇယၢၼ်ဢၼ်ဢမ်ႇၶႂ်ႈထူပ်း ဢၼ်ၶတ်းၸႂ်ယႃႇႁႂ်ႈမၼ်းပဵၼ်မႃးၼႆၼၼ်ႉ ဝၼ်းမိူဝ်ႈၼႆႉၵေႃႈမႃးထိုင် တေမီးသင်ဢၼ်ႁဵတ်းႁႂ်ႈၸၼ်ၶဝ်ဝႆႉလႆႈလႃႇ မၢၵ်ႇႁိၼ်ၼၼ်ႉယႂ်ႇယူႇသေတႃႉ ႁိုဝ်တေပႄႉႁႅင်းမႄႈလဵၵ်းလႆႈ။ ၵွပ်ႈပဵၼ်သိုၵ်း ၵွပ်ႈပီႈပဵၼ်သိုၵ်းလႄႈ ၼႂ်းၵႄႈႁႃးၼၼ်ႉပဵၼ်လႆႈဢူၺ်းၵေႃႉၵူၺ်းႁိုဝ် ၵွပ်ႈပီႈပဵၼ်သိုၵ်းလႄႈ ႁိုဝ်ဝႄႈလႆႈလွင်ႈၽၢတ်ႇယၢၼ် ၵွပ်ႈပီႈပဵၼ်သိုၵ်းလႄႈ ဢမ်ႇၸၢင်ႈတူၺ်းထိုင်သူလႆႈၼင်ႇဢၢင်ႈဢၢၼ်း ၵွပ်ႈပီႈပဵၼ်သိုၵ်းလႄႈ ႁူႉလႆႈယူႇၼႂ်းၵႄႈၽေးၶဵၼ် ၵွပ်ႈပီႈပဵၼ်သိုၵ်းလႄႈ ဢမ်ႇမီးပၼ်သူလႆႈႁႂ်ႈတဵမ်ထူၼ်ႈပဵင်းပေႃး ၵွပ်ႈပီႈပဵၼ်သိုၵ်းလႄႈ ႁၵ်ႉယူႇၵေႃႈတေႃႈႁိုဝ်တေပၼ်လႆႈလွင်ႈဢုၼ်ႇၸႂ် ၵွပ်ႈပီႈပဵၼ်သိုၵ်းလႄႈ ႁူႉၵႃႈတေလႆႈႁဵတ်းၸွမ်းၼႃႈၵၢၼ်ပုၼ်ႈၽွၼ်း ၵွပ်ႈပီႈပဵၼ်သိုၵ်းလႄႈ ပီႈတေဝႄႈပၼ်တၢင်းႁႂ်ႈသူၼွင်ႉလႆႈထူပ်းၵူၼ်းလီလီသေၵမ်းၼႃႈ။ လႅင်းမိူင်း သိုပ်ႇလူထႅင်ႈတွၼ်ႈတေမႃးၶႃႈ။ | ['ၸိူင်းတိုၵ်း', 'ၸိူင်းတၢင်းႁၵ်ႉ'] |
2025-05-03T07:16:58 | https://tainovel.com/%e1%80%90%e1%80%ad%e1%80%af%e1%81%bc%e1%80%ba%e1%82%87%e1%80%9c%e1%82%85%e1%80%84%e1%80%ba%e1%80%b8-%e1%80%90%e1%80%bd%e1%81%bc%e1%80%ba%e1%82%88%e1%81%b5%e1%80%9d%e1%80%ba%e1%82%88/ | တိုၼ်ႇလႅင်း တွၼ်ႈၵဝ်ႈ | ယၢမ်းႁူဝ်ၶမ်ႈ လူမ်းထွင်းယဵၼ်ယဵၼ်တွင်ႉၾႃႉၸိုၼ်ႈသႂ် ၶမ်းႁွမ်လႄႈသႅင်ၽွင်းၵေႃႈၸူဝ်းၵၼ်ဢွၵ်ႇႁႅင်းပႆလဵၼ်ႈၼႆယူႇ လုၵ်ႉတီႈႁူင်းႁဵၼ်းသေၶိုၼ်ႈလူင်မႃးတၢင်းဝၢၼ်ႈယဝ်ႉ သိုပ်ႇၵႂႃႇတၢင်းပၢင်ႇတီႈပိူၼ်ႈႁဵတ်းပွႆးၼၼ်ႉလႄႈ ဢမ်ႇမီးပွႆးယဝ်ႉ တီႈၼၼ်ႈၵေႃႈ ပဵၼ်ပၢင်ႇပဵင်းၵႂၢင်ႈ ႁႅင်ႈႁွင်ႁွင်ဝႆႉၵူၺ်း။ ပႆလႄႇလဵပ်ႈတူၺ်းႁုၼ်ႇႁၢင်ႈၸဝ်ႈသိူဝ်ၶၼ်ႇၾႃႉလႄႈ ၸဝ်ႈၵွၼ်းၸိူင်းၼၼ်ႉသေယဝ်ႉ ဢွၼ်ၵၼ်ၼင်ႈလိုဝ်ႈႁိူဝ်ႉၵၼ်ယူႇတၢင်းတူၵ်းၼၼ်ႉသေ သီငဝ်းတႃဝၼ်းၵေႃႈလိူင်ႁိူဝ်ႈၵႂႃႇလွႆးလွႆး တၢင်းႁၢင်ႈလီမၼ်းၼၼ်ႉ သမ်ႉပေႃးလႆႈဢဝ်ၾူၼ်းမႃးထႆႇယဝ်ႉ။ “ၶမ်းႁွမ်!..မႃးလႄႈႁဝ်းထႆႇပၼ်သူ” ၶမ်းႁွမ်ၵေႃႈဢဝ်ၾူၼ်းမၼ်းပၼ်သႅင်ၽွင်းသေ သႅင်ၽွင်းႁႂ်ႈမၼ်းဝၢႆႇလင်ၵႂႃႇတူၺ်းၵၢင်ဝၼ်းတူၵ်းၼၼ်ႉသေယဝ်ႉ သၢႆႁိူဝ်ႈလႅင်းလုၵ်ႈတႃဝၼ်း တွၵ်ႈဢဝ်တူဝ်ၵူၼ်းသမ်ႉပေႃးလမ်ၽိတ်းၽိတ်း ႁၼ်ပဵၼ်ငဝ်းဝႆႉ ႁၼ်ဢဝ်ႁၢင်ႈႁုၼ်ႇၶမ်းႁွမ် တူဝ်ၶိင်းယွမ်သေးဢႅဝ်ၶႅဝ်ႉ ၶူၼ်ႁူဝ်တူင်ႉၼိုင်ၸွမ်း ထႆႇၶႅပ်းႁၢင်ႈဢွၵ်ႇမႃးၵေႃႈ ဢမ်ႇႁူႉဝႃႈပဵၼ်ၽႂ်သေတႃႉ ၵူၺ်းၵႃႈမၼ်းၵေႃႈႁၢင်ႈလီယူႇထႅင်ႈမဵဝ်းၼိုင်ႈၼၼ်ႉယဝ်ႉ။ “သႅင်ၽွင်းပႆႇယဝ်ႉႁႃႉ” ဝိၼ်ႇဝၢႆႇတူၺ်း ဢမ်ႇလႆႈႁၼ်သႅင်ၽွင်းယဝ်ႉ ၵူၺ်းပဵၼ်လႅင်းမိူင်း ဢၼ်ယိပ်းၾူၼ်းသေထႆႇပၼ်ၼၼ်ႉလႄႈ။ မိုင်ယၵ်ႉတူၺ်း လူၺ်ႈသၢႆတႃဢၼ်သိူဝ်းၸႂ် လေႃးပႃးလွင်ႈၸႂ်လမ်ယူႇဢိတ်းဢိတ်းၼၼ်ႉလႄႈ တေလၢတ်ႈသင်ၵေႃႈဢမ်ႇႁူႉ သမ်ႉပေႃးၵပ်ႉတိပ်ႇယူႇၼႂ်းၵူင်ၶေႃးၼၼ်ႉယဝ်ႉ။ လႅင်းမိူင်းၵေႃႈတေႃႈၼင်ႇၼၼ် ၸူမ်းသိူဝ်းၼႃႇလႄႈပေႃးဢမ်ႇၸၢင်ႈလၢတ်ႈႁိုဝ် ဝူၼ်ႉၽိတ်းတေႃႇၶဝ်လႄႈဢမ်ႇၶႂ်ႈႁတ်းလၢတ်ႈသင်ယဝ်ႉႁိုဝ်။ “သႅင်ၽွင်းၵႂႃႇလႂ်ယဝ်ႉၶႃႈ..” “မၼ်းႁႂ်ႈႁဝ်းထႆႇၶႅပ်းႁၢင်ႈပၼ်သူသေၵႂႃႇလႂ်ပႅတ်ႈယဝ်ႉဢမ်ႇႁူႉၸွင်ႇတေထႆႇထႅင်ႈႁိုဝ်” “ဢမ်ႇယဝ်ႉၶႃႈ..” လႅင်းမိူင်းဢဝ်ၾူၼ်းၶမ်းႁွမ်ယိုၼ်ႈပၼ်ၵႂႃႇယဝ်ႉ “ၼႆႉၶႃႈၾူၼ်းသူ” “ၸူမ်းယဝ်ႉၶႃႈ” “တေမိူဝ်းယဝ်ႉႁႃႉ..” “ဢမ်ႇၶႃႈ..ပႂ်ႉတူၺ်းၵၢင်ဝၼ်းတူၵ်းသေၵွၼ်ႇ..သူလူး” “ႁဝ်းၵေႃႈၶႂ်ႈႁၼ်ၵၢင်ဝၼ်းတူၵ်းလႄႈမႃးယဝ်ႉ” သွင်ၶႃၵေႃႈ ၼင်ႈၼိမ်ယဵၼ်သုတ်ႇလူမ်းၵတ်းလူမ်းယဵၼ်ၼၼ်ႉ တူၺ်းလုၵ်ႈတႃဝၼ်းတူၵ်းယူႇ၊ သမ်ႉဝႃႈ သဵင်တၢင်းၼွၵ်ႈယဵၼ်သေတႃႉ သဵင်တၢင်းၼႂ်းတႄႉၶႂ်ႈႁွင်ႉသႅၼ်ႇဢွၵ်ႇမႃးလင်လင်ၵွၼ်ႇယဝ်ႉ။ “ႁၢင်ႈလီတေႉယဝ်ႉ!!” “ၼၼ်ႉယဝ်ႉ..ႁၢင်ႈလီတေႉဢေႃႈ” “ပိူၼ်ႈဝႃႈတီႈၼႆႈ..ပေႃးၵၢင်ၶမ်ႈလပ်းသိင်ႇၼႆၽဵတ်ႇၵႆႉလွၵ်ႇၼႃႇၼႆဝႃႇ” ၶမ်းႁွမ်ယၵ်ႉတူၺ်းလႅင်းမိူင်းသေ “ပိူၼ်ႈမႃးလႄႇပွႆးတမ်ႉဢမ်ႇႁၼ်ပိူၼ်ႈဝႃႈႁၼ်ၽဵတ်ႇသေၵေႃႉလႃႈ” “မိူဝ်ႈၼၼ်ႉၵူၼ်းၼမ်ပေႉပႅတ်ႈယဝ်ႉၼႃႇ..ၵမ်းၼႆႉဢမ်ႇမီးၵူၼ်းယဝ်ႉမၼ်းၵေႃႈၶိုၼ်းမႃးၼၼ်ႉၼႃႇ..တီႈၼႆႈယၢမ်ႈမီးၵူၼ်းတၢႆႁေၼေႈ” ၼင်ႇႁၢင်ႈလူမ်းၵေႃႈႁႅင်းမႃး သဵင်ၵေႃႈၶႂ်ႈငႅဝ်မႃး တႃဝၼ်းၼၼ်ႉၵေႃႈလပ်ႉလွႆၵႂႃႇ ၵိုတ်းသီႁိူဝ်ႈလိူင်မၼ်းၼၼ်ႉၵူၺ်းယဝ်ႉ။ “ႁဝ်းတေမိူဝ်းၵွၼ်ႇယဝ်ႉ..သူယူႇတီႈၼႆႈလႄႈပေႃးၼၼ်” “ၸွမ်းတၢင်းၼၼ်ႉၵေႃႈမီးဢိူဝ်ႈတီႈမႆႉၵၢင်းၼၼ်ႉၸွင်ႇသူႁၼ်ယၢမ်ႈမီးၵူၼ်းတၢႆတီႈၼၼ်ႈၵႆႉၵႆႉႁၼ်ၶဝ်ဝႃႈပေႃးၵႂႃႇၵူၺ်းမႃးၵူၺ်းၼႆတေငိၼ်းဢၢႆတူႇၸိူဝ်းၼၼ်ႉဝႃႇ” ၶမ်းႁွမ်လိူၵ်ႇတႃတူၺ်းမၼ်းသေပႆႁၢင်ႇမၼ်းၵႂႃႇယဝ်ႉ “တေမိူဝ်းၵူၺ်းတေႉတေႉႁႃႉ” “ပေႃးၵူဝ်ၽီၵေႃႈမႃးလႄႈ..” လႅင်းမိူင်းၵေႃႈလႅၼ်ႈမႃးသေ မႃးယိပ်းဢဝ်မိုဝ်းၶမ်းႁွမ်ပႆမိူဝ်းၵႂႃႇၸွမ်းၵၼ်ယူႇယဝ်ႉ။ “ၵူၼ်းသင်လၢတ်ႈသိုဝ်ႈသိုဝ်ႈၵေႃႈဢမ်ႇပဵၼ်” “ၶႃႈၵူဝ်ဢေႃႈ..ၵူဝ်ၽီတေႉယဝ်ႉ” တင်းသီၼႃႈဢွၼ်ႈဝွၼ်းၼၼ်ႉ ႁဵတ်းတေႃႇၶမ်းႁွမ်ယဝ်ႉ။ ဢဝ်ၶမ်းႁွမ်ပေႃးၶႂ်ႈလိုမ်းႁၢင်ႈၽၢင်ၵူၼ်းသိုၵ်းဢၼ်ၵႅၼ်ႇၶႅင်မၼ်းၼၼ်ႉၵႂႃႇယဝ်ႉ ယုမ်ႉဢွၵ်ႇမႃးယူႇ။ လႅင်းမိူင်းမႃးသူင်ႇၶမ်းႁွမ်ထိုင်ၼႃႈႁူင်းသဝ်းၼၼ်ႉသေ “ၸွင်ႇတေႁႂ်ႈမိူဝ်းသူင်ႇၶိုၼ်းၼႄႇ..ၽဵတ်ႇလွၵ်ႇၸွမ်းတၢင်းသူတေႁဵတ်းႁိုဝ်” “ႁဝ်းၵူဝ်ၽဵတ်ႇလွၵ်ႇသူလိူဝ်သေမႃးလွၵ်ႇႁဝ်းၵွၼ်ႇဢိူဝ်ႈ..” “မေႃၼႃႇၼေႃ” လႅင်းမိူင်းၵေႃႈ တိုတ်ႉၼႃႈတႃမၼ်းသေယဝ်ႉ “ႁဝ်းယွမ်းၼွမ်းသူယူႇၼႃႈဝၼ်းၼၼ်ႉလႆႈပွႆႇသူဝႆႉႁင်းၵူၺ်း” “ဢိုမ်ႉ!..ပွၵ်ႈမိူဝ်းလႆႈယဝ်ႉဝႃႈမိူဝ်ႈၼႆႉၵေႃႈသူလႆႈႁပ်ႉႁဝ်းသေမႃးသူင်ႇၶိုၼ်းယဝ်ႉလူး” လႅင်းမိူင်းၵေႃႈမိူဝ်းႁႃဢၢပ်ႇၼမ်ႉဢၢပ်ႇသင်ယဝ်ႉၵေႃႈ ပိုတ်ႇၾူင်းတူၺ်းၶႅပ်းႁၢင်ႈ ဢၼ်သႅင်ၽွင်းသူင်ႇပၼ်ၼၼ်ႉ ယုမ်ႉယူႇႁင်းမၼ်း မိူဝ်ႈတိုၵ်ႉယုမ်ႉမိူၼ်ႇယူႇၼၼ်ႉ သဵင်ၾူၼ်းၵေႃႈမေႃးမႃး လႅင်းမိူင်းႁပ်ႉၵႂႃႇသေ ပႆႇတၼ်းလၢတ်ႈသင် သဵင်ၸၢႆးၶိူဝ်းၵေႃႈမေႃးမႃး “ႁဵတ်းႁင်ယူႇလႃႇယုမ်ႉပေႃးဢမ်ႇတုပ်ႇလႆႈဝႃႈ” “ၵူၼ်းမီးတၢင်းႁၵ်ႉၵေႃႈမိူၼ်ၼႆယဝ်ႉ” “သၢဝ်ၵေႃႉလႂ်ၼေႃႁဵတ်းႁႂ်ႈႁူဝ်ၼႃႈႁဝ်းပေႃးယွင်ႇၵႂႃႇၸိူင်ႉၼႆ” “လၢတ်ႈပေႃးတၢၼ်ႇဝႃႈမီးလၢႆၵေႃႉယဝ်ႉ” “ဢမ်ႇႁူႉၵဝ်ႇသႄႈပေႃးသၢဝ်သၢဝ်ၶဝ်ပၼ်မၢႆၾူၼ်းၼႆဢဝ်မႃးယူႇတႃႇသေႇလူး” “ၵူၼ်းလဝ်းၵေႃႈတေထဵင်ၶိုၼ်းယၢပ်ႇဝႆႉယူႇၵူၺ်းၵႂႃႈပေႃးဢမ်ႇဢဝ်ၵေႃႈၵမ်ႉပိူၼ်ႈတေဝႃႈလဝ်းၵေႃႈလဝ်းလၢႆလၢႆၵူၺ်းဢမ်ႇမီးၼမ်ႉၸႂ်ၼႆႁေယဝ်ႉလေႃႇ” “ၶႃႈၵႂႃႇယဝ်ႉဢဝ်ၵၢင်ၸႂ်ယူႇလႄႈ” လႅင်းမိူင်းၵိုင်ႉၵၢင်ႉႁၼ်ၾူၼ်းမၼ်း မီးယူႇၼႂ်းသၢႆၶမ်းႁွမ်ယဝ်ႉ ပေႃးတူၵ်းၸႂ်ၵႂႃႇ “ႁဝ်းတၼ်းႁပ်ႉၵႂႃႇမိူဝ်ႈလႂ်လႃႇၼႆႉငိၼ်းမူတ်းယဝ်ႉယူဝ်ႉ!!” “ၵူၼ်းလဝ်းၸိူင်ႉသူၼႆႉတေဝႆႉၸႂ်လႆႈယူႇႁလိူဝ်သေလဝ်းယဝ်ႉသမ်ႉပၢႆမီးၼမ်ႉၸႂ်သေထုၵ်ႇလီလႆႈယိၼ်းၸူမ်းယူႇယူဝ်ႉယွၼ်ႉၼမ်ႉၸႂ်လီသူသေႁဵတ်းႁႂ်ႈလႆႈမႃးထူပ်းၵၼ်ၸိူင်ႉၼႆ” “ႁူၼ်ၵႂၢမ်းၶိုၼ်းလႆႈလီတေႉယဝ်ႉၶႅၼ်ႁဝ်းယူႇၸွင်ႇၸႂ်ႈ” တေႁဵတ်းႁိုဝ်တွပ်ႇယဝ်ႉၵမ်းၼႆႉ “ထိုင်တီႈယူႇယဝ်ႉႁႃႉ” “သူယင်းပႆႇတွပ်ႇၵႂၢမ်းထၢမ်ႁဝ်းသမ်ႉပေႃးလၢႆႈၵႂၢမ်းၵႂႃႇယဝ်ႉၶႂ်ႈဝႃႈၶႅၼ်တေႉတေႉႁႃႉ” “ႁဝ်းတေဝၢင်းယဝ်ႉ” “ၵမ်ႉၵွၼ်ႇလႄႈမိူဝ်ႈၵႆႈႁဝ်းၵေႃႈလၢတ်ႈၵႂႃႇၸိူင်ႉၼၼ်ႉၵူၺ်းယႃႇဢဝ်သႂ်ႇၸႂ်လႄႈၼႃႈ” “တေႁႂ်ႈႁဝ်းသႂ်ႇၸႂ်လႆႈၸိူင်ႉႁိုဝ်တေႃႈၼင်ႇပိူၼ်ႈထိုင်ယဝ်ႉၵေႃႈယင်းဢမ်ႇလၢတ်ႈၵၼ်ၶိုၼ်းလႃႈ” “တိုၵ်ႉဢၢင်ႈတေလၢတ်ႈယူႇဢေႃႈ..” “ ႁဝ်းဝၢင်းယဝ်ႉၵူဝ်ဢမ်ႇတၼ်းသိုပ်ႇတူၺ်းမၢႆၾူၼ်းဢၼ်ပိူၼ်ႈပၼ်မႃး” “တိုၵ်ႉဝႃႈယူႇတေဢဝ်မၢႆၾူၼ်းၶဝ်ပၼ်သူၵပ်းၵႂႃႇၼႆ” သွင်ၵေႃႉဢုပ်ႇလၢတ်ႈၵဝ်းၵၼ် လၢတ်ႈတႄႉဝႃႈတေဝၢင်း သၢႆၵႂၢမ်းပေႃးဢမ်ႇၶၢတ်ႇ ၵူၼ်းယူႇၸွမ်းပေႃးၶႂ်ႈၶၢၼ်ႉငိၼ်းတင်းဢမ်ႇႁူႉတူဝ်။ သမ်ႉဝႃႈသွင်ၶႃဢမ်ႇၸႂ်ႈၵေႃႉႁၵ်ႉၵၼ်သေတႃႉ ပေႃးတူၺ်းလၢႆးႁဵတ်းလၢႆးသၢင်ႈမၼ်းတႄႉ လၢတ်ႈၼႄလႆႈၸႅင်ႈလႅင်းလီယူႇဝႃႈပဵၼ်ၵေႃႉႁၵ်ႉၵၼ်ယဝ်ႉ၊ လိူဝ်သေဢမ်ႇမီးၽၢႆႇလႂ်လၢတ်ႈဢွၵ်ႇမႃးလႄႈ မၵ်းမၼ်ႈဝႃႈပဵၼ်ၵေႃႉႁၵ်ႉၵၼ်ၼႆၵူၺ်း။ သမ်ႉဝႃႈဢမ်ႇတွၼ်ႉလၢတ်ႈႁၵ်ႉၵၼ်သေပွၵ်ႈၼႆၵေႃႈ ၶေႃႈၵႂၢမ်းဢၼ်သိုဝ်ႇထိုင်ဝႃႈႁၵ်ႉၼၼ်ႉ တိုၼ်းပႃးယူႇၵူႈၶေႃႈၵူႈၵမ်းယဝ်ႉ။ ဢမ်ႇၸမ်ပဵၼ်တေလႆႈလၢတ်ႈဝႃႈ“ႁၵ်ႉ”ယဝ်ႉၸင်ႇတေႁူႉဝႃႈႁၵ်ႉ။ ပေႃးဝႃႈႁၵ်ႉၼႆ ဢမ်ႇလူဝ်ႇသပ်းလႅင်းၼႄၵေႃႈလႆႈယဝ်ႉ ႁူဝ်ၸႂ်မၼ်းႁပ်ႉႁူႉလႆႈႁင်းၵူၺ်း။ တႃႇတေလႆႈလၢတ်ႈဝႃႈ“ႁၵ်ႉ”ၼႆၼိုင်ႈၶေႃႈတေႃႇၽႂ်သေၵေႃႉၼႆႉ မၼ်းမီးၵႃႈၶၼ်ၼႃႇ မိူၼ်ႁဝ်းတေဢဝ်ၸၢတ်ႈပၢၼ်ႁဝ်းၵႂႃႇၽၢၵ်ႇဝႆႉတီႈပိူၼ်ႈၼၼ်ႉယဝ်ႉ။ “ႁၵ်ႉ” ၼႆၼၼ်ႉလၢတ်ႈငၢႆႈငၢႆႈၵေႃႈ မၼ်းၵေႃႈတေပဵၼ်တၢင်းႁၵ်ႉဢၼ်ငၢႆႈငၢႆႈၵူၺ်း ဝူၼ်ႉဝႃႈတၢင်းႁၵ်ႉၼႆႉ မၼ်းပဵၼ်တၢင်းႁၵ်ႉဢၼ်ဢမ်ႇမီးတီႈပွင်ႇသင်ၵေႃႈတေဢမ်ႇမီးတီႈပွင်ႇၵူၺ်း၊ ပေႃးႁဝ်းဝႆႉၵႃႈၶၼ်မၼ်းၵေႃႈ မၼ်းတေမီးၵႃႈၶၼ်မၼ်းမႃး ပေႃးဢမ်ႇဝႆႉၵႃႈၶၼ်ၵေႃႈ ႁိုဝ်တေမီးၵႃႈၶၼ်လႃႇ။ တွၼ်ႈတႃႇၶမ်းႁွမ်ၶႃတႄႉ ဢမ်ႇလူဝ်ႇလၢတ်ႈယဝ်ႉ ၵူႈလွင်ႈၸႅင်ႈလႅင်းလိူဝ်သေၸႅင်ႈလႅင်း ဢမ်ႇတွၼ်ႉလၢတ်ႈၼႆသေတႃႉၵေႃႈ ႁူႉဝႆႉၼႂ်းၸႂ်ၽႂ်မၼ်းယူႇ လိူဝ်သေဢမ်ႇလၢတ်ႈဢွၵ်ႇမႃးၵူၺ်း တႃႇတေလၢတ်ႈဢွၵ်ႇမႃးၼၼ်ႉ ဝႆႉမိူဝ်ႈၶၢဝ်းယၢမ်းမၼ်းၵိုင်ႇတၢၼ်ႇၸင်ႇတေလၢတ်ႈယဝ်ႉ။ ယွၼ်ႉမၼ်းမီးၵႃႈၶၼ်ၼႃႇလူး ႁႂ်ႈလၢတ်ႈဢွၵ်ႇမႃးၵေႃႈမၼ်းႁိုဝ်ငၢႆႈ။ သိုပ်ႇလူထႅင်ႈတွၼ်ႈတေမႃးၶႃႈ။ | ['ၸိူင်းတၢင်းႁၵ်ႉ', 'ၸိူင်းတိုၵ်း'] |
2025-04-27T07:14:10 | https://tainovel.com/%e1%80%90%e1%80%ad%e1%80%af%e1%81%bc%e1%80%ba%e1%82%87%e1%80%9c%e1%82%85%e1%80%84%e1%80%ba%e1%80%b8-%e1%80%90%e1%80%bd%e1%81%bc%e1%80%ba%e1%82%88%e1%80%95%e1%82%85%e1%80%90%e1%80%ba%e1%82%87/ | တိုၼ်ႇလႅင်း တွၼ်ႈပႅတ်ႇ | တွၼ်ႈပႅတ်ႇ ဝၢႆးသေသႅင်ၽွင်းၶဝ်ဢွၵ်ႇၵႂႃႇဢမ်ႇတၼ်းႁိုင် သဵင်လူတ်ႉၶိူင်ႈၵေႃႈမေႃးမႃး ၵိုတ်းယဝ်ႉတဵၵ်းသဵင်လူတ်ႉမၼ်းသေ ႁွင်ႉၶမ်းႁွမ်ယူႇတၢင်းၼႃႈႁူင်းသဝ်း ဢမ်ႇလႆႈႁၼ်ၶမ်းႁွမ်ဢွၵ်ႇမႃးလႄႈ သိုပ်ႇၾူၼ်းၵေႃႈဢမ်ႇႁပ်ႉ၊ ဢမ်ႇႁူႉဝႃႈတေလႆႈႁဵတ်းႁိုဝ် ၵႃႈလႆႈၼင်ႈပႂ်ႉယူႇၵူၺ်း။ ၶမ်းႁွမ်ပေႃးၼွၼ်းသွပ်ႉလပ်းၵႂႃႇယဝ်ႉ သမ်ႉဝႃႈငိၼ်းသဵင်ယူႇၵေႃႈ သဵင်ၼၼ်ႉႁိုဝ်ပေႉတႃၼွၼ်းလႆႈ ၼွၼ်းလပ်းၵႂႃႇတၢင်းႁိုင် ၽိူဝ်ႇတိုၼ်ႇမႃးၶိုၼ်းၵေႃႈပေႃးၶမ်ႈႁႅင်းၼႃႇယဝ်ႉ။ ဢၢၼ်းတေၵႂႃႇဢၢပ်ႇၼမ်ႉၼႆလႄႈ ဢွၵ်ႇၽၵ်းတူမႃးႁၼ်ၵူၼ်းၼင်ႈပႂ်ႉဝႆႉယူႇတၢင်းၼႃႈႁူင်းသဝ်းၼၼ်ႉသေ ႁွင်ႉထၢမ် “မႃးႁႃၽႂ်ၶႃႈ!!” လႅင်းမိူင်းငိၼ်းသဵင် ဝိၼ်ႇယၵ်ႉဝၢႆႇတူၺ်း “မႃးႁႃသူဢေႃႈ” “မႃးႁႃႁဝ်းႁဵတ်းသင်လႃႇ..” “သႅင်ၽွင်းလၢတ်ႈဝႃႈမီးသူၵေႃႉလဵဝ်ၵူၺ်းတီႈၼႆႈႁဝ်းၵေႃႈလႆႈမႃးပႂ်ႉၼၼ်ႉၼႃႇ” “ပႂ်ႉႁိုင်ယဝ်ႉႁႃႉ..ၵတ်းၼႃႇယဝ်ႉယူဝ်ႉ..ၶိုၼ်ႈမႃးယူႇၼႂ်းႁွင်ႈၵွၼ်ႇၶႃႈလႄႈ” လႅင်းမိူင်း ၶိုၼ်ႈၶူဝ်လႆၶဝ်ႈမိူဝ်းၵႂႃႇၼႂ်းႁွင်ႈႁပ်ႉၶႅၵ်ႇၶဝ်ၼၼ်ႉသေ ၶမ်းႁွမ် ႁိုဝ်ႈၼမ်ႉဢုၼ်ႇတမ်းပၼ်ယဝ်ႉ။ “ႁူႉယူႇဝႃႈဢမ်ႇမီးၽႂ်ၼႆၵေႃႈသမ်ႉပေႃးလီမိူဝ်းၶိုၼ်းႁေယဝ်ႉယင်းတိုၵ်ႉယဵၼ်ႉသေၶၢမ်ႇၵတ်းယူႇတၢင်းၼွၵ်ႈၸိူင်ႉၼၼ်ဢမ်ႇယူႇလီမႃးတေႁဵတ်းႁိုဝ်” လႅင်းမိူင်းၵေႃႈယၵ်ႉတူၺ်းၶမ်းႁွမ်သေ ၵိၼ်ၼမ်ႉဢၼ်မၼ်းမႃးတမ်းပၼ်ၼၼ်ႉယဝ်ႉ လၢတ်ႈၸူး “မႆႈၸႂ်ႁဝ်းယူႇႁႃႉ..” ၶမ်းႁွမ်ယၵ်ႉတူၺ်းၼင်ႇဢမ်ႇတဵမ်ၸႂ်ဢိတ်ႉၼိုင်ႈၼၼ်ႉလႄႈ “ၽႂ်တေၶႂ်ႈမႃးမႆႈၸႂ်ၵူၼ်းၸိူင်ႉၼႆ” လႅင်းမိူင်းၵေႃႈဢႆၶူၵ်ႉၶူၵ်ႉမႃးယဝ်ႉ “ၼၼ်ႉၼႃႇ..ဢမ်ႇယူႇလီယဝ်ႉႁိုဝ်ၸွင်ႇတေၵိၼ်ယႃယူႇႁႃႉ” “မိူၼ်ႁဝ်းတေဢမ်ႇယူႇလီမႃးတေႉဢိူဝ်ႈၼႆႉ” ၶမ်းႁွမ်ပႃးတင်းလွင်ႈမႆႈၸႂ်တေႉသေ ဢဝ်မိုဝ်းသဵမ်ႈၼုမ်ႇၶၢဝ်ပွတ်ႇမၼ်းၼၼ်ႉ ၵမ်းတူၺ်းၼႃႈၽၢၵ်ႇလႅင်းမိူင်းလႄႈတင်းမၼ်းၼၼ်ႉတႅၵ်ႈတူၺ်းၵၼ်သေ “ဢမ်ႇမီးလူမ်းၼၢဝ်သင်လူး” “လိူဝ်သေမႄႈႁဝ်းသူပဵၼ်ၽူႈယိင်းဢၼ်မႃးတိူဝ်ႉလႆႈၼႃႈၽၢၵ်ႇႁဝ်းယဝ်ႉသူတေလႆႈဢဝ်ပုၼ်ႈၽွၼ်းၼႃ” “ႁဝ်းၵၢၼ်ႉမႆႈၸႂ်ၵေႃႈသင်ႁူႉၼၼ်ႁဝ်းတေဢမ်ႇ” “ႁဝ်းၸူမ်းတေႉယဝ်ႉလိူဝ်သေမႄႈႁဝ်းယဝ်ႉယင်းမီးသူဢၼ်မႆႈၸႂ်ႁဝ်းဝၢႆးသေႁဝ်းၽၢတ်ႇမႄႈႁဝ်းၵႂႃႇဢမ်ႇယၢမ်ႈမီးၽႂ်လၢတ်ႈဝႃႈယႃႇတၢၵ်ႇၽူၼ်ၼႃႈၵူဝ်ဢမ်ႇယူႇလီယႃႇတၢၵ်ႇလႅတ်ႇၼႃႈၵူဝ်ပဵၼ်ဝတ်းယႃႇတၢၵ်ႇလူမ်းၼႃႈၵူဝ်ၵတ်းဢမ်ႇယၢမ်ႈမီးၽႂ်မႃးၵမ်းၼႃႈၽၢၵ်ႇႁဝ်းဝႃႈၸွင်ႇႁဝ်းယူႇလီႁိုဝ်ဢမ်ႇမီးမႄႈယဝ်ႉပဵၼ်သင်မႃးၵေႃႈႁဝ်းတေႁူႉတူဝ်သေႁႃယူတ်းယႃႁင်းၵူၺ်းယဝ်ႉယွၼ်ႉပိူဝ်ႈပေႃးႁဝ်းပဵၼ်မႃးႁဝ်းႁူႉဝႃႈတေဢမ်ႇမီးမႄႈပႂ်ႉလုမ်းလႃးႁဝ်းယဝ်ႉၵူၺ်းၵႃႈမိူဝ်ႈလဵဝ်သူႁဵတ်းႁႂ်ႈႁဝ်းပေႃးဢမ်ႇၶႂ်ႈယူႇလီလူင်ၵႂႃႇတေႉဢိူဝ်ႈ” မိူဝ်ႈလၢတ်ႈမႃးၸိူင်ႉၼၼ် ၶမ်းႁွမ်ၵေႃႈပေႃးဢမ်ႇၸၢင်ႈလၢတ်ႈသင်ယဝ်ႉလႄႈ လၢႆႈၵႂၢမ်းၵႂႃႇသေ “လိုၵ်းၼႃႇယဝ်ႉမိူဝ်းလိုဝ်ႈႁိူဝ်ႉသူသေလႄႈ” “လိုၵ်းတီႈလႂ်လႃႇတိုၵ်ႉလႆႈပႅတ်ႇမူင်းပၢႆၵူၺ်းၵႃႈသူဢမ်ႇၵႂႃႇလႄႇပွႆးၸွမ်းႁဝ်းႁဝ်းၵေႃႈတေပႂ်ႉယူႇႁဵတ်းၼႆယဝ်ႈ” “ၵူၼ်းတိုဝ်ၸိူင်ႉၼႆၶၢၼ်ႉလၢတ်ႈတေႃႇသူယဝ်ႉဝႃႈ” ၶမ်းႁွမ်ၵေႃႈၵႂႃႇႁႃဢၢပ်ႇၼမ်ႉလၢႆႈၶူဝ်းမၼ်းယဝ်ႉ၊ ငွၵ်ႈတူၺ်းလႅင်းမိူင်းတိုၵ်ႉမီးယူႇၼႂ်းႁွင်ႈႁပ်ႉၶႅၵ်ႇၼၼ်ႉယူႇလႄႈ “ပႆႇမိူဝ်းၵွၼ်ႇႁႃႉၼႆႉ” “သူဢမ်ႇၵႂႃႇၵေႃႈ..ႁဝ်းတေပဵၼ်ၵေႃႉသူယူႇတီႈၼႆႈယဝ်ႉ” “ပေႃးၵႂႃႇၵေႃႈ..ပွႆးပေႃးဝၢႆးယဝ်ႉယူဝ်ႉ” “ၶၢဝ်းၼႆႉပိူၼ်ႈတိုၵ်ႉၸင်ႇႁႃတႄႇၵူၺ်း..” ၶမ်းႁွမ်ၵေႃႈ ဢဝ်တၢင်းသိူဝ်ႈသွၼ်ႉမၼ်းသေ ၶီႇလူတ်ႉၶိူင်ႈၵႂႃႇၸွမ်းလႅင်းမိူင်းယဝ်ႉ၊ ၵိုတ်းလူတ်ႉၶႃယူႇၶၢင်ႈတၢင်းလူင်းႁူင်းႁဵၼ်းၼၼ်ႉသေယဝ်ႉ၊ ပႆၽိုတ်ႉဢီးၵူၼ်း ၶဝ်ႈၵႂႃႇၼႂ်းသဵၼ်ႈတၢင်း ဢၼ်မီးၾႆးႁိူဝ်ႈလႅင်း ဝႆႉသွင်ၶၢင်ႈတၢင်း မီးသုမ်ႉတၢင်းၶၢႆၶပ်ႉယႆၸႅၼ်ႇၵၼ်ၽၢႆႇၸၢၼ်းတၢင်း ပေႃးယၢဝ်းလူင်ဝႆႉ လၢၼ်ႉတၢင်းၶၢႆၼႆၵေႃႈ မီးၵူႈမဵဝ်း၊ ၵူၼ်းပေႃးတဵမ်ယူႇၵူႈသႅင်ႇၵူႈလၢၼ်ႉယဝ်ႉ၊ သဵၼ်ႈတၢင်းၵႂၢင်ႈၵေႃႈ ၵူၼ်းၼမ်ၼႃႇသမ်ႉပေႃးၵႅပ်ႈယဝ်ႉ၊ တႃႇဝႄႈၵၼ်ၵူၺ်းဢမ်ႇၶႂ်ႈပေႃး မိူဝ်ႈႁၼ်ၵူၼ်းၼမ်ၸိူင်ႉၼၼ် ၶမ်းႁွမ်ဢမ်ႇမေႃၵႂႃႇ ဢမ်ႇႁူႉတေႁဵတ်းႁိုဝ်ၵႂႃႇ၊ လႅင်းမိူင်းလႆႈႁၼ်ၵိုတ်းဝႆႉယူႇလႄႈ ၸင်ႇမႃးၸၼ်ဢဝ်ၶႅၼ်မၼ်းယဝ်ႉ ပႆၵႂႃႇၸွမ်းၵၼ်ယူႇ။ ၶမ်းႁွမ်မိုင်ၵႂႃႇၸွမ်းလႅင်းမိူင်း ဢၼ်ဢွၼ်လတ်းၽၢၼ်ႇၼႂ်းၵႄႈၵူၼ်းၼမ်ၼၼ်ႉ သမ်ႉပေႃးပူၼ်ႉၵႂႃႇယဝ်ႉ။ ၽိူဝ်ႇႁူႉတူဝ်မႃးၶိုၼ်းၵေႃႈ မိုဝ်းသွင်ၶႃသွတ်ႇၵွင်ႉယိပ်းၵၼ် သမ်ႉပေႃးမၼ်ႈတဵင်ႈတဵင်ႈ။ လႅင်းမိူင်းဢဝ်မိုဝ်းဢုၼ်ႇဢုၼ်ႇမၼ်းလႄႈၶမ်းႁွမ် ယိပ်းၸွမ်ႇသႂ်ႇထွင်းသိူဝ်ႈၼႃမၼ်းၼၼ်ႉသေ ၶမ်းႁွမ်ၵေႃႈတင်ႈၸႂ်ႁဵတ်းမိူၼ်ဢမ်ႇသူၼ်ၸႂ်ယဝ်ႉ လၵ်ႉယုမ်ႉယူႇ ၵူၺ်းၵႃႈ လႅင်းမိူင်းၵေႃႈလၵ်ႉလေႉတႃတူၺ်းယူႇ။ တီႈၼႂ်းပၢင်မူၼ်ႈသိူဝ်း ဢၼ်မီးၵူၼ်းၼမ်ပေႃးတဵမ်ပၢင်ႇ တီႈၶဵင်ႇမူၼ်ႈသိူဝ်းပၢၼ်မႂ်ႇ မီးၸဵမ်တၢင်းၵႃႈပၢၼ်မႂ်ႇ၊ ၵႃႈၼူၵ်ႉၵႃႈတူဝ်းၸိူဝ်းၼႆႉသေ မီးပႃးတၢင်းၵႃႈႁၢင်ႈလီလီ မႃးၼႄပၼ်လၢႆဢၼ်လၢႆမဵဝ်းလႄႈ ၸုမ်းတၢင်းၵႃႈလၢႆတီႈလၢႆတၢင်းမႃးမူၼ်ႈသိူဝ်းၼႄ လိူဝ်သေတၢင်းၵႃႈယဝ်ႉ ၸဵမ်ၽူႈႁွင်ႉၵႂၢမ်း ၸိုဝ်ႈသဵင်ယႂ်ႇၼႂ်းမိူင်းတႆးၼၼ်ႉၵေႃႈဢွၼ်ၵၼ်ႁွတ်ႈမႃးယဝ်ႉ။ လိူဝ်သေၶဵင်ႇမူၼ်ႈသိူဝ်းပၢၼ်မႂ်ႇယဝ်ႉ ပၢၼ်ၵဝ်ႇၼႆၵေႃႈမီးထႅင်ႈၶဵင်ႇၼိုင်ႈႁင်းမၼ်း မေႃၵႂၢမ်းလူင်လၢႆလၢႆၵေႃႉႁွတ်ႈၽႅဝ်မႃးႁွင်ႉ ၵူၼ်းၼမ်ၵိုၼ်းဢမ်ႇပိူင်ႈသင်တင်းပၢၼ်မႂ်ႇၼင်ႇၵဝ်ႇ။ လႅင်းမိူင်းဢၼ်ၸုၵ်းယူႇႁိမ်းၶမ်းႁွမ်ၼၼ်ႉၵေႃႈ ႁိုဝ်တေႁၢမ်ႈသၢႆတႃလႆႈတႃႇတေဢမ်ႇဝၢႆႇတူၺ်းၶမ်းႁွမ်ၼၼ်ႉလႆႈလႃႇ ယူႇယူႇၵေႃႈ ၸၢႆႉသၢႆတႃတူၺ်းၶမ်းႁွမ် ဢၼ်ၸုၵ်းသေမုင်ႈတူၺ်းၼႂ်းပွႆးယူႇၼၼ်ႉ လႆႈႁၼ်ၶမ်းႁွမ်မီးတၢင်းသိူဝ်းၵေႃႈ ယုမ်ႉဢွၵ်ႇမႃးႁင်းၵူၺ်းမၼ်းယဝ်ႉ။ ယိုင်ႈၵူၼ်းၵိုၼ်း တီႈယူႇယိုင်ႈၵပ်ႉၵႅပ်ႈ မိူဝ်ႈတီႈယူႇၵႅပ်ႈ ၵူၼ်းၵေႃႈၽိုတ်ႉၵၼ်ယူႇ သမ်ႉပေႃးဢမ်ႇၶႂ်ႈမီးတီႈတမ်းတိၼ်ယဝ်ႉ တူဝ်ဢွၼ်ႇၶမ်းႁွမ်ၼၼ်ႉၵေႃႈ ၵိုၵ်းၸပ်းလႅင်းမိူင်းယူႇယဝ်ႉလူး။ ၶမ်းႁွမ်ၵေႃႈ မိူဝ်ႈလႆႈမႃးလႄႇတူၺ်းၼႂ်းပွႆးၸိူင်ႉၼႆ တႃၼွၼ်းသမ်ႉပေႃးၸိုၼ်ႈ ႁိူဝ်ႉသမ်ႉပေႃးႁၢႆ၊ သမ်ႉဝႃႈလူမ်းထွင်းယူႇသေတႃႉ ၵတ်းယူႇၵေႃႈ ယင်းဢုၼ်ႇထိုင်ၼႂ်းၸႂ်ယဝ်ႉ။ ယူႇယူႇငိၼ်းသဵင်ၸၢၵ်ႈမေႃးမႃးလႄႈ လႅင်းမိူင်း ၸၼ်ဢဝ်ၶမ်းႁွမ်ၽၢတ်ႇဢွၵ်ႇမူႇၵူၼ်းၼမ်ၼၼ်ႉ လူင်းၵႂႃႇတၢင်းႁွင်ႈၼႄပိုၼ်းယဝ်ႉ ႁႂ်ႈၶမ်းႁွမ်ၼင်ႈပႂ်ႉတၢင်းၼႃႈႁွင်ႈၼၼ်ႉသေ ၵႂႃႇၵပ်းၸၢၵ်ႈမၼ်းယဝ်ႉ ၶိုၼ်းမႃးၸူးၶမ်းႁွမ် “ၶမ်းႁွမ်!ႁဝ်းတေလႆႈၵႂႃႇယဝ်ႉ” ဢဝ်ၶမ်းႁွမ်တူၵ်းၸႂ်လႄႈ “သူတေၵႂႃႇလႂ်..” “သူလၢတ်ႈႁႂ်ႈသႅင်ၽွင်းမႃးႁႃသူတီႈၼႆႈၸွင်ႇလႆႈႁိုဝ်” “ႁဝ်းထၢမ်ဝႃႈသူတေၵႂႃႇလႂ်ယူႇယူႇၵေႃႈလၢတ်ႈဝႃႈတေၵႂႃႇၸိူင်ႉၼႆ တေပွႆႇႁႂ်ႈႁဝ်းယူႇၵေႃႉလဵဝ်ၸိူင်ႉၼၼ်ႁႃႉ” လႅင်းမိူင်းၵေႃႈထွတ်ႇဢဝ်သိူဝ်ႈမၼ်းႁူမ်ႇပၼ်ၶမ်းႁွမ်ယဝ်ႉ “ႁဝ်းဢမ်ႇမီးၶၢဝ်းယၢမ်းယဝ်ႉၸွင်ႇၵွႆႈလၢတ်ႈသူၵမ်းလင်ၼႃႈ” သမ်ႉပေႃးဢဝ်ၶမ်းႁွမ်ဢမ်ႇၸၢင်ႈတၵ်းသဵင်လၢတ်ႈၸိူင်ႉႁိုဝ်ယဝ်ႉ လူတ်ႉဢၼ်မႃးႁပ်ႉလႅင်းမိူင်းၼၼ်ႉၵေႃႈႁွတ်ႈမႃးသေ လႅင်းမိူင်းတင်းမႆႈၸႂ်တင်းၸႂ်ဢမ်ႇလီ ၶိုၼ်ႈလူတ်ႉၽႃႇၽုင်ၵူၼ်းၼမ်ဢွၵ်ႇပၢင်ပွႆးၵႂႃႇယဝ်ႉ။ ၶမ်းႁွမ်ၵေႃႈၵပ်းသိုပ်ႇသႅင်ၽွင်းဢမ်ႇလႆႈလႄႈ ၵႃႈလႆႈပႂ်ႉယူႇတီႈႁွင်ႈၼႄပိုၼ်းၼၼ်ႉၵူၺ်း၊ မိူဝ်ႈႁၼ်ၵူၼ်းၶဝ်ႈၶဝ်ႈဢွၵ်ႇဢွၵ်ႇယူႇၼႂ်းႁွင်ႈၼၼ်ႉ ႁွပ်ႇတင်းသိူဝ်ႈလႅင်းမိူင်းယဝ်ႉ ၶဝ်ႈလႄႇလဵပ်ႈတူၺ်းၼႂ်းႁွင်ႈၼႄပိုၼ်းၼၼ်ႉယူႇ။ တီႈၼႂ်းႁွင်ႈၼႄပိုၼ်းၼၼ်ႉတေမီးဝႆႉယူႇသွင်ႁွင်ႈ ႁွင်ႈၼႄပိုၼ်းတႆးလႄႈ ႁွင်ႈၼႄပိုၼ်းယႃႈမဝ်းၵမ်ၼႆသေ ၶမ်းႁွမ်ၶဝ်ႈၵႂႃႇဢႅဝ်ႇယဵမ်ႈတူၺ်း ၼႂ်းႁွင်ႈၼႄပိုၼ်းတႆးဢွၼ်တၢင်း တီႈၼႂ်းႁွင်ႈၼႄပိုၼ်းတႆးၼၼ်ႉ လႆႈႁၼ်ၶႅပ်းႁၢင်ႈၵဝ်ႇၵႄႇတင်းၼမ်ဢၼ်ၼႄဝႆႉလႄႈ ၶႅပ်းႁၢင်ႈဢၼ်ဢမ်ႇပႆႇႁိုင်ၵေႃႈမီးယူႇ။ တေမီးၶႅပ်းႁၢင်ႈၽူႈဢွၼ်ႁူဝ်တႆး၊ ၶႅပ်းႁၢင်ႈၵၢၼ်တူင်ႉၼိုင်တႆး ပၢၼ်သိုပ်ႇပၢၼ် ဢၼ်ပူၼ်ႉမႃးတေႃႇထိုင်မိူဝ်ႈလဵဝ်လႄႈ ၶူဝ်းၸႂ်ႉၶူဝ်းသွႆတႆးႁဝ်း ၾိင်ႈငႄႈၾိင်ႈထုင်းတႆးၸၵႂႃႇၸိူဝ်းၼႆႉယဝ်ႉ။ မိူဝ်ႈတိုၵ်ႉပႆလဵပ်ႈတူၺ်းယူႇၼၼ်ႉ သႅင်ၽွင်းၵေႃႈႁွတ်ႈမႃး ပႃးလွင်ႈမႆႈၸႂ်သေ လၢၵ်ႈၶႅၼ်ၶမ်းႁွမ်ဢွၵ်ႇမႃးတၢင်းၼွၵ်ႈယဝ်ႉ။ “ၸွင်ႇသူပဵၼ်သင်ႁိုဝ်!! ” “ဢမ်ႇ!သူပဵၼ်သင်ပေႉႁိူဝ်ႉလူင်ႁိူဝ်ႉလၢင်လႃႇ” “လႅင်းမိူင်းလၢတ်ႈဝႃႈသူယူႇၵေႃႉလဵဝ်ၼႆႁဝ်းၵေႃႈမႆႈၸႂ်ၼႅတ်ႈမႃးၼၼ်ႉၼႃႇ” “လႅင်းမိူင်းသိုပ်ႇၾူၼ်းၸူးသူႁ ” “ဢမ်ႇႁူပ်ႉၺႃးမၼ်းၸွမ်းတၢင်းၶဝ်မႆႈၸႂ်သူလၢတ်ႈသမ်ႉယဝ်ႉသမ်ႉထႅင်ႈၼၼ်ႉယဝ်ႉ” “သႅင်ၽွင်းႁဝ်းၶႂ်ႈမိူဝ်းယဝ်ႉ” “ပေႃးတၼ်းၶႂ်ႈမိူဝ်းယဝ်ႉႁႁဝ်းယင်းပႆႇတၼ်းလႆႈလႄႇၸွတ်ႇ ” သႅင်ၽွင်းဢွၼ်ဢဝ်ၶမ်းႁွမ် ဢွၵ်ႇပၢင်မူၼ်ႈသိူဝ်းမႃးသေ မႃးလႄႇၸွမ်းတႅဝ်းသႅင်ႇၸိူဝ်းၼၼ်ႉထႅင်ႈ။ သႅင်ႇတၢင်းၶၢႆၵေႃႈ မီးၵူႈၸိူဝ်းၵူႈပိူင် သႅင်ႇတၢင်းၵိၼ်၊ ၶူဝ်းၶွင်ၸႂ်ႉတိုဝ်း ၵူႈမဵဝ်းမဵဝ်း ၸွမ်းၼင်ႇဢၼ်ႁဝ်းၶႂ်ႈလႆႈၶႂ်ႈၵိၼ်ၶႂ်ႈသိုဝ်ႉၸိူဝ်းၼၼ်ႉမီးမူတ်းယဝ်ႉ။ သႅင်ႇတၢင်းၵိၼ်ၼႆၵေႃႈ မီးၸဵမ်တၢင်းၵိၼ်တႆး၊ တၢင်းၵိၼ်ထႆး၊ တၢင်းၵိၼ်ပၢင်ႇလၢႆႇ၊ တၢင်းၵိၼ်ဢၼ်ဢမ်ႇယၢမ်ႈႁူႉၸၵ်း ဢၼ်ဢမ်ႇယၢမ်ႈႁၼ်ၸိူဝ်းၼႆႉၵေႃႈမီးယဝ်ႉ။ သင်မၵ်ႉလႄႈၶႂ်ႈၵိၼ်ၶႂ်ႈၸၢမ်းၵေႃႈ တေႃႈႁိုဝ်ပႂ်ႉၶၢဝ်းယၢမ်းသင် သိုဝ်ႉၵိၼ်ၵမ်းလဵဝ်ႁေယဝ်ႉၼႃႇ။ လိူဝ်သေတၢင်းၵိၼ်ယဝ်ႉ လၢၼ်ႉၶၢႆၶူဝ်းၵေႃႈ မီးၶူဝ်းၵူႈၸိူဝ်ႉၵူႈပိူင်ၼၼ်ႉယဝ်ႉ ၶူဝ်းတႆး၊ ၶူဝ်းသိုၵ်း၊ သိူဝ်ႈၶူဝ်းမၢႆတွင်း၊ ၶူဝ်းၼုင်ႈၼွၵ်ႈၼုင်ႈၼႂ်း ၸဵမ်ႁူဝ်တေႃႇတိၼ်ၼၼ်ႉယဝ်ႉ။ လိူဝ်သေၶူဝ်းၼုင်ႈယဝ်ႉ ၶူဝ်းၸႂ်ႉၶူဝ်းသွႆ ၸွမ်းတူဝ်ၸွမ်းၶိင်း ၸွမ်းႁိူၼ်းၸွမ်းယေး မီးၵူႈၸိူဝ်းၵူႈလွင်ႈ။ လိူဝ်သေၼၼ်ႉၵေႃႈ သမ်ႉမီးပႃးသႅင်ႇလဵၼ်ႈၵဵမ်း ၵဵမ်းလုၵ်ႈဢွၼ်ႇၵူၼ်းလူင် တႃႇမူၼ်ႈတႃႇၵျေႃႇ မီးတဵမ်တဵမ်ထူၼ်ႈထူၼ်ႈ ယူႇယဝ်ႉ။ ၵၢင်ဝၼ်းႁိူဝ်ႈဢွၵ်ႇမွၵ်ႈၸိၵ်းလွႆ သဵင်တူႇရိယႃႇလႄႈ သဵင်ၵွင်ႁူမ်ႈလင်မေႃး သၢႆသိုၵ်းၶပ်ႉယႆၸႅၼ်ႇပႆၸွမ်းတၢင်း ပၢႆတိၼ်ယုၵ်ႉယၢင်ႈတမ်းၸွမ်းသဵင်ၵွင် ပႆၽတ်ႉၽဵင်ႇၵၼ်ပဵၼ်ထႅဝ်သိုဝ်ႈယၢဝ်းပဵၼ်တႅဝ်းလီ ယၵ်ႉတူၺ်းၸွမ်းၵႂႃႇ လီၵျေႃႇၼႃႇ ၼႂ်းၵၢင်သဵၼ်ႈတၢင်းသၢႆသိုၵ်းပေႃးတဵမ်ၼႆၵေႃႈ ၸွမ်းၶၢင်ႈတၢင်းၼၼ်ႉတေႃႈႁိုဝ်တေယွမ်း သိူဝ်ႈၶူဝ်းတႆး လိူင်လႅင်ၶွၼ်ႇသွမ်ႇသီလၢႆးလေႃး ယိပ်းတင်းၸွမ်ပိဝ်တႆးယဝ်ႉ တူၺ်းႁူမ်ႈၵၼ် ႁၼ်ႁၢင်ႈလီၼႃႇ မၢင်ၵေႃႉဢဝ်တင်းၾူၼ်း၊ မၢင်ၵေႃႉဢဝ်တၢင်းၵွင်ႈထႆႇသေ ဢွၼ်ၵၼ်ထႆႇၶႅပ်းႁၢင်ႈယူႇ။ ၵူၼ်းပဵၼ်မူႇပဵၼ်ၸုမ်း ၸုၵ်းဝႆႉၶႅပ်ႇၶၢင်ႈတၢင်းပေႃးသတ်ႉတဵမ်ၵႂႃႇသဵင်ႈ။ ဝၢႆးသေသၢႆသိုၵ်းပႆပူၼ်ႉၵႂႃႇယဝ်ႉ ၵူၼ်းႁူမ်ႈမူႇၵိုၼ်းၶွၼ်ႈတီႈၼႂ်းပၢင်ပွႆး သမ်ႉပေႃးၽိုတ်ႉၵၼ်ယူႇ ၶႂ်ႈႁၼ်ပိူၼ်ႈလဵၼ်ႈၸိူင်းတိုၵ်း လၢႆးၸိူင်းသိုၵ်း ဢၼ်မႃးၼႄၼႂ်းပွႆးၼၼ်ႉယဝ်ႉ။ မိူဝ်ႈၽွင်းသၢႆသိုၵ်းၶဝ်ႈမႃး ၵူၼ်းတူၺ်းပေႃးဢမ်ႇၶႂ်ႈမီးတီႈယူႇယဝ်ႉလူး ဢမ်ႇႁိုင်သၢႆသိုၵ်းၵေႃႈၶဝ်ႈဢဝ်တီႈယူႇၵၼ်မူတ်းယဝ်ႉ။ ယၢမ်းၼၼ်ႉသဵင်ၵွင်တူႇရိယႃႇၵေႃႈဢွၵ်ႇမႃးသေ ဢွၼ်ၵၼ်ႁွင်ႉၵႂၢမ်းၸိူဝ်ႉၸၢတ်ႈၸွမ်းၵွင် သဵင်ၵွင်လႄႈသဵင်ၵူၼ်းႁွင်ႉၵႂၢမ်းယွၼ်ႈတုမ်ႉပေႃးၵွင်ႈႁူၺ်ႈၵွင်ႈလွႆယဝ်ႉ။ ၶမ်းႁွမ်ၵေႃႈယူႇတီႈၽူႈၶဝ်ႈႁူမ်ႈပွႆးၵေႃႉၼိုင်ႈသေ လႆႈမႃးၶဝ်ႈႁူမ်ႈၼၼ်ႉပဵၼ်ဢၼ်ၸူမ်းသိူဝ်းတႄႉယဝ်ႉ။ ပဵၼ်ပွႆးဢၼ်ယိုင်ႈယႂ်ႇ ပဵၼ်ဝၼ်းဢၼ်ၵိုၵ်းပိုၼ်းမိူင်းတႆးႁဝ်းၼၼ်ႉယဝ်ႉ။ ၸဵတ်းဝၼ်းလိူၼ်သွင်ၼႆႉ ပဵၼ်ဝၼ်းဢၼ်ၼႄသၢၵ်ႈသေႇလႆႈဝႃႈ ႁဝ်းမီးမိူင်း၊ မီးၽႅၼ်ႇလိၼ်ႁင်းၶေႃ၊ မီးၸွမ်ပိဝ်တႆး၊ မီးၵႂၢမ်းၸိူဝ်ႉၸၢတ်ႈပဵၼ်ၶွင်တူဝ်ၵဝ်ႇၼၼ်ႉယဝ်ႉ။ ယဝ်ႉပဵၼ်မိူဝ်ႈၽွင်းဢၼ်တိုၵ်ႉ ၶတ်းၸႂ်ဢဝ်လွတ်ႈလႅဝ်းသဝ်းၶေႃတႂ်ႈမိုဝ်းဢိင်းၵလဵတ်ႈၼၼ်ႉသေ သမ်ႉပဵၼ်လိူၼ်လဵဝ်ၵၼ်တၢင်း ဝၼ်းထီႉ12.02.1947 ဝၼ်းဢၼ်လႆႈလူင်းလၢႆးမိုဝ်းလိၵ်ႈႁူမ်ႈမၢႆပၢင်လူင်ၼၼ်ႉယူႇ။ ပေႃးတွင်းဝၼ်းၸိူဝ်ႉၸၢတ်ႈၵေႃႈ ႁဵတ်းႁႂ်ႈတွင်းလႆႈဝႃႈ ပဵၼ်ဝၼ်းဢၼ်ႁဝ်းတူၵ်းယူႇ ၼႂ်းမိုဝ်းၽူႈၶႂၢၵ်ႈမိူင်းမႃးၵႃႈႁိုဝ်ၼႆၼၼ်ႉယဝ်ႉ။ ဢၼ်ႁဵတ်းပွႆးယူႇၵူႈပီၼႆႉ ဢမ်ႇၸႂ်ႈဝႃႈတႃႇၵျေႃႇၵူၺ်း ၶႂ်ႈႁႂ်ႈတူၺ်းၶိုၼ်းဝႃႈ တွၼ်ႈတႃႇလွင်ႈလွတ်ႈလႅဝ်း၊ တွၼ်ႈတႃႇလွင်ႈၵတ်းယဵၼ်၊ တွၼ်ႈတႃႇသုၼ်ႇလႆႈႁဝ်းၼၼ်ႉ ႁဝ်းလႆႈဝႆႉၵႃႈႁိုဝ်ယဝ်ႉလႃႇ၊ ပုၼ်ႈၽွၼ်းႁဝ်းၼၼ်ႉႁဝ်းႁဵတ်းပၼ်လႆႈၵႃႈႁိုဝ်ယဝ်ႉ ထိုင်ဝၼ်းမိူဝ်ႈၼႆႉၼၼ်ႉ ႁဝ်းလႆႈႁဵတ်းသင်ပၼ်ၽွင်ႈယဝ်ႉ ပီၵေႃႈယၢဝ်းၶၢဝ်းၵေႃႈႁိုင်မႃး သင်ဝႃႈပႆႇလႆႈႁဵတ်းသင်ပၼ်ၵေႃႈ တႄႇႁဵတ်းၵႂႃႇလႄႈယင်းပႆႇတူၵ်းလိုၼ်းလူး။ ႁဵတ်းႁႂ်ႈၶမ်းႁွမ်ဝူၼ်ႉလႆႈမႃးတင်းၼမ် ဢၼ်လႆႈပဵၼ်တႆးၵေႃႉၼိုင်ႈ လႆႈမႃးၸုၵ်းယူႇတီႈၼႂ်းပၢင်ႇၼႆႉၼၼ်ႉ ၵၢမ်ႇလီၵႃႈႁိုဝ် လႆႈမႃးယုၵ်ႉယွင်ႈဢူမုၼ်ၽူႈဢၼ် ႁဵတ်းၵၢၼ်ပၼ်တွၼ်ႈတႃႇတႆးမႃးၸိူဝ်းၼၼ်ႉ။ တီႈၼႂ်းပၢင်ၵႅဝ်ႈပွတ်းၼႂ်ၼၼ်ႉၵေႃႈ ၵေႃႉပဵၼ်ၽူႈၵႅဝ်ပၢင် ၵႅဝ်လၢတ်ႈၸွမ်းၶပ်ႉမၢႆဢၼ်ယဝ်ႉဢၼ်ယူႇ။ ၽူႈၼင်ႈၸိုင်ႈၼႂ်းပၢင်ပွႆးၵေႃႈ ပိုတ်ႇပၢင်ၵႂႃႇ ၽူႈတၢင်လၢတ်ႈၵေႃႉၼိုင်ႈယဝ်ႉၵေႃႉၼိုင်ႈၵေႃႈဢွၵ်ႇမႃးလၢတ်ႈ ၵဵဝ်ႇၵပ်းဝၼ်းၸိူဝ်ႉၸၢတ်ႈၸိူဝ်းၼႆႉသေလႄႈ ၶၢဝ်းယၢမ်းႁိုင်ယူႇတၢၼ်ႇတၢၼ်ႇ ၵူၼ်းမိူင်းၸိူဝ်းယူႇတၢင်းၶၢင်ႈၼၼ်ႉ မၢင်ၸိူဝ်းၵေႃႈမႆႈၼႃႇ၊ မၢင်ၸိူဝ်းၵေႃႈဢမ်ႇၶႂ်ႈထွမ်ႇယဝ်ႉ..မၼ်းႁိုင်ၼႃႇ၊ မၢင်ၸိူဝ်းၵေႃႈၵူၼ်ႉၼႃႇ၊ မၢင်ၸိူဝ်းၵေႃႈဢမ်ႇလီထွမ်ႇ ထွမ်ႇဢမ်ႇပွင်ႇ၊ ဢမ်ႇလီသူၼ်ၸႂ်လႄႈ ဢွၵ်ႇပၢင်ပွႆးၵႂႃႇၸိူဝ်းၼႆႉၵေႃႈမီးတင်းၼမ် ၵူၼ်းဢၼ်ၵိုတ်းၸွမ်းၶၢင်ႈၼၼ်ႉ ၵိုတ်းႁၢင်ႇႁၢင်ႇၵူၺ်းယဝ်ႉ။ ၶမ်းႁွမ်ၵေႃႈၸုၵ်းသေထွမ်ႇၸွမ်းပိူၼ်ႈၼၼ်ႉယဝ်ႉ။ သမ်ႉဝႃႈတေၸုၵ်းၵူၼ်ႉတၢၼ်ႇလႂ်လႅတ်ႇမႆႈႁႅင်းၼႃႇသေတႃႉ ပေႉၸႂ်ၵူၼ်းသိုၵ်းဢၼ် ၸုၵ်းပေႃးၼိမ်ၸိုင်ႈၸိုင်ႈ ဢမ်ႇၸၢင်ႈတူင်ႉၵႂႃႇလႂ်လႆႈသေဢိတ်းၼၼ်ႉၶဝ်တေၵူၼ်ႉၵႃႈႁိုဝ်။ ၶမ်းႁွမ်ၵေႃႈတင်ႈၸႂ်ထွမ်ႇယူႇ ၼိုင်ႈပီမီးၼိုင်ႈပွၵ်ႈၵူၺ်းလူး ဢမ်ႇႁူႉဝႃႈမိူဝ်ႈလႂ်တေလႆႈမီးတိုဝ်ႉတၢင်းၸိူင်ႉၼႆထႅင်ႈ။ ဝၢႆးသေမွၵ်ႇလၢတ်ႈၶေႃႈၵႂၢမ်းယဝ်ႉတူဝ်ႈၵႂႃႇ သၢႆသိုၵ်းၸိူဝ်းၼၼ်ႉၵေႃႈဢွၼ်ယုၵ်ႉတိၼ်တမ်းယၢင်ႈၸွမ်းသဵင်ၵွင်ယဝ်ႉ ၶဝ်ႈထႅဝ်ၼပ်ႉယမ်ဢွၵ်ႇၵႂႃႇၵမ်းၸုမ်းၸုမ်း ၶပ်ႉယႆၸႅၼ်ႇၵၼ်လူင်ၵႂႃႇ ပဵၼ်ဢၼ်လီတူၺ်းၼႃႇ။ လၢႆးၼပ်ႉယမ်ၶဝ်ၵေႃႈ ဢမ်ႇၸႂ်ႈဝႃႈၼပ်ႉယမ်ယူဝ်းယူဝ်းၵူၺ်း ယၢင်ႈယၢဝ်းပႆသေၼပ်ႉယမ်ဝႃႇ တိၼ်ၵေႃႈယၢင်ႈယၢဝ်းၽတ်ႉၽဵင်ႇၵၼ်ပဵၼ်ထႅဝ်ၵႂႃႇၵမ်းၶၵ်ႉၶၵ်ႉၼၼ်ႉယဝ်ႉ။ ၼႆႉသေဢမ်ႇၵႃး မီးပႃးလႅၼ်ႈသိူဝ်ၾႆးသေၼပ်ႉယမ် ပဵၼ်ဢၼ်လႅၼ်ႈဝႆးၾႆးၶၼ် ၸၼ်တိၼ်ယုၵ်ႉၶိုၼ်ႈသုင်ၵျွၵ်းလႅၼ်ႈလူင်ၵႂႃႇ ၽတ်ႉၽဵင်ႇၵၼ်ပဵၼ်ဢၼ် လႆႈႁၼ်ယဝ်ႉၶႂ်ႈႁၼ်ထႅင်ႈၼၼ်ႉယူႇ။ တေဝႃႈႁိုဝ်ၵေႃႈ လႅၼ်ႈသိူဝ်ၾႆးလူးမၼ်းဝႆးလႄႈဢမ်ႇတၼ်းလႆႈႁၼ်ၼၼ်ႉၼႃႇ။ မိူဝ်ႈၼႆႉတၢင်းဝၼ်းလႅင်းမိူင်းႁၢႆၵႂႃႇ ၼႂ်းၾူၼ်းၵေႃႈဢမ်ႇလၢတ်ႈတေႃႇမႃး ႁႃတူၺ်းၼႂ်းပွႆးၵေႃႈ ဢမ်ႇႁၼ်ငဝ်း ၶမ်းႁွမ်ယၵ်ႉတူၺ်းသိူဝ်ႈသွၼ်ႉ ဢၼ်ပၼ်ဝႆႉၶမ်ႈဝႃးၼၼ်ႉ မွင်းပႂ်ႉၸဝ်ႈၶွင်မၼ်းတေမႃးဢဝ်ၶိုၼ်းယူႇ။ မိူဝ်ႈတိုၵ်ႉၼင်ႈမိုင်ယူႇၼၼ်ႉ “ၶမ်းႁွမ်! ဢမ်ႇၵႂႃႇပွႆးႁၶမ်ႈၼႆႉ” “ဢမ်ႇယဝ်ႉ” မိူၼ်ဝႃႈဢမ်ႇမီးႁႅင်းတႃႇတေၵႂႃႇထႅင်ႈၼၼ်ႉယဝ်ႉ။ “ယႃႇလႅၼ်ၵၼ်လႄႈတေႃႈၼင်ႇၶမ်ႈဝႃးယင်းလၢတ်ႈဝႃႈဢမ်ႇၵႂႃႇယူႇ” “မၼ်းၵေႃႈပဵၼ်ၶမ်ႈဝႃးၵူၺ်းၶမ်ႈၼႆႉတႄႉဢမ်ႇၵႂႃႇတႄႉယဝ်ႉ” “ဢဝ်ဝႃႈလႄႈပေႃးၶႂ်ၵႂႃႇၵေႃႈပိူၼ်ႈတေမႃးႁပ်ႉၵူၺ်းၼေႃ” သႅင်ၽွင်းၵေႃႈယွၵ်ႇၶမ်းႁွမ်သေဢွၵ်ႇၽၵ်းတူၵႂႃႇပႅတ်ႈဝႆးဝႆးယဝ်ႉ။ သိုပ်ႇလူထႅင်ႈတွၼ်ႈတေမႃးၶႃႈ။ | ['ၸိူင်းတၢင်းႁၵ်ႉ', 'ၸိူင်းတိုၵ်း'] |
2025-04-26T07:13:27 | https://tainovel.com/%e1%80%90%e1%80%ad%e1%80%af%e1%81%bc%e1%80%ba%e1%82%87%e1%80%9c%e1%82%85%e1%80%84%e1%80%ba%e1%80%b8-%e1%80%90%e1%80%bd%e1%81%bc%e1%80%ba%e1%82%88%e1%81%b8%e1%80%b5%e1%80%90%e1%80%ba%e1%80%b8/ | တိုၼ်ႇလႅင်း တွၼ်ႈၸဵတ်း | တွၼ်ႈၸဵတ်း သၢႆလႅင်းတႃဝၼ်းထွင်ႇမႃး တွင်ႉၾႃႉၸိုၼ်ႈပၢင်ႇသႂ် မွၵ်ႇၵုမ်ႈၶပ်ႉယႆၸႅၼ်ႇ မွင်းၶမ်းႁွမ်ပိုတ်ႇၾူၼ်းၵူၺ်း လႅင်းမိူင်းပေႃးၵပ်းသိုပ်ႇမႃးၵမ်းလဵဝ်ယဝ်ႉ။ “မႂ်ႇသုင်ၵၢင်ၼႂ်ၶႃႈ ” “ဢေႃႈမိူၼ်ၵၼ်ၶႃႈ..သိုပ်ႇၾူၼ်းမႃးၸိူင်ႉၼႆ..ၼွင်ႉႁဝ်းပဵၼ်သင်ၶႃႈလႃႇ” “ၼွင်ႉသူဢမ်ႇပဵၼ်သင်ၶႃႈ..ႁဝ်းဢေႃႈပဵၼ်” “ပဵၼ်သင်ၶႃႈ” “ၸႂ်ထိုင်ဢေႃႈ” “ဝၢင်းယဝ်ႉၶႃႈၼႃႉ..” “ႁဵတ်းၵၢၼ်ယူႇၶႃႈႁႃႉ” “ဢေႃႈ..” ၵူဝ်မၼ်းယၢဝ်းၵႂႃႇထႅင်ႈလႄႈ ၶမ်းႁွမ်ၼႅတ်ႈတဵၵ်းဝၢင်းၵမ်းလဵဝ်ယဝ်ႉ။ ၶမ်းႁွမ်လႄႈသႅင်ၽွင်းၵေႃႈဢွၼ်ၵၼ်ပႆၵႂႃႇ မိူဝ်ႈၸမ်ထိုင်ႁူင်းႁေႃးလူင်ၼၼ်ႉ ၸင်ႇမီးၵႃးလူင်လမ်းၼိုင်ႈ လတ်းပူၼ်ႉၶႃၵႂႃႇလွႆးလွႆးယဝ်ႉ ၵိုတ်းယူႇတၢင်းၼႃႈႁူင်းႁေႃးၼၼ်ႉသေ ၵူၼ်းလူင်ၵေႃႉၼိုင်ႈလူင်းၵႃးမႃး ႁဵတ်းႁႂ်ႈၶမ်းႁွမ်မိူၼ်ႇမိုင်တူၺ်းၵူၼ်းၵေႃႉၼၼ်ႉ ၼင်ႇဝႃႈယၢမ်ႈႁူႉၸၵ်းဝႆႉယဝ်ႉ။ ၵႃးလမ်းၼၼ်ႉၵေႃႈ ၶိုၼ်းႁူၼ်ပွၵ်ႈ ၽႅတ်ႈမႃးၸမ်ႁိမ်းၶႃၼၼ်ႉလႄႈ ၵူၼ်းႁေႃႈၵႃးၼၼ်ႉ ၼင်ႇႁၢင်ႈၶႂ်ႈမိူၼ်ၵူၼ်းႁူႉၸၵ်းဝႆႉသေ ဢဝ်ၶမ်းႁွမ်ဝိၼ်ႇဝၢႆႇတူၺ်းၵႂႃႇၸွမ်းယဝ်ႉ။ ပွၵ်ႈဢွၼ်တၢင်းသုတ်းၼႂ်းၸူဝ်ႈပၢၼ် လႆႈၶဝ်ႈႁူမ်ႈၸွမ်းပၢင်ၵုမ်လူင် ၵူၼ်းၼမ်ဝႃႈၼမ် မီးၸဵမ်ၵူၼ်းသိုၵ်း လႄႈ ၵူၼ်းမိူင်းၶိုၼ်ႈႁွတ်ႈ၊ ၶမ်းႁွမ်တႄႉဢမ်ႇၵဵဝ်ႇသင်ၼင်ႇၵွၼ်ႇ ၵူၺ်းၵႃႈ ၽူႈၸွႆႈၽူႈမၢႆသႅင်ၽွင်းဢမ်ႇတၼ်းလႄႈ လႆႈၵႂႃႇၸွႆႈသႅင်ၽွင်းမၢတ်ႈမၢႆပၢင်ၵုမ်ၼႆၼၼ်ႉယဝ်ႉ။ “သူႁွင်ႉႁဝ်းမႃးႁဵတ်းသင်လႃႇၼႆႉ..သႅင်ၽွင်း” “မႃးၸွႆႈႁဝ်းၼၼ်ႉၼႃႇ..” “ႁဝ်းၶႂ်ႈၼွၼ်းၼႃႇယဝ်ႉဝႃႈ” “ယဵၼ်ႉသေထွမ်ႇလႄႈ..သူတေလႆႈႁူႉဝႃႈၵၢၼ်ပဵၼ်ၽူႈမၢႆၼႆႉမၼ်းဢမ်ႇငၢႆႈၼႆတေလႆႈယဵၼ်ႉၶၢမ်ႇတႃၼွၼ်းမွၵ်ႈႁိုဝ်” “ႁႂ်ႈႁဝ်းႁဵတ်းၶူးဢမ်ႇၵႃးႁႂ်ႈႁဝ်းမႃးႁဵတ်းၽူႈမၢႆထႅင်ႈၵွၼ်ႇ” “ဢိူဝ်ႈၼႃႈၸၢမ်းႁဵတ်းတူၺ်းလႄႈယူဝ်သူတေလႆႈၸႂ်ၶႂ်ႈႁဵတ်းၸွႆႈႁဝ်းမႃးထႅင်ႈဢိူဝ်ႈ” “ၸဵမ်မိူဝ်ႈမႃးၸွႆႈႁဵတ်းယူႇၵူႈဝၼ်းၼႆႉ..ပႆႇၼပ်ႉဝႃႈၸွႆႈလႆႈၵွၼ်ႇႁႃႉ” “ၸွႆႈၶႃႈဢေႃႈ..ၸွႆႈလႆႈၼမ်တေႉယဝ်ႉၶႃႈဢၼ်ႁႂ်ႈသူမႃးၸွမ်းၼႆႉၵေႃႈၶႂ်ႈႁႂ်ႈသူလႆႈႁဵၼ်းႁူႉပႃးလႄႈ..မိူဝ်းၼႃႈမႃးယူဝ်သူၸၢင်ႈဢဝ်ၸႂ်ႉတိုဝ်းလႆႈ..ဢၼ်လႆႈမႃးထွမ်ႇမႃးငိၼ်းယူႇၸိူဝ်းၼႆႉၼၼ်ႉၼႃႇ” “ဢေႃႈၶႃႈ..ၵူၼ်းဝူၼ်ႉလီတေႃႇႁဝ်း” ၼင်ႈႁေထွမ်ႇႁၢင်ႈၼႂ်ပေႃးၵူၼ်ႉၼႃႇယဝ်ႉ ဝၢႆးဝၼ်းၼင်ႈထွမ်ႇထႅင်ႈၵေႃႈ ႁူဝ်တႃၼၼ်ႉပေႃးဢမ်ႇၶႂ်ႈယွင်ႈပေႉလႆႈယဝ်ႉၼႃႇ။ ၵမ်ႈၽွင်ႈယင်းလၵ်ႉၼွၼ်းလပ်းယူႇလႃႈ။ ပၢင်ၵုမ်တင်းဝၼ်းပႆႇယဝ်ႉ မိူဝ်ႈၽုၵ်ႈသိုပ်ႇထႅင်ႈလႄႈ ထိုင်ၶိင်းၶၢဝ်းလူင်းယဝ်ႉ ၶမ်းႁွမ်ၶႃၵေႃႈ ဢွၼ်ၵၼ်ပႆမိူဝ်းၵႂႃႇၸွမ်းပိူၼ်ႈလွႆးလွႆး။ ၵမ်ႈၽွင်ႈၸိူဝ်းမီးလူတ်ႉမီးၵႃးၵေႃႈၶီႇလူတ်ႉၶီႇၵႃး ၸိူဝ်းဢမ်ႇမီးလူတ်ႉမီးၵႃးၵေႃႈပႆတိၼ်ယဝ်ႉ။ ယၢမ်းၵၢင်ၶမ်ႈ ၶမ်းႁွမ်ၼင်ႈယူႇတီႈႁူးလႅင်းသေ ငွၵ်ႈတူၺ်းၵိင်ႇမႆႉသၢင်းတူင်ႉၼိုင်ၶွၼ်းယူႇၼၼ်ႉ ၼင်ႇၵူၼ်းမွင်းသေလွင်ႈလွင်ႈဝႆႉလႄႈ သႅင်ၽွင်းႁၼ်လၢႆးႁဵတ်းသၢင်ႈၼၼ်ႉ “မွင်းၽႂ်ယူႇလႃႇလႅင်းမိူင်းဢၼ်ဝႃႈၼၼ်ႉႁႃႉ ” “ဢမ်ႇ!ဢမ်ႇ!!” ၶိုၼ်ႈသဵင်ဢိတ်းၼိုင်ႈ၊ “ႁဝ်းၶႂ်ႈႁူႉဝႃႈသင်ပေႃႈႁဝ်းတိုၵ်ႉမီးယူႇတေပဵၼ်ၸိူင်ႉႁိုဝ်ၼေႃ” သႅင်ၽွင်းပႆႇတၼ်းလၢတ်ႈသင် သဵင်ၾူၼ်းမေႃးမႃး ၶမ်းႁွမ်ၼႅတ်ႈႁပ်ႉယဝ်ႉ ဢွၵ်ႇၵႂႃႇပႅတ်ႈၵမ်းလဵဝ်။ “ သိုပ်ႇမႃးၶၢဝ်းၼႆႉမီးလွင်ႈသင်ၶႃႈ ” “ၶႂ်ႈငိၼ်းသဵင်သူဢေႃႈ” ၶေႃႈၵႂၢမ်းဢွၼ်ႇၶေႃႈလဵဝ်ၵူၺ်း ဢမ်ႇႁူႉဝႃႈမၼ်းသႂ်ႇလေႃးသင် ႁဵတ်းႁႂ်ႈၶမ်းႁွမ်ယုမ်ႉဢွၵ်ႇမႃးပေႃးဢမ်ႇတုပ်ႇလႆႈယဝ်ႉ။ “မိူဝ်ႈၼႂ်ၵႆႈႁၼ်ႁဝ်းယူႇႁႃႉႁဝ်းတႄႉႁၼ်သူဢေႃႈ” “သူၵႂႃႇသေၶႃႈႁႃႉ” “ၵေႃႈၵႂႃႇသူင်ႇပေႃႈႁဝ်းၼၼ်ႉၼႃႇ” “ဢေႃ..ၵူၼ်းၼမ်ၵူၼ်းလၢႆဢမ်ႇတွင်းၽႂ်ယဝ်ႉၶႃႈ” “သူပေႃးဢမ်ႇၵဵပ်းတွင်းဝႆႉၼႂ်းသၢႆတႃသေဢိတ်းၼေႃ” “ႁဝ်းတေၼွၼ်းၵွၼ်ႇယဝ်ႉၶႃႈ” “မိူဝ်ႈၽုၵ်ႈထူပ်းၵၼ်ၶႃႈၸွင်ႇႁဝ်းတေလႆႈၵႂႃႇႁပ်ႉႁိုဝ်” “ဢမ်ႇပဵၼ်သင်ၶႃႈ” ၶမ်းႁွမ်ၵေႃႈဝၢင်းၵႂႃႇပႅတ်ႈၵမ်းလဵဝ်။ လႅင်းမိူင်းတိုၵ်ႉဢၢင်ႈဝႃႈ “ၾၼ်လီၶႃႈ” ၼႆယူႇၵေႃႈ ၵူၼ်းထွမ်ႇမၼ်းဢမ်ႇတၼ်းထွမ်ႇယဝ်ႉ။ “လၢတ်ႈတေႃႇသၢဝ်တၢင်းလႂ်ထႅင်ႈယဝ်ႉလႃႇၶၢဝ်းၼႆႉတိုၵ်ႉမႃးၼင်ႈပႂ်ႉယၢမ်းယူႇ” ၸၢႆးၶိူဝ်းမႃးယူႇႁိမ်းမၼ်းသေလၢတ်ႈ။ “မႃးၵေႃႈလီယဝ်ႉ ပႂ်ႉၼႆႈတင်းၶိုၼ်းလႄႈ” လုၵ်ႉၵႂႃႇပႅတ်ႈၸၢႆးၶိူဝ်းသေယဝ်ႉ။ မိူဝ်းၼွၼ်းသေတႅမ်ႈသူင်ႇၶေႃၵႂၢမ်းၵႂႃႇ “ၾၼ်လီၶႃႈ” ၶမ်းႁွမ်ဢၼ်တေၼွၼ်းယူႇၼၼ်ႉ ငိၼ်းသဵင်ၶေႃႈၵႂၢမ်းလင်မေႃးမႃးလႄႈ ၽုၺ်ႇၾူၼ်းတူၺ်း ႁၼ်ယဝ်ႉၵေႃႈ မိုဝ်းၶႂ်ႈဝႆးလိူဝ်သေၸႂ်ယဝ်ႉ တွပ်ႇၵႂႃႇၶိုၼ်း “မိူၼ်ၵၼ်ၶႃႈ” တွပ်ႇၵႂႃႇယဝ်ႉ လႅင်းမိူင်းတူၺ်းၵမ်းလဵဝ်လႄႈ ၶေႃႈၵႂၢမ်းသွင်ၶႃၵေႃႈသိုပ်ႇၵႂႃႇတေႃႇထိုင်တဵင်ႈၶိုၼ်းယဝ်ႉ။ လၢတ်ႈဝႃႈတေၼွၼ်းလၢႆၵမ်းၵေႃႈ ဢမ်ႇပဵၼ်ၼွၼ်းလႆႈ ၶႂ်ႈၼွၼ်းဢၼ်ဝႃႈၼၼ်ႉၵေႃႈ သမ်ႉပေႃးလိုမ်းမၼ်းၵႂႃႇယဝ်ႉ ဢၵျွင်းဝႃႈမၢဝ်ႇသၢဝ်ၶဝ်ၵဝ်းၵၼ်ၼႆႉ ဢမ်ႇမီးတီႈသုတ်းတိူၵ်ႈလႆႈ ၶၢဝ်းယၢမ်းၼႆႉပေႉမႃးၽၢၼ်ႇပူၼ်ႉဝႆးလႃႇၼႆၵူၺ်း။ လႅင်းမိူင်းၵေႃႈမိူၼ်ဝႃႈ လွင်ႈၾၼ်ႁၢႆႉလူင်ယူႇၵူႈၶိုၼ်းၼၼ်ႉ တေႁၢႆၵႂႃႇပႅတ်ႈယူႇ။ ဢၼ်ၵႆႉတိုၼ်ႇၵၢင်ၶမ်ႈၵၢင်ၶိုၼ်းၼၼ်ႉၵေႃႈဢမ်ႇပဵၼ်ယဝ်ႉ။ ဢၼ်ၵႆႉၼွၼ်းဢမ်ႇလပ်းၼၼ်ႉလႅပ်ႈတေဢမ်ႇမီးယဝ်ႉ တေႃႈၼင်ႇၵၢင်ဝၼ်းလႃႈ လႅတ်ႇပေႃးဢွၵ်ႇ ယင်းတိုၵ်ႉၼွၼ်းဝၢၼ်ယူႇ။ ၵူၼ်းယူႇၸွမ်းမၼ်းၸိူဝ်းၼၼ်ႉ ၶႂ်ႈႁၼ်လၢၵ်ႇလၢႆးဝႆႉလႄႈ ဢမ်ႇတွၼ်ႉႁၼ်လႅင်းမိူင်း လုၵ်ႉလႃႈသေပွၵ်ႈလူး။ ၸင်ႇၸႂ်ဢမ်ႇပူၵ်း ပွႆႇႁႂ်ႈမၼ်းၼွၼ်းၵႂႃႇယဝ်ႉ။ မိူဝ်ႈလႅင်းမိူင်းတိုၼ်ႇမႃးဢမ်ႇႁၼ်ၽႂ်သေၵေႃႉ ၽိူဝ်ႇလႆႈႁၼ်ဢွမ်မွင်းယဝ်ႉ ၵိုင်ႉၵၢင်ႉတူၵ်းၸႂ်သေၶုၼ်ႇလုၵ်ႉမႃး ၵူဝ်ဢမ်ႇတၼ်းၶိုတ်းၶၢဝ်းယၢမ်းလႄႈ ၼႅတ်ႈတိုဝ်းတင်းသွၵ်းတိၼ်သေ ၵေႃႉပဵၼ်ၸၢႆးလၢဝ်ၵူၼ်းႁုင်မိုဝ်ႉၶဝ်ၼၼ်ႉ လႆႈႁၼ် “ႁူဝ်ၼႃႈႁဝ်းတေၵႂႃႇလႂ်လႃႇၼၼ်ႉ” “ၵႂႃႇသူင်ႇပေႃႈႁဝ်းၵႂႃႇပၢင်ၵုမ်” “ၽူႈမၢႆဢွင်ႇႁဝ်းၵႂႃႇသူင်ႇပၼ်ယဝ်ႉ” “ၸိူင်ႉၼၼ်ႁႃႉ ” ၸင်ႇတေမႄးထွတ်ႇသွၵ်းမၼ်းၶိုၼ်းယဝ်ႉ။ “ပဵၼ်သင်လႄႈၽႂ်ပေႃးဢမ်ႇပူၵ်းႁႃးသေၵေႃႉလႃႇ ” “ဢမ်ႇတွၼ်ႉယၢမ်ႈႁၼ်ႁူဝ်ၼႃႈလုၵ်ႉလႃႈသေပွၵ်ႈလူးၶႂ်ႈႁူႉဝႃႈတေလုၵ်ႉလႃႈထိုင်လၢႆမူင်းၼႆၵႂႃႈ” ၶၢဝ်းလူင်းပၢင်ၵုမ်ၼႆၵေႃႈ လႅင်းမိူင်းသမ်ႉဢမ်ႇတၼ်းလႄႈ ဢမ်ႇလႆႈၵႂႃႇႁပ်ႉပေႃႈၶဝ်ထႅင်ႈယဝ်ႉ။ ၶမ်းႁွမ်ၵေႃႈလွမ်မွင်းဝႃႈတေလႆႈႁူပ်ႉယူႇ ၵူၺ်းၵႃႈဢမ်ႇလႆႈႁၼ်ၸိူင်ႉၼႆ ၼႂ်းၸႂ်ၵေႃႈဢမ်ႇပေႃးသိူဝ်းၵႃႈႁိုဝ်။ လႅင်းမိူင်းၵေႃႈဝူၼ်ႉၽိတ်းယူႇႁင်းမၼ်း ဢမ်ႇႁူႉဝႃႈတေႁဵတ်းႁိုဝ် ၼႂ်းၸႂ်ၼႆႉပေႉမႃးဢမ်ႇႁတ်းၵေႃႈဢမ်ႇႁူႉ ဢၢႆၶိုၼ်းၵႂၢမ်းလၢတ်ႈတူဝ်ၵဝ်ႇ သမ်ႉပေႃးဢမ်ႇႁတ်းတေႃႇၼႃႈၶဝ်ယဝ်ႉ။ တေလၢတ်ႈသမ်ႉမိူၼ်ၵႄႈတူဝ် တေဢမ်ႇလၢတ်ႈၵေႃႈသမ်ႉမိူၼ်ႁဵတ်းၽိတ်းတေႃႇၶဝ်ဝႆႉ တေလၢတ်ႈၵေႃႈၶႂ်ႈၵူဝ်မႃးယဝ်ႉ ဢၼ်ၵူဝ်လိူဝ်ပိူၼ်ႈတၢင်းလူင်ၼႂ်းၸၢတ်ႈပၢၼ်ၼႆႉ ၵူဝ်ၶမ်းႁွမ်ဢိမ်ၸၢၼ်ႈၼၼ်ႉၵူၺ်း။ ဝၢႆးသေဝၼ်းၼႆႉပူၼ်ႉၵႂႃႇ သွင်ၶႃၵေႃႈဢမ်ႇလႆႈၵပ်းသိုပ်ႇၵၼ်ၶိုၼ်း ယဵၼ်ၵႂႃႇႁင်းၽႂ်ႁင်းမၼ်း။ ပၢင်ၵုမ်ဢၼ်ၶိုၼ်ႈယူႇၵူႈဝၼ်းၼၼ်ႉၵေႃႈ လႆႈယဝ်ႉတူဝ်ႈၵႂႃႇယဝ်ႉလႄႈ ႁူဝ်ၶမ်ႈမႃး မီးပၢင်ၵိၼ်လဵင်ႉၼႆသေ ၶမ်းႁွမ်ၶႃၵေႃႈၵွပ်ႈတေဢမ်ႇပႂ်ႉၵိၼ်လဵင်ႉၸွမ်းပိူၼ်ႈလႄႈ ပွၵ်ႈမိူဝ်းထႃႈဢွၼ်တၢင်းယဝ်ႉ။ ၸင်ႇသမ်ႉငိၼ်းသဵင်တဵၵ်းႁွၼ်းၵႃးသွင်ၵမ်း ၶႃၵေႃႈဝၢႆႇတူၺ်း ၵူၼ်းၵေႃႉၼၼ်ႉၵေႃႈၵိုတ်းၵႃးသေ “ပွၵ်ႈမိူဝ်းယဝ်ႉႁႃႉ..” ၶမ်းႁွမ်တင်ႈၸႂ်ဢမ်ႇဝၢႆႇတူၺ်းၵူၼ်းၵေႃႉၼၼ်ႉ မီးသႅင်ၽွင်းၵူၺ်းတွပ်ႇ “ၸႂ်ႈယဝ်ႉၶႃႈတေၵႂႃႇလႂ်ၶႃႈလႃႇ” “ၵႂႃႇႁပ်ႉပေႃႈႁဝ်းဝႃႇၵႂႃႇၵေႃႈလႅပ်ႈလႆႈၵႂႃႇပႂ်ႉၵူၺ်းႁႂ်ႈႁဝ်းမိူဝ်းသူင်ႇၶႃႈၼႄႇ” “ဢမ်ႇပဵၼ်သင်ၶႃႈၸမ်ၸမ်ၵူၺ်းသမ်ႉလူဝ်ႇမိူဝ်းဝႄႉသိုဝ်ႉၶွင်တီႈလၢၼ်ႉထႅင်ႈသေဢိတ်ႉၼိုင်ႈ” “ၸိူင်ႉၼၼ်ႁႃႉလွႆးလွႆးၶႃႈပေႃးၼႆ” လႅင်းမိူင်းၼၼ်ႉတႄႉ သမ်ႉဝႃႈၶႂ်ႈလၢတ်ႈတေႃႇၶမ်းႁွမ်ယူႇၵေႃႈ ၶွင်ၸဝ်ႈပိူၼ်ႈသမ်ႉဢမ်ႇယၵ်ႉတူၺ်းၼႃႈလူး ၸၢင်ႈတေႁဵတ်းႁိုဝ်။ “သူမေႃးၵၼ်တင်းမၼ်းႁႃႉ” “ဢမ်ႇၼႃ..ဢမ်ႇလႆႈလၢတ်ႈတေႃႇၵၼ်လူးၵွၼ်ႇ” “ၼၼ်ႉယဝ်ႉသူယဵၼ်သႂ်ႇမၼ်းႁႃႉပေႃးၼႆ..ၵၢၼ်ႉၵိုတ်းလူတ်ႉသေတၵ်ႉပေႃးဢမ်ႇယၵ်ႉတူၺ်းပိူၼ်ႈသေဢိတ်း” ဝၢႆးသေပၢင်ၵုမ်ယဝ်ႉၵႂႃႇ ၵၢၼ်ၵေႃႈၼမ်မႃးထႅင်ႈသမ်ႉႁိပ်ႈ ပွႆးၵေႃႈသမ်ႉၸမ်မႃးတိၵ်းတိၵ်း၊ ပေႃးဢမ်ႇယဝ်ႉၵၢၼ်ၵေႃႈတေဢမ်ႇလႆႈလႄႇပွႆး လႄႇၵေႃႈတေဢမ်ႇၵျေႃႇၼၼ်ႉယဝ်ႉ၊ ၶမ်းႁွမ်ၼၼ်ႉၵေႃႈ ၸွႆႈသႅင်ၽွင်းပေႃးဢမ်ႇလႆႈလိုဝ်ႈမိူၼ်ၵၼ်။ တႃဝၼ်းလပ်ႉလွႆၵႂႃႇ သၢႆငဝ်းလိူၼ်ထွင်ႇတႅၼ်း ၶမ်ႈမႃးယဝ်ႉၶမ်းႁွမ်ၶႃ တိုၵ်ႉႁဵတ်းၵၢၼ်ယဝ်ႉၵူၺ်းလႄႈ ၶမ်းႁွမ်ၼၼ်ႉတႄႉ ပွႆႇတူဝ်ပွႆႇၸႂ်လူမ်ႉလူင်းၵႂႃႇတီႈၼွၼ်းမၼ်းၼၼ်ႉၵႅပ်ႉၼိုင်ႈ မိူဝ်ႈတိုၵ်ႉမွႆႈလပ်းယူႇ သဵင်သႅင်ၽွင်းၵေႃႈၶဝ်ႈႁူမႃး “ၶမ်းႁွမ်ဢမ်ႇၵႂႃႇလႄႇပွႆးႁၶမ်ႈၼႆႉ ” “မီးပွႆးႁေႁႃႉၶမ်ႈၼႆႉ” “ၵႂႃႇယူႇလႂ်မႃးလႃႇ ပိူၼ်ႈႁဵတ်းပွႆးၵေႃႈဢမ်ႇႁူႉ” “သူၼၼ်ႉယဝ်ႈ..ႁႂ်ႈႁဝ်းႁဵတ်းၵၢၼ်ယူႇတိၵ်းတိၵ်း” “သူၸွင်ႇတေၵႂႃႇႁိုဝ်လႃႇ” “ဢမ်ႇယဝ်ႉသူၵႂႃႇလႃႈႁဝ်းႁိူဝ်ႉၼႃႇယဝ်ႉယွၼ်းၼွၼ်းလိုဝ်ႈႁိူဝ်ႉၵွၼ်ႇ” “ဢမ်ႇၵႂႃႇဢမ်ႇလႆႈပိူၼ်ႈၵႂႃႇပွႆးမူတ်းယဝ်ႉၵိုတ်းသူၵေႃႉလဵဝ်ၵူၺ်းႁတ်းယူႇယူႇၼႄႇ” “ဢိုမ်ႈ” သဵင်ၶမ်းႁွမ်ၵေႃႈယဵၼ်ၵႂႃႇ။ ယၢမ်းၼၼ်ႉသဵင်ၾူၼ်းၶမ်းႁွမ်မေႃးမႃးလႄႈ သႅင်ၽွင်းႁၼ်ပဵၼ်ၸိုဝ်ႈလႅင်းမိူင်းၼႆသေႁပ်ႉၵႂႃႇယဝ်ႉ။ ဝၢႆးၼၼ်ႉသႅင်ၽွင်းၵေႃႈဢမ်ႇသိုပ်ႇႁွင်ႉၶမ်းႁွမ်ထႅင်ႈ မၼ်းၵေႃႈၶီႇၵႃးလူင်ၵႂႃႇၸွမ်းပိူၼ်ႈယူႇယဝ်ႉ။ သိုပ်ႇလူၵႂႃႇထႅင်ႈၶႃႈ | ['ၸိူင်းတိုၵ်း', 'ၸိူင်းတၢင်းႁၵ်ႉ'] |
2025-04-20T07:08:47 | https://tainovel.com/%e1%80%90%e1%80%ad%e1%80%af%e1%81%bc%e1%80%ba%e1%82%87%e1%80%9c%e1%82%85%e1%80%84%e1%80%ba%e1%80%b8-%e1%80%90%e1%80%bd%e1%81%bc%e1%80%ba%e1%82%88%e1%82%81%e1%80%b0%e1%81%b5%e1%80%ba%e1%80%b8/ | တိုၼ်ႇလႅင်း တွၼ်ႈႁူၵ်း | တွၼ်ႈႁူၵ်း ၶမ်းႁွမ်ဝၢႆႇတူၺ်းၵႂႃႇတၢင်း လႅင်းမိူင်းၸုၵ်းဢုပ်ႇလုၵ်ႈၼွင်ႉမၼ်းယူႇၼၼ်ႉလႄႈ “ယုမ်ႇလႆႈယူႇႁႃႉၼၼ်ႉ” “ပီႈယုမ်ႇၶဝ်လႆႈယူႇမိူဝ်ႈၶႃႈမႃးၸွမ်းတၢင်း..ၶႃႈဢမ်ႇယူႇလီၶဝ်ဢမ်ႇၶၢမ်ႇလပ်းဢမ်ႇၶၢမ်ႇၼွၼ်းသေလုမ်းလႃးတူၺ်းထိုင်ၶႃႈၶႃႈသမ်ႉပေႃးယွမ်လူင်ဝႆႉၶႃႈဢမ်ႇၵႂႃႇလႆႈၶဝ်ၵေႃႈၸေးၶႃႈၵႂႃႇသမ်ႉဝႃႈႁိူဝ်ႉၼႆၵေႃႈၶဝ်ဢမ်ႇတွၼ်ႉၶၢင်းမၢင်ပွၵ်ႈၶႃႈႁဵတ်းၽိတ်းမႃးတႅၼ်းတီႈၶဝ်တေလႃႇၶဝ်ၵေႃႈသင်ႇသွၼ်ၶႃႈမိူဝ်ႈႁႅင်းၸႂ်တူၵ်းၶဝ်ၵေႃႈၸွႆႈပၼ်ႁႅင်းၸႂ်ၶႃႈၵူႈဝူင်ႈဝၼ်းလိုဝ်ႈၶဝ်ၵႆႉၵႂႃႇလႄႇၵႂႃႇၸႂ်းၶႃႈတႃႇသေႇယဝ်ႉၶဝ်မိူၼ်ပဵၼ်ပီႈၸၢႆးၶႃႈၵေႃႉၼိုင်ႈလႄႈ..ပဵၼ်ဢဵၼ်ႁႅင်းႁဵတ်းႁႂ်ႈမီးႁႅင်းၸႂ်ပဵၼ်တင်းၶူးသွၼ်ၶႃႈႁဵတ်းႁႂ်ႈၶႃႈဝူၼ်ႉလႆႈၶဝ်ပဵၼ်ၵူၼ်းလီဢေႃႈပီႈသင်ၸိူဝ်ႉဝႃႈၶႃႈတွပ်ႇတႅၼ်းၵုင်ႇမုၼ်ၶဝ်လႆႈၶႃႈတေဢဝ်ပီႈသၢဝ်ၶႃႈပၼ်ယဝ်ႉ ” “လၢတ်ႈဢေႇဢေႇဢိတ်းၼိုင်ႈလႄႈၵႂၢမ်းၼႆႉ ” “ပီႈဢမ်ႇၵျိူၵ်ႈၶဝ်ႁလိူဝ်သေႁၢင်ႈၽၢင်လဝ်းယဝ်ႉၼမ်ႉၸႂ်ၵေႃႈလီၼမ်ႉၵတ်ႉၵေႃႈၶႅၼ်ႇမေႃႁၵ်ႉမေႃသႂ်ႇၸႂ်ပေႃးပီႈဢမ်ႇလႆႈၸႂ်ၵူၼ်းၸိူင်ႉၼင်ႇႁူဝ်ၼႃႈၸၢတ်ႈၼႆႉတင်းၸၢတ်ႈပီႈယႃႇမုင်ႈမွင်းတေလႆႈထူပ်းၵူၼ်းလီၸိူင်ႉၼႆထႅင်ႈ” “ၶဝ်ပေႉမႃးဢဝ်သင်..သႂၢင်းသႂ်ႇပၼ်ၼႂ်းဢွၵ်းၼွင်ႉၸၢႆးပီႈလႃႇၼႆႉ” သွင်ပီႈၼွင်ႉၵေႃႈ ဢုပ်ႇၵၼ်ယူႇတင်းႁိုင် သမ်ႉပေႃးတၼ်းထိုင်ၵၢင်ဝၼ်းယဝ်ႉ။ လႅင်းမိူင်းၵေႃႈမႃးၸူးၶႃပီႈၼွင်ႉသေယဝ်ႉ ၶမ်းမိူင်းၸင်ႇပၼ်တိုဝ်ႉတၢင်းၶႃ ႁႂ်ႈလႆႈဢုပ်ႇၵၼ်ၼႆလႄႈ လုၵ်ႉၵႂႃႇပႅတ်ႈယူႇ။ လႅင်းမိူင်းမႃးၼင်ႈတေႃႇၼႃႈၶမ်းႁွမ်ယဝ်ႉ ယၵ်ႉတူၺ်းၵၼ်တင်းႁိုင် ဢမ်ႇလၢတ်ႈသင်ယဵၼ်ၸူးၵၼ်ယူႇ မိူၼ်ဝႃႈဢွင်ႈတီႈၼၼ်ႈ ၵပ်ႉၵႅပ်ႈမႃးၸိူင်ႉႁိုဝ်ဢမ်ႇႁူႉ ၶမ်းႁွမ်ၵေႃႈလႆႈပိုတ်ႇသဵင်လၢတ်ႈဢွၵ်ႇမႃးယဝ်ႉ ႁဵတ်းႁႂ်ႈသဵင်တုမ်ႉယွၼ်ႈၵၼ်တၢင်းလႅင်းမိူင်း ဢၼ်ဢၢင်ႈတေလၢတ်ႈၼၼ်ႉလႄႈ။ လႅင်းမိူင်းၵေႃႈ “သူလၢတ်ႈဢွၼ်တၢင်းလႄႈ” “ဢေႃႈၵွပ်ႈဝႃႈႁဝ်းလႆႈထူပ်းၼွင်ႉၸၢႆးႁဝ်းဝၼ်းမိူဝ်ႈၼႆႉႁဝ်းယိၼ်းၸူမ်းတေႉယဝ်ႉၶႃႈယိၼ်းၸူမ်းသူဢၼ်ၸွႆႈတူၺ်းထိုင်ပၼ်ၼွင်ႉၸၢႆးႁဝ်းၼႃႈ ” “မၼ်းၵေႃႈပဵၼ်ပုၼ်ႈၽွၼ်းႁဝ်းထုၵ်ႇလီႁဵတ်းယူႇယဝ်ႉ ” လႅင်းမိူင်းဝႆႉၼႃႈယုမ်ႉဢိတ်းၼိုင်ႈလႄႈ သူင်ႇသၢႆတႃၸူးၶမ်းႁွမ် ဢဝ်မၼ်းသမ်ႉပေႃးဢမ်ႇႁတ်းတေႃႇၼႃႈယဝ်ႉ။ “ပေႃးၼၼ်ႁဝ်းယွၼ်းမိူဝ်းၵွၼ်ႇယဝ်ႈ ” “ႁဝ်းတေမိူဝ်းသူင်ႇ ” “ဢမ်ႇပဵၼ်သင်မိူဝ်ႈၼႆႉႁဝ်းၵေႃႈလႆႈသုၵ်ႉယုင်ႈၶၢဝ်းယၢမ်းသူၼမ်ၼႃႇယဝ်ႉ” “ၶၢဝ်းယၢမ်းႁဝ်းမီးလူၼ်ႉလိူဝ်ယူႇယဝ်ႉတွၼ်ႈတႃႇသူမိူဝ်ႈလဵဝ်ၵေႃႈၵၢင်ဝၼ်းတဵင်ႈယဝ်ႉၵိၼ်ၶဝ်ႈသေၸင်ႇမိူဝ်းလႄႈ ” လုၵ်ႈၼွင်ႉမၼ်းၵေႃႈဢဝ်ၶဝ်ႈၽၵ်းမႃးတမ်းပၼ်ၶႃသေ ဢၢႆၶဝ်ႈႁွမ်ႁွမ် ဢၢႆၽၵ်းႁွမ်ဝၢၼ် သူတ်ႇၶဝ်ႈၼႂ်းၶူႈၼင်ၵႂႃႇ ႁပ်ႉႁူႉလႆႈထိုင်ႁူင်းၶဝ်ႈ လႆႈငိၼ်းသဵင်တွင်ႉႁွင်ႉမေႃးမႃး တေထဵင်ၶိုၼ်းၵေႃႈ သဵင်မၼ်းမေႃးဢွၵ်ႇမႃးတေႃႇၼႃႈတေႃႇတႃလူး။ ၶမ်းႁွမ်ၵေႃႈမႄးၼင်ႈသေ ၵူမ်ႈၼႃႈတူၺ်းဝၢၼ်ႇၽၵ်းဢၼ်တိုၵ်ႉႁုင်မႃးၼၼ်ႉယဝ်ႉ လၢႆးႁဵတ်းသၢင်ႈၶမ်းႁွမ်ၼၼ်ႉ ဢဝ်တၢင်းယုမ်ႉလႅင်းမိူင်းတုပ်ႇပေႃးဢမ်ႇလႆႈ။ လႅင်းမိူင်းၵေႃႈ ၸေႃႉၽၵ်းတၵ်းသႂ်ႇပၼ်ၶမ်းႁွမ်သေ “ၵိၼ်လႄႈယႃႇပေၵူဝ်ဝႃႈမၼ်းဢမ်ႇဝၢၼ်တမ်းၸႂ်လႆႈယူႇ ” ၶမ်းႁွမ်ၼင်ႈမိူၼ်ႇ တူၺ်းဝၢၼ်ႇၽၵ်းဢၼ်လႅင်းမိူင်း တၵ်းပၼ်ၼၼ်ႉသေ ယူႇယူႇၵေႃႈ ဢဝ်ၼမ်ႉတႃမၼ်းၸိုမ်းဢွၵ်ႇမႃး တူၺ်းၼႃႈလႅင်းမိူင်းၵမ်းၼိုင်ႈယဝ်ႉ လုၵ်ႉဢွၵ်ႇၵႂႃႇပႅတ်ႈလူၺ်ႈတီႈ ဢမ်ႇလၢတ်ႈသင်သေၶေႃႈ လႅင်းမိူင်းၵေႃႈၼႅတ်ႈလုၵ်ႉလမ်းဢွၵ်ႇၵႂႃႇၸွမ်းယူႇ “သူပဵၼ်သင်လႃႇ ႁဝ်းဢမ်ႇႁူႉဝႃႈႁဝ်းႁဵတ်းသင်ၵႂႃႇ ႁဵတ်းႁႂ်ႈသူပဵၼ်ၸိူင်ႉၼႆ” ၶမ်းႁွမ်ၵေႃႈပႃးလူၺ်ႈသီၼႃႈဢၼ်မွင်ၸႂ်ၼၼ်ႉ “ႁဝ်းၶႂ်ႈမိူဝ်းယဝ်ႉ ” “ပႂ်ႉႁဝ်းဝႆႉလႄႈႁဝ်းတေမိူဝ်းသူင်ႇ” လႅင်းမိူင်းဢဝ်လူတ်ႉ ဢွၵ်ႇမႃးႁပ်ႉမိူဝ်းၵႂႃႇယူႇ။ မိူဝ်းၵိုတ်းယူႇတီႈပွတ်းတၢင်း “ပဵၼ်သင်ၵႂႃႇလႃႇသူႁဵတ်းႁႂ်ႈႁဝ်းတူၵ်းၸႂ်တေႉယဝ်ႈ ” “ႁဝ်းယွမ်းၼွမ်းယူႇလႆႈပၼ်တၢင်းမႆႈသူယွၼ်ႉဝႃႈလၢႆးႁဵတ်းသၢင်ႈသူႁဵတ်းႁႂ်ႈႁဝ်းဝူၼ်ႉထိုင်ၵူၼ်းၵေႃႉၼိုင်ႈမႃး ” “ၽႂ်လႃႇၵူၼ်းၵေႃႉဢၼ်ပွႆႇၽႃႈပႅတ်ႈသူၸိူင်ႉၼၼ်ႁ ” “မွၵ်ႈၼၼ်ႉယဝ်ႉ ” “သင်ဝႃႈမီးလွင်ႈၶမ်ၸႂ်ၶႂ်ႈပူတ်းပွႆႇၼႆၵေႃႈ ႁွင်ႉသႅၼ်ႇၵႂႃႇတီႈၼႆႈလႄႈ” “ၵေႃႈယဝ်ႉမၼ်းလႄႈ..မိူဝ်းလႃႈ” “ၸိူင်ႉၼၼ်ႁႃႉလူတ်ႉႁဝ်းတၼ်းၵိုတ်းၵႂႃႇမိူဝ်ႈလႂ်လႃႇၼႆႉ” “လူတ်ႉသူၵွႆၸိူင်ႉၼၼ်ႁႃႉ..” “ႁဝ်းဝႃႈတႄႉလႅပ်ႈပဵၼ်ၼၼ်ယဝ်ႉပႆမိူဝ်းဢဝ်ၼႄႇ” “မႃးသေႃးမၼ်းလႄႈႁဝ်းၼူဝ်းတူၺ်း” “ၼမ်ႉမၼ်းလႅပ်ႈမူတ်းယဝ်ႉယူဝ်ႉၼႆႉထၢင်ႇ..” “ၵမ်ႉၼႃႉပေႃးၼၼ်..” “သူတေႁဵတ်းသင်” “တေႁႂ်ႈသႅင်ၽွင်းသိုဝ်ႉၼမ်ႉမၼ်းမႃးပၼ်ဢေႃႈ” လႅင်းမိူင်းၵေႃႈမႄးလိမ်ႇသေႃးလူတ်ႉမၼ်းသေ ၼူဝ်းလႆႈၶိုၼ်းယဝ်ႉလႄႈ “လႆႈယဝ်ႉဝႃႈ ၵႂႃႇႁဝ်းမိူဝ်း” မိူဝ်ႈႁွတ်ႈထိုင်ယဝ်ႉၼၼ်ႉ မိူၼ်ဝႃႈလႅင်းမိူင်းတေမီး သေလွင်ႈလွင်ႈလႄႈ “သူ” “မီးလွင်ႈသင်ထႅင်ႈၶႃႈ” “မိူၼ်ၸိူင်ႉၼင်ႇဝႃႈသဵၼ်ႈတၢင်းတႃႇတေၵပ်းသိုပ်ႇသူၼၼ်ႉႁဝ်းယင်းဢမ်ႇပႆႇမီးသင်ၸိူဝ်ႉဝႃႈမီးလွင်ႈၶမ်းမိူင်းၸိူဝ်းၼႆႉမႃးႁဝ်းၵေႃႈတေလႆႈပွင်ႇလႅင်းပၼ်သူလႆႈၼၼ်ႉၼႃႇ” ၶမ်းႁွမ်ၵေႃႈတွၼ်ႈတႃႇၼွင်ႉ ၵႃႈလႆႈပၼ်ယဝ်ႉ။ ၶမ်ႈၶိုၼ်းယဵၼ်ယဵၼ် သဵင်လူမ်းထွင်းထွင်း ယၢမ်းမူင်းၵေႃႈဢမ်ႇပႆႇပေႃးလိုၵ်းၵႃႈႁိုဝ် ၶမ်းႁွမ်ဢဝ်တင်းၾူၼ်းမၼ်းသေ ၵပ်းသိုပ်ႇမိူဝ်းႁႃမႄႈမၼ်းယဝ်ႉ။ ပႂ်ႉႁိုင်ဢိတ်းၼိုင်ႈမႄႈၵေႃႈႁပ်ႉၾူၼ်း “မႄႈ!မႄႈယူႇလီယူႇႁႃႈ” “ၶမ်းႁွမ်ႁႃႉဢိူဝ်ႈ..မႄႈယူႇလီယူႇၵူၺ်းမီးလွင်ႈသင်လႃႇသိုပ်ႇၽူင်းမႃးယၢမ်းၵၢင်ၶိုၼ်းလိုၵ်းၸိူင်ႉၼႆဢမ်ႇသဵင်ႈငိုၼ်းၽူင်းၼမ်ႁႃႉ” “ဢေႃႈလုၵ်ႈၸႂ်ထိုင်မႄႈၸႂ်ထိုင်..ၸႂ်ထိုင်တေႉယဝ်ႉဝႃႈ” “ၵေႃႉယႂ်ႇယဝ်ႉတိုၵ်ႉၶႂ်ႈႁဵတ်းလုၵ်ႈဢွၼ်ႇယူႇ” “လုၵ်ႈၵေႃႈတိုၼ်းပဵၼ်လုၵ်ႈဢွၼ်ႇတွၼ်ႈတႃႇမႄႈယူႇတႃႇသေႇဢမ်ႇၸႂ်ႈႁိုဝ်မိူဝ်ႈၼႆႉၶႃႈလႆႈထူပ်းၶမ်းမိူင်းယဝ်ႉၶဝ်ယူႇလီၵႅၼ်ႇၶႅင်ၵိုင်ႇလႅပ်ႈပဵၼ်သိုၵ်းတႄႉယဝ်ႈလုၵ်ႈႁူႉယူႇဝႃႈမႄႈဢမ်ႇၶႂ်ႈငိၼ်းၵူၺ်းၵႃႈလုၵ်ႈၵေႃႈၶႂ်ႈလၢတ်ႈၼႄမႄႈ” “မၼ်းၵေႃႈတေမိူၼ်ဢူႈၶဝ်ယူဝ်ႉ” “မႄႈဢူႈႁဝ်းပဵၼ်ၵူၼ်းၸိူင်ႉႁိုဝ်လႃႇမႄႈလၢတ်ႈယူႇတႃႇသေႇဝႃႈဢူႈႁဝ်းပဵၼ်သိုၵ်းၼႆၵူၺ်းၵႃႈၶႃႈဢမ်ႇတွၼ်ႉလႆႈႁၼ်ၼႃႈၶဝ်ဢမ်ႇလႆႈႁၼ်ၶႅပ်းႁၢင်ႈၶဝ်သေပွၵ်ႈမိူဝ်ႈၵေႃႉလဵၵ်ႉၸွင်ႇၶဝ်ႁၵ်ႉယိင်းႁိုဝ်ၸွင်ႇယိင်းလႆႈၼင်ႈသေၵိၼ်ၶဝ်ႈၸွမ်းၶဝ်ယူႇႁႃႉယိင်းဢမ်ႇတွင်းလႆႈယဝ်ႉမႄႈၸွႆႈၶႆႈၼႄယိင်းၸွင်ႇလႆႈႁိုဝ်သမ်ႉဝႃႈမႄႈတေဢမ်ႇလႆႈၸႂ်ၶဝ်ပဵၼ်သိုၵ်းသေၽၢတ်ႇယၢၼ်ႁဝ်းမႄႈလုၵ်ႈႁႂ်ႈယူႇႁင်းၵူၺ်းၶဝ်ဢမ်ႇတွၼ်ႉတူၺ်းထိုင်ႁဝ်းသေတႃႉၶဝ်ၵေႃႈပဵၼ်ပေႃႈယိင်းၵေႃႉၼိုင်ႈယူႇလူးသမ်ႉဝႃႈၶဝ်ဢမ်ႇယူႇယဝ်ႉၵေႃႈပၼ်ႁႂ်ႈယိင်းလႆႈႁူႉၸၵ်းၶဝ်ဢိတ်းၼိုင်ႈၸွင်ႇလႆႈႁိုဝ်” “ပေႃႈသူႁႃႉၶဝ်ပဵၼ်ၵူၼ်းလီသႂ်ႇၸႂ်မႄႈသႂ်ႇၸႂ်လုၵ်ႈတေႉဢိူဝ်ႈၵူၺ်းၵႃႈၶဝ်ဢမ်ႇမီးၶၢဝ်းယၢမ်းပၼ်ႁဝ်းမႄႈလုၵ်ႈသေပွၵ်ႈၶဝ်ယူႇႁိူၼ်းၼိုင်ႈဝၼ်းယၢၼ်ၵႂႃႇၼိုင်ႈလိူၼ်ယူႇၼိုင်ႈလိူၼ်ၵႂႃႇပဵၼ်ပီယဝ်ႉၶဝ်ပၼ်ႁႂ်ႈႁဝ်းမႄးလုၵ်ႈတုၵ်ႉၶႁင်းၵူၺ်းသေတႃႉဢၼ်ၶဝ်ၵႂႃႇႁဵတ်းၼႃႈၵၢၼ်သေတေပဵၼ်ၵႂႃႇသေလွင်ႈလွင်ႈၼၼ်ႉႁဵတ်းႁႂ်ႈတုၵ်ႉၶလိူဝ်ယဝ်ႉဢမ်ႇဝူၼ်ႉၸွမ်းၵေႃႈဢမ်ႇလႆႈဢမ်ႇမႆႈၸႂ်ၵေႃႈၸႂ်သမ်ႉဢမ်ႇလီသင်တတ်းၸႂ်ၼိူဝ်ၶဝ်လႆႈမႄႈၵေႃႈတေတတ်းၸႂ်ပႅတ်ႈသေဢမ်ႇသူၼ်ၸႂ်ၶဝ်ၵႂႃႇယဝ်ႉမီးၶဝ်ယူႇၵေႃႈမိူၼ်ဢမ်ႇမီးတေႃႈၼင်ႇၶဝ်တၢႆၵႂႃႇၶၢပ်ႈတူဝ်တၢႆၵူၺ်းၵေႃႈဢမ်ႇလႆႈႁၼ်မႄႈပဵၼ်မေးၶဝ်သေတႃႉမႄႈယင်းဢမ်ႇမီးသုၼ်ႇလႆႈၸႂ်ႉၸၢတ်ႈပၢၼ်ႁူမ်ႈၶဝ်လႃႈဝူၼ်ႉထိုင်ၸိူင်ႉၼႆယဝ်ႉႁဵတ်းႁႂ်ႈမႄႈၸႂ်လမ်ယူႇတႃႇသေႇႁဵတ်းႁႂ်ႈၶႂ်ႈလိုမ်းၶဝ်ၵႂႃႇပႅတ်ႈသေၵူၺ်းၵႃႈမႄႈႁဵတ်းဢမ်ႇလႆႈယွၼ်ႉမႄႈလိုမ်းၶဝ်ဢမ်ႇလႆႈလႄႈႁဵတ်းႁႂ်ႈမႄႈဢမ်ႇၶႂ်ႈလၢတ်ႈထိုင်ၶဝ်ၼၼ်ႉယဝ်ႉသင်လွင်ႈဢၼ်ယိင်းလႆႈထူပ်းလႄႈၶေႃႈၵႂၢမ်းဢၼ်မႄႈလၢတ်ႈၼၼ်ႉမၼ်းႁဵတ်းႁႂ်ႈယိင်းၵႂင်ယူႇၵေႃႈသင်ယိင်းတူဝ်ထူပ်းတူၺ်းယိင်းၵေႃႈတေပွင်ႇၸႂ်ယူႇ” ၶမ်းႁွမ်တင်ႈၸႂ်သေထွမ်ႇတေႉၼၼ်ႉယဝ်ႉ တေႃႈၼင်ႇသဵင်မႄႈပေႃးယဵၼ်ၵႂႃႇယဝ်ႉၵေႃႈ ယင်းဢမ်ႇပႆႇတွပ်ႇသင်ၶိုၼ်း “ၶမ်းႁွမ်!မႄႈၶႂ်ႈၼွၼ်းၼႃႇယဝ်ႉ” “ဢေႃႈ!ၾၼ်လီၶႃႈမႄႈ!” မႄႈၵေႃႈဝၢင်းၾူၼ်းၵႂႃႇယူႇယဝ်ႉ။ သိုပ်ႇလူထႅင်ႈတွၼ်ႈတေမႃးၶႃႈ။ | ['ၸိူင်းတၢင်းႁၵ်ႉ', 'ၸိူင်းတိုၵ်း'] |
2025-04-19T07:05:06 | https://tainovel.com/%e1%80%90%e1%80%ad%e1%80%af%e1%81%bc%e1%80%ba%e1%82%87%e1%80%9c%e1%82%85%e1%80%84%e1%80%ba%e1%80%b8-%e1%80%90%e1%80%bd%e1%81%bc%e1%80%ba%e1%82%88%e1%82%81%e1%82%83%e1%82%88/ | တိုၼ်ႇလႅင်း တွၼ်ႈႁႃႈ | တွၼ်ႈႁႃႈ တႃဝၼ်းသုမ်ႇလပ်ႉလွႆ သၢႆငဝ်းလိူၼ်လႅင်းဝွႆးဝွႆး သဵင်လူတ်ႉၶိူင်ႈလင်မေႃးမႃး ၵိုတ်းယူႇၶၢင်ႈႁူင်းသဝ်းၶူးၶဝ်ၼၼ်ႉယဝ်ႉ သႅင်ၽွင်းၵေႃႈ “ၶမ်းႁွမ်ၵႂႃႇတူၺ်းပၼ်ၽွင်ႈလူးမိူၼ်ဝႃႈတေမီးၶႅၵ်ႇမႃး ” “ၶၢဝ်းၼႆႉယဝ်ႉတိုၵ်ႉမီးၶႅၵ်ႇမႃးယူႇႁႃႇလိုၵ်းၼႃႇယဝ်ႉၼႃ ” “မႄႈဢူၺ်းၵေႃႉႁဝ်းၽၢၵ်ႇၶူဝ်းမႃးပၼ်မၼ်းဝႃႇမၼ်းဝႃႈတေၸႂ်ႉႁူဝ်ၼႃႈၶဝ်မႃးဢဝ်ၼႆၼေႈလၢတ်ႈဝႃႈတေမႃးၶမ်ႈဢိတ်းၼိုင်ႈယူဝ်တေၸႂ်ႈယူႇယူဝ်ႉၵႂႃႇတူၺ်းပၼ်ၽွင်ႈ ” ၶမ်းႁွမ်လုၵ်ႉၵႂႃႇ ပိုတ်ႇၽၵ်းတူယဝ်ႉမုင်ႈႁၼ် ႁၼ်ၽူႈၸၢႆးၵေႃႉၼိုင်ႈ ၸုၵ်းယူႇၼႂ်းငဝ်းလပ်းသိင်ႇၼၼ်ႉဝွႆးဝွႆး ၶမ်းႁွမ်လူင်းမႃးၸူးလွႆးလွႆးသေ “ၶိုၼ်ႈမိူဝ်းပႂ်ႉတၢင်းၼိူဝ်ၵေႃႈလႆႈယူႇၶႃႈ ” ငဝ်းၼၼ်ႉဢွၵ်ႇမႃးယူႇတႂ်ႈသၢႆလႅင်းယဝ်ႉႁၼ်ၸႅင်ႈမႃးလႄႈ ၶမ်းႁွမ်ဢွၼ်ၶဝ်ႈၵႂႃႇ ၼႂ်းႁွင်ႈႁပ်ႉၶႅၵ်ႇသေ “ႁဝ်းတေၵႂႃႇႁွင်ႉသႅင်ၽွင်းမႃးပၼ်ၶႃႈၼႃ ” လႅင်းမိူင်းၵေႃႈဢမ်ႇမီးလွင်ႈတုမ်ႉတွပ်ႇသင်ၶိုၼ်း။ ၶမ်းႁွမ်ၵႂႃႇႁွင်ႉသႅင်ၽွင်းမႃးၸူးယဝ်ႉ ဢုပ်ႇၵၼ်ၵႅပ်ႉၼိုင်ႈ လႅင်းမိူင်းၵေႃႈဢဝ်ၶူဝ်းယဝ်ႉ ၵႂႃႇပႂ်ႉယူႇတီႈလူတ်ႉၶိူင်ႈမၼ်းၼၼ်ႉလႄႈ “ၶမ်းႁွမ်ၶဝ်တေမိူဝ်းယဝ်ႉဢမ်ႇၵႂႃႇသူင်ႇသေဢိတ်းႁ” “ဢမ်ႇယဝ်ႉ” “မိူၼ်ဝႃႈၶဝ်လႅပ်ႈမီးလွင်ႈၶႂ်ႈဢုပ်ႇတင်းသူယူႇၼႃၶဝ်ႁႂ်ႈသူၵႂႃႇထူပ်းဝႃႇ ” “ဢမ်ႇယူဝ်ႉမိူဝ်ႈၵႆႈၵေႃႈႁၼ်ႁဝ်းယူႇၶဝ်ယင်းဢမ်ႇဝႃႈသင် ” ၶမ်းႁွမ်ၼင်ႈယူႇတင်းႁိုင် ပႂ်ႉထွမ်ႇသဵင်လူတ်ႉတေမိူဝ်းၵေႃႈမိူၼ်ဢမ်ႇလႆႈငိၼ်း ၼႂ်းၸႂ်ဢၼ် ဢမ်ႇၶႂ်ႈထူပ်းၼႆၼၼ်ႉ ၵႆႉမီးတၢင်းယၢမ်ႈလၵ်ႉၶျွင်းဝႆႉၼေႈ ၶမ်းႁွမ်ပိုတ်ႇတူၺ်းတီႈႁူးလႅင်းသေလႄႈ ယင်းတိုၵ်ႉလႆႈႁၼ်ၼင်ႈပႂ်ႉယူႇ “ပေႃးတေလၵ်ႉတူၺ်းယူႇႁဵတ်းၼၼ်ဢမ်ႇလူင်းၵႂႃႇသေၶမ်ႈၵေႃႈၶမ်ႈၼႃႇယဝ်ႉပေႃးသူၼၢၼ်းၵႂႃႇၵေႃႈၶဝ်တေလႆႈမိူဝ်းၶမ်ႈၵူၺ်းဢိူဝ်ႈ” ၶမ်းႁွမ်ထူၺ်ႈၸႂ်လူင်ၵမ်းၼိုင်ႈ ပိုတ်ႇၽၵ်းတူလွႆးလွႆး ပႆၵႂႃႇၸူးလႅင်းမိူင်းဢၼ်ယူႇၼႂ်းငဝ်းလပ်းသိင်ႇၼၼ်ႉယဝ်ႉ။ “ၶၢဝ်းၼႆႉယဝ်ႉပႆႇမိူဝ်းၵွၼ်ႇႁႃႉ ” “ၶမ်ႈၶိုၼ်းၼႆႉလုၵ်ႈလၢဝ်ႁၢင်ႈလီတေႉယဝ်ႉၼေႃ” ၶမ်းႁွမ်ႁႅၼ်မုင်ႈတူၺ်းၸွမ်းသေ “ဢိုမ်ႉ! မိူၼ်ဝႃႈႁဝ်းတိုၵ်ႉယၢမ်ႈႁၼ်တွင်ႉၾႃႉလီလီၶမ်ႈၼႆႉယဝ်ႉ” လႅင်းမိူင်းၵေႃႈၶၢႆႉသၢႆတႃမၼ်းတူၺ်းၸူးၶမ်းႁွမ်သေယုမ်ႉယူႇ ၶမ်းႁွမ်ၵေႃႈၵိုတ်းတူၺ်းယဝ်ႉ ဝၢႆႇတူၺ်းၵႂႃႇၸူးလႅင်းမိူင်းၶိုၼ်း သၢႆတႃၼၼ်ႉတုမ်ႉမႅၼ်ႈၺႃးၵၼ် ဢမ်ႇတၼ်းႁူႉတူဝ် ႁူဝ်ၸႂ်တွတ်ႇတဵၼ်ႈသၼ်ႇၶွၼ်းၼိုင် ၵိုတ်းမိုင်ၵႂႃႇၵမ်းၼိုင်ႈ တူဝ်ၸင်ႇတေမီးသတိမႃးၶိုၼ်း။ “ပေႃးဢမ်ႇမီးလွင်ႈသင်ယဝ်ႉႁဝ်းတေၵႂႃႇၵွၼ်ႇယဝ်ႉၼႃႈ” တင်းလၢတ်ႈတၢင်းဝၢႆႇလင်ၵႂႃႇ လႅင်းမိူင်းၵေႃႈမီးလွင်ႈတုမ်ႉတွပ်ႇၶိုၼ်းၵမ်းလဵဝ်လႄႈ ၶုၼ်ႇႁၢဝ်ႉဢဝ်မိုဝ်းၶမ်းႁွမ်ဝႆႉသေ “ၵမ်ႉၵွၼ်ႇလႄႈ” ၶမ်းႁွမ်ၵိုတ်းမိုင်တူၺ်းတီႈၶေႃႈမိုဝ်းမၼ်းၼၼ်ႉလႄႈ လႅင်းမိူင်းၼႅတ်ႈပွႆႇ “မိူဝ်ႈၼႆႉႁဝ်းၵႂႃႇထူပ်းၶမ်းမိူင်းႁဝ်းလၢတ်ႈၶဝ်ဝႃႈသူမႃးမီးတီႈၼႆႈၶဝ်ၸူမ်းတေႉၼၼ်ႉယဝ်ႉဝၼ်းလိုဝ်ႈၼႆႉၸွင်ႇသူမီးၶၢဝ်းယၢမ်းတၼ်းႁႃႉႁဝ်းတေႁႃၶၢဝ်းယၢမ်းပၼ်ႁႂ်ႈၶဝ်လႆႈမႃးထူပ်းသူ” “ၵေႃႈတၼ်းယူႇ” “ပေႃးၼၼ်ၵေႃႈဝၼ်းလိုဝ်ႈႁဝ်းတေမႃးႁပ်ႉ!” သူင်ႇသင်ႇယုမ်ႉၸူးၶမ်းႁွမ်သေ ႁေႃႈလူတ်ႉၶိူင်ႈမၼ်းမိူဝ်းၵႂႃႇယဝ်ႉ။ ၵၢင်ၼႂ်ၸဵမ်ၸဝ်ႉ ၶမ်းႁွမ်တိုၵ်ႉၼင်ႈၵိၼ်ၶဝ်ႈယူႇၼႂ်းႁွင်ႈၵိၼ်ၶဝ်ႈၼၼ်ႉ မီးၵူၼ်းႁွင်ႉလၢတ်ႈဝႃႈ “ၶမ်းႁွမ်မီးၵူၼ်းမႃးႁႃ ” “ၽႂ်လႃႇ ” “ဢမ်ႇႁူႉယဝ်ႉမႃးတူၺ်းဢဝ်ၵူၺ်းလႃႈ ” ၶမ်းႁွမ်ၵေႃႈသင်ႇတီႈသႅင်ၽွင်းသေ “ယႃႇၽွမ်ႈပေႃးပႅတ်ႈၵၼ်ၼႃႈ” လႅၼ်ႈဢွၵ်ႇၵႂႃႇတူၺ်းယဝ်ႉႁၼ်လႅင်းမိူင်းပႂ်ႉဝႆႉယူႇလႄႈ “တၼ်းမႃးယဝ်ႉႁႃႉႁဝ်းယင်းဢမ်ႇပႆႇလႆႈႁၢင်ႈႁႅၼ်းသင်” “ႁဝ်းပႂ်ႉလႆႈယူႇ” “ပေႃးၼၼ်ၵေႃႈပႂ်ႉၵမ်းၼိုင်ႈလႄႈ” ၶမ်းႁွမ်ႁိပ်ႈၵိၼ်ၶဝ်ႈထႅင်ႈၵမ်းသွင်ၵမ်းယဝ်ႉ ၼႅတ်ႈလၢင်ႉဝၢၼ်ႇသေ ႁၢင်ႈႁႅၼ်းတူဝ်ဢွၵ်ႇမႃးၸူးယူႇ။ “ယဝ်ႉယဝ်ႉႁႃႉ ” “ဢိုမ်ႉ!လႆႈပႂ်ႉႁိုင်ၼႃႇႁႃႉ!ယွမ်းၼွမ်းၶႃႈၼႃႈ” “ႁဝ်းၵေႃႈယွမ်းၼွမ်းမိူၼ်ၵၼ်ဢမ်ႇလႆႈလၢတ်ႈဝႆႉၶၢဝ်းယၢမ်းဝႃႈ..တေမႃးလၢႆမူင်းၼႆၵူၺ်းၵႃႈသူၵေႃႈႁၢင်ႈႁႅၼ်းတူဝ်ဝႆးတေႉယဝ်ႉဢမ်ႇတၼ်းႁူႉသမ်ႉပေႃးတၼ်းယဝ်ႉယဝ်ႉႁဝ်းႁၼ်ၼင်ႇႁၢင်ႈၽူႈယိင်းၼႆႉပေႃးတေဢွၵ်ႇၵႂႃႇတၢင်းၼွၵ်ႈၼႆ..တေၼင်ႈႁၢင်ႈၶိူင်ႈပဵၼ်ၶိုင်ႈၸူဝ်ႈမူင်းၸိူဝ်းၼႆႉဢမ်ႇၸႂ်ႈႁိုဝ်” “ၼၼ်ႉတႄႉတေပဵၼ်ၽူႈယိင်းသူၵူၺ်းၶႃႈယူဝ်ႉႁဝ်းၶီႇလူတ်ႉၵႂႃႇၸွမ်းသူၸိူင်ႉၼႆဢမ်ႇပေႃးလီယူဝ်ႉၼႆႉ” “ၸၢင်ႈပဵၼ်သင်” “ၵမ်ႉမႃးမီးၵူၼ်းၶႅၼ်ၶႃႈဢေႃႈ” “ပေႃးမီးတႄႉလႅပ်ႈတေၶႅၼ်ယူႇၶႃႈယူဝ်ႉ” “ႁႂ်ႈသႅင်ၽွင်းၵႂႃႇသူင်ႇၵေႃႈလႆႈယူႇၵူဝ်ယၢပ်ႇၸႂ်သူဢေႃႈႁဝ်းၵူဝ်သူတေမီးပၼ်ႁႃတၢင်း” “ႁဝ်းပႆႇမီးၵေႃႉႁၵ်ႉၶႃႈ!” ဢဝ်ၶမ်းႁွမ်ယဵၼ်ၵႂႃႇ ပေႃးဢမ်ႇၵိုင်ႉၵၢင်ႉလၢတ်ႈသင်လႆႈယဝ်ႉ။ “ႁဝ်းဝႃႈသူထုၵ်ႇလီႁူႉဝႆႉၶႃႈဢေႃႈ” “ဢေႃႈ ဢမ်ႇၸမ်ပဵၼ်..” လၢတ်ႈပႆႇသုတ်း “ၵူဝ်သူထၢင်ႇၽိတ်းဢေႃႈ” သမ်ႉပေႃးဢဝ်ၶမ်းႁွမ်ဢမ်ႇၸၢင်ႈလၢတ်ႈသင်လႆႈထႅင်ႈယဝ်ႉ။ ၶမ်းႁွမ်ၵေႃႈ ၶိုၼ်ႈၶီႇလူတ်ႉၶိူင်ႈၸွမ်းလႅင်းမိူင်းသေ၊ သမ်ႉပဵၼ်တၢင်းၸၼ်းၶိုၼ်ႈလွႆလႄႈ ဢမ်ႇယၢမ်ႈသေပွၵ်ႈၶႂ်ႈၵူဝ်ၵူဝ်ဝႆႉ ဢဝ်မိုဝ်းဢွၼ်ႇမၼ်းၼၼ်ႉ ယိပ်းၸၼ်သိူဝ်ႈလႅင်းမိူင်း သမ်ႉပေႃးမၼ်ႈတဵင်ႈတဵင်ႈ။ လႅင်းမိူင်းၵေႃႈ ဢွၼ်ဢဝ်ၶမ်းႁွမ်မိူဝ်းၵႂႃႇတီႈလိုဝ်ႈၶဝ်ၼၼ်ႉယူႇ တီႈၼၼ်ႈ ၵူၼ်းပေႃးတဵမ်ၵႂႃႇသဵင်ႈ ၸင်ႇႁႂ်ႈၶမ်းႁွမ်ၼင်ႈပႂ်ႉ တီႈၼင်ႈလိုဝ်ႈၶဝ်ၼၼ်ႉသေ မီးၵူၼ်းတမ်းပၼ်ၼမ်ႉယဝ်ႉ ဢမ်ႇႁိုင်လႅင်းမိူင်းၸင်ႇႁွင်ႉၶမ်းမိူင်းမႃးထူပ်း။ ၶမ်းႁွမ်လႆႈႁၼ်ၼွင်ႉၸၢႆးမၼ်း သမ်ႉပေႃးယွမ်လူင်ဝႆႉလႄႈ “ၸၢႆးဢမ်ႇယူႇလီႁႃႉပဵၼ်သင်လႄႈပေႃးယွမ်လူင်ဝႆႉၸိူင်ႉၼႆ” “ယူႇလီဢေႃႈၸၢႆးယင်းၵႅၼ်ႇၶႅင်လိူဝ်သေမိူဝ်ႈဢွၼ်တၢင်းၵွၼ်ႇယဝ်ႉၼႆႉ” ပိုတ်ႇၼႄၵၢမ်ႈၼိူဝ်ႉတီႈၶႅၼ်ၼူၼၼ်ႉ ပၼ်ပီႈၼၢင်းမၼ်းတူၺ်းယူႇ။ “လႆႈၵႂႃႇသွၼ်ၵၢၼ်ၸွင်ႇတုၵ်ႉၶၼႄႇၸွင်ႇႁိူဝ်ႉႁိုဝ်ၸွင်ႇမီးလွင်ႈယၢပ်ႇၽိုတ်ႇသင်ၼႄႇ” “ၸွင်ႇမီးၽႂ်ဢၼ်ဢမ်ႇယၢမ်ႈတုၵ်ႉၶႁိုဝ် ” ၶမ်းမိူင်းၵေႃႈယဵၼ်ၵႂႃႇၵမ်းၼိုင်ႈ “ပီႈၸွင်ႇႁူႉႁမိူဝ်ႈၶႃႈယူႇႁိူၼ်းၶႃႈၶႂ်ႈမႃးႁဵတ်းသိုၵ်းၶႃႈဝူၼ်ႉဝႃႈမၼ်းမီးၾၢင်ႁၢင်ႈၶိုၵ်ႉၶႅမ်ႉၶႃႈႁၼ်သိုၵ်းႁၢၼ်မိူင်းပိူၼ်ႈႁၼ်ၼႂ်းၸိူင်းၼၼ်ႉမၼ်းၶႅမ်ႉလႆႈယိပ်းၵွင်ႈသေၵႅတ်ႇၶႄၽႅၼ်ႇလိၼ်ဝၢၼ်ႈမိူင်းၵႅတ်ႇၶႄၵူၼ်းၵေႃႉဢၼ်ၶဝ်ႁၵ်ႉၵတ်ႉၶႅၼ်ႇလႄႈႁတ်းႁၢၼ်..ဢမ်ႇၵူဝ်တၢႆႁတ်းတၢႆတၢင်ၸိူဝ်ႉၸၢတ်ႈတူဝ်ၵဝ်ႇၶႃႈဝူၼ်ႉဝႃႈဝၼ်းၼိုင်ႈၶႃႈတေၵတ်ႉၶႅၼ်ႇမိူၼ်ၶဝ်တေႁတ်းႁၢၼ်မိူၼ်ၶဝ်တေဢဝ်သၢႆၸႂ်သေၵႅတ်ႇၶႄၽႅၼ်ႇလိၼ်ဝၢၼ်ႈမိူင်းမိူၼ်ၶဝ်ၵႅတ်ႇၶႄပၼ်ၵူၼ်းၵေႃႉဢၼ်ၶႃႈႁၵ်ႉၵႅတ်ႇၶႄပၼ်မႄႈၵႅတ်ႇၶႄပၼ်ပီႈယွၼ်ႉၼၼ်ႉလႄႈၶႃႈၶႂ်ႈမႃးႁဵတ်းသိုၵ်း မိူဝ်ႈၶႃႈတေႇမႃးၶႃႈဢမ်ႇႁူႉဝႃႈၶႃႈတႅပ်းတတ်းၽိတ်းႁိုဝ်ထုၵ်ႇႁိုဝ်လွင်ႈၼွၼ်းၾၼ်ဢၼ်ၶႃႈၾၼ်မႃးၸိူဝ်းၼၼ်ႉမၼ်းလႅၵ်ႈလၢႆႈၵႂႃႇမူတ်းၶႃႈၸႂ်ထိုင်ႁိူၼ်းတေႉယဝ်ႉၶႃႈၶႂ်ႈမိူဝ်းႁိူၼ်းၶႃႈဢမ်ႇမီးၵေႃႉၶႃႈဢမ်ႇမီးၶၢဝ်းယၢမ်းလႄႇဢမ်ႇမီးၶၢဝ်းယၢမ်းလႆႈလဵၼ်ႈၽူင်းၶႃႈဢမ်ႇမီးငိုၼ်းမိူၼ်ယူႇတီႈႁိူၼ်းဢမ်ႇလႆႈၸႂ်ႉၸၢတ်ႈပၢၼ်ထၢင်ႇႁၢင်ႈၶႃႈဢမ်ႇႁူႉဝႃႈၶႃႈတေလႆႈႁဵတ်းၸိူင်ႉႁိုဝ်ၶႃႈဝူၼ်ႉၶိုၼ်းၵႂၢမ်းဢၼ်မႄႈလၢတ်ႈႁဵတ်းႁႂ်ႈၶႃႈပွင်ႇၸႂ်ဢၼ်မႄႈလၢတ်ႈမႃးၼၼ်ႉၵမ်းလဵဝ်ယဝ်ႉ မိူဝ်ႈတူဝ်ၶႃႈလႆႈထူပ်းၸိူင်ႉၼႆယဝ်ႉပၢႆးဝူၼ်ႉၶႃႈၵေႃႈလႅၵ်ႈလၢႆႈဢၼ်ၶႃႈမႃးႁဵတ်းသိုၵ်းၼႆႉဢမ်ႇၸႂ်ႈယွၼ်ႉၶဝ်လႄႈမႃးယွၼ်ႉဝႃႈမၼ်းပဵၼ်ပုၼ်ႈၽွၼ်းၶႃႈထုၵ်ႇလီလႆႈမႃးၼၼ်ႉယဝ်ႉဝၢၼ်ႈမိူင်းႁဝ်းပေႃးႁဝ်းဢမ်ႇၵႅတ်ႇၶႄဢမ်ႇမီးၽႂ်တေမႃးၵႅတ်ႇၶႄပၼ်ႁဝ်းပေႃးႁဝ်းဢမ်ႇႁၵ်ႉၽႂ်ၵေႃႈဢမ်ႇႁၵ်ႉပၼ်ႁဝ်းလႆႈတေႁႂ်ႈပိူၼ်ႈမႃးႁၵ်ႉပၼ်ႁဝ်းပိူၼ်ႈၵေႃႈတေဢဝ်ပဵၼ်ၶွင်ပိူၼ်ႈၵႂႃႇၵူၺ်းသင်ဢမ်ႇသင်..ၶႃႈၵေႃႈပဵၼ်လုၵ်ႈမႄႈတႆးၵေႃႉၼိုင်ႈလူးၶႃႈၵေႃႈမီးသုၼ်ႇထုၵ်ႇလီလႆႈမႃးႁဵတ်းၼၼ်ႉယဝ်ႉ သမ်ႉဝႃႈၶႃႈတေတုၵ်ႉၶၶႃႈဢမ်ႇလႆႈမိူဝ်းႁိူၼ်းၶႃႈဢမ်ႇမီးငိုၼ်းၼႆသေတဢမ်ႇၸႂ်ႈဝႃႈမီးၶႃႈၵေႃႉလဵဝ်ၵူၺ်းဢၼ်ယူႇမီးၵူၼ်းတင်းၼမ်ဢၼ်ႁဝ်းယူႇၸွမ်းၵၼ်တုၵ်ႉၸွမ်းၵၼ်မီးၵူၼ်းတင်းၼမ်ဢၼ်ၶၢမ်ႈပူၼ်ႉၵႂႃႇလႆႈမီးၵူၼ်းတင်းၼမ်ဢၼ်ႁဵတ်းသိုၵ်းမႃးပၢၼ်သိုပ်ႇပၢၼ်သမ်ႉပေႃးၵႄႇထဝ်ႈၵႂႃႇၵေႃႈမီးလူးၶဝ်ယင်းတေတုၵ်ႉၶလိူဝ်သေႁဝ်းလၢႆပုၼ်ႈၵွၼ်ႇမီးၵူၼ်းတင်းၼမ်ဢၼ်ၶၢမ်ႇၸုၼ်ႉသၢႆၸႂ်ၵႂႃႇတွၼ်ႈတႃႇၵႅတ်ႇၶႄဝၢၼ်ႈမိူင်းႁဝ်းယင်းပႆႇတၢႆႁဝ်းမီးႁႅင်းမီးသၢႆၸႂ်သိုပ်ႇယူႇပဵၼ်သင်လႄႈတေဝူၼ်ႉဝႃႈမၼ်းတုၵ်ႉၶလႃႇ ၶႃႈဝူၼ်ႉဝႃႈဢၼ်လႆႈမႃးႁဵတ်းသိုၵ်းၸိူင်ႉၼႆၼႆႉႁဵတ်းႁႂ်ႈၶႃႈမီးတၢင်းသိူဝ်းတေႉယဝ်ႉလႆႈထူပ်းဢူၺ်းၵေႃႇမႂ်ႇမႂ်ႇလႆႈႁူႉၸၵ်းၵူၼ်းတင်းၼမ်လႆႈႁဵၼ်းႁူႉလႆႈပွင်ႇၸႂ်ၸၢတ်ႈပၢၼ်သိုၵ်းမႃးသမ်ႉဝႃႈၶၢဝ်းယၢမ်းမိူဝ်ႈသွၼ်ၵၢၼ်ၼၼ်ႉတေႁိူဝ်ႉတေၶႂ်ႈၼွၼ်းတေလႆႈတၢၵ်ႇလႅတ်ႇတၢၵ်ႇၽူၼ်တေၶၢၼ်ႉပဵၼ်မၢင်ပွၵ်ႈၶႃႈဢမ်ႇယၢမ်ႈယွမ်းသုမ်းယွၼ်ႉမၼ်းသေပွၵ်ႈၶႃႈၶတ်းၸႂ်ႁဵၼ်းႁူႉဢဝ်ၶႃႈဢဝ်ၵူၼ်းၸိူဝ်းဢၼ်ၶၢမ်ႈပူၼ်ႉၵႂႃႇၸိူဝ်းၼၼ်ႉပဵၼ်ႁႅင်းၸႂ်သေယူႇၵႂႃႇဢၼ်ႁဵတ်းၵႂႃႇယဝ်ႉၵေႃႈမၼ်းၵေႃႈတေပူၼ်ႉၵႂႃႇၵူၺ်းမိူဝ်ႈၽုၵ်ႈဢၼ်ဝႃႈၼၼ်ႉမၼ်းတေမိူၼ်မိူဝ်ႈဝႃးဢမ်ႇလႆႈယဝ်ႉယူႇၵႂႃႇၸွမ်းၶၢဝ်းယၢမ်းႁဵၼ်းႁူႉၵႂႃႇၸွမ်းၸၢတ်ႈပၢၼ်မၼ်းၵေႃႈတေၶၢမ်ႈပူၼ်ႉၵႂႃႇလႆႈ ၵၢၼ်ဢၼ်ပိူၼ်ႈသွၼ်မႃးၸိူဝ်းၼၼ်ႉဢမ်ႇၸႂ်ႈဝႃႈပိူၼ်ႈၶႂ်ႈပေႉၵိၼ်ႁဝ်းလႄႈပိူၼ်ႈၸႂ်ႉႁဝ်းႁဵတ်းယွၼ်ႉဝႃႈပိူၼ်ႈၶႂ်ႈႁႂ်ႈႁဝ်းၵႅၼ်ႇၶႅင်လႄႈၸႂ်ႉၼၼ်ႉယဝ်ႉၵၢၼ်ပဵၼ်သိုၵ်းၼၼ်ႉလူဝ်ႇၵၢၼ်ၽိုၵ်းႁႂ်ႈၵႅၼ်ႇၶႅင်တပ်ႉသိုၵ်းၸင်ႇတေမီးဢဵၼ်ႁႅင်းဢၼ်ၶိုၵ်ႉၶႅမ်ႉလႄႈၶၢမ်ႇယၢပ်ႇလႆႈၵူၼ်းႁဝ်းၵိူတ်ႇမႃးဢမ်ႇၸႂ်ႈဝႃႈယူႇတႃႇၵျေႃႇလူးပေႃးၵုမ်ႇယူႇတႃႇၵျေႃႇၵူၺ်းတေႁဵတ်းႁိုဝ်ႁူႉၵႃႈၶၼ်ၸၢတ်ႈပၢၼ်ၵူၼ်းလႆႈလႃႇဝၢၼ်ႈမိူင်းႁဝ်းၵေႃႈပႆႇၵတ်းယဵၼ်လူးတေယူႇၵတ်းယဵၼ်မိူၼ်ပိူၼ်ႈၵေႃႈဢမ်ႇလႆႈလေႃႇၵၢၼ်သွၼ်မၼ်းႁဵတ်းႁႂ်ႈၶႃႈဝူၼ်ႉလႆႈၵၢၼ်ဢၼ်ယၢပ်ႇၼၼ်ႉပေႃးဝႃႈႁဝ်းမေႃဝႆႉၼႆမၼ်းတေပဵၼ်ၵၢၼ်ဢၼ်ငၢႆႈတႃႇႁဝ်းလွင်ႈယၢပ်ႇၽိုတ်ႇၼၼ်ႉမၼ်းႁဵတ်းႁႂ်ႈႁဝ်းမီးၸႂ်ၶႂ်ႈပူၼ်ႉမၼ်းလႆႈလွင်ႈတဵၵ်းတဵင်မိပ်ႇငႅၼ်းၼၼ်ႉမၼ်းႁဵတ်းႁႂ်ႈၶႂ်ႈမီးလွင်ႈၶဵင်ႇတမႃးၵူၺ်းၵႃႈပၼ်ႁႃဢၼ်ၶဝ်ႈမႃးၼႂ်းၸၢတ်ႈပၢၼ်ႁဝ်းၼၼ်ႉမၼ်းႁဵတ်းႁႂ်ႈႁဝ်းၵႅၼ်ႇၶႅင်။ ပီႈယႃႇမႆႈၸႂ်ၸွမ်းၸၢႆးယဝ်ႉၸၢႆးမႃးပဵၼ်သိုၵ်းတဵမ်တူဝ်ယဝ်ႉၸၢႆးဢမ်ႇယူႇလီၵေႃႈမီးမေႃယႃလုမ်းလႃးယူႇၸၢႆးဢမ်ႇမီးငိုၼ်းၵေႃႈၸၢႆးမီးငိုၼ်းလိူၼ်ဢၼ်ဢွၵ်ႇၵူႈလိူၼ်ယူႇၸၢႆးတွင်ႉမႆႈၵေႃႈ ပိူၼ်ႈမီးၶဝ်ႈလဵင်ႉၸၢႆးယူႇၸၢႆးလႆႈႁဵတ်းၵၢၼ်ဢၼ်ၸၢႆးၶႂ်ႈႁဵတ်းၸၢႆးဢမ်ႇလူဝ်ႇမႆႈၸႂ်သင်ယဝ်ႉၸၢႆးမီးပၢႆးယူႇလီတဵမ်ထူၼ်ႈၸၢႆးလႆႈၵိၼ်ဢိမ်ႇၵူၺ်းၵေႃႈပေႃးယဝ်ႉ” ၶမ်းႁွမ်ဢဝ်မိုဝ်းဢွၼ်ႇမၼ်း ၸဵတ်ႉလၢႆႇတႃမၼ်းဢိတ်ႉၼိုင်ႈသေ တူပ်းႁူဝ်မႃႇၼွင်ႉၸၢႆးမၼ်းလွႆးလွႆး “ၼွင်ႉၸၢႆးပီႈၵေႃႉယႂ်ႇမႃးတေႉယဝ်ႉလူးပီႈဝူၼ်ႉဝႃႈႁၼ်ပီႈယဝ်ႉတေႁွင်ႉႁႆႈသေယွၼ်းမိူဝ်းႁိူၼ်းမိူၼ်မိူဝ်ႈၵေႃႉလဵၵ်ႉလဵၵ်ႉၼၼ်ႉၼႆဢမ်ႇဝႃႈၼွင်ႉတေႁဵတ်းသင်ပီႈၵေႃႈပၼ်ႁႅင်းယူႇတႃႇသေႇၼႃႈ” “မႄႈယူႇလီယူႇႁႃႉပီႈမႃးၸိူင်ႉၼႆမႄႈဢမ်ႇလႆႈႁၢမ်ႈသင်ႁႃႉ” “မႄႈယူႇလီယူႇဢမ်ႇမႄႈဢမ်ႇလႆႈႁၢမ်ႈသင်ၼွင်ႉလူးၸွင်ႇလူဝ်ႇသင်ႁိုဝ်” “ဢမ်ႇယဝ်ႉႁူဝ်ၼႃႈၵေႃႈၸွႆႈထႅမ်ၶႃႈယူႇၵူႈလွင်ႈၼၼ်ႉယဝ်ႉ” သိုပ်ႇလူထႅင်ႈတွၼ်ႈတေမႃးၶႃႈ။ | ['ၸိူင်းတၢင်းႁၵ်ႉ', 'ၸိူင်းတိုၵ်း'] |
2025-04-13T07:03:07 | https://tainovel.com/%e1%80%90%e1%80%ad%e1%80%af%e1%81%bc%e1%80%ba%e1%82%87%e1%80%9c%e1%82%85%e1%80%84%e1%80%ba%e1%80%b8-%e1%80%90%e1%80%bd%e1%81%bc%e1%80%ba%e1%82%88%e1%80%9e%e1%80%ae%e1%82%87/ | တိုၼ်ႇလႅင်း တွၼ်ႈသီႇ | တွၼ်ႈသီႇ ဝၼ်းယဝ်ႉဝၼ်းၶၢဝ်းယၢမ်းၵေႃႈပူၼ်ႉၵႂႃႇ ၶမ်းႁွမ်ၵေႃႈ မိူဝ်ႈတႄႇတႄႉမီးလွင်ႈယၢပ်ႇၽိုတ်ႇယူႇ သမ်ႉဝႃႈယၢမ်ႈၶိုၼ်ႈပၢင်ၽိုၵ်းၽွၼ်ႉၼႆသေတႃႉ ဢမ်ႇမိူၼ်ၼင်ႇတူဝ်ထူပ်းလႆႈ ၵူၺ်းၵႃႈ ဢဝ်လွင်ႈယၢပ်ႇၽိုတ်ႇၸိူဝ်းၼၼ်ႉသေ ႁဵတ်းပဵၼ်ၵၢၼ်ႁဵၼ်းႁူႉၵႂႃႇ လႄႈ ၸွႆႈၵၢၼ်ၵႂႃႇဢမ်ႇတၼ်းႁူႉသင် ပေႃးမီးသွင်လိူၼ်ယဝ်ႉ။ မိူဝ်ႈလႆႈပဵၼ်မေႃသွၼ်မႃးတေႉတေႉယဝ်ႉၼၼ်ႉ မိူၼ်ဝႃႈၼမ်ႉၸႂ်ၶႂ်ႈႁဵတ်းမေႃသွၼ်ၵေႃႈ မီးမႃးသေ သႅင်ၽွင်းသမ်ႉ တိုၵ်းသူၼ်းႁႂ်ႈမၼ်းၸွႆႈထႅင်ႈ၊ ၸင်ႇႁႂ်ႈမၼ်းၵႂႃႇၶိုၼ်ႈပၢင်ၽိုၵ်းၽွၼ်ႉတီႈ “လွႆတႆးလႅင်း” ၼႆယဝ်ႉ။ “သႅင်ၽွင်းပဵၼ်သင်တေႁႂ်ႈႁဝ်း ၵႂႃႇပဵၼ်လွႆတႆးလႅင်းပုၼ်ႉလႃႇ!! ” “ၵႂႃႇၶိုၼ်ႈပၢင်ၽိုၵ်းၽွၼ်ႉၵူၺ်းသူတေၵူဝ်သင်ႁဝ်းၵႂႃႇယူႇၵူႈပီ ” “ငိၼ်းဝႃႈတီႈၼၼ်ႉမီးသိုၵ်းလၢႆလၢႆၼႆဢမ်ႇၸႂ်ႈႁ” “ၸႂ်ႈယူႇလႂ်ပဵၼ်သိုၵ်းၵေႃႈပေႃးတၢၼ်ႇဢမ်ႇၸႂ်ႈၵူၼ်းယဝ်ႉၶဝ်ၵေႃႈပဵၼ်ၵူၼ်းယူဝ်းယူဝ်းမိူၼ်ႁဝ်းၵူၺ်းလေႃႇသူတေၵူဝ်ႁဵတ်းသင်ႁဝ်းၵေႃႈၵႂႃႇယူႇလူး ” “ဢမ်ႇၵႂႃႇဢမ်ႇလႆႈႁ ” “ႁဝ်းဝႃႈၵႂႃႇလီဢိူဝ်ႈသူတေလႆႈႁဵၼ်းႁူႉထႅင်ႈလၢႆၸိူဝ်ႉလၢႆလွင်ႈတင်းၼမ်ပေႃးယူႇတီႈလဵဝ်ၵူၺ်းသူၵေႃႈလႆႈလွင်ႈၵဝ်ႇလွင်ႈလဵဝ်ၵူၺ်းလေႃႇၸၢမ်းလႅၵ်ႈလၢႆႈတူၺ်းတီႈမႂ်ႇႁဵၼ်းႁူႉလွင်ႈမႂ်ႇမႂ်ႇမၼ်းၵေႃႈတေလႆႈတၢင်းႁူႉမႂ်ႇမႂ်ႇထႅင်ႈၸၢမ်းၶတ်းၸႂ်ဢဝ်ဢမ်ႇပဵၼ်လႆႈၼၼ်ႉဢွၵ်ႇသေႁဵတ်းၸၢမ်းတူၺ်းလႄႈမၼ်းတေၸၢင်ႈလီလိူဝ်ဢၼ်သူဝူၼ်ႉၼၼ်ႉၵေႃႈပဵၼ်လႆႈ” ၶမ်းႁွမ်ၵေႃႈၼင်ႈသေဝူၼ်ႉယူႇ ဢမ်ႇၸႂ်ႈဝႃႈၵူဝ်သိုၵ်းၼင်ႇၵဝ်ႇ ယွၼ်ႉလွင်ႈဝၼ်းလင်မႄႈ ဢၼ်ယၢမ်ႈလၢတ်ႈၼႄမႃးယူႇတႃႇသေႇၼၼ်ႉ မၼ်းႁဵတ်းႁႂ်ႈၶႂ်ႈဢွၵ်ႇႁၢင်ႇၵႆသိုၵ်းၼၼ်ႉယဝ်ႉ။ “သင်လၢတ်ႈၼႄမႄႈၵေႃႈမႄႈတေဢမ်ႇႁၼ်လီၸွမ်းယူႇယဝ်ႉသင်ဢမ်ႇလၢတ်ႈၵေႃႈသမ်ႉဢမ်ႇလီပဵၼ်မႄႈၵေႃႉၼိုင်ႈလူး” ၶမ်းႁွမ်ၼင်ႈဝူၼ်ႉယူႇတင်းႁိုင်ယဝ်ႉ ယၢမ်းၼၼ်ႉ သဵင်ၽူင်းၵေႃႈမေႃးမႃး “မႄႈ ” “မိူဝ်ႈလႂ်ယိင်းတေပွၵ်ႈမႃးလႃႇ” “မႄႈသင်ယိင်းၶႂ်ႈသိုပ်ႇယူႇထႅင်ႈမႄႈၸွင်ႇတေႁႂ်ႈယိင်းယူႇႁိုဝ်” “လုၵ်ႈမီးတၢင်းသိူဝ်းယူႇႁ ” “ယိင်းဝူၼ်ႉဝႃႈယိင်းလႆႈၸႂ်ၵၢၼ်ဢၼ်ၼႆႉယဝ်ႉယိင်းၶႂ်ႈသိုပ်ႇႁဵတ်းၵၢၼ်ဢၼ်ၼႆႉထႅင်ႈ ” “လႆႈယူႇလူး” “မႄႈသႅင်ၽွင်းႁႂ်ႈယိင်းၵႂႃႇၶိုၼ်ႈပၢင်ၽိုၵ်းၽွၼ်ႉ..တီႈ..လွႆတႆးလႅင်းဝႃႇ” မႄႈၵေႃႈသဵင်ယဵၼ်ၵႂႃႇယဝ်ႉ “မႄႈ!..မႄႈၸွင်ႇလႆႈငိၼ်းႁိုဝ် ” “မႄႈလၢတ်ႈယဝ်ႉႁဵတ်းၸွမ်းၼင်ႇၵၢင်ၸႂ်ယိင်းၶႂ်ႈပဵၼ်ၼၼ်ႉလႄႈလွင်ႈဝၼ်းလင်မၼ်းလႅၵ်ႈလၢႆႈဢမ်ႇလႆႈယၢမ်းမိူဝ်ႈလဵဝ်ၶတ်းၶႂၢင်လႆႈသေတႃႉမိူဝ်းၼႃႈမႃးတေပဵၼ်ႁိုဝ်ၵေႃႈဢမ်ႇႁူႉလႆႈဢမ်ႇဝၼ်းၼိုင်ႈသင်မၼ်းထုၵ်ႇလီပဵၼ် မၼ်းၵေႃႈတေပဵၼ်ၵႂႃႇယူႇ” “မႄႈပဵၼ်သင်ၵႂႃႇယဝ်ႉလႃႇဢမ်ႇဝူၼ်ႉတႃႇတေႁၢမ်ႈယိင်းသေဢိတ်းၼိုင်ႈယဝ်ႉႁႃႉ” “ႁၢမ်ႈ!မၼ်းတေႁၢမ်ႈလႆႈၵႃႈႁိုဝ်မႄႈဝူၼ်ႉဝႃႈလုၵ်ႈထုၵ်ႇလီၵႂႃႇထူပ်းလွင်ႈတေႉလႆႈယဝ်ႉဢမ်ႇဝႃႈမီးလွင်ႈသင်ၵေႃႈယႃႇလိုမ်းသိုပ်ႇၽူင်းၸူးမႄႈၼႃႈ” ဝၢင်းၽူင်းၵႂႃႇယဝ်ႉ။ မႄႈၵေႃႈႁိုဝ်တေႁၢမ်ႈသင်လႆႈလႃႇ လိူဝ်သေဝႃႈ “ၵူႈလွင်ႈမၼ်းထုၵ်ႇတႅပ်းတတ်းမႃးယဝ်ႉလူး” သၢႆလူမ်းထွင်းထွင်း ၼိူဝ်သဵၼ်ႈတၢင်းၵူတ်ႉငွၵ်း ၵွင်းႁူၺ်ႈလွႆၸၼ်း ပၢၼ်းတၢပ်ႈလႃႇႁႃႉႁိုၵ်း လူတ်ႉၵႃးလမ်းၵၼ်ၵႂႃႇပဵၼ်ယိုတ်ႈပဵၼ်သၢႆ။ တွၼ်ႈတႃႇၶမ်းႁွမ်ၼၼ်ႉၵေႃႈ ၶီႇႁိူဝ်းၶၢမ်ႈၶူင်းၵႂႃႇတေႃႇထိုင်ၽင်ႇ ႁိုဝ်တေငၢႆႈ ၸႂ်ႁၢႆယူႇဢိူဝ်ႈမိူဝ်ႈဝႃႈပဵၼ်ပွၵ်ႈဢွၼ်တၢင်းသုတ်းၵူၺ်း။ မိူဝ်ႈႁွတ်ႈမႃးၽႅဝ်ၼိူဝ်သဵၼ်ႈတၢင်းဢၼ်ဢမ်ႇပေႃးၵႂၢင်ႈယႂ်ႇ ဢၼ်တႆႇၶိုၼ်ႈၵႂႃႇၸွမ်းႁူၺ်ႈၸွမ်းႁွင်ႈ မုင်ႈတူၺ်းၵႂႃႇတၢင်းတူၵ်း လႆႈႁၼ်ပႃႇမႆႉသီၶဵဝ်လႄႈ သၼ်လွႆသွမ်ႇဢၼ်ယူႇၵႆ၊ ၽွင်းၵၢင်ဝၼ်းၸမ်တူၵ်း လုၵ်ႈလႅတ်ႇၸမ်လပ်ႉလွႆသီငဝ်းလိူင်ႁိူဝ်ႈထွင်ႇ ပဵၼ်ဢၼ်ႁၢင်ႈလီၼႃႇ တႃႇတေလႆႈမႃးႁၼ်သၽႃႇဝႁၢင်ႈလီၸိူင်ႉၼႆၼႆႉဢမ်ႇတေႃႈမီး။ ယၢမ်းၼၼ်ႉၵေႃႈ ႁွတ်ႈၵႂႃႇတီႈ “လွႆတႆးလႅင်း”ယဝ်ႉ ။ မိူဝ်ႈႁွတ်ႈၵႂႃႇၼႂ်းဝၢၼ်ႈလွႆတႆးလႅင်းယဝ်ႉၼၼ်ႉ လင်ႁိူၼ်းၵူၼ်းမီးၽၢၵ်ႇလဵဝ်ၶပ်ႉယႆၸႅၼ်ႇၵၼ် မုင်ႈႁၼ်ၵႂႃႇပႃးလွႆသွင်ၼၢင်းတမ်းၶၢင်းႁိမ်းၸမ် လႄႈ သၼ်လွႆယၢဝ်းပႃႇမႆႉၶဵဝ်ၸၢဝ်းငၢဝ်း လႅပ်ႈလီၵျေႃႇၼႃႇ တူၺ်းၵႂႃႇၼႃႈတၢင်းဢွၵ်ႇၵေႃႈ ႁၼ်ၵႂႃႇလွႆလူင်သွင်လုၵ်ႈလႄႈသၼ်လွႆယၢဝ်းၵႆၵႂႃႇ ဢဝ်သၢႆတႃတူၺ်းပေႃးဢမ်ႇတိူၵ်ႈလႆႈ တွင်ႉၾႃႉသွမ်ႇသွမ်ႇလႄႈမွၵ်ႇၵုမ်ႈတမ်းယႆၸွမ်း တူၺ်းႁူမ်ႈၸွမ်းၵၼ် ပဵၼ်ဢၼ်ၸႂ်ၵတ်းၸႂ်ယဵၼ်ၸိုၼ်ႈပၢင်ႇသႂ် မိူဝ်ႈလႂ်မိူဝ်ႈမႃးထိုင်ယဝ်ႉၵေႃႈ ဢဝ်ၽူင်းဢွၵ်ႇမႃးထႆႇၶႅပ်းႁၢင်ႈႁေဢိတ်းၼိုင်ႈၵႂႃႈ။ “ႁွတ်ႈယဝ်ႉၵမ်းၼႆႉ” “တီႈၼႆႈႁႃႉလွႆတႆးလႅင်း” ၸဝ်ႈၵႃးၵေႃႈ ႁေႃႈပၼ်ႇလူင်ၵႂႃႇတၢင်း ႁူင်းႁဵၼ်းၸိူဝ်ႉၸၢတ်ႈ ၼၼ်ႉသေ ပၼ်ႇလဵပ်ႈၵႂႃႇတၢင်းႁူင်းသဝ်းလုၵ်ႈႁဵၼ်း ႁွတ်ႈထိုင်ၵႂႃႇတီႈႁူင်းသဝ်းၶူး သွင်ၸၼ်ႉ ဢၼ်ယူႇဝႆႉၼႂ်းႁူၺ်ႈၼၼ်ႉယဝ်ႉ ၵိုတ်းၵႃးၶဝ်သေ ဢွၼ်ၵၼ်တေႃႉၶူဝ်းၶိုၼ်ႈႁွင်ႈၵၼ်ယူႇယဝ်ႉ။ တႃႇတေထိုင်ပၢင်ၽိုၵ်းၽွၼ်ႉၵေႃႈ ၵိုတ်းထႅင်ႈႁိုင်ယူႇ။ ႁႂ်ႈလႆႈလိုဝ်ႈႁိူဝ်ႉလိုဝ်ႈၸႂ်လီငၢမ်းငၢမ်းၼႆသေ သႅင်ၽွင်းဢွၼ်ဢဝ် ၶမ်းႁွမ်ၵႂႃႇလႄႇၼႂ်းသႅင်ႇ ဢွၼ်ၵႂႃႇသိုဝ်ႉၶူဝ်းၸႂ်ႉၸိူဝ်းၼႆႉ။ မိူဝ်ႈၶဝ်ႈၵႂႃႇတီႈၼႂ်းသႅင်ႇၼၼ်ႉ လႆႈႁၼ်မၢၵ်ႇၸွၵ်းသုၵ်းလိူင်လီဝႆႉ လႅပ်ႈဝၢၼ်ၼႃႇလႄႈ လႆႈထၢမ်ၵႂႃႇတီႈၸဝ်ႈသႅင်ႇ “မၢၵ်ႇၸွၵ်းၼႆႉႁဵတ်းႁိုဝ်ၶၢႆ” လႄႈမီးထႅင်ႈသဵင်ၼိုင်ႈ ထၢမ်မႃးတၢင်းလင်မိူဝ်ႈလဵဝ်ၵၼ်။ ၶမ်းႁွမ် ဢဝ်သၢႆတႃယၵ်ႉတူၺ်းၸွမ်းႁၢင်ႈၽၢင်ၵူၼ်းၵေႃႉၼၼ်ႉ တူဝ်ၶိင်းယွမ်သုင် ၼုင်ႈသႂ်ႇၶူဝ်းလၢႆးသိုၵ်းတဵမ်ၸုမ်ႇ ပတ်ႉၶႅၼ်သိူဝ်ႈၶိုၼ်ႈသွင်ၽၢႆႇ ႁၼ်ဢဵၼ်ၶႅၼ်မၼ်းၽူၵ်ႉဢွၵ်ႇမႃး၊ ၶူဝ်းၼုင်ႈသုပ်းမႅၼ်ႈတူဝ် ႁူဝ်တေႃႇတိၼ်သမ်ႉပေႃးတႅတ်ႈၼႅတ်ႈလူင်ဝႆႉ၊ တင်းၵူၼ်းလႄႈတင်းၶူဝ်း ၸိုင်ပေႉမႃးလႅပ်ႈဝႃႈလဵပ်ႈၵၼ်၊ ဢမ်ႇတွၼ်ႉယၢမ်ႈႁၼ်သိုၵ်းတႆးႁႃႉ ဢမ်ႇၼၼ်ၵေႃႈ ၶဝ်ပဵၼ်ၵူၼ်းလဝ်းလႄႈသႂ်ႇသင်ၵေႃႈလဝ်းႁိုဝ်၊ ၶေႃးႁွႆတူင်ႉလႆမိူဝ်ႈဢိုၼ်ၼမ်ႉလၢႆး ၼႃႈလုပ်ႇလုပ်ႇၶဝ်လႄႈ မၢၵ်ႇႁူဝ်သမ်ႉမႃးသုမ်ႇၼႃႈဝႆႉဢိတ်းၼိုင်ႈၼၼ်ႉ ၸိုင်ပေႉမႃးလဝ်းၸပ်းၸႂ် လၵ်ႉႁူဝ်ၸႂ်ၶမ်းႁွမ်သမ်ႉပေႃးသၼ်ႇဝႆၸွမ်းယဝ်ႉ။ သၢႆတႃၵူၼ်းၵေႃႉၼၼ်ႉၵေႃႈ ဝၢႆႇယၵ်ႉၸူးမၼ်းၶိုၼ်းသေ “ၶမ်းႁွမ်!ႁဵတ်းၸိူင်ႉႁိုဝ်မႃးယူႇတီႈၼႆႈလႃႇ” “ႁဝ်းယၢမ်ႈႁူႉၸၵ်းၵၼ်ယူႇၶႃႈႁႃႉ ” “ဢမ်ႇတွင်းႁဝ်းယဝ်ႉႁႃႉလႅင်းမိူင်း ဢၼ်ၸွႆႈမိူဝ်းၺွပ်းပၼ်ၼွင်ႉၸၢႆးသူၼၼ်ႉၼႃႇ ” ၶမ်းႁွမ်မႄးတူၺ်းႁူဝ်တေႃႇတိၼ်လီလီသေ “ၸႂ်ႈယူႇ..ၶႃႈႁႃႉ” “ဢိုမ်ႉ!သူၸင်ႇၸႂ်လိုမ်းႁႃႉဢမ်ႇၼၼ်ၵေႃႈတင်ႈၸႂ်ဢမ်ႇၶႂ်ႈတွင်း ” “ဢမ်ႇၸႂ်ႈတင်းသွင်လွင်ႈၶႃႈၵွပ်ႈဝႃႈသူသႂ်ႇၶူဝ်းသိုၵ်းယဝ်ႉမိူၼ်ဝႃႈသူလႅၵ်ႈလၢႆႈမႃးလႄႈႁဝ်းဢမ်ႇတွင်းၵူၺ်း” “သူၵေႃႈႁၢင်ႈလီမႃးမိူၼ်ၵၼ်ၵူၺ်းၵႃႈႁဝ်းၵေႃႈတိုၵ်ႉတွင်းသူလႆႈယူႇၼႃႁဝ်းယိၼ်းၸူမ်းတႄႉယဝ်ႉ လႆႈမႃးႁၼ်သူၸိူင်ႉၼႆ ” “တီႈတေႉသူၵေႃႈပဵၼ်သိုၵ်းလူးဝႃႈယူႇယဝ်ႉ..ပဵၼ်သင်လႄႈမႄႈဢဝ်ၼွင်ႉႁဝ်းဢၢပ်ႈပၼ်သူ” “ၵေႃႈၼၼ်ႉယဝ်ႉႁဝ်းၶၢမ်ႇပွမ်တူဝ်လူးၵွၼ်ႇယင်းဢမ်ႇလွတ်ႈလႆႈသၢႆတႃမႄႈသူလူး” “ၼွင်ႉႁဝ်းလူးယူႇတီႈလႂ်ဝႆႉၶႃႈလႃႇ” “တိုၵ်ႉသွၼ်ၵၢၼ်ဝႆႉယူႇယႃႇမႆႈၸႂ်..ႁဝ်းတူၺ်းထိုင်ၶဝ်ယူႇၵူၺ်း” “ဢေႃႈၶဝ်ယူႇလီယူႇၶႃႈႁႃႉမိူဝ်ႈလဵဝ်” “လီယူႇ” ၶမ်းႁွမ်လႄႈသႅင်ၽွင်းၵေႃႈ သိုဝ်ႉၶူဝ်းၶွင်ၶႃသေ ဢွၵ်ႇလၢၼ်ႉမႃးယဝ်ႉ။ “ပဵၼ်ၽႂ်လႃႇႁူႉၸၵ်းသေႁႃႉ” “ၵူၼ်းၵေႃႈဢၼ်ဢွၼ်ဢဝ်ၼွင်ႉႁဝ်းမႃးၼၼ်ႉယဝ်ႉ” “ယူဝ်ဝႃႈႁူပ်ႉၺႃးၵူၼ်းယၢမ်ႈၵဝ်းၵၼ်ၼႆၵႂႃႈႁၼ်ဢုပ်ႇၵၼ်လႅပ်ႈမိုတ်ႈမိုတ်ႈဢၢႆဢၢႆၵၼ်ဝႆႉ” “လႃႈလီႈလၢတ်ႈလိတ်ႈလူင်ၵႂႃႇပေႃးၵေႃႉႁၵ်ႉပိူၼ်ႈမႃးငိၼ်းတေႁဵတ်းႁိုဝ်” “ၶဝ်ယူႇတီႈၼႆႈႁႃႉမိူၼ်ဢမ်ႇယၢမ်ႈႁၼ်ၶဝ်သေပွၵ်ႈယဝ်ႉၵေႃႈၶဝ်ပဵၼ်သိုၵ်းတႆးတေႉယူႇႁႃႉပေႉလဝ်းလႃႇ” “ႁဝ်းၵေႃႈဢမ်ႇႁူႉၼႃလိူဝ်သေသူယူႇႁိုင်လိူဝ်ႁဝ်းၸႂ်ႈသိုၵ်းတႆးဢမ်ႇၸႂ်ႈၼၼ်ႉတႄႉပေႃးဢမ်ႇၸႂ်ႈၽႂ်ဢမ်ႇမႃးယူႇတီႈၼႆႈၼင်ႇၵဝ်ႇယူဝ်ႉဝႃႈ” “ၽႂ်တေၵၢမ်ႇလီသေပဵၼ်ၵေႃႉႁၵ်ႉၶဝ်ၼေႃ” “ၼွၼ်းၾၼ်ၵၢင်ဝၼ်းထႅင်ႈယဝ်ႉသႅင်ၽွင်း” သိုပ်ႇလူထႅင်ႈတွၼ်ႈတေမႃးၶႃႈ။ | ['ၸိူင်းတိုၵ်း', 'ၸိူင်းတၢင်းႁၵ်ႉ'] |
2025-04-12T07:00:56 | https://tainovel.com/%e1%80%90%e1%80%ad%e1%80%af%e1%81%bc%e1%80%ba%e1%82%87%e1%80%9c%e1%82%85%e1%80%84%e1%80%ba%e1%80%b8-%e1%80%90%e1%80%bd%e1%81%bc%e1%80%ba%e1%82%88%e1%80%9e%e1%81%a2%e1%80%99%e1%80%ba/ | တိုၼ်ႇလႅင်း တွၼ်ႈသၢမ် | တွၼ်ႈသၢမ် ၵၢင်ၼႂ်ၾႃႉပၢင်ႇမိူင်းလႅင်းမႃး လႅင်းမိူင်းတင်းၸၢႆးၶိူဝ်းဢဝ်ၵႃးသေ မႃးပႂ်ႉႁပ်ႉၶမ်းမိူင်းယူႇတီႈၼႃႈႁိူၼ်းၶဝ်ၼၼ်ႉယဝ်ႉ။ ၶမ်းမိူင်းၵေႃႈပႃးထူင်ၶူဝ်းသေ သူင်ႇသင်ႇမႄႈတင်းပီႈၶမ်းႁွမ်မၼ်းယဝ်ႉၵေႃႈ ယၢၼ်ဢွၵ်ႇႁၢင်ႇႁိူၼ်းၵႂႃႇလွႆးလွႆး။ မႄႈၶႃၵေႃႈ တူၺ်းၸွမ်းလင်တေႃႇပေႃးသုတ်းသၢႆတႃယဝ်ႉ ၵွတ်ႇၵၼ်သေ ဢဝ်ၼမ်ႉတႃၸိုမ်ႉယမ်းၸူးၵၼ်ယဝ်ႉ ပွႆႇၼမ်ႉတႃလႆ သူင်ႇသင်ႇၸွမ်းလွင်ႈႁၢင်ႇၵႆၼၼ်ႉယူႇ။ လွင်ႈၶီငဝ်ၵေႃႈႁၢႆၵႂႃႇၸွမ်းၶၢဝ်းယၢမ်း ႁိုင်ႁိုင်မႃးၵေႃႈမေႃယူႇမႃးယဝ်ႉ။ ၵၢင်ဝၼ်းလႅတ်ႇမႆႈတႅင်ႈတႅင်ႈ ၸင်ႇမီးသဵင်ၵူၼ်းႁွင်ႉယူႇတီႈၼႃႈႁိူၼ်း ၶမ်းႁွမ်ဢွၵ်ႇမႃးတူၺ်းလႆႈႁၼ် သႅင်ၽွင်းပႂ်ႉဝႆႉယူႇလႄႈ ၼႅတ်ႈပိုတ်ႇၽၵ်းတူပၼ်သေ ႁွင်ႉၶဝ်ႈႁိူၼ်းမိူဝ်းၵႂႃႇ ၼင်ႈလီလီငၢမ်းငၢမ်းယဝ်ႉ။ “ပၢၵ်ႇဝၼ်းႁဵင်ပီမိူဝ်ႈၼႆႉပဵၼ်ဝၼ်းသင်လႄႈၵူၼ်းလီၸိူင်ႉၼင်ႇသႅင်ၽွင်းမီးၶၢဝ်းယၢမ်းတၼ်းသေမႃးလႄႇႁွတ်ႈႁိူၼ်းၸိူင်ႉၼႆ ” “ဝၼ်းသင်တႄႉဢမ်ႇႁူႉႁူႉဝႃႈၸႂ်ထိုင်လႄႈၶႂ်ႈႁၼ်ၼၼ်ႉယဝ်ႉလႆႈႁၼ်ၼႂ်းၽူင်းၵူၺ်းဢမ်ႇဢိမ်ႇၸႂ် ၸင်ႇလႆႈမႃးထိုင်ႁိူၼ်းယဝ်ႉ” “ယႃႇမႃးလၢတ်ႈၵႂၢမ်းဝၢၼ်ယူႇႁူႉယူႇဝႃႈဢမ်ႇလႆႈမႃးလႄႇလၢႆလၢႆလၢတ်ႈမႃးသိုဝ်ႈသိုဝ်ႈလႄႈ” “ၵေႃႈမီးလွင်ႈၶႂ်ႈႁႂ်ႈၸွႆႈ” “မီးလွင်ႈသင်ၵေႃႈလၢတ်ႈမႃးၼႂ်းၽူင်းၵေႃႈလႆႈလူးဢမ်ႇၸမ်ပဵၼ်တေသုမ်းၶၢဝ်းယၢမ်းသေမႃးႁွတ်ႈထိုင်ႁိူၼ်းၵေႃႈလႆႈၵႃႈလူတ်ႉၵႃႈၶၢဝ်းတၢင်းၵေႃႈဢမ်ႇငၢႆႈငၢႆႈ ” “ႁဝ်းမီးၵၢၼ်တၢင်ႇလွင်ႈပႃးယဝ်ႉ..ဢဝ်တိုဝ်ႉတၢင်းဢၼ်ၼႆႉသေလႆႈမႃးၸႂ်းသူလႄႈမႃးယွၼ်းတၢင်းၸွႆႈထႅမ်ပႃး ” “မီးလွင်ႈသင်ၵေႃႈလၢတ်ႈမႃးလႄႈယႃႇၵဵင်ၸႂ်ပေႃးၸွႆႈလႆႈၵေႃႈတေၸွႆႈ ” “မိူဝ်ႈလဵဝ်သူယင်းဢမ်ႇလႆႈၶဝ်ႈႁဵတ်းၵၢၼ်တီႈလႂ်ဢမ်ႇၸႂ်ႈႁ ” “ဢမ်ႇတိုၵ်ႉႁႃၵၢၼ်ယူႇ” “ၵူၼ်းသုတ်းၸၼ်ႉၸွမ်ၼင်ႇသူၼႆႉ တိုၵ်ႉႁႃၵၢၼ်ယၢပ်ႇယူႇႁ ” “ၼၼ်ႉယဝ်ႉႁဝ်းဢမ်ႇႁူႉဝႃႈတေလႆႈႁဵတ်းၵၢၼ်သင်မိူဝ်ႈယူႇႁူင်းႁဵၼ်းၵေႃႈႁဵၼ်းလႆႈယူႇပေႃးဢွၵ်ႇႁဵတ်းၵၢၼ်မႃးတေႉယဝ်ႉသမ်ႉဢမ်ႇမိူၼ်ၵၼ်လူး” “ၵူၼ်းၶႅၼ်ႇၸိူင်ႉၼင်ႇသူၼႆႉႁဵၼ်းမေႃယႃၵူၺ်းၵေႃႈပေႃးလႆႈပဵၼ်သင်လႄႈဢမ်ႇႁဵၼ်းလႃႇ” “ႁဝ်းဢမ်ႇလႆႈသူၼ်ၸႂ်လူးမႄႈၵေႃႈဢမ်ႇလႆႈၸႂ်ႁႂ်ႈႁဝ်းႁဵတ်းမေႃယႃႁဝ်းလႆႈၸႂ်ၸၼ်ႁၢင်ႈမႄႈၵေႃႈပၼ်ႁႅင်းသမ်ႉဝႃႈတေႁႃၵၢၼ်ဢမ်ႇလႆႈၵေႃႈတီႈႁိူၼ်းၵေႃႈ..မီးၵၢၼ်ယဵပ်ႉၶူဝ်းဢၼ်ႁဝ်းႁဵၼ်းမႃးၸိူဝ်းၼၼ်ႉၶဝ်ႈၵၼ်တင်းၵၢၼ်တီႈႁိူၼ်းလႆႈပဵၼ်ၵူၼ်းၶူင်သၢင်ႈဢွၵ်ႇသိူဝ်ႈၶူဝ်းလၢႆးမႂ်ႇၵေႃႈလႆႈႁဝ်းမီးၵၢၼ်ပၼ်ႁဝ်းႁဵတ်းပေႃးဢမ်ႇယဝ်ႉႁဝ်းလႆႈႁဵတ်းၵၢၼ်ဢၼ်ႁဝ်းႁၵ်ႉၵႃႈၼႆႉၵူၺ်းၵေႃႈပဵင်းပေႃးယဝ်ႉဢမ်ႇၸမ်ပဵၼ်ဝႃႈ..တေလႆႈၵႂႃႇႁႃၵၢၼ်..တေလႆႈႁဵတ်းၵၢၼ်ဢၼ်လႆႈငိုၼ်းၼမ်ၸင်ႇတေပဵၼ်ၵၢၼ်ၵိုင်ႇလႅပ်ႈတင်းၼမ်ႉၵတ်ႉႁဝ်းပေႃးဝႃႈႁဝ်းဢမ်ႇလႆႈၸႂ်သေႁဵတ်းႁဵတ်းၵႂႃႇၵေႃႈပၼ်လွင်ႈယၢပ်ႇၽိုတ်ႇတူဝ်ၵဝ်ႇၶိုၼ်းၵူၺ်း ” “သူဢမ်ႇဝူၼ်ႉတႃႇတေၸၢမ်းႁဵတ်းတူၺ်းတၢင်ႇလွင်ႈၽွင်ႈၼႄႇ..” “ဢမ်ႇယဝ်ႉယူဝ်ႉႁဝ်းတေႁဵတ်းၵၢၼ်ၸွမ်းမႄႈယူႇတူၺ်းထိုင်လုမ်းလႃးမႄႈၵူၺ်းယဝ်ႉ ” “ၶမ်းမိူင်းလူးၵႂႃႇလႂ်ယဝ်ႉ” “ၵႂႃႇႁဵတ်းသိုၵ်းယဝ်ႉ ” “ၼႆဝႃႈမႄႈဢမ်ႇပၼ်ႁဵတ်းလႃႇပၼ်ၵႂႃႇလႆႈယူႇႁ” “တေၸၢင်ႈႁဵတ်းႁိုဝ်ဢမ်ႇၽွင်းလိူဝ်းလႆႈတၢင်းသူင်မၼ်းလူးသူႁဵတ်းမေႃသွၼ်ပဵၼ်ၸိူင်ႉႁိုဝ်လႃႇ ” “ႁဝ်းလၢႆႈပုၼ်ႈၽွၼ်းမႃးပဵၼ်ၽူႈမၢႆယဝ်ႉမိူဝ်ႈလဵဝ် ” “ႁဵတ်းၼၼ်ၵႂႃႈဝႃႈယူႇယဝ်ႉပေႃးပဵၼ်မေႃသွၼ်တႄႉ..လႅပ်ႈတေဢမ်ႇမႃးႁဵတ်းၵၢၼ်ထိုင်ၼႂ်းဝဵင်းလူင်ၸိူင်ႉၼႆလႆႈ ” “ဢိုမ်ႈၵွပ်ႈဝႃႈႁဝ်းၶႂ်ႈယွၼ်းတၢင်းၸွႆႈထႅမ်သူ လွင်ႈၼိုင်ႈၸွင်ႇလႆႈ ” “လၢတ်ႈမႃတူၺ်းလႄႈတေဝူၼ်ႉတူၺ်း ” “ၵွပ်ႈဝႃႈတီႈႁဝ်းလူဝ်ႇမေႃသွၼ် မီးမေႃသွၼ်ၵေႃႉၼိုင်ႈတေၵိူတ်ႇလုၵ်ႈလႄႈယွၼ်းလိုဝ်ႈဝႆႉတီႈၼႂ်းႁဝ်းၼၼ်ႉ သမ်ႉဢမ်ႇမီးမေႃသွၼ်သေၵေႃႉဢၼ်တၼ်းယႃႇဝႃႈတေတၼ်းလႃႈတေႃႈၼင်ႇမေႃသွၼ်ၵူၺ်းပေႃးဢမ်ႇၶႂ်ႈပေႃးယဝ်ႉဢမ်ႇမီးၽႂ်ပုတ်ႈတႅၼ်းပၼ်လႆႈလႄႈသင်ႁႃဢမ်ႇလႆႈၵေႃႈတေလႆႈဢိုတ်းႁဵၼ်းပၼ်တေႃႇမေႃသွၼ်မၼ်းပေႃးတေမႃးသွၼ်လႆႈၼၼ်ႉယဝ်ႉၼင်ႇႁိုဝ်တေဢမ်ႇလႆႈဢိုတ်းႁဵၼ်းၼၼ်ႉ..ႁဝ်းၵေႃႈဝူၼ်ႉထိုင်သူပဵၼ်ၵေႃႉဢွၼ်တၢင်းသုတ်းၼၼ်ႉယဝ်ႉ” “ပဵၼ်သင်လႄႈတေလႆႈဝူၼ်ႉထိုင်ႁဝ်း! ” “ႁဝ်းဝူၼ်ႉဝႃႈသူဢမ်ႇလႆႈႁဵတ်းၵၢၼ်တၢင်းၼွၵ်ႈယဝ်ႉသူၵေႃႈယၢမ်ႈၶိုၼ်ႈပၢင်ၽိုၵ်းၽွၼ်ႉမႃးသူပဵၼ်ၵူၼ်းမီးတူဝ်ထူပ်းၵၢၼ်ႁဵၼ်းၼမ်ၵေႃႉၼိုင်ႈလိူဝ်သေသူႁဝ်းဢမ်ႇႁူႉဝႃႈမီးၽႂ်ထႅင်ႈယဝ်ႉမၼ်းၸမ်ပဵၼ်ၼႃႇလႄႈသူၸွႆႈႁဝ်းဢိတ်းၼိုင်ႈလႄႈၼႃႈ ” “တေဝူၼ်ႉတူၺ်းၵွၼ်ႇ” “ဝႆႉဝႃႈႁၼ်ထိုင်ႁဝ်းလုၵ်ႉမႃးၵႆသေမႃးယွၼ်းတၢင်းၸွႆႈထႅမ်ထိုင်ႁိူၼ်းလႄႈဢမ်ႇၼၼ်ဝႆႉဝႃႈႁၼ်ထိုင်လုၵ်ႈဢွၼ်ႇတႃလမ်လမ်ဢၼ်ၶႂ်ႈၶိုၼ်ႈႁဵၼ်းယူႇဢမ်ႇမီးမေႃသွၼ်တေၵႂႃႇႁဵၼ်းႁူင်းႁဵၼ်းပိူၼ်ႈဢမ်ႇမီးငိုၼ်းၵႃႈၶိုၼ်ႈႁဵၼ်း ၼၼ်ႉၽွင်ႈလႄႈ ” ၵႂၢမ်းၶေႃႈၼႆႉႁဵတ်းႁႂ်ႈၶမ်းႁွမ်ယဵၼ်ၵႂႃႇၵမ်းၼိုင်ႈယဝ်ႉ။ “ဢိုမ်ႈ!!ၵေႃႈလႆႈ! ” “မိူဝ်ႈႁိုဝ်းႁဝ်းတေမႃးႁပ်ႉတူၵ်းလူင်းၵၼ်ယဝ်ႉၼႃႈ” လုၵ်ႉပႆဢွၵ်ႇႁိူၼ်းၵႂႃႇယဝ်ႉ။ “ပေႉဝႆးလႃႇႁဝ်းယင်းပႆႇတၼ်းလၢတ်ႈမႄႈႁဝ်း” မိူၼ်ဝႃႈသႅင်ၽွင်းလႅပ်ႈတေဢမ်ႇလႆႈငိၼ်း။ ၵၢင်ၶိုၼ်းလိုၵ်းယဵၼ် ယွၼ်ႉၵႂၢမ်းဢၼ်သႅင်ၽွင်းၽၢၵ်ႇဝႆႉ မိူဝ်ႈၵၢင်ဝၼ်းၼၼ်ႉ ဢဝ်ၶမ်ၸႂ်ဝႆႉယူႇ ၼွၼ်းပေႃးဢမ်ႇလပ်းလႆႈယဝ်ႉ ဢမ်ႇႁူႉဝႃႈတေလႆႈလၢတ်ႈၸိူင်ႉႁိုဝ် ၸင်ႇၶဝ်ႈမိူဝ်းၵႂႃႇၼႂ်းႁွင်ႈ ၼွၼ်းမႄႈသေ “ၶဝ်ႈမႃးႁႃမႄႈၼွၼ်းဢမ်ႇလပ်းႁႃႉမီးလွင်ႈၶမ်ၸႂ်သင်လႃႇ” “မိူဝ်ႈၵၢင်ဝၼ်းသႅင်ၽွင်းမႃးလႄႇ ” “မႃးလၢတ်ႈသင်တီႈလုၵ်ႈလႃႇထိုင်တီႈၼွၼ်းပေႃးဢမ်ႇလပ်းၸိူင်ႉၼႆ” “သင်ယိင်းပဵၼ်မေႃသွၼ်ၸွင်ႇလီႁိုဝ် ” “လီယူႇလူး” “သႅင်ၽွင်းလၢတ်ႈႁႂ်ႈလုၵ်ႈၵႂႃႇၸွႆႈၵၢၼ်ၶဝ်ၼႆဝႃႇ ” “လႆႈယူႇလူး ” ၶမ်းႁွမ်ၵေႃႈမိူၼ် ဢမ်ႇပဵၼ်မႃးၼင်ႇဝူၼ်ႉၼၼ်ႉယဝ်ႉ။ “မႄႈဢမ်ႇႁၢမ်ႈသင်ႁ” “ မႄႈတေႁၢမ်ႈလႆႈယူႇႁမိူဝ်ႈၶမ်းမိူင်းၵေႃႈၵႂႃႇယဝ်ႉ ” “သင်မႄႈဝႃႈဢမ်ႇၵႂႃႇၼႆၵေႃႈယိင်းတေဢမ်ႇၵႂႃႇၵေႃႈလႆႈ ” “ယိင်းၵေႃႈၵေႃႉယႂ်ႇယဝ်ႉမေႃဝူၼ်ႉမေႃတႅပ်းတတ်းလႆႈယဝ်ႉဢမ်ႇဝႃႈယိင်းတေႁဵတ်းသင်မႄႈၵေႃႈတေပၼ်ႁႅင်းယူႇတႃႇသေႇၼၼ်ႉယဝ်ႉယူႇတီႈလုၵ်ႈၵေႃႉတႅပ်းတတ်းၵူၺ်းၼႃ” ၶမ်းႁွမ်ၵေႃႈၵွတ်ႇဢဝ်မႄႈသေ “ပေႃးယိင်းၵႂႃႇယဝ်ႉမႄႈတေယူႇၸွမ်းၽႂ် ” “ဢမ်ႇမီးယိင်းၵေႃႈမႄႈယူႇလႆႈယူႇလူးတေႃႈၼင်ႇယိင်းၵႂႃႇၶိုၼ်ႈႁဵၼ်းပဵၼ်လိူၼ်လိူၼ်မႄႈတင်းယူႇလႆႈပေႃးၸႂ်ထိုင်ၵေႃႈ သိုပ်ႇၽူင်းႁႃၵေႃႈလႆႈ ” “ၽႂ်ၵေႃႉတေၸွႆႈမႄႈႁဵတ်းၵၢၼ် ” “ပေႃးတေမႆႈၸႂ်မႄႈပေႃးတၢၼ်ႇၼႆႉလုၵ်ႈသမ်ႉတေၵႂႃႇႁဵတ်းသင်ယဝ်ႉလႃႇ ” “ၵေႃႈမႄႈဢမ်ႇႁၢမ်ႈယိင်းလူး ” “လုၵ်ႈဢွၼ်ႇၵေႃႈဢမ်ႇၸႂ်ႈတေႁႂ်ႈမႄႈၸွမ်းႁၢမ်ႈယိင်းတေၵႂႃႇႁိုင်ၵႃႈႁိုဝ်လႃႇ ” “မွၵ်ႈသွင်လိူၼ်ၼႆႉၶႃႈယူဝ်ႉ ” “မွၵ်ႈၼႆႉၵူၺ်းပေႃးတၢၼ်ႇဝႃႈဢမ်ႇယၢမ်ႈၽၢတ်ႇလႃႈ ” ထိုင်မိူဝ်ႈႁိုဝ်းမႃးယဝ်ႉ မႄႈၵေႃႈဢွၵ်ႇသူင်ႇၶမ်းႁွမ်ၼႃႈၽၵ်းတူသေ “တေယူႇလႆႈယူႇႁမၼ်းဢမ်ႇမိူၼ်တီႈႁိူၼ်းႁဝ်းၼႃႈ ” “ယိင်းႁူႉယဝ်ႉၶႃႈမႄႈၵေႃႈလုမ်းလႃးပၢႆးယူႇလီၽွင်ႈမႄႈယႃႇပေႁဵတ်းၵၢၼ်ၼမ်ၼႃႇပေႃးမႄႈႁဵတ်းဢမ်ႇပေႉလႆႈၵေႃႈၸၢင်ႈၵူၼ်းၽွင်ႈၵေႃႈလႆႈ ” “မႄႈႁူႉယဝ်ႉၸဵဝ်းၵႂႃႇၸဵဝ်းမႃးလႄႈ” “ဢေႃႈၶႃႈ” “ပေႃးၺႃးၵူၼ်းထုၵ်ႇၸႂ်ၵေႃႈႁွင်ႉမႃးလႄႇႁိူၼ်းၽွင်ႈၼႃႈယႃႇၵႆႉၼႃႈတူႇတေႃႇပိူၼ်ႈၼႃႇၽႅဝ်ဢႃႇယုၵေႃႈယႂ်ႇယဝ်ႉ” ၶမ်းႁွမ်ပၢႆႈၶဝ်ႈၵႃးၵႂႃႇယဝ်ႉ ပူၵ်းမိုဝ်းပၢႆးပၢႆတေႃႇမႄႈသေ လူတ်ႉၵေႃႈသိုပ်ႇဢွၵ်ႇၵႂႃႇလွႆးလွႆး မႄႈၵေႃႈ မုင်ႈတူၺ်းၸွမ်းလူတ်ႉတေႃႇပေႃးပူၼ်ႉသၢႆတႃၵႂႃႇ “ၵူႈလွင်ႈမၼ်းထုၵ်ႇမၵ်းမၼ်ႈမႃးယဝ်ႉဝူၼ်ႉဝႃႈလုၵ်ႈတေၵၢမ်ႇလီၸွမ်းသဵၼ်ႈတၢင်းဢၼ်လုၵ်ႈလိူၵ်ႈၼၼ်ႉယူႇ ” သိုပ်ႇတူၺ်းထႅင်ႈတွၼ်ႈတေမႃးၶႃႈ။ | ['ၸိူင်းတိုၵ်း', 'ၸိူင်းတၢင်းႁၵ်ႉ'] |
2025-04-06T06:35:51 | https://tainovel.com/%e1%80%90%e1%80%ad%e1%80%af%e1%81%bc%e1%80%ba%e1%82%87%e1%80%9c%e1%82%85%e1%80%84%e1%80%ba%e1%80%b8-%e1%80%90%e1%80%bd%e1%81%bc%e1%80%ba%e1%82%88%e1%80%9e%e1%80%bd%e1%80%84%e1%80%ba/ | တိုၼ်ႇလႅင်း တွၼ်ႈသွင် | တွၼ်ႈသွင် လႅင်းမိူင်းယူႇၼႂ်းၵႃးသေ တူၺ်းၶမ်းႁွမ်ၶႃဢၼ်ပႆယူႇႁိမ်းၶၢင်ႈတၢင်းၼၼ်ႉ တင်းတူၺ်းတင်းယုမ်ႉယူႇ။ ၸၢႆးၶိူဝ်းဢၼ်ႁၼ်ၸိူင်ႉၼၼ်တႄႉၵေႃႈ “ၽူႈယိင်းႁင်လႃႇႁတ်းႁၢၼ်ၵႅၼ်ႇၶႅင်တၢၼ်ႇပဵၼ်ၽူႈၸၢႆးယဝ်ႈဝႃႈ ၽႂ်လႆႈတႄႇၼႃႈႁိူၼ်းၸွမ်းတႄႉယႃႇထၢင်ႇတေလႆႈဢွၵ်ႇႁိူၼ်း ” လႅင်းမိူင်းၵေႃႈယုမ်ႉယဝ်ႉတွပ်ႇၶိုၼ်း“မၼ်းႁၢႆႉတေႃႇၵူၼ်းတိုဝ်မွၵ်ႈၼၼ်ႉၵူၺ်းၵႂႃႈ” လႅင်းမိူင်းႁႂ်ႈၵိုတ်းၵႃးၵႂႃႇၽၢႆႇၼႃႈၶႃယဝ်ႉ “တေၵႂႃႇတၢင်းလႂ်ႁႂ်ႈႁႃးၵႂႃႇသူင်ႇၼႄႇ ” “ပီႈၸၢႆးၸွႆႈၶႃႈၽွင်ႈ ” ၶမ်းႁွမ်ပႆႇတၼ်းတွပ်ႇ ၶမ်းမိူင်းၵေႃႈ ဢဝ်မိုဝ်းတၢဝ်းၸၼ်ဢဝ်ၽၵ်းတူသေ ၶဝ်ႈၵႂႃႇၼင်ႈယူႇၼႂ်းၵႃးၼၼ်ႉယဝ်ႉ။ ၶမ်းႁွမ်ၵေႃႈတေၸၢင်ႈႁဵတ်းႁိုဝ်လႃႇ ၵူဝ်ၶမ်းမိူင်းဢမ်ႇႁွတ်ႈထိုင်ႁိူၼ်းလႆႈလႄႈ ၵႃႈလႆႈၶဝ်ႈၼႂ်းၵႃးၵႂႃႇၸွမ်းယဝ်ႉ။ လႆႈဢဝ်တိုဝ်ႉတၢင်း ဢၼ်ၼႆႉသေ ၼင်ႇႁိုဝ်တေမိုတ်ႈၵၼ်တၢင်းၶမ်းႁွမ်ၼၼ်ႉ လႅင်းမိူင်းၸင်ႇၼႄႉၼမ်းတူဝ်ၵႂႃႇ “ႁဝ်းၸိုဝ်ႈလႅင်းမိူင်းၵူၼ်းႁေႃႈၵႃးၼၼ်ႉသမ်ႉၸိုဝ်ႈၸၢႆးၶိူဝ်း” “ဢေႃႈႁဝ်းၸိုဝ်ႈၶမ်းႁွမ်” “ၶႃႈၸိုဝ်ႈၶမ်းမိူင်းၶႃႈပီႈဢၢႆႈ..” “ယိၼ်းၸူမ်းလႆႈႁူႉၸၵ်းၶႃႈ ” “ယိၼ်းၸူမ်းမိူၼ်ၵၼ်ၶႃႈႁွတ်ႈႁိူၼ်းယဝ်ႉဢေႃႈ” “တၼ်းႁွတ်ႈယဝ်ႉႁ” လႅင်းမိူင်းတႄႉၼႂ်းၸႂ်ၼႆႉ ၶႂ်ႈႁႂ်ႈသဵၼ်ႈတၢင်းၵႂႃႇၵႆလိူဝ်ၼႆႉၼၼ်ႉယဝ်ႉ။ ၶမ်းႁွမ်ၵေႃႈလူင်းၵႃးသေ ၶမ်းမိူင်းတႄႉ လႅၼ်ႈဢွၵ်ႇၵႂႃႇထႅင်ႈတၢင်းၼိုင်ႈ ဢၢၼ်းတေပၢႆႈၼႆသေတႃႉ ၵူၺ်းသမ်ႉဢမ်ႇပၢႆႈပူၼ်ႉသၢႆတႃၶမ်းႁွမ်လႆႈ ၶမ်းႁွမ်ၼႅတ်ႈလမ်းလႅၼ်ႈၵႂႃႇႁၢဝ်ႉဢဝ်ႁူဝ်မႃႇမၼ်း ယဝ်ႉသိုပ်ႇႁၢဝ်ႉဢဝ်ၶႅၼ်ထႅင်ႈၽၢႆႇၼိုင်ႈသေလွၵ်ႉပႅတ်ႈ သမ်ႉပေႃးဢမ်ႇၸၢင်ႈတူင်ႉ။ မိူဝ်ႈတေႇတႄႉလႅင်းမိူင်းၶႃဢၢင်ႈၸွႆႈၼႆယူႇ မိူဝ်ႈလႆႈႁၼ်ၸိူင်ႉၼၼ်ယဝ်ႉ ပေႃးၶႂ်ႈႁူၼ်လင်ၵႂႃႇၶိုၼ်းလူးၵွၼ်ႇ ယၢမ်းၼၼ်ႉ မႄႈၶဝ်ၵေႃႈဢွၵ်ႇမႃးသေ ႁၼ်လႅင်းမိူင်းၶႃလႄႈ “ၽႂ်လႃႇၼႆႉ! ” “ဢေႃႈၶႃပဵၼ်ၵူၼ်းၺွပ်းၶမ်းမိူင်းၸွႆႈဢေႃႈ” “ဢေႃငိၼ်းၸူမ်းယဝ်ႉၼႃႈၸၢႆး ၶဝ်ႈမႃးၼႂ်းႁိူၼ်းၵွၼ်ႇလႄႈ..ယင်းဢမ်ႇလူဝ်ႇၵႂႃႇတၢင်း လႂ်ဢမ်ႇၸႂ်ႈႁိုဝ်” “ဢမ်ႇဢမ်ႇၶႃႈ!” ဢွၼ်ၵၼ်ၶဝ်ႈၵႂႃႇၼႂ်းႁိူၼ်းသေဢုပ်ႇၵၼ်ယဝ်ႉ။ “ၸူမ်းတႄႉယဝ်ႉၸွႆႈၺွပ်းပၼ်လုၵ်ႈၸၢႆးႁဝ်းသင်ဢမ်ႇမီးသူသွင်ၵေႃႉတႄႉပီႈၼၢင်းၶဝ်တေႁိူဝ်ႉပေႃးၵႃႈႁိုဝ်” “ဢမ်ႇပဵၼ်သင်ၶႃႈယိၼ်းလီၸွႆႈထႅမ်ယူႇ..မၼ်းၵႂႃႇႁဵတ်းသင်ၶႃႈလႃႇပႃႈ သမ်ႉပေႃးလႆႈလမ်းဢဝ်ၸိူင်ႉၼၼ်” ပႃႈၽွင်ထူၺ်ႈၸႂ်လူင်ၵမ်းၼိုင်ႈယဝ်ႉ “မၼ်းၵႆႉလႄႇၼႃႇႁိူၼ်းၵေႃႈဢမ်ႇမႃးသေပွၵ်ႈႁူင်းႁဵၼ်းၵေႃႈဢမ်ႇၵႂႃႇသမ်ႉၵႂႃႇႁိူၼ်းဢူၺ်းၵေႃႉမၼ်းဝႃႇလၢၼ်ႉၵဵမ်းဝႃႇၸိူဝ်းၼႆႉတိၵ်းတိၵ်းပေႃးပီႈၼၢင်းၶဝ်ဢမ်ႇၵႂႃႇၶႆႈၵေႃႈဢမ်ႇမႃးပေႃးဢမ်ႇၺွပ်းၵေႃႈဢမ်ႇထိုင်ႁိူၼ်းၼၼ်ႉၼႃႇၸၢႆးၶဝ်ၵေႃႈႁၼ်ယူႇလူးပႃႈၵေႃႈဢမ်ႇႁူႉဝႃႈတေႁဵတ်းႁိုဝ်တီႈမၼ်းယဝ်ႉတၢင်းၵၢပ်ႈပၢၼ်မိူဝ်ႈလဵဝ်ၼႆႉယႃႈမယႃႈၾိၼ်ႇၵေႃႈၼမ်ၼႃႇသေပႃႈၵူဝ်ဝႃႈမၼ်းတေၶႂ်ႈၵိၼ်ၶႂ်ႈၸၢမ်းသေၵူဝ်မၼ်းပဵၼ်ၵူၼ်းပႅတ်ႈလၢႆၵႂႃႇဢိူဝ်ႈပႃႈၵူဝ်ဢၼ်ၼႆႉလိူဝ်ပိူၼ်ႈယဝ်ႉၸၢႆးၶဝ်ဢူၺ်ႉ!” “ၸႂ်ႈၶႃႈဢေႃႈပႃႈမီးလုၵ်ႈၸၢႆးၵေႃႉလဵဝ်ၵူၺ်းၶႃႈႁႃႉ” “ၸႂ်ႈယဝ်ႈမီးၵေႃႉလဵဝ်ၵူၺ်းမီးၵေႃႉလဵဝ်ၵေႃႈပၼ်တၢင်းမႆႈၸႂ်ၼႃႇၸႂ်ၵေႃႈဢမ်ႇၸႂ်ယႂ်ႇလႆႈတေပွႆႇၵႂႃႇႁဵတ်းၵၢၼ်ၵေႃႈသမ်ႉဢမ်ႇလႆႈၸႂ်ႉၵိၼ်ႁႅင်းမၼ်းယူဝ်ႉပႃႈဝႃႈပွႆႇဝႆႉႁဵတ်းၼႆသမ်ႉယၢပ်ႇၸႂ်ပီႈၼၢင်းမၼ်းယူႇၵူၺ်း” “မၼ်းသမ်ႉသူၼ်ၸႂ်ၶႂ်ႈႁဵတ်းသင်ၶႃႈလႃႇၶႃႈဝူၼ်ႉဝႃႈလုၵ်ႈဢွၼ်ႇမွၵ်ႈၼႆႉတေမီးယိူင်းဢၢၼ်းတေမီးလွင်ႈဢၼ်သူၼ်ၸႂ်ၶႂ်ႈႁဵတ်းၶႂ်ႈသၢင်ႈယူႇၶႃႈၼႃသင်ၸိူဝ်ႉဝႃႈ..ၶဝ်လႆႈႁဵတ်းၸွမ်းၼင်ႇဢၼ်ၶဝ်ၶႂ်ႈပဵၼ်ၶဝ်ၵေႃႈတေဢမ်ႇပဵၼ်ၵူၼ်းပႅတ်ႈလၢႆၵႂႃႇဢမ်ႇၸၢင်ႈဝႃႈသင်ၶဝ်လႆႈႁဵတ်းၼင်ႇဢၼ်ၶဝ်ၶႂ်ႈႁဵတ်းမႃးမၼ်းၵေႃႈတေၸၢင်ႈႁဵတ်းလႆႈၶႅမ်ႉလႅပ်ႈထိုင်တီႈလႆႈၵေႃႈပဵၼ်လႆႈ” “ၸွမ်းၼင်ႇၸၢႆးလၢတ်ႈမႃးၵေႃႈလီဝူၼ်ႉယူႇၵူၺ်းၵႃႈမၼ်းတႄႉဝႃႈၶႂ်ႈၵႂႃႇႁဵတ်းသိုၵ်းၼႆဝႃႇပႃႈပေႃးဝူၼ်ႉဢမ်ႇပွင်ႇၸႂ်ၸွမ်းယဝ်ႉတေဢမ်ႇပၼ်ၵႂႃႇၵေႃႈသမ်ႉတေပဵၼ်ၵူၼ်းၸိူင်ႉၼႆၵႂႃႇၼႃႈႁိူၼ်းႁဝ်းၵေႃႈဢမ်ႇမီးၽူႈၸၢႆးသေၵေႃႉမၢင်ပွၵ်ႈသမ်ႉလူဝ်ႇၸႂ်ႉၵိၼ်ယူႇသင်ဢမ်ႇသင်..ပွႆႇၵႂႃႇႁဵတ်းၵၢၼ်ႁႃငိုၼ်းမႃးၸွႆႈၵေႃႈ..ယင်းတေလီလိူဝ်ၼႆႉထႅင်ႈၼႆၵႂႃႈပေႃးဝႃႈမၼ်းဢမ်ႇယူႇႁိူၼ်းၵေႃႈတေဢၢၼ်းပွႆႇၵႂႃႇႁႃႁဵတ်းၵၢၼ်မိူင်းပိူၼ်ႈယဝ်ႉဝူၼ်ႉဝႃႈမၼ်းတေၶႅၼ်းလိူဝ်သေယူႇတီႈမိူင်းႁဝ်းၼႆႉယူႇမၼ်းယင်းၵႆယၢၼ်တင်းၽေးယႃႈမဝ်းၵမ်ဢိတ်းၼိုင်ႈၼၼ်ႉၼႃႇ” “ၽေးယႃႈမဝ်းၵမ်ၼၼ်ႉလီၵူဝ်တႄႉဢေႃႈၵူၺ်းၵႃႈတွၼ်ႈတႃႇၶမ်းမိူင်းၼၼ်ႉသင်တူၺ်းပုၼ်ႈၼႃႈႁိူၼ်းတႄႉမၼ်းၵေႃႈလီယူႇၶႃႈၶႃႈဝူၼ်ႉဝႃႈတႃႇမၼ်းတႄႉတေဢမ်ႇပေႃးလီၵႃႈႁိုဝ်ၶႃႈၼႃသင်ၸိူဝ်ႉဝႃႈမၼ်းဢမ်ႇတဵမ်ၸႂ်ႁဝ်းသမ်ႉပွႆႇၵႂႃႇတေၸႂ်ယႂ်ႇလႆႈလႄႈတေပိုင်ႈဢိင်လႆႈၼႆၼၼ်ႉမၼ်းၵေႃႈလၢတ်ႈဢမ်ႇလႆႈတဵမ်တဵမ်သင်ၸိူဝ်ႉဝႃႈမၼ်းပဵၼ်ၸိူင်ႉၼႆယူႇၵႆယိုင်ႈၶႅၼ်းထိင်းဢမ်ႇလႆႈၵႂႃႇႁဵတ်းၵၢၼ်မိူင်းပိူၼ်ႈၵေႃႈဢမ်ႇၸႂ်ႈဝႃႈမီးၵူၼ်းမေႃႁႃငိုၼ်းၵူၺ်းၵူၼ်းၸိူဝ်းဢၼ်ပႅတ်ႈလၢႆၵေႃႈမီးယူႇသင်ပဵၼ်လႆႈပၼ်ႁႂ်ႈၶဝ်ႁဵတ်းၸွမ်းတၢင်းၶႂ်ႈပဵၼ်ၶဝ်ၼၼ်ႉမၼ်းလီလိူဝ်သေပိူၼ်ႈၶႃႈဢေႃႈ” “ပႃႈၵေႃႈၶႂ်ႈႁႂ်ႈမၼ်းႁဵတ်းၸွမ်းဢၼ်မၼ်းၶႂ်ႈပဵၼ်ယူႇၵူၺ်းၵႃႈမၼ်းသမ်ႉၶႂ်ႈႁဵတ်းသိုၵ်းလႄႈပႃႈသမ်ႉဢမ်ႇပေႃးၶႂ်ႈပၼ်မၼ်းႁဵတ်းၼၼ်ႉၼႃႇၵူဝ်မၼ်းလႆႈတုၵ်ႉၶဢိူဝ်ႈ” “ယူႇတီႈလႂ်ၵေႃႈတိုၼ်းတုၵ်ႉၶၼၼ်ႉၶႃႈယဝ်ႉၵႂႃႇႁဵတ်းၵၢၼ်မိူင်းပိူၼ်ႈၵေႃႈၵမ်ႈၼမ်လႆႈႁဵတ်းလုၵ်ႈၸၢင်ႈပိူၼ်ႈၵူၺ်းဢၼ်လႆႈပဵၼ်ၸဝ်ႈၵၢၼ်ၼၼ်ႉမီးဢေႇၼႃႇပိူၼ်ႈဝႃႈႁိုဝ်ၵေႃႈလႆႈဝႃႈၸွမ်းၸိူင်ႉၼၼ်ပိူၼ်ႈၸႂ်ႉႁဵတ်းသင်ၵေႃႈလႆႈႁဵတ်းၼၼ်ပေႃးဢမ်ႇမေႃႁဵတ်းၵေႃႈလႆႈႁႃၵၢၼ်မႂ်ႇထႅင်ႈပေႃးၺႃးပေႃႈလဵင်ႉလီမႄႈလဵင်ႉလီယင်းၶႅၼ်းသင်ၺႃးတီႈဢမ်ႇလီၼၼ်ႉပိူၼ်ႈယင်းတေၸၢင်ႈပေႉၵိၼ်ၼိူဝ်ႁဝ်းလႆႈထႅင်ႈႁဝ်းတေၵႂႃႇႁဵတ်းၵၢၼ်ႁဝ်းၵေႃႈဢမ်ႇႁူႉလူးဝႃႈတေထူပ်းၵူၼ်းလီႁိုဝ်ၵူၼ်းဢမ်ႇလီၽႂ်ၵေႃႈဢမ်ႇလႆႈတႅမ်ႈဝႆႉတီႈၼႃႈတႃပိူၼ်ႈၶႃႈလူးၼႂ်းၸႂ်တႄႉဝူၼ်ႉဝႃႈပဵၼ်ၵၢၼ်သေႁႃငိုၼ်းၼမ်ၼမ်ၵူၺ်းၵေႃႈလႆႈယဝ်ႉၵူၺ်းၵႃႈမၼ်းၵေႃႈဢမ်ႇမိူၼ်ၼင်ႇၵၢင်ၸႂ်ဢၼ်ႁဝ်းဝူၼ်ႉလႆႈႁဝ်းလႆႈႁဵတ်းၵၢၼ်ထိုင်တီႈဢမ်ႇမီးၶၢဝ်းယၢမ်းလိုဝ်ႈပေႃးဢမ်ႇႁဵတ်းၵေႃႈဢမ်ႇလႆႈၵိၼ်ပေႃးဢမ်ႇမီးဝတ်းဝႂ်ၵေႃႈဢမ်ႇယူႇလႆႈႁဵတ်းၵၢၼ်ႁိူဝ်ႉမႃးယဝ်ႉလႆႈငိုၼ်းလိူၼ်မႃးၵေႃႈ..ပေႃးလူဝ်ႇငိုၼ်းဢွၵ်ႇယူႇယဝ်ႉၵမ်ႉၵႃႈႁွင်ႈဝႃႇၵႃႈၼမ်ႉၵႃႈၾႆးဝႃႇၵႃႈႁဵတ်းဝတ်းဝႃႇတႃႇၵိၼ်ၵေႃႈလူဝ်ႇၵိၼ်ငိုၼ်းၵဵပ်းၵေႃႈပေႃးဢမ်ႇၶႂ်ႈမီး” “ဢၼ်ၵႂႃႇလႆႈၵၢၼ်လီသေမီးငိုၼ်းသူင်ႇမႃးပၼ်ပေႃႈပၼ်မႄႈၸိူဝ်းၼၼ်ႉၵေႃႈမီးတင်းၼမ်ယူႇလူး” “မၢင်ၵေႃႉတွၼ်ႈတႃႇတူဝ်ၸဝ်ႈၵဝ်ႇၵူၺ်းယင်းဢမ်ႇၵုမ်ႈထူၼ်ႈၵေႃႈမီးမၢင်ၵေႃႉပေႃႈမႄႈပွႆႇၵႂႃႇယဝ်ႉႁၢႆၵႂႃႇဢမ်ႇပွၵ်ႈၶိုၼ်းႁိူၼ်းၶိုၼ်းယေးၵေႃႈမီးမၢင်ၵေႃႉပွႆႇၵႂႃႇယဝ်ႉသမ်ႉပၢႆပၼ်တၢင်းတုၵ်ႉပေႃႈမႄႈၶိုၼ်းၵေႃႈမီးပေႃးလၢတ်ႈသိုဝ်ႈသိုဝ်ႈၵူၼ်းၵႂႃႇႁဵတ်းၵၢၼ်ၼွၵ်ႈမိူင်းသေႁႂ်ႈပေႃးမီးငိုၼ်းတဵမ်ထူၼ်ႈလဵင်ႉပေႃႈမႄႈလႆႈဢိမ်ႇတဵမ်ၼၼ်ႉမီးတႄႉမီးယူႇ..မီးၵမ်ႈဢေႇၵူၺ်းၵမ်ႈၼမ်ၵေႃႈပၼ်လႆႈပဵၼ်မိူဝ်ႈပဵၼ်ပွၵ်ႈတွၼ်ႈတႃႇတူဝ်ၵဝ်ႇၵေႃႈလူဝ်ႇၸႂ်ႉထႅင်ႈသေသမ်ႉႁဵတ်းၵၢၼ်လႆႈၸွမ်းငိုၼ်းလိူၼ်ၵူၺ်းပေႃးပၼ်တၢင်းႁိူၼ်းၵေႃႈ..တေလႆႈလူတ်းယွမ်းတႃႇတူဝ်ၵဝ်ႇၽွင်ႈယဝ်ႉပေႃးၶႂ်ႈလႆႈငိုၼ်းၼမ်ၵေႃႈတေလႆႈႁဵတ်းၵၢၼ်ၼမ်တူဝ်ၸဝ်ႈၵဝ်ႇၵေႃႈတေလႆႈႁိူဝ်ႉထႅင်ႈသင်မီးပၢႆးဝူၼ်ႉမေႃႁဵတ်းမေႃသၢင်ႈႁဵတ်းၵၢၼ်တီႈၼႂ်းမိူင်းႁဝ်းၵေႃႈ..လႆႈငိုၼ်းၼမ်မိူၼ်ၵၼ်ၼၼ်ႉၶႃႈယဝ်ႉ” “ပေႃးယူႇမိူင်းႁဝ်းသမ်ႉ..ယႃႈမဝ်းၵမ်လိူင်ႇၼႃႇၵူဝ်ဝႃႈတေပဵၼ်ၵူၼ်းယွင်ႇယႃႈယွင်ႇၾိၼ်ႇပႅတ်ႈၼၼ်ႉယိုင်” “ယူႇမိူင်းပိူၼ်ႈၵေႃႈဢမ်ႇၸႂ်ႈဝႃႈဢမ်ႇမီးၶႃႈၼႃဢမ်ႇၸႂ်ႈယႃႈမယႃႈၾိၼ်ႇၵေႃႈလွင်ႈၵျေႃႇမူၼ်ႈၸွမ်းၽူႈယိင်းမႄႈယႃႈၸိူဝ်းၼၼ်ႉပိူၼ်ႈၵေႃႈမီးယူႇၵူၼ်းယွင်ႈမႃႇၸွမ်းလႄႈ..ပႅတ်ႈလၢႆၵႂႃႇၸွမ်းလွင်ႈၸိူင်ႉၼႆၵေႃႈမီးယူႇၶႃႈလူးၸိူင်ႉႁိုဝ်ၵေႃႈ..မၼ်းယူႇတီႈတူဝ်မၼ်းတင်းမူတ်းၼၼ်ႉၶႃႈယဝ်ႉႁဝ်းၵုမ်းၵမ်မၼ်းဢမ်ႇၶႂ်ႈႁႂ်ႈမၼ်းႁဵတ်းၼႆၼၼ်ႉၵုမ်းလႆႈၸူဝ်ႈၶၢဝ်းၵူၺ်းႁဝ်းတေယူႇၸွမ်းဢမ်ႇလႆႈတႃႇသေႇသမ်ႉဝႃႈႁဝ်းမတ်ႉတူဝ်မၼ်းလႆႈၵေႃႈႁဝ်းမတ်ႉၸႂ်မၼ်းဢမ်ႇလႆႈမိူဝ်ႈမၼ်းလွတ်ႈဢွၵ်ႇမႃးၼၼ်ႉမၼ်းတိုၼ်းတေၵႂႃႇၸွမ်းဢၼ်မၼ်းၶႂ်ႈႁဵတ်းၼၼ်ႉယူႇယဝ်ႉသင်ႁဝ်းႁႄႉႁၢမ်ႈမၼ်းၵႂႃႇတိၵ်းတိၵ်းမၼ်းယိုင်ႈၶႅၼ်းဢမ်ႇၶႂ်ႈႁဵတ်းၵၢၼ်သင်လူးၵွၼ်ႇမၼ်းတေပဵၼ်ၵူၼ်းၸိူင်ႉႁိုဝ်ၼႆၼၼ်ႉယူႇတီႈတူဝ်မၼ်းတႅပ်းတတ်းၵူၺ်းၶႃႈဢေႃႈ” မႄႈၵေႃႈၼင်ႈယဵၼ်လူင်ၵႂႃႇၵမ်းၼိုင်ႈယဝ်ႉ။ “မႄႈၸၢႆးၶႂ်ႈၵႂႃႇႁဵတ်းသိုၵ်းဢေႃႈ!ပၼ်ၸၢႆးၵႂႃႇႁေလႄႈပေႃႈဝႃႈၸၢႆးလႆႈႁဵတ်းသိုၵ်းၸၢႆးတေဢမ်ႇလႄႇလဵၼ်ႈမိူၼ်ၼႆထႅင်ႈယဝ်ႉ” “ၸၢႆးဢမ်ႇၵူဝ်တၢႆႁႃႉဢမ်ႇၵူဝ်တၢႆပႅတ်ႈမႄႈလႄႈတင်းပီႈမႂ်းႁႃႉ” “ၵူၼ်းႁဝ်းမၼ်းၵေႃႈတိုၼ်းတေလႆႈတၢႆယူႇယဝ်ႉဢမ်ႇၸၢင်ႈဝႃႈသင်ၸၢႆးယူႇၸိူင်ႉၼႆ..ယိုင်ႈၶႅၼ်းတေၸဵဝ်းတၢႆလိူဝ်သေၵႂႃႇႁဵတ်းသိုၵ်းၵွၼ်ႇယဝ်ႈဢမ်ႇတၢႆယွၼ်ႉလူတ်ႉၽႃႇ၊လူမ်ႉလူတ်ႉ၊ၽိတ်းႁူဝ်ပိူၼ်ႈၵေႃႈလဵပ်ႈတေတၢႆယွၼ်ႉလႅၼ်ႈပၢႆႈပီႈၶမ်းႁွမ်ယူႇၵူၺ်းၼင်ႇၵဝ်ႇ” “ၽႂ်ၸႂ်ႉမႂ်းလၢတ်ႈမႃးၸိူင်ႉၼၼ်လႃႇဢမ်ႇႁၵ်ႉသေဢိတ်းယဝ်ႉႁႃႉမႄႈၼႆႉပေႃႈမႂ်းၵေႃႈၵႂႃႇယဝ်ႉၵေႃႉၼိုင်ႈ” ဢဝ်သဵင်ၼၼ်ႉယဵၼ်လူင်ၵႂႃႇသေ ၼမ်ႉတႃၸိုမ်ႉၸမ်ႉဢွၵ်ႇမႃးတီႈလၢႆႇတႃဢိတ်းၼိုင်ႈယဝ်ႉ။ “တေႁၢမ်ႈတၢၼ်ႇႁိုဝ်ၵေႃႈမိူဝ်ႈမၼ်းထုၵ်ႇလီပဵၼ်ယဝ်ႉမၼ်းၵေႃႈတိုၼ်းတေပဵၼ်တေဢဝ်လွင်ႈဝၼ်းလင်မႃးၵိုတ်းယင်ႉပႅတ်ႈၶၢဝ်းယၢမ်းမိူဝ်ႈလဵဝ်မၼ်းၵေႃႈယင်းၵိုတ်းဢမ်ႇလႆႈပေႃးဝႃႈႁဵတ်းသိုၵ်းသေတၢႆသိုၵ်းၵေႃႈတေဢမ်ႇမီးယဝ်ႉၵူၺ်းၵႃႈၵူၼ်းၵေႃႉဢၼ်တၢႆၵႂႃႇၵေႃႈဢမ်ႇၸၢင်ႈပွၵ်ႈမႃးၶိုၼ်းလႆႈ” မႄႈထူၺ်ႈၸႂ်လူင်ဢွၵ်ႇမႃးၵမ်းၼိုင်ႈသေ သိုပ်ႇလၢတ်ႈထႅင်ႈဝႃႈ “ၵၢပ်ႈပၢၼ်မၼ်းလႅၵ်ႈလၢႆႈယဝ်ႉတေဢဝ်ပၢႆးဝူၼ်ႉၵဝ်ႇၵဝ်ႇမႃးတႅပ်ႈတတ်းဢမ်ႇလႆႈယဝ်ႉၸွမ်းၼင်ႇၸၢႆးၶဝ်လၢတ်ႈမႃးလိူဝ်သေတူဝ်မၼ်းတႅပ်းတတ်းႁဝ်းတေႁႄႉႁၢမ်ႈမၼ်းဢမ်ႇလႆႈ” “ၶႂ်ႈဝႃႈမႄႈပၼ်ၶႂၢင်ႉယဝ်ႉၸွင်ႇၸႂ်ႈႁိုဝ်” “ဢမ်ႇၵူဝ်တုၵ်ႉၶႁႃႉမၼ်းဢမ်ႇလႆႈယူႇမိူၼ်ၼႂ်းဝဵင်းဢမ်ႇလႆႈယူႇမိူၼ်ယူႇၸွမ်းမႄႈဢမ်ႇလႆႈၵိၼ်တၢင်းၵိၼ်ၼင်ႇဢၼ်မႂ်းၶႂ်ႈၵိၼ်ၼၼ်ႉလႆႈတႃႇသေႇဢမ်ႇလႆႈၼွၼ်းတီႈၼွၼ်းဢၼ်ဢုၼ်ႇၸိူင်ႉၼင်ႇမႂ်းၼွၼ်းၼႆႉလႆႈမႂ်းတေဢမ်ႇလႆႈလႄႇဢမ်ႇလႆႈႁၼ်ဢူၺ်းၵေႃႉမႂ်းထႅင်ႈမႂ်းတေယူႇလႆႈယူႇႁႃႉၵူၼ်းဢမ်ႇယၢမ်ႈတုၵ်ႉၶၸိူင်ႉၼင်ႇမႂ်းၼႆႉ” “မၼ်းၵေႃႈယၢပ်ႇသင်လႃႇငၢႆႈငၢႆႈၵေႃႈပိူၼ်ႈယူႇလႆႈၸၢႆးၵေႃႈယူႇလႆႈႁဵတ်းသိုၵ်းၼႆႉမၼ်းၵေႃႈတိုၼ်းတုၵ်ႉၶယဝ်ႉဢမ်ႇၸႂ်ႈႁိုဝ်တႃႉတေၵႂႃႇႁဵတ်းၵၢၼ်မိူင်းပိူၼ်ႈပူၵ်းပွင်ပၼ်မိူင်းပိူၼ်ႈၶိုၼ်ႈယႂ်ႇတႃႉႁဵတ်းၵၢၼ်ၸွႆႈၸိူဝ်ႉၸၢတ်ႈႁဝ်းလႃႈမၼ်းလီၵႃႈႁိုဝ်မႄႈဝူၼ်ႉတူၺ်းလႄႈပေႃးဝႃႈမီးၵူၼ်းမႃးပေႉၵိၼ်မႄႈၼႆၸၢႆးၵေႃႈတေလႆႈတွပ်ႇတႅၼ်းပၼ်မႄႈလႆႈမႄႈဝူၼ်ႉတူၺ်းလူးၸၢႆးၼုင်ႈတင်းၶူဝ်းသိုၵ်းသေယိပ်းတင်းၵွင်ႈယဝ်ႉယိူင်းယိုဝ်းပၼ်ဢၢႆႈၸၸိူဝ်းဢၼ်မႃးပေႉၵိၼ်မႄႈၼၼ်ႉ..တၢႆၵႂႃႇၵေႃႉလႂ်ၵေႃႉၼၼ်ႉၵမ်းလဵဝ်လူး” “သမ်ႉဝႃႈၵဝ်တေလဵင်ႉမႂ်းမႃးလူၺ်ႈၼႂ်းမိုဝ်းၵဝ်ၵေႃႈလိူတ်ႈဢူႈသူၵေႃႈယင်းတိုၵ်ႉမီးၼႂ်းတူဝ်မႂ်းယူႇၵဝ်ဢမ်ႇမုင်ႈမွင်းႁႂ်ႈမႂ်းမႃးပႂ်ႉၵႅတ်ႇၶႄပၼ်ၵဝ်ယဝ်ႉၵဝ်မုင်ႈမွင်းႁႂ်ႈမႂ်းမီးၶၢဝ်းယၢမ်းမႃးၸႂ်းၵဝ်ၵူၺ်းၵေႃႈလႆႈယဝ်ႈ” “သူသွင်ၵေႃႉၵေႃႈၸွႆႈၵပ်းသိုပ်ႇႁႃတိုဝ်ႉတၢင်းပၼ်ၶမ်းမိူင်းၽွင်ႈၸွင်ႇတေလႆႈႁိုဝ်” “ဢေႃႈတေၸၢမ်းႁႃတူၺ်းပၼ်ၶႃႈၼႃ” “ပႃႈၽၢၵ်ႇၸၢႆးၶႃယဝ်ႉၼႃႈ” “ဢေႃႈၶႃႈ” ၶဝ်ၵေႃႈဢုပ်ႇၵၼ်ထိုင်ၵၢင်ဝၼ်းသမ်ႉပေႃႈၶမ်ႈယဝ်ႉ လႅင်းမိူင်းၶႃၵေႃႈ ၵိၼ်ၶဝ်ႈႁဵတ်းၶႅၵ်ႇသေၸင်ႇတေ ဢွၼ်ၵၼ်ပွၵ်ႈမိူဝ်းၵႂႃႇယူႇ။ သိုပ်ႇလူထႅင်ႈတွၼ်ႈတေမႃးၶႃႈ။ | ['ၸိူင်းတၢင်းႁၵ်ႉ', 'ၸိူင်းတိုၵ်း'] |
2025-04-05T06:23:11 | https://tainovel.com/%e1%80%90%e1%80%ad%e1%80%af%e1%81%bc%e1%80%ba%e1%82%87%e1%80%9c%e1%82%85%e1%80%84%e1%80%ba%e1%80%b8-%e1%80%90%e1%80%bd%e1%81%bc%e1%80%ba%e1%82%88%e1%81%bc%e1%80%ad%e1%80%af%e1%80%84%e1%80%ba%e1%82%88/ | တိုၼ်ႇလႅင်း တွၼ်ႈၼိုင်ႈ | သဵင်ၾႆးလုၵ်ႉၵႂၢၼ်းႁုၼ်ႈႁုၼ်ႈယူႇတီႈၼႂ်းဝၢၼ်ႈ သဵင်ၵွင်ႈဢူၼ်မေႃးပၼ်းၼၼ်ႈပေႃးတၢၼ်ႇသဵင်ၽူၼ် သဵင်ႁွင်ႉႁႆႈယူႇၼၼ်ႉႁိုဝ်တေပႄႉလႆႈသဵင်ၵွင်ႈလႃႇ ၼမ်ႉတႃဢၼ်ဢွၼ်ႈဝွၼ်းႁႂ်ႈဢီးလူယူႇၼၼ်ႉၵေႃႈ ဢမ်ႇမီးၽႂ်တူၺ်းႁၼ် လိူတ်ႈလႅင်ၼွင်းဢိူၵ်ႇဝၢၼ်ႈပေႃးတၢၼ်ႇၼမ်ႉၽူၼ် ပဵဝ်ၾႆးလုပ်ႇလုၵ်ႉမႆႈလၢမ်းႁုပ်ႇၽဝ်ဝၢၼ်ႈပေႃးႁၢမ်း ယၢမ်းၼင်ႇၼၼ် တီႈၼႂ်းထိူၼ်ႇလူင်ၼၼ်ႉ သဵင်ၵွင်ႈလင်မေႃးမႃး တိူဝ်ႉမႅၼ်ႈၺႃးသႂ်ႇၵူၼ်းထဝ်ႈၶၢဝ်ႉၵေႃႉၼိုင်ႈလူမ်ႉမူပ်ႇထူလူင်ၵႂႃႇ သဵင်လင်မႃးထႅင်ႈၵမ်းၼိုင်ႈ ၵေႃႉပဵၼ်မႄႈပႃႈဢၼ်လႅၼ်ႈမႃးၸွမ်းလင်ၼၼ်ႉၵေႃႈ လႆႈလူမ်ႉဢိူၵ်ႇၵူဝ်ႈၼုၵ်းယၢင်ၵႂႃႇမူတ်း ပႃးတင်းလုၵ်ႈဢွၼ်ႇ လႅင်းမိူင်းဢၼ်တိုၵ်ႉၼွၼ်းၾၼ်ယူႇၼၼ်ႉပေႃးၽႅတ်းတိုၼ်ႇမႃးၵမ်းလဵဝ်ယဝ်ႉ။ “ႁူဝ်ၼႃႈ!!ၸဝ်ႈသိုၵ်းမီးၵၢၼ်ၶႂ်ႈလၢတ်ႈတေႃႇ” လႅင်းမိူင်းၵေႃႈၼႅတ်ႈလုၵ်ႉၵႂႃႇၵမ်းလဵဝ်ယူႇ ၵွပ်ႈပဵၼ်သိုၵ်းလူး သမ်ႉဝႃႈၶၢဝ်းၼွၼ်းယဵၼ်ယူႇၵေႃႈ ႁူႉၵႃႈတေလႆႈတူင်ႉတိုၼ်ႇလႄႈလုၵ်ႉႁဵတ်းၼၼ်ႉယဝ်ႉ။ ဝၢႆးသေထူပ်းၵၼ်တၢင်းၸဝ်ႈသိုၵ်းမႃးယဝ်ႉ လႆႈႁပ်ႉၵၢၼ်မႃးသေ ၸတ်းႁႅင်းၵူၼ်းယဝ်ႉဢွၼ်ၵႂႃႇယူႇ။ ယၢမ်းၶမ်ႈၶိုၼ်းလိုၵ်းယဵၼ် တီႈၼိူဝ်သဵၼ်ႈတၢင်းႁိမ်းလႅၼ်လိၼ်ၶၢမ်ႈမိူင်းၼၼ်ႉ မီးၵႃးတင်းၼမ်လတ်းၶၢမ်ႈၵႂႃႇ ပဵၼ်ၵႃးလူင်သိပ်းသွင်လေႃႉလၢႆလၢႆ ယူႇယူႇၵေႃႈၵႃးၸိူဝ်းၼၼ်ႉၵိုင်ႉၵၢင်ႉၵိုတ်းသေ လႆႈငိၼ်းသဵင်တိၼ်လႅၼ်ႈလူင်မႃးၵူႈၸွၵ်ႉၵူႈၸဵင်ႇ လွမ်ႉႁွပ်ႈၵႃးၸိူဝ်းၼၼ်ႉဝႆႉမူတ်းယဝ်ႉ။ ၵူၼ်းႁေႃႈၵႃးၵေႃႈဢမ်ႇၸၢင်ႈတူင်ႉတူဝ်လႆႈသေဢိတ်း ဝၢႆႇၵႂႃႇတၢင်းလႂ်မိူၼ်ဝႃႈပၢႆၵွင်ႈၼႆႉပေႉမႃးယူႇၸမ်ၼႃႈၽၢၵ်ႇၼႃႇ တေယၢင်ႈလူင်းၵႃးၼႆၵေႃႈၶႃပေႃးၶႅင်ယဝ်ႉ။ တီႈၼႂ်းၵႃးဢၼ်တၢင်ႇမႃးၸိူဝ်းၼၼ်ႉ လႆႈႁၼ်ယႃႈမဝ်းၵမ်တင်းၼမ်လႄႈ ၽူႈယိင်းတင်းၼမ် လႆႈၶၢမ်ႇတိၺွပ်းမတ်ႉတိၼ်မတ်ႉမိုဝ်းဝႆႉ ပေႃးဢမ်ႇၸၢင်ႈတူင်ႉတူဝ်လႆႈ။ မိူဝ်ႈလႆႈႁၼ်ၵူၼ်းမႃးၸွႆႈၶဝ်ၼၼ်ႉ တင်းၼမ်ႉတႃလႄႈသဵင်ႁွင်ႉႁႆႈ၊ တၢင်းၸူမ်းသိူဝ်းလႄႈၵႂၢမ်းယိၼ်းၸူမ်းၶဝ် ပေႃးဢူၼ်ၵႂႃႇမူတ်းၼၼ်ႉယဝ်ႉ။ ၸွမ်းၼင်ႇပုၼ်ႈၽွၼ်းမီးၼၼ်ႉသေ ၸုမ်းၶိုၵ်ႉတွၼ်းၶဝ်ၵေႃႈ လႆႈႁဵတ်းၸွမ်းပိူင်ၽႅၼ်ၵႂႃႇ ပဵၼ်ၶၵ်ႉပဵၼ်တွၼ်ႈယဝ်ႉ ဢဝ်ၶူဝ်းၶွင်ဢိၵ်ႇတင်းၵူၼ်း ဢၢပ်ႈပၼ်ၽူႈမီးပုၼ်ႈၽွၼ်းၶဝ်ၸတ်းၵၢၼ် ႁႂ်ႈသိုပ်ႇႁဵတ်းသၢင်ႈၵႂႃႇ ၼႃႈၵၢၼ်ၶဝ်ၵေႃႈလႆႈယဝ်ႉတူဝ်ႈၵႂႃႇယဝ်ႉ။ ပၢင်တိုၵ်းၵၢၼ်ၵႃႉၶၢႆလွင်ႈၽိတ်းမၢႆမီႈပွၵ်ႈၼႆႉ ၸုမ်း “ၼူၵ်ႉဢႅၼ်ႇၾႃႉ” ပဵၼ်တူဝ်ယၢင်ႇလီၼႂ်းသိုၵ်းတႄႉတႄႉ။ ပွၵ်ႈၼႆႉ ပဵၼ်ပၢင်တိုၵ်းဢၼ်ၸႂ်ႉၵွင်ႈယူႇ ၵူၺ်းၵႃႈဢမ်ႇလႆႈငိၼ်းသဵင်မၢၵ်ႇၼႆၼၼ်ႉ ၵူၼ်းလူင်ၶဝ်ပဵၼ်ဢၼ်ႁၢၼ်ႉၸႂ်လၢႆးႁဵတ်းသၢင်ႈၼႆႉတႄႉလႄႈ ထိုင်တီႈသမ်ႉပေႃးလႆႈပၼ်သူးၶဝ်ၵႂႃႇယဝ်ႉ။ မိူဝ်ႈလႅင်းမိူင်းတိုၵ်ႉလိုဝ်ႈႁိူဝ်ႉၼွၼ်းလပ်းမွႆႈယူႇၼၼ်ႉ ၸၢႆးဢွင်ႇၵေႃႉပဵၼ်ၽူႈမၢႆမၼ်းၼၼ်ႉၵေႃႈ ႁိပ်ႈၼႅတ်ႈလူင်မႃး “ႁူဝ်ၼႃႈ!!ၸဝ်ႈသိုၵ်းလၢတ်ႈမႃးႁႂ်ႈၵႂႃႇထူပ်းၶမ်ႈၼႆႉႁႃႈမူင်းႁႂ်ႈထိုင်ဝႃႇ” ၼၼ်ႉမၼ်းပဵၼ်ၵႂၢမ်းသင်ႇလူး သမ်ႉဝႃႈၶၢဝ်းယၢမ်းလိူဝ်ၼမ်ယူႇသေတ တႃႇတေၵႂႃႇႁွတ်ႈၼၼ်ႉ လႆႈၸႂ်ႉၶၢဝ်းယၢမ်းပဵၼ်ႁႃႈၸူဝ်ႈမူင်း။ ဝူၼ်ႉဝႃႈၶၢဝ်းယၢမ်းလႅပ်ႈတေဢမ်ႇပေႃးယဝ်ႉ လႅင်းမိူင်းၵေႃႈ မႄးလၢႆႈၶူဝ်းႁၢင်ႈၶိူင်ႈႁၢင်ႈၽၢင်သေ ၸူဝ်းဢဝ်မေႃယႃၸၢႆးၶိူဝ်းႁေႃႈလူတ်ႉဢွၵ်ႇပၢင်သဝ်းၵႂႃႇယူႇယဝ်ႉ။ တီႈၼႂ်းလုမ်းသိုၵ်းဢၼ်မီးႁူမ်ႇလူမ်ႈၼႅၼ်ႈၼႃ လႅင်းမိူင်းတၢင်းၸၢႆးၶိူဝ်းၵေႃႈႁေႃႈၵႃးၶႃၶဝ်ႈၵႂႃႇယူႇ။ သွင်ၶႃလႆႈၶဝ်ႈၵႂႃႇၼႂ်းႁွင်ႈၽူႈၸတ်းၵၢၼ် ၶဝ်ႈၵႂႃႇၼပ်ႉယမ်ၸဝ်ႈသိုၵ်းသေ ၸဝ်ႈသိုၵ်းၵေႃႈႁပ်ႉဢဝ်လွင်ႈၼပ်ႉယမ်ယဝ်ႉ လႆႈၼင်ႈဢုပ်ႇၵၼ်တင်းႁိုင်ယူႇ။ ဢၼ်ႁွင်ႉထူပ်းပွၵ်ႈၼႆႉၼၼ်ႉ ဢမ်ႇၸႂ်ႈဝႃႈမႃးၼင်ႈသေဢုပ်ႇၵၼ်ၵူၺ်းၼင်ႇၵဝ်ႇ ဢုပ်ႇၵႂႃႇဢုပ်ႇမႃး ၶဝ်ႈလွင်ႈၵႂႃႇႁင်းၵူၺ်း။ “ဢၼ်ႁွင်ႉမႃးၼႆႉၵေႃႈၵူၼ်းလူင်ၽၢႆႇၼိူဝ်ၶဝ်လႆႈယုၵ်ႉယွင်ႈတႄႉတႄႉလႄႈႁႂ်ႈလႆႈပၼ်သူးတွၼ်ႈၸုမ်းၼူၵ်ႉဢႅၼ်ႇၾႃႉသူၼႆသေဢမ်ႇႁူႉဝႃႈတေလႆႈတွၼ်ႈသင်တေပၼ်ႁႂ်ႈလိုဝ်ႈႁိုဝ်ႉမိူဝ်းလႄႇႁိူၼ်းမိူဝ်းၸႂ်းႁိူၼ်းလႆႈတႃႇ10ဝၼ်း” လႅင်းမိူင်းၵေႃႈယုမ်ႉဢိတ်းၼိုင်ႈယဝ်ႉသေ “သမ်ႉဝႃႈၶၢဝ်းယၢမ်းပွတ်းပွတ်းၵူၺ်းၵေႃႈယိၼ်းၸူမ်းလႆႈႁပ်ႉၶူဝ်းတွၼ်ႈယူႇၶႃႈ” ၸဝ်ႈသိုၵ်းၵေႃႈႁူႉယူႇဝႃႈ လႅင်းမိူင်းဝႃႈၶိတ်ႈ ပေႃးဢမ်ႇၸႂ်ႈလႅင်းမိူင်းၵေႃႈဢမ်ႇမီးၽႂ်ႁတ်းလၢတ်ႈၼင်ႇၵဝ်ႇ။ ၸဝ်ႈသိုၵ်းယုမ်ႉယဝ်ႉ ဢမ်ႇမီးသင်လၢတ်ႈယဝ်ႉလႄႈ “ဢၼ်ၶႂ်ႈလၢတ်ႈၵေႃႈ မီးၵႃႈၼႆႉၵူၺ်း” ၼႆသေ ႁႂ်ႈလႅင်းမိူင်းၵိုတ်းဝႆႉယဝ်ႉ ၸၢႆးၶိူဝ်းၵေႃႈဢွၵ်ႇႁွင်ႈမႃးပႂ်ႉထႃႈ။ “ပေႃႈႁဝ်းမီးလွင်သင်ထႅင်ႈၶႃႈ” “ဢမ်ႇလႆႈမီးသင်တႄႉတႄႉၼင်ႇၵဝ်ႇသူမႄႈလုၵ်ႈၵေႃႈဢမ်ႇလႆႈထူပ်းၵၼ်ႁိုင်ယဝ်ႉလႆႈလိုဝ်ႈၵေႃႈမိူဝ်းၸႂ်းၽွင်ႈလႄႈ ” “ဢေႃႈ” ပေႃႈၶဝ်ၵေႃႈတဝ်ႉႁူဝ်မႃႇၼင်ႇမႆႈၸႂ်ယဝ်ႉ “ဢႃႇယုၵေႃႈယႂ်ႇယဝ်ႉထုၵ်ႇလီမီးၵေႃႉထုၵ်ႇၸႂ်ၵေႃႉတေႁူမ်ႈၶၢင်းပႆၸွမ်းၵႂႃႇတႃႇႁူမ်ႈၸၢတ်ႈပၢၼ်လႆႈယဝ်ႉၼႃႈ” “ပႂ်ႉထႅင်ႈသွင်သၢမ်ပီၵေႃႈၵူၼ်းလဝ်းၸိူင်ႉၼင်ႇၶႃႈၼႆႉယင်းတိုၵ်ႉမီးၵူၼ်းတေႃႇထႅဝ်ပႂ်ႉဝႆႉယူႇတင်းၼမ်လႃႈတေႃႈၼင်ႇၵူၼ်းပေႃးထဝ်ႈယဝ်ႉယင်းလႆႈမေးၼုမ်ႇယူႇ ” ပေႃႈၶဝ်ႁိုဝ်တေၸၢင်ႈလၢတ်ႈသင်ၸွမ်းယဝ်ႉ “ၵေႃႈၸႂ်ႈယူႇ” လႅင်းမိူင်းယုမ်ႉယဝ်ႉဢွၵ်ႇႁွင်ႈမႃးသေ ၸူဝ်းဢဝ်ၸၢႆးၶိူဝ်းပွၵ်ႈမိူဝ်းၵႂႃႇယဝ်ႉ။ မိူဝ်ႈလႂ်မိူဝ်ႈလိုဝ်ႈယူႇယဝ်ႉ ဢွၼ်ၵၼ်မႃးလႄႇႁွတ်ႈ ၼႂ်းဝဵင်းလူင်ဢၼ်ၵႂၢင်ႈယႂ်ႇ ဢဝ်သၢႆတႃတူၺ်းပေႃးဢမ်ႇတိူၵ်ႈလႆႈ လႅင်းမိူင်းတင်းၸၢႆးၶိူဝ်းၵေႃႈ ၶဝ်ႈၵႂႃႇတီႈၼႂ်းသႅင်ႇၶဝ်ႈၽၵ်းဢၼ်ၵႂၢင်ႈယႂ်ႇၼႃႇတီႈၼိုင်ႈၼၼ်ႉယဝ်ႉ။ မိူဝ်ႈတိုၵ်ႉယဵပ်ႇယၢင်ႈၶဝ်ႈၵႂႃႇၼႂ်းလၢၼ်ႉၼၼ်ႉ သၢႆတႃၵူၼ်းၼႂ်းလၢၼ်ႉ ဢွၼ်ၵၼ်မိုင်ယၵ်ႉတူၺ်းၸွမ်းၶႃ တႃပေႃးဢမ်ႇၶႂ်ႈၽႅပ်ႉလႆႈ။ ဢၼ်တူၺ်းၼႃႇလိူဝ်ပိူၼ်ႈၼၼ်ႉတႄႉ ပဵၼ်ၽူႈယိင်းၸိူဝ်းၼင်ႈပဵၼ်ၸုမ်းဝႆႉၼၼ်ႉယဝ်ႉ။ “လႅင်းမိူင်း ပိူၼ်ႈတူၺ်းႁႃးၵျႃႉဢေႉ” “ႁႃးလဝ်းပေႃးတၢၼ်ႇၼႆႉဢမ်ႇတူၺ်းၵေႃႈပိူင်ႈၼႃႇယဝ်ႉလေႃႇပႂ်ႉတူၺ်းလႄႈၼပ်ႉၼိုင်ႈထိုင်သၢမ်ၵေႃႉဢမ်ႇၵေႃႉတိုၼ်းလုၵ်ႉမႃးႁႃဢဝ်ႈ” လႅင်းမိူင်းၵေႃႈလိၵ်းတႃဢိတ်းၼိုင်ႈသေ ဝၢၼ်ႇမွၵ်ႇၼႃႈ ၵႂႃႇၸူးၽူႈယိင်းၸိူဝ်းၼၼ်ႉ ဢဝ်ၶဝ်ယုမ်ႉပေႃးဢမ်ႇၸၢင်ႈတုပ်ႇၶဵဝ်ႈလႆႈယဝ်ႉ။ မိူဝ်ႈၼင်ႈလူင်းၵႂႃႇ ၸၢႆးၶိူဝ်းတႄႇၼပ်ႉ “ၼိုင်ႈ!” ၼႆၵူၺ်း ၽူႈယိင်းဢၼ်ၶႂ်ႈႁၢမ်ႉႁၢင်ႈလီလိူဝ်ပိူၼ်ႈၼၼ်ႉၵေႃႈ လုၵ်ႉပႆမႃးတၢင်းၶႃယူႇၼၼ်ႉလႄႈ “ႁၼ်ႁိုဝ်မႃးယဝ်ႉၼႃႇ” ယိင်းၵေႃႉၼၼ်ႉၵေႃႈ ပႆၶဝ်ႈမႃးၸမ်ၶႃတိၵ်းတိၵ်း မိူဝ်ႈမႃးႁွတ်ႈတီႈၶႃၼင်ႈၼၼ်ႉ သၢႆတႃမုင်ႈၵႂႃႇတူၺ်းတီႈၽၵ်းတူသေ ႁွင်ႉၵႂႃႇ “ၵေႃႉႁၵ်ႉ!!” ၼႆ မႅၼ်ႈမိူဝ်ႈၸၢႆးၶိူဝ်းတိုၵ်ႉၵိၼ်ၼမ်ႉယူႇလႄႈ သမ်ႉပေႃးၵႅၼ်ႉဢွၵ်ႇမႃးယဝ်ႉ။ ၽူႈယိင်းၵေႃႉၼၼ်ႉၵေႃႈ ပႆၵႂႃႇၵွင်ႉဢဝ်ၶႅၼ်ၽူႈၸၢႆး ဢၼ်တိုၵ်ႉၶဝ်ႈမႃးၼၼ်ႉပူၼ်ႉၵႂႃႇၶိုၼ်း။ ၸၢႆးၶိူဝ်းလႆႈႁၼ်လႅင်းမိူင်းၼႃႈႁႅင်ႈ ၸိူင်ႉၼၼ်ယဝ်ႉ လၵ်ႉၵၼ်ႈၶူဝ်ယူႇႁင်းမၼ်း။ “ၼပ်ႉၼိုင်ႈၵူၺ်း..ပိူၼ်ႈပေႃးလုၵ်ႉမႃးႁႃတေႉလူင်ဢေႉ” “တႃႇၼႆႉၵေႃႉႁႃးၵေႃႉၸၢႆႇလႄႈၼႃႈ” သမ်ႉပေႃးဢဝ်ၸၢႆးၶိူဝ်းႁူတ်းလူင်ၵႂႃႇ။ “ငိုၼ်းလိူၼ်ႁႃးပႆႇဢွၵ်ႇ” “ႁႃးၵေႃႈမိူၼ်ၵၼ် ပၢႆႈဢွၵ်ႇလၢၼ်ႉၼႄႇႁႃး” “ဢမ်ႇမီးငိုၼ်းသမ်ႉၸူဝ်းၵၼ်ၶဝ်ႈလၢၼ်ႉလူင်လူင်ၸိူင်ႉၼႆလႄႇ ” “ႁိုင်ႁိုင်ၼၢၼ်းၼၢၼ်းၼိုင်ႈပွၵ်ႈလႆႈမႃးႁႃးၵေႃႈၶႂ်ႈၵိၼ်တူၺ်းဢၼ်ၶိုၵ်ႉဢၼ်ၶႅမ်ႉမၼ်းဢိတ်းၼိုင်ႈၼႆၵႂႃႈ” ပိူၼ်ႈၵေႃႈမႃးတမ်းပၼ်ၶႃ ႁၢင်ႈလီႁၢင်ႈဝၢၼ်လၢႆလၢႆယဝ်ႉ။ “ႁၼ်ၸိူင်ႉၼႆယဝ်ႉတေပၢႆႈလႆႈယူႇႁ” ယုမ်ႉႁႅင်ႈႁႅင်ႈတေႃႇၵၼ်သေ ဢွၼ်ၵၼ်ၵိၼ်ယူႇယဝ်ႉ။ ဝၢႆးသေၵိၼ်ၶဝ်ႈယဝ်ႉ လႅင်းမိူင်းၵေႃႈၸၢႆႇၵႃႈမၼ်းသေ ဢွၼ်ၵၼ်ဢွၵ်ႇၵႂႃႇယူႇ ယၢမ်းၼၼ်ႉ ၸင်ႇမီးၽူႈယိင်းၵေႃႉၼိုင်ႈၼႂ်းၸုမ်းၼၼ်ႉလႅၼ်ႈမႃးၸူးၶႃသေယဝ်ႉ “ၵမ်ႉၵွၼ်ႇၶႃႈ ပီႈၸၢႆး” သွင်ၶႃဝၢႆႇၸူးယဝ်ႉ ၸၢႆးၶိူဝ်းၵေႃႈ “မီးလွင်ႈသင်ဢမ်ႇႁူႉၶႃႈ” “တီႈပီႈတႄႉဢမ်ႇမီးၶႃႈပီႈၵေႃႉၼႆႉၵူၺ်းဢေႃႈ” တေႃႇၼႃႈၸူးလႅင်းမိူင်းၵႂႃႇသေ “ပီႈၶႃႈယိင်းၶႂ်ႈယွၼ်းမၢႆၵပ်းသိုပ်ႇပီႈၵူၺ်းဢေႃႈ.” လႅင်းမိူင်းဝႆႉၼႃႈမိူၼ်ဢမ်ႇႁူႉဝႆႉသေ ယိင်းၵေႃႉၼၼ်ႉသမ်ႉပေႃးဢဝ်ၽူင်းယိုၼ်ႈပၼ်ယဝ်ႉ၊ လႅင်းမိူင်းၵေႃႈတႅမ်ႈပၼ်ယဝ်ႉ ၸူဝ်းၵၼ်ဢွၵ်ႇမိူဝ်းၵႂႃႇ။ မိူဝ်ႈတိုၵ်ႉႁေႃႈၵႃးမိူဝ်းယူႇၼိူဝ်သဵၼ်ႈတၢင်းၼၼ်ႉ လႅင်းမိူင်းၵေႃႈႁိုဝ်ယွမ်းလႃႇ ဢဝ်ၶိုၼ်းတီႈၸၢႆးၶိူဝ်းယူႇ။ “ပီႈတႄႉဢမ်ႇၸႂ်ႈၶႃႈၼႆႁႃႉ!! ” “ဢမ်ႇပိူင်ႈသင်ၵၼ်ၼင်ႇၵဝ်ႇမိူဝ်ႈၵႆႈၼႆႉလႆႈပၼ်ယူႇႁႃႉမၢႆၵပ်းသိုပ်ႇ” “ပၼ်ယူႇၵူၺ်းၵႃႈဢမ်ႇၸႂ်ႈၶွင်ႁႃး” “ဢဝ်မၢႆၽူင်းတီႈလႂ်ပၼ်ထႅင်ႈယဝ်ႉလႃႇပွၵ်ႈၼႆႉယႃႇလၢတ်ႈဝႃႈဢဝ်” “မႅၼ်ႈယဝ်ႉဢဝ်မၢႆၽူင်းသြႃႇႁႃးပၼ်” “ၸႂ်ႈမဵဝ်းမၼ်းယူႇႁႃႉ!ပိူၼ်ႈဢမ်ႇၶႂ်ႈလႆႈၶွင်ႁႃးပိူၼ်ႈၶႂ်ႈလႆႈၶွင်သြႃႇႁႃးၵူၺ်းဢိူဝ်ႈပဵၼ်ႁင်လႄႈတေလႆႈဢဝ်ၶွင်ႁႃးပၼ်လႃႇၼၼ်ႉ ” “တူၺ်းမိူၼ်သြႃႇႁႃးလႅပ်ႈသူၼ်ၸႂ်ဝႆႉယိုင်ႁၼ်တူၺ်းတႃပေႃးဢမ်ႇၽႅပ်ႉလႆႈႁႃးၶပ်းၶိုင်ပၼ်ယဝ်ႉၸတ်းၵၢၼ်ႁင်းၵူၺ်းလႄႈၼႃႈ” မိူဝ်ႈယင်းတိုၵ်ႉၵိုတ်းလူတ်ႉသေ ပႂ်ႉလူတ်ႉလႆၶၢမ်ႈတၢင်းၽႄယူႇၼၼ်ႉ လႆႈႁၼ်ၽူႈၸၢႆးၵေႃႉၼိုင်ႈ ယိပ်းတင်းထူင်ငိုၼ်းယဝ်ႉ လႅၼ်ႈၽၢၼ်ႇၼႃႈလူတ်ႉၶႃၵႂႃႇ သွင်ၶႃၵေႃႈမိူဝ်ႈလႆႈႁၼ်ၸိူင်ႉၼၼ် ယဵၼ်ႉၸႂ်တူၺ်းဢမ်ႇလႆႈယဝ်ႉလႄႈ ဢွၼ်ၵၼ်လႅၼ်ႈလူင်းၵႃးၵႂႃႇၵႅတ်ႇႁႄႉပႅတ်ႈ တၢင်းၼႃႈၽူႈၸၢႆးၵေႃႉဢၼ်တိုၵ်ႉလႅၼ်ႈၼၼ်ႉသေ ၸၢႆးၵေႃႉၼၼ်ႉႁွတ်ႈမႃးထိုင်တီႈၶႃယဝ်ႉ လႅင်းမိူင်းၵေႃႈၸင်ႇၸႂ် ၶတ်းၶႃၸၢႆးၵေႃႉၼၼ်ႉ လူမ်ႉလူင်းၵႂႃႇ။ မိူဝ်ႈၸၢႆးၵေႃႉၼၼ်ႉၶတ်းၸႂ်လုၵ်ႉယူႇ လႅင်းမိူင်းၸၼ်ဢဝ်ထူင်ငိုၼ်းၼၼ်ႉသေ ၸၼ်ၶေႃးသိူဝ်ႈမၼ်းလုၵ်ႉယဝ်ႉ ၵမ်ၶေႃးသိူဝ်ႈၵူၼ်းၵေႃႉၼၼ်ႉဝႆႉယူႇ။ “ပွႆႇ!!ပွႆႇၶႃႈၵႂႃႇလႄႈ” ယၢမ်းၼၼ်ႉ သဵင်လင်မေႃးမႃး “ၺွပ်းမၼ်းဝႆႉလႄႈ!!ယႃႇပေပွႆႇၵႂႃႇ!!” သၢႆတႃလႅင်းမိူင်း မိူၼ်ႇတူၺ်းတၢင်းႁၢင်ႈလီယိင်းၵေႃႉၼၼ်ႉ သမ်ႉပေႃးမိုင်ၵႂႃႇၸွမ်းယဝ်ႉ။ “ပီႈ!ၶမ်းႁွမ်!ပွႆႇၸၢႆးၵႂႃႇလႄႈၼႃႈၸၢႆးဢမ်ႇၶႂ်ႈမိူဝ်း” ၶမ်းႁွမ်ပႆမႃးသိုပ်ႇၸၼ်ႁုၵ်ႉဢဝ်ၶေႃးသိူဝ်ႈၼွင်ႉၸၢႆးမၼ်းတီႈၼႂ်းမိုဝ်းလႅင်းမိူင်းၼၼ်ႉသေ လၢတ်ႈၸူး “ၸူမ်းယဝ်ႉၶႃႈၸွႆႈၺွပ်းပၼ်” လႅင်းမိူင်းႁၼ်ၸိူင်ႉၼၼ် သမ်ႉပေႃးငိူဝ်ႈတူၺ်းထႅင်ႈၵမ်းၼိုင်ႈ ဢမ်ႇတွၼ်ႉယၢမ်ႈႁၼ်ၽူႈယိင်း ႁၢင်ႈလီလီ တေမီးလွင်ႈႁတ်းႁၢၼ်ၵႅၼ်ႇၶႅင် မီးႁႅင်းမိုဝ်း ထိုင်တီႈႁုၵ်ႉၸၼ်ဢဝ်တူဝ်ၸၢႆးဢွၼ်ႇၵေႃႉၼၼ်ႉ ပေႃးဝူင်လူင်ၵႂႃႇၸိူင်ႉၼၼ် မၼ်းၵေႃႈၸင်ႇဢဝ်ထူင်ၼၼ်ႉ ယိုၼ်ႈၸူးၸဝ်ႈမၼ်းၶိုၼ်းယဝ်ႉ.. “ၼႆႉၸွင်ႇၸႂ်ႈထူင်သူၶႃႈ” “ၸႂ်ႈဢေႃႈၸူမ်းတေႉယဝ်ႉၶႃႈ..” “ဢမ်ႇပဵၼ်သင်ၶႃႈယိၼ်းလီၸွႆႈထႅမ်ယူႇ” “ႁဝ်းမိူဝ်းၵွၼ်ႇယဝ်ႉၶႃႈပေႃးၼႆ” ၵူမ်ႈၼႃႈၼပ်ႉယမ်ဢိတ်းၼိုင်ႈၼင်ႇတူင်ႉတၵ်ႉသေ ၸၼ်မိၼ်ႇႁူၶမ်းမိူင်းမိူဝ်းၵႂႃႇၸွမ်းတၢင်းယဝ်ႉ။ “ၶမ်းႁွမ်ပေႃးလႆႈယဝ်ႉလီဢၢႆပိူၼ်ႈ” “မေႃလီဢၢႆပိူၼ်ႈႁေႁႃႉ ၵႃႈဢမ်ႇမိူဝ်းထိုင်ႁိူၼ်းယႃႇထၢင်ႇဝႃႈတေပွႆႇ” “ၵမ်ႉမိုဝ်းၸဵပ်းဢိူဝ်ႈ ” “ၸဵပ်းၵေႃႈယဝ်ႉလႄႈမိုဝ်းၵူၺ်းၶႅၼ်းသေလႆႈလမ်းႁႃယူႇယူဝ်ႉဢဝ်တၢင်းယၢမ်ႈဢမ်ႇလီမႃးတီႈၽႂ်လႃႇၸွမ်းၸၵ်ႉၸွမ်းဢဝ်ထူင်ပိူၼ်ႈၸိူင်ႉၼႆ” “ၶႃႈဢမ်ႇမီးငိုၼ်းလူးၶႃႈၵေႃႈၶၢၼ်ႉမိူဝ်းႁိူၼ်းယူႇၵူၺ်းလေႃႇၶႃႈႁပ်ႉၶၢမ်ႇယူႇဝႃႈၶႃႈဢဝ်ၶွင်ပီႈၵူၺ်းၶႃႈဢမ်ႇလႆႈဢဝ်ၶွင်ၽႂ်ထႅင်ႈ” ၶမ်းႁွမ်မႄးသိုပ်ႇလိမ်ႇယၵ်းၶဝ်ႈထႅင်ႈ ထိုင်တီႈသမ်ႉပေႃးႁွင်ႉဢွၵ်ႇမႃးယဝ်ႉ။ “ၶွင်ၽႂ်ၵေႃႈယဝ်ႉမၼ်းၸႂ်ႈမဵဝ်းမၼ်းယူႇႁႃႉလၢႆးႁဵတ်းၸိူင်ႉၼႆ” “ၶႃႈတိုၵ်ႉႁဵတ်းပွၵ်ႈဢွၼ်တၢင်းသုတ်းၵူၺ်းၸွႆႈပွႆႇၶႃႈလႄႈ” “ၼႆႉႁႂ်ႈမၼ်းပဵၼ်ပွၵ်ႈလိုၼ်းသုတ်းလႄႈ” ၶမ်းႁွမ်ပွႆႇသေၸၼ်ဢဝ်ၶႅၼ်မၼ်းၵႂႃႇယူႇ။ သိုပ်ႇလူထႅင်ႈတွၼ်ႈတေမႃးၶႃႈ | ['ၸိူင်းတိုၵ်း', 'ၸိူင်းတၢင်းႁၵ်ႉ'] |
2025-04-01T07:56:56 | https://tainovel.com/%e1%81%b8%e1%81%a2%e1%80%90%e1%80%ba%e1%82%88%e1%80%95%e1%81%a2%e1%81%bc%e1%80%ba%e1%81%bc%e1%81%bc%e1%80%ba%e1%82%89%e1%82%81%e1%80%ad%e1%80%af%e1%80%9d%e1%80%ba%e1%80%84%e1%81%a2%e1%82%86%e1%82%88/ | ၸၢတ်ႈပၢၼ်ၼၼ်ႉႁိုဝ်ငၢႆႈ | ႁဝ်းမီးတၢင်းသိူဝ်းလႆႈယူႇၼႃ လွင်ႈဢၼ်ႁဵတ်းႁႂ်ႈၸဵပ်းၼၼ်ႉ ဝႆႉပဵၼ်လွင်ႈၶဵင်ႇတႃႉတႃႇဢဝ်ၶၢမ်ႈပူၼ်ႉမၼ်းသေ တေႁဵတ်းႁႂ်ႈမေႃယဵၼ်ႉၵၼ်ႈမႃးထႅင်ႈၼၼ်ႉယဝ်ႉ။ ယႃႇၵုမ်ႇၸူမ်ယူႇၸွမ်းလွင်ႈၸိူဝ်းပူၼ်ႉမႃးထိုင်တီႈပေႃးဢမ်ႇမီးတၢင်းသိူဝ်းလႆႈလႄႈ ၸႂ်ႉၸၢတ်ႈပၢၼ်ယူႇၸွမ်းၶၢဝ်းယၢမ်းမိူဝ်ႈလဵဝ်ၼႆႉလႄႈ။ သင်တေႁၵ်ႉပိူၼ်ႈထိုင်တီႈပေႃးလိုမ်းတူဝ်ၵဝ်ႇၼႆ ႁၵ်ႉတူဝ်ၵဝ်ႇၼမ်ၼမ်လႄႈ သမ်ႉဝႃႈဢမ်ႇမီးၽႂ်ၵေႃႈ ႁဝ်းယင်းတိုၵ်ႉမီးတူဝ်ၵဝ်ႇယူႇလူး။ ၵူၼ်းဢမ်ႇလီၵေႃႈဝႄႈသေ သူၼ်ၸႂ်ၵူၼ်းဢၼ်သႂ်ႇၸႂ်မႆႈၸႂ်ႁဝ်းၼၼ်ႉၵူၺ်းၵေႃႈပဵင်းပေႃးယဝ်ႉ။ ၸူဝ်ႈဢသၢၵ်ႈႁဝ်းၼၼ်ႉႁူႉတိုၼ်းတေလႆႈထူပ်း လွင်ႈတုၵ်ႉၶလွင်ႈယၢပ်ႇၽိုတ်ႇ လွင်ႈၶဵင်ႇတႃႉထႅင်ႈတင်းၼမ်။ သင်ဝႃႈဢမ်ႇယဵၼ်ႉၶၢမ်ႇလႆႈယဝ်ႉၼႆ ႁႂ်ႈၵမ်းတူၺ်းသဵင်ႁူဝ်ၸႂ်ဢၼ်တွတ်ႇယူႇၼၼ်ႉသေ တေလႆႈႁူႉဝႃႈႁဝ်းယင်းတိုၵ်ႉႁဵတ်းလႆႈယူႇ ယဵၼ်ႉၵၼ်ႈလႄႈဝႆႉၸႂ်ၵႅၼ်ႇၶဵင်သေဢဝ်ၶၢမ်ႈပူၼ်ႉမၼ်းၵႂႃႇ။ ဢမ်ႇဝႃႈတေထူပ်းပၼ်ႁႃလၢႆၸိူဝ်ႉလၢႆမဵဝ်းၵေႃႈ ယုမ်ႇလႄႈသူတေဢဝ်ၶၢမ်ႈပူၼ်ႉလႆႈယူႇ။ ၸၢတ်ႈပၢၼ်ၼၼ်ႉဢမ်ႇတွၼ်ႉငၢႆႈႁေပွၵ်ႈ ၵူၺ်းၵႃႈ ၸႂ်ဢၼ်ၵႅၼ်ႇၶႅင်ၼၼ်ႉ တေဢွၼ်ႁဝ်းတေႃႇသူႈၵႂႃႇလႆႈတႃႇသေႇယဝ်ႉ။ လွင်ႈဢၼ်ပဵၼ်မႃးယဝ်ႉၼၼ်ႉ ဢမ်ႇဝႃႈလီႁိုဝ်ႁၢႆႉ မၼ်းတိုၼ်းမီးတီႈပွင်ႇပၼ်ႁဝ်းယူႇတႃႇသေႇ ဢမ်ႇဝႃႈ ပၼ်လွင်ႈမူၼ်ႈသိူဝ်း၊ လွင်ႈတိူဝ်ႉၸႂ်၊ လွင်ႈၸမ်ၸႂ်။ ဢမ်ႇမီးလွင်ႈသင်ဢၼ်သုမ်းလၢႆ ၵူႈလွင်ႈတိုၼ်းမီးတွၼ်ႈသွၼ်ပၼ်ႁဝ်းႁႂ်ႈႁဵၼ်းႁူႉလႆႈတႃႇသေႇ။ လွင်ႈဢွင်ႇမၢၼ်ၼၼ်ႉ ပဵၼ်ဢဵၼ်ႁႅင်းယဝ်ႉ လွင်ႈတူၵ်းသုမ်းၵေႃႈ ပဵၼ်ၶူးသွၼ်ယဝ်ႉ။ ၸၢတ်ႈပၢၼ်ႁဝ်းၼၼ်ႉပွတ်းၼႃႇ ဢမ်ႇလီသုမ်းၶၢဝ်းယၢမ်းသေၵႂႃႇၸႂ်လမ်ၽႂ်လႃႈ။ တိူဝ်ႉၸႂ် ႁွင်ႉႁႆႈ ယွၼ်ႉၽႂ်ၼႆၵေႃႈ ပွႆႇမၼ်းၵႂႃႇသေလႄႈ။ သင်ႁဝ်းဝူၼ်ႉဝႃႈသိူဝ်း ႁဝ်းၵေႃႈတေသိူဝ်းလႆႈ တႄႇဢဝ်ယၢမ်းၼႆႉ မိူဝ်ႈလဵဝ်ၼႆႉယဝ်ႉ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-04-01T07:53:52 | https://tainovel.com/%e1%82%81%e1%80%ad%e1%80%b0%e1%80%9d%e1%80%ba%e1%82%89%e1%80%9a%e1%80%9d%e1%80%ba%e1%82%89/ | ႁိူဝ်ႉယဝ်ႉ | မိူဝ်ႈပဵၼ်လုၵ်ႈဢွၼ်ႇ ႁဝ်းႁိူဝ်ႉၸွမ်းလွင်ႈဢႅၼ်ႇလႅၼ်ႈၸွမ်းဢူၺ်းၵေႃႉ။ ၵေႃႉယႂ်ႇမႃးထႅင်ႈၵေႃႈ ႁိူဝ်ႉၸွမ်းၵၢၼ်လူလိၵ်ႈလႄႈၵၢၼ်တွပ်ႇလိၵ်ႈ။ ၵေႃႉယႂ်ႇမႃးထႅင်ႈၵေႃႈ ႁိူဝ်ႉၸွမ်းၼႃႈၵၢၼ်တႃငၢၼ်းၵူႈဝၼ်းဝၼ်း။ မိူဝ်ႈပဵၼ်ၵူၼ်းလူင်မႃးၵေႃႈ ႁိူဝ်ႉၸွမ်းၼႃႈတီႈပုၼ်ႈၽွၼ်း ။ ဢမ်ႇဝႃႈၸိူင်ႉႁိုဝ် ၸၢတ်ႈပၢၼ်ႁဝ်းၵေႃႈ ႁူႉၵႃႈတေႁိူဝ်ႉယူႇယဝ်ႉ ယူႇတီႈဝႃႈႁိူဝ်ႉၼမ်ႁိုဝ်ႁိူဝ်ႉဢေႇၼၼ်ႉၵူၺ်း။ ၵူၺ်းၵႃႈ လွင်ႈဢၼ်ႁဝ်းလႆႈႁိူဝ်ႉၼၼ်ႉ သွၼ်ႁႂ်ႈႁဝ်းလႆႈမီးလွင်ႈၶိုပ်ႈၼႃႈမႃးၵူႈဝၼ်းဝၼ်းယဝ်ႉ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-04-01T07:51:49 | https://tainovel.com/%e1%80%90%e1%80%bd%e1%81%bc%e1%80%ba%e1%82%88%e1%80%9e%e1%80%bd%e1%81%bc%e1%80%ba%e1%81%b8%e1%81%a2%e1%80%90%e1%80%ba%e1%82%88%e1%80%95%e1%81%a2%e1%81%bc%e1%80%ba/ | တွၼ်ႈသွၼ်ၸၢတ်ႈပၢၼ် | ၶၢဝ်းယၢမ်းၼၼ်ႉပူၼ်ႉၵႂႃႇဝႆးၼႃႇ ၶႂ်ႈႁဵတ်းသင်ၵေႃႈ ၼႅတ်ႈႁဵတ်းလႄႈ ယႃႇၵုမ်ႇသုမ်းၶၢဝ်းယၢမ်းယူႇၵူၺ်း ယႃႇၵုမ်ႇၸူမ်ယူႇၸွမ်းလွင်ႈဝၼ်းလင် ထိုင်တီႈပေႃးဢမ်ႇသိူဝ်းလႆႈ။ ႁၼ်သုၼ်ႇတူဝ်ၽွင်ႈမၢင်ပွၵ်ႈ မိူဝ်ႈႁဝ်းႁၵ်ႉပိူၼ်ႈသမ်ႉပေႃးလိုမ်းတူဝ်ၵဝ်ႇၼၼ်ႉ သင်ဝႃႈၶဝ်ႁၢႆၵႂႃႇ ႁဝ်းၼၼ်ႉယဝ်ႉတေပဵၼ်ၵေႃႉလႆႈၸဵပ်းသုတ်းႁူဝ်ၸႂ်။ ယႃႇၵူဝ်တႃႇတေလႅၵ်ႈလၢႆႈ ယွၼ်ႉလွင်ႈလႅၵ်ႈလၢႆႈၼၼ်ႉ တေႁဵတ်းႁႂ်ႈႁဝ်းလႆႈလဵပ်ႈႁဵၼ်း ႁဵတ်းႁႂ်ႈႁဝ်းၵႅၼ်ႇၶႅင် ၸၢမ်းႁဵတ်းတူၺ်းလႄႈ သင်ၸၢတ်ႈပၢၼ်ၼၼ်ႉလီၶၢၼ်ႉၼႃႇၼႆၵေႃႈ ၵႂႃႇႁႃလႄႇၽွင်ႈ။ ၵႆႉၵႆႉမိူဝ်းႁိူၼ်းၽွင်ႈလႄႈ ယႃႇဢၢႆတေလၢတ်ႈႁၵ်ႉတေႃႇၽႂ် ဝၼ်းၼိုင်ႈ ၶၢဝ်းယၢမ်းတေဢွၼ်ႁဝ်းၽၢတ်ႇၵူၼ်းၵေႃႉဢၼ်ႁဝ်းႁၵ်ႉဢွၵ်ႇၵႂႃႇ ၵွပ်ႈၼၼ် ၸႂ်ႉၸၢတ်ႈပၢၼ်ႁႂ်ႈတဵမ်ထူၼ်ႈလႄႈ သႂ်ႇၸႂ်ၵူၼ်းၸမ်တူဝ်ႁဝ်းလႄႈ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-04-01T07:49:53 | https://tainovel.com/%e1%82%81%e1%80%b5%e1%80%90%e1%80%ba%e1%80%b8%e1%80%9c%e1%82%86%e1%82%88%e1%80%91%e1%80%ad%e1%80%b0%e1%80%84%e1%80%ba%e1%80%b8%e1%81%b5%e1%80%b1%e1%82%83%e1%82%88%e1%81%b6%e1%82%85%e1%81%bc%e1%80%ba/ | ႁဵတ်းလႆႈထိူင်းၵေႃႈၶႅၼ်းလိူဝ်ဢမ်ႇႁဵတ်း | တေလူမ်ႉလူင်းယဝ်ႉ တူၵ်းသုမ်းၵႂႃႇလၢႆပွၵ်ႈၵေႃႈတိူင်းမၼ်းလႃႈ၊ ၵူၼ်းၵေႃႉဢၼ်တူၵ်းသုမ်းၼၼ်ႉ မေႃႁဵၼ်းႁူႉလႆႈဝႆးယဝ်ႉ၊ လွင်ႈဢွင်ႇမၢၼ်ၼၼ်ႉဢမ်ႇလႆႈယူႇတီႈဢႃႇယု မၼ်းယူႇတီႈလွင်ႈၶတ်းၸႂ်ၼၼ်ႉၵူၺ်း၊ လွင်ႈလဵဝ်ဢၼ်ႁဵတ်းႁႂ်ႈတူၵ်းလိုၼ်းၵေႃႈ ၵွပ်ႈဢမ်ႇၶတ်းၸႂ်ၼၼ်ႉယဝ်ႉ။ လွင်ႈဢၼ်ႁဵတ်းႁႂ်ႈဢွင်ႇမၢၼ်လႆႈၵေႃႈ မိူဝ်ႈႁတ်းလူင်းမိုဝ်းႁဵတ်း ႁတ်းတေလဵပ်ႈႁဵၼ်းမၼ်းၼၼ်ႉၵူၺ်း။ ႁဝ်းတေလၵ်ႉဢဝ်တၢင်းႁူႉတီႈပိူၼ်ႈၼၼ်ႉဢမ်ႇလႆႈ လိူဝ်သေတေလႆႈလဵပ်ႈႁဵၼ်းလႄႈလူင်းမိုဝ်းႁဵတ်းႁင်းၵူၺ်း။ မိူဝ်ႈပႆႇဢွင်ႇမၢၼ်ၵေႃႈတေလႆႈလူင်းမိုဝ်းႁဵတ်းၵွၼ်ႇယဝ်ႉ သင်ဢမ်ႇလူင်းမိုဝ်းၵေႃႈတေဢမ်ႇဢွင်ႇမၢၼ်လႆႈ။ လွင်ႈဢွင်ႇမၢၼ် ဢၼ်ယိုင်ႈယႂ်ႇၼၼ်ႉၵေႃႈ ပဵၼ်လွင်ႈဢၼ်လႆႈႁဵတ်း ဢၼ်ႁဝ်းႁၵ်ႉၼၼ်ႉယဝ်ႉ။ ၽႂ်ၵေႃႈၵတ်ႉၶႅၼ်ႇလႆႈယဝ်ႉ သင်ဝႃႈၶတ်းၸႂ်ၽိုၵ်းၽွၼ်ႉယူႇတႃႇသေႇ မၼ်းၵေႃႈၶိုၼ်ႈၼႃႈမႃးလႆႈတႃႇသေႇယဝ်ႉ။ ယုမ်ႇယမ်တူဝ်ၵဝ်ႇလႄႈ သင်မီးၽႂ်မႃးတႅပ်းတတ်းဝႃႈ ဢမ်ႇမီးၼမ်ႉၵတ်ႉၼႆၵေႃႈ လၢတ်ႈႁႂ်ႈၶဝ်ႁၼ်ဝႃႈ ႁဝ်းၼၼ်ႉ ႁဵတ်းလႆႈယူႇၼႆလႄႈ ႁဵတ်းလႆႈလီလိူဝ်သေဢၼ်သူတူၺ်းႁၼ်ၼၼ်ႉထႅင်ႈၵွၼ်ႇ။ တူၵ်းသုမ်းၼိူဝ်သဵၼ်ႈတၢင်းဢၼ်ၸဝ်ႈၵဝ်ႇလိူၵ်ႈၼၼ်ႉ ဢမ်ႇပဵၼ်သင် ယႃႇပေတူၵ်းသုမ်းၼိူဝ်သဵၼ်ႈတၢင်းပိူၼ်ႈလိူၵ်ႈပၼ်ၼၼ်ႉၵေႃႈလႆႈယဝ်ႉ။ တေဢွင်ႇမၢၼ်ႁိုဝ်တူၵ်းသုမ်း လိုၼ်းသုတ်းမႃးယူႇတီႈဝူၼ်ႉလႄႈႁဵတ်းႁႂ်ႈမၼ်းပဵၼ်တေႉၵူၺ်း။ ၵူၼ်းတေဢွင်ႇမၢၼ်ၼၼ်ႉ တူၺ်းၶေႃႈၵႂၢမ်းထၢင်ႇလဵၵ်ႉပဵၼ်လွင်ႈလီ ၸႂ်ႉလွင်ႈထၢင်ႇလဵၵ်ႉပဵၼ်ဢဵၼ်ႁႅင်း ႁႂ်ႈၶဝ်ဢွင်ႇမၢၼ်လႆႈၼၼ်ႉယဝ်ႉ။ လွင်ႈတူၵ်းသုမ်းၵူႈဢၼ်ၼၼ်ႉ ပဵၼ်သုၼ်ႇၼိုင်ႈတွၼ်ႈတႃႇလွင်ႈဢွင်ႇမၢၼ်ဢၼ်ယိုင်ႈယႂ်ႇယဝ်ႉ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-04-01T07:44:44 | https://tainovel.com/%e1%80%99%e1%80%ad%e1%80%b0%e1%80%9d%e1%80%ba%e1%82%88%e1%80%95%e1%80%b5%e1%81%bc%e1%80%ba%e1%80%90%e1%80%b0%e1%80%9d%e1%80%ba%e1%81%b5%e1%80%9d%e1%80%ba%e1%82%87/ | မိူဝ်ႈပဵၼ်တူဝ်ၵဝ်ႇ | သင်ဝႃႈႁဝ်းပဵၼ်တူဝ်ႁဝ်းယူႇၼႆႉ တေႁဵတ်းႁႂ်ႈၽႂ်ဢမ်ႇႁၢၼ်ႉၸႂ်ၼၼ်ႉ ပဵၼ်ပၼ်ႁႃၶဝ်ၵူၺ်း ဢမ်ႇၸႂ်ႈပုၼ်ႈၽွၼ်းႁဝ်းတေလႆႈၵႂႃႇႁႃလွင်ႈတၢင်းဝႃႈ ပဵၼ်ယွၼ်ႉသင်။ ႁူႉဝႃႈတူဝ်ၵဝ်ႇပဵၼ်ၽႂ် သင်လႃႇႁဵတ်းႁႂ်ႈႁဝ်းသိူဝ်း ယုမ်ႇယမ်လွင်ႈဢၼ်ႁဵတ်းယူႇ ဝႆႉၵႃႈၶၼ်ပိူၼ်ႈလႄႈၼပ်ႉယမ်တူဝ်ၵဝ်ႇပႃး။ မီးၵူၼ်းႁၵ်ႉၵူၼ်းၵျိူၵ်ႈၵေႃႈ ဢမ်ႇလၢၵ်ႇလၢႆးသင် ပေႃးဝႃႈတေမီးၵူၼ်းၸၢၼ်ႈၸင်း ႁဵတ်းၵူႈလွင်ႈႁႂ်ႈထုၵ်ႇၸႂ်ၵူၼ်းၵူႈၵေႃႉ ႁူႉတိုၼ်းဢမ်ႇပဵၼ်လႆႈ။ ၵူၼ်းဢၼ်ဢမ်ႇႁၼ်လီႁဝ်းၼၼ်ႉမၼ်းပဵၼ်တၢင်းဝူၼ်ႉၶဝ် တေႁၵ်ႉႁိုဝ်တေၸင်း ဢမ်ႇၵျိူၵ်ႈၵေႃႈ ပဵၼ်လွင်ႈၶဝ်ၵူၺ်း။ ယူႇတီႈဝႃႈႁဝ်းသမ်ႉ ပဵင်းပေႃး ၸိူင်ႉႁိုဝ် ၼႆၼၼ်ႉၵူၺ်း။ ပိၼ်ႇ- ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-04-01T07:37:52 | https://tainovel.com/%e1%81%b6%e1%80%9d%e1%80%ba%e1%80%9c%e1%81%a2%e1%80%90%e1%80%ba%e1%82%88%e1%81%b5%e1%81%bc%e1%80%ba%e1%80%9d%e1%82%83%e1%82%88/ | ၶဝ်လၢတ်ႈၵၼ်ဝႃႈ | လူပပ်ႉၼိုင်ႈပပ်ႉၼၼ်ႉ တေလႆႈၸႂ်ႉၶၢဝ်းယၢမ်းမိူၼ်ၵၼ် လႄႈ ႁဝ်းၵေႃႈတေဢမ်ႇႁူႉၸၵ်းၽႂ်လႆႈလီ ၸဵမ်ဝၼ်းဢွၼ်တၢင်းသုတ်းၼၼ်ႉလႆႈ။ ယႃႇတႅပ်းတတ်း ပပ်ႉဝႃႈမၼ်းၶႅမ်ႉယွၼ်ႉ ၼႃႈသိူဝ်ႈမၼ်းႁၢင်ႈလီၼႆၼၼ်ႉၵူၺ်း၊ ၵူၼ်းႁၢင်ႈလီၼႆၵေႃႈ ဢမ်ႇၸႂ်ႈဝႃႈတေပဵၼ်ၵူၼ်းလီယူႇတႃႇသေႇ။ ၵူၼ်းဢမ်ႇလႆႈၸႂ်လူလိၵ်ႈၼႆၵေႃႈ ဢမ်ႇၸႂ်ႈဝႃႈ တေဢမ်ႇမီးပပ်ႉဢၼ်လႆႈၸႂ်သေပပ်ႉၼႂ်းၸၢတ်ႈပၢၼ်ၼႃ၊ ၵူၼ်းဢၼ်ဢမ်ႇဝူၼ်ႉတေႁူႉၸၵ်းၼၼ်ႉၵေႃႈ ၸၢင်ႈတေပဵၼ်ၵူၼ်းၵေႃႉဢၼ်လီလိူဝ်သေပိူၼ်ႈ ၼႂ်းၸၢတ်ႈပၢၼ်ႁဝ်းၵေႃႈပဵၼ်လႆႈ။ ပပ်ႉဢၼ်လႆႈၸႂ်ၼၼ်ႉ ဢမ်ႇလႆႈပွင်ႇဝႃႈ ၶေႃႈၵႂၢမ်းမၼ်းတေၶႅမ်ႉယူႇၵူႈၼႃႈ၊ ၵူၼ်းၵေႃႉဢၼ်လႆႈၸႂ်ၼၼ်ႉ ဢမ်ႇၸႂ်ႈဝႃႈၶဝ်တေလီၵူႈမဵဝ်း။ ယႃႇသေလၢႆၸွမ်း ပပ်ႉဢၼ်လူပေႃးသုတ်းယဝ်ႉ သမ်ႉပဵၼ်ပပ်ႉဢၼ်ဢမ်ႇလႆႈၸႂ်၊ သမ်ႉဝႃႈတေၸႂ်ႉၶၢဝ်းယၢမ်းႁူမ်ႈၵၼ်တင်းၽႂ်ၵေႃႉၼိုင်ႈ တဵမ်တီႈယဝ်ႉသေတႃႉၵေႃႈ ဝၼ်းၼိုင်ႈပေႃးဝႃႈၶဝ်ၼၼ်ႉဢမ်ႇၸႂ်ႈၼႆၵေႃႈ ႁႂ်ႈမီးလွင်ႈႁၢၼ်ႉၸႂ်သေလႄႈ သင်ဢမ်ႇသင် မၼ်းႁဵတ်းႁႂ်ႈႁဝ်းလႆႈႁူႉၸၵ်းၶဝ်ၼၼ်ႉယဝ်ႉ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-04-01T07:29:04 | https://tainovel.com/%e1%80%9a%e1%82%83%e1%82%87%e1%80%9e%e1%80%af%e1%80%99%e1%80%ba%e1%80%b8%e1%81%b6%e1%81%a2%e1%80%9d%e1%80%ba%e1%80%b8%e1%80%9a%e1%81%a2%e1%80%99%e1%80%ba%e1%80%b8%e1%81%b8%e1%80%bd%e1%80%99%e1%80%ba/ | ယႃႇသုမ်းၶၢဝ်းယၢမ်းၸွမ်းမႃႉလီႈ | မႃႉလီႈလၢတ်ႈတီႈသိူဝ်ဝႃႈ “ယိူဝ်ႈပဵၼ်သီသွမ်ႇ” သိူဝ်လၢတ်ႈဝႃႈ “ဢမ်ႇၸႂ်ႈ..မၼ်းပဵၼ်သီၶဵဝ်” ၶႃသွင်တူဝ်ထဵင်ၵၼ်သဵင်လင်မႃးတိၵ်းတိၵ်းလႄႈ ၸင်ႇၸူဝ်းၵၼ်ၵႂႃႇႁႂ်ႈသၢင်ႇသီႈ ၸဝ်ႈပႃႇထိူၼ်ႇၼၼ်ႉၵေႃႉတႅပ်းတတ်း၊ မိူဝ်ႈၵႂႃႇၸူးတီႈသၢင်ႇသီႇယူႇၼၼ်ႉ မႃႉလီႈၵေႃႈႁွင်ႉသႅၼ်ႇသဵင်လင်ဝႃႈ “ၸဝ်ႈၶုၼ်ပႃႇထိူၼ်ႇ ယိူဝ်ႈၼၼ်ႉပဵၼ်သီၸွမ်ႇၸွင်ႇၸႂ်ႈယူႇႁိုဝ်” သၢင်ႇသီႈလၢတ်ႈဝႃႈ “ၸႂ်ႈဢိူဝ်ႈ ပဵၼ်သီသွမ်ႇ” မႃႉလီႈၼႅတ်ႈလၢတ်ႈ “သိူဝ်ႈဢမ်ႇႁၼ်လီၸွမ်းၵဝ်ၶႃႈ ၶဝ်ထဵင်ၵဝ်ၶႃႈလႄႈႁဵတ်းႁႂ်ႈၶႃႈဢမ်ႇလီဢိမ်ႇၸၢၼ်ႈၼႃႇလႄႈ ၶႅၼ်းတေႃႈပၼ်တၢမ်ႇမၼ်းသေၵမ်း” ၸဝ်ႈပႃႇထိူၼ်ႇၼၼ်ႉၵေႃႈဝႃႈ “တၢမ်ႇသိူဝ်ၼၼ်ႉ တေလႆႈယူႇယဵၼ်ယဵၼ်ၶၢဝ်းတၢင်း 5 ပီႊ” မႃႉလီႈၼႅတ်ႈၵျွၵ်းလဵတ်းၵျွၵ်းႁွင်သိုပ်ႇၵႂႃႇၼင်ႇႁၢၼ်ႉၸႂ် ယင်းပၢႆလၢတ်ႈထႅင်ႈဝႃႈ “ယိူဝ်ႈပဵၼ်သီသွမ်ႇ” သိူဝ်ႁပ်ႉဢဝ်တၢမ်ႇသေ လႆႈထၢမ်သၢင်ႇသီႈၵႂႃႇ “ၸဝ်ႈၶုၼ်ထိူၼ်ႇႁဝ်း ပၼ်တၢမ်ႇၶႃႈႁဵတ်းသင် မိူဝ်ႈယိူဝ်ႈၼၼ်ႉမၼ်းၵေႃႈပဵၼ်သီၶဵဝ်တေႉယူႇၼႆ” သၢင်ႇသီႈလၢတ်ႈဝႃႈ “တီႈတေႉယႃႈၼၼ်ႉပဵၼ်သီၶဵဝ်ၼၼ်ႉယဝ်ႉ” သိူဝ်ထၢမ်ဝႃႈ “သမ်ႉပၼ်တၢမ်ႇၶႃႈႁဵတ်းသင်” သၢင်ႇသီႈလၢတ်ႈဝႃႈ “ၼၼ်ႉမၼ်းဢမ်ႇၵဵဝ်ႇတင်းၶေႃႈထၢမ်ဢၼ်ဝႃႈ ယိူဝ်ႈပဵၼ်သီၶဵဝ်ႁိုဝ်သီသွမ်ႇ ဢၼ်ပၼ်တၢမ်ႇၼၼ်ႉ ယွၼ်ႉပဵၼ်ၵႂႃႇဢမ်ႇလႆႈ သတ်းဢၼ်မီးတၢင်းႁတ်းႁၢၼ်လႄႈလႅတ်းသႅဝ်းၸိူင်ႉၼင်ႇၸဝ်ႈၼႆႉ တေၵႂႃႇသုမ်းၶၢဝ်းယၢမ်းသေထဵင်ၸွမ်းမႃႉလီႈ သမ်ႉပၢႆဢဝ်ၶေႃႈထၢမ်ၼၼ်ႉမႃးႁႂ်ႈၵဝ်သုၵ်ႉၸွမ်းထႅင်ႈၵွၼ်ႇ” လွင်ႈဢၼ်သုမ်းၶၢဝ်းယၢမ်းလိူဝ်ပိူၼ်ႈၵေႃႈ မိူဝ်ႈထဵင်ၸွမ်းၵူၼ်းငိူဝ်ႈလႄႈၵူၼ်းယွင်ႇဢၼ်ဢမ်ႇသူၼ်ၸႂ်လွင်ႈတေႉယူႇယဝ်ႉ၊ လိူဝ်သေတေၶႂ်ႈဢဝ်ပေႉလွင်ႈယုမ်ႇယမ်ၶဝ်လႄႈ လွင်ႈၽၢမ်းတႃဢၼ်ၶဝ်ႁၼ်ၼၼ်ႉ ဢမ်ႇထုၵ်ႇလီၵႂႃႇသုမ်းၶၢဝ်းယၢမ်းၸွမ်းယူႇယဝ်ႉ။ ပိၼ်ႇ-ငဝ်မွင်မိုတ်းမူဝ်း | ['ဢပုမ်ႇ'] |
2025-04-01T07:22:02 | https://tainovel.com/%e1%80%95%e1%80%b1%e1%82%83%e1%82%88%e1%80%99%e1%82%84%e1%82%88%e1%81%b8%e1%80%bd%e1%80%84%e1%80%ba%e1%82%87%e1%82%81%e1%80%b0%e1%82%89%e1%82%81%e1%80%ad%e1%80%af%e1%80%9d%e1%80%ba/ | ပေႃႈမႄႈၸွင်ႇႁူႉႁိုဝ် | ပေႃႈမႄႈၸွင်ႇယၢမ်ႈတူၺ်းလုၵ်ႈႁဝ်းယူႇႁႃႉ မိူဝ်ႈၽိတ်းမေႃးၵၼ်ယူႇၼၼ်ႉ လုၵ်ႈမၢင်ၵေႃႉတေၼင်ႈယဵၼ် ဢမ်ႇလၢတ်ႈဢမ်ႇၼႄၽၢင်ႁၢင်ႈသင်၊ မၢင်ၵေႃႉႁဵတ်းမိူၼ်ဢမ်ႇသူၼ်ၸႂ် တူၺ်းၵႂႃႇတၢင်ႇတီႈ လဵၼ်ႈတၢင်းလဵၼ်ႈ ၵူမ်ႈၼႃႈၵူမ်ႈတႃၸွမ်းမၢင်လွင်ႈဢၼ်ယူႇတၢင်းၼႃႈ၊ ၸွင်ႇႁူႉႁိုဝ် လွင်ႈတဵတ်ႇယဵၼ်ၸိူဝ်းၼၼ်ႉ တေတွင်းဝႆႉၵူႈလွင်ႈလႄႈ ဢမ်ႇႁူႉတေလၢတ်ႈဢွၵ်ႇမႃးၸိူင်ႉႁိုဝ်ၼၼ်ႉယဝ်ႉ။ လုၵ်ႈဢွၼ်ႇမၢင်ၵေႃႉႁွင်ႉႁႆႈသဵင်လင် ၵွပ်ႈၵူဝ်၊ ၵူၺ်းၵႃႈမၢင်ၵေႃႉဢမ်ႇႁွင်ႉႁႆႈ ယူႇၼိမ်ၼိမ် ထွမ်ႇသဵင်ဢူႈမႄႈၽိတ်းၵၼ် လူၺ်ႈႁူဝ်ၸႂ်ဢၼ်လႆႈလူႉလႅဝ်ၵႂႃႇ ၸွင်ႇသူယၢမ်ႈထၢမ်ႁိုဝ်ဝႃႈ လုၵ်ႈသူၼၼ်ႉမၼ်းၽိတ်းသင်လႃႇ?။ ၶဝ်ဢမ်ႇလႆႈယွၼ်းႁႂ်ႈသူၵိူတ်ႇမႃး ၵူၺ်းၵႃႈ ပဵၼ်သူၵူၺ်းၵေႃႉၵိူတ်ႇၶဝ်မႃး ယဝ်ႉ ၵွပ်ႈသင်လႄႈ ပေႃႈမႄႈပဵၼ်ၵူၼ်းဢၼ်မႃးႁဵတ်းႁၢႆႉၶဝ်လႃႇ?။ ၶေႃႈၵႂၢမ်းလၢတ်ႈဢၼ်ဢူႈမႄႈထဵင်မေႃးၵၼ်ယူႇၼၼ်ႉ တေပဵၼ်ယွၼ်ႉလူမ်းၸႂ်လမ်ၸူဝ်ႈၶၢဝ်းသေတႃႉ တွၼ်ႈတႃႇလုၵ်ႈ မၼ်းပဵၼ်သဵင်ဢၼ်တွင်ႈယွၼ်ႈထိုင်ၼႂ်းႁူဝ်ၸႂ်ၶဝ်ၵႂႃႇၶၢဝ်းယၢဝ်း၊ ႁၢင်ႈပေႃႈမႄႈႁဵတ်းႁၢႆႉၵၼ်ၼၼ်ႉ တေယဝ်ႉၵႂႃႇမိူဝ်ႈၼႆႉသေတႃႉ ၵူၺ်းၵႃႈ ၼႂ်းၸႂ်လုၵ်ႈ မၼ်းတေယူႇၵႂႃႇတေႃႇၸူဝ်ႈယဝ်ႉ။ ႁိူၼ်းဢၼ်ဝႃႈၼၼ်ႉ ထုၵ်ႇလီပဵၼ်ဢွင်ႈတီႈဢၼ်လွတ်ႈၽေး ပဵၼ်တီႈဢၼ်လုၵ်ႈၶႂ်ႈမိူဝ်း၊ ဢမ်ႇၸႂ်ႈပၢင်တိုၵ်းဢၼ်မီးသဵင်ပွင်ႉထႃႉလႃႇ လႄႈ ၼမ်ႉတႃၼွင်းယိုင်ႈ သင်ဝႃႈဝၼ်းၼိုင်ႈလုၵ်ႈဢွၼ်ႇ ၵေႃႉယႂ်ႇမႃး ဢမ်ႇယုမ်ႇၼိူဝ်တၢင်းႁၵ်ႉ ဢမ်ႇဝႆႉၵႃႈၶၼ် “ၼႃႈႁိူၼ်း ” ယႃႇၵႂႃႇၼႄးၽႂ် မႃးတူၺ်းတူဝ်ၵဝ်ႇၶိုၼ်းဝႃႈ ၸွင်ႇယၢမ်ႈႁၵ်ႉလႄႈပၼ်လွင်ႈဢုၼ်ႇၸႂ်ၶဝ်တေႉယူႇႁိုဝ်လႃႇ?။ မိူဝ်ႈတေလႃႇၵၼ် မိူဝ်ႈတေပၼ်ႁႂ်ႈလွင်ႈၸႂ်လမ်ၵုမ်းၵမ် ၸၢမ်းဝူၼ်ႉသေဢိၼ်ႉၼိုင်ႈၶႃႈလႄႈဝႃႈ မီးၽႂ်ႁပ်ႉထွမ်ႇယူႇ ၵွပ်ႈပိူဝ်ႈႁွႆးၸဵပ်းမၢင်ဢၼ်ၼၼ်ႉ ဢမ်ႇလႆႈၵိူတ်ႇမႃးတီႈ လွင်ႈထုၵ်ႇပေႃႉႁႅမ်ႁဵတ်းႁၢႆႉတူဝ်ၶိင်းၼၼ်ႉၵူၺ်း မၼ်းယင်းၵိူတ်ႇပဵၼ်မႃးလူၺ်ႈ ပေႃႈမႄႈဢမ်ႇဝူၼ်ႉထိုင်ႁူဝ်ၸႂ်လုၵ်ႈၼၼ်ႉယဝ်ႉ။ ပိၼ်ႇ-ငဝ်မွင်မိုတ်းမူဝ်း | ['ပိုၼ်ႉႁူႉ'] |
2025-04-01T07:19:32 | https://tainovel.com/%e1%80%9c%e1%80%bd%e1%80%84%e1%80%ba%e1%82%88%e1%80%a2%e1%81%bc%e1%80%ba%e1%80%9c%e1%80%ae%e1%80%9c%e1%82%86%e1%82%88%e1%82%81%e1%80%b0%e1%82%89%e1%80%9d%e1%82%86%e1%82%89/ | လွင်ႈဢၼ်လီလႆႈႁူႉဝႆႉ | မိူဝ်ႈ ၸႂ်လမ် ႁႂ်ႈ ၸႂ်ယဵၼ် မိူဝ်ႈ တုၵ်ႉၸႂ် ႁႂ်ႈ ပွႆႇဝၢင်း မိူဝ်ႈ မႆႈၸႂ် ႁႂ်ႈ ယူႇၸွမ်းၶၢဝ်းယၢမ်းမိူဝ်ႈလဵဝ် မိူဝ်ႈ သိူဝ်းၸႂ် ႁႂ်ႈ ၸူမ်းသိူဝ်း မိူဝ်ႈ မီးတၢင်းသိူဝ်း ႁႂ်ႈ ယုမ်ႉၵႂၢင်ႈၵႂၢင်ႈ မိူဝ်ႈ လူမ်ၸႂ် ႁႂ်ႈ ၶူဝ် တၢင်းသိူဝ်းမီးမႃး မိူဝ်ႈႁဝ်းဝူၼ်ႉႁၼ်ပဵၼ်ၽၢႆႇလီ လႄႈ ဢမ်ႇသူၼ်ၸႂ်လွင်ႈဢမ်ႇလီ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-04-01T07:17:40 | https://tainovel.com/%e1%81%b8%e1%81%a2%e1%80%90%e1%80%ba%e1%82%88%e1%80%95%e1%81%a2%e1%81%bc%e1%80%ba%e1%82%81%e1%80%9d%e1%80%ba%e1%80%b8/ | ၸၢတ်ႈပၢၼ်ႁဝ်း | ၸၢတ်ႈပၢၼ်ႁဝ်း ႁဝ်းလိူၵ်ႈလႆႈယူႇၼႃ ဢမ်ႇလူဝ်ႇၵႂႃႇလႅၵ်ႈလၢႆႈၶူင်းၵၢင်ၼႆႉလေႃႇ ႁဝ်းလိူၵ်ႈတူၺ်းဝႃႈ တေတူၺ်းၸိူင်ႉႁိုဝ်ၼၼ်ႉၵူၺ်း သင်ႁဝ်းလိူၵ်ႈတူၺ်းလွင်ႈလီၵေႃႈ တေႁၼ်လွင်ႈလီယဝ်ႉ ပေႃးႁဝ်းလိူၵ်ႈလွင်ႈဢမ်ႇလီၵေႃႈ တေႁၼ်လွင်ႈဢမ်ႇလီမၼ်းၼၼ်ႉၵူၺ်း။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-04-01T05:27:43 | https://tainovel.com/%e1%82%81%e1%82%85%e1%80%84%e1%80%ba%e1%80%b8%e1%81%b8%e1%82%82%e1%80%ba%e1%80%9c%e1%80%b5%e1%80%84%e1%80%ba%e1%82%89%e1%80%9c%e1%80%af%e1%81%b5%e1%80%ba%e1%82%88/ | ႁႅင်းၸႂ်လဵင်ႉလုၵ်ႈ | မိူဝ်ႈၵေႃႉၼိုင်ႈ လဵင်ႉလုၵ်ႈ ၵေႃႉၼိုင်ႈတေၸၢင်ႈႁဵတ်းၵၢၼ်ယူႇ။ မိူဝ်ႈၵေႃႉၼိုင်ႈ လဵင်ႉလုၵ်ႈ ၵေႃႉၼိုင်ႈတေမူၼ်ႈၵျေႃႇတင်းဢူၺ်းၵေႃႉယူႇ။ မိူဝ်ႈၵေႃႉၼိုင်ႈ လဵင်ႉလုၵ်ႈ ၵေႃႉၼိုင်ႈတေၸၢင်ႈၼွၼ်းလပ်းလီယူႇ။ မၼ်းတေလီၵႃႈႁိုဝ် သင်လႅၵ်ႈလၢႆႈဝႃႈ မိူဝ်ႈၵေႃႉၼိုင်ႈလဵင်ႉလုၵ်ႈ ထႅင်ႈၵေႃႉၼိုင်ႈၵေႃႈ ၸွႆႈလုမ်းလႃးလုၵ်ႈ။ လဵင်ႉလုၵ်ႈ ဢမ်ႇၸႂ်ႈပုၼ်ႈၽွၼ်းၽႂ်ၵေႃႉလႂ်ၵေႃႉၼိုင်ႈၵူၺ်း ၸွႆႈၵၼ်ဢိတ်ႉၼိုင်ႈၵေႃႈယင်းလီ၊ ၵေႃႉၼိုင်ႈၵေႃႈတေဢမ်ႇလႆႈႁိူဝ်ႉႁႅင်း ပုတ်ႈၵၼ်လဵင်ႉၽွင်ႈ၊ ပုတ်ႈၵၼ်လဵၼ်ႈၸွမ်းလုၵ်ႈၽွင်ႈ၊ ပုတ်ႈၵၼ်ဢၢပ်ႇၼမ်ႉပၼ်လုၵ်ႈၽွင်ႈ။ လုၵ်ႈဢွၼ်ႇတေမီးတၢင်းသိူဝ်းလႆႈၼၼ်ႉ ယူႇတီႈတၢင်းသိူဝ်းၵူၼ်းၵေႃႉလဵင်ႉလူမၼ်းၼၼ်ႉယဝ်ႉ။ ၸွႆႈၽိူမ်ႉထႅမ်တၢင်းသိူဝ်းပၼ်ၵၼ်လႄႈ။ ဢွၵ်ႇႁႅင်းၸွႆႈၵၼ်လဵင်ႉဢမ်ႇလႆႈ ယုၵ်ႉယွင်ႈၵူၼ်းလဵင်ႉမၼ်းလႄႈ ယိၼ်းၸူမ်းၵေႃႈယင်းလီ ယိၼ်းၸူမ်းဢမ်ႇလႆႈၵေႃႈ ပၼ်ငိုၼ်းလႄႈ လဵင်ႉလုၵ်ႈၼၼ်ႉတိုၼ်းလူဝ်ႇငိုၼ်းယဝ်ႉ။ ပိၼ်ႇ-ငဝ်မွင်မိုတ်းမူဝ်း | ['ပိုၼ်ႉႁူႉ'] |
2025-04-01T05:17:39 | https://tainovel.com/%e1%80%95%e1%80%bd%e1%82%86%e1%82%87%e1%80%90%e1%80%b0%e1%80%9d%e1%80%ba%e1%81%b5%e1%80%9d%e1%80%ba%e1%82%87%e1%80%9c%e1%80%bd%e1%80%90%e1%80%ba%e1%82%88%e1%80%9c%e1%82%85%e1%80%9d%e1%80%ba%e1%80%b8/ | ပွႆႇတူဝ်ၵဝ်ႇလွတ်ႈလႅဝ်းလႄႈ | ပွႆႇတူဝ်ၵဝ်ႇ ႁႂ်ႈလွတ်ႈလႅဝ်း တီႈၵူၼ်းၵေႃႉဢၼ် ဢမ်ႇႁၵ်ႉသူယဝ်ႉၼၼ်ႉလႄႈ။ တေတတ်းၸႂ်တီႈၵူၼ်းၵေႃႉဢၼ်သူသူၼ်ၸႂ်ၼႃႇလႄႈ ၵူၼ်းၵေႃႉဢၼ်သူၶတ်းၸႂ်ႁဵတ်းတွၼ်ႈတႃႇၶဝ်ၵူႈလွင်ႈ၊ ၵူၼ်းၵေႃႉဢၼ်ယၢမ်ႈႁူမ်ႈတုၵ်ႉႁူမ်ႈသိူဝ်းၸွမ်းၵၼ်မႃး ၼၼ်ႉယၢပ်ႇၼႃႇ။ မၢင်ပွၵ်ႈၵေႃႈ ၸမ်ပဵၼ်တေလႆႈယွမ်းႁပ်ႉ သင်ဝၼ်းမိူဝ်ႈၼႆႉ ဢမ်ႇမီးသင်မိူၼ်ၵဝ်ႇ ဝၼ်းဢၼ်ၶေႃႈၵႂၢမ်းဝႃႈ “ႁဝ်း” ပဵၼ် “လွင်ႈဝၼ်းလင်” ၵူႈလွင်ႈပဵၼ်လႆႈလွင်ႈဢၼ်ယၢမ်ႈပူၼ်ႉမႃးၵူၺ်းယဝ်ႉ။ ဝၼ်းဢၼ်ၶဝ်ၽွမ်ႉတေတႄႇမႂ်ႇ သူၵေႃႈထုၵ်ႇလီမီးလွင်ႈလွတ်ႈလႅဝ်းလႆႈယဝ်ႉ ၵိုတ်းလိုဝ်ႈၸႂ်ၸပ်းၸွမ်း လွင်ႈၵဝ်ႇၵဝ်ႇ ႁတ်းႁူပ်ႉတေႃႇၼႃႈသေ ဢဝ်ၶၢမ်ႈပူၼ်ႉမၼ်းၵႂႃႇႁႂ်ႈလႆႈလႄႈ။ သင်ၵုမ်ႇသေလၢႆ “လွင်ႈဝၼ်းလင်” သူၵေႃႈတေသုမ်းတိုဝ်ႉတၢင်း “မိူဝ်းၼႃႈ” ၼၼ်ႉၵႂႃႇ။ လွင်ႈမၢင်လွင်ႈ မီးၵႃႈၶၼ်လႆႈမွၵ်ႈ ဝၢႆႇတူၺ်းၶိုၼ်း ဢမ်ႇလႆႈမီးၵႃႈၶၼ်တႃႇ ၸူမ်ယူႇၸွမ်းမၼ်းတေႃႇၸူဝ်ႈ။ ၶဝ်မူတ်းႁၵ်ႉယဝ်ႉ ဢမ်ႇလႆႈပွင်ႇဝႃႈၵူႈလွင်ႈတေသုတ်းသဵင်ႈ သင်ဝၼ်းလႂ်သူဢမ်ႇႁၵ်ႉတူဝ်ၵဝ်ႇ ၼၼ်ႉယဝ်ႉ တေပဵၼ်ပၼ်ႁႃယႂ်ႇလူင်မႃးၵမ်းလဵဝ်။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-04-01T05:14:54 | https://tainovel.com/%e1%80%a2%e1%80%99%e1%80%ba%e1%82%87%e1%80%99%e1%80%ae%e1%80%b8%e1%80%9e%e1%80%84%e1%80%ba%e1%81%b5%e1%80%ad%e1%80%af%e1%80%99%e1%80%ba%e1%80%b8%e1%80%99%e1%81%bc%e1%80%ba%e1%82%88/ | ဢမ်ႇမီးသင်ၵိုမ်းမၼ်ႈ | ဢမ်ႇမီးသင်ယူႇၸွမ်းႁဝ်းၵႂႃႇလႆႈတေႃႇၸူဝ်ႈ လွင်ႈဢၼ်ယၢမ်ႈပဵၼ်ၵူႈလွင်ႈတွၼ်ႈတႃႇႁဝ်းၼၼ်ႉၵေႃႈ ဝၼ်းၼိုင်ႈတေယဵၼ်းပဵၼ်လွင်ႈၵဝ်ႇၵႂႃႇၵူၺ်း။ မိူဝ်ႈပဵၼ်လုၵ်ႈဢွၼ်ႇ လဵၼ်ႈဢဝ်တၢင်းၵျေႃႇမၼ်း ဢမ်ႇလႆႈမႆႈၸႂ်ၸၢတ်ႈပၢၼ်မိူဝ်းၼႃႈ ၵူၺ်းၵႃႈ မၼ်းၵေႃႈသုတ်းသဵင်ႈၵႂႃႇလႄႈ တေလႆႈႁပ်ႉဢဝ်ပုၼ်ႈၽွၼ်းမႃးယဝ်ႉ။ ဢူၺ်းၵေႃႉၸမ်ၸႂ် ၵေႃႉယႂ်ႇမႃးၸွမ်းၵၼ် ဝၼ်းၼိုင်ႈၵေႃႈတေၽၢတ်ႇၵၼ်ၵႂႃႇ ၽႂ်ၵေႃႈဢမ်ႇလႆႈတင်ႈၸႂ်မိူၼ်ၵၼ်။ လွင်ႈမၢင်ဢၼ်သႂ်ႇၸႂ်မၼ်းႁႅင်းၼႃႇ၊ လွင်ႈဢၼ်ယၢမ်ႈႁဵတ်းႁႂ်ႈတိူဝ်ႉၸႂ်ၼႃႇ ၼၼ်ႉၵေႃႈ မိူဝ်ႈၶၢဝ်းယၢမ်းပူၼ်ႉၵႂႃႇ မၼ်းတေၸၢင်ၵႂႃႇၵမ်းလွႆးလွႆး ဝၼ်းၼိုင်ႈၵေႃႈ တေပဵၼ်လွင်ႈဢၼ်ၶိုၼ်းၶႆႈၼႄၵၼ်ၵႂႃႇၵူၺ်း။ ၵူႈလွင်ႈၼၼ်ႉတေလႅၵ်ႈလၢႆႈၵႂႃႇတႃႇသေႇ ဢမ်ႇၸႂ်ႈယွၼ်ႉႁဝ်းၶႂ်ႈႁႂ်ႈမၼ်းပဵၼ်ၵႂႃႇၸိူင်ႉၼၼ် ၵွပ်ႈဝႃႈ ၶၢဝ်းယၢမ်းလႄႈပၢၼ်ႁဝ်းၼၼ်ႉၵေႃႈ တေယၢင်ႈႁၢင်ႇတီႈၵဝ်ႇၵႂႃႇတိၵ်းတိၵ်း။ သမ်ႉဝႃႈမၢင်လွင်ႈတေႁၢႆၵႂႃႇၼႂ်းၸၢတ်ႈပၢၼ်ႁဝ်း မၼ်းၵေႃႈဢမ်ႇလႆႈပွင်ႇဝႃႈ ဢမ်ႇယၢမ်ႈမီးတီႈပွင်ႇသင်ၼႃ။ လိူဝ်သေဝႃႈၶၢဝ်းယၢမ်းမၼ်းတေသုတ်းသဵင်ႈၵႂႃႇယဝ်ႉ မၼ်းၵေႃႈတေလႆႈလွင်ႈမႂ်ႇမႃးတႅၼ်းယူႇတႃႇသေႇယဝ်ႉ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-04-01T05:13:17 | https://tainovel.com/%e1%80%95%e1%80%b1%e1%82%83%e1%82%88%e1%80%90%e1%80%b1%e1%80%9c%e1%81%a2%e1%80%90%e1%80%ba%e1%82%88%e1%81%bc%e1%82%84/ | ပေႃႈတေလၢတ်ႈၼႄ | ပေႃးဝႃႈလုၵ်ႈ ၵႂႃႇၸွမ်း “မႅင်းမူၼ်း” လုၵ်ႈၵေႃႈတေၵႂႃႇၺႃး ႁွင်ႈသူမ်ႈၵူၺ်း။ ပေႃးဝႃႈလုၵ်ႈၵႂႃႇၸွမ်း “ၽိုင်ႈ”လုၵ်ႈၵေႃႈတေလႆႈၺႃး မွၵ်ႇႁွမ်။ ပေႃးဝႃႈလုၵ်ႈယူႇၸွမ်း “ၵူၼ်းမီး” လုၵ်ႈၵေႃႈတေလႆႈႁဵၼ်းႁူႉလၢႆးႁႃငိုၼ်း။ သင်လုၵ်ႈယူႇၸွမ်း “ၵူၼ်းယွၼ်း” လုၵ်ႈၵေႃႈတေလႆႈႁူႉလၢႆးယွၼ်းၵိၼ်။ ဢမ်ႇလမ်ႇလွင်ႈဝႃႈ လုၵ်ႈတေပဵၼ်ၽႂ်၊ ယူႇတီႈဝႃႈ လုၵ်ႈတေယူႇၸွမ်းၽႂ်။ သင်လုၵ်ႈယူႇၸွမ်းၵူၼ်းၸႂ်ၵႂၢင်ႈ လုၵ်ႈတေမီးတူင်ႇဝူင်းဢၼ်ၵႂၢင်ႈယႂ်ႇမႃးထႅင်ႈ။ သင်လုၵ်ႈယူႇၸွမ်း ၵူၼ်းၸႂ်လီ လုၵ်ႈၵေႃႈတေမီး ၸႂ်မႅတ်ႉတႃႇၼမ်မႃး။ သင်လုၵ်ႈယူႇၸွမ်း ၵူၼ်းႁတ်းႁၢၼ် လုၵ်ႈၵေႃႈတေၵႅၼ်ႇၶႅင်မႃး။ သင်လုၵ်ႈယူႇၸွမ်း ၵူၼ်းတူၺ်းႁၼ်လွင်ႈလီ လုၵ်ႈၵေႃႈတေမီးတၢင်းသိူဝ်းၼၼ်ႉယဝ်ႉ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-04-01T05:11:23 | https://tainovel.com/%e1%80%9c%e1%80%bd%e1%80%84%e1%80%ba%e1%82%88%e1%80%a2%e1%81%bc%e1%80%ba%e1%80%91%e1%80%af%e1%81%b5%e1%80%ba%e1%82%87%e1%80%9c%e1%80%ae%e1%80%a2%e1%80%9d%e1%80%ba%e1%80%95%e1%82%85%e1%80%90%e1%80%ba/ | လွင်ႈဢၼ်ထုၵ်ႇလီဢဝ်ပႅတ်ႈသေ | ပႅတ်ႈ “လွင်ႈၶီႈၵေႉႁေႉတႃ” ၼၼ်ႉသေ မိူဝ်ႈဢဝ်တူဝ်ၵဝ်ႇၵႂႃႇတႅၵ်ႈၼိူင်းတင်းပိူၼ်ႈၼၼ်ႉ မၼ်းပၼ်ၽွၼ်းလီလႆႈၵေႃႈ မိူဝ်ႈမၼ်းပၼ်ႁႅင်းၸႂ်ႁႂ်ႈႁတ်းၶႄႉၶဵင်ႇလႄႈၽိူမ်ႉၼမ်ႉၵတ်ႉတူဝ်ၵဝ်ႇၼၼ်ႉၵူၺ်း မၼ်းတေဢမ်ႇလီလႆႈ သင်ဢဝ်လုၵ်ႈဢွင်ႇမၢၼ်ပိူၼ်ႈ မႃးႁဵတ်းႁႂ်ႈမေႃၶွႆလႄႈ ဢမ်ႇၸူမ်းၸွမ်းၵူၼ်းၵေႃႉၼၼ်ႉလႆႈ မၼ်းတေႁဵတ်းႁႂ်ႈတုၵ်ႉမႃးၼၼ်ႉယဝ်ႉ။ ပႅတ်ႈ “လွင်ႈၵူဝ်လႅၵ်ႈလၢႆႈ” သမ်ႉဝႃႈယူႇၼႂ်းငဝ်းလၢႆးဢၼ်ဢမ်ႇလီသေၵႃႈႁိုဝ်ၵေႃႈ မၢင်ၵေႃႉယင်းဢမ်ႇၶႂ်ႈလႅၵ်ႈလၢႆႈ ယွၼ်ႉၵူဝ်လွင်ႈမႂ်ႇလိူဝ်၊ ၵူၺ်းၵႃႈ ၸွင်ႇႁူႉႁိုဝ်ဝႃႈ မၢင်လွင်ႈဢၼ်မႂ်ႇမႂ်ႇၼၼ်ႉ တေႁဵတ်းႁႂ်ႈလီလိူဝ်သေဢၼ်ထူပ်းယူႇၵဝ်ႇၵဝ်ႇၼၼ်ႉ။ ပႅတ်ႈ “ပၢႆးဝူၼ်ႉဢၼ်ဝႃႈယူႇတႂ်ႈၵုမ်းၵမ်” ၵူၼ်းတင်းၼမ်ဢမ်ႇဢေႇ လႆႈၸႂ်လွင်ႈတႅတ်ႈတႅတ်ႈ ၶႂ်ႈႁႂ်ႈၵူႈလွင်ႈယူႇတႂ်ႈၵုမ်းၵမ် ၵႂႃႇၸွမ်းၽႅၼ်လီလီ ပေႃးဝႃႈမၼ်းဢမ်ႇပဵၼ်မႃးၵေႃႈ တေတုၵ်ႉ ၵွပ်ႈၼၼ် ပွႆႇဝၢင်းႁႂ်ႈတဵမ်တီႈ ဢမ်ႇဝႃႈမၼ်းတေဢွၵ်ႇမႃးၸိူင်ႉႁိုဝ်ၵေႃႈ ယွမ်းႁပ်ႉမၼ်းသေ ဢမ်ႇမီးသင်ဢၼ်ၵုမ်းၵမ်လႆႈမူတ်းလေႃႇ။ ပႅတ်ႈ “လွင်ႈႁဵတ်းၵၢၼ်ၼမ်ပူၼ်ႉတီႈ” တွၼ်ႈတႃႇလွင်ႈဢွင်ႇမၢၼ်၊ ႁႂ်ႈၼႃႈၵၢၼ်တႃငၢၼ်းၶိုပ်ႈၼႃႈ၊ ႁဵတ်းၵၢၼ်တႃႇငိုၼ်း ႁဵတ်းၵၢၼ်ထိုင်တီႈလိုမ်းၸႂ်ႉၸၢတ်ႈပၢၼ်ၼၼ်ႉ ဢမ်ႇလီပဵၼ်၊ သမ်ႉဝႃႈဢွင်ႇမၢၼ်မႃးၵေႃႈ တေၸၢင်ႈသုမ်းလၢႆလၢႆလွင်ႈၵႂႃႇလႄႈ ဢမ်ႇၸၢင်ႈဢဝ်မၼ်းၶိုၼ်းမႃးလႆႈ ၸိူင်ႉၼင်ႇ ၶၢဝ်းယၢမ်းလႄႈၼႃႈႁိူၼ်းၼၼ်ႉ။ ပႅတ်ႈ “လွင်ႈၼေးတၢင်းၽိတ်းပိူၼ်ႈ” လၢႆလၢႆၵေႃႉ မိူဝ်ႈမီးပၼ်ႁႃမႃး တေလႆႈၸႂ်ႁႃသေလွင်ႈလွင်ႈမႃးႁပ်ႉတႅၼ်းႁႂ်ႈလႆႈ တေၼႄးၵေႃႉပုၼ်ႉၵေႃႉၼႆႉတႃႇသေႇ၊ သင်ဢဝ်ဢၼ်ပဵၼ်ပၼ်ႁႃယူႇၼၼ်ႉ ႁႃတၢင်းၵႄႈၶႆၵႂႃႇၼႆ တေလီလိူဝ်ၼၼ်ႉယဝ်ႉ။ ပႅတ်ႈ “ပၢႆးဝူၼ်ႉဢၼ်ဝႃႈၸဝ်ႈၵဝ်ႇထုၵ်ႇတႃႇသေႇ” ၸၢင်ႉသီႇတိၼ်ယင်းၸၢင်ႈပလၢတ်ႈ ဢမ်ႇမီးၽႂ်ၶႅၼ်ႇလႆႈၵူႈလွင်ႈ။ တေမႃးၼင်ႈႁေၶမ်ၸႂ်ဝႃႈ ၸွင်ႇမၼ်းတေႁဵတ်းလႆႈလီၼၼ်ႉ မၼ်းႁဵတ်းႁႂ်ႈဢမ်ႇမီးတၢင်းသိူဝ်းလႆႈလႄႈ ပွႆႇဝၢင်းသေယွမ်း ယွမ်းႁပ်ႉဝႃႈမၼ်းပဵၼ်သၽႃႇဝၵူၺ်းၼႆလႄႈ။ ပႅတ်ႈ “လွင်ႈဝႃႈဢမ်ႇမီးၼမ်ႉၵတ်ႉၼႆၼၼ်ႉၽွင်ႈ” မၢင်ၵေႃႉတေလၢတ်ႈဝႃႈ ႁဵတ်းဢၼ်ပုၼ်ႉဢၼ်ၼႆႉဢမ်ႇလႆႈ ႁဵတ်းလႆႈမွၵ်ႈၼႆႉၵူၺ်းၵေႃႈ ပေႃးယဝ်ႉ၊ ပၢႆးဝူၼ်ႉၸိူဝ်းၼႆႉ ပဵၼ်ပၼ်ႁႃဢၼ်ယႂ်ႇလူင်ၼႂ်းၸၢတ်ႈပၢၼ် တေႁဵတ်းႁႂ်ႈႁဝ်းဢမ်ႇလႆႈႁဵတ်း လွင်ႈဢၼ်ႁဝ်းႁၵ်ႉလႄႈ လွင်ႈတိုၼ်ႇတဵၼ်ႈၼၼ်ႉၵႂႃႇလႆႈ။ ပႅတ်ႈ “ဢူၺ်းၵေႃႉဢမ်ႇလီ” တူင်ႇဝူင်းႁဝ်းတေပဵၼ်ၵူၼ်းၸိူင်ႉႁိုဝ်ဢၼ်ဝႃႈၼၼ်ႉၵေႃႈ ယူႇတီႈလဵၼ်ႈၵေႃႉၵူၼ်းၸိူင်ႉႁိုဝ်ၼႆၼၼ်ႉယဝ်ႉ၊ သင်လဵၼ်ႈၵေႃႉၵူၼ်းလီၵေႃႈ တေပဵၼ်ၵူၼ်းလီ၊ သင်လဵၼ်ႈၵေႃႉၵူၼ်းဢမ်ႇလီၵေႃႈ တေဢမ်ႇလီၸွမ်း။ ပႅတ်ႈ “လွင်ႈဝၼ်းလင်” လွင်ႈဝၼ်းလင်ၼၼ်ႉ ပၼ်တင်းတွၼ်ႈသွၼ်ဢၼ်လီလႄႈဢမ်ႇလီယဝ်ႉ ၵူၺ်းၵႃႈ ဢမ်ႇထုၵ်ႇလီၵႂႃႇတိူဝ်ႉၸႂ်သေလၢႆၸွမ်းမၼ်း ထိုင်တီႈပေႃးႁဵတ်းႁႂ်ႈၵႂႃႇတၢင်းၼႃႈဢမ်ႇလႆႈ ၵွပ်ႈၼၼ် မၼ်းပဵၼ်ၵႂႃႇယဝ်ႉၼႆၵေႃႈ ပွႆႇဝၢင်းမၼ်းၽွင်ႈ။ ပိၼ်ႇ-ငဝ်မွင်မိုတ်းမူဝ်း | ['ပိုၼ်ႉႁူႉ'] |
2025-04-01T05:09:50 | https://tainovel.com/%e1%81%b6%e1%81%a2%e1%80%9d%e1%80%ba%e1%80%b8%e1%80%9a%e1%81%a2%e1%80%99%e1%80%ba%e1%80%b8%e1%80%95%e1%80%bd%e1%80%90%e1%80%ba%e1%80%b8%e1%80%95%e1%80%bd%e1%80%90%e1%80%ba%e1%80%b8%e1%80%a2%e1%80%bd/ | ၶၢဝ်းယၢမ်းပွတ်းပွတ်းဢွၼ်ႇၵူၺ်း | ၸွင်ႇႁူႉႁိုဝ် လုၵ်ႈဢွၼ်ႇၼၼ်ႉမၼ်းၸဵဝ်းၵေႃႉယႂ်ႇၼႃႇ မိူၼ်မိူဝ်ႈဝႃးတိုၵ်ႉႁႃပဵၼ်လုၵ်ႈဢွၼ်ႇလႅင်ဢၼ်ႁွင်ႉႁႆႈႁႃႁဝ်းယူႇတႃႇသေႇၼၼ်ႉ ယၢမ်းၼႆႉ ၶဝ်ၵေႃႈလႅၼ်ႈလႆႈယဝ်ႉ မိူဝ်ႈၽုၵ်ႈၵေႃႈၵေႃႉယႂ်ႇထႅင်ႈယဝ်ႉ။ ၽွင်းယၢမ်းဢၼ်ၶဝ်လူဝ်ႇႁဝ်း မၼ်းဢမ်ႇမီးႁိုင်တေႉဢိူဝ်ႈ ၶၢဝ်းယၢမ်းပွတ်းပွတ်းဢွၼ်ႇၵူၺ်း ဢၼ်ၶဝ်တေလုၵ်ႉမႃးႁွင်ႉႁႃ ပေႃႈ မႄႈ ပဵၼ်ၵေႃႉဢွၼ်တၢင်းသုတ်း၊ ၶဝ်တေဢႃႈၶႅၼ်ႁႂ်ႈႁဝ်းဢုမ်ႈ ပႃးလူၺ်ႈသၢႆတႃဢွၼ်ႈဝွၼ်းယူႇ လႄႈ ၶဝ်တေၼင်ႈတၵ်းႁဝ်းဢမ်ႇမေႃဢၢႆ ၊ ၶႆႈလၢတ်ႈၼႄၵူႈလွင်ႈ ဢမ်ႇဝႃႈမႅင်းတူဝ်လဵၵ်ႉဢွၼ်ႇ တေႃႇထိုင်လွင်ႈၼွၼ်းၾၼ်ဢၼ်ယိုင်ႈယႂ်ႇၶွင်ၶဝ်။ ဝၼ်းၼိုင်ႈ ၵူႈလွင်ႈၵေႃႈလႆႈလႅၵ်ႈလၢႆႈၵႂႃႇ.. လုၵ်ႉတီႈၶဝ်ယၢမ်ႈၼွၼ်းၵွတ်ႇႁဝ်းၵူႈၶိုၼ်းၼၼ်ႉ ဝၼ်းၼိုင်ႈၵေႃႈတေၶႂ်ႈၼွၼ်းႁင်းၵူၺ်းယဝ်ႉ၊ လုၵ်ႉတီႈ ၶဝ်ၶႂ်ႈၵႂႃႇလႂ်မႃးလႂ်ၸွမ်းႁဝ်းၼၼ်ႉ ဝၼ်းၼိုင်ႈ ၶဝ်ၵေႃႈတေမီးဢူၺ်းၵေႃႉဢၼ်ၶႂ်ႈၵႂႃႇၸွမ်း။ လုၵ်ႉတီႈ လွင်ႈဢၼ်ၶဝ်ယၢမ်ႈလၢတ်ႈၼႄၵူႈလွင်ႈၼၼ်ႉ ဝၼ်းၼိုင်ႈၶဝ်ၵေႃႈတေမီးလွင်ႈဢၼ်ၵဵပ်းဝႆႉယူႇၼႂ်းၸႂ်ယဝ်ႉ။ ဝၼ်းၼိုင်ႈၶဝ်ၵေႃႈတေၵေႃႉယႂ်ႇပဵၼ်ၵူၼ်းလူင်လႄႈ မီးသဵၼ်ႈတၢင်းပဵၼ်ၶွင်တူဝ်ၵဝ်ႇ၊ မီးၸၢတ်ႈပၢၼ်ႁင်းၶဝ် ဢၼ်တေလႆႈသိုပ်ႇၵႂႃႇတၢင်းၼႃႈ။ ဢွင်ႈဢူၵ်းပေႃႈမႄႈၼၼ်ႉၵေႃႈ ပဵၼ်တီႈပိုင်ႈဢိင်ၸႂ်ၶဝ် မၢင်ပွၵ်ႈမၢင်လႂ်ၵူၺ်းယဝ်ႉ။ မိူဝ်ႈဝၼ်းဢၼ် ၶဝ်လူဝ်ႇႁဝ်း၊ ဝၼ်းဢၼ်ၶဝ်ယိုၼ်ႈမိုဝ်းႁႂ်ႈႁဝ်းယိပ်း၊ ဝၼ်းဢၼ်ၶဝ်ယင်းၶႂ်ႈႁႂ်ႈႁဝ်းၼွၼ်းၵွတ်ႇ၊ ဝၼ်းဢၼ်ၶဝ်ၶႂ်ႈလဵၼ်ႈၸွမ်းႁဝ်း ၶႂ်ႈယူႇၸွမ်းႁဝ်းယူႇၼၼ်ႉ ႁဵတ်းပၼ်ၶဝ်တဵမ်တီႈ။ ႁဝ်းၵေႃႈတေလႆႈၵေႃႉယႂ်ႇၵႂႃႇၸွမ်းၶဝ် ၵွတ်ႇၶဝ်ႁႂ်ႈၼမ်မႃးထႅင်ႈ၊ ယူႇၸွမ်းၶဝ်ႁႂ်ႈႁိုင်မႃးထႅင်ႈ၊ ႁပ်ႉထွမ်ႇၶဝ်ႁႂ်ႈၼမ်မႃး ၶၢဝ်းယၢမ်းၸိူဝ်းၼၼ်ႉ မၢႆတွင်းဝႆႉယူႇၼႂ်းၸႂ်။ ယႃႇၵုမ်ႇပႂ်ႉမိူဝ်ႈၽုၵ်ႈယူႇယဝ်ႉ ယွၼ်ႉဝၼ်းမိူဝ်ႈၼႆႉ တေယဵၼ်းပဵၼ်မိူဝ်ႈဝႃးၵႂႃႇယဝ်ႉ။ ၸႂ်ႉၶၢဝ်းယၢမ်းႁႂ်ႈလီလိူဝ်ပိူၼ်ႈ၊ ႁၵ်ႉၶဝ်ၼမ်လိူဝ်ပိူၼ်ႈ ၶၢဝ်းယၢမ်းၼႆႉ မၼ်းႁူၼ်ပွၵ်ႈၶိုၼ်းမႃးဢမ်ႇလႆႈယဝ်ႉ။ ပိၼ်ႇ-ငဝ်မွင်မိုတ်းမူဝ်း | ['ပွင်ႈၵႂၢမ်း'] |
2025-04-01T04:38:03 | https://tainovel.com/%e1%80%99%e1%80%ae%e1%80%b8%e1%81%b5%e1%80%b0%e1%81%bc%e1%80%ba%e1%80%b8%e1%80%9c%e1%81%b5%e1%80%ba%e1%82%89%e1%80%99%e1%81%a2%e1%81%b5%e1%80%ba%e1%82%87%e1%80%99%e1%80%b0%e1%80%84%e1%80%ba%e1%82%88/ | မီးၵူၼ်းလၵ်ႉမၢၵ်ႇမူင်ႈ | ၸၢႆးဢွၼ်ႇၵေႃႉၼိုင်ႈ မႃးလၢတ်ႈတီႈပေႃႈမၼ်းဝႃႈ “ပေႃႈ ၵူၼ်းႁိမ်းႁိူၼ်းၼၼ်ႉမႃးလၵ်ႉမၢၵ်ႇမူင်ႈႁဝ်းၼေႈ” ပေႃႈၶဝ်ယုမ်ႉယဝ်ႉထၢမ် “မၢၵ်ႇမူင်ႈႁဝ်းၵိုတ်းလၢႆလုၵ်ႈလႃႇ” “ယင်းတိုၵ်ႉၵိုတ်းယူႇလၢႆလုၵ်ႈၶႃႈ” “ပေႃးၼၼ်ၵႂႃႇသေႇမၢၵ်ႇမူင်ႈဢၼ်သုၵ်းမၼ်းမႃးပၼ်ထႅင်ႈႁေ ၸဵတ်းလုၵ်ႈၼႆႉလႄႈ” လုၵ်ႈဢွၼ်ႇၼၼ်ႉၵေႃႈ ပွင်ႇၸႂ်ဝႃႈ ပေႃႈၶဝ်ႁႂ်ႈၵႂႃႇသေႇမၢၵ်ႇမူင်ႈ ၵူဝ်ၵူၼ်းႁိမ်းႁိူၼ်းတေလၵ်ႉၵႂႃႇထႅင်ႈ ၸင်ႇလႆႈၼႅတ်ႈသေႇပၼ်ပေႃႈၶဝ်၊ မိူဝ်ႈလႆႈမၢၵ်ႇမူင်ႈယဝ်ႉၵေႃႈ ႁွပ်ႇမႃးပၼ်ပေႃႈၶဝ်သေ ဝူၼ်ႉဝႃႈတေလႆႈၵိၼ်ဝၢၼ်ဝၢၼ် ၵူၺ်းၵႃႈ ပေႃႈမၼ်းၼၼ်ႉသမ်ႉ ဢဝ်မၢၵ်ႇမူင်ႈတင်းမူတ်းသႂ်ႇၼႂ်းသႃႉႁၢင်ႈလီလီသေ ၵႂႃႇတဵၵ်းႁိင်ႇၼႃႈႁိူၼ်း ၵူၼ်းႁိမ်းႁိူၼ်းဢၼ်လုၵ်ႈမၼ်းဝႃႈမႃးလၵ်ႉမၢၵ်ႇမူင်ႈၼၼ်ႉ။ ၸၢႆးဢွၼ်ႇၼၼ်ႉၵေႃႈ ဢမ်ႇပွင်ႇၸႂ်ဝႃႈပေႃႈၶဝ်ႁဵတ်းသင်ယူႇ၊ မိူဝ်ႈၵူၼ်းႁိမ်းႁိူၼ်းၽုၺ်ႇၽၵ်းတူႁူဝ်ႉဢွၵ်ႇမႃး ပဵၼ်ၸၢႆးၵူၼ်းၶၢဝ်ႉ သီၼႃႈဢမ်ႇလီဝႆႉၼၼ်ႉ မိူၼ်ႁဵတ်းသေလွင်ႈလွင်ႈၽိတ်းလႄႈ ၵေႃႉပဵၼ်ပေႃႈၼၼ်ႉၵေႃႈ ဢဝ်တင်းမၢၵ်ႇမူင်ႈၼႂ်းသွင်းယိုၼ်ႈပၼ်သေ လၢတ်ႈဝႃႈ “ၶႃႈဢဝ်မၢၵ်ႇမူင်ႈမႃးတွၼ်ႈဢေႃႈ ပဵၼ်ၵူၼ်းယူႇႁိူၼ်းၸမ်ၵၼ်ၼႆႉၵူၺ်း မီးလွင်ႈသင်ၵေႃႈလၢတ်ႈၵၼ်လႆႈၶႃႈ တေၸွႆႈထႅမ်ၵၼ်လႆႈ” ၵူၼ်းၵေႃႉၼၼ်ႉၵေႃႈ မီးသီၼႃႈဢၼ်ၸႂ်ဢမ်ႇသိူဝ်းမႃး ၶဝ်ၵေႃႈႁႂ်ႈပေႃႈၸၢႆးဢွၼ်ႇၼၼ်ႉပႆႉၵမ်းၼႆလႄႈ ဢဝ်တင်းသႃႉသႂ်ႇမၢၵ်ႇမူင်ႈၼၼ်ႉ သႂ်ႇၶႆႇၵႆႇတဵမ်သွင်းမႃးပၼ် “တီႈႁိူၼ်းႁဝ်းလဵင်ႉၵႆႇဝႆႉလၢႆတူဝ် ႁဝ်းတေဢဝ်ၶႆႇၵႆႇတွၼ်ႈၶိုၼ်းၶႃႈၼႃႈ” ပေႃႈၵေႃႈလၢတ်ႈၵႂၢမ်းယိၼ်းၸူမ်းသေ ၸုင်မိုဝ်းၸၢႆးဢွၼ်ႇပွၵ်ႈၶိုၼ်းယဝ်ႉ။ ၸၢႆးဢွၼ်ႇထၢမ်ပေႃႈၶဝ်ဝႃႈ “ပဵၼ်ႁင်လႄႈ ပေႃႈဢဝ်မၢၵ်ႇမူင်ႈၵႂႃႇပၼ်ၶဝ်လႃႇ တႅၼ်းတီႈတေၵႂႃႇဢဝ်မၢၵ်ႇမူင်ႈႁဝ်းၶိုၼ်း” “သင်ပေႃႈၵႂႃႇဢဝ်မၢၵ်ႇမူင်ႈ ႁဝ်းၵေႃႈတေလႆႈမၢၵ်ႇမူင်ႈၶိုၼ်းၵူၺ်း ႁဝ်းၵေႃႈတေသုမ်းၵူၼ်းႁိမ်းၸမ်ႁဝ်းၵႂႃႇလႄႈ တေၸၢင်ႈလႆႈလွင်ႈၸဵပ်းၸႂ်ၵၼ်မႃး ၵူၺ်းၵႃႈ ပေႃႈဢဝ်မၢၵ်ႇမူင်ႈၵႂႃႇပၼ်ၸဵတ်းလုၵ်ႈ ပႃးဢၼ်ၶဝ်သေႇၵႂႃႇၼိုင်ႈလုၵ်ႈၼၼ်ႉၵေႃႈ ပႅတ်ႇလုၵ်ႈ ႁဝ်းတင်းလႆႈပႃးၼမ်ႉၸႂ်ၶဝ် ဢၼ်ပဵၼ်ၶႆႇၵႆႇၼႂ်းသွင်းၼႆႉ ယင်းလႆႈၵူၼ်းႁိမ်းၸမ်ဢၼ်လီတေႃႇၵၼ်ထႅင်ႈ လုၵ်ႈဝႃႈၸိူင်ႉႁိုဝ်လီလိူဝ်လႃႇ” ဢူၺ်းၵေႃႉလီပၢၵ်ႇၵေႃႉၼၼ်ႉ ယင်းတိုၵ်ႉဢေႇယူႇ၊ မီးၽူႈၶဵၼ်ၵေႃႉလဵဝ်ၼၼ်ႉ မၼ်းၼမ်ႁႅင်းၼႃႇ၊ တႃႇမီးဢူၺ်းၼၼ်ႉ ဢမ်ႇယၢပ်ႇ တႃႇထိင်းသိမ်းမၼ်းဝႆႉႁႂ်ႈယူႇလႆႈႁိုင်ၼၼ်ႉတႄႉယၢပ်ႇဢိူဝ်ႈ။ ပိၼ်ႇ-ငဝ်မွင်မိုတ်းမူဝ်း | ['ဢပုမ်ႇ'] |
2025-04-01T04:36:18 | https://tainovel.com/%e1%80%90%e1%80%bd%e1%81%bc%e1%80%ba%e1%82%88%e1%80%90%e1%82%83%e1%82%87/ | တွၼ်ႈတႃႇ.. | ၵူၼ်းၵေႃႉဢၼ်မီးႁွႆးၸဵပ်းလိုၵ်ႉထိုင်ၸႂ် ဢမ်ႇမီးၽႂ်တူၺ်းႁၼ် ၵူၼ်းၵေႃႉဢၼ်ဝူၼ်ႉလီ ၵူၺ်းသမ်ႉထုၵ်ႇႁဵတ်းႁၢႆႉ ၵူၼ်းၵေႃဢၼ်မီးၼမ်ႉၵတ်ႉ ၵူၺ်းသမ်ႉထုၵ်ႇပိၵ်ႉၵၼ်ႈဝႆႉ ၵူၼ်းၵေႃႉဢၼ်ၶတ်းၸႂ်လိူဝ်ပိူၼ်ႈ ၵူၺ်းသမ်ႉလႆႈတူၵ်းသုမ်း ၵူၼ်းၵေႃႉဢၼ်ၵႂင်တၢင်း ၵူၺ်းယင်းတိုၵ်ႉၶတ်းၸႂ်ၵႂႃႇ ၵူၼ်းၵေႃႉဢၼ်မီးလွင်ႈၶတ်းၸႂ် ၵူၺ်းသမ်ႉဢမ်ႇမီးၽႂ်မၢႆတွင်း ၵူၼ်းၵေႃႉဢၼ်ႁူဝ်ၸႂ်တႅၵ်ႇလႅဝ် ၵူၺ်းသမ်ႉတိုၵ်ႉယုမ်ႇၼိူဝ်တၢင်းႁၵ်ႉ ၵူၼ်းၵေႃႉဢၼ်ႁၵ်ႉသုတ်းႁူဝ်ၸႂ် ၵူၺ်းသမ်ႉလႆႈၵၢင်းယၢၼ်ၽၢတ်ႇဢွၵ်ႇ လွင်ႈယူပ်ႈယွမ်းယူႇၼၼ်ႉ ဢမ်ႇလႆႈႁဵတ်းႁႂ်ႈၵႃႈၶၼ်ယွမ်းၵႂႃႇၼႃ၊ သဵၼ်ႈတၢင်းဢၼ်လုတ်ႈႁၢမ်းၵႂႃႇၼၼ်ႉ ဢမ်ႇၸႂ်ႈဝႃႈဢမ်ႇမီးတီႈပွင်ႇသင်။ သမ်ႉဝႃႈဢမ်ႇမီးၽႂ်ယူႇႁိမ်းၸမ်ၵေႃႈ ၵွတ်ႇတူဝ်ၵဝ်ႇဝႆႉသေ ယုမ်ႇယမ်တူဝ်ၵဝ်ႇဝႆႉလႄႈ ႁဝ်းမၼ်းၵေႃႈပဵၼ်ၵူၼ်းဢၼ်မီးႁႅင်းၶၢမ်ႇလႆႈလီယူႇယဝ်ႉလူး။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-04-01T04:35:24 | https://tainovel.com/%e1%81%b6%e1%80%b1%e1%82%83%e1%82%88%e1%80%91%e1%81%a2%e1%80%99%e1%80%ba%e1%80%9c%e1%80%ae%e1%82%81%e1%80%b0%e1%82%89%e1%80%99%e1%80%ad%e1%80%b0%e1%80%9d%e1%80%ba%e1%82%88%e1%80%90%e1%80%b1%e1%80%90/ | ၶေႃႈထၢမ်လီႁူႉမိူဝ်ႈတေတေႇၼႃႈႁိူၼ်း | ၵေႃႉၵူႈၸၢတ်ႈပၢၼ်ၼၼ်ႉ ဢမ်ႇၸႂ်ႈလွင်ႈတၢင်းႁၵ်ႉမဵဝ်းလဵဝ်ၵူၺ်း သမ်ႉဝႃႈႁၵ်ႉၵၼ်ၼႃႇၵေႃႈ သင်ဢမ်ႇဝူၼ်ႉလီလီ မၢင်ပွၵ်ႈလွင်ႈတေႇၼႃႈႁိူၼ်းၼၼ်ႉ ယင်းတေပဵၼ်တီႈတႄႇၶွင်ပၼ်ႁႃလိူဝ်သေတၢင်းသိူဝ်းလူးၵွၼ်ႇ၊ မိူဝ်ႈတေႁဵတ်းပၢင်ၶႅၵ်ႇၵေႃႈ ႁႂ်ႈထၢမ်တူၺ်းတူဝ်ၵဝ်ႇလီလီဝႃႈ ၽွမ်ႉယဝ်ႉႁႃႉ? ၽွမ်ႉတေႉတေႉႁႃႉ? တေယူႇၸွမ်းၵူၼ်းၵေႃႉၼႆႉၵႂႃႇတေႃႇၸူဝ်ႈလႆႈတေႉယူႇႁႃႉ? ၵၢၼ်တေႇၼႃႈႁိူၼ်းၼၼ်ႉ ဢမ်ႇၸႂ်ႈဝႃႈႁဵတ်းပွႆးၶိုၵ်ႉယႂ်ႇယဝ်ႉတေယဝ်ႉ ၶႂ်ႈဝႃႈ ၵၢၼ်ၸႂ်ႉၸၢတ်ႈပၢၼ်ႁူမ်ႈၵၼ်ၵႂႃႇၶၢဝ်းႁိုင် ဢမ်ႇထိုင်ဝႃႈတေႃႇၸူဝ်ႈ ႁႂ်ႈမၼ်းၵႂႃႇလႆႈၶၢဝ်းယၢဝ်းၼၼ်ႉ တေလႆႈယူႇၸွမ်းတၢင်းယၢမ်ႈဢၼ်ႁၼ်ယူႇၵူႈဝၼ်း၊ ႁပ်ႉမိုဝ်းၸွမ်းတီႈယူပ်ႈယွမ်းဢၼ်ဝႃႈႁပ်ႉလႆႈၽွင်ႈယူႇၽွင်းပဵၼ်ၸူႉၵၼ် သင်ဝူၼ်ႉထိုင်လွင်ႈမိူဝ်းၼႃႈယဝ်ႉ ဢမ်ႇယုမ်ႇၸႂ်လႆႈၼႆၵေႃႈ လီလႆႈၶိုၼ်းမႄးဝူၼ်ႉႁႂ်ႈလီယူႇ။ ယိူင်းမၢႆၸၢတ်ႈပၢၼ်ၼၼ်ႉ ၸွင်ႇသမ်ႉၵႂႃႇတၢင်းလဵဝ်ၵၼ်ယူႇႁိုဝ်? မၢင်ၵေႃႉၶႂ်ႈမီးႁိူၼ်းဢၼ်ၵတ်းယဵၼ်၊ မၢင်ၵေႃႉသမ်ႉ ၶႂ်ႈယူႇလွတ်ႈလွတ်ႈလႅဝ်းလႅဝ်း ဢႅဝ်ႇလႄႇႁွပ်ႈလူၵ်ႈ သင်သဵၼ်ႈတၢင်းဢမ်ႇမိူၼ်ၵၼ် တၢင်းသိူဝ်းဝၢႆးတေႇၼႃႈႁိူၼ်းၵေႃႈ တေဢမ်ႇလႆႈမိူၼ်ၼင်ႇဢၼ်ဝူၼ်ႉဝႆႉၼၼ်ႉၼင်ႇၵဝ်ႇ၊ ဢုပ်ႇၵၼ်ႁႂ်ႈၸႅင်ႈလႅင်းဝႃႈ လွင်ႈဢၼ်ၶႂ်ႈႁဵတ်းၼၼ်ႉပဵၼ်သင်လႄႈ တေၸၢင်ႈလႅၵ်ႈလၢႆႈၶဝ်ႈႁႃၵၼ်လႆႈမွၵ်ႈႁိုဝ်? သင်ၵႂႃႇတၢင်းလဵဝ်ၵၼ်ဢမ်ႇလႆႈၵေႃႈ လီလႆႈဝူၼ်ႉထႅင်ႈဝႃႈ ၵၢၼ်တေႇၼႃႈႁိူၼ်းပွၵ်ႈၼႆႉ မၼ်းတေလီတေႉယူႇႁႃႉ?။ တေႁပ်ႉမိုဝ်းၸွမ်းမိူဝ်ႈၽွင်းမီးပၼ်ႁႃၵၼ်ၸိူင်ႉႁိုဝ်? မိူဝ်ႈပဵၼ်ၸူႉၵၼ်တေၸၢင်ႈမီးဝႃႈ ၸႂ်လမ်ၵၼ်ယူႇၽွင်ႈ၊ ယဵၼ်သႂ်ႇၵၼ် လိုၼ်းသုတ်းမႃးၵေႃႈလီၵၼ်ၶိုၼ်း၊ ၵူၺ်းၵႃႈ မိူဝ်ႈယူႇၸွမ်းၵၼ်မႃးယဝ်ႉ မၼ်းတေလႆႈထူပ်းၼမ်လိူဝ်သေၼၼ်ႉ တေၸၢင်ႈပဵၼ်လွင်ႈငိုၼ်း၊ လွင်ႈၵူၼ်းၼႂ်းၼႃႈႁိူၼ်းမႃးမိပ်ႇဢီး။ သင်ထဵင်ၵၼ်မႃးယဝ်ႉႁၢႆၵႂႃႇပႅတ်ႈ ဢမ်ႇမီးလွၵ်းလၢႆးၸတ်းၵၢၼ်ပၼ်ႁႃႁူမ်ႈၵၼ်ၼႆၵေႃႈ ၵမ်းလိုၼ်းမႃး တေႇၼႃႈႁိူၼ်းၵႂႃႇယဝ်ႉ မၼ်းၵေႃႈၵႂႃႇဢမ်ႇလွတ်ႈ တေလႆႈႁူႉဝႃႈၵူၼ်းၵေႃႉၼႆႉ ၽွမ်ႉတေယိပ်းမိုဝ်းၵၼ်သေဢဝ်ၶၢမ်ႈပူၼ်ႉၵႂႃႇၸွမ်းၵၼ် ဢမ်ႇၸႂ်ႈပႂ်ႉဝၼ်းႁႂ်ႈမၼ်းပူၼ်ႉၵႂႃႇၵူၺ်း။ လွင်ႈငိုၼ်းလူးဢုပ်ႇၵၼ်ၸႅင်ႈလႅင်းယူႇႁိုဝ်? ငိုၼ်းၼၼ်ႉပဵၼ်လွင်ႈတၢင်းဢၼ်ၵႆႉႁဵတ်းႁႂ်ႈဝၢႆးတေႇၼႃႈႁိူၼ်းယဝ်ႉ မီးပၼ်ႁႃမႃး ငိုၼ်းၶဝ်ႈၽႂ်တူၺ်းထိုင်ၸိူင်ႉႁိုဝ်၊ ပၼ်ၵႃႈၸႂ်ႉၸၢႆႇၸိူင်ႉႁိုဝ်၊ မီးၼီႈမီးလွင်ႈဢၼ်တေလႆႈဢဝ်ပုၼ်ႈၽွၼ်းၸွမ်းၵၼ်ယူႇႁိုဝ်၊ သင်ဝူၼ်ႉဝႃႈ တေႇၵႂႃႇယဝ်ႉၸွင်ႇၵွႆႈဝႃႈၵၼ် ၵမ်းလိုၼ်းမႃးၵေႃႈ ပၼ်ႁႃမၼ်းတေလၢမ်းယႂ်ႇႁႅင်း ၵႂႃႇၸွမ်းၵၼ်ဢမ်ႇလႆႈၵူၺ်း။ သင်ဝၼ်းၼိုင်ႈဢမ်ႇလႆႈဝူၼ်ႉတေႃႇၵၼ်မိူၼ်ၵဝ်ႇ ၸွင်ႇတေၶႂ်ႈယူႇၸွမ်းၵၼ်ႁိုဝ်? တၢင်းႁၵ်ႉမၼ်းၵေႃႈဢမ်ႇလႆႈၶိူင်ႇၶမ်ႉယူႇတႃႇသေႇ မၼ်းတေၸၢင်ႈမီးမိူဝ်ႈဝၢၼ်၊ မိူဝ်ႈၸၢင်ၽွင်ႈ မၢင်ပွၵ်ႈၸၢင်ႈဝူၼ်ႉဢမ်ႇမိူၼ်ၵဝ်ႇ တိုၼ်ႇမႃးယဝ်ႉဢမ်ႇလႆႈဝူၼ်ႉမိူၼ်ဝၼ်းဢွၼ်တၢင်းသုတ်း ၸွင်ႇယင်းတိုၵ်ႉၶႂ်ႈယူႇယူႇႁိုဝ်၊ ၸၢတ်ႈပၢၼ်ၵေႃႉၵူႈၼၼ်ႉ ဢမ်ႇလႆႈယူႇၸွမ်းသဵင်ႁူဝ်ၸႂ်ၼၼ်ႉၵူၺ်း ယင်းမီးထႅင်ႈလွင်ႈၸမ်ၸႂ်ၵၼ်၊ လွင်ႈသႂ်ႇၸႂ်ၵၼ်၊ လွင်ႈပွင်ႇၸႂ်ၵၼ် ယင်းတိုၵ်ႉယူႇၸွမ်းၵၼ်ယူႇ သမ်ႉဝႃႈမၼ်းဢမ်ႇမိူၼ်ၵဝ်ႇၵေႃႈယဝ်ႉ။ ၵၢၼ်တေႇၼႃႈႁိူၼ်း ဢမ်ႇၸႂ်ႈလွင်ႈမိူဝ်ႈၼႆႉႁိုဝ်မိူဝ်ႈၽုၵ်ႈၵူၺ်း မၼ်းပဵၼ်လွင်ႈၶွင်ၸၢတ်ႈပၢၼ်ၵူၼ်းဢၼ်တေလႆႈၵႂႃႇၸွမ်းၵၼ် ၸၢမ်းထၢမ်တူဝ်ၵဝ်ႇႁႂ်ႈၸႅင်ႈလႅင်းလႄႈ တွပ်ႇႁႂ်ႈလႆႈၵူႈၶေႃႈယဝ်ႉ ၸင်ႇတေတႅပ်းတတ်း သင်ဝႃႈၽွမ်ႉတေႉယဝ်ႉ ၸၢတ်ႈပၢၼ်ၵေႃႉၵူႈၼၼ်ႉ ဢမ်ႇၸႂ်ႈလွင်ႈဝႃႈၶတ်းၸႂ်ၵူၺ်း ယင်းတေမီးတၢင်းသိူဝ်းၵႂႃႇၸွမ်းၵၼ်ထႅင်ႈၵွၼ်ႇယဝ်ႉ။ ပိၼ်ႇ-ငဝ်မွင်မိုတ်းမူဝ်း | ['ပိုၼ်ႉႁူႉ'] |
2025-04-01T04:33:39 | https://tainovel.com/%e1%80%9a%e1%81%a2%e1%80%99%e1%80%ba%e1%82%88%e1%80%84%e1%80%ad%e1%80%b0%e1%80%9d%e1%80%ba%e1%82%88%e1%81%b8%e1%80%bd%e1%80%99%e1%80%ba%e1%80%b8%e1%80%90%e1%81%a2%e1%80%84%e1%80%ba%e1%80%b8%e1%82%81/ | ယၢမ်ႈငိူဝ်ႈၸွမ်းတၢင်းႁၵ်ႉယူႇ | ယၢမ်ႈႁွင်ႉႁႆႈတိူဝ်ႉၸႂ် သဵင်ႈၸႂ်ၸွမ်းယူႇလႄႈ ယၢမ်ႈဝူၼ်ႉဝႃႈ သင်ဢမ်ႇမီးၶဝ်ၵေႃႈတေယူႇဢမ်ႇလႆႈ။ ယၢမ်ႈတုၵ်းယွၼ်း ဢွၼ်ႈဝွၼ်းႁႂ်ႈၶဝ်ပွၵ်ႈမႃး မိူၼ်တေပဵၼ်တေတၢႆၵွပ်ႈမၼ်းမႃး။ ၵူၺ်းၵႃႈမိူဝ်ႈလႆႈမႃးယူႇႁင်းၵူၺ်းၵေႃႉလဵဝ် ၵိၼ်ၶဝ်ႈၵေႃႉလဵဝ်၊ ၵႂႃႇလႂ်ၵေႃႉလဵဝ်၊ ႁဵတ်းသင်ၵေႃႈႁဵတ်းၵေႃႉလဵဝ် ၸင်ႇတေပွင်ႇၸႂ်ဝႃႈ မၼ်းၵေႃႈဢမ်ႇလႆႈတၢႆလူး။ ၵူၼ်းၵေႃႉဢၼ်ယၢမ်ႈသုမ်းတၢင်းႁၵ်ႉႁႅင်းၼႃႇၼၼ်ႉ တေၵႂႃႇပဵၼ်ၵူၼ်းၵေႃႉဢၼ်ႁၵ်ႉတူဝ်ၵဝ်ႇလိူဝ်ပိူၼ်ႈ ႁၼ်ၵႃႈၶၼ်တူဝ်ၵဝ်ႇလိူဝ်ပိူၼ်ႈ။ တေလႆႈႁဵၼ်းႁူႉဝႃႈ ယႃႇၵႂႃႇႁွင်ႉႁႆႈၸွမ်းၵူၼ်းၵေႃႉဢၼ်ဢမ်ႇယၢမ်ႈႁၼ်ၵႃႈၶၼ်ႁဝ်း၊ ယႃႇၵႂႃႇသူၼ်ၸႂ် ဢွၼ်ႈဝွၼ်းၸွမ်းၵူၼ်းၵေႃႉဢၼ်ဢမ်ႇလႆႈႁၵ်ႉႁဝ်း။ လိုၼ်းသုတ်းမႃး တေထူပ်းဝႃႈ လွင်ႈဢၼ်ႁဝ်းႁၵ်ႉတူဝ်ၵဝ်ႇၼၼ်ႉ မၼ်းဢမ်ႇတွၼ်ႉပၼ်ႁႂ်ႈႁဝ်းလႆႈတိူဝ်ႉၸႂ်ၵွပ်ႈမၼ်းသေပွၵ်ႈလႄႈ တေဢမ်ႇမီးၽႂ်မႃးႁဵတ်းႁၢႆႉႁူဝ်ၸႂ်ႁဝ်းလႆႈထႅင်ႈ သင်ဝႃႈႁဝ်းႁၵ်ႉတူဝ်ၸဝ်ႈၵဝ်ႇပဵင်းပေႃး။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-04-01T04:32:20 | https://tainovel.com/%e1%80%9c%e1%80%bd%e1%80%84%e1%80%ba%e1%82%88%e1%80%95%e1%80%bd%e1%80%84%e1%80%ba%e1%82%87%e1%81%b8%e1%82%82%e1%80%ba%e1%81%b5%e1%81%bc%e1%80%ba%e1%81%bc%e1%81%bc%e1%80%ba%e1%82%89%e1%80%9c%e1%80%99/ | လွင်ႈပွင်ႇၸႂ်ၵၼ်ၼၼ်ႉလမ်ႇလွင်ႈ | လွင်ႈပွင်ႇၸႂ်တူဝ်ၵဝ်ႇၼၼ်ႉ တေႁဵတ်းႁႂ်ႈႁူႉၸၵ်းတူဝ်ၸဝ်ႈၵဝ်ႇလီ ၸၢင်ႈၵႄႈၶႆလႅၵ်ႈလၢႆႈတူဝ်ၵဝ်ႇလႆႈ လႄႈ ႁၼ်ၵႃႈၶၼ်တူဝ်ၵဝ်ႇမႃးထႅင်ႈ လီတေႃႇတူဝ်ၵဝ်ႇလႄႈ ႁၵ်ႉတူဝ်ၵဝ်ႇမႃး။ ၵွပ်ႈၼၼ် လွင်ႈပွင်ႇၸႂ်ပိူၼ်ႈၵေႃႈ တေႁဵတ်းႁႂ်ႈဢမ်ႇၵိုင်ႉၵၢင်ႉတႅပ်းတတ်းၶဝ်ဝႆးပူၼ်ႉ ဢမ်ႇၸၢၼ်ႈၸင်းၽႂ်ငၢႆႈၼႃႇ။ ၸင်းၽႂ်ၶဝ်ၵေႃႈ ႁဝ်းၵူၺ်းႁိူဝ်ႉ ၸင်းတူဝ်ၵဝ်ႇ ႁဝ်းယိုင်ႈၶႅၼ်းႁိူဝ်ႉယဝ်ႉ။ မိူဝ်ႈလႂ်တေလႆႈယူႇႁူမ်ႈၵၼ်ယူႇယဝ်ႉ ယူႇၸွမ်းတူဝ်ႁဝ်းဢၼ်ပဵၼ်ယူႇၼႆႉလႄႈ ယူႇၸွမ်းၶဝ်ဢၼ်ၶဝ်ပဵၼ်ယူႇၼၼ်ႉသေ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-04-01T04:30:27 | https://tainovel.com/%e1%80%90%e1%81%a2%e1%80%84%e1%80%ba%e1%80%b8%e1%82%81%e1%81%b5%e1%80%ba%e1%82%89%e1%80%a2%e1%81%bc%e1%80%ba%e1%82%81%e1%80%9d%e1%80%ba%e1%80%b8%e1%80%99%e1%80%ae%e1%80%b8%e1%80%95%e1%81%bc%e1%80%ba/ | တၢင်းႁၵ်ႉဢၼ်ႁဝ်းမီးပၼ်ၵၼ် | ဢမ်ႇလူဝ်ႇလဝ်းၼႃႇၼႃႇ၊ ဢမ်ႇလူဝ်ႇႁၢင်ႈလီၼႃႇလေႃႇ၊ ဢမ်ႇလူဝ်ႇမၢၵ်ႈမီးၼႃႇၵေႃႈလႆႈ၊ ဢမ်ႇလူဝ်ႇၶိုၵ်ႉၶႅမ်ႉတဵမ်ထူၼ်ႈၵူႈလွင်ႈ ပဵၼ်ၼင်ႇဢၼ်သူပဵၼ်ၼၼ်ႉၵူၺ်းၵေႃႈပေႃးယဝ်ႉ။ တၢင်းႁၵ်ႉဢၼ်ယူႇႁိမ်းၶၢင်ႈၵၼ် ယိပ်းမိုဝ်းၵၼ်သေ ႁဵၼ်းႁူႉလႄႈၵႂႃႇတၢင်းၼႃႈၸွမ်းၵၼ် ႁူမ်ႈတုၵ်ႉႁူမ်ႈသိူဝ်းၸွမ်းၵၼ်ၵႂႃႇ။ ထဵင်ၵၼ်ၵေႃႈလႆႈယူႇ၊ ၸႂ်လမ်ၵၼ်ၵေႃႈဢမ်ႇပဵၼ်သင် ၵူၺ်းၵႃႈပၼ်ၵႂၢမ်းမၼ်းလႄႈဝႃႈ တေဢမ်ႇပွႆႇမိုဝ်းၵၼ်။ ဢမ်ႇလူဝ်ႇမုင်ႈမွင်းဝႃႈ မိူဝ်းၼႃႈတေပဵၼ်ႁိုဝ်၊ သင်ဝႃႈယၢမ်းလဵဝ်ၼႆႉႁဝ်းတိုၵ်ႉမီးၵၼ်ယူႇၵူၺ်းၵေႃႈပေႃးယဝ်ႉ။ ၵမ်းလိုၼ်းသုတ်းဢၼ်ဝႃႈၼၼ်ႉ မၼ်းဢမ်ႇပၼ်ၾၢင်ႉလႄႈ ဢမ်ႇႁူႉဝႃႈတေပဵၼ်မိူဝ်ႈလႂ်။ တၢင်းသိူဝ်းဢၼ်ဝႃႈၼၼ်ႉ ဢမ်ႇယူႇၸွမ်းႁဝ်းႁိုင် မၢင်ပွၵ်ႈမၼ်းတေၸၢင်ႈဢဝ်လွင်ႈဢၼ်ႁဝ်းႁၵ်ႉၼၼ်ႉ ၽၢတ်ႇႁဝ်းၵႂႃႇၵေႃႈပဵၼ်လႆႈယဝ်ႉ။ ၸဵပ်းလိူဝ်ပိူၼ်ႈၵေႃႈ ၽၢတ်ႇယၢၼ်ၵၼ်မိူဝ်ႈယင်းတိုၵ်ႉႁၵ်ႉ၊ တိူဝ်ႉၸႂ်လိူဝ်ပိူၼ်ႈၵေႃႈ ၽၢတ်ႇယၢၼ်ၵႂႃႇဢမ်ႇလႆႈသူင်ႇသင်ႇ။ မွင်ၸႂ်လိူဝ်ပိူၼ်ႈၵေႃႈ မွင်းပႂ်ႉႁႂ်ႈၶဝ်ပွၵ်ႈမႃး ၵူၺ်းၵႃႈဢမ်ႇၸၢင်ႈၶိုၼ်းၺႃး။ တၢင်းႁၵ်ႉၼၼ်ႉ မၼ်းဢမ်ႇၵႂႃႇတၢင်းလႂ် ယင်းတိုၵ်ႉယူႇၼႂ်းမၢႆတွင်းတႃႇသေႇယဝ်ႉ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-04-01T04:20:41 | https://tainovel.com/%e1%81%be%e1%81%a2%e1%80%84%e1%80%ba%e1%82%81%e1%81%a2%e1%80%84%e1%80%ba%e1%82%88%e1%81%bd%e1%80%b0%e1%82%88%e1%80%a2%e1%80%bd%e1%81%bc%e1%80%ba%e1%82%81%e1%80%b0%e1%80%9d%e1%80%ba%e1%80%9c%e1%80%ae/ | ၾၢင်ႁၢင်ႈၽူႈဢွၼ်ႁူဝ်လီ | မီးလွင်ႈႁတ်းႁၢၼ် – ဢမ်ႇမီးၽႂ်ၶႂ်ႈလႆႈၽူႈဢွၼ်ႁူဝ် ဢၼ်ဢမ်ႇမီးလွင်ႈယုမ်ႇယမ်တူဝ်ၵဝ်ႇလႄႈ ဢမ်ႇမီးတၢင်းႁတ်းႁၢၼ်၊ ၵူၼ်းၸွမ်းၵေႃႈ ဢမ်ႇမီးၽႂ်ၶႂ်ႈယူႇၽၢႆႇတႂ်ႈ ၽူႈဢွၼ်ႁူဝ်ၸိူင်ႉၼႆလႆႈႁိုင်။ ၵုမ်းထိင်းတူဝ်ၵဝ်ႇလႆႈ – ၵူၼ်းၵေႃႉဢၼ်ဢမ်ႇထိင်းတူဝ်ၵဝ်ႇလႆႈ မၼ်းတိုၼ်းတေဢမ်ႇၸၢင်ႈၵုမ်းထိင်းၽႂ်လႆႈ။ မီးၸႂ်သိုဝ်ႈယူဝ်း – ၽူႈဢွၼ်ႁူဝ်ဢၼ် ဢမ်ႇမီးၸႂ်သိုဝ်ႈယူဝ်း ဢမ်ႇမီးလုၵ်ႈၼွင်ႉၵေႃႉလႂ်ၶႂ်ႈၼပ်ႉယမ်။ တပ်းတတ်းပုတ်းၶၢတ်ႇ – ၵူၼ်းဢၼ်တႅပ်းတတ်းသဵၼ်ႈၸႂ်လႆႈပုတ်းပုတ်းၶၢတ်ႇၶၢတ်ႇ မီးလွင်ႈယုမ်ႇယမ်တူဝ်ၵဝ်ႇၼၼ်ႉ ပဵၼ်ၽူႈဢွၼ်ႁူဝ်ပိူၼ်ႈလႆႈလီယဝ်ႉ။ မီးၽႅၼ်ၵၢၼ်တႅတ်ႈတေႃး – ၽူႈဢွၼ်ႁူဝ်ဢၼ်ႁဵတ်းၸွမ်းငဝ်းလၢႆး ဢမ်ႇမီးၽႅၼ်ၵၢၼ်တႅတ်ႈတေႃး ဝၼ်းၼိုင်ႈတေၸၢင်ႈၶိုၼ်းၶတ်းၶႃတူဝ်ၵဝ်ႇလူမ်ႉလႆႈယဝ်ႉ။ ႁဵတ်းၵၢၼ်လိူဝ်လုၵ်ႈၼွင်ႉ – ပုၼ်ႈၽွၼ်းၽူႈဢွၼ်ႁူဝ်ၵေႃႉၼိုင်ႈၼၼ်ႉ တေလႆႈတဵမ်ၸႂ်ႁဵတ်းၵၢၼ်ၼမ်လိူဝ်လုၵ်ႈၼွင်ႉယူႇယဝ်ႉ။ မီးၾၢင်ႁၢင်ႈလီလူလီတူၺ်း – ၽူႈဢွၼ်ႁူဝ်ၼၼ်ႉတေလႆႈပဵၼ်တီႈဢၼ်ပိူၼ်ႈၼပ်ႉယမ်လႄႈ လုၵ်ႈၼွင်ႉတေဢမ်ႇၶႂ်ႈၼပ်ႉယမ်ၽူႈဢွၼ်ႁူဝ်ဢၼ်မီးၾၢင်ႁၢင်ႈဢမ်ႇလီတူၺ်း။ မေႃသႂ်ႇၸႂ်လုၵ်ႈၼွင်ႉ- ၽူႈဢွၼ်ႁူဝ်လီၼၼ်ႉ တေလႆႈမေႃသႂ်ႇၸႂ်လႄႈ တေလႆႈႁူႉၸၵ်းလုၵ်ႈၼွင်ႉ သႂ်ႇၸႂ်ပၼ်ႁႃလုၵ်ႈၼွင်ႉဢၼ်လႆႈထူပ်းမႃး။ မေႃႁပ်ႉဢဝ်ပုၼ်ႈၽွၼ်းတဵမ်ထူၼ်ႈ – ၽူႈဢွၼ်ႁူဝ်ဢၼ်ပၢႆႉတၢင်းၽိတ်းသႂ်ႇလုၵ်ႈၼွင်ႉၼၼ်ႉ တေဢမ်ႇၸၢင်ႈဢွၼ်ႁူဝ်ၽႂ်လႆႈ ၊ သမ်ႉဝႃႈလုၵ်ႈၼွင်ႉႁဵတ်းၽိတ်း ဢမ်ႇမီးၼမ်ႉၵတ်ႉၵေႃႈယဝ်ႉ တေလႆႈထတ်းသၢင်ဝႃႈ တူဝ်ၵဝ်ႇၼၼ်ႉ ယင်းပႆႇႁဵတ်းလႆႈလီ။ မီးလွင်ႈႁူမ်ႈမိုဝ်း – တေလႆႈပွင်ႇၸႂ်လႄႈမေႃလႅၵ်ႈလၢႆႈၵၢၼ်သိုဝ်ႇသၢၼ် ၵၢၼ်ႁူမ်ႈမိုဝ်းႁူမ်ႈၸႂ်လႄႈ တိုၵ်းသူၼ်းႁႂ်ႈလုၵ်ႈၼွင်ႉပေႃးႁဵတ်းၸွမ်းလႆႈ ၽူႈၼမ်းၼၼ်ႉလူဝ်ႇဢဵၼ်ႁႅင်းၵမ်ႉၸွႆႈ ႁႅင်းၼၼ်ႉၵေႃႈ လူဝ်ႇလွင်ႈႁူမ်ႈမိုဝ်းယဝ်ႉ။ ပိၼ်ႇ-ငဝ်မွင်မိုတ်းမူဝ်း | ['ပိုၼ်ႉႁူႉ'] |
2025-04-01T04:17:32 | https://tainovel.com/%e1%81%b5%e1%80%b1%e1%82%83%e1%82%89%e1%81%b5%e1%80%b0%e1%82%88%e1%80%9c%e1%80%ae%e1%82%81%e1%82%83%e1%80%9a%e1%81%a2%e1%80%95%e1%80%ba%e1%82%87%e1%81%b5%e1%80%b0%e1%81%ba%e1%80%ba%e1%80%b8%e1%80%99/ | ၵေႃႉၵူႈလီႁႃယၢပ်ႇၵူၺ်းမီးယူႇ | ၵေႃႉၵူႈလီဢၼ်ပဵၼ် ၵူၼ်ၵေႃႉဢၼ် ႁၵ်ႉႁဝ်းၼင်ႇဢၼ်တူဝ်ႁဝ်းပဵၼ်ယူႇ၊ ၵူၼ်းၵေႃႉဢၼ် ႁဵတ်းပၼ်ႁဝ်းႁႂ်ႈႁဝ်းမီးၵႃႈၶၼ်မႃး၊ ၵူၼ်းၵေႃႉဢၼ် ၸွႆႈႁႂ်ႈႁဝ်းပဵၼ်ၵူၼ်းလီၶိုၼ်ႈမႃး၊ ၵူၼ်းၵေႃႉဢၼ် ႁဝ်းႁၵ်ႉလႄႈ ႁၵ်ႉႁဝ်းသုတ်းႁူဝ်ၸႂ်။ ၵူၼ်းၵေႃႉဢၼ် ယုမ်ႉပၼ်ႁဝ်းမိူဝ်ႈႁဝ်းမီးတၢင်းသိူဝ်း၊ ၵူၼ်းၵေႃႉဢၼ် ပၼ်ႁႅင်းႁႂ်ႈႁဝ်းသိုပ်ႇယူႇၵႂႃႇလႆႈ၊ ၵူၼ်းၵေႃႉဢၼ် ယူႇႁိမ်းၶၢင်ႈႁဝ်းတႃႇသေႇ မိူဝ်ႈႁဝ်းမီးၼမ်ႉတႃ၊ ၵူၼ်းၵေႃႉဢၼ် သိုဝ်ႈယူဝ်းတေႃႇႁဝ်း ဢမ်ႇဝႃႈတၢင်းၼႃႈႁိုဝ်တၢင်းလင်၊ ၵူၼ်းၵေႃႉဢၼ် ပဵၼ်ၵေႃႉမေႃလၢတ်ႈလႄႈၵေႃႉမေႃထွမ်ႇ၊ ၵူၼ်းၵေႃႉဢၼ် ယုမ်ႇၸႂ်လႄႈယုမ်ႇယမ်တူဝ်ႁဝ်း၊ ၵူၼ်းၵေႃႉဢၼ် ယွမ်းႁပ်ႉလွင်ႈလီလႄႈလွင်ႈဢမ်ႇလီႁဝ်းလႆႈ၊ ၵူၼ်းၵေႃႉဢၼ် ဢမ်ႇယၢမ်ႈပွႆႇမိုဝ်းႁဝ်း သမ်ႉဝႃႈထူပ်းလွင်ႈယၢပ်ႇၽိုတ်ႇတၢၼ်ႇႁိုဝ်ၵေႃႈယဝ်ႉ၊ ၵူၼ်းၵေႃႉဢၼ် ႁဵတ်းႁႂ်ႈၸႂ်ႁဝ်းၵတ်းယဵၼ်လႄႈ ပၼ်လွင်ႈႁူမ်ႇလူမ်ႈႁဝ်းလႆႈ၊ ၵူၼ်းၵေႃႉဢၼ် ယဵၼ်ႉၵၼ်လႄႈဢဝ်ၶၢမ်ႈပူၼ်ႉတၢင်းယၢပ်ႇၼၼ်ႉၵႂႃႇၸွမ်းၵၼ်လႆႈ။ ၵေႃႉၵူႈလီၼၼ်ႉ မၼ်းႁႃယၢပ်ႇသေတႃႉ ၵူၺ်းၵႃႈယုမ်ႇလႄႈ မၼ်းမီးတေႉယူႇၵူၺ်း သင်ထူပ်းႁၼ်ယဝ်ႉ ယႃႇလိုမ်းလုမ်းလႃးသႂ်ႇၸႂ်ႁူဝ်ၸႂ်ၵၼ်ဝႆႉလီလီၼႃႈ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-04-01T04:14:23 | https://tainovel.com/%e1%81%b5%e1%80%b0%e1%81%bc%e1%80%ba%e1%80%b8%e1%80%99%e1%80%b1%e1%82%83%e1%82%81%e1%80%b0%e1%82%89/ | ၵူၼ်းမေႃႁူႉ | ၵူၼ်းၸၢႆးဢၼ်မီးတၢင်းႁူႉ၊ မေႃဝူၼ်ႉၼၼ်ႉ ၶဝ်တေႁူႉဝႃႈ ထုၵ်ႇလီလိူၵ်ႈၽူႈယိင်းၸိူင်ႉႁိုဝ် ပဵၼ်မႄႈလုၵ်ႈဢွၼ်ႇၶဝ်။ ၽူႈယိင်း ႁဵတ်းႁၢင်ႈၶႅၼ်ႇ၊ ၵိၼ်လဝ်ႈၶႅၼ်ႇ၊ လေႇၶႅၼ်ႇ၊ ၸႂ်ႉငိုၼ်းၶႅၼ်ႇ၊ ၶႅၼ်ႇလွင်ႈႁွမ်းသွင် တေပဵၼ်လႆႈၵူႈၼွၼ်း ဢမ်ႇၼၼ် ပဵၼ်ၶိူင်ႈမိုဝ်းပူတ်းပွႆႇဢႃးလူမ်းၵူၺ်း။ ၽူႈယိင်းဢၼ်မေႃဝူၼ်ႉၼၼ်ႉ တေဢမ်ႇမီးဝၼ်းဢဝ်ၵူၼ်းၸၢႆးဢၼ်ဢမ်ႇလီ မႃးပဵၼ်ပေႃႈလုၵ်ႈဢွၼ်ႇၶဝ် မႃးပဵၼ်ပၼ်ႁႃၸၢတ်ႈပၢၼ်ၶဝ်မိူဝ်းၼႃႈလႆႈ။ ပဵၼ်ၵူၼ်းဢၼ်ယွၵ်ႇယဝ်ႉပိူၼ်ႈၸွမ်းၶၢင်ႈတၢင်း၊ လိမ်ႇတီႇပႃႇလူတ်ႉလင်ႁႅင်းႁႅင်း ပွႆႇၵႂၼ်းလမ်လမ်ဢွၵ်ႇမႃးလႆႈ ၼၼ်ႉ ၽူႈယိင်းလီလီ ယင်းတေဢမ်ႇဢဝ်တႃၸၢႆႉတူၺ်းလူးၵွၼ်ႇ။ တေမီးၵေႃႈၵူၼ်းမဵဝ်းလဵဝ်ၵၼ်ၵူၺ်း ဢၼ်တေယုၵ်ႉယွင်ႈၵၼ် ႁၢၼ်ႉၸႂ်ၸွမ်းလွင်ႈႁဵတ်းသၢင်ႈၸိူင်ႉၼၼ်လႆႈ။ ၵူၼ်းၸၢႆးဢၼ်ႁၢင်ႈၶိူင်ႈလဝ်းလဝ်း သိတ်းၼမ်ႉႁွမ်သေ မေႃလႄႇၵၢင်ၶိုၼ်းၶႅၼ်ႇ ၽူႈယိင်းလႅတ်းၼၼ်ႉတေဝူၼ်ႉလႆႈဝႃႈ ၵူၼ်းၸိူင်ႉၼႆသင်လႆႈမႃးပဵၼ်ၽူဝ် မၼ်းၵေႃႈတေမႃးၵွပ်ႈၵိၼ်မၼ်းၵူၺ်း။ ၽူႈၸၢႆးဢၼ်မေႃတေႃႇမေႃလွင်း၊ ၵိၼ်ယႃႈလဵၼ်ႈၾိၼ်ႇ ၽူႈယိင်းလီလီၼၼ်ႉ ယႃႇဝႃႈတေဢဝ်မႃးႁဵတ်းၽူဝ်လႃႈ တေႃႈၼင်ႇတၵ်ႉၶေႃႈၵႂၢမ်းမႃးၵဝ်းၵူၺ်း မၼ်းယင်းပလွၵ်ႉပႅတ်ႈၵွၼ်ႇ။ ၵူၼ်းၸၢႆးဢၼ်ဢမ်ႇလႆႈလွင်ႈ ဝၼ်းဝၼ်းဢမ်ႇဝူၼ်ႉႁႃႁဵတ်းၽွၼ်းလီသင် ဢမ်ႇမီးယိူင်းဢၢၼ်းသင် ထူၺ်ႈၸႂ်ပႅတ်ႈလၢႆၵႂႃႇတင်းဝၼ်းတင်းဝၼ်း ဢမ်ႇဢၢၼ်းလႅၵ်ႈလၢႆႈတူဝ်ၵဝ်ႇၼၼ်ႉ ၵူၼ်းယိင်းမေႃဝူၼ်ႉ ၶဝ်တေႁူႉၶိုတ်းဝႃႈ သင်ဢဝ်ၵူၼ်းၸိူင်ႉၼႆ ၸၢတ်ႈပၢၼ်မၼ်းတေတုၵ်ႉၶၶၢၼ်ၸႂ် ဢမ်ႇမီးယိူင်းဢၢၼ်းသင်။ ၵွပ်ႈၼၼ်ယႃႇထၢမ်ဝႃႈ ယွၼ်ႉသင်လႄႈဢမ်ႇထူပ်းၵေႃႉႁၵ်ႉလီလီသေပွၵ်ႈ မၢင်ပွၵ်ႈၵေႃႈ လူဝ်ႇတူၺ်းတူဝ်ၵဝ်ႇၽွင်ႈဝႃႈ ႁဝ်းလူးၸွင်ႇလီတေႉယူႇႁႃႉ?။ သင်ႁဝ်းလီတေႉယူႇ ၵူၼ်းလီလီမိူၼ်ၵၼ်ၵေႃႈ တေယွမ်းႁပ်ႉလႄႈၶဝ်ႈႁႃၵၼ်ၵူၺ်း။ သၽႃႇဝၵူၼ်းႁဝ်းၼၼ်ႉ ၶႂ်ႈလႆႈလွင်ႈမေႃပဵင်းပေႃး၊ တၢင်းသိူဝ်း၊ လွင်ႈလွတ်ႈၽေး၊ လွင်ႈမၼ်ႈၵိုမ်းၼႂ်းၸၢတ်ႈပၢၼ်ယဝ်ႉ။ မၢင်ၵေႃႉ လွင်ႈႁဵတ်းသၢင်ႈၶဝ်ၵူၺ်းၵေႃႈ ႁဵတ်းႁႂ်ႈမီးလွင်ႈထၢင်ႇၽိတ်းထၢင်ႇထိူမ် ယူႇယဝ်ႉ။ ၶႂ်ႈလႆႈၵူၼ်းလီ ႁဝ်းၵေႃႈတေလႆႈပဵၼ်ၵူၼ်းလီယဝ်ႉ။ ၶႂ်ႈမီးတူင်ႇဝူင်းလီ ႁဝ်းၵေႃႈတေလႆႈလီသေၵွၼ်ႇ။ ၶႂ်ႈမီးၸၢတ်ႈပၢၼ်လီ ႁဝ်းၵေႃႈတေလႆႈပဵၼ်ၵူၼ်းလီတေႉတေႉယဝ်ႉ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-04-01T04:10:57 | https://tainovel.com/%e1%80%95%e1%80%bd%e1%82%86%e1%82%87%e1%81%b5%e1%82%82%e1%82%83%e1%82%87%e1%81%bd%e1%80%bd%e1%80%84%e1%80%ba%e1%82%88%e1%80%9c%e1%82%84%e1%82%88/ | ပွႆႇၵႂႃႇၽွင်ႈလႄႈ | ႁူဝ်ႁဝ်းဢမ်ႇလႆႈယႂ်ႇ ႁႂ်ႈသႂ်ႇၵူႈမဵဝ်းလႆႈ။ ဢီးလူၸႂ်တူဝ်ၵဝ်ႇၽွင်ႈ ဢမ်ႇလႆႈၵိူတ်ႇမႃးတႃႇႁပ်ႉဢဝ်လွင်ႈဢမ်ႇလီဝႆႉ။ သူၼ်ၸႂ်တူဝ်ၵဝ်ႇၽွင်ႈလႄႈ သင်ဢမ်ႇသင်ၵေႃႈ ပၼ်ႁႂ်ႈတူဝ်ၵဝ်ႇလႆႈလိုဝ်ႈ လႆႈၼွၼ်းဢိမ်ႇ လႆႈထႅမ်ႁႅင်းၽွင်ႈ။ တိူင်းမၼ်းလႃႈ ဝႆႉႁေၵွၼ်ႇ လုၵ်ႉမႃးၸင်ႇဝႃႈၵၼ်လႄႈ..။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-31T03:07:49 | https://tainovel.com/%e1%80%90%e1%82%83%e1%82%87%e1%80%9e%e1%81%a2%e1%80%84%e1%80%ba%e1%82%88%e1%81%bc%e1%82%83%e1%82%88%e1%82%81%e1%80%ad%e1%80%b0%e1%81%bc%e1%80%ba%e1%80%b8%e1%80%9c%e1%80%ae/ | တႃႇသၢင်ႈၼႃႈႁိူၼ်းလီ | မိူဝ်ႈလႆႈတူၺ်းၸိူင်း ဢၼ်မီးၸိုဝ်ႈဝႃႈ When Life Gives You Tangerines ပိုၼ်ၽႄႈဝႆႉတၢင်း Netflix မီးယူႇတင်းမူတ်း 16 တွၼ်ႈ လဝ်ႈလၢတ်ႈထိုင်လွင်ႈ ၸၢတ်ႈပၢၼ် ဢူဝ်းဢႄးသုၼ်း ၼၢင်းၸိူင်း ပဵၼ်လုၵ်ႈဢွၼ်ႇဢၼ်မီးယိူင်းဢၢၼ်း လွင်ႈၼွၼ်းၾၼ်ႁႂ်ႈလႆႈႁဵၼ်းသုင် ႁႂ်ႈလႆႈပဵၼ်ႁူဝ်ၼႃႈမူႇဝၢၼ်ႈ၊ ႁႂ်ႈပဵၼ်ၵူၼ်းတႅမ်ႈဝွၵ်း လႄႈ တေဢမ်ႇဢၢၼ်းပဵၼ်မႄႈၸဝ်ႈႁိူၼ်း ဢမ်ႇဢၢၼ်းလမ်ၼမ်ႉႁဵတ်းၵၢၼ်မိူၼ်မႄႈၼႆယူႇသေတႃႉ ၵူၺ်းၵႃႈၽဝဢွၼ်ႇမၼ်းၼၼ်ႉ ဢမ်ႇမိူၼ်ၼင်ႇၸႂ်လႆႈသေပွၵ်ႈ ဢူႈၵေႃႈလူႉၸဵမ်လဵၵ်ႉ မႄႈဢဝ်ၽူဝ်မႂ်ႇ ၵူၺ်းၵႃႈ သမ်ႉလႆႈတၢႆပႅတ်ႈၸဵမ်မိူဝ်ႈတိုၵ်ႉလဵၵ်ႉယူႇ။ မၼ်းတင်း ယင်းၵွၼ်းသိၵ်း ၸၢႆးၸိူင်း ယူႇၸွမ်းၵၼ်မႃးၸဵမ်မိူဝ်ႈလဵၵ်ႉ လႄႈ ယင်းၵွၼ်းသိၵ်း ၵျိူၵ်ႈ ဢူဝ်းဢႄးသုၼ်းမႃး ၸဵမ်မိူဝ်ႈဢႃႇယု လႆႈ 10 ၶူပ်ႇ ၼၼ်ႉယဝ်ႉ။ မိူဝ်ႈဢသၢၵ်ႈၶႃလႆႈ 18 ႁဵၼ်းပႆႇသုတ်းၼၼ်ႉ သွင်ၶႃၵေႃႈၸူဝ်းၵၼ်ပၢႆႈယဝ်ႉ၊ သမ်ႉဝႃႈလၵ်ႉပၢႆႈၵႂႃႇၸွမ်းၵၼ်သေတႃႉ ၵူၺ်းၵႃႈ ၶႃၵေႃႈဢမ်ႇလႆႈတေႇၼႃႈႁိူၼ်းၸွမ်းၵၼ်ၵမ်းလဵဝ် ၼင်ႇႁိုဝ်ၸၢတ်ႈပၢၼ်တၢင်းၼႃႈ ၸၢႆးၸိူင်းပေႃးတေလီၼႆၼၼ်ႉ ပေႃႈမႄႈၸၢႆးၸိူင်းၵေႃႈ ႁႃလၢႆးႁႂ်ႈၶႃၶၢတ်ႇၵၼ်သေ ႁႂ်ႈၼၢင်းၸိူင်းတေႇၼႃႈႁိူၼ်းၸွမ်းသထေး ၼင်ႇႁိုဝ်တေလႆႈၸႂ်ႉၸၢတ်ႈပၢၼ်လီလီ ၼင်ႇဢၼ်ၶႂ်ႈပဵၼ်ၼၼ်ႉၼႆယူႇ။ ၵူၺ်းၵႃႈ တွၼ်ႈတႃႇၸၢႆးၸိူင်းၼၼ်ႉ ၵူႈလွင်ႈဢၼ်မၼ်းႁဵတ်းယူႇ ၵူႈဝၼ်းဢၼ်မၼ်းပဵၼ်ယူႇၼၼ်ႉ ၵၢၼ်ႁဵၼ်းဢၼ်မၼ်းႁဵတ်းလႆႈလီယူႇၼၼ်ႉ ဢမ်ႇၸႂ်ႈဝႃႈမၼ်းၶႂ်ႈလႆႈသူးႁိုဝ် ၶႂ်ႈလႆႈၸိုဝ်ႈသဵင် ၵူၺ်းၵႃႈ မၼ်းၶႂ်ႈႁႂ်ႈၵူၼ်းၵေႃႉဢၼ်မၼ်းႁၵ်ႉလႆႈႁၼ် လႆႈယုမ်ႉၸူမ်းသိူဝ်းၸွမ်းၼၼ်ႉယဝ်ႉ။ တွၼ်ႈတႃႇ ၼၢင်းၸိူင်းတေမီးတၢင်းသိူဝ်း ၸွမ်းၼင်ႇဢၼ်ၶႂ်ႈပဵၼ်ၼၼ်ႉ မၼ်းၵေႃႈယွမ်းၸုၼ်ႉသေ ဢၢၼ်းႁၢင်ႇၼၢင်းၸိူင်းဢွၵ်ႇၵႂႃႇယူႇ။ ၵူၺ်းၵႃႈ ၸွမ်းလူၺ်ႈၸႂ်ဢၼ်မီးၼိူဝ်ၵၼ်ၼၼ်ႉ မၼ်းၶွတ်ႇတၵ်ႉမၼ်ႈၵႅၼ်ႇၼႃႇႁိုဝ် ဢူဝ်းဢႄးသုၼ်းၵေႃႈ လႆႈၸွမ်းႁွင်ႉႁႃၸၢႆးၸိူင်းၽွင်းတိုၵ်ႉၶီႇႁိူဝ်းၽၢတ်ႇဢွၵ်ႇၵႂႃႇၼၼ်ႉလႄႈ ၸၢႆးၸိူင်းၵေႃႈသမ်ႉဝႃႈႁိူဝ်းဢမ်ႇၸၢင်ႈၸွတ်ႇသေတႃႉ မၼ်းၵေႃႈလႆႈလမ်ၼမ်ႉမႃးႁႃၼၢင်းၸိူင်း ဢၼ်ယူႇတီႈၽင်ႇသေပႂ်ႉမၼ်းယူႇၼၼ်ႉယဝ်ႉ။ သွင်ၶႃၵေႃႈလႆႈတႄႇၼႃႈႁိူၼ်းႁူမ်ႈၵၼ် ၼၢင်းၸိူင်းလႆႈၶိုၼ်ႈပႂ်ႉလႄႈ လႆႈမီးလုၵ်ႈယိင်းဢွၼ်ႇၵေႃႉၼိုင်ႈ မႄႈၸဝ်ႈၵေႃႈဢမ်ႇပေႃးလီၵႃႈႁိုဝ် ၵွပ်ႈပဵၼ်ၼႃႈႁိူၼ်းဢၼ်ဢဝ်ၽူႈၸၢႆးပဵၼ်ယႂ်ႇလႄႈ ၽူႈယိင်းၼၼ်ႉ ဢမ်ႇမီးသုၼ်ႇလႆႈတၢၼ်ႇၽူႈၸၢႆးလႄႈ ဢမ်ႇႁဵတ်းလႆႈလွတ်ႈလႅဝ်း၊ ပေႃးပဵၼ်ၽူႈယိင်းၼႆတေႁႂ်ႈၽိုၵ်းလူၺ်းၼမ်ႉၸဵမ်မိူဝ်ႈလဵၵ်ႉယဝ်ႉ ၵူၺ်းၵႃႈၼၢင်းၸိူင်းၼၼ်ႉၵေႃႈ ဢမ်ႇပၼ်ႁႂ်ႈလုၵ်ႈမၼ်းလႆႈလုၺ်းၼမ်ႉလႄႈ ဢမ်ႇႁၼ်လီလွင်ႈၼႆႉသေ လႆႈၽိတ်းၵၼ်တင်းမႄႈၸဝ်ႈယဝ်ႉ ၸၢႆးၸိူင်းလႆႈႁၼ်မႄႈၸဝ်ႈႁဵတ်းႁၢႆႉမေးမၼ်းၼႆၵေႃႈ ၸူဝ်းဢဝ်မေးမၼ်းဢွၵ်ႇယူႇႁိူၼ်းၵူၺ်းယဝ်ႉ။ ၸၢႆးၸိူင်းၵေႃႈႁဵတ်းၵၢၼ်ၵိၼ်ၸၢင်ႈလဵင်ႉၼႃႈႁိူၼ်းလႄႈ ဢမ်ႇဝႃႈၵၢၼ်သင်မၼ်းၵေႃႈယွမ်းႁဵတ်းယဝ်ႉ၊ ၵူၺ်းၵႃႈ မၼ်းၵေႃႈ ဢမ်ႇလႆႈႁဵတ်းၵၢၼ်လီသေၵႃႈႁိုဝ် ၵၢၼ်ၵေႃႈၵႂႃႇၸဝ်ႉမႃးၶမ်ႈတႃႇသေႇ ထိုင်တီႈမၼ်းသမ်ႉပေႃးလႆႈတၢင်းမၢတ်ႇၸဵပ်းႁႅင်းလႄႈ ၼၢင်းၸိူင်းဢၼ်မႆႈၸႂ်ၼႃႇၼၼ်ႉၵေႃႈ ဢမ်ႇပၼ်မၼ်းႁဵတ်းၵၢၼ်သေ ၸၢႆးၸိူင်းၵေႃႈဢမ်ႇလႆႈမီးၵၢၼ်ၵႂႃႇပႅတ်ႈ ထိုင်ၶၵ်ႉတီႈၶဝ်ႈသၢၼ်ၼႂ်းယွင်ဢမ်ႇၵိုတ်းတႃႇလဵင်ႉလုၵ်ႈသေဢိတ်းလႄႈ ၵူၼ်းဢၼ်ၵႅၼ်ႇၶႅင်ၼၼ်ႉၵေႃႈသမ်ႉပေႃးလႆႈႁွင်ႉႁႆႈဢွၵ်ႇမႃးယဝ်ႉ။ ၵူၺ်းၵႃႈ မႄႈထဝ်ႈၼၢင်းၸိူင်းၼၼ်ႉၵေႃႈ လႆႈၸွႆႈထႅမ်ငိုၼ်းသိုဝ်ႉႁိူဝ်းႁႃပႃသေ လႆႈလဵင်ႉၼႃႈႁိူၼ်းၶဝ်မႃး တေႃႇသမ်ႉပေႃးမီးႁိူၼ်းၵူၺ်းလႄႈ ၸၢႆးၸိူင်းလႄႈတင်းၼၢင်းၸိူင်းၼၼ်ႉၵေႃႈ လႆႈမီးလုၵ်ႈႁူမ်ႈၵၼ်ၵႂႃႇ 3 ၵေႃႉယဝ်ႉ။ ၵူၺ်းၵႃႈ ဝၼ်းၼိုင်ႈၼၼ်ႉ လုၵ်ႈၸၢႆးဢွၼ်ႇၵေႃႉလိုၼ်းၵေႃႈ လႆႈဢွၵ်ႇႁိူၼ်းၵႂႃႇၽွင်းလူမ်းလႅင်ႉၶဝ်ႈသေ လႆႈတၢႆၵႂႃႇပႅတ်ႈယူႇယဝ်ႉ။ “မိူဝ်ႈပေႃႈမႄႈတၢႆၼၼ်ႉ လုၵ်ႈတေသူင်ႇၵႂႃႇႁႂ်ႈႁွတ်ႈတီႈၵတ်းယဵၼ် ၵူၺ်းၵႃႈ မိူဝ်ႈလုၵ်ႈတၢႆၼၼ်ႉ တေမီးယူႇၼႂ်းႁူဝ်ၸႂ်ဢူႈမႄႈဝႆႉတႃႇသေႇ” လွင်ႈၼႆႉၵေႃႈ ပဵၼ်လွင်ႈၽင်ၸႂ် သမ်ႉဝႃႈဢမ်ႇလၢတ်ႈထိုင်ၵေႃႈ ဢမ်ႇမီးဝၼ်းလိုမ်းလႆႈသေပွၵ်ႈၼၼ်ႉယဝ်ႉ။ ၸွမ်းလူၺ်ႈၸၢႆးၸိူင်းပဵၼ်ႁူဝ်ၼႃႈႁိူၼ်းၼႆၼၼ်ႉ သမ်ႉဝႃႈတေလႆႈထူပ်းလွင်ႈတိူဝ်ႉၸႂ်တၢၼ်ႇႁိုဝ်ၵေႃႈ ၵႃႈတေလႆႈၵႅၼ်ႇၶႅင် ဢွၼ်ၼႃႈႁိူၼ်းၵႂႃႇႁႂ်ႈလွတ်ႈလႆႈၼၼ်ႉယဝ်ႉ၊ ၵွပ်ႈပိူဝ်ႈ ယင်းတိုၵ်ႉမီးမေးလႄႈ မီးလုၵ်ႈထႅင်ႈသွင်ၵေႃႉၼႆၼၼ်ႉ ၵႃႈတေလႆႈၵႅၼ်ႇၶႅင်သေ ၶဵင်ႇတႃႉမၼ်းၵႂႃႇႁႂ်ႈလႆႈ ႁဵတ်းၵႅင်ႈဢမ်ႇပဵၼ်သင်ဝႆႉသေ သမ်ႉဝႃႈၼႂ်းၸႂ်ၼၼ်ႉဢမ်ႇလႆႈယဝ်ႉၼႆၵေႃႈယဝ်ႉ။ တႄႇၸဵမ်မိူဝ်ႈ ဢူဝ်းဢႄးသုၼ်း တေႇၼႃႈႁိူၼ်းမႃးၵေႃႈ ဢမ်ႇလိူၵ်ႈလႆႈ ၵႃႈလႆႈပဵၼ်မႄႈၸဝ်ႈႁိူၼ်းသေ လဵင်ႉလုၵ်ႈ ဢဝ်လုၵ်ႈ၊ ႁဵတ်းၵၢၼ်ၸွႆႈၵၼ် ၽူဝ်ၵေႃႉၵႂႃႇႁႃပႃ မေးၵေႃႉၶၢႆပႃ ႁႃလဵင်ႉၼႃႈႁိူၼ်းၶဝ်။ လိူဝ်သေတေပဵၼ်ၽူဝ်မေးလီယဝ်ႉ ယင်းပဵၼ်ဢူႈမႄႈလီထႅင်ႈ ဢမ်ႇဝႃႈလုၵ်ႈၶႂ်ႈႁဵတ်းသင် ၵမ်ႉထႅမ်ႁႂ်ႈလုၵ်ႈႁဵတ်းတဵမ်တီႈ တွၼ်ႈတႃႇလုၵ်ႈပေႃးတေလႆႈႁဵၼ်းသုင်သုင်ၼၼ်ႉ ဢမ်ႇမီးငိုၼ်းၼႆ ဢမ်ႇတွၼ်ႉဝႃႈႁင်းလုၵ်ႈ တိုၼ်းဝႃႈႁႃငိုၼ်းၵမ်ႉထႅမ်လုၵ်ႈလႆႈတႃႇသေႇယဝ်ႉ။ လုၵ်ႈယိင်းသၢဝ်ၵေႃႉယႂ်ႇၼၼ်ႉၵေႃႈ လႆႈပဵၼ်ၾၼ်တၢင်မႄႈမၼ်းယဝ်ႉ။ “သမ်ႉဝႃႈတူဝ်ၵဝ်ႇဢမ်ႇလႆႈႁဵတ်းႁႂ်ႈထိုင်ၾၼ်ၵေႃႈ လုၵ်ႈယိင်းဢၼ်လႆႈႁဵတ်းၼၼ်ႉ မၼ်းၵေႃႈမိူၼ်ၼင်ႇတူဝ်ၵဝ်ႇလႆႈႁဵတ်းယဝ်ႉ”။ သမ်ႉဝႃႈဢမ်ႇၸႂ်ႈၼႃႈႁိူၼ်းဢၼ်မၢၵ်ႈမီးလီပဵၼ်ၼႆသေတႃႉၵေႃႈ တွၼ်ႈတႃႇလုၵ်ႈလၢင်းၼၼ်ႉ ပေႃႈမႄႈတိုၼ်းဢမ်ႇပၼ်ႁႂ်ႈလႆႈၼႃႈလဵၵ်ႉၽႂ်ယဝ်ႉ၊ လုၵ်ႈယိင်းသၢဝ် မီးၵေႃႉႁၵ်ႉပဵၼ်သထေး ဢၢၼ်းတေႇၼႃႈႁိူၼ်း ၵူၺ်းၵႃႈ ႁိူၼ်းၽၢႆႇၽူႈၸၢႆး ဢမ်ႇလႆႈၸႂ်လုၵ်ႈယိင်းသၢဝ်ၶဝ်လႄႈ သွင်ၽူဝ်မေးၵေႃႈ ပဵၼ်ဢၼ်လႆႈမႆႈၸႂ်မႃးယဝ်ႉ။ ဢူဝ်းဢႄးသုၼ်းၵေႃႈ တေႃႈၼင်ႇၼၼ် သင်လုၵ်ႈယိင်းမၼ်းလႆႈပဵၼ်လုၵ်ႈပႂ်ႉႁိူၼ်းၼၼ်ႉ ၸၢတ်ႈပၢၼ်လုၵ်ႈယိင်းမၼ်းၵေႃႈ တေႃႈတေပဵၼ်မႄႈၸဝ်ႈႁိူၼ်းၵူၺ်းၼႆသေတႃႉ မိူဝ်ႈလုၵ်ႈမၼ်းၵျိူၵ်ႈၵေႃႈ ၵႃႈတေလႆႈယွမ်းယဝ်ႉ။ ၵူၺ်းၵႃႈ လုၵ်ႈယိင်းမၼ်းၵေႃႈ လႆႈတတ်းၶၢတ်ႇပႅတ်ႈၽူႈၸၢႆးၵေႃႉဢၼ် ႁၵ်ႉၵၼ်မႃးႁိုင်ၼၼ်ႉ မၼ်းလႆႈလၢတ်ႈတီႈၽူႈၸၢႆးၵေႃႉၼၼ်ႉဝႃႈ “သမ်ႉဝႃႈႁၵ်ႉသူယူႇၵေႃႈ ႁဝ်းၵေႃႈႁၵ်ႉတူဝ်ႁဝ်းမိူၼ်ၵၼ်” ပေႃးဝႃႈမၼ်းတႄႇၼႃႈႁိူၼ်းၸွမ်းၵူၼ်းၵေႃႉၼႆႉ ဢူႈမႄႈမၼ်းတေလႆႈတိူဝ်ႉၸႂ်လႄႈ မၼ်းတေဢမ်ႇသိူဝ်းၸႂ်လႆႈၼႆၼၼ်ႉယဝ်ႉ။ လုၵ်ႈယိင်းသၢဝ်ၼၼ်ႉၵေႃႈ လႆႈထူပ်းၺႃးၵေႃႉၵူႈဢၼ် မိူၼ်ၼင်ႇဢူႈၶဝ် ဢုၼ်ႇၸႂ် ၶဝ်ႈၸႂ် လုမ်းလႃးတူၺ်းထိုင် ဢမ်ႇဝႃႈယူႇတီႈလႂ်ၵေႃႈ မႆႈၸႂ်ယူႇတႃႇသေႇ၊ မႄႈၸဝ်ႈၵေႃႈလႆႈၸႂ် လုၵ်ႈယိင်းသၢဝ်ၶဝ် တွၼ်ႈတႃႇတေသူင်ႇလုၵ်ႈယိင်းပၼ်ၵူၼ်းၵေႃႉၼိုင်ႈလုမ်းလႃးၼၼ်ႉ တွၼ်ႈတႃႇၶဝ်တႄႉ ဢမ်ႇၸႂ်ႈၽူႈမၢၵ်ႈမီးလီပဵၼ် ၵူၺ်းပဵၼ်ၵူၼ်းၵေႃႉဢၼ်ၸႂ်လီတွၼ်ႈတႃႇလုၵ်ႈၶဝ်ၼၼ်ႉၵူၺ်း ႁႂ်ႈလုၵ်ႈလႆႈယူႇတီႈဢၼ်လီ ၼၼ်ႉယဝ်ႉ။ ယင်းၵွၼ်းသိၵ်းၼၼ်ႉၵေႃႈ ပဵၼ်ၵူၼ်းဢၼ်ႁၵ်ႉလုၵ်ႈမၼ်းတႄႉတႄႉလႄႈ မၼ်းတေၵႆႉၵႆႉလၢတ်ႈတီႈလုၵ်ႈမၼ်းတႃႇသေႇဝႃႈ “ပေႃးဝႃႈလုၵ်ႈႁဵတ်းဢမ်ႇလႆႈယဝ်ႉၵေႃႈ ပွၵ်ႈမႃးၶိုၼ်းလႄႈၼႃႈ မီးပေႃႈပႂ်ႉႁပ်ႉလုၵ်ႈဝႆႉယူႇတႃႇသေႇ” ဢမ်ႇဝႃႈ မိူဝ်ႈလုၵ်ႈၶိုၼ်ႈႁူင်းႁဵၼ်းဝၼ်းဢွၼ်တၢင်းသုတ်း၊ လုၵ်ႈလႅၼ်ႈၶေႉပိူၼ်ႈ၊ လုၵ်ႈၵႂႃႇၶိုၼ်ႈၸၼ်ႉၸွမ်၊ လုၵ်ႈတေႇၼႃႈႁိူၼ်း။ လိူဝ်သေလုၵ်ႈယိင်းယဝ်ႉမီးလုၵ်ႈၸၢႆးၵေႃႉၼိုင်ႈ ပဵၼ်ၵူၼ်းဢမ်ႇပေႃးလႆႈလွင်ႈသေၵႃႈႁိုဝ် ၼၼ်ႉၵေႃႈ ယူႇႁူင်းႁဵၼ်းဢမ်ႇသုတ်းသေ ဢဝ်ၽူႈယိင်းပႃးတွင်ႉမႃးယူႇတီႈႁိူၼ်း သမ်ႉဝႃႈႁဵတ်းႁႂ်ႈဢူႈမႄႈႁူဝ်ၶႆႈယူႇသေတႃႉ ၶဝ်ၵေႃႈယင်းတိုၵ်ႉႁပ်ႉလႄႈလဵင်ႉလူလီလီယူႇ။ လုၵ်ႈၸၢႆးႁဵတ်းၵေႃႉၽိတ်းၵူၼ်းလႄႈ ထိုင်တီႈပေႃးလႆႈတူၵ်းၶွၵ်ႈ တွၼ်ႈတႃႇလုၵ်ႈႁႂ်ႈပေႃးလွတ်ႈဢွၵ်ႇမႃးၼၼ်ႉ လႆႈၶၢႆႁိူဝ်းဢၼ်ႁႃလဵင်ႉၼႃႈႁိူၼ်းၶဝ်မႃးတင်းၸူဝ်ႈၼၼ်ႉ ထုတ်ႇတူဝ်ဢွၵ်ႇမႃးယဝ်ႉ။ ဢူႈမႄႈၼၼ်ႉ ဢမ်ႇတွၼ်ႉပွႆႇၽႃႈလုၵ်ႈလႄႈ သမ်ႉဝႃႈလုၵ်ႈၼၼ်ႉ ဢမ်ႇလီသေတႃႉ ဢူႈမႄႈၼၼ်ႉၵေႃႈယင်းတိုၵ်ႉႁၵ်ႉလႄႈမႆႈၸႂ်ယူႇတႃႇသေႇ။ သမ်ႉဝႃႈမိူဝ်ႈတႄႇ ဢူဝ်းဢႄးသုၼ်းလႄႈ ယင်းၵွၼ်းသိၵ်း တေပဵၼ်ၼႃႈႁိူၼ်း ဢၼ်ဢမ်ႇမီးသင် တေႃႈၼင်ႇၶဝ်ႈၼႂ်းယွင်ၵူၺ်းၵေႃႈဢမ်ႇမီးသေဢိတ်းၼၼ်ႉ လႆႈၶဵင်ႇတႃႉသေ မီးမႃးႁိူဝ်းလမ်းၼိုင်ႈ ဢၼ်ၼၢႆးမွၼ်ႇၶဝ်ဢဝ်ငိုၼ်းၵဵပ်းတင်းမူတ်းပၼ်ၶႃလႄႈ လႆႈၶၢႆၵႂႃႇပႅတ်ႈမိူဝ်ႈလုၵ်ႈၸၢႆးၶႃတူၵ်းၶွၵ်ႈသေတႃႉၵေႃႈ မိူဝ်ႈတိုၵ်ႉမီးသၢႆၸႂ်ယူႇ ႁူႉၵႃႈတိုၼ်းတေမီးတၢင်းဢွၵ်ႇလႄႈ မီးၵၢၼ်သင်ဢၼ်ႁဵတ်းလႆႈၵေႃႈလႆႈႁဵတ်းၵႂႃႇသေ၊ မီးငိုၼ်းၵဵပ်းဝႆႉယူႇၽွင်ႈယဝ်ႉ လႆႈပိုတ်ႇၽုၺ်ႇလၢၼ်ႉၵႂႃႇ လၢၼ်ႉၶဝ်ၵေႃႈပဵၼ်လၢၼ်ႉဢၼ်ၶၢႆလီ ၼႃႈၵၢၼ်ၶဝ်ၵႂႃႇလႆႈလီၵေႃႈ သမ်ႉပေႃးထဝ်ႈယဝ်ႉ၊ ထဝ်ႈယဝ်ႉၵေႃႈ တၢင်းပဵၼ်ၵေႃႈမီးမႃး ယင်းၵွၼ်းသိၵ်းၵေႃႈ မီးတၢင်းပဵၼ်ၵႅၼ်ႇသႃႇသေ ဢမ်ႇဝႃႈပဵၼ်သင်မႃးၵေႃႈ မီးမေးမႆႈၸႂ်လုမ်းလႃးတူၺ်းထိုင်လႄႈ မီးလုၵ်ႈၸွမ်းၸွႆႈထႅမ်ပၼ် တေႃႇထိုင်သမ်ႉပေႃးလူႉတၢႆၵႂႃႇယဝ်ႉ။ ၸွမ်းၼင်ႇလွင်ႈၼွၼ်းၾၼ် ဢူဝ်းဢႄးသုၼ်းၸဵမ်မိူဝ်ႈၵေႃႉလဵၵ်ႉ ဢၼ်ၶႂ်ႈပဵၼ်ၽူႈတႅမ်ႈလင်ႇၵႃႇၵႂၢမ်းဝွၵ်းၼႆၼၼ်ႉၵေႃႈ မၼ်းၵေႃႈႁဵတ်းလႆႈလႄႈ လႆႈတႅမ်ႈႁဵတ်းပပ်ႉဢွၵ်ႇမႃး ပၼ်ပိူၼ်ႈလႆႈလူယူႇယဝ်ႉ။ လွင်ႈၼွၼ်းၾၼ် ယိူင်းဢၢၼ်းၼၼ်ႉ သမ်ႉဝႃႈႁဝ်းတေဢႃႇယုယႂ်ႇယဝ်ႉသေတႃႉ ပေႃးဝႃႈႁဝ်းဢမ်ႇပွႆႇၽႃႈမၼ်း ႁူႉတိုၼ်းတေႁဵတ်းလႆႈယူႇ မၼ်းဢမ်ႇလႆႈယူႇတီႈဢႃႇယု မၼ်းယူႇတီႈတၢင်းၶတ်းၸႂ်ႁဝ်း ၸွင်ႇတေႁဵတ်းပဵၼ်လႆႈၼၼ်ႉၵူၺ်း။ ယင်းၵွၼ်းသိၵ်း လၢတ်ႈ “သမ်ႉဝႃႈပူၼ်ႉမႃးလၢႆသိပ်းပီယဝ်ႉၵေႃႈ ဢူဝ်းဢႄးသုၼ်းၼၼ်ႉ တိုၵ်ႉမိူၼ်ၵဝ်ႇယူႇ” ၼႂ်းသၢႆတႃမၼ်းတူၺ်း ဢူဝ်းဢႄးသုၼ်းၼၼ်ႉ ဢမ်ႇတွၼ်ႇလႅၵ်ႈလၢႆႈၸွမ်းႁၢင်ႈၽၢင်သေပွၵ်ႈ ယင်းတိုၵ်ႉႁၼ်ႁၢင်ႈလီယူႇတႃႇသေႇၼၼ်ႉယဝ်ႉ။ ပေႃးဝႃႈလွင်ႈၽူဝ်လီၼႆတႄႉ ၽႂ်ၽႂ်ၵေႃႈၶွႆဢူဝ်းဢႄးသုၼ်းလိူဝ်ပိူၼ်ႈၼၼ်ႉယဝ်ႉ။ မိူဝ်ႈလႆႈတူၺ်းၸိူင်းႁူဝ်ၼႆႉယဝ်ႉ မၼ်းၼႄႁႂ်ႈႁၼ်ၽဝၸၢတ်ႈပၢၼ် ၼႃႈႁိူၼ်းၼိုင်ႈလင်ၼၼ်ႉ ဢမ်ႇၸႂ်ႈဝႃႈႁၵ်ႉၵၼ်လႄႈ ယူႇၸွမ်းၵၼ်ၵႂႃႇၵေႃႈယဝ်ႉယဝ်ႉ၊ တႃႇၸႂ်ႉၸၢတ်ႈပၢၼ်ၵႂႃႇၸွမ်းၵၼ်ၼၼ်ႉလမ်ႇလွင်ႈၼႃႇ မၢင်ပွၵ်ႈၵေႃႈသိူဝ်းဢိူဝ်ႈ၊ မၢင်ပွၵ်ႈၵေႃႈ တေလႆႈထူပ်းယဝ်ႉ လွင်ႈၶဵင်ႇတႃႉ ဢၼ်ၵပ်ႉၵိၼ်းၼႆၵေႃႈ ၸွႆႈၵၼ်ဢဝ်ၶၢမ်ႈပူၼ်ႉမၼ်းၵႂႃႇႁႂ်ႈလႆႈလႄႈ မိူဝ်ႈၵေႃႉၼိုင်ႈသိူဝ်းၵေႃႈ ပဵၼ်ႁႅင်းပၼ်ထႅင်ႈၵေႃႉၼိုင်ႈႁႂ်ႈလႆႈယုမ်ႉၶူဝ်မႃး၊ မိူဝ်ႈၵေႃႉၼိုင်ႈတုၵ်ႉၵေႃႈ ထႅင်ႈၵေႃႉၼိုင်ႈၸွမ်းပၼ်ႁႅင်းႁႂ်ႈလုၵ်ႉတိုၼ်ႇ ၸိုၼ်ႇၵႂႃႇၸွမ်းၵၼ်လွႆးလွႆး ၼၼ်ႉယဝ်ႉ။ ဢၼ်မႃးတႅမ်ႈလၢတ်ႈၶႆႈၼႄၼႆႉတႄႉ ပဵၼ်တၢင်းႁၼ်ထိုင်ၽူႈတႅမ်ႈလိၵ်ႈၵူၺ်း ဢမ်ႇၸႂ်ႈၼိူဝ်ႉၸိူင်းတင်းမူတ်း ယင်းတေမီးထႅင်ႈတွၼ်ႈသွၼ်လီတင်းၼမ်ၼၼ်ႉယဝ်ႉ။ တႅမ်ႈ-သႅၼ်ငဝ်း 30/03/2025 | ['ပွင်ႈၵႂၢမ်း'] |
2025-03-26T15:47:23 | https://tainovel.com/%e1%81%b8%e1%80%b0%e1%80%99%e1%80%ba%e1%80%b8%e1%80%9a%e1%80%9d%e1%80%ba%e1%82%89%e1%81%bc%e1%82%83%e1%82%88/ | ၸူမ်းယဝ်ႉၼႃႈ | ၸူမ်းယဝ်ႉၼႃႈၵူႈၵေႃႉ ဢၼ်ၶဝ်ႈမႃးၼႂ်းၸၢတ်ႈပၢၼ် ၵူၼ်းလီၼၼ်ႉ မႃးႁဵတ်းႁႂ်ႈႁဝ်း မီးတၢင်းသိူဝ်း ၵူၼ်းဢမ်ႇလီ မႃးႁဵတ်းႁႂ်ႈႁဝ်း မီးတူဝ်ထူပ်းမႃးထႅင်ႈ။ ၵူၼ်းလီလိူဝ်ပိူၼ်ႈၵေႃႈ မႃးသၢင်ႈလွင်ႈလီလီပၼ်ႁဝ်း ၵူၼ်းဢမ်ႇလီလိူဝ်ပိူၼ်ႈၵေႃႈ မႃးပၼ်တွၼ်ႈသွၼ်လီလီပၼ်ႁဝ်း။ ဢမ်ႇမီးၽႂ် ဢၼ်ႁဝ်းတေလႆႈၼႄးတၢင်းၽိတ်း ၵူႈလွင်ႈၼၼ်ႉမီးလွင်ႈမီးတၢင်းယူႇတႃႇသႇ။ ၵူၼ်းတင်းၼမ်ၶဝ်ႈမႃး ႁဵတ်းႁႂ်ႈၸၢတ်ႈပၢၼ်ႁဝ်း ဢမ်ႇလႆႈတဵမ်ထူၼ်ႈ ၵူၺ်းၵႃႈ ၼၼ်ႉယဝ်ႉပဵၼ် “ၸၢတ်ႈပၢၼ်”။ ႁဝ်းႁဵၼ်းႁူႉတီႈပိူၼ်ႈၼမ်ၵေႃႈ ပဵင်းဢၼ်ႁဝ်းလႆႈႁဵၼ်းႁူႉတီႈတူဝ်ၵဝ်ႇယဝ်ႉ။ “ယိၼ်းၸူမ်းယဝ်ႉၼႃႈ” ၵူၼ်းမၢင်ၵေႃႉၵေႃႈလိုမ်းၵႂႃႇသေ မၢႆဝႆႉတွင်းမၢင်ၵေႃႉယဝ်ႉ သိုပ်ႇၶၢဝ်းတၢင်းၵႂႃႇထႅင်ႈ သိုပ်ႇၵႂႃႇၼႃႈႁႂ်ႈမီးတၢင်းသိူဝ်းလႄႈ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-26T15:46:17 | https://tainovel.com/%e1%81%b5%e1%82%83%e1%82%88%e1%80%9c%e1%82%86%e1%82%88%e1%82%81%e1%80%b5%e1%80%90%e1%80%ba%e1%80%b8%e1%80%a2%e1%80%ad%e1%80%b0%e1%80%9d%e1%80%ba%e1%82%88/ | ၵႃႈလႆႈႁဵတ်းဢိူဝ်ႈ | မၢင်ပွၵ်ႈၸၢတ်ႈပၢၼ်ၼၼ်ႉ ဢမ်ႇႁဵတ်းႁႂ်ႈႁဝ်းလိူၵ်ႈလႆႈတႃႇသေႇ။ ႁဝ်းၵႃႈတေလႆႈႁဵတ်းၸွမ်းလွင်ႈဢၼ်ဢမ်ႇၸၢင်ႈငိူင်ႉဝႄႈလႆႈ။ တေလႆႈႁဵတ်းဢၼ်ႁဝ်းဢမ်ႇၵျိူၵ်ႈ တေလႆႈယဵၼ်ႉယူႇၸွမ်းမၼ်းႁႂ်ႈလႆႈၵူႈဝၼ်း။ လီၶၢၼ်ႉၼႃႇလီမိူဝ်ႇၼႃႇ ၵိၼ်းၸႂ်ၼႃႇၼႆၵေႃႈ ႁဝ်းၵေႃႈတေၵႃႈလႆႈဢဝ်ၶမ်ႈပူၼ်ႉမၼ်းႁႂ်ႈလႆႈ။ မိူဝ်ႈပၢႆႈဢမ်ႇပူၼ်ႉၵေႃႈ ႁူႉၵႃႈတေလႆႈဝႆႉၸႂ်ၵႅၼ်ႇၶႅင်သေႁူပ်ႉတေႃႇၼႃႈႁႂ်ႈလႆႈ။ မဵဝ်းဢၼ်လႅၵ်ႈလၢႆႈၵေႃႈလႅၵ်ႈလၢႆႈသေ လွင်ႈဢၼ်ဢမ်ႇၵႄႈၶႆလႆႈၵေႃႈ ပွႆႇဝၢင်းသေ။ ဢမ်ႇဝႃႈၸိူင်ႉႁိုဝ် ႁဵတ်းၸွမ်းပုၼ်ႈၽွၼ်းႁဝ်းႁႂ်ႈလီလိူဝ်ပိူၼ်ႈ။ ဢမ်ႇႁဵတ်းႁႂ်ႈတူဝ်ၵဝ်ႇတုၵ်ႉႁႅင်းၼႃႇ ယုမ်ႉၽွင်ႈ၊ ၶူဝ်ၽွင်ႈ၊ ပၼ်ႁႅင်းတူဝ်ၵဝ်ႇၽွင်ႈ တၢင်းသိူဝ်းၼၼ်ႉ ႁဝ်းလူဝ်ႇလႆႈမီးပၼ်တူဝ်ႁဝ်းယူႇတႃႇသေႇ။ ၵူႈလွင်ႈမၼ်းတေၽၢၼ်ႇပူၼ်ႉၵႂႃႇ လႄႈ ဝၼ်းၼိုင်ႈမၼ်းၵေႃႈတေၵႂႃႇပဵၼ်မၢႆတွင်းၵူၺ်း။ ယွၼ်းႁႂ်ႈမီးၸႂ်ၵႅၼ်ႇၶႅင်သေ ဢဝ်ၶၢမ်ႈပူၼ်ႉမၼ်းၵႂႃႇႁႂ်ႈလႆႈလႄႈ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-26T15:44:30 | https://tainovel.com/%e1%81%b8%e1%81%a2%e1%80%90%e1%80%ba%e1%82%88%e1%80%95%e1%81%a2%e1%81%bc%e1%80%ba%e1%81%b5%e1%80%b0%e1%81%bc%e1%80%ba%e1%80%b8%e1%80%99%e1%80%ae%e1%80%b8%e1%81%b5%e1%80%b0%e1%82%88/ | ၸၢတ်ႈပၢၼ်ၵူၼ်းမီးၵူႈ | ပဵၼ်ၵေႃႉၵူႈၵၼ်ယဝ်ႉ တေယူႇလွတ်ႈၵႂႃႇလႆႈၼၼ်ႉ ဢမ်ႇလႆႈယူႇတီႈဝၼ်းလိူၼ်ပီဢၼ်ႁၵ်ႉၵၼ်မႃးႁိုင်။ ဢၼ်တေဢွၼ်ၵႂႃႇလွတ်ႈလႆႈယွၼ်ႉၶေႃႈၵႂၢမ်း “ယွမ်းၼွမ်း” ၼႆၵူၺ်းၼၼ်ႉ တေဢမ်ႇၸၢင်ႈလိုမ်းလႆႈဝႃႈ ၽႂ်ယၢမ်ႈႁဵတ်းၽိတ်းတေႃႇၵၼ်မႃး သင်ဢမ်ႇဝူၼ်ႉမႄးတၢင်းယၢမ်ႈ မၼ်းၵေႃႈမေႃသုတ်းသဵင်ႈၵႂႃႇလႆႈယဝ်ႉ။ ဢမ်ႇမီးၵူႈလႂ်ဢၼ်ဢမ်ႇလႆႈထူပ်း လွင်ႈႁိူဝ်ႉၸႂ်၊ တိူဝ်ႉၸႂ်၊ ယၢပ်ႇၸႂ်၊ လွင်ႈဢမ်ႇမိူၼ်ၸႂ်။ ၶိုၼ်းထၢမ်တူၺ်းတူဝ်ၵဝ်ႇသေဝႃႈ မၢင်ပွၵ်ႈတူဝ်ႁဝ်းၵူၺ်းယင်းႁဵတ်းဢမ်ႇမိူၼ်ၸႂ်လႆႈ ၶဝ်သမ်ႉတေၵႂႃႇႁဵတ်းႁႂ်ႈမိူၼ်ၸႂ်ႁဝ်းလႆႈၸိူင်ႉႁိုဝ်။ မၢင်လွင်ႈတူၺ်းၶၢမ်ႈလႆႈၵေႃႈ ပွႆႇၵႂႃႇသေ ၵွပ်ႈႁဝ်းလိူၵ်ႈၶဝ်ၸဵမ်မိူဝ်ႈတႄႇမၼ်းယဝ်ႉလူး ႁူႉၵႃႈတေလႆႈလႅၵ်ႈလၢႆႈၶဝ်ႈႁႃၵၼ် ယႃႇၼႄးၽၢႆႇလႂ်ပဵၼ်ၽၢႆႇၽိတ်းယူႇယဝ်ႉ။ ႁႂ်ႈႁၵ်ႉၵၼ်လႄႈပွင်ႇၸႂ်ၵၼ် မိူၼ်မိူဝ်ႈတိုၵ်ႉမႂ်ႇယူႇ ဢၼ်ဝႃႈႁဝ်းပွင်ႇၸႂ်သူ သူၵေႃႈပွင်ႇၸႂ်ႁဝ်းၼႆၼၼ်ႉလႄႈ။ ယဝ်ႉၵေႃႈဢမ်ႇလီဢဝ်ၵႂႃႇတႅၵ်ႈၼိူင်းတင်းၵူႈပိူၼ်ႈ ႁူႉမၼ်းတိုၼ်းဢမ်ႇမိူၼ်ၵၼ်ယူႇယဝ်ႉ ဢၢမ်းပၼ်ၵူႈႁဝ်းၽွင်ႈ ၽႂ်ၵေႃႈၶႂ်ႈလႆႈႁႅင်းၸႂ် ၶႂ်ႈငိၼ်းၵႂၢမ်းဝႃႈႁၵ်ႉယူႇၽွင်ႈ မေႃပွႆႇဝၢင်းၶႂၢင်းပၼ်ၵၼ်လႄႈ ႁဵတ်းၼႄဝႃႈၼႂ်းၸၢတ်ႈပၢၼ်ႁဝ်းၼႆႉသူတိုၵ်ႉလမ်ႇလွင်ႈယူႇၼႆလႄႈ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-26T15:41:04 | https://tainovel.com/%e1%80%90%e1%81%a2%e1%80%84%e1%80%ba%e1%80%b8%e1%82%81%e1%81%b5%e1%80%ba%e1%82%89%e1%80%95%e1%80%b1%e1%82%83%e1%82%88%e1%80%99%e1%82%84%e1%82%88%e1%81%bc%e1%81%bc%e1%80%ba%e1%82%89/ | တၢင်းႁၵ်ႉပေႃႈမႄႈၼၼ်ႉ.. | မိူၼ်ၼင်ႇႁူမ်ႈငဝ်းတူၼ်ႈမႆႉလူင် သမ်ႉဝႃႈဢမ်ႇလႆႈၵွတ်ႇဝႆႉၸပ်းတူဝ်တႃႇသေႇ မၼ်းၵေႃႈၸွမ်းႁူမ်ႇလူမ်ႈၵႅတ်ႇၶႄႁဝ်းယူႇတႃႇသေႇ။ ပေႃႈမႄႈဢမ်ႇလႆႈလၢတ်ႈႁၵ်ႉႁဝ်းတႃႇသေႇ ၵူၺ်းၵႃႈလွင်ႈႁဵတ်းသၢင်ႈၶဝ်ၼၼ်ႉတႅၼ်းတၢင်ၶေႃႈၵႂၢမ်းဝႃႈႁၵ်ႉယဝ်ႉ ယဝ်ႉၵေႃႈဢမ်ႇမီးဝၼ်းမူတ်းဢႃႇယုလႆႈ။ သမ်ႉဝႃႈဝၼ်းၼိုင်ႈလုၵ်ႈတေၵေႃႉယႂ်ႇယဝ်ႉလႄႈ ဢွၵ်ႇၶၢဝ်းတၢင်းၵႂႃႇၸွမ်းသဵၼ်ႈတၢင်းယိူင်းဢၢၼ်းၸဝ်ႈၵဝ်ႇသေတႃႉ ၼႂ်းသၢႆတႃပေႃႈတင်းမႄႈၼၼ်ႉ ယင်းယူႇၵႆၵႆသေပႂ်ႉတူၺ်းၸွမ်း ယင်းမႆႈၸႂ်ယူႇတႃႇသေႇ။ ႁူဝ်ၸႂ်ပေႃႈမႄႈၼၼ်ႉတဵၼ်ႈတွတ်ႇပုၼ်ႈတႃႇလုၵ်ႈ ၸဵမ်မိူဝ်ႈလုၵ်ႈမိုၼ်းတႃမႃးလႄႈ တေသိုပ်ႇတဵၼ်ႈတွတ်ႇၵႂႃႇ တေႃႇထိုင်ဝၼ်းလိုၼ်းသုတ်းၸၢတ်ႈပၢၼ်။ ဢမ်ႇဝႃႈထူပ်းလွင်ႈၸိူင်ႉႁိုဝ် ပေႃႈမႄႈၼၼ်ႉ တေယူႇၽၢႆႇလင်လုၵ်ႈသေ ပၼ်ႁႅင်းယူႇတႃႇသေႇယဝ်ႉ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-26T15:38:52 | https://tainovel.com/%e1%80%90%e1%80%b1%e1%80%9c%e1%80%ad%e1%80%b0%e1%81%b5%e1%80%ba%e1%82%88%e1%81%bd%e1%80%b0%e1%82%88%e1%80%9a%e1%80%ad%e1%80%84%e1%80%ba%e1%80%b8%e1%81%b8%e1%80%ad%e1%80%b0%e1%80%84%e1%80%ba%e1%82%89/ | တေလိူၵ်ႈၽူႈယိင်းၸိူင်ႉႁိုဝ် | ပေႃးလိူၵ်ႈၽူႈယိင်းၵႆႉႁဵတ်းၵၢၼ်ၵေႃႈ မၼ်းတေလုမ်းလႃးၼႃႈႁိူၼ်း ႁႂ်ႈတဵမ်ထူၼ်ႈဢမ်ႇလႆႈ။ ပေႃးလိူၵ်ႈၽူႈယိင်း ထွမ်ႇသူပ်းဢဝ်ၵႂၢမ်းၵေႃႈ တေပဵၼ်ၵူၼ်းဢူၼ်ႈဢွၼ်ႇ ဢမ်ႇႁတ်းတေႃႇသူႈႁင်းၵူၺ်းလႆႈ။ ပေႃးလိူၵ်ႈၽူႈယိင်းႁတ်းႁၢၼ်ၵေႃႈ တေပဵၼ်ၵူၼ်းမီးပၢႆးဝူၼ်ႉပဵၼ်ႁင်းၸဝ်ႈၵဝ်ႇ။ ပေႃးလိူၵ်ႈၽူႈယိင်းႁၢင်ႈလီၵေႃႈ တေၸႂ်ႉၸၢႆႇလူၺ်ႈဢမ်ႇမေႃသေလၢႆငိုၼ်းယဝ်ႉ။ ပေႃးလိူၵ်ႈၽူႈယိင်းမေႃမႅပ်ႇပႅင်းၵေႃႈ တေဢမ်ႇမီးလွင်ႈၶိုတ်းၵၢပ်ႈ။ ပေႃးလိူၵ်ႈၽူႈယိင်းမီးၼမ်ႉၵတ်ႉၵေႃႈ တေပဵၼ်ၵူၼ်းဢမ်ႇထွမ်ႇၽႂ်။ ၽူႈယိင်းဢၼ်တဵမ်ထူၼ်ႈၼၼ်ႉ မၼ်းမီးယူႇၵူၺ်း တီႈ “ၼႂ်းၾၼ်”။ မီးၵူၼ်း ၶွႆၵေႃႈ မီးၵူၼ်းၸၢၼ်ႈၸင်း၊ မီးၵူၼ်းယွင်ႈဢၢမ်းၵေႃႈမီးၵူၼ်းထၢင်ႇလဵၵ်ႉယဝ်ႉ။ ဢမ်ႇဝႃႈပဵၼ်ၵူၼ်းၸိူင်ႉႁိုဝ် ၸၢတ်ႈပၢၼ်ၶဝ်ၵေႃႈ ပဵၼ်ၶွင်ၶဝ်ၵူၺ်း။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-26T15:35:56 | https://tainovel.com/%e1%81%bd%e1%80%b0%e1%80%9d%e1%80%ba%e1%80%99%e1%80%b1%e1%80%b8%e1%80%a2%e1%81%bc%e1%80%ba%e1%80%9d%e1%82%83%e1%82%88%e1%81%bc%e1%81%bc%e1%80%ba%e1%82%89/ | ၽူဝ်မေးဢၼ်ဝႃႈၼၼ်ႉ | ၵူၼ်းၵေႃႉဢၼ်ပၼ်ႁႅင်းၸႂ်ၵၼ်မိူဝ်ႈယၢမ်းႁိူဝ်ႈမွႆႈ၊ ၵူၼ်းၵေႃႉၸွႆႈထႅမ်ၵၼ်မိူဝ်ႈယၢမ်းတူၵ်းၵိၼ်း၊ ၵူၼ်းၵေႃႉယူႇႁိမ်းၸမ်ၵၼ် မိူဝ်ႈယၢမ်းယၢပ်ႇၽိုတ်ႇ၊ မေႃၼပ်ႉယမ်တေႃႇၵၼ်၊ မိူဝ်ႈဢမ်ႇပွင်ႇၸႂ်ၵေႃႈ မူၼ်ႉမႄးၶဝ်ႈႁႃဢုပ်ႇလၢတ်ႈၵၼ်၊ ပၼ်တၢင်းသိူဝ်းပၼ်ၵၼ်၊ ဝူၼ်ႉၸၢတ်ႈပၢၼ်မိူဝ်းၼႃႈၵႂႃႇၸွမ်းၵၼ်၊ ႁပ်ႉထွမ်ႇတၢင်းႁၼ်ထိုင်ၵၼ်တင်းသွင်ၽၢႆႇ၊ သူၼ်ၸႂ်သႂ်ႇၸႂ်ၵၼ်ၼမ်ၼမ်၊ ယုမ်ႇၸႂ်ၵၼ်လႄႈဝႆႉၸႂ်ၵၼ်၊ ၸႂ်ထိုင်ၵၼ်ၼမ်ၼမ်မိူဝ်ႈဢမ်ႇယူႇၸမ်ၵၼ်၊ ဢမ်ႇမီးတၢင်းဝူၼ်ႉတေႁၵ်းလင်တေႃႇၵၼ်၊ ဝႆႉၸႂ်သိုဝ်ႈယူဝ်းတေႃႇၵၼ် ဢမ်ႇဝႃႈပႃႈၼႃႈႁိုဝ်ပႃႈလင်။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-26T15:33:13 | https://tainovel.com/%e1%80%9a%e1%82%83%e1%82%87%e1%81%b8%e1%80%bd%e1%80%99%e1%80%ba%e1%80%b8%e1%81%b5%e1%80%9d%e1%80%ba%e1%80%b8%e1%80%9c%e1%80%bd%e1%80%84%e1%80%ba%e1%82%88%e1%80%95%e1%80%ad%e1%80%b0%e1%81%bc%e1%80%ba/ | ယႃႇၸွမ်းၵဝ်းလွင်ႈပိူၼ်ႈၼႃႇၽႅဝ် | သင်ၶဝ်ဢမ်ႇလႆႈတုၵ်းယွၼ်း ယႃႇၸွမ်းၵဝ်းလွင်ႈပိူၼ်ႈၼႃႇၽႅဝ်၊ ႁဵတ်းလႆႈလီသုတ်းၵေႃႈ “ႁပ်ႉထွမ်ႇ”၊ ဢမ်ႇတႅပ်းတတ်း ဢမ်ႇၸီႉသင်ႇ ဢမ်ႇသႄႉၼႄး၊ လၢတ်ႈတႄႉဝႃႈဢမ်ႇၽိတ်းၵူၺ်းသမ်ႉတႅပ်းတတ်းၵူႈလွင်ႈ ဢဝ်တူဝ်ၵဝ်ႇပဵၼ်ယႂ်ႇသေတႅပ်းတတ်းၵေႃႈ ဢမ်ႇပႆႇၸႂ်ႈ၊ ၵေႃႉၼိုင်ႈလႄႈၵေႃႉၼိုင်ႈ လႆႈထူပ်းမႃးဢမ်ႇမိူၼ်ၵၼ်၊ မၼ်းဢမ်ႇလႆႈလၢၵ်ႇလၢႆးသင်လေႃႇ ဢၼ်တၢင်းႁၼ်ထိုင် ပၢႆးဝူၼ်ၵူၼ်းႁဝ်းမၼ်းပိူင်ႈၵၼ်၊ ပၼ်ႁႃၶဝ် ၵမ်းလိုၼ်းမႃးၶဝ်ၵေႃႈတေလိူၵ်ႈၵူၺ်း ၼပ်ႉယမ်လွင်ႈဢၼ်ၶဝ်တႅပ်းတတ်းၼၼ်ႉ ပဵၼ်လွင်ႈယဵၼ်ႇငႄႈဢၼ်ၼိုင်ႈယဝ်ႉ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-26T15:30:09 | https://tainovel.com/%e1%80%a2%e1%80%99%e1%80%ba%e1%82%87%e1%80%99%e1%80%ae%e1%80%b8%e1%81%bd%e1%82%82%e1%80%ba/ | ဢမ်ႇမီးၽႂ် | ဢမ်ႇမီးၽႂ်တေယူႇၸွမ်းႁဝ်းလႆႈၵူႈမိူဝ်ႈ ဢူၺ်းၵေႃႉၸမ်ၸႂ်ၵေႃႈ ဝၼ်းၼိုင်ႈမၼ်းတေႁၢင်ႇၵႆၵၼ်ၵႂႃႇ။ ၵေႃႉႁၵ်ႉဢၼ်ဝူၼ်ႉတေၽၢၵ်ႇၸၢတ်ႈပၢၼ်ၼၼ်ႉၵေႃႈ ဝၼ်းၼိုင်ႈၶဝ်တေၸၢင်ႈလႅၵ်ႈလၢႆႈၸႂ်ၵေႃႈပဵၼ်လႆႈ။ ၵူၼ်းၼႂ်းႁိူၼ်း သမ်ႉဝႃႈဢမ်ႇၶႂ်ႈႁႂ်ႈၽႂ်ၽၢတ်ႇၵႂႃႇၵေႃႈ ဝၼ်းၼိုင်ႈ ႁူႉၵႃႈတေလႆႈယၢၼ်ၽၢတ်ႇယူႇၵူၺ်း။ ယိုင်ႈၵေႃႉယႂ်ႇမႃး ႁဝ်းယိုင်ႈလႆႈႁူႉၸၵ်း လွင်ႈၽၢတ်ႇယၢၼ်ၼမ်မႃးတိၵ်းတိၵ်း။ ၼႆႉယဝ်ႉ ၸၢတ်ႈပၢၼ် ၵွပ်ႈၼၼ် တေလႆႈႁဵၼ်းႁူႉမၼ်း ယူႇၸွမ်းမၼ်းၵႂႃႇတေႃႇထိုင်ဝၼ်းလိုၼ်းသုတ်းယဝ်ႉ။ ပိၼ်ႇ- ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-26T15:27:43 | https://tainovel.com/%e1%81%b6%e1%80%b0%e1%80%84%e1%80%ba%e1%80%b8%e1%81%b5%e1%81%a2%e1%80%84%e1%80%ba%e1%81%bc%e1%82%86%e1%82%89%e1%80%99%e1%81%bc%e1%80%ba%e1%80%b8%e1%80%9c%e1%82%85%e1%81%b5%e1%80%ba%e1%82%88%e1%80%9c/ | ၶူင်းၵၢင်ၼႆႉမၼ်းလႅၵ်ႈလၢႆႈၵႂႃႇတေႉႁႃႉ | မၢင်ၵေႃႉလၢတ်ႈဝႃႈ ၶူင်းၵၢင်ၼႆႉမၼ်းလႅၵ်ႈလၢႆႈၵႂႃႇ ၸွင်ႇတေၶတ်းၵၼ်ႁိုဝ် သင်တေလၢတ်ႈဝႃႈ ၶူင်းၵၢင်ၼႆႉမၼ်းဢမ်ႇလႆႈလႅၵ်ႈလၢႆႈ ဢၼ်လႅၵ်ႈလၢႆႈၵေႃႈ လွင်ႈဢၼ်ႁဝ်းတူၺ်းႁၼ်ၼၼ်ႉၵူၺ်း။ မၼ်းယင်းႁၢင်ႈလီမိူၼ်ၵဝ်ႇယူႇလႄႈ ယင်းမီးၵၢင်ဝၼ်းၵၢင်ၶိုၼ်းမိူၼ်ၵဝ်ႇ ယင်းမီးသၢႆလူမ်းလႄႈလုၵ်ႈလႅတ်ႇဢုၼ်ႇဢုၼ်ႇယၢမ်းၵၢင်ၼႂ်မိူၼ်မိူဝ်ႈဝၼ်းၵွၼ်ႇၼၼ်ႉယူႇၵူၺ်း မၼ်းဢမ်ႇပႆႇလႅၵ်ႈလၢႆႈ။ ၵူၼ်းႁဝ်းၼၼ်ႉၵူၺ်းဢၼ်လႅၵ်ႈလၢႆႈ မၢင်ၵေႃႉ ဝႆႉငိုၼ်းပဵၼ်ယႂ်ႇလိူဝ်သေပီႈၼွင်ႉ မၢင်ၵေႃႉ ဝႆႉဢုၵ်ႉၸႃႇၶူဝ်းၶွင်ပဵၼ်ယႂ်ႇ လိူဝ်သေ ၼမ်ႉၸႂ် မၢင်ၵေႃႉ လူမ်းလၢႆ လိူဝ်သေ ၶတ်းၸႂ် မၢင်ၵေႃႉ ယွင်ႇၸွမ်း လိူဝ်သေ ယိုၼ်ႈမႅင်ႇ သင်ႁဝ်းတူၺ်းၶူင်းၵၢင်ၼႆႉ ပဵၼ်ထႅင်ႈမႅဝ်းၼိုင်ႈလႆႈ မၼ်းၵေႃႈတေႁၼ်ထႅင်ႈမဵဝ်းၼိုင်ႈၼၼ်ႉယဝ်ႉ။ ၵွပ်ႈႁဝ်းဢဝ်လွင်ႈလၢႆလၢႆလွင်ႈမႃးႁူမ်ႈတူၺ်းၵႂႃႇသေ တေၵႂႃႇႁၼ်ပဵၼ်မဵဝ်းၼိုင်ႈ ၵူၺ်းၵႃႈ သင်ႁဝ်းတူၺ်းမိူၼ်ၵဝ်ႇ မၼ်းၵေႃႈတေႁၼ်လႆႈလွင်ႈၵဝ်ႇၼၼ်ႉယူႇ။ သင်ႁဝ်းတူၺ်းႁၼ်ပဵၼ်လွင်ႈမႂ်ႇ သမ်ႉဝႃႈပဵၼ်တီႈၵဝ်ႇသေတႃႉၵေႃႈ ႁဝ်းတေတူၺ်းႁၼ်တီႈၵဝ်ႇ ပဵၼ်ဢၼ်မႂ်ႇမႃး ႁဝ်းၵေႃႈတေၸၢင်ႈႁၼ်ၶူင်းၵၢင်ဢၼ်မႂ်ႇလႆႈမိူၼ်ၵၼ်ယဝ်ႉ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-18T04:29:06 | https://tainovel.com/%e1%81%bc%e1%82%83%e1%82%88%e1%82%81%e1%80%ad%e1%80%b0%e1%81%bc%e1%80%ba%e1%80%b8%e1%80%9c%e1%82%84%e1%82%88%e1%80%90%e1%81%a2%e1%80%84%e1%80%ba%e1%80%b8%e1%82%81%e1%81%b5%e1%80%ba%e1%82%89/ | ၼႃႈႁိူၼ်းလႄႈတၢင်းႁၵ်ႉ | ယွၼ်ႉႁၵ်ႉၵၼ်သေတႄႇၼႃႈႁိူၼ်းၸွမ်းၵၼ်ၵေႃႈမီးယူႇ ဢမ်ႇလႆႈႁၵ်ႉၵၼ်သေ လႆႈတႄႇၼႃႈႁိူၼ်းၸွမ်းၵၼ်ၵေႃႈ မီးတင်းၼမ်ယူႇ။ ၵမ်ႈၽွင်ႈၵေႃႈတေႇတီႈပဵၼ်ၵေႃႉႁၵ်ႉၵၼ်မႃးၶၢဝ်းႁိုင်သေ တေႃႇပေႃးလႆႈပဵၼ်ႁိူၼ်းႁူမ်ႈၵၼ်၊ ၵူၺ်းၵႃႈ ၵမ်ႈၽွင်ႈၵေႃႈဢိင်ၼိူဝ်ပေႃႈမႄႈပီႈၼွင်ႉလႆႈၸႂ်သေ ဢဝ်ဢၢပ်ႈပၼ်ၵၼ်ၵေႃႈမီးယူႇ၊ ဢၼ်ဢမ်ႇထၢင်ႇဢမ်ႇထိူမ်သေႁၵ်ႉၵေႃႈဢမ်ႇၸႂ်ႈ ၸင်းၵေႃႈဢမ်ႇပဵၼ် ယွၼ်ႉလႆႈၽုၵ်ႇၽၼ်း ႁူတ်းၼမ်ႉပၼ်လႄႈ ဢဝ်ဢွၵ်ႇမွၵ်ႇမၢၵ်ႇမႃးသေ လႆႈပဵၼ်ၼႃႈႁိူၼ်းၸွမ်းၵၼ်ၵႂႃႇၵေႃႈမီးယဝ်ႉ။ ၸိူင်ႉႁိုဝ်ၵေႃႈလီ ပိူင်လူင်မၼ်းယွၼ်ႉလႆႈပဵၼ်ၼႃႈႁိူၼ်းႁူမ်ႈၵၼ်ယဝ်ႉလႄႈ ထုၵ်ႇလီႁဵတ်းႁႂ်ႈၼႃႈႁိူၼ်းမၼ်ႈၵိုမ်းမူၼ်ႈသိူဝ်းၵႂႃႇၵူၺ်း။ မိူဝ်ႈပီ 2015 ၼၼ်ႉ မီးတႆးၵေႃႉၶႃႈႁဝ်းၵေႃႉၼိုင်ႈ ပဵၼ်ၼၢင်းယိင်း မၼ်းယၢမ်ႈလၢတ်ႈၼႄၶႃႈ လွင်ႈၵၢၼ်တႄႇၼႃႈႁိူၼ်း မၼ်းဝႃႈ – “ဢၼ်ၵဝ်တႄႇၼႃႈႁိူၼ်းၸွမ်းၼႆႉ ဢမ်ႇလႆႈပဵၼ်ၸူႉၵၼ် ဢမ်ႇလႆႈႁၵ်ႉၵၼ် တူၺ်းႁၼ်ဝႃႈမၼ်းၵေႃႈပဵၼ်ၵူၼ်းလီသေ ဢဝ်ၵၼ်ၵူၺ်း၊ ဝၢႆးဢဝ်ၵၼ်ယဝ်ႉၵေႃႈ ၵေႃႉၼိုင်ႈလႄႈၵေႃႉၼိုင်ႈ မေႃဝူၼ်ႉသွၼ်ႇတေႃႇၵၼ် ပေႃးၵဝ်ႁဵတ်းၸိူင်ႉၼႆ မၼ်းတေဢမ်ႇလႆႈၸႂ်ႁဵတ်းၼႆသေ ယူႇၸွမ်းၵၼ်မႃး တေႃႇပေႃမီးလုၵ်ႈႁူမ်ႈၵၼ်ၼႆႉ ပႆႇၽိတ်းၵၼ်သေပွၵ်ႈ” ၼႆယဝ်ႉ။ ႁၵ်ႉၵၼ်သေပဵၼ်ၼႃႈႁိူၼ်းၸွမ်းၵၼ်ယဝ်ႉ သိုပ်ႇႁၵ်ႉၵၼ်ၶႅၼ်းလီ၊ မၢင်ၸိူဝ်းမိူဝ်ႈပဵၼ်ၸူႉၵၼ်တႄႉ ႁၵ်ႉၵၼ်ယူႇ ဝၢႆးတႄႇၼႃႈႁိူၼ်းယဝ်ႉ ပႆႇႁိုင်သမ်ႉပေႃးဝႃႈ ၽိတ်းၵၼ်သေ ပႅတ်ႈၵၼ်ယဝ်ႉၼႆ ဢမ်ႇထုၵ်ႇလီပဵၼ်။ ယွၼ်ႉၼၼ် ဢၼ်ၶႂ်ႈလၢတ်ႈတႄႉ ၵၢၼ်တႄႇၼႃႈႁိူၼ်းၼႆႉ ဢမ်ႇၵဵဝ်ႇတၢင်းႁၵ်ႉ မၼ်းယူႇတီႈ မေႃယိူၼ်ႉတေႃႇၵၼ် မေႃပွင်ႇၸႂ်ၵၼ် မေႃတူၺ်းထိုင်လုမ်းလႃးၵၼ် မေႃဝူၼ်ႉသွၼ်ႇတေႃႇၵၼ် ပေႃးၵေႃႉၼိုင်ႈဢမ်ႇလႆႈၸႂ်ၵေႃႈ ၵေႃႉၼိုင်ႈၵေႃႈ ဢမ်ႇႁဵတ်းသေ လၢတ်ႈၵၼ်လႆႈၼၼ်ႉ ပဵၼ်ငဝ်ႈႁၢၵ်ႈ လွင်ႈၼႃႈႁိူၼ်းမၼ်ႈၵိုမ်းယဝ်ႉ။ ၶႃႈႁဝ်းယၢမ်ႈဢၢၼ်ႇၺႃး ဢၼ်ၽူႈမီးတၢင်းႁူႉၶဝ် တႅမ်ႈဝႆႉ (ၽၢႆႇဢင်းၵိတ်ႉ) ၵမ်ႉၼမ် ဢၼ်မိူၼ်ၵၼ်ၼၼ်ႉတႄႉ ၵေႃႉၼိုင်ႈလႄႈၵေႃႉၼိုင်ႈ ႁႂ်ႈမီးလွင်ႈၼပ်ႉယမ်ၵၼ် – ၼပ်ႉယမ်တီႈၼႆႈၼႆႉ မၼ်းမၢႆထိုင်ဝႃႈ ယႃႇပေထၢင်ႇလဵၵ်ႉၵၼ်၊ လႆႈႁၼ်ၵမ်ႈၼမ် သင်ဝႃႈယူႇၸွမ်းၵၼ်မႃးႁိုင်ယဝ်ႉၼႆ ယွၼ်ႉပိူဝ်ႈႁူႉၼွၵ်ႈႁၼ်ၼႂ်းၵၼ်ယဝ်ႉလႄႈ ၶႂ်ႈဝႃႈႁင်းၵၼ်ၸိူင်ႉႁိုဝ်ၵေႃႈဝႃႈ၊ ၶႂ်ႈလႃႇၵၼ်ၵေႃႈလႃႇၼၼ်ႉ ဢမ်ႇလီႁဵတ်းၼႆယဝ်ႉ။ ႁႂ်ႈမေႃယိူၼ်ႉတေႃႇၵၼ် – မၢင်ပွၵ်ႈမၢင်လႂ် မဵဝ်းယူႇၸွမ်းၵၼ်ႁိုင်ယဝ်ႉၵေႃႈ မၼ်းမိူၼ်လိၼ်ႉလႄႈၶဵဝ်ႈ မေႃႈလႄႈၵၢၵ်ႇ ၸၢင်ႈမေႃထၢၵ်ႇၺႃးၵၼ်ယူႇလႄႈ သင်ဝႃႈမႅၼ်ႈမိူဝ်ႈၵေႃႉၼိုင်ႈတိုၵ်ႉပဵၼ်ၾႆးယူႇၼၼ်ႉ ၵေႃႉၼိုင်ႈႁႂ်ႈမေႃယိူၼ်ႉသေ ပဵၼ်ၼမ်ႉပၼ်ၼႆယဝ်ႉ။ ႁႂ်ႈမေႃသႂ်ႇၸႂ်ၼိူဝ်ၵၼ် – ယိင်းၵေႃႈယဝ်ႉၸၢႆးၵေႃႈယႃႇ မၢင်ၵေႃႉဢမ်ႇမေႃဢဝ်ၸႂ်သႂ်ႇၼိူဝ်ၵၼ်၊ လွင်ႈလဵၵ်ႉလဵၵ်ႉၼွႆႉၼွႆႉ မိူၼ်ၼင်ႇဝီႁူဝ်ပၼ်မေး ၵႅတ်းၵၢပ်ႇၼဵပ်ႉပၼ်ၽူဝ် တႄႇၵႂႃႇလွင်ႈၸိူဝ်းၼႆႉ ၵမ်ႈၽွင်ႈၵေႃႈ တေဢမ်ႇမေႃႁူႉႁဵတ်းပၼ်ၵၼ်၊ တီႈတေႉမၼ်း ၵၢၼ်လဵၵ်ႉလဵၵ်ႉၼွႆႉၼႆႉၸိူဝ်းၼႆႉ မၼ်းပဵၼ်လွင်ႈၸၼ်ၸႂ်လႄႈ ႁဵတ်းႁႂ်ႈၼႃႈႁိူၼ်းမၼ်ႈၵိုမ်းၼႆယဝ်ႉ။ ယႃႇသိူင်ႇသိမ်းတေႃႇၵၼ်- သင်ဝႃႈတေပဵၼ်လွင်ႈဢၼ်တေတိူဝ်ႉၶိူၵ်ႈၼႃႈႁိူၼ်းၼႆ တေလႆႈလၢတ်ႈၼႄၵၼ် မိူၼ်ၼင်ႇ လွင်ႈငိုၼ်း၊ လွင်ႈၵၢၼ်၊ လွင်ႈတႆးၵေႃႉ ၸိူဝ်းၼႆႉ ထုၵ်ႇလီလၢတ်ႈၼႄၵၼ်၊ ၵပ်းသိုပ်ႇပၼ်ၵၼ်ယူႇ၊ ၵွပ်ႈပိူဝ်ႈၽူဝ်မေးၵၼ်ဢၼ်ဝႃႈၼႆႉ မိူၼ်တူဝ်ၵေႃႉလဵဝ်ၵၼ်ယဝ်ႉလႄႈ ၵွပ်ႈၼၼ် ဢမ်ႇလီသိူင်ႇသိမ်းၵၼ်ၼႆယဝ်ႉ။ ၵွပ်ႈၼၼ်ဢၼ်ၶႂ်ႈသင်ႇတႄႉ ပႅတ်ႈမေးၵေႃႈဢဝ်မေးထႅင်ႈ၊ ပႅတ်ႈၽူဝ်ၵေႃႈဢဝ်ၽူဝ်ထႅင်ႈၵူၺ်း ၼင်ႇႁိုဝ်တေဢမ်ႇလႆႈပဵၼ် ပေႃႈႁၢင်ႉမႄႈႁၢင်ႉၼၼ်ႉ ႁႂ်ႈမေႃလုမ်းလႃးၼႃႈႁိူၼ်းၽႂ်မၼ်းသေၵမ်း၊ သင်ဝႃႈယူႇၸွမ်းၵၼ်ဢမ်ႇလႆႈလႃးလႃးတႄႉၵေႃႈ ၵႃႈတေလႆႈဝႃႈ ၼမ်ႉယၢတ်ႇႁႅင်ႈပွတ်းတၢင်းၼႆၶႃႈယူဝ်ႉၼေႃႈ။ ၵမ်းလိုၼ်းယွၼ်းသူးပၼ် ၽူႈလူဢၢၼ်ႇႁဝ်းၶဝ် ၸိူဝ်းဢၼ်မီးၼႃႈႁိူၼ်းၵေႃႈ ႁႂ်ႈလႆႈသိုပ်ႇပဵၼ်ၼႃႈႁိူၼ်းမူၼ်း ၵူၼ်းၵိုၼ်း မီးငိုၼ်းၼမ်ၼမ်သေ၊ ၸိူဝ်းပႆႇလႆႈတႄႇၼႃႈႁိူၼ်းၵေႃႈ ႁႂ်ႈထူပ်းၺႃးၵူၼ်းလီလီ ဢၼ်တေႁဵတ်းႁႂ်ႈၼႃႈႁိူၼ်းမူၼ်းမၼ်ႈၵိုမ်းသေၵမ်း။ ၶွပ်ႈၸႂ်သေ ၼုမ်ႇၸိုၼ်ႈၾႃႉ ထုင်ႉမေႃႇငိုၼ်း 17 March 2025 21:30 | ['ပွင်ႈၵႂၢမ်း'] |
2025-03-18T04:26:43 | https://tainovel.com/%e1%80%91%e1%80%ad%e1%80%af%e1%80%84%e1%80%ba-%e1%81%b5%e1%80%b1%e1%82%83%e1%82%89%e1%81%b5%e1%80%b0%e1%80%9d%e1%80%ba%e1%80%9c%e1%80%bd%e1%80%84%e1%80%ba%e1%82%88%e1%80%9c%e1%82%85%e1%81%b5%e1%80%ba/ | ထိုင်..ၵေႃႉၵူဝ်လွင်ႈလႅၵ်ႈလၢႆႈ | လွင်ႈလႅၵ်ႈလၢႆႈၼၼ်ႉပဵၼ်မႃးလႆႈတႃႇသေႇ သမ်ႉဝႃႈလူဝ်ႇႁိုဝ်ဢမ်ႇလူဝ်ႇၵေႃႈယဝ်ႉ လုမ်ႈၾႃႉႁဝ်းတိုၵ်ႉပၼ်ႇယူႇ ၸၢတ်ႈပၢၼ်ႁဝ်းၵေႃႈဢမ်ႇၵိုတ်းလႆႈ။ လွင်ႈၵူဝ်ၼၼ်ႉဢမ်ႇၸွႆႈႁႂ်ႈမီးလွင်ႈႁူမ်ႇလူမ်ႈမႃး မၼ်းတေႁဵတ်းႁႂ်ႈၸူမ်ယူႇၸွမ်းတီႈၵဝ်ႇ လႄႈ ႁၢမ်းသုၼ်ႇဢၼ်တေၶဝ်ႈမႃးၼၼ်ႉလႆႈယဝ်ႉ။ သူၵေႃႈယၢမ်ႈလႅၵ်ႈလၢႆႈမၼ်းမႃးလၢႆပွၵ်ႈယဝ်ႉလူၺ်ႈဢမ်ႇႁူႉတူဝ် လုၵ်ႉတီႈလုၵ်ႈဢွၼ်ႇယႂ်ႇပဵၼ်ၵူၼ်းလူင် မႃးပဵၼ်ၵူၼ်းႁဵတ်းၵၢၼ် မၼ်းပဵၼ်လွင်ႈလႅၵ်ႈလၢႆႈယဝ်ႉ။ ဢမ်ႇမီးၽႂ် “ၽွမ်ႉ” တႃႇလႅၵ်ႈလၢႆႈတဵမ်ပၢၵ်ႇ ၵူၺ်းၵႃႈမိူဝ်ႈႁတ်းယၢင်ႈၵႂႃႇၼၼ်ႉ တေလႆႈႁဵၼ်းႁူႉလႄႈၵေႃႉယႂ်ႇမႃးထႅင်ႈယဝ်ႉ။ ၵူႈလွင်ႈဢၼ်လႅၵ်ႈလၢႆႈၼၼ်ႉမၼ်းပၼ်တွၼ်ႈသွၼ်လႄႈ မိူဝ်ႈတႄႇမၼ်းတေယၢပ်ႇယူႇ ၵူၺ်းၵႃႈမၼ်းတေႁဵတ်းႁႂ်ႈၵႅၼ်ႇၶႅင်မႃးထႅင်ႈတႃႇသေႇ။ လွင်ႈဢၼ်ဝူၼ်ႉဢဝ်ၼၼ်ႉလီၵူဝ်လိူဝ်သေလွင်ႈပဵၼ်တေႉယဝ်ႉ ၵမ်ႈၼမ်လွင်ႈဢၼ်ၵူဝ်ၼၼ်ႉတေဢမ်ႇၵိူတ်ႇပဵၼ်မႃးၸိူင်ႉၼင်ႇဢၼ်ဝူၼ်ႉ။ ၸၢတ်ႈပၢၼ်မၼ်းဢမ်ႇလႆႈမီးၵႃႈဝႃႈ “ၽိတ်း” ႁိုဝ် “ထုၵ်ႇ” ၼၼ်ႉၵူၺ်း၊ လွင်ႈတႅပ်းတတ်းၸႂ်ၼၼ်ႉ ပဵၼ်ၵၢၼ်လဵပ်ႈႁဵၼ်း ဢမ်ႇမီးၽႂ်ႁူႉဝႃႈမိူဝ်းၼႃႈတေပဵၼ်သင်မႃး။ လွင်ႈဢွင်ႇမၢၼ်ၼၼ်ႉ မႃးၸွမ်းလွင်ႈႁဵတ်းၵၢၼ်ယူႇၼွၵ်ႈၶွပ်ႇယဝ်ႉ၊ ဢမ်ႇမီးၽႂ်ဢွင်ႇမၢၼ်လႆႈလူၺ်ႈႁဵတ်းဢၼ်ၵဝ်ႇၵႂႃႇတေႃႇၸူဝ်ႈ။ လွင်ႈလႅၵ်ႈလၢႆႈဢမ်ႇၸႂ်ႈဝႃႈပဵၼ်လွင်ႈလူႉသုမ်းတႃႇသေႇ မၢင်ပွၵ်ႈမၼ်းပဵၼ်တႃႇလႆႈႁပ်ႉလွင်ႈမႂ်ႇဢၼ်လီလိူဝ်ၵဝ်ႇၵွၼ်ႇယဝ်ႉ။ လွင်ႈတူၵ်းသုမ်းဢမ်ႇၸႂ်ႈတီႈသုတ်းသဵင်ႈ မၼ်းပဵၼ်သုၼ်ႇၼိုင်ႈၶွင်သဵၼ်ႈတၢင်းဢၼ်တေဢွၼ်ၵႂႃႇၸူးယိူင်းမၢႆၵူၺ်း။ သူမီးသုၼ်ႇတႄႇမႂ်ႇလႆႈတႃႇသေႇ ဢမ်ႇဝႃႈထိူင်းတၢၼ်ႇႁိုဝ်ၵေႃႈဢမ်ႇတူၵ်းလိုၼ်း မိူဝ်ႈယင်းတိုၵ်ႉမီးလူမ်းထူၺ်ႈၸႂ်ယူႇ။ လွင်ႈဝၼ်းလင်ၼၼ်ႉဢမ်ႇလႆႈမၵ်းမၼ်ႈပၼ်ၸၢတ်ႈပၢၼ်မိူဝ်းၼႃႈလႆႈ ႁဝ်းလိူၵ်ႈလႆႈတႃႇသေႇယဝ်ႉမိူဝ်ႈလႂ်ႁဝ်းၽွမ်ႉတႃႇလႅၵ်ႈလၢႆႈမၼ်း။ ၵူၼ်းဢၼ်ႁတ်းထူပ်းလွင်ႈတူၵ်းသုမ်းၼၼ်ႉ ပဵၼ်ၵူၼ်းဢၼ်ၵႂႃႇၵႆလႆႈသုတ်းယဝ်ႉ ၶဝ်ႁူႉဝႃႈၵၢၼ်လႆႈၸၢမ်းႁဵတ်းတူၺ်းဢမ်ႇဝႃႈၽိတ်းႁိုဝ်ထုၵ်ႇၼၼ်ႉ ပဵၼ်သဵၼ်ႈတၢင်းတႃႇၸူးလွင်ႈဢွင်ႇမၢၼ်ယဝ်ႉ။ ဢမ်ႇမီးၶၢဝ်းယၢမ်းဢၼ်သင်ႇထုၵ်ႇတႃႇတႄႇလႆႈ သင်ပႂ်ႉႁႂ်ႈၵူႈလွင်ႈၽွမ်ႉ တေဢမ်ႇမီးဝၼ်းလႆႈတႄႇသေဢိတ်းၵွၼ်ႇယဝ်ႉ။ သူဢမ်ႇလႆႈၵႂႃႇၵေႃႉလဵဝ် မီးၵူၼ်းတင်းၼမ်ဢၼ်ထူပ်းလွင်ႈၵူဝ်မိူၼ်သူလႄႈ ၶဝ်ၵေႃႈယင်းတိုၵ်ႉတေသိုပ်ႇၵႂႃႇတၢင်းၼႃႈယူႇ။ လွင်ႈလႅၵ်ႈလၢႆႈၼၼ်ႉ ဢမ်ႇၸမ်ပဵၼ်တေလႆႈၵႂႃႇဝႆးၼႃႇလႄႈ ယၢင်ႈၵႂႃႇတူၺ်းၵမ်းဢိတ်းဢိတ်းၵေႃႈ တေဢွၼ်ၵႂႃႇၸူးလွင်ႈလႅၵ်ႈလၢႆႈယဝ်ႉ။ သူမီးႁႅင်းလိူဝ်သေဢၼ်ဝူၼ်ႉဝႆႉၵွၼ်ႇယဝ်ႉ လွင်ႈၵူဝ်ၼၼ်ႉတေလၢတ်ႈႁႂ်ႈသူၵိုတ်းလိုဝ်ႈဢိူဝ်ႈ ၵူၺ်းၵႃႈ တၢင်းႁတ်းၼၼ်ႉတေလၢတ်ႈႁႂ်ႈသူၵႂႃႇၼႃႈယဝ်ႉ။ ဝၼ်းၼိုင်ႈမႃးသူၶေးတေၸၢင်ႈယိၼ်းၸူမ်းၶိုၼ်းၸၢတ်ႈပၢၼ်သူဢၼ်ႁတ်းယၢင်ႈဢွၵ်ႇတီႈၵဝ်ႇလႄႈ မိူဝ်းၼႃႈသူတေပဵၼ်ၸိူင်ႉႁိုဝ်ၼၼ်ႉၵေႃႈ ယူႇတီႈၵၢၼ်တႅပ်းတတ်းသူၼႂ်းဝၼ်းမိူဝ်ႈၼႆႉၵူၺ်း။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-18T04:25:16 | https://tainovel.com/%e1%80%95%e1%81%bc%e1%80%ba%e1%82%81%e1%82%85%e1%80%84%e1%80%ba%e1%80%b8%e1%80%90%e1%80%b0%e1%80%9d%e1%80%ba%e1%81%b5%e1%80%9d%e1%80%ba%e1%82%87%e1%80%90%e1%80%b0%e1%81%ba%e1%80%ba%e1%80%b8%e1%80%9c/ | ပၼ်ႁႅင်းတူဝ်ၵဝ်ႇတူၺ်းလူး | မိူဝ်ႈဢမ်ႇယဵၼ်ႉၶၢမ်ႇလႆႈယဝ်ႉၼႆၵေႃႈ ယွမ်းႁပ်ႉသေ မၢင်ပွၵ်ႈတေမိူၼ်ၵႂင်တၢင်းယူႇလႄႈႁဵတ်းသင်ဢမ်ႇပဵၼ်လွင်ႈၼႆၵေႃႈတိူင်းမၼ်းသေ ဢမ်ႇၵႅၼ်ႇၶႅင်ယူႇတႃႇသေႇၵေႃႈလႆႈ ယွမ်းႁပ်ႉဝႃႈႁဵတ်းဢမ်ႇလႆႈ ႁိူဝ်ႉယဝ်ႉၼႆၵေႃႈ ဢမ်ႇပဵၼ်သင်ၼႃ။ ယူႇၸွမ်းၶၢဝ်းယၢမ်းမိူဝ်ႈလဵဝ်ၼႆႉလီလိူဝ်ပိူၼ်ႈယဝ်ႉ ၸူမ်ယူႇၸွမ်းလွင်ႈဝၼ်းလင် ဝူၼ်ႉၵႂင်ၸွမ်းလွင်ႈမိူဝ်းၼႃႈၵေႃႈ ဢမ်ႇလႆႈသင်မႃးၼင်ႇၵဝ်ႇ လူမ်းထူၺ်ႈၸႂ်ဢၼ်မီးယူႇၼၼ်ႉ ပဵၼ်ယၢမ်းၼႆႉမိူဝ်ႈလဵဝ်ၼႆႉၵူၺ်း ႁဵတ်းလႆႈၵေႃႈႁဵတ်း ႁဵတ်းဢမ်ႇလႆႈၵေႃႈလိုဝ်ႈသေၵွၼ်ႇလႄႈ။ ပူတ်းပွႆႇတူဝ်ၵဝ်ႇလႄႈဝၢင်းၶႂၢင်းပၼ်ပိူၼ်ႈသေ တေၸႂ်လမ်ၽႂ်ႁိုဝ်ၸႂ်လမ်တူဝ်ၵဝ်ႇၵေႃႈယဝ်ႉ မိူၼ်တင်းမႅၵ်ႇမၢၵ်ႇႁိၼ်ၼၵ်းၼၵ်းဝႆႉယူႇတႃႇသေႇၼၼ်ႉၵူၺ်း ပွႆႇမၼ်းၵႂႃႇတူၺ်းလႄႈ ဢမ်ႇပဵၼ်သင်။ ၸႂ်ႉၶၢဝ်းယၢမ်းယူႇၸွမ်းသၽႃႇဝသေ ဢမ်ႇဝႃႈပႆလဵၼ်ႈၸွမ်းထိူၼ်ႇပႃႇ ဝႂ်မႆႉလူမ်းထွင်းမႃးၼၼ်ႉ မၼ်းၵေႃႈၸွႆႈယူတ်းယႃၸႂ်လႆႈယူႇယဝ်ႉ ၸၢမ်းတူၺ်းလႄႈ။ လွင်ႈဢၼ်ၶမ်ၸႂ်ၼၼ်ႉ ၸၢမ်းတႅမ်ႈသႂ်ႇၼႂ်းၽိုၼ်ၸေႈ ဢၼ်ၶႂ်ႈလၢတ်ႈၶႂ်ႈႁဵတ်းၼၼ်ႉ တႅမ်ႈဢွၵ်ႇမႃးတူၺ်း မၼ်းၸၢင်ႈပူတ်းပွႆႇလွင်ႈၶမ်ၸႂ်လႆႈယဝ်ႉ။ လွင်ႈဢၼ်မႃးႁဵတ်းႁႂ်ႈၼၵ်းၸႂ်ၼၼ်ႉ ဢဝ်ဢွၵ်ႇပႅတ်ႈသေ လွင်ႈၸမ်ၸႂ်ဢၼ်ဢမ်ႇလီ ဢမ်ႇပၼ်ၽွၼ်းလီ တူင်ႇဝူင်းႁိမ်းႁွမ်းဢၼ်ဢမ်ႇလီၼႆၵေႃႈ သုတ်ႉႁၢင်ႇမၼ်းဢွၵ်ႇၵႂႃႇလႄႈ။ ယုမ်ႇယမ်သဵၼ်ႈတၢင်းဢၼ်တူဝ်ၵဝ်ႇလိူၵ်ႈၼၼ်ႉလႄႈ မၢင်ပွၵ်ႈတေၸၢင်ႈၵႂႃႇၽိတ်းတၢင်းလႄႈၵႂႃႇထိူင်းသေတႃႉ မၼ်းၵေႃႈ ဢမ်ႇလႆႈလမ်ႇလွင်ႈတၢၼ်ႇဢၼ်လႆႈပႆၵႂႃႇသဵၼ်ႈတၢင်းထုၵ်ႇမႅၼ်ႈပုၼ်ႈတႃႇတူဝ်ၵဝ်ႇၼႃ။ ဢွၵ်ႇႁၢင်ႇသူဝ်ႇသျႄႇမီႇတီႇယႃႇတူၺ်းလႄႈ မိူဝ်ႈလႆႈႁၼ်ၸၢတ်ႈပၢၼ်ဢၼ်တဵမ်ထူၼ်ႈပိူၼ်ႈၼၼ်ႉ တေႁဵတ်းႁႂ်ႈႁဝ်းလႆႈၼႃႈလဵၵ်ႉယဝ်ႉ တီႈတေႉၽႂ်ၵေႃႈမီးလွင်ႈဢၼ်ဢမ်ႇၸၢင်ႈလၢတ်ႈၼႄၵၼ်ႁႂ်ႈႁၼ်လႆႈမူတ်းလေႃႇ ၸၢမ်းဢွၵ်ႇႁၢင်ႇမၼ်းသေ ယူႇၸွမ်းလွင်ႈပဵၼ်ယူႇတေႉၽွင်ႈ။ ၸၢမ်းႁဵတ်းတူၺ်းလွင်ႈဢၼ်ႁဵတ်းယဝ်ႉ ႁဝ်းမီးတၢင်းသိူဝ်းၼၼ်ႉလႄႈ ဢမ်ႇဝႃႈတေလူလိၵ်ႈႁိုဝ်ထွမ်ႇၵႂၢမ်း ႁဵတ်းတၢင်းၵိၼ်ၸိူဝ်းၼႆႉၵေႃႈ တေၸွႆႈထႅမ်ႁႅင်းၸႂ်ၵႂႃႇလႆႈလီယဝ်ႉ။ မေႃယိၼ်းၸူမ်းလႄႈ ဢမ်ႇဝႃႈလွင်ႈလဵၵ်ႉလဵၵ်ႉဢွၼ်ႇၵူၺ်းၵေႃႉယဝ်ႉ ဝူၼ်ႉထိုင်လွင်ႈလီလီ ဢမ်ႇဝႃႈမိူဝ်ႈၼႆႉလႆႈၼွၼ်းလပ်းလီတေႉယဝ်ႉၼႆၵေႃႈ ပဵၼ်လွင်ႈလီဢၼ်ၼိုင်ႈယဝ်ႉ။ ယႃႇၵူဝ်တေတႄႇမႂ်ႇ ဢမ်ႇမီးၽႂ်တူၵ်းလိုၼ်းတႃႇလႅၵ်ႈလၢႆႈ ၵူႈဝၼ်းၼၼ်ႉပဵၼ်တိုဝ်ႉတၢင်းမႂ်ႇသေႇသေႇတႃႇတႄႇမႂ်ႇ မၢင်လွင်ႈသင်ႁဝ်းႁတ်းယၢင်ႈဢွၵ်ႇၵႂႃႇတီႈၵဝ်ႇၵူၺ်းၵေႃႈလႅၵ်ႈလၢႆႈယဝ်ႉ။ ယုမ်ႇဝႃႈၵူႈၸိူဝ်ႉၵူႈလွင်ႈၼၼ်ႉ မီးလွင်ႈတၢင်းႁင်းမၼ်း မၢင်ပွၵ်ႈလွင်ႈၼၼ်ႉမၼ်းဢမ်ႇၽဵင်ႇပဵင်းသေဢိတ်း ႁဵတ်းႁႂ်ႈထၢင်ႇထိူမ်မႃးဝႃႈ “ၵွပ်ႈသင်လႄႈပဵၼ်ၵဝ်” ၼႆသေတႃႉ၊ တူဝ်ထူပ်းၵူႈဢၼ်ၼၼ်ႉမၼ်းတိုၼ်းပၼ်တွၼ်ႈသွၼ်တႃႇသေႇယဝ်ႉ။ မၢင်ပွၵ်ႈလွင်ႈၸွႆႈထႅမ် ပၼ်ႁႅင်းပိူၼ်ႈၵူၺ်းၵေႃႈ ၸွႆႈထႅမ်ႁႅင်းပၼ်ၶဝ်လႆႈယဝ်ႉ ဢမ်ႇၸမ်ပဵၼ်တေလႆႈပဵၼ်လွင်ႈၶိုၵ်ႉၶၢႆးသင် တၢင်းယုမ်ႉ ၵႂၢမ်းလၢတ်ႈလီလီဢွၼ်ႇၵူၺ်းၵေႃႈ ပဵင်းပေႃးယူႇ။ ႁၵ်ႉတူဝ်ၵဝ်ႇဢၼ်ပဵၼ်ယူႇ ႁဝ်းဢမ်ႇၸႂ်ႈၵူၼ်းတဵမ်ထူၼ်ႈလႄႈ ယင်းမီးတီႈယူပ်ႈယွမ်းယူႇတင်းၼမ်၊ ၵူၺ်းၵႃႈဢမ်ႇပဵၼ်သင် ႁဝ်းၵေႃႈထုၵ်ႇလီလႆႈတၢင်းႁၵ်ႉတီႈတူဝ်ၵဝ်ႇယူႇ ဢမ်ႇဝႃႈတေပဵၼ်ၵူၼ်းၸိူင်ႉႁိုဝ်ၵေႃႈယဝ်ႉ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-18T04:24:00 | https://tainovel.com/%e1%81%b5%e1%80%b1%e1%82%83%e1%82%89%e1%81%b5%e1%80%b0%e1%82%88%e1%81%b8%e1%81%a2%e1%80%90%e1%80%ba%e1%82%88%e1%80%95%e1%81%a2%e1%81%bc%e1%80%ba/ | ၵေႃႉၵူႈၸၢတ်ႈပၢၼ် | ယူႇၸွမ်းၵၼ်ႁႂ်ႈသိူဝ်းၸႂ် ဢမ်ႇၸႂ်ႈယူႇၸွမ်းလူၺ်ႈလွင်ႈထၢင်ႇၽိတ်းထၢင်ႇထိူမ်လႄႈ လွင်ႈတုၵ်ႉၸႂ်။ ၵမ်ႉထႅမ်တၢင်းႁၼ်ထိုင်ၵၼ် ဢမ်ႇၸႂ်ႈဝႃႈၸွမ်းယႃႉလူႉ ထၢင်ႇလဵၵ်ႉၼိူဝ်ၵၼ်။ ၸႂ်ထိုင်ၵၼ်ယူႇတႃႇသေႇ ဢမ်ႇၸႂ်ႈဝူၼ်ႉထိုင်ယူႇၽၢႆႇလဵဝ်ၵူၺ်း။ မေႃဝၢင်းၶႂၢင်းပၼ်ၵၼ် မိူဝ်ႈၽိတ်းၵႂႃႇပွၵ်ႈၵမ်းၼိုင်ႈ ၵူၼ်းၵေႃႉၽိတ်းၵေႃႈ ဢမ်ႇလီႁဵတ်းၽိတ်းထႅင်ႈပွၵ်ႈသွင်။ မိူဝ်ႈမီးပၼ်ႁႃ ႁႂ်ႈမေႃဢဝ်ၼမ်ႉၸႂ်ၵၼ် ဢမ်ႇၸႂ်ႈဢဝ်လွင်ႈဢမ်ႇလီၵၼ်မႃးလၢတ်ႈၵၼ်ၶိုၼ်း။ မိူဝ်ႈၵေႃႉလႂ်ၵေႃႉၼိုင်ႈတိူဝ်ႉၸႂ်ယူႇ ပဵၼ်ႁႅင်းၸႂ်ပၼ်ၵၼ် ဢမ်ႇၸႂ်ႈၵႂႃႇမႄးသမ်ႉႁႂ်ႈတိူဝ်ႉၸႂ်ထႅင်ႈ။ ယွမ်းႁပ်ႉလွင်ႈဢမ်ႇလီၵၼ် ဢမ်ႇၸႂ်ႈၵဵပ်းဝႆႉလၢတ်ႈမိူဝ်ႈမီးပၼ်ႁႃမႃး။ ႁႂ်ႈၵမ်ႉထႅမ်ၵၼ် မေႃပဵၼ်ၵူၼ်းဢွၼ်လႄႈပဵၼ်ၵူၼ်းၸွမ်း ဢမ်ႇၸႂ်ႈၸွမ်းၵုမ်းၵမ်ၵၼ်ယူႇတႃႇသေႇ။ တူၺ်းထိုင်ၵၼ်ၵူႈဝၼ်းဝၼ်းႁႂ်ႈလီ ဢမ်ႇႁူႉဝႃႈတေမီးသၢႆၸႂ်ၵႂႃႇလႆႈထႅင်ႈလၢႆဝၼ်း ဢမ်ႇဝႃႈၸိူင်ႉႁိုဝ် လိုၼ်းသုတ်းမႃး ႁဝ်းၵေႃႈတေလႆႈယၢၼ်ၵၼ်ယူႇ ဢမ်ႇၽၢတ်ႇလိပ်းၵေႃႈၽၢတ်ႇတၢႆ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-18T04:22:55 | https://tainovel.com/%e1%80%90%e1%81%a2%e1%80%84%e1%80%ba%e1%80%b8%e1%80%9e%e1%80%ad%e1%80%b0%e1%80%9d%e1%80%ba%e1%80%b8%e1%81%bc%e1%81%bc%e1%80%ba%e1%82%89%e1%80%9a%e1%80%b0%e1%82%87%e1%80%9c%e1%82%82%e1%80%ba/ | တၢင်းသိူဝ်းၼၼ်ႉယူႇလႂ် | ဢႃႇယုဢသၢၵ်ႈယႂ်ႇမႃးၵူႈမိုဝ်ႉၵူႈဝၼ်းယဝ်ႉ ယႃႇၵုမ်ႇမိုင်ႉၸႂ်ႉၸၢတ်ႈပၢၼ်ဢၼ်ဢမ်ႇသိူဝ်းၸႂ်လႆႈၼၼ်ႉလႃႈ။ ႁိူဝ်ႉၵေႃႈလိုဝ်ႈသေ ၼၵ်းၵေႃႈပူတ်းပွႆႇမၼ်းၵႂႃႇၽွင်ႈ တၼ်းၵေႃႈလႄႇ ၵမ်ႉၵေႃႈထဝ်ႈယဝ်ႉၼႃႈ။ ၶၢဝ်းယၢမ်းႁဝ်းမၼ်းဢေႇမႃးတိၵ်းတိၵ်းယဝ်ႉ ယႃႇၵုမ်ႉမိုင်ႉသေလၢႆလွင်ႈဝၼ်းလင်ဢၼ်ၵႄႈၶႆဢမ်ႇလႆႈၼၼ်ႉယဝ်ႉ။ ႁဵတ်းလွင်ႈဢၼ်ႁဵတ်းလႆႈယူႇဝၼ်းမိူဝ်ႈၼႆႉ ႁႂ်ႈလီလိူဝ်ပိူၼ်ႈလႄႈ ။ တၢင်းသိူဝ်းဢမ်ႇလႆႈတႅၵ်ႈၵၼ်တီႈမီးၼမ်ႁိုဝ်ဢေႇ ယူႇတီႈႁဝ်းႁၢၼ်ႉၸႂ်ၸွမ်းတီႈလႂ်လႄႈမိူဝ်ႈလႂ်။ ႁူပ်ႉ ထူပ်း ၽၢတ်ႇ ယၢၼ် ပဵၼ်သၽႃႇဝၵူၺ်းလႄႈ မၼ်းၵေႃႈတေပၼ်ႇၵႂႃႇပၼ်ႇမႃးၵူၺ်း။ လိုၼ်းသုတ်းမႃးၸၢတ်ႈပၢၼ်ၼၼ်ႉ ဢမ်ႇႁူႉတေပဵၼ်ၸိူင်ႉႁိုဝ် မၢင်ပွၵ်ႈၸၢင်ႈပွတ်းလိူဝ်သေဢၼ်ဝူၼ်ႉဝႆႉလူးၵွၼ်ႇ။ မၢၵ်ပွၵ်ႈၸွမ်းႁႃတၢင်းသိူဝ်းသမ်ႉပေႃးၵႆ တီႈတေႉၵေႃႈမီးယူႇတီႈႁိူၼ်းၵူၺ်း။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-18T04:21:53 | https://tainovel.com/%e1%82%81%e1%81%b5%e1%80%ba%e1%82%89%e1%81%bc%e1%80%84%e1%80%ba%e1%82%87%e1%80%9c%e1%80%b0%e1%80%99%e1%80%ba%e1%81%b8%e1%82%82%e1%80%ba/ | ႁၵ်ႉၼင်ႇလူမ်ၸႂ် | မၢင်ပွၵ်ႈၵေႃႈ ယူႇမိူၼ်ဢူၺ်းၵေႃႉ ႁဵတ်းလွင်ႈယွင်ႇယွင်ႇၵႂႃႇၸွမ်းၵၼ်။ မၢင်ပွၵ်ႈၵေႃႈ ယူႇမိူၼ်ၵေႃႉႁၵ်ႉ မီးၶၢဝ်းယၢမ်းႁွမ်ဝၢၼ်ၸွမ်းၵၼ်။ မၢင်ပွၵ်ႈၵေႃႈ ယူႇမိူၼ်ၽူႈၵုမ်းထိင်း မေႃမႆႈၸႂ်လႄႈပၼ်ၾၢင်ႉၵၼ်။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-18T04:20:38 | https://tainovel.com/%e1%80%9c%e1%80%bd%e1%80%84%e1%80%ba%e1%82%88%e1%80%9c%e1%80%b5%e1%81%b5%e1%80%ba%e1%82%89%e1%80%a2%e1%80%bd%e1%81%bc%e1%80%ba%e1%82%87%e1%81%b5%e1%80%b0%e1%81%ba%e1%80%ba%e1%80%b8%e1%81%b5%e1%80%b1/ | လွင်ႈလဵၵ်ႉဢွၼ်ႇၵူၺ်းၵေႃႈသိူဝ်းလႆႈယဝ်ႉ | တၢင်းသိူဝ်းၼၼ်ႉဢမ်ႇလႆႈမႃးယွၼ်ႉဝႃႈမီးၵူႈလွင်ႈဢၼ်ၶႂ်ႈပဵၼ် မၼ်းလႆႈမႃးတီႈဢၼ်မေႃႁူႉၸၵ်းၵႃႈၶၼ်မၼ်းလႄႈယိၼ်းၸူမ်းလွင်ႈဢၼ်မီးယူႇယဝ်ႉ ဢမ်ႇဝႃႈလွင်ႈလဵၵ်ႉလဵၵ်ႉဢွၼ်ႇၵူၺ်းၵေႃႈ ႁဵတ်းႁႂ်ႈယုမ်ႉၶူဝ်လႆႈယူႇ။ ၸႂ်ႉၸၢတ်ႈပၢၼ်ငၢႆႈငၢႆႈ ဢမ်ႇလူဝ်ႇသုၵ်ႉသၵ်ႉ ဢမ်ႇလူဝ်ႇၵႂႃႇတႅၵ်ႈၼိူင်းတင်းၽႂ် ယူႇၸွမ်းတူဝ်ၸဝ်ႈၵဝ်ႇဢၼ်ပဵၼ်ယူႇ ၵိၼ်တၢင်းၵိၼ်ဢၼ်လႆႈၸႂ် ထွမ်ႇၵႂၢမ်းဢၼ်လႆႈၸႂ် ၼၼ်ႉၵူၺ်းၵေႃႈ ထႅမ်ႁႅင်းလႆႈယဝ်ႉ။ မၢင်ဝၼ်းႁိူဝ်ႉဢိူဝ်ႈၼႆၵေႃႈ သင်လႆႈၼင်ႈလိုဝ်ႈသေ ထူၺ်ႈၸႂ်ၶဝ်ႈလိုၵ်ႉလိုၵ်ႉ တူၺ်းၵၢင်ႁၢဝ်ယူႇလႄႈ ဢၢၼ်ႇပပ်ႉလိၵ်ႈဢွၼ်ႇၵူၺ်းၼႆ ႁဵတ်းႁႂ်ႈၸႂ်ၵတ်းယဵၼ်မႃးလႆႈယူႇ။ မၢင်ပွၵ်ႈၸၢင်ႈတေဝူၼ်ႉထိုင်လွင်ႈပူၼ်ႉမႃး မႆႈၸႂ်ၸွမ်းလွင်ႈမိူဝ်းၼႃႈ ထိုင်တီႈလိုမ်းဝႃႈ မိူဝ်ႈၼႆႉႁဝ်းတိုၵ်ႉထူၺ်ႈၸႂ်ယူႇလႄႈ မီးတိုဝ်ႉတၢင်းႁဵတ်းလွင်ႈလီထႅင်ႈတင်းၼမ်။ ၸႂ်ႉၶၢဝ်းယၢမ်းၸွမ်းဢၼ်ႁဝ်းႁၵ်ႉ ဢမ်ႇဝႃႈပဵၼ်ၵူၼ်းၼႂ်းၼႃႈႁိူၼ်း၊ ဢူၺ်းၵေႃႉ၊ သတ်းလဵင်ႉ ၶၢဝ်းယၢမ်းဢၼ်မီးပၼ်ၵၼ်ၼၼ်ႉ မီးၵႃႈၶၼ်လိူဝ်သေၶူဝ်းၶွင်ၵႃႈၶၼ်ယႂ်ႇၵွၼ်ႇ မၢႆတွင်းလီလီၼၼ်ႉ တေယူႇၸွမ်းႁဝ်းၵႂႃႇတေႃႇၸူဝ်ႈယဝ်ႉ။ ႁဵတ်းလွင်ႈဢၼ်ႁၵ်ႉ ဢမ်ႇဝႃႈပဵၼ်လွင်ႈလဵၵ်ႉဢွၼ်ႇၵူၺ်းၵေႃႈလႆႈ သင်လႆႈၸႂ်ၽုၵ်ႇတူၼ်ႈမႆႉ ၵေႃႈၽုၵ်ႇလႄႈ၊ သင်လႆႈၸႂ်ၸၼ်ႁၢင်ႈ ၵေႃႈၸၼ်လႄႈ တၢင်းသိူဝ်းၼၼ်ႉတေၵႆႉယူႇၸွမ်းလွင်ႈလဵၵ်ႉလဵၵ်ႉဢွၼ်ႇ ဢၼ်ႁဝ်းႁဵတ်းလူၺ်ႈၸႂ်ၼၼ်ႉယဝ်ႉ။ ဢမ်ႇၸႂ်ၸပ်းၸွမ်းလွင်ႈဢၼ်ၵုမ်းထိင်းဢမ်ႇလႆႈ ၾူၼ်တေတူၵ်း၊ တၢင်းတေယၢပ်ႇ ၽႂ်တေဝူၼ်ႉၸိူင်ႉႁိုဝ်တေႃႇႁဝ်း ဢမ်ႇၸႂ်ႈလွင်ႈဢၼ်ႁဝ်းၵုမ်းထိင်းလႆႈ ႁူႉမေႃပွႆႇဝၢင်းသေ တေႁဵတ်းႁႂ်ႈၵတ်းယဵၼ်ၸႂ်မႃးလႆႈယဝ်ႉ။ ဢွၵ်ႇဢဵၼ်ႁႅင်း၊လုမ်းလႃးတူၺ်းထိုင်တူဝ်ၵဝ်ႇလႄႈ ဢမ်ႇလူဝ်ႇသိုဝ်ႉဢွၵ်ႇၵေႃႈလႆႈ တူင်ႉတူင်ႉၼိုင်ၼိုင် ပႆလဵၼ်ႈ ထွမ်ႇၵႂၢမ်းသေလႅၼ်ႈလွႆးလွႆးၵူၺ်းၵေႃႈ ပၢႆးယူႇလီၶႅမ်ႉယဝ်ႉ ၸႂ်ၵေႃႈသိူဝ်းၸွမ်းၵွၼ်ႇ။ မိူဝ်ႈႁဵတ်းၽိတ်းၵေႃႈမေႃဢဝ်တွၼ်ႈသွၼ် ၵူႈၵေႃႉၼၼ်ႉယၢမ်ႈႁဵတ်းၽိတ်းလႄႈ ဢမ်ႇမီးၽႂ်တဵမ်ထူၼ်ႈၵူႈလွင်ႈ ယွမ်းႁပ်ႉသေႁဵၼ်းႁူႉယဝ်ႉ သိုပ်ႇၵႂႃႇလႄႈ လီလိူဝ်သေၼေးတူဝ်ၵဝ်ႇယဝ်ႉ ပၼ်ႁႂ်ႈၶၢဝ်းယၢမ်းပူၼ်ႉပႅတ်ႈလၢႆလၢႆ။ ဢမ်ႇဢဝ်တူဝ်ၸဝ်ႈၵဝ်ႇၵႂႃႇတႅၵ်ႈၼိူင်းတင်းၽႂ် ၵူၼ်းႁဝ်းၼၼ်ႉမီးသဵၼ်ႈတၢင်းၽႂ်မၼ်း မၢင်ၵေႃႉလႅၼ်ႈဝႆး မၢင်ၵေႃႉပႆထိူင်း မၼ်းဢမ်ႇလႆႈလမ်ႇလွင်ႈသေၵႃႈႁိုဝ် ပေႃးဝႃႈႁဝ်းယင်းတိုၵ်ႉၵႂႃႇတၢင်းၼႃႈၵေႃႈလႆႈပေႃးယဝ်ႉ။ မေႃယိုၼ်ႈမႅင်ႇဢၼ်ဢမ်ႇမုင်ႈမွင်းလွင်ႈတွပ်ႇတႅၼ်းၶိုၼ်း တၢင်းယုမ်ႉ ၵႂၢမ်းယိၼ်းၸူမ်း လွင်ႈၸွႆႈထႅမ်လဵၵ်ႉလဵၵ်ႉဢွၼ်ႇ တေၸၢင်ႈလႅၵ်ႈလႆၢႈဝၼ်းဢမ်ႇလီၽႂ်သေၵေႃႉၼိုင်ႈလႄႈ မၢင်ပွၵ်ႈႁဝ်းယင်းတေလႆႈၶိုၼ်းလူၺ်ႈဢမ်ႇဝူၼ်ႉၺႃးလူးၵွၼ်ႇ။ မေႃၶႂၢင်းပၼ်တူဝ်ၵဝ်ႇလႄႈပိူၼ်ႈ ပေႃးဝႃႈၵဵပ်းလွင်ႈၸႂ်လမ်ဝႆႉႁိုင်ႁိုင်ၵေႃႈ ႁဵတ်းႁႂ်ႈႁဝ်းၼၵ်းၸႂ်ၵူၺ်း၊ ၶႂၢင်းပၼ်လႆႈဢၼ်ဝႃႈၼၼ်ႉဢမ်ႇၸႂ်ႈဝႃႈတေလိုမ်း တွၼ်ႈတႃႇမၼ်းတေဢမ်ႇၸၼ်ႁဝ်းၸူမ်ယူႇၸွမ်းမၼ်းဝႆႉၵူၺ်း။ ႁႃလွင်ႈမႂ်ႇမႂ်ႇႁဵတ်းႁႂ်ႈတိုၼ်ႇတဵၼ်ႈ ၸၢမ်းႁဵတ်းလွင်ႈမႂ်ႇ သမ်ႉဝႃႈႁဵတ်းလွင်ႈယွင်ႇယွင်ႇၵူၺ်းၵေႃႈ ၸၢတ်ႈပၢၼ်ၼၼ်ႉတေဢမ်ႇလီၶၢၼ်ႉယဝ်ႉ။ ႁၵ်ႉတူဝ်ၵဝ်ႇၼမ်ၼမ် ၵူၼ်းၵေႃႉဢၼ်ႁဝ်းထုၵ်ႇလီလုမ်းလႃးလိူဝ်သေပိူၼ်ႈၵေႃႈ တူဝ်ႁဝ်းၼၼ်ႉယဝ်ႉ လၢတ်ႈလီတေႃႇတူဝ်ၵဝ်ႇ ပၼ်ၶၢဝ်းယၢမ်းတူဝ်ၵဝ်ႇ ယႃႇလိုမ်းလၢတ်ႈတူဝ်ၵဝ်ႇဝႃႈ “မႂ်းႁဵတ်းလႆႈယူႇၼႃႈ”။ ပိၼ်ႇ- ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-16T04:09:09 | https://tainovel.com/%e1%80%90%e1%81%a2%e1%80%84%e1%80%ba%e1%80%b8%e1%80%9e%e1%80%ad%e1%80%b0%e1%80%9d%e1%80%ba%e1%80%b8%e1%80%a2%e1%81%bc%e1%80%ba%e1%81%b8%e1%82%85%e1%80%90%e1%80%ba%e1%82%88%e1%81%b8%e1%81%a2%e1%80%84/ | တၢင်းသိူဝ်းဢၼ်ၸႅတ်ႈၸၢင်ႇ | “တၢင်းသိူဝ်းဢၼ်ၸႅတ်ႈၸၢင်ႇ ” တၢင်းသိူဝ်းၼႆႉ မၼ်းပဵၼ်ဢၼ်သၢၼ်ၶတ်းၵၼ်တင်း လွင်ႈတၢင်းတုၵ်ႉဝႃႈၼႆႉသေတႃႉ သမ်ႉဝႃႈဢမ်ႇမီး တၢင်းတုၵ်ႉၵေႃႈ တေမီးတၢင်းသိူဝ်းၼႆ ဢမ်ႇၸႂ်ႈ ၵွပ်ႈပိူဝ်ႈ ၼႂ်းၵႄႈ တၢင်းတုၵ်ႉလႄႈတၢင်းသိူဝ်းၼႆႉ ယင်းမီး ၶေႃႈဝႃႈ ဢမ်ႇတုၵ်ႉဢမ်ႇသိူဝ်းၼႆၼၼ်ႉထႅင်ႈယူႇ။ လွင်ႈတၢင်းသိူဝ်းၼႆႉ ပဵၼ်မႃးမိူဝ်ႈၽွင်း ဢၼ်မီးလွင်ႈတၢင်းပဵၼ်မႃး မႅၼ်ႈမိူဝ်ႈလဵဝ်ၵၼ်တင်းဢၼ်ၸဝ်ႈၵဝ်ႇ ၶႂ်ႈပဵၼ်ၼၼ်ႉယဝ်ႉ။ ပိူင်တႅၵ်ႈမၼ်း မိူၼ်ၼင်ႇ~ ၸဝ်ႈၵဝ်ႇၶႂ်ႈၵိၼ်လႄႈလႆႈၵိၼ် ၸဝ်ႈၵဝ်ႇၶႂ်ႈလႄႇ လႄႈ လႆႈလႄႇ ၶႂ်ႈမီးငိုၼ်းလႄႈမီး တႄႇၵႂႃႇ ၵွပ်ႈပိူဝ်ႈမီးမႃး လွင်ႈတၢင်းဢၼ်ႁဵတ်းႁႂ်ႈပဵၼ်ၼင်ႇၸႂ်လႄႈ ၸင်ႇမီးတၢင်းသိူဝ်းယဝ်ႉ။ တီႈမူၼ်ႈသိူဝ်းၼၼ်ႉ ဢမ်ႇၸႂ်ႈတၢင်းသိူဝ်းတႃႇၵူႈၵေႃႉ မိူၼ်ၼင်ႇ ပၢင်မူၼ်ႈသိူဝ်း ၊ KTV၊ Bar ၊ ၸိူဝ်းၼႆႉ ပဵၼ်တီႈမူၼ်ႈသိူဝ်းဝႃႈၼႆသေတႃႉ ၵွပ်ႈပိူဝ်ႈတၢင်းသူင်ၵျိူၵ်ႈ ဢမ်ႇမိူၼ်ၵၼ်လႄႈ ၵူၼ်းဢၼ်ဢမ်ႇလႆႈၸႂ်တီႈၸိုင်ႉ ၼႆၵေႃႈယင်းမီးယူႇ ။ လွင်ႈတၢင်းသိူဝ်း ဢၼ်ပဵၼ်မႃးလူၺ်ႈ ၸႂ်ၶႂ်ႈပဵၼ်လႄႈ ပဵၼ်မႃးၼၼ်ႉ မၼ်းသိူဝ်းလႆႈၸူဝ်ႈၶၢဝ်းၵူၺ်း ၵွပ်ႈပိူဝ်ႈ ၸႂ်ႁဝ်းလႅၵ်ႈလၢႆႈယူႇၵူႈၶၢဝ်းလႄႈ တၢင်းသိူဝ်းယွၼ်ႉလူၺ်ႈ ဢၼ်ၼိုင်ႈပဵၼ်မႃးယဝ်ႉသေၶိုၼ်းႁၢႆၵႂႃႇ သမ်ႉလႆႈၶိုၼ်းမုင်ႈမွင်းထႅင်ႈ ၵွပ်ႈၼၼ် ၼႂ်းၵႄႈမၼ်းၼၼ်ႉ ယင်းပဵၼ်လႆႈတၢင်းတုၵ်ႉယူႇ။ တႃႇႁႂ်ႈမီးတၢင်းသိူဝ်းဢၼ်ၸႅတ်ႈၼၼ်ႉ ၸဝ်ႈၵဝ်ႇ တေလႆႈႁဵတ်းသၢင်ႈဢဝ်ၼႂ်းၸႂ်ၸဝ်ႈၵဝ်ႇႁင်းၵူၺ်းယဝ်ႉ ။ ၵွပ်ႈပိူဝ်ႈ တၢင်းတုၵ်ႉလႄႈတၢင်းသိူဝ်းၼၼ်ႉပဵၼ်မႃးယွၼ်ႉၸႂ်ၵူၺ်းလႄႈ ပေႃးမႅၼ်ႈၸႂ်ၵေႃႈသိူဝ်းသေ ပေႃးဢမ်ႇမႅၼ်ႈၸႂ်ၵေႃႈပဵၼ်တၢင်းတုၵ်ႉမႆႈၸႂ်ၸဝ်ႈၵဝ်ႇ ၼၼ်ႉ တေႁဵတ်းႁိုဝ်ၵႄႈလိတ်ႈမၼ်းၼႆ ~ တေလႆႈၽိုၵ်းပွႆႇဝၢင်းၸႂ် – မၢင်ပွၵ်ႈ ဢၼ်ၸဝ်ႈၵဝ်ႇယိူင်းဢၢၼ်းဝႆႉ ဢမ်ႇပဵၼ်မႃးလႄႈ ၸၢင်ႈႁဵတ်းႁႂ်ႈတုမ်ႉယွၼ်ႈၸႂ်ၸဝ်ႈၵဝ်ႇယဝ်ႉ ၽွင်းၼၼ်ႉ ႁႂ်ႈမေႃဝႆႉၸႂ်ဝႃႈ ဢမ်ႇမီးသင်မၼ်ႈၵိုမ်း လွင်ႈဢမ်ႇထၢင်ႇၼၼ်ႉ ၸၢင်ႈပဵၼ်မႃးယူႇ ၼႆသေ ႁႂ်ႈမေႃယူႇၸွမ်းပတ်ႉၸုပၢၼ်ႇ ၶၢဝ်းယၢမ်းမိူဝ်ႈလဵဝ် ၊ ယွၼ်ႉပိူဝ်ႈလွင်ႈတၢင်း ဢၼ်တၢင်ႇၵေႃႉႁဵတ်းဢမ်ႇမႅၼ်ႈၸႂ် ၊ ဢမ်ႇၼၼ် ၸဝ်ႈၵဝ်ႇႁဵတ်းဢမ်ႇမိူၼ်ၸႂ်ႁင်းၵူၺ်းသေ တေၸၢင်ႈပဵၼ်တၢင်းတုၵ်ႉၼၼ်ႉ ႁႂ်ႈမေႃဝႆႉဝၢင်းၸႂ်ဝႃႈ ဢမ်ႇမီးသင် ဢၼ်မိူၼ်ၸႂ်လႆႈ ၶႂ်ႈယဝ်ႉမၼ်းသေ ယႃႇပေၸႂ်လမ်ယဝ်ႉ။ ဢၼ်ဢမ်ႇသႅင်ႇသင်တင်းၸဝ်ႈၵဝ်ႇၼၼ်ႉ ယႃႇပေယုင်ႈၸွမ်း ~ မၢင်ပွၵ်ႈမၢင်လႂ် ပိူၼ်ႈထဵင်ၵၼ် ၸဝ်ႈၵဝ်ႇပႆၽၢတ်ႈၵႂႃႇႁၼ် ဢမ်ႇၼၼ် ပဵၼ်ႁိမ်းၸဝ်ႈၵဝ်ႇၼၼ်ႉ ယႃႇပေဢဝ်သႂ်ႇၸႂ်ၸွမ်း ။ ၽိုၵ်းႁၵ်ႉၼိူဝ်ၵူၼ်းၵူႈၵေႃႉၵူႈသႅၼ်း ~ ႁၵ်ႉတီႈၼႆႈၼႆႉ ဢမ်ႇလႆႈမၢႆထိုင်ႁႂ်ႈႁၵ်ႉမိူၼ်ၼင်ႇၵေႃႉႁၵ်ႉ တေလႆႈႁၵ်ႉမဵတ်ႉတႃႇ ဝႆႉပိူၼ်ႈမိူၼ်ၼင်ႇ ဢူၺ်းၵေႃႉ ပီႈၼွင်ႉၸဝ်ႈၵဝ်ႇ ၊ သင်ဝႃႈ ႁဝ်းဝႆႉၸႂ်ၸိုင်ႉၼၼ်လႆႈ တႃႇႁႂ်ႈတေၸင်းၵူၼ်းတၢင်ႇၵေႃႉၼၼ်ႉၵေႃႈ တေဢမ်ႇပဵၼ်မႃး ပေႃးဢမ်ႇမီးတၢင်းၸင်းၵေႃႈ ၸႂ်တေဢမ်ႇတုၵ်ႉ ။ တၢင်းႁၵ်ႉၼႆႉၵေႃႈ သင်ဝႃႈႁၵ်ႉႁႅင်းၼႆ ၸၢင်ႈပဵၼ်တၢင်းတုၵ်ႉယူႇလႄႈ ႁႂ်ႈမေႃႁၵ်ႉပၢၼ်ၵၢင်သေၵမ်း။ ႁႂ်ႈမေႃၸူမ်းၸွမ်းပိူၼ်ႈ – မၢင်ပွၵ်ႈ မႅၼ်ႈမိူဝ်ႈႁၼ်ၺႃး ၵူၼ်းတၢင်ႇၵေႃႉ လႆႈလီလႆႈပဵၼ်လိူဝ်ၸဝ်ႈၵဝ်ႇၼၼ်ႉ ၵႆႉပဵၼ်ၸႂ်သုၺ်ႈ သီႇၵေႉလႄႈ တေၸၢင်ႈႁဵတ်းႁႂ်ႈ ၸဝ်ႈၵဝ်ႇဢမ်ႇမီးတၢင်းသိူဝ်းႁင်းၵူၺ်းယဝ်ႉ သင်ဝႃႈႁဝ်း ဝႆႉၸႂ်ၸူမ်းၸွမ်းမၼ်းၸိုင် ၸဝ်ႈၵဝ်ႇၵေႃႈတေမီးတၢင်းသိူဝ်းၸႂ်ယူႇ။ ႁႂ်ႈမေႃႁၼ်လီၼိူဝ်ၵူၼ်းတၢင်ႇၵေႃႉ ~ သင်ဝႃႈ ပဵၼ်လႆႈ 3 ၶေႃႈတီႈၼိူဝ်ၼႆႉၵေႃႈ လွင်ႈမေႃႁၼ်လီၼိူဝ်ၵူၼ်းတၢင်ႇၵေႃႉၼၼ်ႉတေပဵၼ်မႃးၵူၺ်း ၊ မၢင်ပွၵ်ႈ ယွၼ်ႉၸႂ်ႁဝ်းထၢင်ႇႁင်းၵူၺ်းသေ ၵႆႉပဵၼ်မႃးလွင်ႈဢမ်ႇႁၼ်လီၼိူဝ်ပိူၼ်ႈယဝ်ႉ သင်ဝႃႈၸႂ်ႁဝ်း ထၢင်ႇၽိတ်း ထၢင်ႇပိူင်ႈၼိူဝ်ပိူၼ်ႈၵေႃႈ လွင်ႈႁဵတ်းသၢင်ႈႁဝ်း တေႃႇၶဝ်ၼၼ်ႉၵေႃႈၸၢင်ႈပိူင်ႈမႃးယဝ်ႉ ၊ လွင်ႈႁၼ်ၽိတ်းၼႆႉၵေႃႈ ပဵၼ်ငဝ်ႈႁၢၵ်ႈတၢင်းတုၵ်ႉၸႂ် ဢၼ်ၼိုင်ႈလႄႈ တေလႆႈဝႄႈမၼ်းယဝ်ႉ။ ၵွပ်ႈၼၼ် ပိူင်လူင်မၼ်းတႄႉ လူဝ်ႇယိပ်းၵမ်ၸႂ်ၸဝ်ႈၵဝ်ႇ ႁႂ်ႈလႆႈၼၼ်ႉယဝ်ႉ ပေႃးဝႃႈႁဵတ်းၼႆၸိုင် လွင်ႈတၢင်းသိူဝ်းၸႅတ်ႈၸၢင်ႇၼၼ်ႉၵေႃႈ တိုၼ်းတေၶဝ်ႈမႃးႁႃၸဝ်ႈၵဝ်ႇၵူၺ်း။ ၵူၼ်းၵေႃႉဢၼ်မီးတၢင်းသိူဝ်းၸႅတ်ႈၸၢင်ႇၼၼ်ႉ တေလႆႈႁၼ် ၼႃႈၶဝ်ၸိုၼ်ႈသႂ်လႄႈ ၵႆႉယုမ်ႉယဝ်ႉ ။ သင်ဝႃႈႁုပ်ႈၵႅပ်ႈၶိုၼ်းၸိုင် တၢင်းသိူဝ်းၸႅတ်ႈၸၢင်ႇၼႆႉ ပဵၼ်လွင်ႈႁၢင်ႈၶိူင်ႈၸႂ်ၸဝ်ႈၵဝ်ႇ ႁႂ်ႈႁၼ်ၶူင်းၵၢင်ၼႆႉ ႁၢင်ႈလီယူႇတႃႇသေႇၼၼ်ႉယဝ်ႉ။ ၶေႃႈလူပ်း ~ ယွၼ်းသူးႁႂ်ႈၽူႈလူဢၢၼ်ႇႁဝ်းၶဝ် မီးတၢင်းတၢင်းသိူဝ်းဢၼ်ၸႅတ်ႈၸၢင်ႇၵၼ် ၵူႈၵေႃႉသေၵမ်း ၶွပ်ႈၸႂ်သေ~ ၼုမ်ႇၸိုၼ်ႈၾႃႉ ထုင်ႉမေႃႇငိုၼ်း 15 March 2025 21:30 | ['လွၼ်ႉမွၼ်းၵႂၢမ်း'] |
2025-03-09T16:51:31 | https://tainovel.com/%e1%80%9a%e1%80%b0%e1%82%87%e1%80%90%e1%80%ae%e1%82%88%e1%82%81%e1%80%9d%e1%80%ba%e1%80%b8%e1%81%b5%e1%80%b0%e1%81%ba%e1%80%ba%e1%80%b8/ | ယူႇတီႈႁဝ်းၵူၺ်း | ပၼ်ႁႃ ၵူႈမဵဝ်းၼၼ်ႉ မၼ်းၵိူတ်ႇပဵၼ်မႃး တႃႇပၼ် တွၼ်ႈသွၼ်ႁဝ်း တႃႇသေႇယဝ်ႉ ၶေႃႈၵႂၢမ်းဝႃႈယဵၼ်ႉၵၼ်ႈ ပဵၼ်တွၼ်ႈတႃႇၵူၼ်းဢၼ်ဢမ်ႇမေႃယွမ်းသုမ်းၵူၺ်း ၶေႃႈၵႂၢမ်းဝႃႈ သိုပ်ႇၵႂႃႇၼႃႈ ပဵၼ်တွၼ်ႈတႃႇၵူၼ်းဢၼ်မီးၸႂ်ႁတ်းသူႈၵူၺ်း ၶေႃႈၵႂၢမ်းဝႃႈ လွင်ႈမုင်ႈမွင်း ပဵၼ်ႁႅင်းၸႂ်ႁႂ်ႈသိုပ်ႇၸုၵ်းမၼ်ႈၵႂႃႇထႅင်ႈ ၶေႃႈၵႂၢမ်းဝႃႈ လဵပ်ႈႁဵၼ်း ပဵၼ်ၶွင်ၵူၼ်းဢၼ်ဢမ်ႇယၢမ်ႈ ၵိုတ်းလိုဝ်ႈတႃႇၶတ်းၸႂ် ၸၢတ်ႈပၢၼ်ႁဝ်းၼၼ်ႉ ဢမ်ႇမီးသင်မၼ်ႈၵိုမ်းယူႇယဝ်ႉ လွင်ႈလႂ်ႁဵတ်းႁႂ်ႈသိူဝ်းၵေႃႈ သိုပ်ႇႁဵတ်းၵႂႃႇ၊ လွင်ႈလႂ်ႁဵတ်းႁႂ်ႈတုၵ်ႉၵေႃႈ တတ်းၶၢတ်ႇပႅတ်ႈသေ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-09T16:47:45 | https://tainovel.com/%e1%81%bd%e1%82%82%e1%80%ba%e1%80%95%e1%80%b5%e1%81%bc%e1%80%ba%e1%81%b5%e1%80%b1%e1%82%83%e1%82%89%e1%80%9a%e1%80%bd%e1%80%99%e1%80%ba%e1%80%b8/ | ၽႂ်ပဵၼ်ၵေႃႉယွမ်း | သင်ဝၼ်းမိူဝ်ႈၼႆႉ သူႁဵတ်းၸွမ်းယိူင်းမၢႆသူဢမ်ႇဢွင်ႇမၢၼ် ပႆႇၸႂ်ႈလၢႆးမၼ်းၵူၺ်း ဢမ်ႇၸႂ်ႈလွင်ႈတူၵ်းသုမ်း ၵူၼ်းႁဝ်းၼၼ်ႉ တႄႇမႂ်ႇလႆႈယူႇတႃႇသေႇ လိူဝ်သေဝႃႈ သူတေပဵၼ်ၵူၼ်းယွမ်းသုမ်းမၼ်း ၼၼ်ႉတႄႉၸင်ႇတေႁွင်ႉဝႃႈတူၵ်းသုမ်းယဝ်ႉ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-09T16:45:22 | https://tainovel.com/%e1%80%9c%e1%80%bd%e1%80%84%e1%80%ba%e1%82%88%e1%80%9e%e1%82%82%e1%80%ba%e1%82%87%e1%81%b8%e1%82%82%e1%80%ba%e1%81%b5%e1%81%bc%e1%80%ba/ | လွင်ႈသႂ်ႇၸႂ်ၵၼ် | လွင်ႈလဵၵ်ႉလဵၵ်ႉဢွၼ်ႇ ဢၼ်မီးပၼ်ၵၼ်ၼၼ်ႉ ပဵၼ်တူဝ်တႅၼ်းလွင်ႈၸမ်ၸႂ်ၵၼ် လႄႈ လၢတ်ႈထိုင်ဝႃႈ မၼ်းလမ်ႇလွင်ႈ ပုၼ်ႈတႃႇၵူၼ်းႁၵ်ႉၵၼ်လႆႈလီ တၢင်းႁၵ်ႉ ဢမ်ႇၸႂ်ႈလွင်ႈဝႃႈၽႂ်တေလႆႈတူၺ်းထိုင်ၽႂ် ၵူၺ်းၵႃႈမၼ်းပဵၼ် လွင်ႈသႂ်ႇၸႂ်ၵၼ် ႁႅင်းၸႂ်တီႈၵူၼ်းၸမ်ၸႂ်ၼၼ်ႉ ပဵၼ် “ဢဵၼ်ႁႅင်း” ၸႂ်ႉၸၢတ်ႈပၢၼ်ၵႂႃႇလႆႈလီ ၸႂ်ႉၶၢဝ်းယၢမ်းဢၼ်မီးယူႇ ႁဵတ်းပၼ် “လွင်ႈလီလီ” တေႃႇၵၼ် ဢမ်ႇၸမ်ပဵၼ်ဝႃႈ ဝၼ်းလႂ်မၼ်းလမ်ႇလွင်ႈ ႁဵတ်းပၼ်ၵူႈဝၼ်းဝၼ်း ႁႂ်ႈပေႃးမီးလွင်ႈလီလီတေႃႇၵၼ် ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-09T16:41:12 | https://tainovel.com/%e1%80%99%e1%80%ad%e1%80%b0%e1%80%9d%e1%80%ba%e1%82%88%e1%80%91%e1%80%ad%e1%80%af%e1%80%84%e1%80%ba%e1%81%b6%e1%81%a2%e1%80%9d%e1%80%ba%e1%80%b8%e1%80%9a%e1%81%a2%e1%80%99%e1%80%ba%e1%80%b8/ | မိူဝ်ႈထိုင်ၶၢဝ်းယၢမ်း | လွင်ႈတၢင်းဢၼ်ႁဵတ်းႁႂ်ႈဝႂ်မႆႉႁူင်ႈၼၼ်ႉ ဢမ်ႇၸႂ်ႈယွၼ်ႉလူမ်းထွင်း ဢမ်ႇၸႂ်ႈယွၼ်ႉတူၼ်ႈမႆႉဢမ်ႇၸၼ်ဝႆႉ ၵူၺ်းၵႃႈမၼ်းထိုင်ၶၢဝ်းယၢမ်းမၼ်းယဝ်ႉ ၸၢတ်ႈပၢၼ်ၵူၼ်းႁဝ်းၵေႃႈ မိူၼ်ၼင်ႇဝႂ်မႆႉယဝ်ႉ မိူဝ်ႈမၼ်းမုၼ်းဢွၵ်ႇမႃးလႆႈၵေႃႈ ႁူႉၵႃႈတေလူၼ်ႇႁူင်ႈၼဝ်ႈႁၢႆၵႂႃႇယဝ်ႉ လွင်ႈဢၼ်ထုၵ်ႇလီပဵၼ် မၼ်းၵေႃႈတေပဵၼ်၊ လွင်ႈဢၼ်ထုၵ်ႇလီၵႂႃႇ မၼ်းၵေႃႈတေၵႂႃႇ၊ လွင်ႈဢၼ်ထုၵ်ႇလီမႃး မၼ်းၵေႃႈတေမႃး၊ လွင်ႈဢၼ်ထုၵ်ႇလီယၢၼ် မၼ်းၵေႃႈတေယၢၼ် သမ်ႉဝႃႈၶႂ်ႈတိုတ်ႉၼွင်ႇၸၼ်ဝႆႉၵေႃႈ မီးၽႂ်လႃႇတေၸၼ်မၼ်းဝႆႉလႆႈ ႁဝ်းၵေႃႈပဵၼ်လႆႈၶႅၵ်ႇၶူင်းၵၢင်ၵူၺ်း ဝၼ်းၼိုင်ႈႁူႉတေလႆႈၽၢတ်ႇယၢၼ်ၵႂႃႇယဝ်ႉ ယႃႇၵုမ်ႇဝူၼ်ႉၼမ်ၸွမ်းၸၢတ်ႈပၢၼ်ယူႇယဝ်ႉဝႃႈ တေလႆႈဢီႈသင်၊ တေပဵၼ်ၸိူင်ႉႁိုဝ်၊ တေလႆႈပဵၼ်မိူၼ်ၽႂ် ဢၼ်လႂ်ယိုၼ်းမႃးလႆႈၵေႃႈ ယိၼ်းၸူမ်းသေ ဢၼ်လႆႈ လုတ်ႈမိုဝ်းၵႂႃႇၵေႃႈ ပွႆႇမၼ်းၵႂႃႇသေ ယူႇၸွမ်းၶၢဝ်းယၢမ်းဢၼ်ပဵၼ်ယူႇၼႆႉႁႂ်ႈလႆႈ ႁဵတ်းႁႂ်ႈၶၢဝ်းယၢမ်းဢၼ်မီးယူႇၼႆႉ မီးၵႃႈၶၼ်ၵူၺ်းၵေႃႈပဵင်းပေႃးယဝ်ႉ ယူႇပဵၼ်ႁႅင်းၸႂ်ပၼ်ၵၼ် ႁဝ်းၵေႃႈတေၽၢတ်ႇယၢၼ်ၵၼ်ၵႂႃႇၼင်ႇသိူဝ်းၸႂ် ယႃႇၵႂႃႇသႂ်ႇၸႂ်ၸၢတ်ႈပၢၼ်ၼႃႇပူၼ်ႉတီႈ ၵမ်ႉမၼ်းၵေႃႈပေႃးပူၼ်ႉၵႂႃႇယဝ်ႉ၊ ယိုၼ်ႈမႅင်ႇတၢင်းသိူဝ်းပၼ်ၵၼ် မေႃပွင်ႇၸႂ်ဝၢင်းၶႂၢင်းပၼ်ၵၼ်ၼမ်ၼမ် မိူဝ်ႈယၢၼ်ၵၼ်ၵႂႃႇၵေႃႈတေလႆႈၵတ်းၸႂ် ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-09T16:37:55 | https://tainovel.com/%e1%80%95%e1%81%a2%e1%81%bc%e1%80%ba%e1%80%95%e1%80%b5%e1%81%bc%e1%80%ba%e1%81%b8%e1%80%bd%e1%80%84%e1%80%ba%e1%82%88/ | ပၢၼ်ပဵၼ်ၸွင်ႈ | ဢမ်ႇမီးၸွင်ႈလူင်ႇလႂ် လႆႈၸႂ်ႉတိုဝ်းမၼ်းယူႇတႃႇသေႇ မိူဝ်ႈၾူၼ်တူၵ်း ၸင်ႇတေယိပ်းမႃးၸႂ်ႉၵူၺ်း ၾူၼ်ႁိူတ်ႇၵႂႃႇၵေႃႈ ၵဵပ်းဝႆႉၶိုၼ်းတီႈၵဝ်ႇၵူၺ်း ၸွင်ႈတေမီးၵႃႈၶၼ်မိူဝ်ႈၾူၼ်တူၵ်း တေဢမ်ႇမီးၵႃႈၶၼ်မိူဝ်ႈၾူၼ်ႁိူတ်ႇယဝ်ႉ ႁဝ်းဢမ်ႇႁူႉဝႃႈၶဝ်တေဝူၼ်ႉလီတေႃႇႁဝ်းမိူၼ်ႁဝ်းဝူၼ်ႉတေႃႇၶဝ်ၼၼ်ႉယူႇႁိုဝ် ဢမ်ႇၼၼ်ၵေႃႈၶဝ်တေႁၼ်ႁဝ်းမိူၼ်ၸွင်ႈ ယိပ်းၸႂ်ႉႁဝ်းမိူဝ်ႈမၼ်းမီးၽွၼ်းလီၵူၺ်း ပေႃးဢမ်ႇၸႂ်ႉလႆႈမိူၼ်ၸႂ်မႃးၵေႃႈ ပွႆႇပိုၼ်ႉပွႆႇပႅတ်ႈသေ ပေႃးလူဝ်ႇၵေႃႈမႃးၸႂ်ႉၶိုၼ်း မီးၽွၼ်းလီၵူၼ်းၶဝ်ႈႁႃ ဢမ်ႇပၼ်ၽွၼ်းလီ ဢူၺ်းၵေႃႉၵူၺ်းၵေႃႈႁႃဢမ်ႇမႃးၸူးၸိူင်ႉၼၼ် ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-09T16:34:56 | https://tainovel.com/%e1%81%b8%e1%81%a2%e1%80%90%e1%80%ba%e1%82%88%e1%80%95%e1%81%a2%e1%81%bc%e1%80%ba%e1%80%9c%e1%82%85%e1%81%b5%e1%80%ba%e1%82%88%e1%80%9c%e1%81%a2%e1%82%86%e1%82%88/ | ၸၢတ်ႈပၢၼ်လႅၵ်ႈလၢႆႈ | ၸၢတ်ႈပၢၼ်ႁဝ်းၼၼ်ႉ မီးလွင်ႈလႅၵ်ႈလၢႆႈယူႇတႃႇသေႇ လႅၵ်ႈလၢႆႈႁႂ်ႈႁဝ်းၵေႃႉယႂ်ႇၶိုၼ်ႈမႃး၊ လႅၵ်ႈလၢႆႈႁႂ်ႈႁဝ်းဢွၵ်ႇႁၢင်ႇတီႈဢၼ်ႁဝ်းဢမ်ႇၵျိူၵ်ႈ၊ လႅၵ်ႈလၢႆႈႁႂ်ႈႁဝ်းပေႃးမီးတၢင်းသိူဝ်းမႃးထႅင်ႈ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-09T16:31:52 | https://tainovel.com/%e1%80%95%e1%80%b5%e1%81%bc%e1%80%ba%e1%80%90%e1%80%b0%e1%80%9d%e1%80%ba%e1%81%b5%e1%80%9d%e1%80%ba%e1%82%87%e1%81%bc%e1%81%bc%e1%80%ba%e1%82%89/ | ပဵၼ်တူဝ်ၵဝ်ႇၼၼ်ႉ | သင်မီးယိူင်းဢၢၼ်း ႁႂ်ႈလၢတ်ႈဝႃႈ “ၶႂ်ႈႁဵတ်း” လိူဝ်သေ “ၶႂ်ႈပဵၼ်” မိူဝ်ႈႁူႉၸၵ်းတူဝ်ၵဝ်ႇၼႆ ယႃႇပေႁႂ်ႈမၼ်းႁၢႆၵႂႃႇပႅတ်ႈ ႁဝ်းပွႆႇဝၢင်းၶႂၢင်းပၼ်ၼၼ်ႉ ဢမ်ႇၸႂ်ႈတႃႇၽႂ် ပဵၼ်တႃႇတူဝ်ႁဝ်းၵူၺ်း ၶတ်းၸႂ်ယုမ်ႉဝႆႉလႄႈ ဢမ်ႇဝႃႈတေႁဵတ်းသင် ႁႂ်ႈသႂ်ႇၸႂ်တႅတ်ႈတႅတ်ႈတေႃးတေႃး သင်လႆႈငိၼ်းၵႂၢမ်းယုၵ်ႉယွင်ႈ ဢမ်ႇလူဝ်ႇထဵင်ၶိုၼ်း လၢတ်ႈဝႃႈ ယိၼ်းၸူမ်းယဝ်ႉၼႆၵႂႃႇၵေႃႈလႆႈယဝ်ႉ ဢမ်ႇလူဝ်ႇလႆႈထဵင်ၶိုၼ်းၽႂ် ၵူႈလွင်ႈ သၢႆတႃပိူၼ်ႈၼၼ်ႉ ဢမ်ႇလႆႈမႃးတုမ်ႉယွၼ်ႈသင်ႁဝ်းလေႃႇ ပေႃးႁဝ်းဢမ်ႇသူၼ်ၸႂ် ၶတ်းၸႂ်ႁဵတ်းၵႂႃႇလႄႈ သမ်ႉဝႃႈမၼ်းတေဢမ်ႇပႆႇႁၼ် ၼမ်ႉတွၼ်းၽွၼ်းလီသင်မႃးၵေႃႈ ဝၼ်းၼိုင်ႈ လွင်ႈဢွင်ႇမၢၼ်ၼၼ်ႉတေမႃးထိုင်ယူႇၵူၺ်း ဢမ်ႇလူဝ်ႇႁႂ်ႈၽႂ်မႃးတႅပ်းတတ်းၵႃႈၶၼ်ႁဝ်း ႁဝ်းၵေႃႉတေပဵၼ်ၵူၼ်းတႅပ်းတတ်းမၼ်းၵူၺ်း မိူဝ်ႈၸတ်းၵၢၼ်ၵူႈလွင်ႈႁႂ်ႈမၼ်းပေႃးမီးပၵ်းမီးပိူင် ၸႂ်ႁဝ်းၵေႃႈတေပဵၼ်ၵႂႃႇၸိူင်ႉၼၼ်ၸွမ်း မိူဝ်ႈမီးပၼ်ႁႃၶဝ်ႈမႃး ႁႂ်ႈဝူၼ်ႉဝႃႈ မၼ်းၵေႃႈပဵၼ်လွင်ႈလဵၵ်ႉလဵၵ်ႉဢွၼ်ႇၵူၺ်း ၵမ်ႉၵေႃႈၵႄႈၶႆလႆႈယဝ်ႉ ပုင်ႇၽၢင်ႁၢင်ႈၵူၼ်းမၢၵ်ႈမီးၼၼ်ႉ ဢမ်ႇလႆႈမႃးၸွမ်းတၢင်းသိူဝ်းတႃႇသေႇ ၸၢတ်ႈပၢၼ်ယူဝ်းယူဝ်းဢွၼ်ႇၼၼ်ႉၵူၺ်းၵေႃႈ ႁဵတ်းႁႂ်ႈမီးတၢင်းသိူဝ်းလႆႈ သင်ထူပ်းၵူၼ်းဢၼ်ၸင်း ၶတ်းၸႂ်ပၢႆႈႁႂ်ႈၵႆၵႆ ထိင်းသိမ်းၶၢဝ်းယၢမ်းတႃႇပႂ်ႉလုမ်းလႃးၵူၼ်းၵေႃႉဢၼ်ႁဝ်းႁၵ်ႉၼၼ်လီလိူဝ် ႁဵတ်းၵၢၼ်ဢၼ်ႁဝ်းလႆႈၸႂ် တႃႇဢွၵ်ႇပၢႆႈပႅတ်ႈလွင်ႈသုၵ်ႉသၵ်ႉၸႂ်ၼၼ်ႉၽွင်ႈ ဝူၼ်ႉထိုင်တၢင်းသိူဝ်းၸိူဝ်းပူၼ်ႉမႃးၼၼ်ႉၽွင်ႈ ယဝ်ႉၾၢင်ႉတူဝ်ၵဝ်ႇဝႃႈ မိူဝ်းၼႃႈႁဝ်းၵေႃႈတေမီးတၢင်းသိူဝ်းၸိူင်ႉၼၼ်လႆႈ ႁၢၼ်ႉၸႂ်ၸွမ်းလွင်ႈဢွင်ႇမၢၼ်ၸဝ်ႈၵဝ်ႇလႄႈ သမ်ႉဝႃႈမၼ်းပဵၼ်လွင်ႈလဵၵ်ႉလဵၵ်ႉဢွၼ်ႇၵူၺ်းၵေႃႈယဝ်ႉ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-09T16:27:11 | https://tainovel.com/%e1%80%9e%e1%80%84%e1%80%ba%e1%82%81%e1%80%b0%e1%82%89%e1%80%9d%e1%82%83%e1%82%88%e1%80%99%e1%81%bc%e1%80%ba%e1%80%b8%e1%81%b5%e1%82%82%e1%82%83%e1%82%87%e1%80%a2%e1%80%99%e1%80%ba%e1%82%87%e1%80%9c/ | သင်ႁူႉဝႃႈမၼ်းၵႂႃႇဢမ်ႇလွတ်ႈယဝ်ႉ | တေတႅပ်းတတ်းႁႂ်ႈမၼ်းယဝ်ႉၵႂႃႇသေလႄႈ ႁႂ်ႈမၼ်းၸႅင်ႈလႅင်းၸဵမ်မိူဝ်ႈတႄႇမၼ်းၼႆ ပဵၼ်တၢင်းဢွၵ်ႇဢၼ်လီလိူဝ်သေပိူၼ်ႈယဝ်ႉ မိူဝ်ႈၼႆႉမၼ်းတေႁဵတ်းႁႂ်ႈၸဵပ်းဢိူဝ်ႈ ၵူၺ်းၵႃႈ မၼ်းတေလီလိူဝ်သေဢၼ်ပၼ်လွင်ႈမုင်ႈမွင်းလူမ်းလူမ်းလႅင်ႉလႅင်ႉယူႇႁဵတ်းၼၼ် လွင်ႈၸမ်ၸႂ်ဢၼ်လီတေႃႇၵၼ်ၼၼ်ႉ ထုၵ်ႇလီသိုဝ်ႈယူဝ်းတေႃႇၵၼ် ၼပ်ႉယမ်ၵၼ်ယဝ်ႉ သင်ၸႂ်ဢမ်ႇမိူၼ်ၵၼ် ယွမ်းႁပ်ႉသေလႄႈပွႆႇၵႂႃႇ တေပဵၼ်သဵၼ်ႈတၢင်းဢၼ်လီပုၼ်ႈတႃႇတင်းသွင်ၵေႃႉ ႁႂ်ႈပေႃးၵႂႃႇတၢင်းၼႃႈလႆႈထႅင်ႈႁင်းၽႂ်မၼ်း ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-09T16:23:56 | https://tainovel.com/%e1%81%b5%e1%80%bd%e1%80%90%e1%80%ba%e1%82%87%e1%80%90%e1%80%b0%e1%80%9d%e1%80%ba%e1%81%b5%e1%80%9d%e1%80%ba%e1%82%87%e1%80%9d%e1%82%86%e1%82%89%e1%80%9e%e1%80%b1/ | ၵွတ်ႇတူဝ်ၵဝ်ႇဝႆႉသေ | လၢတ်ႈပၼ်ႁႅင်းၸႂ်တူဝ်ၵဝ်ႇဝႃႈ ႁဝ်းဢဝ်ၶၢမ်ႈပူၼ်ႉမၼ်းလႆႈယူႇ ႁဝ်းၵေႃႈပေႃးဢဝ်ပူၼ်ႉမၼ်းမႃးလႆႈတင်းၼမ်ယဝ်ႉ မၼ်းၵေႃႈပဵၼ်တွၼ်ႈသွၼ်ၸၢတ်ႈပၢၼ်ဢၼ်ၼိုင်ႈ တေႁဵတ်းႁႂ်ႈႁဝ်းၵႅၼ်ႇၶႅင်မႃး သမ်ႉဝႃႈဢမ်ႇမီးၽႂ်ယူႇႁိမ်းၶၢင်ႈႁဝ်းၵေႃႈယဝ်ႉ ႁဝ်းၵေႃႈယင်းတိုၵ်ႉမီးတူဝ်ၵဝ်ႇ ႁဝ်းတေဢဝ်ၶၢမ်ႈပူၼ်ႉမၼ်းၵႂႃႇႁႂ်ႈလႆႈ ဝႆႉၸႂ်ၸိူင်ႉၼႆသေ ယုမ်ႇဝႃႈတေဢဝ်ၶၢမ်ႈပူၼ်ႉၵႂႃႇလႆႈယူႇ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-09T16:21:52 | https://tainovel.com/%e1%80%a2%e1%81%bc%e1%80%ba%e1%80%95%e1%80%b5%e1%81%bc%e1%80%ba%e1%80%9a%e1%80%b0%e1%82%87/ | ဢၼ်ပဵၼ်ယူႇ | လွင်ႈၸိူဝ်းပူၼ်ႉမႃး ယႃႇၵုမ်ႇၸူမ်ယူႇၸွမ်းမၼ်းယဝ်ႉ၊ လွင်ႈဢၼ်မႃးပႆႇထိုင် ယႃႇၵႂႃႇၵႂင်ၸႂ်ၸွမ်းသမ်ႉပေႃးဢမ်ႇၸၢင်ႈသိူဝ်းလႆႈ၊ ယႃႇတုၵ်ႉၸွမ်းဝၼ်းမိူဝ်ႈဝႃး ယႃႇမႆႈၸႂ်ၸွမ်းဝၼ်းမိူဝ်ႈၽုၵ်ႈၼႃႇ ထိုင်တီႈပေႃးလိုမ်းမီးတၢင်းသိူဝ်းယူႇၸွမ်းၶၢဝ်းယၢမ်းမိူဝ်ႈလဵဝ် မိူဝ်ႈလဵဝ်ၼႆႉ ႁဵတ်းလႆႈယိပ်းလႆႈ ပဵၼ်ၶၢဝ်းယၢမ်းဢၼ်မီးယူႇတေႉတေႉၼၼ်ႉယဝ်ႉ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-09T16:19:20 | https://tainovel.com/%e1%80%9e%e1%80%84%e1%80%ba%e1%80%9e%e1%80%b0%e1%82%81%e1%81%b5%e1%80%ba%e1%82%89%e1%81%b5%e1%80%b0%e1%81%bc%e1%80%ba%e1%80%b8%e1%81%b5%e1%80%b1%e1%82%83%e1%82%89%e1%81%bc%e1%81%bc%e1%80%ba%e1%82%89/ | သင်သူႁၵ်ႉၵူၼ်းၵေႃႉၼၼ်ႉယူႇၼႆ | သူတေဢမ်ႇဝူၼ်ႉဝႃႈ သူၶၢတ်ႇလိူဝ်သင်လႄႈဢမ်ႇၶႂ်ႈလႆႈၽႂ်ထႅင်ႈယဝ်ႉ သူတေမေႃႁူႉၸၵ်းလွင်ႈသိုဝ်ႈယူဝ်းလႄႈ ထိင်းသိမ်းဝႆႉလွင်ႈၸမ်ၸႂ်ၼၼ်ႉၵႂႃႇလႆႈလီလိူဝ်ပိူၼ်ႈ ဢၼ်လမ်ႇလွင်ႈလိူဝ်ပိူၼ်ႈၼႂ်းတၢင်းႁၵ်ႉၼၼ်ႉ ပဵၼ်လွင်ႈသိုဝ်ႈယူဝ်းတေႃႇၵၼ်ယဝ်ႉ တႃႇတေႁူပ်ႉၺႃးၽႂ်သေၵေႃႉၼိုင်ႈၼၼ်ႉ မၼ်းယၢပ်ႇယူႇၼႃ ဢၼ်ယၢပ်ႇလိူဝ်သေၼၼ်ႉၸွင်ႇႁူႉႁိုဝ် တေႁဵတ်းႁိုဝ်ယူႇၸွမ်းၶဝ်ၵႂႃႇ ႁႂ်ႈလႆႈႁိုင်လိူဝ်ပိူၼ်ႈၼၼ်ႉယဝ်ႉ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-09T16:14:27 | https://tainovel.com/%e1%82%81%e1%82%85%e1%80%84%e1%80%ba%e1%80%b8%e1%81%b8%e1%82%82%e1%80%ba%e1%81%b5%e1%80%b1%e1%82%83%e1%82%89%e1%82%81%e1%80%ad%e1%80%99%e1%80%ba%e1%80%b8%e1%81%b8%e1%80%99%e1%80%ba/ | ႁႅင်းၸႂ်ၵေႃႉႁိမ်းၸမ် | တုၵ်ႉယူႇၸွင်ႇၸႂ်ႈႁိုဝ် ႁွင်ႉႁႆႈလႆႈယူႇၼႃသင်ဢမ်ႇယဵၼ်ႉလႆႈယဝ်ႉ ဢမ်ႇပဵၼ်သင်ၼႃ ဢမ်ႇလူဝ်ႇၵူဝ် ပဵၼ်တူဝ်သူၸိူင်ႉၼင်ႇဢၼ်သူပဵၼ်ယူႇၼႆႉလႄႈ ယႃႇသၢၼ်ၶတ်းမၼ်းၼႃ ဢမ်ႇလူဝ်ႇႁိပ်ႈ ၵႂႃႇလွႆးလွႆးၵေႃႈလႆႈ တေယူႇပဵၼ်ၵေႃႉၵူၺ်းၼႃ ပေႃးသူမီးႁႅင်းယဝ်ႉ ႁဝ်းၸွင်ႇၵွႆႈၵႂႃႇထႅင်ႈၵေႃႈလႆႈ သိူဝ်းၸႂ်မိူဝ်ႈလႂ် ႁဝ်းၸွင်ႇၵွႆႈယုမ်ႉၵႂႃႇၸွမ်းၵၼ်ၼေႃႈ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-06T11:38:22 | https://tainovel.com/%e1%81%be%e1%81%a2%e1%81%b5%e1%80%ba%e1%82%87%e1%80%91%e1%80%ad%e1%80%af%e1%80%84%e1%80%ba%e1%81%b5%e1%80%b0%e1%81%bc%e1%80%ba%e1%80%b8%e1%80%99%e1%80%ae%e1%80%b8%e1%81%b5%e1%80%b1%e1%82%83%e1%82%89/ | ၾၢၵ်ႇထိုင်ၵူၼ်းမီးၵေႃႉၵူႈၶဝ် | မိူဝ်ႈဝူၼ်ႉတေယိပ်းမိုဝ်းယဝ်ႉ ယႃႇပွႆႇမိုဝ်းၵၼ်ၵႂႃႇငၢႆႈလႄႈ မိူဝ်ႈတေႁူမ်ႈတၢင်းၵႂႃႇၸွမ်းၵၼ်ယဝ်ႉ ယႃႇပၼ်ႁႂ်ႈၽႂ်လႆႈၵႂႃႇႁင်းၵူၺ်းလႄႈ မိူဝ်ႈတေယူႇႁူမ်ႈၶၢင်းၵၼ်ယဝ်ႉ ယႃႇပၼ်ႁႂ်ႈၵၼ်လႆႈယူႇငဝ်လႄႈ မိူဝ်ႈဝူၼ်ႉတေသၢင်ႈၸၢတ်ႈပၢၼ်ႁူမ်ႈၵၼ်ယဝ်ႉ ယႃႇပွႆႇၽႃႈၵၼ်လႄႈ မီးသင်ၵေႃႈၸွႆႈထႅမ်ၵၼ် ဢမ်ႇလႆႈၵေႃႈလၢတ်ႈ ယႃႇၵဵပ်းဝႆႉယူႇႁင်းၵူၺ်း လိူၵ်ႈတေလူင်းႁိူဝ်းလမ်းလဵဝ်ၵၼ်ၵေႃႈ ၸွႆႈၵၼ်ၽၢႆးၵႂႃႇလႄႈ ဝၼ်းလႂ်ႁိူဝ်ႉၵေႃႈလိုဝ်ႈသေ ဝၼ်းလႂ်ၺႃးလူမ်းလႅင်ႉလူင်ၵေႃႈ ၸွႆႈၵၼ်ထိင်းၵႂႃႇ ဝၼ်းလႂ်မီးၽႂ်ၶဝ်ႈမႃးႁႂ်ႈသၼ်ႇၶွၼ်းၵေႃႈ ယႃႇလႅၵ်ႈလၢႆႈၸွမ်း ဝၼ်းလႂ်ဢမ်ႇၵိုတ်းလိူဝ်သင်ယဝ်ႉၼၼ်ႉ တွင်းဝႆႉဝႃႈ ႁဝ်းယင်းမီးၵၼ်ယူႇ ဢမ်ႇဝႃႈတေႁူပ်ႉၺႃးသင်ၵေႃႈယဝ်ႉ ႁဝ်းတေယိပ်းမိုဝ်းၵၼ်သေၸွမ်းၵၼ်ၵႂႃႇ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-03-05T09:54:06 | https://tainovel.com/%e1%81%b5%e1%80%bd%e1%80%95%e1%80%ba%e1%82%88%e1%80%a2%e1%80%99%e1%80%ba%e1%82%87%e1%80%9d%e1%82%86%e1%82%89%e1%81%b5%e1%82%83%e1%82%88%e1%81%b6%e1%81%bc%e1%80%ba/ | ၵွပ်ႈဢမ်ႇဝႆႉၵႃႈၶၼ် | မူၺ်လႄႈဢူၺ်းၵေႃႉ ထႆႇၶႅပ်းႁၢင်ႈပၼ်ၵၼ်၊ ဢူၺ်းၵေႃႉမူၺ် လႆႈႁၼ်ၽူႈၸၢႆးလဝ်းၵေႃႉၼိုင်ႈဢုပ်ႇၾူၼ်းသေပႆမႃးတၢင်းၶႃ မၼ်းၸင်ႇႁႂ်ႈမူၺ် သုတ်ႉၵႂႃႇယူႇၸမ်ၸမ်ၵၼ် ၼင်ႇတင်ႈၸႂ် မူၺ်ၵေႃႈဢမ်ႇႁူႉ မိူဝ်ႈပၢၵ်ႈၶူၼ်ႁူဝ်ၼၼ်ႉ သမ်ႉတုမ်ႉၺႃးၵူၼ်းၵေႃႉၼၼ်ႉလႄႈ ၶုၼ်ႇဝၢႆႇၼႃႈတူၺ်း သၢႆတႃတုမ်ႉၺႃးၵၼ် မိုင်ယၵ်ႉတူၺ်းၵၼ်ၵႂႃႇၵႅပ်ႉၼိုင်ႈ။ ဢူၺ်းၵေႃႉမူၺ်ၵေႃႈ လၢတ်ႈႁႂ်ႈၶမ်းပၢင်ႇထႆႇပၼ်ၶႅပ်းႁၢင်ႈၶႃၸွမ်းၵၼ် ၶမ်းပၢင်ႇၵေႃႈ တင်းထႆႇတင်းတူၺ်းၼႂ်းၾူၼ်းၼၼ်ႉသေမိူၼ်ႇမိုင်လူင်ၵႂႃႇ၊ မိူဝ်ႈၼၼ်ႉ ၾႆးၾူၼ်းသမ်ႉသဵင်ႈပႅတ်ႈ လႆႈဢဝ်ၾူၼ်းၶမ်းပၢင်ႇထႆႇပၼ်၊ တွၼ်ႈတႃႇသူင်ႇၶႅပ်းႁၢင်ႈပၼ်ၶိုၼ်းၼႆလႄႈ ၶမ်းပၢင်ႇလႄႈမူၺ် လႅၵ်ႈတီႈၵပ်းသိုပ်ႇၵၼ်ယူႇယဝ်ႉ။ ၵၢင်ၶမ်ႈၵေႃႈၶမ်းပၢင်ႇလႆႈသူင်ႇၶႅပ်းႁၢင်ႈၸူးမူၺ်သေ ၶႃၵေႃႈဢုပ်ႇၵၼ်တင်းၶိုၼ်း သူင်ႇၶေႃႈၵႂၢမ်းလၢတ်ႈတေႃႇၵၼ် ယုမ်ႉၸူမ်းသိူဝ်း ႁိုင်ႁိုင်မႃးၵေႃႈ သမ်ႉပေႃးလႆႈလၢႆႈသီ Chat ပဵၼ်သီၶွင်ႇ ၵႂႃႇယဝ်ႉ။ ၵူၺ်းၵႃႈ ၶမ်းပၢင်ႇၼႆႉသမ်ႉ ပဵၼ်ၵူၼ်းဢၼ်မၵ်ႉလဝ်ႈလႄႈ ၵႆႉလႄႇၵႆႉလၢဝ်းဝႆႉသေ ပေႃးဢူၺ်းၵေႃႉၸူဝ်းလႄႇၼႆတႄႉ ဢမ်ႇတွၼ်ႉထဵင်သေပွၵ်ႈ ထဵင်ၸူႉတႄႉလႆႈယူႇ ထဵင်ဢူၺ်းၵေႃႉတႄႉလူဝ်ႇၽိတ်းႁူဝ်ၵၼ်ယဝ်ႉ။ မူၺ်ၵေႃႈ ယွမ်းသေပၼ်မၼ်းၵႂႃႇလွတ်ႈလွတ်ႈလႅဝ်းလႅဝ်းယူႇ။ မၢင်ပွၵ်ႈၵေႃႈလၢတ်ႈမူၺ် မၢင်ပွၵ်ႈၵေႃႈဢမ်ႇလၢတ်ႈ၊ ပေႃးမူၺ်သိုပ်ႇၾူၼ်းၸူးဢမ်ႇႁပ်ႉတႄႉ ပွင်ႇဝႃႈမီးယူႇၸွမ်းဢူၺ်းၵေႃႉယဝ်ႉ၊ ၽိူဝ်ႇမဝ်းမႃး သမ်ႉသိုပ်ႇၾူၼ်းႁႃမူၺ် ၾွင်းတိုၵ်ႉၼွၼ်းလပ်းလီယူႇ မူၺ်ၵေႃႈလႆႈႁပ်ႉႁေထွမ်ႇမၼ်းၸၢႆးဢုပ်ႇယူႇတင်းၶိုၼ်း။ ဝၼ်းၼိုင်ႈမူၺ်ဢၢင်ႈသူင်ႇၶေႃႈၵႂၢမ်း “ႁဝ်းၵႂႃႇလႄႇၼေႃႈ ” ၵူၺ်းၵႃႈ မီးၶေႃႈၵႂၢမ်းလၢတ်ႈမႃးဢွၼ်တၢင်းဝႃႈ “ႁဝ်းၵႂႃႇလႄႇၸွမ်းဢူၺ်းၵေႃႉၼႃႈ” “ဢေႃႈၶႃႈ” မူၺ်ၵေႃႈလႆႈၸူဝ်းဢူၺ်းၵေႃႉသေၵႂႃႇလႄႇယဝ်ႉ။ တီႈၼႂ်းၵၢတ်ႇၵၢင်ၶမ်ႈၵူၼ်းၵိုၼ်း မူၺ်မိူၼ်တေႁၼ်ၶမ်းပၢင်ႇသေ ႁႅၼ်မုင်ႈတူၺ်းၸွမ်း လူၺ်ႈသီၼႃႈ တူၵ်းၸႂ်လႄႈၵူဝ် မီးလွင်ႈဢမ်ႇႁၢၼ်ႉၸႂ်ပႃး ၵူမ်ႈၼႃႈၵမ်ႉၼိုင်ႈ ၶိုၼ်းတူၺ်းႁႂ်ႈယုမ်ႇၸႂ် ငွၵ်ႈၶေႃးသွၵ်ႈႁႃတူၺ်း ၵူၺ်းသမ်ႉဢမ်ႇလႆႈႁၼ်ယဝ်ႉ ဢူၺ်းၵေႃႉၼႅတ်ႈၸူဝ်းၵႂႃႇသိုဝ်ႉတၢင်းၵိၼ်ပႅတ်ႈ။ ၶမ်ႈၼၼ်ႉမူၺ်ၼွၼ်းသေသူင်ႇၶေႃႈၵႂၢမ်းဝႃႈ “ႁဝ်းၼွၼ်းယဝ်ႉၼႃႈ ၾၼ်လီ” ပႂ်ႉတူၺ်းၶမ်းပၢင်ႇတေတွပ်ႇၶိုၼ်းယူႇ ၵူၺ်းၵႃႈ ဢမ်ႇမီးသင်တွပ်ႇၸူး။ တေႃႇထိုင်ၵၢင်ဝၼ်းမူၺ်ၼင်ႈငဝ်သေ သိုပ်ႇၾူၼ်းၸူး ၶမ်းပၢင်ႇၵူၺ်းသမ်ႉဢမ်ႇႁပ်ႉ၊ မူၺ်မႆႈၸႂ်သေ သူင်ႇၶေႃႈၵႂၢမ်းၵႂႃႇ “ဢမ်ႇယူႇလီႁႃႉ ပဵၼ်သင်လႃႇ” ၶမ်းပၢင်ႇတွပ်ႇၸူး “ဢမ်ႇပဵၼ်သင် ႁဝ်းႁဵတ်းၵၢၼ်ယူႇ” မိူဝ်ႈမူၺ်ႁေႃႈလူတ်ႉသေၼမ်ႉမၼ်းလူတ်ႉမူတ်းၸွမ်းတၢင်း သိုပ်ႇၾူၼ်းၸူးၶမ်းပၢင်ႇၵေႃႈဢမ်ႇလႆႈ မၼ်းသမ်ႉပေႃးလႆႈဢီးလူတ်ႉမိူဝ်းႁင်းၵူၺ်း။ မိူဝ်ႈမူၺ်တိုၵ်ႉၼွၼ်းလပ်းယူႇၼၼ်ႉ ဢူၺ်းၵေႃႉၽႃၽိူဝ်းၶမ်းပၢင်ႇဢၼ်မဝ်းၼၼ်ႉမႃးႁႃမူၺ်၊ ၶမ်းပၢင်ႇမဝ်းလဝ်ႈဢေႃႉႁၢၵ်ႈ မူၺ်လႆႈၽဵဝ်ႈပၼ်လႄႈ တူၺ်းထိုင်ႁူမ်ႇၽႃႈပၼ် ပႂ်ႉတူၺ်းမၼ်းၼွၼ်းလပ်းလႄႈ မွတ်ႇၾႆးပၼ်ယဝ်ႉၸင်ႇၼွၼ်းလႆႈ။ ဝၼ်းယဝ်ႉဝၼ်း ၶမ်းပၢင်ႇၵိၼ်လဝ်ႈမဝ်း မူၺ်လႆႈႁွင်ႉမိူဝ်းႁိူၼ်း၊ မၢင်ပွၵ်ႈမဝ်းလဝ်ႈ ၼင်ႈဢိင်ၼႃႈၽၵ်းတူႁွင်ႈမူၺ်သေ မူၺ်မႅၵ်ႇၶဝ်ႈႁွင်ႈၵေႃႈမီး။ ဝၼ်းၼိုင်ႈသိုပ်ႇၾူၼ်းမိူဝ်းတၢင်းႁိူၼ်း မႄႈဢမ်ႇယူႇလီ သိမ်းၶူဝ်းသိမ်းလဵင်းမၼ်းသေ သိုပ်ႇၾူၼ်းႁွင်ႉၶမ်းပၢင်ႇ ၵူၺ်းၵႃႈ သမ်ႉမႅၼ်ႈမိူဝ်ႈ ၶမ်းပၢင်ႇတိုၵ်ႉၼင်ႈၵိၼ်လဝ်ႈၵဝ်းသၢဝ်ယူႇ။ မူၺ်သူင်ႇၶေႃႈၵႂၢမ်းၸူးၶမ်းပၢင်ႇ လူၺ်ႈသီၼႃႈ ဢမ်ႇလီ “မႄႈႁဝ်းၶိုၼ်ႈႁူင်းယႃဝႆႉယူႇ မိူဝ်ႈၽုၵ်ႈႁဝ်းတေမိူဝ်းႁိူၼ်းယဝ်ႉၼႃႈ” ၼွၼ်းၶမ်တင်ႇၼင်ႈပႂ်ႉၶမ်းပၢင်ႇ မွင်းတူၺ်းၾူၼ်း ယၢမ်းၵၢင်ၶိုၼ်းဢၼ်လပ်းသိင်ႇ။ မူၺ်တိုၼ်ႇမႃး ဢမ်ႇလႆႈႁၼ်ၶမ်းပၢင်ႇတွပ်ႇၶေႃႈၵႂၢမ်းလႄႈ ဢမ်ႇတူၺ်း မူၺ်ပႃးဢဝ်ၶူဝ်းသေ ယိပ်းၾူၼ်းယဝ်ႉ မွတ်ႇၶေႃႈၵႂၢမ်းမိူဝ်ႈဝႃးၼၼ်ႉလႄႈမႄးတွပ်ႇၶေႃႈၵႂၢမ်းၵႂႃႇၶိုၼ်း။ ၶမ်းပၢင်ႇတိုၼ်ႇမႃးတီႈႁိူၼ်းဢူၺ်းၵေႃႉ ဢၼ်မီးၽႃႈႁူမ်ႇသုမ်ႇၼႃႈဝႆႉၼၼ်ႉသေ တၢဝ်းႁႃၾူၼ်းမၼ်း ႁႅင်းၾူၼ်းသမ်ႉမူတ်း ဢဝ်ပႅတ်ႈဝႆႉၼိူဝ်ၽိူၼ်ၼၼ်ႉယဝ်ႉ၊ ၼႅတ်ႈၵႂႃႇႁႃႁဵတ်းၵၢၼ်မၼ်းယူႇ။ ၵၢင်ၶမ်ႈ သၢင်းၾူၼ်းတဵမ်ယဝ်ႉ ၽုၺ်ႇတူၺ်းၾူၼ်း ႁၼ်ၶေႃႈၵႂၢမ်း မူၺ်သူင်ႇမႃး ဢမ်ႇတူၺ်းၵမ်းလဵဝ် ဢၢပ်ႇၼမ်ႉဢၢပ်ႇသင်ယဝ်ႉ ၾုၺ်ႇတူၺ်းၸင်ႇလႆႈႁၼ် ၶေႃႈၵႂၢမ်းဢၼ်ဝႃႈ “သူဢမ်ႇလႆႈမီးၵႃႈၶၼ်ထိုင်တီႈ ႁဝ်းတေလႆႈၸွမ်းသေလၢႆယူႇယဝ်ႉ ႁဝ်းၶၢတ်ႇၵၼ်လႃႈ” မၼ်းၸင်ႇ သိုပ်ႇၾူၼ်းၸူးမူၺ်ယူႇလၢႆၵမ်း၊ လၢတ်ႈၶေႃႈၵႂၢမ်းယွမ်းၼွမ်းၵေႃႈဢမ်ႇတွပ်ႇ၊ မိူဝ်းႁႃတီႈႁွင်ႈၵေႃႈ လွၵ်ႉၽၵ်းတူဝႆႉ ဢမ်ႇႁူႉမူၺ်ၵႂႃႇတၢင်းလႂ် ၼင်ႈဢိင်ၽၵ်းတူၼင်ႇၵူၼ်းဢမ်ႇမီးႁႅင်းႁိူဝ်ႉဢူၼ်ႈ တိူဝ်ႉၸႂ်ၼႃႇ ၼင်ႈပွႆႇၾူၼ်းမၼ်းဝိူဝ်ယူႇၼိူဝ်ပိုၼ်ႉၼၼ်ႉသေယဝ်ႉ။ သုတ်းယဝ်ႉ တႅမ်ႈ-သႅၼ်ငဝ်း 28.02.2025 | ['ၸိူင်းတၢင်းႁၵ်ႉ'] |
2025-03-04T12:11:47 | https://tainovel.com/%e1%81%b8%e1%81%a2%e1%80%84%e1%80%ba%e1%82%88%e1%81%b6%e1%80%b1%e1%80%b8%e1%80%9c%e1%80%b0%e1%80%90%e1%80%ba%e1%80%b8%e1%80%9a%e1%80%bd%e1%80%99%e1%80%ba%e1%80%b8%e1%80%9c%e1%82%86%e1%82%88%e1%80%9c/ | ၸၢင်ႈၶေးလူတ်းယွမ်းလႆႈလွင်ႈသုၵ်ႉၸႂ် | ဝူၼ်ႉထိုင်လွင်ႈလီယူႇတႃႇသေႇ မေႃပွႆႇဝၢင်း ယူႇၸွမ်းၶၢဝ်းယၢမ်းဢၼ်ပဵၼ်ယူႇမိူဝ်ႈလဵဝ် ၶတ်းၸႂ်ယႃႇၸႂ်ႉလူမ်းၸႂ်လမ် လူတ်းယွမ်းလွင်ႉပွင်ႉထႃႉလႃႇဝႃႈ ဢၼ်ဢမ်ႇၸႂ်ႈလွင်ႈလီ ဢဝ်တူဝ်ၵဝ်ႇၵႂႃႇယူႇၸွမ်း ၵူၼ်းဝူၼ်ႉလီ တူၺ်းထိုင်လုမ်းလႃးပၢႆးယူႇလီတူဝ်ၵဝ်ႇ ႁႂ်ႈၵႅၼ်ႇၶႅင်မီးႁႅင်း လိုဝ်ႈႁိူဝ်ႉဢိမ်ႇဢိမ်ႇ မေႃယူႇၵေႃႉလဵဝ် တူၺ်းႁၼ်တၢင်းသိူဝ်းတီႈဢၼ်ႁဝ်းမီးယူႇၼႆႉ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-02-28T15:43:56 | https://tainovel.com/%e1%80%99%e1%81%a2%e1%80%84%e1%80%ba%e1%80%95%e1%80%bd%e1%81%b5%e1%80%ba%e1%82%88%e1%80%99%e1%81%a2%e1%80%84%e1%80%ba%e1%80%9c%e1%82%82%e1%80%ba%e1%81%b6%e1%82%86%e1%82%88%e1%81%b8%e1%82%82%e1%80%ba/ | မၢင်ပွၵ်ႈမၢင်လႂ်ၶႆႈၸႂ်ယူႇဢိူဝ်ႈ | မိူဝ်ႈႁဝ်းလႆႈပႅတ်ႈလွင်ႈဢၼ်ႁဝ်းၵျိူၵ်ႈမၼ်းၼႃႇၼၼ်ႉ ဢမ်ႇၸႂ်ႈဝႃႈႁဝ်းဢမ်ႇသိုပ်ႇၵျိူၵ်ႈမၼ်းၵႂႃႇယဝ်ႉ ၶႂ်ႈပွႆႇမၼ်းၵႂႃႇတွၼ်ႈတႃႇလူတ်းယွမ်းလွင်ႈၸဵပ်းယူႇၼၼ်ႉၵူၺ်း။ ၶၢဝ်းတၢင်းၼႃႈၼၼ်ႉ ယွၼ်းႁႂ်ႈထူပ်းသဵၼ်ႈတၢင်းဢၼ်ႁၢင်ႈလီ ဢမ်ႇဝႃႈတေၵႂႃႇၵေႃႉလဵဝ်ႁိုဝ်ၵႂႃႇၸွမ်းၽႂ်ၵေႃႈယဝ်ႉ ဝႆႉၸႂ်ၵႅၼ်ႇၶႅင်သေ ဢဝ်ၶၢမ်ႈပူၼ်ႉမၼ်းၵႂႃႇ။ ၸၢတ်ႈပၢၼ်ၼၼ်ႉပဵၼ်လွင်ႈလဵပ်ႈႁဵၼ်းယူႇတႃႇသေႇ သဵၼ်ႈတၢင်းႁဝ်းၼၼ်ႉ တေယုမ်ႉၶူဝ်ၸွမ်းသိူဝ်းလူင်ၵႂႃႇႁိုဝ် တေႁွင်ႉႁႆႈယူႇၵေႃႈယဝ်ႉ ႁဝ်းၵေႃႈႁူႉတိုၼ်းတေလႆႈသိုပ်ႇယၢင်ႈၵႂႃႇတၢင်းၼႃႈ။ ၵၢၼ်ၼၼ်ႉ ယၢပ်ႇတၢၼ်ႇႁိုဝ်ၵေႃႈယဝ်ႉ သင်မီးၵူၼ်းႁူမ်ႈႁဵတ်းၵၢၼ်လီ၊ မီးႁူဝ်ၼႃႈလီ ႁဝ်းၵေႃႈတေမီးတၢင်းသိူဝ်းၸွမ်းၼႃႈၵၢၼ်လႄႈ တေဢမ်ႇပေႃးႁိူဝ်ႉ။ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-02-28T15:04:04 | https://tainovel.com/%e1%80%95%e1%81%bc%e1%80%ba%e1%82%81%e1%82%85%e1%80%84%e1%80%ba%e1%80%b8%e1%80%9c%e1%80%af%e1%81%b5%e1%80%ba%e1%82%88%e1%82%81%e1%80%b5%e1%81%bc%e1%80%ba%e1%80%b8/ | ပၼ်ႁႅင်းလုၵ်ႈႁဵၼ်း | ၵၢၼ်ႁဵၼ်းလိၵ်ႈလၢႆး ၼုမ်ႇယိင်းၸၢႆး ႁၢတ်ႈႁၢႆးႁႂ်ႈၽိုၵ်းသွၼ် လူဝ်ႇႁဵၼ်းမေႃဝႆႉ မိူဝ်ႈလဵၵ်ႉၼႆႉ ၽႂ်ၵႆႉၵေႃႈလၵ်းလႅမ် ယႃႇယွမ်းထွႆၵၢၼ်ႉ ဢမ်ႇလူဝ်ႇၶၢၼ်ႉ ဝၢႆးၼႆႉလႆႈႁၢၼ်ႉၸႂ် ယႃႇၼႅတ်ႈၽူႈမ်ႈၵဝ်း လွင်ႈႁၵ်ႉမဝ်း လဵၼ်ႈၸူႉလဝ်းၸိူင်ႉပိူၼ်ႉ ဢၼ်လူဝ်ႇၶတ်းၸႂ် ၵူႈဝၼ်းၼႂ် သူၼ်ၸႂ်လႄႈလိၵ်ႈလၢႆး ဢွၼ်ႇယိင်းၸၢႆး သွၼ်ၶိူဝ်းမိူင်း 28.08.2025 | ['ဝွၵ်း'] |
2025-02-28T14:27:44 | https://tainovel.com/%e1%80%9c%e1%80%bd%e1%80%84%e1%80%ba%e1%82%88%e1%80%9c%e1%82%82%e1%80%ba%e1%81%b5%e1%80%b1%e1%82%83%e1%82%88%e1%80%9a%e1%80%9d%e1%80%ba%e1%82%89%e1%80%9c%e1%82%83%e1%82%88/ | လွင်ႈလႂ်ၵေႃႈယဝ်ႉလႃႈ | လွင်ႈလႂ်ႁဵတ်းႁႂ်ႈဢမ်ႇသိူဝ်းၸႂ်ၵေႃႈ ယႃႇဝူၼ်ႉၸွမ်းယဝ်ႉ လွင်ႈလႂ်ထုၵ်ႇလီပဵၼ်ၵေႃႈ ႁႂ်ႈမၼ်းပဵၼ်ၵႂႃႇလႄႈ လွင်ႈသင်ၶတ်းတႃၵေႃႈ ႁဵတ်းၵႅင်ႈဢမ်ႇႁၼ်ၽွင်ႈၵေႃႈလႆႈ လွင်ႈသင်ပၼ်ႁႂ်ႈၼၵ်းၸႂ်ၵေႃႈ ဢမ်ႇလူဝ်ႇလႆႈၵဵပ်းမႃးဝူၼ်ႉၸွမ်းၵူႈလွင်ႈ လွင်ႈဢၼ်ႁဵတ်းႁႂ်ႈသုၵ်ႉသၵ်ႉၵေႃႈ ပၼ်ႁႂ်ႈမၼ်းပူၼ်ႉၵႂႃႇႁေ လွင်ႈဢၼ်ႁဵတ်းႁႂ်ႈတုၵ်ႉၸႂ်ၼၼ်ႉ ပွႆႇပႅတ်ႈသေ ယႃႇၵုမ်ႇဝူၼ်ႉၸွမ်းယူႇ ဢၼ်လႂ်ဢမ်ႇလမ်ႇလွင်ႈၵေႃႈ ဢမ်ႇလူဝ်ႇသူၼ်ၸႂ် လိုမ်းလႆႈၵေႃႈလိုမ်းႁေ တေဢမ်ႇလႆႈႁိူဝ်ႉၸႂ် ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-02-25T12:29:12 | https://tainovel.com/%e1%80%90%e1%81%a2%e1%80%84%e1%80%ba%e1%80%b8%e1%82%81%e1%81%b5%e1%80%ba%e1%82%89%e1%80%a2%e1%80%99%e1%80%ba%e1%82%87%e1%80%90%e1%82%86%e1%81%a2%e1%80%90%e1%80%b0%e1%80%9d%e1%80%ba/ | တၢင်းႁၵ်ႉဢမ်ႇတႆၢတူဝ် | တၢင်းႁၵ်ႉၼၼ်ႉ ႁဵတ်းႁႂ်ႈဢုၼ်ႇမႃးဢိူဝ်ႈ မၢင်ပွၵ်ႈၵေႃႈႁဵတ်းႁႂ်ႈၵတ်းၸီႈထိုင်လုပ်ႇထိုင်ဢဵၼ်ၼၼ်ႉယဝ်ႉ တၢင်းႁၵ်ႉၼၼ်ႉ ဢမ်ႇမီးလွင်ႈတႆၢတူဝ်ဝႃႈ မၼ်းပဵၼ်ၸိူင်ႉႁိုဝ်ဝႆႉ မၢင်ၵေႃႉၶဝ်ႈမႃး ပၼ်တွၼ်ႈသွၼ် မၢင်ၵေႃႉၶဝ်ႈမႃး လႅၵ်ႈလႆၢႈႁႂ်ႈလီမႃး ႁၵ်ႉလီလီၼၼ်ႉၸၢင်ႈသုတ်းသဵင်ႈဝႆး တၢင်းႁၵ်ႉယိုင်ႈယႂ်ႇသမ်ႉလႆႈပွႆႇမိုဝ်းၵႂႃႇ ဢမ်ႇမီးၽႂ်လၢတ်ႈဝႃႈ “ႁၵ်ႉ” တႄႇၸိူင်ႉႁိုဝ် ယွမ်းပၼ်လႆႈမွၵ်ႈႁိုဝ် လီယဵၼ်ႉယူႇႁိုဝ် ဢမ်ႇမီးလႆၢးပိူင်တႆၢ ဢမ်ႇမီးသဵၼ်ႈတၢင်းဢၼ်တိုဝ်းၵမ်လႆႈဝႃႈတေႁဵတ်းၸိူင်ႉႁိုဝ် ယုမ်ႇလႆႈတႄႉ ႁၵ်ႉၼႆၼၼ်ႉ တေမီးဝႃႈ “ႁဝ်း” ၼႆယဝ်ႉ မိူဝ်ႈတေဢဝ်ႁူဝ်ၸႂ်ပၼ်ၽႂ်ၼၼ်ႉ ယႃႇလိုမ်းႁၵ်ႉတူဝ်ႁဝ်းဢွၼ်တၢင်းၼႃႈ ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-02-23T15:19:42 | https://tainovel.com/%e1%80%90%e1%80%ad%e1%80%b0%e1%80%9d%e1%80%ba%e1%82%89%e1%81%b8%e1%82%82%e1%80%ba%e1%80%9a%e1%80%b0%e1%82%87%e1%82%81%e1%82%83%e1%82%89/ | တိူဝ်ႉၸႂ်ယူႇႁႃႉ | တၢင်းတုၵ်ႉၼၼ်ႉပဵၼ်ၸူဝ်ႈၶၢဝ်းၵူၺ်း သင်ၵုမ်ႇတိူဝ်ႉၸႂ်ၸွမ်းယူႇၼႆ ၸၢင်ႈသုမ်းတိုဝ်ႉတၢင်းလီလီလႆႈ ၸၢတ်ႈပၢၼ်ႁဝ်းၼၼ်ႉမီးတိုဝ်ႉတၢင်းလီလီတင်းၼမ်ပႂ်ႉဝႆႉယူႇ။ပႆၢးယူႇလီ ၸႂ်လႄႈတူဝ်ၼၼ်ႉ လမ်ႇလွင်ႈၼႃႇ လွင်ႈတိူဝ်ႉၸႂ်ၼႆႉ ပၼ်ၽွၼ်းယွၼ်ႈ ႁဵတ်းႁႂ်ႈၸႂ်သုၵ်ႉ ၼွၼ်းဢမ်ႇလပ်း ႁႅင်းၶၢမ်ႇတူဝ်ဢမ်ႇမီး ၵွပ်ႈၼၼ် ၵၢၼ်ပွႆႇဝၢင်းၼႆႉ ၸွႆႈႁႂ်ႈပႆၢးယူႇလီၶႅမ်ႉမႃးယဝ်ႉ။ဢူၺ်းၵေႃႉလီသူ လႄႈ ၵူၼ်းၼႂ်းၼႃႈႁိူၼ်းသူ ၶဝ်ၼၼ်ႉၶႂ်ႈႁႂ်ႈသူၵႅၼ်ႇၶႅင်လႄႈသိူဝ်းၸႂ်ယဝ်ႉ။လွင်ႈပူၼ်ႉမႃးၼၼ်ႉၵႄႈၶႆၶိုၼ်းဢမ်ႇလႆႈ တေၸူမ်ယူႇၸွမ်းလွင်ႈဝၼ်းလင်ၼၼ်ႉ ဢမ်ႇမီးၽွၼ်းလီသင်မႃး၊ လဵပ်ႈႁဵၼ်းဢဝ်တွၼ်ႈသွၼ်သေ သိုပ်ႇၼႃႈၵႂႃႇထႅင်ႈလႄႈ။လွင်ႈတိူဝ်ႉၸႂ်ၼၼ်ႉဢမ်ႇၵႄႈၶႆသင်လႆႈ ယိုင်ႈၶႅၼ်းတေႁဵတ်းႁႂ်ႈဢမ်ႇႁၼ်တၢင်းဢွၵ်ႇၵူၺ်း ၵွပ်ႈၼၼ် တူၺ်းပဵၼ်လွင်ႈလီသေယဝ်ႉ လူင်းမိုဝ်းႁဵတ်းတူၺ်း ၸၢင်ႈၸွႆႈၵႄႈၶႆလႆႈယူႇ။ယႃႇပၼ်ႁႂ်ႈလွင်ႈတိူဝ်ႉၸႂ်ၼၼ်ႉ ႁိမ်ဢဝ်တၢင်းသိူဝ်းသူၵႂႃႇလႄႈ။လိုၼ်းသုတ်း သိုပ်ႇယၢင်ႈၵႂႃႇၸူးသဵၼ်ႈတၢင်းဢၼ်လီလိူဝ်ၼႆႉလႄႈ။ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-02-23T15:17:54 | https://tainovel.com/%e1%82%81%e1%80%b5%e1%80%90%e1%80%ba%e1%80%b8%e1%80%90%e1%80%b0%e1%81%ba%e1%80%ba%e1%80%b8%e1%81%b8%e1%80%84%e1%80%ba%e1%82%87%e1%82%81%e1%80%b0%e1%82%89-%e1%80%9c%e1%82%86%e1%82%88%e1%80%a2%e1%80%99/ | ႁဵတ်းတူၺ်းၸင်ႇႁူႉ လႆႈဢမ်ႇလႆႈ | မၢင်ပွၵ်ႈၸၢတ်ႈပၢၼ်ႁဝ်းၼၼ်ႉ ဢမ်ႇပဵၼ်မႃးလႆႈၼင်ႇဢၢင်ႈဢၢၼ်းဝႆႉလႄႈ ႁဝ်းတေၸၢင်ႈၵိုတ်းဝႆႉယူႇတီႈၵဝ်ႇသေယဝ်ႉ ဢမ်ႇႁူႉတေသိုပ်ႇၵႂႃႇၸိူင်ႉႁိုဝ် ၵူၺ်းၵႃႈ သင်ႁဝ်းလႅၵ်ႈလႆၢႈ လႆၢးဝူၼ်ႉႁဝ်းဢိတ်ႉၼိုင်ႈတူၺ်းလူး ယူဝ်ၶေးမၼ်းတေၸၢင်ႈလႅၵ်ႈလႆၢႈမႃးယူႇ။ၵူႈၸိူဝ်ႉၵူႈလွင်ႈၼၼ်ႉ ယူႇတီႈပႆၢးဝူၼ်ႉႁဝ်း သင်ဝူၼ်ႉဝႃႈႁဵတ်းလႆႈ တေႁႃတၢင်းႁဵတ်းႁႂ်ႈမၼ်းလႆႈယဝ်ႉ၊ သင်ဝူၼ်ႉဝႃႈႁဵတ်းဢမ်ႇလႆႈ သမ်ႉဝႃႈတိုဝ်ႉတၢင်းမီးယူႇပႃႈၼႃႈၵေႃႈဢမ်ႇႁတ်းၸၢမ်း။ဢမ်ႇလူဝ်ႇလႆႈၵတ်ႉၶႅၼ်ႇၵူႈမဵဝ်း ႁဵတ်းၽိတ်းၽွင်ႈၵေႃႈဢမ်ႇပဵၼ်သင် ၵူၼ်းၵူႈၵေႃႉၼၼ်ႉ တိုၼ်းမီးလွင်ႈယူပ်ႈယွမ်းလႄႈလွင်ႈလီယူႇယဝ်ႉ။ပၼ်ႁႃၼၼ်ႉမီးဝႆႉတႃႇၵႄႈၶႆ ဢမ်ႇၸႂ်ႈတမ်ႇတိူင်းတႃႇႁႄႉၵၼ်ႈဝႆႉ သင်ႁဝ်းၵႄႈၶႆဢဝ်ၶၢမ်ႈပူၼ်ႉမၼ်းၵႂႃႇလႆႈ တေႁဵတ်းႁႂ်ႈႁဝ်းၵႅၼ်ႇၶႅင်မႃးထႅင်ႈယဝ်ႉ။တူၵ်းသုမ်းၵေႃႈဢမ်ႇပဵၼ်သင် ဢဝ်ဝႆႉပဵၼ်တွၼ်ႈသွၼ်သေလဵပ်ႈႁဵၼ်းၵႂႃႇ ဢမ်ႇၸႂ်ႈတႃႇမႃးတႅပ်းတတ်းတူဝ်ၸဝ်ႈၵဝ်ႇ။လွင်ႈတႅၵ်ႈၼိူင်းတင်းပိူၼ်ႈၼၼ်ႉ တေၸွႆႈႁႂ်ႈႁဝ်းၶႂ်ႈၶတ်းၸႂ်မႃးထႅင်ႈယူႇ ၵူၺ်းၵႃႈ မိူဝ်ႈမၼ်းႁဵတ်းႁႂ်ႈၸႂ်ဢမ်ႇလီၸွမ်းၼၼ်ႉ သုတ်ႉႁူၼ်ပွၵ်ႈတူၺ်းတူဝ်ၵဝ်ႇယဝ်ႉ ၵႂႃႇၸွမ်းသဵၼ်ႈတၢင်းတူဝ်ၵဝ်ႇၶိုၼ်းၵေႃႈလႆႈ။လူင်းမိုဝ်းႁဵတ်းၼၼ်ႉ လီလိူဝ်ၼင်ႈဝူၼ်ႉယဝ်ႉဢမ်ႇႁဵတ်းသေပွၵ်ႈ သမ်ႉဝႃႈမီးပႆၢးဝူၼ်ႉလီလီၵေႃႈယဝ်ႉ ပေႃးဢမ်ႇလူင်းမိုဝ်းႁဵတ်း မၼ်းၵေႃႈဢမ်ႇပဵၼ်မႃးလႆႈ။လိုဝ်ႈႁိူဝ်ႉၼၼ်ႉၵေႃႈ လမ်ႇလွင်ႈမိူၼ်ၵၼ်တင်းႁဵတ်းၵၢၼ်ယဝ်ႉ၊ တူဝ်လႄႈၸႂ်ၼၼ်ႉ လူဝ်ႇလႆႈလိုဝ်ႈပၼ်ၽွင်ႈ ယႃႇလိုမ်းပၼ်ၶၢဝ်းယၢမ်းတႃႇတူဝ်ၵဝ်ႇၼႃႈ။လိူၵ်ႈယူႇၸွမ်းၵူၼ်းဢၼ်ထႅမ်ႁႅင်းပၼ်ႁဝ်း သင်ႁိမ်းႁွမ်းႁဝ်းမီးၵူၼ်းမေႃတူၺ်းလွင်ႈလီ မေႃၵမ်ႉထႅမ်ၵၼ် ႁဝ်းၵေႃႈတေမီးႁႅင်းမႃးၼၼ်ႉယဝ်ႉ။ၵႂၢမ်းလၢတ်ႈႁဝ်းၼၼ်ႉ မၼ်းမီး ႁႅင်းၼႃႇ မၢင်ၶေႃႈၸၢင်ႈႁဵတ်းႁႂ်ႈၽႂ်သေၵႃႉၵေႃႉ မီးႁႅင်းၸႂ်မႃးလႆႈ လႅၵ်ႈလႆၢႈၸၢတ်ႈပၢၼ်ၶဝ်လႆႈ ၵွပ်ႈၼၼ် ၸႂ်ႉၶေႃႈၵႂၢမ်းဢၼ်ပၼ်လွင်ႈလီသေလၢတ်ႈလႄႈ။ယႃႇၵုမ်ႇမိုင်ႉၸူမ်ယူႇၸွမ်းလွင်ႈဝၼ်းလင်သေ လိုမ်းၸႂ်ႉၸၢတ်ႈပၢၼ်ယူႇၸွမ်းၶၢဝ်းယၢမ်းမိူဝ်ႈလဵဝ် လွင်ႈဝၼ်းလင်ၼၼ်ႉ သွၼ်ႁဝ်းဝႆႉၼမ်ၵေႃႈယဝ်ႉ ၸၢင်ႈႁဵတ်းႁႂ်ႈလႆႈသုမ်းလွင်ႈလီလီ ဢၼ်မီးယူႇပႃႈၼႃႈၼၼ်ႉလႆႈ။ပႆၢးယူႇလီၸႂ်ၼၼ်ႉၵေႃႈ လမ်ႇလွင်ႈမိူၼ်ၵၼ်တင်းပႆၢးယူႇလီတူဝ်ယဝ်ႉ မိူဝ်ႈၸႂ်ဢမ်ႇလီ ယႃႇၵဵပ်းမၼ်းဝႆႉ ပူတ်းပွႆႇမၼ်းဢွၵ်ႇမႃး လၢတ်ႈၼႄၽႂ်ၵေႃႈလႆႈ ႁဵတ်းလွင်ႈဢၼ်ႁဝ်းလူမ်ၸႂ်ၸိူဝ်းၼႆႉၵေႃႈလႆႈ။ယႃႇပႂ်ႉႁႂ်ႈၵူႈလွင်ႈၽွမ်ႉယဝ်ႉၸင်ႇတေႇႁဵတ်း သင်ပႂ်ႉႁႂ်ႈမၼ်းတဵမ်ထူၼ်ႈ တေဢမ်ႇၸၢင်ႈႁဵတ်းသင်လႆႈၵွၼ်ႇယဝ်ႉ တႄႇတီႈလွင်ႈဢၼ်မီးသေ ႁဵတ်းၵႂႃႇၵမ်းဢိတ်းဢိတ်း မႄးၵႂႃႇၵမ်းလွႆးလွႆးတူၺ်း။ငိုၼ်းဢမ်ႇၸႂ်ႈၵူႈလွင်ႈသေတႃႉ မၼ်းၵေႃႈလမ်ႇလွင်ႈယူႇ ငိုၼ်းၼၼ်ႉၸွႆႈႁႂ်ႈမီးလွင်ႈလွတ်ႈလႅဝ်းၼႂ်းၵၢၼ်ၸႂ်ႉၸၢတ်ႈပၢၼ် ဢမ်ႇထုၵ်ႇလီတူၺ်းၶၢမ်ႈ။လွင်ႈယိုၼ်ႈမႅင်ႇၼၼ်ႉ ႁဵတ်းႁႂ်ႈႁဝ်းမီးတၢင်းသိူဝ်းလိူဝ်သေဢၼ်ဝူၼ်ႉဝႆႉလူးၵွၼ်ႇ မိူဝ်ႈလႆႈၸွႆႈထႅမ်ပိူၼ်ႈသေ ဢမ်ႇမုင်ႈမွင်းသင်ၼၼ်ႉ တေႁဵတ်းႁႂ်ႈႁဝ်းဢိမ်ႇၸႂ်လႄႈသိူဝ်းၸႂ်မႃးယဝ်ႉ။ၸၢတ်ႈပၢၼ်ႁဝ်းၵေႃႈပဵၼ်ႁင်းႁဝ်းၵူၺ်း ဢမ်ႇမီးၽႂ်တႅပ်းတတ်းပၼ်ႁဝ်းလႆႈ လိူဝ်သေတူဝ်ၸဝ်ႈၵဝ်ႇ။ပိၼ်ႇ-ငဝ်မွင်မိုတ်းမူဝ်း | ['လွၼ်ႉမွၼ်းၵႂၢမ်း'] |
2025-02-23T15:16:31 | https://tainovel.com/%e1%81%b5%e1%80%b1%e1%82%83%e1%82%89%e1%82%81%e1%80%b0%e1%80%99%e1%80%ba%e1%82%88%e1%81%b8%e1%81%a2%e1%80%90%e1%80%ba%e1%82%88%e1%80%95%e1%81%a2%e1%81%bc%e1%80%ba-%e1%81%bc%e1%82%86%e1%81%bc%e1%81%bc/ | ၵေႃႉႁူမ်ႈၸၢတ်ႈပၢၼ် ၼႆၼၼ်ႉ | ပဵၼ်ႁႅင်းၸႂ်ပၼ်ၵၼ်မိူဝ်ႈယၢမ်းႁိူဝ်ႉမွႆႈပဵၼ်ၵေႃႉႁူမ်ႈတၢင်း ၸွႆႈထႅမ်ၵၼ်မိူဝ်ႈတုၵ်ႉၶပဵၼ်တီႈပိုင်ႈဢိင်ၵၼ်လႆႈတႃႇသေႇ ဢမ်ႇဝႃႈထူပ်းလွင်ႈသင်မႃးၵေႃႈယဝ်ႉမီးလွင်ႈၼပ်ႉယမ်တေႃႇၵၼ်လႄႈ ဝႆႉၵႃႈၶၼ်ၵၼ် ဢမ်ႇၸႂ်ႈတႃႇဢဝ်ပေႉၵၼ်ပိုတ်ႇၸႂ်ႁပ်ႉထွမ်ႇၵၼ် မိူဝ်ႈထူပ်းပၼ်ႁႃမႃး ႁႂ်ႈမီးလွင်ႈပွင်ႇၸႂ်ၵၼ် ဢမ်ႇၸႂ်ႈဝႃႈၵွင်လင်ပႅတ်ႈၵၼ်ႁူမ်ႈသိူဝ်းၸွမ်းၵၼ် ပၼ်ႁႅင်းၸႂ်ၵၼ်တႃႇသေႇမီးယိူင်းမႆၢႁူမ်ႈၵၼ် မီးလွင်ႈပွင်ႇၸႂ်ၶဝ်ႈၸႂ်မိူၼ်ၵၼ်ႁပ်ႉထွမ်ႇတၢင်းႁၼ်ထိုင်ၵၼ် တၢင်းႁၵ်ႉၼၼ်ႉ ဢမ်ႇၸႂ်လွင်ႈၵေႃႉလႂ်ၵေႃႉၼိုင်ႈၵူၺ်းတူၺ်းထိုင်သႂ်ႇၸႂ်ၵၼ်တႃႇသေႇ ဢမ်ႇၸႂ်ႈဝႃႈပဵၼ်မိူဝ်ႈတႄႇႁၵ်ႉၵူၺ်းလွင်ႈၸမ်ၸႂ်ဢၼ်ၵိုမ်းမၼ်ႈၼၼ်ႉ လုၵ်ႉမႃးတီႈ လွင်ႈဝႆႉၸႂ်တေႃႇၵၼ်ယဝ်ႉၸႂ်ထိုင်ယူႇတႃႇသေႇ သမ်ႉဝႃႈယူႇၵႆတၢၼ်ႇႁိုဝ်ၵေႃႈယဝ်ႉ ၸႂ်တႄႉတိုၵ်ႉၸမ်ဢမ်ႇဝူၼ်ႉတႃႇၵဝ်းထႅင်ႈၵေႃႉမႂ်ႇ တၢင်းႁၵ်ႉၼၼ်ႉၵေႃႈ ပႃးလွင်ႈသိုဝ်ႈယူဝ်းတေႃႇၵၼ်ယဝ်ႉသိုဝ်ႈယူဝ်းတေႃႇၵၼ် ပႃႈၼႃႈလႄႈပႃႈလင် တၢင်းႁၵ်ႉဢၼ်ယူႇႁိုင်ယိုၼ်းၼၼ်ႉ ပဵၼ်တၢင်းႁၵ်ႉဢၼ်တဵမ်ၸႂ်ၼၼ်ႉယဝ်ႉပိၼ်ႇ-ငဝ်မွင်မိုတ်းမူဝ်း18/02/2025 | ['လွၼ်ႉမွၼ်းၵႂၢမ်း'] |
2025-02-23T15:12:50 | https://tainovel.com/%e1%80%9a%e1%80%bd%e1%80%99%e1%80%ba%e1%80%b8%e1%80%9e%e1%80%af%e1%80%99%e1%80%ba%e1%80%b8%e1%81%b5%e1%80%b0%e1%81%ba%e1%80%ba%e1%80%b8%e1%80%9a%e1%80%9d%e1%80%ba%e1%82%89%e1%82%81%e1%80%ad%e1%80%af/ | ယွမ်းသုမ်းၵူၺ်းယဝ်ႉႁိုဝ် | တၢင်းၶတ်းၸႂ်ၼၼ်ႉ မီးၵႃႈၶၼ်တႃႇသေႇ မိူဝ်ႈၼႆႉပႆႇႁဵတ်းလႆႈ ၵူႈဝၼ်းဢၼ်ႁဵတ်းယူႇၼၼ်ႉ တေဢွၼ်ၵႂႃႇၸူးယိူင်းမႆၢတိၵ်းတိၵ်းၵူၺ်း။ဢမ်ႇလူဝ်ႇလႆႈပဵၼ်ၵူၼ်းၵတ်ႉၶႅၼ်ႇၼႃႇ ပဵၼ်တူဝ်ၵဝ်ႇဢၼ်လီလိူဝ်ပိူၼ်ႈၵေႃႈလႆႈယဝ်ႉ။ယႃႇၽွမ်ႈၸင်းတူဝ်ၵဝ်ႇ ဢၼ်မိူၼ်ၼႆ ပဵၼ်ၵွပ်ႈတိုၵ်ႉလဵပ်ႈႁဵၼ်းတႃႇလႅၵ်ႈလႆၢႈႁႂ်ႈလီမႃးထႅင်ႈၼၼ်ႉၵူၺ်း။မိူဝ်ႈၼႆႉ သူတေႁိူဝ်ႉၵေႃႈ ဢမ်ႇပဵၼ်သင်ၼႃ တေႁွင်ႉႁႆႈၵေႃႈ ဢမ်ႇလၢၵ်ႇလႆၢးသင် မၢင်ပွၵ်ႈလႆႈလိုဝ်ႈႁိူဝ်ႉၼၼ်ႉ ပဵၼ်ယႃလီဢၼ်ၼိုင်ႈယဝ်ႉ။သူမီးၵႃႈၶၼ် လိူဝ်သေဢၼ်သူဝူၼ်ႉ လိူဝ်သေၵႂၢမ်းလၢတ်ႈပိူၼ်ႈ လိူဝ်သေလွင်ႈဢၼ်ယၢမ်ႈၽိတ်းပိူင်ႈၼၼ်ႉယဝ်ႉ။သမ်ႉဝႃႈမိူဝ်ႈၼႆႉဢမ်ႇႁၼ်တၢင်းဢွၵ်ႇၵေႃႈယဝ်ႉ ယုမ်ႇယမ်ဝႆႉဝႃႈၵူႈလွင်ႈတေလီမႃးယူႇလႄႈ တေၶၢမ်ႈပူၼ်ႉမၼ်းၵႂႃႇလႆႈယူႇ။ဢမ်ႇၸႂ်ႈဝႃႈထိူင်းၼႃ ဢမ်ႇလႆႈတူၵ်းလိုၼ်းလေႃႇ မိူဝ်ႈထိုင်ၶၢဝ်းယၢမ်းတေပဵၼ်မႃးယူႇ။ယႃႇလိုမ်းဝႃႈ ယၢမ်ႈဢဝ်ၶၢမ်ႈပူၼ်ႉဝၼ်းဢမ်ႇလီမႃးလႆႈ၊ ယၢမ်ႈလူမ်ႉသေလုၵ်ႉၶိုၼ်ႈမႃးလႆႈတႃႇသေႇ ပွၵ်ႈၼႆႉၵေႃႈတေႃႈၼၼ်။လွင်ႈတဵမ်ထူၼ်ႈၵူႈလွင်ႈၼၼ်ႉဢမ်ႇမီးတေႉလေႃႇ ပဵၼ်တူဝ်ၸဝ်ႈၵဝ်ႇႁႂ်ႈလီလိူဝ်ပိူၼ်ႈၼၼ်ႉတႄႉ ပဵၼ်ဢၼ်လီတေႉယဝ်ႉ။မိူဝ်ႈယင်းတိုၵ်ႉၶတ်းၸႂ် မီးၸႂ်ႁတ်းသူႈယူႇၼၼ်ႉ လႆႈဝႃႈပဵၼ်ၵူၼ်းၶႅၼ်ႇၼႃႇယဝ်ႉ။ပိၼ်ႇ-ငဝ်မွင်မိုတ်းမူဝ်း15/02/2025 | ['လွၼ်ႉမွၼ်းၵႂၢမ်း'] |
2025-02-14T10:20:31 | https://tainovel.com/%e1%80%9e%e1%80%b1%e1%80%9c%e1%82%86%e1%81%a2%e1%80%a2%e1%80%ad%e1%80%b0%e1%80%9d%e1%80%ba%e1%82%88%e1%82%81%e1%80%ad%e1%80%b0%e1%81%bc%e1%80%ba%e1%80%b8%e1%82%81%e1%80%9d%e1%80%ba%e1%80%b8/ | သေလႆၢဢိူဝ်ႈႁိူၼ်းႁဝ်း | သဵင်ၵွင်ႈသဵင်မၢၵ်ႇတႅၵ်ႇလင်မေႃးၽွင်းၵၢင်ၶိုၼ်း ဢမ်ႇတူၵ်းသႂ်ႇႁိူၼ်းၵေႃႈၸိုင်ပေႉငိၼ်းၸမ် ၸႂ်တိုၼ်ႇမႆႈၽူင်ႉသၢၼ်ႈ ၼႅတ်ႈဢႅၼ်ႇလႅၼ်ႈပႆၢႈတင်းၶိုၼ်း လဵၵ်ႉလႅင်လဵၵ်ႉသေးဢွၼ်ႇ ၼွၼ်းလပ်းမွႆႈဢိင်လင်မႄႈမၼ်းၵွႆး ထဝ်ႈၵႄႇၶႃၶႄႉၶႃၵုၵ်ႈ သၵ်ႉၶွၼ်ႉတဝ်ႉၸွမ်းလင်လွႆးလွႆး ၵမ်ႈၽွင်ႈၵွႆးႁူႉလႆႈပွႆႇမင်ဝတ်ႉၵၼ်တႆၢ ၵူၺ်းသမ်ႉလိုမ်းႁၼ် ၵူၼ်းဢၼ်ယူႇၼႂ်းၵႄႈၵၢင်မၼ်း။ “ပေႃးၵၢင်ဝၼ်းတႄႉ လီယူႇ ပေႃးၵၢင်ၶိုၼ်းတႄႉ သဵင်မၢၵ်ႇတႅၵ်ႇလင်ၵူႈၶိုၼ်းယဝ်ႉ ၶၢဝ်းၼွၼ်းၵေႃႈဢမ်ႇလႆႈၼွၼ်းလီ သင်မၢၵ်ႇဢမ်ႇတူၵ်းသႂ်ႇဝၢၼ်ႈႁဝ်းၵေႃႈ ဢမ်ႇဢၢၼ်းပႆၢႈၼင်ႇၵဝ်ႇ မၢၵ်ႇမႃးတူၵ်းသႂ်ႇၼႂ်းဝၢၼ်ႈႁဝ်းႁေလႄႈ ႁဝ်းၵေႃႈဢွၼ်ၵၼ်ပႆၢႈတင်းၶိုၼ်း ဢမ်ႇတၼ်းလႆႈၶူဝ်းသင် တၼ်းလႆႈလုၵ်ႈဢွၼ်ႇသွင်ၵေႃႉၵူၺ်းယိုင်၊ ဝႆၢးသေသဵင်ယဵၼ်ၵႂႃႇ ႁဝ်းၸင်ႇလႆႈမိူဝ်းတေႃႉၶူဝ်းႁဝ်းမႃးၶိုၼ်း၊ တႃႇႁဵတ်းႁိူၼ်းႁဵတ်းယေးၵေႃႈ လႆႈယႃႉႁိူၼ်းႁေမႃးႁဵတ်းဢိူဝ်ႈ သေလႆၢၼႃႇဢိူဝ်ႈ ယူႇမႃးပီယၢဝ်းၶၢဝ်းႁိုင်လူး သူၼ်ႁဝ်းၵေႃႈဢမ်ႇၸၢင်ႈမိူဝ်းႁဵတ်း လႆႈပႅတ်ႈဝႆႉႁေမႃးဢိူဝ်ႈ ဢမ်ႇၸၢင်ႈႁဵတ်းႁိုဝ် မႃးယူႇတၢင်းၼႆႉၵေႃႈ လႆႈၶိုၼ်းတႄႇမႂ်ႇၼၼ်ႉယိုင်” ၵၢင်ၸႂ်ၵူၼ်းပႆၢႈၽေးၵေႃႉၼိုင်ႈၶႆႈၼႄ။ ပႆၢၵမ်-သႅၼ်ငဝ်း 13/02/2025 | ['ပွင်ႈၵႂၢမ်း'] |
2025-02-14T10:17:20 | https://tainovel.com/%e1%80%9c%e1%82%86%e1%82%88%e1%81%b6%e1%80%ad%e1%80%af%e1%81%bc%e1%80%ba%e1%80%b8%e1%82%81%e1%80%b0%e1%80%95%e1%80%ba%e1%82%89%e1%82%81%e1%81%bc%e1%80%ba/ | လႆႈၶိုၼ်းႁူပ်ႉႁၼ် | ဝၼ်းၼိုင်ႈသင်ၶိုၼ်းလႆႈႁၼ် ၸွင်ႇတေႁူပ်ႉတေႃႇၼႃႈၶဝ်လႆႈႁိုဝ် ၶၢဝ်းယၢမ်းပူၼ်ႉမႃးႁိုင်ယဝ်ႉၵေႃႈ ၸွင်ႇႁဝ်းယင်းတိုၵ်ႉႁၵ်ႉၶဝ်လႆႈယူႇႁိုဝ် မိူဝ်ႈဝၼ်းတၢင်းႁၵ်ႉပီၵႆၢ ၼမ်ႉတႃၸိုမ်ႉယမ်းယွႆႉ ၼႂ်းၵႄႈလပ်းသိင်ႇ ၶမ်ႈၶိုၼ်းၸၢႆးပီႈမၢဝ်ႇၵေႃႉႁၵ်ႉဢွၼ်ႇၽူၺ်း လႆႈၸုပ်ႇၼူမ်သၢဝ်ယူႇႁိမ်းၶၢင်ႈတၢင်း မိူဝ်ႈၽူၺ်းလႆႈႁူပ်ႉႁၼ် ႁူၺ်ႇတႃလမ်ၸိုမ်းယွႆႉ ၼႅတ်ႈၵွင်လင်ပႆၢႈၽၢတ်ႇၵႂႃႇ ဢမ်ႇပၼ်ႁႂ်ႈၸႆၢးပီႈမၢဝ်ႇလႆႈႁပ်ႉႁၼ်ၼႃႈ ဝႆၢးၼၼ်ႉၵၢၼ်ၵပ်းသိုပ်ႇႁဝ်းယဵၼ်ႁႆၢ ဢမ်ႇသူင်ႇသင်ႇၵႂၢမ်းၶၢတ်ႇ သွင်ၵေႃႉၵေႃႈ လႆႈႁၢင်ႇယၢၼ်ၵၢၼ်ၵပ်းသိုပ်ႇၵၼ်ၵႂႃႇႁင်းၽႂ်မၼ်းယဝ်ႉ။ ဢမ်ႇလႆႈႁူပ်ႉ ဢမ်ႇလႆႈႁူႉႁၼ် ဢမ်ႇလႆႈတၵ်ႉၵၼ် ယိုင်ႈၶႅၼ်းႁဵတ်းႁႂ်ႈ ႁူဝ်ၸႂ်လိူတ်ႇမႆႈတိူဝ်းႁႅင်း ၶႂ်ႈလၢတ်ႈတေႃႇၵေႃႈဢမ်ႇၸၢင်ႈ ၶႂ်ႈႁူႉၶဝ်ပဵၼ်ၸိူင်ႉႁိုဝ်ၵေႃႈဢမ်ႇလႆႈ ၶၢၼ်ၸႂ်လိူဝ်မိူဝ်ႈလႆႈၸဵပ်းၵႅၼ်း၊ လႆႈတၢင်းဝူၼ်ႉၵူၺ်းသေ ၶီမွင်ၵႂႃႇပဵၼ်မိူဝ်ႈပဵၼ်ၵမ်းယဝ်ႉ။ ဢမ်ႇလႆႈဝူၼ်ႉထိုင် ဢမ်ႇလႆႈသူၼ်ၸႂ်ၼႆၼၼ်ႉ လႅၼ်တူဝ်ၵဝ်ႇတူဝ်ၵဝ်ႇသေ ဢဝ်ယၢမ်ႈၵႂႃႇပႅတ်ႈယဝ်ႉဢိူဝ်ႈ။ ဝၼ်းယဝ်ႉဝၼ်းလိူၼ်သိုပ်ႇလိူၼ် ၶတ်းၸႂ်ႁဵတ်းၵၢၼ်ယႃႇႁႂ်ႈတၢင်းဝူၼ်ႉၼၼ်ႉႁူမ်ႇငမ်းႁႂ်ႈၸႂ်ထိုင်ၶဝ်ယူႇၵေႃႈ သမ်ႉၵိုင်ႉၵၢင်ႉလႆႈမႃးႁူပ်ႉႁၼ် မိူဝ်ႈၽူၺ်းၵႂႃႇၸႆၢႇၵၢတ်ႇၼၼ်ႉဝႃႇ။ “မႃးသိုဝ်ႉၽၵ်းႁ..” ၼႂ်းသႃႉၽူၺ်းယိပ်းၼၼ်ႉပဵၼ်ၽၵ်းဝႆႉလႄႈၵႃႈလႆႈဝႃႈ “ၸႂ်ႈယဝ်ႉဝႃႈ ပီႈၵေႃႈမႃးသိုဝ်ႉၽၵ်းမိူၼ်ၵၼ်ႁ” “ဢိုမ်ႈ.. မႃးၵေႃႉလဵဝ်ႁ” “ၸႂ်ႈယဝ်ႉဝႃႈ” ၽူၺ်းၵူမ်ႈၼႃႈၵူမ်ႈတႃသေ “ႁဝ်းမိူဝ်းၵွၼ်ႇၼႃႈ” ၼႅတ်ႈပႆဢွၵ်ႇၵႂႃႇဝႆးဝႆးယဝ်ႉ သမ်ႉဝႃႈပႆၽၢတ်ႇဢွၵ်ႇၵႂႃႇၵေႃႈ ၼႂ်းႁူဝ်ၸႂ်ၽူၺ်းၼၼ်ႉတႄႉ ၸဵပ်းၵႅၼ်းလူင်မႃးၵမ်းလဵဝ်၊ ဢမ်ႇႁတ်းႁူပ်ႉတေႃႇၼႃႈလႄႈ ဢမ်ႇယွမ်းႁပ်ႉမၼ်းလႆႈ ႁူႉတူဝ်လီယူႇၵေႃႈ သမ်ႉႁဵတ်းဢမ်ႇလႆႈလူး။ ယူႇယူႇသမ်ႉပေႉမႃးၵႆႉႁူပ်ႉၵႆႉၺႃးၵၼ် ၵႆႉႁၼ်ၵေႃႈဢမ်ႇၸၢင်ႈႁဵတ်းႁိုဝ်ဝႄႈ ၵႃႈလႆႈႁူပ်ႉၸူးလႄႈတူင်ႉတၵ်ႉၵႂႃႇ။ “ဢမ်ႇပဵၼ်သင်” ၼႆၼၼ်ႉ လႆႈႁဵတ်းၵႅင်ႈဝႆႉၵူၺ်းၼႆ ၸွင်ႇၶဝ်တေတူၺ်းႁၼ်မၼ်းယူႇႁိုဝ် လွမ်လွမ်ၵူဝ်မႃးယဝ်ႉ။ ဝၢၼ်ႇၽၼ်းၵေႃႈႁၼ်တူၼ်ႈ ၽုၵ်ႇတူၼ်ႈၵေႃႈဢွၵ်ႇမွၵ်ႇဢွၵ်ႇမၢၵ်ႇမႃး ၸူႉၵဝ်ႇသၢဝ်ၼွင်ႉၽူၺ်းၵေႃႈ လႆႈၵူပ်ႉၵူႈပဵၼ်ႁိူၼ်းၵႂႃႇပႅတ်ႈသေယဝ်ႉၼႃႇ။ ပၢၼ်ဢွၼ်ဢမ်ႇထိူၵ်ႈ ၵျိူၵ်ႈယူႇၵေႃႈ ဢမ်ႇၸႂ်ႈၵေႃႉႁူမ်ႈၶၢင်း ၼၢင်းႁၵ်ႉသုတ်းၸႂ်ၵေႃႈ တေႃႈလႆႈတၢင်းမႆႈမွင် မၼ်းပေႃးပဵၼ်ၶွင်ပိူၼ်ႈယဝ်ႉလူး ယွၼ်းသူးယူႇၵေႃႈ ဢမ်ႇၵိုင်ႇထိူၵ်ႈ ၸင်ႇလႆႈယၢၼ်ၽၢတ်ႇ ၼမ်ႉယၢတ်ႇပၢၼ်ဢွၼ်ႁဝ်းႁႂ်ႈမၼ်းသုတ်းသဵင်ႈၵႂႃႇၸၢတ်ႈၼႆႉသေလႄႈ. “ႁၼ်သူၸူမ်းသိူဝ်းၵေႃႈ ႁဝ်းၵေႃႈသိူဝ်းၸွမ်းယဝ်ႉ ယိၼ်းၸူမ်းၶၢဝ်းယၢမ်းၸိူဝ်းပူၼ်ႉမႃး ၵူႈလွင်ႈလွင်ႈၼႃႈ” ဝၼ်းတၢင်းႁၵ်ႉပီၼႆႉ ၽူၺ်းလႆႈယုမ်ႉၸူးၼင်ႇတဵမ်ၸႂ်သေ လၢတ်ႈဢွၵ်ႇမႃးတဵမ်သူပ်းတဵမ်ၵႂၢမ်း ၼင်ႇလူမ်ၸႂ် ယူႇယဝ်ႉ။ လႆႈႁူပ်ႉႁၼ်ၶဝ်ၶိုၼ်းၼၼ်ႉ ႁဵတ်းႁႂ်ႈလွင်ႈၵူဝ်ႁႆၢၵႂႃႇလႄႈ ယွမ်းႁပ်ႉမၼ်းလႆႈလွႆးလွႆးယဝ်ႉ။ ႁၵ်ႉၵၼ်လႆႈၵေႃႈ ယၢၼ်ၶၢတ်ႇၵၼ်လႆႈ တၢင်းႁၵ်ႉသုတ်းသဵင်ႈ ဢမ်ႇလႆႈပဵၼ်တၢင်းၸင်းသေႇသေႇ ပေႃးဢမ်ႇမီးၸႂ်ႁၵ်ႉ လီတၵ်ႉလၢတ်ႈမွၵ်ႇသိုဝ်ႈသိုဝ်ႈ ႁၵ်ႉမႂ်ႇထႅင်ႈၵေႃႈ ၽႃႈဝၢင်းသေလႄႈၵေႃႉၵဝ်ႇ လွင်ႈယဵၼ်ႉၶၢမ်ႇယူႇဢမ်ႇဝႆႉၵႃႈၶၼ်ၵၼ်ၼၼ်ႉ မၼ်းၸဵပ်းလိုၵ်ႉထိုင်ၸႂ်လိူဝ်ဢမ်ႇႁၵ်ႉၵၼ်ၵွၼ်ႇ တႅမ်ႈ-သႅၼ်ငဝ်း 14/02/2025 | ['ၸိူင်းတၢင်းႁၵ်ႉ'] |
2025-02-01T12:44:09 | https://tainovel.com/%e1%80%a2%e1%80%9e%e1%81%a2%e1%81%b5%e1%80%ba%e1%82%88%e1%80%9a%e1%82%82%e1%80%ba%e1%82%87%e1%80%9a%e1%80%9d%e1%80%ba%e1%82%89%e1%82%81%e1%80%ad%e1%80%af%e1%80%9d%e1%80%ba/ | ဢသၢၵ်ႈယႂ်ႇယဝ်ႉႁိုဝ် | ဢႃႇယုဢသၢၵ်ႈယဵပ်ႇယၢင်ႈၶဝ်ႈၸူးတူဝ်သွင် ယဵပ်ႇထွင်ၸူးတူဝ်သၢမ်ၼမ်းၼႃႈ တေၸၢင်ႈမီးယူႇဝႃႈ “ႁဵတ်းႁင်လႄႈၸၢတ်ႈပၢၼ်ႁဝ်းၼႆႉ ဢမ်ႇမီးသင်ၶိုပ်ႈၼႃႈၼေႃ” “ဢူၺ်းၵေႃႉဢူၺ်းသႄႈ မီးၼႃႈႁေႃတေႃႁိူၼ်း မီးလုၵ်ႈမီးလၢင်းမူတ်းယဝ်ႉ ႁဝ်းသမ်ႉလူး” “ငိုၼ်းလိူၼ်ဢွၼ်ႇမွၵ်ႈၼႆႉ ၸွင်ႇတေႁွမ်ဝႆႉသိုဝ်ႉလူတ်ႉသိုဝ်ႉၵႃး သိုဝ်ႉႁိူၼ်းသ်ုဝ်ႉယေးမိူၼ်ပိူၼ်ႈယူႇႁ” “တေလႆၢႈၶႆၢႇၵၢၼ်မိူဝ်ႈလဵဝ်ၼႆႉ ၸွင်ႇတေၶိုတ်းပိူၼ်ႈယူႇႁိုဝ်” ဝူၼ်ႉၼမ်ၵႂင်ၸႂ်မႃး ယိုင်ႈဝူၼ်ႉယိုင်ႈၶမ်ၸႂ် သေလႄႈ တေဢဝ်ၵႂႃႇၸူးလွင်ႈတုၵ်ႉၸႂ်မႃးယဝ်ႉ။ ၵူၺ်းၵႃႈပေႃးမႃးဝူၼ်ႉတူၺ်းၶိုၼ်း ၸဵမ်ဝၼ်းဢၼ်ႁဝ်းၵိူတ်ႇမႃးတေႃႇမႃးႁွတ်ႈပၢၼ်ၼႆႉ ႁဝ်းၵေႃႈလႅၵ်ႈလႆၢႈယႂ်ႇသုင်ႁူႉၸေးႁၼ်ၵႂၢင်ႈမႃးၵႃႈႁိုဝ်ယဝ်ႉ? လုၵ်ႉတီႈလုၵ်ႈဢွၼ်ႇ ယၢမ်ႈၵူဝ်လွင်ႈလပ်းသိင်ႇၼၼ်ႉသေ မိူဝ်ႈၼႆႉၵေႃႈ လႆႈႁူပ်ႉၸူးလွင်ႈၶဵင်ႇတႃႉယူႇယဝ်ႉႁိုဝ် လုၵ်ႉတီႈၵူၼ်းဢၼ်ယၢမ်ႈႁွင်ႉႁႆႈၸွမ်းလွင်ႈလဵၵ်ႉဢိတ်ႉဢွၼ်ႇၼၼ်ႉသေ ႁူႉမေႃပၼ်ႁႅင်းတူဝ်ၵဝ်ႇမႃး လုၵ်ႉတီႈၵူၼ်းဢမ်ႇမေႃႈႁဵတ်းသင်ၼၼ်ႉသေ မိူဝ်ႈၼႆႉၵေႃႈမီးၼမ်ႉၵတ်ႉမေႃႁဵတ်းမေႃသၢင်ႈမႃး ဢသၢၵ်ႈ သၢဝ်း သၢမ်သိပ်း ဢမ်ႇၸႂ်ႈဝႃႈသုတ်းတၢင်းယဝ်ႉ မၼ်းယင်းတိုၵ်ႉတႄႇမႂ်ႇလႆႈတႃႇသေႇ မၢင်ၵေႃႉထူပ်းသဵၼ်ႈတၢင်းၸဝ်ႈၵဝ်ႇ ၸဵမ်မိူဝ်ႈယင်းၼုမ်ႇ၊ မၢင်ၵေႃႉၸၢင်ႈလႆႈၸႂ်ႉၶၢဝ်းယၢမ်းသွၵ်ႈႁႃႁိုင်ယူႇယဝ်ႉ ဢမ်ႇမီးၽႂ်မၵ်းမၼ်ႈလႆႈဝႃႈ ၸၢတ်ႈပၢၼ်လီလီၼႆၼၼ်ႉ ပဵၼ်မဵဝ်းႁိုဝ် ဢၼ်လမ်ႇလွင်ႈၼၼ်ႉတႄႉ မိူဝ်ႈၼႆႉ ႁဝ်းႁဵတ်းသင်ယူႇ ႁဝ်းသမ်ႉၵႂႃႇတၢင်းလႂ်ယူႇ ႁဝ်းမီးတၢင်းသိူဝ်းၸွမ်းဢၼ်ႁဵတ်းၼႆႉယူႇႁ ယႃႇပၼ်ႁႂ်ႈလွင်ႈဝူၼ်ႉၼမ်ၼၼ်ႉ မႃးပိၵ်ႉဢိုတ်းပႅတ်ႈတၢင်းသိူဝ်းဢၼ်ႁဝ်းမီးလႄႈ ယႃႇဢဝ်တူဝ်ၵဝ်ႇၵႂႃႇတႅၵ်ႈၼိူင်းတင်းၽႂ် ၵေႃႉၼိုင်ႈလႄႈၵေႃႉၼိုင်ႈၼၼ်ႉ ၸၢတ်ႈပၢၼ်ဢမ်ႇမိူၼ်ၵၼ် မေႃႁၢၼ်ႉၸႂ်တူဝ်ၵဝ်ႇလႄႈ ၵူႈယၢင်ႈယၢင်ႈၸိူဝ်းပူၼ်ႉမႃးလႄႈတၢင်းၼႃႈၼၼ်ႉ ယၢင်ႈၵႂႃႇႁႂ်ႈၵိုမ်းမၼ်ႈ ၸွမ်းသဵင်ႁူဝ်ၸႂ် ဢၼ်ၵႅၼ်ႇၶႅင် ဢသၢၵ်ႈၼၼ်ႉ ပဵၼ်တူဝ်ၼပ်ႉၵူၺ်း ၸၢတ်ႈပၢၼ်ႁဝ်းၼၼ်ႉ မီးလွင်ႈတေလႆႈလဵပ်ႈႁဵၼ်းတင်းၼမ်ယဝ်ႉ ပိုတ်ႇၸႂ် ႁပ်ႉထွမ်ႇ ၸႂ်ႉၸၢတ်ႈပၢၼ်ပဵၼ်တူဝ်ၸဝ်ႈၵဝ်ႇၵူၺ်းၼၼ်ႉ ၸၢတ်ႈပၢၼ်ပဵၼ်ဢၼ်မီးၵႃႈၶၼ်မႃးယဝ်ႉ ႁူႉဝႆႉဝႃႈ ဢမ်ႇလႆႈမီးယူႇၵေႃႉလဵဝ် ၼိူဝ်တၢင်းသဵၼ်ႈၼႆႉ မီးထႅင်ႈၵူၼ်းတင်းၼမ် ဢၼ်ထူပ်းလွင်ႈၶဵင်ႇတႃႉဢမ်ႇပိူင်ႈသင်ၵၼ်တင်းႁဝ်း ယုမ်ႇယမ် တူဝ်ၵဝ်ႇသေ ဢဝ်ၶၢမ်ႈပၼ်ႉမၼ်းၵႂႃႇလႄႈ ၸႂ်ႉၸၢတ်ႈပၢၼ်ႁႂ်ႈတဵမ်တီႈလူး. ပိၼ်ႇ-ငဝ်မွင်မိုတ်းမူဝ်း 01/02/2025 | ['လွၼ်ႉမွၼ်းၵႂၢမ်း'] |
2025-01-24T12:32:50 | https://tainovel.com/%e1%80%9d%e1%80%b0%e1%81%bc%e1%80%ba%e1%82%89%e1%81%b6%e1%82%82%e1%80%ba%e1%82%88%e1%81%b6%e1%80%ad%e1%80%af%e1%81%bc%e1%80%ba%e1%80%b8%e1%81%bc%e1%82%85%e1%80%84%e1%80%ba/ | ဝူၼ်ႉၶႂ်ႈၶိုၼ်းၼႅင် | ယၢမ်းၶမ်ႈၶိုၼ်းလပ်းသိင်ႇ လုၵ်ႈလၢဝ်ႁိူဝ်ႈပိူင်းထွင်ႇမႅပ်ႈ ၶပ်ႉယႆၸႅၼ်ႇထၢၼ်ႈပေႃးသႅမ်း မႅင်းႁိင်ႇႁွႆႈၵူၼ်ႈၶႅဝ်ႁိူဝ်ႈထွင်ႇပိူင်းလႅင်းၼႆၵေႃႈ တေႃႈယင်းတိုၵ်ႉလပ်းသိင်ႇမိုတ်းတၼ် ဢမ်ႇႁၼ် သဵၼ်ႈတၢင်းဢွၵ်ႇ တႃႇမွၵ်ႇလၢတ်ႈၵႂၢမ်းႁၵ်ႉ တႃႇတၵ်ႉၸူးၵႂၢမ်းလီ သုၵ်ႈသီႁူဝ်ၸႂ်ႁႂ်ႈပေႃးလႅင်း ၵႂၢမ်းပႅင်းၵူၺ်းယင်းဢမ်ႇႁတ်းလၢတ်ႈ လွမ်လွမ်ၵူဝ်ၵၢတ်ႈ ၵႂၢမ်းလၢတ်ႈဢမ်ႇၸၢင်ႈၶိုၼ်းၶိုၼ် ၼင်ႈမိုင်ယူႇတႂ်ႈငဝ်းလႅင်းလၢဝ်သေ ႁႅၼ်မုင်ႈတူၺ်းၵၢင်ႁၢဝ်ၼၼ်ႉၵူၺ်းယဝ်ႉ။ ယၢမ်းၵၢင်ၼႂ် ၵူဝ်လႆႈႁူပ်ႉသမ်ႉၶႂ်ႈႁၼ် ၵူဝ်လႆႈႁၼ်ၵွပ်ႈထိင်းၸႂ်ဝႆႉဢမ်ႇလႆႈ ၶႆႈၸႂ်ၶႆႈၸႂ်ၶုၵ်းၶူၼ်ႉတူၺ်း တေလႆႈႁဵတ်းႁိုဝ်ၼေႃ။ ၵူဝ်ၵေႃႈၵႃႈတေလႆႈႁူပ်ႉတေႃႈၼႃႈ ဝႃႈႁိုဝ်ၵေႃႈဝႃႈ ၵွပ်ႈပဵၼ်ႁူဝ်ၼႃႈႁဝ်းယဝ်ႉလူး ႁူႉတေလႆႈတူင်ႉတၵ်ႉၸူး။ ဝၼ်းပႂ်ႉဝၼ်းလိူၼ်ပႂ်ႉလိူၼ် မွင်းယဝ်ႉမွင်း ဢမ်ႇပေႉၸႂ်ၸွမ်းမွင်းလႆႈ ၶႃႈၵေႃႈလႆႈလၢတ်ႈမွၵ်ႇ ဢွၵ်ႇၼႄၵႂႃႇဝႃႈ “မွင်းထႃႈသူယူႇၼႃႈ ၸွင်ႇပႃႈမီးၵေႃႉမႆၢပွင်း မွင်းပႂ်ႉဝၼ်းလိူၼ်တေလႅင်းပိူင်းထွင်ႇထႅင်ႈႁႅင်းၸႂ်ပႅင်း ၼႃႈယုမ်ႉဢွၼ်ႇသူၼၼ်ႉ မႃးတုမ်ႉလေႃႇၸႂ်ႁဝ်းထၢၼ်ႈပေႃးမဝ်း ႁဵတ်းၵၢၼ်ၵေႃႈ ဢမ်ႇပဵၼ်သၢင်ႈသဝ်းလီ ဝၼ်းပီမွင်းၶႂ်ႈမွၵ်ႇလၢတ်ႈၵႂၢမ်းႁၵ်ႉၸူး သူလူးၸွင်ႇတေပၼ်ၶေႃႈတွပ်ႇလႆႈ” သဵင်သၼ်ႇမႆႈၽုတ်းဢွၵ်ႇမႃး ၼႃႈယုမ်ႉၵီႈဢွၼ်ႇသၢဝ်ၼၢင်းလႅင်လိူတ်ႇမႆႈ ၶႂ်ႈဝႃႈၼၢင်းဢႆၢ ႁိုဝ်ၵႂႃႇၸႂ်ႈ ပူၵ်းတိုၼ်ႇၸႂ်တေႃးသဢွၵ်ႇမႃးသမ်ႉပေႃးၶႂ်ႈလႅၼ်ႈပႆၢႈ ၵူၺ်းၵႃႈ ဢမ်ႇၸၢင်ႈႁဵတ်းႁိုဝ်ၼႃႇ ၵႂၢမ်းတွပ်ႇဢွၵ်ႇမႃးဝႃႈ “တေႁႃတီႈႁဵတ်းၵၢၼ်မႂ်ႇပၼ်သူၼႃႈ” ယႃႇဝႃႈတေလီ ယိုင်ႈၶႅၼ်းၶီပူႇမႆႈ ဢမ်ႇလႆႈယူႇသဝ်းသၢင်ႈႁိမ်းၼၢင်း လႆႈၵၢင်းယၢၼ်ႁၢင်ႇၵႂႃႇ တႃႇလႆႈၵႂၢမ်းႁၵ်ႉၶိုၼ်း ၵႃႈလႆႈမွင်းၾၼ် ဢမ်ႇႁၼ်တၢင်းဝႃႈၼၢင်းတေယၵ်ႉဝႆၢႇၸူး ယိုင်ႈၶႅၼ်းလႆႈယူႇႁၢင်ႇ တူဝ်ၸႂ်ဢမ်ႇၸိုၼ်ႈသိူဝ်းပၢင်ႇလႆႈယဝ်ႉဢိူဝ်ႈ။ သင်လိူၵ်ႈလႆႈ တင်းၶႂ်ႈၶိုၼ်းႁူၼ် သင်ၸူၼ်ႁူဝ်ၸႂ်လႆႈၶႂ်ႈပဵၼ်ၸူၼ်ၵွၼ်ႇယဝ်ႈ၊ ၵွပ်ႈသင်လႄႈၼေႃး တၢင်းႁၵ်ႉႁဝ်းၼႆႉ ၸိုင်ပေႉမႃးမွင်ၵဝ်ႇသဝ်ႈ တေလႆႈယူႇႁဵတ်းပဵၼ်မၢဝ်ႇထဝ်ႈၵႂႃႇၵူၺ်းယဝ်ႈႁိုဝ်။ ပႆၢၵမ်-ငဝ်မွင်မိုတ်းမူဝ်း 21/01/2025 | ['ၵူႈလွင်ႈလွင်ႈ'] |
2025-01-05T23:44:51 | https://tainovel.com/%e1%80%a2%e1%80%99%e1%80%ba%e1%82%87%e1%81%bd%e1%80%bd%e1%80%84%e1%80%ba%e1%80%b8%e1%80%9c%e1%80%ad%e1%80%b0%e1%80%9d%e1%80%ba%e1%80%9c%e1%82%86%e1%82%88/ | ဢမ်ႇၽွင်းလိူဝ်လႆႈ | သႅင်ၸိုၼ်ႈ ပဵၼ်ၽူႈၸၢႆးၼႃႈတႃႁၢင်ႈၽၢင်ငၢမ်းလဝ်း ၽႂ်ႁၼ်ၵေႃႈၸႂ်ၸပ်းၸွမ်းတၢင်းႁၢင်ႈလဝ်းမၼ်း ပေႃးဝႃႈ ၼုင်ႈသုပ်းသႂ်ႇသိူဝ်ႈၶူဝ်းသိုၵ်းၼႆ ၶႅၼ်းလဝ်းပေႃးဢမ်ႇၸၢင်ႈလၢတ်ႈ၊ ၵႂႃႇတၢင်းလႂ် သၢဝ်ၼႆႉဢမ်ႇတွၼ်ႉထၢမ်ႁႃ မႃးႁႃႁင်းၵူၺ်းလၢႆလၢႆ။ ယၢမ်းၵၢင်ၼႂ်ၸဵမ်ၸဝ်ႉ လုၵ်ႈႁဵၼ်းသိုၵ်းၶဝ်တေၵႆႉၵႆႉထွတ်ႇသိူဝ်ႈသေလုၵ်ႉလႅၼ်ႈၸွမ်းတၢင်း သႅင်ၸိုၼ်ႈ ပဵၼ်ၶူးသွၼ်ၵၢၼ်သိုၵ်း လႆႈၵုမ်းလုၵ်ႈႁဵၼ်းမၼ်းသေ လႅၼ်ႈၵႂႃႇၸွမ်းတၢင်းၶၢင်ႈထႅဝ်ယဝ်ႉ။ သမ်ႉဝႃႈမၼ်းဢမ်ႇလႆႈထွတ်ႇသိူဝ်ႈၸွမ်းပိူၼ်ႈသေတႃႉ သိူဝ်ႈၶဵဝ်ၶီႈမႃႉမၢင်မၢင် သုပ်းသႂ်ႇပေႃးမႅၼ်ႈဢဝ်တူဝ်ၶိင်းမၼ်း ပေႃးႁိူဝ်ႇယမ်းၼႆ သိူဝ်ႈၸပ်းၼိူဝ်ႉမႃးလႄႈ ၶႂ်ႈႁၼ်ဢမ်ႇႁၼ်ႁၢင်ႈၵၢမ်ႈၼိူဝ်ႉတႂ်ႈသိူဝ်ႈမႃးယဝ်ႉ သမ်ႉဝႃႈဢမ်ႇလႆႈႁၼ်ၵေႃႈ ၶႅၼ်လူင်မီးဢဵၼ်ၽူၵ်ႉဢွၵ်ႇမႃးဢိတ်းဢိတ်းၼၼ်ႉၵေႃႈ ၸၼ်ၸႂ်ၼႃႇယဝ်ႉ။ ၸုမ်းၼၢင်းႁၢၼ်ဢၼ်လႅၼ်ႈၵႂႃႇတၢင်းလင်ၼၼ်ႉ ဢွၼ်ဢုပ်ႇၵၼ်လူင်ၵႂႃႇ “ၵူၼ်းလဝ်းၼႆႉ တူၺ်းၵူႈဝၼ်းၵေႃႈဢမ်ႇဢိမ်ႇ ႁၼ်တႃႇသေႇၵေႃႈဢမ်ႇမေႃၸၢၼ်ႈတေႉၼေႃ” “ၽႂ်ၼေႃ တေပဵၼ်ၸူႉၶဝ် ပဵၼ်ႁဝ်းႁႃႉတေႃႈ..” “ပေႃးလႆႈမႃးယဝ်ႉ တေပႅတ်ႈလႆႈယူႇႁႃႉဝႃႈၵူၼ်းၸိူင်ႉၼၼ်” “ၸႂ်ႉႁွင်ႉသဵင်ဢမ်ႇဢွၵ်ႇ!! သဵင်ဢုပ်ႇၵၼ်ၵူၺ်းဢိူဝ်ႈလင်ၼႃႇ” သဵင်ႁၢဝ်ႈသဵင်ၶႅင် ၶူးသွၼ်ၵၢၼ်သိုၵ်း မီးၸိုဝ်ႈဝႃႈ သႅင်ယိင်း ၼၼ်ႉ ႁွင်ႉႁိုတ်းၸူးၶဝ်။ ႁူဝ်ၼႃႈၶဝ်ၼၼ်ႉၵေႃႈ ဢွၼ်ၵၼ်ႁွင်ႉ “သၢႆႉ..သၢႆႉၶႂႃသၢႆႉ” လႅၼ်ႈလမ်းတၢင်းလင်မူႇၽူႈၸၢႆးၶဝ်ၵႂႃႇယဝ်ႉ၊ ၶိုၼ်းပွၵ်ႈမႃးတီႈ ပၢင်ႇသွၼ်ၵၢၼ်ၶဝ် လဵၼ်ႈလၢႆးၸိူင်းၵႂႃႇၸွမ်းၵၼ်သေလႄႈ လိုဝ်ႈႁိူဝ်ႉၵႂႃႇႁႃဢၢပ်ႇၼမ်ႉႁင်းၽႂ်ႁင်းမၼ်းယူႇယဝ်ႉ။ မိူဝ်ႈဢွၼ်ၵၼ်ႁဵတ်းၵၢၼ်တေႃႉၽိုၼ်းယူႇၼၼ်ႉ “လၢတ်ႈႁႂ်ႈၵၼ်မႃးတေႃႉၽိုၼ်း ဢမ်ႇပၼ်ၽူႈၸၢႆးမႃးၸွႆႈႁေၵေႃႉလူင် ၼၵ်းဝႃႈၼၵ်းမေႃႉ” “ၼၼ်ႉယဝ်ႉ ပေႃးတၢၼ်ႇဝႃႈၽူႈယိင်းၼႆႉမီးႁႅင်းၼႃႇယဝ်ႉ” “ႁႅင်းဢုပ်ႇၵၼ်တႄႉၼမ်ၼႃႇ ႁႅင်းတေႃႉမႆႉၵူၺ်းတႄႉ ဢမ်ႇမီးယဝ်ႉၵႃႈ” ၶူးသႅင်ယိင်း တင်းလၢတ်ႈတင်းပႆမႃးၸူးၶဝ်။ ဢဝ်သဵင်သမ်ႉပေႃးယဵၼ်သႅပ်း “ပဵၼ်ၽူႈယိင်းၵေႃႈ ႁဵတ်းလႆႈမိူၼ်ၽူႈၸၢႆးယူႇဢိူဝ်ႈၼႆ ဢမ်ႇတွၼ်ႉဝူၼ်ႉတူၺ်းၽွင်ႈႁႃႉ ဢီႈသင်ၵေႃႈၽူႈၸၢႆး ဢီႈသင်ၵေႃႈၽူႈၸၢႆး ပေႃးဢမ်ႇမီးၽူႈၸၢႆး သူတေႁဵတ်းႁိုဝ်ယူႇလႃႇ၊ မိူဝ်ႈလႂ်ဢမ်ႇမီးၽူႈၸၢႆး ႁဝ်းၵေႃႈလူဝ်ႇမေႃယူႇ မေႃႁဵတ်းၵူႈလွင်ႈၼၼ်ႉယဝ်ႉ” လၢတ်ႈယဝ်ႉၵေႃႈ ၵႂႃႇပႅတ်ႈယဝ်ႉ။ ဝၢႆးမၼ်းၵႂႃႇၵူၺ်း လုၵ်ႈႁဵၼ်းယိင်းၶဝ်ၸိူဝ်းၼၼ်ႉတႄႉ “ဢိူဝ်ႈ..ပေႃးတၢၼ်ႇဝႃႈၵူၼ်းၵူႈၵေႃႉတေမိူၼ်ၵၼ်လႆႈယဝ်ႉၼႃႇ” “ၼၼ်ႉယဝ်ႉ ႁဝ်းပဵၼ်ၽူႈယိင်း ႁႂ်ႈႁဝ်းၵႅၼ်ႇၶႅင်မိူၼ်ၽူႈၸၢႆးတေႁဵတ်းႁိုဝ်လႆႈမေႃႉ” “ၸွင်ႇႁႅင်းႁဝ်းတၢၼ်ႇၵၼ်ၵေႃႈဢမ်ႇၸႂ်ႈ” “ႁဵတ်းပေႃးတၢၼ်ႇဝႃႈ ၼႂ်းမိူင်းၵူၼ်းလူင်ၼႆႉ ဢမ်ႇၶႂ်ႈလႆႈၽူႈၸၢႆးယဝ်ႉလႄႇမေႃႉ” “ႁဝ်းယၢမ်ႈငိၼ်းဝႃႈ မၼ်းဢၢင်ႈတေႇၼႃႈႁိူၼ်းႁေလႄႈ ၺႃးပိူၼ်ႈပၢႆႈပႅတ်ႈၼႆဝႃႇ” “ဢိူဝ်ႈၸွင်ႇဝႃႈ ပေႃးပဵၼ်ၼႆတႃႉလီပၢႆႈပႅတ်ႈၵဝ်ႇလႄႇမေႃႉ” “ယဵၼ်ႉဢဝ်လႄႈ ထႅင်ႈလၢႆဝၼ်းၵူၺ်း ပၢင်သွၼ်ႁဝ်းၵေႃႈ တေယဝ်ႉယဝ်ႉၼင်ႇၵွၼ်ႇ” “ပေႃးဝူၼ်ႉထိုင်ၶူးသႅင်ယိင်းတႄႉ ဢမ်ႇၶႂ်ႈယူႇႁေဢိတ်း ၵူၺ်းၵႃႈ ပေႃးလႆႈႁၼ်ၼႃႈ ၶူးသႅင်ၸိုၼ်ႈတႄႉ ဢမ်ႇၶႂ်ႈၵႂႃႇတၢင်းလႂ်ယဝ်ႉ” “ၸႂ်ဢမ်ႇလီမႃးယဝ်ႉၼႆႉႁဝ်း ပေႃးဝႃႈၼၼ်ၵေႃႈ” ဢုပ်ႇၵၼ်ႁုၼ်ႉၶူဝ်သိူဝ်းၼူဝ်ၵႂႃႇၸွမ်းၵၼ် ပဵၼ်ဢၼ်မူၼ်ႈမူၼ်ႈသိူဝ်းသိူဝ်း သဵင်ႁုၼ်ႉသဵင်ၶူဝ်ၶဝ်ၼၼ်ႉ ဢမ်ႇတၼ်းႁူႉ ၵၢၼ်ၶဝ်ၵေႃႈယဝ်ႉၵႂႃႇလီငၢမ်းယူႇ။ ပၢင်သွၼ်ၶဝ်ၵေႃႈ ယဝ်ႉၵႂႃႇယဝ်ႉလႄႈ ၸဵမ်ၸၢႆးႁၢၼ် ၼၢင်းႁၢၼ် ဢွၼ်ၵၼ်ၵႂႃႇၸွမ်းၼႃႈတီႈပုၼ်ႈၽွၼ်း ႁင်းၽႂ်ႁင်းမၼ်း၊ မၢင်ၵေႃႉ မႃးယူႇမႃးမိုတ်ႈၵၼ်၊ မၢင်ၵေႃႉမႃးႁူႉၸၵ်းလႆႈႁၵ်ႉၸူးၵၼ်ၵေႃႈမီး လွင်ႈႁူပ်ႉၺႃးၵၼ်ၼၼ်ႉၵေႃႈ ႁူႉၵႃႈလႆႈယၢၼ်ၽၢတ်ႇယဝ်ႉၼႃႇ။ ၼၢင်းႁၢၼ်ၼႆၼၼ်ႉ ႁိုင်ႁိုင်ၼၢၼ်းၼၢၼ်းၸင်ႇမီးၼိုင်ႈၸုပ်ႈၵူၺ်း ပေႃးဝႃႈလုၵ်ႈႁဵၼ်းဢမ်ႇမီးယဝ်ႉ ၶူးသွၼ်မၼ်းၵေႃႈ ဢမ်ႇၸၢင်ႈယူႇႁဵတ်းသင်၊ ယၢမ်းၵၢင်ၼႂ်ၸဵမ်ၸဝ်ႉ တီႈလုမ်းႁူင်းၽိုၵ်းသွၼ်ၶဝ်ၼၼ်ႉ သႅင်ယိင်းၵေႃႈ ႁူဝ်ၼႃႈႁွင်ႉထူပ်းသေ လႆႈႁပ်ႉၵႂၢမ်းသင်ႇ ႁႂ်ႈဢွၵ်ႇၶၢဝ်းတၢင်းၵႂႃႇႁဵတ်းၵၢၼ်ထႅင်ႈၼႂ်းပိုၼ်ႉတီႈလပ်ႉၼႆယဝ်ႉ။ ယၢမ်းၵၢင်ၶမ်ႈ တႂ်ႈငဝ်းၾႆးၶၢဝ်ၶၢဝ် မႅင်းလမ်ၽိုတ်းလမ်ၽၢတ်းတွမ်ၽူင်ႉပိဝ်ယူႇသဵင်ႈ ငဝ်းၵူၼ်းလမ်လမ် ၼင်ႈၵွတ်ႇၶဝ်ႇၵေႃႉလဵဝ်သေ ယိပ်းတင်းၵွၵ်းလဝ်ႈယဝ်ႉ မိူၼ်ႇမိုင်တူၺ်းၵႂႃႇၽၢႆႇတၢင်း တီႈလိုဝ်ႈသႅင်ၸိုၼ်ႈ ၼင်ႇၵူၼ်းမီးလွင်ႈတုၵ်ႉၸႂ်ဝႆႉ။ “လၵ်ႉၵိၼ်ႁင်းၵူၺ်းၼႆႉ ဝၢၼ်ယူႇၵႃႈ” သဵင်သႅင်ၸိုၼ်ႈ လၢတ်ႈ ယဝ်ႉမႃးၸၵ်ႉဢဝ်ၵွၵ်းလဝ်ႈ သႅင်ယိင်းသေ ႁိုဝ်ႈလဝ်ႈဢွၵ်ႉၵိၼ်ၵႂႃႇ။ “ၶၢဝ်းပိူၼ်ႈလပ်းပိူၼ်ႈၼွၼ်းယဝ်ႉ မႃးႁဵတ်းသင်!!” “မႃးၵိၼ်လဝ်ႈပဵၼ်ၵေႃႉသူၼၼ်ႉၼႃႇ..” “ၵႂႃႇလႄႈ..မိူဝ်ႈႁဝ်းတိုၵ်ႉလၢတ်ႈလီလႆႈယူႇၼႆႉ..” “သူ..တေလႆႈၵႂႃႇတေႉႁႃႉ” သဵင်သႅင်ယိင်းယဵၼ်ၵႂႃႇ ၸၵ်ႉဢဝ်ၵွၵ်းလဝ်ႈမၼ်းမႃးႁိုဝ်ႈၵိၼ်ၶိုၼ်း “ပဵၼ်သိုၵ်းၼႆႉ မီးသုၼ်ႇထဵင်ၶိုၼ်းလႆႈယူႇႁႃႉသူဝႃႈ” သႅင်ၸိုၼ်ႈၵေႃႈ ၼင်ႈၼိမ်ယဵၼ်ႁိမ်းသႅင်ယိင်းယူႇႁဵတ်းၼၼ် ၵွၵ်းလဝ်ႈႁူၺ်ႇလဵဝ် ပုတ်ႈၵၼ်ၵိၼ်ၵႂႃႇၵႂႃႇမႃးမႃး လဝ်ႈသမ်ႉပေႃးၶႂ်ႈသဵင်ႈ ၵိုတ်းၵူၼ်ႈတဝ်ႈမၼ်းၵူၺ်းယဝ်ႉ။ “ဢမ်ႇဝူၼ်ႉဝႃႈ ဝၼ်းမိူဝ်ႈၼႆႉ ႁဝ်းတေလႆႈမႃးၼင်ႈၵိၼ်လဝ်ႈၸွမ်းၵၼ်ၸိူင်ႉၼႆ” “ၼၼ်ႉယဝ်ႉ ဢမ်ႇထၢင်ႇဝႃႈ သူမေႃၵိၼ်လဝ်ႈၵွၼ်ႇယဝ်ႉ..” “လွင်ႈဢမ်ႇထၢင်ႇၼၼ်ႉၸၢင်ႈပဵၼ်မႃးယူႇ သူတေႁူႉလီလိူဝ်ပိူၼ်ႈဢမ်ႇၸႂ်ႈႁိုဝ်” သႅင်ၸိုၼ်ႈၵေႃႈ ႁႅၼ်တူၺ်းတွင်ႉၾႃႉသေယဝ်ႉ “ၶမ်ႈၼႆႉ လၢဝ်လႅင်းလီတေႉယဝ်ႉ သူဢမ်ႇဝႃႈၼၼ်ႁႃႉ” သႅင်ယိင်းမႄးႁိုဝ်ႈလဝ်ႈဢၼ်ၵိုတ်းၵူၼ်ႈတဝ်ႈၵူၺ်းၼၼ်ႉ သႂ်ႇၵွၵ်းသေယဝ်ႉ ဢိုၵ်ႉၵိၼ်ထႅင်ႈၵမ်းၼိုင်ႈယဝ်ႉ။ ယၢမ်းၵၢင်ၼႂ်မိူင်းပႆႇလႅင်း ထိုင်ၶၢဝ်းယၢမ်းတေဢွၵ်ႇတၢင်းယဝ်ႉၼႆၵေႃႈ ၵွပ်ႈပဵၼ်ၶၢဝ်းၵူၼ်းၼွၼ်းဝၢၼ်ယူႇလႄႈ ဢမ်ႇမီးၽႂ်မႃးၸွမ်းသူင်ႇ။ မၼ်း တႅမ်ႈလိၵ်ႈသေ ဢဝ်ၵႂႃႇတမ်းဝႆႉယူႇၼႃႈႁွင်ႈ သႅင်ၸိုၼ်ႈၼၼ်ႉ ဝႃႈ ထိုင် သႅင်ၸိုၼ်ႈ ႁဝ်းၵႂႃႇယဝ်ႉၼႃႈ ၶၢဝ်းတၢင်းႁဝ်းတေၵႂႃႇထိုင်လႂ် ဢမ်ႇလၢမ်းႁူႉလႆႈ၊ သဵၼ်ႈတၢင်းပႆ မၼ်းၵႆၼႃႇၵေႃႈ တေလႆႈၵႂႃႇယဝ်ႉ၊ ပုၼ်ႈၽွၼ်းတူၵ်းမႃး ပႃးႁဝ်းၵေႃႉၼိုင်ႈ တိုင်ႈၶိုၼ်ႈၼႃႈ ဢမ်ႇၸၢင်ႈလၢတ်ႈဝႃႈတေၶိုၼ်းမႃး၊ သုတ်းတၢင်းယဝ်ႉ ၸင်ႇၶိုၼ်းထိုင်ၵေႃႈတေထိုင်၊ သင်ႁိုင်လႄႈဢမ်ႇလွတ်ႈၽေးယဝ်ႉၼႆ ၽၢၵ်ႇမွၵ်ႇပၼ်တီႈၼွင်ႉယိင်းႁဝ်းၽွင်ႈၼႃႈ “ႁဝ်းဢမ်ႇၸၢင်ႈၶိုၼ်းမႃးယဝ်ႉ..” တႅမ်ႈ သႅင်ယိင်း သႅင်ၸိုၼ်ႈ ဢမ်ႇႁူႉဝႃႈ သႅင်ယိင်း တေဢွၵ်ႇၶၢဝ်းတၢင်းၵႂႃႇလႂ်၊ ၵွပ်ႈပဵၼ်ၵၢၼ်လပ်ႉလႄႈ သမ်ႉဝႃႈၶႂ်ႈႁူႉၵေႃႈ ဢမ်ႇထုၵ်ႇလီႁူႉၼႆ ႁူႉယူႇတီႈၸႂ်ၽႂ်မၼ်းယဝ်ႉ။ သဵင်မၢၵ်ႇတႅၵ်ႇလင်ၼၼ်ႈဢူၼ်ပၼ်း ၵူၼ်းလူင်လုၵ်ႇဢွၼ်ႇ ဢႅၼ်ႇလႅၼ်ႈသေႃႉႁႃတီႈလွတ်ႈၽေး၊ သဵင်ၵွင်ႈလင်ၼၼ်ႈပၼ်းမေႃး ၵူၼ်းလေႃးလႄးသူၼ်ႈသိၼ်းသၢၼ် ႁိမ်ၵၼ်ပၢႆႈ တၢင်းၵဝ်တၢင်းမႂ်း လႅၼ်ႈယူႇၵေႃႈ တေႃႈဢမ်ႇႁူႉဝႃႈ တေလွတ်ႈႁိုဝ်တေတၢႆ သၢႆၸႂ်ယူႇတႂ်ႈပၢႆမၢၵ်ႇၵွင်ႈ ၊ လုၵ်ႈဢွၼ်ႇၵမ်ႈၽွင်ႈ ႁွင်ႉႁႃဢူႈႁႃမႄႈၵေႃႈဢမ်ႇႁၼ်ယဝ်ႉ။ ဝၢႆးသဵင်မၢၵ်ႇသဵင်ၵွင်ႈတဵတ်ႇယဵၼ် လင်ႁိူၼ်းတႅၵ်ႈဢုတ်ႇတႅၵ်ႈဝႃး ၵူၼ်ႇလူမ်ႉၸူမ်တဵင် ယွၵ်းယွႆတႅၵ်ႇၸတ်ႉ တၢၼ်ႇဢိင်ႇသၼ်ႇလူမ်ႇလူမ်ႉၵူၼ်ႇထူမ်ယဝ်ႉယိုင်၊ ၵမ်ႈၽွင်ႈၵေႃႈတၢႆမၢၵ်ႇတၢႆမိူဝ် ၵမ်ႈၽွင်ႈၵေႃႈႁၢႆလၢႆၸွမ်းတႂ်ႈႁိူၼ်းၵူၼ်ႇလူမ်ႉ၊ ဢၢႆၵႂၼ်းဢၢႆယၢမ်း ပဵၼ်ၽုၼ်ႇပဵၼ်ၽွင်ဢဝ်မိူင်းသမ်ႉပေႃးမွင် ႁၼ်ယဝ်ႉ မႃးတွင်ႈတႅင်းတမ်ႁူဝ်ၸႂ် သၢႆၸႂ်လုၵ်ႈမႄႈၵူၼ်းမိူင်းတႆးႁဝ်းၼၼ်ႉ မၼ်းဢမ်ႇမီးၵႃႈၶၼ်သင်သေဢိတ်းယဝ်ႉႁိုဝ်။ သႅင်ယိင်းၶဝ်ၵေႃႈ လႆႈၼုင်ႈသႂ်ႇသိူဝ်ႈၶူဝ်းၸုမ်းၸွႆႈထႅမ်ၵူၼ်းထူပ်းၽေးသေယဝ်ႉ ၶဝ်ႈၵႂႃႇၸွႆႈတေႃႉဢဝ်ၵူၼ်းတၢႆမိူဝ်ယူႇၼၼ်ႉလႄႈ ၸွမ်းသွၵ်ႈႁႃၵူၼ်းဢၼ်လႆႈတၢႆၵႂႃႇၸိူဝ်းၼၼ်ႉယူႇ။ ဝၼ်းယဝ်ႉဝၼ်း ဢမ်ႇႁၼ်ဝႃႈမၼ်းတေယဝ်ႉၵႂႃႇလႆႈ၊ တီႈယဝ်ႉၵႂႃႇ တီႈမႂ်ႇၵေႃႈမီးမႃး ၵူၼ်းတၢႆၵေႃႈၸွမ်းပႃး ၵူႈဝၼ်းၵူႈဝၼ်း ပၢင်တိုၵ်းမီးတီႈလႂ် ၵူၼ်းမိူင်းၵေႃႈလႆႈပၢႆႈလႆႈတၢႆယူႇတႃႇသေႇ။ ၵူၼ်းၸွႆႈၼၼ်ႉ သမ်ႉဝႃႈတေႁိူဝ်ႉတေယၢပ်ႇတၢၼ်ႇႁိုဝ်ၵေႃႈယဝ်ႉ မိူဝ်ႈပဵၼ်ပုၼ်ႈၽွၼ်းၼႆ ႁူႉၵႃႈလႆႈႁၢပ်ႇႁၢမ်ႁဵတ်းၵႂႃႇ ဢမ်ႇဝႃႈၵၢၼ်ၼၼ်ႉ တေထိုင်သၢႆၸႂ်ၵေႃႈယဝ်ႉ ၵႃႈတေလႆႈၸုၼ်ႉသေၶဝ်ႈၵႂႃႇယဝ်ႉၼႃႇ။ ၵႃႈပၢင်တိုၵ်းပႆႇယဵၼ် တႃႇၶိုၼ်းပွၵ်ႈမိူဝ်းႁႃ ၵူၼ်းၼႂ်းၼႃႈႁိူၼ်းဢၼ်ဝႃႈၼၼ်ႉၵေႃႈ ဢမ်ႇႁၼ်တၢင်းယဝ်ႉ၊ ယူႇၼႂ်းပိုၼ်ႉတီႈသုၵ်ႉယုင်ႈ ယူႇလူၺ်ႈဢမ်ႇမီးတူဝ်တေႉ ၵပ်းသိုပ်ႇၽႂ်ၵေႃႈဢမ်ႇလႆႈ ႁူႉၵႃႈ လႆႈယူႇထႃႈမွင်းဝၼ်းပၢင်တိုၵ်းယဵၼ်ယူႇၵေႃႈ ၵႃႈတေလႆႈဝႆႉၸႂ်ယွမ်းႁပ်ႉဝႃႈ သၢႆၸႂ်ၼၼ်ႉ တေၸၢင်ႈၵႂႃႇၸွမ်းပၢင်တိုၵ်းလူင်ၼၼ်ႉယူႇယဝ်ႉ။ ၶၢဝ်းတၢင်းသႅင်ယိင်းၶဝ် တေၵႂႃႇၸွႆႈထႅမ်ၵူၼ်း ဢွင်ႈတီႈမီးမၢၵ်ႇတႅၵ်ႇၼၼ်ႉ ၸင်ႇသမ်ႉလႆႈလတ်းၽၢၼ်ႇ ဢွင်ႈတီႈဢၼ်ယၢမ်ႈမီးမၢၵ်ႇတႅၵ်ႇတူၵ်းသႂ်ႇ လင်ႁိူၼ်းႁၵ်းၽင်ႉၵွႆယွၵ်းယွႆ၊ ၵူၼ်းႁူလီၸိူင်ႉၼင်ႇသႅင်ယိင်းၼႆၵေႃႈ ငိၼ်းမႅၼ်ႈ သဵင်ႁွင်ႉႁႆႈလုၵ်ႈဢွၼ်ႇသေယဝ်ႉ ၵိုတ်းထွမ်ႇလီလီသေ ႁူႉဝႃႈ မၼ်းမီးလုၵ်ႈဢွၼ်ႇတေႉၼႆၵေႃႈ လႆႈၵိုတ်းၸွမ်းႁႃလုၵ်ႈဢွၼ်ႇၵွၼ်ႇၼႆယဝ်ႉ။ ဢမ်ႇႁိုင်ဢမ်ႇၼၢၼ်း မၼ်းၵေႃႈလႆႈထူပ်းႁၼ်လုၵ်ႈဢွၼ်ႇယိင်းၵေႃႉၼိုင်ႈ ဢႃႇယုတေမီးယူႇမွၵ်ႈ 10 ၶူပ်ႇၼႆႉ ၼင်ႈႁႆႈယူႇ သႅင်ယိင်းၵေႃႈ ထၢမ်လွင်ႈထၢမ်တၢင်းမၼ်း လႆႈႁူႉလွင်ႈလုၵ်ႈဢွၼ်ႇၼၼ်ႉ။ မိူဝ်ႈဢူႈမႄႈၶဝ်တၢႆ မၼ်းဢမ်ႇလႆႈယူႇၸွမ်းဢူႈမႄႈၶဝ်လႄႈ မိူဝ်းယူႇၸွမ်းပႃႈၶဝ်၊ ပိူၼ်ႈၵေႃႈလၢတ်ႈမၼ်းဝႃႈ ဢူႈမႄႈမၼ်းဢမ်ႇယူႇယဝ်ႉ၊ လႆႈတၢႆၵႂႃႇယဝ်ႉၼႆၵေႃႈ မၼ်းဢမ်ႇယုမ်ႇသေ ဝူၼ်ႉဝႃႈဢူႈမႄႈမၼ်း ဢမ်ႇၶႂ်ႈႁႂ်ႈမၼ်းမိူဝ်းႁိူၼ်းလႄႈ ပိူၼ်ႈလွၵ်ႇမၼ်းၵူၺ်းၼႆႁေၵေႃႈ လႆႈလၵ်ႉမႃးႁိူၼ်းမၼ်းၼၼ်ႉယဝ်ႉ။ ဢမ်ႇထၢင်ႇဝႃႈ မၼ်းတေလႆႈမႃးႁၼ် ဢွင်ႈတီႈဢၼ်ထၢင်ႇဝႃႈ ပဵၼ်ႁိူၼ်းၼၼ်ႉ ဢမ်ႇမီးႁိူၼ်းပုၼ်ႈတႃႇမၼ်းယဝ်ႉ။ သႅင်ယိင်းၵေႃႈ ဢမ်ႇၸၢင်ႈႁဵတ်းသင်ပၼ်လႆႈ လိူဝ်သေဢဝ်လုၵ်ႈဢွၼ်ႇၼၼ်ႉ မႃးၵွတ်ႇဝႆႉယူႇၼႂ်းဢူၵ်းမၼ်းၼၼ်ႉၵူၺ်း။ ယၢမ်းၼၼ်ႉ သဵင်ၵွင်ႈလင်မေႃးမႃးလႄႈ ဢွၼ်ၵၼ်မူပ်ႇပႅပ်ႉဝႆႉယဝ်ႉ။ မိူဝ်ႈသဵင်မၢၵ်ႇၵွင်ႈယဵၼ်ၵႂႃႇႁိုင်တၢၼ်ႇတၢၼ်ႇၼႆၵေႃႈ ဢွၼ်ၵၼ်သွၼ်ႉပႅပ်ႉပၢႆႈဢွၵ်ႇပိုၼ်ႉတီႈၼၼ်ႈယဝ်ႉ။ ယၢမ်းၼၼ်ႉ သိုဝ်ႈၶႃသွင်ၵေႃႉၼၼ်ႉၵေႃႈ မီးမၢၵ်ႇတႅၵ်ႇတူၵ်းလူင်းမႃး လင်ယွၼ်ႈတွင်ႈထိုင်လိၼ် ပေႃးသၼ်ႇၶွၼ်းဝႆ သဵင်လူမ်းထူၺ်ႈၸႂ် ၵူၼ်းသွင်ၵေႃႉၼၼ်ႉ လႆႈသုတ်းဝွတ်ႈႁၢႆၵႂႃႇ ၼႂ်းပႃႇပၢင်တိုၵ်းၼၼ်ႉယဝ်ႉ။ ဝၢႆးသေသႅင်ယိင်းၵႂႃႇယဝ်ႉ သႅင်ၸိုၼ်ႈၵေႃႈ ဢမ်ႇလႆႈၶိုၼ်းႁူႉၶၢဝ်ႇသႅင်ယိင်းထႅင်ႈႁေပွၵ်ႈ၊ ၵူၺ်းၵႃႈ ဢမ်ႇထၢင်ႇဝႃႈ လႆႈငိၼ်းၶၢဝ်ႇၶဝ် ပွၵ်ႈဢွၼ်တၢင်းသုတ်း ဝၢႆးသေဢမ်ႇႁၼ်ၵၼ်ႁိုင်ၼၼ်ႉဝႃႈ “သႅင်ယိင်း တၢႆယဝ်ႉ” ၼႂ်းႁူဝ်ၸႂ်ႁူဝ်ၶေႃး ဢိုၵ်ႉၼိုၵ်ႉဢိုမ်တိုမ်း ၸိုမ်းဢဝ်ႁူၺ်ႇတႃလမ်ၵေႃႉၸၢႆး မီးၼမ်ႉယမ်းၸမ်ႉဝႆႉယဝ်ႉ။ မိူဝ်ႈႁူႉၸိူင်ႉၼၼ် ၸွမ်းၼင်ႇၶေႃႈသင်ႇလိုၼ်းသုတ်းသႅင်ယိင်းၼၼ်ႉ သႅင်ၸိုၼ်ႈၵေႃႈ လႆႈပွင်ႇပၼ်တီႈ ၼွင်ႉယိင်းသႅင်ယိင်းၵႂႃႇ။ ဢမ်ႇထၢင်ႇဝႃႈ တေလႆႈႁူႉငိၼ်းၶိုၼ်းလွင်ႈဝႃႈ သႅင်ယိင်းၵႂႃႇႁဵတ်းသိုၵ်းၼၼ်ႉ ပုၼ်ႈတႃႇၸွမ်းႁႃမၼ်းၼႆ။ ထႅင်ႈဝၼ်းလဵဝ်ၵူၺ်း ပၢင်ၶႅၵ်ႇသႅင်ယိင်းလႄႈသႅင်ၸိုၼ်ႈ ဢၼ်ဝႃႈၼၼ်ႉၵေႃႈ တေမီးမႃးယဝ်ႉ။ ၵူၺ်းၵႃႈ သႅင်ၸိုၼ်ႈ လႆႈႁၢႆတူဝ်ၵႂႃႇ ဢမ်ႇၵပ်းသိုပ်ႇလႆႈ ဢမ်ႇႁူႉဝႃႈမီးယူႇတီႈလႂ် ၽႂ်ၽႂ်ၵေႃႈဝႃႈ သႅင်ၸိုၼ်ႈဢမ်ႇၶႂ်ႈႁဵတ်းပၢင်ၶႅၵ်ႇ ပၢႆႈပၢင်ၶႅၵ်ႇၼႆယူႇ။ ၸွမ်းၼင်ႇလွင်ႈယုမ်ႇၸႂ် ဢၼ်ႁၵ်ႉၵၼ်မႃးတင်းႁိုင်ၼၼ်ႉ ဢမ်ႇႁဵတ်းႁႂ်ႈသႅင်ယိင်းဝူၼ်ႉၸိူင်ႉၼၼ် သင်ဝႃႈ မၼ်းၵႂႃႇ မၼ်းလီသူင်ႇသင်ႇၶေႃႈၵႂၢမ်းဝႆႉပၼ်ယူႇ၊ သင်ဝႃႈဢမ်ႇၶႂ်ႈႁဵတ်း မိူဝ်ႈတေႁဵတ်းၵေႃႈထၢမ်ၵၼ်လီလီယဝ်ႉလူး၊ ၵွပ်ႈသင်လႄႈမၼ်းလႅၵ်ႈလၢႆႈၸႂ် ၵႂႃႇလႄႈ ဢမ်ႇလၢတ်ႈၼႆ။ သမ်ႉဝႃႈတၢင်းႁွင်ႇတၢင်းၸၢၼ်း ပိူၼ်ႈတေလၢတ်ႈဝႃႈၸိူင်ႉႁိုဝ်ၵေႃႈယဝ်ႉ ပေႃးဢမ်ႇပႆႇၸႂ်ႈသႅင်ၸိုၼ်ႈလၢတ်ႈဢွၵ်ႇမႃးၼႆ မၼ်းတိုၼ်းဢမ်ႇယုမ်ႇၽႂ် ဢမ်ႇယွမ်းႁပ်ႉလႆႈ။ မၼ်းၸွမ်းႁႃ သႅင်ၸိုၼ်ႈမႃးတႃႇသေႇ တေႃႇပေႃးႁူႉဝႃႈ သႅင်ၸိုၼ်ႈလႆႈၵႂႃႇႁဵတ်းသိုၵ်းၼႆၵေႃႈ မၼ်းၸင်ႇလႆႈ ႁဵတ်းသိုၵ်းၸွမ်းယဝ်ႉ။ ႁဵတ်းသိုၵ်းမႃးသၢမ်ပီႊ ၸင်ႇတေလႆႈႁူပ်ႉၺႃးသႅင်ၸိုၼ်ႈ ဢၼ်တိုၵ်ႉယူႇလီယူႇ လႄႈ ပွၵ်ႈဢွၼ်တၢင်းသုတ်းဢၼ်လႆႈႁူပ်ႉႁၼ်ၵၼ်၊ သၢႆတႃသႅင်ၸိုၼ်ႈ ဢမ်ႇတူၺ်းႁၼ်မၼ်းလႄႈ ဢမ်ႇမီးမၼ်းယူႇၼႂ်းသၢႆတႃယဝ်ႉၼၼ်ႉ ႁဵတ်းႁႂ်ႈၵူႈလွင်ႈၸႅင်ႈလႅင်းၸႂ်မႃး ၵူႈလွင်ႈဢၼ်ၶႂ်ႈႁူႉၶႂ်ႈထၢမ်ၼၼ်ႉၵေႃႈ လႆႈႁၢႆၵႂႃႇမူတ်းသဵင်ႈယဝ်ႉ။ မိူဝ်ႈလႆႈႁဵတ်းၵၢၼ်ၸွမ်းၵၼ် မိူဝ်ႈလႆႈၶိုၼ်းဢုပ်ႇလၢတ်ႈႁူပ်ႉၵၼ်၊ မိူဝ်ႈၶိုၼ်းလၢတ်ႈထိုင်လွင်ႈဝၼ်းလင်ၼၼ်ႉ သႅင်ၸိုၼ်ႈ ပၢႆႈၶေႃႈၵႂၢမ်းပႅတ်ႈ ၼင်ႇဢမ်ႇယၢမ်ႈၵိူတ်ႇပဵၼ်မႃး ႁဵတ်းၼၼ်တႃႇသေႇ မၼ်းၵေႃႈ လႆႈယွမ်းႁပ်ႉၶေႃႈၵႂၢမ်း ဢၼ်ပိူၼ်ႈလၢတ်ႈမႃးၸိူဝ်း ၼၼ်ႉယဝ်ႉ။ သမ်ႉဝႃႈႁၵ်ႉၵေႃႈ ဢမ်ႇၸၢင်ႈဢဝ်မႃးပဵၼ်ၶွင်ႁဝ်းလႆႈၼႆသေ၊ ႁႂ်ႈပေႃးလႆႈႁူႉဝႃႈ ၶဝ်ပဵၼ်သင်ယူႇၼႆ ႁဵတ်းႁႂ်ႈလႆႈယူႇႁိမ်းၸမ်ၵၼ်မႃး၊ ၼင်ႇႁိုဝ်ၶဝ်တေဢမ်ႇၸၢၼ်ႈၸင်းမၼ်းလိူဝ်သေၼႆႉၼႆၵေႃႈ ၵဵပ်းလွင်ႈဢၼ်မီးယူႇၼႂ်းၸႂ်ၼၼ်ႉဝႆႉသေ ႁဵတ်းမိူၼ် ဢမ်ႇမီးလွင်ႈသင်ၵိူတ်ႇပဵၼ်မႃး၊ ႁဵတ်းမိူၼ်ဢမ်ႇသူၼ်ၸႂ် ႁႂ်ႈၶဝ်ပေႃးတမ်းၸႂ်လႆႈဝႃႈ ဢမ်ႇမီးၸႂ်တေႃႇၵၼ်ယဝ်ႉ ယူႇႁူမ်ႈၵၼ်ၵႂႃႇ ၼင်ႇၵူၼ်းႁူႉၸၵ်းၵူၺ်း၊ ယူႇႁႂ်ႈမိူၼ်ၼင်ႇဢူၺ်းၵေႃႉ ႁႂ်ႈပေႃးယူႇၸမ်ၵၼ်လႆႈ ၸွႆႈထႅမ်ၵၼ်လႆႈ သမ်ႉဝႃႈ လိုၵ်ႉလိုၵ်ႉၼႂ်းၸႂ်ၼၼ်ႉ လႆႈၸဵပ်းယူႇၵေႃႈယဝ်ႉ။ “ၸဵမ်မိူဝ်ႈဝၼ်းဢၼ်ပီႈပၢႆႈဢွၵ်ႇပႅတ်ႈ ၶဝ်ဢမ်ႇတွၼ်ႉၸင်းပီႈလႄႈ ဢမ်ႇတွၼ်ႉ တၢင်ႇတၢင်းၽိတ်းပီႈႁေပွၵ်ႈ ဝူၼ်ႉဝႃႈ ပီႈတေမီးလွင်ႈမီးတၢင်းယူႇလႄႈၵႂႃႇၵူၺ်း ၼႆတႃႇသေႇယဝ်ႉ၊ မၼ်းၶႂၢင်း ပၼ်ပီႈယူႇတႃႇသေႇ မၼ်းယုမ်ႇဝႃႈမိူဝ်ႈလႂ်ပီႈၽွမ်ႉၵေႃႈ တေလၢတ်ႈၼႄမၼ်းၵူၺ်း” ၵူၺ်းၵႃႈ တွၼ်ႈတႃႇသႅင်ၸိုၼ်ႈတႄႉ ၵူႈလွင်ႈလႆႈတူၵ်းလိုၼ်းၵႂႃႇယဝ်ႉ၊ ၵွပ်ႈၵူဝ်ႁဵတ်းႁႂ်ႈၶဝ်လႆႈၸဵပ်းထႅင်ႈလႄႈ ဢမ်ႇႁတ်းလၢတ်ႈ၊ ၵွပ်ႈတၢင်းၽိတ်းဢၼ်ႁဵတ်းႁၢႆႉၶဝ်ဝႆႉၼၼ်ႉသေ ဢမ်ႇလီၶႂၢင်းပၼ်လႆႈလႄႈ ဢမ်ႇႁတ်းၶဝ်ႈၸမ်၊ ႁၵ်ႉယူႇၵေႃႈ ယွၼ်းယူႇၵႆၵႆသေႁၵ်ႉၵူၺ်းယဝ်ႉ ၸင်ႇလႆႈဝႄႈတၢင်းယူႇတႃႇသေႇ၊ ၵွပ်ႈၶဝ်ဢမ်ႇသူၼ်ၸႂ်ယဝ်ႉလႄႈ ၸင်ႇလႆႈယူႇမိူၼ်ၵူၼ်းဢမ်ႇမီးၸႂ်ႁၵ်ႉၼိူဝ်ၶဝ်ဝႆႉ၊ ၵွပ်ႈလွင်ႈသိူင်ႇသိမ်း ဢၼ်မီးယူႇၼႂ်းဢူၵ်းႁူဝ်ၸႂ် ဢမ်ႇမွၵ်ႇလၢတ်ႈပၼ်ၵၼ်လႆႈၼၼ်ႉ ႁူႉၵႃႈတေလႆႈၵဵပ်းသိမ်းဝႆႉၼႂ်းၸႂ်ၵႂႃႇတေႃႇၸူဝ်ႈၵူၺ်းယဝ်ႉ၊ သမ်ႉဝႃႈၶႂ်ႈလၢတ်ႈယူႇသေလၢႆၵေႃႈ ဢမ်ႇၸၢင်ႈလၢတ်ႈႁႂ်ႈႁူႉထွမ်ႇငိၼ်းလႆႈယဝ်ႉလူး။ သႅင်ၸိုၼ်ႈၵေႃႈ ၼင်ႈၵိၼ်လဝ်ႈယူႇတီႈၼႃႈၽၵ်းတူႁွင်ႈၼွၼ်းမၼ်းၼၼ်ႉသေ ဝူၼ်ႉထိုင်ၶိုၼ်း ၶမ်ႈၶိုၼ်းဢၼ်လႆႈၵိၼ်လဝ်ႈၸွမ်း သႅင်ယိင်းၼၼ်ႉမႃးလႄႈ ၶုၵ်းၸႂ်လႆႈ ၶေႃႈၵႂၢမ်းသႅင်ယိင်း ဢၼ်မၼ်းလၢတ်ႈဝႆႉဝႃႈ “ပဵၼ်သိုၵ်းၼႆၼၼ်ႉ ဢမ်ႇလၢတ်ႈလႆႈဝႃႈၶႂ်ႈယူႇႁိုဝ်တၢႆ မိူဝ်ႈပုၼ်ႈၽွၼ်းတူၵ်းမႃးယဝ်ႉၼႆ ၵူဝ်ၵေႃႈ ၵႃႈတေလႆႈၵႂႃႇယဝ်ႉ၊ တီႈၼၼ်ႈမၼ်းမီးၽေးဢိူဝ်ႈ သမ်ႉဝႃႈမႆႈၸႂ်ယူႇၵေႃႈ လၢတ်ႈလႆႈလၢႆလၢႆၵူၺ်း ဢမ်ႇၸၢင်ႈႁၢမ်ႈသီးသင်လႆႈ၊ ၸဵမ်မိူဝ်ႈမႃးပဵၼ်သိုၵ်းယဝ်ႉၼၼ်ႉ ၵႃႈတေလႆႈယွမ်းၸုၼ်ႉသၢႆၸႂ်ႁႂ်ႈလႆႈယဝ်ႉ” “ဢမ်ႇႁူႉဝႃႈ တေထိုင်ၵမ်းႁဝ်းမိူဝ်ႈလႂ်” ဢဝ်ၼမ်ႉလဝ်ႈႁဵတ်းပဵၼ်ၵေႃႉၵၼ် ယူႇၼႂ်းငဝ်းလပ်းသိင်ႇၼၼ်ႉယဝ်ႉ။ သုတ်းယဝ်ႉ။ တႅမ်ႈ-သႅၼ်ငဝ်း 4/01/2024 | ['ၸိူင်းတိုၵ်း'] |
2025-01-03T15:22:05 | https://tainovel.com/%e1%81%b5%e1%81%a2%e1%81%bc%e1%80%ba%e1%80%99%e1%80%ad%e1%80%b0%e1%80%84%e1%80%ba%e1%80%b8%e1%80%9c%e1%82%84%e1%82%88%e1%81%b5%e1%80%b1%e1%82%83%e1%82%89%e1%82%81%e1%81%b5%e1%80%ba%e1%82%89/ | ၵၢၼ်မိူင်းလႄႈၵေႃႉႁၵ်ႉ | ၼွင်ႉဢူၺ် မိူဝ်ႈလဵဝ်ပိူၼ်ႈတိုၼ်ႇသၢၼ်ႈ ၵၢၼ်ဝၢၼ်ႈၵေႃႈၸၢႆႉၵိူင်း ၵၢၼ်မိူင်းၵေႃႈလႅၵ်ႈလၢႆႈ ပီႈဢမ်ႇလႆႈပၢႆႈၼီ ယုမ်ႉႁၢင်ႈလီဢွၼ်ႇၸၢႆး ယွၼ်ႉငဝ်းလၢႆးၵၢၼ်မိူင်း ၶဵၼ်မိူၵ်ႈလိူင်းႁိမ်ၽိုတ်ႉ ပီႈၵေႃႈလႆႈဝိုတ်ႉဝၢင်း ၵၢၼ်တၢင်းႁိူၼ်းလၢႆလွင်ႈ ၸင်ႇၶဝ်ႈယိပ်းၵွင်ႈၼဵၼ် သင်ၽူႈၶဵၼ်ဝွတ်ႈဝၢႆး ၶႅၼ်သွၵ်ႇၸၢႆးၸၢင်ႈၶၢႆႉ ဢမ်ႇဢၢၼ်းၶၢႆႉၽႂ်ၵွင်ႉ လိူဝ်သေသူၼွင်ႉၵေႃႉလဵဝ်ၼႃႈသူ ပၢႆၵမ်-သွၼ်ၶိူဝ်းမိူင်း 21.02.2024 | ['ဝွၵ်း'] |
2025-01-03T15:07:12 | https://tainovel.com/%e1%80%95%e1%80%b1%e1%82%83%e1%80%b8%e1%80%9e%e1%80%b0%e1%80%a2%e1%80%99%e1%80%ba%e1%82%87%e1%80%a2%e1%81%a2%e1%81%bc%e1%80%ba%e1%80%b8%e1%81%bd%e1%80%bd%e1%80%99%e1%80%ba%e1%82%89/ | ပေႃးသူဢမ်ႇဢၢၼ်းၽွမ်ႉ | ပေႃးသူဢမ်ႇဢၢၼ်းၽွမ်ႉ ယႃႇယွမ်ႉၸႂ်ႁၵ်ႉမႃး ႁိူၼ်းၶႃးဢၼ်ယွၵ်းၵၢၼ်ႉ ႁၢၼ်ႉလၼ်ႇလုတ်ႈၸၢၼ်းယွၵ်း သဵမ်ပွၵ်းဝဵၵ်ႉၶုတ်းလိၼ် ႁဵတ်းၵိၼ်သူၼ်လေႃးၼႃး လူတ်ႉၵႃးၵေႃႈႁၢမ်းပဝ်ႇ သိူဝ်ႈၶူဝ်းၵဝ်ႇလမ်ၶႆး တႆးၼွၵ်ႈဝဵင်းၸိူင်ႉႁဝ်း ယုမ်ႉလဝ်းၼွင်ႉလိုၼ်းပၢႆ ၵူဝ်ဢၢႆပိူၼ်ႈယွၼ်ႉၸၢႆး ႁၢတ်ႈႁၢႆးတိုၵ်ႉၸင်ႇယႂ်ႇ သႂ်မႂ်ႇၼႃႈလွတ်ႈငႂ်ႈ တႂ်ႈႁိူၼ်းပိုၼ်ႉလိၼ်လႅင် ၽၵ်းၵႅင်ယဝ်ႉၽၵ်းၸေႃး ပေႃးၼွင်ႉၽွမ်ႉၸႂ်မႃး ႁိူၼ်းၶႃးၽၢၵ်ႈတူင်ၶွၼ်ႈ ပႂ်ႉႁပ်ႉတွၼ်ႈသူယူႇဢိူဝ်ႈၵူၼ်းႁၢင်ႈလီ..။ ပၢႆၵမ်-သွၼ်ၶိူဝ်းမိူင်း 6.11.2022 | ['ဝွၵ်း'] |
2024-12-24T16:18:40 | https://tainovel.com/%e1%80%9d%e1%82%86%e1%82%89%e1%81%b5%e1%82%83%e1%82%88%e1%81%b6%e1%81%bc%e1%80%ba%e1%81%b6%e1%81%a2%e1%80%9d%e1%80%ba%e1%80%b8%e1%80%9a%e1%81%a2%e1%80%99%e1%80%ba%e1%80%b8/ | ဝႆႉၵႃႈၶၼ်ၶၢဝ်းယၢမ်း | ဢၼ်ၶဝ်ဢွင်ႇမၢၼ် ၸူမ်းသိူဝ်းလူၺ်ႈတၢင်းမုင်ႈမွင်းၶဝ်တဵမ်ထူၼ်ႈၼၼ်ႉ မိူဝ်ႈၶဝ်ပႆႇဢွင်ႇမၢၼ်ၼၼ်ႉ ၸွင်ႇၸဝ်ႈၵဝ်ႇႁူႉၸွမ်းလွင်ႈၶဝ်ႁိုဝ် မိူဝ်ႈၶဝ်ပႆႇဢွင်ႇမၢၼ်ၼၼ်ႉ ၶဝႅမီးဝႆႉၵၢၼ်ဝၢင်းၽႅၼ်ဢိူဝ်ႈ ၵၢၼ်ဝၢင်းၽႅၼ်ဢၼ်ဝႃႈၼၼ်ႉ တီႈဢေႇသုတ်းမၼ်း တေမီးယူႇသၢမ်လွင်ႈ ၶဝ်မီးလွင်ႈလဵပ်ႈႁဵၼ်း ၶဝ်မီးတၢင်းၶတ်းၸႂ် ၶဝ်ဝႆႉၵႃႈၶၼ်ၶၢဝ်းယၢမ်း ဢၼ်ၶဝ်ဢွင်ႇပေႉမႃးၼၼ်ႉ ယုမ်ႇဝႃႈ တေပႃးၼႂ်းသၢမ်ၶေႃႈၼႆႉယူႇ ပၢႆၵမ် – သွၼ်ၶိူဝ်းမိူင်း 20.12.2024 | ['လွၼ်ႉမွၼ်းၵႂၢမ်း'] |
2024-12-24T16:14:14 | https://tainovel.com/%e1%80%9e%e1%81%a2%e1%80%9d%e1%80%ba%e1%80%9c%e1%80%b0%e1%80%84%e1%80%ba%e1%81%b5%e1%80%b1%e1%82%83%e1%82%88%e1%80%a2%e1%80%99%e1%80%ba%e1%82%87%e1%80%95%e1%80%b5%e1%81%bc%e1%80%ba%e1%80%9e%e1%80%84/ | သၢဝ်လူင်ၵေႃႈဢမ်ႇပဵၼ်သင်ၼႃ | တၢင်းႁၵ်ႉ ၵူၼ်းၼုမ်ႇၵူၼ်းသၢဝ်ၼၼ်ႉ မၼ်းႁႃငၢႆႈဢေႃႈ ၵူၺ်းၵႃႈ တၢင်းႁၵ်ႉဢၼ်တေယူႇၵႂႃႇလႆႈယိုၼ်းယၢဝ်းၼၼ်ႉ ၸွင်ႇမီးႁိုဝ် ၸွမ်းႁႃယူႇပႆႇထူပ်း တေႃႈၼင်ႇဝႃႈ ႁၵ်ႉယိုၼ်းယၢဝ်း ႁၵ်ႉတေႃႇၸူဝ်ႈၼႆ ၵႆႉႁၼ်ပိူၼ်ႈယွၼ်းသူးပၼ် ၼႂ်းဝၼ်းပၢင်ၶႅၵ်ႇၶဝ်ၼၼ်ႉၵေႃႈ ယင်းမေႃပႅတ်ႈၵၼ်ၵႂႃႇလႆႈ သင်ဢဝ်ႁၢင်ႈၽၢင်ၶဝ်ႈႁႃၵၼ် မၼ်းၵေႃႈပဵၼ်ပိူၵ်ႇၼွၵ်ႈၵူၺ်း ၽၢႆႇလႂ်ၽၢႆႇၼိုင်ႈ မီးတီႈယူပ်ႈယွမ်း တီႈဢမ်ႇလီမႃးၵေႃႈ ယွမ်းႁပ်ႉဢမ်ႇလႆႈယဝ်ႉ ဢဝ်ငိုၼ်းၶမ်းပဵၼ်တီႈတမ်းၸႂ်သေ ႁႂ်ႈပဵၼ်တၢင်းႁၵ်ႉၵေႃႈ မၼ်းတေယူႇယိုၼ်းယၢဝ်းလႆႈသေမွၵ်ႈၵႃႈႁိုဝ် မိူဝ်ႈဢမ်ႇမီးသင်မႃးယဝ်ႉၼၼ်ႉ ၸွင်ႇတေယူႇၸွမ်းၵၼ်ၵႂႃႇလႆႈႁိုဝ် ၵူၼ်းၵေႃႉဢၼ်ႁဝ်းၵျိူၵ်ႈၶဝ်ၵႂႃႇယဝ်ႉၼၼ်ႉ မၼ်းဢမ်ႇယဝ်ႉတီႈၵျိူၵ်ႈၵူၺ်း တႃႇယူႇသၢင်ႈသဝ်းၵႂႃႇမိူဝ်းၼႃႈၼၼ်ႉ တၢင်းယၢမ်ႈၶဝ်ၵေႃႈ ႁဝ်းတေလႆႈယွမ်းႁပ်ႉမၼ်းဢမ်ႇႁိုဝ် ၶဝ်ႈၵၼ်ဢမ်ႇလႆႈဢၼ်ဝႃႈၼၼ်ႉၵေႃႈ ပဵၼ်လွင်ႈတၢင်းႁဵတ်းႁႂ်ႈၵူၼ်းႁၵ်ႉၵၼ်ၽႄတၢင်းၶၢတ်ႇၵၼ်ၵႂႃႇလႆႈလႄႈ ထႅင်ႈတၢင်းၼိုင်ႈသမ်ႉ ႁဵတ်းႁႂ်ႈၵူၼ်းၵေႃႉဢၼ်လႆႈႁၵ်ႉႁႅင်းၼႃႇၼၼ်ႉ လႆႈယဵၼ်ႉၶၢမ်ႇမိူၼ်ၵူၼ်းငိူဝ်ႈသေယူႇၸွမ်းမၼ်းယဝ်ႉ လိူၵ်ႈၼမ်ၼႃႇၸင်ႇလႂ်ဝႃႈဢမ်ႇမီးၽႂ်ဢဝ် မိူဝ်ႈလိူၵ်ႈလႆႈၵေႃႈလိူၵ်ႈၽႅဝ်လေႃႇ ၸူဝ်ႈၸၢတ်ႈပၢၼ်သၢဝ်ၼၼ်ႉမီးၸူဝ်ႈလဵဝ်ပၢၼ်ၵူၼ်းၵူၺ်းလူး လိူၵ်ႈဢမ်ႇလီ တၢင်းၶီၸၢင်ႈတူၵ်းထိုင်တူဝ်ၶိုၼ်းဢေႃႈ မုင်ႈမွင်းႁႂ်ႈလႆႈထူပ်း ၵူၼ်းၵေႃႉဢၼ် မေႃဝႆႉၵႃႈၶၼ်ၵၼ် ၼပ်ႉထိုဝ်ၵၼ် သိုဝ်ႈယူဝ်းတေႃႇၵၼ်၊ ၵူၼ်းၵေႃႉဢၼ်တေၶဝ်ႈမႃးပဵၼ်သုၼ်ႇၼိုင်ႈၼႂ်းၸၢတ်ႈပၢၼ်ႁဝ်းလႆႈ၊ ဢမ်ႇဝႃႈတုၵ်ႉႁိုဝ်သိူဝ်း မီးယူႇၸွမ်းၵၼ်တႃႇသေႇလႄႈ သမ်ႉဝႃႈၸႂ်ႉၸၢတ်ႈပၢၼ်ႁူမ်ႈၵၼ်ၵႂႃႇတေႃႇၸူဝ်ႈၵေႃႈ ဢမ်ႇမေႃဢိမ်ႇ ၵူၼ်းၵေႃႉၼၼ်ႉ ၸွင်ႇတေမီးႁိုဝ် ၶေးတေပဵၼ်ဝႃႈ တၢင်းမုင်ႈမွင်းသုင်ၼႃႇပူၼ်ႉလႄႈ ယင်းတိုၵ်ႉပဵၼ်သၢဝ်လူင်ယူႇၵူၺ်းႁိုဝ် သင်ဝႃႈႁူပ်ႉၺႃး ၵူၼ်းၵေႃႉဢၼ်ႁဵတ်းႁႂ်ႈ သုၵ်ႉၸႂ်တုၵ်ႉၸႂ် ဢမ်ႇသိူဝ်းၸႂ်ၼႆ တေသိုပ်ႇပဵၼ်သၢဝ်လူင်ၵႂႃႇၵေႃႈ ဢမ်ႇပဵၼ်သင်ၼႃ ပေႃးဝႃႈႁဝ်းၵျေႃႇသိူဝ်းၸႂ်ယူႇ မွၵ်ႇတႂ်ႈၼမ်ႉ | ['ပွင်ႈၵႂၢမ်း'] |
2024-12-24T15:58:08 | https://tainovel.com/%e1%81%bc%e1%80%bd%e1%80%84%e1%80%ba%e1%82%89%e1%81%bc%e1%80%bd%e1%80%84%e1%80%ba%e1%82%89%e1%81%b6%e1%80%9d%e1%80%ba%e1%81%b6%e1%82%82%e1%80%ba%e1%82%88%e1%82%81%e1%82%82%e1%80%ba%e1%82%88/ | ၼွင်ႉၼွင်ႉၶဝ်ၶႂ်ႈႁႂ်ႈသူႁူႉ ၵွၼ်ႇတေဝႆႉၸူႉ | လွၼ်ႉမွၼ်းၵႂၢမ်း ထိုင်ႉႉႉႉႉႉႉႉႉႉႉႉႉႉႉႉႉႉႉႉႉ ၼွင်ႉၼွင်ႉၶဝ်ၶႂ်ႈႁႂ်ႈသူႁူႉ ၵွၼ်ႇတေဝႆႉၸူႉ ၵၢပ်ႈပၢၼ်ယၢမ်းလဵဝ် ၵူႈလွင်ႈၼႆၵေႃႈၶိုၼ်ႈယႂ်ႈၶိုတ်းၵၢပ်ႈမႃးၵူႈဢၼ် ၸဵမ်ဢဝ်လွင်ႈယူႇသၢင်ႈၵိၼ်သဝ်းတေႃႇပေႃးထိုင် ပၢႆးၵပ်းသိုပ်ႇလႂ်ယူႇယဝ်ႉ။မိူဝ်ႈပၢၼ် ၵေႃႉလဵၵ်ႉတေႉလွင်ႈဝႆႉၸူႉၸူဝ်းဢၼ်ဝႃႈၼၼ်ႉ တေႁၼ်မိူၼ်ၼႂ်းၸိူင်းသေ တွႆးမိုဝ်း ၵႂႃႇလႄႇၸွမ်းၵၼ်၊ ၵႂႃႇလႂ်ၵေႃႈသွင်ၵေႃႉ ၼႆသေ တေလႅပ်ႈတူၺ်းမီးလွင်ႈမူၼ်ႈသိူဝ်းဝႆႉ ယူႇယဝ်ႉ။ ၵူၺ်းၵႃႈ သင်ဝႃႈထိုင်မႃးပၢၼ် ႁၢတ်ႈႁၢႆးမႃးယဝ်ႉၼႆတေႉ သင်ဝႃႈတေ ဝႆႉၸူႉၼိုင်ႈၵေႃႉ တေၶဝ်ႈၵႂႃႇပၢၼ်ၽဝ ၽႂ်သေၵေႃႉꧦယဝ်ႉၼႆတေႉ တေလႆႈမီးလွင်ႈႁၢင်ႈ ႁႅၼ်း တႅပ်းတတ်းၸႂ်လီလီ ယဝ်ႉသေၸင်ႇၶဝ်ႈၵႂႃႇၽဝ ၶဝ်ၼၼ်ႉ တေသၢင်ႇထုၵ်ႇလီယူႇၼႆၶႃႈႁဝ်းႁၼ်ထိုင်ၼင်ႇၼႆယူႇယဝ်ႉ။ယဝ်ႉၵေႃႈသင်ပဵၼ်ၽူႈၸႆၢးၸိုင်လွင်ႈၵၢၼ်ဢဝ်ပုၼ်ႈၽွၼ်းၸၢတ်ႈပၢၼ်ၼၢင်းယိင်းၵေႃႉၼိုင်ႈဢၼ်ဝႃႈၼၼ်ႉ ဢမ်ႇငၢႆႈငၢႆႈၼႆ ၽႂ်ၽႂ်ၵေႃႈတေႁူႉလီၵၼ်ယူႇယဝ်ႉ။ သင်ဝႃႈတေဢၢၼ်းဝႆႉၸူႉႁၵ်ႉတေႉတေႉ ယိူင်းထိုင်တီႈတေၵူပ်ႉၵူႈၵၼ်ၼႆၸိုင် ႁဝ်းလူဝ်ႇလႆႈမီး ၼမ်ႉၵတ်ႉဝႆႉသေဢၼ်ဢၼ်ၼၼ်ႉ တေလီယူႇယဝ်ႉ။ၵၢၼ်တီႈႁဝ်းသွၵ်ႈႁႃတူဝ်ၵဝ်ႇႁၼ်ယဝ်ႉ၊ႁူႉဝႃႈလွင်ႈတၢင်းသူင်ယိူင်းမၢႆၸဝ်ႇၵဝ်ႇပဵၼ်သင်ယဝ်ႉၸင်ႇဝႆႉၸူႉၼႆႉတေႁဵတ်းႁႆႈမီး ၽွၼ်းလီ လွင်ႈလိူၵ်ႈၼႃႈၵၢၼ်တႃငၢၼ်းႁဝ်းယူႇယဝ်ႉ။ တၢင်းႁၵ်ႉၼႆႉႁၵ်ႉၵၼ်တၢၼ်ႇႁိုဝ်ၵေႃႈလၢႆး ၵူၺ်းၵႃႈလူဝ်ႇလႆႈၼပ်ႉသွၼ်ႇပႃး လွင်ႈႁႃၵိၼ်လဵင်ႉတွင်ႉဢၼ်ဝႃႈၼၼ်ႉ ယႃႇပေလိုမ်း။သမ်ႉဢိၵ်ႇထႅင်ႈဢၼ်ၼိုင်ႈလွင်ႈ ပၢႆးၸႂ်ႁဝ်းၵေႃႈလူဝ်ႇလႆႈႁၢင်ႈႁႅၼ်းဝႆႉ ဢၼ်ၼိုင်ႈယူႇယဝ်ႉ။ၵူၼ်းႁဝ်းၵမ်ႉၼမ် လိုမ်းလႃးပၢႆးယူႇလီတူဝ်ယူႇၼႆသေတႃႉ တေၵႆႉလိုမ်း လိုမ်းလႃးပၢႆးယူႇလီၸႂ်ၵၼ်ယူႇ ယဝ်ႉ။ႁဵတ်းသင်လႄႈဝႃႈၼၼ်ၸိုင် ပေႃးႁဝ်းလိုမ်းလႃး တူဝ်ႁဝ်းႁႆႈယူႇလီ လိုမ်းလႃးၸႂ်ႁဝ်းႁႂ်ႈမူၼ်ႈသိူဝ်းၵွၼ်ႇ ႁဝ်းၸင်ႇတေလိုမ်းလႃးလႆႈၵေႃႉဢၼ်ႁဝ်းႁၵ်ႉ ၼၼ်ႉလႆႈလီယူႇယဝ်ႉ။ ၵမ်းလိုၼ်းၶႃႈႁဝ်းၶႂ်ႈယွၼ်းသင်ႇဝႃႈ ၼင်ႇႁိုဝ် တၢင်းႁၵ်ႉၼိုင်ႈဢၼ် ႁႂ်ႈပေႃးယိုၼ်းယၢဝ်းၵႂုႇလႆႈၶၢဝ်းႁိုင်ၼၼ်ႉ ပိူင်လူင်မၼ်းတေႉပဵၼ်ၵၢၼ်မေႃဝႆႉဝၢင်းတမ်းၸႂ်ၵၼ်၊မေႃပွင်ႇၸႂ်ၵၼ်လႄႈဢမ်ႇၶတ်းၶိပ်ႇႁေႉႁၢမ်ႈၵၼ်ပူၼ်ႉတီႈ လႄႈ မီးၵၢၼ် Passionတူဝ်ၸဝ်ႈၵဝ်ႇၽႂ်မၼ်းတင်းသွင်ၼႆယူႇယဝ်ႉ။ ၶႃႈႁဝ်းယွၼ်းသူးႁႂ်ႈၼွင်ႉၼွင်ႉႁဝ်းၶဝ် သင်ဝႃႈဝႆႉၸူႉမႃးၼႆၵေႃႈႁႂ်ႈမေႃ ဝူၼ်ႉသွၼ်ႇတူၺ်းမိူၼ်ႇၼင်ႇလၢတ်ႈမႃးသေႁႂ်ႈမေႃသၢင်ႈၶူဝ်တၢင်းႁၵ်ႉၵႂႃႇယိုၼ်းယၢဝ်းၶၢဝ်းႁိုင်လႆႈသေၵမ်းၶႃႈ။ ဝွၵ်း- “မွင်” မွင် မွင်ၸႂ်မွင်ၶေႃး မွင်သဝ်ႈဝဝ်းဝႃႈမွင် ၽွင်းၶိင်ႇပီႈဢၢင်ႈဢၢၼ်းႁၵ်ႉ ႁွမ်ၼွင်ႉ သမ်ႉဝႃႈပႆႇတူဝ်ႈတၼ်းလွင်ႈႁၵ်ႉ တၢင်ႉယုမ်ႉသူ. . . . . တၢင်းႁၢင်ႈလီသူ. . . . လႄႈၶူၼ်ႁူဝ်ပွတ်းပွတ်းဢွၼ်ႇသူၼၼ်ႉ မႃးႁဵတ်းႁႂ်ႈႁဝ်းမဝ်းႁၵ်ႉယဝ်ႉ လႆႈၽၢတ်ႇယၢၼ်သူ မွင်ၶမ်ႈဝၼ်းၼႂ်ယဝ်ႉဢိူဝ်ႈ ဢမ်ႇလႆႈတၢင်းႁၵ်ႉသူၼႆႉၼေႃ သင်တေပဵၼ်မွၵ်ႇၵေႃႈ ပဵၼ်မွၵ်ႇမွင်ၸႂ်လူင်ႇၼိုင်ႈၵူၺ်းယဝ်ႉဢိူဝ်ႈ သၢဝ်ၼွင်ႉဢွၼ်ႇ မွၵ်ႇၵီႊၼိူဝ်ပၢႆ ၽူးႁွမ် ဢွၼ်ႇဢူၺ်. . . . . . . . . . . ။ ပၢႆၵမ် ၼုမ်ႇၶိူဝ်းလႅင်း | ['ပွင်ႈၵႂၢမ်း'] |
2024-12-24T15:48:31 | https://tainovel.com/%e1%80%99%e1%80%bd%e1%81%b5%e1%80%ba%e1%82%87%e1%81%b5%e1%80%bd%e1%81%bc%e1%80%ba/ | မွၵ်ႇၵွၼ် | မွၵ်ႇၵွၼ် ထိုင်လိူၼ်ၸဵင် မွၵ်ႇၵွၼ်ၵီႊၶွင်ႇၸမ်ႉ လႆႈၵိၼ်ၼမ်ႉၼၢႆးယမ်းၵတ်းၸိုၼ်ႈ။ မွၵ်ႇၵွၼ်ၵီႊ တီႈၼိူဝ်သၼ်လွႆၶဵဝ် ၶၢဝ်းလူမ်းပိဝ်ၼၼ်ႉပႆႇၶႂ်ႈႁူင်ႈ။ •••ၵွၺ်း••• မွၵ်ႇၵွၼ်ၼႆႉ မွၵ်ႇမႅၼ်ႈမိူဝ်ႈၶၢဝ်းၵတ်း ႁတ်းၶၢမ်ႇယမ်းၵေႃႈ ဢမ်ႇႁိုင်လႆႈ။ ၸဝ်ႈမွၵ်ႇၵွၼ် မိူၼ်ႁၢင်ႈဢူၵ်းမႆႈလိူတ်ႇ ၼၢႆးတူၵ်းယမ်းၵေႃႈမႆႇဢမ်ႇႁိူတ်ႇ။ ၵေႃႉလုမ်းလႃး ၸၢင်ႊၸပ်းပႃးတၢင်းပဵၼ် ပိူၼ်ႈပွမ်ႈတူၼ်ႈၵွၼ်ဢမ်ႇၸၢင်ႊထဵင်။ လီမွင်ၸႂ် ၶမ်ႈၼႂ်ၵၼ်ႉလုမ်းလႃး ၽိူဝ်ႇထိုင်တူၼ်ႈယႂ်ႇမႃးၺႃးပွမ်ႈ။ တႃႇၶိုၼ်းဢွမ်ႈ သႂ်ႇၽုၼ်ႇလႄႈပၼ်ႁႅင်း ၼွၼ်းသိုဝ်ႈၵႅင်းဝူၼ်ႉၵေႃႈပႆႇပွင်ႇ။ ပိူၼ်ႈတႄႉဢွင်ႇ ႁဝ်းသမ်ႉမိူၼ်ၵူၼ်းယွင်ႇ ၸွင်ႇၸိုဝ်ႈႁိုဝ်ဢမ်ႇၸႂ်ႈဝူၼ်ႉတူၺ်း။ ပီႈဢူၺ်းလီ ၶိုၼ်ႈမိူင်းၽီၸမ်ႁွတ်ႈ ႁဝ်းသမ်ႉငရၢႆးၼၼ်ႉထိုင်ယွတ်ႈ။ ၵီႊဢွၵ်ႇမႃး ထၢင်ႇဝႃႈမူၺ်ၽွင်ယမ်း ၵမ်းတူၺ်းတႄႉပဵၼ်ၼမ်ႉတႃယွႆႉ။ လိူၼ်ဢၼ်ၵတ်း ႁဝ်းမွၵ်ႇၵူႊပီႊမိူင်း မိူဝ်ႈလဵဝ်မိူၼ်ႁၢမ်းၵူၼ်းသုတ်ႇဢၢႆ။ တႃႇသၢႆၸႂ် ယင်းလႆႈၸုၼ်ႉယူႇၵႂႃႇ ပိူဝ်ႈတႃႇမိူဝ်းၼႃႈတေပဵၼ်ႁိုဝ်။ ယွၼ်ႉသင်ၼႆႉ မွၵ်ႇၵွၼ်ပေႃးလႆႈႁဵဝ်ႇ ၵဵဝ်ႇၵွပ်ႈၵၢၼ်သိုၵ်းႁႃႉၵၢၼ်မိူင်း။ လႆႈလပ်းသိင်ႇ လိူဝ်သေလႅင်းႁိင်ႇႁွႆႈ ၽႂ်ေတၸွၺ်ႈလႆႈႁႂ်ႈမၼ်းလႅင်း။ တႃႇႁွမ်ႁႅင်း တေႁိုင်ထႅင်ႈၵႃႊႁိုဝ် ၵိုတ်းၸိူဝ်းတိုဝ်တၼ်ဢမ်ႇႁူႉသင်။ ၽိတ်းယဝ်ႉၵေႃႈ ဢမ်ႇထုၵ်ႇလီၽိတ်းထႅင်ႈ ပေႃးၽိတ်းၼမ်ႉၶူင်းၵေႃႈၸၢင်ႊႁႅင်ႈ။ ၼမ်ႉၶူင်းၵေႃႈဢမ်ႇႁႅင်ႈ ဢိင်ပိုင်ႈထႅင်ႈလွၺ်လဵင်း ႁဝ်းမီးႁႅင်းၽွမ်ႉႁူမ်ႈ တိုၼ်းဢမ်ႇၵုမ်ႈၸူးၽႂ် တႃႈမုင်ႈၼၼ်ႉႁၼ်ၵႆ ၶပ်ႉယႆၸုင်ယိမ်းမိုဝ်း ၶူဝ်းၶဵဝ်လႄႈၶူဝ်းလၢႆး ၸၢႆးယိင်းၸုမ်းၵူၼ်းၼုမ်ႇ ယႃႇၵုမ်ႇမိုင်ႉၼိုၵ်းထိူင်း ပႃးၽူႈႁဵတ်းၵၢၼ်မိူင်း ၵေႃႉပိူင်းၾႆးလီၼႃႇ ႁူမ်ႈၸုမ်းပၢႆးပၺ်ႇၺႃႇ ႁူမ်ႈသင်ႇၶႃႇသိၼ်ထမ်း ၽွမ်ႉတမ်းၵၢၼ်ႁႂ်ႈမႅၼ်ႈ ၶဝ်ႈတၢင်းတိုဝ်းသၢင်ႇထုၵ်ႇ သိုပ်ႇၽုၵ်ႇမွၵ်ႇၵွၼ်ႁႂ်ႈတူဝ်ႈမိူင်း။ ၼပ်ႉယမ်ၽူႈလူလိၵ်ႈႁဝ်းၶဝ်သေၶႃႈႁဝ်း သၢႆၾႃႉ(မိူင်းသႅၼ်ၸေႊ) December, 16,2024 | ['ဝွၵ်း'] |
2024-12-24T15:43:57 | https://tainovel.com/%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%82%81%e1%81%a2%e1%81%bc%e1%80%ba%e1%80%95%e1%82%82%e1%80%ba%e1%82%89%e1%80%90%e1%80%95%e1%80%ba%e1%82%89/ | သိုၵ်းႁၢၼ်ပႂ်ႉတပ်ႉ | ၽွင်းၶၢဝ်းလိုဝ်ႈႁိူဝ်ႉမွႆႈ သမ်ႉလႆႈၼင်ႈပႂ်ႉတူၺ်းလိူၼ်လၢဝ်လႅင်း ဢမ်ႇပၼ်ႁႂ်ႈလႆႈလပ်းတႃ၊ ၽွင်းၶၢဝ်းၾူၼ်တူၵ်းဢွႆ သမ်ႉလႆႈလႄႇၵၢၼ်းၶိုၼ်ႈလွႆ တၢင်းယၢပ်ႇတၢင်းမိုၼ်ႈ တေၶိုၼ်ႈႁႃတီႈယူႇၼၼ်ႉ မၼ်းၵႆၼႃႇတၢၼ်ႇႁိုဝ်ၵေႃႈ ပုၼ်ႈၽွၼ်း တမ်းဝၢင်းဝႆႉယူႇၼိူဝ်လွႆ ဢၼ်ႁွင်ႉဝႃႈတပ်ႉၼၼ်ႉယဝ်ႉလူး။ ယူႇၼိူဝ်လွႆလုၵ်ႈၼႆႉသေ မုင်ႈတူၺ်းၵႂႃႇတၢင်းႁွင်ႇတၢင်းၸၢၼ်း လႆႈႁၼ်လွႆသုင်မိူင်းတႆးႁဝ်း ပဵၼ်သၼ်ပဵၼ်တေး တူၺ်းပေႃးဢမ်ႇသုတ်းႁူသုတ်းတႃလႆႈ၊ ၵူၺ်းၵႃႈ ဢွင်ႈတီႈၸိူဝ်းၼၼ်ႉ ယင်းဢမ်ႇပႆႇယၢမ်ႈယဵပ်ႇယၢင်ႈတူၺ်းထိုင် ၶႂ်ႈယဵပ်ႈယိုၼ်းထိုင်ယူႇၵေႃႈ ၶွင်သမ်ႉဝႃႈ ဢမ်ႇၸႂ်ႈတီႈႁဝ်းဢုပ်ႉပိူင်ႇ။ မိူင်းႁဝ်း ၼင်လိၼ်ႁဝ်း တေယဵပ်ႇယၢင်ႈၶၢမ်ႈတၢင်း ၶၢမ်ႈႁူၺ်ႈလွႆ တေလႆႈယွၼ်းၶႂၢင်ႉၽူႈပိူင်ႇၼမ်ႉငမ်းလိၼ်ၶဝ်ထႅင်ႈ ဢွင်ႈတီႈတႃႇႁဝ်းလွတ်ႈလႅဝ်း ၼိူဝ်ၽႅၼ်ႇလိၼ်မိူင်းႁဝ်းၼၼ်ႉ မၼ်းမီးယူႇတီႈလႂ်။ ၶၢဝ်းၵတ်းၵေႃႈလူမ်းထူဝ်းၽတ်ႉထွင်းႁႅင်း ၶၢဝ်းမႆႈၵေႃႈႁွၼ်ႉလိူတ်ႇၼႃႇ ၶၢဝ်းၾူၼ်ၵေႃႈ ၾူၼ်တူၵ်းထိပ်ႇၽၢင်ႈ ၽႃသုမ်ႉသမ်ႉပေႃးယွႆႉယွတ်ႇယမ်း ၽဝၵူၼ်းသိုၵ်းၼၼ်ႉ ဢမ်ႇၸႂ်ႈၵူၼ်းလႆႈၼွၼ်းဢုၼ်ႇ ဢမ်ႇၸႂ်ႈၵူၼ်းလႆႈၼွၼ်းယဵၼ် ဢမ်ႇတိုၵ်းၶဵၼ်ၵေႃႈ တေႃႈလႆႈၼွၼ်းပဵၼ်ၼႆယူႇၵူၺ်း။ ၵူၺ်းၵႃႈ ၵူၼ်းသိုၵ်းၵေႃႈ သမ်ႉမီးၸၼ်ႉထၢၼ်ႈမၼ်းထႅင်ႈႁိုဝ် ၸၼ်ႉၸဝ်ႈလႄႈ လုၵ်ႈၼွင်ႉ ၵွပ်ႈပဵၼ်သိုၵ်းႁၢၼ်ၵူၺ်းလႄႈ တေႃႈပဵၼ်လႆႈလုၵ်ႈၼွင်ႉၵူၺ်း ဢမ်ႇၸၢင်ႈၶဝ်ႈႁွတ်ႈထိုင်ၸၼ်ႉၸဝ်ႈလႆႈ၊ ၵွပ်ႈတိုၵ်ႉယူႇၵႆတႃႇတေထိုင်ယူႇလႄႈ ဢမ်ႇၸၢင်ႈလၢမ်းၶိုတ်းလႆႈ၊ ၵွပ်ႈသၢႆၸႂ်ယူႇဝႆႉတီႈပၢႆမၢၵ်ႇၵွင်ႈ တေလႆႈဢႅၼ်ႇလႅၼ်ႈၽၢႆယူႇတပ်ႉတႅဝ်းၼႃႈၵူၺ်းလႄႈ ၸၢတ်ႈၼႆႉ ၸွင်ႇတေလႆႈၶၢမ်ႇၸေးၸိမ်ႇၼၼ်ႉယူႇႁိုဝ်။ တႅမ်ႈ – သဵင်သႅၼ်ႇႁွင်ႉ | ['ပွင်ႈၵႂၢမ်း'] |
2024-12-24T15:39:18 | https://tainovel.com/%e1%80%99%e1%81%bc%e1%80%ba%e1%80%b8%e1%81%b8%e1%80%9d%e1%80%ba%e1%82%88-%e1%82%81%e1%80%b5%e1%80%90%e1%80%ba%e1%80%b8%e1%80%9e%e1%80%84%e1%80%ba%e1%80%9d%e1%82%86%e1%82%89-%e1%80%95%e1%80%af%e1%81%bc/ | မၼ်းၸဝ်ႈ ႁဵတ်းသင်ဝႆႉ ပုၼ်ႈတႃႇၸိူဝ်းႁဝ်းႁႃး | မိူင်းၼိုင်ႈမိူင်းႁိုဝ် ၶိူဝ်းၼိုင်ႈၶိူဝ်းၼၼ်ႉ ၽူႈဢၼ်မီးၼမ်ႉၸႂ်ႁၵ်ႉၼိိူဝ်ၸိူဝ်ႉၸၢတ်ႈဝၢၼ်ႈမိူင်း ဢၼ်ၶၢမ်ႇယၢပ်ႇၶၢမ်ႇၽိုတ်ႇသေ ႁဵတ်ႈၵၢၼ်ၵွပ်ႇၵူႈဢဝ်သုၼ်ႇလႆႈသုၼ်ႇပဵၼ်ၶိုၼ်းၼၼ်ႉ တိုၼ်းမီးဝႆႉယူႇႁင်းၽႂ်မၼ်း ၵူႈၶိူဝ်းၵူႈမိူင်းယဝ်ႉ ပုၼ်ႈတႃႇတႆးႁဝ်းၵေႃႈ ဢမ်ႇလႆႈႁၢမ်းၵၢတ်ႈ ၽူႈႁတ်းႁၢၼ် ၼင်ႇပိူၼ်ႈၼင်ႇၵဝ်ႇ။ ပုၼ်ႈတႃႇၼႂ်းသၢႆတႃပီႈၼွင်ႉတႆးၸိုင် ပေႃးႁဝ်းလၢတ်ႈဝႃႈၽႂ်ပဵၼ်ၽူႈဢွၼ်ႁူဝ် ၵေႃႉႁတ်းႁၢၼ်တႃႇတႆးႁဝ်းပေႃးၼႆၸိုင် ၵမ်ႈၼမ်ၼႆႉႁဝ်းတေဢွၼ်ၵၼ်ႁၼ်မႅၼ်ႈၸဝ်ႈၼိုင်ႈ ၼၼ်ႉတႄႉၵေႃႈပဵၼ်ၸဝ်ႈယွတ်ႈသိုၵ်း ဢၼ်ပဵၼ်ႁူဝ်ပဝ်ႈလူင် RCSS/SSA ယူႇ ယၢမ်းၽွင်းမိူဝ်ႈလဵဝ်ၼႆႉၶႃႈယဝ်ႉ၊ ၽူႈဢွၼ်ႁူဝ်တႆးႁဝ်းၶႃႈ မီးယူႇလၢႆၸဝ်ႈလၢႆၵူၼ်းၼႆသေတႃႉ ပုၼ်ႈတႃႇၵၢမ်ႇၵျမ်ႇမႃႇၸိူဝ်ႉၸၢတ်ႈၸိုင်ႈတႆးႁဝ်းၶႃႈလႄႈ ၸိူဝ်းၶိူဝ်းႁဝ်းၶႃႈၼၼ်ႉ ၵူၼ်းတႆးၼွၵ်ႈမိူင်း ၼႂ်းမိူင်းႁဝ်းၶႃႈၵမ်ႈပႃႈၼမ်ၼႆႉ တိုၼ်းမုင်ႈႁၼ် ၸဝ်ႈယွတ်ႈသိုၵ်းဝႆႉပဵၼ်ပိူင်ယႂ်ႇၼႆ ထၢင်ႇတေဢမ်ႇၽိတ်း။ တင်ႈတႄႇမိူဝ်ႈမၼ်းၸဝ်ႈၽၢတ်ႇႁိူၼ်းသေ ႁဵတ်းၵၢၼ်လၢႆးလုၵ်ႉၽိုၼ်ႉမႃးထိုင်ယၢမ်းလဵဝ်ၼႆႉ မီးမႃး တၢင်းႁိုင် 50 ပီႊယဝ်ႉ လွင်ႈမၼ်းၸဝ်ႈၶၢမ်ႈၽႃႇလတ်းပူၼ်ႉမႃးၸိူဝ်းၼၼ်ႉ ထူပ်းၺႃးတၢင်းယၢပ်ႇၶၢၼ်ၸႂ်လူင်ၸိူင်ႉႁိုဝ်ၽွင်ႈၼႆၼၼ်ႉ ၵူၼ်းၸိူဝ်းလဵပ်ႈႁဵၼ်းပိုၼ်းမၼ်းၸဝ်ႈတၵ်းတေႁူႉႁၼ်ၵၼ်ယူႇ၊ သလေႇၼႃႈၼႃတႆးႁိုဝ် ဢူမုၼ်ၽုင်းငဝ်းတႆး ဢၼ်လႆႈတူၵ်းမႃးၸိူဝ်းၼၼ်ႉၵေႃႈ ပၢၼ်မၼ်းၸဝ်ႈၼႆႉၶိုၼ်းမႃးယုၵ်ႉယွင်ႈႁွင်ႈသုင်ၶိုၼ်းလႄႈ ႁဵတ်းႁႂ်ႈၵူၼ်းလုမ်ႈၾႃႉဢၼ်ဢမ်ႇယၢမ်ႈႁူႉၸၵ်းတႆးၵေႃႈ ဢွၼ်ၵၼ်ႁူႉၸၵ်းမႃးသေဢမ်ႇၵႃး ၵၢၼ်လၢႆးလုၵ်ႉၽိုၼ်ႉၸိုင်ႈတႆး ပဵၼ်ႁိုဝ်ယူႇၼႆၼၼ်ႉၵေႃႈ ႁဵတ်းႁႂ်ႈလုမ်ႈၾႃႉႁူႉႁၼ်ၸွမ်းမႃးယူႇ။ ဝၼ်းမိူဝ်ႈၼႆႉ ဝၢၼ်ႈမိူင်းတႆးၸမ်တႅၵ်ႇ ၽႂ်ၽႂ်ၵေႃႈၶႂ်ႈထႅၵ်ႇ ၸႅၵ်ႇၽႄၵႂႃႇပဵၼ်ၶွင်ၽႂ်ၶွင်မၼ်းယူႇယဝ်ႉ ၽွင်းၼင်ႇၼႆပုၼ်ႈတႃႇတႆးႁဝ်းၶႃႈတႄႉ ယင်းတေဢွၼ်ၵၼ်ဝႃႈ ၵိုတ်းၵႃႈယင်းမီးၸဝ်ႈယွတ်ႈသိုၵ်းယူႇလႃႈ သင်ဢမ်ႇၼၼ်ငဝ်းလၢႆးတေႁၢင်ႈႁၢႆႉတၢၼ်ႇႁိုဝ်ၼႆယူႇ ပုၼ်ႈတႃႇမိူင်းတႆးၵေႃႈႁႂ်ႈပဵၼ်မိူင်းတႆးၵူၺ်းၼႆသေ ၸဝ်ႈယွတ်ႈသိုၵ်းလႆႈၸူႉႁွမ်ပူၵ်းပွင်ႁႅင်းၵူႈၽၢႆႇၽၢႆႇ ၸဵမ်ဢဝ်လွင်ႈၵၢၼ်ပၢႆးပၺ်ႇၺႃႇၼေႃႇတႅၼ်းၶိူဝ်းလႄႈ ႁႅင်းတပ်ႉသိုၵ်းလႂ် ၸိူဝ်းၼႆႉယဝ်ႉ၊ ၸိုင်ႈတႆးၼႆႉမၼ်းၸဝ်ႈဢမ်ႇၸႅၵ်ႇပဵၼ်ပွတ်းၵဝ်ပွတ်းမႂ်း ပေႃးပဵၼ်ၸုမ်းၸၢဝ်းလုၵ်ႉၽိုၼ်ၼင်ႇၵၼ်ၸိုင် မၼ်းၸဝ်ႈယိုၼ်းတၢဝ်းႁႃၸူးလၢႆးၵၢၼ်ၽွမ်ႉႁူမ်ႈတႃႇႁႂ်ႈပဵၼ်မူႇၼိုင်ႈၸုမ်းလဵဝ်ယူႇ။ ၼင်ႇႁိုဝ်ၵၢၼ်လၢႆးလုၵ်ႉၽိုၼ်ႉတေဢွင်ႇမၢင်ႇ ၼင်ႇႁိုဝ်ၼေႃႇတႅၼ်းၶိူဝ်းပေႃးတေမီးၸႂ်ႁၵ်ႉၼိူဝ်ဝၢၼ်ႈမိူဝ်းၸဝ်ႈၵဝ်ႇၼၼ်ႉ ဝၼ်းမိူဝ်ႈၼႆႉမၼ်းၸဝ်ႈၶတ်းၸႂ်ပၼ်ႁႅင်းပၢႆးပၺႃႇၵူၼ်းၼုမ်ႇမႃးၶိူဝ်းယႂ်း ၶတ်းၸႂ်သူၼ်းတုမ်ၵူၼ်းၼုမ်ႇၶဝ်ႈမႃးႁၢပ်ႇၵၢၼ် ပုတ်ႈတိၼ်တၢင်မိုဝ်းၵၼ်ၸုပ်ႈယဝ်ႉၸုပ်ႈဢမ်ႇၵိုတ်းဢမ်ႇလိုဝ်ႈၼင်ႇႁၼ်ၵၼ်ယူႇယၢမ်းလဵဝ်ၼႆႉယဝ်ႉ မိူၼ်ၼင်ႇၼႂ်းၵၢၼ်လၢႆးလုၵ်ႉၽိုၼ်ႉတင်းၵၢၼ်သိုၵ်း ဢိၵ်ႇၵၢၼ်မိူင်းၸိူဝ်းၼႆႉ မၼ်းၸဝ်းဝၢင်းယူင်ႉၶၢပ်ႈမၼ်းဝႆႉမူတ်းယဝ်ႉ ၵူၼ်းၼုမ်ႇဝၼ်းမိူဝ်ႈၼႆႉလႄႈလုၼ်ႈလင် လူဝ်ႇႁဵတ်းသၢင်ႈၵႂႃႇၸွမ်းပေႃႇလသီႇ လၵ်းၼမ်ဢၼ်မၼ်းၸဝ်ႈတမ်းဝႆႉၼၼ်ႉၵူၺ်း ဢမ်ႇႁိုင်သင်ၵၢၼ်တႆးတေထိုင်တီႈမႃးယူႇ။ ဝၼ်းမိူဝ်ႈၼႆႉ မိူင်းႁူမ်ႈတုမ်ၵူႈၸွၵ်ႉၵူႈၸဵင်ႇၵူႈပိုၼ်ႉတီႈ မီးပၢင်တိုၵ်းသိုၵ်းသိူဝ်ၵၼ်ဢမ်ႇယဝ်ႉဢမ်ႇဝၢႆး ပႃးၸဵမ်ၼႂ်းမိူင်းတႆးႁဝ်းၶႃႈလူးၵွၼ်ႇ ပိုၼ်ႉတီႈဢၼ်မီးပၢင်တိုၵ်းၸိူဝ်းၼၼ်ႉ သိုၵ်းၸုမ်းလႂ်ၵေႃႈပႆႇပဵၼ်ၽၢႆႇပေႉတႄႉတႄႉဝႃႈဝႃႈ ၵူၼ်းမိူင်းၵူၺ်းဢၼ်လႆႈၶၢမ်ႇၸၢၵ်ႇလူႉႁၢႆတၢႆယွၼ်ႉၼႂ်းၵႄႈပၢင်တိုၵ်း ပေႃးမႃးတူၺ်းၼႃႈတီႈဢၼ်မုၵ်ႉၸုမ်း RCSS တူင်ႉၼိုင်ၵုမ်းၵမ်ၼၼ်ႉ တေလႆႈဝႃႈၵူၼ်းမိူင်းမီးလွင်ႈထၢင်ႇႁၢင်ႈႁဵတ်းၵိၼ်ၵၢၼ်ႁႃလဵင်ႉတွင်ႉလႄႈ ထၢင်ႇႁၢင်ႈယူႇၵိၼ်လိူဝ်တၢင်ႇပိုၼ်ႉတီႈယူႇ ယွၼ်ႉပိူဝ်ႈၼၼ်လႄႈလွင်ႈတၢင်းၸိူဝ်းၼႆႉ ပဵၼ်ဢၼ်မၼ်းၸဝ်ႈ ဢွၼ်ႁူဝ်မုၵ်ႉၸုမ်းသေပူၵ်းပွင် ႁဵတ်းသၢင်ႈ ၵႅတ်ႇၶႄဝႆႉပၼ်ႁဝ်းၶႃႈဢၼ်ၼိုင်ႈယူႇ ၼၼ်ႉယဝ်ႉ။ လွမ်ႉမိူင်း ၵေးသီး | ['ပွင်ႈၵႂၢမ်း'] |
2024-12-24T15:37:24 | https://tainovel.com/%e1%80%90%e1%80%b0%e1%80%9d%e1%80%ba%e1%80%91%e1%80%b0%e1%80%95%e1%80%ba%e1%80%b8%e1%81%bc%e1%82%82%e1%80%ba%e1%80%b8%e1%81%b8%e1%81%a2%e1%80%90%e1%80%ba%e1%82%88%e1%80%95%e1%81%a2%e1%81%bc%e1%80%ba/ | တူဝ်ထူပ်းၼႂ်းၸၢတ်ႈပၢၼ်ၵေႃႉလဵပ်ႈႁဵၼ်း | ဢွၼ်တၢင်းသုတ်း တေယွၼ်းလၢတ်ႈလွင်ႈၵဵဝ်ႇၵပ်း လွင်ႈၸူဝ်ႈပၢၼ်ပဵၼ်ၽူႈလဵပ်ႈႁဵၼ်းၼိုင်ႈၵေႃႉၶၼေႃ။လွင်ႈၵၢၼ်လဵပ်ႈႁဵၼ်းၼႂ်းၸူဝ်ႈပၢၼ်ၼႆႉဢမ်ႇမေႃယဝ်ႉမေႃဝႆၢးလႆႈ ႁူႉယဝ်ႉၶႂ်ႈႁူႉထႅင်ႈၵွပ်ႈၼႆၸင်ႇပဵၼ်မႃးၵေႃႉလဵပ်ႈႁဵၼ်းၵေႃႉၼိုင်ႈၼႆယူႇယဝ်ႉ။ မိူဝ်ႈတေႇၸဢွၼ်တၢင်းသုတ်းတႄႉ တီႈမီးမႃးမူႇဝၢၼ်ႈတီႈၼိုင်ႈ ယူႇၸွမ်းၵၼ် မူႇဝၢၼ်ႈၼၼ်ႉ လင်ႁိူၼ်းၵေႃႈတေဢမ်ႇမီးၼမ်ယဝ်ႉၵေႃႈယူႇသၢင်ႈၵိၼ်သဝ်းၸွမ်းလူၺ်ႈၵိၼ်သေပဵၼ်ဝၢၼ်ႈဢၼ်မီးတၢင်းသိူဝ်းယူႇၼႆယဝ်ႉ။ၵမ်းၼၼ်ႉသေ ယူႇမီးမုၵ်ႉႁေႃႁိူၼ်းလင်ၼိုင်ႈ ပဵၼ်ၵူၼ်းၵွတ်း ဢမ်ႇမီးႁိူၼ်း ဢမ်ႇမီးဝႅင်းယူႇသဝ်းလႆႈပိုင်ႈဢိင်ယူႇၼႂ်းဝၢင်းႁိူၼ်းပိူၼ်ႈယဝ်ႉၵေႃႈၶဝ်ႈမီး5ၵေႃႉပေႃႈမႄႈလုၵ်ႈ မီးလုၵ်ႈယိင်းသၢမ်ၵေႃႉသေလႄႈ ဢဝ်လုၵ်ႈယိင်းၶဝ်တၢင်းသၢမ်ယူႇႁူင်းႁဵၼ်းသေ ၵေႃႉဢၼ်ပဵၼ်လုၵ်ႈယိင်းၵေႃႉယႂ်ႇၶဝ်ၼၼ်ႉ တေဢမ်ႇပေႃးၺၢၼ်ႇလီသွၼ်လိၵ်ႈၵေႃႈဢမ်ႇလႆႈလိၵ်ႈမိူၼ်ပိူၼ်ႈ ၺႅမ်ႉလိၵ်ႈၼႃႇ တေႃႇထိုင်မၼ်းယူႇမႃးထိုင် ၸၼ်ႉၵဝ်ႈ ၼႆယူႇယဝ်ႉ။ ယဝ်ႉၵေႃႈမၼ်းဢမ်ႇၸွမ်းလိၵ်ႈလႆႈသေမၼ်းၸင်ႇဢွၵ်ႇႁူင်းႁဵၼ်းပႅတ်ႈၼႆယဝ်ႉ။ၵွပ်ႈသင်လႄႈမၼ်းလႆႈဢွၵ်ႇႁူင်းႁဵၼ်းယွၼ်ႉၵွပ်ႈမၼ်းဢမ်ႇလႆႈလိၵ်ႈမဵဝ်းၼိုင်ႈ၊ယဝ်ႉၵေႃႈႁမ်ႉပဵၼ်ၵူၼ်းၽၢၼ်၊သမ်ႉပဵၼ်ၵူၼ်းႁၢင်ႈၸ ၵေႃႉၼိုင်ႈၼႆယဝ်ႉ။မၼ်းၸင်ႇဢွၵ်ႇမႃးၸွႆႈထႅမ်ၵၢၼ်ပေႃႈမႄႈၶဝ် လႆၢလႆၢပီယူႇ ၵမ်းၼၼ်ႉမႅၼ်ႈၽွင်းၵၢပ်ႈပၢၼ်မိူင်းလႅၵ်ႈလႆၢႈလႄႈ လႆႈၶွႆပိူၼ်ႈၵူႈၸိူဝ်ႉၵူႈလွင်ႈသေ မၼ်းၸင်ႇၶတ်းၸႂ်ႁဵတ်းၵၢၼ်ထိုင်တီႈၼႆယူႇယဝ်ႉ။လွင်ႈသင်သေဢမ်ႇဝႃႈမၼ်းၵေႃႈပူၼ်ႉၶၢမ်ႇမႃးလႆႈၵူႈလွင်ႈ ဢမ်ႇဝႃႈလွင်ႈထၢင်ႇလဵၵ်ႉ၊လွင်ႈတဵၵ်းတဵင်၊လွင်ႈထုၵ်ႇပိူၼ်ႈႁၼ်ၽိတ်းသေမၼ်းၸင်ႇတေႃႇသူႈမႃး ဢမ်ႇယွမ်းၵၢၼ်ႉသင် ယဝ်ႉၵေႃႈသမ်ႉဝႃႈမၼ်းဢမ်ႇလႆႈသိုပ်ႇၶိုၼ်ႈႁဵၼ်းသင်ၵေႃႈ မၼ်းယင်းၶတ်းၸႂ်လူလိၵ်ႈ ဢမ်ႉၼၼ်ၼႂ်းၽူင်းၸိူဝ်းၼၼ်ႉၼႆယဝ်ႉ။ယဝ်ႉၵေႃႈမၼ်းလႆႈလဵပ်ႈႁဵၼ်းမႃးတႃႇသေႇလႄႈထိုင်ဝၼ်းၼိုင်ႈမၼ်းလႆႈပဵၼ်မေႃသွၼ်လိၵ်ႈတႆးၵေႃႉၼိုင်ႈၼႆယဝ်ႉ။ မၼ်းပွင်သွၼ်လႆႈလီယဝ်ႉၵေႃႈလုၵ်ႈဢွၼ်ႇၶဝ်ၵေႃႈလႆႈၸႂ်ဢၼ်မၼ်းသွၼ် ယဝ်ႉၵေႃႈမၼ်းသမ်ႉၸႂ်လီဢမ်ႇၶီႈလႃႇသေ ၸင်ႇလႆႈသွၼ်လုၵ်ႈဢွၼ်ႇမႃးလႆႈလီလီယူႇယဝ်ႉ။ ၵမ်းၼၼ်ႉမၼ်းၸင်ႇလႆႈလဵပ်ႈႁဵၼ်းႁူႉလွင်ႈၸူဝ်ႈပၢၼ်ၵူၼ်းပဵၼ်ၸိူင်ႉႁိုဝ် ၼႆမၼ်းၵေႃႈလႆႈပွင်ႇၸႂ်ၵူႈလွင်ႈၼႂ်းလေႃးၵၼႆႉယဝ်ႉ။ယူႇယူႇသေမၼ်းလႆႈႁပ်ႉလွင်ႈတိူဝ်ႉတၢင်းလီဢၼ်ပိူၼ်ႈပၼ်မႃးသေ မၼ်းၸင်ႇလႆႈၶဝ်ႈမႃးပဵၼ်ၽူႈလဵပ်ႈႁဵၼ်းလႄႈလုၵ်ႈႁဵၼ်းထႅင်ႈပွၵ်ႈၼိုင်ႈယဝ်ႉ။မၼ်းၵေႃႈၸူမ်းတေႉယဝ်ႉတီႈမီးသုၼ်ႇတိုဝ်ႉတၢင်းလီ သေ လႆႈလဵပ်ႈႁဵၼ်းလွင်ႈတူဝ်ထူပ်းတေႉတေႉတႃႇၸၢတ်ႈပၢၼ်မိူဝ်းၼႃႈတေလိၵ်ႈ ယိူင်းဢၢၼ်း မၼ်းၶႂ်ႈပဵၼ်လႆႈၼၼ်ႉၶႂ်ႈပဵၼ် ၵူၼ်းလူင်ႉလႅၼ်ႇၽႆၢႇတႅမ်ႈလိၵ်ႈလႆၢးၵေႃႉၼိုင်ႈ။ ယိူင်းဢၢၼ်းၶွင်မၼ်းတႄႉ ၶႂ်ႈပဵၼ်ယူႇသွင်မဵဝ်း။ ယိူင်းဢၢၼ်းမၼ်းဢၼ်ၼိုင်ႈတႄႉ ၶႂ်ႈပဵၼ်ၽူႈတႅမ်ႈလိၵ်ႈၶႂ်ႈႁဵတ်းပပ်ႉလိၵ်ႈဢွၵ်ႇပဵၼ်တူဝ်ၸဝ်ႈၵဝ်ႇ။ထႅင်ႈဢၼ်ၼိုင်ႈသမ်ႉ ၶႂ်ႈတႅမ်ႈလိၵ်ႈသေႁႂ်ႈၵူၼ်းတၢင်းလင်လႆႈႁေႃးဢၢၼ်ႇၶႂ်ႈတႅမ်ႈပိုၼ်းလီဝႆႉၼမ်ၼမ်ၼႆယူႇယဝ်ႉ။ ၵွပ်ႈၼႆသေတႃႇတေပဵၼ်မႃးလႆႈဢၼ်ၸဝ်ႇၵဝ်ႇမုင်ႈမွင်းဝႆႉၼၼ်ႉ သင်ဢမ်ႇမီးၵၢၼ်လဵပ်ႈႁဵၼ်းလႄႈတူဝ်ထူပ်းမႃးဢွၼ်တၢင်းတႄႉတႃႇတေမႃးပဵၼ်ၽူႈလူင်ႉလႅၼ်ႇၼႆႉတေဢမ်ႇသူႈမီးၼႆယဝ်ႉ။လွင်ႈလဵပ်ႈၼႂ်းၸူဝ်ႈပၢၼ်ၼႆႉမီးၽွၼ်းလီလႄႈတႃႇတေဢဝ်ၸႂ်ႉတိုဝ်းၼႂ်းၸူဝ်ႈပၢၼ်ၽူႈလဵပ်ႈႁဵၼ်းႁဝ်းၶဝ်ၵူႈၵေႃႉၼႆယူႇၶႃႈဢေႃႈ။ ဝၼ်းထိ 14/Dec/2024 ၸိုဝ်ႈ ပႆၢၵမ် ယွတ်ႈလႃႉ | ['ပွင်ႈၵႂၢမ်း'] |
2024-12-24T15:33:31 | https://tainovel.com/%e1%81%b5%e1%81%a2%e1%81%bc%e1%80%ba%e1%80%95%e1%80%b5%e1%81%bc%e1%80%ba%e1%80%99%e1%80%b1%e1%82%83%e1%80%9e%e1%80%bd%e1%81%bc%e1%80%ba/ | ၵၢၼ်ပဵၼ်မေႃသွၼ်. | ၵၢၼ်ပဵၼ်မေႃသွၼ်. ငိၼ်းမေႃသွၼ်မၢၼ်ႈၶဝ်လၢတ်ႈဝႃႈ ၵၢၼ်မေႃသွၼ်ၼႆႉ ၶႂ်ႈမီးၵုင်ႇသရေႇသေလႄႈ ႁဵတ်ႈၵူၺ်းၼႆဝႃႇ ၶဝ်ဢမ်ႇၸႂ်ႈဝႃႈ ႁဵတ်းပဵၼ်ၵၢၼ်လဵင်ႉတွင်ႉၶဝ် ၶဝ်ဢမ်ႇၶဝ်ႈၸႂ်ဝႃႈ ပဵၼ်ၵၢၼ်ၸိူဝ်ႉၶိူဝ်းသင် ၶဝ်ၶႂ်ႈမီးသရေႇၼႃႈတႃလႄႈႁဵတ်း ၼႆၵေႃႈ ယၢမ်ႈငိၼ်းယူႇ ဝႃႈၼၼ်သေတႃႉ ငိုၼ်းလိူၼ်ၶဝ် တိုၵ်ႉၼမ်သေႁဝ်းမေႃသွၼ်တႆးယူႇလၢႆပုၼ်ႈ မေႃသွၼ်မၢၼ်ႈၶဝ်ၵမ်ႉၼမ် ၼႃႈႁိူၼ်းပိုၼ်ႉလင်ၶဝ် တဵမ်ထူၼ်ႈလီ၊ ယဝ်ႉၵေႃႈ ငိုၼ်းလိူၼ်ပေႃးၸၢႆႇလိူၼ်လႂ်လိူၼ်ၼၼ်ႉ မေႃသွၼ်တႆးႁဝ်းသမ်ႉ ဢၼ်ၼႆႉ ပဵၼ်ၵၢၼ်ၸိူဝ်ႉၶိူဝ်းလႄႈ တေလႆႈႁဵတ်း ဢၼ်ၼႆႉ ပဵၼ်ပုၼ်ႈၽွၼ်းပိုၼ်းပၼ်လႄႈ တေလႆႈႁဵတ်း ဢၼ်ၼႆႉ ပေႃးၵဝ်ဢမ်ႇႁဵတ်းဢမ်ႇမီးၽႂ်ႁဵတ်းၼႆလႄႈ ႁဵတ်း ဢၼ်ၼႆႉ ပဵၼ်ၵၢၼ်လဵင်ႉတွင်ႉၵဝ်လႆႈယူႇယူဝ်ႉ ယိူင်းဢၢၼ်း ၸိူင်ႉၼႆသေ ႁဵတ်းၵေႃႈမီးတင်းၼမ်ယူႇ ဢဝ်ဝႃႇသၼႃႇ ၊ၶၢမ်ႇၼႃႇ၊ၼမ်ႉၸႂ်မီးတေႉသေႁဵတ်းတေႉ ယိူင်းဢၢၼ်းမီးဝႃႈ တႃႇၼေႃႇတႅၼ်းၶိူဝ်းၵဝ်( ႁဝ်း ) တေဢမ်ႇသုမ်းပိူၼ်ႈၼၼ်ႉ ၵဝ်တေလႆႈၶတ်းၸႂ် ၼင်ႇႁိုဝ် လုၵ်ႈလၢၼ်မႃးၽၢႆႇလင်ၵဝ် တေဢမ်ႇလႆႈၼႃႈလဵၵ်ႉၼၼ်ႉ ၵဝ်တေၸွႆႈသႂ်ႇႁႅင်းၼင်ႇပဵၼ်လႆႈၼႆသေ ၶတ်းၸႂ်ႁဵတ်းယူႇၵေႃႈ မိူဝ်ႈႁၼ်ၼႃႈလုၵ်ႈႁဵၼ်းယုမ်ႉသိူဝ်း မီးႁႅင်းၸႂ်ယူႇၵေႃႈ မိူဝ်ႈယၵ်ႉတူၺ်း ၼႃႈႁိူၼ်းလႄႈၼႂ်းထွင်းၸဝ်ႈၵဝ်ႇသမ်ႉ ႁႅင်းၸႂ်ဢူၼ်ႈၵႂႃႇၶိုၼ်း သင်ဝႃႈယၵ်ႉတူၺ်းပိုၼ်း ၸႂ်ႁၵ်ႉၶိူဝ်းတိုၼ်းၵိုၼ်းၵေႃႈ မိူဝ်ႈယၵ်ႉတူၺ်းထွင်းၵဝ်ႇ ပဝ်ႇႁွင်ႁွင်ဝႆႉၼၼ်ႉ ၸွင်ႇသမ်ႉတေ မီးတၢင်းသိူဝ်းၵေႃႈဢမ်ႇၸႂ်ႈ သင်ယၵ်ႉတူၺ်းၼႃႈလုၵ်ႈဢွၼ်ႇ ႁႅင်းၸႂ်ဢမ်ႇယွၼ်ႇသေတႃႉ သင်မႃးတႃႉထူင်ငိုၼ်းၵၼ် ဢၼ်တေလႆႈၼႃႈလဵၵ်ႉၵေႃႈ ပဵၼ်မေႃသွၼ်တႆးႁဝ်းၵူၺ်းလူ မၢင်ပွၵ်ႈၵေႃႈ ၶွႆယူႇတေႉဢိူဝ်ႈ ၸိူဝ်းဢၼ်ပိူၼ်ႈႁႃလႆႈငိုၼ်းၼမ်သေ သိုဝ်ႉၸၢႆႇဢၼ်ၶဝ်ႈၶႂ်ႈလႆႈ ၶႂ်ႈတိုဝ်းၼင်ႇၸႂ်ၶဝ်ၼၼ်ႉ ၶေႃႈၵႂၢမ်းပၼ်ႁႅင်းၸႂ်ဢၼ်ဝႃႈ ဝၼ်းၼိုင်ႈတေလီယူႇဢၼ်ဝႃႈၼၼ်ႉ သင်လႅၵ်ႈပဵၼ်ငိုၼ်းလႆႈတႄႉ ၶေႃႈၵႂၢမ်းၸိူဝ်းဢၼ်ဝႃႈ ပဵၼ်ၵၢၼ်ၶိူဝ်းႁဝ်းလူးတေလႆႈႁဵတ်းၼႆၸိူဝ်းၼၼ်ႉ ၽၢၼ်ႇပဵၼ်ငိုၼ်းလႆႈတႄႉ ႁဝ်းၵေႃႈ တေသိူဝ်းၸႂ်ႁဵတ်းတေႉယူႇ ၵၢပ်ႈပၢၼ်ဢၼ်ဝႃႈ ” ၽႂ်မီးငိုၼ်းပဵၼ်ၸဝ်ႈ ၽႂ်မီးၶဝ်ႈပဵၼ်ၶုၼ် ” ႁဝ်းမေႃသွၼ်တႆးၸိူဝ်းၼႆႉ မီးသင်လႃႇ ၵူႊၵေႃႉလႄႈၵူႊၵူၼ်း ၵူႊတူၼ်ႈလႄႈၵူႊၸဝ်ႈ မီးပုၼ်ႈၽွၼ်းတႃႇတေၸွႆႈၶိူဝ်းယူႇလူး ၶဝ်ၸိူဝ်းၼၼ်ႉဢမ်ႇၸွႆႈ ၽႂ်သမ်ႉဢမ်ႇဝႃႈႁိုဝ်ၼေႃ ၵူၼ်းတႆးၸိူဝ်းယူႇႁိူၼ်းတႅၵ်ႈၼၼ်ႉၵေႃႈ ၵိူတ်ႇၵိုၵ်းပုၼ်ႈၽွၼ်းယူႇဢမ်ႇၸႂ်ႈႁႃႉ ၵူၼ်းတႆးၸိူဝ်းဢၼ် မီးၵႃးၶိုၵ်ႉၶိုၵ်ႉၼၼ်ႉၵေႃႈ ၵိူတ်ႇပႃးပုၼ်ႈၽွၼ်းတေလႆႈၸွႆထႅမ်ၶိူဝ်းႁဝ်းယူႇ ဢမ်ႇၸႂ်ႈႁ လိၵ်ႈႁူဝ်ၼႆႉ ဢမ်ႇၸႂ်ႈသီႈၵေႉၽႂ် ဢမ်ႇၸႂ်ႈဝႃႈ သေႉၼေးၽႂ် ၶႂ်ႈလႆႈလွင်ႈပွင်ႇၸႂ်ၶိုၼ်းၵူၺ်း မိူဝ်ႈႁဵတ်းပဵၼ်လႆႈၵေႃႈ ႁဵတ်းပၼ်တဵမ်”ထူၼ်ႈ”ယဝ်ႉ မိူဝ်ႈဝႃႈ ဢမ်ႇသိုပ်ႇႁဵတ်းပဵၼ်လႆႈလႄႈ ယွၼ်းထွၼ်တူဝ်ၼၼ်ႉ ပွင်ႇၸႂ်ပၼ်လႄႈ မိူဝ်ႈဢမ်ႇၵမ်ႉၸွႆႈပၼ်လႆႈယဝ်ႉၼၼ်ႉ ပွင်ႇၸႂ်ပၼ်လႄႈ ၽႂ်”ၵေႃႈလူဝ်ႇၵိၼ်လူဝ်ႇၸၢႆႇမိူၼ်ၵၼ်ၼႆ မိူဝ်ႈဢမ်ႇတူၺ်းထိုင်လႆႈယဝ်ႉၼၼ်ႉ ပွင်ႇၸႂ်ပၼ်လႄႈ လွင်ႈဢၼ်လၢတ်ႈတႄႉ ဢၼ်လႂ်ၵေႃႈငၢႆႈယူႇၵူၺ်းဢိူဝ်ႈ ယဝ်ႉၵေႃႈ ပေႃးဢမ်ႇၸွႆႈသင်လႆႈၵေႃႈ ယူႇယဵၼ်ယဵၼ်သေလႄႈ ယႃႇၸွမ်းသေႉၸွမ်းၼေးယဝ်ႉ ၵႆႉငိၼ်းၵႂၢမ်းၼႂ်းပွၵ်ႉ/ယွမ်ႇဝႃႇ ႁဵတ်းမေႃသွၼ်ၵူၺ်း လုၵ်ႈဢွၼ်ႇလႂ်တိုဝ်ၵေႃႈ ၶွၼ်ႉၽတ်ႉသႂ်ႇတိၵ်းလေႃႇၼႆဝႃႇ မႃးၸၢမ်းတူၺ်းလႄႈ သင်လႅပ်ႈငၢႆႈမိူၼ်ၼင်ႇလၢတ်ႈယူႇတႄႉ လုၵ်ႉဢွၼ်ႇလႂ်ႁၢႆႉၵေႃႈ ၶွၼ်ႉမင်တိၵ်းလေႃႇဝႃႇ မႃးႁဵတ်းတူၺ်းၵွၼ်ႇလႄႈ သင်ငၢႆႈတၢၼ်ႇဢၼ်လၢတ်ႈယူႇ။ | ['ပွင်ႈၵႂၢမ်း'] |
2024-12-24T15:27:58 | https://tainovel.com/%e1%80%9c%e1%80%ad%e1%81%b5%e1%80%ba%e1%82%88%e1%81%bd%e1%81%a2%e1%81%b5%e1%80%ba%e1%82%87%e1%80%91%e1%80%ad%e1%80%af%e1%80%84%e1%80%ba%e1%81%bc%e1%80%bd%e1%80%84%e1%80%ba%e1%82%89%e1%80%9a%e1%80%ad/ | လိၵ်ႈၽၢၵ်ႇထိုင်ၼွင်ႉယိင်း ၼွင်ႉၸၢႆး | “လိၵ်ႈၽၢၵ်ႇထိုင်ၼွင်ႉယိင်း ၼွင်ႉၸၢႆး” သင်ဝႃႈ ႁၵ်ႉမႅၼ်ႈၼၢင်းယိင်းၵေႃႉဢၼ်ဢမ်ႇၸႂ်ႈသၢဝ်ၸႅတ်ႈၼၼ်ႉပေႃးၼႆၸိုင် ဢၢႆႈၼၼ်ႉၼၼ်ႉ ပဵၼ်ဝူဝ်းဝႃႇ ပဵၼ်ၵႂၢႆးဝႃႇ။ ၵႆႉငိၼ်းတႆးၵေႃႉၶႃႈလၢတ်ႈၵၼ်ၸိူင်ႉၼႆၼင်ႇၵဝ်ႇ ဢေးၼၼ်ႉဢမ်ႇၸႅတ်ႈယဝ်ႉဝႃႈ ဢၢႆႈၼၼ်ႉ ၶိၼ်းႁႆႇလၢႆပွၵ်ႈၼႃႇယဝ်ႉ ဢေးၼၼ်ႉမၼ်းတွႆးမၢဝ်ႇ ၼမ်ၼႃႇ ၽေႉၽူႈၸၢႆးၼႃႇ ယႃႇလၢတ်ႈတေႃႇ ပေႃးလၢတ်ႈတေႃႇၵေႃႈ လၢတ်ႈတေႃႇလဵၼ်ႈ”ႁေ တၢပ်ႇယဝ်ႉ ပႅတ်ႈၵူၺ်းလႄႈၼႆဝႃႇ ဢေႃၼေႃ သင်တီႈၼၼ်ႈပဵၼ်ၼွင်ႉယိင်းသူလူး။ ၶႂ်ႈႁႂ်ႈမေႃႁၼ်ၵၢင်ၸႂ်ပိူၼ်ႈၽွင်ႈ ၵမ်ႉသမ်ႉတေဝႃႈ ၶဝ် ၽွမ်ႉၸႂ်ၼႃႇ ၶဝ်ၶၼ်းႁင်းၵူၺ်းၼႃႇ ၶႃႈတေလၢတ်ႈ ၼေ ၼၢင်းယိင်းဢၼ်ဝႃႈၼႆႉၵေႃႈ ပေႃးၵူၼ်းၸၢႆး ဢမ်ႇတုၵ်းယွၼ်း ဢမ်ႇဢဝ်တၢင်းႁၵ်ႉႁဵတ်းၼႃႈတိူဝ်ႈတႄႉ ၶဝ်ၵေႃႈ တေဢမ်ႇပၼ်ၵွၼ်ႇလေႃႇ ၸွင်ႇၶဝ် ၵေႃႈ တၢပ်ႈဝႆႉပၢႆႉသေ ႁွင်ႉသူမႃးႁဵတ်းၵေႃႈဢမ်ႇၸႂ်ႈ။ ၼႆႉတႄႉ မိူဝ်ႈၶႂ်ႈလႆႈတႄႉ ၵၢၼ်ႉဢဝ်တၢင်းႁၵ်ႉဢွၼ်ႇသူ တႅၵ်ႈၵၼ်တင်းၶုၼ်သၢမ်လေႃးသေ ႁၵ်ႉသူၼႆႉ ၶၢမ်ႇဢဝ်မိတ်ႈတႅင်းၶေႃးတၢႆတၢင်ၵေႃႈလႆႈၵွၼ်ႇဝႃႇ တေဢဝ်ပုၼ်ႈၽွၼ်းဝႃႇ ပွၵ်ႈၵူၺ်း ၸွမ်းၸႂ်လေႃႇ သူဢမ်ႇႁၵ်ႇႁဝ်းႁၼႆတေႇၵႂႃႇ မေႃၼႃႇ ပေႃးၶႂ်ႈလႆႈတႄႉ။ ယေႃႇ! ၵမ်းၼႆႉ ၽၢႆႇၼၢင်းယိင်းၸပ်းတွင်ႉမႃးတႄႉ ပၢႆႈယဝ်ႉ လၢတ်ႈယဝ်ႉ ႁႂ်ႈယႃႉပႅတ်ႈ ပေႃးဢမ်ႇယႃႉပႅတ်ႈၵေႃႈ ၶၢတ်ႇၵၼ်ဝႃႇ ၼႆႉႁတၢင်းႁၵ်ႉသူ ၼႆႉႁတေဢဝ်မိတ်ႈတႅင်းၶေႃးတၢႆတၢင်လႆႈဢၼ်ဝႃႈၼၼ်ႉ။ ၵမ်းၼႆႉၽၢႆႇၼၢင်းယိင်းသမ်ႉ သင်ၵႂႃႇႁၵ်ႉမႅၼ်ႈ ၵူၼ်းၸၢႆးၵေႃႉဢၼ် ဢမ်ႇၸႂ်ႈမၢဝ်ႇၸႅတ်ႈၼၼ်ႉတႄႉ ၼၢင်းယိင်းၵေႃႉၼၼ်ႉၼၼ်ႉ ပဵၼ်ဝူဝ်းၼႆၽႂ်ဢမ်ႇဢွၼ်ၵၼ်ဝႃႈၼေႃ။ တီႈၼႆႈၼႆႉ လႆႈဝႃႈႁၼ်ပုၼ်ႈသုၼ်ႇတူဝ်ၵျႃႉ ၵိုတ်းတႃႇၵူၼ်းၸၢႆးတႄႉ သမ်ႉဝႃႈ ဢဝ်မေးလၢႆၵေႃႉ ၼွၼ်းၸွမ်းၽႂ်မႃးၵေႃႈလႆႈ ၽူႈယိင်းၶဝ် ဢဝ်မၼ်းၵေႃႈ ၽႂ်ဢမ်ႇဝႃႈႁင် ဢမ်ႇဢွၼ် ၵၼ်ဝႃႈ ဢေးၼၼ်ႉ ပဵၼ်ဝူဝ်း ငိူဝ်ႈၼႃႇသင် တႃႇၵူၼ်းၸၢႆးတႄႉ ၼၢင်းယိင်းၶဝ်မီးလွင်ႈႁၢင်ႈႁၢႆႉမႃးဢိၼ်ႉၵူၺ်းၵေႃႈ တၢၼ်ႇဝႃႈဢမ်ႇလႅပ်ႈမီးၵႃႈၶၼ်သင်သေ ဢမ်ႇလႅပ်ႈဢဝ်လႆႈႁေဢိတ်းၼၼ်ႉယဝ်ႉ။ ယွၼ်ႉၼၼ် ၼွင်ႉယိင်းၶဝ်ႁူၺ်ႉ ယႃႇႁႅင်ႉဢဝ်တၢင်း ႁၵ်ႉလႅၵ်ႈတူဝ်သူၼႃႇ တၢင်းႁၵ်ႉသႅတ်ႉၸႃႇၵမ်ႈၽွင်ႈ ၼၼ်ႉ မၼ်းၶႂ်ႈလႆႈတူဝ်ၶိင်းသူ လိူဝ်သေသူဢိူဝ်ႈ မႃဢမ်ႇတၢႆယွၼ်ႉလုပ်ႇၵႅၼ်ႇ မူတ်ႉမီးၵွင်ႉမီးႁႅၼ်ႇၵူၺ်း တၢႆယွၼ်ႉ ၼမ်ႉဢွႆႈၼမ်ႉထၢၼ်ဝႃႇ ၵွပ်ႈၼၼ် ၽၢင်ႉၼ ၵႂၢမ်းဝၢၼ်ၸိူဝ်းၶဝ်ၶၢၼ်။ ၼၢင်းယိင်းၵမ်ႈပႃႈၼမ်ၼႆႉ သင်ၵပ်းၵၢႆႇၵၼ်တင်းမၢဝ်ႇၶဝ်မႃးယဝ်ႉၼႆ ၶႂ်ႈပဵၼ်ၵေႃႉလိုၼ်းသုတ်းၵူၺ်း လွင်ႈဝၼ်းလင်လႄႈ မိူဝ်ႈဢွၼ်တၢင်း ၼၼ်ႉၶႂ်ႈပဵၼ်သင်မႃးၵေႃႈ ၵႆႉမေႃၶႂၢင်ႉပၼ်ယူႇယဝ်ႉ။ ၵူၼ်းၸၢႆးၵမ်ႈပႃႈၼမ်တႄႉ သင်ၵပ်းၵၢႆႇၵၼ်တင်းသၢဝ်ၸဝ်ႈၵဝ်ႇမႃးယဝ်ႉၼႆ ၵမ်းဢွၼ်တၢင်းသုတ်းၼၼ်ႉ ၶဝ်ၵူၺ်းႁူႉလွင်ႈဢၼ်ၶဝ်ၶႂ်ႈလႆႈၵူၺ်း၊ ယဝ်ႉၶႂ်ႈလႆႈပၢၼ်သၢဝ်ၸႅတ်ႈၵၼ်ၵူၺ်း။ တီႈၼႆႈ ၶႃႈၶႂ်ႈထၢမ်ဢိၼ်ႉ သူၶႂ်ႈလႆႈတူဝ်ၶိင်းၶဝ်ႁ သူႁၵ်ႉၶဝ်ၸွမ်းလူၺ်ႈတၼ်ႇၼႃႇ ဝူၼ်ႉတႃႇ ၶႂ်ႈပျေႃႇ ၵူၺ်းႁ တီႈတေႉမၼ်းၼႃ ပေႃးသူႁၵ်ႉၶဝ်တေႉ”ၼႆ လွင်ႈဝၼ်းလင် ယၢမ်ႈပဵၼ်သင်မႃး ဢၼ်ဝႃႈၼၼ်ႉ သူတေဢမ်ႇသူၼ်ၸႂ်လေႃႇ ၼင်ႇၼၼ်ၵူၺ်း ဢၢႆႈၸိူဝ်းဢၼ် မေႃလၢတ်ႈမေႃၸႃႁေ လၢတ်ႈပေႃးတၢၼ်ႇ တေမိူဝ်းသၵ်ႉသိၼ်ႈပၼ်ပိူၼ်ႈႁေ ၶျေႃးယွၼ်းလွင်ႈႁွမ်းသွင်ၵၼ်ၼၼ်ႉၵေႃႈ ႁႂ်ႈမေႃသွၼ်ႇၽွၼ်းယွၼ်ႈ ၽၢႆႇၼၢင်းယိင်းၽွင်ႈလႄႈ သင်တီႈၼၼ်ႈပဵၼ်ၼွင်ႉယိင်းသူလူး သူတေဝႃႈႁိုဝ်။ ၸဝ်ႈၵဝ်ႇဢမ်ႇမီးၸႂ်ၵူၼ်းႁင်းၵူၺ်းၸဝ်ႈၵဝ်ႇသေ ၼွၼ်းၸွမ်းၼၢင်းယိင်းၵႃႈၼင်ႇထူပ်း တွၼ်ႈတႃႇၼၢင်းယိင်းဢၼ်ၸဝ်ႈၵဝ်ႇတေဢဝ်တႄႉ ၶႂ်ႈလႆႈဢၼ်ပဵၼ်သၢဝ်ၸႅတ်ႈဝႃႇ ႁိုဝ်တေၵႂႃႇလႆႈ သွၼ်ႇပိူၼ်ႈသွၼ်ႇႁဝ်းၽွင်ႈၵွၼ်ႇလေႃႇ။ ၼၢင်းယိင်းၶဝ်ၼႆႉဢူၼ်ႈဢွၼ်ႇ လီဢေးလူတေႉဢိူဝ်ႈ ၼိုင်ႈလိူၼ်ၼိုင်ႈပွၵ်ႈ သိုဝ်ႉတီႈပေႃးလႆႈၶၢမ်ႇဝေႇတၼႃႇႁူဝ်လိူၼ်သေ ၸဵပ်းၵႅၼ်းယူႇယဝ်ႉ ၵမ်းၼႆႉသမ်ႉ လႆႈမႃးၶၢမ်ႇသုမ်းတူဝ် တႃႇတၢင်းႁၵ်ႉထႅင်ႈသေ လႆႈၺႃးပိူၼ်ႈႁၢၵ်းလင်ယဝ်ႉ ပွႆႇၽႃႈၵႂႃႇ တူဝ်ၶဝ်တႄႉ တင်းလုၵ်ႈဢွၼ်ႇသေ လုၵ်ႈဢွၼ်ႇၼၼ်ႉ ၽႂ်တေပဵၼ်ပေႃႈမၼ်းလႃႇ ပေႃးသူႁဵတ်းၼၼ် လီဢေးလူတၢင် ဢၼႃႇၵၢတ်ႈလုၵ်ႈဢွၼ်ႇ ၼၼ်ႉတေႉယဝ်ႉ ၵွမ်ႉၵူၺ်းယွၼ်ႉၵူၼ်းၸၢႆးဢမ်ႇမီးၸႂ်ၵူၼ်းဢွၼ်ႇၼၼ်ႉၵူၺ်း ထိုင်တီႈလႆႈပဵၼ်ၸိူင်ႉၼႆမႃး။ ပိူင်ပဵၼ်ၼၢင်းယိင်းၶဝ်ၼႆႉ မိူၼ်ၼင်ႇ ဢဝ်ၽႅၼ်ႇပူၵ်ႉတႃဝႆႉသေ လၢၼ်းၽႃမီးၼႆၵေႃႈ ဢမ်ႇႁူႉ တူဝ်သတ်း ႁၢႆႉလွမ်ႉဝႅတ်ႉဝႆႉဢိူဝ်ႈၼႆၵေႃႈ ဢမ်ႇႁူႉ ယွၼ်ႉၼၼ် ၽွၼ်းယွၼ်ႈမၼ်းတႄႉ ယွၼ်ႉၶေႃႈၵႂၢမ်းဝၢၼ်ႁၢင်ႈလီဢွၼ်ႇၵူၺ်းၵေႃႈ လႅၼ်ႈၸွမ်းလင်ယွၵ်း”လူင်ၵႂႃႇသေ ၼၢင်းယိင်းၵမ်ႈၽွင်ႈ ၸႂ်သဵင်ႈ ဢိမ်ႇမိူဝ်ႇတူဝ်ၵဝ်ႇႁႅင်း ၼႃႇလႄႈ ထိုင်ၶႃႈတူဝ်တၢႆ ၵမ်ႈၽွင်ႈမီးလုၵ်ႈ ဢမ်ႇမီးပေႃႈလႄႈ လီဢၢႆသေ ဢဝ်လုၵ်ႈဢွၼ်ႇၵႂႃႇထိုမ်ႈပႅတ်ႈသေလႆႈတၢႆၵႂႃႇၼၼ်ႉ တေပဵၼ်ထႅင်ႈ မီးထႅင်ႈၵႃႈႁိုဝ်ၼေႃ။ ၸဵမ်ၸၢႆးလႄႈယိင်း ႁႂ်ႈႁၵ်ႉၵၼ်လူၺ်ႈတူၺ်းႁၼ်ဢၼႃႇၵၢတ်ႈ ႁႂ်ႈႁၵ်ႉၵၼ်ၸွမ်းလူၺ်ႈ လွင်ႈပွင်ႇၸႂ် ပႃးတင်းၼပ်ႉယမ်ၵၼ်သေ ႁႂ်ႈမီးၼႃႈႁိူၼ်း တၢင်းႁၵ်ႉဢုၼ်ႇၸႂ်မၼ်းသေၵမ်းၶႃႈ။ | ['ပိုၼ်ႉႁူႉ'] |
2024-12-24T15:24:48 | https://tainovel.com/%e1%80%95%e1%80%ad%e1%80%b0%e1%80%84%e1%80%ba%e1%80%95%e1%80%b5%e1%81%bc%e1%80%ba%e1%80%90%e1%80%b1%e1%82%89%e1%81%bc%e1%82%82%e1%80%ba%e1%80%b8%e1%81%b8%e1%80%b0%e1%80%9d%e1%80%ba%e1%82%88%e1%80%95/ | ပိူင်ပဵၼ်တေႉၼႂ်းၸူဝ်ႈပၢၼ် | ❝ ပိူင်ပဵၼ်တေႉၼႂ်းၸူဝ်ႈပၢၼ် ❞ “ ငိုၼ်း ” ၵူၼ်းၵမ်ႈပႃႈၼမ်လၢတ်ႈဝႃႈ ဢမ်ႇသိုဝ်ႉ လႆႈၵူႈလွင်ႈ ၊ ၵူၺ်းယွၼ်ႉငိုၼ်းသေ သူလႆႈမႃးပဵၼ်လုၵ်ႈၸၢင်ႈၵူၼ်းႁဵတ်းၵၢၼ်ပိူၼ်ႈၵူၺ်းဢမ်ႇၸႂ်ႈႁ ? “ ၼႃႈႁိူၼ်း ” ပေႃးထွမ်ႇတူၺ်းၸိုဝ်ႈမၼ်းတႄႉလီၵျေႃႇလီသိူဝ်းဝႆႉ ၊ ၵူၺ်းယွၼ်ႉၶေႃႈၵႂၢမ်းဢၼ်ဝႃႈၼႃႈႁိူၼ်းၼႆၼၼ်ႉသေ သူပေႃးလႆႈၽၢတ်ႇယၢၼ်ဝၢၼ်ႈၵိူတ်ႇမိူင်းၼွၼ်းသူမႃးဢမ်ႇၸႂ်ႈႁ ? “ ပေႃႈမႄႈ ” ႁဝ်းဝူၼ်ႉဝႃႈၶဝ်ဢမ်ႇပၼ်သင်ႁဝ်းလႆႈ ၊ ၵူၺ်းတီႈတေႉယဝ်ႉၶဝ်ၵေႃႈၸွႆႈထႅမ်ႁဝ်းၼင်ႇၶဝ်ပွင်ပဵၼ်လႆႈ လိူဝ်သေဝႃႈႁဝ်းဢမ်ႇႁူႉဢမ်ႇမေႃပွင်ႇၸႂ်ပၼ်ၶဝ်ၵႃႈၼၢၼ်ႉၵူၺ်း ။ “ ၶၢဝ်းယၢမ်း ”ႁဝ်းဝူၼ်ႉဝႃႈႁဝ်းမီးၶၢဝ်းယၢမ်းၼမ်ၼႆသေ၊ ႁဝ်းယွၼ်းၽၢတ်ႇယၢၼ်ပေႃႈမႄႈႁဝ်းမႃးတွၼ်ႈတႃႇၼႃႈႁိူၼ်းႁဝ်းတေမိူၼ်ပိူၼ်ၼႆ၊ ၵူၺ်း ႁဝ်းလိုမ်းဝႃႈပေႃႈမႄႈႁဝ်းၼၼ်ႉၸွင်ႇတေယူႇထိုင်လႆႈဝၼ်းႁဝ်းတေပွၵ်ႈၶိုၼ်း ၊ “ တၢင်းႁၵ်ႉ ” ယွၼ်ႉၶေႃႈၵႂၢမ်းဢၼ်ဝႃႈႁၵ်ႉၼႆၼၼ်ႉသေ ၊ ထိုင်ၵူၼ်းၵေႃႉၼိုင်ႈပေႃးလႆႈသိူဝ်း ၊ ၵူၼ်းၵေႃႉၼိုင်ႈႁႆႈ၊ ၵူၼ်းၵေႃႉၼိုင်ႈပေႃးလႆႈသုမ်းၸၢတ်ႈပၢၼ်ယွၼ်ႉမၼ်းဢမ်ႇၸႂ်ႈႁိုဝ် ။ တႅမ်ႈ – ၼေႃႇမိူင်း(မိူင်းသူႈ) [မၢႆတွင်း – တူဝ်ထူပ်း] | ['လွၼ်ႉမွၼ်းၵႂၢမ်း'] |
2024-12-24T15:22:14 | https://tainovel.com/%e1%80%91%e1%80%bd%e1%80%99%e1%80%ba%e1%82%87%e1%81%b5%e1%82%82%e1%81%a2%e1%80%99%e1%80%ba%e1%80%b8%e1%81%bc%e1%81%a2%e1%80%84%e1%80%ba%e1%80%b8%e1%80%99%e1%80%b1%e1%80%b8%e1%80%9e%e1%80%b0%e1%80%9c/ | ထွမ်ႇၵႂၢမ်းၼၢင်းမေးသူလႄႈ | ” ထွမ်ႇၵႂၢမ်းၼၢင်းမေးသူလႄႈ ” ================ ၼႃႈႁိူၼ်းၼိုင်ႈလင်ၼၼ်ႉ ပေႃးထွမ်ႇၵႂၢမ်းၼၢင်းမေးသူၸိုင် ၽူႈၸၢႆးဢၼ်တေလူႉလႅဝ်ၵႂႃႇၵွပ်ႈလဝ်ႈယႃႈၼၼ်ႉ ဢမ်ႇလႃလီမီး။ မီးၽူႈၸၢႆးဢၼ် ဢမ်ႇၶႆႈထွမ်ႇၵႂၢမ်းၼၢင်းမေးသေ တိုဝ်တိုဝ်တၼ်တၼ်ၼၼ်ႉၵူၺ်းဢိူဝ်ႈ ၵႆႉလူႉသုမ်းၸွမ်းလဝ်ႈယႃႈ ယႃႉၼႃႈႁိူၼ်းလူႉလႅဝ်။ သင်ဝႃႈသူထွမ်ႇၵႂၢမ်းၼၢင်းမေးသူသေ ပိူၼ်ႈတေဝႃႈသူၵူဝ်မေးသူ၊ တႆးၵေႃႉသူႁွင်ႉလေႇ ၸွမ်းၵေႃႈဢမ်ႇႁတ်းၸွမ်းသေ ပိူၼ်ႈတေဝႃႈသူ ၵူဝ်မေးသူၼႆသေတႃႉၵေႃႈ၊ ၵူၺ်းၵႃႈပုၼ်ႈတႃႇလုၵ်ႈသူလႄႈ မေးသူ ပေႃႈမႄႈသူၼၼ်ႉ ၶဝ်တေဝူၼ်ႉဝႃႈ သူပဵၼ်ၵူၼ်းလၵ်းလႅမ် ပဵၼ်ၵူၼ်းလီ မေႃႁၵ်ႉႁွမ်ၼၢင်းမေးတူဝ်ၵဝ်ႇ မေႃထွမ်ႇၵႂၢမ်းၼၢင်းမေးတူဝ်ၵဝ်ႇၼႆဢိူဝ်ႈ။ သင်ဝၼ်းၼိုင်ႈ သူဢမ်ႇယူႇလီၵိၼ်ဢမ်ႇဝၢၼ် ထဝ်ႈမႃးၸိုင် လုၵ်ႈသူ မေးသူၼၼ်ႉၵူၺ်းဢိူဝ်ႈ။ တေယူႇႁိမ်းၶၢင်ႈသူသေ တေၸွႆႈတူၺ်းထိုင်လုမ်းလႃးတူဝ်သူ ပႂ်ႉပႃးသူ။ လုၵ်ႈလၢင်းႁဝ်းၵေႃႈ ၸၢင်ႈလၢတ်ႈၼေပိူၼ်ႈဝႃႈ ပေႃႈႁဝ်းပဵၼ်ၵူၼ်းလီ ပေႃႈႁဝ်းမေႃႁၵ်ႉၼႃႈႁိူၼ်း ပေႃႈႁဝ်း ပဵၼ်ၵေႃႉဢၼ်ႁၢပ်ႇတၢင်းတုၵ်ႉၶႃႉၼႂ်းၼႃႈႁိူၼ်း ၼမ်သေပိူၼ်ႈၼႆ ပေႃႈႁဝ်းႁၵ်ႉၵူၼ်းၼႂ်းၼႃႈႁိူၼ်းလႄႈ ႁၵ်ႉလုၵ်ႈၵူႈၶၢဝ်းၼႆ ၸိူင်ႉၼၼ်ၶဝ်တေႁူႉထိုင်ယူႇယဝ်ႉ။ လိူဝ်သေၼၼ်ႉၵေႃႈ သင်သူထွမ်ႇၵႂၢမ်းၼၢင်းမေးသူသေ ဢမ်ႇတိုဝ်ဢမ်ႇတၼ်ၸိုင် ၵဵဝ်ႇၵပ်းလူၺ်ႈ လွင်ႈငိုၼ်းတွင်း ဢၼ်သူႁႃလႆႈမႃးၸိူဝ်းၼၼ်ႉလႄႈသင်၊ လွင်ႈၼႆႉၵေႃႈ သူၸၢင်ႈႁွမ်ငိုၼ်းလႆႈမႃး တႃႇလဵင်ႉလူ လုမ်းလႃးၼႃႈႁိူၼ်းသူထႅင်ႈယဝ်ႉ။ ၵဵဝ်ႇၵပ်းလူၺ်ႈၶိူင်ႈမဝ်းတင်းလူင် ဢၼ်တေဢွၼ်ဢဝ်ၽဝသူတူၵ်းသုမ်းၵႂႃႇ ၸိူဝ်းၼၼ်ႉၵေႃႈ သူတေၸၢင်ႈၵၢင်းယၢၼ်လႆႈသေ ဢမ်ႇပၼ်လွင်ႈလိူတ်ႇမႆႈၼႃႈႁိူၼ်းသူထႅင်ႈသေဢမ်ႇၵႃး မီးၽွၼ်းလီပႃးတႃႇတူဝ်သူလႄႈမုင်ႉႁေႃႁိူၼ်းသူထႅင်ႈယဝ်ႉ။ ၼၢင်းမေးသူၼၼ်ႉၵေႃႈ ၶဝ်မုင်ႈမွင်းႁႂ်ႈသူႁၵ်ႉမေႃႁၵ်ႉၼႃႈႁိူၼ်း၊ မေႃႁၵ်ႉလုၵ်ႈလၢင်းၶလႄႈ မေႃပၼ်လွင်ႈဢုၼ်ႇၸႂ် ၼႃႈႁိူၼ်းၼမ်ၼမ်သေဢမ်ႇၵႃး၊ ၶဝ်မုင်ႈမွင်းႁႂ်ႈသူ ပဵၼ်ပေႃႈၸဝ်ႈႁိူၼ်းလီ ဢၼ်တေဢွၼ်ဢဝ်ၽဝၶဝ် လႆႈလီ လႆႈပဵၼ် လႆႈမီးလွင်ႈၶိုၼ်ႈယႂ်ႇမႂ်ႇသုင်ၼၼ်ႉယဝ်ႉ။ ယွၼ်ႉၼၼ်ဢဝ်လိၵ်ႈႁူဝ်ၼႆႉ ႁဵတ်းပဵၼ်တွၼ်ႈသွၼ် တႃႇမုင်ႉႁေႃႁိူၼ်းသူသေ ၸိူဝ်းတႄႇၼႃႈႁိူၼ်းယဝ်ႉလႄႈသင် ၸိူဝ်းပႆႇတႄႇၼႃႈႁိူၼ်းၸိူဝ်းၼၼ်ႉလႄႈသင် ၼင်ႇႁိုဝ်ပေႃးတေမေႃႁၵ်ႉႁွမ်ၵၼ်ၼၼ်ႉၵေႃႈ ႁႂ်ႈမေႃဝၢင်းၶႂၢင်ႉပၼ်ၵၼ် ႁႂ်ႈမေႃႁၵ်ႉၵၼ် ႁႂ်ႈမေႃယိူၼ်ႉၵၼ်ႈတေႃႇၵၼ် ႁႂ်ႈမီးၼမ်ႉၸႂ်မဵတ်ႉတႃႇ၊ ဢီးလူၼိူဝ်ၵၼ်ၼႃႈ။ ========= ၵွၼ်ဝၼ်း-မိူင်းသူႈ 11.12.2024.ဝၼ်းပုတ်ႉ | ['လွၼ်ႉမွၼ်းၵႂၢမ်း'] |
2024-12-24T15:18:16 | https://tainovel.com/%e1%80%95%e1%80%bd%e1%81%b5%e1%80%ba%e1%82%88%e1%82%81%e1%80%ad%e1%80%b0%e1%81%bc%e1%80%ba%e1%80%b8%e1%81%b6%e1%80%ad%e1%80%af%e1%81%bc%e1%80%ba%e1%80%b8%e1%80%a2%e1%80%99%e1%80%ba%e1%82%87%e1%80%99/ | ပွၵ်ႈႁိူၼ်းၶိုၼ်းဢမ်ႇမိူၼ်ၵဝ်ႇ | မိူဝ်ႈၵွၼ်ႇဢွၼ်ဝၼ်းလင်ၼၼ်ႉ မီးမုင်ႉႁေႃႁိူၼ်းလင် ၼိုင်ႈ🏚 မီးၶဝ်ပေႃႈမႄႈလုၵ်ႈ 5 ၵေႃႉ မီးၼင်ႇဝၼ်းၼိုင်ႈ သမ်ႉမီးလိၵ်ႈ တူၵ်းမႃးတႃႇတေၵႂႃႇႁၢပ်ႇၵၢၼ်ဝၢၼ်ႈမိူင်း 📃📃 ၼႂ်းၽိုၼ်လိၵ်ႈၼၼ်ႉသမ်ႉ လႆႈတုၵ်းယွၼ်း ၵူၼ်းၼႂ်းၼႃႈ ႁိူၼ်းၶဝ်တႃႇၼိုင်ႈၵေႃႉ📃 ဢၼ်ပဵၼ်ပေႃႈၶဝ်သမ်ႉၸိုဝ်ႈဝႃႈ လုင်းဝၼ်း ယွၼ်ႉမီးတၢင်းပဵၼ်ဝႆႉလႄႈဢမ်ႇလႆႈၵႂႃႇ ဢၼ်ပဵၼ်မႄႈၶဝ်သမ်ႉၸိုဝ်ႈဝႃႈပႃႈလွတ်ႈ ယွၼ်ႉၶႃမႄႈၶဝ် ဢမ်ႇလီလႄႈ ဢမ်ႇလႆႈၵႂႃႇထႅင်ႈ 👩🦽 ၶႃၽူဝ်မႄးၼႆႉသမ်ႉ မီးလုၵ်ႈႁူမ်ႈၵၼ် 3 ၵေႃႉ👨👩👧 ၵေႃႉပဵၼ်ပီႈဢၢႆႈ ၵေႃႉမၢႆၼိုင်ႈသမ်ႉ ယွၼ်ႉမီးၼႃႈၵၢၼ်ၼမ်တႃႇ တေလဵင်ႉလူလုမ်းလႃး ပေႃႈမႄႈမၼ်းလႄႈ ဢမ်ႇပဵၼ်ၵႂႃႇထႅင်ႈ🏜🏜🏜 ၵေႃႉပဵၼ်ၼွင်ႉယိင်း ၵေႃႉမၢႆသၢမ် သမ်ႉ လၵ်ႉၶၼႃႇဢမ်ႇတဵမ်ထူၼ်ႈလႄႈ ဢမ်ႇလႆႈၵႂႃႇထႅင်ႈ 👩🦯👩🦯 ၵေႃႉပဵၼ် ၼွင်ႉၸၢႆး မၢႆ2 ၸင်ႇဝႃႈ လႆႈယူႇ ၵဝ်တေၵႂႃႇတၢင် ၼႃႈႁိူၼ်းႁဝ်းၵူၺ်းၶႃႈ မၼ်းဝႃႈၼႆလႄႈ မၼ်းၵေႃႈ ႁႅၼ်းၶူဝ်းမၼ်းသေ ၵႂႃႇၵၼ်ႇတေႃး ပေႃႈမႄႈမၼ်းသေယဝ်ႉ🧎🧎 သင်ႇလၢတ်ႈပီႈဢၢႆႈ ၼွင်ႉယိင်း မၼ်းဝႃႈ ၶိူဝ်သွင်ၵေႃႉတူၺ်းထိုင်ပေႃႈမႄႈလီလီၼႃႉ သင်ႇဝႆႉဝႃႈၼင်ႇၼႆသေ ဢွၵ်ႇႁိူၼ်းၵႂႃႇယဝ်ႉ🚶♂️🚶♂️ ဝၢႆးသေမၼ်းဢွၵ်ႇႁိူၼ်း ထိုင်တီႈ ပၢင်သွၼ်ၶဝ်ၼၼ်ႉ မၼ်းၸၢႆးၼႆႉ ယွၼ်ႉမီးပၺ်ႇၺႃႇဝႆႉလႄႈ👨🎓👨🎓👨🎓 မၼ်းၸၢႆးဢမ်ႇလႆႈတုၵ်ႉၶ ၼႃႈၵၢၼ်မၼ်းသမ်ႉ လႆႈပဵၼ်မေႃယႃၵူၺ်း👨🔬👨🔬👨🔬👨🔬 ထိုင်ၼင်ႇဝၼ်းၼိုင်ႈၶဝ်လႆႈဢွၵ်ႇတိုၵ်း ဢွၼ်တၢင်းသုတ်း ၵူၺ်းၼႃႇမၼ်းၸၢႆးလႆႈယႃပိူၼ်ႈဢွၼ်တၢင်းသုတ်း မၼ်းၵူဝ် လႄႈ ၸင်ႇမီးလူမ်းလိူတ်ႈၶိုၼ်ႈၵႂႃႇ🤒🤒 ယွၼ်ႉဝႃႈ လုၵ်ႈသိုၵ်းၶဝ် မၢတ်ႇၸဵပ်းၼမ်ၼႃႇ ပေႃးမၼ်းၸၢႆးလႆႈတိုၵ်း 4ပွၵ်ႈ 5ပွၵ်ႈ 6 ပွၵ်ႈယဝ်ႉၵေႃႈ မၼ်းၸၢႆးၵေႃႈဢမ်ႇၵူဝ် ယဝ်ႉ။🏋️♀️🏋️♀️ ဝၢႆးသေမၼ်းၸၢႆးဢွၵ်ႇႁိူၼ်း ၵႂႃႇဢမ်ႇပေႃးႁိုင်သင် ဢၼ်ပဵၼ်ပီႈဢၢႆႈမၼ်းသမ်ႉ တႅမ်ႈလိၵ်ႈၸူးထိုင်မၼ်းၸၢႆး တီႈၼိူဝ်ၽိုၼ်လိၵ်ႈၼၼ်ႉတႅမ်ႈဝႆႉဝႃႈ 📃📃📃 ၼွင်ႉ မႄႈမီးတၢင်းပဵၼ်ႁႅင်းၼႃႇ ထၢင်ႇတေႉ ၼွင်ႉတေဢမ်ႇလႆႈမႃးႁၼ်မႄႈယဝ်ႉၼႃ 🛌🛌🛌 ၼွင်ႉယႃႇၸႂ်တူၵ်း ၵုင်ႇမႄႈတေတူၺ်းထိုင်လုမ်းလႃႈ ၼွင်ႉၵဝ်ႇယူႇ👩👦👩👦 တႅမ်ႈဝႆႉၼင်ႇၼႆ ၵူၺ်းၼႃႇ ၽိုၼ်လိၵ်ႈၼၼ်ႉသမ်ႉ သူင်ႇၵႂႃႇတၢင်ႇၸုမ်း လႄႈ ဢမ်ႇလႆႈႁွတ်ႈထိုင်ၼႂ်း မိုဝ်းမၼ်းၸၢႆး ယွၼ်ႉၸုမ်းၼၼ်ႉသမ်ႉ လႆႈတူၵ်းသုမ်းၼႃႈသိုၵ်းၵွႃႇ🤦♂️🤦♂️🤦♂️ ၽိုၼ်လိၵ်ႈၼၼ်ႉၵေႃႈ မၼ်းၸၢႆးဢမ်ႇႁူႉဢမ်ႇလႆႈႁေႃး သေတႃႉ မၼ်းၸၢႆးၵေႃႈ ယူႇၼႂ်းၼႃႈသိုၵ်းသေမူၼ်ႈမူၼ်ႈ သိူဝ်းသိူဝ်း ယူႇသေႇတၵေႃႈ ၵူၺ်းၼႃႇ မၼ်းၸၢႆးၸႂ်တိတ်းဢၼ်ပဵၼ်ပေႃႈမႄႈမၼ်းယူႇ 👨👩👦 မိူဝ်ႈမၼ်းတေဢွၵ်ႇႁိူၼ်းၼၼ်ႉ ယွၼ်ႉ ပေႃႈမႄႈမၼ်းဢမ်ႇပေႃးယူႇလီ🤒🤒 မၼ်းၸၢႆးယူႇၼႂ်းၵႄႈၵၢင်ပၢင်တိုၵ်းယူႇသေတၵေႃႈ မၼ်းၸၢႆးၵေႃႈယင်းတိူင်ႇၵၢဝ်ႇယွၼ်းသူးပၼ်ဝႃႈ ႁႂ်ႈပေႃႈမႄႈၶႃႈယူႇလီမီးတၢင်းတူဝ်ၸႂ်သွင်ပိူင်ၵတ်းယဵၼ် သေၵမ်းဝႃႈၼင်ႇၼႆယူႇတႃႇသေႇယဝ်ႉ 🧎🧎 ၵူၺ်းၵႃႈ မိူဝ်ႈၽွင်းမၼ်းၸၢႆးတိုၵ်ႉမီးယူႇ ၼႂ်းၵႄႈၵၢင်ပၢင်တိုၵ်းၼၼ်ႉ ဢၼ်ပဵၼ်မႄႈမၼ်းၸၢႆးၵေႃႈ ၵွပ်ႈပိူဝ်ႈဢမ်ႇလိူဝ်လႆႈၵၢမ်ႇတြႃးလွင်ႈၵိူတ်ႇထဝ်ႈပဵၼ်တၢႆ ထုင်းလေႃးၵလူင်ၼႆႉလႄႈ မႄႈမၼ်းၸၢႆးၵေႃႈၸင်ႇလႆႈ လပ်းတႃလိုမ်းမိူင်းၵႂႃႇယဝ်ႉ၊ ဢၼ်ပဵၼ်ပီႈဢၢႆႈလႄႈၼွင်ႉယိင်းဢိၵ်ႇပႃးတၢင်း ပီႈပီႈၼွင်ႉၼွင်ႉၵူၼ်းႁိမ်းႁိမ်းၸမ်ၸႂ်ၵၼ်ၸိူဝ်းၼၼ်ႉ ၸင်ႇလႆႈဢွၼ်ၵၼ် ႁႅၼ်းသွမ်းလူႇတၢၼ်းပၼ် ၵေႃႉပဵၼ်မႄႈမၼ်းၸၢႆးယူႇယဝ်ႉ၊ ပူၼ်ႉမႃး 3ပီၼၼ်ႉသမ်ႉ ဢၼ်ပဵၼ်ပေႃႈမၼ်းၸၢႆးၵေႃႈ လုၵႂႃႇထႅင်ႈယဝ်ႉ ဢၼ်ပဵၼ်ပီႈဢၢႆႈမၼ်းၵေႃႈၸၢမ်ႇတႅမ်ႈလိၵ်ႈၸူးယူႇသေ တႃႉ📃📃 ၵူၺ်းၼႃႇပီႈၼွင်ႉႁိမ်းႁိူၼ်းၸမ်မၼ်းသမ်ႉ ႁၢမ်ႈဝႃႈ ယႃႇပေတႅမ်ႈၸူး ၵူဝ်မၼ်းၸႂ်တူၵ်းဝႃႈၼႆ 🙅♂️🙅♂️ ဢၼ်ပဵၼ်ၼွင်ႉမၼ်းၸၢႆးသမ်ႉၵေႃႈလႆႈတိုၵ်းသိုၵ်း 3ဝၼ်း ဢမ်ႇလႆႈၵိၼ်ၶဝ်ႈ ထိုင်ၼင်ႇဝၼ်းၼိုင်ႈ တၢင်ႇၸုမ်းၸင်ႇမႃးၸွႆႈ ၸုမ်းၶဝ်သေ လႆႈဢွင်ႇပေႉၵွႃႇ🤺🤺 မၼ်းၸၢႆးၵေႃႈ ႁၢပ်ႇၵၢၼ်ႇသိုၵ်းမႃး4ပီယဝ်ႉလႄႈၵိုတ်းထႅင်ႈယူႇ1ပီၵူၺ်း 🧏🧏 မၼ်းၸၢႆးၸင်ႇယွၼ်းဢႃႈၶွင်ႉ ႁူဝ်ၼႃႈၶဝ်သေယွၼ်းမႃးၸႂ်းၵူၼ်းၼႂ်းၼႃႈႁိူၼ်းၶဝ်ယူႇ 🏚 မၼ်းၸၢႆးၵေႃႈၸူမ်းၸူမ်းသိူဝ်းသိူဝ်းလႆႈမႃးႁိူၼ်းၶိုၼ်း ၵူၺ်းၼႃႇမၼ်းၸၢႆးဢမ်ႇႁူႉဝႃႈ ဢၼ်ပဵၼ် ပေႃႈမႄႈမၼ်းၸၢႆးလႆႈလူႇၵွႃႇ မိူဝ်ႈ3ပီပူၼ်ႉၼၼ်ႉယဝ်ႉ 🛌🛌🛌 ၽိူဝ်ႇမၼ်းၸၢႆးမိူဝ်းထိုင်ႁိူၼ်းမၼ်း ဢမ်ႇၵိုတ်းၽႂ်သေၵေႃႉယဝ်ႉ🏚🏚 ဢၼ်ပဵၼ်ပီႈဢၢႆႈမၼ်းသမ်ႉလႆႈၵႂႃႇႁႃငိုၼ်းၼႂ်းဝဵင်း ဝၢႆးသေပေႃႈမႄႈမၼ်းဢမ်ႇမီးယဝ်ႉၼၼ်ႉ မၼ်းၸၢႆးတေႃႇလွင်းသုမ်းသေ🤹♂️🤹♂️🤹♂️ ဢဝ်ဝူဝ်းၵႂၢႆး ပၼ်ပိူၼ်ႈမူတ်းယဝ်ႉ🐃🐂🐃 ဢၼ်ပဵၼ် ၼွင်ႉယိင်းမၼ်းသမ်ႉ လၵ်ႉၶၼႃႇဢမ်ႇ တဵမ်ထူၼ်ႈသေတ ၵူၺ်းၼႃႇ မၼ်းၼၢင်း ၵၢမ်ႇလီယူႇ ယွၼ်ႉပိူၼ်ႈဢေးလူးမၼ်းၼၢင်းလႄႈ ပိူၼ်ႈၵဵပ်းလဵင်ႉ လူမၼ်းၼၢင်းယဝ်ႉ ၽိူဝ်ႇမၼ်းၸၢႆး မႃးထိုင်ႁိူၼ်းၶိုၼ်းၼၼ်ႉ မၼ်းၸၢႆးလႆႈမႃးႁၼ်ႁိူၼ်း မၼ်း ဢမ်ႇၵိုတ်းသင်သေ ဢိတ်းယဝ်ႉ 🏚 လိူဝ်သေ ႁိူၼ်းႁၢမ်း ၵူၺ်းယဝ်ႉ ၽိူဝ်ႇမၼ်းမႃးလႆႈႁၼ်ၼင်ႇၼႆသေ မၼ်းဢမ်ႇပႆႇဝူၼ်ႉသင်သေ ၸင်ႇၵႂႃႇထၢမ် ၵူၼ်းႁိမ်းႁိူၼ်းၶဝ် ၼၼ်ႉယဝ်ႉ ၵူၼ်းႁိမ်းႁိူၼ်းၸမ်မၼ်းၸၢႆးဝႃႈ ပေႃႈမႄႈမႂ်းလႆႈလူႉၵႂႃႇ ၸဵမ်မိူဝ်ႈ3ပီႈပူၼ်ႉယဝ်ႉ ဢၼ်ပဵၼ်ပီႈဢၢႆႈမႂ်း ၵႂႃႇၵႃႇႁႃငိုၼ်းၼႂ်းဝဵင်း ၼွင်ႉယိင်းမႂ်းၵေႃႈ ပိူၼ်ႈၵဵပ်းလဵင်ႉလူယူႇ မႂ်းယႃႇမႆႈၸႂ်သင်ဝႃႈၼင်ႇၼႆသေ 👷♂️👷♂️👷♂️ မၼ်းၸၢႆးၵေႃႈ လႆႈႁူႉသေယဝ်ႉ ၸင်ႇမႃးတီႈႁိူၼ်းမၼ်းသေ ႁွင်ႉႁႆႈယူႇယဝ်ႉ 😭😭😭😭😭 မၼ်းၸၢႆးၵေႃႈ ၸႂ်တူၵ်း ၸႂ်လု သေ ယွၼ်ႉဢမ်ႇလႆႈႁၼ်ၼႃႈပေႃႈမႄႈ လႄႈမၼ်းၸၢႆး မိူၼ်မီးလူမ်းယွင်ႇၵွႃႇယဝ်ႉ 🧟♂️🧟♂️ ထိုင်ၼင်ႇဝၼ်းၼိုင်ႈႁူဝ်ၼႃႈၶဝ် ၸင်ႇမႃးႁွင်ႉမၼ်းၸၢႆး တီႈႁိူၼ်းဝႃႈ မိူဝ်ႈၽုၵ်ႈၸုမ်းႁဝ်းလႆႈၵႂႃႇၼႃႈသိုၵ်းၶိုၼ်းဝႃႈၼႂ်သေ🤺🤺🤺 မၼ်းၸၢႆးၵေႃႈတွပ်ႇထဵင်ၶိုၼ်းဝႃႈ ၶႃႈဢမ်ႇၵႂႃႇယဝ်ႉၶႃႈ ၶႃႈၵူဝ်ဢမ်ႇလႆႈႁၼ်ၼႃႈ ၼွင်ႉယိင်းပီႈၸၢႆးၶႃႈ ဝႃႈၼႆသေ မၼ်းၸၢႆးၵေႃႈယွၼ်းပေႃးသိုၵ်းသေ မၼ်းၸၢႆးၵေႃႈ ယူႇမိူၼ်ၼင်ႇၸိူင်ႉၼၼ်သေ ထၢမ်ႁႃပေႃႈမႄႈမၼ်းၵူႈၶိုၼ်းႁွင်ႉႁွင်ႉႁႆႈတိၵ်းတိၵ်းယဝ်ႉ😭😭😭 ထိုင်ၼင်ႇဝၼ်းၼိုင်ႈ ဢၼ်ပဵၼ်ပီႈဢၢႆႈမၼ်းၵေႃႈ လႆႈငိၼ်းၶၢဝ်ႇဝႃႈ ၼွင်ႉၸၢႆးမၼ်းပေႃးသိုၵ်းသေယဝ်ႉ မီးယူႇတီႈႁိူၼ်းၶဝ်ၼၼ်ႉယူႇ ဢၼ်ပဵၼ် ပီႈဢၢႆႈမၼ်းၵေႃႈၸင်ႇမိူဝ်းႁႃ ၼွင်ႉၸၢႆးမၼ်းသေယဝ်ႉ 🌄🏚 ဢၼ်ပဵၼ်ပီႈဢၢႆမၼ်းၵေႃႈ ပေႃးလႆႈႁၼ်ၼွင်ႉမၼ်း ပဵၼ်ၵူၼ်းၸိူင်ႉၼင်ႇၼၼ် မၼ်းၸၢႆးပေႃးငိၼ်းဢေးလူ ၼွင်ႉၸၢႆးမၼ်းယူႇယဝ်ႉ👨👦👨👦 ႁဵတ်းၼၼ်သေ ဢၼ်ပဵၼ်ပီႈဢၢႆႈမၼ်းၵေႃႈ ၸင်ႇမႃးႁွင်ႉဢဝ်ၼွင်ႉၸၢႆးမၼ်းမိူဝ်းယူတ်းယႃသေယူႇၼႂ်းဝဵင်းယူႇ ဝၢႆးသေမၼ်းၸၢႆးၶႅၼ်းလီယဝ်ႉၼၼ်ႉ ၶဝ်ပီႈၼွင်ႉၵေႃႈ ယူႇမူၼ်ႈ”သိူဝ်း”ၸွမ်းၵၼ်ယူႇယဝ်ႉ ႁဵတ်းၼၼ်သေ ၸိူင်းႁူဝ်ၼႆႉ ၵေႃႈသုတ်းၵႂႃႇတီႈၼႆႈ ယဝ်ႉၶႃႈ မႂ်ႇသုင်တၢင်းသဵင်ႈၶႃႈ တႅမ်ႈ ပီႈမွင်းယူႇ😁 | ['ၸိူင်းၶေႃးၶူမ်', 'ၸိူင်းတိုၵ်း'] |
2024-12-19T04:34:02 | https://tainovel.com/%e1%82%81%e1%81%b5%e1%80%ba%e1%82%89%e1%81%b5%e1%81%a2%e1%81%bc%e1%80%ba%e1%80%a2%e1%81%bc%e1%80%ba%e1%82%81%e1%80%9d%e1%80%ba%e1%80%b8%e1%82%81%e1%80%b5%e1%80%90%e1%80%ba%e1%80%b8/ | ႁၵ်ႉၵၢၼ်ဢၼ်ႁဝ်းႁဵတ်း | ႁၵ်ႉၵၢၼ်ဢၼ်ႁဝ်းႁဵတ်း ႁဵတ်းၵၢၼ်ဢၼ်ႁဝ်းႁၵ်ႉ ၵၢၼ်ႁဝ်းၸင်ႇတေဢွၵ်ႇမႃးလီလႆႈ | ['လွၼ်ႉမွၼ်းၵႂၢမ်း'] |
2024-12-16T06:39:43 | https://tainovel.com/%e1%81%b8%e1%81%a2%e1%80%99%e1%80%ba%e1%80%b8%e1%80%90%e1%82%85%e1%80%99%e1%80%ba%e1%82%88%e1%80%90%e1%80%b0%e1%81%ba%e1%80%ba%e1%80%b8%e1%81%b6%e1%82%83%e1%82%88%e1%80%9c%e1%82%84%e1%82%88/ | ၸၢမ်းတႅမ်ႈတူၺ်းၶႃႈလႄႈ | လိၵ်ႈမၢင်ႁူဝ် ၶေႃႈၵႂၢမ်းမၢင်ဢၼ်ၼၼ်ႉ ၸၢင်ႈပၼ်ၽွၼ်းယွၼ်ႈထိုင် ၽႂ်သေၵေႃႉၵေႃႉ မီးႁႅင်းလုၵ်ႉတိုၼ်ႇၶိုၼ်ႈမႃးလႆႈဢေႃႈ။ လိၵ်ႈလၢႆးၼၼ်ႉ ပၼ်ႁႅင်းၸႂ် တွၼ်ႈတႃႇၵေႃႉတူၵ်းသုမ်း၊ ပၼ်တၢင်းမူၼ်ႈသိူဝ်း ပုၼ်ႈတႃႇၵေႃႉၶီငဝ်၊ ပၼ်တၢင်းႁၵ်ႉတၢင်းဢုၼ်ႇၸႂ်လႆႈဢေႃႈ မၼ်းမီးႁူဝ်ၸႂ်ဢေႃႈ ၵွပ်ႈၽူႈတႅမ်ႈလိၵ်ႈၵေႃႈ သႂ်ႇၸႂ်သေတႅမ်ႈၼၼ်ႉယဝ်ႉ။ သင်ဝႃႈ မီးလွင်ႈသုၵ်ႉသၵ်ႉၸႂ်ၼႃႇၼႆ ၸၢမ်းႁဵတ်းၵေႃႉပပ်ႉလိၵ်ႈတူၺ်းၶႃႈလႄႈ ၸၢမ်းယူႇၸွမ်းလိၵ်ႈလၢႆးတူၺ်းၶႃႈလႄႈ တေလႆႈႁူႉၸၵ်း ပပ်ႉလိၵ်ႈဢၼ်မိူၼ် ၵူၼ်းၵေႃႉဢၼ်ႁဵတ်းႁႂ်ႈၵတ်းယဵၼ်ၸႂ်လိူဝ်ပိူၼ်ႈမႃးဢေႃႈ။ ယႃႇၵူဝ်ဝႃႈလိၵ်ႈဢၼ်တႅမ်ႈၼၼ်ႉ တေဢမ်ႇမီးၽႂ်လူ သင်ဢမ်ႇသင်ႁဝ်းၵေႃႉဢွၼ်တၢင်းသုတ်း လူၶိုၼ်းၵေႃႈဢမ်ႇပဵၼ်သင်ၼႃ သင်လႆႈႁပ်ႉတၢင်းႁၼ်ထိုင်ဢၼ်ဢမ်ႇလီမႃးၵေႃႈ ဢမ်ႇၸႂ်ႈလွင်ႈလီၼႅင် သင်ဢမ်ႇသင်ၶဝ်ၵေႃႈ လႆႈလူလိၵ်ႈဢၼ်ႁဝ်းတႅမ်ႈယူႇယဝ်ႉလူး။ ပေႃးၵူၼ်းၵျိူၵ်ႈၵေႃႈတေဝႃႈၶႅမ်ႉယဝ်ႉ ၵူၼ်းဢမ်ႇၵျိူၵ်ႈၵေႃႈ တေဝႃႈဢမ်ႇၶႅမ်ႉ မၼ်းပဵၼ်ၾိင်ႈၶူင်းၵၢင်ယဝ်ႉ တေၵႂႃႇၸွမ်းၸႂ်ပိူၼ်ႈၵေႃႈ တူဝ်ႁဝ်းဢမ်ႇပဵၼ်လႆႈ တၢင်းႁၼ်ထိုင်ၼၼ်ႉ ဝူၼ်ႉထတ်းသၢင်တူၺ်းလီလီသေ မႃးဝူၼ်ႉမႄးၶိုၼ်းၵေႃႈတေႃႈတေတိူဝ်းၽိူမ်ႉၼမ်ႉၵတ်ႉႁဝ်းမႃးယဝ်ႉ။ ဢမ်ႇၸႂ်ႈၵၢပ်ႈပၢၼ်ၵူၼ်းသူင်ၵျိူၵ်ႈလူလိၵ်ႈလူလၢႆးယဝ်ႉ ၵႆႉၵႆႉလႆႈငိၼ်းဢေႃႈ ၵူၺ်းၵႃႈ ၵူၼ်းၵေႃႉဢၼ်လၢတ်ႈၼၼ်ႉ ၶဝ်ပဵၼ်ၵူၼ်းဢၼ်ဢမ်ႇသူင်ၵျိူၵ်ႈလူလိၵ်ႈၵူၺ်း။ ၵူၼ်းၵႆႉလူလိၵ်ႈ မီးတင်းၼမ်ၼၼ်ႉၶႃႈယဝ်ႉ ပႃးတင်းၽူႈလူလိၵ်ႈႁဝ်းၶဝ်မိူဝ်ႈလဵဝ်ၼႆႉယူႇလူး။ မိူဝ်ႈလႂ်ၽူႈတႅမ်ႈလိၵ်ႈဢမ်ႇပႆႇႁၢႆ ၽူႈလူလိၵ်ႈၵေႃႈႁူႉတိုၼ်းမီးၶႃႈယဝ်ႉ။ “ဢမ်ႇမေႃ” ၼႆၼၼ်ႉ ပဵၼ်ၶေႃႈဢၢင်ႈ တႃႇဢမ်ႇၶႂ်ႈႁဵတ်းၵူၺ်း၊ လူင်းမိုဝ်းႁဵတ်းယဝ်ႉ ၸင်ႇၵွႆႈတႅပ်းတတ်းၵေႃႈ ဢမ်ႇသုမ်းၼႃ “ၸၢမ်းတူၺ်းလႄႈ” မၢင်ပွၵ်ႈ ပဵၼ်ႁႅင်းဢီး ႁႂ်ႈႁဝ်းလူင်းမိုဝ်းႁဵတ်းႁႂ်ႈလႆႈၼၼ်ႉယဝ်ႉ။ ၼပ်ႉယမ်ၽူႈလူလိၵ်ႈႁဝ်းၶဝ်ယူႇဢေႃႈ တႅမ်ႈ-သႅၼ်ငဝ်း 16/12/2024 | ['ပွင်ႈၵႂၢမ်း'] |
2024-12-07T06:38:53 | https://tainovel.com/%e1%80%95%e1%80%b5%e1%81%bc%e1%80%ba%e1%80%9e%e1%80%84%e1%80%ba%e1%80%90%e1%80%b1%e1%80%9c%e1%82%86%e1%82%88%e1%80%95%e1%82%82%e1%80%ba%e1%82%89%e1%81%b5%e1%80%99%e1%80%ba%e1%82%89/ | ပဵၼ်သင်တေလႆႈပႂ်ႉ“ၵမ်ႉ” | တေၵႆႉလႆႈငိၼ်းၼႃႇလႄႈ ၵႆႉၵႆႉလၢတ်ႈဝႃႈ “ၵမ်ႉၸွင်ႇၵွႆႈႁဵတ်း” “လႃႈမႃးၸင်ႇႁဵတ်း” “မိူဝ်ႈၽုၵ်ႈၵွၼ်ႇၵႂႃႈ” “ထႅင်ႈဢိၼ်ႉၵႂႃႈ” “ၶၢဝ်းယၢမ်းပႆႇထိုင်တိုၵ်ႉၵႆယူႇ” “ၵိုတ်းထႅင်ႈႁိုင်ၼႃႇ” “ၵမ်ႉၵေႃႈယဝ်ႉယဝ်ႉ လွႆးလွႆးၸင်ႇႁဵတ်းၵေႃႈလႆႈ” ၸိူဝ်းၼႆႉသေ တေၵႆႉဢမ်ႇႁဵတ်းၸွမ်းၵမ်းလဵဝ်ၼၼ်ႉယဝ်ႉ။ ၵွပ်ႈသင်သမ်ႉတေလႆႈပႂ်ႉၵမ်ႉ ၵွပ်ႈသင်လႄႈဢမ်ႇႁဵတ်းၸွမ်းၵမ်းလဵဝ် မၼ်းယၢပ်ႇၼႃႇထိုင်တီႈႁဵတ်းဢမ်ႇလႆႈၵမ်းလဵဝ်ႁိုဝ်?၊ ၶၢၼ်ႉလႄႈဢမ်ႇႁဵတ်းႁႃႉ?၊ မီးၵၢၼ်သေဢမ်ႇပႆႇတၼ်းႁိုဝ်? ၼႆၼၼ်ႉယဝ်ႉ။ မိူဝ်ႈလႂ်မိူဝ်ႈဝူၼ်ႉလႆႈယဝ်ႉ မိူဝ်ႈလႂ်မိူဝ်ႈႁဵတ်းလႆႈယူႇၼၼ်ႉ ႁဵတ်းၵႂႃႇၸွမ်းၵမ်းလဵဝ်ၼႆ ပဵၼ်ဢၼ်လီလိူဝ်ပိူၼ်ႈယဝ်ႉ၊ ႁဝ်းဢမ်ႇၸၢင်ႈႁူႉလႆႈဝႃႈ “ၵမ်ႉ” ဢၼ်ဝႃႈၼၼ်ႉ တေပဵၼ်မိူဝ်ႈလႂ်လႄႈ တေပဵၼ်ၸိူင်ႉႁိုဝ်မႃး သင်ၵမ်ႉတိၵ်းတိၵ်းၼႆ ၸၢင်ႈႁဵတ်းႁႂ်ႈႁဝ်းလိုမ်းၵႂႃႇလႄႈ တေၸၢင်ႈႁဵတ်းႁႂ်ႈလႅၵ်ႈလၢႆႈၸႂ်ဢမ်ႇၶႂ်ႈႁဵတ်းမၼ်းမႃးလႆႈယဝ်ႉ။ သင်ယင်းတိုၵ်ႉပႂ်ႉၶၢဝ်းယၢမ်းယူႇၼႆ တႃႇတေႁဵတ်းလႆႈလႄႈတႃႇတေလႆႈႁဵတ်းၼၼ်ႉ မၼ်းဢမ်ႇပဵၼ်ၵၢၼ်မႃးလႆႈသေပွၵ်ႈယဝ်ႉ၊ ၼႂ်းၼိုင်ႈဝၼ်း ၸႂ်ၵူၼ်းႁဝ်းၼၼ်ႉ ဢမ်ႇႁူႉဝႃႈမၼ်းလႅၵ်ႈလၢႆႈၵႂႃႇပဵၼ်လၢႆမဵဝ်းယဝ်ႉ၊ မိူဝ်ႈၼႆႉလႄႈမိူဝ်ႈၽုၵ်ႈဢၼ်ဝႃႈၼၼ်ႉၵေႃႈ ၸႂ်၊ တၢင်းႁၼ်ထိုင်၊ ပၢႆးဝူၼ်ႉ မၼ်းတိုၼ်းတေဢမ်ႇမိူၼ်ၵၼ်လႆႈတႃႇသေႇ။ ႁိမ်းႁွမ်းႁဝ်းၵေႃႈ မီးလွင်ႈလႅၵ်ႈလၢႆႈယူႇတိၵ်းတိၵ်းလႄႈ ပေႃးၵုမ်ႇပႂ်ႉၵမ်ႉယူႇၵူၺ်း တေဢမ်ႇတူၵ်းလိုၼ်းပႅတ်ႈယဝ်ႉႁိုဝ်?။ ၶႂ်ႈႁဵတ်းသင်ၵေႃႈႁဵတ်းၵႂႃႇလႄႈ ၶၢဝ်းယၢမ်းတေႃႈလဵဝ် မိူဝ်ႈလဵဝ်ၼႆႉ ယွၼ်ႉပဵၼ်ၶၢဝ်းယၢမ်းဢၼ်ႁဝ်းႁဵတ်းလႆႈယူႇလႆႈလႄႈ လႅၵ်ႈလၢႆႈမၼ်းလႆႈၼၼ်ႉယဝ်ႉ၊ ပေႃးဢမ်ႇၸႂ်ႈ ၵူၼ်းႁူႉလွင်ႈမိူဝ်းၼႃႈတႄႉၵေႃႈ ယၢမ်းလဵဝ်ၼႆႉ ပဵၼ်ၶၢဝ်းယၢမ်းဢၼ်လီလိူဝ်ပိူၼ်ႈယဝ်ႉ။ တႅမ်ႈ−ငဝ်မွင်မိုတ်းမူဝ်း 25.12.2022 | ['ပွင်ႈၵႂၢမ်း'] |
Subsets and Splits
No community queries yet
The top public SQL queries from the community will appear here once available.