diff --git "a/dov_Latn/mala_000001_keep.jsonl" "b/dov_Latn/mala_000001_keep.jsonl"
new file mode 100644--- /dev/null
+++ "b/dov_Latn/mala_000001_keep.jsonl"
@@ -0,0 +1,846 @@
+{"url":"","collection":"madlad400","source":"CC 20220801","original_code":"dov","text":"Mwaami Sawulu aDavida | Zyiiyo Zyabana Zizwa muBbayibbele\\nDavida naakajaya Goliyati, Mwaami Sawulu wakamubikka kuba mupati wabasilumamba bakwe. Davida wakazunda nkondo zyiingi alimwi wakaba ampuwo. Chiindi choonse Davida naakali kuzwa kunkondo, bakayintu bakali kwiimba akuzyana kabati: ‘Sawulu wakajaya zyuulu pesi Davida wakajaya makumi aazyuulu!’ Sawulu wakaba abbivwe alimwi wakayanda kujaya Davida.\\nDavida wakali kukonzya kuuma kantimbwa. Limwi zuba Davida naakali kuumina Sawulu kantimbwa, mwaami Sawulu wakawaala sumu kuli Davida kayanda kumujaya. Pesi Davida wakaleya sumu mpawo lyakayasa amuduli. Sawulu wakeezya ziindi zyiingi kujaya Davida. Mpawo Davida wakachija akuyooyuba kunkanda.\\nKuzwa waawo, Sawulu wakabweza basilumamba bali 3 000 kuti akayanduule Davida. Sawulu abasilumamba bakwe bakanjila mumpako yabbwe pati oomo Davida abeenzinyina mubakayubide. Baalumi bakali aDavida bakamubuzya kuti: ‘Eechi nchechiindi chakujaya Sawulu.’ Mpawo Davida wakayubilila Sawulu akunenga chigogo chamwaami. Pesi Sawulu taakwe nchaakamvwa pe. Kuzwa waawo, Davida wakakataazikana kuti taakalemeka mwaami wakasalidwe aJehova. Wakakasya beenzinyina kuti batajayi Sawulu. Alubo, Davida wakiita Sawulu kalikumubuzya kuti wakali kunoomujaya nkaambo wakalaawo mweenya wakuchita oobo. Sawulu wakaleka na kuyanda kujaya Davida?\\nPeepe, Sawulu wakiinkilila kunembo akuyanduula Davida. Bumwi buzuba mansiku, Davida amujwaakwe Abbishayi bakasika kwakabede Sawulu abasilumamba bakwe kabaya buyubilila. Boonse bakali koona, naba Abbineri sikulinda Sawulu. Abbishayi wakati: ‘Ngoyu mweenya! Leka ndimujaye.’ Mpawo Davida wakati: ‘Jehova ulizi mbatakamuchite Sawulu. Atubweze sumu lyakwe akankuli kakwe kamaanzi tweende.’\\nDavida wakatanta ajulu achilundu chakalangene abusena kwakabede Sawulu. Wakati: ‘Abbineri, nkamboonzi nutakwabilili mwaami wako? Lili kuli sumu lyaSawulu akankuli kakwe kamaanzi?’ Sawulu wakaliziba jwi lyaDavida akumubuzya kuti: ‘Wayelede kundijaya sunu, pesi teewandijaya pe. Ndilizi kuti nduwe uutobela kuzooba mwaami wamaIsrayeli.’ Sawulu wakabweeda kumuunzi wakwe. Pesi teeboonse bamumpuli yaSawulu bakali kuzonda Davida.\\n“Anooli kwakonzeka, nkukuti mbuli mbumukonzya nubeni, amukalane abantu boonse caluumuno. Mutaliyi inkoto, nubayandisi, pele amulekele bukali bwa-Leza busena.”—BaRoma 12:18, 19\\nMibuzyo: Nkamboonzi Sawulu naakali kuyanda kujaya Davida?\\nNkamboonzi Davida naakakaka kujaya Sawulu?","num_words":282,"character_repetition_ratio":0.078,"word_repetition_ratio":0.0,"special_characters_ratio":0.157,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Soonse tulacafwikwa acakulya cesu cakumushimu\\nNdyekwakacala ciindi ciniini kwaamba ayi afwe, Yesu wakaamba abashikwiiya bakwe bone palubasu—Pita, Jemusi, Joni alimwi a Andulu. Ndyaakalinga kubalwiita shintu nsheshi bakashibileeko kubaawo kwakwe munshiku shamamanino, wakeepusha mwiipusho uyandika abuumbi wakwaamba ayi: ‘Ino musebenshi ushomeka ucite maano ngaani, uyo mwaami wakwe ngwakapa mulimo wakubona babye, akunoobapa cakulya paciindi ceelete?’ (Mateyo 24:3, 45; Maako 13:3, 4) Yesu wakalinga kushomesha bashikwiiya bakwe ayi mukwiinga ngu ‘mwaami’ ulaakusala wooyo weshi anoopa cakulya cakumushimu lyoonse kubashikwiiya bakwe munshiku shino shamamanino. Ino musebenshi uyu wakesa mukuba aani?\\nNdikoto liniini lya bashikwiiya bakwe Yesu bananikitwe. “Musebenshi” uyu ndikoto lyabamakwesu bananikitwe abo bali mulikoto Litanjilila lya Bakamboni Bakwe Yehova. Ulaabila cakulya cakumushimu paciindi ceelete kubashominyina mbwapailabo. Tulashoma musebenshi ushomeka uyu kunootupa “cakulya cikwene paciindi ceelete.”—Luka 12:42.\\nBaleendelesha bamuŋanda yakwe Lesa. (1 Timoti 3:15) Yesu wakapa musebenshi ncito inene ya kweendelesha lubasu lwa ncito ya libunga lyakwe Yehova pacishi—kulama buboni bwa libunga, incito yakushimikila alimwi akutwiisha kwiinda mumabungano esu. Aboobo, kwaamba ayi atupe nshetuyandika paciindi ceelete, musebenshi ushomeka alimwi ucite maano ulaabila cakulya cakumushimu kwiinda mumabuku ngotusebensesha muncito yesu yakushimikila, alimwi amumakani apekwa kulibungano akumabungano anene.\\nMusebenshi ulashomeka kucancine camu Baibo akuncito yakushimikila makani abotu njaakapekwa, alimwi ulicite maano mukwiinga uleendelesha kabotu shintu shakwe Klistu shapacishi. (Milimo ya Batumwi 10:42) Yehova utoopa coolwe ncito yamusebenshi kwiinda mukwiita bantu baanji kuba Bakamboni alimwi akumucafwa kwaabila cakulya ciinji cakumushimu.—Isaya 60:22; 65:13.\\nIno ngaani wakasalwa aYesu kwaamba ayi anoopa bashikwiiya bakwe shintu shibacafwa lwakumushimu?\\nIno musebenshi watondesha buyani ayi ulashomeka alimwi ayi ulicite maano?","num_words":234,"character_repetition_ratio":0.087,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ninzi Cicitika Lwasika Lufu? Print\\nNinzi Cicitika Lwasika Lufu?\\nMangwalo ayubununa kuti eelyo muntu muzumi naafwa, kucinyina muzimo uucilimvwa bulanga pe. Kunyina kumvwa cicisa nokuba cikondelezya pe. Pele muzimo wamuntu “uloona” kusikula akabusyilwe kubuumi a Yooyo Uupa Buumi.\\nUmwi mukaintu wakalemba mulumbe wakuumbulizya bamucaala mumilumbe yamause ku Amelika. Banyinazyala bakazwaa kufwa, alimwi mwaalumi wakwe bwakamukosya buumba. Wakayiisyidwe kuti eelyo bantu babotu nobafwa, baunka Kujulu kuyookwabilila akweembela bayandwa babo bacipona anyika.\\nEeci cimvwikaanga ncintu cuumbulizya moyo uuminidwe buumba , pele mwaalumi wakwe taakali kuukkomanina muzeezo wakuti banyinazyala nkobacili munsi munsi lyabo, kabawumwine akulangilizya zyoonse zicitika muŋanda … kufumbwa cicitigwa amunzi. Lino mbwaakali kusyoma kuti banyina bakaciliko, waatalika kukaka koonana amukaintu wakwe, ategwa tee kayi banyina baliimvwi munsimunsi kabalangilizya cicitika, mpoonya cikwati cabo cakanjila aataambiki.\\nOoku kulubizya kuteelela kulajanikajanika akataa buleya. Kutaanguna aaya makani amvwikaanga asyomya muntu kuumbulizyigwa. Pele eeco ncisyomyo cifwaambana kusanduka kubaanga ndi twe lya mulilo, litontola sikoo mbuli nsizi.\\nPele masimpe eeni aacicitika aciindi cakufwa, ayinduluka buyo kuyubununa bulamfu bwa luyando lwa Yahuwah.\\nEelyo Lazalosi waku Bethani naakaciswa, bacizyi bakwe bakatumina mulomo kuli Yahushua, kabaamba buyo kuti:\\n“Omwami, langa ooyo ngookali kuyanda waciswa.”\\nEelyo Yahushua naakamvwa boobo, Walo wakati, “Oobu tabuli bulwazi bwa kufwa, pele mbulwazi bwakutondezya bulemu bwa Yahuwah, kutegwa mwanaa Yahuwah alemekezyegwe kwiinda muli ndulo.” (Bala Johane 11:3-4.)\\nBusanduluzi bwini mbwakuti: Lazalosi takoofwa pe. Nokuba boobo … wakafwa! Yahushua wakalindila kwainda mazuba obile kuzwa waawo, nkokuya ayumuke kuya ku Bethani. Basikwiiya bakazingwa mizeezo. Nkaambo nzi lino ncibakali kuunkila ku Judiya muciindi eeco ooko baJuuda nkobakali kumuyubilila kuti bamujaye? Naakabona nkobapenga kuyeeya mumizeezo akuzingwa, Yahushua wakabapandulwida kuti:\\nMulongwe wesu Lazalosi uloona, pele Ime ndaunka kuti nkamusinsimune.”\\nMpoonya basikwiiya bakati, “O Mwami, kuti kali uloona, ulaba kabotu.” Nokuba boobo Yahushua wakali kwaambilizya lufu lwakwe, pele balo bakali kuyeeyela kuti wakali kwaamba buyo kuti woona ŋonzi zyakulyookezya.\\nMpawo Yahushua wakabaambila munzila iigaminina kuti, “Lazalosi ulifwide.” (Langa mu Johane 11:11-14.)\\nLufu luli mbuli koona! Kunyina kumvwa cicisa nokuba cityompokezya, kunyina kuusa, nokuba buumba. Ncobeni kunyina muntu uufwide uusobelela akulangilizya bayandwa bakwe bacipona pe. Kunyina ncazyi muntu uufwide nokuba mbwalimvwide pe.\\nKunyina kulimvwa bulanga mu lufu!\\nKufumbwa muntu wakalicisa kapati nanka yooyo wakalimvwa kukotela mumoyo inga wakwaambila mbwiimvwika mizeezo yamuntu uuminidwe buumba ambwalimvwide mumoyo, ncintu ciinda kucisa kwiinda cintu cikucisa amubili mbocimvwika. Kubulilya lyo mizeezo yakulimvwa bulanga mu lufu, eeco ncipego ciinda kubota cokwa Yahuwah akataa zipego zyakwe zya luyando!\\nBanaKristu banji basyoma kuti eelyo muntu naafwa, wuunka Kujulu nokuba ku mulilo uutamani. Bamozilemu basyoma kuti aabo bajaigwa nobali mumulimo wabupaizi bwabo, bagaminina kuya ku Muunda wa Edeni, pele zyuulunzuma zyabantu bafwa lufu lwa kulifwida nokuba bafwida muntenda, luliimpene. Bamozilemu bayiisya kuti bangele basandula cuumbwe camuntu kuti cibe busena bweebeka kuli baabo balaa lusyomo luyumu batakwe cibi. Pele kuli baabo batakwe lusyomo luyumu, nokuba baabo bakacita zinyonyoono, cuumbwe mbusena bwa kusubulwa akupenzyegwa.\\nSaatani nguwakaanza mizeezo iifulyungene boobu yoonse. Walo ukkomanina kupenzya mizeezo ya bamucaala kuti bayandwa babo bafwide lino balapenzyegwa akusubulwa. Kunyina leza uulaa luyando uunga walekela muntu kuti apenzyegwe boobo nokuba kuti wakali sinkondonyina, nkaambo “Yahuwah Lwakwe nduyando.” (Langa 1 Johane 4:8.) Walo ulekela bantu boonse kuti bafwe, babotu abasofweede, kutegwa boone akulyookezya mucuumbwe kusikila bakabusyigwe kuzwa ku lufu.\\nNkaambo bazumi balizyi kuti bayoofwa, pele bafwide kunyina ncobazyi pe, tabajisi bulumbu; mizeezo yabo yakalubwa kaindi. Alimwi kunyina cintu cicibakkomanisya nokuba cibacima, kunyomenenwa kwabo lino kwakaloba; alimwi kucinyina cibeela ncobacijisi mu zintu zicicitika ansi lya zuba. (Mukambausi 9:5-6, KJV)\\nKupandulula muzimo wamuntu\\nMalengelo ookwa Adamu ayubununa mbwabambidwe muntu muzumi. “Alimwi Yahuwah Elohimu wakabumba muntu abulongo bwaansi, mpoonya wakayoyela muya wa buumi mumpemo zyakwe; mpoonya muntu wakaba muzumi.” (Langa mu Matalikilo 2:7.) Muciindi ca muyoba kulembedwe bbala liimpene aasyoonto, pele eelyo bbala alyalo, lilibelesyedwe munzila njeenya. Yahuwah wakaambila Noah kuti anjizye mu bwato “banyama bobile bobile, aabo balaa muya wabuumi.” (Langa mu Matalikilo 7:15.) Ibbala libelesyedwe waawa eelyo lyakasandululwa kuti “muya”, ndyeenya ndebbala amumasena aambi mu Mangwalo lilembedwe kuti muya. Ndebbala eeli lipandulula mubili uuswaangene antoomwe amuya ookwa Yahuwah uupa buumi akupa kuti muntu alimvwe bulanga, abe muntu uupona.\\nMumajwi aamulaka uutelemuka, Solomoni wakakulwaizya bantu kuti babelekele Yahuwah nobuciliko buumi: “Koibaluka Mulengi wako eelyo bunweba bwa nsiliva nobutaninga sungununwa, Nokuba mutiba wagolide nuutaninga pwaika, nokuba citekelo nocitaninga pwaika ku kasensa, Nokuba vwili nolitaninga kompoka ku mugonti. Mpoonya bulongo buyoopiluka mubulongo mubwakazyila, awalo muya uyoozyokela kuli Elohimu wakuupede.” (Langa Mukambausi 12:6-7.)\\nKakwiina (muya) wa buumi ngwaakayoyela Yahuwah, kucinyina kulimvwa bulanga pe.\\nBuumi butagoli … bumwi buzuba\\nAabo bakafwa kabasyoma mu lweengelelo amubulowa bwa Yahushua, bayoobusyigwa aakuboola akuyaka bulelo bwa Yahuwah butakwe magolelo munyika. Cipego ca buumi butamani tacipegwi pele buyo kusikila aciindi eeco. Awalo Joobo nokuba kuti wakali kulombozya kufwa pele taakali kulangila kuya Kujulu mpeenya aawo pe. Mubwini, walo waamba cigaminina kuti mubili wakwe uyoobola mucuumbwe.\\nNkaambo ndilizyi kuti Muvwuni wangu muumi, akuti kumamanino uyooyima anyika. Lino lukanda lwangu lwaakumana kunyonyoonwa, amubili ooyu njoomubona Yahuwah. Njoomubona ameso aangu eeni, mebo lwangu kutali uumbi, nokuba kuti moyo wangu wanetuka. (Bala Joobo 19:25-27.)\\nJoobo wakali kusyoma kuti bumwi buzuba Yahuwah uyoomubusya kuzwa kulufu kuti akapone alimwi anyika. Ncobeni, boonse bakafwa kabasyoma mu lweengelelo lwa bulowa bwa Yahushua, bayoobusyigwa kuti bakapone akulela anguwe kwa cuulu ca myaka munyika mpya. Kumamanino aacuulu ca myaka, aabo bakazumenene kuzanga a Saatani, bayoobusyigwa kuzwa kulufu kwa kaindi kasyoonto kuti bakabetekwe ciindi camamanino. Johane wakalemba kuti:\\nLino ndakabona cuuno cituba cipati cabwami, ayooyo uukkede ali ncico. Nyika ajulu zyakamutija . . . Mpoonya ndakabona bafu, bapati abaniini, kabaimvwi kumbele lyacuuno eeco, eelyo mabbuku akavwununwa. Alimwi kwakali alimbi bbuku lyakavwununwa, eeli lyakali bbuku lyabuumi. Bafu bakabetekwa mbubonya mbuli mbukwakalembedwe mumabbuku, kweendelana amilimo yabo. Lwizi lwakagwisya bafu bali muli ndulo. Lufu acikkalilo cabafu zyakagwisya bafu bakali muli nzizyo, nkabela boonse bakabetekwa kweendelana amilimo yabo njibakacita. Mpoonya aawo lufu acikkalilo cabafu zyakafusilwa mubbibi lyamulilo. Bbibi lyamulilo eeli ndolufu lwabili. Nkabela kufumbwa ooyo watakajanwa zina mubbuku lyabuumi wakafusilwa mubbibi lyamulilo. (Ciyubunuzyo 20:11-15, NKJV)\\nBuumi butamani mbo bulumbu buyoopegwa bakomi. Mu Baloma 6:23 kulembedwe kuti “bulumbu bwa cinyonyoono ndufu.” Lufu, kutali buumi butagoli bwa kusubulwa, ncecipego caboonse bakaka lweengelelo aluse lwa Yahuwah. Yahuwah ucita buyo cintu cilikke mbwali Taata waluyando ncanga wacita mu luzyalo Lwakwe: Ulekela baabo banga tiibakkomanina kukkala mubulelo bwa Luyando kuti balobe akuzimaanina limwi.\\nMangwalo ayubununa kuti eelyo muntu muzumi naafwa, kucinyina kulimvwa bulanga pe. Kunyina kumvwa cicisa nokuba kukkomana pe. Muya wamuntu uunga wapenga kukkala mu Bulelo bwa Luyando uyooleka kupona akuzimaazyilwa limwi.\\nKoleka kuteelela kubeja kwa Saatani ooko kukucumba akukucisya moyo wako. Kufumbwa mucintu ncacita Yahuwah, kuyubununwa luyando Lwakwe luteeli ku mubisyi. Kotambula lufutuko. Komuzumizya kuti akukumbatile mumaanza Aakwe aaluyando lutamani, alimwi yebo ulakonzya kuyookkala kukabe kutamani antoomwe a Yahuwah, a Mufutuli abamwi bayoonununwa kuzwa mumisela yoonse.","num_words":1041,"character_repetition_ratio":0.036,"word_repetition_ratio":0.0,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kubona Mbocikomena Cisyango: Zisyango Mbozibalila Ciindi | Sena Cakalengwa Buya?\\nAMUBALE MU Afrikaans Albanian Amharic Arabic Armenian Bulgarian Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Danish Dutch English Estonian Ewe Fijian Finnish French Georgian German Greek Hebrew Hiligaynon Hungarian Iloko Indonesian Italian Japanese Kikaonde Kinyarwanda Kirghiz Kirundi Korean Lingala Lithuanian Luvale Macedonian Malagasy Maltese Myanmar Norwegian Polish Portuguese Romanian Russian Samoan Sepedi Serbian (Cyrillic) Serbian (Roman) Sesotho (Lesotho) Setswana Silozi Sinhala Slovak Slovenian Spanish Swahili Swahili (Congo) Swedish Tagalog Tahitian Thai Tigrinya Tok Pisin Tsonga Turkish Twi Ukrainian Vietnamese Xhosa Zulu\\nNzila Njozibelesya Zisyango Kubalila Ciindi\\nZISYANGO zibelesya nzila iikatazya kumvwisya yiitwa kuti photosynthesis kupanga zyakulya kwiinda mukubelesya mumuni wazuba. Buvwuntauzi bwamisyobo imwi yazisyango butondezya kuti zilacita acimwi cintu cikkomanisya pele cikatazya—zilacikonzya kubalila kabotu ciindi nozibelesya zyakulya ciindi camasiku.\\nAmulange-lange icicitika: Masyikati, zisyango zilapanga starch asyuga kuzwa ku carbon dioxide. Masiku, misyobo minji yazisyango ilabelesya starch iiyobolwa masyikati, aboobo eeci cipa kuti kakuba cakulya akupa kuti cisyango cizumanane kukomena. Nkakaambo kaako zilabelesya starch kabotu—tazifwambaani kapati naa kumuka kapati—kutegwa zibelesye starch uusika ku 95 pesenti kusikila kubucedo, ciindi nozitalika kupanga iimbi starch.\\nMakani aaya ayeeme abuvwuntauzi ibwakacitwa kujatikizya cisyango camusitada iciitwa kuti Arabidopsis thaliana. Basikuvwuntauzya bakajana kuti cisyango eeci cilaabanya starch iiyobodwe kweelana akulampa kwabusiku taciko makani naa busiku oobo bulampa mawoola aali 8, 12, naa 16 kutegwa buce. Cakutadooneka, cisyango cilaabanya starch iiliko kweelana aciindi cisyeede kuti buce, calo icipa kuti cikonzye kubelesya kabotu cakulya.\\nMbuti zisyango mbozicikonzya kuzyiba starch iiliko muziyobwedo? Ino zicikonzya buti kubalila ciindi? Alimwi ninzila nzi njozibelesya kutegwa zicikonzye kubalila? Buvwuntauzi bumbi bulakonzya kwiingula mibuzyo eeyi.\\nIno muyeeya buti? Sena nzila njozibelesya zisyango kubalila ciindi yakabako akaambo kakusanduka naa yakalengwa buya?","num_words":268,"character_repetition_ratio":0.049,"word_repetition_ratio":0.0,"special_characters_ratio":0.141,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amusyome Jehova Lyoonse! | Yakwiiya\\nAMUBALE MU Acholi Albanian American Sign Language Amharic Arabic Argentinean Sign Language Armenian Aymara Azerbaijani Azerbaijani (Cyrillic) Batak (Toba) Bengali Bicol Bislama Brazilian Sign Language Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chokwe Chuvash Cibemba Cinyanja Colombian Sign Language Croatian Czech Danish Drehu Dutch Efik English Estonian Fijian Finnish French Georgian German Greek Guarani Gujarati Gun Haitian Creole Hausa Hebrew Hiligaynon Hindi Hiri Motu Hungarian Icelandic Igbo Iloko Indonesian Isoko Italian Italian Sign Language Japanese Japanese Sign Language Kannada Karen (S'gaw) Kazakh Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Krio Latvian Lithuanian Luganda Lunda Luo Luvale Macedonian Malagasy Malay Malayalam Mambwe-Lungu Marathi Mauritian Creole Maya Mexican Sign Language Mixe (North Central) Mongolian Moore Ndebele (Zimbabwe) Nepali Norwegian Oromo Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Punjabi Quechua (Bolivia) Quichua (Imbabura) Romanian Runyankore Russian Russian Sign Language Samoan Sango Serbian (Cyrillic) Serbian (Roman) Seychelles Creole Shona Sidama Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tajiki Tamil Tatar Telugu Thai Tigrinya Tiv Tok Pisin Tshiluba Turkish Turkmen Turkmen (Cyrillic) Tuvaluan Tzotzil Ukrainian Urdu Uzbek Vietnamese Wallisian Waray-Waray Wayuunaiki Wolaita Yoruba Zande Zapotec (Isthmus)\\n“Amusyome mulinguwe ziindi zyoonse, nywebo nobantu.”—INT. 62:8.\\nNkaambo nzi zimwi ziindi Jehova ncatainguli mipailo mpoonya-mpoonya?\\nNduumbulizyo nzi ndomujana mucisyomezyo ca Jehova icijanika mulugwalo lwa 1 Bakorinto 10:13?\\nNzintu nzi ziyoomugwasya kuba alusyomo muli Jehova alimwi akuyumya cilongwe canu anguwe?\\n1-3. Mbuti lusyomo lwa Paulo muli Jehova mbolwakayumizyigwa? (Amubone cifwanikiso icili kumatalikilo aacibalo.)\\nCAKALI kukatazya ncobeni kuba Munakristo mu Roma. Akaambo kakutamikizyigwa kuumpa dolopo mu 64 C.E. alimwi akutamikizyigwa kuti tiibakali kubayanda bantu, basikutobela Kristo bakali kupenzyegwa kapati. Ikuti nomwakali umwi wa Banakristo kuciindi eeco, buzuba abuzuba mwakali kulangilwa kwaangwa alimwi akupenzyegwa. Bamwi akati ka Banakristonyoko bakali kukonzya kujaigwa abanyama naa kugagailwa azisamu zyakupenzyezya alimwi akuumpwa bulanga kutegwa kube mumuni masiku.\\n2 Mwakali mubukkale buli boobu bukatazya mwaapostolo Paulo naakaangwa lwabili mu Roma. Sena Banakristo bamwi bakali kuyakumugwasya? Kuboneka kuti Paulo wakali kulibilika ikuti naa wakali kuyakugwasyigwa, inga twaamba boobu akaambo kamajwi ngaakalembela Timoteyo kuti: “Nindakali kulikwabilila mumulawo ciindi cakusaanguna kunyina wakandiiminina pe, pele boonse bakandilekelezya—lino Leza atabapi mulandu pe.” Nokuba boobo, Paulo wakalizyi kuti kunyina naakali kukonzya kubula lugwasyo cakumaninina. Wakalemba kuti: “Pele Mwami wakalaandime lyoonse alimwi wakandipa nguzu.” Inzya, Mwami Jesu wakapa Paulo nguzu nzyaakali kuyandika. Ino wakagwasyigwa buti alugwasyo oolu lwa Leza? Amumvwe cakatobela, wakaamba kuti: “Ndakavwunwa kumulomo wasyuumbwa.”—2Tim. 4:16, 17. *\\n3 Kweelede kuti Paulo wakayumizyigwa kapati mukuyeeya cintu eeci cakamucitikila, cakamugwasya kusyoma kuti Jehova wakali kuyakumugwasya kutegwa aliyumye mumasunko aakwe alimwi amubuyumuyumu buli boonse mbwaakali kukonzya kuyaanya kumbele. Alimwi buya, wakazumanana kwaamba kuti: “Mwami wangu uyoondivwuna kumulimo mubi uuli woonse.” (2Tim. 4:18) Inzya, Paulo wakazyiba kuti ciindi bantu nobakonzya kwaalilwa kugwasya, Jehova alimwi a Mwanaakwe balakonzya kupa lugwasyo luyandika ncobeni!\\nZYOOLWE ‘ZYAKUSYOMA JEHOVA’\\n4, 5. (a) Ino nguni lyoonse uukonzya kumupa lugwasyo ndomuyandika? (b) Mbuti mbomukonzya kuyumya cilongwe canu a Jehova?\\n4 Sena kuli ciindi cimwi nomwakalimvwa kulekelezyegwa nomwakali mubukkale bukatazya? Ambweni cilakonzya kuba ciindi nomwakali kulangaula mulimo, kulwana buyumuyumu kucikolo, buyumuyumu bwakuciswa-ciswa, naa bukkale buli boonse bukatazya. Ambweni mwakalomba kugwasyigwa pele mwakatyompwa nkaambo kunyina naba omwe iwakamugwasya. Masimpe, mumapenzi amwi bantu tabakonzyi kugwasya. Mubukkale buli boobu, sena lulayo lwamu Bbaibbele lwakuti “kosyoma Jehova” inga lwaba lwabuyo? (Tus. 3:5, 6) Sena talukonzyi kugwasya? Peepe! Ncobeni Leza ulagwasya, kweelana azibalo zinji zyamu Bbaibbele mbozitondezya.\\n5 Aboobo, muciindi cakunyema akaambo kakuti bantu tiibamugwasya, amubone bukkale oobo mbuli mbwaakali kububona Paulo—kububona kuba coolwe cakusyoma Jehova cakumaninina alimwi akubona mbwagwasya caluyando. Eeci ciyoopa kuti lusyomo lwanu mulinguwe luyume alimwi akupa kuti cilongwe canu anguwe ciyume ncobeni.\\nLUSYOMO LULAYANDIKA MUCILONGWE CESU A LEZA\\n6. Nkaambo nzi ncocikonzya kumuyumina kusyoma Jehova ciindi nomuli mubukkale bukatazya?\\n6 Sena mulakonzya kumwaambila Jehova penzi lyanu mumupailo alimwi akulimvwa kukatalukwa mukuzyiba kuti mwacita ncomukonzya kucita mubukkale buli boobo akusiya zyoonse mumaanza aakwe? Inzya, mulakonzya kucita oobo! (Amubale Intembauzyo 62:8; 1 Petro 5:7.) Kwiiya kucita boobo ncintu ciyandika kapati kutegwa mube acilongwe a Jehova. Nokuba boobo, cilakonzya kumuyumina kusyoma kuti Jehova uyoomupa lugwasyo ndomuyandika. Ino nkaambo nzi? Kaambo kamwi kalakonzya kuba kakuti zimwi ziindi Jehova tainguli mpoonya-mpoonya.—Int. 13:1, 2; 74:10; 89:46; 90:13; Hab. 1:2.\\n7. Nkaambo nzi zimwi ziindi Jehova ncatainguli mipailo yesu mpoonya-mpoonya?\\n7 Nkaambo nzi Jehova ncatainguli kulomba kwesu kuli koonse mpoonya-mpoonya? Amuyeeye kuti ukozyanisya cilongwe cesu anguwe kucilongwe camwana abausyi. (Int. 103:13) Mwana takonzyi kulangila kuti kufwumbwa ncaalomba bazyali bakwe balamucitila mpoonya-mpoonya. Zintu zimwi mwana nzyakonzya kulomba inga taziyi akoomoonga. Zintu zimwi ziyandika kulindila kusikila aciindi ceelede. Alimwi zintu zimwi nzyalomba zilakonzya kumunyonganya mwana naa kunyonganya bantu bamwi bajatikizyidwe. Kuyungizya waawo, kwiile kuzumina cili coonse mwana ncaalomba kulakonzya kunyonganya cilongwe causyi amwana nkaambo cilakonzya kuba mbuli cilongwe casimalelo amuzike, mwana kali simalelo. Mbubwenya buyo, kutegwa tugwasyigwe, Jehova zimwi ziindi ulakonzya kulekela ciindi cili mbocibede kuti ciinde katanaingula mipailo yesu. Ulijisi nguzu zyakucita boobo nkaambo ngo Mulengi wesu musongo, Simalelo uujisi luyando, alimwi Taateesu wakujulu. Kutupa nzyotumulomba mpoonya-mpoonya kulakonzya kupa kuti cilongwe cesu anguwe cinyongane munzila imwi.—Amweezyanisye a Isaya 29:16; 45:9.\\n8. Ino Jehova utusyomezya nzi kujatikizya kulezya kwesu?\\n8 Kaambo kamwi nkakuti Jehova ulikuzyi kabotu kulezya kwesu. (Int. 103:14) Aboobo, talangili kuti katuliyumya munguzu zyesu tobeni pele ulatupa lugwasyo mbwali Taata. Masimpe, zimwi ziindi tulakonzya kulimvwa kuti tatukonzyi kuzumanana kuliyumya. Pele Jehova utusyomezya kuti taakwe nayoolekela babelesi bakwe kupenga kwiinda nguzu zyabo. Inzya, ‘uyoopa nzila yamatijilo.’ (Amubale 1 Bakorinto 10:13.) Aboobo, tulijisi kaambo kalimvwisya keelede kutupa kusyoma kuti Jehova uliluzi ciindi nabona kuti tulakonzya kuliyumya mubuyumuyumu mbotujisi.\\n9. Ncinzi ncotweelede kucita ciindi mipailo yesu noyataingulwa mpoonya-mpoonya?\\n9 Ciindi notwatatambula lugwasyo ndotwalomba mumupailo mpoonya-mpoonya, tweelede kuzumanana kulindila kuli yooyo uuzyi ciindi cibotu cakutwiingula. Amuyeeye kuti awalo ulalindila cakukkazika moyo, nkaambo lyoonse uliyandide kutugwasya. “Jehova ulalindila kakkazikide moyo kuti amufwide luzyalo, eelyo ulanyamuka kuti amufwide luse. Nkaambo Jehova ngu Leza uubeteka kabotu. Balikkomene boonse aabo bamulangila.”—Is. 30:18.\\n10-12. (a) Mbuti Munakristo uulwazya munamukwasyi umwi uuciswa bulwazi butasilikiki mbobukonzya kumuyumina bukkale? (b) Mbuti kusyoma Jehova ciindi notuli mubukkale bukatazya mbokukonzya kucijatikizya cilongwe cesu anguwe? Amupe cikozyanyo.\\n10 Ciindi nomujisi buyumuyumu, mulakonzya kulimvwa mbuli mbwaakalimvwa Paulo—kulimvwa mbuli kuti muli afwaafwi amulomo naa muli ‘mumulomo wasyuumbwa.’ Eezyi nzyeziindi nocikatazya kusyoma Jehova alimwi nzyeziindi kusyoma Jehova nokuyandika kapati. Mucikozyanyo, atwaambe kuti mulwazya munamukwasyi umwi uuciswa bulwazi butasilikiki. Ambweni mwali kupaila kulomba busongo alimwi anguzu. * Nomwamana kucita zyoonse nzyomukonzya mumakani aaya, sena inga tiimwaba aluumuno lwamumizeezo mukuzyiba kuti meso aa Jehova ali alindinywe alimwi akuti uyoomupa lugwasyo luyandika kutegwa muliyumye cakusyomeka?—Int. 32:8.\\n11 Bukkale bulakonzya kupa kuti zintu muzibone munzila yiindene. Inga kwajanika kuti mizeezo njobaamba bamadokota ilakazyanya. Alimwi banamukwasyi mbomwali kuyeeyela kuti inga bamuumbulizya inga balibonya kuti bapa kuti penzi ndyomujisi liindile. Amuzumanane kulanga kuli Jehova kutegwa amupe nguzu. Amuzumanane kuba aacilongwe anguwe. (Amubale 1 Samuele 30:3, 6.) Lyaakumana penzi ndyomujisi, cilongwe canu anguwe ciyakuyuma kapati.\\n12 Ba Linda * mbobakalimvwa oobu nokwakainda myaka iili mbwiibede yakulwazya bazyali babo mumyaka yamamanino yakupona. Bakaamba kuti: “Ciindi notwakali mubukkale oobu, mebo, balumi bangu alimwi amusyoonto wangu musankwa, twakali kubula cakucita. Twakali kulimvwa kulekelezyegwa zimwi ziindi. Nokuba boobo, notuyeeya kujatikizya buyumuyumu mbotwakajisi, twabona ncobeni kuti Jehova wakali andiswe. Wakatuyumya nkaambo ncecintu ncotwakali kuyandika, noliba leelyo notwatakazyi ncotwakeelede kucita.”\\n13. Mbuti kusyoma Jehova mbokwakamugwasya mucizyi umwi kuliyumya mumapenzi aakamucitikila cakutobelana?\\n13 Kusyoma Jehova cakumaninina alimwi kulakonzya kugwasya ciindi notwajana buyumuyumu bumwi. Ciindi balumi baba Rhonda ibatakali Bakamboni nobakayanda kuti cikwati cimanizyigwe, nceciindi musyoonto waba Rhonda musankwa naakajanwa abulwazi bubi kapati butegwa lupus. Kwiinde buyo myezi misyoonto bakafwidwa mulamwe. Ciindi buumba bwaba Rhonda nobwakali kuyaabumana, bakatalika bupainiya bwaciindi coonse. Kwiinde buyo ciindi cisyoonto, bakafwidwa banyina. Ncinzi cakabagwasya ba Rhonda kutegwa baliyumye? Bakaamba kuti: “Ndakali kupaila kuli Jehova buzuba abuzuba, nokuba kujatikizya zintu ziniini-niini nzyondakali kuyanda kucita. Eeci cakapa kuti Jehova abe mwini-mwini kulindime. Cakandigwasya kwiiya kusyoma nguwe muciindi cakulisyoma ndemwini naa kusyoma bantu bambi. Alimwi wakandigwasya ncobeni—wakandipa zyoonse nzyondakali kuyandika. Eeci capa kuti ndimvwe mbocibede kubeleka a Jehova.”\\nNomuba mumukwasyi, tulakonzya kusikilwa masunko aakonzya kunyonganya cilongwe cesu a Jehova (Amubone mincali 14-16)\\n14. Ndusyomo nzi ndwayelede kuba aandulo Munakristo uujisi munamukwasyi uugwisyidwe mumbungano?\\n14 Amubone bukkale abumwi. Atwaambe kuti munamukwasyi umwi wagwisyigwa mumbungano. Mulizyi ncolyaamba Bbaibbele kujatikizya mbwayelede kubonwa muntu uugwisyidwe mumbungano. (1Kor. 5:11; 2Joh. 10) Nokuba boobo, kutobela bubambe bujatikizya muntu uugwisyidwe cilakonzya kuba cintu ciyumu zimwi ziindi, ambweni akulibonya kuti tacikonzyeki buya kubutobela. * Sena inga mwamusyoma Taateesu wakujulu kuti uyakumupa nguzu nzyomuyandika kutegwa mucikonzye kutobela malailile aamu Bbaibbele mumakani aaya? Sena mwacibona kuti eeci ncoolwe cakuti muyumye cilongwe canu a Jehova?\\n15. Nkaambo nzi Adamu ncaakausotoka mulawo wa Jehova mumuunda wa Edeni?\\n15 Kujatikizya makani aaya, amuyeeye kwakaindi kasyoonto kujatikizya mwaalumi wakusaanguna, Adamu. Sena ncobeni wakali kuyeeya kuti wakali kukonzya kusotoka mulawo wa Jehova akuzumanana kupona ? Peepe, nkaambo Magwalo aamba kuti Adamu “kunyina naakeenwa pe.” (1Tim. 2:14) Pele nkaambo nzi ncaakausotoka mulawo? Adamu wakalya mucelo ngwaakamupa Eva ambweni akaambo kakuyandisya kapati mukaintu wakwe. Wakaswiilila jwi lyamukaintu wakwe muciindi cakuswiilila jwi lya Leza wakwe, Jehova.—Matl. 3:6, 17.\\n16. Nguni ngotweelede kuyandisya kapati kwiinda boonse, alimwi nkaambo nzi?\\n16 Sena eeci caamba kuti tatweelede kubayanda kapati banamukwasyi? Peepe, tacaambi boobo. Pele tweelede kuyandisya Jehova kwiinda boonse. (Amubale Matayo 22:37, 38.) Eeci cigwasya banamukwasyi, tacikwe makani naa babelekela Jehova lino naa pe. Aboobo, amuzumanane kuyumya luyando lwanu kuli Jehova alimwi acilongwe canu anguwe. Alimwi ikuti naa mulakatazyigwa kapati kujatikizya munamukwasyi uugwisyidwe mumbungano, amumwaambile Jehova mbomulimvwa kwiinda mukupaila kuzwa ansi aamoyo. * (Rom. 12:12; Flp. 4:6, 7) Amubelesye bukkale oobu bukatazya kuyumya cilongwe canu a Jehova. Kucita boobu kuyoomupa kuti mulange kuli Jehova kutegwa amugwasye munzila yiinda kubota.\\nAmutondezye kuti musyoma Jehova kwiinda mukujata bubi mumulimo wakwe (Amubone muncali 17)\\n17 Nkaambo nzi Paulo ‘ncaakavwunwa kumulomo wasyuumbwa’? Wakaamba kuti: “Kutegwa kwiinda mulindime mulimo wakukambauka uzuzikizyigwe cakumaninina akuti bamasi boonse baumvwe.” (2Tim. 4:17) Mbubwenya mbotujisi bubi mumulimo wakukambauka mbuli ibwakali Paulo, tusyoma Jehova kuti uyoosinizya ncobeni kuti ‘twayungizyilwa’ zintu zyoonse nzyotuyandika. (Mt. 6:33) Mbotuli basikumwaya ba Bwami, ‘twapegwa mulimo wakukambauka,’ alimwi Jehova utubona kuti tuli “basimilimonyina.” (1Tes. 2:4; 1Kor. 3:9) Kwiinda mukuba basungu mumulimo wa Leza, ciyootuubaubila kulindila kugwasyigwa anguwe.\\n18. Muunzila nzi zimwi motukonzya kuyumya lusyomo lwesu muli Jehova alimwi akuyumya cilongwe cesu anguwe?\\n18 Aboobo, atubelesye ciindi ecino kuyumya cilongwe cesu a Leza. Ikuti naa kuli bukkale buli boonse ibutupa kulibilika, atububelesye kuyumya cilongwe cesu a Jehova. Inzya, kwiinda mukwiiya Jwi lya Leza, kupaila lyoonse, alimwi akuzumanana kutola lubazu muzintu zyakumuuya, atusyome Jehova kuti ulakonzya kutugwasya alimwi uyoosinizya ncobeni kuti twazwidilila kulwana buyumuyumu mbotujisi lino alimwi abuyumuyumu buli boonse mbotukonzya kuyaanya kumbele.\\n^ par. 2 “Mulomo wasyuumbwa” nkwaakavwunwa Paulo ulakonzya kuti wakali syuumbwa wini naa akali buyo maambila mbali.\\n^ par. 10 Zibalo zyakamwaigwa mukusola kugwasya Banakristo ibalwana penzi lyakuciswa-ciswa alimwi abasikulwazya. Amubone mamagazini aa Sinsimuka! aamu Chingisi aaya aatobela: February 8, 1994; February 8, 1997; May 22, 2000; alimwi a January 22, 2001.\\n^ par. 12 Mazina acincwa.\\n^ par. 14 Amubone mumagazini eeyi cibalo cakuti “Ikaambo Kugwisyigwa Mumbungano Ncobuli Bubambe Bwaluyando.”\\n^ par. 16 Zibalo zyakamwaigwa kugwasya banamukwasyi ibajisi munamukwasyi iwakasiya mbunga ya Jehova. Amubone mamagazini aamu Chingisi aa Ngazi Yamulindizi aaya aatobela: September 1, 2006 mapeeji 17-21 alimwi a January 15, 2007 mapeeji 17-20.","num_words":1723,"character_repetition_ratio":0.055,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Milimo 22 | Bbaibbele Lili a Intaneti | Bbaibbele lya Busanduluzi Bwanyika Mpya\\n22 “Nobaalumi, bakwesu anomatata, amuswiilile ndimupandulwide zyakulikwabilila kwangu.” 2 (Lino nobakamvwa kuti wakali kubakananina mumwaambo wa Chihebulayo, bakaumunisya, eelyo wakati:) 3 “Ndili mu Juda, iwakazyalilwa ku Taso mucooko ca Kilikiya, pele ndakali sicikolo wa Gamaliyeli mumunzi ooyu, eelyo ndakayiisyigwa kuutobelesya Mulawo wabasikale, alimwi ndakali musungu kuli Leza mbubonya mbuli ndinywe nyoonse sunu. 4 Ndakabapenzya ibatobela Nzila eeyi mane akubajaya. Ndakali kwaanga baalumi abamakaintu akubatola kuntolongo, 5 mbubonya mupaizi mupati ankamu yabapati boonse mbobazyi kuti ndaamba masimpe. Alimwi kuzwa kuli mbabo ndakabweza magwalo aakutola kuba Judama ku Damasiko, alimwi ndakali munzila kanduunka kuyooanga ba Nzila eeyi ibakali kooko akubaleta ku Jelusalemu kabaangidwe kuti basubulwe. 6 “Pele nindakali kuyabweenda akusika kufwaafwi a Damasiko, ciindi kacili afwaafwi kusika acilungulungu, ndilyonya eelyo kuzwa kujulu kwakamweka mumuni mupati abusena boonse mpondakabede, 7 eelyo ndakawida ansi alimwi ndakamvwa jwi lindaambila kuti, ‘Saulo, Saulo, ino undipenzyezya nzi?’ 8 Ndakaingula kuti, ‘Ino nduwe ni, Mwami?’ Eelyo wakati kulindime, ‘Ndime Jesu muna Nazaleta, ooyo ngopenzya.’ 9 Lino baalumi mbotwakali limwi mubwini bakaubona mumuni, pele tiibakamvwa ncolyakali kwaamba jwi lyayooyo wakali kukanana kulindime. 10 Mpoonya ndakati, ‘Ino ncinzi ncondeelede kucita Mwami?’ Lino Mwami wakati kulindime, ‘Nyamuka, koya ku Damasiko, eelyo ooko uyooambilwa zyintu zyoonse eezyo zyasalwa kuti ucite.’ 11 Pele mbwaanga tiindakali kukonzya kubona cintu cili coonse akaambo kakumweka kwamumuni ooyo, ndakaakusika ku Damasiko kandijatilidwe kujanza abaabo mbotwakali limwi. 12 “Lino Hananiya, imwaalumi umwi mukombi kweelana a Mulawo, alimwi iwakali kulumbaizyigwa aba Juda boonse bakali kukkala ooko, 13 wakaboola kulindime. Wakaima munsi lyangu akundaambila kuti, ‘Saulo mukwesu, kotalika kulanga alimwi!’ Aciindi nciconya eeco ndakatalika kulanga, eelyo ndakamubona. 14 Mpoonya wakati, ‘Leza wabamatata wakusala kuti uzyibe makanze aakwe akubona Ooyo uululeme akumvwa jwi lyakumulomo wakwe, 15 nkaambo weelede kuba kamboni wakwe kubantu boonse kujatikizya zyintu nzyowabona akumvwa. 16 Aboobo ino ucilindila nzi? Nyamuka, ubbapatizyigwe akusanzyigwa zibi zyako kwiinda mukwiita zyina lyakwe.’ 17 “Pele nindakapiluka ku Jelusalemu alimwi nindakali kupaila mutempele, ndakabona cilengaano 18 alimwi ndakamubona Mwami kandaambila kuti, ‘Kofwambaana, uzwe ndilyonya lino mu Jelusalemu, nkaambo tabakoobuzumina bumboni bwako kujatikizya ndime.’ 19 Mpoonya ndakati, ‘O Mwami, balo beni balizyi kabotu kuti ndakali kwaanga akukwibbaula baabo basyoma nduwe mucikombelo cimwi acimwi; 20 alimwi bulowa bwa Sitefano kamboni wako nobwakali kutilwa, mebo ndakaliimvwi munsi kandizuminizya akulindilila zisani zyaatala zyabaabo ibakali kumujaya.’ 21 Pele wakati kulindime, ‘Koya buyo, nkaambo ndilakutuma kumasi aali kulamfwu kapati.’” 22 Lino bakali kumuswiilila kusikila naakaamba majwi aaya. Mpoonya bakapozomoka balaamba: “Amumulobye muntu uuli boobu anyika, nkaambo teelede kuti kapona pe!” 23 Akaambo kakuti bakali kupozomoka, ikusowaila zisani zyabo zyaatala alimwi akumwaya mavwu mujulu, 24 mweendelezi wabasikalumamba wakalailila kuti atolwe kunkambe yabasikalumamba alimwi wakati weelede kubuzyigwa kwiinda mukumukwibbaula ikutegwa azyibe kaambo keni bantu ncobakali kuyobeka boobu kujatikizya nguwe. 25 Pele nobakamwaangilila kuti batalike kumukwibbaula, Paulo wakaambila silutwe wabasikalumamba iwakaimvwi waawo kuti: “Sena cilizumizyidwe kuti nywebo nobaalumi mukwibbaule muntu muna Loma alimwi uutakwe mulandu?” 26 Lino silutwe wabasikalumamba ooyu naakamvwa boobo, wakaunka kumweendelezi wabasikalumamba akuyoomwaambila kuti: “Ncinzi ncoyanda kucita? Imwaalumi ooyu muna Loma.” 27 Aboobo mweendelezi wabasikalumamba wakaunka kulinguwe akwaamba kuti: “Kondaambila, sena uli muna Loma?” Wakati: “Inzya.” 28 Imweendelezi wabasikalumamba wakati: “Ibusicisi bwakuba muna Loma ndakabuula amali manji kapati.” Paulo wakati: “Pele mebo mbwakuzyalwa abwalo buya busicisi oobu.” 29 Aboobo ndilyonya eelyo, ibaalumi bakali kuyanda kumusubula ikutegwa aambe bakamusosoloka; alimwi mweendelezi wabasikalumamba wakayoowa naakazyiba kuti wakali muna Loma akuti wakamwaanga nketani. 30 Aboobo buzuba bwakatobela, mbwaanga wakali kuyandisya kuzyiba kaambo keni ncaakali kupegwa mulandu aba Juda, wakamwaangununa akulailila basilutwe babapaizi a Nkuta Mpati Yaba Juda yoonse kuti babungane. Mpoonya wakaleta Paulo akumwiimika akati kabo.","num_words":553,"character_repetition_ratio":0.059,"word_repetition_ratio":0.0,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Toonse Tuyandika Luumbulizyo\\nAMUBALE MU Acholi Afrikaans Albanian Amharic Arabic Armenian Aukan Aymara Azerbaijani Azerbaijani (Cyrillic) Baoule Bashkir Batak (Karo) Batak (Toba) Bengali Biak Bicol Bislama Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chokwe Chol Chuvash Cibemba Cinyanja Croatian Czech Dangme Danish Drehu Dutch Efik English Estonian Ewe Fijian Finnish Fon French Ga Georgian German Greek Greenlandic Guarani Gujarati Gun Haitian Creole Hausa Hebrew Hiligaynon Hindi Hmong (White) Hungarian Iban Ibanag Icelandic Igbo Iloko Indonesian Isoko Italian Japanese Javanese Kabiye Kannada Karen (S'gaw) Kazakh Kikamba Kikaonde Kikongo Kikuyu Kiluba Kimbundu Kinyarwanda Kirghiz Kiribati Kirundi Kisi Kisonge Kongo Korean Krio Kurdish Kurmanji (Caucasus) Kurdish Kurmanji (Cyrillic) Kwangali Kwanyama Lamba Latvian Lhukonzo Lingala Lithuanian Luganda Lunda Luo Luvale Macedonian Malagasy Malay Malayalam Maltese Mam Mambwe-Lungu Marathi Mauritian Creole Maya Mazatec (Huautla) Mbunda Mizo Mongolian Moore Myanmar Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Ngangela Nias Norwegian Nyaneka Nzema Oromo Ossetian Otetela Pangasinan Papiamento (Aruba) Papiamento (Curaçao) Persian Pidgin (Cameroon) Polish Portuguese Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Rarotongan Romanian Runyankore Russian Samoan Sango Saramaccan Sepedi Serbian (Cyrillic) Serbian (Roman) Sesotho (Lesotho) Setswana Seychelles Creole Shona Sidama Silozi Sinhala Slovak Slovenian Solomon Islands Pidgin Spanish Sranantongo Swahili Swahili (Congo) Swati Swedish Tagalog Tahitian Tamil Tatar Telugu Tetun Dili Thai Tigrinya Tiv Tojolabal Tok Pisin Tshiluba Tsonga Turkish Twi Tzeltal Tzotzil Ukrainian Umbundu Urdu Urhobo Uruund Venda Vietnamese Wallisian Waray-Waray Wayuunaiki Wolaita Xhosa Yoruba Zande Zulu\\nMAKANI AAYEEME AMUTWE UULI ACIVWUMBYO | NKULI NKOMUKONZYA KUJANA LUUMBULIZYO?\\nSena mulayeeya ciindi nomwakawide kamucili bana? Ambweni mwakalicisa kujanza naa agondo. Sena mulakonzya kuyeeya mbobakamuumbulizya banyoko? Ambweni bakacisanzya cilonda akubikka bbandeji alincico. Mwakalila, pele majwi mabotu ngobakaamba alimwi aluumbulizyo ndobakamupa zyakapa kuti mulimvwe kabotu. Aciindi eeco mubuumi bwanu, luumbulizyo lwakali afwaafwi.\\nPele ciindi notuyaabukomena, buumi inga buyaabwiindila kuyuma. Mapenzi inga ayaabuvwula, alwalo luumbulizyo inga lulakatazya kujana. Cilausisya kuti, mapenzi aamuntu mupati taakonzyi kumana kwiinda mukubelesya bbandeji naa kukumbatwa abanyina. Amubone zikozyanyo zisyoonto buyo.\\nSena kuli nomwakanyongene kale mumizeezo akaambo kakulesyegwa mulimo? Ba Julian bakaamba kuti, ciindi nobakalesyegwa mulimo bakanyongana kapati. Bakalibuzya kuti: ‘Ino mukwasyi wangu ndilaulanganya buti? Ndali kubeleka canguzu kwamyaka minji, ino nkaambo nzi kkampani ncoyandibona kuti ndinyina mulimo?’\\nAmbweni mulikopene kapati akaambo kakumana kwacikwati canu. Ba Raquel bakapandulula kuti: “Ciindi balumi bangu nobakandisiya cakutayeeyela myezi iili 18 yainda, ndakausa kapati. Cakali mbuli kuti moyo wangu waanduka muzibeela zyobilo, ndakaciswa kumubili alimwi amumoyo. Eeci cakandiyoosya kapati.”\\nAmbweni muciswa bulwazi butalangilwi kuti bulakonzya kupona. Zimwi ziindi mulakonzya kulimvwa mbuli sikale Jobu, walo wakaamba kuti: “Buumi bwandicima; tandiyandi kuzumanana kupona.” (Jobu 7:16) Ambweni mulimvwa mbobalimvwa ba Luis ibajisi myaka yakuma 80, balo bakaamba kuti: “Zimwi ziindi ndilimvwa kuti ndilindila buyo kufwa.”\\nNaa ambweni ndufwu lwamuyandwa wanu lumupa kuyanda luumbulizyo. Ba Robert bakaamba kuti: “Ciindi mwanaangu musankwa naakafwa muntenda yandeke, cakusaanguna tiindakasyoma, kumane cakatalika kundicisa, kucisa kwalo Bbaibbele nkolikozyanisya akuyaswa apanga ndamfwu.”—Luka 2:35.\\nNomuba muziindi eezyo zyamapenzi, ba Robert, ba Luis, ba Raquel, alimwi aba Julian bakajana luumbulizyo. Bakalujana kumuntu wiinda kupa luumbulizyo—Leza Singuzuzyoonse. Ino mbuti mbwapa luumbulizyo? Sena uyoomupa andinywe luumbulizyo ndomuyandika?","num_words":499,"character_repetition_ratio":0.041,"word_repetition_ratio":0.0,"special_characters_ratio":0.155,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Dipatimenti ibamba sha shikope shicanika mumabuku esu ku, U.S.A.\\nBetelo ndiina lya ciEbulu, lyaamba ayi “Ŋanda yakwe Lesa.” (Matalikilo 28:17, 19) Ndiina lyeelela maanda ngobasebensesha Bakamboni Bakwe Yehova mumisena ipusenepusene pacishi coonse, incito yakushimikila nkoyeendeleshekwa akucafwikwa. Likoto Litanjilila lilasebensela kumaofesi anene mu New York, ku U.S.A., alimwi lilabona ncito icitwa paBetelo mushishi shipusenepusene. Boonse basebensela pa Betelo baleetwa ayi, Bamukwashi wa Betelo. Balekala pomwi anga mbamukwashi, balalita pomwi, balasebensela pomwi akwiiya Baibo pomwi.—Kulumbaisha 133:1.\\nNgumusena ulibetele mukwashi wa Betelo nkobasebensa cakulyaaba. Mumisena yoonse ya Betelo, mulacanika Beneklistu basankwa alimwi abanakashi bakalyaaba kucita kuyanda kwakwe Lesa alimwi anciito ya Bwaami kwaciindi coonse. (Mateyo 6:33) Taakuwo ufola maali na malipilo, nacibi boobo boonse balapekwa musena kwakoona, shakulya alimwi amaali aniini akulicafwilisha. Boonse bacanika paBetelo balicite ncito yakucita, bamwi balasebensela mumaofesi, mukicini na muŋanda yakulita. Bamwi balasebensela kumabuku, kubotesha mumaanda, kucapa shakufwala, kubotesha musena, na kucita ncito shimwibo.\\nMusena kucitwa ncito shicafwilisha ncito yakushimikila sha Bwaami. Nciito inene icitwa mumaanda a Betelo nkucafwa kwaamba ayi cancine camu Baibo cishike kubantu baanji. Buloshuwa iyi ncakubonenaako comwibo ca ncito icitwa ku Betelo. Yakalembwa kwiinda mukutanjililwa a Likoto Litanjilila. Yakatumwa mumisena ipusenepusene kutubunga twabamakwesu basansulula mucishi coonse kwiinda mukusebensesha makompyuta, lyalo yakapulintwa kusebensesha mashini ipulinta mabuku aanji paciindi ciniinibo, kuswawaawo yakatumwa kumabungano eendilila 115,000. Kwaamba ayi incito iyi icitwe kabotu, bamukwashi wa Betelo balacafwilisha muncito iyandika abuumbi yeelete kucitwa cakufwambaana—Kushimikila makani abotu.—Maako 13:10.\\nIno mbaani basebensela paBetelo, alimwi ino balacafwikwa buyani?\\nIno paBetelo palacitwa ncito nshi iyandika cakufwambaana?","num_words":233,"character_repetition_ratio":0.061,"word_repetition_ratio":0.0,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nehemiya 9 | Bbaibbele lili a Intaneti | Bbaibbele lya Busanduluzi Bwanyika Mpya\\nBantu balyaambilila zibi zyabo (1-38)\\nJehova, ngu Leza uulekelela (17)\\n9 Mubuzuba bwa 24 bwamwezi ooyu, bana Israyeli bakabungana antoomwe; bakali kuliimya kulya kabasamide zisani zyamasaka akulibikka vwu amitwe yabo.+ 2 Mpoonya aabo balunyungu lwa Israyeli bakalyaandaanya kuzwa kuli bamasi boonse,+ eelyo bakaima akulyaambilila zibi zyabo amilandu yabamausyi.+ 3 Mpoonya bakaima aawo mpobakabede eelyo bakabalilwa cakupozya mubbuku lya Mulawo+ wa Jehova Leza wabo kwamawoola otatwe; kwamawoola aambi otatwe bakalyaambilila zibi zyabo akukotamina Jehova Leza wabo. 4 Lino Jeshua, Bani, Kadimiyeli, Sebaniya, Buni, Serebiya,+ Bani a Kenani bakaimikila acibumbili+ caba Levi akupozomoka ajwi lipati kuli Jehova Leza wabo. 5 Ba Levi aaba: Jeshua, Kadimiyeli, Bani, Hasabineya, Serebiya, Hodiya, Sebaniya a Petahiya bakati: “Amunyamuke mutembaule Jehova Leza wanu lyoonse alyoonse mane kukabe kutamani.+ Abatembaule zina lyako lilemekwa, iliinda kulumbwa koonse akutembaulwa koonse. 6 “Yebo olikke Jehova;+ nduwe wakalenga julu, noliba julu lyamajulu, amakamu oonse aali mumo, nyika azyoonse zili alinjiyo, lwizi azyoonse zili mumo. Nduwe upa kuti zyoonse kazipona, alimwi makamu aakujulu alakukotamina. 7 Nduwe Jehova Leza mwini-mwini iwakasala Abramu+ akumugwisya mu Uri+ waba Kasidi akumupa zina lya Abrahamu.+ 8 Wakajana kuti ulasyomeka kulinduwe,+ aboobo wakapangana cizuminano anguwe kuti umupe nyika yabana Kanana, bana Heti, bana Amori, bana Perizi, bana Jebusi abana Girigasi, alimwi akwiipa kulunyungu lwakwe;+ eelyo wakazuzikizya zisyomezyo zyako nkaambo uliluleme. 9 “Aboobo wakaabona mapenzi aabamatata mu Egepita+ alimwi wakakumvwa kulila kwabo ku Lwizi Lusalala. 10 Mpoonya wakacita zitondezyo amaleele kuli Farao, akubabelesi bakwe akubantu boonse bamucisi cakwe,+ nkaambo wakabona kuti bakali kupenzya+ bantu bako. Wakalipangila zina, eelyo liciliko kusikila sunu.+ 11 Wakaandaanya lwizi kubusyu bwabo, aboobo bakainda akati kalwizi kabayaabweenda anyika njumu,+ alimwi basikubatandaanya wakabawaala mulwizi mbuli bbwe mumaanzi malamfwu.+ 12 Wakabasololela amusumpuululu wakkumbi ciindi casyikati eelyo masiku wakabasololela amusumpuululu wamulilo kutegwa bamunikilwe nzila njobakeelede kutozya.+ 13 Wakaseluka a Cilundu ca Sinai+ akwaambaula ambabo kuzwa kujulu,+ eelyo wakabapa mbeta ziluleme, milawo yakasimpe,* milazyo mibotu alimwi amalailile.+ 14 Wakabazyibya Sabata yako iisetekene,+ akubapa milawo, milazyo amalailile kwiinda mumubelesi wako Musa. 15 Nibakafwa nzala wakabapa cinkwa cizwa kujulu,+ nibakafwa nyota wakabapa maanzi kuzwa mundomba,+ eelyo wakabaambila kuti banjile akubweza nyika eeyo njookakonkezya nowakatambika janza lyako kuti uyoobapa. 16 “Pele balo bamatata bakacita cakulisumpula+ akuba basicinguni,*+ alimwi tiibakali kwiiswiilila milawo yako. 17 Bakakaka kuswiilila+ alimwi kunyina nobakaiyeeya milimo yako iilibedelede njookacita akati kabo, pele bakaba basicinguni* akusala musololi kuti bapiluke mubuzike bwabo ku Egepita.+ Nokuba boobo, yebo nduwe Leza uulibambilide kulekelela,* silweetelelo* alimwi siluse, uutafwambaani kukalala alimwi uuzwide luyando lutamani,+ aboobo taakwe nookabasiya pe.+ 18 Noliba leelyo nobakalipangila cikozyanyo camoombe cifwulidwe akutalika kwaamba kuti, ‘Ngooyu Leza wako iwakakugwisya mucisi ca Egepita,’+ alimwi bakacita zintu zipati zitondezya kubula bulemu, 19 pele yebo, muluse lwako lupati, taakwe nookabasiya munkanda.+ Musumpuululu wakkumbi tiiwakaleka kubasololela ciindi casyikati ikubatondezya nzila, awalo musumpuululu wamulilo tiiwakaleka kubasololela ciindi camasiku ikubamunikila nzila njobakeelede kutozya.+ 20 Wakabapa muuya wako mubotu kuti babe basongo,+ alimwi tonookabaima mana+ alimwi wakabapa maanzi aakunywa nobakafwa nyota.+ 21 Kwamyaka iili 40 wakali kubapa cakulya munkanda.+ Tiibakabula cintu pe. Zisani zyabo tiizyakazakala+ alimwi maulu aabo tanaakazimba. 22 “Mpoonya wakabapa mami amisyobo yabantu, wakabaabanya nyika muzibeela-beela,+ aboobo bakakona nyika ya Sihoni,+ nkokuti nyika yamwami wa Hesiboni+ alimwi anyika ya Ogi+ mwami wa Basani. 23 Bana babo wakabavwuzya mbuli nyenyeezi zyakujulu.+ Mpoonya wakabanjizya munyika njookasyomezya bamausyi kuti bayoonjila akwiibweza.+ 24 Aboobo bana babo bakanjila akwiibweza nyika+ alimwi wakabagwasya kuzunda bana Kanana+ ibakali kukkala munyika eeyo akwaaba bami babo abantu bamunyika mumaanza aabo, kuti babacite kufwumbwa mbobayanda. 25 Alimwi bakazunda minzi iikwabilidwe+ akubweza nyika yambolezi,+ maanda aazwide zintu zibotu zyoonse, migoti iisyidwe kale, myuunda yamisaansa, myuunda yamaolifa+ azisamu zyamicelo zinji. Aboobo bakalya akukkuta akuneneya alimwi bakakondwa mububotu bwako bupati. 26 “Nokuba boobo bakaleka kukuswiilila alimwi bakakuzangila+ akufwutatila Mulawo wako.* Bakajaya basinsimi bako aabo ibakali kubacenjezya kutegwa babapilusye kulinduwe, alimwi bakacita zintu zipati zitondezya kubula bulemu.+ 27 Aboobo wakabaaba mumaanza aabasinkondonyina,+ aabo ibakazumanana kubapenzya.+ Pele mumapenzi aabo bakali kukukwiilila, eelyo wakali kuswiilila kujulu; alimwi akaambo kaluzyalo lwako lupati, wakabapa basikubafwutula kutegwa babafwutule mumaanza aabasinkondonyina.+ 28 “Pele mbobaliiba buyo, bakali kutalika alimwi kucita zibi kubusyu bwako+ eelyo wakali kubalekelezya mumaanza aabasinkondonyina, aabo ibakali kubadyaaminina.*+ Mpoonya bakali kupiluka akwiita kulinduwe kulomba lugwasyo,+ alimwi yebo wakali kuswiilila kujulu akubavwuna ziindi zinji akaambo kaluzyalo lwako lupati.+ 29 Nokuba kuti wakali kubacenjezya kutegwa bapiluke ku Mulawo wako, balo bakalisumpula akukaka kuswiilila milawo yako;+ bakali kubisya kwiinda mukusotoka mbeta zyako, eezyo zinga ikuti naa muntu wazitobela ulapona akaambo kanzizyo.+ Pele cankazi bakacita muuzyamvwide akuyumya nsingo zyabo eelyo bakakaka kuswiilila. 30 Wakabakkazikila moyo+ myaka minji akuzumanana kubacenjezya kubelesya muuya wako kwiinda mubasinsimi, pele bakakaka kuswiilila. Aboobo wakabaaba mumaanza aabamasi.+ 31 Alimwi muluse lwako lupati, taakwe nookabanyonyoona+ nokuba kubasiya pe, nkaambo yebo nduwe Leza silweetelelo* alimwi siluse.+ 32 “Lino O Leza wesu, Leza mupati, singuzu alimwi uuyoosya kapati, yebo oobamba cizuminano cako akutondezya luyando lutamani,+ utaaubyi-ubyi mapenzi oonse aatusikila swebo, bami besu, basilutwe besu,+ bapaizi besu,+ basinsimi besu,+ bamatata abantu bako boonse kuzwa kumazuba aabami bana Asuri+ kusikila sunu. 33 Yebo waliluleme muzintu zyoonse izyatucitikila, nkaambo wali kusyomeka; pele swebo ndiswe twabisya.+ 34 Bami besu, basilutwe besu, bapaizi besu abamatata, tiibakatobela Mulawo wako nokuba kuswiilila malailile aako naa ziyeekezyo* zyako zyakubacenjezya. 35 Noliba leelyo nobakali mubwami bwabo akukkomana abubotu butalivwulili mbookabapa alimwi kabali munyika mpati iilaambolezi njookabapa, tiibakakubelekela+ alimwi tiibakaleka micito yabo mibi. 36 Mpaawa sunu tuli bazike+–inzya, ibazike munyika njookapa bamatata kuti balye micelo yayo azintu zyayo zibotu. 37 Bulotwe bwanyika eeyi bwaba bwabami bamasi aabo mbookatubikkila akaambo kazibi zyesu.+ Balatweendelezya kufwumbwa mbobayanda, swebo abanyama besu bavwubwa, aboobo tuli mumapenzi aataambiki. 38 “Aboobo akaambo kazintu zyoonse eezyi, tulapanga cizuminano cisyomeka+ kwiinda mukulemba, alimwi cilasinizyigwa kwiinda mukubikkwa ciganto abasilutwe besu, ba Levi abapaizi besu.”+\\n^ Naa “milawo iisyomeka.”\\n^ Mu Chihebrayo, “akuyumya nsingo zyabo.”\\n^ Mu Chihebrayo, “bakayumya nsingo zyabo.”\\n^ Naa “Leza uulekelela.”\\n^ Mu Chihebrayo, “akuusowela kusyule Mulawo wako.”\\n^ Naa “kubapwayaula.”\\n^ Naa “ncenjezyo.”","num_words":909,"character_repetition_ratio":0.044,"word_repetition_ratio":0.0,"special_characters_ratio":0.174,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani aamu Bbaibbele: Davida a Golyati - Kkeyala yaa Intaneti ya Bakamboni ba Jehova\\nIBA Filisiti baboola alimwi ikulwana bana Isilayeli. Ibapati ba Davida basankwa botatwe bali munkamu yabasikalumamba ba Saulu. Aboobo buzuba bumwi Jese waambila Davida kuti: ‘Bweza maila amapoka azinkwa utolele banyoko. Ukabuzye naa bapona buti.’\\nDavida asike kukkala basikalumamba, wabalikila nkobaimvwi kutegwa abone ibanyina. Golyati bbumbwabuuka mu Filisiti wazwa anze kufwubaazya bana Isilayeli. Wali kucita oobu abuzuba mafwumofwumo akumangolezya kwamazuba aali 40. Woongolola wati: ‘Amusale umwi musankwa akati kanu andilwane. Ikuti azunde akundijaya, tulaba bazike banu. Pele kuti ndimuzunde akumujaya, mulaba bazike besu. Ndakomba kaka amusale umwi tulwane ma!’\\nDavida wabuzya bamwi basikalumamba kuti: ‘Ino ncinzi ncalaapegwe muntu uulaajaye mu Filisiti ooyu akumana masampu aaya kubana Isilayeli?’\\nSikalumamba wati: ‘Imuntu ooyo Saulu ulamupa lubono lunji. Alimwi ulamupa mwana wakwe musimbi kuti akwate.’\\nPele boonse bana Isilayeli bamuyoowa Golyati nkaambo ndidombwana. Mulamfwu uutandila kumamita aali otatwe, alimwi ulijisi sikalumamba uumunyamuda ntobo.\\nBasikalumamba bamwi baunka kwaambila Mwami Saulu kuti Davida uliyandide kumulwana Golyati. Pele Saulu waambila Davida kuti: ‘Tokonzyi kumulwana ooyu mu Filisiti. Iwe uli kasankwa buyo kacizwa mukupa ampemo, walo wali sinkondo lyoonse mubuumi bwakwe.’ Davida waingula kuti: ‘Ndakajaya munyama mukali alimwi asyuumbwa ibakaluma mbelele zya Bataata. Alimwi ooyu mu Filisiti ulaba mbuli banyama aabo. Jehova ulandigwasya.’ Aboobo Saulu wati: ‘Koya, Jehova abe andiwe.’\\nDavida waunka kukalonga eelyo wabweza mabwe osanwe aabulungenyi, akwaabikka mucibbeeke cakwe. Amane wabweza kkwisyo waunka kukulwana bbumbwabuuka. Golyati amubone Davida watyompwa wati: Nkakantu aaka kaboola kundilwana! Uyeeya kuti cilaba cintu cuuba-uba kujaya Davida.\\nGolyati wati: ‘Boola kuno kana! Mubili wako ndilaupa bayuni abanyama kuti baulye.’ Pele Davida wati: ‘Ulaboola kuli ndime amupeni, asumo amuumba, pele mebo ndilaboola kuli nduwe muzina lya Jehova. Obuno buzuba Jehova ulakwaaba mumaanza aangu, aboobo ndilakujaya.’\\nAciindi aawa Davida wabalika kuli Golyati. Wabweza bbwe mucibbeeke cakwe, walibikka mukkwisyo akulifwusa canguzu. Ndeelyo lyeenda kuzyi kuti kumutwe nko, Golyati walundana ansi wafwa! Iba Filisiti babone kuti ngobasyoma waalabana ansi, boonse balusikka. Bana Isilayeli babatandila eelyo bazunda nkondo.\\n1 Samuyele 17:1-54.\\nMbuyumuyumu nzi Golyati mbwaleta kuli basikalumamba ibana Isilayeli?\\nMupati buti Golyati, alimwi mbulumbu nzi Mwami Saulu mbwasyomezya muntu uunga wajaya Golyati?\\nWaamba nzi Davida eelyo Saulu naamwaambila kuti takonzyi kulwana a Golyati nkaambo Davida kasankwa buyo kacizwa mukupa ampemo?\\nKweelana ambwaamwiingula Golyati, mbuti Davida mbwaatondezya lusyomo muli Jehova?\\nKweelana ambobona acifwanikiso, ncinzi Davida ncaabelesya kujaya Golyati, alimwi ncinzi cacitika kuba Filisiti naajaigwa Golyati?\\nBala 1 Samuyele 17:1-54.\\nNcinzi cakali kumupa kutayoowa Davida, alimwi mbuti mbotukonzya kubwiiya busicamba bwakwe? (1 Sam. 17:37, 45; Ef. 6:10, 11)\\nNkaambo nzi Banakristo ncobeelede kuukaka muuya wakuzundana mbuli wa Golyati nobali muzisobano naa mumasena aakulikondelezya? (1 Sam. 17:8; Gal. 5:26; 1 Timo. 4:8)\\nMbuti majwi aa Davida mbwaatondezya kuti wakalijisi lusyomo kuti Leza ulamugwasya? (1 Sam. 17:45-47; 2 Mak. 20:15)\\nMuciindi cakwiile kulanga buyo makani aabasikalumamba bobilo bakali basinkondonyina, mbuti cibalo eeci mbocitondezya kuti masimpe nkondo eeyi yakali akati kabaleza bakubeja alimwi a Leza mwini-mwini Jehova? (1 Sam. 17:43, 46, 47)\\nMbuti bananike mbobaiya cikozyanyo ca Davida cakusyoma muli Jehova? (1 Sam. 17:37; Jelemiya 1:17-19; Ciy. 12:17)\\nKobala makani aaya aakkomanisya kutegwa wiiye kaambo Davida ncaakali muntu uutayoowi.","num_words":469,"character_repetition_ratio":0.051,"word_repetition_ratio":0.0,"special_characters_ratio":0.189,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Musamu #1 Uulengedwe Wiinda Nguzu ! Insizi! Print\\nMusamu #1 Uulengedwe Wiinda Nguzu ! Insizi!\\nKotembaula Mwami Yahuwah, O muya wangu, Alimwi utalubi zileleko Zyakwe zyoonse: Ooyo uukulekelela zinyonyoono zyako, Ooyo uukusilika malwazi aako.” (Intembauzyo 103:2-3, KJV)\\nNcintu cikopanya mizeezo alimwi citondezya ncobeni kuti mamanino aanyika asika nkaambo kakuti, mbuli lwiiyo lwa busilisi mboluyaa kusumpuka kuya kumbele, atwalo tuzunda tuleta malwazi tuyaakwiindila kulisandula akwaalilwa misamu kutusilika. Kusilikilwa muzibbadela mumazuba aazya kumbele ciyooba cintu ciyumu nta mbuli bbwe, kapati eelyo bantu baakukasyigwa kuula akuuzya pele buyo kuti bazumina kutambula caando camunyama caando ca munyama.\\nNcintu ciyandika kapati kukkala ansi cino ciindi kuti wiiye luzyibo lutaulwi mali, lwiiyo lwa micelo ya cintu cisiya iilaa nguzu akataa zilengwa leza. Yahuwah wakatupa micelo mu zilengwa leza iikonzya kutusilika kufumbwa bulwazi. Umwi akataa micelo eeyo wiinda kubaa nguzu, mucelo uukonzya kujanwa kufumbwa busena atalaa nyika cino ciindi. Ooyo mucelo, ni nsizi.\\nKubelesya nsizi mbuli musamu wakusilisya malwazi, kwakatalikde nsiku lini kumyaka ya 1500 BCE mu Ijipita. Ikuti yebo wamvwa muntu kaamba majwi aakuti “micelo ya cintu cisiya” mpoonya yebo wabinda kumunonga kuti “eeci nciyanga cuulisya buyo mafuta aanzoka,” yebo ncoyelede kuzyiba sunu ncakuti, nsizi icibelesyegwa mazubaano abasili mu zibabbadela kusilika misyobo yamalwazi manjaanji aali mumusela 21st uuno!\\nCibeela ca mfulumende Ceendelezya Misamu Iikola ku Amelika cikulwaizya kubelesya nsizi iigaidwe kuba lusu. Imbungano iilanga Zyakula Akwendelezya Misamu ku Amelika isumpwide busungu bwa nsizi kuba abusena butaanzi “Kubula Ntenda akubaa Nguzu.”\\nAlimwi cimwi ciinda kukkomanisya akataa zyoonse eezyo, hena ulizyi? Yebo omwini ulakonzya kulyuulila nokuba kulibambila nsizi yako akwiigaya yaba lusu kuti ube musamu wako!\\nMilimo minjaanji ya kubelesya nsizi\\nKataa misamu iikonzya kujanwa, nsizi ngo musamu uubeleka milimo minji alimwi weelede kuzyibwa abantu boonse bayandide ncobeni kusilika malwazi kubelesya misamu ya zilengwa leza. Insizi ilesya nguzu zyamisamu iikola kujaya. Ilabelesyegwa mukusilika muntu uusoomona, uuciswa mwida (awujisi tuzunda twa E. coli), ulaa bulwazi bwa kunya kalowa, abulwazi bwa kapweepwe naa cholera. Aciindi mpeenya aawo, nsizi ilakonzya kubelesyegwa akubana bavwanda kakwiina ntenda pe. Ibeleka aanguzu ncobeni cakuti ilakonzya akupa kuti muntu aangane mala mwida. Aboobo, kuti yabelesyegwa mumilimo imwi mumubili wako, yebo weelede kulomya kunywa meenda manji eelyo nobelesya nsizi!\\nNsizi ilakonzya kusilika da lyako kuti lyafuta. Nkaambo kakuti nsizi yaanga nguzu zya misamu iikola, kanjaanji ilabelesyegwa kugwisya misamu eeyo mu balwazi bakanywide misamu iikola yiimpene.\\nNsizi ileelela kusilika misamu iikola nkaambo tiinywidi kuya mumubili wamuntu pe. Pele ilacaalila mumala, kiiyobolola akwaanga kufumbwa cintu cikola, akucigwisyila anze lya mubili.\\nNcobeni, nsizi ilaa nguzu kapati cakuti tiiyelede kuligwa mumawoola obile kuzwa noonywa misamu yakucibbadela, nkaambo inga yalesya nguzu zyamisamu eeyo kubeleka. Mu 1831, umwi Mwiyi wazina lya Touery wakatondezya nsizi mbwiilaa nguzu mu Cikolo ca Misamu caba French. Walo wakanywa musamu uukola uujaya ncobeni wiitwa kuti strychnine … pele taakafwa! Maccu nobantu! Hena takuli kubeja ooko, inga omuntu toofwa buti kunywa musamu uujaya? Nee mukwesu, walo wakasanganya nsizi mukati kamusamu uukola ngwaakanywa!\\nNsizi ilaa nguzu zyakukwabilila nokuba kuti yabelesyegwa atalaa cikanda. Icesya malwazi aacikanda, isilika zicisa zyakulumwa zyuuka, iswiintila mate aanzoka alaa musamu uujaya anze, ilesya kucisa kuti muntu walumwa kabanze, alimwi ilakonzya kubelesyegwa kusilika zicisa zyakulumwa syiluubilili uujaya ncobeni munyika! Masimpe ooyu ngo musamu uulaa nguzu yebo ngoyelede kuyandisya kwiiya buno buzuba mbuubelesyegwa.\\nNsizi tiikwe ntenda nokuba asyoonto mubulowa bwamuntu pe! Kanjaanji ilawuzyigwa mbuli mapiilisi, pele nzila mbotu yiinda kubaa nguzu njakunywa nsizi kiisanganyidwe mumeenda nokuba mumusinza wamicelo. Nsizi tiilweeli nokuba kulula nokuba kupapa pe, ilatontola sikoo. Kuti yasanganyigwa mu meenda, inga yamvwikaanga museenga amulaka, pele kwiina kulula, kupapa, nokuba kulweela pe.\\nKuti yabelesyegwa atalaa cikanda, yebo weelede kubweza buyo muungo omwe wa nsizi iigayidwe kuba lusu: mpoonya wakanda atweenda tusyoonto buyo yaba mbuli ceele, mpoonya akuzilazila acikanda. Kuti koyanda, ulakonzya kusanganya abusu bwacinkwa kutegwa cilemeleme kubaanga nceele. Kuti ceele kacicilaa lweenda, yebo inga wayungizya buyo kusanganya lusu lwa nsizi. Mpoonya nkunanika aawo mpolaa cicisa. Buzuba butobela, yebo kolazyika kapepa katete nokuba kabbeesu atalaa nsizi. Mpoonya yebo kwaanga antoomwe kapepa kajisi nsizi mukapulasitiki, weelede kubona kuti lyoonse nsizi ilaa meenda. Kuti yayuminina, tiicikonzyi kujata mulimo pe. Yebo weelede kusinkilila mumbalaa kapulasitiki kubelesya pulasita nokuba kwaangilila aloozi nokuba kanweba kutegwa kutabi mpiisweka pe.\\nNsizi iikandidwe ilakonzya kwaangwa mukalembo, mpoonya akuyobolwa kuyoobelesyegwa aakale.\\nMbokonzya kulibambila nsizi omwini\\nNsizi ilakonzya kuulwa muzintoolo zya misamu, kubelesya kkompyuta nokuba kulibambila yako omwini. Nokuba boobo, yebo toyelede kubelesya malasya aawulwa muzintoolo nkaambo aayo malasya asanganyidwe aamisamu iitalisya kuyasya mulilo.\\nKutegwa ulibambile nsizi, kotobela ntaamu eezyi anselelo aawa:\\nKokutula mulilo anze lya munzi. Mpoonya kobikka mumupika walubulo nkuni zyakayuma nta. Nkuni zya mubanga zilainda kubota, pele azimwi mbuli makwa aamicelo azyalo zilakonzya kubeleka. Kojala mpoto eeyi acisinsyo cilaa kasena kakuzwida busi.\\nKojika mpoto eeyi atalaa mulilo antangalala kwa mawoola otatwe kusikila osanwe. Kunoolibonya busi buunduluka amuya uuzwa mukasena kacisinsyo. Eelyo nokwaleka kulibonya busi nokuba muya, nkokuti nkuni zili mumupika zyamanizya kunyeka, yaba nsizi.\\nEelyo nsizi iili mumupika niyatontola, kunooli muubuzuba butobela waawo, yebo weelede kwiibikka muciyobwedo cisalala. Koisukuluzya ameenda aasalala kutegwa ugwisye twe nokuba tombe linga lyajanwa mukati. Yebo toyandi twe pe.\\nLino kobelesya ncili amunsi, kotwa akugaya nokuba kuziya nsizi eeyo kusikila yazukila akuba lusu.\\nMpoonya lekela nsizi eeyo kuti ikkale muzuba kusikila woonse meenda ayuminina. Cilakonzya kutola mawoola aali 24 eeco. Utaciti ntaamu iitobela kusikila nsizi yako yayuminina nta kubula meenda.\\nNsizi iitakwe cisanganyidwe ilakonzya kubelesyegwa atalaa cikanda, kusalazya meenda, nokuba mumilimo iimwi minjaanji. Lino kutegwa ubikke nguzu zinji nziibelesya nsizi mukati kamubili, kweelede kucitwa ntaamu zitobela zyongaye.\\nKobelesya cibeela comwe ca nsizi kuli zyotatwe (1:3) kusanganya antoomwe musamu wa calcium chloride acisela catatu cameenda. Aawa kocenjela. Ooyu musinza ulapya kapati. Yebo weelede kubona kuti ooyu musinza ulakonzya kuvwumbilila nsizi yoonse. Musamu wa (Calcium chloride ulakonzya kuulwa muzintoolo zinjaanji muulwa zibelesyo zyaa munzi. Kuti kotakonzyi kuujana oomo musamu ooyu, yebo ulakonzya kubelesya musinza wa malemani mucibaka ca musamu wa calcium chloride.)\\nLino kobelesya katiba kalubulo lutaligwi nkalaya, konozya-nozya asyoonto-syoonto kusanganya musinza ooyo antoomwe ansizi. Mpoonya catalika kuba ceele, koleka kutila musinza ooyo mu nsizi iigayidwe.\\nLino kovwunika mutiba ooyo, ubikke mpuutazungaani kwa mawoola aali 24. Mpoonya kominununa kufumbwa musinza uuciibaiba kuzwa mumutiba ooyo. Nsizi yeelede kuba ntete, pele kutali kwiindizya waawo.\\nKobikka nsizi ntete eeyo mumupika walubulo. Mpoonya kojika kwa mawoola otatwe kusikila meenda abila. Kwainda mawoola otatwe, eeyo nsizi ilaa nguzu kapati, ililibambide kubelesyegwa.\\nNsizi iijisi nguzu ngo musamu uuyandika kapati uukonzya kujanwa. Naba mucete uusama magamba uucetaalide buti munyika yoonse, awalo ulakonzya kulibambila nsizi, eeyo nsizi iikonzya kuvwuna abuumi bwa muntu wiinda bantu boonse buvwubi.\\nOno koya ukalivwuntawide makani woonse mukwesu! Talika sunu kwiiya nzila zinjaanji zyakubelesya musamu uulibotela ooyu. Mumazuba aazya kumbele, ooyu ngo musamu uyoovwuna buumi bwako nokuba buumi bwa muyandwa wako.","num_words":1041,"character_repetition_ratio":0.052,"word_repetition_ratio":0.0,"special_characters_ratio":0.157,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"LUYANDO LWA LEZA KU MUNTU\\nNguzu a kuzubululwa kwa zintu zyoonse zilumbaizya luyando lwa Leza. Taata wesu ulikujulu nkasensa ka buumi, ibusongo a kukomana. Kolanga kuzintu zikankamanisya zibotu zya nguzu zyakwe. Koyeeya kubambwa kwazyo kukankamanisya mukuyanda a mukukomana, tali muntu alike pe, pele azilengwa zyoonse zipona. Kubala kwa zuba a mvula kulengulula nyika akwiibosya, malundu, a lwizyi a zibanda zyoonse zikanana luyando lwa Mulengi. Ngu Leza upa kulya kwa mazuba oonse kuzilengwa zyakwe zyoonse. Mu majwi mabotu a mwiimbi, KLMNP 4.1\\n“Meso abantu boonse alanga Kuli Nduwe; Ulabapa kulya kwabo muciindi ceelede Uvungulula janza lyako, Ulapa kuyanda kwacintu coonse cipona!” Intembauzyo 145:15, 16. KLMNP 4.2\\nLeza wakamulenga muntu ca kulondoka a kusetekana a kukomana, nyika niyakalengwa a maanza a Mulengi yakanyina cimvule ca lufu. Nkusotoka mulawo wa Leza—mulawo wa luyando kwakaleta kuusa a lufu. Nakuba boobo mukati kakuusa kuzwa ku cibi, luyando lwa Leza lulatondeezegwa. Cililembedwe kuti Leza wakayitukana nyika a kaambo ka muntu. Mamvwa ayasa-amapenzi amasunko eezyo zipa kuti buumi bwa muntu buboneke kuyuma-zyakabikilwa kuti cibe cakumuyiisya muntu kucilila nzila ya Leza akuhiba bubi bwalo cinyonyoono mbocakaleta. Matalikilo 3:17. Nakuba kuti nyika yakabisya, taili mukuusa a mukuta komana yoonse pe. Mukubumbwa kwazintu zyoonse kuli milumbe yalusyomo a kukomana. Atala amamvwa kuli maluba-luba, mamvwa alivumbidwe atusamu tujisi malubaluba. KLMNP 4.3\\n“Leza ngu luyando,” aya majwi alilembedwe atala azintu zipona zyoonse a atala abwizu boonse bu komena. Bayuni babotu balaimba inyimbo zyakukomana, kununkilila kwa malubaluba mabotu kupa luwo kuti lubote, masamu malamfu alaamatu anyanzabili-Zyoonse ziliboobu zitondeezya lweengelelo lwa Leza, a luyando kucita bana bakwe kuti bakomane. KLMNP 4.4\\nIjwi lya Leza litondeezya ciimo cakwe. Walo lwakwe mwini wakalutondeezya luyando lwakwe lutamani a lweengelelo. Muusa naakapaila kuti, “Nditondeezye bulemu bwako,” “Mwami wakaingula, nja kucita kuti bubotu bwangu bwinde kumbele kwako.” Kulonga 33:18, 19. Oobu mbulemu, bwakwe. Mwami wakainda kubusyu bwakwe wakaita, “Mwami, Mwami Leza, siluse silweengelelo utanyemi kufwambaana, uzwide bubotu a kasimpe, luse lwakwe lubamba bali zyuulu, kubalekelela zinyonyoono a kulubizya kwabo.” Kulonga 34:6, 7. Tafwambi kunyema, ulaa Iweengelo lupati. Jona 4:2. “Nkaambo walo ulakomana muluse.” Mika 7:18. KLMNP 4.5\\nLeza wakaanga myoyo yesu kuli nguwe kwiinda uzintu nzyaakalenga kujulu a munyika. kwiindila muzintu nzyaakaienga anguzu zyakwe, a luyando lupati kunyikaeeyi myoyo yabantu nkwikonzyakubona, wakayeeya kuti alitondeezye lwakwemwinikuli ndiswe. Pesi koonse ooku takutondezyi luyando lwakwe cakumaninina. Nakuba kuti zintu zyoonse zya kapegwa, pesi sinkondonyina a bubotu waasinka mizeezo yabantu, aboobo bakalanga kuli Leza a kuyoowa; bakayeeya kuti ulaa lunya a kutalekelela. Satani wakacita bantu kuti bayeeye kuti Leza muntu ulaa kulailila kuyumu, kubeteka kuyumu, similandu minjaanji. Satani uyeeya kuti Leza muntu ulanga bantu aliso lya kunyonokela akujana twaambo a kulubizya kwa bantu, kuti abike lubeta kuli mbabo. Kwaali kuyanda kwa Leza kuti agwisye misinze munyika eeyi aboobo wakatuma mwanaakwe kuti apone akati ka bantu. KLMNP 5.1\\nMwana a Leza wakaboola kuzwa kujulu kuzi kutondeezya usyi munyika. “Kunyina muntu wakabona Leza nalibalili, alike mwanaakwe uzyedwe alike, uli munsi ausyi wakamutondeezya.” Johani 1:18. “Kunyina muntu umuzyi usyi alike Mwanaakwe, eelyo walo Mwanaakwe nguya ku muzubulula.” Mateyo 11:27. Umwi wabasiciiya nakabuzya kuti, “Kotutondeezya Uso.” Jesu wakati; “Sena teendali andinywe ciindi cilamfu, pesi tamuna ndihiba, Filipo? Ooyo wandibona wabona Taata, nkaambonzi nco mwaambila kuti tutondeezye Uso?” Johani 14:8. 9. KLMNP 5.2\\nMukati mukukanana bulelo bwakwe bwa munyika, Jesu wakati, Mwami wakandinanika kuti nkanane mulumbe ku bacete, wakandituma kuti mponye myoyo ityokede, kukanana lwanguluko ku bazike, a kupa kubona kuboofu, akubaangulula aabo baumwa.” Luka 4:18. Ooyu wakali ngo mulimo wa Jesu. Wakali kuyabweenda kacita bubotu, akuponya bakali kupenzegwa a Satani. Mu minzi yoonse a mu maanda oonse kwakanyina kulila akaambo ka kuciswa, nkaambo wakainda moonse mu maanda kuponya baciswa. Mulimo wakwe wakatondeezya kunanikwa kwakwe kwabu Leza. Luyando, luse, a nkumbu zyaka zubululwa mu mulimo ngwakacita mukupona kwakwe koonse, moyo wakwe wakali a nkumbu kubana ba bantu. Wakabweza ciimo ca muntu, kuti a jane nzila yakugwasya muntu. Ibaumba abacete teebakali kulisenda nokuba kuyoowa kusika kuli nguwe kulitola ansi kwiinda, teebakali kulisenda kuboola kuli nguwe. A bana basyoonto bakali kuyanda kuya kuli nguwe. Bakali kuyanda kukala a mazwi aakwe. a kulanga kubusyu bumwekamweka, bujisi lweengelelo a luyando. KLMNP 5.3\\nJesu tanaakasisa noliba jwi lyomwe lya kasimpe, pele wakakanana lyoonse muluyando. Wakasebenzya busongo bunjaanji, a kuyeeya kunjaanji, a kulibambila kwaluse, muziindi zyoonse nzyaa kaswaangana a bantu. Tanaakali sicisapi, tanaa kakanana ijwi licisa ku muntu, tanaa kanyemya muntu. Kunyina naaka tongooka buteteete bwa muntu. Wakali kukanana kasimpe, pesi wakali aluyando lyoonse. Wakayisya basikuupa-upa a meso, a kutakondwa a cinyonyoono; pesi wakalijisi misozyi lyoonse naakali kukanana makani. Wakaulilila munzi wa Jelusalema, munzi ngwaa kali kuyanda, munzi wakakaka ku mutambula. kutambula nzila, kasimpe a buumi. Bakamukaka, Mufutuli. pesi wakabalanga aluse. Buumi bwakwe bwakali bwa kulisungula a kuyeeya bamwi kapati. Bantu boonse bakali babotu ku meso aakwe. Kajisi bulemu bwabu Leza, pele wakalitola aansi aluyando ilupati kuli omwe-aumwi kuba mun’ganda ya Leza. Mubantu boonse wakaswaya a kubona baciswa ku mooza a kumubili. Muminzi moonse wakabona bantu bakapengede, ooyu wakali mulimo wakwe kubafutula. KLMNP 6.1\\nOobu mbocitondeezegwa ciimo ca Klistu mu buumi bwakwe. Eeci nciimo ca Leza. Kuzwa kuli Leza milimo ya lweengelelo yaka tondeezegwa muli Klistu, kailibonya a kati kabana ba bantu. Jesu, Siluse, Mufutuli ulaa lweengelelo, wakali Leza “Oyo uwakabonwa mumubili wabuntu.” 1 Timoti 3:16. KLMNP 6.2\\nKwakali kufutula ndiswe Jesu ncaakaponena akupenga a kufwa. Wakaba “Muntu wa kuusa,” kuti swebo tutambule ku komana kutamani. Leza wakazumizya Mwanaakwe uyandika, uzwide luse a kasimpe, kuboola kuzwa mu nyika ilaa bulemu butakonzeki kupandululwa, kuza ku nyika izwide cilijazyo a cinyonyoono, ivunikidwe acimvwule calufu a Lutuko. Waka muzumizya kuzwa munsi a janza lyakwe lya luyando akucingililwa, kugwisigwa ku kukombwa kwabangele, kuti azyikupenzegwe, akuciswa mu kuusa, a kutukanwa, a kulitola ansi, a kuzondwa, a lufu. KLMNP 6.3\\nImapenzi aa kuumuna kwesu akali atala lyakwe; “akuumwa kwakwe twakaponyezegwa.” Ayizaya 53:5. Amubone nguulya mucibanda, Mugesemani, a ciciingano! Mwanaa Leza unyina katombe wakabweza mukuli wa cinyonyoono. Walo wakali omwe a Leza, wakamvwa mu moyo wakwe kwandaana kupati cinyonyoono nkocaka cita a kati ka Leza a muntu. Ooku kwakaleta kulila kucisa kuzwa kumilomo yakwe, “Leza wangu, Leza wangu, wandisiilanzi?” Mateyo 27:46. Wakali mukuli wa cinyonyoono kukomena ikumvwa ibulwani bupati ibutaambiki bwacinyonyoono, akwaandanya ikupati nkocileta akati kamuntu a Leza, eeci ncicakapa ikuti mwanaa Leza afwe. KLMNP 6.4\\nPesi muyasilo mupati ooyu tiiwakacitilwa kuti ubike luyando muli Usyi lwakuyanda muntu, tiilwakali lwa ku muzumizya kuti afutule. Pepe, Pepe! “Leza wakaiyanda bunene nyika, wakaipa Mwanaakwe uzyedwe alike.” Johani 3:16. Leza ulatuyandisya, ikutali kaambo kabupati bwacipego, pele wakapa icipego nkaambo ulatuyanda. Klistu njenzila Leza njaakali kukonzya ikutondeezya iluyando lwakwe ilutamani kunyika eeyi iili mukati kacinyonyoono Leza muli Klistu wakatondeezya luyando lwakwe ku nyika yaka ziminide. “Leza wakali muli Klistu, kuswaanganya inyika alwakwe mwimi,” 2 Ba Kolinto 5:19. Leza wakapenga a Mwanaakwe. Mukucisa kwa mu Getesemani, alufu lwa aciingano, a moyo waluyando lupati wakaula muulo walufutuko lwesu. KLMNP 7.1\\nJesu wakati, “Nkaambo kaako Taata ulandiyanda, nkaambo ndapa buumi bwangu, kuti nkabujane alimwi.” Johani 10:17. Nkokuti, “Taata ulamuyanda bunene, alimwi ulandiyanda kapati nkaambo kakupa buumi bwangu kuti nywebo mu nununwe. Mukutola cilawo canu a kasimpe a kusungula buumi bwangu, akutola milimo yanu, azinyonyoono zyanu, ndayandika kuli Taata: nkaambo ka kulyaaba kwangu, Leza ula konzya ku lulama, pele mululamiki wayoyo ukondwa muli Jesu.” KLMNP 7.2\\nKunyina umbi alike Mwana a Leza ngu waakonzya kupa ku nununwa Kwesu; alike wakali munsi lya Usyi nguwaali kukonzya kumutondeezya. Alike ooyo wakazyi bupati abulamfu bwa luyando lwa Leza nguwakali kukonzya kututondeezya.... Kunyina cimbi ciinda muyasilo mupati wakacita Klistu, kufutula muntu usweekede cakali kunga cila tondeezya luyando lwa Usyi kumuntu. KLMNP 7.3\\n“Leza mbwaakaiyanda nyika, wakaipa mwanaakwe uzyedwe alike.” Tanaa kamupeda ku pona a kati ka bantu kulike pe, pele a ku bweza zinyonyoono zyabo, akutola muyasilo wabo. Leza wakamupa kumukowa wakaziminide. Klistu wakalitondeezya mukukomana kwa bantu amukuyanda kwabo. Walo, wakali a Leza wakali swaanganya abana ba bantu a ntambo iitanunsuki. Jesu “tausi kubayita kuti mbanyina”Ba- Hebrayo 2:11. Ngo muyasilo wesu, Mwiiminini wesu, Mukwesu, ulijisi ciimo cesu kumpela a cuuno ca Usyi, kwiinda mu myaka itamani anguwe a mukowa ngwa kanununa, Mwanaa muntu. Koonse kwakacita kuti muntu afutulwe kuzwa mucilijazyo ca cinyonyoono amukuyaansi kwacibi, kuti atondeezye luyando lwa Leza, a kupa kukomana kwa bululami. KLMNP 7.4\\nMuulo wakalumbulwa wa kunununwa kwesu, muyasilo mupati wa Taata wesu uli kujulu. a kupa Mwanaakwe a kaambo kesu, kuleelede kuti kutupe muzeezo usumpukide wa kuyeeya mbotunga tulaba kwiindila muli Klistu. Mbuli mupositoli Johani mbwa kalanga bulamfu, a bupati, a luyando lwa Usyi ku mukowa ufwa uusweekede, wakalizwide lukondo a lulemeko; wakabula mulaka ngwaakali kunga ulaamba bupati a lweengelelo lwa luyando oolu ndwaakapa kunyika kuti ilange. “Kolanga nduyando lulibuti Taata ndwaapa kuli ndiswe, kuti twiitwe kuti mbana ba Leza. 1 Johani 3:1. Eeci ciletela kuhiba muulo mupati wamuntu! Ikwiindila mu cinyonyoono ibana ba bantu cakaba cisobanyo mu maanza aa saatani. Ikwiindila mu lushomo amu cipego ca muyasilo wa kulyaaba icalufu kwa Klistu. ibana ba Adamu inga baba bana ba Leza Ikwiindila mukupona mu buntu a kubweza ciimo ca muntu, Klistu utondeezya ikulemeka a kusumpula bantu. Bantu babishi balabikwa a ciimo icakuti. ikwiindila mu kuswaangana akujatana a Klistu, beelela mukasimpe kwiitwa izyina lyakuti “mbana ba Leza.” KLMNP 8.1\\nLuyando luli boobo kunyina ceelana andulo. Bana ba Mwami wa mujulu! Cisyomyo cibotu. Makani a kuyeesya kapati. Luyando lwa Leza lutamani ku nyika yatakali kumuyanda! Muzeezo uujisi nguzu zipati ku muya, a kuleta muzeezo wa muntu kuuwanga muluyando lwa Leza. Ikwiindila mukubala akuyandisisisya ikuhiba ciimo cisetekene ca Buleza mumu muni wa ciciingano, eeci cipa ikuti tubone luse a lweengelelo, a lulekelelo luvwelengene a nguzu a kululama, alimwi akwiinda muzitondeezyo zinji zya luyando lupati lutakonzyi kweelanisigwa acintu cili coonse luyando lutamani, a luse lwiinda mukaintu ndwapa ku mwanaakwe. KLMNP 8.2","num_words":1534,"character_repetition_ratio":0.043,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Syoma Jehova Leza Chiindi Nukataazikene | Ngaziyakulinda Yakwiiya\\n‘Ndiliwuside kapati mumoyo.’—1 SAM. 1:15.\\n1. Nkamboonzi nitweelede kwiiswiilila nchenjezyo yaJesu?\\nMUBUPOLOFITA mbwaakaamba buli atala amazuba aakumamanino Jesu wakati: ‘Amulilingule nobeni kutegwa myoyo yanu itabi niilemenwa akaambo . . . kakulibilika azintu zyamubuumi.’ (Lk. 21:34) Nkamboonzi nitweelede kwiiswiilila nchenjezyo eeyi? Nkaambo tuswaana mapenzi akukataazikana kukozyenie ankubaswaana bamwi.\\n2. Ngaali mapenzi aakataazya bakwesu abachizi ngibalikuswaana?\\n2 Chimwi chiindi tulakonzya kuswaana mapenzi miingi aapa kuti tukataazikane aachiindi chimwi. Atulange-lange zikozyano zitobela. Umwi Kamboni uutegwa John, * uuchiswa bulwazi bupa kuti muntu amane manguzu, wakakataazikana loko chiindi mukayintu wakwe ngubakakwetene kwaminyaka iili 19 naakamuchija. Mpawo bana bakwe basimbi babili bakaleka kukomba Jehova. Bob amukayintu wakwe Linda bakaswaana mapenzi aasiyene ayaaya. Boonse bakamaninwa mulimu alubo teebakachili kukonzya pe kujana mali yakubbadalila ng’anda njibakali kukkala. Kuyungizya waawo, Linda wakazoochiswa bulwazi bwamoyo abumwi bwakali kupa kuti mubili wakwe utalwani malwazi.\\n3. Majwi aali muli Bafilipi 4:6, 7 atubuzyaanzi atala aJehova?\\n3 Tulakonzya kuba aachoonzyo chakuti Mulengi wesu alubo Ndeende wesu siluyando Jehova ulakubona mbutulimvwa chiindi nitukataazikene mumizeezo. Alubo ulayanda kutugwasya nituli mumapenzi. (Bala Bafilipi 4:6, 7.) MuJwi lyaLeza, muli zikozyano zyiingi zitondeezya mbubakalisimya bakombi bakwe mubuyumu-yumu mbubakaswaana. Alubo litondeezya Jehova mbaakabagwasya muzyiimo eezyo ziyumu. Atulange-lange zimwi zikozyano.\\nELIYA “WAKALI MUNTU IWAKALI KULIMVWA MBUBONYA MBOTULIMVWA ASWEBO”\\n4. Mbuyumu-yumuunzi Eliya mbwaakaswaana alubo wakalimvwa biyeni atala aJehova?\\n4 Eliya wakabelekela Jehova muchiindi chakali chiyumu alubo wakaswaana mapenzi mapati. Mwaami Ahabbu umwi wabaami bamuIsrayeli bakatali kusyomeka, wakakwata Jezebbeli mukayintu wakali kuchita zintu zibi alubo wakali kukomba Bbaala. Kabali babili, bakasumpula bukombi bwaBbaala muIsrayeli akujaya bapolofita baJehova biingi. Pesi Eliya wakachija. Alubo wakafutuka kunzala mpati akaambo kakusyoma Jehova. (1 Bam. 17:2-4, 14-16) Kuyungizya waawo, Eliya wakasyoma Jehova chiindi naakali kukazigwa aabapolofita bakali kukomba Bbaala. Wakasungwaazya maIsrayeli kuti bakombe Jehova. (1 Bam. 18:21-24, 36-38) Eliya wakalibonena Jehova mbaakamukwabilila akumugwasya muchiindi eecho chiyumu.\\nJehova wakatuma mungelo kuti akagwasye Eliya kuti asime lubo (Langa fuka 5-6) *\\n5-6. Kweendelana amajwi aali muli 1 Bami 19:1-4 Eliya wakalimvwa biyeni alubo Jehova wakatondeezya biyeni kuti wakali kumuyanda?\\n5 Bala 1 Bami 19:1-4. Eliya wakayoowa, chiindi Jezebbeli Mukayintu waMwaami naakali kuyanda kumujaya. Nkinkaako, wakachijila kuBbeerishebba. Wakakataazikana zyakuti “wakalomba kuti afwe.” Nkamboonzi naakalimvwa oobo? Eliya wakali muntu uuli aachibi alubo “wakali muntu iwakali kulimvwa mbubonya mbotulimvwa aswebo.” (Jak. 5:17) Amwi kukataazikana akukatala zyakapa kuti amane manguzu. Amwi Eliya wakali kuyeeya kuti kubeleka changuzu nkwaakachita mukusumpula bukombi bwakasimpe kwakali kwabuyo, taakwe muntu wakachincha pe muIsrayeli akuti nguwe luzutu wakachili kubelekela Jehova. (1 Bam. 18:3, 4, 13; 19:10, 14) Tulakonzya kugamba kuti mupolofita ooyu uusyomeka wakalimvwa munzila iili boobu. Pesi Jehova wakamvwisisisya mbaakali kulimvwa Eliya.\\n6 Jehova taakamukalalila pe Eliya naakatondeezya mbaakali kulimvwa. Pesi wakamugwasya kuti asime lubo. (1 Bam. 19:5-7) Mukuya kwachiindi, Jehova wakagwasya Eliya kuti achinche mizeezo yakwe kwiinda mukumutondeezya manguzu aakwe aagambya. Alubo Jehova wakamubuzya kuti kwakachili bamwi bantu bali 7 000 muIsrayeli bakatalinakomba Bbaala. (1 Bam. 19:11-18) Jehova wakabelesya zikozyano eezi kuti atondeezye Eliya kuti wakali kumuyanda.\\nJEHOVA UYOOTUGWASYA BIYENI?\\n7. Nkuukuli kuumbulizigwa nkutujana kunzila Jehova njaakamugwasyaayo Eliya?\\n7 Ulikuswaana buyumu-yumu bupa kuti ukataazikane na? Kulawumbulizya kuziba kuti Jehova wakali kumvwisisisya mbaakali kulimvwa Eliya! Kupa kuti tube aachoonzyo chakuti andiswe ulakumvwisisisya kukataazikana kwesu. Ulizizi zintu nzitutakonzyi kuchita alubo ulizizi nzituyeeya ambutulimvwa. (Int. 103:14; 139:3, 4) Kusyoma Jehova mbuuli Eliya, kuyootugwasya kulwana mapenzi aapa kuti tukataazikane.—Int. 55:22.\\n8. Jehova ukugwasya kuti biyeni ulwane aakukataazikana kwako?\\n8 Kukataazikana kulakonzya kupa kuti uyeeye kuti chiimo chako tachizoochinchi pe. Kuti waba muchiimo chili boobo, utalubi kuti Jehova ulakugwasya kulwana kukataazikana kwako. Ulakugwasya biyeni? Ukukumbila kuti umubuzye zikukataazya, mpawo ulakusandula. (Int. 5:3; 1 Pet. 5:7) Nkinkaako, komba kuli Jehova kumubuzya zilikukukataazya. Nisimpe kuti takoowambuula anduwe mbuuli mbaakachita kuli Eliya pesi ulabelesya Jwi lyakwe Bbayibbele ambunga yakwe. Makani ngubala muBbayibbele alakonzya kukuumbulizya akukupa bulangilizi. Alubo bakombinyokwe balakonzya kukusungwaazya.—Rom. 15:4; Heb. 10:24, 25.\\n9. Kujana mweenzinyokwe ngusyoma wakugwasya biyeni?\\n9 Jehova wakabuzya Eliya kuti ape Elisha mulimu ngwaakali kuchita. Kwiinda mukuchita oobo, Eliya wakaba aamweenzinyina wakali kukonzya kumugwasya naakakataazikene. Munzila iikozyenie, andiswe tulakonzya kuzunda buyumu-yumu butukataazya kuti twabuzya mweenzuma ngutusyoma. (2 Bam. 2:2; Tus. 17:17) Kuti kutakwe muntu ngukonzya kubuzya zintu zikukataazya, komba kuli Jehova kuti akugwasye kujana muKristu uusimide mubukombi uutakugwasye kulwana buyumu-yumu.\\n10. Zyakachitika kuli Eliya zitugwasya biyeni kuti tube abulangilizi alubo chisyomezyo chili muli Isaya 40:28, 29 chitugwasya biyeni?\\n10 Jehova wakagwasya Eliya kuti azunde kukataazikana nkwaakali aako akuti azumanane kumubelekela chakusyomeka kwaminyaka myiingi. Zyakachitika kuli Eliya zipa kuti tube abulangilizi. Tulakonzya kuba muzyiimo zipa kuti tukataazikane mumubili amumizeezo. Kuti twasyoma Jehova, uyootupa manguzu ngituyanda kuti tuzumanane kumukomba.—Bala Isaya 40:28, 29.\\nHANA, DAVIDA “A-ASAFU” BAKALI KUSYOMA JEHOVA\\n11-13. Nkuukuli kukataazikana nkubakaswaana bakombi baLeza batatu bachiindi?\\n11 Kuli bamwi bantu baambidwe muBbayibbele bakali kukataazikana. Muchikozyano, Hana wakalisimya nkaambo taakalikwe bana alubo mukwatwanyina wakali kumwaambila majwi aamuchisa. (1 Sam. 1:2, 6) Kukataazikana nkwaakali aako Hana kwakali kuchisa zyakuti wakali kulila akukachilwa kulya.—1 Sam. 1:7, 10.\\n12 Zimwi ziindi Mwaami Davida wakali kukataazikana. Yeeya atala abuyumu-yumu mbwaakaswaana. Wakali kulipa mulandu akaambo kakubisya nkwaakachita. (Int. 40:12) Mwanaakwe Abbisalomu ngwaakali kuyandisya wakamupapila mpawo wakazoofwa. (2 Sam. 15:13, 14; 18:33) Alubo umwi mweenzinyina waDavida ngwaakali kuyandisya, wakamupapila. (2 Sam. 16:23–17:2; Int. 55:12-14) Nyimbo zyiingi, Davida nzyaakalemba, zitondeezya mbaakali kulimvwa naakakataazikane alusyomo lusimide ndwaakalaalo muli Jehova.—Int. 38:5-10; 94:17-19.\\nNiinzi chakagwasya sintembawuzyo kuti akombe Jehova kabotelwa lubo? (Langa fuka 13-15) *\\n13 Mukuya kwachiindi, umwi sintembawuzyo wakatalika kulombozya buumi bwabasizibi. Kulakonzeka kuti wakali waluzubo lwaAsafu muLevi alubo wakali kubeleka “mucikombelo ca Leza cipati.” Sintembawuzyo ooyu wakakataazikana mumoyo, zyakapa kuti atabotelwi akuti atakkutisikani. Alubo taakachili kukkutisikana pe azilongezyo nzyaakali kujana akaambo kakukomba Leza.—Int. 73:2-5, 7, 12-14, 16, 17, 21.\\n14-15. Twiiyaanzi kuzikozyano zitatu zili muBbayibbele zyabantu bakakumbila Jehova kuti abagwasye?\\n14 Bakombi baLeza batatu mbitwali kulanga-langa, bakali kusyoma Jehova kuti abagwasye. Bakamubuzya zyakali kubakataazya kwiinda mukukomba kazizwa aansi amoyo. Bakabuzya Jehova kabaangunukide zyoonse zyakali kupa kuti bakataazikane. Alubo teebakaleka pe kwiinka kubusena bwakukombela Jehova.—1 Sam. 1:9, 10; Int. 55:22; 73:17; 122:1.\\n15 Chaluzyalo, Jehova wakamusandula umwi awumwi. Hana wakaba aaluumuno lwamumizeezo. (1 Sam. 1:18) Davida wakalemba kuti: “Mapenzi aamululami manji, pele Jehova ulamuvwuna mulingawo oonse.” (Int. 34:19) Alubo sintembawuzyo wakalimvwa kuti Jehova ‘wakamujisi jaanza lyakwe lyachilisyo,’ kamuzulwida munzila yaluyando. Wakayimba kuti: “Pele mebo, cilandibotela kuswena kuli Leza. Ndasala Mwami Singuzuzyoonse Jehova kuba mayubilo aangu.” (Int. 73:23, 24, 28) Twiiyaanzi kuzikozyano eezi? Chimwi chiindi tulakonzya kuswaana mapenzi miingi aapa kuti tukataazikane. Pesi tulakonzya kuzunda kuti twayeeyesesya Jehova mbaakabagwasya bamwi, kumusyoma kwiinda mukukomba kuli nguwe akumuswiilila kwiinda mukuchita nzyatubuzya kuti tuchite.—Int. 143:1, 4-8.\\nSYOMA JEHOVA KUTI UZWIDILILE\\nKumasaangunino, muchizi wakali kulyaanzaania pesi zintu zyakazoochincha naakayanduula nzila zyakugwasya bamwi (Langa fuka 16-17)\\n16-17. (a) Nkamboonzi nituteelede kulyaanzaania aJehova abakombima? (b) Niinzi chikonzya kutugwasya kuti tusime lubo?\\n16 Zikozyano eezi zitatu zituyiisya chimwi chiiyo chiyandikana chakuti, tatweelede kulyaanzaania aJehova abakombi bakwe. (Tus. 18:1) Nancy, wakakataazikane chiindi mulumaakwe naakamuchija wakati: “Kwamazuba miingi, teendakali kayanda pe kubona muntu naakuti kwaambuula amuntu. Pesi chiindi nindakali kulyaanzaania abamwi mpawo mpundakali kukataazikana loko.” Zintu zyakachincha chiindi Nancy naakayanda kugwasya bamwi bakali kuswaana mapenzi. Wakati: “Ndakali kubaswiilila bamwi nibakali kundibuzya zibakataazya. Ndakabona kuti kugwasya bamwi kwakali kupa kuti nditayeeyesesyi atala amapenzi aangu.”\\n17 Tulakonzya kusima lubo kwiinda mukunjila miswaangano yambungano. Chiindi nituli kumiswaangano, tupa Jehova mweenya wakuti ‘atugwasye akutuumbulizya.’ (Int. 86:17) Nituli nkuko, ulatusimya kabelesya muuya wakwe uusalala, Jwi lyakwe abakombima. Miswaangano itupa mweenya ‘wakusimisyania kuli umwi awumwi.’ (Rom. 1:11, 12) Muchizi uutegwa Sophia wakati: “Jehova abazyalwama bandigwasya kuti ndilisimye. Chimwi chintu chindigwasya loko, miswaangano yesu. Ndakabona kuti kubeleka changuzu mumulimu wakukambawuka amumbungano kundigwasya kuti ndikonzye kuzunda kukataazikana kwangu.”\\n18. Jehova utupaanzi chiindi nitukataazikene?\\n18 Chiindi nitukataazikene, tutalubi kuti Jehova utusyomezya kuti uzookumaninsya kukataazikana kukabe kutamani muchiindi chili kunembo akuti lino utupa malayilile aapa kuti tulwane kukataazikana. Utupa ‘kukanza amanguzu’ kuchitila kuti tuzunde kukataazikana akutaba abulangilizi.—Flp. 2:13.\\n19. Lugwalo lwaBaroma 8:37-39 lutusyomezyaanzi?\\n19 Bala Baroma 8:37-39. Mwaapostolo Pawulu wakatubuzya kuti taakwe chintu chikonzya kutwaanzaania kuluyando lwaLeza. Kujana twabagwasya biyeni bakombima balikweezya kuzunda kukataazikana? Chiiyo chitobela chiyootugwasya kubona mbutukonzya kutobelezya chikozyano chaJehova kwiinda mukubeetelela akubagwasya bakombima chiindi nibakataazikene.\\nTwiiyaanzi kunzila Jehova njaakamugwasyaayo Eliya kuti azunde kukataazikana nkwaakali aako?\\nZikozyano zitatu zili muBbayibbele zitugwasya biyeni kuti tuzunde kukataazikana?\\nNziizili zintu nzitweelede kuchita kuti tuzunde kukataazikana?\\nLWIIMBO 44 Mupailo Wamuntu Uupengede\\n^ par 5 Kukataazikana kwachiindi chilamfu kulakonzya kutweetela mapenzi mumubili amumizeezo. Kujana Jehova watugwasya biyeni? Tulalanga-langa Jehova mbaakagwasya Eliya naakakataazikene. Alubo zimwi zikozyano zili muBbayibbele zilatugwasya kubona nzitweelede kuchita kuti Jehova atugwasye nitukataazikene.\\n^ par 2 Mazina ngitwabelesya muchiiyo eechi akachinchwa.\\n^ par 53 BUPANDULUZI BWAZIFANIKISYO: Mungelo waJehova ulikubusya Eliya akumupa chinkwa amaanzi.\\n^ par 55 BUPANDULUZI BWAZIFANIKISYO: Sintembawuzyo uuyeeyelwa kuti wakali waluzubo lwaAsafu ulikulemba nyimbo akwiimba kali aabaLevinyina.","num_words":1257,"character_repetition_ratio":0.06,"word_repetition_ratio":0.0,"special_characters_ratio":0.186,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ngazi Yamulindizi | No. 4 2017\\nAMUBALE MU Acholi Afrikaans Albanian Amharic Arabic Armenian Aukan Aymara Azerbaijani Azerbaijani (Cyrillic) Baoule Bashkir Batak (Karo) Batak (Toba) Biak Bicol Bislama Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chokwe Chol Chuvash Cibemba Cinyanja Croatian Czech Dangme Danish Digor Drehu Dutch Efik English Estonian Ewe Fijian Finnish Fon French Ga Garifuna Georgian German Greek Greenlandic Guarani Gujarati Gun Haitian Creole Hausa Hebrew Hiligaynon Hindi Hiri Motu Hmong (White) Hungarian Iban Ibanag Icelandic Igbo Iloko Indonesian Isoko Italian Japanese Javanese Kabiye Kannada Karen (S'gaw) Kazakh Kikamba Kikaonde Kikongo Kikuyu Kiluba Kimbundu Kinyarwanda Kirghiz Kiribati Kirundi Kisonge Kongo Korean Kurdish Kurmanji (Caucasus) Kurdish Kurmanji (Cyrillic) Kwangali Kwanyama Lhukonzo Lingala Lithuanian Lomwe Luganda Lunda Luo Luvale Macedonian Macua Malagasy Malay Malayalam Maltese Mam Mambwe-Lungu Mapudungun Marathi Mauritian Creole Maya Mazatec (Huautla) Mbunda Mongolian Moore Nahuatl (Guerrero) Nahuatl (Huasteca) Nahuatl (Northern Puebla) Navajo Ndebele Ndebele (Zimbabwe) Ndonga Nepali Ngangela Nias Niuean Norwegian Nyaneka Nzema Oromo Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Imbabura) Rarotongan Romanian Runyankore Russian Rutoro Samoan Sango Saramaccan Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Slovak Slovenian Solomon Islands Pidgin Spanish Sranantongo Swahili Swahili (Congo) Swati Swedish Tagalog Tahitian Tamil Telugu Tetun Dili Thai Tigrinya Tiv Tojolabal Tok Pisin Tshiluba Tshwa Tsonga Turkish Twi Tzeltal Tzotzil Ukrainian Umbundu Urhobo Uruund Venda Wallisian Waray-Waray Wayuunaiki Wolaita Xhosa Yoruba Zande Zulu\\nKu Praslin, Seychelles, kwalo mupati wabasikalumamba Gordon nkwaakajana muunda ngwaakaamba kuti muunda wa Edeni mu 1881\\nParadaiso! Mutubbuku tubotu itwabasilweendo tukulwaizya kuunka kubusena bumwi buli kulamfwu ibwaambwa kuti “paradaiso” kutegwa tukalyookezye alimwi akuluba mapenzi eesu oonse. Pele mbuli mbotuzyi toonse, inga twapiluka kuŋanda tulaajana alimwi mapenzi mbubwenya mbuli mbotwakaasiide.\\nNokuba boobo, makani aajatikizya paradaiso alakwelelezya kapati. Eeci citupa kulibuzya kuti: ‘Sena “paradaiso” ncintu cibotu cakuyeeyela buyo? Ikuti kacili boobo, nkaambo nzi cilakwelelezya? Alimwi sena inga caakucitika ncobeni?’\\nKwamyaanda yamyaka minji, bantu bali kukwelelezyegwa amuzeezo uujatikizya paradaiso. Kubantu banji, luyandisisyo lwakatalika kwiinda mukumvwa “muunda wa Edeni” uuli kujwe iwaambidwe mu Bbaibbele. Ino ncinzi cakapa kuti muunda ooyu kaukwelelezya kapati? Cibalo citwaambila kuti: “Jehova Leza wakameneka zisamu zyamisyobo-misyobo anyika izyakali kukkomanisya kulanga alimwi izyakali zibotu kulya.” Muunda ooyu wakali kukkomanisya alimwi bwakali busena bubotu. Cikondelezya kapati ncakuti, kwakali “acisamu cabuumi akati kamuunda.”—Matalikilo 2:8, 9.\\nKuyungizya waawo, cibalo ca Matalikilo cilaamba milonga yone iyakali kukunka maanzi kuzwa mumuunda ooyu. Milonga yobilo akati kamilonga eeyo ilizyibidwe asunu—Tigrisi (naa, Hidekeli) alimwi a Firate. (Matalikilo 2:10-14; bupanduluzi buyungizyidwe) Milonga eeyi yobilo ilakunka maanzi kuya kunkomwe ya Persia kwiinda mu Iraq, kaindi ibusena bwakali cibeela ca Persia yansiku.\\nTacigambyi kuti paradaiso yaanyika iliswaangene kapati azilengwa zyabana Persia. Kkaapeti yabana Persia yamumwaanda wamyaka wa 16, ku Philadelphia Museum of Art, mu Pennsylvania, U.S.A., itondezya muunda uuyakilidwe uujisi masamu alimwi amaluba-luba aasumidwe alinjiyo. Bbala lyaci Persian ilyaamba “muunda uuyakilidwe” alimwi lyaamba “paradaiso,” alimwi zintu izili akkaapeti zitondezya bupanduluzi bwamu Bbaibbele bwakubota kwamuunda wa Edeni.\\nAlimwi buya makani aajatikizya paradaiso alabandikwa-bandikwa mumyaambo minji alimwi amuzisi zinji. Ciindi mukwasyi wabantu nowakamwaika mumasena aaindene-indene munyika, bakaunka kabaazyi makani aabwini mboyakabede paradaiso alo mukuya kwaciindi aakanyonganizyigwa anzyobakatalika kusyoma bantu alimwi atwaano. Naaba mazuba aano, bantu balasolekesya kupandulula masena mabotu kapati mbuli paradaiso.\\nBasikuvwuntauzya masena bakaamba kuti bakaazyiba mpoyakabede paradaiso yakasweeka. Mucikozyanyo, Charles Gordon, mupati wabasikalumamba waku Britain, ciindi naakaswaya nsumbu ya Seychelles mu 1881, wakakkomana kapati kubona bubotu bwa Vallée de Mai—lino butegwa World Heritage site—bwalo mbwaakaamba kuti muunda wa Edeni. Mu 1492, sikuvwuntauzya masena waku Italy wazina lya Christopher Columbus, wakali kuyeeya kuti wakali afwaafwi kujana busena aakali muunda wa Edeni ciindi naakasika ansumbu iitegwa Hispaniola, lino iitwa kuti Dominican Republic a Haiti.\\nBbuku lyamazuba aano ilyaamba makani aakaindi litegwa Mapping Paradise, lilijisi twaambo twaamba zyamamaapu aakaindi aainda ku 190, manji aatondezya Adamu a Eva kabali mu Edeni. Akati kamamaapu aaya, kuli maapu yamumwaanda wamyaka wa 13 yamalembe a Beatus of Liébana. Mpoili atala kuli kabeela kasyoonto kajisi paradaiso akati. Kumane kuli milonga yone iikunka maanzi iilembedwe kuti “Tigrisi,” “Firate,” “Indus,” alimwi a “Jordano,” umwi aumwi uli kukkona lyakabeela aako, alimwi kulangilwa kuti eeci ciiminina kumwaika kwa Bunakristo kumakkona one aanyika. Zintu zili boobu zitondezya kuti nokuba kuti busena aakali Paradaiso yakusaanguna tiibwakazyibidwe, pele tacidoonekwi kuti makani aajatikizya njiyo acikwelelezya kapati mbubwenya mbuli kaindi.\\nJohn Milton, sikweema waku England iwakazyalwa myaka iinda ku 400 yainda, ulizyibidwe akaambo kabbuku lyakwe lyakweema litegwa Paradise Lost, lyalo iliyeeme acibalo cabbuku lya Matalikilo icaamba cibi ca Adamu alimwi akutandwa mumuunda wa Edeni. Mulindilyo wakaamba cisyomezyo cakuti bantu bayoopona alimwi buumi butamani anyika, akwaamba kuti: “Aciindi eeco nyika iyooba paradaiso.” Kumane Milton wakalemba bbuku limbi ilyakali kwaamba makani ngaonya lyakuti Paradise Regained.\\nKULEKA KUBIKKILA MAANO KUCINTU CEELEDE\\nCilisalede kuti makani aamba zyaparadaiso yaanyika iyakasweeka, makani ngobali kukkomanina kapati bantu kuzwa kaindi. Aboobo ino nkaambo nzi ncobataabikkili maano mazuba aano? Kweelana abbuku litegwa Mapping Paradise, kaambo nkakuti “basyaazibwene mumakani aabukombi . . . bacileka kubikkila maano acaali kujatikizya mpoyakabede paradaiso.”\\nBunji bwabantu baunka kuzikombelo bayiisyigwa kuti bayakuunka kujulu, kutali kupona muparadaiso yaanyika. Pele mulugwalo lwa Intembauzyo 37:29 Bbaibbele lyaamba kuti: “Balulami bayookona nyika, alimwi bayookkala alinjiyo lyoonse mane kukabe kutamani.” Mbwaanga mazuba aano nyika taili paradaiso, ino mbulangizi nzi mbotujisi bwakuti cisyomezyo eeci ciyoozuzikizyigwa? *\\nPARADAISO MUNYIKA IYOOCITIKA NCOBENI\\nJehova Leza, iwakapangide Paradaiso yakusaanguna, wasyomezya kwiipilusya paradaiso iyakasweeka. Munzila nzi? Amuyeeye kuti Jesu wakatuyiisya kuti katupaila kuti: “Abuboole Bwami bwako. Akucitwe kuyanda kwako ansi aano mbubonya mbuli kujulu.” (Matayo 6:10) Bwami oobu nimfwulumende yanyika yoonse yeendelezyegwa a Jesu Kristo yalo iyoonjila mubusena bwamfwulumende zyoonse zyabantu. (Daniele 2:44) Mubweendelezi bwa Bwami oobu, kuyanda kwa Leza kujatikizya paradaiso anyika ‘kuyoocitwa.’\\nKaindi, musinsimi Isaya wakasololelwa amuuya kupandulula bukkale mbobunoobede mu Paradaiso yakasyomezyegwa, mwalo mutanoolikwe mapenzi oonse aakatazya bantu mazuba aano. (Isaya 11:6-9; 35:5-7; 65:21-23) Tumukulwaizya kuti mujane maminiti masyoonto buyo akubala magwalo aaya mu Bbaibbele lyanu. Kucita boobu kulamugwasya kubona zintu Leza nzyabambilide bantu bamvwida. Bantu aabo bamvwida bayookkomana abuumi bwamu paradaiso alimwi akukkomaninwa a Leza, izintu eezyo Adamu nzyaakasweekelwa.—Ciyubunuzyo 21:3.\\nIno nkaambo nzi ncotukonzya kuba masimpe kuti bulangizi bwa Paradaiso anyika tacili cintu cakuyeeyela buyo pele ciyoocitika ncobeni? Nkaambo Bbaibbele litwaambila kuti: “Majulu nga Jehova, pele nyika wakaipa bana babantu.” Bulangizi bwa Paradaiso anyika mbulangizi “Leza uutakonzyi kubeja, mbwaakasyomezya kaindi.” (Intembauzyo 115:16; Tito 1:2) Eelo kaka tabuliboteli bulangizi mbolipa Bbaibbele—kupona mu Paradaiso kukabe kutamani!\\n^ munc. 15 Alimwi cilakkomanisya kubona kuti mu Koran, kapango 105 mucaandaano 21 ca sura, Al-Anbiya’ [Basinsimi], yaamba kuti: “Balulami akati kababelesi Bangu bayookona nyika.”\\nMAKANI AAYEEME AMUTWE UULI ACIVWUMBYO Sena Muntu Afwa Ulakonzya Kuzumanana Kupona Alimwi?\\nMAKANI AAYEEME AMUTWE UULI ACIVWUMBYO Ncolyaamba Bbaibbele Kujatikizya Buumi Alufwu\\nIkuti Muyandwa Wanu Waciswa Bulwazi Butasilikiki\\nElias Hutter Alimwi ama Bbaibbele Aakwe Aalibedelede aa Chihebrayo\\nCisyomezyo Cibotu Kapati Kuzwa Kukabala Kasyoonto ka Chihebrayo\\nNcinzi Bbaibbele Ncolyaamba?\\nNcinzi Cipa Kuti Bantu Kabafwa?\\nMabala Amusale naa muyanda kukkopa zyakamwaigwa izyakalekkoodwa NGAZI YAMULINDIZI No. 4 2017 | Ino Ncinzi Bbaibbele Ncolyaamba Kujatikizya Buumi Alufwu?\\nNo. 4 2017 | Ino Ncinzi Bbaibbele Ncolyaamba Kujatikizya Buumi Alufwu?\\nNGAZI YAMULINDIZI No. 4 2017 | Ino Ncinzi Bbaibbele Ncolyaamba Kujatikizya Buumi Alufwu?\\nCisyomezyo Canyika Yaparadaiso Cakacinca Buumi Bwangu!","num_words":1113,"character_repetition_ratio":0.045,"word_repetition_ratio":0.0,"special_characters_ratio":0.165,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"“Abuboole Bwami Bwako”​—Pele Lili? | Yakwiiya\\n“Abuboole Bwami Bwako”—Pele Lili?\\n“Mwaakubona zyintu zyoonse eezyi, amukazyibe kuti uli afwaafwi, uli amulyango.”—MT. 24:33.\\nIno zyintu izyalikucitika munyika kuzwa mu 1914 zyabuzuzikizya buti businsimi bwamu Bbaibbele?\\nIno bubi ibuyaabwiindila kubija munyika bupandulula nzi?\\nMbuti mbomulimvwa akaambo kakuti mamanino alaafwaafwi?\\n1, 2. (a) Ncinzi cikonzya kupa koofwaala munzila imbi? (b) Ncinzi ncotukonzya kuba masimpe kujatikizya Bwami bwa Leza?\\nAMBWENI mwakabona kale kuti kanji-kanji bantu ibakalibonena ameso cintu cimwi kacicitika balaindana mbobaibaluka zyintu zijatikizya cintu eeco. Mbubwenya buyo, muntu cilakonzya kumukatazya kwiibaluka zyintu zyoonse dokota nzyaakaamba naakamana kumupima. Ambweni muntu umwi inga waalilwa kujana makkii naa magilazi aakumeso nokuba kuti inga kaali afwaafwi anguwe. Bukkale oobu boonse inga kabujatikizya ipenzi basyaazibwene ndyobaamba kuti koofwaala—kwaalilwa kubona cintu cimwi, naa kuluba cintu cimwi, akaambo kakubikkila maano kucintu cimbi. Oobu mbobubeleka bongo bwesu.\\n2 Bantu banji mazuba aano mboofwu munzila imwi caboola kuzyintu zicitika munyika. Balakozya kuzumina kuti nyika yacinca kapati kuzwa mu 1914, nokuba boobo tabamvwisyi cini ncozyaamba zyintu eezyi. Mbotuli basikwiiya Bbaibbele, tulizyi kuti Bwami bwa Leza bwakaboola mu 1914 ciindi Jesu naakabikkwa kuba Mwami kujulu. Pele tulizyi kuti zinji zijatikizyidwe kubwiinguzi bwamupailo wakuti “Abuboole Bwami bwako. Akucitwe kuyanda kwako ansi aano mbubonya mbuli kujulu.” (Mt. 6:10) Cakutadooneka, eeci cilabikkilizya amamanino aabweende bwazyintu oobu bubyaabi. Lilikke caakucitika eeci nokuyakucitika kuyanda kwa Leza ano anyika mbubonya mbuli kujulu.\\n3. Ino mbubotu nzi mbotujisi akaambo kakwiiya Jwi lya Leza?\\n3 Akaambo kakuti lyoonse twiiya Jwi lya Leza, tulakonzya kubona kuti businsimi buli mukuzuzikizyigwa lino. Eelo kaka tuliindene abantu banji ibali munyika! Bantu banji bajisi bubi kucita zyintu zijatikizya buumi bwabo cakuti tababubikkili maano bumboni butondezya kuti Kristo ulalela kuzwa mu 1914 alimwi akuti lino-lino uyakuleta lubeta lwa Leza. Nokuba boobo, umwi aumwi weelede kulibuzya kuti: Sena ndicisyoma kuti mamanino aanyika eeyi alaafwaafwi kapati alimwi akuti zyintu zicitika munyika zilakasinizya kaambo aaka? Nokuba kuti mwakaba Kamboni caino-ino, ncinzi ncomubikkila maano kapati? Kufwumbwa mbotukonzya kwiingula, atwiinduluke twaambo totatwe tuyandika kapati itutondezya ncotukonzya kusinizya kuti Mwami wa Leza uunanikidwe uyakubweza ntaamu zimbi lino-lino kutegwa kuyanda kwa Leza kucitike cakumaninina anyika.\\n4, 5. (a) Ino Jesu walikucita nzi kutalikila mu 1914? (Amubone cifwanikiso icili kumatalikilo aacibalo.) (b) Ino basimbizi botatwe baiminina nzi? Ino businsimi oobu bwazuzikizyigwa buti?\\n4 Mu 1914, Jesu Kristo—iwaambidwe kuti utantide mbizi ituba wakaba Mwami kujulu. Aciindi nciconya eeco wakatalika kuyaabuzunda akuti amanizye kuzunda bweende bubyaabi bwa Saatani. (Amubale Ciyubunuzyo 6:1, 2.) Ibusinsimi bupanduludwe mubbuku lya Ciyubunuzyo caandaano 6 bwakapa bumboni bwakuti bwaakutalika kulela Bwami bwa Leza, kuyakuba zyintu ziyakunyongana munyika cakufwambaana—nkondo, nzala, malwazi, alimwi azyintu zimbi zileta lufwu. Zyintu eezyi zilitondezyedwe abasimbizi botatwe ibatobela Jesu Kristo munsi-munsi.—Ciy. 6:3-8.\\n5 Mbubwenya mbokwakaambilwa limwi, luumuno ‘lwakagwisyigwa anyika,’ nokuba kuti bantu bakali kusyomezya kuti zisi zyamunyika ziyakukamantana. Nkondo Yakusaanguna Yanyika Yoonse ilakonzya kubonwa kuti ngamatalikilo aankondo zipati kweelana ambozisinizya zyintu zyalikucitika munyika caino-ino. Alimwi nokuba kuti kuli kuyaambele kapati mumakani aamakwebo asayansi kuzwa mu 1914, nzala yazumanana kupenzya bantu. Kuyungizya waawo, taakwe muntu uukonzya kukazya kuti malwazi aamisyobo iindene-indene alimwi antenda zilicitikila zyazumanana kujaya mamiliyoni aabantu mwaka amwaka. Zyintu eezyi nzibi kapati, zilacitika kanji-kanji, alimwi zijaya bantu banji kwiinda mbocakabede kaindi. Sena mulizyi ncozyaamba zyintu eezyi?\\nAkaambo kabasimbizi, zyintu munyika zyazumanana kwiindila kubija (Amubone muncali 4 a 5)\\n6. Ino mbaani ibakamvwisya kuzuzikizyigwa kwabusinsimi bwamu Bbaibbele, alimwi ino eeci cakabakulwaizya kucita nzi?\\n6 Bantu banji bakanyonganizyigwa ciindi Nkondo Yakusaanguna Yanyika Yoonse noyakatalika alimwi abulwazi bwa Spanish influenza. Pele Banakristo bananike bakali kuulangila mwaka wa 1914 kuti wakali kuyooba ngamamanino aa “ciindi cibikkidwe cabamasi.” (Lk. 21:24) Tiibakalizyi cini cakali kuyakucitika. Nokuba boobo, bakalizyi kuti mumwaka wa 1914, cintu ciyandika kapati kujatikizya Bwami bwa Leza cakali kuyakucitika. Mbobakamvwisya kuzuzikizyigwa kwabusinsimi bwamu Bbaibbele, cabusicamba bakaambilizya kubantu kuti Bwami bwa Leza bwakalitalikide kulela. Kukambauka kwabo kujatikizya Bwami bwa Leza kwakapa kuti bapenzyegwe kapati. Kupenzyegwa kwabakambausi ba Bwami ooku akwalo kwakali kuzuzikizyigwa kwabusinsimi. Mumyaka yakatobela, basinkondo ba Bwami bakatalika kubelesya milawo, kubacisa, kubaanga, naa kubajaya kutegwa bakwesu baleke kukambauka.—Int. 94:20; Ciy. 12:15.\\n7. Nkaambo nzi bantu banji ncobatamvwisyi ncozyaamba zyintu zicitika munyika?\\n7 Nokuba kuti kuli bumboni bunji ibutondezya kuti Bwami bwa Leza bwakatalika kale kulela kujulu, nkaambo nzi bantu banji ncobatazumini ncobwaamba bumboni oobu? Nkaambo nzi ncobataboni kuti zyintu zicitika munyika zizuzikizya businsimi bwamu Bbaibbele mbubwenya mbobali kwaamba bantu ba Leza kwamyaka minji? Sena balacita oobo akaambo kakuti bantu banji babikkila buyo maano kuzyintu nzyobakonzya kubona ameso aabo? (2 Ko. 5:7) Sena kujata bubi nkobacita bantu muzyintu zijatikizya bantu kulaboofwaazya kuti bataboni nzyacita Leza? (Mt. 24:37-39) Sena bantu bamwi balanyonganizyigwa atwaambo twakubeja ituzwa kuli Saatani? (2 Ko. 4:4) Kuyandika kuba alusyomo alimwi akumvwisya zyintu zyakumuuya kutegwa bazibone zyintu zicitika kujulu. Eelo kaka tulikkomene kuti tulizizyi zyintu zicitika!\\nBUBI BUYAABWIINDILA KUBIJA\\n8-10. (a) Ino lugwalo lwa 2 Timoteyo 3:1-5 lwazuzikizigwa buti? (b) Nkaambo nzi ncotukonzya kwaamba kuti bubi buyaabwiindila kubija?\\n8 Kuli kaambo kabili ikatupa kuzyiba kuti lino-lino Bwami bwa Leza buyakutalika kweendelezya nyika: Bubi bwaindila kubija lino munyika kwiinda kaindi. Kwamyaka iitandila ku 100 lino, zitondezyo izyaambidwe mulugwalo lwa 2 Timoteyo 3:1-5 zyalibonya. Zyintu eezyi zyavwula kapati, alimwi zilacitika kanji-kanji. Sena tamuboni kuti abwalo businsimi oobu bwazumanana kuzuzikizyigwa? Atubandike zikozyanyo zimwi zisinizya makani aaya.—Amubale 2 Timoteyo 3:1, 13.\\n9 Amuyeeye buyo kwiindana kuliko akati kazyintu bantu nzyobakali kubona kuti zilatondwa mumyaka yamuma 1940 naa muma 1950 azyintu zicitika mazuba aano kumilimo, mumakani aakulikondelezya, muzisobano, alimwi amunsamino. Kulwana akutalilemeka zyaindila kapati alimwi zilalibonya koonse-koonse. Bantu balayanda kugambya bamwi kwiinda mukutondezya bukali, kutalilemeka, naa kutondezya lunya. Zyintu zyakweebelela acipekupeku izyakali kubonwa kuti zyakali kutondwa muma1950, mazuba aano bantu bazibona kuti zili buyo kabotu kuzyeebelela mbuli mukwasyi. Bantu banji balizyi kuti nzyobaamba akucita bantu boonana abantu mbobakozyenye zizo balazibikkila maano kapati caboola kumakani aakulikondelezya alimwi amunsamino. Eelo kaka tulalumba kapati nkaambo tulizyi mbwazibona zyintu Leza mumakani aaya!—Amubale Juda 14, 15.\\n10 Ambweni Munakristo ulakonzya kuyeeya makani bantu kaindi ngobakali kubona kuti atondezya muuya wabuzangi kubakubusi mumyaka yamuma 1950 kwiindana azyintu zicitika mazuba aano. Kaindi bazyali bakali kunga balalibilika—kabajisi twaambo tulimvwisya—kujatikizya bana babo kuti naa bakali kufweba tombwe, kunywa bukoko, naa kuzyana kuletela mizeezo mibyaabi. Mazuba aano, bantu bazyibila kumvwa makani aajatikizya zyintu zitondwa: Sicikolo uujisi myaka yakuzyalwa iili 15 wakalizya ntobolo akujaya basicikolonyina bobilo mpoonya ibali 13 bakalicisa. Bakubusi ibakakoledwe bakajaya mwana musimbi calunya iwakajisi myaka yakuzyalwa iili 9 akuuma bausyi alimwi amweeninyina. Mucisi cimwi caku Asia, bakubusi baambwa kuti mbibakali kucita milandu minji mumyaka iili kkumi yainda. Taakwe muntu uukonzya kukaka kuti zyintu zyaindila kubija.\\n11. Nkaambo nzi bantu banji ncobataboni kuti zyintu ziyaabwiindila kubija?\\n11 Mwaapostolo Petro wakaamba kuti: “Kumazuba aamamanino kuyooboola basikasampusampu akusampaula kwabo, ibayootobela zisusi zyabo beni kabaamba kuti: ‘Ino nkuli ikubako kwakwe ooko kwakasyomezyegwa? Kayi, kuzwa buzuba bamatata nobakoona mulufwu, izyintu zyoonse zilazumanana mbubonya mbozyakabede kuzwa kumatalikilo aazilenge.’” (2 Pe. 3:3, 4) Ncinzi cikonzya kupa kuti bantu bamwi kabaamba munzila eeyi? Kulibonya kuti ciindi bukkale bumwi nobwazyibilwa, bantu inga tabacibubikkili maano. Tacigambyi kapati ciindi bantu nobaleka kulilemeka asyoonto-syoonto, pele cilagambya ciindi mweenzinyoko cakutayeeyela nacinca mbwalilemeka muciindi buyo cisyoonto. Nokuba boobo, kunyongana asyoonto-syoonto ooku mumakani aakulilemeka kulayoosya kapati.\\n12, 13. (a) Nkaambo nzi ncotuteelede kutyompwa akaambo kazyintu zicitika munyika? (b) Ino nkuzyiba nzi ikuyakutugwasya kuliyumya ‘muziindi zikatazya ncobeni’?\\n12 Mwaapostolo Paulo wakatucenjezya kuti “kumazuba aamamanino,” bukkale bwakali ‘kuyookatazya ncobeni.’ (2 Ti. 3:1) Pele bukkale nobukatazya buti bulakonzya kumana aboobo tatweelede kukayumbila aambali kaambo aaka. Kwiinda mukugwasyigwa a Jehova, muuya wakwe alimwi ambungano ya Bunakristo, tulakonzya kuzwidilila kulwana kufwumbwa kutyompwa naa zyintu ziyoosya zikonzya kuboola. Tulakonzya kuzumanana kusyomeka. Bbaibbele lyaamba kuti: “Nguzu zigambya iziinda zyabantu nzyotujisi” nzizya Leza ikutali zyesu tobeni pe.—2 Ko. 4:7-10.\\n13 Cilakkomanisya kubona kuti Paulo wakatalika kwaamba zyabusinsimi ibujatikizya mazuba aamamanino amajwi aakuti “kozyiba kuti.” Majwi aaya atondezya kuti icitobela cilacitika ncobeni. Tacidoonekwi kuti bantu babyaabi balazumanana kubija akubijila limwi kusikila Jehova akabweze ntaamu kumanizya bubi. Basikwiiya zyakaindi bakaamba kuti ciindi zyeelelo zyacibi acibotu nozitatobelwi cisi coonse cilanyongana. Nokuba boobo, kuzwa kaindi, kunyina zyeelelo zyakulilemeka munyika yoonse nozyakanyongene boobu mbuli mbozibede mazuba aano. Bantu banji tabakonzyi kuzibikkila maano ncozyaamba zyintu zicitika, pele zyintu eezyi zilibedelede izyali kucitika kuzwa mu 1914 zyeelede kututondezya kuti tweelede kusyoma kuti Bwami bwa Leza lino-lino buyakugwisya bubi boonse.\\nIZYALANI EELI TALIKOOYOOMANA\\n14-16. Nkaambo nzi katatu ikatupa kusyoma kuti Bwami bwa Leza ‘bulaboola’ ino-ino?\\n14 Kuli kaambo akamwi katatu ikatupa kuba alusyomo. Zyintu izyali kucitika akati kabantu ba Leza zitondezya kuti mamanino alaafwaafwi ncobeni. Mucikozyanyo, Bwami bwa Leza kabutanatalika kulela kujulu, kabunga kabananike basyomeka bakali kubelekela Leza. Ciindi zyintu zimwi nzyobakali kulangila mu 1914 nozyatakacitika, ino bakacita buti? Bunji bwabo bakasyomeka ciindi nobakali kusunkwa akupenzyegwa alimwi bakazumanana kubelekela Jehova. Mukuya kwamyaka, bunji bwabananike aabo naa boonse bakamanizya mulimo wabo waanyika cakusyomeka.\\n15 Mubusinsimi bwakwe ibujatikizya mamanino aabweende oobu bwazyintu, Jesu wakaamba kuti: “Izyalani eeli talikooyoomana kusikila zyintu zyoonse eezyi zikacitike.” (Amubale Matayo 24:33-35.) Tulizyi kuti ciindi naakaamba kuti “izyalani eeli,” Jesu wakali kwaamba tubunga tobilo twa Banakristo bananike. Bananike ibali mukabunga kakusaanguna bakaliko mu 1914, alimwi bakabona zitondezyo zyakubako kwa Kristo mumwaka uulya. Aabo ibakali mukabunga aaka tiibakali buyo kupona mu 1914, pele alimwi bakali bana ba Leza ibakananikwa amuuya mumwaka uulya naa kautanasika.—Lom. 8:14-17.\\n16 Kabunga kabili ikabikkilizyidwe muzyalani eeli mbananike ibakapona ciindi bananike ibakali mukabunga kakusaanguna nobakacili kupona. Tiibakali kupona buyo ciindi nobakali kupona aabo ibakali mukabunga kakusaanguna, pele balo bakananikwa amuuya uusalala ciindi aabo ibakali mukabunga kakusaanguna nobakacili anyika. Aboobo, tabali bananike boonse mazuba aano ibabikkilizyidwe mu “izyalani eeli” ndyaakaamba Jesu. Mazuba aano, aabo ibali mukabunga kabili bacembaala. Nokuba boobo, majwi aa Jesu aali mulugwalo lwa Matayo 24:34 atupa kusyoma kuti bamwi ibabalilwa ‘muzyalani eeli tabakooyoomana’ kabatanabona matalikilo aamapenzi mapati. Eeci citupa kusyoma kuti kuceede ciindi cisyoonto kuti Mwami wa Bwami bwa Leza abweze ntaamu yakunyonyoona basizibi akuleta nyika mpya iiluleme.—2 Pe. 3:13.\\nINO-INO KRISTO UYAKUMANIZYA KUZUNDA\\n17. Ino bumboni botatwe mbotwalanga-langa butugwasya kuzyiba nzi?\\n17 Ncinzi ncotukonzya kwaamba kujatikizya bumboni botatwe mbotwalanga-langa? Jesu wakacenjezya kuti tatukazyibi—alimwi tatuzyi buzuba bwini naa woola. (Mt. 24:36; 25:13) Pele tulakonzya kucizyiba alimwi tulicizyi “ciindi,” kweelana ambwaakaamba Paulo. (Amubale Baloma 13:11.) Lino tupona muciindi eeci, mazuba aamamanino. Kuti twabikkila maano kubusinsimi bwamu Bbaibbele alimwi akuzyintu Leza a Jesu Kristo nzyobacita, tatukonzyi kwaalilwa kubona bumboni bulimvwisya bwakuti tupona mumazuba eeni aamamanino aabweende bwazyintu oobu.\\n18. Ncinzi ncobalindila aabo ibakaka kuzumina Bwami bwa Leza?\\n18 Bantu aabo ibakaka kuzumina nguzu zigambya izyakapegwa kuli Jesu Kristo, Simbizi uutantide aambizi iituba uuyaabuzunda, ino-ino bayakukuzumina kulubizya kwabo nobatayandi. Tabakacikonzyi kutija pe. Aciindi eeco, bantu banji bayakulila akaambo kakuyoowa kabati: “Ino nguni uukonzya kwiima?” (Ciy. 6:15-17) Caandaano citobela cabbuku lya Ciyubunuzyo cilaingula. Bananike abaabo ibajisi bulangizi bwakupona anyika ‘bayakwiima’ mubuzuba oobo akaambo kakukkomaninwa a Leza. Mpoonya “nkamu mpati” yabaabo ibambelele zimwi bayakufwutuka mapenzi mapati.—Ciy. 7:9, 13-15.\\n19. Akaambo kakuti mujisi lusyomo lwakuti mamanino alaafwaafwi kusika, ino nzyintu nzi nzyomulangila kumbele?\\n19 Kwiinda mukubikkila maano lino kubusinsimi bwamu Bbaibbele ibuyaabuzuzikizyigwa muciindi eecino cikkomanisya, tatukanyonganizyigwi azyintu zicitika munyika ya Saatani; alimwi tuyakuzyiba ncozipandulula zyintu zicitika munyika. Lino-lino Kristo uyakumanizya kuzunda kwakwe bantu bacita zyintu zibi kwiinda mukulwana nkondo yamamanino mubululami. (Ciy. 19:11, 19-21) Amuyeeye buyo mbotunookkomene zyaakwiinda zyintu eezyi!—Ciy. 20:1-3, 6; 21:3, 4.","num_words":1696,"character_repetition_ratio":0.058,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kuzimaanya Musinze: Mpali Aatalikilwa Kubala Buzuba? Print\\nKuzimaanya Musinze: Mpali Aatalikilwa Kubala Buzuba?\\nLusifa, sinkondonyina wa Mwami Yahuwah, wakabba bulemu bwakukombwa oobo mbweelede kupegwa buyo Yahuwah Mulengi wesu alikke; wakacita eeco kwiinda mukupindula kkalenda lyakujanya buzuba bwaciloba bwa Nsabata. Pele teesyi cilikke eeco ncaakapilinganya pe. Walo wakacinca aciindi cini mpobutalikila kubalilwa buzuba! Mazubaano, “buzuba” bulaa mawoola 24, alimwi butalikilwa akataa masiku kubalilwa. BaJuuda abaabo bakomba Mujibelo batalika Nsabata zyabo kumangolezya muli Bwasanu kumabbililo aazuba. Nokuba boobo, Mangwalo ayubununa kuti eeco ciindi buzuba nobutalika taali akataa masiku nokuba kumabbililo aazuba pe.\\nBuzuba butalikila kubucedo akumana nokwasiya akuleka kulibonya cintu kalibbide zuba. Masiku nceciindi mwezi anyenyezi nozyeendelezya mulengalenga, aboobo, buzuba butalikila aciindi nyenyezi nozileka kulibonya – kalitaninga pasuka zuba, mpoonya bulagola eelyo zyatalika kulibonya nyenyezi kalibbide zuba.\\nMwezi a nyenyezi zyeendelezya busiku: nkaambo luzyalo Lwakwe lulakkalilila lyoonse kukabe kutamani. Intembauzyo 136:9\\nMboobu mbwaamba Mwami Yahuwah, ooyo wakabikka zuba kuti kalibala sikati, ooyo wakalenga mwezi anyenyezi kuti kazimweka masiku, uuyuuntanya lwizi kuti mayuwe kaavwuuma, Mwami Yahuwah Singuzuzyoonse ndezina Lyakwe. Jelemiya 31:35\\nBusiku butalikila waawo nokwasiya akuleka kulibonya cintu akumana kubucedo kwatalika kusalazya. Buzuba bwa kkalenda lyasunu tabweendelani abuzuba bwini pe. Pele mukwiimpanya, buzuba bwa kkalenda busanganya masikati abusiku antoomwe alimwi tabutalikili kubucedo pe. Buzuba bwini bwa kumalengelo ncibeela citaanzi kusolola ca buzuba bwaa kkalenda, kakuli busiku ncecibeela cabili cabuzuba bwaa kkalenda.\\nMvwiki ya Malengelo yakatalika eelyo Mulengi naakati, “Akube mumuni!” Buzuba butaanzi bwa mvwiki munyika iino bwakatalika eelyo nokwakalibonya mumuni.\\nAlimwi Elohimu wakaandaanya mumuni kuzwa kumudima. . . . Elohimu wakaulika mumuni kuti Mbuzuba, alimwi wakaita mudima kuti Masiku. Aboobo mangolezya acifumofumo bwakali buzuba butaanzi. (Langa mu Matalikilo 1:4-5.)\\nEelyo Yahuwah nakaandaanya mumuni kuzwa kumudima, Walo wakaita mumuni kuti “Buzuba” alimwi Walo wakasimpya kuti “buzuba” bulaa cibeela camangolezya a mafumofumo:\\n\"Aboobo mangolezya acifumofumo bwakali buzuba butaanzi.\" (Matalikilo 1:5, KJV)\\nEelyo Mozesi naakalemba bbuku lya Matalikilo, walo taakabulide bbala lyaamba kuti “masiku.” Mubbuku lya Matalikilo, walo wakatondezya kuti buzuba bulaa ziindi zyobile zilaa minyinza, mangolezya amafumofumo. Ikuti buzuba nobwakali kutalikila akataa masiku nokuba kumabbililo aazuba, Mozesi naatakasanganya kulemba kuti mangolezya acifumofumo zyakali zibeela zya buzuba bomwe.\\nBa Levi 23:32 nkakampango keni ka Bbaibbele kabelesyegwa kutabilila muzeezo wakutalikila “buzuba” kumabbililo aazuba:\\n\"Kuzwa kumangolezya kusikila kumangolezya, inywe mweelede kusekelela Nsabata yenu.\" (BaLevi 23:32b, KJV.)\\nEelyo aaka kampango nokabalwa mbuli ncokaambilizya cini, cilisalede kuti eeco tacikonzyi kujatikizya kufumbwa mazuba woonse nokuba buzuba bwa Nsabata mubuzuba bwa ciloba. Mu BaLevi 23:26-32, kuli malailile aa Mwami Yahuwah aajatikizya Buzuba bwa Kunununwa. Ikuti buzuba buli boonse nibwali kutalikila kumangolezya, Walo kunyina naakeelede kwaambila bana ba Isilayeli kuti beelede kutakilila Buzuba bwa Kunununwa kumangolezya aasolola kabutaninga sika buzuba oobo.\\n\"Buzuba bwa Kunununwa\" butaaluka mazuba aakalenda obile: bwa fuka abwa kkumi.\\n“Mubuzuba bwakkumi bwamwezi waciloba, oobo buli mbobuzuba bwaciyanza cakusalazya bantu, mubuzuba oobo mukaliimye kulya, amukaswaangane akukomba, mukape cipaizyo cakutenta ku Mwami Yahuwah. Kutalikila nolibbila mubuzuba bwafuka bwamwezi kusikila nolibbila mubuzuba bwakkumi, mulyookezye akuliimya kulya.” (BaLevi 23:27, 32, KJV)\\nIkuti buzuba nobwakali kutalikila kumangolezya, Mozesi naakaambilwa buyo kuti: \"Buzuba bwa Kunununwa buli mubuzuba bwa kkumi bwa mwezi waciloba.\" Buzuba butalikila aciindi mumuni nowatalika kulibonya eelyo mudima watalika kuyabaila. Mangolezya tacaambilizyi matalikilo aabuzuba bwa fuka pe. Aalo mangolezya taatalisyi buzuba buli boonse pe, kusanganya abwa Nsabata yabuzuba bwa ciloba.\\nIzuba lyakalengelwa kweendelezya buzuba. Buzuba butalikila aciindi eelyo mumuni watalika kulibonya alimwi bumanina waawo nokucinyina mumuni uumweka kuzwa ku zuba kuti umunikile bantu. Misela minji niyakaindide Mufutuli wakabuzya kuti, \"Hena takuli mawoola aali kkumi aabili mubuzuba bomwe?\" (Johane 11:9, KJV) Kunyina muntu wakamukazya! Boonse bakalizyi kuti buzuba butalika cifumofumo kubucedo nowasika mumuni. Mawoola aabuzuba akalaandawudwe muzibeela zili kkumi azibili, mbuli mbokutondezyedwe acipimyo ca zuba. Mawoola akali kwiinda kulampa mainza, akwiinda kufwiimpa mumupeyo, pele buzuba bomwe-bomwe bwakalaa mawoola aali 12.\\nKuli mulumbe mubotu muciindi ca kukankaminwa, kuzikkwa akubuka kuzwa kubafu kwa Yahushua akuyubununa ciindi cini buzuba nobwakali kutalika.\\n“Lino Buzuba bwa Kulyookezya butegwa Nsabata nibwakamana, bucica buyo, mubuzuba butaanzi bwamvwiki Maliya waku Magadala aumwi Maliya bakainka kuyoolanga cuumbwe.” (Mateyo 28:1, KJV)\\nBuzuba butaanzi bwa mvwiki tiibwakatalika kusikila mumuni niwaatalika kumwesya Kujwe. Mbweenya buyo, aalo mangolezya aakatobela buzuba bwa kukankaminwa, Nsabata tiiyakatalika nilyakabbila zuba pe. Mangwalo alisalazyide kuti bapaizi abaleli tiibakali kuyanda kuti mibili yabakankamidwe icaale ampanda ikabucesye kusikila mu Nsabata:\\nMbwaanga lino bwakali buzuba bwakulibambila Buzuba bwa Kulyookezya bwa Nsabata, bapati ba BaJuuda bakakumbila Pilato kuti bantu bakankamidwe batyoloolwe maulu akwaangulwa aziingano kabutanasika buzuba bwa Nsabata. Bakacita oobo nkaambo buzuba oobo bwakali bupati kulimbabo. Aboobo basilumamba bakasika akutalika kutyola maulu aamwaalumi mutaanzi wabaabo bakabambwidwe alimwi akuli wabili. Pele nibakasika kuli Yahushua, bakajana kuti wafwa kale, nkaako taakwe nibakamutyola maulu pe.” (Langa muli Johane 19:31-33.)\\nLufu lwa kukankaminwa lwakali kunoonga lwatola mazuba aakubwene. Kaambo keni kakubinzya lufu kakali kakuti aabo bagagaidwe bagwisyigwe ampanda zyabo kiitaninga sika Nsabata kubucedo mubuzuba bwakali kutobela.\\nAkati kabo kwakali Maliya waku Magadala, a Maliya banyina Jemusi a Josefa, alimwi abanyina bana ba Zebedii. Lino nikwakaba kumangolezya, kwakasika kuli Pilato umwi muntu uutegwa Josefa. Wakali muvwubi uuzwa ku Alimatiya, awalo wakali muccilili wa Yahushua. Muntu ooyu wakakumbila mutumba wa Yahushua. Mpawo Pilato wakalailila kuti bamupe mutumba ooyo. Mpoonya Josefa, wakauputaila mumulembo uutuba, akuulazika mucuumbwe cakwe mwini cipya ncaakakokolwede mumwaala. Wakakunkulisya bbwe pati akujala amulyango wacuumbwe, mpoonya wakayaamuka. (Langa muli Mateyo 27:57-60.)\\nOoyu mulimo wakali kutola ciindi cilamfu loko!\\nJosefa wakaunka kuli Pilato kuyookumbila mubili. (Mateyo 28:58)\\nPilato taakasyoma kuti Yahushua wafwambaana boobo kufwa munzila yakali kutola mazuba ongaye. Mpoonya walo wakatumina sikalumamba kuti akalomye kubona kuti naa Yahushua ufwide ncobeni. (Maako 15:44, 45)\\nJosefa wakaunka kuyoobambilila milembo yakuzikkila, wakapiluka ku Gologota akukkomonona mutunta kuzwa ampanda. (Maako 15:46)\\nNicodemus wakasika kaletelezya mapaunzi aali 100 aatununkilizyo twa Itati a Maya kuti ananaike mubili kuutaninga zikkwa. (Johane 19:39)\\nMubili unooli wakasanzyigwa kuutaninga zambailwa “mumilembo antoomwe atununkilizyo” (Johane 19:40)\\nMubili wakalazyikwa mucuumbwe cakwe mwini Josefa ncaakalifumbila cakali munsimunsi. (Mateyo 27:59, 60)\\nBuzuba bwamu Bbaibbele butalikila kubucedo, nokwatalika kusalazya akulibonya mumuni (kalitaninga pasuka zuba)\\nOoyu mulimo wakali kutola ciindi cilamfu kapati cakuti wakatola busiku boonse tubulu. Nsabata tiiyakatalikila ku “mangolezya” nkaambo eeco nceciindi cini Josefa waku Arimathea naakataanguna kuyookumbila Pilato kuti akkomonone mubili!\\nLino mangolezya naakasika, nkaambo oobo bwakali Buzuba bwa Kulibambila, nkokuti, buzuba busolola kiitaninga sika Nsabata, Josefa waku Arimathea, ooyo wakali nkumekume akataa nkamu yabuleli, walo lwakwe wakali kulindila bulelo bwa Kujulu, wakaboola akukkazyika camba, wakaunka kuli Pilato kuyookumbila mubili ookwa Yahushua. (Langa muli Maako 15:42-43.)\\nMulimo wakuzikka Mufutuli wakamanizyigwa kaindi kasyoonto Nsabata niyakasika kubucedo nokwaatalika kusalazya.\\nMpoonya [Josefa waku Alimateya] wakuukkomonona mubili kuzwa aciciingano, akuuputaila mucisani cibotu akuyoowulazyika mucuumbwe cakakokololwa mumwaala, mucuumbwe mwatakana zikkidwe muntu. Oobo bwakali buzuba bwakulibambila, nkaambo Buzuba bwa Kulyookezya butegwa Nsabata bwakali aafwiifwi kutalika. (Luka 23:53, 54, KJV)\\n\"Ibbala lyakuti 'yakaswena' mukampango aaka, ndibbala lyaci Giliki, . . . (epiphosko). Eeco ncoliiminina ncintu cikankamusya: 'kutalika kusalazya mumuni: – kutalika kuba kubucedo.' Ndibbala lyamusyobo wa #2017, . . . (epiphauo), eelyo liiminina kuti 'kumwesya . . . kupa mumuni.' Nkaambo kakuti tiibakalindizya kusikila kwaba kumangolezya kuti batalike mulimo wakulomba akukkomonona mubili, kuwaanzula kuzwa ampanda, kuusanzya akuupombaila mumilembo, azimwi zinjaanji, eeco cakabatolela mawoola aabusiku boonse, bakabucesya tubulu kucita mulimo ooyo. Tiibakamanizya kusikila nikwaaba kubucedo mu Nsabata nikwaatalika kumwesya.\" (eLaine Vornholt and L. L. Vornholt-Jones, The Great Calendar Controversy, p. 40.)\\nIcintu citaanzi Yahuwah ncaakacita eelyo nakamanizya kulenga mumuni cakali cakwaandaanya mumuni kuzwa kumudima. Mpoonya Walo wakaulika zibeela zyobilo zyaandeene nzyaakaandaanya. Cibeela cakalaa mumuni Walo wakaciita kuti “Buzuba” alimwi cibeela camusinze Walo wakaciita kuti “Masiku.” Ooyu ngomulazyo wa Mangwalo wakuti eeco Mwami Yahuwah ncaakaswaanganya antoomwe, kutabi muntu uucaandaanya. (Langa muli Maako 10:9.) Mbweenya buyo, eeco Yahuwah ncaakaandaanya, kutabi muntu uuciswaanganya. Kutaminina kuti buzuba butalikila akataa masiku nokuba kumabbililo aazuba, ooko nkuswaanganya antoomwe eeco Mulengi ncaakaandaanya.\\nLusifa wakabbodoola kuti “uyoocinca ziindi amilawo.” (Daniele 7:25, KJV) Kwiinda mukupindula buzuba bwa kukomba, akkalenda libelesyegwa kujana buzuba oobo, akucinca ciindi aatalikila buzuba, walo wakabba kukomba kweelede kupegwa buyo Mulengi alikke.\\nMukwabo kotantamuka cilubide azilengwa zyabantu buno buzuba. Kosangana mweelwe wabantu bavwuntauzya kasimpe atalaa nyika aabo babambulula buzuba bwa Nsabata bwamasimpe.\\nUbaambile Baisilayeli kuti, 'Muleelede kububamba buzuba bwa Nsabata, nkaambo buzuba oobu mbwacitondezyo akati kangu andinywe alimwi abalunyungu lwanu, kutondezya kuti mebo nde Mwami Leza Yahuwah ndakamucita nywebo kuba bantu bangu. (Langa mu Kulonga 31:13.)\\nAzimwi zyeendelana acibalo eeci:\\nIno Ndilili Buzuba Nobutalika?\\nNsabata Iitobezya Mwezi-azuba| Cikwabilizyo – Cibeela 3","num_words":1266,"character_repetition_ratio":0.059,"word_repetition_ratio":0.0,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kusinikizyigwa Koonana?—Cibeela 2: Kuleka Kulimvwa Bubi | Bakubusi Balabuzya\\nAMUBALE MU Afrikaans Albanian Amharic Arabic Armenian Azerbaijani Brazilian Sign Language Bulgarian Catalan Cebuano Chichewa Chin (Hakha) Chinese (Traditional) Chinese Mandarin (Simplified) Chitonga Croatian Czech Danish Dutch English Estonian Ewe Fijian Finnish French Georgian German Greek Haitian Creole Hebrew Hiligaynon Hindi Hungarian Icelandic Igbo Iloko Indonesian Italian Japanese Kazakh Kikaonde Kinyarwanda Kirghiz Kirundi Korean Lingala Lithuanian Malagasy Malay Malayalam Maltese Mongolian Myanmar Norwegian Nzema Ossetian Pangasinan Papiamento (Curaçao) Polish Portuguese Portuguese (Portugal) Punjabi Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Sinhala Slovak Slovenian Solomon Islands Pidgin Spanish Swahili Swedish Tagalog Tatar Telugu Tetun Dili Thai Tsonga Turkish Turkmen Ukrainian Vietnamese Xhosa Yoruba Zulu\\nMbomukonzya kuzunda penzi lyakulipa mulandu\\nMbocigwasya kwaambila bamwi mbomulimvwa\\nBantu banji bakasinikizyigwa koonana balaansoni kapati kujatikizya cakacitika. Mane buya balakonzya kulimvwa kuti mbabakapa kuti cicitike. Amulange-lange Karen, lino uujisi myaka iili 19, iwakasinikizyigwa koonana naakajisi myaka iili akati ka 6 a 13. Waamba kuti: “Penzi lipati lindijisi nkulipa mulandu. Inga ndilibuzya kuti, ‘Nkaambo nzi ncindakazumina kutundululwa kwaciindi cilamfwu boobu?’”\\nIkuti kamulimvwa boobu kujatikizya cakamucitikila, amulange-lange twaambo tutobela:\\nBana inga tabanasika aciimo cakutalika koonana. Tabacizyi ancocaamba koonana aboobo tabakonzyi kulisungula koonana. Eeci caamba kuti kutundululwa kwabana tauli mulandu wabana pe.\\nBana balabasyoma bapati alimwi tabazizyi nzila zyabucenjezu nzyobabelesya bantu babyaabi, zyalo izikonzya kubikka mwana muntenda. Ibbuku litegwa The Right to Innocence lyaamba kuti: “Bantu bajata bana balicizyi koongelezya, alimwi buya bana tabakonzyi kuzizyiba anzila nzyobabelesya.”\\nCiindi natundululwa, mwana ulakonzya kumvwa kabotu limwi wasika mpocimukondelezya. Ikuti eeci cakamucitikila, amuzyibe kuti mboucita mubili kuti wajatwa munzila imwi. Tacaambi kuti mwakazumina buya kuti mutundululwe naa kuti mujisi mulandu uuli woonse.\\nMuzeezo: Amweezeezye mwana ngomuzyi uujisi myaka njomwakajisi ciindi nomwakatundululwa. Amulibuzye kuti, ‘Sena inga calulama kumupa mulandu mwana ooyo ikuti watundululwa?’\\nKaren wakakayeeya kaambo aaka kamamanino ciindi naakali kulanganya bana botatwe, umwi wakajisi myaka iitandila ku 6​—myaka njaakajisi Karen ciindi naakatalika kutundululwa. Karen waamba kuti, “Ndakabona mbwali muntenda mwana uujisi myaka eeyi​—mbondakali muntenda nondakajisi myaka eeyo.”\\nMakani aamasimpe: “Muntu wakamujata nguujisi mulandu. Bbaibbele lyaamba kuti: “Bubi bwamubi buyoobalilwa kulinguwe alikke.”​—Ezekieli 18:20.\\nKubandika amuntu mupati ngomusyoma kujatikizya kutundululwa cilakonzya kumugwasya. Bbaibbele lyaamba kuti: “Mulongwe mwini-mwini ulatondezya luyando ciindi coonse, alimwi ngomunyoko wakazyalilwa kuti akugwasye muziindi zyamapenzi.”​—Tusimpi 17:17.\\nCakutadooneka, ambweni inga mwalimvwa kabotu kutaamba cakacitika. Andiza kuumuna buyo caba mbuli bwaanda mbomwayaka kutegwa mulikwabilile kukucisigwa. Amubone kuti kuumuna buyo kumukwabilila kukucisigwa pele alimwi kulakonzya kupa kuti mutagwasyigwi.\\nKuumuna buyo kumukwabilila kukucisigwa pele alimwi kulakonzya kupa kuti mutagwasyigwi\\nMukaintu uucili mwana wazina lya Janet wakajana kuti kubandika kujatikizya kutundululwa kwakamugwasya kapati. Waamba kuti: “Ndakatundululwa nondakajisi myaka misyoonto yakuzyalwa amuntu ngondakazyi alimwi akusyoma, alimwi kwamyaka minji kunyina ngondakaambila. Pele ciindi nondakabaambila bamaama, ndakalimvwa kulemununwa.”\\nAyeeya zyakamucitikila, Janet ulamvwisya kaambo bamwi ncobakatazyigwa kwaamba. Waamba kuti: “Makani aakutundululwa makani aausisya nsoni. Pele kweelana azyakandicitikila, kuusa kuboola akaambo kakutaamba takuli kabotu. Mebo cakandigwasya kwaamba mbondilimvwa kakucili ciindi.”\\nKutundululwa kulakonzya kumupa kuba amizeezo iitali kabotu​—mucikozyanyo, inga mwayeeya kuti mwanyonyooka naa tamujisi mpindu naa muponena buyo kubelesyegwa abantu bamwi mumakani aakoonana. Lino mulijisi ‘ciindi cakupona’ kumizeezo eeyo yakubeja. (Mukambausi 3:⁠3) Ncinzi cikonzya kumugwasya kutegwa mupone?\\nAmulibale Bbaibbele. Bbaibbele lijisi mizeezo ya Leza, yalo ‘iijisi nguzu zyakumwaya zintu zyoonse ziyumu nta’​—kubikkilizya amizeezo yakubeja iijatikizya mbomulimvwa. (2 Bakorinto 10:​4, 5) Mucikozyanyo, amubale akuzinzibala kuyeeya magwalo aaya: Isaya 41:10; Jeremiya 31:3; Malaki 3:​16, 17; Luka 12:​6, 7; 1 Johane 3:​19, 20.\\nMupailo. Ciindi nomulimvwa kubula mpindu naa nomulipa mulandu, ‘amuwaale mukuli wanu uuminya mumaanza aa Jehova’ kwiinda mumupailo. (Intembauzyo 55:22) Mulakonzya kugwasyigwa!\\nBaalu mumbungano. Aaba baalumi Banakristo baliyiisyidwe kuba “mbuli busena bwakutijila muwo, busena bwakuyusila mvwula mpati yamuwo.” (Isaya 32:⁠2) Balakonzya kumugwasya kuzilanga kabotu zintu alimwi akuti muleke kutyompwa.\\nBalongwe bali kabotu. Kamulangilila baalumi abamakaintu bajisi cikozyanyo cibotu mubukkale bwa Bunakristo. Kamulanga mbobeendelezyanya. Mukuya kwaciindi, muyoozyiba kuti tabali boonse bakonzya kutundulula bantu mbobayanda.\\nMukaintu uucili mwana wazina lya Tanya waiya ciiyo eeci ciyandika kapati. Kuzwa kubwana, wakali kutundululwa mumakani aakoonana abamaalumi banji. Waamba kuti: “Bamaalumi mbondakali kusyoma mbabakanditundulula.” Pele mukuya kwaciindi, Tanya wakazyiba kuti kuli bamaalumi bajisi luyando lwini-lwini. Ino wazyiba buti oobo?\\nNaakatalika kuyanzana abanabukwetene bakajisi cikozyanyo cibotu mubukkale bwa Bunakristo, Tanya wakacinca mbwazilanga zintu. Waamba kuti: “Kweelana ambobakali kucita zintu balumi, ndakabona kuti tabali boonse bamaalumi ibacita zintu cabukali. Balumi bakali kubakwabilila bakaintu babo, alimwi oobu mbwayanda Leza.” *​—Baefeso 5:​28, 29.\\n^ munc. 27 Ikuti mujisi penzi mbuli lyakutyompwa kapati, kutayanda kulya, kulicisa nobeni, kuciindizya kubelesya misamu iikola, kutoona kabotu, mizeezo yakulijaya, inga cainda kubota kulomba lugwasyo kubasilisi basyaazibwene.\\nKuliyumya Ciindi Nokwacitika Ntenda Luumuno alimwi alukkomano Bakubusi Balabuzya Bakubusi\\nZintu zyotatwe zilakonzya kumugwasya kutegwa mutasinikizyigwi koonana.","num_words":702,"character_repetition_ratio":0.053,"word_repetition_ratio":0.0,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Milimo 28 | Bbaibbele lili a Intaneti | Bbaibbele lya Busanduluzi Bwanyika Mpya\\nAnsumbu ya Melita (1-6)\\nBausyi Populiyo baponesyegwa (7-10)\\nKuunka ku Roma (11-16)\\nPaulo waambaula aba Juda ku Roma (17-29)\\nPaulo wakambauka cabusicamba kwamyaka yobilo (30, 31)\\n28 Lino nitwakafwutuka akusika mutala, twakazyiba kuti nsumbu mpotwakabede yakali kutegwa Melita.+ 2 Alimwi bantu baambaula mwaambo mweenzu bakooko bakatufwida luzyalo lulibedelede. Bakakunka mulilo akututambula kabotu toonse akaambo kamvwula yakali kuwa alimwi akaambo kampeyo. 3 Pele Paulo naakabweza cileye catukuni cimwi akucibikka amulilo, akaambo kakukasaala kwakazwa cipile, wamunamatila kujanza lyakwe. 4 Lino basicisi aabo ibaambaula mwaambo mweenzu mbobakaibonena buyo nzoka nkali eeyo kailengelela kujanza lyakwe, bakatalika kwaambauzyanya kuti: “Ncobeni muntu ooyu mujayi, nkaambo nokuba kuti wafwutuka mulwizi, Bululami* tiibwamuzumizya kuzumanana kupona.” 5 Pele, wakasansa nzoka nkali eeyo mumulilo, alimwi kunyina cakacitika kulinguwe. 6 Pele bakali kulangila kuti ulazimba nokuba kuwa muzinga akufwa. Nobakalindila kwaciindi cilamfwu akubona kuti kunyina cibi cakacitika kulinguwe, bakacinca mizeezo yabo akutalika kwaamba kuti wakali leza. 7 Lino munsi-munsi abusena oobo kwakali myuunda yamuntu umwi uulemekwa munsumbu eeyo uutegwa Populiyo, alimwi wakatutambula camaanza obilo akutubamba kabotu kwamazuba otatwe. 8 Pele usyi Populiyo wakalilede akaambo kakupya mubili alimwi akusoomona kalowa, eelyo Paulo wakanjila mwaakabede akupaila, wabikka maanza aakwe alinguwe akumuponya.+ 9 Eeci nocakacitika, bantu boonse ibakali kuciswa ansumbu eeyo abalo bakatalika kuboola kulinguwe akuponesyegwa.+ 10 Alimwi bakatupa zipego zinji, mpoonya eelyo notwakali kutanta bwato bakatubikkila zintu zyoonse nzyotwakali kuyandika. 11 Nokwakainda myezi yotatwe twakatanta bwato ibwakalembedwe kuti “Bana Basankwa ba Zusi.” Ibwato oobo bwakazwide ku Alekizandiriya alimwi bwakali munsumbu eeyo ciindi camupeyo. 12 Nitwakasika kucito ca Surakusa, twakakkala ooko kwamazuba otatwe; 13 mpoonya kuzwa kooko twakeenda akusika ku Regiyo. Ibuzuba bwakatobela kwakaunga muwo wakumusanza, eelyo twakaakusika ku Putiyolo mubuzuba bwabili. 14 Ooko twakajana bakwesu alimwi bakatukombelezya kuti tukkale ambabo kwamazuba aali ciloba, mpoonya twakagama ku Roma. 15 Lino bakwesu bakooko nobakamvwa kuti tuli munzila, bakaboola kutucinga mane basika ku Musika wa Apiyo aku Maanda Aabeenzu Otatwe. Mbwaakababonena buyo, Paulo wakalumba Leza akuyumizyigwa.+ 16 Lino nitwakasika ku Roma, Paulo wakazumizyigwa kukkala alikke kalindililwa asikalumamba. 17 Pele, nokwakainda mazuba otatwe wakabaita antoomwe baalumi balemekwa akati kaba Juda. Nobakabungana wakabaambila kuti: “Nobaalumi, bakwesu, nokuba kuti kunyina ncindakabisya kubantu nokuba kuzilengwa zyabamatata,+ ndakaangwa ku Jerusalemu akwaabwa kandili mwaange mumaanza aabana Roma.+ 18 Alimwi nobakavwuntauzya,+ bakali kuyanda kundaangununa mbwaanga kwakanyina kaambo ikakali kukonzya kundipa kujaigwa nkobakajana mulindime.+ 19 Pele ba Juda nobakakaka kuti ndaangununwe, ndakabona kuti kunyina cimbi ncondikonzya kucita ccita buyo kutola mulandu wangu kuli Kaisara,+ pele ikutali akaambo kakuti kuli mulandu ngondakali kuyanda kupa cisi cokwesu. 20 Aboobo akaambo kamakani aaya ndakalomba kuti ndibonane akwaambaula andinywe, nkaambo ndaangidwe nketani eeyi akaambo kabulangizi mbobajisi ba Israyeli.”+ 21 Bakamwaambila kuti: “Kunyina notwakatambula magwalo kujatikizya nduwe kuzwa ku Judaya, alimwi kunyina uuli woonse akati kabakwesu bakazwa kooko wakatwaambila makani aayo nokuba kwaamba cintu cimwi cibi kujatikizya nduwe. 22 Pele twabona kuti cileelede kuti tumvwe mboyeeya, nkaambo kwaamba masimpe tulizyi kuti kumasena oonse,+ boonse baamba zintu zibyaabi kujatikizya nkamu yabukombi eeyi.”+ 23 Lino bakapangana buzuba bwakuswaangana anguwe, alimwi banji bakaboola kulinguwe mubusena mwaakali kukkala. Eelyo kuzwa mafwumofwumo kusikila kumangolezya, wakabapandulwida makani kwiinda mukupa bumboni cakulomya kujatikizya Bwami bwa Leza, kutegwa abakwelelezye amakani aajatikizya Jesu+ aali mu Mulawo wa Musa+ alimwi amu Basinsimi.+ 24 Bamwi bakatalika kuzisyoma zintu nzyaakaamba; pele bamwi tiibakasyoma pe. 25 Aboobo akaambo kakuti tiibakazuminana akati kabo, bakatalika kuunka mwabo-mwabo, eelyo Paulo wakaamba kaambo komwe aaka kakuti: “Muuya uusalala wakaamba ncobeni kwiinda mumusinsimi Isaya kuli bamauso, 26 kuti, ‘Koya kubantu aaba ukabaambile kuti: “Masimpe kumvwa muyoomvwa, pele tamukamvwisyi pe, alimwi ncobeni kulanga muyoolanga, pele tamukaboni pe.+ 27 Nkaambo myoyo yabantu aaba yayuma, alimwi balamvwa amatwi aabo pele tabaciti alimwi bafwinya, ikutegwa bataboni ameso aabo akumvwa amatwi aabo, akumvwisya mumyoyo yabo akusanduka kutegwa ndibaponye.”’+ 28 Aboobo amuzyibe kuti makani aaya aamba mbwafwutula bantu Leza atumwa kuli bamasi;+ eelyo bayakwaaswiilila ncobeni.”+ 29 *— 30 Aboobo wakazumanana kukkala ooko kwamyaka yobilo iikkwene muŋanda njaakali kulitelela mwini,+ alimwi wakali kubatambula kabotu boonse ibakali kumuswaya, 31 wakali kubakambaukila Bwami bwa Leza akuyiisya zintu zijatikizya Mwami Jesu Kristo kaangulukide kapati kwaambaula,*+ kakunyina uumukasya.\\n^ Chigiriki Diʹke, ambweni kwaamba leza mukaintu sikusubula basizibi naa muzeezo buyo wabululami.\\n^ Naa “cabusicamba.”","num_words":636,"character_repetition_ratio":0.041,"word_repetition_ratio":0.0,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jesu Watondezya Mbokuyandika Kupaila Akulicesya | Buumi bwa Jesu\\nZintu Zyobilo Zipati​—Kupaila Alimwi Akulicesya\\nCIKOZYANYO CAMUKAMUFWU UULAAKAZUMANANA\\nMU FARISI ASIMUTELO\\nJesu wakalibaambilide kale basikwiiya bakwe cikozyanyo cijatikizya kupaila cakutaleka. (Luka 11:5-13) Lino weelede kuti uli mu Samariya naa mu Galilaya, alimwi wainduluka kukankaizya mbociyandika kutaleka kupaila. Wacita oobo kwiinda mucikozyanyo cimbi eeci:\\n“Mumunzi umwi kwakali mubetesi iwatakali kuyoowa Leza nokuba kulemeka muntu. Mumunzi mumonya oomo mwakali amukamufwu ooyo iwakali kuunka kulinguwe lyoonse akwaamba kuti, ‘Ukabone kuti akosolwa cabululami makani ngendijisi asitwaamboma.’ Kwaciindi cili mbocibede mubetesi wakali kukaka, pele kumbele wakalyaambauzya wati, ‘Nokuba kuti tandimuyoowi Leza naa kulemeka muntu uuli woonse, akaambo kakuti mukamufwu ooyu wazumanana kundipenzya, ndilamukosweda cabululami makani aakwe kutegwa atazumanani kuboola akundikatazya akulomba kwakwe.’”—Luka 18:2-5.\\nIkupandulula ciiyo cili mucikozyanyo eeci, Jesu wati: “Amumvwe ncaakaamba mubetesi ooyo nokuba kuti taluleme! Aboobo sena Leza takaboni kuti basale bakwe ibamukwiilila isyikati amasiku bakoswedwa cabululami makani nokuba kuti ulabakkazikila moyo?” (Luka 18:6, 7) Aboobo, ino ncinzi Jesu ncali mukwaamba kujatikizya Bausyi?\\nAawa Jesu taambi kuti Jehova Leza uli mbuli mubetesi ooyu uutaluleme pe. Wiindanya buya: Ikuti naba mubetesi uutaluleme waansi aano ulakonzya kumvwa muntu uuzumanana kulomba, nkokuti kakunyina akudooneka Leza uyoocita oobo. Walo uliluleme alimwi mubotu, aboobo uyakuvwiila ikuti bantu bakwe bazumanana kupaila akutaleka. Eeci tulakonzya kucibona mumajwi Jesu ngaayungizya kwaamba aakuti: “Ndimwaambila kuti, [Leza] uyoobona kuti bakoswedwa makani cabululami alimwi cakufwambaana.”—Luka 18:8.\\nBunji bwaziindi bantu bapengede alimwi abacete tabacitilwi cabululami, pele bantu balaanguzu alimwi abavwubi mbabacitilwa zibotu. Pele oobo tabusyi mbwacita Leza pe. Caakusika ciindi, uyoobona masimpe kuti babi basubulwa alimwi babelesi bakwe bapegwa buumi butamani.\\nIno mbaani balaalusyomo luli mbuli lwamukamufwu? Ino mbangaye basyoma ncobeni kuti Leza “uyoobona kuti bakoswedwa makani cabululami alimwi cakufwambaana”? Jesu wazwa mukupa cikozyanyo citondezya mbociyandika kuzumanana kupaila. Lino caboola kukuba alusyomo lwakuti mupailo ulabeleka, wabuzya kuti: “Mwanaamuntu aakuboola, sena masimpe uyoolujana lusyomo oolu anyika?” (Luka 18:8) Kuboneka kuti eeci caamba kuti mbasyoonto banoojisi lusyomo luli boobu aakusika Kristo.\\nBamwi ibamuswiilila Jesu balimvwa kuti lusyomo lwabo nduyumu. Balalisyoma kapati kuti mbalulami, eelyo banyansya bamwi. Jesu waambila bantu bali boobu cikozyanyo eeci:\\n“Bantu bobilo bakatanta kuunka kuyoopaila mutempele, umwi wakali mu Farisi, umbi wakali simutelo. Imu Farisi wakaimikila akutalika kupaila kuti, ‘O Leza, ndilakulumba kuti tandili mbuli bantu bamwi—ibabbi, bataluleme, basimamambe—naa mbuli simutelo ooyu. Ndilaliimya kulya ziindi zyobilo ansondo; ndilapa cakkumi cazintu zyoonse nzyondijana.’”—Luka 18:10-12.\\nBa Farisi balaacilengwa cakutondezya bululami bwabo mubuleya. Balacita oobo kutegwa bakkomanisye bantu. Bayandisisya kuliimya kulya mumazuba nokuli bantu banji kumisika, mu Muhulo amuli Bwane, kutegwa bababone. Alimwi balabikkila maano kapati kupa cakkumi nociba catusyango tuniini pe. (Luka 11:42) Myezi misyoonto yainda, bakatondezya kutayanda bantu-bantu buyo, mumajwi aakuti: “Nkamu yabantu eeyi iitazyi Mulawo [kweelana ambobazibona zintu ba Farisi] mbantu basinganizyidwe.”—Johane 7:49.\\nJesu wazumanana acikozyanyo cakwe, ulaamba: “Pele simutelo, kaimvwi alaale tanaakali kuyanda nokuba kulanga kujulu, pele wakali kwiide kulyuuma acamba kaamba kuti, ‘O Leza, kondeengelela mebo ndesizibi.’” Inzya, simutelo cakulicesya wazumina kuti ngusizibi. Jesu wamanizya amajwi aakuti: “Ndimwaambila kuti, muntu ooyu wakaunka kuŋanda yakwe kabonwa kuti uliluleme kwiinda mu Farisi. Nkaambo kufwumbwa muntu uulisumpula uyoocesyegwa, pele ooyo uulicesya uyoosumpulwa.”—Luka 18:13, 14.\\nAboobo Jesu wacisalazya kuti kulicesya kulayandika kapati. Oolu ndulayo lugwasya kuli basikwiiya bakwe, aabo ibakakomenena akati kabantu ibapona aba Farisi ibalibona kululama alimwi ibayandisya zyuuno akuba ampuwo. Alimwi ndulayo lugwasya kapati kuli basikutobela Jesu boonse.\\nIno nkaambo nzi nkaamba Jesu mucikozyanyo camubetesi uutaluleme ooyo iwacitila mukamufwu ncaali kulomba?\\nIno ndusyomo nzi Jesu ndwayakuyanda kujana aakusika?\\nIno muuya nzi basikutobela Jesu ngobeelede kweeleba walo uuvwulide akati kaba Farisi?\\nNkaambo Nzi Leza Ncataiswiilili Mipailo Imwi?\\nAmwiiye kujatikizya mipailo njatainguli Leza alimwi abantu Leza mbataswiilili.","num_words":554,"character_repetition_ratio":0.043,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 50 IBBAIB63 - Mpawo Josefa wakawida abusyu - Bible Search\\nMatalikilo 49 Kulonga 1\\n1-Mpawo Josefa wakawida abusyu bwawisi, walila alinguwe wamumyonta, 2-Lino Josefa wakalailila balanda bakwe basilisi kuti bayanike mutunta wawisi, aboobo basilisi bakayanika mutunta wa-Israyeli. 3-Kwakamana mazuba aali makumi one, nkaambo ngomweelwe wamazuba aakuyanika mutunta. Nkabela ba-Egepita bakamulila mazuba aali makumi aali musanu aabili.\\n4-Lino mazuba aakulilwa kwakwe naakamana, Josefa wakaambila basiŋanda ba-Farao kuti, Na ndijene buuya mumeso aanu, amwaambile Farao kuti, 5-Taata wakandikonkezya, wati, Ndaamba kufwa; kukabanda kangu nkendakalisida munyika ya-Kanana nkooko nkumweelede kundivwikila, Lino njiinke, nkazike taata. Njooboola. 6Nkabela Farao wakati, Mbubo, inka, ukavwike uso, mbubonya mbwaakakukonkezya. 7Elyo Josefa wakainka kuyoovwika wisi. Abalo balanda boonse ba-Farao bakainka awe, bapati baŋanda yakwe, abapati boonse banyika ya-Egepita, 8aluzubo loonse lwa-Josefa, ababunyina, aluzubo lwawisi. Bacece babo luzutu, ambelele zyabo aŋombe zyabo, nzebakasia munyika ya-Goseni. 9Wakaya ankalaki abasimbizi, inkamu impati loko. 10-Basike kubbuwa lyacipolelo lya-Atadi, kutala lya-Jordano, bakalila nkukonya oko akulila kupati kuyoosya loko, 11Nkabela bantu banyika ya-Kanana, nibakabona kulila oko kwakucipolelo ca-Atadi, bakati, Oku kulila kwaba-Egepita kulayoosya loko. Nciceeco kuntu oko ncikwakapedwa izina lya-Abeli-mizraimu. Kuli mutala lya-Jordano, 12Aboobo bana bakwe bakamucitila mbubonya mbwaakabalailila. 13-Bana bakwe bakamutola kunyika ya-Kanana, bamuvwika musempo lyamumuunda wa-Makipela, kunembo lya-Mamre, muunda Abrahamu ngwaakaula kuli-Efroni mu-Hi ti, kuti auvube, ube mavwikilo. 14Amane kuzika wisi, Josefa wakapiluka ku-Egepita ababunyina aboonse mbaakainkide abo kuyoovwika wisi.\\nMamanino aabuumi bwa-Josefa\\n15-Lino babunyina Josefa, nibakabona kuti wisaabo wafwa, bakati, Ambweni Josefa ulatusula akutuboozezya bubi boonse mbutwakamucitila. 16Elyo bakatumina Josefa mulazyo wakuti, Uso naatakalina kufwa wakalailila kuti, 17-Mbuboobu mbumweelede kwaambila Josefa. Wence ulekelele bakulana bako milandu yabo azibi zyabo, nkaambo bakakucitila bubi. Lino twakumbila kuti utulekelele milandu yesu tobalanda ba-Leza wauso. Mpawo Josefa wakalila naakamvwa majwi aabo. 18-Nkabela bakulana bakwe bakasika kuzoovundama kubusyu bwakwe, bati, Bona! Tuli balanda bako. 19-Lino Josefa wakabaambila kuti, Mutayoowi. Sa mebo ndi mucibaka caLeza? 20-Inywe mwakayeeya kundicitila bubi, pele Leza wakabusandula kuba bubotu, kuti acite makani ngemubwene sunu, kukuponya bantu banji. 21-Lino mutayoowi pe, Njoomulela, nywebo abacece banu. Mbuboobo mbwaakabaumbulizya akutontozya myoyo yabo.\\n22Lino Josefa kakede mu-Egepita, walo aluzubo lwawisi. Nkabela Josefa wakapona myaka iili mwa nda akumi, 23-Nkabela Josefa wakabona bana ba-Efraimu bamuzukulu watatu; abalo bana ba-Makiri mwana waManase bakazyalwa amazwi aa-Josefa. 24-Lino Josefa wakaambila baku la na bakwe kuti, Mebo ndaamba kufwa, pele Leza ncobeni unoomuswaya akumupozya munyika ino kuti muye kunyika eyo njaakakonkezya kuli-Abrahamu­ akuli-Izaka akuli-Jakobo. 25-Lino Josefa wakakonkya bana baIsrayeli kuti, Ncobeni Leza unooyoomuswaya, lino zifuwa zyangu muleelede kuzitola kuzwa okuno, 26Elyo Josefa wakafwa, Kali amyaka iili mwanda akumi lyomwe, Nkabela bakayanika mutunta wakwe akumubika mucilondwedo mu-Egepita.","num_words":405,"character_repetition_ratio":0.056,"word_repetition_ratio":0.0,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"21 Lino ndakabona julu ipya alimwi anyika mpya; nkaambo julu lyakaindi anyika yakaindi zyakamana, alimwi lwizi taluciko pe. 2 Ndakabona munzi uusalala, Jelusalemu Mupya, kauboola ansi kuzwa kujulu kuli Leza alimwi kaubambidwe kabotu mbuli nabwiinga walisakatizyila mulumaakwe. 3 Mpoonya ndakamvwa jwi pati kuzwa kucuuno cabwami kaliti: “Amubone! Tente lya Leza lili aabantu, alimwi uyookkala ambabo, eelyo bayooba bantu bakwe. Alimwi Leza lwakwe uyooba ambabo. 4 Eelyo uyoosindula misozi yoonse kumeso aabo, alimwi lufwu talukooyoobako limbi, akwalo koomoka, kulila nokuba kucisa takukooyoobako limbi. Zyintu zyakaindi zyamana.” 5 Mpoonya Ooyo uukkede acuuno cabwami wakati: “Amubone! Ndilabambulula zyintu zyoonse kuti zibe zipya.” Alimwi, waamba kuti: “Lemba, nkaambo majwi aaya alasyomeka alimwi ngamasimpe.” 6 Alimwi wakandaambila kuti: “Zyacitika! Ndime Alefa a Omega, imatalikilo amamanino. Muntu woonse uufwide nyota ndiyoomupa cabuyo maanzi aazwa kukasensa kamaanzi aabuumi. 7 Woonse uuzunda uyookona zyintu eezyi, alimwi mebo ndiyooba Leza wakwe mpoonya walo uyooba mwanaangu. 8 Pele ibakandu, ibanyina lusyomo, ibasesemya mubusofwaazi bwabo, ibajayi, basibwaamu, ibasyoma mizimo, basikukomba mituni alimwi ababeja boonse, busena bwabo buyooba muzyiba liyaka mulilo asulufa. Eeci caamba lufwu lwabili.” 9 Mpoonya umwi wabangelo bali ciloba ibakajisi mitiba iili ciloba eeyo yakazwide zipenzyo zyamamanino zili ciloba, wakaboola akundaambila kuti: “Boola, eelyo ndilakutondezya nabwiinga, imukaintu wa Mwanaambelele.” 10 Aboobo wakandibweza munguzu zyamuuya akunditola kucilundu cipati alimwi citalilampili, mpoonya wakanditondezya munzi uusalala, Jelusalemu, kauboola ansi kuzwa kujulu kuli Leza 11 alimwi wakajisi bulemu bwa Leza. Kumweka kwawo kwakali mbuli kwabbwe lidula kapati, mbuli bbwe lyajasipa liŋaima alimwi libalangalisya. 12 Wakali abwaanda bupati alimwi butalilampili alimwi wakali amilyango iili kkumi aibili, mpoonya kumilyango eeyo kwakali bangelo bali kkumi ababili, alimwi amilyango eeyo kwakalembedwe mazyina aamisyobo iili kkumi aibili yabana ba Isilayeli. 13 Kujwe kwakali milyango yotatwe, kunyika kwakali milyango yotatwe, kumusanza kwakali milyango yotatwe mpoonya kumbo kwakali milyango yotatwe. 14 Alimwi ibwaanda bwamunzi ooyu bwakajisi mabwe aantalisyo aali kkumi aabili, eelyo amabwe aayo kwakali mazyina aali kkumi aabili aabatumwa bali kkumi ababili ba Mwanaambelele. 15 Lino ooyo iwakali kwaambaula andime wakajatide tete lyangolida lyakupimya, kutegwa apime munzi, milyango yawo alimwi abwaanda bwanguwo. 16 Imunzi ooyo ujisi mbazu zyone zyeelene, alimwi bulamfwu bwawo abwaamba bwawo zileelene. Mpoonya wakapima munzi atete eelyo, akujana kuti wakali kulampa makkilomita aatandila ku 2,200;* ibulamfwu bwawo, ibwaamba alimwi abulamfwu bwakuya mujulu zileelene. 17 Kunze lyaboobo, wakapima bwaanda bwanguwo, bwakali kulampa tukokola tuli 144,* ikweelana akupima kwamuntu alimwi akupima kwamungelo. 18 Lino bwaanda bwanguwo bwakayakidwe amabwe aajasipa, mpoonya munzi ooyo wakayakidwe angolida yini-yini iibalangala mbuli gilazi. 19 Intalisyo zyabwaanda bwamunzi zyakabotezyedwe amabwe mayandisi aaindene-indene: intalisyo yakusaanguna yakali yamabwe aajasipa, yabili aasafilo, yatatu aakalikedo, yane aaemalodi, 20 yasanu aasadoni, yacisambomwi aasadiyo, yaciloba aakulusolito, yalusele aabelulo, yafwuka aatopaziyo, yakkumi aakulusopulazo, yakkumi aimwi aahuwakinto, yakkumi azibili aamutusito. 21 Alimwi, imilyango eeyo iili kkumi aibili yakali yangale zili kkumi azibili; imulyango umwi aumwi wakabambidwe angale. Mpoonya mugwagwa mupati wamunzi ooyo wakali wangolida yini-yini, iibalangala mbuli gilazi. 22 Lino tiindakabona tempele mulinguwo, nkaambo Jehova Leza Singuzuzyoonse alimwi a Mwanaambelele ngotempele lyawo. 23 Alimwi munzi ooyu tuuyandiki kumunikilwa azuba naa mwezi pe, nkaambo bulemu bwa Leza bwakali kuumunikila, alimwi lambe lyanguwo lyakali Mwanaambelele. 24 Lino masi ayooenda mumumuni wawo, alimwi bami bamunyika bayooleta bulemu bwabo mulinguwo. 25 Alimwi milyango yanguwo tiikajalwi pe isyikati, nkaambo masiku kunyina naayoobako. 26 Eelyo bayooleta bulemu alulemeko lwamasi mulinguwo. 27 Pele cintu cili coonse cisofweede alimwi amuntu uuli woonse uucita cintu cisesemya alimwi silweeno takanjili pe mulinguwo; balikke aabo balembedwe mubbuku lyabuumi lya Mwanaambelele mbabayoonjila.\\n^ Mu Chigiliki, “Imasitadiya aali 12,000.” Sitadiya nceeleko camusinzo cakaindi caba Giliki.\\n^ Mamita aatandila ku 64.","num_words":542,"character_repetition_ratio":0.053,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kunsaa Mulawo? Naa Kufwidwa Luzyalo? Print\\nKunsaa Mulawo? Naa Kufwidwa Luzyalo?\\nTupona mumusela wabuzangi bwanciki akunyansya.\\nCinyonyoono cakaindila kuvwula munyika eeyi kuzwa Saatani naakawa. Saatani wakatyola mulawo wa Kujulu alimwi lino uyanda kuti abalo bantu banyansye Yahuwah. Hena uyoozwidilila?\\nSaatani ubelesya milwi yanzila zyakukulwaizya bantu bokwa Yahuwah kuti batyole mulawo wabulemu. Imwi nzila iinda kuzwidilila njakunjilauka muli nzyotusyoma akutoongelezya kuti tatuceelede kutobela mulawo wa Yahuwah.\\nBana Kristu banji baluula mbobalemeka Yahushua ajwi Lyakwe; pele, tabakubwene kuti zimwi nzyobasyoma zibasolweda mbuli moofu kuti batabilile buzangi bwa Saatani.\\nMuzeezo wa “mulawo aluzyalo” kanjikanji tuuteelelwi kabotu alimwi, citobela, bantu banji balaligunkula amuzeezo ooyu. Kutateelela kabotu luzyalo lwabulemu mbolweendelanya amulawo ncecitola zyuulunzuma zya bana Kristu baluulwa kuti basyome kuti tabaceelede kubamba Milawo.\\nKutegwa tulyaangulule kuzwa kukulubila ooku, tweelede kumvwa ncocaamba kuba “kufwidwa luzyalo” kujatikizya bwaamba Mangwalo. Hena luzyalo caamba kuti tatuceelede kubamba Milawo ili Kkumi na?\\nNinzi ncotunga twaamba? Hena tuye kumbele mucinyonyoono, kutegwa luzyalo lwiindilile kupegwa? Nee kaka,Yahuwah tazumizyi eeci... (amulange ba Roma 6:1-2.)\\nMangwalo alisalazyide: Tatweelede kuya kumbele mucinyonyoono nkaambo biyo kakuyi kucili luzyalo.\\nPele ino ninzi cinyonyoono?\\n“. . . cinyonyoono nkusotoka mulawo.” (Johani 3:4)\\nAboobo, luzyalo, talutuzumizyi kuti tutyole Milawo, nkaambo cinyonyoono nkusotoka naa kutyola mulawo wa Yahuwah. Kupeekezya kuti luzyalo lutupa kwaanguluka kuti tatuceelede kubamba Milawo ili Kkumi inga kwaba kwaamba kuti luzyalo nkuzumizya kucita cinyonyoono! Nee kaka, Yahuwah tazumizyi eeci pe.\\nIbbaibbele lyaamba zinji kujatikizya kutyola mulawo [cinyonyoono]:\\n“Bulumbu bwa cinyonyoono ndufu . . .” (ba Roma 6:23)\\n“Nkaambo kufumbwa uubamba mulawo woonse, pele kalezya mukampango komwe, ulaa mulandu muli zyoonse.” (Jakobo 2:10)\\nKubamba mulawo lino caboneka kuti ncintu ciyandika kapati. Pele kujanza limwi, tatukonzyi kunununwa kwiinda mukubamba buyo mulawo kulikke:\\n“Aboobo kwiinda mumicito yamulawo taakwe uukonzya kusalazyigwa kunembo Lyakwe . . .” (ba Roma 3:20)\\nMangwalo alisalazyide kuti taakwe naba omwe uyoonununwa kwiinda mumicito yamulawo pe. Hena tunununwa buti? Mbuti mulawo mbuuyendelana aluzyalo? Ciyubunuzyo 14:12 citwaambila kuti basaante banooli baabo babamba milawo ALIMWI balaa lusyomo muli Yahushua. Nduzyalo lwa Yahuwah lubapa kuti bakonzye buyo kubamba mulawo.\\nNkooku kubikkilila kwabasaante: mbaaba babamba milawo yokwa Yahuwah, alimwi balaa lusyomo muli Yahushua. (Amulange Ciyubunuzyo 14:12)\\nKanjikanji kampango katateelelwi kabotu kabelesyegwa kupandulula luzyalo nkaaka:\\nEelyo cinyonyoono tacikakuzundi: nkaambo toli kunsaa mulawo pe, pele ufwidwe luzyalo. (amulange ba Roma 6:14.)\\nNinzi caambwa mukampango aaka? Katutana manizya kwaamba, atuye kumbele mukampango katobela kaako:\\nIno mbuti kayi? Hena tucite cinyonyoono nkaambo kakuti tatucili kunsaa mulawo, pele tufwidwe luzyalo? Nee kaka ,Yahuwah tazumizyi eeci pe. (amulange ba Roma 6:15.)\\nMbuli mbutwabona kale, cinyonyoono nkusotoka naa kutyola mulawo wa Yahuwah (1 Johani 3:4). Aboobo, hena aaka kampango, kaamba kuti tweelede kutyola naa kusotoka mulawo wa Yahuwah nkaambo tulifwidwe luzyalo?” Kwiingula nkuti: “Nee kaka, Yahuwah tazumizyi eeci.”\\nMulawo uli mbuli cimbonimboni citutondezya aawo mpotwacita cinyonyoono.\\nNindataazyiba cinyonyoono, pele buyo nkaambo kamulawo. (Amulange ba Roma 7:7.)\\nMulawo ututondezya waawo mpotwacita cinyonyoono kutegwa tupiluke kuli Yahushua. Tatubambi Milawo kutegwa tunununwe pe. Tubamba Milawo nkaambo kakuti tuli nunudwe kale. Kubamba Milawo ngo mucelo walufutuko lwesu, kutali muyanda.Tulinunundwe kwiinda muluzyalo lwabulemu.\\nYahushua wakali kubamba Milawo, alimwi notuzyiba Nguwe, tuyooba mbuli Nguwe.\\n“Ooyo waamba kuti, Ime ndili Muzyi, pele katabambi milawo Yakwe, mubeji, alimwi kasimpe takali muli nguwe.” (1 Johani 2:4)\\nBasaante mbabaabo “babamba milawo yokwa Yahuwah, alimwi balaa lusyomo muli Yahushua.” (Ciyubunuzyo 14:12)\\n“Nkaambo mbuli mubili kuti kakwiina muya ulifwide, mbweenya alusyomo lutakwe milimo lulifwide alwalo.” (Jakobo 2:26)\\nUmwi mootokala wakali kubalika eelyo wakaitilwa kumbali aamugwagwa nkaambo kakutyola mulawo. Mweenzi wakali kubalisya mootokala wakasubulwa mbokweelede mumulawo. Pele naakalomba luse, musilikani waamuleka kuti aunke akumucenjezya. Lino ooyo mweenzi wamootokala wakali kunsaa luzyalo. Hena ono inga ooyo mweenzi wamootokala waya kumbele kusotoka naa kutyola mulawo nkaambo kakuti wabedwaa luzyalo? Naa lino inga watalika kweenza cakubikkila maanu akulumba kuluzyalo ndwaakapegwa?\\nCaatalikila acinyonyoono comwe. Nkaambo mulawo wakatyolwa, Yahushua wakasala kubbadela bulumbu bwa lufu kuti anunune ndiswe. Aboobo kalwiindide lufu Lwakwe, hena mulawo tiiwakaciliko?? Yahushua, Lwakwe, wakabamba Milawo.\\n“Kuti kamubamba milawo Yangu, muyookkala muluyando Lwangu; mbweenya mbuli Ndime mbweekabamba milaawo ya Taata Wangu, akukkala muluyando Lwakwe.” (Johani 15:10)\\nMbubuti luyando lwesu kuli Yahushua mboluyubununwa?\\n“Kuti kamuyanda Ndime, kamubamba milawo Yangu.” (Johani 14:15)\\nMbubuti bweende bwesu a Yahushua mbobulibonya?\\n“Ooyo waamba kuti, Ime ndili Muzyi, alimwi katabambi milawo Yakwe, ngo mubeji, alimwi taakwe kasimpe muli nguwe.” (1 Johani 2:4)\\nBanji bayakwaamba mubuzuba oobo kuti, Simalelo, Simalelo, hena tiitwakashinshima muzina lyako? Alimwi akutanda madaimona muzina lyako? Alimwi akucita maleele aalibotela muzina lyako? Nkabela Ime njakubaambila kuti, Ime nsyemuzyi nywebo: kamuzwaawa munsi lyangu, inywe nomucita zisofweede [kubula mulawo]. (Amulange Mateyo 7:22-23.)\\nKuti katumuyanda ncobeni Yahuwah, tunooya kumbele kubamba Milawo Yakwe yoonse.\\nNkaambo oolu ndoluyando lwa Yahuwah, kuti tubambe milawo Yakwe: alimwi milawo Yakwe tiikatazyi pe. (Amulange 1 Johani 5:3.)","num_words":704,"character_repetition_ratio":0.063,"word_repetition_ratio":0.0,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ekklesia Waamunzi Print\\nEkklesia, tubungabunga, amabala aamusyobo ooyo, aambilizya buyo bweende bwazintu bulaa mpuwo mazubaano. Bantu bamwi bakalisungula caali kwaandaana kuzwa kumbungano zyabupaizi akuzumina buyo kuti ekklesia waamunzi ncecikombelo ciiminina Bwaapositolo bwa Buna-Kristu bwa kasimpe. Bamwi babelesya tubungabunga ooto kuti bayungizye kusangalala mumbungano zitakwe Moza uubakondelezya. Bamwi baliimvwi aakataa nzila, kabapailila mumaanda aabo kutegwa mulimo weende kabotu.\\nBweendelezi bwamu Bbaibbele akweendelezya kabotu milimo ncecintu ciyandika kapati. Kaambo keni ncocili boobo nkakuti kunyina pe mbungano niiba yomwe iitobela Milawo iili Kkumi yoonse pe. Bunji bwambungano mazubaano zitobela milawo minji, pele kunyina akati kazyo iitobela milawo yoonse pe. Ncobeni, kunyina cikombelo cisimpidwe nokuba atalaa milawo yotatwe njobavwuzya kwiinda kumbali kapati eeyi: Kuli buyo Eloah naa Leza omwe, kubamba Nsabata, akukasya kujaya. Aboobo kwiinda mutwaambo totatwe ootu, muntu uusyomeka ncobeni mumoyo wakwe inga taalisanganya akataa bupaizi buli boonse bwamazubaano pe.\\nNokuba kuti kucili twaambo atumwi twakulangisya kunze lya milawo iili kkumi, eeyi yotatwe njiibamba musemo uutazungaani wiimvwi nji aawo boonse mpobeelede kupimwa akuzulwa nokuba kululamikwa. Eeyi milawo njeyaandaanya akataa zikombelo zyoonse. Pele kwiide kunjila ekklesia wakukombelaa munzi, acalo tacikonzyi kubambulula zintu pe. Ekklesia ulakonzya awalo kumvwelenganya alusyomo lwakubeja mbweenya mbuli zikombelo zimwi mbozicita. Kuti uyandaule nokuba kubamba cikombelo ca ekklesia amunzi wako, kuyandika kubambilila kabotu-kabotu akuyaamina kapati mu bweendelezi bwa Mangwalo.\\nIkaambo keni ncotubelesyela bbala lya Ekklesia alimwi kutali lyakuti cikombelo muli nzyotulemba munkamu ya WLC nkakuti, ibbala lyakuti “cikombelo” talyaambi bwini ncoliiminina bbala litaanzi lya ci Giliki lyakuti, \"Ekklesia.\" Mucizuminano Cipya coonse, Ekklesia ndibbala lyaambilizya baabo Bakaitilwa Kuzwa Anze. Ibbala lyakuti \"cikombelo,\" lyaamba buyo kabunga kabantu, aboobo ndibbala lyakalubizya kusandululwa alimwi tiilyakeelede kubelesyegwa pe. Bana-Kristu mbambabo ncobeni aabo Bakaitilwa Kuzwa Anze. Basikwiiya bamasimpe bokwa Yahushua mbambabo ncobeni Bakaitilwa Kuzwa Anze kuzwa mumbungano zyabupaizi busofweede bwaku Bbabbiloni. Eelyo nolumvwugwa lwiito lwakutija munzi wa Bbabbuloni, kucinyina muntu uuceelede kupilukila kuzikombelo zyaku Bbabbuloni amisyobo yabupaizi bwankuko pe.\\nIcikombelo citaanzi ca ekklesia caamunzi, eeco ceelela kubambwa, ncikombelo mbuli cokwa Adamu a Eva. Balo bakali kuswaangana antoomwe a Mwami Yahuwah kuti bapaile antoomwe lyoonse kumangolezya aamu Nsabata. (Matalikilo 3:8) \"Mpoonya bakamvwa jwi lya Mwami Leza Yahuwah naakali kweendenda mumuunda kumangolezya aabuzuba.\"\\nKweendela antoomwe a Yahuwah njenzila ntaanzi ya kupaila. Njeyakali nzila yakazumanana amuciindi cokwa Enoch (Matalikilo 5:24) \"Alimwi Enoki wakeenda Leza Yahuwah: mpoonya Leza wakamutola.” Ooku kuswaangana abuzuba, nkuswaangana mbuli mukwasyi omwe akupaila antoomwe a Mwami Yahuwah; ooku kweendela antoomwe anguwe, nkokulibambila kutolwa kuzwa atalaa nyika eeyi kuyooswaangana bumwi buzuba a Simalelo wesu mumulengalenga. Boonse bantu mumazuba aayo ngaakali kupona Enoki aabo bakaleka kupaila mbuli Adamu a Eva, mukuya kwaciindi bakalobelela mu Muyoba. Balikke aabo bakazumanana kupaila munzila eeyo mbabakafutulwa. (Matalikilo 6:9) \"Nowa wakali muntu mululami alimwi wakalondokede mumisela yakwe yoonse (nkokuti, mumukwasyi nokuba mu ekklesia wakupailila amunzi), alimwi Nowa wakeenda antoomwe a Elohimu.\"\\nCikombelo ca Ekklesia citaanzi caamunzi cakakomena kapati muciindi cokwa Abulahamu. (Matalikilo 14:14) \"Eelyo Abrahamu naakamvwa kuti mweeninyina watolwa buzike, wakakulika batwanga bakwe zilwanyo, bali myaanda yotatwe akkumi alusele, aabo bakazyalilwa mumunzi wakwe, akutandaanya bafumpi kuyoosikila ku munzi wa Dani.” Awalo mweelwe mupati boobo wacikombelo ca ekklesia caamunzi cokwa Abramu wakaandaulwa mbuli mbokulembedwe mu Matalikilo 13:8ff. Nokuba kuti kaambo kakwaandanyigwa kakali kakutondaikana minwe, ooko kwaandaana kwakakosozya makani, akulesya kulwana. Eeci ncitu ciimpene kapati kuli ceeco cicitika kanjaanji mubweende bwa cikombelo ca ekklesia caamunzi mazubaano, alimwi eeco ceelede kuba citondezyo cicenjezya bantu boonse. Cikombelo ca Ekklesia caamunzi mazubaano, kuti kacitayeeme mu milazyo ya Bbaibbele, ncintu buyo cimwi cicitobelezya lusyomo lwakubeja lwamu Bbabbiloni.\\nKamwi kaambo cikombelo ca ekklesia caamunzi ncocitalika buzangi mazubaano nkakuti, kuli zibeela zinjaanji oomo muntu mwanga wabelesya lunya mubweendelezi bwakwe. Eezyo nzikombelo zyakatalisyigwa aabantu bacimidwe nkaambo tiibaapedwe nguzu zyabweendelezi atalaa mbungano oomo mobakali kuzulilwa. IBbaibbele lilaa mulazyo uulesya kutalisya cikombelo amoyo uucimidwe boobo. Mulimo wakubunganya akweendelezya miswaangano yaamunzi ngwa mwana musankwa mutaanzi kuzyalwa. Eelyo bana nobapegwa milimo yakubala Mangwalo, mpoonya bamwi babungene kabateelezya nkobabala, kulaba kaambo kapati kuti bana kabacucauka akutakkalikila muciindi cakuti bapati balwanine cuuno cabweendelezi, eeco ncecicitika amwalo muli ekklesia waamunzi zimwi ziindi kwiinda mbocicitika mumbungano zyabupaizi bwamakwebo.\\nMubwini, ciindi cakupaila inga caba ciindi cakulikwaya kapati cakuti abalo bana inga batola lubazu lwakweendelezya. Kuti kwatalisyigwa mupailo wakuumunizya, oomo bamwi mobapozya majwi kulilauka nzyobabulide, mpoonya akuzumanana kupaila kumwi mwana weendelezya kabala ciiyo mu Mangwalo, mpoonya kuzwa waawo inga bantu batalika kuswata Mangwalo akubandika twaambo twa moza; kunyina pe ciindi aawo mwana mpanga walimvwaanga waindwa kumbali mubweendelezi bwakwe pe. Bapati inga bamugwasyilila kubala Bbaibbele, kukonkezya bumboni bwalusyomo ndobasyoma akoompolweda babungene lwiito lwa kujulu, muciindi coonse eeco kakunyina kwiindilana kweendelezya muswaangano. Ooyu mulazyo wa mwana mutaanzi kuzyalwa uli mukaambo kakuti eelyo nibakatalika kupaila mbuli cisi bana Isilayeli, kuli cintu cakasiilwa kumbali. Kuzyalwa butaanzi wakali mulazyo wakazumanana kutobelwa, pele mubweende bwazintu mwana mutaanzi kuzyalwa wakali kunununwa kwiinda mukupa mali kubapaizi, mpoonya aabo bapaizi mbabakali kucita milimo eeyo njaakeelede kucita mwana mutaanzi kuzyalwa. Eeyi nzila yakazumanana muciindi ca Babetesi a Bami. Pele mbweenya mbuli kukwata maali, eeyi tiiyakali nzila taanzi njaakali kuyanda Mwami Yahuwah pe.\\nKwakali twaambo tunjaanji twakucincila mbungano abweendelezi muciindi ca Babetesi a Bami. Aciindi cakuboola kwa Messiah, zyoonse eezyi zyakapiluka kunzila ntaanzi. Yahushua wakatalisya alimwi nzila yakupaila mutubungabunga tosyoonto muli Mateyo 16-18, kapede malailile mbokwakeelede kucitwa kupaila.\\nMulimo mutaanzi muli (Mateyo 18:19) ngwakuti, “Alimwi ndamwaambila kuti naa bantu bobilo bazuminana ansi aano akaambo kaceeco ncebakumbila, Taata uuli kujulu ulabacitila. (Mateyo 18:20) Nkaambo ooko bantu bobilo naa botatwe nkobabungene muzina lyangu, ambebo mpendi akati kabo.\\nYahushua wakacesya mweelwe wabaJuuda beelede kuswaangana antoomwe kuti bapaile, bobile nokuba botatwe. Bobile nokuba batatu inga babamba kaambo, nkokuti, inga babamba cikombelo ca ekklesia citobela Mulumbe mubotu munzila iiluleme. Njeeyi milazyo njaakapa:\\nEkklesia wakabambilwa atalaa kaambo kaakaamba Petulo naakati Yahushua ngo mwanaa Yahuwah. (Mateyo16:16-18)\\nEkklesia nje mbungano iipedwe nguzu yiiminina bulelo bwakujulu bwa Mwami Yahuwah atalaa nyika. (Mateyo 16:19)\\nEkklesia njembunga iitakwe mpuwo, zimwi ziindi akuba mbunga yamaseseke, mbuli muciindi cankondo yakulwana Saatani munyika iino. (Mateyo 16:20)\\nEkklesia nimbunga yiimvwi munzila yalufutuko oomo cintu cipati mocili lufu akubuka kwa Kristu. (Mateyo 16:21-23; 17:22-23)\\nEkklesia mbobusena bwakuliimya ooko kuyandika munzila ya lufutuko (Mateyo 16:24-26)\\nEkklesia uyeeme mubulangizi bwa kuboola kwa Kristu kuzyaa kuswena afwaafwi. (Mateyo 16:27-28)\\nEkklesia nimbunga ya zilengaano azishinshimi, ileta baabo babungene kuti baswaangane aciyubunuzyo ca zishinshimi zizwa kujulu. (Mateyo 17:1-9)\\nEkklesia njenzila yakweeta zileleko zya bulemu bwakujulu munyika kwiinda mu kuyiisya, kuponya akubaa nguzu kwiinda mumipailo akuliimya kulya. (Mateyo 17:14-21)\\nEkklesia ubambilila muntu kapati kulilesya kulwana munzi wa Loma. (Mateyo 17:24-27)\\nCintu cipati muli Ekklesia ncakulitolaansi, akufwida lubomba bacete. (Mateyo 18:1-14)\\nEkklesia njenzila yakuleta lumvwano muciindi cankondo, alimwi ilaa mulimo wakutanda baabo bazumanana zisesemya kuzwa akataa bakwabonyina. (Mateyo 18:15-17)\\nEkklesia ulabambwa abantu bobile nokuba batatu baswaangane muzina lya Kristu mumulimo ooyo. (Mateyo 18:18-20)\\nKristu uutalibonyi nkwali ncobeni akataa mbungano ya ekklesia niibungene muzina Lyakwe. (Mateyo 18:20)\\nEkklesia njenzila yakulekelelwa zibi abulemu bwa kujulu, ooko kucitika eelyo babungene nobalekelelana zibi zyabo. (Mateyo 18:21-35)\\nEeyi milazyo iili kkumi ayone ya Mulumbe mubotu, njiiyandika mu bulelo bwa Yahuwah, njenjiyo yaambilizyigwa mu Mulumbe mubotu. Kuti kakuli imwi iitasanganyidwe, eeco cikombelo cilaleka kuba ekklesia wamasimpe. Ekklesia tiili mbungano yabupaizi yakatalisyigwa abaapositolo kabatobelana kukkala cuuno ca bweendelezi pe. Yakatalisyigwa cakugaminina a Yahushua Lwakwe, ooyo uuliko lyoonse niibambwa mbungano alimwi niiswaangana kupaila.\\nEkklesia wa Baapositolo wakali kubunganina mumaanda nokuba mumasena aatasikwisikwi anze lya minzi.... Eeyi njeyakali nzila lyoonse kabutaninga sika Buna-Kristu bwaku Loma, oobo bwakatalika kuyaka maanda mapati oomo mobeendelezya bantunyina akubayiisya buzangi. Ekklesia wakali kubambilwa munsaa bamwi, mbweenya mbuli mbungano njaakali kubunganya amunzi wakwe mucizyi Phebe waku Cenchrea, kasinzo kasyoonto buyo kweenda kuzwa ku Corinth, ooko ekklesia umwi nkwaakabunganyidwe.\\nEkklesia wa Mulumbe mubotu, tuusanganyi mulimo wa dikoni a eloda pe. Eeyi milimo yakabambilwa ekklesia wa baapositolo kuti igwasyilile muziindi zimwi. Muciindi eeco bupaizi bwamaseseke bwakalaa mpuwo mu Bulelo bwa Loma. Kwakali kunoonga kuli tubunga twamaseseke muminzi ooto twakali kusanganya bantu munzila iikonzya kubbapatizya, pele zimwi ziindi eezyo zyakali nzila ziyoosya mbuli zyakusamba mubulowa, kulya cisetekene, kupaila cibumbwa camuntu ooyo wakalisumpula buleza akutaminina kuti wakafwa akubuka kuzwa kubafu, kwiimba nyimbo akubala mangwalo mbweenya oobo. Cintu cikonzyanisya a ekklesia wa mulumbe mubotu cakali cakuti, abalo ba Juuda a Bamasi bakali kwaalilwa kwiimpanya akataa zyobile eezyo. Mukati kambungano eeyi, milimo ya dikoni a eloda yakali kuyandika kutegwa yeendelezye Mulumbe mubotu. Lino mbotulangene penzi ndeenya eelyo mazubaano, myaanda yabupaizi bukomba mituni iilyaamba kuba buna-Kristu, momumo oomo ba dikoni a eloda mobayandika ncobeni kubeleka milimo asunu.\\nPaulu wakalemba cibalo cilamfu ca milimo eeyi muli 1 Timoteo 3. Nokuba kuti banji sunu bayeeya kuti kukona bwaapositolo ncecintu cipa kuti muntu atambulwe mucikombelo, eeci taali masimpe pe. Alikke Kristu nguukonzya kusala muntu, alimwi Kristu nkwali buyo alikke aawo mpobabungene muzina lyakwe kucita mulimo ooyo. Kunjizya muntu mumulimo kwiinda mumupailo akumulazyika maanza abaabo baswaangene mu ekklesia wa Mulumbe mubotu njenzila ilikke yakunjizya mulimo iizumizyidwe.\\nEkklesia ulaa mulimo wakucita milimo imwi kwiinda buyo kusala bama eloda abadikoni, kuti kabali balayandika munkamu. Eeyi milimo ijatikizya:\\nMulimo wakukambauka Jwi. (Ciyubunuzyo 1:3)\\nKubbapatizya kwiinda mukunyika kunsaa meenda aabo balipeda bumboni bwa lusyomo lwabo mu lufu akubuka kwa Kristu. (BaLoma 6:4) BIKKILA MAANU: Mukabunga kasyoonto, aabo bayandaula kasimpe balakonzya kubbizyana kakwiina uupedwe mulimo.\\nKusanzya matende kumatalikilo aamulalilo. (Johane 13:14)\\nMulalilo wa Simalelo wakulya cinkwa citakwe mimena awaini uutasaside. (1Bakolinto 11:23-33)\\nKuleleka bana. (Mateyo 19:14)\\nKupailila baciswa. (Jemusi 5:14)\\nEkklesia caambilizya kabunga kabaabo bakaitwa kuzwida anze alimwi ndibbala liteelede kubelesyegwa kwiita civwuka ciyakidwe cakubunganina. Eezyo zivwuka ziitwa boobo masinagogwe ookwa Saatani, aayo aakabambilwa lusyomo lwamunyika. Ekklesia ujatikizya bantu balaa zipego zya moza zigwasya bantu bali mumbali lyabo. Eezi zilibandaukidwe mu 1 Bakolinto 12-14. Mulongo wazipego eezyo ulipedwe amu 1 Bakolinto 12:28.\\n“Yahuwah mumbungano yakwe wakabikka aaba, kusaanguna batumwa, lwabili basinsimi, lwatatu bamayi, alimwi bamwi mbaasimaleele, bamwi balaponya, bamwi mbagwasyi, bamwi mbeendelezi, bamwi balakonzya kwaamba misyobo iimbi (1 Bakolinto 12:28)\\nYoonse milazyo ya Mulumbe mubotu iili kkumi ayone, zipego zya moza zili lusele, kusala beendelezi bamilimo ya dikoni a eloda, yakafuma kulibonya akataa balangila kuboola kwabili aabo bakali kubamba milawo. Malembe mataanzi kapati aa mucizyi Ellen White apa bupanduluzi bumbwikisya bwa miswaangano eeyo. Ekklesia wamukwasyi waba White wakali kweendelezyegwa a mwana musankwa mutaanzi kuzyalwa Henry, \"mwiimbi uulweela.\" Ellen White wakapandulula mbubakali kukomezyegwa akuyiisyigwa bana kutegwa bakonzye kweendelezya kupaila mumunzi wabo.\\n\"Malailile aakumvwika jwi ayelede kupegwa amunzi. Bazyali beelede kuyiisya bana kwaambaula kabamvwika jwi kutegwa aabo bateelela bamvwe akuteelela kufumbwa jwi lyaambwa. Bazyali beelede kubayiisya kubala Bbaibbele mujwi limvwika, lisalala, alimwi munzila iilemekezya . . . [Yahuwah]. Alimwi mutalekeli baabo bafugama mumbali lya cipaililo camukwasyi kuti basise masyu aabo mumatansyi nokuba kunzaa cuuno eelyo nobabandika kuli . . . [Yahuwah]. Balo beelede kwiimikizya mitwe yabo alimwi, cakusetekana akukkazyika camba, baboole kucuuno caluzyalo.\"--Adventist Home, p. 435.\\nMulazyo wa kuswaangana mu ekklesia waamunzi wakalizyibidwe akucitwa kuzwa kulaale kumwaka wa 1844 akataa baabo babamba milawo akulangila kuboola kwabili.\\n'“Tiilyakalampa nikwakainda ciindi, mu 1844, eelyo mupailo wangu ooyu niwakajatikizya baabo babungana antoomwe kuti nokuba kubungana ciindi comwe buyo inga cavwuna muntu omwe. Kumulimo uuli boobu . . . [Yahuwah] ukulwaizya kuti: 'Ime ndiyookupa bulumbu.”--Adventist Home, p. 451.\\nMulimo wa mwaalumi amukaintu mukukomba kwaamunzi awalo weelede kuya kumbele kuzwa mumuswaangano wamu Nsabata.\\n\"Kamutaninga yaamuka amunzi kuya kumilimo, boonse bamukwasyi beelede kwiitwa antoomwe; mpoonya wisi, nokuba banyina kuti katako wisi, beelede kukombelela cakulikombya kuli . . . [Yahuwah] akuzumanana buzuba boonse mumoyo kucita boobo. Amuboole kamulitolaansi, amoyo uuzwide kuteteeta, kamulangisya masunko antenda zili kumbele lyenu abana banu; kwiinda mulusyomo amubaangilile ku cipaililo, amwaabe bana benu mumaanza ookwa . . . [Yahuwah]. Bangele babeleka banookwabilila bana aabo baabidwe mumaanza ookwa . . . [Yahuwah].\"--Child Guidance, p. 519.\\nBabbaputisiti bapaila Mujibelo mbibaapa mpuwo yakutalika kuyaka zivwuka zyakukombela. Eezyo mbungano zyakabambwa kumamanino aamyaka ya 1800 zyakabambidwe mumukonzyanyo waba Bbaputisiti, kazilaa milimo, miswaangano, abweendelezi. Eezi, nokuba kuti tiizyali kunga zyaba milimo iilubide lwazyo, pele mukuya kwaciindi zyakasofwaazyigwa kwiinda mukuyaamina ku mbungano, cakuti milazyo mitaanzi ya ekklesia waamunzi yakasweekela limwi.\\nSwebo tatuyandi mbungano zipya, nokuba kulisanganya mumbungano zyizuunyene mulimo wabuzangi. Ekklesia waamunzi ooyo wakatalisyigwa mumuunda wa Edeni, wakaambwa alimwi mu Mulumbe mubotu, akuzumanana akataa basyomi babamba milawo iili kkumi mumisela yakatobela yoonse.\\nAzimwi zibalo zyeendelana acibalo eeci:\\nZikombelo Zizangide! Kuzyiba Basinkondonyina ba Ekklesia Wakasimpe","num_words":1869,"character_repetition_ratio":0.05,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jesu Weenda Aatala Aameenda | Buumi bwa Jesu\\nMweendelezi Uukonzya Kweendelezya Zilengwaleza\\nMATAYO 14:22-36 MARKO 6:45-56 JOHANE 6:14-25\\nBANTU BAYANDA KUBIKKA JESU KUBA MWAMI\\nJESU WEENDA ATALA AAMEENDA, WAUMUZYA MUWO\\nMaleele ngaacita Jesu aakusanina zyuulu zyabantu abagambya kapati bantu. Bazyiba kuti “ooyu ncobeni ngo Musinsimi wakasinsimwa kuti uyooboola munyika,” nkokuti Mesiya, alimwi babona kuti inga waba mweendelezi mubotu. (Johane 6:14; Deuteronomo 18:18) Aboobo bantu bapangana kuti bamujate Jesu akumubikka kuba mwami.\\nPele Jesu wacizyiba ncobakanza kucita bantu. Wamwaya makamu aabantu akwaambila basikwiiya bakwe kuti bapiluke mubwato. Balainda kuli alimwi ino nkuli nkobaya? Balainda ku Betesaida mpoonya baunke ku Kapernauma. Pele walo Jesu, waunka kucilundu kuyoopaila kali alikke busiku oobo.\\nMumumuni wamwezi kubucedo, Jesu wabona bwato kulaale. Muwo uubbubbula canguzu wanyamuna mayuwe aamulwizi, eelyo baapostolo ‘cabakatazya kukwasula, nkaambo guwo libbubbula kuletezya nkobaya.’ (Marko 6:48) Jesu waselemuka kuzwa acilundu akutalika kweenda atala aamayuwe kugama kulimbabo. Lino bali kukwasula bwato “musinzo wamakkilomita aatandila kuli osanwe naa cisambomwe.” (Johane 6:19) Basikwiiya bamubona Jesu keenda mbuli kuti uyanda kubaindilila, eelyo akaambo kakuyoowa bakwiila balaamba: “Ncilengaano!”—Marko 6:49.\\nCakubakkazika moyo Jesu wabaambila kuti: “Amukkazike myoyo! Ndime; mutayoowi pe.” Pele Petro waamba kuti: “Mwami, ikuti naa nduwe ncobeni, kondaambila ndiboole kulinduwe kandeenda atala aamaanzi.” Jesu wavwiila kuti: “Koboola!” Naamvwa boobo, Petro waseluka mubwato akutalika kweenda atala aameenda kuya kuli Jesu. Pele naalanga guwo, Petro wayoowa akutalika kubbila. Wakwiila wati: “Mwami, kondivwuna!” Mpoonya Jesu watambika janza lyakwe, wamujata Petro akumwaambila kuti: “Yebo osilusyomo luniini, nkaambo nzi ncoodooneka?”—Matayo 14:27-31.\\nPetro a Jesu batanta mubwato, alyalo guwo lyaleka. Basikwiiya bagambwa, pele sena mubwini baleelede kugambwa? Ikuti nobazimvwisya ‘ncozyali kwaamba zinkwa,’ imaleele ngaazwa akucita Jesu mawoola masyoonto buyo aainda ciindi naasanina zyuulu zyabantu, nobatagambwa pe kubona kuti weenda atala aameenda akuumuzya muwo. Lino baile kumufwugamina buyo, balaamba: “Masimpe uli Mwana wa Leza.”—Marko 6:52; Matayo 14:33.\\nMuciindi buyo cisyoonto basika kucibanda cibotu alimwi icijisi nyika mbotu ca Genesarete, icili kumusanza aamunzi wa Kapernauma. Ooko babwiimika bwato akuseluka. Bantu bamuzyiba Jesu, eelyo antoomwe abantu bambi ibazwa muminzi yeengelede, baleta balwazi kulinguwe. Balwazi aaba mbobagumina buyo moombe wacisani ca Jesu caatala, baponesyegwa cakumaninina.\\nAciindi eeci, nkamu yabantu abaya ibakalibonena makamu aabantu mbwaakasaninwa munzila yamaleele bazyiba kuti Jesu waunka. Aboobo mato masyoonto-syoonto aazwa ku Tiberiya naasika, bantu batanta mulingawo akuunka ku Kapernauma kuyakuyandaula Jesu. Nobamujana, bamubuzya kuti: “Rabbi, ino wasika lili kuno?” (Johane 6:25) Kajisi kaambo kalimvwisya, Jesu wabasinsa mbubonya mbotutiibone.\\nJesu naamana kusanina zyuulu zyabantu, ncinzi bantu ncobayanda kumucita?\\nNkaambo nzi basikwiiya ncobateelede kugambwa kuti Jesu ulakonzya kweenda atala aameenda akuumuzya muwo?\\nNcinzi cacitika ciindi Jesu naasika kunkomwe iili munsi-munsi aamunzi wa Kapernauma?\\nMaleele aa Jesu tanaakagwasya buyo bantu ibakali kupona mu Israyeli yansiku, pele alimwi akali kutondezya ncayoocitila bantu lino-lino kumbele.","num_words":413,"character_repetition_ratio":0.049,"word_repetition_ratio":0.0,"special_characters_ratio":0.18,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Joni 1 Baibo 2003 | The New Bible.com\\n1Liswi mbolyakaba muntu 1Kumatalikilo a cishi uyo wiitwa ayi Liswi wakalingaako kale. Uyu Liswi wakalinga pantu pomwi aLesa alimwi nguLesa. 2Kuswabo kumatalikilo wakalinga aLesa. 3Lesa wakalenga shintu shoonse kwiinda muli nguwe. Naatalinga nguwe naakwiinga taaku cakalengwa nabi comwi. 4Muli nguwe momwakalinga buumi alimwi buumi ubu bwakalinga mumuni wa bantu. 5Mumuni uyo ulamunika mumunshinshe, sombi munshinshe tookoonshi kuukoma. 6Lesa wakatuma muntu wakwe wiitwa ayi Joni. 7Uyo wakesa mukuba kamboni wa Mumuni, kwaamba ayi bantu boonse banyumfwe makani akwe akwaashoma. 8Lakwe mwiine taakalinga Mumuni, sombi wakesa mukuba kamboni wa Mumuni. 9Uyu ngoMumuni wancinencine wakesa mucishi ca panshi mukumunikila bantu boonse. 10Lakwe wakalingaamo mucishi cino alimwi cishi cakalengwa kwiinda muli nguwe. Nakubi boobo bantu ba mucishi tabakwe kumwishiba. 11Wakesa mucishi cine mishaabo, sombi bene mishaabo baanji tabakwe kumutambula. 12Sombi kubaabo boonse bakamutambula akumushoma, wakabapa nkusu shakuba bana bakwe Lesa. 13Kuba bana bakwe Lesa uku, takukwe kuswa kubashali. Nkokwaamba ayi takukwe kuswa mukuyanda kwa muntu, sombi bakashalwa munkusu shakwe Lesa. 14Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi. 15Joni wakapa bukamboni pali nguwe akoolobesha ayi, “Ngowooyu uyo ngondakalinga kwaamba ayi, ‘Utoosa pesule lyangu uleendaawo nkusu pali ndime mukwiinga wakalingaako nebo kaantana kushalwa.’ ” 16Muluse lwakwe luunji swebo twakatambula shoolwe shiinji abuumbi. 17Mukwiinga Lesa wakapa Milawo kwiinda muli Mose, sombi luse alushinisho shakesa kwiinda muli Jesu Klistu. 18Taaku muntu wakabonaawo kale Lesa, sombi Mwanaakwe wakashalwabo eenka, uyo usunikwi abuumbi abaIshi, ngowakalengesha ayi ashibikwe.Bukamboni bwakwe Joni Mubombeki(Mate 3:1-12; Maako 1:1-8; Luka 3:1-18) 19Ono ubu mbobukamboni bwakwe Joni baJuda ba kuJelusalemu ndibakatuma bapailishi alimwi abene Lefi bamwi kumwiipusha ayi, “Ino ndiwaani?” 20Joni taakwe kukaka kukumbula, sombi wakakumbula cakutashisa ayi, “Nebo teshi ndime Usalitwe wakwe Lesa.” 21Bakamwiipusha ayi, “Ino ndiwaani? Sa ndiwe Elija?” Lakwe wakakumbula ayi, “Sobwe, teshi ndime Elija.” Bakamwiipusha alimwi ayi, “Sa ino ndiwe mulaluki ngotutoolindila ulya?” Sombi wakaamba ayi, “Sobwe.” 22Lyalo bakamwiipusha ayi, “Ino ndiwaani? Ceebo tulyeelete kuya mukulwiita baabo batutuma. Ono omwiine ulaamba ayi ndiwaani?” 23Lyalo Joni wakakumbula kwiinda mumaswi akaamba Isaya mulaluki mukulukulu ayi,“Ndime muntu umwi utokoolobesha muluyanga ayi,‘Amululamike nshila ya Mwaami!’ ” 24Abo bantu bakalinga kwiipusha Joni, bakabatuma mbaFalisi. 25Bakeepusha Joni ayi, “Ono na teshi ndiwe Usalitwe wakwe Lesa, Elija nabi mulaluki ngotutoolindila ulya, utoobombekelanshi?” 26Joni wakabakumbula ayi, “Nebo ntoobombekabo amaanshi, sombi pakati kanu mpwaali uyo ngomuteshi. 27Lakwe ngootoosa pesule lyangu, sombi nebo nsheelete akukotama kwaamba ayi ŋangulule nsapato shakwe.” 28Ishi shoonse shakacitikila mundabala ya Betani kulubasu lwakwicwe lya Mulonga wa Joodani, uko Joni nkwaakalinga kubombekela.Jesu Mwanaambelele wakwe Lesa 29Mpeeke bushiku bwakaboolaawo Joni wakabona Jesu keesa kuli nguwe. Lyalo wakoolobesha ayi, “Amubone Mwanaambelele wakwe Lesa uyo ukusha shibiibi sha bantu ba mucishi coonse ca panshi! 30Uyu, ngowoolya ngondakalinga kwaamba ndindakaamba ayi, ‘Utoosa pesule lyangu uleendaawo nkusu pali ndime mukwiinga lakwe wakalingaako nebo kaantana kushalwa.’ 31Nebo palwaangu nshindakalinga kumwishi, sombi ndakesa mukubombeka amaanshi kwaamba ayi bamwishibe bene Isilaeli.” 32Joni wakapa bukamboni mukwaamba ayi, “Ndakabona Mushimu Usalashi kauswa kwiculu anga nimpolobe akwikala pali nguwe. 33Nebo palwaangu nshindakalinga kumwishi, sombi Lesa uyo wakantuma mukubombeka amaanshi ngowakandwiita ayi, ‘Uyo ngweshi ukabone waselukilwa Mushimu Usalashi akwikala pali nguwe, ukeshibe ayi ngowooyo ubombeka aMushimu Usalashi.’ 34Ono nebo nemwiine ndalibonena alimwi nceceeco ncendaambila cakutatonsha ayi, ‘Uyu nguMwanaakwe Lesa!’ ”Bashikwiiya bakwe Jesu bataanshi 35Bushiku bwakaboolaawo Joni wakalinga kwiimfwi pamusena weenka uyo alimwi abashikwiiya bakwe bobilo. 36Ndyaakabona Jesu kaainda, wakaamba ayi, “Amubone, ngulya Mwanaambelele wakwe Lesa!” 37Mpomunyaawo bashikwiiya bobilo abo, ndibakanyumfwa cakaamba Joni, bakakonkela Jesu. 38Lyalo Jesu ndyaakacebuka wakabona kabamukonkela, mpeeke wakabeepusha ayi, “Mucafweeko?” Bakakumbula ayi, “Labi, ino mulekala kuli?” (Labi cilaamba ayi mufundishi.) 39Jesu wakakumbula ayi, “Kamwisa mukaboneeko.” Aboobo bakaya akubona nkwaakalinga kwikala. Bakekalaakwe bushiku ubo ceebo lyakalinga kale macolesha. 40Pabaabo bobilo bakanyumfwa maswi akwe Joni akukonkela Jesu, umwi wakalinga Andulu mukwabo Simoni Pita. 41Cintu citaanshi ncaakacita Andulu, nkubona Simoni akumwaambila ayi, “Twamucana Klistu.” (Ili liina lilaamba ayi “Usalitwe wakwe Lesa.”) 42Kuswawaawo Andulu wakatola Simoni kuli Jesu.Jesu wakalangilisha Simoni akumwaambila ayi, “Webo liina lyako ndiwe Simoni mwanaakwe Jona. Sombi unanookwiitwa ayi Kefasi.” (Liina ili lilasansulula ayi “Pita” nkokwaamba ayi “Mwaandami.”)Jesu mbwaakeeta Filipo aNatanaelo 43Bushiku bwakaboolaawo Jesu wakayeeya kuya kucishi ca Galili. Mpeeke wakacana Filipo akumwaambila ayi, “Nkonkele!” 44Filipo wakalinga kwikala kundabala ya Betisaida uko kwakalinga kwikala Andulu aPita. 45Lyalo Filipo wakacana Natanaelo, mpeeke wakamwaambila ayi, “Twamucana muntu uyo Mose ngwaakalemba mumabuku a Milawo alimwi abalo balaluki bakulukulu ngobakalemba mumabuku abo, nguJesu wa kuNasaleti, mwanaakwe Josefu.” 46Natanaelo wakeepusha Filipo ayi, “Sa muNasaleti amwalo inga mwaswa cintu cibotu?” Filipo wakakumbula ayi, “Kosa, ukalibonene omwiine.” 47Ono Jesu ndyaakabona Natanaelo keesa kuli nguwe wakaamba ayi, “Anooyu mwine Isilaeli wancinencine, muli nguwe taamu kampenda.” 48Natanaelo wakamwiipusha ayi, “Ino mwaanshiba buyani?” Jesu wakakumbula ayi, “Kaatana kukwiita Filipo, ndalinga kukubwene kale kooli mucisamu ca mukuyu.” 49Natanaelo wakakumbula ayi, “NoBafundishi, ncakwiila muli Banababo baLesa! Muli Baami ba bene Isilaeli!” 50Jesu wakaamba ayi, “Sa washooma ceebo cakukwaambila ayi, ‘Ndalinga kukubwene kooli mucisamu ca mukuyu?’ Ulaakubona shintu shiinda waawa!” 51Lyalo wakabaambila ayi, “Ncakwiila, ntoomulwiita ayi mulaakubona liculu lyacaluka abaanjelo bakwe Lesa kabatanta akuseluka paMwanaaMuntu.”\\nLwiimbo lwakwe Solomoni\\nBusongo Bwakwe Solomoni\\nBelo ansoka inene\\nMilimo ya Batumwi\\n1 Bene Kolinto\\n2 Bene Kolinto\\n1 Bene Tesalonika\\n2 Bene Tesalonika","num_words":824,"character_repetition_ratio":0.058,"word_repetition_ratio":0.0,"special_characters_ratio":0.18,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jesu Wayiisya Nikodemo Ncocaamba ‘Kuzyalwa Alimwi’ | Buumi bwa Jesu\\nJesu Wayiisya Nikodemo Imasiku\\nJESU WABANDIKA A NIKODEMO\\nNCOCAAMBA “KUZYALWA ALIMWI”\\nKacili ku Jerusalemu ku Pobwe Lyakwiindilila lyamu 30 C.E., Jesu wacita zitondezyo zigambya naa maleele. Akaambo kaceeci, bantu banji bamusyoma. Nikodemo, umwi waba Farisi alimwi wamu Nkuta Mpati Yaba Juda wabotelwa. Kayandide kwiiya zinji, waunka kuli Jesu masiku, ambweni akaambo kakuyoowa kusampuka ikuti bamubona basololi bambi baba Juda.\\nNikodemo waamba kuti: “Rabbi, tulizyi kuti uli mwiiyi wakazwa kuli Leza, nkaambo kunyina uunga wacita zitondezyo eezyi nzyocita ccita kuti Leza kali anguwe.” Mukwiingula, Jesu waambila Nikodemo kuti, ikutegwa muntu akonzye kunjila mu Bwami bwa Leza, weelede ‘kuzyalwa alimwi.’​—Johane 3:2, 3.\\nPele ino muntu inga wazyalwa buti alimwi? Nikodemo wabuzya kuti: “Sena inga ulakonzya kunjila mwida lyabanyina lwabili akuzyalwa alimwi?”​—Johane 3:4.\\nPeepe, taasyi ncocaamba kuzyalwa alimwi. Jesu wapandulula kuti: “Ccita kuti muntu wazyalwa mumaanzi amumuuya, takonzyi kunjila mu Bwami bwa Leza.” (Johane 3:5) Ciindi Jesu naakabbapatizyigwa, alimwi muuya uusalala nowakamuselukila, wakazyalwa “mumaanzi amumuuya.” Aciindi eeco kwakamvwika amajwi aakwaambilizya kuzwa kujulu aakuti: “Ooyu Mwanaangu ngweyandisya, ngwekkomanina.” (Matayo 3:16, 17) Munzila eeyi, Leza wakaambilizya kuti Jesu wakaba mwanaakwe munzila yakumuuya kajisi bulangizi bwakunjila mu Bwami bwakujulu. Mpoonya ciindi ca Pentekoste yamu 33 C.E., muuya uusalala uyootilwa aabantu bamwi babbapatizyidwe, eelyo abalo bayoozyalwa alimwi kabali bana ba Leza munzila yakumuuya.​—Milimo 2:1-4.\\nCamukatazya Nikodemo kumvwisya makani Jesu ngamuyiisya kujatikizya Bwami. Aboobo Jesu wamwaambila makani aambi kujatikizya mulimo waalubazu ngwajisi nali anyika kali Mwana wa Leza. Jesu waamba kuti: “Mbubonya Musa mbwaakasumpula nzoka munkanda, awalo Mwanaamuntu weelede kusumpulwa, kutegwa muntu uuli woonse uumusyoma abe abuumi butamani.”​—Johane 3:14, 15.\\nKaindi, bana Israyeli ibakalumwa nzoka zikali bakeelede kulanga kunzoka yamukuba kutegwa bapone. (Myeelwe 21:9) Mbubonya buyo, bantu boonse beelede kusyoma Mwana wa Leza kutegwa bafwutulwe kulufwu akujana buumi butamani. Kakankaizya luyando Jehova ndwaakatondezya mumakani aaya, Jesu waambila Nikodemo kuti: “Leza wakaiyanda kapati nyika cakuti wakapa Mwanaakwe simuzyalwaalikke, kutegwa muntu uuli woonse uumusyoma atanyonyoonwi, pele abe abuumi butamani.” (Johane 3:16) Aboobo lino nikwainda myezi iili cisambomwe kuzwa ciindi naakatalika mulimo wakwe, Jesu kali mu Jerusalemu wacisalazya kuti walo nenzila bantu mobakonzya kujana lufwutuko.\\nJesu waambila Nikodemo kuti: “Leza tanaakatuma Mwanaakwe munyika kuti abeteke nyika.” Eeci caamba kuti tanaakatuminwa kuzyikwiibeteka munzila yakwiipa mulandu wakuti bantu boonse banyonyoonwe. Muciindi caboobo, mbubonya mbwaamba Jesu, wakatuminwa “kuti nyika ifwutulwe kwiinda mulinguwe.”​—Johane 3:17.\\nNikodemo waboola kuli Jesu kayubaila mumudima. Aboobo cilanonezya kubona kuti Jesu wamanizya mubandi wakwe anguwe kwiinda mukwaamba kuti: “Lino mpaawa mpoluyeeme lubeta: kuti mumuni [nkokuti Jesu kwiinda mubuumi bwakwe alimwi anjiisyo zyakwe] wasika munyika, pele bantu bayanda mudima muciindi camumuni, nkaambo milimo yabo mibi. Nkaambo kufwumbwa ooyo uucita zintu zibi uluusulide mumuni alimwi tabooli kumumuni, kutegwa atasinswi kumilimo yakwe mibi. Pele kufwumbwa ooyo uucita ziluleme uboola kumumuni kutegwa milimo yakwe iyubununwe kuti yakali kucitwa kweelana akuyanda kwa Leza.”​—Johane 3:19-21.\\nLino cacaalila Nikodemo, imu Farisi alimwi mwiiyi wa Israyeli, kuzinzibala kuyeeya makani ngaazwa mukumvwa kujatikizya mulimo ngwajisi Jesu mumakanze aa Leza.\\nNcinzi camunyamuna Nikodemo kuti aunke kuli Jesu, alimwi nkaambo nzi ncaaunkila masiku?\\nIno “kuzyalwa alimwi” caamba nzi?\\nIno caamba nzi kuti Jesu tanaakaboolela “kuti abeteke nyika”?\\nEeco Leza Ncaakamucitila\\nNjiisyo ya Leza yakulunga “buumi kubuumi” ilagwasya mukupandulula kaambo Leza ‘ncaakapeda Mwanaakwe simuzyalwaalikke.’","num_words":494,"character_repetition_ratio":0.054,"word_repetition_ratio":0.0,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sicikolo muna Katolika Wakonkezya kuti Mujibelo niiba Nsondo Tiili Nsabata yamu Bbaibbele Print\\nSicikolo muna Katolika Wakonkezya kuti Mujibelo niiba Nsondo Tiili Nsabata yamu Bbaibbele\\nKwaciindi cilamfu BasiNsabata bakalikwiinduluka kwaamba caambwa aba Katolika ba Roma kuti batondezya kuti Cikombelo ca Katolika cilazumina kuti ncicaacinca buzuba bwa Nsabata kuya ku Nsondo. Cimwi ncobaamba cizyibidwe kapati cili mu Great Controversy, akubala 448;\\nBa Roma baamba kuti “Ooko kubamba Nsondo nkobacita Basikukazya nkulemekezya nguzu zya Cikombelo [ca Katolika] nokuba kuti balakazya.” - Mgr Segur, Plain Talk About the Protestantism of Today, p. 213.\\nMubuzuba bwa Mukubwekaangala 5, 2006, sicikolo muna Katolika wa Roma, Patrick Madrid, wakaamba kaambo kagambya kalo muntu uli oonse uuyandisya Nsabata ya Kasimpe nkayelede kuzyiba. Baku EWTN, Global Catholic Network, bakajulila ŋanda yakapepele kubantu kuti baumine luwaile ooko akwaamba twaambo aciindi ca Open Line. Umwi waali kuswiilila wakatumina mulomo amubuzyo uujatikizya kutamikizya Cikombelo ca Katolika kuti caacinca buzuba bwa Nsabata kuzwa Mujibelo kuya mu Nsondo.\\nMulombwana Madrid wakaamba kuti buzuba bwa Mujibelo bwamazubaano tabuli Nsabata ya Bbaibbele yakumatalikilo pe pele kucinca kwaacitwa a Cikombelo ca Katolika kwaali kwakucinca kkalenda. Ntootu twaambo tutobela ntobakaamba.\\nIiyi, ncotweelede kwiibaluka, kutaanguna ncakaamba Jeesu: Wakati mutalubi kuti muntu taakabambilwa Nsabata; Nsabata njiyaabambilwa muntu. Alimwi Simalelo mwini, mbuli mbotwaambilwa, nguwaali Simalelo wa Nsabata, nkabela ngu Wakalaa nguzu, munzila njotweelede kulanganya mulawo ooyu.\\nMulamwaako ncatakonzi kuteelela ncakuti Cikombelo ca Katolika ticaacinca mulawo ooyu pe. Cikombelo ca Katolika cicitobela mulawo ooyu wakusetekanya... iNsabata, pele cicita boobu mubuzuba bwa Simalelo, alimwi bana Kristu bakusaanguna bakapindula mbubaali kutobela mulawo ooyu kuzwa Mujibelo kuya mu Nsondo.\\nCakutaanguna, nkaambo kwaali cibeela cikosozya zintu zyaali kucitwa mu Cizuminano Cakaindi: zituuzyo azizuminano zya Muusa zyalo zyaali kuyandika kucitwa mukukomba mu Nsabata akupaizya banyama, azimwi. Lino bakayandisya kutondezya kuti buna Kristu buliimpene abu Juuda. Buna Kristu bwakazyila ku buJuuda, pele bwakaliimpene. Ee, kusekelela kuboola kwa Simalelo, amundijatile, kusekelela kubuka kuzwa kubafu akufwa kwa Simalelo mubuzuba Mbwaakabuka kuzwa kubafu caalibonya kuti nceciluleme.\\nEe, acimwi cintu ncotweelede kwiibaluka, acalo, ncakuti kkalenda ndyotutobela, kusanganya aBalangila Kuboola mubuzuba bwa Ciloba (SDA) talili biyo kkalenda lyaabambwa a Cikombelo ca Katolika, pele ndikkalenda liyeeme a kweenda kwa zuba, kutali kweenda kwa mwezi. Alimwi kkalenda lyaba Juuda lyalo lyaali kutobelwa muciindi ca Kristu, ndelitobela kweenda kwa mwezi, lilaa mazuba masyoonto kulezya a kkalenda litobela kweenda kwa zuba.\\nNkabela cintu cikopa, ncakuti abalo lwaboBalangila Kuboola mu Buzuba bwa Ciloba (SDA) tabacikombi mubuzuba bwini bwa Nsabata mbuli bwaali kucita bama Juuda ba ciindi ca Kristu, nkaambo lino oobo buzuba bulaalaale kwamazuba mangaye, ee, kabupindudwe [kuzwa] mukutobela kkalenda litobela kweenda kwamwezi.","num_words":403,"character_repetition_ratio":0.076,"word_repetition_ratio":0.005,"special_characters_ratio":0.157,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Jehova Mumuzyi Kabotu Buti? — LAIBBULALI YAA INTANETI ya Watchower\\nw19 December map. 16-21\\nIno Jehova Mumuzyi Kabotu Buti?\\nNgazi Yamulindizi Yaambilizya Bwami bwa Jehova (Yakwiiya)—2019\\nMUSA WAKAMUBONA “OOYO UUTALIBONYI”\\nMWAALUMI WEENDELANA AMOYO WA JEHOVA\\nKUYANDISYA KUMUZYIBA KABOTU JEHOVA\\nAtwiiye Kuzyiba Nzila Zya Jehova\\nCIBALO CAKWIIYA 51\\n“Aabo ibalizyi zina lyako banookusyoma; tokabalekelezyi pe aabo bakuyandaula, O Jehova.”​—INT. 9:10.\\nLWIIMBO 56 Kosala Kasimpe\\n1-2. Kweelana acakacitikila mukwesu Angelito, ncinzi umwi aumwi wesu ncayelede kucita?\\nSENA bazyali banu mbaakamboni ba Jehova? Ikuti naa mboobo, amuzyibe kuti tamukonzyi kuba balongwe ba Jehova akaambo buyo kakuti bazyali banu mbalongwe bakwe. Kufwumbwa naa bazyali besu mbalongwe ba Leza naa pe, umwi aumwi wandiswe weelede kulipangila cilongwe a Jehova.\\n2 Amubone cikozyanyo camukwesu wazina lya Angelito. Wakakomenena mumukwasyi wa Bakamboni. Nokuba boobo, naakacili mwana, tanaakali kulimvwa kuba acilongwe ciyumu a Leza. Wakaamba kuti, “Ndakali kumubelekela Jehova akaambo buyo kakuti ndakali kuyanda kucita ncobakali kucita banamukwasyi boonse.” Pele mukwesu ooyu wakayeeya kujana ciindi cinji cakubala Jwi lya Leza akuzinzibala kuyeeya nzyaakali kubala, alimwi wakatalika kupaila kuli Jehova ziindi zinji. Ino ncinzi ncaakaiya? Wakaamba kuti, “Ndakaiya kuti ilikke nzila iikonzya kundigwasya kuba acilongwe ciyumu a Taata, Jehova, nkumuzyiba kabotu.” Icakacitikila mukwesu Angelito cipa kubuzya mibuzyo iiyandika kapati yakuti: Ndwiindano nzi luliko akati kakumuzyiba Jehova alimwi akumuzyiba kabotu? Alimwi ino ncinzi ncotweelede kucita kutegwa tumuzyibe kabotu Jehova?\\n3. Ndwiindano nzi luliko akati kakumuzyiba Jehova alimwi akumuzyiba kabotu?\\n3 Tulakonzya kuyeeya kuti tulimuzyi Jehova akaambo kakuti tulilizyi zina lyakwe naa akaambo kakuti tulizyi kujatikizya zintu zimwi nzyaakaamba alimwi akucita. Pele kumuzyiba kabotu Jehova kubikkilizya zintu zinji. Tweelede kujana ciindi cinji cakwiiya kujatikizya nguwe alimwi abube bwakwe bubotu kapati. Lilikke buyo kuti twacita oobo, ndendilyo notukonzya kutalika kumvwisya icimupa kwaamba alimwi akucita zintu. Eeci ciyootugwasya kuzyiba naa Jehova ulazikkomanina zintu nzyotuyeeya alimwi anzyotucita. Ciindi notuzyiba ncayanda kuti tucite Jehova, tweelede kucicita.\\n4. Ino kulanga-langa zikozyanyo zyamu Bbaibbele inga kwatugwasya buti?\\n4 Bantu bamwi balakonzya kutusampaula akaambo kakuti tuyanda kubelekela Jehova, alimwi balakonzya kutukazya kapati ciindi notwatalika kuunka kumiswaangano. Pele kuti twamusyoma Jehova, kunyina nayootulekelezya pe. Kwiinda mukucita boobo, tuyootalika kuyumya cilongwe cesu a Leza, calo iciyoozumanana mubuumi bwesu boonse. Sena masimpe inga twacikonzya kumuzyiba kabotu Jehova? Inzya, inga twacikonzya! Zikozyanyo zyabaalumi ibatakalondokede, nkokuti Musa alimwi a Mwami Davida, zilasinizya kuti cilakonzyeka. Ciindi notulanga-langa nzyobakacita, tulaingula mibuzyo yobilo yakuti: Ino bakamuzyiba buti Jehova? Alimwi ino nziiyo nzi nzyotukonzya kwiiya kuzikozyanyo zyabo?\\n5. Ino Musa wakasala kucita nzi?\\n5 Musa wakasala kubelekela Leza. Ciindi naakali amyaka iili 40, Musa wakasala kuyanzana abantu ba Leza, nkokuti bana Hebrayo, muciindi cakwiitwa kuti “mwana wamwana musimbi wa Farao.” (Heb. 11:24) Musa wakasiya cuuno caatala. Kwiinda mukuba kulubazu lwabana Hebrayo, ibakali mubuzike ku Egepita, Musa wakalizyi kuti wakali kuyoomunyemya kapati Farao, mweendelezi mupati iwakali kubonwa kuti nguleza. Kucita boobo kwakatondezya kuti Musa wakalaalusyomo luyumu! Wakasyoma muli Jehova. Lusyomo oolo ndolwakapa kuti abe aacilongwe ciyumu a Jehova calo icakazumanana mubuumi bwakwe boonse.—Tus. 3:5.\\n6. Ncinzi ncotukonzya kwiiya kucikozyanyo ca Musa?\\n6 Ino twiiya nzi? Mbubwenya mbuli Musa, toonse tweelede kusala: Sena tuyoosala kubelekela Leza alimwi akuyanzana abantu bakwe? Inga twayandika kulyaaba kutegwa tubelekele Leza, alimwi ambweni tulakonzya kukazyigwa abaabo ibatamuzyi Jehova. Pele kuti twamusyoma Taateesu wakujulu, tulakonzya kuba alusyomo lwakuti uyootugwasya!\\n7-8. Ino Musa wakazumanana kwiiya nzi?\\n7 Musa wakazumanana kwiiya bube bwa Jehova alimwi akucita kuyanda kwakwe. Mucikozyanyo, ciindi Jehova naakaambila Musa kusololela bana Israyeli kuzwa mubuzike ku Egepita, Musa wakali kulitenga alimwi cakwiinduluka-induluka wakaambila Jehova kuti wakali kulimvwa kuti teeleli. Leza wakamwiingula caluzyalo Musa, alimwi wakamugwasya. (Kul. 4:10-16) Aboobo Musa wakacikonzya kwaamba milumbe yanguzu iijatikizya lubeta kuli Farao. Mpoonya Musa wakabona Jehova kabelesya nguzu zyakwe ciindi naakafwutula bana Israyeli akunyonyoona Farao alimwi abasikalumamba bakwe mu Lwizi Lusalala.—Kul. 14:26-31; Int. 136:15.\\n8 Ciindi Musa naakamana kubasololela bana Israyeli kuzwa mu Egepita, ziindi zinji bakali kujana twaambo twakutongooka. Nokuba boobo, Musa wakakubona kukkazika moyo kwa Jehova ciindi naakali kweendelezya bantu mbaakaangununa mubuzike. (Int. 78:40-43) Alimwi Musa wakabona Jehova katondezya kulicesya kapati akutabanyonyoona bana Israyeli ciindi Musa naakamana kumulomba kuti ataciti oobo.—Kul. 32:9-14.\\n9. Kweelana alugwalo lwa Bahebrayo 11:27, mbuti cilongwe ca Musa a Jehova mbocakali ciyumu?\\n9 Ciindi bana Israyeli nobakazwa mu Egepita, cilongwe ca Musa a Jehova cakayuma kapati cakuti cakali mbuli kuti wakali kumubona Usyi wakujulu. (Amubale Bahebrayo 11:27.) Kutondezya mbocakali ciyumu kapati cilongwe eeco, Bbaibbele lyaamba kuti: “Jehova wakabandika mulomo mpande a Musa, mbubonya muntu mbwakonzya kubandika amuntunyina.”—Kul. 33:11.\\n10. Ncinzi ncotweelede kucita kutegwa tumuzyibe kabotu Jehova?\\n10 Ino twiiya nzi? Kutegwa tumuzyibe kabotu Jehova, tatweelede buyo kwiiya bube bwakwe, pele alimwi tweelede kucita kuyanda kwakwe. Kuyanda kwa Jehova mazuba aano nkwakuti “bantu boonse bafwutulwe akuba aluzyibo lwini-lwini lwakasimpe.” (1Tim. 2:3, 4) Nzila imwi mbotukonzya kucita kuyanda kwa Leza, nkwiinda mukuyiisya bamwi kujatikizya Jehova.\\n11. Mbuti mbotumuzyiba kabotu Jehova ciindi notuyiisya bamwi kujatikizya nguwe?\\n11 Ciindi notuyiisya bamwi kujatikizya Jehova, kanji-kanji tulamuzyiba kabotu Jehova lwesu kutugama. Mucikozyanyo, tulabubona cacigaminina bumboni bwaluzyalo lwa Jehova ciindi natusololela kuli baabo ibajisi myoyo mibotu. (Joh. 6:44; Mil. 13:48) Tulazibona nguzu nzyolijisi Jwi lya Leza kazibeleka ciindi notubona baabo mbotuyiisya Bbaibbele kabaleka micito mibyaabi akutalika kusama buntu bupya. (Kol. 3:9, 10) Alimwi tulakubona kukkazika moyo kwa Leza ciindi napa bantu banji mucilawo cesu zyoolwe zinji zyakwiiya kujatikizya nguwe kutegwa bakafwutuke.—Rom. 10:13-15.\\n12. Kweelana alugwalo lwa Kulonga 33:13, ino Musa wakalomba nzi alimwi nkaambo nzi?\\n12 Musa wakacibikkila maano kapati cilongwe cakwe a Jehova. Nokuba kuti wakacita milimo mipati kwiinda muzina lya Leza, cabulemu Musa wakalomba Jehova kuti amugwasye kumuzyiba kabotu. (Amubale Kulonga 33:13.) Musa wakajisi myaka iinda ku 80 ciindi naakalomba boobo, pele wakalizyi kuti wakacili kuyandika kwiiya zinji kujatikizya Usyi wakujulu siluyando.\\n13. Ninzila nzi imwi mbotukonzya kutondezya kuti tulacibikkila maano kapati cilongwe cesu a Leza?\\n13 Ino twiiya nzi? Tacikwe makani abulamfwu bwaciindi ncotwali kumubelekela Jehova, tweelede kucibikkila maano kapati cilongwe cesu anguwe. Nzila imwi iiyandika kapati mbotukonzya kutondezya kuti tulacibikkila maano cilongwe cesu a Leza, nkwiinda mukubandika anguwe mumupailo.\\n14. Nkaambo nzi mupailo ncouyandika kapati kutegwa utugwasye kwiiya zinji kujatikizya Leza?\\n14 Kuti kamuyanda kuba acilongwe ciyumu amuntu umwi, mweelede kunoobandika anguwe ciindi aciindi. Aboobo kutegwa mube acilongwe ciyumu a Leza, kamupaila kulinguwe lyoonse alimwi mutanooyoowi kumwaambila nzyomuyeeya alimwi ambomulimvwa. (Ef. 6:18) Krista, uukkala ku Turkey, wakaamba kuti: “Luyando ndondijisi kuli Jehova alimwi alusyomo ndondijisi kulinguwe lulakomena ciindi coonse nondimwaambila nzyondiyeeya kwiinda mumupailo alimwi aciindi nondibona mbwandigwasya. Kubona mbwaingula mipailo yangu Jehova kwandigwasya kumubona kuti ngu Taata alimwi Mulongwe.”\\n15. Ino Jehova wakamwaamba kuti nzi Mwami Davida?\\n15 Mwami Davida wakazyalilwa mumusyobo iwakalyaabide kuli Jehova Leza. Pele nokuba kuti mukwasyi wakwe wakali kukomba Jehova, aako takali nkakaambo ikakapa kuti awalo amukombe Jehova. Wakalipangila cilongwe cakwe a Jehova, alimwi Jehova wakamuyanda kapati Davida. Jehova kumugama wakaamba Davida kuti ‘mwaalumi weendelana amoyo wangu.’ (Mil. 13:22) Mbuti Davida mbwaakaba acilongwe ciyumu a Jehova?\\n16. Ino ncinzi Davida ncaakaiya kujatikizya Jehova kwiinda mukulangilila zilenge?\\n16 Davida wakaiya kujatikizya Jehova kuzwa kuzilenge. Ciindi Davida naakacili mwana, ciindi cinji wakali kucimanina musyokwe, kalanganya mbelele zyabausyi. Ambweni nceciindi naakatalika kuzinzibala kuyeeya kujatikizya zintu nzyaakalenga Jehova. Mucikozyanyo, ciindi Davida naakali kulanga kujulu masiku, tanaakali kubona buyo nyenyeezi zinji kapati, pele alimwi wakali kuyeeya kujatikizya bube bwayooyo iwakazilenga. Davida wakakulwaizyigwa kulemba kuti: “Majulu aambilizya bulemu bwa Leza; mulengalenga uluula milimo yamaanza aakwe.” (Int. 19:1, 2) Ciindi Davida naakayeeya kujatikizya mbobakalengwa munzila mbotu kapati bantu, wakabona mbwali musongo kapati Jehova. (Int. 139:14) Naakazinzibala kuyeeya kujatikizya milimo ya Jehova, Davida wakalicesya kapati kuli Jehova.—Int. 139:6.\\n17. Ncinzi ncotukonzya kwiiya ikuti katuzinzibala kuyeeya kujatikizya zilenge?\\n17 Ino twiiya nzi? Amube aluyandisisyo lwazilenge. Amujane ciindi cinji cakulangilila nyika eeyi mbotu njaakalenga Leza; amwiikkomanine! Mubuumi bwanu bwabuzuba abuzuba, amuzinzibale kuyeeya kujatikizya zilenge zimuzingulukide, mbuli zisyango, banyama alimwi abantu, akubona ncozimuyiisya kujatikizya Jehova. Kwiinda mukucita boobo, abuzuba munooyiya zintu zinji kujatikizya Uso siluyando. (Rom. 1:20) Kuyungizya waawo, abuzuba munoobona kuti luyando ndomujisi kulinguwe lunooyabukomena kapati.\\n18. Kweelana alugwalo lwa Intembauzyo 18, ino ncinzi Davida ncaakabona?\\n18 Davida wakali kubona kuti Jehova wakali kumugwasya. Mucikozyanyo, ciindi Davida naakakwabilila mbelele zyabausyi kuli syuumbwa alimwi acibbeya, wakabona kuti ngu Jehova iwakamugwasya kujaya banyama bamusyokwe aabo ibali aanguzu kapati. Ciindi naakazunda sinkondo iwakali aanguzu kapati Goliyati, cakutadooneka Davida wakazyiba kuti ngu Jehova iwakali kumusololela. (1Sam. 17:37) Alimwi ciindi naakatija Mwami Saulo simunyono, Davida wakabona kuti ngu Jehova iwakamufwutula. (Int. 18, katwe kamakani) Ikuti Davida naakali kulisumpula, naakayeeya kuti wakacikonzya kucita zintu eezyo munguzu zyakwe. Pele Davida wakali kulicesya, aboobo wakacikonzya kulubona lugwasyo lwa Jehova mubuumi bwakwe.—Int. 138:6.\\n19. Ncinzi ncotukonzya kwiiya kucikozyanyo ca Davida?\\n19 Ino twiiya nzi? Tweelede kucita zinji muciindi cakwiile kulomba buyo lugwasyo lwa Jehova. Alimwi tweelede kusola kubona ciindi natugwasya alimwi ambwatugwasya. Kuti katulicesya, tuyoomvwisya kuti tatukonzyi kucita zintu zyoonse munguzu zyesu alimwi akuti Jehova nguutugwasya kucita zintu nzyotutakonzyi kucita munguzu zyesu. Aboobo lyoonse notubona mbwatugwasya Jehova, cilongwe cesu anguwe cilayuma kapati. Mukwesu Isaac uukala ku Fiji, iwamubelekela Jehova kwamyaka minji, wakabona kuti aaya masimpe. Wakaamba kuti: “Ndalanga musyule, ndilabona mbwaandigwasya Jehova kuzwa ciindi nondakatalika kwiiya Bbaibbele kusikila lino. Akaambo kaceeci, ndamuzyiba kabotu Jehova.”\\n20. Ncinzi cakapa kuti Davida abe acilongwe cibotu a Leza alimwi ino ncinzi ncotukonzya kwiiya?\\n20 Davida wakaiya bube bwa Jehova. Jehova wakatulenga munzila yakuti katucikonzya kwiiya bube bwakwe. (Matl. 1:26) Mbotunooyaabwiiya bube bwa Jehova, tuyoocikonzya kumwiiya. Davida wakamuzyiba kabotu Usyi wakujulu, aboobo wakacikonzya kumwiiya ciindi naakali kweendelezya bamwi. Atulange-lange cikozyanyo comwe buyo. Davida wakamubisizya Jehova ciindi naakacita bumambe a Bati-seba alimwi akupa kuti mwaalumi wa Bati-seba ajaigwe. (2Sam. 11:1-4, 15) Pele Jehova wakamufwida luse Davida, imwaalumi iwakatondezya luse kuli bamwi. Akaambo kakuti Davida wakajisi cilongwe cibotu a Jehova, bana Israyeli bakali kumuyanda kapati, alimwi Jehova wakamubelesya kuba cikozyanyo cibotu kubami bambi bana Israyeli.—1Bam. 15:11; 2Bam. 14:1-3.\\n21. Kweelana alugwalo lwa Baefeso 4:24 alimwi a 5:1, ncinzi cikonzya kucitika ikuti ‘twamwiiya Leza’?\\n21 Ino twiiya nzi? Tweelede ‘kumwiiya Leza.’ Kuti twamwiiya Leza, tuyoogwasyigwa kapati alimwi tuyoomuzyiba kabotu. Kuyungizya waawo, kwiinda mukwiiya bube bwa Leza, tulatondezya kuti tuli bana bakwe.—Amubale Baefeso 4:24; 5:1.\\nAmutondezye Kuti Mulimuzyi Jehova\\nAmujane ciindi cinji cakwiiya kujatikizya Jehova. Alimwi kwiinda mubukkale bwanu, amutondezye kuti mulimuzyi kabotu Jehova.\\n1-2. Amubagwasye bamwi kwiiya kujatikizya Jehova.\\n3. Kamupaila kulinguwe lyoonse.\\n4. Amubambe luumuno nokuba mubukkale bukatazya.\\n5. Cabusicamba amwiiminine kasimpe kajatikizya Leza.\\n6. Amuzumanane kulangilila zilenge zya Jehova kutegwa mube aacilongwe ciyumu anguwe.\\n22-23. Ino ncinzi ciyoocitika ikuti katuzibelesya zintu nzyotwiiya kujatikizya Jehova?\\n22 Kweelana ambotwabona, Jehova ulaliyubununa kulindiswe kwiinda muzilenge alimwi amu Jwi lyakwe, Bbaibbele. Bbuku eeli ililibedelede lizwide zikozyanyo zyababelesi ba Leza ibakali kusyomeka aabo mbotukonzya kwiiya, mbuli Musa alimwi a Davida. Jehova wakacita lubazu lwakwe. Aboobo andiswe tweelede kucita lubazu lwesu kwiinda mukwiiya zinji kujatikizya nguwe.\\n23 Kunyina notuyooleka kwiiya kujatikizya Jehova. (Muk. 3:11) Ciyandika kapati, nzintu nzyotucita kweelana aluzyibo ndotujisi kujatikizya Jehova, ikutali luzyibo ndotujisi kujatikizya nguwe. Kuti katuzibelesya nzyotwiiya alimwi akusoleka kumwiiya Taateesu siluyando, uyoozumanana kuswena kulindiswe. (Jak. 4:8) Kwiinda mu Jwi lyakwe, utusyomezya kuti kunyina nayoobalekelezya aabo ibayandisya kumuzyiba kabotu.\\nNCINZI NCOMWAIYA KUJATIKIZYA KUZYIBA JEHOVA . . .\\nku Mwami Davida?\\nBantu banji balasyoma kuti Leza nkwali, pele tabamuzyi kabotu pe. Ino caamba nzi kuzyiba Jehova, alimwi ino ncinzi ncotukonzya kwiiya kuli Musa aku Mwami Davida kujatikizya mbotukonzya kuba acilongwe ciyumu a Jehova? Cibalo eeci cilayiingula mibuzyo eeyi.","num_words":1718,"character_repetition_ratio":0.069,"word_repetition_ratio":0.0,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani Aakuluula: Jehova Kunyina Naandilekelezya Pe! | Ba Erika Nöhrer Bright\\nJehova Kunyina Naandilekelezya Pe!\\nAkaluulwa aba Erika Nöhrer Bright\\nNdakali akati kabasimbi baniini bone ibakasalwa kupa Adolf Hitler maluba-luba naakamana kwaamba mulumbe ciindi cimwi. Ino nkaambo nzi ncondakasalilwa? Bataata bakali basungu mumilimo yambunga ya Nazi alimwi bakali banamutekenya bamusololi wambunga eeyo mucooko motwakali kukkala. Bamaama bakali basungu mubukombi bwaci Katolika alimwi bakali kuyanda kuti ndikabe siite. Nokuba kuti kwakali bukkale oobu bobilo ibwakali kukonzya kundiyunga kapati, kunyina nondakanjila mbunga ya Nazi naa kuba siite. Andimwaambile kaambo ncocakali boobo.\\nNDAKAKOMENENA mu Graz, Austria. Nondakakkwanya myaka yakuzyalwa iili ciloba, ndakatumwa kucikolo kuyooyiya zyabukombi. Nokuba boobo, ndakalibonena bukkale bubyaabi bwakutalilemeka mumakani aakoonana ibwakali kucitwa akati kabapaizi abamasiite. Aboobo bamaama bakandizumizya kuti ndizwe acikolo kautanamana mwaka.\\nMukwasyi wesu a Bataata kabasamide yunifoomu yabusikalumamba\\nKuzwa waawo, ndakaunka kucikolo nkobakkala akoona basicikolo. Busiku bumwi, Bataata bakaboola ooko kutegwa bandibweze akunditola kubusena bukwabilidwe nkaambo mu Graz kwakali kudubulana kupati. Twakaakuyubila mudolopo lya Schladming. Notwakasika buyo alimwi akuzabuka bbiliki limwi, bbiliki eelyo lyakanyonyoonwa lyoonse abbomba. Alimwi aciindi cimbi, ndeke izyakali kuulukila mumulenga-lenga zyakadubula mulubuwa motwakabede mebo abakaapa. Kuzikusika kumamanino aankondo, kulibonya kuti cikombelo alimwi amfwulumende iyakali kulela zyakatulekelezya.\\nKWIIYA LUGWASYO LWINI-LWINI\\nMu 1950, Kamboni wa Jehova umwi wakatalika kukambaukila bamaama mulumbe wamu Bbaibbele. Ndakali kuswiilila kumibandi yabo alimwi buya ndakali kuunka abamaama kumiswaangano yambungano imwi. Nobakasyoma kuti Bakamboni ba Jehova mbebakajisi kasimpe, bakabbapatizyigwa mu 1952.\\nAciindi eeco, mbungano yakaliko mubusena oobo kulindime yakali mbuli busena ooko bamacembele balikke-likke nkobaswaangana. Nokuba boobo, kumbele twakaswaya mbungano ooko ikwakali bakubusi banji—ikutali kabunga kabamacembele balikke-likke pe! Notwakajokela ku Graz, ndakatalika kujanika kumiswaangano yoonse, alimwi kalitanalampa andime ndakasinizya kuti nzyondakali kwiiya kakali kasimpe. Kuyungizya waawo, ndakazoozyiba kuti Jehova ngu Leza uupa babelesi bakwe lugwasyo lwini-lwini. Ulacita oobo noliba leelyo notulimvwa kuti tuli tolikke mubukkale bukatazya mbotutakonzyi kuzunda.—Int. 3:5, 6.\\nNdakali kuyanda kwaambila bamwi kasimpe. Ndakasaanguna kwaambila banabokwesu. Bapati bangu bone basimbi bakalizwide kale aŋanda kuyoobeleka kabali bamayi muzikolo. Pele ndakabaswaya muminzi iindene-indene mobakali kukkala akubakulwaizya kwiiya Bbaibbele. Mukuya kwaciindi, banabokwesu boonse bakacita oobo akuba Bakamboni ba Jehova.\\nMunsondo yabili kandili mumulimo wakukambauka kuŋanda aŋanda, ndakayaanya mukaintu wakajisi myaka yakuzyalwa iili kuma 30 walo ngondakatalika kwiiya limwi Bbaibbele. Wakayaambele cakuti wakabbapatizyigwa, mpoonya nokwakainda ciindi, balumi bakwe abana bakwe basankwa bobilo abalo bakacita oobo. Ciiyo eeci cakaluyumya lusyomo lwangu. Ino nkaambo nzi? Akaambo kakuti kunyina wakayiide kale Bbaibbele andime. Ndakali kulibambila kabotu ciiyo cimwi acimwi. Munzila imwi, ndakali kusaanguna kucita oobo kutegwa ndiliyiisye ndemwini mpoonya akucikonzya kuyiisya sikwiiya wangu. Eeci cakapa kuti ndikamvwisye kapati kasimpe. Mu April 1954, ndakatondezya kulyaaba kwangu kuli Jehova kwiinda mukubbapatizyigwa mumeenda.\\n“TULAPENZYEGWA, PELE TATULEKELEZYEGWI PE”\\nMu 1955, ndakajanika kumuswaangano waakati kamasi ku Germany, France, aku England. Notwakali mudolopo lya London, ndakayaanya mukwesu Albert Schroeder. Wakali mwiiyi ku Cikolo Cakwiiya Bbaibbele ku Gileadi, alimwi kumbele wakaba umwi wamu Kabunga Keendelezya. Notwakali kweendeenda mu British Museum, Mukwesu Schroeder wakatutondezya malembe aakaindi aa Bbaibbele amwi. Malembe aaya akajisi zina lya Leza mumabala aa Chihebrayo, mpoonya wakatupandulwida ncaakali kuyandika kapati. Eeci cakayungizya luyando lwangu kuli Jehova alimwi akukasimpe, akundipa kuti ndibe amakanze aakuzumanana kusumpula kasimpe kajanika mu Jwi lya Leza.\\nKandili angotwakali kubeleka limwi (kululyo), notwakali bapainiya baalubazu ku Mistelbach, Austria\\nMu January 1, 1956, ndakatalika kubeleka kandili mupainiya waciindi coonse. Nokwakainda myezi yone, ndakatambwa kubeleka kandili mupainiya waalubazu mu Austria. Kuciindi eeco, kwakanyina Bakamboni mu Mistelbach, dolopo mwalo mondakeelede kubelekela. Pele kuli buyumuyumu bumwi mbondakajana. Mebo alimwi amupainiya ngotwakali kubeleka limwi twakaliindene kapati. Ndakajisi myaka yakuzyalwa iitandila ku 19 alimwi ndakali kuzwa mudolopo; walo wakajisi myaka yakuzyalwa iili 25 alimwi wakali kuzwa kumunzi. Ndakali kumuka kubuka; walo wakali kufwambaana kubuka. Masiku, ndakali kumuka koona; walo wakali kufwambaana koona. Nokuba boobo, kutobela lulayo lwamu Bbaibbele, kwakatugwasya kumana buyumuyumu oobo akukkomana akaambo kakuzwidilila katuli bapainiya babelekela antoomwe.\\nMubwini, twakayaanya buyumuyumu bupati bumbi. Kwakali akupenzyegwa buya, pele ‘tiitwakalekelezyegwa pe.’ (2Kor. 4:7-9) Ciindi cimwi, notwakali kukambauka mumunzi umwi, bantu bakaangununa babwa babo kutegwa batulume. Mebo angotwakali kubeleka limwi mukaindi kasyoonto twakazingulukwa ababwa bapati-pati kabakuwa akutondezya menyo aabo. Twakajatana mumaanza, mpoonya ndakapaila, “akaka, Jehova, batuluma, tufwe cakufwambaana!” Ciindi babwa nobakasika afwaafwi andiswe, bakaima, bakatalika kunyanyaasya micila yabo, mpoonya bakaunka. Twakalimvwa kuti Jehova ngowakatukwabilila. Notwakamana, twakakambauka mumunzi woonse, alimwi cakatukkomanisya kapati ncakuti, bantu bakali kututambula kabotu. Ambweni bakagambwa kuti babwa tiibakatuluma naa kuti tiitwakacileka akaambo kakucitikilwa cintu ciyoosya cili bobuya. Mukuya kwaciindi, bamwi babo bakaba Bakamboni.\\nTwakacitikilwa acimbi cintu ciyoosya. Bumwi buzuba bamukamwini ŋanda mpotwakali kukkala bakaboola kabakoledwe, akutalika kukonga kuti balatujaya kabaamba kuti twakali kunyonganya bantu mucilawo. Bakaintu babo bakasoleka kubatontomeka pele cakaala. Twakali kuswiilila zyoonse zyakali kucitika katuli muŋanda yesu yamujulu. Cakufwambaana twakayaamika zyuuno kumulyango wesu akutalika kubikka zintu muzibbeeke zyesu. Ciindi notwakajalula mulyango, twakabona baalumi aabo bamukamwini ŋanda kabaimvwi, kumwi kabajisi cipeni cipati. Aboobo twakatija kubelesya mulyango wakunze aŋanda, twakaselemuka akwiinda kazila kainda mugaadeni katujisi azintu zyesu alimwi tiitwakajokela limbi pe.\\nTwakaunka kuhotela akubuzya naa kwakali luumu. Kweelana azintu mbozyakaba, twakakkala aawo kutandila kumwaka omwe, calo icakagwasya kapati mulimo wesu. Munzila nzi? Hotela lyakali akati kadolopo, alimwi basikwiiya Bbaibbele besu bamwi bakali kuyanda kuti kababoola kwiiya ahotela. Kalitanalampa, twakatalika kuba amuswaangano waciiyo cabbuku a Ciiyo ca Ngazi Yamulindizi nsondo ansondo muluumu yesu ahotela, kwakali kujanika bantu babalilwa ku 15.\\nTwakakkala mu Mistelbach kwaciindi ciinda kumwaka omwe. Mpoonya ndakatumwa alimwi ku Feldbach, Graz nkoili kumusanza lwaajwe. Ndakaba amupainiya wakubeleka limwi mupya, pele alimwi akwalo kwakanyina mbungano. Twakali kukkala mukaluumu kasyoonto muŋanda yamujulu yabili yazisamu. Muwo wakali kunjila mutusena twakali akati kazisamu, aboobo twakali kusola kutusinka tusena kubelesya mapepa aamiteende. Meenda twakali kuteka kumugoti. Pele zyoonse eezyi tiizyakaba zyabuyo. Mumyezi misyoonto buyo, kabunga kakatalisyigwa. Mukuya kwaciindi, banamukwasyi bali 30 bamwi mbotwakali kwiiya limwi bakaboola mukasimpe!\\nZintu zyakacitika zili boobo zyakayumya kulumba nkondijisi kulugwasyo lwini-lwini lwa Jehova kuli baabo ibabikkila maano kuzintu zya Bwami. Nokuba kuti bantu tabakonzyi kutupa lugwasyo ndotuyandika, walo Jehova nkwali lyoonse.—Int. 121:1-3.\\nKUGWASYIGWA ‘AJANZA LYA LEZA LYALULYO LYABULULAMI’\\nMu 1958 muswaangano waakati kamasi wakali kuyoocitika mu New York City, mu Yankee Stadium alimwi aku Polo Grounds. Ndakalembela kutegwa ndikajanike, alimwi bakumutabi wa Austria bakandibuzya kuti naa inga ndayanda kunjila Cikolo ca Gileadi canamba 32. Ino mbuti mbondakali kukonzya kukaka coolwe cili boobo? Mpoonya-mpoonya ndakaingula kuti, “Ndilayanda!”\\nMukkilasi ku Gileadi, ndakali kukkala munsi-munsi aba Martin Poetzinger. Bakaliyumya kuzintu zibyaabi zyakali kucitika munkambi zyaba Nazi. Abalo nokwakainda ciindi bakabeleka mu Kabunga Keendelezya. Katwiiya mukkilasi, ba Martin zimwi ziindi bakali kubuzya caansaansi kuti, “ba Erika, ino eeco caamba nzi mumwaambo waci German?”\\nNotwakasika akati kalwiiyo lwesu, ba Nathan Knorr bakaambilizya nkotwakali kuyootumwa kuyoobelekela. Mebo ndakali kuyootumwa ku Paraguay. Akaambo kakuti ndakali muniini, ndakali kuyandika kuzumizyigwa abazyali bangu kutegwa ndinjile mucisi eeco. Nondakamana kubweza pepa eelyo lindizumizya, ndakasika ku Paraguay mu March 1959. Ndakatumwa kuŋanda yabamisyinali ku Asunción, ooko nkondakaba amupainiya mweenzuma mupya.\\nKakutanainda ciindi cilamfwu, ndakaswaangana aba Walter Bright, bamisyinali ibakanjila cikolo mukkilasi yanamba 30. Mukuya kwaciindi, twakakwatana alimwi twakali kukonzya kulwana mapenzi aamubuumi antoomwe. Kufwumbwa twajana penzi, twakali kubala cisyomezyo ca Jehova icili kulugwalo lwa Isaya 41:10 cakuti: “Utayoowi pe, nkaambo ndilaanduwe. Utalibiliki pe, nkaambo ndime Leza wako. Ndilakuyumya, inzya ndilakugwasya.” Eeci cakatuyumya kuti kufwumbwa kuti twasolekesya kuzumanana kusyomeka kuli Leza akubikka Bwami bwakwe mubusena bwakusaanguna, kunyina naakali kuyootulekelezya.\\nMukuya kwaciindi, twakatumwa kuyoobelekela kubusena buli afwaafwi amunyinza wa Brazil. Okuya musololi wacikombelo wakayunga bakubusi kuti bafwuse mabwe kuŋanda yesu yabumisyinali, yalo yatakali kale kabotu. Mpoonya ba Walter bakatalika kwiiya Bbaibbele amupati-pati wamapulisa. Mupati-pati wamapulisa wakabona masimpe kuti bamapulisa nkobali afwaafwi aŋanda yesu kwansondo yoonse, alimwi basikupenzya kunyina nobakatupenzya limbi. Kalitanalampa, twakalonzyegwa akuya kukkala kumaanda aakali kabotu kutala aamunyinza wa Brazil. Eeci cakaba coolwe nkaambo twakali kucikonzya kuba amiswaangano koonse kobilo ku Paraguay aku Brazil. Katutanazwa ooku, kwakali mbungano zisyoonto zyobilo.\\nKandili abalumi bangu ba Walter, ciindi notwakali bamisyinali ku Asunción, Paraguay\\nJEHOVA WAZUMANANA KUNDILANGANYA\\nBamadokotela bangu bakandaambilide kuti tandikonzyi kuba amwana, aboobo mu 1962 cakatugambya notwakazyiba kuti ndakalimitide! Mpoonya twakaakukkala mudolopo lya Hollywood, ku Florida, afwaafwi amukwasyi waba Walter. Kwamyaka iili mbwiibede, bukkale tiibwakali kuzumizya kuti ba Walter andime katucita bupainiya. Twakeelede kulanganya mukwasyi. Nokuba boobo, twakazumanana kubikka mubusena bwakusaanguna ziyandika zya Bwami.—Mt. 6:33.\\nNotwakasika mu Florida mu November 1962, twakagambwa kujana kuti mizeezo iyakali kupegwa mucilawo kujatikizya kwaandaana kwamibala yakali kupandulula kuti bakwesu basiya bakeelede kucita miswaangano yabo balikke kakunyina kusangana abakwesu bakuwa, alimwi akuti bakali kukambaukila mumasena aandeene. Pele Jehova kunyina nasalulula mibala yabantu, alimwi kalitanalampa mbungano zyakaswaanganizyigwa kakunyina kusalana mubala. Janza lya Jehova lyakalibonya mububambe oobu, nkaambo lino kuli mbungano zinji mubusena oobo.\\nCuusisya ncakuti, ba Walter bakafwa abulwazi bwakkansa yakubongo mu 2015. Bakali balumi bali kabotu kwamyaka iili 55, bakali kumuyanda Jehova alimwi bakagwasya bakwesu banji. Ndilangila ciindi nondiyoobabona alimwi kabali kabotu ciindi baakubusyigwa.—Mil. 24:15.\\nNdilalumba kapati akaambo kakuba mumulimo waciindi coonse kwamyaka iinda ku 40, kandikkomene alimwi akulongezyegwa kapati. Mucikozyanyo, mebo aba Walter twakacikonzya kujanika ciindi ziiyo zyesu zya Bbaibbele zili 136 nozyakali kubbapatizyigwa. Nokuba boobo, kwakali abuyumuyumu. Pele tiitwakabubona kuba twaambo itukonzya kutulesya kubelekela Leza wesu uusyomeka. Muciindi caboobo, twakaswena afwaafwi anguwe, kusyoma nguwe kubamba makani aciindi cakwe ceelede alimwi munzila njayanda mwini. Alimwi ulacita oobo!—2Tim. 4:16, 17.\\nNdilabayeeya kapati ba Walter, pele bupainiya bulandigwasya kuliyumya. Ndajana kuti cilagwasya kapati kuyiisya bamwi, ikwaambisya kwiiya kujatikizya bulangizi bwabubuke ambabo. Mubwini, munzila zinji nzyonditakonzyi kubala, Jehova kunyina naandilekelezya pe. Mbubwenya mbwaakasyomezya, wali kundilanganya, kundiyumya alimwi akundijatilila ‘ajanza lyakwe lyalulyo lyabululami.’—Is. 41:10.\\nZilongezyo Zilaboola Kwiinda Mukucita Nzyatwaambila Jehova Kuti Tucite\\nTwakalubona Luzyalo lwa Leza Munzila Zinji","num_words":1464,"character_repetition_ratio":0.04,"word_repetition_ratio":0.0,"special_characters_ratio":0.152,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jesu Wakali Kumvwida Lyoonse | Amubayiisye Bana Banu\\nSena ncuuba-uba kubamvwida bazyali bako lyoonse?— Zimwi ziindi tacili cuuba-uba. Sena ulizyi kuti Jesu wakali kubamvwida bazyali bakwe alimwi a Jehova?— Cikozyanyo cakwe cilakonzya kukugwasya kubamvwida bazyali bako noliba leelyo nocitali cuuba-uba kucita boobo. Atwiiye zinji kujatikizya makani aaya.\\nJesu katanaboola anyika, wakali kukkala kujulu a Jehova, Bausyi. Pele alimwi Jesu wakajisi bazyali aano anyika. Mazina aabo bakali ba Josefa alimwi a Mariya. Sena ulizyi mbobakaba bazyali bakwe?—\\nJehova wakabweza buumi bwa Jesu kuzwa kujulu akububikka mwida lya Mariya kutegwa Jesu azyalwe akupona anyika. Aaya akali maleele! Jesu wakakomena mwida lya Mariya mbubwenya buyo muvwanda umwi aumwi mbwakomena mwida lyabanyina. Nokwakainda myezi iili fwuka, Jesu wakazyalwa. Oobu mbombubo Mariya abalumi bakwe ba Josefa, mbobakaba bazyali ba Jesu aano anyika.\\nCiindi Jesu naakajisi myaka iili 12 yakuzyalwa, wakacita cintu cakatondezya mbwaakali kubayanda Bausyi, nkokuti Jehova. Eeci cakacitika ciindi Jesu alimwi abanamukwasyi nobakaunka ku Jerusalemu ku Pobwe Lyakwiindilila. Nobakali kupiluka kuŋanda, Josefa alimwi a Mariya bakabona kuti Jesu tanaakali ambabo alimwi tiibakazyi nkwaakabede. Sena ulikuzyi nkwaakabede?—\\nNkaambo nzi Jesu ncaakali mutempele?\\nJosefa alimwi a Mariya bakajokela ku Jerusalemu cakufwambaana alimwi bakamuyandaula Jesu koonse-koonse. Bakalibilika akaambo kakuti tiibakamujana. Pele nokwakainda mazuba otatwe, bakamujana mutempele! Sena ulikazyi kaambo Jesu ncaakali mutempele?— Nkaambo nkonkuko nkwaakali kukonzya kwiiya kujatikizya Bausyi, nkokuti Jehova. Wakali kumuyanda Jehova alimwi wakali kuyanda kwiiya mbwakonzya kumukkomanisya. Nociba ciindi naakakomena akuba mwaalumi, Jesu lyoonse wakali kumumvwida Jehova. Jesu wakali kumvwida nociba ciindi nocakali kukatazya kucita boobo alimwi nokuba kuti wakali kukonzya kupenga zimwi ziindi. Sena abalo ba Josefa a Mariya wakali kubamvwida Jesu?— Inzya, Bbaibbele lyaamba kuti wakacita oobo.\\nNcinzi ncokonzya kwiiya kucikozyanyo ca Jesu?— Weelede kubamvwida bazyali bako nociba ciindi nocili ciyumu kucita boobo. Sena unoocita oobo?—\\nIno Josefa alimwi a Mariya bakaba buti bazyali ba Jesu aano anyika?\\nCiindi bazyali ba Jesu nobakali kumuyandaula ku Jerusalemu, ino bakamujana kuli?\\nNcinzi ncokonzya kwiiya kucikozyanyo ca Jesu?","num_words":301,"character_repetition_ratio":0.077,"word_repetition_ratio":0.0,"special_characters_ratio":0.158,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbuti Mbondikonzya Kukaka Kuyungwa Abeenzuma?\\nIkuti koliiminina omwini, unoocikonzya kweendelezya buumi bwako muciindi cakulekela bantu bambi kuti kabakweendelezya.\\nKoezyeezya bukkale oobu: Brian naabona basicikolonyina bobilo kababoola, moyo wakwe wazwa. Basankwa aaba basola kale kumusinikizya kwaziindi zyobilo mumvwiki njoona eeyi kuti afwebe. Lino eeci cilaba ciindi catatu.\\nMusankwa wakusaanguna waamba kuti:\\n“Uli olikke alimwi? Leka ndikutondezye uukonzya kuba mweenzinyoko.”\\nWabelesya bbala lyakuti “mweenzinyoko” kumwi kamutyankila liso, kumane wagusya cintu munkomwe yakwe akutambika Brian.\\nBrian wabona tombwe mujanza lyamusankwa ooyu. Lino moyo wa Brian waindila kuduntaana.\\nBrian waamba kuti: “Tandiyandi, ndakwaambila kale mebo kuti tandi . . . ”\\nMusankwa wabili wamukosokezya akwaamba kuti: “Utanoowi anduwe, kobweza buyo!”\\nCabusicamba Brian wavwiila ategwa: “Tandiyoowede pe!”\\nMusankwa wabili wajata Brian agwezyo. Mpoonya mubuteteete wamwaambila kuti: “Kobweza buyo ufwebe.”\\nMusankwa wakusaanguna waswena afwaafwi a Brian kaambaula cakupetekezya kuti: “Taaku ngotutiiambile. Kunyina uuyakuzyiba.”\\nIkuti nooli nduwe Brian, ino inga wacita buti?\\nSena aaba basicikolonyina Brian balizyi ncobacita? Sena basaanguna kuyeeya akulisalila cakucita beni? Takulangilwi oobo pe. Mubwini, baile kutobela nzyobacita bamwi. Bayanda buyo kukkomanisya bantu, aboobo bazumizya bantu kuti kababaambila cakucita.\\nIkuti walijana mubukkale bukozyenye aboobu, ino ninzila nzi iindene njokonzya kubelesya kutegwa ukake kuyungwa abeenzinyoko?\\nKOYEEYELA CIKONZYA KUCITIKA\\nBbaibbele lyaamba kuti: “Muntu uucenjede abona mapenzi ulayuba, pele aabo batakwe maano balaunka nkukonya ooko, aboobo balapenga.”—Tusimpi 22:3.\\nKanji-kanji, ulakonzya kwaabona mapenzi kaacili kulamfwu. Mucikozyanyo, ino mbuti kuti wabona basicikolonyoko kababoola kumbele, alimwi balafweba. Ikuti wasaanguna kuyeeyela cikonzya kucitika, inga wazyiba cakucita.\\nBbaibbele lyaamba kuti: “Amuzumanane kuba amanjezyeezya mabotu.” —1 Petro 3:16.\\nKolibuzya kuti, ‘Ino ndiyakulimvwa buti mukuya kwaciindi ikuti ndatobela beenzuma?’ Masimpe, kwaciindi cisyoonto buyo ulakonzya kupa kuti beenzinyoko bakukkomanine. Pele ino uyakulimvwa buti kwaakwiinda ciindi? Sena ulilibambilide kuleka zintu nzyosyoma alimwi anzyobikkila maano mubuumi akaambo buyo kakuyanda kukkomanisya basicikolonyoko?—Kulonga 23:2.\\nBbaibbele lyaamba kuti: “Musongo ulicenjede.”—Tusimpi 14:16.\\nNolilampa buti, tweelede kulisalila alimwi akuliyumya muzintu zikonzya kutucitikila akaambo kakusala ooko. Bbaibbele lyaamba kujatikizya baalumi mbuli Josefa, Jobu, alimwi a Jesu, balo ibakasala kabotu. Alimwi lilaamba kujatikizya Caini, Esau alimwi a Judasi, balo ibatakasala kabotu. Ino uyakucita buti?\\nBbaibbele lyaamba kuti: “Kosyomeka mumilimo yako.” (Intembauzyo 37:3) Ikuti wasaanguna kuyeeya zikonzya kucitika alimwi akusalila limwi cakucita, uyoojana kuti ciyakukuubila kwaamba mbolimvwa kujatikizya cintu eeco—kucita boobo kuyookugwasya.\\nUtalibiliki—toyandiki buya akutola ciindi cilamfwu kubapanduluda beenzinyoko. Ulakonzya kubaambila buyo kuti, PEEPE. Naa ulakonzya kubasalazyila kuti olo bakusinikizye buti, tokoocinca maano; inga wabaambila kuti:\\n“Tandiciti zyamusyobo ooyo mebo!”\\n“Mwabaanzyi, mucita mbuli kuti tamundizyi!”\\nIciyandika buyo nkufwambaana kubavwiila alimwi akucita oobo kosinizyide. Ikuti wacita oobo, uyakugambwa kubona mbobayakufwambaana kucileka kukukatazya beenzinyoko!\\nNCOKONZYA KUCITA NOBAKUFWUBAAZYA\\nIkuti wazumina kuyungwa abeenzinyoko, uba mbuli cilobboti iceendelezyegwa buyo ambabo\\nIno mbuti kuti beenzinyoko balakunonga? Ino mbuti kuti baamba kuti: “Wabaanzi—sena ulayoowa?” Kocenjela akuzyiba cini ncobasola kucita—kukuyunga. Ino inga wacita buti? Kuli zintu zyobilo nzyokonzya kucita.\\nUlakonzya kuzuminizya ncobaamba. (Inga waamba kuti: “Nincobeni, ndilayoowa!” Mpoonya mubufwaafwi, inga wabaambila kaambo ncookakila.)\\nInga wabavwiila munzila iikonzya kubapa kuliyeeya. Kobaambila ncokakila akubagwasya kuti baliyeeye. Inga waamba kuti: (“Ndalikuyeeya kuti mulicenjede cakuti tamukonzyi kufweba!”)\\nIkuti beenzinyoko bazumanana kukufwubaazya, kozwa akubasiya! Koyeeya kuti, ikuti calampa ciindi ncoli ambabo, balaindila kusola kukuyunga. Ikuti wazwawo mpobabede, utondezya kuti tokonzyi kuzumizya bantu bambi kukucinca.\\nKwaamba masimpe, tokozyi kulesya beenzinyoko kusola kukuyunga. Pele ulakonzya kusala cakucita, kwaamba mpoimvwi mumakani aayo, alimwi akulyeendelezya. Kumamanino, weelede kulisalila omwini!—Joshua 24:15\\nMbuti mbondikonzya kulibambila kuti nditayungwi abeenzuma?\\nIkuti beenzuma basola kundiyunga kuti ndicite cintu citaluzi, ino ndiyoocita buti?\\nKoebelela kavidiyo katudooli kakudulowiŋa kakuti Mbokonzya Kukaka Kuyungwa Abeenzinyoko! a www.jw.org. (Kolanga ansi aamutwe wakuti NJIISYO ZYAMU BBAIBBELE > BAKUBUSI)\\nBakubusi Balabuzya, Volyumu 2","num_words":525,"character_repetition_ratio":0.06,"word_repetition_ratio":0.0,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"4 Nobayandwa, mutasyomi majwi* oonse aasololelwa amuuya, pele amwaasole majwi aayo kutegwa mubone naa ncobeni azwa kuli Leza, nkaambo basinsimi bakubeja banji balimwaikide munyika. 2 Lino majwi aasololelwa amuuya wa Leza inga mwaazyiba munzila eeyi: Kufwumbwa majwi aasololelwa amuuya aazumina kuti Jesu Kilisito wakaboola mumubili wanyama, azwa kuli Leza. 3 Pele kufwumbwa majwi aasololelwa amuuya aatamuzumini Jesu taazwi kuli Leza pe. Kunze lyaboobo, aaya ngamajwi aasololelwa amuuya aasikulwana Kilisito ngomwakamvwa kuti ayooboola, alimwi lino mwaali kale munyika. 4 Nobana bangu bayandwa, nywebo muzwa kuli Leza alimwi mwabazunda kale bantu aabo, nkaambo ooyo uukamantene andinywe mupati kwiinda yooyo uukamantene anyika. 5 Balo bazwa munyika; nkakaambo kaako ncobaambaula izizwa munyika alimwi nyika ilabaswiilila. 6 Swebo tuzwa kuli Leza. Ooyo uuba aluzyibo lwa Leza ulatuswiilila; ooyo uutazwi kuli Leza tatuswiilili pe. Oobu mbotuzyiba majwi aasololelwa amuuya aakasimpe alimwi amajwi aasololelwa amuuya aakubeja. 7 Nobayandwa, atuzumanane kuyandana, nkaambo luyando luzwa kuli Leza, alimwi muntu woonse uutondezya luyando uzyedwe kuli Leza alimwi ulimuzyi Leza. 8 Kufwumbwa muntu uutatondezyi luyando tanamuzyiba Leza pe, nkaambo Leza nduyando. 9 Lino oobu mbolwakayubununwa luyando lwa Leza kulindiswe, nkaambo Leza wakatuma Mwanaakwe simuzyalwaalikke munyika ikutegwa tukonzye kuba abuumi kwiinda mulinguwe. 10 Iluyando lwaambwa waawa taluli akaambo kakuti swebo twali kumuyanda Leza pe, pele walo nguwakatuyanda akutuma Mwanaakwe kuti abe cipaizyo cakumanya zibi zyesu akutuyanzanya a Leza. 11 Nobayandwa, ikuti naa oobu mbwaakatuyanda Leza, nkokuti andiswe tweelede kuyandana. 12 Kunyina muntu wakamubona kale Leza. Ikuti naa twazumanana kuyandana, Leza ulazumanana mulindiswe alimwi luyando lwakwe lulalondolwa mulindiswe. 13 Tulizyi kuti tulikamantene anguwe lyoonse alimwi walo ulikamantene andiswe, nkaambo watupa muuya wakwe. 14 Kuyungizya waawo, swebo lwesu twalibonena alimwi tupa bumboni kuti Taata watuma Mwanaakwe kuti abe Mufwutuli wanyika. 15 Muntu woonse uuzumina kuti Jesu Kilisito Mwana wa Leza, Leza ulazumanana kukamantana amuntu ooyo alimwi walo ulakamantana a Leza. 16 Alimwi swebo lino twaluzyiba alimwi twalusyoma luyando ndwajisi Leza kulindiswe. Leza nduyando, alimwi ooyo uuzumanana muluyando ulazumanana kukamantana a Leza alimwi Leza ulazumanana kukamantana anguwe. 17 Oobu mbolwalondolwa luyando mulindiswe, kutegwa tukacikonzye kwaamba cakutayoowa mubuzuba bwalubeta, nkaambo mbubonya mbwabede ooyo, mbotubede andiswe munyika eeyi. 18 Kunyina kuyoowa muluyando, pele luyando lulondokede lukusowela anze kuyoowa, nkaambo kuyoowa kulatusinkilila. Ncobeni, ooyo uuyoowa tanalondolwa pe muluyando. 19 Lino swebo tulatondezya luyando, nkaambo walo nguwakasaanguna kutuyanda. 20 Ikuti umwi waamba kuti: “Ndilamuyanda Leza,” kwamana boobo kasulaika munyina, muntu ooyo mubeji. Nkaambo ooyo uutayandi munyina ngwabwene, takonzyi pe kuyanda Leza ngwatanabona. 21 Alimwi ooyu ngomulawo ngotujisi kuzwa kulinguwe, kuti ooyo uuyanda Leza weelede kumuyanda awalo munyina.\\n^ Mu Chigiliki, “muuya.”","num_words":390,"character_repetition_ratio":0.081,"word_repetition_ratio":0.0,"special_characters_ratio":0.165,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Incito 7, Ibbaibele 1963 (IBBAIB63) | The Bible App\\n1Elyo mupaizi mupati wakati, Sena mbwaabede aya? 2Wakavuwa wati, Nobaalumi bakwesu anomatata, amuswiilile. Leza wabulemu wakali­ bonya kuli-Abrahamu tateesu naakali ku-Mesopotamiya, katana kukala ku-Harani, 3wakamwaambila kuti, Kozwa mucisi cabanamuzeenu, akumikowa yako, uye kucisi ncenti kakutondezye ncico. 4Ndilyonya wakazwa mucisi caba-Kaldayo, wakala mu-Harani. Elyo naakafwa wisi, Leza wakamulongezya muliceecino cisi ncomukede sunu. 5Pele takamupede lukono omuno pe, nobuba busena bwakulyatika tende lyomwe, kwala wakamusyomezya kuyoomupa ncico cibe cakwe, ecabana bakwe munsi lyakwe, katana kuba amwana. 6Eno mbombuboobo Leza mbwaakaamba kuti bana bakwe bayookala mucisi cabamasi, bayoobacita bazike bakabalele bubi myaaka iili myaanda yone. 7Pele cisi iciyoobacita bazike ndiyoocibeteka, mbwaakaamba Leza, Munsi lyakooko bayoozwa bakandikombele muliboobuno busena, 8Wakamupa cizuminano cakupalulwa, aboobo Abrahamu wakazyala Izaka, wakamupalula kubuzuba bwamusanu mwaatatu. Izaka wakazyala Jakobo, Jakobo wakazyala basikale abali kumi mubabili. 9Eno basikale, nkaambo kebbivwe, bakamuuzya Josefa ku-Egepita, kwalo Leza wakali awe, 10wamuvuna kumapenzi aakwe oonse, wamupa luzyalo abusongo kumbele lya-Farao, mwami wa-Egepita, wamucita mweendelezi wa-Egepita awaŋanda yakwe yoonse. 11Elyo kwakaba nzala mucisi coonse ca-Egepita eca-Kanana, amapenzi mapati, matateesu tabakajene kulya. 12Pele Jakobo, naakamvwa kuti maila nkwaali ku-Egepita, wakatuma matateesu lutaanzi. 13Mulweendo lwabili Josefa wakazibwa banabakwabo, awalo mukowa wa-Josefa wakaambwa kuli-Farao, 14Nkabela Josefa wakatumina wisi Jakobo, wakamwiita abeŋanda yakwe boonse, bantu abali makumi aali musanu mwaabili amusanu, 15Elyo Jakobo wakalonga wainka ku-Egepita, wakafwa walo, amatateesu, 16bakatolwa ku-Sekemu, bazikwa mucuumbwe ncaakaula Abrahamu muulo wensiliva kubana ba-Emori mu-Sekemu. 17Pele mbecakaswena ciindi cacisyomezyo, Leza ncaakasyomezya Abrahamu, bantu bakavula, baba banjibanji mu-Egepita, 18limwi kwakaba umbi mwami mu-Egepita uwatakali kumuzi Josefa. 19Walo wakacitila mukowa wesu camaanu, wakapenzya matateesu kuti basowe bavwanda babo, kuti bataponi. 20Ncencico ciindi ncaakazyalwa Musa, mwana uuebeka, wakalelwa myeezi yotatwe muŋanda yakwabo, 21nkabela naakasowegwa, mwana a-Farao musimbi wakamubweza, wakamulela mbuli mwanaakwe. 22Musa wakaiisigwa busongo boonse bwa-Egepita, wakaba anguzu kumajwi akumilimo yakwe, 23Eno naakali emyaaka iili makumi one, kwakanjila mumoyo wakwe kuti aswaye banabakwabo, bana ba-Israyeli, 24Elyo naakabona umwi wabo ulapenzegwa wamuvuna, wamulwanina uupenzegwa, wajaya mu-Egepita, 25Wali kuyeeya kuti, banabakwabo balaziba kuti Leza ulabaangulula ajanza lyakwe, kwalo tabakazibide, 26Nobwakaca wakajana bamwi balalwana, wakabakombelezya kuti balekane wati, Nobaalumi, muli babunyina, mulwaninanzi? 27Pele oyo uwakasumuna mweenzinyina, wakamutonka wati, Nguni wakubika bwami abubetesi kulindiswe? 28Sena uyanda kundijaya mbubonya mbookajaya mu-Egepita jilo? 29Musa naakamvwa obo wakatija, waakukala mucisi ca-Midiani, nkwaakazyalila bana bobile. 30Nokwakamana myaaka iili makumi one angelo wakalibonya kulinguwe mukasaka kacilundu ca-Sinai, mubbalabala lyamulilo muciteo. 31Eno Musa naakacibona, wakayoowa kucilengaano, naakaswena afwaafwi kulangisisya, kwakasika ijwi lya-Jehova, 32lyakati, Ndime Leza wabauso, Leza wa-Abrahamu, awa-Izaka, awa-Jakobo. Musa wakazyangama, takali ecamba cakulangisisya, 33Jehova wakamwaambila kuti, Gwisya ndyasyo kumatende aako, nkaambo abusena awo mpoimvwi mpaansi aasalala, 34Ncobeni ndabona mapenzi aabantu bangu abali mu­-Egepita, ndamvwa manyonausi aabo, ndaseluka kuti ndibavune. Eno koboola ndikutume ku-Egepita. 35Musa oyo ngobakakaka bati, Nguni wakubika bwami abubetesi? Leza wakamutuma oyo, abe mwami amuvuni, ajanza lyaangelo uwakalibonya kulinguwe muciteo. 36Walo wakabagwisya, wakacita ziyoosya azitondezyo mucisi ca-Egepita, amu-Lwizi Lusalala, amunkanda myaaka iili makumi one. 37Ngonguwe Musa oyu, uwakaambila bana ba-Israyeli kuti, Jehova Leza wanu uyoomubusizya musinsimi kubanabakwanu uuli mbuli ndime. 38Oyu ngonguwe uwakali mumbungano munkanda, antoomwe aangelo uwakaamba anguwe mucilundu ca-Sinai, antoomwe amatateesu. Nguwakatambula makani maumi akutupa swebo. 39Pele bamatateesu tabakazumide kumuswiilila, bakamukaka, myoyo yabo yakapiluka ku-Egepita, 40bakaambila Aroni kuti, Tucitile mizimo itusolwedele, nkaambo Musa oyo uwakatugwisya mucisi ca-Egepita, tatuzi na wakasikilwanzi. 41Kumazuba ayo bakacita cikozyano camoombe, bakapaila cikozyano eco, babotelwa amilimo yamaanza aabo. 42Leza wakabafutatila, wabasowa kuti bakombe makamu aakujulu, mbubonya mbokulembedwe mubbuku lyabasinsimi kuti,\\nSena mwakandipaizya zyakajayigwa azimwi zipaizyo\\nMunkanda myaaka iili makumi one,\\nNywebo nobeŋanda ya-Israyeli? 43Mwakabweza cikombelo ca-Moloki,\\nEnyenyeezi yamuzimo Refano,\\nZikozyano nzomwakalidtila kuzikomba.\\nEno ndiyoomugwisya, ndimutole kumbele lya-Babuloni.\\n44Bamatateesu bakali kujisi cikombelo cabukamboni, mbubonya mbuli kulailila kwayooyo uwakaambila Musa kuti acicite akucikozyanya eco ncaakabona. 45Ncenciceeco njobakaletelela bamatateesu a-Joshua, nobakatola nyika yabamasi mbaakatanda Leza kubusyu bwamatateesu, mane kusikila kumazuba aa-Davida, 46Walo wakajana luzyalo kumbele ya-Leza, wakakumbila kujanina Leza wa-Jakobo cikombelo. 47Pele Solomoni nguwakamuyakila nganda, 48Nekubaboobo Sijulu lyamajulu takali mumaanda aacitwa amaanza, mbubonya mbwaakaamba musinsimi kuti,\\n49Ijulu ncecuuno cangu,\\nInyika mbutandabalilo bwamatende aangu,\\nNiŋandanzi ngomuti kandiyakile, mbwaamba Jehova,\\nMbubuli busena bwakulyookezezya kwangu?\\n50Sena talili janza lyangu ilyakacita zintu ezi zyoonse?\\n51Nywebo nobasicinguni abatapalwidwe kumyoyo akumatwi, lyoonse mulakasya Muuya Uusalala, mbubonya mbobakacita bamauso anywebo mbomucita. 52Nguuli musinsimi bamauso ngobatakapenzya? Bakabajaya abakali kusinsima kusika kwa-Uululeme, oyo ngomwabeda baabi abajayi, 53nywebo nomwakatambula mulao kumaanza aabaangelo, pele tamukaucitide. 54Nobakamvwa obo, bakaciswa kumyoyo, bamulumina ntwino, 55Pele walo, mbwaakazywide Muuya Uusalala, wakalangisisya kujulu, wabona bulemu bwa-Leza, a-Jesu uliimvwi kululyo lwa-Leza, 56wati, Amulange, ndabona ijulu lili bukwazi, a-Mwana a-Muntu uliimvwi kululyo lwa-Leza, 57Ndilyonya bakoompolola ejwi pati, balisinka mumatwi aabo, bamukulumukila antoomwe, 58bamutandila anze amunzi, bamuwaala mabwe, Bakamboni bakabika zyakusama zyabo kumatende aamwaalumi uutegwa Saulo, 59Bakamufusa mabwe Stefano, walo ulakomba uti, Mwami Jesu, tambula muuya wangu, 60Nkabela wakafugama amazwi, woompolola ejwi pati wati, Mwami, utababiki mulandu acibi eci, Naakaamba obo, woona.\\nExplore Incito 7 by Verse","num_words":757,"character_repetition_ratio":0.042,"word_repetition_ratio":0.0,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Isaya 38 | Bbaibbele lili a Intaneti | Bbaibbele lya Busanduluzi Bwanyika Mpya\\nKuciswa kwa Hezekiya ambwaakapona (1-22)\\nLwiimbo lwakulumba (10-20)\\n38 Kumazuba aayo Hezekiya wakaciswa kapati cakuti wakali afwaafwi kufwa.+ Musinsimi Isaya+ imwana wa Amozi wakaboola kulinguwe akumwaambila kuti, “Mboobu mbwaamba Jehova: ‘Kobapa malailile bamuŋanda yako, nkaambo yebo ulafwa; tokoopona pe.’”+ 2 Eelyo Hezekiya wakacenguluka, walanzya busyu bwakwe kubwaanda akutalika kupaila kuli Jehova kati: 3 “Akaka ndakukomba, O Jehova, koyeeya+ mbondali kweenda kumbele lyako cakusyomeka acamoyo woonse,+ akuti ndali kucita zintu zibotu mumeso aako.” Mpoonya Hezekiya wakatalika kulila kapati. 4 Mpoonya jwi lya Jehova lyakamusikila Isaya kaliti: 5 “Kopiluka ukaambile Hezekiya kuti,+ ‘Mboobu mbwaamba Jehova Leza wa Davida sikale wako: “Ndaumvwa mupailo wako.+ Ndaibona misozi yako.+ Eelyo ndilakuyungizyila myaka iili 15 kumazuba aabuumi bwako,+ 6 alimwi ndilakuvwuna yebo alimwi amunzi ooyu mumaanza aamwami wa Asuri, alimwi munzi ooyu ndilaukwabilila.+ 7 Nceeci citondezyo kuzwa kuli Jehova kutondezya kuti Jehova ulacicita ncobeni eeci ncaamba:+ 8 Ndilacita kuti cimvwule cili aamatantilo* aa Ahazi icaselemukide kale akaambo kazuba cijokele musyule ntaamu zili kkumi.”’”+ Aboobo izuba lyakajokela musyule ntaamu zili kkumi aamatantilo aawo cimvwule mpocakaselemukide. 9 Ngaaya makani ngaakalemba Mwami Hezekiya wa Juda, ciindi naakacisidwe alimwi akupona kubulwazi bwakwe. 10 Ndakaamba kuti: “Mazuba aabuumi bwangu naacili akatiNdilanjila mumilyango ya Cuumbwe.* Ndilanyangwa myaka yabuumi bwangu iisyeede.” 11 Ndakaamba kuti: “Tandikamuboni pe Ja,* inzya Ja munyika yabaumi.+ Kunyina limbi nondiyoobabona bantuCiindi nendinooli abaabo bakkala mubusena mozimanina zintu zyoonse. 12 Cikkalilo cangu cazyulwa akugusyigwa kulindime+Mbuli tente lyamweembezi. Ndavwunga buumi bwangu mbubonya sikusuma mbwavwunga cisani;Wandikosola mbuli mbozikosolwa ntali zyacibelesyo cakusumya. Kuzwa ciindi noulibonya mumuni wazuba kusikila masiku yebo uluujisi kundimaninizya.+ 13 Ndilalibatamika kusikila mafwumofwumo. Mbubonya mbuli syuumbwa, walo uluujisi kupwayaula mafwuwa aangu oonse;Kuzwa ciindi noulibonya mumuni wazuba kusikila masiku yebo uluujisi kundimaninizya.+ 14 Mbubonya mbuli kamembya naa kanco ndiluujisi kulila;+Ndiluujisi kukuluma mbubonya mbuli nziba.+ Meso aangu aalemede alanga kujulu kandaamba kuti:+ ‘O Jehova, ndapenga citaambiki;Koba mugwasyi wangu!’*+ 15 Ino inga ndaamba nzi? Walo wandaambila alimwi wacicita. Myaka yabuumi bwangu yoonse ndeenda cakulibombyaAkaambo kakupenga kapati mumoyo. 16 ‘O Jehova, bantu boonse balapona akaambo kazintu eezyi,*Alimwi mulinzizyo momuli buumi bwamuuya wangu. Yebo uyoondiponya akundipa kuti ndizumanane kupona.+ 17 Bona! Muciindi cakuba aluumuno ndakapenga kapati;Pele akaambo kakuti yebo ulandiyanda kapati,Wakandivwuna kumulindi walunyonyooko.+ Zibi zyangu zyoonse wazisowela kusyule lyako.*+ 18 Nkaambo Cuumbwe* tacikonzyi kukulemeka,+Lufwu talukonzyi kukutembaula pe.+ Aabo baselemukila mucilindi tabakonzyi kulangila kusyomeka kwako.+ 19 Baumi, inzya baumi, mbabakonzya kukutembaula,Mbubonya mbondicita mebo obuno buzuba. Usyi bana ulakonzya kupa kuti bana bakwe babe aluzyibo kujatikizya kusyomeka kwako.+ 20 O Jehova, kondifwutula,Eelyo tuyakwiimba nyimbo zyangu atuntimbwa+Mazuba oonse aabuumi bwesu kuŋanda ya Jehova.’”+ 21 Mpoonya Isaya wakaamba kuti: “Amulete cibunge cankuyu ziyumu mumunanike acuute, kutegwa apone.”+ 22 Hezekiya wakabuzyide kuti: “Ino kuli citondezyo nzi cakuti ndiyakuunka kuŋanda ya Jehova?”+\\n^ Ambweni matantilo aaya akali kubelesyegwa kubala ciindi.\\n^ “Ja” nkufwiinsyigwa kwazina lyakuti Jehova.\\n^ Mu Chihebrayo, “Koba cisinizyo cangu.”\\n^ Nkokuti, zisyomezyo zya Leza alimwi amilimo yakwe.\\n^ Naa “Yebo wagusya zibi zyangu zyoonse kumbele aameso aako.”","num_words":449,"character_repetition_ratio":0.046,"word_repetition_ratio":0.0,"special_characters_ratio":0.18,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jeremiya 30 | Bbaibbele lili a Intaneti | Bbaibbele lya Busanduluzi Bwanyika Mpya\\nCisyomezyo cakupilusyigwa kucisi cabo alimwi akuponesyegwa (1-24)\\n30 Ndeeli jwi lyakamusikila Jeremiya kuzwa kuli Jehova, kaliti: 2 “Mboobu mbwaamba Jehova Leza wa Israyeli, ‘Koalemba mubbuku majwi oonse ngondikwaambila. 3 Nkaambo “bona, mazuba alaboola,” mbwaamba Jehova, “eelyo ndiyoobunganya baange akati kabantu bangu ba Israyeli a Juda,”+ mbwaamba Jehova, “mpoonya ndiyoobapilusya kunyika njondakapede bamausyi, eelyo bayakwiikona alimwi.”’”+ 4 Ngaaya majwi Jehova ngaakaambila Israyeli a Juda. 5 Mboobu mbwaamba Jehova: “Twamvwa jwi lyabantu bazuzuma;Baliyoowede kapati, alimwi kunyina luumuno pe. 6 Amubuzye naa musankwa ulakonzya kutumbuka. Aboobo nkaambo nzi ncondibwene musankwa woonse singuzu kalijatide ada*Mbuli mukaintu uutumbuka?+ Nkaambo nzi masyu oonse ncaauside? 7 Maawe! Nkaambo buzuba oobo bulayoosya.*+ Kunyina bumbi buli mbuli mbubo,Nciindi camapenzi kuli Jakobo. Pele uyoofwutulwa kuzwa mumo.” 8 “Alimwi mubuzuba oobo,” mbwaamba Jehova wamakamu, “ndiyootyola joko lili munsingo yako azyalo zitolopo* zyako ndiyoozidunsula; aboobo beenzu* tabakamubelesyi* limbi mbuli muzike wabo. 9 Bayoobelekela Jehova Leza wabo alimwi a Davida mwami wabo, ooyo ngondiyoobabusyila.”+ 10 “Lino yebo Jakobo omubelesi wangu, utayoowi pe,” mbwaamba Jehova,“Alimwi utabi abukandu, O Israyeli.+ Nkaambo mebo ndiyookufwutula kuzwa kulamfwuAbana bako kuzwa kucisi nkobaangidwe.+ Jakobo uyoojokela, uyooliiba alimwi takanyonganizyigwi,Kunyina muntu naba omwe uuyoobayoosya.”+ 11 “Nkaambo ndilaanduwe,” mbwaamba Jehova, “kuti ndikufwutule. Pele ndiyooleta lunyonyooko akati kamasi oonse ooko nkondakakumwaila;+Nokuba boobo, yebo tandikakunyonyooni pe.+ Ndiyookululamika* cansaizi,Alimwi tandikakuleki buyo kakunyina kukusubula.”+ 12 Nkaambo mboobu mbwaamba Jehova: “Kunyina musamu uukonzya kuponya nguma yako.+ Cilonda cako tacisilikiki pe. 13 Kunyina uukukombelezyela kaambo kako,Kunyina nzila yakuponya cilonda cako. Kunyina musamu uukonzya kukusilika. 14 Boonse aabo bakuyanda kapati bakuluba.+ Tabacikuyandauli pe. Nkaambo ndakuuma mbuli mbwacita sinkondo,+Akukusubula mbuli mbwacita muntu silunya,Akaambo kakukomena kwamulandu wako alimwi azibi zyako zinji.+ 15 Ino nkaambo nzi ncolila akaambo kanguma yako? Kucisa nkomvwide takukonzyi kumanizyigwa pe! Akaambo kakukomena kwamulandu wako alimwi azibi zyako zinji+Ncindakucitila zintu eezyi. 16 Aboobo boonse aabo bakunyonyoona bayoonyonyoonwa,+Abalo basinkondonyoko boonse bayootolwa kabali baange.+ Aabo bakubbida zintu, abalo bayoobbidwa zintu,Alimwi boonse aabo bakusaala, abalo ndiyoobapa kusaalwa.”+ 17 “Pele ndiyookuponya alimwi akukusilika zilonda zyako,”+ mbwaamba Jehova,“Nokuba kuti bakali kukwaamba kuti uli muzandule, ategwa: ‘Ooyu ngo Ziyoni, uutayandaulwi amuntu uuli woonse.’”+ 18 Mboobu mbwaamba Jehova: “Amubone ndilabunganya baange akati kabantu ba Jakobo+ ibakkala mumatente,Alimwi ndiyoozifwida lubomba zilawo zyakwe. Munzi ooyu uyooyakululwa acitantaala canguwo,+Ayalo ngazi iikwabilidwe iyakwiima abusena bwanjiyo bweelede. 19 Kulimbabo kuyoozwa majwi aakulumba alimwi akuyobeka kwabantu baseka.+ Ndiyoobavwuzya, eelyo tabakaceyi pe;+Ndiyoopa kuti bavwule kapati,*Eelyo tabakabi kabunga kasyoonto ikatabalwi.+ 20 Bana bakwe bayooba mbuli kuciindi cakaindi,Ayalo mbungano yakwe iyookkazikizyigwa kumbele lyangu.+ Ndiyoobasubula boonse bamupenzya.+ 21 Muntu wakwe uulemekwa unooli umwi wamukowa wakwe,Alimwi muleli wakwe uyoozwa mulinguwe. Ndiyoomupa kuti aswene afwaafwi, eelyo uyooboola kulindime.” “Nkaambo nocatali boobo, ino nguni uukonzya kusola* kuboola kulindime?” mbwaamba Jehova. 22 “Eelyo nywebo muyooba bantu bangu,+ andime ndiyooba Leza wanu.”+ 23 Amubone! Iguwo lya Jehova liyoobbubbula cabukali,+Iguwo pati kapati liyoozinguluka amitwe yabantu babi. 24 Bukali bwa Jehova buvwilima mbuli mulilo tabukamani peKusikila mane akacite alimwi akuzuzikizya makanze ngajisi mumoyo wakwe.+ Kumazuba aakumamanino nywebo muyakwaamvwisya makani aaya.+\\n^ Naa “mucibuno.”\\n^ Mu Chihebrayo, “mbupati.”\\n^ Mu Chihebrayo, “zyaanzyo.”\\n^ Naa “bamuzwakule.”\\n^ Naa “tabakababelesyi.”\\n^ Naa “Ndiyookulaya.”\\n^ Naa ambweni, “balemekwe.”\\n^ Mu Chihebrayo, “kupa moyo wakwe kauli cisyomezyo.”","num_words":477,"character_repetition_ratio":0.058,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulwana Mumukwasyi Kulakonzya Kumana\\nSinsimuka! | April 2013\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bislama Bulgarian Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch Efik English Estonian Ewe Fijian Finnish French Georgian German Greek Hiligaynon Hungarian Igbo Iloko Indonesian Italian Japanese Kinyarwanda Kirghiz Korean Lingala Lithuanian Macedonian Malagasy Myanmar Norwegian Oromo Polish Portuguese Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Sinhala Slovak Slovenian Spanish Swahili Swedish Tagalog Thai Tigrinya Tsonga Turkish Twi Ukrainian Xhosa Zulu\\nBukkale 1: Bazyali baba Isabel * baboola kuswaya. Balikkomanisya kapati mangolezya aayo kubandika amwanaabo musimbi alimwi amulumaakwe. Muzyali uuli woonse ulakonzya kumukkomanina mwaalumi uuli boobu uukwete mwanaakwe. Ulaaluse kumukaintu wakwe.\\nBukkale 2: Ba Frank balinyemede kapati. Mpoonya, bamana bukali munzila njobabelesya lyoonse—ikuuma bakaintu babo kwiinda mukubapwaya kumeso, kubabbakela, kubakwela masusu, naa kubaumya mutwe kubwaanda cakwiinduluka-induluka.\\nINGA camugambya kuzyiba kuti bukkale boonse bobilo oobu, bujatikizya banabukwetene bomwe.\\nMbubwenya mbobacita bantu banji balaacilengwa cakulwana mumukwasyi, ba Frank balalibotya-botya ciindi nobali aabantu naa nobali aamakwe. Pele ciindi nobali buyo balikke, ba Frank mbaasilunya kapati kubakaintu babo.\\nBamaalumi banji ibali mbuli ba Frank, bakakomenena mumikwasyi mwakali nkondo kapati, alimwi nibakomena bayeeya kuti bukkale oobo buli buyo kabotu. Pele lyoonse kulwana kwamumukwasyi takuli kabotu. Nkakaambo kaako bantu banji balagambwa kumvwa kuti mwaalumi wauma mukaintu wakwe.\\nNokuba boobo, kulwana mumukwasyi kwaduma kapati. Mucikozyanyo, ku United States, basikuvwuntauzya bamwi bakajana kuti mubuzuba bomwe buyo mweelwe wabantu batuma mafooni kunamba iigwasilizya baabo balwana mumikwasyi yakatambula mafooni aainda ku 16 muminiti yomwe. Kulwana mumukwasyi, lyaba penzi lipati munyika yoonse, lyalo lijatikizya bantu boonse. Akaambo kakuti milandu minji taitolwi kumulawo, penzi eeli lyazumanana kuyaambele. *\\nMalipooti aankondo zyamumikwasyi apa bantu kulibuzya kuti: Ino muntu inga watalika buti kuuma mweenzinyina munzila iili boobu—kwaambisya mukaintu wakwe? Sena bamaalumi ibauma bamakaintu babo balakonzya kugwasyigwa kuti bacileke cilengwa eeci?\\nBakamboni ba Jehova, basikumwaya bamagazini eeyi, basyoma kuti lulayo lwamu Bbaibbele lulakonzya kubagwasya banabukwetene bajisi cilengwa cakulwana kutegwa bacince. Sena ncuuba-uba kucinca bube bwamuntu? Peepe. Sena cilakonzyeka kucinca? Inzya! Lwiiyo lwamu Bbaibbele lwabagwasya bantu banji kucinca akuba alubomba alimwi abulemu. (Bakolose 3:8-10) Amubone makani aajatikizya ba Troy alimwi aba Valerie.\\nIno cilongwe canu kumatalikilocakali buti?\\nBa Valerie: Buzuba mbobakandisamika nweenwe, ba Troy bakandipwaya lubayi cakuti ndakaba acilonda calo cakatola nsondo yomwe kuti ciyumye. Bakalilekelela alimwi akundisyomezya kuti tabakaciinduluki. Kwamyaka minji eeyi njitwakkala antoomwe, balanduuma akusyomezya alimwi kuti tabakaciindululi.\\nBa Troy: Ndakali kunyema kufwumbwa buyo kuti kuli cacitika, mucikozyanyo mbuli kumuka kujika. Buzuba bumwi ndakabauma ba Valerie kubelesya katobolo kaniini. Ciindi cimwi, ndakabauma kapati cakuti ndakali kuyeeya kuti bafwa. Mpoonya, ndakabakonga kuti ndiyanda kumujaya mwaneesu kumwi kandimweezyeka cipeni amukosi.\\nBa Valerie: Ndakali kulibilika kapati. Zimwi ziindi ndakali kutija aŋanda kusikila mane ba Troy batontomana. Nokuba kuti ndakali kuumwa kapati, icakali kundicisa kapati nkufwubaazyigwa kwiinda kuumwa.\\nBa Troy, sena lyoonse mwakali basilunya?\\nBa Troy: Inzya, kuzwa kubwana. Ndakakomenena mumukwasyi mwakali lunya kapati. Kanji-kanji, bataata bakali kubauma baama katulangilila tobana. Nibakalekana abaama, baama bakakwatwa kumwaalumi uumbi, awalo wakatalika kubauma. Aaba bataata bakujana bakatoona toonse tobilo amucizyi wangu. Akaambo kaceeci bakaangwa. Nokuba boobo, tandikonzyi kutamizya bukkale bwabazyali bangu kuti mbobwakandipede kuzumanana kuba aalunya.\\nBa Valerie, nkaambo nzi ncimwakazumanana mucikwati canu?\\nBa Valerie: Ndakali kuyoowa. Ndakali kulibilika kuti, ‘Ino kuti batalika kundiyandaula kutegwa bandijaye naa kujaya bazyali bangu? Ino kuti ndaakubaamba alimwi akuti baangwa?’\\nIno ndilili zyintu nizyakatalika kucinca?\\nBa Troy: Bakaintu bangu bakatalika kwiiya Bbaibbele a Bakamboni ba Jehova. Kumatalikilo, tiindakali kubayanda balongwe babo aaba bapya, alimwi tiindakali kuyanda kuti bakaintu bangu balinjizye “mukabunga kakubeja” katazyibidwe kabotu. Aboobo, ndakaindila buya kuba aalunya, kutali buyo kuli ba Valerie pele kubikkilizya akuli Bakamboni. Pele bumwi buzuba mwaneesu Daniel, uujisi myaka yakuzyalwa yone, wakaciswa kapati cakuti wakakkala mucibbadela nsondo zyotatwe. Muciindi eeco, Bakamboni bakatugwasya kapati mane buya akulanganya mwaneesu musimbi Desiree, uujisi myaka yakuzyalwa iili cisambomwe. Bumwi buzuba, Kamboni umwi musankwa wakasyaala a Daniel buzuba boonse mucibbadela kutegwa ba Valerie bakalyookezye akaambo kakuti bakali kumulanganya busiku boonse. Luzyalo lwabantu aaba, bantu mbabonya mbondatakali kuyanda, lwakandikulwaizya kapati. Ndakazyiba kuti bantu aaba Mbanakristo bakasimpe, aboobo ndakabalomba kuti batalike kundiyiisya Bbaibbele. Nindakali kwiiya Bbaibbele, ndakazyiba zyintu mwaalumi nzyeelede, alimwi anzyateelede kucitila mukaintu wakwe. Ndakacilekela limwi kuba silunya. Mukuya kwaciindi, ndakaba Kamboni wa Jehova.\\nNinjiisyo nzi zyamu Bbaibbele zyakamugwasya kuti mucince?\\nBa Troy: Nzinji. Mulugwalo lwa 1 Petro 3:7, Ibbaibbele lyaamba kuti ndeelede kubapa “bulemu” bakaintu bangu. Lugwalo lwa Bagalatiya 5:23 lukulwaizya “kubomba moyo” alimwi “[a]kulicesya.” Lugwalo lwa Baefeso 4:31 lulakasya “majwi aakusampaula.” Lugwalo lwa Bahebulayo 4:13 lwaamba kuti “zyintu zyoonse . . . zilivwumbwidwe” kuli Leza. Aboobo Leza ulabona zyoonse nzyondicita, nokuba kuti bantu tabakonzyi kuzibona. Alimwi ndakaiya kuti ndakeelede kucinca balongwe, mbwaanga “kuyanzana kubyaabi kunyonganya zilengwa zibotu.” (1 Bakolinto 15:33) Tee mwabona, balongwe bangu bakaindi mbebakali kundikulwaizya kulwana. Balo basyoma kuti mukaintu weelede kuuma kutegwa “katabbookezyi”\\nIno mulimvwa buti lino kujatikizyacikwati canu?\\nBa Valerie: Lino kwainda myaka iili 25 kuzwa ciindi ba Troy nibakaba Bakamboni ba Jehova. Kuzwa ciindi eeco, balandiyanda ncobeni, balaaluzyalo alimwi balandibikkila maano.\\nBa Troy: Tandikonzyi kuzicinca zibi nzyondakacitila mukwasyi alimwi bakaintu bangu tiibakeelede kweendelezyegwa munzila iili boobuya. Pele ndilangila kumbele noluyoozuzikizyigwa lugwalo lwa Isaya 65:17, ciindi notuyooziluba zyintu zyakaindi zibyaabi.\\nNdulayo nzi ndomukonzya kupa kumikwasyi iijisi penzi lyakulwana mumukwasyi?\\nBa Troy: Kuti kamuli basilunya kumukwasyi wanu, amuzyibe kuti muyandika lugwasyo, alimwi amulutambule. Lugwasyo nkoluli alimwi ndunji. Mebo, kwiiya Bbaibbele a Bakamboni ba Jehova alimwi akuyanzana ambabo nkokwakandigwasya kuti ndileke kuba silunya.\\nBa Valerie: Mutanoofwambaani kweezyanisya bukkale bwanu kubukkale bwabamwi naa kutobela lulayo lwabantu bayeeya kuti balibuzyi kabotu bukkale bwanu. Nokuba kuti tabali boonse bakonzya kucinca, ndilikkomene kuti tiitwakalekana abalumi bangu, nkaambo lino tulijisi cilongwe cibotu.\\nMBOMUKONZYA KULEKA KULWANA MUMUKWASYI\\nKwiiya Bbaibbele kwabagwasya bamaalumi banji kucinca bukkale kuti kakuyandika kucita boobo\\nIbbaibbele lyaamba kuti: “Magwalo oonse akasololelwa a Leza alimwi alagwasya mukuyiisya, mukusinsa, mukululamika.” (2 Timoteyo 3:16) Mbubwenya mbuli ba Troy, ibaambwa mumakani aali atala aawa, banabukwetene banji ibakali kulwana, bakalubelesya lulayo lwamu Bbaibbele alimwi bakacikonzya kucinca mizeezo alimwi abukkale bwabo.\\nSena mulayanda kuzyiba zinji kujatikizya Bbaibbele mbolikonzya kumugwasya mucikwati canu? Kuti kamuyanda makani aayungizyidwe mulakonzya kubazyibya Bakamboni ba Jehova bali afwaafwi akubusena nkomukkala, naa kulanga a Website ya www.jw.org.\\n^ munc. 3 Mazyina amwi mucibalo eeci acincwa.\\n^ munc. 8 Bamaalumi abalo balaumwa aabamakaintu. Nokuba boobo, malipooti manji aatambulwa aakulwana mumikwasyi atondezya kuti bamaalumi mbabauma bamakaintu.\\nNKAAMBO NZI BAMAKAINTU NCOBATABASIYI BAMAALUMI BABAPENZYA?\\nNkaambo nzi bamakaintu bamwi ncobasala kuzumanana kukkala abamaalumi basilunya? Banji bayoowa kuti ambweni kupenzyegwa inga kwaindila buya kuti naa babasiya bamaalumi aaba. Bamaalumi bamwi bakonga bamakaintu babo kuti naa basola kutija inga babauma nokuba kubajaya buya. Bamwi balabajaya bamakaintu babo ibatija.\\nBamakaintu bamwi balawaya-waya kubasiya bamaalumi babo akaambo kakuyoowa kuti beenzinyina alimwi abanamukwasyi inga babanyemena akaambo kakuti bantu aaba tabazyi bwini mbobabede balumi babo. Mucikozyanyo, ba Isabel, bajisi cakuluula caambwa mucibalo eeci, bakabasiya balumi babo. Ba Isabel bakaamba kuti: “Bapati bangu bakaintu bakandinyemena kapati akundaambila kuti ndijokele kumulumaangu—kunyina nibakasyoma kuti mwaalumi ngobakali kuyeeyela kuti uuli kabotu inga kali silunya. Basimukoboma boonse bakanditantamuka, aboobo ndakalonga abana bangu.”\\nTwaambo tumbi tupa kuti bamakaintu bamwi basale kuzumanana kukkala abamaalumi basilunya ntootu:\\nBayanda kukomezya bana antoomwe.\\nBalalibilika kuti inga cabayumina kuliyandawida zyintu zyakumubili nzyobayandika, alimwi azyabana babo.\\nBamwi bayeeya kuti baleelede kuumwa.\\nBafwa nsoni kuzyibwa kuti balapenzyegwa.\\nBayeeya kuti ambweni bukkale buyakucinca kumbele.\\nBakamboni ba Jehova balautobela mulawo wamu Bbaibbele wakuti bumambe ncecintu cilikke cizumizya bantu kulekana. (Matthew 5: 32) Nokuba boobo, kuli bukkale bumwi bukonzya kupa kuti banabukwetene baandaane, bwalo bubikkilizya kubikka buumi bwaumwi muntenda akaambo kalunya.\\nNJIISYO ZYAMU BBAIBBELE ZIGWASYA KUBAALUMI\\nAmubeendelezye kabotu alimwi akubapa bulemu bakaintu banu.—1 Petro 3:7.\\nAmubayande bakaintu banu mbuli mbomuuyanda mubili wanu.—Baefeso 5:28, 29.\\nKamuzumanana kubayanda.—Baefeso 5:25.\\nMutanoobelesyi majwi aakusampaula.—Baefeso 4:29, 31.\\nAmube aabube bwakulijata.—Tusimpi 29:11.\\nAmuzyibe kuti kulilemeka takubooli akaambo kakweendelezya bamwi, pele kulaboola akaambo kakulyeendelezya nobeni.—Tusimpi 16:32.\\nAmuyeeye mapenzi aaboola akaambo kamicito yanu.—Bagalatiya 6:7.\\nKuti mwabona kuti cilamwaalila kuujata moyo, ncibotu kuzwa.—Tusimpi 17:14.\\nAmwiiye kusesemwa micito iipa kulwana.—Intembauzyo 11:5.\\nMukaintu wanu amumubone kuba mulongwe mubotu, kutali muntu uunyina mpindu.—Matalikilo 1:31; 2:18\\nLUGWASYO KUMIKWASYI Mbomukonzya Kucikeka Kwaamba Majwi Aanyemya\\nKUBUZYA-BUZYA Syaazibwene Mulwiiyo Lwazilenge Ulaamba Mbwaakatalika Kusyoma Muli Leza\\nMAKANI AAYEEME AMUTWE UULI ACIVWUMBYO Kulwana Mumukwasyi Kulakonzya Kumana\\nZISI ALIMWI ABANTU Kuswaya ku Indonesia\\nNCOLYAAMBA BBAIBBELE Buumi\\nAmufwambaane Kujana Website Yesu!\\nMabala Amusale naa muyanda kukkopa zyakamwaigwa SINSIMUKA! April 2013 | Kulwana Mumukwasyi Kulakonzya Kumana\\nApril 2013 | Kulwana Mumukwasyi Kulakonzya Kumana\\nSINSIMUKA! April 2013 | Kulwana Mumukwasyi Kulakonzya Kumana","num_words":1265,"character_repetition_ratio":0.049,"word_repetition_ratio":0.0,"special_characters_ratio":0.158,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bafilipi 3 | Bbaibbele Lili a Intaneti | Bbaibbele lya Busanduluzi Bwanyika Mpya\\nMatayo Marko Luka Johane Milimo Baroma 1 Bakorinto 2 Bakorinto Bagalatiya Baefeso Bafilipi Bakolose 1 Batesalonika 2 Batesalonika 1 Timoteyo 2 Timoteyo Tito Filimoni Bahebrayo Jakobo 1 Petro 2 Petro 1 Johane 2 Johane 3 Johane Juda Ciyubunuzyo 1 2 3 4\\n3 Camamanino bakwesu, amuzumanane kukondwa mu Mwami. Takundiminyi pe ikumulembela zyintu nzimunya lyoonse, mbwaanga kucita boobo kulamukwabilila. 2 Amubacenjelele babwa,* amubacenjelele bacita milimo mibi, amubacenjelele ibatenda mubili.* 3 Nkaambo swebo ndiswe tujisi bupalule bwini-bwini, mbwaanga tubeleka mulimo uusetekene kwiinda mumuuya wa Leza alimwi tulalilumbaizya muli Kilisito Jesu alimwi tatusyomi muzyintu zyakumubili, 4 nokuba kuti mebo, ikwiinda muntu umbi uuli woonse ndijisi twaambo tundipa kusyoma muzyintu zyakumubili. Ikuti kakuli muntu umbi uuyeeya kuti ujisi twaambo tumupa kusyoma muzyintu zyakumubili, mebo ndamwiinda: 5 ndakapalulwa mubuzuba bwalusele, ndili waluzubo lwa Isilayeli kuzwa kumusyobo wa Benjamini, ndimu Hebulayo wakazyalwa kuba Hebulayo; kujatikizya mulawo, ndakali mu Falisi; 6 kujatikizya busungu, ndakapenzya mbungano; alimwi kujatikizya bululami ikwiinda mukutobela mulawo, ndakali muntu wakanyina kampenda. 7 Pele zyintu izyakajisi mpindu kulindime, eezyi ndizibona kuti nzyabuyo akaambo ka Kilisito. 8 Ncobeni, akaambo kaceeci zyintu zyoonse ndizibona kuti nzyabuyo akaambo kampindu mpati yaluzyibo lwa Kilisito Jesu Mwami wangu. Akaambo kanguwe izyintu zyoonse ndizibona kuti nzyabuyo akuti mulwi buyo wazifwuse, ikutegwa ndijane Kilisito 9 alimwi akujanwa kandikamantene anguwe, ikutali akaambo kabululami bwangu ndemwini ibuzwa kukutobela mulawo, pele akaambo kabululami ibuzwa kulusyomo muli Kilisito—ibululami buzwa kuli Leza akaambo kalusyomo. 10 Makanze aangu ngakuti ndimuzyibe walo alimwi anguzu zyabubuke bwakwe akutola lubazu mukupenga kwakwe, akulibombya kulufwu luli mbuli lwakwe, 11 ikutegwa ikuti kacikonzyeka ndikabe mububuke bwakusaanguna kuzwa kubafwu. 12 Takuli kuti ndakabutambula kale bulumbu oobo naa kuti ndililondokede kale pe, pele ndili mukusolekesya kutegwa ndibone naa andime inga ndabujana bulumbu oobo mbwaakandisalila Kilisito Jesu. 13 Bakwesu, tandiliboni kuti ndakabujana kale bulumbu oobu pe; pele cintu comwe camasimpe nceeci: Kwiinda mukuziluba zyintu zyoonse zili musyule akugama buyo zyintu zili kumbele, 14 ndisolekesya kusika ambaakani eeyo mane ndikabujane bulumbu bwakujulu mbwatwiitila Leza kwiinda muli Kilisito Jesu. 15 Aboobo aabo basimide akati kesu, ababe amuzeezo ngoonya ooyu; alimwi ikuti naa kuli cintu cimwi ncomuyeeyela bumbi, Leza ulamuyubunwida muzeezo ooyu uuluzi. 16 Nokuba boobo, kweelana akuyaambele nkotwacita kale, atuzumanane kweenda kabotu acilengwa nciconya eeci. 17 Bakwesu, nyoonse amwiiye ndime, alimwi amubalangisye aabo beenda munzila yeendelana acikozyanyo ncitwakamupa. 18 Nkaambo mbanji mbondakali kubandauka lyoonse pele lino mbondibandauka kumwi kandilila, ibeenda kabali basinkondo bacisamu cakupenzyezya ca Kilisito. 19 Mamanino aabo ndunyonyooko, leza wabo ndida lyabo, ibulemu bwabo mubwini bujatikizya zyintu zijazya nsoni nzyobacita alimwi mizeezo yabo baibikkide azyintu zili anyika. 20 Pele ibusicisi bwesu buli kujulu, alimwi caluyandisisyo tulangila mufwutuli uuzwa nkuko, Mwami wesu Jesu Kilisito, 21 ooyo uuyoobelesya nguzu zyakwe zitalivwulili kusandula mibili yesu yaansi kuti ibe mbuli mubili wakwe wabulemu akubombya zyintu zyoonse kulinguwe.\\n^ Nkokuti, ibantu basesemya mubukkale bwabo.\\n^ Nkokuti, aabo ibapalula.","num_words":431,"character_repetition_ratio":0.054,"word_repetition_ratio":0.0,"special_characters_ratio":0.165,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nduwe Uulisalila Buumi Mbuyoopona Kunembo—Sala Buumi! (Deuteronomo 30:19)\\nNgaziyakulinda | No. 2 2018\\nBALA MU Acholi Afrikaans Albanian American Sign Language Amharic Arabic Argentinean Sign Language Armenian Aukan Aymara Azerbaijani Azerbaijani (Cyrillic) Baoule Bashkir Bassa (Cameroon) Batak (Karo) Batak (Toba) Bengali Biak Bicol Bislama Boulou Brazilian Sign Language Bulgarian Cambodian Catalan Cebuano Changana (Mozambique) Chichewa Chin (Hakha) Chinese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chuukese Chuvash Cibemba Cinyanja Colombian Sign Language Croatian Czech Dangme Danish Digor Drehu Dutch Efik English Estonian Ewe Fijian Finnish Fon French Ga Garifuna Georgian German German Sign Language Greek Greenlandic Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hmong (White) Hungarian Hungarian Sign Language Iban Ibanag Icelandic Igbo Iloko Indonesian Isoko Italian Italian Sign Language Japanese Javanese Kabiye Kannada Karen (S'gaw) Kazakh Kikamba Kikaonde Kikongo Kikuyu Kiluba Kimbundu Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lhukonzo Lingala Lithuanian Lomwe Luganda Lunda Luo Luvale Macedonian Macua Malagasy Malay Malayalam Maltese Mam Mambwe-Lungu Mapudungun Marathi Marshallese Mauritian Creole Maya Mazatec (Huautla) Mbunda Mexican Sign Language Mizo Moore Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndebele Ndebele (Zimbabwe) Ndonga Nepali Ngangela Nias Niuean Norwegian Nyaneka Nzema Oromo Ossetian Otetela Pangasinan Papiamento (Aruba) Papiamento (Curaçao) Persian Polish Ponapean Poqomchi' Portuguese (Portugal) Punjabi Quebec Sign Language Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Rarotongan Romanian Runyankore Russian Russian Sign Language Rutoro Samoan Sango Saramaccan Sepedi Serbian Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Slovak Slovenian Solomon Islands Pidgin Spanish Spanish Sign Language Sranantongo Swahili Swahili (Congo) Swati Swedish Tagalog Tahitian Tamil Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tshwa Tsonga Turkish Tuvaluan Twi Tzeltal Tzotzil Ukrainian Umbundu Urhobo Uruund Uzbek Venda Venezuelan Sign Language Vietnamese Wallisian Waray-Waray Wayuunaiki Welsh Wolaita Xhosa Yoruba Zande Zapotec (Isthmus) Zulu\\nNduwe Uulisalila Buumi Mbuyoopona Kunembo!\\nNDUWE UULISALILA NA BUUMI MBUYOOPONA KUNEMBO? Bamwi bantu basyoma kuti zintu zichitika mubuumi bwabo zyakabambwa kale akuti tabalisalili pe. Chiindi nibakachilwa kuzuzikizya zipeekezyo zyabo tabalikataazyi pe. Baamba kuti, “Teenzindakabambilidwe pe.”\\nBamwi balakonzya kumana manguzu akaambo kakubona kuti taakwe muntu uukonzya kumana kudyaaminina akutalulamisya kuvulide munyika. Nikuba kuti baleezya kuchita zintu zilikabotu pesi zintu zili mbuuli nkondo, kuvula kwamilandu, malwazi amapenzi aalichitikila zilikubakachizya kuti bazuzikizye zipeekezyo zyabo. Ngabalibuzya kuti ‘Ndilikataazizyaanzi?’\\nNisimpe kuti zintu zichitika mubuumi zilakonzya kupa kuti tukachilwe kuzuzikizya zipeekezyo zyesu. (Mukambausi 9:11) Nikuba boobo, tulakonzya kulisalila buumi mbutuyanda kuyoopona kunembo. Bbayibbele litondeezya kuti buumi bwakunembo buyeeme munzila muntu njasalaayo. Langa-langa nzilyaamba.\\nMaIsrayeli nibakali baba afwiifwi kunjila Munyika Yachisyomezyo, Musa wakabalayilila kuti: “Buumi alufu, lulongezyo alutuko, zyoonse ndazibika kuti mulisalile. Amusale buumi, kuti mupone, nywebo abana banu. Amuyandisye Jehova Leza wanu, amuswiilile ijwi lyakwe, amumukakatile.”—Deuteronomo 30:15, 19, 20.\\n“Buumi alufu, lulongezyo alutuko, zyoonse ndazibika kuti mulisalile. Amusale buumi.”—Deuteronomo 30:19\\nLeza wakafutula maIsrayeli kuzwa kubuzike kuEgepita alubo wakabasyomezya kuti bakali kuyoopona buumi bulikabotu Munyika Yachisyomezyo. Pesi bakeelede kuchita zimwi zintu kuti bajane zilongezyo eezyo. Bakeelede ‘kusala buumi.’ Bakali kuyoozichita biyeni? Kwiinda ‘mukuswiilila jwi lyaLeza akukakatila kulinguwe.’\\nAndiswe mazubaano tweelede kulisalila buumi mbutuyanda kuyoopona kunembo. Ulakonzya kusala kuyoopona buumi butamani muparadayizi aanyika kuti wayanda Leza, waswiilila jwi lyakwe akukakatila kuli nguwe. Pesi eezi ziswaanizyaanzi?\\nSALA KUYANDA LEZA\\nLuyando mbube bwaLeza buyandikana. Mwaapostolo Johane kazulwidwa amuuya uusalala wakalemba kuti, “Leza nduluyando.” (1 Johane 4:8) Nkinkaako, chiindi Jesu naakabuzigwa mubuzyo wakuti nguuli mulawu mupati wakati: “Yanda Leza Jehova wako amoyo wako woonse, amoya wako woonse, amumiyeeyo yako yoonse.” (Matayo 22:37) Tweelede kuyanda Jehova kazizwa aansi aamoyo kutali kuupawupa ameso. Nkamboonzi nitweelede kumuyanda?\\nJehova ulabayanda bantu mbuuli bazyali mbubachita bana babo. Nikuba kuti bazyali tabamaninide pesi bayanda kuti bana babo babotelwe mubuumi, nkinkaako balabalaya, balabalumbayizya alubo balabagwasilizya. Pesi bazyali balangililaanzi kubana babo? Bayanda kuti bana babo babayande akuti baswiilile nzibabayiisya nkaambo zilabagwasya. Zilaantanganana kuti tweelede kuyanda Ndeende wesu wakujulu nkaambo utuchitila zintu zyiingi.\\nSWIILILA JWI LYAKWE\\nKweendelana ambulibelesedwe muBbayibbele, bbala lyakuti “kuswiilila” liswaanizya “kuchita” zintu nzwaabuzigwa. Teenzizyo na nzitwaamba chiindi nitubuzya bana kuti, “Amuswiilile bazyali banu”? Nkinkaako, kuswiilila jwi lyaLeza chaamba kwiiya nzyayanda akuzichita. Nikuba kuti tatukonzyi kumvwa Leza kalikwaambuula pesi tulakonzya kumuswiilila kwiinda mukubala akubelesya zili muJwi lyakwe Bbayibbele.—1 Johane 5:3.\\nJesu wakatondeezya mbukuyandikana kuswiilila Jwi lyaLeza naakati: “Teensi insima ilike njaaponena muntu, ulaponena amajwi oonse aazwa kumulomo wa-Leza.” (Matayo 4:4) Mbukunga chakulya chakumubili chilatugwasya, kuba aluzibo atala aLeza kulatugwasya. Kutugwasya biyeni? Mwaami musongo Solomoni wakati: “Busongo bulatabilila mbubonya mbuli mali mbwaatabilila, aluzibo lulagwasya nkaambo busongo bulavuna buumi bwabaabo babujisi.” (Mukambausi 7:12) Luzibo abusongo zizwa kuli Leza zilakonzya kutukwabilila mazubaano alubo zitugwasya kuti tusale munzila iyoopa kuti tukajane buumi butamani kunembo.\\nKUKAKATILA KULI NGUWE\\nYeeya chikozyano chaJesu nchitwakiiya muchiiyo chayinda chili amajwi aati: “Mulyango uumanikide anzila iipatide njiitola kubuumi, nkabela abo biijana mbace.” (Matayo 7:13, 14) Kweenda munzila eeyi kuyootugwasya kuti tukkale katuli afwiifwi amuzulwidi mupati alubo kuyoopa kuti tukajane buumi butamani. Nkinkaako, tweelede kukkala katuli abweenzuma bulikabotu aLeza. (Intembauzyo 16:8) Kujana twazichita biyeni eezi?\\nBuzuba abuzuba kuli zintu zyiingi nzitweelede kuchita anzituyanda kuchita. Zintu eezi zilakonzya kupa kuti tubule chiindi chakuyeeyesesya atala azintu Leza nzyayanda kuti tuchite. Nkinkaako, Bbayibbele litubuzya kuti: “Amucenjele loko mbumweenda. Muteendi mbuli bafubafuba, pe, amweende mbuli basimaanu. Amujatisye loko ciindi canu coonse, nkaambo kakuti mazuba aasunu mabi.” (BaEfeso 5:15, 16) Kubikka zintu zyabukombi mubusena bwakusaanguna kupa kuti tube abweenzinyina bulikabotu aLeza.—Matayo 6:33.\\nNikuba kuti tukonzyi kuchincha zintu zyakachitika chiindi pesi ulakonzya kusala kuyoopona buumi bulikabotu kunembo. Bbayibbele litondeezya kuti Ndeende wesu wakujulu Jehova ulatuyanda alubo litubuzya nzyayanda kuti tuchite. Musinsimi Mika wakaamba kuti:\\n“Wakutondezya, O muntu, cintu cibotu mbucibede. Taakwe cintu cimbi Jehova ncayanda kulinduwe, pele kucita bululami akuyanda luzyalo akweenda cakulibombya a-Leza wako.”—Mika 6:8.\\nUyooswiilila Jehova na kuti ukajane zilongezyo nzyaakasyomezya aabo bamuswiilila? Nduwe uulisalila!\\nKuyanda Kuziba Ziyoochitika Kunembo\\nBasikupandulula Bweende Bwanyenyeezi Abasondi—Balizizi Na Choonzyo Zintu Ziyoochitika Kunembo?\\nBumboni Butondeezya Kuti Businsimi bwamuBbayibbele Mbwachoonzyo\\nUlakonzya Kupona Kukabe Kutamani Aanyika\\n“Babombemyoyo Bayoovuba Nyika”\\nText Sala naa uyanda kukkopa zyakamwayigwa zilekkodedwe NGAZIYAKULINDA No. 2 2018 | Mazuba Aalikunembo Anooli Biyeni?\\nNo. 2 2018 | Mazuba Aalikunembo Anooli Biyeni?\\nNGAZIYAKULINDA No. 2 2018 | Mazuba Aalikunembo Anooli Biyeni?","num_words":960,"character_repetition_ratio":0.046,"word_repetition_ratio":0.0,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Leza Ulabayanda Aabo ‘Ibazyala Micelo Cakuliyumya’ | Yakwiiya\\nNgazi Yamulindizi—Yakwiiya | May 2018\\nAMUBALE MU Afrikaans Albanian Altai Alur American Sign Language Amharic Amis Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Bolivian Sign Language Boulou Brazilian Sign Language British Sign Language Bulgarian Cakchiquel (Western) Catalan Cebuano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Colombian Sign Language Costa Rican Sign Language Croatian Cuban Sign Language Czech Czech Sign Language Damara Dangme Danish Digor Douala Dutch Ecuadorian Sign Language Edo Efik English Esan Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Greek Greek Sign Language Guarani Guatemalan Sign Language Gujarati Gun Haitian Creole Hausa Hebrew Herero Hiligaynon Hindi Hiri Motu Honduras Sign Language Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kabuverdianu Kannada Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malawi Sign Language Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mexican Sign Language Mingrelian Mixe (North Central) Mixtec (Guerrero) Mongolian Moore Motu Mozambican Sign Language Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nicaraguan Sign Language Nigerian Pidgin Norwegian Nzema Okpe Oromo Ossetian Otetela Panamanian Sign Language Pangasinan Papiamento (Curaçao) Paraguayan Sign Language Persian Peruvian Sign Language Pidgin (Cameroon) Polish Polish Sign Language Ponapean Portuguese Portuguese (Portugal) Portuguese Sign Language Punjabi Quebec Sign Language Quechua (Ancash) Quechua (Bolivia) Romanian Romanian Sign Language Russian Russian Sign Language Salvadoran Sign Language Samoan Sango Sepedi Sepulana Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Venezuelan Sign Language Vietnamese Waray-Waray Wolaita Xhosa Yoruba Zambian Sign Language Zande Zapotec (Isthmus) Zimbabwe Sign Language Zulu\\nJehova Ulabayanda Aabo ‘Ibazyala Micelo Cakuliyumya’\\n‘Eezyo izyakawida mubulongo bubotu, aaba mbantu . . . ibazyala micelo cakuliyumya.’—LK. 8:15.\\nNkaambo nzi ncotukonzya kulimvwa kutyompwa ciindi notukambauka muzilawo bantu mobatabikkili maano?\\nIno nkaambo nzi toonse ncotukonzya kuzwidilila mumulimo?\\nIno ncinzi ciyootugwasya kuzumanana kuzyala micelo cakuliyumya?\\n1, 2. (a) Ino nkaambo nzi ncotukulwaizyigwa abaabo ibakambauka cakusyomeka muzilawo bantu mobatabikkili maano? (Amubone cifwanikiso icili kumatalikilo aacibalo.) (b) Ino ncinzi Jesu ncaakaamba kujatikizya kukambaukila “mumunzi okwabo”? (Amubone bupanduluzi buyungizyidwe.)\\nBA SERGIO alimwi aba Olinda mbaanabukwetene bapainiya ibajisi myaka yakuzyalwa iili kuma 80 balo ibakkala ku United States. Mazuba aano, akaambo kakuzimba maulu cilabakatazya kweenda. Nokuba boobo, kweelana ambobali kucita kwamyaka minji, mafwumo-fwumo balaunka abusena bwiinda bantu banji mudolopo, balasika okuya cakuma 7 hrs. Balakkala afwaafwi acitisyini camabbaasi akwaabila mabbuku eesu aamba zyamu Bbaibbele kuli basimweenda nzila. Bantu banji tabababikkili maano pe, pele banabukwetene aaba tabatyompwi, balabamwetela-mwetela aabo ibabalanga. Masyikati, balatalika kweenda asyoonto-syoonto kuya kuŋanda. Buzuba butobela, cakuma 7 hrs, balajokela abusena mbweena. Mubwini, banabukwetene aaba basyomeka bajisi bubi kukambauka mulumbe wa Bwami lyoonse mafwumo-fwumo kwamazuba aali cisambomwe nsondo yoonse, alimwi balacita oobo mwaka amwaka.\\n2 Mbubwenya mbuli ba Sergio aba Olinda, bakwesu abacizyi banji ibasyomeka munyika yoonse bali kukambauka kwamyaka minji muzilawo bantu mobatabikkili maano. Ikuti naa andinywe muli mubukkale oobu, tulamulumba kapati akaambo kakuliyumya kwanu. * Busungu bwanu mukubelekela Jehova bulabayumya-yumya bantu banji, nobaba basyomima ibasimide. Amubone majwi ngobakaamba balangizi bamabbazu. Umwi wakaamba kuti: “Ciindi nondibeleka abakwesu alimwi abacizyi aaba mumulimo wamumuunda, ndilayumizyigwa azikozyanyo zyabo.” Umbi wakaamba kuti: “Kusyomeka kwabo kundipa kuliyumya alimwi akuba sicamba mumulimo wangu.” Mpoonya umwi wakaamba kuti: “Zikozyanyo zyabo zilandikulwaizya kapati.”\\n3. Mibuzyo nzi yotatwe njotutiilange-lange, alimwi nkaambo nzi?\\n3 Kutegwa tuyumye makanze eesu aakumanizya mulimo wakukambauka ngwaakatupa Jesu, atulange-lange bwiinguzi kumibuzyo yotatwe eeyi: Nkaambo nzi zimwi ziindi ncotukonzya kutyompwa? Mbuti mbotukonzya kuzyala micelo? Ncinzi cikonzya kutugwasya kuzumanana kuzyala micelo cakuliyumya?\\nNKAAMBO NZI NCOTUKONZYA KUTYOMPWA?\\n4. (a) Ino mbuti mbwaakalimvwa Paulo akaambo kakukazyigwa aba Juda banji? (b) Ino nkaambo nzi Paulo ncaakalimvwa boobo?\\n4 Ikuti naa kuli nomwakatyompwa akaambo kakukambaukila mucilawo bantu mobatabikkili maano, bukkale bwanu bulikozyenye abwamwaapostolo Paulo. Mumulimo wakwe wakukambauka ngwaakabeleka kwamyaka iitandila ku 30, wakagwasya bantu banji kuba basikwiiya ba Kristo. (Mil. 14:21; 2Kor. 3:2, 3) Nokuba boobo, kunyina naakazwidilila kugwasya ba Juda banji kuti babe bakombi bakasimpe. Muciindi caboobo, ibanji bakamukazya Paulo, alimwi bamwi mane bakamupenzya buya. (Mil. 14:19; 17:1, 4, 5, 13) Ino mbuti mbwaakalimvwa Paulo akaambo kakukazyigwa ooko aba Juda? Cakwaanguluka wakati: “Ndaamba masimpe muli Kristo . . . ndiluuside kapati akuti moyo wangu ulacisa lyoonse.” (Rom. 9:1-3) Nkaambo nzi Paulo ncaakalimvwa boobo? Moyo wakwe wakalimaninide kumulimo wakukambauka. Wakabakambaukila ba Juda akaambo kakuti wakali kubabikkila maano kapati. Aboobo cakamucisa kapati Paulo kubona mbobakalukaka luse lwa Leza.\\n5. (a) Ncinzi citukulwaizya kubakambaukila basimukoboma? (b) Nkaambo nzi zimwi ziindi ncotukonzya kutyompwa?\\n5 Mbubwenya mbuli Paulo, tulabakambaukila bantu akaambo kakuti tulababikkila maano. (Mt. 22:39; 1Kor. 11:1) Nkaambo nzi? Kweelana azintu zyakatucitikila, tulizyi kuti kuli zilongezyo zinji zibalindila aabo ibasala kubelekela Jehova. Ciindi notuyeeya kujatikizya bantu ibali mucilawo cesu, tulalyaambauzya kuti, ‘Nocali kukonzyeka kubagwasya kubona zintu nzyobaindidwe!’ Aboobo, atuzumanane kubakulwaizya kwiiya kasimpe kajatikizya Jehova alimwi amakanze ngajisi kubantu. Kwiinda mukucita boobo, twaambila baabo mbotukambaukila kuti: ‘Twamuletela cipego cibotu kapati. Amucitambule.’ Aboobo ciindi bantu nobakaka kucitambula cipego eeco, cipa kuti ‘moyo wesu kaucisa.’ Kulimvwa boobo tacaambi kuti tatujisi lusyomo, pele caamba kuti moyo wesu ulimaninide kumulimo wakukambauka. Aboobo nokuba kuti zimwi ziindi tulatyompwa, tulaliyumya. Ba Elena, ibali kubeleka kabali bapainiya kwamyaka iinda ku 25, balatwiiminina toonse kwiinda mukwaamba kuti: “Mulimo wakukambauka ulandikatazya. Nokuba boobo, kunyina mulimo uumbi ngondinga ndalombozya kucita.”\\nMBUTI MBOTUKONZYA KUZYALA MICELO?\\n6. Mubuzyo nzi ngotutiilange-lange, alimwi mbuti mbotukonzya kucita oobo?\\n6 Nkaambo nzi ncotukonzya kuba alusyomo lwakuti inga twazwindilila mumulimo wakukambauka, tacikwe makani acilawo nkotukambaukila? Kutegwa twiingule mubuzyo ooyu uuyandika kapati, atulange-lange zikozyanyo zya Jesu zyobilo mwalo mwaakaamba mbociyandika ‘kuzyala micelo.’ (Mt. 13:23) Cakusaanguna cijatikizya musaansa.\\n7. (a) Ino mbaani ibaimininwa ‘amulimi,’ “musaansa” alimwi ‘amitabi’? (b) Ino mubuzyo nzi ngotuyanda kwiingula?\\n7 Amubale Johane 15:1-5, 8. Amubone kuti Jesu wakaambila baapostolo bakwe kuti: “Taata ulalemekwa muliceeci, ikuti muzumanane kuzyala micelo minji akulitondezya kuti muli basikwiiya bangu.” Jesu wakapandulula kuti Jehova “ngomulimi,” walo “musaansa wini-wini” mpoonya basikwiiya bakwe “mitabi.” * Aboobo ino micelo nzi njobeelede kuzyala basikutobela Kristo? Mucikozyanyo eeci, Jesu tanaakayaamba cacigaminina micelo eeyo, pele wakaamba buyo kaambo kamwi ikayandika kapati ikakonzya kutugwasya kwiizyiba micelo eeyo.\\n8. (a) Mucikozyanyo eeci, nkaambo nzi micelo ncoitakonzyi kwaambwa kuti mbaasikwiiya bapya? (b) Ino ncinzi Jehova ncayanda kuti tucite?\\n8 Kaamba kujatikizya Bausyi, Jesu wakati: “Imutabi wangu uuli woonse uutazyali micelo ulaugonka.” Munzila iimwi, Jehova utubona kuti tuli babelesi bakwe lilikke kuti katuzyala micelo. (Mt. 13:23; 21:43) Aboobo, mucikozyanyo eeci, imicelo Munakristo umwi aumwi njayelede kuzyala tayaambi basikwiiya bapya mbakonzya kujana. (Mt. 28:19) Nocali boobo, nkokuti Bakamboni basyomeka ibatajani basikwiiya akaambo kakuti bakambaukila mucilawo bantu mobatabikkili maano balakonzya kuba mbuli mitabi iitazyali yamucikozyanyo ca Jesu. Kuyeeya kuli boobo takuluzi pe! Nkaambo nzi? Nkaambo kakuti tatukonzyi kubasinikizya bantu kuba basikwiiya. Ikubona babelesi bakwe kuti tabeeleli akaambo kakwaalilwa kucita cintu ncobatakonzyi kucita munguzu zyabo, inga tiiceendelana anzila zya Jehova zyaluyando. Cili coonse Jehova ncatwaambila kuti tucite cilakonzyeka lyoonse.—Dt. 30:11-14.\\n9. (a) Ino mulimo nzi uutupa kuzyala micelo? (b) Ncikozyanyo nzi ncotutiilange-lange, alimwi nkaambo nzi?\\n9 Ino micelo nzi njotweelede kuzyala? Cilisalede kuti, micelo kweelede kuti yaamba mulimo umwi aumwi wesu ngwakonzya kucita. Ino mulimo nzi uutupa “kuzyala micelo”? Mulimo wakukambauka makani mabotu aa Bwami bwa Leza. * (Mt. 24:14) Cikozyanyo ca Jesu cakuminza mbuto cilakasinizya kaambo aaka. Atulange-lange cikozyanyo eeci cabili.\\n10. (a) Mucikozyanyo eeci, ino mbuto alimwi abulongo ziiminina nzi? (b) Ino tukuba twamaila tuzyala nzi?\\n10 Amubale Luka 8:5-8, 11-15. Mucikozyanyo cakuminza mbuto, imbuto “ndijwi lya Leza,” naa mulumbe wa Bwami. Bulongo bwiiminina moyo wamuntu wacikozyanyo. Imbuto eezyo izyakawida mubulongo bubotu, zyakamena akukomena aboobo zyakaba tukuba twamaila. Mpoonya yakazyala “micelo iiyungizyidwe ziindi izili 100.” Pele ino micelo iili buti iizyalwa kutukuba twamaila? Sena izyala tukuba tusyoonto twamaila? Peepe, izyala mbuto zipya eezyo izikonzya kukomena akuba tukuba. Mucikozyanyo eeci, mbuto yomwe yakazyala maila aali 100. Ino mbuti cibeela eeco cacikozyanyo mbocibeleka kumulimo wesu?\\nMbuti ‘mbotuzyala micelo cakuliyumya’? (Amubone muncali 11)\\n11. (a) Ino mbuti cikozyanyo cakuminza mbuto mbocibeleka kumulimo wesu? (b) Ino mbuti mbotuzyala mbuto zya Bwami zipya?\\n11 Kutegwa tweezyanisye, atwaambe kuti mumyaka yamusyule iili mbwiibede Bakamboni bamwi naa bazyali besu Banakristo bakatwaambila mulumbe wa Bwami. Cakabakkomanisya ncakuti, bakabona kuti myoyo yesu yakalilibambilide kutambula mulumbe wa Bwami uuli mbuli mbuto. Mbubwenya mbuli bulongo bubotu bwamucikozyanyo ca Jesu mbobwakapa kuti mbuto zimene, andiswe twakautambula mulumbe akukakatila kulinguwo. Aboobo, mulumbe wa Bwami uuli mbuli mbuto wakamena akukomena kuba tukuba twamaila, twalo mukuya kwaciindi twakatalika kuzyala micelo. Alimwi mbubwenya mbuli tukuba twamaila mbotuzyala mbuto mpya, ikutali tukuba tupya, andiswe tulazyala micelo yambuto zya Bwami zipya, ikutali basikwiiya bapya. * Ino mbuti mbotuzyala mbuto zya Bwami zipya? Ciindi notwaambilizya mulumbe wa Bwami, munzila imwi, cili mbuli kuti tumwaya mbuto iyakasyangwa mumyoyo yesu. (Lk. 6:45; 8:1) Aboobo, cikozyanyo eeci cituyiisya kuti kufwumbwa buyo kuti katuzumanana kwaambilizya mulumbe wa Bwami, nkokuti ‘tulazyala micelo cakuliyumya.’\\n12. (a) Ino nciiyo nzi ncotukonzya kwiiya kucikozyanyo ca Jesu camusaansa alimwi asikuminza mbuto? (b) Ino ciiyo eeco cimujatikizya buti?\\n12 Ino nciiyo nzi ncotukonzya kwiiya kucikozyanyo ca Jesu camusaansa alimwi asikuminza mbuto? Zikozyanyo eezyi zitugwasya kumvwisya kuti, ikuzyala micelo takuyeeme aambobautambula mulumbe bantu mucilawo cesu. Pele kuyeeme aakusyomeka kwesu. Paulo wakakaamba kaambo aaka kamasimpe naakati: “Muntu aumwi uyoopegwa bulumbu bwakwe kweelana amulimo wakwe.” (1Kor. 3:8) Bulumbu tabuyeeme aazintu zicitika akaambo kamulimo, pele buyeeme aamulimo. Ba Matilda, ibali kubeleka kabali bapainiya kwamyaka iili 20 bakaamba kuti: “Cilandikkomanisya ikuzyiba kuti Jehova ulakulumbula kusoleka kwesu.”\\nMBUTI MBOTUKONZYA KULIYUMYA MUKUZYALA MICELO?\\n13, 14. Kweelana alugwalo lwa Baroma 10:1, 2, ntwaambo nzi twakapa kuti Paulo ataleki kubakambaukila aabo ibatakali kubikkila maano kumulumbe wa Bwami?\\n13 Ino ncinzi ciyootugwasya kuzumanana kuliyumya mukuzyala micelo? Kweelana ambotwalanga-langa, Paulo wakatyompwa akaambo kakuti ba Juda tiibakaubikkila maano mulumbe wa Bwami. Nokuba kuti cakali boobo, tanaakaleka kubakambaukila. Amubone acimbi ncaakaamba mulugwalo ndwaakalembela Banakristo baku Roma kubaambila mbwaakali kulimvwa kujatikizya ba Juda aabo kuti: “Nceyandisya mumoyo wangu akubakombelezyela kuli Leza bana Israyeli ncakuti bafwutulwe. Inzya, ndilazumina kuti mbasungu kubelekela Leza, pele ikutali kweelana aluzyibo lwini-lwini.” (Rom. 10:1, 2) Ntwaambo nzi ntwaakaamba Paulo itwakamupa kuzumanana mumulimo wakwe?\\n14 Kakusaanguna, Paulo wakaamba icakamupa kuzumanana kubakambaukila ba Juda. Wakakulwaizyigwa ‘ancaakali kuyandisya mumoyo wakwe.’ Wakali kuyandisisya kuti ba Juda bamwi bakafwutuke. (Rom. 11:13, 14) Kabili, Paulo wakaamba kujatikizya mbwaakali “kubakombelezyela kuli Leza.” Wakalomba Leza mumupailo kuti agwasye mu Juda umwi aumwi kumugama kutambula mulumbe wa Bwami. Katatu, Paulo wakayungizya kwaamba kuti: “Mbasungu kubelekela Leza.” Wakabona bubotu mubantu. Kweelana ambwaakali kuzibona zintu Paulo, ikuti busungu bwatondezyegwa munzila yeelede, bulakonzya kucinca babombe myoyo ikuba basikwiiya ba Kristo basungu.\\n15. Ino mbuti mbotukonzya kumwiiya Paulo? Amupe zikozyanyo.\\n15 Mbuti mbotukonzya kumwiiya Paulo? Cakusaanguna, tweelede kusolekesya kuba aluyandisisyo lwamumoyo ilwakuyandaula kufwumbwa muntu ‘uuli amoyo mubotu uulibambilide kutambula buumi butamani.’ Cabili, tweelede kumukombelezya Jehova mumupailo kujalula myoyo yababombe myoyo. (Mil. 13:48; 16:14) Ba Silvana, ibali kubeleka kabali bapainiya kwamyaka iili 30 bakaamba kuti, “Kanditanaunka mubukambausi bwakuŋanda aŋanda mucilawo cangu, ndilapaila kuli Jehova, ikumulomba kuti andigwasye kuzilanga munzila yeelede zintu.” Andiswe tweelede kupaila kuli Leza kutegwa bangelo batusololele kubantu babombe myoyo. (Mt. 10:11-13; Ciy. 14:6) Ba Robert, ibali kubeleka kabali bapainiya kwamyaka iinda ku 30, bakaamba kuti, “Cilakkomanisya kubeleka abangelo ibazyi cicitika mumaumi aabantu.” Catatu, tweelede kubona bubotu mubantu. Ba Carl, imwaalu wakabbapatizyigwa myaka iili 50 yainda, bakaamba kuti, “Ndilabikkila maano kucitondezyo cili coonse icikonzya kuyubununa luyandisisyo ndwajisi muntu, ambweni nkumweta-mweta, mbwalanga calubomba, naa mbwabuzya mibuzyo.” Inzya, mbubwenya mbuli Paulo, tulakonzya kuliyumya mukuzyala micelo.\\n“UTALEKELI MAANZA AAKO KULYOOKEZYA”\\n16, 17. (a) Ino nciiyo nzi ncotukonzya kwiiya kumalailile aajanika kulugwalo lwa Mukambausi 11:6? (b) Amupe cikozyanyo icitondezya mulimo wesu wakusyanga mboukonzya kubajatikizya aabo ibatulangilila?\\n16 Nokuba kuti cilibonya mbuli kuti mulumbe wa Bwami ngotukambauka taubasiki aamoyo bantu, tatweelede kuubya-ubya mbuubajatikizya kapati mulimo wesu wakusyanga. (Amubale Mukambausi 11:6.) Masimpe, nokuba kuti bantu banji tabatuswiilili, pele balatulangilila. Balatubona mbotusama kabotu, mbotulilemeka kabotu alimwi ambotumweta-mweta. Mukuya kwaciindi, bukkale bwesu bulakonzya kubagwasya bamwi kutegwa babone kuti mizeezo njobajisi kujatikizya ndiswe tailuzi pe. Ba Sergio aba Olinda mbotwabandika kumatalikilo aacibalo, bakakubona kucinca ooku.\\n17 Ba Sergio bakati: “Kwaciindi cili mbocibede, akaambo kakuciswa, tiitwakali kuunka kucitisyini. Notwakatalika kuunka, basimweenda nzila bakali kubuzya kuti, ‘Ino mwakali kuli? Tiimwakali kulibonya.’” Kumwi kabamweta-mweta, ba Olinda bakayungizya kwaamba kuti: “Banamutekenya bamabbaasi bakali kutubbaibbisya alimwi buya bamwi bakali koongolola kabati, ‘Mucita kabotu!’ Mane buya bakali kulomba amamagazini eesu.” Alimwi cimwi cakabakkomanisya banabukwetene aaba ncakuti, mwaalumi umwi wakaima ambali aakakubikkila mabbuku kakukuba mpobakabede, mpoonya wakabapa maluba akubalumba akaambo kamulimo ngobacita.\\n18. Ino nkaambo nzi ncomukanzide “kuzyala micelo cakuliyumya”?\\n18 Masimpe, kufwumbwa buyo kuti ‘katutalekeli maanza eesu kulyookezya’ ikusyanga mbuto zya Bwami, tunoojisi lubazu luyandika kapati mukupa “bumboni kumasi oonse.” (Mt. 24:14) Kwiinda zyoonse, tunoojisi lukkomano luboola akaambo kakuzyiba kuti tulakkomaninwa a Jehova, mbwaanga ulabayanda boonse aabo ‘ibazyala micelo cakuliyumya.’\\n^ munc. 2 Naba Jesu wakazumina kuti kukambaukila “mumunzi okwabo” cakali ciyumu, ikaambo kamasimpe ikakalembwa abalembi ba Makani Mabotu boonse bone.—Mt. 13:57; Mk. 6:4; Lk. 4:24; Joh. 4:44.\\n^ munc. 7 Nokuba kuti mitabi mucikozyanyo eeci yaamba baabo ibajisi bulangizi bwakuyoopona kujulu, cikozyanyo eeci cijisi ziiyo izikonzya kubagwasya babelesi ba Leza boonse.\\n^ munc. 9 Nokuba kuti “kuzyala micelo” kulabikkilizya akuba ‘amucelo wamuuya,’ mucibalo eeci alimwi acitobela, tulabikkila maano kukuzyala “micelo yamilomo yesu,” naa kukambauka Bwami.—Gal. 5:22, 23; Heb. 13:15.\\n^ munc. 11 Ziindi zimwi, Jesu wakali kubelesya zikozyanyo zyasikuminza asikutebula ikwaamba mulimo wakugwasya bantu kuba basikwiiya.—Mt. 9:37; Joh. 4:35-38.\\nMAKANI AABUUMI Mapenzi Kumatalikilo, Pele Zilongezyo Kumamanino\\nLuumuno, Ino Mbuti Mbotukonzya Kulujana?\\nIcitupa ‘Kuzumanana Kuzyala Micelo Minji’\\nNobakubusi, Amwiime nji Nomukazya Diabolosi\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA May 2018\\nNGAZI YAMULINDIZI—YAKWIIYA May 2018","num_words":2199,"character_repetition_ratio":0.072,"word_repetition_ratio":0.003,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Ncinzi Cicitika Muntu Afwa?\\n“Ndakali kuyeeya kuti kuli masena otatwe muntu nkwanga waunka ikuti naa wafwa: kujulu, kuhelo, naa kubusena bwamyuuya. Ndakalizyi kuti tandili muntu uuli kabotu uukonzya kuunka kujulu alimwi tandili mubi cakuti inga ndaunka kuhelo. Tiindakali masimpe naa busena bwamyuuya buli buti. Makani aaya taakwe mpondakaabala kale mu Bbaibbele pe. Pesi ndakali kumvwa buyo bantu kabaamba oobo.”—Ba Lionel.\\n“Ndakayiisyigwa kuti bantu boonse baunka kujulu ikuti bafwa, pele tiindakali kwaasyoma makani aaya pe. Ndakali kuyeeya kuti lufwu ngamamanino aazintu zyoonse, nkokuti kunyina bulangizi bwabantu bafwide.”—Ba Fernando.\\nSena kuli nomwakalibuzyide kale kuti: ‘Ino ncinzi cini cicitika muntu afwa? Sena bayandwa besu bafwide balapenga kubusena bumwi? Sena kuli notuyoobabona alimwi? Ino inga twaasinizya buti makani aaya?’ Amubone cini Magwalo ncaamba. Cakusaanguna, atulange-lange ncolyaamba Bbaibbele kujatikizya lufwu. Mpoonya tulabandika bulangizi mbolipa Jwi lya Leza, Bbaibbele.\\nIno bafwide bali muciimo cili buti?\\nBWIINGUZI BWAMU BBAIBBELE: “Baumi balizyi kuti bayoofwa, pele bafwide tabazyi cintu nociba comwe, alimwi tabacijisi bulumbu, nkaambo tabaciyeeyegwi limbi pe. Kufwumbwa mulimo maanza aako ngaajana, koubeleka anguzu zyako zyoonse, nkaambo kunyina mulimo naa kuyeeya noluba luzyibo naa busongo mu Cuumbwe, oomo moya.” *—Mukambausi 9:5, 10.\\nCuumbwe, mbusena nkobaunka bantu bafwide; mbusena naa ciimo ooko nkobatakonzyi kucita cintu cili coonse. Mbuti mwaalumi uusyomeka Jobu mbwaakali kucibona Cuumbwe? Wakasweekelwa zintu zyakwe zyoonse alimwi abana bakwe mubuzuba bomwe buyo, kumane wakaba azilonda mubili woonse. Wakamulomba boobu Leza: ‘Eelo kaka inga cainda kubota kuti wandisisa mu Cuumbwe, [“muhelo,” busanduluzi bwa Bbaibbele lya Catholic Douay] ikuti wandibamba.’ (Jobu 1:13-19; 2:7; 14:13) Cakutadooneka, Jobu tanaakali kuyeeya kuti Cuumbwe bwakali busena bwamulilo wahelo, ooko nkwaakali kuyoopenga kwiinda amapenzi ngaakajisi kale. Muciindi caboobo, Cuumbwe wakali kucibona kuti mbusena bwakulyookezyela.\\nKuli nzila aimwi iikonzya kutugwasya kuzyiba ciimo cabantu bafwide. Tulakonzya kulanga-langa zibalo zyamu Magwalo izili lusele zyabantu ibakabusyigwa kuzwa kubafwu.—Amubone kabbokes “ i kakuti “Zibalo Izyaamba Bubuke Zili Lusele Zijanika mu Bbaibbele.”\\nKunyina naba omwe akati kabantu aaba bali lusele iwakaamba zyabusena bubotu kapati naa bwakupenzyelwa. Ikuti naa bantu ibakabusyigwa bakaluunkide ncobeni kumasena aayo ciindi nobakafwa, sena nobakaumuna buyo kakunyina kwaambila bantu? Alimwi sena makani aaya naatakalembwa mu Bbaibbele kutegwa bantu boonse baazyibe? Kunyina makani aali boobo aalembedwe mu Magwalo. Cakutadooneka, bantu aabo bali lusele tiibakajisi cakwaamba kujatikizya makani aayo. Ino nkaambo nzi? Nkaambo tiibakazyi cintu nociba comwe, mbubwenya mbuli muntu uuli muŋonzi zyalufwu. Mane buya zimwi ziindi Ibbaibbele libelesya bbala lyakoona kuba cikozyanyo cakupandulula lufwu. Mucikozyanyo, Davida uusyomeka alimwi a Stefani baambwa kuti ‘bakoona mulufwu.’—Milimo 7:60; 13:36.\\nAboobo, ino mbulangizi nzi buliko kujatikizya bantu bafwide? Sena inga babuka kuzwa kuŋonzi zili boobu?\\n^ par. 7 Mu Bbaibbele lya Busanduluzi Bwanyika Mpya, ibbala lyakuti “Cuumbwe” mu Chihebrayo lyaambwa kuti “Sheol” mpoonya mu Chigiriki lyaambwa kuti “Hades.” Ma Bbaibbele aamwi abelesya bbala lyakuti “helo,” pele imuzeezo wakuti mbusena bwamulilo nkobapenzyelwa bantu tauli wamu Magwalo pe.\\nZIBALO IZYAAMBA BUBUKE ZILI LUSELE ZIJANIKA MU BBAIBBELE *\\nMwana wamukamufwu Musinsimi Elija wakabusya mwana musankwa wamukamufwu iwakali kukkala ku Zarefati, Israyeli nkoili kunyika.—1 Bami 17:17-24.\\nMulombe muna Sunemu Sikulya zina wa Elija, imusinsimi Elisha, wakabusya mulombe mumunzi wa Sunemu akumupa kubazyali bakwe.—2 Bami 4:32-37.\\nMwaalumi kunamaumbwe Mutunta wamwaalumi umwi, wakawaalwa mucuumbwe imwakali mafwuwa aa Elisha. Ciindi mutunta wamwaalumi ooyu nowakaguma mafwuwa aamusinsimi, mwaalumi ooyu wakabuka.—2 Bami 13:20, 21.\\nMwana musankwa wamukamufwu waku Naini Ciindi Jesu naakali kweenda kunze aamunzi wa Naini, wakaimika bantu ibakali kuunka kunamaumbwe kutegwa abusye mwana musankwa akumupa kuli banyina.—Luka 7:11-15.\\nMwana musimbi wa Jairo Jairo, imweendelezi wacikombelo, wakakombelezya Jesu kuti aponye mwanaakwe musimbi iwakali kuciswa. Jesu wakamubusya kakutanainda ciindi kuzwa naakafwa.—Luka 8:41, 42, 49-56.\\nLazaro, mweenzinyina wa Jesu Lazaro wakalifwide kale mazuba one ciindi Jesu naakamubusya kumbele lyabantu banji.—Johane 11:38-44.\\nDorika Mwaapostolo Petro wakamubusya mukaintu ooyu uuyandwa, walo iwakazyibidwe kapati akaambo kamilimo yakwe yalubomba.—Milimo 9:36-42.\\nYutiko Yutiko, mwaalumi uucili mwana wakafwa ciindi naakaloka kuzwa awindo lyaŋanda yamujulu; mwaapostolo Paulo wakamubusya.—Milimo 20:7-12.\\n^ par. 15 Bubuke ibuyandika kapati, mbubuke bwa Jesu Kristo, bwalo bwakaliindene kapati aboobu buli lusele, kweelana acibalo citobela mbocitiitondezye.\\nSena Ncobeni Jesu Wakabusya Bantu?\\nIno bubuke mbwaakacita Jesu butondezya nzi kujatikizya cisyomezyo cakumbele?","num_words":622,"character_repetition_ratio":0.043,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kugwaswa Bamuzwakule Kubelekela Leza | Yakwiiya\\nNgazi Yamulindizi—Yakwiiya | May 2017\\nAMUBALE MU Afrikaans Albanian American Sign Language Amharic Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Bengali Bicol Bolivian Sign Language Boulou Brazilian Sign Language British Sign Language Bulgarian Catalan Cebuano Chichewa Chilean Sign Language Chinese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitumbuka Chiyao Chuvash Cibemba Cinyanja Colombian Sign Language Croatian Cuban Sign Language Czech Czech Sign Language Dangme Danish Digor Douala Dutch Ecuadorian Sign Language Efik English Estonian Ewe Fijian Filipino Sign Language Finnish Finnish Sign Language Fon French French Sign Language Ga Georgian German German Sign Language Greek Greek Sign Language Guarani Gujarati Gun Haitian Creole Hausa Hebrew Hiligaynon Hindi Hiri Motu Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kannada Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Malayalam Mambwe-Lungu Marathi Maya Mbunda Mexican Sign Language Mingrelian Mongolian Moore Motu Myanmar Ndebele Ndebele (Zimbabwe) Ndonga Nepali Nigerian Pidgin Norwegian Nzema Okpe Oromo Ossetian Otetela Pangasinan Papiamento (Curaçao) Paraguayan Sign Language Persian Peruvian Sign Language Pidgin (Cameroon) Polish Polish Sign Language Portuguese Portuguese Sign Language Punjabi Quebec Sign Language Quechua (Bolivia) Romanian Romanian Sign Language Russian Russian Sign Language Samoan Sango Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tatar Telugu Tetun Dili Thai Tigrinya Tiv Tok Pisin Tongan Tshiluba Tsonga Turkish Turkmen Tuvaluan Twi Tzotzil Ukrainian Urhobo Uzbek Venda Venezuelan Sign Language Vietnamese Waray-Waray Welsh Wolaita Xhosa Yoruba Zande Zapotec (Isthmus) Zimbabwe Sign Language Zulu\\nKugwasya “Bamuzwakule” Kuti ‘Babelekele Jehova Cakukondwa’\\n“Jehova ulabakwabilila bamuzwakule.”—INT. 146:9.\\nIno bazangalisi banji bacitikilwa mapenzi nzi?\\nIno mbuti mbotukonzya kubapa lugwasyo luyandika kapati bazangalisi?\\nIno ncinzi ncotweelede kuyeeya ciindi notukambaukila bazangalisi?\\n1, 2. (a) Ino mapenzi nzi aamwi ngobasikilwa bakwesu abacizyi? (b) Ino mibuzyo nzi njotweelede kulanga-langa?\\nMUKWESU wazina lya Lije wakaamba kuti: “Ciindi kujayana nokwakatalika mucisi ca Burundi, mukwasyi wesu wakali kumuswaangano wabbazu. Twakabona bantu kabatija alimwi ntobolo zyakali kulila. Bazyali besu andiswe tobana notuli 11 twakatija azintu zisyoonto buyo. Bamukwasyi wangu bamwi bakacikonzya kusika kunkambi yabazangalisi ku Malawi, imusinzo uulampa makkilomita aali 1,600. Mpoonya swebo tobamwi twakamwaikizyanya.”\\n2 Nyika yoonse mboizulwa, bazangalisi ibatija kuzwa mumaanda aabo akaambo kankondo naa kupenzyegwa balainda ku 65,000,000—takunabede mweelwe wabazangalisi uusika waawa pe. * Akati kamweelwe ooyu, kuli Bakamboni ba Jehova banji kapati. Bantu banji basweekelwa bayandwa babo alimwi azintu zyabo zinji. Ino mbuyumuyumu nzi abumbi mbobajana bamwi? Ino inga twabagwasya buti bakwesu abacizyi aaba kuti ‘babelekele Jehova cakukondwa’ nokuba kuti bali mumapenzi aali boobu? (Int. 100:2) Alimwi ino mbuti mbotukonzya kukambauka makani mabotu munzila iigwasya kubazangalisi ibatanamuzyiba Jehova?\\n3. Ino mbuti Jesu alimwi abasikumutobela mbobakaba bazangalisi?\\n3 Mungelo wa Jehova naakamana kucenjezya Josefa kuti Mwami Heroda wakajisi makanze aakujaya Jesu, Jesu iwakacili muniini alimwi abazyali bakwe bakaba bazangalisi ku Egepita. Bakazumanana kukkala ku Egepita kusikila mane Heroda naakafwa. (Mt. 2:13, 14, 19-21) Myaka minji yakatobela, basikwiiya ba Jesu “bakamwaikila mumasena oonse aamu Judaya a Samariya” akaambo kakupenzyegwa. (Mil. 8:1) Jesu wakaambila limwi kakucili ciindi kuti basikumutobela bayootandwa mumaanda aabo. Wakaamba kuti: “Ciindi nobamupenzya mumunzi umwi, amutijile kuli umbi.” (Mt. 10:23) Kutijila kubusena bumbi tacili cuuba-uba kufwumbwa naa twaambo twakucitila boobo tulamvwika naa pe.\\n4, 5. Ino nintenda nzi iibako ciindi bazangalisi (a) nobali mukutija? (b) nobakkala munkambi?\\n4 Bazangalisi balakonzya kuba muntenda ciindi nobatija naa ciindi nobali munkambi yabazangalisi. Musyoonto waba Lije wazina lya Gad ulayeeya cakacitika cimwi ciindi. Wakati: “Twakeenda kwansondo zili mbozibede, katwiinda mumitunta yabantu. Ndakajisi myaka iili 12. Maulu aangu akalizimbide cakuti ndakaambila bamukwasyi wangu kuti bandisiye buyo. Bataata tiibakalibambilide kundisiya kutegwa basikalumamba bazangi bandijane, aboobo bakandinyamuna. Twakali kubikkila buyo maano kuzintu nzyotwakali kuyandika buzuba abuzuba, kupaila kuli Jehova alimwi akumusyoma, zimwi ziindi twakali kulya buyo mango ngotwakali kujana munzila notwakali kutija.”—Flp. 4:12, 13.\\n5 Bunji bwabanamukwasyi baba Lije mukuya kwaciindi bakaakukkala kwamyaka minji munkambi zyabazangalisi zyaba United Nations. Nokuba boobo, kukkala kubusena oobo, akwalo kwakali ntenda. Ba Lije, lino kabali balangizi babbazu baamba kuti: “Bantu banji tiibakajisi milimo. Aboobo bakali kuvwiya, kukolwa, kubbeja, kubba, alimwi tiibakali kulilemeka pe.” Kutegwa batajatikizyigwi amicito iili boobo, Bakamboni ibakali munkambi eeyi bakeelede kuzumanana kutola lubazu cakumaninina mumilimo yambungano. (Heb. 6:11, 12; 10:24, 25) Kutegwa bazumanane kuyuma kumuuya, banabunji ciindi cabo bakacibelesya kabotu kwiinda mukucita bupainiya. Bakazumanana kukkazika moyo mbubwenya mbuli mbobakacita bana Israyeli mulweendo lwabo lwamunkanda, kabazyi kuti bakali kuyoozwa munkambi buzuba bumwi.—2Kor. 4:8.\\nAMUTONDEZYE LUYANDO KUBAZANGALISI\\n6, 7. (a) Mbuti “luyando lwa Leza” mbolukulwaizya Banakristo ikugwasya bakwesu ibali mumapenzi? (b) Amupe cikozyanyo.\\n6 “Luyando lwa Leza” lutupa kutondezya luyando kuli umwi amweenzinyina, kwaambisya ciindi notuli mubukkale bukatazya kapati. (Amubale 1 Johane 3:17, 18.) Ciindi Banakristo baku Judaya nobakanjililwa nzala mumwaanda wamyaka wakusaanguna, basyominyina bakabelekela antoomwe kubagwasya. (Mil. 11:28, 29) Imwaapostolo Paulo alimwi a Petro abalo bakakulwaizya Banakristo kuti babe acilengwa cakusamausya beenzu. (Rom. 12:13; 1Pet. 4:9) Kuti Banakristo beelede kutambula bakwesu ibabaswaya, nkokuti tabeelede kuwayawaya kutambula basyominyina balo ibali muntenda naa ibali mukupenzyegwa akaambo kalusyomo lwabo.—Amubale Tusimpi 3:27. *\\n7 Caino-ino, Bakamboni ba Jehova banji—baalumi, bamakaintu, abana—bakatija ciindi nokwakali lupyopyongano alimwi akupenzyegwa kucisi ca Ukraine nkocili kujwe. Cuusisya kapati ncakuti, bamwi bakajaigwa. Pele bunji bwabo bakabwezyegwa abakwesu bamumasena aamwi mumonya mu Ukraine, alimwi bamwi bakabwezyegwa a Bakamboninyina bakucisi ca Russia. Mumasi oonse obilo aaya, bakwesu bazumanana kutatola lubazu mutwaambo twacisi, nkokuti ‘ikutaba banyika,’ alimwi bazumanana kuba basungu ‘kwaambilizya makani mabotu aajwi lya Leza.’—Joh. 15:19; Mil. 8:4.\\nAMUBAGWASYE BAZANGALISI KUYUMYA LUSYOMO LWABO\\n8, 9. (a) Mbuyumuyumu nzi mbobakonzya kujana bazangalisi ibali mucisi cimbi? (b) Nkaambo nzi ncotweelede kubagwasya cakukkazika moyo?\\n8 Nokuba kuti bamwi balaasiya maanda aabo akuunka kubusena bumbi mucisi mweena, ibamwi akaambo kakubula cakucita inga baunka kucisi cimbi nkobatazyi naaceya. Mfwulumende zilakonzya kupa bazangalisi zintu mbuli zyakulya, zyakusama alimwi abusena bwakoona, pele zyakulya nzyobazyi kabotu inga kazitako pe. Bazangalisi ibazwa kumasena aapya kapati balakonzya kuya kucisi ikutontola kapati cakuti inga kabatajisi zyakusama zyampeyo. Ikuti naa bakazwa kumunzi, ambweni inga kabatazyi mbozibelesyegwa zintu zimwi zyamuŋanda izibelesya magesi.\\n9 Mfwulumende zimwi zilijisi bubambe bwakugwasya bazangalisi kuti bafwambaane kubuzyibila bukkale bwabo bupya. Nokuba boobo, kanji-kanji mumyezi misyoonto buyo, bazangalisi inga balangilwa kuti batalike kulijanina nzyobayandika. Zimwi ziindi kucinca ooku kulakatazya kapati. Amuciyeeyele buyo ikusoleka kwiiya mwaambo mupya, kutobela milawo mipya, kulilemeka kweelana abantu bakubusena oobo, kufwambaana kucita zintu, kutela mitelo, kubbadelela ziyandika, kutola bana kucikolo, alimwi akulaya bana—zyoonse eezyi kuzicita aciindi comwe! Sena inga mwabagwasya bakwesu alimwi abacizyi ibali mubukkale bukatazya ibuli boobu cakukkazika moyo alimwi cabulemu?—Flp. 2:3, 4.\\n10. Ino inga twaluyumya buti lusyomo lwabazangalisi ibaboola kubusena nkotukkala? (Amubone cifwanikiso icili kumatalikilo aacibalo.)\\n10 Kuyungizya waawo, mfwulumende zimwi ziindi zipa kuti cibayumine bakwesu bazangalisi kuyanzana ambungano. Mbunga zimwi zilakaka kubagwasya bakwesu naa kubazumizya kuti bakkale mucisi eeco ikuti naa bakaka kubeleka milimo iikonzya kubapa kuti batanoojaniki kumiswaangano. Akaambo kakuyoowa alimwi akubula cakucita, bakwesu bamwi baizumina milimo iili boobu. Aboobo cilayandika kapati kufwambaana kubonana abakwesu bazangalisi mbobasikila buyo. Beelede kubona kuti tulababikkila maano. Lubomba ndotutondezya alimwi alugwasyo lugaminide ndotubapa lulakonzya kuyumya lusyomo lwabo.—Tus. 12:25; 17:17.\\nKUBAPA NZYOBAYANDIKA BAZANGALISI\\n11. (a) Ino nzintu zili buti bazangalisi nzyobayandika cakusaanguna? (b) Mbuti bazangalisi mbobakonzya kutondezya kulumba?\\n11 Cakusaanguna, inga kwayandika kuti bakwesu tubape zintu mbuli cakulya, zisani naa zintu zimwi buyo ziyandika. * Notuba tuntu tuniini-niini mbuli kupa mukwesu tai, inga kwagwasya kapati. Alimwi ikuti bazangalisi batondezya kulumba, akutalomba zintu zinji, inga bagwasya bakwesu ibabalanganya kuti babe alukkomano iluboola akaambo kakupa. Ikwiile buyo kulindila kuti bakwesu babape nzyobandika kulakonzya kupa kuti bazangalisi kabatalemekwi alimwi akutamvwana kabotu abakwesu bamwi. (2Tes 3:7-10) Pele eeci tacaambi kuti tatweelede kubagwasya pe.\\nIno inga twabagwasya buti bakwesu alimwi abacizyi bazangalisi? (Amubone muncali 11-13)\\n12, 13. (a) Ino mbuti mbotukonzya kubapa lugwasyo lugaminide bazangalisi? (b) Amupe cikozyanyo.\\n12 Kupa lugwasyo lugaminide kubazangalisi tacaambi kuti mweelede kuba amali manji buya, pele iciyandika kapati nkujana ciindi cakuba ambabo alimwi akubalanganya. Mulakonzya kucita oobo kwiinda mukubatondezya mbokweendwa, mbobakonzya kuula zyakulya zitaduli pele izijisi busani, nokuba kubagwasya kujana zibelesyo zikonzya kubagwasya kujana mali. Iciyandika kwiinda, nkubagwasya kuti baanguluke kubelekela antoomwe ambungano yabo mpya. Kuti kacikonzyeka, mulakonzya kuunka ambabo kumiswaangano. Alimwi inga mwabapandulwida mbobakonzya kutalisya mibandi kujatikizya mulumbe wa Bwami kubantu bamucilawo canu. Amubeleke abakwesu alimwi abacizyi bazangalisi mumulimo wamumuunda.\\n13 Ciindi bazangalisi bone nobakasika mumbungano iimwi, ibaalu baindene-indene bakabayiisya mbokweenzyegwa mootokala, mbokutaipwa akkompyuta, mbobakonzya kulembela milimo, alimwi ambobakonzya kucibelesya kabotu ciindi kubelekela Jehova cakumaninina. (Gal. 6:10) Kalitanalampa, bakwesu aaba bone bakaba bapainiya. Lugwasyo ndobakapegwa alimwi akusoleka kwabo kwakabagwasya kuti bazumanane kupakamana kumuuya akutoongelezyegwa abweende bwazintu oobu bubyaabi bwa Saatani.\\n14. (a) Ino ndisunko nzi bazangalisi ndyobeelede kutantamuka? (b) Amupe cikozyanyo.\\n14 Mbubwenya mbuli Banakristo bambi boonse, bazangalisi beelede kulitantamuka sunko lyakunyonganya cilongwe cabo a Jehova akaambo buyo kakuyanda kujana zintu zyakumubili. * Ba Lije ibaambwa kumatalikilo, alimwi abanabokwabo balayeeya ziiyo zyalusyomo nzyobakaiya kuli bausyi noliba leelyo nobakali kuyaabutija. “Zintu nzyotwakanyamwide izyatakali kuyandika kapati bakali kuyaabuzisowa comwe-comwe. Kumamanino, bakacinyamuna mujulu cibbeeke icakanyina cintu cili coonse, mpoonya kabamweta-mweta bakati: ‘Tee mwabona kayi! Zyoonse nzyotwasowa taziyandiki kapati!’”—Amubale 1 Timoteyo 6:8.\\nKUBAPA LUGWASYO NDOBAYANDIKA KAPATI BAZANGALISI\\n15, 16. Ino inga twabagwasya buti bazangalisi (a) kumuuya? (b) munzila zimbi?\\n15 Kuyungizya akubapa lugwasyo lwakumubili, bazangalisi bayandika lugwasyo lwakumuuya alimwi akubikkilwa maano. (Mt. 4:4) Baalu balakonzya kugwasya kwiinda mukubajanina mabbuku aamumwaambo wabazangalisi alimwi akubagwasya kujana bakwesu ibaambaula mwaambo wabo. Bunji bwabazangalisi bakaandaanizyigwa kuzwa kubanamukwasyi, bantu mbobazyibene limwi alimwi abantu bambungano zyabo. Beelede kulubona luyando alimwi alubomba lwa Jehova akati ka Banakristonyina. Buyo-buyo inga batalika kumvwana abacibbululu ibatasyomi naa basicisinyina mbobakozyenye limwi zilengwa alimwi ibakacitikilwa zintu zikozyenye. (1Kor. 15:33) Kwiinda mukubapa kulimvwa kuti balitambwidwe mumbungano, tulaba acoolwe cakumusangana Jehova ‘mukukwabilila bamuzwakule.’—Int. 146:9.\\n16 Bazangalisi bamwi ambweni tabakonzyi kuba acoolwe cakupiluka kwabo mbubwenya mbocakacitika kuli Jesu amukwasyi wakwe ikuti naa basikubadyaaminina kabacili mubulelo. Kuyungizya waawo, ba Lije bakaamba kuti, “bazyali banji ibakalibonena banamukwasyi kabajatwa alimwi akujaigwa tabakonzyi kupiluka kwabo abana babo kumasena nkozyakali kucitikila zintu eezyo zyuusisya.” Kutegwa bagwasye bantu ibakacitikilwa zintu izili boobu, bakwesu ibakkala muzisi izitambula bazangalisi beelede kutondezya ‘luyando lwabunyina, akuba amoyo mutete walubomba alimwi akulicesya.’ (1Pet. 3:8) Kupenzyegwa kwapa kuti bazangalisi bamwi kabalimvwa kwaangwa, alimwi balakonzya kuba ansoni kubandika kujatikizya mapenzi aabo, kwaambisya ikuti bana babo kabaliko afwaafwi. Amulibuzye kuti, ‘Ikuti nondali mubukkale bwabo, ino inga ndayanda kuti bandeendelezye buti?’—Mt. 7:12.\\nAMUBAKAMBAUKILE BAZANGALISI IBATALI BAKAMBONI\\n17. Mbuti kubakambaukila bazangalisi mbokubakatalusya?\\n17 Mazuba aano bunji bwabazangalisi bazwa mumasi oomo mobatalikwayi kukambauka. Tulabalumba kapati Bakamboni basungu ibali mumasi aatambula bazangalisi, nkaambo bazangalisi banji kapati ibatanalimvwide “ijwi lya Bwami,” lino balimvwa. (Mt. 13:19, 23) Bantu banji ‘ibakatede,’ balakatalusyigwa kumuuya kumiswaangano yesu yambungano alimwi balaamba cakutadooneka kuti: “Ncobeni Leza mpali akati kanu.”—Mt. 11:28-30; 1Kor. 14:25.\\n18, 19. Mbuti mbotukonzya kutondezya busongo ciindi notukambaukila bazangalisi?\\n18 Aabo bakambaukila bazangalisi beelede ‘kucenjela.’ (Mt. 10:16; Tus. 22:3) Amuswiilile cakukkazika moyo nobapandulula zintu nzyobalibilika, pele mutabandiki twaambo twacisi pe. Amutobele malailile aazwa kuofesi yamutabi alimwi akumfwulumende; pele mutabi nomulibikka muntenda nywebo naa bamwi. Amuzizyibe alimwi akuzilemeka nzyobasyoma bazangalisi alimwi azilengwa zyankobazwa. Mucikozyanyo, bantu ibazwa kumasi aambi balabikkila kapati maano kuzisani izyeelela nzyobeelede kusama bamakaintu. Aboobo ciindi nomukambaukila bazangalisi, amusame munzila iitakonzyi kubatyompya.\\n19 Mbubwenya mbuli muna Samariya iwakatondezya kuba simukobonyina mubotu mucikozyanyo ca Jesu, tweelede kubagwasya bantu bapengede kubikkilizya abaabo ibatali Bakamboni. (Lk. 10:33-37) Nzila mbotu mbotukonzya kucita boobo nkwiinda mukubakambaukila makani mabotu. Mwaalu umwi iwazumanana kugwasya bazangalisi banji wakati: “Cilayandika kapati kucisalazya kwini kumatalikilo kuti tuli Bakamboni ba Jehova akuti mulimo wesu mupati ngwakubagwasya kumuuya ikutali kubapa zintu zyakumubili. Ikuti tiitwacita oobo, ibamwi balakonzya kutalika kuyanzana andiswe kabayeeya kuti balajana zintu nzyobayanda kumubili.”\\n20, 21. (a) Mbubotu nzi ibukonzya kuba akaambo kakutondezya luyando lwa Bunakristo kubazangalisi? (b) Ino tuyoolanga-langa nzi mucibalo citobela?\\n20 Kutondezya luyando lwa Bunakristo kuli “bamuzwakule” kuleta mpindu. Ciindi balumi bakwe nobakafwa, mucizyi wazina lya Alganesh wakatija kupenzyegwa kucisi ca Eritrea antoomwe abana bakwe bacili basyoonto ibali cisambomwe. Nobakeenda kwamazuba aali lusele munkanda, bakasika kucisi ca Sudan kabakatede kapati. Wakaamba kuti: “Bakwesu bakatulanganya mbuli banamukwasyi mbotuzyalwa limwi, bakatupa zyakulya, zisani, busena bwakukkala alimwi amali aakukkwezya. Ino mbaani bambi ibakonzya kutambula beenzu muŋanda yabo akaambo buyo kakuti bakomba Leza omwe buyo? Taakwe bambi pe, balikke Bakamboni ba Jehova!”—Amubale Johane 13:35.\\n21 Ino mbuti kujatikizya bana ibaboola antoomwe abazyali babo, kubikkilizya abazangalisi alimwi abaabo ibakalongela kucisi cimbi? Mucibalo citobela, tuyoolanga-langa mbotukonzya kubagwasya bantu bali boobu kutegwa bamubelekele Jehova cakukondwa.\\n^ munc. 2 Mucibalo eeci, ibbala lya “bazangalisi” libelesyegwa kwaamba baabo ibakasiya maanda aabo kuya kuzisi zimbi naa mucisi mweena akaambo kankondo, kupenzyegwa naa ntenda zilicitikila. Kweelana aba UNHCR (United Nations High Commissioner for Refugees), mazuba aano “muntu omwe akati kabantu ibali 113” nyika yoonse mboizulwa “wakatija buya kuzwa nkwaakali kukkala.”\\n^ munc. 6 Amubone cibalo cakuti “Mutalubi Kusamausya Beenzu” mu Ngazi Yamulindizi yamu October 2016, peeji 8-12.\\n^ munc. 11 Kakutanainda mazuba manji kuzwa leelyo nobaboola bazangalisi, baalu beelede kutobela malailile aajanika mubbuku lyakuti Bakamantene Mukucita Kuyanda kwa Jehova, cibalo 8, muncali 30. Baalu balakonzya kuzyibya mbungano zili mumasi aambi kwiinda mukutuma magwalo kumutabi uuli mucisi cabo ikubelesya jw.org. Nokuba boobo, balakonzya kubuzya mibuzyo cabupampu kujatikizya mbungano yamuzangalisi alimwi amulimo kutegwa bazyibe ciimo cakwe kumuuya.\\n^ munc. 14 Amubone cibalo cakuti “Taakwe Muntu Uukonzya Kubelekela Basimalelo Bobilo” alimwi acakuti “Amube Basicamba—Jehova Ngomugwasyi Wanu!” kuzwa mu Ngazi Yamulindizi yamu April 15, 2014, peeji 17-26.\\nKugwasya Bana ba “Bamuzwakule”\\nMAKANI AABUUMI Kuba Musinke Matwi Tiikwandilesya Kuyiisya Bamwi\\nMutalekeli Luyando Ndomujisi Kuti Lumane\\n“Sena Ulandiyanda Kwiinda Zyeezyi?”\\nMbwaakabagwasya Gayo Basyominyina\\nLukkomano Luboola Akaambo Kakupona Buumi Buuba-uba\\nMAKANI EESU AAKAINDI ‘Twakaba Basungu Alimwi Twakazula Luyando Mumyoyo Yesu Kwiinda Kaindi’\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA May 2017\\nNGAZI YAMULINDIZI—YAKWIIYA May 2017","num_words":2150,"character_repetition_ratio":0.064,"word_repetition_ratio":0.0,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Busolozi Bwamu Bbaibbele—Sena Bulagwasya Amazuba Aano?\\nAMUBALE MU Acholi Afrikaans Albanian American Sign Language Amharic Arabic Armenian Aukan Aymara Azerbaijani Azerbaijani (Cyrillic) Baoule Bashkir Bassa (Cameroon) Batak (Karo) Batak (Toba) Biak Bicol Bislama Boulou Brazilian Sign Language Bulgarian Cambodian Catalan Cebuano Chichewa Chilean Sign Language Chin (Hakha) Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chokwe Chol Chuukese Chuvash Cibemba Cinyanja Colombian Sign Language Croatian Czech Dangme Danish Digor Drehu Dutch Efik English Estonian Ewe Fijian Finnish Finnish Sign Language Fon French Ga Garifuna Georgian German German Sign Language Greek Greenlandic Guarani Gun Haitian Creole Hausa Hebrew Herero Hiligaynon Hindi Hiri Motu Hmong (White) Hungarian Hungarian Sign Language Iban Ibanag Icelandic Igbo Iloko Indonesian Isoko Italian Italian Sign Language Japanese Japanese Sign Language Javanese Kabiye Kannada Karen (S'gaw) Kazakh Kikamba Kikaonde Kikongo Kikuyu Kiluba Kimbundu Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lhukonzo Lingala Lithuanian Luganda Lunda Luo Luvale Macedonian Malagasy Malay Malayalam Maltese Mam Mambwe-Lungu Mapudungun Marshallese Mauritian Creole Maya Mazatec (Huautla) Mbunda Mexican Sign Language Mizo Mongolian Moore Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngangela Nias Niuean Norwegian Nyaneka Nzema Oromo Ossetian Otetela Pangasinan Papiamento (Aruba) Papiamento (Curaçao) Persian Polish Polish Sign Language Ponapean Portuguese Portuguese (Portugal) Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Rarotongan Romanian Runyankore Russian Rutoro Samoan Sango Saramaccan Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Slovak Slovenian Solomon Islands Pidgin Spanish Spanish Sign Language Sranantongo Swahili Swahili (Congo) Swati Swedish Tagalog Tahitian Tajiki Tamil Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tshwa Tsonga Turkish Tuvaluan Twi Tzeltal Tzotzil Ukrainian Umbundu Urhobo Uruund Uzbek Venda Venezuelan Sign Language Vietnamese Wallisian Waray-Waray Wayuunaiki Wolaita Xhosa Yoruba Zande Zapotec (Isthmus) Zapotec (Lachiguiri) Zulu\\nBAMWI BAAMBA KUTI TABUGWASYI. Dokota umwi wakaamba kuti kubelesya busolozi bwamu Bbaibbele cili mbuli kubelesya bbuku lyamumyaka yakuma 1920 ikuyiisya sayaansi yamazuba aano. Muntu uutalilemeki Bbaibbele mane ulakonzya kubuzya naa inga mwabelesya kabbuku kamalailile aakkompyuta iyakaleka kubeleka kumusololela kubelesya kkompyuta mpya yamazuba aano. Munzila imwi, bantu bamwi baamba kuti Bbaibbele talicigwasyi naaceya.\\nNkaambo nzi muntu ncakonzya kubelesya bbuku lyansiku mazuba aano, oobu sayaansi mboyasumpuka? Kuyungizya waawo, kuli mawebbusaiti manji kapati aapa malailile mapya alimwi abusolozi bugwasya. Mapulogilamu aamu TV azwide basyaazibwene bajisi luzyibo ibapandulula kujatikizya mizeezo yabantu alimwi ambobalilemeka, basyaazibwene mumakani aabukkale alimwi abasikulemba mabbuku. Zintoolo mobasambala mabbuku zilasambala mabbuku manji kapati aamba muntu mbwakonzya kulwana mapenzi, alimwi balapanga mali manji kapati.\\nIkuti makani aali boobo kaaliko, ino Bbaibbele ndyanzi lyalo ilyakamana kulembwa myaka iitandila ku 2,000 yainda? Sena inga tiitwaamba kuti bantu ibatalilemeki Bbaibbele baliluzi ciindi nobaamba kuti ikubelesya bbuku lyakaindi boobo kuti libasololele, cili mbuli kubelesya bbuku lyasayaansi lyakaindi naa kabbuku kamalailile aakkompyuta kakaindi? Bwini mbwakuti, kuyeeya kuli boobo takuluzi. Sayaansi alimwi azyakupanga-panga zilacinca mukaindi kasyoonto buyo, pele sena zintu nzyobayandika bantu zilacinca? Bantu baciyanda kuzyiba ikaambo ncotuponena alimwi akuba alukkomano mubuumi akuliiba, kuba amukwasyi uuli kabotu alimwi akuba azilongwe izili kabotu.\\nNokuba kuti ndyakaindi, Bbaibbele lilaamba kujatikizya makani aaya. Alimwi lyaamba kuti lyakasololelwa a Mulengi wesu. Lilakonzya kutusololela mumbazu zyoonse zyabuumi alimwi akutugwasya kulwana buyumuyumu buli boonse bukonzya kutusikila. (2 Timoteyo 3:16, 17) Kuyungizya waawo, lyaamba kuti lilijisi lulayo lubeleka lyoonse—inzya lulayo lutaleki kubeleka. Bbaibbele kuligama lyaamba kuti: “Jwi lya Leza lilaabuumi.”—Bahebrayo 4:12.\\nSena nzyolyaamba Bbaibbele mubwini nzyamasimpe? Sena talicibeleki naa ndebbuku lijisi lulayo lubotu alimwi lugwasya kapati kwiinda mabbuku oonse? Makanze aamagazini eeyi ya Ngazi Yamulindizi, iyakusaanguna mumamagazini aalubazu aaciboola, ngakumugwasya kujana bwiinguzi kumibuzyo eeyi.\\nSena Bbaibbele Ndibbuku Buyo Libotu?\\nNkaambo nzi bantu ncobakonzya kubikka buumi bwabo muntenda kubala Bbaibbele naa kuba buyo andilyo?","num_words":607,"character_repetition_ratio":0.062,"word_repetition_ratio":0.0,"special_characters_ratio":0.151,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ncinzi Cikonzya Kupa Kuti Kube Lukkomano Mumukwasyi Wanu? | Makani Mabotu\\n1. Nkaambo nzi cikwati camumulawo ncociyandika kutegwa kube lukkomano mumukwasyi?\\nMakani mabotu azwa kuli Jehova, Leza uukkomene walo uuyanda kuti kakuli lukkomano mumikwasyi. (1 Timoteyo 1:11) Ngowakatalisya cikwati. Kutegwa kube lukkomano mumukwasyi, cikwati camumulawo cilayandika nkaambo cipa kuti bana bakomezyegwe kabotu. Banakristo beelede kulemeka milawo yamucisi mobakkala iijatikizya kulembya cikwati.—Amubale Luka 2:1, 4, 5.\\nIno Leza ucibona buti cikwati? Uyanda kuti mwaalumi amukaintu kabakwetene lyoonse. Jehova uyanda kuti mulumi amukaintu kabasyomeka kumweenzinyina. (Bahebrayo 13:4) Kulekana ulakusulaika. (Malaki 2:16) Pele ulabazumizya Banakristo kulekana akukwatwa naa kukwata uumbi ikuti ngobakwetene limwi wacita bumambe.—Amubale Matayo 19:3-6, 9.\\n2. Ino mwaalumi amukaintu beelede kweendelezyanya buti?\\nJehova wakalenga baalumi abamakaintu kutegwa kabagwasyanya milimo mucikwati. (Matalikilo 2:18) Mbwali mutwe wamukwasyi, mulumi weelede kubajanina nzyobayandika bamukwasyi wakwe kumubili alimwi akubayiisya kujatikizya Leza. Weelede kumuyanda mukaintu wakwe amoyo woonse. Mulumi amukaintu beelede kuyandana akulemekana. Mbwaanga mulumi amukaintu boonse tabalondokede, kwiiya kulekelela kulayandika kapati kutegwa kube lukkomano mucikwati.—Amubale Baefeso 4:31, 32; 5:22-25, 33; 1 Petro 3:7.\\n3. Sena mweelede kumusiya ngomukwetene limwi kuti kakunyina lukkomano mucikwati?\\nKuti kamujisi mapenzi mucikwati canu, nyoonse nyobilo mweelede kusolekesya kuyandana. (1 Bakorinto 13:4, 5) Ijwi lya Leza talikulwaizyi kwaandaana kuti ibe nenzila yakumana mapenzi aatayi koomoonga mucikwati.—Amubale 1 Bakorinto 7:10-13.\\n4. Nobana, ino Leza uyanda kuti kamupona buumi buli buti?\\nJehova uyanda kuti kamukkomene. Ulamupa lulayo lugwasya kapati kujatikizya mbomukonzya kukkomana mubukubusi bwanu. Uyanda kuti mugwasyigwe kubusongo aluzyibo lwabazyali banu. (Bakolose 3:20) Jehova alimwi uyanda kuti mujane lukkomano iluboola kwiinda mukubelekela Mulengi wanu alimwi a Mwanaakwe.—Amubale Mukambausi 11:9–12:1; Matayo 19:13-15; 21:15, 16.\\n5. Nobazyali, mbuti mbobakonzya kujana lukkomano bana banu?\\nMweelede kubeleka canguzu kutegwa mujanine bana banu cakulya, kwakukkala alimwi azyakusama. (1 Timoteyo 5:8) Pele alimwi kutegwa bana banu bakkomane, mweelede kubayiisya kuyanda Leza akwiiya kulinguwe. (Baefeso 6:4) Cikozyanyo canu mukutondezya luyando kuli Leza cilakonzya kubagwasya kapati bana banu. Kuti lulayo lwanu kaluzwa mu Jwi lya Leza, lulakonzya kubagwasya bana banu kuzilanga kabotu zintu.—Amubale Deuteronomo 6:4-7; Tusimpi 22:6.\\nBana balagwasyigwa ciindi nomubakulwaizya akubalumbaizya. Alimwi bayandika kululamikwa akulaigwa. Kucita boobo kulabakwabilila kubukkale bukonzya kubapa kutakkomana. (Tusimpi 22:15) Pele lulayo talweelede kupegwa calunya naa cabukali pe.—Amubale Bakolose 3:21.\\nBakamboni ba Jehova balamwaya mabbuku aindene-indene aakalembelwa kugwasya ikapati bazyali alimwi abana. Mabbuku aaya ayeeme aa Bbaibbele.—Amubale Intembauzyo 19:7, 11.\\nMbomukonzya Kwaalwana Mapenzi\\nKweendelezya makani munzila iili kabotu kulakonzya kutondezya kwiindana kuliko akati kacikwati ciyumu banabukwetene mobakkomene alimwi aceeco mobatamvwani.\\nLuyando ndwaakatondezya Jesu ncitondezyo cambobeelede kucita bamalumi, bamakaintu, bazyali alimwi abana. Ncinzi ncotwiiya kulinguwe?\\nMabala Amusale naa muyanda kukkopa zyakamwaigwa Makani Mabotu Aazwa Kuli Leza!\\nZyakuswiilila Amusale naa muyanda kukkopa zyakuswiilila Makani Mabotu Aazwa Kuli Leza!","num_words":384,"character_repetition_ratio":0.062,"word_repetition_ratio":0.0,"special_characters_ratio":0.186,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bakwesu Banakristo batolana kunkuta (1-8)\\nAabo batakanjili mu Bwami (9-11)\\nAmumulemeke Leza mumibili yanu (12-20)\\n“Amubutije bwaamu!” (18)\\n6 Umwi akati kanu najisi kaambo kumweenzinyina,+ nkaambo nzi ncaunka kunkuta kubantu bataluleme, muciindi cakuunka kubasalali? 2 Naa sena tamuzyi kuti basalali bayakwiibeteka nyika?+ Lino ikuti naa nywebo muyakwiibeteka nyika, sena tamweeleli kubeteka twaambo tuniini kapati? 3 Sena tamuzyi kuti tuyoobeteka bangelo?+ Aboobo sena tatweeleli kubeteka makani aamubuumi oobu? 4 Aboobo ikuti kamujisi makani aamubuumi oobu aayelede kubetekwa,+ sena mbantu basampaulwa mumbungano mbomubikka kuba babetesi? 5 Ndaamba boobu kutegwa ndimuusye nsoni. Sena masimpe kuti kunyina musongo naba omwe akati kanu uukonzya kubeteka makani akati kababunyina? 6 Muciindi caboobo, mukwesu utola munyina kunkuta, kubantu ibatasyomi! 7 Masimpe, eeci ncomutolana kunkuta caamba kuti mwazundwa kale cakumaninina. Nkaambo nzi ncomutalekeli buyo kuti mubisyilwe ndinywe?+ Nkaambo nzi ncomutalekeli buyo kuti nywebo lwanu muuninwe? 8 Pele muciindi caboobo, mulabisya akuunina, alimwi aabo mbomucitila boobo mbanabokwanu. 9 Sena tamuzyi kuti bantu bataluleme tabakanjili mu* Bwami bwa Leza?+ Mutalyeeni pe.* Basibwaamu,*+ basikukomba mituni,+ basimamambe,+ baalumi boonwa abaaluminyina,+ baalumi boona baaluminyina,+ 10 babbi, basyaacivwulemwangu,+ bakolwi,+ basimatusi alimwi azigwebenga, tabakanjili mu* Bwami bwa Leza.+ 11 Lino oobo mbobakabede bamwi akati kanu. Pele nywebo mwakasanzyigwa;+ mwakasalazyigwa;+ mwakaambwa kuti muli balulami+ muzina lya Mwami wesu Jesu Kristo amumuuya wa Leza wesu. 12 Zintu zyoonse zilizumizyidwe kulindime, pele tazili zintu zyoonse zilaampindu.+ Zintu zyoonse zilizumizyidwe kulindime, pele tandikalekeli cintu cili coonse kundeendelezya. 13 Izyakulya zyakapangilwa da, alyalo da lyakapangilwa zyakulya, pele Leza uyoonyonyoona zyoonse zyobilo ida azyakulya.+ Lino mubili tauli wabwaamu* pe, pele ngwa Mwami,+ alimwi Mwami ngomukamwini mubili. 14 Pele Leza wakamubusya Mwami+ alimwi andiswe uyootubusya kuzwa kulufwu+ kwiinda munguzu zyakwe.+ 15 Sena tamuzyi kuti mibili yanu nzizo zya Kristo?+ Aboobo sena ndibweze zizo zya Kristo akuziswaanganya kumuvwuule? Peepe! 16 Sena tamuzyi kuti kufwumbwa ooyo uuliswaanganya kumuvwuule uba mubili omwe anguwe? Nkaambo Leza waamba kuti, “aaba bobilo bayooba mubili omwe.”+ 17 Pele kufwumbwa ooyo uuswaangene a Mwami waba omwe anguwe kumuuya.+ 18 Amubutije bwaamu!* Cibi+ cimbi cili coonse muntu ncanga wacita cili kunze aamubili wakwe, pele kufwumbwa ooyo uucita bwaamu ubisizya mubili wakwe mwini.+ 19 Sena tamuzyi kuti mubili wanu nditempele+ lyamuuya uusalala ngomujisi kuzwa kuli Leza?+ Alimwi buumi mbomujisi tabuli bwanu nobeni pe,+ 20 nkaambo mwakaulwa amuulo waatala.+ Aboobo ziyume zitete,+ amumulemeke Leza mumibili yanu.+\\n^ Mu Chigiriki, “tabakabukoni.”\\n^ Naa “Mutacengwi pe.”","num_words":356,"character_repetition_ratio":0.059,"word_repetition_ratio":0.0,"special_characters_ratio":0.191,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Syomeka Muzintu Zyoonse\\n‘Tuyanda kuti tusyomeke tubule akampenda.’—BAHEBRAYO 13:18.\\n1, 2. Jehova umvwa biyeni chiindi nitutondeezya kusyomeka?\\nLIMWI zuba umwi mulombe naakazwa kuchikolo wakabwezela chikwama chamali. Wakachita biyeni? Wakayibweza akwiichita yakwe na? Taakayibweza kuti ibe yakwe pesi wakayanduula munaayo. Banyina nibakamvwa atala anzyaakachita bakabotelwa loko.\\n2 Bazyali biingi balabotelwa kuti bana babo kabasyomeka. Taateesu uuli kujulu Jehova ‘nguLeza wakasimpe’ alubo ulabotelwa kuti katusyomeka muzintu nzituchita. (Intembauzyo 31:5) Tuyanda kuti Jehova abotelwe kwiinda mukakkala ‘katusyomeka akubula kampenda.’ (BaHebrayo 13:18) Atulange-lange mbazu zine zyabuumi zikataazya bantu biingi kuti bakkale kabasyomeka. Kuzwaawo, tuyoolanga-langa zilongezyo nzitujana kuti twakkala katusyomeka.\\n3-5. (a) Kujana twalyeena biyeni? (b) Niinzi chiyootugwasya kuti tutalyeeni?\\n3 Kuti tusyomeke kuli bamwi tweelede kuba bantu basyomeka. Pesi kuchita oobo teekuuba pe. Mumwaanda wamunyaka wakusaanguna, bakwesu bamumbungano yakuLawodikkeya bakali kulyeena kwiinda mukuyeeya kuti nzibakali kuchita zyakali kubotezya Leza. (Ciyubunuzyo 3:17) Andiswe nzila njitulibonaayo ilakonzya kutweena.\\n4 Sikwiiya Jakkobo wakaamba kuti: “Na nkwali uuliyeeya kuti musyomi, nekubaboobo taangi lulimi lwakwe pele walyeena mumoyo wakwe mwini, busyomi bwayooyo mbwabuyo.” (Jakobo 1:26) Andiswe tunooli tulikulyeena kuti katubonaanga kuchita zintu zilikabotu kupa kuti Leza atakubikkili maanu kwaambuula majwi aatali kabotu akubeja nkutuchita. Niinzi chikonzya kutugwasya kuti tutalyeeni?\\n5 Kuti twalilanga achiboni-boni, tulakonzya kubona mbutubede aanze. Kuti twabala Bbayibbele tulakonzya kubona mbutubede mukati kamoyo. Bbayibbele litugwasya kubona mputuchita kabotu amputukachilwa. Alubo litugwasya kubona mbutukonzya kubambulula nzituyeeya, nzituchita anzitwaambuula. (Bala Jakobo 1:23-25.) Tatukonzyi kubambulula mputubisya kuti katulibuzya kuti nzituchita zyoonse zilikabotu. Tweelede kubelesya Bbayibbele kuti tulilange-lange mbutubede choonzyo. (Malilo 3:40; Hagai 1:5) Kukomba kutugwasya kuti tuzibe mbutubede mumoyo. Tulakonzya kukomba kuli Jehova kuti atulange-lange akuti atugwasye kubona mputweelede kubambulula. (Intembauzyo 139:23, 24) Tweelede kuyeeya kuti, ‘Jehova ulasesemwa amuntu uupilingene, pele baluleme mbibeenzinyina.’—Tusimpi 3:32.\\n6. Nkamboonzi bantu bakwetene nibeelede kukkala kabasyomeka?\\n6 Kusyomeka kulayandikana mumpuli. Kuti bantu bakwetene kabatasisilani zintu nzibachita zipa kuti babe aluumuno akuti basyomane. Bantu bakwetene balakonzya kutondeezya kutasyomeka munzila zyiingi. Muchikozyano, muntu uuli mulukwatano ulakonzya kutalika kusaana aluyando, kweebela ponogilafu naakuti kuyandana aawumwi muntu. Sintembawuzyo wakati: ‘Tandeendi abasilweeno pe, nikuba kweenda abasikuupawupa ameso.’ (Intembauzyo 26:4) Kuti kutasyomeki kumuntu ngukwetenaawe muzintu nzuyeeya ziyoopa kuti mutamvwanani mulukwatano lwanu.\\nBantu bakwetene beelede kutantamuka zintu zikonzya kupa kuti batasyomeki\\n7, 8. Kujana bazyali babagwasya biyeni bana babo kuti babone mbukuyandikana kusyomeka?\\n7 Bana beelede kuziba kuti kusyomeka kulayandikana. Bazyali beelede kubelesya Bbayibbele kuti bayiisye bana mbubakonzya kukkala kabasyomeka. Lili azikozyano zyabantu bakatali kusyomeka mbuuli Akkani wakabba; Gehazi wakabeja kuti ajane mali aJudasi wakali kubba mali alubo mukuya kwachiindi wakawuzya Jesu amali yansiliva iisika ku30.—Joshua 6:17-19; 7:11-25; 2 Bami 5:14-16, 20-27; Matayo 26:14, 15; Johane 12:6.\\n8 Alubo muBbayibbele muli zikozyano zyabantu bakali kusyomeka mbuuli Jakkobo, wakabuzya bana bakwe kuti babweedezye mali njibakajana; Jefita amwanaakwe musimbi, bakazuzikizya chisyomezyo kuli Leza aJesu wakali kusyomeka nikuba muziindi ziyumu. (Matalikilo 43:12; Babetesi 11:30-40; Johane 18:3-11) Zikozyano eezi ziyoogwasya bana kuti babone mbukuyandikana kusyomeka.\\n9. Kusyomeka kwabazyali kubagwasya biyeni bana?\\n9 Bazyali balakonzya kugwasigwa amalayilile aamuBbayibbele atii: “Ino yebo oiisya mweenzinyoko sa toliisyi omwini? Yebo okambauka kutabba, sa ulabba?” (BaRoma 2:21) Bana balabona kuti bazyali babayiisya zintu nzibatachiti. Bana balakonzya kukachilwa kuziba zili nzinzyo kuti bazyali babo kabatasyomeki. Kuti bana babona kuti bazyali babo tabasyomeki nikuba muzintu ziniini bayootobelezya chikozyano chabo. (Bala Luka 16:10.) Pesi kuti bana babona bazyali babo kabasyomeka ziyoopa kuti kabasyomeka baakuba bazyali abalabo.—Tusimpi 22:6; BaEfeso 6:4.\\n10. Kujana twakutondeezya biyeni kusyomeka nitwaambuula abasyomima?\\n10 Tweelede kutondeezya kusyomeka kubakwesu abachizi. Tulakonzya kusaanguna kuvwiya naakuti kubejelezya umwi muntu nikuba kuti twatalikide katwaambuula zintu zilikabotu. Kuti twaambuula zintu nzitutazi kabotu tulakonzya kubeja. Nkinkaako tweelede ‘kukasya milomo yesu.’ (Tusimpi 10:19) Kusyomeka takwaambi kuti tweelede kwaamba zintu zyoonse nzituzi naakuti nzitwakamvwa. Nikuba kuti zimwi zintu tuzizi kabotu pesi chimwi chiindi takuyandikani pe kubuzya bamwi atala anzizyo. (1 BaTesalonika 4:11) Bamwi nga bayandisya kwaamba kuti: “Ndilikwaambisya, nkubeja na?” Pesi mbutuli bakombi baJehova tuyanda kwaambuula majwi aalikabotu chiindi choonse.—Bala BaKolose 4:6.\\n11, 12. (a) Muntu wakachita chibi kujana wakutondeezya biyeni kutasyomeka? (b) Njiili mibuzyo njitweelede kulibuzya? (c) Kujana twakutondeezya biyeni kusyomeka mumbunga yaJehova?\\n11 Jehova wakasala baalu kuti bagwasye bantu bali mumbungano. Kuti twaba bantu basyomeka ziyoopa kuti kubawubile baalu kutugwasya. Nkamboonzi? Muchikozyano, kuti wachiswa mpawo wiinka kulidokotela kujana wamusisila na zilikukuchisa? Kuti wachita oobo uyookonzya na kukugwasya? Munzila iikozyenie, kuti twachita chibi chipati tatweelede kubasisila pe baalu. Pesi tweelede kubabuzya zyoonse zyakachitika. (Intembauzyo 12:2; Incito 5:1-11) Kujana wachita biyeni kuti waziba kuti mweenzinyokwe wakachita chibi chipati? (Levitiko 5:1) Wali kunoowumuna na kuyanda kukwabilila mweenzinyokwe? Naakuti uyooyeeya kuti baalu mbabo bakonzya kumugwasya kuti abe abweenzinyina bulikabotu aJehova?—BaHebrayo 13:17; Jakobo 5:14, 15.\\n12 Alubo tweelede kusyomeka chiindi nitulemba malipoti amulimu wakukambawuka. Kusyomeka kulayandikana chiindi nituzuzikizya mafoomu amulimu wabupayona aakunjila umwi mulimu wachiindi choonse.—Bala Tusimpi 6:16-19.\\n13. Kujana twakutondeezya biyeni kusyomeka nituchita bbizinesi amukombima?\\n13 MaKristu tabeelede kuswaanizya zintu zyabbizinesi abukombi. Muchikozyano, tatweelede kuchita zyabbizinesi nituli kung’anda yaBwaami naakuti nituli mumulimu wakukambawuka. Alubo tatweelede kubbida bakombima mbituchitaabo bbizinesi. Kuti kubelekelwa aBakamboni, weelede kubabbadala kweendelana ambumwakazuminana alubo ubape nzibeelede kujana kweendelana amulawu. Eezi ziswaanizya kubapa mali yakulisilisya akubapa chiindi chakulyookezya. (1 Timoteo 5:18; Jakobo 5:1-4) Kuti kubelekela Kamboni, utalangilili kujatwa mbuuli ji. (BaEfeso 6:5-8) Kuti kuli mubelesi, weelede kubeleka kweendelana ambumwakazuminana.—2 BaTesalonika 3:10.\\n14. MaKristu beelede kuchitaanzi kabatanatalika zyabbizinesi?\\n14 Kujana twakutondeezya biyeni kusyomeka nituchita bbizinesi amukombima? Amwi mulakonzya kuswaanizya mali naakuti kukweleta mali yakuti muchite chimwi chintu. Kuti mwasala kuchita oobo, amubelesye malayilile aamuBbayibbele aayandikana aakulemba aansi nzimwazuminana. Musinsimi Jeremiya naakawula muunda, wakalemba zizuminano zibili akubuzya bakamboni kuti bazisayine mpawo wakazilondola kuti azoozibelesye. (Jeremiya 32:9-12; kozyanisya aMatalikilo 23:16-20.) Bamwi balakonzya kuyeeya kuti kulemba chizuminano kutondeezya kuti tabamusyomi mukombinyina. Pesi kulemba chizuminano kugwasya kuti bantu babe aluumuno, batanyemezyanyi akuti batakazyanyi. Nimuchita zyabbizinesi, mweelede kuyeeya kuti kubamba luumuno nchiichintu chipati kwiinda bbizinesi.—1 BaKorinto 6:1-8, langa Makani Aakumamanino 30.\\nKUSYOMEKA KUBANTU BOONSE\\n15. Jehova ukubona biyeni kutasyomeka muli zyabbizinesi?\\n15 Tweelede kusyomeka kubantu boonse nikuba batali Bakamboni baJehova. Jehova uyanda kuti katusyomeka. “Zipimyo zibeja zilasesemya Jehova, pele ceelesyo ciluleme cilamubotezya.” (Tusimpi 11:1; 20:10, 23) Chiindi, zikkelo zyakali kubelesegwa muli zyabbizinesi. Bamwi basikuuzya bakali kubbida bawula kwiinda mukubelesya zikkelo zyakubeja akubabbadalisya mali nyingi. Nikuba mazubaano bantu tabasyomeki pe muli zyabbizinesi. Pesi Jehova tanachincha pe maboneno aakwe atala akutasyomeka.\\n16, 17. Nziizili nzila zitondeezya kutasyomeka nzitweelede kutantamuka?\\n16 Chimwi chiindi kulakonzya kutuyumina kusyomeka chiindi nituli kuzuzikizya mafoomu akuyanduula mulimu, mafoomu amfulumende anituli kulemba misunko yakuchikolo. Bamwi bantu bayeeya kuti kubeja teekubi pe. Tazitugambyi pe eezi. Nkaambo Bbayibbele lyakaamba kakuchili chiindi kuti kumazuba aakumamanino, bantu bakali kuyooba “basikuliyanda, basimuyanda mali, . . . batayandi bubotu.”—2 Timoteo 3:1-5.\\n17 Chimwi chiindi bantu batasyomeki baboneka kabali kuzwidilila. (Intembauzyo 73:1-8) Akaambo kakusyomeka, muKristu ulakonzya kumaninwa mulimu, kutapegwa mali munzila yeelede nikuba kutajatwa kabotu kumulimu. Nikuba boobo, kusyomeka kulayandikana chiindi choonse. Nkamboonzi?\\nZILONGEZYO ZYEETWA AKAAMBO KAKUSYOMEKA\\n18. Nkamboonzi kusyomeka nikuyandikana?\\n18 Mazubaano kusyomeka kulayandikana nikuba kuti bantu biingi teembubabede pe. Tweelede kubeleka changuzu kuti tukkale katusyomeka. (Mika 7:2) Chimwi chiindi bamwi bantu balakonzya kukufubaazya akaambo kakuti ulasyomeka. Pesi bamwi balakonzya kukuyanda akukulemeka. Bakamboni baJehova bazibidwe kuti balasyomeka. Basimabbizinesi biingi basala kunjizya Bakamboni milimu nkaambo balizi kuti balasyomeka. Alubo chimwi chiindi bamwi nibalesegwa milimu akaambo kakutasyomeka Bakamboni balasyaala kababeleka.\\nKubeleka changuzu kupa kuti Jehova alemekwe\\n19. Kukkala katusyomeka kupa kuti Jehova atubone biyeni?\\n19 Kusyomeka muzintu zyoonse kupa kuti ube amanjezeezya aalikabotu akuti ukkalikane mumizeezo. Tuyanda kuba mbuuli Pawulu wakalemba kuti: ‘Tusyoma kuti tujisi manjezeezya aalikabotu.’ (BaHebrayo 13:18) Kuyungizya waawo, Taateesu Jehova ulabotelwa nabona katubeleka changuzu kuti tukkale katusyomeka muzintu zyoonse.—Bala Intembauzyo 15:1, 2; Tusimpi 22:1.\\n1 TUPONA ABANTU BATASYOMEKI\\n“Balaamba cakubeja umwi aumwi kumweenzinyina . . . balaamba . . . amyoyo yobile.”​—Intembauzyo 12:2\\nNiinzi chiyootugwasya kuti tutalyeeni?\\nIntembauzyo 31:5; BaHebrayo 13:18\\nJehova uyanda kuti tutalyeeni pe akuti tusyomeke kuli bamwi.\\nIntembauzyo 139:23, 24; Jakobo 1:23-25\\nKukomba akubala Bbayibbele zitugwasya kuti tuzibe mbutubede mumoyo akuti tubone mputweelede kubambulula.\\n2 KUSYOMEKA MUMPULI KWEETA LUUMUNO AKUBELEKELAAMWI\\n‘Tandeendi abasikuupawupa ameso.’​—Intembauzyo 26:4\\nNkamboonzi bantu bakwetene nibeelede kukkala kabasyomeka?\\nKusyomeka kupa kuti bantu bakwetene basyomane. Bamumpuli beelede kusyomeka nikuba kuti teekuuba pe kuchita oobo.\\nTusimpi 22:6; BaEfeso 6:4\\nKuti bana babona bazyali babo kabasyomeka ziyoopa kuti kabasyomeka abalabo.\\n3 KUSYOMEKA MUMBUNGANO KULAGWASYA\\n‘Jehova ulasesemwa amuntu uupilingene, pele baluleme mbibeenzinyina.’​—Tusimpi 3:32\\nNkamboonzi nikuyandikana kusyomeka mumbungano?\\nTusimpi 10:19; BaKolose 4:6\\nTweelede kwaamba kasimpe chiindi choonse. Nikuba boobo, tatweelede kwaambuula majwi aatali kabotu.\\nLevitiko 5:1; BaHebrayo 13:17; Jakobo 5:14, 15\\nBaalu balakonzya kutugwasya kuti katutabasisili nibayanda kutugwasya.\\nJeremiya 32:9-12; BaEfeso 6:5-8\\nKuti katuchita bbizinesi abakombima, tweelede kusyomeka akubamba zizuminano.\\n4 KUSYOMEKA KWEETA ZILONGEZYO\\n“Izina bbotu lilayandika kwiinda buvubi bunji.”—Tusimpi 22:1\\nNziizili zimwi mbazu zyabuumi mutweelede kusyomeka?\\nIntembauzyo 37:21; Matayo 22:17-21; BaRoma 13:1-7; BaEfeso 4:25, 28\\nTweelede kusyomeka kumilimu, nituchita zyabbizinesi, nituzuzikizya mafoomu amfulumende anitulemba misunko yakuchikolo.\\nNkamboonzi kusyomeka nikuyandikana kwiinda bbizinesi?\\nIntembauzyo 15:1, 2; Tusimpi 11:1; 1 Timoteo 6:9, 10\\nKusyomeka muzintu zyoonse kulayandikana. Kupa kuti tube amanjezeezya aalikabotu. Jehova ulabotelwa nabona katubeleka changuzu kuti tukkale katusyomeka.","num_words":1285,"character_repetition_ratio":0.063,"word_repetition_ratio":0.0,"special_characters_ratio":0.184,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kucisizyigwa Moyo—Ciindi Notujisi “Kaambo Kakutongooka” (Bakolose 3:13)\\nKucisizyigwa Moyo—Ciindi Notujisi “Kaambo Kakutongooka”\\n“Mucizyi umwi mumbungano wakandibejekezya kuti ndakamubbida mali. Bamwi mumbungano bakaamvwa makani aaya akumusyoma. Mukuya kwaciindi, mucizyi ooyu wakandaambila kuti wakatambula makani ambi alo aakapa bumboni bwakuti tandijisi mulandu. Nokuba kuti wakalilekelela, mumoyo ndakali kulimvwa kuti tandikonzyi pe kumulekelela ndalanga zyakandicitikila.”—Ba Linda.\\nSENA mulimvwa mbuli mbobakalimvwa ba Linda, aabo ibakacisizyigwa kapati moyo akaambo kazintu nzyaakacita musyominyina? Cilausisya kuti bamwi balapenga kapati amicito yabambi cakunga balaleka kucita zintu zyakumuuya. Sena oobo mbocibede akulindinywe?\\nSena Kuli Uukonzya “Kutwaandaanya Kuluyando lwa Leza”\\nMasimpe, cilakonzya kutuyumina kapati kulekelela musyomima iwakatucisizya moyo. Kayi, Banakristo beelede kuyandana umwi amweenzinyina. (Johane 13:34, 35) Ikuti musyomima watulubizyila, tulakonzya kutyompwa kapati akumvwa moyo kucisa.—Intembauzyo 55:12.\\nNcobeni, Bbaibbele lyaamba kuti kuli ziindi Banakristo nobacita zintu izikonzya kupa umwi kuba ‘akaambo kakutongooka mweenzinyina.’ (Bakolose 3:13) Ikuti cili boobo catucitikila swebo kutugama, aabona cilakonzya kutuyumina kuliyumya mubukkale buli boobo. Sena kuli cikonzya kutugwasya? Amulange-lange njiisyo zyamu Magwalo zyotatwe:\\nTaateesu wakujulu ulizizyi zyoonse. Jehova ulazibona zintu zyoonse zicitika, kubikilizya azintu zitaluleme zitucitikila alimwi amapenzi aaboola akaambo kanzizyo. (Bahebrayo 4:13) Kuyungizya waawo, Jehova ulatweetezyegwa notupenga. (Isaya 63:9) Kunyina pe nalekela “mapenzi, naa kukatazyigwa” naa cintu cimbi cili coonse, inzya naba mubelesi wakwe umwi “kutwaandaanya kuluyando lwa Leza.” (Baroma 8:35, 38, 39) Aboobo, andiswe tatweelede kulekela cintu cili coonse naa muntu uuli woonse kutwaandaanya a Jehova.\\nKulekelela tacaambi kuti mulazizuminizya zibi. Ciindi notubalekelela aabo batulubizyila, tatuubyi-ubyi, naa kuzuminizya micito yabo pe. Amuyeeye kuti Jehova tazizuminizyi pe zibi, pele ulalekelela ikuti kakuli kaambo kakucitila boobo. (Intembauzyo 103:12, 13; Habakuku 1:13) Ciindi natukulwaizya kulekelela bamwi, Jehova utwaambila kuti tumwiiye. Walo ‘tabikkilili lyoonse mane kukabe kutamani.’—Intembauzyo 103:9; Matayo 6:14.\\nCiindi notuleka kubikkilila bamwi, cigwasya ndiswe. Ino citugwasya buti? Amweezyeezye bukkale butobela. Atwaambe kuti mwabweza bbwe, ambweni litalemi kapati, akulijata mujanza litandabede. Cakutadooneka inga tiilyamubeda penzi kulijata bbwe eelyo kwaciindi cisyoonto buyo. Pele ino mbuti kuti mwasola kulijata kwaciindi cilamfwu? Ino inga mwalijata kwaciindi cilamfwu buti? Sena mulakonzya kulijata kwamaminiti masyoonto buyo, kwawoola lyomwe naa manji? Masimpe, janza lyanu lilakonzya kulema! Mubwini takuli kuti bbwe eelyo lyacinca mbolilema. Pele ikuti mwazumanana kulijata, lilakonzya kumulemena. Ncimwi buyo akubikkilila. Ikuti twazumanana kuba amfwundiilili, nomuba mukaambo kaniini buyo, tulakonzya kulicisa tobeni. Nkakaambo kaako, Jehova utukulwaizya kuti tuleke kubikkilila naa kuba amfwundiilili. Ncobeni, kuti twaleka kubikkilila, cigwasya ndiswe.—Tusimpi 11:17.\\nCiindi notuleka kubikkilila bamwi, cigwasya ndiswe\\n“Ndakalimvwa Mbuli Kuti Jehova Lwakwe Nguwakali Kwaambaula Andime”\\nIno ncinzi cakabagwasya ba Linda kuti baleke kuba amfwundiilili ciindi musyominyina naatakabacita kabotu? Cintu cimwi icakabagwasya nkuzinzibala kuyeeya twaambo twamu Magwalo itutondezya kaambo ncobakeelede kulekelela. (Intembauzyo 130:3, 4) Icakabakulwaizya kapati ba Linda nkuzyiba kuti ciindi notubalekelela bamwi, Jehova awalo ulatulekelela. (Baefeso 4:32–5:2) Ikwaamba mbotwakabajatikizya twaambo ootu, bakaamba kuti: “Ndakalimvwa mbuli kuti Jehova lwakwe nguwakali kwaambaula andime.”\\nMukuya kwaciindi, ba Linda bakazyikuleka kuba amfwundiilili. Bakamulekelela camoyo woonse mucizyi ooyo, aboobo lino balo anguwe mbalongwe bamvwana kapati. Ba Linda lino baluujisi kubelekela Jehova. Amuzyibe kuti Jehova uyanda kumugwasya andinywe kucita mbubonya oobo.\\nBa Marie bakaamba kuti: “Nindakazwa mukasimpe, ndakalicimidwe. Pele bbuku lyakuti Amubaa Cilongwe a Jehova, lyakandiibalusya Jehova mbwali mubotu alimwi siluyando kapati. Nondakatalika kulibala, luyando ndondakajisi kulinguwe lwakakomena.” Zibalo 26 a 30 zyabbuku eeli zyaamba mbwalekelela Jehova, ikaambo ncalekeleda, alimwi ambotukonzya kumwiiya.","num_words":491,"character_repetition_ratio":0.052,"word_repetition_ratio":0.0,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 5 IBBAIB63 - Lino kusule lyayaaya, Musa a-Aroni - Bible Search\\nKulonga 4 Kulonga 6\\nFarao mbwaakaindilila kulemezya bamu milimo miyumu\\n1-Lino kusule lyayaaya, Musa a-Aroni bakaya kuli-Farao akumwaambila kuti, Mbuboobu mbwaamba Jehova Leza wa-Israyeli, Leka bantu bangu, baye kuyoondicitila ipobwe munkanda. 2-Pele Farao wakati, Ma! Nguni Jehova? Sa ndakonzya kuswiilila ijwi lyakwe akuleka ba-Israyeli? Nsizi Jehova na nguni, abalo ba-Israyeli nsikoobaleka pe. 3-Lino bakati, Leza waba-Hebrayo waswanaana aswebo, Utuleke, tutole lweendo lwamazuba otatwe kuya munkanda, tupailile Jehova Leza wesu, kuti atatuumyi malwazi na ipanga. 4-Pele mwami wa-Egepita wakabaambila kuti, Nywebo, Musa a-Aroni, mwalesezyanzi bantu kubeleka? Kamuya kumilimo yanu. 5-Alimwi Farao wakati, Ncobeni sunu bantu banyika bavula, lino mulabalesya milimo yabo. 6-Lino mubuzuba obo mbubonya Farao wakalailila basikubelesya bantu abasilutwe babo kuti, 7Mutapi bantu limbi bwizu bwakuumya zitina, mbumwali kucita mazuba aakainda. Baye kuyoomwa beni. 8Nekubaboobo mweelwe wazitina ngubakali kucita, bacicite mbubonya obo, Mutacesyi mweelwe pe, nkaambo mbatolo; nciceeco ncibalilila cakuti, Katuya, tukapailile Leza wesu. 9Bantu balemezegwe milimo miyumu, baicite, batabiki myoyo yabo kumajwi aakubeja.\\n10-Bamvwe obo, basikubelesya bantu abasilutwe babo bakaambila bantu kuti, Mbuboobu mbwaamba Farao. Nsikoomupa limbi bwizu. 11Kamuya, mukamwe bwizu nobeni kufumbwa nkomukonzya kubujana. Nekubaboobo milimo yanu tiielede kuceya, pe, abuniini. 12Mpawo bantu bakamwaika munyika yoonse ya-Egepita kuyooyandaula zisikosiko zyabwizu. 13Abalo basikubabelesya bakali kubafwanzya-fwanzya cakwaamba kuti, Amumanisye milimo yanu, milimo iielede yabuzuba bumwi abumwi mbubonya mbumwakali kucita nemwakajisi bwizu. 14-Abasilutwe babana baIsrayeli, basikubabelesya ba-Farao mbobakabikide, bakaumwa, Bakabuzigwa kuti, Nkaambonzi tamuna kumanisya mweelwe wanu wazitina sunu mbumwakali kucita muciindi cakamana? 15Elyo basilutwe babana ba-Israyeli bakaakulila kuli-Farao, bati, Ino nkaambonzi notucitila obo tobalanda bako? 16Tobalanda bako tatupegwi bwizu, nekubaboobo balatwaambila kuti, Amubumbe zitina. Swebo tobalanda bako tulaumwa, anukuti mulandu uli kubantu bako omwini. 17Wakati, Muli batolo, muli batolo, aboobo mulaamba kuti, Katuya, tukapailile Jehova. 18Lino kamuya, mukabeleke. Bwizu tamukooyoobupegwa pe, nekubaboobo muleelede kuzulizya mweelwe wazitina. 19Elyo basilutwe babana ba-Israyeli bakabona kuti makani abija, nkaambo bakaambilwa kuti, Tamukonzyi kuceesya mweelwe wazitina wabuzuba bumwi abumwi, tamukonzyi kuceesya abuniini. 20Nkabela nebakaswanaana a-Musa a-Aroni, ibakali kubalindila ciindi cakuzwa kuli-Farao, 21-bakabaambila kuti, Jehova alange, abeteke makani esu, nywebo aswebo, nkaambo mwasampauzya bwema bwesu mumeso aa-Farao amumeso aabalanda bakwe. Wabika ipanga mumaanza aabo, kuti batujaye.\\n22-Mpawo Musa wakapiluka kuli-Jehova, wati, O Mwami, nkaambonzi wacitila bantu aba bubi? Nkaambonzi nowakandituma? 23-Kuzwa kuciindi eco nindakataanguna kusika kuli-Farao kuzooamba muzina lyako, wacitila bantu aba bubi. Kuvuna tona kuvuna bantu bako pe.","num_words":375,"character_repetition_ratio":0.061,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbomukonzya Kuba Alusyomo Muli Leza | Luyando lwa Leza\\n‘Amuzumanane Kukkala Muluyando lwa Leza’\\nAMUBALE MU Acholi Afrikaans Albanian Altai American Sign Language Amharic Arabic Argentinean Sign Language Armenian Assamese Australian Sign Language Azerbaijani Azerbaijani (Cyrillic) Baoule Bashkir Bassa (Cameroon) Batak (Toba) Bengali Bicol Bislama Bissau Guinean Creole Boulou Brazilian Sign Language British Sign Language Bulgarian Cakchiquel (Central) Cambodian Catalan Cebuano Chavacano Chichewa Chilean Sign Language Chinese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chuabo Chuvash Cibemba Cinyanja Colombian Sign Language Croatian Czech Dangme Danish Douala Drehu Dutch Ecuadorian Sign Language Efik English Estonian Ewe Faroese Fijian Finnish Finnish Sign Language Ga Garifuna Georgian German Greek Greenlandic Guarani Gujarati Guna Haitian Creole Hausa Hebrew Hiligaynon Hindi Hmong (White) Hungarian Iban Ibanag Icelandic Iloko Indonesian Japanese Japanese Sign Language Jula Kabiye Kachin Kannada Kazakh Kekchi Kikuyu Kiluba Kimbundu Kinyarwanda Kirghiz Kiribati Kirundi Kisi Kongo Korean Korean Sign Language Kosraean Krio Kurdish Kurmanji (Caucasus) Kurdish Kurmanji (Cyrillic) Kwangali Kwanyama Lhukonzo Lithuanian Lomwe Low German Luganda Luo Macedonian Macua Malagasy Malay Malayalam Mam Mambwe-Lungu Mapudungun Marathi Mauritian Creole Mazatec (Huautla) Mbunda Mexican Sign Language Mixe (North Central) Mizo Myanmar Nahuatl (Central) Nahuatl (Guerrero) Nahuatl (Huasteca) Ndau Ndebele Ndebele (Zimbabwe) Ndonga Ngabere Ngangela Niuean Norwegian Nyaneka Nyungwe Nzema Oromo Ossetian Otomi (Mezquital Valley) Palauan Pangasinan Papiamento (Curaçao) Persian Peruvian Sign Language Polish Polish Sign Language Ponapean Portuguese Portuguese (Portugal) Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Quiche Rarotongan Romanian Rotuman Runyankore Russian Russian Sign Language Rutoro Samoan Sango Sena Sepedi Serbian (Cyrillic) Serbian (Roman) Sesotho (Lesotho) Setswana Seychelles Creole Shona Sinhala Slovak Slovenian Solomon Islands Pidgin Spanish Spanish Sign Language Sranantongo Swahili Swati Swedish Tahitian Tajiki Tamil Tarascan Tatar Tetun Dili Thai Tigrinya Tiv Tlapanec Tojolabal Totonac Tshwa Tsonga Turkish Turkmen Tuvaluan Twi Tzeltal Tzotzil Uighur (Cyrillic) Ukrainian Umbundu Urdu Urhobo Uzbek Venda Venezuelan Sign Language Vezo Wallisian Wayuunaiki Welsh Wolaita Xhosa Yoruba Zande Zapotec (Isthmus) Zapotec (Lachiguiri) Zulu\\n“Amuliyake Nobeni Aantalisyo Yalusyomo Lwanu Lusalalisya”\\n“Amuliyake nobeni aantalisyo yalusyomo lwanu lusalalisya . . . Muzumanane kukkala muluyando lwa Leza.”—JUDA 20, 21.\\n1, 2. Mulimo nzi wakuyaka ngomujisi, alimwi nkaambo nzi ncomweelede kuubikkila maano?\\nAMWEEZYEEZYE kuti mujisi bubi kuyaka ŋanda. Mulimo ooyu mwakautalika kaindi alimwi ulazumanana. Nokuba kuti mulimo ooyu muyumu, pele ulamukkomanisya. Aboobo, ziyume zitete, mulikanzide kuzumanana akutauleka naa kutolwaala, nkaambo mulizyi kuti mulimo ngomubeleka ulabujatikizya buumi bwanu lino, alimwi mane buya abwakumbele. Nkaambo nzi? Nkaambo ŋanda njomuyaka tiili ŋanda ini buya pe; ŋanda eeyi ndinywe!\\n2 Sikwiiya Juda wakakankaizya kaambo kakuti tweelede kuliyaka tobeni. Naakakulwaizya Banakristo kuti ‘amuzumanane kukkala muluyando lwa Leza,’ wakabaambila acintu cakali kukonzya kubagwasya kucita boobo naakati: “Amuliyake nobeni aantalisyo yalusyomo lwanu lusalalisya.” (Juda 20, 21) Ninzila nzi zimwi zikonzya kumugwasya kuliyaka nobeni akupa kuti lusyomo lwanu luyume kutegwa muzumanane kuba muluyando lwa Leza? Atulange-lange zibeela zyotatwe zyamulimo ooyu ngomujisi wakuliyaka nobeni kumuuya.\\nAMUZUMANANE KUYUMYA LUSYOMO LWANU MUZYEELELO ZILULEME ZYA JEHOVA\\n3-5. (a) Ino Saatani uyanda kumucenga kuti kamwiibona buti milawo ya Jehova? (b) Mbuti mbotweelede kwiibona milawo ya Jehova, alimwi ino eeci ceelede kutupa kulimvwa buti? Amupe cikozyanyo.\\n3 Cakusaanguna, tweelede kuyumya lusyomo lwesu mumilawo ya Leza. Nomwali kwiiya mubbuku eeli, mwaiya milawo ya Jehova iiluleme iili mboibede iijatikizya mbomweelede kulilemeka. Ino mwiibona buti milawo eeyi? Saatani uyanda kumucenga kutegwa kamuyeeya kuti milawo, njiisyo alimwi azyeelelo zya Jehova zimwiimya zibotu alimwi zilaminya. Eeyi nenzila njaalikubelesya lyoonse kuzwa ciindi niyakamubelekela mumuunda wa Edeni kusikila mane asunu. (Matalikilo 3:1-6) Sena andinywe muyakucengwa munzila eeyi? Ciya buyo kweelana ambomuzibona zintu.\\n4 Mucikozyanyo: Atwaambe kuti muyabweendeenda mupaaki, kumane mwajana lukwakwa lulamfwu lwawaya lumusinkila kuti mutanjili mubusena bumwi ibulibonya kabotu. Kumatalikilo, mulakonzya kuyeeya kuti lukwakwa oolo lumupa buyo kwiindwa zintu zibotu. Pele nomwalanga mukati mwabona kuti kuli syuumbwa mukali uuyabubendelela banyama! Eeci cilakonzya kumupa kubona ncolwakabikkilwa lukwakwa oolo, inzya nkutegwa mukwabililwe. Sena caamba kuti kuli munyama mukali uuyabumubendelela lino aawa? Jwi lya Leza litucenjezya kuti: “Amulibatamike amupakamane! Sinkondonyoko, Diabolosi, uyaabweendeenda mbuli syuumbwa wabutambo uuvwuluma, uyandaula muntu ngwatiimene buumbulu.”—1 Petro 5:8.\\n5 Saatani mujayi, uli mbuli munyama wabutambo. Akaambo kakuti Jehova tayandi kuti Saatani atulye, wabikka milawo iikonzya kutukwabilila kunzila zinji ‘zyabucenjezu’ zyamubi ooyu. (Baefeso 6:11) Aboobo, lyoonse notukkala ansi kuyeeya milawo ya Leza, tweelede kuzyiba kuti Taateesu wakujulu wakatupa milawo eeyo akaambo kakuti ulatuyanda. Ikuti twailanga munzila eeyi, milawo ya Leza ilakonzya kutupa kukkomana akuba aluumuno. Sikwiiya Jakobo wakalemba kuti: “Ooyo uulangisisya mumulawo uulondokede uuleta lwaanguluko alimwi uuzumanana mulinguwo . . . unookkomene muzintu nzyacita.”—Jakobo 1:25.\\n6. Ninzila nzi mbotu iikonzya kumugwasya kuti kamusyoma milawo anjiisyo zya Leza ziluleme? Amupe cikozyanyo.\\n6 Ikutobela milawo ya Leza mubuumi bwesu nenzila mbotu iikonzya kutugwasya kuti tuyumye lusyomo lwesu muli Sikutupa Milawo eeyo alimwi akubona kuti ncabusongo kutobela milawo yakwe. Mucikozyanyo, “mulawo wa Kristo” ulabikkilizya amalailile ngaakapa Jesu aakuti tweelede kuyiisya bamwi ‘zintu zyoonse nzyaakalailila.’ (Bagalatiya 6:2; Matayo 28:19, 20) Kunze lyaboobo, Banakristo balaabikkila maano kapati malailile aakuti beelede kuzumanana kuswaangana antoomwe kutegwa bakombe Leza alimwi akukulwaizyanya. (Bahebrayo 10:24, 25) Kuyungizya waawo, milawo ya Leza ilabikkilizya akukulwaizyigwa kuti katupaila lyoonse kuli Jehova cakutaleka alimwi akucita oobo kuzwa ansi aamoyo. (Matayo 6:5-8; 1 Batesalonika 5:17) Ikutobela milawo eeyi mubuumi bwesu, kutupa kubona kuti masimpe itupa busolozi bubotu kapati. Ikwiitobela kutupa kukkomana alimwi akukkala kabotu munyika eeyi iizwide mapenzi. Nomukkala ansi kuyeeya mbomwagwasyigwa nywebo kumugama akaambo kakutobela milawo ya Leza, sena eeci tacimupi kwiisyoma kapati milawo eeyi?\\n7, 8. Ino mbuti Jwi lya Leza mbolibakulwaizya aabo balibilika akaambo kakuyoowa kuti ambweni inga baalilwa kutobela milawo ya Leza iiluleme mukuya kwaciindi?\\n7 Bantu bamwi bayoowa kuti ambweni mukuya kwaciindi ciyakubayumina kuzumanana kutobela milawo ya Jehova. Bayoowa kuti ambweni bayakwaalilwa. Ikuti naa mbomulimvwa oobo, amuyeeye majwi aaya: “Mebo, nde Jehova ndime Leza wako, ndime ndikuyiisya kuti ugwasyigwe, uukusololela munzila moyelede kweendela. Eelo kaka inga cabota kuti waiswiilila milawo yangu! Aboobo luumuno lwako inga lwaba mbuli mulonga abululami bwako mbuli mayuwe aamulwizi.” (Isaya 48:17, 18) Sena kuli nomwakakkede ansi kuyeeya mbwaakkazika moyo majwi aaya?\\n8 Aawa Jehova utuyeekezya kuti ikuti katumumvwida tulakonzya kugwasyigwa. Utusyomezya kuti tulakonzya kugwasyigwa munzila zyobilo ikuti twacita oobo. Cakusaanguna, iluumuno lwesu lulakonzya kuba mbuli mulonga—uubateme, uutayuminini alimwi uuzumanana kukunka. Cabili, bululami bwesu bulakonzya kuba mbuli mayuwe aamulwizi. Ikuti naa mwaima kumbali aalwizi akubona mayuwe aaboola akulipwaya kunkomwe yalwizi, masimpe mulakonzya kubona kuti kunyina naayakumana. Mulizyi kuti kwamyaka minji iitakonzyi kubalwa iiboola kumbele, mayuwe anakuzumanana kuboola akulipwaya kunkomwe. Jehova waamba kuti bululami bwanu, inzya buumi bwanu buzwide milimo iiluleme, bulakonzya kuba mbuli mayuwe aamulwizi aatamani. Kufwumbwa kuti mwazumanana kusyomeka kulinguwe, kunyina nayakumulekelezya pe! (Amubale Intembauzyo 55:22.) Sena zintu eezyi zibotu nzyaakatusyomezya tazimupi kumusyoma kapati Jehova alimwi azyeelelo zyakwe ziluleme?\\n“ATUSOLEKESYE KUYA KUMBELE MANE TUSIME”\\n9, 10. (a) Nkaambo nzi kusima kumuuya ncoili mbaakani mbotu ku Banakristo? (b) Ino mbuti ikubona zintu munzila yakumuuya mbokutupa kukkomana?\\n9 Cintu cabili ciyandika mumulimo wakuyaka ngomujisi cilakonzya kubonwa mumajwi aakalembwa kwiinda mukusololelwa amuuya aakuti: “Atusolekesye kuya kumbele mane tusime.” (Bahebrayo 6:1) Munakristo uli woonse weelede kuba ambaakani mbotu yakuyanda kusima kumuuya. Mukwiimpana akulondoka, ooko kutakonzyeki aciindi cino, Banakristo boonse balakonzya kusika ambaakani yakusima. Kuyungizya waawo, Banakristo balakkomana kapati ikubelekela Jehova nobayaabusima. Nkaambo nzi ncocili boobo?\\n10 Munakristo uusimide nguyooyo uubikkila maano kuzintu zyakumuuya. Zintu uzibona mbubonya mbwazibona Jehova. (Johane 4:23) Paulo wakalemba kuti: “Aabo bapona kweelana amubili bayeeya buyo zintu zyamubili, pele aabo bapona kweelana amuuya bayeeya zyamuuya.” (Baroma 8:5) Muntu uubona zintu munzila yakumubili takkomani kapati akaambo kakuti ulaliyanda, talangi zyakumbele, ubikkila buyo maano kuzintu zyakumubili. Muntu uubikkila maano kuzintu zyakumuuya ulikkomene kapati nkaambo lyoonse uyeeya buyo Jehova, “Leza uukkomene.” (1 Timoteyo 1:11) Muntu uubikkila maano kuzintu zyakumuuya ulayanda kukkomanisya Jehova alimwi neliba leelyo nali mumasunko ulazumanana kukkomana. Nkaambo nzi? Nkaambo masunko amupa coolwe cakutondezya kuti Saatani ulabeja alimwi akuzumanana kusyomeka calo icimukkomanisya Taateesu wakujulu.—Tusimpi 27:11; amubale Jakobo 1:2, 3.\\n11, 12. (a) Ino ncinzi ncaakaamba Paulo kujatikizya “maano” aa Munakristo, alimwi ino bbala lyakasandululwa kuti “aayiisyidwe” lyaamba nzi? (b) Ncinzi ciyandika kutegwa mubili usime akuzyibila kucita zintu zimwi?\\n11 Kutegwa tube bantu babikkila maano kuzintu zyakumuuya alimwi basimide tweelede kwiiya. Mucikozyanyo, amubone ncolwaamba lugwalo oolu: “Cakulya ciyumu ncabantu basimide, aabo ibalaamaano aayiisyidwe kwaandaanya ciluzi acitaluzi kwiinda mukwaabelesya.” (Bahebrayo 5:14) Paulo naakaamba kuti maano eesu “aayiisyidwe,” wakabelesya bbala lya Chigiriki ililangilwa kuti lyakali kubelesyegwa kapati kupandulula zisobano zyaba Giriki izyakusotooka nzyobakali kucita mumwaanda wamyaka wakusaanguna, nkaambo bbala ndimunya eeli lilakonzya kusandululwa kuti ‘aayiisyidwe mbuli sikusotooka.’ Lino atubone cijatikizyidwe mukuyiisyigwa ooku.\\nMubili wasikusotooka ulayiisyigwa kwiinda mukuubelesya\\n12 Nitwakazyalwa, mibili yesu tiiyakayiisyidwe pe. Mucikozyanyo, imwana muvwanda tazyibi nzyacita amaanza alimwi amaulu aakwe. Aboobo, akaambo kakutazyiba inga kaile kutambaika maanza akulyuuma kumeso naa kulikwamba calo cikonzya kumupa kulila. Pele mbwayaabuzyibila kubelesya zizo zyakwe, imubili wakwe ulayiisyigwa. Mukuya kwaciindi, mwana ooyu ulatalika kukalaba, kweenda akubalika. * Ino mbuti kujatikizya basikusotooka? Ikuti mwabona mbobasotooka akupindamuka bantu aaba munzila iikkomanisya, mulakonzya kubona kuti mibili yabo yakayiisyigwa kabotu. Luzyibo ndobajisi aaba basikusotooka tiilwakaliboolela buyo lwalikke, lwakaboola kwiinda mukwiiya kwaciindi cilamfwu. Inzya, Bbaibbele lyaamba kuti kuyiisya mubili ooku, ‘kulagwasya asyoonto.’ Pele kuyiisya maano eesu munzila yakumuuya kulainda kugwasya!—1 Timoteyo 4:8.\\n13. Ino mbuti mbotukonzya kuyiisya maano eesu?\\n13 Mubbuku eeli twabandika twaambo tunji tukonzya kumugwasya kuyiisya maano aanu kutegwa muzumanane kusyomeka kuli Jehova akubikkila maano kuzintu zyakumuuya. Buzuba abuzuba kamutanasala kucita cintu cili coonse, amusaangune kupaila akuyeeya njiisyo alimwi amilawo ya Leza. Muzintu zyoonse nzyomusala, amulibuzye kuti: ‘Ino milawo nzi naa ninjiisyo nzi zyamu Bbaibbele zijatikizyidwe mumakani aaya? Ino mbuti mbondikonzya kuzitobela? Ncinzi ncondeelede kusala kucita kutegwa ndimukkomanisye Taata wakujulu?’ (Amubale Tusimpi 3:5, 6; Jakobo 1:5.) Lyoonse nomusala zyakucita kwiinda mukutobela milawo naa njiisyo zyamu Bbaibbele, muzumanana kuyiisya maano aanu. Lwiiyo oolo luyakumugwasya kuti mube bantu basimide alimwi akuzumanana kubikkila maano kuzintu zyakumuuya.\\n14. Kutegwa tukomene kumuuya, ninzala yabuti njotweelede kumvwa, pele ino ncinzi ncotweelede kucenjelela lyoonse?\\n14 Nokuba kuti tulakonzya kusima, tuleelede kuzumanana kukomena kumuuya. Kutegwa tukomene, tweelede kulya. Aboobo, Paulo wakaamba kuti: “Cakulya ciyumu ncabantu basimide.” Nzila iiyandika kapati iikonzya kumugwasya kuyumya lusyomo lwanu nkuzumanana kulya zyakulya ziyumu zyakumuuya. Mpoonya mulakonzya kutondezya kuti muli basongo kwiinda mukuzibelesya nzyomwiiya, alimwi Bbaibbele lyaamba kuti: “Busongo ncintu ciyandika kapati.” Aboobo, tweelede kuba anzala yakasimpe ikayandika kapati nkatupa Taateesu wakujulu. (Tusimpi 4:5-7; 1 Petro 2:2) Kulubazu lumwi, nokuba kuti tulakonzya kuba aluzyibo alimwi abusongo buzwa kuli Leza, tatweelede kulisumpula pe. Ciindi aciindi tweelede kulilingula kutegwa tutalekeli kulisumpula naa kampenda kali koonse kunjila mumyoyo yesu alimwi akutalika kukomena mulinjiyo. Paulo wakalemba kuti: “Amuzumanane kulisunka kutegwa mubone naa muli mulusyomo; amuzumanane kulilingula kutegwa mubone bwini mbomubede.”—2 Bakorinto 13:5.\\n15. Nkaambo nzi luyando ncoluyandika mumakani aakukomena kumuuya?\\n15 Mulimo wakuyaka ŋanda ulakonzya kumana, pele mulimo wakwiibamba ulazumanana. Kuyandika kwiibambulula, alimwi kweelana abukkale inga kwayandika kuti mwiikomezye. Ino ncinzi ncotweelede kucita kutegwa tusime akuzumanana kubikkila maano kuzintu zyakumuuya? Iciyandika kapati nduyando. Tweelede kuzumanana kukomena muluyando ndotujisi kuli Jehova akubasyomima. Ikuti katutajisi luyando, luzyibo amilimo yesu yoonse zilakonzya kuba zyabuyo mbubonya buyo mbuli cibulo cisabila. (1 Bakorinto 13:1-3) Pele ikuti katujisi luyando, tulakonzya kuba Banakristo basimide akuzumanana kukomena kumuuya.\\nAMUZUMANANE KUYEEYA BULANGIZI MBWAPA JEHOVA\\n16. Nkuyeeya kuli buti nkwakulwaizya Saatani, alimwi ino ncinzi Jehova ncaatupa kutegwa tulikwalibile?\\n16 Atulange-lange acimbi ciyandika mumulimo wakuyaka ngomujisi. Kutegwa muliyake nobeni akuba sikwiiya mwini-mwini wa Kristo, mweelede kukwabilila mizeezo yanu. Saatani, imuleli wanyika eeyi, ulicibwene kucenga bantu akubapa kuba amizeezo iitaluzi, iityompya, yakudooneka alimwi akubula bulangizi. (Baefeso 2:2) Mizeezo iili boobu mibi nkaambo ilakonzya kunyonyoona Munakristo mbubonya nkalaye mboinyonyoona masenke. Pele, icikulwaizya ncakuti Jehova watupa cintu ciyandika kapati icikonzya kutukwabilila, eeci cintu, mbulangizi.\\n17. Ino Jwi lya Leza litondezya buti kuti bulangizi bulayandika?\\n17 Bbaibbele litwaambila zilwanyo ziindene-indene zyakumuuya nzyotweelede kusama munkondo njotulwana Saatani alimwi anyika yakwe. Akati kazilwanyo ziyandika kapati nzyotweelede kusama kuli cimpoompo, nkokuti “bulangizi bwalufwutuko.” (1 Batesalonika 5:8) Lyansiku, sikalumamba umwi aumwi wakalizyi kuti takonzyi kutola ciindi cilamfwu munkondo, ulakonzya kujaigwa ikuti katasamide cimpoompo. Cimpoompo cakali kupangwa alubulo naa cipaya kutegwa mivwi iifuswa kumutwe kiitobola. Mbubonya cimpoompo mbocikwabilila mutwe, bulangizi bulakonzya kukwabilila mizeezo yanu naa mbomuyeeya.\\n18, 19. Ncikozyanyo nzi ncaakatusiila Jesu cakuzumanana kuba abulangizi, alimwi ino mbuti mbotukonzya kumwiiya?\\n18 Jesu wakatusiila cikozyanyo cibotu kapati cijatikizya mbotukonzya kuzumanana kuba abulangizi. Kamuyeeya buyo mbwaakaliyumya mumapenzi aakamucitikila imasiku mubuzuba bwamamanino kali anyika. Mweenzinyina wakamwaaba akaambo kakuyanda mali. Umwi wakamukaka akwaamba kuti tamuzyi. Ibamwi bakamumwaika akutija. Bantu bamucisi cakwe bakamukaka akwaamba kuti basikalumamba bana Roma bamujaye aacisamu cakupenzyezya. Cakutadooneka, tulakonzya kwaamba kuti kunyina muntu akati kesu uuyakusikilwa masunko mapati mbuli yaayo aakamusikila Jesu. Ino ncinzi cakamugwasya kuliyumya? Lugwalo lwa Bahebrayo 12:2 lwaamba kuti: “Nkaambo akaambo kalukkomano ndwaakabikkilidwe kumbele wakaliyumya acisamu cakupenzyezya, wakaubaula kuusyigwa nsoni, alimwi lino ulikkede kujanza lyalulyo lyacuuno cabwami ca Leza.” Jesu kunyina naakaleka kuyeeya “lukkomano ndwaakabikkilidwe kumbele.”\\n19 Ino ndukkomano nzi ndwaakabikkilwa kumbele Jesu? Wakalizyi kuti kwiinda mukuliyumya, wakali kukonzya kupa kuti lisalazyigwe zina lya Jehova lisetekene. Wakali kukonzya kupa bumboni buyandika kapati ibutondezya kuti Saatani mubeji. Kunyina bulangizi bumbi ibwakali kukonzya kumukkomanisya kapati Jesu kwiinda boobu! Kunze lyaboobo wakalizyi kuti, Jehova wakali kuyoomulumbula akaambo kakusyomeka kwakwe, kuti muciindi cisyoonto buyo wakali kuyookkomana kapati kuba antoomwe alimwi a Bausyi kujulu. Mumapenzi oonse aakamucitikila, Jesu wakazumanana kuyeeya bulangizi oobu bukkomanisya. Andiswe mbotweelede kucita oobo. Mbubonya mbuli Jesu, andiswe tulijisi lukkomano ndotwakabikkilwa kumbele. Jehova wamulemeka umwi aumwi wesu kwiinda mukumupa coolwe cakusalazya zina lyakwe lilemekwa. Tulakonzya kutondezya kuti Saatani mubeji kwiinda mukusala Jehova kuti ngo Mwami wesu Mupati akuzumanana kukkala cakuliiba muluyando lwa Taateesu wakujulu kunyina makani amapenzi alimwi amasunko aakonzya kutusikila.\\n20. Ncinzi cikonzya kumugwasya kuzumanana kuba amizeezo mibotu alimwi abulangizi?\\n20 Jehova ulilibambilide alimwi uliyandide kapati kubapa bulumbu babelesi bakwe basyomeka. (Isaya 30:18; amubale Malaki 3:10.) Ulakukkomanina kupa babelesi bakwe zintu zibotu nzyobayanda mumyoyo yabo. (Intembauzyo 37:4) Aboobo, amuzumanane kuyeeya bulangizi mbomujisi kumbele. Mutaizumini mizeezo iitali kabotu, iityompya alimwi iitaluleme eeyo iili munyika ya Saatani iimanide. Ikuti naa mwabona kuti muuya wanyika watalika kumunjila, amupaile camoyo woonse kuli Jehova kutegwa mube “[a]luumuno lwa Leza oolo lwiinda maano oonse.” Luumuno oolo ndwapa Leza luyakukwabilila myoyo amizeezo yanu.—Bafilipi 4:6, 7.\\n21, 22. (a) Mbulangizi nzi bubotu mbobajisi iba “nkamu mpati”? (b) Ino makani nzi aajatikizya bulangizi bwa Bunakristo aamukkomanisya kapati, alimwi ino mujisi makanze nzi?\\n21 Amuyeeye buyo bulangizi butaliboteli mbomujisi! Ikuti naa muli ba “nkamu mpati” iiyakuzwa “mumapenzi mapati,” amuyeeye buyo buumi mbomutiitalike kupona ino-ino. (Ciyubunuzyo 7:9, 14) Saatani amadaimona aakwe baakujaigwa muyakukatalukwa, munzila njomutakonzyi akuyeeyela lino. Inzya, ino nguni akati kesu uukonzya kwaamba kuti tacizyi mbocili ciyumu kulwana mapenzi aaboola akaambo kamuuya mubi wa Saatani? Masimpe, aakwiinda mapenzi aaya oonse tuyakukkomana ikusololelwa a Jesu abasikulelanyina bakujulu ibali 144,000 mumulimo wakusandula nyika eeyi kuba paradaiso. Eelo kaka cilakkomanisya ikuzyiba kuti malwazi oonse alimwi azicisa ziyakumana, tuyakubatambula bayandwa besu bakafwa alimwi tuyakupona buumi buli kabotu kweelana amakanze ngaakajisi Leza kumatalikilo! Twaakulondoka tuyakutambula bulumbu bupati kapati, ibulumbu mbotusyomezyedwe kulugwalo lwa Baroma 8:21 ibwakuba “alwaanguluko lwabulemu bwabana ba Leza.”\\n22 Jehova uyanda kuti mube alwaanguluko lwini-lwini ndomutakonzyi akuyeeyela. Kumumvwida nenzila iitola kulwaanguluko oolo. Sena inga tiicainda kubota kuti kamusoleka canguzu kumumvwida Jehova buzuba abuzuba kutegwa mukajane lwaanguluko oolo? Aboobo, amuzumanane kuliyaka nobeni aantalisyo yalusyomo lwanu lusalalisya kutegwa muzumanane kukkala muluyando lwa Leza mane kukabe kutamani!\\n^ munc. 12 Basayaansi baamba kuti mbotuyaabukomena tulaakuba aluzyibo ilutugwasya kuzyiba mbozibambidwe ambozibelesyegwa zizo zyamubili wesu. Mucikozyanyo, iluzyibo oolu lupa kuti tucikonzye kukamba katufwunyide. Mukaintu umwi naakacisidwe, wakali kwaalilwa kwiimikila, kweenda akukkala akaambo kakuti wakaluba mbozibelesyegwa zizo zyakwe.\\nTulakonzya kukulwaizyigwa kapati azikozyanyo zinji zyalusyomo, izyakaindi alimwi azyamazuba aano. Mbuti mbomukonzya kuzumanana kuluyumya lusyomo lwanu?\\nCIBALO 1 “Eeci Ncencico Ncolwaamba Luyando lwa Leza”\\nCIBALO 2 Mbuti Mbomukonzya Kuzumanana Kuba Amanjezyeezya Mabotu?\\nCIBALO 3 Amubayande Aabo Leza Mbayanda\\nCIBALO 4 Nkaambo nzi Ncotweelede Kubulemeka Bweendelezi?\\nCIBALO 5 Mbomukonzya Kuzumanana Kulyaandaanya Kunyika\\nCIBALO 6 Mbomukonzya Kusala Zyakulikondelezya Zibotu\\nCIBALO 7 Sena Buumi Mububona Mbwabubona Leza?\\nCIBALO 8 Leza Uyanda Bantu Basalala\\nCIBALO 9 “Amubutije Bwaamu!”\\nCIBALO 10 Cikwati​—Ncipego Kuzwa Kuli Leza Siluyando\\nCIBALO 11 “Cikwati Acilemekwe”\\nCIBALO 12 Amwaambe “Jwi Lili Kabotu Kukuyaka Bamwi”\\nCIBALO 13 Mapobwe Aatamukkomanisyi Leza\\nCIBALO 14 Amusyomeke Muzintu Zyoonse\\nCIBALO 15 Amwiikkomanine Milimo Njomubeleka Canguzu\\nCIBALO 16 Amumukazye Diabolosi Abucenjezu Bwakwe\\nCIBALO 17 “Amuliyake Nobeni Aantalisyo Yalusyomo Lwanu Lusalalisya”\\nMAKANI AAYUNGIZYIDWE Mbotweelede Kumucita Muntu Uugusyidwe Mumbungano\\nMAKANI AAYUNGIZYIDWE Ndilili Nokuyandika Kusama Citambala Alimwi Nkaambo Nzi?\\nMAKANI AAYUNGIZYIDWE Kusuluta Ndembela, Kuvwoota Alimwi Amilimo Iitali Yabusikalumamba\\nMAKANI AAYUNGIZYIDWE Tubeela Twabulowa Alimwi Anzila Zyakwaandulwa\\nMAKANI AAYUNGIZYIDWE Mbomukonzya Kuleka Cilengwa Cakulyoomba\\nMAKANI AAYUNGIZYIDWE Ncolyaamba Bbaibbele Kujatikizya Kwaandaana Alimwi Akulekana\\nMAKANI AAYUNGIZYIDWE Kumana Mazwanga Mumakani Aajatikizya Makwebo\\nMabala Amusale naa muyanda kukkopa zyakamwaigwa ‘Amuzumanane Kukkala Muluyando lwa Leza’\\nNobakubusi—Ino Ncinzi Ncomuyoocita Mubuumi Bwanu?","num_words":2524,"character_repetition_ratio":0.057,"word_repetition_ratio":0.0,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Caamba nzi Amagidoni? Print\\nCaamba nzi Amagidoni?\\n“Amagidoni” . . .Ibbala lini eeli mazubaano lyakatusikila mpoliiminina NKONDO IIMAANIZYA NKONDO ZYOONSE, kupyopyongana kumaninide, akumwaya cili coonse. Amagidoni, nokuba boobo, ncintu cipati kwiinda buyo nkondo yomwe, nokuba nkondo iitandila myaka ili ciloba kumamanino aciindi, eeyo yakulwanya zintu zinyebulula cili coonse cikonzya kupya.\\nIbbala lya “Amagidoni” lizyila mu Bbaibbele, aboobo Bbaibbele ndelyeelede kutwaambila ncolyaamba bbala eeli. Mangwalo ayubununa kuti ibbala lya “Amagidoni” lijatikizya kulwana kuli koonse mumulengalenga oonse akataa Mulengi a sinkondonyina , Lusifa. Ibbalya eeli muci Hebulayo liiminina kuti eeyi nkondo ilwaninwa mumizeezo yabantu; ninkondo iilwaninwa yooyo webo ngokomba.\\n“Alimwi wakababunganya antoomwe mubusena bwiitwa kuti mumulaka waci Hebulayo Amagidoni.” (Ciyubunuzyo 16:16)\\nAmagidoni ndibbala lizyila kumabala obile aaci Hebulayo: har (H2022) mo'ed (H41501).\\nHar caamba buyo kuti “mulundu”. Mu Mangwalo, malundu nzitondezyo zya mfulumende naa malelo. (amulange Daniele 2:34-35, 44-45.) Mo'ed(mo'edim) ndibbala libelesygwa kanjikanji mu Mangwalo oonse mukwaamba ziindi zibikkidwe ambali zya kukombya antoomwe mbuli mbunga yabaluleme. Aboobo, Amagidoni, har mo'ed, caambaMulundu wa Ziindi Zyoonse Zibikkidwe ambali zyaku Kukombya.-- Buzuba bwa Mwezi Mupya, Nsabata yabuzuba bwa Ciloba, Pasika, Pobwe lya Cinkwa Citakwe Bumena, Kuzumbaanya Musunta waMaila, Pentekkositi, Pobwe lya Myeembo, Buzuba bwa Kunununa, Pobwe lya Mavwuka\\nMulengi wa Julu a Nyika ulabikkila maanu kuciindi ncotukomba. Wakabikka nzila yakubamba ciindi akwaandaanya mazuba aakukomba. Yahuwah wakalailila kuti:\\n“Akube mimuni mu . . .wajulu kuti yaandaanye buzuba kuzwa kubusiku; alimwi ayibe zitondezyo zya zibeela zyamwaka [mo'edim, ciindi ca kukomba], amazuba, amyaka.” (Matalikilo 1:14)\\n“Wakabikka mwezi kuti utondezye ziindi [mo'edim].” (Intembauzyo 104:19)\\nMuusa wakalaililwa kuti:\\n“Ambile bana ba Isilayeli malailile aajatikizya mapobwe [mo'edim] aakusekelela Mwami Yahuwah ciindi Baisilayeli nobeelede kuswaangana kukomba[mumbunga zisetekene], aaya ngamapobwe [mo'edim] Aangu. Mulijisi mazuba aali cisambomwe aakumana milimo yanu: pele mweelede kubamba buzuba bwa ciloba kuti ni Nsabata yakulyookezya, buzuba busetekene kumbunga. Mubuzuba oobo tamweelede kubeleka pe, pele buyo kuti muswaangane akukomba. Buzuba bwa Nsabata mbubwa Mwami Yahuwah, taakwe makani naa nkuli nkobede. Amwaambilizye mapobwe [mo'edim] aaya ookwa Yahuwah muziindi zyeelede.” (Bapaizi 23:2-4)\\nNkondo mpati eeyo iitaaluka zyuulu zyamyaka ili akataa Mulengi wazintu zyoonse a Lusifa njakulwanina yooyo weelede kukombwa. Yakatalikila kujulu eelyo Lusifa naakalidunda kuti uyoobba bukombi bwakeelede kupegwa Mulengi alikke.\\n“Mbubuti mbookawa kuzwa Kujulu, O Lusifa, mwana wakubucedo! Mbuti mbookagonkwa kusikila ansi, Webo ookaubausya masi oonse! Nkaambo wakati mumoyo wako: Ime njootanta kujulu, Ime njolisumpula acuuno cangu ataalaa nyenyezi zyokwa El; Ime njookkala ataala mulundu wambunga [har mo'ed] Kumabali aaKunyika; Ime njootanta atalaa makumbi, Ime njooba mbuli Ulaatala Mupati.'” (Izaya 14:12-14)\\nInkondo icaalizya ya Amagidoni, mbuli mbwiili Nkondo ndamfu ya Amagidoni, ilwaninwa amakanaa kukomba. Kulwana ooku nkupati kapati kwiinda nkondo ili yoonse ilwaninwa anyika. Ilasikila kumuntu uli oonse uupona anyika muciindi camamanino. Lusifa wakali kuyanda kubba bukombi bweelede kupegwa Singuzuzyoonse alikke, Mulengi. Daniele 7:25 ulayubununa mbwaakacita cintu eeci:\\n“Uyoosampaula Ulaatala Mupati, uyoopenzya baluleme bokwa Singuzuzyoonse, alimwi uyoosoleka kupindula kkalenda amapobwe.” (Knox Transalation)\\nIkkalenda litobezya mwezi azuba eelyo lyakabambwa ku Malengelo libelesya zuba kupima mazuba amyaka … amwezi kupima myezi. Mwezi amvwiki antoomwe zilainduluka kutalika kubucedo butobela kwiimpana kwamwezi azuba. Mpoonya mazuba aali cisambomwe a Nsabata yabuzuba bwa ciloba alatobela buzuba bwa Mwezi Mupya kusikila kumamanino aamvwiki eeyo.\\nLusifa wakabba bukombi bweelede Mulengi kwiinda mukubikka kkalenda litobezya zuba lilaa mvwiki zitobelana kakunyina kuyozya. Nyika yoonse iliswaangene kubelesya kkalenda lina Gregory litobezya zuba lilikke mukujana mazuba aakukomba, muli Bwasanu, Mujibelo, nokuba mu Nsondo.\\nOobo buzuba webo nokomba, bujanwa mukkalenda ndyobelesya, nceciyubununa kuti naa ukomba Mulengi naa sinkondonyina. Buzuba oobo nokomba nkokupa bulemu kuli Yooyo kufumbwa ngokomba nokuba umwi.\\nEeyi nje Nkondo ya Amagidoni, nkondo icaalizya amakani aakukomba. Nyika yoonse iyoosala lubazu lwakwiimina. Boonse babelesya kkalenda lyakukomba mituni litobezya zuba lilikke eelyo ndyaakabamba Lusifa kwiinda mumutumwa wakwe anyika, Poopo Gregory XIII, isolweda nyika kukomba Lusifa. Boonse bayandisya ncobeni kulemeka Sikabumba wabo bayoobelesya kkalenda Lyakwe lyamyezi iitalikila mwaka muciindi lisyuuka masamu. Ooku nkokutondezya kutobela akulemekezya Mulengi: kukomba mubuzuba Bwakwe mbwaakabikka ambali.\\nNjili nzila webo njotitobele? Nguni webo ngoyanda kukomba? Nduli lubazu lwa Nkondo ya Amagidoni webo ndoyanda kwiimina? Amagidoni wasika lino!","num_words":617,"character_repetition_ratio":0.045,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mwami Ahabu a Mwami Mukaintu Jezebeli—Kucita Cibi Kupa Kusubulwa | Ziiyo Zyabana Zyamu Bbaibbele\\nKuti kali awindo lyaŋanda yakwe mu Jezreeli, Mwami Ahabu wakali kukonzya kuubona muunda wamwaalumi wazina lya Naboti. Ahabu wakali kuuyanda muunda ooyu, alimwi wakasola kuti awuule kuli Naboti. Pele Naboti wakakaka kumusambalila muunda ooyu Ahabu nkaambo eeci tiicakali kuzumizyigwa a Mulawo wa Jehova kusambala nyika yacikono. Sena Ahabu wakamukkomanina Naboti akaambo kakucita cintu ciluzi? Peepe. Ahabu wakanyema kapati. Wakanyema kapati cakuti wakaalilwa kuzwa muŋanda yakwe, alimwi wakatakata kulya.\\nMukaintu mubi wa Ahabu, Jezebeli, wakamwaambila kuti: ‘Yebo uli mwami wa Israyeli. Ulakonzya kucita kufwumbwa ncoyanda. Ndiyookubwezela muunda uulya kutegwa ube wako.’ Wakalemba magwalo kubaalu bamumunzi akubaambila kuti bamubejelezye Naboti kuti watukila Leza akuti bamufwuse mabwe kutegwa afwe. Baalu bakacita mbubwenya mbwaakabaambila Jezebeli, mpoonya Jezebeli wakaambila Ahabu kuti: ‘Naboti wafwa! Lino Muunda waba wako.’\\nNaboti tanaakali ngomuntu alikke iwakajaigwa a Jezebeli kakunyina kaambo. Wakajaya bantu banji ibakali kumuyanda Jehova. Wakali kukomba baleza bakubeja alimwi wakacita zintu azimwi zibi. Jehova wakazibona zintu zibi zyoonse nzyaakacita Jezebeli. Aboobo sena wakamulanga buyo?\\nNaakafwa Ahabu, mwanaakwe Jehoramu wakaba mwami. Jehova wakatuma mwaalumi wazina lya Jehu kutegwa asubule Jezebeli alimwi amukwasyi wakwe.\\nJehu wakatanta nkalaki yakwe akuunka ku Jezreeli, ooko Jezebeli nkwaakali kukkala. Jehoramu wakaboola katantide nkalaki yakwe kutegwa baswaangane a Jehu mpoonya wakamubuzya kuti: ‘Sena kuli luumuno akati kesu?’ Jehu wakati: ‘Kunyina nokunga kwaba luumuno kufwumbwa kuti banyoko, ba Jezebeli kabacizumanana kucita zintu zibi.’ Jehoramu wakali kuyanda kunyona nkalaki yakwe kutegwa atije. Pele Jehu wakayasa Jehoramu asumo, kumane wakafwa.\\nMpoonya Jehu wakaunka kuŋanda yamwami Jezebeli. Naakamvwa kuti ulaboola, Jezebeli wakalipenta-penta akubamba masusu aakwe, mpoonya wakalindila muŋanda yamujulu awindo. Ciindi Jehu naakasika, wakamwaanzya cabukali. Jehu wakoompolola kubabelesi ba Jezebeli ibakali afwaafwi anguwe kuti: ‘Amumusowele ansi!’ Bakamutonkela awindo Jezebeli, mpoonya wakawida aansi akufwa.\\nNozyakamana kucitika zintu eezyi, Jehu wakajaya bana ba Ahabu ibali 70 akugwisya bukombi bwa Baala mucisi coonse. Sena wabona kuti Jehova ulizizyi zyoonse zicitika akuti aciindi ceelede ulabasubula bantu ibacita zintu zibi?\\n“Lukono ilusaanguna kujanwa cabusyaacivwulemwangu kumamanino talukabi cileleko pe.”—Tusimpi 20:21\\nMibuzyo: Ncinzi Jezebeli ncaakacita kutegwa abweze muunda wa Naboti? Nkaambo nzi Jehova ncaakamusubwida Jezebeli?\\n1 Bami 21:1-29; 2 Bami 9:1–10:30\\nNkaambo Nzi Leza Ncalekelede Balaanguzu Kudyaaminina Batajisi Nguzu?\\nBbaibbele lilaamba ncacita Leza kujatikizya kudyaaminina alimwi ancayoocita kumbele.","num_words":351,"character_repetition_ratio":0.053,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Makani aa Nowa Alimwi Azambangulwe Akacitika Ncobeni?\\nAMUBALE MU Afrikaans Albanian Amharic Arabic Armenian Azerbaijani Bislama Brazilian Sign Language Catalan Cebuano Chichewa Chin (Hakha) Chinese (Traditional) Chinese Mandarin (Simplified) Chitonga Cibemba Croatian Czech Danish Dutch English Estonian Fijian Finnish Fon French Georgian German Greek Gun Hebrew Hiligaynon Hungarian Iloko Indonesian Italian Japanese Kinyarwanda Kirghiz Kiribati Korean Lithuanian Malagasy Malay Malayalam Myanmar Ndebele (Zimbabwe) Nepali Norwegian Nzema Persian Polish Portuguese Quechua (Cuzco) Romanian Russian Sango Serbian (Cyrillic) Serbian (Roman) Seychelles Creole Shona Sidama Sinhala Slovak Slovenian Spanish Sunda Swahili Swedish Tagalog Tatar Telugu Thai Tigrinya Turkish Twi Ukrainian Valencian Welsh Yoruba\\nZambangulwe lyakacitika ncobeni. Leza wakapa kuti kube zambangulwe kutegwa anyonyoone bantu babyaabi, pele wakaambila Nowa kuti apange bwato kutegwa afwutule bantu bakali kucita zibotu alimwi abanyama. (Matalikilo 6:11-20) Tulasyoma kuti Zambangulwe lyakacitika ncobeni akaambo kakuti makani aaya nkwaali mu Magwalo alo ‘aakasololelwa a Leza.’—2 Timoteyo 3:16.\\nSena makani aamasimpe naa ncaano buyo?\\nIno Zambangulwe lyakacitikila nzi?\\nSena bantu bakalizyi kuti kuyooba Zambangulwe?\\nIno bwato bwa Nowa bwakali kulibonya buti?\\nIno cakamutolela ciindi cilamfwu buti Nowa kupanga bwato?\\nZyaano zijatikizya zambangulwe\\nBbaibbele lyaamba kuti Nowa wakaliko ncobeni akuti Zambangulwe lyakacitika ncobeni. Eeci tacili caano buyo naa makani aakubeja.\\nBasikulemba Bbaibbele bakalizyi kuti Nowa wakaliko ncobeni. Mucikozyanyo, sikulemba Bbaibbele Ezara a Luka bakavwuntauzya ncobeni akulemba makani aaluzi. Aboobo ikuti bakamulemba Nowa mumulongo wabana Israyeli, kweelede kuti wakaliko ncobeni. (1 Makani 1:4; Luka 3:36) Sikulemba Makani Mabotu Matayo alimwi a Luka bakalemba nzyaakaamba Jesu kujatikizya Nowa azambangulwe.—Matayo 24:37-39; Luka 17:26, 27.\\nKunze lyaboobo, musinsimi Ezekieli amwaapostolo Paulo bakaamba Nowa kuti wakali cikozyanyo camuntu ulaalusyomo abululami. (Ezekieli 14:14, 20; Bahebrayo 11:7) Sena inga caba camaano kubalembi aaba kwaamba muntu watakaliko kuti ncikozyanyo ncotweelede kutobela? Anu cilasalala kuti, tulakonzya kutobela cikozyanyo ca Nowa abantu bamwi bakali kusyomeka akaambo kakuti bakaliko ncobeni.—Bahebrayo 12:1; Jakobo 5:17.\\nBbaibbele lilaamba twaambo tugaminide tujatikizya Zambangulwe. Ciindi Bbaibbele nolyaamba makani aa Zambangulwe, talisaanguni kwaamba kuti “Mukaaninga,” mbuli kuti ncaano. Muciindi caboobo, Bbaibbele lilaamba mwaka, mwezi, abuzuba makani aamwi aajatikizya Zambangulwe naakali kucitika. (Matalikilo 7:11; 8:4, 13, 14) Kuyungizya waawo, lilaamba mbobwakali bupati bwato mbwaakapanga Nowa. (Matalikilo 6:15) Aboobo kweelana amakani aaya, cilisalede kuti Bbaibbele lyaamba kuti Zambangulwe lyakacitika ncobeni, tacili caano buyo pe.\\nBbaibbele lyaamba kuti kalitanacitika Zambangulwe, ‘bubi bwabantu bwakalivwulide anyika.’ (Matalikilo 6:5) Alimwi lilazumanana kwaamba kuti “nyika yakabija mumeso aa Leza mwini-mwini” nkaambo yakazwide nkondo abwaamu.—Matalikilo 6:11; Juda 6, 7.\\nKujatikizya bubi oobu, Bbaibbele lyaamba kuti bwakatalisyigwa abangelo babyaabi ibakaboola kuzwa kujulu akuzookwata. Bangelo aaba bakazyala bana bakali kwiitwa kuti ma Nefilimu, balo bakaleta bubi butaambiki anyika. (Matalikilo 6:1, 2, 4) Aboobo Leza wakayanda kubugusya bubi anyika kutegwa kusyaale buyo bantu bakali kucita zibotu.—Matalikilo 6:6, 7, 17.\\nInzya. Leza wakaambila Nowa ciyakucitika alimwi akumulailila kupanga bwato kutegwa afwutule mukwasyi wakwe abanyama. (Matalikilo 6:13, 14; 7:1-4) Nowa wakabacenjezya bantu kujatikizya lunyonyooko lwakali kumbele, pele tiibakabikkila maano pe. (2 Petro 2:5) Bbaibbele lyaamba kuti: “Tiibakabikkila maano kusikila mane Zambangulwe lyakaboola akubatola boonse.”—Matayo 24:37-39.\\nBwato bwakali kulampa mamita aali 133 mubulamfwu, mamita aali 22 mubwamba, mpoonya mamita aali 13 kuya mujulu. * Bwakapangwa kubelesya zisamu zyagofa alimwi bwakasyinguludwe ataala mukati akunze. Bwakajisi twaandaanda tunji mpoonya amasiteya otatwe. Kumbali bwakajisi mulyango, mpoonya atala kwakali windo. Alimwi kulalangilwa kuti ciluli cakali cilamfwu mpocili akati mpoonya mumbali cakali ansaansi kutegwa meenda kaakunka.—Matalikilo 6:14-16.\\nBbaibbele talyaambi naa cakamutolela ciindi cilamfwu buti Nowa kupanga bwato, pele kulibonya kuti cakatola myaka minji kapati. Nowa wakajisi myaka iinda ku 500 ciindi mwanaakwe wakusaanguna naakazyalwa, mpoonya ciindi Zambangulwe nolyakaboola wakajisi myaka iili 600. *—Matalikilo 5:32; 7:6.\\nCiindi Leza naakaambila Nowa kupanga bwato, bana bakwe bakalikwete kale, calo andiza icakatola myaka iili 50 naa 60. (Matalikilo 6:14, 18) Ikuti naa mbocakabede oobo, nkokuti cililuzi kwaamba kuti bwato bwakatola myaka iili 40 naa 50 kupangwa.\\nKuli makani manji aajatikizya zambangulwe munyika, pele nokuba kuti aliindene ayaayo aajanika mu Bbaibbele, imanji ajisi zibeela zikozyenye azyeezyo zyaambidwe mu Bbaibbele. Baluzubo lwa Nowa nobakamwaika munyika, kulibonya kuti bakali kuluula makani aajatikizya Zambangulwe. Mukuya kwaciindi, makani aaya akanyongana. Mucikozyanyo:\\nCaano caba Giriki: Mwaalumi amukaintu ibakafwutuka lyazambangulwe bakaambilwa kuti bazyale akuzuzya nyika kwiinda mukufwusa mabwe kusyule lyabo. Mpoonya mabwe aayo akasanduka akuba bantu, nkokuti bamaalumi abamakaintu.\\nCaano caba Hindu: Inswi yakaambila muntu umwi kuti kuyooba zambangulwe liyakunyonyoona bantu. Inswi eeyo yakamulailila kupanga bwato. Mwaalumi ooyo wakafwutuka akaambo kakuti inswi yakasololela bwato.\\nCaano cabana Babuloni: Mwaalumi amukaintu ibakafwutuka lyazambangulwe bakapegwa coolwe cakutafwa alimwi akuba baleza.\\nCaano caku Central America: Mwaalumi, mukaintu abana babo bakafwutuka lyazambangulwe, pele bantu boonse bakasyaala bakasanduka kuba nswi.\\n^ munc. 21 Bbaibbele lyaamba mbobwakali bulamfwu bwato kubelesya tukokola. Kweelana ambobakali kupima Bahebrayo, kakokola komwe kalampa masentimita aali 44.45.—Bbuku litegwa The Illustrated Bible Dictionary, Revised Edition, Part 3, peeji 1635.\\n^ munc. 23 Kujatikizya myaka njobakali kupona bantu mbuli Nowa, amubone cibalo cakuti, “Did People in Bible Times Really Live So Long?” mu Ngazi Yamulindizi yamu Cingisi yamu December 1, 2010.\\nBbaibbele Mibuzyo Yamu Bbaibbele Yaingulwa Mboliluzi Bbaibbele Mumakani Aakaindi Makani Aakaindi a Bbaibbele\\nIkuti naa Bbaibbele lyakalembwa a Leza, lyeelede kwiindana amabbuku aambi.\\nSena Kuli Uukonzya Kumuzyiba Mwini Wakalemba Bbaibbele?","num_words":754,"character_repetition_ratio":0.073,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani aamu Bbaibbele: Mwami wa Isilayeli Mutaanzi Kusikila Mubuzike mu Bbabbuloni - Kkeyala yaa Intaneti ya Bakamboni ba Jehova\\nSaulu wakaba mwami mutaanzi wa Isilayeli. Pele Jehova wakamukaka, aboobo Davida wakasalwa kuba mwami mubusena bwakwe. Tulajana zintu zinji zyaamba Davida. Kali mukubusi wakalwana a Golyati bbumbwabuuka. Kumane wakaccija ku Mwami Saulu simunyono. Eelyo Abigayeli mukaintu mubotu wakamukasya kucita zintu zyabufwubafwuba.\\nCabili, tulaiya zintu zinji zyaamba Solomoni mwana wa Davida, iwakanjila mubusena bwa Davida akuba mwami wa Isilayeli. Bami bataanzi botatwe ba Isilayeli, aumwi wakalela kwamyaka iili 40. Naakafwa Solomoni, Isilayeli wakaba muzibeela zyobilo, kwakali bwami bwakunyika abwakumusanza.\\nImisyobo iili 10 yabwami bwakunyika yakakkala kwamyaka iili 257 kaitana nyonyoonwa abana Siliya. Kwiinde myaka iili 133, misyobo yobilo yabwami bwakumusanza yakanyonyoonwa ayalo. Aciindi aawa bana Isilayeli bakatolwa mubuzike ku Bbabbuloni. Aboobo Cibeela CANE caamba zintu zyakacitika mumyaka iili 510, iciindi zintu zinji zikkomanisya nizyakacitika.","num_words":133,"character_repetition_ratio":0.078,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Leza, Ngusinguzuzyoonse Pele Ulabikkila Maano | Yakwiiya\\nNgazi Yamulindizi—Yakwiiya | September 2018\\nNgusinguzuzyoonse Pele Ulabikkila Maano\\n“[Jehova] ulizyi kabotu mbotupangidwe, ulaibaluka kuti tuli bulongo buyo.”—INT. 103:14.\\nNCINZI NCOTWIIYA KUKUBIKKILA MAANO KWA JEHOVA KUJATIKIZYA . . .\\nmbwaakagwasya mulombe Samuele?\\nmbwaakatuma Musa kuti asololele bana Israyeli?\\nmbwaakasololela bana Israyeli kuzwa ku Egepita alimwi akuzabuka Lwizi Lusalala?\\n1, 2. (a) Mukwiimpana abantu balaanguzu, mbuti Jehova mbwabeendelezya bantu? (b) Ncinzi ncotutiilange-lange mucibalo eeci?\\nKANJI-KANJI bantu ibajisi nguzu alimwi ibalaampuwo “balabadyaaminina” bamwi, nokuba kubeendelezya buya. (Mt. 20:25; Muk. 8:9) Eelo kaka baliindene kapati a Jehova! Nokuba kuti Ngusinguzuzyoonse, ulababikkila maano kapati bantu batalondokede. Ulaaluse alimwi ulabikkila maano kujatikizya mbotulimvwa alimwi anzyotuyandika. Mbwaanga “ulaibaluka kuti tuli bulongo buyo,” kunyina nalangila zinji kulindiswe.—Int. 103:13, 14.\\n2 Mu Bbaibbele muli zikozyanyo zinji zitondezya mbwababikkila maano Jehova babelesi bakwe. Atubikkile maano kuzikozyanyo zyotatwe. Cakusaanguna, tulabona Leza mbwaakamugwasya mulombe Samuele kutola mulumbe walubeta ku Mupaizi Mupati Eli; cabili, tulabona Jehova mbwaakamukkazikila moyo Musa ciindi naakalimvwa kuti inga tacikonzyi kubasololela bana Israyeli; mpoonya catatu, tulabona Leza mbwaakababikkila maano bana Israyeli ciindi nobakali kuzwa mu Egepita. Notulanga-langa zikozyanyo eezyi, atubikkile maano kubona ncozituyiisya kujatikizya Jehova alimwi akubona ziiyo nzyotukonzya kubelesya.\\nMULOMBE MBWAAKABIKKILWA MAANO\\n3. Ncintu nzi catakali kuyeeyelwa icakamucitikila Samuele busiku bumwi, alimwi ino eeci cipa kubuzya mubuzyo nzi? (Amubone cifwanikiso icili kumatalikilo aacibalo.)\\n3 Samuele wakatalika “kumubelekela Jehova” kutempele kacili muniini. (1Sam. 3:1) Busiku bumwi naakaunka kukoona Samuele, kwakacitika cintu catakali kuyeeyelwa. * (Amubale 1 Samuele 3:2-10.) Wakamvwa jwi ilyakali kumwiita. Kayeeya kuti Mupaizi Mupati Eli iwakali kumwiita, cakulibombya Samuele wakazuzila kuli Eli akwaamba kuti: “Ndime aano mwami, tee mulandiita.” Eli wakaamba kuti tanaakali nguwe iwakali kumwiita. Ciindi eeci nocakacitika alimwi kwaziindi zyobilo, Eli wakazyiba kuti ngu Leza iwakali kwiita Samuele. Aboobo Eli wakamwaambila mulombe Samuele mbwaakeelede kwiingula, aboobo wakaswiilila. Nkaambo nzi Jehova, kwiinda mumungelo wakwe ncaatakaliyubununa kuli Samuele ciindi cakusaanguna? Bbaibbele kunyina ncolitwaambila, pele kweelana ambwaakazicita zintu Jehova, citondezya kuti wakabikkila maano kujatikizya mbwaakali kulimvwa Samuele. Munzila nzi?\\n4, 5. (a) Ino Samuele wakacita buti kumulimo ngwaakamupa Leza, alimwi ino zintu zyakeenda buti buzuba bwakatobela? (b) Ino cibalo eeci cituyiisya nzi kujatikizya Jehova?\\n4 Amubale 1 Samuele 3:11-18. Mu Mulawo wa Jehova, bana bakali kulaililwa kuti kabalemeka bacembeede, ikapati silutwe. (Kul. 22:28; Lev. 19:32) Aboobo cilakatazya kweezyeezya kuti mulombe uucili muniini mbuli Samuele inga wabuka mafwumofwumo, kuunka kuli Eli akumwaambila cabusicamba mulumbe walubeta lwa Jehova uuyoosya. Ibbaibbele litwaambila kuti Samuele “wakaliyoowede kwaambila Eli kujatikizya cilengaano eeci.” Nokuba boobo, Leza wakacisalazya kuli Eli kuti wakali kwiita Samuele. Aboobo Eli wakaambila Samuele kuti aambe. Eli wakati: ‘Utandisisi noliba jwi lyomwe akati kamajwi oonse ngaakwaambila.’ Cakulibombya Samuele “wakaamba zyoonse nzyaakaambilwa.”\\n5 Mulumbe ngwaakaamba Samuele tiiwakamugambya Eli. Ulikozyenye amulumbe “muntu wa Leza” uutaambidwe zina ngwaakaambide kale kumupaizi mupati ooyu. (1Sam. 2: 27-36) Cibalo eeci icijatikizya Samuele a Eli citutondezya mbwabikkila maano alimwi ambwali musongo Jehova.\\n6. Nziiyo nzi nzyotukonzya kwiiya kujatikizya Leza mbwaakagwasya mulombe Samuele?\\n6 Sena mucili mukubusi? Kuti naa mbocibede oobo, cibalo cijatikizya mulombe Samuele citondezya kuti Jehova ulibuzyi buyumuyumu mbomujana alimwi ambolimvwa. Ambweni mulaansoni alimwi cilamuyumina kwaambila bapati mulumbe wa Bwami naa cilamuyumina kwiindana abeenzinyoko. Amube alusyomo lwakuti Jehova ulilibambilide kumugwasya. Aboobo amumwaambile zyoonse zili mumoyo wanu mumupailo. (Int. 62:8) Kamuziyeeya zikozyanyo zyamu Bbaibbele mbuli camulombe Samuele. Alimwi kamubandika a Banakristonyoko, tacikwe makani mbana naa mbapati, aabo ibakazunda buyumuyumu mbuli mbomujana. Cakutadooneka, balakonzya kumwaambila ziindi Jehova naakabagwasya, ambweni munzila njobatakali kuyeeyela.\\nMUSA MBWAAKABIKKILWA MAANO\\n7, 8. Mbuti Jehova mbwaakamubikkila maano Musa?\\n7 Ciindi Musa naakajisi myaka yakuzyalwa iili 80, Jehova wakamupa mulimo uukatazya kapati. Musa wakeelede kwaangununa bana Israyeli kuzwa mubuzike mu Egepita. (Kul. 3:10) Mbwaanga Musa wakabeleka kali mweembezi ku Midiyani myaka iili 40, kweelede kuti wakagambwa kupegwa mulimo ooyu. Wakaamba kuti: “Ino ndime ni kuti nduunke kuli Farao akuti ndikagwisye bana Israyeli mu Egepita.” Leza wakaambila Musa kuti: “Ndiyooba anduwe.” (Kul. 3:11, 12) Alimwi wakamusyomezya kuti: Baalu babana Israyeli “bayooswiilila jwi lyako.” Nokuba kuti Musa wakaambilwa cisyomezyo eeci, wakaingula kuti: ‘Ino kuti bakakake kuswiilila?’ (Kul. 3:18; 4:1) Munzila imwi, Musa wakali kukazya Leza. Pele Jehova wakazumanana kukkazika moyo. Mane buya wakamupa nguzu zyakucita maleele, alimwi ngowakaba muntu wakusaanguna kuba anguzu zili boobo.—Kul. 4:2-9, 21.\\n8 Musa wakazumanana kupa twaambo twakulitamizya, kaamba kuti takonzyi kwaambaula kabotu. Mukwiingula, Leza wakamwaambila kuti: “Ndinooli anduwe noambaula, alimwi ndiyookuyiisya nzyoyelede kwaamba.” Sena Musa wakazumina? Peepe, nkaambo cakulibombya wakalomba Leza kuti atume buyo muntu uumbi. Aboobo Jehova wakanyema. Pele tanaakaleka kumubikkila maano Musa, muciindi caboobo, wakasala Aroni kuba mwiiminizi wa Musa.—Kul. 4:10-16.\\n9. Mbuti luse akukkazika moyo kwa Jehova mbokwagwasya Musa kuba musololi mubotu?\\n9 Ino cibalo eeci cituyiisya nzi kujatikizya Jehova? Mbwali Leza Singuzuzyoonse, wakali kukonzya kumukonga Musa kutegwa azumine cakufwambaana. Muciindi caboobo, Jehova wakatondezya luse akukkazika moyo, wakacita oobo kwiinda mukusyomezya mubelesi wakwe uulicesya kuti wakali kuyoomugwasya. Sena nzila eeyi yakabeleka? Inzya! Musa wakaba musololi mubotu iwakasola kweendelezya bamwi calubomba mbubwenya Jehova mbwaakamweendelezya.—My. 12:3.\\nSena mulamwiiya Jehova ciindi nomweendelezya bamwi? (Amubone muncali 10)\\n10. Ino tugwasyigwa buti ciindi notubabikkila maano bamwi mbubwenya mbwacita Jehova?\\n10 Ziiyo nzyotukonzya kwiiya: Sena muli mulumi, muzyali, naa mwaalu mumbungano? Ikuti naa mbocibede oobo, nkokuti kuli nguzu nzyomujisi zyakweendelezya bamwi. Aboobo cilayandika kapati kulindinywe kumwiiya Jehova kwiinda mukuba bantu babikkila maano, basilubomba, alimwi ibakkazika moyo ciindi nomweendelezya baabo mbomulanganya! (Kol. 3:19-21; 1Pet. 5:1-3) Ciindi nomusola kumwiiya Jehova alimwi a Musa Mupati, Jesu Kristo, muyoopa kuti bantu kabaanguluka kubandika andinywe, alimwi muyoobakulwaizya. (Mt. 11:28, 29) Alimwi muyooba cikozyanyo cibotu kulimbabo.—Heb. 13:7.\\nMUFWUTULI SINGUZU PELE ULABIKKILA MAANO\\n11, 12. Ciindi Jehova naakali kusololela bana Israyeli kuzwa mu Egepita, mbuti mbwaakabapa kulimvwa kukwabililwa?\\n11 Ciindi bana Israyeli nobakazwa mu Egepita mu 1513 B.C.E., beelede kuti bakali kwiinda ku 3 miliyoni. Akati kabo kwakali bana, bapati, alimwi ambweni bamwi bakali kuciswa naa bakali balema. Kusololela bantu banji boobo kuti bazwe mu Egepita kwakali kuyandika Musololi uumvwisya alimwi uubikkila maano. Jehova, kwiinda muli Musa, wakacita oobo. Aboobo bana Israyeli bakalimvwa kuti balikwabilidwe ciindi nobakasiya munzi ulikke ngobakazyi.—Int. 78:52, 53.\\n12 Mbuti Jehova mbwaakapa kuti bantu bakwe balimvwe kukwabililwa? Cakusaanguna, wakabagwasya kweenda “kabotu-kabotu kuzwa mucisi ca Egepita mbuli nkamu zyabasikalumamba.” (Kul. 13:18) Eeci cakapa bana Israyeli kusyoma kuti Leza ngowakali kubeendelezya. Cabili, kutegwa atondezye kuti wakali ambabo, wakabelesya “kkumbi isyikati” mpoonya “amumuni wamulilo” masiku. (Int. 78:14) Munzila imwi, Jehova wakali kwaamba kuti: “Mutayoowi pe. Ndiyoomusololela akumukwabilila.” Masimpe, cisyomezyo eeci cakali kuyandika kapati!\\nMuunzila nzi Jehova mwaakababikkila maano bana Israyeli ku Lwizi Lusalala? (Amubone muncali 13)\\n13, 14. (a) Mbuti Jehova mbwaakababikkila maano bana Israyeli ku Lwizi Lusalala? (b) Mbuti Jehova mbwaakatondezya kuti ulaanguzu kapati kwiinda bana Egepita?\\n13 Amubale Kulonga 14:19-22. Amweezyeezye kuti muli antoomwe abana Israyeli, mwasinkilwa ampi ya Farao alimwi a Lwizi Lusalala. Mpoonya Leza wabweza ntaamu. Musumpuululu wakkumbi wazwa akuyakwiima musyule lyankamu yabana Israyeli, akusinkilila bana Egepita akubabikka mumudima. Pele nkamu yanu mpati, yalo ili mumumuni wamaleele. Mpoonya mwabona Musa katandabika janza lyakwe atala alwizi, alimwi guwo ilizwa kujwe lyaandaanya maanzi akujalula nzila. Mpoonya nywebo, mukwasyi wanu, banyama banu bavwubwa alimwi abantu bamwi mwatalika kweenda kabotu-kabotu anyika njumu kuya kulubazu lumbi. Mpoonya mwagambwa kuti nyika taijisi mankanda alimwi taitezemuki. Ninjumu, aboobo ncuubauba kweenda alinjiyo. Akaambo kaceeci, nobaba baabo beenda asyoonto-syoonto bacikonzya kusika kabotu kulubazu lumbi.\\n14 Amubale Kulonga 14:23, 26-30. Kazicitika zyoonse eezyi, Farao uulisumpula alimwi mufwuba-fwuba, wanjila mulwizi kumutobela. Alimwi Musa watandabika janza lyakwe atala aalwizi, mpoonya maanzi ajokela. Maanzi anyikizya Farao alimwi ampi yakwe. Kunyina naba omwe kati kabo iwafwutuka!—Kul. 15:8-10.\\n15. Ino cibalo eeci cituyiisya nzi kujatikizya Jehova?\\n15 Twabona kuzwa kucibalo eeci kuti Jehova ngu Leza waluumuno, ibube ibutupa kulimvwa kukwabililwa. (1Kor. 14:33) Kunze lyaboobo, Jehova ulatondezya kuti mweembezi siluyando uubikkila maano kubantu bakwe munzila zigwasya. Ulabeendelezya caluzyalo akubakwabilila kuli basinkondonyina. Eelo kaka alatukulwaizya makani aaya aamasimpe mbwaanga tulangila mamanino aabweende bwazintu oobu!—Tus. 1:33.\\n16. Tugwasyigwa buti kwiinda mukulanga-langa nzila Jehova mwaakabafwutula bana Israyeli?\\n16 Ncimwi buyo amazuba aano, Jehova ulabalanganya bantu bakwe kabali mbunga, kumuuya alimwi akumubili. Uyoozumanana kucita oobo lyamapenzi mapati aaboola. (Ciy. 7:9, 10) Aboobo kufwumbwa naa tulibana naa tulicembeede, tulibalema naa pe, bantu ba Leza tabakalibiliki naa kuyoowa lyamapenzi mapati. * Alimwi buya, bayoocita ciindene aceeco! Bayooyeeya majwi aa Jesu Kristo aaya aakuti: “Amukaimikile akulanga mujulu, nkaambo lufwutuko lwanu lunooswenede afwaafwi.” (Lk. 21:28) Bayoozumanana kuba alusyomo oolo nociba ciindi Gogo aakubalwana, nkokuti nkamu yazisi yalo iiyoolibonya kuti ilaanguzu kapati kwiinda Farao wansiku. (Ezk. 38:2, 14-16) Nkaambo nzi bantu ba Leza ncobayoozumanana kuba alusyomo? Nkaambo balizyi kuti Jehova tacinci. Uyootondezya alimwi kuti ulalanganya alimwi akuti Mufwutuli uubikkila maano.—Is. 26:3, 20.\\n17. (a) Mbuti mbotukonzya kugwasyigwa kuzibalo zyamu Bbaibbele zijatikizya nzila Jehova mbwabalanganya bantu bakwe? (b) Ncinzi ncotuyoolanga-langa mucibalo citobela?\\n17 Zikozyanyo izili mucibalo eeci nzimwi buyo zyazikozyanyo izitondezya luse alimwi anzila Jehova mbwabikkila maano kubantu bakwe, mbwabasololela, alimwi ambwabafwutula. Nomuzinzibala kuyeeya zibalo zili boobu, amubikkile maano kuzintu zitondezya bube bwa Jehova nomuba munzila zitalibonyi. Kucita boobo kuyoopa kuti mubukkomanine kapati bube oobo, calo ciyooyumya luyando alimwi alusyomo lwanu mulinguwe. Mucibalo citobela tuyoolanga-langa nzila zijatikizya mbotukonzya kumwiiya Jehova mukubabikkila maano bamwi. Tuyoobikkila maano kumukwasyi, kumbungano ya Bunakristo, alimwi akumulimo wamumuunda.\\n^ munc. 3 Sikwiiya zyakaindi mu Juda wazina lya Josephus wakaamba kuti aciindi eeco Samuele wakajisi myaka yakuzyalwa iili 12.\\n^ munc. 16 Ncamaano kuyeeya kuti bamwi ibayoofwutuka lya Amagedoni banooli balema. Ciindi naakali anyika, Jesu wakaponya bantu bakajisi “malwazi aamisyobo yoonse,” calo citupa kubona zintu nzyayoocita kumbele, kutali kuli baabo bayoobusyigwa, pele aabo ibayoofwutuka lya Amagedoni. (Mt. 9:35) Tacidoonekwi buya kuti aabo bayoobusyigwa banooli kabotu.\\n“Ikuti Kamuzizyi Zintu Eezyi, Munookkomene Ikuti naa Kamuzicita”\\nNobanakristo Bacembeede, Jehova Ulakukkomanina Kapati Kusyomeka Kwanu\\nAmuzumanane Kutondezya Luyando, Iluyaka\\nBalikkomene Aabo Ibabelekela “Leza Uukkomene”\\nSena Mulicizyi Ciindi?\\nAmumwiiye Jehova Kwiinda Mukuba Bantu Babikkila Maano\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA September 2018\\nNGAZI YAMULINDIZI—YAKWIIYA September 2018","num_words":1474,"character_repetition_ratio":0.055,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"TUBELESYA magesi amungwimba kucita zintu zinji. Magesi tulaabelesya kukasaazya akutontozya mumaanda eesu alimwi amungwimba kubikka mumyootokala yesu. Pele bantu banji munyika bajisi buyumuyumu kapati kujatikizya mbobeelede kwaabelesya magesi alimwi amungwimba.\\nBa Gary ibakkala ku South Africa bakati, “kudula kwamungwimba” makani mapati. Ba Jennifer ibakkala ku Philippines balalibilika kujatikizya ncobakonzya kubelesya nkaambo magesi “alaakunka-unka kapati.” Ba Fernando ibakkala ku El Salvador bakati, “ndilalibilika kapati kujatikizya kunyonganizyigwa kwacilawo.” Mumasena manji zintu zimwi nzyobabelesya bantu zilasofwaazya muya ngobayoya bantu, mucikozyanyo ciindi nobaumpa coal alimwi a oilo.\\nMubwini mulakonzya kulibuzya kuti, ‘Ino inga ndacita buti kujatikizya buyumuyumu buboola akaambo kazintu eezyi zyakubelesya?’\\nToonse tulakonzya kusala kuzibelesya kabotu zintu mbuli magesi alimwi amungwimba. Kwaabelesya kabotu magesi alimwi amungwimba kuleta mpindu. Kwiinda mukuzibelesya kabotu, citugwasya kuti katutasowi mali manji. Alimwi eeci cigwasya kukwabilila cilawo motukkala, alimwi akutaba bayamba mukuzibelesya zintu eezyi.\\nAtulange-lange mbazu zyotatwe motukonzya kwaabelesya kabotu magesi alimwi amungwimba: mumaanda eesu, muzyakweendela alimwi amilimo yabuzuba abuzuba.\\nAmuzibelesye kabotu zibelesyo zikasaazya alimwi akutontozya. Buvwuntauzi bumwi ibwakacitwa kucisi cimwi ku Europe bwakatondezya kuti ciindi camupeyo kantu kamwi kategwa thermostat kukajola buyo kusika a 2°C ikucesya kukasaala, yakali nzila mbotu yakucesya magesi aakabelesyegwa mwaka woonse. Ba Derek ibakkala ku Canada balauzumina muzeezo ooyu ciindi nobati: “Kusama nsweta ciindi camupeyo muciindi cakuyasya muncini uukasaazya kwaciindi cilamfwu kupa kuti tubelesye buyo magesi masyoonto.”\\nNzila eeyi ilakonzya kubelesyegwa nomuba mumasena aakasaala. Ba Rodolfo ibakkala ku Philippines, lyoonse balakajola-jola ansi ka thermostat ikali kumuncini wabo uutontozya kweelana ambobwaca. Nkaambo nzi? Bakati: “Eeci citupa kutasowa mali manji alimwi akwaabelesya kabotu magesi.”\\nAmwaajale mawindo amilyango ciindi nomukasaazya naa kutontozya muŋanda yanu. * Tulakonzya kweeleba kunyonyoona magesi kwiinda mukutazumizya muya uukasaala naa muya uutontola kuya aanze. Mucikozyanyo, kusiya mulyango bukwazi ciindi camupeyo kupa kuti kubelesyegwe magesi manji kutegwa muŋanda mukasaale.\\nTakuli buyo kujala mawindo alimwi amilyango kugwasya, bantu bamwi bacikonzya kucesya kubelesya magesi kwiinda mukubikka mawindo aapa kuti kakukasaala.\\nAmubelesye mabbaubbu aatabelesyi mulilo munji. Ba Jennifer ibaambidwe kumatalikilo bakati: “Muciindi cakubelesya mabbaubbu aabelesya mulilo munji, twakatalika kubelesya yaayo aatabelesyi mulilo munji.” Nokuba kuti zintu zitabelesyi mulilo munji ziladula kapati, pele zilagwasya kutasowa mali manji.\\nIkuti kacikonzyeka, amubelesye zyeendelo zyabanamaleya. Ba Andrew ibakkala ku Great Britain bakati: “Ndibelesya citima naa ncinga kuunka kumulimo kufwumbwa leelyo nondikonzya.” Ibbuku litegwa Energy: What Everyone Needs to Know lyaamba kuti “mootokala uumugeme ulanywa mungwimba ziindi zyotatwe kwiinda muulo ngomukonzya kubbadela kumabbaasi alimwi akuzitima zyeenda misinzo mifwaafwi.”\\nAmucesye nyendo zyanu. Kwiinda mukulibambilila limwi, mulakonzya kucesya nyendo ziyandika kucitwa, calo cikonzya kupa kuti mubelesye buyo mungwimba musyoonto, aboobo inga tiimwasowa ciindi cinji alimwi amali.\\nBa Jethro ibakkala ku Philippines balibambilila limwi mali aagaminide aakuula mungwimba mwezi amwezi. Mpoonya bakati: “Eeci capa kuti kandipanga buyo nyendo ziyandika kapati.”\\nMILIMO YABUZUBA ABUZUBA\\nAmucesye kubelesya maanzi aapya. Kweelana abuvwuntauzi bumwi ibwakacitwa ku Australia, “ikubelesya maanzi aapya mumaanda kubelesya magesi aasika kumweelwe wa 1.3% alo aabelesyegwa mumadolopo aamucisi eeci naa 27% yamagesi aabelesyegwa mumaanda oonse.”\\nMbwaanga maanzi aapya abelesya magesi manji, ikubelesya maanzi aapya masyoonto kugwasya kucesya magesi aabelesyegwa. Ba Victor ibakkala ku South Africa balauzuminizya muzeezo ooyu ciindi nobakati: “Tulasolekesya mpotugolela kubelesya buyo maanzi aapya masyoonto ciindi notusamba.” Ba Kenway, basyaazibwene mumakani aasayaansi bakati: “Kubelesya maanzi aapya masyoonto kujisi mpindu zyotatwe, nkaambo kupa kuti kutabelesyegwi maanzi amagesi manji, cigwasya kkampani iipa maanzi amagesi alimwi cipa kuti bantu mumaanda kabatasowi mali manji.”\\nAmuzime. Eeci cibikkilizya kuzima malaiti, zintu izibelesya magesi mbuli ma TV alimwi amakkompyuta. Noliba leelyo noyazimwa, mincini minji ilalya mulilo ikuti tiiyazimwa cakumaninina. Basyaazibwene bamwi bakulwaizya kuzisomona ntambo kumalaiti kutegwa izimine limwi. Ba Fernando ibaambwa kumatalikilo balaibelesya nzila eeyi ciindi nobakati: “Ndilaazima malaiti alimwi akusomona ntambo kuzibelesyo zyamagesi nzyonditabelesyi.”\\nSwebo lwesu kutugama kunyina ncotukonzya kucita kujatikizya kudula kwamagesi alimwi ambwaanyonyoona cilawo kutegwa apangwe, pele tulakonzya kuzyiba mbotukonzya kwaabelesya kabotu. Bantu nyika yoonse mboizulwa balasoleka kujana nzila zyakucita boobo. Masimpe, kwaabelesya kabotu magesi alimwi amungwimba inga kwayandika kusolekesya kapati alimwi akukkala ansi kuyeeya, pele kuli bubotu buliko. Ba Valeria ibakkala ku Mexico bakati: “Tandisowi mali manji alimwi ndilacikwabilila cilawo.”\\n^ munc. 10 Amwaatobele cakulomya malailile aazwa kuli basikupanga mincini iikasaazya alimwi akutontozya kutegwa kaibeleka kabotu. Mucikozyanyo, mincini imwi ilijisi malailile aagaminide aazumizya kuti mulyango naa mawindo kaajaludwe ciindi noibeleka.\\nBbaibbele lilijisi njiisyo zigwasya izitukulwaizya kuzibelesya kabotu zintu nzyotujisi.\\nJohane 6:12: Jesu wakaambila basikwiiya bakwe kuti: “Amubwezelele bufwefwelenga boonse bwasyaala, kutegwa kutabi cinyonyooka.”\\nIno nintaamu nzi nzyomukonzya kubweza kutegwa mutazibelesyi cabuyamba zintu nzyomujisi?\\nBafilipi 2:4: “Mutabikkili buyo maano kuzintu nzyomuyanda nywebo zilikke, pele akuzintu nzyobayanda bamwi.”\\nIno bukkale bwanu bubajatikizya buti bantu bamwi? naa bantu ibakkala mucilawo canu?\\nMabala Amusale naa muyanda kukkopa zyakamwaigwa izyakalekkoodwa SINSIMUKA! No. 5 2017 | Ciindi Nokwacitika Ntenda​—Nzila Zikonzya Kugwasya Kufwutula Bantu","num_words":718,"character_repetition_ratio":0.074,"word_repetition_ratio":0.0,"special_characters_ratio":0.147,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jesu Amukwasyi Wakwe Baunka ku Jerusalemu | Buumi bwa Jesu\\nMukwasyi wa Jesu Waunka ku Jerusalemu\\nJESU WABABUZYA MIBUZYO BAMAYI KAJISI MYAKA IILI KKUMI AIBILI\\nJESU WAAMBA JEHOVA KUTI “TAATA”\\nLino ncilimo. Aboobo, eeci nciindi cakuti mukwasyi wa Josefa antoomwe abeenzinyina abasizinyina batalike lweendo ndobacita mwaka amwaka lwakuya ku Jerusalemu. Inga balaunka ku Jerusalemu kuyakusekelela Pobwe Lyakwiindilila, kweelana ambowaamba Mulawo wa Musa. (Deuteronomo 16:16) Lweendo oolu lwakuzwa ku Nazareta kuunka ku Jerusalemu lulampa makkilomita aatandila ku 120. Aciindi eeci bantu boonse inga bajisi bubi alimwi inga balikkomene kapati. Jesu, lino uujisi myaka yakuzyalwa iili 12 kweelede kuti ulalilangila kapati pobwe eeli alimwi acoolwe cakuyakuba afwaafwi atempele alimwi.\\nKuli Jesu amukwasyi wakwe, Pobwe Lyakwiindilila tacili cintu cabuzuba bomwe buyo pe. Buzuba butobela buzuba bwa Pobwe Lyakwiindilila, nkokuti “buzuba bwakusaanguna bwa Zinkwa Zitajisi Bumena,” ngamatalikilo aa Pobwe lya Zinkwa Zitajisi Bumena ilitola mazuba aali ciloba. (Marko 14:12) Pobwe eeli libonwa kuti ncibeela caciindi ca Pobwe Lyakwiindilila. Lweendo loonse kuzwa kumunzi nkobazwa ku Nazareta kubikkilizya aciindi ncobakkala mu Jerusalemu, alimwi aciindi ncobatola kupiluka kumunzi nkobazwa lutola mazuba aatandila kunsondo zyobilo. Pele uuno mwaka, akaambo kacintu cimwi cacitika icijatikizya Jesu, lwatola ciindi cilamfwu kwiinda waawo. Cintu eeco cijatikizya penzi ndyobazyiba nobali munzila kabapiluka kuzwa ku Jerusalemu.\\nNyendo zyakuunka ku Jerusalemu kumapobwe otatwe aakali kucitwa mwaka amwaka zyakali kukkomanisya kubantu boonse. (Deuteronomo 16:15) Munyendo eezyo, Jesu wakali kubona masena aaindene-indene aamucisi, ikuzyiba buyale bwanyika alimwi akuswaangana abakombinyina ibakali kuzwa muzyooko zimbi. Eelo kaka eezyi zyakali nyendo zikkomanisya alimwi zitalubwi!\\nNobayabweenda, Josefa a Mariya bayeeya kuti Jesu uyaabweendela antoomwe ankamu yabasazinyina abeenzinyina ibapiluka kwabo kulubazu lwakunyika. Pele masiku nobakkala kuti boone akulyookezya, babona kuti tako akati kabo. Aboobo baunka kuyabumuyandaula muli basilweendonyina, pele tiibamujana pe. Basoleka kumuyandaula koonse-koonse, pele tiibamujana! Aboobo Josefa a Mariya bapilukila ku Jerusalemu kuyakumuyandaula.\\nBamuyandaula buzuba boonse, pele tiibamujana. Abuzuba bwabili tiibamujana pe. Limwi buzuba bwatatu bamujana ngooyu mwanaabo mutempele eelyo ilijisi maanda mapati manji aamukati. Bamubona Jesu ulikkede akati kabamayi bamwi iba Juda. Ulaswiilila akubabuzya mibuzyo, alimwi wabagambya akaambo kabusongo bwakwe.\\nMariya wamubuzya kuti: “Mwanaangu, nkaambo nzi ncootucitila boobu? Mebo abauso twapenga kukuyandaula.”​—Luka 2:48.\\nJesu wagambwa kuti tiibalikuzyi kwakumujana. Wababuzya kuti: “Ino mwali kundiyandawida nzi? Sena tiimwalizyi kuti ndeelede kuba muŋanda ya Taata?”​—Luka 2:49.\\nPele mbwaanga baba antoomwe alimwi, Jesu wapiluka kwabo ku Nazareta antoomwe a Josefa a Mariya alimwi wazumanana kubamvwida. Wazumanana kuyaabukomena mubusongo aciimo. Nokuba kuti ucili muniini, ulayandwa kapati a Leza alimwi abantu. Inzya, kuzwa kubwana bwakwe, Jesu wapa citondezyo cibotu kutali buyo mukubikka zintu zyakumuuya kumbele pele alimwi amukulemeka bazyali bakwe.\\nIno ndweendo nzi ndweenda Jesu amukwasyi wakwe lyoonse cilimo, alimwi nkaambo nzi?\\nJesu nali amyaka iili 12 yakuzyalwa, ino ncinzi Josefa a Mariya ncobabona nobapiluka mulweendo kuzwa ku Jerusalemu, alimwi ino bamujana kuli?\\nNcikozyanyo nzi cibotu Jesu ncapa bakubusi mazuba aano?\\nZintu Zipati-pati Izyakacitika Mubuumi bwa Jesu Naakali Anyika—Izyakacitika Kautanatalika Mulimo wa Jesu","num_words":445,"character_repetition_ratio":0.068,"word_repetition_ratio":0.0,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amucenjele! Myeembo iili Ciloba ilaafwi Kusibwa! Print\\nAmucenjele! Myeembo iili Ciloba ilaafwi Kusibwa!\\nImyeembo ya Ciyubunuzyo ilaafwi kupwaakizya nyika yoonse! Aabo baluulwa kuti batobela Nguwe baluungumene kubee tabakubwene citola busena kakuli abalo banamaleya tabakubwene kuti buyanda kubeelela. Nkamu ya WLC yakonkezya kucenjezya ndinywe nobantu nyoonse!!!\\nMweembo, mbuli cibelesyo, wakali kubelesyegwa ziindi zinji zyansiku kwaamblizya milumbe. Mazuba ookwa Yahuwah aasetekene lyoonse akali kwaambilizyigwa kubelesya myeembo. Azyalo nkondo zyakali kutalikwa eelyo mweembo niwalizyigwa. Kulizya mweembo yakali nzila yakujatila maanu bantu Bakwe kuzintu zipati ziyandika zilaafwi kucitika.\\nCintu ciyandika kapati kubantu Bakwe mazubaano ncakuti batauntuluzyili myeembo ya Ciyubunuzyo alimwi kuti bamvwisisye ncoyaambilizya aciindi eeco nciiyelede kucitika eeyo myeembo.\\nNkaambo nzi nkamu ya WLC ‘Nciilutide’ kusongwaazya akucenjezya bantu kukulila kwa Myeembo eeyo?\\nTatukonzyi kulisalila cakucita pele buyo kucenjezya bantu kukulila kwamyeembo eeyo. Taata wakamunika mumuni Wakwe munzila yesu, akutugwasya kuteelela akuzyiba ciindi amulimo wamyeembo eeyo. Hena inga twaanka kusisa mumuni Wakwe kuzwa kubantu Bakwe? Swebo twiimvwi aciga eeco mushinshimi Amosi ncaakaambilizya eelyo walo naakati:\\nMulavwu wakalala akuvwuluma, nguni uunga taakankama? Simalelo Yahuwah waamba cintu, kunyina uunga waamba cimwi pele kushinshima cintu eeco? (Langa Amosi 3:8)\\nSwebo ncotwaamba citabilila ncaakaamba awalo mushinshimi Jelemiya, eelyo naakakankamuka kwaamba kuti:\\nMaawe! Maawe! Bwapya bula! Ndamvwa kucisa mukati kamoyo wangu! Moyo wangu ulakankama, nsikonzyi kuumuna, nkaambo ndimvwide ijwi lyamweembo, cicenjezyo cankondo! Luumo lulasika atala lyaluumonyina, nkaambo nyika yoonse ilisaalidwe. Boongomoka kundijayila itente lyangu, azisitilizyo zyangu zyafwamba kudeluulwa.\\nJelemiya 4:19-20 (NKJV)\\nMbweenya mbuli Jelemiya, aswewo tuteelede kuti kulizyigwa kwa myeembo kugaminina makanaa buumi anyika iino njotukkede. Nkamu ya WLC ilibwene kuti ilaa mulimo wakwaambilizya kuli baabo bakombelela kuswiilila ncowaambilizya mulimo wa myeembo ili ciloba yokwa Yahuwah, akuti beendelanye maumi aabo kutobela myeembo eeyo.\\nMweelwe wakupyopyongana akufwa kwabantu ooko kuyoolibonya yaakuzuma myeembo eeyo, ncintu citakonzyeki kwaamba. Kupona buumi akataa myeembo iili ciloba, ciyooba cintu cigutumya moyo ciindi coonse, alimwi ciyooba ciindi citakwe kukwabililwa Kwakwe nokuba busena bwakuyusila, zyoonse ziyakidwe ziyoodilimunwa. Mboobu bupanduluzi bwa mushinshimi Zephaniya bwaankamika milomo:\\nBuzuba bupati bwa Yahuwah buli afwaafwi, ncobeni buli afwaafwi, bulafwambaana loko kusika. Lilamvwigwa ijwi lyabuzuba bwa-Jehova. Mwaalumi singuzu ulalila loko mulimbubo, Buzuba oobo mbuzuba bwabukali, mbuzuba bwamapenzi abwamafwabi, mbuzuba bwalupyopyongano abwakupilingana, mbuzuba bwamudima abwakusiya, mbuzuba bwamayoba busiya mbi. Mbuzuba bwamweembo abwakoongolola bwakulwisya minzi iizyungulukidwe lubaya amayake manzomwa malamfu. Nkabela njoopenzya bantu, eelyo bayokweenda mbuli boofu, nkaambo babisizya Yahuwah. Bulowa bwabo buyootika mbuli lusuko anyama yabo mbuli bufumba.\" Zefaniya 1:14-16 (NKJV)\\nNcenciceeci ncotuyandisya kusongwaazya bantu boonse bakkala anyika, mbweenya mbuli mbwaakalailila mushinshimi Joweli:\\n\" Amulizye mweembo mu-Zioni, amuume mubila mucilundu cangu cisalala.Bantu boonse bamunyike bakankame, nkaambo buzuba bwa­ Yahuwah bwasika, buli afwaafwi;\" Joweli 2:1(KJV)\\nKuti tiitwalizya mpeta akucenjezya bantu boonse ncoyaambilizya myeembo eeyo, akucenjezya baabo boonse bakonzya kuteelela, nkabela bulowa bwabo boonse bayoofwida mumanyongwe amyeembo eeyo, inga twabaa mulandu mumaanza eesu nanka atalaa mitwe yesu.\\nEelyo muntu ooyo nabona ipanga lileza anyika ulasiba mweembo akucenjezya bantu, kufumbwa muntu uuswiilila kulila kwamweembo, nekuba boobo tacenjeli, aboobo ipanga lilasika akumutola, mulandu nguwakwe mwini. Ooyo waswiilila kulila kwamweembo pele tacenjeli, aboobo bulowa bwakwe ngomulandu wakwe mwini. Anukuti ooyo uucenjela uyoovwuna buumi bwakwe. Ezekieli 33:3-5 (NKJV)\\nIno twaamba nzi amuzeeezo wakuti myeembo eeyo yakacitika kale muziindi zyakainda?\\nBunji bwa banaKristu mazubaano, bakoongelezyegwa kusyoma kuti myeembo yakacitika kale, aboobo batonkela kumbali kufumbwa lwiiyo lwakuvwuntauzya myeembo eeyo. Mu nkamu ya WLC, swebo tusyoma kuti ooku nkulubizya ncobeni kulaa ntenda yalufu. Swebo tulizumenene canguzu kukazya muzeezo wamusyobo ooyu mukaambo katobela aawa:\\nLyoonse bbuku lya Ciyubunuzyo lyakapedwa kwaambilizya zintu ziyootola busena munsaa Kuboola Kwabili kwa Simalelo wesu Yahushua, kapati eezyo zintu ziyootola busena munsaa ‘mamanino aaciindi’, mu 1798. Ooyu ngomwaka eelyo mulongo wamyaka yacishinshimi iili 1260 niyaasikila mpiigolela. Mubbuku lya Daniele, tulajana makana manjaanji aazintu zitobelana kusikila kumwaka 1798, kakuli bbuku lya Ciyubunuzyo lituyubunwida musela wazintu ziyoocitika kutobela mwaka wa 1798. Eeyi myeembo ilayandika kapati alimwi ilaa mulimo mupati kubantu Bakwe mumazuba aamamanino aano.\\nIno twaamba nzi amuzeezo wakuti eeyi myeembo iyoocitika kiijedwe kale ŋanda yakazekelo kutali muciindi kiitaninga jalwa?\\nBamwi akataa baabo basyoma kuti eeyi myeembo iyoolila mumazuba aacizya kumbele alimwi kutali kuti yakacitika kale, mbeenya aabo mbabaambilizya akuti eeyi myeembo iili ciloba, mbuli mapenzi amanyongwe aali mumyeembo eeyo, iyoocitika kaciindide ciindi cakuzekelwa akujalwa ŋanda yakazekelo. Bakasikila ambaakani eeyi kwiinda mukweezyekanya bukonzyene mulaka waambilizya myeembo amapenzi. Aboobo, balo babwene kuti mulimo wamweembo omwe omwe ngwakwaambilizya mapenzi – myeembo ili ciloba kwaambilizya mapenzi aali ciloba. Munkamu ya WLC, tuluujisi kukazya busanduluzi oobu mutwaambo tobile:\\n1. Bunji bwazintu zyaabilizyigwa zitobela ciindi cipedwe mumulongo wamyeembo. Ncintu cisalede kuti muntu wavwuntauzya bweende bwazintu eezi kuti ‘zisunka’ muntu uuli woonse uucipona; aboobo kuti kazisunka muntu uuli woonse aciindi eeco, nkokuti eeco caambilizya kuti ŋanda yakazekelo tiininga jalwa pe. Tacili cintu cilaa maanu kweezyeezya kuti Yahuwah inga kaciya kumbele kusunka bantu bakwe kaciindide kali ciindi cakubazekela milandu yabo akujala ŋanda yakazekelo, eeco ciindi buumi bwamuntu uuli wonse nobunikwaandidwe kale akusalilwa nkobuyoogama.\\n2. Myeelwe yazyaandaano, atwaambo twamyeembo eeyo tuzuzya bbuku lya Ciyubunuzyo, ncecintu citusungilizya kuti swebo tukosozye makani kuti myeembo iyoocitika munsaa kujalwa ŋanda yakazekelo. Kuli zyaandaano zili 22 mubbuku lya Ciyubunuzyo. Zitaanzi zili 18 zitutola kuciindi ca Kuboola Kwabili kwa Yahushua. Myeembo iili ciloba ili muzyaandaano zyone, kuzwa kuli calusele kusikila kuli cakkumi acimwi. Ncintu citateeleki kuti Taata Yahuwah inga wacimbula zyaandaano zyone kuti aambilizye zintu ziyoocitika kiijedwe kale ŋanda yakazekelo, eelyo nalaa zyaandaano zyone buyo zyaambilizya citobela kumbelaa Kuboola Kwabili Yahushua, muzyaandaano 19-22. Ncintu citakwe maanu kuti Taata inga wapa bulemu kapati kuzintu zitola busena kiitaninga jalwa ŋanda yakazekelo a Kuboola Kwabili akupa bulemu bweelene kuzintu zitola busena akataa Kuboola Kwabili kwa Yahushua akujaigwa kwa basimilandu eelyo caakwiinda cuulu ca Myaka azimwi zintu zijatikizya ciindi eeco.\\nIno caamba nzi eelyo mungele nawaalila ansi cuumpiizyo catununkilizyo mu Ciyubunuzyo 8:5, eeco cintu cisolweda kulila kwamyeembo alimwi citondeka mamanino aamulimo ookwa Yahushua mu Busena Busalalisya, aboobo akwaambilizya kuti kuzekela bantu a ŋanda yakazekelo yajalilwa kubantu boonse kiitaninga lila myeembo?\\nAtubale cilembedwe mu Ciyubunuzyo 8:2-5, kutegwa tumvwisisye ciindi eelyo cuumpilizyo catununkilizyo nociyoowaalilwa anyika:\\n2. Elyo ndakabona aabo baangelo bali musanu ababili baimvwi kunembo lya-Leza mbubakapegwa myeembo iili musanu ayibili.\\n3 Lino kwakeza angelo umbi, wakaima kucipaililo, wakalijisi katentelo kangolida, nkabela wakapegwa tununkilizyo tunjitunji, kuti atupaizye antoomwe ankombyo zyabasalali boonse acipaililo cangolida cili kunembo lyacuuno cabwami,\\n4 Lino busi bwatununkilizyo amipailo yabasalali zyakasuka mbuli busi bununkilila kuli-Yahuwah kuzwa mujanza lyaangelo.\\n5 Eelyo angelo wakabweza katentelo, wakazuzya mulilo kuzwa kucipaililo, wausowela ansi, mpawo kwakaba mizumo amajwi andabo amuzuzumo wanyika. Ciyubunuzyo 8:2-5 (KJV)\\nTulakonzya kulibonena mukampango kabili kuti ooyo mungele tali umwi wabaabo bali ciloba bapedwe myeembo iili ciloba. Ino nguni ooyu ‘mungele umwi’ wakaboola akwiimina munsaa cipaililo catununkilizyo? Bantu banji baamba kuti ooyo kunyina umbi pele ngu Yahushua. Swebo tulakazya makani aayo, nkaambo kakuti:\\n1. Ooyu ‘mungele umwi’, ucita mulimo ngweenya ngobacita aabo basalali bali makumi obile abone bali mu Ciyubunuzyo 5:8, oomo motwaambillwa kuti bajisi ziyumwido zyatununkilizyo, eezyo nzye mipailo yabasalali, alimwi njenjiyeeyi njobaletela Mwanaambelele. Balo ‘banunkilizya’ mipailo yabasalali, alimwi akwiituuzya acipaililo catununkilizyo. Basalali bali 24 tabatondezyedwe kuti baleelela kukombwa pe, pele lwabo beni abalo bakomba Taata a Mwanaambelele (Ciyubunuzyo 5:14). Aboobo, tacili cintu cakulumbaizya kuti twaamba kuti ooyu ‘mungele umwi’ ngu Yahushua, eelyo mulimo ngwapedwe ooyo mungele nguucitwa abaabo basalali bali 24.\\n2. Kaambo kabili nkakuti, ooyu ‘mungele umwi’ ncatakonzyi kuba Yahushua nkakuti ooyu mungele taumpi tununkilizyo; pele nguupegwa tununkilizyo, alimwi ncintu cisalala kuti ooyo uumupa tununkilizyo ngu Yahushua, walo kuteelela kwabulemu bwakwe alufu lwakwe, nzyetununkilizyo ooto tusanganyigwa amipailo yabasalali akwiibamba kuti itambulike kuli Taata Yahuwah.\\n3. Kaambo katatu ooyu ’mungele umwi’ ncatali Yahushua nkakuti, ooyu ‘mungele’ tapedwe mazina aali 35 aayo aapedwe kuli Yahushua mu Ciyubunuzyo. Ngooyu mulongo wamazina aapedwe kuli Yahushua:\\n1. Yahushua Kristu …. Ciyubunuzyo 1:1\\n2. Kamboni Uusyomeka ….. Ciyubunuzyo 1:5\\n3. Simuzyalwa Mutaanzi wa Bafu ….. Ciyubunuzyo 1:5\\n4. Mwanaa Mwami wabami Baanyika ….. Ciyubunuzyo 1:5\\n5. Matalikilo a Mamanino ….. Ciyubunuzyo 1:8-13\\n6. Matalikilo a Mamanino ….. Ciyubunuzyo 1:8, 11, 13\\n7. Mwanaa Muntu ….. Ciyubunuzyo 1;13\\n8. Walo uucipona Wakafwide ….. Ciyubunuzyo 1:13, 18\\n9. Ooyo uujisi nyenyezi zili ciloba ….. Ciyubunuzyo 2:1\\n10. Ooyo weendeenda akataa nkandela zili ciloba ….. Ciyubunuzyo 2:1\\n11. Ooyo uulaa cceba libosya kumabazu obile ….. Ciyubunuzyo 2:12\\n12. Mwanaa Yahuwah ….. Ciyubunuzyo 2:18\\n13. Ooyo uuvwuntauzya myoyo yabantu ….. Ciyubunuzyo 2:23\\n14. Ooyo uulaa Miya iili ciloba yokwa Yahuwah ….. Ciyubunuzyo 3: 1\\n15. Ooyo ulaa nyenyezi zili ciloba ….. Ciyubunuzyo 3:1\\n16. Ooyo uusetekene alimwi wamasimpe ….. Ciyubunuzyo 3:7\\n17. Ooyo ulaa cijuzyo cokwa Davida ….. Ciyubunuzyo 3:7\\n18. Ooyo uujalula alimwi kunyina uukonzya kujala ….. Ciyubunuzyo 3:7\\n19. Ooyo uujala alimwi kunyina uukonzya kujula ….. Ciyubunuzyo 3:7\\n20. Akube boobo ….. Ciyubunuzyo 3:14\\n21. Kamboni uusyomeka alimwi wamasimpe ….. Ciyubunuzyo 3:14\\n22. Matalikilo amalengelo ookwa Yahuwah ….. Ciyubunuzyo 3:14\\n23. Simalelo ….. Ciyubunuzyo 4:11\\n24. Syuumbwa wamukowa wa Judah ….. Ciyubunuzyo 5:5,9\\n25. Lunyungu lwa Davida ….. Ciyubunuzyo 5: 5,9\\n26. Mwanaambelele wakayasilwa ….. 5: 6,7\\n27. Mwanaambelele ….. Ciyubunuzyo 5: 8,9\\n28. Simalelo wa Basimalelo ….. Ciyubunuzyo 17:14\\n29. Mwami wa Bami …… Ciyubunuzyo 17:14\\n30. Uusyomeka alimwi wamasimpe ….. 19:11\\n31 Uutantide bbiza lituba ….. 19:11\\n32. Ijwi lyokwa Yahuwah ….. Ciyubunuzyo 19: 13-16\\n33. Kristu ….. Ciyubunuzyo 20: 4\\n34. Matalikilo a Mamanino ….. Ciyubunuzyo 22:13\\n35. Intanda isalalisya yakubucedo ….. Ciyubunuzyo 22: 16\\nKuti ooyu ‘mungele umwi’ katali Yahushua, nkokuti akwalo kusowela ansi cuumpilizyo catununkilizyo tacaambilizyi kumana mulimo ookwa Yahushua mu Busena Busalalisya nanka kujalwa kwa ŋanda yakazekelo.\\nNkokuti caamba nzi kuwaalila ansi cuumpilizyo catununkilizyo?\\nKuwaala ansi cuumilizyo catununkilizyo caambilizya lwiito lwamamanino lwakwe Yahuwah eelyo nasinsimuka mukowa wabantu kaindi kasyoonto munsaa kujalwa ŋanda yakazekelo, alimwi eeco ciyooba cintu cikankamya alimwi ciinda manyongwe, mbuli mbokulibonya mubupanduluzi bwazintu ziyoocitika mukuzuma kwamweembo omwe omwe akataa myeembo iili ciloba. Lwiito lwamamanino Lwakwe kumuntu uucipona uuli woonse, weelede kwiimpana bulemu anguzu. Weelede kujatisya maanu aamuntu muzumi uuli woonse kuti ateelele kucenjezyegwa mukaindi kasyoonto kapedwe munsaa kujalwa ŋanda yakazekelo akujalilwa limwi.\\nMulimo wesu alimwi mulimo wamutobelo ookwa Yahushua uuli wonse kuti aswiilile ciyootola busena mumanyongwe aayo alaafwi kutola busena bucooko cili coonse canyika eeyi. Tatukonzyi kusisikizya kasimpe aaka, nokuba kulelema kucita mulimo wesu. Ooku nkuyanda kwa Yahuwah kuteelede kuuntuluzyilwa. Bangele bazyila Kujulu tabakonzyi kucita cintu eeco bantu lwabo beni ncobakonzya kulicitila alimwi ncobeelede ncobeni kucita lwabo beni .\\nMozesi a Aloni bakalaambidwe mbuli bwakali kuyooba penzi lyomwe lyomwe aciindi nolyakali kuyoocitika. Bakaambilizya zintu zyoonse eezyo akuli Pharaoh kutegwa kutabi ciindi walo nokuba bana Ijipita nobanga batongooka kuti tiibakacenjezyegwa; mazubaano bantu Bakwe balaa mulimo wakucenjezya bantu boonse kujatikizya kulila kwamyeembo. Eelyo mapenzi naakatalika kuumputa cisi ca Ijipita, bantu baku Ijipita bakatamikizya Mozesi kuti nguwakaletelezya mapenzi aaya ali mbabo. Mbweenya buyo, bantu Bakwe banooli bantu boompolola kucenjezya akusongwaazya nyika kuti kuli manyongwe aatobela kulila kwamyeembo eeyo. Balo, bayooba mbabo batamikizyigwa abataluleme nkaambo kakudilimuka mayake amanyongwe aatobela myeembo yaakulila; bayokwaanganyigwa kuti mbibaatalisya manyongwe aayo!\\nNokuba boobo, eeci taceelede kutulesya kucita mulimo wesu uuyandika kapati. Koboola kumitandabilo ya Ciciingano, Omuyandwa ooyempedwe! Ciindi camana. Walo ulaafwi kusika!\\nMulavwu naalila, nguni uutayoowi? Mwami Yahuwah naamba cintu, nguni uutakonzyi kushinshima? Amosi 3:8 (KJV)","num_words":1648,"character_repetition_ratio":0.073,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Levitiko 24 IBBAIB63 - Lino Jehova wakaambila Musa - Bible Search\\nMilao yamalampi aacikombelo azinkwa zyakutuula\\n1Lino Jehova wakaambila Musa kuti, 2-Lailila bana ba-Israyeli kuti bamu letele mafuta aasalala aamaolifa aaengedwe aakumunisya ilampi, kuti ilampi kaliyaka lyoonse. 3Anze lyacisitilizyo camulao mutente lyakubunganina, Aroni mpaelede kulibamba lyoonse, kumazuba acifumofumo, kubusyu bwa-Jehova, Ngumulao walyoonse mumazyalani aanu oonse. 4-Abambe malampi lyoonse aciimikilo cisalala kubusyu bwa-Jehova.\\n5-Lino bweza busu bunante akujika zinkwa zili ikumi azibili; cinkwa cimwi acimwi cibe azipanzi zyobile zyakumi zyalusuwo. 6-Nkabela uleelede kuzibamba mumilongo yobile, nkokuti musanu acimwi mumulongo umwi aumwi, antafule iisalala kubusyu bwa-Jehova. 7Alimwi bika tununkilizyo tusalala twalibano amulongo umwi aumwi, kuti tube antoomwe azinkwa, tube cipaizyo cakwiibalusya cakutentela Jehova. 8-Mubuzuba bumwi abumwi bwaSabata Aroni azibambe kubusyu bwa-Jehova; acitile bana ba-Israyeli, kuti kube cizuminano citeeli. 9-Zilaba zya-Aroni azyabana bakwe, bazilye mubusena busalala; ncecaabilo cakwe cisalalisya akati kazipaizyo zitentelwa Jehova; ngumulao walyoonse.\\nMilandu yabasikusampaula Leza amilao imwi\\n10Lino kakweenda akati kabana ba-Israyeli umwi muntu, mwana wamwanakazi mu-Israyeli; wisi kali mu-Egepita, Oyo mwana wamwanakazi mu-Israyeli wakakazyanya mumalabba amwaalumi mu-Israyeli. 11-Nkabela mwana wamwanakazi mu-Israyeli wakasampaula izina lya-Leza akutukila, Mpawo bakamuleta kuli-Musa. Izina lyabanyina bakali Selomiti mwana wa-Dibri wamusyobo wa-Dani. 12-Nkabela bakamubika muntolongo mane bakayubunwidwe kuyanda kwa-Jehova.\\n13Lino Jehova wakaambila Musa kuti, 14-Oyo muntu iwakatukila, amumulete anze lyamalabba. Lino boonse ibakamumvwa babike maanza aabo amutwe wakwe, abasimbungano boonse bamufuse mabwe. 15-Alimwi ambila bana ba-Israyeli kuti, Kufumbwa muntu uutukila Leza wakwe ulapegwa mulandu. 16-Uusampaula izina lya-Jehova ncobeni ulajayigwa, basimbungano boonse bamufuse mabwe. Kufumbwa muntu, naba muzyalwemucisi naba mweenzu, uusampaula izina lya-Leza uleelede kufwa. 17-Ayooyo uujaya muntunyina ncobeni uleelede kufwa. 18Amuntu uujaya munyama, uleelede kuliya mbubonya, buumi mucibaka cabuumi. 19-Alimwi muntu uupa mweenzinyina kampenda uleelede kucitilwa mbubonya mbwaakacita, 20-luumo kuluumo, liso kuliso, lino kulino. Mbuli mbwaakabisizya mweenzinyina, ulacitilwa mbubonya obo. 21-Uujaya munyama aliye; uujaya muntu ajayigwe. 22-Kube mulao omwe buyo kubantu boonse, naba mweenzu naba muzyalwe mucisi, nkaambo ndime Jehova Leza wanu.\\n23-Mpawo Musa wakaambila bana ba-Israyeli, nkabela oyo iwakatukila bakamugwisya mumalabba, bamufusa mabwe. Bana ba-Israyeli bakacita mbubonya mbuli Jehova mbwaakalailila Musa.","num_words":317,"character_repetition_ratio":0.071,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 34 IBBAIB63 - Lino Dina, mwana musimbi - Bible Search\\nMatalikilo 33 Matalikilo 35\\nSekemu mbwaakabisizya Dina\\n1-Lino Dina, mwana musimbi wa-Leya ngwaakazyalila Jakobo, wakaya kuswaya-swaya kubanakazi bacisi eco. 2-Nkabela Sekemu mwana wa-Hamori mu-Hiti mwami wacisi, naakamubona, wakamutizya, woona awe, wamubisizya. 3-Moyo wakwe wakasukama Dina mwana musimbi wa-Jakobo nkabela wakayandisya musimbi akumwaambila cakumoongelezya. 4-Elyo Sekemu wakaambila Hamori wisi kuti, Kondeendela oyo musimbi, nkamukwate. 5Lino Jakobo wakamvwa kuti wasofwaazya Dina mwanaakwe musimbi, pele bana bakwe balombe bakali mukweembela iŋombe musokwe, aboobo Jakobo wakaumuna buyo mane bakasika. 6Nkabela Hamori wisi Sekemu wakainka kuli-Jakobo kuyooambaula awe. 7-Abalo bana balombe ba-Jakobo, nibakamvwa makani, bakaboola kuzwa musokwe, nkabela abo basankwa bakabijilwa akukalala loko nkaambo kabufubafuba obo mbwaakacitide mumukowa wa-Israyeli mukulalika mwana musimbi waJakobo, nkaambo cilatondwa kucita obo.\\n8Pele Hamori wakabaambila kuti, Moyo wa-Sekemu mwanaangu ulisukeme mwanaanu musimbi. Wence mumupe nguwe, amukwate. 9-Alimwi atutangane buzwalani bwalukwatano, kuti mutupe bana banu basimbi, anywebo mutole bana besu basimbi. 10-Lino amukale kulindiswe; nyika yoonse iyoomujalukila, kuti mukale, musambale, mube ambono mulinjiyo. 11Alakwe Sekemu wakaambila wisi musimbi abakulana bakwe kuti, Mfwidwe buuya kulindinywe, elyo kufumbwa ncomwaamba ndamupa ncico. 12-Amwaambe luselo lunji azipo zinji mbubonya mbuli mbumuyanda, njoomupa ncomwaamba, pele amundipe musimbi, mukwate.\\n13-Mpoonya awo bana ba-Jakobo bakavwiila Sekemu a-Hamori wisi cakweena, nkaambo kakuti wakasofwaazya mucizi wabo Dina. 14-Bakabaambila kuti, Tatukonzyi kucita obo pe. Tatukonzyi kupa mucizi wesu kuti akwatwe kumwaalumi uutapalwidwe, nkaambo kucita obo kulatuusya bweeme. 15Tatukonzyi kumuzuminina cita mutaangune kucita cintu comwe, Muleelede kuba mbubonya mbuli ndiswe, nkukuti baalumi boonse akati kanu baleelede kupalulwa. 16Na mwazumina obo, tulamupa bana besu basimbi akukwata bana banu basimbi, alimwi tulakala antoomwe, tube musyobo omwe. 17Pele na mwakaka kutuswiilila, na mwakaka kupalulwa, tulatola buyo mwana musimbi wesu, twiinke,\\n18Lino majwi aabo akabota mumeso aa-Hamori amumeso aa-Sekemu mwana wa-Hamori. 19-Nkabela mulombe takwaakamuka kucita obo, nkaambo kayandisya mwana musimbi wa-Jakobo. Kali mulemu kwiinda basiŋanda boonse bawisi. 20-Aboobo Hamori amwanaakwe Sekemu bakasika kumulyango wamunzi wabo, bakaambila bantu bamumunzi wabo kuti, 21Aba bantu mbasiluumuno; bakale omuno munyika akusambala mumonya, nkaambo nyika nimpati, ilazulila; bakwate bana besu basimbi, aswebo tubape bana besu basimbi. 22Nekubaboobo bantu tabakonzyi kuzumina kukala aswebo akuba musyobo omwe, cita tuzumine kucita cintu comwe, nkukuti tuleelede kuzumina kuti baalumi boonse akati kesu bapalulwe, mbubonya mbuli mbubapalwidwe balo. 23Iŋombe zyabo ambono zyabo abanyama babo, sa zyoonse buyo tazikooyooba zyesu? Atuzumine, lino balakala aswebo. 24-Mpoonya awo boonse ibakali kunjila mumulyango wamunzi wakwe bakaswiilila Hamori a-Sekemu mwanaakwe. Baalumi boonse bakapalulwa, boonse buyo ibakali kunjila mumulyango wamunzi wakwe.\\n25-Lino buzuba bwatatu nibwakaca, nibakali kuciswa, bana bobile baJakobo, nkukuti Simeoni a-Levi bakulana ba-Dina, bakatola umwi aumwi ipanga lyakwe, boongomokela munzi, bajaya baalumi boonse. 26Alakwe Hamori amwanaakwe Sekemu, boonse bakabajaya apanga, elyo bakagwisya Dina muŋanda ya-Sekemu, bamutola. 27Bana ba-Jakobo bakasika kuli bajayidwe, akusaala munzi, nkaambo kakuti mucizi wabo kasofwaazidwe. 28Bakatola imbelele zyabo aŋombe zyabo ambongolo zyabo, azintu zyoonse zyamumunzi azyamumyuunda, 29imbono zyabo zyoonse, atwana twabo toonse abanakazi babo boonse, zyoonse buyo zyamuŋanda bakazisaala akuzitola. 30-Mpawo Jakobo wakaambila Simeoni a-Levi kuti, Mwandifwabya, nkaambo mwandinunsya akati kabantu bakede munyika, ba-Kanana aba-Perizi, Mebo, tuli bace buyo. Balayoboloka akundilwisya, lino njoonyonyooka, mebo aluzubo lwangu. 31Pele bakati, Sa uleelede kucitila mucizi wesu mbuli sibwaamu mbwacitilwa?","num_words":499,"character_repetition_ratio":0.056,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Levitiko 1 IBBAIB63 - Lino Jehova wakaita Musa, - Bible Search\\nKulonga 40 Levitiko 2\\nMilao yazituuzyo zitentwa\\n1-Lino Jehova wakaita Musa, waambaula awe kutente lyambunganino. Wakati, 2-Ambila bana ba-Israyeli kuti, Na kuli muntu akati kanu uuyanda kuletela Jehova cituuzyo, amusale zituuzyo zyanu kuzwa kumatanga aaŋombe nanka aambelele.\\n3-Na cituuzyo cakwe cakutenta neeŋombe, atuule mupoho uutakwe kampenda, Acituule kumulyango watente lyambunganino, kuti citambulike kuli-Jehova. 4-Abike ijanza lyakwe amutwe wacituuzyo, lino cilatambulika kukumanya milandu yakwe. 5-Amane kucita obo, ajaye iŋombe kubusyu bwa-Jehova, Lino bapaizi bana ba-Aroni batambule bulowa, basansaile bulowa koonse koonse cakuzyunguluka cipaililo cili kumulyango watente lyambunganino. 6Lino afunde cituuzyo akucitendaula muzipanzi zyaco, 7-abalo bana ba-Aroni mupaizi babike mulilo acipaililo akubamba inkuni amulilo. 8Lino bapaizi, bana ba-Aroni, babambe zipanzi, mutwe amafuta atala ankuni zili amulilo uuli acipaililo; 9-pele mala amyeendo bazisanzye amaanzi. Lino mupaizi atente zyoonse buyo acipaililo, zibe cituuzyo citentwa cili abweema bubotu bwakubotezya Jehova.\\n10Na cituuzyo cakwe cakutenta nimbelele nanka impongo, asale mucende uutakwe kampenda. 11Lino uleelede kumujaya kulubazu lwakunyika lwacipaililo kubusyu bwa-Jehova. Bapaizi, bana ba-Aroni, basansaile bulowa bwakwe koonse koonse cakuzyunguluka cipaililo. 12Amutendaule muzipanzi, antoomwe amutwe amafuta, elyo mupaizi amubambe atala ankuni zili amulilo uuli acipaililo. 13Pele mala amyeendo, uleelede kuzisanzya amaanzi, Lino mupaizi acipaizye coonse, acitente acipaililo, cibe cituuzyo citentwa cili abweema bubotu bwakubotezya Jehova.\\n14-Na cituuzyo cakwe ncaletela Jehova ncabayuni atuuzye inziba nanka bana bankwilimba. 15Lino mupaizi alete kayuni kucipaililo, anyone mutwe, autente acipaililo, pele bulowa bwako butilwe kulubazu lwacipaililo. 16Amana obo, agwisye ciyangilo amapepe, azisowe kulubazu lwakujwe lwacipaililo, kusowelwa itwe. 17-Lino akwamaune mababa pele atapambauli, Elyo mupaizi acitente acipaililo, ankuni zili amulilo, cibe cituuzyo citentwa cili abweema bubotu bwakubotezya Jehova.","num_words":256,"character_repetition_ratio":0.073,"word_repetition_ratio":0.0,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"2 Batesalonika 2 | Bbaibbele lili a Intaneti | Bbaibbele lya Busanduluzi Bwanyika Mpya\\nSimilimo mibi (1-12)\\nBakakulwaizyigwa kuti bayume (13-17)\\n2 Pele bakwesu, ikujatikizya ciindi cakubako kwa Mwami wesu Jesu Kristo+ akuyobololwa kwesu antoomwe kulinguwe,+ tumulomba 2 kuti mutafwambaani kulekela mizeezo yanu kunyonganizyigwa naa kuzwa moyo, kube kwiinda mumajwi aasololelwa amuuya,*+ naa mumulumbe wakumulomo naa mulugwalo luboneka mbuli kuti lwakazwa kulindiswe, izyaamba kuti buzuba bwa Jehova*+ bulisikide kale. 3 Kutabi muntu uumweena akumusowa munzila iili yoonse, nkaambo buzuba oobo tabukasiki pe ccita kuti luleyo+ lukasaangune kusika alimwi amuntu mubi+ akayubununwe, nkokuti mwana walunyonyooko.+ 4 Ooyu ngusikukazya alimwi ulalisumpula kwiinda woonse waambwa kuti nguleza naa cintu cikombwa, cakuti ukkala mutempele lya Leza, kalyaamba kubuleya kuti nguleza. 5 Sena tamuyeeyede kuti, nondakacili andinywe ndakali kumwaambila zintu eezyi? 6 Aboobo lino mwacizyiba cikasyide kuti ayubununwe, nkutegwa akayubununwe aciindi ceelede. 7 Masimpe, imaseseke aabubi oobu nkwaali kale alabeleka,+ pele anoobeleka kusikila buyo leelyo ooyo lino uubukasya aakuzwa. 8 Mpoonya ciindi eeco, similimo mibi uyooyubununwa ncobeni, ooyo Mwami Jesu ngwayoolobya amuuya wakumulomo wakwe+ akumunyonyoona kwaakulibonya+ kubako kwakwe. 9 Pele kubako kwasimilimo mibi kulacitika kwiinda mukubeleka kwa Saatani+ ikulibonya mumilimo mipati iili yoonse azitondezyo zyakubeja alimwi azintu zigambya,+ 10 kabelesya nzila zyoonse zitaluleme ikweena+ baabo ibanyonyooka, kuti cibe cisubulo cabo akaambo kakuti tiibakatondezya kuti balakayandisya kasimpe kutegwa bafwutulwe. 11 Nkakaambo kaako Leza ncalekelede kuti beenwe akucengwa, kutegwa basyome zyakubeja,+ 12 ikutegwa boonse bakabetekwe nkaambo tiibakakasyoma kasimpe pele bakakkomanina zintu zitaluleme. 13 Nokuba boobo, lyoonse tweelede kumulumba Leza akaambo kandinywe, bakwesu nomuyandwa a Jehova,* nkaambo kuzwa kumatalikilo Leza wakamusala+ kuti mukafwutulwe kwiinda mukumusalazya+ amuuya wakwe alimwi akaambo kalusyomo lwanu mukasimpe. 14 Nywebo wakamwiitila kubukkale oobu kwiinda mumakani mabotu ngotwaambilizya, ikutegwa mukajane bulemu bwa Mwami wesu Jesu Kristo.+ 15 Aboobo bakwesu, amwiime nji+ akujatisya zilengwa* nzyomwakayiisyigwa,+ kunyina makani naa zyakali mumulumbe wakumulomo naa mulugwalo lwakazwa kulindiswe. 16 Kunze lyaboobo, Mwami wesu Jesu Kristo lwakwe a Leza Taateesu, ooyo wakatuyanda+ akutupa luumbulizyo lutamani abulangizi bubotu+ kwiinda muluzyalo lwakwe, 17 abakkazike myoyo yanu akumuyumya mumilimo mibotu iili yoonse alimwi amajwi.\\n^ Naa “mumuuya.” Amubone Bupanduluzi Bwamabala, “Muuya.”\\n^ Mu Chigiriki, “tunsiyansiya.”","num_words":317,"character_repetition_ratio":0.051,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"2 Nobana bangu bayandwa, ndimulembela zyintu eezyi kutegwa mutabisyi. Pele, ikuti umwi wabisya, tulijisi mugwasyi kuli Taata, Jesu Kilisito, imululami. 2 Alimwi walo ncipaizyo cakumanya zibi zyesu akutuyanzanya a Leza, pele ikutali buyo zyesu zilikke, pele azyanyika yoonse. 3 Lino oobu mbotuzyiba kuti tulimuzyi kabotu, ikuti naa twazumanana kubamba milawo yakwe. 4 Ooyo waamba kuti: “Ndilimuzyi kabotu,” pele tabambi milawo yakwe, mubeji alimwi kasimpe takako pe mumuntu ooyo. 5 Pele kufwumbwa muntu uubamba jwi lyakwe, luyando ndwajisi muntu ooyo kuli Leza lwalondolwa ncobeni. Oobu mbotuzyiba kuti tulikamantene anguwe. 6 Ooyo waamba kuti lyoonse ulikamantene anguwe alimwi weelede kuzumanana kweenda mbubonya mbwaakeenda walo. 7 Nobayandwa, tandimulembeli mulawo mupya pe, pele mulawo wakaindi ooyo ngomwajisi kuzwa kumatalikilo. Imulawo wakaindi ooyu ndijwi eelyo ndimwakamvwa. 8 Pele lino ndimulembela mulawo mupya, iwamasimpe kujatikizya nguwe alimwi andinywe, nkaambo mudima uyaabumana eelyo mumuni wini-wini watalika kale kumweka. 9 Ooyo waamba kuti uli mumumuni pele kwamana boobo kasulaika munyina, ucili mumudima ambuli sunu. 10 Ooyo uuyanda munyina ulazumanana kuba mumumuni, alimwi mulinguwe munyina cilebyo. 11 Pele ooyo uusulaika munyina uli mumudima alimwi weenda mumudima, alimwi takuzyi pe nkwaya nkaambo mudima waofwaazya meso aakwe. 12 Ndilembela ndinywe, nobana bangu bayandwa, nkaambo mwalekelelwa zibi zyanu akaambo kazyina lyakwe. 13 Ndilembela ndinywe nomatata, nkaambo mulimuzyi kabotu ooyo uuliko kuzwa kumatalikilo. Ndilembela ndinywe nobalombwana, nkaambo mwamuzunda ooyo imubi. Ndilembela ndinywe nobana baniini, nkaambo mulimuzyi kabotu Taata. 14 Ndilembela ndinywe nomatata, nkaambo mulimuzyi kabotu ooyo uuliko kuzwa kumatalikilo. Ndilembela ndinywe nobalombwana, nkaambo muli bayumu alimwi jwi lya Leza molili mulindinywe ciindi coonse alimwi mwamuzunda ooyo imubi. 15 Mutanooyandi nyika noziba zyintu zili munyika. Ikuti naa muntu kayanda nyika, nkokuti iluyando lwa Taata taluko pe mulinguwe; 16 nkaambo zyintu zyoonse zili munyika—zisusi zyanyama alimwi azisusi zyameso amambonwa akaambo kazyintu nzyajisi muntu—tazizwi kuli Taata pe, pele zizwa munyika. 17 Kunze lyaboobo, inyika iyaabumana antoomwe azisusi zyayo, pele ooyo uucita kuyanda kwa Leza unooliko lyoonse mane kukabe kutamani. 18 Nobana baniini, ecino nciindi camamanino, alimwi mbubonya mbomwakamvwa kuti sikulwana Kilisito ulaboola, noliba lino kuli basikulwana Kilisito banji ibalibonya kale; eeco cituzyibya kuti ecino nciindi camamanino. 19 Bakazwa akati kesu, pele tiibakali bamwi besu; nkaambo ikuti nobakali bamwi besu, nobakazumanana kuba andiswe. Pele bakazwa ikutegwa kulibonye caantangalala kuti tabali boonse pe ibategwa mbamwi besu. 20 Alimwi nywebo mulinanikidwe ayooyo uusalala alimwi nyoonse muli aluzyibo. 21 Tandimulembeli boobu akaambo kakuti tamukazyi kasimpe pe, pele nkaambo mulikazyi, alimwi nkaambo kunyina bubeji buzwa mukasimpe. 22 Ino nguni mubeji kunze lyayooyo uukaka kuti Je-su ngu Kilisito? Ooyu ngonguwe sikulwana Kilisito, ooyo uukaka Taata alimwi a Mwana. 23 Muntu uuli woonse uukaka Mwana tamujisi a Taata. Ooyo uuzumina Mwana ulimujisi awalo Taata. 24 Lino nywebo, eeco ncomwakamvwa kumatalikilo ceelede kuzumanana mulindinywe. Ikuti naa eeco ncomwakamvwa kumatalikilo cazumanana mulindinywe, nkokuti alimwi munookamantene a Mwana alimwi a Taata. 25 Kunze lyaboobo, eeci ncecintu ncaakatusyomezya walo mwini, ibuumi butamani. 26 Ndimulembela zyintu eezyi kujatikizya baabo ibasola kumweena. 27 Lino nywebo, ikunanikwa nkomwakatambula kuzwa kulinguwe kulazumanana mulindinywe, alimwi tamuyandiki muntu uuli woonse wakumuyiisya; pele kunanikwa ooku ikuzwa kulinguwe nkokumuyiisya zyintu zyoonse, alimwi nkwamasimpe, takuli kwakubeja pe. Mbubonya mbokwamuyiisya, amuzumanane kukamantana anguwe. 28 Aboobo nobana bangu bayandwa, amuzumanane kukamantana anguwe ikutegwa aakuyubununwa tukacikonzye kwaamba cakutayoowa, tutakausyigwi nsoni akuzwa kulinguwe kuciindi cakubako kwakwe. 29 Ikuti naa kamuzyi kuti uliluleme, nkokuti mulizyi kuti muntu woonse uucita bululami wakazyalwa kuzwa kulinguwe.","num_words":513,"character_repetition_ratio":0.065,"word_repetition_ratio":0.02,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Levitiko 6 IBBAIB63 - Alimwi Jehova wakaambila Musa - Bible Search\\n1-Alimwi Jehova wakaambila Musa kuti, 2-Kufumbwa muntu uubisizya Jehova kukweena mweenzinyina mumakani aambono zyakubambya na zyakujatilizya, nanka kukubba na mukazundila, 3-nanka kukonka cakubeja aamakani aacintu ciswekede ncaakabweza, na cintu cimwi cili boobo muntu ncakonzya kubisya, 4na muntu wabisya akuba amulandu, uleelede kupilusya ncaakabba, nanka ncaakanyanzya, nanka ncaakabambide, nanka cintu ciswekede ncaakabweza, 5-nanka cintu cili buti ncaakakonka bakubeja. Uleelede kupilusya cintu eco akuciyungizizya impindu yacipanzi casanu, ape muneco mubuzuba bwakuleta cipaizyo cakwe candubyo zyakwe. 6-Alimwi aletele Jehova cipaizyo cakwe candubyo: mugutu uutakwe kampenda wakumatanga aakwe, mbubonya mbuli muulo ngobikide. Alete cipaizyo kumupaizi, 7lino mupaizi amanye mulandu wakwe kubusyu bwa-Jehova, kuti alekelelwe cibi neciba cimwi ncaakabisya akati kazintu ezi, kufumbwa cibi cakamupesya mulandu.\\nBapaizi mbubeelede kupaizya\\n8Lino Jehova wakaambila Musa kuti, 9Lailila Aroni abana bakwe kuti, Ngooyu mulao wazipaizyo zitentwa, Cipaizyo cisyaale acitentelo cacipaililo busiku boonse mane bukace, awalo mulilo wacipaililo unooyaka alincico. 10-Lino mupaizi asame cikobela cakwe cituba akabbudula katuba mucibuno, agwisye itwe lyacipaizyo citentedwe mumulilo waacipaililo, alibike kumbali lyacipaililo. 11Amana obo, asamunune zyakusama zyakwe akusama zyakusama zimbi, atole itwe anze lyamalabba kubusena busalala. 12Amulilo wacipaililo uleelede kuyaka lyoonse; utazimwi pe. Mupaizi atente inkuni alincico cifumo cimwi acimwi, abambe cipaizyo cakutenta mpoonya awo, akutenta alincico mafuta aazituuzyo zyakutontozya. 13-Mulilo uleelede kunooyaka lyoonse acipaililo-kuzimwa pe.\\n14-Alimwi ngooyu mulao wacipaizyo cabusu. Bana ba-Aroni bacituule kubusyu bwa-Jehova kunembo lyacipaililo. 15Lino kugwisigwe inkankamanza yabusu bunante bwacipaizyo cabusu, amafuta aaco, amusamu woonse walibano uuli atala lyacipaizyo cabusu, kuti zitentwe acipaililo, zibe ciibalusyo cili abweema bubotu bwakubotezya Jehova. 16-Lino eco cisyeede, bacilye ba-Aroni abana bakwe. Ciligwe kacitakwe bumena mubusena busalala. Ciligwe mulubanza lwatente lyambunganino. 17-Taceelede kujikwa abuswezyo pe. Ncencico cipanzi cazipaizyo zyangu zyakutenta ncindabapa, cibe cipanzi cabo. Ncintu cisalalisya loko mbuli zipaizyo zyazibi azipaizyo zyandubo. 18-Baalumi boonse akati kabana ba-Aroni bacilye. Ngomulao walyoonse mumazyalani aanu conse. Cigwisigwe muzipaizyo zitentelwa Jehova. Kufumbwa uuziguma wasalazigwa.\\n19Alimwi Jehova wakaambila Musa kuti, 20-Nceeci cipaizyo ca-Aroni abana bakwe, ncibeelede kuletela Jehova mubuzuba bwakunanikwa kwabo: cipanzi cakumi cacisuwo cabusu bunante, cibe cipaizyo cabusu calyoonse. Cisela caco cituulwe cifumo, acisela cimwi mangolezya. 21Cikandwe amafuta akuyokwa aciyokelo, ciletwe ciliyokedwe kabotu. Eco cipaizyo cabusu cipaizigwe tubungebunge, cibe abweema bubotu bwakubotezya Jehova. 22-Lino mupaizi munanike, mwana wa-Aroni uulya izina lyakwe, uleelede kucipaizizya Jehova. Ngumulao walyoonse, Citentwe coonse buyo. 23Zipaizyo zyabusu zyamupaizi zyoonse buyo zileelede kutemwa, taziligwi pe.\\n24Alimwi Jehova wakaambila Musa kuti, 25-Ambila Aroni abana bakwe kuti, Ngooyu mulao wacipaizyo cazibi, Nkobajayila cipaizyo cakutenta, acalo cipaizyo cazibi cijayigwe nkukonya oko kubusyu bwa-Jehova Ncintu cisalalisya. 26-Lino mupaizi uucipaizizya zibi nguelede kucilya, Acilye mubusena busalalisya mulubuwa lwatente lyambunganino. 27-Kufumbwa ciguma nyama yaco cilasalala, alimwi na bulowa bwaco bwakutapaukila ali cakusama, eco cakusama citapaukilidwe cileelede kusanzigwa mubusena busalalisya. 28-Na cijikwa mucilongo cabulongo, eco cilongo cileelede kupwayigwa; na cajikwa mucilongo camukuba, eco cilongo cileelede kukuzwa akusanzigwa mumaanzi. 29-Baalumi boonse akati kabapaizi bacilye. Ncintu cisalalisya loko. 30-Pele cipaizyo cazibi, na bulowa bwaco bwaletwa mutente lyambunganino kukumanya milandu mubusena busalalisya taciligwi pe, Cileelede kutentwa mumulilo.","num_words":474,"character_repetition_ratio":0.073,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Inga Ndacita Buti Kutegwa Nditaneneyi Kapati? | Bakubusi\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Brazilian Sign Language Bulgarian Cebuano Chichewa Chinese (Traditional) Chinese Mandarin (Simplified) Chitonga Cibemba Croatian Czech Danish Dutch Efik English Estonian Ewe Fijian Finnish French Georgian German Greek Haitian Creole Hausa Hebrew Hiligaynon Hungarian Iban Icelandic Igbo Iloko Indonesian Italian Japanese Kinyarwanda Kirghiz Kirundi Korean Latvian Lithuanian Macedonian Malagasy Malay Malayalam Maltese Moore Myanmar Norwegian Nzema Ossetian Polish Portuguese Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Sinhala Slovak Slovenian Spanish Spanish Sign Language Swahili Swedish Tagalog Tamil Tatar Telugu Thai Tsonga Turkish Turkmen Twi Ukrainian Umbundu Vietnamese Xhosa Yoruba Zulu\\nIbbaibbele likulwaizya ‘ kutaciindizya muzilengwa. ’ (1 Timoteyo 3:2) Eeci cibikkilizya mbomulya. Aboobo, amusole nzila eezyi zitobela.\\nKuti naa mwakkuta mweelede kuzyiba. Julia uujisi myaka yakuzyalwa iili 19 wakaaamba kuti: “ Ndakali kubalila ma calories aali mucakulya , pele lino muciindi cakucita boobo kufwumbwa ndalimvwa kuti ndakkuta ndilaleka kulya.\\nMutanoolyi zyakulya zitajisi busani bubotu. Peter uujisi myaka yakuzyalwa iili 21 wakaamba kuti: “ Akaambo kakutanywa zyakunywa zili carbonated, ndakaluza makkilo osanwe mumwezi omwe buyo! ”\\nAmucince mbomulya. Erin uujisi myaka yakuzyalwa iili 19 wakaamba kuti: “ Ndanoolya ndilasola kutabweza cakulya alimwi. ”\\nMbomunga Mwazwidilila: Mutanoosotaukili kulya. Kuti kamucita oobo, munoofwa nzala mpoonya akuciindizya kulya mwapegwa coolwe.\\nMasimpe, bamwi bantu ibaamba kuti “Ndeelede kucesya mubili” mubwini tabeelede kucita oobo. Bali buyo kabotu mbubwenya oobo mbobabede. Nokuba boobo, mbuti kuti kamuyanda kucesya mubili asyoonto? Nceeci cakagwasya musimbi wiitwa kuti Catherine.\\n“Ndakali mukubusi uuneneede kapati, cintu ncondatakali kuyanda. Tiindakakkomene ambondakali kulibonya!\\n“Ciindi aciindi, ndakali kusola kucesya mubili kwiinda mukusala zyakulya, pele ndakali kuneneya alimwi. Aboobo nondakali amyaka iili 15 yakuzyalwa, ndakabona kuti ndakeelede kubikkila maano. Ndakayanda kucesya mubili munzila yeelede—nzila njendikonzya kutobela mubuumi bwangu boonse.\\n“Ndakaula bbuku lyaamba zyakulya zijisi busani bubotu alimwi azisobano zyakunyanyaasya mubili, mpoonya ndakazitobela nzyondakabala mubbuku eeli. Ndakalikanzide cakuti nokuba kuti ndakali kwaalilwa naa kutyompwa zimwi ziindi, pele tiindakacileka pe.\\n“Sena mulizyi cakacitika? Ndakacikonzya! Nikwakainda mwaka omwe buyo ndakaluza makkilo aali 27. Lino kwainda myaka yobilo kandicili mbubwenya oobu. Eelo kaka tiindakalizyi kuti inga cacitika!\\n“Ndiyeeya kuti cakandipa kuzwidilila nkaambo kakuti tiindakali kusala buyo zyakulya—pele ndakacinca bukkale bwangu boonse.”—Catherine, 18\\nKupona Buumi Buli Kabotu Luumuno alimwi alukkomano Bakubusi Balabuzya Bakubusi","num_words":346,"character_repetition_ratio":0.052,"word_repetition_ratio":0.0,"special_characters_ratio":0.156,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nzukonzya Kuchita Kuti Kubala Bbayibbele Kukugwasye Akuti Kukunoneezye\\nNgaziyakulinda—Yakwiiya | July 2018\\nBALA MU Afrikaans Albanian Altai Alur Amharic Amis Arabic Armenian Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Boulou Bulgarian Cakchiquel Catalan Cebuano Chichewa Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Croatian Czech Dakota Dangme Danish Digor Douala Dutch Edo Efik English Esan Estonian Ewe Fijian Finnish Fon French Ga Garifuna Georgian German Greek Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hungarian Ibanag Icelandic Igbo Iloko Indonesian Isoko Italian Japanese Jula Kabiye Kabuverdianu Kannada Kekchi Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mingrelian Mixe Mixtec (Guerrero) Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Norwegian Nzema Okpe Oromo Ossetian Otetela Pangasinan Papiamento (Curaçao) Persian Pidgin (West Africa) Polish Ponapean Poqomchi' Portuguese (Portugal) Punjabi Quechua (Ancash) Quechua (Bolivia) Romanian Russian Samoan Sango Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovenian Solomon Islands Pidgin South African Sign Language Spanish Sranantongo Swahili Swahili (Congo) Swati Swedish Tagalog Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Vietnamese Waray-Waray Wolaita Xhosa Yoruba Zande Zapotec (Isthmus) Zulu\\nKujana Wachita Biyeni Kuti Kubala Bbayibbele Kukugwasye Akuti Kukunoneezye?\\nJOSHUWA wakapedwe mulimu muyumu. Wakeelede kuzulwida maIsrayeli kuti bakasike kuNyika Yachisyomezyo pesi wakali kuyooswaana buyumu-yumu. Jehova wakasimya Joshuwa akumusungwaazya kati: ‘Koyuma akuba sichamba. Akubikkila maanu kutobela Mulawu. Weelede kuubala sikati amansiku, kuti ubikkile maanu kutobela makani oonse aalembedwe mulinguwo.’—Jos. 1:7, 8, NW.\\n‘Muziindi eezi zikataazya,’ tuswaana buyumu-yumu busiyene-siyene. (2 Tim. 3:1) Kuti tuzwidilile mbuuli Joshuwa, andiswe tweelede kutobelezya malayilile Jehova ngaakamupa. Kubala Bbayibbele chiindi choonse akubelesya nzitubala kuyootugwasya kuti tuzunde masunko ngituswaana.\\nNikuba boobo, kulakonzeka kuti kulatukachila kubala Bbayibbele kuti tumvwisisisye. Pesi kubala Bbayibbele kulayandikana. Langa bbokesi liti “ Yezya Nzila Eezi,” kuti ujane twaambo tupa kuti kubala Bbayibbele kukugwasye akuti kukunoneezye.\\nSintembawuzyo wakayimba kuti: “Undeenzye mumugwagwa wamalailile aako, nkaambo ngonguwo uundibotezya.” (Int. 119:35) Kubala Jwi lyaLeza kulakonzya kukunoneezya. Ulakonzya kujana twaambo tuyandikana kuti wayanduulisisya.\\nNikuba kuti tawupedwe mulimu wakuzulwida chisi mbuuli Joshuwa pesi kuli buyumu-yumu mbuswaana. Mbuuli Joshuwa, kubala Bbayibbele akutobelezya makani aalembedwe kuyookugwasya. Kuchita oobo kupa kuti uzwidilile akuti usale chabusongo.\\nYEZYA NZILA EEZI\\nKomba kutanabala. Bbayibbele lili amizeezo yaLeza singuzuzyoonse njaakalemba kuti ikugwasye. Chiindi nulikubala Bbayibbele, kumbila Leza kuti akugwasye kumvwisisisya nzulikubala, utazilubi akuti uzibelesye mubuumi.—Ezr. 7:10.\\nLibuzye mibuzyo chiindi nulikubala Bbayibbele naakuti mabbuku aapandulula Bbayibbele. Libuzye kuti: ‘Makani aaya andiyiisyaanzi atala aJehova? Ayendelana biyeni amutwe wamakani?Kujana ndaabelesya biyeni kuti ndigwasye bamwi?’\\nYeeyesesya atala nzulikubala. Yimikila kubala, uyeeyesesye mpawo ulibuzye kuti: ‘Makani aaya apa kuti ndilimvwe biyeni? Nkamboonzi naapa kuti ndilimvwe oobu? Ayendelana biyeni azintu zyakandichitikila chiindi, lino aziyoondichitikila kunembo? Kujana ndaabelesya biyeni malayilile aaya alulayo oolu mubuumi bwangu?’ (Job. 23:5; Int. 49:3) Bona kuti ulakonzya na kupandulula kuti nkamboonzi Jehova nasungwaazya bantu kuti batantamuke imwi michito naakuti kubona mpindu nzyakonzya kujana muntu kuti waleka kuswiilila malayilile aLeza.—Dt. 32:28, 29.\\nZibone kazilikuchitika zintu nzulikubala muBbayibbele. Muchikozyano, ulakonzya na kubabona mumizeezo bakulana baJosefa kabalikumuuzya kumaIsmayeli? (Matl. 37:18-28) Niinzi nzulikubona, kumvwa akununkizya? Libikke muchiimo chabantu balikwaambwa. Balikuyeeyaanzi alubo balikulimvwa biyeni? Kuchita oobo kuyoopa kuti kubala Bbayibbele kukunoneezye akuti kukugwasye.\\nBelesya zibelesyo zyakapupululwa ambunga zikugwasya kuti uyanduulisisye. Belesya mabbuku azimwi zijanika aIntaneti zili mumulaka ngumvwisisisya. Utabi abweeme kukumbila bamwi kuti bakunaanizye mbuzibelesegwa. Muchikozyano, Watch Tower Publications Index aResearch Guide for Jehovah’s Witnesses zilakugwasya kuti ujane bupanduluzi bwatwaambo tusiyene-siyene abwamavesi amwi amuBbayibbele. Belesya makani aakuyungizya aali muBbayibbele lyaNew World Translation of the Holy Scriptures lili mumulaka ngumvwisisisya. Makani aaya apandulula zya-geography (masena amamepu), mbuzyakachitika zintu, bulemu azipimyo kuswaanizya azimwi.\\nYeeya twaambo tupati ntwaajana mumakani ngwaalikubala. Buzya bamwi nzwaabala. Ntuutuli twaambo ntukonzya kubelesya mumulimu wakukambawuka? Kuchita oobo kupa kuti utazilubi nzwaabala akuti uzibelesye kugwasya bamwi.\\nTHEY OFFERED THEMSELVES WILLINGLY Bakalipeda Amoyo Woonse Kuyoobelekela—kuMyanmar\\nMeso Aako Alangide Kuli?\\n‘Ngwani Uuli Kubbazu lyaJehova?’\\nAtube Aluzyalo ‘Kubantu Boonse’\\nText Sala naa uyanda kukkopa zyakamwayigwa zilekkodedwe NGAZIYAKULINDA—YAKWIIYA July 2018\\nNGAZIYAKULINDA—YAKWIIYA July 2018","num_words":685,"character_repetition_ratio":0.05,"word_repetition_ratio":0.0,"special_characters_ratio":0.156,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kubona Leza​—Mbuti Mbotukonzya Kubona Leza Uutalibonyi?\\nAMUBALE MU Afrikaans Albanian Amharic Arabic Armenian Aymara Azerbaijani Azerbaijani (Cyrillic) Bengali Bicol Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Dangme Danish Dutch Efik English Estonian Ewe Finnish French Ga Georgian German Greek Greenlandic Guarani Gujarati Haitian Creole Hebrew Hiligaynon Hindi Hungarian Igbo Iloko Indonesian Italian Japanese Kannada Kazakh Kikaonde Kikuyu Kiluba Kimbundu Kinyarwanda Kirghiz Kirundi Kisonge Kongo Korean Lingala Lithuanian Luganda Luo Macedonian Malagasy Malay Malayalam Maltese Marathi Maya Myanmar Nepali Ngabere Norwegian Nyaneka Nzema Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Quechua (Bolivia) Rarotongan Romanian Russian Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tahitian Tamil Tatar Telugu Thai Tigrinya Tshiluba Tsonga Turkish Twi Ukrainian Umbundu Venda Vietnamese Xhosa Yoruba Zulu\\n“LEZA muuya,” talibonyi mumeso aabantu. (Johane 4:24) Pele Bbaibbele lyaamba kuti munzila imwi, kuli bantu bakamubona Leza. (Bahebrayo 11:27) Ino mbuti mbocikonzyeka eeci? Sena ncobeni mulakonzya kumubona “Leza uutalibonyi”?—Bakolose 1:15.\\nAtukozyanisye bukkale bwesu abwamuntu uutaboni kuzwa naakazyalwa. Sena kutabona kumupa kutamvwisya zintu zimuzingulukide? Peepe. Muntu uutaboni ulatambula twaambo munzila ziindene-indene zyalo zimugwasya kuzyiba bantu, zintu alimwi azicitika. Mwaalumi umwi uutaboni wakaamba kuti: “Kubona takuzwi mumeso. Kuli mumizeezo.”\\nMbubwenya buyo, nokuba kuti inga tiimwabelesya meso aanu kubona Leza, mulakonzya ‘kujalula myoyo yanu’ kutegwa mumubone. (Baefeso 1:18) Amubone nzila zyotatwe mbomukonzya kucita oobo.\\n“BULALIBONYA CAANTANGALALA KUZWA CIINDI NAAKALENGA NYIKA”\\nMuntu uutaboni kanji-kanji maano aakwe aakumvwa alimwi aakuzyiba ncaaguma naa camuguma inga alisumpukide kapati, calo cimugwasya kuzyiba zintu nzyatakonzyi kubona. Mbubwenya buyo, mulakonzya kubelesya maano aagwasya kuzyiba zintu zimuzingulukide alimwi akumuzyiba Leza uutalibonyi wakazilenga. “Bube bwakwe butalibonyi bulalibonya caantangalala kuzwa ciindi naakalenga nyika kuya kumbele, nkaambo bulabonwa muzyintu nzyalengede.”—Baloma 1:20.\\nMucikozyanyo, amuyeeye buyo kujatikizya munyika motukkala. Nyika yakapangwa munzila iilibedelede kutegwa katukkomana abuumi ikutali kupona kumwi katujisi buyumuyumu bwamali. Ciindi notwamvwa kuunga kwamuwo uutontola, kuyotela zuba, kulya mucelo mubotu, naa kumvwa kulila kwatuyuni kukatalusya, tulakkomana kapati. Sena zipego eezi tazitondezyi kuti Mulengi wesu ulatulanganya, mutete moyo alimwi ngusibuuya?\\nIno ncinzi ncomukonzya kwiiya kujatikizya Leza kuzwa kuzintu nzyomubona mububumbo? Masimpe ngakuti, ijulu lilayubununa nguzu zya Leza. Buvwuntauzi bwasayansi bwaino-ino butondezya kuti bubumbo buyaabukomena alimwi bulacita oobo cakufwambaana! Nomulanga kujulu masiku amulibuzye kuti: “Ino nguzu zipa kuti bubumbo kabuyaabukomena cakufwambaana zizwa kuli? Bbaibbele litwaambila kuti Mulengi ulijisi “bupati bwakwe bugambya.” (Isaya 40:26) Zintu nzyaakalenga Leza zitutondezya kuti “Ngusinguzuzyoonse” alimwi akuti ‘ulimaninide munguzu.’—Jobu 37:23.\\nMuzyali mukaintu wabana basankwa bobilo bataboni waamba kuti: “Kwaambaula ncecintu cibagwasya kapati kwiiya. Nkubaambila zyoonse nzyomubona alimwi anzyomumvwa, [alimwi] nkulibambila kuluula zyoonse nzyomwabona. Ndinywe meso aabo.” Mbubwenya buyo, nokuba kuti “kunyina muntu wakamubona kale Leza nociba ciindi comwe,” pele mwana wa Leza, Jesu “uuli acamba ca Usyi ngonguwe wakamupandulula.” (Johane 1:18) Mbwali cilenge ca Leza citaanzi alimwi simuzyalwaalikke, Jesu wakaba “meso” eesu aakutugwasya kubona kujulu. Ngonguwe uukonzya kutupa twaambo twiinda kusyomeka kujatikizya Leza uutalibonyi.\\nAmubone twaambo tumwi Jesu walo iwakakkala a Usyi kwaciindi cilamfwu kapati ntwaakaamba kujatikizya Leza:\\nLeza ulabeleka lyoonse. “Taata ulabeleka ambuli sunu.”—Johane 5:17.\\nLeza ulizizyi nzyotuyandika. “Uso ulizyi zyintu nzyomuyandika kamutana kumulomba.”—Matayo 6:8.\\nLeza ulatupa zintu camoyo woonse. “Uso uuli kujulu . . . ulapasuzya zuba lyakwe kubantu babi ababotu alimwi ulapa mvwula kubantu baluleme abataluleme.”—Matayo 5:45.\\nLeza ulabikkila maano umwi aumwi wandiswe. “Sena tutiiti tobilo tatusambalwi kakkobili komwe kajisi mpindu nsyoonto? Nokuba boobo, kunyina nokaba komwe kayoowida ansi Uso katakonzyi kuzyiba. Pele naaba masusu aakumutwe wanu alibalidwe oonse. Aboobo, mutayoowi pe: nywebo mulayandika kwiinda tutiiti tunji.”—Matayo 10:29-31.\\nMUNTU IWAKATONDEZYA MBWABEDE LEZA UUTALIBONYI\\nMbobajata twaambo bantu bataboni, ciliindene kapati abaabo ibajisi meso. Muntu uutaboni ulakonzya kuzyiba kuti eeci ncinzimweemwe ikutali akaambo kakuti abusena aawo kunyina zuba, pele kuba busena butontola bwasinkilwa zuba. Mbubwenya buyo muntu uutaboni naaceya mbwatakonzyi kubona cinzimweemwe naa zuba, andiswe tatukonzyi kumumvwisya Jehova tolikke. Aboobo, Jehova wakatupa muntu walo wakatondezya bube bwakwe munzila iilondokede.\\nMuntu ooyo wakali Jesu. (Bafilipi 2:7) Jesu tanaakali kwaamba buyo kujatikizya Bausyi pele wakatutondezya mbwabede Leza. Sikwiiya wa Jesu Filipo wakabuzya kuti: “O Mwami, kotutondezya Bauso.” Mukumwiingula Jesu wakati: “Ooyo wandibona wamubona awalo Taata.” (Johane 14:8, 9) Ino ncinzi ncomukonzya “kubona” kujatikizya Taata kwiinda muzintu nzyaakali kucita Jesu?\\nJesu wakali kusangalizya, kulicesya alimwi akusikilika. (Matayo 11:28-30) Bube bwakwe bukatalusya bwakali kukwela bantu kulinguwe. Jesu wakali kumvwisya mbobakali kulimvwa bantu alimwi akukkomana antoomwe ambabo. (Luka 10:17, 21; Johane 11:32-35) Nomubala naa kuswiilila zibalo zyamu Bbaibbele zyaamba kujatikizya Jesu, kamweezyeezya kuti mulizibwene zicitika mucibalo. Kuti kamuzinzibala kuyeeya kujatikizya Jesu mbwaakali kweendelezya bantu, muyoobubona kabotu-kabotu bube bubotu bwa Leza alimwi muyooswena kulinguwe.\\nKUBIKKA TWAAMBO ANTOOMWE\\nKujatikizya muntu uutaboni mbwacikonzya kuzyiba zintu zicitika, mulembi umwi wakaamba kuti: “Ulatambula twaambo twiindene indene kuzwa kuzintu ziindene indene (nzyajata, nzyanunkizya, nzyamvwa alimwi azimwi buyo) alimwi munzila imwi ulatubikka antoomwe twaambo ootu kupanga cintu comwe.” Mbubwenya buyo, nomulanga-langa zintu nzyaakalenga Leza, amubale Jesu nzyakaamba kujatikizya Usyi akubona Jesu mbwaakatondezya bube bwa Leza, eeci ciyoomupa kubona mbwali mubotu Jehova. Uyooba mwini-mwini kulindinywe.\\nSikale Jobu, wakalibonena eeci. Kumatalikilo wakaambaula “cakutasongwaala.” (Job 42:3) Pele naakalanga-langa mbozyeebeka zintu nzyaakalenga Leza, Jobo wakati: “Ndakalimvwide amatwi buyo anduwe, pele lino meso aangu abona.”—Job 42:5.\\n‘Naa mwamuyandaula Jehova, muyoomujana’\\nAndinywe mulakonzya kulimvwa mbubonya. ‘Na mwamuyandaula [Jehova], muyoomujana.’ (1 Makani 28:9) Bakamboni ba Jehova bayookkomana kumugwasya kumuyandaula alimwi akumujana Leza uutalibonyi.","num_words":814,"character_repetition_ratio":0.047,"word_repetition_ratio":0.0,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kusalilwa Kugeme Buumi: Kuuma Njuka ya Bulemu Print\\nKusalilwa Kugeme Buumi: Kuuma Njuka ya Bulemu\\nHena ulijisi tiketi lya kuwina njuka na?\\nBana Kristu banji kuzwa kubwana bwabo bayiisyigwa kuti kuuma njuka ncibi. Bazyali abafundisi ba Nsondo bayiisya kuti Ijulu lyakatupa mukowa wabantu zileleko ziyandisi kapati, alimwi mulimo wabulemu kuba bankutwe mukubambilila zipego eezyo. Aboobo, kubbeja akuuma njuka nokuba kuuma nsolo kobelesya akusowaila zipego eezyi ncinyonyoono. Pele nokuba boobo, zyuulunzuma zya Banakristu balasyoma akuyiisya kuti lufutuko lwini alwalo munzila imwi nkuuma njuka.\\nLusyomo lwakuti twakasalilwa kale kwakugama, lwakataanguna kujuzyigwa akumvwugwa kuli umwi Sikutongooka John Calvin mumusela wa 16th, oolo lusyomo lucesya mulumbe mubotu wa lufutuko kuti ubaanga kunyina acimbi pele ninzila imwi yabulemu yakusalauzya kweenda nsolo, kuuma njuka yabulemu. Kweendelanya amuzeezo ooyo, ikuti naa Leza wakakusala kale kuti ube umwi akataa basale, ulaa coolwe musa! Pele kuti kakutali boobo; cabija, wabula coolwe. Yebo lisweekede. Kunyina nconga wacita munguzu zyako ciyoopindula nkoti kagame mubuumi bwako.\\nNokuba kuti aabo basyoma kuti bakasalilwa kale kwakugama balisinizyide mukusyoma kwabo, oolu lusyomo lulaa ntenda nkaambo lupilinganya ciimo ca Yahuwah ca luyando. Mucibalo eeci tulabandauka zibeela ziindene zya lusyomo lwa kusalilwa kwa kugama akupandulula eezyo zibeela mbozikazyanya a jwi lya moza wa Yahuwah liyubunudwe, ambozinyonganya ciimo cabulemu cokwa Yahuwah mbociyubunudwe mu Mangwalo.\\nLusyomo lwa kusalilwa kwakugama lusimpidwe atalaa misemo yosanwe. Njeeyi misemo yalusyomo oolu:\\nKugaukila limwi\/Kwaalilwa Cakucita – ategwa Muntu mubyaabi cinicini alimwi ulisofweede cakuti kunyina “cibotu” nociba cisyoonto buti ncakonzya kucita.\\nKusalilwa Kwakugama Noyanda Notayandi – Lufutuko lwa muntu luyeeme mumaanza aa Yahuwah uumusala kuti akafutulwe nkaambo muntu ulimaninide kusofwaala.\\nKunununwa kwa ciindi cisyoonto – Yahushua wakafwida buyo balikke aabo Yahuwah mbaakasala kale kuti bakafutulwe. Lufu Lwakwe tiilwakafwidwa naba omwe uuti kasweeke (naa aabo Yahuwah mbaakasala kuti bakanyonyweedwe limwi.)\\nLuzyalo Lutakakwi – Boonse Yahuwah mbaakasala kuti bakafutulwe tabakonzyi kusweeka nkaambo tabakonzyi kukaka luzyalo lwa bulemu.\\nKukakatila kwa Basaante – Mumajwi amwi kwaambwa kuti “kukwabililwa kutamani.”\\nKulangila atala, bunji bwa Banakristu inga bazuminizya twaambo tulaa tala aawa. Nokuba boobo, kuti ootu twaambo tweezyekwa ku Mangwalo, tujanwa kuti ntwaambo tukazyanya a Bbaibbele. Atulange twaambo tosanwe ootu alimwi, akweezyeka kaambo komwe-komwe ku Jwi lisalazyidwe lyokwa Yahuwah.\\nKugaukila limwi\/ Kwaalilwa Cakucita\\nMuntu ulisofweede citaambiki cakuti kunyina “cibotu” nociceya ncakonzya kucita.\\nMasimpe kuti bantu boonse bazyalwa bakakona ciimo ca Adamu naakawa mucibi. “Kunyina naba omwe uululeme, nee, naba omwe pe . . . nkaambo boonse bakabisya akulezya kusika abulemu bwa Yahuwah.” (BaLoma 3:10 a 23.) Kutegwa kutabi muntu uudonaika cinyonyoono mbucaapoizya mukowa wabantu, Izaya waamba kuti: “Toonse tuli mbuli cintu citasalali, alimwi bululami bwesu buli mbuli magamba aanunka nsu.” (Izaya 64:6)\\nNokuba boobo, ooyu muzeezo wa kusalilwa kwakugama muzeezo wiintide Ikuti muntu naali sofweede citaambiki cakuti tacikonzyi kuteelela lwiito lwa kweempwa akuleka cinyonyoono, kampango katobela nikataalembwa:\\n“ Baambile kuti, 'Mbubonya mbuli mbwendi muumi, mbwaamba Mwami Yahuwah, nsibotelwi mulufu lwabasizibi, pele ndiyanda kuti basiye nzila zyabo bapone. Amupiluke, amupiluke musiye nzila zyanu zibi! Nkaambo nzi ncomuyandila kufwa nomusyobo wa Isilayeli?” (Ezekiya 33:11)\\nKuyungizya waawo, kuti muntu naatali kukonzya kucita nociba cibotu, natali kweelede kupegwa mulandu nkaambo zibi zyakwe. Ooko inga kwaba kubaa lunya akubula bulemu.\\nKusalilwa Kugeme Buumi Notayanda Notayandi\\nLufutuko lwa muntu luyeeme cakumaninina mukusalilwa aa Yahuwah kutegwa afutulwe nkaambo muntu ulisofweede citaambiki.\\nNokuba kuti eeci cimvwikaanga cizwa mu Bbaibbele nkaambo kakwiina kudonaika, bantu bakakona ciimo cilaa cibi, pele ooyu muzeezo tuululeme. Kuyaamika lufutuko lwako aciga cakuti Yahuwah wakasala kale mbayanda kuyoofutula, eeco cilesya lwaanguluko lwa kulisalila kuti ubaa lufutuko. Lusyomo lwa kusalilwa kwa kugama luyiisya kuti Yahuwah nguusala bantu bayoofutulwa. Aabo batobela mizeezo yokwa Calvini bayiisya “kusalilwa kwakugama mubuumi ” munzila zyobile; imwi njakuti Yahuwah nguusala abaabo bayoonyonyoonwa.\\nKuli twaambo tobile tuboola mukuzeeza kuli boobu:\\nKutaanguna, oolu lusyomo luzimaanya muntu uucita cibi kuti takwe mulandu. Kaini naakajaya Abela naatakapegwa mulandu kumwi kataminina kuti Caini “wakali singanyidwe kale ” kuyoo, aboobo “wakali salidwe kale” kuti nguuti kajaye munyina. Ooyu muzeezo usungilizya kuti muntu takwe mulandu nokuba kuti wasotoka mulawo mumicito yakwe. Usendekezya kuti kunyina makani cicitika kuli bamwi nkaambo kamulandu wamuntu ngwaacita umwi. Mubwini, eeco ncencico ncobeni Kaini ncaakasola kucita.\\nMangwalo alembedwe musalo akataa Yahuwah a Kaini naakamanizya kujaya mwanookwabo:\\nLino Kaini wakaambila musyoonto wakwe Abela kuti, “Atukeendeende.” Nibakaakusika musokwe, Kaini wakabukila musyoonto wakwe wamujaya.\\nLino Mwami Yahuwah wakabuzya Kaini kuti, “Uli kuli musyoonto wako, Abela?” Kaini naakaingula wakati, “Nsizi nkwabede. Sena ndime ndeembela musyoonto wangu?” (Matalikilo 4:8-9)\\nKulubila kuli mulusyomo oolu kulalibonya kufwambaana eelyo Yahuwah nakaka kwiingula kwa Caini akumwaambila kuti:\\nNinzi ncoocita webo? Ijwi lya bulowa bwa mwanookwenu liloongolola kuli ndimwe kuzwa mubulongo.\\nNkaako yebo wasinganyizigwa, alimwi ulatandwa kuzwa mucisi eeci, nkaambo canywa bulowa bwamusyoonto wako mbootila. Waakulima zisyango, bulongo tabukakupi pe.\\nUyooba simutuntuli buyo munyika, tokooyookkalilila abusena bomwe. (Matalikilo 4:10-12)\\nIpenzi lyabili mumuzeezo wa Kusalilwa Kwakugama Noyanda Notayandi ndyakuti, ooyu muzeezo usendekezya kuti Yahuwah nguusala cibi. Tabali boonse batobela Calvini baimvwi ambaakani eeyi, pele bamwi balaindilizya awaawo, ndepenzi lini eelyo. Ikuti Yahuwah naakasala kale zyoonse nkozyeelede kugama, nkokuti Walo nguwaasala kuti cinyonyoono citalike eelyo naakasala kutibamwi beelede kufwa. Eeci ncintu cikazyanya a Mangwalo aasalazyide kwaamba kuti: “Kutabi muntu uunga naanjila musunko, walilauka kuti Yahuwah wandisunka: nkaambo Yahuwah takonzyi kusunkwa acibi pe, alimwi tasunki muntu naba omwe pe.” (James 1:13)\\nKunununwa Kwaciindi Cigola\\nYahushua wakafwida buyo baabo Yahuwah mbaakasala kuti bakafutulwe. Taatafwida baabo basinganyidwe kuyoo.\\nKunununa kwalusalauzya kuli boobu, nokuba kuti kuleendelana amuzeezo wakusalilwa kwakugama, pele takweendelani a Mangwalo pe, alo aayinduluka kwaamba kuti Yahushua wkafwida bantu boonse. Mucishinshimi ca Izaya ca mulimo wa Messiah, walo wakalemba kuti:\\nSwebo toonse twakali sweekede mbuli mbelele. Twakali kutobela umwi aumwi nzila yakwe mwini. Nkaako Mwami Yahuwah wakalemezya nguwe zibi zyesu toonse.”\\nAmana kupenga, uyoobona bubotu bwawo, uyoolamwa azeezyo nzyaakapengela. Kwiindila muluzibo lwakwe mubelesi wangu uululeme uyoolulamika banji. uyootola zibi zyabo.\\nNkaako njoomupa caabilo antoomwe abapati, uyooabanya zisaalo antoomwe abasintanze. Nkaambo wakatuula buumi bwakwe. Wakabalilizigwa abasizibi. Wakatola zinyonyoono zyabantu banji. Wakakombela babisyi.” (Izaya 53:6, 11-12)\\nKamwi kampango kabotu kainduluka ciindi aciindi mu Mangwalo kayungizya masimpe aakuti Yahushua wakafwida nyika yoonse, kutali basale bongaye buyo pe.\\n“Obuya Yahuwah smbwaakiyandisya nyika, cakuti wakiipa Mwanaakwe Simuzyalwaalikke, kutegwa kufumbwa uusyoma muli Nguwe atakafwidilili pele akabaa buumi butamabi.\\nNkaambo Yahuwah taakatuma Mwanaakwe munyika kuzyoosinganya nyika pe; pele kutegwa nyika kwiinda muli Nguwe ikakonzye kuvwunwa.” (Johane 3:16-17)\\nLweengelelo Kutakonzyi Kukakwa\\nBoonse bakasalwa kuyoofutulwa tabakonzyi kusweeka nkaambo tabakonzyi kukaka lweengelelo lwa bulemu.\\nOolu lusyomo lukaka musemo wini aayimvwi nzila ya lufutuko! Mumajwi amwi ooku kusyoma boobu kuyiisya kuti kunyina uulaa lwaanguluko lwa kulisalila. Mwanaa Adamu musankwa amusimbi uuli woonse wakakona ciimo cilaa cibi. Yahuwah, “mbwaatakali kuyanda kuti a naba omwe, pele boonse beelede kweempwa” (2 Petulo 3:9) wakaaba Mwanaakwe kutegwa azumizye bantu boonse ciindi cabili cakulisalila. Kuti oolu lwaanguluko lwakusala lwalesyegwa mpoonya bamwi basalwa munzila ya bulemu kuti bakafutulwe, bamwi bakafwe, ooku nkubikka kumbali mulimo wini wa lufu lwa Yahushua.\\nOolu lusyomo lwaamba kuti. Kunyina naba omwe, nokuba kuti muntu uuzangide buti, nokuba kuti ugagambide buti mu cinyonyoonyo ncayandisya uunga wa kuti Yahuwah wasala kuti ooyo muntu atafwi. Mukwiimpanya, kunyina naba omwe nokuba kuti uyandisya kuba mbuli Yahuwah kwaciindi cilamfu buti, uuyoofutulwa kuti kali wakasalwa kale kuti aka. Oolu ndusyomo lulaa ntenda kapati lutakobeledwe akampango nokaba komwe mu Mangwalo aayo aamba kuti kusala nkwa muntu mwini kumugaminina. “Makunga, makunga aabantu baimvwi akataa nzila zyobile akwaalilwa kusala: nkaambo buzuba bwa Yahuwah bulaafwi “Zyuulu zyuulu zyabantu zyili mukkuti lyakubetekwa. Nkaambo buzuba bwalubeta lwa Mwami Yahuwah buli aafwiifwi.” (Joweli 3:14)\\nKukakatila kwa Basalali\\nKuti wafutulwa ciindi comwe, ulifutukide lyoonse\\nMbweenya mbuli muzeezo wa “lweengelelo lutakonzyi kukakwa,” alwalo lusyomo lwakuti kufumbwa buyo kuti muntu wakafulwa aciindi cimwi, kunyina ooyo muntu ncanga wacita cinga camupa kuti aka alimwi, tee ooko inga kwaba kunjizya mubuzike lwaanguluko lwa muntu. Kunyina muntu “uucita kufumbwa ncayanda katapegwi mulandu.” Lwaanguluko lwa kusala lwa muntu talulesyegwi mpeenya buyo muntu mbwaatambwida cipego ca lufutuko. Mwaapositolo Paulu lwakwe wakaambilizya kuti muntu ulalangilwa kusweekela limwi – nokuba kuti wacita zyoonse munguzu zyakwe kuti alete lufutuko kuli bamwi!\\n“Ime ndalijata mubili wangu, akulyeendelezya: nkaambo inga muciindi cimwi, ndamanizya kukambaukila bamwi, Ime lwangu ndaba ndime eesinganyigwa (1 Bakolinto 9:27)\\nLusyomo lwa kusalilwa kwakugama buumi lukazya milazyo iijanwa mu Mangwalo. Akataa majwi aaacaalizya aayo ngaakaamba Mufutuli aalembedwe mu Mangwalo, kuli malailile aakuti, “Kamuya; munyika mukayiisye masi woonse, mukababbapatizye . . . . Mukabayiisye kubamba zintu zyoonse, kufumbwa ncindakamulailila: alimwi , Amulange, Ime ndinoolandinywe kusikila kumamanino aanyika.” (Mateyo 28:19-20) Ikuti Yahuwah naakasalide kale muntu uuyoofutulwa, kukambauka milumbe inga kwaba kusowa ciindi nkaambo bantu inga kabafutukide kale.\\nKuyungizya waawo, kuti Yahuwah naakasalide kale bamwi kuti bakafutulwe, tacikwe mulimo kupailila mukwasyi abalongwenyoko nkaambo balisalidwe kale kuyoo nokuba kuyoofutulwa kweendelanya ambwaakasala Yahuwah alimwi kunyina naba muntu omwe ncakonzya kucita kuti acince mizeezo Yakwe. Kusyoma kuli boobu nkukaka milazyo ya Bbaibbele yakupailila bamwi mbuli mbwaakazubulula mushinshimi Samuele. Eelyo ba Isilayeli nobakazumanana kuti babaa mwami uubalela, mubwini baakaka bweendelezi bwa Yahuwah kuti ngo simalelo wabo. Aciindi eeco Samuele kalaa moyo uuzwide buusu, wakaamba majwi aaciinduluka kumvwika mazubaano:\\nNkabela citacitiki kuti mebo mbisizye Mwami Yahuwah mukutamukombela. Alimwi ndinoomwiisya makani aanzila mbotu iiluzi.\\nAmulemeke Mwami Yahuwah akumumanina milimo cakusyomeka amyoyo yanu yoonse. Amuyeeye zintu zipati eezyo nzyaakamucitila.\\nPele kuti naa muzumanane kucita zibi, ncobeni lwanu antoomwe amwami wanu muyoonyonyoonwa (1 Samuele 12:23-25)\\nKunyina cintu cakasalidwe kale aawa pe. Samuele ubabikkila zintu antangalala ziyootobela kuti bazumanana kuzangila Mulengi wabo. Kaindi kasyoonto munsaa lufu lwa Mozesi, wakabapa lwiito ba Isilayeli kuti babelesye lwaanguluko lwa kusala ndwaakabapa Yahuwah akusala kucita bululami.\\n“Sunu ndaita julu anyika kuti zibe bakamboni bangu. Ndamupa ciindi kuti musale akati kabuumi alufu, zileleko alusinganyo. Lino amusale buumi kutegwa nywebo abalunyungu lwanu mupone.\\nAmuyande Mwami Yahuwah wanu, amumuswiilile kamusyomeka kulinguwe lyoonse. Ndendilyo Mwami Yahuwah nayoomupa myaka minji munyika eeyo njaakakonkezya kuli basikale banu ba Abulahamu, Izaka a Jakobo.” (Ciibalusyo 30:19-20)\\nMozesi, mulongwe wa Singuzuzyoonse, mutwanga uulaa moyo mubombe ooyo Yahuwah ngwaakali kubandika limwi “busyu abusyu, mbuli muntu nabandika amulongwenyina,” (Kulonga 33:11) waakaka muzeezo wakusalilwa kwakugama buumi, kagaminina kwaamba kuti ooko kusala kwakali mumaanza aamuntu lwakwe mwini.\\nKwiindilizya waawo, kucili caambwa mu lusyomo lwa kusalilwa kwakugama buumi cijatikizya ciimo cokwa Yahuwah. Oolu lusyomo taluleme nkaambo aabo batasalidwe kufutulwa inga baaku kakwiina mulandu ngubaacita cakuliyandila! Cili masimpe ncobeni kuti moyo wa muntu uusofweede, ulasofwaazyigwa acinyonyoono. “Moyo wamuntu ulacenga kwiinda zintu zyoonse, mubi kapati, ino nguni uukonzya kuumvwisya.” (Jelemiya 17:9) Cili masimpe akuti lufutuko ncipego cakupegwa buyo kuzwa kuli Yahuwah: “Nkaambo kwiinda muluzyalo mwakafutulwa kwiinda mukusyoma alimwi kutali lwenu nobeni pele nkaambo eeco ncipego ca Yahuwah.” (BaEfeso 2:8) Kulubila kulanjila mumoyo wamuntu kuti lwaanguluko lwakusala lwa muntu ooyo lwalesyegwa.\\nMangwalo aambilizya kuti “Yahuwah nduyando.” (1 Johane 4:8) Eloah uulaa luyando inga taanyanga bana Bakwe mbayandisya lwaanguluko lwa kusala, kasobana nsolo munzila yabulemu imwi, kasala bamwi kuti bakafutulwe, pele bunji bwabo kuti baka.\\nOoyo tuuli mucito wabulemu. IBbaibbele luyubununa ciimo ca Mulengi kuti:\\nMboobu mbwaamba Mwami Yahuwah ulati, “Muntu musongo atabi nalikankaizya abusongo bwakwe, naa muntu sintanze kuba nalikankaizya akaambo kanguzu zyakwe, naba muvwubi kuba nalikankaizya akaambo kabuvwubi bwakwe.\\nPele ooyo uulikankaizya alikankaizizye ceeci, cakuti ulamvwa alimwi ulindizi kuti mebo ndime Mwami Yahuwah ooyo uufwida luzyalo, uuluzi, uululeme aano anyika, nkaambo zintu eezi ndazikkomanina, mbwaamba Mwami Yahuwah. (Jelemiya 9:23-24)\\nLusyomo lwakusalilwa kwakugamika buumi ndusyomo lwa bujayi. Lutondezya Mulengi wesu waluyando kuti ulaa lunya, ulaa moyo muyumu uupindauka. Eeci ncintu cikazyanya a Mangwalo, alo aatondezya Nguwe kuti ngu Taata waluyando uutayandide kuti naba omwe kuti akalobe. Cintu citobela ncakuti myoyo yabantu ilanetauka kuyoowa bululami bwamusyobo ooyo. Balasuuluka kabatamvwisyide kuti naa eeco nceciimo cini cokwa Yahuwah, pele eeco ciimo cakasendekezyegwa aa sinkondonyina wa Yahuwah a muntu, Saatani.\\nLusyomo lwakusizya ciimo ca Munununi lulasinkila akataa muya wamuntu a Mulengi wakwe. Yahuwah wiita bantu boonse kuti balazyike ansi kufumbwa lusyomo lutajanwi mu Mangwalo. Kotambula luyando ndwajisi kuli nduwe. Yebo uyoobona bulamfu abubotu bwa ciimo cabulemu mbocikukwelela kuli Nguwe, antambo zyaluyando luteeli. Walo takkede kulaale a zilengwe Zyakwe pe, kaide kusalauzya kuti bamwi bakafutulwe mpoonya boonse batasalidwe bakasoogwe. Kunze lyaboobo, Walo uluukwete kukwelakwela boonse kuzya kuli Nguwe nkaambo ulangila kuti boonse bakafutulwe.\\n“Yahuwah Mwami wakalibonya kulimbabo, kubantu bakwe wakati, 'Ndakamuyanda akutamani, asunu ndicimuyandisisya.” (Jelemiya 31:3)","num_words":1858,"character_repetition_ratio":0.051,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amagidoni: Nkondo yakulwanina Kupaila Print\\nAmagidoni: Nkondo yakulwanina Kupaila\\nInkondo ya Amagidoni, mbweenya mbuli caando ca munyama, lyoonse ncintu ciyeeyelwa munzila zinjaaanji ziindene kapati. Eeli bbala lini liletela zifwanikiso zya bujayi kumizeezo ya muntu, mbuli manyongwe akufwanyauna kufumbwa cilibonya atalaa nyika. Kuzwa mutwaano tulaa mpuwo mucipekupeku ca Left Behind , kusikila kumulongo mulamfu wazipekupeku zyaku Hollywood, bantu banji balabbeja akuyeeyela mboyeelede kuba nkondo yamisela eeyi. Mbweenya mbuli “caando ca munyama”, yoonse mizeezo eeyo ililubide, nkaambo tabamvwisyide bwini kuti kaambo keni kataaluka misela ya zyuulu zyamyaka, kali atalaa makani aa kukomba. Nkondo ya Magidoni ninkondo iicaalizya kujala nkondo yakali kulwanwa kale eeyo njaakatalisya Lusifa naakalidunda kuti uyookkala atalaa Mulundu wa Mbungano, Mulundu wa bantu bapaila wa Mo’edim.\\nIbbala lini lyakuti Armageddoni liyubununa musyobo wankondo eeyi. Ndibbala litajanwijanwi mumilaka yabantu alimwi libelesyedwe buyo ciindi comwe mu Mangwalo. Nokuba kuti Ciyubunuzyo tiicakalembedwe mumulaka waci Hebulayo,(1) eeli bbala lyakazyila kumabala aaci Hebulayo obile aaswaanganyidwe. Ibbala litaanzi ndya har (#2022); eelyo liiminina kuti “mulundu.” Basicikolo tabamvwene ncoliiminina bbala lyabili liswaanganyidwe kuli leelyo. Bamwi basyoma kuti eeli ndibbala lyakuti #4023: Megiddo, izina lyabusena bumwi mucisi ca Palestine. Ipenzi liliko mu busanduluzi oobu ndyakuti, ikuti muntu umwi waunka kubusena bwa Megiddo, kunyina mulundu uuliko okuya pe! Mubwini, kuli buyo cibanda cipati: “Musena wa Megiddo.”(2)\\nBasicikolo bamwi basyoma kuti ibbala lyabili ndyakuti #4150: mo’ed. Eeli ndebbala lyeelela. Armageddoni, har mo’edim, Mulundu uukonzyenye a Mulundu wa Mo’edim ooyo Lusifa ngwaakanyonokela akutaminina kuti nguwakwe, kanonzomene atalaa Mulundu wa Mbungano, akutembaulwa mbuli kuti walo ngo leza.(3) Aawa mpiilulila ncobeni kulwanwa nkondo, lyoonse kabalwanina bupaizi akukomba.\\nMpoonya kuzwa waawo sibwaamu uutantide munyama natondezyegwa kuti ngu “Bbabbiloni Mupati wa Maseseke,” kulibonya mungele wane, kainduluka kwaambilizya mulumbe wakucenjezya ngwaakapedwe mungele wabili. Pele aciindi eeci, ooku kucenjezya kuloompololwa mujwi lipati kuti:\\nMusyule lyazeezi ndakabona mungelo umwi kafuuma ansi kuzwa kujulu. Wakali kumweka bulemu bupati, aboobo nyika yoonse yakamweka akaambo kakubala kwakwe. Wakapozomoka ajwi pati wati, “Wawa, wawa Bbabbuloni munzi mupati! Waba busena bukkala myuuya mibi! Waba ciyobwedo camyuuya yoonse iisofweede, aciyobwedo cabayuni basofweede boonse, basesemya. Nkaambo masi woonse akanywa waini wabukali bwamamambe aakwe. Bami boonse bamunyika bakacita bumambe anguwe, abalo basambazi bakavwuba kwiindilila akaambo kazisusi zyakwe zinji.” Mpawo ndakamvwa jwi limbi lyakazwa kujulu lyakati, amuzwe muli nguwe, nobantu Bangu! Tamweelede kulisofwaazya anguwe, tamweelede kusubulwa anguwe! Nkaambo zinyonyoono zyakwe zili lundene ziyanda kusika kujulu kwini. Yahuwah waiyeeya milandu yamukaintu ooyu. (4)\\nKwiinda mukubelesya kkalenda lya lweeno lya leza uusisidwe, “woonse masi akakolwa waini” wa Bbabbuloni. Kunyina muntu wiindidwe kumbali mumulumbe uucenjezya cakusinizya boobu.. Nokuba boobo, luzyalo lwabulemu lucitambikidwe kuli baabo Mwami Yahuwah mbaita mujwi libombe kuti “Mbantu Bangu.” Moyo waluyando luteeli uciyandisya kuti bantu Bakwe bamvwisisye makani woonse kutegwa boonse bayanda, basale kutobela Nguwe. Ooko kubambulula kkalenda kuyandika mazubaano, nkwakupiluka ku nzila yakasimpe yamu Bbaibbele yakubalila mazuba akupima ciindi. Mukubambulula Nsabata, kulayandika akubambulula kkalenda.(5)\\nNcintu cuubauba kuli baabo balelekedwe amumuni mupati wamoza kulidunda, kabayeeyela kuti balaa kasimpe koonse kayandika kuti bakafutulwe. Nokuba boobo, Izaya 58 ufundumene kwaamba kuti: bantu bokwa Yahuwah balilubide: “Mboobu mbwaamba Mwami Yahuwah ulati, “Ompolola canguzu, utaleki pe. Pozomokesya mbuli mweembo. Ambilizya kubantu Bangu zyabuzangi bwabo, baambile baluzubo lwa Jakobo zinyonyoono zyabo”(6)\\nSimalelo wa Mulengalenga woonse ukombelezya muntu kuti atondezye bantu Bakwe zinyonyoono zyabo! Cilisalede kuti aabo baambwa muluyando kuti “mbantu Bangu”, mbabaabo balibwene aanga kunyina cibyaabi ncobacitide, mbuli mbokapandulula kampango katobela aawo: “Pele buzuba abuzuba aaba bantu balandiyandaula kabayandisya kuzyiba nzila zyangu mbuli kuti musyobo uucita ziluleme, uutanasiya malailile aa Leza wabo. Balandikumbila mbeta ziluleme, balayandisya kuswena aafwiifwi kuli Yahuwah”(7) Nokuba boobo, nokuba kuti balitondezya kuba bana-kristu caantangalala, pele kuli cintu cilubide kapati muli mbabo: bakasulaika mulazyo wa Mulengi wabo.\\nIpobwe lya mulawo ngubaasulaika, ndya kukomba mubuzuba bwamasimpe bwa Nsabata. Eeci ncecitondezyo akataa Nguwe ambabo ncibaasowela kumbali. Bunji bwa bana-kristu aabo bakomba mu Nsondo basyoma ncobeni kuti Nsabata yakapedwe buyo bana ba Isilayeli. Kunze lya masimpe aakuti Nsabata yakapedwe ku Malengelo kakutaninga zyalwa bana ba Isilayeli, Paulu mwaapositolo wabantu ba masi,(8) wakagaminina kwaambilizya kuti boonse aabo batambula Kristu mbabayookona cisyomyo caapegwa mbweenya mbuli balunyungu lwa Abrahamu.(9) Aboobo, zintu ziyandika kuti bakakone cisyomyo, nkuteelela milawo yabulemu, mbweenya kubantu ba masi mbuli ku lunyungu lwa Isilayeli.\\nMbuli mbokwatondezyegwa kale, cisi ca Isilayeli cakainduluka kuzanga akucita bupaizi bwakulumbaizya leza uusisidwe, Saturn, awalo Isilayeli wamazubaano, walunyungu luna Isilayeli a Isilayeli wamu moza, bacizumanana mubuzangi oobo; “Nyika yasofwaazigwa abantu bayo tabaswiilili milawo; basotoka mbeta akutyola cizuminano citamani.”(10) Insabata yakabambwa a Mulengi Lwakwe mwini kuti ibe citondezyo cakutobela milawo ya bulelo Bwakwe:\\nUbaambile Baisilayeli kuti, 'Muleelede kububamba buzuba bwa Nsabata, nkaambo buzuba oobu mbwacitondezyo akati kangu andinywe alimwi abalunyungu lwanu, kutondezya kuti mebo nde Mwami Yahuwah ndakamucita nywebo kuba bantu bangu. Aboobo muleelede kububamba buzuba bwa Nsabata, nkaambo bulasalala kulindinywe. Kufumbwa muntu uutabubambi akubusalazya uleelede kujaigwa. Muntu woonse uubeleka mulimo mubuzuba bwa Nsabata uyoogwisigwa akati kabantu bokwabo.(11) Muleelede kubeleka milimo yanu kwamazuba aali cisambomwe, pele buzuba bwaciloba mbuzuba bwakulyookezya, bulasalala ku Mwami Yahuwah. Kufumbwa uucita mulimo mubuzuba oobo uyoojaigwa. Baisilayeli baleelede kububamba buzuba bwaciloba, mumazyalani woonse aayooboola akububamba kuti bukabe cizuminano citamani. Mbwacitondezyo citamani akati kangu a Baisilayeli, nkaambo kakuti mebo nde Mwami Yahuwah, ndakalenga julu anyika mumazuba aali cisambomwe, nkako mubuzuba bwaciloba ndakaleka kubeleka, ndakalyookezya.(12)\\nEelyo pobwe lyabulemu nolisulaikwa, kufumbwa cicitwa mubupaizi oobo inga caba cintu buyo citakwe bulemu nokuba citakwe zileleko. Muli Izaya 58, bantu bakatongooka kuti, “Nkaambo nzi ncotuliimya cakulya . . . mpoonya yebo kwiina notubwene?”(13) Eelyo ziyanza zyabupaizi bwabo nozitakwe zileleko amoza, balo batalika kutamikizya akutongookela Mwami Leza Yahuwah, kabamutamikizya kuti, “Wabaanzi, Yahuwah? Nkaambo nzi ncotabikkili maanu kukukomba kwesu? Hena tobwene zyoonse nzyotukucitila kukombelezya Nduwe? Ino zyili kuli kayi zileleko nzyookatusyomya?”\\nTaata ubaingula kuti, Walo uyandisya bupaizi buzyila mukati kamoyo oobo buletela zileleko nzyobalangila bantu.(14) Atalaa makani woonse aaya, nokuba boobo, kaambo keni nka kuzyokela kubupaizi bwamasimpe akubambulula pobwe lyabulemu amilazyo eeyo yakasowelwa kumbali: mbuli kujokolosya kupaila mubuzuba bwaciloba bwamasimpe bwa Nsabata oobo buli mu kkalenda lyamasimpe lyamu Bbaibbele. Musela wamamanino upedwe mulimo mupati wakujokolosya Nsabata abusena mpoyeelede kuba, kayiimvwi kumbelaa nyika yoonse akwaabanya kasimpe kalibotela aaka. “Bantu bako bayooyakulula matongo aakale-kale, basikubukulusya bwaanda mbabayoobukulusya ntalisyo zyamazyalani aakale zyakooledwe; nkabela muyokwiitwa kuti, Babambululi bacintu caalubide, basikubukulusya maanda aakawa atuzila twawo”(15)\\nOoyu mulimo uupedwe zyalane lyamamanino: ecino nciindi cibotu cakulemekezya Mulengi wabo kwiinda mukuyobolola akujokolosya luzyibo lwa kkalenda lilikke atalaa nyika likonzya kujana Nsabata yamasimpe. Mpoonya citobela waawo ncisyomyo ciinda zyoonse kubota mu Mangwalo, cisyomyo cizuzikwa buyo kuti watobela milawo akuteelela:\\n“Mwami Yahuwah ulati, “Kuti naa mwabubamba buzuba bwa Nsabata, akuleka kucita nzyomuyanda mubuzuba oobu, kuti naa mwabucita mbuli buzuba bupati bulemenede ku Mwami Yahuwah, cakuti kamuteendi nyendo akutacita mbuli mbomuyanda akwiide kukanana zyabuyo, muyootangala mu Mwami Yahuwah ndiyoomucita kuti mukalemekwe munyika, eelyo muyoolikkalila munyika eeyo njindakapa sikale wanu Jakobo kuti ibe lukono lwakwe, 'Mebo lwangu nde Mwami Yahuwah ndime ndaamba(16)\\nIkuti muntu walyaaba mukuyanda kwakwe cakumaninina, kabamba Nsabata akwiisetekanya, akulemekezya Mulengi wakwe, ooyo muntu uyoosaninwa antoomwe abaabo bayookona lubono lwa Jakobe, wisi wakwe mumoza. Kunyina cisyomyo cimbi ciinda kukulwaizya bulangizi mbuli ceeci kuli baabo bakazwa mvwi buumi boonse kabatakubwene kuti batozya mipailo yabo kuli leza uusisidwe. Izina lya Jakobe liiminina kuti “ooyo waatula”, ndizina lyeelela muntu wakatambula cileleko ca mutaanzi kuzyalwa kumwi kalicengeezya kuli wisi wakoofweede kuti ngo mutaanzi kuzyalwa.(17) Ibbala lyakuti “ooyo waatula” liiminina: “kutola busena bwa [cintu cimwi]; kwaatula, kapati kwiinda mukusinikizya canguzu, kunyengelela, nokuba kwiinda kunsaa maanu; kudadula nokuba kuzyula kutegwa ubikke cintu cimwi mucibaka cacintu citaanzi.”(18)\\nNi “ŋanda ya Jakobe” yiitwa kuti ililekelele zibi nziyaacita. Nsabata yamasimpe nce citondezyo cakuti Mulengi mupati, Yahuwah, usalazya bantu Bakwe. Tacili cintu cikonzya kusalazyigwa mubuzuba bumwi butasetekene bwa lweeno pe. Aboobo, ooyo leza uusisidwe nguwakacita mangwemba aakubikka mazuba aakwe kutegwa atalike nguwe kukombwa mbuli leza, akwaatula Nsabata yamasimpe yabuzuba bwa ciloba. Boonse bantu bakomba kubelesya kkalenda lya lweeno, kabazyi kabotu nokuba kuti kabatakubwene, abalo bapangana cilongwe kumvwana aa leza uusisidwe kuti babbe akwaatula Nsabata abusena mpiiyelede kuba. Eeci cishinshimi cili muli Izaya cakapegwa myeelwe yamisela kuzwa Jakobe naakatambula cileleko ca bulemu bwa kujulu: izina lipya, ncitondezyo ca kulekelelwa cinyonyoono, ciimo cisalazyidwe. Nkaambo zina lyakwe licibelesyegwa mukaambo aaka, eeco ncintu cilaa makani mapati, nkaambo cijisi cisyomyo kuli baabo mazubaano basotoka mulawo wa Nsabata.\\nEelyo Jakobe naakapiluka kumunzi wa Cannani, naakamanizya kukkala makumi obile aamyaka abaacisyanina, walo wakamvwa kuti Esau uzyaakuswena kutozya nkwaakabede kajisi kakamu kalumamba kasyoonto; kwiina kudonaika kuti wakakanzide kujokezya nkaambo kacileleko ca mutaanzi kuzyalwa eeco Jakobe ncaakamubbida myaka minjaanji yakainda musyule. Eeco cakali ciindi cikankamya mubuumi bwa Jakobe. Naakatumizya mukwasyi wakwe kumbele abanyama bakwe mbaakavwubide kuti balanduke kalonga ka Jabboku, “Lino Jakobo naakacaala alikke, kwakasika muntu wakatalika kutingaana anguwe.”(19) Kunyina wakazunda mukutingaana ooku, pele nikwaatalika kusalazya kuyaa kubucedo, Jakobe wakaibaluka kuti busiku boonse wakali kutingaana a Mungele uusunga Cizuminano.(20)\\nEelyo walo naakalangisya akubona Yooyo ngwaakali kutingaana limwi, wakamukombelezya kuti amupe cileleko. “Mpoonya Walo [mungele] wakabuzya kuti, “Ino nduweni?” Jakobo wakati, “Ndime Jakobo.” Mpoonya wakati, “Lino tociyooyitwi limbi kuti Jakobo nkaambo watingaana a Leza abantu, nkabela wazunda, nkaako unootegwa Isilayeli.”(21) Izina lya sikwaatula lyakacincwa kuzwa kuli leelyo lyakali kumwiibalusya cinyonyoono cakwe; mucibaka calyo wakapegwa zina lipya, liiminina ciimo cakwe cisandukide cipya. “Israel” ndezina liiminina kuti “mwanaa mwami Eloah.”\\nOobu bulemu bulaabidwe kufumbwa kumuntu uuleka kupaila munzila yakukomba leza uusisidwe eeyo yakaatula kupaila kweelede kupegwa Mulengi wesu. Ibbala lyakuti “mungele” liiminina buyo kuti “mutumwa.”(22) Boonse aabo bateelela mulumbe uubacenjezya uujisi makani aa kkalenda lya Bbaibbele, batingaana aa Mwami Yahuwah: “Hena cili masimpe ncobeni eeci? Mbubuti mbocinga caba boobo? Ime nsyeyandi muntu uuti ndisweesye! Ino kuti . . .? Ino kuti . . .?” Kumamanino, ndalyaaba kuti, “kutali kuyanda kwangu, pele kuyanda Kwako akucitwe,” mpoonya balo balazunda mbweenya mbuli Jakobe mbwaakakoma. Alimwi mbweenya mbuli Jakobe, balalekelelwa, akwiitwa kuti mbana basankwa abasimbi ba Mwami, mbana ba Mwami wa bami.\\nLwiito lwakulonga kuzwa mu Bbabbiloni, lupedwe nyika yoonse buno buzuba. Kufumbwa cibeela cabuumi cilijatikizyidwe mulwiito oolu: milimo yakuvwola mali, cikolo, cikombelo amukwasyi, azimwi zinjaanji. Nkaambo kakuti nyika yoonse injombede kutobela kkalenda lyaku Bbabbuloni lyakubalila mazuba akupima ciindi ca kupaila, bantu boonse beelede kuliyandila kwiimikila koli olikke. Kunyina mbungano pe ooko nkobagama aabo bakaitwa kuzwa anze. Mbweenya mbuli Elijah atalaa Mulundu wa Carmel, abalo beelede kwiimikila balikke kabatabilila kasimpe kalibotela aaka, kabayandide kuswaanganya bantu babatyompokezya pele kabakkazyikide camba muli Yooyo uulaa nguzu zyoonse zya kufutula muntu.\\nKristu wakati, “Mbelele zyangu zilamvwa jwi Lyangu, ambebo ndilizizi, azyalo zilanditobela.”(23) “Nkozili azimwi mbelele, zitali mucimpati eeci. Azyalo ndiyoozileta, ziyoomvwa jwi Lyangu, eelyo ziyooba butanga bomwe, amweembezi omwe”(24) Aabo baambwa waawa mbaa Bakatolika baku Roma, ba Mozilemu, bamaJuuda, basikutongooka babamba Nsondo abaabo bakomba Mujibelo, ba Hindu, ba Buddhi, abamwi banjaanji; Mweembezi Mubotu ulaa mbelele Zyakwe zitanteene munyika yoonse. Boonse Bakwe ncobeni balateelela akutobela lwiito Lwakwe lwa kulonga kuzwa mu Bbabbiloni.(25)\\nLino oolu lwiito lwasika kuli nduwe mukwesu. Yebo wiingula kuti nzi? Hena yebo wateelela lwiito lwa luse lukutamba kuti usale buumi. “Lino zyoonse nzyeekali kuyeeyela kuti zilaa mpindu, sunu ndazibona kuti nzyabuyo. Ncobeni, zintu zyoonse ndaziziba kuti nzyabuyo nkaambo kampindu mpati njeejana mukuzyiba kuti Yahushua Munanike ngo Mwami wangu. Nkaambo kanguwe ndasiya zyoonse akuzibona mbuli zifuse mukuti ndijane Kilisito, akujanika mulinguwe.”(26) Eena ngo Simalelo Mufutuli wesu? Nkocicili ciindi cakuti ubalisye akusimpa matende aako mukasimpe, pele kucinyina ciindi cakweenkela akulelema kumwi kotazyi cakusala. Ndeenya buyo eelyo mungele wane mu Ciyubunuzyo 18 napa lwiito lwamamanino, azyalo mbeta zya mapenzi zilalekelwa ali baabo bacikkede mumunzi wa Bbabbiloni. Eeco ciyooba “ciindi camapenzi aatanabwene kuzwa nikwaabede cisi kusikila ciindi eeco.” Nokuba boobo, “aciindi eeco bantu bokwenu bayoovwunwa, kufumbwa muntu uyoojanwa kalembedwe mubbuku.”(27)\\nNaakamanizya kutondezya kuzunda kwa Bulelo bwa Kujulu atalaa bulelo bwa Lucifer leza uusisidwe, Yahushua utusiila mulumbe uucaalizya tobantu Bakwe. Majwi aakulwaizya aakujata maanka apedwe nduwe buno buzuba kuti:\\n“Amubone, ndafwambaana kuboola! Ulilelekedwe ooyo uuswiilila majwi aabushinshimi aali mubbuku eeli!”... Amubone! Ndafwambaana kuboola, ndaboola ndaletelela abulumbu bwangu bwakulumbula muntu omwe-omwe kweendelanya anzyaakacita. Ndime Alufa a Omega, mutaanzi amusyaalizi, matalikilo amananino. Balelekwa aabo babamba milawo Yakwe, kutegwa bakazumizyigwe kusika kumusamu wabuumi, akunjila mumilyango ya munzi . . . Masimpe ndafwamba kusika.(28)\\n“Akube boobo. Akube boobo, koboola, O Simalelo wesu Yahushua.”(29)\\nMakani manjaanji aajatikizya nkondo yamulengalenga eeyi:\\nNsabata ya Buzuba bwa Ciloba| Kubambulula Caalubila\\n(1) Ciyubunuzyo 16:16 cigaminina kwaamba kuti: “Mpoonya walo wakabunganya bami mubusena bwiitwa mu ciHebulayo kuti, Amagedoni.” Ikuti Ciyubunuzyo nicakalembedwe mumulaka waci Hebulayo, aaka kaambo nikatakwe mulimo pe.\\n(2) Bala mu 2 Makani 35:22.\\n(3) “Wakali kuti mumoyo wako, “Ono ndatanta mujulu nkabikke cuuno cabwami bwangu nkakkale atala aanyenyezi zya Leza kujulu. Njookkazikwa acuuno cabwami bwangu, acilundu cakuswaanganina, ansonje eeni yacilundu cisalala. Ndatanta atala lyamakumbi, njoolicita kuti nkabe mbuli Sijulu wamajulu.” (Izaya 14:13,14.)\\n(4) Ciyubunuzyo 18:1-5\\n(5) Langa Appendix H.\\n(6) Izaya 58:1\\n(7) Izaya 58:2\\n(8) Ba Roma 11:13\\n(9) “Aboobo kuti inywe kamuli bokwa Kristu, nkokuti muli lunyungu lwa Abrahamu, alimwi muyookona kweendelanya acisyomyo caapegwa” (BaGalatiya 3:29).\\n(10) Izaya 24:5\\n(11) Aaya taali malailile kubantu babamba Nsabata mazubaano kuti batalike kusotoka mulawo akutyola Nsabata. Pele nkuyungizya kuyumya kuti kubamba Nsabata acili malailile aaciyandika. “Bulumbu bwa cinyonyoono ndufu” alimwi kunyina muntu uucizumanana kusotoka mulawo wakubamba Nsabata uyootambula cipego cokwa Yahuwah, eeco cipego “mbuumi butamani muli Yahushua, Munanike, Simalelo wesu” (BaRoma 6:23).\\n(12) Kulonga 31:13-17\\n(13) Izaya 58:3\\n(14) Izaya 58:4-11\\n(15) Izaya 58:12\\n(16) Izaya 58:13-14\\n(17) Langa Matalikilo 27.\\n(19) Matalikilo 32:24\\n(20) Matalikilo 32:26, 29-30\\n(21) Matalikilo 32:27 a 28\\n(22) The New Strong’s Expanded Dictionary of Bible Words, (Nashville: Thomas Nelson Publ., 2001) #4397 a #4398.\\n(23) Johane 10:27\\n(24) Johane 10:16\\n(25) Kuli mpuwo iiyaa kukomena mubupaizi bwa Izilamu mazubaano yakuleka tunsiyansiya twa bamayi akuzyokela kumilumbe yabbuku lya Koran lilikke, kubelesya kkalenda lya mwezi azuba antoomwe. Pobwe lya Ramadani liiminina kuti “mwezi uupya; cimpayuma; ciyumu.” Nokuba kuti kkalenda lyamazubaano lyaba Mozilemu liyeeme buyo kubweende bwa mwezi ulikke; pele nokuba kuti pobwe lya Ramadani lilafwamba kusika mazuba 11 mumwaka uuli woonse uutobela, kutaanguna eelyo kkalenda lyakali kubelesya mwezi azuba antoomwe alimwi pobwe lya Ramadan lyakayeeme kuciindi camwaka cipya.\\n(26) Bafilipo 3:8\\n(27) Daniele 12:1, 2\\n(28) Ciyubunuzyo 22:7, 12-14, 20a\\n(29) Ciyubunuzyo 22:20b-21","num_words":2176,"character_repetition_ratio":0.038,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino ngumulandunshi mulyeelete kwiindilisha kwiiya Baibo? | Makani Abotu\\n1. Ino kutolelela kwiiya Baibo inga kwamucafwa buyani?\\nCakutatonsha, nshomweeya mu Baibo kusebensesha kabuku aka shilyeelete shamucafwa kwaamba ayi lusuno lwanu kuli Yehova luyume. Mulyeelete kutolelela kucita nshenga shamucafwa kwaamba ayi lusuno ulo luyumineeko. (1 Pita 2:2) Na mwatolelela kusena pafwafwi a Lesa kwiinda mu kwiiya Maswi akwe ndyeshi mukabe abuumi butamaani.—Amubelenge Joni 17:3; Juda 21.\\nNdi mutoya cishibilaako ashimwi shakwe Lesa, lushomo lwanu lulaakunoya ciyuma. Lushomo lulaakumucafwa kusangalasha Lesa. (Bene Ebulu 11:1, 6) Alimwi lulaakumucafwa kusanduka kwaamba ayi bukaalo bwanu bukabe kabotu.—Amubelenge Milimo ya Batumwi 3:19.\\n2. Ino nshomwiiya pali Lesa inga shacafwa buyani bamwi?\\nInga mwaba bashicibusa bancinencine bakwe Yehova\\nKweelana ambotwakalengwa, soonse tulanyumfwa kabotu kwaamba pa makani abotu, aboobo inga mwayanda kwaambilako bamwi nshomweeya. Ndi mutotolelela kwiiya Baibo, mulaakwiiya bwa kusebensesha Baibo kupandulula makani abotu alushomo lwanu muli Yehova.—Amubelenge Bene Loma 10:13-15.\\nBantu baanji balatalikila ku beshikamukowa a babyabo kwiisha makani abotu. Ono munolilama kwaamba ayi mutabakalashi. Mu ciindi cakubaambila ayi bupailishi bwabo mbwa bubeshi, amubaambilebo pa shintu Lesa nshaashomesha. Alimwi, mulyeelete kwiibaluka ayi bantu balakondeleshekwa abuumbi na kamulibombya kwiinda nsho mutobaambila.—Amubelenge 2 Timoti 2:24, 25.\\n3. Inga mwaba a coolwe cakuba baani kuli Lesa?\\nKwiiya Maswi akwe Lesa inga kwamucafwa kununguluka ku mushimu. Muciindi, Yehova ulaakumusuna abuumbi. Aboobo, mulaakuba beshikamukowa bakwe Lesa.—Amubelenge 2 Bene Kolinto 6:18.\\n4. Ino inga mwacita buyani kwaamba ayi munooya cikula ku mushimu?\\nInga mwaya cikula ku mushimu na mwatolelela kwiiya Maswi akwe Lesa. (Bene Ebulu 5:13, 14) Mukaambile Bakamboni bakwe Yehova kumwiisha Baibo kusebensesha libuku lya Ino Ncinzi Cini Bbaibbele Ncoliyiisya? Na mukeeye shiinji mu Maswi akwe Lesa, bukaalo bwanu bulaakubotelaako.—Amubelenge Kulumbaisha 1:1-3; 73:27, 28.\\nMakani abotu alaswa kuli Yehova, Lesa usangalete. Inga mwasena pafwafwi anguwe kwiinda mu kusena pafwafwi ku bantu bakwe. (Bene Ebulu 10:24, 25) Ndi mutotolelela kweelesha cankusu kusangalasha Yehova, mulaakulicanina buumi bwancinencine, ee buumi butamaani. Ncakwiila, cintu cibotu ncenga mwaciita mu bukaalo bwanu nkusena pafwafwi a Lesa.—Amubelenge 1 Timoti 1:11; 6:19.\\nBaibo itoocafwa bantu mamiliyoni pacishi coonse kucana shikumbulo sha miipusho inene mubuumi. Sa inga mwasuna kuba womwi wa baabo?\\nIno Ngumulandunshi Mulyeelete Kwiindilisha Kwiiya Baibo?","num_words":317,"character_repetition_ratio":0.07,"word_repetition_ratio":0.0,"special_characters_ratio":0.19,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kufwidilila mu Moza: Masimpe naa Malweza? Print\\nKufwidilila mu Moza: Masimpe naa Malweza?\\nMutacengwi nobantu! Aayo masabe aalitondezya mu bakambausi bacengeezya kuponya bantu, abaabo bataminina kuti “bafwidilila mumoza”, tuuli Muya Uusalala uuzwa ku Mwami Yahuwah pe.\\nEeco cintu cakatalika asyoonto-syoonto kakwiina kuyobeka. Kwakamvwika kajwi kaumunizya, aako kaatalika kulimvwisya akataa bantu bakakkede muŋanda ya banabutema ba Katolika. Kakainduluka kumvwika alimwi kajwi aako. Hena mwati inga kunooli kwakali kaaze wakasweekede kayaa bwiingaila akusobaila mulubuwa lwabantu na?\\nMpoonya kwakamvwika jwi lyabili lyakaaze. Ino ootu tunyama twakali kuzyila kuli? Mukaintu mupati weendelezya ganda lya banabutema, wakanyampuka akweendeenda ooku akooku kayaa kulangaula cakali kulila boobo. Kunyina kanyama kakeelede kujanwa mulubuwa lusetekene oolo pe! Mpoonya Walo wakatozya kuzyuli limwi ooko nkwaakamvwide mweeninyina umwi nkwafwinkila akuvwitima cakuumunizya. Nkaambo nzi ncaakali kwiide kwiimvwi aalya, kumwi uleema? Nkaambo nzi ncaatakasola kujata kaaze ooyo wakali kulimvwisya kalila akumusowela anze lyalubuwa?\\nMpoonya ooyo nabutema wakali kulila, wakacenguluka kulanga mweendelezi wakwe nkwaboola kuzyoomulanga. Wakabbamuna mulomo wakwe akwaambaula kuti, “Meeyawo?”\\nMpoonya aawo kwakatobela jwi alimwi, lyakaletezya kuzwa mukkoce lyaganda eelyo, akwiingula nguwe kuti: “Meeyawo!”\\nMukaintu mupati mweendelezi wakavwaka kuya kuzyuli lyakali munsimunsi kuyoolanga cakali kucitika. Oomo naakanjila wakajana banabutema bobile, balo bakasintamuka akulanga nguwe kabagambidwe; nibakabumuzya ncaakali kuyandaula, majwi aakazwa mumilomo yabo akali kuti, “Meeyawo?”\\nMbaanabutema aabo bakali kuweelula aanga mbaakaaze akusabila mulubuwa loonse! Mpoonya kwakamvwika jwi alimwi lyakabasangana kaliinduluka kulila mbweenya. Ma! Nobantu! Eeci ciyanza cakulila aanga ngu kaaze, cakayambukizyanya mbuli mbulwazi akataa banabutema. Tiilyakalampa kusikila eeci ciyanza nicakayambukila abamwi bakali kukkala muganda lya banabutema ku France. Mpoonya kwakacitika cintu cimwi cinyanyaazya masusu. Aabo banabutema bakatalika kwiingulana kabalizya majwi aabo mbuli kaaze! Muziindi zimwi zyabuzuba, bakali kunga baindizya kuŋeula kwamawoola aakubwene isyikati lyoonse. Kunyina cintu ncaakali kunga wacita mweendelezi wabo kuti abalesye kucita cilengwa eeco.\\nEeci cintu cakatalika kukatazya bantu bakali kukkala mumbalaa ganda lya banabutema mudolopo. Bantu bakamanukilwa kuswiilila nkobaŋeula akutalika kuyoowa bamakaintu aabo kuti bakanjidwe basangu; nkabela bantu bakatumizya mulomo kumfulumende kuti ibagwasye kulanganya banabutema aabo. Kwakatuminwa basikalumamba kuti bazyoovwuntauzye makani woonse akulibonena cakali kucitika akuyoosya bantu bacisi. Nibakamanizya kulangaula muganda lyoonse oomo mwakali kukkala banabutema, basikalumamba bakapa kwaambilizya kuti kufumbwa nabutema utiikamvwugwe kaŋeula aanga ngu kaaze, uyookwabbaulwa antangalala acimboko kabamulangilizya bantu boonse akabone naa uciyoozumanana kuŋeula kwakwe.1\\nMpoonya aawo lyakamanina limwi penzi lyoonse. Kucinyina awakacili kuŋeula kuti “Meeyawo”! Lino misela minjaanji kayiindide, eeci ciyanza cicili cintu cikondelezya kuvwuntauzya alimwi citondezya buyo bantu bafwide butolo nobatakwe cakucita mbobanga batalika ciyanza cakukonga bantunyina akuyandisya kujatila bamwi mizeezo.\\nBanabutema baku France tiibakali bana Kristu balikke bakazungaanyidwe anguzu zyakuungulwa maanu kucita ncobaambilwa.\\nPele, eeci cintu mbuli mbocikankamusya, tiicakali ciindi camamanino eeco ku bana Kristu bayeeme munguzu zyakucita ciyanza eeco, nkaambo kakubona muntu umwi nkwacita ciyanza eeco.\\n[Nkamu ya WLC kunyina pe niikulwaizya nokuba kuzumizya zilengwa aziyanza zya Cikombelo ca Katolika. Aaka kaano kalembedwe atala aawa nkakutondezya buyo cicitika.\\nKufwidilila mu Moza\\nMulugwalo lwakwe lutaanzi kuli Timoteo, Paulu wakacenjezya bantu kuti: “ Ncobeni Muya Uusalala ulaamba kuti ciindi cizya bamwi bayoosulaika lusyomo, bayoogama kuswiilizya ziiyo zyabubeji zizwa kumiiya iisungilizya, aziiyo zyadyabooli” (1 Timoteo 4:1, KJV) Ciiyo cabupaizi bwamasalamuzi ca “kufwidilila mumoza”, ncimwi akataa mizeezo minjaanji iizyila ku madaimona.\\nZimwi ziindi, eeci ciiyo ciitwa kuti “kuwida mu Moza” naa kuti “kunjilwa nguzu.” Eeci ncecintu cicitika ziindi zinjaanji, eelyo muntu umwi nalangaula mupaizi wamasalamuzi kuti amusilike.\\nIbbala lyakuti \"kufwidilila mu Moza” ndelibelesyegwa kanjaanji akataa Zikombelo zya Buna Kristu eezyo zisyoma masalamuzi aakuponya bantu, eelyo nobaambilizya kuti muntu wanjilwa Muya Uusalala. Kusendekezya kuti Muya Uusalala inga wanjila muntu kuujisi nguzu zipa kuti muntu atalike kucita zitondwa, ooko nkokwaambwa kuti ooyo muntu \"wafwidilila mumoza.\" Eeci tacaambilizyi kuti ooyo muntu wafwa ncobeni pe mbuli mbobafwa bantu, pele nkusendekezya kuti ooyo muntu wamanukilwa kunjilwa Moza cakuti nkwiide kulivweketa akugwalangana kalipwaya mizinga kubee wanjilwa masabe.2\\nNcobeni, masimpe kuti ku Mwami Yahuwah, zintu zibotu zyoonse zilakonzyeka kucitika. Mbuli mbwali Mulengi ulaa nguzu zyoonse, ncintu cuubauba kuli Nguwe, kuti inga wasikila muntu munguzu zipati boobo cakuti ooyo muntu inga waide kulebauka. Kaambo keni kakatazya aawa nkakuti, hena Mwami Yahuwah ukonzya ncobeni kucita cintu eeco munzila yamusyobo ooyo, hena kusyoma boobo —akuyungizya zinjaanji atalaawo, alimwi kufumbwa ciyanza cicitwa boobo — hena zilajanwa mu Bbaibbele eezyo zilengwa zili boobo na?\\nAabo bazuunyene cimpenda eeci, kanjaanji balalikwabilila kabainduluka kwaamba tumpango twa Mangwalo tunjaanji, kumwi kabakakatila kutondezya kuti eeci ciyanza cakali kucitika ncobeni amwalo muziindi zya Bbaibbele. Nokuba boobo, kuti twasanyangulisyigwa tumpango ooto ntobataminina, inga kwayubunuka buyo kuti ooto tumpango tatukonzyi kweendelana nanka kutabilila lusyomo lwa “kuwida \/ kufwidilila mu Moza” kakwiina kupindaula Mangwalo.\\nKamwi kampango katamininwa kwaambwa boobo ziindi zinjaanji, kapandulula kupaizya tempele lyokwa Solomoni.\\nNkabela aabo basiba myeembo abaimbi bakaliswaangene antoomwe, kabaimba cikondelezya mujwi lyomwe akumvwugwa kabatembaula akulumbaizya Mwami Yahuwah; alimwi nibakavwentuka mujwi lyomwe amyeembo azimwi zingwali-ngwali zyakwiimbya nyimbo, bakali kwiimbisya nyimbo kabatembaula Mwami Yahuwah kuti, Mwami Yahuwah mubotu nkaambo luyando lwakwe talumani.”\\nKumane ŋanda ya Mwami Yahuwah yakazulila kkumbi, aboobo bapaizi tiibakakonzya kubeleka muŋanda ya Mwami Yahuwah ankaambo kakkumbi eelyo, nkaambo bulemu bwa Mwami Yahuwah bwakiizuzya eeyo ŋanda. (2 Makani 5:13-14)\\nKunyina pe mukampango aaka mpokupanduludwe muntu naba omwe wakalivweketa akulyuumputa muzinga nkaambo kakukolwa nguzu zya Mwami Yahuwah, nokuba kuponya muntu uuciswa naba omwe pe. Pele kunze lyaboobo, kampango 11 kaamba biyo mucibeela cimwi kuti, “Boonse bapaizi bakaliko aawo bakalongezyegwa.” Cakali cintu cityola mulawo wabapaizi ba Levi alimwi catakazumizyidwe kuti muntu uuciswa nokuba uulemene kuti akutauke milimo yabupaizi kunembo lya Mwami Yahuwah; aboobo, kunyina akataa bapaizi aabo wakali kuyandaula mupaizi wakumusilika pe, alimwi kuti nikwali uuyanda kuponyegwa, naatakalileta nokuba kuzumizyigwa kusika abusena aawo pe. (Langa cilembedwe mu Bapaizi 21:16-23)\\nAabo basiminide kulusyomo oolo, balataminizya abuzuba nakaangwa Mufutuli mu Muunda wa Getisemane kuti mbumboni bwabo. Eelyo Yahushua naakabuzya basikalumamba kuti nguni ngubakali kuyandaula, “Balo bakamwiingula kuti, Yahushua waku Nazaleta.” Yahushua wakati kuli mbabo,“Ime ndendime nguwe.” Mpoonya Judas awalo, ooyo wakamwaaba, wakaliimvwi akati kabo. Mpeenya aawo naakabaambila kuti, Ime ndendime nguwe, bakatenteleka kudilika musyule, akuwa mizinga ansi.” (Johane 18:5-6)\\nAkamwi kampango kalaa mpuwo nkobayandisya kubelesya kutaminina ciyanza eeci kuti nkocili mu Bbaibbele, kajanwa mukaano kakusandulwa kwa Saulu waku Tarsus. “ Lino naakasika afwaafwi amunzi wa Damasikasi, mumuni uuzwa kujulu wakamumwekela. Mpoonya wakawida ansi, aawo wakamvwa jwi lyakati “Saulu, Saulu! Undipenzyela nzi Ime?” (Milimo 9:3-4)\\nKunyina pe muntu wakalyuumputa mizinga akataa bantu bakali kuyanda kwaanga Yahushua, alimwi nokuba kunetauka kwa Saulu, inga tiikwatabilila lusyomo lwamazuba aano lwakunjilwa muya, nkaambo boonse bantu aabo bayandaula bapaizi bamasalamuzi kuti babaponye, mbantu basyoma Mwami Yahuwah kusikila mpobagolela kuzyiba ncobeni mumyoyo yabo, alimwi baliluleme mumeso ookwa Sikabumba Yahuwah kuyandaula cileleko Cakwe.\\nKuli tumpango tusyoonto buyo mu Mangwalo aawo mulombwana wa Yahuwah naakazingidwe bulemu bwakujulu, anguzu zyabulemu. Alimwi nokuba boobo, ooyo musyobo ngwaakawa ansi muntu ooyo ulipedwe, kuti lyoonse wakali kuwa kakotamika busyu bwakwe kutozya kumbele. Ngooyu mukonzyanyo: “Mpawo ndakamvwa kaambaula, lino nindakamuswiilila, ndakoona, ndakali vwunteme ansi. Mpoonya kwakandiguma janza, lyakandipa kuti ndivwuntame amazwi amatansyi aamaboko aangu.” (Daniele 10:9-10, KJV)\\nEeci ncintu ciimpene kulaale kapati acintu cili coonse cicitika eelyo bantu nobanjilwa mizimo mazubaano kumwi kabalyaamba kuti banjilwa Moza. Eelyo Daniele naakalileka akuwa ansi, mungele wakafwamba kumujatilila akumuyumyayumya. Awalo Johane Muyubunuzi, wakayumayuma mpoonya aawo naakanjidwe nguzu zya Mwami Yahuwah: “ Mpoonya nindakamubona Ime ndakawa mbuli muntu uufwide akukotama kumaulu aakwe. Pele wakabikka janza lyalulyo lyakwe alindime wati, “Utayoowi Ndime matalikilo amamanino” (Ciyubunuzyo 1:17, KJV)\\nBakambausi ba Ivangeli abapaizi bamasalamuzi, aabo bayandisya kunjizya bantu mizimo, kunyina pe nobatambika janza kuti bagwasyilile nokuba kukwaba muntu uuyanda kuwa muzinga ooyo ngobasendekezya kuti wazundwa nguzu zya Mwami Yahuwah. Pele cintu cini cilibonya kacicitika ncakuti, kubaanga baide kusekelela nguzu “zyabo” zyakuunsya bantu mizinga. Ncobeni, bunji bwabo balaa bantu babagwasya “kukwaba” muntu eelyo natalika kucengama kuwa kutozya kusyule kuti atalicisi.\\nHena ooko nkulyeezyeka Yooyo Mubombe Moyo Uulitola ansi?\\nNokuba zintu zinji zyeelede kucenjelelwa eezyo, bantu banjaanji bakalicisa muziindi zyakainda kale musyule lyesu. Umwi mukwasyi ookwa Ella Peppard wakapa mukambausi Benny Hinn mulandu uusika myeelwe yamamiliyoni aamali nkaambo kazicisa nzyaakalicisa ooyo mukaintu kumuswaangano wamukambausi ooyo— eezyo zicisa zyakapa kuti asike mpanjila mulufu lwakwe.\\n“Peppard, 85, wakafwa mumwezi wa Vwivwi. 23, 1986, nkaambo zyakasinka nsinga zipati zitola bulowa kuzwa kumoyo wakwe kutola kumubili, eelyo naakanjide mucibbadela nkaambo kakutyoka kasolo. Walo wakagejukila kasolo mumuswaangano wakaindide mazuba 15 mu Civwuka ca Lusyomo ca mukambausi ooyu.”3\\nPeppard wakali akataa bantu bakaimvwi mumulongo kabalindila kuti batambule cileleko cakuponyegwa kumukambausi Benny Hinn; mpoonya ooyu mukambausi naakagunta mulombwana wakali kumbelaa mukaintu ooyu cakuti, wakawa kutozya musyule, wakuguntilizyila mukaintu ooyu ansi akumutyola kasolo.\\nMuciindi cakuti agwasye mukaintu ooyu, mukambausi Benny Hinn wakapa malailile kuti Peppard agwisyigwe abusena aawo akukkazyikwa acuuno cili munsaa kumbele lya cikombelo.\\nEelyo umwi wakali kugwasyilila naakasola kuyandawida mukaintu Peppard wakumugwasya, aabo bakaimvwi kabalangilizya munsimunsi bakamvwa mukambausi Benny Hinn nkwalesya mugwasyi akumwaambila kuti, “Komuleka yawe, musiye alikke. Leza ulamuponya.”4\\nAcimwi ciindi cijatikizya mukambausi ooyu Benny Hinn, mwanaakwe musankwa abalombwana bamugatela bobile, bakaangwa nkaambo bakaumputa akutundulula cuulutwi uutaambauli ooyo wakaboolede kuzyooponyegwa kumwi kajisi meenda.\\nHestephenson Araujo, 21, wakali kuyandika kuya kucibbadela naakamanizya kuumwa … mumuswaangano wabupaizi ku Manaus, kunyika lyacisi ca Brazil.\\nBamasilikani bakaanga musankwa Joshua Hinn, 21, antoomwe abantu bobile bagatela Benny Hinn, nkaambo aabo balombwana botatwe bakamvwugwa kuti bakajalila Araujo mucitolokesi akutalika kumuumputa.\\nAaba balombwana bakajata Araujo akumutola kucitolokesi eeco cakayobwedwe munsaa civwuka, mpoonya kwakamvwugwa kuti oomo mubakamudinkaula mfwaindi akumubbonta kumwi kabamubuzya kuti wakali ni.\\nNkaambo kakuti ooyu muntu taakali kukonzya kumvwa mbwaanga wakali cuulutwi, nokuba kubaingula nkaambo taakali kwaambaula, bakazumanana kumucisa, mbubakaamba oobo bakapokola.\\nMpoonya bamasilikani balaa zibelesyo zyakoolawula ntenda, bakaliwaalila mukati kacitolokesi eelyo bantu bakali kulangilizya nibakaita bakapokola.5\\nEeci ncintu ciimpene kulaale kapati amilimo njaakacita Mufutuli Yahushua, nokuba umwi akataa baapositolo bakwe! Robert Liichow, ooyo aciindi cimwi wakalaa lubazu mubupaizi oobu, lino uluujisi kucenjezya bantu kucintu cilubide mubupaizi bwa mukambausi ooyu. Walo wakalemba kuti:\\nMubuzyo wini ngwakuti - ikuti kali Leza ncobeni uugunta bantu nobawida ansi, nkaambo nzi ncotweelede kubakwaba kuti batalicisi? … Balo aabo basangane bupaizi oobu baingula kuti ooko kuwa kwamuntu kunyina acimbi pele ninguzu akuba munsaa Muya Uusalala. Kuti kacili mbocibede ncobeni oobo … hena [Leza] tababwene ncobeni aabo bantu mbaguntila ansi mubulemu Bwakwe, tabwene kuti inga balalicisa na? Eezi zikombelo zibelesya bantu bakwaba muntu uuyanda kuwa nkaambo (1) zilizyi kuti kanjaannji bantu balicengeezya buyo kuwa, alimwi eeci ncecintu ncobalailidwe mumaanu kuti ncobeelede kulangila kucitika akucita. (2) Tazijisi lusyomo muzintu nzyobakambauka muzikombelo eezyo pe. Ooku munzila imwi nkokwaamba kuti, Leza wabo tajisi nguzu zipati zyakuti inga wakwabilila bantu Bakwe eelyo nobawa mizinga.\\nAlimwi kunze lyabantu aabo bakali kukwaba bantu, kwakali bamakaintu … aabo bakali kuswena munsimunsi nokuba kwiimina kunze lyabaabo bakwaba muntu, kabajisi milembo mipati yakukwabula muntu. Mulimo wabo wakali wakuvwumbilila mulembo kumaulu amubili wamukaintu kuti wawa muzinga. Nkaambo nzi? Nkaambo bunji bwaziindi aabo bamakaintu banjilwa muya balawa cakugwalangana cakuti inga kwatalika kulibonya zitondwa.\\n“Kwakali ziindi zimwi [eelyo] bamakaintu bamwi nibakalembweteka cakuti kwakavwunauka masiinsi, akukwangauka cibelo cimwi kacitapukila kooko, acimwi okuya. Eelyo Mwami naakasala kusampuzya bana basimbi Bakwe munzila yamusyobo ooyu, swebo twakaliko munsimunsi akufwamba kubavwumbilila zitondwa zyabo.” Hena eeci cimvwikaanga ncintu ncobeni Mwami [Yahuwah Elohimu] ncakonzya kucitila bana Bakwe basimbi na?6\\nKulyaangulula ku lweeno oolo\\nYahushua wakasyomezya kuti, “Yebo uyookazyiba kasimpe, alimwi kasimpe nkakayookwaangulula.” (Johane 8:32, KJV) Bantu banjaanji aabo bakasangene mubupaizi oobu aciindi cimwi, lino bakalyaangulula kuzwa kulweeno oolu. Aano mazuba baluukwete kucenjezya bantunyina bamwi kulusyomo lwakubeja oolu. Mark Haville, ngumwi akataa bantu aabo. Eelyo naakabuzyigwa kuti aambe cakamugwisya mulusyomo oolo, Haville wakaingula kuti walo wakabala buyo cilembedwe mu Mangwalo.7\\nMike Wright, awumwi mwaalumi lino uutacisyomi kuti Bbaibbele lilazumizya ciyanza cabupaizi eeci, awalo utondeka kampenda kamwi kali mubupaizi oobu: tee nkucengelezyanya mubulongwenyina ooku. Walo uya kumbele kulemba kuti:\\nBenny Hinn wakapa mulumbe notwakali kulya cikoboko alimwi Ime ndakamulangilizya kapailila baama kubbazu lya tebule limwi aawo mpotwaakkede mumbali. Balombwana ba Mpindu ya Full Gospel aabo bakamusindikide, bakajata bubi kabakutauka kubaanga mbantu bagatela muleli wacisi, kabasangalazya akusesyasesya bantu, abee balaa nguzu abuvwubi bunjaanji mumusyobo ngubakali kunjilauka akusangana akataa kkunga lyabantu bakabungene.\\nBaama tiibakafwidilila mumuya akulyuumputa muzinga mbuli mbocicitika mumiswaangano imwi, pele bakandaambila kuti – kuti Benny naakacili bikkide janza lyakwe ali ndime kacinditonka ankumo yangu kutozya kusyule – balo nibakawa kutozya kusyule. Ooku nkokwiingula kwamause nkaambo balo bakali kuliyeeya kuti 'tiibakasyomede kapati, nanka kulyaaba cakumaninina, nanka kululama', aboobo ncecico ncibakaalilwa kutambula cileleko cilibotela (cakuwa akwaalabana ansi) ca Muya Uusalala. (Eeci nceciindi citaanzi neekalibonena mulandu- alimwi ziindi zinjaanji – kuupegwa muntu ooyo waalilwa kuwa muzinga akutambula Moza).8\\nMuntu uuyanda kulelekwa akuponyegwa ulasungilizyigwa kuti alitondezye kuti wanjilwa nguzu zya Moza. Kuti taacicita cintu eeco, kulangilwa kwaamba kuti (kuli baabo balangilizya amuntu lwakwe mwini) kuti ngulaa mulandu nkaambo takwe lusyomo, aboobo ncecamulesya kutambula Moza uunga walitondezya mukumuunsya muzinga akwaalabana. Ooku nkucengelezya mubupaizi kuti alicengeezye kubaa cintu ncatakonzyi kujana. Wright wakamanizya mubandi wakwe akwaamba cabuusu kuti:\\nIme ndakonzya kulungulula twaano tunjaanji twakacitika mumyaka yainda iili makumi otatwe, pele kukosozya makani woonse aali mutwaano ooto nkuti, swebo twakalisangene (katutakubwene) mubushinshimi bwakucenga akubejela bantu oobu – twakalicengedwe abantu bakazyi kabotu makani woonse nokuba bakeelede kuzyiba boobo. Lino mbuli mbotwakalivwuntauzyila akulibalila jwi lyokwa [Yahuwah] kujatikizya ciyanza cakupaila eeci, swebo lino twasalazyila limwi kusulaika lusyomo aciiyo ca kufwidilila-mu-moza. Kunyina nokuba asyoonto pe mu Bbaibbele aawo mpokunga kwajanwa ciyanza cakuti nguzu zya Mwami [Yahuwah] zyasikila muntu akumuunsyila ansi katozya kusyule, pele buyo ali basinkondonyina ba Mwami [Yahuwah]. Zyoonse ziindi zimwi zyaambidwe akulembwa, aabo balombwana bakasika kunembo lya Mwami [Yahuwah] bakawa kutozya kumbele cakuliyandila, kabakotama abusyu bwabo, (akukomba) – nokuba kuti, ... BAKAFWA.9\\nMuzeezo uuli mu Muzeezo\\nEeci cintu ca “kufwidilila mumuuya”, cilabonwabonwa kanjaanji mumbungano zipati nokuba mumiswaangano yabukambausi, ooko muntu uukambauka nkwapa lwiito aciindi ciindene kuti aponye baciswa. Walo uleendeenda, kayaa kubbataika janza lyakwe ankumo zyabantu bacisidwe, mpoonya ooyo muntu uubbatwa janza ankumo ulawa kutozya kusyule. Bamwi “bakambausi bamasalamuzi” mbuli Benny Hinn, uliintide akwiindilizya kutalika kucita masesya akulicengeezya kubaa nguzu zya Muya Uusalala, ulavwupaula jakete lyakwe kutozya kubantu bali munsi lyakwe nokuba kubafunta muya kuzwa mukanwa lyakwe; mpoonya balo, mbuli mbokulangilwa, alimwi mbuli mbobazyi kale kuti beelede kucita, balipwaya kuwa mizinga ansi kube banjilwa mizimo nokuba basangu akutalika kunetauka.\\nMark Haville, ooyo waambwa kale, wakabuzyigwa mumubandi inzila yeni ooku kufwidilila mu moza mbokubeleka mukati kamuntu. Walo wakapa mulongo uutobela wazintu zicitika:\\nBantu mbaa simasalamuzi. Muntu ulakonzya kuungulwa mizeezo yakwe akunjilwa mumizeezo, nokuba kukoya wanjilwa masabe; nkabela eelyo nali boobo, ndendilyo nakonzya kuteelela akucita kufumbwa ncamwaambila mukambausi nokuba baabo bali munsi lyakwe.\\nBamwi basololi baungula muntu maanu, babelesya nyimbo eezyo zyeendelana akuduunta kwamoyo wamuntu. Ooko kuduunta kulimvwisya munyimbo zyakulumbanya akukomba, nzyezyeendelana akuduunta kwamoyo.\\nBamwi bacita zikkomanisya bantu, balizyi nguzu zili munyimbo zyamusyobo ooyo. Ncenciceeco bantu bacita masesya abaimbi balaa mpuwo, ncobatalisya miswaangano yabo kubelesya zintu zisesya nokuba nyimbo ziyandisyigwa kutegwa “bakasaazye akusangalazya nkamu yabantu”. Eeyi njeenya njenzila ayalo njobabelesya bakambausi bamasalamuzi, kumvwisya bantu nyimbo nzyobayandisya akubasangalazya kaataninga talika malweza. Eelyo boonse balangilizya nobalangila kuti inga yebo walembweteka akuwida ansi kuti wajatwa ankumo, ayebo noyeeya kuti eeco nceceelede kucitika alimwi mboyelede kucita, nkabela eelyo wasika aawo mpojatwa ankumo, yebo ucita ncobeni cintu eeco ncibakuungula maanu kuti nceceelede kucitika, eeco ncencico bantu banjaanji ncobawida ansi.\\nImwi misyobo yamilumbe ilayindulukwa kwaambilizyigwa kusikila bantu batalika kumvwa milumbe eeyo kayiinduluka kulimvwisya mumizeezo yabo nokuba kuti kwiina waambilizya cintu eeco; nokuba jwi lyaambilizya mulumbe ooyo, alyalo inga lyabelesyegwa kuungula bantu maanu. Kuungula bantu maanu kwakayambukila amwalo muzikombelo zyabuna Kristu zitali zyabantu bayobeka kupaila pele basyoma kunjilwa moza, oomo beembezi bambungano balalidunda kuti balakonzya kuungula maanu bantu bali mumbungano yoonse.\\nBantu aabo balijana muzibaka mucitika zintu zyamusyobo ooyo, abalo balakonzya kuungulwa maanu. Aboobo, kwaciindi cikubwene, nokuba kuti balaciswa, balaleka kumvwa cicisa kwaciindi coonse nobali munkamu abusena oobo. Pele kuti muntu wabatobelezya bantu aabo, nokuba boobo, kujanika kuti bunji bwabantu aabo bakali kuyeeyelwa kuti bakaponyegwa, balijana kuti tiibakapona ncobeni pe.\\nCharles S. Price wakabunganya muswaangano ku British Colombia, oomo bantu bali 350 mubakasyoma kuti bakaponyegwa. Nikwaaindide myezi iili cisambomwe, nokuba boobo, nibakatobelwa bantu aabo alimwi, kwakalibonya manyongwe aatungumika kuyeeya. Kataa bantu bali 350 aabo bakasyomede kuti bakali ponyedwe, bali 301 bakacili kuciswa, bali 39 bakalifwide kale, alimwi bone bakasondoka. Kwakacili buyo bosanwe bakacili kulipeekezya kuti bakaponyesyegwa.10\\nHarville wakazuminizya kuti muziyanza eezi, amwalo njeenya misyobo yanzila ilabelesyegwa, eeyo iibelesyegwa mubupaizi bwanyika zyakujwe amuzilengwa zyakukomba mituni ziimpene kuzinguluka nyika.\\nPaulu ulitonkomene kucenjezya bantu kuti Saatani ulakonzya kulisandula kuba mungele wamumuni; Walo waamba kuti: “ Citamugambyi cintu eeci pe, nkaambo awalo mwini Saatani ulalipeekezya kubaanga mungele wamumuni. Aboobo tacili cintu ceenzu kuti naa babelesi bakwe kabalicengeezya kuba babelesi bamumuni abalo. Mamanino aabo azyooba mbuli mbwiibede milimo yabo.” (2 Bakolinto 11:14-15, KJV) Eeci ncecicitika ncobeni mu Bupaizi bwakunjilwa muya: bantu balaungulwa maanu akunjizyigwa ziseese akutalika kuzilaika, kunjilwa masabe, kusonda, azimwi. Kwiinda mukubelesya majwi aabuna Kristu, akupaila kuli “Jeesu”, kupa “lwiito lwakusanduka”, akukulwaizya basyomi kuti babaa “lusyomo”, aaba basimasalamuzi bana Kristu basamika malweza aakusonda abulozi mucikobela camumuni.\\nNokuba kuti kuponya bantu kwiinda mulusyomo azimwi zilitondezya antangalala, eezyo zyakali kwaambwa kuti zizwa kunguzu zya Muya Uusalala kwaciindi cilamfu, eeci ciyanza cakatambulwa akukkomaninwa mulwiito lupati lwakusanduka ku Cikombelo caku Lubuwa lwandeke ku Toronto, Canada, mu 1994. Umwi silutwe wa mpuwo eeyo wakali, Paul Goldee11; kutaanguna ooyo wakali kusyoma kuti eeci ciyanza cakali ciyanza cibotu ca Mwami Yahuwah. Nokuba boobo, naakamanizya kubona bantu bamwi kabavwuluma, kuloloma macovwu kumulomo akuwoolola mbuli babwa basondokede, nokuba kucita zintu aanga mbanyama bamusyokwe, kumwi aabo bantu kabaambwa kuti banjidwe nguzu zya Muya Uusalala, walo wakatalika kulibuzyabuzya mwini kuti naa eeci cintu cakali masimpe kuzwa mu Mwami Yahuwah naa pe. Walo wakacenjezya kuti:\\n“Buno buzuba, Ime inga ndaamba cintu ciinda kuusisya … buno buzuba Ime ndisyoma kuti ooyo moza waambwa kunjila bantu, muya walucengo, muya wakubeja alimwi tuuli Moza wa Mangwalo. … Ime inga ndaama kuti eeco kunyina pe nicakali cintu camasimpe nkaambo ooyo mucelo wa cikombelo eeco, tiiwakali Muya Uusalala, nkaambo micelo yacikombelo eeco yakali micelo yakabolede. … Muya Uusalala, mukwiitwa buyo zina eelyo, Ulisetekene. Walo takonzyi kukulwaizya bantu kucita cintu citaluleme citondwa pe.\\nBantu… aabo bakalengwa muciimo ca Mwami [Yahuwah]. Nkaambo nzi Mwami [ Yahuwah] ncanga wasampula bantu akubabamba kuti balangike aanga mbanyama bamusyokwe. Kuti nikwali cintu cilitondezya mumiswaangano eeyi citeendelani aMangwalo, nkokuti eeco cintu taceendelani a Mangwalo Aasetekene, alimwi tacizwi ku Mwami Yahuwah nkaambo Mwami Yahuwah tacinci pe. Nkaambo nzi Mwami [ Yahuwah] ncanga wasampuzya bantu akubalekela kuti babe mbuli banyama bakalaba ansi? Kuti nikwali cintu cilitondezya mumiswaangano eeyo, eeco citeendeleani a Muya Uusalala, nkokuti eeco cintu taceendelani a Mwami [Yahuwah] nkaambo [Yahuwah] tasanduki pe . … Mutakumbatili lusyomo oolu; mutayeeyi kuti eeci ncintu cuubauba pe. … eeci tacili cintu cizwa ku Mwami … aayo makanze azwa kuli dyabolisi alimwi ncintu cakupelengusya ca budyaboolii … eeco ciyooletelezya kupyopyongana akataa banalumi abamakaintu, abana babo aabo bakumbatila ciyanza eeco.12\\nKunyina pe aawo Mangwalo mpaalembedwe kuti basyomi bansiku bakalisangene mumaleele aayo ngobalitondezya bantu “bafwidilila mu Muuya.” Kukomba kwamu Bbaibbele kulisetene, mbweenya mbuli Mwami Yahuwah mbwasetekene. Kunyina pe kukkomanina Mwami Yahuwah nokunga kwasampuzya ciimo camuntu. Umwi mucelo wa Moza ngwakulilingula akulijata. Hena inga Mwami Yahuwah wanyonyoona ciimo cibotu eeco Walo ncasoleka kusimpa muciimo cako?\\nCintu cigambya akwiimpana akataa bantu aabo balyaamba “kufwidilila mu Muuya”, abaabo balimvwide ncobeni kuti bagumwa aa Musololi wesu Yahushua nceeci:\\nMpoonya kwakasika bamwi bakazabuka lwizi lwa Galili, kucisi ca Gadarenesi. Nkabela eelyo Yahushua Walo naakaseluka kuzwa mubwato, mpoonya kwakamuswaanganya muntu umwi kazyila kunamaumbwe alimwi kanjidwe basangu basofweede, ooyo muntu wakali kukkala akataa zyuumbwe; alimwi kunyina pe wakali kukonzya kumwaanga muntu ooyo a nketani nokuba ntambo, nkaambo lyoonse kanji-kanji naakali kwaangwa kumaulu akumaboko, lyoonse wakali kuzibbansaula nketani akutyoloola nsimbi nzyaakaangidwe kumaulu. Wakalijisi nguzu zinji cakuti taakwe wakali kukonzya kumubombya. Masiku asikati wakali kunga nkweendeenda kunamaumbwe amumalundu kaya boompolola akulinengaula amabwe. (Maako 5:1-15)\\nBikkila maanu aawa: Ooku kusanduka nkwaletela muntu Mwami Yahuwah, kuliimpene kulaale ambobalimvwa aabo “bafwidilila mu muuya.” Ooyo Muya Uusalala ookwa Yahuwah, waambwa mukaano atala aawa, wakaumuzya akusandula muntu wakagwitide mucamba kaungililwa zyeelo amadaimona, akumubambulula kusikila watontomana akukkalikila, waba muntu mubombe uukkwene maanu. Aabo bazuunyene kucita cilengwa cakunjilwa masabe, balitondezya ciimo ciimpene, ciimo cakunjilwa basangu amizimo; balasanduka akuleka kuba muntu uukkwene maanu akuba muntu muyamba, uutakwe bulemu alimwi uutalijati mbuli muntu uusondokede.\\nBupaizi bwa Kasimpe bwamu Bbaibbele\\nMangwalo akulwaizya basyomi kuti: “ Pele amulingule zintu zyoonse; amujatilile kufumbwa cntu ciluleme, Amulilesye kucita zintu zisofweede.” (1 Batesalonika 5:21-22, NKJV) Yahuwah ulaita buno buzuba, wiita ndinywe nobana Kristu kuti muzyokele kubupaizi bwamasimpe, kamupaila cabulemu mbuli bwaambidwe mu Bbaibbele. Kunyina pe cintu cikonzya kuswaanganya muntu a Singuzuzyoonse akata nkamu iiyobeka akusabila cakuti inga kwacisa matwi. Moza wini ulasika kumuntu omwe-omwe, cakuumunizya; nkabela muya wamuntu ulakonzya kulimvwa jwi lya Moza, kalimwaambawida mukati kamoyo wakwe, kalikanana mujwi libombe, lisyoonto, litayobeki alimwi likkazyika moyo wamuntu.\\nElijah atalaa Mulundu wa Holebu, wakayiisya kuti Yahuwah taakali muguwo lipati, livwukaulisya kuunga akukwamauna mabwe atalaa mulundu pe. Alimwi Walo taakali mukuzungaanya nyika cakuti zyoonse zintu zyacencema pe. Alimwi taakali akataa bbibi lyamulilo livwilima kuyaka. Pele, Mulengi wazintu Zyoonse, wakasala kuti akanane amutwanga Wakwe mukajwi kasyoonto, kabombe. (Bala 1 Bami 19:11-12)\\nEeci ciiyo, nciiyo cesu buno buzuba. Taata ulizyi kuti moyo wako ulangila kulimvwa kuyandwa akukkala munsi Lyakwe kamuvwana cilongwe cikondelezya antoomwe, yebo Anguwe. Walo kunyina pe nanga wakuyaamuka akukusiya kocibulide cintu. Walo nguwaabikka kuyandisya luyando ooko nkojisi mumoyo wako!\\nKomulekela Mufutuli wako kuti abe mukonzyanyo wako. “Nikwakaba kubucedo Yahushua wakabuka wazwa. Wakasiya munzi wakaya kubusena buliibide kuyookomba.” (Maako 1:35, NKJV) Yebo inga koli ukkala akataa bantu banji basyaankene. Yebo inga kozingulukidwe aabamukwasyi ookwenu batasyomi. Pele yebo, ayebo lwako, ulakonzya kuyaamuka aawo akuliyandawida busena buumwine kakwiina cisabila, ooko nkonga waakupaila zili mumoyo wako woonse.\\nAmbweni kuzyuli nkolala, mbobusena buumwine. Ambweni mukkabati moyobwede zyakusama, mbobusena bwako buumwine. Ambweni cuuno cili kunjeleela yamusena, nkokuumwine. Ambweni mumootokala wako uuyobwede mulubuwa lwacintoolo, momuumwine. Ambweni bulikke busena buumwine mbonga wajana, mbwakulijalila mucisambilo. Kufumbwa busena aawo mpokonzya kutontomana akukkala ansi kuti ulizeeze akuswiilila kajwi kabombe kasyoonto, Taata wako inga waswena munsi lyako, akukanana kuli nduwe cigaminina.\\nCilengwa ca \"kufwidilila mumuuya akunjilwa mizimo\" ciyeeme kapati atalaa kukondwa aanga muntu wuungukide maanu.\\nKwiinda mukutandila kulelekwa, bantu bakasulaika kasimpe akuyandisya kulikkomanisya. Ooku takuli kupaila kwaambwa mu Bbaibbele pele, ooko nkunjilwa mizimo,basangu atuyobela. Kwiinda mukucita boobo, bantu bakalinjizya muntenda yakucengelelwa kakwiina kulangisya akusunka cintu eeco… Bantu bakanjomba mulucengo lwakaindi; mukutandila kuti batambule zileleko, balo bakasulaika kasimpe akuyandisya kulikkomanisya kakwiina kusunka cintu eeco kuti naa cilaa bumboni bujanwa mu Bbaibbele.13\\nKunyina pe kasimpe ka Bulemu nokayeeme mukugwitizya muntu kuti akkomane cakutalilemeka munzila iitakwe bulemu, pele kasimpe kajatisya maanu aamuntu uukkwene mizeezo. Mwami Yahuwah waamba kuti, “Amuboole lino, alimwi atubandike tumvwane antoomwe.” (Izaya 1:18, KJV) Yebo kweezyekanya ziiyo zyabuleza ku Mangwalo aasetekene. Uteezyekanyi ziiyo zyabuleza a mbolimvwa mumoyo nkaambo ooko kwiintila kukkomana nkobacita aabo balikkomanisya kunkosaadi, ncintu comwe mbonga walimvwa ayebo eelyo noyimba nyimbo abantu mbomusyoma limwi bali 2000 kumuswaangano wacikombelo.\\nOobo mbolimvwa mucamba teesyi bumboni bunga bwatondezya cintu cili buti, kapati kutali mumakani aacintu cipati mbuli lufutuko. Kubaa lufutuko kuyandika kweempwa zibi akubaa lusyomo mu Mwami Yahuwah, kutali kwiide kwaalabana ansi, kokwangauka akuvwunauka zisani mbuli uu\\nnjidwe mizimo nanka kuyobeka aanga mbantu bakoledwe nanka bawungwidwe maanu.\\nKuti yebo koli wakazyibila kale kucita masalamuzi aakunjilwa masabe aayo mbuli uutakwe maanu, twakukomba kuti utateeleli ncotwaamba kuti eeco tacili cintu citajanwi mu Bbaibbele. Twakonka kukulomba kuti yebo omwini ulibalile Mangwalo akulizyibila kasimpe keni! Kosunka zintu zyoonse akuzyeelanya kuti naa zileendelana a jwi lya Mwami Yahuwah. Kolazyika ansi kufumbwa cintu citeendelani ajwi Lyakwe alimwi kojatilila kucintu cibotu. Yahuwah lyoonse unookkutya moyo wamuntu uuli woonse uulangila akuyandisya kuba munsi Lyakwe.\\n2 Matt Slick, “Caamba nzi Kufwidilila mu Muuya?” Bana Kristu Balyeempa a Mulimo wa Kuvwuntauzya.\\n10 Langa ncaakalemba Nader Mikhaiel, The Toronto Blessing and Slaying in the Spirit, referenced in http:\/\/www.ukapologetics.net\/slain.htm.\\n11 Langa aawa https:\/\/www.youtube.com\/watch?v=FfmAIxz1yBs&spfreload=5. Izina lyawisi Paulu inga kalitalambedwe bululeme, nkaambo majwi taamvwiki kabotu ncaamba alimwi alabbabbalisa kwaambaula.","num_words":3673,"character_repetition_ratio":0.041,"word_repetition_ratio":0.0,"special_characters_ratio":0.153,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"“Muntu Mwaabi Uyoolelekwa”​—Tusimpi 22:9\\nKUZWA kaindi zipaizyo zyali cibeela ciyandika kapati mubukombi bwakasimpe. Bana Israyeli bakali kupa zipaizyo zyabanyama, pele Banakristo lyoonse balizyibidwe kabotu akaambo kakupa “cipaizyo cantembauzyo.” Nokuba boobo kuli zipaizyo azimbi nzyakkomanina Leza. (Heb. 13:15, 16) Zipaizyo eezyi ziletela kukondwa alimwi azilongezyo, kweelana ambozitondezya zikozyanyo zitobela.\\nHana, imubelesi uusyomeka wakaindi, wakali kuyandisisya kuba amwana pele tanaakali kuzyala. Mumupailo wakwe, wakakonka kuli Jehova kuti naa wazyala mwana musankwa, wakali ‘kuyoomupa kuli Jehova mazuba oonse aabuumi bwakwe.’ (1Sam. 1:10, 11) Nokwakainda ciindi, Hana wakamita, mpoonya wakazyala mwana musankwa iwakaulikwa zina lyakuti Samuele. Naakaleka kunyonka Samuele, Hana wakamutola kutente lyakukombela, kweelana ambwaakakonkede. Jehova wakamulongezya Hana akaambo kamuuya wakwe wakulyaaba. Wakaba acoolwe cakuba abana bambi bosanwe, mpoonya Samuele wakaba musinsimi alimwi amulembi wa Bbaibbele.—1Sam. 2:21.\\nMbubwenya mbuli Hana a Samuele, Banakristo mazuba aano balijisi coolwe cakubelesya buumi bwabo mumulimo wakulyaaba ku Mulengi wabo. Jesu wakasyomezya kuti kufwumbwa kulyaaba kwesu nkotucita mukukomba Jehova kuyoolongezyegwa kapati.—Mk. 10:28-30.\\nMumwaanda wamyaka wakusaanguna, mukaintu Munakristo wazina lya Dorika wakalizyibidwe kapati akaambo ‘kamilimo mibotu minji alimwi akupa zipego zyaluse’—kulyaaba nkwaakali kucita kugwasya bamwi. Pele cuusisya ncakuti, “wakaciswa akufwa,” calo icakaleta buumba kumbungano. Ciindi basikwiiya nobakamvwa kuti Petro nkwali mumunzi, bakamulomba kuti aboole cakufwambaana. Amuyeeye buyo mbobakakkomana ciindi Petro naakaboola akumubusya Dorika—bubuke bwakusaanguna bulembedwe ibwakacitwa amwaapostolo! (Mil. 9:36-41) Leza tanaakakuluba kulyaaba kwa Dorika. (Heb. 6:10) Bwaabi bwakwe bwakalembwa mu Jwi lya Leza kutegwa cibe cikozyanyo cibotu kulindiswe ncotweelede kwiiya.\\nMwaapostolo Paulo awalo wakapa cikozyanyo cibotu kapati kwiinda mukwaaba ciindi cakwe akubabikkila maano bantu. Kalembela Banakristonyina mu Korinto, Paulo wakaamba kuti: “Mebo cilandibotela kapati kusowa zintu zyangu zyoonse akulitakata cakumaninina lwangu ndemwini akaambo kabuumi bwanu.” (2Kor. 12:15) Paulo wakazyiba kwiinda muzintu zyakamucitikila kuti ikulyaaba kutegwa tugwasye bamwi takuleteli buyo kukkutila pele alimwi—kwiinda zyoonse—kuletela zilongezyo alimwi akukkomaninwa a Jehova.—Mil. 20:24, 35.\\nCakutadooneka, Jehova ulakkomana ciindi notubelesya ciindi cesu anguzu kutegwa tutole ambele ziyandika zya Bwami alimwi akugwasya basyomima. Pele sena kuli nzila azimbi motukonzya kugwasyilizya mulimo wakukambauka Bwami? Inzya! Kunze amilimo njotucita caluyando, tulakonzya kumulemeka Leza kwiinda mukusanga nkotucita cakuliyandila. Zyakusanga zilabelesyegwa kutola ambele mulimo wakukambauka munyika yoonse, ikubikkilizya akugwasya bamisyinali ababelesi baciindi coonse baalubazu bamwi. Kuyungizya waawo, kubamba alimwi akusandulula mabbuku amavidiyo, ikugwasyilizya mapenzi aacibukilambuta, alimwi akuyaka Maanda aa Bwami zyoonse eezyi zilalanganizyigwa azyakusanga nzyotusanga cakuliyandila. Tulakonzya kuba masimpe kuti “muntu mwaabi uyoolelekwa.” Kuyungizya waawo, iciindi notupa Jehova zintu ziyandisi, tulamulemeka.—Tus. 3:9; 22:9.\\nNzila Bamwi Nzyobabelesya Kusanga Kumulimo Wanyika Yoonse\\nMbubwenya mbuli mbocakabede mumazuba ngaakali kupona mwaapostolo Paulo, bantu banji mazuba aano balabikka “cimwi cintu ambali” naa mali kutegwa bakaabikke mukabbokesi kakusangila kumbungano kalembedwe kuti: “Mulimo Wanyika Yoonse.” (1Kor. 16:2) Mwezi amwezi mbungano zilatuma mali aaya kuofesi yamutabi ya Bakamboni ba Jehova iili mucisi eeco. Alimwi mulakonzya kusanga mali kwiinda mukwaatuma kumbunga iizumizyidwe amulawo iibelesyegwa a Bakamboni ba Jehova iili mucisi canu. Kutegwa muzyibe mbunga iizumizyidwe amulawo iibelesyegwa a Bakamboni ba Jehova iili mucisi canu, mwalombwa kuti mubandike abakuofesi yamutabi mucisi canu. Kkeyala yakuofesi yamutabi ilakonzya kujanwa a www.jw.org. Kweelana akubusena nkomukkala, izyakusanga nzyomukonzya kutuma cacigaminina kuofesi yamutabi yamucisi canu zilabikkilizya azitobela ansi aawa:\\nZyakusanga zitumwa kwiinda mukubelesya intaneti naa ma bank transfer, debit card, naa credit card. Mumitabi imwi, cilakonzyeka kutuma zyakusanga kwiinda mukubelesya webbusaiti ya jw.org naa kubelesya webbusaiti imwi iisalidwe.\\nMali, ngale naa zintu zimbi ziindene-indene zilakonzya kusangwa. Mweelede kubikkilizya alugwalo ilutondezya kuti mali naa zintu eezyo nzyomwatuma mwasanga buya.\\nKUSANGA KWIINDA MUKUZUMINANA\\nKusanga mali kwiinda mukuzuminana asikusanga kuti mali aayo ayakupiluka naa waayanda.\\nMweelede kubikkilizya alugwalo ilutondezya kuti mali naa zintu eezyo nzyomwatuma mwasanga kwiinda mukuzuminana.\\nIKULIBAMBILA NZYOMUKONZYA KUSANGA\\nKunze lyakusanga buyo mali azintu zimbi ziindene-indene, kuli nzila azimbi nzyomukonzya kubelesya ikugwasyilizya mulimo wa Bwami uucitwa nyika yoonse. Nzila eezyi zilaambidwe mumincali iitobela. Kufwumbwa nzila nzyomuyanda kubelesya, amusaangune kubandika aofesi yamutabi iili mucisi canu kutegwa mubone naa ninzila nzi zizumizyidwe mucisi canu. Mbwaanga iziyandika alimwi amilawo yamitelo iliindene-indene, cilayandika kapati ikubuzya basyaazibwene mumilawo yamitelo alimwi abaabo bagwasyilizya mumakani aamilawo kamutanasala nzila mbotu njomuyanda kubelesya kusanga.\\nInsyuwalansi: (Insurance) Imbunga iibelesyegwa a Bakamboni ba Jehova ilakonzya kulembwa kuti njiiyakubweza mali aabukwabilizi bwabuumi (life insurance policy) naa mali aalya aapegwa kumuntu iwasika aciimo cakuleka mulimo (retirement\/pension plan).\\nMaakkaunti Aakubbanki: (Bank Accounts) Maakkaunti aakubbanki, mapepa aatondezya mali ngaakabikka muakkaunti naa maakkaunti aamali ngapegwa muntu iwasika aciimo cakuleka mulimo alakonzya kupegwa kumbunga iibelesyegwa a Bakamboni ba Jehova muntu afwa kweelana aziyandika kubbanki lyakubusena nkwakkede.\\nMali Ngomujisi Mukkampani: (Stocks and bonds) Mali ngomujisi mukkampani alakonzya kusangwa kumbunga iibelesyegwa a Bakamboni ba Jehova kacili cipego buyo naa kacili cizuminano kuti njiiyakwaabweza mali muntu aakufwa.\\nNyika Amayake: (Real Estate) Nyika amayake izikonzya kusambalwa zilakonzya kusangwa, ikuti naa muntu wasanga busena mpakkede inga wazumanana kukkala aawo ciindi nacipona.\\nBwaapauzi Bwazintu: (Wills and Trusts) Zintu naa mali alakonzya kupegwa kumbunga iibelesyegwa a Bakamboni ba Jehova kwiinda mukubelesya pepa lyamalailile aabwaapauzi bwazintu lizumizyidwe amulawo naa kuti imbunga iibelesyegwa a Bakamboni ba Jehova ilakonzya kulembwa kuti njiyeelede kupegwa mali aajanika mubwaapauzi bwazintu. Bubambe oobu bulakonzya kugwasya sikusanga munzila iimwi mumakani aamutelo.\\nKweelana ancaapandulula mabala aakuti “kulibambila nzyomukonzya kusanga,” nzila eezyi zyakusanga ziyanda kuti sikusanga alibambile kabotu. Ikutegwa bagwasyigwe bantu bayanda kugwasyilizya mumulimo wanyika yoonse wa Bakamboni ba Jehova kwiinda mububambe bwakusangila lubono, kwabambwa broshuwa mu Chingisi alimwi amu Chisipanishi iijisi mutwe wakuti Charitable Planning to Benefit Kingdom Service Worldwide. Broshuwa eeyi yalembwa kutegwa ipandulule nzila zinji izipego mbozikonzya kupegwa lino, antela kubwezyegwa mumulawo muntu afwa. Twaambo tuli mu broshuwa eeyi ambweni inga tiitwabeleka kulindinywe akaambo kamilawo yamitelo naa milawo iimbi iili mucisi canu. Kwiinda mukubelesya zyakusanga, ibanji bacikonzya kugwasya mubukombi bwesu alimwi amumilimo yaluzyalo iicitwa nyika yoonse alimwi ayalo mpindu njobajana yasumpuka ciindi nobacita boobo. Ibroshuwa eeyi kuti kailiko mucisi canu, mulakonzya kwiijana kwiinda mukwiilomba kumulembi wamumbungano.\\nIkuti kamuyanda makani aambi, amuunke aalembedwe kuti “Make a Donation to Our Worldwide Work” anselelo aapeeji lyamatalikilo aa jw.org, naa kutumina kuofesi yamutabi.","num_words":910,"character_repetition_ratio":0.068,"word_repetition_ratio":0.004,"special_characters_ratio":0.152,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amupakamane—Saatani Uyanda Kuti Amumene Buumbulu! (1 Petro 5:8) | Yakwiiya\\n“Amupakamane! Sinkondonyoko, Diabolosi, uyaabweendeenda mbuli syuumbwa wabutambo uuvwuluma, uyandaula muntu ngwatiimene buumbulu.”—1PET. 5:8.\\nMBUTI SAATANI MBWAATONDEZYA KUTI . . .\\n1. Amupandulule mungelo umwi mbwaakaba Saatani.\\nKUMATALIKILO, wakali kukkomaninwa a Jehova. Nokuba boobo, mungelo ooyu wakatalika kulombozya kuti bantu kabamukomba. Muciindi cakuleka kulombozya ooku kubyaabi, wakazumanana kusikila limwi kwakakomena akuzyala cibi. (Jak. 1:14, 15) Mungelo ooyu ngu Saatani, ‘iwatakakakatila mukasimpe.’ Wakazangila Jehova akuba “usyi wabubeji.”—Joh. 8:44.\\n2, 3. Ino mazina aakuti “Saatani,” “Diabolosi,” “muzoka” alimwi a “simwaaba” ayubununa nzi kujatikizya sinkondo mupati wa Jehova?\\n2 Kuzwa ciindi naakazanga, Saatani watondezya kuti ngosinkondo mupati wa Jehova alimwi awabantu. Mazina aakwe Saatani alayubununa mbocili cipati cibi ncaakacita. Izina lyakuti Saatani lyaamba “Sikukazya,” kutondezya kuti mungelo ooyu ukazya bweendelezi bwa Leza, ulibusulide alimwi ulabulwana kapati. Kwiinda zyoonse, Saatani uyanda kuti bweendelezi bwa Jehova bumane.\\n3 Mbubwenya mbokulembedwe mulugwalo lwa Ciyubunuzyo 12:9, Saatani waambwa kuti Diabolosi, izina lyaamba “Sikubejekezya.” Eeci cituyeezya kuti Saatani usampaula Jehova kwiinda mukumwaamba kuti ulabeja. Majwi aakuti “imuzoka ooyo wakaindi” atuyeezya cakacitika mu Edeni ibuzuba Saatani naakabelesya nzoka kweena Eva. Majwi aakuti “simwaaba ooyo mupati” atuyeezya cinyama cipati ciyoosya alimwi alamweelela Saatani akaambo kabukali bwakwe mukuyandisya kunyonganya makanze aa Jehova alimwi akunyonyoona bantu ba Leza.\\n4. Ncinzi ncotutiilange-lange mucibalo eeci?\\n4 Masimpe cilalibonya kuti Saatani ulayandisisya kunyonganya lusyomo lwesu. Nkakaambo kaako Bbaibbele litucenjezya kuti: “Amulibatamike, amupakamane! Sinkondonyoko, Diabolosi, uyaabweendeenda mbuli syuumbwa wabutambo uuvwuluma, uyandaula muntu ngwatiimene buumbulu.” (1Pet. 5:8) Akaambo kakucenjezya ooku, cibalo eeci cilalanga-langa bube bwa Saatani botatwe ibutondezya kuti tweelede kupakamana kutegwa tulikwabilile kuli sinkondo mupati wa Jehova alimwi awabantu ba Leza.\\n5, 6. (a) Amupe zikozyanyo izitondezya kuti bangelo ‘mbaasinguzu.’ (b) Muunzila nzi motukonzya kwaamba kuti Saatani ulijisi “nguzu zyakuleta lufwu”?\\n5 Bangelo nzilenge zyamuuya izijisi “nguzu” kapati. (Int. 103:20) Balisumpukide kwiinda bantu, balicenjede alimwi mbayumu. Pele bangelo basyomeka bazibelesya kabotu nguzu zyabo. Mucikozyanyo, ciindi cimwi mungelo wa Jehova wakajaya basikalumamba bana Asuri ibali 185,000—cintu muntu uulya maila ncaatakali kukonzya kucita alimwi icakali cintu ciyumu kumpi yabasikalumamba bana Israyeli. (2Bam. 19:35) Alimwi aciindi cimwi, mungelo wakabelesya nguzu zyakwe iziinda nguzu zyabantu kutegwa aangunune baapostolo ba Jesu muntolongo. Mungelo ooyu wakabavwuna kwiinda mukukkiinuna zijazyo alimwi akubagwisya kumane akuzikkiya alimwi nobakazwa—zyoonse eezyi zyakacitika balindizi kabaliko!—Mil. 5:18-23.\\n6 Bangelo basyomeka babelesya nguzu zyabo munzila iigwasya, pele Saatani ubelesya nguzu zyakwe kucita zintu zibi. Kwaamba masimpe, ulijisi nguzu kapati alimwi ngusilweeno. Magwalo amwaamba kuti “mweendelezi wanyika eeyi” alimwi akuti ‘nguleza wabweende bwazintu obuno.’ (Joh. 12:31; 2Kor. 4:4) Saatani Diabolosi alimwi ulijisi “nguzu zyakuleta lufwu.” (Heb. 2:14) Eeci tacaambi kuti ulabajaya bantu cacigaminina. Nokuba boobo, muuya wakwe wabujayi wabajatikizya kapati bantu munyika eeyi. Kuyungizya waawo, akaambo kakuti Eva wakasyoma Saatani alimwi akuti Adamu wakalubizyila Leza, cibi alimwi alufwu zyakabasikila bantu boonse. (Rom. 5:12) Munzila eeyi, Diabolosi ulijisi “nguzu zyakuleta lufwu.” Masimpe “mujayi”—kweelana a Jesu mbwaakaamba. (Joh. 8:44) Masimpe, Saatani ngusinkondoma uujisi nguzu kapati!\\n7. Mbuti madaimona mbwaatondezya kuti alijisi nguzu kapati?\\n7 Ciindi notumukazya Saatani, tulalyaandaanya kulinguwe alimwi akuli baabo ibali kulubazu lwakwe mukukazya bweendelezi bwakoonse-koonse. Ibali kulubazu lwakwe balabikkilizya amweelwe musyoonto wabangelo ibakazanga, naa madaimona. (Ciy. 12:3, 4) Ziindi zinji, madaimona atondezya kuti alijisi nguzu kapati kwiinda mukupenzya bantu. (Mt. 8:28-32; Mk. 5:1-5) Tamweelede kuzyuubya-ubya nguzu nzyobajisi bangelo babyaabi aaba naa nguzu nzyajisi “mweendelezi wamadaimona.” (Mt. 9:34) Kakunyina kugwasyigwa a Jehova, tatukonzyi kumuzunda pe Saatani.\\nSAATANI MUKALI KAPATI\\n8. (a) Ino Saatani ujisi makanze nzi? (Amubone cifwanikiso icili kumatalikilo aacibalo.) (b) Kweelana azintu nzyomubona nywebo kumugama, ino nyika itondezya buti kuti Saatani mukali kapati?\\n8 Mwaapostolo Petro wakakozyanisya Saatani kuli “syuumbwa wabutambo uuvwuluma.” Kweelana abuvwuntauzyi bumwi, ibbala lya Chigiliki lisanduludwe kuti “uuvwuluma” litondezya “kulila kupati kwamunyama mukali uufwide nzala kapati.” Masimpe, majwi aaya alamweelela Saatani akaambo kabukali bwakwe! Nokuba kuti nyika yoonse ili kale mumaanza aakwe, Saatani ucifwide nzala yabantu abamwi banji. (1Joh. 5:19). Nkakaambo kaako Saatani lino ncalwana kapati ciinga cabananike, antoomwe abeenzinyina ‘ibambelele zimbi.’ (Joh. 10:16; Ciy. 12:17) Saatani ukanzide kunyonyoona bantu ba Jehova. Mapenzi ngaali kuletela basikutobela Jesu kuzwa mumwaanda wamyaka wakusaanguna kusikila sunu asinizya ncobeni kuti mukali kapati.\\n9, 10. (a) Mbuti Saatani mbwaakasola kusinkila makanze aa Leza kujatikizya cisi cabana Israyeli? (Amupe zikozyanyo.) (b) Nkaambo nzi Saatani ncaakali kubalwana kapati bana Israyeli? (c) Ino muyeeya kuti Diabolosi ulimvwa buti ikuti mubelesi wa Jehova mazuba aano wacita cibi cipati?\\n9 Mukusola kusinkila makanze aa Leza, Saatani ulabutondezya bukali bwakwe munzila aimwi. Syuumbwa uufwide nzala kapati taakwe nacifwida luse cintu ncayanda kuluma. Syuumbwa taakwe natondezya luzyalo ciindi nayanda kujaya alimwi tausi amana kujaya cintu eeco. Mbubwenya buyo, Saatani takwe luse kuli baabo mbayanda kumena buumbulu. Mucikozyanyo, amuyeeye buyo Saatani Diabolosi mbwaakali kulangaula nzila yakujazya bana Israyeli kwiinda mukubapa kucita zibi mbuli bwaamu alimwi abulyato. Ciindi nomubala makani aajatikizya icakacitikila Zimuri akaambo kakutalilemeka alimwi acakacitikila Gehazi akaambo kabulyato, sena “mwabona” syuumbwa uuvwuluma mbwaakazwidilila?—My. 25:6-8, 14, 15; 2Bam. 5:20-27.\\nSaatani ulakkomana ciindi mubelesi wa Jehova naacita cibi (Amubone muncali 10)\\n10 Kuli kaambo kapati ikakali kupa kuti Saatani kalwana bana Israyeli. Kayi, ncecisi imwakali kuyoozwa Mesiya—muntu iwakali kuyoopwayaula mutwe wa Saatani akupa kuti bweendelezi bwa Jehova busumpulwe. (Matl. 3:15) Saatani tanaakali kuyanda kuti bana Israyeli bazwidilile, alimwi wakali mukali kapati mukusola kuti balubizye. Mutayeeyi kuti Saatani wakausa ciindi Davida naakacita bumambe naa ciindi musinsimi Musa naatakeelela kunjila mu Nyika Yakasyomezyedwe. Muciindi cakuusa, Saatani ulakkomana kapati ciindi mubelesi wa Jehova naacita cibi cipati. Alimwi buya, kuzunda kwakwe ooku nkonkuko Diabolosi nkwabelesya mukusampaula Jehova.—Tus. 27:11.\\n11. Makanze nzi ngaakajisi Saatani mukulwana Sara?\\n11 Saatani wakali kuusulaika kapati mukwasyi imwakali kuyoozwa Mesiya. Mucikozyanyo, amubone icakacitika ciindi Abrahamu naakaambilwa kuti wakali kuyooba “cisi cipati.” (Matl. 12:1-3) Ciindi Abrahamu a Sara nobakali mu Egepita, Farao wakabweza Sara kutegwa abe mukaintu wakwe. Nokuba boobo, Jehova wakavwuna Sara kukutalilemeka ikwakali kulangilwa kucitika. (Amubale Matalikilo 12:14-20.) Kakuceede buyo ciindi cisyoonto kuti Izaka azyalwe, cintu cikozyenye aceeci cakacitika ku Gerari. (Matl. 20:1-7) Sena Saatani wakalijatikizyidwe muzintu eezyi izyakali kucitika? Sena Saatani wakali kulangila kuti Sara, walo iwakasiya munzi wa Uri iwakavwubide kapati akukkala mumatente, wakali kukonzya kukwelelezyegwa abuvwubi bwa Farao alimwi abwa Abimeleki? Sena Saatani wakali kuyeeya kuti Sara wakali kukonzya kucileka kusyomeka kumulumi wakwe alimwi akuli Jehova akucita bumambe kwiinda mukukwatwa? Bbaibbele talyaambi pe, pele tulijisi twaambo tulimvwisya itutupa kusyoma kuti Diabolosi wakali kuyookkomana kapati ikuti Sara naakalubizya mpoonya akunyangwa coolwe cakuzyala lunyungu ilwakasyomezyedwe. Saatani naatakausa akaambo kakuti cikwati camukaintu ooyu mubotu, mpuwo yakwe mbotu alimwi acilongwe cakwe a Jehova zyanyongana. Masimpe, Saatani ulijisi bukali bupati ncobeni!\\n12, 13. (a) Mbuti Saatani mbwaakatondezya bukali bwakwe bupati ciindi naakazyalwa Jesu? (b) Ino muyeeya kuti Saatani ulimvwa buti kujatikizya bakubusi mazuba aano ibayanda Jehova alimwi ibasolekesya kubelekela Leza?\\n12 Jesu wakazyalwa nokwakainda myaanda yamyaka kuzwa ciindi ca Abrahamu. Mutayeeyi kuti Saatani wakali kuyeeya kuti mwana muvwanda ooyu wakali kweebeka kapati. Saatani wakalizyi kuti mwana muvwanda ooyu wakali kuyookomena akuba Mesiya iwakasyomezyedwe. Masimpe, Jesu wakali cibeela cakusaanguna calunyungu lwa Abrahamu, walo iwakali ‘kuyoonyonyoona milimo ya Diabolosi.’ (1Joh. 3:8) Sena Saatani wakali kukonzya kuyeeya kuti kujaya mwana ooyu lwakali lunya? Saatani tabikkili maano kuzintu ziluzi naa zitaluzi. Alimwi buya, kujatikizya mwana Jesu, Saatani wakatalika kumulwana kakunyina akusowa ciindi. Munzila nzi?\\n13 Mwami Heroda wakanyema kapati ciindi basikupandulula bweende bwanyenyeezi nobakabuzya kujatikizya “ooyo wakazyalwa kali mwami waba Juda,” alimwi wakalikanzide kumujaya. (Mt. 2:1-3, 13) Kutegwa asinizye ncobeni kuti mwana ooyo wajaigwa, wakalailila kuti bana basankwa bamu Betelehemu alimwi abamuzyooko zyamunzi boonse ibakajisi myaka yakuzyalwa iisika ali yobilo kuya ansi, bajaigwe. (Amubale Matayo 2:13-18.) Jesu wakafwutuka kukujaigwa ooku kwalunya, pele ino eeci citondezya nzi kujatikizya sinkondoma Saatani? Eeci cisinizya ncobeni kuti Diabolosi tabulemeki buumi bwabantu. Tabeengeleli bana. Saatani ncobeni ‘ngusyuumbwa wabutambo uuvwuluma.’ Tamweelede kubuubyaubya bukali bwakwe bupati!\\n14, 15. Mbuti Saatani ‘mbwaaofwaazya mizeezo yabantu batasyomi’?\\n14 Lweeno nenzila ilikke Saatani njabelesya kweena bantu kuti bacileke kubelekela Leza siluyando, Jehova. (1Joh. 4:8) Kwiinda mukubelesya lweeno, Saatani wapa kuti bantu batazyibi kuti “bayandika kusololelwa a Leza.” (Mt. 5:3) Aboobo, ‘waofwaazya mizeezo yabantu batasyomi, ikutegwa utabamunikili mumuni wabulemu bwamakani mabotu aajatikizya Kristo, uuli ncinkozya ca Leza.’—2Kor. 4:4.\\n15 Nzila imwi yalweeno njabelesya kapati Saatani mbukombi bwakubeja. Ulakkomana kapati kubona bantu kabakomba basikale, zilengwaleza, naa banyama—nociba cintu naa muntu uuli woonse muciindi cakukomba Jehova, walo ‘uuyanda kuti bantu kabakomba buyo nguwe alikke!’ (Kul. 20:5) Nobaba baabo ibayeeya kuti bakomba Leza munzila iiluzi balaofwaazyigwa anjiisyo zyakubeja alimwi azilengwa zitakwe mpindu. Baleetezya, bali mbuli baabo Jehova mbaakaambila kuti: “Ino nkaambo nzi ncomuzumanana kubbadela mali kuula cakulya citali cakulya cini-cini, alimwi nkaambo nzi ncomusowa mali ngomubelekela kuula zintu zitamupi kukkutila? Amundiswiililisye, eelyo mulalya cakulya cibotu, alimwi mulakkomana kapati akaambo kazyakulya zyamafwuta.”—Is. 55:2.\\n16, 17. (a) Nkaambo nzi Jesu ncaakaambila Petro kuti: “Koya kusyule lyangu, Saatani”? (b) Mbuti Saatani mbwakonzya kutweena kutegwa tuleke kupakamana?\\n16 Saatani ulakonzya kubeena nobaba babelesi ba Jehova basungu. Mucikozyanyo, amubone cakacitika ciindi Jesu naakaambila basikwiiya bakwe kuti wakali kuyoojaigwa. Cakutadooneka, Petro wakajisi makanze mabotu ciindi naakamutola ambali akumwaambila kuti: “Kolyeengelela Mwami; eeci tacikakucitikili pe.” Jesu wakaingula Petro cakusinizya kuti: “Koya kusyule lyangu, Saatani!” (Mt. 16:22, 23) Nkaambo nzi Jesu ncaakaambila kuti Petro ngu “Saatani”? Nkaambo Jesu wakalizyi icakali kuyanda kucitika. Ciindi cakali afwaafwi kuti ajaigwe akuba cituuzyo cacinunuzyo alimwi akutondezya kuti Diabolosi mubeji. Ciindi eeci cakali kuyandika kapati mubuumi bwabantu boonse, tiicakali ciindi Jesu naakali kuyandika ‘kulyeengelela.’ Ikuti naatakapakamana, Saatani naakakkomana nkaambo ncencico ncaakali kuyanda.\\n17 Mbotuyaabuswena afwaafwi amamanino aabweende bwazintu oobu, andiswe tupona muziindi zikatazya. Saatani uyanda kuti tutapakamani, ‘tulyeengelele’ kwiinda mukulabila zintu zyamunyika, calo cikonzya kupa kuti tucileke kupakamana. Mutalekeli kuti eeci cimucitikile! Muciindi caboobo, “amulangile.” (Mt. 24:42) Muteenwi pe abucenjezu bwa Saatani mukuyeeya kuti mamanino acili kulamfwu—naa kuyeeya kuti taakwe naayoosika.\\n18, 19. (a) Mbuti Saatani mbwakonzya kutweena kujatikizya mbotulibona lwesu tobeni? (b) Mbuti Jehova mbwatugwasya kutegwa tuzumanane kupakamana alimwi akulangila?\\n18 Saatani alimwi ulasola kutweena kwiinda mukubelesya nzila aimwi. Ulakonzya kutupa kulimvwa kuti tatuyandiki kuli Leza alimwi akulimvwa kuti zibi zyesu kunyina nozikonzya kulekelelwa. Oolu alwalo ndweeno lwa Saatani. Alimwi buya, nguni ncobeni ngwatayandi Jehova? Ngu Saatani. Nguni ncobeni uutakonzyi kulekelelwa? Alimwi, ngu Saatani. Pele Bbaibbele litwaambila kuti: “Leza tali Leza uutaluleme pe uunga waluba milimo yanu alimwi aluyando ndomwakatondezya kuzina lyakwe.” (Heb. 6:10) Jehova ulalumba kapati ciindi notusola kumukkomanisya, alimwi mulimo wesu tauli wabuyo. (Amubale 1 Bakorinto 15:58.) Aboobo, tuteenwi pe alweeno lwa Saatani.\\n19 Mbuli mbotwabona, Saatani ulaanguzu, mukali kapati, alimwi ngusilweeno. Pele mbuti mbotukonzya kuzwidilila mukulwana sinkondo ooyu uuyoosya? Jehova tanaatulekelezya. Ijwi lyakwe lilatwaambila kujatikizya nzila zya Saatani, alimwi “tulizizyi nzila zyakwe zyabucenjezu.” (2Kor. 2:11) Ikuti twazizyiba nzila zya Saatani, cilakonzya kutugwasya kupakamana alimwi akulangila. Pele kuzyiba buyo nzila zya Saatani takuzulide pe. Bbaibbele lyaamba kuti: “Amumukazye Diabolosi eelyo ulamutija.” (Jak. 4:7) Cibalo citobela ciyoolanga-langa nzila zyotatwe mbotukonzya kulwana Saatani akuzwidilila.","num_words":1643,"character_repetition_ratio":0.054,"word_repetition_ratio":0.001,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kaambo Kulibombya Ncokuciyandika | Yakwiiya\\nNgazi Yamulindizi—Yakwiiya | January 2017\\nAMUBALE MU Afrikaans Albanian American Sign Language Amharic Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Bengali Bicol Bolivian Sign Language Boulou Brazilian Sign Language British Sign Language Bulgarian Catalan Cebuano Chichewa Chilean Sign Language Chinese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitumbuka Chiyao Chuvash Cibemba Cinyanja Colombian Sign Language Croatian Cuban Sign Language Czech Czech Sign Language Dangme Danish Digor Douala Dutch Ecuadorian Sign Language Efik English Estonian Ewe Fijian Filipino Sign Language Finnish Finnish Sign Language Fon French French Sign Language Ga Georgian German German Sign Language Greek Guarani Gujarati Gun Haitian Creole Hausa Hebrew Hiligaynon Hindi Hiri Motu Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kannada Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji (Caucasus) Kurdish Kurmanji (Cyrillic) Kwangali Kwanyama Lamba Latvian Lingala Lithuanian Luganda Lunda Luo Luvale Macedonian Malagasy Malay Malayalam Mambwe-Lungu Marathi Maya Mbunda Mexican Sign Language Mingrelian Mongolian Moore Motu Myanmar Ndebele Ndebele (Zimbabwe) Ndonga Nepali Nigerian Pidgin Norwegian Nzema Okpe Oromo Ossetian Otetela Pangasinan Papiamento (Curaçao) Paraguayan Sign Language Persian Peruvian Sign Language Polish Polish Sign Language Portuguese Portuguese Sign Language Punjabi Quebec Sign Language Quechua (Bolivia) Romanian Romanian Sign Language Russian Russian Sign Language Samoan Sango Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tatar Telugu Tetun Dili Thai Tigrinya Tiv Tok Pisin Tongan Tshiluba Tsonga Turkish Turkmen Tuvaluan Twi Tzotzil Ukrainian Urhobo Uzbek Venda Venezuelan Sign Language Vietnamese Waray-Waray Welsh Wolaita Xhosa Yoruba Zande Zapotec (Isthmus) Zimbabwe Sign Language Zulu\\nKaambo Kulibombya Ncokuciyandika\\n“Aabo balibombya mbabajisi busongo.”—TUS. 11:2.\\nNYIMBO: 38, 69\\nNkaambo nzi kulibombya ncokuyandika kapati?\\nMbuti kulibombya mbokuswaangene akulicesya?\\nIno mbuti mbotukonzya kuzwidilila mumulimo ngotupedwe?\\n1, 2. Ino nkaambo nzi muntu iwakali kulibombya aciindi cimwi ncaakakakwa a Leza? (Amubone cifwanikiso icili kumatalikilo aacibalo.)\\nMWAMI SAULO wamu Israyeli yansiku wakatalika bulelo bwakwe kali muntu uulibombya alimwi uulemekwa. (1Sam. 9:1, 2, 21; 10:20-24) Pele mbwaakabeda buyo mwami, wakatalika kucita zintu cakulisumpula. Ciindi musinsimi wa Leza Samuele naakamuka kusika ku Giligala, Saulo tanaakakkazyika moyo. Ba Filisiti bakali kulibambila kulwana nkondo, pele bana Israyeli bakatalika kumwaikizyanya akumusiya Saulo. Ambweni wakayeeya kuti, ‘Ndeelede kucita cintu cimwi cakufwambaana.’ Aboobo wakatuula cipaizyo kuli Leza, calo ncaatakazumizyidwe. Jehova tanaakakkomana pe.—1Sam. 13:5-9.\\n2 Ciindi Samuele naakasika ku Giligala, wakamukalalila Saulo. Pele muciindi cakulutambula lulayo, Saulo walo wakapa zyakulitamizya, wakapa bantu mulandu alimwi akusola kuubya-ubya ceeco ncaakacita. (1Sam. 13:10-14) Eeci ncecakatalisya zintu zyakapa kuti Saulo anyangwe bwami, alimwi ciinda kubija ncakuti, wakakakwa a Jehova. (1Sam. 15:22, 23) Nokuba kuti wakatalika kulela kali muntu uuli kabotu, wakafwa kali muntu mubi.—1Sam. 31:1-6.\\n3. (a) Ino bantu banji bayeeya nzi kujatikizya kulibombya? (b) Ino mibuzyo nzi iiyandika kwiingula?\\n3 Munyika iino iiyandisya kuzundana, bantu banji bayeeya kuti beelede kwiindana abantu bambi kutegwa bazwiidilile. Mukucita boobo, kulibombya koonse inga kulamana. Mucikozyanyo, muntu umwi uulaampuwo mumafilimu, iwakanjila mumapolitikisi, wakaamba kuti: “Bbala lyakulibombya ndibbala litabeleki kuli ndime alimwi ndilombozya kuti litakabeleki pe.” Pele, ino nkaambo nzi kulibombya ncokuciyandika? Ino kulibombya ninzi, alimwi tacaambi nzi? Alimwi mbuti mbotukonzya kuzumanana kulibombya nomuba mubukkale bukatazya naa notuyungwa abantu bamwi? Mucibalo eeci, tulaingula mibuzyo yobilo yakusaanguna. Mubuzyo watatu uyakwiingulwa mucibalo citobela.\\n4. Ino inga mwaipandulula buti micito yakulisumpula?\\n4 Ibbaibbele lilaindanya kulibombya alimwi akulisumpula. (Amubale Tusimpi 11:2.) Cabusongo, Davida wakalomba Jehova “[kumulesya] kumicito yakulisumpula.” (Int. 19:13) Ino “micito yakulisumpula” ninzi? Caamba kutakkazyika moyo naa kufwambaana kucita zintu muntu nzyatazumizyidwe. Akaambo kacibi ncotwakakona, toonse tulalisumpula zimwi ziindi. Pele mbubonya mbotwabona mucikozyanyo ca Mwami Saulo, ikuti naa twaba acilengwa cakucita zintu nzyotwataambilwa, mukuya kwaciindi tuyoolijana mumapenzi mapati kuli Leza. Lugwalo lwa Intembauzyo 119:21 lwaamba boobu kujatikizya Jehova: “Yebo ulabakalalila basikulisumpula.” Nkaambo nzi ncocili boobo?\\n5. Nkaambo nzi micito yakulisumpula ncoili zibi zipati kapati?\\n5 Cakusaanguna, ikuti twacita zintu cakutalibombya, nkokuti tatulemeki Jehova kuti Mweendelezi wesu weelela. Cabili, ikuti twacita zintu nzyotutazumizyidwe, tulangilwa kuzwangana abantu bamwi. (Tus. 13:10) Catatu, ikuti bantu bazyiba kuti twacita zintu cakulisumpula, inga twafwa nsoni naa kusampuka. (Lk. 14:8, 9) Zintu ziboola akaambo kamicito yakulisumpula inga nzibi. Kweelana a Magwalo mbwaatondezya, kulibombya lyoonse nenzila mbotu.\\nINO KULIBOMBYA KUBIKKILIZYA NZI?\\n6, 7. Ino kulicesya ninzi, alimwi kuswaangene buti akulibombya?\\n6 Kulibombya alimwi akulicesya mbube buswaangene kapati. Mu Bbaibbele, kulicesya caamba kutalisumpula naa kutaliyanda. (Flp. 2:3) Muntu uulicesya kanji-kanji ulalibombya, nkokuti ulakonzya kubona kabotu-kabotu zintu nzyakonzya kucita alimwi akuzuzikizya, ulakuzumina kulubizya kwakwe, ulaitambula mizeezo alimwi anzila zipya zintu mbozyeelede kucitwa. Kulicesya kulamukkomanisya kapati Jehova.\\n7 Mu Bbaibbele, kulibombya caamba kulizyiba kabotu mbotubede alimwi akuzyiba mpotugolela. Kweelana amwaambo wakusaanguna iwakabelesyegwa, kaambo kakankaizyidwe aawa kajatikizya luzyibo oolo mbolweelede kujatikizya mbotulilemeka kubantu bamwi.\\n8. Ino zintu nzi zitondezya bukkale naa kuyeeya cakutalibombya?\\n8 Ino ndilili notukonzya kutalika kuyeeya naa kucita zintu cakutalibombya? Atulange-lange zitondezyo zitucenjezya zisyoonto buyo. Inga twatalika kuciindizya mbotulibona alimwi ambotubona mikuli yesu. (Rom. 12:16) Tulakonzya kutalika kulibikkila kapati maano munzila iitali kabotu. (1Tim. 2:9, 10) Inga twatalika kulumbaizya buyo mizeezo naa zintu zijatikizya mukuli wesu, naa mbotuyeeya. (1Kor. 4:6) Kanji-kanji, ikuti katucita boobo, inga tiitwazyiba kuti twacinca kuzwa kukulibombya kuya kukulisumpula.\\n9. Ino ncinzi capa kuti bamwi batalike kulisumpula? Amupe cikozyanyo camu Bbaibbele.\\n9 Muntu uuli woonse ulakonzya kucita zintu cakutalibombya ikuti naa wazumizya zisusi zyanyama kuti zimweendelezye. Mizeezo yakuliyanda, munyono, alimwi akunyema kapati zyapa bantu banji kutalika kucita zintu cakulisumpula. Bantu baambidwe mu Bbaibbele mbuli Abisalomu, Uziya, alimwi a Nebukadinezara bakazundwa kumilimo yanyama iili boobu alimwi Jehova wakabasubula akaambo kakulisumpula kwabo.—2Sam. 15:1-6; 18:9-17; 2Mak. 26:16-21; Dan. 5:18-21.\\n10. Nkaambo nzi ncotuteelede kuyeeyela zintu bantu nzyobayeeya? Amupe cikozyanyo camu Bbaibbele.\\n10 Kuli twaambo atumbi tukonzya kupa kuti umwi atalike kucita zintu cakutalibombya. Mucikozyanyo, atulange-lange zibalo zyamu Bbaibbele eezyi: Matalikilo 20:2-7 alimwi a Matayo 26:31-35. Sena zintu nzyobakacita ba Abimeleki alimwi a Petro izyakali kulibonya mbuli kuti nkulisumpula, zyakacitwa akaambo kazisusi zibi? Naa sena bantu aaba tiibakaazyi masimpe naa bakacita zintu cakutayeeya? Mbwaanga tatukonzyi kuzyiba zili mumoyo wamuntu, ncabusongo alimwi ncaluyando kutafwambaana kuyeeyela zintu bantu nzyobayeeya.—Amubale Jakobo 4:12.\\nKUZYIBA MULIMO WESU\\n11. Ino kulibombya kuswaangene buti akuzyiba busena bwesu mububambe bwa Leza?\\n11 Kulibombya kutalikila akuzyiba mulimo ngotujisi mububambe bwa Leza. Mbwali Leza uucita zintu kweelana abubambe, Jehova ulamupa busena naa cakucita muntu uuli woonse mumukwasyi wakwe. Mukuli ngwajisi muntu uuli woonse mumbungano ulilibedelede, pele toonse buyo tulayandika. Kwiinda muluzyalo lwakwe, Jehova wakapa muntu uuli woonse zipego, zintu, naa busongo bwakucikonzya kucita cintu cimwi. Tulakonzya kuzibelesya kutembaula Jehova alimwi akugwasya bamwi. (Rom. 12:4-8) Tulizyi kuti Jehova uyanda kuti katubelesya zipego eezyi kumulemeka alimwi akugwasya bamwi.—Amubale 1 Petro 4:10.\\nNcinzi ncotukonzya kwiiya kucikozyanyo ca Jesu ciindi notwapegwa mulimo mupya? (Amubone muncali 12-14)\\n12, 13. Nkaambo nzi ncotuteelede kugambwa ikuti naa milimo yesu kaicinca-cinca mububambe bwa Leza?\\n12 Nokuba boobo, mulimo ngotujisi mububambe bwa Leza, takuli kuti ngomulimo ngotunoocita lyoonse. Mukuya kwaciindi ulakonzya kucinca. Atulange-lange cikozyanyo ca Jesu. Kumatalikilo, wakali buyo a Jehova. (Tus. 8:22) Mpoonya wakamugwasya kulenga zilenge zimwi zyamuuya, zintu zimwi zyamububumbo, alimwi kumamanino akulenga bantu. (Kol. 1:16) Pele mukuya kwaciindi Jesu wakatambula mulimo mupya anyika, cakusaanguna wakazyalwa kali muvwanda mpoonya wakakomena. (Flp. 2:7) Naakafwa lufwu lwakwe lwacipaizyo, Jesu wakapiluka kujulu kali cilenge camuuya kutegwa akaakube Mwami wa Bwami bwa Leza. (Heb. 2:9) Alimwi ooku takuli kucinca kwamamanino kwamulimo wakwe. Yaakumana myaka iili 1000 yabulelo bwakwe, Jesu uuyoopilusya bwami bwakwe kuli Jehova kutegwa “Leza abe ngomweendelezi wazintu zyoonse.”—1Kor. 15:28.\\n13 Tulakonzya kulangila kuti milimo yesu ilakonzya kucinca ciindi aciindi, kanji-kanji akaambo kazintu nzyotusala kucita. Mucikozyanyo, sena tiimwakakwete naa kukwatwa pele lino mwakakwata naa kukwatwa? Sena lino mujisi bana? Sena mwakaubyaubya buumi bwanu kutegwa mubeleke mulimo waciindi coonse? Zyakusala zyoonse eezyi zyakaleta mikuli iimwi. Kucinca kwabukkale kulakonzya kupa kuti tube aamikuli minji naa misyoonto. Sena mucili mwana-mwana naa mwakacembaala? Sena buumi bwanu buli kabotu naa mbwakuciswa-ciswa? Jehova lyoonse ulabikkila maano kubona umwi aumwi wesu mbwakonzya kubelesyegwa mumulimo wakwe. Ncalangila buyo kulindiswe nzintu nzyotukonzya kucita, alimwi ulalumba kapati kuzintu zyoonse nzyotucita.—Heb. 6:10.\\n14. Mbuti kulibombya mbokukonzya kutugwasya kuzuzikizya mulimo wesu alimwi akuzumanana kusyomeka mubukkale buli boonse?\\n14 Jesu wakali kukkomana mumilimo yakwe yoonse njaakapegwa, andiswe tulakonzya kukkomana mumilimo yesu. (Tus. 8:30, 31) Muntu uulibombya talimvwi kusyaanikizyigwa amilimo naa mikuli njapedwe mumbungano. Alimwi kunyina nalibilika kujatikizya kuba aamikuli kumbele naa kujatikizya bamwi nzyobacita. Muciindi caboobo, ulaubeleka canguzu alimwi akuukkomanina mulimo ngwajisi lino nkaambo uubona kuti uzwa kuli Jehova. Aciindi ncomunya, ulailemeka mikuli Jehova njapede bamwi. Kulibombya kutupa kuti katukukkomanina kulemeka bamwi alimwi akubagwasilizya.—Rom. 12:10.\\n15. Ino ncinzi ncotukonzya kwiiya kukulibombya kwa Gideoni?\\n15 Gideoni ncikozyanyo cibotu kapati cakulibombya. Iciindi mungelo wa Jehova naakalibonya kulinguwe, Gideoni wakamwaambila mungelo kuti wakali kuzwa mumukwasyi uunyina mpuwo. (Bab. 6:15) Naakamana kuzumina mulimo ngwaakapegwa a Jehova, Gideoni wakaba masimpe kuti wakali kuzimvwisya zintu zyakajatikizyidwe, alimwi wakalanga kuli Jehova kutegwa amusololele. (Bab. 6:36-40) Gideoni wakali sicamba. Pele wakali kubikkila maano alimwi akucita zintu cabusongo. (Bab. 6:11, 27) Tanaakabelesya mulimo wakwe kutegwa alipangile mpuwo. Muciindi caboobo, mbowakamanina buyo mulimo ngwaakapedwe wakajokela kumulimo wakwe wakaindi kakkomene.—Bab. 8:22, 23, 29.\\n16, 17. Nzintu nzi muntu ulibombya nzyalanga-langa ciindi nayeeya kujatikizya kuyungizya mulimo wakwe wakumuuya?\\n16 Kulibombya tacaambi kuti tatweelede kubeleka canguzu kutegwa tweelele kupegwa mikuli iimbi naa kukaka mikuli iimbi yamumulimo. Magwalo alatukulwaizya toonse kuyungizya mulimo wesu. (1Tim. 4:13-15) Pele sena kucita boobo lyoonse kuyandika kucinca mulimo? Peepe. Kwiinda mukulongezyegwa a Jehova, tulakonzya kuyaambele kumuuya mumulimo ngotucita lino. Tulakonzya kuzumanana kubelesya busongo bwakucita zintu mbwaakatupa Leza alimwi akuyaambele mukucita milimo mibotu.\\n17 Katanauzumina mulimo mupya, muntu uulibombya, cakusaanguna weelede kubuzya zijatikizyidwe mumulimo ooyo. Mpoonya ulabulanga-langa bukkale bwakwe naa bulakonzya kumuzumizya kuucita mulimo ooyo mupya. Mucikozyanyo, sena ulakonzya kucita milimo minji naa mikuli kakunyina kucileka kulanganya zintu zimbi ziyandika? Sena milimo imwi njajisi lino ilakonzya kupegwa bamwi kutegwa abeleke milimo mipya? Ikuti naa bwiinguzi kumibuzyo yobilo eeyi mbwakuti peepe, ambweni kulakonzya kuba muntu umbi uukonzya kucikonzya kuubeleka kabotu mulimo ooyu. Mupailo alimwi akubulanga-langa kabotu bukkale bwesu kuyootugwasya kweeleba kucita zintu nzyotutakonzyi. Kulibombya kuyootugwasya kwaamba kuti inga tiitwakonzya kuucita mulimo ooyo.\\n18. (a) Ino kulibombya kuyootupa kucita nzi ciindi notwapegwa mulimo mupya? (b) Mbuti lugwalo lwa Baroma 12:3 mbolubeleka kubantu balibombya?\\n18 Ciindi notuzumina mulimo mupya, cikozyanyo ca Gideoni cituyeezya kuti tatukonzyi kuzwidilila kakunyina busolozi bwa Jehova alimwi azilongezyo zyakwe. Alimwi buya, twakatambwa “kweenda cakulibombya a Leza [wesu].” (Mik. 6:8) Aboobo, kufwumbwa ciindi notwapegwa milimo mipya, tweelede kupaila alimwi akuyeeya kujatikizya zintu Jehova nzyatwaambila kwiinda mu Jwi lyakwe alimwi ambunga yakwe. Tweelede kwiiya kweenda cakutapilingana kutegwa tutobele busolozi bwa Jehova butazungaani. Tweelede kuyeeya kuti nkulicesya kwa Jehova kutali busongo bwesu ‘kutupa kusumpulwa.’ (Int. 18:35) Aboobo kusala kweenda a Leza cakulibombya kuyootugwasya kutalisumpula naa kulitenga.—Amubale Baroma 12:3.\\n19. Ino nkaambo nzi ncotweelede kuba bantu balibombya?\\n19 Muntu ulibombya umupa bulemu bumweelede Jehova, akaambo kakuti Jehova ngo Mulengi wesu alimwi Mwami Wabubumbo Boonse. (Ciy. 4:11) Kulibombya kutugwasya kukkutila alimwi akubeleka canguzu mumulimo ngotupedwe mububambe bwa Leza. Kulibombya kutupa kuti katucita zintu cakusyomeka, alimwi kuleta luumuno akati kabantu ba Jehova. Kulibombya kutukulwaizya kubona bamwi kuti balatwiinda, alimwi kutukulwaizya kuba bantu bacenjede, alimwi akweeleba kucita zibi zipati. Akaambo katwaambo ootu, kulibombya kuciyandika kubantu ba Leza, alimwi Jehova ulabalanganya aabo balibombya. Pele ino mbuti kuti tuli mubukkale bukatazya? Cibalo citobela cilatondezya mbotukonzya kuzumanana kulibombya mubukkale bukatazya.\\nBakalyaaba Amoyo Woonse\\n“Kosyoma Jehova Akucita Zintu Zibotu”\\nAmucibelesye Kabotu Cipego Canu Calwaanguluko Lwakulisalila\\nMulakonzya Kuzumanana Kulibombya Ciindi Nomusunkwa\\n“Zintu Eezyi Kozibikka Mumaanza Aabantu Basyomeka”\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA January 2017\\nNGAZI YAMULINDIZI—YAKWIIYA January 2017","num_words":1807,"character_repetition_ratio":0.07,"word_repetition_ratio":0.0,"special_characters_ratio":0.174,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 19 IBBAIB63 - Mumwezi watatu, bana ba-Israyeli - Bible Search\\nKulonga 18 Kulonga 20\\nJehova mbwaakalibonya ku-Sinai\\n1Mumwezi watatu, bana ba-Israyeli kabazwide munyika ya-Egepita, mubuzuba obo mbubonya bakasika kunkanda ya-Sinai. 2Elyo nebakazwa ku-Refidimu bakasika kunkanda ya-Sinai, akuyaka zilao zyabo oko kunkanda. Nkabela bantu bakakala-kala kunembo lyacilundu. 3-Lino Musa wakatanta nkwaakabede Leza, Jehova wakamwiita kuzwa kucilundu, wati, Mbuboobu mboelede kwaambila luzubo lwa-Jakobo akulwiida luzubo lwa-Israyeli. 4-Mulibwene ncindakacitila ba-Egepita, ambundakamunyampula amababa aamusika akumuleta kulindime. 5-Lino ncobeni, na mwazumina kuswiilila ijwi lyangu akubamba cizuminano cangu, muyeeyandika mumeso aangu kwiinda bamasi boonse; nkaambo nyika yoonse njiyangu. 6-Muyoondibeda cisi cabapaizi, musyobo uusalalisya. Ngaayo majwi ngoelede kwaambila bana ba-Israyeli,\\n7Mpawo Musa wakaakwiita bapati babantu, wabaambila majwi aya oonse Jehova ngaakamulailila. 8-Nkabela bantu boonse bakavuwa camoyo womwe kuti, Coonse buyo Jehova ncaamba tulacicita. Elyo Musa wakapilusizya Jehova majwi aabantu. 9-Nkabela Jehova wakaambila Musa kuti, Bona! Ndeza kulindinywe mujoba idemu, kuti bantu bateelele nenambaula ayebo, kuti bakusyome lyoonse.\\nLino Musa wakaambila Jehova majwi aabantu. 10-Nkabela Jehova wakaambila Musa kuti, Koya kubantu, ubasalazye sunu ajunza, Basanzye zyakusama zyabo, 11-balibambile buzuba bwatatu, nkaambo mubuzuba bwatatu Jehova uyooseluka acilundu ca-Sinai mumeso aabantu boonse. 12-Lino uleelede kubikila bantu migaano koonse koonse akubaambila kuti, Amucenjele kuti mutatanti mucilundu nekuba kusika akumugaano waco. Kufumbwa uulyata acilundu ncobeni ulafwa. 13Takooyooumwa ajanza pe, uyoofuswa mabwe nanka kuyaswa mivwi. Naba munyama naba muntu, takooyoopona pe. Mweembo waakulila ciindi cilamfu, baboole kucilundu. 14Elyo Musa wakaseluka kuzwa kucilundu, wasalazya bantu; nkabela bakasanzya zyakusama zyabo. 15-Wakaambila bantu kuti, Amulibambile buzuba bwatatu. Kutabi uuguma mwanakazi.\\n16-Lino nebwakaca buzuba bwatatu kwakaba mizumo amalabi ajoba idemu atala acilundu, alimwi kwakamvwigwa mweembo wabukali, mane bantu boonse bamuzilao bakakankama. 17-Elyo Musa wakaita bantu kuti bazwe muzilao kuzooswanaana a-Leza, nkabela bakaima munsi acilundu. 18-Lino cilundu coonse ca-Sinai cakali kuuntumuka busi, nkaambo Jehova wakaselukila mpawo mumulilo. Busi bwaco bwakali kulundumuka mbuli busi bwaceengelo, acilundu coonse cakali kukankama loko. 19-Lino ijwi lyamweembo nelyakali kuya bukomenesya, Musa wakatalika kwaamba, alakwe Leza wakamuvwiila akudilima. 20Jehova wakaselukila acilundu ca-Sinai atala lyacilundu, elyo Jehova wakaita Musa kuti atante atala lyacilundu, nkabela Musa wakatanta. 21-Lino Jehova wakaambila Musa kuti, Seluka, ubacenjezye bantu, ambweni inga balalisinikizya kwaandula inzila yakuzooebela Jehova, aboobo banjibanji akati kabo balafwa. 22-Abalo bapaizi baswenenena kuli-Jehova abalisalazye, kuti Jehova ataboonzomokeli. 23Nkabela Musa wakaambila Jehova kuti, Bantu tabakonzyi kutanta ano acilundu ca-Sinai, pe, nkaambo wakatulailila kuti, Amubikile cilundu migaano, citondwe. 24Jehova wakamwaambila kuti, Koya, seluka, ukatante yebo a-Aroni. Pele bapaizi abantu boonse bataanduli inzila yakutanta kuli-Jehova pe, kuti ataboonzomokeli. 25Mpawo Musa wakaseluka, waakwaambila bantu.","num_words":393,"character_repetition_ratio":0.064,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Daniele 11: “Imwami Sincinko” ngu France! Print\\nDaniele 11: “Imwami Sincinko” ngu France!\\nKubala kabotukabotu tumpango twa Daniele 11:36-40, tuyubununa 100%\\nkuti “Mwami Wancinko” ngu is France!\\n“Lino mwami ooyo uyoocita kufumbwa ncayanda. Uyoolisumpula akulipa bupati kwiinda baleza boonse. Uyokwaamba malweza aakusampaula Mwami Yahuwah wakasimpe wabaleza boonse. Nkabela uyoobula cimukakila mane limwi bukali bukazuzikwe, nkaambo makani aakosokede ayoocitwa ncobeni.\\nTakooyoobikka moyo wakwe kuli leza wabamawisi nokuba kuyanda banakazi, nokuba kulanganya leza ngobayandisya nuuba muzimu uuli woonse, nkaambo uyoolisumpula kwiinda boonse.\\nUyoolemeka Leza wazilwido mucimanga cabaabo; Leza bamawisi ngobatakezi uyoomulemeka angolida ansiliva, mabwe mayandisi azintu ziyandika.\\nUyoolwisya zilwido ziyumu nta cakugwasigwa leza mweenzu, abaabo bamutambula uyoobayungizizya bulemu. Uyoobikka beendelezi banji akwaabanya nyika kuli basimali.\\nLino kumamanino aaciindi mwami wakumusanza uyoomulwisya, pele mwami wakunyika uyooboola mbuli kambizi kuzoomulwisya ankalaki, abasimbizi amato manji, Uzoonjila muzisi mbuli izambangulwe akukukulula..” (Daniel 11:36-40, KJV)\\nCaandaano ca Daniele 11, cizwide busanduluzi bwa kulwisya nkondo kutola ciindi cilamfu akataa umwi wiitwa kuti Mwami wa Kunyika, alimwi acimwi ciitwa kuti Mwami wa Kumusanza. Basicikolo banjaanji ba Bbaibbele, beezyeezya kuti aawa kuli buyo mabazu obile aalwana aambilizyigwa mucibalo eeci.\\nKubala kabotukabotu cibalo coonse, nokuba boobo, ciyubununa cimwi catatu. Kubandauka boonse batola lubazu munkondo eeyi, tulaambilizya yooyo watatu kuti “Mwami Wancinko.” Zintu nzyaakasiya Daniele, zitondezya Mwami wancinko kuti mbulelo bwacisi ca France musyule lyaciindi alimwi amuciindi ca Napoleon Bonaparte.\\n“Alimwi mwami ooyo uyoocita kufumbwa ncayanda. Uyoolisumpula akulipa bupati kwiinda baleza boonse. Uyokwaamba malweza aakusampaula Yahuwah wakasimpe wabaleza boonse. Nkabela uyoobula cimukakila mane limwi bukali buzuzikizigwe, nkaambo makani aakosokede ayoocitwa ncobeni.”\\nKaambo keni nkakuti ooyo mwami “uyoocita kufumbwa ncayanda”, aayo majwi alibelesyedwe ziindi zyotatwe mucaandano ca Daniele 11. Ciindi citaanzi alembedwe mukampango katatu: “Alimwi mwami wanguzu ooyo uyoosika, akulela bulelo bupati, alimwi uyoocita kufumbwa ncayanda” Eeci caambilizya Alexander singuzu Mupati. Ciindi cabili aaka kaambo nokalembedwe, muukampango kakkumi acisambomwe mukwaambilizya Julius Caesar: “Pele ooyo uuyoomulwisya walo, uyoocita kufumbwa ncaliyandila, alimwi kunyina uuyakumusinkila kumbele lyakwe: alimwi walo uyakwiimina munyika iisalala, eeyo njayoonyonyoona ajanza lyakwe.”\\nBoonse bobile ba Alexander wanguzu Mupati a Julius Caesar, bakali bami bamapolitikisi bakakoma zisi zinjaanji. Mubwini, eelyo Mwami Wancinko nacita cintu, “ kucita kufumbwa ncaliyandila”, walo weelede kucita mbuli nguzu zyakacinca bweende bwa mapaolitikisi atalaa nyika. Eeci ncecintu cini cakacitwa acisi ca France.\\nKULISUMPULA AKULIBIKKA ATALAA BALEZA BOONSE\\nCisi ca France cakajaya mwami waco akumwaya buleli bwakwe, oobo kwaciindi cilamfu kwakali kupenzyegwa akutundulula basicisi kwiinda mukunyonaunwa abupoopo. Mfulumende mpya, mfulumende yacisi ca France, yakalisumpula ncobeni akulibikka atalaa baleza boonse. Kwaciindi citaanzi, lusyomo lwakuti kunyina leza naba omwe, lwakabaa mpuwo akataa bantu banjaanji abasicikolo nkaambo kakupindukwa kwabweende bwa mapaolitikisi abupaizi munkondo yacisi.\\nNkondo yacisi ca France (1789-94), yakapindaula nguzu akataa lusyomo akutasyoma munyika ya Bukuwa: lino makani aakuti kunyina leza naba omwe, kutaanguna akali kubandikwa mumakwebo aakulida mumunzi wa Paris, pele kuzwa aciindi eeco aayo makani akakkalilila akataa bantu. Ooyu musyobo walusyomo wakabaa lubazu lupati mubweende bwacisi, nkaambo cakatobela waawo, cakali cakumwayawida limwi bunakristu akutobela muzeezo wakuti kunyina leza naba omwe. Nkaambo kankondo yacisi ca France eeyo kubikka mizeezo iilesya bupaizi mubantu, eeci ciyanza cakayambukila anze lyacisi ca France kuzisi zimwi zya Bukuwa, akuzisi zya Amelika . . . 1\\nNkondo yamukati kacisi ca France yakaletela banamaleya lusyomo lwakuti kunyina leza uuciliko. Oolu lusyomo inga lwatobelezyegwa munyika yoonse kujokela musyule kucisi ca France eelyo Mwami Wancinko, naakalisumpula atalaa baleza boonse, kasampaula Mwami Yahuwah kwiinda mukukazya kuti nkwali ncobeni ulapona.\\n“Takooyoobikkila moyo wakwe kuli leza wabamawisi nokuba kuyanda banakazi, nuuba muzimu uuli woonse, nkaambo uyoolisumpula kwiinda boonse.\\nKUTABIKKILA MOYO LEZA WA BAMAWISI\\nKumatalikilo aa Nkondo yacisi ca France 1789, Bukatolika bwaku Loma mbobwakali bupaizi bwacisi. Mwami Wancinko, nokuba boobo, taakalemekezya “Leza wa bamawisi.”\\nMu Kavwumbi Kaniini 1793, kukomba caantangalala kwakalesyegwa, alimwi mumyezi yakatobela misyoonto kufumbwa cakali kutondezya buna Kristu cakagwisyigwa, eeci cakacitigwa alumamba lwakali kuyandisya kujokezyela abupaizi oobo bwakaletelezya manyongwe manjaanji. Milangu ya Cikombelo yakasokomonwa kuzwa muzikombelo akunamaumbwe, akunyebululwa mukugwasyilizya nkondo; ziingano zyakagwisyigwa kuzwa muzikombelo amuzyuumbwe, muzibumbwa , alimwi zifwanikiso azyalo zimwi ziindi zyakali kuumpwa. … Mumwezi wa Vwumbi Pati 23 1793, zikombelo zyoonse zyakajalwa, nokuba kupindulwa kuba maanda aakuyobweda zintu zyamakwebo, nokuba maanda aakubambila zintu nanka aakusungila mbizi. Migwagwa amasena amwi aayo aakaulikidwe mazina aabasalali, akapegwa mazina mapya; aayo aakali mazina aacisi, alimwi acalo ciindi cakapindaulwa kutegwa citanikwiibalusyi bantu Buna Kristu bwacisi ca France bwakainda musyule lyaciindi.2\\nTALANGANYI NABA LEZA OMWE\\nCikombelo ca Katolika caku Loma lyoonse cakali kwaamba kuti citondezyo canguzu zyaco kwakali kucinca buzuba bwa Nsabata kuya ku Nsondo. Mwami Sincinko awalo wakalaazyi kabotu makani aaya aakupindula kkalenda lilaa mvwiki yamazuba aali kkumi lyaba Frenchi, aboobo “Nsondo” tiiyakaciliko nokuba asyoonto munzila mpya yakubamba ciindi ca Mwami Sincinko. Pierre Sylvain Maréchal, wakali mutaanzi kusendekezya kupindula kkalenda lyacisi caba Fulenchi . . . , akwaamba kuti: “kkalenda lyacisi caba Frenchi. . . talyeelede kukonzyana nokuba asyoonto amilazyo yabwaapositolo a Cikombelo ca Loma.”3\\n“Kkalenda lyaba Frenchi nilyakapindaulwa, lyakali kusoleka kumwaya buna Kristu mukkalenda akutonkela kumbele makanze aankondo yacisi mukusumpula Mizeezo Yamuntu kwiinda kutobela.”4\\nCisi ca France mukusulaikila limwi buna kristu, eeco ncecintu citondezya ncobeni kuti ooyo wakali Mwami Wancinko ncobeni watakali kulanganya Leza wa bamawisi.\\nCisi ca France ncecisi cilikke atalaa nyika cicilaa misela yaco iilembedwe iiciliko, eeyo yaambilizya kuti, mbuli cisi comwe antoomwe, cakaimikizya janza lyaco kuzangila Mulengi wamulengalenga woonse. Kwakali basampauzi banjibanji, abasondokede banjaanji, bakaliko, alimwi baciliko, muzisi zya England, Germany, Spain, akumwi kulaale; pele cisi France ciliimvwi alubazu lwiindene mumusela wanyika yoonse kuti calo cilikke, kwiinda mumulawo wa Mfulumende iibikka milawo, cakaambilizya kuti kunyina Leza naba omwe pe, alimwi boonse bantu bacisi, abamwi banjaanji bali kulaale, bamakaintu abaalumi, bakazyaninina akwiimbilila mulukondo kabakkomanina akutambula kwaambilizya ooku.5\\nCisi ca France, kuzwa akusulaika buna Kristu, cakatobezya kucita acimwi citondezya ncico kuti ngo Mwami Wancinko ooyo “watakali kuyanda bamakaintu.”\\nBamwi basicikolo ba Bbaibbele, basendekezya kuti aaka kaambo kaambilizya bapaizi ba Katolika aabo batakwete. Makani aalaa mpuwo mumazuba aakainda alakonzya kukazya kaambo aaka kuti aabo bapaizi batakwete tabali mbaumbulu pe. Kuyungizya boobo, lyoonse kwainda buyo myaka misyoonto, kuli makani aadumide aayinduluka kwaambilizya banabutema Bakatolika kabatumbuka bana nokuba kuti tabakwetwe, aayo makani lwawo ngaasolweda ku maŋunuŋunu aakuti kuli mafuwa aabana bavwanda aakajanwa alizikkidwe mumbalaa lukwakwa lwamaanda mukkalila bapaizi abanabutema Bakatolika, aamwi makani aalembedwe aalo aambilizya myaandamyaanda yamafuwa aabana aakajanwa mumbalaa maanda aasungulwa bamakaintu batakwetwe akweendelezyegwa abanabutema Bakatolika. Cilisalede kuti, bapaizi Bakatolika tabakwe bulemu bwakutobela mukulijata nkaambo buyo kakuti bakalikulika zikonkezyo zyakuba baumbulu akulijata. Aboobo, “kutayanda bamakaintu” takali kaambo kajatikizya Cikombelo ca Katolika caku Loma pe.\\nCimwi cikonzya kutondezya bwakubandulula kaambo aaka, cili mu BaLoma: “Mbubonya oobo abaalumi babo bakaleka mulimo weelede wakabambilwa banakazi, akupya muzisusi zyabo zyakuyandana lwabo beni, nkaambo baalumi bakali koonana akucita abaaluminyina milimo iitondwa, nkabela kabatambula mumibili yabo beni cilumbo ceelede cakulubizya kwabo..” (BaLoma 1:27, NKJV)\\nAawa, alimwi cisi ca France nceceelela ciimo eeci.\\nKakutaninga ba Nkondo mucisi caba Frenchi, kulyana nkwela baalumi abaaluminyina, wakali mulandu mupati kapati mumilawo yacisi. Bulumbu bwakali bwakuumpwa acipulanga cisimpidwe ansi. … Mfulumende yacisi Iibamba Milawo, yakamwaya mulawo uukasya mamambe aayo eelyo niyaabambulula milawo iipa milandu mucisi caba Frenchi mu 1791 alimwi akusowela kulaale milandu minjaanji eeyo yakabikkidwe kwiinda mubupaizi, kusanganya amulandu wakusampaula julu; … ‘eeco cakali ciindi cankondo yacisi amanyongwe aaciindi ca Milawo yokwa Napoleon (antoomwe akumwaya mulandu wakulyana nkwela banalumi abanaluminyina) amusizi zinjaanji zya Bukuwa….6\\nCisi ca France cakabaa mpuwo nkaambo kakutalijata kwaco. Kwaciindi citaanzi mucisi cabuna kristu, kulyana nkwela akataa banalumi kwakazumizyigwa amulawo wamfulumende.\\nAntela ncintu citagambyi kuti, oolu lwaanguluko lwamusyobo ooyu lwakalesya akweendelezyegwa kwamilawo yakulijata, akuzumizya muntu lwaanguluko, akulesya kukasya kulyana nkwela akataa baalumi. Eelyo milawo yokwa Napoleoni niyaabikkwa, mulandu wakulyana nkwela baaluminyina, wakamwaigwa kuzwa akataa milandu iikonzya kusubulwa mucisi, alimwi mbuli Napoleoni naakali kuyaa bukukula nyika ya Bukuwa akudadaula zyoonse zyakali kweendelana amusela wansiku, walo wakasiya bayaki bamusela mupya mumukondo wakwe aabo bakabikka nzila zipya zyamilawo kakwiina kusanganya akataa milandu imulandu wabanalumi wakulyana nkwela.7\\nMasimpe, cisi ca France cakali Mwami Wancinko watakali kuyanda bamakaintu.\\n“Uyoolemeka Leza wazilwido mucimanga cabaabo; Leza bamawisi ngobatakezi uyoomulemeka angolida ansiliva, mabwe mayandisi azintu ziyandika.”\\nUYOOLEMEKA LEZA WAZILWIDO\\nIzina lyokwa Napoleon lyakaseluka kuzwa mumisela kalyeelene alyokwa Alexander Mupati, Hitler, abamwi bancelelebula bakali kuyandisya kukoma atalaa boonse. Mubwini, zina lyakwe lyakali kubelesyegwa munkondo zyoonse eezyo nzyaakali kulwanina cisi ca France. “Nkondo zya Napoleon zyakali kulwanwa akataa cisi ca France mubusololi bwa Napoleon Bonaparte, azisi zya Bukuwa mumyaka akataa 1799 a 1815.”8\\nEelyo muntu umwi wakaimvwi munsimunsi naakaamba kuti: “Swebo tuyoozunda nkaambo Leza uli kulubazu lwesu,” Napoleon wakalidunda campuwo kwaamba kuti: “Leza uli kulubazu lwa lumamba lupati.” Aboobo cisi ca France, mbuli mbucakaambilizyigwa, cakalemekede “Leza wazilwanyo.”\\nLEZA OOYO BAMAWISI NGUBATAKAZYI\\nCisi ca France cakali kulemekezya “leza ooyo bamawisi ngubatakazyi.” Bantu balemba zyamisela bakatondezya kuti basaante ba Cikombelo ca Katolika caku Loma, bakali baleza ba ciGiliki aci Loma, bakaulikwa mazina aacina Kristu. “Nkaambo kakuti aabo bakali kusanduka kuzwa kubupaizi bwa mituni tiibakali kuyanda kulekezya ‘baleza’ babo – pele buyo kuti bajana leza weelene mubuna Kristu- aboobo baleza babo bakaulikwa mazina aabuna Kristu akwiitwa kuti ‘mbasaante’.”9 ‘Mazina’ aayo aabelesyegwa abakomba mituni aalo aakalonzyelwa kubuna Kristu. “Mwami mukaintu Wakujulu” ooyo wakatalika kwiitwa kuti ngu Maliya, mumisela mitaanzi wakali kwiitwa kuti mwami mukaintu uusofweede, Semerimus, antoomwe abaleza bamwi bamituni.\\nEelyo cisi ca France nicaaleka Bukatolika bwaku Loma, ticaakaka buyo Yahuwah, pele abaleza\/ basaante ba Bukatolika aabo bakazyibidwe kwamisela minjaanji. “Inyika kwaciindi citaanzi yakamvwa nkamu yabantu bayiide, bakazyalwa akukkala mulusumpuko alimwi kabalipeekezya kubaa nguzu zyakulela cisi cimwi ciinda kusumpuka munyika ya Bukuwa, kabaimika jwi lyabo antoomwe kukaka kasimpe aako keelede kutambulwa amuuya wamuntu, akufubaazya boonse antoomwe lusyomo lwa kukomba Leza.”10\\nPele mucibaka caboobo, cici ca France cakasumpaula leza mukaintu. Umwi mukaintu uutola lubazu muzipekupeku, wakabwezegwa atalaa makkuko kabatozya kuganda lipati lya Notre-Dame ooko nkwaakakupegwa musyini akwiitwa kuti ngu Leza Mukaintu wa Mizeezo Yamuntu. Eelyo ganda lwalyo lya Notre-Dame lyakaulikwa kuti “Nditempele lya Leza Mukaintu wa Twaambo.”11 Mubwini aaka kampango, katondezya kuti cisi ca France cizuzika ciimo ca Mwami wancinko.\\nKULEMEKEZYA GOLIDE NSILIVA AZINTU ZIYANDISI\\nNapoleon, mbuli nguzu zili zyoonse zyakali kumbele lyakwe, wakavwubya cisi ca France mukusaala zisi eezyo nzyaakazunda. Ganda lya Louvre ku Paris lyakazyibwa munyika yoonse nkaambo kakubaa zifwanikiso zinjaanji zizwa kuzinguluka nyika. Nikwakainda Manyongwe aacisi ca France, imfulumende yakabamba ganda lya Louvre, eelyo lyakayakidwe mumatongo aakakkedwe bami bakaindi, kuti libe “busena bwakuyobweda zintu ziyandisi zya zilengwa leza azifwanikiso.” Nikwakainda myaka yobile, mfulumende yakajula ganda lya Centrali desi Artsi. Pele mubweendelezi bwa Napoleon, ndendilyo eelyo ganda lya Louvre nilyakabaa mpuwo kapati akuba ciyobwedo ca golide, nsiliva, mabwe mayandisi azintu zimwi zyeebeka ncobeni.\\n1798-1815: Muleli wacisi Napoleon I \"wakavwubya\" ciyobwedo caganda lya Louvre kwiinda mukulwana akusaala zintu munkondo nzyaakalwanina anze lyacisi, kapati kuzyila mucisi Italy. Eelyo ganda lyakuyobweda zintu zyamisela zyeebeka lyakainduluka kuulikwa zina lyakuti Musée Napoleon mu 1803 alimwi cibumbwa ca muleli cakaliimvwi kunembo lyamulango waganda eelyo. Mu 1806, bayaki ba Muleli ba Percier a Fontaine, bakayaka “mulyango wa Triomphe\" mukati kabusena bwa Tuileriesi kuti basekelele kuzunda kwalumamba lwacisi ca France. Ooyo mulyango, kutaanguna wakalaa mbizi zyalubulo zyakabumbidwe zyone eezyo zyakasaalwa kuzwa ku St Mako Basilica ku Italy; eezyi zyakajokezyegwa kucisi ca Italy mu 1815 eelyo Bulelo butaanzi nibwakawa. Muciindi eeci, ganda lya Louvre alyalo lyakaindila kukomezyegwa kusikila mbuli mboliyakidwe mazubaano, kusanganya aŋanda ya Cour Carré a Grande Galerie.12\\nManyongwe aaba Frenchi akamanizya mali aacisi ca France. Nokubaboobo, Mfulumende Iibamba milawo” yakasala kuti ŋanda ya Louvre yeelede kubelesyegwa kuba ciyobwedo cakutondezya zintu zyacisi zyeebeka.”13 Cintu cipati muli ceeci cakaletelezya manyongwe aaba Frenchi cakali cakucimwa Cikombelo ca Bukatolika caku Loma buvwubi bwaco, eeco “cakali cintu lyoonse cakali kubaibalusya kusumpuka kwa Cikombelo eeco akataa mukowa waba Frenchi.”14\\nKutongooka Cikombelo ca Katolika caku Loma, kwakali kumwi akataa Manyongwe aacisi ca France, alimwi eeco ncecakabambwa amfulumende kuba mulawo uukasya bukatolika mu 1792 eelyo Bulelo Butaanzi bwaba Frenchi nibwakaimikizyigwa. Kuwamaya buna kristu mubunji bwacisi ca France kwakaletelezyegwa amapolitikisi amakani aabuvwubi, pele ayalo mizeezo ya Cikombelo yakatalika kulibonya ayalo.15\\nMbuli baleli mbobakali kuyaa kubaa nguzu, bakasanganya zyoonse zintu zyacikombelo mumfulumende.\\nMubuzuba bwa 2 Vwumbi Pati 1789, Mfulumende mpya yacisi ca France, yiitwa kuti Constituenti Mbungano, yakabikka mulazyo ooyo wakasiila mayake azintu zya Cikombelo zyoonse mumaanza aamfulumende. Talleyrand, bbishopo waku Autun umwi akataa bapaizi basyoonto buyo aabo bakazuminizya mulazyo ooyo, wakazumanana kwaamba kuti woonse mayake aa Cikombelo ayelede kuba aamfulumende buvwubi bwayo, akuleta bukkale busumpukide, aboobo ooyo mulazyo weelede kulangwa kuti ‘mulazyo’ wacisi.16\\nOoko kwakali kuzanduka Buna Kristu, ncencico eeco cakapa kuti “cisi ca France cileke kuba cina Kristu.” Eeci cakazumanana kusikila mukudyaamnina buna kristu akusumpula Leza mukaintu wa Twaambo. Kuyungizya waawo, “Bulozi bwa Twaambo” bwakasimpwa mpeenya aawo. “Makanze aabulozi oobu akali aakubambilila bantu kuti bajane Kasimpe a Lwaanguluko, alimwi mulazyo ooyo wakali kweendelezya bulozi oobu wakali wakubelesya kupa twaambo twakuliyeeyela twabantu.”17\\nEelyo ŋanda ya Louvre niyaataanguna kujulwa, zifwanikiso eezyo zyakasaalwa kuzwa ku Cikombelo ca Katolika amumikwasyi yabami bakazundwa, amikwasyi yabavwubi bakatija kuzwa micisi ca France, zyakali zitaanzi kulibonya muŋanda eeyo. Nkondo zya Napoleon zyakavwubya cisi ca France mbuli mbwaakali kunyongomona nyika ya Bukuwa zintu ziyandisi. Ganda lyaciyobwedo a milazyo yacisi zyakali kweendelana. Buvwubi bwacisi bwakazyila kuli basinkondonyina bacisi, lino bwakalibikkidwe antangalala akubonwa abantu boonse aabo “bakakona” buvwubi oobo, eeco cintu cakaindizya kulidunda lusumpuko mucisi ca France mubulelo bwakulipeda Twaambo, kwiinda bucete bwakali mu banamaleya eelyo nibakali kulelwa abaleli Bakatolika.\\nMbombubo, golide, ansiliva, amabwe mayandisi, azintu zikkomanisya” mbuzyakabelesyegwa kutabilila akutonkela kumbele Twaambo twabuntu akulesya kusyoma leza. Ooku kuzanga kwakoongelezya bantu banjaanji kuti balanganye kuti kuliyeeyela Twaambo kulisumpukide kwiinda Leza wa Buna Kristu.\\n“Uyoolwisya zilwido ziyumu nta cakugwasigwa aleza mweenzu, ooyo ngwayoolanganya akuyungizyila bulemu, abaabo bamutambula uyoobayungizizya bulemu. Uyoobika beendelezi banji akwaabanya nyika kuli basimali.”\\nKWAABANYA NYIKA KULI BASIMALI\\nIjwi lyakuti “mbombubo” liiminina kuti: “Munzila mbweenya mbokwaambwa kale.” Aboobo aaka kampango kamanizya kwaamba micito yoonse ya Mwami Sincinko. Pele aaka kampango kaya kumbele kuyungizya cintu comwe ciganta kumutondeka: Mwami Sincinko “uyookwaabanya nyika kuli basimali.” Eeco ncecaacitika ncobeni mucisi ca France. Manyongwe aacisi ca France akaletelezya tunji kubuvwubi bwacisi. Kubula mali kwakaindila. Zyoonse zintu zyakabambidwe ansiliva, zyakafulwa akubambwa kuba mali. Kwakasolekwa kubambulula zintu kuti bweende kabotu buumi bwacisi akuzwidilila asyoontosyoonto. Aaka kampango kaambilizya kuulisya nyika eeyo yakasaalwa:\\nMbungano yamfulumende yakagamika milazyo yayo kukuzumizya makwebo. Yakasyomya kubbadela baabo bakalaa buvwubi akuyumya mulazyo ooyu kwiinda mukuulisya nyika, akunyanga zintu kuzwa kucikombelo akuli baabo bakatija kuzwa mucisi. Yakaulisya bunji bwazintu anyika eezi kubantu bakalaa mali; tiizyakali zinji eezyo zyakasika mumaanza aabantu batuba pe.18\\nMuli ceeci, mbweenya mbuli mucishinshimi coonse, cisi ca France cakalitondezya kuba Mwami Sincinko.\\n“Lino kumamanino aaciindi mwami wakumusanza uyoomulwisya [Mwami Sincinko], pele mwami wakunyika uyoomuboolela [Mwami Sincinko] mbuli kambizi kuzoomulwisya ankalaki, abasambazi amato manji, Uzoonjila muzisi mbuli izambangulwe akukukulula.”\\nKUTONKAIKA MWAMI WANCINKO\\nKampango 40 kayubununa kuti boonse bobile, Mwami wa Kunyika a Mwami wa Kumusanza, bayoozinga uumwi watatu: Mwami Wancinko ooyo, ulapandululwa mutumpango tuli musyule lyakaako. Eeci nceciganta kutondezya kuti cisi ca France ngo Mwami Wancinko. Mwami wa Kumusanza (Ijipita) “wakatonkaika” cisi ca France eelyo mfulumende yakali kulela mucisi niyaalesya makwebo akataa cisi ca Ijipita acisi ca France. Balembi bamisela batondeka acintu eeco cakulesya makwebo kuti ncecaaletelezya kwiingula kwacisi ca France alumamba. “Cimwi cakaletelezya kulwanwa kwaba Frenchi, cakali cintu cakulesya makwebo acisi ca Ijipita kuma 1790.”19 Aciindi cini cakashinshimwa, mu 1798, Napoleon wakalwana cisi ca Ijipita.\\nMWAMI WAKUNYIKA WAKAVWAKKAMUKA MBULI KAPEPELE\\nKubelesya lumamba mucisi ca France mukulwana “kutonkaikwa” acisi ca Ijipita, cakaletelezya twaambo tunji twatakali kulangilwa. Cisi ca Ijipita muciindi eeco cakali kulelwa aba Mamluku aabo bakazangila Bulelo bwa Ottoman. Cisi ca France cakali kuti Bulelo bwa Ottoman inga bwalekela cisi caba Frenchi kuya kumbele kudyokoonsa Bulelo bwa Ottoman.\\nCisi ca France cakali kweendelana a Bulelo Ottoman, kwakaindi kasyoonto, aboobo kunyina makanze aakali kulesya cilongwe eeco. Makanze aaba Frenchi akayeeme akulangila kuti ba Ottoman inga tiibatola lubazu munkondo, akulangila kulwana ba Mamluku … kuvwuzya bulwani bwabo munkondo yaba Frenchi kulwanina cooko cakacili mumaanza aaba Ottoman.20\\nOoyu mucito wa Mwami Wancinko, wakapa kuti Mwami wa Kunyika (Bulelo wa Ottoman) bunjilauke zinsi zinjaanji mbweenya mbuli mbwaakashinshimide kale Daniele mumyaka yakainda zyuulu zyobile. Ncobeni, oobu bweende bwazintu mbubwaaletezya akujaigwa kwabantu baku Armenia21 (1915-1918). Masyoonto makani aajatikizya kujaya ooku, nkaambo bunji bwazilembedwe, zyaambilizya buyo kuti kuzwa 275,000 kusikila 750,000 bana Kristu baku Assyria bakasweekelwa maumi aabo “mukusalazya” nyika kwa Bulelo bwa Ottoman. Ooku takuli kujaya kulikke buyo kwaacitwa aMwami wa Kunyika. Mwami Wancinko naakalwana cisi ca Ijipita, aawo mpaakatalikila bulwani bwaasikila kukujaigwa kwabantu mucisi ca Armenia22(1915-1918) akujaigwa kwaba Giliki23 (1914-1923). Kusikila zyuulunzuma zyotatwe zyabana Kristu bakasweekelwa maumi aabo mumanyongwe obile aaya. (Kuti koyanda kulibalila busanduluzi bwa Mwami wa Kunyika amicito yakwe, kotyonka aawa)\\nFRANCE NGO MWAMI WANCINKO!\\nKunyina kudonaika nokuba asyoonto kuti cisi ca France cileelela mucibeela cili coonse cipedwe mucishinshimi, eeco ciganta akutondezya Mwami Wancinko. Busongo bwa Bulemu bwa Kujulu, bwakapa mulumbe kuli Daniele kuti alembe akuyobweda zyalane lyamamanino.\\nEeci ncintu cilaa mulimo ncobeni kumuntu muzumi uuli woonse mazubaano, nkaambo kakuti tumpango tucaalizya twa Daniele 11, kuti twavwisyigwa kabotu, tuyubununa kuti kujalwa kwa ŋanda yakazekelo kulaafwi kucitika, linolino ncobeni. Ambweni mumyezi misyoonto buyo kutalikila kuli baabo bapedwe mumuni munji.\\nNapoleon, Atatürk, aPoopo Francis baiminina kuti ŋanda yakazekelo ilaafwi kujalwa\\n3 George B. Andrews, “Kubamba Kkalenda licinca Musela,” American Historical Review, 36, (1931), p. 525.\\n5 Blackwood’s Magazine, November 1870.\\n6 https:\/\/en.wikipedia.org\/wiki\/ Jean_Jacques_R%C3%A9gis_de_Cambac%C3%A9r%C3%A8s.","num_words":2650,"character_repetition_ratio":0.052,"word_repetition_ratio":0.008,"special_characters_ratio":0.159,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Bamakaintu Bajisi Lubazu Nzi Mumakanze aa Jehova? | Yakwiiya\\nNgazi Yamulindizi—Yakwiiya | August 2014\\nAMUBALE MU Afrikaans Albanian American Sign Language Amharic Arabic Argentinean Sign Language Armenian Aymara Azerbaijani Azerbaijani (Cyrillic) Bengali Bicol Bislama Brazilian Sign Language Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Cinyanja Colombian Sign Language Croatian Czech Dangme Danish Drehu Dutch Efik English Estonian Ewe Fijian Finnish French Ga Georgian German Greek Greenlandic Guarani Gujarati Gun Haitian Creole Hebrew Hiligaynon Hindi Hungarian Icelandic Igbo Iloko Indonesian Italian Italian Sign Language Japanese Japanese Sign Language Kannada Kazakh Kikaonde Kikuyu Kiluba Kinyarwanda Kirghiz Kirundi Kisonge Kongo Korean Krio Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Malayalam Maltese Marathi Maya Mazatec (Huautla) Mexican Sign Language Moore Ndebele Ndonga Nepali Ngabere Norwegian Nyaneka Nzema Oromo Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Imbabura) Romanian Russian Russian Sign Language Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swahili (Congo) Swati Swedish Tagalog Tajiki Tamil Tatar Telugu Thai Tigrinya Tshiluba Tsonga Turkish Turkmen Turkmen (Cyrillic) Tuvaluan Twi Tzotzil Ukrainian Urdu Uzbek Venda Vietnamese Wallisian Waray-Waray Wayuunaiki Wolaita Xhosa Yoruba Zande Zulu\\nIno Bamakaintu Bajisi Lubazu Nzi Mumakanze aa Jehova?\\n‘Banakazi baambilizya makani mabotu ninkamu impati.’—INT. 68:11.\\nINO INGA MWAINGULA BUTI?\\nIno buzangi ibwakacitika mu Edeni bwabajatikizya buti bamaalumi alimwi abamakaintu?\\nMbuti bamakaintu bakaindi mbobakamubelekela Jehova?\\nIno bamakaintu bajisi lubazu nzi mazuba aano mumulimo wakukambauka makani mabotu?\\n1, 2. (a) Nzipego nzi Leza nzyaakapa Adamu? (b) Nkaambo nzi Leza ncaakamupeda mukaintu Adamu? (Amubone cifwanikiso icili kumatalikilo aacibalo.)\\nJEHOVA tanaakalenga nyika kakunyina makanze pe. “Wakaibumba kuti ikalwe bantu.” (Is. 45:18) Muntu ngwaakasaanguna kulenga, Adamu, wakalilondokede, alimwi Leza wakamupa munzi mubotu wakukkala—muunda wa Edeni. Cakutadooneka, Adamu wakali kukkomana kubona masamu mabotu, tulonga, alimwi abanyama basiyene-siyene. Pele kuli cintu cimwi ciyandika kapati ncaakabulide. Jehova wakatondezya ncaakabulide ciindi naakaamba kuti: “Tacili cibotu kuti muntu akale alike pe. Atumucitile sikumugwasya uumweelede.” Kumane Leza wakaoneka Adamu, akubweza kabambo komwe, kabambo aako “wakakabumbya mwanakazi.” Ciindi Adamu naakabuka, wakakkomana kapati! Adamu wakati: “Ma! Ncobeni oyu ulijisi zifuwa mbubonya mbuli zifuwa zyangu anyama mbubonya mbuli nyama yangu. Uleelede kuulikwa mukaintu, nkaambo wazwa mumuntu.”—Matl. 2:18-23.\\n2 Cipego camukaintu cakali libedelede nkaambo wakali kuyakuba mugwasyi uulondokede wamwaalumi. Alimwi wakali kuyakuba acoolwe caalubazu cakuzyala bana. Alimwi buya, “Adamu wakaulika izina lyamukaakwe kuti ngu-Eva, nkaambo mbebanyina baumi boonse.” (Matl. 3:20) Eelo kaka eeci cakali cipego citaliboteli Leza ncaakapa banabukwetene aaba bakusaanguna! Bakali kukonzya kuzyala bana balondokede. Kwiinda mukucita boobo, nyika yoonse yakali kuyakuba paradaiso iizwide bantu balondokede ibakali kunakweendelezya zilenge zyuumi zyoonse.—Matl. 1:27, 28.\\n3. (a) Kutegwa balongezyegwe a Leza, ncinzi ba Adamu a Eva ncobakeelede kucita, pele ncinzi cakacitika? (b) Mibuzyo nzi njotutiilange-lange?\\n3 Kutegwa batambule zilongezyo nzyobakabambilidwe, ba Adamu a Eva bakeelede kumvwida Jehova akuzumina bweendelezi bwakwe. (Matl. 2:15-17) Eeyo njiyakali nenzila ilikke yakuti bazuzikizye makanze Leza ngaakababikkilide. Nokuba boobo, cuusisya ncakuti bakayungwa ‘amuzoka ooyo wakaindi,’ Saatani, akubisizya Leza. (Ciy. 12:9; Matl. 3:1-6) Ino kuzanga ooku kwabajatikizya buti bamakaintu? Milimo nzi njobakacita bamakaintu bakaindi ibakali kumvwida Leza? Nkaambo nzi bamakaintu Banakristo bamazuba aano ncobakonzya kwaambwa kuti ‘ninkamu impati’?—Int. 68:11.\\nMAPENZI AAKABOOLA AKAAMBO KABUZANGI\\n4. Nguni iwakapegwa mulandu akaambo kacibi cabanabukwetene bakusaanguna?\\n4 Ciindi Adamu naakabuzyigwa kujatikizya kuzanga kwakwe, wakapa cilitamizyo cakuti: “Oyo mwanakazi nguwakandipa kuti tube awe nguwandipa micelo yamusamu, elyo ndalya.” (Matl. 3:12) Adamu tanaakakaka buyo kuzumina mulandu wakwe, pele alimwi wakapa mulandu mukaintu Leza ngwaakamupa—alimwi wakapa mulandu Jehova, Mulengi wamukaintu wakwe! Boonse bobilo, Adamu a Eva bakabisya, pele Adamu ngonguwe wakapegwa mulandu akaambo kakulubizya ooko. Nkakaambo kaako, mwaapostolo Paulo wakalemba kuti ‘mbubonya cibi mbocakanjila munyika kwiinda muli Adamu alufwu kwiinda mucibi.’—Lom. 5:12.\\n5. Ncinzi casinizyigwa akaambo kakuti Leza wazumizya kuti bantu balyeendelezye kwaciindi cili mbocibede?\\n5 Banabukwetene bakusaanguna bakayungwa kuyeeya kuti tiibakali kuyandika kweendelezyegwa a Jehova. Eeci cakapa kuti kubuzyigwe mubuzyo ooyu uuyandika kapati wakuti: Nguni weelela kweendelezya? Kutegwa ape bwiinguzi ibuyakugwasya ncobeni kukabe kutamani, Leza wakazumizya kuti bantu balyeendelezye kwaciindi cili mbocibede. Wakalizyi kuti zintu izyakali kuyakucitika akaambo kakulyeendelezya zyakali kuyakusinizya kuti kulyeendelezya takugwasyi. Kwamyaanda yamyaka yainda, bweendelezi buli boobu bwapa kuti bantu banjile mumapenzi aasiyene-siyene. Mumwaanda wamyaka wainda buyo, bantu ibabalilwa ku 100,000,000 bakafwa akaambo kankondo—mweelwe ooyu ulabikkilizya amamiliyoni aabaalumi, bamakaintu, alimwi abana batakwe mulandu. Aboobo, calibonya kale kuti “muntu ulaya bweenda, pele tabwene kweenzya intaamu zyakwe.” (Jer. 10:23) Kuzyiba kaambo aaka kutondezya kuti tuzumina Jehova kuba Mweendelezi wesu.—Amubale Tusimpi 3:5, 6.\\n6. Ino mumasena manji bamakaintu babonwa buti?\\n6 Bamaalumi alimwi abamakaintu balapenzyegwa munyika eeyi yeendelezyegwa a Saatani. (Muk. 8:9; 1 Jo. 5:19) Zimwi ziindi lunya ilucitwa lulabikkilizya akutundulula bamakaintu. Nyika yoonse mbwiizulwa, 30 pesenti yabamakaintu bakaamba kuti bakatundululwa abamaalumi. Mumasena amwi, bamaalumi balapegwa zyoolwe akaambo kakuti bayeeyelwa kuti baakukomena mbabayakulanganya bazyali babo bacembeede abamakaapanyina. Muzisi zimwi, basimbi babonwa kuti mbana batayandwi, alimwi bana basimbi banji balasoogwa kwiinda mukugwisya mada kwiinda bana basankwa.\\n7. Ino Leza wakabapa ntalisyo iili buti bamaalumi alimwi abamakaintu?\\n7 Cakutadooneka, kutabeendelezya kabotu bamakaintu kulamucima Leza. Walo ulabeendelezya kabotu bamakaintu alimwi ulabalemeka. Mbwababona bamakaintu Jehova kulatondezyegwa munzila njaakalenga Eva, wakamulenga kalondokede alimwi kajisi bube bubotu kutegwa abe mugwasyi mubotu wa Adamu kutali kuba muzike pe. Aaka nkakaambo kambi ikakapa kuti kumamanino aabuzuba bwakulenga bwacisambomwe Leza ‘wakabona kuti zyoonse nzyaakacita zyabota loko.’ (Matl. 1:31) Inzya, “zyoonse” Jehova nzyaakalenga zyakali ‘zibotu loko.’ Wakabapa ntalisyo mbotu bamaalumi alimwi abamakaintu!\\nBAMAKAINTU IBAKALI KUGWASYIGWA AA JEHOVA\\n8. (a) Amupandulule mbobacita zintu bantu banji. (b) Mbaani Leza mbaali kukkomanina kuzwa kaindi?\\n8 Mbobacita zintu bamaalumi abamakaintu kwakanyongana ciindi bantu nobakazanga mumuunda wa Edeni, alimwi mumwaanda wamyaka wainda, kutalilemeka kwabantu kwaindila kubija. Bbaibbele lyakaambila limwi kuti bukkale bubi buyakuvwula “kumazuba aamamanino.” Bubi bwabantu bwavwula kapati cakuti tacidoonekwi kuti eezyi ‘nziindi zikatazya ncobeni.’ (2 Ti. 3:1-5) Nokuba boobo, kuzwa kaindi, ‘Mwami Singuzuzyoonse Jehova’ watondezya kuti ulabakkomanina bamaalumi alimwi abamakaintu ibatondezya lusyomo mulinguwe, ibamvwida milawo yakwe, alimwi ibalibombya ku Bweendelezi bwakwe.—Amubale Intembauzyo 71:5.\\n9. Ino bali bongaye bantu ibakafwutuka Zambangulwe, alimwi nkaambo nzi ncobakafwutukila?\\n9 Ciindi Jehova naakanyonyoona nyika yakazwide nkondo kwiinda mukubelesya Zambangulwe lyamumazuba aano Nowa, mbasyoonto bantu bakafwutuka. Ikuti naa banabokwabo Nowa bakacili kupona ciindi eeciya, nkokuti abalo bakafwa ameenda aazambangulwe. (Matl. 5:30) Mweelwe wabamakaintu bakafwutuka wakaleelene amweelwe wabamaalumi bakafwutuka lya Zambangulwe. Bantu ibakafwutuka ngu Nowa amukaintu wakwe, bana bakwe basankwa botatwe abamakaintu babo. Bakafwutuka akaambo kakuti bakali kuyoowa Leza alimwi bakacita kuyanda kwakwe. Mabbiliyoni aabantu bapona mazuba aano bakazwa kubantu aaba ibali lusele mbaakali kukkomanina Jehova.—Matl. 7:7; 1 Pe. 3:20.\\n10. Nkaambo nzi bamakaintu ibakakwetwe kuli basinsiku ibakali kusyomeka ncobakali kukkomaninwa a Jehova?\\n10 Nokwakainda myaka iili mbwiibede, bamakaintu ibakakwetwe kuli basinsiku ibakali kusyomeka abalo bakali kukkomaninwa a Leza. Nobatakakkomaninwa a Leza ikuti nobakali kutongooka kujatikizya buumi bwabo. (Jud. 16) Alimwi taciyeeyelwi kwaamba kuti Sara muka Abrahamu mukaintu iwakajisi bulemu kapati wakali kukonzya kumutongookela mulumi wakwe ciindi nobakasiya munzi wabo mubotu wa Uri alimwi akuba bamuzwakule akukkala mumatente mucisi cabantu. Muciindi caboobo, ‘Sala wakaswiilila Abulahamu, akumwiita kuti mwami.’ (1 Pe. 3:6) Amulange alimwi kujatikizya Rebeka, walo iwakali cilongezyo kuzwa kuli Jehova alimwi iwakali mukaintu mubotu kapati. Nkakaambo kaako tacigambyi kuzyiba kuti Izaka mulumaakwe “wakamuyandisya. Aboobo . . . wakaumbulizigwa.” (Matl. 24:67) Eelo kaka andiswe tulikkomene mazuba aano nkaambo akati kesu kuli bamakaintu banaleza mbuli bwakali Sara alimwi a Rebeka!\\n11. Mbuti bamakaintu bobilo basikutumbusya iba Hebrayo mbobakatondezya busicamba?\\n11 Ciindi nobakali mubuzike mu Egepita, bana Israyeli bakazikuvwula kapati, alimwi Farao wakabikka mulawo wakuti kufwumbwa mwana musankwa mu Hebrayo iwazyalwa wakeelede kujaigwa. Nokuba boobo, amulange ncobakacita ba Sifra alimwi a Puwa, bamakaintu basikutumbusya ba Hebrayo, ibalibonya kuti mbabakali basyaazibwene mumulimo ooyu. Akaambo kakuti bakali kuyoowa Jehova, cabusicamba bakakaka kujaya bana bavwanda. Aboobo, Leza wakabalumbula kwiinda mukubapa mikwasyi yabo beni.—Kul. 1:15-21.\\n12. Mulimo nzi uulibedelede ngwaakacita Debora alimwi a Jaeli?\\n12 Kuciindi cababetesi mu Israyeli, mukaintu umwi iwakali kukkomaninwa a Leza wakali musinsimi mukaintu Debora. Wakakulwaizya Mubetesi Baraki alimwi akugwasya bana Israyeli kuti balilemunune kukudyaamininwa, pele wakasinsima kuti bulemu bwakuzunda bana Kanana tiibwakali kuyakupegwa kuli Baraki. Muciindi caboobo, bwakali kuyakupegwa “mumaanza aamwanakazi” mwalo Leza mwaakali kuyakwaaba mupati wabasikalumamba bana Kanana Sisera. Eeci ncicakacitika ciindi mukaintu iwatakali muna Israyeli Jaeli naakamujaya.—Bab. 4:4-9, 17-22.\\n13. Ino Bbaibbele litwaambila nzi kujatikizya Abigayeli?\\n13 Abigayeli awalo wakali mukaintu umwi mubotu iwakali kupona mumwaanda wamyaka wa 11 B.C.E. Wakali mupampu kakuli mulumi wakwe Nabala wakali silunya, uutakwe mulimo alimwi mufwubafwuba. (1 Sam. 25:2, 3, 25) Davida alimwi abaalumi bakwe bakakwabilila zivwubwa zya Nabala kwaciindi cili mbocibede, pele nobakalomba cakulya, “wakabakalalila loko” alimwi kunyina ncaakabapa. Eeci cakamunyemya kapati Davida cakuti wakali kuyanda kujaya Nabala ababelesi bakwe. Ciindi Abigayeli naakaamvwa makani aaya, wakabweza cakulya awaini akutolela Davida abaalumi bakwe, kutegwa kutabi nkondo. (1 Sam. 25:8-18) Mpoonya Davida wakamwaambila kuti: “Alumbwe Jehova Leza wa-Israyeli! Nguwe wakutuma sunu kuzoondicinga.” (1 Sam. 25:32) Nabala naakafwa, Davida wakamukwata Abigayeli.—1 Sam. 25:37-42.\\n14. Muumulimo nzi bana basimbi ba Salumu mobakatola lubazu, alimwi mbuti bamakaintu Banakristo mbobabeleka munzila iikozyenye mazuba aano?\\n14 Bamaalumi, bamakaintu, alimwi abana banji bakafwa ciindi basikalumamba bana Babuloni nobakanyonyoona Jerusalemu alimwi atempele mu 607 B.C.E. Bulambo bwamunzi bwakayakululwa mu 455 B.C.E. kwiinda mukusololelwa a Nehemiya. Akati kabantu ibakagwasyilizya kuyakulula bulambo kwakali bana basimbi ba Salumu, mweendelezi wacooko cimwi camu Jerusalemu. (Neh. 3:12) Bakabeleka mulimo waansi cakulyaaba. Eelo kaka tulabalumba bamakaintu Banakristo ibagwasyilizya calukkomano mumilimo ya Leza yamayake iisiyene-siyene mazuba aano!\\nBAMAKAINTU BAMUMWAANDA WAMYAKA WAKUSAANGUNA IBAKALI KUMVWIDA LEZA\\n15. Ino mukaintu umwi uutegwa Mariya wakapegwa coolwe nzi a Leza?\\n15 Kautanasika mwaanda wamyaka wakusaanguna alimwi amumwaanda wamyaka wakusaanguna C.E., Jehova wakalongezya bamakaintu ibali mbobabede kwiinda mukubapa zyoolwe zibotu kapati. Akati kabo kuli nakalindu wazina lya Mariya. Ciindi naakasinkilidwe kuli Josefa, wakamita camaleele kwiinda mumuuya uusalala. Nkaambo nzi Leza ncaakamusala kuti abe banyina Jesu? Cakutadooneka, nkaambo kakuti wakalijisi bube bubotu bwakumuuya ibwakali kuyandika mukukomezya mwanaakwe uulondokede kuzwa kubwana kusikila kubupati. Eelo kaka cakali coolwe citaliboteli cakuba banyina mwaalumi mupati kapati iwakaponede anyika!—Mt. 1:18-25.\\n16. Amupe cikozyanyo citondezya mbwaakali kubabona bamakaintu Jesu.\\n16 Jesu wakali siluzyalo kuli bamakaintu. Mucikozyanyo, amuyeeye buyo kujatikizya mukaintu iwakali kuciswa kalobola myaka iili 12. Kali kusyule lya Jesu, wakainda akati kankamu yabantu kuunka kuli Jesu akujata cikobela ca Jesu. Muciindi cakumunyemena, caluzyalo, Jesu wakamwaambila kuti: “Mwanaangu, lusyomo lwako lwakuponya. Koya, ube aluumuno, akupona kabotu alimwi bulwazi oobu ibwali kukukatazya butakakupenzyi kabili.”—Mk. 5:25-34.\\n17. Ncintu nzi camaleele cakacitika lya Pentekoste 33 C.E.?\\n17 Bamakaintu bamwi ibakali basikwiiya ba Jesu bakali kumukutaukila alimwi abaapostolo bakwe. (Lk. 8:1-3) Ciindi ca Pentekoste 33 C.E., bamaalumi abamakaintu ibabalilwa ku 120 bakatambula muuya uusalala munzila yaalubazu. (Amubale Milimo 2:1-4.) Kutilwa kwamuuya uusalala ooku kwakalaambilidwe kale mumajwi aakuti: ‘Mebo nde Jehova njootila Muuya wangu abantu boonse. Bana banu balombe abasimbi bayoosinsima . . . Abalo bazike abacinkombwa njoobatilila Muuya wangu.’ (Joel. 2:28, 29) Kwiinda mucintu eeci icakacitika camaleele mubuzuba bwa Pentekoste, Leza wakatondezya kuti wakacileka kugwasya bana Israyeli ibakazanga akutalika kugwasya ba “Isilayeli ba Leza,” balo ibabikkilizya bamaalumi alimwi abamakaintu. (Gal. 3:28; 6:15, 16) Akati kabamakaintu Banakristo ibakali kutola lubazu mumulimo wakukambauka mumwaanda wamyaka wakusaanguna kwakali bana basimbi ba Filipo mukambausi.—Mil. 21:8, 9.\\n“NKAMU IMPATI” YABAMAKAINTU\\n18, 19. (a) Kujatikizya bukombi bwakasimpe, ncoolwe nzi Leza ncaapa bamaalumi abamakaintu? (b) Ino sintembauzyo ubaamba buti bamakaintu ibaambilizya makani mabotu?\\n18 Kumamanino aamyaka yamuma 1800, bamaalumi alimwi abamakaintu basyoonto bakatondezya luyando mubukombi bwakasimpe. Bakali bakusaanguna kuli baabo mazuba aano ibazuzikizya majwi aa Jesu aabusinsimi aakuti: “Makani mabotu aa Bwami aaya ayookambaukwa munyika yoonse kuti bukabe bumboni kumisyobo yoonse, mpoonya mamanino ayoosika.”—Mt. 24:14.\\n19 Kabunga kasyoonto ka Basikwiiya Bbaibbele kakomena kusikila ku Bakamboni ba Jehova ibali 7,900,000 mazuba aano. Bantu abambi ibainda ku 11,300,000 balalikkomanina Bbaibbele alimwi amulimo wesu kwiinda mukujanika ku Ciibalusyo calufwu lwa Jesu mwaka amwaka. Mumasena manji, bunji bwabantu bajanika mbaamakaintu. Alimwi bamakaintu mbabanji akati kabakambausi ba Bwami baciindi coonse ibainda ku 1,000,000 nyika yoonse mbwiizulwa. Masimpe, Jehova wabapa coolwe bamakaintu cakutola lubazu mukuzuzikizya majwi aasintembauzyo aakuti: “Mwami watuma inkombe; banakazi baikanana ninkamu impati.”—Int. 68:11.\\nBamakaintu ibaambilizya makani mabotu “ninkamu impati” ncobeni (Amubone muncali 18 a 19)\\nZILONGEZYO ZITALIBOTELI NZYOBALANGILA BAMAKAINTU BANALEZA\\n20. Makani nzi ngotuyandika kulanga-langa?\\n20 Tacikonzyeki kuti tubandike kujatikizya bamakaintu boonse ibakali kusyomeka ibalembedwe mu Bbaibbele. Pele toonse tulakonzya kubala kujatikizya mbabo mu Jwi lya Leza alimwi amumabbuku eesu. Mucikozyanyo, tulakonzya kuzinzibala kuyeeya kujatikizya kusyomeka kwa Rute. (Rut. 1:16, 17) Ikubala bbuku lyamu Bbaibbele ilyakaulikwa izina lya Namalelo Esita alimwi azibalo zimwi zyaamba kujatikizya nguwe kulakonzya kuyumya lusyomo lwesu. Tulakonzya kugwasyigwa ikuti twalibambilila limwi kwiiya makani aali boobu ciindi Cakukomba Mumukwasyi. Ikuti naa tukkala tolikke, tulakonzya kulanga-langa makani aali boobu ciindi notucita ciiyo cesu tobeni.\\n21. Mbuti bamakaintu banaleza mbobatondezya kulyaaba kwabo kuli Jehova muziindi zikatazya?\\n21 Tacidoonekwi buya pe kuti Jehova ulaulongezya mulimo wakukambauka ngobacita bamakaintu Banakristo alimwi akubagwasya ciindi nobali mumapenzi. Mucikozyanyo, kwiinda mukugwasyigwa anguwe, bamakaintu banaleza bakazumanana kusyomeka muciindi caba Nazi alimwi amuciindi cabweendelezi bwa Kkomyunizimu lyalo banji nobakali kupenzyegwa alimwi banji bakafwa akaambo kakumvwida Leza. (Mil. 5:29) Mazuba aano mbubwenya mbuli kaindi, bacizyi besu alimwi abakombinyina balazisumpula nguzu zya Jehova zyakweendelezya. Mubwini, mbubwenya mbuli mbocakabede kuli bana Israyeli bakaindi, Jehova ulabajatilila kujanza lyalulyo akwaamba kuti: “Utayoowi. Njookugwasya.”—Is. 41:10-13.\\n22. Nzyoolwe nzi nzyotukonzya kulangila kumbele?\\n22 Lino-lino kumbele ooku, bamaalumi alimwi abamakaintu banaleza bayakwiicinca nyika akuba paradaiso alimwi akugwasya mamiliyoni aabantu ibayakubusyigwa kwiinda mukubayiisya kujatikizya makanze aa Jehova. Kufwumbwa naa muli mwaalumi naa mukaintu, amuzumanane kukkomanina coolwe cesu cakubeleka a Leza “amoyo woonse” kusikila ciindi eeco cikasike.—Zef. 3:9.\\nSena Mulatambula ‘Cakulya Aciindi Ceelede’?\\nAmulibelesye Jwi lya Leza Nkaambo Lili Abuumi!\\nJehova Mbwaswena Kulindiswe\\nAmumvwe Jwi lya Jehova Kufwumbwa Nkomubede\\n‘Kopiluka Ubayumye Ibanyoko’\\nMAKANI EESU AAKAINDI Filimu ya “Eureka Drama” Yakagwasya Bantu Banji Kujana Kasimpe Kamu Bbaibbele\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA August 2014\\nNGAZI YAMULINDIZI—YAKWIIYA August 2014","num_words":2098,"character_repetition_ratio":0.056,"word_repetition_ratio":0.0,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 38 IBBAIB63 - Alimwi wakacita cipaililo - Bible Search\\nKulonga 37 Kulonga 39\\n1-Alimwi wakacita cipaililo camuunga cakutuuzya. Bulamfu bwaco bwakali tukokola tosanwe, abwaamba bwaco tukokola tosanwe; cakali azyooko zyone zyeelene; abwiime bwaco bwakali tukokola totatwe. 2Nkabela wakacicitila meja azyooko zyaco zyone. Meja aaco akalikumbetene aco. Lino wakaciziluluzya mukuba. 3-Alimwi wakacita zibelesyo zyoonse zyacipaililo: zilongo zyaco, amaliko aaco, amitiba yaco, aziyasyo zyaco, anzila zyaco. Zibelesyo zyoonse wakazicitya mukuba. 4Alimwi wakacitila cipaililo kansabwe kamukuba, Ako kansabwe wakakabika kunsi lyalupimpito lwacipaililo, kakalengelela bulamfu bwacisela cacipaililo. 5Alimwi wakafula incoko zyone kuzyooko zyone zyakansabwe kamukuba, zibe zyakujatilizya miziyo. 6Ayalo miziyo wakaibeza amuunga akwiiziluluzya mukuba. 7Elyo wakasekka miziyo muncoko zyakumabazu aacipaililo, kuti ibe yakuciyumuzya, Wakaciyaka bufokokede amapulanga.\\n8-Alimwi wakapanga cisambilo camukuba, atako lyaco lyamukuba; mukuba wakazwa kuziboniboni zyabanakazi ibakali kubungana kumulyango watente lyambunganino.\\n9-Alimwi wakacita lubuwa lwacikombelo. Kulubazu lwakumusanza zisitilizyo zyalubuwa zyakali zyamasani aalukidwe kabotu, aatukokola tuli mwanda. 10Misumpululu yazyo yakuli makumi obile, azikazikilo zyazyo zyakali makumi obile; zyoonse zyakalicitidwe amukuba, pele nembe zyamisumpululu aminkulu yayo zyakalicitidwe ansiliva. 11Akwalo kulubazu lwakunyika kakuli tukokola tuli mwanda. Misumpululu yazyo yakali makumi obile, azikazikilo zyazyo zyakali makumi obile. Zyakali zyamukuba, pele nembe zyamisumpululu aminkulu yayo zyakali zyansiliva. 12Akulubazu lwakumbo kakuli zisitilizyo, tukokola tuli makumi osanwe, Misumpululu yazyo yakali ikumi, azikazikilo zyazyo zyakali ikumi. Inembe zyamisumpululu aminkulu yayo zyakali zyansiliva. 13Alimwi kulubazu lwakujwe kakuli tukokola tuli makumi osanwe. 14Kuntu kulengelela masani kulubazu lumwi lwamulyango kakuli abulamfu bwatukokola tuli ikumi amusanu, Oko misumpululu yakali yotatwe, azikazikilo zyakali zyotatwe. 15Akwalo kuntu kulengelela masani kulubazu lwabili lwamulyango kakuli abulamfu bwatukokola tuli ikumi amusanu, Misumpululu yakali yotatwe, azikazikilo zyakali zyotatwe. 16Zisitilizyo zyoonse zyalubuwa kumabazu oonse zyakalitungidwe amasani aatuba aalukidwe kabotu. 17Matako aamisumpululu akali aamukuba, pele nembe zyamisumpululu aminkulu yayo zyakali zyansiliva. Ayalo mitwe yamisumpululu yakalizilulwidwe insiliva, amisumpululu yoonse yalubuwa yakali aminkulu yansiliva. 18-Nkabela cisitilizyo camulyango walubuwa cakalitungidwe amasani aanyanzabili amasani aakamwemvwe amasani aasalala pyu amasani aatuba aalukidwe kabotu. Bulamfu bwaco bwakali tukokola tuli makumi obile, abwaamba bwaco, nkokuti bwiime bwaco, bwakali tukokola tosanwe. 19Alimwi misumpululu yaco yakali yone, azikazikilo zyayo zyakali zyamukuba, Inembe zyazyo zyakali zyansiliva, ayalo mitwe yazyo aminkulu yazyo yakalizilulwidwe insiliva. 20-Zyoonse inkambilizyo zyatente azyalubuwa loonse zyakali zyamukuba,\\n21-Ngooyu mweelwe wazintu zyatente, nkokuti itente lyambunganino, izyakabalwa kukulailila kwa-Musa, zibe zyamilimo yaba-Levi ibakali mumaanza aa-Itamara mwana wa-Aroni mupaizi. 22-Bezaleli mwana wa-Uri muzukulu wa-Huri waluzubo lwa-Juda nguwakacita zintu zyoonse Jehova nzyaakalailila Musa. 23Kali antoomwe a-Aholiabu mwana waAhisamaki waluzubo lwa-Dani, similimo muuza, sikutunga masani aanyanzabili amasani aakamwemvwe amasani aasalala pyu amasani aatuba aalukidwe kabotu.\\n24-Ingolida yoonse iyakabelesegwa mumilimo yakuyaka cikombelo, ingolida yamulumbo, yakali matalenta aali makumi obile amusanu aane amasyekeli aali myanda iili musanu aibili amakumi otatwe, mbubonya mbuli isyekeli lyacikombelo. 25-Ayalo insiliva njibakapa basimbungano yakali matalenta aali mwanda amasyekeli aali cuulu amyanda iili musanu aibili amakumi aali musanu aabili amusanu, mbubonya mbuli isyekeli lyacikombelo. 26-Muntu umwi aumwi wakaliya beka (nkokuti cisela casyekeli, mbubonya mbuli isyekeli lyacikombelo), Mbubakacita boonse buyo ibakalembedwe, ibakali amyaka iili makumi obile na kusotoka, bantu bali zyuulu zili myanda iili musanu aumwi azyuulu zyotatwe amyanda yosanwe amakumi osanwe: 27-Ayo matalenta aansiliva aali mwanda akali aakufuzya zikazikilo zyacikombelo azikazikilo zyacisitilizyo. Zikazikilo zili mwanda zyakafulidwe amatalenta aali mwanda, nkokuti italenta lyomwe kucikazikilo cimwi acimwi. 28Alimwi masyekeli aali cuulu amyanda iili musanu aibili amakumi aali musanu aabili amusanu, ngengao ngaakabelesya kukufulila misumpululu inembe akukuziluluzya mitwe yayo akukwiicitila minkulu. 29Awalo mukuba iwakapegwa wakaba matalenta aali makumi aali musanu aabili amasyekeli aali zyuulu zyobile amyanda yone. 30Ngonguwo wakabelesegwa kukucita matako aamulyango watente lyambunganino, cipaililo camukuba akansabwe kaco kamukuba azibelesyo zyoonse zyacipaililo, 31-azikazikilo zyalubuwa lwaanze, azikazikilo zyamulyango walubuwa, anembe zyoonse zyacikombelo anembe zyoonse zyalubuwa lwaanze.","num_words":570,"character_repetition_ratio":0.088,"word_repetition_ratio":0.007,"special_characters_ratio":0.151,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nkaambo nzi Ncokuli Kupenga Kapati? — LAIBBULALI YAA INTANETI ya Watchower\\nbhs cibalo. 11 map. 116-123\\nNkaambo nzi Ncokuli Kupenga Kapati?\\nIKAAMBO LEZA NCAALEKELA KUPENGA\\nNKAAMBO NZI JEHOVA NCAALINDILA KWACIINDI CILAMFWU BOOBU?\\nINO MULACIBELESYA BUTI CIPEGO NCOMUJISI CAKULISALILA CAKUCITA?\\nNkaambo Nzi Leza Ncalekelede Kupenga?Luzibo Lutola Kubuumi Butamani\\nIno Leza Ujisi Makanze nzi Kujatikizya Nyika?Ino Ncinzi Cini Bbaibbele Ncoliyiisya?\\nIno Leza Ujisi Makanze nzi Kujatikizya Bantu?Ncinzi Bbaibbele Ncolituyiisya?\\n1, 2. Ino mibuzyo nzi njobavwula kubuzya bantu banji?\\nKUPAYA kwameenda kwanyonyoona munzi woonse. Cigwebenga calebula ntobolo mucikombelo, cacisa akujaya bantu banji. Bulwazi bwakkansa bwajaya mukaintu umwi iwasiya bana bosanwe.\\n2 Nokucitika ntenda naa mapenzi aali boobu, bantu banji babuzya kuti, “Ino nyika eeyi iya kuli?” Bantu banji bayanda kuzyiba ikaambo nyika ncoizwide bantu basulaikana alimwi amapenzi. Sena kuli nomwakalibuzyide boobu andinywe?\\n3, 4. (a) Ino mibuzyo nzi njaakabuzya Habakuku? (b) Ino Jehova wakamwiingula buti?\\n3 Mu Bbaibbele, tubala kuti bantu ibakajisi lusyomo luyumu muli Leza abalo bakabuzya mibuzyo iili boobu. Mucikozyanyo, musinsimi Habakuku wakabuzya Jehova kuti: “Ino nkaambo nzi ncondipa kubona zintu zibi? Alimwi nkaambo nzi ncolekelela mapenzi kuti kaacitika? Nkaambo nzi ncokuli lunyonyooko abugwebenga kumbele lyangu? Alimwi nkaambo nzi mazwanga akulwana ncozivwulide?”—Habakuku 1:3.\\n4 Kulugwalo lwa Habakuku 2:2, 3 tubala kujatikizya Leza mbwaakayiingula mibuzyo njaakajisi Habakuku alimwi acisyomezyo ncaakamupa cakuti wakali kuyoozibambulula zintu. Jehova ulabayanda kapati bantu. Bbaibbele lyaamba kuti: “Ulamubikkila maano.” (1 Petro 5:7) Mubwini, Leza ulikusulide kapati kupenga kwiinda mbotukusulide swebo. (Isaya 55:8, 9) Aboobo lino atubandike mubuzyo wakuti, Nkaambo nzi bantu ncobapenga kapati boobu munyika?\\n5. Ino ncinzi ncobaamba basololi bazikombelo banji kujatikizya kupenga? Ino ncinzi ncoliyiisya Bbaibbele?\\n5 Bamapasita, bamapulisiti alimwi abamafwundisi bazikombelo kanji-kanji baamba kuti bantu balapenga akaambo kakuti nkuyanda kwa Leza. Bamwi inga baamba kuti zintu zyoonse izibacitikila bantu, kubikkilizya amapenzi, Leza wakazisalila limwi alimwi akuti makani aaya tatukonzyi kwaamvwisya, ngamaseseke. Bambi baamba kuti bantu, kubikkilizya abana baniini, balafwa kutegwa bakakkale kujulu a Leza. Pele aaya taali masimpe pe. Jehova kunyina pe napa kuti zintu zibi zicitike. Bbaibbele lyaamba kuti: “Leza mwini-mwini takonzyi kucita bubi nokuceya, alimwi Singuzuzyoonse takonzyi kubisya pe!”—Jobu 34:10.\\n6. Nkaambo nzi bantu banji ncobatongooka Leza nobalanga mapenzi oonse aacitika munyika?\\n6 Bantu banji batongooka Leza nobalanga mapenzi oonse aacitika munyika nkaambo bayeeya kuti Leza nguweendelezya nyika. Pele mbubonya mbotwakaiya mu Cibalo 3, mweendelezi wini wanyika ngu Saatani Diabolosi.\\n7, 8. Nkaambo nzi ncokuli kupenga kapati munyika?\\n7 Bbaibbele litwaambila kuti “nyika yoonse ili mumaanza aamubi.” (1 Johane 5:19) Mweendelezi wanyika eeyi, Saatani, mukali alimwi ngusilunya. Ngonguwe “weena nyika yoonse.” (Ciyubunuzyo 12:9) Bantu banji batobela malengwa aakwe. Aaka nkakaambo kamwi nyika ncoizwide bubeji, kusulaikana alimwi alunya.\\n8 Kuli twaambo atumbi ncokuli kupenga kapati munyika. Ba Adamu a Eva nobakazanga, bakatambukizya bana babo cibi. Aboobo akaambo kacibi, bantu bapa kuti bantunyina kabapenga. Bunji bwaziindi, bantu bali boobo bayanda kuba anguzu kwiinda beenzinyina. Balalwana, balabusya nkondo akupenzya bambi. (Mukambausi 4:1; 8:9) Zimwi ziindi, bantu balapenga akaambo kakusikilwa “ziindi zyamapenzi akucitikilwa zintu zitalangilwi.” (Mukambausi 9:11) Balakonzya kupenga akaambo kakuti bajanika kubusena ikwacitikila ntenda.\\n9. Nkaambo nzi ncotukonzya kwaamba kuti Jehova ulaakaambo kabotu alimwi kamvwika ncaalekela kuti kupenga kuzumanane?\\n9 Jehova tatalisyi mapenzi pe. Tatukonzyi kumutongooka akaambo kankondo, bubi alimwi alunya nzyotubona. Leza tali nguwe uupa kuti kube ntenda zijatikizya mizuzumo yanyika, maguwo, alimwi akupaya kwameenda. Pele ambweni mulibuzya kuti, ‘Ikuti naa Jehova ngusinguzuzyoonse kujulu aanyika, nkaambo nzi ncatazilesyi kucitika zintu zibi izili boobu?’ Tulizyi kuti Leza ulatubikkila maano kapati, aboobo kweelede kuti kuli kaambo kabotu alimwi kamvwika ikamupa kulekela kupenga kuti kuzumanane.—1 Johane 4:8.\\n10. Ino mbuti Saatani mbwaakakazya Jehova?\\n10 Mumuunda wa Edeni, Diabolosi wakeena ba Adamu a Eva. Saatani wakatamikizya Leza kuti Mweendelezi mubi. Wakaamba kuti Leza wakali kubapa kwiindwa cintu cimwi cibotu ba Adamu a Eva. Saatani wakali kuyanda kuti bamusyome kuti walo ulakonzya kuba mweendelezi mubotu kwiinda Jehova alimwi akuti tiibakali kuyandika kusololelwa a Leza.—Matalikilo 3:2-5; amubone Bupanduluzi Buyungizyidwe 27.\\n11. Ino mubuzyo nzi ngotweelede kwiingula?\\n11 Ba Adamu a Eva tiibakamumvwida Jehova alimwi bakamuzangila. Bakayeeya kuti bakalaanguzu zyakulisalila beni cibotu acibi. Ino Jehova wakali kuyootondezya buti kuti bazangi aaba tiibakaluzi alimwi akuti walo ulizizyi zintu zikonzya kutugwasya ncobeni?\\n12, 13. (a) Nkaambo nzi Jehova ncaatakabanyonyoona bazangi mpoonya-mpoonya? (b) Nkaambo nzi Jehova ncaalekela Saatani kuba mweendelezi wanyika eeyi alimwi akuti bantu kabalyeendelezya?\\n12 Jehova tanaakabanyonyoona ba Adamu a Eva mpoonya-mpoonya. Pele wakabalekela kuti bazyale bana. Mpoonya Jehova wakapa bana ba Adamu a Eva coolwe cakuti basale ngobakali kuyanda kuti abe mweendelezi wabo. Makanze aa Jehova akali aakuti nyika izule bantu balondokede, alimwi eeci cakali kuyoocitika kunyina makani ancaakasola kucita Diabolosi.—Matalikilo 1:28; Isaya 55:10, 11.\\n13 Saatani wakakazya Jehova kumbele lyabangelo banji kapati. (Jobu 38:7; Daniele 7:10) Aboobo Jehova wakamupa ciindi Saatani kutegwa atondezye naa ncaakaamba ncamasimpe. Alimwi Jehova wakabapa ciindi bantu cakulibikkila mfwulumende zyabo izisololelwa aa Saatani kutegwa batondezye naa balakonzya kuzwidilila kakunyina kugwasyigwa a Leza.\\n14. Ino ncinzi icalibonya muciindi cainda?\\n14 Kwazyuulu-zyuulu zyamyaka bantu basola kulyeendelezya beni, pele baalilwa. Calibonya antangalala kuti Saatani mubeji. Bantu bayandika kugwasyigwa a Leza. Musinsimi Jeremiya wakaliluzi naakaamba kuti: “Ndilizyi kabotu, O Jehova, kuti muntu tapedwe nguzu zyakuzyiba nzila yakwe. Muntu weenda tapedwe nguzu zyakusololela noziba ntaamu zyakwe.”—Jeremiya 10:23.\\n15, 16. (a) Nkaambo nzi Jehova ncaalekela kupenga kuti kuzumanane kwaciindi cilamfwu boobu? (b) Nkaambo nzi Jehova ncaatanjila mulimo wakumana mapenzi ngatalisya Saatani?\\n15 Nkaambo nzi Jehova ncaalekela kupenga kuti kuzumanane kwaciindi cilamfwu boobu? Nkaambo nzi ncatazilesyi kucitika zintu zibi? Kwali kuyandika ciindi kutegwa kulibonye kuti Saatani waalilwa kweendelezya. Bantu basola mfwulumende ziindene-indene, pele tiicagwasya pe. Nokuba kuti bantu basumpuka musayaansi amukupanga zintu, ikutalulama, bucete, bubi alimwi ankondo zyavwula kapati kwiinda mbocakabede kaindi. Tatukonzyi kuzwidilila kulyeendelezya kakunyina kusololelwa a Leza.\\n16 Nokuba boobo, Jehova tanaanjila mulimo wakumana mapenzi ngatalisya Saatani. Ikuti naa wacita oobo, inga caamba kuti Leza ugwasyilizya bweendelezi bwa Saatani, pele kunyina nayakucicita eeco naaceya. Kuyungizya waawo, eeco inga capa kuti bantu kabayeeya kuti balakonzya kuzwidilila kulyeendelezya beni. Pele ooko nkubeja, alimwi Jehova kunyina nakonzya kuba alubazu mukusumpula bubeji oobo. Walo tabeji pe.—Bahebrayo 6:18.\\n17, 18. Ino Jehova uyakuzicita buti zintu zyoonse nzyaanyonyoona Saatani?\\n17 Sena Jehova ulakonzya kuzibambulula zintu zyoonse izyanyonyooka akaambo kabuzangi bwa Saatani alimwi abantu? Inzya. Kuli Leza, zintu zyoonse zilakonzyeka. Jehova ulicizyi ciindi cini nocinoosalede cakumaninina kuti nzyaakaamba Saatani zyoonse nzyabuyo. Mpoonya uyoosandula nyika kuba paradaiso, kweelana amboyakalengwa kuti ibe. Boonse aabo ibali “muzyuumbwe” bayoobusyigwa. (Johane 5:28, 29) Bantu kunyina nobayakuciswa naa kufwa pe. Jesu uyakuzibambulula zintu zyoonse nzyaanyonyoona Saatani. Jehova uyakubelesya Jesu ‘kunyonyoona milimo ya Diabolosi.’ (1 Johane 3:8) Tulamulumba kapati Jehova akaambo kakutukkazikila moyo ciindi cino kutegwa tukonzye kumuzyiba alimwi akumusala kuti abe Mweendelezi wesu. (Amubale 2 Petro 3:9, 10.) Noliba leelyo notupenga, ulatugwasya kuti tuliyumye.—Johane 4:23; amubale 1 Bakorinto 10:13.\\n18 Jehova tatusinikizyi kuti tumusale kuba Mweendelezi wesu. Wakapa bantu cipego cakulisalila cakucita. Atulange-lange ncocaamba kulindiswe cipego eeci citaliboteli.\\n19. Ino ncipego nzi citaliboteli ncaakatupa Jehova? Nkaambo nzi ncotweelede kulumba akaambo kacipego eeci?\\n19 Cipego citaliboteli ncaakatupa Jehova cakulisalila cakucita citupa kwiindana kapati abanyama. Banyama bacita zintu cakutayeeya kweelana ambobalengedwe, pele swebo tulakonzya kusala buumi mbotunoopona alimwi akusala kukkomanisya Jehova naa pe. (Tusimpi 30:24) Alimwi swebo tatuli mbuli mincini iicita buyo zintu eezyo nzyoyakabambilwa kucita. Tulijisi lwaanguluko lwakusala naa tunooli bantu bali buti, lwakusala balongwe besu, alimwi ancotuyanda kucita mubuumi. Jehova uyanda kuti katukkomene mubuumi.\\n20, 21. Ncintu nzi ciinda kubota ncomukonzya kusala lino?\\n20 Jehova uyanda kuti katumuyanda. (Matayo 22:37, 38) Uli mbuli muzyali uukkomana ciindi mwanaakwe naamba kuti “ndilamuyanda” ikuzwa ansi aamoyo ikutali akaambo kakusinikizyigwa buya. Jehova wakatupa lwaanguluko lwakusala kumubelekela naa pe. Saatani, Adamu a Eva bakasala kuzangila Jehova. Ino nywebo mulacibelesya buti cipego ncomujisi cakulisalila cakucita?\\n21 Amucibelesye cipego ncomujisi cakulisalila cakucita ikubelekela Jehova. Kuli mamiliyoni aabantu ibasala kukkomanisya Leza akumukazya Saatani. (Tusimpi 27:11) Ino ncinzi ncomukonzya kucita lino kutegwa mukajanike munyika mpya ya Leza eelyo nayakumanizya kupenga koonse? Cibalo citobela cilawiingula mubuzyo ooyu.\\nKAAMBO KAMASIMPE 1: JEHOVA TALI NGUWE UUTALISYA MAPENZI\\n“Leza mwini-mwini takonzyi kucita bubi nokuceya, alimwi Singuzuzyoonse takonzyi kubisya pe!”—Jobu 34:10\\nIno nkaambo nzi ncokuli kupenga kapati munyika?\\nMweendelezi wanyika ngu Saatani Diabolosi.\\nBantu bapa kuti bantunyina kabapenga.\\nZimwi ziindi bantu balapenga akaambo kantenda.\\nJehova ulabayanda kapati bantu. Cilamucisa kubabona kabapenga.\\nKAAMBO KAMASIMPE 2: SAATANI WAKAKAZYA BWEENDELEZI BWA JEHOVA\\n“Leza ulizyi kuti . . . meso aanu ayoojaluka alimwi muyooba mbuli Leza, muyoozyiba bubotu abubi.”​—Matalikilo 3:5\\nIno nkaambo nzi Jehova ncaatakakulanga buyo kukazya kwa Saatani?\\nSaatani wakatamikizya Leza kuti mweendelezi mubi. Saatani wakali kuyanda kupa kuti bantu kabasyoma kuti bakajisi nguzu zyakulisalila beni cibotu acibi.\\nSaatani wakakazya Jehova kumbele lyabangelo banji kapati.\\nKAAMBO KAMASIMPE 3: KUKAZYA KWA SAATANI TIIKWAZWIDILILA\\n“Muntu weenda tapedwe nguzu zyakusololela noziba ntaamu zyakwe.”—Jeremiya 10:23\\nNkaambo nzi bantu ncobapenga kwaciindi cilamfwu boobu?\\nBantu basola mfwulumende zinji ziindene-indene, pele tabakonzyi kuyeendelezya kabotu nyika kakunyina kugwasyigwa a Leza.\\nJehova ulakkazika moyo, aboobo watupa ciindi cakuti tumuzyibe akumusala kuba Mweendelezi wesu.\\n1 Johane 3:8\\nJehova uyakubelesya Jesu kubambulula zintu zyoonse nzyaanyonyoona Saatani.\\nKAAMBO KAMASIMPE 4: AMUBELESYE LWAANGULUKO NDOMUJISI LWAKULISALILA IKUBELEKELA JEHOVA\\n“Kosongwaala mwanaangu, . . . kutegwa ndikonzye kumuvwiila ooyo uundisampaula.”—Tusimpi 27:11\\nNkaambo nzi Jehova ncatatusinikizyi kumubelekela?\\nBanyama bacita zintu akaambo buyo kambobalengedwe, pele swebo Jehova wakatupa lwaanguluko lwakulisalila. Tulakonzya kusala kumubelekela naa pe.\\nJehova uyanda kuti katumubelekela akaambo kakuti tulamuyanda.","num_words":1375,"character_repetition_ratio":0.058,"word_repetition_ratio":0.003,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kafiteliya Yaku Muswaangano Wacooko—Mulimo Waluyando | Yakwiiya\\nAMUBALE MU Albanian Amharic Arabic Armenian Aymara Azerbaijani Azerbaijani (Cyrillic) Bengali Bicol Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chuvash Cibemba Cinyanja Croatian Czech Danish Dutch Efik English Estonian Fijian Finnish French Georgian German Greek Guarani Gujarati Gun Haitian Creole Hausa Hebrew Hiligaynon Hindi Hiri Motu Hungarian Icelandic Igbo Iloko Indonesian Isoko Italian Japanese Kannada Kazakh Kikamba Kikaonde Kikuyu Kinyarwanda Kirghiz Kiribati Kirundi Kongo Korean Latvian Lithuanian Luganda Lunda Luo Luvale Macedonian Malagasy Malay Malayalam Marathi Mauritian Creole Maya Mongolian Nepali Norwegian Oromo Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Punjabi Quechua (Bolivia) Romanian Russian Samoan Sango Serbian (Cyrillic) Serbian (Roman) Seychelles Creole Shona Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tajiki Tamil Tatar Telugu Thai Tigrinya Tiv Tshiluba Turkish Turkmen Turkmen (Cyrillic) Tuvaluan Tzotzil Ukrainian Urdu Uzbek Vietnamese Waray-Waray Wolaita Yoruba Zapotec (Isthmus)\\nMAKANI EESU AAKAINDI\\nWakabona Kuti Luyando Ndolwakali Kweendelezya Mukafiteliya\\nKULIDA antoomwe cakulya cakumuuya aatebulu lya Jehova cali cintu cikkomanisya kuzwa kaindi. Ciindi bantu ba Leza nobaswaangana kutegwa balye pobwe lyakumuuya, kwaabana cakulya cakumubili akwalo kulakkomanisya.\\nMu September 1919, Basikwiiya Bbaibbele bakajisi muswaangano wacooko wamazuba aali lusele ku Cedar Point, Ohio, mu U.S.A. Basimuswaangano bakeelede kukkala akulya Mumahotela, pele bantu ibakasika bakali banji kwiinda bakali kulangilwa kuti inga basika. Akaambo kakuvwula kwabantu ibakasika, basikwaabila zyakulya bakabelekela antoomwe. Mweendelezi wakafiteliya wakabuzya naa basimuswaangano bakubusi bakali kukonzya kugwasyilizya, ibanji bakalyaaba kuti bagwasyilizye. Ba Sadie Green bakali bamwi babaabo. Bakati: “Mebo cakali ciindi cakusaanguna kwaabanya zyakulya, pele cakali ciindi cikkomanisya.”\\nMumyaka yakatobela, bubambe bwakafiteliya lyamiswaangano yacooko bwakapa kuti basikulisungula banji bakonzye kukutaukila bakwesu abacizyi calukkomano. Kubeleka abasyominyina alimwi kwakapa kuti bakubusi banji balibikkile mbaakani zyakumuuya. Ba Gladys Bolton bakabeleka mukafiteliya lyamuswaangano wacooko mu 1937. Bakaamba kuti: “Ndakaswaangana abantu ibakazwida mumasena ambi, alimwi ndakamvwa mbobakali kwaazunda mapenzi ngobakajisi. Cakali ciindi eeci nondakatalika kuba aamakanze aakuba mupainiya.”\\nSimuswaangano umwi uutegwa Beulah Covey wakati: “Kulyaaba kwababelesi kupa kuti bubambe boonse bweende kabotu.” Nokuba boobo, mulimo ooyu wakajisi buyumuyumu bumwi. Ciindi ba Angelo Manera nobakasika ku Dodger Stadium mu Los Angeles, California, mu 1969 nobakazyiba kuti bakasalwa kuba mubelesi mukafiteliya. Bakaamba kuti: “Oobu mbobuzuba mbondakagambwa mubuumi bwangu!” Kulibambila muswaangano wacooko ooyu kwakali kubikkilizya akusya mugelo uulampa mamita aali 400 mwakwiinzya paipi iyakali kutola gaasi yakujikila kuncikini!\\nKu Frankfurt, mucisi ca Germany, mu 1951\\nMu Sierra Leone mumwaka wa 1982, basikulisungula basungu bakasaanguna kusalazya myuunda mpoonya akuyaka kafiteliya kubelesya zibelesyo izyakaliko aciindi eeco. Ku Frankfurt, mucisi ca Germany, mu 1951 bakwesu basungu mukujana nzila izyakali kukonzya kubelesyegwa mukucita zintu zimwi bakabbadelela mutwe wacitima kutegwa kaukonzya kuumpa maanzi munketulo izili 40. Basikwaabila zyakulya bakali kwaabila bantu zyakulya ibasika ku 30,000 muwoola lyomwe. Kutegwa ubaubile-ubile mulimo babelesi ibakali kubelekela mudipatimenti iyakali kusanzya mitiba, basimuswaangano bakali kuletelezya manaifi amafoloko aabo aakulisya. Mu Yangon, Myanmar, basikujika babikkila maano tiibakali kuvwuzya mpilibili muzyakulya nzyobakali kujikila basimuswaangano ibazwa kuzisi zimbi.\\n“BALALYA KUMWI KABAIMVWI”\\nBa Annie Poggensee bakalongezyegwa ciindi nobakaimvwi muzuba mumulaini wakutambwida zyakulya kukafiteliya lyamuswaangano wacooko mu United States mu 1950. Bakaamba kuti: “Ndakabikkila maano kuswiilila nzyobakali kubandika bacizyi bobilo ibakazwa ku Europe kubelesya bwato.” Boonse bobilo bakaamba mbobakagwasyigwa a Jehova kutegwa bajanike kumuswaangano. Ba Annie bakati: “Kunyina muntu wakakkomene kwiinda bacizyi aaba bobilo. Taakwe mbobakali kulimvwa kulindila kwaciindi cilamfwu amulaini kumwi kababalwa zuba.”\\nKu Seoul, mucisi ca Korea, mu 1963\\nLyamiswaangano yacooko mipati minji, kwakali matente mobakali kubikka matebulu malamfwu kutegwa bantu kabalya bwiimvwi, eeci cakali kupa kuti kabafwambaana kumanizya kulya akusiila bambi busena kutegwa abalo balye. Muunzila nzi imbi mobakali kukonzya kusaninwa basimuswaangano sikati? Muntu umwi iwatakali Kamboni wakati: “Eeci ncikombelo cigambya. Balalya kumwi kabaimvwi.”\\nBeendelezi babasikalumamba abeendelezi bamwi bamfwulumende bakali kugambwa kujatikizya bubambe mbobakali kubona alimwi ambozyakali kweendelezyegwa zintu. Nobakamana kulanga-langa kafiteliya yesu ku Yankee Stadium mu New York City, beendelezi babasikalumamba bamu United States bakakulwaizya mupati wabasikalumamba wazina lya Faulkner wamudipatimenti iilanganya zyankondo ku Britain kuti awalo alange-lange mbobakali kucita Bakamboni. Aboobo, mu 1955 walo amukaintu wakwe bakaboola ku England ku Muswaangano wacooko iwakajisi mutwe wakuti “Triumphant Kingdom” (Kuzunda kwa Bwami). Wakaamba kuti wakali kukonzya kubona kuti luyando ndolwakali kweendelezya bubambe bwakafiteliya.\\nKwamyaka minji, babelesi basikulisungula caluyando bakali kwaabila zyakulya zijisi busani, zitaduli kutegwa basimuswaangano balye. Pele kanji-kanji mulimo ooyu mupati wakali kuyandika basikulisungula banji kababeleka mawoola manji alimwi akwiindwa mapulogilamu amwi naa oonse buya. Kumamanino aamuma 1970, kwakaba kuubya-ubya bubambe bwazyakulya lyamuswaangano wacooko. Mpoonya, kutalikila mu 1995, basimuswaangano bakaambilwa kunooletelezya zyakulya zyabo kumiswaangano. Eeci cakapa kuti ibakali kubeleka mulimo wakujika akwaabila zyakulya kabaswiilila pulogilamu yakumuuya akugwasyigwa akuyanzana kwa Bunakristo. *\\nKweelede kuti Jehova ulabakkomanina aabo ibakali kubeleka canguzu kutegwa basanine bakombinyina! Bamwi balakonzya kulimvwa kubijilwa kuti bubambe oobu bwakamana ciindi nobayeeya mazuba aayo nobakali kubelekela mukafiteliya. Pele masimpe ngakuti: Luyando lwazumanana kweendelezya miswaangano yesu kusikila sunu.—Joh. 13:34, 35.\\n^ par. 12 Nokuba boobo, kuli milimo minji mumadipatimenti aambi basikulisungula mobakonzya kugwasyilizya lyamiswaangano.\\nMbozyakasyangwa Mbuto zya Bwami Zyakusaanguna ku Portugal\\nMakani Aabuleya Akamwaya Makani Mabotu mu Ireland\\n“Ino Ndilili Notuyooba Amuswaangano Uumbi Alimwi?”\\n‘Twakaba Basungu Alimwi Twakazula Luyando Mumyoyo Yesu Kwiinda Kaindi’","num_words":789,"character_repetition_ratio":0.059,"word_repetition_ratio":0.0,"special_characters_ratio":0.15,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Elija Wakaliyumya Kusikila Kumamanino: Kupa Elisha Cisani Cabusinsimi\\nAmwiiye Lusyomo Lwabo—Baalumi Abamakaintu Baambidwe mu Bbaibbele\\nAMUBALE MU Afrikaans Albanian Amharic Arabic Armenian Azerbaijani Baoule Bicol Bislama Boulou Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Croatian Czech Dangme Danish Dutch Efik English Estonian Ewe Faroese Fijian Finnish Fon French Georgian German Greek Gun Haitian Creole Hebrew Hiligaynon Hindi Hungarian Icelandic Igbo Iloko Indonesian Isoko Italian Japanese Kazakh Kikamba Kikuyu Kinyarwanda Kirghiz Kirundi Korean Lingala Lithuanian Macedonian Malagasy Malay Malayalam Maltese Maya Myanmar Ndebele (Zimbabwe) Nepali Norwegian Nzema Oromo Ossetian Pangasinan Papiamento (Curaçao) Persian Polish Portuguese Portuguese (Portugal) Quechua (Cuzco) Romanian Romany (Macedonia) Cyrillic Russian Sango Serbian (Cyrillic) Serbian (Roman) Setswana Seychelles Creole Shona Sinhala Slovak Slovenian Solomon Islands Pidgin Spanish Sunda Swahili Swedish Tagalog Tamil Tatar Telugu Thai Tigrinya Tsonga Turkish Twi Tzotzil Uighur (Cyrillic) Ukrainian Urdu Urhobo Uzbek Vietnamese Welsh Yoruba\\nWakaliyumya Kusikila Kumamanino\\nElija wakatambula mulumbe wakuti Mwami Ahabu wafwa. Tulakonzya kweezyeezya musinsimi ooyu uucembeede kalijisi kucilezu, kalabalaba ciindi nayeeya mazuba naakali kubeleka amwami ooyu mubyaabi. Elija wakaliyumya muzintu zinji! Bakali kumukonga, kumuyandaula akuyanda kumujaya kumwami Ahabu anamalelo wakwe Jezebeli. Mwami kunyina ncaakamucita Jezebeli kutegwa aleke kujaya basinsimi ba Jehova. Banabukwetene aaba bakabelekela antoomwe kutegwa bajaye Naboti, mwaalumi wakanyina mulandu alimwi wakaluleme, antoomwe abana bakwe, akaambo buyo kabulyato. Naakamvwa, Elija wakatola mulumbe walubeta wa Jehova kuli Ahabu abulelo bwakwe boonse. Lino, ijwi lya Leza lyakacitika. Ahabu wakafwa mbubwenya mbwaakaamba Jehova.​—1 Bami 18:4; 21:​1-​26; 22:37, 38; 2 Bami 9:​26.\\nNokuba boobo, Elija wakalizyi kuti wakeelede kuzumanana kuliyumya. Jezebeli wakacili kupona, alimwi wakazumanana kubayunga bamukwasyi wakwe alimwi acisi coonse. Elija wakali kuyoojana buyumuyumu bunji, alimwi wakacijisi zintu zinji zyakuyiisya mulongwe wakwe alimwi simulyazina wakwe, Elisha. Aboobo atulange-lange milimo yotatwe yamamanino njaakajisi Elija. Notulanga-langa lusyomo lwakwe mbolwakamugwasya kuliyumya, tulabona mbotukonzya kuyumya lusyomo lwesu muciindi cikatazya ncotupona.\\nMulumbe Walubeta Kuli Ahaziya\\nAhaziya, mwana wa Ahabu a Jezebeli ngowakali mwami wa Israyeli lino. Muciindi cakwiiya kukulubizya kwabazyali bakwe, wakatobela nzila zyabo zibyaabi. (1 Bami 22:52) Mbubwenya mbuli mbabo, Ahaziya wakali kukomba Baala. Kukomba Baala kwakali kukulwaizya bantu kucita zintu zibyaabi mbuli buvwuule bwamutempele mane buya akutuula bana. Sena kuli cintu icakali kukonzya kupa Ahaziya kuti aleke nzila zyakwe zibyaabi akugwasya bantu bakwe kuti baleke micito eeyo mibyaabi kapati iitondezya kutasyomeka kuli Jehova?\\nCakutayeeyelwa mwami uucili mwana ooyu sikulisumpula wakacitikilwa ntenda. Wakawida ansi mucipulo naakali mukaanda kakwe kamujulu, eelyo wakalicisa kapati. Nociba ciindi buumi bwakwe nobwakali muntenda, tanaakalomba lugwasyo kuli Jehova. Muciindi caboobo, wakatuma batumwa kumunzi wabasinkondonyina uutegwa Ekroni ku Filisti kuyoobuzya naa ulapona kuli leza Baala-zebubi. Eeci cakamucima kapati Jehova. Aboobo wakatuma mungelo kuti akaambile Elija kuti aunke akaswaangane abatumwa abaya. Musinsimi ooyu wakabaambila mulumbe uuyoosya, eelyo bakajokela kumwami. Ahaziya wakalubizya kapati kuyoobuzya makani kumbi mbuli kuti kwakanyina Leza mu Israyeli. Jehova wakaamba kuti Ahaziya wakali kuyooba sibukilwi bulo mane kusikila akafwe.​—2 Bami 1:​2-4.\\nMuciindi cakweempwa, Ahaziya wakaamba kuti: “Ino wali kulibonya buti muntu ooyo iwaboolede kuzooswaangana andinywe akumwaambila majwi aaya?” Batumwa bakapandulula mbwaakasamide, mpoonya Ahaziya wakaamba kuti: “Ngu Elija.” (2 Bami 1:​7, 8) Calibonya kuti Elija wakali kupona buumi buuba-uba nkaambo bantu bakali kukonzya kumuzyiba kuzisani zyakwe. Mubwini, majwi aali boobo tanaakali kukonzya kwaambwa kujatikizya Ahaziya naa bazyali bakwe, balo ibakali basyaacivwulemwangu. Mazuba aano, cikozyanyo ca Elija cituyeezya lulayo lwa Jesu lwakupona buumi buuba-uba, akubikkila buyo maano kuzintu ziyandika kapati.​—Matayo 6:​22-​24.\\nAkaambo kakuyanda kupilusya cibi, Ahaziya wakatuma nkamu yabasikalumamba ibali 50 alimwi asilutwe wabo kuti bakamwaange Elija. Nobakaunka bakajana Elija “ulikkede atala aacilundu,” * silutwe wabasikalumamba cakulisumpula wakalailila Elija muzina lyamwami kuti ‘aseluke,’ ambweni kwaamba kuti atolwe kuyoojaigwa. Amuciyeeyele buyo! Nokuba kuti bakalizyi kuti Elija wakali “muntu wa Leza mwini-mwini,” basikalumamba aaba bakatalika kumukonga. Eelo kaka bakalubizya! Elija wakaambila silutwe wabakasilumamba kuti: “Ikuti naa ndili muntu wa Leza, akuboole mulilo kuzwa kujulu akukuumpa cakumaninina yebo abasikalumamba bako bali 50.” Mpoonya Leza wakabweza ntaamu. “Mulilo wakaboola kuzwa kujulu akumuumpa cakumaninina antoomwe abasikalumamba bakwe bali 50.” (2 Bami 1:​9, 10) Kufwa kwabasikalumamba aabo ncitondezyo cakuti Jehova tabalangi buyo bantu ibasampaula babelesi bakwe.​—1 Makani 16:21, 22.\\nAhaziya wakatuma uumbi silutwe wabasikalumamba abaalumi bali 50. Silutwe wabasikalumamba wabili walo wakali mubi kapati kwiinda wakusaanguna. Kunyina ncaakaiya kulufwu lwabaalumi ibali 51, nokuba kuti mulota wabo ambweni wakacili kulibonya mumbali aacilundu. Alimwi kunze lyakwaambila Elija kuti ‘aseluke’ mbuli mbwaakacita uulya wakusaanguna, walo wakayungizya akwaamba kuti “cakufwambaana!” Eelo kaka bwakali bufwubafwuba oobo! Aboobo walo abaalumi mbaakali limwi bakafwa mbubwenya mbuli bakusaanguna. Nokuba boobo, mwami ngowakaindide kufwubaala. Katazungaani, wakatuma nkamu yabasikalumamba yatatu. Cikkomanisya ncakuti, silutwe wabasikalumamba watatu ooyu wakali musongo. Cakulibombya wakasikila Elija akulomba kuti walo abaalumi mbaakali limwi batanyonyoonywi. Tacidoonekwi kuti Elija, imuntu wa Leza, wakatondezya luse lwa Jehova ciindi naakaingula silutwe wabasikalumamba ooyu mubombe. Mungelo wa Jehova wakalailila Elija kuti aunke abasikalumamba aaba. Elija wakazumina alimwi wakainduluka kwaamba lubeta lwa Jehova kumwami mubyaabi. Majwi a Leza akazuzikizyigwa, Ahaziya wakafwa. Wakalela buyo myaka yobilo.​—2 Bami 1:​11-​17.\\nElija wakatondezya luse lwa Jehova kuli silutwe wabasikalumamba ooyu iwakali kulicesya\\nMbuti Elija mbwaakaliyumya akati kabantu bayumu myoyo alimwi bazangi mbaakali kukkala limwi? Mubuzyo ooyu ulayandika mazuba aano, tee kayi? Sena mwakatyompwa kale ciindi muntu umwi ngomubikkila maano naakakaka kuswiilila kumuzeezo mubotu akuzumanana anzila iisololela kumapenzi? Ino mbuti mbotukonzya kuliyumya mubukkale oobu? Tulakonzya kwiiya cintu cimwi kuzwa kubusena nkobakamujana Elija basikalumamba, “atala aacilundu.” Tatukonzyi kwaamba cakusinizya ikaambo Elija ncaakaunkila atala aacilundu, pesi tulisinizyide kuti wakali muntu uuyandisya kupaila, alimwi mbwaanga busena obuya bwakaluumwine, eeci cakamupa coolwe cakuyumya cilongwe cakwe a Leza. (Jakobo 5:​16-​18) Mbubwenya buyo, andiswe tweelede kujana ciindi lyoonse cakuba tolikke akupaila kuli Leza, kumwiita zina akumwaambila mapenzi eesu alimwi anzyotulibilika. Eeci ciyootugwasya kuliyumya ciindi bantu batuzingulukide nobacita zintu zibyaabi.\\nCisani Cabusinsimi Capegwa Uumbi\\nIciindi cakuti Elija aleke mulimo wabusinsimi cakalisikide. Amubone ncaakacita. Walo a Elisha nibakali kuzwa mudolopo lya Giligala, Elija wakaambila Elisha kuti asyaale, pele walo wakazumanana kuunka ku Beteli, musinzo uulampa makkilomita aali 11. Pele Elisha wakakaka cakaanzambwene kati: “Masimpe mbubonya Jehova mbwali muumi alimwi ayebo mboli muumi, tandikookuleka pe.” Nobakasika ku Beteli, Elija wakaambila Elisha kuti ulaunka alikke ku Jeriko, musinzo uulampa makkilomita aali 22. Alimwi Elisha wakakaka. Alimwi ciindi catatu nobakali ku Jeriko, Elija alimwi wakali kuyanda kuunka alikke ku Mulonga wa Jordano, imusinzo uulampa makkilomita aali 8. Aciindi eeci alimwi Elisha wakakaka cakaanzambwene. Tanaakamuleka Elija!​—2 Bami 2:​1-6.\\nElisha wakatondezya bube buyandika kapati, luyando lutamani. Oolu ndoluyando ndwaakajisi Rute kuli Naomi, iluyando lukakatila kucintu akutacilekezya. (Rute 1:​15, 16) Babelesi ba Leza baleelede kuba abube oobu, kwaambisya mazuba aano. Sena mwabona mbobuyandika bube oobu mbubwenya mbwaakacita Elisha?\\nTacidoonekwi kuti Elija wakakulwaizyigwa aluyando lutamani lwamweenzinyina. Akaambo kakucita boobo, Elisha wakaba acoolwe cakubona maleele aamamanino aa Elija. Kali kunkomwe ya Mulonga wa Jordano, maanzi mpaakali malamfwu, Elija wakabweza cisani cakwe akuuma maanzi. Eelyo maanzi akaandaana! Abamwi bakaabona maleele aaya kaacitika ‘mbana babasinsimi ibali 50,’ balo balangilwa kuti bakali mucikolo cabaalumi ibakali kuyiisyigwa kuyoosololela mubukombi bwakasimpe. (2 Bami 2:​7, 8) Kweelede kuti Elija wakacibona cikolo eeci. Kwakali ciindi Elija naakali kulimvwa kuti nguwakali mwaalumi uusyomeka alikke munyika. Kuzwa leelyo, Jehova wakamulumbula Elija akaambo kakuliyumya kwakwe kwiinda mukumupa kuti apone mazuba manji kutegwa abone kuyaambele kwabakombi bakwe.​—1 Bami 19:10.\\nNobakazabuka mulonga wa Jordano, Elija wakaambila Elisha kuti: “Kolomba ncoyanda kuti ndikucitile nenditanatolwa kuzwa kulinduwe.” Elija wakalizyi kuti ciindi cakuti aunke cakalisikide. Tanaakamumvwida munyono mweenzinyina akaambo kamikuli njaakali kuyoopegwa. Muciindi caboobo Elija wakaliyandide kapati kumugwasya. Elisha wakalomba wati: “Akaka, ndilomba kuti zibeela zyobilo zyamuuya wako zibe alindime.” (2 Bami 2:9) Elisha tanaakali kupandulula kuti wakali kuyanda kupegwa muuya uusalala kwiinda ngwaakapegwa Elija. Muciindi caboobo wakali kulomba cibeela calukono mbuli ncaakali kukonzya kupegwa mwana mutaanzi, kwiinda mumulawo mwana mutaanzi wakeelede kupegwa cibeela ceendelana amukuli ngwajisi mbuli silutwe wamukwasyi. (Deuteronomo 21:17) Mbwaanga nguwakali kuyooba simulyazina wa Elija wakumuuya, Elisha wakabona mbocakali kuyandika kuba abusicamba kutegwa mulimo ucitwe.\\nCakulicesya, Elija wakaasila Jehova makani aaya. Ikuti naa Jehova wakali kuyoomuzumizye Elisha kubona mpamubwezela musinsimi ooyu uucembeede, cakali kuyootondezya kuti Leza wakuzumina kulomba kwa Elisha. Tiilyakalampa, ciindi balongwe aaba nobakali “kuyaabweenda kumwi kabaambaula,” kwakacitika cintu cibotu kapati!​—2 Bami 2:​10, 11.\\nCakutadooneka, cilongwe ca Elija alimwi a Elisha cakabagwasya baalumi aaba kuliyumya mumapenzi\\nKwakalibonya mumuni kujulu alimwi wakali kuyaabumweekesya. Tulakonzya kweezyeezya coongo cakambizi, acintu cakali kumweka kapati kaziboola kubaalumi aaba, mpoonya zyabaandaanya, ambweni ncobakabona cakabapa kutalika kudadalika. Ncobakabona yakali nkalaki yakali kuyaka mbuli kuti yakapangidwe aamulilo. Elija wakazyiba kuti ciindi cakalisikide. Sena wakatanta munkalaki? Bbaibbele talyaambi cili coonse. Kufwumbwa mbocakabede, wakatalika kunyamuka kuya kujulu, mpoonya kambizi kakamutola.\\nElisha wakali kulangilila, wakaligambidwe. Akaambo kakuti wakalibonena cintu eeci cigambya kacicitika, Elisha wakazyiba kuti Jehova ulamupa “zibeela zyobilo” zyamuuya wa Elija iwakali sicamba. Pele alimwi Elisha wakaluuside kapati. Tanaakazyi nkwaakali kuunka mulongwe wakwe uucembeede, alimwi tanaakali kulangila kuti uyoomubona alimwi. Wakalila kati: “Taata, taata! Inkalaki abasimabbiza ba Israyeli!” Wakalangilila kusikila sikumuyiisya naakacileka kulibonya; mpoonya Elisha wakazapaula zisani zyakwe kauside.​—2 Bami 2:​12.\\nCiindi Elija naakali kuya mujulu, sena wakamumvwa mweenzinyina kalila mpoonya awalo kalila? Kufwumbwa naa cakali buti, wakalizyi kuti kuba amulongwe uuli boobu cakamugwasya kuliyumya muziindi zyamapenzi. Mbubwenya buyo, andiswe tweelede kwiiya cikozyanyo ca Elija kwiinda mukumvwana abantu bamuyanda Leza alimwi ibacita kuyanda kwakwe.\\nJehova wakamupa mulimo mupya Elija\\nMulimo Wakwe Wamamanino\\nIno Elija wakaunka kuli? Zikombelo zimwi ziyiisya kuti wakatolwa kujulu kutegwa akakkale a Leza. Pele eeci tacikonzyeki pe. Myaanda yamyaka kumbele, Jesu Kristo wakaamba kuti kunyina muntu wakatanta kujulu katanaunka walo. (Johane 3:​13) Aboobo, notubala kuti “Elija wakatolwa akambizi kujulu,” tweelede kubuzya kuti, Ino nkujulu kuli? (2 Bami 2:​11) Bbaibbele nolyaamba kuti “kujulu,” talyaambi buyo busena nkwakkala Jehova pele lilaamba amulengalenga, muli makumbi alimwi abayuni mobauluka. (Intembauzyo 147:8) Ooko nkokujulu Elija nkwaakatanta. Mpoonya ncinzi cakatobela?\\nJehova wakamulonzya musinsimi wakwe akumupa mulimo mupya, mubwami bwa Juda ibwakali afwaafwi. Bbaibbele lilamwaamba Elija kabeleka ooko, andiza kwamyaka iili ciloba yakatobela. Aciindi eeco, wakali kulela mu Juda Mwami mubyaabi Jehoramu. Wakakwete mwana wa Ahabu a Jezebeli, aboobo muuya wabo mubyaabi wakaciliko. Jehova wakatuma Elija kuti alembe lugwalo lwalubeta kuli Jehoramu. Mbubwenya mbokwakasinsimwa, Jehoramu wakafwa lufwu lubyaabi. Ciinda kubija ncakuti, “naakafwa kunyina wakausa pe.”​—2 Makani 21:12-​20.\\nEelo kaka Elija wakaliindene kapati amuntu ooyo mubyaabi! Mubwini, tatuzyi mbwaakafwa Elija alimwi aciindi naakafwa. Pele ncotuzyi ncakuti tanaakafwa mbuli mbwaakafwa Jehoramu cakuti kunyina awakausa pe. Elisha wakali kumuyeeya mulongwe wakwe. Abalo basinsimi basyomeka bamwi bakali kumuyeeya. Awalo Jehova wakali kumuyanda Elija cakuti myaka iibalilwa ku 1,000 kumbele, wakabelesya cikozyanyo camusinsimi ooyu mucilengaano mwaakasanduka Jesu. (Matayo 17:​1-9) Sena mulayanda kumwiiya Elija kwiinda mukuba alusyomo lutazungaani ciindi nomuli mumapenzi? Ikuti kamuyanda, mweelede kuba abalongwe bamuyanda Leza, kubikkila maano kukubelekela Jehova, akupaila lyoonse kuzwa ansi aamoyo. Amuzumanane kuba acilongwe ciyumu a Jehova siluyando!\\n^ munc. 9 Basyaazibwene bamwi baamba kuti cilundu caambidwe waawa Ncilundu ca Karimeli, kwalo Leza nkwaakapa Elija kuti azunde basinsimi ba Baala myaka yamusyule. Nokuba boobo, Bbaibbele talyaambi kuti cakali cilundu nzi.\\nElija Wakaliyumya Kusikila Kumamanino\\nEliya Wakaliyumya Mubweendelezi Butaluleme\\nEliya—Wakaumbulizyigwa a Leza Wakwe","num_words":1675,"character_repetition_ratio":0.048,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mupumuno Abankaaka - Storybooks Zambia\\nMupumuno Abankaaka Holidays with grandmother Cuuti kuli banakulu\\nBausyi baakamubusya Udongo alimwi a Apiyo nibakasika kumunzi. Bakabajana bankaakanyina ba Nyar-Kanyada kabalyookezya amuseme mujungusi acisamu. Izina eeli Nyar-Kanyada mumulaka wa Luo caamba kuti ‘Musimbi mwana abantu baku Kanyada’. Wakali mucembele uulimvwide alimwi mubotu.\\nNyar-kanyada wakabatambula beenzu bakwe mung’anda yakwe alimwi kwakaba kuzyana akwiimba mukati mung’anda. Bazyikula bakwe bakalimvwa kubotelwa kubweza ciindi cakubapa zipengo zyibakabaletela kuzwa kudolopo. “Kusaanguna amujule cipego cangu,” wakaamba Odongo. “Peepe, musaangune cangu azyina,” wakanjila Apiyo.\\nNikwakasiya, bakajokela kung’anda kuya kulya camasiku. Kabataninga akumanizya kulya, bakatalika kumfukula!\\nOdongo alimwi a Apiyo bakabagwasya bankaakanyina milimo yamung’anda. Bakateka meenda akutebba nkuni. Bakali kubwezelela amayi aankuku alimwi akucela cisyu kuzwa mugaadeni.\\nBumwi buzuba kuseeni, Odongo wakabweza ng’ombe zyaba nkaakanyina akuzitola kukucela. Zyakanjila mumunda wabasimukobonyina. Mulimi ooyu wakamunyemana kapati Odongo. Wakalikalauka kuti ng’ombe azijate kuciba caakwe akaanmbo kakuti zyalya mumuunda wakwe. Kuzwa buzuba oobu, mwanamusankwa wakalangisisya masimpe kuti ng’ombe zyakwe zitacikaunki kabili mumyuunda yabantu.\\nBausyi nibakaboola kuzi kubabweza, tiibakalikuyanda kujokela. Bana bakalomba bankaakanyina ba Nyar-kanyada kuti baunke ambabo kudolopo. Bakamwetula eelyo bakati, “Ndakomenesya kukkala mudolopo. Ndinikumulindila kuti mukaboole alimwi okuno kumunzi.”\\nCizyole ca Ngede Ncakaamba Mucizyi wa Vusi Mabbanana Abakaapa","num_words":183,"character_repetition_ratio":0.053,"word_repetition_ratio":0.0,"special_characters_ratio":0.146,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"(ARTUZ Tonga Updates) Kutamvanana chiindi nizyakajulwa izikolo – ARTUZ\\nMumviki yakusanguna yakujulwa kwazikolo mumunyaka wa2020, kwakaba akutamwanana kupati lolo muzikolo ziingi. Twakabona bayiisi biingi basika Ku ikumi lamusanu alimwi amusanu yazyuulu (65000), balabayiminini abatakwe bayiminini kabakachilwa kubweda kumilimu akambo akukachilwa kwamfulumende kupa bayiisi imali yakufola intu loko.\\nBayiisi bakakaka tumali ntubakali bapegwa amfulumende kabalokwaamba kuti ntumali otu tupegwa bankala akambo kakuti tuche alubo tumali otu, tatukonzyi kuwula nochiba chintu pe. Pesi ntwakuyanda kujala bayiisi kumeso. Chintu chibakali kuyanda bayiisi, kufola mali iyelana ayakuAmerica njibakali kufola muli Kunkumunamasamu 2018.\\nChiindi Sikuyiya mupati wamfulumende uyendelazya zyamali Mtuli Ncube, naakamba kuti takwe imali njibelede kuyungizigwa, babeleki bamfulumende biingi kuswanizya bayiisi bakaleka kuinka kulimu. Takwe nikwakayiigwa pe mumazuba ane, mumviki yakusanguna yakujulwa kwazikolo.\\nTwakabona kuvhula kwatwambo takutajatwa kabotu kwabayiisi biingi kuswanizya kuyowesegwa abapati babo bazikolo. Tusungwazya Bapati bazikolo kuti balemeke zyelelo zvabayiisi. Muli bwane abwasanu wemviki yakujulwa kwazikolo kwakali kulangililwa kuti kwalikuzoyeta mpindu mbotu kubayiisi pesi takwe nchibakafola chintu loko. Lwakaba lwiimbo lwamazuba onse. Tumali ntubajana twakali kufwisa nsoni izyakuti twakamanina mukugada mabbasi. Kutanta kwazintu muzintolo mumviki njiyeyo kwakapa kuti muyiisi asyale kaatakwe nchafola pe.\\nAmbulisunu bayiisi tabakonzyipe kuinkilila kunembo kabayiisya mumviki itobela akambo kakuti tabakwe nchakulya azimwi kuti babwede kumulimu akubeleka changuzu. Mfulumende welede kuyanda akulemeka lwiiyo akambo kakuti, kufumbwa muntu nchachita chakazwa kulwiyo lwabayiisi.\\nPrevious Post(ARTUZ Shona Updates). Hurumende ngaivheneke nekuchimbidza mararamiro evarairidziNext Post(ARTUZ Ndebele Updates) UKUPHITHIZELA NGEVIKI YOKUVULWA KWEZIKOLO","num_words":220,"character_repetition_ratio":0.057,"word_repetition_ratio":0.0,"special_characters_ratio":0.139,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Davida Tanaakayoowa | Amubayiisye Bana Banu\\nAmubayiisye Bana Banu\\nAMUBALE MU Abkhaz Abui Acholi Afrikaans Ahanta Ajië Albanian Altai Alur Amharic Arabic Armenian Assamese Aukan Aymara Azerbaijani Azerbaijani (Cyrillic) Balinese Bambara Baoule Bashkir Basque Bassa (Cameroon) Bassa (Liberia) Batak (Karo) Batak (Simalungun) Batak (Toba) Bengali Biak Bicol Bislama Bissau Guinean Creole Bomu Boulou Bulgarian Bété Cambodian Catalan Cebuano Changana (Mozambique) Chavacano Chichewa Chin (Hakha) Chin (Tiddim) Chinese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chokwe Chol Chopi Chuabo Cibemba Cinamwanga Cinyanja Croatian Czech Dangme Danish Dayak Ngaju Digor Diola Douala Drehu Dusun Dutch Edo Efik Emberá (Catío) English Esan Estonian Ewe Faroese Fijian Finnish Fon Frafra French Ga Galician Garifuna Georgian German Gitonga Greek Greenlandic Guarani Guarani (Bolivia) Guerze Gujarati Gun Guna Haitian Creole Hausa Hebrew Herero Hiligaynon Hindi Hiri Motu Hmong (White) Huastec (San Luis Potosi) Hungarian Iban Ibanag Ibinda Icelandic Igbo Iloko Indonesian Irish Isoko Italian Japanese Javanese Jula Kabyle Kachin Kannada Karen (S'gaw) Kazakh Kazakh (Arabic) Kekchi Khana Kikamba Kikaonde Kikongo Kikuyu Kiluba Kimbundu Kinande Kinyarwanda Kipende Kirghiz Kiribati Kirundi Kisi Kisii Kongo Korean Kpelle Krio Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Lamba Laotian Latvian Lenje Lhukonzo Lingala Lithuanian Lomwe Low German Luganda Lugbara Lunda Luo Luvale Macedonian Macua Malagasy Malay Malayalam Maltese Mam Mambwe-Lungu Mandjak Maninkakan (Eastern) Mapudungun Marathi Marshallese Mauritian Creole Maya Mazahua Mazatec (Huautla) Mbukushu Mende Miskito Mixe (North Central) Mixtec (Guerrero) Mixtec (Huajuapan) Mizo Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndau Ndebele Ndebele (Zimbabwe) Ndonga Nengone Nepali Ngabere Ngangela Nias Nicobarese Nigerian Pidgin Niuean Norwegian Nyaneka Nyungwe Nzema Oromo Ossetian Otetela Otomi (Mezquital Valley) Pangasinan Papiamento (Aruba) Papiamento (Curaçao) Pemon Pennsylvania German Piaroa Pidgin (Cameroon) Polish Portuguese Pular Punjabi Punjabi (Shahmukhi) Páez Quechua (Ancash) Quechua (Ayacucho) Quechua (Bolivia) Quechua (Cuzco) Quiche Quichua (Chimborazo) Quichua (Imbabura) Quichua (Pastaza) Quichua (Santiago del Estero) Rapa Nui Rarotongan Romanian Romany (Bulgaria) Romany (Eastern Slovakia) Romany (Lovari, Hungary) Romany (Macedonia) Romany (Macedonia) Cyrillic Romany (Northern Greece) Romany (Southern Greece) Runyankore Russian Rutoro Samoan Sangir Sango Saramaccan Sarnami Sena Sepedi Serbian (Cyrillic) Serbian (Roman) Serer Sesotho (Lesotho) Setswana Seychelles Creole Shona Sidama Silozi Sinhala Slovak Slovenian Soli Solomon Islands Pidgin Somali Spanish Sranantongo Sunda Susu Swahili Swati Swedish Tagalog Tahitian Tajiki Tamil Tandroy Tankarana Tarahumara (Central) Tarascan Tatar Telugu Tetun Dili Thai Tigrinya Tiv Tlapanec Toba Tojolabal Tok Pisin Tongan Toraja Totonac Tshiluba Tshwa Tsonga Turkish Turkmen Turkmen (Cyrillic) Tuvaluan Tuvinian Twi Tzeltal Tzotzil Uighur (Cyrillic) Ukrainian Umbundu Urdu Urhobo Uzbek Valencian Venda Vezo Vietnamese Wallisian Waray-Waray Wayuunaiki Welsh Wichi Wolaita Wolof Xhosa Xârâcùù Yoruba Zapotec (Isthmus) Zapotec (Lachiguiri) Zulu\\nIno inga ucita buti kuti wayoowa?— Ambweni inga uunka kuli banyoko naa bauso kutegwa bakugwasye. Pele nkwali aumwi uukonzya kukugwasya. Ulaanguzu kwiinda muntu uuli woonse. Sena ulimuzyi?— Inzya, ngu Jehova Leza. Atubandike kujatikizya mwaalumi umwi waambidwe mu Bbaibbele wiitwa kuti Davida. Wakalizyi kuti Jehova lyoonse unoomugwasya, aboobo tanaakali kuyoowa pe.\\nKuzwa ciindi Davida naakali muvwanda, bazyali bakwe bakamuyiisya kuyanda Jehova. Eeci cakamugwasya Davida kutayoowa nokuba kuti wakacitikilwa zintu ziyoosya. Wakalizyi kuti Jehova wakali mweenzinyina alimwi akuti inga wamugwasya. Bumwi buzuba ciindi Davida naakali kweembela mbelele, kwakaboola syuumbwa mupati akuluma mbelele yomwe. Sena ulizyi Davida ncaakacita? Wakamutandaanya syuumbwa akumujaya kwiinda mukubelesya maanza buyo! Alimwi ciindi cibbeya nocakali kuyanda kuluma mbelele, Davida wakacijaya acalo! Ino uyeeya kuti nguni wakagwasya Davida?— Ngu Jehova.\\nKuli acimwi ciindi Davida naakatondezya kuti tayoowi. Bana Israyeli bakali kulwana bantu bategwa ba Filisti. Umwi wabasikalumamba bana Filisti wakali mwaalumi mulamfwu kapati, mubbabbani! Zina lyakwe wakali Goliati. Mubbabbani ooyu wakali kubafwubaazya basikalumamba bana Israyeli alimwi a Jehova. Goliati wakali kwaambila basikalumamba bana Israyeli kuti bamulwane. Pele boonse bana Israyeli bakali kuyoowa kumulwana. Davida naakaamvwa makani aaya, wakaambila Goliati kuti: ‘Mebo ndilakulwana! Jehova ulandigwasya eelyo ndilazunda!’ Sena uyeeya kuti Davida wakali muntu uutayoowi?— Inzya wakali muntu uutayoowi. Sena ulayanda kuzyiba cakatobela?\\nDavida wakabweza nkwisyo alimwi amabwe osanwe aabulungene, mpoonya wakaunka kuyoolwana mubbabbani. Goliati naakabona mbwaakali mwana Davida, wakatalika kumufwubaazya! Pele Davida wakamwaambila kuti: ‘Waboola kulindime apanga, pele mebo ndiboola kulinduwe muzina lya Jehova!’ Mpoonya wakabikka bbwe munkwisyo yakwe, wabalikila kuli Goliati, akulifwusa kulinguwe. Ibbwe lyakamuuma ankumo Goliati! Mubbabbani wakawa ansi, kafwide kale! Ba Filisti bakayoowa cakuti boonse bakaccija. Ino mbuti Davida iwakacili mwana mbwaakacikonzya kuzunda mubbabbani?— Jehova wakamugwasya, alimwi Jehova wakajisi nguzu kapati kwiinda mubbabbani!\\nDavida tanaakayoowa nkaambo wakalizyi kuti Jehova ulamugwasya\\nNcinzi ncokonzya kwiiya kumakani aa Davida?— Jehova ulaanguzu kwiinda muntu uuli woonse. Alimwi mweenzinyoko. Aboobo kuti wayoowa, koyeeya kuti Jehova ulakonzya kukugwasya kuba muntu uutayoowi!\\nKOBALA MU BBAIBBELE LYAKO\\nIntembauzyo 56:3, 4\\n1 Samuele 17:20-54\\nNcinzi Davida ncaakacita ciindi syuumbwa acibbeya nozyakaluma mbelele zyakwe?\\nCiindi Goliati naakatalika kufwubaazya Jehova, ncinzi Davida ncaakamwaambila?\\nIno Davida wakamuzunda buti Goliati?\\nNkaambo nzi Davida ncaatakayoowa syuumbwa, cibbeya, alimwi amubbabbani?\\nNcinzi ncokonzya kwiiya kumakani aa Davida?\\nMaseseke Aatukkomanisya Kuzyiba\\nRebeka Wakali Kuyanda Kumukkomanisya Jehova\\nRahabu Wakasyoma Jehova\\nWakakkomanisya Bausyi Alimwi a Jehova\\nSamuele Wakazumanana Kucita Zintu Zili Kabotu\\nSena Kuli Nolendelelwa Alimwi Akuyoowa?\\nJosiya Wakajisi Balongwe Bali Kabotu\\nJeremiya Tanaakaleka Kwaambila Bantu Kujatikizya Jehova\\nJesu Wakali Kumvwida Lyoonse\\nBakalemba Makani Aajatikizya Jesu\\nMujwa wa Paulo Wakali Sicamba\\nTimoteo Wakali Kuyanda Kugwasya Bantu\\nBwami Ibuyoolela Nyika Yoonse\\nMabala Amusale naa muyanda kukkopa zyakamwaigwa Amubayiisye Bana Banu\\nZyakuswiilila Amusale naa muyanda kukkopa zyakuswiilila Amubayiisye Bana Banu","num_words":833,"character_repetition_ratio":0.042,"word_repetition_ratio":0.0,"special_characters_ratio":0.156,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"2 Lino mubuzuba bwapobwe lya Pentekosite boonse bakalibungene mubusena bomwe. 2 Ndilyonya kujulu kwakamvwugwa muzuzumo uuli mbuli waguwo lyuungisya iwakazuzya ŋanda yoonse oomo mobakakkede. 3 Mpoonya bakabona milaka iili mbuli mulilo yakamwaigwa akati kabo, alimwi muntu aumwi wakakkalwa mulaka, 4 eelyo boonse bakazula muuya uusalala alimwi bakatalika kwaambaula mumyaambo yiindene-indene mbubonya muuya mbowakali kubazumizya kwaambaula. 5 Aciindi eeco ba Juda ibankutwe kukomba ibazwa muzisi zyoonse zyaanyika bakali mu Jelusalemu. 6 Aboobo muzuzumo ooyu nowakamvwugwa, bantu banji kapati bakabungana alimwi bakazingwa, nkaambo umwi aumwi wabo wakabamvwa kabaambaula mumwaambo wakwe mwini. 7 Masimpe bakagambwa akumaninwa maano eelyo bakabuzya kuti: “Amubone, sena aaba baambaula tabali bana Galilaya boonse? 8 Aboobo ino caba buti kuti umwi aumwi wesu umvwa mwaambo ngotwakazyalwa anguwo? 9 Tobana Patiya, toba Medi, tobana Elamu, notukkala ku Mesopotamiya, ku Judaya, ku Kapadokiya, ku Ponto akucooko ca Asiya, 10 notuzwa ku Fuligiya, ku Pamfiliya, ku Egepita akuzyooko zya Libya kufwaafwi aku Kulene, tobeenzu ba Juda antoomwe aba Juda basandule notuzwa ku Loma, 11 tobana Kilete abana Alabiya, toonse twabamvwa kabaambaula mumyaambo yesu kujatikizya milimo mipati ya Leza.” 12 Inzya, boonse bakagambwa alimwi akuzingwa kababuzyanya kuti: “Ino eeci caamba nzi?” 13 Pele bamwi bakabaseka akutalika kwaamba kuti: “Bakkuta waini uulweela.” 14 Pele Petulo wakaima antoomwe abali kkumi aumwi akoompolola kuti: “Nobaalumi bamu Judaya anyoonse nomukkala mu Jelusalemu, amuswiililisye akumvwisya majwi aangu aaya. 15 Mubwini ibantu aaba tabakoledwe pe mbuli mbomuyeeya, nkaambo lino ndiwoola lyatatu* lyabuzuba. 16 Pele eeci ncencico cakaambwa kwiinda mumusinsimi Joweli kuti, 17 Leza waamba kuti, ‘“Kumazuba aakumamanino, ndiyootila muuya wangu kumuntu uuli woonse eelyo bana banu basankwa abasimbi bayoosinsima abalombwana banu bayoobona zilengaano abalo bapati akati kanu bayoolota ziloto; 18 alimwi nokuba kubazike bangu baalumi abakaintu ndiyootila muuya wangu ali mbabo kumazuba aayo, eelyo bayoosinsima. 19 Alimwi ndiyoocita zyintu zigambya kujulu azitondezyo anyika, bulowa, mulilo, amakumbi aabusi; 20 izuba liyoosiya mbi awalo mwezi uyoosalala pyu mbuli bulowa kabutanasika buzuba bwa Jehova oobo bupati alimwi bulibedelede. 21 Alimwi woonse wiita zyina lya Jehova uyoofwutulwa.”’ 22 “Nobaalumi bamu Isilayeli, amumvwe majwi aaya: Ooyu Jesu muna Nazaleta, wakali muntu Leza ngwaakamutondezya caantangalala kwiinda mumilimo mipati, zyintu zigambya, azitondezyo Leza nzyaakacita mulinguwe akati kanu, mbubonya mbomuzyi nywebo nobeni. 23 Ooyu muntu iwakaabwa kulindinywe kweelana amakanze alimwi aluzyibo lwa Leza, mwakamugagaila acisamu akumujaya kwiinda mumaanza aabantu basizibi. 24 Pele Leza wakamubusya kwiinda mukumwaangununa kuzyaanzyo zyalufwu, nkaambo tiicakali kukonzyeka kuti azumanane kaangidwe andulo. 25 Nkaambo Davida waamba boobu kujatikizya nguwe, ‘Ndali kumubona Jehova lyoonse kumbele lyangu; nkaambo uli kujanza lyangu lyalulyo kutegwa nditazungaanizyigwi. 26 Akaambo kaceeci moyo wangu wakakkomana alulimi lwangu lwakakondwa kapati. Alimwi nouba mubili wangu unookkede mubulangizi; 27 nkaambo tokandisiyi* mu Cikkalilo Cabafwu* nokuba kulekela uusyomeka wako kuti abole. 28 Wandizyibya nzila zyabuumi, uyoondipa kukondwa kapati kubusyu bwako.’ 29 “Nobaalumi, bakwesu, amundizumizye ndimwaambile cakutayoowa izyasikale Davida, kuti wakafwa akuzikkwa, alimwi cuumbwe cakwe nkocili akati kesu kusikila sunu. 30 Akaambo kakuti wakali musinsimi alimwi wakalizyi kuti Leza wakakonka kulinguwe acikonke cakuti wakali kuyoobikka umwi waluzubo lwakwe acuuno cakwe cabwami, 31 wakazibonena limwi zyakumbele eelyo wakaamba zyabubuke bwa Kilisito kuti kunyina naakasiigwa mu Cikkalilo Cabafwu,* alimwi mubili wakwe tiiwakabola pe. 32 Ooyu Jesu Leza wakamubusya, alimwi kujatikizya makani aaya toonse tuli bakamboni. 33 Aboobo akaambo kakuti wakasumpulwa kuyookkala kujanza lya Leza lyalulyo akutambula muuya uusalala wakasyomezyegwa kuzwa kuli Bausyi, watila ceeci ncomubona akumvwa. 34 Mubwini Davida kunyina naakaunka kujulu, pele walo mwini waamba kuti, ‘Jehova wakaambila Mwami wangu kuti: “Kkala kujanza lyangu lyalulyo, 35 kusikila ndikabikke basinkondonyoko bakabe cilyatilo camaulu aako.”’ 36 Aboobo bamuŋanda ya Isilayeli boonse abazyibe kuti masimpe Leza wakamucita kuba Mwami a Kilisito, ooyu Jesu ngomwakagagaila acisamu.” 37 Lino nobakamvwa majwi aaya bakayaswa kumoyo, alimwi bakati kuli Petulo akubatumwa bambi: “Nobaalumi, bakwesu, ino tucite buti?” 38 Petulo wakabaambila kuti: “Amweempwe, alimwi umwi aumwi wanu abbapatizyigwe muzyina lya Jesu Kilisito kutegwa mulekelelwe zibi zyanu, eelyo mulatambula cipego cabuyo camuuya uusalala. 39 Nkaambo cisyomezyo eeci cijatikizya ndinywe, bana banu, alimwi aboonse bali kule, boonse aabo Jehova Leza wesu mbatiite kulinguwe.” 40 Alimwi amajwi aambi manji wakabalungulwida akuzumanana kubakombelezya, kati: “Amubatantamuke bantu bazyalani eeli babyaabi kutegwa mutanyonyookeli antoomwe ambabo.” 41 Aboobo aabo bakatambula majwi aakwe camoyo woonse bakabbapatizyigwa, alimwi ibuzuba oobo kwakayungizyigwa bantu* batandila ku 3,000. 42 Alimwi bakazumanana kubikkila maano kukuyiisya kwabatumwa, ikwaabana zyintu zyoonse, ikulida antoomwe alimwi akupaila. 43 Masimpe bantu boonse bakatalika kuyoowa, alimwi zyintu zigambya azitondezyo zyakatalika kucitwa abatumwa. 44 Boonse aabo bakaba basyomi bakali kucitila antoomwe zyintu zyoonse, 45 alimwi bakali kusambala lubono lwabo anyika akwaabanya boonse mali aakajanwa, kweelana akubula kwaumwi aumwi. 46 Alimwi buzuba abuzuba bakalisungweede kuswaangana kutempele amuzeezo omwe, alimwi bakali kulya zyakulya zyabo mumaanda aabo cakukondwa kapati alimwi amyoyo iituba, 47 kabatembaula Leza akukkomaninwa abantu boonse. Alimwi abuzuba Jehova wakazumanana kuyungizya baabo bakali kufwutulwa kuli mbabo.\\n^ “Nkokuti afwaafwi a 9 kiloko mafwumofwumo, kutalika kubala kuzwa mpolizwida zuba.”\\n^ Mu Chigiliki, “Tokasiyi buumi bwangu.”\\n^ Chigiliki, psy·kheʹ. Amubone Makani Aayungizyidwe 7.","num_words":742,"character_repetition_ratio":0.04,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nkaambo Nzi Ncotweelede Kubulemeka Bweendelezi?\\nAMUBALE MU Afrikaans Alur Amharic Bassa (Cameroon) Batak (Karo) Belize Kriol Boulou Cebuano Chichewa Chin (Hakha) Chin (Tiddim) Chitonga Chitonga (Zimbabwe) Chitumbuka Chiyao Chokwe Cibemba Cinyanja Colombian Sign Language Cuban Sign Language Danish Douala Dutch English Ewe Fijian Filipino Sign Language Fon French Ga German Greek Guarani Gun Haitian Creole Herero Hiligaynon Hindi Hungarian Iloko Indian Sign Language Indonesian Irish Javanese Jula Kabiye Kabuverdianu Karen (S'gaw) Kazakh Kikaonde Kikuyu Kiluba Kinyarwanda Kirghiz Kiribati Kirundi Kongo Korean Krio Kwanyama Kyangonde Lhukonzo Lingala Luganda Luvale Malay Malayalam Mambwe-Lungu Mbunda Mongolian Moore Myanmar Ndebele Ndebele (Zimbabwe) Nepali Ngangela Nias Norwegian Nyaneka Okpe Otetela Pangasinan Portuguese Portuguese (Portugal) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Romany (Southern Greece) Russian Samoan Sango Sena Sepedi Sesotho (South Africa) Seychelles Creole Sidama Silozi Sinhala Spanish Spanish Sign Language Sunda Swahili Swahili (Congo) Swedish Tagalog Tamil Thai Tigrinya Tok Pisin Tongan Tshiluba Tuvaluan Ukrainian Uruund Vietnamese Wayuunaiki Wolaita Zande\\n“Amubalemeke bantu bamisyobo yoonse, amube aluyando kuciinga coonse cabakwesu, amuyoowe Leza, amumulemeke mwami.”—1 PETRO 2:17.\\n1, 2. (a) Ino mbusolozi bwani mbotweelede kutobela? (b) Ino mibuzyo nzi njotutiibandike mucibalo eeci?\\nCIINDI nomwakacili bana, ambweni kwakali kuba ziindi bazyali banu nobakali kumwaambila kucita cintu cimwi ncomwatakali kuyanda. Mwakali kubayanda bazyali banu alimwi mwakalizyi kuti mwakeelede kubamvwida. Nokuba boobo, ambweni talili lyoonse nomwakali kuyanda kubamvwida.\\n2 Tulizyi kuti Jehova, Taateesu, ulatuyanda. Ulatubikkila maano alimwi akubona kuti tulijisi zyoonse nzyotuyandika kutegwa katukkomana mubuumi. Ulatupa busolozi mbotuyandika kutegwa tuzwidilile. Zimwi ziindi, ulabelesya bantu bamwi kutegwa batupe busolozi. Tweelede kubulemeka bweendelezi bwa Jehova. (Tusimpi 24:21) Pele ino nkaambo nzi zimwi ziindi ncocitukatazya kutobela busolozi? Nkaambo nzi Jehova ncatwaambila kutobela busolozi? Alimwi mbuti mbotukozya kutondezya kuti tulabulemeka bweendelezi bwakwe?—Amubone Bupanduluzi Buyungizyidwe 9.\\nNKAAMBO NZI NCOCIKATAZYA?\\n3, 4. Ino kutalondoka kwakaboola buti kubantu? Nkaambo nzi ncocikonzya kutukatazya kutobela busolozi bwabamwi?\\n3 Swebo tobantu, tujisi cilengwa cakuzanga. Oobu mbocibede kuzwa ciindi mwaalumi amukaintu wakusaanguna, Adamu a Eva, nobakabisya. Nokuba kuti bakalengwa kabalondokede, bakabuzangila bweendelezi bwa Leza. Kuzwa ciindi eeco, bantu boonse bali kuzyalwa kabatalondokede. Kutalondoka kwesu, nkaambo kamwi ikapa kuti kacikatazya kutobela busolozi kuzwa kuli Jehova alimwi akubantu. Kaambo akambi nkakuti, aabo Jehova mbabelesya kutupa busolozi abalo mbantu batalondokede.—Matalikilo 2:15-17; 3:1-7; Intembauzyo 51:5; Baroma 5:12.\\n4 Akaambo kakuti tatulondokede, kanji-kanji tulalisumpula. Kulisumpula kupa kuti citukatazye kutobela busolozi. Mucikozyanyo, mu Israyeli yansiku, Jehova wakasala Musa kuti asololele bantu bakwe. Imwaalumi wazina lya Kora, iwakabelekela Jehova kwamyaka minji, wakatalika kulisumpula alimwi wakatondezya kubula bulemu kuli Musa. Nokuba kuti Musa wakali kubasololela bantu ba Leza, tanaakali muntu uulisumpula. Alimwi buya, wakaambwa kuti ngowakali muntu mubombe kwiinda bantu boonse ibakali kupona aciindi eeco. Pele Kora tanaakabuzumina busolozi bwa Musa. Mane buya wakayunga nkamu mpati yabantu kumusangana akuzangila Musa. Ino ncinzi cakamucitikila Kora antoomwe abazangi? Bakajaigwa. (Myeelwe 12:3; 16:1-3, 31-35) Mu Bbaibbele, kuli zikozyanyo zinji izituyiisya kuti kulisumpula kunjizya muntenda.—2 Makani 26:16-21; amubone Bupanduluzi Buyungizyidwe 10.\\n5. Ino mbuti bantu bamwi mbobali kuzibelesya munzila iitali kabotu nguzu zyabo zyabweendelezi?\\n5 Ambweni mwakamvwa kale majwi aakuti “Nguzu zyabweendelezi zilanyonganya.” Kuzwa kaindi, bantu banji bali kuzibelesya munzila iitali kabotu nguzu zyabweendelezi. (Amubale Mukambausi 8:9.) Mucikozyanyo, Saulo wakali mwaalumi uuli kabotu alimwi uulicesya ciindi Jehova naakamusala kuba mwami wa Israyeli. Pele wakalekela kulisumpula alimwi amunyono kuti zikomene mumoyo wakwe, alimwi cakapa kuti apenzye Davida, mwaalumi iwakanyina mulandu. (1 Samuele 9:20, 21; 10:20-22; 18:7-11) Mukuya kwaciindi, Davida wakaba mwami, alimwi wakali umwi wabami ibakali kabotu kapati ibakali kulela mu Israyeli. Nokuba boobo, mukuya kwaciindi naba Davida wakazibelesya munzila iitali kabotu nguzu zyakwe zyabweendelezi. Davida wakoonana a Bati-seba, mukaintu wa Uriya, mpoonya wakasola kusisa cibi cakwe kwiinda mukutuma Uriya kuti akajaigwe munkondo.—2 Samuele 11:1-17.\\nIKAAMBO NCOTWEELEDE KUBULEMEKA BWEENDELEZI BWA JEHOVA\\n6, 7. (a) Ino luyando ndotujisi kuli Jehova lutukulwaizya kucita nzi? (b) Ino ncinzi ciyootugwasya kuba bantu bamvwida noliba leelyo nocitali cuuba-uba kucita boobo?\\n6 Tweelede kubulemeka busolozi bwa Jehova akaambo kakuti tulamuyanda. Akaambo kakuti tulamuyanda Jehova kwiinda cintu cili coonse naa muntu uuli woonse, tuyanda kumukkomanisya. (Amubale Tusimpi 27:11; Marko 12:29, 30.) Kuzwa ciindi banabukwetene bakusaanguna nobakali kukkala mumuunda wa Edeni, Saatani lyoonse wali kuyanda kuti bantu kababudooneka bweendelezi bwa Jehova. Diabolosi uyanda kuti katuyeeya kuti Jehova tajisi nguzu zyakutwaambila ncotweelede kucita. Pele tulizyi kuti ooku nkubeja. Tulazuminizya kuti ngamasimpe majwi aaya aakuti: “Uleelela, Jehova, O Leza wesu, ikutambula bulemu alulemeko alimwi anguzu, nkaambo nduwe wakalenga zintu zyoonse.”—Ciyubunuzyo 4:11.\\n7 Ciindi nomwakali bana, ambweni bazyali banu bakamuyiisya kubamvwida. Pele zimwi ziindi ambweni cakali kumukatazya kucita boobo. Mbubwenya buyo, mbotuli babelesi ba Jehova, kulakonzya kuba ziindi nocitali cuuba-uba kumvwida. Pele tulamuyanda akumulemeka Jehova, aboobo tulacita kufwumbwa ncotukonzya kutegwa tumumvwide. Jesu wakatusiila cikozyanyo. Wakamumvwida Jehova noliba leelyo nocakali ciyumu kucita boobo. Nkakaambo kaako wakali kukonzya kwaambila Bausyi kuti: “Kutabi kuyanda kwangu, pele akucitwe kuyanda kwako.”—Luka 22:42; amubone Bupanduluzi Buyungizyidwe 11.\\n8. Ino ninzila nzi zimwi Jehova nzyabelesya kutusololela? (Amubone kabbokesi kakuti “ Amuswiilile Kululayo.”)\\n8 Mazuba aano, Jehova ulatusololela munzila ziindene-indene. Mucikozyanyo, wakatupa Bbaibbele. Alimwi wakatupa baalu mumbungano. Tulatondezya kuti tulabulemeka bweendelezi bwa Jehova ciindi notubalemeka aabo mbabelesya kutusololela. Ikuti twalukaka lugwasyo lwabo, munzila iimwi nkokuti twamukaka Jehova. Ciindi bana Israyeli nobakamukaka Musa, ncobakacita Jehova wakacibona kuti makani mapati. Wakacibona kuti bakali kukaka nguwe.—Myeelwe 14:26, 27; amubone Bupanduluzi Buyungizyidwe 12.\\nCIINDI aciindi, muntu umwi ulakonzya kutupa lulayo luyeeme anjiisyo zyamu Bbaibbele. Ntootu twaambo totatwe tukonzya kupa kuti cibe ciyumu kutambula lulayo.—Tusimpi 19:20.\\nTulimvwa kuti lulayo talutweelede. Ambweni tuyeeya kuti muntu wakatupa lulayo tamvwisyi bwini mbobubede bukkale bwesu. (Bahebrayo 12:5) Pele amulibuzye kuti naa kuli kaambo kabotu kakapa kuti muntu aambe boobo. (Tusimpi 19:3) Ciindi nomumvwisya kaambo kakapa kuti lulayo lupegwe, ciyakuuba-uba kulutambula.—Amubale Tusimpi 4:13.\\nTiitwakkomana alulayo mbolwapegwa. Alikke muntu uulondokede nguukonzya kutupa lulayo lulondokede munzila ilondokede. (Baroma 3:23; Jakobo 3:2) Muciindi cakubikkila maano mbuli mbolwapegwa lulayo, tweelede kubikkila maano kuli caambwa akuyeeya mbotukonzya kulubelesya.\\nTuyeeya kuti tatuyandiki lulayo akaambo kakuti tuli bapati naa tujisi luzyibo lunji. Mu Israyeli yansiku, naba mwami wakali kupegwa lulayo kuzwa kubasinsimi, bapaizi alimwi abamwi mubwami bwakwe. (2 Samuele 12:1-13; 2 Makani 26:16-20) Ciindi notulutambula lulayo lwamu Bbaibbele cakulibombya, luyootugwasya kuswena kuli Jehova.—Tito 3:2.\\nAmuyeeye kuti lulayo iluzwa mu Bbaibbele ncipego kuzwa kuli Jehova, walo uutuyanda alimwi uuyanda kutucitila zintu zibotu kapati. Amusolekesye kulutambula alimwi akulubelesya lulayo.—Bahebrayo 12:6-11.\\n9. Mbuti luyando mboluyootukulwaizya kutobela busolozi?\\n9 Ciindi notubulemeka bweendelezi, nkokuti tutondezya kuti tulabayanda bakwesu abacizyi. Amuciyeeyele munzila eeyi. Ciindi nokwacitika ntenda, kanji-kanji nkamu yabasikugwasyilizya babelekela antoomwe kutegwa basolekesye kufwutula bantu banji. Kutegwa nkamu eeyo izwidilile kapati, kweelede kuba muntu wakwiisololela alimwi umwi aumwi uuli cibeela cankamu eeyo weelede kutobela busolozi. Pele ino mbuti kuti umwi katatobeli busolozi akucita buyo ncayanda? Nokuba kuti ujisi makanze mabotu, ikukaka kuswiilila kulakonzya kubaletela mapenzi mbabeleka limwi, ambweni buya akubanjizya muntenda mpati. Mbubwenya buyo, ikuti katutatobeli busolozi kuzwa kuli Jehova akuli baabo mbapede bweendelezi, ibamwi balakonzya kupenga. Pele ciindi notumumvwida Jehova, tutondezya kuti tulabayanda bakwesu alimwi tulabulemeka bubambe bwa Jehova.—1 Bakorinto 12:14, 25, 26.\\n10, 11. Ino ncinzi ncotutiilange-lange lino?\\n10 Kufwumbwa ncatwaambila Jehova kuti tucite cigwasya ndiswe. Ciindi notulemeka bweendelezi mumukwasyi, mumbungano, anotuli abeendelezi bamfwulumende, boonse bayoogwasyigwa.—Deuteronomo 5:16; Baroma 13:4; Baefeso 6:2, 3; Bahebrayo 13:17.\\n11 Ikuzyiba kaambo Jehova ncayandila kuti katutondezya bulemu kuli bamwi kulakonzya kutugwasya kubalemeka. Atubandike twaambo atumbi mbotukonzya kutondezya bulemu mumbazu zyotatwe zyabuumi.\\nMBOTUKONZYA KUTONDEZYA BULEMU MUMUKWASYI\\n12. Ino mbuti mulumi mbwakonzya kutondezya kuti ulabulemeka bweendelezi?\\n12 Jehova nguwakatalisya mukwasyi alimwi wakamupa aumwi mumukwasyi mukuli wakwe. Ciindi umwi aumwi mumukwasyi nazuzikizya ceeco Jehova ncayanda kulinguwe, bubambe bwamukwasyi bulabeleka kabotu alimwi mukwasyi woonse ulagwasyigwa. (1 Bakorinto 14:33) Jehova wakabikka mulumi kuba mutwe wamukwasyi. Eeci citondezya kuti Jehova uyanda kuti mulumi kalanganya mukaintu wakwe abana alimwi akubasololela munzila yaluyando. Aboobo mulumi weelede kulyaambilila kuli Jehova kujatikizya mbwabalanganya. Mulumi Munakristo ulijisi luzyalo, luyando alimwi ulaunganya mukwasyi wakwe mbubwenya Jesu mbwalanganya mbungano. Ciindi mulumi nacita boobu, utondezya kuti ulamulemeka Jehova.—Baefeso 5:23; amubone Bupanduluzi Buyungizyidwe 13.\\nCiindi nalanganya mukwasyi wakwe, usyi Munakristo wiiya Kristo\\n13. Mbuti mukaintu mbwakonzya kutondezya kuti ulabulemeka bweendelezi?\\n13 Mukaintu Munakristo awalo ulijisi mukuli uuyandika kapati alimwi uulemekwa. Ulamugwasyilizya mulumaakwe ciindi nabeleka canguzu kutegwa abe mutwe wamukwasyi uuli kabotu. Antoomwe amulumaakwe, ulijisi mukuli wakuyiisya bana. Nzila imwi njayiisya bana bakwe kuba abulemu nkwiinda mucikozyanyo cakwe. (Tusimpi 1:8) Ulamulemeka mulumaakwe alimwi akutobela nzyaamba. Noliba leelyo natazuminani ancaamba mulumaakwe kujatikizya cintu cimwi, ulapandulula mbwalimvwa caluzyalo alimwi munzila yabulemu. Ikuti mukaintu Munakristo kakwetwe kumwaalumi uutali Kamboni, inga ujisi buyumuyumu bulibedelede. Pele ciindi nazumanana kumuyanda alimwi akumulemeka mulumaakwe, ambweni bumwi buzuba awalo uyooyanda kumuzyiba Jehova alimwi akumukomba.—Amubale 1 Petro 3:1.\\n14. Ino mbuti bana mbobakonzya kutondezya bulemu kubweendelezi?\\n14 Jehova ulabayanda kapati bana, alimwi bayandika kukwabililwa akusololelwa. Ciindi bana nobamvwida bazyali babo, bapa kuti bazyali babo bakkomane. Alimwi ciyandika kapati ncakuti, nobamvwida inga batondezya bulemu kuli Jehova alimwi balamukkomanisya. (Tusimpi 10:1) Mumikwasyi minji, bana bakomezyegwa amuzyali omwe buyo. Eeci cilakonzya kuba cintu ciyumu kapati kumuzyali akubana. Pele ikuti bana kababamvwida alimwi akubagwasyilizya banyina naa bausyi, buumi bwamumukwasyi bunooli bubotu. Tacikwe makani naa bukkale buli buti, kunyina mukwasyi uulondokede. Pele mukwasyi uuli woonse ulakonzya kukkomana ikuti munamukwasyi umwi aumwi katobela malailile aa Jehova. Eeci ciletela bulemu kuli Jehova, Sikutalisya mikwasyi yoonse.—Baefeso 3:14, 15.\\nMBOTUKONZYA KUTONDEZYA BULEMU MUMBUNGANO\\n15. Mbuti mbotukonzya kutondezya kuti tulabulemeka bweendelezi mumbungano?\\n15 Jehova ulatusololela kwiinda mumbungano ya Bunakristo, alimwi wakapa Jesu nguzu zyoonse zyakusololela mbungano. (Bakolose 1:18) Awalo Jesu wakapa “muzike uusyomeka alimwi uucenjede” mukuli wakulanganya bantu ba Leza anyika. (Matayo 24:45-47) Mazuba aano, Kabunga Keendelezya ‘ngomuzike uusyomeka alimwi uucenjede.’ Kabunga Keendelezya kalatupa nzyotuyandika aciindi ceelede kutegwa tuzumanane kuba alusyomo luyumu. Baalu, bakutausi abalangizi bamabazu balazigwasyilizya mbungano munyika yoonse alimwi batambula malailile kuzwa ku Kabunga Keendelezya. Bakwesu aaba boonse bajisi mukuli wakutulanganya. Balalyaambilila kuli Jehova kujatikizya mbobailanganya mikuli yabo. Aboobo ciindi notubalemeka baalumi aaba, nkokuti tulemeka Jehova.—Amubale 1 Batesalonika 5:12; Bahebrayo 13:17; amubone Bupanduluzi Buyungizyidwe 14.\\n16. Nkaambo nzi ncotukonzya kwaamba kuti baalu abakutausi balasalwa amuuya uusalala?\\n16 Baalu abakutausi bagwasya mbungano kusyomeka akukamantana lyoonse. Nokuba boobo, mbantu batalondokede mbubwenya mbuli ndiswe. Aboobo ino basalwa buti? Bakwesu aaba beelede kuzuzikizya zyeelelo izijanika mu Bbaibbele. (1 Timoteyo 3:1-7, 12; Tito 1:5-9) Jehova wakabelesya muuya uusalala kugwasya balembi ba Bbaibbele kupandulula zyeelelo eezyi. Baalu balapaila kuli Jehova kulomba muuya wakwe uusalala ciindi nobabandika kuti nguni weelede kusalwa kuba mwaalu naa mukutausi. Cilasalala kuti mbungano zili mubweendelezi bwa Jesu a Jehova. (Milimo 20:28) Baalumi ibasalidwe kutugwasyilizya akutulanganya nzipego kuzwa kuli Leza.—Baefeso 4:8.\\n17. Kutegwa atondezye bulemu, ino ncinzi mucizyi nceelede kucita zimwi ziindi?\\n17 Zimwi ziindi kulakonzya kujanika kuti kunyina baalu naa bakutausi bakonzya kubeleka mulimo umwi mumbungano. Basikumwaya bamwi babbapatizyidwe balakonzya kugwasya, pele kuti kakunyina, mucizyi ulakonzya kuucita mulimo iwayelede kucitwa amukwesu uubbapatizyidwe. Kuti caba boobo, mucizyi weelede kusama cintu cimwi kuvwumba mutwe wakwe, ambweni citambala naa cisoti. (1 Bakorinto 11:3-10) Kwiinda mukucita boobo, utondezya kuti ulabulemeka bubambe bwa Jehova bwabusilutwe, mumukwasyi alimwi amumbungano.—Amubone Bupanduluzi Buyungizyidwe 15.\\nMBOTUKONZYA KUTONDEZYA BULEMU KUBEENDELEZI BAMFWULUMENDE\\n18, 19. (a) Ncinzi ncotwiiya kulugwalo lwa Baroma 13:1-7? (b) Mbuti mbotukonzya kutondezya bulemu kumfwulumende alimwi akubantu bamwi ibali mubweendelezi?\\n18 Mazuba aano, Jehova ulazizumizya mfwulumende kweendelezya alimwi ulazipa nguzu zimwi, aboobo tweelede kuzilemeka. Beendelezi bamfwulumende balacita milimo iiyandika mbuli kuleta luumuno mumasi alimwi amuzilawo mobakkala bantu alimwi akubapa zintu zimwi nzyobayandika. Banakristo balaatobela malailile aali kulugwalo lwa Baroma 13:1-7. (Amubale.) Tulabalemeka “beendelezi” alimwi akwiitobela milawo yamucisi naa cilawo motukkala. Milawo eeyi ilakonzya kuujatikizya mukwasyi wesu, makwebo naa zintu nzyotujisi. Mucikozyanyo, tulatela alimwi akulemba kabotu mafoomu naa mapepa aali oonse mfwulumende ngoiyanda. Pele ino ncinzi ncotweelede kucita ikuti naa mfwulumende yatwaambila kucita cintu cimwi citeendelani amilawo ya Leza? Mwaapostolo Petro wakati: “Tweelede kumvwida Leza mbwali mweendelezi kutali bantu.”—Milimo 5:28, 29.\\n19 Ikuti kwayandika kubandika amweendelezi wamfwulumende, mbuli mubetesi naa mupulisa, lyoonse tweelede kucita oobo cabulemu. Banakristo basicikolo balabalemeka bamayi babo alimwi ababelesi baacikolo. Kumulimo, tweelede kubalemeka bapati bamulimo, nokuba kuti babelesi bamwi tabaciti oobo. Ciindi notucita boobu, twiiya mwaapostolo Paulo, ooyo iwakali kubalemeka beendelezi nokuba kuti zimwi ziindi cakali ciyumu. (Milimo 26:2, 25) Nokuba kuti bamwi tabatweendelezyi kabotu, tweelede kuzumanana kubalemeka.—Amubale Baroma 12:17, 18; 1 Petro 3:15.\\n20, 21. Ino nzintu nzi zibotu izikonzya kucitika ciindi notutondezya bulemu kuli bamwi?\\n20 Munyika yoonse, bantu tabatondezyi bulemu kuli bamwi. Pele bantu ba Jehova baliindene. Makanze eesu lyoonse ngakulemeka bantu boonse. Tutobela malailile aamwaapostolo Petro aakuti: “Amubalemeke bantu bamisyobo yoonse.” (1 Petro 2:17) Ciindi notubalemeka bamwi, balazyiba. Jesu wakatwaambila kuti: “Aumunike mumuni wanu kubantu kutegwa babone milimo yanu mibotu akupa bulemu kuli Uso.”—Matayo 5:16.\\n21 Ciindi notutondezya bulemu mumukwasyi wesu, mumbungano yesu alimwi amumbazu zimwi zyabuumi, cikozyanyo cesu cibotu cilakonzya kupa kuti bamwi bayande kwiiya zinji kujatikizya Jehova. Alimwi kwiinda mukutondezya bulemu kuli bamwi, tutondezya bulemu kuli Jehova kumugama. Eeci cilamukkomanisya Jehova alimwi citondezya kuti tulamuyanda.\\n1 JEHOVA UBELESYA BANTU BAMWI KUTUSOLOLELA\\n“Amubalemeke bantu bamisyobo yoonse, . . . amuyoowe Leza.”—1 Petro 2:17\\nIno nkaambo nzi ncocikonzya kukatazya kutobela busolozi?\\nMyeelwe 16:1-3; Mukambausi 8:9; Baroma 5:12\\nMbubwenya mbuli ndiswe, bantu mbabelesya Jehova kutusololela tabalondokede pe.\\nJesu wakasiya cikozyanyo cibotu kapati cakumvwida. Lyoonse wakali kumumvwida Jehova.\\nTusimpi 27:11; Marko 12:29, 30\\nLuyando ndotujisi kuli Jehova lutupa kubulemeka bubambe bwakwe. Mumukwasyi, kuli mutwe wamukwasyi. Kucikolo, kuli bamayi. Mumbungano, kuli baalu.\\n2 BUBAMBE BWAMUKWASYI BWAKAZWA KULI JEHOVA\\n“Ndafwugama kuli Taata, kuli yooyo mukwasyi uuli woonse . . . nkowakatambula zina lyanguwo.”—Baefeso 3:14, 15\\nNkaambo nzi Jehova ncayanda kuti katubulemeka bubambe bwamukwasyi?\\nJehova wakabamba mukwasyi kutegwa kaupa busena imuli lukwabililo oomo bana mobakonzya kukomena kabotu alimwi umwi aumwi mumukwasyi mwakonzya kukkomana akuyanzana kwaluyando.\\nTusimpi 1:8; 1 Bakorinto 11:3; Baefeso 6:1-3; 1 Petro 3:1\\nMukwasyi ulagwasyigwa ciindi umwi aumwi nacita lubazu lwakwe.\\n3 JEHOVA WAKABIKKA JESU KWEENDELEZYA MBUNGANO\\n‘Kristo mutwe wambungano.’—Baefeso 5:23\\nNkaambo nzi ncotweelede kubutobela bubambe bwambungano?\\nJesu ubelesya “muzike uusyomeka alimwi uucenjede” kulanganya bantu ba Leza anyika.\\n1 Batesalonika 5:12; Bahebrayo 13:17\\nBaalu abakutausi bagwasya mbungano kuti ziyume. Tutondezya kuti tulabulemeka bweendelezi bwa Jehova ciindi notubelekela antoomwe abakwesu aaba.\\nBoonse balagwasyigwa ciindi notugwasyilizya cakumaninina bubambe bwambungano. Mbubambe mbwabikkide Jehova kutegwa katumukomba.\\n4 JEHOVA ULAZIZUMIZYA MFWULUMENDE KUBA ANGUZU ZIMWI\\n“Kunyina bweendelezi bukonzya kuba ccita kuti bwazumizyigwa a Leza; ibeendelezi aabo ibali muzyuuno zyaandeene-andeene balizumizyidwe a Leza.”—Baroma 13:1\\nMbuti mbotukonzya kutondezya bulemu kumfwulumende?\\nMatayo 5:16; 1 Petro 3:15\\nTulatondezya bulemu kwiinda muzintu nzyotwaamba alimwi akucita. Eeci cipa bulemu kuli Jehova.\\nMilimo 26:2, 25; Baroma 12:17, 18\\nBanakristo balaitobela milawo yamucisi mobakkala. Balazumanana kutondezya bulemu nokuba kuti tabeendelezyegwi kabotu.\\nNjiisyo zyamu Bbaibbele zilakonzya kumugwasya kubalemeka aabo ibali mubweendelezi.\\nMatayo 22:37-39; 26:52; Johane 18:36; Milimo 5:27-29; Bahebrayo 10:24, 25\\nIkuti naa mfwulumende yamwaambila kucita cintu citeendelani amilawo ya Jehova, mweelede kusala ngomweelede kumvwida.\\nAmubusumpule Bulelo bwa Jehova!\\nIno ikuzyiba kuti Jehova nguweelela kweendelezya bubumbo boonse inga kwabujatikizya buti buumi bwanu?\\nIno Nguni Uusololela Bantu ba Leza Mazuba Aano?\\nJesu wakasyomezya kuti wakali kuyooba abasikumutobela bakwe mane kumamanino abweende bwazintu. Ino mbuti mbwasololela bantu ba Leza anyika lino?\\nSena nywebo amwanaanu mulwanina bweendelezi, mpoonya lyoonse mwanaanu nguuzwidilila? Twaambo tosanwe tulakonzya kumugwasya.\\nAmube Basongo Kwiinda Mukuswiilila Lulayo\\nAmubulemeke Bweendelezi bwa Jehova","num_words":2237,"character_repetition_ratio":0.059,"word_repetition_ratio":0.0,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Luka 22 | Bbaibbele lili a Intaneti | Bbaibbele lya Busanduluzi Bwanyika Mpya\\nBapaizi bapangana kumujaya Jesu (1-6)\\nKulibambila Pobwe Lyakwiindilila lyamamanino (7-13)\\nKutalisya Mulalilo wa Mwami (14-20)\\n“Ijanza lyasikundaaba lili andime kutebulu” (21-23)\\nKuzwangana kapati kujatikizya mupati (24-27)\\nCizuminano ca Jesu cabwami (28-30)\\nBusinsimi bwakuti Petro ulamukaka Jesu (31-34)\\nKuyandika kulibambila; mapanga obilo (35-38)\\nMupailo wa Jesu aa Cilundu ca Maolifa (39-46)\\nJesu waangwa (47-53)\\nPetro wamukaka Jesu (54-62)\\nJesu wafwubaazyigwa (63-65)\\nKubetekwa kumbele lya Nkuta Mpati Yaba Juda (66-71)\\n22 Lino Pobwe lya Zinkwa Zitajisi Bumena eelyo liitwa kuti Pobwe Lyakwiindilila+ lyakali afwaafwi.+ 2 Alimwi basilutwe babapaizi abalembi bakali kuyandaula nzila mbotu yakuti bamujaye,+ nkaambo bakali kuyoowa bantu.+ 3 Mpoonya Saatani wakamunjila mumoyo Judasi, ooyo wakali kwiitwa kuti Isikariote, iwakali umwi wabali Kkumi Ababili,+ 4 eelyo wakaunka akuyakwaambaula abasilutwe babapaizi abasilutwe babalindizi batempele kujatikizya nzila yakumwaaba kulimbabo.+ 5 Bakakondwa kumvwa makani aaya eelyo bakamvwana kumupa mali aansiliva.+ 6 Aboobo wakazumina, eelyo wakatalika kuyandaula ciindi cibotu cakumwaaba kulimbabo kakunyina nkamu yabantu. 7 Lino buzuba bwa Zinkwa Zitajisi Bumena bwakasika, eelyo cipaizyo ca Pobwe Lyakwiindilila noceelede kupaizyigwa;+ 8 aboobo Jesu wakatuma Petro a Johane, ulaamba: “Kamuya mukatubambile Pobwe Lyakwiindilila kutegwa tuzoolye.”+ 9 Bakamubuzya kuti: “Ino nkuli nkoyanda kuti tukalibambile nkuko?” 10 Wakabaambila kuti: “Amubone! Mwanjila mumunzi, mulayaanya muntu uunyamwide nongo yamaanzi. Amumutobele kuŋanda njayoonjila.+ 11 Alimwi mukamwini ŋanda mumwaambile kuti, ‘Mwiiyi ubuzya kuti: “Ino ili kuli ŋanda yabeenzu mondikonzya kulida Pobwe Lyakwiindilila abasikwiiya bangu?”’ 12 Eelyo muntu ooyo uyoomutondezya ŋanda mpati yamujulu, iijisi zintu zyoonse ziyandika. Amukalibambile mumo.” 13 Aboobo bakaunka akujana zintu mbubonya mbwaakabaambila, mpoonya bakalibambila Pobwe Lyakwiindilila. 14 Aboobo ciindi nocakasika, wakakkala kutebulu abaapostolo.+ 15 Eelyo wakabaambila kuti: “Ndali kuyandisya kapati kulya Pobwe Lyakwiindilila eeli andinywe nenditanapenga; 16 nkaambo ndimwaambila kuti, tandikalilyi limbi kusikila likazuzikizyigwe mu Bwami bwa Leza.” 17 Lino naakatambula nkapu, wakalumba amane wakaamba kuti: “Umwi aumwi wanu atambule nkapu eeyi akunywa kulinjiyo, 18 nkaambo ndimwaambila kuti, kuzwa lino tandikanywi limbi cakunywa cizwa kumusaansa kusikila bukasike Bwami bwa Leza.” 19 Alimwi wakabweza mukamu,+ wakalumba, wakaukomauna akubapa, ulaamba: “Eeci ciiminina mubili wangu+ uupegwa akaambo kandinywe.+ Kamucita oobu lyoonse kutegwa kamundiyeeya.”+ 20 Wakacita mbubonya oobo kujatikizya nkapu nobakamana kulya cilalilo, ulaamba, “Inkapu eeyi yiiminina cizuminano cipya+ iciyeeme abulowa bwangu+ ibuyootilwa akaambo kandinywe.+ 21 “Pele amubone! Ijanza lyasikundaaba lili andime kutebulu.+ 22 Nkaambo masimpe Mwanaamuntu ulaunka kweelana ambokukanzidwe;+ pele nokuba boobo, maawe kumuntu ooyo iwaaba Mwanaamuntu!”+ 23 Aboobo bakatalika kubuzyanya akati kabo ikuti naa nguni wabo mubwini wakali kuyanda kucita boobu.+ 24 Pele alimwi bakatalika kuzwangana kapati akati kabo kujatikizya wakali kubonwa kuti ngomupati kwiinda boonse.+ 25 Pele wakabaambila kuti: “Bami bamasi balabadyaaminina bantu, abalo aabo bajisi nguzu zyabweendelezi kubantu baambwa kuti Mbabasimalelo.+ 26 Nywebo tamweelede kuba boobo.+ Pele ooyo mupati kwiinda boonse akati kanu abe mbuli musyoonto kwiinda boonse,+ awalo ooyo uusololela abe mbuli mubelesi wanu. 27 Ino nguni mupati, ooyo uulya kutebulu* naa ooyo uubeleka? Sena tali yooyo uulya kutebulu?* Pele mebo ndime ndibeleka akati kanu.+ 28 “Nokuba boobo, nywebo ndinywe mwakakatila kulindime+ mumapenzi aangu;+ 29 aboobo ndibamba cizuminano cabwami andinywe mbubonya Taata mbwaabamba cizuminano andime,+ 30 kutegwa mukalye akunywa atebulu lyangu mu Bwami bwangu,+ akuti mukakkale azyuuno zyabwami+ akubeteka misyobo yabana Israyeli iili 12.+ 31 “Simoni, Simoni, bona! Saatani uyanda kuti amupupulule nywebo nyoonse mbuli wiiti.+ 32 Pele ndakukombelezyela mumupailo kuti lusyomo lwako lutamani;+ eelyo wapiluka ayebo ubayumye ibanyoko.”+ 33 Mpoonya wakamwaambila kuti: “O Mwami, ndililibambilide kunjila anduwe muntolongo alimwi amulufwu.”+ 34 Pele wakati: “Ndikwaambile Petro, imukombwe katanalila sunu, ulakazya ziindi zyotatwe kuti ulindizyi.”+ 35 Alimwi wakababuzya kuti: “Nindakamutuma kamunyina cikwama camali ankomo yacakulya ampato,+ sena kuli cintu cili coonse ncomwakabula?” Bakati: “Peepe!” 36 Mpoonya wakabaambila kuti: “Pele lino ooyo uujisi cikwama camali acibweze, ncimwi buyo ankomo yacakulya, alimwi ooyo uutajisi panga asambale cisani cakwe caatala akuula panga. 37 Nkaambo ndimwaambila kuti cileelede kuzuzikizyigwa mulindime eeci cilembedwe kuti, ‘Wakabalilwa antoomwe abasikusotoka mulawo.’+ Nkaambo eeci cazuzikizyigwa mulindime.”+ 38 Mpoonya bakati: “Mwami, bona! Ngaaya mapanga obilo.” Wakati kulimbabo: “Mbubo, manji ngoona aayo.” 39 Naakazwa, mbuli cilengwa wakaunka ku Cilundu ca Maolifa, abalo basikwiiya bakamutobela.+ 40 Nobakasika kubusena oobo, wakati kulimbabo: “Amuzumanane kupaila kutegwa mutanjili mumasunko.”+ 41 Eelyo walo wakabasiya akuunka mbuli waawo aasika bbwe lyafwuswa, mpoonya aawo wakafwugama akutalika kupaila, 42 ulaamba: “Taata, ikuti koyanda, koigusya nkapu eeyi kulindime. Nokuba boobo, kutabi kuyanda kwangu, pele akucitwe kuyanda kwako.”+ 43 Mpoonya mungelo uuzwa kujulu wakalibonya kulinguwe akumuyumya-yumya.+ 44 Pele wakapenga kapati mumoyo cakunga wakazumanana kupaila canguzu kapati;+ inkasaalo yakwe yakaba mbuli madosi aabulowa aalokela ansi. 45 Naakanyamuka aawo mpaakali kupailila, akuunka kuli basikwiiya bakwe, wakajana kuti baloona nkaambo bakalilemede akaambo kakuusa.+ 46 Wakati kulimbabo: “Nkaambo nzi ncomoona? Amubuke muzumanane kupaila, kutegwa mutanjili mumasunko.”+ 47 Lino naakacili kwaambaula, amubone! Kwakabbuka nkamu yabantu, alimwi imuntu wiitwa kuti Judasi, umwi wabali Kkumi Ababili wakali kumbele lyabo, eelyo wakaunka kuli Jesu kuti amumyonte.+ 48 Pele Jesu wakati kulinguwe: “Judasi, sena waaba Mwanaamuntu kwiinda mukumumyonta?” 49 Aabo mbaakali limwi nobakabona cakali kuyanda kucitika, bakati: “O Mwami, sena tubalwane apanga?” 50 Umwi wabo mane wakauma muzike wamupaizi mupati akumukosola kutwi kwakululyo.+ 51 Pele mukwiingula Jesu wakati: “Mbubo.” Eelyo wakajata kutwi kwakwe akumuponya. 52 Mpoonya Jesu wakaambila basilutwe babapaizi abasilutwe babalindizi bakutempele abaalu ibakaboola kubusena oobo kukumujata kuti: “Nkaambo nzi ncomwaboola kuti mundijate amapanga alimwi ankoli mbuli kuti muboola kuzoojata mubbi?+ 53 Nindakali andinywe mutempele buzuba abuzuba+ tiimwakandijata pe.+ Pele eeci nceciindi canu aciindi cabweendelezi bwamudima.”+ 54 Mpoonya bakamujata akumutola,+ baakumunjizya muŋanda yamupaizi mupati; pele Petro wakali kutobela alaale.+ 55 Nobakakunka mulilo akati kalubuwa akukkala antoomwe, Petro wakalikkede akati kabo.+ 56 Pele musimbi umwi mubelesi wakamubona kwiinda mubbalabala lyamulilo kakkede kuyota mulilo, eelyo wakamulangisya akwaamba kuti: “Ooyu mwaalumi awalo wakali anguwe.” 57 Pele wakakaka kati: “Yebo omusimbi, ooyu muntu tandimuzyi pe.” 58 Nokwakainda ciindi cisyoonto muntu umwi wakamubona akwaamba kuti: “Ayebo uli umwi wabo.” Pele Petro wakati: “Yebo muntu, mebo tandili umwi wabo pe.”+ 59 Alimwi nokwakainda ciindi citandila kuwoola lyomwe, imwaalumi aumwi wakatalika kwaamba cakusinizya kuti: “Ndili masimpe kuti mwaalumi ooyu awalo wakali anguwe, nkaambo muna Galilaya!” 60 Pele Petro wakati: “Yebo muntu, mebo tandaazyi pe makani aayo ngoamba.” Ndilyonya eelyo, naakacili kwaambaula, mukombwe wakalila. 61 Mpoonya Mwami wakacenguluka akulanga Petro, eelyo Petro wakaayeeya majwi aa Mwami ngaakamwaambila aakuti: “Mukombwe katanalila sunu, ulandikaka ziindi zyotatwe.”+ 62 Eelyo wakaunka anze akulila kapati. 63 Lino baalumi aabo ibakamujata Jesu bakatalika kumufwubaazya+ akumuuma;+ 64 alimwi nobakamana kumuvwumba kumeso, bakali kumubuzya kuti: “Sinsima! Nguni wakuuma?” 65 Alimwi bakaamba zintu azimwi zinji zyakumusampaula. 66 Mpoonya nobwakaca, inkamu yabaalu akati kabantu, kubikkilizya abasilutwe babapaizi abalembi bakaswaangana,+ alimwi bakamunjizya mu Nkuta Mpati Yaba Juda, balaamba: 67 “Ikuti naa nduwe Kristo, kotwaambila.”+ Pele wakabaambila kuti: “Nokuba kuti ndamwaambila, kunyina nomunga mwasyoma pe. 68 Alimwi ikuti ndamubuzya mubuzyo, kunyina nomunga mwaingula pe. 69 Pele kuzwa lino Mwanaamuntu+ unookkede kujanza lyalulyo lyanguzu lya Leza.”+ 70 Eelyo boonse bakati: “Aboobo, sena nkokuti yebo uli Mwana wa Leza?” Wakabaambila kuti: “Ndinywe nobeni nomwaamba kuti ndili Mwana wa Leza.” 71 Bakati: “Sena tuciyandika bumboni abumbi? Nkaambo swebo tobeni twalimvwida kaamba amulomo wakwe mwini.”+\\n^ Naa “uukkede kutebulu.”","num_words":1050,"character_repetition_ratio":0.049,"word_repetition_ratio":0.0,"special_characters_ratio":0.195,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Zyakachitika Mubuumi: Wakasaanguna Kafwaba—Kumamanino Wakazoonota | Samuel F. Herd\\nBALA MU Afrikaans Albanian Altai Alur American Sign Language Amharic Amis Arabic Armenian Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Boulou Brazilian Sign Language Bulgarian Cakchiquel Catalan Cebuano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Colombian Sign Language Croatian Czech Dakota Dangme Danish Digor Douala Dutch Edo Efik English Esan Estonian Ewe Fijian Finnish Fon French Ga Garifuna Georgian German German Sign Language Greek Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hungarian Ibanag Icelandic Igbo Iloko Indonesian Isoko Italian Italian Sign Language Japanese Jula Kabiye Kabuverdianu Kannada Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mexican Sign Language Mingrelian Mixe Mixtec (Guerrero) Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nigerian Pidgin Norwegian Nzema Okpe Oromo Ossetian Otetela Pangasinan Papiamento (Curaçao) Persian Pidgin (Cameroon) Polish Ponapean Poqomchi' Portuguese (Portugal) Punjabi Quechua (Ancash) Quechua (Bolivia) Romanian Russian Samoan Sango Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovenian Solomon Islands Pidgin South African Sign Language Spanish Spanish Sign Language Sranantongo Swahili Swahili (Congo) Swati Swedish Tagalog Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Vietnamese Waray-Waray Wolaita Xhosa Yoruba Zande Zapotec (Isthmus) Zulu\\nWakasaanguna Kafwaba—Kumamanino Wakazoonota\\nAkaluulwa aa SAMUEL F. HERD\\nNdakazyalilwa mukaanda kamapulanga alubo ndakakomenena kukadolopo kaniini kategwa Liberty, Indiana, kuU.S.A. Ndili wachine mumpuli yakulindiswe, wakusaanguna mwaalumi, mpawo kwatobela basimbi babili. Ndili abanike batatu, balombe babili amusimbi.\\nKaanda kamapulanga mundakazyalilwa\\nKANDICHIIYA, zintu zyiingi teezyakachincha. Bantu mbindakiiyaabo ndakali bazi, abalabo bakalindizi nkaambo chiindi chiingi bantu mbindakali kusaangunaamwi chikolo twakali kumaninsyaamwi.\\nTuzyedwe katuli 7 alubo ndakaba aluzibo atala azyakulima kandichili mukubusi\\nKukadolopo kakuLiberty, kwakali mapulazi alubo kwakali kulimwa zipopwe. Nindakazyalwa, ndeende wakali kubeleka kuli limwi pulazi. Ndakayiya kweenzya ntalakita alubo ndakaba aluzibo atala azyakulima kandichili mukubusi.\\nNdeende wakali wakomena nindakazyalwa. Wakali aminyaka iili 56, baama bakali a35. Ndeende taakalikwe mubili pesi wakalisimide, kabeleka changuzu alubo wakatuyiisya toonse kuti katuchita oobo. Taakali kufola mali nyingi pesi wakali kubona kuti tulazijana zintu ziyandikana mbuuli busena bwakukkala, chakulya azyakuzwaata. Wakali kutulangania chiindi choonse. Ndeende wakatusiya kali aminyaka iili 93. Baama bakatusiya kabali aminyaka iili 86. Boonse teebakali kukomba Jehova pe. Mwanikaangu nguwe alikke ukomba Jehova alubo wakaba mwaalu kuma1970 nibwakatalika bubambe oobu.\\nBaama bakali kuziyandisya zyabukombi. Bakali kwiinka andiswe Nsondo aNsondo kuchikombelo chitegwa Baptist. Kandili aminyaka iili 12, ndakayiisigwa njiisyo yakuti Leza uli muzipanzi zitatu. Ndakabuzya baama kuti: “Zichitika biyeni kuti Jesu abe Mwana akuba Ndeende muchiindi chimwi?” Bakandisandula kuti: “Mwanaangu, eezi tazimvwisisiki pe. Ninsiswa.” Nisimpe ndakali kubonaanga ninsiswa nkaambo teendakali kuzimvwisisisya pe. Nindakaba aminyaka iili 14, ndakabbabbatizigwa mukalonga kakali afwiifwi ankutwakali kukkala. Ndakabbizigwa tutatu kweendelana anjiisyo yakuti Leza uli muzipanzi zitatu.\\nMu1952—Kandili aminyaka iili 17 kanditanaba silumamba\\nNindakali kusekkondali, ndakali amweenzuma wakali mukabunga kabantu bachita zyakulwana mpawo wakandisungwaazya kuti andime ndichite mbuuli nguwe. Nkinkaako, ndakazumina kuti ndiliswaanizye ambunga iitegwa Golden Gloves. Ndakafwambaana kuleka nkaambo teendakali kukonzya pe kulwana. Mukuya kwachiindi, ndakaba silumamba waU.S., mpawo ndakaakubelekela kuGermany. Beendelezi besu bakali kubonaanga ndakali kukonzya kuzulwida nkinkaako, bakanditola kuchikolo chitegwa Noncommissioned Officers Academy. Bakali kuyanda kuti ndibeleke mulimu wabusilumamba kwabuumi bwangu boonse. Nikuba boobo, teendakali kuyanda kuba silumamba kwabuumi bwangu boonse. Nindakabeleka kwaminyaka iibili, ndakasala kusiya mulimu ooyo mu1956. Mukuya kwachiindi, ndakazoojana mulimu wabusilumamba uusiyene awakusaanguna.\\n1954-1956—Ndakali silumamba waU.S kwaminyaka iibili\\nKUTALIKA BUUMI BUPYA\\nKanditanayiya kasimpe, teendakali kukumvwisisisya pe kuti kuba mwaalumi wachoonzyo kwaambaanzi. Mamuvi ngindakali kweebela abantu mbindakali kumvwanana aabo bakandinyongania. Bantu bakali kukambawuka ndakali kubabona kuti teebakali baalumi bachoonzyo pe. Pesi zintu nzindakayiya zyakachincha buumi bwangu. Bumwi buzuba, nindakali kweenzya kamoota kangu kasalala kajulika aajulu, bamwi basimbi bakandibbabbayisya. Bakali banike bamukwasaangu, wakakwete muchizi wangu mupati. Basimbi aaba bakali Bakamboni baJehova. Bakandipede mamagazini aNgaziyakulinda aAwake!, pesi zyakalembedwe muNgaziyakulinda teendakali kuzimvwisisisya pe. Bakanditamba kuti ndisike kuChiiyo chaBbuku chaMbungano. Ooyu wakali muswaangano wakwaambuuzyania atala aBbayibbele alubo wakali kuchitilwa kulimbabo. Ndakabasandula kuti ndilabona. Basimbi aabo bakandibuzya kuti: “Ulasika na choonzyo?” Ndakati “Ndilasika.”\\nNikuba kuti teendakali kuyanda kwiinka pesi ndakayeeyesesya atala achisyomezyo changu. Nkinkaako, ndakiinka. Bana mbabo bakandiyumya mate munkanwa, nkaambo bakali aluzibo lwiingi atala aBbayibbele. Nikuba kuti twakali twaba achiindi katwiinka kucheechi Nsondo aNsondo abaama pesi teendakalikwe luzibo lwiingi atala aBbayibbele. Eezi zyakapa kuti ndibe achiyandisyo chakuziba zyiingi. Ndakasaanguna kwiiya Bbayibbele alubo ndakayiya kuti zina lyaLeza Singuzuzyoonse nguJehova. Chiindi, ndakabuzizye baama atala aBakamboni baJehova pesi bakandisandula kuti, “Bakomba umwi mudaala uutegwa Jehova.” Kwiiya nkundakali kuchita kwakandijula kumeso.\\nNdakiinkilila kunembo muzintu zyabukombi nkaambo ndakabona kuti aaka kakali kasimpe. Ndakabbabbatizigwa muMarch 1957, kakwiindide myeezi iili 9 kuzwa nindakasaanguna kunjila miswaangano yambungano. Maboneno aangu atala abuumi akachincha. Ndilabotelwa lino kuti ndakayiya kuzwa muBbayibbele zintu zipa kuti ndibe mwaalumi wachoonzyo. Jesu wakalimaninide. Wakali amanguzu miingi akali kukonzya kupa kuti muntu ulibona kuti ‘mwaalumi uusimide’ abe wabuyo kuti twamukozyanisya anguwe. Taakali kulwana pe, pesi wakazumina ‘kufwiinsigwa’ mbuuli mbukwakasinsimidwe. (Is. 53:2, 7) Ndakayiya kuti mutobeli waJesu weelede “kuba mutete-moyo.”​—2 Tim. 2:24.\\nNdakasaanguna kupayona mumunyaka wa1958. Nikuba boobo, ndakeelede kuleka kupayona kwachiindi chifwiifwi. Nkamboonzi? Nkaambo ndakali kuyanda kukwata Gloria, wakali umwi wabasimbi bakanditambide kuchiiyo chabbuku chambungano. Tandilisoli pe akusala nkundakachita. Gloria wakali pwapwapwa, asunu mbachibede. Kulindime uyandikana loko kwiinda dayamondi. Ndilabotelwa kuti twakakwatana. Amumvwe kali kumubuzya makani mache atala anguwe:\\n“Tuli 17 mumpuli yakulindiswe. Baama bakali Kamboni. Bakatusiya kandili aminyaka iili 14. Kuchiindi eecho, ndeende wakasaanguna kwiiya Bbayibbele. Ndeende wakachita mabambe amupati wachikolo nkutwakali kwiiya nkaambo Baama bakali batusiya. Mukulanaangu wakali kwiiya kusekkondali nkinkaako, Ndeende wakatukumbilila kuti katusotosya amwi mazuba kuchikolo. Twakali kuchinchaana kwiinka kuchikolo kuti tukonzye kusyaala abanike besu akuti Ndeende ajane katuli twajika chakulya chagoko, naazwa kumulimu. Mupati wachikolo wakazumina alubo twakali kuchinchaana kusikila mukulanaangu naakamaninsya chikolo. Mpuli zyaBakamboni baJehova zibili zyakatuyiisya Bbayibbele alubo katuli 11 twakaba Bakamboni baJehova. Kuzwa chiindi, ndakali kukuyanda kukambawuka nikuba kuti ndakali abweeme. Mulumaangu wakali kundigwasya chiindi choonse kuti ndizunde penzi eeli.”\\nMuFebruary 1959 ndakamukwata Gloria. Twakatalika kupayona. MuJuly twakalembela kuyoobelekela kuBbeteli nkaambo twakali achiyandisyo chakubelekela kumawofesi mapati. Mukwesu Simon Kraker wakatubuzisisya. Wakatubuzya kuti kuchiindi eecho, kuBbeteli teekwakali kutambulwa bantu bakwetene. Chiyandisyo chakuyoobelekela kuBbeteli teechakamana pe pesi zyakatola chiindi chilamfu kuti chizuzikizigwe.\\nTwakalembela kumawofesi mapati katukumbila kuti tukabelekele kubusena buyanda basikugwasilizya. Twakabuzigwa kuti tukabelekele kuPine Bluff, Arkansas. Kuchiindi eecho kuPine Bluff kwakali mbungano zibili, imwi yakali yamakuwa imwi yabantu basiya. Twakabuzigwa kuti tukabelekele kumbungano yabantu basiya yakali abasikupupulula bali 14 luzutu.\\nMulakonzya kugamba kuti nkamboonzi Bakamboni baJehova nibakali kubonekaanga balasalulana. Nsandulo njakuti kuchiindi eecho taakwe nzibakali kukonzya kuchita pe. Kwakali milawu yakali kukasya bantu basiya amakuwa kuti bakkale aamwi mbuuli kunjilaamwi miswaangano alubo eezi zyakali kweeta mapenzi. Mumasena miingi, bakwesu bakali alukanda lusiyene bakali kuyoowa kuti banjilaamwi miswaangano yambungano muNg’anda yaBwaami iimwi nkaambo yakali kukonzya kudilisigwa. Eezi nzizyo zyakali kuchitika. Bakamboni basiya bakali kusungwa naakuti kuumwa kuti bakambawukila mukuwa kung’anda ang’anda. Nkinkaako, kuti mulimu wakukambawuka uzwidilile, twakiswiilila milawu eeyi katuli abulangilizi bwakuti zintu zyakali kuzoochincha.\\nTwakali kuswaana buyumu-yumu mumulimu wakukambawuka. Nikuba kuti twakali kubelekela muchilawu chakali kukkala bantu basiya pesi chakutayeeyela, twakali kunoonga twakonkomona ang’anda kukkala makuwa. Twakali kusaanguna kubona kuti tumukambawukile na naakuti tukumbile lulekelelo. Kulaamwi masena, nzizyo zyakali kuchitika.\\nKuti tukonzye kupayona, twakali kuchita imwi milimu. Milimu myiingi njitwakali kubeleka twakali kufola $3 abuzuba. Mukayintu wangu wakali kuchita milimu yamung’anda. Muliimwi ng’anda bakandizumizya kuti ndimugwasye mpawo twakafwambaana kumaninsya. Bakatupa chisusulo mpawo ndakalyaamwi amukayintu wangu. Mviki amviki mukayintu wangu wakali ku-ayina zigogo zyayimwi mpuli. Ime ndakali kusalazya lubuwa, mawindo akuchita imwi milimu yaang’anda. Chimwi chiindi, nitwakali kubelekela imwi mpuli yamakuwa, mukayintu wangu wakali kusanzya mawindo kali mukati, ime kandili aanze. Twakabeleka buzuba boonse nkinkaako, twakapegwa chisusulo. Mukayintu wangu wakalida mung’anda pesi kakkede kule ampuli eeyo mpawo mebo ndakalida aanze kugalaji. Teezyakandichisya moyo pe eezi. Chakali kunona chakulya nchibakatupa. Mpuli eeyi yakali kabotu pesi bakali kunyonganisigwa azintu zyakali kuchitika achiindi eecho. Limwi zuba kwakachitika chimwi chintu, nitwakayimikila kuti tutile mafuta mumoota. Nitwakatila mafuta mumoota ndakakumbila mwaalumi wakali kubeleka mpawo kuti mukayintu wangu abelesye chimbuzi. Kaangide kumeso wakati, “Kulikkiidwe.”\\nZINTU ZITALUBIKI NZITWAKACHITILWA\\nNikuba boobo, twakali kubotelwa kuba abakwesu alubo mulimu wakukambawuka wakali kupa kuti tubotelwe. Nitwakasika kuPine Bluff, twakakkala amukwesu wakali mulangizi wambungano. Mukayintu wakwe taakali kukomba pe nkinkaako, mukayintu wangu wakatalika kwiiya Bbayibbele anguwe. Andime ndakasaanguna kwiiya Bbayibbele amwanaabo amulumaakwe. Banyina amwanaabo bakasala kukomba Jehova mpawo bakabbabbatizigwa.\\nTwakali abeenzuma mumbungano yamakuwa. Bakali kututamba kuti tuzoolyaamwi pesi bakali kusisikizya. Achiindi eecho mbunga iitegwa Ku Klux Klan (KKK) yakali kusumpula kusalulana. Ndichiyeeyede bumwi buzuba ndakabona umwi mwaalumi wakakkede aanze ang’anda yakwe kazweete mbuuli mbubakali kuzwaata bakabunga kaKKK. Nikuba boobo, eezi teezyakalesya bakwesu kuti batondeezyanie luzyalo. Chimwi chiindi twakali kuyanda mali yakuti tuye kumuswaangano wabbooma alubo umwi mukwesu wakazumina kuula moota yesu iitegwa Ford yamu1950. Nikwakiinda mweezi, bumwi buzuba twakasika kung’anda katukatede nkaambo zuba lyakali kupya alubo twakali twazwa kukumbawuka kung’anda ang’anda akubona zyiiyo zyaBbayibbele. Nitwakasika ang’anda twakagamba. Twakajana moota yesu ang’anda. Twakajana kagwalo aawindo lyamoota kakalembedwe kuti: “Ndakuboozya moota yako kachili chipo. Ndime mukombinyokwe.”\\nAlubo kuli chimwi chintu chakachitika nchinditalubi pe. Mumunyaka wa1962 ndakatambwa kuti ndikanjile Chikolo Chamulimu waBwaami kuSouth Lansing, New York. Chikolo eechi chakali kutola mweezi alubo bakwesu bakali kuzulwida mumbungano, mabazu amabbooma, bakali kuyoojana malayilile aagwasya. Nindakatambwa teendakali kubeleka alubo teendakalikwe mali. Nikuba boobo, kwakali imwi kkampani yamafooni yakali kuyanda kundinjizya mulimu. Ndakali kuyooba muntu uusiya wakusaanguna kubelekela kkampani eeyi kaansinga ndakiinka. Kumamanino bakandibuzya kuti bakali kuyoondinjizya mulimu. Niinzi nzindakeelede kuchita? Teendakalikwe mali yakuti ndiye kuNew York. Ndakayeeya kuti ndizumine mulimu ooyu mpawo ndileke kwiinka kuchikolo. Chiindi nindakali kulibambila kulemba lugwalo lwakuti nsichikonzyi kuya kuchikolo, kwakachitika chimwi chintu nchinditalubi.\\nUmwi muchizi wamumbungano wakakwetwe amwaalumi uutakombi, wakakonkomona kuseeni-seeni mpawo wakanditambikizya envelopu. Envelopu eeyo yakali aamali. Muchizi ooyo abana bakwe baniini bakali kubuka kuseeni kuti bakabwezelele kkotoni akumwa masokwe kuti bakonzye kujana mali yakuti ndiye kuchikolo. Muchizi ooyo wakati, “Yinka kuchikolo ukayiye zyiingi mpawo uboole uzootuyiisye.” Kuzwa waawo, ndakakumbila kkampani yamafooni kuti ndisaangune kubeleka kakuli kwiinda mviki zili 5. Bakandibuzya kuti, “Tazichiti pe.” Eezi teezyakandikataazya pe. Ndakali ndasala kale. Ndilabotelwa kuti teendakawuzumina pe mulimu ooyu.\\nMukayintu wangu uchiyeeya chiindi nitwakachili kuPine Bluff. Waamba kuti: “Ndakali kubuyanda busena oobu. Ndakali azyiiyo zyaBbayibbele zili 15 kusika ku20. Buzuba abuzuba kuseeni, twakali kuchita mulimu waang’anda ang’anda mpawo buzuba boonse twakali kwiiya abantu Bbayibbele, chimwi chiindi kusika kuma11 mansiku. Kukambawuka kwakali kunoneezya. Teendakali kuyanda kuchincha mulimu ooyu. Teendakali kuyanda pe kubeleka mulimu wabbazu pesi kuli zimwi Jehova nzyaakatubambilide.” Alubo wakazizuzikizya.\\nNitwakali kupayona kuPine Bluff, twakalembela kuti tube mapayona ayandikana. Twakali abulangilizi nkaambo mulangizi wabbooma wakali kuyanda kuti tugwasilizye mbungano yakuTexas alubo wakali kuyanda kuti twiinke katuli mapayona ayandikana. Nzyaakatubuzya zyakatubotezya. Twakalindila, kumwi katulanga mukabbokesi kabikkilwa tugwalo kuti amwi tulajana kagwalo kazwa kuMutabi pesi twakali kujana kakutakwe chintu. Bumwi buzuba, twakazoojana lugwalo lwakuti tuye kumulimu wakweendeenda. Eezi zyakachitika muJanuary 1965. Mukwesu Leon Weaver lino mulangizi waKkomiti yaMutabi kuUnited States, wakasalwa kuti abe mulangizi wabbazu mumunyaka ooyo.\\nKuba mulangizi wabbazu kuchiindi eecho kwakali kundiyoosya. Kakuchisyeede munyaka uumwi, mulangizi wabbooma uutegwa James A. Thompson, Jr. wakalanga-langa zyeelelo zyangu. Wakandibuzya zimwi nzindakeelede kubambulula kuti ndibe mulangizi wabbazu uulikabotu. Nikuba kuti ndakali achiindi chifwiifwi kandili mumulimu wabbazu pesi lwakandigwasya lulayo ndwaakandipa. Nindakasalwa kuba mulangizi wabbazu, ndakasanguuna kubeleka amukwesu Thompson wakali mulangizi wabbooma. Ndakayiya zyiingi kumukwesu ooyu wakasimide muzintu zyabukombi.\\nNdilabalumba bakwesu bakandigwasya\\nKuchiindi eecho, balangizi bamabazu bakali kuyiisigwa kwachiindi chifwiifwi. Kwamviki iimwi, ndakali kubona mbaakali kuchita mulangizi wabbazu wakaswayide imwi mbungano. Mpawo mumviki yakali kutobela, wakali kulanga mbundakali kuchita nindakaswaya imwi mbungano. Wakandibuzya aamwi malayilile ngindakeelede kubelesya. Kuzwa waawo twakali kulibonena. Ndakabuzya mukayintu wangu kuti: “Tuzookonzya na kubeleka atulikke?” Mukuya kwachiindi ndakabona chimwi chintu chiyandikana. Ndakabona kuti bakwesu balakonzya kutugwasya kuti twabakumbila kuti batugwasye. Ndilamulumba mukwesu J. R. Brown wakali mulangizi weendeenda amukwesu Fred Rusk wakabeleka kuBbeteli nkaambo bakandigwasya.\\nKuchiindi eecho, bantu bakachili kusalulana lukanda. Chiindi nitwakali kuswaya imwi mbungano yachiTennessee, bakabunga kaKKK bakali kumacha. Ndichiyeeyede bamwi bakwesu bakali kukambawuka nibakali kuyanda kuula chakulya kuliimwi restaurant. Nindakanyampuka kuti ndiye kuchimbuzi, ndakatobelwa awumwi mukuwa wakaangide manganda kumeso alubo wakadilowedwe zifanikisyo aamubili. Pesi kwakasika umwi mukwesu mukuwa wakali aamubili mupati kwiinda ndime amukuwa wakaangide manganda wakali kunditobela. Mpawo wakati: “Mukwesu Herd niinzi zilikukataazya?” Mukuwa wakaangide manganda wakazwa aanze katabelesezye chimbuzi. Ndakabona kuti kusalulana takweetwi akaambo kakusiyana lukanda pesi kweetwa achibi nchitwakakona kuli Adamu. Alubo ndakabona kuti bakombima mbakombima, nikuba katusiyene chikanda, balilipedelede kutufwida kuti bakonzye kutugwasya.\\nNdakabeleka mulimu wakweendeenda kwaminyaka iili 33 kandili amukayintu wangu alubo akati kaminyaka eeyi iili 21, ndakali mulangizi wabbooma. Kwaminyaka yoonse eeyi twakali kubotelwa, twakasungwaazigwa alubo twakajana zilongezyo zyiingi. Mukuya kwachiindi, twakazoojana chimwi chilongezyo. MuAugust 1997 chiyandisyo nchitwakali aacho chakazuzikizigwa. Kakwiindide minyaka iili 38 kuzwa nitwakalembelede, twakatambwa kuyoobelekela kuBbeteli yakuUnited States. Twakasaanguna kubelekela kuBbeteli mumweezi wakatobela. Ndakali kuyeeyela kuti bakwesu bakuBbeteli bakali kuyanda kuti ndigwasilizye kwachiindi chifwiifwi pesi teenzinzyo zyakachitika pe.\\nGloria wakali pwapwapwa, asunu mbachibede\\nNindakasika bakandibuzya kuti ndikabelekele kuService Department. Eezi zyakandigwasya kuti ndiiye zintu zyiingi. Bakwesu badipatimenti eeyi balanga-langa makani aakataazya amibuzyo iizwa kubaalu akubalangizi bamabazu bakuU.S.A. Ndilabalumba bakwesu aaba nkaambo bakandiyiisya zintu zyiingi loko. Nikuba boobo, kuti kwategwa ndikabelekele nkuko lubo, ndiyooyiya zyiingi.\\nIme amukayintu wangu tulakuyanda kubelekela kuBbeteli. Tulafwambaana kubuka mazuba woonse, nkinkaako eezi zilatugwasya kuBbeteli. Nikwakiinda munyaka, ndakaba mugwasilizi waKkomiti yaMulimu yaKabunga Keendelezya yaBakamboni baJehova. Kuzwa mu1999, ndakaba achilongezyo chakubelekela muKabunga Keendelezya. Ndakayiya zintu zyiingi mumulimu ooyu pesi chiiyo chiyandikana nchindakayiya nchakuti Jesu Kristu nguwe ulikweendelezya mbungano yachiKristu kutali bantu.\\nKuzwa mu1999, ndakaba achilongezyo chakubelekela muKabunga Keendelezya\\nKuti ndayeeya zintu zyakandichitikila musule, ndilimvwa mbuuli musinsimi Amosi. Jehova wakabelesya mweembezi uulibombya wakali kulangania mikuyu, chakulya chakali kuligwa abantu bafwaba. Leza wakasala Amosi kuti abe musinsimi, mulimu ooyu wakali kupa kuti anote mubukombi. (Am. 7:14, 15) Jehova wakapa kuti ndimwana wamulimi uufwaba wakali kukkala kuLiberty, Indiana ndijane zilongezyo zyiingi. (Tus. 10:22) Nisimpe kuti kumasaangunino ndakali kufwaba pesi kumamanino ndakajana zilongezyo zyiingi zyabukombi nzindakatali kukonzya kujana.","num_words":2229,"character_repetition_ratio":0.054,"word_repetition_ratio":0.0,"special_characters_ratio":0.146,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"14 “Imyoyo yanu itapengi. Amusyome Leza, alimwi amundisyome andime. 2 Muŋanda ya Taata muli makkalilo manji. Nikwatali boobo, nindamwaambila nkaambo nduunka kuyoomubambila busena. 3 Alimwi ikuti nduunke kuyoomubambila busena, ndiyooboola alimwi eelyo ndiyoomutolelezya kuŋanda yangu, kutegwa ooko nkwenoobede andinywe mukabe nkuko. 4 Eelyo ooko nkondiya muliizyi nzila.” 5 Tomasi wakati kulinguwe: “O Mwami, tatukuzyi pe nkoya. Ino inga twaizyiba buti nzila?” 6 Jesu wakati kulinguwe: “Ndime nzila, kasimpe alimwi abuumi. Kunyina uuboola kuli Taata ccita kuti wainda mulindime. 7 Ikuti nobaalumi nywebo nomwalindizyi kabotu, nomwalimuzyi awalo Taata; kuzwa lino mulimuzyi alimwi mwamubona.” 8 Filipo wakati kulinguwe: “O Mwami, kotutondezya Bauso, eelyo tulasalalilwa.” 9 Jesu wakati kulinguwe: “Nobaalumi nywebo, ikulampa ciindi ncondakkala andinywe, pele Filipo sena tonandizyiba? Ooyo wandibona wamubona awalo Taata. Ino nkaambo nzi ncoamba kuti, ‘Kotutondezya Bauso’? 10 Sena tosyomi kuti mebo a Taata tulikamantene? Zyintu nzyendimwaambila nywebo nobaalumi tandizyaambi mukuyanda kwangu ndemwini pe; pele Taata ngotukamantene limwi lyoonse nguucita milimo yakwe. 11 Amundisyome ikuti mebo a Taata tulikamantene; kwataba boobo, amusyome akaambo kamilimo ini. 12 Ncobeni ndimwaambila kuti, Ooyo uundisyoma awalo uyoocita milimo njondicita; alimwi uyoocita milimo mipati kwiinda yeeyi, nkaambo mebo nduunka kuli Taata. 13 Alimwi kufwumbwa ncomulomba muzyina lyangu, ndiyoocicita cintu eeco, ikutegwa Taata akalemekwe kwiinda mu Mwana. 14 Ikuti mwalomba cili coonse muzyina lyangu, ndiyoocicita. 15 “Ikuti kamundiyanda ncobeni, munooibamba milawo yangu; 16 alimwi ndiyoomulomba Taata, eelyo uyoomupa mugwasyi uumbi ngomunooli limwi kukabe kutamani, 17 nkokuti muuya wakasimpe, ooyo ngoitakonzyi kutambula nyika, nkaambo tayuubwene alimwi tayuuzyi pe. Nywebo muluuzyi, nkaambo uli andinywe lyoonse alimwi uli mulindinywe. 18 Tandikamusiyi mubuumba mbuli bamucaala. Ndilaboola kulindinywe. 19 Muciindi cisyoonto inyika tiikandiboni limbi, pele nywebo muyoondibona nkaambo ndilapona anywebo muyoopona. 20 Ibuzuba oobo muyoozyiba kuti ndilikamantene a Taata alimwi akuti nywebo andime tulikamantene. 21 Ooyo uutambula milawo yangu akwiibamba nguundiyanda. Alimwi ooyo uundiyanda uyooyandwa a Taata, eelyo ambebo ndiyoomuyanda akulitondezya caantangalala kulinguwe.” 22 Judasi, kutali Isikaliyote, wakati kulinguwe: “O Mwami, nkaambo nzi ncoyanda kulitondezya caantangalala kulindiswe pele ikutali kunyika?” 23 Jesu wakamwiingula kuti: “Ikuti muntu kandiyanda, unoobamba majwi aangu, eelyo Taata uyoomuyanda alimwi tuyooboola kulinguwe akukkala anguwe. 24 Ooyo uutandiyandi tabambi majwi aangu; alimwi majwi aaya ngomumvwa taali majwi aangu, pele nga Taata iwakandituma. 25 “Nindacili andinywe ndali kumwaambila zyintu eezyi. 26 Pele mugwasyi, nkokuti muuya uusalala, ooyo ngwayootuma Taata muzyina lyangu, uyoomuyiisya zyintu zyoonse alimwi akumwiibalusya zyintu zyoonse nzindakamwaambila. 27 Ndamusiila luumuno, ndamupa luumuno lwangu. Tandimupi luumuno oolu kweelana amboipa nyika. Myoyo yanu itapengi alimwi itayoowi. 28 Mwalimvwide nindamwaambila kuti, Ndilaunka pele ndiyoopiluka alimwi kulindinywe. Ikuti nimwali kundiyanda ncobeni, nimwakondwa kuti nduunka kuli Taata, nkaambo Taata mupati kwiinda ndime. 29 Aboobo lino ndamwaambila kacitanacitika eeci, ikutegwa cacitika musyome. 30 Tandikoobandika zinji andinywe kuzwa lino, nkaambo mweendelezi wanyika ulaboola. Lino tajisi nguzu zyakundizunda, 31 pele ikutegwa nyika izyibe kuti ndilamuyanda Taata, ndilacita mbubonya Taata mbwaakandipa mulawo kuti ndicite. Amunyamuke, atuzwe aano.","num_words":431,"character_repetition_ratio":0.057,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Tweelede Kusalala Mubukkale Bwesu Boonse | Yakwiiya\\nNgazi Yamulindizi—Yakwiiya | November 2014\\nAMUBALE MU Afrikaans Albanian American Sign Language Amharic Arabic Argentinean Sign Language Armenian Aymara Azerbaijani Azerbaijani (Cyrillic) Bengali Bicol Bislama Brazilian Sign Language Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Cibemba Cinyanja Colombian Sign Language Croatian Czech Dangme Danish Drehu Dutch Efik English Estonian Ewe Finnish French Ga Garifuna Georgian German Greek Guarani Gujarati Gun Haitian Creole Hebrew Hiligaynon Hindi Hungarian Icelandic Igbo Iloko Indonesian Italian Italian Sign Language Japanese Japanese Sign Language Kannada Kazakh Kikaonde Kikuyu Kiluba Kinyarwanda Kirghiz Kirundi Kisi Kisonge Kongo Korean Krio Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Malayalam Maltese Mam Marathi Mauritian Creole Maya Mazatec (Huautla) Mexican Sign Language Mixe (North Central) Mongolian Moore Nahuatl (Central) Ndebele Ndonga Nepali Ngabere Norwegian Nzema Oromo Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Romanian Russian Russian Sign Language Sango Sepedi Serbian (Cyrillic) Serbian (Roman) Sesotho (Lesotho) Setswana Seychelles Creole Shona Silozi Sinhala Slovak Slovenian Spanish Sranantongo Swahili Swahili (Congo) Swati Swedish Tagalog Tajiki Tamil Tatar Telugu Thai Tigrinya Totonac Tshiluba Tsonga Turkish Turkmen Turkmen (Cyrillic) Tuvaluan Twi Tzotzil Ukrainian Urdu Uruund Uzbek Venda Vietnamese Wallisian Waray-Waray Wayuunaiki Wolaita Xhosa Zande Zulu\\nTweelede Kusalala Mubukkale Bwesu Boonse\\n“Amusalale mubukkale bwanu boonse.”—1PET. 1:15.\\nNkaambo nzi Banakristo bakasimpe ncobeelede kweeleba zintu zikonzya kubapa kuti batasyomeki?\\nNkweendelana nzi ikuliko akati kabweendelezi bwa Jehova alimwi akutatola lubazu mutwaambo twacisi kwa Banakristo?\\nMbuti lugwalo lwa Bahebulayo 5:7,11-14 mbolukonzya kutugwasya mukwiiya Jwi lya Leza?\\n1, 2. (a) Ino bantu ba Leza beelede kuba abukkale buli buti? (b) Ino cibalo eeci cilaingula mibuzyo nzi?\\nKWIINDA mumuuya uusalala Jehova wakasololela mwaapostolo Petro kupandulula kusalala ikwaambwa mubbuku lya Levitiko mbokuswaangene akusalala mubukkale bwesu mbotuli Banakristo. (Amubale 1 Petro 1:14-16.) “Ooyo Uusalala,” Jehova, uyanda kuti bananike alimwi ‘abambelele zimbi’ kababeleka canguzu kutegwa kabasalala mubukkale bwabo boonse—ikutali buyo bukkale bwabo bumwi.—Joh. 10:16.\\n2 Kutulanga-langa alimwi twaambo tuzwa mubbuku lya Levitiko kuyakutugwasya kapati, alimwi kubelesya nzyotwiiya kuyakutugwasya kusalala mubukkale bwesu boonse. Tulalanga-langa mibuzyo mbuli yakuti: Ino kutasyomeka tweelede kukubona buti? Ino bbuku lya Levitiko lituyiisya nzi kujatikizya kusumpula bweendelezi bwa Jehova? Ncinzi ncotukonzya kwiiya kuzwa kukutuula zipaizyo?\\n3, 4. (a) Nkaambo nzi Banakristo ncobeelede kweeleba kutasyomeka kwiinda mukuubya-ubya milawo alimwi anjiisyo zyamu Bbaibbele? (b) Nkaambo nzi ncotuteelede kupilusya cibi naa kubikkilila bamwi?\\n3 Kutegwa tumukkomanisye Jehova tweelede kutobela milawo anjiisyo zyakwe, tatweelede kuzyuubya-ubya pe. Nokuba kuti tatuli ansi aa Mulawo wa Musa, njiisyo nzyotujana mulinguwo zilatugwasya kuzyiba zintu zimukkomanisya alimwi azitamukkomanisyi Leza. Mucikozyanyo, bana Israyeli bakalaililwa kuti: “Utapilusizyi muntu cibi nokuba kuba amfwundiilili kubantu bako, alimwi weelede kuyanda mweenzinyoko mbubonya mbuli mboliyanda omwini. Ndime Jehova.”—Lev. 19:18.\\n4 Jehova tayandi kuti katupilusya cibi kumuntu, alimwi uyanda kuti katutabikkilili. (Rom. 12:19) Ikuti naa tiitwaitobela milawo alimwi anjiisyo zya Leza, Diabolosi ulakkomana alimwi tuyakusampaula Jehova. Nokuba kuti muntu umwi watulubizyila, tutamubikkilili pe. Leza watupa coolwe cakuba “ziyobwedo zyabulongo” zijisi lubono. Lubono oolo mulimo wa Bunakristo. (2Kor. 4:1, 7) Kubikkilila takujaniki muziyobwedo zyabulongo eezyi!\\n5. Ncinzi ncotukonzya kwiiya kucibalo caamba zya Aroni alimwi alufwu lwabana bakwe? (Amubone cifwanikiso icili kumatalikilo aacibalo.)\\n5 Kuli cintu cimwi cuusisya kapati icakacitikila mukwasyi wa Aroni calo icilembedwe mulugwalo lwa Levitiko 10:1-11. Kweelede kuti bakapenga kapati ciindi bana ba Aroni ba Nadabu alimwi a Abihu nobakafwa kwiinda mukutentwa amulilo iwakazwa kujulu ciindi nobakali mutente. Eeci cakacitika cakasunka lusyomo lwa Aroni amukwasyi wakwe mukuti tiibakeelede kubalila pe! Sena andinywe mulatondezya kuti mulasalala kwiinda mukutayanzana abanamukwasyi naa abamwi ibakagwisyigwa mumbungano?—Amubale 1 Bakorinto 5:11.\\n6, 7. (a) Ciindi notusala kutola lubazu mubwiinga bucitilwa mucikombelo, ntwaambo nzi tuyandika ntotweelede kulanga-langa? (Amubone majwi aamunsi.) (b) Mbuti mbotukonzya kubandika abanamukwasyi ibatali Bakamboni kujatikizya bwiinga bucitilwa mucikombelo?\\n6 Ambweni tatukonzyi kuyaanya sunko lipati mbuli lyakajisi bamukwasyi wa Aroni. Pele ino mbuti kuti twatambwa kuti tukajanike akutola lubazu kubwiinga bwamunamukwasyi uutali Kamboni? Taakwe bupanduluzi bwamu Magwalo ibwacigaminina ibukasya kujanika, pele sena kuli njiisyo zyamu Bbaibbele izijatikizyidwe izikonzya kumugwasya kusala cakucita mumakani aaya? *\\n7 Makanze eesu aakuzumanana kusalala kuli Jehova mubukkale buli boobu alakonzya kubakatazya banamukwasyi ibatali Bakamboni. (1Pet. 4:3, 4) Masimpe, tulasoleka kucita zintu kutegwa tutabatyompyi, pele inga cainda kubota kuti twabandika ambabo munzila yabubombe, pele katusinizyide ncotwaamba. Ambweni inga mwacita oobo kabutanasika buzuba bwabwiinga. Tweelede kubalumba alimwi akutondezya kuti twakkomana akaambo kakututamba kuti tukatole lubazu mubwiinga. Mpoonya tulakonzya kwaamba kuti akaambo kakuti kuli twaambo twabukombi tujatikizyidwe, kutola lubazu kwesu kulakonzya kunyonganya lukkomano lwabuzuba bwabo bwaalubazu alimwi akuti kulakonzya kubausya nsoni kubikkilizya abaabo ibajanika. Eeyi nenzila imwi motukonzya kweeleba kunyonganya nzyotusyoma alimwi alusyomo lwesu.\\nAMUSUMPULE BWEENDELEZI BWA JEHOVA\\n8. Mbuti bbuku lya Levitiko mbolitondezya kuti Jehova nguweelede kweendelezya?\\n8 Bbuku lya Levitiko likankaizya makani aajatikizya bweendelezi bwa Jehova. Milawo yaamba kujatikizya Jehova ilajanika ziindi ziinda ku 30 mubbuku lya Levitiko. Musa wakatondezya oobo kwiinda mukucita ncaakamwaambila Jehova. (Lev. 8:4, 5) Mbubwenya buyo, lyoonse tweelede kucita ncayanda Jehova imweendelezi wesu. Kujatikizya makani aaya, tulagwasyigwa ambunga ya Leza. Pele tulakonzya kusunkwa ciindi notuli tolikke mbubwenya mbuli Jesu mbwaakasunkwa ciindi naakali munkanda. (Lk. 4:1-13) Ikuti katubikkilide maano kubweendelezi bwa Leza mpoonya katujisi alusyomo mulinguwe, taakwe uuyakutweena kuti tucegwe mukakole kakuyoowa muntu.—Tus. 29:25.\\n9. Nkaambo nzi bantu ba Leza ncobasulidwe munyika yoonse?\\n9 Mbotuli basikutobela Kristo alimwi a Bakamboni ba Jehova, tulapenzyegwa mumasi aaindene-indene. Eeci taceelede kutugambya, nkaambo Jesu wakaambila basikwiiya bakwe kuti: “Bantu bayoomupenzya akumujaya, alimwi muyoosulwa amasi oonse akaambo kazina lyangu.” (Mt. 24:9) Nokuba boobo, tulazumanana mumulimo wakukambauka nokuba kuti tulisulidwe alimwi tulazumanana kusalala kuli Jehova. Mbwaanga tulasyomeka, tuli balondo, tulalilemeka alimwi tuli bantu batobela milawo, nkaambo nzi ncotusulidwe? (Rom. 13:1-7) Tulisulidwe akaambo kakuti twakasala Mwami Jehova kuba mweendelezi wesu! Tubelekela buyo “nguwe alikke” mulimo uusetekene alimwi kunyina notuyanda kunyonganya milawo alimwi anjiisyo zyakwe ziluleme.—Mt. 4:10.\\n10. Ncinzi cakacitika ciindi mukwesu umwi naakazumina kutola lubazu munkondo?\\n10 Kuyungizya waawo, ‘tatuli banyika.’ Aboobo, tatutoli lubazu munkondo alimwi amutwaambo twacisi. (Amubale Johane 15:18-21; Isaya 2:4.) Bamwi ibakalyaaba kuli Leza bakacileka kusyomeka akutalika kutola lubazu mutwaambo twacisi. Bamwi ibakacita oobo bakeempwa akubukulusya cilongwe cabo a Taateesu wakujulu siluse. (Int. 51:17) Bamwi basyoonto taakwe nobakeempwa pe. Mucikozyanyo, ciindi ca Nkondo Yabili Yanyika Yoonse basikalumamba bakabunganya bakwesu bali 160 ibakajisi myaka yakuzyalwa iili 45 kuyaansi ibakaangidwe muntolongo zisiyene-siyene zyamu Hungary akubabunganya mudolopo lyomwe. Kabali kooko, bakaambilwa kuti banjile mulimo wabusikalumamba. Bakwesu basyomeka bakazumanana kukaka, pele bali fwuka bakazumina kunjila mulimo wabusikalumamba akutalika kusama mayunifoomu. Nokwakainda myaka yobilo, umwi wabaabo iwakasala kunjila mulimo wabusikalumamba wakali akati kabasikalumamba bakeelede kudubula Bakamboni basyomeka. Munyina ngwazyalwa limwi wakali akati kabaabo bakeelede kudubulwa! Nokuba boobo, mucoolwe tiibakadubulwa pe.\\nAMUPE JEHOVA ZINTU ZIINDA KUBOTA\\n11, 12. Ncinzi Banakristo mazuba aano ncobakonzya kwiiya kumalailile aajatikizya zituuzyo Jehova ngaakapede bana Israyeli?\\n11 Kweelana a Mulawo wa Musa, bana Israyeli bakali kuyandika kupa zituuzyo zyacigaminina. (Lev. 9:1-4, 15-21) Zituuzyo eezyo tiizyakeelede kuba atumpenda nkaambo zyakali kwiiminina cipaizyo ca Jesu cilondokede. Kuyungizya waawo, kwakali malailile aambocakeelede kupegwa cipo naa cituuzyo cimwi acimwi. Mucikozyanyo, amuyeeye ncaakali kuyandika kucita mukaintu watumbuka. Lugwalo lwa Levitiko 12:6 lwaamba kuti: “Lino akkwana mazuba aakwe aakulisalazya akaambo kamwana musankwa naa musimbi, weelede kuleta mugutu wamwaka omwe wacituuzyo cuumpwa, amwana wankwilimba naa wanziba wacituuzyo cazibi, weelede kuzileta kumupaizi kumulyango watente lyakuswaanganina.” Malailile aa Leza akali aacigaminina, pele Mulawo ooyu wakali kutondezya luyando. Ikuti mutumbu tanaakali kukonzya kupa mbelele, wakali kuzumizyigwa kupa nkwilimba zyobilo naa nziba zyobilo. (Lev. 12:8) Nokuba kuti inga kali mucete, mukombi wamusyobo ooyu wakali kuyandwa kapati alimwi akulumbwa kapati nkaambo cakali mbuli kuti awalo wapa cipo cipati kapati. Ncinzi ncotukonzya kwiiya kumakani aaya?\\n12 Mwaapostolo Paulo wakakulwaizya basyominyina kupa Leza “cipaizyo cantembauzyo.” (Heb. 13:15) Milomo yesu yeelede kwaambilizya izina lya Jehova antangalala. Bakwesu abacizyi basinke matwi balabelesya mwaambo wakutambaika kutegwa batembaule Leza. Banakristo batacikonzyi kweenda balamutembaula kwiinda mukulemba magwalo, kukambauka kubelesya luwaile, alimwi akukambaukila baabo ibabalanganya alimwi abantu ibaboola kubabona. Zituuzyo zyesu zyantembauzyo, nkokuti ikwaambilizya izina lya Jehova alimwi amakani mabotu kweelede kucitwa kweelana ambotukonzya alimwi abukkale bwesu. Kweelede kucitwa kusikila mpotugolela.—Rom. 12:1; 2Tim. 2:15.\\n13. Nkaambo nzi ncotuyandika kupa lipooti yamulimo wakukambauka?\\n13 Zituuzyo zyesu zyantembauzyo nzituuzyo muntu umwi aumwi kumugama nzyapa Leza cakuliyandila akaambo kakumuyanda. (Mt. 22:37, 38) Pele tulakulwaizyigwa kupa malipooti aamulimo wesu wakukambauka. Aboobo, muuya nzi ngotweelede kutondezya kujatikizya bubambe oobu? Malipooti ngotupa mwezi amwezi aleendelana akulyaaba kwesu kuli Leza. (2Pet. 1:7) Nokuba boobo, taakwe weelede kulimvwa kuti usinikizyigwa kubeleka ciindi cilamfwu mumulimo wakukambauka kutegwa ape mawoola manji kapati. Nkakaambo kaako sikumwaya wa Bwami uuciswa-ciswa naa uucembeede ncakonzya kupa buyo lipooti mutulwi twamaminiti aali 15 muciindi cakupa woola likkwene. Jehova ulamulumba sikumwaya wa Bwami iwapa maminiti kweelana ampagolela alimwi iwatondezya luyando kucoolwe citakonzyi kweelanisyigwa acintu cimbi, coolwe cakuba Kamboni wakwe. Mbubwenya buyo, mbuli bana Israyeli ibatakali kukonzya kupa zipo zipati, babelesi ba Jehova aabo ibajisi buyumuyumu balakonzya kupa malipooti. Malipooti aasikumwaya umwi aumwi alabikkilizyigwa mulipooti yamulimo wanyika yoonse, calo icigwasya mbunga kubikka bubambe bwakumbele mboukonzya kubelekwa mulimo wakukambauka Bwami. Aboobo, sena nkuciindizya kutulomba kupa malipooti amulimo wakukambauka?\\nMBOTUCITA CIIYO CESU TOBENI ALIMWI AZITUUZYO ZYANTEMBAUZYO\\n14. Amupandulule kaambo ncotweelede kulanga-langa mbotucita ciiyo cesu tobeni.\\n14 Mwamana kulanga-langa zintu ziyandisi zyakumuuya izijanika mulugwalo lwa Levitiko, mulakonzya kulimvwa mbuli kuti mwazyiba zinji kujatikizya kaambo ibbuku eeli ncolyakabikkilizyigwa mu Jwi lya Leza ilyakasololelwa amuuya uusalala. (2Tim. 3:16) Ambweni mulakonzya kuba aamakanze aakuzumanana kusalala, kutali buyo kuti Jehova uyanda kuti katusalala pele akaambo kakuti uyanda kuti tusolekesye kusikila mpotugolela kutegwa tumukkomanisye. Ambweni nzyomwaiya kujatikizya bbuku lya Levitiko muzibalo eezyi zyobilo zyamupa luyandisisyo lwakuvwuntauzya Magwalo. (Amubale Tusimpi 2:1-5.) Amulange-lange mbomucita ciiyo canu nobeni cakulomya. Masimpe mulayandisisya kuti zituuzyo zyanu zyantembauzyo kazitambulika kuli Jehova. Sena mulekela mapulogilamu aacipekupeku, zisobano, naa zintu nzyomuyandisya kuti zinyonganye kuyaambele kwanu kumuuya? Ikuti naa mboobo, mulakonzya kugwasyigwa kapati kwiinda mukuzinzibala kuyeeya kujatikizya makani mwaapostolo Paulo ngaakalemba mubbuku lya Bahebrayo.\\nSena mulabikkila kapati maano kukomba mumukwasyi alimwi aciiyo canu nobeni mubuumi bwanu? (Amubone muncali 14)\\n15, 16. Nkaambo nzi Paulo ncaakaambila cacigaminina ciindi naakalembela Banakristo ba Hebrayo?\\n15 Paulo naakalembela Banakristonyina ba Hebrayo kunyina naakainda mumbali pe. (Amubale Bahebrayo 5:7, 11-14.) Mwaapostolo Paulo kunyina naakabelesya mabala aamaambila mbali! Wakabaambila kuti bakali “akazilukwa” mukumvwa kwabo. Nkaambo nzi Paulo ncakaamba cakutainda mumbali? Wakali kutondezya luyando lwa Jehova alimwi wakali kutondezya mbwaakali kubayanda Banakristo aabo ibakali kuponena buyo amukupa wakumuuya. Kuzyiba njiisyo zyantalisyo zya Bunakristo cilayandika kapati. Nokuba boobo, “cakulya ciyumu” cilayandika kutegwa umwi akomene kumuuya.\\n16 Muciindi cakuyaambele kuti basike aciimo cakuyiisya bamwi, bana Hebrayo bakali kuyandika muntu umwi kutegwa abayiisye. Ino nkaambo nzi? Akaambo kakuti tiibakali kulya “cakulya ciyumu.” Amulibuzye kuti: ‘Sena cakulya ciyumu cakumuuya ndicibona munzila yeelede? Sena ndilacilya? Sena ndilamvwa butolo kupaila alimwi akubala Bbaibbele cakulomya? Ikuti naa mboobo, sena tandiciti kabotu ciiyo cangu ndemwini?’ Tatweelede buyo kukambaukila bantu pele tweelede kubayiisya akubagwasya kuba basikwiiya.—Mt. 28:19, 20.\\n17, 18. (a) Nkaambo nzi ncotweelede kulya cakulya ciyumu cakumuuya lyoonse? (b) Ino tweelede kukubona buti kunywa bukoko katutanaunka kumiswaangano ya Bunakristo?\\n17 Tobana bunji cilakonzya kutuyumina kubala Bbaibbele. Masimpe, Jehova tasinikizyi bantu kubala Bbaibbele kwiinda mukubapa kuti kabalimvwa kuba aamulandu kuti balibale. Nokuba boobo, tacikwe makani naa tuli babelesi bakwe babeleka cakulyaaba kwaciindi cilamfwu naa pe, tweelede kuzumanana kulya cakulya cakumuuya ciyumu. Kucita boobo ciyakutugwasya kuzumanana kusalala.\\n18 Kutegwa katusalala, tweelede kwaalanga-langa Magwalo cakulomya akucita ceeco Leza ncayanda. Amulange-lange cakacitikila bana ba Aroni, balo ibakajaigwa ciindi nobakapaizya “tununkilizyo tutazumizyidwe,” ambweni bakali koledwe. (Lev. 10:1, 2) Amubone Leza ncaakaambila Aroni. (Amubale Levitiko 10:8-11.) Sena cibalo eeci caamba kuti tatweelede kunywa bukoko katutanaunka kumiswaangano ya Bunakristo? Amuyeeye kujatikizya twaambo ootu: Tatuli ansi aa Mulawo. (Rom. 10:4) Mumasena amwi, basyomima balabelesya bukoko busyoonto ciindi nobalya kabatanaunka kumiswaangano. Nkapu zyone zyawaini zyakabelesyegwa lya Pobwe Lyakwiindilila. Ciindi naakatalisya Ciibalusyo, Jesu wakapa baapostolo bakwe waini kuti banywe, walo iwakali kwiiminina bulowa bwakwe. (Mt. 26:27) Bbaibbele lilakasya kukolwa. (1Kor. 6:10; 1Tim. 3:8) Banakristo banji manjezyeezya aabo alakonzya kubakasyila limwi kunywa bukoko kabatanatalika kubeleka mulimo uusetekene uuli woonse. Nokuba boobo, bukkale buliindene mucisi cimwi acimwi, pele cintu ciyandika kapati ku Banakristo ncakuti beelede kucikonzya “kwaandaanya ciluzi acitaluzi” kutegwa bakkomanisye Leza kwiinda mukusalala.\\n19. (a) Ncinzi ncotweelede kubikkila maano kujatikizya kukomba mumukwasyi alimwi aciiyo cesu tobeni? (b) Ncinzi ncomukanzide kucita kutegwa muzumanane kusalala?\\n19 Kucili zintu ziyandisi izyakumuuya izilindila kuti muzijane ikuti mwazumanana kulingaula Jwi lya Leza. Amubelesye zibelesyo zyakuvwuntauzizya iziliko kutegwa kukomba mumukwasyi alimwi aciiyo canu nobeni kazikondelezya. Amuyungizye luzyibo lwanu kujatikizya Jehova alimwi amakanze aakwe. Amuzumanane kuswena kulinguwe. (Jak. 4:8) Amupaile kuli Leza mbuli bwakacita sintembauzyo walo iwakaimba kuti: “Kojalula meso aangu kutegwa ndizibone bwini mbozibede Zintu zibotu kapati zili mumulawo wako.” (Int. 119:18) Mutayuubyi-ubyi milawo anjiisyo zyamu Bbaibbele. Amulyaabe kutobela milawo ya “Yooyo Uusalala,” Jehova, alimwi amutole lubazu cabusungu ‘mumulimo uusalala wamakani mabotu aa Leza.’ (1Pet. 1:15; Rom. 15:16) Amuzumanane kusalala mumazuba aamamanino aakatazya. Toonse atusalale mukulilemeka kwesu akusumpula nguzu zyabweendelezi zya Leza uusalala, Jehova.\\n^ par. 6 Amubone cibalo cakuti “Mibuzyo Yabasikubala” mu Ngazi Yamulindizi ya June 1, 2002.\\nBubuke bwa Jesu​—Ncobwaamba Kulindiswe\\n“Bantu Aabo Bajisi Jehova Kali Leza Wabo”\\n“Lino Muli Ciinga ca Leza”\\nMAKANI EESU AAKAINDI Mumuni Wakasimpe Wamwekesya Mucisi ca Japan\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA November 2014\\nNGAZI YAMULINDIZI—YAKWIIYA November 2014","num_words":2023,"character_repetition_ratio":0.046,"word_repetition_ratio":0.0,"special_characters_ratio":0.168,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Myeelwe 20 IBBAIB63 - Lino bantu boonse ba-Israyeli - Bible Search\\nMyeelwe 19 Myeelwe 21\\n1-Lino bantu boonse ba-Israyeli bakasika kunkanda ya-Zini mumwezi mutaanzi, nkabela bantu bakakala ku-Kadesi. Elyo Miriamu wakafwa, wazikwa nkukonya oko ku-Kadesi.\\n2-Lino bantu bakabula maanzi, nkabela bakayobolokela Musa a-Aroni, 3-bakazyanya a-Musa, bati, Necakabota netwakafwa ciindi eco bakwesu nebakafwa kunembo lya-Jehova. 4-Ino nkaambonzi wasisya imbungano ya-Jehova okuno kunkanda, kuti tufwe, swebo aŋombe zyesu zyoonse? 5Nkaambonzi watupozya kuzwa ku-Egepita akutusisya okuno kuntu kubi? Takuli kuntu kwakulima maila na inkuyu na masaansa na mapomegranite, alimwi taakwe maanzi aakunywa. 6-Mpawo Musa a-Aroni bakazwa oko kubantu nkubakabungene, baya kumulyango watente lyambunganino, bavundama. Nkabela bulemu bwa-Jehova bwakababonekela. 7Lino Jehova wakaambila Musa kuti, 8-Bweza musako, ukayobolole bantu, yebo a-Aroni munyoko, uambile indomba kumeso aabo, nkabela lilapa maanzi aalyo, Aboobo ulabagwisizya maanzi mundomba, banywe bantu boonse aŋombe zyabo, 9-Mpoonya awo Musa wakabweza musako kuzwa kubusyu bwa-Jehova, mbubonya mbwaakamulailila.\\n10-Nkabela Musa a-Aroni bakayobolola bantu boonse kunembo lyandomba, babaambila kuti, Amuswiilile nobasikunyontauka! Sa tumutuntumwide maanzi mundomba omu? 11-Elyo Musa wakasumpula ijanza lyakwe, wauma indomba ziindi zyobile amusako wakwe, nkabela mwakatuntumuka maanzi manji loko. Lino bantu boonse bakanywa; aŋombe zyabo. 12-Pele Jehova wakaambila Musa a-Aroni kuti, Mwabula lusyomo lwakundilemeka mumeso aabana ba-Israyeli; nkaambo kako tamukooyoonjizya bantu aba munyika njindabapa. 13-Ngemaanzi aa-Meriba, nkaambo nkonkuko bana ba-Israyeli nkobakakazyanya a-Jehova, alimwi wakalemekwa akati kabo.\\nMusa mbwaakakumbila kwiinda akati kacisi ca-Edomu\\n14-Lino Musa wakatuma batumwa kuzwa ku-Kadesi kuya kumwami wa-Edomu. Wakati, Mbuboobu mbwaamba munyoko Israyeli. Ulizi mapenzi oonse aakatusikila. 15Bamatateesu bakainka ku-Egepita, lino katukede mu-Egepita ciindi cilamfu, nkabela ba-Egepita bakatubisizya, swebo abamatateesu, 16-Lino netwakakwiilila Jehova, wakamvwa ijwi lyesu, watuma angelo, watupozya kuzwa ku-Egepita, mpaawa sunu tuli okuno ku-Kadesi, munzi uuli kumagolelo aacisi cako. 17-Twakumbila kuti twiinde akati kacisi cako. Tatukooinda mumyuunda yako na mumyuunda yamisaansa, nekuba kunywa maanzi mumikalo. Tulainda kumugwagwa wamwami. Tatukooleya nekuba kululyo nekuba kulumwesi mane twiindilile cisi cako. 18Pele Edomu wakavuwa kuti, Tokonzyi kwiinda pe. Na wainda, ambweni ndazwa apanga lyangu kuzookulwisya. 19-Ba-Israyeli bakati, Tulainda kumugwagwa buyo. Na twanywa maanzi aako, swebo aŋombe zyesu, tulabbadela. Atwiinde buyo amaulu. Taakwe cimwi ncituyanda. 20-Pele wakati, Tokooinda pe. Nkabela ba-Edomu bakazwa kuzoobalwisya abantu banji ampi injumu. 21-Mbuboobo ba-Edomu mbubakakaka kuzumizya ba-Israyeli kwiinda akati kacisi cabo, Elyo ba-Israyeli bakabasia, bai nda kumbi.\\nAroni mbwaakafwa kucilundu ca-Hori\\n22-Lino bana ba-Israyeli bakalonga kuzwa ku-Kadesi, basika boonse kucilundu ca-Hori. 23Nkabela Jehova wakaambila Musa a-Aroni oko kucilundu ca-Hori kumugaano wacisi ca-Edomu, wati, 24-Aroni ulatebwidwa kubantu bakwe, nkaambo takoonjila munyika eyo njindapa bana ba-Israyeli, nkaambo mwakanyontauka kumalailile aangu kumaanzi aa-Meriba. 25-Tola Aroni amwanaakwe Eleazara, utante abo atala lyacilundu ca-Hori. 26Lino samununa Aroni zyakusama zyakwe, uzisamike Eleazara mwanaakwe, nkabela Aroni ulatebulwa mpoonya awo. 27Lino Musa wakacita mbubonya mbuli Jehova mbwaakamulailila, nkabela bakatanta acilundu ca-Hori mumeso aabantu boonse. 28-Mpawo Musa wakasamununa Aroni zyakusama zyakwe, wazisamika Eleazara mwanaakwe, nkabela Aroni wakafwa mpoonya awo atala lyacilundu. Lino Musa a-Eleazara bakaseluka kuzwa kucilundu. 29-Nkabela bantu boonse nebakabona kuti Aroni wafwa, luzubo loonse lwa-Israyeli lwakali kulila Aroni mazuba aali makumi otatwe.","num_words":466,"character_repetition_ratio":0.068,"word_repetition_ratio":0.0,"special_characters_ratio":0.179,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ncondakasala Kucita Nondakacili Mwana​—Kugwasya Bantu Baku Cambodia | Yakwiiya\\nAMUBALE MU Afrikaans Albanian Amharic Arabic Armenian Aymara Azerbaijani Azerbaijani (Cyrillic) Bengali Bicol Bislama Brazilian Sign Language Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Colombian Sign Language Croatian Czech Danish Drehu Dutch Efik English Estonian Ewe Finnish French Ga Georgian German Greek Greenlandic Guarani Gujarati Gun Haitian Creole Hebrew Hiligaynon Hindi Hungarian Icelandic Igbo Iloko Indonesian Italian Japanese Kannada Kazakh Kikaonde Kikuyu Kimbundu Kinyarwanda Kirghiz Kirundi Kongo Korean Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Malayalam Maltese Marathi Maya Myanmar Ndebele Ndonga Nepali Ngabere Norwegian Nyaneka Nzema Oromo Otetela Pangasinan Papiamento (Aruba) Persian Polish Portuguese Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Romanian Russian Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swati Swedish Tagalog Tahitian Tamil Tatar Telugu Thai Tigrinya Tshiluba Tsonga Turkish Twi Tzotzil Ukrainian Umbundu Urdu Uzbek Venda Vietnamese Wallisian Waray-Waray Wolaita Xhosa Yoruba Zulu\\nNdakajisi buyo myaka yakuzyalwa iili kkumi mu 1985 ciindi bana ibakazwida ku Cambodia nobakasika kucikolo nkondakali kwiiya ku Columbus, Ohio, mucisi ca U.S.A. Mwana umwi musankwa wakali kukonzya kwaamba mabala masyoonto aamu Cingisi. Kwiinda mukubelesya zifwanikiso, wakatalika kundaambila bantu mbobakali kupenzyegwa, kujaigwa, alimwi ambobakali kutija. Ndakali kulila masiku nondakali kuyeeya kujatikizya bana aaba. Ndakali kuyanda kuti kandibaambila makani aajatikizya bulangizi bwa Paradaiso alimwi abubuke, pele tiibakali kukonzya kumvwa mwaambo ngondakali kukanana. Nokuba kuti ndakali buyo mwana musankwa muniini, ndakasala kwiiya mwaambo waci Cambodian kutegwa kandaambila basicikoloma makani aajatikizya Jehova. Aciindi eeco tiindakazyi pe buumi bwangu mbobwakali kuyakuba kumbele akaambo kakusala ooku.\\nKwiiya mwaambo waci Cambodian kwakali kukatazya. Ziindi zyobilo ndakali kuyanda kucileka kwiiya mwaambo ooyu, pele Jehova wakandiyumya-yumya kwiinda mubazyali bangu. Mukuya kwaciindi, bamayi bangu alimwi abasicikoloma bakatalika kundikulwaizya kuba amulimo uusumpukide. Pele mebo ndakali kuyanda kuba mupainiya, alimwi ndakasala ziiyo zyakusekondali izyakali kuyakundigwasya kujana mulimo uubelekwa ciindi cisyoonto kutegwa ndikacikonzye kuzuzikizya mbaakani yangu. Ndakotoka kucikolo, ndakali kubeleka mumulimo wakukambauka antoomwe abapainiya bamwi. Alimwi ndakalisungula kuyiisya basicikolo ibakali kwiiya Cingisi—kusala ooku kwakandigwasya kapati kumbele.\\nNondakaba amyaka yakuzyalwa iili 16, ndakamvwa makani aakali kujatikizya kabunga ikakali kubelesya mwaambo waci Cambodian mu Long Beach, California, mucisi ca U.S.A. Ndakaswaya ookuya alimwi akwiiya kubala mwaambo waci Cambodia. Mbondakamanina buyo cikolo, ndakaba mupainiya alimwi ndakazumanana kukambaukila bantu ibakali kukanana mwaambo waci Cambodian ibakali kukkala afwaafwi ankondakali kukkala. Kuzikusika ciindi nondakali amyaka yakuzyalwa iili 18, ndakali kuyeeya kulongela ku Cambodia. Bwakacili busena bubi kukkala, pele ndakalizyi kuti kwakali buyo bantu basyoonto akati kabantu ibali 10 miliyoni ibakali kukkala mu Cambodia ibakamvwide kale makani mabotu aa Bwami. Aciindi eeco, mucisi coonse kwakali buyo mbungano yomwe iyakajisi basikumwaya ibali 13. Ndakaswaya cisi ca Cambodia ciindi cakusaanguna nondakali amyaka yakuzyalwa iili 19. Nokwakainda myaka yobilo ndakasala kuyakukkala mucisi eeci. Ndakajana mulimo uubelekwa ciindi cisyoonto wakusandulula akuyiisya Cingisi kutegwa kandiligwasya mumulimo wangu. Mukuya kwaciindi, ndakajana mukaintu iwakajisi mbaakani izikozyenye ambaakani zyangu. Antoomwe twakkomana kugwasya bantu banji bamu Cambodia kulyaaba kuli Jehova.\\nJehova wandipa ‘nzyuuyanda moyo wangu.’ (Int. 37:4) Kugwasya bantu kuba basikwiiya ngomulimo uuletela lukkomano kwiinda milimo yoonse. Mumyaka iili 16 njondakkala mu Cambodia, kabunga kasyoonto akaya ikakajisi babelesi ba Jehova ibakali 13 kakomena akuba mbungano izili 12 atubunga 4 ituli mumasena aali kulamfwu!—Akaluulwa aba Jason Blackwell.","num_words":520,"character_repetition_ratio":0.058,"word_repetition_ratio":0.0,"special_characters_ratio":0.148,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 35 IBBAIB63 - Lino Musa wakayobolola imbungano - Bible Search\\nKulonga 34 Kulonga 36\\nBamu mbubakaleta zipo zyakuyasya cikombelo\\n1-Lino Musa wakayobolola imbungano yoonse yabana ba-Israyeli, wabaambila kuti, Ngaaya makani Jehova ngaakalailila kuti mucite, 2-Mazuba aali musanu abumwi mubeleke milimo, pele buzuba bwamusanu aabili mbobuzuba busalalisya bwa-Sa bata, buzuba bwakulyokezya bwaJehova. Kufumbwa muntu uucita milimo mulimbubo ajayigwe. 3-Mutadukuli mililo mumaanda aanu oonse mubuzuba bwa-Sabata.\\n4-Alimwi Musa wakaambila imbungano yoonse yaba-Israyeli kuti, Ngaaya makani Jehova ngaakalailila. 5-Amubwezele Jehova cipaizyo akati kanu, Kufumbwa muntu uuli amoyo uuzumina aletele Jehova cipaizyo: ingolida ansiliva amukuba, 6masani aanyanzabili amasani aakamwemvwe amasani aasalala pyu, amasani aatuba aalukidwe kabotu, aboya bwampongo, 7azikanda zyabagutu zisalazidwe, amatobo, azisamu zyamuunga, 8mafuta aamalampi, misamu yamafuta aakunana ayatununkilizyo, 9amabwe aaonukusi amabwe aakusyomaika mu-efodi amusani lyakaango.\\n10-Alimwi kufumbwa muntu uuli amaanu akati kanu aboole kuzoobeleka milimo yoonse Jehova njaakalailila; 11-cikombelo atente lyaco acivumbilizyo caco, zijatilizyo zyaco aminsende yaco, minkulu yaco amisumpululu yaco azikazikilo zyaco, 12-ibbokesi lyacizuminano amiziyo yalyo, acuuno caluzyalo acisitilizyo cakuvumba, 13-intafule amiziyo yalyo azibelesyo zyalyo zyoonse, azinkwa zyamabonwabonwa, 14-acikazikilo camalampi azibelesyo zyaco amalampi aaco, amafuta aakumunisya, 15-acipaililo catununkilizyo amiziyo yaco, amafuta aakunana atununkilizyo tubotu, acisitilizyo camulyango kumulyango watente; 16-cipaililo cazituuzyo zyakutenta, akansabwe kaco kamukuba, miziyo yaco azibelesyo zyaco zyoonse, cisambilo atako lyaco; 17-zisitilizyo zyalubuwa amisumpululu yalo azikazikilo zyalo, acisitilizyo cakumulyango walubuwa; 18manembe aacikombelo amanembe aalubuwa antambo zyaco; 19-zikobela zyamanyengwe zyakucitya milimo yabupaizi mubusena busalala, zikobela zisalala zya-Aroni mupaizi azikobela zyabana bakwe zyakupaizya.\\n20Mpawo imbungano yoonse yabana ba-Israyeli yakamwaika kuzwa kuliMusa. 21-Nkabela muntu umwi aumwi, na moyo wakwe wakamubusya, alimwi miyeeyo yakwe yakamuzuminizya, wakeza kuletela Jehova cipaizyo cakubelesya milimo yatente lyambunganino amilimo yalyo yoonse azikobela zisalala. 22Kwakeza baalumi abanakazi, boonse ibakayandisya mumyoyo yabo, akuleta zisita atucoco anwenwe amakwaza azintu zyoonse zyangolida. Boonse bakatuula ingolida kuli-Jehova. 23-Alimwi kufumbwa muntu iwakajisi masani aanyanzabili, na masani aakamwemvwe, na masani aasalalapyu, na masani aatuba aalukidwe kabotu, na boya bwampongo, na zikanda zyabagutu zisalazidwe na zitobo, bakazileta. 24Alimwi kufumbwa muntu iwakakonzya kutuula cituuzyo cansiliva na camukuba wakaleta cituuzyo cakwe kuli-Jehova, Ayooyo iwakajisi zisamu zyamuunga zyakucitya milimo imwi aimwi wakazileta. 25-Abanakazi boonse ibakacenjede mumyoyo bakali kuluka, elyo ziluko zyabo bakazileta, masani aanyanzabili amasani aakamwemvwe amasani aasalala pyu amasani aatuba aalukidwe kabotu. 26Abanakazi boonse ibakayandisya ibakezi kuluka bakali kuluka boya bwampongo. 27-Abalo basilutwe bakaleta mabwe aaonukusi amabwe aakusyomaika muefodi amusani lyakaango, 28-amisamu yatununkilizyo, amafuta aamalampi, amafuta aakunana, atununkilizyo tubotu. 29-Boonse baalumi abanakazi, bana ba-Israyeli ibakayandisya mumyoyo yabo kuleta cintu cakugwasya milimo yoonse Jehova njaakalailila kucitwa kujanza lya-Musa, bakazileta camoyo woonse kuli-Jehova.\\n30-Lino Musa wakaambila bana ba-Israyeli kuti, Amubone! Jehova waita kuzina lyakwe Bezaleli mwana wa-Uri muzukulu wa-Huri, muntu wamusyobo wa-Juda. 31-Wamuzuzya muuya wa-Leza, busongo amaanu aluzibo lwamilimo yoonse, 32acite zintu zyeebeka zyangolida azyansiliva azyamukuba, 33agonkaule mabwe aakusyomaika, akubeza zisamu, akucita milimo yoonse yamisyobo misyobo. 34-Alimwi wamupa moyo wakwiisya bamwi, walo a-Aholiabu mwana wa-Ahisamaki muntu wamusyobo wa-Dani. 35-Wabazuzya busongo bwakucita milimo yoonse, milimo yabubezi, na milimo yakunyembanyemba, na milimo yakutunga masani aanyanzabili amasani aakamwemvwe amasani aasalala pyu amasani aatuba aalukidwe kabotu, na milimo yakuluka. Balibwene kucita milimo yoonse akupanga zintu zyoonse.","num_words":481,"character_repetition_ratio":0.063,"word_repetition_ratio":0.013,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"1 Bakorinto 2 | Bbaibbele Lili a Intaneti | Bbaibbele lya Busanduluzi Bwanyika Mpya\\n1 Bakorinto 2:1-16\\n2 Aboobo nindakasika kulindinywe bakwesu, tiindakasika amajwi aatondezya kulisumpula naa aabusongo nindakali kwaambilizya maseseke aa Leza kulindinywe. 2 Nkaambo nindakali aandinywe tiindakayanda kubikkila maano kumakani aali oonse ccita buyo aamba Jesu Kilisito, ooyo wakagagailwa acisamu. 3 Alimwi nindakasika kulindinywe, ndakanyina nguzu, ndakaliyoowede alimwi ndakali kukankama kapati; 4 alimwi nzyondakali kwaamba akukambauka tanaakali majwi aabusongo aakusola kukwela bantu pele zyakali citondezyo camuuya anguzu zya Leza, 5 kutegwa lusyomo lwanu lutayaami abusongo bwabantu pe, pele luyaame anguzu zya Leza. 6 Lino twaambaula busongo akati kabaabo basimide, pele ikutali busongo bwamubweende bwazyintu oobuno naa oobo bwabaleli bamubweende bwazyintu oobuno, aabo ibayooloba. 7 Pele twaambaula busongo bwa Leza buli mumaseseke aakwe, ibusongo busisidwe oobo Leza mbwaakabambila limwi kakutanaba bweende bwazyintu buli boonse kutegwa tube abulemu. 8 Kunyina naba omwe akati kabaleli bamubweende bwazyintu oobuno iwakabuzyiba busongo oobu, nkaambo nobakalibuzyi nobatakamugagaila acisamu Mwami uulemekwa. 9 Pele kuli mbubonya mbokulembedwe kuti: “Liso tiilyazibona akutwi tiikwazimvwa, alimwi kunyina muntu wakaziyeeya izyintu eezyo Leza nzyabambilide baabo bamuyanda.” 10 Nkaambo Leza waziyubunwida ndiswe zyintu eezyi kwiinda mumuuya wakwe, nkaambo muuya ulalingaula zyintu zyoonse, noziba zyintu zisisidwe zya Leza. 11 Nguni akati kabantu uuzyi mizeezo yamuntu kunze lyamuuya wamuntu uuli mulinguwe? Mbubonya buyo, kunyina uuzyi mizeezo ya Leza, ccita buyo muuya wa Leza. 12 Lino tiitwakatambula muuya wanyika, pele twakatambula muuya uuzwa kuli Leza, kutegwa tuzizyibe zyintu Leza nzyaakatupa amaanza obilo. 13 Zyintu eezyi azyalo tulazikanana ikutali amajwi aakayiisyigwa abusongo bwabantu, pele amajwi ngotuyiisyigwa amuuya, eelyo notupandulula makani aakumuuya kwiinda mukubelesya majwi aakumuuya. 14 Pele muntu uusololelwa azisusi zyanyama tatambuli zyintu zyamuuya wa Leza, nkaambo nzyabufwubafwuba kulinguwe; alimwi takonzyi kuzizyiba, nkaambo zilingaulwa munzila yakumuuya. 15 Pele muntu uusololelwa amuuya ulazilingaula zyintu zyoonse, pele walo kunyina muntu uumulingaula pe. 16 Nkaambo “ino nguni uuzyi mizeezo ya Jehova kutegwa amulailile?” Pele swebo tulijisi mizeezo ya Kilisito.\\n1 Bakorinto 2","num_words":291,"character_repetition_ratio":0.063,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Yanda Simukobonyoko Mbuli Mboliyanda Omwini | Yakwiiya\\nNgazi Yamulindizi—Yakwiiya | June 2014\\nAMUBALE MU Afrikaans Albanian American Sign Language Amharic Arabic Argentinean Sign Language Armenian Aymara Azerbaijani Azerbaijani (Cyrillic) Bengali Bicol Bislama Brazilian Sign Language Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Colombian Sign Language Croatian Czech Dangme Danish Drehu Dutch Efik English Estonian Ewe Fijian Finnish French Ga Georgian German Greek Greenlandic Guarani Gujarati Gun Haitian Creole Hebrew Hiligaynon Hindi Hungarian Icelandic Igbo Iloko Indonesian Italian Italian Sign Language Japanese Japanese Sign Language Kannada Kazakh Kikaonde Kikuyu Kiluba Kimbundu Kinyarwanda Kirghiz Kirundi Kisonge Kongo Korean Krio Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Malayalam Maltese Marathi Maya Mexican Sign Language Moore Ndebele Ndonga Nepali Ngabere Norwegian Nzema Oromo Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Romanian Russian Russian Sign Language Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swahili (Congo) Swati Swedish Tagalog Tahitian Tamil Tatar Telugu Thai Tigrinya Tshiluba Tsonga Turkish Twi Tzotzil Ukrainian Urdu Uzbek Venda Vietnamese Wallisian Waray-Waray Wayuunaiki Wolaita Xhosa Yoruba Zande Zulu\\n“Weelede Kuyanda Simukobonyoko Mbubonya Mbuli Mboliyanda Omwini”\\n‘Mulawo wabili uuli mbuli yooyu: “Weelede kuyanda simukobonyoko mbubonya mbuli mboliyanda omwini.”’—MT. 22:39.\\nIno mubwini simukoboma nguni?\\nNkaambo nzi ncomusyoma kuti tulakonzya alimwi tweelede kubayanda basimukoboma?\\nMbube nzi bumwi bwaluyando ibwaambidwe mulugwalo lwa 1 Bakolinto 13:4-8?\\n1, 2. (a) Ino Jesu wakaamba kuti mulawo mupati wabili mu Mulawo wakali mulawo nzi? (b) Mibuzyo nzi njotutiilange-lange lino?\\nKUTEGWA asunke Jesu, mu Farisi umwi wakamubuzya kuti: “Mwiiyi, ino nguuli mulawo mupati mu Mulawo?” Mbubwenya mbotwakabona mucibalo cainda, Jesu wakavwiila kuti “mulawo mupati alimwi wakusaanguna” ngwakuti: “Weelede kuyanda Jehova Leza wako amoyo wako woonse abuumi bwako boonse amizeezo yako yoonse.” Jesu wakayungizya kuti: “Wabili uuli mbuli yooyu: ‘Weelede kuyanda simukobonyoko mbubonya mbuli mboliyanda omwini.’”—Mt. 22:34-39.\\n2 Jesu wakaamba kuti tweelede kuyanda basimukoboma mbuli mbotuliyanda tobeni. Aboobo, inga twacita kabotu kulibuzya kuti: Ino mubwini simukoboma nguni? Mbuti mbotukonzya kubatondezya luyando basimukoboma?\\n3, 4. (a) Ncikozyanyo nzi ncaakapa Jesu mukwiingula mubuzyo wakuti: “Ino mubwini simukoboma nguni”? (b) Mbuti muna Samariya mbwaakamugwasya muntu wakabbidwa, akuumwa alimwi akusiigwa kasuntukide? (Amubone cifwanikiso icili kumatalikilo aacibalo.)\\n3 Tulakonzya kuyeeya kuti simukoboma muntu ngotukkala limwi munsi-munsi walo ngotuyanzana kapati alimwi mulongwe uugwasya. (Tus. 27:10) Pele amubone Jesu ncaakaamba ciindi muntu umwi iwakali kulibona kululama naakamubuzya kuti: “Ino mubwini simukoboma nguni?” Jesu wakaingula kwiinda mukupa cikozyanyo camuna Samariya uuli kabotu. (Amubale Luka 10:29-37.) Inga twayeeya kuti muna Israyeli amu Levi bakali kukonzya kuba bantu bali kabotu ciindi nobakabona muntu iwakabbidwa, kuumwa akucaala kasuntukide. Nokuba boobo, bakamweenguluka kakunyina kumucitila cintu cili coonse. Mwaalumi ooyu wakagwasyigwa amuna Samariya—bantu ibakali kulemeka Mulawo wa Musa pele ibakali kusulaikwa aba Juda.—Joh. 4:9.\\n4 Mukusola kuponya zilonda zyamuntu ooyu iwakaumwa, mu Samariya wakamutila mafwuta alimwi awaini. Madinari ngaakapa siŋanda yabeenzu akali kukonzya kubelekelwa kwamazuba obilo. (Mt. 20:2) Aboobo, ulalibonya muntu iwakaba simukobonyina mwini-mwini wamuntu ooyu iwakaumwa. Masimpe, cikozyanyo camuna Samariya ncaakaamba Jesu cituyiisya kuti tweelede kubafwida luzyalo akubayanda basimukoboma.\\nBabelesi ba Jehova balafwambaana kutondezya luyando kuli basimukobonyina (Amubone muncali 5)\\n5. Mbuti babelesi ba Jehova mbobakatondezya kuti balabayanda basimukobonyina ciindi nokwakacitika ntenda iilicitikila calino-lino?\\n5 Kanji-kanji, cilakatazya kujana bantu ibeetelela mbuli muna Samariya uuli kabotu. Eeci cili boobu nkaambo tuli “kumazuba aamamanino” ciindi bantu banji nobatajisi luyando lwakuzyalwa andulo, nobali bakali, alimwi batayandi bubotu. (2 Ti. 3:1-3) Mucikozyanyo, kulakonzya kubuka bukkale bukatazya ciindi nokwacitika ntenda iilicitikila. Amubone cakacitika ciindi noyakainda mvwula yaguwo iitegwa Hurricane Sandy mu New York City kumamanino aa October 2012. Mudolopo limwi imwakacitika ntenda, babbi bakajana coolwe cakubbida bantu ibakali kupenga akaambo kakubula magesi azintu zimbi ziyandika. Mudolopo ndimunya eeli, Bakamboni ba Jehova bakabikka bubambe bwalo ibwakabagwasya alimwi akugwasya bambi. Banakristo balacita zintu zili boobu nkaambo balabayanda basimukobonyina. Muunzila nzi zimbi motukonzya kutondezya luyando kuli basimukoboma?\\nMBOMUKONZYA KUTONDEZYA LUYANDO KULI BASIMUKOBONYOKO\\n6. Mbuti mulimo wesu mboweendelana akuba simukoboma mubotu?\\n6 Amubagwasye bantu kumuuya. Tulacita oobo kwiinda mukubagwasya kubikkila maano ‘kuluumbulizyo lwamu Magwalo.’ (Lom. 15:4) Cakutadooneka, ciindi notwaambila bamwi kasimpe kamu Bbaibbele mumulimo wesu wakukambauka tutondezya kuti tuli basimukobonyina babotu. (Mt. 24:14) Eelo kaka tulijisi coolwe cakwaambilizya mulumbe wa Bwami uuzwa kuli “Leza uupa bulangizi”!—Lom. 15:13.\\n7. Ino Mulawo Wabukkale Bubotu ninzi, alimwi mbuti mbotulongezyegwa kwiinda mukuutobela?\\n7 Amutobele Mulawo Wabukkale Bubotu. Mulawo ooyu ulaambidwe mumajwi ngaakaamba Jesu Mulumbe wakwe waa Cilundu, naakati: “Zyintu zyoonse nzimuyanda kuti bantu bamucitile, anywebo nzimweelede kubacitila. Eeci mubwini ncencico Mulawo azyakalembwa a Basinsimi ncozipandulula.” (Mt. 7:12) Ikuti katulanganya bantu bambi kweelana alulayo lwa Jesu, tucita zintu kweelana amakanze aa “Mulawo” (nkokuti bbuku lya Matalikilo kusika ku Deuteronomo) aa “Basinsimi” (nkokuti mabbuku aabusinsimi aali mu Magwalo aa Chihebrayo). Malembe aali boobu alatondezya kuti Leza ulabalongezya aabo ibatondezya luyando. Mucikozyanyo, kwiinda muli Isaya, Jehova wakaamba kuti: “Amubeteke kabotu akucita cabululami . . . Uli acoolwe muntu uucita obo.” (Is. 56:1, 2) Masimpe tulilongezyedwe nkaambo tucitila basimukoboma zintu caluyando alimwi cabululami.\\n8. Nkaambo nzi ncotweelede kubayanda basinkondoma, alimwi ncinzi cikonzya kucitika ikuti twacita oobo?\\n8 Amubayande basinkondonyoko. Jesu wakaamba kuti: “Mwakamvwa mbokwakaambwa kuti: ‘Weelede kuyanda simukobonyoko akusula sinkondonyoko.’ Pele ndimwaambila kuti: Amuzumanane kuyanda basinkondonyoko akubapailila aabo bamupenzya, ikutegwa musinizye kuti muli bana ba Uso uuli kujulu.” (Mt. 5:43-45) Mwaapostolo Paulo awalo wakaamba kaambo kakozyenye naakalemba kuti: “Ikuti sinkondonyoko kafwide nzala, komupa cakulya; ikuti kafwide nyota, komupa cakunywa.” (Lom. 12:20; Tus. 25:21) Kweelana a Mulawo wa Musa, muntu wakaleelede kugwasya sinkondonyina kufwutula munyama wakwe iwawa ansi akaambo kakulemenwa. (Kul. 23:5) Kwiinda mukubelekela antoomwe munzila iili boobu, bantu ibakali basinkondonyina balakonzya kuba balongwe alimwi. Akaambo kakuti Banakristo balatondezya luyando, basinkondoma banji bacinca ncobeni myoyo yabo. Ikuti katubayanda basinkondoma—nobaba basikukazya basicinguni—tuyakukkomana twaakubona bamwi bambabo kabatambula kasimpe!\\n9. Ncinzi Jesu ncakaamba kujatikizya kubamba luumuno abakwesu?\\n9 “Amusungwaale kuyandaula luumuno abantu boonse.’’ (Heb. 12:14) Cakutadooneka, eeci cilabikkilizya abakwesu, nkaambo Jesu wakaamba kuti: “Lino ikuti uleta cipego cako kucipaililo kumane wayeeya kuti munyoko uli akaambo anduwe, siya cipego cako aawo kumbele lyacipaililo, uunke. Usaangune kumvwana amunyoko, mpoonya wapiluka utuule cipego cako.” (Mt. 5:23, 24) Leza uyakutulongezya ikuti twabayanda bakwesu alimwi akuti twafwambaana kubweza ntaamu kubamba luumuno ambabo.\\n10. Nkaambo nzi ncotuteelede kujanina bamwi milandu?\\n10 Tamweelede kujanina bambi milandu. Jesu wakaamba kuti: “Amuleke kubeteka kutegwa mutabetekwi, nkaambo lubeta ndomubetesya, ndomuyoobetesyegwa andinywe, acipimyo ncomubelesya kupimina bamwi, ncobayoobelesya kumupimina andinywe. Aboobo, ino nkaambo nzi ncolanga kakwa kali muliso lyamunyoko pele tobikkili maano kutanda lili muliso lyako? Naa, ino mbuti mbonga waambila munyoko kuti, ‘Atubone ndigusye kakwa kali muliso lyako,’ kakuli muli tanda muliso lyako? Osikuupaupa ameso! Kosaanguna kugusya tanda muliso lyako, mpoonya ulabona kabotu mbonga wagusya kakwa kali muliso lyamunyoko.” (Mt. 7:1-5) Eeyi ninzila mbotu kaka iitondezya kuti tatweelede kulangaula tulandu tusyoonto-syoonto muli bamwi kakuli swebo tujisi milandu mipati!\\nNZILA YAALUBAZU YAKUTONDEZYA LUYANDO KULI BASIMUKOBOMA\\n11, 12. Muunzila nzi iilibedelede motutondezya kuti tulabayanda basimukoboma?\\n11 Tuyanda kutondezya kuti tulabayanda basimukoboma munzila iilibedelede. Mbubwenya mbuli Jesu, tulakambauka makani mabotu aa Bwami. (Lk. 8:1) Jesu wakalailila basikwiiya bakwe ‘kugwasya bantu bamisyobo yoonse kuba basikwiiya.’ (Mt. 28:19, 20) Kwiinda mukucita lubazu lwesu mukuzuzikizya mulimo ooyu, tusola kugwasya basimukoboma kutegwa basiye nzila iikwazeme alimwi mpati iitola kulunyonyooko akunjila munzila nsyoonto iitola kubuumi. (Mt. 7:13, 14) Tacidoonekwi buya kuti Jehova ulakulongezya kusoleka kuli boobu.\\n12 Mbubwenya mbuli Jesu, tugwasya bantu kuzyiba kuti bayandika zintu zyakumuuya. (Mt. 5:3) Kuli baabo ibazumina, tulabagwasya kucita oobo kwiinda mukubandika ambabo “makani mabotu aa Leza.” (Lom. 1:1) Aabo ibautambula mulumbe wa Bwami balayanzanizyigwa a Leza kwiinda muli Jesu Kristo. (2 Ko. 5:18, 19) Aboobo, kwiinda mukukambauka makani mabotu, tutondezya ncobeni kuti tulabayanda basimukoboma munzila iiyandika kapati.\\n13. Mbuti mbomulimvwa kujatikizya kutola lubazu mumulimo uulibedelede wakukambauka Bwami?\\n13 Kwiinda mukucita nyendo zyakupilukila zigwasya akusololela ziiyo zya Bbaibbele, tulakkutila akaambo kakugwasya bantu kuti kabapona kweelana azyeelelo zya Leza ziluleme. Eeci cilakonzya kupa kuti sikwiiya Bbaibbele acince bukkale bwakwe. (1 Ko. 6:9-11) Masimpe, cilakkomanisya kubona Leza mbwabagwasya aabo ‘ibalibambilide kutambula buumi butamani’ kabacinca bukkale alimwi akuba balongwe ba Leza. (Mil. 13:48) Muciindi cakuba bantu batajisi bulangizi, baba bantu bakkomene alimwi amuciindi cakulibilika, baba bantu bajisi lusyomo muli Taateesu wakujulu. Eelo kaka cilakkomanisya kubona mbobayaabukomena kumuuya aabo bapya! Sena tamuciboni kuba coolwe kutondezya luyando munzila yaalubazu kuli basimukoboma mbotuli bakambausi ba Bwami?\\nBUPANDULUZI BWALUYANDO IBWAKASOLOLELWA AMUUYA\\n14. Mumajwi aanu, amwaambe bube bumwi bwaluyando ibwaambidwe mulugwalo lwa 1 Bakolinto 13:4-8.\\n14 Ciindi notucita zintu abasimukoboma, kutobela lulayo ndwaakalemba Paulo kujatikizya luyando kulakonzya kucesya mapenzi, calo cikonzya kupa kuti tukkomane alimwi tulongezyegwe a Leza. (Amubale 1 Bakolinto 13:4-8.) Atulange-lange mubufwaafwi Paulo ncaakaamba kujatikizya luyando alimwi akubona mbotukonzya kutobela majwi aakwe kujatikizya cilongwe cesu abasimukoboma.\\n15. (a) Nkaambo nzi ncotweelede kukkazika moyo akuba aluzyalo? (b) Ntwaambo nzi tutondezya kuti tatweelede kuba aabbivwe akulidunda?\\n15 “Luyando lulakkazyika moyo alimwi luli aluzyalo.” Mbubwenya Leza mbwatondezya kukkazika moyo aluzyalo munzila njacita zintu abantu batalondokede, andiswe tuyandika kukkazika moyo akuba aluzyalo ciindi bamwi nobatulubizyila alimwi anobaamba cakutayeeya kabotu, andiza buya akuba bakali. “Luyando talukwe bbivwe,” aboobo luyando lwini-lwini luyakutupa kuti tutanyomeneni zintu nzyobajisi bamwi naa zyoolwe nzyobajisi mumbungano. Kuyungizya waawo, ikuti katujisi luyando, tatukalidundi naa kulisumpula. Kayi, “meso aalikankaizya amoyo uulisumpula, ilampi lyabasizibi, zyoonse nzibi.”—Tus. 21:4.\\n16, 17. Mbuti mbotukonzya kucita kweelana alugwalo lwa 1 Bakolinto 13:5, 6?\\n16 Luyando luyakutupa kuti katulilemeka kabotu kuli basimukoboma. Tatukababeji, tatukababbidi, naa kucita cintu cili coonse cikonzya kutupa kusotoka njiisyo amilawo ya Jehova. Luyando alimwi luyakutugwasya kutabikkila buyo maano kuzintu nzyotuyandika muciindi cakubikkila maano kuzintu nzyobayanda bamwi.—Flp. 2:4.\\n17 Luyando lwini-lwini lulamuka kukalala alimwi “talubikkilili,” mbuli kuti twakali kulemba buya zibi mubbuku ciindi bamwi nobakatulubizyila. (1 Te. 5:15) Ikuti katubikkilila, takatukkomanini Jehova, ciyakuba mbuli kuyasya mulilo iwali kusuka buyo busi, calo cikonzya kupa kuti tulicise akucisa bamwi. (Lev. 19:18) Luyando lupa kuti tukakkomanine kasimpe, pele talukatupi ‘kukkomanina kutalulama,’ nokuba kuti muntu uutusulide wapenzyegwa naa tanaacitilwa bululami.—Amubale Tusimpi 24:17, 18.\\n18. Ncinzi ncotwiiya kujatikizya luyando kuzwa mulugwalo lwa 1 Bakolinto 13:7, 8?\\n18 Amulange alimwi Paulo mbwalupandulula luyando. Wakaamba kuti luyando “lulajatila zyintu zyoonse.” Ikuti umwi watulubizyila mpoonya walomba kuti tumulekelele, luyando luyakupa kuti tumulekelele. Luyando “lulasyoma zyintu zyoonse” izili mu Jwi lya Leza alimwi akutupa kuti katulumba cakulya cakumuuya ncotutambula. Luyando “lulalangila zyintu zyoonse” zilembedwe mu Bbaibbele akutupa kujana twaambo tumwi twakubeda abulangizi. (1 Pe. 3:15) Alimwi tulapaila akuba aabulangizi bwakuti zintu zileenda kabotu ciindi notuli mubukkale bukatazya. Luyando “lulaliyumya muzyintu zyoonse,” nokuba kuti zintu eezyo inga kazili zibi nzyobatulubizyila bamwi, kupenzyegwa, naa ciindi notuli mumasunko. Kuyungizya waawo, “luyando talumani.” Bantu bamvwida bayakuzumanana kutondezya luyando kukabe kutamani.\\nAMUZUMANANE KUBAYANDA BASIMUKOBONYOKO MBULI MBOMULIYANDA\\n19, 20. Ndulayo nzi lwamu Magwalo ilweelede kutupa kuzumanana kutondezya luyando kuli basimukoboma?\\n19 Kwiinda mukutobela lulayo lwamu Bbaibbele, tulakonzya kuzumanana kutondezya luyando kuli basimukoboma. Luyando luli boobu lujatikizya bantu boonse, ikutali bantu bamusyobo wesu pe. Alimwi tweelede kuyeeya ncaakaamba Jesu kuti: “Weelede kuyanda simukobonyoko mbubonya mbuli mboliyanda omwini.” (Mt. 22:39) Leza alimwi a Jesu balangila kuti katubayanda basimukoboma. Ikuti katutazyi cakucita kujatikizya kaambo kamwi kajatikizya basimukoboma, atupaile kuti Leza atusololele amuuya uusalala. Ikuti twacita oobo, Jehova uyakutulongezya akutugwasya kucita zintu munzila iitondezya luyando.—Lom. 8:26, 27.\\n20 Mulawo wakuti tuyande basimukoboma mbuli mbotuliyanda tobeni wiitwa kuti “mulawo wamwami.” (Jak. 2:8) Naakamana kwaamba milawo imwi ya Mulawo wa Musa, Paulo wakaamba kuti: “Milawo imbi iili yoonse iiliko, ilaambwa mumajwi masyoonto aaya aakuti: ‘Weelede kuyanda simukobonyoko mbubonya mbuli mboliyanda omwini.’ Uuyanda simukobonyina takonzyi kumubisizya; aboobo luyando ndoluzuzikizya mulawo.” (Lom. 13:8-10) Aboobo, tweelede kuzumanana kubayanda basimukoboma.\\n21, 22. Nkaambo nzi ncotweelede kumuyanda Jehova alimwi abasimukoboma?\\n21 Ciindi notuzinzibala kuyeeya kujatikizya kaambo ncotweelede kubayanda basimukoboma, inga cainda kubota kuyeeya majwi aa Jesu aakuti Usyi “ulapasuzya zuba lyakwe kubantu babi ababotu alimwi ulapa mvwula kubantu baluleme abataluleme.” (Mt. 5:43-45) Tweelede kutondezya luyando kuli basimukoboma, tacikwe makani naa baliluleme naa pe. Mbuli mbokwatondezyegwa kale musyule, nzila yiinda kubota yakutondezya luyando nkwiinda mukutola lubazu mukwaambila basimukoboma mulumbe wa Bwami. Eelo kaka kuli zilongezyo zinji kuli basimukoboma ikuti baswiilila makani mabotu akulumba ncobeni!\\n22 Tulijisi twaambo tunji twakuyanda Jehova kakunyina akudooneka. Alimwi kuli nzila zinji zyakutondezya luyando kuli basimukoboma. Kwiinda mukutondezya luyando kuli Leza akuli basimukoboma, tutondezya kuti tulaalemeka majwi ngaakaamba Jesu kujatikizya zintu ziyandika kapati. Kwiinda zyoonse, tukkomanisya Taateesu siluyando, Jehova.\\n‘Botya Kweenda Kwamaulu Aako’ Kutegwa Uyaambele\\nMuunzila Nzi Momukonzya Kubagwasya Basyominyoko Ibakalekwa?\\n“Weelede Kuyanda Jehova Leza Wako”\\nSena Kulezya Kwabantu Mukubona Mbwakubona Jehova?\\nAmubagwasye Bamwi Kuti Bacite Zyoonse Nzyobakonzya\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA June 2014\\nNGAZI YAMULINDIZI—YAKWIIYA June 2014","num_words":1902,"character_repetition_ratio":0.065,"word_repetition_ratio":0.001,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ncinzi Ncondeelede Kuzyiba Kujatikizya Bukoko? | Bakubusi Balabuzya\\nAMUBALE MU Afrikaans Albanian American Sign Language Amharic Arabic Armenian Azerbaijani Azerbaijani (Cyrillic) Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch English Estonian Ewe Fijian Finnish French Georgian German Greek Haitian Creole Hausa Hebrew Hiligaynon Hindi Hungarian Icelandic Iloko Indonesian Italian Japanese Kazakh Kiluba Kinyarwanda Kirghiz Kirundi Korean Lingala Lithuanian Macedonian Malagasy Malay Malayalam Maltese Myanmar Ngabere Norwegian Nzema Pangasinan Polish Portuguese Portuguese (Portugal) Romanian Russian Sepedi Serbian (Cyrillic) Serbian (Roman) Shona Sinhala Slovak Slovenian Solomon Islands Pidgin Spanish Swahili Swedish Tagalog Tatar Telugu Thai Tiv Turkish Tzeltal Ukrainian Urhobo Vietnamese Xhosa Yoruba Zulu\\nIbbaibbele talikasyi kunywa bukoko cakutaciindizya ikuti mulawo kauzumizya kucita boobo. Nokuba boobo, lilakasya kukolwa.​—Intembauzyo 104:15; 1 Bakorinto 6:​10.\\nPele ino mbuti kuti kuli bamusinikizya kunywa pele kamuzyi kuti mulawo naa bazyali banu tabazumizyi kucita boobo?\\nAmuyeeye cikonzya kucitika mwanywa\\nBeenzinyoko bamwi inga balimvwa kuti bukoko bupa kuti mulimvwe kabotu. Pele ncinzi cikonzya kucitika mwamana kunywa?\\nMulandu ngobakonzya kumupa basimilawo. Kufwumbwa naa mukkala kuli, ikuti naa milawo yankomukkala kaitazumizyi kunywa bukoko, balakonzya kumubbadelesya, kumupa mulandu, kumunyanga laisensi yakweenzya moota, kumusubula kwiinda mukumupa ncito, naa kumwaanga buya.​—Baroma 13:3.\\nKubisya mpuwo njomujisi. Bukoko bupa kunyongana mumizeezo. Mwanywa bukoko mulakonzya kwaamba naa kucita zintu nzyomuyakuusa kumbele. (Tusimpi 23:31-​33) Kweelana ambozyasumpuka zintu, micito yanu ilakonzya kumubisyila mpuwo yanu kwaciindi cilamfwu.\\nKwaalilwa kulilesya. Bukoko inga bwapa kuti bantu bamucise naa kumutundulula mumakani aakoonana. Kuyungizya waawo, inga bwapa kuti muyungwe abeenzinyoko, calo cikonzya kusololela kumapenzi manji.\\nKuba acizibilizi. Kweelana amakani aakajanwa mukuvwuntauzya kumwi, ikuti naa mwatalika kamucili bana kunywa bukoko, nkokuti mbomuyaabukomena muba acizibilizi. Ikunywa akaambo kakuti mwakatala naa kulendelelwa kupa kuti muzyibile akwaalilwa kuleka.\\nKufwa. Mumwaka wainda ku United States, ntenda zyamumugwagwa zyakali kucitika kwainda buyo maminiti aali 52 akaambo kakuti sikweenzya wakalinywide. Aciindi cimwi, mumyaka buyo yosanwe, bantu bajisi myaka iitasiki ku 21, ibabalilwa ku 1,500 bakali kufwa amwaka muntenda zyamumugwagwa zicitika akaambo kabukoko. Nokuba kuti nywebo tiimwanya bukoko, mulakonzya kulijana muntenda akaambo kakuzumina kweenzyegwa amuntu iwanywa bukoko.\\nMulakonzya kweeleba ntenda ziboola akaambo kakutanywa kabotu ikuti naa mwazyibila limwi ncomuyoocita.\\nNjiisyo Yamu Bbaibbele: “Muntu uucenjede abona mapenzi ulayuba.” (Tusimpi 22:3) Tacili kabotu kunywa bukoko ikuti muyanda kweenzya moota naa kucita zintu zimwi ziyandika kubikkila maano.\\nMulawo: ‘Ikuti naa ndiyanda kunywa bukoko, basimilawo beelede kuzumizya alimwi ibukkale bweelede kuti kabuli kabotu.’\\nNjiisyo Yamu Bbaibbele: “Muli bazike bamuntu ooyo ngomuswiilila.” (Baroma 6:​16) Ikuti kamunywa akaambo buyo kakuti beenzinyoko balanywa, nkokuti mulekela bamwi kumweendelezya. Alimwi ikuti kamunywa akaambo kakuti mwalendelewa naa mwakatala, nkokuti lyoonse munikwaalilwa kulwana mapenzi aanu akaambo kakuti tiimwakaiya mwakucita oobo.\\nMulawo: ‘Tandinoozumizya beenzuma kundisinikizya kunywa bukoko.’\\nNjiisyo Yamu Bbaibbele: “Utabi akati kabantu banywa kapati waini.” (Tusimpi 23:20) Kumvwana abantu batali kabotu inga kwamupa kutatobela milawo njomwakalibikkila. Alimwi kuyanzana abantu baciindizya kunywa bukoko nkulibikka muntenda.\\nMulawo: ‘Tandinikuyanzani abantu baciindizya kunywa bukoko.’\\n“Ciindi nindakali mwana wacikolo, beenzuma bakali kundisinizya kunywa bukoko. Lyoonse ndakali kuliyeezya lugwalo lwa 1 Bakorinto 15:33, ilwaamba kuti: ‘Kuyanzana abantu babyaabi kunyonganya zilengwa zibotu.’”​—Jordan.\\n“Ndilasola kutayanzana abantu naa kujanika mubukkale bukonzya kupa kuti ndinywe. Bubotu mbwakuti, ndijisi balongwe ibasala kabotu caboola kumakani aakunywa.”​—Jenna.\\nMAPEPA AAKULEMBELA AABAKUBUSI\\nBukoko​—Ino Mulacita Buti?\\nAmwiiye njiisyo zyamu Bbaibbele zikonzya kumugwasya kububona munzila yeelede bukoko.","num_words":489,"character_repetition_ratio":0.061,"word_repetition_ratio":0.0,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jeremiya 12 | Bbaibbele lili a Intaneti | Bbaibbele lya Busanduluzi Bwanyika Mpya\\nTongoosi lya Jeremiya (1-4)\\nBwiinguzi bwa Jehova (5-17)\\n12 O Jehova,+ yebo uliluleme nendikutongookela,Ciindi nendaambaula makani aalubeta anduwe. Pele ino nkaambo nzi bantu babi ncebazwidilila munzila zyabo,+Alimwi nkaambo nzi basilweeno ncobakkala kabotu? 2 Wakabasyanga, eelyo balo basimpa miyanda. Bakomena akuzyala micelo. Ulaafwaafwi amilomo yabo, pele mumizeezo yabo yamukati mwini* uli kulamfwu kapati.+ 3 Pele yebo, O Jehova,+ ulindizyi kabotu, ulandibona,Walingula moyo wangu akujana kuti uleendelana ancoyanda.+ Kobazandula mbuli mbelele zitolwa kukujaigwa,Alimwi kobabikka ambali balindile buzuba bwakujaigwa. 4 Ino zintu zyamunyika zinooneta kusikila liliAzyalo zimena ansi zyamumyuunda yoonse zinooyuma kusikila lili?+ Akaambo kabubi bwabantu bakkala mumo,Banyama alimwi abayuni bakukululwa. Nkaambo baamba kuti: “Taboni ziyakutucitikila.” 5 Ikuti kokatala kubalika abantu beenda amaulu,Ino inga wasiyana buti amabbiza?+ Nokuba kuti moyo wako ulikkede munyika yaluumuno,Ino uyoocita buti muzyoonde zisisinkene zili mumbali amulonga wa Jordano? 6 Nkaambo nebaba banabokwanu, ibamuŋanda yabauso,Bakucitila zintu calweeno.+ Boongolola loongololo lwankondo kulinduwe. Utabasyomi pe,Nokuba kuti bakwaambile zintu zibotu. 7 “Ndailekelezya ŋanda yangu;+ ndalusiya lukono lwangu.+ Ndaaba kalungu kangu kaamoyo mumaanza aabasinkondonyina.+ 8 Lukono lwangu lwandibeda mbuli syuumbwa uuli musyokwe. Wandivwulumina. Aboobo ndamusulaika. 9 Kulindime lukono lwangu luli mbuli muyuni uulya nyama wamabala-mabala;Bayuni bambi balya nyama baluzinguluka kuti balulwane.+ Kamuboola, amubungane antoomwe, nobanyama bamusyokwe nyoonse,Kamuboola mulye.+ 10 Beembezi banji banyonyoona muunda wangu wamisaansa;+Balyatauka caabilo cangu canyika.+ Basandula caabilo cangu canyika ncendiyanda kapati kuba nkanda iinyonyookede. 11 Caba nyika iinyonyookede. Zintu zili mumo zyaneta;*Canyonyooka mumeso aangu.+ Nyika yoonse yaba matongo,Pele kunyina muntu uubikkila maano.+ 12 Basikunyonyoona baboola munzila zyoonse zidibukide ziinda munkanda,Nkaambo panga lya Jehova liluujisi kunyonyoona kuzwa kumagolelo aanyika amwi kusikila kumagolelo aambi.+ Kunyina naba omwe uukkede muluumuno. 13 Basyanga wiiti, pele batebula mamvwa.+ Balitakata kubeleka, pele baliminya buyo. Bayoofwa nsoni akaambo kabutebuzi bwaboAkaambo kabukali bwa Jehova buyaka mbuli mulilo.” 14 Mboobu mbwaamba Jehova kujatikizya basimukoboma boonse babyaabi, aabo ibaguma lukono oolo ndundakapa kuti bantu bangu bana Israyeli bakone:+ “Ndiyoobazyula mucisi cabo,+ ayalo ŋanda ya Juda ndiyakwiizyula akati kabo. 15 Pele ndaakumana kubazyula, ndiyoobafwida luse alimwi akubapilusya umwi aumwi wabo kulukono lwakwe akunyika yakwe.” 16 “Mpoonya ikuti bakabikkile maano kwiiya nzila zyabantu bangu alimwi akukonkezya zina lyangu kuti, ‘Masimpe Jehova mbwali muumi!’ mbubonya mbobakayiisya bantu bangu kuti kabakonkezya Baala, nkokuti bayooyakwa akati kabantu bangu. 17 Pele ikuti naa bakakake kuswiilila, ndiyoocizyula acalo cisi eeco, ndiyoocizyula akucinyonyoona,” mbwaamba Jehova.+\\n^ Naa “mbobalimvwa mukati mwini.” Mu Chihebrayo, “insa.”\\n^ Naa ambweni, “zilalila.”","num_words":368,"character_repetition_ratio":0.039,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Petro Wamukaka Jesu | Buumi bwa Jesu\\nJesu Wakakwa Kuŋanda ya Kayafa\\nMATAYO 26:69-75 MARKO 14:66-72 LUKA 22:54-62 JOHANE 18:15-18, 25-27\\nPETRO WAKAKA JESU\\nCiindi Jesu nobamwaanga mumuunda wa Getesemane, baapostolo bamusiya akutija kabayoowede. Nokuba boobo, bobilo akati kabo kumbele baima. Baapostolo aaba ngu Petro “asikwiiya uumbi,” walo uulangilwa kuti mwaapostolo Johane. (Johane 18:15; 19:35; 21:24) Kuboneka kuti bamusangana Jesu ciindi natolwa kuŋanda ya Anasi. Ciindi Anasi naatuma Jesu ku Mupaizi Mupati Kayafa, Petro a Johane batobela kabeendela alaale. Kulangilwa kuti kuli zintu zyobilo zibakatazyide mumizeezo, bayoowa kujaigwa alimwi balilibilikide azyeezyo ziyanda kucitikila Simalelaabo.\\nJohane ulizyibidwe kumupaizi mupati, aboobo wacikonzya kunjila mulubuwa lwaŋanda ya Kayafa. Petro wasyaala anze kumulyango kusikila ciindi Johane naajokela akwaambaula amubelesi musimbi uulinda mulyango. Eelyo Petro wazumizyigwa kunjila.\\nMasiku aaya kulatontola, aboobo aabo bali mulubuwa bakunka mulilo wamalasya. Petro wakkala ambabo kayota mulilo ciindi nalindila “kuti abone citiicitike” nabetekwa Jesu. (Matayo 26:58) Lino mumumuni wamulilo, mulindizi wamulyango iwazumizyide Petro kunjila wamulangisya. Musimbi ooyo wati: “Sena ayebo toli umwi wabasikwiiya bamuntu ooyu?” (Johane 18:17) Musimbi ooyo tali alikke wamuzyiba Petro akumwaamba kuti wakali limwi a Jesu.—Matayo 26:69, 71-73; Marko 14:70.\\nEeci camucima kapati Petro. Wasola kulisisa, mane limwi waunka kumanjililo. Aboobo Petro wakaka kuti ulimuzyi Jesu, aciindi cimwi waamba kuti: “Tandimuzyi alimwi tandicizyi ncoamba.” (Marko 14:67, 68) Kumane buya watalika “kulisinganya akukonka,” calo icaamba kuti ulisinizyide kuti waamba masimpe alimwi ulizuminide kucitikilwa cintu cibi ikuti majwi aakwe kaali aakubeja.—Matayo 26:74.\\nKulubazu lumwi, Jesu uli mukubetekwa, ambweni mucibeela caŋanda ya Kayafa icili atala lyalubuwa. Kweelede kuti Petro alimwi abamwi ibalindila ansi babona bakamboni baindene-indene ibaitwa kuti bape bumboni kabanjila akuzwa.\\nŊambawido ya Petro yaku Galilaya ipa bumboni busalede bwakuti ulabeja naamba kuti tamuzyi Jesu. Kuyungizya waawo, muntu umwi munkamu mubbululu wa Maliko, ooyo Petro ngwaakoswede kutwi. Aboobo, wamugama Petro akumubuzya kuti: ‘Sena toli nduwe yebo ngundabwene koli anguwe mumuunda?’ Petro naakaka ciindi catatu, mukombwe walila, mbubonya mbwaambide Jesu.—Johane 13:38; 18:26, 27.\\nKuboneka kuti aciindi eeci Jesu uli mukkoce lyaŋanda yamujulu ililangene alubuwa. Mwami wacenguluka akulanga Petro, calo cilangilwa kuti camuyasa kumoyo Petro. Wayeeya ncaamwaambilide Jesu mawoola masyoonto buyo aayinda muŋanda yamujulu mobabede. Amuyeeye buyo mbwaalimvwa Petro naazyiba ncicaamba ncaacita! Petro waunka anze akulila kapati.—Luka 22:61, 62.\\nIno cacitika-citika buti eeci? Ino wabaanzi Petro, ncinzi camupa kuti amukake Simalelaakwe nokuba kuti wali kulimvwa kuti muyumu kumuuya alimwi ulasyomeka? Kasimpe kali mukuyabaizyigwa, alimwi Jesu uli mukwaambwa kuti ncigwebenga cibyaabi kapati. Muciindi cakuti Petro amwiiminine muntu ooyo uutakwe mulandu, wamukaka Ooyo uujisi “majwi aapa buumi butamani.”—Johane 6:68.\\nEeci icakamucitikila Petro citondezya kuti naba muntu uulaalusyomo luyumu alimwi uulyaabide ulakonzya kuwa ikuti naa tanaalibambila kabotu kulwana mapenzi naa masunko aaboola cakutayeeyela. Eeci icakamucitikila Petro ncicenjezyo kubabelesi ba Leza boonse!\\nIno Petro a Johane banjila buti mulubuwa lwaŋanda ya Kayafa?\\nCiindi Petro a Johane nobali mulubuwa, ino ncinzi cicitika muŋanda?\\nIno caamba nzi kuti Petro walisinganya alimwi akukonka?\\nIno nciiyo nzi cipati ncotwiiya kuli ceeci icakamucitikila Petro?","num_words":441,"character_repetition_ratio":0.047,"word_repetition_ratio":0.0,"special_characters_ratio":0.19,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Myeelwe 21 IBBAIB63 - Lino mu-Kanana, mwami wa-Aradi, - Bible Search\\nMyeelwe 20 Myeelwe 22\\nBa-Israyeli mbubakazunda ba-Kanana ku-Horima\\n1-Lino mu-Kanana, mwami wa-Aradi, iwakakede ku-Negebi, naakamvwa kuti ba-Israyeli baleza munzila yabasikutwela, wakalwisya ba-Israyeli akujata bamwi babo. 2-Mpawo ba-Israyeli bakakonka cikonke kuli-Jehova, bati, Na ncobeni ulaaba bantu aba mumaanza esu, tulanyonyweda limwi minzi yabo. 3Nkabela Jehova wakaswiilila ijwi lyabaIsrayeli, waaba ba-Kanana mumaanza aabo. Lino bakanyonyoona boonse aminzi yabo. Aboobo kuntu oko kwakaulikwa izina lya-Horima.\\n4-Lino kuzwa kucilundu ca-Hori bakanyamuka, batola inzila yaku-Lwizi Lusalala, bazyunguluka cisi ca-Edomu. Nkabela myoyo yabantu yakacimwa munzila. 5-Lino bantu bakakazyanya a-Leza a-Musa, bati, Nkaambonzi mwakatupozya kuzwa ku-Egepita kuti tufwe munkanda? Taakwe zilyo. Taakwe maanzi. Atupepelefwa otu myoyo yesu yatucimwa. 6-Mpawo Jehova wakatuma inzoka zikali akati kabantu, nkabela zyakaluma bantu, elyo bantu banji ba-Israyeli bakafwa. 7-Lino bantu bakeza kuli-Musa, bati, Twabisya, nkaambo twanyontauka Jehova ayebo. Utukombele kuliJehova atugwisizye inzoka, Mpawo Musa wakakombela bantu. 8Lino Jehova wakaambila Musa kuti, Kolicitila inzoka akwiianzika akasamu mbuli ndembela; lino kufumbwa muntu uulumidwe aibona buyo ulapona. 9-Elyo Musa wakapanga inzoka yamukuba, waianzika akasamu mbuli ndembela, nkabela kufumbwa muntu iwakalumwa inzoka, alanga buyo kunzoka yamukuba, wakapona.\\nBa-Israyeli mbubakali kulonga-langa mane bakasika ku-Pisiga\\n10Lino bana ba-Israyeli bakanyamuka, baakuyaka zilao zyabo ku-Oboti. 11Kuzwa ku-Oboti bakaakuyaka ku-Iyebarimu munkanda iilangene acisi ca-Moabu kulubazu lwakubuzwezuba. 12Kuzwa oko bakaakuyaka mukuti lya-Zeredi. 13-Kuzwa oko bakalongela mutala lya-Arinoni uuli munkanda uubambene aba-Amori, nkaambo Arinoni ngumugaano waba-Moabu, nkokuti mugaano akatikati kaba-Moabu aba-Amori. 14Nkaambo kako kulaambwa mubbuku lyankondo zya-Jehova kuti,\\nZilangene adinga lyaku-Ari,\\nZiyeeme amugaano wa-Moabu,\\n16-Lino kuzwa oko bakaya ku-Beeri, ncencico cikala Jehova ncaakaambila Musa kuti, Bunganya bantu, ndibape maanzi. 17-Mpawo ba-israyeli bakaimba olu lwiimbo lwakuti,\\nTuntumuka, Ocikala. Amuciimbile,\\n18-Cikala ncebakasya basilutwe,\\nNeebakafumba bapati babantu,\\nAnkoli zyamampelampela amisako yabo,\\nLino kuzwa kunkanda bakaya ku-Matana, 19akuzwa ku-Matana bakaya ku-Nahaliyeli, akuzwa ku-Nahaliyeli bakaya ku-Bamoti, 20-akuzwa kuBamoti bakaya kukuti lyakucisi ca-Moabu, libambene amutwe wa-Pisiga, uulangene agundu.\\nBa-Israyeli mbubakazunda Sihoni mwami waba-Amori a-Ogi mwami wa-Basana\\n21-Lino ba-Israyeli bakatuma batumwa kuli-Sihoni mwami waba-Amori, bati, 22-Atwiinde akati kanyika yako; tatukooleya kunjila mumyuunda na mumyuunda yamasaansa, tatukoonywa maanzi aamuzikala, tuliinda buyo kumugwagwa wamwami, mane tuzwe munyika yako. 23-Pele Sihoni takwakazumizya ba-Israyeli kwiinda akati kacisi cakwe pe. Sihoni wakabunganya bantu bakwe boonse, weza kuzoocinga ba-Israyeli munkanda. Asike ku-Jahazi, wakalwana aba-Israyeli. 24-Nkabela ba-Israyeli bakamuzunda amulomo wapanga, aboobo bakatola nyika yakwe kuzwa ku-Arinoni kusikila ku-Jaboki kumugaano wabana ba-Amoni, nkaambo Jazeri ngomugaano wabana ba-Amoni. 25Lino ba-Israyeli bakatola minzi eyi yoonse, nkabela ba-Israyeli bakakala muminzi yoonse yaba-Amori, mu-Hesiboni amutunzuunzi twawo toonse. 26Nkaambo Hesiboni kauli munzi wa-Sihoni mwami waba-Amori; nkaambo kalwanide amwami mutaanzi waba-Moabu akumunyanzya nyika yakwe yoonse kusikila ku-Arinoni. 27Nciceeco basitusimpi neebaambila kuti,\\nAmuboole ku-Hesiboni, uyakwe.\\nMunzi wa-Sihoni ubuke.\\n28-Nkaambo mu-Hesiboni mwazwa mulilo,\\nMumunzi wa-Sihoni mwazwa mabangabanga.\\nWatenta Ari waku-Moabu\\nAbasilutwe bakuzilundu zya-Arinoni.\\n29-Mawe kulindinywe, noba-Moabu!\\nMwanyonyooka nywebo nobantu ba-Kemosi!\\nWaaba bana bakwe balombe kuti bacije\\nAbana bakwe basimbi kuti batolwe mubizike,\\nKumwami mu-Amori, Sihoni.\\n30-Lunyungu lwako lwakanyonyooka kuzwa ku-Hesiboni kusikila ku-Diboni,\\nTwabasaala mane mulilo wakasika ku-Medeba.\\n31Aboobo ba-Israyeli bakakala munyika yaba-Amori. 32-Lino Musa wakatuma bantu kuyootwela Jazeri. Nkabela bakatola tunzuunzi twawo akutanda ba-Amori ibakali mulintuto. 33-Mpawo bakapiluka, batola inzila yaku-Basana, nkabela Ogi mwami wa-Basana wakeza kuzoobalwanya abantu bakwe boonse ku-Edrei. 34-Lino Jehova wakaambila Musa kuti, Utamuyoowi pe, nkaambo ndamwaaba mumaanza aako abantu bakwe boonse, anyika yakwe. Uyoomucitila mbubonya mbowakacitila Sihoni mwami wabaAmori iwakakede ku-Hesiboni. 35-Lino bakamujayilila abana bakwe abantu bakwe boonse mane teebakamusiila naba omwe, Elyo bakavuba nyika yakwe.","num_words":511,"character_repetition_ratio":0.064,"word_repetition_ratio":0.0,"special_characters_ratio":0.18,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 18 IBBAIB63 - Lino jetero mupaizi waku-Midyani, - Bible Search\\nKulonga 17 Kulonga 19\\nJetero mbwaakaswaya Musa\\n1Lino jetero mupaizi waku-Midyani, syanyinazyala Musa, wakamvwa makani oonse Leza nga aka citila Musa aba-Israyeli bantu bakwe, Wakamvwa makani aa-Jehova mbwaakapozya ba-Israyeli kuzwa ku-Egepita. 2-Mpawo jetero syanyinazyala Musa wakatolelela Zipora, mwanakazi wa-Musa, Musa naakamupilusizye, 3-abana bakwe bobile, Izine lyamwana umwi kali Gerisomu (nkaambo wakati, Ndakali mweenzu mucisi cabantu), 4azina lyawabili kali Eliezere (nkaambo wakati, Leza wataata nguwakandigwasya, wakandivuna kupanga lya-Farao). 5Elyo Jetero syanyinazyala Musa abana bakwe amwanakazi wakwe bakasika kuli-Musa, kunkanda nkwaakakede kucilundu ca-Leza. 6Lino wakatumina Musa mulazyo wakuti, Mebo nde-Jetero syanyokozyala ndeza kulinduwe, ndeza abanako abana bako bobile. 7Amvwe obo Musa wakainka kuyoobaswana syanyinazyala, wamukotamina, wamumyonta, Lino bakajuzyanya, banjila mutente. 8Nkabela Musa wakaambila syanyinazyala zintu zyoonse Jehova nzyaakacitila Farao aba-Egepita kukugwasya ba-Israyeli, amapenzi oonse ngebakajana munzila, a-Jehova mbwaakabavuna. 9Elyo Jetero wakakondwa kumvwa milimo mibotu yoonse Jehova njaakacitila ba-Israyeli kukubavuna kumaanza aaba-Egepita.\\n10Lino jetero wakati, Alumbwe Jehova iwakamuvuna kumaanza aabaEgepita akumaanza aa-Farao. 11-Lino ndazibisya kuti Jehova mupati kwiinda baleza boonse, nkaambo wakavuna bantu bakwe kumaanza aabaEgepita nebakabacitila cakulisumpula. 12-Elyo Jetero syanyinazyala Musa wakatolela Leza cipaizyo azituuzyo, nkabela ba-Aroni abapati boonse baIsrayeli bakeza kuzoolya insima asyanyinazyala Musa kunembo lya-Leza,\\n13Nebwakaca, Musa wakabika lubeta kuti abeteke bantu. Nkabela bantu bakaliimvwi kunembo lya-Musa kuzwa cifumofumo kusikila igoko. 14Lino syanyinazyala Musa naakabona coonse ncaakacitila bantu, wakati, Ino ncinzi eci ncocitila bantu? Wacitilanzi lubeta olike? Nkaambonzi bantu baliimvwi kunembo lyako kuzwa cifumofumo kusikila igoko? 15Nkabela Musa wakaambila syanyinazyala kuti, Nkaambo bantu baleza kulindime kuzoobuzya Leza. 16-Na balijisi makani baleza kulindime. Ndime embeteka makani aamuntu umwi aumwi amweenzinyina. Alimwi ndime embazibya imbeta zya-Leza amilao yakwe, 17Pele syanyinazyala Musa wakamwaambila kuti, Eci ncocita tacili cibotu. 18-Ncobeni ulalijaya, yebo abantu mboli abo, nkaambo makani akulemena; tokonzyi kwaacita olike pe. 19-Swiilila ijwi lyangu, Ndakulaya. Lino Leza uyooba ayebo, Yebo kobeda bantu mbuli Leza, utole makani aabo kuli-Leza. 20-Nduwe oelede kubaiisya imbeta amilao akubazibya inzila njibeelede kweenda anzebeelede kucita. 21-Lino langaula akati kabantu, ujane bantu bacenjede bayoowa Leza, bantu basyomeka basulide masinkamulomo, ubabike babe basilutwe bazyuulu abasilutwe bamyanda abasilutwe bamakumi osanwe abasilutwe bamakumi. 22-Lino aba bantu bayoobeteka bantu ciindi coonse, Makani aakataazya bayooaleta kulinduwe, pele makani maniini buyo bayooakosola beni, Kucita obo kuyookuubila, nkaambo bayookugwasya kunyampula mikuli. 23Na wacita obo, a-Leza wazumina, ulakonyza kwiima nji, lino aba bantu boonse bayoosika kubusena bwabo aluumuno,\\n24Mpawo Musa wakaswiilila ijwi lyasyanyinazyala, wa cita mbubonya mbwaakaamba. 25-Musa wakasala bantu bacenjede akati kaba-Israyeli boonse, wababika kuti babe basilutwe babantu, Bamwi bakali basilutwe bazyuulu, bamwi bamyanda, bamwi bamakumi osanwe, abamwi bamakumi. 26-Bakali kubeteka bantu ciindi coonse. Makani aakataazya bakaaleta kuliMusa pele makani maniini bakaabeteka beni. 27-Lumwi Musa wakaleka syanyinazyala kuti ainke, nkabela wakaya kulinguwe.","num_words":426,"character_repetition_ratio":0.073,"word_repetition_ratio":0.0,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bwaami bwaLeza Niinzi? Nkaamboonzi Nitubukombela?\\nBALA MU Abbey Abkhaz Abui Acholi Afrikaans Aja Akha Altai Alur American Sign Language Amharic Angolan Sign Language Arabic Argentinean Sign Language Armenian Armenian (West) Ateso Attié Aymara Azerbaijani Azerbaijani (Cyrillic) Bashkir Bassa (Cameroon) Bassa (Liberia) Batak (Karo) Batak (Simalungun) Batak (Toba) Belize Kriol Biak Bicol Bislama Bolivian Sign Language Boulou Bété Cambodian Cebuano Changana (Zimbabwe) Chavacano Chichewa Chiga Chin (Hakha) Chin (Tiddim) Chin (Zotung) Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuvash Cibemba Cinamwanga Cinyanja Colombian Sign Language Cuban Sign Language Dakota Dangme Danish Dayak Ngaju Douala Drehu Dusun Dutch Edo Efik Emberá (Catío) English Estonian Ewe Fante Fijian Finnish Finnish Sign Language Fon French Futuna (East) Ga German Gitonga Gokana Greek Guadeloupean Creole Guarani Guarani (Bolivia) Guerze Guianese Creole Gun Guéré Haitian Creole Hausa Herero Hiligaynon Hindi Hungarian Hunsrik Iban Ibanag Ibinda Igbo Iloko Indian Sign Language Indonesian Indonesian Sign Language Irish Isoko Italian Italian Sign Language Japanese Javanese Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Khana Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisii Kisonge Kituba Kongo Korean Kpelle Krio Kurdish Kurmanji Kwangali Kwanyama Kyangonde Lahu Lamba Lambya Lari Lhukonzo Lingala Lithuanian Lomwe Luganda Lugbara Lunda Luo Luvale Macua Malagasy Malay Malayalam Malaysian Sign Language Maltese Mam Mambwe-Lungu Mapudungun Marathi Mauritian Creole Maya Mazahua Mbunda Mende Meru Mexican Sign Language Mizo Mongolian Moore Myanmar Myanmar Sign Language Nahuatl (Central) Navajo Ndau Ndebele Ndebele (Zimbabwe) Ndonga Nengone Nepali Nepali Sign Language Ngabere Ngangela Nias Nigerian Pidgin Niuean Norwegian Nsenga Nyaneka Nyungwe Nzema Odia Okpe Oromo Ossetian Otetela Pangasinan Pidgin (Cameroon) Pidgin (West Africa) Polish Polish Sign Language Ponapean Poqomchi' Portuguese (Portugal) Portuguese Sign Language Punjabi (Shahmukhi) Quebec Sign Language Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Quichua (Pastaza) Quichua (Santiago del Estero) Quichua (Tena) Rarotongan Romanian Romanian Sign Language Romany (Eastern Slovakia) Romany (Macedonia) Romany (Macedonia) Cyrillic Romany (Northern Greece) Romany (Serbia) Romany (Southern Greece) Ronga Runyankore Russian Rutoro Réunion Creole Samoan Sangir Sango Sena Sepedi Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Solomon Islands Pidgin Spanish Spanish Sign Language Sranantongo Sunda Swahili Swahili (Congo) Swati Swedish Tagalog Tahitian Tajiki Talian Tamil Tandroy Tankarana Tatar Tetun Dili Thai Thai Sign Language Tigrinya Tiv Tojolabal Tok Pisin Tongan Tshiluba Tshwa Tsonga Turkish Tuvaluan Twi Uighur (Cyrillic) Ukrainian Umbundu Urdu Urhobo Uruund Uzbek Vezo Vietnamese Wallisian Waray-Waray Welsh Wichi Wolaita Yacouba Zande Zulu\\nBwaami bwaLeza Niinzi?\\n1. Njiili nkombyo izibikene njitutalange-lange?\\nMAMILIYONI abantu balizi nkombyo izibikene iiyitwa kuti, Taateesu ooli kujulu naa kuti iNkombyo yaMwaami. Jesu wakabelesya nkombyo eeyi kukuyiisya basikwiiya bakwe kukomba. Wakali kukombelaanzi? Alimwi nkaamboonzi inkombyo eeyi niiyandikana loko kuli ndiswe mazuba aano?\\n2. Nzeezili zintu zitatu Jesu nzyaakatuyiisya kuti tuzikombele?\\n2 Jesu wakati: “Mbuboobu mbumweelede kukomba: ‘Taatesu ooli kujulu, alilemekwe izina lyako [alisalazigwee]. Abuze Bwami bwako, alucitwe luyando lwako, ansi ano mbubonya mbuli kujulu.’” (Bala Matayo 6:9-13.) Nkaamboonzi Jesu naakatuyiisya kukombela zintu eezi zitatu?—Langa Makani Aakumamanino 20.\\n3. Niinzi nchituyanda kuziba atalaa Bwaami bwaLeza?\\n3 Twayiiya kuti Jehova ndezina lyaLeza. Alimwi twaambuula atalaa makanze aLeza ngalaawo atalaa bantu alimwi anyika. Pesi Jesu wakaambaanzi aawo nakati: “Abuze Bwami bwako”? Tuyooyiiya kuti niinzi chitegwa Bwaami bwaLeza, buyoochitaanzi, akuti buyolilemeka biyeni zina lyaLeza.\\n4. Bwaami bwaLeza niinzi, alimwi ngwani Mwaami waBwaami oobo?\\n4 Jehova wakabikka mfulumende yakwe yakujulu akusala Jesu kuti abe Mwaami. IBbayibbele liita mfulumende eeyi kuti Mbwaami bwaLeza. Jesu “Mwami wabami, Mweendelezi wabeendelezi.” (1 Timoteo 6:15) Jesu ulakonzya kuchita zibotu kwiinda mweendelezi wabantu uuli woonse uutegwa uchita kabotu, alimwi ujisi manguzu miingi loko kwiinda beendelezi boonse bali munyika.\\n5. Bwaami bwaLeza buyooyendelezya kabuli kuli? Alimwi buyooyendelezyaanzi?\\n5 Mazuba aali makumi one kuzwa Jesu naakabusigwa, Jesu wakabweeda kujulu. Kuzwaawo, Jehova wakamusala kuba Mwaami waBwaami oobo. (Incito 2:33) Bwaami bwaLeza buyooyendelezya nyika yoonse kabuli kujulu. (Ciyubunuzyo 11:15) Nkikaambo iBbayibbele nchilibwiita kuti “Bwami bwakujulu.”—2 Timoteo 4:18.\\n6, 7. Niinzi chichita kuti Jesu abe mwaami uuli kabotu kwiinda baami boonse bali munyika?\\n6 IBbayibbele lyaamba kuti Jesu nguumwaami mupati kwiinda boonse nkaambo ‘nguwe alikke uutafwi.’ (1 Timoeo 6:16) Bantu banga baba beendelezi ngabasika mpubanga bazoofwa, pesi Jesu taakwe natazoofwe pe. Zintu zyoonse zibotu Jesu nzyatakatuchitile tazikoyoomana pe.\\n7 Ibusinsimi bwaBbayibbele bwaamba kuti Jesu uyooba Mwaami uuli kabotu alimwi uulaa luzyalo. “Uyookalwa Muuya wa-Jehova, Muuya wabusongo awakuswiililisya, Muuya walulayo awanguzu, Muuya waluzibo awakulemeka Jehova. Uyookondwa kulemeka Jehova. Takooyoobeteka kukuyeeya zintu ziboneka kumeso buyo, nikuba kukosola makani cakuzuminina majwi ngaamvwa kumatwi buyo. Uyoobeteka bacete cakululama, akukosweda batengwana banyika makani aaelede.” (Isaya 11:2-4) Tuyandi na kuti mwaami wenu kali boobo?\\n8. Tuzi biyeni kuti Jesu takoyooyendelezya kali aalikke?\\n8 Leza wakasala bamwi bantu kuti bakalele aJesu mumfulumende yakujulu. Muchikozyano, mwaapostolo Paulo wakabuzya Timoteo kuti: “Kuti twakakatila tuyooendelezya awe.” (2 Timoteo 2:12) Mbangani batakalele kabali baami antoomwe aJesu?\\n9. Mbangani batakalele aJesu? Alimwi Leza wakatalika lili kubasala?\\n9 Mbuli mbutwakayiiya kuzwa muchaandano 7, mwaapostolo Johane wakapegwa chitondeezyo aawo naakabona Jesu kali Mwaami kujulu abamwi baami bali 144 000. Mbaani bategwa bali 144 000? Johane upandulula kuti: “Bakalijisi izina lyakwe azina lyawisi lilembedwe ankumu zyabo.” Alimwi wakayungizya kati: “Mbimbabo batobela Mwanambelele koonse nkwaya. Mbimbabo bakasaanguna kunununwa akati kabantu.” (Bala Ciyubunuzyo 14:1, 4.) Bali 144 000 maKristu basyomeka bakasalwaa Leza kuti ‘bakeendelezye aansi’ antoomwe aJesu. Ikuti bafwa, ngababusigwa kutegwa bakapone kujulu. (Ciyubunuzyo 5:10) Kuzwa muchiindi chabaapostolo, Jehova uchisala maKristu basyomeka kutegwa bakabe kabunga kabaami bali 144 000.\\n10. Nkaamboonzi niluli luyando lwaJehova kuti Jesu abali 144 000 bakeendelezye bantu?\\n10 Jehova ulaandaaba loko andiswe zyakuti wakachita bubambe bwakuti bantu bakakonzye kweendelezya aJesu. Jesu uyooba mweendelezi mubotu nkaambo ulikuzi kuba kwesu. Wakapona mbuli muntu alimwi wakaswaanana abuyumu-yumu. Paulo wakaamba kuti Jesu ulatufwida luzyalo, “uutakonzya kutweetelela mukulengauka kwesu,” alimwi “uwakasunkwa mbubonya mbuli ndiswe.” (BaHebrayo 4:15; 5:8) Bali 144 000 abalabo balikuzi kupona mbuli bantu. Abalabo bakalwana akutamaninina amachise mbuli ndiswe. Munzila eeyo, tulakonzya kubaa choonzyo chakuti Jesu abali 144 000 bayoomvwisisisya nzila njitulimvwaayo amapenzi ngituswaana.\\nBWAAMI BWALEZA BUYOOCHITAANZI?\\n11. Nkaamboonzi Jesu naakayiisya basikwiiya bakwe kukombela kuyanda kwaLeza kuti kuchitike kujulu?\\n11 Jesu wakayiisya basikwiiya bakwe kuti bakombele kuyanda kwaLeza kuti kuchitike kujulu. Nkaamboonzi? Muchandano 3 twakayiiya kuti Saatani Diabolosi wakapapila Jehova, mpawo Jehova wakazumizya Saatani abangelo batasyomeki naa kuti madimoni kuti bakkale kujulu kwakayindi kaniini kuzwa chiindi naakapapila. Teeboonse pe bangelo bakali kuchita kuyanda kwaLeza kujulu. Muchandano 10, tuyooyiiya zyiingi atala aSaatani amadimoni aakwe.\\n12. Nziizili zintu zibili zyakacitika zyaambidwe muli Ciyubunuzyo 12:10?\\n12 Nikuba boobo, iBbayibbele lipandulula kuti Jesu naakaba Mwaami waBwaami bwaLeza, wakali kuyoolwanaa Saatani. (Bala Ciyubunuzyo 12:7-10.) Ivesi 10 ipandulula zintu zibili zyakachitika. Bwaami bwaLeza bwakatalika kweendelezyegwaa Jesu Kristu kali Mwaami, alimwi Saatani wakatandwa kujulu akuwalilwaansi. Mbuli mbututakayiiye, eezi zyakachitika kale.\\n13. Niinzi chakachitika kujulu aawo Saatani naakaandwa?\\n13 IBbayibbele lipandulula kubotelwa kwakajanwa abangelo basyomeka chiindi Saatani amadimoni aakwe nibakaandwa kujulu. Tubala kuti: “Amusekelele nomajulu, anywebo nomukala mulingao!” (Ciyubunuzyo 12:12) Lino kuli luumuno alujatano kujulu nkaambo boonse bachita kuyanda kwaLeza.\\nKuzwa chiindi Saatani amadimoni aakwe nibakaawaalwa ansi kuzwa kujulu, kwakaba mapenzi miingi loko munyika. Mapenzi aaya ayoomana lino-lino\\n14. Niinzi chiliikuchitika anyika akaambo kakwandwa kwaSaatani kujulu?\\n14 Pesi buumi munyika bulisiyene akujulu. Bantu bachitikilwaa zintu zibi nkaambo ‘Diabolosi wamuselukila,’ “abukali bupati, nkaambo ulizi kuti ciindi ncajisi nciniini buyo.” (Ciyubunuzyo 12:12) Saatani unyemede loko akaambo kakwaandwa kujulu, ulizi kuti muchiindi chiniini uyoonyonyoonwa. Ulachita kufumbwa nzyakonzya kuti achite zibi amapenzi munyika yoonse.\\n15. Leza ulaamakanzeenzi atala anyika?\\n15 Nikuba boobo makanze aaLeza atala anyika taanachincha pe. Uchiyanda kuti bantu bamaninide bakapone akutamani munyika yaparadayizi. (Intembauzyo 37:29) Aboobo, Bwaami bwaLeza buyoozichita biyeni eezi?\\n16, 17. Lugwalo lwaDaniele 2:44 lutubuzyaanzi atala aBwaami bwaLeza?\\n16 Businsimi bujanika muli Daniele 2:44 bwaamba kuti: “Lino mumazuba aabaami abo, Leza wakujulu uyoobusya bwami butakooyoonyonyoonwa abuniini mane kutamani, anguzu zyabo tazikooyoosiilwa bambi. Obo bwami buyoopwayaula akumanisya maami aya oonse, alimwi bwalo buyooyima nji kukabe kutamani.” Businsimi oobu butuyiisyaanzi atala aBwaami bwaLeza?\\n17 Chakusaanguna, butubuzya kuti Bwaami bwaLeza buyootalika kulela “kumazuba aabaami abo.” Eezi zyaamba kuti mfulumende zimwi zichinooliwo aanyika aawo Bwaami bwaakutalika kulela. Chabili, butubuzya kuti Bwaami bwaLeza buyookkala lyoonse tabukoyoopegwa imwi mfulumende. Chatatu, kuyooba nkondo aakati kaBwaami bwaLeza amfulumende zyanyika. Bwaami bwaLeza buyoozunda alimwi bukabe mfulumende ayilikke iyooyendelezya nyika. Mpawo bantu bayooyendelezegwaa mfulumende iili kabotu njibatanabaa buunsi babaayo pe.\\n18. Litegwani zina lyankondo yamamanino iyooba aakati kaBwaami bwaLeza amfulumende zyanyika?\\n18 Bwaami bwaLeza buyooyilela biyeni nyika yoonse mbiizulwa? Kayitana saanguna nkondo yamamanino iitegwa Armagedoni, madimoni ayooyena ‘bami boonse banyika, kuti akababungike kunkondo yabuzuba bupati bwa-Leza Singuzuzyoonse.’ Nisimpe, mfulumende zyabantu ziyoolwanaa Bwaami bwaLeza.—Ciyubunuzyo 16:14, 16; langa Makani Aakumamanino 10.\\n19, 20. Nkaamboonzi nituyanda kuti Bwaami bwaLeza buzoolele nyika yoonse?\\n19 Nkaamboonzi nituyanda Bwaami bwaLeza? Kuli twaambo tutatu. Kakusaanguna, tuli basizibi, aboobo tulachiswa akufwa. Pesi iBbayibbele lyaamba kuti mubulelo bwaBwaami bwaLeza, tuyoopona kukabe kutamani. Lugwalo lwaJohane 3:16 lwaamba kuti: “Nkaambo obuya Leza mbwaakayandisya nyika, wakapa Mwanaakwe simuzyalwa alike, kuti umwi umwi uumusyoma atafwidilili, pele abe abuumi butamani.”\\n20 Kaambo kabili katondeezya nchitubuyandila Bwaami bwaLeza nkakuti, tuzyungulukidwe aabantu babi. Biingi balabeja, balabbida alimwi tabalilemeki pe. Swebo lwesu tatukonzyi pe kubagwisya, pesi Leza uzoobagwisya. Bantu bayendelela kunembo kabachita zibi bayoonyonyoonwa ankondo yaArmagedoni. (Bala Intembauzyo 37:10.) Kaambo katatu nchitubuyandila Bwaami bwaLeza nkakuti, mfulumende zyabantu tazikwe nguzu, zilaalunya, naa kutalulamisya. Tazikwe chiyandisyo chakugwasya bantu kuti baswiilile Leza. IBbayibbele lyaamba kuti “muntu naendelezya muntunyina kukumubisizya.”—Mukambausi 8:9.\\n21. Bwaami buyoochita biyeni kuti kuyanda kwaLeza kukachitwe aanyika?\\n21 Yaakwiinda nkondo yaArmagedoni, Bwaami bwaLeza buyoolanga-langa akubona kuti kuyanda kwaLeza kwachitwaa nyika. Muchikozyano, buyoogwisya Saatani amadimoni aakwe. (Ciyubunuzyo 20:1-3) Taakwe nikuyooba muntu uuchiswa nikuba kufwa. Akaambo kachinunuzyo, bantu boonse basyomeka bayoopona akutamani muparadayizi. (Ciyubunuzyo 22:1-3) Bwaami buyoosalazya zina lyaLeza. Zyaambaanzi eezi? Zyaamba kuti mfulumende yaLeza yaakulela nyika, bantu boonse bayoolemeka zina lyaJehova.—Langa Makani Aakumamanino 21.\\nNDIILILI JESU NAAKABA MWAAMI?\\n22. Tuzi biyeni kuti Jesu taakaba Mwaami aawo naakali aanyika nikuba chiindi naakabusigwa?\\n22 Jesu wakayiisya basikwiiya bakwe kukomba: “Abuze Bwami bwako.” Aboobo zyakali aantanganana kuti mfulumende yaLeza yakali kuzoosika kumazuba aali kunembo. Chakusaanguna Jehova wakali kuzoobikka mfulumende yakwe akubikka Jesu kuba Mwaami wayo. Jesu naakabweeda kujulu wakaba Mwaami na mpawo-mpawo? Peepe, wakeelede kuti alindile saansi. Chimwi chiindi Jesu naakabusigwa, Petro a Paulo bakabikka aantanganana aawo nibakabelesya businsimi bujanika muli Intembauzyo 110:1 bwaambuula atala aJesu. Mubusinsimi oobu Jehova wakati: “Kala kujanza lyangu lyalulyo mane nkacite basinkondonyoko babe citandabalilo camatende aako.” (Incito 2:32-35; BaHebrayo 10:12, 13) Jesu wakeelede kumulindila chiindi chilamfu biyeni Jehova kuti amubikke kuba Mwaami?\\nBwaami bwaLeza buyoobona kuti kuyanda kwaLeza kwachitwa aansi aano\\n23. (a) Ndiilili Jesu naakatalika kulela kali Mwaami wamfulumende yaLeza? (b) Muchaandano chitobela tuyooyiiyaanzi?\\n23 Kwaaminyaka miingi 1914 katanasika, kabunga kamaKristu bakamvwisisya kuti wakali munyaka uyandikana mubusinsimi bwaBbayibbele. Izyakachitika zyaNyika kuzwa mu 1914 zyakatondeezya kuti zyakali zyachoonzyo. Mumunyaka ooyo, Jesu wakatalika kulela kali Mwaami. (Intembauzyo 110:2) Kuzwaawo, Saatani wakawalilwa aansi ano munyika, alimwi lino “ulizi kuti ciindi ncajisi nciniini buyo.” (Ciyubunuzyo 12:12) Muchaandano chitobela, tulabona zimwi zintu zitondeezya kuti tupona muchiindi eecho. Alubo tuyooyiiya kuti lino-lino Bwaami bwaLeza buyobona kuti kuyanda kwaLeza kwachitwa munyika.—Langa Makani Aakumamanino 22.\\nKASIMPE 1: BWAAMI BWALEZA NIMFULUMENDE YACHOONZYO\\n“Abuze Bwami bwako. Alucitwe luyando lwako, ansi ano mbubonya mbuli kujulu.”—Matayo 6:9-13\\nBwaami bwaLeza, naa imfulumende, iyoolela nyika yoonse kayili kujulu.\\nJesu Mwaami waBwaami bwaLeza.\\nCiyubunuzyo 14:1, 4\\nBantu bali 144 000 bayoolela aJesu kujulu.\\nBaHebrayo 4:15; 5:8\\nJesu abali 144 000 balayimvwisisisya inzila njitulimvwaayo alimwi amapenzi ngituswaananaawo.\\nKASIMPE 2: JESU UNOOLI MWEENDELEZI WIINDA BOONSE\\n“Uyoobeteka bacete cakululama.”—Isaya 11:4\\nNkaamboonzi Jesu neelela kuba Mwaami waBwaami?\\nBeendelezi banyika boonse balafwa, pesi Jesu takwe nazoofwa pe. Zintu zyoonse zibotu Jesu nzyatazootuchitile ziyookkala kukabe kutamani.\\nJesu ulakonzya kuchita zibotu zyiingi kwiinda beendelezi baanyika. Ulaamanguzu kwiinda beendelezi boonse baanyika. Uchita chakululamisya alimwi ulaaluse.\\nKASIMPE 3: BWAAMI BWALEZA BUYOOBONA KUTI KUYANDA KWALEZA KWACHITWA\\n“Leza wakujulu uyoobusya bwami butakooyoonyonyoonwa abuniini.”—Daniele 2:44\\nNiinzi Bwaami nzibwakachita kale? Buyoochitaanzi mumazuba aali kunembo?\\nKuzwa mu 1914 Jesu naakabikkwa kuba Mwaami, wakawaala Saatani aansi kuzwa kujulu. Aaka nkikaambo nchikuli mapenzi, machise, amafwabi miingi loko munyika yoonse.\\nMukambausi 8:9; Ciyubunuzyo 16:16\\nLyaArmagedoni, Bwaami bwaLeza buyoonyonyoona mfulumende zyabantu zyoonse zilaalunya alimwi zitalulamisyi.\\nBantu bachita zintu zibi bayoonyonyoonwa.\\nBwaakweendelezya nyika Bwaami bwaLeza, taakwe muntu uuchiyoochiswa nikuba kufwa alimwi bantu boonse bayoolemeka zina lyaLeza.","num_words":1845,"character_repetition_ratio":0.065,"word_repetition_ratio":0.0,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Marko 5 | Bbaibbele Lili a Intaneti | Bbaibbele lya Busanduluzi Bwanyika Mpya\\n5 Mpoonya bakasika mutala lyalwizi mucisi caba Gelasa. 2 Mbwaakazwida buyo mubwato, wakaswaanganya muntu uunjidwe muuya uusofweede kazwa kunamaumbwe. 3 Wakali kukkala kunamaumbwe, alimwi kusikila kuciindi eeco, kunyina naba omwe wakali kukonzya kumwaanga niiba nketani. 4 Nkaambo ziindi zinji wakali kwaangwa nsimbi anketani, pele nketani wakali kuzidunsaula azyalo nsimbi wakali kuzityolaula, alimwi taakwe wakali kukonzya kumujata. 5 Alimwi lyoonse, masiku asyikati wakali koongolola kunamaumbwe amumalundu, alimwi wakali kulinengaula amabwe. 6 Pele naakamubona Jesu kacili alamfwu, wakamubalikila akuyoomufwugamina. 7 Mpoonya wakoongolola ajwi pati ategwa: “Ino ndijisi kaambo nzi anduwe Jesu, O Mwana wa Leza Mupatikampatila? Kokonka muzyina lya Leza kuti tokoondipenzya.” 8 Nkaambo wakali kuwaambila kuti: “Kozwa mumuntu ooyu, yebo omuuya uusofweede.” 9 Kumane wakatalika kumubuzya kuti: “Nduweni zyina?” Wakaingula kuti: “Ndime Banji nkaambo tuli banji.” 10 Alimwi wakamukombelezya ziindi zinji kuti ataitandi myuuya kuzwa mucisi. 11 Lino kwakali butanga bwangulube amulundu izyakali kulya. 12 Aboobo myuuya yakamulomba kayaamba kuti: “Kotutandila mungulube kutegwa tunjile mulinzizyo.” 13 Wakaizumizya kunjila. Mpoonya myuuya iisofweede yakazwa akunjila mungulube, eelyo butanga bwangulube zibalilwa ku 2,000, bwakabalikila kujeleele lyalwizi, alimwi zyoonse zyakaliwaala mulwizi akufwa. 14 Pele beembezi bakatija akuyooluula makani aaya mumunzi amutunzi, eelyo bantu bakaboola kuti babone cakacitika. 15 Aboobo bakaboola kuli Jesu, eelyo bakabona mwaalumi ooyo wakanjidwe madaimona manji ulikkede kasamide alimwi kabateme, mpoonya bakayoowa kapati. 16 Alimwi aabo bakalibonena bakabaambila eeci mbocakacitika kumwaalumi wakanjidwe madaimona alimwi amakani aangulube. 17 Aboobo bakatalika kumulomba kuti azwe muzyooko zyabo. 18 Lino naakali kutanta bwato, mwaalumi ooyo wakanjidwe madaimona wakatalika kumulomba kuti baunke limwi. 19 Nokuba boobo, tanaakamuzumizya pe, pele wakamwaambila kuti: “Koya kumunzi kuli bamukwasyi wako, ukabaambile zyintu zyoonse Jehova nzyaakucitila ambwaakufwida luzyalo.” 20 Aboobo wakaunka akutalika kwaambilizya mu Dekapole zyintu zyoonse Jesu nzyaakamucitila, eelyo bantu boonse bakagambwa. 21 Mpoonya Jesu naakajoka mutala limwi kali mubwato, kwakayoboloka nkamu yabantu mpati kulinguwe, alimwi wakali kumbali aalwizi. 22 Lino umwi wabeendelezi bacikombelo wazyina lya Jailo wakaboola, eelyo naakamubona Jesu, wakamufwugamina 23 akumukombelezya ziindi zinji kati: “Mwanaangu musimbi ufwumba bulamfwu. Ndalomba kuti uboole umwaampe amaanza aako kuti umufwutule apone.” 24 Mpoonya wakaunka anguwe. Alimwi nkamu yabantu mpati yakali kumuccilila akumusyaanikizya. 25 Lino kwakali mukaintu wakali kuciswa kalobola kwamyaka iili kkumi aibili, 26 wakapenga kapati mumaanza aabasilisi banji alimwi wakasowa lubono lunji, nokuba boobo tanaakagwasyigwa pe, pele bulwazi bwakaindila. 27 Naakamvwa mpuwo ya Jesu, wakaboola munkamu kusyule lyakwe akujata cisani cakwe caatala, 28 nkaambo wakali kulyaambauzya kuti: “Kuti ndijate buyo cisani cakwe caatala ndilapona.” 29 Mpoonya aawo bulowa bwakali kuzwa bwakaleka, alimwi wakalimvwa kuti waponesyegwa bulwazi bwakamukatazyide kapati. 30 Mpoonya aawo Jesu wakalimvwa kuti nguzu zyamuzwa, alimwi wakaceba munkamu akubuzya kuti: “Ino nguni wajata cisani cangu caatala?” 31 Pele basikwiiya bakwe bakamwaambila kuti: “Uliibwene nkamu yabantu eeyi mboikusyaanikizya, sena inga wabuzya kuti, ‘Nguni wandijata?’” 32 Lino wakali kulanga-langa kutegwa abone yooyo wakamujata. 33 Pele mukaintu kayoowede alimwi kakankama, kazyi cakamucitikila, wakaboola akufwugama kumbele lyakwe akumwaambila makani oonse mubwini. 34 Jesu wakamwaambila kuti: “Mwanaangu, lusyomo lwako lwakuponya. Koya, ube aluumuno, akupona kabotu alimwi bulwazi oobu ibwali kukukatazya butakakupenzyi kabili.” 35 Naakacili kwaambaula, bantu bamwi kuzwa kuŋanda yamweendelezi wacikombelo bakaboola akwaamba kuti: “Mwanaako musimbi wafwa kale! Nkaambo nzi ncocimukatazya Mwiiyi?” 36 Pele Jesu wakabamvwa nobakali kwaambaula, eelyo wakaambila mweendelezi wacikombelo kuti: “Utayoowi pe; kosyoma buyo.” 37 Lino tanaakazumizya muntu uuli woonse kumutobela ccita buyo Petulo, Jakobo alimwi a Johane imunyina Jakobo. 38 Aboobo bakasika kuŋanda yamweendelezi wacikombelo, mpoonya wakaabona manyongwe alimwi abaabo bakali kulila akoomoka, 39 eelyo naakanjila muŋanda, wakababuzya kuti: “Nkaambo nzi ncomunyongana akulila? Ooyu mwana tafwide pe, pele uloona.” 40 Aboobo bakatalika kumuweela. Pele naakabatandila anze boonse, wakabweza usyi wamwana abanyina antoomwe abaabo mbaakali limwi, akunjila ooko kwakali mwana. 41 Kumane wakajata janza lyamwana akumwaambila kuti: “Talita kkumi,” calo caamba kuti: “Musimbi, ndikwaambila kuti, ‘Buka!’” 42 Mpoonya aawo mwana musimbi wakabuka akutalika kweenda. (Musimbi ooyu wakali amyaka iili kkumi aibili.) Eelyo babone buyo boobo, bakakkomana kapati. 43 Pele wakabalailila cakwiinduluka-induluka kuti kutabi muntu naba omwe uuzyiba makani aaya, mpoonya Jesu wakati musimbi ooyo apegwe cakulya.","num_words":610,"character_repetition_ratio":0.05,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ciyubunuzyo 1 | Bbaibbele Lili a Intaneti | Bbaibbele lya Busanduluzi Bwanyika Mpya\\nMatayo Marko Luka Johane Milimo Baroma 1 Bakorinto 2 Bakorinto Bagalatiya Baefeso Bafilipi Bakolose 1 Batesalonika 2 Batesalonika 1 Timoteyo 2 Timoteyo Tito Filimoni Bahebrayo Jakobo 1 Petro 2 Petro 1 Johane 2 Johane 3 Johane Juda Ciyubunuzyo 1 2 3 4 5 6 7 8 9 10 11 12 13 14 15 16 17 18 19 20 21 22\\n1 Ciyubunuzyo cakapegwa a Jesu Kilisito, eeco ncaakamupa Leza kuti atondezye bazike bakwe izyintu zyeelede kucitika lino-lino. Eelyo walo wakatuma mungelo wakwe akuciyubununa muzitondezyo kwiinda mulinguwe kumuzike wakwe Johane, 2 ooyo iwakapa bumboni kujwi ndyaakaamba Leza akubumboni mbwaakapa Jesu Kilisito, inzya, kuzyintu zyoonse nzyaakabona. 3 Ulikkomene ooyo waabala cakupozya alimwi abaabo bamvwa majwi aabusinsimi oobu, alimwi ibabamba zyintu zilembedwe mumo; nkaambo ciindi cibikkidwe cili afwaafwi. 4 Ndime Johane nendilembela mbungano zili ciloba zili mucooko ca Asiya kuti: Amube aluzyalo lwa Leza alimwi aluumuno kuzwa kuli “Yooyo uuliko, wakaliko alimwi uuboola,” alimwi akuzwa kumyuuya ili ciloba eeyo iili kumbele lyacuuno cakwe cabwami, 5 alimwi akuzwa kuli Jesu Kilisito, “Kamboni Uusyomeka,” “Mutaanzi kuzyalwa kuzwa kubafwu,” alimwi “Muleli wabami bamunyika.” Kuli yooyo uutuyanda alimwi wakatwaangununa kuzibi zyesu kwiinda mubulowa bwakwe mwini— 6 alimwi wakatupa kuti tube Bwami, bapaizi kuli Leza wakwe alimwi Usyi—inzya, kulinguwe akube bulemu alimwi anguzu lyoonse mane kukabe kutamani. Ameni. 7 Amubone! Ulaboola amakumbi, eelyo meso oonse ayoomubona, antoomwe abaabo bakamuyasa; alimwi bantu bamisyobo yoonse anyika bayoolyuuma acamba akulila akaambo kanguwe. Akube boobo, Ameni. 8 “Ndime Alefa a Omega,”* mbwaamba Jehova Leza, “Ooyo uuliko, wakaliko alimwi uuboola, Singuzuzyoonse.” 9 Mebo nde Johane, ndemunyoko alimwi nenditola lubazu andinywe mumapenzi, mu Bwami alimwi amukuliyumya mukuyanzana a Jesu, ndakazyi kuba ansumbu iitegwa Patimo akaambo kakwaamba zya Leza akupa bumboni bwa Jesu. 10 Kwiinda mumuuya ndakazyi kuba mubuzuba bwa Mwami, mpoonya kusyule lyangu ndakamvwa ijwi pati lili mbuli kulila kwamweembo, 11 kalyaamba kuti: “Eeco ncotiibone ucilembe mubbuku lyakuvwunga akulitumina kumbungano izili ciloba, mu Efeso, mu Simuna, mu Pegamo, mu Tiyatila, mu Sade, mu Filadelufiya alimwi amu Laodikeya.” 12 Lino ndakacenguluka kutegwa ndibone yooyo iwakali kwaambaula andime, eelyo nondakacenguluka, ndakabona zibikkilo zyamalambe zyangolida izili ciloba, 13 alimwi akati kazibikkilo zyamalambe kwakali umwi uuli mbuli mwana wamuntu, wakasamide cisani cilamfwu icakali kusika kumaulu, alimwi kucamba wakalyaangide lutambo lwangolida. 14 Kunze lyaboobo, imutwe wakwe alimwi amasusu aakwe zyakali kutuba bu mbuli boya bwambelele butuba, mbuli caanda, alimwi meso aakwe akali mbuli mulilo uuvwilima; 15 alimwi maulu aakwe akali mbuli mukuba mubotu nouŋaima mubbibi lyamulilo; alimwi ijwi lyakwe lyakali mbuli kuvwuuma kwamaanzi manji. 16 Alimwi mujanza lyakwe lyalulyo wakajisi nyenyeezi zili ciloba, alimwi mukanwa lyakwe mwakali kuzwa panga damfwu libosya, ilikwengedwe koonse-koonse, alimwi busyu bwakwe bwakali mbuli zuba mbolimweka nolibala kapati. 17 Lino nindakamubona, ndakawida kumaulu aakwe mbuli muntu uufwide. Mpoonya wakandijata ajanza lyakwe lyalulyo akwaamba kuti: “Utayoowi pe. Ndili Mutaanzi a Musyaalizi, 18 alimwi ooyo uupona; ndakalifwide, pele bona, ndilapona lyoonse mane kukabe kutamani, alimwi ndijisi makkii aalufwu aa Cikkalilo Cabafwu.* 19 Aboobo kozilemba zyintu nzyowabona, azyintu iziliko lino alimwi azyeezyo zitiicitike zyainda eezyi. 20 Lino kujatikizya maseseke aa Leza aanyenyeezi zili ciloba nzyowabona mujanza lyangu lyalulyo, alimwi aazibikkilo zyamalambe zyangolida izili ciloba: Inyenyeezi zili ciloba ziiminina bangelo bambungano zili ciloba, mpoonya zibikkilo zyamalambe zili ciloba ziiminina mbungano zili ciloba.\\n^ Naa, “Ndime Matalikilo a Mamanino.”\\nMabala Amusale naa muyanda kukkopa zyakamwaigwa izyakalekkoodwa Busanduluzi bwa Nyika Mpya bwa Magwalo aa Banakilisito aa Chigiliki","num_words":501,"character_repetition_ratio":0.054,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Leza Uyanda Kuti Bakombi Bakwe Kabasalala\\nJehova Uyanda Kuti Bakombi Bakwe Kabasalala\\n1-3. (a) Nkamboonzi mwanakazi nayanda kuti mwanaakwe aboneke kabotu? (b) Nkamboonzi Jehova nayanda kuti bakombi bakwe kabasalala?\\nYEEYA atala amwanakazi uuli aluyando, uubambila mwanaakwe kuti aye kuchikolo. Ulamusanzya akumuzwaatika zigogo zitakwe tombe ziboneka kabotu. Kuchita oobo kukwabilila mwana kuti atajatwi amalwazi alubo kutondeezya kuti bazyali bakwe balamuyanda.\\n2 Taateesu Jehova, uyanda kuti katusalala. (Intembauzyo 18:26) Ulizi kuti kusalala kugwasya ndiswe. Kukkala katusalala kupa kuti Jehova alemekwe.—Ezekiele 36:22; bala 1 Petro 2:12.\\n3 Kusalala chambaanzi? Alubo kutugwasya biyeni? Kulanga-langa mibuzyo eeyi, kuyootugwasya kubona mputweelede kubambulula.\\nNKAMBOONZI NITWEELEDE KUSALALA?\\n4, 5. (a) Nkamboonzi nitweelede kusalala? (b) Zintu zyakalengwa zitondeezya kuti Jehova ukubona biyeni kusalala?\\n4 Jehova utuyiisya kuti tusalale muzyiimo zyoonse. (Levitiko 11:44, 45) Kamwi kaambo kapa kuti tusalale nkakuti, tuyanda ‘kwiiya Leza.’—BaEfeso 5:1.\\n5 Zintu zyakalengwa zitondeezya Jehova mbakubona kusalala. Jehova wakalenga zintu zipa kuti muuya ngutuyoya amaanzi zitasofwaali. (Jeremiya 10:12) Yeeya atala anyika mbiilisalazya nikuba kuti bantu balayisofwaazya. Muchikozyano, Jehova wakalenga tuuka tuniini loko tuboneka amunchina luzutu. Tuuka ootu tuchincha zintu zisofweede zijaya akuba zintu zilikabotu. Eezi zilagambya. Basayensi babelesya tuuka ootu kuti muuya ngutuyoya utasofwaali loko.—BaRoma 1:20.\\n6, 7. Mulawu waMusa utondeezya biyeni kuti bakombi baJehova beelede kusalala kumubili?\\n6 Umwi Mulawu Jehova ngwaakapede maIsrayeli kabelesya Musa utondeezya mbukuyandikana kusalala kumubili. Muchikozyano, bantu bakeelede kusalala kumubili kuti Jehova abutambule bukombi bwabo. Mubuzuba Bwakumaninsya Milandu, mupayizi mupati wakeelede kusamba tubili. (Levitiko 16:4, 23, 24) Alubo, bamwi bapayizi bakeelede kusamba kumaboko akumawulu kabatanatuula zituuzyo. (Kulonga 30:17-21; 2 Makani 4:6) Zimwi ziindi bantu bakatali kutobelezya milawu yaLeza bakali kujayigwa.—Levitiko 15:31; Myeelwe 19:17-20.\\n7 Kutegwani mazubaano? Tulakonzya kwiiya zyiingi atala azyeelelo zyaJehova muMulawu. (Malaki 3:6) Mulawu ooyu wakali kutondeezya antanganana kuti bakombi baJehova bakeelede kusalala kumubili. Zyeelelo zyaJehova tazinachincha pe. Nikuba mazubaano, uchiyanda kuti bakombi bakwe kabasalala.—Jakobo 1:27.\\n8. Kusalala chambaanzi?\\n8 Kweendelana amaboneno aJehova, kusalala kuswaanizya zintu zyiingi kutali kusamba, kuwacha zigogo akusalazya myuunzi yesu luzutu. Kusalala kuswaanizya maponeno eesu woonse. Alubo kuswaanizya bukombi bwesu, mbutulijata anzituyeeya. Kuti Jehova abutambule bukombi bwesu, tweelede kusalala muzyiimo zyoonse.\\n9, 10. Kusalala mubukombi chambaanzi?\\n9 Kusalala mubukombi. Tatweelede kuliswaanizya nikuba aniini mubukombi bwakubeja. MaIsrayeli nibakali mubuzike kuBbabbiloni, bakali kukkala abantu bakali kukomba baleza bakubeja. Isaya wakasinsima kuti maIsrayeli bakali kuyoobweeda kulimbabo kuti bakabusilizye bukombi bwakasimpe. Jehova wakababuzya kuti: “Muzwe okuno. Mutaampi cintu niciba cimwi cisofweede. Amuzwe mulinguwo, musalale.” Kuchita oobo kwakali kuyoopa kuti bukombi bwabo butasofwaazigwi anjiisyo aziyanza zyabukombi bwakubeja bwakuBbabbiloni.—Isaya 52:11.\\n10 MaKristu bakasimpe abalabo beelede kubutantamuka bukombi bwakubeja. (Bala 1 BaKorinto 10:21.) Bantu biingi mazubaano basyoma ziyanza atunsiya-nsiya tweendelana anjiisyo zyabukombi bwakubeja. Muchikozyano, mutunsiya-nsiya twiingi, bantu basyoma kuti kuli chimwi chintu chichaala kachipona kuti muntu wafwa alubo basyoma zintu zisiyene-siyene mukaambo aaka. (Mukambausi 9:5, 6, 10) MaKristu beelede kututantamuka tunsiya-nsiya ootu. Bamumpuli balakonzya kutusinikizya kuti tuliswaanizye mumichito eeyi. Nikuba boobo, tatweelede kuzumina pe nkaambo tuyanda kuchita zintu zibotezya Jehova.—Incito 5:29.\\n11. Kusalala mukulijata chambaanzi?\\n11 Kusalala mukulijata. Kuti tukkale katusalala mumeso aJehova, tweelede kutantamuka michito yoonse yakutalilemeka mumakani aakoonana. (Bala BaEfeso 5:5.) Kwiinda muJwi lyakwe, Jehova utubuzya kuti: “Amucije bwaamu.” Alubo wakaamba kuti bantu batalilemeki mumakani aakoonana “tabakonzyi kuyoovuba Bwami bwa-Leza.”—1 BaKorinto 6:9, 10, 18; langa Makani Aakumamanino 22.\\n12, 13. Nkamboonzi nitweelede kusalala mumizeezo?\\n12 Kusalala mumizeezo. Tuchita zintu nzituyeeya. (Matayo 5:28; 15:18, 19) Kuba amizeezo iisalala kupa kuti tuchite zilikabotu. Chimwi chiindi, tulakonzya kuba amizeezo iitali kabotu nkaambo tatumaninide. Kuti twatalika kuba amizeezo mibi, tweelede kwiigwisya chakufwambaana. Pesi kuti twayilekela, ilakonzya kusofwaazya myoyo yesu. Eezi ziyoopa kuti tuchite zintu zibi. Nkinkaako, tweelede kukkala katuyeeya zintu zilikabotu. (Bala BaFilipi 4:8.) Tweelede kutantamuka zyakulikondelezya zisumpula mizeezo yakoonana akulwana. Alubo, tweelede kuchenjelela zintu nzitubala, nzitweebela anzitwaambuula.—Intembauzyo 19:8, 9.\\n13 Kuti tukkale katuli muluyando lwaLeza, tweelede kusalala mubukombi, mukulijata amumizeezo. Alubo Jehova uyanda kuti katusalala nikuba kumubili.\\nTWEELEDE KUCHITA BIYENI KUTI TUSALALE KUMUBILI?\\n14. Nkamboonzi nitweelede kusalala kumubili?\\n14 Kusalala kumubili akusalazya mputukkala, kugwasya ndiswe abantu mbitukkalaabo. Kuchita oobo, kupa kuti tupone buumi bulikabotu alubo bantu banooyanda kukkala andiswe. Kwiinda zyoonse, kusalala kumubili kupa kuti Jehova alemekwe. Muchikozyano, kuti wabona mwana uukkala kali atombe, ulakonzya kuba amaboneno aatali kabotu atala abazyali bakwe. Mbukubede andiswe, bantu balakonzya kuba amaboneno aatali kabotu atala aJehova kuti twakkala katuli atombe. Pawulu wakati: “Swebo tatubiki imfumpu niiba yomwe munzila yamuntu, kuti milimo yesu itasampauki, pele muzintu zyoonse tulatondezya kuti tuli basimilimo benibeni ba-Leza.”—2 BaKorinto 6:3, 4.\\nMbutuli bakombi baJehova, tweelede kukkala katusalala kumubili akusalazya mputukkala\\n15, 16. Tweelede kuchitaanzi kuti tukkale katusalala?\\n15 Mibili yesu anzituzwaata. Tweelede kubeleka changuzu kuti tukkale katusalala chiindi choonse. Muchikozyano, tweelede kusamba mazuba woonse. Tweelede kusambya ansipa kumaboko, kapati katutanatalisya kujika, kulya anitwazwa kubelesya chimbuzi anitwajisi chimwi chintu chili atombe. Nikuba kuti kusamba kumaboko kulakonzya kubonekaanga nchintu chiniini, pesi kugwasya kuti tutatabukilwi malwazi. Alubo kupa kuti tutafwi kufwambaana. Pesi kuti kakutakwe chimbuzi, tulakonzya kubelesya imwi nzila yakuti katuvumba tombe. MaIsrayeli teebakalikwe zimbuzi pesi tombe bakali kulivwikka munyika, kule ampubakali kukkala akwakali maanzi.—Deuteronomo 23:12, 13.\\n16 Zigogo nzituzwaata tazyeelede kuba zeeziya zidula loko naakuti zyaajulu loko. Pesi zyeelede kulangika kabotu. (Bala 1 Timoteo 2:9, 10.) Nzituzwaata zyeelede kupa kuti Jehova alemekwe.—Tito 2:10.\\n17. Nkamboonzi nitweelede kubona kuti myuunzi yesu azintu nzitubelesya zilasalala?\\n17 Myuunzi yesu azintu nzitubelesya. Myuunzi yesu yeelede kusalala kufumbwa nkutukkala. Alubo tweelede kubona kuti moota, midududu, azimwi zyeenzyo nzitubelesya nituya kukukambawuka akumiswaangano zili muchiimo chili kabotu. Nitukambawuka, tuyiisya bantu kuti bayoopona munyika yaparadayizi iitakwe tombe. (Luka 23:43; Ciyubunuzyo 11:18) Mbiiboneka myuunzi yesu azintu nzitubelesya, zitondeezya kuti tulikulibambila kuyookkala munyika mpya iitakwe tombe.\\n18. Nkamboonzi masena ngitukombela naayelede kukkala kaasalala?\\n18 Masena ngitukombela. Tutondeezya kuti kusalala kulayandikana chiindi nitusalazya masena ngitukombela aswaanizya Maanda aBwaami amasena ngituchitila miswaangano mipati. Chiindi chiingi bantu baswaya kuNg’anda yaBwaami kakusaanguna ngababona kuti tayikwe tombe. Eezi zipa kuti Jehova alemekwe. Bamumbungano bali achilongezyo chakusalazya Ng’anda yaBwaami akubambulula zifwide.—2 Makani 34:10.\\nKUTANTAMUKA MICHITO IISOFWEEDE\\n19. Niinzi nchitweelede kutantamuka?\\n19 Nikuba kuti Bbayibbele talyaambi michito yoonse njitweelede kutantamuka, pesi lili amalayilile aatugwasya kumvwisisisya Jehova mbayibona michito eeyi. Jehova tayandi pe kuti katufwepa, katunywa bukande zyiindilide akubelesya minsamu iikola. Kuti katuyanda kuba beenzinyina baLeza, tweelede kwiitantamuka michito eeyi. Nkamboonzi? Nkaambo tulabulemeka buumi. Michito eeyi ilakonzya kupa kuti tutaponi kwachiindi chilamfu akunyongania mibili yesu abantu mbitukkalaabo. Bamwi bantu batantamuka michito eeyi nkaambo bayoowa kuba amalwazi. Pesi beenzinyina baJehova balisiyene ambubayeeya bamwi nkaambo balamuyanda Leza. Umwi mwanakazi wakati: “Jehova wakandigwasya kuti ndikonzye kuchincha maponeno aangu akuleka michito mibi yakali kundikataazya kwiileka. . . . Alubo tandiboni pe kuti ndakali kuzookonzya kuchincha kaansinga Jehova taakandigwasya.” Kwalino atulange-lange njiisyo zizwa muBbayibbele zili musanu zikonzya kugwasya muntu kuti atantamuke michito iisofweede.\\n20, 21. Njiili michito Jehova njatubuzya kuti twiitantamuke?\\n20 “Lino nubayandiki, mbuli mbutujisi zisyomezyo ezi, atulisonzole busofwaazi boonse nibuba bwamubili nibuba bwamoyo, atulondole busalazi bwesu cakuyoowa Leza.” (2 BaKorinto 7:1) Jehova uyanda kuti tutantamuke michito iikonzya kutunyongania kumubili amumizeezo.\\n21 Majwi aakuti “atulisonzole busofwaazi boonse” alapandululwa mulugwalo lwa2 BaKorinto 6:17, 18, lwaamba kuti: “Mutaampi cintu citasalali.” Alubo Jehova wakaamba kuti: “Nzoomubeda mbuli Usowanu, anywebo muzoondibeda bana bangu baalumi abanakazi.” Jehova uyootuyanda mbuuli wisi mbayanda bana bakwe, kuti twatantamuka michito iisofweede njatayandi.\\n22-25. Nziizili njiisyo zyamuBbayibbele zitugwasya kutantamuka michito iisofweede?\\n22 “Yanda Leza Jehova wako amoyo wako woonse, amoya wako woonse, amumiyeeyo yako yoonse.” (Matayo 22:37) Mulawu ooyu uyandikana loko kumaKristu woonse. (Matayo 22:38) Tweelede kuyanda Jehova amoyo woonse. Zilachita na kuyanda Jehova kumwi katuchita zintu zipa kuti tutaponi kwachiindi chilamfu kazinyongania mizeezo yesu? Tweelede kuchita zintu zitondeezya kuti tulachilemeka chipo chabuumi.\\n23 “[Jehova] nguubapa boonse buumi, amuuya, azintu zyoonse.” (Incito 17:24, 25) Kuti mweenzinyokwe wakupa chipo ulachisowa na, naakuti kuchitenta? Buumi nchipo chiyandikana loko chizwa kuli Jehova. Tulamulumba akaambo kachipo eechi. Nkinkaako, tweelede kupona munzila iipa kuti Jehova alemekwe.—Intembauzyo 36:9.\\n24 “Yanda mweenzinyoko mbuli mboliyanda omwini.” (Matayo 22:39) Michito mibi tayinyonganyi ndiswe luzutu. Ilakonzya kunyongania bantu mbituyanda ambitukkalaabo chiindi chiingi. Muchikozyano, muntu ukkala amuntu ufwepa ulakonzya kujatwa bulwazi akaambo kakuyoya busi bwapolya. Kutantamuka michito mibi kutondeezya kuti tulabayanda mbitukkalaabo.—1 Johane 4:20, 21.\\n25 ‘Kobayeezya kuti kabanga kabalichesya kubabetesi akubaami.’ (Tito 3:1) Muli zimwi zisi kubelesya imwi minsamu takuzumizigwi pe. Milawu eeyi tulayitobela nkaambo Jehova utuyiisya kuti tulemeke baami bazisi.—BaRoma 13:1.\\nKukkala katusalala kupa kuti Jehova alemekwe\\n26. (a) Tweelede kuchitaanzi kuti tube beenzinyina baJehova? (b) Nkamboonzi kusalala muzyiimo zyoonse nikuyandikana?\\n26 Kuti katuyanda kuba beenzinyina baJehova tuyoobona mputweelede kubambulula. Alubo tweelede kuchita oobo chakufwambaana. Tulakonzya kuzwidilila nikuba kuti kuleka michito mibi tekuuba pe. Jehova utusyomezya kuti ulatugwasya. Utubuzya kuti: “Ndime Jehova Leza wako. Ndime uukwiiyisya kuti ugwasigwe. Ndime uukweenzya munzila njoelede kutola.” (Isaya 48:17) Kusalala muzyiimo zyoonse kuyoopa kuti Leza ngutukomba alemekwe.\\n1 JEHOVA ULASALALA MUZINTU ZYOONSE NZYACHITA\\n“Amusalale, nkaambo ndasalala mebo.”—Levitiko 11:45\\nTweelede kusalala muzintu zyoonse nzituchita. Kusalala kuswaanizya kusamba, kuwacha zigogo akusalazya myuunzi yesu. Alubo kuswaanizya kusalala mubukombi, mukulijata amumizeezo.\\nKulonga 30:17-21; Jeremiya 10:12\\nZintu zyakalengwa aJehova zitondeezya kuti kusalala kulayandikana kuli nguwe.\\nIntembauzyo 19:8, 9; Matayo 15:18, 19; BaFilipi 4:8\\nTuchita zintu nzituyeeya, nkinkaako tweelede kukkala katuyeeya zintu zilikabotu.\\n2 TWEELEDE KUKKALA KATUSALALA MUBUKOMBI\\n‘Amusalale, inywe nimubweza zibelesyo zyaJehova.’—Isaya 52:11\\nKujana twachita biyeni kuti tukkale katusalala mubukombi?\\n1 BaKorinto 10:21; Jakobo 1:27\\nTweelede kutantamuka ziyanza atunsiya-nsiya tweendelana anjiisyo zyabukombi bwakubeja.\\nKuzwa chiindi, Jehova ulabakwabilila bakombi bakwe kwiinda mukubapa milawu amalayilile.\\n3 MICHITO MIBI INYONGANIA BWEENZUMA MBUTULABO AJEHOVA\\n“Atulisonzole busofwaazi boonse nibuba bwamubili nibuba bwamoyo.”—2 BaKorinto 7:1\\nNjiili michito Jehova njatubuzya kuti twiitantamuke?\\nMatayo 22:39; Incito 17:25; Tito 3:1\\nTweelede kutantamuka michito iikonzya kupa kuti tutaponi kwachiindi chilamfu. Michito eeyi iswaanizya kufwepa, kunywa bukande zyiindilide akubelesya minsamu iikola. Michito eeyi itondeezya kutalemeka buumi bwesu abwabamwi kuswaanizya amilawu yachisi.\\nTulakonzya kuzwidilila nikuba kuti kuleka michito mibi tekuuba pe. Jehova uyootugwasya kuleka michito mibi.\\n4 TULAKONZYA KWIITANTAMUKA MICHITO MIBI\\n“Ndaumisya loko mubili wangu, ube muzike wangu.”—1 BaKorinto 9:27\\nNiinzi chikonzya kutugwasya kuti tuleke michito mibi?\\nKomba kukumbila muuya uusalala kuti ukugwasye kutantamuka michito mibi.\\nTantamuka bantu, zisobano naakuti nyimbo zipa kuti kukuyumine kuleka michito mibi.\\nKkala kulibambilide kupandulwida bamwi kuti nkamboonzi nutachiti zimwi zintu mbuuli kufwepa.","num_words":1475,"character_repetition_ratio":0.067,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kutakwata naa Kutakwatwa mu Bbaibbele\\nAMUBALE MU Acholi Afrikaans Albanian Amharic Arabic Armenian Aukan Aymara Azerbaijani Azerbaijani (Cyrillic) Baoule Bashkir Batak (Karo) Batak (Toba) Biak Bicol Bislama Bulgarian Cambodian Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chokwe Chol Chuvash Cibemba Cinyanja Croatian Czech Dangme Danish Digor Drehu Dutch Efik English Estonian Ewe Fijian Finnish Fon French Ga Garifuna Georgian German Greek Guarani Gun Haitian Creole Hausa Hebrew Hiligaynon Hindi Hiri Motu Hmong (White) Hungarian Ibanag Icelandic Igbo Iloko Indonesian Isoko Italian Japanese Javanese Kabiye Karen (S'gaw) Kazakh Kikamba Kikaonde Kikongo Kikuyu Kiluba Kimbundu Kinyarwanda Kirghiz Kiribati Kirundi Kisonge Kongo Korean Kurdish Kurmanji (Caucasus) Kurdish Kurmanji (Cyrillic) Kwangali Kwanyama Lhukonzo Lingala Lithuanian Lomwe Luganda Lunda Luo Luvale Macedonian Macua Malagasy Malay Malayalam Maltese Mam Mambwe-Lungu Mapudungun Mauritian Creole Maya Mazatec (Huautla) Mbunda Mongolian Moore Myanmar Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngangela Nias Niuean Norwegian Nyaneka Nzema Oromo Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Rarotongan Romanian Runyankore Russian Rutoro Samoan Sango Saramaccan Sena Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovenian Solomon Islands Pidgin Spanish Sranantongo Swahili Swahili (Congo) Swati Swedish Tagalog Tahitian Tamil Tatar Telugu Tetun Dili Thai Tigrinya Tiv Tojolabal Tok Pisin Tongan Tshiluba Tshwa Tsonga Turkish Twi Tzeltal Tzotzil Ukrainian Umbundu Urdu Urhobo Venda Vietnamese Waray-Waray Wayuunaiki Wolaita Xhosa Yoruba Zande Zulu\\nJesu wakaswaya banyinazyala Petro akubaponya.—Matayo 8:14; Marko 1:29-31\\nZIKOMBELO munyika—mbuli cikombelo ca Katolika, zikombelo ziindene-indene zya Orthodox, Buddhism, azimwi—zikulwaizya kuti basololi bazyo kabatakwati naa kabatakwatwi. Kulubazu lumwi, bantu banji balimvwa kuti cilengwa eeci nkocili akaambo kamilandu yali kucitwa caino-ino iijatikizya koonana kwabasololi bazikombelo ziindene-indene.\\nAboobo cileelela kubuzya kuti, Sena kutakwata naa kutakwatwa nceelelo camu Magwalo cababelesi Banakristo? Kutegwa twiingule mubuzyo ooyu, atulange-lange matalikilo aacilengwa eeci alimwi ambwacibona Leza.\\nMAKANI AAKAINDI AABUKOMBI AAJATIKIZYA KUTAKWATA NAA KUTAKWATWA\\nMumulumbe ngwaakali kwaambila nkamu yabeedelezi bana Roma mu 2006, iwakali paapa kuciindi eeco Pope Benedict XVI wakaamba kuti mulawo wakutakwata naa kutakwatwa “ncilengwa cakatalika kaindi afwaafwi aciindi ca Baapostolo.”\\nNokuba boobo, kutakwata naa kutakwatwa tiicakali cilengwa cabukombi icakali kucitwa a Banakristo bamumwaanda wamyaka wakusaanguna. Mane mwaapostolo Paulo, iwakapona mumwaanda wamyaka wakusaanguna wakacenjezya basyomi kujatikizya bamaalumi ibakali kuyakwaamba ‘majwi aakweena aalimvwisya mbuli kuti akasololelwa amuuya wa Leza’ alimwi ‘akukasya kukwatana.’—1 Timoteyo 4:1-3.\\nMwakali mumwaanda wamyaka wabili cilengwa cakutakwata naa kutakwatwa nocakatalika kunjila muzikombelo zya “Bunakristo” zyalo mukuya kwaciindi izyakali kuyooba cikombelo ca Katolika. Kweelana abbuku litegwa Celibacy and Religious Traditions, cilengwa eeci “cakali kweendelana akuyaambele mukukasya koonana ikwakatalika mubulelo bwabana Roma.”\\nMumyaanda yamyaka yakatobela, miswaangano yazikombelo alimwi abaabo baambwa kuti bama Fwala bacikombelo bakali kukulwaizya kutakwata naa kutakwatwa kwabasololi bazikombelo. Bakali kuyeeya kuti koonana kwakali kusofwaazya alimwi tiikwakali kweendelana amilimo iicitwa abasololi bazikombelo. Nokuba boobo, bbuku litegwa Encyclopædia Britannica lyaamba kuti “nokuba kumamanino aamwaanda wamyaka wa 10 bunji bwabapaizi alimwi abamabishopo bamwi bakalijisi bamakaintu.”\\nMulawo wakutakwata naa kutakwatwa kwabasololi bazikombelo wakabikkwa lyamiswaangano ya Lateran mu 1123 awamu 1139, iyakacitilwa mu Rome, alimwi wazumanana kubako mucikombelo ca Katolika kusikila mazuba aano. Kwiinda mukucita boobu, cikombelo cakakwabilila nguzu nzyocijisi alimwi amali kutegwa bapaizi ibakakwete batasiili bana babo lubono lwacikombelo.\\nLEZA MBWAKUBONA KUTAKWATA NAA KUTAKWATWA\\nLeza mbwakubona kutakwata naa kutakwatwa kulaambidwe kabotu-kabotu mu Jwi lyakwe, Bbaibbele. Mulindilyo tulabala majwi aa Jesu kujatikizya baabo ibatakakwata naa ibatakakwatwa, mbuli mbwaakacita walo “akaambo ka Bwami bwakujulu.” (Matayo 19:12) Mumakani ngamunya aaya, mwaapostolo Paulo wakaamba kujatikizya Banakristo ibakasala kutobela cikozyanyo cakwe cakutakwata “akaambo kamakani mabotu.”—1 Bakorinto 7:37, 38; 9:23.\\nNokuba boobo, Jesu a Paulo kunyina nobakali kulailila kuti babelesi Banakristo tabeelede kukwata naa kukwatwa. Jesu wakaamba kuti kutakwata naa kutakwatwa cakali “cipego” ncobatakajisi basikumutobela boonse. Ciindi Paulo naakalemba kujatikizya ‘baabo batanakwete naa kukwatwa,’ cakutainda mumbali wakaamba kuti: “Tandijisi mulawo uuzwa ku Mwami pe, pele ndipa muzeezo wangu.”—Matayo 19:11; 1 Bakorinto 7:25, bupanduluzi buyungizyidwe.\\nKuyungizya waawo, Bbaibbele lilatondezya kuti babelesi Banakristo banji mumwaanda wamyaka wakusaanguna, kubikkilizya amwaapostolo Petro bakalikwete. (Matayo 8:14; Marko 1:29-31; 1 Bakorinto 9:5) Mane buya, akaambo kakuvwula kwabwaamu mubweendelezi bwabana Roma bakuciindi eeco, Paulo wakalemba kuti, ikuti mulangizi Munakristo kakwete, wakeelede kuba “mulumi uukwete mukaintu omwe” alimwi uujisi “bana balibombya.”—1 Timoteyo 3:2, 4.\\nEezyi tiizyakali zikwati mobatakali koonana, nkaambo cakusalazya Bbaibbele lyaamba kuti ‘imulumi [weelede] kupa mukaintu wakwe zyeelede’ alimwi akuti banabukwetene tabeelede ‘kwiimana pe’ caboola kukoonana. (1 Bakorinto 7:3-5) Cilisalede kuti, kutakwata naa kutakwatwa tacili ceelelo ca Leza, alimwi tauli mulawo kubabelesi Banakristo.\\nAKAAMBO KAMAKANI MABOTU\\nIkuti kutakwata naa kutakwatwa tauli mulawo, nkaambo nzi Jesu a Paulo ncobakakulwaizya kutakwata naa kutakwatwa? Akaambo kakuti kutakwata naa kutakwatwa kulakonzya kupa muntu zyoolwe zinji zyakwaambila bamwi makani mabotu. Bantu batakwete naa batakwetwe balakonzya kulyaaba kapati nkaambo tabajisi zintu nzyobalibilika aabo bakwete naa bakwetwe.—1 Bakorinto 7:32-35.\\nAmulange-lange cikozyanyo caba David, balo ibakasala kuleka mulimo wabo iwakali kuvwolwa mali manji ku Mexico City kutegwa balongele kubusena bwakali kulamfwu ku Costa Rica kuyooyiisya bamwi Bbaibbele. Sena ba David balimvwa kuti kutakwata kwakabagwasya kucita boobo? Bakaamba kuti: “Inzya. Tiicakali cuuba-uba kwiiya zilengwa zipya alimwi abukkale bwiindene ambondakazyibide, pele mbwaanga ndakali buyo endikke, tiicakandikazya kapati kucinca.”\\nBa Claudia, Munakristo uutakwetwe iwakalongela kuyoobelekela kumasena kubulide bakambausi, wakaamba kuti: “Ndilaukkomanina mulimo wangu kuli Leza. Lusyomo lwangu acilongwe cangu a Leza zilayuma ciindi nondibona mbwandilanganya.”\\n“Tacikwe makani ulikwetwe naa tokwetwe, ulakonzya kuba muntu uukkomene kufwumbwa kuti Jehova Leza wamubelekela kusikila mpogolela.”—Ba Claudia\\nKutakwata naa kutakwatwa taceelede kuba cintu ciminya. Ba Claudia bakayungizya kwaamba kuti: “Tacikwe makani ulikwetwe naa tokwetwe, ulakonzya kuba muntu uukkomene kufwumbwa kuti Jehova Leza wamubelekela kusikila mpogolela.”—Intembauzyo 119:1, 2.\\nSena Bakamboni ba Jehova Kuli Milawo Njobabikkide Mumakani Aakweebana?\\nSena kweebana makani aakulikondelezya buyo naa kuli azimwi zijatikizyidwe?\\nIno Baalu Bazigwasya Buti Mbungano zya Bakamboni ba Jehova?","num_words":893,"character_repetition_ratio":0.068,"word_repetition_ratio":0.011,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matayo 8 | Bbaibbele lili a Intaneti | Bbaibbele lya Busanduluzi Bwanyika Mpya\\nSicinsenda waponesyegwa (1-4)\\nLusyomo lwasilutwe wabasikalumamba (5-13)\\nJesu waponya bantu banji ku Kapernauma (14-17)\\nMbotukonzya kumutobela Jesu (18-22)\\nJesu waumuzya guwo (23-27)\\nJesu waatandila mungulube madaimona (28-34)\\n8 Naakaseluka aacilundu, makamu-makamu aabantu akamutobela. 2 Eelyo sicinsenda wakaboola akumufwugamina,* akwaamba kuti: “Mwami, ikuti koyanda, ulakonzya kundisalazya.”+ 3 Aboobo wakatandabika janza lyakwe, wamujata akumwaambila kuti: “Ndilayanda! Kosalazyigwa.”+ Mpoonya aawo wakasalazyigwa kucinsenda cakwe.+ 4 Eelyo Jesu wakamwaambila kuti: “Utaambili muntu naba omwe,+ pele koya ukalitondezye kumupaizi+ akupa cipego eeco Musa ncaakaamba+ kutegwa bukabe bumboni kulimbabo.” 5 Naakanjila mu Kapernauma, silutwe wabasikalumamba wakaboola kulinguwe akumukombelezya+ 6 kaamba kuti: “Mwami, mubelesi wangu ulilede muŋanda, ulilebukide mubili alimwi ulipengede kapati.” 7 Wakamwaambila kuti: “Ndasika ooko ndilamuponya.” 8 Silutwe wabasikalumamba wakaingula kuti: “Mwami, tandeeleli mebo kuti unjile muŋanda yangu, pele koile kwaamba buyo jwi eelyo mubelesi wangu ulapona. 9 Nkaambo andime ndili muntu weendelezyegwa, ndilijisi basikalumamba mbondeendelezya alimwi naa ndaambila yooyu kuti, ‘Koya!’ ulaunka, alimwi naa ndaambila umbi kuti, ‘Boola!’ ulaboola, amuzike wangu ndamwaambila kuti, ‘Cita ceeci!’ ulacicita.” 10 Jesu naakamvwa boobo, wakagambwa eelyo wakaambila baabo ibakali kumutobela kuti: “Ncobeni ndimwaambila kuti, kunyina muntu ngondajana mu Israyeli uulaalusyomo lupati luli boobu.+ 11 Pele ndimwaambila kuti banji kuzwa kujwe akumbo bayooboola akukkala kutebulu antoomwe a Abrahamu, Izaka a Jakobo mu Bwami bwakujulu;+ 12 kakuli balo bana ba Bwami bayoosowelwa anze mumudima. Ooko nkobaya kulilila akulumina ntwino.”+ 13 Eelyo Jesu wakaambila silutwe wabasikalumamba kuti: “Koya. Akube boobo kulinduwe kweelana alusyomo ndootondezya.”+ Aboobo mubelesi ooyo wakapona aciindi nciconya eeco.+ 14 Lino Jesu naakasika muŋanda ya Petro, wakabona banyinazyala Petro+ kabalede akaambo kakupya mubili.+ 15 Aboobo wakabajata kujanza,+ eelyo mubili wakaleka kupya, mpoonya bakabuka akutalika kumukutaukila. 16 Nokwakaba kumangolezya, bakamuletela bantu ibanji banjidwe madaimona; eelyo wakaitanda myuuya kwiinda mukwaamba buyo jwi, alimwi wakabaponya boonse aabo ibakali kuciswa, 17 ikutegwa azuzikizyigwe majwi aakaambwa kwiinda mumusinsimi Isaya kuti: “Ooyo wakabweza macise eesu akutola malwazi eesu.”+ 18 Jesu naakabona nkamu yabantu yakamuzingulukide, wakalailila basikwiiya bakwe kuti bazabukile mutala eliya.+ 19 Eelyo mulembi umwi wakaboola akumwaambila kuti: “O Mwiiyi, ndilakutobela kufwumbwa nkoya.”+ 20 Aboobo Jesu wakamwaambila kuti: “Bamwaaba balijisi malyango abayuni bamujulu balijisi ziteente, pele Mwanaamuntu tajisi aakubikka mutwe wakwe.”+ 21 Mpoonya umwi wabasikwiiya wakamwaambila kuti: ��Mwami, koleka saansi nduunke ndikaakuzikke bataata.”+ 22 Jesu wakamwaambila kuti: “Kozumanana kunditobela, alimwi kobaleka bafwu bazikke bafwu babo.”+ 23 Eelyo naakatanta mubwato, basikwiiya bakwe bakamutobela.+ 24 Lino kwakabuka guwo pati mulwizi cakuti mayuwe akali kunjila mubwato; pele walo wakalilede.+ 25 Eelyo bakaboola bamubusya kabaamba kuti: “Mwami, kotuvwuna, twafwa!” 26 Pele wakababuzya kuti: “Nkaambo nzi ncomuyoowede boobu nywebo nobasilusyomo luniini?”+ Mpoonya wakanyamuka akukalalila guwo alwizi, eelyo kwakaumuna wi.+ 27 Aboobo baalumi aabo bakagambwa akwaamba kuti: “Ino ooyu muntu uuli buti? Noliba guwo alimwi alwizi zilamumvwida.” 28 Lino naakasika mutala, mucooko caba Gadara, kwakamuswaanganya bantu bobilo banjidwe madaimona kabazwa kunamaumbwe.+ Bakali kuyoosya kapati cakuti kunyina wakali kukonzya kwiinda nzila eeyo. 29 Eelyo bakakwiila, balaamba: “Ino tujisi kaambo nzi anduwe, O Mwana wa Leza?+ Sena waboola kuzootupenzya+ kacitanasika ciindi?”+ 30 Alaale kuzwa mpobakabede, kwakali tanga lyangulube izyakali kucela.+ 31 Mpoonya madaimona akatalika kumukombelezya kuti: “Ikuti naa ututande, kotutandila mutanga lyangulube.”+ 32 Wakati kulingawo: “Kamuya!” Aboobo akazwa akuyoonjila mungulube, eelyo tanga lyoonse lyakabalikila mujeleele akusotokela mulwizi akufwa mumaanzi. 33 Pele beembezi bakatija, alimwi nobakanjila mumunzi, bakaluula zyoonse kubikkilizya amakani aabantu bakanjidwe madaimona. 34 Aboobo bantu boonse mumunzi bakaboola kuli Jesu, eelyo nobakamubona, bakamukombelezya kuti azwe mucooko cabo.+","num_words":514,"character_repetition_ratio":0.065,"word_repetition_ratio":0.0,"special_characters_ratio":0.189,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Bazyali Inga Babayiisya Buti Banu Babo Makani Aajatikizya Koonana? | Mibuzyo Yamu Bbaibbele\\nAMUBALE MU Afrikaans Albanian American Sign Language Amharic Arabic Armenian Assamese Azerbaijani Azerbaijani (Cyrillic) Bislama Brazilian Sign Language Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Croatian Czech Danish Dutch English Estonian Ewe Faroese Fijian Finnish French Georgian German Greek Hebrew Hiligaynon Hungarian Icelandic Igbo Iloko Indonesian Italian Japanese Kachin Kikuyu Kinyarwanda Kirghiz Kiribati Korean Korean Sign Language Kyangonde Lingala Lithuanian Luganda Malagasy Malay Malayalam Maltese Mongolian Moore Myanmar Ndau Norwegian Nzema Ossetian Pangasinan Papiamento (Aruba) Papiamento (Curaçao) Persian Polish Portuguese Quechua (Bolivia) Quichua (Imbabura) Rarotongan Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Sinhala Slovak Slovenian Solomon Islands Pidgin Spanish Sunda Swahili Swedish Tagalog Tatar Telugu Tetun Dili Thai Tigrinya Tsonga Turkish Ukrainian Vietnamese Xhosa Yoruba Zulu\\nIno Bazyali Inga Babayiisya Buti Banu Babo Makani Aajatikizya Koonana?\\nIno mbaani beelede kuyiisya bana makani aajatikizya koonana? Ibbaibbele lyaamba kuti bazyali mbabajisi mukuli ooyu, alimwi bazyali banji bajana kuti ilabagwasya mizeezo iitobela:\\nMutanoofwi nsoni. Ibbaibbele taliindi mumbali kwaamba makani aajatikizya koonana alimwi azinswe, alimwi Leza wakaambila cisi cabana Israyeli kuti “bana” beelede kuyiisyigwa makani aaya. (Deuteronomo 31:12; Levitiko 15:​2, 16-​19) Mulakonzya kubelesya majwi aabulemu aatapi muzeezo wakuti koonana naa zinswe zyintu zyuusisya nsoni.\\nAmuzumanane kubayiisya. Muciindi cakuba amubandi omwe buyo mulamfwu uujatikizya makani aakoonana ciindi mwanaanu nayanda kukubuka, mweelede kumwaambila asyoonto-syoonto twaambo twakonzya kumvwa.​—1 Bakolinto 13:11.\\nAmubayiisye zyeelelo zyakulilemeka. Kucikolo, bana balakonzya kuyiisyigwa twaambo tumwi tujatikizya makani aakoonana. Nokuba boobo, Bbaibbele likulwaizya bazyali kuyiisya bana babo kutali buyo makani aajatikizya mboupangidwe mubili wabo, pele alimwi ambobeelede kwaabona munzila iiluzi makani aajatikizya koonana.​—Tusimpi 5:​1-​23.\\nAmumuswiilile mwanaanu. Mutanoonyemi naa kufwambaana kumuyeeyela bumbi mwanaanu ikuti naa wabuzya mubuzyo uujatikizya koonana. Muciindi caboobo, mweelede “kufwambaana kuswiilila, kumuka kwaambaula.”​—Jakobo 1:​19.\\nMbomukonzya kukwabilila mwanaanu kubantu bajata bana\\nAmumuyiisye mwanaanu kukaka ikuti naa muntu kayanda kumujata\\nAmuliyiisye nobeni. Amuzyibe mbobacita basikujata bana.​—Tusimpi 18:15; amubone cibalo 32 mubbuku lyakuti Questions Young People Ask​—Answers That Work, Volume 1.\\nAmuzyibe zicitika mubuumi bwamwanaanu. Mutapi buyo muntu uumbi kuti kamulanganya kakunyina kumuzyiba muntu ooyo naa ulasyomeka, alimwi ‘mutanoomulekelezyi buyo’ mwanaanu.​—Tusimpi 29:15.\\nAmumuyiisye kuba abupampu mumakani aakumvwida. Bana beelede kumvwida bazyali babo. (Bakolose 3:​20) Pele, ikuti mwamuyiisya mwanaanu kuti lyoonse weelede kumvwida muntu mupati uuli woonse, mulakonzya kumubikka muntenda. Bazyali Banakristo balakonzya kwaambila mwanaabo kuti, “Ikuti muntu umwi wakwaambila kucita cintu cimwi Leza ncaamba kuti taciluzi, toelede kucicita.”​—Milimo 5:​29.\\nAmucite zitondezyo zitondezya nzila zyuuba-uba zyakulikwabilila. Amumugwasye mwanaanu kuzyiba ncakonzya kucita ikuti umwi muntu wasola kumujata ciindi nomutako. Kucita zitondezyo zifwaafwi kulakonzya kupa mwanaanu kwaamba cakusinizya kuti: “Ndileke! Ndilakwaamba!” alimwi akuccija cakufwambaana. Inga mwayandika kunoomuyiisya mwanaanu cakwiinduluka-induluka, kutegwa atalubi.​—Deuteronomo 6:⁠7.\\nKugwasya Mwanaanu Kuzunda Ciimo Cakukubuka","num_words":420,"character_repetition_ratio":0.055,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Mulamulumba Jehova Akaambo Kakumulanganya Cakubikkila Maano? | Yakwiiya\\n“Meso aa-Jehova ali koonse koonse, alalanga basizibi ababotu boonse.”—TUS. 15:3.\\nTWAAMBO TUPATI-PATI NTOMWEELEDE KUYEEYA\\nNkaambo nzi Jehova ncazumanana kumulanga-langa?\\nMuunzila nzi momukonzya kucenjezyegwa, kululamikwa, alimwi akusololelwa a Jehova?\\nNkaambo nzi Jehova zimwi ziindi ncasala kutatuvwuna kumapenzi?\\n1, 2. Ino kulanganya kwa Jehova cakubikkila maano kwiindene buti akulangisisya kwamincini iifwotola zintu zicitika?\\nMUZISI zinji, mincini iifwotola zintu zicitika yavwula kapati kutegwa kaifwotola bweende bwamyootokala alimwi antenda zicitika. Ikuti mincini yafwotola ntenda yacitika mpoonya ooyo wapa kuti ntenda eeyo icitike watija, bamapulisa balakonzya kumujana namutekenya ooyo watija kwiinda mukubelesya zyafwotolwa amincini akumwaanga. Masimpe, kwiinda mukubelesya mincini eeyo iibikkwa koonse-koonse, bantu tabakonzyi kutija cisubulo ciindi nobacita cintu cimwi cibyaabi.\\n2 Nokuba boobo, sena kuvwula kwamincini iifwotola zintu zicitika kweelede kutuyeezya Taateesu siluyando Jehova? Bbaibbele lyaamba kuti meso aakwe “ali koonse koonse.” (Tus. 15:3) Pele sena eeci caamba kuti lyoonse ulatulangisisya kubona nzyotucita? Sena Leza natulanga uyanda buyo kubona kuti milawo yakwe yatobelwa, kajisi makanze aakutusubula? (Jer. 16:17; Heb. 4:13) Peepe! Jehova ulatulanga akaambo kakuti ulatuyanda alimwi ulabikkila maano kuzintu nzyotucita.—1 Pe. 3:12.\\n3. Ninzila nzi zyosanwe nzyotutiilange-lange Leza mwatulanganya caluyando?\\n3 Ncinzi cikonzya kutugwasya kulumba Leza twazyiba kuti ulatulanga akaambo kaluyando ndwajisi kulindiswe? Atubone mbwatondezya luyando. Ulatondezya luyando kwiinda (1) mukutucenjezya notutondezya mizeezo mibyaabi, (2) mukutululamika ciindi notwatobela nzila zitaluzi, (3) mukutusololela anjiisyo zijanika mu Jwi lyakwe, (4) mukutugwasya notuyaanya masukusyo aasiyene-siyene, alimwi (5) mukutulumbula ciindi naabona bubotu mulindiswe.\\nLEZA UUBIKKILA MAANO ULATUCENJEZYA\\n4. Ino Jehova wakali kuyanda nzi ciindi naakacenjezya Kaini kuti cibi cakali ‘kuyakumubutilila amulyango’?\\n4 Cakusaanguna, atulange-lange Leza mbwatucenjezya notwatalika kutondezya mizeezo mibyaabi. (1 Mak. 28:9) Kutegwa tulumbe cibeela eeci ca Leza mwatulanganya cakubikkila maano, amubone mbwaakacita kuli Kaini, walo “wakakalala loko” ciindi naatakakkomaninwa a Leza. (Amubale Matalikilo 4:3-7.) Jehova wakaambila Kaini kuti ‘kocita kabotu.’ Ikuti naatakali kuyakucita oobo, Jehova wakamucenjezya kuti cibi cakali ‘kuyakumubutilila amulyango.’ Leza wakaamba kuti: “nkabela uyoomweendelezya” (Pele sena uyoocizunda?) Wakali kuyanda kuti Kaini aswiilile kucenjezya alimwi ‘akunyampuzigwa’ naa kukkomaninwa. Kukkomaninwa a Leza kwakali kukonzya kupa kuti azumanane kuba acilongwe cibotu anguwe.\\n5. Muunzila nzi Jehova mwatucenjezya kujatikizya mizeezo iitali kabotu njotukonzya kuba aanjiyo?\\n5 Mbuti kujatikizya ndiswe mazuba aano? Meso aa Jehova alabona izili mumoyo wesu; tatukonzyi kumusisa nzyotuyeeya alimwi amakanze eesu. Taateesu siluyando uyanda kuti tutobele nzila yabululami; nokuba boobo, tatusinikizyi kucinca nzila motweendela. Kwiinda mu Jwi lyakwe, Bbaibbele, ulatucenjezya ciindi notuyanda kweendela munzila iitaluzi. Ino ucita buti oobo? Ciindi notubala Bbaibbele abuzuba, kanji-kanji tulajana zibalo zitugwasya kuzunda tumpenda tubyaabi alimwi amizeezo iitali kabotu. Kuyungizya waawo, mabbuku eesu aa Bunakristo alakonzya kutugwasya mupenzi limwi lyali kutukatazya alimwi akututondezya mbotukonzya kulimana. Alimwi kumiswaangano yesu yambungano, toonse tulatambula lulayo muciindi ceelede.\\n6, 7. (a) Nkaambo nzi ncotukonzya kwaamba kuti makani aabambilwa bantu banji ncitondezyo cakuti Leza ulamulanganya caluyando? (b) Mbuti mbomukonzya kugwasyigwa akulanganya kwa Jehova nkwatondezya kuli umwi aumwi wesu?\\n6 Kucenjezya koonse ooku kutondezya ncobeni kuti Jehova caluyando alimwi cakubikkila maano, ulatulanganya umwi aumwi kumugama. Masimpe, majwi aalembedwe mu Bbaibbele aliko kwamyaanda minji, mabbuku aabambwa ambunga ya Leza alembelwa mamilyoni aabantu, alimwi alulayo lupegwa lyamiswaangano lubambilidwe mbungano yoonse. Nokuba boobo, mubukkale boonse oobu, Jehova uyanda kuti mubikkile maano ku Jwi lyakwe kutegwa mucikonzye kucinca mizeezo yanu. Aboobo, inga twaamba kuti eeci citondezya kuti Jehova ulamulanganya caluyando nywebo kumugama.\\nManjezeezya eesu ayiisidwe kabotu alatugwasya kweeleba ntenda zituzungulukide (Amubone muncali 6 a 7)\\n7 Kutegwa tugwasyigwe kukucenjezya kwa Leza, tweelede kusaanguna kuzyiba kuti ulatubikkila maano ncobeni. Kumane tweelede kucita kweelana ancolyaamba Jwi lyakwe, kusolekesya kugwisya mizeezo iili yoonse iitamukkomanisyi Leza. (Amubale Isaya 55:6, 7.) Ikuti twaswiilila kucenjezyegwa nkotupegwa, tuyakulivwuna kumapenzi manji aakonzya kuboola. Pele mbuti kuti twalekela mizeezo iitaluzi kutweendelezya? Ndugwasyo nzi ndwapa Taateesu siluyando kuti caba boobo?\\nTAATEESU UULANGANYA ULATULULAMIKA\\n8, 9. Mbuti lulayo ndwapa Jehova kwiinda mubabelesi bakwe mbolutondezya kuti ulalanganya ncobeni? Amupandulule.\\n8 Tulakonzya kuzyiba kuti Jehova ulatulanganya kwaambisya ciindi notuzumina kululamikwa. (Amubale Bahebulayo 12:5, 6.) Masimpe, tatukkomani kupegwa lulayo. (Heb. 12:11) Pele amuyeeye twaambo sikutupa lulayo ntwayelede kulanga-langa. Weelede kuzyiba ncotucita calo cikonzya kucijatikizya cilongwe cesu a Jehova Leza, weelede kubikkila maano kujatikizya mbotulimvwa, alimwi weelede kuba aciindi cinji alimwi akusolekesya kutegwa atutondezye kuzwa mu Bbaibbele mbotukonzya kucinca nzila yesu kutegwa tumukkomanisye Leza. Pele wiinda kubikkila maano ngu Jehova, Kasensa kalulayo luli boobo.\\n9 Atulange-lange cikozyanyo cabantu basikupa lulayo mbobakonzya kutondezya kubikkila maano mbuli Leza. Katanaiya kasimpe, mukwesu umwi wakali acilengwa cakweebelela zintu ziletela muzeezo wakoonana lyoonse, pele wakacizunda cilengwa eeci. Nokuba boobo, mizeezo mibyaabi yakaciliko mumoyo wakwe. Ciindi naakaula fooni mpya, kulombozya kwakwe kubyaabi kwakatalika alimwi. (Jak. 1:14, 15) Wakali kubelesya fooni kweebelela zintu ziletela muzeezo wakoona a Intaneti. Bumwi buzuba naakali kucita bukambausi bwaafooni, wakapa mwaalu umwi fooni yakwe kutegwa alangaule makkeyala amwi. Ciindi mwaalu naakatalika kwiibelesya fooni, wakabona makkeyala aa Intaneti aatali kabotu. Eeci cakaba coolwe kumukwesu ooyu iwakali muntenda kumuuya. Wakapegwa lulayo aciindi ceelede, wakagwasyigwa kukululamikwa nkwaakapegwa, alimwi mukuya kwaciindi wakacikonzya kucizunda cilengwa eeci cibyaabi. Tulalumba kapati kaka kuzyiba kuti Taateesu wakujulu uulanganya, ulabona noziba zibi zyesu zisisidwe alimwi akutululamika kutegwa tutazumanani kucita cibi!\\nTULAGWASYIGWA KWIINDA MUKUTOBELA NJIISYO ZYAMU BBAIBBELE\\n10, 11. (a) Muunzila nzi momukonzya kulangila busolozi bwa Leza? (b) Ino mukwasyi umwi wakagwasyigwa buti abusongo bwakutobela busolozi bwa Jehova?\\n10 Sintembauzyo wakaimbila Jehova kuti: “Unoondeenzya alulayo lwako.” (Int. 73:24) Ciindi coonse notuyandika busolozi, tulakonzya ‘kumuzibya’ Jehova kwiinda mukuvwuntauzya mu Jwi lyakwe kutegwa tuzyibe mbwazibona zintu. Kutobela njiisyo zyamu Bbaibbele kulatugwasya kumuuya alimwi akulanganya ziyandika zyakumubili.—Tus. 3:6.\\n11 Cikozyanyo acimwi citondezya Jehova mbwabasololela bamwi cilakonzya kubonwa kuli ceeco cakacitikila mulimi umwi iwakali kubbadelela buya muunda ngwaakali kulima mubusena bwamalundu aa Masbate mucisi ca Philippines. Walo abakaintu bakwe balabeleka kabali bapainiya baciindi coonse kumwi kabalanganya mukwasyi wabo mupati. Bumwi buzuba, bakagambwa kapati nobakatambula kagwalo kuzwa kuli mukamwini busena oobo kabazyibya kuti beelede kuzwa abusena oobo mbobakali kubbadelela. Ino nkaambo nzi? Bakatamikizyigwa kutasyomeka. Nokuba kuti mukwesu wakalibilika kujatikizya nkwaakali kukonzya kujana busena bwakukkala amukwasyi wakwe, wakaamba kuti: “Jehova ulatupa. Lyoonse ulalanganya nzyotuyandika, ziyume zitete.” Majwi aamukwesu ooyu aatondezya lusyomo tanaakawida ansi. Nokwakainda buyo mazuba masyoonto, banamukwasyi bakakkalwa moyo nobakamvwa kuti tabako kuzwa abusena oobo. Ncinzi cakacitika? Mukamwini busena oobo wakabona kuti nokuba kuti kwakali kutamikizyigwa ooko, mukwasyi waba Kamboni ooyu, wakazumanana kuba amuuya wabulemu alimwi aluumuno akaambo kakusololelwa anjiisyo zyamu Bbaibbele. Eeci cakamukkomanisya mukamwini busena cakuti tanaakabazumizya buyo kuti bakkale, pele alimwi wakabayungizyila abusena bwakulima. (Amubale 1 Petulo 2:12.) Masimpe, Jehova ulatusololela kwiinda mu Jwi lyakwe kutegwa atugwasye kuliyumya mumapenzi.\\nMULONGWE UUTUGWASYA KULIYUMYA MUMASUKUSYO\\n12, 13. Muubukkale buli buti umwi mwakonzya kudooneka kuti Leza ncobeni ulakubona kupenga kwakwe?\\n12 Nokuba boobo, zimwi ziindi, bukkale bukatazya bulakonzya kuzumanana. Ambweni tujisi bulwazi butasilikiki, kukazyigwa abanamukwasyi kwaciindi cilamfwu, naa kupenzyegwa lyoonse. Pele mbuti kujatikizya kwiimpana kuusisya nkotukonzya kuba ankuko amuntu umwi mumbungano?\\n13 Mucikozyanyo, ambweni moyo inga wacisa akaambo kamajwi ngomwamvwa kuti taali kabotu. Mulakonzya kwaamba kuti, ‘Eeci taceelede kucitika mumbunga ya Leza!’ Nokuba boobo, mukwesu wakaamba majwi aayo ulapegwa mikuli mumbungano alimwi uboneka kuti bantu bamwi balamulumbaizya. Mulakonzya kulibuzya kuti, ‘Mbuti eeci mbocinga caba? Mwati Jehova ulabona buya? Sena tako kubweza ntaamu?’—Int. 13:1, 2; Hab. 1:2, 3.\\n14. Nkaambo nzi kamwi kakonzya kupa Leza kuti atabwezi ntaamu mukumana mapenzi eesu?\\n14 Jehova inga kajisi twaambo tumvwika ncatabwezeli ntaamu. Mucikozyanyo, mulakonzya kulimvwa kuti muntu ooyo ulilubizyide kapati, pele Leza ambweni uzibona munzila iindene zintu. Kweelana ambwazibona zintu, ambweni inga kakuli kuti ndinywe mulubizyide kapati kwiinda mbomwali kuyeeya. Majwi ngomuyeeya kuti taali kabotu, mubwini, inga kaluli ndolulayo lweelela ndomweelede kubikkila maano. Mumakani aabuumi bwakwe, Mukwesu Karl Klein, iwakabeleka mu Kabunga Keendelezya, wakaamba ciindi cimwi naakasinswa cacigaminina a Mukwesu J. F. Rutherford. Nokwakainda ciindi cisyoonto, Mukwesu Rutherford wakamwaanzya Mukwesu Klein calukkomano, “Kwaamba Karl!” Nokuba boobo, akaambo kakuti moyo wakacili kucisa akaambo kakusinswa, Mukwesu Klein wakavwiilila ansaansi kwiinzya buyo mulawo. Mukwesu Rutherford naakazyiba kuti Mukwesu Klein cicimucisa mumoyo, wakamucenjezya kuti atamupi busena Diabolosi. Kwiinde ciindi, Mukwesu Klein wakalemba kuti: “Ciindi notumubikkilila mukwesu umwi, kwaambisya kuti waamba cintu ncaelede kwaamba mukuzuzikizya mukuli wakwe, tulibikka antangalala kutegwa tucegwe mutukole twa Diabolosi.” *\\n15. Nkuyeeya kuli buti kuya kumugwasya kukkazika moyo ciindi nomulindila Jehova kuti amugwasye mubukkale bukatazya?\\n15 Nokuba boobo, tulakonzya kwaalilwa kutondezya muuya wakulindila ciindi mapenzi naalibonya mbuli kuti taamani. Mbuti mbotukonzya kuliyumya? Atwaambe kuti mweenzya mootokala mumugwagwa wiinda myootokala minji pele mwaima akaambo kakuvwula kwamyootokala. Tamuzyi naa mulalindila ciindi cilamfwu buti. Ikuti mwanyema akusola kujana nzila iimbi, mulakonzya kusweeka. Mulakonzya kutola ciindi cinji kutegwa mukasike nkomuya kwiinda ncomwali kukonzya kutola nomwalindila cakukkazika moyo. Mbubwenya buyo, ikuti mwakakatila kunzila izili mu Jwi lya Leza, mukuya kwaciindi muyakusika nkomuya.\\n16. Nkaambo nzi kamwi ikakonzya kupa kuti Jehova aalekele mapenzi eesu?\\n16 Jehova ulakonzya kwaalekela mapenzi eesu akaambo kakuti uyanda kuti tuyumizyigwe munzila iiyandika. (Amubale 1 Petulo 5:6-10.) Nokuba boobo, Leza talinguwe uutalisya mapenzi. (Jak. 1:13) “Sinkondonyoko, Diabolosi” kanji-kanji nguuleta mapenzi. Nokuba boobo, Leza ulakonzya kubelesya bukkale bukatazya kutugwasya kukomena kumuuya. Ulabona kupenga kwesu alimwi ‘akaambo kakuti ulatubikkila maano,’ uyakubona ncobeni kuti ‘nkwakaindi kaniini.’ Sena mulamulumba Jehova akaambo kakumulanganya cakubikkila maano ciindi nomuli mumapenzi, kamujisi lusyomo lwakuti uyakumupa nzila yakupolela?—2 Ko. 4:7-9.\\nAMULONGEZYEGWE KWIINDA MUKUKKOMANINWA A LEZA\\n17. Ino Jehova ulanga-langa bantu bali buti, alimwi nkaambo nzi?\\n17 Camamanino, Leza ulalingula buumi bwesu akaambo kakaambo kamwi kamvwika. Kwiinda muli Hanani musondi, wakaambila Mwami Asa kuti: “Meso aakwe alalanga-langa moonse munyika, kuti aliyumye kukugwasya abo balulama mumoyo kumeso aakwe.” (2 Mak. 16:9) Nokuba kuti Leza tanaakabona moyo wa Asa kuti wakali luleme mumeso aakwe, ‘uyakumugwasya’ ikuti mwazumanana kucita ciluleme.\\n18. Ciindi nomulimvwa mbuli kuti taakwe uubikkila maano kumilimo njomucita, ncinzi ncomweelede kuyeeya kujatikizya Jehova? (Amubone cifwanikiso icili kumatalikilo aacibalo.)\\n18 Leza uyanda kuti ‘tuyandaule bubotu,’ ‘tuyandisye bubotu’ alimwi “akubamba kabotu imbeta” kutegwa akonzye ‘kutufwida luzyalo.’ (Am. 5:14, 15; 1 Pe. 3:11, 12) Jehova ulibabwene baluleme alimwi ulabalongezya. (Int. 34:15) Mucikozyanyo, amuyeeye bamakaintu bana Hebrayo basikutumbusya, ba Sifra alimwi a Puwa. Ciindi bana Israyeli nobakali kweendelezyegwa abana Egepita, bamakaintu aaba bobilo bakali kuyoowa Leza kapati kwiinda Farao, walo iwakabikkide mulawo wakujaya bana basankwa bana Hebrayo ciindi cakutumbuka. Masimpe, manjezyeezya aabo aakayiisidwe munzila ya Leza akabapa kuti bafwutule buumi bwabavwanda. “Leza wakabacitila inzubo” ba Sifra alimwi a Puwa. (Kul. 1:15-17, 20, 21) Jehova wakaibona milimo yabo mibotu. Zimwi ziindi, tulakonzya kulimvwa mbuli kuti taakwe uubikkila maano kumilimo mibotu njotucita. Pele Jehova ulabikkila maano. Ulaibona milimo mibotu yoonse njotwamucitila, alimwi uyakutupa bulumbu.—Mt. 6:4, 6; 1 Ti. 5:25; Heb. 6:10.\\n19. Mbuti mucizyi umwi mbwaakazyiba kuti milimo mibotu ulaibona Jehova?\\n19 Mucizyi umwi mucisi ca Austria wakazikuzyiba kuti Leza ulaibona milimo njabeleka canguzu. Akaambo kakuti wakazwide kucisi ca Hungary, wakazyi kutambula kkeyala yamuntu iwakali kwaambaula mwaambo waci Hungarian kutegwa akamuswaye mumulimo wakukambauka. Mpoonya-mpoonya wakasika aŋanda yamuntu ooyo, pele kunyina iwakaliko aŋanda. Wakazumanana kupilukila aŋanda aawo ziindi zili mbozibede. Zimwi ziindi wakali kumvwa mbuli kuti kuli muntu uuliko muŋanda, pele kunyina iwakali kuvwiila. Mucizyi ooyu wakali kusiya mabbuku, magwalo, kkeyala yakwe alimwi azintu zimwi buyo. Nokwakainda mwaka omwe acisela kaswaya aŋanda aawo, kumamanino cijazyo cakazyikujalulwa. Mucizyi ooyu wakaanzyigwa cabulongwe amukaintu walo iwakaamba kuti: “Amunjile. Ndakazibala zyoonse nzyomwakandisiila alimwi ndali kumulangila.” Mukamwini ŋanda ooyu wakali kunywa musamu akaambo kakuti wakali kuciswa bulwazi ibwakali kumupa kutacikonzya kuzwa anze kuti abone abantu. Mpoonya ciiyo ca Bbaibbele cakatalika. Masimpe, Leza wakakulongezya kusolekesya kwamucizyi ooyu.\\n20. Mbuti mbomulimvwa kujatikizya kulanganya kwa Jehova cakubikkila maano?\\n20 Jehova ulabona cili coonse ncomucita alimwi kumamanino uyakumupa bulumbu. Ciindi nomwazyiba kuti Leza ulamubona, mutalimvwi mbuli kuti mumvwuntauzyigwa buya mbuli mboicita mincini iifwotola zintu zicitika. Muciindi caboobo, amulimvwe kuba mulongwe wa Leza uulanganya walo uumubikkila maano.\\n^ par. 14 Makani aabuumi bwamukwesu Klein alajanika mumagazini ya Ngazi Yamulindizi yamu Cingisi ya October 1, 1984.","num_words":1779,"character_repetition_ratio":0.05,"word_repetition_ratio":0.0,"special_characters_ratio":0.168,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Baroma 12 | Bbaibbele Lili a Intaneti | Bbaibbele lya Busanduluzi Bwanyika Mpya\\n12 Aboobo ndamulomba kwiinda mulubomba lwa Leza, bakwesu, kuti mutuule mibili yanu kiili cipaizyo cuumi, cisalala, cizuminwa a Leza, nkokuti imulimo uusetekene ngomubeleka kwiinda mukubelesya maano. 2 Alimwi amuleke kutobela ziyanza zyabweende bwazyintu obuno, pele amusandulwe kwiinda mukucinca mizeezo yanu, kutegwa muzyibe kuyanda kwa Leza, ikubotu, kutambulika alimwi kulondokede. 3 Nkaambo kwiinda muluzyalo lwa Leza ndondakapegwa, ndaambila nyoonse ooko kuti mutanooliyeeyi cakulisumpula kwiinda mbokweelede; pele kamuyeeya cakulibatamika, kweelana alusyomo umwi aumwi wanu ndwaakamupa Leza. 4 Nkaambo mbubonya mumubili omwe mbotujisi zizyo zinji, pele zizyo zyoonse eezyi tazibeleki mulimo omwe, 5 mbubonya buyo aswebo, nokuba kuti tuli banji, tuli mubili omwe muli Kilisito, pele tuli zizyonyina kuli umwi aumwi. 6 Aboobo mbwaanga tujisi zipego zyaandeene-andeene kweelana aluzyalo lwa Leza ndotwakapegwa, ikuti naa tupedwe businsimi, atuzumanane kusinsima kweelana alusyomo ndotwakapegwa; 7 ikuti naa mulimo, atuzumanane mumulimo ooyu; ooyo uuyiisya, azumanane akuyiisya kwakwe; 8 ooyo uulaya, azumanane akulaya kwakwe; ooyo waabanya, azumanane kwaabanya cabuuya; ooyo weendelezya, acite boobo cabunkutwe; ooyo uufwida bamwi luse, acite boobo calumwemwe. 9 Luyando lwanu lutabi lwakuupaupa ameso. Amusesemwe acintu cibi, amukakatile kucibotu. 10 Muluyando lwabunyina amuyandane kapati. Amube ndinywe nomuli kumbele mukulemekana. 11 Amube basungu, mutabi batolo pe.* Amupye moyo akaambo kamuuya. Amubelekele Jehova cakulitakata mbuli bazike. 12 Amukondwe akaambo kabulangizi. Amuliyumye mumapenzi. Amujatisye kupaila. 13 Amupe basalali kweelana anzyobabulide. Amube acilengwa cakusamausya beenzu. 14 Amuzumanane kubalongezya aabo bamupenzya; kamulongezya, mutanoosinganyi pe. 15 Amukondwe abaabo bakondwa; amulile abaabo balila. 16 Amubone bamwi mbubonya mbomulibona nobeni; mutanoolisumpuli pe, pele lyoonse kamweendelezyegwa azyintu zibombe. Mutacenjeli mumeso aanu nobeni. 17 Mutapilusizyi muntu uuli woonse bubi. Amusole kucita zyintu zibonwa kuti nzibotu abantu boonse. 18 Kamusoleka kusikila mpomugolela kukkala muluumuno abantu boonse. 19 Nobayandwa, mutapilusizyi muntu cibi, pele amusiile bukali bwa Leza busena; nkaambo kulembedwe kuti: “Cisubulo ncicangu; ndime nendiyoopilusya cibi, mbwaamba Jehova.” 20 Pele “ikuti sinkondonyoko kafwide nzala, komupa cakulya; ikuti kafwide nyota, komupa cakunywa; nkaambo kwiinda mukucita boobo, ulalundika makala amulilo amutwe wakwe.” 21 Utalilekeli kuzundwa abubi, pele kozumanana kuzunda bubi kwiinda mukucita zibotu.\\n^ Naa, “Mutazelauki amulimo wanu.”","num_words":317,"character_repetition_ratio":0.048,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani aamu Bbaibbele: Sitivini Wapwaigwa Mabwe - Kkeyala yaa Intaneti ya Bakamboni ba Jehova\\nMUNTU ooyu uufwugemi waawa ngu Sitivini. Ngusikwiiya uusyomeka wa Jesu. Pele langa lino cicitika kuli nguwe! Ibantu aaba bamupwaya mabwe. Nkaambo nzi ncobamusulide Sitivini cakuti bacita cintu cibi cili boobu? Atubone.\\nLeza wali kumugwasya Sitivini kucita maleele aakkomanisya. Bantu aaba tabaayandi makani aaya, aboobo batalika kumuzwanganya akaambo kakasimpe nkayiisya bantu. Pele Leza wamupa Sitivini busongo bunji, alimwi Sitivini waamba nzyobayiisya bantu aaba kuti nzyakubeja. Eeci cainda kubakalazya. Aboobo bamujata, alimwi baita bantu kutegwa bamubejelezye.\\nMupaizi mupati wamubuzya Sitivini kuti: ‘Hena makani aaya ngamasimpe?’ Sitivini waingula kwiinda mukukanana makani aakondelezya aamu Bbaibbele. Kumamanino aamakani waamba mbuli bantu babi mbobatakali kubayanda basinsimi ba Jehova kaindi. Kumane Sitivini wati: ‘Nywebo muli mbuli baabo bantu. Mwakamujaya Jesu mubelesi wa Leza alimwi taku nimwaccilila milawo ya Leza.’\\nEeci cabakalazya basololi aaba bazikombelo cakuti boola ubone. Batalika kulizya menyo kukalala kwalo. Kumane Sitivini walungumika mutwe mujulu wati: ‘Amubone! Ndabona Jesu kujulu uliimvwi kubbazu lyalulyo lwa Leza.’ Bamvwe boobo bantu aaba balisinka mumatwi amaanza, kumane babalika kuli Sitivini. Bamujata akumukwelela kunze aamunzi.\\nKuno basakununa zyakusama zyaatala akupa mukubusi Saulu kuti abajatile. Hena wamubona Saulu? Kumane bamwi bantu batalika kumupwaya mabwe Sitivini. Sitivini wafwugama kweelana ambobona, eelyo wapaila kuli Leza wati: ‘Jehova utabasubuli kucibi eeci ncobacita.’ Ulizyi kuti bamwi bauninwa buya abasololi bazikombelo. Kumane Sitivini wafwa.\\nIkuti muntu wakucitila cibi, hena ulajola cibi kucibi naa waambila Leza kuti ajole nguwe? Oobo tabusyi mbwaakacita Sitivini naba Jesu. Bakalijisi lubomba nokuba kuli baabo batakajisi lubomba kuli mbabo. Atwiiye cikozyanyo cabo.\\nMilimo 6:8-15; 7:1-60.\\nNgwani Sitivini, alimwi ncinzi Leza ncaali kumugwasya kucita?\\nNcinzi Sitivini ncaamba capa kuti basololi bazikombelo bakalale kapati?\\nNcinzi bantu ncibamucita Sitivini nibamukwelela anze aamunzi?\\nNgwani musankwa uucili mwana uimvwi munsi aazisani?\\nNcinzi Sitivini ncaapaila kuli Jehova katanafwa?\\nKwiinda mukwiiya Sitivini, ncinzi ncotweelede kucita ikuti muntu watulubizyila?\\nBala Milimo 6:8-15, Ci.\\nNinzila nzi nzyibi basololi bazikombelo nzyobabelesya kusola kulesya mulimo wakukambauka wa Bakamboni ba Jehova? (Mili. 6:9, 11, 13)\\nBala Milimo 7:1-60.\\nNcinzi cakamugwasya Sitivini kuba musungu mukwiiminina kasimpe kumpela lya Nkuta Mpati, alimwi ncinzi ncotukonzya kwiiya kucikozyanyo cakwe? (Mili. 7:51-53; Balo. 15:4; 2 Timo. 3:14-17; 1 Pita 3:15)\\nMuunzila nzi motweelede kubabona aabo bakazya mulimo wesu? (Mili. 7:58-60; Mt. 5:44; Lk. 23:33, 34)","num_words":338,"character_repetition_ratio":0.062,"word_repetition_ratio":0.0,"special_characters_ratio":0.189,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Luka 10 | Bbaibbele lili a Intaneti | Bbaibbele lya Busanduluzi Bwanyika Mpya\\nJesu watuma bali 70 (1-12)\\nMaawe kuminzi iiteempwi (13-16)\\nBali 70 bapiluka (17-20)\\nJesu wabatembaula Bausyi akaambo kakukkomanina bantu balicesya (21-24)\\nCikozyanyo camu Samariya mubotu (25-37)\\nJesu waswaya Marta a Mariya (38-42)\\n10 Nozyakainda zintu eezyi, Mwami wakasala abamwi bali 70 akubatuma bobilo-bobilo+ kuti bamusolwede kuminzi akumasena oonse nkwaakali kuyanda kuunka. 2 Mpoonya wakabaambila kuti: “Masimpe, mulimo wakutebula mupati, pele babelesi mbasyoonto. Aboobo, amulombe Simalelo wabutebuzi kuti atume babelesi mumulimo wakwe wakutebula.+ 3 Kamuya! Amubone! Ndamutuma mbuli bana bambelele akati kabaumpe.+ 4 Mutabwezi nkomo yamali niiba nkomo yacakulya neziba mpato+ alimwi mutasowi ciindi kwaanzyanya amuntu uuli woonse munzila. 5 Kufwumbwa nkomuyoonjila muŋanda, amukasaangune kwaamba kuti: ‘Akube luumuno muŋanda iino.’+ 6 Eelyo ikuti muŋanda oomo kakuli muntu uuyandisya luumuno, luumuno lwanu luyooba alinguwe. Pele kuti kakunyina, luyoopiluka kulindinywe. 7 Aboobo amukkale muŋanda eeyo imuli siluumuno,+ mulye akunywa zintu nzyobamupa+ nkaambo similimo weelede kupegwa bulumbu bwakwe.+ Mutanoolongi-longi pe, kuzwa kuŋanda aŋanda. 8 “Alimwi kufwumbwa nkomuyoonjila mumunzi akutambulwa abantu bamumo, amukalye nzyobayoomupa 9 alimwi amukaponye baciswa bali mumo, alimwi akubaambila kuti: ‘Bwami bwa Leza bwaswena afwaafwi kulindinywe.’+ 10 Pele kufwumbwa nkomuyoonjila mumunzi nkobatakamutambuli, amukaunke munzila zyanguwo zipati akwaamba kuti: 11 ‘Noluba lusuko lwamunzi wanu ilwanamatide kumaulu eesu twamukunkumwida lube bumboni kulindinywe.+ Nokuba boobo, kamuzyi kuti Bwami bwa Leza bwaswena afwaafwi.’ 12 Ndimwaambila kuti mubuzuba oobo cisubulo ca Sodoma ciyooceya kwiinda camunzi ooyo.+ 13 “Maawe kulinduwe Korazini! Maawe kulinduwe Betesaida! Nkaambo ikuti milimo mipati iyakacitika mulindinywe noyakacitika mu Turo a Sidoni, nobakeempwa kaindi, kwiinda mukusama zisani zyamasaka akukkala mumulota.+ 14 Aboobo, mulubeta cisubulo ca Turo a Sidoni ciyooceya kwiinda canu. 15 Ayebo Kapernauma, sena uyoosumpulwa kujulu? Uyooboola ansi mu Cuumbwe!* 16 “Kufwumbwa uumuswiilila nywebo ulandiswiilila andime.+ Alimwi kufwumbwa uutamulemeki nywebo tandilemeki andime. Kuyungizya waawo, kufwumbwa uutandilemeki mebo tamulemeki awalo ooyo wakandituma.”+ 17 Lino aabo bali 70 bakapiluka kabakkomene balaamba: “Mwami, naaba madaimona alatumvwida kwiinda mukubelesya zina lyako.”+ 18 Amvwe boobo wakabaambila kuti: “Ndamubona kale Saatani kawide+ mbuli lulabo kuzwa kujulu. 19 Amubone! Ndamupa nguzu zyakulyatauka nzoka atubanze, azyakuzunda nguzu zyasinkondo+ zyoonse alimwi kunyina ciyoomucisa. 20 Nokuba boobo, mutakkomani akaambo kakuti myuuya ilamumvwida, pele amukkomane akaambo kakuti mazina aanu alembwa kujulu.”+ 21 Aciindi eeco nciconya wakakondwa kapati mumuuya uusalala akwaamba kuti: “Ndakutembaula caantangalala Taata, O Mwami wakujulu aanyika, nkaambo wazisisa cakulomya zintu eezyi kubasongo abacenjede,+ pele waziyubunwida bana basyoonto. Inzya Taata, nkaambo oobu mbookayanda.+ 22 Taata wandipa zintu zyoonse alimwi kunyina uumuzyi kabotu Mwana ccita Taata alikke, alimwi kunyina uumuzyi kabotu Taata ccita Mwana alikke,+ alimwi ayooyo kufwumbwa Mwana ngwaayanda kuyubunwida.”+ 23 Amane kwaamba boobo wakaambila basikwiiya bakwe balikke kumbali kuti: “Balikkomene aabo bajisi meso aabona zintu eezyi nzyomubona.+ 24 Nkaambo ndimwaambila kuti, bunji bwabasinsimi abami bakali kuyandisisya kubona zintu nzyomubona, pele tiibakazibona,+ alimwi bakali kuyandisisya kumvwa zintu nzyomumvwa, pele tiibakazimvwa pe.” 25 Lino amubone! Umwi muntu uuzyi Mulawo wakaimikila kuti amusunke, eelyo wakamubuzya kuti: “Omwiiyi, ino ncinzi ncondeelede kucita kutegwa ndikakone buumi butamani?”+ 26 Eelyo wakati kulinguwe: “Ino mulembedwe nzi mu Mulawo? Ino ubala kuti nzi?” 27 Mukwiingula wakati: “‘Weelede kuyanda Jehova* Leza wako amoyo wako woonse, abuumi bwako boonse, anguzu zyako zyoonse alimwi amizeezo yako yoonse’+ alimwi ‘asimukobonyoko mbubonya mbuli mboliyanda omwini.’”+ 28 Wakamwaambila kuti: “Waingula kabotu; kozumanana kucita boobu eelyo uyoojana buumi.”+ 29 Pele akaambo kakuti wakali kuyanda kulitondezya kuti mululami,+ mwaalumi ooyu wakabuzya Jesu kuti: “Ino mubwini simukoboma nguni?” 30 Jesu wakaingula kuti: “Umwi muntu wakali kuselemuka kuzwa ku Jerusalemu kuya ku Jeriko alimwi wakafwumpwa ababbi ibakamubbida zisani azyoonse nzyaakajisi akumuuma kapati bamane bamusiya kanetukide. 31 Lino munzila njiyonya eeyo kwakali kweenda mupaizi umwi, pele naakamubona, wakaleya wamweenguluka. 32 Mbubonya buyo, awalo mu Levi naakasika abusena oobo akumubona, wakaleya wamweenguluka. 33 Pele mu Samariya+ umwi iwakali kweenda munzila eeyo wakasika alinguwe, alimwi naakamubona wakamufwida luzyalo. 34 Aboobo wakaunka mpaakabede, wazambaila zilonda zyakwe akuzitila mafwuta alimwi awaini. Mpoonya wakamubikka ambongolo yakwe akumuleta kuŋanda yabeenzu akumulanganya. 35 Lino buzuba bwakatobela wakagusya madinari* obilo akupa siŋanda yabeenzu akumwaambila kuti: ‘Komulanganya alimwi kufwumbwa mali ngotiibelesye atala lyayaaya, ndiyookujolela ndaakujoka.’ 36 Ino uyeeya kuti nguni akati kabaaba botatwe wakaba simukobonyina+ wamuntu ooyu wakafwumpwa ababbi?” 37 Wakati: “Nguulya wakamufwida luzyalo.”+ Mpoonya Jesu wakati kulinguwe: “Koya anduwe kocita mbubonya oobo.”+ 38 Lino nobakali kuyaabweenda wakanjila mumunzi umwi. Ooko kwakamutambula mukaintu umwi uutegwa Marta+ muŋanda yakwe. 39 Mukaintu ooyu wakalijisi amwanookwabo musimbi uutegwa Mariya, ooyo iwakakkala kumaulu aa Mwami akuzumanana kuswiilila nzyaakali kwaamba.* 40 Pele Marta wakanyonganizyigwa akukutauka milimo minji. Aboobo wakaboola kulinguwe akwaamba kuti: “Mwami, sena tokwe makani kuti mwanookwesu wandilekelezya kucita zintu? Komwaambila aboole azoondigwasye.” 41 Mwami wakaingula kuti: “Marta, Marta, ulalibilika akunyonganizyigwa azintu zinji. 42 Pele nzintu buyo zisyoonto ziyandika naa kuti ncomwe buyo. Mariya walo wasala cibeela cibotu,*+ alimwi takanyangwi ncico pe.”\\n^ Mu Chigiriki, “ijwi lyakwe.”\\n^ Naa “cibeela cibotu kapati.”","num_words":723,"character_repetition_ratio":0.043,"word_repetition_ratio":0.0,"special_characters_ratio":0.185,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ncinzi Bbaibbele Ncolyaamba Kujatikizya Koonana Kwabantu Bajisi Zizo Zikozyenye? | Mibuzyo Yamu Bbaibbele\\nAMUBALE MU Afrikaans Albanian American Sign Language Amharic Arabic Armenian Azerbaijani Azerbaijani (Cyrillic) Bislama Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Danish Dutch English Estonian Ewe Faroese Fijian Finnish French Georgian German Greek Haitian Creole Hausa Hebrew Hiligaynon Hungarian Icelandic Igbo Iloko Indonesian Italian Japanese Kikamba Kinyarwanda Kirghiz Kiribati Kirundi Korean Kyangonde Latvian Lingala Lithuanian Luganda Macedonian Malagasy Malay Malayalam Maltese Mapudungun Moore Myanmar Norwegian Nzema Ossetian Pangasinan Papiamento (Aruba) Papiamento (Curaçao) Persian Polish Portuguese Romanian Russian Samoan Sepedi Serbian (Cyrillic) Serbian (Roman) Sesotho (Lesotho) Setswana Shona Sinhala Slovak Slovenian Somali Spanish Sunda Swahili Swahili (Congo) Swedish Tagalog Tamil Tatar Telugu Tetun Dili Thai Tongan Tsonga Turkish Ukrainian Vietnamese Welsh Xhosa Yoruba Zulu\\nLeza wakalenga bantu kuti kaboonana buyo mucikwati, nkokuti, mwaalumi amukaintu. (Matalikilo 1:​27, 28; Levitiko 18:22; Tusimpi 5:​18, 19) Bbaibbele lilakasya koonana kucitwa akati kabantu batakwetene, nokuba kuti kwacitwa akati kabantu bajisi zizo zikozyenye naa zitakozyenye. (1 Bakolinto 6:​18) Eeci cibikkilizya koonana, kusobanya cinswe camuntu umbi naa kubikka cinswe camuntu umbi mukanwa naa kumatako.\\nNokuba kuti Bbaibbele lilakasya micito yakoonana kwabantu bajisi zizo zikozyenye, pele talyaambi kuti tweelede kubasulaika bantu bacita micito eeyi. Muciindi caboobo, Banakristo balaigwa ‘kulemeka bantu bamisyobo yoonse.’​—1 Petulo 2:​17.\\nSena bantu iboonana abantu mbobakozyenye limwi zizo mbobakazyalwa oobo?\\nBbaibbele talyaambi cacigaminina icipa kuti muntu kanyomenena koonana amuntu ngobakozyenye limwi zizo, pele lyaamba kuti toonse twakazyalwa katujisi cilengwa cakutayanda kutobela milawo ya Leza. (Baloma 7:​21-​25) Muciindi cakubikkila maano kukaambo kapa kuti muntu anyomenene koonana amuntu ngobakozyenye limwi zizo, Bbaibbele lilakasya koonana kwabantu bajisi zizo zikozyenye.\\nMbomukonzya kumukkomanisya Leza nokuba kuti mulanyomenena koonana abantu mbomukozyenye limwi zizo.\\nBbaibbele lyaamba kuti: “Amujaye zizyo zyamubili wanu.” (Bakolose 3:⁠5) Kutegwa mujaye kulombozya kubyaabi, kwalo ikukonzya kupa kuti mucite zyintu ziteelede, mweelede kuyeendelezya kabotu mizeezo yanu. Ikuti kamuyeeya zyintu zibotu, inga camugwasya kulwana mizeezo iitali kabotu. (Bafilipi 4:8; Jakobo 1:​14, 15) Nokuba kuti kumatalikilo inga camuyumina kucita oobo, mukuya kwaciindi inga mwacikonzya. Leza usyomezya kumugwasya “kubukulusya mizeezo iimweendelezya.”​—Baefeso 4:​22-​24.\\nAbalo bantu ibajisi luunyaunya lwakoonana abantu mbobaindene zizo alimwi ibayanda kutobela zyeelelo zyamu Bbaibbele, bajisi buyumuyumu. Mucikozyanyo, aabo ibatali mucikwati alimwi ibatalangilwi kuti bayookwatwa naa kukwata naa aabo ibakwete naa bakwetwe kumuntu uutakonzyi kubeleka mulimo wamuŋanda, nkokuti, koonana abalo balaliyumya kweendelezya luunyaunya lwabo nokuba kuti balasunkwa alimwi balikkomene. Aboobo, abalo ibanyomenena koonana abantu mbobakozyenye limwi zizo balakonzya kukkomana kuti kabayanda ncobeni kumukkomanisya Leza.​—Deuteronomo 30:19.\\nBukkale Bwanu Alimwi Ambomulilemeka Mibuzyo Yamu Bbaibbele Yaingulwa\\nSena lilakasya koonana kwabantu bajisi zizo zikozyenye? Sena likulwaizya kubasulaika bantu boonana ibajisi zizo zikozyenye?\\nSena Koonana Kwabantu Batakwetene Kuliluzi?\\nSena Kutakwata naa Kutakwatwa Nceelelo Cababelesi Banakristo?","num_words":414,"character_repetition_ratio":0.07,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kubuka kuswa kubafu kulaakucitika pamulandu wacilubula\\nBubuke—Bwakakonsheka Pamulandu Wacilubula\\nCiibalusho cilatupa coolwe cibotu cakuyeeya pashoolwe shakunembo nsheshi tukacane pamulandu wa cilubula, shoolwe mbuli bubuke. Yehova taakwe kutulenga ayi tunoofwa. Ngomulandu cilacisa abuumbi na twasowekelwa uyandwa wesu mulufu. (1 Koli. 15:26) Yesu wakapenga mumoyo ndyakabona bashikwiiya bakwe kabalila Lasaro ndyaakafwa. (Joni 11:33-35) Mukwiinga Yesu ulikoshete ba Ishi cakumaninina, inga twashoma ayi alakwe Yehova cilamucisa abuumbi kubona buumba mbotubaabo na twasowekelwa muyandwa wesu mulufu. (Joni 14:7) Cakusunishisha Yehova utolangila kwaamba ayi ciindi cikashike ndyeshi akabushe basebenshi bakwe kuswa kubafu, aswebo tulyeelete kucita boobo.—Jobo 14:14, 15.\\nMukwiinga Yehova ngu Lesa utasuni kunyonyongana, inga twashoma ayi ulakubusha bantu munshila ili kabotu kabotu. (1 Koli. 14:33, 40) Muciindi cakuba amalilo, inga kwaba ciindi cakutambula baabo beshi bakabuke kuswa kubafu. Sa mulacana ciindi cakuyeeya sha bubuke, bunene bunene ciindi ndyemuli abuumba? (2 Koli. 4:17, 18) Sa mulamulumba Yehova pakutupa cilubula akutuyubulwita kwiinda muMalembo ayi bafu balaakuba abuumi alimwi?—Kolo. 3:15.\\nMbabyaanu na bashikamukowa banu bali, mbomutolangila kusa mukubona alimwi?\\nIno mbantu baambwa muBaibo bali mbomusuni bunene kusa mukubona akwaambaabo?","num_words":156,"character_repetition_ratio":0.056,"word_repetition_ratio":0.0,"special_characters_ratio":0.188,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Jehova Ulakonzya Kulekela Munakristo Kubula Cakulya? | Yakwiiya\\nNgazi Yamulindizi—Yakwiiya | September 2014\\nAMUBALE MU Afrikaans Albanian Amharic Arabic Armenian Aymara Azerbaijani Azerbaijani (Cyrillic) Bengali Bicol Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Cibemba Cinyanja Croatian Czech Danish Dutch Efik English Estonian Ewe Fijian Finnish French Ga Georgian German Greek Greenlandic Guarani Gujarati Gun Haitian Creole Hebrew Hiligaynon Hindi Hungarian Icelandic Igbo Iloko Indonesian Italian Japanese Kannada Kazakh Kikaonde Kikuyu Kiluba Kinyarwanda Kirghiz Kirundi Kongo Korean Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Malayalam Maltese Marathi Mauritian Creole Maya Mazatec (Huautla) Mixe (North Central) Mongolian Moore Ndebele Ndonga Nepali Ngabere Norwegian Nzema Oromo Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Punjabi Quechua (Bolivia) Romanian Russian Sango Sepedi Serbian (Cyrillic) Serbian (Roman) Sesotho (Lesotho) Setswana Seychelles Creole Shona Silozi Sinhala Slovak Slovenian Spanish Sranantongo Swahili Swahili (Congo) Swati Swedish Tagalog Tajiki Tamil Tatar Telugu Thai Tigrinya Tshiluba Tsonga Turkish Turkmen Turkmen (Cyrillic) Tuvaluan Twi Tzotzil Ukrainian Urdu Uzbek Venda Vietnamese Waray-Waray Wayuunaiki Wolaita Xhosa Yoruba Zande Zulu\\nSena majwi aa Davida aajanika mu Intembauzyo 37:25 alimwi amajwi aa Jesu aajanika mulugwalo lwa Matayo 6:33 apandulula kuti Jehova takonzyi kulekela Munakristo kubula cakulya cikkwene?\\nDavida wakalemba kuti taakwe ‘naakabona uululeme uusiidwe, nanka lunyungu lwakwe lukumbila insima.’ Kwiinda mumajwi aayo wakalemba zintu zijatikizya babelesi ba Leza banji kweelana anzyaakalibonena. Wakalizyi kabotu-kabotu kuti Leza ulabalanganya babelesi bakwe lyoonse. (Int. 37:25) Nokuba boobo, majwi aa Davida taapandululi kuti kunyina mukombi iwakabulide zintu ziyandika naa kuti kunyina uuyakubula.\\nKuli ziindi Davida lwakwe mwini naakalijana mubukkale bukatazya kapati. Ciindi cimwi cakali ciindi naakali kutija Saulo. Davida tanaakajisi zyakulya zinji, alimwi wakalomba zinkwa zyakuti alye walo alimwi abaalumi mbaakali limwi. (1 Sam. 21:1-6) Aboobo, mubukkale oobo, Davida wakali ‘kukumbila insima.’ Nokuba boobo, mubukkale oobo bukatazya, wakalizyi kuti Jehova taakwe naakamulekelezya pe. Pele masimpe ngakuti, taakwe mpotubala alo Davida mpaakali kulombelela kutegwa ajane cakulya ncaakali kuyandika.\\nMulugwalo lwa Matayo 6:33, tujana cisyomezyo ca Jesu cakuti Leza uyakubapa nzyobayandika babelesi bakwe basyomeka ibasaanguna kubikka ziyandika zya Bwami mubusena bwakusaanguna mubuumi bwabo. Jesu wakaamba kuti: “Aboobo amuzumanane kusaanguna kuyandaula Bwami abululami bwakwe, eelyo zyintu zimbi zyoonse eezyi [kubikkilizya acakulya, zyakunywa, alimwi azyakusama] ziyooyungizyigwa kulindinywe.” Nokuba boobo, Jesu alimwi wakatondezya kuti akaambo kakupenzyegwa, banyina balakonzya kubula cakulya. (Mt. 25:35, 37, 40) Eeci cakamucitikila mwaapostolo Paulo. Ziindi zimwi wakali kufwa nzala anyota.—2 Ko. 11:27.\\nJehova utwaambila kuti tuyakupenzyegwa munzila zisiyene-siyene. Ulakonzya kulekela kuti tubule cakulya ciindi notutondezya kuti Daibolosi mubeji. (Job. 2:3-5) Mucikozyanyo, Banakristoma bamwi, mbuli baabo ibakali muzilabba zyakupenzyezya ciindi cabulelo bwa Nazi, bakalijana mubukkale bukatazya kapati akaambo kakupenzyegwa. Kubaima zyakulya zyeelede Bakamboni yakali nenzila imwi mbyaabi iyakali kubelesyegwa kapati kutegwa banyonganye lusyomo lwabo. Bakamboni basyomeka bakazumanana kumvwida Jehova; kunyina naakabalekelezya pe. Wakalekela kuti basunkwe munzila eeyi mbubwenya mbwalekela kuti Banakristo boonse basunkwe munzila zisiyene-siyene. Nokuba boobo, tacidoonekwi pe kuti Jehova ulabagwasya aabo ibapenga akaambo kazina lyakwe. (1 Ko. 10:13) Tweelede kuyeeya majwi aajanika mulugwalo lwa Bafilipi 1:29, aakuti: “Nywebo mwapegwa coolwe akaambo ka Kilisito, ikutali buyo kuti mumusyome pe, pele alimwi akuti mupenge akaambo kanguwe.”\\nJehova usyomezya kuti uyakubagwasya babelesi bakwe. Mucikozyanyo lugwalo lwa Isaya 54:17 lwaamba kuti: “Taakwe cilwisyo niciba comwe cibumbwa kukulwisya nduwe cikonzya kujana coolwe.” Cisyomezyo eeci alimwi azisyomezyo zimbi zisinizya kuti bantu ba Leza mbuli mbunga banakukwabilidwe. Pele Munakristo umwi aumwi kumugama, ulakonzya kusunkwa, ambweni akujaigwa buya.\\nMibuzyo Yabasikubala—September 2014\\nSena Mulasolekesya Kusika Azyeelelo ‘Zyamulimo Mubotu’?\\nSena Mulisinizyide Kuti Muli Mukasimpe? Alimwi Nkaambo Nzi Ncomusinizyide Boobo?\\nAmubelekele Leza Cakusyomeka Nokuba Kuti Kuli “Mapenzi Manji”\\nNobazyali​—Amubeembele Bana Banu\\nLufwu, Sinkondo Wamamanino, Wanyonyoonwa\\nAmubayeeye Aabo Ibabeleka Mulimo Waciindi Coonse\\nMabala Amusale naa muyanda kukkopa zyakamwaigwa izyakalekkoodwa NGAZI YAMULINDIZI—YAKWIIYA September 2014\\nNGAZI YAMULINDIZI—YAKWIIYA September 2014","num_words":576,"character_repetition_ratio":0.043,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Zipenzyo Zyamu Egepita Canamba 4 Kusikila ku 9 | Ziiyo Zyabana Zyamu Bbaibbele\\nMusa a Aroni bakaunka kuli Farao kuyoomwaambila mulumbe wa Leza wakuti: ‘Ikuti utabazumizyi bantu bangu kuunka, ndilakutumina mazimbwa.’ Mazimbwa akazula mumaanda aabana Egepita, bavwubi abacete. Nyika yoonse yakazula mazimbwa. Pele kunyika ya Goseni bana Israyeli nkobakali kukkala kwakanyina. Kutalikila acipenzyo eeci cane, zipenzyo zyakali kupenzya buyo bana Egepita. Farao wakalomba kati: ‘Amumukombelezye Jehova kutegwa aagusye mazimbwa aaya. Mpoonya mulaunka.’ Pele ciindi Jehova naakagwisya mazimbwa, Farao wakacinca maano. Sena Farao kuli ncaakaiya?\\nJehova wakaamba kuti: ‘Ikuti naa Farao atabaleki bantu bangu kuunka, banyama babana Egepita bayoociswa akufwa.’ Buzuba bwakatobela banyama bakatalika kufwa. Pele banyama babana Israyeli kunyina nobakafwa pe. Nokuba boobo, Farao wakazumanana kuyumya moyo, alimwi kunyina naakabaleka kuti baunke.\\nKumane Jehova wakaambila Musa kuti apiluke kuli Farao akufwusa twe mumuwo. Itwe eelyo lyakaba kasuko ikakalundumukila bana Egepita boonse. Kasuko aaka kakapa kuti bana Egepita boonse abanyama babo babe azyuute. Nokuba boobo, Farao wakakaka kuleka bana Israyeli kuti baunke.\\nJehova wakamutuma Musa alimwi kuli Farao amulumbe ooyu: ‘Sena ucibakasya bantu bangu kuti baunke? Juunza kuyoowa civwulamabwe mucisi coonse.’ Buzuba bwakatobela, Jehova wakaleta civwulamabwe, mizumo alimwi andabo. Cakali civwulamabwe cipati kapati ncobatanabwene bana Egepita. Zisamu azisyango zyoonse zyakanyonyoonwa, pele mu Goseni kunyina nozyakanyonyoonwa pe. Farao wakaamba kuti: ‘Amutukombelezyele Jehova kuti cileke civwulamabwe! Mpoonya mulaunka.’ Mbocakalekela buyo civwulamabwe amvwula, Farao wakacinca maano.\\nKumane Musa wakati: ‘Lino nsozi zinji ziyoolya zisyango zyoonse izyakasyaala kucivwulamabwe.’ Nsozi zinji zyakalya zyoonse izyakasyeede mumyuunda alimwi amuzisamu. Farao wakalomba alimwi kuti: ‘Amutukombelezyele Jehova kutegwa nsozi zinji zyuunke.’ Pele nokuba kuti Jehova wakazigusya nsozi, Farao wakazumanana kuyumya moyo.\\nJehova wakaambila Musa kuti: ‘Tambika janza lyako kujulu.’ Mpoonya-mpoonya, kujulu kwakasiya mbi. Kwamazuba otatwe, bana Egepita tiibakali kukonzya kubona cintu cili coonse naa muntu uuli woonse. Pele bana Israyeli balikke mbobakajisi mumuni mumasena mobakali kukkala.\\nFarao wakati kuli Musa: ‘Yebo abantu bako inga mwaunka. Pele banyama banu mubasiye.’ Musa wakati: ‘Tweelede kubabweza banyama besu kutegwa tukababelesye mukukomba Leza wesu.’ Farao wakanyema kapati akwaamba kuti: ‘Kozwa aawa! Nditakakuboni kabili, buyo-buyo ndiyookujaya.’\\n“Muyoolubona alimwi lwiindano luliko akati kamuntu mululami amubi, akati kayooyo uubelekela Leza ayooyo uutamubelekeli.”—Malaki 3:18\\nMibuzyo: Ino nzipenzyo nzi zimbi Jehova nzyaakaleta? Ino zyakaindene buti azyakusaanguna zyotatwe?\\nIZYAKUCITILA ANTOOMWE NOMUKOMBA MUMUKWASYI\\nMusa alimwi a Aroni bakatondezya busicamba nobakali kubandika a Farao singuzu. Amukkope zyakucita eezyi akuzibandika antoomwe mumukwasyi.","num_words":365,"character_repetition_ratio":0.069,"word_repetition_ratio":0.0,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nozibele a Masusu Otatwe. - Storybooks Zambia\\nNozibele a Masusu Otatwe. Nozibele and the three hairs Nozibele na Umushishi utatu\\nMazuba akaindi, basimbi botatwe bakaunkide mukutebba nkuni.\\nOobo buzuba kwakalipide kapati, aboobo, bakainka kumulonga. Bakasobana akusamba mumeenda.\\nNikwakatalika kusiya, bakatalika kujoka kumang’anda.\\nKabali mukusika, Nozibele wakabika kwanza kwakwe mumukosi. Wakaluba kakusama mumukosi! “Ndalomba mundisindikile.” Pesi benzinyina bakati cindi caunka.\\nMpona, Nozibele wakajokela akukajana kamumukosi. Wakatalika kujokela kung’anda. Mukubula coolwe, wakasoweka nkambo kamudima.\\nNakalangisha, wakabona mumuni kauzwa mung’anda. Wakeenda cakufwambana akukonkomona amulyango.\\nNiwakajalulwa mulyango, kwakazwa mubwa, “Uyanda nzi?” Nozibele wakati, “Ndazimina, aboobo ndiyanda busena bwakoona.” “Njila, olo ndilakuluma. Nozibele wakanjila.\\nMubwa wakati, “Ndijikile”. Nozibele wakati, “seninga jikila mubwa mubumi bwangu.” Mubwa wakati, “Kujika olo ndilakuluma.” Mpoona Nozibele wakajika zyakulya zya mubwa.\\nMubwa wakati, “Kondiyalila abulo.” “seninga yalide bulo bwa mubwa,” wakaingula Nozibele. Mubwa wakati, “Koyala bulo olo ndilakuluma”. Mpoona Nozibele wakayala bulo.\\nMazuba onse, wakali kujika, kupyaanga akuwashila mubwa. Mubwa wakaambila Nozibele kuti uunka mukuswaya benzinyina. Wakalailila kuti incito zyonse zibelekwe kataninga joka.\\nMbwakazwida biyo mubwa, Nozibele wakagusha masusu otatwe kumutwe wakwe akubika yomwe mujungusi abulo, imwi kunze amulyango, aumwi kuluba. Nakamana, wakatijila kung’anda.\\nMubwa nakajoka, wakayandaula Nozibele. “Nozibele ulikuli?” Susu yakusanguna yakavwila “Ndili mujungusi abulo.” Susu lyabili yakati,”Ndilikunze amulyango.” Lyatatu lyakati, “ndili momuno muluba.”\\nNikwakainda cindi, mubwa wakazyiba kuti Nozibele wakamweena. Aboobo, wakatalika kumucilila. Pesi bakulana bakwe Nozibele bakaimikila kunzila azisamu. Mpoona mubwa wakajoka. Kuzwa lyelyo, taningabwenwe.\\nImbuto Ishonto: Kaano ka Wangari Maathai Nkuku, Joongola Mbongolo Nyimbo ya Sakima Anansi a Busongo Buzuba Mbondakaunka Kudolopo Nseke a Sikube","num_words":232,"character_repetition_ratio":0.079,"word_repetition_ratio":0.0,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbomukonzya Kujana Lukkomano​—Luyando\\nBANTU BAYANDA KUTONDEZYEGWA LUYANDO. Kunyina cikwati, mukwasyi naa cilongwe cikonzya kuzwidilila kuti kakunyina luyando. Nkakaambo kaako kwaambwa kuti, luyando lulayandika kapati kutegwa muntu apone kaliibide mumizeezo akukkomana. Pele ino luyando ilwaambwa aawa ninzi?\\nLuyando ilwaambwa aawa taluli loolo iluba akati kamwaalumi amukaintu pe, nokuba kuti alwalo lulayandika. Muciindi caboobo, luyando ilwaambwa aawa lulisumpukide nkaambo lupa kuti muntu acite zintu ikugwasya bamwi, mane buya akubikka zintu nzyayanda musyule. Luyando luli boobu lweendelezyegwa anjiisyo zyabunaleza pele alimwi lulasangalizya.\\nBupanduluzi bubotu kapati bwaluyando bwaamba kuti: “Luyando lulakkazika moyo alimwi lulaaluzyalo. Luyando talukwe munyono, talulidundi, talulisumpuli, talukwe cisapi, talubikkili buyo maano kuzintu nzyoluyanda, talunyemi-nyemi, talubikkilili. Talukkomanini kutalulama, pele lukkomanina kasimpe. Lulajatila zintu zyoonse, . . . lulalangila zintu zyoonse, lulaliyumya muzintu zyoonse. Luyando talumani.”—1 Bakorinto 13:4-8.\\nLuyando luli boobu “talumani” nkaambo lunooliko lyoonse. Mane buya lulakonzya kuyuma kapati mukuya kwaciindi. Mbwaanga lulakkazika moyo, lulaaluzyalo alimwi lulalekelela, nkokuti ‘ncaanzyo calukamantano cilondokede.’ (Bakolose 3:14) Akaambo kaceeci, zilongwe izyeendelezyegwa aluyando luli boobu nziyumu alimwi bantu ibajatikizyidwe inga balikkomene nokuba kuti tabalondokede. Mucikozyanyo, atulange-lange bubambe bwacikwati.\\nKUKAMANTANIZYIGWA ‘ACAANZYO CALUKAMANTANO CILONDOKEDE’\\nJesu Kristo wakayiisya njiisyo ziyandika kapati kujatikizya cikwati. Mucikozyanyo wakaamba kuti: “‘Mwaalumi uyoosiya bausyi abanyina akukakatila kumukaintu wakwe, eelyo aaba bobilo bayooba mubili omwe’ . . . Aboobo aabo Leza mbaaswaanganya kutabi muntu uubaandaanya.” (Matayo 19:5, 6) Aawa kuli njiisyo zyobilo ziyandika kapati.\\n“AABA BOBILO BAYOOBA MUBILI OMWE.” Cikwati mbobubambe bwacilongwe cini-cini bantu ncobakonzya kuba ancico, alimwi luyando ndolukonzya kucikwabilila kukutasyomeka kuli koonse, nkokuti mulumi naa mukaintu ikuba “mubili omwe” amuntu ngobatakwetene limwi. (1 Bakorinto 6:16; Bahebrayo 13:4) Kutasyomeka kupa kuti bantu baleke kusyomana alimwi kulakonzya kumana cikwati. Ikuti kakuli bana, balakonzya kupenga kapati mumizeezo ambweni akubapa kulimvwa kutayandwa, kutakwabililwa mane buya akunyema.\\n“AABO LEZA MBAASWAANGANYA.” Kuyungizya waawo, cikwati cilisetekene. Banabukwetene ibabulemeka bubambe oobu balasolekesya kuyumya cikwati cabo. Tabalangauli nzila yakuzwa mucikwati ikuti naa basikilwa mapenzi. Luyando iluli akati kabo nduyumu alimwi taluzungaani pe. Luyando luli boobo “lulajatila zintu zyoonse,” lulagwasya kuzunda mapenzi akupa kuti kube lukamantano aluumuno mucikwati.\\nCiindi bazyali nobatondezya luyando lwakulyaaba akati kabo, eeci cipa kuti bana mumukwasyi bakomene kabotu. Mukubusi wazina lya Jessica wakaamba kuti: “Bataata abamaama balamvwana kapati alimwi balalemekana. Ciindi nondibona bamaama kabatondezya bulemu kuli bataata, cindipa kuti andime ndiyande kuba mbuli mbabo.”\\nLuyando mbobube bupati bwa Leza. Mane buya Bbaibbele lyaamba kuti: “Leza nduyando.” (1 Johane 4:8) Nkakaambo kaako tacigambyi kuti Jehova waambwa kuti ngu “Leza uukkomene.” (1 Timoteyo 1:11) Andiswe tunookkomene ikuti naa twasolekesya kwiiya bube bwa Mulengi wesu—kwaambisya luyando. Lugwalo lwa Baefeso 5:1, 2 lwaamba kuti: “Amwiiye Leza, mbomuli bana bayandwa, alimwi amuzumanane kweenda muluyando.”\\n‘Luyando lulakkazika moyo alimwi lulaaluzyalo. Lulajatila zintu zyoonse, lulalangila zintu zyoonse, lulaliyumya muzintu zyoonse. Luyando talumani.’​—1 Bakorinto 13:4-8.\\nLuyando lusumpula lukkomano nkaambo . . .\\nLutugwasya kubikkila maano kuzintu nzyobayandika bamwi\\nLulakonzya kuyuma mukuya kwaciindi\\nLuyumya zilongwe alimwi azikwati\\nLugwasya bana kuti bakomene kabotu alimwi akulimvwa kukwabililwa\\nLutupa kuba mbuli Mulengi wesu\\nIno Luyando Lwini-lwini Ninzi?\\nIno Mulongwe Mubotu Muntu Uuli Buti?","num_words":442,"character_repetition_ratio":0.059,"word_repetition_ratio":0.018,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nehemiya 8 | Bbaibbele lili a Intaneti | Bbaibbele lya Busanduluzi Bwanyika Mpya\\nMulawo wabalwa akupandululwa kubantu (1-12)\\nKusekelela Pobwe lya Zivwuka (13-18)\\n8 Mpoonya bantu boonse bakabungana antoomwe mubbuwa lyabuleya kumbele lya Mulyango wa Maanzi,+ eelyo bakaambila Ezara+ sikukkopolola* kuti alete bbuku lya Mulawo wa Musa,+ ooyo Jehova ngwaakapa bana Israyeli.+ 2 Aboobo Ezara mupaizi wakaleta bbuku lya Mulawo kumbele lyambungano+ yabaalumi, bamakaintu abaabo boonse ibakali kukonzya kuswiilila akumvwisya mubuzuba bwakusaanguna bwamwezi waciloba.+ 3 Eelyo wakaubala cakupozya mulawo+ mubbuwa lyabuleya ilyakali kumbele lya Mulyango wa Maanzi, kubaalumi, bamakaintu alimwi abaabo boonse ibakali kukonzya kuswiilila akumvwisya kuzwa mafwumofwumo kusikila akalangabwaaseme; mpoonya bantu bakaswiililisya+ izyakali kubalwa mubbuku lya Mulawo. 4 Lino Ezara sikukkopolola* wakaliimvwi acibumbili cazisamu ncobakapangide akaambo kamuswaangano ooyu; alimwi afwaafwi anguwe kululyo lwakwe kwakaimvwi Matitiya, Sema, Anaya, Uriya, Hilikiya a Maaseya; eelyo kulumwensyi lwakwe kwakali Pedaya, Misayeli, Malikiya,+ Hasumu, Hasi-badana, Zekariya a Mesulamu. 5 Ezara wakajalula bbuku bantu boonse kabalangilila, nkaambo wakali aabusena busumpukide kwiinda bantu boonse. Lino naakali kulijalula, bantu boonse bakaimikila. 6 Mpoonya Ezara wakatembaula Jehova Leza mwini-mwini, Leza mupati, eelyo bantu boonse bakati, “Ameni!* Ameni!”+ kumane bakatambika maanza aabo mujulu. Eelyo bakakotama akuvwuntama ansi kubusyu bwa Jehova. 7 Lino iba Levi, nkokuti Jeshua, Bani, Serebiya,+ Jamini, Akubu, Sebatai, Hodiya, Maaseya, Kelita, Azariya, Jozabadi,+ Hanani a Pelaya bakali kupandulwida bantu Mulawo.+ Lino bantu bakaliimvwi. 8 Alimwi bakazumanana kubala cakupozya mubbuku lya Mulawo wa Leza mwini-mwini, kabaupandulula kabotu-kabotu akutondezya mbougwasya; aboobo bakabagwasya bantu kumvwisya cakali kubalwa.+ 9 Lino Nehemiya, iwakali mweendelezi* aciindi eeco, Ezara+ mupaizi alimwi sikukkopolola* aba Levi ibakali kuyiisya bantu bakaambila bantu boonse kuti: “Buzuba oobu bulasalala kuli Jehova Leza wanu.+ Tamweelede kulila nokuba koomoka.” Nkaambo bantu boonse bakali kulila nobakali kuswiilila majwi aa Mulawo. 10 Nehemiya wakabaambila kuti: “Kamuya mukalye zyakulya zili amafwuta akunywa zintu zilweela, akupa zipego+ kulibaabo batajisi; nkaambo buzuba oobu bulasalala ku Mwami wesu, alimwi mutausi pe, nkaambo lukkomano lwa Jehova ndolumuyumya.”* 11 Kumane ba Levi bakali kuumuzya bantu boonse kabati: “Amuumune! Nkaambo buzuba oobu bulasalala, mutausi pe.” 12 Aboobo bantu boonse bakaunka kuyoolya akunywa akupana zyakulya akusekelela kapati,+ nkaambo bakaamvwisya majwi ngobakaambilwa.+ 13 Lino buzuba bwakatobela, basilutwe baziinga zyabantu boonse, bapaizi alimwi aba Levi bakabungana antoomwe kuli Ezara sikukkopolola* kuti bakamvwisisisye majwi aa Mulawo. 14 Mpoonya bakajana kuti kulilembedwe mu Mulawo ooyo Jehova ngwaakalailila kwiinda muli Musa kuti bana Israyeli beelede kukkala muzivwuka ciindi capobwe mumwezi waciloba,+ 15 akuti beelede kwaambilizya+ muminzi yabo yoonse alimwi amu Jerusalemu yoonse kuti: “Kamuya kubusena bwamalundu mukalete mitabi yamaolifa, yazisamu zyamafwuta, yamisiwe, yamakunka alimwi ayazisamu zimbi kutegwa mukapange zivwuka kweelana ambokulembedwe mumulawo.” 16 Aboobo bantu bakaunka kuyooleta mitabi kuti balipangile zivwuka, umwi aumwi aciluli caŋanda yakwe, mumabbuwa aabo, mumabbuwa aaŋanda ya Leza mwini-mwini,+ mubbuwa lyabuleya lyaku Mulyango wa Maanzi+ alimwi amubbuwa lyabuleya lyaku Mulyango wa Efraimu.+ 17 Eelyo boonse mumbungano yabantu ibakapiluka kuzwa mubuzike bakayaka zivwuka akukkala mulinzizyo, nkaambo bana Israyeli tiibakalinacitide pobwe lili boobu kuzwa kumazuba aa Joshua+ mwana wa Nuni kusikila buzuba oobo. Aboobo kwakali kusekelela kupati.+ 18 Buzuba abuzuba kwakali kubalwa bbuku lya Mulawo wa Leza mwini-mwini,+ kuzwa kubuzuba bwakusaanguna kusikila kubuzuba bwamamanino. Bakacita pobwe mazuba aali ciloba, eelyo mubuzuba bwalusele kwakaba muswaangano uusetekene kweelana amulawo.+\\n^ Naa “mulembi.”\\n^ Naa “Tirisata,” izina lyabulemu lyabana Persia ikwaamba mweendelezi wacooko.\\n^ Naa “ninguzu zyanu.”","num_words":505,"character_repetition_ratio":0.065,"word_repetition_ratio":0.0,"special_characters_ratio":0.174,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Pawulu aTimotewo | Zyiiyo Zyabana Zizwa muBbayibbele\\nTimotewo wakali mukubusi mumbungano yakuLustra. Wisi wakali muGrikki, banyina bakali muJuda. Banyina bakali kutegwa Yunisi abanyinakulu bakali kutegwa Loyisi bakamuyiisya atala aJehova kuzwa kachili muniini.\\nMulweendo lwakwe lwachibili, Pawulu kaswayide kuLustra, wakabona kuti Timotewo wakali kubayanda bazyalwanyina akuti wakali achiyandisyo chakubagwasya. Pawulu wakakumbila Timotewo kuti bayinke aamwi. Pawulu wakayiisya Timotewo kuti akonzye kukambawuka akuyiisya makani mabotu.\\nMuuya uusalala wakagwasya Pawulu aTimotewo kufumbwa nkubakali kwiinka. Bumwi busiku, Pawulu wakabona chilengaano chamuntu wakamubuzya kuti ayinke kuMakkedoniya kuyoobagwasya. Pawulu, Timotewo, Sila aLukka bakayinkaamwi kuti bakakambawuke akuyootalisya mbungano.\\nBantu biingi bakali kukkala kudolopo lyakuMakkedoniya litegwa Tesalonikka, bakaba maKristu. Pesi bamwi maJuda bakali kuzonda Pawulu abeenzinyina, bakaza abantu basilunya akutola Pawulu abeenzinyina kubeendelezi mpawo bakati: ‘Baalumi aaba bapapila mfulumende yaRoma!’ Mubusiku oobo, Pawulu aTimotewo bakachijila kuBbereya nkaambo bantu bakali kuyanda kubajaya.\\nBantu bakuBbereya bakali achiyandisyo chakwiiya makani mabotu nkinkaako, maJuda amaGrikki bakaba basyomi. Pesi bamwi maJuda nibakasika kuTesalonikka bakapa kuti bantu batamvwanani, Pawulu wakayinka kuAtene. Timotewo aSila bakasyaala kuBbereya kuti basimye bazyalwanyina. Mukweenda kwachiindi, Pawulu wakatuma Timotewo kuTesalonikka kuti akagwasye bazyalwanyina mumapenzi ngibakali kuswaana. Nikwakiinda chiindi, Pawulu wakatuma Timotewo kuti akasimye mbungano zyiingi.\\nPawulu wakabuzya Timotewo kuti: ‘Bantu bayanda kukomba Jehova bayoopenzegwa.’ Timotewo wakapenzegwa alimwi wakasungwa akaambo kakuba alusyomo. Wakabotelwa nkaambo wakatondeezya kusyomeka kuli Jehova.\\nPawulu wakabuzya mbungano yakuFilipi kuti: ‘Ndamutumina Timotewo. Uzoomuyiisya nchikwaamba kweenda mukasimpe alimwi uzoomuyiisya kukambawuka.’ Pawulu wakali kumusyoma Timotewo. Bakabelekaamwi kabali beenzinyina kwaminyaka miingi.\\n‘Nkaambo taakwe uumbi uuli amoyo uuli mbuli wakwe uyoomulangania. Nkaambo boonse bayeeya kuligwasya beni luzutu, tabayeeyi makani aaKristu Jesu pe.’—BaFilipi 2:20, 21\\nMibuzyo: Timotewo wakaliini? Nkamboonzi Pawulu aTimotewo nibakali kumvwanana?\\nIncito 16:1-12; 17:1-15; BaFilipi 2:19-22; 2 Timoteo 1:1-5; 3:12, 14, 15; BaHebrayo 13:23\\nUlakujana biyeni kubotelwa mubuumi mbuli Timoteo?","num_words":258,"character_repetition_ratio":0.075,"word_repetition_ratio":0.0,"special_characters_ratio":0.159,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Baapostolo Balomba Kupegwa Citondezyo (Matayo 24:​3-51) | Buumi bwa Jesu\\nAMUBALE MU Alur Amharic Arabic Armenian Aymara Azerbaijani Azerbaijani (Cyrillic) Baoule Bassa (Cameroon) Batak (Karo) Batak (Toba) Bicol Boulou Bulgarian Cambodian Catalan Cebuano Chichewa Chitonga Chitonga (Malawi) Chitumbuka Chuvash Cibemba Croatian Dangme Danish Drehu Dutch Efik English Estonian Ewe Fijian Finnish Fon French Ga Georgian German Greek Guarani Gujarati Gun Haitian Creole Hebrew Hiligaynon Hungarian Igbo Iloko Indonesian Isoko Italian Japanese Javanese Jula Kabiye Kazakh Kazakh (Arabic) Kikaonde Kikongo Kikuyu Kiluba Kinyarwanda Kipende Kirghiz Kiribati Kirundi Kisonge Kongo Korean Lingala Lomwe Luganda Luo Luvale Macedonian Macua Malagasy Malay Malayalam Maltese Mauritian Creole Maya Moore Myanmar Ndau Ndebele Ndebele (Zimbabwe) Norwegian Nyungwe Oromo Ossetian Otetela Pangasinan Papiamento (Curaçao) Persian Polish Portuguese Quechua (Ancash) Quechua (Ayacucho) Quechua (Bolivia) Quechua (Cuzco) Romanian Russian Samoan Sango Sena Sepedi Serbian (Cyrillic) Serbian (Roman) Seychelles Creole Shona Silozi Sinhala Slovenian Solomon Islands Pidgin Spanish Sranantongo Swahili Swahili (Congo) Swedish Tagalog Tahitian Tajiki Tamil Tatar Thai Tigrinya Tok Pisin Tshiluba Tshwa Turkish Turkmen Tuvaluan Twi Tzotzil Ukrainian Umbundu Urdu Uruund Uzbek Vietnamese Wallisian Waray-Waray\\nMATAYO 24:3-51 MARKO 13:3-37 LUKA 21:7-38\\nBASIKWIIYA BONE BALOMBA KUPEGWA CITONDEZYO\\nKUZUZIKIZYIGWA MUMWAANDA WAMYAKA WAKUSAANGUNA ALIMWI AKUYA KUMBELE\\nLino nkuumazuba muli Bwabili, eelyo buzuba bwa Nisani 11 buyamukumana. Aalo mazuba aamulimo ngwaabeleka canguzu Jesu aano aanyika amana buya. Imasyikati wali kuyiisya mutempele, mpoonya masiku wali koona kunze aamunzi wa Jerusalemu. Bantu balikuyanda kapati kumuswiilila, aboobo bali “kufwuma kuunka kulinguwe mutempele kuyoomuswiilila.” (Luka 21:37, 38) Eezyi zyainda, lino Jesu ulikkede aa Cilundu ca Maolifa antoomwe abaapostolo bone—Petro, Andreya, Jakobo alimwi a Johane.\\nAabo bone baboola kulinguwe kumbali. Bayeeya kujatikizya tempele nkaambo Jesu wazwa akusinsima kuti taakwe bbwe noliba lyomwe lyandilyo iliyoocaala atala abbwenyina. Pele kuli zinji nzyobayeeya. Musyule oomu Jesu wakalibaambilide kuti: “Kamulibambilide lyoonse andinywe, nkaambo aciindi ncomutayeeyeli, Mwanaamuntu ulaboola.” (Luka 12:40) Alimwi wakaambide kujatikizya “buzuba oobo Mwanaamuntu aakuyubununwa.” (Luka 17:30) Sena twaambo ootu kuli mbotuswaangene ancaazwa mukwaamba kujatikizya tempele? Baapostolo baliyandide kapati kuzyiba. Bamubuzya kuti: “Kotwaambila, ino ndilili zintu eezyi noziyooba alimwi ncinzi ciyooba citondezyo cakubako kwako acamamanino aabweende bwazintu?”—Matayo 24:3.\\nAmbweni bayeeya mamanino naa kunyonyoonwa kwatempele ndimunya ndibabwene munsi-munsi. Alimwi babuzya kujatikizya kubako kwa Mwanaamuntu. Beelede kuti baliyeeyede kuti Jesu wakapa cikozyanyo ‘camuntu wamumukwasyi wamwami iwakaunka kucisi cili kulamfwu kuti akapegwe bwami mpoonya akupiluka.’ (Luka 19:11, 12) Alimwi bayanda kuzyiba kuti naa “mamanino aabweende bwazintu” ayakujatikizya nzi.\\nMubwiinguzi bwakwe ibujisi twaambo tunji, Jesu wapa citondezyo icitondezya nobuyakumana bweende bwazintu bwaba Juda, kubikkilizya atempele lyabo. Pele waamba azimbi zinji kunze lyazyeezyi. Citondezyo eeci ciyoobagwasya Banakristo kumbele kuzyiba kuti bapona kuciindi “cakubako” kwakwe alimwi akuti mamanino aabweende bwazintu bwanyika yoonse alaafwaafwi.\\nMboiyaabuya myaka, baapostolo batalika kulibonena businsimi bwa Jesu kabuzuzikizyigwa. Inzya, izintu zinji nzyaakasinsima zyatalika kucitika mumazuba aabo. Aboobo, Banakristo bapakamene ibapona nokwainda myaka iili 37, mu 70 C.E., bajanika kuti balilibambilide alimwi balangila kunyonyoonwa kwabweende bwazintu bwaba Juda alimwi atempele lyabo ikuli afwaafwi. Pele tazili zyoonse nzyaakasinsima Jesu izyacitika mumyaka iisololela kumwaka wa 70 C.E., kubikkilizya amumwaka ngomunya ooyu. Aboobo, ino ncinzi cini iciyakuba citondezyo cakubako kwakwe mu Bwami? Jesu wabayubunwida makani aaya baapostolo bakwe.\\nJesu wasinsima kuti kuyooba “nkondo mumasena aalaafwaafwi alimwi amasena aali kule” alimwi akuti “cisi ciyoobukila cisinyina abwami buyoobukila bwaminyina.” (Matayo 24:6, 7) Alimwi waamba kuti “kuyooba mizuzumo yanyika mipati, alimwi mumasena aaindene-indene kuyooba nzala azilwazi.” (Luka 21:11) Jesu wacenjezya basikwiiya bakwe kuti: “Bantu bayoomujata akumupenzya.” (Luka 21:12) Basinsimi bakubeja bayoobuka akweena bantu banji. Bubi buyoovwula alimwi luyando lwabantu banji luyoomana. Alimwi waamba kuti ‘makani mabotu aa Bwami ayookambaukwa munyika yoonse kuti bukabe bumboni kumasi oonse, mpoonya mamanino ayoosika.’—Matayo 24:14.\\nNokuba kuti zibeela zimwi zyabusinsimi bwa Jesu zyazuzikizyigwa ba Roma kabatananyonyoona alimwi anobanyonyoona Jerusalemu, sena Jesu inga kali waamba zintu iziyakuzuzikizyigwa munzila mpati kumbele? Sena mulibubwene bumboni bwakuti businsimi bwa Jesu bupati buli mukuzuzikizyigwa munzila mpati mazuba aano?\\nCintu cimwi Jesu ncaabikkilizya mucitondezyo cakubako kwakwe nkulibonya kwacintu “cisesemya cileta lunyonyooko.” (Matayo 24:15) Mu 66 C.E., cintu eeci cisesemya calibonya ciindi ‘mpi zyabasikalumamba’ bana Roma ibajisi mituni naa ndembela nibauzinguluka munzi. Bana Roma bauzinguluka munzi wa Jerusalemu akukolomona zibeela zimwi zyabwaanda bwanguwo. (Luka 21:20) Aboobo, “cintu cisesemya” ciimvwi mubusena mociteelede, ibusena oobo ba Juda mbobabona kuti ‘mbusena busalala.’\\nJesu wazumanana kusinsima kuti: “Kuyooba mapenzi mapati aatanacitikide kuzwa kumatalikilo aanyika kusikila sunu, alimwi kunyina naayooba limbi pe.” Mu 70 C.E., ba Roma banyonyoona Jerusalemu. Ikuzundwa alimwi akunyonyoonwa ‘kwamunzi uusalala’ waba Juda, kubikkilizya atempele lyanguwo, ngamapenzi mapati, oomo mobajaigwa bantu banji kapati. (Matayo 4:5; 24:21) Lunyonyooko oolu ndupati kapati kwiinda lunyonyooko luli loonse ilwakasikila munzi ooyu alimwi aba Juda, alimwi ngamamanino aabweende bwabukombi bwaba Juda mbobali kutobela kwamyaanda yamyaka minji. Aboobo, kuzuzikizyigwa kuli koonse kupati kwamajwi aabusinsimi aa Jesu ikuyakucitika kumbele kuyakuyoosya citaambiki.\\nLUSYOMO MUMAZUBA AAKASINSIMWA\\nMubandi ngwajisi Jesu abaapostolo bakwe kujatikizya citondezyo cakubako kwakwe mu Bwami alimwi acamamanino aabweende bwazintu nkuucili, taunamana pe. Lino wabacenjezya kujatikizya kutobela “ba Kristo bakubeja abasinsimi bakubeja.” Waamba kuti aaba bayoosola ‘kweena nobaba basale.’ (Matayo 24:24) Pele ibasale aaba tabakeenwi pe. Ba Kristo bakubeja baboneka buyo kumeso aabantu kabajisi mibili yanyama. Mukwiimpana, kubako kwa Jesu takukabi kooko nkobakonzya kumubona bantu kajisi mubili wanyama.\\nKaamba kujatikizya mapenzi mapati kwiinda, aayo aayakucitika kumamanino aabweende bwazintu oobu, Jesu waamba kuti: “Izuba liyoosizyigwa, awalo mwezi taukamuniki, alimwi nyenyeezi ziyooloka kuzwa kujulu, anguzu zyakujulu ziyoozungaanizyigwa.” (Matayo 24:29) Baapostolo ibali mukumvwa majwi aaya aayoosya tabazyi cini iciyakucitika, pele masimpe ngakuti eeci cinooli ciindi ciyoosya kapati.\\nIno zintu eezyi ziyoosya iziyakucitika ziyakubajatikizya buti bantu? Jesu wati: “Bantu bayoonetuka akaambo kakuyoowa akulibilika zintu zilangilwa kucitika anyika, nkaambo nguzu zyakujulu ziyoozungaanizyigwa.” (Luka 21:26) Ncobeni, Jesu waamba ciindi ciyoosya kapati alimwi citanabwenwe kuzwa ciindi bantu nobakalengwa.\\nIcikulwaizya ncakuti, Jesu wabasalazyila baapostolo kuti tabali bantu boonse ibayakulila ciindi ‘Mwanaamuntu aakuboola kajisi nguzu abulemu bupati.’ (Matayo 24:30) Walaambide kale kuti Leza uyakubweza ntaamu “akaambo kabasale.” (Matayo 24:22) Aboobo, ino basikwiiya aaba ibasyomeka beelede kucita buti zyaakucitika zintu ziyoosya nzyaamba Jesu? Jesu wakulwaizya basikumutobela kuti: “Zintu eezyi zyaakutalika kucitika, amukaimikile akulanga mujulu, nkaambo lufwutuko lwanu lunooswenede afwaafwi.”—Luka 21:28.\\nIno basikwiiya ba Jesu ibanakupona kuciindi eeci ncaasinsima bayakuzyiba buti kuti mamanino alaafwaafwi? Jesu wapa cikozyanyo camukuyu, ulaamba: “Mboyatalikila buyo kusyuuka mitabi yanguwo akuba amatuvwu, mulazyiba kuti mainza alaafwaafwi. Mbubonya buyo andinywe, mwaakubona zintu zyoonse eezyi, amukazyibe kuti ulaafwaafwi, uli amulyango. Ncobeni ndimwaambila kuti izyalani eeli talikamani pe kusikila zintu zyoonse eezyi zikacitike.”—Matayo 24:32-34.\\nAboobo, basikwiiya bakwe baakubona zibeela zyaandeene-andeene alimwi zinji zyacitondezyo kazizuzikizyigwa, beelede kuzyiba kuti mamanino alaafwaafwi. Kalailila basikwiiya ibanakupona kuciindi eeco citanabwenwe, Jesu waamba kuti:\\n“Kujatikizya buzuba oobo alimwi aciindi kunyina uuzyi pe, nobaba bangelo kujulu naba Mwana, pele buyo Taata alikke. Nkaambo mbubonya mazuba aa Nowa mbwaakabede, akwalo kubako kwa Mwanaamuntu mbokuyooba. Nkaambo mbubonya mbuli kumazuba aayo Zambangulwe kalitanaboola, bakali kulya akunywa, basankwa bakali kukwata abalo basimbi bakali kukwasyigwa kusikila buzuba Nowa mbwaakanjila mubwato, pele tiibakabikkila maano kusikila mane Zambangulwe lyakaboola akubatola boonse, mbubonya buyo akwalo kubako kwa Mwanaamuntu mbokuyooba.” (Matayo 24:36-39) Cintu eeci ncaabelesya Jesu mukupa cikozyanyo—nkokuti Zambangulwe lyakumazuba aa Nowa eelyo ilitakalubwi—lyakajatikizya nyika yoonse mboizulwa.\\nCakutadooneka ibaapostolo aabo ibamuswiilide Jesu naambaula aa Cilundu ca Maolifa bazyiba kuti kuyandika kupakamana. Jesu wati: “Amulilingule nobeni kutegwa myoyo yanu itabi niilengaana akaambo kabulyato, bucakolwa akulibilika azintu zyamubuumi, eelyo buzuba oobo bukaile kumusikila kamutalibambilide mbuli kakole. Nkaambo buyoobasikila boonse aabo bakkala anyika yoonse. Aboobo amupakamane lyoonse, kamupaila mipailo yakukombelezya ciindi coonse kutegwa mukakonzye kufwutuka muzintu zyoonse eezyo zyeelede kucitika akwiima kumbele lya Mwanaamuntu.”—Luka 21:34-36.\\nAawa Jesu wainduluka alimwi kutondezya kuti zintu nzyasinsima tazikajatikizyi buyo bantu basyoonto pe. Tali mukusinsima zintu iziyakucitika mumyaka misyoonto buyo iiboola kumbele alimwi iziyakujatikizya buyo munzi wa Jerusalemu naa cisi caba Juda. Peepe, ulimukwaamba zintu ‘iziyoosikila boonse aabo bakkala anyika yoonse.’\\nWaamba kuti basikwiiya bakwe bayooyandika kupakamana, kulangila alimwi akulibambila. Jesu wakankaizya makani aaya aakucenjezya kwiinda mukupa cikozyanyo acimwi, ulaamba: “Kamuzyiba kuti: Ikuti mwiniŋanda naakalizyi ciindi mubbi ncaakali kuboola, naatakoona akumulekela mubbi kuti anjile muŋanda yakwe. Aboobo, andinywe amulibambile, nkaambo Mwanaamuntu ulaboola aciindi ncomutayeeyeli.”—Matayo 24:43, 44.\\nLino Jesu waambila basikwiiya bakwe ncobeelede kukkalwa moyo. Wabasyomezya kuti ciindi nobunooli mukuzuzikizyigwa businsimi bwakwe, kunooli “muzike” uupakamene alimwi musungu. Jesu wabelesya bukkale mbobakonzya kufwambaana kweezyeezya baapostolo bakwe, wati: “Ino mubwini, nguni muzike uusyomeka alimwi uucenjede ooyo simalelaakwe ngwaakasala kulanganya babelesi bamuŋanda yakwe, kuti kabapa cakulya cabo aciindi ceelede? Ulikkomene muzike ooyo ikuti simalelaakwe aakusika akamujane kacita oobo! Ncobeni ndimwaambila kuti, uyoomusala kulanganya lubono lwakwe loonse.” Pele ikuti “muzike” ooyo akabe amizeezo mibi akutalika kupenzya beenzinyina, simalelaakwe “uyoomupa cisubulo cipati.”—Matayo 24:45-51; amweezyanisye a Luka 12:45, 46.\\nNokuba boobo, aawa Jesu tapandululi kuti kuyakuba kakamu kabasikumutobela ikayakuba amizeezo mibi. Aboobo, ino nciiyo nzi Jesu ncayanda kuti bamvwisye basikwiiya bakwe? Uyanda kuti bazumanane kupakamana akuba basungu, mbubonya mbwatiicisalazye mucikozyanyo acimbi.\\nIno ncinzi capa baapostolo kubuzya kujatikizya zintu zyakumbele, pele kuboneka kuti ncinzi acimbi ncobajisi mumizeezo?\\nIno ndilili businsimi bwa Jesu nobwatalika kuzuzikizyigwa, alimwi munzila nzi?\\nIno nzintu nzi zimwi izitondezya kubako kwa Kristo?\\nIno “cintu cisesemya” calibonya buti, alimwi ino nzintu nzi zyacitika musyule lyakulibonya kwancico?\\nIno bantu bayakucita buti baakubona businsimi bwa Jesu kabuzuzikizyigwa?\\nNcikozyanyo nzi Jesu ncaapa kutegwa agwasye basikwiiya bakwe kuzyiba naanooli afwaafwi mamanino?\\nNcinzi citondezya kuti businsimi bwa Jesu buyakuzuzikizyigwa nyika yoonse mboizulwa?\\nNdulayo nzi Jesu ndwaapa basikwiiya bakwe ibapona kuciindi naali afwaafwi mamanino aabweende bwazintu?\\nZintu Zipati-pati Izyakacitika Mubuumi bwa Jesu Naakali Anyika—Mulimo wa Jesu Wamamanino mu Jerusalemu (Cibeela 1)\\nZintu Zipati-pati Izyakacitika Mubuumi bwa Jesu Naakali Anyika—Mulimo wa Jesu Wamamanino mu Jerusalemu (Cibeela 2)","num_words":1449,"character_repetition_ratio":0.056,"word_repetition_ratio":0.006,"special_characters_ratio":0.165,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Lino Sikukazya-Kristu Watondezyegwa Ncobeni! Print\\nLino Sikukazya-Kristu Watondezyegwa Ncobeni!\\nMasimpe Aayelebwa Mumbali\\nSikukazya-Kristu. Eeli bbala kuligama lwalyo lilikke, liletela mizeezo yacifwanikiso cabusofwaazi butaambiki: muntu umwi nokuba nkamu imwi iicizya kumbelaa mazuba, eeyo iyoosungilizya mukowa wabantu muzyintu zyabucenjezu alweeno luzinga kapati. Mbokuli kunyina muntu uuyanda kuyungwa maanu nokuba kweendelezyegwa munzila yakucengwa, kuli mizeezo minjaanji iijatijikizya muntu ooyo; eeyo mizeezo yeezyeezya buyo nzila zyaandeene kuganta akutondeka kuti nguni Sikukazya-Kristu.\\nTwaambo tunjaanji tulipedwe, mukusoleka kuganta kutondeka kuti nguni Sikukazya-Kristu. Kunyina muntu weelede kucengwa pe. Ibbaibbele lilitonkomene kusalazya akutondezya kuti nguni mwini ooyo Sikukazya-Kristu.\\nZyuulu zyuulu zyazikombelo eezyo zyili kulubazu lwaba Sikukazya, nzyezyipede mizeezo yamusyobo ooyu minjaanji. Mizeezo iipedwe, itaalukila kuzwa kuli yeeyo ilaa twaambo tunjaanji mbuli yakuti (Sikukazya-Kristu mulazyo uusofweede mubyaabi, ngu Mozilemu nanka daimona) kusikila kuli yeeyo iigaminina kutondeka muntu umwi mbuli yakuti (Sikukazya-Kristu ngu dyabooli uuli munyama yabuntu naa ngu Barack Obama Muleli waku Amelika). Kumwi kweezyeezya nkwakuti, Sikukazya-Kristu ngu poopo nanka muntu wakali musyule lyesu kapati, mbuli muleli wa Loma ooyo walo wakazyibidwe kuti wakali kutundulula akupenzya Bana Kristu mbuli (Nero, Diocletian, Julian, Caligula, abamwi mbuli baaba.)\\nBakatolika baku Loma, aabo balaa nkamu yabuna Kristu yiinda kukomena, abalo bakataminina kuti Sikukazya-Kristu muntu wanyama muzumi uupona ncobeni. Balo baamba kuti:\\nSikukazya Kristu muntu umwi kutali poopo, wiiminina sinkondonyina wa Kristu. Eeci ncecilesya kuzwangana akataa baabo bapandulula kuti Sikukazya-Kristu mbabaabo boonse antoomwe bazangila Yahushua Kristu, nanka mfulumende yabu Poopo. . . . Ciimo ca muntu Sikukazya-Kristu ooyo tacikabi ciimo ca daimona, mbuli bamwi balembi bansiku mbubaali kusyoma kuti ciyoocitika boobo; alimwi takabi muciimo ca dyabooli, kazyaluludwe mubuntu bwanyama bwa Sikukazya-Kristu pe, nokuba uuzwa kunzubo zyaba Juuda pe . . . .1\\nKuli masimpe asyoonto mumizeezo eeyi. Ibbala lyakuti “sikukazya-kristu”, lizwa kubbala lyaci Giliki lyakuti, ἀντίχριστος (#500:antichristos).\\nAntichristos caamba kuti ooyo ‘uuzwangene a Kristu”2 nanka yooyo uuli mucibaka “kuleka Kristu”, alimwi antela, kusanganya mabala obile aatalisya mabala aayo, nkokwaamba kuti, “ooyo, uulipeekezya kuba mucibaka ca Kristu, uukazyana a Kristu alimwi waatula Kristu mubusena Bwakwe. . . . antichristos ulakaka makani aakuti Yahushua naakali muzumi munyama yabuntu ngo Kristu wesu wancobeni (2 Johani 1:7); pseudochristos (5580)utonkomene kulyaamba kuti walo ngo Kristu.3\\nKaambo kali mubupanduluzi bwamizeezo yoonse eeyi nkakuti eeyi mizeezo itongomene kusyaanikizya makani woonse kucintu comwe buyo. Kuti twavwuntaulisya mucishinshimi, inga twalibonena kacituyubunwida kuti nguni wini Sikukazya-Kristu, alimwi eeci ncintu cipati.\\nMANGWALO AYUBUNUNA KUTI CIKOMBELO CAKATOLIKA CA LOMA LWACO KUCIGAMA, NCECIBELESYO CA SIKUKAZYA-KRISTU EEYO YAAMBILIZYIGWA MU BBAIBBELE\\nNkamu ya World’s Last Chance isyoma kuti, bumboni buyobolodwe oobo buli mu Mangwalo, butuyubunwida kuti Cikombelo ca Roman Catholic Church lwaco kucigama njenzila amfulumende ya sikukazya-kristu ooyo ngolyaambilizya Bbaibbele. Mitabi yacikombelo eeci itaalukila kumabazu aanyika acisi cili coonse atalaa nyika. Zikolo zyaco nzyezyeendelezya mizeezo yabantu amilawo iibelesyegwa kwamisela minjaanji atalaa nyika. Musyobo wamipailo yacikombelo eeci, njenzila mpati atalaa nyika yakubunganya makani atwaambo tujatikizya muntu omwe omwe anyika. Simukazya-Kristu lwakwe mwini uli mubuntu bwa Poopo Francis aciindi cino, ooyo ngotusyoma kuti ngomwami walusele eighth and alimwi ngo poopo wamamanino pope ooyo ngolyaambilizya Bbaibbele mu Ciyubunuzyo 17 Revelation 17.\\nMuzeezo wakuti poopo ngo Sikukazya-Kristu wakatalikila mumusela wakkumi awumwi, kuzwa kuciindi ca Mufutuli wesu, nokuba kuti tiiwakazwidilila kubaa mpuwo kusikila niwaatalika kuyiisyigwa azikombelo zya Basikukazya Babambulula mumusela wakkumi awumwi. Martin Luther wakalemba kuti bupoopo “tacili acimbi pe, pele mbulelo bwa Bbabbuloni alimwi ngo Sikukazya-Kristu wini. Nkaambo nguni mulombwana wacibi ooyo mwanaa lunyonyooko, pele tee kayi nguyooyo wiindizya cinyonyoono akunyonyooka kwa mizimo yabantu mucikombelo eeco kwiinda mukuyiisya kwakwe; eelyo nacikkede mucikombelo akulipeekezya kuba Leza? Zyoonse zyiga eezyi mumazyalane manjaanji aakainda lino zyakazuzikwa abulwani bwabu poopo\"4\\n“KAAMBO KENI SWEBO NCITWAAPAMBUKILA KUZWA KULI POOPO ABATOBELI BAKWE NKAAKA: KWIINDA MUZILEMBEDWE ZINJAANJI ZYA CIKOMBELO CESU, MUJWI LYAKAYOYELWA MOZA, MUZISHINSHIMI ZYAAMBILIZYA MAZUBA AACIZYA KUMBELE AMUCIIMO CIINDENE CABUPOOPO, KWAKATONDEZYEGWA CAKUTAMAMANYA AKUTEENKELA KUTI POOPO ABASIMILIMO BAKWE NGO SIKUKAZYA-KRISTU MUPATI, ALIMWI AKUTI BULELO BWAKWE NGO BBABBULONI WANCOBENI. NGO MULONGA ALIMWI MBABANYINA BAKUKOMBA MITUNI KUSESEMYA KOONSE.”\\n(FLACIUS, ETLICHE HOCHWICHTIGE URSACHEN UND GRUNDE, 1570.)\\nInzila yabulelo bwa Sikukazya-Kristu, njenzila ntaanzi ya Cikombelo ca Katolika caku Loma, alimwi kutobela waawo, boonse abaabo bakazandauka akutalikila kuzwa mucikombelo eeci, “daughters” –mbuli Zikombelo zyaba Sikukazya eezyo zyilemekezya poopo kwiinda mukuzumanana kukomba mu mazuba aajanwa mukkalenda lyabupoopo papal calendar. Nkuuli nyina wazyikombelo ooyu abana bakwe basimbi baandeene aabo bakapambukana alakwe, ooko jwi lyokwa Yahuwah nkolipeda kulailila kwalusinizyo kuti: Kamuzwa muli nguwe, nobantu Bangu “Go out of her, My people!”\\nBukatolika mbobweelela masimpe ncociiminina kuba “sikukazya-kristu” nkaambo kakuti ziiyo zyabo ( eezyo zyakatola nzubo amikowa yabantu yoonse mubuzike akujaya zyuulunzuma zyabantu) “nzyezyikazya Kristu.” Eezyi zyiiyo zyilakazyana kapati akuyiisya kwa Yooyo uulaa luzyalo alimwi Uulitola ansi; Ooyo wakatumidwe “Koompolweda lwaanguluko kubazike akubonya baabo boofweede, Kupa lwaanguluko kuli baabo badyaaminidwe akutundululwa.” (Luuka 4:18)\\nPoopo Francis awalo mucishinshimi ngo Sikukazya-Kristu nkaambo walo ncobeni nguulibikkide mucibaka “ kutali Kristu.” Bakatolika bayiisya kuti poopo ulisetekene, “nguuli mucibaka ca Kristu” nanka kuti ngo “Kristu atalaa nyika eeyi.” Vicar ndibbala lya Cikuwa lizwa kubbala lyaci Latini lyakuti, vicarius, nanka kwaamba kuti “mucibaka ca. Alyalo Ibbuku lya Catholic Encyclopedia lilembedwe kuti:\\nUuli mucibaka cokwa Kristu (Lat. Vicarius Christi), izina lyamulimo wa poopo eelyo liiminina kuti walo nguuyinda kubaa nguzu atalaa boonse mumweenya mulengalenga woonse, mubulemu amukweendelezya milawo, atalaa Cikombelo ca Kristu. . . . Izina lya Uuli mucibaka ca Kristu , ndelyaamba mulimo wini ngwacita mu Cikombelo atalaa nyika, ooyo ngomulimo uupedwe nguzu zya Kristu anguzu zyakwiiminina eezyo zyizwa kuli Nguwe. . . . Izina lya Uuli mucibaka ca Leza eelyo ndyaakali kubelesya Nicholas III . . . ndelyeelene azina lya Uuli mucibaka cokwa Kristu.5\\nSinguzuzyoonsekunyina pe naakalailila naba ni kuti amwaatule Walo kuzwa acuuno Cakwe, nokuba Mwanaakwe, atalaa nyika eeyi pe. Aabo bataminina boobo, bacita mulandu wakutukila Bulelo bwa Kujulu.\\nKubambulula ooko nkobakatalisya Basikukazya kwakamunikila atalaa tusimpe tunjaanji twa Kujulu, ooto twakasindailidwe akudyaamininwa kwaciindi cilamfu loko kunsaa ziyanza zyatombe azilengwa zyitaluleme zyabantu. Nguzu zyakasimpe zyakamwesyela mizeezo yabantu bakali mumusinze wakubula luzyibo lwa kasimpe akubakwela kuzwa mukulubila kwa Bukatolika. Kulesya-Kubambulula yakali nzila imwi poopo njaakabelesya kuciindi eeco, kuti alesye bantu Bazangila cikombelo cakwe kwiinda mukusoleka kubapandulwida masimpe aabo Basikubambulula bakali kutamikizya cikombelo ca Katolika kuti ncikombelo ca Sikukazya-Kristu. Mpoonya kuzwa waawo, abalo bakatalika kupindaula busanduluzi bwa zishinshimi kutegwa basise masimpe aali mucishinshimi, mbwaanga akali kutondezya kuti poopo mwini ngo Sikukazya-Kristu.\\nTyanka aawa kuti ulibalile cikonkezyo cabudyabooli caba Jesuit!\\nImbungano ya Jeesu , naa Jesuit Order, yakalengwa mu 1540 kubambilwa mulimo wini wakumwaya musyobo wabuna Kristu wa Bukatolika kunyika yoonse. Kusandula ba Mozilemu akali ngamakanze mataanzi. Eeyi nkamu yakalengwa a Ignatious Loyola, ooyo wakali silumamba aciindi cimwi mubuumi bwakwe, a Francis Xavier, ooyo ba Jesuit ngobaamba kuti ngo “Basikalumamba bokwa Leza.” Nokuba kuti eeyi mbungano tiiyakalengelwa kucengulula Busikukazya,6 eeyi nkamu yakafwamba kucenguluka akubikkila maanu kukupindaula ncibaali kuyiisya Basikukazya akusandula baabo mbibaasandwide kale.\\nEeyi Mbungano yaba Jesuit yakafwamba kubaa nguzu cabucenjezu akusisikizya behind-the-scenes influence, pele tiibakajisi umwi akati kabo kuti abe poopo. . . kusikila mumwezi wa Miyoba 13, 2013, eelyo Jorge Mario Begoglio waku Argentina naakanjizyigwa mumulimo akukkazyikwa acuuno cipati His Holiness Francis, Bishop of Rome, Vicar of Jesus Christ, akuba poopo wa 266th mumulongo waba poopo. Francis, walusele alimwi poopo wamamanino ooyo wakaambilizyigwa mu Ciyubunuzyo 17, ulaandeene munzila zinjaanji kuli bamwi. Walo ngo poopo mutaanzi uuzwa ku Amelika, poopo mutaanzi kuzwa “Kucooko cakumusanza lya Nyika,” ngo poopo mutaanzi akataa ba Jesuit, alimwi ngo poopo mutaanzi uutali wakunyika yabukuwa mumyaka ili cuulu, myaanda yobile, makumi ciloba ayibili!\\nBweendelana makani aakuti Francis ngo poopo mutaanzi akataa ba Jesuit alimwi aciindi comwe nceenya kali poopo walusele wacishinshimi, tacili cintu ncotunga twayeleba mumbali pe. Bantu bamwaya milumbe ku NBC News World, bakafwamba kutondeka kuti ncintu cilemu alimwi cilaa makani mapati kuti Begoglio wakatanta cuuno camulimo mupati wabu poopo, kabaamba kuti: “Pope Francis ulaandeene kutali buyo kuti ngo poopo mutaanzi kuzwa kubbazu lya Amelika lyaci Latini. Ngu poopo mutaanzi, uutondezya kucengulula akutonkomeka ciyanza cakuyiisya Bukatolika bwa Cikombelo.”7\\n\"Ndayungizya kwaamba kuti Ime, kufumbwa ndajana ciindi cibotu ndiyoolwana nkondo iteenkeli, cakusisikizya nokuba antangalala, boonse aabo bazangide, Basikukazya aBaangulukide, mbweenya mbuli mbweendelezyegwa kucita kuti ndibamwayaule akubajaila limwi boonse atalaa nyika; alimwi kuti Ime kunyina ngweyooyenkela kujaya naba uula myaka iili buti, naba musankwa naa musimbi nokuba muciimo ncabede; alimwi kuti ndiyoobasina, akubanyonyoona, akubabizyika acikko, kubazapaula, kubasina akubazikka kabalanga aaba bazangi batakwe mpuwo, kubakwamuna mada aabo amada aabamakaintu babo, kusyodaula akufwanyauna mitwe yabavwanda babo kubwaanda, kutegwa ndimwaye luzubo lwabo loonse kukabe kutamani.\" (Taken from the Jesuit Oath)\\nMichael J. Sheeran, mupaizi waba Jesuit, alimwi Muleli wa Mbungano yazikolo zyaba Jesuit Zipati, wakainduluka kwaambwa ncaakaamba muli basikapelele baku NBC, eelyo naakali kwaambilizya makani aabuumi bwakuumunizya bwa Francis butakwe zyakulikulaika eelyo naakali kkadinalo ku Argentina.\\nPeleooko kubula zyakulikulaika nkokusisikizya makanze aali mbuli lubulo aatonkomene kutonkela kumbele milazyo yaba Jesuit kapati mumakani aaziiyo zyaciyanza ca Bukatolika akukwabilila bacete abatundululwa, mbombubo mbwaakaamba oobo Sheeran.\\nAayo makanze akalibonya muciindi camulimo wa Begoglio naakali Mupati weendelezya ba Jesuit ku Argentina kutalikila mu 1973. Sheeran wakayungizya kwaamba kuti, Wakali mulombwana muyumu nta ooyo wakali kulomya kubona kuti balombwana mbayendelezya bali mumaanza aakwe, beelede bagozye akumanizya kucita milimo yabo ciindi coonse.”\\n\"Ime njeeya kuti inga wajanwa kuba kuti muntu waangulukide muziiyo zyabupaizi pele muyumu janza mumakani aabululami akataa bantu”, wakayungizya Sheeran.8\\nAaya majwi aamalweza portentous words ncobeni. Ba Jesuit bakali bataanzi kumwaya mulumbe uulesya yooyo wa Sikukazya-Kristu mukusoleka kulesya bantu kuti baleke kubikkila maanu ali poopo aBukatolika. Poopo waangulukide kuzumizya bupaizi bwamisyobo misyobo, ulangikaanga ulakonzya kweendelezya bantu kuti bajokele kunzila yakupenzyegwa kwamisela yaakatikati papal persecutions “mukukwabilila lusyomo” kwiinda yooyo uutaangulukide mumizeezo yakwe; mbucaabede oobo amwalo misela yaakatikati kulekela ziyanza zyakukomba mituni kuti zyiliibe kucita kufumbwa, pele kupenzya akujaya boonse bakakatila kusinsimuna bantu kumasimpe aali mu Mangwalo.\\n\"NSONDO MULIMO WA CIKOMBELO CA KATOLIKA ALIMWI KUBAMBWA KWAYO KUJANWA BUYO MUMILAZYO YA BUKATOLIKA... KUZWA KUMATALIKILO KUSIKILA KUMAMANINO AAMANGWALO KUNYINA PE NOKABA KAMPANGO KOMWE KAZUMIZYA KUCINCA BUZUBA BWAMVWIKI AMVWIKI BWAKUKOMBA KUZWA KUBUTAANZI KUYA KUBUCAALIZYA MUVWIKI.\"\\nCATHOLIC PRESS, SYDNEY,\\nAUSTRALIA, AUGUST 1900.\\nBupoopo bwakatambula cicisa calufu deadly wound eelyo Sikalumamba mupati Louis Alexandre Berthier, waci Fulenci, naakanjizya poopo muntolongo. Nokuba boobo, “nzila yakucisa bupoopo cilonda calufu yakatalikila mu 1793 eelyo kkalenda lyakwaandaana acili coonse cabuna Kristu nilyaajuzyigwa.”9 Bupoopo bwakataanguna kulitondezya nguzu papacy’s primary proof kwiinda mukucinca buzuba bwakukomba kuzwa kuli boobo bwa Nsabata yamu Bbaibbele kuya ku Nsondo. Ikkalenda lyakwe sikalumamba ooyu oomo mwaakagwisya Nsondo kuzwa mukkalenda lyaba Fulenci, lyakaumputa kugaminina nguzu zyabupoopo zyakulipeekezya kubaa nguzu atalaa nyika anguzu zyakubikka milawo.\\nNiwakasika musela wamakumi obile, cakaba cintu cikasyidwe kwaamba kuti poopo wakali mutwe wanzila ya Sikukazya-Kristu. Aboobo Basikukazya bakajana nzila zyimbi zyakutaminina kuti (nguni) Sikukazya-Kristu. Atubikkile maanu kuciindi eeco kuti naa tuyoobabuti eelyo aakulibonya ncobeni .\\nEeci ncintu cakusobanya buyo mumaanza ookwa dyabooli. Eezyo ziiyo zitonkela kumbelaa mazuba izyintu zyicitika kale lino mu mazubaano, nzyezyimwi ziiyo akataa zyintu zyuunina makamu aabantu. Bantu balangila ceeci nanka eciya kuti cibatondezye kuti kuboola kwa Mufutuli kwaswena. Muciindi coonse eeci nozyicitika zyintu eezyi, oobo buzuba bwini bwakuboola kwakwe, buzyaa kuswena. Buna Kristu bulangila kumbelaa mazuba kuti Sikukazya-Kristu akalibonye kakuli nkwali kale akati kesu lino alimwi kalibonya mumeso eesu kuti ncacita ncakufubaazya, kunyansya akutukila Mwami Yahuwah.\\nPaulu wakaamba kuti: “Kutabi muntu uumucenga munzila iili yoonse; nkaambo oobo Buzuba tabukasiki pele buyo kukasaangune kuba kuzanga, alimwi muntu wacibi akayubununwe, ooyo mwanaa lunyonyooko, uukazya akulisumpula atalaa Eloah nokuba cili coonse cikombwa, cakuti walo ulikkede mbuli Yahuwah mutempele lyokwa Eloah kalitondezya kubaanga walo ngu Eloah.” (2 Batesalonika 2: 3,4)\\nInyika yiide kucengwa kuti kiilangila kuboola kwa Sikukazya-Kristu kakuli Sikukazya-Kristu mwini nkwali kale lino akati kesu, alimwi uluujisi kuyaka lukwakwa amusemo wanguzu zyakwe kuti akazuzike mulimo wakwe wa Saatani! Eeci ciyooba cintu ciinduluka kutundululwa akupenzyegwa kwamisela yaakatikati eelyo boonse baakusinikizyigwa kutambula caando ca munyama mark of the beast kuti kabatayandi kuciswa lufu.\\nInyika yiide kucengwa kuti kiilangila kulibonya kwa Sikukazya-Kristu mukaindi kasyoonto kakuli Sikukazya-Kristu mwini nkwali kale akati kesu alimwi uluujisi kuyaka lukwakwa akuyumya musemo wanguzu zyakwe kuti akazuzike mulimo wakwe wa Saatani !\\nJohani Mushinshimi wakatondezyegwa munyama, uutantidwe a Sibwaamu. Zitondezyo zyamunyama ooyo identifying marks mucishinshimi eeci, zyigaminina kutondeka ku bupoopo. Mukupandulula zinkonzya eezyo kuli Johani, mungele wakaamba kuti: “ Mitwe iili ciloba malundu aali ciloba aawo aakkede mukaintu. Alimwi kuli bami bali ciloba. Bosanwe bakawa kale, umwi nkwali, alimwi umwi taninga sika. Pele eelyo walo aakusika, weelede kukkalilila kwakaindi kasyoonto buyo. Munyama ooyo wakaliko, lino uutako, nguwenya lwakwe ngowalusele, alimwi ngumwi akataa bali ciloba, alimwi nguuya kuunka kukunyonyoonwa.” (Ciyubunuzyo 17:9-11)\\nNkamu ya WLC yali koompolwesya ajwi lyakucenjezya kwamyaka iikubwene kuti bantu babikkile maanu kukampango ka Mangwalo aaka kayandisi. Cizuminano ca Lateran Pact camu 1929 cakali cintu ciyandika kutalisya kuponya bupoopo ku “cicisa calufu.”\\nMbucakasaininwa buyo cizuminano ca Lateran Treaty, bupoopo bwakatalika kulanganyigwa kuba cisi mukati kacisi ca Italy, kabulaa munzi wa Loma kuti ngomunzi wabo mupati. Cisi ca Italy cakalanganya kulilela kwamunzi wa Vatican City, cibeela canyika cilaa mayeka aali mwaanda afuka (109 acres), akutonkomeka kupa lwaanguluko kuli poopo.10\\nMbuli mbokulembedwe muli zimwi other articles, Nkamu ya WLC ilitonkomene kusyoma kuti bami bali lusele mbabaabo baiminina bamapoopo bamamanino bali ciloba, aabo bayoolela nyika kaindi kasyoonto akuboola kwa Mufutuli.\\n1. Mwami mutaanzi: Pius XI (1922-1939)\\n2. Mwami wabili: Pius XII (1939-1958)\\n3. Mwami watatu: John XXIII (1958-1963)\\n4. Mwami wane: Paul VI (1963-1978)\\n5. Mwami wasanu: John Paul I (1978)\\n6. Mwami wa cisambomwe: John Paul II (1978-2005)\\n7. Mwami waciloba: Benedict XVI (2005-2013)\\n8. Mwami wa Lusele: Francis (2013 – Second Coming)\\nBupoopo bwamazubaano, bulaampuwo kwiinda mumusela uuli woonse. Citobela ncakuti, bwakabaa nguzu kwiinda lyoonse. Basikukazya, aabo bakazyibide kutamikizya poopo kuba Sikukazya-Kristu, balakalala nokuba kuuntuluzya kuti makani aaya atalika kubandikwa. Mbombubo oobo, mumambi ookwa Saatani mbwayaakulijanina akukungulila nguzu ampuwo mukubainda maanu kunsi boonse banzubo amikowa yabantu, mukubapa bupanduluzi butaluleme, kuti kabacilangila kuti cishinshimi ciciyoozuzikwa kumbelaa mazuba kuleka ceeco ncobabwene kacicitika mumeso aabo.\\nNkamu ya WLC isyomede kapati kuti mumazuba masyoonto aazya kumbele, Poopo Francis uyoobelesya cisi ca Amelika the USA kuti asinikizye bantu boonse kutobela Nsabata yalweeno counterfeit Sabbath atalaa nyika yoonse. Walo uyootalisya nkondo yakulwana batobeli bokwa Yahuwah bamasimpe, aabo batabilila Nsabata yokwa Yahuwah yakasimpe Yah's true Sabbath akkalenda lyakwe.\\nMangwalo alatucenjezya kuti: “Muntu uucenjede ulabona cisofweede, akulisisa lwakwe, pele aabo batakwe maanu baide kuyaa bweenda kabatalangi nkobagama, alimwi aaba mbabasubulwa.” (Proverbs 27:12)\\nNyoonse nywebo nomumuyanda Yahuwah, amusongwaale kumajwi aa Mangwalo aamba kuti: “Maawe kuli ndinywe nomukkede atalaa nyika alwizi! Nkaambo dyabooli wasika ansi kuli ndinywe, kalaa kukalala kapati, nkaambo ulizyi kuti walo ulaa kaindi kasyoonto buyo.” (Ciyubunuzyo 12:12)\\nKamuzwa anze! Kamuzwida anze lya Bbabbuloni abana bakwe basimbi bali boonse. Amunantuke kuti mwaanguluke kuzwa kuziyanza zyakwe azyitaluleme zyoonse. Amukumbatile kasimpe mbuli mbokabede muli Yahuwah.\\nZimwi zyijatikizya cibalo eeci:\\nCuumbwe Ceenda: Yahushua Waambilizya Poopo Wamamanino\\nMulazyo Wanyika Mupya: Kubumba Cinkonzya ca Munyama\\nKusandulula Daniele 11:31-45; 12:1-13\\nMyeembo ya Ciyubunuzyo ili Ciloba | Kulwanwa Madaimona Maawe Wakutaanguna (video)\\n2 “Kristu” ndibbala lizyila kubbala lya “Christos” ibbala lyaci Giliki lyeelene alyaci Hebulayo lya “Messiah.”","num_words":2293,"character_repetition_ratio":0.047,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amukkale Muluyando lwa Leza (Juda 20, 21)\\nMbomukonzya Kukkala Muluyando lwa Leza\\nAMUBALE MU Afrikaans Alur Amharic Bassa (Cameroon) Batak (Karo) Belize Kriol Boulou Cebuano Chichewa Chin (Hakha) Chin (Tiddim) Chitonga Chitonga (Zimbabwe) Chitumbuka Chiyao Chokwe Cibemba Cinyanja Colombian Sign Language Cuban Sign Language Danish Douala Dutch English Ewe Fijian Fon French Ga German Greek Guarani Gun Haitian Creole Herero Hiligaynon Hindi Hungarian Iloko Indian Sign Language Indonesian Irish Javanese Jula Kabiye Kabuverdianu Karen (S'gaw) Kazakh Kikaonde Kikuyu Kiluba Kinyarwanda Kirghiz Kiribati Kirundi Kongo Korean Krio Kwanyama Kyangonde Lhukonzo Lingala Luganda Luvale Malay Malayalam Mambwe-Lungu Mbunda Mongolian Moore Myanmar Ndebele Ndebele (Zimbabwe) Nepali Ngangela Nias Norwegian Nyaneka Okpe Otetela Pangasinan Portuguese Portuguese (Portugal) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Samoan Sango Sena Sepedi Sesotho (South Africa) Seychelles Creole Sidama Silozi Sinhala Spanish Spanish Sign Language Sunda Swahili Swahili (Congo) Swedish Tagalog Tamil Thai Tigrinya Tok Pisin Tongan Tshiluba Tuvaluan Ukrainian Uruund Vietnamese Wayuunaiki Wolaita Zande\\nAmukkale Muluyando lwa Leza\\n‘Amuliyake nobeni aantalisyo yalusyomo lwanu lusalalisya . . . Amuzumanane kukkala muluyando lwa Leza.’—JUDA 20, 21.\\n1, 2. Ncinzi ncotukonzya kucita kutegwa tuzumanane kukkala muluyando lwa Leza?\\nTOONSE tulayanda kuba bayumu alimwi akupona buumi buli kabotu. Aboobo tulasola kulya zyakulya zili kabotu, kunyanyaasya mubili alimwi akuubikkila maano mubili wesu. Nokuba kuti eeci ciyandika kubeleka canguzu, kumamanino cilatugwasya, aboobo tweelede kuzumanana kucita oobo. Pele alimwi tweelede kuba bayumu akupona kabotu munzila aimbi.\\n2 Nokuba kuti twakapanga kale ntalisyo mbotu yakumuzyiba Jehova, tweelede kuzumanana kuyumya cilongwe cesu anguwe. Ciindi Juda naakakulwaizya Banakristo kuti, ‘Amuzumanane kukkala muluyando lwa Leza,’ wakabapandulwida mbobakali kukonzya kucita oobo. Wakabaambila kuti: “Amuliyake nobeni aantalisyo yalusyomo lwanu lusalalisya.” (Juda 20, 21) Aboobo, mbuti mbotukonzya kuba alusyomo luyumu?\\nAMUZUMANANE KUYUMYA LUSYOMO LWANU\\n3-5. (a) Ino Saatani uyanda kuti kamuzibona buti zyeelelo zya Jehova? (b) Ino mulimvwa buti kujatikizya milawo anjiisyo zya Jehova?\\n3 Cilayandika kapati kuti nywebo kumugama musinizye kuti nzila zya Jehova lyoonse zili kabotu. Saatani uyanda kumupa kuyeeya kuti zyeelelo zya Leza zilakatazya kutobela akuti mulakonzya kujana lukkomano ikuti kamulisalila ciluzi acitaluzi. Kuzwa kaindi mumuunda wa Edeni, Saatani wali kusola kupa bantu kuyeeya munzila eeyi. (Matalikilo 3:1-6) Alimwi wazumanana kucita oobo naaba mazuba aano.\\n4 Sena Saatani uliluzi? Sena zyeelelo zya Jehova zilakatazya kapati kutobela? Peepe. Atwaambe kuti muyabweendeenda mupaaki iiboneka kabotu. Kumane mwabona lukwakwa naa lubaya lulamfwu lumusinkila kuti mutanjili mubusena bumwi. Ambweni mulakonzya kulibuzya kuti, ‘Ino nkaambo nzi ncobakabikkila lukwakwa oolu?’ Mpoonya nomuciyeeya boobo, mwamvwa kulila kwasyuumbwa mukati kalukwakwa. Ino mulalimvwa buti lino kujatikizya lukwakwa? Mulalumba akaambo kakuti bakabikka lukwakwa kutegwa mukwabililwe! Njiisyo zya Jehova zili mbuli lukwakwa oolo, mpoonya Diabolosi uli mbuli syuumbwa. Ijwi lya Leza litucenjezya kuti: “Amulibatamike, amupakamane! Sinkondonyoko, Diabolosi, uyaabweendeenda mbuli syuumbwa wabutambo uuvwuluma, uyandaula muntu ngwatiimene buumbulu.”—1 Petro 5:8.\\n5 Jehova uyanda kuti katupona buumi bwiinda kubota. Tayandi kuti Saatani atucenge. Nkakaambo kaako watupa milawo anjiisyo kutegwa atukwabilile akuti katukkomene. (Baefeso 6:11) Jakobo wakalemba kuti: “Ooyo uulangisisya mumulawo uulondokede uuleta lwaanguluko alimwi uuzumanana mulinguwo . . . unookkomene muzintu nzyacita.”—Jakobo 1:25.\\n6. Mbuti mbotukonzya kusinizya kuti nzila zya Leza nzibotu kwiinda?\\n6 Ikuti naa twabutobela busolozi bwa Jehova, buumi bwesu bulabota alimwi cilongwe cesu anguwe cilayuma kapati. Mucikozyanyo, tulagwasyigwa ciindi notukuzumina kutamba kwakwe kwakuti katupaila kulinguwe lyoonse. (Matayo 6:5-8; 1 Batesalonika 5:17) Tulakkomana ciindi notutobela malailile aakwe aakuti katuswaangana kutegwa tumukombe akukulwaizyanya umwi amweenzyinyina alimwi anotutola lubazu mumulimo wakukambauka akuyiisya. (Matayo 28:19, 20; Bagalatiya 6:2; Bahebrayo 10:24, 25) Ciindi notuyeeya mbotwagwasyigwa azintu eezyi, eeci cilatugwasya kuzumanana kuyumya lusyomo lwesu alimwi tuyoosinizya masimpe kuti nzila zya Jehova nzibotu kwiinda.\\n7, 8. Ino ncinzi cikonzya kutugwasya kutalibilika amasunko ngotukonzya kujana kumbele?\\n7 Tulakonzya kulibilika kuti ambweni kumbele lusyomo lwesu luyoosunkwa kapati cakuti inga twakwaalilwa kuliyumya. Ikuti mwalimvwa boobo, amuyeeye majwi aa Jehova aakuti: “Mebo, nde Jehova ndime Leza wako, ndime ndikuyiisya kuti ugwasyigwe, uukusololela munzila moyelede kweendela. Eelo kaka inga cabota kuti waiswiilila milawo yangu! Aboobo luumuno lwako inga lwaba mbuli mulonga abululami bwako mbuli mayuwe aamulwizi.”—Isaya 48:17, 18.\\n8 Ikuti twamumvwida Jehova, luumuno lwesu luyooba mbuli mulonga uutayuminini alimwi bululami bwesu, nkokuti bukkale bwakucita ciluzi, buyooba mbuli mayuwe aamulwizi aazumanana kulipwaya kunkomwe. Kufwumbwa naa ncinzi cikonzya kutucitikila mubuumi, tulakonzya kusyomeka. Bbaibbele lisyomezya kuti: “Kowaala mukuli wako uuminya mumaanza aa Jehova, eelyo walo uyookulanganya. Kunyina nayoolekela muntu uululeme kuti awe.”—Intembauzyo 55:22.\\n‘AMUYAAMBELE MANE MUSIME’\\n9, 10. Ino kusima caamba nzi?\\n9 Mbomuyaabuzumanana kuyumya cilongwe canu a Jehova, ‘muyooyaambele akusima.’ (Bahebrayo 6:1) Ino kusima caamba nzi?\\n10 Muntu takonzyi kuba Munakristo uusimide akaambo buyo kakuti mupati kumyaka. Kutegwa tusime, tweelede kuba acilongwe ciyumu a Jehova alimwi akubona zintu mbubonya mbwazibona walo. (Johane 4:23) Paulo wakalemba kuti: “Aabo bapona kweelana amubili bayeeya buyo zintu zyamubili, pele aabo bapona kweelana amuuya bayeeya zyamuuya.” (Baroma 8:5) Muntu uusimide tabikkili buyo maano kukulikondelezya naa kuzintu zyakumubili. Muciindi caboobo, ubikkila maano kukubelekela Jehova akusala kabotu mubuumi bwakwe. (Tusimpi 27:11; amubale Jakobo 1:2, 3.) Tazumini kuyungwa kuti acite citaluzi. Muntu uusimide ulicizyi ciluzi alimwi inga ukanzide kucicita.\\n11, 12. (a) Ino ncinzi Paulo ncaakaamba kujatikizya Munakristo mbwakonzya kubelesya “maano”? (b) Ino kuba Munakristo uusimide kumuuya kukozyenye buti akuba sikubalika uucibwene?\\n11 Cilayandika kubeleka canguzu kutegwa muntu asime. Mwaapostolo Paulo wakalemba kuti: “Cakulya ciyumu ncabantu basimide, aabo ibalaamaano aayiisyidwe kwaandaanya ciluzi acitaluzi kwiinda mukwaabelesya.” (Bahebrayo 5:14) Ibbala lyakuti “aayiisyidwe” lilakonzya kutuyeezya mbobaiya basikubalika.\\n12 Ciindi notubona sikubalika uucibwene kabalika, inga tulizyi kuti cakatola ciindi alimwi akubeleka canguzu kutegwa acikonzye kucita boobo. Kunyina naakazyalwa kali sikubalika uucibwene. Ciindi mwana naazyalwa, inga tazyi kabotu mbwaabelesyegwa maanza alimwi amaulu. Pele mukuya kwaciindi, ulaiya kujata zintu alimwi akweenda. Kwiinda mukuzumanana kwiiya, ulakonzya kuba sikubalika uucibwene. Mbubwenya buyo, citola ciindi kwiiya kutegwa umwi abe Munakristo uusimide.\\n13. Ino ncinzi cikonzya kutugwasya kwiiya kuyeeya mbuli Jehova?\\n13 Mubbuku eeli, twabandika mbotukonzya kuyeeya mbuli Jehova alimwi akubona zintu mbuli mbwazibona. Twaiya akubona mbozili zibotu zyeelelo zya Jehova alimwi akuziyanda. Ciindi notusala zyakucita, tweelede kulibuzya kuti: ‘Ino milawo nzi naa ninjiisyo nzi zikonzya kubeleka mubukkale oobu? Mbuti mbondikonzya kuzibelesya? Ino Jehova inga wayanda kuti ndicite nzi?’—Amubale Tusimpi 3:5, 6; Jakobo 1:5.\\n14. Ino ncinzi ncotweelede kucita kutegwa tube alusyomo luyumu?\\n14 Tweelede kuzumanana kuyumya lusyomo lwesu muli Jehova. Mbubonya mbuli kulya cakulya cijisi busani mbokutugwasya kuba amibili iili kabotu, kwiiya kujatikizya Jehova kulatugwasya kuba alusyomo luyumu. Ciindi notwakatalika kwiiya Bbaibbele, twakaiya njiisyo zyantalisyo kujatikizya Jehova anzila zyakwe. Pele mukuya kwaciindi, tweelede kumvwisya zintu ziyumu. Eeci ncencico ncaakali kwaamba Paulo naakati: “Cakulya ciyumu ncabantu basimide.” Kwiinda mukubelesya nzyotwiiya, tuba basongo. Bbaibbele litwaambila kuti: “Busongo ncintu ciyandika kapati.”—Tusimpi 4:5-7; 1 Petro 2:2.\\n15. Ino nkaambo nzi ncociyandika kapati kumuyanda Jehova alimwi abakwesu abacizyi?\\n15 Muntu ulakonzya kuba muyumu alimwi akupona kabotu, pele ulizyi kuti kutegwa azumanane kuba boobo, weelede kuzumanana kulibikkila maano. Mbubonya buyo, muntu uusimide ulizyi kuti weelede kuzumanana kubeleka canguzu kutegwa cilongwe cakwe a Jehova cizumanane kuyuma. Paulo utuyeezya kuti: “Amuzumanane kulisunka kutegwa mubone naa muli mulusyomo; amuzumanane kulilingula kutegwa mubone bwini mbomubede.” (2 Bakorinto 13:5) Nokuba boobo, tuyandika zinji kutali buyo kuba alusyomo luyumu. Luyando lwesu kuli Jehova, kubakwesu alimwi abacizyi lweelede kuzumanana kukomena. Paulo wakaamba kuti: “Ikuti kandijisi . . . luzyibo alusyomo lunji lukonzya kundipa kulonzya malundu, pele kuti kanditajisi luyando, ndili wabuyo.”—1 Bakorinto 13:1-3.\\nAMUZUMANANE KUBUBIKKILA MAANO BULANGIZI BWANU\\n16. Ino Saatani uyanda kuti katulimvwa buti?\\n16 Saatani uyanda kutupa kuyeeya kuti tatukonzyi kumukkomanisya Jehova. Uyanda kuti tutyompwe alimwi akuyeeya kuti kunyina cikonzya kumana mapenzi eesu. Tayandi kuti katubasyoma Banakristoma, alimwi tayandi kuti katukkomana. (Baefeso 2:2) Saatani ulizyi kuti kuyeeya kutali kabotu kulakonzya kutunyonganya alimwi buya akunyonganya cilongwe cesu a Leza. Pele Jehova watupa cintu cimwi cikonzya kutugwasya kulwana kuyeeya kuli boobu. Watupa bulangizi.\\n17. Ino bulangizi buyandika buti?\\n17 Mulugwalo lwa 1 Batesalonika 5:8, Bbaibbele likozyanisya bulangizi bwesu kucimpoompo cikwabilila mutwe wasikalumamba nali munkondo, lyaamba kuti cimpoompo eeco, ‘mbulangizi bwalufwutuko.’ Kuba abulangizi muzisyomezyo zya Jehova kulakonzya kukwabilila mizeezo yesu akutugwasya kulwana mizeezo mibi.\\n18, 19. Ino bulangizi bwakamugwasya buti Jesu?\\n18 Bulangizi mbwaakajisi Jesu bwakamupa kuyuma. Mubuzuba bwamamanino masiku kali anyika, wakalijana mumapenzi aakatazya kapati. Muntu ngobakali kumvwana kapati wakamwaaba. Umwi wakamukaka kuti tamuzyi. Ibamwi bakamulekelezya akumutija. Bantu bamucisi cokwabo bakamubukila, akwaamba kuti ajaigwe acisamu cakupenzyezya. Ino ncinzi cakamugwasya kuliyumya mumapenzi oonse aaya aakatazya kapati? “Akaambo kalukkomano ndwaakabikkilidwe kumbele wakaliyumya acisamu cakupenzyezya, wakaubaula kuusyigwa nsoni, alimwi lino ulikkede kujanza lyalulyo lyacuuno cabwami ca Leza.”—Bahebrayo 12:2.\\n19 Jesu wakalizyi kuti kwiinda mukusyomeka, wakali kuyoopa kuti Bausyi balemekwe alimwi akutondezya kuti Saatani mubeji. Bulangizi oobu bwakamuletela lukkomano lutaambiki. Alimwi wakalizyi kuti ino-ino wakali kuyoojokela kuli Bausyi kujulu. Bulangizi oobu bwakamugwasya kuliyumya. Mbubonya mbuli Jesu, tweelede kubikkila maano kubulangizi bwesu. Buyootugwasya kuliyumya ziyume zitete.\\n20. Ino ncinzi cikonzya kumugwasya kuzumanana kuzilanga kabotu zintu?\\n20 Jehova ulalubona lusyomo lwanu alimwi akuliyumya kwanu. (Isaya 30:18; amubale Malaki 3:10.) Usyomezya kuti ‘uyoomupa nzyouyanda moyo wanu.’ (Intembauzyo 37:4) Aboobo, amuzumanane kubikkila maano kubulangizi bwanu. Saatani uyanda kuti muleke kuba abulangizi akuti mutalike kuyeeya kuti zisyomezyo zya Jehova kunyina noziyoozuzikizyigwa. Pele tamweelede kwiizumina mizeezo iili boobo! Ikuti mwabona kuti bulangizi bwanu bwatalika kuceya, amumulombe Jehova mumupailo kuti amugwasye. Amuyeeye majwi aajanika mulugwalo lwa Bafilipi 4:6, 7: “Mutalibiliki acintu nociba comwe, pele muzintu zyoonse, kwiinda mumupailo akukombelezya antoomwe akulumba, amumuzyibye Leza nzyomulomba; eelyo luumuno lwa Leza oolo lwiinda maano oonse luyookwabilila myoyo yanu amizeezo yanu kwiinda muli Kristo Jesu.”\\n21, 22. (a) Ino Jehova ujisi makanze nzi kujatikizya nyika? (b) Ino mukanzide kucita nzi?\\n21 Lyoonse amujane ciindi cakuzinzibala kuyeeya buumi mbobunookkomanisya kumbele. Lino-lino, bantu boonse bapona banookomba buyo Jehova. (Ciyubunuzyo 7:9, 14) Amuyeeye buyo buumi mbobunoobede munyika mpya. Bunooli bubotu kapati kwiinda cintu cili coonse ncotukonzya kuyeeyela! Saatani amadaimona aakwe alimwi abubi boonse zinooli zyamana. Kunyina nomuyoociswa alimwi tamukafwi pe. Muciindi caboobo, buzuba buli boonse mwabuka munoojisi nguzu alimwi munookkomene kuti muli baumi. Bantu boonse bayoobelekela antoomwe kupanga nyika kuba paradaiso. Boonse banoojisi zyakulya zibotu alimwi abusena bubotu bwakukkala. Bantu tabanooli basilunya naa basinkondo, pele banooli basiluzyalo ncobeni kuli umwi amweenzyinyina. Mukuya kwaciindi, bantu boonse munyika bayookkomana “alwaanguluko lwabulemu bwabana ba Leza.”—Baroma 8:21.\\n22 Jehova uyanda kuti nywebo mumupange kuba Mulongwe wanu. Aboobo, amucite kufwumbwa ncomukonzya kumvwida Jehova alimwi akukakatila kulinguwe buzuba abuzuba. Inzya, toonse atuzumanane kukkala muluyando lwa Leza mane kukabe kutamani!—Juda 21.\\n1 AMUZUMANANE KUYUMYA LUSYOMO LWANU\\n“Amuliyake nobeni aantalisyo yalusyomo lwanu lusalalisya.”—Juda 20\\nNcinzi cikonzya kutugwasya kuyumya lusyomo lwesu?\\nBaefeso 6:11; Jakobo 1:25; 1 Petro 5:8\\nAmuyeeye kumvwida Jehova mbokukonzya kutukwabilila alimwi akutugwasya kuba abuumi buli kabotu.\\nMatayo 28:19, 20; 1 Batesalonika 5:17; Bahebrayo 10:24, 25\\nKutegwa tuyumye lusyomo lwesu, tweelede kupaila lyoonse, kwaambila bamwi kujatikizya Jehova alimwi akuyanzana abakwesu abacizyi.\\nIntembauzyo 55:22; Isaya 48:17, 18\\nJehova kunyina nayoomulekelezya pe. Ikuti mwabutobela busolozi bwakwe muyooba aluumuno.\\n2 TWEELEDE KUBA BANAKRISTO BASIMIDE\\n“Atusolekesye kuya kumbele mane tusime.”—Bahebrayo 6:1\\nIno kuba Munakristo uusimide caamba nzi?\\nBaroma 8:5; Bahebrayo 5:14\\nCitola ciindi alimwi akubeleka canguzu kuba Munakristo uusimide. Munakristo uusimide ulasola kubona zintu mbuli mbwazibona Jehova akusala cabusongo.\\nTusimpi 27:11; Jakobo 1:2, 3\\nBuyumuyumu bumupa coolwe cakuyumya lusyomo lwanu alimwi akutondezya kuti mulamuyanda ncobeni Jehova.\\nTusimpi 3:5, 6; Jakobo 1:5\\nCiindi nomusala zyakucita, amuzinzibale kuyeeya Jehova nzyayanda kuti mucite alimwi akumulomba kuti amugwasye.\\n2 Bakorinto 13:5\\nAmuzumanane kwiiya kujatikizya Jehova alimwi akuyumya cilongwe canu anguwe.\\n3 AMUBIKKILE MAANO KUBULANGIZI BWANU\\n‘Amusame . . . bulangizi bwalufwutuko kabuli mbuli cimpoompo.’—1 Batesalonika 5:8\\nIno bulangizi inga bwatukwabilila buti?\\nBulangizi bwanu bwakumbele bulaanguzu kapati. Amuyeeye bulangizi mbwaakajisi Jesu mbobwakamugwasya kuliyumya.\\nIkuti mwabona kuti bulangizi bwanu buyaabuceya, amwaapailile makani aayo. Kuyeeya kutali kabotu alimwi akudooneka kulakonzya kumutyompya. Pele Jehova uyoomupa busicamba aluumuno lwamumizeezo.\\nMalaki 3:10; Baroma 8:21\\nLyoonse amuzinzibale kuyeeya kujatikizya bulangizi bwanu bwakumbele. Nyika mpya inooli mbotu kwiinda cintu cili coonse ncomukonzya kuyeeyela.\\nIntembauzyo 37:4; Juda 21\\nJehova uyanda kuti mumuzyibe akuba Mulongwe wanu. Amucite kufwumbwa ncomukonzya kutegwa kamumumvwida, alimwi akukakatila kulinguwe buzuba abuzuba.\\nCIBALO 1 Luyando lwa Leza Lunooliko Lyoonse\\nCIBALO 2 Kuba Amanjezyeezya Mabotu Kuli Leza\\nCIBALO 3 Amusale Balongwe Ibamuyanda Leza\\nCIBALO 6 Mbotukonzya Kusala Zyakulikondelezya\\nCIBALO 8 Jehova Uyanda Kuti Bantu Bakwe Kabasalala\\nCIBALO 10 Cikwati—Ncipego Kuzwa Kuli Leza\\nCIBALO 11 Bwainda Buzuba Bwamucado\\nCIBALO 12 Amwaambe “Ijwi Lili Kabotu Kukuyaka Bamwi”\\nCIBALO 13 Sena Mapobwe Oonse Alamukkomanisya Leza?\\nCIBALO 15 Amwiikkomanine Milimo Yanu\\nCIBALO 16 Amumukazye Diabolosi\\nCIBALO 17 Amukkale Muluyando lwa Leza\\nMabala Amusale naa muyanda kukkopa zyakamwaigwa Mbomukonzya Kukkala Muluyando lwa Leza\\n‘Katulangila Cintu Ncotutanabona’","num_words":1829,"character_repetition_ratio":0.057,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Baroma 6 | Bbaibbele Lili a Intaneti | Bbaibbele lya Busanduluzi Bwanyika Mpya\\n6 Aboobo ino twaambe nzi? Sena tuzumanane kubisya ikutegwa luzyalo lwa Leza luvwule? 2 Peepe! Mbwaanga twakafwa kucibi, ino mbuti mbotukonzya kuzumanana kupona mucibi? 3 Naa sena tamuzyi kuti swebo toonse notwakabbapatizyigwa muli Kilisito Jesu twakabbapatizyigwa mulufwu lwakwe? 4 Aboobo twakazikkwa anguwe kwiinda mulubbapatizyo lwesu mulufwu lwakwe, kutegwa mbuli Kilisito mbwaakabusyigwa kuzwa kubafwu kubulemu bwa Usyi, mbubonya oobo andiswe tweelede kupona buumi bupya. 5 Nkaambo ikuti naa twakamantana anguwe mulufwu luli mbuli lwakwe, nkokuti masimpe tuyookamantana alimwi anguwe mububuke buli mbuli bwakwe; 6 nkaambo tulizyi kuti buntu bwesu bwakaindi bwakagagailwa anguwe acisamu, ikutegwa mubili wesu mubi kuutacikwe nguzu alindiswe akuti tutazumanani kuba bazike bacibi. 7 Nkaambo muntu wafwa waangununwa kucibi cakwe. 8 Kunze lyaboobo, ikuti katufwide a Kilisito, tusyoma kuti tuyoopona alimwi anguwe. 9 Nkaambo tulizyi kuti Kilisito, lino mbwaanga wakabusyigwa kubafwu, takonzyi kufwa alimwi pe; lufwu talucikwe nguzu pe kulinguwe. 10 Nkaambo lufwu ndwaakafwa, wakafwa buyo ciindi comwe kukabe kutamani kuti agusye cibi; pele buumi mbwapona, uponena Leza. 11 Mbubonya buyo andinywe: amulibone kuti mulifwide cakumaninina kucibi, pele kuti mulapona kuli Leza kwiinda muli Kilisito Jesu. 12 Aboobo mutalekeli cibi kuzumanana kweendelezya mbuli mwami mumibili yanu iifwa ikutegwa kamutobela zisusi zyayo. 13 Alimwi mutazumanani kwaaba zizyo zyanu kucibi kazili zilwanyo zyakutalulama, pele amulyaabe kuli Leza mbuli bantu baumi bakabusyigwa kuzwa kubafwu, alimwi amwaabe zizyo zyanu kuli Leza kazili zilwanyo zyabululami. 14 Mutalekeli cibi kuba simalelaanu, mbwaanga tamweendelezyegwi amulawo pe, pele mweendelezyegwa aluzyalo lwa Leza. 15 Ino twaambe nzi? Sena tweelede kubisya akaambo kakuti tatweendelezyegwi amulawo pele tweendelezyegwa aluzyalo lwa Leza? Peepe! 16 Se-na tamuzyi kuti, ikuti naa kamulyaaba kuli umwi mbuli bazike bamvwida, muli bazike bamuntu ooyo ngomuswiilila? Aboobo ikuti kamuli bazike bacibi muyootambula lufwu, pele ikuti kamuli bazike bakuswiilila muyootambula bululami. 17 Pele aalumbwe Leza kuti nokuba kuti mwakali bazike bacibi, mwakaziswiilila kuzwa ansi amoyo injiisyo eezyo nzyomwakapegwa. 18 Inzya, mbwaanga mwakaangununwa kucibi, mwakaba bazike babululami. 19 Akaambo kakubula nguzu kwamibili yanu, ndibelesya majwi ngobazyi kabotu bantu: nkaambo mbubonya ciindi cimwi mbomwakaaba zizyo zyanu cakumaninina kuti mube bazike kubusofwaazi akububi kutegwa mucite buyo bubi, lino amwaabe zizyo zyanu cakumaninina kamuli bazike kubululami kutegwa mube bantu basalala. 20 Nkaambo nomwakali bazike bacibi, mwakalaangulukide kubululami. 21 Lino micelo nzi njomwakali kutebula kuciindi eeco? Nzyintu eezyo lino zimuusya nsoni. Nkaambo mamanino aazyintu eezyo ndufwu. 22 Pele lino akaambo kakuti mwakaangununwa kucibi akuba bazike ba Leza, imicelo njomutebula mbusalali, eelyo kumamanino mbuumi butamani. 23 Nkaambo cakuvwola ncocipa cibi ndufwu, pele cipego ncapa Leza mbuumi butamani kwiinda muli Kilisito Jesu Mwami wesu.","num_words":396,"character_repetition_ratio":0.061,"word_repetition_ratio":0.0,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nobakubusi​—“Amuzumanane Kubelekela Lufwutuko Lwanu” | Yakwiiya\\n“Mbubonya mbomwali kuswiilila lyoonse, . . . amuzumanane kubelekela lufwutuko lwanu cakuyoowa akukankama.”—FLP. 2:12.\\nNokuba kuti kubbapatizyigwa nintaamu iiyandika kapati, ino nkaambo nzi tayeelede kuyoowegwa naa kweelebwa?\\nIno mbuti mbomukonzya kubelekela lufwutuko lwanu?\\nIno nkaambo nzi ncomukuyandisya kulyaaba kwanu kuli Jehova?\\n1. Ino nkaambo nzi kubbapatizyigwa ncoili ntaamu iyandika kapati? (Amubone cifwanikiso icili kumatalikilo aacibalo.)\\nBANTU banji ibaiya Bbaibbele balabbapatizyigwa mwaka amwaka. Bunji bwabo mbakubusi alimwi abana ibacili baniini. Kweelede kuti bakakomenena mukasimpe. Sena muli umwi wambabo? Kuti naa mboobo, mulalumbwa kapati. Kubbapatizyigwa ncintu ciyandika ku Banakristo, alimwi nintaamu iyandika kapati kutegwa mukafwutuke.—Mt. 28:19, 20; 1Pet. 3:21.\\n2. Ino nkaambo nzi ntaamu yakulyaaba ncoiteelede kuyoowegwa naa kweelebwa?\\n2 Nokuba kuti kubbapatizyigwa kulakonzya kuleta zilongezyo zinji, alimwi kulabikkilizya amukuli. Munzila nzi? Mubuzuba mbomwakabbapatizyigwa, mwakaingula kuti inzya kumubuzyo wakuti, “Kwiinda mucipaizyo ca Jesu Kristo, sena mweempwa zibi zyanu akulyaaba kuli Jehova kuti mucite kuyanda kwakwe?” Kubbapatizyigwa kwanu kutondezya kulyaaba kwanu. Ncikonke ncomwakasyomezya kuzwa ansi amoyo kuli Jehova kuti munoomuyanda alimwi munoobikka kuyanda kwakwe mubusena bwakusaanguna kwiinda zintu zyoonse. Ooku nkulyaaba kupati. Sena mweelede kuusa akaambo kakulyaaba ooku? Peepe, tamweelede naaceya. Kulibikka mumaanza aa Jehova kunyina nocilubide pe. Amulange-lange nzila iimbi! Muntu uulitantamuna kuli Jehova uli ansi abweendelezi bwa Saatani. Diabolosi tayandi kuti mukafwutuke. Mubwini, ulakonzya kukkomana kuti mwasweekelwa buumi butamani kutegwa mube kulubazu lwakwe mukukaka bweendelezi bwa Jehova.\\n3. Ino nzilongezyo nzi ziboola akaambo kakulyaaba kwanu kuli Jehova?\\n3 Mukwiindana akugwasyilizya Saatani, amulange-lange zilongezyo nzyomujisi mbuli Munakristo ulyaabide alimwi ubbapatizyidwe. Mbwaanga lino mwakaaba buumi bwanu kuli Jehova, mulakonzya kwaamba cakusinizya kwiinda kaindi kuti: “Jehova uli kulubazu lwangu; tandikooyoowa pe. Ino muntu inga wandityani?” (Int. 118:6) Tamukonzyi kuba acoolwe cipati mubuumi kwiinda kuba kulubazu lwa Leza alimwi akukkomaninwa anguwe.\\nMUKULI WANU KUMUGAMA\\n4, 5. (a) Ino muunzila nzi kulyaaba mbouli mukuli wanu kumugama? (b) Ino mbuyumuyumu nzi ibutali bweenzu kubakubusi?\\n4 Mbomuli Munakristo uubbapatizyidwe, cilongwe canu a Jehova tacili mbuli lubono lwamukwasyi ndomukonzya kukona buyo. Mukwiimpana, lino mukuli wanu kutegwa mukafwutuke, nokuba kuti mucikkala abazyali banu. Ino nkaambo nzi ncociyandika kukayeeya kaambo aaka? Akaambo kakuti talili lyoonse nomukonzya kuzyibila limwi buyumuyumu mbomuyoojana kumbele. Mucikozyanyo, ikuti mwakabbapatizyigwa kamucili baniini kapati, kulangilwa kuti mbomulimvwa alimwi azintu zimukatazya ziyoocinca mwaakukubuka. Musimbi umwi mukubusi wakaamba boobu: “Kanji-kanji mwana muniini takonzyi kulimvwa bubi kuti ngu Kamboni wa Jehova akaambo buyo kakuti tanaalya kkekke kucikolo yakusekelela kuzyalwa. Pele mumyaka buyo misyoonto ciindi muzeezo wakuyanda koonana noukomena, weelede kusinizya ncobeni kuti kumvwida milawo ya Jehova nkokusala kwiinda kubota lyoonse.”\\n5 Nokuba boobo, kusikilwa buyumuyumu mbobatazyibide tacili ceenzu kubakubusi. Nobaba baabo ibakabbapatizyigwa kabali bapati balajana masunko ngobatali kulangila aasunka lusyomo lwabo. Masunko aali boobo alakonzya kujatikizya cikwati, kuciswa, naa mulimo. Mubwini, muntu uuli woonse tacikwe makani naa ujisi myaka yongaye, uyoosikilwa bukkale buyanda kuti asyomeke kuli Jehova.—Jak. 1:12-14.\\n6. (a) Ino muunzila nzi kulyaaba kwanu kuli Jehova mocili cisyomezyo ncomweelede kuzuzikizya ziyume zitete? (b) Ino ncinzi ncomukonzya kwiiya kulugwalo lwa Bafilipi 4:11-13?\\n6 Ikutegwa mugwasyigwe kuzumanana kusyomeka mubukkale buli boonse, tamweelede kuluba kuti cisyomezyo canu kuli Jehova mweelede kucizuzikizya ziyume zitete. Eeci caamba kuti mwakamwaambila Mweendelezi wabubumbo boonse kuti muyoozumanana kumubelekela nokuba kuti balongwe banu naa bazyali banu bacileka kucita oobo. (Int. 27:10) Mubukkale boonse, mulakonzya kulomba nguzu kuli Jehova kutegwa amugwasye kupona kweelana akulyaaba kwanu.—Amubale Bafilipi 4:11-13.\\n7. Ino caamba nzi kubelekela lufwutuko lwanu “cakuyoowa akukankama”?\\n7 Jehova uyanda kuti mube balongwe bakwe. Pele kutegwa muzumanane kuba mucilongwe eeco alimwi akubelekela lufwutuko lwanu kuyandika kubeleka canguzu. Mubwini, lugwalo lwa Bafilipi 2:12 lwaamba kuti: “Amuzumanane kubelekela lufwutuko lwanu cakuyoowa akukankama.” Majwi aayo atondezya kuti mweelede kulanga-langa mbomuyoozumanana acilongwe canu a Jehova akuzumanana kusyomeka kulinguwe tacikwe makani abuyumuyumu mbomuyoojana. Tamukonzyi kuciindizya kulisyoma. Nobaba babelesi ba Leza bakaindi bamwi bakaleya. Aboobo, ino nintaamu nzi nzyomukonzya kubweza kutegwa mubelekele lufwutuko lwanu?\\nCIIYO CA BBAIBBELE CILAYANDIKA KAPATI\\n8. Ino ciiyo canu nobeni cibikkilizya nzi, alimwi ino nkaambo nzi ncociyandika kapati?\\n8 Cilongwe a Jehova cijatikizya mbazu zyobilo—kumuswiilila alimwi akubandika anguwe. Ciiyo cesu ca Bbaibbele nenzila iiyandika kapati njotukonzya kumuswiilila Jehova. Eeci cilabikkilizya akujana luzyibo kwiinda mukubala akuzinzibala kuyeeya Jwi lya Leza alimwi amabbuku aamba zyamu Bbaibbele. Ciindi nomucita boobo, amuyeeye kuti kwiiya Bbaibbele tacili cintu cicitwa mbuli kuti muli kucikolo. Taceelede kuba mbuli kuti muyanda buyo kupeta twaambo kutegwa mukacite kabotu mumusunko wakucikolo. Kwiiya ikugwasya kapati kuli mbuli kuba mulweendo lulamfwu momuyanda kuzyiba zintu zipya kujatikizya bube bwa Jehova. Kucita boobo kuyoomugwasya kuswena kuli Leza, alimwi awalo uyooswena kulindinywe.—Jak. 4:8.\\nIno kubandika kwanu a Jehova kuli buti? (Amubone muncali 8-11)\\n9. Ino nzibelesyo nzi izyamugwasya muciiyo canu nobeni?\\n9 Mbunga ya Jehova yapa zibelesyo izili mbozibede kumugwasya kutegwa mube apulogilamu yakwiiya iigwasya. Mucikozyanyo, cibeela cakuti “Cibeela Cijatikizya Kwiiya Bbaibbele” icijanika acibeela ca “Bakubusi” a jw.org cilakonzya kumugwasya kwiiya ziiyo zigwasya muzintu izyakacitika zilembedwe mu Bbaibbele. Alimwi a jw.org, zibalo zigwasya kwiiya zyakuti, “Ino Ncinzi Cini Ncoliyiisya Bbaibbele?” zilakonzya kumugwasya kusinizya kujatikizya nzyomusyoma. Zibalo zigwasya kwiiya eezyo zilakonzya kumugwasya kwiiya mbomukonzya kupandulula nzyomusyoma kuli bamwi. Nzila zimwi zyakwiiya zilakonzya kujanwa mucibalo cakuti “Bakubusi Balabuzya . . . Ino mbuti mbondikonzya kukukkomanina kubala Bbaibbele?” mumagazini ya Sinsimuka! yamu July 2009. Kwiiya akuzinzibala kuyeeya kulijisi mulimo mupati mukubelekela lufwutuko lwanu.—Amubale Intembauzyo 119:105.\\nMUPAILO ULAYANDIKA KAPATI\\n10. Ino nkaambo nzi mupailo ncouyandika kapati ku Munakristo uubbapatizyidwe?\\n10 Nokuba kuti ciiyo canu nobeni ninzila imwi motuswiilila kuli Jehova, mupailo ninzila njotwaambaula kulinguwe. Munakristo tayelede kubona mupailo kuba cilengwa citajisi mulimo, naa kuba ‘coolwe munzila yamasalamuzi’ kutegwa ayungizye coolwe cakuzwidilila mucintu ncayanda kucita. Muciindi caboobo, mupailo nkubandika ncobeni a Mulengi wesu. Jehova uyanda kumvwa kulindinywe. (Amubale Bafilipi 4:6.) Ciindi nomulimvwa kulibilika kuli koonse, lulayo lwamu Bbaibbele lwabusongo lukulwaizya ‘kuwaala mukuli wanu uuminya mumaanza aa Jehova.’ (Int. 55:22) Sena mubwini mulacisyoma eeco? Kuli bakwesu abacizyi banji ibakonzya kusinizya kulindinywe kuti cakabagwasya. Cilakonzya kumugwasya andinywe!\\n11. Ino nkaambo nzi ncomweelede kumulumba Jehova lyoonse?\\n11 Mupailo umupa coolwe cakucita zinji ikutali buyo kulomba Jehova kuti amugwasye. Ibbaibbele lyaamba kuti: “Amutondezye kuti mulalumba.” (Kol. 3:15) Zimwi ziindi tulakonzya kutalika kwaabikkila kapati maano mapenzi eesu cakuti inga twatalika kuubya-ubya zilongezyo zinji nzyotujisi. Ino mbuti kuti buzuba bumwi abumwi mwayeeya kujatikizya zintu noziba zyotatwe buyo nzyomunga mwatondezya kuti mulalumba? Mpoonya amumulumbe Jehova mumupailo kujatikizya zilongezyo eezyo. Mukubusi wazina lya Abigail iwakabbapatizyigwa kajisi myaka iili 12 wakaamba boobu: “Ndilimvwa kuti tweelede kumulumba kapati Jehova kwiinda muntu uli woonse mububumbo. Tweelede kumulumba ciindi cili coonse akaambo kazipego nzyatupa. Aciindi cimwi ndakamvwa kuyeezya kubotu kapati kwakuti: Ikuti naa juunza twabuka katujisi buyo zintu nzyotwamulumba Jehova buzuba bwasunu, ino tunoojisi zintu zinji buti?” *\\nMBOZIGWASYA ZINTU ZIKONZYA KUMUCITIKILA MUBUUMI BWANU\\n12, 13. Ino nkaambo nzi ncociyandika kuyeeya mbomwabulabila bubotu bwa Jehova nywebo lwanu kumugama?\\n12 Mwami Davida wansiku, iwakavwunwa kumasunko manji aakatazya kapati, wakaamba majwi aaya mulwiimbo: “Amulabile mubone kuti Jehova mubotu; ulikkomene muntu uuyubila mulinguwe.” (Int. 34:8) Kaambo aaka katondezya mbozigwasya zintu zikonzya kumucitikila mubuumi. Ciindi nomubala Bbaibbele alimwi amabbuku eesu alimwi aciindi nomujanika kumiswaangano ya Bunakristo, mulamvwa zyakuluula zikulwaizya Leza mbwaakagwasya bamwi kuzumanana kusyomeka. Pele nomuyaabukomena kumuuya, mweelede kubona janza lya Jehova mubuumi bwanu. Ino mbuti nywebo kumugama mbomwakabulabila kale bubotu bwa Jehova?\\n13 Kuli nzila yomwe Banakristo boonse mbobakabulabila kale bubotu bwa Jehova. Nkwiinda mukutambwa kuti baswene kuli Leza a Mwanaakwe. Jesu wakaamba kuti: “Kunyina muntu uukonzya kuboola kulindime ccita kuti wakwelwa a Taata wakandituma.” (Joh. 6:44) Sena mulimvwa kuti majwi aayo alamujatikizya andinywe? Mukubusi ulakonzya kuyeeya kuti, ‘Jehova wakakwela bazyali bangu, mpoonya mebo ndakaile kubatobela.’ Pele ciindi nomwakalyaaba kuli Jehova akubbapatizyigwa, mwakatondezya kuti mwanjila mucilongwe cilibedelede anguwe. Lino mulizyibidwe ncobeni anguwe. Bbaibbele litucenjezya kuti: “Ikuti umwi kamuyanda Leza, ooyu ulizyibidwe anguwe.” (1Kor. 8:3) Amusole lyoonse kulubikkila maano lubazu ndomujisi mumbunga ya Jehova alimwi akulumba.\\n14, 15. Ino mbuti bukambausi mbobukonzya kumugwasya kuyumya lusyomo lwanu?\\n14 Nzila imbi mbomukonzya kubulabila bubotu bwa Jehova nkwiinda mukugwasyilizyigwa anguwe ciindi nomutola lubazu mukwaambila bamwi nzyomusyoma. Mulakonzya kucita oobo nomuli mubukambausi alimwi akucikolo. Bamwi cilabayumina kukambaukila beenzinyina kucikolo. Ambweni mulakonzya kumvwisya kaambo ncocili boobo. Tamuzyi mbobakonzya kwiingula. Cilakonzya kuba cintu ciyumu ikapati ciindi nomwaambaula kubantu banji kwiinda ciindi nomubandika asicikolonyoko omwe kumugama. Ino ncinzi cikonzya kumugwasya?\\n15 Cakusaanguna, amuyeeye kujatikizya kaambo kamupa kusinizya kujatikizya zintu nzyomusyoma. Sena zibalo zigwasya kwiiya zijanika a jw.org nkozili mumwaambo wanu? Kuti kamutali masimpe, amujane ciindi cakuzilangaula. Zyakabambwa munzila yakuti kazimugwasya kuyeeya nzyomusyoma, kaambo ncomuzisyoma, alimwi ambomukonzya kubapandulwida bamwi nzyomusyoma. Ciindi lusyomo lwanu noluli luyumu alimwi anomulibambilide kabotu, muyookulwaizyigwa kupa bumboni kujatikizya zina lya Jehova.—Jer. 20:8, 9.\\n16. Ino ncinzi cikonzya kumugwasya kwaamba nzyomusyoma cakutawayawaya?\\n16 Nokuba boobo, noliba leelyo nomwalibambila, mulakonzya kuwayawaya kwaamba nzyomusyoma cabusicamba. Mucizyi uujisi myaka iili 18, iwakabbapatizyigwa amyaka iili 13 wakaamba kuti, “Ndilizyizyi nzyondisyoma, pele zimwi ziindi inga ndijisi penzi kujatikizya mbondikonzya kwaamba zili mumizeezo yangu.” Ino mbuti mbwacikonzya kulwana penzi eeli? Waamba kuti, “Inga ndilasola kubandika cakulikwaya. Basicikoloma balalikwaya kwaamba kujatikizya zintu nzyobacita. Ndeelede kwaanguluka andime kwaamba nzyondicita. Aboobo ndilaamba cintu cimwi mbuli kuti nkaano, mucikozyanyo mbuli kwaamba kuti, ‘Buzuba bumwi ndakali kuyiisya Bbaibbele, mpoonya . . . ’ Kumane ndilazumanana kwaamba kaambo kapati mukaano kangu. Nokuba kuti kaambo kakumatalikilo inga takaswaangene a Bbaibbele, kanji-kanji bamwi inga bayanda kumvwa ncondicita ciindi nondiyiisya Bbaibbele. Zimwi ziindi balabuzya mibuzyo kujatikizya makani aayo. Ciindi nondizumanana kubelesya nzila eeyi, cilauba-uba. Mpoonya ndilimvwa kabotu kapati lyoonse!”\\n17. Ino mbomulubona lusyomo lwanu inga camugwasya buti kutegwa mwaambile bamwi?\\n17 Ciindi nomutondezya bulemu kuli bamwi alimwi anomutondezya kuti mulabayanda, kulalangilwa kuti balakonzya kwiingula kabotu. Olivia uujisi myaka yakuzyalwa iili 17 iwakabbapatizyigwa kacili muniini wakaamba kuti: “Lyoonse ndali kuyoowa kubikkilizya Bbaibbele mumubandi nkaambo bantu inga babona mbuli kuti ndilaciindizya.” Mpoonya wakatalika kuzibona bumbi zintu. Muciindi cakubikkila kapati maano kukuyoowa kwakwe, Olivia wakayeeya kuti: “Bakubusi banji tabazyi cintu cili coonse kujatikizya Bakamboni ba Jehova. Ndendiswe Bakamboni balikke mbobazyi. Aboobo mbotucita zintu cilakonzya kupa kuti baingule kabotu naa pe. Ino mbuti kuti katujisi nsoni naa kuyoowa naa kacitukatazya buya kwaamba kujatikizya lusyomo lwesu, naa ino mbuti kuti katukankama ciindi notwaambaula? Inga capa kuti babone mbuli kuti tatukkomene kuba Bakamboni. Ambweni buya balakonzya kutatwiingula kabotu akaambo kakuti tatuzisyomi nzyotwaamba. Aboobo, kuti katwaambaula cakukkazika moyo alimwi cakusinizya kujatikizya nzyotusyoma, mubandi kauli buyo kabotu, kulalangilwa kuti bayootulemeka.”\\nAMUZUMANANE KUBELEKELA LUFWUTUKO LWANU\\n18. Ino ncinzi cijatikizyidwe mukubelekela lufwutuko lwanu?\\n18 Mbubwenya mbotwabona, kubelekela lufwutuko lwanu mukuli mupati. Zintu zimwi izijatikizyidwe nkubala Jwi lya Leza alimwi akuzinzibala kuyeeya kujatikizya nzyomubala, kupaila kuli Jehova, alimwi akuyeeya nzila Jehova mbwaamulongezya nywebo kumugama. Kusungwaala mumbazu eezyi kuyooyumya lusyomo lwanu kucoolwe ncomujisi cakuba mucilongwe a Jehova. Kucita boobo alimwi kuyoomukulwaizya kwaamba nzyomusyoma cabusicamba.—Amubale Intembauzyo 73:28.\\n19. Ino nkaambo nzi kusoleka kwanu nkomucita kutegwa mukafwutuke ncokugwasya?\\n19 Jesu wakaamba kuti: “Ikuti umwi kayanda kunditobela, aliimye akunyamuna cisamu cakwe cakupenzyezya akuzumanana kunditobela.” (Mt. 16:24) Masimpe, kuba sikwiiya—kubikkilizya kulyaaba alimwi akubbapatizyigwa—mukuli wanu mupati mbomuli Banakristo. Pele, usololela kuzilongezyo zinji lino alimwi akubuumi butamani munyika mpya ya Leza. Aboobo, mulijisi twaambo tunji tweelede kumupa kuzumanana kubelekela lufwutuko lwanu!\\n^ munc. 11 Kutegwa mubone nzila zinji zigwasya, amubone cibeela cakuti “Young People Ask—Why Should I Pray?” alimwi apepa lyakulembela lyancico iili a jw.org.","num_words":1705,"character_repetition_ratio":0.066,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sawulu—Mwaami WamaIsrayeli Wakusaanguna | Zyiiyo Zyabana Zizwa muBbayibbele\\nJehova wakasala babetesi bakali kuzulwida maIsrayeli pesi bakazooyanda kuba amwaami. Bakabuzya Samuyele kuti: ‘Zisi zyoonse zili kumbali lyesu zilaabaami. Andiswe tuyanda kuba amwaami.’ Samuyele wakabona kuti zintu nzibakaamba tazili kabotu, nkinkaako wakakomba kuli Jehova. Mpawo Jehova wakabuzya Samuyele kuti: ‘Teensi nduwe ngubakaka, pesi bakaka ndime kuti ndibe mwaami wabo. Babuzye kuti balakonzya kuba amwaami, pesi mwaami ooyo uyooyanda zintu zyiingi kulimbabo.’ Pesi bantu bakaamba kuti: ‘Tazitukataazyi pe eezyo. Tuyanda Mwaami luzutu!’\\nJehova wakabuzya Samiyele kuti muntu utegwa Sawulu wakali kuyooba mwaami wakusaanguna. Sawulu naakaya kuRama kuyooswaya Samiyele, Samiyele wakananika Sawulu kuti abe mwaami kwiinda mukumutila mafuta amutwe.\\nKuzwa waawo, Samiyele wakabungania maIsrayeli kuchitila kuti abatondeezye mwaami mupya. Pesi Sawulu teebakamubona pe. Ulizi na kuti nkamboonzi? Nkaambo wakayubide muzibbudu. Pesi nibakamubona Sawulu, bakamweeta akumwiimikizya akati kabantu. Sawulu wakali mulamfu kwiinda bantu boonse alimwi wakali mubotu loko. Mpawo Samiyele wakati: ‘Amubone muntu Jehova ngwasala.’ Mpawo bantu bakoompolola kabati: ‘Mwaami apone!’\\nKumatalikilo, Mwaami Sawulu wakali kuswiilila Samiyele alimwi wakali kulibombya kuli Jehova. Pesi wakazoochincha. Muchikozyano, mwaami taakali kuzumizigwa pe kutuula zituuzyo. Muli chimwi chiindi, Samiyele wakabuzya Sawulu kuti amulinde, pesi Samiyele wakanoonoka kusika. Mpawo Sawulu wakasala kuumpa zituuzyo. Samiyele wakachita biyeni? Samiyele wakabuzya Sawulu kuti: ‘Weelede kuswiilila Jehova.’ Sawulu wakayiya na kukubisya kwakwe?\\nChimwi chiindi, Sawulu naakaya kukulwana maAmalekki, Samiyele wakabuzya Sawulu kuti akabajaye boonse. Pesi Sawulu wakayeeya kutajaya Mwaami Agagi. Jehova wakabuzya Samiyele kuti: ‘Sawulu wandisampawula nkaambo waleka kundiswiilila.’ Samiyele wakawusa loko alimwi wakabuzya Sawulu kuti: ‘Jehova uyoosala umwi muntu kuti abe mwaami nkaambo waleka kumuswiilila.’ Samiyele naakeenda, Sawulu wakajata chigogo chaSamiyele, mpawo chigogo chaSamiyele chakadeluka. Mpawo Samiyele wakabuzya Sawulu kuti: ‘Jehova wakunyanzya bwaami.’ Jehova wakasala umwi muntu uswiilila kuti abe mwaami.\\n‘Kuswiilila nkubotu kwiinda chipayizyo.’—1 Samuele 15:22\\nMibuzyo: MaIsrayeli bakakumbilaanzi? Nkamboonzi Jehova naakakaka mwaami Sawulu?","num_words":284,"character_repetition_ratio":0.102,"word_repetition_ratio":0.0,"special_characters_ratio":0.158,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Kubungana Pantu Pomwi Abeneklistu Babyaabo Kulabacafwa Buyani Bakamboni Bakwe Yehova?\\nTulaya kumabungano lyoonse nabi kwaamba ayi tuleenda mishinso ilaamfu munshila shishupite nabi na kwatontola abuumbi cimwi ciindi nabi kakuli mfula. Ino ngumulandunshi Bakamboni Bakwe Yehova balaya kumabungano nabi kwaamba ayi balicite mapensho nabi kulema?\\nMabungano alatusangalasha. Paulo ndyaakalinga kwaamba sha baabo mbotubungana abo, wakalemba ayi: “Katuyeeya bamakwesu.” (Bene Ebulu 10:24) Aya maswi alasansulula ayi tulyeelete kubashiba kabotu abo mbotubunganaabo. Aboobo Paulo wakalinga kutuyuminisha ayi tulyeelete kubikila maano kubamakwesu. Na twabeshiba kabotu bamakwesu alimwi amikwashi yabo, ndyeenga twashiba ayi anu bamwi bakakoma masunko aswebo cimwi ciindi ngotucana, ici inga calengesha ayi aswebo twiindilishe kuyuma.\\nMabungano alayumya bushicibusa bwesu. Bamakwesu mbotubunganabo mbeshicibusa besu mbotusuni kuswa panshi lya moyo, teshi bantubo mbotushibeneabo capalaale. Cimwi ciindi tulasekanaabo. Ino mbubotunshi mbweenga twacana na katucita boobo? Kuba pomwi a Beneklistunyineesu, kulalengesha ayi tunobabikilaako maano alimwi ici cilayumya lusuno lwesu. Na bamakwesu baba alipenshi tulabacafwa mukwiinga mbamakwesu bancinencine. (Tushimpi 17:17) Kuba pantu pomwi abamakwesu kulatondesha ayi “tulabikilana maano.”—1 Bene Kolinto12:25, 26, NWT.\\nTwamusenga kwaamba ayi munosala beshicibusa bacita kuyanda kwakwe Lesa. Beshicibusa abo inga mwabacana mumabungano a Bakamboni Bakwe Yehova. Mutasuminishi cintu cili coonse kumukasha kusa mukubungana andiswe.\\nIno ngumulandunshi ncocibetele cibotu kusa kumabungano?\\nIno ndilili ndyeenga mwasuna kusa kumabungano esu akushiba baabo mbotubunganaabo?","num_words":199,"character_repetition_ratio":0.076,"word_repetition_ratio":0.0,"special_characters_ratio":0.154,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"AMUBALE MU Afrikaans Albanian Amharic Arabic Armenian Bislama Bulgarian Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Danish Dutch English Estonian Ewe Fijian Finnish French Georgian German Greek Hebrew Hiligaynon Hungarian Iloko Indonesian Italian Japanese Kikaonde Kinyarwanda Kirghiz Kirundi Korean Lingala Lithuanian Luvale Macedonian Malagasy Myanmar Norwegian Oromo Polish Portuguese Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Swahili Swahili (Congo) Swedish Tagalog Tahitian Thai Tigrinya Tok Pisin Tsonga Turkish Twi Ukrainian Vietnamese Xhosa Zulu\\nbbuku lyakuti Sungwaala Kukubala Akukulemba iligwasya kwiiya kubala akulemba lyamwaigwa mumyaambo iinda ku 100\\n“Kuzyiba kubala akulemba ncintu ncayandika muntu uuli woonse, kupa muntu kuba anguzu zyakucita cintu cili coonse akupa kuyaambele.”—UNESCO. *\\nMALIPOOTI atondezya kuti bantu bainda ku 700 miliyoni nyika yoonse ibajisi myaka iili 15 akwiinda aawo tabacizyi kubala naa kulemba. Eeci cipa kuti kabatacikonzyi kuzyiba zintu zinji, kubikkilizya anjiisyo zyakumuuya zyakulilemeka izili mu Bbaibbele “zyakalembelwa kutuyiisya.” (Baroma 15:4) Aboobo, muzisi zili mbozibede, Bakamboni ba Jehova balabikkilizya abubambe bwakuyiisya kubala akulemba mupulogilamu yabo yakuyiisya Bbaibbele—bubambe oobu boonse tabubbadelelwi. Sena pulogilamu eeyi yazwidilila?\\nAmulange-lange mulimo wa Bakamboni ba Jehova ku Mexico, kucisi bantu banji nkobabelesya mwaambo waci Spanish. Kuzwa mu 1946, bantu bainda ku 152,000 bayiisyigwa kubala akulemba a Bakamboni, kumbele abalo basikuyiisyigwa baba bamayi. Mfwulumende yakatumina Bakamboni magwalo manji aakulumba mulimo ngobacita. Lugwalo lumwi lwaamba kuti: “Swebo toba General Board of Education twamulumbaizya akaambo kakugwasyilizya mukuyiisya bantu bapati kubala akulemba.”\\nBana abapati bagwasyigwa apulogilamu eeyi yakwiiya kubala akulemba. Mucikozyanyo, ba Josefina bakajisi myaka iili 101 ciindi nobakalilembya mucikolo eeci ncobakamanizya mumyaka yobilo!\\nNokuba kuti mwaambo waci Spanish nguubelesyegwa kapati ku Mexico, kwiiya kubala akulemba takucitwi buyo mumwaambo ooyu pe. Mu 2013, bantu babelesya myaambo iili 8 bakaiya kubala akulemba mumwaambo wabo kwiinda mupulogilamu eeyi.\\nKwiiya kubala akulemba kupa muntu coolwe cakwiiya zintu zinji zipya. Pele kwiinda zyoonse, kwiiya kubala akulemba kugwasya bantu bamisyobo yoonse kucikonzya kubala Bbaibbele—ibbuku lizwa kuli Leza lyalo likonzya kubaangununa kukusyoma mizimo, njiisyo zyabukombi bwakubeja, alimwi abukkale bwakutalilemeka.—Johane 8:32.\\nWAKABAGAMBYA BAMUKWASYI WAKWE\\nBa Daniel bakaiya mwaambo wakutambaika waku Mexico kubelesya ma DVD\\nIBa Daniel bakali basinkematwi alimwi tiibakali kukonzya kwaambaula kabotu. Akaambo kaceeci kanji-kanji bakali kutyompwa alimwi akunyema kapati kumukwasyi wabo. Ba Daniel nobakajisi myaka iibalilwa ku 23, Kamboni musinkematwi wazina lyakuti Josué wakatalika kwiiya Bbaibbele ambabo. Kumatalikilo bakali kubelesya nzila yakutambaika antoomwe akudulowiŋa. Mpoonya kwiinda mukugwasyigwa ama DVD, ba Daniel bakaiya Mwaambo Wakutambaika Waku Mexico. *\\nBa Daniel nobakatalika kuzisyoma njiisyo zyamu Bbaibbele, bakatalika kuba “abuntu bupya” bwalo ibuboola kwiinda mukuba abube mbuli “lubomba, luzyalo, kulicesya, kubomba moyo alimwi akukkazika moyo.” (Bakolose 3:10, 12) Ba Daniel alimwi bakatalika kutobela lulayo lwamu Bbaibbele lwakumvwida bazyali alimwi akubalemeka. (Baefeso 6:1, 2) Mukwasyi wabo wakagambwa! Banyina baba Daniel mane bakalila, akulumba ba Josué akaambo kakugwasya mwanaabo kumuuya. Mu 2007, ba Daniel bakeelela kubbapatizyigwa akuba Kamboni wa Jehova.\\n^ par. 12 Ku Mexico, mabbuku aali 46 aa Bakamboni ba Jehova nkwaali aama DVD mu Mwaambo Wakutambaika Waku Mexico. Webbusaiti yesu ya jw.org, ilijisi makani aabalilwa ku 80 mumyaambo yakutambaika. Kutegwa boofwu bagwasyigwe, mabbuku nkwaali amu Braille.\\nMabala Amusale naa muyanda kukkopa zyakamwaigwa SINSIMUKA! August 2015 | Mumaseelo Aanu—Muli Twaambo Tunji!","num_words":487,"character_repetition_ratio":0.067,"word_repetition_ratio":0.0,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Bbaibbele Lyaamba Nzi Kujatikizya Kusaulula?\\nAMUBALE MU Afrikaans Albanian Amharic Arabic Armenian Azerbaijani Baoule Bislama Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Cibemba Croatian Czech Danish Dutch English Estonian Faroese Fijian Finnish Fon French Georgian German Greek Gun Haitian Creole Hausa Hebrew Hiligaynon Hindi Hmong (White) Hungarian Icelandic Iloko Indonesian Italian Italian Sign Language Japanese Kazakh Kikaonde Kikuyu Kinyarwanda Kirghiz Kiribati Kirundi Korean Kwanyama Kyangonde Lingala Lithuanian Luganda Malagasy Malay Malayalam Maltese Mambwe-Lungu Mongolian Moore Myanmar Ndebele (Zimbabwe) Nepali Norwegian Nzema Ossetian Pangasinan Papiamento (Aruba) Papiamento (Curaçao) Persian Polish Portuguese Portuguese (Portugal) Romanian Russian Sango Sepedi Serbian (Cyrillic) Serbian (Roman) Setswana Seychelles Creole Shona Sinhala Slovak Slovenian Spanish Sunda Swahili Swahili (Congo) Swedish Tagalog Tatar Telugu Thai Tigrinya Tsonga Turkish Twi Ukrainian Urhobo Uruund Valencian Venda Vietnamese Welsh Xhosa Yoruba Zulu\\nBbaibbele talyaambi cacigaminina kujatikizya kusaulula. * Nokuba boobo, ncolyaamba kujatikizya buumi alufwu cilagwasya kwaalanga munzila yeelede makani aaya. Kujaya muntu tacizumizyidwe, pele kunyina mulawo waamba kuti kuyandika kusolekesya kusumpya lufwu lwamuntu iwalibonya kale kuti uyanda kufwa.\\nBbaibbele lyaamba Leza kuti Mulengi wesu, “kasensa kabuumi.” (Intembauzyo 36:9; Milimo 17:28) Kuli Leza, buumi bulayandika kapati. Nkekaambo kaako, Leza ulakasya kujaya muntu umwi naa kulijaya. (Kulonga 20:13; 1 Johane 3:​15) Kuyungizya waawo, Bbaibbele litondezya kuti, tweelede kubweza ntaamu ziyandika kutegwa tukwabilile buumi bwesu abuumi bwabamwi. (Deuteronomo 22:8) Cilisalede kuti, Leza uyanda kuti katucilemeka kapati cipego cabuumi.\\nIno mbuti kuti muntu waciswa bulwazi butalangilwi kupona?\\nBbaibbele talikulwaizyi kujaya muntu noliba leelyo muntu nafwumba bulamfwu alimwi walibonya kale kuti ulafwa. Cikozyanyo ca Mwami Saulo wa Israyeli cilatondezya oobo. Ciindi naakacisigwa calufwu kunkondo, wakaambila sikumugwasya kuti amusaulule. (1 Samuele 31:​3, 4) Sikumugwasya wakakaka. Nokuba boobo, mwaalumi uumbi wakalitaminina kuti wakakuzuzikizya kuyanda kwa Saulo. Ooyo mwaalumi wakapegwa mulandu wakutila bulowa kuli Davida, walo iwakali kwaalanga mbuli Leza makani aaya.​—2 Samuele 1:​6-​16.\\nSena buumi bweelede kusumpizyigwa ziyume zitete?\\nCiindi muntu nafwumba bulamfwu, Bbaibbele talizumizyi kusumpya lufwu lwakwe. Muciindi caboobo, Bbaibbele lilaamba mbwaayelede kulangwa makani aaya. Lufwu ngusinkondoma mupati. Lulaboola akaambo kacibi ncotwakakona. (Baroma 5:​12; 1 Bakorinto 15:26) Nokuba kuti tatulombozyi kufwa, tatweelede kuluyoowa lufwu, nkaambo Leza usyomezya kubabusya aabo ibafwa. (Johane 6:​39, 40) Muntu uutondezya kuti ulabulemeka buumi, ulakonzya kuyandaula busilisi bwiinda kubota ibuliko. Pele kucita boobo takuyandiki nzila zyabusilisi zikonzya kusumpya lufwu lwamuntu iwalibonya kale kuti uyanda kufwa.\\nSena kulijaya ncibi citalekelelwi?\\nPeepe, Bbaibbele talibikkilizyi kulijaya amulongo wazibi zitalekelelwi. Nokuba kuti kulijaya ncibi cipati, * Leza ulatumvwisya kapati twaambo tukonzya kusololela kukulijaya, mbuli kusondoka, kutyompwa kapati, naa kuciswa bulwazi bwakukona mumukwasyi. (Intembauzyo 103:13, 14) Kwiinda mu Bbaibbele, ulapa luumbulizyo kuli baabo batyompedwe. Kuyungizya waawo, Bbaibbele lyaamba kuti kuyooba “bubuke bwabantu baluleme abataluleme.” (Milimo 24:15) Eeci citondezya kuti kuli bulangizi bwabubuke kuli baabo ibakalubizya kapati, mbuli kulijaya.\\nIno mbuti kujatikizya kusaulula banyama bavwubwa?\\nKusaulula munyama kuliindene kapati akusaulula muntu. Nokuba kuti Leza ulibapede bulangizi bwakupona kukabe kutamani bantu, oobo tabuli mbocibede kubanyama. (Baroma 6:​23; 2 Petro 2:​12) Nokuba kuti Bbaibbele lilakasya kupenzya banyama, lilabapa bantu nguzu zyakweendelezya banyama. (Matalikilo 9:3) Mbwaanga Leza uyanda kuti katubalanganya kabotu banyama, mukuli wasikuvwuba munyama, kusala mbwayelede kweendelezya munyama munzila iinda kubota, calo cikonzya kubikkilizya akusala kusaulula munyama iwaciswa.​—Tusimpi 12:10.\\n^ munc. 3 Kusaulula, caamba “kujaya muntu umwi uucisidwe kapati naa iwalicisa kapati kutegwa atazumanani kupenga.” (Merriam-Webster Learner’s Dictionary) Ciindi dokota nagwasyilizya mulwazi kuti alijaye, ciitwa kuti nkulijaya kwiinda mukugwasyilizyigwa amusilisi. (physician-assisted suicide)\\n^ munc. 10 Zibalo zisyoonto izyaamba kulijaya izyaambidwe mu Bbaibbele zyoonse zijatikizya bantu ibatakacita zintu kweelana akuyanda kwa Leza.​—2 Samuele 17:23; 1 Bami 16:18; Matayo 27:​3-5.\\nKupenga Buumi Alufwu Mibuzyo Yamu Bbaibbele Yaingulwa\\nKuzumanana Kupona—Akaambo Kakuti Zintu Zilacinca","num_words":542,"character_repetition_ratio":0.049,"word_repetition_ratio":0.0,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Lubbapatizyo Ninzi? | Mibuzyo Yamu Bbaibbele\\nAMUBALE MU Abkhaz Afrikaans Albanian Amharic Arabic Armenian Azerbaijani Azerbaijani (Cyrillic) Bulgarian Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Croatian Czech Danish Dutch English Estonian Ewe Fijian Finnish French Ga Georgian German Greek Gun Haitian Creole Hausa Hebrew Hiligaynon Hungarian Iloko Indonesian Italian Japanese Kazakh Kiluba Kinyarwanda Kirghiz Kirundi Korean Lingala Lithuanian Macedonian Malagasy Malay Malayalam Maltese Mongolian Myanmar Nepali Norwegian Nzema Pangasinan Papiamento (Aruba) Papiamento (Curaçao) Polish Portuguese Portuguese (Portugal) Romanian Russian Samoan Sepedi Serbian (Cyrillic) Serbian (Roman) Setswana Shona Sinhala Slovak Slovenian Spanish Swahili Swedish Tagalog Tatar Telugu Thai Tiv Tsonga Turkish Ukrainian Uzbek Vietnamese Xhosa Yoruba Zulu\\nIno Lubbapatizyo Ninzi?\\nKubbapatizyigwa nkubbizya muntu mumaanzi alimwi akumugwisya. * Nkakaambo kaako Jesu ncaakabbapatizyigwa mumulonga wakali amaanzi manji. (Matayo 3:​13, 16) Mbubwenya buyo, mwaalumi muna Etiopiya wakalomba kubbapatizyigwa nobakasika “abusena aakali maanzi.”​—Milimo 8:​36-​40.\\nBbaibbele likozyanisya lubbapatizyo kukuzikkwa. (Baroma 6:4; Bakolose 2:​12) Kubbapatizyigwa mumaanzi caamba kuti muntu wafwa kubukkale bwakwe bwakaindi akutalika bukkale bupya kali Munakristo uulyaabide kuli Leza. Kubbapatizyigwa alimwi antaamu izisololela kukubbapatizyigwa mbubambe bwa Leza bwakuti muntu abe amanjezyeezya aasalala akaambo kalusyomo lwakwe mucituuzyo ca Jesu Kristo. (1 Petro 3:​21) Aboobo, Jesu wakayiisya kuti basikwiiya bakwe beelede kubbapatizyigwa.​—Matayo 28:19, 20.\\nSena kubbapatizyigwa mumaanzi kusalazya zibi?\\nPeepe. Bbaibbele liyiisya kuti bulowa bwa Jesu ibwakatilwa mbobukonzya kusalazya zibi zyesu. (Baroma 5:​8, 9; 1 Johane 1:7) Nokuba boobo, kutegwa agwasyigwe acituuzyo ca Jesu, muntu weelede kuba alusyomo muli Jesu, kucinca bukkale bwakwe kutegwa bweendelane anjiisyo zya Jesu, alimwi akubbapatizyigwa.​—Milimo 2:​38; 3:​19.\\nSena Bbaibbele liyiisya kuti bana bamvwanda beelede kubbapatizyigwa?\\nPeepe, taliyiisyi boobo. Muzeezo wakubbapatizya mwana muvwanda tauko mu Bbaibbele. Basizikombelo bamwi balaacilengwa cakubbapatizya bana bavwanda (kwiinda mukubasansaila naa kubatila maanzi amutwe) mpoonya akubaulika zina. Lubbapatizyo lwa Bunakristo ndwabaabo ibasika aciimo cakumvwisya alimwi akwaasyoma ‘makani mabotu aa Bwami bwa Leza.’ (Milimo 8:​12) Kuliswaangene akumvwa jwi lya Leza, kulizumina, alimwi akweempwa, zintu nzyatakonzyi kucita mwana musyoonto.​—Milimo 2:​22, 38, 41.\\nKuyungizya waawo, Bbaibbele litondezya kuti Leza ubona bana basyoonto ba Banakristo kuti balasalala, naa banyina cibi mumeso aakwe, akaambo kakusyomeka kwabazyali babo. (1 Bakorinto 7:​14) Ikuti naa kubbapatizyigwa kwabana basyoonto kuli kabotu, bana aabo nobatali kuyandika kwiimininwa amuntu uumbi. *\\nMakani aataluzi kujatikizya lubbapatizyo lwa Bunakristo\\nMakani aataluzi: Kusansaila naa kumutila maanzi muntu cili buyo kabotu nkaambo ncimwi buyo akumubbizya mumaanzi.\\nMakani aaluzi: Lubbapatizyo loonse lwaambidwe mu Bbaibbele lwakali kubikkilizya kubbila buya mumaanzi. Mucikozyanyo, ciindi sikwiiya Filipo naakali kuyanda kubbapatizya mwaalumi muna Etiopiya, “bakaseluka akunjila mumaanzi” akumubbapatizya. Kumane, ‘bakazwa mumaanzi.’​—Milimo 8:​36-​39. *\\nMakani aataluzi: Bbaibbele litondezya kuti bana basyoonto bakali kubikkilizyigwa ciindi banamukwasyi boonse nobakali kubbapatizyigwa. Mucikozyanyo, kujatikizya mulindizi wantolongo waku Filipi Ibbaibbele lyaamba kuti: “Walo abamuŋanda yakwe boonse bakabbapatizyigwa.”​—Milimo 16:31-​34.\\nMakani aaluzi: Cibalo icitondezya kusanduka kwamulindizi wantolongo caamba kuti aabo bakabbapatizyigwa bakalimvwisya “jwi lya Jehova” alimwi akuti “bakakondwa kapati.” (Milimo 16:32, 34) Twaambo ootu tutondezya kuti kunyina bana basyoonto ibamuŋanda yamulindizi wantolongo ibakabbapatizyigwa, nkaambo tiibakali kukonzya kumvwisya jwi lya Jehova.\\nMakani aataluzi: Jesu wakayiisya lubbapatizyo lwabana basyoonto kwiinda mukwaamba kuti Bwami mbwabana basyoonto.​—Matayo 19:13-​15; Marko 10:13-​16.\\nMakani aaluzi: Jesu tanaakali kubandika zyalubbapatizyo ciindi naakaamba majwi aayo. Muciindi caboobo, wakali kutondezya kuti aabo beelela mu Bwami bwa Leza beelede kuba mbuli bana, ibabombe alimwi bayiisyika.​—Matayo 18:4; Luka 18:16, 17.\\n^ munc. 3 Ibbala lya Chigiriki lyakasandululwa kuti “lubbapatizyo” lizwa kubbala lyaamba “kubbizya.” Amubone bbuku Theological Dictionary of the New Testament, Volume I, peeji 529.\\n^ munc. 10 Ibbaibbele liitwa kuti The International Standard Bible Encyclopedia, lyaamba kuti “kunyina makani aajanika mu Cizuminano Cipya aamba kujatikizya kubbapatizyigwa kwabana basyoonto.” Alimwi lyaamba kuti cilengwa eeci cakatalika akaambo “kamakani aataluzi kujatikizya kubbapatizyigwa,” wakuti lubbapatizyo lusalazya zibi.​—Volume 1, peeji 416-​417.\\n^ munc. 13 Mubbuku litegwa New Catholic Encyclopedia ansi aamutwe wakuti “Baptism” lyaamba kuti: “Tacidoonekwi kuti lubbapatizyo ilwakali kucitwa mu Cikombelo cakusaanguna lwakali lwakubbizya buya mubili woonse.”—Volume 2, peeji 59.\\nLusyomo Abukombi Mibuzyo Yamu Bbaibbele Yaingulwa\\nLubbapatizyo Acilongwe Canu a Leza\\nIno nintaamu nzi nzyomweelede kuzuzikizya kutegwa mweelele kubbapatizyigwa? Amuzyibe lubbapatizyo ncolwiiminina alimwi ambolweelede kucitwa.\\nSena Zikombelo Zyoonse Zilikozyenye? Sena Zyoonse Zisololela Kuli Leza?\\nSena Cilayandika Kuzulilwa Kucikombelo Cimwi?\\nSena Bakamboni ba Jehova Mbanakristo?\\nIno Lufwutuko Ninzi?\\nSena Bbaibbele Liyiisya Kuti ‘Wafwutulwa Ciindi Comwe, Nkokuti Wafwutukila Limwi’?","num_words":621,"character_repetition_ratio":0.08,"word_repetition_ratio":0.0,"special_characters_ratio":0.18,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 22 IBBAIB63 - Lino kusule lyayaaya Leza - Bible Search\\nMatalikilo 21 Matalikilo 23\\nAbrahamu mbwaakasi tuule Izaka\\n1-Lino kusule lyayaaya Leza wakasunka Abrahamu, Wakati, Abrahamu. Walo wakati, Mpondi. 2-Wakati, Tola mwanaako simuzyalwaalike ngoyandisya, nkokuti Izaka, ukainke kunyika ya-Menya akumutuula mbuli cipaizyo atala lyacimwi cazilundu ncenjookutondezya. 3-Lino nibwakaca, Abrahamu wakafuma, wabopa imbongolo, wabweza bobile babalanda bakwe a-Izaka mwanaakwe, waandula inkuni zyakupaizya, wanyamuka, waya kubusena obo Leza mbwaakamwaambila. 4Nkabela mubuzuba bwatatu Abrahamu wakatambya meso aakwe, wabona busena kulekule. 5Mpoonya awo Abrahamu wakaambila balanda bakwe kuti, Amulindile ano ambongolo. Mebo amwana tulaya kunembo kuyookomba. Tulaboola kulindinywe. 6-Lino Abrahamu wakatola inkuni zyacipaizyo, wamukoleka Izaka mwanaakwe, alimwi mujanza lyakwe wakatola mulilo acifulo, aboobo bakainka boonse bobile. 7Nkabela Izaka wakaambila Abrahamu wisi kuti, Taata! Wakati, Mpondi, mwanaangu. Wakati, Bona! Inkuni nkuzili, amulilo nkuuli. Pele kabelele kakupaizya kali kuli? 8-Lino Abrahamu wakavuwa kuti, Leza mwini ulalibambila kabelele kakupaizya, mwanaangu. Elyo bakacili kuya bweenda boonse bobile.\\n9-Basike buyo kubusena obo Leza mbwaakamwaambila, Abrahamu wakayaka cipaililo nkuko, wabamba inkuni. Amane kucita obo, wakaanga Izaka mwanaakwe, wamulazika acipaililo atala lyankuni. 10-Mpawo Abrahamu wakatandabika ijanza lyakwe, wabweza cifulo kuti ajaye mwanaakwe. 11Pele angelo wa-Jehova wakamoongolola kuzwa kujulu, wati, Abrahamu! Abrahamu! Wakati, Mpondi. 12-Elyo wakati, Utatandabiki ijanza lyako kumwana nikuba kumucitila cintu, nkaambo lino ndaziba ncobeni kuti ulamuyoowa Leza, nkaambo tokwe nowandikakila mwanaako simuzyalwa alike. 13-Mpawo Abrahamu wakatambya meso aakwe, wabona mugutu ulipatide muciteo ameja aakwe. Nkabela Abrahamu wakaya, wajata oyo mugutu, wamutuula mbuli cituuzyo mucibaka camwanaakwe. 14Lino oko kuntu Abrahamu wakakuulika izina lya-Jehova-Jire. Asunu kucaambwa obo. Mucilundu ca-Jehova mulaboneka.\\n15Lino angelo wa-Jehova wakoongolola Abrahamu lwabili kuzwa kujulu, 16-wati, Ndakonkezya muzina lyangu ndemwini, mbwaamba Jehova, kuti mbubonya mbowacita obo akutakasya mwanaako simuzyalwaalike, 17-ncobeni njookupa coolwe loko, akuvuzya njoovuzya lunyungu lwako mbuli inyenyeezi zyakujulu ambuli musec wakunkomwe yalwizi, nkabela basilunyungu bako bayoovuba mulyango wabasinkondonyina. 18-Mulunyungu lwako zisi zyoonse zyaansi moziyoojana coolwe, nkaambo kakuti waswiilila ijwi lyangu. 19Mpawo Abrahamu wakapiluka kubalanda bakwe, banyamuka, baya boonse antoomwe ku-Beereseba, Nkabela Abrahamu kakede nkukonya oko ku-Beereseba.\\n20-Lino kusule lyayaaya Abrahamu wakalwiidwa kuti, Alakwe Milika wazyalila mwanaakwanu Nahori bana: 21-Uzi mutaanzi, a-Buzi mwanike wakwe, a-Kemueli wisi Aramu, 22Kesedi, a-Hazo, a-Pilidasi, a-Jidilafi a-Betuele, 23-Betuele nguwakazyala Rebeka. Aba bana bali musanu abatatu, Milika mbaakazvalila Nahori mwanaakwanu Abrahamu. 24Alakwe simamambe wakwe, izina lyakwe kali Reuma, wakazyala Tebaki a-Gahamu a-Tahasi a-Maaka.","num_words":361,"character_repetition_ratio":0.07,"word_repetition_ratio":0.0,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"African Storybook - Mupumuno Abankaaka\\nOdongo alimwi a Apiyo bakalikukkala mudolopo antoomwe abausyi. Mbokuli bakalizi kuti beelede kuya kuli bankaakanyina bakakkala kabalaangila mupumuno kuti usike. Bankaakanyina bakalikukkala biyo munsi-munsi acizyiba cipati kapati mwalo oomo mobazela inswi.\\nOdongo alimwi Apiyo bakalikkomene nkaambo caakali ciindi camupumuno cakuunkakuli bankkanyina alimwi. Buzuba bwakweenda kabutanasika, bakalongela zibbudu zyabo alimwi akukkala kabalibambilide kunyamuka kuya kumunzi buzuba butobela. Kwiina nibakoona akoona kabaile kwaambaula masiku oonse zijatikizya mupumuno wabo.\\nMafumo-fumo buzuba bwakatobela, bakalubweza lweendo lwabo. Bakaunka amootokala wabausyi. Bakainda mukati mumalundu alimwi amyuunda mipati mobalima zisyango mbuli tii. Bakalikubala myootokala kumwi kabaimba akwiimba.\\nNikwakainda kaindi kasyoonto, bana bakakatala aakoona.\\nBausyi baakamubusya Udongo alimwi a Apiyo nibakasika kumunzi. Bakabajana bankaakanyina ba Nyar-Kanyada kabalyookezya amuseme mujungusi acisamu. Izina eeli Nyar-Kanyada mumulaka wa Luo caamba kuti 'Musimbi mwana abantu baku Kanyada'. Wakali mucembele uulimvwide alimwi mubotu.\\nNyar-kanyada wakabatambula beenzu bakwe mung'anda yakwe alimwi kwakaba kuzyana akwiimba mukati mung'anda. Bazyikula bakwe bakalimvwa kubotelwa kubweza ciindi cakubapa zipengo zyibakabaletela kuzwa kudolopo. \"Kusaanguna amujule cipego cangu,\" wakaamba Odongo. \"Peepe, musaangune cangu azyina,\" wakanjila Apiyo.\\nBankaakanyina nibakamanizya kujula zyipego zyabo, bakabaleleka bazyikulu babo mumulawo wabo.\\nKumane waawo, Odongo alimwi a Apiyo bakaunka anze. Bakatalika kutandaanya nkoonkolekwa alimwi atuyuni.\\nBakantanta muzisamu akufusa zyakufusa-fusa mucizyiba.\\nNikwakasiya, bakajokela kung'anda kuya kulya camasiku. Kabataninga akumanizya kulya, bakatalika kumfukula!\\nBuzuba bwakatobela, bausyi bakabasiya bana kuli bankaakanyina ba Nyar-kanyada akujokela kudolopo.\\nOdongo alimwi a Apiyo bakabagwasya bankaakanyina milimo yamung'anda. Bakateka meenda akutebba nkuni. Bakali kubwezelela amayi aankuku alimwi akucela cisyu kuzwa mugaadeni.\\nNyar-kanyada wakayiisya bazyikuli bakwe bwakujika nsima yalo iisunswa mumusiza. Wakabatondezya alimwi abwakujika mupunga uuligwa answi.\\nBumwi buzuba kuseeni, Odongo wakabweza ng'ombe zyaba nkaakanyina akuzitola kukucela. Zyakanjila mumunda wabasimukobonyina. Mulimi ooyu wakamunyemana kapati Odongo. Wakalikalauka kuti ng'ombe azijate kuciba caakwe akaanmbo kakuti zyalya mumuunda wakwe.\\nAlimwi mubuzuba bumwi, bana bakaunka kumaaketi antoomwe a Nyar-kanyada. Bankaakanyina bakalijisi cintoolo mubakali kusambala leepu, chuka alimwi ansipa. Apiyo wakalikumvwa kabotu kwaambila bantu myuulo ya zyintu mucintoolo nkabela. Odongo walo wakalikubikka mumapulasitiki zyintu zibakalikuula bantu.\\nNibakakotoka inzuba nilyakabbila bakanywa chai tii antoomwe. Bakabagwasya bankaakanyina kubala mali ngubakabamba mubuzuba oobu.\\nPele kabatana akuyeeyela, mazuba amupumuno akamana eelyo bana bakaajokelaa ku dolopo. Nyar-kanyada wakapa Odongo nkpomeki mpoonya Apiyo bakamupa nsweta. Bakababikkila cakulya munzila mulweendo lwabo.\\nBausyi nibakaboola kuzi kubabweza, tiibakalikuyanda kujokela. Bana bakalomba bankaakanyina ba Nyar-kanyada kuti baunke ambabo kudolopo. Bakamwetula eelyo bakati, \"Ndakomenesya kukkala mudolopo. Ndinikumulindila kuti mukaboole alimwi okuno kumunzi.\"\\nOdongo alimwi a Apiyo bakakumbata bankaakanyina akubalaya.\\nNibakasika kucikolo, Odongo alimwi a Apiyo bakaambila beenzinyina buumi bwakumunzi. Bamwi bana bayeeya kuti buumi mudolopo mbubotu. Bamwi bayeeya kuti buumi muminzi mbubotu kwiinda mudolopo. Pele cibotelezya ncakuti toonse tulazumina kuti Odongo alimwi a Apiyo bakali aciindi cibotu antoomwe abankaakanyina!\\nTranslation - Vision Milimo\\nLanguage - ChiTonga","num_words":414,"character_repetition_ratio":0.082,"word_repetition_ratio":0.0,"special_characters_ratio":0.142,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Milimo 17 | Bbaibbele lili a Intaneti | Bbaibbele lya Busanduluzi Bwanyika Mpya\\nPaulo a Sila bali ku Tesalonika (1-9)\\nPaulo a Sila bali ku Bereya (10-15)\\nPaulo uli ku Atene (16-22a)\\nMakani ngaakaamba Paulo ku Areopagi (22b-34)\\n17 Lino bakainda mumunzi wa Amfipoli a Apoloniya akusika ku Tesalonika,+ ooko ikwakali cikombelo caba Juda. 2 Aboobo kweelana acilengwa ca Paulo+ wakanjila mukati mobakabede, alimwi kwamasabata otatwe wakali kubasalazyila Magwalo,+ 3 kapandulula akutondezya kwiinda muzilembedwe kuti cakaleelede kuti Kristo apenge+ akubuka kubafwu,+ wakati: “Ooyu ngo Kristo, ooyu Jesu ngondaambilizya kulindinywe.” 4 Akaambo kaceeci, bamwi akati kabo bakaba basyomi alimwi bakasangana Paulo a Sila,+ alimwi ba Giriki banji ibakali kukomba Leza, antoomwe abamakaintu banji balemekwa abalo bakacita oobo. 5 Pele ba Juda bakaba amunyono,+ eelyo bakabunganya baalumi bamwi babyaabi ibakali kwiingaila amusika eelyo bakapanga nkamu akutalika kunyonganya munzi. Bakanjila muŋanda ya Jasoni kabayandaula Paulo a Sila kutegwa babalete kunkamu yabantu. 6 Nobatakabajana, bakakwelaanya Jasoni abakwesu bamwi kubatola kubeendelezi bamumunzi, kaboompolola kuti: “Bantu aaba ibanyonganya* nyika nkobali akokuno,+ 7 eelyo Jasoni wabatambula kuti babe beenzu bakwe. Bantu aaba boonse tabaitobeli milawo ya Kaisara, baamba kuti kuli mwami uumbi uutegwa Jesu.”+ 8 Nobakamvwa zintu eezyi, bantu boonse munkamu alimwi abeendelezi bamumunzi bakalibilika; 9 alimwi nobakamana kubweza mali aacisyomezyo* aakkwene kuzwa kuli Jasoni akuli bamwi, bakabaleka. 10 Ndilyona masiku bakwesu bakatuma Paulo a Sila ku Bereya. Mbobakasikila buyo aaba bakanjila mucikombelo caba Juda. 11 Lino ba Juda baku Bereya bakali amizeezo mibotu kwiinda baku Tesalonika, nkaambo bakaliyandide kapati mumyoyo kutambula jwi, kabavwuntauzya cakulomya mu Magwalo abuzuba kutegwa babone naa zintu eezyi mbozibede ncobeni. 12 Aboobo bunji bwabo bakaba basyomi, kubikkilizya abamakaintu abaalumi banji ba Giriki ibalemekwa. 13 Pele ba Juda baku Tesalonika nobakazyiba kuti Paulo wakali kwaambilizya jwi lya Leza aku Bereya, bakaunka ooko kutegwa bakayunge akukopanya makamu aabantu.+ 14 Mpoonya cakufwambaana bakwesu bakatuma Paulo kulwizi,+ pele Sila a Timoteyo bakasyaala nkukonya ooko. 15 Pele aabo ibakali kumusindikila Paulo bakaakumusisya ku Atene, mpoonya bakapiluka nobakamana kulaililwa kuti Sila a Timoteyo+ beelede kuunka kuli Paulo cakufwambaana. 16 Lino Paulo naakali kubalindila ku Atene, wakabijilwa kapati mumoyo naakabona kuti munzi wakazwide mituni. 17 Aboobo mucikombelo wakatalika kubapandulwida cakusalazya ba Juda alimwi abantu bamwi ibakali kukomba Leza, alimwi buzuba abuzuba kumusika wakali kubandika abaabo ibakali kujanika. 18 Pele basyaabusongo bamwi iba Epikureya aba Stoiki bakatalika kumukazya, alimwi bakali kwaamba kuti: “Ino ncinzi simalabali ooyu ncasola kwaamba?” Bamwi bakali kwaamba kuti: “Uboneka kuti ngusikwaambilizya baleza bamasi.” Bakali kwaamba boobo nkaambo wakali kwaambilizya makani mabotu aa Jesu alimwi abubuke.+ 19 Aboobo bakamujata akumutola ku Areopagi,* kabaamba kuti: “Sena inga watusalazyila ncoyaamba njiisyo eeyi impya njoyiisya? 20 Nkaambo utwaambila zintu zimwi zyeenzu mumatwi eesu, aboobo tuyanda kuzyiba ncozyaamba zintu eezyi.” 21 Mubwini, bana Atene boonse abazwamasi ibakali kukkala-kkala* kooko bakali kumanina ciindi cabo cakulyookezya kababandika naa kuswiilila buyo makani mapya. 22 Lino Paulo wakaima akati kankuta ya Areopagi+ akwaamba kuti: “Nobaalumi bamu Atene, ndabona kuti muzintu zyoonse nywebo mulibonya kuti mulabayoowa kapati baleza* kwiinda bamwi.+ 23 Mucikozyanyo, nindakali kwiinda akulangisisya zintu nzyomulemeka kapati,* ndakajana acipaililo cilembedwe kuti ‘Kuli Leza Uutazyibidwe.’ Aboobo ooyo ngomukomba cakutazyiba, ooyu ngonguwe ngondaambilizya kulindinywe. 24 Leza iwakalenga nyika azintu zyoonse zili mumo, mbwaanga ngo Mwami wakujulu aanyika,+ takkali mumatempele aakayakwa amaanza;+ 25 alimwi tabelekelwi amaanza aabantu mbuli kuti kuli nabula cintu,+ nkaambo walo mwini nguupa bantu boonse buumi, muya+ alimwi azintu zyoonse. 26 Alimwi kuzwa kumuntu+ omwe wakalenga bantu ibali muzisi zyoonse kuti bakkale munyika yoonse,+ alimwi wakacita kuti kube ziindi zibikkidwe aminyinza yamasena nkobeelede kukkala bantu,+ 27 kutegwa bamuyandaule Leza, nokuba kwaampaampa buya akumujana ncobeni+ nokuba kuti mubwini tali kulamfwu kuli umwi aumwi wesu. 28 Nkaambo walo nguutupa buumi, kweenda akupona mbubonya basikweema banu bamwi mbobaamba kuti, ‘Nkaambo andiswe tuli bana bakwe.’ 29 “Aboobo mbwaanga tuli bana ba Leza,+ tatweelede kuyeeya kuti Leza uli mbuli ngolida, nsiliva naa bbwe, mbuli cintu cibezedwe eeco basyaazibwene ncobakaide kuyeeyela buyo akupanga.+ 30 Masimpe, Leza wazileka buyo ziindi zyakutazyiba kuli boobu;+ pele lino waambila bantu boonse bali kumasena oonse kuti beelede kweempwa. 31 Nkaambo wabikka buzuba mbwayoobeteka nyika+ mubululami kwiinda mumuntu ngwasalide, alimwi wapa cisinizyo kubantu boonse kwiinda mukumubusya kubafwu.”+ 32 Lino nobakamvwa zyakubuka kwabafwu, bamwi bakatalika kumuseka,+ pele bamwi bakati: “Tuyookumvwa alimwi kujatikizya makani aaya.” 33 Aboobo Paulo wakabasiya, 34 pele baalumi bamwi bakamusangana alimwi bakaba basyomi. Akati kabaaba kwakali Dionisiyo, imubetesi munkuta ya Areopagi, amukaintu uutegwa Damarisi alimwi abambi kunze lyabaaba.\\n^ Naa “ibaleta manyongwe mu.”\\n^ Naa “nobakamana kubweza mali aakuti bagusyigwe muntolongo.”\\n^ Wakali mulundu mu Atene yansiku, ooko nkoyakali kubunganina ayalo nkuta mpati.\\n^ Naa “kuswaya.”\\n^ Naa “mulayandisya kukomba.”\\n^ Naa “nzyomukomba.”","num_words":701,"character_repetition_ratio":0.046,"word_repetition_ratio":0.0,"special_characters_ratio":0.18,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 14 IBBAIB63 - Lino mumazuba aa-Amarafele - Bible Search\\nMatalikilo 13 Matalikilo 15\\nAbramu mbwaakavuna Loti kumaanza aabami bakujwe\\n1-Lino mumazuba aa-Amarafele mwami wa-Sinara, Arioki mwami wa-Elasara, Kedorelaomere mwami wa-Elamu, a-Tidala mwami wa-Goimu, 2-bakacita inkondo a-Bera mwami wa-Sodoma, a-Birasa mwami wa-Gomora, a-Sinabi mwami wa-Adima a-Semebere mwami wa-Zeboimu, amwami wa-Bela (ngonguwo Zoari). 3-Aba boonse bakalibungene mukuti lya-Sidimu (ndondulo Lwizi lwa-Munyo). 4Myaka iili ikumi aibili bakali bazike ba-Kedorelaomere, pele mumwaka wakumi aitatu bakapapila. 5Lino mumwaka wakumi aine bakeza ba-Kedorelaomere abami mbaakali abo, bazunda ba-Refaimu mu-Aseterote-kamaimu, aba-Zuzi mu-Hamu, aba-Emi mu-Savekiriyataimu, 6aba-Hori mucilundu cabo caku-Seiri, akusikila ku-Eliparana uuli munkanda. 7-Lino kuzwa oko bakaboola, basika ku-Eni-Misipati (ngonguwo Kadesi), bazunda cisi coonse cabaAmaleki, abalo ba-Amori ibakakede mu-Hazezoni-tamara. 8Mpawo kwakazwa mwami wa-Sodoma, amwami wa-Gomora, amwami wa-Adima, amwami wa-Zeboimu, amwami wa-Bela (ngonguwo Zoari), baswanana akubamba mindando yabo yakulwisya mukuti lya-Sidimu, 9balwisye Kedorelaomere mwami wa-Elamu, a-Tidala mwami wa-Goimu, a-Amarafele mwami wa-Sinara, a-Arioki mwami wa-Elasara, Bami bone bakalwisya bami bosanwe. 10-Nkabela ikuti lya-Sidimu kalizwide migodi yamulambo. Lino bami ba-Sodoma a-Gomora bakacija, bawida mumonya, abaabo ibakacisyeede bakacijila kucilundu. 11Elyo bakatola imbono zyoonse zyaku-Sodoma azyaku-Gomora, azilyo zyabo zyoonse, bainka. 12-Alakwe Loti mwana wamunyina Abramu, iwakakede ku-Sodoma, bakamutolelela ambono zyakwe, bainka.\\n13-Mpawo kwakasika mulobosi, walwiida Abramu mu-Hebrayo, iwakakede kumibanga ya-Mamre mu-Amori munyina Esikoli, munyina Anere, nkaambo abo kabatangene buzwalani a-Abramu. 14-Nkabela Abramu naakamvwa kuti mwanaakwabo watolwa mubuzike, wakayobolola basilumamba bakwe bazyale muŋanda yakwe, bantu bali myanda yotatwe akumi amusanu abatatu, wabatobela mane kusikila ku-Dani. 15Lino ciindi camasiku bakalipambukanya tukamu tukamu akubalwisya, walo abalanda bakwe, babauma, babatobela mane kusikila ku-Hoba uuli kulubazu lwalumwesi lwaDamasko. 16-Nkabela wakaboozya imbono zyoonse, alakwe Loti munyina wakamuboozya ambono zyakwe abanakazi abantu boonse.\\n17-Lino mwami wa-Sodoma wakeza kuzoomuswanganya, ciindi eco naakaboola kuzwa kukulwisya Kedorelaomere abami mbaakali abo, kukuti lya-Save (ndendilyo ikuti lyamwami). 18-Nkabela Melkisideke mwami wa-Salemu wakaleta zinkwa awaini. Kali mupaizi wa-Leza Mupatikampatila. 19Lino wakamulongezya, wati, Akondezegwe Abramu kuli-Leza Mupatikampatila, muvubi wajulu anyika. 20-Alumbwe Leza Mupatikampatila iwakaaba basinkondonyoko mumaanza aako. Elyo wakamupa cipanzi cakumi cambono zyoonse, 21Lino mwami wa-Sodoma wakaambila Abramu kuti, Kondipa bantu, pele imbono uzitole biyo. 22-Abramu wakavwiila mwami wa-Sodoma kuti, Ndatambika ijanza lyangu cakukonka kuliJehova Leza Mupatikampatila, muvubi wajulu anyika. 23-Ncobeni nsikooyootola nekaba katali nekaba kaanzyo kansangu neciba cintu cili buti cambono zyako, kuti utaambi kuti, Ndime ndavubya Abramu. 24Cita eco ncibakalya basimisela, azyaabilo zyabantu aba mbendakaya abo, nkokuti Aneri, a-Esikoli a-Mamre—batole zyaabilo zyabo.","num_words":369,"character_repetition_ratio":0.069,"word_repetition_ratio":0.0,"special_characters_ratio":0.184,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 42 IBBAIB63 - Lino Jakobo naakamvwa kuti - Bible Search\\nMatalikilo 41 Matalikilo 43\\nLweendo lutaanzi lwababunyina Josefa lwakusunza ku-Egepita\\n1-Lino Jakobo naakamvwa kuti maila nkwaali ku-Egepita, Jakobo wakabuzya bana bakwe kuti, Ino nkaambonzi mulalangana buyo. 2-Wakaamba kuti, Amuswiilile! Ndamvwa kuti maila nkwaali ku-Egepita, Amwiinke nkuko, mukatuulile, kuti tupone, tutafwi. 3Aboobo babunyina Josefa bali ikumi bakainka kuyoosunza ku-Egepita. 4-Pele Benjamini mwanike wa-Josefa, Jakobo takamutumide ababunyina, nkaambo wakati, Ambweni bubi bulamujana. 5-Elyo bana ba-Israyeli bakasika kuyoosunza akati kabamwi basikusunza, nkaambo kakuli inzala munyika ya-Kanana.\\n6-Lino Josefa kali mweendelezi wacisi coonse. Ngonguwe iwakali kuuzizya bantu boonse banyika. Aboobo babunyina Josefa bakeza, bamukotamina cakuvundama ansi. 7Nkabela Josefa naakabona babunyina wakabaziba, elyo wakalifulunganya mbuli mweenzu, wabaambila cakuhalamuka. Wakababuzya kuti, Mwazwa kuli? Bakati, Twazwa kunyika ya-Kanana kuzoosunza zyakulya. 8Lino Josefa wakaziba bakulana bakwe, pele balo tabakamuzibide. 9-Elyo Josefa wakaibalukwa ziloto zyakwe nzyaakalota aambabo, nkabela wakabaambila kuti, Pe, muli basimutambatamba, mweza kuzoobona butete bwanyika. 10Bakamuvwiila kuti, Pe, mwami, balanda bako beza kuzoosunza zyakulya. 11Toonse biyo tuli bana bamuntu omwe. Tuli bantu baluleme. Balanda bako tabali basimutambatamba pe. 12Wakati, Nee! mweza kuzoobona butete bwanyika. 13-Bakati, Pe, swebo tobalanda bako tuli babunyina bali ikumi ababili, bana bamuntu omwe munyika ya-Kanana, Muniini wasyaala kulitateesu, aumwi taciwo. 14Pele Josefa wakabaambila kuti, Ncobeni makani ali mbubonya mbundaamba, Muli basimutambatamba. 15-Mbuboobu mbumuyoosolekwa. Ncobeni Farao mbali muumi, tamukoyooinka kuzwa okuno, cita mwanike wanu akasike okuno. 16Amutume umwi wanu kuti akete mwanike wanu, pele nywebo mulaangwa. Mbuboobo majwi aanu mbwaayoosolekwa, kuzibwe na ngaalusinizyo, Na takuli boobo, ncobeni Farao mbacili muumi, muli basimutambatamba. 17Mpuwo wakabaanga muntolongo mazuba otatwe.\\n18-Lino buzuba bwatatu nebwakaca, Josefa wakabaambila kuti, Amucite obo, mupone, nkaambo mebo ndayoowa Leza. 19Na muli bantu baluleme, umwi munyoko wanu asyaale muntolongo yanu, pele nywebo kamuya, mutolele maanda aanu zilyo zyabusunzi. 20-Lino amulete mwanike wanu kulindime, aboobo lusinizyo lwamajwi aanu luyoozibwa, kuti mutafwi. Mpawo bakacita obo. 21-Nkabela bakaamba umwi aumwi kumweenzinyina kuti, Ncobeni tulijisi mulandu mumakani aamwanike wesu, nkaambo twakabona kunyonyongana kwamoyo wakwe naakali kutukombelezya, nekubaboobo twakakaka kuswiilila: Nciceeco mapenzi aya ncaasikila kulindiswe. 22-Lino Rubeni wakabaambila kuti, Sa teendakamwaambila kuti, Mutabisizyi mwana! Nekubaboobo mwakakaka kuswiilila. Aboobo sunu twapegwa mulandu wabulowa bwakwe. 23Teebakaziba kuti Josefa ulamvwa, nkaambo bakali kwaambilana amutoloki. 24Mpawo wakabafutatila, walila. Amane wakaboola alimwi kulimbabo, wabaambila, wagwisya Simeoni akati kabo, wamwaanga kumeso aabo. 25-Elyo Josefa wakalailila kuti inkomo zyabo zizuzigwe maila, amali aabo aboozegwe umwi aumwi munkomo yakwe, alimwi bapegwe bulilu bwakulya munzila. Lino kwakacitwa obo.\\n26Mpoonya awo bakabopa imbongolo zyabo amaila, bainka. 27-Pele kucile, umwi wabo wakajula inkomo yakwe kuti asanine imbongolo yakwe, elyo wakabona mali aakwe, mwaali mumulomo wasaka lyakwe. 28Lino wakaambila beenzinyina kuti, Amubone! mali aangu apilusigwa, Mwaali mumulomo wasaka lyangu, Bamvwe obo, myoyo yabo yakazwa, nkabela bakalangana umwi aumwi kumweenzinyina cakukankama, bati, Ino ncinzi eci Leza ncatucitila?\\n29Lino nebakasika kuli-Jakobo wisaabo munyika ya-Kanana, bakamwaambila makani oonse aakabacitikila, bati, 30-Ulya muntu, mwami wacisi, wakatukalamukila, watwaambila kuti, Muli basimutambatamba banyika. 31Pele twakaamwaambila kuti, Ne! Tuli bantu baluleme. Tatuli basimutambatamba pe. 32Tuli babunyina bali ikumi ababili, bana bamuntu omwe, Umwi taciwo, amuniini wasyaala kuliwiseesu munyika ya-Kanana. 33-Elyo oyo muntu, mwami wacisi, wakatwaambila kuti, Mbuboobu mbunkonzya kuziba kuti muli balulami. Amusie munyoko umwi kulindime. Lino amutole zilyo zyakusunza kumaanda aanu, mwiinke. 34-Pele amundiletele munyoko muniini, aboobo njooziba kuti tamuli basimutambatamba, muli bantu baluleme, Mwaakucita obo, njoomuboozezya munyoko, nkabela muyookonzya kusambala munyika.\\n35-Lino nebakali kutaula masaka aabo, bakajana umwi aumwi ciputizyo camali aakwe musaka lyakwe. Mpawo nebakabona ziputizyo zyamali aabo, bakayoowa boonse awisaabo. 36-Nkabela Jakobo wisaabo wakabaambila kuti, Mwandilobya! Josefa taciwo, alakwe Simeoni taciwo, lino mulayanda kutola Benjamini. Andilemena mapenzi! 37Mpawo Rubeni wakaambila wisi kuti, Ukajaye bana bangu bobile na ndabula kumuboozya kulinduwe. Umubike mumaanza aangu, Ndamuboozya. 38-Pele wakati, Nel Mwanaangu takooyooinka anywebo, nkaambo mupati wakwe wakafwa, lino wasyaala alike. Na wasikilwa bubi mulweendo ndomutola, muyooselusya imvwi zyangu cabuusu mukabanda.","num_words":603,"character_repetition_ratio":0.066,"word_repetition_ratio":0.0,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"‘Amuboole kulindime, . . . eelyo ndilamulemununa’ | Ngaziyakulinda Yakwiiya\\nNgaziyakulinda—Yakwiiya | September 2019\\nBALA MU Acholi Afrikaans Aja Akha Albanian Altai Alur American Sign Language Amharic Amis Arabic Armenian Aukan Australian Sign Language Aymara Azerbaijani Azerbaijani (Cyrillic) Baoule Bashkir Bassa (Cameroon) Batak (Karo) Batak (Simalungun) Batak (Toba) Belize Kriol Bengali Biak Bicol Bislama Boulou Brazilian Sign Language Bulgarian Cakchiquel Catalan Cebuano Changana (Mozambique) Chavacano Chichewa Chin (Hakha) Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuukese Cibemba Cinyanja Croatian Cuban Sign Language Czech Dakota Dangme Danish Digor Douala Drehu Dutch Edo Efik English Esan Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German Greek Greenlandic Guadeloupean Creole Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hmong (White) Hungarian Iban Ibanag Ibinda Icelandic Idoma Igbo Igede Iloko Indian Sign Language Indonesian Indonesian Sign Language Italian Italian Sign Language Japanese Javanese Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Kekchi Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kongo Korean Korean Sign Language Krio Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Lahu Laotian Latvian Lenje Lhukonzo Lingala Lithuanian Lomwe Low German Luganda Lunda Luo Macedonian Macua Makhuwa-Meetto Malagasy Malay Malayalam Maltese Mam Mambwe-Lungu Mapudungun Marathi Marshallese Mauritian Creole Maya Mingrelian Mixe Mixtec (Guerrero) Mizo Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndau Ndebele Ndebele (Zimbabwe) Ndonga Nepali Ngabere Ngangela Nias Niuean Norwegian Nyaneka Nyungwe Nzema Okpe Oromo Ossetian Otetela Palauan Pangasinan Papiamento (Curaçao) Persian Pidgin (West Africa) Polish Ponapean Poqomchi' Portuguese (Portugal) Punjabi Quebec Sign Language Quechua (Ancash) Quechua (Ayacucho) Quechua (Bolivia) Quechua (Cuzco) Quiche Quichua (Chimborazo) Quichua (Imbabura) Rarotongan Romanian Romany (Macedonia) Romany (Macedonia) Cyrillic Romany (Serbia) Romany (Southern Greece) Ronga Runyankore Russian Russian Sign Language Rutoro Samoan Sangir Sango Saramaccan Sena Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Slovak Slovenian Solomon Islands Pidgin South African Sign Language Spanish Sranantongo Sunda Swahili Swahili (Congo) Swati Swedish Tagalog Tahitian Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tshwa Tsonga Turkish Tuvaluan Twi Tzeltal Tzotzil Uighur (Cyrillic) Ukrainian Umbundu Urdu Urhobo Uruund Uzbek Uzbek (Roman) Venda Vietnamese Wallisian Waray-Waray Wayuunaiki Welsh Wolaita Xhosa Yapese Yoruba Zande Zapotec (Isthmus) Zulu\\n‘Amuboole kulindime, . . . eelyo ndilamulemununa’\\n“Amuboole kulindime nyoonse nomukatede akulemenwa, eelyo [ndilamulemununa].”​—MT. 11:28.\\nLWIIMBO 17 “Ndilayanda”\\n1. Kweendelana amajwi ali muli Matayo 11:28-30, nchisyomezyoonzi Jesu nchaakaamba?\\nJESU wakabasyomezya zintu zibotu bantu bakali kumuswiilila. Wakati: ‘Amuboole kulindime . . .eelyo ndilamulemununa.’ (Bala Matayo 11:28-30.) Chisyomezyo eechi nchachoonzyo. Yeeya atala anzyaakachitila mwanakazi wakali kuchiswa bulwazi butasilikiki.\\n2. Niinzi Jesu nchaakachitila mwanakazi wakali kuchiswa?\\n2 Mwanakazi ooyu wakali kuyanda kugwasigwa. Wakali waya kubasilisi biingi kayanda kusilikwa. Wakachiswa kwaminyaka iili 12 kakutakwe muntu uukonzya kumusilika. Kweendelana amulawu waMozesi, mwanakazi ooyu wakali sofweede. (Lev. 15:25) Chiindi naakamvwa kuti Jesu wakali kuponia bakali kuchiswa, wakayinka kayanda kuti akagwasigwe. Naakamubona, wakajata lumpimpito lwachigogo chakwe chaatala mpawo wakapona mpawaawo! Pesi Jesu wakachita zyiingi kutali kumuponia luzutu, wakamulemeka. Muchikozyano, chiindi naakali kwaambuulaawe wakabelesya bbala litondeezya kumuyanda akumulemeka lyakuti “mwanaangu.” Nisimpe kuti mwanakazi ooyu wakalemununwa alubo wakalimvwa kaali waba aamanguzu!​—Lk. 8:43-48.\\n3. Njiili mibuzyo njitutasandule?\\n3 Wabona na kuti mwanakazi ooyu nguwe wakaya kuli Jesu. Wakabelesya manguzu aakwe kuti aye kuli nguwe. Zilaantanganana kuti ndiswe tweelede ‘kuboola’ naakuti kuya kuli Jesu. Mazubaano, Jesu taachiponyi bantu ‘baboola kulinguwe’ munzila yazigambyo. Nikuba boobo, uchiinkilila kunembo kututamba kati: ‘Amuboole kulindime, . . . eelyo ndilamulemununa.’ Muchiiyo eechi, tulasandula mibuzyo iili musanu yakuti: Nga tulachita biyeni kuti ‘tuboole’ kuli Jesu? Wakali kwaambaanzi naakati: ‘Amubweze joko lyangu’? Twiiyaanzi kuzwa kuchikozyano chaJesu? Nkamboonzi mulimu ngwatupede nutulemununa? Alubo kubweza jokwe lyaJesu kutulemununa biyeni?\\n4-5. Aamba nzila nzitukonzya ‘kuboola’ aazyo kuli Jesu?\\n4 Imwi nzila njitukonzya ‘kuboola’ kuli Jesu, nkwiiya zyiingi atala anzyaakaamba anzyaakachita. (Lk. 1:1-4) Tweelede kulibalila atala azintu eezi nkaambo taakwe muntu uukonzya kutuchitila oobo pe. Alubo, ‘tuboola’ kuli Jesu kwiinda mukusala kubbabbatizigwa akuba sikwiiya waKristu.\\n5 Alubo imwi nzila njitukonzya ‘kuboola’ kuli Jesu nkuya kubaalu kuti batugwasye chiindi nituyanda kugwasigwa. Jesu ubelesya “zipego mubantu” chaamba baalu kuti balanganie mbelele zyakwe. (Ef. 4:7, 8, 11; Joh. 21:16; 1 Pet. 5:1-3) Ndiswe nitweelede kwiinka kubaalu kuti batugwasye. Alubo tatulangilili kuti baalu balizizi nzituyeeya anzituyanda. Atubone chikozyano chamukwesu uutegwa Julian. Wakati: “Ndakazwa aaBbeteli akaambo kakuchiswa-chiswa, umwi mweenzuma wakandibuzya kuti ndikumbile baalu kuti bandigwasye. Pesi ndakali kuyeeya kuti tandiyandi lugwasyo pe. Kumamanino, ndakazoobakumbila kuti bandigwasye alubo kugwasigwa ooku kwakaba chipo chipati loko.” Mbuuli mbubakachita baalu bakagwasya Julian, andiswe baalu balakonzya kutugwasya kuziba “mizeezo ya Kristo,” eezi zyaamba kumvwisisisya akutobelezya mizeezo yakwe. (1 Kor. 2:16; 1 Pet. 2:21) Eechi nchiimwi chipo chipati nchibakonzya kutupa.\\nAMUBWEZE “JOKO LYANGU”\\n6. Jesu wakali kwaambaanzi chiindi naakati: ‘Amubweze joko lyangu’?\\n6 Chiindi Jesu naakati: ‘Amubweze joko lyangu,’ zilakonzeka kuti wakali kwaamba kuti: “Amutambule bweendelezi bwangu.” Alubo zilakonzeka kuti wakali kwaamba kuti: “Amunjile mujokwe andime kuti tubelekele Jehova katulaamwi.” Kufumbwa mbaakali kwaamba, jokwe lyiiminina mulimu ngutweelede kuchita.\\n7. Kweendelana amajwi ali muli Matayo 28:18-20, nguuli mulimu ngutwakapegwa kuti tuubeleke alubo tulaachoonzyo chanzi?\\n7 Tuzumina kutamba kwaJesu kwiinda mukulipeda akubbabbatizigwa. Jesu utamba bantu boonse alubo ulabatambula boonse bayanda kubelekela Leza amoyo woonse. (Joh. 6:37, 38) MaKristu woonse alaachilongezyo chakubeleka mulimu wakubuzya bamwi makani mabotu, Jehova ngwaakatumide Jesu kuti awubeleke. Tulaachoonzyo chakuti Jesu unootugwasya kubeleka mulimu ooyu.​—Bala Matayo 28:18-20.\\nLemununa bamwi mbuuli mbaakachita Jesu (Langa fuka 8-11) *\\n8-9. Nkamboonzi bantu balibombya nibakali kuzumina kutambwa aJesu alubo njiili mibuzyo njitweelede kulibuzya?\\n8 Bantu balibombya bakali kuzumina kutambwa aJesu. (Mt. 19:13, 14; Lk. 7:37, 38) Nkamboonzi? Atubone musiyano wakaliwo akati aJesu abaFarisi. Bapati bazikombelo aaba teebakali aaluyando pe alubo bakali kulisumpula. (Mt. 12:9-14) Jesu wakali aaluyando alubo wakali kulibombya. BaFarisi bakali kulisumpula akaambo kazyuuno nzibakali aazyo muchilawu mubakali kukkala. Pesi Jesu wakatondeezya kuti nzibakali kuchita teezyakali kabotu pe nkinkaako wakayiisya basikwiiya bakwe kuti kabalibombya. (Mt. 23:2, 6-11) BaFarisi bakali kulitondeezya kuti balaamanguzu kwiinda mukumanikizya bamwi kuti babaswiilile. (Joh. 9:13, 22) Jesu wakali kulemununa bamwi kwiinda mumichito amajwi aaluzyalo.\\n9 Kuli zyiiyo na nzwayiya kuzwa kuli Jesu? Libuzye kuti: Bantu bandizi kuti ndili muntu uutafwambaani na kunyema alubo uulibombya? Ndilayanda na kuchita milimu iilangilwaansi kuti ndigwasye bamwi? Ndilabatondeezya na luzyalo bamwi?\\n10. Jesu wakali kuyanda kuti basikwiiya bakwe balimvwe biyeni amulimu wabo?\\n10 Jesu wakali kuyanda kuti bantu mbaakali kubeleka aabo babe aluumuno alubo wakanoneezegwa kubayiisya. (Lk. 10:1, 19-21) Jesu wakalaangunukide zyakuti basikwiiya bakwe kwakali kubawubila kumubuzya mibuzyo alubo wakali kuyanda kuziba nzibakali kuyeeya. (Mt. 16:13-16) Mbuuli mbiifwefwema minsamu iili andawu ibyalilwa minsamu, basikwiiya baJesu bakali kuzwidilila. Bakayiya zyiiyo zyiingi nzyaakali kubayiisya alubo bakazyala michelo mibotu kwiinda mumilimu yabo.\\nBa muntu waangunukide kwaambuula aabamwi\\nBa muntu uulibambilide alubo musungu\\nBa muntu uulibombya alubo uubeleka changuzu *\\n11. Njiili mibuzyo njitweelede kulibuzya?\\n11 Kuli bantu mbweendelezya na? Kuti kakuli boobo, libuzye kuti: ‘Ndiyanda kuti bantu balimvwe biyeni chiindi nindibeleka aabo achiindi nindili kung’anda? Ndiyanda kuti kube aluumuno na? Balaangunukide na bamwi kundibuzya mibuzyo? Alubo ndilabazumizya na bamwi kuti baambe maboneno aabo?’ Tatuyandi kuba mbuuli baFarisi bakatali kuyanda kuti bamwi babuzye mibuzyo alubo bakali kupenzya bantu bakali kwaamba maboneno asiyene angibakalaawo.​—Mk. 3:1-6; Joh. 9:29-34.\\n12-14. Nkamboonzi mulimu ngwaakatupa Jesu nuutulemununa?\\n12 Nkamboonzi nutulemununa mulimu ngwaakatupa Jesu? Kuli twaambo twiingi pesi atubone tuche biyo.\\n13 Tulaabalangizi balikabotu. Mulangizi wesu mupati, Jehova, ulalumba alubo ulabotelwa akaambo kababelesi bakwe. Uubona kuuyandikana mulimu ngutuchita. (Heb. 6: 10) Alubo Jehova ulatugwasya kwiinda mukutupa nguzu zyakwe kuti tukonzye kuchita milimu yesu. (2 Kor. 4:7; Gal. 6:5, makani aamunsi) Mwaami wesu Jesu nchikozyano chibotu. (Joh. 13:15) Baalu beembela mbelele baleezya kutobelezya Jesu, “mweembezi mupati.” (Heb. 13:20; 1 Pet. 5:2) Baleezya amanguzu aabo oonse kuti babe aluzyalo, babe bantu basungwaazya akuti babe achibindi chiindi nibatuyiisya akutukwabilila.\\n14 Tuli abeenzuma balikabotu. Taakwe bantu bali aamulimu uuyandikana loko alubo bayandana mbuuli ndiswe pe. Yeeya kuti: Tuli achilongezyo chakubeleka aabantu bapona kweendelana azyeelelo zyaLeza zisumpukide alubo batalisumpuli pe. Bantu aaba bali azipo pesi tabalisumpuli pe, alubo babona kuti bamwi bantu balabayinda. Batubona mbuuli beenzinyina kutali mbuuli basimilimonyina luzutu. Balatuyanda zyakuti balakonzya kutufwida!\\n15. Tweelede kulimvwa biyeni akaambo kamulimu ngutuchita?\\n15 Tubeleka mulimu uyandikana loko. Tuyiisya bantu kasimpe atala aJehova akuyubununa kubeja kwaSaatani. (Joh. 8:44) Saatani uyanda kuti bantu bazibe zintu zyakubeja zipa kuti batabi aabulangilizi. Muchikozyano, uyanda kuti bantu basyome kuti Jehova tatulekeleli pe kuti twabisya akuti tatuyandi pe. Ooku nkubeja kupati loko! Kuti ‘twaboola’ kuli Jesu, zibi zyesu zilalekelelwa. Alubo simpe ndyakuti Jehova utuyanda loko. (Rom. 8:32, 38, 39) Kulabotezya kaka kugwasya bantu kuti basyome Jehova akubabona kabali kuchincha buumi bwabo!\\nLEMUNUNWA MUJOKWE LYAJESU\\n16. Mulimu ngwatupede Jesu usiyene biyeni ayimwi milimu?\\n16 Mulimu Jesu ngwatupede kuti tubeleke ulisiyene ayimwi milimu njitweelede kuchita. Muchikozyano, bantu biingi tababotelwi pe alubo ngabakatala nibazwa akubeleka milimu yakunyika. Kusiyana azeezi, kuti twabelekela Jehova aJesu nga twakkutisikana. Kulakonzeka kuti nga twakatala, nikuba boobo, nga twanjila miswaangano yambungano buzuba oobo. Pesi nitwachayisya, tulimvwa katuli twalemununwa alubo katuli amanguzu. Zilakozyania achiindi nitukambawuka anitubala Bbayibbele katuli atulikke. Kuchita oobu kweeta mpindu mpati kwiinda manguzu ngitubelesya!\\n17. Niinzi nzitweelede kuziba anzitweelede kuchenjelela?\\n17 Tweelede kuziba kuti manguzu eesu kuli mpaagolela nkinkaako tweelede kubikkila maanu kuzintu nzituchita. Muchikozyano, tulakonzya kumaninsya manguzu eesu katuyanduula zintu zyakumubili. Atubone Jesu nzyaakabuzya muvubi wakasika kuli nguwe akubuzya kuti: “Ino ncinzi ncondeelede kucita kutegwa ndikajane buumi butamani?” Muvubi ooyu wakali kuuswiilila mulawu. Kweelede kuti wakali muntu uuli kabotu nkaambo Marko wakaamba kuti Jesu ‘wakamuyanda.’ Jesu wakamutamba muvubi ooyu kwiinda mukwaamba kuti: “Koya ukasambale zintu nzyojisi akupa bacete” alubo “wamana uboole ube sikunditobela.” Mwaalumi ooyu wakali kuyanda kutobela Jesu pesi taakayanda pe kusiya “lubono lunji” ndwaakalaalo. (Mk. 10:17-22) Nkinkaako wakakaka jokwe lyaJesu mpawo wakiinkilila kunembo kabelekela “Lubono.” (Mt. 6:24) Kaansinga nduwe, wakali kunoochita biyeni?\\n18. Niinzi nzitweelede kukkala katuchita alubo nkamboonzi?\\n18 Tweelede kukkala katulanga-langa zintu nzitubikka mubusena bwakusaanguna. Nkamboonzi? Kuchitila kuti twaabelesye kabotu manguzu eesu. Atubone chikozyano chawumwi mukwesu uuchikula utegwa Mark wakati: “Kwaminyaka myiingi, ndakali kubonaanga ndipona buumi buuba. Ndakali kupayona pesi ndakali kubelesya chiindi chiingi kandiyanduula mali nyingi kuchitila kuti ndipone buumi bulikabotu. Ndakali kukataazikana kuti nkamboonzi buumi nibwakali kundiyumina. Mukuya kwachiindi, ndakazoobona kuti ndakali kusaanguna kuchita nzindiyanda mpawo chiindi chakali kusyaala ndakali kubelekela Jehova.” Mark wakazoochincha mizeezo amaboneno aakwe mpawo wakazoochita zyiingi mukubelekela Jehova. Mark wakayungizya kuti: “Chimwi chiindi ndilakataazikana mumizeezo pesi Jehova aJesu nga bandigwasya kuti ndizunde mapenzi aangu.”\\n19. Nkamboonzi kuba aamaboneno aali kabotu nikuyandikana?\\n19 Jokwe lyaJesu lilatulemununa kuti twachita zintu zitatu zitobela. Chakusaanguna, kkala kuli amaboneno aali kabotu. Tubeleka mulimu waJehova nkinkaako tweelede kuuchita kweendelana ambayanda. Iswe tuli babelesi pesi Jehova nguSimalelo wesu. (Lk. 17:10) Kuti mulimu waLeza twawubeleka mbuuli mbutuyanda tunooli tulikukaka kunjila mujokwe lyaJesu. Muchikozyano, ng’ombe ilakonzya kulichisa akukatala kuti yakaka kutobelezya ziyandwa asimalelo wayo chiindi niyangidwe aajokwe. Kuli lumwi lubazu, tulakonzya kuchita zyiingi akuzunda masunko kuti twatobelezya malayilile aaJehova. Utalubi kuti taakwe muntu ukonzya kukasya mulimu waLeza kuti uchitwe!​—Rom. 8:31; 1 Joh. 4:4.\\n20. Ngaali makanze ngitweelede kuba aawo chiindi nitubweza jokwe lyaJesu?\\n20 Chachibili, beleka kuli amakanze mabotu. Makanze eesu ngakulemeka Taateesu siluyando, Jehova. Bantu bamumwaanda wakusaanguna bakali aachiyandisyo chakuchita zintu nzibayanda nkinkaako, teebakali kubotelwa pe alubo bakazoosiya jokwe lyaJesu. (Joh. 6:25-27, 51, 60, 66; Flp. 3:18, 19) Kusiyana abantu aaba, bantu bakali kubeleka kabali amakanze mabotu chaamba kuyanda Jehova abasimayakilane babo bakazumina jokwe lyaJesu alubo bali aabulangilizi bwakuyooyendelezya aamwi aJesu kujulu. Andiswe tulakonzya kubotelwa kubweza jokwe lyaJesu kuti katuli aamakanze mabotu.\\n21. Kweendelana amajwi ali muli Matayo 6:31-33, niinzi nzitulangilila kuti Jehova atuchitile?\\n21 Chachitatu, langilila zintu zibotu. Twakasala buumi bwakulipeda alubo buyanda kuti tubeleke changuzu. Jesu wakatuchenjezya kuti tuzoopenzegwa. Nikuba boobo, tweelede kulangilila kuti Jehova uyootupa manguzu aakuti tukonzye kulisimya kumapenzi ngituswaana. Kulisimya kwesu kupa kuti lusyomo lwesu lusime. (Jak. 1:2-4) Tweelede kulangilila kuti Jehova uyootupa nzituyanda, Jesu uyootweembela alubo akuti bakwesu abachizi bayootusungwaazya. (Bala Matayo 6:31-33; Joh. 10:14; 1 Tes. 5:11) Nga tulayandaanzi zimbi?\\n22. Niinzi cheelede kutubotezya?\\n22 Mwanakazi wakaponesegwa aaJesu wakalemununwa mubuzuba mbuboobo. Pesi kuti kali wakaswiilila Jesu akuba sikwiiya wakwe, uyoolemununwa kukabe kutamani. Ubonaanga wakachita biyeni? Kuti kaali wakasala kubweza jokwe lyaJesu uyoojana chilongezyo chakweendelezya aamwi aJesu kujulu! Kufumbwa nzyaakali kukonzya kusiya kuti atobele Jesu ziyoopa kuti ajane mpindu eeyi. Kufumbwa kuti tuli aabulangilizi bwakuyoopona kujulu naakuti aanyika, tulabotelwa kuti twakatambula kutamba kwaJesu kwakuti: “Amuboole kulindime!”\\nNGA ULASANDULA BIYENI?\\nNga ‘tulaboola’ biyeni kuli Jesu?\\nNkamboonzi mulimu ngwaakatupa Jesu nuutulemununa?\\nJokwe lyaJesu nga litulemununa biyeni?\\nLWIIMBO 13 Kristo, Ncitondezyo Cesu\\n^ par 5 Jesu ututamba kuti tuye kuli nguwe. Kuzumina kutambwa aJesu kuswaanizyaanzi? Chiiyo eechi chilawusandula mubuzyo ooyu alubo chilatuyeezya mbukutulemununa kubelekaamwi aKristu.\\n^ par 60 BUPANDULUZI BWAZIFANIKISYO: Jesu wakalemununa bamwi munzila zisiyene siyene.\\n^ par 66 BUPANDULUZI BWAZIFANIKISYO: Mukwesu ulikutobelezya chikozyano chaJesu kwiinda mukulemununa bamwi munzila zisiyene-siyene.\\nJehova Ulabayanda Bakombi Bakwe Balichesya\\nArmagedoni Iyooyeta Mpindu Mbotu!\\nKkala Kulibombya Kubweendelezi bwaJehova\\n“Ndakalanga, Eelyo Ndakabona Nkamu Mpati”\\nText Sala naa uyanda kukkopa zyakamwayigwa zilekkodedwe NGAZIYAKULINDA—YAKWIIYA September 2019\\nNGAZIYAKULINDA—YAKWIIYA September 2019","num_words":1976,"character_repetition_ratio":0.047,"word_repetition_ratio":0.0,"special_characters_ratio":0.179,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Inga Mwacita Buti Kutegwa Muzyibile Mumbungano Yanu Mpya?\\nNgazi Yamulindizi—Yakwiiya | November 2017\\nAMUBALE MU Afrikaans Albanian Alur Amharic Amis Arabic Armenian Aymara Azerbaijani Azerbaijani (Cyrillic) Bashkir Bassa (Cameroon) Bengali Bicol Boulou Bulgarian Catalan Cebuano Chichewa Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chol Chuvash Cibemba Cinyanja Croatian Czech Dangme Danish Douala Dutch Edo Efik English Estonian Ewe Fijian Finnish Fon French Ga Garifuna Georgian German Greek Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hungarian Ibanag Icelandic Igbo Iloko Indonesian Isoko Italian Japanese Jula Kabiye Kannada Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mingrelian Mixe (North Central) Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nigerian Pidgin Norwegian Nzema Okpe Oromo Ossetian Otetela Pangasinan Papiamento (Curaçao) Persian Pidgin (Cameroon) Polish Ponapean Portuguese Punjabi Quechua (Ancash) Quechua (Bolivia) Romanian Russian Samoan Sango Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovenian Solomon Islands Pidgin Spanish Sranantongo Swahili Swahili (Congo) Swati Swedish Tagalog Tajiki Tamil Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Venda Vietnamese Waray-Waray Wolaita Xhosa Yoruba Zande Zapotec (Isthmus) Zulu\\nBA ALLEN * bakaamba kuti: “Ndakaliyoowede kulongela kokuno. Tiindakazyi kuti naa ndilakonzya kujana balongwe naa kutambulwa.” Ba Allen bayaabuzyibila mumbungano mpya iili mubusena bulampa makkilomita ainda ku 1,400 kuzwa nkobakali kukkala.\\nIkuti naa mwakalongela kumbungano iimbi, ambweni andinywe mwakaliyoowede. Ino ncinzi cikonzya kumugwasya kutegwa muzyibile? Ino ncinzi ncomukonzya kucita ikuti kucinca kwamuyumina kwiinda mbomwali kukuyeeyela? Kulubazu lumwi, ikuti kamuli mumbungano mweena, ino mbuti mbomukonzya kupa kuti cibaubile-ubile bapya kucinca?\\nINO MBUTI MBOMUKONZYA KUZYIBILA AKUZWIDILILA?\\nAmuyeeye cikozyanyo eeci: Ikuti cisamu cazyulwa, matewu alaneta. Ciindi cisamu nocizyulwa mubulongo, kanji-kanji miyanda yancico minji ilagonkwa kutegwa cuube-ube kucinyamuna. Lino mbocasimpilwa buyo, mpoonya-mpoonya cisamu ceelede kutalika kumena miyanda mipya. Mbubwenya buyo, ambweni kulongela kumbungano mpya kwamupa kuyaansi kumuuya. Kumbungano yanu nkomwakazwa, mwakamena “miyanda” ciindi nomwakali kubamba zilongwe zibotu alimwi akuba abubambe busitikide mbomwakazyibide bwakucita zintu zyakumuuya. Lino mweelede kumena miyanda mipya kutegwa muzwidilile mubukkale bupya. Ino ncinzi ciyoomugwasya kucita boobo? Nkutobela njiisyo zyamu Magwalo. Atulange-lange njiisyo zimwi.\\nMuntu uubala Jwi lya Leza lyoonse uli “mbuli cisamu cisimpidwe kumbali aatulonga twamaanzi, icisamu cizyala micelo muciindi ceelede, icijisi matuvwu aataneti. Zyoonse nzyacita ziyoozwidilila.”—Int. 1:1-3.\\nMbubwenya mbuli cisamu mbociyandika maanzi lyoonse kutegwa cizumanane kukomena kabotu, Munakristo awalo uyandika kubala Jwi lya Leza lyoonse kutegwa azumanane kuyuma kumuuya. Aboobo, amuzumanane kubala Bbaibbele abuzuba akujanika kumiswaangano yambungano lyoonse. Amuzumanane kutobela bubambe bwanu bubotu bwakukomba mumukwasyi akucita ciiyo canu nobeni. Kufwumbwa zintu nzyomwakali kuyandika kumuuya nomwakali kubusena nkomwakazwa, nzyezintu nzyomuyandika amumbungano yanu mpya.\\n“Kufwumbwa uukatalusya bamwi alakwe uyookatalusyigwa.”—Tus. 11:25.\\nMuyookulwaizyigwa alimwi muyoofwambaana kuzyibila ciindi mwanootola lubazu mumulimo wakukambauka lyoonse. Ba Kevin, imwaalu Munakristo bakaamba kuti: “Icakandigwasya kapati mebo abakaintu bangu nkulembya bupaniya bwakugwasyilizya mbotwakasikila buyo mumbungano mpya. Twakafwambaana kuzyibana abakwesu, bapainiya, alimwi acilawo.” Ba Roger, ibakalongela kubusena bulampa makkilomita ainda ku 1,600 kuzwa nkobakali kukkala bakaamba kuti: “Inzila yiinda kugwasya kutegwa mufwambaane kuzyibila mumbungano yanu mpya nkuunka mumulimo wakukambauka lyoonse kuti kacikonzyeka. Alimwi amubazyibye baalu kuti mulilyaabide kugwasya mumbazu iili yoonse, ambweni mbuli kusalazya Ŋanda ya Bwami, kulisungula kupa cibeela cimwi lyamiswaangano, naa kunyamuna uumwi mumootokala ciindi nomuya kumiswaangano. Ciindi bakwesu abacizyi nobabona uumwi mupya uujisi muuya wakulyaaba, ciyakuuba-uba kulimbabo kuba mulongwe anguwe.”\\n“Amujalule myoyo yanu kulindiswe.”​—2Kor. 6:13.\\nAmujalule myoyo yanu kujatikizya makani aakutondezya luyando lwabunyina. Ba Melissa amukwasyi wabo nobakalongela kumbungano mpya, bakabikkila maano kujana balongwe bapya. Mboobu mbobakaamba: “Kaitanatalika miswaangano alimwi anoyamana, twakali kuyanzana abantu ku Ŋanda ya Bwami. Eeci cakatupa ciindi cakubandika zinji ikutali buyo kugolela akwaanzyanya.” Alimwi eeci cakabagwasya banamukwasyi kwaazyiba mazina mapya cakufwambaana. Kuyungizya waawo, bakajalula myoyo yabo kwiinda mukusamausya bamwi, eeco calo icakapa kuti bayumye zilongwe zipya. Ba Melissa bakayungizya kuti, “Twakapana manamba aamafooni kutegwa katutuminana alimwi kabatubikkilizya mumilimo yakumuuya alimwi amilimo iimbi buyo.”\\nIkuti naa cilamuyumina kubandika abantu mbomutazyi, mulakonzya kutalika asyoonto-syoonto. Mucikozyanyo, amumwetemwete—nokuba kuti kumatalikilo tamuyandi kucita boobo. Kumwetamweta kuyoobakwelelezya bamwi kulindinywe. Kayi, “kulangwa amuntu uukkomene kupa moyo kukondwa.” (Tus. 15:30, bupanduluzi buyungizyidwe) Ba Rachel, balo ibakalongela kulamfwu kapati kuzwa kubusena nkobakakomenena bakaamba kuti, “Ndilaansoni kapati. Zimwi ziindi ndilisungilizya buya kubandika abakwesu alimwi abacizyi mumbungano mpya. Ndilalanga-langa mu Ŋanda ya Bwami kutegwa ndibone muntu uunyina wakubandika limwi. Ambweni muntu ooyo ulaansoni mbuli ndime.” Sena tamukonzyi kulibikkila mbaakani yakubandika amuntu ngomutazyi kaitanatalika miswaangano naa noyamana?\\nKulubazu lumwi, mulakonzya kukkomana kuzyibana abantu bapya kwansondo zisyoonto zyakumatalikilo. Pele mukuya kwaciindi, mulaleka kuba bapya. Aciindi eeci, mweelede kubeleka canguzu kutegwa muzumanane kujana balongwe bapya.\\nZisamu nozyazyulwa matewu alaneta, pele ciindi nozyasimpwa alimwi, zilamena miyanda mipya\\nAMULIPE CIINDI KUTEGWA MUZYIBILE\\nZisamu zimwi zitola ciindi cilamfwu kwiinda zimwi kutegwa miyanda yanzizyo isime mubusena bupya. Mbubwenya buyo, takuli kuti boonse cibatolela ciindi ceelene kutegwa bazyibile mumbungano mpya. Ikuti naa kwainda ciindi cili mbocibede kuzwa nomwakalonga pesi mucijisi buyumuyumu kutegwa muzyibile, ikutobela njiisyo zyamu Bbaibbele eezyi kulakonzya kumugwasya:\\n“Tutaleki pe kucita zibotu, nkaambo kuciindi ceelede tuyootebula ikuti naa tiitwatyompwa.”—Gal. 6:9.\\nAmulipe ciindi cinji cakuzyibila kwiinda ncomwakali kuyeeyela. Mucikozyanyo, bamisyinali banji ibakanjila cikolo ca Gileadi balakkala kwamyaka iili mbwiibede kumulimo wabo wakubelekela kucisi cimbi kabatanaunka kuyooswaya kucisi cokwabo. Kucita boobo kulabagwasya kuzyibana kabotu abakwesu bamucisi eeco alimwi akuzyibila bukkale bupya.\\nBa Alejandro, ibali kulonga-longa kwaziindi zinji balizyi kuti cilatola ciindi kuzyibila. Baamba kuti: “Ciindi cainda notwakalonga, bakaintu bangu bakaamba kuti, ‘Balongwe bangu boonse bali kumbungano nkotwakazwa!’” Bakabayeekezya kuti bakalaambide majwi ngeena aayo myaka yobilo yainda ciindi nobakalongede. Pele mumyaka yobilo eeyo, bakaintu baba Alejandro bakali kutondezya luyandisyo kuli bamwi alimwi bantu mbobatakazyi bakaba balongwe beni-beni.\\n“Utaambi kuti, ‘Ino nkaambo nzi mazuba aakaindi ncaakali mabotu kwiinda mazuba aano?’ nkaambo kubuzya kuli boobu takuli kwabusongo pe.”—Muk. 7:10.\\nMutani kweelanyi mbungano yanu mpya kuli yeeyo nkomwakazwa. Mucikozyanyo, bakwesu mumbungano yanu mpya balakonzya kabali bantu bajisi nsoni naa baanguluka kapati kwiinda mbomuzyibide. Amubikkile maano kubube bwabo bubotu, mbubwenya mbomuyanda kuti abalo babikkile maano kubube bwanu bubotu. Ibapya bamwi bakagambwa kuti ntaamu yabo yakabapa kulibuzya kuti, ‘Sena ncobeni ndilijisi luyando “kuciinga coonse cabakwesu”’?—1Pet. 2:17.\\n“Amuzumanane kulomba, eelyo muyoopegwa nzyomulomba.”—Lk. 11:9.\\nAmuzumanane kulomba lugwasyo. Ba David, imwaalu bakaamba kuti, “Tamweelede kusyoma nguzu zyanu nobeni ciindi nomulwana penzi eeli. Zintu zinji tulazizunda lilikke buyo kuti twagwasyigwa a Jehova. Amupaile kujatikizya penzi eeli!” Ba Rachel ibaambidwe kale abalo balazuminizya oobo. Baamba kuti, “Ikuti mebo abalumi bangu twalimvwa kuzanduka kumbungano, tulapaila cacigaminina kuli Jehova kuti, ‘Kotuzyibya ikuti naa kuli cintu cimwi ncotucita icipa kuti cibayumine bamwi kuswena kulindiswe.’ Mpoonya tulasolekesya kujana ciindi cinji cakuba abakwesu alimwi abacizyi.”\\nNobazyali, ikuti bana banu kacibayumina kuzyibila, amujane ciindi cakupaila ambabo kujatikizya penzi eeli. Amubagwasye kujana balongwe bapya kwiinda mukuba abubambe bukonzya kubapa coolwe cakuyanzana ikukulwaizya.\\nAMUBAGWASYE BAPYA KUTEGWA BALIMVWE KWAANGULUKA\\nIno ncinzi ncomukonzya kucita kutegwa mubagwasye bapya ibakalongela mumbungano yanu? Amusolekesye kuba mulongwe wini-wini kuzwa kumatalikilo kwini. Kutegwa mucite boobo, amweezyeezye zintu nzyomunga mwayanda kuti bamwi bamucitile ikuti nomwali bapya, mpoonya akuzicita zintu eezyo. (Mt. 7:12) Sena bapya balakonzya kumusangana mukukomba kwamukwasyi naa kupulogilamu ya JW Broadcasting yamwezi amwezi? Sena tamukonzyi kubalomba kutegwa mubeleke limwi mumulimo wamumuunda? Ikuti naa mwalida antoomwe cakulya, kunyina nobaya kukuluba kusamausya kwanu. Ino ndugwasyo nzi alumwi ndomukonzya kubapa bapya?\\nBa Carlos bakaamba kuti, “Ciindi notwakasika mumbungano yesu mpya, mucizyi umwi wakatupa mulongo wazintoolo imuli myuulo yazintu iili mbubo-mbubo. Eeco cakagwasya kapati.” Aabo ibakalonga kuzwa kubusena bwiindene abusena bupya mumakani aambobuca balakonzya kulumba kapati kubazyibya mbobeelede kusama ciindi nokupya, nokutontola, naa ciindi camainza. Alimwi mulakonzya kubagwasya kuti babe basungu mumulimo wabo wakukambauka kwiinda mukubalwiida buumi bwabantu bamucilawo eeco naa kubapandulwida zintu nzyobasyoma kujatikizya bukombi.\\nBa Allen, ibaambwa kumatalikilo, bali mumbungano yabo mpya kwamwaka amyezi iili mbwiibede. Balayeeya ategwa: “Kumatalikilo ndakali kulisinikizya buya kutegwa tuzyibane abakwesu abacizyi. Pele lino balimvwa mbuli kuti tuli mukwasyi, alimwi ndilikkomene.” Ba Allen bakazyiba kuti kwiinda mukulonga, tiibakasweekelwa mulongwe uli woonse. Muciindi caboobo, bakajana bambi, balo ibalangilwa kuti banooli balongwe babo lyoonse.\\n^ munc. 2 Mazina amwi acincwa.\\nIno Mbuti Baalu Mbobakonzya Kumugwasya?\\nBaalu bayanda kuti mukkomane mumbungano yanu mpya, aboobo balilibambilide kumugwasya.\\nBamu Kkomiti Yamulimo Yambungano bayoofwambaana kumubikka mukabunga kamulimo wamumuunda.\\nCakutadooneka mulembi uyoomubuzya kujatikizya kkeyala yambungano nkomwakazwa kutegwa alombe kkaadi Yambungano Aalembelwa Milimo Yabasikumwaya.\\nMulangizi wanu mupya wakabunga kamulimo weelede kusolekesya kubeleka andinywe mumulimo wamumuunda mbomwasikila buyo. Alimwi inga cagwasya ikuti cabulongwe wacita nyendo yabweembezi kumukwasyi wanu.\\nBaalu beelede kulomba manamba aamafooni aanu ikutegwa kabacikonzya kumutumina ikuti naa kwacitika ntenda.\\nAlimwi inga cabota kuti baalu basinizya kuti mujisi kkaadi yabulowa mpya alimwi iisainidwe kabotu.\\nSena Muyubila Muli Jehova?\\nAmwiiye Bululami bwa Jehova Aluse Lwakwe\\n“Muntu Mwaabi Uyoolelekwa”\\nAmukukake Kuyeeya Kwabantu Bamunyika\\nMutalekeli Cintu Cili Coonse Kumulesya Kujana Bulumbu\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA November 2017\\nNGAZI YAMULINDIZI—YAKWIIYA November 2017","num_words":1410,"character_repetition_ratio":0.045,"word_repetition_ratio":0.0,"special_characters_ratio":0.152,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Myeelwe 35 | Bbaibbele lili a Intaneti | Bbaibbele lya Busanduluzi Bwanyika Mpya\\nMinzi yaba Levi (1-8)\\nMinzi yamayubilo (9-34)\\n35 Lino Jehova wakaambila Musa muzibanda zya Moabu izili kufwaafwi a Jordano+ ku Jeriko kuti: 2 “Kobalailila bana Israyeli kuti beelede kupa ba Levi minzi yakukkala kuzwa kulukono lwabo+ alimwi beelede kubapa macelelo ayengelede minzi eeyo.+ 3 Minzi eeyi yeelede kuba yabo kuti kabakkala alimwi macelelo ayooba aabanyama babo bavwubwa azintu zyabo alimwi abanyama bamwi boonse. 4 Macelelo aaminzi ngomuyoopa ba Levi, ayooba tukokola* tuli 1,000 kuzwa kubwaanda bwamunzi kuzinguluka munzi woonse. 5 Mweelede kupima kunze aamunzi tukokola tuli 2,000 kulubazu lwakujwe, tuli 2,000 kulubazu lwakumusanza, tuli 2,000 kulubazu lwakumbo atuli 2,000 kulubazu lwakunyika, pele munzi kauli akati. Aaya ngaayooba macelelo aaminzi yabo. 6 “Minzi njomuyoopa bana Levi iyooba minzi yamayubilo iili cisambomwe,+ ooko sikujaya muntu nkwakonzya kutijila,+ alimwi aminzi imwi iili 42. 7 Mweelede kupa ba Levi minzi iili 48 antoomwe amacelelo aayo.+ 8 Minzi njomuyoobapa iyoozwa akati kalukono lwabana Israyeli.+ Kunkamu mpati muyoobweza minji, eelyo kunkamu nsyoonto muyoobweza misyoonto.+ Nkamu imwi aimwi iyoopa ba Levi minzi iimwi kweelana alukono ndobayoopegwa.” 9 Eelyo Jehova wakaambila Musa kuti: 10 “Kobaambila bana Israyeli kuti, ‘Mulazabuka Jordano akunjila munyika ya Kanana.+ 11 Mweelede kusala minzi yeelela kuti ibe minzi yamayubilo, ooko sikujaya nkwakonzya kutijila ikuti wajaya muntu cakutazyiba.+ 12 Minzi eeyi iyooba minzi yanu yamayubilo kuzwa kuli sikupilusizya mulandu wabulowa,+ kutegwa sikujaya muntu atajaigwi kusikila akabetekwe kumbele lyambungano.+ 13 Minzi yamayubilo eeyo njomuyoopa iili cisambomwe, njeminzi nkomunootijila. 14 Muyoobikka minzi yotatwe mutala eeli lya Jordano,+ aminzi iimbi yotatwe munyika ya Kanana+ kuti ikabe minzi yamayubilo. 15 Minzi eeyi iili cisambomwe iyooba yamayubilo kubana Israyeli, kumweenzu+ akumuntu uukkala akati kabo, kutegwa muntu wajaya muntu cakutazyiba kakonzya kutijila nkuko.+ 16 “Pele ikuti naa wakamujaya kwiinda mukubelesya cibulo, nkokuti mujayi. Mujayi ooyo awalo weelede kujaigwa.+ 17 Ikuti naa wakamupwaya bbwe ilikonzya kumujaya, eelyo wafwa, nkokuti mujayi. Mujayi ooyo awalo weelede kujaigwa. 18 Ikuti naa wakamupwaya cibelesyo cacisamu icikonzya kumujaya, eelyo wafwa, nkokuti mujayi. Mujayi ooyo awalo weelede kujaigwa. 19 “‘Sikupilusya mulandu wabulowa* nguweelede kujaya mujayi ooyo. Ikuti naa wamujana, ngonguwe weelede kumujaya. 20 Ikuti naa wakamujaya kwiinda mukumutonka akaambo kakumusulaika naa kwiinda mukumufwusa cintu cimwi cakumuyubilila,+ 21 naa akaambo kakuba sinkondonyina wakamuuma ajanza lyakwe akumujaya, ooyo sikumuuma uyoojaigwa. Muntu ooyo mujayi. Sikupilusya mulandu wabulowa uyoomujaya aakumujana. 22 “‘Pele kuti naa wakacita oobo cakutazyiba alimwi kakutali kuti wakamutonka buya naa kumufwusa cintu cili coonse akaambo kakumusulaika,+ 23 naa tanaakamubwene alimwi tanaakamufwusa bbwe acaali alimwi tanaakali sinkondonyina naa tanaakamukanzide, pele wamujaya, 24 imbungano yeelede kubeteka akati kamuntu ooyo alimwi asikupilusya mulandu wabulowa kwiinda mukutobela malailile aaya.+ 25 Mpoonya mbungano yeelede kumuvwuna sikujaya muntu ooyo kuzwa mumaanza aasikupilusya mulandu wabulowa akumupilusya kumunzi wamayubilo nkwaakatijila, eelyo weelede kukkala ooko kusikila mupaizi mupati iwakananikwa amafwuta aasalala akafwe.+ 26 “‘Pele ikuti naa sikujaya muntu ooyo wazwa anze aamunyinza wamunzi wakwe wamayubilo ooko nkwaakatijila, 27 eelyo sikupilusya mulandu wabulowa wamujana anze aamunyinza wamunzi wakwe wamayubilo akumujaya, sikupilusya mulandu wabulowa ooyo tajisi mulandu wabulowa pe. 28 Nkaambo weelede kukkala mumunzi wakwe wamayubilo kusikila akafwe mupaizi mupati. Pele afwa mupaizi mupati, sikujaya muntu ooyo ulakonzya kupiluka kunyika yalukono lwakwe.+ 29 Eeyi njemilawo njomweelede kutobela mukubeteka kwanu mumazyalani aanu oonse mumasena oonse momukkala. 30 “‘Kufwumbwa muntu uujaya mweenzinyina weelede kujaigwa+ ikuti kakuli bakamboni;+ pele kunyina weelede kujaigwa kuti kakuli kamboni omwe buyo. 31 Tamweelede kubweza cinunuzyo cakununuzya mujayi iweelela lufwu, nkaambo weelede kujaigwa.+ 32 Alimwi tamweelede kubweza cinunuzyo cakununuzya muntu wakatijila kumunzi wakwe wamayubilo, kuti apiluke kunyika yakwe mupaizi mupati katanafwa. 33 “‘Tamweelede kusofwaazya nyika momukkede, nkaambo bulowa mbobusofwaazya nyika,+ alimwi kunyina cikonzya kumana mulandu wabulowa bwakatilwa anyika, ccita buyo bulowa bwayooyo wakatila bulowa alinjiyo.+ 34 Tamweelede kusofwaazya nyika momukkala, oomo andime mondikkede; nkaambo mebo nde Jehova ndikkede akati kabana Israyeli.’”+\\n^ Mu Chihebrayo, “Simukowa wayooyo wajaigwa.”","num_words":575,"character_repetition_ratio":0.082,"word_repetition_ratio":0.007,"special_characters_ratio":0.18,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 20 IBBAIB63 - Lino Leza wakaamba majwi aya - Bible Search\\nKulonga 19 Kulonga 21\\nLeza mbwaakapa ba-Israyeli milao iili ikumi\\n1-Lino Leza wakaamba majwi aya oonse aakuti:\\n2-Ndime Jehova Leza wako iwakakugwisya munyika ya-Egepita amuŋanda yabuzike.\\n3-Utabi amizimu imbi kunembo lyangu.\\n4-Utalicitili cikozyano cibezedwe cacintu cili buti cili kujulu nanka cili ansi ano nanka cili mumaanzi kunsi anyika. 5-Utazikotamini nekuba kuzimanina milimo, nkaambo ndime Jehova Leza wako, ndi Leza sibuzuba. Ndabweedezya milandu yabamawisi amitwe yabana babo mane kusikila kumuzukulu watatu awane wabaabo bandisulide, 6-pele ndabafwida luzyalo bantu bali zyuulu akati kabaabo bandiyanda akulondola milazyo yangu.\\n7-Utasampauli izina lya-Jehova Leza wako, nkaambo Jehova ulamupa mulandu oyo uusampaula izina lyakwe.\\n8-Ingasila buzuba bwa-Sabata, ubusalazye. 9-Mazuba aali musanu abumwi uleelede kubeleka akumana milimo yako yoonse, 10-pele buzuba bwamusanu aabili mbobuzuba bwa-Sabata bwa-Jehova Leza wako; mulimbubo utabi nocita milimo, noba nduwe, naba mwana wako mulombe, naba mwana wako musimbi, naba mulanda wako mwaalumi, naba mulanda wako mwanakazi, neziba iŋombe zyako, naba mweenzu uukede kulinduwe. 11-Nkaambo mumazuba aali musanu abumwi Jehova wakalenga ijulu anyika alwizi azintu zyoonse zili mumo, pele mubuzuba bwamusanu aabili wakalyokezya, Nkaambo kako Jehova wakalongezya buzuba bwa-Sabata, wabusalazya­.\\n12-Lemeka uso abanyoko, kuti mazuba aako avule munyika Jehova Leza wako njakupa.\\n16-Utalengeleli mweenzinyokwe kaambo,\\n17-Uteemuzyi iŋanda yamweenzinyokwe; uteemuzyi mukamweenzinyokwe, naba mulanda wakwe mwaalumi naba mulanda wakwe musimbi, naba musune wakwe niiba imbongolo yakwe, neciba cintu cili buyani ncajisi.\\n18-Lino bantu boonse nebakamvwa mabbalubbalu amalabi ajwi lyamweembo acilundu cisuka busi, bantu bakayoowa, bakankama, baima kulaale. 19-Nkabela bakaambila Musa kuti, Kotwaambila yebo, tulaswiilila, Pele Leza atatwaambili pe; ambweni tulafwa. 20-Lino Musa wakavwiila bantu kuti, Mutayoowi, nkaambo nkumusunka Leza ncaazida, kuti mumuyoowe, mutaciti zibi.\\n21Lino bantu kabaimvwi kule, pele Musa wakaswena afwaafwi kumudima usia mbi Leza nkwakabede. 22Nkabela Jehova wakaambila Musa kuti, Mbuboobu mboelede kwaambila bana ba-Israyeli, Mulibwene mbundaamba ula anywebo kuzwa kujulu. 23Mutalibezeli baleza bambi kuti mubeelanisye ambebo, nebaba baleza bansiliva nebaba baleza bangolida. 24-Amundiyakile cipaililo cabulongo, mundipailile mpawo zipaizyo azituuzyo zyakutontozya, imbelele aŋombe. Lino kufumbwa kuntu nkunjoosala kuti njibalukwe, njooboola kulindinywe nkukonya oko akumulongezya. 25-Na mwandiyakila cipaililo camabwe, mutayasyi mabwe aabezedwe, nkaambo na wanyamuna cibezyo cako alincico, wacisofwaazya. 26Alimwi mutatanti amatantilo kucipaililo cangu, kuti mutabonwi cinswe alincico.","num_words":338,"character_repetition_ratio":0.058,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"INGUZU ZYANDEENE MUBUUMI BWANGU\\nMumwaka wa 1929, Frank Morris wakatanta bwato bwakali kuya ku Switzerland. Wakali kuyandisyisya kuti abweze lwendo oolu kwa ciindi cilamfu. Pesi lwendo oolu nolwakazi kuba lwakamu tundulula kapati.\\nMubelesi wamubwato wakabikwa kuti kalanga Frank mulweendo oolu wakali kumukiila omuya mwakali koonenwa masiku lyoonse. Kwakali kunga Frank wamana kulya cilyo ca cifumomo wakali kucita zyisobano zyakoolola mubili, pesi taakalimvwa kwaanguluka nkaambo wakali kusololelwa lyoonse mbuli munyama wangidwe lutambo. Mubelesi wa mubwato wakali ku mukazyika Frank mu cuuno. Nokubakuti Frank wajana mweezyina silwendonyina uuyanda kuti baunke mukweendenda mubwato, uyamubelesi wakali kukaka, a kwamba kuti mulimo wakwe wakali wakulanga Frank lyonse.\\nFrank wakali muntu mupati, wakajisi kuyandisyisya kuzyiba zyintu mbuli muntu mupati oonse. Pele kumwi wakali moofu. Mubelesyi wa mubwato wakazyi kuti Frank takonzyi kulicitila zyintu alike.\\nEelyo Frank wakali kukwelwa ooku a kooku mbuli cibbudu. Pesi buumi bwa Frank ku Switzerland bwakaa kucinca kapati. Kaacili kokuya, wakamvwa lwiiyo lwa babwa bayiisyidwe kusololela bantu boofu.\\nKukujoka ku America wakaltelezya mubwa (German shepard) wazyina lya Buddy. Frank watalika imbunga itegwa Liso libona, yalo eeyi imbunga izyibidwe kapati nyika yoonse mazuba aano.\\nLino a Buddy ambali lyakwe, Frank wakalikukozya kuunka kufumbwa nkwayanda kuunka ciindi coonse. Eeci cakamupa kumvwa kwaanguluka kwatakaliko lyoonse. Kucitondezyo cimwi ca kaliko caba syimubweza twaambo cakusotoka mugwagwa mumunzi mupati wa New York. Buddy wakamusololela syimalelo wakwe kabotu akati ka mugwagwa wakali kutiyaana myootokala ooku a kooku. Nkaambo wakali kumusyoma Buddy, Frank wakasotoka mugwagwa kakunyina a mapenzi pe. Ba syimubweza twaambo balaameso cakabayumina kusotoka; ategwa umwi wabo waka badela mootokala kuti umusotosye mugwagwa.\\nMumapepa acilila tuya kwiiya Muuya Usalala, musololi uuyanda kuti swebo tubike maumi eesu mumaanza aakwe. Toonse tulakakilwa nkaambo kabuntu bwesu, aboofu bwakutazyiba cintu ciyandika mubuumi bwesu.\\nZyintu mubuumi zilafwambaana kapati akutwiindila cakuti zyimwi ziindi tutandila buya kutegwa tucikonzye.\\nNokuba boobu tuleezyeezya kubika maumi eesu cakumaninina mu musololi. Pesi ncotuyakujana cilindila omwe omwe sesu ncakuti: tuyakujana lwaanguluko lwini anguzu mukubika lusyomo lwesu mu Muuya Usalala kuti ukatusololele mu maumi eesu.\\n1. MWIIMINIZI WA KLISTU MUNYIKA\\nCiindi Klistu naakali afwaafwi a kuunka kujulu, wakasyomezya ba syiciiya bakwe icipego cinyina muulo:\\n\"Nokuba boobo ndamwaambila kasimpe kuti; Ncibotu kuli ndinywe kuti ndiinke. Nkaambo ndatainka, MUGWASYI takooyoosika kulindinywe; pele kuti ndainka, ndiyoomutumina nguwe... MUUYA WA BWINI, asika, UYOMWEENDELEZYA mubwini boonse... UYONDILEMEKA nkaambo uzootola zyangu uzoozubulula kulindinywe.\" - Johane 16:7, 13, 14.\\nMumuzeezo usetekene, Jesu wakalikuyandika kujoka kujulu mbuli mwiiminizi wesu kumbele lyacuuno caLeza alimwi \"atwiminina kumbele kwaLeza\" (Ba Hebulayo 9:24). Nokuba kuti mwami wesu wakagagailwa ulatwiiminina kujulu, tulijisi Muuya Usalala walo UUTULAYA a UTWEENDELEZYA omuno munyika. Walo ngo mwiiminizi wa Jesu. Naakali mu nyika Jesu wakakambauka mbuli muntu wanyama aboobo taakali kukozya kuba koonse koonse kuciindi comwe. Pesi walo Muuya Usalala ulakonzya kulaya akusololela bantu banji mumasena aandeene kuciindi comwe. Klistu ulacita koonse nkotuyanda kwiinda mu Muuya Usalala.\\n2.\\tMUUYA USALALA NGUNI?\\nBunji bwesu tukonzya kweezyeezya mbwabede Leza naa twayeeya antela muzyali uli kabotu ulaaluse ngotwakazyi. Eelyo tulakonzya ku mubika Jesu mwana mucifwanikiso nkaambo wakapona ano ansi andiswe. Pesi nciyumu kuyeeyela Muuya Usalala mbuli mboubede. Nkaambo tatukozyi kweelanya a muntu pe. I Bbaibbele pesi lila twaambila makani a Muuya Usalala:\\nBube bwa muntu. Jesu ncaakali kwaamba Muuya Usalala wakaamba omwe wa bu Leza kubika antoomwe a Taata Leza a mwana:\\n\"Nkaambo kaako kamuya mukabayiisye bantu bamisyobo yoonse, akubabapatizya muzyina lya TAATA a lya MWANA a lya MUUYA USALALA.\" - Mateyo 28:19.\\nMuuya Usalala ujisi bube bwa muntu: I muzeezo (Ba - Roma 8:27) maanu (1Ba - Korinto 2:10); kumvwa luyando kuli ndiswe (Ba - Roma 15:30); kulimvwa kuusa twacita cinyonyoono (Ba - Efeso 4:30; Inguzu zya kuiisya (Nehemiya 9:20); anguzu zya kutusololela.\\nKutola lubazu mukulenga. Muuya Usalala wakatola lubazu mukulenga nyika yesu eeyi antoomwe a Taata, a Mwana.\\n\"Kumakankilo Leza wakalenga julu anyika... A MUUYA WA LEZA wakali kweendenda atala aa meenzyi\" (Makankilo 1:1, 2).\\n3.\\tMILIMO YA MUUYA USALALA\\n(1) Kusandula moyo wa muntu. Jesu naakali kwaambila Nikodemo wakaambisya mulimo wa Muuya Usalala mbousandula moyo wa muntu:\\n\"Ndakwaambila kasimpe, muntu ATAZYALWA A MAANZI a muuya takonzyi kunjila mu bwami bwa Leza.\" - Johane 3:5.\\n\"Kuzyalwa a muuya\" caamba kuti Muuya ulatupa kutalika kupya. Eeci cilainda asyoonto a kucinca ciimo cesu. Muuya ulatusandula mukati aanze, kuzuzikizya cisyomyo: \"Njoomupa moyo mupya\" (Ezekieli 36:26).\\n(2) Kutuyeezya kulubizya kwesu akutupa kuyandisisya kuti tusetekane,mubululami:\\n\"Walo (Muuya Usalala) asika uyoipa mulandu inyika AAZIBI a BULULAMI alubeteko.\" - Johane 16:8.\\nKuti naa mwaanvwa makani akusanduka kwa buumi bwa muntu bwatakali kabotu kuzya ku mwami Leza akuba muntu muzyali uuli kabotu, muyeeye kuti kuntaamu yomwe yomwe yakuba kabotu cakacitika nkaambo ka kupetekezya kwa Muuya Usalala.\\n(3) Kutusololela mu buumi bwa bu klistu bwesu. Klistu ulaambaula kuli ndiswe kwiinda \"mujwi ndilyona lisyoonto\" lya Muuya.\\n\"Nakuba kuti wacengulukila kululyo na kulumwesyi, nkabela matwi aako ayoomvwa ijwi kusule lyako, liti, \"njeeyi inzila; amweende muli njiyo.\" - Isaya 30:21.\\nKwiinda muzibulo zyaba habupampu, zyakabikwa ba simacaaca (TVs) lyoonse balaleta zifwanikiso a masyu abantu kuzwa kuzisi zyili kule mumaanda eesu. Muuya Usalala uli buyo asyoonto mbuli zibulo eezyi aasyoonto kwiinda muli Leza kuleta Klistu kuzwa notumuyandisyisya. (Johane 14:15-20).\\n(4) Kutugwasya mu buumi bwesu bwa kupaila.\\n\"Tatuzyi zyotweelede kupailila,PELE WALO MUUYA ULATUGWASYA munkopano zyesu... kwendelana aluyando lwa Leza.\" - Ba Roma 8:26, 27.\\nNotupengana kujana majwi,Muuya Usalala ngutupailila. Notutyompwa tulalila kuli Leza, Muuya Usalala ulakomezya kulila kwakulomba kwesu akukusandula kuba mupailo wanguzu kumpela aa cuuno ca Leza kwalo Jesu nkwatwiiminina.\\n(5) Kukomezya bube abukale bwa bu klistu. Muuya ucita kuti muntu utazyali mu Muuya abe aa busani bubotu mbuli cisamu cikomena mu mbolezi akuzyala micelo ya misyobo- misyobo:\\n\"PELE MICELO YA MUUYA njeeyi, Luyandano; Lukondo, Luumuno, Busicamba, Buuya, Bubotu, Lusyomo, Lubomba a kulyeendelela.\" - Ba - Galatiya 5:22, 23.\\nIkuba aa mucelo wa Muuya citondezya kuti swebo twaswaanganizigwa ku cisiko, Jesu (Johane 15:5). Jesu ulakozya kukala mulindiswe kwiinda mu nguzu zya Muuya.\\n(6) Kutubamba kuti tube ba kamboni. Jesu wakasyomezya:\\n\"KWALO MUYOOTAMBULA NGUZU, wasika alindinywe MUUYA USALALA; MUYOBA BAKAMBONI BANGU... kusikila kumamanino anyika.\" - Incito1:8.\\nBoonse balisungula bakonzya kuba ba kamboni kwiinda mu Muuya Usalala. Tatukonzyi kupa bwinguzi boonse, pesi muza uukonzya kutupa kaambo kakwaamba kakonzya kunjila mumoyo amumizeezo. Basyisyimi bakajana buyumuyumu kwaambaula kaitanasika Pentekoste, pesi noyakasika Muuya wakasika baka kambauka makani aa Klistu canguzu cakuti ba \"kasandamuna nyika\" (Incito 17:6).\\n4.\\tZYIPEGO ZYA MUUYA\\nMangwalo apa kwaandaanya akati ka zyipego zipegwa ku bakondwa boonse zya Muuya Usalala kuzwa ku mwami Leza kuti zibagwasye kuzwidilila mu buumi bwa bu klistu bwabo, a zipego zyaandeene zya muuya zyipegwa ku bakondwa kuti zibagwasye kubeleka mulimo wa mwami munzila zyaandeene.\\n\"Walo (Klistu) ciindi naakaunka kujulu, wakasololela baange munzila zyakwe alimwi wa kaabila bantu zipego.... Nkabela BAMWI wakabapa kuti babe BAPOSTOLO, bamwi kuti babe BASYINSYIMI, bamwi kuti babe BAKAMBAUSI, abamwi kuti babe BEEMBEZI a BAMAYII, akuyisya Bantu mulimo wa Leza.\" - Ba - Efeso 4:8, 11-12.\\nMu klistu omwe omwe tatambuli zyipego zyoonse, pele bamwi bakonzya kutambula zipego zyinji kwiinda beenzinyina; Muuya \"ulaabila umwi a umwi, mbuli mbwayanda\" (1Ba-Kolinto 12:11). Muuya ulapa uukondwa omwe omwe mbuli ku mulimo wakwe waandeene kwiinda mumuzeezo wa mwami Leza. Leza ulizyi ciindi a busena bwa kupa zipego ziti kaleleke bantu bakwe a cikombelo cakwe.\\nZimbi zyipego zya muuya zilajanwa ku 1Ba-Kolinto 12:8-10 busongo, luzyibo, lusyomo, kuponya, kuyinsyima, kukanana mumyambo yandeene (misyobo), busongo bwa kupandulula myaambo (V 8-10).\\nPaulu ulatwaambila kuti \"lino amusukamine zipo ziinda kugwasya,\" ulayugizya akuti, \"pele njakutondezya inzila mbotu kwiinda zyoonse.\" (1Ba-Kolinto 12:31). Cibeela caamba luyando (1Ba-Korinto13) cicilila caambisya \"Inzila imbotu kapati\" yalo ili nje nzila ya luyando. Alimwi luyando mucelo wa muuya (Ba Galatiya 5:22).\\nKuyandisyisya kwesu nkwakuti swebo tweelede ku yandaula mucelo wa muuya twamana tulekele muuya kuti waabanye zyipego kulindiswe \"mbuli mbwayanda\" (Ba-Kolinto 12:11).\\n5. KUBOOLA KWA MUUYA KU PENTEKOSTE\\nKubuzuba bwa Pentekost, muuya wakasika mubunji kuzuzikizya cisyomyo ca Jesu: \"Kwalo muyootambula nguzu wasika alindinywe Muuya Usalala;alimwi muyooba ba kamboni bangu... kusikila kumamanino aanyika.\" Incito 1:8).\\nKu Pentekoste muuya wakacita kuti Baapostolo bakambauke mulumbe kabotu kabotu mumilaka yaandeene yabantu \"kuzwa ku zyisi zyoonse munyika\" (Incito 2:3-6).\\nBamwi basicikolo ba Bbaibele beelanya kuboola kwa muuya mbuli mupeyo wafwambaana antela imvula yafwambaana kuwa cilimo ku Palestine (Joeli 2:23). Kuboola kwa muuya ku Pentekoste wakali mbuli \"mvula yafwambaana icilimo iicita kuti inseke zyimene akupa busani ku cikombelo cina Klistu kacitana komema.\\n6.\\tMVULA NCALIZYI YA MUUYA\\nCisyisyimi mu Bbaibele caamba buzuba buyoosika muuya wa Leza no uyootilwa mbuli mvula ku cikombelo, kuyumya yumya ba syicikombelo kuti babe ba kamboni (Joeli 2:28, 29).\\nZyuulu zya myaka lino zyainda lino mulumbe walufutuko wamwaigwa mumasena manji manji aanyika. Lino nceciindi ca \"mvula ya mamanino\" kuti ibizwisye inseke, kucita kuti zyetebulwe.\\nEelyo mazuba naaya kumana kacitanasika ciindi ca ku boola kwa Jesu kwabili, mwami Leza uya kucita kuti bantu bakwe basyomeka akukondwa, balibambile kuya kujulu kwiinda mu kutila kupati kwa Muuya wakwe.\\nHena mulaimvwa \"imvula yakusanguna\" ya muuya mu buumi bwenu yalo ibamba cikombelo kuti citambule \"mvula yamamanino\" ya muuya? Hena mupona buumi buzwide muuya? Mbuli mbomupegwa nguzu, muyakuleka hena kuti Leza amubelesye kumwaya makani aa luyando lwakwe lupati a kuboola kwakwe kuli afwaafwi?\\n7. ZINTU ZIYANDIKA KUTI TUTAMBULE MUUYA USALALA\\nMuuya Usalala nowakabasikila ku Pentekoste aabo bakamvwa mulumbe wakacita kuti balile a kwaamba kuti \"Bakwesu, ino tucite buti?\" (Incito 2:37).\\nNdilyonya Petro wakabaambila kuti, \"AMUSANDUKE MUBAPATIZIGWE, umwi aumwi, muzina lya Jesu Klistu, mujatilwe zibi zyanu. NOMUTIITAMBULE CIPEGO CA MUUYA USALALA.\" - Incito 2:38.\\nKusanduka akusiya buumi bwa cinyonyoono akuboola kuli Klistu nje nzila iyandika kuti swebo tutambule cipego ca Muuya Usalala.\\nKucita kuti muuya utilwe kuli ndiswe, tweelede kuti tu taangune tusanduke akubika maumi eesu muli Klistu. Jesu ulaambisya kulisungula kumucilila aku mulemeka kuti ncecimwi cintu ciyandika kuti tutambule Muuya Usalal. (Johane 14:15-17).\\n8.\\tBUUMI BUZWIDE MUUYA\\nKatanazwa munyika, Jesu wakaambila Ba siciiya kuti:\\n\"Mutazwi mu Jerusalemu, pele mucilindile CIISYOMEZYO ca Taata... nkaambo Johane WAKABAPATIZYA A MAANZI, kwalo nywebo kaatanainda mazuba manji manji MUYOOBAPATIZYA AMUUYA USALALA.\" - Incito 1:4, 5.\\nCiindi a ciindi mangwalo alaamba kuti mu klistu weelede \"Kuzuzyigwa a Muuya Usalala\" (Incito 2:4; 4:8; 4:31; 6:3; 6:5; 7:55; 9:17; 13:9; 13:52; 19:6). Muuya Usalala ucita kuti buumi bwa mu klistu buzulile alimwi bubote nkaambo buumi buzwide muuya busika mpayanda Klistu kuti swebo tube mbubo.\\nNaakali kupandulula buumi buzwide muuya, Paulo wakapa mupailo ooyu ku bakondwa boonse:\\n\"Ndakomba kuti bulemu bwakwe bugambya bucite kuti kujanza lya muuya wakwe muyumisigwe canguzu mubuntu bwanu bwamu myoyo, MBULI NGUZU ZYAKWE ZYIBELEKA MULI NDISWE\" (Ba Efeso 3:16, 17, 20). Mbubona mbuli Frank mbo a sololelwa a mubwawakwe Buddy, tulakonzya a Muuya Usalala usololela mukati mulindiswe kucita kwiinda lyoonse.\\nKwiinda mukuyandisyisya kupya akulimvwa bupya, tulacikonzya kuya kumbele canguzu kuleka kutandila buya mumapenzi ngotujana munyika. Kulimvwa buumi buzwide mu muuya tulimvwa bupya buzuba a buzuba kwiinda mu kupaila a kubala Bbaibele. Kupaila kutuleta afwaafwi a Klistu, a kubala Ijwi lya Leza tukonzya kubona zintu zinji zyajisi. Zyimwi zintu zilatusinkila kuli Klistu cakuti zyikozya kulesya kuti a tutilile Muuya Usalala unyina muulo.\\nOobu mbotukomena akugusya zyilengwa zyibi a micito nkutegwa tukomene mubube bwesu. Ba-Roma 8 lipa bupanduluzi bukankamanisya bwa buumi buzwide muuya. Amulibale nomukonzya eelyo mulabona kuti ziindi zinji buti Paulo mbwa tondeka ku \"Muuya\" kuti zye nguzu zijisi buumi bwa bu klistu.\\nHena mwakabujana buumi bukankamanisya buzwide Muuya? Hena mulalimvwa kuti Muuya nkwali mu buumi bwenu? Hena mulazimvwa nguzu zyamupa muuya? Amujalule buumi bwenu kunguzu zipati kapati kwiinda nguzu zyoonse munyika.","num_words":1718,"character_repetition_ratio":0.045,"word_repetition_ratio":0.0,"special_characters_ratio":0.189,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 7 IBBAIB63 - Lino Jehova wakaambila Musa kuti, - Bible Search\\nKulonga 6 Kulonga 8\\nMusa a-Aroni mbubakacita zitondezyo kubusyu bwa-Farao\\n1-Lino Jehova wakaambila Musa kuti, Bona! Ndakubika ube mbuli Leza kuli-Farao, alakwe munyoko Aroni uyooba musinsimi wako. 2Uleelede kwaamba zyoonse nzendakwaambila. Munyoko Aroni ulaambila Farao kuti aleke bana ba-Israyeli, bazwe mucisi cakwe. 3-Pele njooyumya moyo wa-Farao, aboobo njoovuzya zitondezyo zyangu amalele aangu munyika ya-Egepita. 4-Farao uyookaka kumumvwa, aboobo njoobika ijanza lyangu ku-Egepita, nkabela njoopozya impi zyangu abantu bangu bana ba-Israyeli kuzwa kunyika ya-Egepita ambeta impati. 5-Lino baEgepita bayooziba kuti ndime Jehova nenjootandabika ijanza lyangu ku-Egepita akupozya bana ba-Israyeli kuzwa akati kabo. 6Mpawo ba-Musa a-Aroni bakacita obo. Bakacita mbubonya mbuli Jehova mbwaakabalailila. 7-Musa kajisi myaka iili makumi aali musanu aatatu, alakwe Aroni kajisi myaka iili makumi aali musanu aatatu aitatu kuciindi eco nebakaambila Farao.\\n8Lino Jehova wakaambila ba-Musa a-Aroni kuti, 9-Farao aamwaambila kuti, Amupe citondezyo, uleelede kwaambila Aroni kuti, Bweza musako wako, uuwaale kumeso aa-Farao, elyo uyooba inzoka. 10-Mpawo ba-Musa a-Aroni bakainka kuli-Farao, bacita mbubonya mbuli Jehova mbwaakalailila. Aroni wakawaala musako wakwe kumeso aa-Farao akumeso aabalanda bakwe, nkabela wakaba inzoka. 11-Elyo Farao wakaita basongo abamucapi, nkabela abo basimabibo ba-Egepita abalo bakacita mbubonya kumabibo aabo. 12Bakawaala umwi aumwi musako wakwe ansi, elyo yakaba inzoka. Pele musako wa-Aroni wakamena misako yabo yoonse. 13-Lino moyo wa-Farao wakayuma, mbubonya mbuli Jehova mbwaakaamba,\\nMaanzi mbwaakasanduka kuba bulowa\\n14-Lino Jehova wakaambila Musa kuti, Moyo wa-Farao wayuma. Ulakaka kuleka bantu. 15-Koya kuli-Farao cifumo aakuya kumaanzi, ukamulindilile kunkomwe yalwizi. Amujanza lyako tola oyo musako iwakasanduka kuba inzoka. 16-Lino uleelede kumwaambila kuti, Jehova Leza waba-Hebrayo watutuma kulinduwe, wati, Leka bantu bangu, baye, bandimanine milimo munkanda, Pele tona kumvwa alino. 17-Mbuboobo mbwaamba Jehova. Mbuboobu mbokonzya kuziba kuti ndime Jehova. Bona! Musako oyu uuli mujanza lyangu ndauumya maanzi aali mulwizi, asanduke kuba bulowa. 18-Azyalo inswi zyoonse zyamulwizi zilafwa, alwizi lulanunka, nkabela ba-Egepita balasesemwa kunywa maanzi aamulwizi. 19-Lino Jehova wakaambila Musa kuti, Ambila Aroni kuti, Bweza musako wako, uvungulule ijanza lyako kumaanzi aa-Egepita, kumilonga yabo akulwizi lwabo akumaziba aabo akumikalo yabo yoonse, kuti maanzi abe bulowa. Munyika yoonse ya-Egepita muyooba bulowa muzinywido zyoonse, niziba zinywido zyazisamu niziba zinywido zyamabwe.\\n20-Lino ba-Musa a-Aroni bakacita mbubonya mbuli Jehova mbwaakalailila, Wakabweza musako, wauma maanzi aamulwizi, mumeso aa-Farao amumeso aabalanda bakwe, nkabela maanzi oonse aamulwizi akasanduka kuba bulowa. 21Azyalo inswi zyamulwizi zyakafwa, alimwi lwizi lwakanunka. Ba-Egepita bakakacilwa kunywa maanzi aamulwizi. Mucisi coonse buyo ca-Egepita mwakali bulowa. 22Pele basimabibo ba-Egepita abalo bakacita mbubonya abo amabibo aabo, aboobo moyo wa-Farao wakayuma, nkabela wakakaka kubaswiilila, mbubonya mbuli Jehova mbwaakaamba. 23-Elyo Farao wakafutamuka, wanjila muŋanda yakwe, katabiki moyo wakwe kumakani aya. 24Nkabela ba-Egepita boonse bakali kusya mikalo yakunywa maanzi kumbali alwizi, nkaambo bakakacilwa kunywa maanzi aamulwizi. 25Elyo kwakamana mazuba aali musanu aabili, Jehova naakamana kusofwaazya lwizi.","num_words":436,"character_repetition_ratio":0.075,"word_repetition_ratio":0.0,"special_characters_ratio":0.179,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Levitiko 9 IBBAIB63 - Lino mubuzuba bwamusanu aatatu - Bible Search\\nAroni abana bakwe mbubakatalika milimo yabupaizi\\n1-Lino mubuzuba bwamusanu aatatu Musa wakaita Aroni abana bakwe abapati ba-Israyeli, 2-Nkabela wakaambila Aroni kuti, Kolibwezela kapoho, kabe cipaizyo cazibi, amugutu wacipaizyo cakutenta, zyoonse zyobile zitakwe tumpenda, ukazipaizye kubusyu bwa-Jehova. 3-Alimwi ambila bana ba-Israyeli kuti, Amubweze sijembwe, abe cipaizyo cazibi, akapoho akabelele, toonse tuli amwaka omwe, tutakwe kampenda, tube cipaizyo cakutenta, 4-amusune amugutu, babe zipaizyo zyakutontozya, mukazipaizye kubusyu bwa-Jehova, acipaizyo cabusu buvwelene amafuta, nkaambo buzuba obuno Jehova ulalibonya kulindinywe. 5Mpawo bakaleta zintu ezyo Musa nzyaakalailila kunembo lyatente lyambunganino, nkabela imbungano yoonse yabantu yakaswena afwiifwi akwiima kubusyu bwa-Jehova. 6-Elyo Musa wakati, Mbuboobu Jehova mbwaakalailila kuti mucite, lino bulemu bwa-Jehova bulalibonya kulindinywe. 7-Lino Musa wakaambila Aroni kuti, Swena afwaafwi kucipaililo, utuule cipaizyo cako cazibi acipaizyo cako cakutenta, ukamanye milandu yako amilandu yabantu. Alimwi tuula cipaizyo cabantu akumanya milandu yabo, mbubonya mbuli Jehova mbwaakalailila.\\n8Mpoonya awo Aroni wakaswena kucipaililo, wajaya kapoho kacipaizyo cazibi zyakwe mwini. 9-Nkabela bana ba-Aroni bakamuletela bulowa, elyo wakatompa munwe wakwe mubulowa, wabulamba ameja aacipaililo, abulowa ibwakasyeede wakabutila boonse kutako lyacipaililo. 10-Pele mafuta ansa alulyaŋanga lwamuni, wakazigwisya mucipaizyo cazibi akuzitenta acipaililo, mbubonya mbuli Jehova mbwaakalailila Musa. 11-Anyama atobo, wakazitenta mumulilo anze lyamalabba.\\n12Lino wakajaya cipaizyo cakutenta, nkabela bana ba-Aroni bakamuletela bulowa kuti asansaile acipaililo koonse koonse cakuzyunguluka. 13Alimwi bakamuletela cipaizyo cakutenta, cituli cimwi acimwi amutwe, elyo wakacitenta acipaililo. 14Lino wakasanzya twamukati amyeendo, akuzitenta acipaililo antoomwe acipaizyo citentwa.\\n15-Amane obo, wakatuula cipaizyo cabantu. Wakabweza sijembwe, cipaizyo cazibi cabantu, wamujaya, wamutuuzizya zibi mbubonya mbuli citaanzi. 16Alimwi wakaleta cipaizyo cakutenta, wacituula mboceelede. 17-Elyo wakaleta cipaizyo cabusu; wakabweza inkankamanza, waitenta acipaililo antoomwe acipaizyo citentwa cifumo.\\n18-Awalo musune wakamujaya, asijembwe, zipaizyo zyakutontozya zyabantu. Nkabela bana ba-Aroni bakamuletela bulowa, elyo wakabusansaila koonse koonse cakuzyunguluka cipaililo. 19Alimwi mumusune amulisijembwe wakagwisya mafuta, amucila, alufuko, ansa, alulyaŋanga lwamuni, 20nkabela bakabika mafuta atala lyakatiti, elyo wakatenta mafuta acipaililo; 21-pele tutiti amweendo wacikungu wakululyo, Aroni wakazivukuzya kubusyu bwa-Jehova, cipaizyo cakuvukuzya, mbubonya mbuli Jehova mbwaakalailila.\\n22-Mpoonya awo Aroni wakatambika maanza aakwe, walongezya bantu. Amane obo, wakaseluka kuzwa kukutuula cipaizyo cazibi acipaizyo cakutenta azipaizyo zyakutontozya. 23-Elyo Musa a-Aroni bakanjila mutente lyambunganino. Bazwe buyo, bakalongezya bantu, nkabela bulemu bwaJehova bwakaboneka kumeso aabantu boonse. 24-Mpawo kwakazwa mulilo kuli-Jehova, watenta cipaizyo citentwa amafuta oonse acipaililo. Nkabela bantu boonse buyo, nebakabona, bakacita cikwala akuvundama ansi.","num_words":365,"character_repetition_ratio":0.091,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani aamu Bbaibbele: Abigayeli a Davida - Kkeyala yaa Intaneti ya Bakamboni ba Jehova\\nHENA ulimuzyi mukaintu ooyu mubotu uuboola kuli Davida? Izina lyakwe ngu Abigayeli. Ulijisi maano, alimwi tayandi kuti Davida acite cintu cibi. Pele katutanaiya zinji, atubone cakamucitikila Davida.\\nDavida accije kuli Saulu, wayuba mumpako zyamabwe. Ibanyina abamukwasyi boonse bamusangana ooko. Basankwa basika kuma 400 baboola, eelyo Davida waba musololi wabo. Kumane Davida waunka kumwami waku Mowabu wati: ‘Ndalomba kuti undilelele bataata abamaama kusikila nkabone ciya kucitika kuli ndime.’ Kuzwa waawo, Davida abantu bakwe batalika kuyuba mumalundu.\\nNaakamana kucita boobo, eeci nceciindi Davida naakamubona Abigayeli. Munyokwabo Nabala muntu muvwubi. Ulijisi mbelele zili 3,000 ampongo zili 1,000. Nabala muunyu. Pele mukaintu wakwe Abigayeli wakali amoyo mubotu. Alimwi ulizyi mbokucitwa cintu cibotu. Buzuba bumwi wakauvwuna mukwasyi wabo. Atubone mbwaakacita.\\nDavida abantu bakwe bali alubomba kuli Nabala. Alimwi bali kumugwasya kweembela mbelele zyakwe. Aboobo buzuba bumwi Davida wakatuma bantu bakwe bamwi kuli Nabala kuti akabagwasye cakulya. Bantu ba Davida basike kuli Nabala bajana kuti Nabala abagwasyi bakwe bagela mbelele boya. Bwakali buzuba bwapobwe, alimwi Nabala ulijisi zyakulya zinji zinono. Aboobo mboobu bantu ba Davida mbobaamba, bati: ‘Twali kukucitila zintu caluzyalo. Taku niiba yomwe mbelele yako njitwakabba, pele twali kuzyeembela kabotu. Akaka mwami tupe cakulya!’\\nNabala wati: ‘Tandipi cakulya bantu bali mbuli ndinywe.’ Ulaambaula cakubula bulemu kumwi kafwubaazya Davida. Bajokele bamwaambila Davida, eelyo Davida wakalala kapati. Waambila bantu bakwe kuti: ‘Amubweze zipeni zyanu.’ Kumane batalika kweenda kuti bakamujaye Nabala abantu bakwe.\\nUmwi wabasankwa ba Nabala iwakamvwa majwi mabi Nabala ngaakaamba, wamwaambila Abigayeli cakacitika. Cakutasowa ciindi Abigayeli walibambila cakulya. Wacaanga akucibikka ambongolo kumane waunka. Asike kuli Davida, waseluka ambongolo, wafwugama wati: ‘Ndakomba mwami, utamvwi zyaamba mulumi wangu. Mufwubafwuba alimwi ulacita zintu zyabufwubafwuba. Nceeci cipego. Bweza ndakomba buya, alimwi kotujatila kuli ceeci cacitika.’\\nDavida wavwiila wati: ‘Uli mukaintu musongo. Wapa kuti nditajoli cibi kucibi kwiinda mukumujaya Nabala akaambo kabufwubafwuba bwakwe. Kojokela kumunzi alimwi kopona kabotu.’ Naakafwa Nabala, Abigayeli wakaba umwi wabakaintu ba Davida.\\n1 Samuyele 22:1-4; 25:1-43.\\nNgwani zina mukaintu uuli acifwanikiso uunka kuli Davida, alimwi mukaintu uuli buti?\\nNkaambo nzi Davida ncaakatumina bantu bakwe bamwi kuunka kuli Nabala kuti akabagwasye cakulya?\\nNcinzi ncaakaamba Nabala kubantu ba Davida, alimwi mbuti Davida mbwaakacita?\\nMbuti Abigayeli mbwaakatondezya kuti mukaintu uujisi maano?\\nBala 1 Samuyele 22:1-4.\\nMbuti mukwasyi wa Davida mboupa cikozyanyo cibotu mbuli mbotukonzya kugwasyanya aumwi mubunyina bwa Bunakristo? (Tus. 17:17; 1 Tes. 5:14)\\nBala 1 Samuyele 25:1-43.\\nNkaambo nzi Nabala ncaambwa kuti muntu silunya? (1 Sam. 25:2-5, 10, 14, 21, 25)\\nNcinzi bamakaintu Banakristo sunu ncobakonzya kwiiya kucikozyanyo ca Abigayeli? (1 Sam. 25:32, 33; Tus. 31:26; Ef. 5:24)\\nNzintu nzi zibi zyobilo Abigayeli nzyaakalesya Davida kucita? (1 Sam. 25:31, 33; Balo. 12:19; Ef. 4:26)\\nMbuti mbwaakacita Davida kumajwi aa Abigayeli mbokubagwasya basankwa kubona bamakaintu mbuli mbwababona Jehova? (Inc. 21:8, 9; Balo. 2:11; 1 Pita 3:7)\\nNcinzi ncotukonzya kwiiya kumapenzi aamucikwati ca Abigayeli?","num_words":421,"character_repetition_ratio":0.057,"word_repetition_ratio":0.0,"special_characters_ratio":0.202,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbokasalazya Meja Aankako Kauka Kategwa Carpenter Ant | Sena Cakalengwa Buya?\\nSena Cakalengwa Buya?\\nAMUBALE MU Afrikaans Albanian Amharic Arabic Armenian Azerbaijani Bislama Catalan Cebuano Chinese (Traditional) Chinese Mandarin (Simplified) Chitonga Croatian Czech Danish Dutch English Estonian Faroese Fijian Finnish French Georgian German Greek Hebrew Hiligaynon Hungarian Icelandic Iloko Indonesian Italian Japanese Kinyarwanda Kirghiz Kirundi Korean Lingala Lithuanian Macedonian Malay Malayalam Maltese Mongolian Myanmar Ndebele (Zimbabwe) Norwegian Nzema Pangasinan Persian Polish Portuguese Portuguese (Portugal) Romanian Russian Serbian (Cyrillic) Serbian (Roman) Shona Sinhala Slovak Slovenian Spanish Sunda Swahili Swedish Tagalog Tatar Telugu Thai Turkish Ukrainian Uzbek Yoruba\\nMbokasalazya Meja Aankako Kauka Kategwa Carpenter Ant\\nBulondo bulayandika kutegwa kauka kakacikonzya kuuluka, kutanta aazintu, akuzyiba zicitika mpokabede. Mucikozyanyo, kuti meja aakauka kaajisi tombe, inga kasweeka nkokaya, inga tiikacikonzya kukwabana atweenzinyina, naa kununkizya. Aboobo, syaazibwene mulwiiyo lwabanyama Alexander Hackmann wakaamba kuti, “tamukonzyi kujana kauka kajisi tombe. Tulicizyi kulisalazya kuti naa twaba atombe.”\\nAmulange-lange: Hackmann abeenzinyina bakaiya nzila njotubelesya tuuka tutegwa carpenter ant kusalazya meja aantuto. Bakajana kuti tuuka tulagusya tombe kweelana ambolili lipati kwiinda mukukoba keja akuulu kuvwungidwe mpoonya akukasakula keja. Tombe lipati lilaangila akuloka kucisakulo cijisi myaako mipati. Tombe lyansaizi lilagusyigwa acisakulo cijisi myaako yansaizi. Mpoonya tombe lisyoonto kapati alyalo lilagusyigwa acisakulo cijisi myaako misyoonto kapati.\\nAmweebelele kauka aaka mbokasalazya meja aankako\\nHackmann abeenzinyina basyoma kuti nzila njotubelesya tuuka ootu kutegwa meja aantuto kaanyina tombe ilakonzya kubelesyegwa mumincini. Mucikozyanyo, nzila iikozyenye inga yagwasya mukubamba bulondo ciindi nokupangwa mincini iitayandiki tombe naaceya.\\nIno muyeeya buti: Sena kucikonzya kulisalazya kwakauka aaka kwakabako akaambo kakusanduka naa kwakalengwa buya?\\nSena Cakalengwa Buya? Sayaansi alimwi a Bbaibbele\\nCilikwabilizyo Kukupya Cakanyenyene Kategwa Saharan Silver Ant","num_words":255,"character_repetition_ratio":0.055,"word_repetition_ratio":0.0,"special_characters_ratio":0.137,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amubagwasye Bamasi Kulibambila “Njiisyo zya Jehova” | Yakwiiya\\nNgazi Yamulindizi—Yakwiiya | February 2015\\nAMUBALE MU Acholi Albanian American Sign Language Amharic Arabic Argentinean Sign Language Armenian Aymara Azerbaijani Azerbaijani (Cyrillic) Bengali Bicol Bislama Brazilian Sign Language Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chokwe Chuvash Cibemba Cinyanja Colombian Sign Language Croatian Czech Danish Drehu Dutch Efik English Estonian Fijian Finnish French Georgian German Greek Guarani Gujarati Gun Haitian Creole Hausa Hebrew Hiligaynon Hindi Hiri Motu Hungarian Icelandic Igbo Iloko Indonesian Isoko Italian Italian Sign Language Japanese Japanese Sign Language Kannada Kazakh Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Krio Latvian Lithuanian Luganda Lunda Luo Luvale Macedonian Malagasy Malay Malayalam Mambwe-Lungu Marathi Mauritian Creole Maya Mexican Sign Language Mixe (North Central) Mongolian Moore Ndebele (Zimbabwe) Nepali Norwegian Oromo Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Punjabi Quechua (Bolivia) Quechua (Cuzco) Romanian Runyankore Russian Russian Sign Language Samoan Sango Serbian (Cyrillic) Serbian (Roman) Seychelles Creole Shona Sidama Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tajiki Tamil Tatar Telugu Tetun Dili Thai Tigrinya Tiv Tok Pisin Tshiluba Turkish Turkmen Turkmen (Cyrillic) Tuvaluan Tzotzil Ukrainian Urdu Uzbek Vietnamese Wallisian Waray-Waray Wayuunaiki Wolaita Yoruba Zande Zapotec (Isthmus)\\nAmubagwasye Bamasi Kulibambila “Njiisyo zya Jehova”\\n“Mweendelezi wacooko . . . wakaba musyomi, nkaambo zyakamugambya kapati njiisyo zya Jehova.”—MIL. 13:12.\\nIno basikwiiya ba Jesu bakagwasyigwa buti a Luumuno Lwabana Roma?\\nMuunzila nzi Banakristo bakusaanguna mbobakaibelesya kabotu migwagwa mibotu alimwi aluzyibo lwaba Giriki ilwakadumide kapati?\\nIno mulimo wabasikwiiya ba Kristo wakajatikizyigwa buti amulawo wabana Roma alimwi akumwaikizyanya kwaba Juda?\\n1-3. Mbuyumuyumu nzi basikwiiya ba Jesu mbobakajisi kujatikizya kukambauka makani mabotu “kumasi oonse”?\\nJESU KRISTO wakapa basikumutobela mulimo mupati. Wakabalailila kuti: “Kamuya mukayiisye bantu bazisi zyoonse kuti babe basikwiiya.” Mbobakali kuyaabuzumanana kucita mulimo ooyo, mukuya kwaciindi ‘makani mabotu akali kuyookambaukwa munyika yoonse kuti bukabe bumboni kumasi oonse.’—Mt. 24:14; 28:19.\\n2 Basikwiiya aabo bakali kumuyanda Jesu alimwi amakani mabotu. Pele beelede kuti bakali kulibuzya mbobakali kuyoocikonzya kuubeleka mulimo wabo. Kayi bakali buyo basyoonto. Jesu ooyo ngobakali kwaambilizya kuti Mwana wa Leza, wakajaigwa. Basikwiiya bakwe bakali kubonwa kuti “tiibakayiide alimwi bakali bantu-bantu buyo.” (Mil. 4:13) Pele bakeelede kwaambilizya mulumbe iwatakali kweendelana anjiisyo zyabasololi bazikombelo ibakali ampuwo aabo ibakayiisyidwe tunsiyansiya twansiku. Muzilawo mobakakomenena, basikwiiya aabo tiibakali kulemekwa. Alimwi buya kuti mweezyanisya a Bulelo Bwabana Roma ibwakasumpukide kapati, cisi cabana Israyeli tiicakali kubalwa kuti ncisi.\\n3 Kuyungizya waawo, Jesu wakacenjezyede basikwiiya bakwe kuti bakali kuyoosulwa akupenzyegwa alimwi akuti bamwi babo bakali kuyoojaigwa. (Lk. 21:16, 17) Bakali kuyakupenga akaambo kakwaabwa, basinsimi babeji, alimwi akuvwula kwabubi. (Mt. 24:10-12) Nokuba kuti mulumbe wabo wakali kuyootambulwa kabotu koonse-koonse, mbuti mbobakali kukonzya kuukambauka “kusikila kumamanino aanyika”? (Mil. 1:8) Buyumu-yumu oobo bweelede kuti bwakali kubapa kulibilika kapati.\\n4. Mbuti mbobakazwidilila mumulimo wabo wakukambauka basikwiiya bamumwaanda wamyaka wakusaanguna?\\n4 Tacikwe makani akulibilika kuli koonse nkobakajisi, basikwiiya bakajata bubi kukambauka makani mabotu ikutali buyo mu Jerusalemu amu Samariya, pele akumasena oonse kwakali bantu munyika aciindi eeco. Nokuba kuti basikwiiya bakajana buyumuyumu, mumyaka iili 30 makani mabotu akali ‘kukambaukwa kuzilenge zyoonse zili ansi aajulu’ alimwi akali ‘kuzyala micelo akuvwula munyika yoonse.’ (Kol. 1:6, 23) Mucikozyanyo: Akaambo kamajwi ngaakaamba mwaapostolo Paulo alimwi ancaakacita kunsumbu ya Kupro, mweendelezi muna Roma Sergio Paulu “wakaba musyomi nkaambo zyakamugambya kapati njiisyo zya Jehova.”—Amubale Milimo 13:6-12.\\n5. (a) Ncisyomezyo nzi Jesu ncaakapa basikwiiya bakwe? (b) Kwiinda mukulanga-langa bukkale bwamumwaanda wamyaka wakusaanguna, ncinzi bamwi ncobakaamba?\\n5 Basikwiiya ba Jesu bakalizyi kuti tiibakali kukonzya kuubeleka mulimo wakukambauka munguzu zyabo beni. Jesu wakabaambila kuti wakali kuyakuba ambabo alimwi akuti muuya uusalala wakali kuyoobagwasya. (Mt. 28:20) Mumbazu zimwi, ibukkale bwakaliko munyika aciindi eeco bulakonzya bwakali bubotu kumulimo wakukambauka Bwami. Ibbuku litegwa Evangelism in the Early Church lyaamba kuti: “Ambweni kunyina ciindi icakali cibotu kaindi munyika icakali kweelela kapati kutambula Cikombelo icakazwide akubambwa kwiinda ciindi camumwaanda wamyaka wakusaanguna AD . . . Kuzikusika mumwaanda wabili, Banakristo . . . bakatalika kwaamba kuti bwakali busongo bwa Leza ibwakabamba zintu munyika kutegwa Bunakristo butalisyigwe.”\\n6. Ino ncinzi ncotutiilange-lange (a) mucibalo eeci? (b) mucibalo citobela?\\n6 Ibbaibbele talyaambi bwini Leza mbwaakeendelezya zintu mumwaanda wamyaka wakusaanguna kutegwa cikonzyeke kuubeleka kapati mulimo wakukambauka. Pele ncotuli masimpe ncakuti: Jehova wakali kuyanda kuti makani mabotu akambaukwe, kakuli walo Saatani tanaakali kuyanda. Mucibalo eeci, tulabandika zintu zimwi zyalo zikonzya kuti nzizyakapa kuti cuube-ube kuubeleka mulimo wakukambauka mumwaanda wamyaka wakusaanguna kwiinda muziindi zimwi zyansiku. Mucibalo citobela, tuyoolanga-langa zintu izitugwasya mazuba aano kwaambilizya makani mabotu kusikila kumamanino aanyika.\\nLUUMUNO LWABANA ROMA MBOLWAKAGWASYA\\n7. Mumwaanda wamyaka wakusaanguna, ino bukkale bwakali buti mu Bulelo Bwabana Roma? Ncinzi icakapa kuti ciindi eeco ciindane aciindi cimbi cili coonse?\\n7 Mumwaanda wamyaka wakusaanguna, kwakali luumuno mubweendelezi bwabana Roma. Eeci cakapa kuti cibaubile kukambauka basikwiiya. Bulelo Bwana Roma bwakabikkide milawo iyakapa kuti bantu baliibe ansi aabweendelezi oobu. Zimwi ziindi, kwakali kuba ‘nkondo mumasena aakali aafwaafwi alimwi amasena aakali kule,’ mbubonya mbwaakasinsima Jesu. (Mt. 24:6) Basikalumamba bana Roma bakanyonyoona Jerusalemu mu 70 C.E., alimwi kwakali nkondo muminyinza yabulelo oobo. Nokuba boobo, kwakali luumuno mumasena manji aakazingulukide Lwizi lwa Mediterranean aakali ansi aabweendelezi bwa Roma. Luumuno oolu lwakatola myaka iibalilwa ku 200 alimwi lwakazikwiitwa kuti Luumuno Lwabana Roma. Ibbuku limwi ligwasya kuvwuntauzya lyaamba kuti: “Kunyina ciindi mumakani aakaindi nikwakali ciindi cilamfwu caluumuno, alimwi kunyina nokuya kuba luumuno iluzumanana kwaciindi cili mbocibede akati kabantu.”\\n8. Mbuti luumuno ilwakaliko mbolwakabagwasya Banakristo bakusaanguna?\\n8 Ikwaamba mbwaakali kuzibona zintu, syaazibwene mumakani aabukombi wamumwaanda wamyaka watatu wazina lya Origen wakalemba kuti: “Mulimo wa Jesu wakuyiisya niwatakazwidilila kumwaigwa munyika yoonse ikuti nikwakali mami manji. . . akaambo kakuti bantu koonse-koonse nibakasinikizyigwa kutola lubazu mumulimo wabusikalumamba alimwi akulwanina kukwabilila zisi zyabo. . . . Mbubonya buyo, ccita kuti bukkale mumasi oonse nobwakacincwa eelyo kwaba muuya uuli kabotu aciindi cakuboola kwa Jesu, mbuti kuyiisya ooku, ikujatikizya luumuno alimwi kutazumizyi bantu kupilusya cibi kuli basinkondonyina, mbokwakali kunga kwazwidilila?” Bakambausi ba Bwami bakapenzyegwa mumasena aakali kweendelezyegwa abana Roma, pele bakali basiluumuno alimwi kulibonya kuti bakagwasyigwa aluumuno ilwakaliko aciindi eeco.—Amubale Baroma 12:18-21.\\nMIGWAGWA MIBOTU MBOYAKAGWASYA\\n9, 10. Nkaambo nzi ncocakali cuuba-uba kuli basikwiiya kweenda mumasena oonse aakali ansi aa Bulelo Bwabana Roma?\\n9 Banakristo bakaibelesya kabotu migwagwa yabana Roma. Kutegwa kababakwabilila alimwi akubeendelezya bantu babo, bana Roma bakajisi basikalumamba basinguzu alimwi ibacibwene. Kutegwa basikalumamba kabeenda cakufwambaana, migwagwa mibotu yakali kuyandika, eelyo bana Roma bakalicibwene kwiipanga. Bana Roma basyaazibwene mumilimo yakupanga-panga bakapanga migwagwa iinda kumakkilomita aali 80,000 iyakali kuswaanganya zibeela zyoonse zyamucooko. Migwagwa yakali kwiinda muzisaka, mucimpayuma alimwi amumalundu.\\n10 Kunze lyamigwagwa yabo, bana Roma bakali kukonzya kubelesya milonga alimwi azizyiba zipati alimwi zilamfwu imato mwaakali kukonzya kweenda. Mato aabana Roma akali kubelesya nzila zyamulwizi zisika ku 900 eezyo izyakali kuswaanganya myaanda yazito. Aboobo Banakristo bakali kukonzya kweenda mumasena oonse aakali kweendelezyegwa abana Roma. Kwakali buyumuyumu, pele mwaapostolo Paulo alimwi abamwi bakali kukonzya kweenda mucilawo coonse kakunyina mapepa aazumizya muntu kunjila mucisi. Kwakanyina masena mpobalanga-langa mapepa aabasikunjila mucisi. Basikutyola milawo bakali kuyoowa kusubulwa abana Roma, aboobo tiicakali kuyoosya kweenda mumigwagwa. Mbubwenya buyo, kweenda kubelesya lwizi tiicakali kuyoosya akaambo kakuti mato aankondo aabana Roma akali kukwabilila kuzigwebenga. Nokuba kuti kwaziindi zinji bwato mwaakatantide Paulo bwakanyonyooka alimwi kwakali ntenda zyamulwizi, Magwalo taambi cacigaminina kuti munyendo zyakwe zyamulwizi wakapenzyegwa azigwebenga.—2Kor. 11:25, 26.\\nIkubelesya mabbuku aa codex kwakapa kuti cuube-ube kujana lugwalo (Amubone muncali 12)\\n11. Nkaambo nzi basikwiiya ncobakali kuubelesya mwaambo wa Chigiriki?\\n11 Mwaambo wa Chigiriki uutegwa Koine iwakazyibidwe abantu banji wakagwasya ikutegwa kube kubandika kabotu alimwi akusumpula lukamantano akati kambungano zya Banakristo. Akaambo kakuzunda nkwaakazunda Alekizanda Mupati, Chigiriki ngomwaambo ngobakali kubandika akumvwa bantu banji. Aboobo, babelesi ba Leza bakali kukonzya kubandika abantu boonse baindene-indene, eeci cakapa kuti makani mabotu amwaigwe. Kuyungizya waawo, ba Juda ibakali kukkala mu Egepita bakasandulula Magwalo aa Chihebrayo mu Chigiriki. Bantu bakalilizyi bbuku eeli lya Septuagint, alimwi basikutobela Kristo bakusaanguna bakali kuzubulula twaambo cakwaanguluka kuzwa mulindilyo. Alimwi Banakristo bakajana kuti cakali cuuba-uba kubelesya Chigiriki mumagwalo ngobakali kulemba. Chigiriki cakajisi mabala manji alimwi aakali kugwasya kwayandika kupandulula twaambo twakumuuya.\\n12. (a) Ino mabbuku aa codex akabambidwe buti, alimwi akajisi bubotu nzi kwiindana amabbuku aakuvwunga? (b) Ndilili mabbuku aa codex naakatalika kubelesyegwa kapati a Banakristo?\\n12 Mbuti Banakristo mbobakali kukonzya kwaabelesya Magwalo mumulimo wabo wamumuunda? Mabbuku aakuvwunga akali kukatazya kapati, nkaambo akeelede kuvwungwa akuvwungululwa alimwi akalembedwe buyo kulubazu lomwe. Bbuku lyomwe buyo lya Makani Mabotu aa Matayo lyakali kukonzya kuzuzya bbuku lyoonse lyakuvwunga. Mpoonya bakatalika kupanga ma codex—mabbuku aakusaanguna aakapangidwe mbuli mabbuku aamazuba aano. Aaya mabbuku akajisi mapeeji aaswaanganizyidwe antoomwe. Sikubala wakali kukonzya kujalula bbuku eeli akucijana cakufwambaana cibalo camu Magwalo. Nokuba kuti takuzyibidwe Banakristo nobakatalika kubelesya mabbuku aa codex, bbuku limwi ligwasya kuvwuntauzya lyaamba kuti: “Banakristo bakali kwaabelesya kapati mabbuku aa codex mumwaanda wamyaka wabili cakuti kulangilwa kuti kubelesyegwa kwangawo kwakatalika kautanasika mwaka wa 100 A.D.”\\nMULAWO WABANA ROMA MBOWAKAGWASYA\\n13, 14. (a) Mbuti Paulo mbwaakacibelesya coolwe cakwe cakuba sicisi muna Roma? (b) Ino mulawo wabana Roma wakabagwasya buti Banakristo?\\n13 Mulawo wabana Roma wakali kutobelwa mubulelo boonse, alimwi sicisi muna Roma wakajisi nguzu zimwi alimwi alukwabililo. Paulo wakacibelesya coolwe cakuba sicisi muna Roma ziindi zinji. Ciindi nobakayanda kumukwibbaula mu Jerusalemu, imwaapostolo ooyu wakabuzya mweendelezi muna Roma kuti: “Sena cilizumizyidwe kuti nywebo nobaalumi mukwibbaule muna Roma alimwi uutanapegwa mulandu?” Tiicakazumizyidwe pe. Ciindi Paulo naakaamba kuti wakali sicisi muna Roma kwiinda mukuzyalwa, ‘baalumi ibakali kuyanda kumusubula ikutegwa aambe bakamusosoloka; awalo mweendelezi wabasikalumamba wakayoowa naakazyiba kuti Paulo wakali muna Roma akuti wakamwaangide nketani.’—Mil. 22:25-29.\\n14 Busicisi bwa Paulo kweelana amulawo wabana Roma bwakapa kuti aangununwe muntolongo ciindi naakali ku Filipi. (Mil. 16:35-40) Ku Efeso, mupati wamunzi wakazubulula mulawo wabana Roma naakamana kuumuzya nkamu yabantu iyakanyemede kapati. (Mil. 19:35-41) Kucita apilu mulandu nkwaakacita Paulo naakali ku Kaisareya kwakajalula nzila kulinguwe kutegwa aiminine lusyomo lwakwe kuli Kaisara. (Mil. 25:8-12) Aboobo, mulawo wabana Roma wakapa kuti cikonzyeke ‘kukwabilila akusitikizya makani mabotu mumulawo.’—Flp. 1:7.\\nKUMWAIKIZYANYA KWABA JUDA MBOKWAKAGWASYA\\n15. Ino ba Juda bakamwaikizyenye buti mumwaanda wamyaka wakusaanguna?\\n15 Mumbazu zimwi, Banakristo bakajana kuti mulimo wabo wabukambausi wakali muuba-uba akaambo kaba Juda ibakamwaikide mumasena oonse aakali kweendelezyegwa abana Roma. Myaanda yamyaka musyule, bana Asuri mpoonya abana Babuloni bakatolede ba Juda mubuzike kuzwa kucisi cokwabo. Kutalikila buyo mumwaanda wamyaka wasanu B.C.E., kwakali ba Juda muzyooko zili 127 mu Bulelo bwa Persia. (Es. 9:30) Ciindi Jesu naakali anyika, kwakali ba Juda mu Egypt amumasena amwi aaku North Africa, aku Greece, Asia Minor, alimwi aku Mesopotamia. Kweezyezyegwa kuti akati kabantu bali 60 miliyoni mu Bulelo Bwabana Roma, muntu omwe akati kabantu bali 14 wakali mu Juda. Kufwumbwa ba Juda nkobakali kuunka, bakali kutolelezya abukombi bwabo.—Mt. 23:15.\\n16, 17. (a) Muunzila nzi kumwaikizyanya kwaba Juda mbokwakagwasya banji ibatakali ba Juda? (b) Mbubambe nzi mbobakajisi ba Juda mbobakatobela basikwiiya?\\n16 Akaambo kakuti ba Juda bakalimwaikizyenye kapati, banji ibatakali ba Juda bakaazyiba Magwalo aa Chihebrayo. Bakaiya kuti kuli buyo Leza omwe wakasimpe akuti aabo ibamukomba beelede kutobela zyeelelo zisumpukide zyabukkale akulilemeka. Kuyungizya waawo, Magwalo aa Chihebrayo akazwide businsimi bujatikizya Mesiya. (Lk. 24:44) Ba Juda alimwi a Banakristo bakalizyi kuti Magwalo aa Chihebrayo ndi Jwi lya Leza lyakasololelwa amuuya, ikaambo kakapa kuti cikonzyeke kuli Paulo kujana kaambo nkobakali kuzuminana abaabo ibakali amyoyo iiyandisya bululami. Mbubonya buyo, mwaapostolo wakajisi cilengwa cakunjila muzikombelo zyaba Juda akusalazyanya ambabo mu Magwalo.—Amubale Milimo 17:1, 2.\\n17 Ba Juda bakajisi bubambe bubikkidwe bwakukomba. Bakali kuswaangana lyoonse muzikombelo naa antangalala. Bakali kwiimba nyimbo, kupaila alimwi akwaabandika Magwalo. Bubambe bukozyenye bulatobelwa mumbungano zya Bunakristo mazuba aano.\\nZYOONSE ZILAKONZYEKA KULI JEHOVA\\n18, 19. (a) Ino ibukkale bwamumwaanda wamyaka wakusaanguna bwakapa kuti cikonzyeke kucita nzi? (b) Ino makani aabandikwa mucibalo eeci amupa kulimvwa buti kujatikizya Jehova?\\n18 Aboobo, zintu ziindene-indene zilibedelede zyakagwasya kutegwa makani mabotu akambaukwe cakuzwidilila. Luumuno Lwabana Roma, migwagwa mibotu, mwaambo wakadumide, mulawo wabana Roma, alimwi akumwaikizyanya kwaba Juda kwakagwasya basikwiiya ba Jesu kuti baubeleke mulimo wabo wakukambauka ngobakapedwe a Leza.\\n19 Myaanda yone musyule, muntu umwi mubbuku lyasyaabusongo muna Giriki Plato wakaamba kuti: “Cilakonzya kuyuma kapati kujana sikupanga alimwi usyi wabubombo bwesu oobu, alimwi nokuba kuti twamujana, tacikonzyeki kumwaamba kumuntu uuli woonse.” Nokuba boobo, Jesu wakati: “Izintu zitakonzyeki kubantu zilakonzyeka kuli Leza.” (Lk. 18:27) Mulengi wabubumbo uyanda kuti bantu bamujane alimwi akumuzyiba. Kuyungizya waawo, Jesu wakaambila basikumutobela bakwe kuti: “Kamuya mukayiisye bantu bazisi zyoonse kuti babe basikwiiya.” (Mt. 28:19) Kwiinda mukugwasyigwa a Jehova Leza, kuzuzikizya mulimo ooyu kulakonzyeka. Cibalo citobela ciyootondezya mulimo ooyo mbouli mukubelekwa mazuba aano.\\nCipego Ncobatakali Kuyeeyela Bana Japan\\nAmwiiye Kulicesya kwa Jesu Alimwi Aluzyalo Lwakwe\\nAmwiiye Busicamba Abupampu bwa Jesu\\nAmuzumanane Kuba Basungu Mumulimo Wakukambauka\\nJehova Ulausololela Mulimo Wesu Wakuyiisya Uucitwa Nyika Yoonse Mbwiizulwa\\nMAKANI EESU AAKAINDI “Ciindi Cibotu Kapati”\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA February 2015\\nNGAZI YAMULINDIZI—YAKWIIYA February 2015","num_words":1951,"character_repetition_ratio":0.062,"word_repetition_ratio":0.0,"special_characters_ratio":0.165,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amwiilemeke Ŋanda ya Bwami—Kaisalala lyoonse alimwi amuzumanane kwiibamba kabotu | Study\\nNgazi Yamulindizi—Yakwiiya | July 2015\\nAMUBALE MU Acholi Albanian American Sign Language Amharic Arabic Argentinean Sign Language Armenian Aymara Azerbaijani Azerbaijani (Cyrillic) Batak (Toba) Bengali Bicol Bislama Brazilian Sign Language Bulgarian Catalan Cebuano Chichewa Chilean Sign Language Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chokwe Chuvash Cibemba Cinyanja Colombian Sign Language Croatian Czech Danish Drehu Dutch Efik English Estonian Fijian Finnish French Georgian German Greek Guarani Gujarati Gun Haitian Creole Hausa Hebrew Hiligaynon Hindi Hiri Motu Hungarian Icelandic Igbo Iloko Indonesian Isoko Italian Italian Sign Language Japanese Japanese Sign Language Kannada Kazakh Kikamba Kikaonde Kikuyu Kiluba Kinyarwanda Kirghiz Kiribati Kirundi Kisi Kongo Korean Krio Lamba Latvian Lhukonzo Lithuanian Luganda Lunda Luo Luvale Macedonian Malagasy Malay Malayalam Mambwe-Lungu Marathi Mauritian Creole Maya Mexican Sign Language Mixe (North Central) Mongolian Moore Ndebele (Zimbabwe) Nepali Norwegian Oromo Ossetian Pangasinan Papiamento (Aruba) Papiamento (Curaçao) Persian Peruvian Sign Language Polish Portuguese Punjabi Quechua (Bolivia) Quichua (Imbabura) Romanian Runyankore Russian Russian Sign Language Samoan Sango Serbian (Cyrillic) Serbian (Roman) Seychelles Creole Shona Sidama Silozi Sinhala Slovak Slovenian Spanish Sranantongo Swahili Swedish Tagalog Tajiki Tamil Tatar Telugu Thai Tigrinya Tiv Tok Pisin Turkish Turkmen Turkmen (Cyrillic) Tuvaluan Tzotzil Ukrainian Urdu Uzbek Vietnamese Wallisian Waray-Waray Wolaita Yoruba Zande Zapotec (Isthmus)\\nOobu Mbusena Bwesu Bwakukombela\\n“Busungu bwakuŋanda yako buyoondilya cakumaninina.”—JOH. 2:17.\\nMbuti mbotukonzya kutondezya kuti tulailemeka miswaangano yesu ya Bunakristo?\\nIno mali aakuyasya Maanda aa Bwami mapya aayandika ajanwa buti?\\nNkaambo nzi ncociyandika ciindi aciindi kusalazya alimwi akubambulula Maanda aa Bwami?\\n1, 2. (a) Masena nzi aakukombela ngobakali kubelesya babelesi ba Jehova kaindi? (b) Ino Jesu wakali kulimvwa buti kujatikizya tempele lya Leza ilyakali mu Jerusalemu? (c) Ino cibalo eeci cakabambilwa nzi?\\nKUZWA kaindi, babelesi ba Leza balikuba amasena aabo aabukombi busalala. Abelo weelede kuti ambweni wakabelesya cipaililo ciindi naakapa cituuzyo cakwe kuli Leza. (Matl. 4:3, 4) Nowa, Abrahamu, Izaka, Jakobo, alimwi a Musa, boonse bakapanga zipaililo. (Matl. 8:20; 12:7; 26:25; 35:1; Kul. 17:15) Kwiinda mukulaililwa a Jehova, bana Israyeli bakayaka tente lyakukombela. (Kul. 25:8) Mukuya kwaciindi bakazyikuyaka tempele lyakukombela Jehova. (1Bam. 8:27, 29) Nobakazwa mubuzike ku Babuloni, ba Juda bakali kubungana lyoonse muzikombelo. (Mk. 6:2; Joh. 18:20; Mil. 15:21) Banakristo bakusaanguna bakali kuswaanganina mumaanda aabasimbungano. (Mil. 12:12; 1Kor. 16:19) Mazuba aano bantu ba Jehova balaswaangana kutegwa baiye akukomba mu Maanda aa Bwami manji kapati nyika yoonse mbwiizulwa.\\n2 Jesu wakali kuliyanda kapati tempele lya Jehova ilyakali mu Jerusalemu cakuti sikulemba Makani Mabotu wakatondezya kuti majwi aaya aabusinsimi akazuzikizyigwa muli Jesu, aakuti: “Busungu bwaŋanda yako bwandilya cakumaninina.” (Int. 69:9; Joh. 2: 17) Taakwe Ŋanda ya Bwami iikonzya kweelela kwiitwa kuti “ŋanda ya Jehova” kweelana amajwi aaya mbwaakali kupandulula tempele lyamu Jerusalemu. (2Mak. 5:13; 33:4) Nokuba kuti cili boobo, Bbaibbele lilijisi njiisyo izitondezya mbotweelede kwaabelesya alimwi akwaalemeka masena eesu aakukombela mazuba aano. Cibalo eeci cakabambilwa kulanga-langa njiisyo eezyo alimwi akubona mbozibeleka caboola kumakani aajatikizya mbotweelede kwaalanga Maanda aa Bwami, mali aakuyasya mbwaayelede kujanwa alimwi ambwayelede kubambwa maanda aaya. *\\nIKULEMEKA BUKOMBI BUSALALA\\n3-5. Ino Ŋanda ya Bwami ibeleka mulimo nzi, alimwi ino eeci ceelede kukujatikizya buti mbotwiibona miswaangano yesu iicitilwa mumo?\\n3 Ŋanda ya Bwami mbobusena bwabukombi busalala mubusena motukkala. Akati kazintu zyakumuuya Jehova nzyatupa kuti zitugwasye kuli miswaangano yansondo ansondo njotucita ku Ŋanda ya Bwami. Ku Ŋanda ya Bwami nkonkuko nkotukatalusyigwa kumuuya alimwi akutambula malailile aazwa kumbunga yakwe. Boonse ibajanika balagwasyigwa munzila eeyi, ciindi nobatambwa a Jehova alimwi a Mwanaakwe. Nokuba kuti lyoonse tulajanika kutegwa tulide “atebulu lya Jehova” tatweelede kuyuubya-ubya miswaangano yesu.—1Kor. 10:21.\\n4 Ziindi izili boobu izyakukomba alimwi akuyumizyigwa kumuuya Jehova uzibona kuti zilayandika kapati, nkakaambo kaako ncaakasololela mwaapostolo Paulo amuuya kulemba kuti tatweelede kuleka kuswaangana antoomwe. (Amubale Bahebrayo 10:24, 25.) Sena inga twaamba kuti tulamulemeka Jehova ikuti tiitwajanika kumiswaangano ya Bunakristo kakunyina akaambo kaya koomoonga? Tulakonzya kutondezya kuti tulamulumba kapati Jehova azintu nzyatupa kumuuya kwiinda mukulibambila miswaangano alimwi akutola lubazu camoyo woonse.—Int. 22:22.\\n5 Mbotwiibona Ŋanda ya Bwami—ŋanda iini kwiigama alimwi azintu zyakumuuya izicitwa abusena oobu—kweelede kutondezya kuti tulailemeka. Tuyanda kuti katulilemeka munzila iipa kuti izina lya Leza litembaulwe, lyalo ililembedwe acikwankwani ca Ŋanda ya Bwami.—Amweezyanisye a 1 Bami 8:17.\\n6. Ino bantu bamwi baamba nzi kujatikizya Maanda aa Bwami eesu alimwi abaabo baswaanganina mumo? (Amubone cifwanikiso icili kumatalikilo aacibalo.)\\n6 Bantu ibatali Bakamboni balakonzya kubona mbotwaalemeka masena eesu aakukombela. Mucikozyanyo, mwaalumi umwi ku Turkey wakaamba kuti: “Bulondo alimwi akucita zintu kweelana abubambe bubikkidwe nkondakabona ku Ŋanda ya Bwami zyakandikkomanisya kapati. Bantu bakalisamide kabotu, bakali kwiile kumweta-mweta, alimwi bakandaanzya munzila yabulongwe. Eeci cakandikkomanisya kapati.” Mwaalumi ooyu wakatalika kujanika kumiswaangano lyoonse, alimwi mukuya kwaciindi wakabbapatizyigwa. Mudolopo limwi mucisi ca Indonesia, mbungano yakatamba bapati-pati bamfwulumende bakubusena oobo alimwi abasimukobonyina kuti babone Ŋanda ya Bwami mpya. Mupati wadolopo eeyo wakajanika. Wakakkomana kapati mboyakayakidwe ŋanda eeyi, mboyakali kuboneka, alimwi akubona lubuwa lwanjiyo lubotu kapati. Wakaamba kuti: “Bulondo bwaŋanda eeyi butondezya lusyomo lwanu lwini-lwini.”\\nZintu nzyotucita zilakonzya kutondezya kuti tatumulemeki Leza (Amubone muncali 7 a 8)\\n7, 8. Ntwaambo nzi tuyandika kapati ntobeelede kubikkila maano aabo ibajanika kumiswaangano ya Bunakristo?\\n7 Bulemu mbotutondezya kuli Leza uututamba kumiswaangano ya Bunakristo bweelede kulibonya mukulilemeka kwesu, munsamino, alimwi ambotulibamba. Kulemeka miswaangano yesu alimwi kuyanda kuti katutaciindizyi muzintu nzyotucita. Kwajanika kuti bamwi balaciindizya mumakani aambobeelede kulilemeka ciindi nobali kumiswaangano yambungano, kakuli bamwi balaciindizya kutasama kabotu nobali ku Ŋanda ya Bwami. Masimpe, Jehova uyanda kuti babelesi bakwe alimwi abeenzu ibasika kabalimvwa kabotu nobali kumiswaangano. Alimwi aabo ibajanika inga tiibayanda kunyonganya bamwi kwiinda mukutasama kabotu, kulemba tugwalo twaafooni naa kubandika ciindi muswaangano noucitika, kulya akunywa, naa kucita zintu zimwi zikonzya kunyonganya bamwi. Bazyali beelede kuyiisya bana babo kutegwa bamvwisye kuti Ŋanda ya Bwami tabuli busena bwakusobanina naa bwakwiile kubali-balika alubuwa.—Muk. 3:1.\\n8 Kanyemede kapati, Jesu wakabatanda mutempele lya Leza bantu ibakali kucita makwebo. (Joh. 2:13-17) Maanda aa Bwami eesu aalo masena aabukombi busalala alimwi nkonkuko nkotuyiisyigwa kumuuya. Aboobo, zintu izili zyoonse zijatikizya makwebo izitajatikizyi zintu zyakumuuya zyeelede kucitilwa kumbi.—Amweezyanisye a Nehemiya 13:7, 8.\\nKUYAKA ALIMWI AMBWAAJANWA MALI AAKUYASYA MAANDA AA BWAMI\\n9, 10. (a) Ino Maanda aa Bwami ayakwa buti alimwi ino mali aakuyasya ajanwa buti, alimwi ino mbubotu nzi bwajanika kwiinda mububambe oobu? (b) Ino mbubambe nzi bwaluyando ibwagwasya kapati mbungano izyatakajisi mali aakubelesya kuyasya Ŋanda ya Bwami?\\n9 Mbunga ya Jehova yacita zyoonse nzyoikonzya kutegwa kube Maanda aa Bwami alimwi akubikka bubambe bwakujana mali aakuyasya maanda aaya. Mulimo wakubamba mapulani aamaanda, wakuyaka, alimwi awakubambulula ulabelekwa abasikulisungula ibatabbadelwi. Ino kwaba kuzwidilila kuli buti? Kutalikila mu November 1, 1999, masena mabotu aakubelesya mubukombi busalala aainda ku 28,000 ayakilwa mbungano nyika yoonse mbwiizulwa. Kweelana mweelwe waakati-kati, eeci caamba kuti Maanda aa Bwami osanwe alikuyakwa buzuba abuzuba mumwaka.\\n10 Mbunga ilabikkila maano kugwasyilizya kutegwa Maanda aa Bwami ayakwe kufwumbwa kubusena nkwaayandika kuyakwa. Bubambe oobu bwaluyando buyeeme anjiisyo yamu Magwalo yakuti aabo bajisi zintu ziindilide bape baabo babulizyide, kutegwa “kube kweelana.” (Amubale 2 Bakorinto 8:13-15.) Akaambo kabubambe oobu, mbungano izyatakali kukonzya kuliyakila Maanda aa Bwami zyayakilwa maanda mabotu aakubelesya mubukombi busalala.\\n11. Ino bakwesu bamwi bakaamba nzi kujatikizya Ŋanda ya Bwami mpya, alimwi ino eeci cimupa kulimvwa buti?\\n11 Mbungano imwi yamucisi ca Costa Rica iyakagwasyigwa abubambe oobu yakalemba kuti: “Ciindi notwiima kumbele lya Ŋanda ya Bwami, cili mbuli kuti nciloto! Tatukonzyi kusyoma pe. Ŋanda yesu mbotu kapati yakamana kuyakwa yoonse mumazuba buyo aali lusele! Eeci cakakonzyeka akaambo kakulongezyegwa a Jehova, bubambe bubikkidwe ambunga yakwe, alimwi alugwasyo kuzwa kubakwesu bayandwa. Masimpe busena oobu bwakukombela ncipego citaliboteli, cintu cibotu kapati Jehova ncaatupa. Tulikkomene kapati akaambo kaŋanda eeyi.” Sena tamukkomani kumvwa majwi aali boobu aakulumba Ŋanda ya Bwami mpya alimwi akuzyiba kuti bakwesu banji kapati mumasena manji nyika yoonse mbwiizulwa balikkomene? Ooyu mulimo wa Jehova, nkaambo mboyamanina buyo kuyakwa Ŋanda ya Bwami, ilazula abantu babombe myoyo ibayanda kuzyiba zinji kujatikizya Mulengi wesu siluyando.—Int. 127:1.\\n12. Mbuti mbomukonzya kutola lubazu mumulimo wakuyaka Maanda aa Bwami?\\n12 Bakwesu abacizyi banji bajana lukkomano lunji kwiinda mukutola lubazu mumulimo wakuyaka Maanda aa Bwami. Tacikwe makani naa tulakonzya kugwasya mukuyaka kwini naa pe, toonse tulijisi coolwe cakugwasyilizya mumilimo iili boobu kwiinda mukusanga. Ciindi Bbaibbele nolyakali kulembwa, kusungwaalila bukombi busalala kwakagwasya kapati mumakani aakuyaka maanda aakukombela kutegwa Jehova alemekwe, alimwi mbocibede oobo amazuba aano.—Kul. 25:2; 2Kor. 9:7.\\nKUSALAZYA MAANDA AA BWAMI\\n13, 14. Ninjiisyo nzi zyamu Magwalo zibeleka mukubamba Maanda aa Bwami eesu kuti kaasalala alimwi kaajisi bulondo?\\n13 Yamana kuyakwa Ŋanda ya Bwami, iyandika kuti kaisalala lyoonse alimwi kakuli bulondo kutegwa itondezye bube bwa Leza ngotukomba—Leza uucita zintu kweelana abubambe. (Amubale 1 Bakorinto 14:33, 40.) Bbaibbele litondezya kuti busalali tabujatikizyi buyo kusalala kumuuya amumizeezo pele alimwi bulajatikizya akusalala kumubili. (Ciy. 19:8) Aboobo, ikuti bantu kabayanda kutambulwa a Jehova, beelede kuba balondo.\\n14 Kweelana anjiisyo eezyi, lyoonse tweelede kulimvwa kwaanguluka kutamba bantu bajisi luyandisisyo kumiswaangano yesu, katujisi lusyomo lwakuti mboiboneka ŋanda iyoopa kuti baukkomanine mulumbe mubotu ngotubakambaukila. Bayoobona kuti tukomba Leza uusalala alimwi lino-lino uyoocinca nyika kuba paradaiso.—Is. 6:1-3; Ciy. 11:18.\\n15, 16. (a) Nkaambo nzi ncocikonzya kukatazya kubamba Ŋanda ya Bwami kuti kaisalala lyoonse, pele nkaambo nzi eeci ncociyandika? (b) Mbubambe nzi buliko mumbungano ibwakusalazya, alimwi ino umwi aumwi ujisi coolwe nzi?\\n15 Bantu bamwi balakonzya kubikkila maano kapati kukusalazya kwiinda bamwi. Zintu izili mbuli mbobakakomezyegwa, mankandya, lusuko, mboibede migwagwa, maanzi alimwi azibelesyo zyakubelesya kusalazya, zilakonzya kubajatikizya bamwi mbobaubona mulimo wakusalazya. Kufwumbwa bukkale mbobubede kubusena bwanu, Ŋanda ya Bwami yeelede kuba citondezyo mumakani aabulondo, akaambo kakuti ijisi zina lya Jehova alimwi akuti mbusena bwabukombi busalala.—Dt. 23:14.\\n16 Kusalazya Ŋanda ya Bwami taceelede kuba cintu cacibukilambuta pe. Kabunga kabaalu kamwi akamwi keelede kubamba mulongo wakusalazya alimwi akubona kuti kuli zibelesyo zyakubelesya kusalazya busena bwakukombela bwambungano kutegwa kabuli kabotu. Akaambo kakuti milimo imwi yakusalazya iyandika kubikkila maano kapati kwiinda milimo imwi mbowamanina muswaangano umwi aumwi, cilayandika kubelekela antoomwe alimwi akweendelezya milimo eeyi kutegwa kubule mbazu iitabikkilwi maano. Basimbungano boonse balijisi coolwe cakutobela bubambe bubikkidwe mumakani aaya.\\nKUBAMBULULA MASENA EESU AAKUKOMBELA\\n17, 18. (a) Mbubambe nzi bwamu Magwalo ibwakaliko ibwakubambulula masena aabukombi busalala? (b) Nkaambo nzi Maanda aa Bwami ncaayandika kulanganizyigwa kabotu?\\n17 Babelesi ba Jehova alimwi balabikkila maano kapati kubambulula masena aabo aakukombela kutegwa lyoonse kaaboneka kabotu. Mwami wa Juda Jehoasi wakaambila bapaizi kuti babelesye zyakusanga bantu nzyobakasangila ŋanda ya Jehova kutegwa ‘babambulule ŋanda kufwumbwa mpoyakali kuyandika.’ (2Bam. 12:4, 5) Nokwakainda myaka yiinda ku 200, Mwami Josiya alimwi wakabelesya zyakusanga zyatempele kutegwa abambulule mpolyakali kuyandika kubambulula.—Amubale 2 Makani 34:9-11.\\n18 Malipooti aazwa kumaofesi aamitabi atondezya kuti muzisi zimwi, bantu banji tabaabikkili maano makani aakubambulula maanda aabo. Ambweni mumasena aali boobo mbasyoonto buyo ibajisi luzyibo lwakubambulula naa ibajisi zyakubelesya mumulimo wakubambulula. Aboobo, ikuti mbungano kaitabikkili maano kubambulula Ŋanda ya Bwami, ilakonzya kunyonyooka mumyaka buyo misyoonto alimwi taikonzyi kupa bumboni bubotu kubantu bakkala mubusena oobo. Kulubazu lumwi, ciindi basimbungano nobacita zyoonse nzyobakonzya kutegwa Ŋanda ya Bwami kailibonya kabotu, zina lya Jehova lilatembaulwa alimwi cipa kuti mali ngobasanga basyomima kaabelesyegwa kabotu.\\nTatweelede kuleka kubikkila maano kusalazya alimwi akubambulula Ŋanda ya Bwami (Amubone mincali 16 a 18)\\n19. Ino mukanzide kucita nzi mumakani aajatikizya maanda ngotubelesya mubukombi busalala?\\n19 Ŋanda ya Bwami niŋanda iyakaabwa kuli Jehova. Aboobo, inga tiitwaamba kuti njamuntu umwi naa kuti njambungano pe, tacikwe makani kufwumbwa makani aajatikizya milawo yacisi mbwaatondezya. Njiisyo zya Bunakristo zyaamba kuti tweelede kukamantana kapati mukubona kuti ŋanda eeyi yazumanana kuboneka kabotu kweelana ancoyakayakilwa. Boonse mumbungano balakonzya kutola lubazu kwiinda mukutondezya bulemu bweelede kumasena eesu aakukombela, kwiinda mukusanga, alimwi akwaaba ciindi anguzu mukubamba Maanda aa Bwami kuti kaasalala alimwi akubona kuti abambululwa mpaayelede kubambululwa. Kwiinda mukugwasyilizya bubambe oobu, tutondezya busungu bwesu kumasena aabukombi busalala bwa Jehova, mbubwenya Jesu mbwaakacita.—Joh. 2:17.\\n^ par. 2 Nokuba kuti cibalo eeci cibandika makani aajatikizya Maanda aa Bwami, njiisyo izili mumo zilakonzya kubeleka aku Maanda Aakucitila Miswaangano Mipati alimwi amasena aambi aabelesyegwa mubukombi busalala.\\nBakalyaaba Amoyo Woonse Kuyakubelekela—ku Russia\\nAmugwasyilizye Kusumpula Paradaiso Yakumuuya\\nKubelekela Jehova ‘Mumazuba Aamapenzi’\\n‘Lufwutuko Lwanu Lwaswena Afwaafwi’!\\nSena Kuli Mbocibede Ikuti Kakunyina Muntu Uubona Mulimo Wanu?\\nAmuzumanane Kusyomeka ku Bwami bwa Leza\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA July 2015\\nNGAZI YAMULINDIZI—YAKWIIYA July 2015","num_words":1849,"character_repetition_ratio":0.068,"word_repetition_ratio":0.0,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"19 boobo aciindi eeco Pilato wakabweza Jesu akumukwibbaula. 2 Mpoonya basikalumamba bakaluka musini wamamvwa akumusamika kumutwe alimwi bakamusamika acisani caatala cacisombo; 3 mpoonya bakali kuboola kulinguwe akwaamba kuti: “Wabonwa, O Mwami waba Juda!” Alimwi bakamuuma mbayi kumeso. 4 Mpoonya Pilato wakazwida anze alimwi akwaambila nkamu yaba Juda kuti: “Amubone! Ndamuleta anze kulindinywe ikutegwa muzyibe kuti kunyina mulandu ngundajana mulinguwe.” 5 Aboobo Jesu wakazwida anze, kasamide musini wamamvwa acisani caatala cacisombo. Mpoonya Pilato wakati kuli mbabo: “Amulange! Ngomwaalumi ooyu!” 6 Pele basilutwe babapaizi abakapaso nobakamubona, bakoompolola kuti: “Mugagaile acisamu! Mugagaile acisamu!” Pilato wakati kuli mbabo: “Amumutole nobeni mukamugagaile acisamu, nkaambo kunyina mulandu ngundajana mulinguwe.” 7 Iba Juda bakamwiingula kuti: “Tulijisi mulawo, eelyo kweelana amulawo muntu ooyu weelede kufwa, nkaambo wakalyaamba kuti Mwana wa Leza.” 8 Aboobo, Pilato naakamvwa nzyobakali kwaamba, wakayoowa kapati; 9 eelyo wakanjila muŋanda yakwe yabweendelezi alimwi, akubuzya Jesu kuti: “Ino uzwa kuli?” Pele Jesu taakamwiingula pe. 10 Aboobo Pilato wakati kulinguwe: “Sena tokoondiingula? Sena tozyi kuti ndilijisi nguzu zyakukwaangununa alimwi anguzu zyakukugagaila acisamu?” 11 Jesu wakamwiingula kuti: “Notajisi nguzu zili zyoonse kujatikizya ndime nowatakapegwa nzizyo kuzwa kujulu. Nkakaambo kaako muntu ooyo wakandaaba kulinduwe ujisi cibi cipati kapati.” 12 Akaambo kaceeci Pilato wakasoleka kujana nzila yakuti amwaangunune. Pele ba Juda bakoompolola kuti: “Ikuti naa umwaangunune muntu ooyu, nkokuti toli mulongwe wa Kaisala. Kufwumbwa muntu uulyaamba kuti mwami, ukazyanya a Kaisala.” 13 Aboobo naakamvwa majwi aaya, Pilato wakaleta Jesu anze, akukkala acuuno calubeta kubusena butegwa Ibbuwa Lyakayalwa Mabwe, pele mu Chihebulayo ibutegwa Gabbata. 14 Lino bwakali buzuba bwakulibambila Pobwe lya Kwiindilila; ciindi cakali afwaafwi awoola lyacisambomwi.* Eelyo wakaambila ba Juda kuti: “Amubone! Ngooyu mwami wanu!” 15 Pele bakoompolola balaamba: “Mulobye! Mulobye! Mugagaile acisamu!” Pilato wakati kuli mbabo: “Sena ndimugagaile acisamu mwami wanu?” Basilutwe babapaizi bakaingula kuti: “Tunyina mwami umbi kunze lya Kaisala.” 16 Aboobo aciindi eeco wakamupa kuli mbabo kutegwa bakamugagaile acisamu. Mpoonya basikalumamba bakamutola Jesu. 17 Kanyamwide cisamu cakwe cakupenzyezya, wakazwa akuya kubusena butegwa Cipapa Camutwe, ibutegwa Gologota mu Chihebulayo; 18 eelyo ooko bakamugagaila acisamu, abantu bamwi bobilo ibakali anguwe, kulubazu alumwi kakuli omwe, pele walo Jesu kali akati. 19 Alimwi Pilato wakalemba zyina lyabulemu akulibikka acisamu cakupenzyezya. Lyakalembedwe kuti: “Jesu muna Nazaleta Mwami waba Juda.” 20 Aboobo iba Juda banji bakalibala zyina eeli, nkaambo ibusena ooko nkwaakagagaililwa Jesu bwakali afwaafwi amunzi; alimwi lyakalembedwe mu Chihebulayo, mu Chilatini amu Chigiliki. 21 Pele basilutwe babapaizi baba Juda bakatalika kwaambila Pilato kuti: “Utalembi kuti ‘Mwami waba Juda,’ pele kolemba kuti wakaamba kuti, ‘Ndili Mwami waba Juda.’” 22 Pilato wakaingula kuti: “Eeco ncindalemba, ndalemba.” 23 Lino basikalumamba nobakamana kumugagaila acisamu Jesu, bakabweza zisani zyakwe zyaatala akuzizapaula muzibeela zyone, sikalumamba aumwi wakabweza cibeela comwe. Alimwi bakabweza acisani cakwe camukati. Pele cisani eeci kunyina mpocakaswaanganizyidwe amuluko wantali, mbwaanga cakali buyo comwe kuzwa mujulu kusikila ansi. 24 Aboobo bakaambauzyanya kabati: “Tutacizapuli pe, pele atuume cisolo kutegwa tubone naa cilaba cani.” Bakacita boobo kutegwa luzuzikizyigwe lugwalo lwaamba kuti: “Bakaabana zisani zyangu zyaatala, alimwi cisani cangu camukati bakacuumina cisolo.” Aboobo basikalumamba bakazicita ncobeni zyintu eezyi. 25 Pele munsi aacisamu ca Jesu cakupenzyezya kwakaimvwi banyina, mwanaakwabo banyina mukaintu, Maliya muka Kilopa a Maliya Magadalene. 26 Aboobo Jesu naakabona banyina alimwi asikwiiya ngwaakali kuyanda kabaimvwi munsi-munsi, wakaambila banyina kuti: “Amubone! Ngooyo mwana wanu!” 27 Mpoonya wakaambila sikwiiya ooyo kuti: “Bona! Mbaabo banyoko!” Aboobo kuzwida ciindi eeco sikwiiya ooyo wakabatola kuŋanda yakwe. 28 Musyule lyazyintu eezyi, Jesu naakazyiba kuti lino zyintu zyoonse zyazuzikizyigwa, ikutegwa azuzikizye lugwalo wakati: “Ndafwa nyota.” 29 Aawo kwakali nongo yakazwide waini uupapide. Aboobo bakasomeka nsinsa iinyikidwe muwaini ooyo uupapide kukasamu kahisopo akwiitambikizya kumulomo wakwe. 30 Lino naakaulabila waini uupapide, Jesu wakati: “Zyazuzikizyigwa!” Mpoonya wakakotama, waleka kuyoya. 31 Mpoonya, ikutegwa mibili itazumanani kiili azisamu zyakupenzyezya mu Sabata mbwaanga bwakali Buzuba bwa Kulibambila, (nkaambo buzuba bwa Sabata eeyo bwakali bupati,) iba Juda bakalomba Pilato kuti maulu aabo atyolaulwe akuti mibili yabo igusyigwe. 32 Aboobo basikalumamba bakaboola akutyola maulu aamwaalumi wakusaanguna aamwaalumi ooyo uumbi wakali antoomwe anguwe. 33 Pele nobakasika aali Jesu, bakabona kuti ulifwide kale, aboobo kunyina nobakaatyola maulu aakwe. 34 Nokuba boobo, umwi wabasikalumamba wakamuyasa sumo mumabambo, eelyo mpoonya aawo kwakazwa bulowa amaanzi. 35 Eelyo ooyo iwakalibonena zyintu eezyi wapa bumboni, kumane bumboni bwakwe mbwamasimpe alimwi muntu ooyo ulizyi kuti waamba zyintu zyamasimpe, ikutegwa anywebo musyome. 36 Mubwini, zyintu eezyi zyakacitika ikutegwa luzuzikizyigwe lugwalo lwaamba kuti: “Kunyina cifwuwa cakwe niciba comwe iciyootyolwa.” 37 Alimwi lugwalo lumbi lwaamba kuti: “Bayoolanga kuli yooyo ngobakayasa.” 38 Lino zyintu eezyi nozyakainda, Josefa waku Alemateya, sikwiiya wa Jesu iwakali kulisisa akaambo kakuyoowa ba Juda, wakalomba Pilato kuti agusye mubili wa Jesu; eelyo Pilato wakamuzumizya. Aboobo wakaboola akutola mubili wakwe. 39 Nikodemo imuntu uulya wakaswaya Jesu masiku ciindi cakusaanguna, awalo wakaboola alimwi wakaleta cibbudu catununkilizyo twamulo alimwi aaloye, icilema makkilogilamu aatandila kumakumi otatwe aatatu. 40 Aboobo bakabweza mubili wa Jesu akuuvwungaila mumilembo antoomwe atununkilizyo, kweelana acilengwa caba Juda cakulibambila kuzikka. 41 Lino kubusena ooko nkwaakagagaidwe acisamu kwakali muunda, alimwi mumuunda ooyo kwakali cuumbwe cipya catakaninga kuzikkwa muntu. 42 Akaambo kakuti bwakali Buzuba bwa Kulibambila bwaba Juda, alimwi mbwaanga cuumbwe cakali afwaafwi, bakamuzikka Jesu oomo.\\n^ “Nkokuti afwaafwi a 12 kiloko yamasyikati, kutalika kubala kuzwa mpolizwida zuba.”","num_words":789,"character_repetition_ratio":0.054,"word_repetition_ratio":0.0,"special_characters_ratio":0.174,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kuyungizya Luzibo Lwesu Mumulimu Wakukambawuka Kuzuwa Abantu\\nBALA MU Abbey Abua Abui Acholi Afrikaans Aja Albanian Altai Alur Amharic Arabic Armenian Assamese Ateso Attié Aukan Aymara Azerbaijani Azerbaijani (Cyrillic) Bambara Baoule Bashkir Basque Bassa (Cameroon) Batak (Karo) Batak (Simalungun) Batak (Toba) Belize Kriol Bengali Biak Bicol Bislama Bissau Guinean Creole Boulou Brazilian Sign Language Bulgarian Bété Cambodian Catalan Cebuano Changana (Mozambique) Chavacano Chichewa Chin (Hakha) Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chuabo Chuukese Chuvash Cibemba Cinamwanga Cinyanja Croatian Czech Dakota Dangme Danish Dayak Ngaju Digor Douala Drehu Dutch Edo Efik English Esan Estonian Ewe Faroese Fijian Finnish Fon French Ga Galician Garifuna Georgian German Gokana Greek Greenlandic Guarani Gujarati Gun Guéré Haitian Creole Hausa Hebrew Herero Hiligaynon Hindi Hiri Motu Hmong (White) Hungarian Iban Ibanag Ibinda Icelandic Idoma Igbo Igede Iloko Indonesian Isoko Italian Japanese Javanese Jula Kabiye Kabuverdianu Kachin Kannada Karen (S'gaw) Kazakh Kekchi Khana Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisonge Kongo Konkani (Roman) Korean Krio Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Laotian Latvian Lenje Lhukonzo Lingala Lithuanian Lomwe Low German Luganda Lunda Luo Luvale Macedonian Macua Malagasy Malay Malayalam Maltese Mam Mambwe-Lungu Mapudungun Marathi Marshallese Mauritian Creole Maya Mazatec (Huautla) Mbunda Mende Mingrelian Mixe Mixtec (Guerrero) Mizo Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndau Ndebele Ndebele (Zimbabwe) Ndonga Nepali Ngabere Ngangela Nias Niuean Norwegian Nsenga Nyaneka Nyungwe Nzema Odia Okpe Oromo Ossetian Otetela Otomi (Mezquital Valley) Pangasinan Papiamento (Curaçao) Persian Pidgin (West Africa) Polish Ponapean Poqomchi' Portuguese (Portugal) Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Quiche Quichua (Chimborazo) Quichua (Imbabura) Rarotongan Romanian Romany (Macedonia) Romany (Macedonia) Cyrillic Romany (Serbia) Romany (Southern Greece) Runyankore Russian Rutoro Samoan Sangir Sango Saramaccan Sena Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Slovak Slovenian Solomon Islands Pidgin Spanish Sranantongo Sunda Swahili Swahili (Congo) Swati Swedish Tagalog Tahitian Tajiki Tamil Tandroy Tankarana Tarahumara Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tshwa Tsonga Turkish Turkmen Tuvaluan Twi Tzeltal Tzotzil Uighur (Cyrillic) Ukrainian Umbundu Urdu Urhobo Uruund Uzbek Uzbek (Roman) Valencian Venda Venezuelan Sign Language Vezo Vietnamese Wallisian Waray-Waray Wayuunaiki Welsh Wolaita Xhosa Yacouba Yoruba Zande Zapotec (Isthmus) Zapotec (Lachiguiri) Zulu\\nKuyungizya Luzibo Lwesu Mumulimu Wakukambawuka Kuzuwa Munzila Iipa Kuti Ukonzye Kukambawuka\\nJesu wakasaanguna kukumbila maanzi kumwanakazi muSamariya kuti akonzye kumukambawukila. Kujana twachita biyeni kuti tukonzye kwaambuula aabantu mbitutazi?\\nWeelede kuba muntu uusangalizya nwaambuula aabantu. Nikuba kuti Jesu wakalikatede, wakasaanguna kwaambuula aamwanakazi muSamariya kwiinda mukumukumbila maanzi aakunywa. Ulakonzya kusaanguna kwaambuula aamuntu kwiinda mukumujuzya mpawo wambe atala aabwiime bwakunze naakuti chimwi chintu chakachitika. Makanze eesu ngakuti tusaangune kwaambuuzyania awumwi muntu, nkinkaako tulakonzya kusala kufumbwa chintu chikonzya kumunoneezya muntu ooyo. Kuti wakusandula munzila itondeezya kuti tayandi kuzuwa, toyelede kuteya mulenga. Yezya kwaambuula awumwi. Kumbila Jehova kuti akupe chibindi.—Neh 2:4; Inc 4:29.\\nLibambile kukambawuka kuti kwajulika mweenya pesi utafwambaani. Yezya kulindila kusikila kuchiindi chilikabotu. Kuti wamufwambaanina muntu ulakonzya kutaangunuka akuleka kwaambuula. Utalisoli kuti wakachilwa kumukambawukila. Kuti kakukuyumina kukambawukila bantu kutalibambilide, weelede kweezya kwaambuula abantu kutakwe makanze akubakambawukila. [Amweebele kavidiyo kakusaanguna mpawo mwaambuuzyanie atala ankako.]\\nYezya kujula mweenya wakukambawuka kwiinda mukwaambuula nzusyoma kazizwa aansi aamoyo kuchitila kuti muntu ayande kuziba zyiingi. Jesu wakaambuula munzila yakapa kuti mwanakazi muSamariya abuzye mibuzyo. Chiindi naakatalika kumukambawukila wakali kusandula mibuzyo yakwe. [Amweebele kavidiyo kachibili mpawo mwaambuuzyanie atala ankako, kuzwa waawo mweebele kavidiyo kachitatu mpawo mwaambuuzyanie atala ankako.]\\nKwaambuuzyania kuli mbuuli kuwaalilana bbola. Kuti zinoneezye ziyanda bantu babili bali aachiyandisyo chakusaana. Nkinkaako kuti kwajulika mweenya wakwaambuuzyania awumwi muntu, ulakonzya kusaanguna kubuzya chimwi chintu mpawo umvwe kuti nzila njasandulaayo itondeezya kuti ulayanda na kuti mwaambuule zyiingi.","num_words":616,"character_repetition_ratio":0.048,"word_repetition_ratio":0.0,"special_characters_ratio":0.148,"stopwords_ratio":0.0,"flagged_words_ratio":0.0,"lang_id_score":0.985,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Milimo 6 | Bbaibbele Lili a Intaneti | Bbaibbele lya Busanduluzi Bwanyika Mpya\\n6 Lino mumazuba aayo, basikwiiya nobakali kuyaabuvwula, iba Juda baambaula Chigiliki bakatalika kutongooka ba Juda ibaambaula Chihebulayo nkaambo bamukabafwu bankobazwa tiibakali kupegwa zyakulya zyakali kwaabilwa abuzuba. 2 Aboobo bali kkumi ababili bakaita nkamu yabasikwiiya antoomwe akubaambila kuti: “Tacili cibotu pe kuti swebo tuleke kuyiisya Jwi lya Leza akutalika kwaabila bantu zyakulya. 3 Aboobo, nobakwesu amuyandaule baalumi bali ciloba akati kanu ibali ampuwo mbotu, ibazwide muuya abusongo, ikutegwa tubasale kulanganya mulimo ooyu uuyandika; 4 pele swebo tulazumanana kubikkila buyo maano kumipailo akumulimo wakuyiisya jwi lya Leza.” 5 Lino majwi ngobakaamba akababotela boonse munkamu, aboobo bakasala Sitefano, mwaalumi uuzwide lusyomo amuuya uusalala, Filipo, Pulokolo, Nikanola, Timoni, Pamena alimwi a Nikolayi mu Juda musandule waku Antiyokeya. 6 Bakabaleta kubatumwa, eelyo nobakamana kupaila, batumwa bakabaampa. 7 Aboobo ijwi lya Leza lyakazumanana kuyaambele, eelyo mweelwe wabasikwiiya wakali kuyaabukomena kapati mu Jelusalemu alimwi nkamu mpati yabapaizi abalo bakatalika kusyoma. 8 Lino Sitefano kazwide luzyalo lwa Leza anguzu, wakali kucita zyintu zigambya zipati azitondezyo akati kabantu. 9 Pele bantu bamwi bankamu ya Cikombelo ca Bantu Baangulukide bakaboola antoomwe abantu bamwi baku Kulene, ku Alekizandiliya alimwi abaabo bazwa ku Kilikiya aku Asiya kuti bamukazye Sitefano. 10 Nokuba boobo kunyina nobakakonzya kuzunda busongo amuuya nzyaakali kubelesya kwaambaula. 11 Mpoonya cakusisikizya bakoongelezya bantu bamwi kuti baambe kuti: “Twakamumvwa kaamba majwi aakusampaula Musa alimwi a Leza.” 12 Alimwi bakanyonganya bantu, bapati, alimwi abalembi, eelyo mpoonya aawo bakamujata akumukwelenkanya kumutola ku Nkuta Mpati Yaba Juda. 13 Mpoonya bakaleta bakamboni bakubeja ibakaamba kuti: “Imwaalumi ooyu taleki kwaamba majwi aakusampaula busena oobu busalala alimwi a Mulawo. 14 Mucikozyanyo, twakamumvwa kaamba kuti ooyu Jesu muna Nazaleta uyoonyonyoona busena oobu akucinca zilengwa nzyaakatupa Musa.” 15 Lino boonse aabo bakakkede mu Nkuta Mpati Yaba Juda nobakali kumulangisisya, bakabona kuti busyu bwakwe bwakali mbuli busyu bwamungelo.","num_words":283,"character_repetition_ratio":0.045,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Balumi Bangu Tiibakali Kuyanda Kuleka Kubala! | Ba Marina Kopaliani\\nBa Marina Kopaliani\\nBUUMI BWABO MUBUFWAAFWI Ba Marina abalumi babo ba Badri, bakaba basikumwaya basungu kumwi kabakomezya bana babo basankwa bobilo. Mukuya kwaciindi, ba Badri bakabeleka mu Kkomiti Yamucisi alimwi bakazumanana kusyomeka kusikila nobakafwa mu 2010.\\nMU 1989, mebo abalumi bangu twakaswaangana a Bakamboni aŋanda ya simukoboma. Mukwesu Givi Barnadze, iwakali kuyiisya simukoboma Bbaibbele, tanaakajisi Bbaibbele lyakwe limugeme nkaambo cakali kukatazya kujana ma Bbaibbele mucisi ca Georgia aciindi eeco.\\nTwakazikkomanina kapati nzyotwakamvwa aboobo twakayanda kuba a Bbaibbele lyesu. Ciindi balumi bangu nobakaswaangana abapati babo, bakabaambila kuti bayandaula Bbaibbele. Icakabagambya ncakuti, bapati babo bakaingula kuti caino-ino bakaula Bbaibbele lipya lyamumwaambo waci Georgian mpoonya akuti balabapa kacili cipego.\\nBa Badri nobakasika kuŋanda, bakakkala akatebulu akutalika kulibala Bbaibbele mane kwasiya. Buzuba bwakatobela, bakabuka akuzumanana kubala. Ciindi nondakapiluka kuŋanda kuzwa kumulimo, ndakabajana balikkede akatebulu kabacibala Magwalo. Tiibakali kuyanda kuleka kubala! Aboobo ndakabapa muzeezo wakuti balyookezye kumulimo kwamazuba masyoonto kutegwa bamanizye kulibala Bbaibbele. Tiilyakalampa bakalimana kulibala Bbaibbele lyoonse.\\nMukuya kwaciindi notwakatalika kwiiya bbuku lyakuti The Truth That Leads to Eternal Life a Mukwesu Barnadze, twakalikkomene kuba a Bbaibbele lyesu litugeme. Lyakagwasya kapati nkaambo tiitwakajisi bbuku litugeme lya Truth mpoonya abalo bayi besu tiibakajisi Bbaibbele! Nokwakainda mwaka omwe, mebo aba Badri twakabbapatizyigwa.","num_words":198,"character_repetition_ratio":0.069,"word_repetition_ratio":0.0,"special_characters_ratio":0.146,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kujana Lufutuko Mukati Ka Nyika Ya Ma Penzi — Ellen G. White Writings\\nKujana Lufutuko Mukati Ka Nyika Ya Ma Penzi\\nBanji banji, kapati aabo ba cili bapya mu buumi bwa bu Klistu, ziindi zinji zinji balijisi muzeezo wa kudonaika kuti kunyina Leza. Nkozili zintu zinji zinji mu Bbaibbele nzyoba takonzyi kusandulula, alimwi a nzyoba takonzyi kuteelela, Satani ula bika mizeezo eeyi mu lusyomo lwabo kuba zungaanya mu mangwalo mbuli kuti nkuzubulula kuzwa kuli Leza. Balabuzya “Sena inga nja kuyiziba buti nzila iluleme? Kuti Bbabbele kalili ndi jwi lya Leza ncobeni, Sena inga ndaa nguluka buti kuzwa ku kudonaika a ku mapenzi. KLMNP 65.1\\nLeza tatubuzyi kuti tushome, ka kunyina a kutupa icihibyo cipati eeco cakuyumya lusyomo lwesu. Kupona kwakwe, ciimo cakwe, kusinizya kwa jwi lyakwe, zyoonse zili bikidwe a ku lumbaizya kuli bonya mukuyeeya kwesu, ooku kulumbaizya nkupati kapati. Pesi nokuba boobo Leza taaka zizwisya nguzu zya kudonaika. Lusyomo lwesu luleelede kuti lukale a kasimpe, kutali kulitondeezya buyo. Aabo bayanda kudonaika baya kujana ciindi, abalo aabo bayanda kuzyiba kasimpe, baya kujana zintu zinji zinji zya kubika lusyomo lwabo. KLMNP 65.2\\nNkuyumu ku mizeezo itasetekene kuteelela kapati a ciimo naiba milimo ya yooyo Usetekene. Ku muzeezo ucenjede uyandaula, muzeezo uyiide abusongo kapati, cilihihilwe kuti zintu zisetekene maseseke. “Sena tamukonzyi ku mu jana Leza kuti mwamuyandaula? Sena tamukonzyi kumujana walo Singuzu mulondoke? Nkulaale kuli mbuli kujulu kulampa, sena inga mwacita buti? Kulamfu kuyaansi mbuli bulamfu bwa gehena; inga mwazyiba anzi?” Jobu 11:7, 8. KLMNP 65.3\\nMupositoli Paulu wamba kuti, “O bulamfu bwa lubono lwa busongo a luzyibo lwa Leza! Nkuyumu buti kujana kubeteka kwakwe, a kujana nzila zyakwe zyakainda!” Ba Roma 11:33. Pesi nakuba kuti “makumbi a musinze zya muzinguluka,” “bululami a kubeteka nga matalikilo a cuuno cakwe.” Intembauzyo 97:2. Tula konzya kuteelela kulela kwakwe kuli ndiswe, a nguzu zimupa kuti atumvwisisye akutubelekela, kuti tuteelele luyando a luse lwakwe lutamani ku nguzu zitamani. Tulakonzya ku teelela muzeezo wakwe kuti tuzyibe bubotu bwakwe kuli ndiswe; kwiinda kooku tuleelede kuti tusyome janza lyakwe lilaa nguzu, a moyo uzwide luyando. KLMNP 65.4\\nIjwi lya Leza, mbuli ciimo ca Mulembi walyo cisetekene, ku tondeezya maseseke ata konzyeki kumvwika ku bantu batasetekene. Ku njila kwa cinyonyoono munyika, a ciimo ca muntu Klistu nca katola, a kulengululwa, a bubuke. a ziiyo zinji zinji zikananwa mu Bbaibbele maseseke atamvwiki ku muzeezo wa muntu, takonzyi a kuziteelela. Pesi tatweelede kudonaika ijwi lya Leza a kaambo kakuti tatukonzyi kuteelela maseseke a bulelo bwakwe. Muzintu zya munyika zyoonse zyakalengwa lyoonse tuli zingulukidwe a maseseke ngotutakonzyi kuteelela. Zintu zisyoonto zipona zyakalengwa zitondeezya muzeezo mupat i bantu ba syaabusongo bamuny ika ngobatakonzyi kuteelela nokuba kupandululula. Koonse koonse nkozili zintu zikankamanisya zituzingulukide nzyo tuta konzyi kuteelela. Sena tuleelede ku kankamana kuti mbo twajana maseseke ngotu takonzyi kuteelela? Kuyuma kuli mubuteteete a kuceya kwa muzeezo wa muntu. Leza wakatupa mu mangwalo zitondeezyo zizulide kutu tondeezya ziimo zya zintu zyoonse, eelyo tatweelede kudonaika a Jwi a kaambo ka kuti tatukonzyi kwateelela oonse maseseke a bulelo bwakwe. KLMNP 65.5\\nMupositoli Pita wamba kuti mu Mangwalo nkozili “zintu ziyumu kuteelela, aabo batayide batali bayumu balazwa kuzwa ku kasimpe—baya mucilijazyo.” 2 Pita 3:16. Kutateelelwa kwa Bbaibbele kwanka kukazigwa a bantu batakondwi kuti kunyina Leza kabakazya Bbaibbele; pesi kunze kwa kooku, babika citondeezyo ciyumu ca kusetekana kwa Moza walyo. Kuti nilya tali ku kanana a Leza, kali kanana buyo zintu nzyotukonzya ku teelela; eelyo bupati a kusumpuka kwakwe nikwali kunga kwa teelelwa a mizeezo ifwa, eelyo Bbaibbele nilya takaba a zintu ziyumu kuteelela zya nguzu zya kwe zisetekene. Bupati bwakwe a maseseke a makani ali mukati, aleelede kuti abike lusyomo mu Bbaibbele kuti ndi Jwi lya Leza. KLMNP 66.1\\nBbaibbele lila vungululula kasimpe akukatondeezya munzilangubauba alimwi akupa bupanduluzi buyanda moyo wamuntu ulilila kusalala, eecho ci kankamanisya akuletela kuyeyeesya kumizeezo yabaabo bayiide, alimwi ligwasyamizeezo itayide kubonainzilayalufutuko. Pelekumasimpeoonse aaya maubauba kulede ziiyo zisumpukide, zitasikwi, zitamani ooko nguzu zya muntu nko zitakonzyi kumvwa, tukonzya buyo kuzitambula nkaambo Leza wakazipa kuli ndiswe. Aboobo muzeezo wa kunununwa uli jalukide kuli ndiswe, kuti muntu oonse abone malyatilo nga titole mu kusanduka kuya kuli Leza, a lusyomo muli Jesu Klistu Mwami, wesu, kuti tufutulwe munzila ya Leza yaka salwa; pesi kunsi a masimpe oonse aaya,akonzyeka kuteelelwa, nkwaali maseseke a koma muzeezo, pesi acita muyandauli wa kasimpe kuba a kulemeka a lusyomo. Nayandaula bunene kasimpe mu Bbaibbele, a kukondwa kuya bukomena a kwaamba kuti Baibele ndi Jwi lya Leza upona, bantu boonse balavuntama kumbele a bulemu bwa kuzubulula Uusetekene. KLMNP 66.2\\nIkuzumina kuti tatukonzyi kuteelela tusimpe twa Bbaibbele tuleelede kuzumina buyo kuti mizeezo isimpa taikonzyi kuteelela muzeezo utasimpi usumpukide; kuti muntu a luzyibo lwakwe lushoonto, takonzyi kuteelela muzeezo wayooyo Uzyi zyoonse. KLMNP 67.1\\nNkaambo ka kuti tabakonzyi kuteelela maseseke oonse aaba bata kondwi kuti kuli Leza alimwi ba nyina lusyomo bala likaka Ijwi lya Leza; tabali boonse bakondwa Bbaibbele baangulukide kuzwa ku muzeezo nguwena ooyu. Mupositoli uwamba kuti, “Amucenjele, nobakwesu, kuti kutabi moyo mubyaabi muli ndinywe wa kuta kondwa, kuti umwandaanye kuzwa kuli Leza upona.” Ba Hebulayo 3:12. Ncibotu kapati kwiiya ziiyo zya Bbaibbele, a kwiiya zintu zya Leza zisumpukide.” Mbuli mbo zizubululwa mu Mangwalo. Ba 1 Kolinto 2:10. Zintu “zisisidwe nzya Mwami Leza wesu,” “zintu zitasisidwe nzizyesu.” Ditolonomi 29:29. Pesu mulimo wa Satani kusandula muzeezo uyandaula luhibo. Kuli sumpula kumwi kulavwelanisigwa amakani a kasimpe kamu Bbaibbele, icakuti bantu balimvwa kutakalikana aku komwa kuti ka bata konzyi kusandulula tubazu toonse twa mu Mangwalo mu kuyanda kwabo. Nkuli tolaansi kupati bunene kuli mbabo naakuti bazumina a kwaamba kuti taba konzyi kwaatelela majwi Amoza. Tabazumini kulindila kuti Leza limwi a bone kuti Kaleelede kuzubulula kasimpe kuli mbabo. Bayeeya kuti busongo bwabo kakunyina kugwasyigwa Amoza inga bula bagwasya kuteelela Mangwalo, ikuti baalilwa kukuteelela, kufwambaana balazikaka nguzu zya Mangwalo. Kuli kasimpe kuti kwiyisya amalayilile amwi aayo ahihilwe ayo aambwa kuti akagwisigwa mu Bbaibbele taajisi matalikilo mukuyisya kwawo, alimwi ncabwini kuti alakazyana akuyanda kwa Moza. Zintu zyoonse eezi ziletela kudonaika a mapenzi ku mizeezo ya banji banji. A boobo tabali teeleli Ijwi lya Leza, nkaambo muntu wakaa nyonganya majwi mumizeezo yakwe. KLMNP 67.2\\nNaa kuti nikwali ku konzyeka kuti ibantu kabasika aciimo cakumumvwisisisya Leza amilimo yakwe yoonse, eelyo akusika a ciimo eeci nikwa nyina kumbi kwiiya kwa kasimpe kuya kumbele, nikwa nyina ku komena mu luzyibo, nikwa nyina ku komena kwa muzeezo nauba moyo kuya kumpela. Leza natali Leza usumpukide; eelyo bantu, mukujana luzyibo lumaninide noba tali kuya kumbele. A tumulumbe Leza nkaambo tana kacicita kuti cibe boobu. Leza tasimpi, muli nguwe “mo muli lubono lwa busongo a luzyibo.” Ba Kolose 2:3. Kuya kuba kutamani a kutamani bantu kabayandaula a kwiiya, pesi tabaka bujani busongo boonse bwa lubono lwakwe, a bubotu bwakwe, anguzu zyakwe. KLMNP 67.3\\nLeza ula yanda kuti a mu buumi oobu mbotupona kuti kasimpe kamajwi aakwe kaka hunguluka ku bantu bakwe. Kuli nzila yomwe buyo ya kujana luzyibo. Tula konzya kuteelela Ijwi lya Leza kwiinda mukuyiisya kwa Moza wakapa Ijwi lya Leza. “Kunyina muntu uzizyi zintu zya Leza, ulike Moza wa Leza;” “nkaambo Moza ula ziya ndaula zintu zyoonse, inhya. zintu zya Leza nzipati.” Ba 1 Kolinto 2:10, 11. Cisyomyo ca Mufutuli kuba cilili bakwe cakali cakuti, “Walo ooyo, Moza wa kasimpe, waboola. uya kumusololela mu kasimpe koonse. Nkaambo uya kutambula kuzwa kuli ndime, eelyo uya kuzitondeezya kuli ndinywe.” Johani 16:13, 14. Leza ulayanda kuti muntu asebenzye nguzu zyakwe zya kuyeeya, a kwiiya Bbaibbele kuya kuba yumya kusumpula muzeezo nkaambo kunyina limbi bbuku linga lya kucita. Pesi tuleelede kuti tucenjele a muzeezo wa kuli sumpula, eeco nciiyo kubuteteete a kubula nguzu kwa muntu. KLMNP 67.4\\nKuti notwa tali kuzibinganya Mangwalo manji manji mukuteelela kwesu, icakuti majwi maubauba aakasimpe twaalilwa kwaateelela, notwalijisi lusyomo lubauba mbuli lwa mwana, notwalilibambilide kwiiya, a kulomba ku gwasyigwa kwa Moza Usetekene. Muzeezo wa nguzu a busongo bwa Leza, a kubula nguzu kwesu kuti tuteelele bupati bwakwe kuleelede kuti kutupe kulyeeta aansi, tulelede kuti twiiye Ijwi lyakwe, kuti tunjile mu bulelo bwakwe a kuyoowa kusetekene. Twali bala Baibele kuyeeya kuleelede kulitole aansi ku nguzu zisumpukide kuli nkuko, moyo a muzeezo ileelede ivuntame kuli Leza mupati. KLMNP 68.1\\nNkozili zintu ziyumu, Leza uya kuzyubyaubya a zisalazye kuli baabo bayandaula kuti baziteelele. Pesi kunze a kutasololelwa a Moza Usetekene, lyoonse tatukateeleli Mangwalo. Nkokuli kubala kunji junji, kwa Baibele kutagwasyi, ziindi zinji zinji ncili jazyo buyo. Ijwi lya Leza noli jalulwa ka kunyina a kulemeka alimwi a kupaila, mizeezo a luyando taluli ali Leza, nakuba kuti taluswaangene a luyando lwakwe, muzeezo ulizwide kudonaika, mukwiiya kwa Baibele koonse, kuli ku kondwa kwa kuti kunyina Leza. Mubyaabi ula ijata mizeezo, a kubika kulai lila kutali kasimpe. Bantu noba talibali ijwi lya Leza alimwi a kuyandaula kuti baswaangane a Leza, nokuba kuti bayiide buti, bala konzya kulubizya muku teelela kwabo kwa Mangwalo, takuli kubotu kuti basyome kupandulula kwabo. Aabo babala Mangwalo kuti bajane kulubizya, tabajisi kubona kwa moza. A cibonisyo citaluleme baya ku bona zintu zileta kudonaika a kutakondwa kunji kunji mu zintu zyubauba zisalala. KLMNP 68.2\\nNokuba kuti baasulaika masimpe, cintu cini cini cileta kudonaika a kutashoma, mu nzila zinji zinji, nduyando lwa cinyonyoono. Kuyisya a kukasya kwa Jwi lya Leza takutambulwi ku muntu ulisumpula, a ku moyo uyanda cinyonyoono, aabo batayandi kuteelela kulailila ba zumbauzya bulemu amanguzu a majwi. Kuti katuyanda kuti tusike mu kasimpe, tuleelede kuti tube a luyando lupati lwa kuzyiba kasimpe, a kuzumina kwa moyo ku kateelela kasimpe. Boonse banjila munzila eeyi mu kwiiya Bbaibbele, baya kujana lusyomo lupati kuti ndijwi lya Leza, baya kujana kuteelela kwa kasimpe kwa jwi a kasimpe kaya kubacita kuti basongwaale kuya kulufutuko. KLMNP 68.3\\nKlistu wakaati, “Naakuti muntu oonse uzumina kucita luyando lwawo, uya ku kuzyiba kwiyisya.” Johani 7:17. Mucilawo ca kubuzya a ku kasya zeezyo nzyo mutateeleli, a mucenjele ku mumuni ooyu ngo mujisi usalazya muli ndinywe, muya kutambula kusalalakupati kwiinda. A luse lwa Klistu, a musebenze milimo yoonse eeyo ya kasala zigwa kuli ndinywe, eelyo muya kucitwa kuti muteelele a kucita yeeyo njo mudonaika. KLMNP 69.1\\nKuli citondeezyo cili bonya kuli boonse, kuli baabo bayiide bunene, a kuli baabo batayiide bunene, nkocili citondeezyo ca luhibo. Leza ula tutamba kuti tuhibe tobeni a kusinizya kwa Jwi lyakwe, a kasimpe ka zisyomyo zyakwe. Ula twaambila kuti “amusole alimwi mubone kuti Leza mubotu.” Intembauzyo 34:8. Mucilawo ca kusyoma ijwi lyaumwi tuleelede kuti tusole lwesu. Walo wamba kuti, “A mulombe, muya ku citambula.” Johani 16:24. Zisyomyo zyakwe ziya kuzuzyika. Takwe ciindi ncozya takacitika; alimwi tazikaalilwi. Motuyabuswenena munsi kuli Jesu, a ku komana mu luyando lwakwe, ku donaika a musinze wesu uya ku mana mu kusalala kwa busyu bwakwe. KLMNP 69.2\\nMupositoli Paulu uwamba kuti Leza “waka twaangulula kuzwa mu nguzu zya musinze, waka tubika mu bulelo bwa Mwanaakwe.” Ba Kolose 1:13. Oonse wa kainda ku zwa kulufu kuya ku buumi “ula konzya kuba kucaando cakwe kwaamba kuti Leza uli kasimpe.” Johani 3:33. Ula konzya kupa bumboni, “Nda kali kuyanda ku gwasyigwa, Ndaka kujana muli Jesu. Kuyada koonse kwaka pegwa, kufwa nzala kwa buumi bwangu kwaka kutausigwa, lino Bbaibbele kuli ndime ncizubuluzyo ca Jesu Klistu. Sena mulabuzya kuti nkaambo nzi nce nko ndelwa muli Jesu? Nkaambo Mufutuli Usetekene kuli ndime. Nkaambo nzi nce nkondwa Bbaibbele? Nkaambo ndajana kuti ndijwi lya Leza ku buumi bwangu.” Inga twaba bakamboni lwesu tobeni kwaamba kuti, Baibele lili kasimpe, a kuti Klistu Mwana a Leza. Tulizyi kuti tatucilili a kucenjela a kuyeeya makani a tali kasimpe. KLMNP 69.3\\nPita ula baambila banyina kuti ba “komene mu luse a luzyibo lwa Jesu Klistu Mufutuli.” 2 Pita 3:18. Bantu ba Leza noba komena mu luse, lyoonse baya kujana kuteelela kusalala kwa Jwi lyakwe. Baya kujana kusalala kupya a bubotu bwa tusimpe twakwe tusesekedwe. Ooku kwa kali kasimpe munkamu ku misela yakainda, kuya kuba mbubo kuya kusikila kumamanino. “Nzila ya baluleme ili mbuli kusalala kwaku bucedo, kuya kungwengwemuka mane kusikila bwaca.” Tusimpi 4:18. KLMNP 69.4\\nA lusyomo tula konzya kulangila cimwi cintu a kujata cisyomyo ca Leza ca kukomezya muzeezo, nguzu zya muntu ziswaangane a nguzu zisetekene. alimwi nguzu zya muntu omwe omwe ziletwe mu kuswaangana kululeme a Mwiinzo wa kusalala. Tuleelede kuti tukomane nkaambo zyoonse zya tuzundide ziya kusandululwa; oomo mizeezo yesu isimpa moya kali kujana mapenzi a kuta lulama, tuya kubona kuswaangaga kulondokede kubotu. “Lino tula langa mu cimbonembone cisiya, pesi busyu a busyu Nja kuzyiba, mbubona mbuli mbwezyizyilwe.” Ba 1 Kolinto 13:12. KLMNP 70.1","num_words":1966,"character_repetition_ratio":0.052,"word_repetition_ratio":0.0,"special_characters_ratio":0.185,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Zikombelo Zyeendelezyegwa aMfulumende: Mulazyo wa Lweeno 501C3 Print\\nZikombelo Zyeendelezyegwa aMfulumende: Mulazyo wa Lweeno 501C3\\nEezyo zikombelo ambungano zyabupaizi zizumizya nguzu zyamfulumende kutegwa zitanoobbadeli mitelo, akuzumizyigwa kubunganya bantu, azimwi zintu, nkokuti eezyo zikombelo zileendelezyegwa amfulumende yacisi. Zitalika kuba zibelesyo zya mfulumende, akukutauka milimo amakanze aabaleli bacisi akumwayikizya mizeezo yamapolitikisi akataa bantu. Basicikombelo lwabo balayandisya kuti cikombelo cabo cilanganyigwe amfulumende kutegwa eelyo nobapa kwakkumi azituuzyo, cikombelo citanoobbadeli mutelo wa mali aayobololwa kuzwa kubantu mucikombelo.\\nMulazyo wa 501(c)(3) ngwakulesya mbungano zyabupaizi nokuba zyalugwasyo mucisi ca Amelika kuti zizandulwe akuleka kubbadela mitelo. Nokuba kuti eeci cibalo caambilizya mulazyo wini ooyu, pele kucenjezya nkotupa nkwakuti ooyu mulazyo utaalukila kuzisi zyoonse. Kufumbwa mbungano iilanganyigwa amfulumende yacisi, eeyo mbungano italika kweendelezyegwa amfulumende. Mpoonya aawo italika kuba cibelesyo ca mfulumende alimwi yeelede kutobela mulawo wacisi nanka kuleka kulanganyigwa kuba cikombelo.\\nMumwezi wa Kasanga lubwi, 2007, batola milumbe ku KSLA News 12 mu dolopo lya Shreveport, Louisiana, bakaambilizya nzila mpya yaankamika eeyo mfulumende yaku Amelika njiibelesya kunyonganya Milawo yacisi. Kwakaambilizyigwa kuti mfulumende yakatalika kuyiisya beembezi bazikombelo kuti basungilizye buleya kweendelezyegwa amfulumende, kumwi kabaambila bantu kuti: ba “KSLA News 12 bakabbukizya kuti [muziindi nokuvwunduka nkondo mucisi], bapaizi beelede kugwasyilizya mfulumende kulwana sinkondonyina mupati wamfulumende: ooyo sinkondonyina wa mfulumende, ndiswe tobantu bacisi.”1\\nCisi ca Amelika cakayakwa kuti cibe cisi citakwe mwami akusyomezya lwaanguluko lwakubaa cikombelo kakwiina poopo. Cintu cakatobela waawo ca “kwaandaanya cikombelo a mfulumende” wakali mulazyo weendelezya milawo yacisi abuleli mu Amelika. Ncintu cilaantenda kapati kuti mfulumende yakombelezya basololi bazikombelo mukukakatila buyo kweendelezya bantu bacisi. Ciyubunuzyo 13 cilembedwe kucenjelela nguzu zyamfulumende iitundulula buleya eeyo iiyoosungilizya makanze aanjiyo atalaa nyika yoonse:\\nAlimwi walo wakalaa nguzu zyakuti abikke buumi mu cibumbwa camunyama , kuti eeco cibumbwa caambaule akusinganya kufumbwa muntu uutakombi cibumbwa camunyama kuti ajayigwe.\\nAlimwi ulasinikizya boonse, basyoonto abapati, bavwubi abacete, baangulukide abaangidwe, kuti batambule caando mujanza lyabo lyalulyo, nokuba munkumo zyabo:\\nAlimwi kuti kutabi muntu wuula nokuba kusambala, pele buyo ooyo ulaa caando, nokuba zina lya munyama, nanka mweelwe wamunyama (Ciyubunuzyo 13:15-17)\\nNcintu cilaa kaambo kapati kuti cisi ca Amelika ciluujisi kale cino ciindi kulibambila kubelesya bapaizi bazikombelo kuti banyonaune buleya. Musilisi Durell Tuberville ngomweembezi mudolopo lya Shreveport ulaa Mulimo wa Kuzima Mulilo mu Office lya Musilikani waku Caddo. Eelyo walo naakabuzyigwa kuti ino bapaizi bazikombelo zyaandeene inga babelekela antoomwe amfulumende muciindi ca manyongwe, Tuberville wakati: \"Mulimo mutaanzi swebo ngotwaambila muntu uuli woonse ngwakuti, 'atumvwane, atweendelane alimwi tusumpye cintu eeci, mpoonya tuyoobonana aakale akusinsana zintu nzyotwiimpene eelyo aanikwiindide manyongwe.'\"2 Ooku kulamatila kubaa lukamantano akataa zikombelo akupangana cilongwe amfulumende, nje ntenda kucikombelo comwe-comwe eeyo iiciletela lusyomo lwiimpene a milawo yalwaanguluko akuleta busofwaazi buli mu mapolitikisi.\\nBantu bazyibide kulangila basololi babo kuti babeendelezye. Eeco ncintu cisyangidwe mumbungano zyabupaizi amwalo kuti kabasyoma mu mweembezi, mupaizi nanka mwiyi wabo. Zikombelo lyoonse zibikkide mpindu mpati mulusyomo lwazyo lwiimpanya cikombelo cabo akataa zikombelo zimwi. Aaka nkakaambo keni ncokuli zyuulu atalaa zyuulu zyazikombelo zizulilwa ku BunaKristu. Pele eelyo basololi bazikombelo nobatalika kusumpaula makanze aamfulumende, kufumbwa cintu ciimpene akataa zikombelo, cilaindwa kumbali akwiile kugantaganta kwaamba. Lukamantano akumvwana cilongwe, nokuba kuti badyaamininwa kasimpe ansi, ncecintu cipati cili kumbele kwiinda kwiimpana mubupaizi.\\nIzwanga lini basololi bazikombelo ndyobaambilwa kuti baambilizye kumbungano zyabo, liyeeme mukupelengusya kampango ka Baloma 13: “Nyoonse amulibatamike kumfulumende zyabulelo, nkaambo kunyina nguzu pele buyo eezyo Leza nzyaakasimpa. Imfulumende ziliko zyakabikkwa aa Leza.” (BaLoma 13:1, New International Version)3 Kweendelanya aba Dave Hodges ba mubandi wa (Common Sense Show), “kweezyeezya beembezi bazikombelo bali 28,000 bakapegwa mulimo aba FEMA\/DHS, kuti babe Bagwasyi ba Nkamu ya Bapaizi, alimwi. . . mulimo wabo mutaanzi ngubaatumwa, ngwakwaambila bantu bambungano zyabo kuti bateelele ba DHS [Mulimo wa Bukwabilizi bwa Cisi] kweendelanya a BaLoma 13.”4 Ooku nkulubizya akucenga kusandulula BaLoma 13 kutegwa baumuzye beembezi kuti baleke kuzwanganina zintu zilaa mulimo mulusyomo akubasungilizya kuti nkaambo Taata Yahuwah nguwaasala mfulumende, aboobo zintu zyoonse zyaambwa akucitwa mumfulumende, zyeelede kuteelelwa.\\nEezyo zikombelo zyakaandeene mucisi ca Amelika lino zyakapangana cilongwe akusangana amfulumende. Lino zilakonzya kusungilizyigwa kutola milumbe ya mfulumende iisinikizya buleya – nokuba kuti eeyo milumbe kiisampaula ciimo alusyomo lwa cikombelo cabo. Mu Kavwumbi Kaniini, 2014, munzi wa Houston, Texas wakapegwa malailile aakwaanga beembezi bazikombelo bosanwe aabo bakali kusungilizya zikombelo zyabo kuzangila mfulumende akulwana cibeela camfulumende ca Mulazyo wa (Houston Equal Rights). Ooyu mulawo wakapa bukwabilizi bwa mfulumende kuli baabo balimbana kumatako, aabo bacitana cisaaza abasankwa abasimbi mbweenya buyo, abaabo bakasandulwa zinswe kuleka mbubaazyalidwe. Aayo malailile aankuta akali kujatikizya zinjaanji. Akali kwaambilizya kusanganya milumbe iikambaukwa, misalo, azintu zilembedwe (kusanganya amilumbe iituminanwa muluwaile) iijatikizya mulawo ooyo, azyeezyo zikazya mulawo wamfulumende, busofwaazi bwaku kucita cisaaza kumatako, amakani aabusankwa abusimbi alimwi amweendelezi wadolopo, Annise Parker. Aaya malailile akali kusanganya kutali buyo zintu zyaambilizyigwa abeendelezi bazikombelo, pele kusanganya kufumbwa eeco ncobabambulula akuzumizya nanka cili mumaanza aabo.5\\nUutola milumbe ku Fox News, Todd Starnes, wakabona kuti “kuli nkondo iiyanda kuvwundumuka atalaa lwaanguluko lwabupaizi mudolopo lya Houston, Texas.”6 Mumulumbe ngweenya ooyo, Starnes wakazubulula kamwi kaambo nkaakatumina mweendelezi wadolopo Parker mu Twitter oomo mwaakaambilizya kuti, ikuti basololi bazikombelo kabakambauka mapolitikisi, idolopo lilaa lwaanguluko kubabuzya kufumbwa ncobakambauka.\\nMbuli mbocimvwika kuyoosya cintu eeci, Mweendelezi Parker wakaliluleme kuti aaba basololi babelekela zikombelo zyakalilembya mumulazyo wa 501(c)(3), eeco ncintu cini bunji bwazikombelo mbozibede sunu mucisi ca Amelika. Ooyo mulazyo wakaindi wakalaa mpuwo ya “kwaandaanya cikombelo amfulumende” wakamwaigwa. Lwaanguluko lwa bupaizi lwakadilimunwa atalaa cintu comwe buyo: mali.\\nMfulumende ya Bumpelenge\\nMali ne nguzu. Yahushua wakalaazyi kabotu makani aaya eelyo Walo naakati: “Kunyina muntu uunga wabelekela basimalelo bobile: nkaambo inga wacimwa umwi, akuyandisya umwi, nanka kuyaamina kuli yooyu, akusulaika yuulya. Webo tokonzyi kukutaukila [Yahuwah] abuvwubi ” (Mateyo 6:24, 1599 Geneva Bible)\\nZikombelo zyakaungulwa akwiindwa kunsaa maanu akucengelelwa kuti zilitolaansi akulibatamika kuti zyeendelezyegwe amfulumende. Mu 1954, umwi simfulumende Lyndon B. Johnson wakasomba zikombelo kuleka kubbadela mitelo kuti “zimucitile cibotu” alakwe. Coonse ncizyakeelede kucita ncakulilembya mucipepa ca mfulumende ca 501(c)(3), akwaambilizya kuti mbungano zyabo lino zyeelede kulanganyigwa kuti nzikombelo zizumizyidwe amulawo wacisi.\\nEeco cintu cakali mbuli bbiza lya Trojan. Kwiinda mumulawo ooyo, kunyina pe zikombelo anozyeelede kubbadela mitelo! Cibeela ca Mitelo mu Mfulumende (IRS) ngo simitelo uuyobolola mitelo ya mfulumende yacisi ca Amelika. Umwi uubeleka mucibeela eeci, Peter Kershaw wakalemba kuti:\\nIme nsyeli buyo mubelesi wa IRS ooyo wakagambidwe kuti nkaambo nzi zikombelo ncozyuunka kumfulumende kuyoozumizyigwa kuleka kubbadela mitelo kakuli kutaanguna kunyina cikwelete ncobajisi kumfulumende pe, alimwi balangila kulesyegwa kubbadela mitelo kakuli bakalaanguludwe kale kuleka kubbadela mitelo eeyo. Bunji bwesu lino twakanyandwa kuti nkaambo nzi basololi bazikombelo ncobayanda kweendelezyegwa akunyonaunwa acibeela camfulumende eeco kakuli bunji bwabantu baku Amelika ncobapailila kuti cizwe akataa maumi aabo. Zikombelo zili ambaakani yiimpene kapati, pele balo tabazyi nokuba kukkomanina zintu eezyo zyaambilizya lwaanguluko lwakuteendelezyegwa aamfulumende.7\\nKulesyegwa kubbadela mitelo ngo sibwaamu umwi wakacengelezya zikombelo zyaanyika kuti zilekele mfulumende kweendelezya nzyobaambilizya akubalesya kwaambilizya kasimpe. Kutegwa zikombelo kazicilanganyigwa kweendelana amilawo yacisi, zikombelo tazyeelede kwaambilizya zintu zisampaula mfulumende nokuba ziteendelani amilawo yacisi. Kuti zyacita boobo, ciimo cazyo mumulawo 501(c)(3) inga camwaigwa, nkabela basicikombelo tabaceelede kupa kwakkumi azituuzyo kuzwa mumali aabo kucikombelo cabo. Eeci inga caambilizya kuti aceye mali aapegwa kugwasyilizya milimo yacikombelo. Imbungano zyabupaizi eezyo zitobela cizuminano eeci, nokuba zizuminano zimwi, mbuli bucitwa ku Amelika, basaina cizuminano camulawo wa 501(c)(3), aboobo balisalila kweendelezyegwa amfulumende cakuliyandila lwabo beni. Kuzuminizya kuti babalwe akataa zikombelo zizuminwa amfulumende, naa kutambula mulazyo wa 501(c)(3), nkuzumina kuti mfulumende ibe njiibasolweda akubasalila kufumbwa ncobeelede kukambauka ancobeelede kuzimaanya.\\nIzikombelo zitazumini kumvwana amulawo wamfulumende wa 501(c)(3) tazilanganyigwi kuti zicili zikombelo pe. Kulesyegwa kubbadela mitelo, ncintu ciyandika kubasololi bazikombelo nkaambo kuti kakwiina mulawo ooyo, bunji bwabasicikombelo inga balekela limwi kupa mali aabo kugwasyilizya milimo yacikombelo.\\nNgooyu mukonzyanyo wacintu cakacitika eelyo Mbungano ya Congressiono Black Caucus niyakakkala muswaangano wakulaya zikombelo zyabantu basiya mbobakeelede kweendelana amilawo yakupegwa camutwe cakuvwootezya kutegwa bagwasyilizye Barack Obama, muleli mutaanzi uusiya waku Amelika. Umwi wamfulumende Emanuel Cleaver, Musololi wambungano ya Congressiono Black Caucus, wakaambilizya makani aakali mumuswaangano ooyo, kapandulwida uutola milumbe waku MSNBC kuti:\\nTuyooba aabantu batwiiminina bazwa muzikombelo zili fuka aabo beembela bantu basika munsaa zyuulunzuma 10, mpoonya tuyootaanguna, kubazyibya makani woonse ngobeelede kuzyiba azintu nzyobeelede kwaamba anzyobateelede kujatikizya cikombelo eezyo zinga zyasotoka mulawo wa 501(c)(3) mumfulumende. Mubwini, swebo tuyoobaa Mweendelezi wa IRS mumuswaangano ooyo, tuyoobaa Muzeki Mupati, Eric Holder, mpoonya tuyoobaa nkamu yabasimilawo bazinguluka kuzwa mucisi coonse, baku ACLU [Mbunga ya Lwaanguluko lwa Bantu mu Amelika] – akulaya beembezi bazikombelo boonse zintu nzyobazumizyidwe anzyobateelede kucita.8\\nEelyo mfulumende niipa cizuminano cakucita kufumbwa cintu, eeco caambilizya kuti eeyo mfulumende ilaa nguzu zyakulesya cizuminano eeco kweendelanya amalailile aali mucizuminano eeco. Inguzu zyakuzumizya nzyeenya nenguzu zyakukasya kucita cintu. Ikuti mfulumende tiiyazumizya akupa cizuminano cakucita cintu cimwi, aako kaambo keelede kuteelelwa kuti muntu ulaa lwaanguluko lwakucita cintu eeco, aboobo, mfulumende tiikwe nguzu mucintu eeco pe. Ncintu citaluleme kuzikombelo kuzumizya mfulumende kweendelezya nzyobasyoma kuyanda buyo kuti batambule mali.\\nMwaapositolo Paulu wakacenjezya kuti bantu tabeelede kukamantana abaabo batakwe lusyomo pe.\\nMutavwelani abakunze. Ino bululami inga bwaswaangana buti abubi? Naa mumuni ulavwelana buti amudima?\\nSena Kilisito a Saatani balakonzya kuzuminana? Naa musyomi ujisi lubazu nzi ayooyo uutasyomi? (2 Bakolinto 6:14-15)\\nImbungano yabupaizi ilacinca akuba lubono lwa mfulumende eelyo niitambula mulawo wa 501(c)(3) nokuba kuzumina kuti ilanganyigwe kuba cikombelo cizumizyidwe amilawo yacisi. Kutambula cizuminano ca mfulumende nkuzumizya mfulumende kuti yiingane kweendelezya akunyonauna cikombelo, aboobo eeco cipa kupindaula lusyomo abweende bwacikombelo eeco cizumina mulawo ooyo. Muciindi ca Nkondo Iitontola, beendelezi bacikombelo ku Cisi ca Sovieti abalongwenyina tiibakacincauzya buyo nzyobakali kuyiisya kuti zitanyemyi mfulumende, pele bakayindizya aawo akutalika kubejelezya BanaKristunyina ku mfulumende. Alimwi eeci tiicakaletelezya buyo kudilimuna munyinza wa Ironi Curtaini. Pele cicizumanana kucitika kufumbwa kubusena ooko mfulumende nkoyeendelezya cikombelo.\\nBunji bwazikombelo, mbungano zyabupaizi azimwi nkamu zigwasyilila bantu mu Amelika, nimpindu zitobela mulawo wa 501(c)(3) wakuleka kubbadela mitelo. Muli Amosi 3:3, Yahuwah wakabuzya kuti, “Hena bantu bobile inga beendela antoomwe pele buyo kuti bazuminana?”\\nKulibatamika ku mfulumende, nkuzumizya mfulumende kuti ikweendelezye.\\nEelyo cikombelo nocitambula mulawo wakuleka kubbadela mitelo 501c3, eeco cikombelo:\\nCikaka lwaanguluko lwa kwaambilizya nzyobasyoma.\\nCitula ansi lwaanguluko lwakupaila.\\nCitula ansi lwaanguluko lwakukombelezya baabo babamba milawo amilawo njobasaina.\\nCitula ansi lwaanguluko ndocipedwe mumilawo yacisi.\\nTacaangulukide kwaambilizya lusyomo lwabweende bwazintu buzuba oobo.\\nInga catalika kweendelezyegwa mubukandu kakuli kuyoowa kuti batanyemi nkamu ya IRS eeyo iikonzya kumwaya cizuminano ca kuleka kubbadela mitelo.\\nEeco cikombelo ciba makwebo aa Cisi.9\\nZikombelo zyamusyobo ooyo tazicili zikombelo zisolwedwa a Mwami Yahuwah, pele lino zilaa simalelo mupya: cisi caanyika. Zitobela malailile abweendelezi bwacisi, kutali kutobela jwi lyokwa Yahuwah. Kuti kakuli kudonaika kuti makanze aamfulumende ngayeendelezya lusyomo lwa makwebo aacitwa muzina lya zikombelo mazubaano, muntu inga walanga buyo mulandu wa Cikolo Cipati ca Bob Jones kacizekelana amfulumende yaku Amelika (461 U.S. 574). Mukukosozya kaambo, Nkuta Mpati yaku Amelika, yakayubununa makanze aamfulumende mumulawo wa 501c3:\\nInkuta yakakosozya kuti imbungano iizumina mulawo (eeyo iitabbadeli mitelo mucizuminano ca 501c3), yeelede “kubelekela akweendelana akuyanda kwabantu babuleya,” ileelede kubaa makanze aayendelana “amuzeezo wabantu boonse,” alimwi tiiyelede kucita cintu “eeco cikazyanya akuteendelana aciimo ciimvwi Mfulumende.” Kubikka kaambo mubufwaafwi, aaka kampango kaamba kuti mulimo mutaanzi wambungano iitabbadeli mitelo ngwakubelekela Mfulumende akubelesya milawo yamfulumende iizumizyidwe.10\\nKulibatamika ku Mfulumende Kutegwa Batambule Mali\\nZikombelo ziyandisya kuleka kubbadela mitelo mumulawo wa 501(c)(3) kwiinda mboziyandisya kasimpe katondezyedwe mu Mangwalo. Kuti nikwali kaambo kamwi, aaka kalikke nkakaambo katondezya kuti eezyo zikombelo nga masinagogwe ookwa Saatani. Pele kucili zinjaanji kwiinda waawo. Eelyo cikombelo nocizumina akusaina mulawo (501(c)(3) wakuleka kubbadela mitelo ku mfulumende, cizumina kuti cinikutobela milawo amilazyo yeendelezya nkamu zyamakwebo mumulawo wa 501(c)(3)!\\nIcikombelo cakasaina cizuminano ca 501c3, cakazumina kutula ansi lwaanguluko lwaco lwa kupaila akukomba kakwiina kwiinganinwa akunyonaunwa aamfulumende.\\n. . . Eeco cikombelo cakayaka lukwakwa mumbali lyaco kubelesya milazyo yacizuminano ca 501c3, cakazumina kucesya nguzu zya mulawo ookwa [Yahuwah] akusumpula milawo yacisi atalaa mulawo Wakwe. Ngooyu mukonzyanyo; mukuzumina kuti cikombelo cileke kwaambilizya milumbe iicenjezya bantu alimwi iisampaula basimapolitikisi bagwebenga basofweede. Eeci balacicita kutegwa bazumanane kuvwunwa akuleka kubbadela mitelo . . . .11\\nNcenciceeci nkamu ya World’s Last Chance nciikombelezya basyomeka boonse kuti batije akuyaamukila limwi kulaale azikombelo zyoonse zyeendelezyegwa amfulumende. Kucinyina makani kuti naa kuli kasimpe kali buti mucikombelo cimwi, pele aako nkasimpe kasanganyidwe azintu zilubide. Basikwiiya basyomeka bokwa Yahuwah tabeelede kulisanganya muli zya Bbabbuloni pe.\\nTakweelede kuyeeyelwa buyo kuti, mulandu ukkede atalaa basololi bazikombelo pe. Muntu omwe-omwe mucikombelo ulaa mulandu mbweenya mbuli basololi bazikombelo, nkaambo kanji-kanji basicikombelo mbabatonkaika basololi kuti basaine cizuminano ca 501(c)(3) akulesya cikombelo kubbadela mitelo. Alimwi mpeenya aawa, ooku nkuyandisya buyo mali. Nokuba kuti zikombelo zileka ncobeni kubbadela mitelo, pele aayo mali ngobasangila kwakkumi basicikombelo mu zituuzyo taakonzyi kubbadela mitelo pele buyo kuti batondezya mbunga ya IRS kuti aayo mali ngobakasangila akapegwa cikombelo cizumizyidwe mumulawo wacisi.\\nNokuba kuti kunyina mulawo waamba kucita cintu eeco, zikombelo zinjaanji zilazumanana kusaina cizuminano eeco ambunga ya IRS nkaambo eeco ncecisyomya basololi bazikombelo, basicikombelo abaabo basangila mali kuti eeco cikombelo cilizumizyidwe amulawo wacisi aboobo taceelede kubbadela mutelo. Ngooyu mukonzyanyo, bantu basangila mali kucikombelo cizumizyidwe mumulawo wacisi balizyi kuti tabeelede kubbadela mitelo nobapa mali kucikombelo eeco.12\\nCintu cuusisya ncakuti, kasimpe kasowelwa kumbali kuyandisya buyo kulivwuna kubbadela mitelo.\\nAaka nkakaambo kakopede zyalane lyamamanino atalaa nyika. “Nkaambo nimpindu nzi njajana muntu kuti wavwuba nyika yoonse, kwamana wasweekelwa buumi bwakwe? Naa ncinzi muntu ncakonzya kupa kuti anunuzye buumi bwakwe?” (Maako 8:36, 37) Zyoonse mbungano zyabupaizi zilembedwe akuzumizyigwa aamfulumende nkaambo kakuleya mitelo nokuba kukwabililwa munzila imwi, eezyo nzibeela zya Bbabbuloni, aboobo nzyezikombelo eezyo ziyoobaa nguzu zipenzya basaante kubelesya milawo yacisi mbuli mbokwaambidwe mucishinshimi. Johane Muyubunuzi wakatondezyegwa munyama, katantide atalaa “sibwaamu mupati.”\\nMukaintu wakasamide zisani zyacisombo azisalala pyu, wakalibotya angolida atubwe tweebesi tuyandisi. Mujanza wakajisi nkomeki yangolida iizwide zisusi azimwi zisesemya zyabumambe bwakwe.\\nAnkumo yakwe kwakalembedwe zina lyakuzaalikizya lyakuti, “Bbabbuloni wa maseseke mupati uuzyala basimamambe boonse azisesemyo zyoonse zyaansi.”\\nMpoonya ndakabona kuti mukaintu wakakoledwe bulowa bwabasalali alimwi abulowa bwabaabo bakajaigwa akaambo kakusyomeka kuli Yahushua. (Ciyubunuzyo 17:4-6)\\n“Bwaamu” nkuswaangana akuzuminana aceeco citazumizyidwe mumulawo citeendelani amulawo ookwa Yahuwah. Kuti bupaizi kabulede abulo bomwe antoomwe mfulumende yaanyika, oobo mbwaamu. Bantu bokwa Yahuwah tabeelede kuba basicikombelo bambungano zyamusyobo ooyo pe.\\nKamuzwa Muli Nguwe, Nobantu Bangu!\\nWakapozomoka ajwi pati wati, “Wawa, wawa Bbabbuloni munzi mupati! Waba busena bukkala myuuya mibi! Waba ciyobwedo camyuuya yoonse iisofweede, aciyobwedo cabayuni basofweede abasesemya.\\nNkaambo masi woonse akanywa waini wabukali bwabumambe bwakwe. Bami boonse bamunyika bakacita mamambe anguwe, abalo basambazi bakandilila kuvwuba akaambo kazisusi zyakwe zinji.”\\nMpawo ndakamvwa jwi limbi lyakazwa kujulu lyakati, “Amuzwe! Tamweelede kulisofwaazya anguwe, tamweelede kusubulwa anguwo!\\nNkaambo zinyonyoono zyakwe zili lundene ziyanda kusika kujulu kwini. Mwami Yahuwah waiyeeya milandu yamukaintu ooyu. (Ciyubunuzyo 18:2-5, 1599 Bbaibbele lyaku Geneva)\\nMulimo wa Basalali ku Mfulumende Masimpe aa BaLoma 13\\n3 Kampango ka NIV kalilembuludwe aawa bbala lyomwe-lyomwe nkaambo eeli ndibbuku linyongene kusandululwa libelesyegwa kanjaanji kutonkela kumbele kutamikizya majwi ookwa Paulu. Nkamu ya WLC kunyina pe niizumizya busanduluzi bwa NIV. Kolanga cilembedwe aawa \"What is the position of the WLC Team on today's Bible?\"\\n6 http:\/\/www.foxnews.com\/opinion\/2014\/10\/14\/city-houston-demands-pastors-turn-over-sermons\/ Izilembuludwe zyakazwa muzipekupeku. Makani manjaanji ngaaya: http:\/\/www.washingtonpost.com\/national\/religion\/houston-subpoenas-pastors-sermons-in-gay-rights-ordinance-case\/2014\/10\/15\/9b848ff0-549d-11e4-b86d-184ac281388d_story.html and http:\/\/www.huffingtonpost.com\/2014\/10\/15\/houston-pastor-sermon_n_5992044.html.\\n7 In Caesar’s Grip, kuya kumbele.\\n12 IRS Cakalembwa mu 1828, Tax Guide for Churches and Religious Organizations, pepa 2. http:\/\/www.benefitsboard.com\/forms\/other\/irs%20tax%20guide%20pub1828.pdf","num_words":2302,"character_repetition_ratio":0.076,"word_repetition_ratio":0.0,"special_characters_ratio":0.157,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kwaambaula Mumyaambo—Ino Bbaibbele Lyaamba Nzi?\\nAMUBALE MU Afrikaans Albanian Amharic Arabic Armenian Azerbaijani Baoule Bislama Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Danish Dutch English Estonian Faroese Fijian Finnish Fon French Georgian German Greek Gun Hebrew Hiligaynon Hungarian Igbo Iloko Indonesian Italian Japanese Kikaonde Kinyarwanda Kirghiz Kiribati Kirundi Korean Kwanyama Lingala Lithuanian Luganda Malay Malayalam Maltese Moore Myanmar Ndebele (Zimbabwe) Norwegian Nzema Ossetian Pangasinan Persian Polish Portuguese Punjabi Romanian Russian Sango Serbian (Cyrillic) Serbian (Roman) Setswana Seychelles Creole Shona Sidama Sinhala Slovak Slovenian Spanish Sunda Swahili Swedish Tagalog Telugu Thai Tigrinya Tsonga Turkish Twi Tzotzil Ukrainian Urhobo Uruund Valencian Venda Vietnamese Welsh Xhosa Yoruba Zulu\\nIno Bbaibbele Lyaamba Nzi Kujatikizya Kwaambaula Mumyaambo?\\n‘Kwaambaula mumyaambo’ caamba kucikonzya kwaambaula mwaambo munzila yamaleele nkobakacita Banakristo bakusaanguna kakunyina kuwiiya. (Milimo 10:46) Ooyo wakali kwaambaula wakali kumvwigwa amuntu uuli woonse wakauzyi mwaambo ooyo. (Milimo 2:​4-8) Kwaambaula mumyaambo cakali cimwi cazipego zyamuuya uusalala Leza nzyaakapede Banakristo bamumwaanda wamyaka wakusaanguna.​—Bahebrayo 2:4; 1 Bakorinto 12:​4, 30.\\nIno kwaambaula mumyaambo kwakatalikila kuli alimwi ndilili?\\nIno kwaambaula mumyaambo kwakajisi makanze nzi?\\nSena kwaambaula mumyaambo kwakeelede kuzumanana?\\nIno kwaambaula mumyaambo kwakamana lili?\\nIno mbuti kujatikizya kwaambaula mumyaambo mazuba aano?\\nIno Banakristo bakasimpe inga bazyibwa buti?\\nMaleele aaya aakusaanguna akacitikila mu Jerusalemu mafwumofwumo lya Pobwe Lyaba Juda mu Pentekoste mu 33 C.E. Basikwiiya ba Jesu basika ku 120 bakalibungene antoomwe ciindi ‘boonse nobakazula muuya uusalala alimwi akutalika kwaambaula mumyaambo yiindene-indene.’ (Milimo 1:​15; 2:​1-4) Bantu banji “ibazwa muzisi zyoonse zyaanyika” bakabungana, alimwi “umwi aumwi wabo wakabamvwa kabaambaula mumwaambo wakwe mwini.”​—Milimo 2:​5, 6.\\nKutondezya kuti Leza wakali kubagwasya Banakristo. Kaindi, Leza wakali kucita zitondezyo zyamaleele kutondezya kuti wakali kubagwasya bantu bakwe basyomeka mbuli Musa. (Kulonga 4:​1-9, 29-​31; Myeelwe 17:10) Kwaambaula mumyaambo kwakajisi makanze aakozyenye, kutondezya kuti Leza wakali kwiigwasya mbungano mpya ya Bunakristo. Mwaapostolo Paulo wakalemba kuti: “Myaambo taili citondezyo cabasyomi pe, pele ncabaabo batasyomi.”​—1 Bakorinto 14:22.\\nKugwasya Banakristo kupa bumboni cakulomya. Aabo bakabamvwa basikwiiya ba Jesu mubuzuba bwa Pentekoste bakaamba kuti: “Toonse twabamvwa kabaambaula mumyaambo yesu kujatikizya milimo mipati ya Leza.” (Milimo 2:​11) Aboobo, makanze amwi aamaleele aaya akali aakugwasya Banakristo “kupa bumboni cakulomya” alimwi ‘akuyiisya bantu bazisi zyoonse kuti babe basikwiiya,’ mbubwenya mbwaakabalailide Jesu. (Milimo 10:42; Matayo 28:19) Bantu babalilwa ku 3,000 ibakalibonena maleele akulimvwida bumboni bwakapegwa bakaba basikwiiya mubuzuba mbubonya oobo.​—Milimo 2:​41.\\nPeepe. Zipego zyamuuya uusalala kubikkilizya akwaambaula mumyaambo zyakali buyo zyakaindi kasyoonto. Bbaibbele lyakasinsima kuti: “Ikuti naa kuli zipego zyakusinsima, ziyoomana; ikuti naa kuli kwaambaula mumyaambo, kuyoomana.”​—1 Bakorinto 13:8.\\nZipego zyamuuya uusalala zyakali kupegwa ku Banakristo bamwi baapostolo kabaliko, kanji-kanji baapostolo bakali kubikka maanza abasyominyina. (Milimo 8:​18; 10:44-​46) Kulibonya kuti aabo ibakatambula zipego zyamuuya kuzwa kubaapostolo kunyina nobakapa bambi. (Milimo 8:​5-7, 14-​17) Mucikozyanyo, mubelesi wamfwulumende ulakonzya kupa muntu laisensi yabunamutekenya, pele muntu ooyo kunyina najisi nguzu zyakupa bamwi malaisensi. Mbubwenya buyo, akwalo kwaambaula mumyaambo kwakamana ciindi baapostolo alimwi abaabo mbobakapede cipego nobakafwa.\\nCipego camaleele cakwaambaula mumyaambo cakamana kumamanino aamwaanda wamyaka wakusaanguna C.E. Aboobo mazuba aano kunyina naba omwe uukonzya kulitaminina kwaambaula mumyaambo kubelesya nguzu zya Leza.\\nJesu wakaamba kuti luyando lwakulyaaba ndoluzyibya basikwiiya bakwe. (Johane 13:34, 35) Mbubwenya buyo, awalo mwaapostolo Paulo wakayiisya kuti luyando lwakali kuyoozyibya Banakristo beni-beni. (1 Bakorinto 13:​1, 8) Wakatondezya kuti muuya wa Leza wakali kuyoopa Banakristo bube bwiitwa kuti “mucelo wamuuya,” bube bwakusaanguna nduyando.​—Bagalatiya 5:​22, 23.\\nLusyomo Abukombi Leza Mibuzyo Yamu Bbaibbele Yaingulwa\\nAkaambo katwaambo tumvwika, Bbaibbele lyaamba muuya uusalala kuti “maanza” aa Leza.","num_words":510,"character_repetition_ratio":0.094,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mwana wa Jefita Alimwi a Cisyomezyo Cakwe | Ziiyo Zyabana Zyamu Bbaibbele\\nBana Israyeli bakamuzangila alimwi Jehova akutalika kukomba baleza bakubeja. Ciindi bana Amoni nobakabalwana bana Israyeli, baleza babo aabo kunyina nobakabagwasya pe. Bana Israyeli bakapenga kwamyaka minji. Mpoonya bakaambila Jehova kuti: ‘Twabisya. Twakomba kaka kotuvwuna kuli basinkondoma.’ Bana Israyeli bakabanyonyoona baleza babo bakubeja akutalika kukomba Jehova alimwi. Jehova tanaakali kuyanda kuti bazumanane kupenga.\\nSikalumamba wazina lya Jefita wakasalwa kuti asololele bana Israyeli kunkondo njobakali kulwana abana Amoni. Wakaambila Jehova kuti: ‘Kuti utugwasye kuzunda nkondo eeyi, ndisyomezya kuti ndaakupiluka kuŋanda, muntu uuyoosaanguna kuzwa muŋanda yangu kuzoondicinga, ndiyoomupa kulinduwe.’ Jehova wakauswiilila mupailo wa Jefita alimwi wakamugwasya kuzunda nkondo eeyo.\\nCiindi Jefita naakapiluka kuŋanda, mwanaakwe musimbi ngowakasaanguna kuzwa muŋanda kuzoomucinga, ooyo ngomwana alikke ngwaakajisi. Wakali kuzyana akulizya nsakalala. Ino Jefita ulacita buti? Wakayeeya cisyomezyo cakwe mpoonya wakaamba kuti: ‘Maawe, mwanaangu! Wandipenzya mumoyo. Ndakamusyomezya Jehova, aboobo kutegwa ndizuzikizye ncondakasyomezya, ndeelede kukutola kuti ukabeleke kutempele ku Silo.’ Pele mwanaakwe wakamwaambila kuti: ‘Bataata, ikuti mwakamusyomezya kale Jehova, mweelede kucizuzikizya ncomwakasyomezya. Ncondilomba buyo ncakuti mundipe myezi yobilo kutegwa nduunke kumalundu abeenzuma basimbi. Mpoonya ndiyakuunka.’ Mwana wa Jefita wakabeleka cakusyomeka kutempele buumi bwakwe boonse. Mwaka amwaka, beenzinyina bakali kuunka ku Silo kuyoomuswaya.\\n“Kufwumbwa muntu uuyandisya mwanaakwe musankwa naa musimbi kwiinda ndime teelede kuba wangu.”—Matayo 10:37\\nMibuzyo: Ino Jefita wakasyomezya nzi? Ino mwana wa Jefita wakacita buti akaambo kacisyomezyo cabausyi?\\nBabetesi 10:6–11:11; 11:29-40; 1 Samuele 12:10, 11\\nIno ncisyomezyo nzi ncaakazuzikizya mwana wa Jefita? Ino inga twamwiiya buti?","num_words":228,"character_repetition_ratio":0.065,"word_repetition_ratio":0.0,"special_characters_ratio":0.165,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"MASESEKE A KULYOOKEZYA KUZWA KU JULU\\nMyaka misyoonto yainda, bamwi bakeezyeezya kuti tuyooba aciindi cakulikkomanisya cakuti tatukazyibi cakuta muliceco ciindi. Kwali mizeezo mibotu akweezyeezya oku. Mumadolopo mapati ya munyika kwali mincini iitwa kuti ma Komputa (Computers) akali kubeleka milimo mupati mukaindi kasyonto. Ma Robots akali kucikonzya kubeleka milimo mipati mukaindi kasyoonto, eyo milimo inga yatola myezi alimwi aciindi cilamfu.\\nLino nakuba kuti mincini eyi yakasika bantu tabajani ciindi ca kulyookezya mumilimo yaandeene.\\nBantu balabula ciindi mazuba ano. Alimwi mikwasyi minji ilabula ciindi. Ba kwetene abalo \"balabula ciindi\" cakuswaangana antoomwe nakuba kukkala abana babo. Kuvuntauzya kumwi kwakacitwa mumunzi umwi musyonto wakatodezya kuti, ciindi cini wisyi ncajana cakukala abana ngu 37 seconds a buzuba. Mikwasyi inyina ciindi cakuba antomwee nakuba ciindi cakubandika.\\nSena inga twacitanzi kuti tube a ciindi cakuswaangana?\\n1.\\tIMUSAMU KU PENZI ELI NGOYU\\nJesu ulatelela mapenzi ngotujana mumikwasyi nkaambo kako ulayanda kuti tuteelele kuti kujana kulyookezya kumoza kuli jisi lubazu mu kuswaangana a mukupona buumi bubotu:\\n\"AMUBOOLE KULI NDIME, nyoonse nomukatede, nomulemedwe, ndime enti kamulemunune... MWIIYE KWANGU nkaambo ndilimubombe, ndimutete moyo, lino MULAKATALUKWA MUMYOYO Yanu.\" - Mateyo 11:28-29.\\nIbbaibbele lyaamba kuti, inga twaba akulyookezya oku munzila zyobile: Kuboola kuli Jesu abuzuba-abuzuba mu mumvwiki-amvwiki.\\n2. KUSWAANGANA A JESU BUZUBA-A-BUZUBA\\nMakamu aa bantu alikulwanina kuti Jesu a babone. Pele wakabapa bantu boonse muuya wa luumuno. Sena mbuti mbwakabapa? Wakalijisi ciindi ca kwaambaula aUsyi wakujulu abuzuba. Wakalikuyaamina kuli Usyi kuti ajane inguzu zyakuzunda mu buumi bwakwe (Johane 6:57).\\nNa tuyanda kupona buumi bubotu, buumi bululeme mbuli mbwakapona, tuleelede kuyaama ciindi coonse kuli Jesu- kozumizya ijwi a muuya kuti uzule a kutubambulula.\\nInzila mbotu yakulwana zintu zitukatazya akutwandanya mumikwasyi nkuba acindi cibotu aKlistu. Utwambila kuti\\n\"Amukkalilile mulindime, ambebo mulindinywe... NKAAMBO MWAANZAANA AMBEBO TAMUKONZYI KUCITA CINTU.\" - Johane 15:4, 5.\\nCintu comwe cipati ciyandika ciindi cino mbantu banga bajana inguzu zyamuuya zijanwa muku swaana a Jesu. Cimwi cintu ncotweelede kuyeeya notuswaana anguwe mulimo mupati oyo wakamana a ciingano.\\nKulyookezya kwini, akukwabililwa kwini, inga kwaba, nkaambo kamulimo oyo Jesu ngwaakamaniizya aciingano ciindi nakakwila nakalikufwa: \"kwamana\" (Johane 19:30). Mubufwaafwi, milimo yakufutula muntu yamana.\\n\"Nkaambo walo (Klistu) wakalibonya... KUKUSYA CINYONYONO kwinda ku kulyaaba kwakwe.\" - Ba-Hebulayo 9:26.\\nElyo Jesu nakafwa, \"wagusya cibi.\" Nkokuti oyo usyoma akulilekelela bubi, inga wajana \"kulyookezya\" mumulimo oyo Klistu ngwakamana. Tula tambulwa.\\nIkuzulwa akwalo kulajanwa mu buumi mbotupona sunu. Pesi Jesu wakazunda ipenzi eli lyakuzulwa ciindi comwe alya; aciingano. Jesu wakalila kuti, \"kwamana,\" kwasikilizya bulayo obo bwa kuti \"Njoo mupa kulyookezya\" mbuli kasimpe keni-keni. Jesu wakamana mulimo wakufutula bantu alya a kalivali (Tito 2:14), mpoona wapumuna mu cuumbwe mubuzuba bwa Nsabata, akubuka kuzwa mu cuumbwe mubuzuba bwa Nsondo ciindi ca mafumo-fumo, akuzunda lufu, a cibi. Mu Klistu takozyi kujana cisyomyo cipati kwinda kubona kuti mu ulakozya mumilimo wa Mwami wamana.\\n\"Atuswaane afwaafwi aLeza a myoyo yesu yonse MULUSINIZYO LWALUSYOMO Alimwi atujatisye buzumino bwabulangizi bwesu kuti kutabi notuzungaana nkaambo WALO OOYO WAKASYOMEZYA ULASYOMEKA.\" - Ba-Hebulayo 10:22, 23.\\nNkaambo \"walo ulasyomeka\" inga twajila mulufutuko lwakulyokezya olo Jesu ndwakasyomezya.\\nLumuno alimwi akulyookezya kujanwa muli Jesu mazuba oonse kulajanwa kutali kuzwa kuzintu nzyetucita pele nkaambo kalufu lwa Jesu alya a ciingano.\\nInga twalyokezya muli Klistu nkambo lufutuko lwesu ndwalusizyo.Lusinizyo oolu lutupa kuti katuba aciindi cakuba a Klistu mazuba oonse, akusaninwa ijwi lyakwe alimwi akuyoya muuya uzwa kujulu kwiinda mumipailo. Ikuswaana a Klistu kulagwasya kugusya kukatala akuleta luumuno a buumi bubotu.\\n3. IKUSWANGANA A KLISTU MVWIKI- AMVWIKI\\nLino Klistu nakamana kubamba nyika mu mazuba aali musanu abumwi (6) (Kolose 1:16-17), Wakapa kulyookezya kwa Nsabata. Eeci ncoolwe cesu cibotu ncitukujana cakuswaangana anguwe mvwiki-amvwiki.\\n\"Leza wakabona zintu zyoonse nzyaakabamba, wabona kuti zyoonse zyibotu loko. Aboobo kwakaba kumazuba, alimwi kwakaba cifumofumo buzuba bwa musanu abumwi. Aboobo ijulu anyika zyakamana kubambwa. Mubuzuba bwa musanu mwmwaabili (7) Leza wakamanizya milimo wakwe yonse; aboobo mubuzuba bwa musanu mwmwaabili WAKALYOOKEZYA. Elyo Leza WAKALELEKA buzuba bwa musanu mwmwaabili AKUBUSALAZYA, nkambo muli mbubo wakalyookezya kuzwa kumilimo yakwe njakacita.\" - Matalikilo 1:31; 2:3.\\nMbuli mulengi, Jesu \"wakalyookezya\" mu Nsabata ya kutaanguna a Adamu a Eva, elyo \"WAKABULELEKA\" buzuba bwa Nsabata \"AKUBUSALAZYA.\"\\nLeza waka talisya mvwiki ya mazuba kutali kuti ali Janine mpindu mukamwini, pele kuti ba Adamu a Eva a bantu bonse bajane mpindu. Nkambo wakalikubayanda Bantu bakwe bakalenga, wakabamba kuti kufumbwa buzuba bwa Nsabata mukupona kwabo konse beelede kuyandaula busyu bwakwe.\\nFumbwa Nsabata bwakali buzuba bwakulyookezya alimwi aku kulwaizigwa kwa Muuya. Kunjila kwa cibi munyika kwalo kwakapa kulyookezya kwa muNsabata kuti kuyandike kapati ku muntu. Nguwena Mufutuli wakasyomezya Adamu a Eva \"kulyookezya,\" nikwakamana zyuulu zyobilo zya myaka nguwena ngu wakapa Mosi milawo acilundu ca Sinai (1 Kolinto 10:1-4). Jesu wakasala kubikka mulawo wa Nsabata akati ka milawo ili kkumi. Mulawo wane waamba kuti:\\n\"KOYEEYA BUZUBA BWA NSABATA UBUSETEKANYE. Mazuba aali musanu abumwi uleelede kubeleka akumana milimo yako yoonse, pele buzuba bwa musanu mwaabili mbobuzuba bwa Nsabata bwa Jehova Leza wako. Muli mbubo utabi nocita mulimo noba nduwe, naba mwanaako mulombe naba mwanaako mwanakazi, naba mubelesiwako mulombe naba mwanakazi, neziba ing'ombe zyako, naba imweenzu ukkede kuli nduwe. Nkaambo mumazuba aali musanu abumwi Jehova wakalenga ijulu a nyika, alwizi, azintu zyoonse zili mumo, pele mubuzuba bwa musanu mwaabili WAKALYOOKEZYA. Nkaambo kako Jehova WAKA LONGEZYA buzuba bwa Nsabata WABUSALAZYA.\" - Kulonga 20:8-11.\\nLeza wakabikka Nsabata mbuli buzuba bwa \"kuyeeya\" Mwami \"waka lenga julu a nyika. Kulyookezya kwa mu Nsabata kulatuyaanya a mulengi oyo wakaleleka buzuba oobu akubulongezya.\\nElyo Jesu nakali kupona anyika aano, wakajana kuswaana abaUsyi. Wakajana mpindu ya kubamba Nsabata, mbuli Luka mbwaamba:\\n\"Wakasika ku Nazareta nkwaakakomenena, MUBUZUBA BWA NSABATA wakanjila mucikombelo MBULI MBWAKAZIBIDE.\" - Luka 4:16.\\nNa bu Leza - alimwi a buntu bwa Jesu bwakayanda kulyookezya mubuzuba bwa Nsabata, swebo tobantu tula yandika kulyookezya kapati. Elyo Jesu naka zwisya eezyo zintu zyakali kusofwaazya buzuba bwa Nsabata ezyo bama Juda nzibakabikkide (Mateyo l2:1-12), wakaamba kuti, buzuba bwa Nsabata bwabikkilwa kuti muntu ajane mpindu:\\n\"Lino waka baambila kuti, \"Nsabata Yakaanzilwa muntu, muntu taakaanzilwa Nsabata pe.\" Nkaambo kaako Mwanaa-Muntu ngo mwami nikuba ku Nsabata.\" - Maako 2:27, 28.\\nJesu wakatondezya ibupati bwa Nsabata ciindi calufu lwakwe. Wakafwa mubuzuba bwa musanu abumwi (Friday), \"Ibuzuba bwakulibambila, bwa Nsabata kabuyanda ku talika\" (Luka 23:54). Wakwiila kuti, \"kwamana,\" Nkokuti, MULIMO ngwaakaboolela munyika wakufwida bantu wamana (Johane19:39; 4:34; 5:30).\\nMukusekelela mulimo ngwakamana, Jesu wakalyokezya mu cuumbwe mubuzuba bwa Nsabata. Mbuli Jesu bwakamana kulenga nyika mumazuba ali musanu abumwi (6) akulyookezya mubuzuba bwa Nsabata, mbubona kwiinda mu lufu lwakwe wakamana mulimo wakufutula Bantu mu buzuba bwamusanu abumwi almwi wakalyookezya mubuzuba bwa musanu mwmwaabili, aboobo kwinda mulufu aciciingano wakamanizya mulimo wakwe wakunununa mubuzuba bwa musanu abumwi, akulyookezya mubuzuba bwa musanu mwaabili. Mpona mubuzuba bwa Nsondo (Sunday) cifumofumo wakabuka kuzwa mucuumbwe, mbuli mufutuli waka zunda (Luka 24:1-7).\\nWakali baambilide kale basiciiya bakwe kuti bazumanane kuswangana aguwe mukubamba Nsabata nibwakaida bubuke Bwakwe. Kukanana aku nyonyononwa kwa Jerusalema, kwakacitika nikwakayinda myaka ma kkumi one munsi abubuke bwakwe, wakabaambila kuti:\\n\"Amukombe kuti lutijo lwanu lutabi ku ciindi ca mpeyo nimuba mu Nsabata.\" - Mateyo 24:20.\\nWalo Mufutuli wakali kuyanda kuti basiciiya, abalo basanduke kuti bazumanane mulu yiisyo lwakwe (Johane 15:15, 16). Wakali kuyanda kuti ba jane kufutuka kwa kulyookezya alimwi akulyookezya kwa Nsabata. Tibakamutyompya peepe. Basiciiya bazumanana kubamba Nsabata kuzwa ciindi Klistu nakafwa (Amulange Luka 23:54-56; Incito 13:14; 16:13; 17:2; 18:1-4).\\nMuyandwa siciiya Johane awalo wakaibamba Nsabata. Muciindi cakwe camamanino wakalemba kuti, \"Mubuzuba bwa Mwami ndakali mu Muuya\" (Cizubuluzyo 1:10).\\nKwendelana a Jesu, \"buzuba bwa mwami\" nje Nsabata, \"nkambo mwana a muntu ngo mwami wa Nsabata\" (Mateyo 12:8).\\nMu Nsabata tulasekelela milimo mipati yobilo Lezanjakatucitila: Kutulenga a kutufutula.\\nAlimwi Nsabata iya kubako kujulu: \"Nkaambo mbubonya mbuli julu lipya anyika impya nze ndiyo lenga ziyokalilila kumbele lyangu,\" mbwaamba MWAMI,... \"Nkabela kuzwa ku mwezi mupya akusikila kuli umwi mupya, akuzwa kubuzuba bwa Nsabata akusikila kuli bumwi bwa Nsabata, bantu boonse bayoosika kuzyokomba kubusyu bwangu, mbwaamba Mwami.\" - Isaya 66:22, 23.\\n4. MPINDU YA KULYOOKEZYA MU NSABATA\\nSunu bantu balalwana nkambo kamapenzi ali mumaumi abo. Bamwi bakatala. Mikwasyi yaandana akambo kakutamvwana. Leza ulapa Nsabata mbuli nzila mbotu imwi iya kupona buumi bubotu. Atulange a mpindu zimwi zyotujana akaambo ka kulyookezya mu Nsabata:\\n(1) Nsabata itu yeyezya malengelo. Nkabela mu kwiibamba, tuyeeya Leza kuti ngo Mulengi wesu. Ma oola anjiyo aasetekene alaleta ciindi cibotu cakutuswaanganya a Leza munyika njakalenga. Sena ndilili yebo amukwasyi wako nimwaatola ciindi kulanga, akuyeeya, zintu Leza nzyakalenga mbuli sokwe, atulonga tilaamabwe? Nsabata ilatupa ciindi cakuba a Jesu alimwi akulanga zintu zikankamanisya nzya kalenga.\\n(2) Mu Nsabata tulaba akukkomana kwakupaila alimwi aku swaangana abeenzuma ba Klistu. Kuli bulumbu mukutembaula Leza abawi mbuli kamu yaba kondwa. Nsabata itupa ciindi candeene cakuswaana antoomwe mbuli cikombelo aku kulaisyigwa mu Muuya.\\n(3) Nsabata ilatupa ciindi cakucita micito a milimo mibotu. Hena kuli ciindi simukobonyoko na kaciswide mu kati amwviki kwamana wabula ciindi cakumuswaya? Ciindi mwenzinyoko nakalikuyanda muntu wakubandika akwe ciindi nakasowekelwa mulumi, sena mulimo yako yakacita kuti utabi acciindi cakuba aguwe? Jesu wakalailila kuti: \"Cili mumulawo kucita milimo mibotu mubuzuba bwa Nsabata\" (Mateyo 12:12).\\n(4) Nsabata mbuzuba bwakuyumya mikwasyi. Jesu nakamba kuti, \"Mubuzuba bwa (Nsabata) tamweelede kubeleka pe\" (Kulonga 20:10). Kuyina nzila imbi kwinda yeyi njakalikuzya kulailila kuba ma taata a bama maama banyina ciindi cakulyokezya. Nsabata ncikwankwani cipati caamba kuti leka kumikwasyi. Koleka kuti zintu ziyadika kucitwa kufwambana zisinkile zintu ziyandika kapati. Nsabata mbuzuba mbomwelede kuguzya zintu zitukatazya mumizezo kwinda mukupaila, milimo a kuseka, kujata bubi akuba aciindi cakulyokezya caluumuno. Kulyokezya kwa muNsabata kulapa mukwasyi onse ciindi ca kwaampana Klistu akujana inguzu zyaMuuya kuzwa kulinguwe.\\n(5) Mu Nsabata nce ciindi Jesu na boola afwaafwi andiswe. Zyonse zilongwe ziyanda ciindi cibotu-botu, alimwi bulongwe bwesu a Klistu abwalo buyanda ciindi cibotu-botu. Nsabata ilatupa ciindi candeene cakwiiya Bbaibbele a kupaila, a ciindi ca kuba a Klistu mulumuno a kuswilila ijwi lwakwe.\\nJesu \"wakaleleka buzuba bwa Nsabata akubusetekanya\" Acisyomyo cakubako (Matalikilo 2:3). Inga watelela Nsabata ncoyeelede kubamwa, mubuzuba bwa musanu mwmwaabili mumwviki nkambo mbo buzuba Klistu mbwa kabika ambali kumalengelo kuti akanane andiswe munzila yandeene.\\nJesu nakalenga Nsabata caboneka anka Wakaligisi lunyungu lwesu mumizeezo. Cecintu ciyandika mubukale bwesu bujisi mapakasyo: Buzuba bwini bwakutwimya kuzwa kuzintu zyonse. Buzuba bwakukomba Leza, kulanga zilengwa, alimwi akuba aciindi cakuyumya zilongwe kwinda zintu buyo.\\n5. KULABILA KWA KULYOOKEZYA KWA KUJULU\\nMubufwaafwi mpindu nzyo tujana mukuswaangana a Jesu abuzuba alimwi amu mvwiki inga twakumfwiinsya mu bbala lyomwe ilya \"kulyookezya.\"\\nIbbala lya \"Nsabata\" lizwa ku bbala lya ci Hebulayo (Hebrew) elyo lyaamba kuti kulyookezya, elyo tacigambyi kwamba kuti mangwalo aiita buzuba bwa musanu mwaabili kuti \"Nsabata ya kulyookezya\" (Levi 23:3). \"(Leza) wakaamba kujatikizya buzuba bwa ciloba mu majwi aya:\\n\"Leza wakalyookezya ku milimo yakwe yoonse mubuzuba bwa musanu mwaabili\"... KWABACALILA, ENO, KULYOKEZYA KWAMU NSABATA KWA BANTU BALEZA;.... Nkaambo kaako atusungwaale kunjila mukulyokezya oko.\" - Ba Hebulayo 4:4-11.\\n\"Kulyookezya mu Nsabata\" kutupa kulabila kwamwviki-amwviki kwaku kukkomana oko kutii kabe kukulyookezya kwa kujulu kulondokede. Oku kulyokezya takuli kwakutabeleka, cakamba kwabililwa,lumuno abukale bubotu kwalo kujanika kucisiko cabuumi bunji. Oyu musyobo wakulyokezya muMuuya ukozya kuzibwa kwiinda mukwiya (kucita). Bumboni bwabaabo bakajanakale kulyokezya kwa lufutuko alimwi akulyokezya kwamu Nsabata mbwa nyika yonse: \"na wanjila mukulyokezya kwa Jesu kwinda mukwaampana kwa buzuba-abuzuba alimwi mwviki-amwviki anguwe,ulajana kukkomana kupati mu buumi.\"\\nHena ulayanda kumulumba Jesu nkambo kacipego cakulyokezya? Hena ulayanda kumulumba nkambo ka cisyomyo ca kulyokezya kwa lufutuko buzuba-a-buzuba kuti uzinde makatazyo a buumi, alimwi a cisyomyo ca ku lyokezya kwa muNsabata mwviki a mwviki kuti uyumye cilongwe cako anguwe? Na toninga kucita oku, hena ulayanda kutambula lufutuko ndwapa? Hena ulayanda kumwabila kuti ula lombozya kubamba Nsabata yakwe mwviki-amwviki\\nSena uyanda kwaamba kuti, \"Inzya o Mwami! ndayanda kujana kukkomana mubuzuba mbo wakabika.\" Nkambo nzi ncotakonzi kusala ono? (Inga ko kankamana:Nugni wakasandula Nsabata, buzuba bwaciloba mu mwviki, akubutola mu Nsondo,buzuba bwakusanguna mu mwviki? Oku kusandulwa kwa Nsabata kwaka citwa lili? Hena Leza wakakuzumizya? Eyi mibuzyo iyakwingulwa muciiyo 21.)\\ncopyright © 2003 by the Voice of Prophecy","num_words":1811,"character_repetition_ratio":0.069,"word_repetition_ratio":0.0,"special_characters_ratio":0.182,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"1 Bakorinto 10:13—Sena Leza Usalilalimwi Masunko Ayootusikila?\\nNgazi Yamulindizi—Yakwiiya | February 2017\\nAMUBALE MU Afrikaans Albanian Amharic Arabic Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Bengali Bicol Boulou Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chuvash Cibemba Cinyanja Croatian Czech Dangme Danish Digor Douala Dutch Efik English Estonian Ewe Fijian Finnish Fon French Ga Georgian German Greek Guarani Gujarati Gun Haitian Creole Hausa Hebrew Hiligaynon Hindi Hiri Motu Hungarian Ibanag Icelandic Igbo Iloko Indian Sign Language Indonesian Isoko Italian Japanese Jula Kabiye Kannada Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Lamba Latvian Lingala Lithuanian Luganda Lunda Luo Luvale Macedonian Malagasy Malay Malayalam Mambwe-Lungu Marathi Maya Mbunda Mingrelian Mongolian Moore Motu Myanmar Ndebele Ndebele (Zimbabwe) Ndonga Nepali Nigerian Pidgin Norwegian Nzema Okpe Oromo Ossetian Otetela Pangasinan Papiamento (Curaçao) Persian Pidgin (Cameroon) Polish Portuguese Punjabi Quechua (Bolivia) Romanian Russian Samoan Sango Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovenian Solomon Islands Pidgin South African Sign Language Spanish Sranantongo Swahili Swahili (Congo) Swati Swedish Tagalog Tajiki Tamil Tatar Telugu Tetun Dili Thai Tigrinya Tiv Tok Pisin Tongan Tshiluba Tsonga Turkish Turkmen Tuvaluan Twi Tzotzil Ukrainian Umbundu Urhobo Uzbek Venda Vietnamese Waray-Waray Welsh Wolaita Xhosa Yoruba Zande Zapotec (Isthmus) Zulu\\nMwaapostolo Paulo wakalemba kuti Jehova “takamulekeli kuti musunkwe kwiinda nguzu zyanu pe.” (1Kor. 10:13) Sena eeci caamba kuti Jehova usalila limwi masunko ngotukonzya kuzunda alimwi akutusalila masunko aayelede kutusikila?\\nAmulange-lange mbotukonzya kujatikizyigwa akaambo kakuyeeya kuli boobu. Mukwesu umwi iwakajisi mwana wakalijaya wakabuzya kuti: ‘Sena Jehova wakasalila limwi kuti mebo abakaintu bangu tulakonzya kuliyumya akaambo kulufwu lwamwaneesu? Sena cakacitika akaambo kakuti Leza wakazyibila limwi kuti inga twaliyumya?’ Sena kuli kaambo ikamvwika kakonzya kutupa kusyoma kuti Jehova weendelezya zintu mubuumi bwesu munzila eeyi?\\nKulanga-langa majwi a Paulo aalembedwe kulugwalo lwa 1 Bakorinto 10:13 kutusololela kukaambo aaka: Kunyina kaambo kamu Magwalo katupa kusyoma kuti Jehova ulazyiba kakucili kooko zintu nzyotukonzya kuliyumya mpoonya kweelana ambwaazibona zintu, ulasala masunko aayelede kutusikila. Atulange-lange twaambo tone ncotukonzya kwaambila boobu.\\nCakusaanguna, Jehova wakapa bantu cipego calwaanguluko lwakulisalila. Uyanda kuti katulisalila zintu mubuumi. (Dt. 30:19, 20; Jos. 24:15) Ikuti twasala nzila iili kabotu, inga twalanga kuli Jehova kutegwa atusololele munzila eeyo. (Tus. 16:9) Pele ikuti naa twasala nzila iitali kabotu, tuyakuyaanya mapenzi. (Gal. 6:7) Ikuti Jehova naali kutusalila masunko aayelede kutusikila, sena ooko inga takubi kunyonganya cipego calwaanguluko lwakulisalila?\\nCabili, Jehova tatukwabilili ‘kuziindi zyamapenzi akucitikilwa zintu zitalangilwi.’ (Muk. 9:11) Ntenda zitaambiki ambweni izikonzya kupa kuti kube mapenzi mapati, zilakonzya kucitika akaambo kakuti tulakonzya kujanika kubusena buteelede aciiindi citeelede. Jesu wakaamba kujatikizya bantu ibali 18 ibakafwa muntenda ciindi ngazi noyakabawida, alimwi wakaamba kuti aaba bantu tiibakafwa akaambo kakuyanda kwa Leza. (Lk. 13:1-5) Sena takuli kutayeeya kabotu ikuyeeya kuti Leza ulakonzya kulangila limwi bantu beelede kupona alimwi abeelede kufwa akaambo kazintu zicitika cakutalangilwa?\\nCatatu, umwi aumwi wesu ulijatikizyidwe mumakani aakusyomeka. Amuyeeye kuti Saatani wakakudooneka kusyomeka kwabaabo babelekela Jehova, kaamba kuti inga tatukonzyi kuzumanana kusyomeka kuli Jehova ikuti twasikilwa mapenzi. (Job. 1:9-11; 2:4; Ciy. 12:10) Ikuti Jehova naali kutukwabilila kuzwa kumasunko aamwi akaambo kakuti wakaabona kuti mapati kapati cakuti tatukonzyi kuliyumya, tee ooko nokwali kuzuminizya kaambo kaa Saatani kakuti bantu babelekela Leza akaambo kakuti ulabacitila zintu zibotu?\\nCane, Jehova tayandiki kuzyiba zintu zyoonse izitucitikila. Muzeezo wakuti Leza usalila limwi masunko ayootusikila utondezya kuti weelede kuzyiba zyoonse ziyootucitikila kumbele. Pele muzeezo uli boobu tauli wamu Magwalo pe. Leza masimpe ulakonzya kuzyiba zyakumbele. (Is. 46:10) Pele Bbaibbele litondezya kuti ulasala caboola kukuzyiba zintu ziyoocitika kumbele. (Matl. 18:20, 21; 22:12) Aboobo uzibelesya kabotu nguzu zyakwe zyakuzyibila limwi zintu zyakumbele kwiinda mukulemeka lwaanguluko lwesu lwakulisalila. Sena eeci tacili ncico ncotunga twalangila kuli Leza walo uulemeka lwaanguluko lwesu alimwi uutondezya lyoonse bube bwakwe munzila iilondokede?—Dt. 32:4; 2Kor. 3:17.\\nAboobo, ino mbuti mbotukonzya kwaamvwisya majwi aa Paulo aakuti: “Leza . . . takamulekeli kuti musunkwe kwiinda nguzu zyanu”? Aawa Paulo wakapandulula Jehova ncacita, ciindi camasunko, ikutali kaatanacitika. Majwi amwaapostolo atusyomezya kuti kufwumbwa masunko aakonzya kutusikila mubuumi bwesu, Jehova uyootulanganya ikuti twasyoma mulinguwe. (Int. 55:22) Majwi aa Paulo aawumbulizya ayeeme anjiisyo zyakasimpe ziyandika kapati zyobilo.\\nCakusaanguna, masunko aatucitikila masunko ‘aacitikila bamwi.’ Aboobo, masunko aatucitikila, masunko aacitikila bantu boonse. Masunko aali boobo masunko ngotukonzya kuliyumya kufwumbwa buyo kuti twasyoma muli Leza. (1Pet. 5:8, 9) Katanaamba majwi aali kulugwalo lwa 1 Bakorinto 10:13, mutupango tuli munsi, Paulo wakaamba kujatikizya masunko aakabacitikila bana Israeli munkanda. (1Kor. 10:6-11) Masunko oonse aakabacitikila akacitikila kale bantu boonse alimwi tanaakali mapati cakuti bana Israyeli basyomeka tiibakali kukonzya kuliyumya. Paulo ziindi zyone wakaamba kuti “bamwi babo” tiibakamvwida. Cilausisya kuti bana Israyeli bamwi bakatalika kucita zintu zibi akaambo kakuti bakaalilwa kusyoma Leza.\\nCabili, “Leza ulasyomeka.” Makani aamba Leza mbwaakabeendelezya bantu bakwe atondezya kuti Leza ulatondezya luyando lwakwe lutamani kuli baabo “bamuyanda akubamba milawo yakwe.” (Dt. 7:9) Makani aayo alimwi atondezya kuti Leza lyoonse ulabamba zisyomezyo zyakwe. (Jos. 23:14) Akaambo kamakani aakaindi aayo aatondezya mbwasyomeka Leza, aabo ibamuyanda alimwi ibamumvwida balakonzya kusyoma kuti uyoosyomeka kutwaambo tobilo itujatikizya cisyomezyo cakwe kumasunko aakonzya kubacitikila twakuti: (1) Takazumizyi kuti sunko lisike aawo mpobatakonzyi kuliyumya, alimwi (2) ‘uyoobapa nzila yamatijilo.’\\nJehova ‘ulatuumbulizya mumapenzi eesu oonse’\\nIno mbuti Jehova mbwabapa nzila yamatijilo aabo bamusyoma ciindi nobasikilwa masunko? Masimpe, ikuti naa nkuyanda kwakwe, ulakonzya kuligusya sunko eelyo. Pele amuyeeye majwi aa Paulo aakuti: “[Jehova] uyoomupa anzila yamatijilo kutegwa mukonzye kuliyumya musunko eelyo.” Aboobo, ziindi zinji, ulapa “nzila yamatijilo” kwiinda mukutupa nzyotuyandika kutegwa tuliyumye kumasunko. Amulange-lange nzila zimwi Jehova mwakonzya kutupa nzila yamatijilo:\\nLeza ‘ulatuumbulizya mumapenzi eesu oonse.’ (2Kor. 1:3, 4) Jehova ulakonzya kutontozya mizeezo yesu, moyo wesu, alimwi ambotulimvwa kwiinda mukubelesya Jwi lyakwe, muuya uusalala, alimwi acakulya cakumuuya caabilwa amuzike uusyomeka.—Mt. 24:45; Joh.14:16, bupanduluzi buyungizyidwe, Rom. 15:4.\\nUlakonzya kutusololela kwiinda mukubelesya muuya uusalala. (Joh. 14:26) Ciindi naatusikila masunko, muuya ulakonzya kutugwasya kuyeeya zibalo zyamu Bbaibbele alimwi anjiisyo mpoonya akubona nzila zigwasya nzyotukonzya kutobela.\\nUlakonzya kubelesya bangelo kutugwasyilizya.—Heb. 1:14.\\nUlakonzya kubelesya basyomima balo ibakonzya ‘kutuyumya-yumya’ kwiinda mumajwi alimwi amumicito.—Kol. 4:11, bupanduluzi buyungizyidwe.\\nAboobo, ncinzi ncotukonzya kwaamba kujatikizya ncaamba majwi aa Paulo aalembedwe kulugwalo lwa 1 Bakorinto 10:13? Jehova tasali buya masunko aatusikila. Pele ikuti naa twajanika mumasunko mubuumi bwesu, tulakonzya kuba masimpe kuti: Ikuti twasyoma cakumaninina muli Jehova, takazumizyi kuti tusikilwe masunko ngotutakonzyi kuliyumya; lyoonse uyootupangila nzila yamatijilo kutegwa tucikonzye kuliyumya. Eelo kaka majwi aaya alaumbulizya kapati!\\nMibuzyo Yabasikubala—February 2017\\nMakanze aa Jehova Ayakuzuzikizyigwa!\\nCinunuzyo—“Cipego Cilondokede” Kuzwa Kuli Taata\\nMAKANI AABUUMI Twakalubona Luzyalo lwa Leza Munzila Zinji\\nJehova Ulabasololela Bantu Bakwe\\nMAKANI EESU AAKAINDI “Kunyina Nzila Mbi Alimwi Kunyina Nzila Ndamfwu”\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA February 2017\\nNGAZI YAMULINDIZI—YAKWIIYA February 2017\\nIno Bbaibbele Lyaamba Nzi Kujatikizya Nguzu Zyakulisalila? Sena Leza Nguweendelezya?","num_words":1030,"character_repetition_ratio":0.052,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani aamu Bbaibbele: Kuzyalwa kwa Jesu Kusikila Kulufwu Lwakwe - Kkeyala yaa Intaneti ya Bakamboni ba Jehova\\nMungelo Gabuliyele wakatumwa kumusimbi mubotu moyo wazina lya Maliya. Wakamwaambila kuti uya kutumbuka mwana uuya kulela kali mwami kukabe akutamani. Mwana Jesu wakazyalilwa muluba lwaŋombe ooko beembezi nkobakaunka kumubona. Kumane nyenyezi yakasololela bantu kuzwa Kujwe kuya kumwana. Tulaiya wakapa kuti babone nyenyezi eeyo, alimwi Jesu mbwaakafwutulwa kuli yooyo wakali kuyanda kumujaya.\\nCabili, tulabona Jesu naakajisi myaka iili 12 kaambaula abafwundisi mutempele. Kwiinde myaka iili 18 Jesu wakabbapatizyigwa, kumane wakatalika kukambauka makani aabwami alimwi amulimo wakuyiisya zyeezyo Leza nzyaakamutumina anyika kuti acite. Kutegwa Jesu agwasyigwe mumulimo ooyu, wakasala bantu bali 12 akuba baapositolo bakwe.\\nAlimwi Jesu wakacita maleele manji. Wakasanina maunda-maunda aabantu kwiinda mukubelesya nswi azinkwa zisyoonto buyo. Wakaponya baciswa alimwi wakabusya bafwide. Camamanino, tulaiya zintu zinji zyakacitikila Jesu mumazuba aakumamanino aamubuumi bwakwe alimwi ambwaakajaigwa. Jesu wakakambauka kwamyaka iili yotatwe acisela, aboobo CIBEELA 6 caamba ciindi camyaka iinda buyo asyoonto ku 34.\\nIno Zibalo Zyaamba Kujatikizya Jesu Zyakalembwa Lili?\\nIno kwakainda ciindi cilamfwu buti kuzwa ciindi Jesu naakafwa kusikila ciindi naakalembwa mabbuku aa Makani Mabotu?","num_words":171,"character_repetition_ratio":0.024,"word_repetition_ratio":0.0,"special_characters_ratio":0.152,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Musinsimi Eliya Wakaumbulizyigwa a Leza Wakwe | Lusyomo Lwini-lwini\\nWakaumbulizyigwa a Leza Wakwe\\n1, 2. Ncinzi cakacitika mubuzuba buyandika kapati mubuumi bwa Eliya?\\nELIYA wakabalika mumvwula kujulu nokwakali kuyaabusiya. Wakeelede kweenda musinzo mulamfwu kategwa asike ku Jezreeli, alimwi wakalicembeede. Nokuba boobo, wakazumanana kubalika, nkaambo “ijanza lya-Jehova” lyakali anguwe. Taakwe ciindi naakajisi nguzu zinji boobu. Kayi, wakabalika kusiya mabbiza aakali kukwela Mwami Ahabu munkalaki yakwe yabwami.—Amubale 1 Bami 18:46.\\n2 Lino wakali kweenda alikke alimwi musinzo wakali mulamfwu. Amweezeezye imvwula mpati iyakali kuwa alimwi yakali kumuuma kubusyu, ciindi naakali kubalika ambweni kumwi kayeeya zyintu zyakamucitikila buzuba oobo. Cakutadooneka, kwakali kuzunda kupati kuli Jehova, Leza wa Eliya alimwi akubukombi bwakasimpe. Musyule lyakwe, nkokwakali Cilundu ca Karimeli, Jehova nkwaakaingula mipailo ya Eliya alimwi akucita milimo mipati kutondezya kuti bukombi bwa Baala bwakali bwakubeja. Myaanda myaanda yabasinsimi ba Baala bakayubununwa kuti bakali bakubeja alimwi cakweelela bakajaigwa. Kumane, Eliya wakapaila kuli Jehova kuti ciyumayuma icakaliko kwamyaka yotatwe acisela cimane. Imvwula yakawa ncobeni.—1 Bam. 18:18-45.\\n3, 4. (a) Nkaambo nzi Eliya ncaakali kulangila kuti zyintu ziyakucinca kapati ciindi naakali kuya ku Jezreeli? (b) Mibuzyo nzi njotutiilange-lange?\\n3 Ciindi Eliya naakali kubalika mumvwula kwamakkilomita aali 30 kuya ku Jezreeli, kweelede kuti wakajisi lusyomo lwakuti lino zyintu zilacinca. Cakali kulibonya kuti akaambo kakuti basinsimi ba Baala banyonyoonwa kwakali kuyakuba kucinca kwini-kwini. Ahabu wakeelede kucinca. Mbwaanga wakabona cakacitika, wakeelede buyo kuleka kukomba Baala; kukasya mukaintu wakwe Jezebeli; alimwi akulesya kupenzya babelesi ba Jehova.\\n‘Eliya wakazuzaana kunembo lya Ahabu mane wakasika kumanjililo aa Jezreeli’\\n4 Ciindi zyintu nozitweendela kabotu, ncilengwa buya kukkomana. Tulakonzya kuyeeya kuti zyintu mubuumi bwesu zilazumanana kuba kabotu, andiza akuyeeya kuti mapenzi ngotwakajisi ainda. Kuti naa Eliya mbwaakali kuyeeya oobo, tacigambyi pe nkaambo “wakali muntu uulya maila ooyo iwakali kulimvwa mbubonya mbotulimvwa aswebo.” (Jak. 5:17) Nokuba boobo, Eliya wakali kuyakuzumanana kuba amapenzi manji. Masimpe ngakuti, mawoola buyo masyoonto kuzwa waawo, Eliya wakali kuyakuyoowa kapati alimwi akutyompwa cakuti wakali kuyakulombozya buyo kufwa. Ncinzi cakacitika, alimwi mbuti Jehova mbwaakagwasya musinsimi wakwe kuba alusyomo abusicamba alimwi? Atubone.\\nCintu Icatakali Kuyeeyelwa Cacitika\\n5. Sena Ahabu wakaiya kulemeka Jehova nozyakainda zyintu zyakacitika ku Cilundu ca Karimeli, alimwi ino tuzyiba buti oobo?\\n5 Ciindi Ahabu naakasika kuŋanda yakwe yabwami ku Jezreeli, sena wakatondezya kuti wakalicincide? Tubala kuti: ‘Ahabu wakalwiida Jezebeli zyoonse Eliya nzyaakacita, ambwaakajaya basinsimi boonse apanga.’ (1 Bam. 19:1) Amubone kuti ciindi naakali kuluula zyintu izyakacitika buzuba oobo, Ahabu kunyina naakabikkilizya Leza wa Eliya, Jehova. Ahabu wakazibona mubuntu zyintu zyoonse zyamaleele izyakacitika buzuba oobo “Eliya nzyaakacitide.” Cilasalala kuti taakwe naakaiya kulemeka Jehova Leza. Ncinzi ncaakacita mukaintu wakwe iwakali kuyandisya kupilusya cibi?\\n6. Mulumbe nzi Jezebeli ngwaakatuma kuli Eliya, alimwi ino wakali kwaamba nzi?\\n6 Jezebeli wakanyema kapati! Kanyemede kapati, wakatuma mulumbe kuli Eliya kuti: “Leza andicitile mbubonya akwiinda, na ndabula kucita kuti buumi bwako ayebo bube mbuli buumi bwaumwi wabaaba, mbuli eno junza.” (1 Bam. 19:2) Ooku kwakali kukonga kubi kapati. Aawa, Jezebeli wakali kukonka kuti walo weelede kufwa ikuti naa Eliya taakwe naajaigwa kusikila kumamanino aabuzuba butobela akaambo kabasinsimi ba Baala ibakajaigwa. Amweezeezye, Eliya kabusyigwa muŋanda mwaakabede mu Jezreeli masiku kumwi mvwula yaguwo kaiwa—akumvwa mutumwa wamukaintu wa mwami kaamba majwi aaya mabi kapati. Ino eeci cakamujatikizya buti?\\n7. Ino kukonga kwa Jezebeli kwakamujatikizya buti Eliya, alimwi ncinzi ncaakacita?\\n7 Ikuti Eliya wakali kuyeeya kuti nkondo yakulwana bukombi bwa Baala yakalimanide, lino wakazyiba kuti aayo taali masimpe. Jezebeli taakwe naakacinca pe. Basinsimi ibambi banji ibasyomeka wakali bajaide kale, lino cakali kulibonya kuti Eliya ngowakali kutobela kujaigwa. Ino kukonga kwa Jezebeli kwakamujatikizya buti Eliya? Bbaibbele litwaambila kuti: ‘Wakayoowa.’ Sena Eliya wakatalika kweezeezya Jezebeli mbwaakali kuyanda kumujaya? Ikuti wakazumanana kuyeeya zyintu zili boobo, nkakaambo kaako wakaalilwa kuba sicamba. Kufwumbwa naa wakali kuyeeya nzi, Eliya ‘wakaccija lufwu’—wakaccija kutegwa alifwutule.—1 Bam. 18:4; 19:3.\\nKuti katuyanda kuzumanana kuba basicamba tatweelede kubikkila kapati maano kuyeeya ntenda zikonzya kutusikila\\n8. (a) Ino penzi lya Petro lyakakozyenye buti alya Eliya? (b) Nciiyo nzi ncotukonzya kwiiya kuli Eliya alimwi a Petro?\\n8 Eliya tanaakali mubelesi wa Leza uusyomeka alikke iwakalekela kuyoowa kumweendelezya. Nokwakainda ciindi, mwaapostolo Petro awalo wakajisi penzi likozyenye aleeli. Mucikozyanyo, ciindi Jesu naakagwasya Petro kumusangana kweenda atala amaanzi, mwaapostolo wakatalika ‘kulanga guwo.’ Akaambo kaceeco, wakayoowa akutalika kubbila. (Amubale Matayo 14:30.) Aboobo, kuli ciiyo ciyandika ncotwiiya kucikozyanyo ca Eliya a Petro. Kuti katuyanda kuzumanana kuba basicamba tatweelede kunooyeeya ntenda zikonzya kutuyoosya. Muciindi caboobo, tweelede kubikkila buyo maano ku Kasensa kabulangizi alimwi anguzu zyesu.\\n9. Amupandulule mbolwakabede lweendo lwa Eliya alimwi ambwaakali kulimvwa ciindi naakali kuccija.\\n9 Akaambo kakuyoowa, Eliya wakaccijila ku Beeriseba kumusanza lwaambo musinzo uulampa makkilomita aali 150, munzi iwakali afwaafwi amunyinza wakumusanza kwa Juda. Naakasika ookuya wakasiya mulanda wakwe akuya munkanda alikke. Cibalo caamba kuti wakeenda “lweendo lwabuzuba bomwe,” tulakonzya kweezeezya kuti wakatalika kweenda zuba nolyakapola, alimwi kulibonya kuti tanaakabwezelezya zyakulya naa zyintu zimwi ziyandika. Katyompedwe alimwi kayoowede, wakeenda musyokwe zuba kalibala kapati. Ciindi izuba nolyakabbila alimwi anokwakatalika kusiya, nguzu zya Eliya zyakuti azumanane kweenda zyakamana. Kakatede, cintu cilikke ncaakali kukonzya kucita nkukkala munsi aacisamu munyika njumu alimwi iijisi zisamu zisyoonto.—1 Bam. 19:4.\\n10, 11. (a) Ino mupailo wa Eliya kuli Jehova wakali kwaamba nzi? (b) Kwiinda mukubelesya magwalo aatazubuludwe, amupandulule mbobakalimvwa babelesi ba Leza bambi ciindi nobakatyompedwe.\\n10 Kagolede kuyeeya, Eliya wakapaila. Wakalomba kuti afwe. Wakaamba kuti: “Nsili mubotu kwiinda bamatata.” Wakalizyi kuti bamausyi eeco ciindi bakali buyo bulongo amafwuwa mucuumbwe, kabatakonzyi kugwasya muntu uuliwoonse. (Muk. 9:10) Awalo Eliya wakalimvwa kubula mulimo mbubwenya oobo. Nkakaambo kaako wakalila kati: “Cazulila.” Wakalimvwa kuti tanaakeelede kuzumanana kupona.\\n11 Sena ceelede kutugambya kuzyiba kuti muntu wa Leza ulakonzya kutyompwa kapati boobu? Peepe. Bamaalumi abamakaintu basyomeka bali mbobabede ibaambidwe mu Bbaibbele, balaambwa kuti bakalimvwa bubi kapati cakuti bakali kuyanda buyo kufwa—akati kabo kwakali Rabeka, Jakobo, Musa, alimwi a Jobu.—Matl. 25:22; 37:35; My. 11:13-15; Job. 14:13.\\n12. Mbuti mbomweelede kwiiya cikozyanyo ca Eliya kuti mwalimvwa kutyompwa kapati?\\n12 Mazuba aano, tupona ‘muziindi zikatazya ncobeni,’ aboobo tacigambyi kuti bantu banji nobaba babelesi ba Leza basyomeka zimwi ziindi balatyompwa. (2 Ti. 3:1) Ikuti mwalijana mubukkale bukatazya buli boobu, amutobele cikozyanyo ca Eliya: Amupaile kuli Leza akumwaambila mbomulimvwa. Kayi, Jehova ngu “Leza siluumbulizyo loonse.” (Amubale 2 Bakolinto 1:3, 4.) Sena wakamuumbulizya Eliya?\\nJehova Wakamuyumya Musinsimi Wakwe\\n13, 14. (a) Mbuti Jehova kwiinda mumungelo mbwaakabikkila maano musinsimi wakwe iwakapengede? (b) Nkaambo nzi ncocuumbulizya kuzyiba kuti Jehova ulituzyi umwi aumwi wesu kubikkilizya akulezya kwesu?\\n13 Muyeeya kuti Jehova wakalimvwa buti naakalanga aansi kuzwa kujulu alimwi akubona musinsimi wakwe uuyandwa kalede munsi aacisamu munkanda alimwi kalomba kuti afwe? Tatweelede kuyeeyela buya pe. Ciindi Eliya nozyakamutola ŋonzi, Jehova wakatuma mungelo kulinguwe. Mungelo wakamubusya Eliya kwiinda mukumwaampa akumwaambila kuti: “Buka ulye.” Eliya wakacita oobo, nkaambo mungelo wakamubambilide cakulya, cinkwa cikasaala alimwi amaanzi. Sena wakamulumba mungelo? Cibalo citwaambila buyo kuti musinsimi wakalya akunywa akoona alimwi. Sena wakalityompedwe kapati cakuti tanaakali kukonzya kwaambaula? Kufwumbwa mbocakabede, mungelo wakamubusya alimwi, ambweni kubucedo. Wakainduluka alimwi kwaambila Eliya kuti: “Buka, ulye,” alimwi wakayungizya amajwi aakuti, ‘nkaambo musinzo mulamfwu loko.’—1 Bam. 19:5-7.\\n14 Akaambo kabupampu mbwaakamupa Leza, mungelo wakalikuzyi Eliya nkwaakali kuunka. Alimwi wakalizyi kuti musinzo wakali mulamfwu kapati cakuti Eliya naatakacikonzya kweenda lweendo oolu munguzu zyakwe alikke. Cilaumbulizya kaka kubelekela Leza uuzyi makanze eesu alimwi akulezya kwesu kwiinda mbotuzyi lwesu tobeni! (Amubale Intembauzyo 103:13, 14.) Ino cakulya eeciya cakamugwasya buti Eliya?\\n15, 16. (a) Ino cakulya cakazwa kuli Leza cakamugwasya buti Eliya? (b) Nkaambo nzi ncotweelede kulumba nzila Jehova njabelesya kuyumya babelesi bakwe mazuba aano?\\n15 Tubala kuti: “Wakabuka, walya, wanywa, lino mukukuta kwazilyo ezyo nzizyonya wakeenda mazuba aali makumi one, isikati amasiku, mane kusikila ku-Horebu cilundu ca-Leza.” (1 Bam. 19:8) Mbubwenya mbuli Musa iwakali kupona myaanda yamyaka iili cisambomwe yakaindide alimwi a Jesu iwakapona nokwakainda myaanda yamyaka iitandila kukkumi, Eliya wakaliimya kulya kwamazuba aali 40, masiku asikati. (Kul. 34:28; Lk. 4:1, 2) Cakulya eeciya taakwe nocakapa kuti mapenzi aakwe woonse amane, pele cakamuyumya munzila yamaleele. Amweezeezye buyo mudaala ooyu keenda asyoonto-syoonto kwiinda munkanda imwakanyina nzila, keenda buzuba abuzuba, nsondo ansondo, kwamazuba aali 40.\\n16 Mazuba aano, Jehova ulabayumya babelesi bakwe, kutali kwiinda mukubajanina zyakulya munzila yamaleele, pele munzila imwi iiyandika kapati. Ulabapa nzyobayandika babelesi bakwe munzila yakumuuya. (Mt. 4:4) Kwiiya kujatikizya Leza kuzwa mu Jwi lyakwe alimwi amumabbuku aapandulula Bbaibbele kulatuyumya kumuuya. Kulya cakulya cakumuuya cili boobu takukonzyi kupa kuti mapenzi eesu woonse amane, pele kulakonzya kutugwasya kuliyumya kuzyintu nzyotutakonzyi kuliyumya tolikke. Alimwi cisololela ‘kubuumi butamani.’—Joh. 17:3.\\n17. Ino Eliya wakaunka kuli, alimwi nkaambo nzi busena oobu ncobwakali kuyandika?\\n17 Eliya wakeenda makkilomita aatandila ku 320 kutegwa akasike ku Cilundu ca Horebu. Bwakali busena buyandika kapati, nkaambo kubusena oobu Jehova Leza kwiinda mumungelo wakalibonya kuli Musa mucitewo cakali kuyaka alimwi kubusena nkukonya ooku Jehova wakabamba cizuminano ca Mulawo abana Israyeli. Eliya wakajana busena bwakukkala mumpangala.\\nJehova Mbwaakaumbulizya Akuyumya Musinsimi Wakwe\\n18, 19. (a) Mubuzyo nzi mutumwa wa Jehova wamuuya ngwaakabuzya, alimwi ino Eliya wakaingula buti? (b) Ntwaambo nzi totatwe ntwaakaamba Eliya twakali kumupa kutyompwa?\\n18 Kali ku Horebu, “ijwi” lya Jehova—kuboneka kuti lyakaletwa amutumwa wakumuuya—lyakabuzya kuti: “Ucitanzi okuno, Eliya?” Kweelede kuti mubuzyo wakabuzyigwa calubomba, nkaambo Eliya wakaubona kuba coolwe cakuti aambe mbwaakali kulimvwa. Alimwi wakaamba zyoonse zyakali kumoyo wakwe. Wakaamba kuti: “Ndasungwaalila Jehova Leza wamakamu abusungu bupati, nkaambo bana ba-Israyeli basowa cizuminano cako, bamwaya zipaililo zyako, bajaya basinsimi bako apanga, lino mebo ndasyaala endike, abwalo buumi bwangu balayandaula kubunyonyoona.” (1 Bam. 19:9, 10) Majwi aa Eliya ayubununa zyintu zyotatwe zyakamupa kutyompwa.\\n19 Cakusaanguna, Eliya wakali kulimvwa kuti mulimo wakwe wakali wabuyo. Nokuba kuti ‘wakasungwaala’ kubelekela Jehova kwamyaka minji, kubikka zyina lya Leza alimwi abukombi bwakwe mubusena bwakusaanguna, Eliya wakabona kuti zyintu zyakali kwiindila buya kubija. Bantu bakazumanana kubula lusyomo alimwi bakalizangide, bukombi bwakubeja bwakali kuyaambele. Cabili, Eliya wakali kulimvwa kuti ulaalikke. Wakaamba kuti: “Mebo ndasyaala endike,” mbuli kuti ngowakali muntu alikke mucisi coonse iwakacili kubelekela Jehova. Catatu, Eliya wakaliyoowede. Basinsiminyina banji bakalijaidwe kale, alimwi wakali masimpe kuti ngowakali kutobela kujaigwa. Kweelede kuti tiicakali cuubauba kuli Eliya kulimvwa boobu, pele kunyina naakalekela kulisumpula naa nsoni kumukasya kwaambila Leza mbwaakali kulimvwa. Kwiinda mukupaila camoyo woonse kuli Leza wakwe, wakasiya cikozyanyo cibotu kubantu boonse basyomeka.—Int. 62:8.\\n20, 21. (a) Amupandulule Eliya ncaakabona ciindi naakali amulyango wampangala ku Cilundu ca Horebu. (b) Ncinzi Eliya ncaakaiya kuzwa kunguzu nzyaakatondezya Jehova?\\n20 Mbuti Jehova mbwaakeendelezya kuyoowa alimwi akulibilika kwa Eliya? Mungelo wakaambila Eliya kuti aimikile amulyango wampangala. Wakacita oobo, katazyi cakali kuyanda kucitika. Cakutayeeyela kwakaba guwo. Kweelede kuti guwo lyakali kuyoba kapati, nkaambo lyakali anguzu kapati cakuti lyakali kuzungaanya malundu akupwayaula mandomba. Amweezeezye kuti mulimubwene Eliya kasoleka kulivwumba kumeso kumwi kajatilide kucisani cakwe cilema caboya ciindi guwo nolyakali kubbubbula. Alimwi wakapenga kusitikila kwiima, nkaambo nyika yakatalika kuzungaana—muzuzumo wanyika wakazungaanya busena oobo. Katana kulyookezya kwakaboola mulilo mupati, calo cakapa kuti ajokele mumpangala kutegwa alikwabilile kumulilo.—1 Bam. 19:11, 12.\\nJehova wakabelesya nguzu zyakwe ziyoosya kuumbulizya alimwi akukulwaizya Eliya\\n21 Muzyintu zyoonse eezyi zyakacitika, cibalo cituyeezya kuti Jehova taakwe naakali kujanika muzyintu eezyi zitondezya nguzu zyacilengwaleza. Eliya wakalizyi kuti Jehova tanaakali leza wamumalende wakulengelezya buyo mbuli Baala iwakali kulumbaizyigwa abakombi bakwe bakubeja kuti ngowakali “kweendelezya makumbi” naa kuleta mvwula. Jehova ngo Kasensa kanguzu zyoonse zili muzilenge, alimwi mupati kwiinda zyintu zyoonse nzyaakalenga. Nomuba mujulu lyamajulu takonzyi kukkwana. (1 Bam. 8:27) Mbuti zyoonse eezyi mbozyakamugwasya Eliya? Amuyeeye mbwaakayoowede. Kajisi Leza, Jehova kulubazu lwakwe, Leza uujisi nguzu zinji zigambya, Eliya taakwe ncakali kukonzya kuyoowa kuli Ahabu a Jezebeli.—Amubale Intembauzyo 118:6.\\n22. (a) Mbuti ‘jwi libombe lyaansaansi’ mbolyakamusyomezya Eliya kuti wakali mubelesi uuyandika? (b) Ino ‘jwi libombe lyaansaansi’ kulangilwa kuti lyakali kuzwa kuli ni? (Amubone majwi aamunsi.)\\n22 Nowakamana mulilo, kwakaumuna kumane Eliya wakamvwa ‘jwi libombe lyaansaansi.’ Ijwi alimwi lyakaambila Eliya kwaamba mbwaakali kulimvwa, wakacita oobo, kwaamba alimwi zyintu izyakali kumulibilisya. * Ambweni eeci cakamukatalusya kapati. Cakutadooneka, Eliya wakaumbulizyigwa kapati amajwi aatobela ‘ijwi libombe lyaansaansi’ ngolyakaamba. Jehova wakamusyomezya kuti wakali mubelesi wakwe uuyandika. Munzila nzi? Leza wakayubununa makanze aakwe aakumbele kujatikizya kulwana bukombi bwa Baala mu Israyeli. Cilasalala kuti mulimo wa Eliya taakwe nowakali wabuyo, nkaambo Leza wakali kuyakuzumanana kulwana bukombi bwa Baala. Kuyungizya waawo, Jehova wakali kuyakuzumanana kubelesya Eliya kali musinsimi, nkaambo Jehova wakamutuma kuti apiluke akabeleke kweelana amalailile aagaminide.—1 Bam. 19:12-17.\\n23. Muunzila nzi zyobilo Jehova mwaakamanizya kulendelelwa kwa Eliya?\\n23 Mbuti kujatikizya mbwaakali kulimvwa Eliya kuti wakali alikke? Jehova wakacita zyintu zyobilo kujatikizya makani aaya. Cakusaanguna, wakaambila Eliya kunanika Elisha kuba musinsimi walo kumbele iwakali kuyakubweza busena bwakwe. Mulombwana ooyu wakali kuyakuba mweenzinyina wa Eliya alimwi mugwasyilizi kwamyaka iili mbwiibede. Eelo kaka cakali kuumbulizya eeco! Cabili, Jehova wakayubununa makani aaya, kuti: “Ndasyaazya mucisi ca-Israyeli bantu bali zyuulu zili musanu azibili, nkukuti mazwi oonse aatana kufugamina Baala, amilomo yoonse iitana kumumyonta.” (1 Bam. 19:18) Eliya taakwe naakali alikke. Kweelede kuti cakamukkomanisya kumvwa kuti kwakali zyuulu zyabantu basyomeka ibakakaka kukomba Baala. Bakali kuyanda Eliya kuti azumanane mumulimo wakwe cakusyomeka, kubapa cikozyanyo cibotu cakusyomeka kuli Jehova muciindi eeciya camudima. Kweelede kuti Eliya wakajatikizyigwa kapati kumvwa majwi aaya kwiinda mumutumwa wa Jehova, ‘jwi libombe lyaansaansi’ lya Leza wakwe.\\nBbaibbele lilakonzya kuba mbuli ‘jwi libombe lyaansaansi,’ ikuti twalilekela kutusololela mazuba aano\\n24, 25. (a) Muunzila nzi motukonzya kuswiilila ‘kujwi libombe lyaansaansi’ lya Jehova mazuba aano? (b) Nkaambo nzi ncotukonzya kuba masimpe kuti Eliya wakalutambula luumbulizyo ndwaakamupa Jehova?\\n24 Mbubwenya mbuli Eliya, tulakonzya kugambwa anguzu zyacilengwaleza zili muzilenge, mubwini zileelede kutugambya. Izilenge zitondezya nguzu nzyajisi Mulengi. (Lom. 1:20) Jehova amazuba aano uciyandide kubelesya nguzu zyakwe ziteeli kugwasya babelesi bakwe basyomeka. (2 Mak. 16:9) Nokuba boobo, Leza ulaambaula andiswe kwiinda Mujwi lyakwe, Bbaibbele. (Amubale Isaya 30:21.) Munzila imwi, Bbaibbele lilakonzya kuba mbuli ‘jwi libombe lyaansaansi,’ ikuti twalilekela kutusololela mazuba aano. Kwiinda mulindilyo, Jehova ulatululamika, ulatukulwaizya alimwi alatutondezya mbwatuyanda.\\n25 Sena Eliya wakalutambula luumbulizyo lwa Jehova ndwaakamupa a Cilundu ca Horebu? Inzya! Kakunyina kusowa ciindi wakatalika alimwi kubelekela Leza cabusicamba alimwi akucenjezya bantu kuti baleke kukomba baleza bakubeja. Mbubwenya buyo andiswe kuti twaabikkila maano majwi aa Leza aakasololelwa amuuya, “luumbulizyo lwamu Magwalo,” tuyakucikonzya kwiiya lusyomo lwa Eliya.—Lom. 15:4.\\n^ munc. 22 Kweelede kuti ‘jwi libombe lyaansaansi’ lyakali lyamuuya nguwenya iwakabelesyegwa kutola “jwi lya Jehova” lyaambidwe mulugwalo lwa 1 Bami 19:9. Mukapango 15, muuya ooyu waambidwe kuti ngu “Jehova.” Tulakonzya kuyeeya mungelo Jehova ngwaakabelesya kusololela bana Israyeli munkanda alimwi kujatikizya nguwe Leza wakaamba kuti: “Izina lyangu molili mulinguwe.” (Kul. 23:21) Tatukonzyi kuba masimpe mukaambo aaka, pele cileelela kuzyiba kuti katanaboola anyika, Jesu wakabeleka kali “Ijwi,” Mwaambilizi waalubazu kubabelesi ba Jehova.—Joh. 1:1.\\nNzyintu nzi zyakacitika izyakapa kuti Eliya atyompwe kapati?\\nIno nkulimvwa kuli buti kwakayungizya kutyompwa kwa Eliya?\\nIno Jehova wakamuumbulizya buti Eliya?\\nMbuti mbomuya kwiiya cikozyanyo ca Eliya mwaakutyompwa?","num_words":2234,"character_repetition_ratio":0.051,"word_repetition_ratio":0.001,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 26 IBBAIB63 - Lino kwakaba inzala munyika; - Bible Search\\nMatalikilo 25 Matalikilo 27\\nIzaka mbwaakakala-kala ku-Gerari\\n1-Lino kwakaba inzala munyika; (nkukuti inzala imbi, iteensi intaanzi yamumazuba aa-Abrahamu), nkabela Izaka wakainka kuli-Abimeleki mwami waba-Filisti ku-Gerari. 2-Lino Jehova wakamubonekela, wati, Utainki ku-Egepita pe, kala munyika njindakwaambila. 3-Kala-kala munyika ino, nkabela njooba ayebo, njookupa coolwe, nkaambo webo alunyungu lwako njoomupa zisi ezi zyoonse, aboobo njoozuzikizya cikonke ncindakakonka kuli-Abrahamu uso. 4-Njoovuzya lunyungu lwako mbuli inyenyeezi zyakujulu, alimwi njoopa lunyungu lwako nyika ezi zyoonse, elyo mulunyungu lwako zisi zyoonse moziyoojana coolwe, 5-nkaambo kakuti Abrahamu wakaswiilila ijwi lyangu akubamba imbeta zyangu, milazyo yangu, indayo zyangu amulao wangu.\\n6Lino Izaka wakakala ku-Gerari. 7-Nkabela bantu bakooko, nibakamubuzya makani aamukaakwe, wakati, Ngumucizi wangu. Wakayoowa kwaamba kuti, Ngumukazi wangu, nkaambo wakati, Ambweni bantu bakookuno balandijaya nkaambo ka-Rebeka, nkaambo kali aciwa cibotu. 8Lino nicakaba ciindi cilamfu, Abimeleki mwami waba-Filisti wakasondela mumpulungwizyo, nkabela wakabona Izaka ulasobana a-Rebeka mukaakwe. 9Mpoonya awo Abimeleki wakaita lzaka, waamba kuti, Ve! Ngumukazi wako. Waambilanzi kuti, Ngumucizi wangu? Izaka wakamuvwiila kuti, Ndakaamba kuti, Ambweni ndafwa nkaambo kakwe. 10-Lino Abimeleki wakaamba kuti, Ma! Ncinzi ncowakatucitila? Ambweni umwi wabantu bangu kaba lala amukaako, aboobo wali kunootuletela mulandu. 11-Mpawo Abimeleki wakalailila bantu boonse kuti, Kufumbwa muntu uuguma mwaalumi oyo amwanakazi wakwe, ncobeni ulafwa.\\n12-Lino Izaka wakalima munyika eyo nkabela mumwaka oyo nguwonya wakatebula camwanda, Jehova wakamupa coolwe, 13-aboobo muntu wakaba mupati, Wakali kuya bukomena lyoonse, mane lumwi wakaba mulemu loko. 14-Kajisi imbono zinji, imbelele aŋombe, abasimilimo banji, aboobo ba-Filisti bakamufwida ibbivwe. 15-(Lino zikala zyoonse balanda bawisi nzibakasya mumazuba aa-Abrahamu wisi, ba-Filisti bakazisinka akuzivwikila.) 16-Nkabela Abimeleki wakaambila Izaka kuti, Atupambu-kane ayebo, nkaambo uli singuzu loko kwiinda ndiswe.\\n17Mpawo Izaka wakalonga kuzwa nkuko, waakuyaka zilao mukuti lya-Gerari akukala mpoonya awo, 18-Nkabela Izaka wakafumbulula zikala zyamaanzi nzibakataangwine kusya mumazuba aa-Abrahamu wisi, nkaambo ba-Filisri bakalizisinkide musule lyalufu lwa-Abrahamu. Nkabela wakazipa mazina ayo ngaonya ngaakazipede wisi. 19Pele balanda ba-Izaka, niba-kafumba mudonga akujana kasensa kamaanzi aacomoka, 20-basikweembela baku-Gerari bakakazyanya abasikweembela ba-Izaka, bati, Maanzi ngeesu. Lino cikala eco wakacuulika izina lya-Eseki (Inkondo), nkaambo bakali kukazyanya awe. 21Elyo bakasya cikala acimwi. Acalo bakali kucilwanina, nkabela wakacuulika izina lya-Sitina. 22-Kuzwa oko wakalonga, waakusya cikala acimwi, Lino eco, teebakali kucilwanina pe, Nkaambo kako wakacuulika izina lya-Rehoboti, nkaambo wakati, Lino Jehova watupa busena kuti tuvule munyika.\\n23Kuzwa oko wakainka ku-Beereseba. 24-Lino Jehova wakamubonekela masiku ayo ngaonya, wati, Ndime Leza wa-Abrahamu uso. Utayoowi, nkaambo ndi ayebo. Njookupa coolwe akuvuzya lunyungu lwako nkaambo kamulanda wangu Abrahamu. 25-Elyo wakayaka cipaililo nkukonya oko, wakomba izina lya-Jehova, wayaka cilao cakwe nkukonya. Akwalo balanda ba-Izaka bakasya cikala.\\nIzaka mbwaakatangana cizuminano a-Abimelehi\\n26-Mpoonya awo kwakamuswaya Abimeleki kuzwa ku-Gerari; wakeza a-Ahuzati mweenzinyina a-Fikolo silutwe wampi yakwe. 27-Lino Izaka wakababuzya kuti, Ino nkaambonzi mweza kulindime? Sa tamundisulide akunditanda kuzwa kulindinywe? 28-Bakavuwa kuti, Ncobeni twabonesya kuti Jehova uli ayebo, Lino twaamba kuti, Kube kukonka akati kesu, swebo ayebo, Atutangane ayebo cizuminano. 29-Kosyomezya kuti tokooyootucitila bubi, mbubonya mbuli iswe mbututana kukubisizya, nkaambo twakucitila bubotu bulike, alimwi twakaanzaana ayebo caluumuno. Sunu wajana coolwe kuli-Jehova. 30-Mpawo wakabacitila ipobwe. Bakaiya, banywa. 31-Nibwakaca, bakafuma, bakonkezyanya. Bamane kucita obo, bakalayana a-Izaka, bainka kulimbabo caluumuno. 32Lino mubuzuba obo mbubonya balanda ba-Izaka bakeza kulinguwe kuzoomulwiida makani aacikala ncibakaside. Bakati, Twajana maanzi. 33-Lino wakacuulika izina lya-Siba. Nciceeco izina lyamunzi ncuuambilwa kuti ngu-Beereseba, mbucaambwa asunu.\\n34-Lino Esau naakajisi myaka iili makumi one, wakakwata Juditi mwana musimbi wa-Beeri mu-Hiti, a-Basemati mwana musimbi wa-Eloni mu-Hiti. 35-Aba bakakataazya myoyo ya-Izaka a-Rebeka.","num_words":534,"character_repetition_ratio":0.058,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 40 IBBAIB63 - Lino Jehova wakaambila Musa kuti, - Bible Search\\nKulonga 39 Levitiko 1\\nItente lyambunganino mbulyakaimikwa\\n1Lino Jehova wakaambila Musa kuti, 2-Mubuzuba butaanzi bwamwezi mutaanzi uleelede kwiimika cikombelo catente lyambunganino. 3-Bika mulincico ibbokesi lyamilao, alimwi usitilizye ibbokesi acisitilizyo. 4-Njizya intafule akwiibamba mbokweelede. Acalo cikazikilo camalampi, ucinjizye akwiimika malampi aaco. 5-Alimwi bika cipaililo cangolida cakutentela tununkilizyo kunembo lyabbokesi lyamilao, akwiimika cisitilizyo camulyango wacikombelo. 6Acalo cipaililo cazituuzyo uciimike kunembo lyamulyango wacikombelo catente lyambunganino. 7-Alimwi bika cisambilo akatikati katente lyambunganino acipaililo, ubike maanzi mulincico. 8Alimwi bamba lubuwa lwakuzyungulusya akubika cisitilizyo kumulyango walubuwa. 9-Lino bweza mafuta aakunanika, ukananike cikombelo azintu zyoonse zili mulincico. Ucisalazye azibelesyo zyaco zyoonse, zisalale. 10-Alimwi unanike cipaililo cazituuzyo azibelesyo zyaco zyoonse, ukasalazye cipaililo, aboobo cipaililo cilasalalisya loko. 11Acalo cisambilo atako lyaco, uzinanike akuzisalazya. 12-Wamana obo, leta Aroni abana bakwe kumulyango watente lyambunganino, ubasanzye amaanzi. 13-Lino samika Aroni zyakusama zisalalisya, alimwi umunanike akumusalazya, andibelekele milimo yabupaizi. 14-Abalo bana bakwe ubaswenye afwaafwi akubasamika zibaki, 15-alimwi ubananike mbubonya mbowananika wisaabo, kuti bandibelekele milimo yabupaizi. Kunanikwa kwabo kunoobapa bupaizi butamani mumazyalani aabo oonse,\\n16Lino Musa wakacita obo. Wakacita zintu zyoonse buyo nzyaakamulailila Jehova. 17-Nkabela mumwezi mutaanzi wamwaka wabili, mubuzuba butaanzi bwamumwezi, cikombelo cakaimikwa. 18Musa wakaimika cikombelo, wakakazika zikazikilo zyaco, waimika impanda zyaco, wabika minkulu yaco, waimika misumpululu yaco. 19Alimwi wakavungulula itente atala lyacikombelo, wacivumbya itente, mbubonya mbuli Jehova mbwaakalailila Musa. 20-Elyo wakabweza ibbuku lyamilao, walibika mubbokesi. Alimwi wakanjizya miziyo yabbokesi, akubika cuuno caluzyalo atala lyabbokesi. 21-Lino wakanjizya ibbokesi mucikombelo, waanzika cisitilizyo cakusitilizya ibbokesi lyacizuminano, mbubonya mbuli Jehova mbwaakalailila. 22-Alimwi wakabika intafule mutente lyambunganino, kulubazu lwacikombelo lwakunyika, anze lyacisitilizyo, 23nkabela wakabamba zinkwa alindilyo kubusyu bwa-Jehova, mbubonya mbuli Jehova mbwaakalailila Musa. 24-Alimwi wakabika cikazikilo camalampi mutente lyambunganino cilangene antafule, kulubazu lwakumusanza lwacikombelo, 25-nkabela wakabika malampi alincico kubusyu bwa-Jehova, mbubonya mbuli Jehova mbwaakalailila Musa. 26-Lino wakabika cipaililo cangolida mutente lyambunganino kunembo lyacisitilizyo, 27-watenta tununkilizyo tubotu alincico, mbubonya mbuli Jehova mbwaakalailila Musa. 28-Alimwi wakabamba cisitilizyo cakuvumbya mulyango wacikombelo. 29-Acalo cipaililo cazituuzyo wakacibika kumulyango wacikombelo catente lyambunganino, watuula alincico cituuzyo citentwa acituuzyo cabusu, mbubonya mbuli Jehova mbwaakalailila Musa. 30-Alimwi wakabika cisambilo akatikati katente lyambunganino acipaililo, wabika maanzi aakusamba mulincico, 31kuti Aroni abana bakwe basambe kumaanza akumaulu. 32-Kufumbwa ciindi nebakali kunjila mutente lyambunganino, nanka kuswena afwaafwi kucipaililo, bakali kusamba, mbubonya mbuli Jehova mbwaakalailila Musa. 33-Alimwi wakaimika lubuwa lwakuzyungulusya cikombelo acipaililo, akubika cisitilizyo cakusitilizya mulyango walubuwa, Aboobo Musa wakamanisya milimo yoonse,\\n34-Elyo ijoba lyakavumbilila itente lyambunganino, nkabela bulemu bwa-Jehova bwakazuzya cikombelo. 35-Musa wakakacilwa kunjila mutente lyambunganino, nkaambo kakuti ijoba lyakalikede ajulu, abulemu bwaJehova bwakazuzya cikombelo. 36-Lino mukweenda kwabo koonse, na ijoba lyakazwa kucikombelo, bana ba-Israyeli bakatola lweendo lwabo, 37-pele na ijoba teelyakagwisigwa, kabateendi pe mane kusikila kubuzuba bwakugwisigwa kwalyo. 38-Nkaambo ijoba lya-Jehova lyakalikede acikombelo ciindi casikati, amulilo ciindi camasiku, mumeso aaluzubo lwa-Israyeli, mukweenda kwabo koonse.","num_words":438,"character_repetition_ratio":0.108,"word_repetition_ratio":0.0,"special_characters_ratio":0.158,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Meso Aaba Jairo​—Mbwaabagwasya Kukomba Akubelekela Leza | Makani Aakuluula\\nNgazi Yamulindizi | March 2015\\nAMUBALE MU Afrikaans Albanian Amharic Arabic Armenian Aymara Bicol Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chokwe Cibemba Cinyanja Croatian Czech Danish Dutch Efik English Estonian Ewe Finnish French Ga Georgian German Greek Guarani Haitian Creole Hebrew Hiligaynon Hiri Motu Hungarian Igbo Iloko Indonesian Italian Japanese Kazakh Kikamba Kikaonde Kikuyu Kimbundu Kinyarwanda Kirghiz Kirundi Kongo Korean Kwangali Kwanyama Lingala Lithuanian Luganda Lunda Luo Luvale Macedonian Malagasy Maltese Maya Myanmar Ndebele Ndonga Nepali Ngabere Norwegian Nyaneka Nzema Ossetian Otetela Pangasinan Papiamento (Aruba) Papiamento (Curaçao) Polish Portuguese Quechua (Bolivia) Rarotongan Romanian Russian Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tatar Thai Tigrinya Tok Pisin Totonac Tshiluba Tsonga Turkish Tuvaluan Twi Tzotzil Ukrainian Umbundu Venda Vietnamese Xhosa Yoruba Zapotec (Isthmus) Zulu\\nMeso Aaba Jairo—Mbwaabagwasya Kubelekela Leza\\nAkaluulwa amwanookwabo Samuel Ruiz-León Arroyo\\nAmweezyeezye kuti mubili wanu woonse ulilebukide kunze buyo lyameso aanu. Oobo mbwabede mwanookwesu Jairo. Nokuba boobo, ulikkomene kupona buumi bulaampindu. Nonditanapandulula ikaambo ncakkomene mubuumi bwakwe, amuleke ndimulwiide kujatikizya buumi bwakwe.\\nJairo wakazyalwa kajisi bulwazi bwakubongo (cerebral palsy) ibwiitwa kuti spastic quadriplegia. * Akaambo kabulwazi oobu, taakwe ncakonzya kulicitila. Bongo bwakwe tabukonzyi kubelekela antoomwe amilambi, aboobo zimwi ziindi ulabbubba cakuti tajatiki pe. Alimwi akaambo kakuti ulabbubba cakutayeeyela, inga cipa kuti alicise. Ikuti bantu balaafwaafwi tiibacenjela, abalo balakonzya kulicisa. Pele cuusisya ncakuti, kanji-kanji maanza aakwe alimwi amaulu ayandika kwaangililwa kukacinga kakwe kutegwa kutabi ntenda zili boobo.\\nKUPONA BUUMI BUKATAZYA KAPATI KUZWA KUBWANA\\nMbwaakali buyaabukomena Jairo, bulwazi bwakwe bwakali kuyaabwiindila kucisa. Naakali amyezi yotatwe yakuzyalwa, wakatalika kusuntuka. Kanji-kanji bamaama bakali kumujatisya akubalikila kucibbadela kabayeeya kuti wafwa.\\nAkaambo kakuti bakali kumujatisya, mukuya kwaciindi mafwuwa aa Jairo akoongomana. Naakali amyaka iili 16, wakagwejuka kasolo calo cakapa kuti ayandike kwaandulwa mucibelo, mucibuno alimwi amukasolo. Ndiciyeeyede Jairo mbwaakali kulila lyoonse masiku akaambo kakucisa kwazilonda.\\nKulemana kwa Jairo kupa kuti kacitilwa buya zintu zyoonse, mbuli kulisyigwa, kusamikwa alimwi akulazikwa. Bunji bwaziindi, bamaama abataata mbebacita milimo eeyi. Nokuba kuti Jairo uyandika kugwasyigwa lyoonse, bazyali besu balamuyeezya lyoonse kuti buumi bwakwe buyeeme aali Leza ikutali buyo abantu.\\nNZILA YAKUBANDIKA YAJANIKA\\nBazyali besu Mbaakamboni ba Jehova, aboobo kuzwa ciindi Jairo naakali muvwanda bakali kumubalila makani aamu Bbaibbele. Lyoonse bakalizyi kuti buumi buba ampindu kapati lilikke kuti umwi kajisi cilongwe a Leza. Nokuba kuti Jairo wakali kusuntuka cakwiinduluka-induluka, wakali kukonzya kuba abulangizi businizyide bwakumbele. Pele bazyali bangu bakali kudooneka naa Jairo ulakonzya kukateelela kasimpe kamu Bbaibbele.\\nBuzuba bumwi, Jairo naakacili mwana, Bataata bakamwaambila kuti, “Kwaambaula kaka Jairo!” Mpoonya bakayungizya kwaamba kuti, “Ikuti kondiyanda ncobeni, ulaambaula!” Bataata nobakacili kumukombelezya kuti aambe noliba bbala lyomwe buyo, misozi yakeenda kumeso aa Jairo. Nokuba kuti wakasoleka kuti aambe mbwaakali kulimvwa, wakali kwiile kubbabbausya kwaamba. Bataata bakausa kapati akaambo kakuti bakapa kuti Jairo alile. Pele eeco cakatondezya buyo kuti Jairo wakacimvwa Bataata ncobakaamba. Penzi lyakali lyakuti tanaakali kukonzya kwaambaula.\\nKakutanainda ciindi cilamfwu, bazyali besu bakazyiba kuti Jairo wakali kweenzya meso aakwe cakufwambaana kutondezya kuti kuli ncayanda. Cakali kumucima kapati Jairo akaambo kakwaalilwa kwaamba mbwalimvwa. Pele bazyali bangu nobakazyiba mbwaakali kwaacita meso kutondezya kuti kuli ncayanda, mpoonya akumupa ncico, Jairo wakali kuboneka kubusyu kuti wabotelwa. Kulinguwe kucita boobo yakali nzila yakwaamba kuti ndalumba.\\nSyaazibwene umwi mumakani aajatikizya kubandika wakapa muzeezo wakuti, kutegwa kube kubandika kubotu, tweelede kwiimika maanza oonse obilo mujulu ciindi notuyanda kuti aingule mubuzyo uuyanda bwiinguzi bwakuti iiyi naa peepe. Kwiimika janza lyalulyo caamba kuti iiyi, janza lyalumwensi caamba kuti peepe. Aboobo, wakali kukonzya kutondezya ncayanda kwiinda mukugamika meso aakwe kujanza lyeelede.\\nZINTU ZIBOTU IZYACITIKA MUBUUMI BWA JAIRO\\nBakamboni ba Jehova balacita miswaangano mipati ziindi zyotatwe amwaka, ooko makani aamu Bbaibbele nkwaapegwa kubantu banji kapati. Jairo wakali kubotelwa lyoonse ciindi makani aalubbapatizyo naakali kupegwa kuli basikubbapatizyigwa. Bumwi buzuba Jairo naakali amyaka yakuzyalwa iili 16, bataata bakamubuzya kuti: “Jairo, sena ulayanda kubbapatizyigwa?” Cakutawayawaya wakalanga janza lyalulyo lyaba Taata kutondezya kuti wakali kuyanda kubbapatizyigwa. Mpoonya bataata bakayungizya kwaamba kuti, “Sena wakamusyomezya Leza mumupailo kuti uyanda kumubelekela buumi bwako boonse?” Alimwi Jairo wakainduluka kulangisisya janza lyalulyo lyaba Taata. Aboobo cakalisalede kuti Jairo wakalilyaabide kale kuli Jehova.\\nNobakamana kwiiya Bbaibbele ziindi zili mbozibede, cakalibonya kuti Jairo wakalumvwisya ncolwaamba lubbapatizyo lwa Bunakristo. Aboobo, mu 2004 wakaingula mubuzyo uuyandika ngwaakabuzyigwa wakuti, “Sena walyaaba kuli Leza kuti ucite kuyanda kwakwe?” Jairo wakawiingula mubuzyo ooyu kwiinda mukulanga mujulu. Oobu mbobubambe bwakwe ibwakabikkidwe bwakwiingula kuti iiyi. Aboobo, kali amyaka iili 17 wakabbapatizyigwa akuba umwi wa Bakamboni ba Jehova.\\nMESO AMUGWASYA KUBIKKILA MAANO KUZINTU ZYA LEZA\\nMu 2011, kwakajanika nzila mpya yakagwasya Jairo kubandika—ooyu muncini wakkompyuta iweendelezyegwa ameso. Ikuti meso waalanzya asikkilini yakkompyuta, yalo ilazyiba eelyo ilatondezya tudomwi asikkilini. Naa wakalanga kadomwi nkayanda naa kulaba alinkako, cili mbuli kutyanka kanwe aakkompyuta. Kkompyuta eeyi iijisi tufwanikiso alimwi amabala aayendelana atufwanikiso ooto, yakabambwa kutegwa imugwasye Jairo kubandika. Ikuti naa wakalanga komwe akulaba alinkako, pulogilamu yamu kkompyuta ipa kuti mabala aayo aalembedwe aakafwanikiso amvwike kuba majwi.\\nMbolwakali kuyaabuvwula luzyibo lwa Jairo kujatikizya Bbaibbele, alwalo luyandisisyo lwakuyanda kugwasya bantu kuzyiba Leza lwakavwula. Ciindi notwiiya Bbaibbele mumukwasyi nsondo ansondo, kanji-kanji inga ulandilanga alimwi akulanga akkompyuta yakwe cakwiinduluka-induluka. Eeyi nenzila njabelesya kundiyeezya kuti ndeelede kulemba twaambo ntwayoobelesya kupa bwiinguzi muzibeela zyakubuzya akwiingula lyamiswaangano yesu yambungano ya Bunakristo.\\nTwanooli kumiswaangano, ulalanga-langa asikkilini cakukkazika moyo kutegwa alabe aawo aali kadomwi kajisi bwiinguzi bwakwe. Acita boobo, kkompyuta ilaasandula mabala aayo kuti abe majwi kutegwa bantu boonse baamvwe. Ciindi coonse apa bwiinguzi ulamweta-mweta kapati abalo basimbungano balakulwaizyigwa. Alex, umwi wabeenzinyina ba Jairo wakaamba kuti: “Lyoonse cilandikkomanisya kumvwa bwiinguzi bwa Jairo nokuli mubandi wamu Bbaibbele.”\\nJairo ubelesya kkompyuta yakwe yeendelezyegwa ameso aakwe kutegwa ape bwiinguzi lyamiswaangano alimwi akukambaukila bamwi kujatikizya nzyasyoma\\nKuyungizya waawo, Jairo ubelesya meso aakwe kwaambila bamwi kujatikizya nzyasyoma. Nzila imwi mbwacita oobo nkwiinda mukulanga cifwanikiso cili asikkilini icitondezya muunda uujisi banyama alimwi abantu bamisyobo yoonse ibali muluumuno. Ikuti wacita boobo, kkompyuta yakwe yaamba majwi aakuti, “Cisyomezyo ca Leza ncakuti nyika iyooba paradaiso oomo mutakabi limbi kuciswa alimwi alufwu, Ciyubunuzyo 21:4.” Ikuti naa muntu ngwabandika limwi watondezya luyandisisyo, Jairo ulalanga akulaba akadomwi akamwi ikapa kkompyuta yakwe kwaamba kuti, “Sena inga mwayanda kwiiya Bbaibbele andime?” Cigambya ncakuti basyaanene bakazumina ciiyo ca Bbaibbele. Eelo kaka cilakkomanisya kubona Jairo asyoonto-syoonto kayiisya basyaanene Bbaibbele kwiinda mukugwasyigwa a Kamboninyina! Makani aakkomanisya ngakuti, basyaanene bakabbapatizyigwa lyamuswaangano wacooko ku Madrid mu August 2014.\\nKucikolo nkwaiya, bamayi balamulumbaizya Jairo akaambo kabusungu mbwajisi kubelekela Leza. Ba Rosario, umwi wabasyaazibwene mumakani aakwaambaula, cimwi ciindi bakaamba kuti: “Ikuti naa ndayanda kutalika kukomba, inga ndaba umwi wa Bakamboni ba Jehova. Ndabona lusyomo lwa Jairo mbolwamupa kuba ampindu mubuumi, nokuba kuti uli mubukkale bukatazya.”\\nLyoonse Jairo ulakkomana kapati ikuti ndamubalila cisyomezyo camu Bbaibbele cakuti: “Mulema uyoosotauka mbuli insya, awalo mulaka wasyaataambi uyakoongolola cakukondwa.” (Isaya 35:6) Nokuba kuti zimwi ziindi ulatyompwa, bunji bwaziindi inga ulikkomene. Ulikkomene akaambo kakuti ulagwasyigwa a Leza alimwi abeenzinyina Banakristo. Lukkomano ndwajisi alimwi alusyomo lwakwe ncitondezyo cakuti kubelekela Leza kupa kuti buumi bube ampindu nokuba kuti bukkale bulakatazya.\\n^ par. 5 Celebral palsy (CP) kanji-kanji ndibbala libelesyegwa kupandulula kunyonyooka kwabongo ikupa kwaalilwa kucita zintu. Bulwazi oobu alimwi bulakonzya kupa muntu kusuntuka, kutayanda kulya alimwi akutaambaula kabotu. Bulwazi bwa Spastic quadriplegia mbobwiinda kucisa akati kamisyobo yamalwazi aa Celebral palsy; bulakonzya kupa kuti maanza amaulu kaayuminina alimwi akupa nsingo kulebuka.\\nNzyobaamba Balongwe Ba Jairo\\nBa Rosa ibajisi myaka iili 63 baamba kuti: “Jairo muntu uukkomene kapati. Luyandisisyo lwakwe lwakubelekela Jehova lupa kuti abamwi bayande kucita oobo.”\\nBa Antonio ibajisi myaka iili 32 balo baamba kuti: “Ndilakulwaizyigwa kapati lyoonse nondimubona Jairo kaamba zyalusyomo lwakwe.”\\nBa Andrés ibajisi myaka iili 67 baamba boobu: “Kuboneka mbuli kuti njiisyo zyamu Bbaibbele zimwi ulazimvwisya kabotu Jairo kwiinda ndime.”\\nKupona Buumi Buli Kabotu Luumuno alimwi alukkomano\\nBbaibbele Ncolyaamba Kujatikizya Kupenga\\nSena Leza ulabikkila maano notusunkwa akupenga?\\nMAKANI AAYEEME AMUTWE UULI ACIVWUMBYO Ikaambo Ncotuyandika Kufwutulwa\\nMAKANI AAYEEME AMUTWE UULI ACIVWUMBYO Lufwu lwa Jesu Alimwi Abubuke Bwakwe​—Mbozikonzya Kumugwasya\\nMAKANI AAYEEME AMUTWE UULI ACIVWUMBYO Nkuuli alimwi Ndilili​—Lufwu lwa Jesu Noluyakwiibalukwa?\\nBASIKUBALA BALABUZYA Sena Ncobeni Isita Ndipobwe Lyeelede Kusekelelwa a Banakristo?\\nMAKANI AABUUMI Meso Aaba Jairo—Mbwaabagwasya Kubelekela Leza\\nZipego Izyakali Kweelela Kupa Mwami\\nMabala Amusale naa muyanda kukkopa zyakamwaigwa NGAZI YAMULINDIZI March 2015 | Jesu Ulafwutula—Kuzwa Kunzi?\\nMarch 2015 | Jesu Ulafwutula—Kuzwa Kunzi?\\nNGAZI YAMULINDIZI March 2015 | Jesu Ulafwutula—Kuzwa Kunzi?","num_words":1283,"character_repetition_ratio":0.045,"word_repetition_ratio":0.0,"special_characters_ratio":0.15,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Levitiko 22 IBBAIB63 - Lino Jehova wakaambila Musa - Bible Search\\nMilao aimwi yabapaizi\\n1Lino Jehova wakaambila Musa kuti, 2-Ambila Aroni abana bakwe kuti balipambule azintu zisalala zyabana ba-Israyeli nzibandisalazizya, kuti batasofwaazyi izina lyangu lisalalisya, Ndime Jehova. 3-Kobaambila kuti, Kufumbwa muntu walunyungu lwanu mumazyalani aanu oonse uuswena kufwaafwi kuzintu zisalala zyabana ba-Israyeli nzibasalazizya Jehova, nacisofweede, oyo muntu ulatandwa kubusyu bwangu. Ndime Jehova. 4-Kufumbwa muntu akati kabana ba-Aroni uuli acinsenda na lusenso teelede kulya zintu zisalalisya mane akasalale. Alimwi kufumbwa uuampa cintu cisofweede nkaambo kamufu nanka mwaalumi uusofweede bwaalumi bwakwe, 5-na muntu uuampa ciyavula ansi cikonzya kusofwaazya nanka muntu uukonzya kumusofwaazya abusofwi buli buti abuti— 6-muntu uuampa cintu cili boobo ulasofwaala mane kusikila kumabbililo aazuba, alimwi teelede kulya zintu zisalalisya cita sansi asambe amubili. 7-Lino izuba lyabbila buyo ulasalala; musule lyaboobo ulakonzya kulya zintu zisalalisya, nkaambo nzezilyo zyakwe. 8-Munyama uulifwida nanka uulumwa, teelede kulya nyama yakwe pe, kuti atalisofwaazyi. Ndime Jehova. 9-Babambe lubeta lwangu, kuti batajani kaambo, batafwi ciindi cakulisofwaazya. Ndime Jehova uubasalazya.\\n10-Bazwakule tabeelede kulya zintu zisalalisya. Mweenzu uuswaya kumupaizi, nanka similimo uuvola mali, boonse tabeelede kulya zintu zisalalisya. 11Pele na mupaizi waula muntu amali aakwe, oyo muntu alye. Abaabo ibazyalwa muŋanda yakwe, abo balalya cilyo cakwe. 12Na mwana musimbi wamupaizi wakwatwa kumuzwakule, teelede kulya zilyo zyacipaizyo cazintu zisalalisya. 13-Pele na oyo mwana musimbi wamupaizi wafwidwa mulumi na kulekwa, nkabela taakwe bana, alimwi waboola kuŋanda yawisi mbubonya mbuli mumazuba aabwanike bwakwe, alye zilyo, zyawisi. Pele kutabi muzwakule uuzilya pe. 14-Na muntu walya cintu cisalalisya mukutaziba, uleelede kuyungizya cipanzi casanu akuboozezya mupaizi eco cintu cisalalisya. 15Batasofwaazyi zintu zisalalisya zyabana ba-Israyeli nzebaletela Jehova, 16kuti batajani mulandu ciindi cakulya zintu zisalalisya, nkaambo ndime Jehova uubasalazya.\\nMilao aimwi yazipaizyo\\n17Lino Jehova wakaambila Musa kuti, 18-Ambila Aroni abana bakwe abana boonse ba-Israyeli kuti, Kufumbwa muntu waluzubo lwa-Israyeli, na wabeenzu bakalakala mucisi ca-Israyeli, uuleta cipaizyo cakwe, neciba cipaizyo cakukonkezya neciba cakupa buyo, zyoonse nzebaletela Jehova kukumutentela, 19na muyanda kutambulika, cibe mucende uutakwe kampenda akati kaŋombe nanka imbelele nanka impongo. 20-Cintu cijisi kampenda, mutacipaizyi pe, nkaambo tacitambuliki. 21-Amuntu uutuulila Jehova cipaizyo cakutontozya, neciba cakukonkezya neciba cakupa buyo, munyama ngwaleta, niiba iŋombe niiba imbelele, uleelede kululama kuti atambulike; atabi akampenda nekaba komwe. 22Moofu na uutyokede na mulema na uuli azilonda na sicibulu na sibwele, abo boonse toelede kubapaizizya Jehova nekuba kubatentela Jehova acipaililo. 23-Musune na kabelele uulampya cizo cimwi na uucesya cizo cimwi ulakonzya kuba cipaizyo cakupa buyo, pele tatambuliki mbuli cipaizyo cacikonsyo. 24Munyama uuli amacende aapwayikide na aapasukide na aalebukide nanka uuzibidwe tamweelede kumutuulila Jehova na kumupaizya mucisi canu. 25-Abanyama bali boobo baulidwe kumweenzu, abalo tamweelede kubaleta mbuli zilyo zyaLeza wanu, Babija, balijisi kampenda, aboobo tabatambuliki.\\n26Lino Jehova wakaambila Musa kuti, 27-Iŋombe na imbelele na impongo niizyalwa, ileelede kukala kulibanyina mazuba aali musanu aabili; lino kuzwa kubuzuba bwamusanu aatatu ilatambulika mbuli cipaizyo cakutentela Jehova. 28-Iŋombe na imbelele impwizi, mutaijayi abana bayo boonse mubuzuba bomwe. 29-Alimwi na mwapaizizya Jehova cipaizyo cakulumba, amupaizye kabotu kuti mutambulike. 30Ciligwe mubuzuba bomwe; citasyaali mane kubucedo pe, Ndime Jehova.\\n31-Amubambe milao yangu akwiicita, Ndime Jehova. 32-Mutasofwaazyi izina lyangu lisalalisya. Ndemekwe akati kabana ba-Israyeli, Ndime Jehova uumusalazya, 33-iwakamupozya munyika ya-Egepita, kuti mbe Leza wanu, Ndime Jehova.","num_words":502,"character_repetition_ratio":0.084,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 1 BB03 - Kumatalikilo Lesa wakalenga liculu - Bible Search\\n1Kumatalikilo Lesa wakalenga liculu acishi ca panshi. 2Ono cishi taaku mbocakalingaawo ceebo temwakalinga shintu. Kwakalingabo munshinshe peculu lya maanshi aanji. Mushimu wakwe Lesa wakalinga kweendeendabo peculu lya maanshi. 3Mpeeke Lesa wakaamba ayi, “Akube mumuni.” Lyalo mumuni wakabaako. 4Lesa wakabona kwaamba ayi mumuni ngubotu, lyalo wakapansaanya mumuni amunshinshe. 5Mpeeke Lesa wakatumba mumuni ayi, “Malumwi,” awalo munshinshe ayi, “Mashiku.” Lyalo kwakaba macolesha amacuunsa, ubu bwakaba mbushiku butaanshi.\\n6 Ono Lesa wakaamba ayi, “Akube musena ufongomene kwiculu kwaamba ayi upansaanye maanshi.” 7Aboobo Lesa wakalenga musena ufongomene uyo akupansaanya maanshi ayo apanshi lya nguwo alimwi aayo ali peculu lya nguwo. Mpeeke kwakaba bweenka ubo. 8Lesa wakatumba musena uyo ayi, “Liculu.” Lyalo kwakaba macolesha amacuunsa, ubu bwakaba mbushiku bwabili.\\n26Ono Lesa wakaamba ayi, “Atulenge muntu mucikoshanyo cesu, anooboneka anga ndiswe. Bakanokweendelesha nswi sha mumaanshi, bayuni bauluka, banyama bafubwa, banyama bamuluundu ashilongolo shinene atuniini sheenda panshi shoonse.”\\n27 Aboobo Lesa wakalenga muntu,\\nWakalenga musankwa amwanakashi.","num_words":152,"character_repetition_ratio":0.087,"word_repetition_ratio":0.0,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Luka 1, Cizuminano Cipya mu Chi Ila (CCI) | The Bible App\\nCipangano Cipiya 2015\\n© 2015 Bible Society of Zambia\\nVind meer uit oorCizuminano Cipya mu Chi Ila\\nLuka Walemba Luŋwalu kwa Teyofilasi\\n1Kuli ulemekwa Teyofilasi, nikuba ati bantu banji banji bakasoleka kulemba makani ashintu shesho shakacitika akati kesu, 2bakalemba kwiingainya umbutwakashimwinwa ubakamboni bakabona shintu shesho kuhwa ku makancilo, ulimwi kabakambauka Mulumbe wezo. 3Inzho uulemekwa Teyofilasi, shintu shoonse sheshi ndakashibuzhabuzha kabotu kabotu mbuli mbushicilizhenye kuhwa ciindi nishakakanka kucitika, ubobo ndazanda ati nshilembe. 4Ndacita bobo kwaamba uzhibe lushinizho mu twaambo toonse ntuwakayiishiwa.\\nKuzhalwa kwaka Johani Kwaambilizhiwa\\n5 # 1 Maka 24:10 Ku ciindi mwami Helodi naakaakulela cishi ca Judiya, kakuli mupaizhi wakaakutewa ati Zakaliya, kali wa mukabunga ka bapaizhi kana Abija. Zakaliya katwele mukaintu uutewa ati Lizabeti wamukowa waka Aloni. 6Boonse bobile kabali bantu balulami, kabeenda mu malailile u kucilila Milawo ya Leza yoonse ca kubula kampenda. 7Pele kabaina mwana, nkaambo Lizabeti katazhali ulimwi boonse bobile kabali bacembele.\\n8Bumwi buzuba, Zakaliya kali muŋanda ya Leza kucita mulimo wakwe wabupaizhi, kaambo kabuli bulizhi bwankamu yakwe. 9Inzho kwiingainya uciyanza ca bapaizhi, bakasala Zakaliya kwaamba ati nguuya muŋanda ya Leza kutenta tununcilizho mu busena busalala. 10Inkamu ya bantu keesheele ansengwe ilakomba ciindi Zakaliya naakaakutenta tununcilizho. 11Ngoonaawo Zakaliya wakabona anjelo wa Mwami, ulizhimine kuluya lwa cilyo lwa cipaililo aakaakutentelwa tununcilizho. 12Ceci cakamuzhinga Zakaliya, ulimwi wakatiya cini cini. 13Pele anjelo wakamwaambila ati, “Utatiyi Zakaliya! Leza wateelela kukomba kwako, mwinako Lizabeti ulakakuzhalila mwana mweembezhi wezo nguukaaulika ati Johani. 14Kulakaba kubotelwa ukutangala cini cini, u bantu banji banji balakabotelwa ukaambo kakuzhalwa kwakwe! 15#Mye 6:3Wezu mwana ulakaba mulemu ku bushu bwa Leza, ulimwi takanwi waini pe, nishiba shimwi shikola, ulakakwata insana sha Moza Usalala kacili mwifwu lyakabaina. 16Wezu muntu ulakacita kwaamba ba Izilaili banji banji bazhoke ku Mwami Leza wabo. 17#Mal 4:5, 6Inzho Johani nguukaasololela Mwami Jeso, ulimwi ulakaakukwete insana sha Moza shili ukoya shaakaakukwete mushinshimi Elaija. Ulakaleta kuteelezhanya akati kabana ubamaushabo, ulakalulamika bantu bataluleme kwaamba babe u mizeezo mibotu, ulakacita bantu ba Mwami kwaamba balibambile.” 18Zakaliya wakamubuzha anjelo ati, “No ndazhiba buti ati ceci nciwaamba cilakacitika? Nkaambo ndakomena, aze mwinangu mucembele.”\\n19 # Dan 8:16; 9:21 Anjelo wakamwiingula ati, “Ndime Gabuliyele! Mutwanga wa Leza uuzhima ku bushu bwakwe ciindi coonse. Wantuma kwaamba nzhize nkwaambile aza makani. 20Inzho ulaba shicintaamba, ubobo tuukwaamba kushicila sheshi shintu shikacitike nkaambo wiina kwaashoma mazwi angu aza aakaacitika ku ciindi ceelele.”\\n21Ku ciindi ceco bantu kabamulindila Zakaliya, bakakanka kubuzhanya ati, “No nkaamboonzhi wamuka kuhwa muŋanda ya Leza?” 22Naakamuhwa, wakakacilwa kwaamba, wakakanka kutambaika matashi cakutaamba linji, ubobo bantu bakashimpikila kuzhiba ati wabona cilengaano muŋanda ya Leza.\\n23Bulizhi bwakwe bwakusebeza muŋanda ya Leza nibwakamana, Zakaliya wakaya kwakwe. 24Inzho nikwakaita mazuba, Lizabeti wakemita, amane wakaliseseka ku bantu kwa myezhi yosanwe, 25ulaamba ati, “Inzho Mwami wamfwila luse nkaambo wantaba, wankusha insoni ku bantu!”\\nAnjelo Gabuliyele Waamba sha Kuzhalwa kwa Jeso\\n26Ciindi Lizabeti naakakwanya mwezhi iili cisambomwi yakumita, Leza wakatuma anjelo Gabuliyele kuya ku Nazanleta mucishi ca Galilaya. 27#Mat 1:18Wakamutuma kunakalindu wakaakuseselwe ku mulombwana uutewa ati Jozefu wa luhubo lwa Devidi, izhina lya nakalindu wezo kali Maliya. 28Anjelo wakeza kwakwe wamwaambila ati, “Uwe umulonjezhe, Mwami Leza abe aze.” 29Maliya naakaateelela aza mazwi wakazhingwa cini cini, wakalibuzha mu monzo wakwe ati, “Anu nkwaanzha kuli buti koku?” 30Inzho anjelo wakamwaambila ati, “Utatiyi Maliya, Mwami Leza wakufwila luse. 31#Mat 1:21Bona, ulakamita u kuzhala mwana mweembezhi, ulakamuulika izhina lya Jeso. 32#2 Sam 7:12, 13, 16; Aiz 9:7Ulakaba mulemu, ulakaakutewa ati Mwanakwe Namakungwe Mutalabala. Mwami Leza ulakamupa bwami buli ukoya mbwaakaakubele Devidi ushi, 33ulakaba muleli wamushobo wa Izilaili shikwense uushikwense, bulelo bwakwe tabukamana!”\\n34Inzho Maliya wakamubuzha anjelo ati, “No ceci cilakonzha kuba buti kwangu ume iintezhi mulombwana?”\\n35Anjelo wakamwiingula ati, “Moza Usalala ulakeza alyuuwe, iinsana sha Leza wamwizeulu shilakakuhumba. Wezo nguukaazhala Usalala ulakaakutewa ati Mwanakwe Leza. 36Sa ulamuzhibaluka Lizabeti musazhinoko welya ngubakaakwaamba ati tazhali? Inzho ulimishi mwana mweembezhi mu bucembele bwakwe. Mwezhi weno ngwacisambomwi. 37#Mata 18:14Nkaambo kwiina cikaka kwa Leza.”\\n38Maliya wakaamba ati, “Ume ndimuzhike wa Mwami, acibe kwangu mbubona mbuwaamba.” Ngoonaawo anjelo wakamushiya.\\nMaliya waya Kuswaya Lizabeti\\n39Kwiite mazuba mashoonto, Maliya wakabweza lweendo cakubindaana kuya ku munzhi uuli mu mapili mucishi ca Judiya. 40Wakaya kunjila muŋanda yaka Zakaliya, wakamwaanzha Lizabeti. 41Inzho Lizabeti nakateelela kwaanzha kwaa Maliya, mwana wakaakuli mwifwu lyakwe, wakasamba ca kubotelwa. Ngoonaawo Lizabeti wakeendelezhewa u Moza Usalala, 42wakapozomoka ati, “Ulikwete coolwe uwe akati kabakaintu boonse, u mwana ngukaazhala ulikwete coolwe! 43Anu ndime ni iinkonzha kuswayiwa kwa baina Mwami wangu? 44Mbuwaŋanzhizha bulyo, aze mwana uuli mwifwu wasamba ca kubotelwa. 45Ulikwete coolwe nkaambo wakashoma ati, makani a Leza nguwakaambilwa alishinizhe alakacitika.”\\nLwiimbo lwa Maliya Lwakutembaula\\n46Maliya wakaamba ati,\\n“Ndakulumba Mwami mu monzo wangu.\\n47Moza wabotelwa cini cini kaambo ka Leza mufwutuli wangu,\\n48 # 1 Sam 1:11 ukuti wazhibaluka kulicesha kwangu, ume ndimuzhike wakwe.\\nInzho mazhalane oonse alakenta ati, uli ucoolwe,\\n49nkaambo Leza shinsana shoonse wancitila shintu shikando,\\nnkaambo kezhina lyakwe lilasalala.\\n50Wakatondezha luse ku bantu boonse bamulemeka, kukancila kwizhalane limwi kushicila kuli limwi.\\n51Wakacita shintu shizoosha iitashi lyakwe, ukwaandaanya bantu bakwete mizeezo yamatunta mu myonzo yabo.\\n52 # Jobo 5:11; 12:19 Wabakusha baleli bashinsana mu shuuna shabo ukusumpula balibonzha.\\n53Bafwile inzala bekuta shintu shibotu,\\nbahubi wabatanda cinkambaminwe.\\n54Wacibamba cishomezho ncaakashomezha kuli ba shaakale besu,\\nulimwi wamuyohwa Izilaili musebezhi wakwe.\\n55 # Mata 17:7 # 1 Sam 2:1-10 Wazhibaluka kuba shiluse kwa shaakale wesu Abulahamu\\nukuluhubo lwakwe luzhiza shikwense u shikwense.”\\n56Maliya wakakala u Lizabeti kwa myezhi iitiikabe yotatwe, amane wakapiluka kwakwe.\\nKuzhalwa kwa Johani Mupapatizhi\\n57Ciindi nicakashika caka Lizabeti cakutumbuka, wakazhala mwana mweembezhi. 58Bashimukobonina ubasazhiina nibakateelela Mwami mbwaakatondezha luse kwa Lizabeti, boonse bakasekelela antoomwi.\\n59 # Bale 12:3 Inzho mwana naakakwanya mazuba ali lusele, bakeza kwaamba bamupalule. Kabazanda kumuulika izhina lya ushi, ati ngu Zakaliya. 60Pele baina wakaamba ati, “Pe pe! Izhina lyakwe ngu Johani.”\\n61Bantu bakaamba ati, “Kwiina musazhinoko naaba womwi uukwete izhina leli.” 62Ngoonaawo bakatambaika matashi kwa ushi, kumubuzha izhina ndyazanda kuulika mwanakwe.\\n63Ngoonaawo Zakaliya wakalomba shakulembela kwiita mukutambaika matashi amane walemba ati, izhina lyakwe ngu Johani. Inzho bantu boonse bakazhingwa. 64Mbwaakamanina bulyo kulemba, Zakaliya wakakanka kwaamba ulimwi ukutembaula Leza. 65Beenzhiina boonse bakatiya cini cini, u makani aza akayeempuwo mucishi coonse ca mapili a Judiya. 66Boonse babo bakateelela sheshi shintu bakashibika mu myonzo yabo, bakaabuzhanya ati, “Anu wezu mwana ulakaba muntu uuli buti?” Nkaambo cakalibonya kwaamba ati, insana sha Leza kashilyaaze.\\nKushinshima kwaka Zakaliya\\n67Zakaliya ushi Johani, wakeendelezhewa u Moza Usalala, wakashinshima ati,\\n68“Atembaulwe Mwami Leza wa Izilaili,\\nnkaambo weza kuyohwa ukunununa bantu bakwe.\\n69Wakatupa mufwutuli shinsana kwiza kutufwutula, wakahwa muluhubo lwaka Devidi.\\n70Umbona mbwaakaamba kwiita mu bashinshimi bakwe ku mazuba a kale kale basalala.\\n71Wakaamba ati, ulakatufwutula kuhwa mu matashi a bashinkondonokwesu, u babo batuswile.\\n72Wakaamba ati ulakabacitila luse baushesu bakale kale, ulimwi takaluba cihuminano cakwe cisalala.\\n73Ncakapinga kwa ushesu Abulahamu, ukutushomezha ati,\\n74ulakatuhuna kumatashi a bashinkondonokwesu kwaamba ati tukamusebezele cakubula bukandu,\\n75ukweenda cabusalazhi ubululami, kwaamba tube basalazhi ubalulami ku mazuba oonse a bumi bwesu.\\n76 # Mal 3:1 Uwe u mwanangu ulakatewa ati, mushinshimi wa Namakungwe Mutalabala, ulakasololela Mwami kumululamicila inzhila yakwe.\\n77Ulakazhibya bantu bakwe kwaamba balakafwutulwa u kulecelelwa shibi shabo.\\n78Lufwutuko lwa Mwami lulakeza kulyuuswe kuhwa kwizeulu, ukoya mumuni wezuba kumahwilo,\\n79 # Aiz 9:2 ulakamunikila bantu boonse bashite mu mushinze umucinhule ca lufwu, ukutusololela muluumuno.”\\n80Inzho Johani wakakomena ku mubili uku Moza. Wakaakukala mulukula kushikila kubuzuba naakakanka milimo yakwe ya buleya mu Izilaili.\\nVerken Luka 1 se verse","num_words":1103,"character_repetition_ratio":0.043,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"MWATI BANJI INGA KABALUBIZYIDE?\\nMuciiyo 16 twakazyiba kuti kulyookezya kwa Nsabata mucelo sunu munyika yabuumi bukatazya. Akaambo kakuti Leza ulateelela nzyotuyanda zyoonse, wakabikka buzuba bwa ciloba kuti bube bwakulyookezya mumimimo yesu akutukatalusya mumuuya. Naakamana kulenga nyika yesu mumazuba aali cisambomwi (six) wa \"kalyookezya\" mubuzuba bwa ciloba wabu \"leleka\" alimwi \"wabu setekanya\" (Matalikilo 2:1-3).\\nLeza nakapa milawo iili kkumi kubantu bakwe, bana Iziraeli, wakabika mulawo wakubamba nsabata ya buzuba bwaciloba akati kati a mulawo wakwe (Kulonga 20:8-11).\\nKweendelana a mulawo ooyu, Insabata nciibalusyo ca nguzu zyakulenga kwa Leza. Buzuba bwa kulizinza akuyeeya bubotu amaleele a malenge akwe. Buzuba bwa kukkalikana akuboola munsi a mulengi wesu. Mbobuzuba bwakubona bupati bwa mbotucitene a nguwe.\\nMumazuba a Jesu mubuumi bwa buntu muno munyika, a walo wakaibamba InSabata (Luka 4:16) akuyaamba kuti mbuzuba bujisi mpindu kumuntu uukondwa (Marko 2:27-28). Twaambo tunji mubbuku lya incito twaamba kuti basiciiya ba Jesu bakakomba munsabata Jesu naakamana kubuka (Incito 13:14; 16:13; 17:2; 18:1-4, 11).\\n1.\\tMUBUZYO UUGAMBYA\\nEeci citusisya a ciiyo cigambya bantu banji. Bana Klistu banji munyika babamba mazuba obile aandene kwaciindi cilamfu. Ooku, ba Klistu banji babamba amoyo omwe buzuba bwa nsondo, buzuba butaanzi mumvwiki, bwalo mboba syoma kuti nciyeeyezyo cakubuka kwa Klistu. Kakuli kulubazu lumwi inkamu mpati yaba kondwa, abalo calusinizyo basyoma kuti ibbaibbele lilemeka buyo buzuba bwa ciloba bulike kuti mbobwa nSabata akuti kunyina mpoizuminide kusetekana insondo pe.\\nMwati kuli makani mapati kulangilizya kuti mbuzuba nzi mbondibamba kuti mbwa nSabata? Mbuli bantu basinizyide a kusyomeka kabayanda kuzyiba kasimpe, tweelede kulibuzya lyoonse ikuti: ino Jesu uyanda nzi? Ino Jesu ninzi ncayanda kuti ndicite?\"\\nNotuyanda kusala awa, kuli twaambo tupati-pati tweelede kusalazigwa:\\nNguni wakacinca Nsabata kuzwa muli bwasanu mwaabili, buzuba bwa ciloba, akubuleta mu nsondo, buzuba bwakutaanguna mumvwiki? Mwati Bbaibbele lilazumina ooku kulonzya? Kuti kakuli boobu, hena Leza, Klisto naa batumwa mbabakailozya insabata? Pe, tulazumanana atwaambo tulangilwa kuti ntutwaka letelezya.\\n2. HENA LEZA WAKAILONZYA NSABATA?\\nHena kuli kaambo kazyila kuli Leza kaamba kulonzyegwa kwa Nsabata kuzwa mubuzuba bwaciloba kuletwa mubuzuba butaanzi mumvwiki?\\nBa Klisto banji balazumina kuti milawo iili kkumi ilayandika kapati mubuumi. Ngamakani alikke buyo Leza ngaakalembela muntu uulya maila. Aaya makani mapati kapati. Wakaaalembela abbwe amunwe wakwe mwini alikke (Kulonga 31:18).\\nMumulawo wane Leza ulatulailila:\\n\"Yeeya buzuba bwa nSabata kwiinda mukubusetekanya - mumazuba aali cisambomwi uyakubeleka akucita milimo yako yoonse, pele BUZUBA BWA CILOBA MBWAKULYOOKEZYA KULI LEZA WANU. Mubuzuba oobu tokaciti mulimo nouceya... nkaambo Leza wakalenga julu a nyika mumazuba aali cisambomwi, lwizyi a zyoonse zili muli nzizyo, nkabela WAKALYOOKEZYA mubuzuba bwamusanu mwaabili. Aboobo MWAMI WAKALELEKA buzuba bwa Nsabata AKUBUSETEKANYA.\" - Kulonga 20:8-11.\\nLeza naakapa milawo iili kkumi kubantu bakwe, wakacisalazya akuti kunyina muntu uulya maila weelede kuulembulula akubalulula cakuyandaula kulubila imalailile aazyila kumulomo wakwe.\\n\"MUTAYUNGIZIZYI cintu nekuba KUZWISYA cintu, kumakani ngendamulailila, kuti mubambe mailile aa-Jehova Leza wanu ngeemulailila.\" - Ditolonomi 4:2.\\nLeza lwakwe wasyomezya kutacinculula malailile Aakwe:\\n\"NSIKOOYOOJAYA cizuminano cangu, NSIKOOYOOTYOLA makani aazwa mumilomo yangu.\" - Intembauzyo 89:34 .\\nIbbaibbele lilacisalazya kuti Leza tanaakalonzya Insabata kuzwa kubuzuba bwa ciloba kuleta kubuzuba butaanzi mumvwiki pe.\\n3. HENA JESU WAKALONZYA NSABATA?\\nKweendelana a Jesu, imilawo iili kkumi taikonzeki kucincululwa pe:\\n\"Mutayeeyi kuti ndeza kuzoojaya mulawo naaba basinsimi, teesi kujaya nkunzidide pe, ndizide kukulondola nkaambo ndamwaambila calusinizyo kuti, ijulu anyika zyoonse zilakonzya kumana, pele tacikonzyeki kuti kamane kabala nikaba komwe, nikaba kazila komwe kamu-mulawo mane limwi zintu zyoonse zikacitwe.\" - Mateyo 5:17-18.\\nMuciiyo 16 twakabona kuti cakali cilengwa ca Jesu kukombela musinagogo mu Nsabata (Luka 4:16). Twakabona alimwi kuti Jesu waka likuyanda kuti basiciiya bakwe bazumanane kukondwa nobakomba mubuzuba bwini bwa NSabata (Mateyo 24:20).\\nCilalibonya aatuba kuzwa kuziiyo zya Jesu alimwi azikonzyanyo insabata tuciiyanda kutegwa tulyookezye, tulitakate akukkala antoomwe a Leza.\\n4.\\tHENA BASICIIYA BAKAILONZYA INSABATA?\\nJakobo, musololi mutaanzi wacikombelo caba kondwa nicakacili kutalika, wakati kugamika milawo iili kkumi:\\n\"Kufumbwa muntu uutobela milawo yoonse, pele alubya cintu comwe, ulijisi mulandu kuli yoonse nkaambo ooyo uwakaamba kuti utabi simamambe, ngonguwe wakaamba alyalo ijwi lyakuti, utabi nojaya. Eno wataba simamambe pele wajaya, nkokuti wasotoka mulawo.\" - Jakobo 2:10, 11.\\nLuka, musilisi ngweena kali mukambausi mucikombelo kacicili ciniini wakati:\\n\"Munsabata twakainda amilyango yamunzi katuya kumulonga katuyandaula busena bwakupailila. Twaka kkala ansi akutalika kwaambaula abanakazi bakabungene ookuya.\" - Incito 16:13.\\nMucizuminano cipya, mubbuku lya Incito zyabatumwa lilaamba twaambo twaandene tuli 84 baccilili bakwe nibaka bamba Nsabata. Zyoonse ezi zyakacitika kakwiindide myaka 14 Jesu kabukide kale: Nsabata zyobile (2) mu Antioch. (Incito 13:14, 42, 44); yomwe (1) ku Philippi (Incito 16:13); zyotatwe (3) Mutesolonika (Incito 17:2, 3); 78 ku Kolinto (Incito 18:4-11).\\nJohane, wakacaalizya kufwa kuli basiciiya boonse, wakabamba Insabata, wakalemba kuti\\n\"Mubuzuba bwa Mwami ndakali mumuuya.\" - Cizubuluzyo 1:10.\\nkweendelana a Jesu, buzuba bwa mwami ni Nsabata:\\n\"Nkaambo mwana-amuntu ngumwami wa Nsabata.\" - Mateyo 12:8.\\nTwayandaula mumangwalo tulalibonena kuti batumwa ba Jesu tiibakasola naaceya kucinca buzuba bwakulyookezya bwa Leza kuzwa muli bwaciloba kuzya mubutaanzi mumvwiki. Buzuba butaanzi mumvwiki bwaambidwe buyo ziindi lusele (8) mucizuminano cipya. Kunyina ampobwaambidwe oobu buzuba kuti buli setekene pe muzibalo zyoonse zili musanu muzitatu. Nokuba buyo kusyamudwa kuti tububikke ambali kuti mbuzuba bwakukomba pe. Twabala kabotu twaambo ootu tuli lusele, twaamba buzuba butaanzi mumvwiki tujana kuti:\\n(1) Banakazi bakasika kucuumbwe mubuzuba butaanzi bwamviki (Mateyo 28:1).\\n(2) \"Nsabata niyakamana\" banakazi bakajokela kumilimo yabo mubuzuba butaanzi bwamwiki (Marko 16:1, 2).\\n(3) Jesu wakalibonya kuli Maria Magadalena kubucedo bwa buzuba butaanzi mumvwiki (Marko 16:9).\\n(4) Basiciiya ba Jesu bakajokela kumilimo yabo mubuzuba butaanzi bwa mvwiki (Luka 24:1).\\n(5) Maria wakaunka kucuumbwe ca Jesu akuyoojana cilibukwazi mubuzuba butaanzi bwa mvwiki (Johane 20:1).\\n(6) Basiciiya bakabungana antoomwe \"kabayoowa bama Juda\" (kutali kubunganina kukomba pe) mubuzuba butaanzi bwa mvwiki (Johane 20:19).\\n(7) Paulu wakalomba basicikombelo kuti babale mali abo mubuzuba butaanzi bwamvwiki, alimwi \"akubikka ambali mali amwi\" aabacete ku Jerusalemu (1 Bakolinto 16:1, 2). Cibalo eeci tacaambi muswaangano wakukomba Leza pe.\\n(8) Mu Incito 20:7 Luka waamba kuti Paulu wakakambauka mulumbe wakulayana mubuzuba butaanzi bwamvwiki. Inzya Paulu wakakambauka buzuba abuzuba, alimwi abatumwa bakakomauna cakulya buzuba-abuzuba (Incito 2:46).\\nKunyina akaambo nokaceya kapa muzeezo wakuti basiciiya bakayanda kuleka kukomba mu nSabata ya buzuba bwa ciloba mumvwiki. Batumwa tabaambi kulonzya nSabata kuzwa kubuzuba bwaciloba kuileta mubuzuba butaanzi bwamvwiki pe. Aboobo mu cizuminano cipya kunyina mpocibikkidwe antangalala kuti kwakaba kulonzya Insabata kuzwa mubuzuba bwaciloba mumvwiki kubuleta mubuzuba butaanzi mumvwiki pe buzuba bwa nsondo. Ooku kulonzya kwakaba mazuba aa Jesu abatumwa bakwe kaaindide kale. Nkokuti atulange kubukkale bwa muntu ndiza tulajana mbukwa kaboola-boola ooku kucinca.\\n5.\\tINO NSONDO YAKAZYILA KULI?\\nBatumwa balatubikkila aatuba kuti bamwi bakondwa baya kuyaamuka kuzwa kunjiisyo zya mucizuminano cipya. \"Aboobo amucenjele\" (Incito 20:29-31). Ncicona eeci ncica kazoocitika. Babubwene kabotu bukkale bwa muntu munyika balacibikka atuba kuti bakondwa bakatalika buti kuleya kuzwa mu kulondoka kwabatumwa. Tunsiya-nsiya alimwi a njiisyo Paulu, Petulo, alimwi abamwi bakatalisya cikombelo ca bana Klistu nzyobata kaiisya zyakanjila mucikombelo.\\nKulonzya nSabata iibambwa akwiileta mu nsondo kwakacitika cizuminano cipya kacili camana kale kulembwa abatumwa kabamanide kale kufwa. Bantu baamba kuti ba Klistu bakaide kuleka buyo kukomba akulyookezya mu buzuba bwa ciloba batalika kukomba akulyookezya mubuzuba butaanzi mumvwiki. Nokuba boobo, bakondwa tiibakaleka mpoona buyo kumamanino aamvwiki imwi kubamba Insabata ya buzuba bwaciloba akutalika mpoona awo kubamba bwa nsondo kuti mbobuzuba bwa Mwami. Kubamba buzuba bwansondo aba kondwa kwakapegwa nguzu mpoona-mpoona alimwi akubungana mpoona buyo mu Italy, akati-kati ka mwaanda wamyaka wabili Jesu kaunkide kale kujulu. Kwaciindi cilamfu kuzwa waawo, bakondwa banji bakabamba mazuba oonse obile, kakuli bamwi bakabamba buyo buzuba bwa Nsabata bulikke.\\nMubuzuba bwa ciloba (7), mumwaka wa 321 Jesu kafwide kale, Consitatino mupati wakapa mulawo mutaanzi wakubamba buzuba bwansondo. Ikuti bantu boonse, kuzwisya buyo balimi, mubulelo bwaci Rooma kuti kabalyookezya munsondo. Ooyu antomwe amilawo yosanwe (5) imbi yakapegwa a Constatino iilangilizya nsondo yakapa nguzu kumilawo yoonse ipa muzeezo wakukomba akulemenezya buzuba bwa nsondo kuzwa ciindi eeco kusikila sunu. Mumwaanda wamyaka wane ikabunga kaku Laodecea kakakasya bakondwa kuti kabata lovwi kumilimo mu Nsabata. Kabakulwaizyigwa kuti balemenezye buzuba bwa nsondo kwiinda mukutacita mulimo mubuzuba oobu cakonzeka.\\nKaano kabukkale bwamuntu kalatondezya kuti kukomba munsondo alimwi akulomya nsondo ncilengwa cakabambwa amuntu. Bbaibbele talipi nguzu naaceya zyakuleka buzuba bwa ciloba bwaambwa mumulawo wane. Musinsimi Danieli wakacaamba kuti muciindi bukkilisto bulanooya bukomena, bulelo bwa luuni-uni buyakusola kucinca mulawo wa Leza (Danieli 7:25).\\n6.\\tNGUNI WAKACINCA?\\nNguni wakalonzya Insabata kuzwa mubuzuba bwa ciloba akubutola mubuzuba butaanzi mumvwiki? Icikombelo ca Katolika cilalyaamba kuti ncicakacita boobo. Mukusola kuti bulelo bwaci Rooma butamaninini basololi balaampuwo mu cikombelo bakamvwana kuti basole kucinca buzuba bwa kukomba kubuzwisya mu buzuba bwaciloba akubuleta mubuzuba bwa nsondo butaanzi mumvwiki.\\nIziiyo zyacikombelo ca Katolika zyaamba kuti:\\n\"Mubuzyo: Ino mbubuli buzuba bwa nSabata?\\n\"Bwiinguzi: Satade nje nSabata\\n\"Mubuzyo: Nkaambonzi tubamba nsondo mucilawo ca Satade?\\n\"Bwiinguzi: Tubamba nsondo mubusena bwa Satade nkaambo cikombelo ca Katolika... cakalonzya kulemenezya kuzwa kuNsabata akukuleta mu buzuba bwa nsondo.\\n\"Munjiisyo zya Peter Gerermann, wakasandukila kucikombelo ca Katolika (1957 edition), pp. 50.\\nIcikombelo ca Katolika cilalidunda akuti bantu basololela cikombelo mbabakacinca.\\n\"Buzuba busetekene, bwa Nsabata, bwakacincwa kuzwa kubuzuba bwa Satade kuya ku buzuba bwa nsondo... tacizwi kumuzeezo uulembedwe mumabbuku pe, pesi kuzwa kumuzeezo wacikombelo munguzu zyaco.... Bantu ibayeeye kuti malembe alikke buyo ngaayelede kupa nguzu beelede kuti kabali ba S.D.A. Church bamana kababamba akusetekanya buzuba bwaciloba.\" - Cardinal Maida, Archbishop Naku, Detroit, St. Cathreen Catholic Church Sentinel, Algonal, Michgan, May 21, 1995.\\n7.\\tINO NSANGANO ZIMWI ZIKANZYANYA A KATOLIKA ZITYANI?\\nMalembe azyizyilwe apandulula kusyoma kwansangano zyinji zyaandeene alazuminana kuti Bbaibbele talizumizyi kuti nsondo kiilemekwa akubambwa pe.\\nMartin Luther, wakatalika lusangano lwa Lutheren, wakalemba mu kulila kwa Augsburg, kaambo 28, kabeela ka 9:\\n\"Balo, (bacikombelo ca Katolika)\" balazumina kucinca Nsabata kuya ku nsondo kabati mbuzuba bwa Leza kabakazyanya amilawo iili kkumi... kunyina alimwi citondezyo cimbi ncobalidundila kwiinda kucinca kwa nSabata. Nguzu zyacikombelo nzipati nkaambo zyakapa kucinca kwa mulawo omwi wa milawo iili kkumi.\"\\nBayiide bobile ba mu Lusangano lwa Methodist, Amosi Binney alimwi a Danieli Steele nibakalangisisya bakati:\\n\"Masimpe, kunyina malailile aamba kubbizigwa kwabana bavwanda... nokuba buyo mulawo waamba kuti mulemenezye buzuba butaanzi bwamvwiki\" - Theological Comp end (New York: Methodist Book concern, 1902), pp 180, 181.\\nDoctor N. Summerbell, siciiya wa buumi abukkale bwabantu abu Klistu wakalemba:\\n\"Imbungano yacikombelo ca Katolika yakalizangide cakumaninina.... yakapilusya munsi mulawo wane kwiinda mukusowa nSabata ya jwi lya Leza, akuleta nsondo kuti mbuzuba busetekene.\" - A true History of the Christian and the Christian Church, pp 417, 418.\\n8.\\tINO MAPENZI MAPATI NGALI AWA?\\nEeci cilatuleta ku busyu-abusyu amubuzyo wakuti nkaambo nzi bakondwa banji ncobabamba nsondo pesi kakuli taaku nguzu zizwa mu Bbaibbele? Naa mubuzyo mupati kwiinda, ndilabamba buzubanzi? Hena ndiccilile baabo bati, \"Kunyina makani bube buzuba nzi mbondibamba, kufumbwa buyo kuti kandibamba buzuba bomwe bwamazuba aali ciloba?\" naa ndilemenezye buzuba Jesu, mulengi wesu, mbwakaabamba naakalenga nyika esu, alimwi abuzuba Leza mbwaakasala mumulawo wamwami, milawo iili kkumi: \"Buzuba bwaciloba mbobuzuba bwa nSabata\"?\\nAawa tulalangana abantu batalangili buyo alamfu-lamfu pe, ino mbuzuba nzi bweelede kweendelana abbaibbele? Kaambo kapati nkuteelela Jesu Klisto. Mulengi wesu wakabubikka ambali buzuba bwa nSabata kuti mbuzuba bu \"setekene\", nceciindi cesu amikwasyi yesu cakuboola munsi lyakwe kukuyumyayumizigwa a kubukulusigwa. Ino ndila teelelani? Ndi kateelele Klisto mwana a Leza naa tunsiya-nsiya twa muntu nendilanganya twaambo twa buzuba mbondeelede kubamba? Kusala kulasalala: Injiisyo zyabantu naa lulayo lwa Leza, ijwi lya bantu naa ijwi lya Leza ndelikkala mucilawo ca muntu naa bulayo bwa Leza.\\nDanieli musyinsyimi, ulacenjezya aabo baya \"kusola kucinca zyiindi zisalidwe antoomwe amilawo\" (Danieli 7:25). Leza Uita bantu bakwe kuti bamu teelele. Ulabaita kuti babambe nSabata kutondezya kulicesya akulemeka alimwi aluyando kuli nguwe. Jesu wakati, \"Mwanoondiyanda, kamubamba milawo yangu\" (Johane 14:15).\\nAlimwi wakasyomezya luyando lumaninide kulibaabo bamuyanda cakukonzya kubamba milawo yakwe (Johane 15:9-11). Tulijisi mufutuli uukankamanisya. Uuyandisisya kuti tubone luyando lwakwe mubunji bwalo.\\nMoyo uteelela ujalula mulyango kuluyando oolu. Mumuunda wa Getesimane, Jesu wakalyaaba cakumaninina kuluyando lwa Ushi - nokuba kuti wakaanzikwa aciingano alimwi a zinyonyoono zyanyika zyaka tyambilila buumi bwakwe. Wakalila kuli Leza, \"Kondiindilizya cinywido eeci,\" wakacililyaabide mukukombelezya kwakwe, akuyungizya, \"Nekuba boobo kutali mbuli mbwe njanda mebo, pele mboyanda webo\" (Marko 14:36).\\nKlistu uyanda kuti swebo tubone kukkutya a bubotu bwa buumi bu maninide kulyaaba, alimwi uyanda kuti tubone lutangalo lwakulyookezya mubuzuba bwa nSabata. Uyanda kuti tumusyome kapati cakukonzya kumuteelela mutwaambo toonse twa buumi bwesu. Kuti wamvwa lwiito loonse lwa Leza akuteelela milawo yakwe yoonse, uyakubona cisyomyo ca Jesu kuti lutangalo lwakwe luni \"kuli mulinduwe\" mpoona \"lutangalo lwako\" \"luya kumaninina\" (Johane 15:11).","num_words":1858,"character_repetition_ratio":0.069,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jesu Wayiisya Ciiyo Cakulicesya ku Pobwe Lyakwiindilila Lyamamanino | Buumi bwa Jesu\\nKuyiisya Ciiyo Cakulicesya ku Pobwe Lyakwiindilila Lyamamanino\\nMATAYO 26:20 MARKO 14:17 LUKA 22:14-18 JOHANE 13:1-17\\nJESU WALYA POBWE LYAKWIINDILILA LYAMAMANINO ABAAPOSTOLO BAKWE\\nWAYIISYA CIIYO KWIINDA MUKUSANZYA MAULU AABAAPOSTOLO\\nNaabatuma Jesu, Petro a Johane baunka akusika mu Jerusalemu kuyoolibambila Pobwe Lyakwiindilila. Muciindi Jesu abaapostolo bambi bali kkumi abalo banyamuka kuunka nkuko. Lino nkuumazuba, izuba liyamukubbila kumbo eelyo Jesu ankamu yakwe nobali mukuselemuka Cilundu ca Maolifa. Eeci nciindi camamanino Jesu ncabona Jerusalemu imasyikati kali abusena aano kusikila mane aakubusyigwa.\\nMukaindi Jesu ankamu yakwe basika mumunzi wa Jerusalemu akuunka kuŋanda nkobayoolida Pobwe Lyakwiindilila. Batanta matantilo aaŋanda akunjila muŋanda mpati yamujulu. Oomo bajana zintu zyoonse zilibambidwe kuti balye cakulya kabali balikke. Jesu wali kucilangila ciindi eeci, nkaambo waamba kuti: “Ndali kuyandisya kapati kulya Pobwe Lyakwiindilila eeli andinywe nenditanapenga.”—Luka 22:15.\\nMyaka minji kapati yainda musyule oomu, kwakatalisyigwa cilengwa cakwiinzyaanya nkapu zili mbozibede zyawaini ku Pobwe Lyakwiindilila. Lino, naamana kutambula nkapu imwi, Jesu walumba akwaamba kuti: “Umwi aumwi wanu atambule nkapu eeyi akunywa kulinjiyo, nkaambo ndimwaambila kuti, kuzwa lino tandikanywi limbi cakunywa cizwa kumusaansa kusikila bukasike Bwami bwa Leza.” (Luka 22:17, 18) Kweelede kuti casalala kuti lufwu lwakwe lino lulaafwaafwi.\\nAciindi cimwi kabacilya Pobwe Lyakwiindilila, kwacitika cintu cimwi cigambya. Jesu wanyamuka, wasamununa zisani zyakwe zyaatala akubweza cisani cakulipukutya. Mpoonya wabikka meenda mumutiba uuli munsi-munsi. Kweelana acilengwa, simeenzu nguweelede kubona kuti maulu aabeenzu asanzyigwa, ambweni kusanzyigwa amubelesi umwi. (Luka 7:44) Pele aciindi eeci, kunyina simeenzu uuliko, aboobo Jesu waucita mulimo ooyu. Uuli woonse akati kabaapostolo wali kukonzya kubelesya coolwe eeci kucita boobo, pele kunyina naba omwe wacita boobo. Sena nkaambo kakuti bacikazyanya akati kabo? Tacigambyi kuti balisenda kuti Jesu nguuyanda kubasanzya maulu.\\nJesu naasika kuli Petro, Petro wakaka ulaamba: “Kunyina notiisanzye maulu aangu pe.” Jesu wamwaambila kuti: “Kuti nditakusanzyi, nkokuti tojisi lubazu andime.” Petro wamwiingula cabusungu ulaamba: “O Mwami, utandisanzyi buyo kumaulu, pele kondisanzya akumaanza alimwi akumutwe.” Aboobo kweelede kuti Petro wagambwa kapati Jesu naamwiingula kuti: “Kufwumbwa ooyo wasamba kale amubili uyandika kusanzyigwa buyo kumaulu, nkaambo ulisalede mubili woonse. Alimwi nywebo nobaalumi mulisalede, pele kutali nyoonse.”—Johane 13:8-10.\\nJesu wasanzya maulu oonse aabali 12, kubikkilizya amaulu aa Judasi Isikariote. Naamana kusama zisani zyakwe zyaatala akuyakukkala kutebulu alimwi, Jesu wabuzya kuti: “Sena mwacizyiba ncondamucitila? Mundiita kuti ‘Mwiiyi’ akuti ‘Mwami,’ alimwi muliluzi nkaambo mbondibede oobo. Aboobo, ikuti mebo nde Mwami alimwi nde Mwiiyi ndasanzya maulu aanu, nkokuti anywebo mweelede kusanzyanya kumaulu. Nkaambo ndamupa citondezyo, kuti mbubonya mbondamucitila, kamucita mbubonya andinywe. Ncobeni ndimwaambila masimpe kuti, muzike tali mupati kwiinda simalelaakwe, awalo sikutumwa tali mupati kwiinda yooyo wakamutuma. Ikuti kamuzizyi zintu eezyi, munookkomene ikuti naa kamuzicita.”—Johane 13:12-17.\\nEelo kaka taciliboteli ciiyo eeci ncaayiisya icakucita mulimo cakulicesya! Basikutobela Jesu tabeelede kuyanda kuba mubusena bwakusaanguna, kabayeeya kuti balo balayandika kapati alimwi beelede kubelekelwa. Muciindi caboobo, beelede kutobela cikozyanyo ca Jesu, ikutali kwiinda mukucita cilengwa cakusanzyanya kumaulu, pele kwiinda mukulisungula kubeleka cakulicesya alimwi cakutasalaula.\\nNobalya Pobwe Lyakwiindilila, ncinzi Jesu ncaambila baapostolo icitondezya kuti lufwu lwakwe lulaafwaafwi?\\nNkaambo nzi ncocigambya kuti Jesu wasanzya maulu aabaapostolo?\\nIno Jesu uyiisya ciiyo nzi kwiinda mukucita mulimo waansi wakusanzya maulu aabaapostolo bakwe?\\nPetro—Wakaiya Kulekelela Kuzwa Kuli Simalelo\\nNcinzi Jesu ncaakayiisya Petro kujatikizya kulekelela? Mbuti Jesu mbwaakatondezya kuti wamulekelela Petro?","num_words":497,"character_repetition_ratio":0.06,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jesu Wayiisya ku Cikombelo mu Nazareta | Buumi bwa Jesu\\nKucikombelo ku Nazareta\\nJESU WABALA BBUKU LYAKUVWUNGA LYA ISAYA\\nBANTU BAKU NAZARETA BASOLA KUMUJAYA JESU\\nKakunyina kudooneka bantu balikkomene mu Nazareta. Katanaunka kuti akabbapatizyigwe kuli Johane mwaka omwe iwainda, Jesu wakali sikubeza mapulanga mubusena buno. Pele lino uzyibidwe kuti ngusikucita milimo mipati yamaleele. Bantu bamumunzi ooyu baliyandide kapati kumubona kacita milimo eeyi imwi akati kabo.\\nKulangila kwabo kwakomena ciindi Jesu naaunka kucikombelo camumunzi ookwabo mbuli cilengwa cakwe. Pulogilamu yakukomba ibikkilizya kupaila, alimwi akubala mabbuku aa Musa, kweelana ambokucitwa “muzikombelo sabata imwi aimwi.” (Milimo 15:21) Zibeela zyamabbuku aabusinsimi azyalo zilabalwa. Kulangilwa kuti ciindi Jesu naanyamuka kuti abale, wabazyiba bantu banji babungene akaambo kakuti wali kujanika kucikombelo eeci kwamyaka minji. Wapegwa bbuku lyakuvwunga lyamusinsimi Isaya. Wajana mpokulembedwe makani aamba kujatikizya Yooyo uunanikidwe amuuya wa Jehova, aayo aali kuli Isaya 61:1, 2 mu Bbaibbele mazuba aano.\\nJesu wabala makani aa Yooyo wakasinsimwa kujatikizya mbwayakukambauka lwaanguluko kubaange, kujalula meso aaboofwu alimwi akujatikizya mwaka uusalidwe wa Jehova. Jesu wajola bbuku kumugwasyilizi mpoonya wakkala. Bantu boonse bamulangisisya. Mpoonya waambaula, ambweni kwaciindi cilamfwu, alimwi nzyaamba zilabikkilizya akaambo kapati kakuti: “Sunu oolu lugwalo ndomwamvwa lwazuzikizyigwa.”—Luka 4:21.\\nBantu bagambwa akaambo ‘kamajwi mabotu ngaabaambila’ eelyo batalika kulyaambauzya mulicabo ategwa: “Sena ooyu tali mwana wa Josefa?” Pele akaambo kakuzyiba kuti bayanda kumubona kacita maleele mbuli yaayo ngobakamvwa, Jesu wazumanana kwaamba kuti: “Cakutadooneka muyoondaambila kaambyo aaka kakuti, ‘Omusilisi, kolisilika omwini. Zintu nzitwakamvwa kazicitika ku Kapernauma, kozicita amomuno mumunzi okwanu.’” (Luka 4:22, 23) Kuboneka kuti bantu ibakali basimukobonyina Jesu bayeeya kuti ikuponya kweelede kutalikila mumunzi ookwabo kutegwa bantu bakwe basaangune mbabo kugwasyigwa. Aboobo bayeeya kuti Jesu tanaabacita kabotu.\\nAkaambo kakuzyiba mbobayeeya, Jesu waamba zintu zimwi izyakacitika kaindi mu Israyeli. Ulaamba, kwakali bamukabafwu banji mucisi ca Israyeli mumazuba aa Elija, pele Elija tanaakatumwa kuli umwi wabo pe. Muciindi caboobo, wakatumwa kuli mukamufwu uutali muna Israyeli waku Zarefati, imunzi uuli munsi-munsi a Sidoni, ooko Elija nkwaakacita maleele aakufwutula buumi. (1 Bami 17:8-16) Alimwi mumazuba aa Elisha, kwakali basicinsenda banji mu Israyeli, pele Elisha wakasalazya buyo Naamani waku Siriya.—2 Bami 5:1, 8-14.\\nIno bantu aaba bamumunzi ookwabo Jesu bacita buti nobamvwa kuti ubakozyanisya kuzintu zyakacitika kaindi balo nzyobabona kuti tazikkomanisyi izitondezya kuti balaliyanda akuti tabajisi lusyomo? Aabo ibali mucikombelo banyema kapati, banyamuka akumutola Jesu cakufwambaana anze aamunzi. Bamutola atala acilundu aawo mpouyakidwe munzi wa Nazareta, akusola kumutonkela mujeleele. Pele Jesu wabasupuka akutija. Lino Jesu waselemuka kuya ku Kapernauma, kumunzi uuli kunkomwe yakunyika lwaambo ya Lwizi lwa Galilaya.\\nNkaambo nzi bantu mumunzi ookwabo Jesu wa Nazareta ncobakkomana?\\nIno bantu bacita buti nobamvwa makani ngaamba Jesu, pele ino ncinzi cabanyemya?\\nIno ncinzi bantu bamu Nazareta ncobasola kumucita Jesu?","num_words":409,"character_repetition_ratio":0.044,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nkaambo Nzi Maanda aa Bwami aa Bakamboni ba Jehova Ncaayakilwa Alimwi Ayakwa Buti?\\nNigeria, yakaindi alimwi ampya\\nKweelana azina lyakuti Ŋanda ya Bwami ncolipandulula, njiisyo zyamu Bbaibbele izibandikwa okuya zijatikizya Bwami bwa Leza—imutwe wamakani Jesu ngwaakali kukambauka.—Luka 8:1.\\nMasena aabukombi bwakasimpe aali mucilawo. Kuzwa kubusena oobo, mulimo wakukambauka makani mabotu aa Bwami ulacitwa. (Matayo 24:14) Maanda aa Bwami aliindene-indene kukomena alimwi ambwaabambidwe, pele oonse aliyakidwe munzila yabulemu alimwi manji alabelesyegwa ambungano zinji. Mumyaka yainda, twayaka Maanda aa Bwami mapya manji (mweelwe uubalilwa kuli osanwe buzuba abuzuba) kutegwa tucikonzye kuba amasena aakukombela akaambo kambungano ziyaabuvwula. Ino eeci cikonzyeka buti?—Matayo 19:26.\\nAlayakwa kwiinda mukubelesya mali aasangilwa bubambe bwakuyaka Maanda aa Bwami. Mali aaya aasangwa alatumwa kuofesi yamutabi kutegwa mbungano iziyanda kuyaka naa kuyakulula Ŋanda ya Bwami zijane mali.\\nAlayakwa abasikulisungula batabbadelwi ibaindene bukkale. Mumasena manji, Tubunga Twabasikuyaka Maanda aa Bwami twatalisyigwa. Tubunga twababelesi bayaka alimwi abasikulisungula tuleenda kuzwa kumbungano imwi kuya kumbungano iimbi mucisi mumwenya, nomuba mumasena aali kulamfwu, kugwasya mbungano zili mucilawo eeco kuyaka Maanda aa Bwami. Mumasena amwi, Bakamboni beelela balasalwa kusololela kuyakwa alimwi akubambululwa kwa Maanda aa Bwami mucilawo cipedwe. Nokuba kuti banji ibakaiya mulimo balalisungula kubeleka abusena buli mukuyakwa, bunji bwabasikubeleka balisungula mbaasimbungano bali kubusena oobo. Muuya wa Jehova alimwi akulyaaba camoyo woonse kwabantu bakwe nkokupa kuti zyoonse eezyi zikonzyeke.—Intembauzyo 127:1; Bakolose 3:23.\\nNkaambo nzi masena eesu aakukombela ncaaitwa kuti Maanda aa Bwami?\\nIno cikonzyeka buti kuyaka Maanda aa Bwami munyika yoonse?\\nIno Miswaangano ya Bakamboni ba Jehova Icitwa Buti?\\nSena kuli nomwakalibuzyide kale kuti ncinzi cicitika kumiswaangano yesu? Muyookkomana kutambula lwiiyo lwamu Bbaibbele okuya.","num_words":246,"character_repetition_ratio":0.083,"word_repetition_ratio":0.0,"special_characters_ratio":0.157,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kwaanzya alimwi amupailo (1-4)\\nKulumbaizya Gayo (5-8)\\nDiotrefe simakanze mabi (9, 10)\\nDemetrio walumbaizyigwa (11, 12)\\nMakanze aakuswaya alimwi akwaanzya (13, 14)\\n1 Mebo ndemunene* ndilembela Gayo, imuyandwa, ooyo ngondiyanda ncobeni. 2 Ooyandwa, ndipailila kuti zintu zyoonse kazikweendela kabotu akuti kopona kabotu lyoonse, mbubonya mbosumpuka mubuumi bwako. 3 Nkaambo ndakakondwa kapati ibakwesu nobakaboola akupa bumboni bwakuti ulikajisi amaanza obilo kasimpe, mbubonya mboenda mukasimpe.+ 4 Kunyina cintu cindipa kukkomana* kapati kunze lyaceeci: kuti kandimvwa kuti bana bangu balazumanana kweenda mukasimpe.+ 5 Ooyandwa, ulasyomeka mumulimo ngobelekela bakwesu, nokuba kuti mbeenzu mbotazyi.+ 6 Aaba bapa bumboni kumbele lyambungano kujatikizya luyando ndojisi. Ndalomba kuti ubasindikile mulweendo lwabo munzila njakkomanina Leza.+ 7 Nkaambo bantu aaba bakatalika lweendo lwabo akaambo kazina lyakwe, tiibakabweza cintu cili coonse+ kubantu bamasi. 8 Aboobo swebo tweelede kubasamausya bantu bali boobu,+ kutegwa tube basimilimonyina mukasimpe.+ 9 Imbungano ndakailembela makani amwi, pele Diotrefe, ooyo uuyanda kuba mutaanzi akati kabo,+ tatambuli cabulemu cintu cili coonse cizwa kulindiswe.+ 10 Nkakaambo kaako, ikuti naa ndikaboole, ndiyoolingula milimo eeyo njacita namwaya makani mabi kujatikizya ndiswe.*+ Tagoleli buyo waawo pe, tabatambuli cabulemu bakwesu;+ alimwi aabo ibayanda kubatambula inga usoleka kubasinkila akubatandila kunze aambungano. 11 Ooyandwa, utatobeli zintu zibi pe, pele kotobela zintu zibotu.+ Ooyo uucita zintu zibotu uzwa kuli Leza.+ Ooyo uucita zintu zibi tanamubona Leza.+ 12 Demetrio ulalumbaizyigwa abantu boonse alimwi akasimpe keni. Mubwini, andiswe tobeni tupa bumboni kujatikizya nguwe, alimwi yebo ulizyi kuti bumboni mbotupa mbwamasimpe. 13 Ndajisi zintu zinji zyakukulembela, pele tandiyandi pe kuzumanana kukulembela abboopeni alimwi ainki. 14 Nokuba boobo, ndilombozya kukubona lino-lino, eelyo tuyakwaambaula mulomo mpande. Luumuno alube anduwe. Ibeenzuma balakwaanzya. Undaanzyile beenzuma umwi aumwi kumugama.\\n^ Naa ambweni, “kulumba.”\\n^ Mu Chigiriki, “natwaamba majwi mabi.”","num_words":251,"character_repetition_ratio":0.05,"word_repetition_ratio":0.0,"special_characters_ratio":0.185,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbutukonzya Kukambawukila Bantu Batakombi | Ngaziyakulinda Yakwiiya\\nNgaziyakulinda—Yakwiiya | July 2019\\nBALA MU Abua Acholi Afrikaans Aja Akha Albanian Altai Alur American Sign Language Amharic Amis Arabic Argentinean Sign Language Armenian Aukan Australian Sign Language Aymara Azerbaijani Azerbaijani (Cyrillic) Baoule Bashkir Bassa (Cameroon) Batak (Karo) Batak (Simalungun) Batak (Toba) Belize Kriol Bengali Biak Bicol Bislama Bolivian Sign Language Boulou Brazilian Sign Language British Sign Language Bulgarian Cakchiquel Cambodian Catalan Cebuano Changana (Mozambique) Chavacano Chichewa Chilean Sign Language Chin (Hakha) Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuukese Chuvash Cibemba Cinyanja Colombian Sign Language Croatian Croatian Sign Language Cuban Sign Language Czech Czech Sign Language Dakota Dangme Danish Digor Douala Drehu Dutch Ecuadorian Sign Language Edo Efik English Esan Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Greek Greek Sign Language Greenlandic Guadeloupean Creole Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hmong (White) Honduras Sign Language Hungarian Hungarian Sign Language Iban Ibanag Ibinda Icelandic Idoma Igbo Igede Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Javanese Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Kekchi Khana Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kongo Korean Korean Sign Language Krio Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Lahu Laotian Latvian Lenje Lhukonzo Lingala Lithuanian Lomwe Low German Luganda Lunda Luo Luvale Macedonian Macua Makhuwa-Meetto Malagasy Malawi Sign Language Malay Malayalam Maltese Mam Mambwe-Lungu Mapudungun Marathi Marshallese Mauritian Creole Maya Mazatec (Huautla) Mbunda Mexican Sign Language Mingrelian Mixe Mixtec (Guerrero) Mizo Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndau Ndebele Ndebele (Zimbabwe) Ndonga Nepali Ngabere Ngangela Nias Niuean Norwegian Nyaneka Nyungwe Nzema Okpe Oromo Ossetian Otetela Palauan Pangasinan Papiamento (Curaçao) Paraguayan Sign Language Persian Peruvian Sign Language Pidgin (West Africa) Polish Polish Sign Language Ponapean Poqomchi' Portuguese (Portugal) Punjabi Quebec Sign Language Quechua (Ancash) Quechua (Ayacucho) Quechua (Bolivia) Quechua (Cuzco) Quiche Quichua (Chimborazo) Quichua (Imbabura) Rarotongan Romanian Romanian Sign Language Romany (Macedonia) Romany (Macedonia) Cyrillic Romany (Serbia) Romany (Southern Greece) Ronga Runyankore Russian Russian Sign Language Rutoro Samoan Sangir Sango Saramaccan Sena Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Sunda Swahili Swahili (Congo) Swati Swedish Tagalog Tahitian Taiwanese Sign Language Tajiki Tamil Tarascan Tatar Telugu Tetun Dili Thai Thai Sign Language Tigrinya Tiv Tlapanec Tojolabal Tok Pisin Tongan Totonac Tshiluba Tshwa Tsonga Turkish Turkmen Tuvaluan Twi Tzeltal Tzotzil Uighur (Arabic) Uighur (Cyrillic) Ukrainian Umbundu Urdu Urhobo Uruund Uzbek Uzbek (Roman) Venda Venezuelan Sign Language Vietnamese Wallisian Waray-Waray Wayuunaiki Welsh Wolaita Xhosa Yapese Yoruba Zande Zapotec (Isthmus) Zimbabwe Sign Language Zulu\\nMbutukonzya Kukambawukila Bantu Batakombi\\n“Ndaba zintu zyoonse kubantu bamisyobo yoonse kutegwa ziyume zitete ndibafwutule bamwi.”​—1 KOR. 9:22.\\nLWIIMBO 82 “Aumunike Mumuni Wanu”\\n1. Nkuchincha kuli biyeni kwakachitika muli zimwi zisi muminyaka yayinda?\\nKWAMINYAKA myiingi yayinda, bantu munyika yoonse bakali aazikombelo nzibakali kunjila. Pesi muminyaka miche yakayinda, kuli kuchincha kupati kwakachitika. Bantu biingi tabachikwe chikombelo nchibanjila. Muzisi zimwi, bantu biingi baamba kuti tabakwe chikombelo nchibanjila. *​—Mt. 24:12.\\n2. Niinzi chilikupa kuti bantu biingi kabatachiyandi kukomba?\\n2 Nkamboonzi bantu biingi nibatachiyandi kukomba? * Bamwi balakonzya kuchelezegwa abunoti azyakulikondelezya naakuti amakataazyo aabuumi. (Lk. 8:14) Bamwi bakali kunjila zimwi zikombelo bakaleka nkaambo tabachisyomi pe kuti Leza mpali. Bamwi balasyoma kuti Leza mpali pesi babonaanga kuba wachimwi chikombelo kwakaba kwachiindi, takuchibeleki pe mazubaano akuti takucheendelani pe asayensi. Kulakonzeka kuti bakamvwa kubeenzinyina, kubayiisi akuli basikutola twaambo kuti buumi bwakalisandukila alubo bantu biingi mbibamvwa tabaambi twaambo tumvwikka tupa kuti basyome kuti Leza mpali. Bamwi bakaleka kunjila zikombelo akaambo kabafundisi bayandisya mali akulemekwa. Muli zimwi zisi, mfulumende zibikkide milawu iikasya kuchita zimwi zintu zyabukombi.\\n3. Makanze aachiiyo eechi nganzi?\\n3 Jesu uyanda kuti ‘tuyiisye bantu bazisi zyoonse kuti babe basikwiiya.’ (Mt. 28:19) Nga tulabagwasya biyeni bantu batakombi kuti bayande Leza akuti babe basikwiiya baKristu? Tweelede kuziba kuti nzila muntu njawutambulaayo mulumbe wesu, yeendelana aakuti wakakomenena kuli. Muchikozyano, bantu bakuEurope balakonzya kukaka kutuswiilila kwiinda bantu bazwa kuAsia. Nkamboonzi nikuli boobo? Nkaambo kuEurope bantu biingi balilizi Bbayibbele alubo balizi kuti Leza nguwe wakalenga zintu zyoonse. Pesi kuAsia, biingi Bbayibbele tabalizi pe naakuti balizi mbichaani alubo tabasyomi pe kuti kuli Mulengi. Nkinkaako, makanze aachiiyo eechi ngakutugwasya kuti tuzwidilile kukambawukila bantu mbituswaana katutalangi kuti bazwa kuli.\\nKKALA KULI AAMABONENO AALI KABOTU\\n4. Nkamboonzi nitweelede kukkala katuli amaboneno aali kabotu?\\n4 Ba Amaboneno Aali Kabotu. Munyaka amunyaka, kuli bantu biingi banga baba Bakamboni baJehova. Kabatanaba Bakamboni, biingi bakali kulilemeka alubo teebakali kukuyanda pe kuupa-wupa ameso kuchitwa aazikombelo. Pesi bamwi bakali kupona buumi butali kabotu, kabachita michito mibi njibakeelede kuleka. Kwiinda mukugwasigwa aaJehova, tuli aachoonzyo chakuti tuyoobajana bantu ‘balibambilide kutambula buumi butamani.’​—Mil. 13:48; 1 Tim. 2:3, 4.\\nChincha-chincha nzila zyakwaambuula chiindi nukambawukila bantu batayandi kwaambuula makani aamuBbayibbele (Langa fuka 5-6) *\\n5. Niinzi chipa kuti bantu baswiilile nitubakambawukila?\\n5 Ba Aluzyalo Abupampu. Chiindi chiingi, bantu balatuswiilila nitubakambawukila kutali akaambo kamakani ngitwaamba pesi akaambo kanzila mbutwaawamba. Balatuswiilila chiindi nitubatondeezya luzyalo, bupampu aluyando. Nikuba boobo, tatubasungilizyi kuti baswiilile nzitwaamba. Pesi tuleezya kuziba maboneno aabo atala abukombi. Muchikozyano, tulakonzya kuziba kuti bamwi tabakuyandi pe kwaambuula zyabukombi abantu mbibatazi. Bamwi bakubona kakutali kabotu kubuzigwa nzibayeeya atala aLeza. Alubo bamwi kubafwisya bweeme kuti babonwa kabali kubala Bbayibbele, kapati kuti kabali kugwasigwa aaBakamboni baJehova. Kufumbwa maboneno aabo, tuleezya kumvwisisisya mbubalimvwa bantu.​—2 Tim. 2:24, amajwi aali munsi.\\n6. Mwaapostolo Pawulu wakatondeezya biyeni kuti wakali kuchincha-chincha alubo nga tulamutobelezya biyeni?\\n6 Tweelede kuchita biyeni kuti twabona kuti umwi muntu tatondeezyi chiyandisyo, nitubelesya majwi aali mbuuli aakuti “Bbayibbele,” “zintu zyakalengwa,” “Leza” naakuti “bukombi”? Tulakonzya kuchita mbuuli mwaapostolo Pawulu akuchincha-chincha nzila zyakwaambuula. Naakali kwaambuula aamaJuda, Pawulu wakabelesya Magwalo. Pesi chiindi naakali kwaambuula aamaGrikki bakuAreyopagi bakatali kukomba, taakali kwaamba pe kuti nzyaakali kubabuzya zyakali kuzwa muBbayibbele. (Mil. 17:2, 3, 22-31) Nga tulachitobelezya biyeni chikozyano chaPawulu? Kuti waswaana muntu uutazisyomi zyaambwa aaBbayibbele, toyelede kulitondeezya kuti ulikubelesya Magwalo nuli kwaambuulaawe. Kuti wabona kuti muntu ooyo tayandi pe kuti bamwi bamubone kamulikwaambuula zyamuBbayibbele, ulakonzya kumutondeezya magwalo kubelesya fooni kuchitila kuti bantu batazibi zilikuchitika.\\n7. Tweelede kuchitaanzi kuti tuchite mbuuli Pawulu, mbuuli mbukulembedwe muli 1 Bakorinto 9:20-23?\\n7 Ba Muntu Uumvwisisisya Alubo Uuswiilila. Tweelede kuziba zintu zipa kuti bantu mbituswaana babe aamaboneno ngibalaawo. (Tus. 20:5) Atuchilange-lange lubo chikozyano chaPawulu. Pawulu wakakomenena muchilawu chamaJuda. Pesi wakeelede kuchincha-chincha nzila njaakali kukambawukaayo kubantu bakatali maJuda, nkaambo Jehova teebakamuzi pe alubo Magwalo bakaazi mbichaani. Andiswe tweelede kuyanduulisisya akubuzisisya kuli bamwi baba aachiindi chilamfu kabakambawuka kuchitila kuti tuzibe bantu mbitukambawukila muchilawu chesu.​—Bala 1 Bakorinto 9:20-23.\\n8. Njiili nzila yakusaanguna kwaambuuzyania aabantu atala aBbayibbele?\\n8 Makanze eesu nga kuyanduula bantu ‘beelela.’ (Mt. 10:11) Kuti tukonzye kuchita oobo, tweelede kubapa chiindi chakwaamba maboneno aabo mpawo tubaswiilile. Umwi mukwesu wakuEngland, nga wakumbila bantu kuti baambe maboneno aabo atala azikonzya kupa kuti mpuli ikkale kiibotelwa, bazyali mbubakonzya kukomezya bana ambubakonzya kulisimya bantu kuti teebajatwa kabotu. Mukwesu ooyu naazwa kumvwa nzibayeeya, nga wabuzya kuti, “Mwaabona biyeni malayilile aaya aakalembwa muminyaka iili 2 000 yakayinda?” Kataambide pe kuti Bbayibbele, nga wabatondeezya lugwalo ndwasalide kabelesya fooni yakwe.\\nKUKAMBAWUKILA BANTU BOONSE\\n9. Nga tulabagwasya biyeni bantu batayandi kwaambuula makani aali atala aLeza?\\n9 Tulakonzya kukambawukila bantu batayandi kwaambuula makani aali atala aLeza kuti twaambuulaabo atala azimwi zintu nzibayandisya. Muchikozyano, bantu biingi bayandisya kulanga zintu zili munyika azili mujulu. Tulakonzya kwaamba kuti: “Zintu zyiingi zyakapangwa aabantu, nga bazipanga nkaambo bazyasayesi bakkopa zintu ziliwo kale. Bantu bapanga ma-microphone ama-camera nga bayiya atala amatwi ameso aazyuuka. Ubonaanga zintu zili munyika zyakazwa kuli? Zyakazwa kumanguzu aagambya na? Kumuntu na? Kuli zimwi zintu na?” Nitwamvwa mbayeeya, tulakonzya kwaamba kuti: “Tulakonzya kulibuzya kuti ngwani ngubakkopa bantu bapanga zintu, nibayiya mbaapangidwe matwi ameso. Amwi makani aakalembwa aasikulemba tupeto aachiindi akandinoneezya loko aakuti: ‘Ooyo wakapanga kutwi, sena takonzyi kumvwa? Ooyo wakalenga liso, sena takonzyi kubona? . . . Ngonguwe uuyiisya bantu kuba aluzibo!’ Bamwi bazyasayensi balaazumina makani aaya alubo balazumina kuti zintu zyakalengwa biya.” (Int. 94:9, 10) Kuzwa waawo, tulakonzya kumutondeezya vidiyo aajw.org® iijanika aalembedwe kuti “Interviews and Experiences” muchipanzi chiti “Viewpoints on the Origin of Life.” (Langa aalembedwe kuti PUBLICATIONS > VIDEOS.) Tulakonzya kumupa kabbuku kati Was Life Created? naakuti kati The Origin of Life​—Five Questions Worth Asking.\\n10. Nga tulaambuula biyeni amuntu uutayandi kwaambuula makani aali atala aLeza?\\n10 Bantu biingi bayanda kuba alyajuunza lili kabotu. Pesi biingi bayoowa kuti nyika izoonyonyoonwa naakuti buzooba busena butakkaliki pe. Umwi mulangizi weendeenda wakuNorway wakati, bantu batayandi kwaambuula makani aali atala aLeza balakuyandisya kwaambuula atala azyiimo zyanyika. Nazwa kujuzyania abantu, nga wabuzya kuti: “Mubonaanga ngwani uukonzya kupa kuti tube aalyajuunza lili kabotu? Mbantu bazyapolitikisi na? Bazyasayensi na? Nguumwi muntu na?” Naamvwa mbubayeeya, nga wabala naakuti kwaamba lugwalo lutondeezya kuti buumi bwakunembo bunooli bubotu. Bamwi ngababotelwa atala achisyomezyo chamuBbayibbele chitondeezya kuti nyika inooliwo kukabe kutamani akuti bantu bachita zintu zibotu bayookkala aalinjiyo kukabe kutamani.​—Int. 37:29; Muk. 1:4.\\n11. Nkamboonzi nitweelede kuchincha nzila zyakukambawuka alubo nga tulamutobelezya biyeni Pawulu mbuuli mbukulembedwe muli Baroma 1:14-16?\\n11 Tweelede kuchincha-chincha nzila zyakukambawuka nitwaambuula abantu mbituswaana. Nkamboonzi nitweelede kuchita oobo? Nkaambo bantu balisiyene. Zintu ziyandwa aawumwi muntu, umwi nga taziyandi pe. Bamwi bantu tabakuyandi pe kwaambuula makani aali atala aLeza naakuti Bbayibbele pesi bamwi balimvwa kabaangunukide kuti twasaanguna kwaambuula zimwi katutanaamba zyamuBbayibbele. Muzyiimo zyoonse, tweelede kuyanduula mweenya wakwaambuula abantu bamisyobo yoonse. (Bala Baroma 1:14-16.) Nikuba boobo, tatweelede kuluba kuti Jehova nguwe uukonzya kupa kuti kasimpe kakomene mumyoyo yabantu bakayanda.​—1 Kor. 3:6, 7.\\nMBUTUKONZYA KUKAMBAWUKILA BANTU BAZWA KU-ASIA\\nBasikupupulula baBwaami biingi batondeezya kuti bali aandaba abantu bazwa kuzisi nkubatasyomi pe kuti Leza mpali kwiinda kubabuzya makani aabusongo aazwa muBbayibbele (Langa fuka 12-13)\\n12. Tweelede kuchitaanzi kuti tukambawukile bantu bazwa kuAsia batazi zyiingi atala aMulengi?\\n12 Munyika yoonse, basikupupulula balikuswaana bantu bazwa kuAsia, kuswaanizya abaabo bakkala muzisi ooko mfulumende zyakulimbabo taakwe nibakalipa chiindi chakuyeeya kuti kuli Mulengi. Bamwi balayanda kuziba zyiingi mpawo nga bazumina kwiiya Bbayibbele pesi bamwi tabakwe chiyandisyo chakwiiya zintu zipya. Niinzi chikonzya kutugwasya kuti tubakambawukile? Bamwi basikupupulula bali aaluzibo balazwidilila nkaambo ngabasaanguna kwaambuula tumwi twaambo abantu aabo, kuba andaba ambabo alubo kuti kazikonzeka, nga babuzya bantu aabo mbubakagwasigwa akubelesya malayilile aamuBbayibbele mubuumi bwabo.\\n13. Niinzi chikonzya kugwasya bantu kuti babe aachiyandisyo aBbayibbele? (Langa chifanikisyo chili aachivumbyo.)\\n13 Bantu biingi balaayandisya malayilile aagwasya aazwa muBbayibbele. (Muk. 7:12) Umwi muchizi uukkala kuNew York, uuswaya bantu baambuula chiChina wakati: “Ndileezya kubatondeezya kuti ndili aandaba abantu alubo ndilabaswiilila. Kuti ndamvwa kuti bantu aabo bachili beenzu, nga ndababuzya kuti: ‘Buli biyeni buumi bwakokuno? Mwakawujana na mulimu? Bamujisi kabotu na bantu bamomuno?’” Chimwi chiindi, kwaambuula munzila iili boobu, kupa kuti muchizi ooyu ajane mweenya wakubabuzya njiisyo zizwa muBbayibbele. Kuti kazichita, nga wayungizya kati: “Mubonaanga tweelede kuchitaanzi kuti tukkale kabotu abamwi? Ndikumbila kumutondeezya kamwi kasimpi kamuBbayibbele. Kaamba kuti: ‘Kutalisya nkondo kuli mbuuli kujulwida maanzi miingi; kubwesyanya kakutanatalika, kozwa buyo aawo.’ Mubonaanga nchenjezyo eeyi ilagwasya na kuti katuyanda kukkala kabotu abamwi?” (Tus. 17:14) Kwaambuuzyania kuli boobu chiindi chiingi kutugwasya kuti tuzibe bantu bayanda kwiiya zyiingi.\\n14. Umwi mukwesu wakuAsia ubagwasya biyeni bantu baamba kuti tabasyomi muli Leza?\\n14 Nga tulabagwasya biyeni bantu baamba kuti tabasyomi pe kuti Leza mpali? Mukwesu waba aachiindi chilamfu kakambawukila bantu batasyomi muli Leza kuAsia wakati: “Kuti muntu kalikwaamba kuti tandisyomi muli Leza, chiindi chiingi nga ulikwaamba kuti tabasyomi pe baleza bakombwa muchilawu mwakkala. Nkinkaako, nga ndazuminana anguwe kuti baleza biingi bapangwa aabantu akuti teebachoonzyo pe. Mpawo nga ndamubalila Jeremiya 16:20 iiti: ‘Sena muntu ulakonzya kulipangila baleza kakuli tabali baleza beni-beni?’ Mpawo nga ndamubuzya kuti: ‘Nga tulawubona biyeni musiyano uuliwo aakati kaleza wachoonzyo abaleza bakulipangila?’ Kuzwa waawo, nga ndaswiilisisya mpawo nga ndamubalila Isaya 41:23, iiti: ‘Amutwaambile zintu iziyoocitika kumbele, kutegwa tuzibe kuti nywebo muli baleza nchobeni.’ Mpawo nga ndamutondeezya chikozyano chitondeezya Jehova mbaakaambilizya zintu ziyoochitika kunembo.”\\n15. Twiiyaanzi kuchikozyano chamukwesu wakuEast Asia?\\n15 Umwi mukwesu wakuEast Asia ubelesya nzila iitobela chiindi nabweeda kubantu. Wakati: “Nga ndabatondeezya makani aabusongo aazwa muBbayibbele, bupolofita bwamuBbayibbele bwakazuzikizigwa amilawu iiyendelezya zintu zyoonse zyakalengwa. Mpawo nga ndabagwasya kubona kuti zyoonse eezi zitondeezya kuti kuli Mulengi uupona uuli aabusongo. Kuti muntu wazumina kuti Leza mpali, nga ndamutondeezya nzilyaamba Bbayibbele atala aJehova.”\\n16. Kweendelana amajwi aali muli Bahebrayo 11:6 nkamboonzi bantu mbitwiiyaabo Bbayibbele nibeelede kusyoma Leza aBbayibbele alubo nga tulabagwasya biyeni kuti bachite oobo?\\n16 Chiindi nituchitisya zyiiyo zyaBbayibbele kubantu batakwe chikombelo nchibanjila, tweelede kwiinkilila kunembo katubagwasya kuti basyome kuti Leza mpali. (Bala Bahebrayo 11:6.) Alubo tweelede kubagwasya kuti bazisyome nzilyaamba Bbayibbele. Kuti tuchite oobo, tweelede kwiindulula tumwi twaambo tuyandikana kwaziindi zyiingi. Muchiiyo chimwi achimwi, tulakonzya kwaambuuzyania atala abumboni butondeezya kuti Bbayibbele ndiJwi lyaLeza. Kuchita oobo kuswaanizya kwaambuuzyania mubufwiifwi atala abupolofita bwamuBbayibbele bwakazuzikizigwa, makani aasayensi, makani aazintu zyakachitika chiindi amalayilile aagwasya.\\n17. Kuba aaluyando abantu kupa kuti bachiteenzi?\\n17 Tugwasya bantu kuti babe basikwiiya baKristu kwiinda mukubatondeezya luyando katutalangi kuti balakomba na naakuti pe. (1 Kor. 13:1) Nitwiiyaabo, makanze eesu ngakuti babone kuti Leza ulatuyanda akuti uyanda kuti tumuyande. Munyaka amunyaka, bantu biingi bakatali kuyanda zyabukombi bakabbabbatizigwa nkaambo bakatondeezya kuti balamuyanda Leza. Nkinkaako, weelede kuba amaboneno aali kabotu alubo uyande bantu bamisyobo yoonse. Baswiilile. Yezya kubamvwisisisya. Kwiinda muchikozyano chako, bayiisye kuti babe basikwiiya baKristu.\\nNga tulachita biyeni kuti tube aamaboneno aali kabotu mumulimu wakukambawuka?\\nNga tulabakambawukila biyeni bantu batakombi?\\nNkamboonzi nitweelede kukambawukila bantu boonse mbituswaana?\\nLWIIMBO 76 Mbuti Mbomulimvwa?\\n^ par 5 Mazubaano tulakonzya kuswaana bantu batakombi kwiinda chiindi. Muchiiyo eechi, tulayiya mbutukonzya kubakambawukila kasimpe kamuBbayibbele bantu bali boobo ambutukonzya kubagwasya kuti basyome nzilyaamba Bbayibbele aJehova Leza.\\n^ par 1 Mukuyanduulisisya kumwi kwakachitwa, kwakajanika kuti zisi eezyo ziswaanizya: Albania, Australia, Austria, Azerbaijan, Canada, China, Czech Republic, Denmark, France, Germany, Hong Kong, Ireland, Israel, Japan, Netherlands, Norway, South Korea, Spain, Sweden, Switzerland, United Kingdom aVietnam.\\n^ par 2 BUPANDULUZI BWAMABALA: Muchiiyo eechi, mabala aakuti bantu batakombi aswaanizya bantu batakwe chikombelo nchibanjila naakuti batasyomi pe kuti Leza mpali.\\n^ par 54 BUPANDULUZI BWACHIFANIKISYO: Mukwesu ulikukambawukila muntu ngwabelekaawe kuchibbadela mpawo nikwayinda chiindi, muntu ooyo wanjila aawebbusayiti yesu yajw.org.\\nLibambile Kupenzegwa Kakuchili Lino\\nKkala Kukomba Jehova Chiindi Mulimu Wesu Nuwakasigwa\\n“Kamuya Mukayiisye Bantu . . . Kuti Babe Basikwiiya”\\nZYAKACHITIKA MUBUUMI Jehova Wakandilongezya Kwiinda Mbundakali Kuyeeyela\\nJesu Wakandifwida Na Choonzyo?\\nText Sala naa uyanda kukkopa zyakamwayigwa zilekkodedwe NGAZIYAKULINDA—YAKWIIYA July 2019\\nNGAZIYAKULINDA—YAKWIIYA July 2019","num_words":2243,"character_repetition_ratio":0.065,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 21 IBBAIB63 - Lino Jehova wakaswaya Sara, - Bible Search\\nMatalikilo 20 Matalikilo 22\\n1-Lino Jehova wakaswaya Sara, mbubonya mbwaakaambide, nkabela Jehova wakacitila Sara mbubonya mbwaakaamba. 2-Elyo Sara wakamima, wazyalila Abrahamu mwana mulombe mubucembele bwakwe, kuciindi ceelede Leza ncaakamwaambilide. 3-Nkabela Abrahamu wakaulika oyo mwanaakwe ngwaakazyalilwa, Sara ngwaakamuzyalila, izina lya-Izaka. 4-Mpawo Abrahamu wakapalula mwanaakwe Izaka naakajisi mazuba aali musanu aatatu aakuzyalwa, mbubonya mbuli Leza mbwaakamulailila. 5Abrahamu kajisi myaka iili mwanda, mwanaakwe Izaka naakazyalwa. 6-Lino Sara wakati, Leza wandipa cisesyo; kufumbwa uumvwa impuwo ulaseka ambebo. 7-Wakati, Nguni wakakonzya kwaambila Abrahamu kuti Sara uyoonyonsya bana? Nkaambo ndamuzyalila mwana mubucembele bwakwe.\\nHagare a-Ismayeli mbubakatandsaa\\n8Elyo mwana wakakula. Cibe ciindi wakalesegwa, nkabela Abrahamu wakacita ipobwe ipati mubuzuba obo Izaka naakalesegwa. 9-Lino Sara wakabona mwana wa-Hagare mu-Egepita ngwaakazyalila Abrahamu ulaseka. 10-Mpawo wakaambila Abrahamu kuti, Tanda oyu mwanakazi muzike amwanaakwe, nkaambo mwana wamuzike oyu takooyooba alukono antoomwe amwanaangu Izaka. 11-Lino makani akabija loko mumeso aa-Abrahamu nkaambo kamwanaakwe. 12-Pele Leza wakaambila Abrahamu kuti, Makani atabiji mumeso aako. Utalipenzyi nkaambo kamwanaako amwanakazi muzike wako. Zyoonse buyo Sara nzyaakwaambila, swiilila ijwi lyakwe muzintu zyoonse, nkaambo muli-Izaka moziyooambwa imbuto zyako. 13-Alakwe mwana wamwanakazi muzike, njoocita kuti abe cisi cipati, nkaambo nimbuto yako. 14-Lino nibwakaca, Abrahamu wakafuma, wabweza zinkwa ankomo yamaanzi, wapa Hagare, wazibika akuko lyakwe, amwana, aboobo wakamutanda. Nkabela naakainka, wakali kuya bweendeenda munkanda ya-Bcereseba,\\n15-Lino maanzi aamunkomo naakamaninina, wakasowa mwana kunsi lyaciteu cimwi, 16-waakukala alike kulekule, mbuli intaamu yamuvwi, nkaambo wakati, Ntaboni kufwa kwamwana. Wakakala bulangene awe, woomoka, walila. 17-Mpawo Leza wakamvwa ijwi lyamulombe, nkabela angelo wa-Leza wakaita Hagare kuzwa kujulu, wamwaambila kuti, Waba anzi, Hagare? Utayoowi, nkaambo Leza wamvwa ijwi lyamulombe awo mpabede. 18-Nyampuka, bweza mulombe, umujate kujanza, nkaambo njoocita kuti abe musyobo mupati. 19-Elyo Leza wakabbanuna meso aakwe, nkabela wakabona cikala camaanzi, wainka, wazuzya inkomo maanzi, wanywisya mulombe. 20-Lino Leza kali amulombe, nkabela naakakomena wakakala munkanda, waba simata. 21-Kakede munkanda ya-Parani, nkabela banyina bakamujanina mukazi munyika ya-Egepita.\\nAbrahamu mbwaakatanga cizuminano a-Abimeleki\\n22-Lino kuciindi eco Abimeleki a-Fikolo silutwe wampi yakwe bakaambila Abrahamu kuti, Leza uli ayebo muzintu zyoonse nzyocita. 23-Lino kondikonkela muzina lya-Leza mpoonya ano kuti tokooyoocita cakweena kulindime nikuba kubana bangu nikuba kulibasikamukowa bangu boonse. Mbubonya mbundakakufwida luzyalo, ayebo uleelede kucita mbubonya kulindime akucisi nkokala-kala. 24Abrahamu wakati, Ndakonka.\\n25-Lino Abrahamu wakanyontokela Abimeleki nkaambo kacikala camaanzi balanda ba-Abimeleki ncobakakasizye. 26Pele Abimeleki wakati, Nsizi na ngwani wakacita obo. Tokwe nowakandaambila pe, akumvwa nsina kunvwa pe mane sunu. 27-Mpawo Abrahamu wakabweza imbelele aŋombe, wapa Abimeleki, nkabela boonse bobile bakatangana cizuminano. 28Alimwi Abrahamu wakabweza intumbe zyambelele zili musanu azibili, wazibika zilike. 29-Lino Abimeleki wakabuzya kuli-Abrahamu kuti, Ino nkokutyeni ezi intumbe zili musanu azibili nzowabika zilike? 30-Wakavuwa kuti, Ezi intumbe zili musanu azibili, uleelede kuzitambula kumaanza aangu, zibe citondezyo cakuti ndime ndasya cikala eci. 31-Nkaambo kako kuntu oko kwakaulikwa izina lya-Beereseba, nkaambo nkonkuko boonse bobile nkubakakonkela. 32-Bakatangana cizuminano oko ku-Beereseba, elyo Abimeleki a-Fikolo silutwe wampi yakwe bakanyamuka, bapiluka kunyika yaba­-Filisti. 33-Lino Abrahamu wakazikila musika nkukonya oko ku-Beereseba, wakomba izina lya-Jehova Leza Uuteeli. 34Nkabela Abrahamu kakede munyika yaba-Filisti mazuba manji.","num_words":475,"character_repetition_ratio":0.065,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Yahushua naa Poopo Francis: Nguni yebo ngoti syome? Print\\nYahushua naa Poopo Francis: Nguni yebo ngoti syome?\\nPoopo Francis utaminina kuti walo muntu uutakwe kampenda wiiminina Mufutuli Yahushua. Pele kuswiililisya twaambo tuzwa mumulomo wakwe, akutweezyeka ku Mangwalo, kuyubunuka ciimo, bukkale abweende bwalusyomo lukazyanya aMufutuli.\\nKULYA MUSALO? Hena nga masimpe aayo nobantu? Bamapoopo kunyina NOBAYOOMA pe!\\nPele eeco ncencico cini Poopo Francis ncaakacita mu Mukubwe Kaangala mu 2017. Aayo makani ngaakaambilizya, akalembelwa muŋanda yakwe mumunzi wa Vaticani; ooyo wakali mulumbe mubotu, pele uusendekezya mapolitikisi-bupaizi-amalelo aanyika. Wakali mulumbe wakwiita malelo woonse kuti babelekele antoomwe, akuyakila bantu boonse buumi bucizya kumbele.\\nOoyo mulumbe wakasikila mpuululila ncobeni munsaa kumamanino eelyo poopo naakaambilizya kuti : “Ndamulomba nobantu, amundizumizye kuti ndaambe cintu eeci mujwi lilemu, akusalazya makani: kufumbwa kuti omuntu koyaa kubaa nguzu kapati, ayalo micito yako inga yatali kujatikizya bantu banjaanji, nkabela yebo mbolaa nguzu zipati, weelede kulilingula akulitolaansi. Kuti toocicita eeco, inguzu zyako inga zyakujazya, alimwi yebo inga wajazya bantu bamwi.”\\nMpoonya, aabo bantu bakali kumulangilizya akumuswiilizya poopo, bakatalika kulivwiyavwiya mumizeezo yabo kabati: Hena kuli maseseke ngasiside mumulumbe wakwe ooyu poopo na? Mbwaanga bunji bwabantu “tabakwe nguzu” zipati, ino nguni ngwasendekezya maambila mbali? Hena mwati ambweni wakali kutumina mulumbe kumbungano ya Illuminati na? Naa kubantu basale balemenede atalaa akuvwuba kapati nyika na? Nkaambo nzi ncaakali kubakulwaizya kulitolaansi akubomba? Mulumbe wini wa Mufutuli Yahushua lyoonse wakali mulumbe wakuti muntu asetekane ncobeni, kuleka buyo kulipeekezya kusetekana. Aboobo, ooko nkuupaupa ameso kulitondezya kubaa ciimo cimwi, pele koimpene akutaba muciimo eeco ncolipeekezya kuba.\\nKuti kali poopo wakali kutumina maseseke mumulumbe ngwaakali KUYOOMA, tacili cintu cizyizyilwe nokuba cizyibika. Nokuba boobo, lyoonse ncintu cabusongo kusanyangula kufumbwa cintu ncaakaamba muntu walupatipati ulaa mpuwo, kapati kuti ooyo kali muntu uulipeekezya kwiiminina Mufutuli.\\nKuswaanganya Nyika Mbokupilinganya Buna Kristu\\nCintu cini bantu ncobeelede kwiibaluka ncakuti poopo lyoonse ulaa makanze aajatikizya nyika yoonse*. Kwaamba bwinibwini, poopo muntu “sinyika.” Woonse makanze aakwe ngakanzide alisisidwe kuzwa kubantu baanyika, kutegwa alisumpule mwini kuba musololi wabupaizi atalaa nyika. Eeci ncecintu cibambila nzila yakuti eelyo myeembo ya ciyubunuzyo yaakutalika kulila, alimwi madaimona aakulibonya mbuli ziseese zizwa kulaale, zyaakutalika kusyaanikizyanya atalaa nyika, walo poopo akabe nguusalwa anyika yoonse kuti abe wiiminina bantu akubamvwanya amadaimona\/akulwana nkondo. \"Kukamantanya nyika yoonse\" ooyo ngo muzeezo uusumpula makanze a Cikombelo ca Katolika atalaa misyobo yoonse yabupaizi, nkaambo “kukamantanya nyika yoonse” takusiyimuntu kalikwayide anze lyanguzu zyapoopo pe.\\n\"Kukamantanya nyika yoonse antoomwe\" ncintu ciimpene akulikwaya kuba muntu uuyanda cisi cokwenu. Kulikwaya akulilela, nkusyoma kuti muntu, amasi aalilelede alaa mpindu yakuliiba kulicitila zintu kwiinda kuti aayo masi kaaswaangene akuyaamina kumasinyina amwi. Kuliiba kuba muntu wacisi tacicili cintu ciluleme mumapolitikisi pe. Pele “kuswaangana antoomwe nyika yoonse” ngamakanze aabuzuba buno.\\nCilimasimpe kuti yoonse mincini iibelesyegwa mazubaano yakacesya misinzo atalaa nyika. Nokuba boobo, “kuswaanganya nyika yoonse antoomwe” tacili cintu cikonzya kubambulula mapenzi woonse pe. “Kuswaanganya nyika yoonse antoomwe”, ncintu cidyaaminina akusyaanikizya muntu kuti asangane mutubungabunga natayandide. Aabo, bakaka kucita boobo kufumbwa naa nkaambo nzi, inga basinikizyigwa kucita boobo, nokuba kwiimwa zintu zyabuumi kuti bamanine kufwa.\\nKuzwa mumwaka wa 1991, umwi wakali mu Jesuiti Malachi Martin, wakalemba bbuku licenjezya nkondo eeyo yakali kulwaninwa kweendelezya nyika yoonse aciindi eeco. Eeli bbuku lilaa mutwe uulembedwe kuti Makkii aa Bulowa Oobu: Poopo John Paul II Ulwana cisi ca Russia aca Kumbo kuti Ayendelezye Mulazyo wa Nyika Mupya. Mubbuku eelyo, Martin ulashinshima kucenjezya kuti, tubunga tuliibide kuyandisya zisi, bupaizi ankamu zyabantu zimwi, zyoonse zilangilwa kuyootilimunwa akuzazaulwa, noziyanda nozitayandi, kuti zikakonzye kweelela kukkalilila akataa bweendelezi bwa nkamu zilaa nguzu zipati munyika. Kunyina niiba yomwe nkamu iikonzya kuyookkalilila akulyeendelezya kuti kiitakwe nguzu pele buyo kuti yalilekela — nanka kupenzyegwa — kuti ikomezyegwe kwiinda mbuyakabede kaindi . . . Mbuli mbunga mbozibede, ziyokwaanjila aataambwi. Zyeelede kusangana cakumananinina akubaa cibeela mumulazyo wabweendelezi bwanyika mupya . . . Nokuba, kuliyaamuna, akucaala kazitakwe uuzigwasya, akutalanganyigwa kuti zicili mbunga zilyeendelezya mumulazyo wanyika mupya.1\\nMazubaano, kakwiindide myaka 25, ncintu cikonzya kubonwa ncobeni eeco Martin ncaakali kushinshima buyo aciindi eeco. Aboobo mbuli mbotwazyiba lino makanze aa Poopo aakulela nyika yoonse, ncintu ciyandika kapati kuzyiba zintu nzyasyoma aziiyo nzyayiisya, nkaambo eezyo nzyezimutondezya mbwabede bwini. Eeci cibalo cisoleka buyo kweezyeka Poopo Francis ( mutwaambo twakwe, buumi mbwakkala azintu nzyasyoma) kuli zya Mufutuli Yahushua.\\nYahushua kumweezyeka Francis: Walo wakati\/ walo wakati\\nCintu citaanzi ciimpene akataa micito ya Poopo aziiyo zyokwa Yahushua ncakuti Poopo usinikizya bantu boonse kumutambula kuti abe nguuyendelezya atalaa nyika yoonse. Mukwiimpana, Yahushua wakaambila Pilato kuti: “Bulelo Bwangu tabuli bulelo bwanyika eeyi: kuti bulelo bwangu nibwali bwanyika eeyi, nkabela inga batwanga bangu balwanina kuti Ime nditajatwi mumaanza aa BaJuuda: pele lino bulelo bwangu tabuzyili anyika pe.” (Johane 18:36, KJV)\\nOoku kukonkezya kwa Mufutuli kuti bulelo bwakwe tiibwakali bwaanyika eeyi, ncintu ciimpene kulaale amakanze ookwa poopo aakulela atalaa nyika yoonse. Pele eeci tacili cintu cilikke ciimpene. Yebo kolyeezyekela makani aatobela aayo ngaakaamba poopo kumajwi aa Mufutuli Yahushua.\\nBantu baku ABC News, bakamwaya mulumbe wakuti mulweendo lwa Poopo Francis mu Vwivwi, 2015, kuya ku Munzi wa New York, walo wakataminina kuti lufu lwa Kristu Yahushua ndwaakafwa aciciingano talukwe mpindu pe: “Iciciingano citutondezya nzila yiimpene yakuzwidilila. Mulimo wesu ngwakusyanga mbuto. Leza nguubwene micelo yamilimo yesu. Kuti muziindi zimwi nguzu akukakatila kwesu kwalibonya kwaalilwa akutazyala micelo, swebo tweelede kwiibaluka kuti buumi bwa Jeesu Kristu mbotutobela, bwakaalilwa munyama yabuntu, aciciingano cakaalilwa koonda mulimo.” 2\\nNokuba kubala bbala lyomwe-lyomwe, aaya mabala alakankamusya, akuli Bakatolika lwabo! Kuyungizya waawo, aaka nkaambo kakazya ncobeni eeco cilembedwe ncaakaamba mumajwi aakwe Yahushua mubbuku lya Mateyo : “Amulange, katuya ku Jelusalema; ooko Mwanaamuntu nkwayokwaabwa mumaanza aabasilutwe bapaizi abalembi, mpoonya bayoomusinganya kuti akajayigwe, Alimwi bayoomupa kubantu bamasi kuti bamunonge, bamupenzye, akumukankamina: kwaakwiinda mazuba otatwe walo uyoobuka alimwi.” (Mateyo 20:18-19, KJV)\\nYahushua wakalizyi kuti mulimo Wakwe anyika uyoosikila mpuugolela ku Kalivali. Kuyungizya waawo, Walo wakalizyi kuti Taata uyoomubusya alimwi mubuzuba bwatatu. Aaka takali kaambo katyompokezya nokuba kaalilwa koonda mulimo pe! Pele aaya makani aambilizya kuzunda, nkaambo Walo wakalizyi kuti wakazuzika zyoonse eezyo Taata Wakwe nzyaakamutumina kuti Walo azyoocite!\\nPoopo Francis wakasulaika kaano ka Malengelo aajulu anyika aako kali mu Mangwalo eelyo naakaambilizya mucikolo cabu Poopo ca Zilengwa leza kuti:\\nZiiyo zya kulibeda kwazintu zili masimpe alimwi Leza tali simasalamuzi uujisi kakoli kakusondya pe. Eelyo notubala makani aa Malengelo ku Matalikilo, swebo tuli muntenda yakuyeeyela kuti Leza ngu simasalamuzi, kajisi kakoli kamupa nguzu zyakucita kufumbwa cintu. Pele tabusyi mbocibede oobo pe.\\nAayo matalikilo aanyika (kubboloka) ngotusyoma mazubaano, tiiwakali mulimo wa Mulengi wabulemu pe, pele mubwini awalo mulimo Wakwe ulayandika kusanganya kumatalikilo aayo. Kulibonya kwazilengwa leza atalaa nyika, tacili cintu ciimpene amuzeezo wakulenga zintu, nkaambo eeco ncecintu ciyandika, kulenga zilengwa leza ziyaa kusandauka ciimo.3\\nUmwi syaazyibwene wazilengwa leza, Ken Ham, wakapa bwiinguzi kayingula muzeezo wakulenga uuli mubbuku lya Matalikilo kuti:\\nMukaambo aaka, Poopo Francis, mbweenya mbuli basololi bazikombelo bamwi, ubikkide mizeezo yamuntu kumbelaa Jwi lya Leza. Alimwi kutali buyo ceeco cilikke, walo uya kumbele kusampaula kuti alikke muntu uucita masalamuzi kabelesya “musako wamajiki” nguukonzya kulenga zintu munzila eeyo Leza njaamba kuti Walo wakalenga zintu ku Matalikilo! Andimwaambile ncobeni kuti, ooku nkuunguka maanu aakumvwisisya kuti nguni wini ooyo mu Mangwalo waambwa kuti ngu Leza—Mulengi singuzuzyoonse uukonzya kucita ceeco ncaalilwa kucita muntu wanyama. Cintu cuusisya ncakuti, ooku kulanganya Leza munzila yaciimo eeci kuyaa kuyambukila muzikombelo zya Basikutongooka.4\\nMyezi misyoonto niyakainda kuzwa naakakkala acuuno cabupoopo, Francis wakapa mulumbe kubbuwa lya St. Peter ku Loma; oomo mumulumbe wakakazya kuti aayo maleele ngaakacita Mufutuli Yahushua aakuyungizya cinkwa answi, mubwini walo wakati, aayo akali maleele ncobeni. Kunze lyaboobo, walo wakalombozya kuti, eeco cakacitikila boobo buyo nkaambo kakuti bantu bakaabana umwi aumwi kufumbwa ncaakajisi kumweenzinyina. Mbuli mbokulembedwe abusena bwamunzi wa Vatican mumakkompyuta, walo wakati: “Aaya nga maleele: kuleka buyo kuyungizya zintu zyakaliko kale, pele nkwaabanya zintu eezyo zyakalikilo kale, eeco ncecaacitika, akuyumyayumya kwiinda mulusyomo amumupailo. Boonse bakalya alimwi akusiya cimwi ambali: Eeci ncecitondezyo ca Jeesu, Cinkwa cokwa Leza kumukowa wabantu.” 5\\nNikwakainda mwaka omwe, wakapa mulumbe aumwi kubbuwa lya Kristu Munununi ku Bolivia, ooko akwalo Poopo Francis wakapandulula ciiyo nceenya eeci, kasendekezya kuti eeco cakacitika akali maleele aakucinca myoyo yabantu kuti batalike kwaabana zintu eezyo nzibakajisi kale akati kabo.\\nAlimwi wakazumanana mubusena bwa Vatican mukkompyuta kuti:\\nEeco ncaakacita [Jeesu] cilakonzya kwaambwa mumabala otatwe buyo. Wakabweza kankwa kasyoonto akaswi, wakazileleka eezyo mpoonya akupa basikwiiya bakwe kuti baabanye nkamu yakabungene aawo. Mbombubo oobo aaya maleele mbwaakacitika. Taali majiki nokuba bulozi pe. Kwiinda munzila zyotatwe eezyi, Jeesu ulakonzya kusandula mizeezo yamuntu uutayandi bamwi kuti lino abe muntu uuyanda bantunyina, muzeezo wakukamantana abantunyina. . . . Jeesu wakatalisya mulongo wazileleko akataa basikwiiya bakwe, eelyo nibakaabanya eeco ncaakabapa, akucita kuti cibe cipego kubantunyina, aboobo boonse bakalya akukkuta kalilekele. Cintu cinyandya ncakuti, zyakulya zyakaide kuleka kuligwa: zyakali zinji cakuti kwakazula mitaanga iili ciloba. Ooyo ngomuzeezo uuzuminwa, muzeezo uulelekedwe uupedwe, lyoonse ukkutya nzala yabantu.6\\nMumwezi wa Mukazi-maziba 2015, Poopo Francis wakapa mulumbe oomo walo mwaakaamba kuti Bakatolika beelede kuba “bazyali bankutwe” kuleka “kuzyalana mbuli tusulwe.” 7 Basikutongooka kwamyaka minjaanji bakali kusungilizya kuzyalana muciimo cabunkutwe akufubaazya Bakatolika aba Mormoni nkaambo kacilengwa cabo cakukaka kulilesya kuzyala. Bunji bwazikombelo zya Basikutongooka, inga kusikila waawa, bazuminana atwaambo twa poopo ooto. Pele walo wakatunginizya kuya kumbele kaamba kuti, “Ndaamba mukaintu ooyo ngweekazyi kabotu kuti ulimitide ciindi calusele, kumwi kali wakaandulwa kale ziindi zili ciloba, walo wakati 'ndakamukalalila' mukaintu ooyo nkemwaambila kuti, 'Hena yebo uyanda kusiya bana bako bali ciloba babe bamucaala na? Nkusunka Leza ooko!’” 8\\nIno nkokwaamba kuti nzi ooku? Hena ooyo mukaintu wa Katolika lyoonse wakazyibide kwaambilwa kuti teelede kulilesya kuzyala, lino usunka Mwami Yahuwah nkaambo ucizyala bana banjaanji boobo? Ino usunka Mwami kuti acite nzi? Hena nkumusunka kuti amujaile bana bamwi kucaale basyoonto buyo mbakonzya kusunga? Naa umusunka kuti amujaye nayanda kuzyala? Nkuunguka maanu ooku nobantu!\\nMangwalo eeni aamba kuti: “Muntu ataalyaambili kuti eelyo nasunkwa kuti, Ime ndasunkwa aMwami Yahuwah: nkaambo Yahuwah takonzyi kusunkwa acintu cibyaabi pe, alimwi kunyina nakonzya kusunka muntu naba ni pe.” (Jakobo 1:13, KJV)\\nInga kwalibonyaanga nkutamikizya Poopo Francis kuti nguulengelezya twaambo ootu, pele inywe nobasimapolitikisi—inzya mutayimpyi aawa: eeco ncecintu cini mbwabede poopo—balizyibide kubandikila makamu aabantu. Balo balizyi kabotu kuti ooto twaambo ntobalabula nobakananina makunga aabantu, tulaa cikkelo. Alimwi, mutalubi kuti, poopo ulipeekezya kuti ngo mwiiminini wa Kristu! Aboobo kufumbwa ncaamba, bantu balamuswiilila kubee ngo Kristu!\\nCiiyo cakali kujanika mukuyiisya kwa Yahushua cakali cakuti, Taata wakujulu ulabayanda bana bakwe umwi aumwi kumugaminina, akuti muntu omwe-omwe ulakonzya kulyuunkila mwini kuli Taata a Mwana kuyoolilauka cimuminyide mumoyo wakwe. Muli Johane 16:27 (NKJV), Walo wakayiisya kuti: “Taata Lwakwe ulamuyanda, nkaambo inywe mwakandiyanda Ime, alimwi mwakandisyoma kuti Ime ndakazyila kuli Taata Yahuwah.” . Nokuba boobo, kweendelanya bwaamba Poopo Francis, cilongwe camuntu a Mufutuli Yahushua, ciimvwi anze lyakukwakwa lwacikombelo, ncilongwe “cilaantenda alimwi cikonzya kucisa.” Mubuzuba bwa Ganda Pati 25, 2014, Poopo wakaambilizya kuti:\\nKunyina cintu cakulicitila omwini mucikombelo pe; kunyina bantu balyeendelezya. . . . Zimwi ziindi inga wamvwa muntu umwi kaamba kuti, ‘Ime ndisyoma muli Leza, muli Jeesu, pele kutali mucikombelo, alimwi nsyekombeleli cikombelo pe.' Nziindi zyongaye notwaamvwa muntu waamba majwi aayo? Eeci ncintu citaluleme.\\nNkobali abamwi basyoma kuti yebo inga wabaa cilongwe cigaminina a Leza, alimwi kolyuunkila omwini kuli Jeesu Kristu kakwiina kulya mulalilo nokuba kugwasyililwa acikombelo pe. Ooku nkutempaulwa kulaa ntenda kukonzya kucisa muntu. Mumajwi aa Poopo mupati Paul VI, eeyo ‘Mizeezo yabufubafuba.’ Ncintu cili masimpe kuti kweenda musinzo antoomwe ncintu cikatazya, alimwi zimwi ziindi cilatolwaazya. . . . Pele Mwami wakasyomezya mulumbe Wakwe kubantu boonse alimwi toonse ndiswe bakamboni bamakani aayo; alimwi muli basazima abacizyi besu, zipego zyabo, aabo baboola kuzyoolitondezya kuli ndiswe. Eeci caambilizya kuti muntu weelede kuzulilwa kucikombelo.9\\nMumwezi wa Mukazi-maziba 2015, Poopo Francis wakakalalila ba Mozilemu nkaambo kakulwana maofisi aaku Paris ookwa Charlie Hebdo, oomo mubakajaya bantu bali 12. Nokuba boobo, walo wakazumanana kuya kumbele.\\nMukaambo kakali kumvwikaanga kazumizya kucita bujayi abulwani, walo wakati kuli njeeleela yakwaamba makani azintu, kaamba kuti:\\n“Ikuti Musilisi Gasbarri, kali mulongwe wangu ncobeni, wasampaula babaama, acenjele nkaambo ilamulindila mfwaindi,” mbwaakaamba oobo Francis, kasendekezya Alberto Gasbarri, ooyo uusungula misinzo njayendeenda poopo alimwi wakaliimvwi munsi lyakwe. Muntu teelede kucokacoka muntunyina, muntu teelede kutukilia lusyomo lwabantu bamwi, muntu teelede kusampaula lusyomo pe.” 10\\nAlimwi aciindi cimwi wakasanganya kusendekezya bulwani akuzumizya bumpelenge.\\nEelyo naakali bbishopo ku Argentina, Francis wakati mubuzuba bwa Muvwulo, bamwi balombwana bakandisomba mali masinka mulomo aasika $400,000 aakuti ndigwasye munzi wabacete— pele buyo kufumbwa kuti cikombelo citaangune kubapa mali aabo baalumi.\\n“Mukaindi kasyoonto aako Ime ndakayeeya kuti inga ndacita buti: Hena Ime ndibatukile akubabbakela kumatako aabo, naa ndizumanane kufubaala.”\\nFrancis wakati, wakazumanana kukoyaanga ncifubafuba, kaambila banalumi aabo bakamuswaide mu ofesi mwaakali kubelekela, akubaambila kuti cikombelo tiicakajisi ciyobwedo camali, nokuba kuti aabo balombwana babuzyabuzya kubeendelezi ba mali aacikombelo aabo bakkala mumbalimbali. Mpoonya poopo wakaamba kuti, ambweni taakabasubula mbokweelede, mukubalekela kuti bazumanane kunyengela bantunyina.11\\nEeci nciimo ciimpene ncobeni aceeco ncaakayiisya Yahushua, eelyo naakati: “Inywe mwakamvwa kakwaambwa kuti, Liso kuliso, linyo kulinyo: pele Ime ndamwaambila kuti, amweelebe cibyaabi: pele kufumbwa ooyo uukuuma kusaya lyalulyo, komucengulwida alyalumwesyi.” (Mateyo 5:38-39, KJV)\\nKamwi kaambo kokwa poopo nkaakaamba kakali mubuzuba bwa Kaanda Kaniini 12, 2014, eelyo naakali kupa mulumbe wakutambula beenzu. Wakaibaluka Petulo mbwaakatambula basyomi banamasi alimwi eeco mbucakanyandya basyomi bamusela ooyo; Poopo Francis wakaamba kuti inga walo wazibbapatizya iziseese zizwa kulaale kutobelanya bwaacita Petulo.\\n“Kupa buyo mukonzyanyo, kuti cifumo kwasika kkunga lya ziseese zizwa kunyenyeezi ya Mars kazyiboola kuzyootulingula okuno alimwi cimwi ciseese caamba kuti ‘Ime njanda kubbizyigwa!’, ninzi cinga cacitika aawo?”\\nMpoonya kasandulula ncaakali kwaambawida ziseese, Poopo wakati: “Ziseese zyaku Mars, tee kayi? Ziseese zyamusyobo wanyanzabili, kazyilaa mpemo zilamfu amakwaa matwi mapati, mbweenya mbuli mbozitondezyegwa muzifwanikiso zyabana.”\\nKumwi Francis nalibonyaanga ulondolola makani aazwanganinwa mukaambo aaka, eeci tacili ciindi citaanzi munzi wa Vatican niwaakanzide kuti uyoobbizya ziseese zizwa kulaale. Naakali kwaambaula ku Pobwe lya Zilengwa leza lyaku Britain mu 2010, umwi syaazibwene wanyenyeezi ooyo wakali kubelekela Poopo Benedict XVI, wakaamba kuti inga awalo wabbapatizya ziseese “kuti zyalomba kubbapatizyigwa”.12\\nNcintu ciinda kulipeekezya kucinca majwi ngaakaamba Mulengi Singuzuzyoonse, pele eeco ncecintu cini Poopo Francis ncaakacita. Alimwi uciinduluka kucita boobo.\\nTwaambo tugambya ooto ntwaakali kwaamba Poopo twakasiya bunji akataa Bakatolika kabakopwa akuzingwa mumizeezo kuti ninzi cini ncasyoma alimwi mpali aawo mpaimvwi mulusyomo lwakwe. John-Henry Westin, muntu wa Katolika waku Loma ooyo wakatalisya kulemba LifeSiteNews.com, lyoonse ulainduluka kwaambilizya twaambo ooto ntwaamba poopo mumilumbe yakwe, ooto twaambo ntotusiya Bakatolika banjaanji kabazingidwe. Walo waamba kuti:\\n“Kuli kupyopyogana kupati ncobeni mu Cikombelo kujatikizya mpaimvwi Poopo mulusyomo lwakwe. Nokuba kuti kulibonyaanga Poopo wiimvwi kulubazu luzumizya bantu Bakatolika balekene cikwati alimwi a Bakatolika bakainduluka kukwatana nokuba kukwatwa, akati kabo kuli bamakkadinalo abamabbishopo aabo basendekezya kuti Poopo ncaamba caambilizya ciimpene ancobazumizya mubantu aabo beelede kulya mulalilo.\\nKuli baabo bamuzyi kkadinalo Jorge Bergoglio mbwaakabede naatakataninga sumpulwa kukkala acuuno cabuleli, eeco tacili cintu ceenzu pe kumumvwa nkwakanana boobo. Ime ndakabandika abapaizi bamwi bongaye baku Buenos Aires aabo bakali kubeleka antoomwe a Kkadinalo Bergoglio mumilimo yiimpene alimwi boonse bakazumina kuti kupyopyongana ncecintu cilitondezya mumilimo yakwe. Kamwi kaambyo kakazwidilila nkamalailile aakwe. Ime ndakaambilwa abantu banjaanji bakali kuzwa kumabazu obile kabazwa mumiswaangano yokwa Kkadinalo Bergoglio kumwi kabayeeya kuti walo wakali kusumpula mizeezo yabo, kumwi kabaamba kuti “Uli kulubazu lwesu pele takonzyi kwaambawida buyo cintu eeco antangalala,” balo mbubakali kwaamba oobo, eelyo nibakali kuswaanga aanze abaabo mbucakali kukazyana limwi mumiswaangano.13\\nFrancis, mu Jesuiti\\nKusanganya atalaa kupyopyongana koonse kuli boobu, akwaamba zintu zitaluleme, ncintu ciyandika kulangisya nzyobasyoma ba Jesuiti kutegwa tuzyibe ncobeni eeco poopo ncasyoma. Amwiibaluke kuti, Poopo Francis ngo poopo mutaanzi uuzwa akataa ba Jesuiti. Mulazyo waba Jesuiti ngwakusisikizya kubeleka cabumpelenge kunzaa cuulu. Ba Jesuiti mbabaacita bujayi bunjaanji bweetezya mumusela wabantu. Ncintu cilaa makani manjaanji kwiinda cibalo eeci kuti tubandauke mpobalubide muziiyo zyabo. Pele cilainda kugwasya kuti twaambe buyo kuti, kuli twaambo tobile ooto twiinda kusampaula ooto ba Jesuiti (aba Katolika) ntobayiisya. Francis, mu Jesuiti ncobeni alimwi ngu poopo wa Katolika, awalo ulasyoma akukwabilila ziiyo zitaluleme eezyo.\\nCintu camatusi citaanzi ncakuti poopo ulipeekezya kuti inga walemununa akukelela zinyonyoono zyamuntu. Oolu lusyomo taluli buyo lwakusampaula pele ndusyomo lwabufubafuba. Alikke buyo Yahushua nguukonzya kugwisya cinyonyoono. Johane Mubbizyi wakaambilizya Mufutuli ku mabunga aabantu bakabungene kuti: “Amulange Mwanaambelele ookwa Yahuwah uugwisya zinyonyoono zyanyika!” (Johane 1:29)\\nYahushua Lwakwe wakati: “Nkaambo Taata kunyina pe nabeteka muntu naba ni, pele wakapa lubeta loonse mumaanza aaMwana.” (Johane 5:22, KJV) Mulimo wakulekelela upedwe cigaminina mumaanza aa Mufutuli ooyo “wakatempaulwa akusunkwa muzintu zyoonse mbweenya mbuli ndiswe mbotusunkwa, pele kunyina naakabisya pe.” (BaHebulayo 4:15, KJV)\\nMangwalo nokuba boobo, alakazya kutaminina kwa poopo kuti inga walekelela zinyonyoono. Poopo takonzyi kuzimaanya zinyonyoono zyamuntu naba ni pe, kusanganya azinyonyoono zyakwe, nkaambo “ibulowa bwa Yahushua Munanike Mwanaakwe mbobutusalazya kuzwa kuzinyonyoono zyoonse.” (1 Johane 1:7) Kuyungizya waawo, bamapoopo kuzwa kaindi ncobeni, bataminina kuti kunyina cibi ncobacita. Alimwi ooko nkukazya cilembedwe mu Mangwalo eeco caamba kuti: “Kuti swebo twaamba kuti tatukwe cinyonyoono, swebo tulalicenga lwesu, alimwi kasimpe takali muli ndiswe.” (1 Johane 1:8, KJV)\\nKaambilizya kaano ka Mufutuli Yahushua naakatanda madaimona, akutondezya ncokweelede kucenjela akugatela buumi bwa muna Kristu, Francis wakati:\\n“Mulumbe mubotu wamazubaano utalikila mukutanda dyabooli akumanina mukuzyokela kwa dyabooli! Ooku takuli kubeja pe. Eeli nde Jwi lya Mwami!”\\nMumuswaangano Wasanu wa Lateran mu 1512, Christopher Marcellus wakaambila Poopo Julius II kuti: “Kolibamba akulangisya nkaambo inga katuyoosweekelwa lufutuko, buumi amuya ngookatupa, nkaambo webo nduwe mweembezi wesu, nduwe musilisi wesu, nduwe ootulela, nduwe ootusunga, alimwi webo kumamanino nduwe Leza uumwi atalaa nyika.” 14 Kwaamba kaambo kasampaula aaka, Alexander Hislop wakati: “Lino kuti kakuli kunyina cintu cakusinganya Poopo pele eeci cakuti wakazumizya mazina aasampaula bulemu bwa Kujulu kuti ayitwe nguwe, eeci lwaco inga camutondezya kubaa mulandu uulema mbuli musinze uusiya mbi.” 15 Buyamba bwa Poopo John XXII, buya kumbele kubelesya kaambo kakuti, “Leza Wesu ngu poopo.” 16, 17\\nPoopo Francis kunyina pe naakalesya muntu kumwiita mazina aali boobo nokuba kuti Mufutuli Yahushua wakayiisya kuti: “Nywebo mutaitwi kuti mwiiyi, nkaambo mulijisi mwiiyi omwe, nywebo nyoonse muli babunyina. Alimwi mutaiti muntu naba omwe ansi aano kuti Taata, nkaambo mujisi Uso omwe, ooyo uuli kujulu” (Mateyo 23:8 & 9)\\nPoopo ulakulwaizya kuti aabo basyoma kabapaila kuli Maliya banyina Jeesu. Bakatolika baamba kuti Maliya “ngomwiiminini Mukaintu wa Kristu” alimwi balazumanana kumupa mazina aakuti “Munununi mukaintu”—aayo mazina, kunyina pe poopo naakabalesya kwaabelesya. Mubuzuba bwa Kaanda kaniini 12, 2017, Poopo Francis wakali kupaila ku Malende ooko Kulibonya Zyeelo zya Mooye Wesu Fatima, ku Portugal. Mumupailo wakwe, wakajuzya amajwi aamba kuti: “Wabonwa O Mwami mukaintu, Oolelekedwe Fatima Muumbulu, Omooye ulaa Moyo Uutakwe kampenda, Ociyubilo cesu alimwi uli nzila yesu iitozya kuli Leza!” Walo wakamanizya mupailo wakwe kaamba kuti: “Mumoyo wako Uutako kampenda, acibe ciyubilo ca babisyi alimwi akuba nzila eeyo iisolweda kuya kuli Leza.” 18\\nAaya majwi aakazyanya ncobeni amajwi ngakaamba Mufutuli Yahushua, walo naakati: “Ime ndendime nzila, ndime kasimpe, alimwi ndime buumi: kunyina muntu uunga wasika kuli Taata, pele buyo kwiinda muli ndime.” (Johane 14:6, KJV) Poopo Francis wakaambilizya akuti: “Kuba muna Kristu caambilizya kuzulilwa mucikombelo.” 19 Yahushua wakati: “Amuboole kuli ndime, nyoonse nomulemedwe anomukatede, mpoonya Ime njoomupa kulyookezya.” (Mateyo 11:28, KJV) Walo taakaamba kuti: “Amuboole mucikombelo alimwi muyoojana kulyookezya mumiya yenu” pe. Walo wakali kukonzya kwaamba boobo. Tee kayi kwakali cikombelo cakaliko mazuba aayo naakali kupona atalaa nyika.\\nOoto twaambo ntwakanana Poopo Francis itukazyanya amajwi ookwa Yahushua ntunjaanji, alimwi tuciyaa kuvwulisya kuya kumbele.\\nMumupailo umwi ku Loma mumwezi wakainda wa Kaanda kaniini, Francis wakati, Leza ulanununa bantu boonse — kuleka buyo bana Kristu, pele abaabo batasyomi muli Leza, abalo.\\n“Swebo tweelede kuswaangana akati mukucita zibotu,” mbwaakaamba poopo. Kuli baabo baamba kuti: “‘Pele mebo nsyemusyomi, Taata, tee kayi ndimuntu uutasyomi Leza!'”, poopo wakati kumuntu waamba boobo: “Tuyooswaangana antoomwe kutala okuya.” 20\\nMufutuli Yahushua inga taazuminizya pe zintu nzyaamba poopo. Mumulumbe wakwe atalaa Mulundu, Mufutuli wakaambilizya kuti: “Amunjile mukalyango kasyaanikide: nkaambo mulyango ulikwazeme, alimwi mugwagwa tuusyaankene, ooyo uutozya kukunyonyooka, alimwi mbanjaanji bantu banjila mumugwagwa ooyo: Nkaambo mulyango ulisyaaankene, alimwi nzila ilisyaanikide, eeyo iitozya kubuumi, alimwi mbasyoonto bajana nzila eeyo.” (Mateyo 7:13-14, KJV) Lino mbuli mbotwamvwa kale kaambo kokwa poopo, ncintu ciyandika kumvwisisya kuti majwi ookwa Yahushua aakatobela waawo acenjezya ncobeni:\\nAmubacenjelele basinsimi babeji. Aabo baboola kulindinywe kababombede mbuli mbelele anukuti mukati mbaaumpe babutambo. Muyoobaziba mumicelo yamilimo yabo. Sena nsaansa zilacelwa kuzwa kumuunga naa nkuyu kuzwa kumutubetube? Musamu mubotu tuukonzyi kuzyala micelo mibi, awalo musamu mubi uzyala micelo mibi. Musamu mubotu tuukonzyi kuzyala micelo mibi, awalo musamu mubi tuukonzyi kuzyala micelo mibotu. Musamu uuli woonse uutazyali micelo mibotu ulatemwa akuwaalwa mumulilo. Nkaako muyoobaziba muli nzyobacita (Mateyo 7:15-20, KJV)\\nEeci alimwi, ncecitweetela mubuzyo wakuti: Micelo nzi iili mubuumi mbwapona Poopo Francis?\\nMicelo yokwa Poopo Francis\\nKakwiindide buyo mvwiki zyongaye zyakusalwa bupoopo akulela acuuno, poopo wakaswaya ntolongo imwi, oomo walo mwaakasanzya—akumyonta—matende aabasimilandu baangidwe, akati kabo kwakali bamwi bakali ba mozilemu. Eeci cimvwikaanga ncintu . . . ca BuKristu. Hena mwati mbombubo ncobeni oobo mbocilibonya eeco?\\nMbuli mbocili cintu ceenzu eeco, mweelwe wabantu mbaakasanzya akumyonta bakali 12 (ooyo ngweenya ngowakali mweelwe wa basikwiiya mbaakajisi Mufutuli Yahushua ), alimwi mpoonya aawo kwakali basimilumbe abakali kubweza zifwanikiso bakalibambide kulemba kufumbwa ncaakacita poopo cimutondezya buumi bwa kulitolaansi.\\nCikombelo ca Katolika, mbuli mulawo, tacitobeli ciyanza cakusanzya matende. Mukucita boobo antangalala, poopo wakacita cintu cakamwayikizyanya mumilumbe atalaa nyika; ooko kwakali kulikankaizya antangalala akuupaupa ameso kwiinda kuti wakali kuyandisya ncobeni kunyonena bantunyina akubacitila zibotu.\\nOoko kulikankaizya caantangalala ncecintu cimwi Mufutuli Yahushua ncaakayiisya kuti taceelede kucitwa, pele muntu weelede kucitila cibotu bantunyina kalibombya, alimwi akulisisikizya, kumwi kaamba kuti:\\nAmucenjele kuti mutaciti milimo yanu iiluleme ku bantu mumambonwa, nkaambo mwacita boobo tamukwe bulumbu kuli Uso uuli kujulu.\\nNkaambo kaako ciindi nimupa zipo kubantu bapengede mutasibi mweembo mbuli basikuupaupa aameso mbobacita muzikombelo, mumigwagwa kuti balumbaizigwe abantu. Ncobeni ndamwaambila kuti balijisi kale bulumbu bwabo. Pele nywebo ciindi nimupa zipo zyaluzyalo, janza lyanu lya lumwensi litazibi lyalulyo ncolicita, kutegwa zipo zyanu zitabonwi abantu. Eelyo Uso uubonena kumbali uyoomulumbula caantangalala (Mateyo 6:1-4, KJV)\\nMuli Bwatatu, Kaanda Kaniini 24, 2017, Muleli waku Amelika Amukaintu wakwe, Donald a Melania Trump, bakaswaangana a Poopo Francis.\\nOoko kuswaangana nikwakaletelezya kaambo mu mapolitikisi pele buyo kuti poopo naatakaamba cintu cisesya eeco caalibonya kuti cakakondelezya Donald Trump a mukaintu wakwe Melania.\\nAciindi cimwi nibabakali kusekaseka mumuswaangano ooyo a Muleli waku Amelika mumunzi wa Vatican muli Bwatatu, Francis wakaamba kaambo kamwi kasendekezya Muleli Trump mbwaakali kulangika kuneneya.\\n\"Ino umusanina cakulya nzi? Hena umusanina Potica?\" Francis wakabuzya Melania, kumwi kasendekezya cinkwa cilweela eeco ncobalya kucisi nkwaakakomezyelwa mukaintu ooyo ku Slovenia alimwi ciitwa kuti \"potteezza\".21\\nKuleka buyo masesya ngaakaamba aayo poopo, walo lwakwe ulaa nzila yakulya eeyo yiimpene akuliimya kulya ooko nkwaakali kulicita Mufutuli. Mubbuku lya Zyakulya zyamunzi wa Vaticani eelyo lyakalembwa mu 2016, “ kuyubunudwe kuti ooyu poopo wakazyalilwa ku Buenos Aires- izyakulya zyakwe nzyayandisya zisangene akataa tunkwa tukangidwe twiitwa kuti empanada twaku Argentina, minyemfu yanyama yaŋombe amusinza mulemu wiitwa kuti dulce de leche,” 22 uulaa mafuta kapati, uujikwa kubelesya mafuta aamukupa.\\nNkaambo kakuti ooyu poopo ulayandisya zyakulya zidula boobo, ulizyibidwe kuti muntu syaamalyaalya. Mumubandi ngwaakali kubandikila bantu bamwaya milumbe muzipekupeku ku Mexico, Televista, mumyaka yobile kuzwa naakakkala acuuno cabupoopo, ooyu “wisi uusetekene” wakati, “walo 'takombeleli' kuba Poopo, pele ulangila buyo kuti abe muntu uutazyibidwe. ‘Cilikke cintu nceyanda ncakuti bumwi buzuba ndikalyate tende kuzwa anze, kakwiina uundizyiba, alimwi ndikaunke kucintoolo ca pizzeria nkobauzya pizza kuti ndikalye pizza,’ mbwaakaamba oobo.” 23\\nKaindi kasyoonto naakamanizya kuswaya munzi wa Naples, umwi musambazi wakalaa cintoolo ca pizzeria, Enzo Cacialli, naakamvwa nkwalilauka poopo, wakamweetela pizza wakabambidwe munzila yaandeene Poopo Francis.\\n\"Eeco cinkwa ca pizza, cakalaa zina lyeengawidwe atala kuti 'II Papa', akubikkwa madeede aasubila atala; wakacitambula Poopo kuzwa mumootokala ooyo wakamweetela cinkwa eeco kumwi kamwetamweta eelyo bantu bakabungene nibakatalika kusekelela. Ba Cacialli . . . bakaambila batola milumbe mumunzi ooyo kuti eeco cakeengedwe atalaa cinkwa ca pizza eeco, cakali cikonzyanyo ca ndembela yakumunzi wa Vatican andembela yokwa Poopo. . . . [Cacialli] wakaambila II Mattino kuti 'wakakkomana kapati eelyo naakatambulwa cinkwa ca pizza eeco cigaminina kuzwa mumaanza aakwe.'\"24\\nPoopo mukuyandisya malyaalya ulizyidwe kapati akataa bantu bamuzyi kabotu alimwi eeci nciimo ciimpene kapati aceeco cakulijata ncaakali kulitondezya Mufutuli Yahushua.\\nOoku kulyaalya kakutakwe cakuliimya nokuba kulijata, ncenciceeco ncaboneka kuneneya kapati alimwi ncintu citeendelani a Mangwalo:\\n“Mutalekeli kuti bantu boonse bazyibe kuti mulaliimya. [Yahushua] ulaafwi kusika.” (Bafilipo 4:5, NKJV)\\n“Alimwi kufumbwa muntu uuyanda kuzwidilila kuzunda weelede kulijata muzintu zyoonse.” (1 Bakolinto 9:25, NKJV)\\n“Kufumbwa uuteendelezyi buntu bwakwe uli mbuli munzi woolaudwe, uutakwe lukwakwa.” (Tusimpi 25:28, NKJV)\\n“Nkaambo mukolwi amulyato boonse bayoonjila mubucete” (Tusimpi 23:21, NKJV)\\nAlimwi eeco ncintu ciimpene ncobeni abuumi bwa kulitolaansi bwakatondezyegwa kumukowa wabantu, eelyo naakaamba kuti : “Cakulya cangu ncakucita kuyanda Kwakwe ooyo wakandituma Ime, alimwi akumanizya kucita mulimo Wakwe.” (Johane 4:34, NKJV)\\nAmwalo muzintu zimwi, Poopo Francis ulibonyaanga muntu mubombe kubantu balangila anze. Walo wakalisalila kusama ninga yakuminwe yansiliva iibikkidwe golide acibumbwa ca Muntu uuzuba nswi, kuleka kusama ninga iibambidwe aagolide ilikke buyo, eelyo naakaba poopo. Nokuba boobo, zikobela zyakwe nzyaboya bwambelele budula, eeco ncecilengwa ncaakatalisya umwi Gammarelli, ooyo wakali kusuma zikobela zyabapoopo mumusela walusele.\\nBuumi boonse mbwapona poopo, azintu nzyalisalila, zilangika kubaanga “nzyamuntu mubombe” kuti zyeezyekwa kuli zya bapoopo bakainda. Limwi pepa lyamilumbe lya Time, lyakalemba kuti: “Poopo Francis, mbuli bapoopo bakali kumbele lyakwe, usama nketani ndamfu munsingo yakwe. Ciciingano cakwe nokuba boobo, ncamuntu mubombe, kuti ceezyekwa kuli zyabaabo bakainda kusyule lyakwe aabo bakali kusama golide amabwe mayandisi. Ciciingano cokwa Poopo Francis cibambidwe aansiliva alimwi citondezya Jeesu kayumwide mwanaambelele.” 25\\nNokuba boobo, muntu inga taalilesya kulibuzya kuti hena eeci ciimo cakulibombya ncamasimpe kuti walanganya amubandi wa muswaangano wa TED ngwaakabandika kwaamba kuti : “Kuti kolaa nguzu kapati, ayalo micito yako inga yajatikizya bantu banjaanji, alimwi aboobo yebo weelede kulitondezya kubomba.” Pele kwiimpanya majwi aayo, Mufutuli wakacenjezya kuti: “Maawe kuli ndinywe, nobalembi anoba Falisi, nobasikuupaupa ameso! Nkaambo inywe muli mbuli zyuumbwe zituba, eezyo zilangika kulibotela anze, pele mukati zizwide mafuwa aabantu bafwide, azintu zitasalali zinjaanji.” (Mateyo 23:27, KJV) Yahushua wakayiisya kuti bantu boonse beelede kulilondola, kuleka buyo kulitondezya kulondoka: “Nkaakaako nywebo mweelede kuba bantu basalala mbweenya mbuli Uso uuli kujulu mbwabede.” (Mateyo 5:48, KJV)\\nKulondoka muli Yahushua nceciimo mbobede omuntu,\\nkuleka buyo micito njolitondezya kucita.\\nPele, kwaamba cintu cimwi akusyoma cintu ciimpene aceeco ncowaamba, eeco ncintu cijanwa kapati akataa ba Jesuiti. Eeco cikonkezyo ncobakonkezya eelyo nobasangana nkamu yabo, ncecibazumizya kuti kababeja kufumbwa ciindi nobayanda, alimwi inywe mutalubi kuti: Francis mu Jesuiti. Mbuli bwakaamba mulembi umwi: “Muzeezo wangu kuti lwaanguluko luli mucisi cino—ca Amelika—lwamwaigwa, inga koonse kulibombya kwabapaizi ba Katolika baku Loma aba Jesuiti, kwatalika kulibonya kuti mbampelenge, balaa ntenda kulwaanguluko lwacisi abupaizi bwacisi. Balo mbibaatalisya nkondo zinjaanji munyika ya Bukuwa.” 26\\nEelyo Benedict naakasalwa kuba poopo, bantu banji—abalo Bakatolika lwabo—bakanyandwa akulibilika kuti muntu muyumu moyo boobo, wiingaila ooku akooku mumakani aalusyomo, uubaibalusya bapoopo bamusela wamusinze, kuti inga wasumpulwa kukkala cuuno cilaa nguzu ampuwo kapati boobo. Umwi mukaintu muna Katolika, uuzyila ku Bavaria nkwaakazyalilwa, kumwi katalika kwiibaiba misyozi naakamvwa kuti ooyo wakali Joseph Ratzinger, lino wakasalwa kuba poopo, wakaamba kuti, “Ime ndakali kulangila kuti inga twabaa poopo mubotu.”\\nIntenda iili muli poopo muteteete moyo Francis njakuti, walo tazyibiki bwini mbwabede ciimo cakwe. Mbuli wumpe uusamide cikutu cambelele, walo uluujisi kusesyasesya akoongelezya makunga aabantu banjaanji bazulilwa muzikombelo ziimpene. Aboobo eeco ncecintu ncayandika kuti muntu uuli woonse uusyoma kalangisya kapati akweezyekanya majwi woonse ngaamba kuli yaayo aakwaambwa a Mufutuli, nkaambo majwi aamba muntu lyoonse ngaayubununa eeco cili mumoyo wakwe ncobeni.\\nMajwi ookwa Yahushua kuli ba Falisi bakali kupona mumazuba Aakwe aleelede kwiibalukwa eelyo muntu namvwa twaambo twa Poopo Francis katukazyanya acilembedwe mu Mangwalo: “ Nywebo nolunyungu lwabacisasa! Ino inga mwalyaamba buti cibotu, kakuli nywebo muli babi? Nkaambo muntu waamba cizwide mumoyo wakwe” (Mateyo 12:34, KJV)\\nKolibuzya omwini ono kuti: Majwi nzi aayo Poopo Francis ngaamba aayubununa cili mumoyo wakwe, zintu nzyasyoma . . . amakanze aakwe?\\nIjwi lyabusongo kumuntu ulaa maanu . . . .\\n* Inyika tiili mbuli Mbumbulu mbwiibambidwe pe. Mabala aakuti “Kuzinguluka nyika”a “sinyika”, nokuba boobo, abelesyelwa buyo mulimo wakupandulula mucibalo eeci.\\n3 https:\/\/www.natureworldnews.com\/articles\/34445\/20161220\/climate-change-big-bang-theory-shocking-things-pope-francis-name.htm. Kobala aceeci:\\n6 https:\/\/w2.vatican.va\/content\/francesco\/en\/homilies\/2015\/documents\/papa-francesco_20150709_bolivia-omelia-santa-cruz.html, mabala aacengamikidwe, akabikkwa abalembi.","num_words":4279,"character_repetition_ratio":0.041,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"“Ndiyoopa Kuti Babe Cisi Comwe”—Ezekieli 37:22\\n“Ndiyoopa Kuti Babe Cisi Comwe”\\nMAKANI AALI MUCIBALO: Cisyomezyo ca Jehova cakubunganya bantu bakwe antoomwe; businsimi bwatusamu tobilo\\n1, 2. (a) Nkaambo nzi baange ncobakonzya kuyoowa? (b) Nkaambo nzi ncobakali kuyanda kumvwa mulumbe ngobatakali kuyeeyela? (c) Ino mibuzyo nzi njotutiilange-lange?\\nKWIINDA mukusololelwa a Leza, Ezekieli wakaamba businsimi bunji kubaange ibakali mu Babuloni kwiinda muzitondezyo zilibonya. Businsimi bwakusaanguna Ezekieli mbwaakacita citondezyo, bwakajisi mulumbe walubeta, ibwabili abwalo mbubwenya, abwatatu mbubwenya, mpoonya abumbi mbubwenya. (Ezk. 3:24-26; 4:1-7; 5:1; 12:3-6) Mubwini, businsimi boonse mbwaakacita zitondezyo bwakaamba kujatikizya milumbe yalubeta iiyoosya kuba Juda.\\n2 Aboobo, amuciyeeyele buyo mbobakayoowede baange ciindi Ezekieli naakaima alimwi kumbele lyabo, kalibambilide kucita citondezyo cimbi cabusinsimi. Kweelede kuti bakalibuzya kuti, ‘Ino mulumbe nzi uutyompya ngotuyanda kutambula lino?’ Pele lino bakali kuyanda kumvwa mulumbe ngobatakali kuyeeyela. Businsimi lino mbwaakali kuyanda kucita citondezyo Ezekieli bwakaliindene kapati. Bwakajisi cisyomezyo cibotu, ikutali makani aalubeta lubyaabi. (Ezk. 37:23) Ino mulumbe nzi Ezekieli ngwaakaambila baange? Ino wakali kwaamba nzi? Ino ubajatikizya buti babelesi ba Leza mazuba aano? Atubone bwiinguzi.\\n“Tuyooba Kasamu Komwe Mujanza Lyangu”\\nTUBBOKESI TWAKUYIISYA 12A: Kuswaanganizyigwa Kwatusamu Tobilo\\n3. (a) Ino kasamu ‘ka Juda’ kakali kwiiminina nzi? (b) Nkaambo nzi ‘kasamu ka Efraimu’ ncokakali kwiiminina bwami bwamisyobo iili kkumi?\\n3 Jehova wakalailila Ezekieli kubweza tusamu tobilo alimwi akulemba komwe kuti “nkika Juda” mpoonya kamwi kuti “nkika Josefa, nkasamu ka Efraimu.” (Amubale Ezekieli 37:15, 16.) Ino tusamu ootu tobilo twakali kwiiminina nzi? Kasamu ikakali ‘ka Juda’ kakali kwiiminina bwami bwamisyobo yobilo bwa Juda abwa Benjamini. Bami ibakali mumulongo wa Juda bakali kweendelezya misyobo yobilo; alimwi bupaizi bwakaliswaanganizyidwe anjiyo, nkaambo bapaizi bakali kubelekela atempele mu Jerusalemu. (2Mak. 11:13, 14; 34:30) Aboobo, bwami bwa Juda bwakajisi mulongo wabami wa Davida alimwi abapaizi bana Levi. ‘Kasamu ka Efraimu’ kakali kwiiminina bwami bwamisyobo iili kkumi bwa Israyeli. Nkaambo nzi ncotukonzya kwaamba boobu? Mwami wakusaanguna wabwami bwamisyobo iili kkumi wakali Jeroboamu, walo iwakali kuzwa mumusyobo wa Efraimu. Mukuya kwaciindi, Efraimu wakaba musyobo iwakali ampuwo kapati mu Israyeli. (Dt. 33:17; 1Bam. 11:26) Amubone kuti bwami bwamisyobo iili kkumi bwa Israyeli tiibwakali kubikkilizya abami baluzubo lwa Davida naa bapaizi ba Levi.\\n4. Ino citobela ncaakacita Ezekieli atusamu tobilo cakali kutondezya nzi? (Amubone cifwanikiso icili kumatalikilo aacibalo.)\\n4 Ezekieli alimwi wakalaililwa kuswaanganya tusamu tobilo antoomwe “kutegwa tube kasamu komwe buyo.” Baange kabamulangilila caluyandisisyo Ezekieli, bakamubuzya kuti: “Sena tokootwaambila ncozyaamba zintu eezyi?” Wakaingula kuti icakacitika cakali kutondezya ncaakali kuyoocita Jehova kumugama. Kujatikizya tusamu tobilo, Jehova wakaamba kuti: “Ndiyootupa kuti tube kasamu komwe buyo, tuyooba kasamu komwe mujanza lyangu.”—Ezk. 37:17-19.\\n5. Ino cakali kwaamba nzi ncaakacita Ezekieli? (Amubone kabbokesi kakuti “Kuswaanganizyigwa Kwatusamu Tobilo.”)\\n5 Mpoonya, Jehova wakacipandulula ncocakali kwaamba ikuswaanganizyigwa kwatusamu tobilo. (Amubale Ezekieli 37:21, 22.) Baange ibakali kuzwa mubwami bwamisyobo yobilo bwa Juda alimwi abaange ibakali kuzwa mubwami bwamisyobo iili kkumi bwa Israyeli (Efraimu) bakali kuyooletwa kunyika ya Israyeli, kwalo nkobakali kuyooba “cisi comwe.”—Jer. 30:1-3; 31:2-9; 33:7.\\n6. Ino mbusinsimi nzi ibweendelana ibuli kuli Ezekieli caandaano 37?\\n6 Eelo kaka bulakondelezya mbobweendelana businsimi bwakubukulusya ibulembedwe kuli Ezekieli caandaano 37! Jehova uyoosinizya kuti ngu Leza uutaangululi buyo bantu bakwe kuzwa mubuzike (tupango 1-14) pele alimwi ulabakamantanya (tupango 15-28). Mulumbe uukkazika moyo uutondezyegwa kwiinda mubusinsimi oobu bobilo ngwakuti: Buzike bulakonzya kumana, alimwi akwaandaana mbubwenya.\\nIno Mbuti Jehova ‘Mbwaakababunganya antoomwe’?\\n7. Ino cibalo cili ku 1 Makani 9:2, 3 citondezya buti kuti “kuli Leza zintu zyoonse zilakonzyeka”?\\n7 Kweelana ambobazibona zintu bantu, lwaanguluko alimwi alukamantano lwabaange lwakali kulibonya kuba cintu citakonzyi kucitika naaceya. * Pele, “kuli Leza zintu zyoonse zilakonzyeka.” (Mt. 19:26) Jehova wakabuzuzikizya businsimi bwakwe. Buzike mu Babuloni bwakamana mu 537 B.C.E., mpoonya, bantu kuzwa kubwami boonse bobilo bakasika mu Jerusalemu kutegwa bagwasyilizye kubukulusya bukombi busalala. Majwi aalembedwe aakasololelwa amuuya alacisalazya eeci: “Bamwi balunyungu lwa Juda, lwa Benjamini, lwabana Efraimu alwabana Manase bakakkala mu Jerusalemu.” (1Mak. 9:2, 3; Ezr. 6:17) Masimpe, kweelana ambwaakasinsima Jehova, bantu ibakali mubwami bwamisyobo iili kkumi bwa Israyeli bakaswaanganizyigwa, naa kukamantanizyigwa, antoomwe abaabo ibakali mubwami bwamisyobo yobilo bwa Juda.\\n8. (a) Ncinzi ncaakasinsima Isaya? (b) Ino nzintu nzi zyobilo ziyandika kapati izili kuli Ezekieli 37:21?\\n8 Kakucili myaka iitandila ku 200, musinsimi Isaya wakasinsima kujatikizya cakali kuyoocitikila bana Israyeli aba Juda baakuzwa mubuzike. Wakasinsima kuti Jehova wakali kuyootalika kubunganya “bantu bamwaikide ba Israyeli” alimwi ‘abantu bapalangene ba Juda kuzwa kuzyooko zyoonse zyone zyanyika,’ kubikkilizya ‘akuzwa ku Asuri.’ (Is. 11:12, 13, 16) Aboobo, kweelana ambwaakasinsima Jehova, wakagwisya “bana Israyeli akati kamasi.” (Ezk. 37:21) Amubone zintu zyobilo iziyandika kapati: Aciindi aawa, Jehova kunyina naakacili kwaamba baange kuti “Juda” alimwi a “Efraimu” pele kuti “bana Israyeli” kaili mbunga yomwe. Kuyungizya waawo, bana Israyeli bakali kupandululwa kuti bazwa, kutali kucisi comwe, Babuloni, pele kuti bazwa kumasi manji nkokuti, “kuzwa kumabazu oonse.”\\n9. Mbuti Jehova mbwaakabagwasya ibakazwa mubuzike kuti bakamantane?\\n9 Nobakajokela ku Israyeli baange, ino mbuti Jehova mbwaakabagwasya kuti bakamantane? Wakapa bana Israyeli ibeembezi bakumuuya, mbuli Zerubabeli, Mupaizi Mupati Joshua, Ezara alimwi a Nehemiya. Leza alimwi wakasala basinsimi mbuli Hagai, Zekariya alimwi a Malaki. Baalumi basyomeka boonse aaba bakabeleka canguzu ikukulwaizya cisi kutobela malailile a Leza. (Neh. 8:2, 3) Kuyungizya waawo, Jehova wakacikwabilila cisi ca Israyeli kwiinda mukunyonganya makanze mabi ngobakajisi basinkondo babantu ba Leza.—Es. 9:24, 25; Zek. 4:6.\\nJehova wakasala beembezi bakumuuya kutegwa bagwasye bantu bakwe kukamantana (Amubone muncali 9)\\n10. Ino mukuya kwaciindi ncinzi Saatani ncaakazwidilila kucita?\\n10 Nokuba boobo, nokuba kuti Jehova wakabalanganya munzila yaluyando, bana Israyeli banji bakaalilwa kukakatila kubukombi busalala. Nzyobakacita zililembedwe mumabbuku aamu Bbaibbele aakalembwa ciindi baange nobakapiluka. (Ezr. 9:1-3; Neh. 13:1, 2, 15) Mubwini, mumwaanda wamyaka omwe kuzwa nobakazwa mubuzike, bana Israyeli bakazwa mubukombi busalala cakuti Jehova wakabaambila kuti: “Amujokele kulindime.” (Malk. 3:7) Kuzikusika kuciindi Jesu naakaboola anyika, bukombi bwaba Juda bwakalaandaanizyidwe mutubunga tunji itwakali kusololelwa abeembezi batasyomeki. (Mt. 16:6; Mk. 7:5-8) Saatani wakazwidilila mukusinkilila kuti kutabi kuzwidilila mukuleta lukamantano lweelede. Nokuba boobo, businsimi bwa Jehova bwalukamantano bwakali kuyoozuzikizyigwa. Mubuti?\\n“Mubelesi Wangu Davida Uyooba Mwami Wabo”\\n11. (a) Ncinzi Jehova ncaakayubununa kujatikizya businsimi bwakwe bwakukamantanya? (b) Ncinzi alimwi Saatani ncaakasola kucita naakatandwa kuzwa kujulu?\\n11 Amubale Ezekieli 37:24. Jehova wakayubununa kuti businsimi bwakwe bwakukamantanya bwakali kuyoozuzikizyigwa akati kabantu bakwe lilikke ciindi ‘mubelesi wakwe Davida,’ Jesu, naakali kuyootalika kulela kali Mwami, calo icakacitika mu 1914. * (2Sam. 7:16; Lk. 1:32) Kuzikusika aciindi eeco, bana Israyeli bakumuuya, ibananike bakalinjilide kale mubusena bwabana Israyeli bakumubili. (Jer. 31:33; Gal. 3:29) Saatani, kwaambisya naakatandwa kuzwa kujulu, alimwi wakaba amakanze aakunyonyoona lukamantano lwabantu ba Leza. (Ciy. 12:7-10) Mucikozyanyo, naakafwa Mukwesu Russell mu 1916, Saatani wakajana coolwe cakuleta kwaandaana akati kabananike kwiinda mukubelesya basiluleyo. Nokuba boobo, kalitanalampa, basiluleyo aabo bakaisiya mbunga. Saatani alimwi wakazwidilila mukupa kuti bakwesu ibakali kusololela aciindi eeco babikkwe muntolongo, pele eeco acalo tiicakapa kuti bantu ba Jehova bazibaane. Banakristo bananike ibakazumanana kusyomeka kuli Jehova tiibakacileka kukamantana.\\n12. Nkaambo nzi kusolekesya kwa Saatani kwakwaandaanya ba Israyeli bakumuuya ncokwatazwidilila?\\n12 Aboobo, mukwiimpana acakacitikila bana Israyeli bakumubili, ba Israyeli bakumuuya bakaliyumya kunzila zya Saatani zyakuyanda kupa kuti kube kwaandaana. Ino nkaambo nzi kusolekesya kwa Saatani ncokwatazwidilila? Akaambo kakuti bananike bacita zyoonse nzyobakonzya kutegwa bakakatile kuzyeelelo zya Jehova. Aboobo, bali kukwabililwa a Mwami wabo, Jesu Kristo, uucizumanana kumuzunda Saatani.—Ciy. 6:2.\\nJehova Uyoopa Kuti Bakombi Bakwe ‘Babe Bomwe’\\n13. Ino nkasimpe nzi kayandika kapati ibusinsimi bujatikizya kuswaanganizyigwa kwatusamu tobilo nkobutuyiisya?\\n13 Ino businsimi bwakuswaanganya tusamu tobilo bwaamba nzi mazuba aano? Amuyeeye kuti kaambo kapati kabusinsimi kakali kakutondezya mbuli mbunga zyobilo mbozyakali kuyookamantana. Kwiinda zyoonse, businsimi butondezya kuti ilukamantano oolu lulaletwa a Jehova. Aboobo, ino nkasimpe nzi ikayandika kapati kajatikizya bukombi busalala nkocitondezya citondezyo cabusinsimi oobu cakuswaanganya tusamu tobilo? Mubufwaafwi kasimpe aaka nkakuti: Jehova kumugama uyoopa kuti bakombi bakwe ‘babe bomwe.’—Ezk. 37:19.\\n14. Mbuti kuzuzikizyigwa kupati kwabusinsimi bwakuswaanganizyigwa kwatusamu mbokucitika kuzwa mu 1919?\\n14 Kuzwa mu 1919, bantu ba Leza nobakasalazyigwa munzila yakumuuya alimwi anobakatalika kunjila muparadaiso yakumuuya, kuzuzikizyigwa kupati kwabusinsimi bwakuswaanganizyigwa kwatusamu kwakatalika. Aciindi eeco, ibunji bwabaabo ibakakamantanizyigwa bakajisi bulangizi bwakuba bami abapaizi kujulu. (Ciy. 20:6) Munzila yacikozyanyo, bananike aaba bakali mbuli kasamu ‘ka Juda,’ icisi cakali kubikkilizya amulongo wabami wa Davida abapaizi bana Levi. Nokuba boobo, mbwaakali kuyaabuya mazuba, bantu banji ibakajisi bulangizi bwakupona anyika bakasangana ba Juda bakumuuya aaba. Aaba bakali mbuli ‘kasamu ka Efraimu,’ nkokuti cisi icatakali kubikkilizya bami bamumulongo wa Davida alimwi abapaizi ba Levi. Antoomwe, mbunga zyobilo zilabeleka calukamantano mbuli bantu ba Jehova ansi a Mwami omwe, Jesu Kristo.—Ezk. 37:24.\\n“Bayooba Bantu Bangu”\\n15. Mbuti majwi aabusinsimi aali kuli Ezekieli 37:26, 27 mbwaali mukuzuzikizyigwa mazuba aano?\\n15 Businsimi bwa Ezekieli kubugama butondezya kuti bantu banji bakali kuyookulwaizyigwa kusangana bananike mubukombi busalala. Kujatikizya bantu bakwe, Jehova wakaamba kuti: ‘Ndiyoobavwuzya’ alimwi “tente lyangu linooli ambabo.” (Ezk. 37:26, 27; bupanduluzi buyungizyidwe) Majwi aaya apa kuyeeya cakasinsimwa amwaapostolo Johane nokwakainda myaka iili 700 kuzwa ciindi naakali kupona Ezekieli, aamba kuti ‘ooyo uukkede acuuno cabwami wakali kuyoovwumba tente lyakwe’ atala ‘aankamu mpati.’ (Ciy. 7:9, 15) Mazuba aano, bananike alimwi abankamu mpati balakkala mbuli cisi comwe, bantu ba Leza, kabakwabilidwe atente lyakwe.\\n16. Ino mbusinsimi nzi Zekariya mbwaakaamba kujatikizya kuswaanganizyigwa kwaba Israyeli bakumuuya abaabo ibajisi bulangizi bwakupona anyika?\\n16 Kuswaanganizyigwa kwaba Juda bakumuuya abaabo ibajisi bulangizi bwakupona anyika kwakasinsimwa alimwi amusinsimi Zekariya, walo iwakazwa mubuzike. Wakaamba kuti ‘bantu bali kkumi bazwa . . . mumasi oonse’ bakali ‘kuyoojatisya cikobela camu Juda’ akwaamba kuti: “Tuyanda kuunka andinywe, nkaambo twamvwa kuti Leza ulaandinywe.” (Zek. 8:23) Majwi aakuti “mu Juda” taambi muntu omwe, pele aamba nkamu yabantu, “nywebo nobantu,” mazuba aano iimininwa abananike basyeede, naa ba Juda bakumuuya. (Rom. 2:28, 29) “Bantu bali kkumi” baiminina baabo ibajisi bulangizi bwakuyoopona anyika. ‘Balabajatisya’ bananike alimwi ‘akuunka’ ambabo. (Is. 2:2, 3; Mt. 25:40) Mabala aakuti “bayoojatisya” alimwi ‘akuunka andinywe’ atondezya kuswaanganizyigwa cakumaninina kwankamu zyobilo eezyi.\\n17. Mbuti Jesu mbwaakalupandulula lukamantano ndotujisi mazuba aano?\\n17 Kweelede kuti wakayeeya businsimi bwa Ezekieli bwakuswaanganizyigwa ciindi Jesu naakalipandulula kuti ngomweembezi uuyoopa kuti kwiinda mubusolozi bwakwe, mbelele zyakwe (bananike) alimwi ‘ambelele zimbi’ (aabo bajisi bulangizi bwakuyoopona anyika) ziyooba “tanga lyomwe.” (Joh. 10:16; Ezk. 34:23; 37:24, 25) Eelo kaka majwi aaya aa Jesu alimwi ayaayo aabasinsimi bakaindi alalupandulula kabotu lukamantano lukkomanisya ndotujisi mazuba aano, kufwumbwa naa tujisi bulangizi nzi bwakumbele! Nokuba kuti bukombi bwakubeja bwaandaana mutubunga tunji kapati, swebo tulikamantene munzila iigambya.\\nMazuba aano, bananike ‘abambelele zimbi’ balamukomba Jehova calukamantano kabali “tanga lyomwe” (Amubone muncali 17)\\n“Cikombelo Cangu Cili Akati Kabo Lyoonse Mane Kukabe Kutamani”\\n18. Kweelana ambokutondezyedwe kuli Ezekieli 37:28, nkaambo nzi ncociyandika kapati kubantu ba Leza ‘kutaba banyika’?\\n18 Majwi aamamanino aabusinsimi bwakuswaanganizyigwa bwa Ezekieli aamba icitondezya kuti lukamantano lwesu talukanyonganizyigwi. (Amubale Ezekieli 37:28.) Bantu ba Jehova balikamantene akaambo kakuti cikombelo cakwe, naa bukombi busalala, buli “akati kabo.” Alimwi cikombelo cakwe cilazumanana kuba akati kabo lyoonse ikuti kabalisalazya, naa kulyaandaanya kunyika ya Saatani. (1Kor. 6:11; Ciy. 7:14) Jesu wakakankaizya kaambo ncociyandika kutaba banyika. Mumupailo uuzwa ansi amoyo kapailila basikwiiya bakwe, wakaamba kuti: “Taata Oosalala, kobakwabilila . . . ikutegwa babe bamwi . . . Tabali banyika . . . Kobasalazya akasimpe.” (Joh. 17:11, 16, 17) Amubone Jesu mbwakuswaanganya kuba “bamwi” alimwi ‘akutaba banyika.’\\n19. (a) Mbuti mbotutondezya kuti tuli ‘basikwiiya Leza’? (b) Mubusiku bwamamanino katanafwa, ino nkaambo nzi kamasimpe nkaakakankaizya Jesu kujatikizya lukamantano?\\n19 Pampawo aawa alikke aalembedwe alo Jesu mpaakaita Leza kuti “Taata Oosalala.” Jehova ulasalala alimwi uliluleme cakumaninina. Jehova wakalailila bana Israyeli bansiku kuti: “Mweelede kusalala nkaambo mebo ndilasalala.” (Lev. 11:45) Mbotuli ‘basikwiiya Leza,’ tuyanda kuumvwida mulawo ooyu mubukkale bwesu boonse. (Ef. 5:1; 1Pet. 1:14, 15) Ciindi bbala eeli nolibelesyegwa kwaamba bantu, ‘kusalala’ caamba ‘kuzandulwa.’ Aboobo Jesu mubusiku bwamamanino katanafwa wakakankaizya kuti basikwiiya bakwe bakali kuyoozumanana kukamantana lilikke buyo kuti balizandula kunyika eeyi alimwi amuuya wanjiyo wakwaandaana.\\n“Ubakwabilile Akaambo Kamubi”\\n20, 21. (a) Ncinzi ciyumya lusyomo lwesu mulukwabililo lwa Jehova? (b) Ncinzi ncomukanzide kucita?\\n20 Lukamantano lulibedelede lulibonya akati ka Bakamboni ba Jehova munyika yoonse mazuba aano lutondezya kuti Jehova wakakwiingula kulomba kwa Jesu kwakuti: “Ubakwabilile akaambo kamubi.” (Amubale Johane 17:14, 15.) Notubona Leza mbwakwabilila, masimpe lusyomo lwesu mulinguwe lulayuma ciindi notubona kuti Saatani waalilwa kulunyonyoona lukamantano lwabantu ba Leza. Mubusinsimi bwa Ezekieli, Jehova wakaamba kuti tusamu tobilo twakaba kasamu komwe mujanza lyakwe. Aboobo Jehova kumugama camaleele wabakamantanya bantu bakwe kabakwabilidwe ajanza lyakwe cakuti Saatani takonzyi kusika naaceya.\\n21 Aboobo, ino tweelede kuba amakanze aali buti? Atuzumanane kubeleka canguzu ikucita lubazu lwesu mukupa kuti kakuli lukamantano lubotu kapati ndotujisi lino. Ino muunzila nzi iiyandika kapati umwi aumwi wesu mwakonzya kucita boobo? Nkwiinda mukutola lubazu mubukombi busalala lyoonse atempele lya Jehova lyakumuuya. Ncobubikkilizya bukombi oobu ciyoolangwa-langwa muzibalo zitobela.\\n^ munc. 7 Kakucili myaka iitandila kumyaanda yobilo kuti Ezekieli apegwe businsimi oobu, bantu ibakali mubwami bwamisyobo iili kkumi (“kasamu ka Efraimu”) bakatolwa mubuzike abana Asuri.—2Bam. 17:23.\\n^ munc. 11 Businsimi oobu bulabandikwa kapati mu Cibalo 8 cabbuku eeli.\\nIno businsimi bujatikizya tusamu tobilo bwaamba kasimpe nzi kayandika kujatikizya bukombi busalala? (Ezk. 37:19)\\nIno nkaambo nzi ncotwaambila kuti businsimi oobu bwakuswaanganizyigwa bwakazuzikizyigwa nowakainda mwaka wa 1914? (Ezk. 37:24)\\nIno ncinzi nywebo kumugama ncomukonzya kucita mukupa kuti kube lukamantano lubotu ndotujisi lino? (1Pet. 1:14, 15)","num_words":1928,"character_repetition_ratio":0.065,"word_repetition_ratio":0.0,"special_characters_ratio":0.193,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Gwasya Bamwi Kuti Bazunde Kukataazikana | Ngaziyakulinda Yakwiiya\\nNgaziyakulinda—Yakwiiya | June 2019\\nBALA MU Abua Acholi Afrikaans Aja Akha Albanian Altai Alur American Sign Language Amharic Amis Angolan Sign Language Arabic Argentinean Sign Language Armenian Aukan Australian Sign Language Aymara Azerbaijani Azerbaijani (Cyrillic) Baoule Bashkir Bassa (Cameroon) Batak (Karo) Batak (Simalungun) Batak (Toba) Belize Kriol Bengali Biak Bicol Bislama Bolivian Sign Language Boulou Brazilian Sign Language British Sign Language Bulgarian Cakchiquel Cambodian Catalan Cebuano Changana (Mozambique) Chavacano Chichewa Chilean Sign Language Chin (Hakha) Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuukese Chuvash Cibemba Cinyanja Colombian Sign Language Congolese Sign Language Costa Rican Sign Language Croatian Croatian Sign Language Cuban Sign Language Czech Czech Sign Language Dakota Dangme Danish Digor Douala Drehu Dutch Ecuadorian Sign Language Edo Efik English Esan Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Gitonga Greek Greek Sign Language Greenlandic Guadeloupean Creole Guarani Guatemalan Sign Language Gujarati Gun Haitian Creole Hausa Hebrew Herero Hiligaynon Hindi Hiri Motu Hmong (White) Honduras Sign Language Hungarian Hungarian Sign Language Iban Ibanag Ibinda Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Javanese Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Kekchi Kenyan Sign Language Khana Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisonge Kongo Korean Korean Sign Language Krio Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Lahu Laotian Latvian Lenje Lhukonzo Lingala Lithuanian Lomwe Low German Luganda Lunda Luo Luvale Macedonian Macua Makhuwa-Meetto Malagasy Malawi Sign Language Malay Malayalam Maltese Mam Mambwe-Lungu Mapudungun Marathi Marshallese Mauritian Creole Maya Mazatec (Huautla) Mbunda Mexican Sign Language Mingrelian Mixe Mixtec (Guerrero) Mizo Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndau Ndebele Ndebele (Zimbabwe) Ndonga Nepali Ngabere Ngangela Nias Nicaraguan Sign Language Niuean Norwegian Nyaneka Nyungwe Nzema Okpe Oromo Ossetian Otetela Palauan Panamanian Sign Language Pangasinan Papiamento (Curaçao) Paraguayan Sign Language Persian Peruvian Sign Language Pidgin (West Africa) Polish Polish Sign Language Ponapean Poqomchi' Portuguese (Portugal) Portuguese Sign Language Punjabi Quebec Sign Language Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Rarotongan Romanian Romanian Sign Language Romany (Macedonia) Romany (Macedonia) Cyrillic Romany (Serbia) Romany (Southern Greece) Ronga Runyankore Russian Russian Sign Language Rutoro Salvadoran Sign Language Samoan Sangir Sango Saramaccan Sena Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Sunda Swahili Swahili (Congo) Swati Swedish Tagalog Tahitian Taiwanese Sign Language Tajiki Tamil Tarascan Tatar Telugu Tetun Dili Thai Thai Sign Language Tigrinya Tiv Tlapanec Tojolabal Tok Pisin Tongan Totonac Tshiluba Tshwa Tsonga Turkish Turkmen Tuvaluan Twi Tzeltal Tzotzil Uighur (Arabic) Uighur (Cyrillic) Ukrainian Umbundu Urdu Urhobo Uruund Uzbek Uzbek (Roman) Venda Venezuelan Sign Language Vietnamese Wallisian Waray-Waray Wayuunaiki Welsh Wolaita Xhosa Yapese Yoruba Zambian Sign Language Zande Zapotec (Isthmus) Zimbabwe Sign Language Zulu\\nGwasya Bamwi Kuti Bazunde Kukataazikana\\n“Nyoonse amube amuzeezo omwe, amweetelelane, amutondezye luyando lwabunyina, amube amoyo mutete walubomba alimwi amulicesye.”—1 PET. 3:8.\\nLWIIMBO 107 Citondezyo ca Leza Caluyando\\n1. Kujana twamutobelezya biyeni Taateesu Jehova uuli aaluyando?\\nJEHOVA utuyanda loko. (Joh. 3:16) Tweelede kutobelezya Taateesu uuli aaluyando. Nkinkaako, tuleezya ‘kubeetelela, kubatondeezya luyando lwabunyina akuba aamoyo mutete walubomba’ kubantu boonse pesi kapati “ibaciinga cesu calusyomo.” (1 Pet. 3:8; Gal. 6:10) Chiindi bakombima nibaswaana zyiimo zipa kuti bakataazikane, tweelede kubagwasya.\\n2. Tulalanga-langaanzi muchiiyo eechi?\\n2 Bantu boonse bayanda kuba mumpuli yaJehova, bayooswaana zyiimo zipa kuti bakataazikane. (Mk. 10:29, 30) Tulangilila kuswaana buyumu-yumu bwiingi mbukunga bweende bwanyika eeyi bwaba aafwiifwi kumana. Nga tulagwasyania biyeni? Atulange-lange nzitwiiya kuzikozyano zyamuBbayibbele ziswaanizya Loti, Jobu aNawomi. Alubo, tulalanga-langa buyumu-yumu mbubaswaana bakombima mazubaano akubona mbutukonzya kubagwasya kuti balwane buyumu-yumu oobo.\\n3. Nkuukuli kutasala kabotu nkwaakachita Loti kulembedwe muli 2 Petro 2:7, 8 alubo kusala kwakwe kwakeeta mpinduunzi?\\n3 Loti wakasala chabufuba-fuba naakasala kuyookkala abantu bakatali kulijata kabotu bakuSodoma. (Bala 2 Petro 2:7, 8.) Muunzi ooyu wakali aabunoti pesi Loti wakaswaana buyumu-yumu akaambo kakuyookkala mumuunzi ooyo. (Matl. 13:8-13; 14:12) Kulakonzeka kuti mukayintu wakwe wakali kuyandisya muunzi ooyo naakuti bamwi bantu bamumo, zyakapa kuti ataswiilili Jehova. Wakasweekelwa buumi bwakwe chiindi Leza naakalosya mulilo asalufa mumuunzi ooyo. Alubo yeeya atala abana basimbi baLoti babili. Bakatuminidwe kubaalumi bakafwa muSodoma. Loti wakasweekelwa muunzi wakwe, zintu nzyaakalaazyo alubo chichisa loko, wakafwidwa mukayintu wakwe. (Matl. 19:12-14, 17, 26) Muchiindi eechi chikataazya, Jehova wakaleka na kutondeezya Loti moyo mulamfu? Peepe, taakaleka pe.\\nChaluzyalo, Jehova wakatuma bangelo kuti bakavune Loti ampuli yakwe (Langa chiiyo fuka 4)\\n4. Jehova wakamutondeezya biyeni Loti moyo mulamfu? (Langa chifanikisyo chili aachivumbyo.)\\n4 Nikuba kuti Loti wakasala kukkala muSodoma, Jehova wakamufwida luzyalo kwiinda mukutuma bangelo kuti bakamuvune ampuli yakwe. Loti taakaaswiilila chakufwambaana pe malayilile aakali kuzwa kubangelo aakuti azwe muSodoma pesi wakachili “kuwayawaya.” Bangelo bakamujata kuboko akumugwasya kuti azwe mumuunzi ooyo ampuli yakwe. (Matl. 19:15, 16) Mpawo bakamubuzya kuti achijile kuzilundu. Muchiindi chakuti Loti aswiilile Jehova, wakakumbila kuti ayinke kumuunzi wakali aafwiifwi. (Matl. 19:17-20) Jehova wakamuswiilila Loti akumuzumizya kuti ayinke kumuunzi ooyo. Mukuya kwachiindi, Loti wakasaanguna kuyoowa kukkala mumuunzi ooyo, mpawo wakazooyinka kuzilundu, ooko Jehova nkwaakamubuzizye kuti achijile nkuko kumasaangunino. (Matl. 19:30) Jehova wakatondeezya Loti moyo mulamfu. Kujana twamutobelezya biyeni Jehova?\\n5-6. Kujana twaabelesya biyeni malayilile aali muli 1 Batesalonika 5:14 nitutobelezya Leza?\\n5 Mbuuli Loti, umwi mukombima ulakonzya kusala chabufuba-fuba akulinjizya mumapenzi. Kujana twachita biyeni kuti eezi zyachitika? Tulakonzya kufwambaana kuyeeya kuti, watebula nchaakabyala alubo kulakonzeka kuti makani aaya ngachoonzyo. (Gal. 6:7) Pesi tulakonzya kutachita oobo. Tulakonzya kumugwasya mbuuli Jehova mbaakagwasya Loti. Kujana twazichita biyeni?\\n6 Jehova wakatuma bangelo kuti bakachenjezye Loti akuti bakamugwasye kuti ataswaani mapenzi aakali kuyanda kuchitikila muunzi waSodoma. Andiswe tweelede kuchenjezya mukombima kuti twabona kuti nzyalikuchita zilakonzya kupa kuti anjile mumapenzi. Tulakonzya kusala kumugwasya. Tweelede kuba aamoyo mulamfu, nikuba kuti uliikunonoka kubelesya malayilile aamuBbayibbele ngaakapegwa. Tweelede kuba mbuuli bangelo babili. Tatweelede kufwambaana kumutakata mukombima pesi tweelede kuyanduula nzila zyakumugwasya. (1 Joh. 3:18) Kulakonzeka kuti kuyandikana kuti tumujate kuboko munzila yakukozyanisya akumugwasya kuti abelesye malayilile ngapegwa.—Bala 1 Batesalonika 5:14.\\n7. Kujana twamutobelezya biyeni Jehova kunzila njaakali kumubonaayo Loti?\\n7 Kaansinga Jehova wakali kuyanda, wakali kunoosala kulanga kubisya kwaLoti. Pesi mukuya kwachiindi, Leza wakazulwida mwaapostolo Petro kulemba kuti Loti wakali muntu uululeme. Kulabotezya kuziba kuti Jehova ulatulekelela kuti twabisya. (Int. 130:3) Tulakonzya na kumutobelezya Jehova kunzila njaakali kumubonaayo Loti? Kuti twalanga buntu bubotu mbubali aabo bakombima, tulakonzya kubatondeezya moyo mulamfu. Kuchita oobo kuyoopa kuti bazumine chiindi nitubagwasya.\\n8. Kweetelela bamwi kupa kuti tuchiteenzi?\\n8 Kusiyana aLoti, Jobu taakaswaana mapenzi akaambo kakutasala kabotu. Pesi wakaswaana mapenzi aasiyene-siyene aaswaanizya kusweekelwa zintu nzyaakali aazyo, mpuwo njakalaayo muchilawu alubo wakaba aabulwazi buchisa. Kwiinda zyoonse, bana babo boonse bakafwa. Jobu wakatamikizigwa aabeenzinyina batatu bakubeja. Nkaakali kamwi kaambo kakapa kuti basikumuumbulizya batatu bakubeja batamweeteleli? Teebakazimvwisisisya pe zyakali kuchitika kuli Jobu. Eezi zyakapa kuti bayeeye kuti kuli nzyaakabisya mpawo bakamwaambila majwi aachisa. Kujana twachita biyeni kuti tutachiti mbuuli mbabo? Tweelede kuyeeya kuti Jehova nguwe alikke uuzi zintu zyoonse zichitika kumuntu umwi awumwi. Tweelede kuswiilisisya chiindi muntu uuli mumapenzi nalikwaamba zimukataazya. Tatweelede kumuswiilila luzutu pesi tweelede kweezya kulibikka muchiimo chakwe. Kuchita oobo, kuyootugwasya kuti tubeetelele bakombima.\\n9. Kuba aalweetelelo kupa kuti tuleke kuchitaanzi alubo nkamboonzi?\\n9 Kuba aalweetelelo kupa kuti tutaambuuli zintu zibi atala amapenzi ngibalikuswaana bamwi. Muntu uuvwiya bamwi tayaki mbungano pesi uliimwaya. (Tus. 20:19; Rom. 14:19) Waambuula katayeeyede pe alubo takwe luzyalo, majwi aakwe alakonzya kupa kuti chiimo chamuntu uukataazikene chiindilile kubija. (Tus. 12:18; Ef. 4:31, 32) Tweelede kulanga buntu bubotu bwabamwi akubona mbutukonzya kubagwasya kuti balwane kukataazikana nkubaswaana!\\nMuswiilile amoyo woonse mukombinyokwe nalikwaambuula ‘chaambaambe’ mpawo umubuzye majwi aawumbulizya aachiindi cheelede (Langa fuka 10-11) *\\n10. Majwi aali muli Jobu 6:2, 3 atuyiisyaanzi?\\n10 Bala Jobu 6:2, 3. Zimwi ziindi, Jobu wakali kwaamba “caambaambe.” Mukuya kwachiindi, wakazumina kuti zimwi zintu nzyaakali kwaamba teezyakali kabotu pe. (Job. 42:6) Mbuuli Jobu, muntu uulikulwana aapenzi, ulakonzya kwaambuula makani aapa kuti mukuya kwachiindi azoolisole. Tweelede kumusandula biyeni? Tweelede kumweetelela kutali kumwaambila majwi aatali kabotu. Tutalubi kuti Jehova tayandi pe kuti tuswaane mapenzi. Nkinkaako, teechaali pe chiindi mukombi waJehova uusyomeka naambuula majwi aatayaki nakataazikene aali atala aJehova naakuti aali atala andiswe. Tatweelede kufwambaana kumunyemena pe naakuti kumubeteka kuti waamba majwi aali boobo.—Tus. 19:11.\\n11. Kujana baalu bachitobelezya biyeni chikozyano chaElihu chiindi nibagwasya bamwi?\\n11 Chimwi chiindi, muntu uukataazikane, uyandikana kugwasigwa. (Gal. 6:1) Kujana baalu bamugwasya biyeni? Beelede kutobelezya Elihu wakaswiilila Jobu akulibikka muchiimo chakwe. (Job. 33:6, 7) Elihu wakagwasya Jobu naakamvwisisisya mbaakali kulimvwa. Baalu batobelezya chikozyano chaElihu, balaswiilila akweezya kumvwisisisya chiimo chamuntu uukataazikene. Nibamugwasya, baambuula munzila iimusika aamoyo muntu uukataazikene.\\n12. Nawomi wakamvwa biyeni chiindi mulumaakwe abana bakwe balombe babili nibakafwa?\\n12 Nawomi wakali mukayintu uusyomeka wakali kuyanda Jehova. Pesi chiindi mulumaakwe abana bakwe balombe babili nibakafwa, wakayanda kuchincha zina lyakwe lyakuti Nawomi akuba “Mara” chaamba kuti “Kulula.” (Rut. 1:3, 5, 20, makani aamunsi, 21) Mukamwana waNawomi uutegwa Rute, wakakakatila kuli nguwe nikuba nibakali mumapenzi. Rute wakali kugwasya Nawomi kuti ajane ziyandikana akumuumbulizya. Rute wakatondeezya Nawomi kuti wakali kumuyanda akumugwasya muzintu ziniini amumajwi.—Rut. 1:16, 17.\\n13. Nkamboonzi nitweelede kugwasya muntu wakafwidwa ngwaakakwetenaawe?\\n13 Kuti mukombima wafwidwa muntu ngwakwetenaawe, tweelede kumugwasya. Bantu bakwetene bali mbuuli minsamu iibili, umwi kawumenede aafwiifwi awumwi. Nikwayinda minyaka, miyanda yayo ilapiyana. Kuti umwi munsamu wanyukulwa akufwa, wasyaala ngatawuchiponi kabotu pe. Munzila iikozyenie, kuti umwi mulukwatano wafwidwa ngwaakakwetenaawe, uusyaala, ngawakataazikana kwachiindi chilamfu. Paula, * wakafwidwa aamulumi katayeeyeli, wakati: “Buumi bwakandichinchila alubo ndakalimvwa kanditachigwasyi pe. Ndakasweekelwa mweenzuma. Mulumaangu ndakali kumubuzya zintu zyoonse. Twakali kubotelwa akugwasyania muziindi ziyumu. Wakali kundiswiilila nindakali kumubuzya zyakali kundikataazya. Ndakalimvwa mbuuli kuti ndakali ndapandulwa aakati.”\\nKujana twamugwasya biyeni muntu uutachikwe ngwaakakwetenaawe? (Langa fuka 14-15) *\\n14-15. Kujana twamuumbulizya biyeni muntu wakafwidwa ngwaakakwetenaawe?\\n14 Kujana twamuumbulizya biyeni muntu wakafwidwa ngwaakakwetenaawe? Chintu chakusaanguna, nkwaambuula anguwe nikuba kuti chimwi chiindi kulakonzya kutuyumina naakuti katutazi zyakwaamba. Paula waambwa musule, wakati: “Ndilazimvwisisisya kuti kufwidwa kupa kuti bamwi bantu batakkalinkani. Ngabalikataazikene kuti balakonzya kwaamba zintu zitali kabotu. Pesi kuumuna kuchisa loko kwiinda kwaamba zintu zitali kabotu.” Muntu wakafwidwa talangilili kuti twaambe majwi aagwasya chiindi choonse. Paula wakati: “Zyakanduumbulizya chiindi bantu nibakali kundibuzya kuti, ‘Amapenzi aaya.’”\\n15 William wakafwidwa mukayintu muminyaka yayinda, wakati: “Ngandalumba chiindi bamwi nibaambuula atala azintu zibotu zyakali kuchitwa aamukayintu wangu alubo eezi zinditondeezya kuti bakali kumuyanda akumulemeka. Kugwasigwa munzila iili boobo kulandisimya. Majwi ngibaamba alanduumbulizya nkaambo ndakali kumuyanda loko mukayintu wangu alubo wakali kundigwasya loko mubuumi.” Mukamufu uutegwa Bianca wakati: “Kulanduumbulizya chiindi bamwi nibakomba andime anibandibalila lugwalo lumwi naakuti aabili. Alubo kulandigwasya chiindi nibaambuula atala amulumaangu achiindi nibandiswiilila nindilikwaambuula atala azyakwe.”\\n16. (a) Kujana twamugwasya biyeni muntu wakafwidwa ngwaakakwetenaawe? (b) Kweendelana amajwi aali muli Jakobo 1:27 nguuli mulimu ngutuli aawo?\\n16 Mbuuli Rute mbaakakakatila mukamufu Nawomi, andiswe tweelede kwiinkilila kunembo kugwasya muntu wakafwidwa ngwaakakwetenaawe. Paula waambwa musule wakati: “Mulumaangu naakafwa, bantu bakandigwasya loko. Mukuya kwachiindi, bantu bakasaanguna lubo kujatikana kumilimu yabo. Pesi buumi bwangu bwakali bwachincha loko. Kulamuumbulizya muntu wakafwidwa kuti twiinkilila kunembo kumugwasya kwamyeezi naakuti kwaminyaka.” Nisimpe, bantu balisiyene. Bamwi balafwambaana kuzibila chiimo chabo chipya. Pesi bamwi ngabasaanguna kuyeeya muntu ngubakakwetenaawe chiindi nibachita chimwi chintu nchibakali kuchitaamwi anguwe. Bantu balila munzila zisiyene. Tutalubi kuti Jehova utupede mulimu wakuumbulizya akugwasya muntu wakafwidwa ngwaakakwetenaawe.—Bala Jakobo 1:27.\\n17. Nkamboonzi nitweelede kugwasya muntu wakalekana aamuntu ngwaakakwetenaawe?\\n17 Bamwi bantu balakataazikana chiindi nibalekana amuntu ngubakakwetenaawe. Joyce, wakalekwa alubo mulumaakwe wakakwata uumbi mukayintu. Wakati: “Nzyaakachita mulumaangu zyakandichisa loko kwiinda kuti kaansinga wakafwa. Kaansinga wakabbewuka naakuti kuchiswa mpawo wafwa, nikuli teenguwe wakalisalila kuchita oobo. Pesi wakasala kundileka. Ndakaba aabweeme akulimvwa kuti tandigwasyi pe.”\\n18. Niinzi nzitukonzya kuchita kuti tugwasye muntu uutachikwe ngwaakakwetenaawe?\\n18 Kutondeezya luzyalo kumuntu uutachikwe ngwaakakwetenaawe nikuba muzintu ziniini, kutondeezya kuti tulamuyanda. Muntu ooyu uyanda beenzinyina balikabotu nkaambo lino wasyaala alikke. (Tus. 17:17) Kujana wachita biyeni kuti ube mweenzinyina uuli kabotu? Ulakonzya kumutamba kuti muzoolye aamwi. Alubo ulakonzya kusala kuba aachiindi chakubaamwi anguwe akubelekaamwi mumulimu wakukambawuka. Alubo chimwi chiindi, ulakonzya kumutamba mukukomba kwampuli. Kuti wachita oobo, Jehova ulabotelwa nkaambo ‘ulaafwiifwi abaabo batyompedwe mumoyo’ alubo ‘mukwabilizi wabamukabafu.’—Int. 34:18; 68:5.\\n19. Majwi aali muli 1 Petro 3:8 atugwasya kuti tuchiteenzi?\\n19 Lino-lino Bwaami bwaLeza bwaakweendelezya nyika yoonse, “mapenzi aakaindi ayoolubwa.” Tuchilangilila aameso aasalala chiindi ‘zintu zyachiindi nizitachinooyeeyegwi lubo pe nikuba kusika mumoyo.’ (Is. 65:16, 17) Kusikila buzuba oobo busike, atuzumanane kugwasyania akutondeezya kuti tulabayanda bakombima, mumajwi amumichito.—Bala 1 Petro 3:8.\\nTwiiyaanzi kuzwa kunzila Jehova njaakagwasya Loti aJobu?\\nZyakachitika kuli Nawomi zituyiisyaanzi?\\nKujana twamugwasya biyeni muntu uutachikwe ngwaakakwetenaawe?\\nLWIIMBO 111 Twaambo Tutupa Kukkomana\\n^ par 5 Loti, Jobu aNawomi bakali kukomba Jehova kabasyomeka pesi chimwi chiindi bakeelede kulwana kukataazikana nkubakali kuswaana mubuumi. Muchiiyo eechi, tulabona nzitwiiya kulimbabo. Alubo, tulabona mbukuyandikana kuba aamoyo mulamfu akweetelela bamwi, akuumbulizya bakombima nibaswaana buyumu-buyumu.\\n^ par 13 Mazina ngitwabelesya muchiiyo eechi akachinchwa.\\n^ par 57 BUPANDULUZI BWAZIFANIKISYO: Mukwesu uunyemede alubo waambuula ‘chaambaambe,’ mwaalu ulikumuswiilila. Nikwamana kunyema, mwaalu wamugwasya munzila yaluzyalo.\\n^ par 59 BUPANDULUZI BWAZIFANIKISYO: Mukwesu amukayintu wakwe baliikwiizya amukwesu wakafwidwa mukayintu wakwe lino-lino. Balikumutondeezya zintu zibotu nzibakali kuchitaamwi amukayintu wakwe.\\nAtwiigwisye Mizeezo Yoonse Iikazyania Aaluzibo lwaLeza!\\nSyoma Jehova Chiindi Nukataazikene\\nMbutukonzya Kulikwabilila Kukakole kaSaatani\\nPepa Lyakupeta Lyachiindi “Lyakapetununwa”\\nText Sala naa uyanda kukkopa zyakamwayigwa zilekkodedwe NGAZIYAKULINDA—YAKWIIYA June 2019\\nNGAZIYAKULINDA—YAKWIIYA June 2019","num_words":2045,"character_repetition_ratio":0.068,"word_repetition_ratio":0.0,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"1 Bakorinto 3 | Bbaibbele lili a Intaneti | Bbaibbele lya Busanduluzi Bwanyika Mpya\\nBana Korinto bacisololelwa azisusi zyanyama (1-4)\\nLeza nguukomezya (5-9)\\nBasimilimonyina a Leza (9)\\nAmuyake azintu zitakonzyi kupya amulilo (10-15)\\nNywebo muli tempele lya Leza (16, 17)\\nBusongo bwanyika mbufwubafwuba kuli Leza (18-23)\\n3 Aboobo bakwesu, tiindakacikonzya kukanana andinywe mbubonya mbobaambilwa aabo basololelwa amuuya wa Leza,+ pele mbuli baabo basololelwa azisusi zyanyama, mbuli bavwanda+ muli Kristo. 2 Ndakamupa mukupa, ikutali cakulya ciyumu, nkaambo tiimwakaningasima. Alimwi noliba lino, tamunasima pe,+ 3 nkaambo mucisololelwa azisusi zyanyama.+ Mbwaanga kucili munyono alimwi akutamvwana akati kanu, sena tamusololelwi azisusi zyanyama+ alimwi akweenda mbuli mbobeenda bantu munyika? 4 Nkaambo ikuti umwi kaamba kuti, “Mebo ndili wa Paulo,” pele umbi kati, “Mebo ndili wa Apolo,”+ sena tamuciti mbuli bantu buyo? 5 Aboobo ino Apolo nguni? Inzya, ino Paulo nguni? Mbabelesi+ buyo ibakamugwasya kuba basyomi, mbubonya Mwami mbwaakapa umwi aumwi mulimo. 6 Mebo ndakasyanga,+ Apolo wakatilila,+ pele Leza nguwakali kukomezya, 7 aboobo ooyo uusyanga naba yooyo uutilila kunyina mbwabede pe, pele Leza uukomezya.+ 8 Lino ooyo uusyanga ayooyo uutilila mbamwi,* pele muntu aumwi uyoopegwa bulumbu bwakwe kweelana amulimo wakwe.+ 9 Nkaambo tuli basimilimonyina a Leza. Nywebo nobantu muli muunda wa Leza uulimwa, iŋanda ya Leza.+ 10 Kweelana aluzyalo lwa Leza ndundakapegwa, ndakabamba ntalisyo+ mbuli muyaki mupati imusongo,* pele umwi muntu ulayaka alinjiyo. Pele umwi aumwi abikkile maano mbwayaka alinjiyo. 11 Nkaambo kunyina muntu uukonzya kubamba ntalisyo iimbi iili yoonse kunze lyayeeyo iibambidwe kale, nkokuti Jesu Kristo.+ 12 Lino ikuti umwi nayaka antalisyo eeyo wabelesya ngolida naa nsiliva naa mabwe mayandisi eelyo umwi wabelesya zisamu naa bwizu naa makuba, 13 imulimo waumwi aumwi uyoolibonya bwini mboubede, nkaambo buzuba bwamasunko buyakuutondezya antangalala, nkaambo uyooyubununwa amulilo,+ alimwi mulilo wini uyootondezya mbuubede mulimo waumwi aumwi. 14 Ikuti mulimo wakuyaka ngwaacita umwi antalisyo eeyo wasyaala, muntu ooyo uyootambula bulumbu; 15 ikuti mulimo waumwi wapya, muntu ooyo uyoosweekelwa, pele walo kumugama uyoofwutulwa; pele, ikuti naa wafwutulwa, uyooba mbuli muntu wakwempwa mumulilo. 16 Sena tamuzyi kuti nywebo muli tempele lya Leza,+ akuti muuya wa Leza ukkala mulindinywe?+ 17 Ikuti muntu wanyonyoona tempele lya Leza, Leza uyoomunyonyoona muntu ooyo; nkaambo tempele lya Leza lilasalala, alimwi nywebo ndendinywe tempele eelyo.+ 18 Kutabi muntu uulyeena pe: Ikuti umwi akati kanu kayeeya kuti musongo mubweende bwazintu obuno,* aabe mufwubafwuba, ikutegwa abe musongo. 19 Nkaambo busongo bwanyika eeyi mbufwubafwuba kuli Leza, nkaambo kulilembedwe kuti: “Ulabajata basongo mubucenjezu bwabo beni.”+ 20 Alimwi kulilembedwe kuti: “Jehova* ulizyi kuti mizeezo yabantu basongo njabuyo.”+ 21 Aboobo kutabi muntu uulidundila bantu; nkaambo zintu zyoonse nzizyanu, 22 abe Paulo naa Apolo naa Kefasi*+ naa nyika naa buumi naa lufwu noziba zintu ziliko lino naa iziciboola, zintu zyoonse nzizyanu; 23 pele nywebo muli ba Kristo;+ awalo Kristo nguwa Leza.\\n^ Naa “bajisi makanze omwe.”\\n^ Naa “sikweendelezya milimo musongo.”","num_words":419,"character_repetition_ratio":0.052,"word_repetition_ratio":0.0,"special_characters_ratio":0.197,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kupenga​—Sena Ncisubulo Kuzwa Kuli Leza Akaambo Kacibi?\\nBA LUZIA BALASUNKUTA KUMWEENDO WAKULUMWENSYI. Nobakacili bana, bakaciswa bulwazi bwa polio, bulwazi buyambukila kapati bwalo bunyonganya nsinga mumubili. Nobakacili aamyaka yakuzyalwa iili 16, mukaintu ngobakali kubelekela ba Luzia wakabaambila kuti: “Leza wakakusubula kwiinda mukupa kuti ulemane nkaambo tiiwakali kubamvwida banyoko.” Nokwakainda myaka iili mbwiibede, ba Luzia bakacili kuyeeya mbobakatyompedwe.\\nCIINDI BA DAMARIS NOBAKAZYIBA KUTI BAJISI KKANSA YAKUBONGO, bausyi bakababuzya kuti: “Ino ncinzi ncowakacita icakapa kuti uciswe bulwazi oobu? Kweelede kuti wakacita cintu cibyaabi kapati. Nkakaambo kaako Leza ncakusubulila.” Ba Damaris bakatyompwa kapati akaambo kamajwi ngobakaamba bausyi.\\nKuzwa kaindi, bantu banji bali kusyoma kuti kuciswa ncisubulo kuzwa kuli Leza. Bbuku litegwa Manners and Customs of Bible Lands lyaamba kuti bantu banji bamuciindi ca Kristo bakali kusyoma kuti “kuciswa kwakali kuboola akaambo kacibi camuntu ooyo iwakali kuciswa naa cabanamukwasyi, alimwi akuti kuciswa ooko kwakali kuboola kacili cisubulo akaambo kacibi eeco.” Bbuku litegwa Medieval Medicine and the Plague lyaamba kuti kakwiindide myaka minji kuzwa ciindi ca Kristo, “bantu bamwi bakali kusyoma kuti Leza wakabaletela malwazi kutegwa abasubule akaambo kazibi zyabo.” Aboobo ciindi mamiliyoni aabantu mu Europe nobakafwa akaambo kabulwazi ibwakali mumwaanda wamyaka wa 14, sena Leza wakali kusubula basizibi? Naa sena bulwazi oobo bwakaboola buyo akaambo kakazunda ikaleta malwazi kweelana ambobakaamba basyaazibwene mubusilisi? Bantu bamwi balakonzya kulibuzya kuti, sena masimpe Leza ubelesya malwazi kutegwa asubule bantu akaambo kazibi zyabo? *\\nAMULANGE-LANGE KAAMBO AAKA: Nkaambo nzi Jesu ncaakabaponya bantu ibakali kuciswa ikuti naa kuciswa alimwi akupenga ncisubulo ceelede kuzwa kuli Leza? Sena kucita boobo nokwatakaba kukazyanya abululami bwa Leza? (Matayo 4:23, 24) Jesu kunyina naakali kunga wakazya makanze aa Leza. Wakaamba kuti: “Lyoonse ndicita zimukkomanisya” alimwi “ndilacita mbubonya Taata mbwaakandilailila kuti ndicite.”—Johane 8:29; 14:31.\\nBbaibbele lilacisalazya kuti: Jehova Leza ‘taciti zitaluleme.’ (Deuteronomo 32:4) Mucikozyanyo, Leza takonzyi kupa kuti ndeke icite ntenda akujaya bantu banji ibanyina mulandu akaambo kakuti wali kuyanda kusubula buyo muntu omwe iwali mundeke. Kweelana abululami bwa Leza, Abrahamu, mubelesi wa Leza uusyomeka wakaamba kuti Leza takonzyi ‘kunyonyoona baluleme antoomwe ababi.’ Wakaamba kuti ‘takonzyi kucita boobo.’ (Matalikilo 18:23, 25) Bbaibbele alimwi lyaamba kuti “Leza taciti bubi pe”; “takonzyi kubisya pe.”—Jobu 34:10-12.\\nNCOLITUYIISYA BBAIBBELE KUJATIKIZYA KUPENGA\\nCiindi notupenga, tacaambi kuti Leza ulimukutusubula akaambo kacibi cimwi ncotwakacita. Jesu wakakasalazya kaambo aaka ciindi walo alimwi abasikwiiya bakwe nobakabona mwaalumi iwakali moofwu kuzwa ciindi naakazyalwa. “Basikwiiya bakwe bakamubuzya kuti: ‘Rabbi, ino nguni wakacita cibi kutegwa azyalwe kali moofwu, sena muntu ooyu naa mbazyali bakwe?’ Jesu wakaingula kuti: ‘Tali muntu ooyu wakacita cibi nobaba bazyali bakwe pe.’”—Johane 9:1-3.\\nAkaambo kamizeezo iitaluzi yalo yakadumide kuciindi eeco, kweelede kuti basikwiiya ba Jesu bakagambwa ciindi naakabaambila kuti mwaalumi uulya kunyina cibi ncaakacita naa bazyali bakwe calo cakapa kuti abe boobo mbwaakabede. Jesu tanaakamuponya buyo mwaalumi iwakali moofwu pele alimwi kwiinda mukucita boobo wakapa kuti muzeezo uutaluzi ngobakajisi wakuti kupenga ncisubulo kuzwa kuli Leza umane. (Johane 9:6, 7) Aabo bapenga akaambo kamalwazi mazuba aano balakonzya kujana luumbulizyo kwiinda mukuzyiba kuti Leza talinguwe uupa kuti kabapenga.\\nIno nkaambo nzi Jesu ncaakali kubaponya bantu ikuti naa Leza ngowakali kubasubula akaambo kazibi zyabo?\\n“Kunyina muntu uunga wasunka Leza azintu zibyaabi alimwi walo mwini tasunki muntu uuli woonse azintu zibyaabi.” (JAKOBO 1:13) Masimpe, “zintu zibyaabi” zyalo izyapenzya bantu kwamyaka minji, kubikkilizya akuciswa, kucisa alimwi alufwu, lino-lino ziyoogwisyigwa.\\nJesu Kristo “wakabaponya boonse aabo ibakali kuciswa.” (MATAYO 8:16) Kwiinda mukubaponya boonse ibakali kuboola kulinguwe, Mwana wa Leza wakatondezya ncobuyoocita Bwami bwa Leza munyika yoonse.\\n“[Leza] uyoosindula misozi yoonse kumeso aabo, alimwi lufwu talukabi limbi, akwalo koomoka, kulila nokuba kucisa takukabi limbi pe. Zintu zyakaindi zyamana.”—CIYUBUNUZYO 21:3-5.\\nPele ino nkaambo nzi bantu ncobapenga kapati boobu? Bantu bali kubuzya kwamyaka minji kujatikizya mubuzyo ooyu. Ikuti naa tali Leza weelede kupegwa mulandu, ino nguni uupa kuti katupenga? Bwiinguzi bwamibuzyo eeyi bulabandikwa mucibalo citobela.\\n^ munc. 4 Nokuba kuti kaindi, kwakali ziindi Leza naakali kusubula bantu akaambo kazibi zimwi zigaminide, Bbaibbele talyaambi kuti mazuba aano Jehova ucibelesya zintu mbuli kuciswa naa ntenda kusubula bantu akaambo kazibi zyabo.\\nIno Nguni Weelede Kupegwa Mulandu Akaambo Kakupenga Kwabantu?\\nBbaibbele lilatondezya zintu zyotatwe zipa kuti bantu kabapenga.","num_words":630,"character_repetition_ratio":0.05,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nzilyaamba Bbayibbele Atala: Abasikupandulula Bweende Bwanyenyeezi Abasondi?\\nBasikupandulula Bweende Bwanyenyeezi\\nBasikupandulula bweende bwanyenyeezi basyoma kuti nyenyeezi, mweezi amapulaneti zilakonzya kweendelezya buumi bwabantu. Bantu aaba basyoma kuti chiindi muntu nazyalwa, zilenge eezi zilikujulu zilakonzya kutondeeezya zintu zitazoochitike mubuumi bwakwe akuti uzooba muntu uulibiyeni. Nikuba kuti chiyanza chakupandulula bweende bwanyenyeezi chakatalikila kuBbabbiloni pesi chilizibinkene nikuba mazubaano. Kweendelana akuyanduulisisya kwakachitwa kuUnited States mu2012, kwakajanwa kuti muntu uumwi aakati kabantu bali 3 “uyeeyela” kuti chiyanza eechi chileendelana azyasayensi alubo bantu basika kumapesenti aali 10 “balazumina” kuti chileendelana asayensi. Pesi nisimpe na kuti chileendelana asayensi? Peepe. Atulange-lange bumwi bumboni.\\nMapulaneti anyenyeezi tazikwe manguzu akweendelezya buumi bwabantu mbuuli mbubasyoma basikupandulula bweende bwanyenyeezi.\\nNzibaamba nzintu zichitika mubuumi bwabantu.\\nNzibaamba basikupandulula bweende bwanyenyeezi ziyeeme kunjiisyo yakuti mapulaneti azyunguluka nyika. Pesi simpe ndyakuti mapulaneti azyunguluka zuba kutali nyika.\\nBasikupandulula bweende bwanyenyeezi balakonzya kwaamba zintu zisiyene-siyene atala abuumi bwawumwi muntu.\\nBasikupandulula bweende bwanyenyeezi baamba kuti muntu umwi awumwi uli achipanzi chakwe muzipanzi zili 12 zyeendelana abuzuba mbwakazyalwa alubo chipanzi chimwi achimwi chili achifanikisyo chacho. Mbukunga nyika ilachincha mpiibede nikwiinda minyaka nkinkaako, mazuba azifanikisyo nzibabelesya basikupandulula bweende bwanyenyeezi nga tazicheendelani pe achifanikisyo chiimininwa anyenyeezi. Zifanikisyo eezi baamba kuti zitondeezya mbabede muntu. Kwaamba choonzyo, bantu balakonzya kuba abube busiyene nikuba kuti bazyalwa mubuzuba bumwi alubo tatukonzyi kuziba mbatakabe muntu kwiinda mukulanga buzuba mbwakazyalwa. Kwiinda kuti babone bantu mbuuli mbubabede choonzyo, basikupandulula bweende bwanyenyeezi babelesya zintu nzibayeeyela. Kuchita oobu kuli kabotu na?\\nKuzwa chiindi, bantu bakali kubuzya makani kubasondi. Bamwi basondi bakali kubelesya mala aabantu naakuti aabanyama alubo bamwi bakali kulanga mukombwe mbajokoola zilyo kuti bazibe zitachitike. Bamwi babuzya kubasondi naakuti kumapulofita kuti bazibe zitakachitike kunembo. Kuli kabotu na kubuzya kubasondi naakuti kumapulofita zintu zitakachitike kunembo? Peepe, takuli kabotu pe. Atulange-lange bumboni.\\nBaamba zintu zisiyene-siyene. Basondi basiyene-siyene balakonzya kwaamba zintu zikazyania. Nikuba kuti babelesya nzila iimwi pesi balakonzya kwaamba zintu zisiyene. Muchikozyano, kuti muntu wabuzya basikusonda babili atala amubuzyo uumwi, beelede kumubuzya nsandulo iikozyenie. Pesi teembubachita pe.\\nBasondi bayeeyela zintu zikonzya kuchitika. Muchikozyano, musondi ulakonzya kuziba chiimo chamuntu kwiinda mukulanga nzila njaambuulaayo ambaboneka kumeso. Alubo musondi ulakonzya kuchitaanga waziba zintu zili kuchitika kumuntu ooyo kakuli simpe walijana kwiinda muzintu nzyamubuzya. Basondi bakanota akaambo kakuti bantu biingi balabasyoma.\\nZyaambwa abasikupandulula bweende bwanyenyeezi abasondi zitondeezya kuti buumi bwesu bwakunembo bwakabambwa kale. Nichoonzyo na? Bbayibbele lyaamba kuti tulakonzya kulisalila zintu nzituyanda kusyoma naakuti nzituyanda kuchita akuti nzila njitusalaayo njiyo iitondeezya kuti buumi bwesu bwakunembo bunooli biyeni.—Joshua 24:15.\\nBakombi baLeza tababuzyi makani kuli basikupandulula bweende bwanyenyeezi akubasondi nkaambo balizi kuti Leza takuyandi pe kusonda. Bbayibbele lyaamba kuti: “Kutajanwi akati kanu muntu . . . uusonda, naba mung’anga, naba mulozi, naba mucape, naba simabibo, naba sibusangu, naba sibamooba, naba muntu uubuzya makani kubafu. Nkaambo kufumbwa muntu uucita ezi ncisesemyo kuli-Jehova.” *—Deuteronomo 18:10-12.\\n^ par 15 Eeli ndizina ‘lyaMupatikampatila atala aanyika yoonse.’","num_words":433,"character_repetition_ratio":0.105,"word_repetition_ratio":0.0,"special_characters_ratio":0.143,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Luka 4 | Bbaibbele lili a Intaneti | Bbaibbele lya Busanduluzi Bwanyika Mpya\\nDiabolosi wasunka Jesu (1-13)\\nJesu watalika kukambauka mu Galilaya (14, 15)\\nJesu wakakwa mu Nazareta (16-30)\\nMucikombelo ku Kapernauma (31-37)\\nBanyinazyala Simoni antoomwe abamwi baponesyegwa (38-41)\\nMakamu aabantu amujana Jesu kali alikke (42-44)\\n4 Mpoonya Jesu kazwide muuya uusalala wakazwa ku Jordano, eelyo wakasololelwa amuuya munkanda+ 2 kwamazuba aali 40 kasunkwa a Diabolosi.+ Alimwi kwamazuba aayo kunyina ncaakalya, aboobo naakamana mazuba aayo wakafwa nzala. 3 Aboobo Diabolosi wakamwaambila kuti: “Ikuti naa uli mwana wa Leza, ambila bbwe eeli kuti libe cinkwa.” 4 Pele Jesu wakamwiingula kuti: “Kulilembedwe kuti, ‘Muntu teelede kuponena acinkwa cilikke pe.’”+ 5 Eelyo wakamutola atala aacilundu akumutondezya mami oonse aamunyika mukaindi kaniini buyo.+ 6 Mpoonya Diabolosi wakati kulinguwe: “Ndilakupa bweendelezi boonse oobu abulemu bwambubo, nkaambo ndakapegwa mbubo,+ alimwi kufwumbwa ngwendiyanda kupa mbubo, ndilamupa. 7 Aboobo ikuti undikombe ciindi comwe buyo, boonse bulaba bwako.” 8 Mukumwiingula Jesu wakamwaambila kuti: “Kulilembedwe kuti, ‘Ngu Jehova* Leza wako ngoelede kukomba, alimwi ngonguwe alikke ngoelede kubelekela mulimo uusetekene.’”+ 9 Kumane wakamutola ku Jerusalemu waakumwiimika atala aabwaanda bwaatala* lyatempele akumwaambila kuti: “Ikuti naa uli mwana wa Leza, koliwaala ansi kuzwa waano,+ 10 nkaambo kulilembedwe kuti, ‘Uyoolailila bangelo bakwe kujatikizya nduwe, kuti bakukwabilile,’ 11 alimwi ‘Bayookutemba amaanza aabo, kutegwa utakalinontoli abbwe.’”+ 12 Mukumwiingula Jesu wakamwaambila kuti: “Kwaambidwe kuti, ‘Utasunki Jehova* Leza wako.’”+ 13 Aboobo Diabolosi naakamanizya masunko aakwe oonse, wakamuleka kusikila aciindi cimbi ceelede.+ 14 Lino Jesu munguzu zyamuuya wakapiluka ku Galilaya.+ Eelyo mpuwo yakwe mbotu yakamwaika mucisi coonse. 15 Wakatalika kuyiisya muzikombelo zyabo, alimwi wakalemekwa abantu boonse. 16 Mpoonya wakaunka ku Nazareta+ nkwaakakomenena, alimwi kweelana acilengwa cakwe mubuzuba bwa Sabata, wakanjila mucikombelo+ mpoonya wakanyamuka kutegwa abale. 17 Aboobo wakapegwa bbuku lyamusinsimi Isaya, eelyo wakalivwungulula akujana aakalembedwe kuti: 18 “Muuya wa Jehova* ulaalindime, nkaambo wakandinanika kuti ndaambile bacete makani mabotu. Wakandituma kuti ndaambilizye kwaangununwa kubaange akupona kuboofwu, ikwaangununa badyaaminidwe,+ 19 kukambauka mwaka mubotu wa Jehova.”*+ 20 Eelyo wakalivwunga bbuku, walipilusya kumugwasyi, akukkala ansi; lino boonse ibakali mucikombelo bakamulangisisya. 21 Mpoonya wakatalika kubaambila kuti: “Sunu oolu lugwalo ndomwamvwa lwazuzikizyigwa.”+ 22 Lino boonse bakatalika kumulumbaizya akugambwa akaambo kamajwi mabotu ngaakali kubaambila,+ eelyo bakatalika kubuzya kuti: “Sena ooyu tali mwana wa Josefa?”+ 23 Mpoonya wakabaambila kuti: “Cakutadooneka muyoondaambila kaambyo aaka kakuti, ‘Omusilisi, kolisilika omwini. Zintu nzitwakamvwa kazicitika ku Kapernauma,+ kozicita amomuno mumunzi okwanu.’” 24 Aboobo wakati: “Ncobeni ndimwaambila kuti kunyina musinsimi uutambulwa mumunzi okwabo.+ 25 Mucikozyanyo, ndimwaambila camasimpe kuti: Kwakali bamukabafwu banji mu Israyeli kumazuba aa Elija imvwula noyatakali kuwa kwamyaka yotatwe amyezi iili cisambomwe, cakuti kwakaba nzala mpati mucisi coonse.+ 26 Nokuba boobo Elija kunyina naakatumwa kuli umwi wabamakaintu aabo, pele wakatumwa buyo kuli mukamufwu wamu Zarefati mucisi ca Sidoni.+ 27 Alimwi kwakali basicinsenda banji mu Israyeli kuciindi camusinsimi Elisha; pele kunyina naba omwe wabo wakasalazyigwa* ccita buyo Naamani muna Siriya.”+ 28 Lino boonse ibakali kumvwa zintu eezyi mucikombelo bakanyema kapati,+ 29 aboobo bakanyamuka akumutola cakufwambaana anze aamunzi, eelyo bakaunka anguwe atala aacilundu aawo aakayakidwe munzi wabo, kuti bakamutonkele mujeleele. 30 Pele walo wakaandulula akati kabo ngooyo waunka.+ 31 Mpoonya wakaselemukila ku Kapernauma, munzi waku Galilaya. Eelyo wakali kubayiisya mu Sabata,+ 32 alimwi bakagambwa kapati ambwaakali kuyiisya,+ nkaambo wakali kwaambaula canguzu. 33 Lino mucikombelo mwakali muntu wakanjidwe daimona, imuuya uusofweede, eelyo wakoompolola ajwi pati kati:+ 34 “Aa! Ino tujisi kaambo nzi anduwe Jesu omuna Nazareta?+ Sena walonda kutunyonyoona? Ndilikuzyi kabotu kuti uli Musalali wa Leza.”+ 35 Pele Jesu wakalikalalila kati: “Umuna, kozwa mumuntu ooyu.” Eelyo nolyakamuwisyila ansi muntu ooyo kabalangilila, daimona eelyo lyakazwa mulinguwe kakunyina kumucisa. 36 Babone boobo bantu boonse bakagambwa kapati akutalika kulyaambauzya akati kabo kabati: “Ino majwi aali buti aaya? Nkaambo cabwami acanguzu ulalailila myuuya iisofweede, eelyo ilazwa!” 37 Aboobo mpuwo yakwe yakamwaika koonse-koonse mucisi eeco. 38 Naakazwa mucikombelo, wakaakunjila muŋanda ya Simoni. Lino banyinazyala Simoni bakalicisidwe, bakali kupya mubili kapati, aboobo bantu bakamulomba kuti abagwasye.+ 39 Aboobo wakaima aawo mpobakalede akulailila bulwazi kuti buzwe, eelyo bwakazwa. Ndilyonya bakanyamuka akutalika kubakutaukila. 40 Pele nolyakali kuyanda kubbila zuba, boonse aabo ibakajisi bantu baciswa malwazi aaindene-indene bakabaleta kulinguwe. Kwiinda mukubikka maanza aali umwi aumwi wabo wakabaponya.+ 41 Alimwi madaimona akazwa mubantu banji, kaaongolola akwaamba kuti: “Uli Mwana wa Leza.”+ Pele wakali kwaakalalila, tanaakali kwaazumizya kwaambaula,+ nkaambo akalimuzyi kuti ngu Kristo.+ 42 Pele nobwakaca, wakazwa akuya kubusena bunyina bantu.+ Pele makamu aabantu akatalika kumuyandaula mane aakusika ooko nkwaakabede, eelyo bakasoleka kumukasya kuti atabasiyi. 43 Pele wakabaambila kuti: “Akwalo kuminzi iimbi ndileelede kwaambilizya makani mabotu aa Bwami bwa Leza, nkaambo eeci ncindakatuminwa.”+ 44 Aboobo wakaunka kayaabukambauka muzikombelo zyamu Judaya.\\n^ Naa “ansonje.”\\n^ Naa “wakaponesyegwa.”","num_words":684,"character_repetition_ratio":0.049,"word_repetition_ratio":0.0,"special_characters_ratio":0.187,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Luka 17 | Bbaibbele lili a Intaneti | Bbaibbele lya Busanduluzi Bwanyika Mpya\\nKulebwa, kulekelela, alimwi alusyomo (1-6)\\nTuli bazike buyo (7-10)\\nBasicinsenda bali kkumi baponesyegwa (11-19)\\nKuboola kwa Bwami bwa Leza (20-37)\\nBwami bwa Leza “buli akati kanu” (21)\\n“Amuyeeye muka Loti” (32)\\n17 Mpoonya wakaambila basikwiiya bakwe kuti: “Masimpe zilebyo zileelede kuboola. Nokuba boobo, maawe kumuntu ooyo uubelesyegwa kuti zicitike! 2 Inga cainda kubota kulinguwe ikuti waangililwa ziyo munsingo akusowelwa mulwizi kwiinda kuti alebye umwi wabaniini aaba.+ 3 Amucenjele. Ikuti munyoko wabisya, komunyemena,+ alimwi ikuti weempwa, komulekelela.+ 4 Nokuba kuti wakubisizya ziindi zili ciloba mubuzuba bomwe alimwi waboola kulinduwe ziindi zili ciloba kati, ‘Ndeempwa,’ weelede kumulekelela.”+ 5 Lino baapostolo bakaambila Mwami kuti: “Kotuyungizyila lusyomo.”+ 6 Mpoonya Mwami wakati: “Nomwalijisi lusyomo lweelene anseke yamusitada, nomwali kukonzya kwaambila mulubbeni ooyu kuti, ‘Zyuka aawa ukasimpwe mulwizi!’ Eelyo inga wamumvwida.+ 7 “Nguni wanu uujisi muzike uulima naa weembela mbelele ampongo uunga aboola kuzwa kumuunda ulamwaambila kuti, ‘Fwambaana boola kuno ukkale akulya’? 8 Muciindi caboobo, sena takamwaambili kuti, ‘Kondibambila cilalilo, alimwi sama kalembo kakukutaukila undibelekele kusikila ndimanizye kulya akunywa, eelyo ndamana ayebo inga walya akunywa’? 9 Sena uyoomulumba muzike ooyo akaambo kakuti wakacita ncaakalaililwa? Nsisyomi oobo pe. 10 Mbubonya buyo andinywe, mwamana kucita zintu zyoonse nzyomwalaililwa, amwaambe kuti: ‘Tuli bazike buyo. Twacita nzyotweelede kucita.’”+ 11 Alimwi naakali kuya ku Jerusalemu, wakainda akati ka Samariya a Galilaya. 12 Eelyo naakali kunjila mumunzi umwi, basicinsenda bali kkumi bakamuyaanya, pele bakaimina alaale.+ 13 Bakoompolola akwaamba kuti: “Jesu, O Mwiiyi, tufwide luse!” 14 Naakababona, wakabaambila kuti: “Kamuya mukalitondezye kubapaizi.”+ Mpoonya nobakali kuunka, bakasalazyigwa.+ 15 Umwi akati kabo naakabona kuti waponesyegwa, wakapiluka katembaula Leza ajwi pati. 16 Eelyo wakavwuntama kumaulu aa Jesu, wamulumba. Lino muntu ooyu wakali mu Samariya.+ 17 Mpoonya Jesu wakabuzya kuti: “Sena tiibali kkumi basalazyigwa? Aboobo, ino bamwi bali fwuka bali kuli? 18 Sena kunyina umbi wapiluka kuzootembaula Leza ccita buyo muntu ooyu wamasi?” 19 Mpoonya Jesu wakati kulinguwe: “Nyamuka uunke; lusyomo lwako lwakuponya.”+ 20 Ba Farisi nibakamubuzya kuti naa Bwami bwa Leza buyakuboola lili,+ wakabaingula kuti: “Bwami bwa Leza tabukabooli munzila iilibonya kubantu boonse; 21 alimwi bantu kunyina nobayakwaamba kuti, ‘Amulange okuno!’ naa ‘Okuya!’ Nkaambo amubone! Bwami bwa Leza buli akati kanu.”+ 22 Mpoonya wakaambila basikwiiya bakwe kuti: “Ayoosika mazuba nomuyoolombozya kubona bumwi bwamazuba aa Mwanaamuntu, pele tamukabuboni. 23 Alimwi bantu bayoomwaambila kuti, ‘Amulange okuya!’ naa ‘Amulange okuno!’ Mutakaunki nokuba kubatandila.+ 24 Nkaambo mbubonya mbuli lulabo mbolumweka kuzwa kubbazu limwi lyajulu kusikila kubbazu limbi, oobo mbwayooba awalo Mwanaamuntu+ mubuzuba bwakwe.+ 25 Pele kusaanguna weelede kwiinda mumapenzi manji akukakwa azyalani eeli.+ 26 Kuyungizya waawo, mbubonya mbocakacitika kumazuba aa Nowa,+ mbokuyooba oobo kumazuba aa Mwanaamuntu:+ 27 bakali kulya, bakali kunywa, basankwa bakali kukwata, basimbi bakali kukwasyigwa, kusikila buzuba oobo Nowa naakanjila mubwato,+ eelyo Zambangulwe lyakasika akubanyonyoona boonse.+ 28 Ncimwi buyo, mbubonya mbocakacitika kumazuba aa Loti:+ bakali kulya, bakali kunywa, bakali kuula, bakali kusambala, bakali kusyanga, bakali kuyaka. 29 Pele ibuzuba Loti naakazwa mu Sodoma, kwakaloka mulilo asulufa kuzwa kujulu akubanyonyoona boonse.+ 30 Mbokuyooba mubuzuba oobo Mwanaamuntu aakuyubununwa.+ 31 “Ibuzuba oobo muntu uuli aciluli caŋanda pele zintu zyakwe kazili muŋanda atakaseluki kuti azibweze, mbubonya buyo imuntu uuli mumuunda atakapilukili zintu zili musyule. 32 Amuyeeye muka Loti.+ 33 Kufwumbwa uusoleka kukwabilila buumi bwakwe uyoobusweekelwa, pele kufwumbwa uusweekelwa buumi bwakwe uyoobuyobola.+ 34 Ndimwaambila kuti, imasiku aayo bantu bobilo banoolede abulo bomwe; omwe uyootolwa pele umwi uyoosiigwa.+ 35 Kunooli bamakaintu bobilo ibaziya aziyo lyomwe; omwe uyootolwa pele umwi uyoosiigwa.” 36 *— 37 Aboobo mukumwiingula bakamubuzya kuti: “Ikuli O Mwami?” Wakabaambila kuti: “Ikuli mutunta, nkukonya ooko nkobayoobungana basikwaze.”+","num_words":530,"character_repetition_ratio":0.047,"word_repetition_ratio":0.0,"special_characters_ratio":0.198,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"BuJuuda buna-Mesiya | Kwaindilizya Kubejelwa Print\\nBuJuuda buna-Mesiya | Kwaindilizya Kubejelwa\\nKucincanya Kasimpe aBufalisi Bwamazubaano\\nMakunga aabana-Kristu baluulwa basyoma kuti kuli mpindu mpati kufumbwa mucintu cijatikizya ba Hebulayo. Ooku nkucenga Saatani nkwaakatalisya caali kutegwa awungule maanu aabantu kuzwa kuzishinshimi eezyo ziyandika kumanizya musela wa Nyika eeyi.\\nHena yebo kuli nookabwene cipekupeku citondezya cintu cipya ceebeka akukkomanisya eeco cikonzya kugwasya nduwe amuntu uuli woonse atalaa nyika kumanizya penzi likucumba kumoyo? Tee kayi yebo inga wamwetamweta kumvwa makani aali boobo akupakamika matwi kuswiilizya mbocikonzya kuubaubya buumi bwako cintu cipya eeco! Mpoonya yebo nkutalika kusyoma ncaambilizya ooyo muntu uusambala cintu eeco nkaambo walo umvwikaanga mubombe moyo, alimwi ulasangalazya naambaula mujwi litelemuka kabotu-kabotu. Tiilyalampa mutunzumina twamaminiti ongaye buyo koswiilizya, yebo nkukopolola cikwama camali akutumina muulo wacintu eeco, mpoonya eeco cintu cili kale munzila kuzya kwenu kuli nduwe! Mbucasikila buyo, mwati nduwe ooyilingana ooku akooku kuyandisya kubona cili mukati! Mpoonya mukaindi kasyoonto buyo nkuyaa kuvwungulula cibudu, kusikila limwi calibonya mukati cikwama cijisi cintu ncookatumina mali, casika! Yebo moyo tuukkede kubbubba nkolindizya kuti ubone naa nkocili ncobeni mukati cintu eeco! Nceeci nobantu! Nceeci ndatambula sunu, casika! Mpoonya, eelyo noomanizya kupampanuna zyoonse zyakavwungaide cintu eeco, nkwiile kulakamya milomo kuti maccu! Yebo nkulyuuma bbi akulijata mukasolo noobona kuti tacimwekimweki mbuli mbucaali kulangika nicaatondezyedwe mucipekupeku, alimwi tacijati mulimo wini ngoceelede kukucitila. Tee yebo inga walimvwaanga wakubbida mali muntu, akuti uulya muntu wakakwiinda kunsaa maanu, antela inga waanka kutumina luwaile kubasambazi bacintu eeco kuti bakwaangulule mpopatide; pele kwiina uukwiingula notumina luwaile; mwati inga ucili nduwe oofundilide kukalala akukonkezya kuti tokainduluki kabili kuswiilizya simakwebo wuulisya cintu mucipekupeku munzila yamusyobo ooyu. Pele cintu cuusisya ncakuti, tee kayi mbweenya buyo oobo mbozyeenda zintu mazubaano amwalo mu buna-kristu mumakani aa Moza. Makamu aabana-Kristu balacegwa mukakole nobayandaula kasimpe. Bamwi bazuminizya ncabaambila mweembezi wabupaizi bwabo kuti nkakasimpe, akukaka kulibalila Mangwalo lwabo beni kuti eeco tacizumizyidwe amupaizi wabo. Kuli bamwi, Saatani ulibambide bucenjezu bwiimpene: ubaungula maanu kuyeeyela kuti mumuni uuyungizya kuyubununa zintu zya Moza, ujanwa buyo akataa baJuuda.\\nMangwalo alipede kucenjezya cakusinizya kuti: “Amulibatamike akupakamana, nkaambo sinkondonyoko Saatani uleendeenda mbuli syuumbwa wabutambo uuya buyandaula ngwatilye.” (1 Petulo 5:8) Kaambo keni Saatani ncayaa kwiindila kukalala kalipedwe mu Ciyubunuzyo 12:12: “Nkaambo kaako sekelela ojulu anywebo nomukkala muli ndilyo! Pele maawe kuli ndinywe nonyika alwizi! Nkaambo Siluuni wamuselukila abukali bupati, kayi ulizi kuti ujisi ciindi cisyoonto kapati.”\\nAabo bantu balombozya kuboola kwa Mufutuli balisongwaalide kapati. Bali mbuli banakalindu baumbulu , aabo bakateelela lwiito lwakuti sibwiinga uli munzila kuzyokela anyika. Muluyando lwabo kuli Nguwe, bakalisumbuzya akubambilila malambe aabo, akukakatila ncobeni kuti beendelezye maumi aabo kuti ayendelane Anguwe. Mbombuboobu mboceelede kuba. Pele cintu cuusisya ncakuti, bunji bwa bana-kristu batonkomene, bakazyondolwa maanu kuti baleke kubikkila maanu kumakani aayandika kuteelelwa ncobeni mazuba aamamanino aano; kwiinda mukuyiisyigwa kuti kufumbwa cintu cijatikizya ba Hebulayo cililuleme – mpoonya nkutalika kuyaa kulipeekezya kubaanga mba Juuda abalo kufumbwa ncobasyoma akucita, nkaambo buyo ategwa zyoonse eezyo zigwasyilila kusumpula cisi ca Isilayeli akuti baJuuda balikke mbabacili bantu basale bokwa Yahuwah.\\nMilumbe minjaanji ilakambaukwa, azyuulunzuma zyamali zilasangilwa akutuminwa kuyoogwasya cisi ca Isilayeli. John Hagee, mupaizi mupati umwi wakalaa mbungano yaajisi bantu bali 18,000, ngumwi uuzyibidwe kapati mubumpelenge bwakusungulizya muzeezo wamusyobo ooyu.\\nMu mwezi wa Mulumi, 2006, Mupaizi John Hagee, Sicuuno Wakatalisya mbungano ya Bana-Kristu Bakamantene Kugwasya cisi ca Isilayeli, wakakanza kuti casika lino ciindi cakwaanza tubungabunga akataa bantu ooto tukulwaizya kugwasya cisi ca Isilayeli. Walo wakatumina mulomo ku Basololi bana-Kristu mucisi ca Amelika kuti basangane nguwe kutalika mulimo mupya ooyu. Kwiinda basololi bali 400 baiminina zikombelo zyabo, zikombelo zipati, basimilimo batola milumbe, ankamu zya basimba mabbuku, nokuba zikolo zyalwiiyo lupati, boonse bakamwiingula mulwiito lwakwe; mpoonya aawo nkamu ya Bana-kristu Bakamantene kugwasya cisi ca Isilayeli yakatalikwa.1\\nBamwi, mukukakatila kuti babonwe ncobeni kusetekana, batobezya ziyanza zya bamayi baJuuda, akusama mbuli mbabo azimwi zinjaanji. Balasanganya amabala aaci Hebulayo mumisalo yabo – zimwi ziindi cilakatazya kuti muntu umwi amvwisisye ncobaamba. Balasangila milwi yamali aakuyakuluzya tempele ku Jelusalema akuyaka maanda aakuyubila nkondo yamadobbi mu Isilayeli. Ooyu mulimo mubwini, mulimo uupindula maanu aabantu alimwi oobu mbumpelenge ncobeni bwakulitondezya kuti kuli lufutuko kwiinda mumilimo yamaanza aamuntu.\\nMushinshimi Joweli wakatondezya cifwanikiso cisalede ca musela wamananino eelyo naakati: “Zyuulu zyuulu zili mukkuti lyakubetekwa. Nkaambo buzuba bwalubeta lwa Mwami Yahuwah buli aafwiifwi.” (Joweli 3:14) Nciyanza camoyo wabuntu, ncakuyandisya kuba “nkumekume mubupaizi,” kwiina makani naa ooyo uukwaambila ncoyelede kusyoma yebo, kuti walo kali mupaizi, shamani, mweembezi nokuba mwiyi. Pele Mwami Yahuwah taakapa muntu naba omwe mulimo wakwaambila muntunyina cintu ncayelede kusyoma pe. Boonse bantu beelede kuboola cigaminina lwabo ku Mufutuli kuzyootambula meenda aabuumi . Mangwalo alembedwe kuti: “mboobu mbwaamba Yahuwah Leza wamakamu . . . Kufumbwa ooyo uutoneka nduwe, watoneka kalungu kaamoyo Wakwe Kayi mboobu mbwaamba Mwami Yahuwah Singuzuzyoonse ulati . . . nkaambo kufumbwa ooyo uumulwana ulwana kalungu Kakwe kaamoyo nkayandisya.” (Zekaliya 2:8)\\nKwiimikila akampango aaka, atumwi tukonzyanya akaaka, bantu banji bayeeyela kuti inga baba baJuuda mubuumi bwabo, kuti kabasama, akucita zintu nzyobacita baJuuda, kutegwa bakomanisye buyo Mwami Leza Yahuwah. Mukubula coolwe, eezyo zintu zinjaanji nzyobatobela, nziyanza zyamuntu zyakabambwa aBafalisi.\\nEelyo tempele nilyakadilimunwa mu (70 A.D.) ba Sadducee bakayabaila akulobela limwi, akusiila bweendelezi bwa buJuuda mumaanza aa Bafalisi. Kuzwa waawo, buumi bwamuJuuda woonse bwakali kweendelezyegwa a Bafalisi; woonse musela wabuJuuda wakayakilwa atalaa mizeezo ya Bufalisi; aboobo lino ba Sanihedulini bakalanganyigwa munzila yaandeene. Mulongo mupya waziyanza wakaatula bapaizi bakaliko kuzwa nsiku . . . Bufalisi bwakabamba ciimo cipya ca buJuuda akucengulula mizeezo yamuJuuda uucizya kumbelaa mazuba.2\\nKuli baabo bacengulukila kuziyanza zyabuJuuda akusanganya zintu eezyo mubuumi bwabo, mubwini, basandukila ku Bufailisi. Basicikolo baJuuda balazumina kuti buJuuda bwamazubaano mbu Falisi bwini:\\nBufalisi bwakalibambila bupaizi bwa Talmudizimu ... [Pele] muya wa Bufalisi wansiku nkuucili kuutacincide pe. Eelyo muJuuda ... nabala bbuku lyakwe lisetekene lya Talmud, walo mubwini ncobeni wiinduluka kubala matwanga aabelesyegwa muzikolo zya Bufalisi. . . . Muya wa lusyomo lwa [Bufalisi] uciliko kuuli muzumi alimwi uceendeenda. . . . Kuzwa ku Palestine kusikila ku Babylonia; kuzwa ku Babylonia kusikila ku Musanza lya Afulika, Italy, Spain, France aku Germany; kuzwa kuli yaayo kusikila ku Poland, Russia, a Kujwe lya Bukuwa, Bufalisi bwansiku (sic) bwakamwaikizyanya.3\\nMufutuli wakababwentela kapati Bafalisi. Walo wakabaita kuti “nobasoli boofweede ,” “nozifubafuba alimwi nomoofweede ” “inywe muli nzoka” akuti nolunyungu lwa bacipile .” Akwiita Bafalisi kuti “muli basikuupaupa ameso,” Yahushua wakabakonzyanisya “mbuli zyuumbwe zibikkidwe mulambo uutuba zinga kuzilangila aanze zyeebeka kubotu kapati, pele anikuti mukati zizwide mafuwa abantu bafwide aabolede akununka nsu, azintu zyamisyobo yoonse zilaa tombe.” (Mateyo 23:27)\\nBana-kristu batonkomene sunu basyoma kuti baJuuda bacili basale baandeene ba Mwami Yahuwah nkaambo buyo kakuti baJuuda mbobacilyaamba oobo. Nokuba boobo, buJuuda bwa mazubaano kunyina nobukonzya kufutula muntu mbweenya mbuli bufalisi bwansiku. Aabo balangila baJuuda kuti babaambile cintu ciluleme mu Moza, basumpula ziyanza zyamuntu akuzibikka atala kuti zyeendelezye maumi aabo. Yahushua wakasalazya kucenjezya mamanino aabaabo boonse basiminina kulusyomo oolu kuti bajane kasimpe:\\n“Pele maawe kulindinywe nobamayi ba Mulawo a Bafalisi, nobasikuupaupa aameso! Mujalila bwami bwakujulu kubantu. Nkaambo nywebo tamuyandi kunjila mukati alimwi mulakasya aabo bayanda kunjila.”\\n“Maawe kulindinywe nobamayi ba Mulawo a Bafalisi, nobasikuupaupa aameso nkaambo muleenda nyendo mulwizi aanyika kuti musandule muntu omwe, kwamana muntu ooyo mumusandula kuti weelede cisubulo cipati camulilo uutamani kwiinda ndinywe.” (Mateyo 23:13 a 15.)\\nBufalisi, mbuJuuda bwa mazubaano, amilawo atunsiyansiya twabantu. BaJuuda balaa zyuulu-zyuulu zyamilawo aziyanza zyakaindi, pele Yahuwah waamba buyo kuti “zilandicima” ziyanza eezyi:\\n“Alandicima, alimwi ndaasulaikide mapobwe aabukombi bwanu, nsikonzyi kubotelwa akubungana kwanu.\\nNokuba kuti mulandiletela zipaizyo zyakutenta azituuzyo zyamaila, nsikoozitambula pe. Nokuba kuti mundiletele zituuzyo zyalumvwano zibotu, nsikooziyanda pe.\\nAmutole kooko nyimbo zyanu zyacikwala nsikooswiilila nyimbo zyatulumbu twanu pe.” (Amosi 5:21-23)\\nEeyo yakali “miswaangano yabulemu” njaakabikka Lwakwe Yahuwah! Alimwi kubamba miswaangano eeyo, kwakabaminya nkaambo katunsiyansiya, milawo azilengwa zyabantu cakuti eezyo zintu zyakajaya Muuya wabulemu wakeelede kuba mumiswaangano eeyo Ooyo ngwaakayandide kuti ube akati kabo Uupa Mulawo! Mukukakatila “kulondola” mulawo wabulemu, Bafalisi bakayungizya milwi minjaanji yatulengwalengwa akuminya bantunyina. Eezyo bakatalika kuziyiisya kuti njemilawo yakutobela kuti muntu kayanda kuti atantamuke cinyonyoono. Ngooyu umwi mukonzyanyo wamulawo wabuJuuda; kubamba Nsabata kutalikila kumabbililo aazuba kusikila kumabbililo aazuba takujanwi mu Bbaibbele pe. Eeci cintu cakalailidwe buyo mukubamba Buzuba bwa Lumvwano, mpoonya balo nkusanganya amwalo mukubamba Nsabata yamvwiki-amvwiki.\\nMumajwi aacimvwika kusikila buzuba buno, Yahushua wakalesya milimo yabufalisi iili boobu, naakapandulula kuti: “Balaangilila mikuli milemu iiminya kubweza, akwiibikka aamakkuko aabantu, pele lwabo beni balakaka kugwasya kuguma mukuli nokuba amunwe omwe.” (Mateyo 23:4)\\nAaba bantu nokuba kuti balisinizyide muzilengwa zyabo, pele tabakubwene kuti tunsiyansiya twabo ntotuyakilidwe atalaa milawo yakapangililwa amuntu aziyanza zyansiku. Balo bayeeyela kuti, swebo tukaka zilubide akujokela kubuumi bwaba Hebulayo, pele oobo mbuumi busimpila buyo mu Bbabbuloni!\\nKubelesya mabala aaci Hebulayo tacileti bululami mumizeezo yako pe.\\nKusangila mali aakuyakuluzya tempele tacikonzyi kukujanya nzila iiya Kujulu pe.\\nKulongela ku Jelusalema (naa ku Isilayeli) tacikwe mulimo munzila ya lufutuko pe.\\nBaJuuda bamazubaano tabali beendelezi balailila zintu zimukondelezya Mwami Yahuwah pe. Bunji bwabo bayeeme mumilimo yamaanza aabo kuti bajane lufutuko. Bamwi bakayungizya akutalika lusyomo lwa baleza botatwe baswaangene mumubili omwe, oolo ndusyomo lupati lwa Cikombelo ca Katolika caku Loma.\\nKulondola ciimo cako tacili cintu cikonzya kucitwa mukusama zikobela nzyosama nokuba kusanganya mabala aaci Hebulayo mumisalo yako, nokuba zina lyaci Hebulayo ndyolipede lwako. Pele ncipego caabilwa baabo balaa lusyomo luyeeme mu zisyomyo ziyandisi nzyaakasyomya.\\nNokuba mumazuba mataanzi aabuna-kristu, kwakali ciyanza akataa baJuuda cakusumpula tunsiyansiya, azilengwa zyabantu azimwi nzyobayandisya aabo bakavwubide, mbuli: ba Falisi. Kuli baabo bakacedwe muziyanza zyabantu eezyo, Paulu wakalemba kuti:\\n“Nkaambo mpobali bantu banji-banji batakwe bulaye, baamba majwi aabuyo aakweena, kwaambisya aabo bankamu yabupalule. Aaba mbabeelede kuti kukambauka kwabo kulesyegwe, nkaambo banyonganya mikwasyi cakwiimaninizya yoonse eeyo njibasikila mukwiisya zintu nzyobateelede kwiisya. Balacita oobo kuti bavwubile mpawo.\\n. . . Nkaambo kaako ubatapatile canguzu kutegwa bayume mulusyomo. Kutaamba kuti bagame kuswiilila twaambo twabuyo twatunsiya-nsiya twa Bajuda amilawo yabantu buyo bakaka zyamasimpe.\\nKubasalali zintu zyoonse zilasalala, pele kubantu basofweede batazumini, taakwe cintu cisalala niciba comwe pe, nkaambo miyeeyo amanjezeezya aabo alisofweede. Balyaamba kuti balimuzi Yahuwah, pele balamutama kwiindila mumilimo yabo. Mbantu basesemya, banyansya, bateelede kucita milimo mibotu niiba buti pe.” (Titusi 1:10-11, 13-14, 16)\\nOoku nkucenjezya bantu aabo balangila bamaJuuda kuti mbabayobwede busongo bwakujulu. Kwiinda mukulendekezya bamaJuuda akubasumpaula boobu muzintu zya Moza, bantu basyomeka batalika kusolwedwa kukusulaika tusimpe ooto bamaJuuda lwabo ntobatayandi mu Mangwalo. Ngooyu mukonzyanyo wa Nsabata yamasimpe. Mubuzike bwaba Loma bwakatobela Muswaangano waku Nicæa, bamaJuuda bakalazyika ansi Nsabata yamu Bbaibbele eelyo Hillel II “naakapelengusya kubambulula” kkalenda. BamaJuuda, sunu, bakomba Mujibelo, oobo buzuba buli mukkalenda lina Gregory. Aboobo, zyuulunzuma zyabuleya buna-kristu, bayeeyela kuti Mujibelo nje Nsabata yamu Babibbele kakwiina kaambo kambi pele buyo kuti mbobuzuba bamaJuuda mbobatobela, alimwi ncobeni, tee kayi baJuuda inga tiibakomba buzuba bumbi pele buyo mu Nsabata yamasimpe. Aboobo, musunko wini nuubasikila, balakaka kuzulwa nkaambo buyo kakuzuunyana kuti bamaJuuda beelede kuba bantu balaa kasimpe nkaambo buyo kakuti mba Juuda.\\nMangwalo, nokuba boobo atuletela kaambo kaimpene amizeezo eeyo. BamaJuuda bansiku, baJuuda baciindi ca Messiah abamaJuuda basunu, tiibakali kubamba mulawo wabulemu munzila Mwami Yahuwah njaakalikuyanda pe:\\nPele Yahuwah wakabakalalila ba Isilayeli abanyika ya Juuda, kwiinda mubashinshimi Bakwe, amuboni uuli woonse eelyo naakati, “Amuleke nzila zyanu zibi, mubambe milawo Yangu amalailile Aangu kweendelana amulawo woonse ngundakalailila basikale banu, alimwi eeyo njeekamutumina kwiinda mubatwanga Bangu bashinshimi.” Pele tiibakaswiilila, bakaba basicinguni, akuyumya nsingo mbweenya mbubwakabede basikale babo batakasyoma mu Mwami Yahuwah Leza wabo. Bakavwoolozya malailile Aakwe acizuminano eeco ncaakapangana abasikale babo, antoomwe azeezyo nzyaakali kubacenjezya . . . Bakali kukomba mituni yabuyo abalo mbubonya baba babuyo, bakatobela misyobo eeyo yakabazingulukide, eeyo Mwami Yahuwah njaakabaambilide kuti tabeelede kwiitobela. Bakasiya mulawo wa Mwami Yahuwah Leza wabo woonse, akulipangila mituni iifulidwe yaboombe bobilo, awa leza mukaintu Asyela kumane bakali kukomba azyakujulu akukomba Bbaali. . . (2 Bami 17: 13-16)\\nZilengwa zyabantu tazisalazyi muya wamuntu pe. Zisungilizya buyo muntu uuzicita kuti alitukumune akulimvwaanga ulisumpukide kwiinda bamwi.\\n“Ulilondokede mulawo wa Mwami Leza, ulabukulusya muuya, mbeta zya Mwami Yahuwah, zilasyomeka zilasongwaazya balitolaansi.” (Intembauzyo 19:7) Ziyanza zyabantu, atulawolawo tuminya mubusanduluzi bwamuntu, nzyezintu ziyumya mulawo wabulemu. Mulawo ookwa Yahuwah mubauba kapati alimwi uligaminide ncuulailila. Yahushua wakagwisya zilengwa zya Bafalisi akusalazya bubotu, akumvwika kwa ciimo camulawo wabulemu:\\nMpoonya umwi, sikuzeka wakayiide milawo munkuta, wakamubuzya mubuzyo, kumwi kasunka Nguwe, akwaamba kuti, “Omwiyi, nguuli mulawo mupati akataa milawo iili kkumi?”\\nYahushua wakamwiingula kuti, “‘Webo weelede kuyanda Yahuwah Leza wako amoyo wako woonse, amuya wako woonse, alimwi amizeezo yako yoonse.’ Ooyu ngomulawo mutaanzi mupati ali yoonse. Alimwi wabili ulikonzyene ayooyu: 'Webo weelede kuyanda mweenzinyoko mbuli mboliyanda omwini.' Atalaa milawo yobile eeyi mpaayimvwi Mulawo a Bashinshimi.” (Mateyo 22:35-40)\\n“Wakakutondezya kale cintu cibotu omuntu. Ino ncinzi Mwami Yahuwah ncayanda kuti kocita? Ncakuti ucite cilule akuba aaluyando lutamani akweenda cakulibombya antoomwe a Leza wako.” (Mica 6:8) Paulu wakayoowede kuti basyomi bapya inga bacengulukila kuzilengwa zyabantu, akusiila kumbali bubotu bwa kasimpe: “Pele ndiliyoowede kuti mbuli nzoka mbuyakacenga Eva mubucenjezu bwayo, anywebo inga myoyo yanu ileenwa akuleka kulipa cakulibombya ooko kuli muli Kilisito amoyo oonse.”(2 Bakolinto 11:3)\\nAabo bacengulukila kuziyanza zijanwa mu buJuuda akutondeka zisyomyo zyaapedwe Isilayeli wansiku, balaluba kuti eezyo zisyomyo lyoonse zyakapedwe buyo pele kufumbwa kuti kabateelela akutobela mulawo. Isilayeli naakasulaika Yahuwah akuliyandila mwami wakubalela: “Nkabela Mwami Yahuwah wakati kuli Samuyele, “Swiilila kwaamba kwabantu mulizyeezyo zyoonse zintu nzyebakumbila. Toli nduwe ngobakaka, bakaka Ndime. Tabayandi kuti kandicibalela.” (1 Samuele 8:7) Masimpe kuti Yahuwah wakali kubeengelela kwaciindi cilamfu nokuba leelyo nibaamukaka mukaambyo nkobainduluka ziindi zinjaanji kutaminina kuti kalabakwabilila kakuti – ‘pele nkaambo buyo ka Davida mutwanga Wangu’. Pele luyando lwa bulemu talukkalili aawo mpolutakkomaninwi. Nokuba kuti lwakkalilila kwaciindi cilamfu buti, pele kumamanino luyando lwabulemu, akuusa kupati, lulabomba akwaatuka akusiya moyo wamuntu uuzangide muzintu nzyuuyandisya. Mazuba masyoonto munsaa lufu lwa Yahushua, Walo wakalilauka amoyo wuuside kuti:\\n“Akaka Jelusalema, Jelusalema, oojaya bashinshimi akubauma mabwe aabo Yahuwah mbatuma kulinduwe! Kanji-kanji ndalikuyanda kubunganya bantu bako antoomwe, mbubonya mbuli nkuku mbwiifukatila bana bayo mumababa, pele yebo wakakaka! Ncobeni ŋanda njomukombela Yahuwah lyaba tongo. Nkaambo ndamwaambila kuti, tamuciyoondiboni alimwi pe, mane mukaambe kuti, 'Ulilelekedwe Ooyo uuboola muzina lya Mwami Yahuwah!’ (Mateyo 23:37-39)\\nPaulu wakacenjezya bantu kuti nkobali balipeekezya kuba “BuJuuda” alimwi aaba bana-Kristu mbabeelela ncobeni ciimo cipandululwa boobo eeci! Kwiinda mukuyaamina mulusyomo lwakuti kuli mpindu mukulipeekezya kuba muJuuda, akutumina mali kucisi ca Isilayeli, akuyakilila lusyomo atalaa muzeezo wakuti Yahushua takazyokeli kusikila baJuuda boonse bakasandulwe, aabo bana-kristu balibambila kuyoobbaatikizyigwa aciindi ca Kuboola Kwabili. Yahushua wakacenjezya kuti: “Amulange, ndaboola mbuli mubbi.” (Ciyubunuzyo 16:15) Eelyo Walo aakuzyokela, bana-kristu banjaanji bayoogambwa nkaambo tiibakabona makunga aabaJuuda kabasanduka, aboobo kunoolangika aanga Walo waboola kabatalibambide. Balo beni lwabo balelemya Kuboola Kwabili mbweenya mbuli mutwanga mubyaabi mbwaakaambila batwanganyina kuti, \"Simalelo Wangu wamuka kusika.\"\\nEezyo zisyomyo zyakapedwe Isilayeli wansiku lino zicipedwe kuli Isilayeli wamu Moza.\\n“Nyoonse muli bana ba Leza nkaambo mulasyoma muli Kilisito Yahushua Uunanikidwe. Nywebo nyoonse mbuli mbumwakabbapatizigwa muli Kilisito mulisamide buumi bwa Kilisito. Aboobo taakwe ciindene akati ka Bajuda abamasi, naa akati kabazike abaangunukide, naa akati kabaalumi abakaintu, nkaambo nyoonse muli omwe muli Kilisito Yahushua. Kuti kamuli bakwe Kilisito, nkokuti muli bana ba Abulahamu, beelede kukona kweendelanya acisyomyo ncaakasyomezya.” (BaGalatiya 3:26-29)\\nLufutuko lucaabidwe ku muJuuda, pele zileleko zyoonse zya Moza lino zilipedwe kufumbwa muntu woonse uuyanda kuzitambula alimwi ooyu ngo mulumbe mubotu uunooliko kusikila kumamanino aamusela wanyika “mane kusikila ciindi cabamasi cikamane.” (Luka 21:24)\\nLufutuko ncipego, ncipego caluzyalo. Aabo bamuyanda Munununi wabo banooyandisya kumulemekezya Walo akweendela mubululami, kabatasinkilidwe tulawolawo aziyanza zyabantu. Yahuwah utamba baabo batongela kunsaa mukuli wazilengwa zya bufalisi, kuti bazyokele kuli Nguwe mpoonya Walo uyoobalemununa bakalyookezye.\\n“Amuboole kuli Ndime, nyoonse nomukatede anomulemedwe mikuli, nkabela Ime njoomupa kulyookezya.” (Mateyo 11:28)\\nJelusalema: Hena ngo Mulyango wa Mamanino Aaciindi?","num_words":2379,"character_repetition_ratio":0.035,"word_repetition_ratio":0.0,"special_characters_ratio":0.157,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 31 IBBAIB63 - Lino wakamvwa majwi aabana - Bible Search\\nMatalikilo 30 Matalikilo 32\\nJakobo mbwaakapiluka kunyika yakwabo\\n1-Lino wakamvwa majwi aabana ba-Labani aakuti, Jakobo watola zyoonse izyakali zyatateesu. Mumbono zyatateesu mwaalijanina buvubi obu boonse. 2-Alimwi Jakobo wakabona kuti Labani tacimulangi kabotu mbuli muciindi cakamana. 3-Elyo Jehova wakaambila Jakobo kuti, Piluka kunyika yabamauso akunzubo zyako, Njooba ayebo. 4Mpawo Jakobo wakatumina Rakele a-Leya mulazyo wakubaita musokwe mwaakali kweembelela. 5-Nkabela wakabaambila kuti, Ndabubona busyu bwausowanu, Tabucindilangi kabotu mbuli mumazuba aakamana. Pele Leza wabamataata wali andime. 6-Anywebo mulizi kuti ndabelekela usowanu milimo anguzu zyangu zyoonse, 7-pele usowanu wandeena, wasandulasandula zyakuvola zyangu ziindi zili ikumi. Nekubaboobo Leza taakwe naakamuzuminina kundibisizya. 8-Amba kuti, Zyabusaasa nzeziyooba zyakuvola zyako, —lino imbelele zyoonse zyakazyala zyabusaasa, Aamba kuti, Zyamyambo nzeziyooba zyakuvola zyako-lino imbelele zyoonse zyakazyala zyamyambo. 9-Aboobo Leza wanyanzya matanga aausowanu, wapa ndime. 10Lino kuciindi cakuminta cambelele ndakatambya meso aangu, ndabona makani muciloto, ndabona kuti boonse basijembwe balimba ambelele bali abusaasa amyambo amabala mabala. 11-Elyo angelo waJehova wakandaambila muciloto, wati, Jakobo. Ndakati, Mpondi. 12-Wakati, Tambya meso aako, ubone basijembwe bali mba ambelele. Boonse bali abusaasa amyambo amabala mabala, nkaambo ndibwene zyoonse Labani nzyakucitila. 13-Ndime Leza wa-Beteli, nkukonya oko nkowakananika malende, nkowakandikonkela cikonke. Nyampuka, uzwe munyika ino, upiluke kunyika yabuzyalwe bwako. 14-Mpawo Rakele a-Leya bakavuwa kuti, Sa tucijisi caabilo na lukono kuŋanda yatateesu? 15-Sa tatuli mbuli beenzu buyo mumeso aakwe? Nkaambo watuulisya, alimwi wamana kulya muulo wesu. 16Nkaambo imbono zyoonse Leza nzyaakanyanzya wiseesu, nzizyesu abana besu, Mbubo, kocita mbubonya mbuli Leza mbwaakwaambila.\\n17Elyo Jakobo wakanyamuka, watantika bana bakwe abanakazi bakwe ankamele. 18Nkabela wakabinga matanga aakwe, banyama boonse mbaakavubide, matanga oonse ngaakajana ku-Padanaramu, kuti ainke kuliwisi Izaka munyika ya-Kanana. 19-Lino Labani katawo, kainkide kuku gela imbelele zyakwe, nkabela Rakele wakabba zimpangaliko zyawisi. 20Jakobo wakeena Labani mu-Aramu, nkaambo taakwe naakamulwiida kuti ulacija. 21-Wakacija aboonse mbaakajisi, wazubuka mulonga, watozya kucilundu ca-Gileadi.\\n22Lino buzuba bwatatu nibwakaca, Labani wakalwiidwa kuti, Jakobo waloboka. 23-Amvwe obo, wakatola bazyalwanyina, wamutobela, weenda musinzo wamazuba aali musanu aabili, wamujana kucilundu ca-Gileadi. 24-Pele Leza wakasikila Labani mu-Aramu muciloto camasiku, wamwaambila kuti, Cenjela! Utaambili Jakobo cintu niciba comwe, niciba cibotu niciba cibi.\\n25Aboobo Labani wakeenzya Jakobo. Nkabela Jakobo kayakide cilao cakwe kucilundu, Alakwe Labani abazyalwanyina kayakide cilao cakwe mucilundu ca-Gileadi. 26-Mpawo Labani wakaambila Jakobo kuti, Wacitanzi? Wandeena, watolelela bana bangu basimbi mbubonya mbuli basibuzike bwapanga. 27Ino nkaambonzi wacija kumbali? Nkaambonzi wanyweleleka? Nkaambonzi tokwe nondaambila, elyo nindakakonzya kukuleka cakusekelela anyimbo, cakulizya nyeele akantimbwa? 28-Nkaambonzi tokwe nowandizumizya kumyonta bana bangu balombe abasimbi akubalaya? Ncobeni wacita cabufubafuba. 29-Ndakali anguzu zyakukucitila bubi, Pele Leza wabamauso wakandaambila jilo masiku, wati, Cenjela kuti utaambili Jakobo cintu niciba comwe, niciba cibi niciba cibotu. 30-Lino kuya, waya nkaambo kakuti moyo wako kuusukeme iŋanda yauso. Pele nkaambonzi nowabba baleza bangu? 31Mpawo Jakobo wakavwiila Labani kuti, Ndakali kuyoowa, nkaambo ndakali kuyeeya kuti ulandinyanzya bana bako basimbi kuti ntainki abo. 32-Lino baleza bako, kufumbwa uubajisi ncobeni takooyoopona. Okuno kumeso aabakwesu lingula, ubone na imbono zyako nkuzili kulindiswe, uzitole. (Nkaambo Jakobo katazi kuti Rakele kababbide),\\n33-Mpawo Labani wakanjila mucilao ca-Jakobo, amucilao ca-Leya, amuzilao zyabalanda bobile basimbi, pele takwakazijana pe, Lino naakazwa mucilao ca-Leya wakanjila mucilao ca-Rakele. 34Nkabela Rakele kabwezede zimpangaliko, wazibika mucikalilo cankamele, wakala alincico, Lino Labani wakaampaampa moonse mucilao, pele taakwe ncaakajana nee! 35-Nkabela wakaambila wisi kuti, Kutabiji mu meso aasimalelaangu kuti nsikonzyi kunyampuka kubusyu bwako, nkaambo ciindi cakutondwa cili kulindime. Aboobo wakayandaula koonse koonse pele takwakajana zimpangaliko pe.\\n36-Mpawo bukali bwa-Jakobo bwakabuka, nkabela wakakazyanya a-Labani, Jakobo wakaambila Labani kuti, Ino mulandunzi ngundabisya? Nkaambonzi nowanditobela obo cabukali. 37-Waampaampa muzintu zyangu zyoonse, Ncinzi ncowajana cazintu zyako? Kocileta, ucibike ano kumeso aabakwesu boonse, kuti batubeteke toonse tobile. 38Bona! Myaka iili makumi obile ndakakala kulinduwe. Imbelele zyako ampongo zyako tazikwe nizyakasowa, alimwi bagutu bamatanga aako nsikwe nindakabalya. 39-Kufumbwa cintu icakalumwa banyama bamusokwe, nsikwe nindakacileta kulinduwe pe, wakali mulandu wangu; kujanza lyangu nkowakaciyandawida, niciba cakabbigwa isikati niciba cakabbigwa masiku. 40Mbombede. Inkasaalo yakali kundikola isikati, ampeyo masiku, nkabela ŋonzi zyakacija kumeso aangu. 41-Myaka iili makumi obile ndakali kulinduwe. Ndakakubelekela milimo myaka iili ikumi aine kuti nkwate bana bako basimbi bobile, amyaka iili musanu aumwi ndakabelekela imbelele zyako, pele zyakuvola zyangu wakazisandula-sandula ziindi zili ikumi. 42-Leza wa taata, Leza wa-Abrahamu a-Mulemu wa-Izaka, natakali ambebo, ncobeni nowakandi tanda acinkwamaanza. Pele Leza wakubona mapenzi aangu amilimo yamaanza aangu, aboobo wakakutapatila jilo masiku.\\n43Mpawo Labani wakavwiila Jakobo kuti, Bana basimbi mbana bangu, bana balombe mbana bangu, imbelele nimbelele zyangu, azyoonse nzobona nzezyangu. Pele aba bana basimbi bangu abana mbebazyede, mbacitilenzi buzuba obuno? 44-Boola, tutangane cizuminano, webo ambebo, cibe kamboni akati kesu tobile. 45-Mpawo Jakobo wakabweza ibbwe, waliimikizya kuti libe malende. 46Alimwi Jakobo wakaambila banyina boonse kuti, Amubungike mabwe. Nkabela bakabweza mabwe, balundika citantaala, balya mpoonya awo acitantaala. 47Lino Labani wakacuulika izina lyaJegara-sahaduta, alakwe Jakobo wakaamba kuti ngu-Galeeda. 48-Labani wakati, Eci citantaala caba kamboni akati kandime awebo buzuba obuno. Ncencico ncakacuulikila izina lya-Galeeda. 49-Aalo malende wakaaulika izina lya-Mizipa, nkaambo wakati, Jehova alange akati kangu ayebo netunoozooandeene. 50Na wapenzya bana bangu basimbi, nanka kukwata banakazi abamwi atala abana bangu, nekuba kuti taakwe muntu uuli aswebo, bona! Leza ngukamboni akati kesu.\\n51Mpawo Labani wakaambila Jakobo kuti, Bona citantaala eci amalende aya ngendabika akati kesu. 52Citantaala eci ngukamboni, aalo malende ngukamboni, wakuti mebo ncobeni nsikooyooinda kucitantaala eci kuza kulinduwe, ayebo tokooyooinda kucitantaala eci kuza kulindime, kuzoocita bubi. 53-Leza wa-Abrahamu, a-Leza wa-Nahori, Leza wawisaabo, abeteke akati kesu. Elyo Jakobo wakakonkezya muzina lya-Mulemu wa-Izaka wisi. 54Nkabela Jakobo wakatuula cipaizyo mpoonya awo acilundu, waita babunyina kuzoolya insima. Bamane kulya insima, bakoona awo acilundu.\\n55-Nibwakaca, Labani wakafuma, wamyonta bana bakwe balombe abasimbi, wabalongezya, wanyamuka, wapiluka kulinguwe.","num_words":882,"character_repetition_ratio":0.048,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ezekiya wakabona zinji kwiinda buyo vwili lyomwe mujulu. Walo wakabona akuteelela Kkalenda lya Mulengi. Print\\nEzekiya wakabona zinji kwiinda buyo vwili lyomwe mujulu. Walo wakabona akuteelela Kkalenda lya Mulengi.\\n“Mwezi wakkumi awatatu” nkuuli mu Mangwalo. Mbuli mbokweelede kale.\\nMazubaano, ikkalenda eelyo liyeeme amwezi azuba lyeelede kubaa mwezi wakkumi awatatu mumyaka yotatwe lyoonse. Kumatalikilo tiicakali boobu pe, mazuba aakuzinguluka kwamwezi azuba oonse akali kusika mazuba aali myaanda yotatwe amakumi cisambomwe. Mazubaano, kuzinguluka kwa mwezi kutola mazuba mafwaafwi kwiinda kuzinguluka kwa zuba kuti kwainda myaka yotatwe, kuzinguluka kwa mwezi nkufwaafwi kwamazuba ali makumi otatwe awotatwe, eeco cipa kuti kunungililwe mazuba aayo akubamba mwezi uumbi. Ba Hebulayo ooyu mwezi uuyungizyigwa bakali kuwiita kuti Veadar (caamba kuti “Adar wabili”).\\nMwezi wakkumi aitatu ulatondezyegwa mu Mangwalo mubbuku lyakayoyelwa moza lya mushinshimi Ezekiya. Muli Ezekiya 1:1-2 twaambilwa kuti Ezekiya wakatambula cilengaano kuzwa kuli YHVH muli bwasanu bwamwezi wane, mumwaka wasanu wabuleli bwa Jehoyachini wakali mubuzike. Muli Ezekiya 2:7, YHVH alimwi wakaambila Ezekiya kuti acenjezye Isilayeli nkaambo kakuzangila YHVH. Alimwi mu Ezekiya 3:15 tujana kuti Ezekiya wakalikkede ankomwe yamulonga Cheba, kwamazuba aali ciloba, eeci cituleta kubuzuba bwa kkumi abumwi bwamwezi wane, mumwaka wasanu wabuleli bwa Jehoyachini wakali mubuzike.\\nLino muli Ezekiya 4:1-11 wakalaililwa a YHVH kuti alale kukasolo kakulumwesyi kwamazuba aali myaanda yotatwe amakumi fuka alimwi aakumanizya boobo walo akalale kukasolo kakululyo kwamazuba makumi one (40); antoomwe mazuba myaanda yone amakumi otatwe (430). Ciindi citobela mbokwaambwa mubbuku lya Ezekiya mukampango 8:1, oomo tubona Ezekiya ulikkede muŋanda yakwe mumwaka wacisambomwe (wabuleli bwa Johoyachini wakali mubuzike) muli bwane bwa mwezi wacisambomwe. Eeci citutondezya kuti Ezekiya wakali manizyide malailile ngaakapedwe mucibalo 4 nkaambo wakalikkede muŋanda yakwe kutali kulede kucimwesyi nokuba kululyo. Kuti Ezekiya naakali kubelesya ncobeni kkalenda lya kuzinguluka kwazuba walo naatakateelela malailile ookwa YHVH kujataikizya mbuli bulembedwe ciindi mu Ezekiya 8:1.\\nKuzwa mubuzuba bwakkumi abumwi bwamwezi wane, mumwaka wasanu wabuleli bwa Jehoyachini (Ezekiya 1:1-2; 2:7; 3:15) kusikila kuli bwasanu bwamwezi wacisambomwe mumwaka wacisambomwe wa Jehoyachini (Ezekiya 8:1) kuli mazuba aali buyo myaanda yone akkumi awotatwe (413) akkalenda litobezya kuzinguluka kwa zuba lilikke (akulezya mazuba aali kkumi aciloba ,17). Kubelesya myezi iitobezya kuzinguluka kwa mwezi uulibonya iili kkumi ayibili (12), eeci cisikila buyo amazuba aali myaanda yone awotatwe (403) (akulezya mazuba aali makumi obile aciloba 27). Kuti Ezekiya naakabelesya kkalenda litobezya kuzinguluka kwamwezi ulikke naatakateelela YHVH. Nokuba boobo, kuti ooyu mwaka niwaajisi myezi ili kkumi ayotatwe (myezi iitobezya mwezi azuba antoomwe) Ezekiya naakateelela malailile aa YHVH kusikila kubbala lini mbuli mwezi wakkumi aitatu mbulaa mazuba aali makumi obile afuka (29), akumupa ciindi cinji cakuti alale kubbazu limwi kwamazuba aali makumi obile aciloba (27) aaceede.\\nAmubikkile maanu kuti Ezekiya 4:9-10 utondezya kuti Ezekiya wakaambilwa kuti akande busu bwacinkwa buyoomusisya mazuba aali myaanda yone amakumi otawe aamazuba (430). Ime ndakabapa bantu batobela kkalenda litobezya zuba lilikke nzila yeelela aawa, akubikkila maanu kuti Ezekiya wakabamba zinkwa eezyo mubuzuba bomwe, bwakkumi abumwi bwamwezi wane. Kuti twatobezya kubamba cinkwa camashekeli aali makumi obile (Ezekiya 4:9-10) kubuzuba buli bomwe nalede kubbazu lyomwe, eeci inga caindila kumwaya muzeezo wakkalenda litobezya zuba lilikke, nkaambo ciindi inga cafwiimpa kubantu batobela kkalenda lya zuba lilikke kuti nicaamutolela kwiinda buzuba bomwe kubamba zinkwa.\\nKuya kumbele, eelyo webo wabona kuti myezi ya Bbaibbele itobezya mwezi uulibonya azuba antoomwe, alimwi kuti mwaka mupya utalikilwa muciindi lyeelana mazuba amasiku, ncintu ciyandika kuti mwezi wakkumi autatu usanganyigwe kumwaka mumyaka ili yobile niiba yotatwe (ziindi ciloba mumyaka iili kkumi afuka ,7 in 19). Kuti eeci kacitacitigwi, mapobwe aalo inga alelema kwamazuba aali kkumi abumwi mumwaka uli oonse “uutobezya kuzinguluka kwazuba lilikke”, akubikka mapobwe kuzwa muziindi zyamwaka naayelede kuba. Eeci ncecicitika mu kkalenda lyaba Muslimu eelyo lisiya anze mwezi wakkumi aitatu. Mapobwe aabo alasensela muziindi zyamwaka woonse.\\nNkooko mwalimvwida nobalongwema, mwezi wakkumi aitatu nkuuli mu Mangwalo. Mangwalo nokuba kubala myezi taakwe naaimpya pe. Amulibalile lwenu, mubale bumboni. Ikkumbi liyaa bweenda. Tweelede kutobela, nkaambo inga katuyoocaala munkanda.","num_words":596,"character_repetition_ratio":0.081,"word_repetition_ratio":0.01,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kutambula Beensu besa kuCiibalusho ca lufu lwakwe Klistu camu 2016\\nPa bushiku bwa March 23, tutolangila bantu 12 miliyoni na kwiindaawo kusa kuciibalusho. Balakutambula bumboni bubotu abuumbi kuswa kulikani lyeshi likaambe sha cipo ca cilubula cakaswa kuli Yehova alimwi ashoolwe nsheshi bantu boonse bakacane kunembo! (Isa. 11:6-9; 35:5, 6; 65:21-23; Joni 3:16) Nacibi boobo, teshibo mwaambi eenka eshi akape bumboni pacakucitika cilibetele ici. Soonse inga twatolaamo lubasu kwiinda mukutambula beensu camaansa obilo. (Loma. 15:7) Amubone nsheenga mwacita.\\nMuciindi cakushika akucana pakukala ndyemutolindila pulogilamu ayi italike, amuye mukutambula beensu camaansa obilo abaabo bakaboolela mwisule akubaansha calusuno\\nNdyemutobikila maano kutambula baabo mbomwakeeta, mutalubiiko kulangoola baabo beenga besa pamulandu wakutambula bwiite. Amuye mukale ambabo mpomushiite. Amubelenge abo Baibo yanu alimwi alibuku lya nyimbo\\nPesule lya likani, amubacafwe na balicite miipusho ili yoonse. Na ciindi camana pesule lya kubungana, amubambe kwaamba ayi mukabafwakashile kapatana kwiinda nshiku shiinji. Na tamushiwo nkobakala, inga mwaamba ayi: “inga ndakondwa kushiba mbomwaibona pulogilamu. Ino inga ndamucana kuli?”","num_words":146,"character_repetition_ratio":0.058,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ncocaamba Cipaizyo Cacinunuzyo ca Jesu\\nAMUBALE MU Abbey Abkhaz Abui Acholi Afrikaans Aja Altai Alur American Sign Language Amharic Angolan Sign Language Arabic Argentinean Sign Language Armenian Armenian (West) Ateso Attié Aymara Azerbaijani Azerbaijani (Cyrillic) Bashkir Bassa (Cameroon) Bassa (Liberia) Batak (Karo) Batak (Simalungun) Batak (Toba) Belize Kriol Biak Bicol Bislama Bolivian Sign Language Boulou Bété Cambodian Cebuano Changana (Zimbabwe) Chavacano Chichewa Chin (Hakha) Chin (Tiddim) Chinese Cantonese (Simplified) Chinese Cantonese (Traditional) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuvash Cibemba Cinamwanga Cinyanja Colombian Sign Language Cuban Sign Language Damara Dangme Danish Dayak Ngaju Douala Drehu Dusun Dutch Efik Emberá (Catío) English Estonian Ewe Fante Fijian Finnish Finnish Sign Language Fon French Futuna (East) Ga German Gitonga Gokana Greek Guadeloupean Creole Guarani Guarani (Bolivia) Guerze Guianese Creole Gun Guéré Haitian Creole Hausa Herero Hiligaynon Hindi Hungarian Hunsrik Iban Ibanag Ibinda Igbo Iloko Indian Sign Language Indonesian Indonesian Sign Language Irish Italian Italian Sign Language Ivorian Sign Language Javanese Jula Kabiye Kabuverdianu Kachin Kannada Karen (S'gaw) Kazakh Khana Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisonge Kongo Korean Kpelle Krio Kurdish Kurmanji Kwangali Kwanyama Kyangonde Lamba Lhukonzo Lingala Lithuanian Lomwe Luganda Lugbara Lunda Luo Luvale Macua Malagasy Malay Malayalam Malaysian Sign Language Maltese Mam Mambwe-Lungu Mapudungun Marathi Mauritian Creole Mazahua Mbunda Mende Meru Mexican Sign Language Mizo Mongolian Moore Myanmar Myanmar Sign Language Navajo Ndau Ndebele Ndebele (Zimbabwe) Ndonga Nengone Nepali Nepali Sign Language Ngabere Ngangela Nias Nigerian Pidgin Norwegian Nyaneka Nyungwe Nzema Odia Okpe Oromo Ossetian Otetela Pangasinan Pidgin (Cameroon) Polish Polish Sign Language Ponapean Portuguese Portuguese (Portugal) Portuguese Sign Language Punjabi (Shahmukhi) Quebec Sign Language Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Quichua (Pastaza) Quichua (Santiago del Estero) Quichua (Tena) Rarotongan Romanian Romanian Sign Language Romany (Eastern Slovakia) Romany (Macedonia) Romany (Macedonia) Cyrillic Romany (Northern Greece) Romany (Serbia) Romany (Southern Greece) Runyankore Russian Rutoro Réunion Creole Samoan Sangir Sango Sena Sepedi Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Solomon Islands Pidgin Spanish Spanish Sign Language Sranantongo Sunda Swahili Swahili (Congo) Swati Swedish Tagalog Tahitian Tajiki Talian Tamil Tandroy Tankarana Tatar Tetun Dili Thai Thai Sign Language Tigrinya Tiv Tok Pisin Tongan Tshiluba Tshwa Tsonga Turkish Tuvaluan Twi Ukrainian Umbundu Urdu Urhobo Uruund Uzbek Vezo Vietnamese Wallisian Welsh Wichi Wolaita Yacouba Zande Zulu\\n1, 2. (a) Ino ndilili cipego nociyandika kapati kulindinywe? (b) Nkaambo nzi cinunuzyo ncocili cipego ca Leza cipati kwiinda zyoonse?\\nNCIPEGO nzi ciinda kubota ncomwakapedwe amuntu umbi? Kutegwa mubone kuti cipego cilayandika kapati kulindinywe, taceelede kudula buya pe. Ikuti cipego kacimupa kukkomana naa kacili cintu ncomupengede ncobeni, mulalumba kapati.\\n2 Akati kazipego zyoonse nzyatupede Leza, kuli cipego ncotuyandika kapati kwiinda zyoonse. Eeci ncipego cipati kwiinda cipego cili coonse Leza ncabapede bantu. Mucibalo eeci, tulaiya kuti Jehova wakatuma Mwanaakwe, Jesu Kristo, kutegwa tukonzye kupona mane kukabe kutamani. (Amubale Matayo 20:28.) Kwiinda mukutuma Jesu aano anyika kali cinunuzyo, Jehova wakatondezya kuti ulatuyanda kapati.\\nINO CINUNUZYO NINZI?\\n3. Nkaambo nzi bantu ncobafwida?\\n3 Cinunuzyo ninzila njabelesya Jehova kwaangununa bantu kucibi alufwu. (Baefeso 1:7) Kutegwa tumvwisye kaambo cinunuzyo ncocakali kuyandika, tweelede kuzyiba icakacitika myaka minji yainda mumuunda wa Edeni. Bazyali besu bakusaanguna, ba Adamu a Eva, bakabisya. Aboobo, bakafwa. Andiswe tulafwa akaambo kakuti twakakona cibi kuli Adamu a Eva.—Amubone Bupanduluzi Buyungizyidwe 9.\\n4. Ino Adamu nguni, alimwi ino ncinzi ncaakajisi?\\n4 Ciindi Jehova naakalenga muntu wakusaanguna, Adamu, wakamupa cintu cimwi ciyandika kapati. Wakapa Adamu buumi bulondokede. Adamu wakajisi mizeezo iilondokede alimwi amubili uulondokede. Tanaakali kukonzya kuciswa, kucembaala alimwi akufwa pe. Kuyungizya waawo, akaambo kakuti Jehova ngookamulenga Adamu, nkokuti Leza wakali mbuli kuti ngousyi. (Luka 3:38) Ciindi aciindi Jehova wakali kwaambaula anguwe. Cakusalazya Leza wakaambila Adamu ncaakali kuyanda kulinguwe alimwi wakamupa mulimo uukkomanisya.—Matalikilo 1:28-30; 2:16, 17.\\n5. Ino Bbaibbele nolyaamba kuti Adamu wakalengwa “mucinkozya ca Leza” lipandulula nzi?\\n5 Adamu wakalengwa “mucinkozya ca Leza.” (Matalikilo 1:27) Jehova wakamupa bube mbuli mbwajisi walo mwini, bube mbuli luyando, busongo, bululami alimwi anguzu. Wakapa Adamu nguzu zyakulisalila. Adamu tanaakali mbuli cilobboti naa muncini uutayeeyi. Leza wakamulenga kuti kakonzya kulisalila kucita ziluzi naa zitaluzi. Ikuti naakasala kumvwida Leza, Adamu naakazumanana kupona mane kukabe kutamani mu Paradaiso.\\n6. Ncinzi Adamu ncaakasweekelwa akaambo kakutamvwida Leza? Ino eeci citujatikizya buti swebo?\\n6 Ciindi Adamu naakazangila Leza akupegwa cisubulo calufwu, wakasweekelwa kapati. Wakasweekelwa cilongwe citaliboteli a Jehova, ibuumi bulondokede, alimwi abusena bubotu kapati mbwaakali kukkala bwamu Paradaiso. (Matalikilo 3:17-19) Adamu a Eva bakacita caali kutamumvwida Leza, aboobo bakanyina bulangizi buli boonse bwakupona kumbele. Akaambo kaceeco ncaakacita Adamu, ‘icibi cakanjila munyika kwiinda mumuntu omwe alufwu kwiinda mucibi, eelyo lufwu lwakasikila bantu boonse nkaambo boonse bakabisya.’ (Baroma 5:12) Ciindi Adamu naakabisya, ‘wakalisambala’ lwakwe mwini kubikkilizya andiswe mubuzike bwacibi alufwu. (Baroma 7:14) Sena swebo tulijisi bulangizi buli boonse? Inzya nkobuli.\\n7, 8. Ino cinunuzyo ninzi?\\n7 Ino cinunuzyo ninzi? Mubufwaafwi, cinunuzyo cijatikizya zintu zyobilo. Cakusaanguna, cinunuzyo mweelwe wamali aabbadelwa kutegwa muntu umwi aangununwe naa kuti cintu cimwi cinununwe. Cabili, cinunuzyo ncintu cilungwa naa kubbadelwa iceelene amuulo wacintu eeco cibbadelelwa.\\n8 Kunyina muntu naba omwe iwakali kukonzya kubbadelela mulandu mupati kapati ngwaakacita Adamu ciindi naakabisya akutuletela lufwu. Nokuba boobo, Jehova wakabamba nzila yakutwaangununa kucibi alufwu. Lino atwiiye mbocibeleka cinunuzyo alimwi ambotukonzya kugwasyigwa ancico.\\nJEHOVA MBWAAKAPA CINUNUZYO\\n9. Ino ncinunuzyo icili buti cakali kuyandika?\\n9 Kunyina naba omwe akati kesu wakali kukonzya kupa cinunuzyo cabuumi bulondokede mbwaakasweekelwa Adamu. Nkaambo nzi? Nkaambo swebo toonse tatulondokede pe. (Intembauzyo 49:7, 8) Cinunuzyo icakeelede kupegwa mbuumi abumbi bulondokede bwamuntu. Nkakaambo kaako ciitwa kuti “cinunuzyo ceelene.” (1 Timoteyo 2:6) Cinunuzyo icakali kuyandika nceeco cijisi muulo iweelene abuumi mbwaakasweekelwa Adamu.\\n10. Ino Jehova wakacita buti kuti ape cinunuzyo?\\n10 Ino mbuti Jehova mbwaakapa cinunuzyo? Jehova wakatuma Mwanaakwe ngwayandisya kapati kuti aboole anyika. Ooyu Mwanaakwe, Jesu, nguwakali cilenge cakwe cakusaanguna. (1 Johane 4:9, 10) Jesu wakalisungula kusiya Bausyi alimwi akuzwa kujulu nkwaakali kukkala. (Bafilipi 2:7) Jehova wakalonzya Jesu kuzwa kujulu akumuleta anyika, aboobo Jesu wakazyalwa kali muntu uulondokede, uutakwe cibi.—Luka 1:35.\\nJehova wakapa Mwanaakwe ngwayandisya kuti abe cinunuzyo cesu\\n11. Ino muntu omwe wakaba buti cinunuzyo cabantu boonse?\\n11 Muntu wakusaanguna, Adamu, wakapa kuti bantu boonse basweekelwe buumi bulondokede ciindi naatakamvwida Jehova. Sena kuli muntu umbi iwakali kukonzya kumana lufwu ilwakasikila bana ba Adamu boonse? Inzya. (Amubale Baroma 5:19.) Jesu, walo iwatakacita cibi nociba comwe, wakapa buumi bwakwe bulondokede kuti bube cinunuzyo. (1 Bakorinto 15:45) Buumi bwakwe bulondokede bwakali kukonzya kubelesyegwa kumana lufwu ndobakakona bana ba Adamu boonse.—1 Bakorinto 15:21, 22.\\n12. Ino nkaambo nzi Jesu ncaakapengela kapati?\\n12 Bbaibbele lilaamba mbwaakapenga kapati Jesu katanafwa. Wakakwibbaulwa calunya, kugagailwa aacisamu cakupenzyezya, akufwa lufwu lucisa alimwi lutola ciindi cilamfwu. (Johane 19:1, 16-18, 30) Ino nkaambo nzi Jesu ncaakapengela kapati boobu? Nkaambo Saatani wakatwanga kuti kunyina muntu uukonzya kusyomeka kuli Leza ikuti wasunkwa citaambiki. Jesu wakatondezya kuti muntu uulondokede ulakonzya kusyomeka kuli Leza nokuba kuti wapenga citaambiki. Amuyeeyele buyo mbwaakakkomana Jehova akaambo kancaakacita Jesu!—Tusimpi 27:11; amubone Bupanduluzi Buyungizyidwe 15.\\n13. Ino cinunuzyo cakabbadelwa buti?\\n13 Ino cinunuzyo cakabbadelwa buti? Jesu wakapa Bausyi muulo wabuumi bwakwe. Mu Nisani 14, 33 C.E. kweelana akkalenda yaba Juda, Jehova wakalekela kuti Jesu ajaigwe abasinkondonyina. (Bahebrayo 10:10) Nokwakainda mazuba otatwe kuzwa waawo, Jehova wakamubusya Jesu kuzwa kubafwu, katali muntu wanyama, pele kajisi mubili wamuuya. Mpoonya naakapiluka kujulu kuli Bausyi, Jesu wakapa Jehova muulo wabuumi bwakwe bulondokede kabuli cinunuzyo. (Bahebrayo 9:24) Lino mbwaanga cinunuzyo cakabbadelwa, tulijisi coolwe cakwaangununwa kucibi alufwu.—Amubale Baroma 3:23, 24.\\nMBOMUKONZYA KUGWASYIGWA ACINUNUZYO\\n14, 15. Ncinzi ncotweelede kucita kutegwa tulekelelwe zibi zyesu?\\n14 Noliba lino tulagwasyigwa acipego ca Leza cipati kwiinda zyoonse. Atubone mbotugwasyigwa ciindi cino alimwi ambotuyakugwasyigwa kumbele.\\n15 Tulalekelelwa zibi. Nciyumu kucita zintu zibotu ciindi coonse. Tulalubizya, alimwi zimwi ziindi tulaamba akucita zintu zitali kabotu. (Bakolose 1:13, 14) Ino inga twalekelelwa buti? Tweelede kuusa ncobeni akaambo kacibi ncotwacita alimwi akumulomba Jehova cakulicesya kuti atulekelele. Kwiinda mukucita boobo, tulakonzya kuba alusyomo lwakuti twalekelelwa zibi.—1 Johane 1:8, 9.\\n16. Ncinzi ncotweelede kucita kutegwa tube aamanjezyeezya mabotu?\\n16 Tulakonzya kuba amanjezyeezya mabotu. Ciindi manjezyeezya eesu naatwaambila kuti twacita cintu citali kabotu, tulalipa mulandu, ambweni buya tulimvwa bubi alimwi akulimvwa kubula mulimo. Pele tatweelede kugolelwa maano akucileka pe. Ikuti twamulomba Jehova camoyo woonse kuti atulekelele, ncobeni ulakonzya kutuswiilila akutulekelela. (Bahebrayo 9:13, 14) Jehova uyanda kuti tumwaambile kufwumbwa mapenzi alimwi akulezya nkotujisi. (Bahebrayo 4:14-16) Kwiinda mukucita boobo, tulakonzya kuba muluumuno a Leza.\\n17. Ino nzileleko nzi nzyotukonzya kujana akaambo kakuti Jesu wakatufwida?\\n17 Tulijisi bulangizi bwakupona kukabe kutamani. “Cakuvwola cacibi ndufwu, pele cipego ncapa Leza mbuumi butamani kwiinda muli Kristo Jesu Mwami wesu.” (Baroma 6:23) Akaambo kakuti Jesu wakatufwida, tulakonzya kupona mane kukabe kutamani akukkomana abuumi bulondokede, kakunyina kuciswa. (Ciyubunuzyo 21:3, 4) Pele ino ncinzi ncotweelede kucita kutegwa tukajane zileleko eezyi?\\nSENA MULACIZUMINA CINUNUZYO?\\n18. Ino tuzyi buti kuti Jehova ulatuyanda?\\n18 Amuyeeye buyo mbomukkomana mumoyo ciindi muntu umwi namupa cipego citaliboteli. Cinunuzyo ncipego ciyandika kapati kwiinda zyoonse, aboobo tweelede kumulumba kapati Jehova akaambo kancico. Lugwalo lwa Johane 3:16 lutwaambila kuti, “Leza wakaiyanda kapati nyika cakuti wakapa Mwanaakwe simuzyalwaalikke.” Masimpe, Jehova ulatuyanda kapati cakuti wakatupa Mwanaakwe ngwayandisya, Jesu. Alimwi tulizyi kuti awalo Jesu ulatuyanda, nkaambo wakalisungula kutufwida. (Johane 15:13) Cipego cacinunuzyo ceelede kumupa kusyoma kuti Jehova alimwi a Jesu balamuyanda nywebo kumugama.—Bagalatiya 2:20.\\nNotwiiya kujatikizya Jehova, citupa kuba balongwe bakwe alimwi akumuyanda kapati\\n19, 20. (a) Mbuti mbomukonzya kuba mulongwe wa Jehova? (b) Ino inga mwatondezya buti kuti mulacizumina cipaizyo cacinunuzyo ca Jesu?\\n19 Mbokunga lino mwaiya luyando lupati ndwaakatondezya Leza, mbuti mbomukonzya kuba mulongwe wakwe? Tacili cuuba-uba kuyanda muntu ngomutazyi. Lugwalo lwa Johane 17:3 lwaamba kuti tulakonzya kumuzyiba Jehova. Kwiinda mukucita boobo, luyando ndomujisi kulinguwe luyookomena, munooyanda kumukkomanisya ciindi coonse, alimwi muyooba balongwe bakwe. Aboobo amuzumanane kwiiya kujatikizya Jehova kwiinda mukwiiya Bbaibbele.—1 Johane 5:3.\\n20 Amucizumine cipaizyo cacinunuzyo ca Jesu. Bbaibbele lyaamba kuti “ooyo uumusyoma Mwana ulaabuumi butamani.” (Johane 3:36) Ino kusyoma caamba nzi? Caamba kucita nzyaakatuyiisya Jesu. (Johane 13:15) Tatweelede kwaamba buyo amulomo kuti tulamusyoma Jesu. Kutegwa tucizumine cinunuzyo, tweelede kutondezya lusyomo mumilimo. Kulugwalo lwa Jakobo 2:26, tubala kuti: “Lusyomo lunyina milimo lulifwide.”\\n21, 22. (a) Nkaambo nzi ncotweelede kujanika ku Ciibalusyo calufwu lwa Kristo mwaka amwaka? (b) Ncinzi ciyakubandikwa mu Zibalo 6 alimwi a 7?\\n21 Amujanike ku Ciibalusyo calufwu lwa Kristo. Mangolezya katanafwa Jesu, wakatulailila kuti tweelede kucita ciibalusyo calufwu lwakwe. Tulacita oobo mwaka amwaka, alimwi ciitwa kuti Ciibalusyo naa “Mulalilo wa Mwami.” (1 Bakorinto 11:20; Matayo 26:26-28) Jesu uyanda kuti katuyeeya lyoonse kuti wakapa buumi bwakwe bulondokede kabuli cinunuzyo cesu. Wakaamba kuti: “Kamucita oobu lyoonse kutegwa kamundiyeeya.” (Amubale Luka 22:19.) Ciindi nomujanika ku Ciibalusyo, mutondezya kuti mulaciyeeya cinunuzyo alimwi muliluyeeyede luyando lupati ndwaakatutondezya Jehova alimwi a Jesu.—Amubone Bupanduluzi Buyungizyidwe 16.\\n22 Cinunuzyo ncipego cipati kwiinda zipego zyoonse nzyotukonzya kupegwa. (2 Bakorinto 9:14, 15) Cipego eeci cibotu kapati ciyakugwasya alimwi amamiliyoni aabantu aabo bafwide. Zibalo 6 alimwi a 7 zibandika mbociyakukonzyeka eeci.\\nKAAMBO KAMASIMPE 1: TOONSE TUYANDIKA CINUNUZYO\\n‘Mwanaamuntu wakaboola kuti ape buumi bwakwe kutegwa bube cinunuzyo cakununuzya banji.’—Matayo 20:28\\nNkaambo nzi ncotuyandika cinunuzyo?\\nCiindi Adamu naatakamvwida Leza, wakasweekelwa buumi bulondokede, cilongwe cilibedelede a Jehova, alimwi abusena bubotu kapati mbwaakali kukkala bwamu Paradaiso.\\nAkaambo kaceeco ncaakacita Adamu, swebo twakakona cibi alufwu.\\nCinunuzyo ninzila njabelesya Jehova kunununa bantu kucibi alufwu.\\nKAAMBO KAMASIMPE 2: JEHOVA WAKAPA CINUNUZYO\\n“Leza wakatuma Mwanaakwe simuzyalwaalikke munyika ikutegwa tukonzye kuba abuumi kwiinda mulinguwe.”—1 Johane 4:9\\nIno mbuti Jehova mbwaakapa cinunuzyo?\\nIntembauzyo 49:7, 8\\nTaakwe naba omwe akati kesu uukonzya kupa cinunuzyo cakununuzya buumi bulondokede mbwaakasweekelwa Adamu.\\nJehova wakatuma Mwanaakwe ngwayandisya aanyika kuti azyikuzyalwe kali muntu uulondokede.\\nBaroma 3:23, 24; Bahebrayo 9:24\\nNaakabusyigwa Jesu, wakapiluka kujulu, ooko nkwaakapa muulo wabuumi bwakwe bulondokede kuli Jehova kacili cinunuzyo.\\nKAAMBO KAMASIMPE 3: CINUNUZYO CITUPA BULANGIZI BWINI-BWINI\\n“Uyoosindula misozi yoonse kumeso aabo, alimwi lufwu talukabi limbi.”—Ciyubunuzyo 21:4\\nIno inga twagwasyigwa buti acinunuzyo?\\n1 Johane 1:8, 9\\nZibi zyesu zilakonzya kulekelelwa.\\nBahebrayo 9:13, 14\\nTulakonzya kuba amanjezyeezya mabotu kuli Leza.\\nTujisi bulangizi bwakupona kukabe kutamani.\\nCipego cacinunuzyo cipa bumboni bwakuti Jehova alimwi a Jesu balatuyanda ncobeni.\\nKAAMBO KAMASIMPE 4: TWEELEDE KUCIZUMINA CINUNUZYO\\n“Leza . . . wakapa Mwanaakwe simuzyalwaalikke, kutegwa muntu uuli woonse uumusyoma . . . abe abuumi butamani.”—Johane 3:16\\nMbuti mbotukonzya kutondezya kuti tulalumba akaambo kacipego ncaakatupa Leza cacinunuzyo?\\nTweelede kumuzyiba Jehova a Jesu, alimwi akubaiya nzyobacita.\\nTweelede kujanika ku Ciibalusyo calufwu lwa Kristo mwaka amwaka.\\nJohane 3:36; Jakobo 2:26\\nTatweelede kwaamba buyo kuti tulamusyoma Jesu. Tweelede kucita eezyo nzyaakatuyiisya Jesu.\\nZibalo Zigwasya Nomwiiya\\nIcinunuzyo—Ncipego ca Leza Ciinda Zyoonse (Cibeela 1)\\nIcinunuzyo​—Ncipego ca Leza Ciinda Zyoonse (Cibeela 2)\\nIno Leza Ujisi Makanze Nzi Kujatikizya Ndiswe?\\nCIBALO 1 Ino Leza Nguni?\\nCIBALO 2 Bbaibbele Ndibbuku Lyakazwa Kuli Leza\\nCIBALO 3 Ino Leza Ujisi Makanze nzi Kujatikizya Bantu?\\nCIBALO 4 Ino Jesu Kristo Nguni?\\nCIBALO 5 Cinunuzyo Ncipego ca Leza Cipati Kwiinda Zyoonse\\nCIBALO 6 Ino Muntu Afwa Uunka Kuli?\\nCIBALO 7 Kuyooba Bubuke!\\nCIBALO 8 Ino Bwami bwa Leza Ninzi?\\nCIBALO 9 Sena Mamanino Aanyika Alaafwaafwi?\\nCIBALO 10 Makani Aamasimpe Kujatikizya Bangelo\\nCIBALO 11 Nkaambo Nzi Ncokuli Kupenga Kapati?\\nCIBALO 12 Mbuti Mbomukonzya Kuba Mulongwe wa Leza?\\nCIBALO 13 Amubulemeke Buumi\\nCIBALO 14 Mulakonzya Kukkomana Mumukwasyi Wanu\\nCIBALO 15 Nzila Iiluzi Yakukomba Leza\\nCIBALO 16 Amusale Kukomba Leza\\nCIBALO 17 Coolwe Ncotujisi Cakupaila\\nCIBALO 18 Sena Ndeelede Kulyaaba Kuli Leza Akubbapatizyigwa?\\nCIBALO 19 Amuzumanane Kuba Acilongwe Ciyumu a Jehova\\nMabala Amusale naa muyanda kukkopa zyakamwaigwa Ncinzi Bbaibbele Ncolituyiisya?\\nSena Mubili wa Jesu Wakali Wanyama naa Wamuuya Naakabusyigwa?","num_words":1981,"character_repetition_ratio":0.056,"word_repetition_ratio":0.0,"special_characters_ratio":0.182,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Myeelwe 13 IBBAIB63 - Lino Jehova wakaambila Musa kuti, - Bible Search\\nMyeelwe 12 Myeelwe 14\\nBasikutwela mbubakatumma kubona nyika ya-Kanana\\n1Lino Jehova wakaambila Musa kuti, 2-Tuma bantu kuyootwela nyika ya-Kanana njindapa bana ba-Israyeli. Tuma muntu omwe omwe kumusyobo umwi aumwi. Boonse babe bazuluzi. 3Mpoonya awo Musa wakabatuma kuzwa kunkanda ya-Parana, mbubonya mbwaakalailila Jehova, Bantu boonse bakali bazuluzi akati kabana ba-Israyeli. 4Ngaaya mazina aabo: kumusyobo wa-Rubeni, Samua mwana wa-Zakuri; 5kumusyobo wa-Simeoni, Safati mwana wa-Hori; 6-kumusyobo wa-Juda, Kalebe mwana wa-Jefune, 7kumusyobo wa-Isakara, Igali mwana wa-Josefa; 8kumusyobo wa-Efraimu, Hosea mwana wa-Nuni; 9kumusyobo waBenjamini, Paliti mwana wa-Rafu; 10kumusyobo wa-Zebuloni, Gadiyeli mwana wa-Sodi; 11kumusyobo wa-Josefa, nkokuti musyobo wa-Manase, Gadi mwana wa-Susi; 12kumusyobo wa-Dani, Amiyeli mwana wa-Gemali; 13kumusyobo wa-Aseri, Seturi mwana wa-Mikayeli; 14kumusyobo wa-Nafitali, Nabi mwana wa-Vopisi; 15kumusyobo wa-Gadi, Geyueli mwana wa-Maki. 16-Ngengao mazina aabantu mbaakatuma Musa kuyootwela nyika. Nkabela Hosea mwana wa-Nuni, Musa wakamuulika izina lya-Joshua.\\n17-Lino Musa wakabatuma kuyootwela nyika ya-Kanana, nkabela wakabaambila kuti, Kamuya kucisi caku-Negebi akuzilundulundu, 18mukabone nyika mbwiibede, abantu bakede mulinjiyo, na mbayumu na mbabombe, na mbace na mbanji; 19mubone nyika njibakede pa nimbotu na nimbi, aminzi njibakede na malabba buyo na ili amabaya, 20-anyika mbiibede, na njambolezi na njankanda, alimwi na muli misamu mulinjiyo na pe. Amu-yume, mukalete imwi micelo yamunyika, Lino ciindi eco cakali ciindi camasaansa naatalika kubizwa.\\n21Mpawo bakainka kuyootwela nyika yoonse kuzwa kunkanda ya-Zini kusikila ku-Rehobi uubambene amanjililo aa-Hamati. 22-Bakaya kuNegebi akusika ku-Hebroni. Nkabela Ahimani a Sesai a-Talimai, bana ba-Anaki, mpobakakede. (Hebroni wakayakwa myaka iili musanu aibili kuutana kuyakwa Zoani waku-Egepita.) 23Basike buyo kukalonga kaEsikoli, bakatyola nkukonya oko mutabi iwakali acikungo camasaansa, bacitemba bobile, alimwi bakacela-cela mapomegranite ankuyu. 24Lino kuntu oko kwakaulikwa izina lya-Esikoli, nkokuti cikungo, nkaambo kacikungo ncibakatyola bana ba-Israyeli oko.\\n25Amane mazuba aali makumi one, bakaboola kuzwa kukutwela nyika. 26Lino bakasika kuli-Musa a-Aroni ambungano yoonse yaba-Israyeli kuKedesi mu nkanda ya-Parana, nkabela bakabaletela impuwo, balo ambungano yoonse yabantu, akuba tondezya micelo yanyika. 27-Nkabela bakabalwiida, bati, Twakaakusika kunyika nkumwakatutuma. Ncobeni ilakunka malili abuci; njeeyi micelo yayo. 28-Pele bantu bakede munyika mbayumu, aminzi iili ama baya, alimwi mipati, Nkabela twakabona bana ba-Anaki nkuko. 29-Ba-Amaleki mbebakakede munyika ya-Negebi; ba-Hiti abaJebusi aba-Amori mbebakede kuzilundulundu; aba-Kanana balikede kumbali alwizi akunkomwe zya-Jordano.\\n30-Mpawo Kalebi wakatontozya myoyo yabantu kubusyu bwa-Musa, wati, Ne! Atweende, tukaivube, nkaambo ncobeni tulakonzya kwiizunda. 31Pele bantu mbaakeenda abo bakati, Tatukonzyi kuyoolwisya bantu abo, pe, nkaambo mbayumu kwiinda ndiswe. 32-Aboobo bakaletela bana baIsrayeli impuwo imbi yanyika eyo njibakaakutwela, Bakati, Nyika eyo njitwakaakutwela ninyika iikonzya kulya bantu bayo, abantu boonse mbetwakabona nkuko majompojompo. 33-Alimwi nkukonya oko twakabona babbabbani, nkabela swebo mumeso esu amumeso aabo twakalitenga.","num_words":404,"character_repetition_ratio":0.064,"word_repetition_ratio":0.0,"special_characters_ratio":0.19,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"“Kuli Leza Zintu Zyoonse Zilakonzyeka” | Ba Natela Grigoriadis\\nBa Natela Grigoriadis\\nBUUMI BWABO MUBUFWAAFWI Nobakabbapatizyigwa buyo, ba Natela bakabelesya luzyibo lwabo alimwi abantu mbobakazyi mbwaanga bakali basikusambala zintu, ikugwasyilizya mulimo wakupulinta cakusisikizya.\\nLYAMISWAANGANO yesu kumamanino aamyaka yamuma 1980, sikweendelezya Ciiyo ca Ngazi Yamulindizi alikke nguwakali kuba akkopi yamagazini, alimwi kanji-kanji yakali yakulembwa aamaanza. Ndakabandika aba Genadi Gudadze, umwi wabaalu, akupa muzeezo wakuti tusole kutalika kulipulintila mamagazini eesu.\\nKuzikusika aciindi eeci, bakwesu bakali kubelesya muncini uukkopolola uutegwa mimeograph kukkopa mabbuku masyoonto. Kutegwa kabasimba mamagazini lyoonse, bakeelede kuba aamuncini ooyu uuli kabotu, sikutaipa uucibwene, muncini wakusimbila wiitwa kuti typewriter, alimwi abusena kwakujana mapepa aakubelesya lyoonse. Nokuba boobo, zibelesyo zyoonse zyakubelesya mukusimba naaba mapepa, zyakalilembesyedwe kumfwulumende alimwi zyakali kweendelezyegwa munzila yaalubazu kapati.\\nNdakajana muncini wiitwa kuti typewriter, kwiinda mukugwasyigwa amweenzuma ngotwakali kubeleka limwi walo iwakali kukonzya kuba amincini eeyi yakasoogwa iyatakacili kweendelezyegwa aamfwulumende. Musyoonto wangu musimbi wakalicizyi kutaipa aboobo wakali kukonzya kutugwasya. Bakwesu bakapanga muncini mupya wakubelesya kukkopolola uutegwa mimeograph alimwi bakajana busena bwakuula mapepa. Zintu zyoonse zyakatalika kweenda buyo kabotu, aboobo tiilyakalampa magazini yesu yakusaanguna ya Ngazi Yamulindizi yakamwaigwa mumwaambo waci Georgian.\\nPele kwakaba buyumuyumu abumbi bupya. Bumwi buzuba, ba Genadi bakandaambila kuti: “Tweelede kujana busena bumbi bwakuula mapepa.” Bakabona mabbokesi aamapepa kuofesi iyakali kweendelezyegwa aamfwulumende pele tiibakali kukonzya kuula balo nkaambo bakali kulangililwa aabamapulisa. Ino twakali kuyakwaawula buti? Cakwiinduluka-induluka ndakaamba kuti: “Tacikonzyeki!” Kumane ba Genadi bakaingula boobu cakusinizya: “Kamuleka kwaamba kuti ‘tacikonzyeki.’ ‘Kuli Leza zintu zyoonse zilakonzyeka’!”—Mt. 19:26.\\nNdakazumanana kwaayeeya majwi aaya pele kumwi kandiyoowede ciindi nondakali kuunka kuofesi yamfwulumende buzuba bwakatobela. Jehova wakandisololela kuli sikutaipa iwakali kabotu, iwakalisungwide kwaambila kumupati-pati wabo kulomba kwangu. Alimwi wakali mulumi wakwe! Tiilyakalampa ndakatalika kuula mapepa kuofesi eeyi, alimwi kuzwa buzuba oobo kunyina notwakaba apenzi lyakubula mapepa.","num_words":274,"character_repetition_ratio":0.053,"word_repetition_ratio":0.0,"special_characters_ratio":0.141,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ngazi Yamulindizi | No. 2 2016\\nAMUBALE MU Acholi Afrikaans Albanian Amharic Arabic Armenian Aukan Aymara Azerbaijani Azerbaijani (Cyrillic) Baoule Bashkir Bassa (Cameroon) Batak (Karo) Batak (Toba) Bengali Bicol Boulou Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chokwe Chol Cibemba Cinyanja Croatian Czech Dangme Danish Dutch Efik English Estonian Ewe Fijian Finnish Fon French Ga Garifuna Georgian German Greek Greenlandic Guarani Gujarati Gun Haitian Creole Hausa Hebrew Hiligaynon Hindi Hiri Motu Hmong (White) Hungarian Iban Ibanag Icelandic Igbo Iloko Indonesian Isoko Italian Japanese Javanese Kabiye Kannada Karen (S'gaw) Kazakh Kikamba Kikaonde Kikongo Kikuyu Kiluba Kimbundu Kinyarwanda Kirghiz Kiribati Kirundi Kisi Kisonge Kongo Korean Krio Kurdish Kurmanji (Caucasus) Kurdish Kurmanji (Cyrillic) Kwangali Kwanyama Lamba Lhukonzo Lingala Lithuanian Luganda Lunda Luo Luvale Macedonian Macua Malagasy Malay Malayalam Maltese Mam Mambwe-Lungu Marathi Mauritian Creole Maya Mazatec (Huautla) Mixe (North Central) Mizo Moore Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndau Ndebele Ndebele (Zimbabwe) Ndonga Ngabere Ngangela Nias Norwegian Nyaneka Nyungwe Nzema Oromo Ossetian Otetela Pangasinan Papiamento (Aruba) Papiamento (Curaçao) Persian Pidgin (Cameroon) Polish Portuguese Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Imbabura) Rarotongan Romanian Runyankore Russian Samoan Sango Saramaccan Sena Sepedi Serbian (Cyrillic) Serbian (Roman) Sesotho (Lesotho) Setswana Seychelles Creole Shona Sidama Silozi Sinhala Slovak Slovenian Solomon Islands Pidgin Spanish Sranantongo Swahili Swahili (Congo) Swati Swedish Tagalog Tahitian Tamil Tatar Telugu Tetun Dili Thai Tigrinya Tiv Tojolabal Tok Pisin Totonac Tshiluba Tshwa Tsonga Turkish Tuvaluan Twi Tzeltal Tzotzil Ukrainian Umbundu Urhobo Uruund Venda Vietnamese Waray-Waray Wayuunaiki Xhosa Yoruba Zande Zapotec (Isthmus) Zulu\\nMAKANI AAYEEME AMUTWE UULI ACIVWUMBYO\\nNkaambo Nzi Jesu Ncaakapengela Akufwa?\\n“Mbubonya cibi mbocakanjila munyika kwiinda mumuntu omwe [Adamu] alufwu kwiinda mucibi.”—Baroma 5:12\\nIno inga mwaingula buti kuti mwabuzyigwa kuti, “Sena mulayanda kupona kukabe kutamani?” Bantu banji balakonzya kwaamba kuti balayanda pele balimvwa kuti tacigwasyi kubandika makani aaya. Baamba kuti, lufwu nkoluli talutijigwi.\\nPele mbuti kuti mubuzyo nguwenya wacincwa mpoonya mwabuzyigwa kuti, “Sena mulilibambilide kufwa?” Cakutadooneka, bantu banji inga baingula kuti peepe. Ino eeci citondezya nzi? Tacikwe makani amasunko alimwi abuyumuyumu mbotujana, kweelana abuntu bwesu tulombozya kupona. Bbaibbele litondezya kuti Leza wakabalenga bantu kabajisi luyandisisyo lwakupona. Mubwini lyaamba kuti, “wabikka abuumi butamani mumyoyo yabo.”—Mukambausi 3:11.\\nNokuba boobo, bwini mbwakuti, bantu tabakonzyi kupona kukabe kutamani. Aboobo, ino ncinzi cakalubila? Kuyungizya waawo, sena Leza kuli ncacitide kululamika zintu? Bwiinguzi bwamu Bbaibbele bulakulwaizya alimwi buliswaangene akaambo Jesu ncaakapengela akufwa.\\nZyaandaano zyakusaanguna zyotatwe zyabbuku lyamu Bbaibbele lya Matalikilo zitwaambila kuti Leza wakabapa bulangizi bwabuumi butamani banabukwetene bakusaanguna ba Adamu a Eva, alimwi wakabaambila ncobakeelede kucita kutegwa babujane buumi oobo. Kumane cibalo cilaamba mbobakaalilwa kumvwida Leza alimwi akusweekelwa bulangizi oobu. Cibalo tacikatazyi kumvwa cakuti bamwi bayeeya kuti ncaano buyo. Mbuli mabbuku aa Makani Mabotu, alyalo bbuku lya Matalikilo lilatondezya mbocili camasimpe cibalo caamba makani aakaindi. *\\nNcinzi cicitikide akaambo kakutamvwida kwa Adamu? Bbaibbele liingula boobu: “Mbubonya cibi mbocakanjila munyika kwiinda mumuntu omwe alufwu kwiinda mucibi, eelyo lufwu lwakasikila bantu boonse nkaambo boonse bakabisya.” (Baroma 5: 12) Kwiinda mukutamvwida Leza, Adamu wakabisya. Aboobo wakasweekelwa coolwe cabuumi butamani mpoonya wakafwa. Mbotuli bana bakwe, twakakona cibi cakwe. Akaambo kaceeci, tulaciswa, tulacembaala alimwi akufwa. Bupanduluzi oobu ibwaamba kaambo ncotufwida, buleendelana anzyotuzi mazuba aano kujatikizya kukona bube kuzwa kubazyali. Pele sena Leza kuli ncacitide kutegwa zintu zilulame?\\nLeza wakapanga bubambe bwakunununa, naa kujola ceeco Adamu ncaakasweekelwa alunyungu lwakwe, nkokuti bulangizi bwabuumi butamani. Ino Leza wakacizuzikizya buti eeco?\\nKulugwalo lwa Baroma 6:23 Bbaibbele lyaamba kuti: “Cakuvwola cacibi ndufwu.” Eeci caamba kuti lufwu lwakaboola akaambo kacibi. Adamu wakabisya, aboobo wakafwa. Mbubwenya buyo tulabisya, aboobo ncotujana ncakuvwola cacibi, nkokuti lufwu. Pele twakazyalwa mucibi nokuba kuti swebo lwesu tiitwakabisya. Aboobo, caluyando Leza wakatuma Mwanaakwe Jesu, kutegwa atununune kuzwa ‘kucakuvwola cazibi’ zyesu. Ino eeci cikonzyeka buti?\\nLufwu lwa Jesu lujalula nzila iisololela kubuumi butamani, bukkomanisya\\nMbwaanga muntu omwe, uulondokede Adamu, wakaleta cibi alufwu kulindiswe akaambo kakutamvwida, muntu uulondokede uumvwida kusikila kulufwu wakali kuyandika kutegwa atwaangunune kucibi alufwu. Bbaibbele lipandulula boobu: “Mbubonya ibanji mbobakaba basizibi kwiinda mukutamvwida kwamuntu omwe, mbubonya buyo kwiinda mukumvwida kwamuntu omwe ibanji bayooba balulami.” (Baroma 5:19) Jesu ngowakali ‘muntu omwe.’ Wakazwa kujulu, wakaba muntu uulondokede *, akufwa akaambo kandiswe. Akaambo kaceeci, cilakonzyeka kulindiswe kumvwana a Leza akuba acoolwe cakupona kukabe kutamani.\\nJESU NCAAKAPENGELA AKUFWA\\nNkaambo nzi ncocakali kuyandika kuti Jesu afwe kutegwa azuzikizye makanze aaya? Sena Leza Singuzuzyoonse tanaakali kukonzya buyo kwaambila balunyungu lwa Adamu kuti bazumizyigwa kupona kukabe kutamani? Masimpe kuti wakalijisi nguzu zyakucita boobo. Pele kucita boobo nikwakaba kutalemeka mulawo wakwe wakuti cakuvwola cacibi ndufwu. Mulawo ooyo, makani mapati aatakonzyi kumwaigwa naa kucincwa kutegwa cintu cimwi ceende kabotu. Ulayandika kapati kubululami bwini-bwini.—Intembauzyo 37:28.\\nIkuti Leza naatakacita bululami, bantu nobakatalika kuzumbauzya kuti naa wakali kukonzya kucita oobo amutwaambo tumbi. Mucikozyanyo, sena naatakasalulula caboola kukusala iwakali kweelela kupona kukabe kutamani akati kabana ba Adamu? Sena wakali kukonzya kusyomwa caboola kukuzuzikizya zisyomezyo zyakwe? Kukakatila kwa Leza kubululami kutegwa tujane lufwutuko, ncisinizyo cakuti lyoonse unoocita ziluleme.\\nKwiinda mucipaizyo calufwu lwa Jesu, Leza wakajalula coolwe cabuumi butamani mu Paradaiso anyika. Amubone majwi aa Jesu aalembedwe mulugwalo lwa Johane 3:16 aakuti: “Leza wakaiyanda kapati nyika cakuti wakapa Mwanaakwe simuzyalwaalikke, kutegwa muntu uuli woonse uumusyoma atanyonyoonwi, pele abe abuumi butamani.” Aboobo, lufwu lwa Jesu ncitondezyo cabululami bwa Leza, ikapati luyando lwakwe lupati kubantu.\\nNokuba boobo, nkaambo nzi Jesu ncaakali kuyandika kupenga akufwa munzila iicisa yalo yaambidwe mumabbuku aa Makani Mabotu? Kwiinda mukulibombya mumusunko muyumu kapati alimwi akuzumanana kusyomeka, Jesu wakakazya cakumaninina kutamikizya kwa Diabolosi kwakuti bantu tabakonzyi kuzumanana kusyomeka kuli Leza ikuti basunkwa. (Jobu 2:4, 5) Kutamikizya ooku nikwakaboneka kuti nkwamasimpe ciindi Saatani naakayunga Adamu wakalondokede kuti abisye. Pele Jesu ooyo iwakeelene a Adamu kulondoka, wakazumanana kusyomeka nomuba mumapenzi manji. (1 Bakorinto 15:45) Aboobo wakatondezya kuti awalo Adamu naakamumvwida Leza ikuti naakasala kucita oobo. Kwiinda mukuliyumya mumasunko, Jesu wakatusiila citondezyo cibotu cakuti katutobela. (1 Petro 2:21) Leza wakamupa bulumbu Mwanaakwe akaambo kakumvwida cakumaninina, wakapa Jesu buumi butafwi kujulu.\\nLufwu lwa Jesu lwakacitika ncobeni. Nzila iisololela kubuumi butamani ilijalukide. Sena mulayanda kupona kukabe kutamani? Jesu wakatondezya ncotweelede kucita naakati: “Eeci caamba buumi butamani, ikuti bakuzyiba yebo O Leza mwini-mwini ooli olikke, ayooyo ngookatuma, Jesu Kristo.”—Johane 17:3.\\nBalembi bamagazini eeyi bamutamba kuti mwiiye zinji kujatikizya Jehova, Leza wakasimpe, alimwi akujatikizya Mwanaakwe, Jesu Kristo. Bakamboni ba Jehova ibali mucilawo canu bayookkomana kumugwasya. Alimwi mulakonzya kugwasyigwa kwiinda mukuunka a webbusaiti yesu ya, www.jw.org\/toi.\\n^ par. 8 Amubone cibalo cijisi mutwe wakuti “The Historical Character of Genesis,” mubbuku lyakuti Insight on the Scriptures, volume 1, peeji 922, ilyakamwigwa a Bakamboni ba Jehova.\\n^ par. 13 Leza wakalonzya buumi bwa Mwanaakwe kuzwa kujulu kuya mwida lya Mariya, alimwi muuya uusalala wa Leza wakamukwabilila Jesu kuti atakoni kutalondoka kuzwa kuli Mariya.—Luka 1:31, 35.\\n“Kamucita Oobu Lyoonse”\\nBusiku katanafwa, Jesu wakabungana abaapostolo bakwe basyomeka akutalisya Ciibalusyo calufwu lwakwe. Wakabaambila kuti: “Kamucita oobu lyoonse kutegwa kamundiyeeya.” (Luka 22:19) Mukutobela mulawo ooyu, Bakamboni ba Jehova nyika yoonse balabungana kwiibaluka lufwu lwa Jesu mwaka amwaka. Mwaka wamana, bantu basika ku 19,862,783 bakajanika ku Ciibalusyo.\\nMwaka uuno, Ciibalusyo calufwu lwa Jesu ciyoocitwa muli Bwatatu, March 23, lyaakubbila zuba. Twamutamba amaanza obilo nywebo antoomwe amukwasyi wanu alimwi abalongwe banu kuti mukaboole kuzooswiilila makani aamu Bbaibbele. Mumakani aaya, kuyoopandululwa kaambo lufwu lwa Jesu ncoluyandika kapati alimwi ambolukonzya kumugwasya. Takubbadelwi alimwi takubwezelelwi mulumbo. Amubabuzye Bakamboni ba Jehova bakubusena nkomukkala kujatikizya busena alimwi aciindi. Naa kulanga awebbusaiti yesu ya www.jw.org.\\nAmuyeeye Lufwu lwa Jesu\\nTwamutamba kuti mukaswaangane andiswe kumuswaangano ooyu waalubazu. Muyooiya kujatikizya buumi alimwi alufwu lwa Jesu mbozikonzya kumugwasya.\\nMAKANI AAYEEME AMUTWE UULI ACIVWUMBYO Sena Lwakacitika Ncobeni?\\nMAKANI AAYEEME AMUTWE UULI ACIVWUMBYO Nkaambo Nzi Jesu Ncaakapengela Akufwa?\\nSena Banakristo Baleelede Kukomba Kumalende?\\nKubikkila Maano Kukucenjezya Kulakonzya Kumufwutula!\\nZyaandaano Atupango—Ino Nguni Wakazibikka mu Bbaibbele?\\nIno Diabolosi Nguni?\\nMabala Amusale naa muyanda kukkopa zyakamwaigwa NGAZI YAMULINDIZI No. 2 2016 | Nkaambo Nzi Jesu Ncaakapengela Akufwa?\\nNo. 2 2016 | Nkaambo Nzi Jesu Ncaakapengela Akufwa?\\nNGAZI YAMULINDIZI No. 2 2016 | Nkaambo Nzi Jesu Ncaakapengela Akufwa?\\nSena Bbaibbele Lilijisi Makani Aamasimpe Aajatikizya Buumi bwa Jesu?","num_words":1233,"character_repetition_ratio":0.051,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jehova​—Sikutupa Nzyotuyandika Alimwi Sikutukwabilila | Yakwiiya\\nNgazi Yamulindizi—Yakwiiya | February 2014\\nAMUBALE MU Afrikaans Albanian American Sign Language Amharic Arabic Argentinean Sign Language Armenian Aymara Azerbaijani Azerbaijani (Cyrillic) Bengali Bicol Bislama Brazilian Sign Language Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Colombian Sign Language Croatian Czech Dangme Danish Drehu Dutch Efik English Estonian Ewe Finnish French Ga Georgian German Greek Greenlandic Guarani Gujarati Gun Haitian Creole Hebrew Hiligaynon Hindi Hungarian Icelandic Igbo Iloko Indonesian Italian Italian Sign Language Japanese Japanese Sign Language Kannada Kazakh Kikaonde Kikuyu Kimbundu Kinyarwanda Kirghiz Kirundi Kisonge Kongo Korean Krio Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Malayalam Maltese Marathi Maya Mexican Sign Language Myanmar Ndebele Ndonga Nepali Ngabere Norwegian Nyaneka Nzema Oromo Otetela Pangasinan Papiamento (Aruba) Persian Polish Portuguese Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Romanian Russian Russian Sign Language Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swati Swedish Tagalog Tahitian Tajiki Tamil Tatar Telugu Thai Tigrinya Totonac Tshiluba Tsonga Turkish Twi Tzotzil Ukrainian Umbundu Urdu Uzbek Venda Vietnamese Wallisian Waray-Waray Wayuunaiki Wolaita Xhosa Yoruba Zande Zapotec (Isthmus) Zulu\\nJehova—Sikutupa Nzyotuyandika Alimwi Sikutukwabilila\\n“Mbwabikkide moyo wakwe kulindime, njoomuvuna. Njoomusumpula, nkaambo ulizi izina lyangu.”—INT. 91:14.\\nNkaambo nzi ncotukonzya kwaamba kuti Jehova Ngosikutupa nzyotuyandika Mupati?\\nIno mulimo nzi Jesu ngwaacita mukuyanzanya bantu kuli Leza?\\nIno mbuti Jehova mbwabakwabilila aabo bamuyanda alimwi akumumvwida?\\n1, 2. Nkwiindana nzi kuliko kujatikizya bukkale bwamumukwasyi alimwi ambotwakakaiya kasimpe?\\nJEHOVA ngowakatalisya bubambe bwamukwasyi. (Ef. 3:14, 15) Aboobo, nokuba kuti tuzulilwa kumukwasyi omwe, tujisi zilengwa abukkale bwiindene-indene. Ambweni mwali kukkala abazyali banu kuzwa ciindi nomwakazyalwa kusika limwi mwakomena. Bamwi ambweni bakafwidwa bazyali babo, andiza akaambo kakuciswa naa ntenda imwi. Mpoonya bamwi tababazyi bazyali babo.\\n2 Akati kabamukwasyi wabakombi ba Jehova, mbotwakakaiya kasimpe tuliindene. Kweelana ambobaamba bamwi, ambweni ‘mwakakomenena mukasimpe’ alimwi bazyali banu bakamuyiisya njiisyo zya Leza. (Dt. 6:6, 7) Ambweni muli akati kabantu banji ibakaiya kasimpe kwiinda mumulimo wakukambauka uucitwa ababelesi ba Jehova.—Lom. 10:13-15; 1 Ti. 2:3, 4.\\n3. Nzyintu nzi izitucitikila toonse?\\n3 Nokuba kuti kuli twaambo ootu itwaambwa kale, kuli zyintu zimwi zitucitikila toonse. Tulapenga azyintu zibyaabi akaambo kakutamvwida kwa Adamu alimwi twakakona kutalondoka, cibi alimwi alufwu. (Lom. 5:12) Nokuba kuti cili boobo, mbotuli bakombi bakasimpe, cileelela kwiita Jehova kuti ngu “Taateesu.” Kujatikizya bantu ba Leza bansiku ibakasalidwe, lugwalo lwa Isaya 64:8 lwaamba kuti: “Nduwe Taateesu, O Jehova.” Kuyungizya waawo, kumatalikilo aamupailo wacikozyanyo, Jesu wakabelesya mabala aakuti: “Taateesu ooli kujulu, alisalazyigwe zyina lyako.”—Mt. 6:9.\\n4, 5. Kutegwa tugwasyigwe notulanga-langa kulumba kwesu kuli Taateesu, Jehova, nzyintu nzi nzyotweelede kubikkila maano?\\n4 Taateesu wakujulu ulatupa nzyotuyandika alukwabililo mbotuli bantu baita zyina lyakwe calusyomo. Sintembauzyo wakazubulula majwi aa Leza kaamba kuti: ‘Mbwabikide moyo wakwe kulindime mukombi wakasimpe, njoomuvuna. Njoomusumpula, nkaambo ulizi izina lyangu.’ (Int. 91:14) Masimpe, Jehova Leza caluyando ulapa maccijilo kuzwa kuli basinkondoma alimwi ulatukwabilila mbotuli bantu bakwe kutegwa tutanyonyoonwi cakumaninina.\\n5 Kutegwa tuzumanane kumulumba Taateesu wakujulu, atulange-lange mbazu zyotatwe iziyandika: (1) Taateesu Ngosikutupa nzyotuyandika. (2) Jehova Ngosikutukwabilila. (3) Alimwi Leza Mulongwe wesu uubainda boonse. Notulanga-langa mbazu eezyi, atuzinzibale kuyeeya cilongwe cesu a Leza alimwi akubona mbotukonzya kumulemeka Taateesu. Kuyungizya waawo, tulagwasyigwa kwiinda mukulanga-langa zilongezyo Jehova nzyabambilide baabo ibaswena kulinguwe.—Jak. 4:8.\\nJEHOVA, SIKUTUPA NZYOTUYANDIKA MUPATI\\n6. Muunzila nzi imwi Jehova mwasinizya kuti Ngosikupa “cipego cibotu cili coonse”?\\n6 Sikwiiya Jakobo wakalemba kuti: “Cipego cibotu cili coonse alimwi acipego cilondokede cili coonse zizwa kujulu, zilaseluka kuzwa kuli Taata wamimuni yakujulu.” (Jak. 1: 17) Buumi ncipego cibotu kuzwa kuli Jehova. (Int. 36:9) Kwiinda mukubelesya buumi bwesu kucita luyando lwa Leza, tulajana zilongezyo zinji lino alimwi akuba abulangizi bwabuumi butamani munyika mpya. (Tus. 10:22; 2 Pe. 3:13) Pele ino eeci inga cakonzyeka buti mbwaanga kuli zyintu zibyaabi akaambo kakutamvwida kwa Adamu?\\n7. Mbuti Leza mbwaajalula nzila kutegwa tube acilongwe anguwe?\\n7 Masimpe, munzila zinji Jehova Ngosikupa nzyotuyandika Mupati. Mucikozyanyo, luzyalo lwakwe lulatugwasya notuyandika kuvwunwa. Inzya, toonse tulabisya alimwi twakakona kutalondoka kuzwa kuli taateesu wakusaanguna waanyika. (Lom. 3:23) Nokuba boobo, akaambo kaluyando lwa Jehova, wakabweza ntaamu yakujalula nzila kutegwa tube acilongwe anguwe. Mwaapostolo Johane wakalemba kuti: “Lino oobu mbolwakayubununwa luyando lwa Leza kulindiswe, nkaambo Leza wakatuma Mwanaakwe simuzyalwaalikke munyika ikutegwa tukonzye kuba abuumi kwiinda mulinguwe. Iluyando lwaambwa waawa taluli akaambo kakuti swebo twali kumuyanda Leza pe, pele walo nguwakatuyanda akutuma Mwanaakwe kuti abe cipaizyo cakumanya zibi zyesu akutuyanzanya a Leza.”—1 Jo. 4:9, 10.\\n8, 9. Ino mbuti Jehova mbwaakatondezya kuti Ngosikutupa Ziyandika Mupati mumazuba aa Abrahamu alimwi a Izaka? (Amubone cifwanikiso icili kumatalikilo aacibalo.)\\n8 Mumwaanda wamyaka wa 19 B.C.E., kwakacitika cintu cimwi cabusinsimi calo icakayubununa bubambe bwa Jehova bwaluyando kubantu bamvwida kutegwa bakakkomane abuumi butamani. Lugwalo lwa Bahebulayo 11:17-19 lupandulula kuti: “Akaambo kalusyomo, Abulahamu naakasunkwa kwakasyeede buyo asyoonto kuti amutuule Izaka—imuntu ooyo iwakatambula zisyomezyo calukkomano wakatalika kutuula mwanaakwe simuzyalwaalikke—nokuba kuti wakaambilidwe kuti: ‘Iluyootegwa ndunyungu lwako luyoozwa muli Izaka.’ Pele wakasyomede kuti Leza wakali kukonzya kumubusya nokuba kuzwa kubafwu, eelyo wakamutambula ncobeni kuzwa kulufwu munzila yacikozyanyo.” Tacikatazyi kubona kukozyanya kuliko. Jehova wakaaba Mwanaakwe, Jesu Kristo, kubantu boonse.—Amubale Johane 3:16, 36.\\n9 Eelo kaka Izaka weelede kuti wakakkomana kuvwunwa kulufwu kali cipaizyo! Cakutadooneka, wakalumba Leza akaambo kabubambe bwakuleta cipaizyo cimbi—mugutu wakapatide mucitewo icakali afwaafwi. (Matl. 22:10-13) Nkakaambo kaako busena oobuya ncobwazikwiitwa kuti “Jehova-jire,” icaamba kuti Jehova uyoopa ziyandika.—Matl. 22:14.\\nBUBAMBE BWAKUYANZANA A LEZA ALIMWI\\n10, 11. Mbaani bali kumbele ‘mumulimo wakuyanzanya,’ alimwi muunzila nzi mobacita oobo?\\n10 Notuzinzibala kuyeeya Jehova mbwatondezya kuti Ngosikutupa nzyotuyandika Mupati, tulalumba kapati kuzyiba mulimo Jesu Kristo ngwacita, mbubwenya mbuli Paulo mbwaakacita naakalemba kuti: “Oobu mbotwasinizya, ikuti muntu omwe wakafwida boonse; aboobo mubwini boonse bakalifwide; alimwi wakafwida boonse kutegwa aabo bapona kabataciliponeni beni, pele kabaponena yooyo iwakabafwida alimwi wakabusyigwa.”—2 Ko. 5:14, 15.\\n11 Akaambo kaluyando ndobajisi kuli Leza alimwi akulumba kwabo kucoolwe cipati cakumubelekela, Banakristo bakusaanguna calukkomano bakautambula “mulimo wakuyanzanya.” Mulimo wabo wakukambauka alimwi akugwasya bantu kuba basikwiiya wakajalula nzila kubantu babombe myoyo kutegwa babe muluumuno a Leza, bakkomane kuba mucilongwe anguwe alimwi mukuya kwaciindi babe bana bakwe bakumuuya. Mazuba aano, babelesi ba Jehova bananike balacita mulimo nguwenya. Mulimo ngobazuzikizya kabali baiminizi ba Leza a Kristo upa kuti bantu beelela bakwelwe a Jehova alimwi akuba basyomi.—Amubale 2 Bakolinto 5:18-20; Joh. 6:44; Mil. 13:48.\\n12, 13. Ino inga twatondezya buti kuti tulalumba zipego izizwa kuli Jehova?\\n12 Akaambo kakulumba Jehova mbwali Sikutupa nzyotuyandika Mupati, Banakristo boonse ibajisi bulangizi bwaanyika balatola lubazu mumulimo wakukambauka Bwami antoomwe abananike. Mumulimo ooyu, tulabelesya Bbaibbele, cipego cimbi cibotu kuzwa kuli Leza. (2 Ti. 3:16, 17) Kwiinda mukulibelesya kabotu mumulimo Jwi lya Leza ilyakasololelwa amuuya, tupa bamwi coolwe kutegwa bakajane buumi butamani. Kutegwa tuzwidilile mumulimo ooyu, umwi aumwi wesu usyoma cipego acimbi icizwa kuli Jehova—muuya wakwe uusalala. (Zek. 4:6; Lk. 11:13) Mboubeleka muuya uusalala ulakkomanisya kweelana ambokutondezyegwa mu Yearbook of Jehovah’s Witnesses imwi aimwi. Eelo kaka ncoolwe kutola lubazu mumulimo ooyu kutegwa Taateesu alimwi Sikutupa nzyotuyandika atembaulwe!\\n13 Notulanga zyintu zyoonse Leza nzyaatupa, tweelede kulibuzya kuti: ‘Sena ndilabeleka kusikila mpondigolela mumulimo kutondezya kulumba Jehova akaambo kazipego zyakwe? Muunzila nzi mondikonzya kuyaambele akuba mukambausi musungu wamakani mabotu?’ Tulakonzya kutondezya kulumba kwesu kuzipego zibotu zya Leza kwiinda mukubikka zyintu zya Bwami mubusena bwakusaanguna mubuumi bwesu. Kuti twacita oobo, Jehova uyakutulanganya. (Mt. 6:25-33) Akaambo kaluyando lwa Leza, tuliyandide kucita zyoonse nzyotukonzya kutegwa tumukkomanisye alimwi akupa moyo wakwe kukondwa.—Tus. 27:11.\\n14. Muunzila nzi Jehova mwaali Muvwuni wabantu bakwe?\\n14 Sintembauzyo Davida wakaimba kuti: “Mebo ndi mucete, ndipengede, pele Mwami ulandiyeeya. Nduwe mugwasyi wangu, muvuni wangu.” (Int. 40:17) Cakwiinduluka-induluka, Jehova wali Muvwuni wabantu bakwe kabali nkamu, kwaambisya ciindi nobapenzyegwa kapati alimwi basinkondonyina nobazumanana kubalwana. Eelo kaka tulamulumba Leza akaambo kalugwasyo lwakwe kuziindi zili boobo alimwi azipego zyakumuuya nzyatupa lyoonse!\\n15. Amupe cikozyanyo usyi siluyando mbwakonzya kukwabilila mwanaakwe.\\n15 Usyi siluyando ulabapa bana bakwe nzyobayandika alimwi ulabakwabilila. Lyoonse ulayanda kubavwuna kuti kakuli ntenda. Mukwesu umwi ulayeeya cintu cimwi cakacitika naakacili mulombe. Walo abausyi bakali kuya kuŋanda kuzwa mumulimo wamumuunda ciindi nobakabelesya nzila iyakabatola kutala aakalonga. Mvwula mpati mafwumofwumo yakawa akupa kuti kalonga kapaye. Nzila ilikke iyakali kukonzya kubeleka kuzabuka kalonga nkusotoka kuzwa aabbwe limwi lipati kuya aabbwe limbi. Kali kumbele lyabawisi, mulombe wakaimpya kulyata bbwe, akuwida mumaanzi aakapaide alimwi wakabbila ziindi zyobilo. Eelo kaka mulombe wakalumba bausyi cakufwambaana nobakamujata kukkuko akumuvwuna kutegwa atanywidi! Taateesu wakujulu ulatuvwuna kuzyintu izili mbuli maanzi aajisi nguzu zyamunyika mbyaabi eeyi alimwi akumuleli wanjiyo, Saatani. Cakutadooneka, Jehova ngo Sikukwabilila wiinda bantu boonse ngobakonzya kusyoma.—Mt. 6:13; 1 Jo. 5:19.\\n16, 17. Mbuti Jehova mbwaakagwasya akukwabilila bana Israyeli ciindi nobakali kulwana abana Amaleki?\\n16 Lukwabililo ndwaakapa Jehova lulatondezyegwa kabotu kwiinda muli cakacitika bana Israyeli nobakavwunwa kuzwa mubuzike mu Egepita alimwi aciindi naakabakwabilila camaleele nobakali kuzabuka Lwizi Lusalala mu 1513 B.C.E. Nobakeenda kwiinda munkanda kuya ku Cilundu ca Sinai, bana Israyeli bakasika ku Refidimu.\\n17 Kweelana abusinsimi bulembedwe ku Matalikilo 3:15, kweelede kuti Saatani wakalibindide naakali kuyanda kulwana bana Israyeli ibatakakwabilidwe. Wakacikonzya kucita oobo kwiinda mubana Amaleki, balo ibakali basinkondonyina abantu ba Leza. (My. 24:20) Amuyeeye Jehova ncaakazuzikizya kwiinda mubaalumi bone basyomeka—Joshua, Musa, Aroni alimwi a Huri. Ciindi Joshua naakali kulwana bana Amaleki, Musa, Aroni a Huri bakali acilundu icakali afwaafwi. Bana Israyeli bakazunda munkondo ciindi Musa naakanyamuna maanza aakwe. Ciindi maanza aakwe naakalema, Aroni alimwi a Huri bakamugwasyilizya. Aboobo, “Joshua wakawisya Amaleki abantu bakwe” akaambo kalugwasyo alukwabililo lwa Jehova. (Kul. 17:8-13) Musa wakayaka cipaililo ookuya, akucuulika kuti “Jehova-nisi,” ambweni icaamba kuti Jehova nindembela yangu.—Amubale Kulonga 17:14.15.\\nKUKWABILILWA KUTUKOLE TWA SAATANI\\n18, 19. Ndukwabililo nzi Leza ndwaapa babelesi bakwe kuciindi ecino?\\n18 Jehova ulabakwabilila bantu bamuyanda alimwi ibamumvwida. Mbubwenya mbuli bana Israyeli nibakali abusena butegwa Refidimu, andiswe tulanga kuli Jehova kutegwa atukwabilile ciindi notupenzyegwa abasinkondoma. Kanji-kanji Jehova wali kutukwabilila mbuli nkamu alimwi wazumanana kutuvwuna kuzwa kutukole twa Diabolosi. Amuyeeye zyakacitika zimwi mwalo Leza mwaakabakwabilila bakwesu abacizyi akaambo kakutatola lubazu mutwaambo twacisi. Mucikozyanyo, oobu mbocakabede kuciindi cabulelo bwa Nazi mucisi ca Germany alimwi amuzisi zimwi mumyaka yamuma 1930 alimwi akumatalikilo aamyaka yamuma 1940. Kubala alimwi akuzinzibala kuyeeya kujatikizya zibalo eezyi azimwi zijanika muma Yearbook zyalo zitondezya Leza mbwaakabakwabilila muziindi eezyi zyamapenzi kulakonzya kuyumya lusyomo lwesu muli Jehova walo uli ngo Mayubilo eesu.—Int. 91:2.\\nJehova ulakonzya kubelesya basyomima kutegwa batugwasye kuzumanana kusyomeka muziindi zikatazya (Amubone mincali 18-20)\\n19 Kwiinda mumbunga ya Jehova alimwi amabbuku aazwa mumbunga eeyi, tulatambula ziyeekezyo zitupa kuti tukwabililwe. Amubone kaambo aaka mbokagwasya mumyaka misyoonto yainda. Akaambo kakuti nyika izwide zyintu zibyaabi alimwi azyintu ziletela muzeezo wakoonana, Jehova wapa ziyeekezyo alimwi alugwasyo iziyandika lino kutegwa atucenjezye kujatikizya kutalilemeka. Mucikozyanyo, tulatambula lulayo kutegwa tutayanzani abalongwe babyaabi bajanika aa intaneti. *—1 Ko. 15:33.\\n20. Ino ndukwabililo nzi alimwi mbusolozi nzi ibujanika mumbungano ya Bunakristo?\\n20 Mbuti mbotukonzya kutondezya kuti tuli ‘mukuyiisyigwa a Jehova’? Nkwiinda mukuswiilila milawo yakwe cakulomya. (Is. 54:13) Mumbungano tulajana busolozi alimwi alukwabililo ndotuyandika mwalo baalumi basyomeka mobabeleka kabali baalu ikupa lulayo alimwi alugwasyo lwamu Magwalo. (Gal. 6:1) Ibukwabilizi bwa Jehova bwaluzyalo bulatusikila kwiinda “muzipego zyabantu.” (Ef. 4:7, 8) Ino ncinzi ncotweelede kucita? Ikulibombya cakulyaaba alimwi akumvwida inga kwatuletela zilongezyo zya Leza.—Heb. 13:17.\\n21. (a) Ino tweelede kukanza kucita nzi? (b) Ino ncinzi iciyakulangwa-langwa mucibalo citobela?\\n21 Atuzumine kusololelwa amuuya uusalala alimwi akutobela busolozi bwa Taateesu wakujulu. Alimwi tuyandika kuzinzibala kuyeeya kujatikizya mbwaakali kupona Mwanaakwe, Jesu Kristo, alimwi akusolekesya kutobela cikozyanyo cakwe ciinda kubota. Akaambo kakumvwida kusikila kulufwu, Jesu wakapegwa bulumbu bupati. (Flp. 2:5-11) Mbubwenya mbuli nguwe, tuyakulelekwa akaambo kakusyoma muli Jehova amoyo wesu woonse. (Tus. 3:5, 6) Aboobo, lyoonse atulange kuli Jehova mbwali Sikupa nzyotuyandika alimwi Sikukwabilila uutakonzyi kweezyanisyigwa amuntu uuli woonse. Eelo kaka taciliboteli coolwe cakumubelekela! Luyando lwesu luyakukomena ciindi notulanga-langa mbazu yatatu mbwatulanganya Taateesu—cilongwe cesu anguwe. Cibalo citobela ciyakulanga-langa Jehova mbwali Mulongwe wesu uubainda boonse.\\n^ par. 19 Zikozyanyo izijisi ziyeekezyo eezyo zilajanika muzibalo zyakuti: “Intaneti Mboikonzya Kubelesyegwa Kabotu,” mu Ngazi Yamulindizi yamu August 15, 2011, mapeeji 3-5, “Amutucenjelele Tukole Twa Diabolosi!” alimwi a “Amwiime Nji Alimwi Amutuleye Tukole Twa Saatani!” mu Ngazi Yamulindizi yamu August 15, 2012, mapeeji 20-29.\\nAmumutembaule Kristo​—Mwami Uulemekwa!\\nAmusekelele Akaambo Kalukwatano lwa Mwanaambelele!\\nMukamufwu waku Zarefati Wakalongezyegwa Akaambo Kalusyomo Lwakwe\\nJehova​—Sikutupa Nzyotuyandika Alimwi Sikutukwabilila\\nJehova​—Mulongwe Wesu Uubainda Boonse\\n‘Amweebele Bubotu bwa Jehova’\\nMAKANI EESU AAKAINDI Filimu Iigwasya Kuba Alusyomo Yakkwanya Myaka Iili 100\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA February 2014\\nNGAZI YAMULINDIZI—YAKWIIYA February 2014","num_words":1859,"character_repetition_ratio":0.046,"word_repetition_ratio":0.0,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Tembawula Jehova Mumbungano | Ngaziyakulinda Yakwiiya\\nNgaziyakulinda—Yakwiiya | January 2019\\nBALA MU Acholi Afrikaans Aja Akha Albanian Altai Alur American Sign Language Amharic Amis Angolan Sign Language Arabic Argentinean Sign Language Armenian Aukan Australian Sign Language Aymara Azerbaijani Azerbaijani (Cyrillic) Baoule Bashkir Bassa (Cameroon) Batak (Karo) Batak (Simalungun) Batak (Toba) Belize Kriol Bengali Biak Bicol Bislama Bolivian Sign Language Boulou Brazilian Sign Language British Sign Language Bulgarian Cakchiquel Cambodian Catalan Cebuano Changana (Mozambique) Chavacano Chichewa Chilean Sign Language Chin (Hakha) Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuukese Chuvash Cibemba Cinyanja Colombian Sign Language Costa Rican Sign Language Croatian Cuban Sign Language Czech Czech Sign Language Dakota Dangme Danish Dayak Ngaju Digor Douala Drehu Dutch Ecuadorian Sign Language Edo Efik English Esan Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Gitonga Greek Greek Sign Language Greenlandic Guadeloupean Creole Guarani Guatemalan Sign Language Gujarati Gun Haitian Creole Hausa Hebrew Herero Hiligaynon Hindi Hiri Motu Hmong (White) Honduras Sign Language Hungarian Hungarian Sign Language Iban Ibanag Ibinda Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Javanese Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Kekchi Kenyan Sign Language Kikamba Kikaonde Kikongo Kikuyu Kiluba Kimbundu Kinyarwanda Kirghiz Kiribati Kirundi Kisi Kisonge Kongo Korean Korean Sign Language Krio Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Lahu Laotian Latvian Lhukonzo Lingala Lithuanian Lomwe Low German Luganda Lunda Luo Luvale Macedonian Macua Malagasy Malawi Sign Language Malay Malayalam Maltese Mam Mambwe-Lungu Mapudungun Marathi Marshallese Mauritian Creole Maya Mazatec (Huautla) Mbunda Mexican Sign Language Mingrelian Mixe Mixtec (Guerrero) Mizo Mongolian Moore Motu Mozambican Sign Language Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndau Ndebele Ndebele (Zimbabwe) Ndonga Nepali Ngabere Ngangela Nias Nicaraguan Sign Language Niuean Norwegian Nyaneka Nyungwe Nzema Okpe Oromo Ossetian Otetela Palauan Panamanian Sign Language Pangasinan Papiamento (Curaçao) Paraguayan Sign Language Persian Peruvian Sign Language Pidgin (West Africa) Polish Polish Sign Language Ponapean Poqomchi' Portuguese (Portugal) Portuguese Sign Language Punjabi Quebec Sign Language Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Rarotongan Romanian Romanian Sign Language Romany (Macedonia) Romany (Macedonia) Cyrillic Romany (Serbia) Romany (Southern Greece) Ronga Runyankore Russian Russian Sign Language Rutoro Salvadoran Sign Language Samoan Sangir Sango Saramaccan Sena Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Sunda Swahili Swahili (Congo) Swati Swedish Tagalog Tahitian Taiwanese Sign Language Tajiki Tamil Tarascan Tatar Telugu Tetun Dili Thai Thai Sign Language Tigrinya Tiv Tlapanec Tojolabal Tok Pisin Tongan Totonac Tshiluba Tshwa Tsonga Turkish Turkmen Tuvaluan Twi Tzeltal Tzotzil Uighur (Arabic) Uighur (Cyrillic) Ukrainian Umbundu Urdu Urhobo Uruund Uzbek Uzbek (Roman) Venda Venezuelan Sign Language Vietnamese Wallisian Waray-Waray Wayuunaiki Welsh Wolaita Xhosa Yapese Yoruba Zambian Sign Language Zande Zapotec (Isthmus) Zimbabwe Sign Language Zulu\\nTembawula Jehova Mumbungano\\n“Njookutembaula akati kambungano.”​—INT. 22:22.\\nLWIIMBO 59 Atumutembaule Jehova\\n1. Davida wakalimvwa biyeni atala aJehova alubo eezi zyakapa kuti achiteenzi?\\nMWAAMI DAVIDA wakalemba kuti: “Jehova mupati, uleelede kutembaulwa loko.” (Int. 145:3) Wakali kumuyanda Jehova, nkinkaako, luyando oolu lwakapa kuti ‘atembawule Leza aakati kambungano.’ (Int. 22:22; 40:5) Anduwe ulamuyanda Jehova, nkinkaako, ulazuminana amajwi aDavida aakuti: “Kolumbwa, O Jehova Leza wa-Israyeli tateesu, lyoonse alyoonse mane kukabe kutamani.”​—1 Mak. 29:10-13.\\n2. (a) Kujana twamutembawula biyeni Jehova? (b) Ndiilili penzi bamwi ndibaswaana alubo tulalanga-langaanzi?\\n2 Mazubaano, imwi nzila njitukonzya kutembawula Jehova, nkusandula kumiswaangano yachiKristu. Nikuba boobo, kuli penzi ndibaswaana bakwesu abachizi. Balayanda kusandula pesi balayoowa. Niinzi chikonzya kubagwasya kuti batayoowi? Alubo nziizili nzila zikonzya kutugwasya toonse kuti katwaamba nsandulo zisungwaazya? Katutanasandula mibuzyo eeyi, atusaangune kulanga-langa twaambo tuli 4, tupa kuti katusandula kumiswaangano.\\nNKAMBOONZI NITUSANDULA KUMISWAANGANO?\\n3-5. (a) Kweendelana amajwi aali muli BaHebrayo 13:15, nkamboonzi nitusandula kumiswaangano? (b) Toonse tweelede kusandula munzila iikozyenie na? Pandulula.\\n3 Toonse Jehova utupede chilongezyo chakumutembawula. (Int. 119:108) Nsandulo nzitwaamba kumiswaangano ‘nchipayizyo chakulumba’ alubo taakwe muntu uukonzya kutuchitila chipayizyo eecho. (Bala BaHebrayo 13:15.) Jehova uyanda kuti toonse katupa chipayizyo naakuti nsandulo zikozyenie na? Peepe!\\n4 Jehova ulizi kuti tuchita zintu munzila iisiyene akuti zyiimo zyesu zilisiyene alubo uzibona kaziyandikana zipayizyo nzitumupa. Yeeya atala azipayizyo nzyaakali kutambula kumaIsrayeli. Bamwi maIsrayeli bakali kupa mbelele naakuti mpongo. Pesi muIsrayeli wakali kufwaba, wakali kukonzya kupa “inziba zyobile nanka twana twankwilimba tobile.” Alubo kuti muIsrayeli katakonzyi kujana tuyuni tubili, Jehova wakali kuchitambula “cipanzi cakumi cacisuwo [chafulawa mbotu].” (Lev. 5:7, 11) Fulawa teeyakali kudula pe pesi Jehova wakali kuchitambula chipayizyo eechi kuti ‘fulawa eeyo kayili mbotu.’\\n5 Nikuba mazubaano, Leza wesu siluzyalo uchilimvwa mbuboobo. Nitusandula, Leza talangilili kuti katunanta kwaambuula mbuuli Apolo naakuti tube mbuuli Pawulu wakali kwaambuula munzila iipa kuti bantu bafwambaane kusyoma. (Inc. 18:24; 26:28) Nzyayanda Jehova nkuti twaambe nsandulo zisungwaazya, kweendelana ambutukonzya. Yeeya mukamufu wakapa tukkobili tubili. Kuli Jehova, wakali kuyandikana loko nkaambo wakapa kweendelana anzyaakali aazyo.​—Lk. 21:1-4.\\nKusandula kumiswaangano kugwasya ndiswe abatuswiilila (Langa fuka 6-7) *\\n6. (a) Kweendelana amajwi aali muli BaHebrayo 10:24, 25, nsandulo nzibaamba bamwi zipa kuti tulimvwe biyeni? (b) Kujana watondeezya biyeni kuti ulazilumba nsandulo nzibaamba bamwi?\\n6 Nsandulo zyesu zisungwaazya bamwi. (Bala BaHebrayo 10:24, 25.) Toonse tulasungwaazigwa kumvwa nsandulo zisiyene-siyene kumiswaangano yesu. Kulatubotezya kumvwa mwana nasandula mumajwi mawuba. Alubo kulatubotezya kumvwa nsandulo yawumwi kaamba kasimpe kamwi nkaakajana. Tulabalumba bakombima ‘batayoowi’ kwaamba nsandulo nikuba kuti balaabweeme naakuti balikwiiya mulaka. (1 Tes. 2:2) Kujana twatondeezya biyeni kuti tulazilumba nzibachita? Niyamana miswaangano, tulakonzya kubalumba akaambo kansandulo zisungwaazya nzibaamba. Alubo kusandula kwesu, njiimwi nzila iitondeezya kuti tulazilumba nsandulo zyabo. Kuchita oobo kupa kuti tutasungwaazigwi luzutu pesi kupa kuti andiswe tusungwaazye bamwi.​—Rom. 1:11, 12.\\n7. Kusandula kutugwasya biyeni?\\n7 Kusandula kupa kuti tugwasigwe. (Is. 48:17) Kutugwasya biyeni? Chakusaanguna, kuba aachiyandisyo chakuyoosandula kumiswaangano, kupa kuti tulibambile kabotu. Kulibambila kabotu kutugwasya kuti tulimvwisisisye Jwi lyaLeza. Alubo, kulimvwisisisya Jwi lyaLeza kutugwasya kuti kutuubile kubelesya nzitwiiya. Chabili, tuyoobotelwa kumiswaangano nkaambo andiswe tunoosandula. Chatatu, akaambo kakuti tunooli twabeleka changuzu kulibambila kuti tusandule, tatukazilubi chakufwambaana nsandulo nzitwaamba.\\n8-9. (a) Kweendelana amajwi aali muli Malaki 3:16, ubonaanga Jehova umvwa biyeni atala ansandulo zyesu? (b) Mbuubuli bumwi buyumu-yumu bamwi mbubaswaana?\\n8 Kwaamba nzitusyoma kupa kuti Jehova abotelwe. Tuli achoonzyo chakuti Jehova ulatuswiilila akuti ulabotelwa akaambo kakubeleka changuzu nkutuchita kuti tusandule. (Bala Malaki 3:16.) Ulatulongezya akaambo kakubeleka changuzu kuti tuchite zimubotezya.​—Malk. 3:10.\\n9 Zili aantanganana kuti kuli twaambo tumvwika tupa kuti katusandula kumiswaangano yambungano. Nikuba boobo, bamwi balayoowa kutambika kumiswaangano. Kuti kulimvwa oobo anduwe, utalengwaani pe. Atulange-lange zimwi njiisyo zyamuBbayibbele, zikozyano azimwi zikonzya kutugwasya kuti katusandula kwaziindi zyiingi kumiswaangano.\\nKULWANA PENZI LYAKUYOOWA\\n10. (a) Nkuukuli kuyoowa toonse nkutumvwa? (b) Kuyoowa kutondeezya kuti mbuubuli buntu bubotu mbuli aabo?\\n10 Ngawafwelukwa mwida na kutambika kuboko chiindi nuyanda kusandula? Kuti kulimvwa oobo, teenduwe pe awulikke. Simpe ndyakuti, chimwi chiindi toonse ngatwayoowa nituyanda kusandula. Kuti ukonzye kulwana penzi lipa kuti kuyoowa, weelede kuziba chipa kuti uyoowe. Uyoowa kuti ulaziluba na nzuyanda kusandula naakuti uyoowa kuti ulaamba zitali nzizyo? Uyoowa kuti nsandulo yako tiinooli mbotu na mbuuli zyabamwi? Kulimvwa munzila iili boobu, kuli kabotu. Kutondeezya kuti ulalibombya akuti ubona kuti bamwi bachita kabotu kwiinda nduwe. Jehova ulabayanda bantu balibombya. (Int. 138:6; Flp. 2:3) Pesi Jehova uyanda kuti umutembawule akuti usungwaazye bakombinyokwe kumiswaangano. (1 Tes. 5:11) Ulakuyanda alubo uyookugwasya kuti utayoowi.\\n11. Nziizili njiisyo zyamuMagwalo zikonzya kutugwasya?\\n11 Atulange-lange njiisyo zyamuMagwalo zigwasya. Bbayibbele lyaamba kuti toonse tulabisya muzintu nzitwaambuula ambutuzyaamba. (Jak. 3:2) Jehova abakombima tabalangilili kuti tube bantu bamaninide. (Int. 103:12-14) Tuli mpuli iimwi yamubukombi ambabo alubo balatuyanda. (Mk. 10:29, 30; Joh. 13:35) Balizi kuti chimwi chiindi nsandulo zyesu tatuzyaambi mbuuli mbutwali kuyanda.\\n12-13. Twiiyaanzi kuchikozyano chaNehemiya achaJona?\\n12 Yeeya atala azimwi zikozyano zyamuBbayibbele zikonzya kukugwasya kulwana penzi lyakuyoowa. Yeeya chikozyano chaNehemiya. Wakali kubeleka munkuta yamwaami wakali aamanguzu. Nehemiya wakali wuside nkaambo wakali wamvwa kuti miduli amageedi aakuJerusalemu zyakachidilikide. (Neh. 1:1-4) Yeeya mbukwakamufweluka mwida, mwaami naakamubuzya kuti aambe zyakamupede kuusa! Nehemiya wakasaanguna kukomba mpawo wakasandula. Kuzwa waawo, mwaami wakachita zyiingi kuti agwasye bakombi baLeza. (Neh. 2:1-8) Alubo yeeya atala aJona. Chiindi Jehova naakabuzya Jona kuti akakambawukile bantu bakuNineve, Jona wakayoowa mpawo wakachijila kumbi. (Jon. 1:1-3) Akaambo kakugwasigwa aaJehova, Jona wakawuchita mulimu ngwaakatumidwe. Alubo majwi ngaakaamba akabagwasya loko bantu bakuNineve. (Jon. 3:5-10) Chikozyano chaNehemiya chituyiisya kuti tweelede kukomba katutanasandula. Alubo kuli Jona, twiiya kuti Jehova ulakonzya kutugwasya kuti tumukombe nikuba kuti katuyoowede. Kwaamba choonzyo, mpiili na mbungano iiyoosya mbuuli kwakabede kukambawukila bantu bakuNineve?\\n13 Nziizili nzila zikonzya kukugwasya kuti waambe nsandulo zisungwaazya kumiswaangano yambungano? Atulange-lange ziche biyo.\\nKujana Ndasandula Biyeni?\\nNsandulo mfwiifwi iisandula mubuzyo\\nKamwi kaambo kali mufuka\\nChiiyo chizwa mulugwalo lubikkidwe\\nMbaakonzya kubelesegwa makani aayo mubuumi\\nKwaamba mubufwiifwi zyakachitika mubuumi zitondeezya kaambo kapati\\n14. Nkamboonzi nitweelede kulibambila kabotu miswaangano alubo tweelede kulibambila lili?\\n14 Libambile muswaangano umwi awumwi. Kuyanda kuyoosandula akulibambila kabotu, zipa kuti utakayoowi kusandula. (Tus. 21:5) Nikuba boobo, tulibambila muziindi zisiyene. Muchizi Eloise mukamufu uuli aaminyaka iili kuma80, usaanguna kulibambila chiiyo chaNgaziyakulinda kumasaangunino aamviki. Waamba kuti: “Ilandinoneezya miswaangano kuti ndalibambila kakuchili chiindi.” Muchizi Joy uubeleka mulimu wakumubili ulibambila chiiyo chaNgaziyakulinda muMugibelo. Waamba kuti: “Kuchita oobo kupa kuti kandichiziyeeyede nzindalibambila.” Mwaalu uutegwa Ike uuli aazyiingi zyakuchita alubo uupayona waamba kuti: “Kulanduubila kulibambila chiiyo mbichaani-mbichaani mumviki yoonse kwiinda kulibambila kwachiindi chilamfu mubuzuba bumwi.”\\n15. Kujana wachita biyeni kuti ulibambile kabotu miswaangano?\\n15 Niinzi ziswaanizidwe mukulibambila miswaangano? Kutanasaanguna kulibambila, talika kukomba kuli Jehova kukumbila muuya uusalala. (Lk. 11:13; 1 Joh. 5:14) Mpawo ulange-lange chiiyo choonse kwachiindi chifwiifwi. Langa-langa mutwe, tutwe tuniini, zifanikisyo atubbokesi tuli muchiiyo. Nwatalisya kubala mafuka, bala magwalo oonse aabikkidwe kuti kukonzya. Yeeyesesya atala amakani ngulikubala akulangisisya twaambo ntuyanda kuyoosandula. Kulibambila kabotu kupa kuti ugwasigwe akuti ukonzye kusandula.​—2 Kor. 9:6.\\n16. Nziizili zibelesyo nzukonzya kubelesya alubo kujana wazibelesya biyeni?\\n16 Kuti kazichita, belesya zibelesyo zijanika mumulaka ngumvwisisisya. Kabelesya mbunga yakwe, Jehova wakatupa zibelesyo zitugwasya kuti katulibambila kabotu miswaangano. JW Library® app, itugwasya kuti tudawunilode mabbuku katubelesya mafooni amatebbuleti. Mpawo tulakonzya kulibambila, kubala naakuti kuswiilizya zyakalekkoodwa kufumbwa nkutubede kufumbwa chiindi. Bamwi babelesya chibelesyo eechi kulibambila miswaangano sikati, chiindi nibali kulyookezya kumulimu, kuchikolo anibali mulweendo. Watchtower Library a-Watchtower ONLINE LIBRARY™ zipa kuti kutuubile kuyanduulisisya makani ngituyanda kumvwisisisya.\\nNdiilili nulibambila miswaangano? (Langa fuka 14-16) *\\n17. (a) Nkamboonzi nikuli kabotu kulibambila nsandulo zyiingi? (b) Wayiyaanzi mukavidiyo kati Bamweenzinyina waJehova​—Libambile Mbutasandule?\\n17 Kuti kazichita, libambile nsandulo zyiingi muchiiyo chimwi achimwi. Nkamboonzi? Nkaambo zilakonzeka kuti sikuchitisya chiiyo takookwaamba pe kuti usandule nwaatambika. Kuli bamwi banga balitambikide chiindi nwaatambika alubo sikuchitisya chiiyo ulakonzya kwaamba umwi kuti asandule. Kuti ajate chiindi, sikuchitisya chiiyo ulakonzya kwaamba bantu bache kuti basandule. Nkinkaako, utanyemi pe kuti sikuchitisya chiiyo taakwaamba kuti usandule kumatalikilo aachiiyo. Kulibambila nsandulo zyiingi, kupa kuti ujane mweenya wakusandula. Imwi nsandulo njukonzya kupa ilakonzya kuswaanizya kubala lugwalo. Pesi kuti kukonzya, libambile kusandula mumajwi aako. *\\n18. Nkamboonzi nitweelede kwaamba nsandulo mfwiifwi?\\n18 Wamba nsandulo mfwiifwi. Chiindi chiingi, nsandulo mfwiifwi nzizyo zisungwaazya. Nkinkaako, yezya kunoowamba nsandulo mfwiifwi. Yezya kusandula mumasekkoondi aali 30. (Tus. 10:19; 15:23) Kuti waba aaminyaka myiingi kusandula kumiswaangano, uli aamulimu mupati wakuba chikozyano chibotu kwiinda mukwaamba nsandulo mfwiifwi. Kuti kwaamba nsandulo ziyumu kwachiindi chilamfu, bamwi balakonzya kuyoowa kabayeeya kuti tabazookonzyi pe kusandula mbuuli nduwe. Alubo, nsandulo mfwiifwi zipa kuti bantu biingi bajane mweenya wakusandula. Kuti nduwe wasaanguna kusandula, wamba nsandulo mfwiifwi iisandula mubuzyo. Utaambi twaambo toonse tuli mufuka. Kuti kaambo kapati kasandulwa, ulakonzya kwaamba zimwi zyiiyo zili mufuka zyakuyungizya.​—Langa kabbokesi kati, “ Kujana Ndasandula Biyeni?”\\n19. Kujana sikuchitisya chiiyo wakugwasya biyeni pesi niinzi nzweelede kuchita?\\n19 Buzya sikuchitisya chiiyo, fuka nduyanda kusandula. Kuti kuyanda kuchita oobo, buzya sikuchitisya chiiyo, miswaangano kayitanasaanguna pe. Nimwasika aafuka eelyo, fwambaana kutambika kuboko alubo utambikisye, kuchitila kuti sikuchitisya chiiyo akubone.\\n20. Miswaangano yambungano ikozyenie biyeni achakulya nchitulya abeenzuma?\\n20 Miswaangano yambungano weelede kwiibona mbuuli kulyaamwi abeenzinyokwe. Atuteedi watambwa kuti muzoolyaamwi abamwi bamumbungano mpawo wabuzigwa kuti ulibambile chimwi chakulya kuti muzooyengezye. Walikunoochita biyeni? Nisimpe kuti walikunookataazikana pesi walikunoojika chakulya nchibayanda bantu boonse. Jehova Sikututamba, utubambila chakulya chinono kumiswaangano yesu. (Int. 23:5; Mt. 24:45) Alubo ulabotelwa azipo zyoonse zibotu nzitumupa nikuba kazili ziniini. Nkinkaako, libambile kabotu alubo usandule kwaziindi zyiingi. Kuchita oobo takupi kuti ulye kutebbulu lyaJehova luzutu pesi kupa kuti weete chipo nchukonzya kwaabana abamwi mumbungano.\\nKUJANA WASANDULA NA?\\nNtuutuli tumwi twaambo tupa kuti katusandula kumiswaangano?\\nNiinzi chikonzya kutugwasya kulwana penzi lyakuyoowa kusandula kumiswaangano?\\nNziizili zimwi nzila zikonzya kutugwasya kuti katunoowamba nsandulo zisungwaazya?\\nLWIIMBO 2 Jehova Ndezina Lyako\\n^ par 5 Mbuuli sintembawuzyo Davida, toonse tulamuyanda Jehova alubo tulakuyanda kumutembawula. Tuli aachilongezyo chibotu loko chakutondeezya mbutumuyanda Leza chiindi nitusandula kumiswaangano yambungano. Nikuba boobo, bamwi balayoowa kusandula kumiswaangano. Kuti kakukuyumina kusandula, chiiyo eechi chiyookugwasya kuti uzibe zintu zipa kuti uyoowe kusandula ambukonzya kuzunda kuyoowa ooko.\\n^ par 17 Yebela kavidiyo kati Bamweenzinyina waJehova​—Libambile Mbutasandule. kujw.org. Langa aalembedwe kuti MAVIDIYO > BANA.\\n^ par 63 BUPANDULUZI BWAZIFANIKISYO: Bamumbungano balikubotelwa kutola lubazu muchiiyo chaNgaziyakulinda.\\n^ par 65 BUPANDULUZI BWAZIFANIKISYO: Bakwesu abachizi mbitwabwene kabali kusandula muChiiyo chaNgaziyakulinda. Nikuba kuti bali aazyiimo zisiyene, umwi awumwi wakabamba chiindi nakonzya kulibambila chiiyo chiyooyiigwa kumuswaangano.\\n“Utakankami, Nkaambo Ndime Leza Wako”\\nKujana Wawukwabilila Biyeni Moyo Wako?\\nChakulya Chuuba Chituyiisyaanzi Atala aMwaami Uuli Kujulu?\\nKunjila Miswaangano Kutondeezya Kuti Tuli Bantu Bali Biyeni?\\nMukwesu Mupya wamuKabunga Keendelezya\\nText Sala naa uyanda kukkopa zyakamwayigwa zilekkodedwe NGAZIYAKULINDA—YAKWIIYA January 2019\\nNGAZIYAKULINDA—YAKWIIYA January 2019","num_words":2051,"character_repetition_ratio":0.077,"word_repetition_ratio":0.0,"special_characters_ratio":0.168,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 29 IBBAIB63 - Lino mbuboobu mboelede kubacitila - Bible Search\\nKulonga 28 Kulonga 30\\nMilimo yakusalazya bapaizi\\n1-Lino mbuboobu mboelede kubacitila kukubasalazya kuti bandimanine milimo yabupaizi. Bweza musune omwe ambelele zyobile zitakwe tumpenda, 2-azinkwa zitakwe bumena, azibunge zitakwe bumena zikandidwe amafuta, atubunge tutakwe bumena tunanikidwe mafuta, Zyoonse zicitwe abusu bwabulotwe butwidwe kabotu. 3Uzibike mucinzuma comwe akuzileta mumonya mucinzuma antoomwe amucende abagutu bobile. 4-Lino Aroni abana bakwe, ubaswenye kufwaafwi kumulyango watente lyambunganino akubasanzya maanzi. 5-Lino bweza zyakusama akusamika Aroni cikobela camanyengwe acibaki aefodi acisani cakaango, alimwi umusamike lukumba lwaefodi Iutungidwe camaanu. 6Lino umusamike citambala amutwe wakwe, akubika munsini uusalala acitambala. 7-Lino bweza mafuta aakunanika, akwaatila amutwe wakwe, umunanike. 8Abalo bana bakwe ubaswenye afwiifwi, ubasamike zikobela zyamanyengwe, 9-ubasamike inkumba akubazwaatika insulumani, Bupaizi buyooba bwabo: ngomulao walyoonse. Mbuboobo mboelede kubikila Aroni abana bakwe maanza.\\n10-Mpoonya awo ukalete musune kunembo lyatente lyambunganino. Aroni abana bakwe babike maanza aabo amutwe wamusune, 11mukajaye musune nkukonya oko kunembo lya-Jehova kumulyango watente lyambunganino. 12-Lino kombola bulowa bwamusune, ulambe ameja aacipaililo amunwe wako, abulowa bumwi boonse ubutile atako lyacipaililo. 13-Alimwi bweza lufuko alulyaŋanga lwamuni, ansa zyobile amafuta aazyo, uzitente acipaililo. 14-Pele nyama yamusune, atobo lyakwe, acifusi cakwe, zyoonse zitentwe mumulilo anze lyamalabba: ncecipaizyo cazibi.\\n15-Lino bweza umwi wabagutu, Aroni abana bakwe babike maanza aabo amutwe wamugutu. 16Nkabela ujaye mugutu, ubweze bulowa bwakwe akubutila koonse koonse cakuzinguluka cipaililo. 17Wamana buyo, tendaula mugutu, sanzya mala aakwe amyeendo yakwe akuzibika zyoonse antoomwe azituli zimwi amutwe, 18-utente mugutu woonse acipaililo: ncecipaizyo cakupaizya Jehova, cinunko cibotu citentelwa Jehova.\\n19-Elyo ubweze mugutu wabili, Aroni abana bakwe babike maanza aabo amutwe wamugutu, 20ukajaye mugutu, ukombole bulowa bwakwe akulamba impela yakutwi kwalulyo kwa-Aroni, ampela zyamatwi aalulyo aabana bakwe, azyaala zyamaanza aabo aalulyo azyaala zyakumaulu aabo aalulyo. Lino bulowa busyeede ubutile koonse koonse cakuzinguluka cipaililo. 21-Wamana obo, kombola bulowa buli acipaililo amafuta aakunana, usansaile Aroni azyakusama zyakwe abana bakwe azyakusama zyabana bakwe, aboobo ulasalala, walo azyakusama zyakwe, abana bakwe azyakusama zya bana bakwe boonse,\\n22Alimwi bweza mafuta aamugutu, amucila, alufuko, alulyaŋanga lwamuni, ansa zyobile, amafuta aazyo, amweendo walulyo, (nkaambo ngomugutu wakusalazya), 23-acinkwa comwe, acibunge comwe cikandidwe amafuta, akabunge komwe kuzwa kucinzuma cazinkwa zitakwe bumena zili kumeso aa-Jehova. 24Ezi zyoonse uzibike mumaanza aa-Aroni amumaanza aabana bakwe, muziyumbe kubusyu bwa-Jehova, zibe cipaizyo cakuyumba. 25-Kozitambula kuzwa kumaanza aabo akuzitenta acipaililo atala lyacipaizyo citentwa, kube cinunko cibotezya Jehova: ncecipaizyo citentelwa Jehova.\\n26-Lino bweza katiti kamugutu wakusalazya Aroni, ukayumbe kubusyu bwa-Jehova, kabe cipaizyo cakuyumba: kalaba caabilo cako. 27-Usalazye katiti kacipaizyo cakuyumba amweendo wacituuzyo ciyumbwa cipaizigwa kuzwa kumugutu wakusalazya Aroni abana bakwe. 28-Ezi zilaba zya-Aroni azyabana bakwe: ngumulao walyoonse akati kabana ba-Israyeli; ncecaabilo cabapaizi neebayoopegwa kuzwa kuzipaizyo zyabana ba-Israyeli; ncecituuzyo cabo kuli-Jehova.\\n29-Aakufwa Aroni, zikobela zyakwe zisalala ziyooba zyabana bakwe. Bayoonanikwa akusalazigwa mulinzizyo. 30-Oyo mwana uulya izina lyakwe uyoozisama mazuba aali musanu aabili naayoonjila mutente lyambunganino kukupaila mubusena busalala.\\n31-Lino mugutu wakusalazya uleelede kumutola akujika nyama yakwe mubusena busalala, 32-nkabela Aroni abana bakwe bayoolya nyama yamugutu azinkwa zyamucinzuma kumulyango watente lyambunganino. 33-Bayoolya zintu ezyo izyakabelesegwa kukumanya milandu yabo akukubabika mumilimo akubasalazya. Mweenzu teelede kuzilya pe, nkaambo zilasalala. 34Pele na kwasyaala nyama yakusalazya nanka cinkwa kusikila cifumo eco cisyeede uleelede kucitenta mumulilo; taciligwi pe, nkaambo cilasalala,\\n35-Mbuboobo mboelede kucitila Aroni abana bakwe, Cita zyoonse nzendakulailila, Milimo yakubasalazya ilatola mazuba aali musanu aabili. 36-Buzuba bumwi abumwi uleelede kupaizya musune wakumanya milandu, Acalo cipaililo, uleelede kucipaizizya cipaizyo cakumanya zibi zyaco, akucinanika, kuti ucisalazye. 37-Mazuba aali musanu aabili amupaizizye cipaililo akucisalazya, aboobo cipaililo cilasalalisya loko. Kufumbwa cintu ciguma cipaililo cilasalala.\\n38-Lino nzeezi zintu nzimweelede kutuula acipaililo: tubelele tulesi tobile mazuba oonse, 39-kabelele komwe kacifumo akabelele kabili kagoko; 40antoomwe akabelele kataanzi amutuule cipanzi cakumi cacisuwo cabusu bwabulotwe butwidwe, bukandidwe acipanzi cane cansazi yamafuta, acipanzi cane cansazi yawaini, cibe cipanzi cakutila, 41-Akabelele kabili, amukapaizye ciindi cagoko; kabe acipaizyo cako cabusu acipaizyo cako cawaini, mbubonya mbuli eco cacifumo, kabe cinunko cibotu citentelwa Jehova. 42-Mbuboobo mbokweelede kupaizigwa lyoonse, mumazyalani aanu oonse, kumulyango watente lyambunganino kubusyu bwa-Jehova. Nkukonya oko nkonjoomuswanina, akwaambaula ayebo. 43-Nkukonya oko nkonjooswanaana abana ba-Israyeli. Kuyoosalazigwa abulemu bwangu. 44-Njoosalazya itente lyambunganino, acipaililo; alakwe Aroni abana bakwe njoobasalazya kuti bandicitile milimo yabupaizi. 45-Njookala akati kabana ba-Israyeli, njooba Leza wabo, 46nkabela bayooziba kuti ndime Jehova Leza wabo iwakabagwisya munyika ya-Egepita kuti nkale akati kabo, Ndime Jehova Leza wabo.","num_words":670,"character_repetition_ratio":0.07,"word_repetition_ratio":0.0,"special_characters_ratio":0.165,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matayo 15, Ibbaibele 1963 (IBBAIB63) | The Bible App\\n1 # Mk 7:1-23 Lino kwakasika kuli-Jesu balembi aba-Farisi bazwa ku-Jerusalemu, bakati, 2#Dt 4:2; Lk 11:38Ino nkaambonzi basikwiiya bako balasotoka ziyanza zyaba­ pati? Nkaambo tabasambi kumaanza aabo nibalya insima. 3Nkabela walo wakavuwa, wabaambila kuti, Anywebo nkaambonzi mulasotoka Mulao wa-Leza nkaambo kaciyanza canu 4#Kul 20:12; 21:17; Dt 5:16; Lev 20:9Nkaambo Leza wakalailila kuti, Lemeka uso abanyoko, alimwi, Umwi aumwi uutukila wisi na banyina afwe akufwa, 5Pele inywe mulaamba kuti, Umwi aumwi uuambila wisi na banyina kuti, Ncipo cakupa Leza eco ncimukonzya kugwasigwa kulindime, 6oyu teelede kulemeka wisi na banyina. Mbomulobya Mulao wa-Leza kuciyanza canu. 7#Is 29:13Nubasikuupaupa ameso, Isaya ncobeni wakasinsima mbumubede, wakati,\\n8 # Is 29:13 Bantu aba balandilemya amilomo yabo,\\nNekubaboobo myoyo yabo ili kule ambe,\\n9Kukomba kwabo nkwabuyo,\\nNkaambo balafunda zifundo zyamilao yabantu.\\n10Lino wakaita bantu boonse, wabaambila wati, Amuswiilile akumvwisya. 11#Mt 12:34; 1 Tim 4:4Cisofwaazya muntu taceensi eco cinjila mukanwa lyakwe, cisofwaazya, muntu ncicizwa mukanwa lyakwe. 12Lino basikwiiya bakeza, bamwaambila bati, Sa ulizi kuti ba-Farisi nibakamvwa inkani eyi bakabilila? 13#Joh 15:2Wakabavwiila kuti, Zizikilwa zyoonse nzyaatakazikila Taata uuli kujulu zizoononkolwa, 14#Lk 6:39; Mt 23:24; Joh 9:40; Rom 2:19Amubaleke! mbeenzyi boofu. Kuti moofu uleenzya moofu, boonse bobile balawida mumulindi. 15Lino Petro wakavuwa, wamwaambila wati, Tupandulwide cikozyano eco. 16Nkabela wakaamba wati, Sa anywebo ambuli sunu tamuna kumvwisya? 17Sa tamuna kuziba kuti kunjila, coonse cinjila mukanwa cilaya mwida, limwi cisowegwe kunze. 18#Mt 12:34Pele kuzwa eco cizwa mukanwa cilazwa mumoyo, nciconya ncicisofwaazya muntu. 19#Matl 8:21Nkaambo mumoyo wamuntu mulazwa miyeeyo mibi, bujayi, bumambi, bwaamu, kubba, bulengelezi, amatusi, 20Nzeezi zisofwaazya muntu. Pele kulya amaanza aatasambide takusofwaazyi muntu pe.\\nJesu mbwaakaponya mwana mu-Kanana\\n21 # Mk 7:24-30 Elyo Jesu wakazwa oko, wakatozya kuzisi zyaku-Turo aku-Sidoni. 22Nkabela umwi mwanakazi mu-Kanana wakucisi eco wakoongolola, wamwaambila kuti, Ndifwida luzyalo, Mwami, Mwana a-Davida, mwana wangu musimbi ulijisi loko daimona. 23Pele walo teewakamuvwiila niliba ijwi lyomwe. Lino basikwiiya bakwe bakeza, bakamubuzya kuti, Mutande, nkaambo uza buongolola musule lyesu. 24#Mt 10:6Wakavuwa kuti, Nsitumidwe pele kumbelele zisweekede zyamukowa wa-Israyeli luzutu, 25Lino wakaswena, wamukomba, wati, Mwami, ndigwasya. 26Walo wakavuwa kuti, Tacili cibotu kubweza insima yabana akwiisowela tubwa. 27Wakati, Mbukubede, Mwami! nkaambo tubwa tulalya tufwefwelenga tuwa kuzwa kumatafule aabasimalelo bato, 28#Mt 8:10,13Lino Jesu wakamuvwiila wati, Webo mwanakazi, lusyomo lwako ndupati! Akucitwe kulinduwe mbuli mboyanda. Nkabela mwana wakwe musimbi wakaponezegwa kuzwa kuciindi eco nciconya.\\nJesu mbwaakasanina lwabili bantu banji\\n29 # Mk 7:31 Lino Jesu wakazwa oko, wakainda kumbali alwizi lwaku-Galilaya. Nkabela wakatanta cilundu, wakakala nkukonya oko. 30Lino kwakamusikila makamu mapati aabantu, bakajisi zilema, boofu, basyataambi, batyokede, abamwi banji, bakafwambaana kubatula kumaulu aa-Jesu, nkabela wakabaponya. 31#Mk 7:37Mpawo makamu akagamba, nkaambo bakabona kuti basyataambi baamba, azilema zyapona, abatyokede beenda, aboofu babona. Nkabela bakalemeka Leza wa-Israyeli.\\n32 # Mk 8:1-10 # Mt 14:14 Lino Jesu wakaita basikwiiya bakwe, wakati, Ndaafwida luzyalo makamu, nkaambo balikede kwangu mazuba otatwe, alimwi tabajisi cakulya, Nsiyandi kubamwaisya, bacifwide inzala, nkaambo inga bayoowizuka munzila. 33Lino basikwiiya bati, Ino tukazijane kuli okuno kusokwe zilyo zinji zyakukutya bantu banji bali boobu? 34Jesu wabaambila wati, Ino mulijisi zilyo zyongae? Bakati, Tulijisi mikamu iili musanu aibili atuswi tuce. 35Lino wakalailila bantu boonse kuti bakale ansi. 36Nkabela wakabweza eyo mikamu iili musanu aibili, answi, walumba, waikomona akwiiabila basikwiiya bakwe, abalo basikwiiya baabila makamu. 37Elyo bakalya boonse cakukuta, nkabela bufwefwelenga busyaala bakabuzuzya munsuwo zili musanu azibili. 38Abo ibakalya kabali zyuulu zyone, kutabala banakazi abana. 39Lino wakamwaisya makamu, wakanjila mubwaato, waakusika kucisi caku-Magada.\\nExplorer les versets de Matayo 15","num_words":520,"character_repetition_ratio":0.049,"word_repetition_ratio":0.0,"special_characters_ratio":0.215,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Joni 1, Baibo 2003 (BB03) | Chapter 1 | The Bible App | Bible.com\\nBible LanguageLenjeChange Language\\nBB03 Baibo 2003\\nLiswi mbolyakaba muntu\\n1Kumatalikilo a cishi uyo wiitwa ayi Liswi wakalingaako kale. Uyu Liswi wakalinga pantu pomwi aLesa alimwi nguLesa. 2Kuswabo kumatalikilo wakalinga aLesa. 3Lesa wakalenga shintu shoonse kwiinda muli nguwe. Naatalinga nguwe naakwiinga taaku cakalengwa nabi comwi. 4Muli nguwe momwakalinga buumi alimwi buumi ubu bwakalinga mumuni wa bantu. 5Mumuni uyo ulamunika mumunshinshe, sombi munshinshe tookoonshi kuukoma.\\n6Lesa wakatuma muntu wakwe wiitwa ayi Joni. 7Uyo wakesa mukuba kamboni wa Mumuni, kwaamba ayi bantu boonse banyumfwe makani akwe akwaashoma. 8Lakwe mwiine taakalinga Mumuni, sombi wakesa mukuba kamboni wa Mumuni. 9Uyu ngoMumuni wancinencine wakesa mucishi ca panshi mukumunikila bantu boonse.\\n10Lakwe wakalingaamo mucishi cino alimwi cishi cakalengwa kwiinda muli nguwe. Nakubi boobo bantu ba mucishi tabakwe kumwishiba. 11Wakesa mucishi cine mishaabo, sombi bene mishaabo baanji tabakwe kumutambula. 12Sombi kubaabo boonse bakamutambula akumushoma, wakabapa nkusu shakuba bana bakwe Lesa. 13Kuba bana bakwe Lesa uku, takukwe kuswa kubashali. Nkokwaamba ayi takukwe kuswa mukuyanda kwa muntu, sombi bakashalwa munkusu shakwe Lesa.\\n14Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi.\\n15Joni wakapa bukamboni pali nguwe akoolobesha ayi, “Ngowooyu uyo ngondakalinga kwaamba ayi, ‘Utoosa pesule lyangu uleendaawo nkusu pali ndime mukwiinga wakalingaako nebo kaantana kushalwa.’ ” 16Muluse lwakwe luunji swebo twakatambula shoolwe shiinji abuumbi. 17Mukwiinga Lesa wakapa Milawo kwiinda muli Mose, sombi luse alushinisho shakesa kwiinda muli Jesu Klistu. 18Taaku muntu wakabonaawo kale Lesa, sombi Mwanaakwe wakashalwabo eenka, uyo usunikwi abuumbi abaIshi, ngowakalengesha ayi ashibikwe.\\nBukamboni bwakwe Joni Mubombeki\\n(Mate 3:1-12; Maako 1:1-8; Luka 3:1-18)\\n19Ono ubu mbobukamboni bwakwe Joni baJuda ba kuJelusalemu ndibakatuma bapailishi alimwi abene Lefi bamwi kumwiipusha ayi, “Ino ndiwaani?”\\n20Joni taakwe kukaka kukumbula, sombi wakakumbula cakutashisa ayi, “Nebo teshi ndime Usalitwe wakwe Lesa.” 21Bakamwiipusha ayi, “Ino ndiwaani? Sa ndiwe Elija?” Lakwe wakakumbula ayi, “Sobwe, teshi ndime Elija.” Bakamwiipusha alimwi ayi, “Sa ino ndiwe mulaluki ngotutoolindila ulya?” Sombi wakaamba ayi, “Sobwe.” 22Lyalo bakamwiipusha ayi, “Ino ndiwaani? Ceebo tulyeelete kuya mukulwiita baabo batutuma. Ono omwiine ulaamba ayi ndiwaani?” 23Lyalo Joni wakakumbula kwiinda mumaswi akaamba Isaya mulaluki mukulukulu ayi,\\n“Ndime muntu umwi utokoolobesha muluyanga ayi,\\n‘Amululamike nshila ya Mwaami!’ ”\\n24Abo bantu bakalinga kwiipusha Joni, bakabatuma mbaFalisi. 25Bakeepusha Joni ayi, “Ono na teshi ndiwe Usalitwe wakwe Lesa, Elija nabi mulaluki ngotutoolindila ulya, utoobombekelanshi?” 26Joni wakabakumbula ayi, “Nebo ntoobombekabo amaanshi, sombi pakati kanu mpwaali uyo ngomuteshi. 27Lakwe ngootoosa pesule lyangu, sombi nebo nsheelete akukotama kwaamba ayi ŋangulule nsapato shakwe.” 28Ishi shoonse shakacitikila mundabala ya Betani kulubasu lwakwicwe lya Mulonga wa Joodani, uko Joni nkwaakalinga kubombekela.\\nJesu Mwanaambelele wakwe Lesa\\n29Mpeeke bushiku bwakaboolaawo Joni wakabona Jesu keesa kuli nguwe. Lyalo wakoolobesha ayi, “Amubone Mwanaambelele wakwe Lesa uyo ukusha shibiibi sha bantu ba mucishi coonse ca panshi! 30Uyu, ngowoolya ngondakalinga kwaamba ndindakaamba ayi, ‘Utoosa pesule lyangu uleendaawo nkusu pali ndime mukwiinga lakwe wakalingaako nebo kaantana kushalwa.’ 31Nebo palwaangu nshindakalinga kumwishi, sombi ndakesa mukubombeka amaanshi kwaamba ayi bamwishibe bene Isilaeli.”\\n32Joni wakapa bukamboni mukwaamba ayi, “Ndakabona Mushimu Usalashi kauswa kwiculu anga nimpolobe akwikala pali nguwe. 33Nebo palwaangu nshindakalinga kumwishi, sombi Lesa uyo wakantuma mukubombeka amaanshi ngowakandwiita ayi, ‘Uyo ngweshi ukabone waselukilwa Mushimu Usalashi akwikala pali nguwe, ukeshibe ayi ngowooyo ubombeka aMushimu Usalashi.’ 34Ono nebo nemwiine ndalibonena alimwi nceceeco ncendaambila cakutatonsha ayi, ‘Uyu nguMwanaakwe Lesa!’ ”\\nBashikwiiya bakwe Jesu bataanshi\\n35Bushiku bwakaboolaawo Joni wakalinga kwiimfwi pamusena weenka uyo alimwi abashikwiiya bakwe bobilo. 36Ndyaakabona Jesu kaainda, wakaamba ayi, “Amubone, ngulya Mwanaambelele wakwe Lesa!” 37Mpomunyaawo bashikwiiya bobilo abo, ndibakanyumfwa cakaamba Joni, bakakonkela Jesu. 38Lyalo Jesu ndyaakacebuka wakabona kabamukonkela, mpeeke wakabeepusha ayi, “Mucafweeko?” Bakakumbula ayi, “Labi, ino mulekala kuli?” (Labi cilaamba ayi mufundishi.) 39Jesu wakakumbula ayi, “Kamwisa mukaboneeko.” Aboobo bakaya akubona nkwaakalinga kwikala. Bakekalaakwe bushiku ubo ceebo lyakalinga kale macolesha.\\n40Pabaabo bobilo bakanyumfwa maswi akwe Joni akukonkela Jesu, umwi wakalinga Andulu mukwabo Simoni Pita. 41Cintu citaanshi ncaakacita Andulu, nkubona Simoni akumwaambila ayi, “Twamucana Klistu.” (Ili liina lilaamba ayi “Usalitwe wakwe Lesa.”) 42Kuswawaawo Andulu wakatola Simoni kuli Jesu.\\nJesu wakalangilisha Simoni akumwaambila ayi, “Webo liina lyako ndiwe Simoni mwanaakwe Jona. Sombi unanookwiitwa ayi Kefasi.” (Liina ili lilasansulula ayi “Pita” nkokwaamba ayi “Mwaandami.”)\\nJesu mbwaakeeta Filipo aNatanaelo\\n43Bushiku bwakaboolaawo Jesu wakayeeya kuya kucishi ca Galili. Mpeeke wakacana Filipo akumwaambila ayi, “Nkonkele!” 44Filipo wakalinga kwikala kundabala ya Betisaida uko kwakalinga kwikala Andulu aPita. 45Lyalo Filipo wakacana Natanaelo, mpeeke wakamwaambila ayi, “Twamucana muntu uyo Mose ngwaakalemba mumabuku a Milawo alimwi abalo balaluki bakulukulu ngobakalemba mumabuku abo, nguJesu wa kuNasaleti, mwanaakwe Josefu.” 46Natanaelo wakeepusha Filipo ayi, “Sa muNasaleti amwalo inga mwaswa cintu cibotu?” Filipo wakakumbula ayi, “Kosa, ukalibonene omwiine.”\\n47Ono Jesu ndyaakabona Natanaelo keesa kuli nguwe wakaamba ayi, “Anooyu mwine Isilaeli wancinencine, muli nguwe taamu kampenda.” 48Natanaelo wakamwiipusha ayi, “Ino mwaanshiba buyani?” Jesu wakakumbula ayi, “Kaatana kukwiita Filipo, ndalinga kukubwene kale kooli mucisamu ca mukuyu.” 49Natanaelo wakakumbula ayi, “NoBafundishi, ncakwiila muli Banababo baLesa! Muli Baami ba bene Isilaeli!” 50Jesu wakaamba ayi, “Sa washooma ceebo cakukwaambila ayi, ‘Ndalinga kukubwene kooli mucisamu ca mukuyu?’ Ulaakubona shintu shiinda waawa!” 51Lyalo wakabaambila ayi, “Ncakwiila, ntoomulwiita ayi mulaakubona liculu lyacaluka abaanjelo bakwe Lesa kabatanta akuseluka paMwanaaMuntu.”","num_words":803,"character_repetition_ratio":0.058,"word_repetition_ratio":0.0,"special_characters_ratio":0.182,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amubalemeke Bapati Ibali Akati Kanu | Yakwiiya\\nAMUBALE MU Afrikaans Albanian American Sign Language Amharic Arabic Argentinean Sign Language Armenian Aymara Azerbaijani Azerbaijani (Cyrillic) Bengali Bicol Bislama Brazilian Sign Language Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Colombian Sign Language Croatian Czech Dangme Danish Drehu Dutch Efik English Estonian Ewe Finnish French Ga Georgian German Greek Greenlandic Guarani Gujarati Gun Haitian Creole Hebrew Hiligaynon Hindi Hungarian Icelandic Igbo Iloko Indonesian Italian Italian Sign Language Japanese Japanese Sign Language Kannada Kazakh Kikaonde Kikuyu Kinyarwanda Kirghiz Kirundi Kisonge Kongo Korean Krio Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Malayalam Maltese Marathi Maya Mexican Sign Language Moore Ndebele Ndonga Nepali Ngabere Norwegian Nyaneka Nzema Oromo Ossetian Pangasinan Papiamento (Aruba) Persian Polish Portuguese Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Romanian Russian Russian Sign Language Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swati Swedish Tagalog Tahitian Tamil Tatar Telugu Thai Tigrinya Tshiluba Tsonga Turkish Twi Tzotzil Ukrainian Urdu Uzbek Venda Vietnamese Wallisian Waray-Waray Wayuunaiki Wolaita Xhosa Yoruba Zande Zulu\\n“Lemeka bapati.”—LEV. 19:32.\\nIno Jehova ubabona buti aabo bacembeede ibasyomeka?\\nMikuli nzi njobajisi bana bapati kujatikizya bazyali babo bacembeede?\\nMbuti mbungano mbozikonzya kubalemeka aabo bacembeede ibali akati kabo?\\n1. Ino bantu bali mubukkale nzi bukatazya?\\nJEHOVA kunyina naakali kuyanda kuti bantu kabapenga abucembele pe. Makanze aakwe akali aakuti baalumi abamakaintu kabakkomene abuumi bubotu mu Paradaiso. Pele lino “zilenge zyoonse zilatongela lyoonse akuba amacise.” (Lom. 8:22) Ino muyeeya kuti Leza ulimvwa buti nabona bantu kabapenga akaambo kacibi? Kuyungizya waawo, ciindi bacembeede nobayandika kulanganizyigwa kabotu, banji balasulaikwa.—Int. 39:5; 2 Ti. 3:3.\\n2. Nkaambo nzi Banakristo ncobababikkila maano bacembeede?\\n2 Bantu ba Jehova balikkomene kuba abacembeede mumbungano. Tulagwasyigwa abusongo bwabo alimwi tulakulwaizyigwa azikozyanyo zyabo zyalusyomo. Bunji bwandiswe, kuli mbotuswaangene abayandwa besu aaba bacembeede. Nokuba boobo, kufwumbwa naa kuli mbotuswaangene naa pe, tulababikkila maano bakwesu abacizyi bacembeede akuzyiba mbozibeendela zintu. (Gal. 6:10; 1 Pe. 1:22) Aboobo, toonse tulagwasyigwa kulanga-langa mbwababona Leza bacembeede. Alimwi, tulalanga-langa mukuli ngobajisi banamukwasyi ambungano caboola kukulanganya bayandwa besu bacembeede.\\n3, 4. (a) Nkulomba nzi ikuyandika kapati nkwaakaamba mulembi wa Intembauzyo 71 kuli Jehova? (b) Ncinzi ncobakonzya kumulomba Leza ibacembeede?\\n3 Mulembi wa Intembauzyo 71:9, wakasololelwa amuuya uusalala kulemba kuti: “Utandisowi kuciindi cakucembaala; utandilekelezyi na inguzu zyangu zyamana.” Intembauzyo eeyi ilibonya kuti njiyeeyo iizumanana kuzwa mu Intembauzyo 70, yalo iijisi katwe kamakani kakuti: “Intembauzyo ya-Davida.” Aboobo, kulibonya kuti mu Intembauzyo 71:9, ngu Davida iwakali kulomba. Davida wakabelekela Leza kuzwa ciindi naakali mukubusi kusikila mane naakacembaala, alimwi Jehova wakamubelesya kucita milimo minji iisiyene-siyene. (1 Sam. 17:33-37, 50; 1 Bam. 2:1-3, 10) Nokuba boobo, Davida wakalimvwa kuti wakali kuyandika kunakulanganizyigwa a Jehova.—Amubale Intembauzyo 71:17, 18.\\n4 Bantu banji mazuba aano bali mbuli Davida. Nokuba kuti bacembaala alimwi “mazuba aamapenzi” abasikila, bazumanana kutembaula Leza kweelana anguzu nzyobajisi. (Muk. 12:1-7) Bunji bwabo tabacikonzyi kucita zintu zyoonse nzyobakali kucita kaindi, kubikkilizya amulimo wakukambauka. Nokuba boobo, abalo balakonzya kumulomba Jehova kutegwa azumanane kubakkomanina akubalanganya. Ibacembeede aaba ibasyomeka balakonzya kuba masimpe kuti Leza uyakuyiingula mipailo yabo. Cili boobo akaambo kakuti mipailo iili boobo itondezya kulibilika kwini-kwini mbuli nkwaakajisi Davida iwakasololelwa amuuya kwaamba majwi aali boobo.\\n5. Ino Jehova ubabona buti bacembeede basyomeka?\\n5 Magwalo alacisalazya kuti Jehova ulababikkila kapati maano aabo ibacembeede ibasyomeka alimwi alatondezya kuti Leza uyanda kuti babelesi bakwe kababalemeka bantu bali boobo. (Int. 22:24-26; Tus. 16:31; 20:29) Lugwalo lwa Levitiko 19:32 lwaamba kuti: “Buka kunembo lyabasimvwi akulemeka bapati. Amuyoowe Leza wanu. Ndime Jehova.” Inzya, kulemeka bapati mumbungano wakali mukuli uuyandika kapati ciindi majwi aayo naakalembwa, alimwi buya asunu mbocibede oobo. Mbuti caboola kumakani aajatikizya kubalanganya? Nguni uupedwe mukuli ooyo?\\n6. Ncikozyanyo nzi Jesu ncaakapa cakulanganya bazyali?\\n6 Ijwi lya Leza litwaambila kuti: “Lemeka bauso abanyoko.” (Kul. 20:12; Ef. 6:2) Jesu wakatondezya mbouyandika mulawo ooyu ciindi naakasinganya ba Farisi abalembi ibatakali kuyanda kulanganya bazyali babo. (Mk. 7:5, 10-13) Jesu mwini kumugama wakapa cikozyanyo cibotu. Mucikozyanyo, ciindi naakali acisamu cakupenzyezya kalaafwaafwi kufwa, Jesu wakapa Johane sikwiiya wakwe mukuli wakulanganya banyina, andiza aciindi eeco bakali bamukamufwu.—Joh. 19:26, 27.\\n7. (a) Ninjiisyo nzi mwaapostolo Paulo njakaamba iijatikizya kulanganya bazyali? (b) Ino majwi aa Paulo akaambwa mubukkale buli buti?\\n7 Mwaapostolo Paulo wakasololelwa amuuya uusalala kulembela basyominyina kuti beelede kulanganya mikwasyi yabo. (Amubale 1 Timoteyo 5:4, 8, 16.) Amubone bukkale mbwaakaamba Paulo naakalembela Timoteo. Paulo wakapandulula muntu uukonzya kweelela kupegwa lugwasyo lwamali ambungano ayooyo uutakonzyi. Wakasalazya kwaamba kuti bana basyomi, bazyukulu, abamukowa wayooyo ucembeede mbabeelede kuba kumbele mukumulanganya. Kwiinda mukucita boobo, mbungano tiiyakali kukonzya kuba amukuli wakujanina muntu ooyo ziyandika mubuumi. Mbubwenya buyo amazuba aano, nzila imwi Banakristo mbobatondezya muuya ‘wakubelekela Leza cakulyaaba’ nkwiinda mukujanina banamukwasyi zintu ziyandika.\\n8. Mbwaanga Bbaibbele talyaambi cacigaminina lugwasyo lweelede kupegwa kubazyali bacembeede, nkaambo nzi eeci ncocili cabusongo?\\n8 Mubufwaafwi, bana bapati Banakristo mbabajisi mukuli wakujanina bazyali babo zintu zyakumubili nzyobayandika. Paulo aawa wakali kwaamba ‘banamukwasyi ibasyomi,’ nokuba boobo bazyali ibatali Bakamboni tabeelede kulekelezyegwa. Nzila nzyobabelesya bana kulanganya bazyali babo ziliindene-indene. Kunyina bukkale bukozyene. Nzyobayandika, bukkale, alimwi abuzumi ziliindene. Bamwi ibacembeede balijisi bana banji; mpoonya bamwi bajisi buyo mwana omwe. Bamwi inga basyoma lugwasyo kuzwa kumfwulumende, pele bamwi tabakonzyi kugwasyigwa amfwulumende. Nzintu nzyobayanda aabo ibayandika kulanganizyigwa ziliindene azyalo. Aboobo, tacili camaano alimwi taluli luyando kutongooka nzila yaumwi uusola kulanganya banamukwasyi ibacembeede. Kwiinda waawo, Jehova ulakonzya kukulongezya kusala kuli koonse ikuyeeme aa Magwalo akupa kuti zintu zyeende kabotu, oobu mbombubo mbwaali kucita kuzwa ciindi ca Musa.—My. 11:23.\\n9-11. (a) Mbukkale nzi bukatazya mbobakonzya kusikilwa bamwi? (Amubone cifwanikiso icili kumatalikilo aacibalo.) (b) Nkaambo nzi bana bapati ncobateelede kufwambaana kuleka mulimo wabo waciindi coonse? Amupe cikozyanyo.\\n9 Ikuti nkobakkala bazyali kakuli kulamfwu kuzwa nkobakkala bana, inga yaba penzi kubapa ziyandika bazyali ibacembeede. Kuciswa kapati cakutayeeyelwa, andiza akaambo kakuwa, kutyoka cifwuwa, naa penzi limwi buyo, inga kwapa kuti mubaswaye bazyali banu cakufwambaana. Kuzwa waawo, inga bayandika lugwasyo—andiza kwaciindi buyo cisyoonto naa kwaciindi cilamfwu. *\\n10 Aabo ibali mumulimo waciindi coonse, ibabeleka milimo yakumuuya iibapa kuyakubelekela mumasena aali kulamfwu akumaanda, balakonzya kupenga kapati. Aabo ibabeleka mulimo waa Bbeteli, mulimo wabumisyinali, alimwi abalangizi beendeenda balauyanda kapati mulimo wabo, alimwi baubona kuti ncipego kuzwa kuli Jehova. Nokuba boobo, ikuti bazyali baciswa, inga bayeeya kuti, ‘Tweelede kuuleka mulimo wesu ooyu kutegwa tukalanganye bazyali besu.’ Pele inga caba cabusongo kwaalanga-langa makani kwiinda mukwaapailila akubona naa ncencico ncobayanda abalo bazyali. Kunyina weelede kufwambaana kusiya mikuli yakwe yamulimo, alimwi buya talili lyoonse kucita boobo nokunga kwayandika. Andiza penzi eelyo lyakuciswa inga kalili buyo lyakaindi kasyoonto, lyalo aabo ibali mumbungano mobabede bazyali ndyobakonzya kugwasyilizya kulanganya.—Tus. 21:5.\\n11 Amubone cikozyanyo cabanabunyina ibakali kubelekela mumasena aali kulamfwu akumaanda. Muniini akati kabo wakali kubeleka mulimo wabumisyinali ku South America, umwi wakali kubelekela kumaofesi mapati, ku Brooklyn, New York. Bazyali babo ibacembeede bakali kuyandika lugwasyo. Bana basankwa aaba antoomwe abamakaintu babo bakabaswaya bazyali babo ibakali kukkala mucisi cimwi cili kujwe kutegwa babandike mbobakali kunga babagwasya. Mukuya kwaciindi, banabukwetene ibakali kubelekela ku South America bakasala kuti baleke mulimo wabo akupiluka kuŋanda. Kabatanacita oobo, bakatambula luwaile kuzwa kuli sicuuno wakabunga kabaalu iwakali mumbungano mobakabede bazyali babo. Baalu bakumbungano eeyo bakalibandikide mbobakali kunga bagwasya mubukkale oobo alimwi bakaambila bamisyinali aabo kuti bazumanane buyo amulimo wabo. Baalu bakali kulumba kumulimo ngobakali kucita banabukwetene aabo alimwi bakalikanzide kubagwasyilizya bazyali babo. Banamukwasyi boonse bakalumba akaambo kaluyando luli boobo.\\n12. Ncinzi banamukwasyi Banakristo ncobeelede kubikkila maano nobasala mbobayanda kubalanganya bazyali babo?\\n12 Kufwumbwa nzila njobakonzya kusala banamukwasyi Banakristo kutegwa balanganye bazyali babo bacembeede, boonse ibajatikizyidwe beelede kubikkila maano kubona kuti kusala kwabo takuleti masampu kuzina lya Leza. Tatweelede kuba mbuli basololi bazikombelo bamumazuba aa Jesu. (Mt. 15:3-6) Tuyanda kuti kusala kwesu kube kooko ikumulemeka Leza alimwi ambungano.—2 Ko. 6:3.\\n13, 14. Nkaambo nzi ncotukonzya kwaamba kuti mbungano zilabikkila maano kulanganya bacembeede kweelana ancaamba Magwalo?\\n13 Tabali boonse ibakonzya kugwasyilizya baabo ibali mumulimo waciindi coonse mbuli mbokwaambwa kale musyule. Nokuba boobo, kwiinda mukulanga zintu zyakacitika mumwaanda wamyaka wakusaanguna, tubona kuti mbungano zilabikkila maano mukulanganya nzyobayandika bakwesu abacizyi bacembeede bapa cikozyanyo cibotu. Bbaibbele lilaamba zyambungano yamu Jerusalemu kuti “kunyina wakabulide cintu.” Eeci tacaambi kuti boonse bakalivwubide. Kulibonya kuti bamwi bakali bacete, nokuba boobo “bakali kwaabanya bantu, umwi aumwi kweelana akubula kwakwe.” (Mil. 4:34, 35) Nokwakainda ciindi, kwakabbuka penzi limwi. Kwakazyibwa kuti ‘bamukabafwu bamwi tiibakali kupegwa zyakulya zyakali kwaabilwa abuzuba.’ Aboobo, baapostolo bakalailila kuti kusalwe baalumi beelela, balo ibakali kuyakubikka bubambe kutegwa bamukabafwu balanganizyigwe kabotu. (Mil. 6:1-5) Masimpe kuti bubambe oobu bwakali bwakaindi buyo kasyoonto kutegwa balanganye ziyandika zyabaabo ibakaba Banakristo ciindi ca Pentekoste 33 C.E. alimwi ibakazumanana kukkala mu Jerusalemu kwaciindi cili mbocibede kutegwa bayume kumuuya. Nokuba boobo, nzyobakacita baapostolo zitondezya kuti mbungano ilakonzya kubagwasya aabo bapengede.\\n14 Mbuli mbotwabona, Paulo wakapa Timoteo malailile aatondezya bukkale mwalo Munakristo mukamufwu mwaakali kukonzya kweelela kutambula lugwasyo kuzwa kumbungano. (1 Ti. 5:3-16) Mulembi wa Bbaibbele Jakobo awalo wakatondezya kuti Banakristo balijisi mukuli wakulanganya bamucaala, bamukabafwu, abambi ikuti basikilwa mapenzi naa nobabulide. (Jak. 1:27; 2:15-17) Awalo mwaapostolo Johane wakaamba boobu: “Ikuti ooyo uujisi lubono lwamunyika eeyi wabona munyina uupengede nokuba boobo tayandi kumufwida luzyalo, ino luyando lwa Leza inga lwazumanana buti mulinguwe?” (1 Jo. 3:17) Ikuti Munakristo umwi aumwi ulipedwe mukuli uuli boobo kujatikizya bapengede, nkokuti ayalo mbungano ilijisi mukuli ooyo.\\nMbuti mboikonzya kugwasya mbungano kuti kwacitika ntenda? (Amubone mincali 15 a 16)\\n15. Twaambo nzi tukonzya kubikkilizyigwa nomugwasya bakwesu abacizyi bacembeede?\\n15 Muzisi zimwi, mbunga zimwi zyamfwulumende zilapa mali, mapulogilamu aasumpula bukkale, alimwi zilabbadela bantu kutegwa kabagwasya bantu bacembeede mumaanda aabo. (Lom. 13:6) Muzisi zimwi kunyina bubambe buli boobo. Aboobo, lugwasyo ndobakonzya kupa banamukwasyi alimwi ambungano kubakwesu abacizyi bacembeede luliindene kweelana abukkale. Ikuti bana kabakkala kulamfwu ankobakkala bazyali babo, lugwasyo ndobakonzya kupa luyeeme aabukkale bwabo. Bana aabo inga bacita kabotu kubandika cakwaanguluka abaalu bamumbungano mobazulilwa bazyali babo kutegwa boonse bazyibe bukkale bwamukwasyi. Mucikozyanyo, baalu balakonzya kubagwasya bazyali aabo kuti bakalilembye kumfwulumende kutegwa kabagwasyigwa. Baalu alimwi balakonzya kwaambila bana babo bapati kujatikizya zintu zili mbuli magwalo aakasika aatanajalulwa naa musamu iwatakabelesyegwa. Kubandika makani munzila iili boobo kulakonzya kugwasya mukujana nzila mbotu alimwi kutegwa zintu zitaindili kubija. Cilasalala kuti ciindi nokuli basikugwasyilizya alimwi abasikupa lulayo afwaafwi ibaiminina bana, balakonzya kucesya kulibilika kwamukwasyi.\\n16. Mbuti Banakristo bamwi mbobabagwasya bacembeede mumbungano?\\n16 Akaambo kaluyando ndobajisi kulibaabo bacembeede, Banakristo bamwi balisungula kubelesya ciindi cabo anguzu kutegwa bagwasye munzila nzyobakonzya. Balasoleka kubabikkila maano kapati ibacembeede ibali mumbungano yabo. Basikulisungula bamwi balaabanya milimo imwi kuli basimbungano akulanganya bacembeede kwiinda mukupana malizyi. Mbwaanga balizyi kuti bukkale bwabo inga tiibwabazumizya kutalika mulimo waciindi coonse, balikkomene kugwasyilizya bazyali babana aabo kutegwa bazumanane mumulimo wabo. Eelo kaka ulalombozyeka muuya ngobatondezya bakwesu bali boobu! Cakutadooneka, bwaabi bwabo tabwaambi kuti bana tabacikwe mukuli wakulanganya bazyali babo.\\nAMUBALEMEKE BAPATI AMAJWI AAYUMYA-YUMYA\\n17, 18. Ino bube bubotu bugwasya buti mukulanganya bacembeede?\\n17 Boonse ibajatikizyidwe mububambe bwakulanganya umwi beelede kusoleka kusikila mpobagolela kutegwa kakuli lukkomano. Ikuti kamujisi lubazu, amubeleke canguzu kutegwa kakuli muuya mubotu. Zimwi ziindi, kucembaala kuletela kutakkomana, andiza buya kukopana mumizeezo. Aboobo, inga mwayandika kubikkila maano kutegwa kamubalemeka akubakulwaizya bakwesu abacizyi bacembeede kwiinda mukuba aamibandi iikulwaizya. Aabo ibabelekela Leza kwamyaka minji beelede kulumbaizyigwa. Jehova talubi milimo njobacita mukumubelekela, abalo Banakristonyina tababalubi.—Amubale Malaki 3:16; Bahebulayo 6:10.\\n18 Kuyungizya waawo, buyumuyumu bwabuzuba abuzuba bulakonzya kulwanwa kwiinda mukuba amasesya aziindi zyeelede. (Muk. 3:1, 4) Bamwi bacembeede inga tabayandi zyakulomba-lomba. Balizyi kuti kubikkilwa maano alimwi akuswaigwa kuyeeme aabube bwabo. Ziindi zinji tulabamvwa basikuswaya kabaamba kuti, “Ciindi nindakaunka kuyakukulwaizya mulongwe uucembeede, ndime ndakakulwaizyigwa.”—Tus. 15:13; 17:22.\\n19. Mbulangizi nzi mbobeelede kuba aambubo bana abapati caboola kuzintu ziboola kumbele?\\n19 Tuliyandide kapati kubona ciindi kupenga azibi ziboola akaambo kakutalondoka noziyakumana. Kwacecino ciindi, babelesi ba Leza beelede kuyumya bulangizi bwabo kuli ceeco citamani. Tulizyi kuti lusyomo muzisyomezyo zya Leza nengobyo muziindi zyabuumba naa mapenzi. Eelo kaka lusyomo oolu lulayandika kapati nkaambo “tatulengaani pe, pele nokuba kuti buntu bwesu bwaanze buyaabunyonyooka, buntu bwesu bwamukati buyaabubukulusyigwa buzuba abuzuba.” (2 Ko. 4:16-18; Heb. 6:18, 19) Kunze aakuba alusyomo luyumu muzisyomezyo zya Leza, ncinzi cikonzya kumugwasya kuzuzikizya mikuli yanu yakugwasya bamwi? Nzila zimwi zigwasya zilabandikwa mucibalo citobela.\\n^ par. 9 Cibalo citobela cilalanga-langa nzila zimwi nzyobakonzya kubelesya bacembeede abana babo.","num_words":1861,"character_repetition_ratio":0.056,"word_repetition_ratio":0.0,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Photo-Drama: Filimu Iigwasya Kuba Alusyomo Yakkwanya Myaka Iili 100 | Yakwiiya\\nAMUBALE MU Afrikaans Albanian Amharic Arabic Armenian Aymara Azerbaijani Azerbaijani (Cyrillic) Bengali Bicol Bislama Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Danish Drehu Dutch Efik English Estonian Ewe Finnish French Ga Georgian German Greek Greenlandic Guarani Gujarati Gun Haitian Creole Hebrew Hiligaynon Hindi Hungarian Icelandic Igbo Iloko Indonesian Italian Japanese Kannada Kazakh Kikaonde Kikuyu Kimbundu Kinyarwanda Kirghiz Kirundi Kongo Korean Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Malayalam Maltese Marathi Maya Myanmar Ndebele Ndonga Nepali Ngabere Norwegian Nyaneka Nzema Oromo Otetela Pangasinan Papiamento (Aruba) Persian Polish Portuguese Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Romanian Russian Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swati Swedish Tagalog Tahitian Tajiki Tamil Tatar Telugu Thai Tigrinya Totonac Tshiluba Tsonga Turkish Twi Tzotzil Ukrainian Umbundu Urdu Uzbek Venda Vietnamese Wallisian Waray-Waray Wolaita Xhosa Yoruba Zapotec (Isthmus) Zulu\\nFilimu Iigwasya Kuba Alusyomo Yakkwanya Myaka Iili 100\\n“Uulya uboneka mbuli kuti tali mukwesu Russell pele ngonguwe!”—Sikweebelela filimu ya “Photo Drama” mu 1914.\\nMWAKA uuno filimu yakusaanguna ya “Photo-Drama of Creation” yakkwanya myaka iili 100 kuzwa noyakabambwa, filimu iibambilidwe kugwasya bantu kuba alusyomo mu Bbaibbele mbolili Jwi lya Leza. Ciindi lusyomo lwabantu banji nolwakanyongene akaambo kakusyoma mukusanduka, kukazya kapati alimwi akudooneka, filimu ya “Photo-Drama” yakali kusumpula Jehova kuba Mulengi.\\nCharles T. Russell, walo iwakali kusololela akati ka Basikwiiya Bbaibbele, wakazumanana kuyandaula nzila iigwasya kapati alimwi iifwambaana yakumwaya kasimpe kamu Bbaibbele. Ciindi eeco Basikwiiya Bbaibbele bakali kubelesya mabbuku aasimbidwe kwamyaka iinda ku 30. Pele lino bakaba amuzeezo mupya: cipekupeku.\\nKUMWAYA MAKANI MABOTU KWIINDA MUKUBELESYA CIPEKUPEKU\\nMumyaka yakuma 1890, kweebelela cipekupeku cinyina majwi kwakatalika. Kuzikusika kumatalikilo aamwaka wa 1903, filimu iitondezya makani aabukombi yakatondezyegwa mucikombelo camu New York City. Aboobo, mumwaka wa 1912 ciindi Russell cabusicamba naakatalika kulibambila filimu ya “Photo-Drama,” nceciindi kupanga cipekupeku nokwakali kutalika. Wakabona kuti nzila eeyi yakali kukonzya kumwaya kasimpe kamu Bbaibbele kwiinda mabbuku aasimbidwe alikke.\\nFilimu eeyi ya “Photo-Drama” iyakali kutola mawoola aali lusele kanji-kanji yakali kutondezyegwa muzibeela zyone, zibeela izili 96 zifwaafwi zyamu Bbaibbele zyakalekkoodwa akuluulwa amwaambi uuzyibidwe kapati alimwi iwakajisi ijwi libotu. Kwakali kulila nyimbo zibotu muzibeela zinji zyafilimu. Bakwesu ibakayiisidwe kabotu bakali kulizya majwi anyimbo kubelesya mincini iibelesya malekkoodi, kweendelanya majwi azifwanikiso alimwi azisobano zyamakani aamu Bbaibbele.\\n“Filimu eeyi yakalijisi zifwanikiso zyakali kutondezya kulengwa kwazintu mbuli nyenyezi mane kusika aku Bulelo bwa Kristo bwa Myaka Iili 1000.”—Majwi aaba F Stuart Barnes, kabajisi myaka yakuzyalwa iili 14 mu 1914\\nBunji bwazibeela zyafilimu alimwi azifwanikiso zinji zyakabambwa abasikulekkooda basimakwebo. Basyaazibwene mukuzekaula baku Philadelphia, New York, Paris, alimwi abaku London bakabelesya maanza kupenta zifwanikiso zimwi zyamu filimu. Babelesi bamu Bethel’s Art Room abalo bakabeleka mulimo mupati wakupenta kanji-kanji kubamba zifwanikiso zimbi zyakanyonyooka. Kunze aamafilimu aakaulwa, bamukwasyi wa Bbeteli bakatondezyegwa mufilimu munsi-munsi aku Yonkers, mu New York, ciindi nobakali kusobana zibeela zya Abrahamu, Izaka alimwi amungelo iwakakasya Abrahamu kutuula mwanaakwe.—Matl. 22:9-12.\\nKwakali kuyandika bakwesu banji kumulimo mupati iwakeelede kucitwa kutegwa filimu ya Photo Drama of Creation itondezyegwe\\nMulongwe wa Mukwesu Russell wakaambila basimubweza twaambo kuti nzila eeyi yakumwaya makani “yakali kukonzya kugwasya bantu banji kukkomanina Magwalo, kwiinda nzila iili yoonse iyakabambwa kale kusumpula makani aabukombi.” Sena basololi bazikombelo bakali kuyakulumbaizya kusoleka kuli boobo kwakuti bantu banji bajisi nzala yakumuuya basikilwe mulumbe? Peepe. Muciindi caboobo, beendelezi ba Bunakristo Bwanyika antoomwe bakasampaula filimu ya “Photo-Drama,” mane bamwi bakabelesya lweeno kukasya bantu kuti batayeebeleli. Mubusena bumwi, kabunga kamweendelezi umwi kakazima magesi.\\nBagwasyilizi bacizyi kuzwa mumbungano zyamu busena oobo bakapa mamiliyoni aamakkopi aatubbuku aajisi zifwanikiso zya Filimu ya “Photo-Drama” kakunyina kubbadelesya\\nAabo ibakajanika bakatambula alimwi a “Cinyongole” cijisi cifwanikiso ca Jesu mulombe. Cinyongole cakali kuyeezya wakacisamide kuti “mwana waluumuno”\\nNokuba boobo, bantu bakazula mumaanda aakweebeleda kutegwa beebelele filimu ya “Photo-Drama” kakunyina kubbadela. Mucisi ca United States, madolopo aasika ku 80 akali kutondezya filimu ya “Photo-Drama” abuzuba. Basikweebelela banji bakagambwa kubona ‘cipekupeku cijisi majwi’ ciindi cakusaanguna. Kwiinda mukubelesya muncini wakufwotozya, bakacikonzya kulangilila kana kakayuni nokakali kuzwa mucikwa alimwi aduba nolyakali kuvwungunuka. Makani aasayaansi kuciindi eeco akali kutondezya busongo bwa Jehova bugambya. Mbubwenya mbokwaambwa kumatalikilo, kubona Mukwesu Russell acipekupeku kaamba makani aantalisyo kujatikizya filimu ya “Photo-Drama,” sikweebelela umwi mane wakayeeya kuti mwaambi wakali kulibonya “mbuli kuti tali Mukwesu Russell pele ngonguwe!”\\nNZILA IIGWASYA KAPATI MUKUYIISYA BBAIBBELE\\nFilimu ya “Photo-Drama” yakatalika mu January 11, 1914, abusena oobu bubotu bwakweebeleda bwamu New York City ciindi eeco busena oobu alimwi ababelesi bakali kuzulilwa mumbunga ya International Bible Students Association\\nMulembi wamakani aakaindi alimwi syaazibwene mumafilimu, Tim Dirks, wakapandulula filimu ya “Photo-Drama” kuti “yakali filimu yakusaanguna iyakeendelanya majwi aakalekkoodwa, zifwanikiso zyeenda alimwi amibala yazifwanikiso.” Mafilimu aakaliko kaitanapangwa filimu ya “Photo-Drama” akabelesya nzila eezyi zimwi pele kutali zyoonse mucibeela comwe, kwaambisya cijisi mutwe wamakani aamu Bbaibbele. Alimwi taakwe yakajisi basikweebelela banji—babalilwa ku 9 miliyoni ku North America, Europe, Australia, alimwi aku New Zealand mumwaka wakusaanguna ulikke.\\nFilimu ya “Photo-Drama” yakatalika mu January 11, 1914, ku New York City. Myezi iili ciloba noyakainda kwakaboola ntenda iyakazikwiitwa kuti Nkondo Yakusaanguna Yanyika Yoonse. Nokuba boobo, bantu banji nyika yoonse bakazumanana kubungana kutegwa beebelele filimu ya “Photo-Drama,” akuumbulizyigwa azifwanikiso zitondezya zilongezyo ziyoobola akaambo ka Bwami. Kufwumbwa cintu ncomukonzya kweezyanisya kujatikizya mwaka wa 1914, taakwe icikonzya kweelana afilimu ya “Photo-Drama.”\\nMafilimu a “Photo Drama” aali 20 akabelesyegwa atubunga mucooko coonse ca North America\\nMabala Amusale naa muyanda kukkopa zyakamwaigwa izyakalekkoodwa NGAZI YAMULINDIZI—YAKWIIYA February 2014","num_words":850,"character_repetition_ratio":0.068,"word_repetition_ratio":0.0,"special_characters_ratio":0.158,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jesu ku Pobwe lya Zivwuka | Buumi bwa Jesu\\nKu Jerusalemu ku Pobwe lya Zivwuka\\nJESU WAYIISYA KUTEMPELE\\nJesu wazyibwa kapati mumyaka eeyi yainda kuzwa ciindi naakabbapatizyigwa. Ba Juda banji baabona maleele aakwe, alimwi makani aajatikizya milimo yakwe amwaika mucisi coonse. Lino ku Pobwe lya Zivwuka ku Jerusalemu, bantu banji balamuyandaula.\\nBantu aaba baliindene kapati kujatikizya mbobamubona Jesu. Bamwi baamba kuti: “Muntu uuli kabotu.” Bambi baamba kuti: “Tali kabotu pe. Weena nkamu yabantu.” (Johane 7:12) Bunji bwabantu aaba ibalivwiya-vwiya bacita boobo kumazuba aakusaanguna aapobwe. Pele kunyina uulaacamba cakumwiiminina Jesu kwiinda mukwaamba caantangalala kujatikizya nguwe akaambo kakuti boonse bayoowa mbobakonzya kucita basololi baba Juda.\\nPobwe nolyasika akati, Jesu wabbuka kutempele. Bantu banji bagambwa akaambo kakuti ulicibwene kuyiisya. Kunyina naakaiya kuzikolo zyaba Rabbi, aboobo ba Juda bagambwa balaamba: “Ino muntu ooyu wakaba buti aluzyibo luli boobu lwa Magwalo kakuli tanaakaiya kuzikolo?”—Johane 7:15.\\nJesu wapandulula kuti: “Nzyondiyiisya tazili zyangu pe, pele nzizya yooyo wakandituma. Ikuti muntu umwi kayanda kucita kuyanda kwa Leza, ulazyiba kujatikizya njiisyo eeyo ikuti naa izwa kuli Leza naa ndaamba buyo nzyondilipangila ndemwini.” (Johane 7:16, 17) Ikuyiisya kwa Jesu kuleendelana a Mulawo wa Leza, aboobo cilisalede kuti uyanda kuti Leza alemekwe ikutali nguwe pe.\\nMpoonya Jesu wabuzya kuti: “Sena Musa tanaakamupa Mulawo? Pele kunyina naba omwe wandinywe uutobela Mulawo ooyo. Ncinzi ncomuyanda kundijaila?” Bamwi ibali munkamu, ambweni beenzu ibazwa kumunzi uumbi tabaazyi makani aaya. Cabagambya kuti muntu umwi inga wayanda kujaya mwiiyi mubotu boobu. Aboobo bayeeya kuti Jesu unyongene buya, ncecimupa kwaamba boobu. Bamwaambila kuti: “Ulaadaimona yebo. Nguni uuyanda kukujaya?”—Johane 7:19, 20.\\nMubwini, mwaka omwe acisela iwainda, basololi baba Juda bakali kuyanda kumujaya Jesu naakaponya mwaalumi umwi mu Sabata. Aboobo Jesu lino wapandulula munzila iisalede akuyubununa bufwubafwuba bwabo. Waamba kuti kweelana ancowaamba Mulawo, mwana musankwa weelede kupalulwa mubuzuba bwalusele kuzwa ciindi naakazyalwa, nokuba kuti buzuba oobu kabuli buzuba bwa Sabata. Mpoonya wabuzya kuti: “Ikuti naa muntu ulapalulwa musabata kutegwa Mulawo wa Musa utatyolwi, sena mebo mulandikalalila akaambo kakuti ndakaponya muntu musabata? Amuleke kubeteka kweelana ambwalibonya muntu, pele amubeteke alubeta lwabululami.”—Johane 7:23, 24.\\nBantu ibakkala mu Jerusalemu ibazyi bukkale buliko aciindi eeci bati: “Sena ooyu tali ngomuntu uulya ngobayanda kujaya [baleli]? Pele amubone! Ulaambaula antangalala, alimwi kunyina ancobaamba kulinguwe. Sena baleli bazyiba ncobeni kuti ooyu ngo Kristo?” Aboobo, nkaambo nzi bantu ncobatasyomi kuti Jesu ngo Kristo? Baamba kuti: “Swebo tulizyi nkwazwa muntu ooyu; pele aakuboola Kristo, kunyina muntu uuyoozyiba nkwazwa.”—Johane 7:25-27.\\nNkumunya kutempele ooko, Jesu wabaambila kuti: “Mulindizyi alimwi mulikuzyi nkondizwa. Tiindakaliboolela ndemwini pe, pele ooyo wakandituma nkwali ncobeni, alimwi nywebo tamumuzyi pe. Mebo ndilimuzyi, nkaambo ndili mwiiminizi uuzwa kulinguwe, alimwi walo nguwakandituma.” (Johane 7:28, 29) Bamvwe makani aaya aasalede, basola kumujata Jesu, ambweni kutegwa bamubikke muntolongo naa kumujaya. Pele, baalilwa kucita boobo nkaambo tacinasika ciindi cakuti Jesu ajaigwe.\\nNokuba boobo, ibanji bamusyoma Jesu, alimwi buya baleelede kucita oobo. Wakeenda atala amaanzi, wakaumuzya guwo, wakasanina zyuulu zyabantu munzila yamaleele azinkwa zisyoonto atuswi, wakaponya balwazi, wakapa kuti balema beende, wakajalula meso aaboofwu, wakaponya basicinsenda alimwi wakabusya nobaba bantu bafwide. Aboobo baliluzi kubuzya kuti: “Aakuboola Kristo, sena uyoocita maleele manji kwiinda ngaacita muntu ooyu?”—Johane 7:31.\\nBa Farisi nobamvwa nkamu yabantu kayaamba zintu eezyi, balo antoomwe abasilutwe babapaizi batuma bakapaso kuti bakamujate Jesu.\\nJesu naasika kupobwe, ino bantu baamba nzi kujatikizya nguwe?\\nIno Jesu wapandulula buti kutegwa atondezye kuti tatyoli Mulawo wa Leza?\\nNkaambo nzi bantu banji ncobamusyomena Jesu?","num_words":522,"character_repetition_ratio":0.046,"word_repetition_ratio":0.0,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"1 Bakorinto 11 | Bbaibbele lili a Intaneti | Bbaibbele lya Busanduluzi Bwanyika Mpya\\n1 Bakorinto 11:1-34\\n“Amwiiye ndime” (1)\\nBusilutwe akusama citambala (2-16)\\nKucita Mulalilo wa Mwami (17-34)\\n11 Amwiiye ndime mbubonya andime mbondiiya Kristo.+ 2 Ndilamulumbaizya nkaambo mulandiyeeya muzintu zyoonse alimwi mulazitobelesya zilengwa mbubonya mbondakamwaambila nzizyo. 3 Pele ndiyanda kuti muzyibe kuti mutwe wamwaalumi uuli woonse ngu Kristo+ awalo mutwe wamukaintu mwaalumi;+ mpoonya mutwe wa Kristo ngu Leza.+ 4 Kufwumbwa mwaalumi uupaila naa uusinsima kalivwumbide kumutwe uusya mutwe wakwe nsoni; 5 pele kufwumbwa mukaintu uupaila naa uusinsima+ katalivwumbide kumutwe uusya mutwe wakwe nsoni, nkaambo ncimwi buyo amukaintu uugeledwe munkulu. 6 Nkaambo ikuti mukaintu katalivwumbi kumutwe, nkokuti agelwe; pele ikuti kacuusya nsoni kumukaintu kugelwa naa kukululwa, alivwumbe. 7 Mwaalumi teelede kulivwumba kumutwe, nkaambo walo ncikozyanyo+ alimwi mbulemu bwa Leza, pele mukaintu mbulemu bwamwaalumi. 8 Nkaambo mwaalumi tanaakazwa kumukaintu pe, pele mukaintu nguwakazwa kumwaalumi.+ 9 Kunze lyaboobo, mwaalumi tanaakalengelwa mukaintu pe, pele mukaintu nguwakalengelwa mwaalumi.+ 10 Nkakaambo kaako mukaintu weelede kuba acitondezyo cakulibombya kumutwe wakwe akaambo kabangelo.+ 11 Kunze lyaboobo, mu Mwami, mukaintu takonzyi kubako kuti kakunyina mwaalumi awalo mwaalumi takonzyi kubako kuti kakunyina mukaintu. 12 Nkaambo mbubonya mukaintu mbwaakazwa kumwaalumi,+ awalo mwaalumi nkwali kwiinda mumukaintu; pele zintu zyoonse zizwa kuli Leza.+ 13 Amulikoswede makani nobeni: Sena cileelela kuti mukaintu apaile kuli Leza katalivwumbide kumutwe? 14 Sena bukkale bwini tabumuyiisyi kuti cileta masampu kumwaalumi kuti kajisi masusu malamfwu, 15 pele ikuti mukaintu kajisi masusu malamfwu, mbulemu kulinguwe? Nkaambo upedwe masusu muciindi cacitambala. 16 Pele ikuti muntu umwi kayanda kukazya kwiinda mukutobela ciyanza cimbi, swebo tunyina ciyanza cimbi pe noziba mbungano zya Leza. 17 Pele kumakani aaya ngondimulailila, tandimulumbaizyi buya pe nkaambo mwaswaangana antoomwe tamuswaanganini kucita zibotu pe, pele muswaanganina kucita zibi. 18 Nkaambo amubone, nomuswaangana antoomwe mumbungano, ndimvwa kuti kuli kwaandaana akati kanu; alimwi munzila imwi ndilasyoma kuti makani aaya ngamasimpe. 19 Nkaambo kuleelede kuba tukamu twabantu bazandukide akati kanu,+ kutegwa aabo mbakkomanina Leza abalo balibonye. 20 Ciindi nomuswaangana mubusena bomwe, mubwini tamuswaanganini kuti mulye Mulalilo wa Mwami.+ 21 Nkaambo nomucita oobo, aumwi usaanguna kulya cilalilo cakwe mwini, cakuti kujanika kuti umwi ufwide nzala alimwi umbi ulikoledwe. 22 Sena tamujisi maanda momukonzya kulida akunywida? Naa sena musampaula mbungano ya Leza akubausya nsoni aabo banyina ncobajisi? Ino ndimwaambile nzi? Sena ndimulumbaizye? Kumakani aaya nsikoomulumbaizya pe. 23 Nkaambo ndakatambula kuzwa ku Mwami eeco andime ncindakamuyiisya, kuti Mwami Jesu busiku+ mbwaakali kuyakwaabwa wakabweza mukamu, 24 eelyo naakamana kulumba wakaukomauna akwaamba kuti: “Eeci ciiminina mubili wangu+ uupegwa akaambo kandinywe. Kamucita oobu lyoonse kutegwa kamundiyeeya.”+ 25 Wakacita mbubonya oobo kujatikizya nkapu,+ nobakamana kulya cilalilo, ulaamba: “Inkapu eeyi yiiminina cizuminano cipya+ iciyeeme abulowa bwangu.+ Amuzumanane kucita oobu, kufwumbwa leelyo nomunywa nkapu eeyi, ikundiyeeya.”+ 26 Nkaambo kufwumbwa nomulya mukamu ooyu akunywa nkapu eeyi, mulazumanana kwaambilizya lufwu lwa Mwami, kusikila akaboole. 27 Aboobo kufwumbwa uulya mukamu naa kunywa nkapu ya Mwami munzila iteelede unooli amulandu kujatikizya mubili alimwi abulowa bwa Mwami. 28 Muntu asaangune kulilingula abone naa uleelela,+ mpoonya natiilye mukamu alimwi akunywa nkapu. 29 Nkaambo ooyo uulya akunywa katazyi ncowiiminina mubili nkokuti uliletela lubeta kwiinda mukulya akunywa. 30 Nkakaambo kaako ibanji akati kanu tabajisi nguzu alimwi balicisidwe, alimwi ibamwi baloona mulufwu.*+ 31 Pele ikuti twalilingula akubona naa tuleelela, tatukonzyi kubetekwa pe. 32 Nokuba boobo, notubetekwa, tulalulamikwa a Jehova,*+ kutegwa tutapegwi mulandu antoomwe anyika eeyi.+ 33 Aboobo, bakwesu, nomuswaangana antoomwe kuti mulye mulalilo, amulindilane. 34 Ikuti umwi kafwide nzala, alye kuŋanda yakwe, kutegwa nomuswaangana antoomwe mutabetekwi.+ Pele kujatikizya makani aasyaala ndiyakwaalanganya ndaakuboola ooko.\\n^ Kuboneka kuti caamba kufwa kumuuya.\\n1 Bakorinto 11","num_words":529,"character_repetition_ratio":0.051,"word_repetition_ratio":0.0,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Luka 8 | Bbaibbele lili a Intaneti | Bbaibbele lya Busanduluzi Bwanyika Mpya\\nBamakaintu ibakali kumukutaukila Jesu (1-3)\\nCikozyanyo casikuminza (4-8)\\nIkaambo Jesu ncaakali kubelesya zikozyanyo (9, 10)\\nCikozyanyo casikuminza capandululwa (11-15)\\nLambe talivwumbwi (16-18)\\nBanyina abanabokwabo Jesu (19-21)\\nJesu waumuzya guwo (22-25)\\nJesu waatandila mungulube madaimona (26-39)\\nMwana musimbi wa Jairo; mukaintu wajata cisani ca Jesu (40-56)\\n8 Nokwakainda kaindi kaniini, Jesu wakeenda muminzi mipati amisyoonto kayaabukambauka akwaambilizya makani mabotu aa Bwami bwa Leza.+ Alimwi bali Kkumi Ababili bakali anguwe, 2 abamakaintu bamwi aabo bakaponesyegwa kumyuuya mibi akumalwazi: Mariya ooyo iwakali kwiitwa kuti Magadalene, ooyo iwakagusyigwa madaimona aali ciloba; 3 Joana+ imukaintu wa Cuza, ooyo iwakali kulanganya ŋanda ya Heroda; Susana alimwi abamakaintu banji aabo ibakali kubakutaukila kwiinda mukubelesya lubono lwabo.+ 4 Lino nkamu yabantu noyakabungana abaabo bakali kumutobela kumunzi amunzi, wakaamba kwiinda mucikozyanyo kuti:+ 5 “Sikuminza wakaunka kuyoominza mbuto zyakwe. Naakali kuminza, izimwi zyakawida mumbali aanzila aboobo zyakalyataukwa mpoonya bayuni bamujulu bakazilya.+ 6 Zimwi zyakawida amwala, eelyo nozyakamena, zyakayuma akaambo kakubula mudumu.+ 7 Zimwi zyakawida mumamvwa, mpoonya mamvwa aakali kukomena antoomwe anzizyo akazisyaanikizya.+ 8 Pele zimwi zyakawida mubulongo bubotu, aboobo nozyakamena, zyakazyala micelo iiyungizyidwe ziindi izili 100.”+ Naakamana kwaamba zintu eezyi, wakoompolola kuti: “Ooyo uujisi matwi aamvwa, aamvwe.”+ 9 Pele basikwiiya bakwe bakamubuzya ncocakali kwaamba cikozyanyo eeci.+ 10 Wakati: “Nywebo mwazumizyigwa kumvwisya maseseke aa Bwami bwa Leza, pele bamwi boonse baambilwa muzikozyanyo+ kutegwa nokuba kuti balabona, kubona kwabo kube kwabuyo, akuti batamvwisyi caambwa nokuba kuti balamvwa.+ 11 Lino bupanduluzi bwacikozyanyo eeci mboobu: Imbuto ndijwi lya Leza.+ 12 Eezyo izyakawida mumbali aanzila mbantu aabo bamvwa mpoonya bacimvwa buyo, Diabolosi ulaboola akuligusya ijwi ilili mumyoyo yabo kutegwa batasyomi akufwutulwa.+ 13 Eezyo izyakawida amwala mbantu aabo banga nobamvwa jwi, balalitambula calukkomano pele banyina miyanda. Balasyoma kwakaindi kaniini buyo, pele ciindi nobasunkwa balawa.+ 14 Eezyo izyakawida mumamvwa mbantu aabo bamvwa, pele akaambo kakuti balanyonganizyigwa akulibilika, lubono+ alimwi azyakulikondelezya zyamubukkale oobu,+ balasyaanikizyigwa alimwi tabazyali micelo iisima.+ 15 Eezyo izyakawida mubulongo bubotu, aaba mbantu bajisi myoyo iiluleme+ alimwi mibotu ibalijatisya jwi ndibamvwa akuzyala micelo cakuliyumya.+ 16 “Kunyina muntu uunga ayasya lambe ulalivwunika cintu naa kulibikka mujungusi lyabulo, pele ulalibikka acibikkilo calambe kutegwa aabo banjila muŋanda bamunikilwe.+ 17 Nkaambo kunyina cintu cisisidwe citakayubununwi, nociba cintu civwumbidwe kabotu-kabotu citakazyibwi akuba antangalala.+ 18 Aboobo amubikkile maano mbomumvwa, nkaambo kufwumbwa uujisi uyoopegwa zinji,+ pele ooyo uutajisi, noziba zyeezyo nzyayeeya kuti ulijisi uyoonyangwa.”+ 19 Lino banyina abanabokwabo bakaboola kulinguwe,+ pele tiibakakonzya kusika afwaafwi anguwe akaambo kankamu yabantu.+ 20 Aboobo wakaambilwa kuti: “Banyoko abanabokwanu baliimvwi anze, bayanda kukubona.” 21 Mukwiingula wakabaambila kuti: “Baama abakwesu mbaaba bamvwa jwi lya Leza akulicita.”+ 22 Bumwi buzuba, Jesu abasikwiiya bakwe bakatanta bwato, mpoonya wakabaambila kuti: “Atuzabukile mutala eliya lyazyiba.” Mpoonya bakaunka.+ 23 Pele bwato nobwakali kweenda, Jesu wakoona. Eelyo kwakasika guwo pati aazyiba cakuti maanzi akatalika kuzula mubwato alimwi bakaba muntenda.+ 24 Aboobo bakaunka kulinguwe akumubusya kabati: “Mwiiyi, Mwiiyi, twafwa!” Mpoonya wakabuka akukalalila guwo amayuwe, eelyo zyakabatama, kwakaumuna wi.+ 25 Mpoonya Jesu wakati kuli basikwiiya bakwe: “Ino lusyomo lwanu luli kuli?” Pele bakayoowa akugambwa kapati, eelyo bakalyaambauzya mulicabo kuti: “Ino mubwini nguni ooyu? Nkaambo ulalailila noliba guwo amayuwe alimwi zilamumvwida.”+ 26 Eelyo bakasika kunkomwe mucooko caba Gerasa,+ icilangene a Galilaya. 27 Jesu mbwaakazwida buyo mubwato akusika mutala, wakaswaanganya muntu wamumunzi iwakanjidwe madaimona. Kwaciindi cilamfwu tanaakali kusama zisani alimwi tanaakali kukkala kuŋanda, pele wakali kukkala kunamaumbwe.+ 28 Naakabona Jesu wakoongolola akufwugama kumbele lyakwe, eelyo ajwi pati wakati: “Ino ndijisi kaambo nzi anduwe Jesu, O Mwana wa Leza Mupatikampatila? Ndakulomba kuti utandipenzyi.”+ 29 (Nkaambo Jesu wakali kulailila muuya mubi canguzu kuti uzwe mumuntu ooyo. Wakali kumunjila ziindi zinji*+ alimwi kanji-kanji wakali kulindililwa akwaangwa nketani ansimbi, pele wakali kuzidunsaula alimwi daimona lyakali kumutola musyokwe.) 30 Jesu wakamubuzya kuti: “Nduwe ni zina?” Wakati: “Makamu,”* nkaambo wakanjidwe madaimona manji. 31 Lino akamukombelezya kuti ataatandili mumulindi uutagoli.+ 32 Lino ooko kwakali tanga pati lyangulube+ izyakali kweembelwa acilundu eeco, aboobo akamukombelezya kuti aazumizye kunjila mungulube eezyo, eelyo wakaazumizya.+ 33 Mpoonya madaimona aayo akazwa mumuntu ooyo akunjila mungulube, kumane tanga eelyo lyakabalikila mujeleele akusotokela muzyiba akunyikila. 34 Pele beembezi nobakabona cakacitika, bakatija akuyooluula makani aaya mumunzi amutunzi. 35 Mpoonya bantu bakaunka kuyoobona cakacitika. Bakaboola kuli Jesu akujana muntu wakagusyigwa madaimona ulikkede kumaulu aa Jesu kasamide alimwi kabateme, eelyo bakayoowa kapati. 36 Aabo ibakalibonena cakacitika bakabaambila mbwaakaponesyegwa muntu ooyo wakanjidwe madaimona. 37 Mpoonya bantu boonse bamuminzi yeengelede cooko caba Gerasa bakalomba Jesu kuti azwe akati kabo, nkaambo bakayoowa kapati. Mpoonya Jesu wakanjila mubwato kuti aunke. 38 Pele muntu ooyo wakagusyigwa madaimona wakali kukombelezya Jesu kuti baunke limwi, pele walo wakamwaambila kuti ajokele, wakati:+ 39 “Kopiluka kuŋanda ukazumanane kuluula ncaakucitila Leza.” Aboobo wakaunka kayaabwaambilizya mumunzi woonse ncaakamucitila Jesu. 40 Eelyo Jesu naakapiluka, inkamu yabantu yakamutambula kabotu nkaambo boonse bakali kumulangila.+ 41 Amubone! Kwakasika mwaalumi uutegwa Jairo; ooyu mwaalumi wakali mweendelezi wacikombelo. Wakavwuntama ansi kumaulu aa Jesu akutalika kumukombelezya kuti aunke kuŋanda yakwe,+ 42 nkaambo mwanaakwe musimbi simuzyalwaalikke iwakajisi myaka iili 12 wakali kufwumba bulamfwu. Jesu naakali kuyaabweenda, makamu aabantu akamubumbilila. 43 Lino kwakali mukaintu iwakali kuciswa kalobola+ kwamyaka iili 12, alimwi tanaakali kukonzya kuponesyegwa amuntu uuli woonse.+ 44 Wakaboola kusyule lya Jesu akujata maaya aacisani cakwe caatala,+ ndilyonya bulowa bwakaleka kuzwa. 45 Aboobo Jesu wakabuzya kuti: “Ino nguni wandiguma?” Boonse nobakali kukazya, Petro wakati: “Omwiiyi, bantu balikubumbilide alimwi akukusyaanikizya.”+ 46 Pele Jesu wakati: “Kuli wandiguma, nkaambo ndalimvwa kuti nguzu+ zyazwa mulindime.” 47 Naakabona kuti wazyibwa, mukaintu ooyo wakaboola kakankama akufwugama kumbele lyakwe akwaamba kumbele lyabantu boonse cakamupa kuti amugume ambwaakaponesyegwa mpoona-mpoona. 48 Pele wakamwaambila kuti: “Mwanaangu, lusyomo lwako lwakuponya. Koya muluumuno.”+ 49 Naakacili kwaambaula, umwi iwakali kwiiminina mweendelezi wacikombelo ooyo wakaboola akumwaambila kuti: “Mwanaako musimbi wafwa kale; koleka kumukatazya Mwiiyi.”+ 50 Jesu naakamvwa makani aaya, wakamwiingula kuti: “Utayoowi pe, kosyoma buyo, eelyo mwanaako ulapona.”+ 51 Naakasika kuŋanda kunyina ngwaakazumizya kunjila anguwe ccita buyo Petro, Johane, Jakobo alimwi abausyi abanyina musimbi ooyo. 52 Pele bantu boonse bakali kulila akoomoka akaambo kamusimbi ooyo. Aboobo wakati: “Kamuleka kulila,+ nkaambo tafwide pe, pele uloona.”+ 53 Aboobo bakatalika kumuseka, nkaambo bakalizyi kuti wakalifwide. 54 Pele wakamujata kujanza akumwiita wati: “Omwana, buka!”+ 55 Mpoonya muuya*+ wakwe wakapiluka, eelyo wakabuka ndilyonya,+ alimwi Jesu wakalailila kuti musimbi ooyo apegwe cakulya. 56 Bazyali bamwana ooyu bakakkomana kapati, pele wakabalailila kuti bataambili muntu uli woonse cakacitika.+\\n^ Naa ambweni, “Kwaciindi cilamfwu wakalimujisi.”\\n^ Mu Chigiriki, “Legioni.”","num_words":948,"character_repetition_ratio":0.04,"word_repetition_ratio":0.0,"special_characters_ratio":0.182,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"LUSYOMO A KUTAMBULWA\\nLino mizeezo akuyeeya kwako nikwabukulusigwa amoza usetekene, wabona cimwi cintu cibyaabi ca cinyonyoono, anguzu zyaco, a bubi bwaco, a kulwana kwaco, wacilanga a kucisulaika. Wayeeya kuti cinyonyoono cakwandaanya kuzwa kuli Leza, a kuti uli mubuzike mu nguzu zya cinyonyoono. Notija kuzwa kucibi, uyeeya kubula nguzu kwako. Kuyeeya kwako takusalali, a moyo wako woonse tausalali. Wabona kuti buumi bwako buzwide kuliyanda a cinyonyoono. Ulayanda kuti ulekelelwe, a kusalazigwa, a kwaanguluka. Kuswaangana a Leza, a kumukozya,—Sena inga ulacita buti kujana zintu eezi? KLMNP 30.1\\nNcoyanda ndumuno, kulekelelwa kwa mujulu a luumuno a luyando mu moza. Mali takonzyi kuula, busongo tabukonzyi kucijana, alimwi tabukonzyi kuba kuli nkuko, tokonzyi kusyoma, anguzu zyako omwini, tokonzyi ku kujana. Pesi Leza ulakupa kuli nduwe mbuli cipego, “Kaku nyina a mali ka kunyina amuulo.” Isaya55:l. Ncicako, kuti kokonzya kutandabika janza lyako akucijata. Mwami wamba kuti, “Nakuba kuti, zinyonyoono zyanu zyasubila buti ziyakutuba mbuli caanda, nakuba kuti zyaba mbuli cisani cisubila, ziya kutuba mbuli boya bwa mbelele butuba.” Isaya 1:18. Nja kubika moyo mupya muli nduwe, alimwi nja kubika muuya mupya muli nduwe.” Ezekiele 36:26 KLMNP 30.2\\nWakazizumina zinyonyono zyako amu moyo wakazisowa. Wakasala kulipa lwako omwini kuli Leza. Lino koya kuli nguwe, umulombe kuti azisanzye zinyonyoono zyako, akupe moyo mupya. Eelyo ushome kuti ulakucita ooku nkaambo wakasyomya. Eeci ncecisyomyo Jesu ncakaiyisya na kali ansi, kuti cipego Leza nca tusyomya, tuleelede kushoma kuti tula citambula, alimwi ncicesu. Bantu bakajisi lusyomo Jesu wakabaponya malwazi aabo. Wakabagwasya mu zintu nzyobakali kubona, ooku kwakali kubabika kasimpe kali muli nguwe azintu nzyo batakali kubona,—a kubasololela kuti bashome kuti nguzu zyakwe zila konzya kulekelela zinyonyoono. Wakapandulula kabotu kabotu kumakani aya ciindi nakali kuponya muntu wakali kuciswa wa kayuminide mubili. “Kuti muzyibe kuti Mwanaa muntu ulijisi nguzu mu nyika kulekelela zinyonyoono (eelyo wakati ku muntu wakali kuciswa ooyo wakayuminide mubili). Buka, kobweza bulo bwako, uyende ku N’ganda yako.” Mateyo 9:6. Johani muvangele nakanana a maleele a Jesu uwamba kuti, “Cililembedwe, kuti, mukashome kuti Jesu ngu Klistu mwanaa Leza, kuti a kushoma kwiinda muzina lyakwe mukabe a buumi.” Johani 20:31. KLMNP 30.3\\nKuzwa mukati mu Bbaibele tula yiya Jesu mbuli mbwaa kaponya muntu mulwazi, inga twayiya cimwi cintu cinga cilatuyisya mbotunga tulashoma muli nguwe akulekelelwa kwa zinyonyoono. A tulange makani a muntu wakayuminide mubili ku ciziba ca Bbetisaida. Ooyu muntu upengede wakanyina nguzu, tanaakali kweenda kwa myaka ili makumi o tatwe a myaka iili lusele. Jesu wakati kuli nguwe, “Yumuka, bweza bulo bwako, uyende.” Muntu ulya wakali kuciswa cakali ku konzeka kuti kaamba kuti, “Mwami, kuti undiponye, nja kuliteelela ijwi lyako.” Pele kwiina nakaamba boobu wakashoma ijwi lya Jesu, wakashoma kuti waponezegwa, ndilyona wakaba anguzu wakazumina kweenda, wakeenda. Wakaliteelela ijwi lya Klistu, Leza wakamupa nguzu. Wakapona kuzwa ku kuciswa kwakwe. KLMNP 31.1\\nMunzila yomwe buyo eyi ulimubisyi. Tokonzyi kulilelekelela zinyonyoono zyako zya kayinda, tokonzyi kusandula moyo wako, a kuli setekanya lwako omwini. Pesi Leza ulasyomya ku kucitila ooku koonse kwiinda muli Klistu. Wacizumina cisyomyo, wazizumina zinyonyoono zyako, walipa lwako omwini kuli Leza. Uya ku mubelekela. Kuti wacita zyoonse eezi cakusinizya, Leza uya kulipa ijwi lyakwe kuli nduwe. Kuti wacishoma cisyomyo, ushome kuti walekelelwa wasalazigwa, Leza ulasyomya kuti uyakusalazigwa, uponezegwa, mbuli Klistu mbwaakapa nguzu ku muntu wakayuminide mubili kuti ayende muntu naakashoma kuti waponezegwa. Mbocibede ayebo kuti washoma. KLMNP 31.2\\nUtalindili kwaamba kuti umvwe kuti uponezegwe, pele uwaambe kuti, “Ndashoma majwi aakwe, takuli kuti nkaambo ndaciteelela, pele nkaambo kakuti Leza wakacisyomya.” KLMNP 31.3\\nJesu uwamba kuti, “zyoonse zili buti nzyomuyanda, nomupaila, mushome kuti muya kuzitambula, muya kuzijana.” Maako 11:24. Kuli nzila kucisyomyo eeci—kuti tupaile mbuli kuyanda kwa luyando lwa Leza. Pesi nduyando lwa Leza lutusalazya kuzwa mu cinyonyoono, kutucita bana bakwe, a kutucita kuti tupone buumi busetekene. Eelyo tuleelede kulomba zileleko eezi, tushome kuti tulazitambula, tumulumbe Leza kuti twazitambula, a kwiima kumbele a mulawo ka kunyina a kuusa a cibi. “Aboobo kunyina ku zulwa kulibaabo bali muli Jesu Klistu, batacilili kuyanda kwa mubili, pesi bacilila Moza.” Ba Looma 8:1. KLMNP 31.4\\nKuzwa lino tamulilwanu nobeni, pesi mwakaulwaamuulo. “Teemwaka nununwa a zintu zibola, mbuli mali ansiliva angolide, pele mwaka nununwa a bulowa buyandika bwa Klistu, mbuli kabelele unyina kulubizya unyina katombe.” 1 Pita 1:18, 19. Mu mulimo mu ubauba ooyu waku kondwa Leza, Moza Usetekene wakazyala buumi bupya mu moyo wako. Uli mbuli mwana wazyalilwa mu munzi wa Leza, ula kuyanda mbuli mbwayanda Mwana a kwe. KLMNP 31.5\\nLino mboolipa lwako omwini kuli Jesu, utapiluki musule, uta toli nzila yako kuzwa kuli nguwe, pele mu mazuba oonse uwambe kuti, “ndiwa Klistu, ndakalipa ndemwini kuli nguwe, umulombe kuti a kupe Moza wakwe, akubambe munsi a luse lwakwe. Mbuli mbo kuli kulipa kwako omwini kuli Leza, a ku mu kondwa, kuti waba mwana akwe, aboobo uleelede kuti upone muli nguwe. Mupositoli uwamba kuti, “Nkaambo kaako mbuli mbo mwaka mutambula Jesu Klistu Mwami, a mweende muli nguwe.” Ba Kolose 2:6. KLMNP 32.1\\nBamwi bayeeya kuti baleelede kuba mu ciindi ca kusunkwa, a kulitondeezya ku Mwami kuti ba lengululwa, kabatana lomba zileleko zyakwe. Pesi baleelede kulomba zileleko zya Leza mu ciindi eeci ncicona. Baleelede bajane luse lwakwe, a Moza wa Klistu, ku bagwasya mu buteteete bwabo, kaku nyina kugwasigwa kuli boobu taba konzyi kucizunda cinyonyoono. Jesu ulatuyanda kuti tuunke kuli nguwe mbu bona mbuli mbotubede katuli babisyi, katutajisi nguzu, ka tusyoma ali nguwe. T ulakonzya kuboola abuteteete bwesu, a bufubafuba bwesu, a zinyonyoono zyesu, tuwe kumbele lyakwe mu kuusa. Mbulemu bwakwe butuzingulukide mu maboko aluyando lwakwe, kusilika zilonda zyesu, kutusalazya kuzwa mu bubyaabi boonse. KLMNP 32.2\\nBanji banji aawa balaalilwa tabashomi kuti Jesu ulabalekelela lwakwe mwini, omwe aumwi taba mumvwi Leza akushoma ijwi lyakwe. Boonse baleelede kuhiba lwabo beni kuti kulekelelwa kulapegwa lyoonse ku cibi cili coonse. Amugwisye muzeezo wakuyeeya kuti zisyomyo zya Leza tazikonzyi kupegwa kuli ndinywe. Nzya muntu oonse musotoki wa mulawo wasanduka. Nguzu a luse zyakapegwa kwiinda muli Klistu kuletwa a bangele ku muntu oonse ushoma kunyina mubisyi bunene utakonzyi kujana nguzu, kusalala, a bululami muli Jesu, wakabafwida. Ulalindila kuti asalazye zikobela zyabo zya kabisigwa a cinyonyoono, a kubika ali mbabo zikobela zituba zya bululami, ula bapailila kuti bapone batafwi pe. KLMNP 32.3\\nLeza tatuciti mbuli bantu mbo bacita kuli umwi aumwi. Mizeezo yakwe mizeezo ya luse, yaluyando, a nkumbu. Uwamba kuti, “Mubi asiye nzila yakwe, a utaluleme asiye mizeezo yakwe a piluke ku Mwami, Mwami uya kuba a luse kuli nguwe, a kuli Leza wesu nkaambo uya kumulekelela bunene.” “Ndazibinganya mbuli ikumbi lipati, zinyonyoono zyako, alimwi ndazibinganya mbuli ikumbi kulubizya kwako.” Isaya 55:7; 44:22. KLMNP 32.4\\n“Ndinyina ku komana mu lufu lwa yooyo ufwa, waamba kuti Mwami Leza. A kaambo kaako a mujoke nywebo, mupone. Ezekiele 18:32. Satani ulilibambide kubba cishomyo ca Leza cilelekedwe. Ulayanda kubba bubotu bwa lusyomo lwenu a kumweka mweka kwa kusalala kuzwa ku moza, pesi muta muzumizyi kuti a kucite ooku. Muta muteeleli musunki, pele mwaambe kuti, “Jesu wakafwida kuti ndibe a buumi. Ulandiyanda, tayandi kuti ndimfwe. Ndijisi taata uli kujulu si nkumbu, nakuba kuti luyando lwakwe tandilubelesyi kabotu, nakuba kuti zileleko nzyaandipede zyanyonyoonwa, nja kwiimikila nkaunke kuli taata, nkaambe kuti, ndabisizya julu, a kumbele lyako, nseceelede kwiitwa a limwi kuti ndimwanaako: ndicite kuti ndibe mbuli umwi wa batwanga bako.” Mukozyano ulakwaambila a mwana mutaka mbwa katambulwa. “Nakacili kule kule a munzi, ushi wakamubona, wakamumyonta.” Luka 15:18-20. KLMNP 33.1\\nPesi cikozyano eeci, nokuba kuti ncibotu akweetela luse lupati ku moyo, tacikonzyi kweelanizigwa a luse lutakamani, ndwatutondeezya Taata uli kujulu. Mwami ula kanana kwiindila mu mushinshimi wakwe, “Nda kakuyanda a luyando lutamani: eelyo alubomba lubotu ndakakuleta.” Jelemiya 31:3. Mubisyi nacili kulaale a N’ganda ya Taata, a kunyonyoona lubono lwakwe mu nyika ya bweenzu, moyo wa ushi ula muyeeya lyoonse, kuyeeya koonse kulabusigwa mu moza kuti apiluke kuli Leza, pele nkukombelela kwa Moza usetekene, kusinikizya a kuleta muzangi ku moyo wausyi wa luyando. KLMNP 33.2\\nSena inga ulatalika kudonaika a zisyomyo zibotu zizwa mu Bbaibbele? Sena uyeeya kuti mubisyi kayanda kupiluka, kayanda kusiya zinyonyoono zyakwe, Mwami ula mujata a kumukasya kuti atabooli kumaulu a kwe a kusanduka. Muzeezo uliboobo auzwe! Kunyina cinga cila cisa buumi bwako kwiinda kuba a muzeezo uli boobo kuli Taata uli kujulu. Ulicizondede cinyonyoono, pesi ulamuyanda mubisyi, wakalipa lwakwe mwini muli Klistu, kuti boonse bayanda kufutulwa, babe a zileleko zitamani mu bulelo bwa bulemu. Mulakaanzi muyumu ula luse ngwa kali kunga ulapa kwiinda ngwakasala kupa luyando lwakwe kuli ndiswe? Uwamba boobu, “Sena inga mukaintu ula muluba mwanaakwe unyonka, kuti atabi ankumbu ku mwanaakwe ngwa ka zyala? Inzya bakaintu inga baluba, pesi Mebo nseka mulubi.” Isaya 49:15. KLMNP 33.3\\nAmulange mujulu nywebo no mudonaika a kukankama Jesu ulapona kuba mwiminini wesu. Amu mulumbe Leza a kaambo kacipego, ca Mwanaakwe uyandika, a mupaile kuti lufu lwakwe lutabi lwa buyo kuli ndinywe. Moza ulamutamba sunu. Amuboole a myoyo yanu yoonse kuli Jesu, mulombe zileleko zyakwe. KLMNP 33.4\\nNomubala zisyomyo muyeeye kuti tazili zintu zya luyando a luse lwabuyo. Moyo waluyando lupati ulatambikwa ku mubisyi a nkumbu zitamani. “Tulijisi kunununwa kwiindila mubulowa bwakwe, a kulekelelwa kwa zinyonyoono.” Ba Efeso 1:7. Inzya a mushome buyo kuti Leza mugwasyi wenu. Ulayanda kubika mukozyano wakwe mu muntu. Mbo muswenena kuli nguwe a kulilekelela a kusanduka, awalo uya kuswena kuli ndinywe a luse a kumulekelela. KLMNP 34.1","num_words":1465,"character_repetition_ratio":0.046,"word_repetition_ratio":0.0,"special_characters_ratio":0.19,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Muchiyeeyede Na?—June 2018\\nBALA MU Afrikaans Albanian Alur Amharic Amis Arabic Armenian Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Boulou Bulgarian Cakchiquel Catalan Cebuano Chichewa Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Croatian Czech Dakota Dangme Danish Douala Dutch Edo Efik English Esan Estonian Ewe Fijian Finnish Fon French Ga Garifuna Georgian German Greek Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hungarian Ibanag Icelandic Igbo Iloko Indonesian Isoko Italian Japanese Jula Kabiye Kabuverdianu Kannada Kekchi Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mingrelian Mixe Mixtec (Guerrero) Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nigerian Pidgin Norwegian Nzema Okpe Oromo Ossetian Otetela Pangasinan Papiamento (Curaçao) Persian Pidgin (Cameroon) Polish Ponapean Poqomchi' Portuguese (Portugal) Punjabi Quechua (Ancash) Quechua (Bolivia) Romanian Russian Samoan Sango Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovenian Solomon Islands Pidgin South African Sign Language Spanish Sranantongo Swahili Swahili (Congo) Swati Swedish Tagalog Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Vietnamese Waray-Waray Wolaita Xhosa Yoruba Zande Zapotec (Isthmus) Zulu\\nMwakaamvwisisisya na makani aNgaziyakulinda zyakiinda? Kujana mwayisandula biyeni mibuzyo iitobela:\\nNziizili nzila zine zikonzya kutugwasya kuti twiimbe kabotu?\\nTweelede kwiimikila kabotu akutola mabbuku anyimbo aajulu. Tweelede kuyoya kabotu. Kuti twajula mulomo, tulakonzya kwiimbila aajulu.—w17.11, p. 5.\\nMigwagwa amyuunzi yakuyubila yamuchiindi chamaIsrayeli yakabambidwe biyeni?\\nKwakali myuunzi yakuyubila iili 6 yakali mumasena aatakataazyi kusika alubo migwagwa yakabambidwe kabotu. Mbuyakabambidwe myuunzi eeyi amigwagwa zyakali kupa kuti muntu afwambaane kusika.—w17.11, p. 14.\\nNkamboonzi chipo chachinunuzyo chaJesu nichiyandikana kwiinda zyoonse?\\nChipa kuti tukonzye kupona akuti tunununwe kuchibi alufu. Nikuba kuti tuli bana baAdamu, Leza wakatuyanda akutuma Jesu kuti azootufwide nikuba kuti tuli achibi.—wp17.6, p. 6-7.\\nLugwalo lwaIntembauzyo 118:22 lutondeezya biyeni kuti nguJesu wakali kuyoobusigwa?\\nBantu bakamukaka Jesu kuti nguMesiya nkinkaako, bakamujaya. Kuti abe “mutwe wacooko,” wakeelede kubusigwa.—w17.12, p. 9-10.\\nLuzubo lwaMesiya lwakeelede kuzwa kubana bataanzi na?\\nChimwi chiindi lunyungu lwaJesu lwakali kuswaanizya bana bataanzi pesi chimwi chiindi teembuzyakabede pe. Davida taakali mwana mutaanzi waJese pesi Mesiya wakazwa kulunyungu lwaDavida.—w17.12, p. 14-15.\\nNgaali amwi malayilile aabusilisi aajanika muBbayibbele?\\nKweendelana aMulawu, bantu bakali kuchiswa amwi malwazi bakeelede kukkala kule abamwi. Bantu bakeelede kusamba kumaboko nibazwa akujata mutunta. Mulawu wakali kwaamba kuti, bantu beelede kuvwikkila tombe lyamuchimbuzi. Mwana wakeelede kupalulwa naaba amazuba aali 8 kazyedwe eezi zyakali kupa kuti chilonda chifwambaane kujatana.—wp18.1, p. 7.\\nNkamboonzi maKristu nibeelede kuliyanda?\\nTweelede kuyanda basimayakilane mbuuli mbutuliyanda. (Mk. 12:31) Baalumi beelede ‘kuyanda banakazi babo mbuuli mibili yabo beni.’ (Ef. 5:28) Pesi kuliyanda kwesu takweelede kwiindilila.—w18.01, p. 23.\\nNziizili zintu zikonzya kutugwasya kuti tubikkile maanu muzintu zyabukombi?\\nTweelede kubala Bbayibbele, tuyeeyesesye atala nzitubala akuzibelesya mubuumi. Tweelede kukumbila muuya uusalala kuti utugwasye akuzumina kugwasigwa aabamwi.—w18.02, p. 26.\\nNkamboonzi nituteelede kubuzya ziyoochitika kunembo kuli basikupandulula bweende bwanyenyeezi akubasondi?\\nKuli twaambo twiingi pesi kaambo kapati nkakuti Bbayibbele talikuzumizyi pe kuchita oobo.—wp18.2, p. 4-5.\\nTweelede kuchita biyeni kuti twazumina kutambwa kuyoolya abamwi?\\nKuti twatambwa mpawo twazumina, tweelede kuzuzikizya nzitwakaamba. (Int. 15:4) Tatweelede kuleka kakutakwe kaambo kayandikana. Zilakonzya kuti muntu watutamba wabeleka changuzu kulibambila.—w18.03, p. 18.\\nNzyiiyoonzi nzibakonzya kujana baalumi basalidwe kuli Timotewo?\\nTimotewo wakali kubayanda bantu alubo wakabikka mulimu wakukambawuka mubusena bwakusaanguna. Wakabeleka changuzu mumulimu waLeza akubelesya nzyaakayiya. Wakazumanana kuliyiisya alubo wakali kusyoma kuti muuya uusalala ulamugwasya. Baalu amaKristu boonse balakonzya kutobelezya chikozyano chakwe.—w18.04, p. 13-14.","num_words":591,"character_repetition_ratio":0.037,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Luyando Abululami Mumbungano YachiKristu | Ngaziyakulinda Yakwiiya\\nNgaziyakulinda—Yakwiiya | May 2019\\nBALA MU Abua Acholi Afrikaans Aja Akha Albanian Altai Alur American Sign Language Amharic Amis Angolan Sign Language Arabic Argentinean Sign Language Armenian Aukan Australian Sign Language Aymara Azerbaijani Azerbaijani (Cyrillic) Baoule Bashkir Bassa (Cameroon) Batak (Karo) Batak (Simalungun) Batak (Toba) Belize Kriol Bengali Biak Bicol Bislama Bolivian Sign Language Boulou Brazilian Sign Language British Sign Language Bulgarian Cakchiquel Cambodian Catalan Cebuano Changana (Mozambique) Chavacano Chichewa Chilean Sign Language Chin (Hakha) Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuukese Chuvash Cibemba Cinyanja Colombian Sign Language Congolese Sign Language Costa Rican Sign Language Croatian Croatian Sign Language Cuban Sign Language Czech Czech Sign Language Dakota Dangme Danish Digor Douala Drehu Dutch Ecuadorian Sign Language Edo Efik English Esan Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Gitonga Greek Greek Sign Language Greenlandic Guadeloupean Creole Guarani Guatemalan Sign Language Gujarati Gun Haitian Creole Hausa Hebrew Herero Hiligaynon Hindi Hiri Motu Hmong (White) Honduras Sign Language Hungarian Hungarian Sign Language Iban Ibanag Ibinda Icelandic Igbo Iloko Indonesian Indonesian Sign Language Isoko Italian Italian Sign Language Japanese Japanese Sign Language Javanese Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Kekchi Kenyan Sign Language Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisonge Kongo Korean Korean Sign Language Krio Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Lahu Laotian Latvian Lenje Lhukonzo Lingala Lithuanian Lomwe Low German Luganda Lunda Luo Luvale Macedonian Macua Makhuwa-Meetto Malagasy Malawi Sign Language Malay Malayalam Maltese Mam Mambwe-Lungu Mapudungun Marathi Marshallese Mauritian Creole Maya Mazatec (Huautla) Mbunda Mexican Sign Language Mingrelian Mixe Mixtec (Guerrero) Mizo Mongolian Moore Motu Mozambican Sign Language Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndau Ndebele Ndebele (Zimbabwe) Ndonga Nepali Ngabere Ngangela Nias Nicaraguan Sign Language Niuean Norwegian Nyaneka Nyungwe Nzema Okpe Oromo Ossetian Otetela Palauan Panamanian Sign Language Pangasinan Papiamento (Curaçao) Paraguayan Sign Language Persian Peruvian Sign Language Pidgin (West Africa) Polish Polish Sign Language Ponapean Poqomchi' Portuguese (Portugal) Portuguese Sign Language Punjabi Quebec Sign Language Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Rarotongan Romanian Romanian Sign Language Romany (Macedonia) Romany (Macedonia) Cyrillic Romany (Serbia) Romany (Southern Greece) Ronga Runyankore Russian Russian Sign Language Rutoro Salvadoran Sign Language Samoan Sangir Sango Saramaccan Sena Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Sunda Swahili Swahili (Congo) Swati Swedish Tagalog Tahitian Taiwanese Sign Language Tajiki Tamil Tarascan Tatar Telugu Tetun Dili Thai Tigrinya Tlapanec Tojolabal Tok Pisin Tongan Totonac Tshiluba Tshwa Tsonga Turkish Turkmen Tuvaluan Twi Tzeltal Tzotzil Uighur (Arabic) Uighur (Cyrillic) Ukrainian Umbundu Urdu Urhobo Uruund Uzbek Uzbek (Roman) Venda Venezuelan Sign Language Vietnamese Wallisian Waray-Waray Wayuunaiki Welsh Wolaita Xhosa Yapese Yoruba Zambian Sign Language Zande Zapotec (Isthmus) Zimbabwe Sign Language Zulu\\nLuyando Abululami Mumbungano YachiKristu\\nLWIIMBO 12 O Jehova, Leza Mupati\\n1. Nziizili zintu zibili nzitukonzya kuba aachoonzyo atala anzizyo?\\nJEHOVA LEZA ulabayanda bakombi bakwe. Kuzwa chiindi wakali kubayanda alubo uchinoobayanda. Alubo uyandisya bululami. (Int. 33:5) Eezi zipa kuti tube aachoonzyo kutwaambo tubili: (1) Kulamuchisa Jehova kubona bakombi bakwe kabatajatwi kabotu. (2) Usyomezya bakombi bakwe kuti bayoojatwa chabululami akubapa chisubulo bantu babapenzya. Muchiiyo chakusaanguna chili aakati kazyiiyo eezi zitobelana, * twakayiya kuti Mulawu Leza ngwaakapede maIsrayeli kwiinda muli Mozesi wakayeeme muluyando. Mulawu ooyu wakali kusumpula bululami kubantu boonse kuswaanizya abaabo bakatali kukonzya kulikwabilila. (Dt. 10:18) Mulawu ooyu wakali kutondeezya Jehova mbabakwabilila bakombi bakwe.\\n2. Njiili mibuzyo njitutasandule?\\n2 Mulawu waMozesi wakaleka kubeleka mu33 C.E., mbungano yachiKristu niyakasaanguna. MaKristu, wakachili kubagwasya na mulawu ooyu wakayeme muluyando alubo wakali kusumpula bululami? Peepe, nkaambo maKristu bakali baba aamulawu mupya. Muchiiyo eechi, tulasaanguna kulanga-langa kuti mulawu ooyu niinzi. Mpawo tulasandula mibuzyo iitobela: Nkamboonzi nitukonzya kwaamba kuti mulawu ooyu uyeeme muluyando? Nkamboonzi nitukonzya kwaamba kuti usumpula bululami? Bantu bali aansi aamulawu waKristu, beelede kubajata biyeni bantu mbibazulwida?\\n“MULAWO WA KRISTO” NIINZI?\\n3. Niinzi chiswaanizidwe ‘mumulawu waKristu’ uulembedwe muli Bagalatiya 6:2?\\n3 Bala Bagalatiya 6:2. MaKristu bali aansi ‘aamulawu waKristu.’ Jesu taakwe naakabalembela mulongo wamilawu batobeli bakwe pesi wakabapa malayilile anjiisyo nzibeelede kupona kweendelana anzizyo. “Mulawo wa Kristo” uswaanizya zintu zyoonse Jesu nzyaakayiisya. Kuti tuumvwisisisye kabotu mulawu ooyu, atulange-lange zitobela.\\n4-5. Jesu wakali kuyiisya biyeni alubo wakayiisya lili?\\n4 Jesu wakali kuyiisya biyeni? Chakusaanguna, wakali kuyiisya bantu kwiinda mumajwi aakwe. Majwi aakwe akali aanguzu nkaambo wakali kwaamba kasimpe kali atala aLeza, wakali kuyiisya kasimpe kali atala akuti tuponenaanzi alubo wakaamba kuti Bwaami bwaLeza mbubo buzoomaninsya mapenzi aabantu. (Lk. 24:19) Alubo Jesu wakayiisya kwiinda mukuba chikozyano chibotu. Maponeno aakwe, akatondeezya batobeli bakwe mbubeelede kupona.—Joh. 13:15.\\n5 Ndiilili Jesu naakayiisya? Wakayiisya chiindi naakali kukambawuka kali aanyika. (Mt. 4:23) Alubo wakayiisya batobeli bakwe kakwiindide chiindi chifwiifwi kali wabusigwa. Muchikozyano, wakalibonia kunkamu yabasikwiiya amwi bakali kwiinda ku500 alubo wakabapa malayilile aakuti bagwasye bantu kuti “babe basikwiiya.” (Mt. 28:19, 20; 1 Kor. 15:6) Mbukunga Jesu mutwe wambungano, wakazumanana kubapa malayilile basikwiiya bakwe naakabweeda kujulu. Muchikozyano, kuma96 C.E., Kristu wakalayilila mwaapostolo Johane kuti asungwaazye maKristu bananikidwe akubapa lulayo.—Kol. 1:18; Ciy. 1:1.\\n6-7. (a) Njiisyo zyaJesu zilembedwe aali? (b) Tuuswiilila biyeni mulawu waKristu?\\n6 Njiisyo zyaJesu zilembedwe aali? Mumabbuku aali 4 aaMakani Mabotu kulembedwe zintu zyiingi Jesu nzyaakaamba anzyaakachita kali aanyika. Magwalo oonse aachiKristu aachiGrikki, atugwasya kumvwisisisya Jesu mbaakali kuzibona zintu nkaambo bantu bakaalemba bakali kuzulwidwa aamuuya uusalala akuti bakali ‘aamizeezo yaKristu.’—1 Kor. 2:16.\\n7 Zyiiyo: Njiisyo zyaJesu zilatugwasya muzyiimo zisiyene-siyene mubuumi. Nkinkaako, mulawu waKristu ulatuzulwida muzintu nzituchita nituli aamuunzi, kumulimu, kuchikolo amumbungano. Tulakonzya kwiiya mulawu ooyu kwiinda mukubala Magwalo aachiKristu aachiGrikki akuyeeyesesya atala angawo. Tuswiilila mulawu ooyu chiindi nitupona kweendelana amalayilile anjiisyo zijanika mumabbuku aaya aamuBbayibbele. Chiindi nituswiilila mulawu waKristu, tuswiilila Leza wesu uuli aaluyando Jehova, Kasensa kazintu zyoonse Jesu nzyaakayiisya.—Joh. 8:28.\\nMULAWU UUYAKILIDWE MULUYANDO\\n8. Mulawu waKristu uyakilidwe aantalisyo iili?\\n8 Ng’anda iili aantalisyo njumu ipa kuti bantu bakkala mumo balimvwe kabakwabilidwe akutayoowa chintu. Munzila iikozyenie, mulawu mubotu uuyakilidwe aantalisyo njumu, upa kuti bantu bapona kweendelana anguwo balimvwe kabakwabilidwe akutayoowa chintu. Nkinkaako, mulawu waKristu uyakilidwe aantalisyo njumu, chaamba luyando. Nkamboonzi nitwaamba oobo?\\nTuswiilila ‘mulawu waKristu’ chiindi nitubatondeezya luyando bamwi (Langa fuka 9-14) *\\n9-10. Nziizili zikozyano zitondeezya kuti Jesu wakali aluyando alubo kujana twamwiiya biyeni?\\n9 Chakusaanguna, Jesu wakali kusungwaazigwa aluyando muzintu zyoonse nzyaakali kuchita. Lweetelelo aluzyalo mbuntu butondeezya kuti muntu uli aaluyando. Akaambo kalweetelelo, Jesu wakayiisya nkamu yabantu, wakaponia bachiswa, wakasanina bakali anzala akubusya bakafwide. (Mt. 14:14; 15:32-38; Mk. 6:34; Lk. 7:11-15) Nikuba kuti kugwasya bantu munzila iili boobu kwakali kupa kuti Jesu abelesye chiindi chakwe chiingi amanguzu pesi wakalipeda kubikka ziyandwa abamwi mubusena bwakusaanguna kwiinda nzyayanda. Kwiinda zyoonse, wakatondeezya luyando lupati naakazumina kufwida bamwi.—Joh. 15:13.\\n10 Zyiiyo: Tulakonzya kwiiya Jesu kwiinda mukubikka ziyandwa aabamwi mubusena bwakusaanguna kwiinda nzituyanda. Alubo tulakonzya kumwiiya kwiinda mukwiinkilila kunembo kwiiya mbutukonzya kuba aluzyalo kubantu mbitukambawukila. Tuswiilila mulawu waKristu chiindi luzyalo nilupa kuti tukambawuke akuyiisya bantu makani mabotu.\\n11-12. (a) Niinzi chitondeezya kuti Jehova ulaandaba loko andiswe? (b) Kujana twamwiiya biyeni Jehova kuluyando ndwalaalo?\\n11 Chabili, Jesu wakatondeezya kuti Wisi uli aaluyando. Mumulimu wakwe, Jesu wakatondeezya kuti Jehova ulaandaba loko abakombi bakwe. Wakazitondeezya eezi muzintu zisiyene-siyene. Muchikozyano, Jesu wakayiisya kuti: Umwi awumwi wesu ulayandikana kuli Taateesu uuli kujulu. (Mt. 10:31) Jehova ulilibambilide kwiitambula mbelele yakwe yakasweeka kuti yachincha akubweeda lubo mumbungano. (Lk. 15:7, 10) Jehova wakatutondeezya luyando lwakwe naakatupa Mwanaakwe kuti abe chinunuzyo.—Joh. 3:16.\\n12 Zyiiyo: Kujana twamwiiya biyeni Jehova kuluyando ndwalaalo? (Ef. 5:1, 2) Kwiinda mukubabona kuti bakwesu abachizi balayandikana alubo tulabotelwa kutambula “mbelele iisweekede” yachincha akuboola kuli Jehova. (Int. 119:176) Tutondeezya kuti tulabayanda bakwesu abachizi chiindi nitulipeda kuti tubagwasye nikwayandikana kuti tuchite oobo. (1 Joh. 3:17) Tuswiilila mulawu waKristu chiindi nitubatondeezya luyando bamwi.\\n13-14. (a) Kweendelana amajwi aali muli Johane 13:34, 35, Jesu wakabuzya batobeli bakwe kuti bachiteenzi alubo nkamboonzi mulawu ooyu nuuli mupya? (b) Tuuswiilila biyeni mulawu mupya?\\n13 Chatatu, Jesu wakabuzya batobeli bakwe kuti babe aaluyando lwakulipeda. (Bala Johane 13:34, 35.) Mulawu waJesu mupya, nkaambo ututondeezya kuti tube aaluyando lutaambidwe mumulawu Leza ngwaakapede maIsrayeli. Mulawu ooyu ngwakuti: Yanda bakombinyokwe mbuuli Jesu mbaakakuyanda. Kuti tukonzye kuchita oobo, tweelede kuba aaluyando lwakulipeda. * Tweelede kuyanda bakwesu abachizi kwiinda mbutuliyanda. Eezi zyaamba kuti tweelede kubayanda amoyo woonse zyakuti tusike aachiimo chakubafwida mbuuli Jesu mbaakatuchitila.\\n14 Zyiiyo: Tuuswiilila biyeni mulawu mupya? Tulawuswiilila kwiinda mukulipeda kuti tugwasye bakombima. Tulabayanda zyakuti tatulipedi kuzintu zipati luzutu mbuuli kubafwida pesi tulalipeda amuzintu ziniini. Muchikozyano, tuswiilila mulawu waKristu chiindi nitulipeda kugwasya mukombima uuchembeede kuti kanjila miswaangano yoonse, kuleka kuchita nzituyanda kuchitila kuti tuchite ziyandwa aamukombima naakuti tulakonzya kutola mazuba aa-off kumulimu kuchitila kuti tugwasilizye nikwachitika mapenzi aalichitikila. Nituchita oobo, ngatulikugwasilizya kuti mbungano ibe busena bupa kuti bakombima boonse balimvwe kabalyiibide.\\nMULAWU UUSUMPULA BULULAMI\\n15-17. (a) Nzila Jesu njaakali kubajataayo bantu itondeezya kuti wakali kububona biyeni bululami? (b) Kujana twamutobelezya biyeni Jesu?\\n15 Kweendelana ambulibelesedwe muBbayibbele, bbala lyakuti “bululami,” lyaamba kuchita zintu Leza nzyaamba kuti zilikabotu alubo kawuzichita kutasaluuli. Nkamboonzi nitwaamba kuti mulawu waKristu usumpula bululami?\\nJesu wakali kubalemeka akubatondeezya luzyalo bantu bachanakazi kuswaanizya abaabo bakatali kulemekwa abantu (Langa fuka 16) *\\n16 Chakusaanguna, atulange nzila Jesu njaakali kubajataayo bantu mbiitondeezya mbaakali kububona bululami. Muchiindi chakwe, bapati bazikombelo bachiJuda bakali kubazonda bantu bakatali maJuda, kubalangilaansi maJuda bakatayiide mbuuli mbabo akutalemeka bantu bachanakazi. Pesi Jesu wakali kubajata kabotu bantu boonse katasaluuli pe. Taakali kubakaka pe bantu bakatali maJuda bakali kumusyoma. (Mt. 8:5-10, 13) Wakali kukambawukila bantu boonse banotede abafwaba katasaluuli pe. (Mt. 11:5; Lk. 19:2, 9) Taakali kubajata chalunya naakuti kubakalalila bantu bachanakazi. Kusiyana ambabo, wakali kubalemeka akubafwida luzyalo bantu bachanakazi kuswaanizya abaabo bakatali kulemekwa.—Lk. 7:37-39, 44-50.\\n17 Zyiiyo: Tulakonzya kutobelezya Jesu kwiinda mukutasaluula bamwi akukambawukila bantu boonse batuswiilila katutalangi kuti balinotede na naakuti balafwaba akuti banjila chili chikombelo. Baalumi bachiKristu batobelezya chikozyano chakwe kwiinda mukubajata chabulemu bantu bachanakazi. Kuti katuchita zintu eezi, tunooli tulikuswiilila mulawu waKristu.\\n18-19. Jesu wakayiisyaanzi atala abululami alubo nziizili zyiiyo nzitwiiya kuzwa kunjiisyo yakwe?\\n18 Chabili, atulange Jesu nzyaakayiisya atala abululami. Wakayiisya atala anjiisyo zyakali kugwasya batobeli bakwe kuti babajate kabotu bamwi. Muchikozyano, yeeya malayilile aali atala akuchitila bamwi mbuuli mbutuyanda kuti batuchitile. (Mt. 7:12) Toonse tulakuyanda kujatwa kabotu. Nkinkaako, tweelede kubajata kabotu bamwi. Kuti twachita oobo, zilapa kuti ambabo batujate kabotu. Pesi tweelede kuchitaanzi kuti teetwajatwa kabotu? Jesu wakayiisya batobeli bakwe kuti basyome kuti Jehova uyoopa kuti ‘bachitilwe chabululami aabo bamukwiilila sikati amansiku.’ (Lk. 18:6, 7) Majwi aaya nchisyomezyo: Leza wesu mululami ulaazi masunko ngitulikuswaana mumazubaano aamamanino alubo uyoopa kuti tuchitilwe chabululami muchiindi chakwe cheelede.—2 Tes. 1:6.\\n19 Zyiiyo: Kuti twatobelezya njiisyo nzyaakayiisya Jesu, tuyoobajata kabotu bamwi. Alubo kuti chimwi chiindi teetwakajatwa kabotu munyika eeyi yeendelezegwa aaSaatani, tulakonzya kuumbulizigwa kwiinda mukuziba kuti Jehova uyoopa kuti tuchitilwe chabululami.\\nBANTU BAPEDWE MIKULI MUMPULI AMUMBUNGANO BEELEDE KUBAJATA BIYENI BAMWI?\\n20-21. (a) Bantu bazulwida mumpuli beelede kubajata biyeni bamwi? (b) Kujana mulumi walutondeezya biyeni luyando lwakulipeda alubo weelede kubajata biyeni bana bakwe?\\n20 Bantu balaansi aamulawu waKristu, beelede kubajata biyeni bantu mbibazulwida? Mbukunga luyando niintalisyo yamulawu ooyu, bantu bapedwe mikuli mumpuli amumbungano beelede kubalemeka akubajata munzila yaluyando bantu mbibazulwida. Beelede kuziba kuti Kristu uyanda kuti katutondeezya luyando muzintu zyoonse nzituchita.\\n21 Mumpuli. Mulumi weelede kuyanda mukayintu wakwe “mbubonya Kristo mbwacitila mbungano.” (Ef. 5:25, 28, 29) Mulumi weelede kutobelezya luyando lwakulipeda Kristu ndwalaalo, kwiinda mukubikka zintu ziyandwa amukayintu wakwe mubusena bwakusaanguna kwiinda nzyayanda. Bamwi baalumi kulakonzya kubayumina kutondeezya luyando luli boobu amwi akaambo kakuti bakakomenena mumpuli mubakatali kujatwa kabotu akaambo katunsiya-nsiya. Kulakonzya kubayumina kusiya tunsiya-nsiya ootu tutali kabotu pesi beelede kubelekela kuti batusiye kuchitila kuti baswiilile mulawu waKristu. Mulumi uutondeezya luyando lwakulipeda, ulalemekwa amukayintu wakwe. Mwaalumi uubayanda aamoyo woonse bana bakwe tabajati chalunya pe mumajwi amumichito. (Ef. 4:31) Pesi utondeezya kuti ulabayanda akubalumbayizya munzila iipa kuti balimvwe kabakwabilidwe. Mwaalumi uuchita oobu, bana bakwe balamuyanda akumusyoma.\\n22. Mbuuli mbukwambwa muli 1 Petro 5:1-3, “mbelele” nzizyani alubo zyeelede kujatwa biyeni?\\n22 Mumbungano. Baalu beelede kuziba kuti “mbelele” teezyabo pe. (Joh. 10:16; bala 1 Petro 5:1-3.) Majwi aakuti, “butanga bwa Leza,” “kumbele lya Leza” aati “ndukono lwa Leza,” ayeezya baalu kuti babone kuti mbelele nzizya Jehova. Jehova uyanda kuti mbelele zyakwe zijatwe munzila iili kabotu ayaluyando. (1 Tes. 2:7, 8) Baalu batondeezya luyando chiindi nibachita mulimu wabo wakweembela, balayandwa aJehova. Alubo baalu bali boobu balayandwa akulemekwa abakombinyina.\\n23-24.(a) Nguuli mulimu baalu ngubalaawo chiindi nibabeteka zibi zipati? (b) Baalu beelede kulibuzya kutyeni chiindi nibalanga-langa nkani zili boobu?\\n23 Nguuli mulimu baalu ngubalaawo chiindi nibabeteka zibi zipati? Mulimu wabo ulisiyene angubakali kuchita babetesi abaalu bakali munsi aamulawu Leza ngwaakapede maIsrayeli. Kabachili aansi aamulawu ooyu, baalumi bakasalidwe teebakali kubeteka milandu yeendelana akukomba Jehova luzutu pesi bakali kubeteka amilandu yakatali kweendelana abukombi. Pesi mumulawu waKristu, mulimu wabaalu ngwakugwasya bantu babisya muzintu zyabukombi luzutu. Balizi kuti Leza upede bapati bamfulumende manguzu aakubeteka milandu iichitwa azigwebenga abantu bavumpila bantu. Mulimu wabeendelezi uswaanizya kupa bantu babisya chisubulo chakubabbadalisya naakuti kubanjizya mujele.—Rom. 13:1-4.\\n24 Nguuli mulimu baalu ngubalaawo kuti umwi wamumbungano wachita chibi chipati? Babelesya Magwalo kuti babone kuti chibi eecho nchipati biyeni akuti bazibe nzibeelede kuchita. Bakkala kabayeeya kuti luyando niintalisyo yamulawu waKristu. Luyando lupa kuti baalu balibuzye kuti: Niinzi zyeelede kuchitwa kuti kugwasigwe muntu wamumbungano wakachitilwa chibi? Kuti muntu wakabisya, luyando lupa kuti baalu bayeeyesesye kuti: Muntu ooyu wakachincha na? Kujana twamugwasya biyeni kuti abambulule bweenzinyina aJehova?\\n25. Tuyoolanga-langaanzi muchiiyo chitobela?\\n25 Tulakulumba kaka kuba aansi amulawu waKristu! Kuti toonse twabeleka changuzu kuuswiilila mulawu ooyu, mbungano ilaba busena bupa kuti umwi awumwi alimvwe kuti ulayandwa, ulayandikana alubo kalyiibide. Nikuba boobo, tulikupona munyika “bantu babyaabi” mubali kubija “akubijila limwi.” (2 Tim. 3:13) Tweelede kukkala katulibambilide. Kujana bamumbungano yachiKristu babutondeezya biyeni bululami bwaLeza chiindi nibagwasya bana bakatajatwa kabotu mumakani aakoonana? Mubuzyo ooyu uyoosandulwa muchiiyo chitobela.\\nMulawu waKristu uyakilidwe aantalisyo iili?\\nNiinzi chitondeezya kuti mulawu waKristu usumpula bululami?\\nBantu bazulwida beelede kubajata biyeni bamwi?\\n^ par 5 Chiiyo eechi azimwi zibili zitobela zili aakati kazyiiyo zipandulula kuti nkamboonzi nitukonzya kusyoma kuti Jehova nguLeza ulaaluyando abululami. Uyanda kuti bantu bakwe bajatwe chabululami alubo ulabawumbulizya aabo batalikujatwa kabotu munyika eeyi iizwide bubi.\\n^ par 1 Langa chiiyo chiti, “Luyando Abululami Muchiindi ChamaIsrayeli” muNgaziyakulinda yamuFebruary 2019.\\n^ par 13 BUPANDULUZI BWAMABALA: Luyando lwakulipeda lutusungwaazya kuti tubikke ziyandwa aabamwi mubusena bwakusaanguna kwiinda nzituyanda. Luyando oolu lupa kuti tulipede naakuti tulyiimye zimwi zintu kuchitila kuti tugwasye bamwi.\\n^ par 61 BUPANDULUZI BWAZIFANIKISYO: Jesu wabona mukamufu wafwidwa mwanaakwe uuzyedwe alikke. Akaambo kalweetelelo, Jesu wamubusya mwana ooyo wafwide.\\n^ par 63 BUPANDULUZI BWAZIFANIKISYO: Jesu ulikulya mung’anda yamuFarisi uutegwa Sayimoni. Mwanakazi uuyeeyelwa kuti muwuule watetya mawulu aaJesu amisozi yakwe akwaapukuta amasusu aakwe mpawo waatila mafuta. Sayimoni ulikusola nzyaachita mwanakazi ooyu amaponeno aakwe pesi Jesu ulikuzibona kazili kabotu.\\nLuyando Abululami Kuti Teetwajatwa Kabotu\\nKuumbulizya Bantu Bakajatwa Chalunya\\nUtazumini Kweenwa ‘Abusongo Bwanyika Eeyi’\\nSumpuka Munzila Njubalaayo!\\nText Sala naa uyanda kukkopa zyakamwayigwa zilekkodedwe NGAZIYAKULINDA—YAKWIIYA May 2019\\nNGAZIYAKULINDA—YAKWIIYA May 2019","num_words":2319,"character_repetition_ratio":0.068,"word_repetition_ratio":0.0,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 49 | Bbaibbele lili a Intaneti | Bbaibbele lya Busanduluzi Bwanyika Mpya\\nBusinsimi bwa Jakobo mbwaakasinsima katanafwa (1-28)\\nSilo uyoozwa muli Juda (10)\\nMalailile aakuzikka aa Jakobo (29-32)\\nLufwu lwa Jakobo (33)\\n49 Kumane Jakobo wakaita bana bakwe basankwa akubaambila kuti: “Amulibunge-bunge antoomwe kutegwa ndimwaambile ciyoomucitikila kumazuba aakumamanino. 2 Amubungane akuswiilila nywebo nobana ba Jakobo, mumuswiilile Israyeli uso. 3 “Rubeni,+ ndonduwe mwanaangu mutaanzi kuzyalwa,+ nguzu zyangu amatalikilo aanguzu zyaluzyalo lwangu, wakali kubainda boonse mubulemu alimwi wakali kubainda boonse munguzu. 4 Akaambo kakutalijata mbuli maanzi aapaya, tokazwidilili nkaambo wakaunka kubulo bwauso.+ Aciindi ciya wakasofwaazya bulo bwangu. Masimpe wakaunka alimbubo! 5 “Simeoni a Levi mbanabunyina.+ Babelesya mapanga aabo kulwana akujaya.+ 6 Nditanjili munkamu yabo. Bulemu* bwangu butabi nobuswaangana ambunga yabo, nkaambo mubukali bwabo bakajaya bantu,+ alimwi akaambo kakulikondelezya kwabo, bakakosaula milambi yabapoho. 7 Abusinganizyigwe bukali bwabo, nkaambo mbwalunya,+ akunyema kwabo nkaambo nkubi. Andibamwaisye munyika ya Jakobo alimwi andibamwaisye mu Israyeli.+ 8 “Pele yebo Juda,+ banabokwanu bayookutembaula.+ Janza lyako liyoojata nsingo yabasinkondonyoko.+ Bana bauso bayookotama kumbele lyako.+ 9 Juda mwana wasyuumbwa.+ Mwanaangu uyoopiluka kuzwa kooko nkoyoojaila munyama. Walandabala akulyoolola mbuli syuumbwa, alimwi mbuli syuumbwa, ino nguni uukonzya kumubusya? 10 Nkoli yabwami taikazwi kuli Juda,+ nuuba musako wamusololi akati kazituta zyakwe, kusikila Silo* akaboole,+ alimwi bantu boonse bayoomvwida nguwe.+ 11 Kaangilide mbongolo yakwe kumusaansa alimwi amwana wambongolo kumusaansa mubotu, uyoowasya zisani zyakwe muwaini amumisaansa iisubila pyu mbuli bulowa. 12 Meso aakwe alasalala pyu akaambo kawaini, alimwi meno aakwe alatuba buu akaambo kamukupa. 13 “Zebuloni+ uyookkala kunkomwe yalwizi, kunkomwe ooko mato nkwaakkala kaangilidwe,+ munyinza wakwe unooya kulubazu lwaku Sidoni.+ 14 “Isakara+ nimbongolo njumu kumilimo, iilala akati kamikuli yayo yobilo. 15 Alimwi uyoobona kuti busena bwakulyookezyela mbubotu akuti nyika ilabotezya. Uyakooka gwezyo lyakwe kutegwa anyamune mikuli akuzumina milimo yacibbalo. 16 “Dani+ uyoobeteka bantu bakwe mbuli umwi wamisyobo ya Israyeli.+ 17 Dani abe nzoka iili mumbali aanzila, nzoka iijisi meja iili mumbali aakazila, iiluma nsumba zyabbiza kutegwa ooyo uutantide alindilyo asandamuke.+ 18 Ndiyoolindila lufwutuko kuzwa kulinduwe, O Jehova. 19 “Gadi,+ zigwebenga zisaala ziyoomusaala, pele walo uyoozisaala kutusindi twazyo.+ 20 “Cakulya ca Aseri+ ciyoovwula, alimwi uyoopa cakulya ceelede mwami.+ 21 “Nafutali+ ninsya iilunduka cakwaanguluka. Alimwi waambaula majwi aakkomanisya.+ 22 “Josefa+ mutabi wacisamu cizyala micelo, cisamu cizyala micelo icili mumbali aakasensa kamaanzi, mitabi yaco ilatandabala abwaanda. 23 Pele basimata bakazumanana kumupenzya, kumufwusa mivwi akumusulaika kapati.+ 24 Pele buta bwakwe bwakaliimvwi nji,+ amaanza aakwe akajisi nguzu alimwi akalaangulukide.+ Wakazwa mumaanza aa Leza singuzu wa Jakobo, mweembezi, ibbwe lya Israyeli. 25 Josefa uzwa kuli Leza wauso, alimwi Leza uyookugwasya, alimwi uli aa Singuzuzyoonse, eelyo Leza uyookulongezya azilongezyo zizwa kujulu, azilongezyo zyamumaanzi aakunsi aanyika+ akukulongezya kuti uzyale bana banji akuba azivwubwa zinji. 26 Zilongezyo zyauso ziyakwiinda azilongezyo zyamumalundu aatamani azintu zyeebeka zyamalundu aateeli.+ Ziyoozumanana kuba amutwe wa Josefa, atala amutwe wayooyo uusalidwe kuzwa akati kabanabokwabo.+ 27 “Benjamini+ uyoozumanana kuzazaula mbuli umpe.+ Mafwumofwumo uyoolya munyama ngwaajata, eelyo kumangolezya uyakwaabanya nzyaajaya.”+ 28 Eeyi yoonse misyobo iili 12 ya Israyeli, alimwi aaya ngamajwi usyi ngaakabaambila naakali kubalongezya. Umwi aumwi wakamupa cilongezyo cimweelede.+ 29 Kuzwa waawo wakabapa malailile aaya ulaamba: “Ndilafwa akuzikkwa mbubonya bwakazikkwa bamasyaanene.+ Mukandizikke antoomwe abamatata mumpangala iili mumuunda wa Efroni muna Heti,+ 30 impangala iili mumuunda wa Makipela kumbele lya Mamure munyika ya Kanana, imuunda Abrahamu ngwaakaula kuli Efroni muna Heti kuti bube busena bwakuzikkila. 31 Okuya nkobakazikkila Abrahamu amukaintu wakwe Sara.+ Nkukonya ooko nkobakazikkila Izaka+ amukaintu wakwe Rebeka, alimwi andime nkondakazikkila Leya. 32 Muunda ampangala iili mumo zyakaulwa kubana ba Heti.”+ 33 Aboobo Jakobo wakamanizya kupa malailile aaya kubana bakwe. Kumane wakabikka maulu aakwe abulo akufwa, eelyo wakazikkwa mbubonya bwakazikkwa bamasyaanene bakwe.+\\n^ Naa ambweni, “Bube.”\\n^ Nkokwaamba kuti “Mukamwini.”","num_words":546,"character_repetition_ratio":0.037,"word_repetition_ratio":0.0,"special_characters_ratio":0.18,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani Aabuumi: Mulimo Uujisi Zilongezyo Zinji Kwiinda Mulimo Wakuzyana | Yakwiiya\\nNgazi Yamulindizi—Yakwiiya | March 2015\\nAMUBALE MU Albanian Amharic Arabic Armenian Aymara Azerbaijani Azerbaijani (Cyrillic) Bengali Bicol Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chuvash Cibemba Cinyanja Croatian Czech Danish Dutch Efik English Estonian Finnish French Georgian German Greek Guarani Gujarati Gun Haitian Creole Hebrew Hiligaynon Hindi Hiri Motu Hungarian Icelandic Igbo Iloko Indonesian Isoko Italian Japanese Kannada Kazakh Kikamba Kikaonde Kikuyu Kinyarwanda Kirghiz Kiribati Kirundi Kongo Korean Latvian Lithuanian Luganda Lunda Luo Luvale Macedonian Malagasy Malay Malayalam Marathi Mauritian Creole Maya Mongolian Nepali Norwegian Oromo Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Punjabi Quechua (Bolivia) Romanian Russian Samoan Sango Serbian (Cyrillic) Serbian (Roman) Seychelles Creole Shona Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tajiki Tamil Tatar Telugu Tetun Dili Thai Tigrinya Tiv Tok Pisin Tshiluba Turkish Turkmen Turkmen (Cyrillic) Tuvaluan Tzotzil Ukrainian Urdu Uzbek Vietnamese Waray-Waray Wolaita Yoruba Zapotec (Isthmus)\\nTwakajana Mulimo Uujisi Zilongezyo Zinji\\nAkaluulwa aba David Alimwi aba Gwen Cartwright\\nCIINDI mebo alimwi aba Gwen notwakajisi myaka yakuzyalwa yosanwe, twakatalika kwiiya kuzyana. Aciindi eeci tiitwakazyibene. Pele notwakali kuyaabukomena, toonse twakajisi makanze aamulimo wakuzyana. Mbotwakali kuyaabucizyiba kapati kuzyana, twakauleka mulimo ooyu. Ncinzi cakapa kuti tucileke?\\nBa David: Ndakazyalwa mu 1945 mu Shropshire, busena bwamuminzi, ku England. Bataata bakalijisi faamu mubusena oobu. Ndakotoka kucikolo, ndakali kukkomana kusanina nkuku alimwi akugomenena mayi alimwi akulanganya ŋombe ambelele. Ciindi zikolo nozyajalwa, ndakali kubagwasya kutebula, zimwi ziindi ndime ndakali kweenzya matalakita.\\nNokuba boobo, kuli cintu cimwi icakatalika kundikondelezya. Kubwana, bataata bakabona kuti ndakali kuyanda kapati kuzyana kufwumbwa ndamvwa buyo lwiimbo lulila. Aboobo, ciindi nondakajisi myaka yakuzyalwa yosanwe, bakandikulwaizya kuti bamaama bandilembye cikolo icakali kuyiisya kuzyana icakali mucilawo motwakali kukkala. Bayi bangu bakandiyiisya musyobo aumwi wakuzyana akaambo kakuti bakabona kuti ndakali kukonzya kuuzyiba. Nondakajisi myaka yakuzyalwa iili 15, ndakapegwa bulumbu bwakubbadelelwa kucikolo cipati icakali kuyiisya kuzyana citegwa Royal Ballet School mu London. Kucikolo eeci ndakaswaangana aba Gwen, mpoonya ndakabikkwa kuti katuzyana ambabo.\\nBa Gwen: Ndakazyalwa mu 1944 mudolopo lya London. Nondakacili mwana, ndakalijisi lusyomo muli Leza. Ndakasoleka kubala Bbaibbele pele cakali kundiyumina kulimvwisya. Nondakajisi myaka yakuzyalwa yosanwe, ndakanjila cikolo cakali kuyiisya kuzyana. Nokwakainda myaka iili cisambomwe, ndakazunda mumuzundano mu Britain yoonse, calo icakandipa kuti ndipegwe bulumbu bwakuyakwiiya kuzyana kucikolo cipati ca The Royal Ballet School. Busena oobu bwakali ku White Lodge, busena bubotu kapati ibwakali mu Georgia ku Richmond Park, kunze aadolopo lya London. Ndakatalika kwiiya kuzyana akuyiisyigwa abamayi ibakacibwene kuyiisya kuzyana. Nondakajisi myaka yakuzyalwa iili 16 ndakaba umwi wabasicikolo bapati acikolo ca The Royal Ballet School mu London, ooku nkonkuko nkondakaswaangana aba David. Mumyezi buyo misyoonto, twakatalika kuzyana antoomwe mumaanda aakuzyanina mbuli ŋanda ya Royal Opera House mu Covent Garden, London.\\nMulimo wesu wakuzyana wakatupa kweenda mumasena manji munyika\\nBa David: Inzya, kweelana ambobaamba ba Gwen, mulimo ooyu wakatupa coolwe cakuzyana muŋanda yakuzyanina iyakazyibidwe kapati ya Royal Opera House alimwi antoomwe ambunga ya London Festival Ballet (lino yiitwa kuti English National Ballet). Muntu umwi iwakali kuyiisya kuzyana mukkampani ya Royal Ballet yaku Wuppertal, Germany, wakatusala tobilo kuti katweenda anguwe mukuzyana. Mumulimo wesu woonse, twakali kuzyana mumaanda aakucitila misobano nyika yoonse, alimwi twakali kuzyana abantu ibakacibwene kapati kuzyana mbuli Dame Margot Fonteyn alimwi a Rudolf Nureyev. Buumi oobu bwakuzundana bupa kuti muntu kalimvwa kapati, alimwi twakalilyaabide kapati kumulimo wesu ooyu.\\nBa Gwen: Ndakalilyaabide kapati kuzyana. Mebo alimwi aba David twakajisi makanze aakubainda boonse mukuzyana. Ndakali kukkomana kapati kutambula malubaluba, alimwi akumvwa bantu kabakambilila ciindi nondakali kuzyana. Mumulimo ooyu wakuzyana, ndakali kukonzya kubona kuti ndakazingulukidwe abantu ibatakali kulilemeka, ibakali kufweba, alimwi ibakali bakolwi; mbubwenya mbuli bamwi, ndakali kusyoma mizimu yacoolwe.\\nBUUMI BWESU MBOBWAKACINCA CAKUMANININA\\nBuzuba bwabwiinga bwesu\\nBa David: Nokwakainda myaka minji mumulimo wakuzyana, ndakakatala kweendeenda lyoonse. Mbwaanga ndakakomenena afaamu, ndakatalika kulombozya kupona buumi buuba-uba bwakumunzi. Aboobo, mu 1967 ndakacileka mulimo wangu alimwi akutalika kubeleka afaamu mpati iyakali munsi-munsi ampobakali kukkala bazyali bangu. Bamukamwini faamu bakandizumizya kuti kandibbadela kukkala mukaanda kaniini. Mpoonya ndakatumina ba Gwen fooni kuŋanda yakucitila misobano akubaambila kuti tukwatane. Bakali kuyaabucizyiba kapati kuzyana, aboobo cakali kukonzya kubayumina kusala. Nokuba boobo, bakazumina alimwi bakandisangana kupona buumi bwakumunzi mbobatakazyibide.\\nBa Gwen: Inzya cakali ciyumu kuti ndizyibile buumi bwaafaamu. Kukama ŋombe alimwi akusanina ngulube ankuku yakali milimo njondatakazyibide. Ba David bakatalika kwiiya zyabulimi kucikolo kwamyezi iili fwuka kutegwa bazyibe nzila zipya zyabulimi, alimwi ndakali kulendelelwa kapati nkaambo bakali kusika aŋanda masiku. Kuzikusika aciindi aawa, mwaneesu musimbi wakusaanguna Gilly wakazyedwe kale. Ba David bakandikulwaizya kwiiya kweenzya mootokala, mpoonya ndakacizyiba. Pele buzuba bumwi nondakali kuswaya dolopo ilyakali munsi-munsi, ndakaswaangana aba Gael. Ndakabazyiba ciindi nobakali kubeleka mucintoolo cimwi icakali mucilawo motwakali kukkala.\\nBuzuba bwabwiinga bwesu alimwi anotwakakwatana-kwatana afaamu\\nBa Gael bakanditamba kuŋanda yabo. Bakanditondezya zifwoto zyabwiinga bwabo, alimwi cifwoto cimwi cakajisi kabunga kabantu ibakali anze aabusena ibwiitwa kuti Ŋanda ya Bwami. Ndakababuzya naa cakali cikombelo nzi. Nobakandaambila kuti balo abalumi babo Mbaakamboni ba Jehova, ndakakkomana kapati. Ndakayeeya kuti banabokwabo abataata, ibakaintu, bakali Bakamboni. Nokuba boobo, alimwi ndakazikuyeeya bataata mbokali kubanyemena kapati akaambo kakuba Kamboni alimwi akusowa mabbuku aabo. Bataata bakalijisi moyo mubotu pele bakali kundigambya ncobakali kubakalalila boobu ibacizyi babo basiluzyalo.\\nMpoonya ndakazikuzyiba kaambo nzyobakali kusyoma banabokwabo abataata ncozyakaindene azyakali kusyomwa muzikombelo zimwi. Ba Gael bakandipandulwida cini Bbaibbele ncoliyiisya. Ndakagambwa kapati kuzyiba kuti njiisyo zinji, mbuli njiisyo ya Butatu alimwi anjiisyo yakuti buumi tabufwi zyakali kukazyanya ancaamba Magwalo. (Muk. 9:5, 10; Joh. 14:28; 17:3) Alimwi ndakalizyiba zina lya Leza kuti ngu Jehova kwaciindi cakusaanguna akubona kuti lilajanika mu Bbaibbele.—Kul. 6:3.\\nBa David: Ba Gwen bakandaambila nzyobakali kwiiya. Ndakayeeya ciindi nondakacili mwana bataata nobakali kundaambila kuti kandibala Bbaibbele. Aboobo, mebo alimwi aba Gwen twakazumina kuti ba Gael abalumi babo ba Derrick kabatuyiisya Bbaibbele. Nokwakainda myezi iili cisambomwe, twakalongela ku Oswestry, mweena mu Shropshire akaambo kakuti twakajana faamu nsyoonto njotwakali kukonzya kubbadelela. Ooku, ba Deirdre, balo ibakali Bakamboni mubusena oobu, bakazumanana kutuyiisya Bbaibbele. Kumatalikilo tiitwakali kuunka ambele kapati mukwiiya kwesu. Kulanganya zivwubwa zyesu kwakali kupa kuti katujisi bubi ciindi aciindi. Nokuba boobo, asyoonto-syoonto kasimpe kakatalika kucinca buumi bwesu.\\nBa Gwen: Ndakajisi penzi lipati lyakusyoma mizimu. Lugwalo lwa Isaya 65:11 lwakandigwasya kuzyiba Jehova mbwababona bantu ibabambila tebulu “leza wa Coolwe.” Cakatola ciindi cilamfwu kuti ndizileke zintu zyoonse zyamizimu azitumwa. Kuzyiba kuti “kufwumbwa uulisumpula uyoocesyegwa alimwi kufwumbwa uulicesya uyoosumpulwa,” cakandigwasya kuzyiba muntu ngwayanda Jehova. (Mt. 23:12) Ndakali kuyandisya kubelekela Leza uutulanganya kapati cakuti wakapa Mwanaakwe ngwayandisya kuti cibe cinunuzyo. Kusikila aciindi eeci twakalijisi kale mwana musimbi uumbi, alimwi twakakkomana kapati kwiiya kuti mukwasyi wesu wakali kukonzya kuyakupona muparadaiso anyika.\\nBa David: Ciindi nondakazyiba kuzuzikizyigwa kwabusinsimi bwamu Bbaibbele bugambya, mbuli businsimi bujanika mubbuku lya Matayo caandaano 24 alimwi amubbuku lya Daniele, ndakazyiba ncobeni kuti aaka nkakasimpe. Ndakazyiba kuti taakwe cintu munyika eeyi cikonzya kweelanisyigwa akuba acilongwe cibotu a Jehova. Aboobo, mukuya kwaciindi ndakacileka kuba amakanze aakuba alubono lunji kapati. Ndakazyiba kuti bakaintu bangu alimwi abana bangu bakali kuyandika kapati. Lugwalo lwa Bafilipi 2:4 lwakandigwasya kuzyiba kuti tiindakeelede kubikkila maano kuzintu nzyondakali kulombozya ndemwini alimwi akuyanda kuba afaamu mpati. Muciindi caboobo, ndakazyiba kuti ndeelede kubikka kubelekela Jehova mubusena bwakusaanguna mubuumi bwangu. Ndakacileka kufweba. Pele kulibambila kuunka kumiswaangano kumangolezya mu Mujibelo, musinzo iwakali kulampa makkilomita aali 10, tiicakali cuuba-uba akaambo kakuti nceciindi ncotwakali kukama ŋombe. Nokuba boobo, kwiinda mukugwasyigwa aba Gwen, twakali kujanika kumiswaangano lyoonse, alimwi twakali kubatoleezya bana besu mumulimo wakukambauka mu Nsondo mafwumofwumo lyoonse—twamana kukama ŋombe.\\nBabbululu besu tiibakakkomene kujatikizya kucinca kwesu. Bausyi baba Gwen tiibakali kwaambaula aba Gwen kwamyaka iili cisambomwe. Bazyali bangu abalo bakasoleka kutulesya kuyanzana a Bakamboni.\\nBa Gwen: Jehova wakatugwasya kuliyumya mubuyumuyumu oobu boonse. Mukuya kwaciindi, bakwesu abacizyi ba Mumbungano ya Oswestry bakazikuba mbuli kuti mbabanamukwasyi wesu bapya, bakali kutugwasyilizya caluyando mumasunko eesu. (Lk. 18:29, 30) Twakalyaaba kuli Jehova akubbapatizyigwa mu 1972. Ndakali kuyandisya kubeleka canguzu kusikila mpondigolela kugwasya bantu banji kuzyiba kasimpe, aboobo ndakatalika mulimo wabupainiya.\\nMULIMO MUPYA UUJISI ZILONGEZYO\\nBa David: Milimo njotwakali kubeleka afaamu mumyaka eeyi yakali milimo iiminya; nokuba boobo twakasoleka kuba cikozyanyo cibotu cakumuuya kubana besu. Mukuya kwaciindi, akaambo kakuti mfwulumende yakacesya lugwasyo ilwakali kupegwa kumafaamu, twakacileka kubeleka afaamu. Twakanyina ŋanda amulimo alimwi aciindi eeci mwaneesu musimbi watatu wakajisi buyo mwaka omwe wakuzyalwa, aboobo twakapaila kuli Jehova kuti atugwasye akutusololela. Twakayanda kubelesya luzyibo ndotwakajisi lwakuzyana, aboobo, twakajula ŋanda kuti katuyiisya bantu ibayanda kwiiya kuzyana kutegwa katujana mali aakubelesya mumukwasyi wesu. Makanze eesu aakubikka ziyandika zyakumuuya mubusena bwakusaanguna, akatuletela zilongezyo. Twakakkomana kapati ciindi bana besu basimbi boonse botatwe nobakatalika mulimo wabupainiya nobakamanizya cikolo. Ba Gwen abalo bakali bapainiya, aboobo bakali kukonzya kubagwasya bana besu buzuba abuzuba.\\nCiindi Gilly alimwi a Denise, bana besu bapati bobilo nobakakwatwa, twakaijala ŋanda njotwakajulide yakucitila makwebo aakuzyana. Twakalembela ofesi yamutabi kuti naa kuli busena buli boonse nkotwakali kukonzya kugwasya. Bakatwaambila madolopo aakali mu England nkoili kujwe lyakumusanza. Akaambo kakuti twakajisi buyo mwana omwe aŋanda, Debbie, andime ndakatalika mulimo wabupainiya. Nokwakainda myaka yosanwe, twakalombwa kugwasyilizya mbungano izyakali kunyika. Naakakwatwa Debbie, twakaba acoolwe cakubeleka mulimo wakubelekela kumasi aambi mumulimo wakuyaka ku Zimbabwe, Moldova, Hungary, alimwi aku Côte d’Ivoire. Mpoonya twakapiluka ku England kutegwa tugwasye mumulimo wakuyaka a Bbeteli yaku London. Akaambo kakuti ndakalijisi luzyibo mumulimo wabulimi, ndakalombwa kugwasyilizya afaamu yaa Bbeteli iyakaliko ciindi eeco. Mazuba aano, tubeleka mulimo wabupainiya mu England nkoili kunyika lwaambo.\\nMumulimo wakuyaka wakubelekela kumasi aambi wakali kutukkomanisya kapati\\nBa Gwen: Kulyaaba kwesu kwakusaanguna mumulimo wakuzyana kwakali kukkomanisya kapati, pele lukkomano lwakali lwakaindi buyo kasyoonto. Kulyaaba kwesu kwabili alimwi ikwiinda kubota, kulyaaba kuli Jehova, kwatuletela lukkomano lutaambiki alimwi lutamani. Tucibeleka limwi, ikutali mumulimo wakuzyana pele mumulimo wabupainiya. Kugwasya bantu banji kuzyiba kasimpe ikapa buumi kwatuletela lukkomano lutakonzyi kweelanisyigwa alukkomano luli loonse. ‘Magwalo aakulumbaizya’ aaya mabotu kwiinda buvwubi buli boonse munyika. (2Kor. 3:1, 2) Ikuti notwatakakajana kasimpe, nokwali kunga lino tuyeeya buyo zintu nzyotwakali kucita kaindi, zifwoto zyakaindi, alimwi amapulogilamu aakuzyana, mulimo ngotwakali kuyanda kapati.\\nBa David: Kubelekela Jehova kwatugwasya kapati mubuumi bwesu. Ndilizyi kuti kwandigwasya kapati kuba mulumi alimwi ausyi uuli kabotu. Bbaibbele litwaambila kuti Miriamu, Mwami Davida alimwi abamwi, bakatondezya kukkomana kwiinda mukuzyana. Andiswe, kubikkilizya abamwi, tulangila ciindi notuyakuzyana akaambo kakukkomana munyika mpya ya Jehova.—Kul. 15:20; 2Sam. 6:14.\\nSyaazibwene Mumakani Aakwiimba Ulapandulula Mbwaakatalika Kusyoma Muli Leza\\nNyimbo nzezyakapa kuti atalike kusyoma mu Mulengi. Ncinzi cakapa kuti atalike kusyoma kuti Bbaibbele lyakazwa kuli Leza?\\nMAKANI AABUUMI Twakajana Mulimo Uujisi Zilongezyo Zinji\\nSena Muyoozumanana ‘Kulangila’?\\nAmwiiye Kucikozyanyo Camatalenta\\nKubagwasya Cakusyomeka Banabokwabo Kristo\\nSena Lulayo Lwakukwata naa Kukwatwa “Buyo mu Mwami” Lucibeleka Asunu?\\nMabala Amusale naa muyanda kukkopa zyakamwaigwa izyakalekkoodwa NGAZI YAMULINDIZI—YAKWIIYA March 2015\\nNGAZI YAMULINDIZI—YAKWIIYA March 2015","num_words":1640,"character_repetition_ratio":0.048,"word_repetition_ratio":0.0,"special_characters_ratio":0.15,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 28 IBBAIB63 - Lino leta munyoko Aroni abana - Bible Search\\nKulonga 27 Kulonga 29\\n1-Lino leta munyoko Aroni abana bakwe, ubagwisye akati kabana ba-Israyeli, kuti bandicitile milimo yabupaizi: Aroni, a-Nadabu a-Abihu a-Eleazara a-Itamara, mbebana bakwe. 2-Lino ucitile munyoko Aroni zyakusama zisalala zyabulemu akweebeka. 3-Ambila bantu boonse bacenjede, mbendakazuzya muuya wabusongo, kuti batunge zyakusama zya-Aroni akumusalazya, andicitile milimo yabupaizi. 4Zyakusama nzibeelede kutunga nzeezi: cakusama cakaango, efodi, cikobela, cibaki camanyengwe-manyengwe, citambala, alukumba. Bacitile munyoko Aroni abana bakwe zyakusama zisalala, kuti bandimanine milimo yabupaizi.\\n5Batambule ingolida, amasani aanyanzabili, amasani aakamwemvwe, amasani aasalala pyu, amasani aalukidwe kabotu. 6-Lino efodi, bacipange angolida amasani aanyanzabili amasani aakamwemvwe amasani aasalala pyu amasani aatuba aalukidwe kabotu cabusongo. 7Cibe antambo zyobile zyamakuko kumpela zyaco zyakuciswanizya. 8Alwalo lutambo lweebeka lwakucaanzya lupangwe mbubonya, angolida amasani aanyanzabili amasani aakamwemvwe amasani aasalala pyu amasani aatuba aalukidwe kabotu 9Lino bweza mabwe obile aa-onukusi, akulemba alingawo mazina aabana ba-Israyeli. 10Mazina aali musanu alimwi alembwe abbwe lyomwe, amazina amwi aali musanu alimwi abbwe lyabili, mbubonya mbuli kuzyalwa kwabo. 11Mbuli mufuzi mbwalemba anwenwe, mbubonya obo uleelede kulemba mazina aabana ba-Israyeli amabwe ayo obile, alimwi cakuzinguluka bika tuwayile twangolida. 12-Lino uleelede kubika mabwe ayo obile antambo zyamakuko zyaefodi, abe mabwe aakwiibalusya aabana ba-Israyeli. Aroni ulatola mazina aabo kubusyu bwa-Jehova amakuko aakwe obile kube ciibalusyo. 13Alimwi ucite tuwayile twangolida, 14anketani zyobile zyangolida iisalala, zyoosedwe mbuli tukole, lino otu tukole twanketani twaangwe atuwayile.\\n15-Alimwi ucite cibaki cakaango cakulubeta. Cicitwe cabucenjezu mbubonya mbuli efodi; cicitwe angolida amasani aanyanzabili amasani aakamwemvwe amasani aasalala pyu amasani aatuba aalukidwe kabotu. 16Cibe azyooko zyone zyeelene; bulamfu bwaco bube cisela cakakokola abwaamba bwaco bube cisela cakakokola. 17-Mukati mubikwe milongo yone yamabwe. Mumulongo mutaanzi mube ibbwe lisalala-pyu abbwe lyatopazi abbwe lyasmaragido. 18Mumulongo wabili mube ibbwe lyanofeki abbwe lya-Safiro abbwe lyajaspi. 19Mumulongo watatu mube ibbwe lyaliguri abbwe lyaagate abbwe lyaamutusto. 20Mumulongo wane mube ibbwe lyaberulo abbwe lyaonukusi abbwe lyakrusalito. Oonse abikwe mutuwayile twangolida. 21-Mabwe abe ikumi aabili amazina aawo mbuli mazina aabana ba-Israyeli. Alembwe mbuli inwenwe mbwiilembwa; limwi alimwi libe azina lyamusyobo walyo akati kamisyobo iili ikumi aibili. 22Acalo cisani cakaango ucicitile inketani zyangolida iisalala zyoosedwe mbuli tukole. 23Alimwi ucitile cisani cakaango incoko zyobile zyangolida. Ezi incoko zyobile zibikwe azyooko zyobile zyacisani cakaango. 24Alimwi usome tukole tobile twangolida muncoko zyobile zyakuzyooko zyacisani cakaango; 25lino impela zyatukole tobile ziswanizigwe atuwayile tobile, aboobo cilaangwa kunembo kumaanza obile aaefodi. 26Alimwi ucite ncoko zyobile zyangolida, ziangwe mumpimpito zyobile zyacisani cakaango, kulubazu lwaco lubambene aefodi mukati. 27Alimwi ucite ncoko zyobile zyangolida, uzibike antambo zyamakuko zyaefodi, kumeso, ansi, nkociswaninana alukumba lwaefodi loosedwe camaanu, 28Lino cisani cakaango baleelede kucaanzya incoko zyaco kuncoko zyaefodi alukole lwakamwemvwe, kuti cibe atala lyalukumba lwaefodi, cisani cakaango citaangununwi kuli efodi. 29-Aboobo Aroni ulatola mazina aabana ba-Israyeli acisani cakaango calubeta amoyo wakwe naanjila mubusena busalala, kuti kube ciibalusyo can lyoonse kubusyu bwa-Jehova. 30-Aalo acisani cakaango calubeta mpoelede kubika zisonzyo zya-Urimu a-Tumimu, zibe amoyo wa-Aroni naanjila kubusyu bwa-Jehova, aboobo Aroni ulatola lyoonse imbeta zyabana ba-Israyeli amoyo wakwe kubusyu bwa-Jehova.\\n31-Acalo cikobela caefodi ukacicitye masani aakamwemvwe coonse, 32Cibe acipulo camutwe mukati kaco. Cigomenwe koonse koonse kuti citazambuluki. 33Amoombe waco utungwe micelo yapomegranite amasani aanyanzabili amasani aakamwemvwe amasani aasalala pyu. Itungwe koonse koonse kumoombe waco, alimwi akati kayo kubikwe milangu yangolida. 34Kube mulangu wangolida amucelo wapomegranite, mulangu wangolida amucelo wapomegranite, koonse koonse kumoombe wacikobela. 35Aroni acisame ciindi cakupaizya. Kulila kwaco kumvwigwe naanjila mubusena busalala kubusyu bwa-Jehova, anazwa kuti atafwi,\\n36-Alimwi ucite impande yangolida iisalala, ulembe alinjiyo mbuli inwenwe mbwiilembwa, kuti, Kusalalisya kuli-Jehova. 37Lino uleelede kwiiwanga alukole lwakamwemvwe acitambala; ibe kunkumu atala acitambala. 38-Libe ankumu ya-Aroni, lino Aroni ulatola milandu yazintu zisalala bana baIsrayeli nzibayoosalazya zibe zipo zisalala, Libe ankumu yakwe lyoonse, kuti zitambulike kuli-Jehova.\\n39Alimwi utunge cikobela camanyengwe-manyengwe, amasani aatuba, acitambala camasani aatuba, akupanga lukumba lunyekawidwe.\\n40-Abalo bana ba-Aroni ubacitile zikobela ankumba ansulumani, kuti babote akweebeka. 41-Usamike Aroni munyoko abana bakwe, ubananike, ubasalazye, ubabike kuti bandicitile milimo yabupaizi. 42-Ubacitile tubbudula twamasani aatuba twakusamika zinswe zyabo kuzwa kuzikungu kusikila kuzibelo. 43-Aroni abana bakwe bazisame ciindi cakunjila mutente lyakubunganina akuciindi cakuswena kucipaililo kuzoocita milimo yazintu zisalala kuti batalipi mulandu akufwa. Uyoomubeda mulao, walo abana bakwe lyoonse.","num_words":650,"character_repetition_ratio":0.079,"word_repetition_ratio":0.014,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mabbuku aBakamboni baJehova Alembwa Biyeni Mumilaka Isiyene siyene?\\nDipatimenti yabaSikulemba kuU.S.A.\\nIkuti tukonzye kucita mputugolela kwaambilizya “makani mabotu” “kulibamasi oonse kumisyobo yoonse kumilaka yoonse akumikowa yoonse,” tupanga mabbuku mumilaka iinda ku750. (Ciyubunuzyo 14:6) Tuukonzya biyeni mulimu ooyu muyumu? Tuucita kwiinda mukugwasigwa abalembi babeleka kumawofesi eesu mapati, abasanduluzi balipedelede, boonse Mbakamboni baJehova.\\nZibalo zyoonse zitalika kulembwa muciKuwa. Kumawofesi eesu mapati, Kabunga Keendelezya kalanga-langa mulimu uucitwa abadipatimenti yakulemba. Dipatimenti eeyi ilanga-langa basikulemba babeleka amawofesi mapati abamwi babeleka kuli amwi mawofesi amutabi akubapa milimu. Kuba abalembi basiyene-siyene kutugwasya kulemba makani aagwasya bantu bala ziyanza zisiyene-siyene munyika zyoonse.\\nZibalo zilatumizigwa kubasanduluzi. Zibalo nizyamana kulembwa akuzumizigwa, zilatumizigwa kwiinda mumakkompiyuta kubasanduluzi bali munyika yoonse. Baleezya canguzu kusala ‘majwi ayeelede akasimpe’ alaabupanduluzi buzwide bwa muciKuwa kabatola mumulaka wabo.​—Mukambausi 12:10.\\nMakkompiyuta apa kuti mulimu ucitwe cakufwambaana. Makkompiyuta taakonzyi kubeleka mulimu uucitwa abalembi abasanduluzi. Pesi mulimu wabo balawucita kufwambaana kababelesya makkompiyuta, azibelesyo zyakuyanduulisisya. Bakamboni baJehova bakapanga pulogilamu iitegwa Multilanguage Electronic Publishing System (MEPS), aawo zibalo zili mumilaka isika kumyaanda mpuzinjizigwa akuswaanizigwa azifanikisyo kucita kuti zikadindwe.\\nNkaambo nzi nitubeleka canguzu oobu mukusandulula mabbuku mumilaka myiingi? Nkaambo nkuyanda kwaJehova kuti “bantu boonse bafutulwe akuboola kuluzibo lwakuziba lusinizyo.”​—1 Timoteo 2:3, 4.\\nMabbuku eesu alembwa biyeni?\\nNkaambo nzi nitusandulula mabbuku eesu mumilaka myiingi?","num_words":190,"character_repetition_ratio":0.059,"word_repetition_ratio":0.0,"special_characters_ratio":0.147,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nibachikula—“Musungwaale Kukulibelekela Lufutuko Lwanu” | Yakwiiya\\nBALA MU Afrikaans Albanian Alur American Sign Language Amharic Amis Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Bengali Bicol Bolivian Sign Language Boulou Brazilian Sign Language British Sign Language Bulgarian Catalan Cebuano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Colombian Sign Language Croatian Cuban Sign Language Czech Czech Sign Language Dangme Danish Digor Douala Dutch Ecuadorian Sign Language Edo Efik English Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Greek Greek Sign Language Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kannada Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malawi Sign Language Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mexican Sign Language Mingrelian Mixe Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nigerian Pidgin Norwegian Nzema Okpe Oromo Ossetian Otetela Pangasinan Papiamento (Curaçao) Paraguayan Sign Language Persian Peruvian Sign Language Pidgin (Cameroon) Polish Polish Sign Language Ponapean Poqomchi' Portuguese Sign Language Punjabi Quebec Sign Language Quechua (Ancash) Quechua (Bolivia) Romanian Romanian Sign Language Russian Russian Sign Language Samoan Sango Sepedi Serbian Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Venda Venezuelan Sign Language Vietnamese Waray-Waray Wolaita Xhosa Yoruba Zande Zapotec (Isthmus) Zimbabwe Sign Language Zulu\\n“Mbuli mbumuswiilila lyoonse, . . . musungwaale kukulibelekela lufutuko lwanu cakuyoowa acakuzyangama.”​—FLP. 2:12.\\nNikuba kuti kubbabbatizigwa nchintu chiyandikana loko, nkamboonzi bantu nibateelede kuyoowa naa kuleka?\\nKujana walubelekela biyeni lufutuko lwako?\\nNkamboonzi nikuyandikana kulipeda kuli Jehova?\\n1. Nkamboonzi ntaamu yakubbabbatizigwa niyandikana? (Langa chifanikisyo chili kumatalikilo achiiyo.)\\nMUNYAKA amunyaka kuli bantu biingi babbabbatizigwa. Biingi babo mbachikula. Bamwi bakakomenena mumpuli yaBakamboni. Uli umwi wabo na? Ikuti kakuli boobo, wakasala munzila iilikabotu. Kubbabbatizigwa nchintu chiyandikana kumaKristu alubo nintaamu iikonzya kutugwasya kuti tukafutuke.​—Mt. 28:19, 20; 1 Pet. 3:21.\\n2. Nkamboonzi nituteelede kuyoowa naa kuleka kulipeda?\\n2 Nikuba kuti kubbabbatizigwa kupa kuti tujane zilongezyo pesi kuli zintu nzuyelede kuchita. Weelede kuchitaanzi? Mubuzuba mbuwakabbabbatizigwa wakasandula kuti iiyi kumubuzyo uti, “Kwiinda muchinunuzyo chaJesu Kristu, weempwa na kuzibi zyako alimwi walipeda na kuchita kuyanda kwaJehova?” Kubbabbatizigwa kwakatondeezya kuti wakalipeda kuli Jehova. Wakasyomezya Jehova kuti uyoomuyanda amoyo woonse akubikka zintu nzyayanda mubusena bwakusaanguna. Chisyomezyo eechi chiyandikana loko. Weelede kulisola na kuti wakachita chisyomezyo eechi? Toyelede kulisola pe. Kulipeda kuli Jehova nchintu chiyandikana loko. Atulange-lange zikonzya kuchitika kuti waleka kulipeda kuli Jehova. Muntu utaponi kweendelana akuyanda kwaJehova weendelezegwa aSaatani. Dyabbulosi tayandi kuti tukafutuke. Alubo, ulabotelwa kuti twaba kulubazu lwakwe kwiinda mukutalibombya kubweendelezi bwaJehova, ziyoopa kuti tukasweekelwe buumi butamani.\\n3. Nziizili zilongezyo nzulaazyo akaambo kakuti wakalipeda kuli Jehova?\\n3 Yeeya zilongezyo nzulaazyo akaambo kakuti wakalipeda kuli Jehova akubbabbatizigwa kutali kuba kulubazu lwaSaatani. Eezi zilakonzya kupa kuti waambe kuti: “Jehova nguundigwasya, nsikonzyi kuyoowa. Muntu andicitilenzi?” (Int. 118:6) Taakwe chilongezyo chiinda kuba kulubazu lwaLeza akutambulika kuli nguwe.\\nMUKULI WAWUMWI AWUMWI\\n4, 5. (a) Munzilaanzi kulipeda kuli Jehova nuli mukuli wawumwi awumwi? (b) Mbuyumu-yumuunzi mbubaswaana bachikula?\\n4 Ikuti waba muKristu ubbabbatizidwe kubamba bweenzinyokwe aJehova mukuli ukugeme, takuli mbuli mabambe ngimukonzya kuchita kamuli mpuli kuti muule fooni yang’anda. Nikuba kuti uchikkala abazyali pesi weelede kubelekela kuti ukafutuke. Nkamboonzi nikuyandikana kukkala kuyeeya majwi aaya? Nkaambo tukonzyi kuziba buyumu-yumu mbukonzya kuswaana kunembo. Muchikozyano, kuti wabbabbatizigwa kuchili muniini pesi wasika chiindi chakukubuka nzila njulimvwaayo ilakonzya kuchincha alubo ulakonzya kuyungwa abeenzinyokwe kuti uchite zintu zitali kabotu. Umwi musimbi wakaamba kuti: “Mwana takonzyi kulisola kuti nguKamboni waJehova akaambo kakuti tachitilwi kkekke lyabuzuba bwakuzyalwa. Pesi chiindi nakomena kuti beenzinyina bamuyunga kuti awonane awumwi muntu, weelede kuba achoonzyo chakuti kutobelezya malayilile aJehova kulagwasya chiindi choonse.”\\n5 Bachikula baswaana buyumu-yumu busiyene-siyene. Nikuba aabo bakabbabbatizigwa kabali bakomena baswaana zintu zyiingi zisunka lusyomo lwabo. Masunko aaya aswaanizya kutamvwanana mulukwatano, kuchiswa-chiswa naa kumaninwa milimu. Kufumbwa kuti twakabbabbatizigwa katuli baniini naa katuli bapati, toonse tuswaana buyumu-yumu buyanda kuti tukkale katusyomekede kuli Jehova.​—Jak. 1:12-14, NW.\\n6. (a) Nkamboonzi nweelede kuchizuzikizya chisyomezyo chako chakulipeda kuli Jehova? (b) Lugwalo lwaBaFilipi 4:11-13 lutugwasya biyeni?\\n6 Kuziba kuti weelede kuzuzikizya chisyomezyo eechi ziyume zitete kuyoopa kuti ukkale kusyomekede kuli Jehova kufumbwa zyiimo nzutakaswaane. Chiindi nwakalipeda wakasyomezya Singuzuzyoonse kuti uyoozumanana kumukomba nikuba beenzinyokwe naa bazyali beezya kukukasya. (Int. 27:10) Kufumbwa buyumu-yumu mbukonzya kuswaana, weelede kusyoma kuti Jehova unookugwasya kuti uzumanane kupona kweendelana akulipeda kwako.​—Bala BaFilipi 4:11-13.\\n7. Chambaanzi kusungwaala kubelekela lufutuko “cakuyoowa acakuzyangama”?\\n7 Jehova uyanda kuti ube mweenzinyina. Pesi kuzumanana kuba mweenzinyina akuti ukafutuke kuyanda kuti ubeleke changuzu. Lugwalo lwaBaFilipi 2:12 luti: “Musungwaale kukulibelekela lufutuko lwanu cakuyoowa acakuzyangama.” Majwi aaya atondeezya kuti weelede kuzumanana kuba abweenzinyina aJehova akuti ukkale kusyomekede nikuba waswaana buyumu-yumu. Toyelede kulisyoma pe. Bamwi bantu bakabelekela Jehova kwachiindi chilamfu bakazookachilwa kuzumanana kuba abweenzinyina aJehova. Niinzi nzuyelede kuchita kuti ukafutuke?\\nKUBALA BBAYIBBELE KULAYANDIKANA\\n8. Kubala Bbayibbele kuswaanizyaanzi alubo nkamboonzi nikuyandikana?\\n8 Bweenzuma bwesu aJehova buswaanizya zintu zibili​—kwaambuulaawe akumuswiilila. Tuswiilila Jehova kwiinda mukubala Bbayibbele. Eezi ziswaanizya kuba aluzibo kwiinda mukuyeeyesesya atala anzitubala muBbayibbele amumabbuku ambunga. Kubala Bbayibbele kulisiyene akubala mabbuku akuchikolo. Nkaambo kuchikolo bantu babalila kuti bakapase. Pesi chiindi nubala Bbayibbele weelede kuyeeyesesya akuziba zyiingi atala abube bwaJehova. Eezi ziyoopa kuti uswene afwiifwi aJehova alakwe uyooswena afwiifwi anduwe.​—Jak. 4:8.\\nUlakomba na kuli Jehova chiindi choonse? (Langa fuka 8-11)\\n9. Nziizili zibelesyo nzubelesya chiindi nubala Bbayibbele?\\n9 Mbunga yaJehova yakatupa zintu zyiingi nzitukonzya kubelesya chiindi nituli kubala. Muchikozyano, ajw. org kuli chipaanzi chiti “Bible Study Activities” chijanika alembedwe kuti “Teenagers”, chilakonzya kukugwasya kuti ujane zyiiyo kuzintu zyakachitika zilembedwe muBbayibbele. Alubo ajw. org, kuli chipaanzi chiti “What Does the Bible Really Teach?, (Study Guides)” chikonzya kukugwasya kuti ube achoonzyo chakuti zintu nzusyoma nzyakasimpe. Makani aaya alakonzya kukugwasya kuti upandulwide bamwi zintu nzyusyoma. Alubo mumagazini iitegwa Awake! yamuApril 2009, kuli mutwe utii, “Young People Ask . . . How Can I Make Bible Reading Enjoyable?” Kubala akuyeeyesesya kulakonzya kukugwasya kuti ukafutuke.​—Bala Intembauzyo 119:105.\\n10. Nkamboonzi kukomba nikuyandikana kumuKristu ubbabbatizidwe?\\n10 Twayiya kuti tuswiilila Jehova kwiinda mukubala, nikuba boobo twaambuula anguwe kwiinda mukukomba. MuKristu weelede kubona kukomba kakuli chintu chiyandikana kapati kutali kwakwiinzya mulawu luzutu. Kukomba ninzila yakwaambuula aMulengi wesu. Jehova uyanda kuti tumubuzye zili mumyoyo yesu. (Bala BaFilipi 4:6.) Ikuti waswaana buyumu-yumu, Bbayibbele liti weelede ‘kubikka makani aako oonse mumaanza aaJehova.’ (Int. 55:22) Ulazisyoma na eezi? Kuli mamiliyoni abakwesu abachizi bakabona kuti kuchita zyaambwa avesi eeyi kwakabagwasya. Anduwe zilakonzya kukugwasya.\\n11. Nkamboonzi nweelede kulumba Jehova chiindi choonse?\\n11 Kukomba kutupa mweenya wakubuzya Jehova zintu zyiingi kutali kukumbila lugwasyo luzutu. Bbayibbele lyaamba kuti: “Amube amyoyo yakulumba.” (Kol. 3:15) Chimwi chiindi tulakonzya kubikkila maanu kumapenzi ngitulawo akuluba zilongezyo nzitulaazyo. Ikuti kakuli boobo, buzuba abuzuba weelede kuyeeyesesya atala azilongezyo nikuba zitatu biyo. Mpawo weelede kumulumba Jehova akaambo kazilongezyo eezyo kwiinda mukukomba. Musimbi uutegwa Abigail wakabbabbatizigwa kali aminyaka iili 12 wakati: “Jehova nguwe alikke ngutweelede kulumba. Tweelede kumulumba chiindi choonse nkaambo utuchitila zintu zyiingi. Zindiyeezya amwi majwi ngindakamvwa akuti: Ikuti Jehova katupa zintu nzitwakumbila niinzi nchitweelede kuchita?” *\\nKUYEEYA ZINTU ZIBOTU NZITWAKACHITILWA KULAYANDIKANA\\n12, 13. Nkamboonzi nikuyandikana kuti muKristu umwi awumwi ayeeye zintu zibotu Jehova nzyakamuchitila?\\n12 Chiindi Davida naakazunda mubuyumu-buyumu mbwakali kuswaana wakaamba majwi aakuti: “Amulabile,mubone kuti Jehova mubotu. Ulikkomene muntu uuyubila mulinguwe.” (Int. 34:8, NW) Vesi eeyi itondeezya kuti kuyeeya zintu nzyakatuchitila Jehova kulayandikana. Chiindi nitubala Bbayibbele, mabbuku ambunga akunjila miswaangano, tulasungwaazigwa kumvwa Jehova mbakabagwasya bakombima kuti bakkale kabasyomekede. Pesi chiindi nuyabusima mubukombi weelede kubona mbakugwasya Jehova kuti ukkale kusyomekede. Nziizili zintu zibotu nzyakakuchitila Jehova?\\n13 Kuli chintu chimwi chibotu Jehova nchaakachitila maKristu boonse. Wakatukwelela kuli nguwe akuMwanaakwe. Jesu wakaamba kuti: “Takukwe muntu uukonzya kuza kulindime Taata uwakandituma atamukwela.” (Joh. 6:44) Majwi aaya alabeleka na kuli nduwe? Uuchikula ulakonzya kulibuzya kuti ‘Jehova wakakwela bazyali bangu ime ndikutobela luzutu.’ Pesi utalubi kuti chiindi nwakalipeda kuli Jehova akubbabbatizigwa wakatondeezya kuti uyanda kuba mweenzinyina. Alubo Jehova wakakuziba kukugama. Bbayibbele lyaamba kuti: “Muntu aakuyanda Leza, oyu muntu ulazibwa nguwe.” (1 Kor. 8:3) Nkinkaako, weelede kutondeezya kuti ulalumba kuti Jehova wakakukwelela kumbunga yakwe.\\n14, 15. Kukambawuka kulusimya biyeni lusyomo lwako?\\n14 Chimwi chintu chili kabotu Jehova nchakonzya kutuchitila nkutugwasya chiindi nituli kukambawuka. Ulakonzya kukambawukila bantu nikuba kuchikolo. Bamwi bachikula kulabayumina kukambawukila beenzinyina kuchikolo. Nkamboonzi nikubayumina? Nkaambo nga tabazi pe kuti balabaswiilila na naa kuti balakaka. Kukambawukila kkilasi yoonse kulakonzya kubayumina kwiinda kukambawukila mwanaachikolo umwi. Niinzi chikonzya kukugwasya?\\n15 Weelede kuyeeya kaambo kapa kuti ube achoonzyo chakuti zintu nzusyoma nzyakasimpe. Zilajanika na mumulaka wako zipaanzi zikonzya kukugwasya chiindi nulikubala Bbayibbele zili ajw.org? Ikuti kutazizi weelede kuziyanduula. Zyakabambilwa kuti zikugwasye kuti umvwisisisye kaambo kapa kuti ube achoonzyo chakuti zintu nzusyoma nzyakasimpe, nkamboonzi nuzisyoma zintu eezyo akuti ulabapandulwida biyeni bamwi. Kuba achoonzyo chakuti zintu nzusyoma nzyakasimpe akulibambila ziyookugwasya kuti ubuzye bamwi atala azina lyaJehova.—Jer. 20:8, 9.\\n16. Niinzi chikonzya kukugwasya kuti utayoowi kukambawukila bamwi?\\n16 Chimwi chiindi ulakonzya kuyoowa kukambawukila bamwi nikuba kuti walilibambilide. Umwi muchizi uli aminyaka iili 18 wakabbabbatizigwa kali aminyaka iili13 wakati: “Ndilizi kuti zintu nzindisyoma nzyakasimpe pesi ndilayoowa kuti ndipandulwide bamwi.” Wakachita biyeni kuti azunde buyumu-yumu oobu? Wakati: “Chimwi chiindi ngandeezya kwaambuula tumwi twaambo tutali twamuBbayibbele. Mbindiyaabo tabayoowi pe kwaambuula atala azintu nzibachita. Andime tandeelede kuyoowa pe. Nkinkaako, kuti kandilikubabuzya chimwi chintu ngandaamba majwi akuti: ‘Limwi zuba ndakali kwiiya Bbayibbele awumwi muntu mpawo . . . ’ Kuzwa waawo ngandiinkilila kunembo ankani yangu. Nikuba kuti ngatandilikubabuzya atala azintu zili muBbayibbele pesi bamwi ngabayanda kuziba kuti tuchita biyeni chiindi nitulikwiiya amuntu Bbayibbele. Chimwi chiindi ngababuzya mibuzyo. Ndakabona kuti kubelesya nzila eeyi kupa kuti kunduubile kubakambawukila. Ikuti ndabakambawukila ngandabotelwa.”\\n17. Kumvwisisisya zintu nzusyoma kujana kwakugwasya biyeni kuti ukambawukile bamwi?\\n17 Bantu biingi balakonzya kukuswiilila kuti kubayanda akubalemeka. Musimbi uutegwa Olivia uli aminyaka iili 17, wakabbabbatizigwa kachili muniini wakaamba kuti: “Ndakali kuyoowa kukambawukila bamwi nkaambo ndakali kubonaanga balandisampawula kabaamba kuti ndichitaanga ndilizi loko Bbayibbele.” Wakazoochincha miyeeyo yakwe. Kwiinda kuti akkale kali kuyoowa, wakayeeya kuti: “Bachikula biingi taakwe nchibazi pe atala aBakamboni baJehova. Pesi bazi ndiswe luzutu kuti tuli Bakamboni. Nzila njitulijataayo njiyo iikonzya kupa kuti bazumine naa bakake mulumbe wesu. Niinzi chikonzya kuchitika kuti twayoowa naa twaambuula munzila iitondeezya kuti tatukwe choonzyo azintu nzitulikwaambuula? Balakonzya kuyeeya kuti nzituyanda kwaamba nzyakubeja naa kuti tulikuyeeyela biya. Balakonzya kutazisyoma zintu nzitubabuzya akaambo kakuti iswe tatukwe choonzyo pe anzizyo. Nikuba boobo, ikuti twabatondeezya kuti tuli achoonzyo chakuti zintu nzitusyoma nzyakasimpe ziyoopa kuti batulemeke.”\\nZUMANANA KUBELEKELA KUTI UKAFUTUKE\\n18. Nziizili zintu zikonzya kukugwasya kuti ubelekele kuti ukafutuke?\\n18 Twayiya kuti, ikuti tukafutuke tweelede kubeleka changuzu. Zimwi zintu zikonzya kukugwasya nkubala Bbayibbele akuyeeyesesya, kukomba akuyeeya atala azintu zibotu Jehova nzyakuchitila. Kuchita zintu eezi kuyoopa kuti ube achoonzyo chakuti nchilongezyo chipati kuba abweenzinyina aJehova. Eezi ziyoopa kuti ukambawukile bamwi.​—Bala Intembauzyo 73:28.\\n19. Nkamboonzi nikweelela kubeleka changuzu kuti ukafutuke?\\n19 Jesu wakati: “Ikuti umwi kayanda kunditobela, aliimye akunyamuna cisamu cakwe cakupenzyezya akuzumanana kunditobela.” (Mt. 16:24, NW) Zili antanganana kuti maKristu beelede kuba basikwiiya akuti balipede kuli Jehova akubbabbatizigwa. Alubo kuchita oobu kulakonzya kupa kuti tujane zilongezyo zyiingi akuti tukajane buumi butamani munyika mpya. Nkinkaako, kulayandikana kuti tubeleke changuzu kuchitila kuti tukafutuke.\\n^ par 11 Ikuti ujane makani miingi langa chipaanzi chiti “Young People Ask​—Why Should I Pray?” chijanika ajw. org akapepa kali amibuzyo.","num_words":1843,"character_repetition_ratio":0.077,"word_repetition_ratio":0.0,"special_characters_ratio":0.159,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amulibelesye Jwi lya Leza Nkaambo Lili Abuumi! | Yakwiiya\\n“Jwi lya Leza lili abuumi alimwi lili anguzu.”—HEB. 4:12.\\nINO MUYEEYA BUTI?\\nNcinzi ciyakupa kuti nzyotwaamba mumulimo wakukambauka kazijisi nguzu?\\nMbuti matulakiti mbwaakonzya kutukulwaizya kubelesya Bbaibbele notubandika amuntu ciindi cakusaanguna alimwi anotupilukila?\\nMbuti mbotukonzya kwiiya bube bwa Paulo ciindi notulibambila mulimo wakukambauka?\\n1, 2. Mulimo nzi Jehova ngwaakapa Musa, alimwi wakamusyomezya nzi?\\nAMWEEZYEEZYE buyo mbomukonzya kulimvwa ikuti mwaima kumbele lyamweendelezi umwi ujisi nguzu kapati munyika yoonse kutegwa mwiiminine bantu ba Jehova. Kulangilwa kuti inga mwalibilika, kulitenga alimwi akuyoowa. Mbuti mbomukonzya kulibambila ncomuyanda kwaamba? Ncinzi ncomukonzya kucita kutegwa nzyomuyanda kwaamba zibe zintu zimvwika mbomuli mwiiminizi wa Leza singuzuzyoonse?\\n2 Musa wakali mubukkale buli boobu. Jehova wakamwaamba kuti muntu “mubombemoyo kwiinda bantu boonse baansi,” mukuti wakatumwa kuli Farao kuyakuvwuna bantu ba Leza kuzwa kukudyaamininwa alimwi akupenzyegwa mubuzike mu Egepita. (My. 12:3) Kweelana azintu izyakali kuyakucitika mbozyakali kuyakutondezya, Farao wakali muntu uutakwe bulemu alimwi sinkazi. (Kul. 5:1, 2) Nokuba boobo, Jehova wakali kuyanda kuti Musa aambile Farao kuti azumizye mamiliyoni aabazike bakwe kuzwa mucisi! Eeci cakapa Musa kubuzya Jehova kuti: “Mebo inga ndainka buti kuli-Farao? Ingandapozya buti bana ba-Israyeli kuzwa ku-Egepita?” Kweelede kuti Musa wakalimvwa kuti teeleli alimwi akuti takonzyi kucita oobo. Pele Jehova wakamusyomezya kuti takabi alikke. Jehova wakamwaambila kuti: “Ncobeni ndaba ayebo.”—Kul. 3:9-12.\\n3, 4. (a) Ino Musa wakali kuyoowa nzi? (b) Mbukkale buli buti mbomukonzya kukozyanisya abuyumuyumu mbwaakajisi Musa?\\n3 Ino Musa wakali kuyoowa nzi? Kuboneka kuti Musa wakali kuyoowa kuti Farao takonzyi kumumvwida kuti ngonguwe mwiiminizi wa Jehova Leza. Alimwi Musa wakali kuyoowa kuti bantu bakwe kunyina nobakali kuyakumusyoma kuti ngonguwe Jehova ngwaakasalide kuti abagwisye mu Egepita. Aboobo, Musa wakaambila Jehova kuti: “Tabakooyoozumina nekuba kuswiilila ijwi lyangu, nkaambo bayooamba kuti, Jehova tana kulibonya kulinduwe pe.”—Kul. 3:15-18; 4:1.\\n4 Bwiinguzi bwa Jehova kuli Musa alimwi azintu zyakacitika zilakonzya kuyiisya umwi aumwi wesu ciiyo ciyandika kapati. Masimpe, ambweni tamukaimi kumbele lyamweendelezi umwi wamfwulumende uujisi cuuno caatala. Pele sena kuli nocakamuyumina kale kubandika kujatikizya Leza alimwi a Bwami bwakwe kubantu mbomuzyi naa mbomuswaanganya buzuba abuzuba? Ikuti naa mbombubo oobo, amubone ncomukonzya kwiiya kuli cakacitikila Musa.\\n“NCINZI CILI MUJANZA LYAKO?”\\n5. Ncinzi Jehova ncaakabikka mumaanza aa Musa, alimwi mbuti mbocakamugwasya kucileka kuyoowa? (Amubone cifwanikiso icili kumatalikilo aacibalo.)\\n5 Ciindi Musa naakatondezya kuyoowa alimwi akwaamba kuti majwi aakwe kunyina naakali kuyakumvwugwa, Leza wakamugwasya kulibambila izyakali kuboola kumbele. Cibalo cilembedwe mulugwalo lwa Kulonga caamba kuti: ‘Jehova wakaambila Musa kuti, Ncinzi cili mujanza lyako? Wakati, Ngumusako. Wakati, Uwaale ansi. Wauwaala ansi. Mpawo wakasanduka kuba inzoka, nkabela Musa wakaicija. Pele Jehova wakaambila Musa kuti, Tandabika ijanza lyako, uijate kumucila, (lino wakatandabika ijanza lyakwe, waijata, nkabela yakasanduka kuba musako mujanza lyakwe,) kuti bazumine kuti wakakubonekela Jehova.’ (Kul. 4:2-5) Inzya, Leza wakamutondezya Musa kuti mulumbe ooyu wakali kuzwa kuli Jehova kwiinda mucintu ncaakajisi mujanza. Icintu icakali ninkoli buyo cakaba cuumi kwiinda munguzu zya Leza! Eelo kaka eeci cakali kuyakumuyumya-yumya Musa kujatikizya ncaakali kuyakwaamba, ikutondezya kuti Jehova wakali kuyakumugwasya ncobeni! Nkakaambo kaako Jehova wakamwaambila kuti: “Musako oyu, koutola mujanza lyako, nkaambo ngonguwo ngoyoocitya malele.” (Kul. 4:17) Kajisi bumboni bwakuti ulijisi nguzu zya Leza, Musa wakali kukonzya kuunka kajisi lusyomo akwiiminina Leza wakasimpe kumbele lyabantu bakwe alimwi akumbele lya Farao.—Kul. 4:29-31; 7:8-13.\\n6. (a) Ncinzi ceelede kuba mumizeezo yesu ciindi notukambauka, alimwi nkaambo nzi? (b) Amupandulule ‘ijwi lya Leza mbolili abuumi’ alimwi “anguzu.”\\n6 Ciindi notuunka kuyakwaambilizya mulumbe wamu Bbaibbele, andiswe tulakonzya kulibuzya kuti: ‘Ncinzi cili mujanza lyesu?’ Bunji bwaziindi inga tulijisi Bbaibbele mumaanza eesu, katulibambilide kulibelesya. Nokuba kuti banji Bbaibbele inga balibona kuba bbuku buyo, Jehova ulaambaula andiswe kwiinda mu Jwi lyakwe ilyakasololelwa amuuya. (2 Pe. 1:21) Lijisi zisyomezyo zya Leza kujatikizya zintu ziyakucitika ansi aabweendelezi bwa Bwami bwakwe. Nkakaambo kaako mwaapostolo Paulo ncaakalembela kuti: “Jwi lya Leza lili abuumi alimwi lili anguzu.” (Amubale Bahebulayo 4:12.) Makanze aa Jehova oonse kunyina naayakuwida ansi pe, nkaambo wazumanana kubeleka kutegwa azuzikizye makanze aakwe. (Is. 46:10; 55:11) Ikuti muntu wakazyiba kaambo aaka kujatikizya Jwi lya Jehova, nzyabala mu Bbaibbele zilakonzya kusumpula buumi bwakwe.\\n7. Mbuti mbotukonzya ‘kuyiisya akupandulula ijwi lyakasimpe cakulomya’?\\n7 Masimpe, Jehova wabikka Jwi lyakwe lili abuumi mumaanza eesu kutegwa tucikonzye kutondezya kuti mulumbe ngotwaambilizya ngwamasimpe alimwi akuti uzwa kulinguwe. Nkakaambo kaako ciindi naakamana kulembela bana Hebrayo, Paulo wakakulwaizya Timoteo walo iwakali mbuli mwana wakwe kuti ‘asungwaale kukuyiisya akukupandulula ijwi lyakasimpe cakulomya.’ (2 Ti. 2:15) Mbuti mbotukonzya kutobela lulayo lwa Paulo? Nkwiinda mukubala cakupozya magwalo aakonzya kubasika aamoyo aabo batuswiilila. Matulakiti aakamwaigwa mumwaka wa 2013 abambidwe munzila iikonzya kutugwasya mumakani aaya.\\nAMUSALE KABOTU MAGWALO AAKUBELESYA!\\n8. Ino mulangizi wamulimo umwi wakaamba nzi kujatikizya matulakiti?\\n8 Matulakiti mapya oonse abambidwe munzila yomwe. Aboobo, ikuti mwaiya mboibelesyegwa imwi, nkokuti mwaiya mbwaabelesyegwa oonse. Sena alakatazya kubelesya? Mulangizi wamulimo umwi mu Hawaii, ku U.S.A., wakalemba kuti: “Tiitwakalizyi kuti zibelesyo eezyi inga zyagwasya mumulimo wakuŋanda aŋanda alimwi awakukambauka kubuleya.” Wakajana kuti mbwaalembedwe matulakiti aaya alakonzya kupa kuti bantu batakatazyigwi kwiingula mubuzyo, calo cipa kuti mubandi uukkomanisya utalike. Wakabona kuti cili boobo akaambo kakuti kumatalikilo alijisi mibuzyo alimwi abwiinguzi bwiindene-indene muntu mbwakonzya kusala. Mukamwini ŋanda tayandiki kulibilika kujatikizya bwiinguzi bwakwe ikuti naa buliluzi naa pe.\\n9, 10. (a) Mbuti matulakiti eesu mbwaatukulwaizya kubelesya Bbaibbele? (b) Ino matulakiti nzi ngomwakabona kuti alamubelekela kabotu, alimwi nkaambo nzi?\\n9 Katulakiti kamwi akamwi kapa kuti tubale lugwalo ilwakasalwa kabotu. Mucikozyanyo, amubone katulakiti kakuti Sena Kupenga Kuli Nokuyoomana? Tacikwe makani kufwumbwa naa mukamwini ŋanda waingula kuti “inzya,” “peepe” naa “ambweni,” nkwiile kuunka buyo apeeji lili mukati kakunyina akuyungizya cili coonse akwaamba kuti “Amubone ncolyaamba Bbaibbele.” Mpoonya amubale lugwalo lwa Ciyubunuzyo 21:3, 4.\\n10 Mbubwenya buyo, ciindi nomubelesya katulakiti kakuti Ino Bbaibbele Mulibona Buti? taakwe makani naa mukamwini ŋanda waingula bwiinguzi nzi ibuli kumatalikilo aakatulakiti. Amuunke buyo apeeji lyamukati akwaamba kuti “Bbaibbele lyaamba kuti ‘Magwalo oonse akasololelwa a Leza.’” Mulakonzya kuyungizya akwaamba kuti: “Alimwi buya, mulakonzya kuzyiba zinji kujatikizya cibalo eeci.” Mpoonya amuvwunune Bbaibbele lyanu akubala tupango toonse twalugwalo lwa 2 Timoteo 3:16, 17.\\n11, 12. (a) Nkukkutila kuli buti nkomujana ciindi nomuli mumulimo wakukambauka? (b) Mbuti matulakiti mbwaakonzya kumugwasya kulibambila nyendo zyakupilukila?\\n11 Kweelana ambwaayingula mukamwini ŋanda, mulakonzya kuzyiba naa ntwaambo tunji buti tomukonzya kubala anguwe mukatulakiti. Kufwumbwa mbocikonzya kuba, kunze aakubapa matulakiti bantu, mulakonzya kulimvwa kukkutila akaambo kakuti mwacikonzya kubala ambabo twaambo tumwi mu Jwi lya Leza—nokuba kuti ambweni mwabala buyo kapango komwe naa tobilo mulweendo lwakusaanguna. Ciindi ciboola inga mwaakuzumanana kubandika.\\n12 Kumamanino aakatulakiti kamwi akamwi kuli mubuzyo wakuti “Ino Muyeeya Buti” alimwi amagwalo ngomukonzya kubandika ciindi mwaakupilukila. Mukatulakiti kakuti Ino Muyeeya Kuti Kumbele Aamazuba Kunooli Buti? mubuzyo wakubandika mwaakupilukila ngwakuti “Ino Leza uyoocita buti kutegwa nyika ibote?” Mpoonya kutondezyedwe lugwalo lwa Matayo 6:9, 10 alimwi a Daniele 2:44. Katulakiti kakuti Sena Bafwide Balakonzya Kupona Alimwi? kajisi mubuzyo wakuti “Nkaambo nzi ncotucembaalila akufwa? Mpoonya kutondezyedwe lugwalo lwa Matalikilo 3:17-19 alimwi a Baloma 5:12.\\n13. Amupandulule mbwaabelesyegwa matulakiti kutalisya ziiyo zya Bbaibbele.\\n13 Amwaabelesye matulakiti kutalisya ziiyo zya Bbaibbele. Ikuti muntu waibelesya kkoodi iili kumamanino aakatulakiti, ilakonzya kumutola aa Web site yesu akujana makani aakonzya kumukulwaizya kwiiya Bbaibbele. Matulakiti alimwi alaamba kujatikizya broshuwa ya Makani Mabotu Kuzwa Kuli Leza alimwi akwaamba ciiyo cigaminide icili mubroshuwa. Mucikozyanyo, katulakiti kakuti Nguni Weendelezya Nyika? kasololela kuciiyo 5 mubroshuwa eeyi. Katulakiti kakuti Ncinzi Cikonzya Kupa Kuti Kube Lukkomano Mumukwasyi? kasololela kuciiyo 9. Kwiinda mukubelesya matulakiti munzila yeelede, munakutobela nzila mbotu yakubelesya Bbaibbele ciindi nomuswaya muntu umwi ciindi cakusaanguna alimwi anomupilukila. Ikuti mwacita oobo, muyakucikonzya kutalisya ziiyo zya Bbaibbele zinji. Ncinzi acimbi ncomukonzya kucita kutegwa Jwi lya Leza mulibelesye munzila iigwasya mumulimo wakukambauka?\\nAMUBANDIKE KAAMBO IKABAPA KULIBILIKA KAPATI BANTU\\n14, 15. Mbuti mbomukonzya kwiiya bube bwa Paulo kujatikizya mulimo wakukambauka?\\n14 Paulo wakalijisi luyandisisyo lwakukambaukila “bantu boonse” mumulimo wakwe wakukambauka. (Amubale 1 Bakolinto 9:19-23.) Amubone kuti Paulo wakali kuyanda kugwasya ‘ba Juda . . . , bantu ibakali kweendelezyegwa amulawo . . . , bantu batakali kweendelezyegwa amulawo . . . , abaabo ibatakajisi nguzu.’ Inzya, wakali kuyanda kusikila ‘bantu bamisyobo yoonse ziyume zitete kutegwa afwutule bamwi.’ (Mil. 20:21) Muunzila nzi motukonzya kwiiya bube bwa Paulo ciindi notulibambila kukambauka kasimpe “kubantu bamisyobo yoonse” mucilawo cesu?—1 Ti. 2:3, 4.\\n15 Mwezi amwezi kuli nzila zipegwa mupepa lya Mulimo Wesu wa Bwami. Amusole kuzibelesya. Pele ikuti kakuli makani amwi aabapa kulibilika bantu bamucilawo canu, amujane nzila zikulwaizya kutegwa mubagwasye. Amuyeeye kujatikizya cilawo momukkala, bantu bambi ibakkala mucilawo canu, alimwi azintu zibapa kulibilika kapati, mpoonya amuyeeye lugwalo lukonzya kugwasya kucesya nzyobalibilika. Mulangizi wabbazu umwi amukaintu wakwe bakaamba boobu kujatikizya kubikkila maano mbobabelesya magwalo, bakati: “Bamukamwini ŋanda banabunji balatuzumizya kubabalila kapango komwe ikuti naa twaamba mubufwaafwi kakunyina kwiinda mumbali. Twamana kubaanzya, tulavwununa ma Bbaibbele eesu akubabalila lugwalo.” Amulange-lange makani amwi aagwasya mumulimo wakukambauka, mibuzyo, alimwi amagwalo ngomukonzya kubelesya mucilawo canu.\\nSena Bbaibbele alimwi amatulakiti mulaabelesya munzila iigwasya mumulimo wakukambauka? (Amubone mincali 8-13)\\n16. Amupandulule lugwalo lwa Isaya 14:7 mbolukonzya kubelesyegwa mumulimo wakukambauka.\\n16 Ikuti naa mukkala mucilawo mutakwe luumuno, mulakonzya kumubuzya muntu kuti: “Sena kuli nomukonzya kweezyeezya kuti buzuba bumwi inga kwaba mutwe wamakani mumuteende wakuti: ‘Nyika yoonse mbwiizulwa lino kuli luumuno kunyina cintu cili coonse cinyonganya alimwi bantu balikkomene citaambiki’? Eeci ncencico ncolyaamba Bbaibbele mulugwalo lwa Isaya 14:7. Alimwi buya, Bbaibbele lilijisi zisyomezyo zya Leza zinji zijatikizya luumuno luboola kumbele.” Mpoonya amubale mu Bbaibbele cimwi cazisyomezyo eezyo.\\n17. Mbuti mbomukonzya kutalisya mubandi uuyeeme alugwalo lwa Matayo 5:3?\\n17 Sena buumi bulabayumina bantu banji mucilawo canu? Ikuti naa mbocibede oobo, amutalisye mubandi kwiinda mukubuzya kuti: “Ino muntu weelede kuba amali manji buti kutegwa mukwasyi wakwe kaukkomene?” Amana kwiingula, amuzumanane kwaamba kuti: “Bantu banji balajana mali kwiinda yaayo ngomwaamba, pele mikwasyi yabo taikkomene pe. Aboobo, ncinzi cini ciyandika?” Mpoonya amubale lugwalo lwa Matayo 5:3 alimwi akutalisya ciiyo ca Bbaibbele.\\n18. Ino lugwalo lwa Jeremiya 29:11 inga mwalubelesya buti kuumbulizya bantu?\\n18 Sena bantu bamucilawo canu balipengede akaambo kacintu naa ntenda imwi iyakacitika ino-ino? Mulakonzya kutalisya mubandi kwiinda mukwaamba kuti: “Ndaboola kumuumbulizya. (Amubale Jeremiya 29:11.) Sena mwazyibona zintu zyotatwe Leza nzyayanda kuti katujisi? ‘Luumuno,’ ‘buumi bubotu kumbele’ alimwi ‘abulangizi bubotu.’ Sena tacikkomanisyi kuzyiba kuti uyanda kuti katupona buumi bubotu? Pele ino eeci inga cakonzyeka buti?” Mpoonya amujane nzila iisololela kuciiyo ceendelana amakani ngomubandika mubroshuwa ya Makani Mabotu.\\n19. Amupandulule mbolukonzya kubelesyegwa lugwalo lwa Ciyubunuzyo 14:6, 7 notubandika abantu bayandisya makani aabukombi.\\n19 Sena mukkala mucilawo bantu mobayandisya makani aabukombi? Ikuti naa mboobo, mulakonzya kutalisya mubandi kwiinda mukubuzya kuti: “Ikuti mungelo wamukambaukila, sena inga mwaziswiilila nzyamwaambila? (Amubale Ciyubunuzyo 14:6, 7.) Mbwaanga mungelo ooyu waamba kuti ‘amuyoowe Leza,’ sena inga tiicabota kumuzyiba Leza ngwaamba? Mungelo ooyu alimwi waamba kaambo kamwi ikatugwasya kujana bwiinguzi kakuti ‘ooyo wakapanga julu alimwi anyika.’ Ino nguni waambwa?” Mpoonya amubale lugwalo lwa Intembauzyo 124:4 ilwaamba kuti: “Lugwasyo lwesu luli muzina lya Jehova, Nguwakalenga ijulu anyika.” Amuzumanane kwiinda mukwaamba kuti mulakonzya kupandulula zinji kujatikizya Jehova Leza.\\n20. (a) Muunzila nzi lugwalo lwa Tusimpi 30:4 molukonzya kubelesyegwa kutondezya muntu izina lya Leza? (b) Sena kuli lugwalo lumwi ndomubelesya ilwamubelekela kabotu?\\n20 Mulakonzya kutalisya mubandi amukubusi kwiinda mukwaamba kuti: “Ndilomba kuti ndikubalile lugwalo ilujisi mubuzyo umwi uuyandika kapati. (Amubale Tusimpi 30:4.) Taakwe muntu uukonzya kwaambwa boobu, aboobo kuboneka kuti lwaamba Mulengi wesu. * Mbuti mbotukonzya kulizyiba zina lyakwe? Inga ndakutondezya mu Bbaibbele.”\\nAMULEKELE JWI LYA LEZA KUTI LIMUGWASYE MUMULIMO WANU WAKUKAMBAUKA\\n21, 22. (a) Mbuti lugwalo lwasalwa kabotu mbolukonzya kucinca buumi bwamuntu? (b) Ncinzi ncomukanzide kucita ciindi nomuli mumulimo wakukambauka?\\n21 Tamuzyi bantu mbobakonzya kujatikizyigwa alugwalo ilwasalwa kabotu. Mucikozyanyo, Bakamboni bobilo baku Australia bakasika aŋanda yamukaintu umwi uucili mwana-mwana. Mpoonya umwi wakamubuzya kuti: “Sena mulilizyi izina lya Leza?” mpoonya bakabala lugwalo lomwe lwa Intembauzyo 83:18. Mukaintu ooyu wakaamba kuti: “Ndakagambwa kapati! Nobakazwa, ndakeenda musinzo uulampa makkilomita aali 56 amootokala kuya kucintoolo nkobakali kusambala mabbuku kutegwa ndibone busanduluzi bwama Bbaibbele aambi alimwi akulanga bupanduluzi bwazina eelyo mubbuku lipandulula mabala. Lino nindakasyoma kuti izina lya Leza ngu Jehova, ndakali kuyanda kuzyiba zinji.” Nokwakainda ciindi cili mbocibede, walo amulumi wakali kuyanda kumukwata bakatalika kwiiya Bbaibbele, kumane bakabbapatizyigwa.\\n22 Jwi lya Leza lilacinca buumi bwabaabo ibalibala alimwi akuba aalusyomo muzisyomezyo zya Jehova. (Amubale 1 Batesalonika 2:13.) Bbaibbele lilijisi nguzu zyakusika bantu amoyo kwiinda cintu cili coonse ncotukonzya kwaamba. Nkakaambo kaako, kufwumbwa coolwe ncotwajana, tweelede kulibelesya Jwi lya Leza, nkaambo lili abuumi!\\n^ par. 20 Amubone cibalo cakuti “Questions From Readers” mu Ngazi Yamulindizi yamu Chingisi ya July 15, 1987, peeji 31.","num_words":1876,"character_repetition_ratio":0.063,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"TULAKONZYA KUKONDWA MULI LEZA\\nCimwi ciindi Jimu wakabuzya uutakondwi muli Leza kuti naa kuli naakazukauzyizye, nakuba kwa kaindi kaasyoonto buyo, a muzeezo wakuti antela Leza nkwali.\\n\"Calusinizyo!\" wakaamba muntu utakondwi muli Leza, ca ka kankamika Jimu. \"Kwakaceede buyo asyoonto kuti ndikondwe muli Leza myaka yakainda kuciindi mwaneesu wa kusaanguna nakazyalwa.\\nNindakalanga mwana muvwanda kalede akalo, a zyizo zya buntu zyizulide a kubona tunwe tusyoonto katu vwunga alimwi acinkozya mutwiso tusyoonto, cakanditolela ciindi ca myezi ili mboibede kakuceede buyo asyoonto kuti nditalike kukoondwa muli Leza. Bube bwa mwana bwakatiindilamye kuti kuleelede kuti Leza kaliko.\"\\n1. COONSE CAKAANZWA CIJISI WA KACAANZA\\nBwaanze bwa mubili wa muntu buloompolola kuti kuli mwaanzi. Hena kuli nookazukauzyizye kuti ncinzi cicitika kutegwa kube kubona antela kulanga? Bahyabupampu balatwaambila kuti ibongo bulayobola alimwi a kwibaluka zyuulu zya zyazikozyano, ikuswanganya akubamba twambo, kulumba kububotu. Kuli teelelesya akuyandisya kuleta lusumpuko luzwide kumuntu one. Inguzu mbuli zya magesi zizwa bu bongo zilleendelezya zizo zyoonse izyambubili.\\nMincini mbuli ma komputa (computer) ilabeleka kwiinda mukubelesya magesi. Pele mbusongo bwamuntu ibwakabamba komputa alimwi akui ambila cakucita.\\nNke kaambo kaako sikwimba wakaamba kuti mubili wamuntu waamba icaantangalala kuti mulengi ulakankamasisya.\\n\"Ndakulumbaizya nkambo ndakabumbwa munzila lyoosya alimwi ikankamaisya, ndilizyi calusinizyo kuti milimo yako ila kankamanisya.\" - Ntembanzyo 139:14.\\nKunyina pompi (pump) wakabambwa a muntu unga waelanizigwa a moyo wamuntu. Kunyina komputa inga yabeleka mbuli bongo bwa muntu. Kunyina bwaanze bwa cipeku peku bunga bwaindila ijwi lya muntu, kutwi, niliba liso. Kunyina bubambe bwa muwo mubotu bunga bwaindila mpemo, mafufwa. alimwi a lukanda. Bu mpangaliko bwa bubumbe bwa mubili wa muntu butondezya kuti kuli mwaanzi, wakaanza alimwi ooyo mwaanzi ngu Leza.\\nMubili wamuntu ubamdidwe kabotu icakuswangana cakuti zizo zyonse zileendelana. Mafufwa alimwi a moyo, insinga amilambi zilabeleka mulimo ukankamanisya.\\nKuti naa ulabweza ma dibilisi aali kkumi, akwaalemba: \" komwe\" kusikila ku \"kkumi,\"elyo wamana waabikka munkomwe, wamana buyo wiizungaanya nkomwe alimwi akubweza dibilisi lyomwe-lyomwe a kulijosya munkomwe yako, hena cikonzyeka buti kuti inga waabweza madibilisi mbuli mbwa tobalene: \"lyomwe,\" \"lyabili,\" \"lyatatu,\" kuya kusikila kuli lya kkumi?\\nKwiinda mu mulawo wa namba (mathematical law) , eci\\ncilakonzyeka kucitika \"komwe\" muzyiindi zyili kkumi lya zyuulu zyili zyuulu zyili zyuulu (10,000,000,000).\\nLino koyeeyela kuti cikonzyeka buti kuti ida, bongo, moyo, mafwufwe, insinga, insa, matwi, a-meso alimwi a menyo zyoonse zyili bumbe-bumbe ciindi comwe akutalika kubeleka muciindi comwe.\\nMbusanduzi nzi buteeleheheka kuti mubili wa muntu wa kaanzwa buti?\\n\"Elyo Mwami Leza wakati, \"Atubumbe muntu mucinkozya cesu, mucifwanikiso cesu,\"... ABOOBO LEZA WAKA MULENGA MUNTU MUCINKOZYA CAKWE,.. mucinkozya ca leza wakamulenga muntu, mulombwana alimwi a mukaintu waka balenga.\" - Matalikilo 1:26, 27.\\nMulombwana a mukaintu bagusana tibakalija buyo. Bbaibbele lilasinizya ikuti Leza nguwakatwanza mucimo cakwe. Wakaba amuzeezo wakutulenga mpoona watulenga.\\n2. COONSE CIBAMBIDWE CIJISI MUBAMBI\\nPele bumboni bwa Leza tabujaniki buyo mukwaanza kwa mibili yesu; kuliyalidwe majulu mbwaazulwa.\\nKosiya dolopo a kumunika kwalyo elyo unke kumunzi. Masiku ulungumane mu Julu. Eliya kkumbi litubatuba lili kunze aa nyenyezi liitwa kuti mulalabungu (Milky Way) nku pilingana kwa zyilengwa Leza zyili mujulu (galaxy), antela kansumbu (island) kali mujulu, a zyuulu zyili zyuulu zyili zyuulu zya mazuba aabala mbubona mbuli zuba lyesu. Mubwini nkuti izuba a manyika (planets) ayo ndubazu lwa mulalabungu (Milky Way).\\nLino kolanga kabunga ka nyenyezi zyitegwa \"Andromeda\". Ulange a mumuni uvwumbidwe luubilizi-lubizi. Kuti na wabelesya muncini utegwa \"telescope\" ulakonzya kubona zyilengwa Leza zyandeene-andeene, elyo mbubuli mulalabungu wesu, zyili bambidwe a zyuulu zyili zyuulu zyili zyuulu zya mazuba mapati kapati. \"Andromeda\" njeimwi ya tunsumbu tuli myaanda ili zyuulu zyili zyuulu zyili zyuulu (100,000,000,000) zyikonzyeka kubonwa kwiinda mukubelesya \"telescope\". Bahyabupampu mukwiya nyenyezi alimwi a zyintu zyili mujulu (\"Astronauts\") batwaambila kuti otu tunsumbu tuli mukati kajulu tulabalika a lubilo lukankamanisya katuzingulukana pesi kakunyina kupwayana. Akamwi kaleenda aciindi cako mukazila kako kakunyina kupambuka (kuzwa).\\nTacikankamanisyi kuti Mwiimbi ulamaninizya kuti nyenyezi zyibandika bulemu bwa Mulengi wazyo:\\n\"Majulu azubulula bulemu bwa Leza; majulu-julu aloompolola mulimo wa maanza aKwe. Buzuba-a-buzuba zyisukumuna mubandi; busiku a busiku zyitondezya luzyibo lwakwe. Kunyina mubandi antela mulaka kwalo ijwi lyazyo nkolitamvwugwa.\" - Ntembauzyo 19:1-3.\\nNotulanga bumpiyo-mpiyo mbwakaanza abupati bwazintu zyili mujulu, hena inga twaba alusinizyo lulibuti?\\n\"Kumatalikilo Leza wakalenga ijulu a nyika.\" - Matalikilo 1:1.\\n\"(Leza) nga matalikilo a zyintu zyoonse, alimwi ncecisyiko ca zyintu zyoonse.\" - Bakolose 1:17.\\nZyilengwa zyonse zyipa bumboni wakuti Leza ngumwanzi mupati alimwi ngumulengi uuteeli. Mubufwafwi, \"Kumatalikilo Leza,\" tulajana bwinguzi bwamaseseke abuumi. Nkwali Leza wakalenga zintu zyonse.\\nBa habupampu mangi sunu balasyoma muli Leza. Dr. Arthur Campton usilika bantu cimwi ciindi wakamba kuti akampango aka:\\n\"Kuli ndime, ilusyomo lutalikila akuziba kuti inyika alimwi amuntu zyakalengwa kumaseseke abusongo bupati. Tacili ciyumu kulindime ikuba alusyomo oolu, ambo cili antangalala ikuti alibubambe bwacintu kuli busongo bwamaseseke bwamuzeezo wabuLeza. Nzila iluleme nyika ibanzeme ipa bubonic wakambo kapati kamba kuti - \"kumatalikilo Leza.\"\\nBbaibbele taisoli kutondezya kuti Leza kwali, lyabilizya kuti Leza ulabona. Dr. Arthur Conklin, wakali mwiyi uyiisya zyizo zyizo zya zyinyama (biologist) kucikolo cipati (University) ca ku Princeton mboobu mbwaakalemba: \"Manjezya njezya a kuti buumi bwakatalika kwiinda muntenda (accident) inga kwa kozyanihigwa akuti bbuku lipati lijisi a\\nkusandulula mabala (dictionary) lyakaba kwiinda mukubboloka (explosion) mung'anda musimbilwa mapepa.\"\\nTulizyi kuti muntu takonzyi kubamba cintu kakunyina ciliko. Tulakonzya kuyaka zyintu, kupanga zyintu, kubika zyintu antoomwe, kucita kuti zyintu zyibeleke, pele a busongo boonse mbotujisi, tatukonzyi kupunga na kulenga tuvu labuugwa antela kamvube (toad) nakaba ka dubaluba kasyoonto.\\nZyilengwa zyoonse zyilapa bumboni ca antangalala kuti \"Leza Wakaanza, Leza Wakalenga. Bwinguzi bulike bwini bwini bwamatalikilo a nyika a julu alimwi a Bantu - nguLeza.\\nKuciindi bahyabupampu mukwiiya bantu mbubakali kukala a miyaluluko njobakali kucita (authropologist), kahya mumusenga ku \"New Mexico\",\\nnajana bbwe lili mbuli lubemba lwa keembe (Triangle), ulalilangihihya ca bunkutwe. Kuti wajana kuli tukwabbu kwabbu mu lyakafwalwa eliya bbwe, ula konzya kuba alusinizyo kuti lyakafwalwa a Bamweenya baku Amelika (American Indians). Ula konzya a kusola kuyeyela buzuba mbulyakafwalwa alimwi a mukowa wa Bamwenya bakalifwala. Kunyina anthropologist ulampemo zyiyoya unga wakazyanya akwaamba kuti ibbwe liya lifwalidwe\\nlya kacitika buyo kwiinda muntenda. Kunyina uninga solede kwamba kuti ibbwe lya kafwalwa a lulabo antela muwo naaba meenda. Woonse muntu ulacibona caantangalala kuti ibbwe lyeelede kuti lya kafwalwa amuntu.\\nPele bahyaabupampu banjibanji nobahya akujana mafuwa, buli mbumboni bwa zyinyama zyakali kupona kaindi, bapa bukosozi bwandeene. Tabaliboni janza lya Mulengi, bayeeya kuti ezyi zyinyama zyakaima kwiinda mukusandaulwa-sandaulwa kwa ciindi cilafwu (evolved). Mafuwa a banyama aasyihigwa kunsi lyanyika, aiminina zyinyama zyakalikupona zyijisi bubambe bunyongene a kukankamanisya kwiinda mulumbe wabbwe. Aboobo nkaambonzi kutaba abukosozi bwaantangalala: kuti kuli wakazyilenga? I Bbaibbele lilapa busanduluzi bwaantangalala ku mubuzyo wa matalikilo aa zyintu:\\n\"Kumatalikilo Leza wakalenga majulu alimwi a nyika.\" - Matalikilo 1:1.\\nMumajwi aya maubauba: \"Kumatalikilo Leza\" tulajana bwiinguzi bwa maseseke a buumi. Musemo walukondo wakusaanguna uulembedwe mu Bbaibbele ngwa kuti Leza nkwali; kwambihya nkwakuti impango yakusaanguna mu Bbaibbele itwaambila nguzu zya Leza zyipati a mulimo wakwe wa kulenga. Kapa busanduluzi a mpango njiyona eyi, Dr. Arthur\\nCompton, walo iwa katambula bulumbu bwakulumbaizyigwa (Nobel Prize)\\nbwa kuba physicist, wakaamba boobu: \"Ndakondwa calusinizyo kuti lusyomo lulatalika kwiinda mukuzumina kuti kuli busongo butasandululiki bwakacita kuti zyilengwa zyibe alimwi a kulenga muntu. Tacili ciyumu kuli ndime kuba a lusyomo luli boobu, nkaambo kunyina unga wacikazya cakuti oko kuli bwaanzike (plan) kuli busongo alimwi zyintu zyila tobelana kabotu kabotu, ijulu a zyili muli ndilyo zyilapa bumboni bwa masimpe aajanika mu majwi akuti \"ku matalikilo Leza.\"\\nSunu ba hyaabupampu banji balakondwa muli Leza. I bbuku litegwa \"Behind The Dim Unknown\" ilakalembululwa a ba John Clover Monsma (New York: G. P. Putnam's Sons), lijisi mpango zyipati (Chapters) zyili makumi obilo alimwi a cisambomwi (26), yomwe yomwe ya mpango ezyi zyipati yakalembwa a hyaabupampu ujisi luzyibo lwa kuzukauzya kwa zyilengwa Leza (Scientific Research) alimwi ujisi luzyibo lupati kapati (Specialist), atala oonse ukondwa muli Jesu Kilisitu. Omwe omwe wa balembi aba ulakulwaizya musemo nguona wakasimpe wakuti - Leza nkwali.\\nMumajwi akuti: \"Kumatalikilo Leza\" tulajana matalikilo a zyintu zyoonse.\\nI Bbaibbele talisoli kupa kupandulula Leza, pele lilati Leza nkwali. Luzyibo lwakuti Leza nkwali lulatondezyegwa mukuti swebo nkotuli tulapona alimwi a muzyintu zyoonse nzyotubona zyituzingulukide. Cintu coonse cijisi cihiko (matalikilo). Kuli kwaanza (design) munyika, aboobo kweelede kuti kakuli Mwaanzi (designer). Mukati kajulu zyintu zyili bambindwe kabotu kabotu ca kuyalana, elyo kuleelede kakuli wakazyibamba a kuzyiyala. Aboobo zyintu zyoonse zyeleelede kuti zyakalengwa a muntu umwi, elyo oyu ngu Leza.\\nHena, ono nguni wakababa zyintu zyoonse? Nguni wa kazyilenga kumatalikilo? Nguni wakazyitalika? Kuli buyo bwiinguzi bomwe buzulide: Ngu Leza.\\nZyintu zyoonse zyituzingulukide zyiloompolola kuti Leza wakaanza, Leza wakalenga, Leza ulapa buumi a kweembela zyilengwa zyakwe. Bwalikke buumi antela Mwiinzo wabuumi, nguupanga buumi. Bwiinguzi bwalikke bupa kukkuta kumakani a matalikilo a julu a nyika, a bantu - ngu Leza.\\n3. LEZA UBAMBA CILONGWE CA CIGAMININA A BANTU BAKWE\\nLeza wakaanza julu lizwide nyenyezi, wakalenga julu a zyili mumo, ubamba bulongwe bwa cigaminina a bantu bakwe. Wakalibujisi bulongwe obu bwacigaminina a Mosi: \"Leza wakali kukanana kuli Mosi... mbuli muntu mbwakanana amwenzyinyina\" (Kulonga 33:11). Alimwi Leza uyanda kunjila mubulongwe bwacigaminina andiwealimwi akuba mwenzinyoko. Jesu wakasyomezya baabo bakali kumucilila wakati: \"Muli beenzuma\" (Johane 15:14).\\nTonse tulalwana a muzeezo wa Leza, nkambo bube bwamuntu mbwa lukondo. Taku munyama wakayaka kale cipaililo. Pesi konse-konse nkotujana basankwa a bamakaintu, tulajana kabakomba. Mukati kamoyo onse mwamuntu kuli kuyandisisya kukomba, kuzyiba Leza, kuyandisyisya kuba mwenzyinyina a Leza. Nitucilila kuyandisyisya oku tula mujana Leza, kucinyina kudonaika kuti Leza kwali.\\nMu myaka ya muma 1990s zyuulu zyuulu (Millions) zya bantu batakondwi bakakuzangila kutakondwa alimwi a kucengulukila kuli Leza. Mbobu mbwa kaamba mwiyi mupati (professor) wa kucikolo cipata (University) caku St. Petersburg, walo wakali hyaabupampu mulwiiyo lwa nyenyezi a majulu julu (astronomy), mu kwiiminina kulimva kwa banji-banji batakali kukondwa mu cisi cakali kwiitwa kuti Soviet Union:\\n\"Ndakasola kuyandaula kuti ndijane musemo wabuumi mu kuzukauzya lwiiyo lusumpukide (scientific research). Pele kunyina nindakajana cintu cindipa camba. Ba hyaabupampu boonse bandizingulukide bajisi kulimvwa komwe kwa kubulilwa. Nindakalanga julu mbuli mbolikwazeme mulwiiyo lwangu lwa nyenyezi a majulu julu (astronomy), alimwi a kuzyingwa mukubulilwa kwa mumoza, ndakalimva kuti kweelede kuti kakuli busanduluzi bumwi. Elyo ciindi nindakatambula Bbaibbele ndi mwakandipa a kutalika kulibala, kubulilwa mu buumi bwangu kwakamana, ndakalimvwa kuzulizya. Ndajana kuti Bbaibbele lyalikke ngu mwiinzo undipa camba. Ndamutambula Jesu mbuli Mufutuli wangu alimwi ndajana luumuno lwa kasimpe, kupegwa camba, alimwi a kukkuta kwa kuzulizya mu buumi bwangu.\"\\nMu klistu ula kondwa muli Leza nkaambo ka kuswaangana a Leza alimwi a kujana kuti Leza ulamupa kukkuta mukuyandisyisya kwa moyo wakwe. Leza ngu bakkomanina ba klistu nibamujana kuti nkwali, ulatupa kuti tubone zyintu mubupya, kulimvwa kupya, kulombozya kupya alimwi a kukkomana kupya.\\nLeza tatusyomezyi buumi bunyina mapenzi alimwi a kuzwangana, pele Leza ulatupa lusinizyo lwa kutusololela alimwi a kutubamba kuti twaba a bulongwe bwa cigaminina a nguwe. Zyuulu zyuulu zya bakondwa zyilakonzya kupa bumboni kuti balakonzya kuzyisowa zyintu zyoonse kwiinda kupona kakunyina Leza mu maumi abo.\\nOku nkokugambya kupati, kuti Leza Singuzu zyoonse, wa kaanza zyilegwa zyoonse akuzyipanga alimwi a kukwabilila majulu julu (galaxies) ulayandisyisya kuba abulongwe bwa cigaminina kuli oonse mulombwana a mukaintu, musankwa a musimbi. Davida caka mukankamanisya, ncakalemba kuti:\\n\"Na ndalanga mujulu lyako, milimo ya minwe yako, mwezi alimwi a nyenyezi, nzyookaanzika, muntu ani nguni cakuti inga wamubikkila muzeezo?\" - Ntembauzyo 18:3, 4.\\nMulengi wesu \"ulabikka muzeezo\" kuli omwe-omwe wesu. Ulaba a kuyandisyisya kuli omwe-omwe wesu mbuli kuti ndiswe tolikke Leza mbaakalenga. Aboobo tulakonzya kukondwa muli leza:\\n(1) Nkaambo ka bwaanze bunyongenene (intricate design) bwa zyintu zyoonse nzyakalenga zyituzigulukide. (2) Nkaambo kakulimvwa kwa kuyandisyisya Leza kuli muli ndiswe kutupa kutakkalikana kusikila twajana kulyookezya muli Leza. (3) Nkaambo notumuyandaula akumujana, Leza ulatupa kukkuta mukuyandisyisya a kulombozya kwesu koonse - kwakuzulila.\\n4. NGU LEZA UULI BUTI?\\nNcamaanu ikuti Leza uyanda kuli zubulula kubantu mbaakalenga icacigaminina mbubwena mbuli Taata mbwayanda kuti bana bakwe bamuzyi.be. Mu Bbaibbele Leza ulatwambila kuti nguni alimwi a mbuli mbwabede.\\nNcikombolenzi Leza ncakabelesya ciindi nakalenga balombwana alimwi a bakaintu?\\n\"Aboobo Leza wakamulenga mulombwana mucinkozya cakwe, mucinkozya ca Leza wakamulenga mulombwana; mulombwana a mukaintu wakabalenga.\" - Matalikilo 1:27.\\nKwedelana a Mangwalo, tulibambidwe mu cinkozya ca Leza. Nkakaambo aka nco tweelede kuba a bulongwe bwa cigamininna a Leza. Micito yesu ya kutondezya alimwi a kulimvwa, kwiibaluka alimwi a bulangizi, kuzukauzya alimwi a kusalankumya-zyoonse tulazyijana kuzwa kuli Leza.\\nNakuba kuti Leza uli mumoza, Leza ulijisi bube bwa mubili (kobala kulonga 31:18 alimwi a 33:11).\\nMbwali Leza ulijisi ciwa hena nciimo cili buti cizwidilila kuli zyoose?\\n\"Leza nduyando.\" - 1 John 4:8.\\nLeza ulalikumbatizya kubantu kwiinda mumoyo wakwe wa luyando.\\nKunyina ncaacita alimwi kunyina ncaya kucita citakwelelezyigwi a kulisungula kwakwe, a luyando lwa kulyaaba.\\n5. JESU MBWA ZUBULULA LEZA MBWABEDE\\nMubbaibbele Leza ulainduluka kwamba kuti ngu Taata.\\nNguni mukati ka mukwasyi utupa muzezo wa mbuli mbwabede Leza?\\n\"Hena toonse tatujisi Taata omwe? Hena tali Leza omwe wakatulenga?\" - Malakai 2:10.\\nBunji bwa zyinkozya izya bu Taata nzyotubona mazuba aano tazyiyandiki. Kuli bamatata batabikili maanu, bamatata ba zakede, bamatata bajisi lunya. Leza tali boobo. Pele Leza ulakwabilila alimwi ujisi kulimvwa kubotu. Ngu Taata uyandisyisya kumwaya ciindi a mwana wakwe musankwa antela musimbi, ngu Taata ukwelelezya twana twakwe a kutwaanina twaano ciindi ca koona. Leza, uli ngu Taata utuyanda, wakali kuyanda kuti acite kunji atala akulizubulula kwiinda mu majwi a Mangwalo.\\nWakalizyi kuti muntu ngotupona limwi ujisi munyinsu wa bwini kwiinda muntu ngotumvwa buyo antela ngotubala mu bbuku. Elyo wakaboola ansi ano muciimo cabuntu mubuntu bwa Jesu.\\nLeza wakaseluka a kuzyi kweelena andiswe a kuba mbuli ndiswe- kutegwa a tuyiisye mbotweelede kupona a kukkomana, alimwi a kuti tukonzye kumubona Leza mbuli mbwabede.\\nHena Leza wakaiswaya buti nyika mubuntu?\\n\"(Jesu) ncinkozya ca Leza utalibonyi.\" - Bakolose 1:15.\\nElyo na wabona Jesu,wabona Leza. Leza wakaboola munyika yaansi ano mubuntu bwa Jesu. Kutegwa atuiisye mbuli mbotweelede kupona cakukomana,kuti tumubone Leza mbuli mbwabede. Jesu nguleza iwalizubulula.Walo mwini wakati,\"Kufumbwa wandibona wamubona Taata\" (Johane 14:9).\\nMbuli mbobala makani a Jesu mu mabbuku a Mateyo, Maako, Luka alimwi a Johane, mu Cizuminano cipya, uya kulivumbuda cifwanikiso cipati ca Taata wesu uli kujulu. Bazezyi banswi bagalangene bakasowa tunyandi twabo a ku muccilila Klistu, a balo bana basyoonto bakali ku mu bunganina kuti batambule zyileleko kuzwa kuli Nguwe. Jesu wakali kukonzya kupa camba ku mubisyi utyompokedwe kapati alimwi a kootobeka muntu ulisalazya ca kuupaupa. Jesu wakaponya malwazi oonse kutalikila kukuponya boofweede kusikila kuli bahicinanta. Mukati kamicito yakwe yoonse, Jesu waka tondezya kuti Leza ngu luyando. Wakacikonzya kupa lugwasyo munzila yatakaninga citidwe alimwi itana citidwe kuzwa kuciindi cakwe.\\nKuzubulula kuzwide bulemu Jesu nkwaakatondezya kuti Leza uli buti kwaka citika a ciciingano.\\n\"Nkambo Leza mbobu mbwakaiyanda nyika cakuti wakapa mwana wakwe omwe kutegwa boonse basyoma mulinguwe batafwidilili, pele babe a buumi bwa moongole.\" - Johane 3:16.\\nJesu tana akafwida buyo kuti atupe buumi buzwide kukkomana lino, pele alimwi a kutupa buumi bwa butamani.Kwa myaka minji-minji bantu bali kugambwa, kulombozya, alimwi a kulota zya Leza. Bakali kwiibona milimo ya maanza akwe mujulu alimwi a mu bubotu bwa zyilengwa-Leza.\\nBanji bakali kulizukauzya \"Ina kuti kaka Leza naali boobu!\" antela. \"Ina kuti kaka Leza naali bobuya!\" Pele buumi bubotu, bwa kulyaaba kwa Jesu alimwi a lufu lwakwe a ciciingano lulamuzubula Leza ca antangalala kwiinda kusaanguna. Bantu bakalijana kaba lungumana mubusyu bwa Leza, a kumubona mbuli mbwali luyando, luyando lutagoli alimwi lutamani. Ulakonzya kumuzyiba Leza ndilyona lino mbuli Jesu mbwa muzubulula. Oku kuzubulula inga kwakusololela mukubamba kumusala cacigaminina akwaamba kuti: \"Taata, nda Kuyanda!\"","num_words":2368,"character_repetition_ratio":0.047,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Myeelwe 18 IBBAIB63 - Lino Jehova wakaambila Aroni - Bible Search\\nMyeelwe 17 Myeelwe 19\\nAmwi makani aaba-Levi aabapaizi: milimo yabo azipego zyabo\\n1-Lino Jehova wakaambila Aroni kuti, Webo abana bako aluzubo loonse lwauso, mularola mukuli wamilandu yacikombelo; alimwi webo abana bako mulatola milandu yabupaizi bwanu. 2-Abalo bana bakwanu, musyobo wa-Levi, musyobo wauso, ubaletele, kuti baswanizigwe ayebo, bakugwasye milimo, webo abana bako nimuli kunembo lyatente lyacizuminano. 3-Babambe milimo yako amilimo yoonse yatente, pele tabeelede kuswena kufwaafwi kuzibelesyo zisalala nanka kucipaililo, kuti batafwi, balo anywebo nyoonse. 4Baswanizigwe ayebo, babambe milimo yatente lyambunganino, milimo yoonse yatente; pele kutabi muntu umbi uumuswenenena. 5-Amubambe milimo yacikombelo amilimo yacipaililo, kuti bana ba-Israyeli batabukilwi limbi bukali. 6-Amubone! Ndagwisya bana bakwanu ba-Levi akati kabana ba-Israyeli, babe cipo canu; mwabapegwa kuli-Jehova kuti bacite milimo yatente lyambunganino. 7-Lino yebo abana bako mulacita milimo yabupaizi mumakani oonse aacipaililo amakani aazintu zyoonse zili mukati kacisitilizyo. Bupaizi bwanu ncencico ncimwapegwa kulindime; kufumbwa muntu umbi uuswena kufwaafwi uleelede kufwa.\\n8-Lino Jehova wakaambila Aroni kuti, Bona! Ndakupa kufumbwa cisyaala cazipaizyo nzindatentelwa, zintu zyoonse zisalala zyabana ba-Israyeli, zibe caabilo cako acabana bako. Ngumulao walyoonse. 9-Nceeci ncimwapegwa akati kazintu zisalalisya zisyaala kukutentwa: zipaizyo zyabo zyoonse, zipaizyo zyabo zyabusu, zipaizyo zyabo zyazibi, azipaizyo zyabo zyamilandu, zyoonse buyo nzibandiletela zilasalalisya kulinduwe akubana bake. 10Munoozilya mubusena busalalisya; baalumi boonse bayoocilya; ciyoosalala kulindinywe. 11-Aceeci acalo ncicako: zipo nzebaleta, zipaizyo zyakuyumba zyabana ba-Israyeli. Ndazipa nduwe abana bako balombe abasimbi. Ngumulao walyoonse. Kufumbwa uusalala muŋanda yako unoolya. 12-Zintu zyoonse zinono zyamafuta azilwela zyamasaansa azyamaila, kabalwebalwe nkebaletela Jehova, zyoonse ndazipa kulinduwe. 13Micelo yoonse, iitaanguna kubizwa munyika yabo nzebaletela Jehova zilaba zyako; kufumbwa uusalala muŋanda yako unoolya. 14-Zintu zyoonse zyaba-Israyeli zipegwa limwi kuli-Jehova zilaba zyako. 15-Bana boonse bataanzi mbebatuulila Jehova, nebaba bantu nebaba banyama, balaba bako; pele bana bataanzi babantu baleelede kunununwa, abana bataanzi babanyama batondwa baleelede kunununwa. 16-Muulo wabo wakunununwa, nkokuti ciindi camwezi omwe wakuzyalwa, uleelede kuba masyekeli osanwe aansiliva, nkokuti masyekeli aacikombelo (isyekeli ngemagera aali makumi obile). 17-Pele mwana mutaanzi waŋombe na wambelele na wampongo, aba tabanununwi pe; balasalala, Bulowa bwabo uleelede kubusansaila acipaililo, amafuta aabo aleelede kutemwa, abe cipaizyo cili abweema bubotu bwakubotezya Jehova, 18-pele nyama iisyaala ilaba yako, mbubonya mbuli katiti kakuyumba amweendo wacikungu walulyo. 19Zipaizyo zyoonse zisalala bana ba-Israyeli nzebaletela Jehova, ndazipa nduwe abana bako balombe abasimbi, Ngumulao walyoonse, cizuminano citapwayiki calyoonse alyoonse kunembo lya-Jehova, kulinduwe akulunyungu lwako. 20-Nkabela Jehova wakaambila Aroni kuti, Yebo tokooyooba alukono munyika yabo, tokooyoopegwa caabilo akati kabo pe. Mebo ndime caabilo cako alukono lwako akati kabana ba-Israyeli.\\n21-Lino ba-Levi, ndabapa zipanzi zyoonse zyakumi zyambono zyabaIsrayeli, bazikone, nkaambo kamilimo yabo njebabeleka, milimo yatente lyambunganino. 22-Bana ba-Israyeli tabakooyooswena limbi kufwaafwi kutente lyambunganino, kuti batajani mulandu, batafwi. 23Ba-Levi mbebanoobeleka milimo yatente lyambunganino, alimwi mbembabo banooyumuna­ mukuli wamilandu yabo. Ngumulao walyoonse mumazyalani aanu oonse. Aboobo tabakooyooba alukono akati kabana ba-Israyeli. 24-Nkaambo zipanzi zyakumi zyabana ba-Israyeli nzebatuulila Jehova, nzenzizyo nzendapa ba-Levi kuti zibe lukono lwabo. Ncencico ncendabaambila kuti, Tamukooyooba alukono akati kabana ba-Israyeli,\\n25Lino Jehova wakaambila Musa kuti, 26-Ambila ba-Levi kuti, Ciindi nemutambula zipanzi zyakumi zyabana ba-Israyeli nzendamupa kuti zibe lukono lwanu, muleelede kugwisya mulinzizyo cituulo cakutuulila Jehova, cipanzi cakumi cazipanzi zyakumi. 27Eco cituulo canu ciyooambwa mbubonya mbuli maila aakucipolelo ambuli kuzula kwacisinino cawaini. 28Aboobo anywebo muyootuulila Jehova cituuzyo cizwa muzipanzi zyanu zyakumi nzimutambula kumaanza aabana ba-Israyeli. Muleelede kugwisya cituulo mulinzizyo, mupe Aroni mupaizi. 29Muzipego zyanu zyoonse amugwisye cituuzyo cakutuulila Jehova, nkokuti zintu zinono zyamulinzizyo, cipanzi cisalalisya. 30Kobaambila kuti, Mwaatula zintu zinono zyamulinzizyo, eco ciyooyeeyegwa kuba-Levi mbuli maila aakucipolelo ambuli cizwa mucisinino camasaansa. 31-Munoozilya kumasena oonse, nywebo abasiŋanda banu, nkaambo ncecilumbyo canu nkaambo kamilimo yanu njimubelekela itente lyambunganino. 32-Tamukooyoojana milandu nkaambo kanzizyo, mwamana kupa zinono zyazyo. Mutasofwaazyi zintu zisalala zyabana ba-Israyeli, kuti mutafwi.","num_words":584,"character_repetition_ratio":0.078,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Levitiko 23 IBBAIB63 - Lino Jehova wakaambila Musa - Bible Search\\nBuzuba bwa-Sabata, ipobwe lya-Pasika, amapobwe amwi\\n1Lino Jehova wakaambila Musa kuti, 2-Ambila bana ba-Israyeli kuti, Ngaaya mapobwe aangu aabikidwe, mapobwe aa-Jehova ngemweelede kusalazya mbuli imbungano zisalala. 3-Mazuba aali musanu abumwi amucite milimo, pele buzuba bwamusanu aabili mbobuzuba bwa-Sabata bwakulyokezya, imbungano iisalalisya. Mutaciti mulimo nuuba umwi mulimbubo. Mbobuzuba bwa-Sabata bwa-Jehova mumaanda aanu oonse.\\n4-Ngaaya mapobwe aabikidwe aa-Jehova, imbungano zisalala nzimweelede kubamba kuzi indi zyeelede, 5-Mumwezi mutaanzi, mubuzuba bwakumi aane bwamumwezi, kuciindi cagoko, ndipobwe lya-Pasika lya-Jehova. 6-Alimwi mubuzuba bwakumi amusanu bwamwezi oyo nguwenya ndipobwe lya-Jehova lyakulya zinkwa zitakwe bumena. Mazuba aali musanu aabili muleelede kulya zinkwa zitakwe bumena. 7-Mubuzuba butaanzi kunooba imbungano iisalala. Mutaciti milimo yamitukuta pe. 8Lino amutentele Jehova cipaizyo mazuba aali musanu aabili. Amubuzuba bwamusanu aabili kunooba imbungano iisalala; mutaciti milimo yamitukuta.\\n9Nkabela Jehova wakaambila Musa kuti, 10-Ambila bana ba-Israyeli kuti, Mwasika buyo kunyika njendamupa, ciindi cakutebula zilyo zyayo, muleelede kuleta musunge wakabalwebalwe kakutebula kwanu kumupaizi, 11-elyo ayumbe oyo musunge kubusyu bwa-Jehova, kuti mutambulike. Mubuzuba butobela Sabata mupaizi auyumbe. 12Lino mubuzuba obo bwakuyumba musunge muleelede kutentela Jehova cipaizyo cakagutu kamwaka omwe katakwe kampenda. 13Acipaizyo cabusu antoomwe cilaba zipanzi zyobile zyakumi zyalusuwo lwabusu bunante buvwelene amafuta; citentelwe Jehova, cipaizyo cili abweema bubotezya, Acalo cipaizyo cakunywa cibe waini, cipanzi cane cansazi. 14Mutalyi zinkwa naaba maila mayoke naaba makunka matete mane san si mulete cipaizyo ca-Leza wanu, Ngumulao walyoonse mumazyalani aanu oonse mumakalilo aanu oonse.\\n15-Lino kuzwa kubuzuba obo bwakuleta musunge wakuyumba, buzuba butobela Sabata, amubale mazuba mane kumane insondo zili musanu azibili. 16-Nkokuti mazuba aali makumi osanwe kusikila kubuzuba butobela buzuba bwa-Sabata bwamusanu aabili, Elyo mulatuulila Jehova cipaizyo cabusu bupya, 17-Amugwisye mumaanda aanu zinkwa zyobile zyakuyumba, zili azipanzi zyobile zyakumi zyalusuwo lwabusu bunante bujikidwe abumena, zibe zyakusoma zya-Jehova. 18Alimwi antoomwe azinkwa ezyo amulete tubelele tuli musanu atubili tutakwe kampenda tujisi mwaka omwe, amunamani omwe, abagutu bobile, babe cipaizyo cakutentela Jehova, antoomwe azipaizyo zyabo zyabusu azipaizyo zyakunywa, cituuzyo cili abweema bubotu bwakubotezya Jehova. 19-Alimwi amutuuzye sijembwe omwe, abe cipaizyo cazibi, atubelele tobile tuli amwaka omwe, tube cipaizyo caku tonto zya. 20-Mupaizi aziyumbe antoomwe azilyo zyakusoma, zibe cipaizyo cakuyumba kubusyu bwa-Jehova, antoomwe atubelele tobile. Zilasalalila Jehova, zilaba zyamupaizi. 21Nkabela mubuzuba obo mbubonya amulwiide bantu, kube imbungano iisalalisya. Mutaciti mulimo nuuba omwe wamitukuta. Ngumulao walyoonse mumakalilo aanu oonse mumazyalani aanu oonse.\\n22-Ciindi cakutebula zilyo zyanyika yanu, mutamanisyi kutebula kuzyooko zyoonse zyamuunda nekuba kumaninizya zyakuvulula. Amuzisiile batengwana abeenzu. Ndime Jehova Leza wanu.\\n23Alimwi Jehova wakaambila Musa kuti, 24-Ambila bana ba-Israyeli kuti, Mumwezi wamusanu aibili, mubuzuba butaanzi bwamumwezi, amubambe buzuba bwakulyokezya, buzuba bwakulizya myeembo yakwiibalusya, imbungano iisalalisya. 25Mutaciti mulimo nuuba omwe wamitukuta; amutentele Jehova cipaizyo.\\n26-Alimwi Jehova wakaambila Musa kuti, 27-Mubuzuba bwakumi bwamwezi oyo wamusanu aibili, mbobuzuba bwakumanya milandu, Kulaba imbungano iisalala, nkabela muleelede kubombya myoyo yanu akutentela Jehova cipaizyo. 28Mubuzuba obo mbubonya mutaciti mulimo nuuba omwe, nkaambo mbobuzuba bwakumanya milandu, kuti mumanye milandu yanu kubusyu bwa-Jehova Leza wanu. 29-Kufumbwa muntu uutabombya moyo wakwe mubuzuba obo ulatandwa muciinga cakwe. 30Alakwe muntu uucita milimo mubuzuba obo mbubonya, njoomunyonyoona akati kabantu bakwe. 31Mutaciti mulimo nuuba omwe, Ngumulao walyoonse mumazyalani­ aanu oonse mumakalilo aanu oonse. 32Mbobuzuba busalalisya bwakulyokezya, nkabela muleelede kubombya myoyo yanu. Mubuzuba bwamusanu aane bwamumwezi, kutalika ciindi camangolezya, amubambe Sabata, kuzwa kumabbililo kusikila kumabbililo.\\n33-Alimwi Jehova wakaambila Musa kuti, 34-Ambila bana ba-Israyeli kuti, Mubuzuba bwakumi amusanu bwamumwezi oyo wamusanu aibili, amazuba aali musanu aabili aatobela ndipobwe lyazilao lya-Jehova. 35Mubuzuba butaanzi kulaba imbungano iisalala, Mutaciti milimo yamitukuta. 36-Mazuba aali musanu aabili amutentele Jehova zipaizyo. Lino mubuzuba bwamusanu aatatu kulaba imbungano iisalala, nkabela mulatentela Jehova cipaizyo; njembungano iisalalisya; mutaciti mulimo nuuba omwe wamitukuta.\\n37Ngaayo mapobwe aabikidwe aa-Jehova ngemweelede kubamba, abe ziindi zyakubungana kusalalisya, azyakuletela Jehova zipaizyo zyakutenta, zituuzyo azipaizyo zyabusu, zipaizyo azituuzyo zyakunywa, cimwi acimwi muhuzuba bwaco bweelede; 38kunze lyamasabata aa-Jehova, kunze lyazipo zyanu azikonkyo zyanu azilumbyo zyanu nzemuletela Jehova.\\n39-Alimwi mubuzuba bwakumi amusanu bwamumwezi wamusanu aibili, mwamana buyo kutebula zilyo zyoonse zyamumyuunda yanu, amucitile Jehova ipobwe mazuba aali musanu aabili. Buzuba butaanzi bulaba buzuba busalala bwakulyokezya, abwalo buzuba bwamusanu aatatu bulaba buzuba busalala bwakulyokezya. 40-Lino mubuzuba butaanzi amubweze micelo yamisamu mibotu, amangwalala aatukunka, amitabi yamisamu iivovwede, amizimbwa yakutulonga, musekelele kubusyu bwa-Jehova Leza wanu mazuba aali musanu aabili. 41Libe ipobwe lya-Jehova mazuba aali musanu aabili aamumwaka. Ngumulao walyoonse mumazyalani aanu oonse. Eli ipobwe lilaba mumwezi wamusanu aibili. 42Amukale muzilao mazuba aali musanu aabili; boonse bazyalwe bamucisi ca-Israyeli bakale muzilao, 43-kuti bana banu bamazyalani oonse bazibe kuti ndakakazika bana ba-Israyeli muzilao ciindi eciya nendakabapozya munyika ya-Egepita. Ndime Jehova Leza wanu.\\n44Elyo Musa wakalwiida bana ba-Israyeli mapobwe aabikidwe aa-Jehova.","num_words":723,"character_repetition_ratio":0.086,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Butebuzi Bupati mudolopo lya Transcarpathia, ku Ukraine\\nAMUBALE MU Afrikaans Albanian Alur Amharic Amis Arabic Armenian Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Boulou Bulgarian Cakchiquel (Western) Catalan Cebuano Chichewa Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Croatian Czech Damara Dangme Danish Douala Dutch Edo Efik English Esan Estonian Ewe Fijian Finnish Fon French Ga Garifuna Georgian German Greek Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hungarian Ibanag Icelandic Igbo Iloko Indonesian Isoko Italian Japanese Jula Kabiye Kabuverdianu Kannada Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mingrelian Mixe (North Central) Mixtec (Guerrero) Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nigerian Pidgin Norwegian Nzema Okpe Oromo Ossetian Otetela Pangasinan Papiamento (Curaçao) Persian Pidgin (Cameroon) Polish Ponapean Portuguese Portuguese (Portugal) Punjabi Quechua (Ancash) Quechua (Bolivia) Romanian Russian Samoan Sango Sepedi Sepulana Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovenian Solomon Islands Pidgin South African Sign Language Spanish Sranantongo Swahili Swahili (Congo) Swati Swedish Tagalog Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Vietnamese Waray-Waray Wolaita Xhosa Yoruba Zande Zapotec (Isthmus) Zulu\\nMuswaangano wacooko wamu 2012, mudolopo lya Nyzhnya Apsha, ku Ukraine\\nJESU wakasinsima kuti basikumutobela bakali kuyootola lubazu mubutebuzi bupati muciindi eeci camamanino. (Mt. 9:37; 24:14) Amubone majwi aakwe mbwaazuzikizyigwa munzila iilibedelede mubusena bwiitwa kuti Transcarpathia, ku Ukraine. Akati kamadolopo buyo otatwe aali mubusena oobo, kuli mbungano zili 50 alimwi abasikumwaya bainda ku 5,400. * Cikkomanisya ncakuti, akati kamweelwe woonse wabantu ibajanika mumadolopo aaya otatwe, omwe akati kabantu bone ngu Kamboni wa Jehova.\\nIno bantu bali buti mucilawo eeci? Mukwesu umwi wakubusena oobu wazina lya Vasile wakati: “Bantu balalilemeka Bbaibbele, balabubikkila maano bululami, balayandana kapati mumikwasyi alimwi balasolekesya kugwasyanya.” Mukwesu ooyu wakazumanana ulaamba: “Talili lyoonse nobazizumina nzyotusyoma. Pele ikuti naa kuli ncomwabatondezya mu Bbaibbele, balaswiilila cakubikkila maano.”\\nNokuba boobo, bakwesu abacizyi balajana buyumuyumu bulibedelede ciindi nobakambaukila mubusena ibujisi basikumwaya banji. Mucikozyanyo, mbungano imwi ijisi basikumwaya bali 134, pele mucilawo eeci kuli buyo maanda aali 50 aabantu batali Bakamboni. Ino basikumwaya bacikonzya buti kukambauka mubukkale buli boobu?\\nBakwesu abacizyi banji balalyaaba kuyookambaukila mumasena aayandika basikumwaya banji. Mukwesu uucembeede wazina lya Ionash, walo uujisi myaka yakuzyalwa iili 90 wakaamba kuti, “Kweelana amweelwe wabasikumwaya mucilawo cambungano yesu, sikumwaya omwe weelede kukambukila bantu bobilo. Kanditanatalika kuciswa, ndakali kukambauka mucilawo mondikkala, alimwi akweenda makkilomita aali 160 kuya kucilawo icatakapedwe sikumwaya uuli woonse, kwalo nkondakali kukambauka mumwaambo waci Hungary.” Basikumwaya beelede kulyaaba kugwasyilizya muzilawo zimbi. Mukwesu Ionash wakayungizya kuti, “Kutegwa citandisiyi citima, ndakali kubuka aciindi ca 04:00 hrs alimwi ndakali kukambauka kusikila ciindi ca 18:00 hrs eelyo citima nocakali kunyamuka kuya kuŋanda. Ndakali kucita oobo mazuba obilo naa otatwe ansondo.” Sena wakalimvwa kuti kusolekesya kwakwe nkwabuyo? Wakaamba kuti, “Ndakajana lukkomano lunji mubukambausi buli boobu. Ndakakkomana kapati kugwasyilizya mikwasyi iili kulamfwu kwiiya kasimpe.”\\nMubwini, tabali boonse mumbungano zyakubusena ooku ibacikonzya kweenda misinzo milamfwu. Pele boonse buyo, kubikkilizya abasikumwaya bacembeede, balasoleka kucibeleka cilawo cabo coonse cambungano. Akaambo kaceeci, mu 2017, mweelwe wabantu ibakajanika ku Ciibalusyo wakali mupati ziindi zyobilo kwiinda amweelwe wabasikumwaya boonse ibali mumadolopo aaya otatwe, naa cisela camweelwe wabantu boonse ibali mumadolopo aaya. Kakunyina akudooneka, kufwumbwa nkotukonzya kubelekela, kuli “zintu zinji zyakucita mumulimo wa Mwami.”—1Kor. 15:58.\\n^ munc. 2 Madolopo aaya ayitwa kuti, Hlybokyy Potik, Serednye Vodyane, alimwi a Nyzhnya Apsha.","num_words":602,"character_repetition_ratio":0.047,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bahebrayo 2 | Bbaibbele Lili a Intaneti | Bbaibbele lya Busanduluzi Bwanyika Mpya\\n2 Nkakaambo kaako cilayandika kuti tubikkile maano kapati kuzyintu nzyotwamvwa kutegwa tutaleyi akusweeka. 2 Nkaambo ikuti naa jwi ilyakaambwa kwiinda mubangelo lyakasyomeka, akuti cisubulo cakapegwa mubululami kujatikizya kusotoka mulawo kuli koonse alimwi akutaswiilila; 3 ino tuyoofwutuka buti swebo ikuti katutabikkili maano kulufwutuko lutalikomeneni boobo oolo Mwami wesu ndwaakasaanguna kukambauka alimwi lwakasinizyigwa kulindiswe abaabo ibakamumvwa? 4 Eelyo Leza awalo wakatola lubazu mukupa bumboni kwiinda muzitondezyo azyintu zigambya amilimo mipati yiindene-indene alimwi akwiinda mumuuya uusalala waabilwa kweelana amakanze aakwe. 5 Nkaambo tabali bangelo pe mbaakapa kweendelezya nyika njotwaamba eeyo iiboola. 6 Pele aciindi cimwi kamboni umwi wakalemba kuti: “Ino muntu ncinzi ooyo ngoyeeya lyoonse, naa mwana wamuntu ooyo ngolanganya? 7 Wakamucesya aniini kwiinda bangelo; wakamusamika musini wabulemu abwami, alimwi akumubikka kulanganya milimo yamaanza aako. 8 Zyintu zyoonse wakazibombya kunsi aamaulu aakwe.” Kwiinda mukubombya zyintu zyoonse kulinguwe, Leza tanaakasiya cintu cili coonse citalibombyi kulinguwe. Pele lino, tatunabona zyintu zyoonse kazilibombya kulinguwe. 9 Nokuba boobo tulibwene kuti Jesu, ooyo wakacesyegwa aniini kwiinda bangelo, lino usamide musini wabulemu abwami akaambo kakupenga kusikila kulufwu, kutegwa kwiinda muluzyalo lwa Leza afwide muntu uuli woonse. 10 Nkaambo cakaleelede ku-ti ooyo zyintu zyoonse ngozyakabeda alimwi uupa kuti zyintu zyoonse kaziliko kwiinda mulinguwe, mukuleta ba-na banji kubulemu, ape Musololi Mupati walufwutuko lwabo kulondoka kwiinda mumapenzi. 11 Nkaambo ooyo uusalazya alimwi abaabo ibasalazyigwa boonse bazwa kumuntu omwe, eelyo akaambo kakaambo aaka tafwi nsoni pe kubaita kuti “bakwesu,” 12 mbubonya mbwaamba kuti: “Ndiyooambilizya zyina lyako kubakwesu; akati kambungano ndiyookutembaula munyimbo.” 13 Alimwi waamba kuti: “Mebo ndiyoomusyoma.” Kunze lyaboobo waamba kuti: “Bona! Mebo alimwi abana basyoonto, aabo Jehova mbaakandipa.” 14 Aboobo, mbwaanga “bana basyoonto” aabo bali abulowa alimwi amubili wanyama, awalo mbubonya wakaba azyintu eezyi kutegwa kwiinda mulufwu lwakwe akonzye kumunyonyoona ooyo uujisi nguzu zyakuleta lufwu, nkokuti, Diabolosi; 15 akuti abaangunune boonse aabo ibakali mubuzike mubuumi bwabo boonse akaambo kakuyoowa lufwu. 16 Nkaambo mubwini tagwasyi bangelo pe, pele ugwasya lunyungu lwa Abulahamu. 17 Aboobo wakaleelede kuba mbuli “banabokwabo” mumbazu zyoonse, ikutegwa abe mupaizi mupati uuli aluse alimwi uusyomeka kuzyintu zya Leza, kutegwa atuule cipaizyo cakumanya zibi zyabantu akubayanzanya a Leza. 18 Mbwaanga walo wakapenga naakali kusunkwa, ncobeni ulakonzya kubagwasya aabo ibasunkwa.","num_words":340,"character_repetition_ratio":0.054,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Tandiciyandi Cikolo | Bakubusi\\nAMUBALE MU Abkhaz Afrikaans Albanian American Sign Language Amharic Arabic Armenian Azerbaijani Azerbaijani (Cyrillic) Bashkir Bulgarian Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Danish Dutch Efik English Estonian Ewe Fijian Finnish French Georgian German Greek Haitian Creole Hausa Hebrew Hiligaynon Hindi Hungarian Iban Igbo Iloko Indonesian Isoko Italian Japanese Kikongo Kinyarwanda Kirundi Korean Latvian Lingala Lithuanian Macedonian Malagasy Malay Malayalam Maltese Moore Myanmar Norwegian Ossetian Papiamento (Curaçao) Polish Portuguese Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Sinhala Slovak Slovenian Spanish Swahili Swedish Tagalog Tamil Tatar Telugu Thai Tiv Tsonga Turkish Turkmen Twi Ukrainian Umbundu Vietnamese Xhosa Yoruba Zulu\\nIno Inga Ndacita Buti Kuti Kanditaciyandi Cikolo?\\nNzyeezyi nzyomweelede kucita\\nKamululanga munzila yeelede lwiiyo. Amusole kubona mbomuyoogwasyigwa kumbele. Tazili zyoonse nzyomwiiya ziyooboneka kuti zilayandika aciindi eecino. Nokuba boobo, ikwiiya ziiyo ziindene-indene ciyoomugwasya kumvwisya zicitika munyika. Ciyoomugwasya kuba “ zyintu zyoonse kubantu bamisyobo yoonse, ” kumugwasya kubandika abantu baindene-indene. (1 Bakolinto 9:22) Ciinda kugwasya, muyooba basongo—cintu ciyoomugwasya mubuumi bwanu boonse.\\nKwiiya cikolo inga kwakozyanisyigwa akugonka zisamu mucisaka kutegwa mujane nzila yakwiinda—pele zyoonse zilakonzyeka kuti mwabelesya zibelesyo zyeelede\\nKamubalanga munzila yeelede bayi banu. Kuti kamuyeeya kuti bayi banu tabanoneezyi, kamubikkila buyo maano kuli nzyobayiisya, ikutali kumuntu. Kamuyeeyede kuti bayi banu ambweni bakayiisya zyintu eezyo kubasicikolo bamwi ziindi zinji. Aboobo, cilakonzya kubayumina kusangalizya mbuli mbobakali kucita nibakatalika kuyiisya ciiyo eeco.\\nNcomukonzya kucita: Amulembe twaambo, kamubuzya cabulemu, alimwi akucikkomanina ciiyo. Kusangalizya kulayambukila.\\nKuzilanga munzila yeelede zyintu nzyomukonzya kucita. Cikolo cilakonzya kuyubununa zyintu nzyomukonzya kucita anzyomutakonzyi. Paulo wakalembela Timoteyo kuti: “ Ucivwilimye mbuli mulilo cipego ca Leza cili mulinduwe. ” (2 Timoteyo 1:6) Kulibonya kuti Timoteyo wakapedwe cipego camuuya uusalala. Pele “cipego” cakwe cakeelede kubelesyegwa kutegwa citanyonyooki. Masimpe kuti zyintu nzyomukonzya kucita kucikolo tacili cipego cizwa kuli Leza cacigaminina. Nokuba boobo, zipego nzyomujisi zililibedelede. Cikolo cilakonzya kumugwasya kucita zyintu nzyomutazyi kuti mulakonzya kuzicita.","num_words":292,"character_repetition_ratio":0.061,"word_repetition_ratio":0.0,"special_characters_ratio":0.145,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Njiisyo Zyamu Bbaibbele—Kujatikizya Kulengwa Kwazyintu, Lugwasyo Kubakubusi Akumikwasyi, Q&A\\nIbbaibbele lipa lulayo lubotu kapati kumibuzyo iikatazya kapati mubuumi. Kwamyaanda yamyaka, bantu basinizya kuti Bbaibbele lilagwasya. Mucibeela eeci, mulazyiba mboligwasya ncobeni Bbaibbele.—2 Timoteyo 3:16, 17.\\nBbaibbele lyaamba kuti Leza aciindi cimwi wakaleta zambangulwe kutegwa linyonyoonse bantu babi. Ino mbumboni nzi buliko mu Bbaibbele butondezya kuti lyakacitika ncobeni?\\nIno Bbaibbele Inga Lyamugwasya Buti?\\nMbotukonzya kujana luumuno lwamumizeezo alimwi alukkomano. Bbaibbele lyabagwasya bantu banji kuliyumya mumapenzi aabacitikila buzuba abuzuba, kutapenga kapati mumizeezo, alimwi akupona buumi bulaampindu.\\nLusyomo lulakonzya kupa kuti mutazungaani lino, akumupa bulangizi bubotu bwakumbele.\\nBanabukwetene amikwasyi balajana buyumuyumu. Lulayo luli mu Bbaibbele lulakonzya kugwasya mikwasyi.\\nAmuzyibe Bbaibbele mbolikonzya kugwasya bakubusi mubuyumuyumu mbobavwula kujana.\\nAmujane zyakucita zikkomanisya kutegwa mugwasye bana banu kwiiya zyeelelo zyamu Bbaibbele.\\nMibuzyo Yamu Bbaibbele? Amujane Bwiinguzi Buluzi!\\nAmwiiye bwiinguzi bwamu Bbaibbele kumibuzyo iijatikizya Leza, Jesu, mukwasyi, kupenga, amakani aamwi.\\nAmusale zibelesyo zyakwiiya Bbaibbele izikonzya kumugwasya kuzwidilila alimwi akujana mpindu.\\nAmwiiye makani aatondezya mbotwakaba a Bbaibbele. Amulange-lange bumboni butondezya mboliluzi alimwi akusyomeka mumakani aakaindi.\\nSena Bbaibbele lileendelana asayaansi? Amweezyanisye ncolyaamba Bbaibbele alimwi anzyobakajana basayaansi.\\nBbuku eeli iligwasya kwiiya Bbaibbele lyakapangilwa kuti limugwasye kwiiya ncolyaamba Bbaibbele kujatikizya twaambo tunji, kubikkilizya atwaambo mbuli ncotupengela, cicitika muntu afwa, mbomukonzya kukkomana mumukwasyi wanu, alimwi atwaambo tumbi.\\nAmwiiye Bbaibbele a Bakamboni ba Jehova\\nAmube aciiyo ca Bbaibbele citabbadelelwi aciindi alimwi akubusena nkomuyanda","num_words":201,"character_repetition_ratio":0.075,"word_repetition_ratio":0.0,"special_characters_ratio":0.138,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bakamboni ba Jehova mu Europe\\nEngland: Bakwesu abacizyi camaanza obilo batambula basimuswaangano ibazwa kumasi aambi kumuswaangano wamasi\\nMWEELWE WABANTU 743,421,605\\nZIIYO ZYA BBAIBBELE 842,091\\nKutambula Muntu Uutali Ngonguwe Kwasololela Kuciiyo ca Bbaibbele\\nMuswaangano Wamasi iwakacitwa ku London, England, wakabakkomanisya kapati bantu ibakali kuboola kumuswaangano ooyo kuzwa kuzisi zimbi alimwi a Bakamboni bamucisi. Ba Andrew aba Elizabeth bakaunka kuhotela limwi ku London, kabajisi makanze aakuyakutambula basimuswaangano ibazwa kumasi aambi. Nobakabona mukaintu umwi iwakasamide kabotu mubusena butambudwa beenzu, ba Elizabeth bakaunka kuyakumwaanzya kwiinda mukumukumbata calukkomano kabayeeya kuti ngumwi wabeenzu ibakali kuboola kumuswaangano. Mukaintu ooyu wakagambwa, aboobo ba Elizabeth bakalilekelela. Bakati: “Amundijatile, ndali kuti muli umwi wabeenzu ibaboola kumuswaangano!”\\nMukaintu ooyu wakabuzya kuti, “muswaangano uuli?”\\nBa Elizabeth bakatondeka cikwankwani cakali mubusena imutambudwa beenzu icakajisi majwi aakutambula Bakamboni ba Jehova, mpoonya bakagambwa kumvwa mbwaakaingula mukaintu ooyu. Wakati: “Cabota! Sena ambebo ndilibonya mbuli umwi wa Bakamboni ba Jehova?”\\nMumubandi wakatobela, ba Elizabeth bakazyiba kuti izina lyamukaintu ooyu ngu Vivien, kuti wakali wakucisi ca Nigeria, alimwi akuti walo aba Elizabeth bakakkalene buyo munsi-munsi. Ba Vivien bakazumina kwiiya Bbaibbele alimwi bakali kuyanda kuti abalo bana babo batalike kwiiya. Ba Andrew aba Elizabeth bakabaswaya ba Vivien kuŋanda, eelyo abalo bakabatambula kabotu. Mbobakaswaangana munzila iyatakali kuyeeyelwa mudolopo lya London kwakabasiya amizeezo ba Vivien. Ciindi ba Andrew aba Elizabeth nobakatondezya ba Vivien bbuku lyakuti Bbaibbele Ncoliyiisya, ba Vivien bakabagambya nobakaamba kuti bakalilijisi kale alimwi bakali kulibala antoomwe abana babo bone. Ba Vivien nobakamvwa kuti eeli ndebbuku libelesyegwa kusololela ciiyo ca Bbaibbele citabbadelwi, calukkomano bakaamba kuti, “Katutalika mpomunya aawa!”\\nLugwalo Kuzwa Kumukwesu imu Roma\\nMu November 2014, mbungano yakusaanguna yaci Roma yakatalisyigwa mu Slovakia. Kumuswaangano wabbazu iwakacitwa lino-lino aawa, basikumwaya baci Roma ibali 21 bakabbapatizyigwa. Boonse bakali kuzwa mumunzi omwe. Lya Ciibalusyo, bantu ibakajanika mumbungano yaci Roma bakali 495. Mukwesu umwi iwakabbapatizyigwa calino-lino wakalemba kuti:\\nSlovakia: Bakambausi ba Bwami bobilo cakukondwa baambila mukaintu mu Roma makani mabotu\\n“Ndili mu Roma waku Žehra, mu Slovakia. Kuno nkondikkala, bakuwa banji batubona kuti tuli Basimweendanzila (Gypsies), kuti tulaatombe, tulabeja alimwi akubba. Ciindi nondakaunka kucikombelo, uulanganya cikombelo wakandaambila kuti tandizulilwi nkuko, aboobo wakanditanda. Akaambo kazintu zili boobu izyakandicitikila, inga mwayeeya buyo mbondakatalika kubabona bamakuwa. Mpoonya Bakamboni ba Jehova bakanditamba kuti nduunke ku Ŋanda ya Bwami. Nondakali kuunka, imizeezo tiiyakakkalikene pe, ndakali kuyeeya kuti ndiyakutyompwa alimwi. Ndakagambwa kuti kanditananjila mu Ŋanda ya Bwami, mukuwa wakanditambula kabotu, wakandijata mumaanza akundaanzya. Nokwakali kubandikwa makani aabuleya, cakandaalila kubikkila maano. Ndakali kwiile kuyeeya buyo kuti, ‘Ino caba buti kuti boonse balandisamausya?’\\n“Masiku aayo tiindakazyibona ŋonzi nkaambo ndakali kwiile kuyeeya cakacitika ku Ŋanda ya Bwami. Aboobo ndakaunka alimwi kutegwa ndisinizye naa kubota moyo kwabantu aabo nkwancobeni naa kwakali kwakulicengeezya buyo. Ciindi cabili nindakaunka, bantu boonse bakanditambula kabotu kwiinda ciindi cakusaanguna akundicita mbuli mulongwe ngobakazyibene limwi kwaciindi cilamfwu. Tiindakaleka pe kujanika kumiswaangano, mpoonya mukuya kwaciindi ndakabbapatizyigwa. Noliba leelyo nondakamana kubbapatizyigwa, bakwesu tiibakacinca, mane buya asunu bacizumanana kutondezya kuti ndilayandika kapati. Zimwi ziindi, bandipa zyakulya zibotu kwiinda nzyobalya balo! Ndiyanda kuzumanana kuba mumbunga eeyi, alimwi Jehova ngo Leza ngondiyanda kubelekela lyoonse mane kukabe kutamani.”\\nMupailo Wakwaambila Bamwi Makani Mabotu Waingulwa\\nMucizyi umwi wazina lyakuti Aysel wakali mulweendo mubbaasi kuzwa mudolopo lya Ganja mwakkala kuya ku Baku mucisi ca Azerbaijan. Wakapaila kuli Jehova, kumwaambila kuti wakali kuyanda kwaambaula amuntu umwi kujatikizya Bbaibbele nobali mulweendo. Nokuba kuti mucizyi Aysel wakalipedwe kale cuuno cigaminide mubbaasi, mukaintu umwi wakayanda kuti kubota mane bakkale limwi. Mucizyi ooyu wakatalika kubandika amukaintu ooyo alimwi ba Aysel bakacikonzya kunyona mubandi kuti ujatikizye Bbaibbele. Mukaintu ooyo wakaamba kuti ulamuyanda Jesu alimwi wakali kuyanda kwiiya zinji kujatikizya nguwe. Ba Aysel amukaintu ooyo bakapana manamba aafooni akulayana kuti bakaswaangane alimwi. Mukaintu ooyo wakalomba ba Aysel kuti bakamuletele Bbaibbele ikuti kacikonzyeka.\\nBa Aysel nobakapiluka ku Ganja, bakamuswaya kuncito mukaintu uulya iwakatondezya luyandisisyo. Mukaintu ooyo wakaamba kuti wakajisi kabbuku kamipailo nkaakali kubala abuzuba. Mucizyi wesu wakagambwa kuzyiba kuti kabbuku kamipailo nkaakali kwaamba mukaintu ooyo nkabbuku kakuti Kulingaula Magwalo Abuzuba kamu 2013! Ciiyo ca Bbaibbele cakatalisyigwa, alimwi ba Aysel bakakkomana kapati kuti Jehova wakabapa busicamba bwakucita bukambausi bwamukwiizya.\\nLugwalo Lwakulumba Kuzwa Kumwaange\\nKucisi ca Spain kwakatambulwa lugwalo lwaamba kuti:\\n“Cakusaanguna, ndiyanda kumulumba akaambo kamulimo ngomucita wakusikila bantu bamisyobo yoonse amulumbe wamu Bbaibbele.\\n“Ndakabandika a Bakamboni ba Jehova ciindi cakusaanguna myaka iili 15 yainda ku Tiranë, mu Albania. Ndakagambwa kuti Kamboni umwi wakajisi busicamba bwakutusikila, nkaambo twakali nkamu yazigwebenga yabalombwana ibali kkumi. Kunyina wakali kusola kwaambaula andiswe, pele mukwesu ooyu wakacita oobo nokuba kuti twakajisi zilwanyo. Cakutayoowa wakatwaambila zyamu Bbaibbele. Busicamba bwakwe bwakandigambya kapati.\\n“Myaka yone yainda muno mucisi ca Spain, Kamboni umwi wakandiswaya muntolongo akundipa coolwe cakuba aciiyo ca Bbaibbele. Ndakazumina, alimwi kuzwa ciindi eeco ndasanduka. Tandicili muntu sinkondo alimwi mukali pe. Kwainda myaka iili mbwiibede kuzwa ciindi nondakanjide mumapenzi. Ndamuzyiba Jehova, alimwi eeci capa kuti buumi bwangu bubote. Ndilasoleka kukkala kabotu abantu, alimwi ndali sikumwaya uutabbapatizyidwe kwaciindi ciinda kumwaka omwe lino.\\n“Nokuba kuti ndili muntolongo kwamyaka iili 12 lino, myaka yone yainda ndajisi lukkomano aluumuno lwamumizeezo ndondatakajisi aciindi cimbi cili coonse. Ndilamulumba Jehova abuzuba akaambo kaceeci.\\n“Mvwiki zili mbozibede zyainda ndakeebelela mavidiyo amwi aawebbusaiti ya jw.org. Vidiyo iitondezya mukwesu umwi iwakali muntolongo ku United States yakandijila mumoyo. Tandili muntu uulila-lila pe, pele ciindi nondakabona mbwaakacinca mubuumi bwakwe, ndakalila.\\n“Jehova aazumanane kumulongezya nomusoleka kusikila bantu boonse kwiinda mukusandulula makani mabotu mumyaambo minji alimwi akwiinda mukuswaya bantu bali mbuli ndiswe notuli muntolongo.\\n“Lino Ndilikkalikene Mumizeezo”\\nBa Felicity, ibalaamyaka yakuzyalwa iili 68 ibakkala mu Sweden baamba kuti, “Mazuba oonse aaya tiindalijisi bulangizi buli boonse mubuumi alimwi ndali kwiile kucita kufwumbwa ncondiyanda, ndali kwiile kuzumanana kuyandaula luumuno lwalo ndondatakali kujana naaceya.” Akaambo kakuti tiibakakkutila anzyobakali kusyoma mucikombelo ca Katolika, bakatalika kulanga-langa mizeezo yiindene-indene yazikombelo, mpoonya kumamanino bakatalika kulowa akusonda.\\nAkaambo kakuti bakabona kuti buumi bwabo bunyina mpindu, bakalityompedwe kapati cakunga bakayeeya kuti balijaye buyo. “Kandilila, ndakoomba ikulomba Leza kuti andaambile ncaakali kuyanda kuti ndicite. Nokwakainda mvwiki zyobilo, ndakamvwa uukonkomona kumulyango. Nindakajalula, ndakajana mulombwana iwakali kumweta-mweta, mpoonya wakandibuzya naa ndakali kuyanda kuswiilila Jwi lya Leza. Mumoyo ndakati, ‘Peepe kaka, Leza, tiindali kukulomba ceeci pe—ikutali Bakamboni ba Jehova!’”\\nIcakafwambaana kuboola mumizeezo yamukaintu ooyu nkujala cijazyo, nokuba boobo wakaswiilila akuzumina kwiiya Bbaibbele mubbuku lya Bbaibbele Ncoliyiisya. Waamba kuti, “Bbuku eeli lyakandipa kulibona munzila imbi Bbaibbele.” Ba Felicity bakabbapatizyigwa ku Sweden aamuswaangano wacooko wamu 2014. Lino baamba kuti: “Eeci ncondakali kuyandaula mubuumi bwangu boonse. Lino ndilikkalikene mumizeezo.”","num_words":987,"character_repetition_ratio":0.056,"word_repetition_ratio":0.0,"special_characters_ratio":0.149,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mwana wa Sara Ncobeni | Ba Titi Koetin\\nBa Titi Koetin\\nBUUMI BWABO MUBUFWAAFWI Mucizyi iwakabelesya bupampu kugwasya balumi bakwe ibakali kumukazya kuti batambule kasimpe.—Kweelana ambwaakaluula mwanaabo musankwa, Mario Koetin.\\nBAMAAMA bakali bantu balaamoyo mubotu, baseka-seka abantu alimwi bakali kuliyanda kapati Bbaibbele. Nobakayaanya ba Gertrud Ott, bamisyinali mu Manado, North Sulawesi, bakazumina kwiiya Bbaibbele cakutasowa ciindi alimwi bakakatambula kasimpe. Pele bataata, ba Erwin, babelesi bakubbanki ibalemekwa alimwi kumbele ibakaba basicuuno bambunga yamakwebo ya Jakarta Stock Exchange, bakali kubakazya kapati bamaama akaambo kalusyomo lwabo lupya.\\nBuzuba bumwi bataata bakaambila bamaama kuti basale cintu comwe.\\nBakaamba cabukali kuti: “Kosala—cikombelo cako naa mulumaako!”\\nBamaama bakatungumana kuyeeya. Mpoonya bakaingula mubuteteete kuti, “Ndiyanda boonse zyobilo—mulumaangu alimwi a Jehova.”\\nBataata bakabula cakwaamba, alimwi bukali bwabo mpobwakamanina mpoonya aawo.\\nMukuya kwaciindi, bataata bakatalika kubazumizya bamaama kucita nzyobakali kuyanda, nkaambo bakali kubayanda kapati alimwi bakali kuzikkomanina zintu zyamaano nzyobakali kwaamba akucita.\\nNokuba boobo, bamaama bakali kuyanda kuti balumi babo babasangane mubukombi bwakasimpe. Nobakamana kwaapailila camoyo woonse makani aaya, bakaibaluka kuti bataata bakali kuyanda kapati kwiiya myaambo. Aboobo bakatalika kutubikka antangalala tugwalo tulembedwe majwi aamu Bbaibbele aamu Chingisi muŋanda. Bakaambila bataata kuti: “Ndisola kwiiya Chingisi.” Akaambo kakuti bakalizyi kuti bataata bakali kwaamvwa kabotu makani aakubuleya, bakabalomba kuti kababagwasya kwiinduluka makani ngobakajisi mu Cikolo Camulimo Weendelezyegwa a Leza. Bakazumina. Mbwaanga bataata bakali kuyanda kapati kusamausya beenzu, bamaama bakabalomba kuti mulangizi wabbazu akasikile kuŋanda yesu. Bakaamba kuti cili buyo kabotu. Alimwi akaambo kakuti bakalizyi kuti bataata bakali kuuyanda kapati mukwasyi wabo, mubuteteete bamaama bakapa muzeezo wakuti bataata kabatusangana kumiswaangano yacooko. Oobo mbobakali kucita.\\nBamaama bakali kukkazika moyo alimwi bakali bapampu cakunga, mukuya kwaciindi moyo wabataata wakabomba. Kumbele, mukwasyi wesu nowakali kukkala ku England, bataata bakali kujanika kumiswaangano alimwi bakaba balongwe baba John Barr, aabo kumbele ibakaba bamu Kabunga Keendelezya ka Bakamboni ba Jehova. Mumwaka ngoonya ooyo, bataata bakabbapatizyigwa, calo icakabakkomanisya kapati bamaama. Mumyaka yakatobela, bataata bakaindila buya kubayanda bamaama.\\nBube bwabamaama bwakulilemeka kabotu, kulemeka bamwi alimwi akubikkila maano kapati kuzintu zyakumuuya bwakapa kuti bayandwe kapati abantu boonse ibakabazyi\\nBeenzuma bamwi bakozyanisya bamaama kuli Lidiya, mukaintu Munakristo wamumwaanda wamyaka wakusaanguna iwakajisi muuya mubotu kapati wakusamausya beenzu. (Mil. 16:14, 15) Pele mebo bunji bwaziindi bamaama inga ndibayeeya kuba mbuli Sara, ooyo calukkomano iwakali kulibombya kumulumaakwe Abrahamu. (1 Pet. 3:4-6) Bamaama bakali bakaintu balilemeka kabotu, bajisi bulemu ibabikkila maano kapati kuzintu zyakumuuya alimwi ibakali kuyandwa kapati abantu boonse ibakabazyi. Cikozyanyo cabo cibotu ncicakabagwasya bataata kuti batambule kasimpe. Kulindime bamaama bakali mwana wa Sara ncobeni.\\nSena Bakamboni ba Jehova Bapa Kuti Mikwasyi Yaandaane naa Balaiyumya?\\nZimwi ziindi Bakamboni ba Jehova balatamikizyigwa kuti baandaanya mikwasyi. Pele sena Bakamboni ba Jehova mbebaleta mazwanga?","num_words":407,"character_repetition_ratio":0.076,"word_repetition_ratio":0.0,"special_characters_ratio":0.149,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kukamantanizyigwa Kweelana a Bbuku lya Leza | Yakwiiya\\nNgazi Yamulindizi—Yakwiiya | November 2016\\nAMUBALE MU Acholi Afrikaans Albanian American Sign Language Amharic Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Bengali Bicol Boulou Brazilian Sign Language British Sign Language Bulgarian Catalan Cebuano Chichewa Chilean Sign Language Chinese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitumbuka Chiyao Chuvash Cibemba Cinyanja Colombian Sign Language Croatian Czech Czech Sign Language Dangme Danish Digor Dutch Ecuadorian Sign Language Efik English Estonian Ewe Fijian Finnish Finnish Sign Language Fon French French Sign Language Ga Georgian German German Sign Language Greek Guarani Gujarati Gun Hausa Hebrew Hiligaynon Hindi Hiri Motu Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kannada Kikamba Kikaonde Kikuyu Kinyarwanda Kirghiz Kiribati Kirundi Kongo Korean Korean Sign Language Kurdish Kurmanji (Caucasus) Kurdish Kurmanji (Cyrillic) Kwangali Kwanyama Lamba Latvian Lhukonzo Lingala Lithuanian Luganda Lunda Luo Luvale Macedonian Malagasy Malay Malayalam Mambwe-Lungu Marathi Maya Mbunda Mexican Sign Language Mingrelian Mixe (North Central) Mongolian Moore Motu Myanmar Ndebele Ndebele (Zimbabwe) Ndonga Nepali Nigerian Pidgin Norwegian Nzema Okpe Oromo Ossetian Otetela Pangasinan Papiamento (Curaçao) Paraguayan Sign Language Persian Peruvian Sign Language Polish Polish Sign Language Portuguese Portuguese Sign Language Punjabi Quechua (Bolivia) Romanian Runyankore Russian Russian Sign Language Samoan Sango Sepedi Serbian (Cyrillic) Serbian (Roman) Sesotho (Lesotho) Setswana Shona Sidama Silozi Sinhala Slovak Slovenian Solomon Islands Pidgin South African Sign Language Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tatar Telugu Tetun Dili Thai Tigrinya Tiv Tok Pisin Tsonga Turkish Turkmen Tuvaluan Twi Tzotzil Ukrainian Urdu Urhobo Uzbek Venda Venezuelan Sign Language Vietnamese Waray-Waray Welsh Wolaita Xhosa Yoruba Zande Zapotec (Isthmus) Zimbabwe Sign Language Zulu\\nKukamantanizyigwa Kweelana a Bbuku lya Leza\\n“Mubusongo Jehova wakabikka ntalisyo yanyika. Wakakkazikizya majulu cabupampu.”—TUS. 3:19.\\nIno ncinzi cimupa kusyoma kuti Jehova ngu Leza uucibwene kubamba kabotu zintu?\\nNkaambo nzi ncotukonzya kwaambila kuti cileelela kuti bakombi ba Jehova kabakamantene?\\nMbuti lulayo lujanika mu Jwi lya Leza mbolukonzya kutugwasya kuzumanana kusalala, kubamba luumuno, alimwi akukamantana?\\n1, 2. (a) Ino bantu bamwi balimvwa buti ciindi nobamvwa kuti Leza ulijisi mbunga? (b) Ino tulabandika nzi mucibalo eeci?\\nSENA Leza ulijisi mbunga? Bantu bamwi inga baamba kuti, “Takuyandiki kuti mane buya mube mumbunga iimusololela pe. Iciyandika kapati, nkuba acilongwe cimugeme a Leza.” Sena muzeezo ooyu uliluzi? Ino twaambo twamasimpe tutondezya nzi?\\n2 Mucibalo eeci, tulabandika bumboni ibutondezya kuti Jehova, Leza waluumuno, ngu Leza uucibwene kubamba kabotu zintu. Alimwi tulalanga-langa ncotweelede kucita ikuti naa twatambula malailile aazwa kumbunga ya Jehova. (1Kor. 14:33, 40) Mumwaanda wamyaka wakusaanguna C.E. alimwi amazuba aano, Magwalo abagwasya aabo ibali mumbunga ya Jehova yaanyika ikucita mulimo uuyandika kapati wakukambauka makani mabotu. Akaambo kakuti tulazitobela nzyolyaamba Bbaibbele alimwi amalailile aazwa kumbunga, eeci cipa kuti mbungano zyoonse kazisalala, kazili muluumuno, alimwi kazikamantene.\\nJEHOVA, LEZA UUCIBWENE KUBAMBA KABOTU ZINTU\\n3. Ino ncinzi cimupa kusyoma kuti Jehova ngu Leza uucibwene kubamba kabotu zintu?\\n3 Zilenge zitondezya kuti Leza nguucibwene kubamba kabotu zintu. Bbaibbele lyaamba kuti: “Jehova wakabikka ntalisyo yanyika. Wakakkazikizya majulu cabupampu.” (Tus. 3:19) Tuzyi buyo ‘mayaayila aanzila zya Leza,’ alimwi “nzyetwamvwa nkuvwiya-vwiya buyo kwamakani aajatikizya nguwe.” (Job. 26:14) Nokuba boobo, iluzyibo lusyoonto ndotujisi kujatikizya mapulaneti, nyenyeezi, alimwi amilalabungu zitupa kuzumina kuti zintu zyamujulu eezyi zibambidwe kabotu ncobeni. (Int. 8:3, 4) Milalabungu ijisi mamiliyoni aanyenyeezi, zyalo izyeenda kabotu mujulu kakunyina kupwayana. Mapulaneti aali mububumbo aleenda mutuzila kuzinguluka zuba mbuli kuti atobela milawo yamumugwagwa! Ikulanga zintu izili mububumbo izigambya kapati zilatugwasya kubona kuti Jehova, ooyo ‘iwakalenga majulu cabusongo’ alimwi anyika, tweelede kumutembaula, kumusyoma alimwi akumukomba.—Int. 136:1, 5-9.\\n4. Ino nkaambo nzi basayaansi ncobaalilwa kwiingula mibuzyo minji?\\n4 Basayaansi bayubununa zintu zinji kujatikizya bubumbo alimwi anyika, eeci catugwasya kapati mumbazu ziindene-indene zyabuumi bwesu. Pele kuli mibuzyo minji basayaansi njobaalilwa kwiingula. Mucikozyanyo, basikwiiya zyamujulu tabakonzyi kutwaambila kabotu-kabotu kujatikizya mbobwakaba bubumbo naa ikaambo ncotuli aapulaneti eeyi iitwa kuti Nyika antoomwe azilenge zimbi. Alimwi bantu tabakonzyi kupandulula ikaambo bantu ncobajisi luyandisisyo lwakupona kukabe kutamani. (Muk. 3:11.) Ino nkaambo nzi ncokuli mibuzyo iiyandika kapati minji pele iitajisi bwiinguzi? Akaambo kakuti basayaansi banji alimwi abantu bamwi buyo basumpula mizeezo iitali yabuna Leza alimwi anjiisyo yakusanduka. Pele mu Bbuku lyakwe, Jehova ulayiingula mibuzyo iikatazya bantu munyika yoonse.\\n5. Muunzila nzi milawo yeendelezya zilengwaleza moitugwasya?\\n5 Tusyoma milawo yeendelezya zilengwaleza iitacinci eeyo Jehova njaakabikka. Basikubamba magesi, basikubamba mipaipi, basyaabupampu mukupanga zintu, basikweenzya ndeke, bamadokota—aaba boonse basyoma milawo eeyi kutegwa babeleke milimo yabo. Mucikozyanyo, ciindi bamadokota nobaandula muntu, inga balizyi cizo camuntu mpocijanika. Aboobo dokota tayandiki kutalika kulangaula buya mpoujanika moyo wamuntu. Toonse tulailemeka milawo yeendelezya zilengwaleza. Kutatobela mulawo wanguzu zikwelela ansi kulakonzya kutunjizya muntenda mpati!\\nKUKAMANTANIZYIGWA A LEZA\\n6. Ino nkaambo nzi ncotweelede kulangila kuti bakombi ba Jehova kabakamantene?\\n6 Bubumbo bubambidwe kabotu ncobeni alimwi munzila iigambya. Aboobo tacidoonekwi kuti Jehova ulangila kuti abalo bakombi bakwe kabakamantene. Nkakaambo kaako Leza wakatupa Bbaibbele kutegwa kalitusololela. Kupona kakunyina lugwasyo kuzwa kumbunga ya Leza alimwi azyeelelo zyakwe inga kwatupa kutakkomana alimwi akupenga kapati.\\n7. Ncinzi citondezya kuti Bbaibbele ndibbuku lilembedwe kabotu?\\n7 Ibbaibbele talili bbuku-bbuku buyo lijisi mabbuku aanjilene-njilene aamba kujatikizya ba Juda alimwi a Banakristo. Muciindi caboobo, ndibbuku lilembedwe kabotu—ibbuku lyaalubazu ilyakasololelwa a Leza. Mabbuku aaindene-indene aamu Bbaibbele aliswaangene kapati. Kuzwa kubbuku lya Matalikilo kusikila ku Ciyubunuzyo, Bbaibbele lijisi mutwe wamakani mupati wakuti—kusumpulwa kwabweendelezi bwa Jehova alimwi akuzuzikizyigwa kwamakanze aakwe kujatikizya nyika kwiinda mu Bwami bweendelezyegwa a Kristo, “lunyungu” ilwakasyomezyegwa.—Amubale Matalikilo 3:15; Matayo 6:10; Ciyubunuzyo 11:15.\\n8. Nkaambo nzi ncotukonzya kwaambila kuti bana Israyeli bakalikamantene?\\n8 Bantu bamu Israyeli yansiku bakali cikozyanyo cibotu cambunga iikamantene. Mucikozyanyo, kweelana a Mulawo wa Musa, kwakali “bamakaintu ibakali kubeleka cabulondo amulyango watente lyakuswaanganina.” (Kul. 38:8) Kulonga kwabana Israyeli kuzwa kubusena bumwi kuunka kuli bumbi alimwi akulonzya tente lyakuswaanganina zyakali kucitwa cabulondo. Kumbele, Mwami Davida wakabunganya ba Levi alimwi abapaizi munkamu izyakali kubeleka kabotu. (1Mak. 23:1-6; 24:1-3) Ciindi bana Israyeli nobakali kumvwida Jehova, zintu zyakali kubeendela kabotu, bakali kuba muluumuno alimwi bakali kukamantana.—Dt. 11:26, 27; 28:1-14.\\n9. Ino ncinzi citondezya kuti mbungano zya Banakristo bamumwaanda wamyaka wakusaanguna zyakalikamantene?\\n9 Mbungano zya Banakristo bamumwaanda wamyaka wakusaanguna zyakalikamantene, alimwi zyakali kugwasyigwa abusolozi bwakabunga keendelezya, aako kumatalikilo ikakali kupangwa abaapostolo. (Mil. 6:1-6) Mukuya kwaciindi, bakwesu bamwi bakayungizyigwa kukabunga keendelezya. (Mil. 15:6) Busolozi alimwi amalailile akali kupegwa kwiinda mumagwalo aakasololelwa amuuya aakalembwa abaalumi ibakali cibeela naa ibakali kubelekela antoomwe akabunga keendelezya kamumwaanda wamyaka wakusaanguna. (1Tim. 3:1-13; Tit. 1:5-9) Ino mbungano zyakagwasyigwa buti akaambo kakutobela busolozi bwakabunga keendelezya?\\n10. Ncinzi cakacitika ciindi mbungano zyamumwaanda wamyaka wakusaanguna nozyakatobela milawo yakazuminanwa akabunga keendelezya? (Amubone cifwanikiso icili kumatalikilo aacibalo.)\\n10 Amubale Milimo 16:4, 5. Bakwesu ibakali kweendeenda ikwiiminina kabunga keendelezya bakali kuyaabwaambila bamwi “milawo eeyo yakazuminanwa abaapostolo abaalu ibakali mu Jerusalemu kuti kabatobela njiyo.” Ciindi bantu mumbungano nobakali kutobela milawo eeyi, “bakazumanana kuyumizyigwa mulusyomo alimwi bakali kuyaabuvwula buzuba abuzuba.” Sena kuli ciiyo ciliko mucibalo camu Bbaibbele eeci ncotukonzya kwiiya mazuba aano mumbunga ya Leza?\\nSENA MULAATOBELA MALAILILE?\\n11. Ino mbuti baalumi ibasalidwe mbobeelede kucita ikuti batambula malailile kuzwa kumbunga ya Leza?\\n11 Ino ncinzi ncobeelede kucita aabo ibali muma Kkomiti Aamitabi naa ma Kkomiti Aacisi, balangizi bamabazu, alimwi abaalu mumbungano ciindi nobatambula malailile kuzwa kumbunga ya Leza mazuba aano? Ibbuku lya Jehova litulailila kuti toonse katumvwida alimwi akulibombya. (Dt. 30:16; Heb. 13:7, 17) Muuya wabuzangi tauyandiki mumbunga ya Leza, nkaambo muuya uuli boobo ulakonzya kunyonganya luumuno ndotujisi alimwi alukamantano mumbungano. Kunyina Munakristo uusyomeka uunga wayanda kutondezya muuya wakubula bulemu alimwi akutasyomeka mbuli ngwaakatondezya Diotrefe. (Amubale 3 Johane 9, 10.) Tulakonzya kulibuzya kuti: ‘Sena ndilabagwasya kusima kumuuya aabo mbondiyanzana limwi? Sena ndilafwambaana kubweza ntaamu yakutobela malailile aapegwa abakwesu ibasololela?’\\n12. Ino nkucinca nzi kwakacitwa kujatikizya mbobasalwa baalu alimwi abakutausi?\\n12 Amuyeeye kujatikizya kusala nkobakacita caino-ino bamu Kabunga Keendelezya. Cibalo cakuti “Mibuzyo Yabasikubala” mu Ngazi Yamulindizi yamu November 15, 2014, cakapandulula kucinca kwakacitwa kujatikizya mbobasalwa baalu alimwi abakutausi. Cibalo eeci cakatondezya kuti kabunga keendelezya kamumwaanda wamyaka wakusaanguna kakapa balangizi beendeenda nguzu zyakusala baalu abakutausi. Ikutobela nzila njimunya eeyo, kutalikila mu September 1, 2014, balangizi bamabazu bali kusala baalu alimwi abakutausi. Mulangizi wabbazu ulasoleka kuti abazyibe kabotu baalumi aabo ibalumbaizyigwa alimwi akubeleka ambabo mumulimo wamumuunda ikuti kacikonzyeka. Ulaulangilila mukwasyi wamukwesu ooyo uuli mukulangwa-langwa. (1Tim. 3:4, 5) Kabunga kabaalu alimwi amulangizi wabbazu balalanga-langa cakubikkila maano zyeelelo zyamu Magwalo zyabakutausi alimwi abaalu.—1Tim. 3:1-10, 12, 13; 1Pet. 5:1-3.\\n13. Ino inga twatondezya buti kuti tulabuzumina busolozi mbotutambula kwiinda mubaalu?\\n13 Tweelede kubutobela busolozi mbobapa baalu ibuzwa mu Bbaibbele. Beembezi aaba basyomeka ibali mumbunga ya Leza basololelwa ‘amalailile mabotu,’ naa ‘malailile aagwasya,’ aazwa mu Bbuku lyakwe. (1Tim. 6:3; bupanduluzi buyungizyidwe) Amuyeeye lulayo Paulo ndwaakapa kujatikizya baabo ibapilingene ibali mumbungano. Bantu bamwi ‘tiibakali kuyanda kubeleka abuniini pele bakali kwiile kulinjizya mumakani aatabajatikizyi.’ Cakutadooneka bakalulamikwa abaalu, pele bakazumanana kuunduluzya lulayo. Ino basimbungano bakeelede kumulanganya buti muntu uuli boobo? Paulo wakalailila boobu: “Amumucenjelele kapati ooyo alimwi amuleke kuyanzana anguwe.” Lulayo oolo lwakali buyo kabotu nkaambo alimwi wakacenjezya kuti muntu uuli boobo tabeelede kumubona mbuli kuti ngusinkondonyina. (2Tes. 3:11-15) Mazuba aano, baalu balakonzya kupa makani aakucenjezya kujatikizya muntu uumwi uuzumanana kuba mubukkale ibusampaula mbungano, mbuli kweebana amuntu uutasyomi. (1Kor. 7:39) Ino mulimvwa buti ciindi baalu nobapa makani aali boobu? Kuti kamumuzyi muntu iwaambwa mumakani aayo, sena muyoosoleka kumutantamuka? Ikubikkila maano kwanu alimwi akutazungaana kulakonzya kupa kuti muntu ooyo aileke nzila yakwe iitali kabotu. \\nAMUZUMANANE KUSALALA, KUBA MULUUMUNO AKUKAMANTANA\\n14. Mbuti mbotukonzya kutola lubazu mukupa kuti mbungano izumanane kusalala?\\n14 Tulakonzya kutola lubazu mukupa kuti mbungano kaisalala kumuuya kwiinda mukutobela busolozi bujanwa mu Jwi lya Leza. Amubone bukkale bwakacitika mu Korinto yansiku. Paulo wakalyaaba cakumaninina kukambauka mumunzi ooyo, alimwi wakali kubayanda ‘basalalinyina’ ooko. (1Kor. 1:1, 2) Pele kweelede kuti wakakatazyigwa kwaabandika makani aakutalilemeka alo aakali kulangwa buyo mumbungano eeyo! Paulo wakalailila baalu kwaaba mwaalumi ooyo kuli Saatani—nkokuti munzila imwi, kumugusya mumbungano. Kutegwa mbungano izumanane kusalala, baalu bakeelede kugwisya “bumena” ibwakaliko. (1Kor. 5:1, 5-7, 12) Ciindi notukamantana akusala kwabaalu kwakugusya sizibi uuteempwi mumbungano, tugwasya kuti mbungano izumanane kusalala alimwi ambweni akupa kuti muntu ooyo ayempwe akulomba kulekelelwa kuli Jehova.\\n15. Mbuti mbotukonzya kuzumanana kubamba luumuno mumbungano?\\n15 Kwakali penzi alimbi ku Korinto ilyakeelede kulanganyizyigwa. Bakwesu bamwi bakali kutola bakombinyina kunkuta. Paulo wakababuzya mubuzyo uupa kukkala ansi kuyeeya wakuti: “Nkaambo nzi ncomutalekeli buyo kuti mubisyilwe ndinywe?” (1Kor. 6:1-8) Bukkale buli boobu bulacitika amazuba aano. Zimwi ziindi, luumuno akati kabakwesu lwanyonganyizyigwa akaambo kakuti makwebo aatakeenda kabotu akapa kuti mali alobe alimwi ambweni buya akuyeeyela kuti kuli bumpelenge bumwi ibwakacitwa. Bamwi batola bakwesu kunkuta, pele Bbuku lya Leza lilatugwasya kubona kuti cilainda kubota kusweekelwa buyo kwiinda kusampaula zina lya Leza naa kunyonganya luumuno lwambungano.  Kutegwa tumane mapenzi mapati alimwi amazwanga, tweelede kutobela lulayo lwa Jesu. (Amubale Matayo 5:23, 24; 18:15-17.) Ikuti naa twacita oobo, tusumpula lukamantano mumukwasyi wa Bakombi ba Jehova.\\n16. Nkaambo nzi ncotweelede kulangila kuti bantu ba Leza banookamantene?\\n16 Bbuku lya Jehova lilatondezya ikaambo ncotweelede kulangila bantu bakwe kuti kabakamantene. Sintembauzyo wakaimba kuti: “Amubone! Eelo kaka ncibotu alimwi cilakondelezya kuti babunyina kabakkede antoomwe calukamantano!” (Int. 133:1) Ciindi nobakali kumuvwida Jehova, bana Israyeli bakali kucita kabotu zintu alimwi bakalikamantene. Kaamba zintu ziyoocitika kumbele, Leza wakaamba kuti “Ndiyoobaleta antoomwe kabakamantene, mbubonya mbuli mbelele mucaanda canzizyo.” (Mik. 2:12) Kuyungizya waawo, Jehova wakasinsima kwiinda mumusinsimi Zefaniya kuti: “Ndiyoosandula mwaambo wabantu kuba mwaambo uusalala, kutegwa boonse kabaita zina lya Jehova, akuti kabamubelekela calukamantano [naa “kabamukomba calukamantano,” bupanduluzi buyungizyidwe].” (Zef. 3:9) Eelo kaka tulalumba kapati akaambo kacoolwe ncotujisi cakukomba Jehova calukamantano!\\nBaalu balasolekesya kupa lugwasyo lwakumuuya kumuntu iwaleya (Amubone muncali 17)\\n17. Kutegwa mbungano izumanane kukamantana alimwi akusalala, ino mbuti baalu mbobeelede kwaalanganya makani aajatikizya zibi zipati?\\n17 Kutegwa mbungano izumanane kukamantana alimwi akusala, baalu beelede kufwambaana kwaalanganya makani aalubeta alimwi akucita oobo munzila yaluyando. Paulo wakalizyi kuti luyando lwa Leza talweendelezyegwi buyo amajwi ngakonzya kwaamba muntu, alimwi Leza tabulangi buyo bubi ibucitika. (Tus. 15:3) Aboobo Paulo tanaakawayawaya kulemba lugwalo lwa 1 Bakorinto, lugwalo ilujisi lulayo lulaanguzu pele ilwakalembwa caluyando. Lugwalo lwa 2 Bakorinto, ilwakalembwa myezi yakatobela, lutondezya kuti kwakaba kuyaambele akaambo kakuti baalu bakaatobela malailile Paulo ngaakapa. Ikuti Munakristo waleya katazyi walo, baalumi beelela beelede kusola kumululamika camoyo uubombede.—Gal. 6:1.\\n18. (a) Muunzila nzi lulayo luli mu Jwi lya Leza mbolwakagwasya mbungano zyamumwaanda wamyaka wakusaanguna? (b) Ncinzi ciyoobandikwa mucibalo citobela?\\n18 Cilisalede kuti lulayo ilwakasololelwa amuuya iluli mu Bbuku lya Leza lwakabagwasya Banakristo bamumwaanda wamyaka wakusaanguna mu Korinto alimwi amumasena aamwi kutegwa bazumanane kusalala, kuba muluumuno alimwi akukamantana mumbungano zyabo. (1Kor. 1:10; Ef. 4:11-13; 1Pet. 3:8) Aboobo bakwesu alimwi abacizyi bakuciindi eeco bakacikonzya kugwasya bantu banji mumulimo wakukambauka. Nkakaambo kaako Paulo ncaakaambila kuti makani mabotu ‘akakambaukwa kuzilenge zyoonse zili ansi aajulu.’ (Kol. 1:23) Mazuba aano, luzyibo lwamakanze aa Leza luli mukumwaigwa munyika yoonse akaambo kakusolekesya kwabaabo ibali mucibeela cambunga yomwe iikamantene mukukambauka. Cibalo citobela ciyoopa bumboni abumbi ibutondezya kuti bantu aaba balalilemeka kapati Bbaibbele alimwi akuti bakanzide kuzumanana kulemeka Mwami Singuzuzyoonse Jehova.—Int. 71:15, 16.\\n^  (muncali 13) Amubone bbuku lyakuti Bakamantene Mukucita Kuyanda kwa Jehova, peeji 134-136.\\n^  (muncali 15) makani aamba kujatikizya bukkale Munakristo mwakonzya kusala kumutola kunkuta Munakristonyina, amubone bbuku lyakuti “Amuzumanane Kukkala Muluyando lwa Leza,” peeji 223, bupanduluzi buyungizyidwe.\\nIbbala Lyakali Kukkazyika Moyo!\\n“Amuzumanane Kukulwaizyanya Abuzuba”\\nSena Mulalilemeka Kapati Bbuku Lya Jehova?\\nKwiitwa Kuzwa Mumudima\\n“Nobasikumwaya ba Bwami mu Britain​—Amusinsimuke!!”\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA November 2016\\nNGAZI YAMULINDIZI—YAKWIIYA November 2016","num_words":2055,"character_repetition_ratio":0.058,"word_repetition_ratio":0.001,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Cikozyanyo cakwaangululwa ku Mulawo (1-6)\\nMulawo wapa kuti cibi cizyibwe (7-12)\\nNkondo yakulwana cibi (13-25)\\n7 Sena nkokuti bakwesu tamuzyi, (nkaambo ndaambila baabo ibazyi mulawo) kuti Mulawo ngosimalelo wamuntu kufwumbwa kuti muntu ooyo kacipona? 2 Mucikozyanyo, kweelana amulawo, imukaintu uukwetwe ulaangidwe kumulumaakwe nacipona; pele ikuti naa mulumaakwe wafwa, ulaangununwa kumulawo wamulumaakwe.+ 3 Aboobo, ikuti wakwatwa kumwaalumi uumbi mulumaakwe kacipona, inga waambwa kuti ngusimamambe.+ Pele ikuti mulumaakwe wafwa, ulaangunuka kumulawo wakwe, eelyo takategwi ngusimamambe ikuti wakwatwa kumwaalumi uumbi.+ 4 Aboobo nobakwesu, andinywe mwakafwa kujatikizya Mulawo kwiinda mumubili wa Kristo, kutegwa mube bamuntu uumbi,+ bayooyo wakabusyigwa kuzwa kubafwu,+ kutegwa tumuzyalile micelo Leza.+ 5 Nkaambo notwakacili kutobela zisusi zyanyama, zisusi eezyo izyakali kuyubunuka akaambo ka Mulawo zyakali kubeleka mumibili yesu* kutegwa tuzyale micelo yalufwu.+ 6 Pele lino twaangununwa ku Mulawo ooyo,+ nkaambo twafwa kuli ceeco cakatwaangide, kutegwa tube bazike munzila mpya kwiinda mumuuya,+ ikutali munzila yakaindi kwiinda mumulawo uulembedwe.+ 7 Ino lino tulaamba nzi? Sena Mulawo ncibi? Peepe! Mubwini ikuti nokwakanyina Mulawo nindatakacizyiba cibi.+ Mucikozyanyo, nindatakazyiba kuti kunyonokela nkubi ikuti Mulawo nowatakaamba kuti: “Utanyonokeli.”+ 8 Pele akaambo kamulawo, cibi cakajana nzila yakubusya kunyonokela kwamusyobo uuli woonse mulindime, nkaambo kayi eelyo nokwakanyina mulawo cibi cakalifwide.+ 9 Aciindi cimwi ndakali muumi eelyo nokwakanyina mulawo. Pele mulawo nowakasika, cibi cakabukuluka, pele mebo ndakafwa.+ 10 Alimwi mulawo iwakeelede kunditola kubuumi,+ ndakajana kuti unditola kulufwu. 11 Nkaambo akaambo kamulawo nguwenya ooyu, cibi cakajana nzila yakundoongelezya akundijaya. 12 Aboobo, Mulawo kuugama ulasalala, awalo mulawo ooyu ulasalala, uliluleme alimwi mubotu.+ 13 Aboobo, sena nkokuti cibotu cakapa kuti ndifwe? Peepe! Pele cibi ncicakacita boobo, kutegwa citondezyegwe kuti ncecindiletela lufwu kwiinda mucintu eeco cibotu,+ kutegwa cibi ciindile kubija akaambo kamulawo.+ 14 Nkaambo tulizyi kuti Mulawo ngwamuuya, pele mebo ndili wanyama, iwakasambalwa kuba muzike wacibi.+ 15 Lino tandizizyi pe nzyondicita. Nkaambo ncondiyanda, tandiciciti pe, pele ncondisulide ncondicita. 16 Pele ikuti nconditayandi ncondicita, ndazumina kuti Mulawo mubotu. 17 Pele tandicili ndime ndicicita pe, pele ncibi cikkede mulindime.+ 18 Nkaambo ndilizyi kuti mulindime, nkokuti mumubili wangu, munyina cibotu ciliko; nkaambo walo moyo ulayanda kucita cibotu, pele tandijisi nguzu zyakucicita.+ 19 Nkaambo cibotu ncondiyanda kucita tandiciciti pe, pele cibi nconditayandi kucita ncencico ncondicita. 20 Lino, ikuti eeco nconditayandi ncondicita, ooyo uucicita tandicili ndime pe, pele ncibi cikkede mulindime. 21 Lino, kulindime ndijana mulawo ooyu wakuti: Ciindi nendiyanda kucita cibotu, icibi cilaandime.+ 22 Mumoyo wangu ndilaukkomanina kapati mulawo wa Leza,+ 23 pele mumubili wangu* ndibona mulawo uumbi uulwana mulawo uuli mumizeezo yangu,+ alimwi uundipa kuba mwaange wamulawo wacibi+ ooyo uuli mumubili wangu.* 24 Maawe ndemucaangu! Ino nguni utiindivwune kumubili ooyu uunditola kulufwu oolu? 25 Aalumbwe kaka Leza iwandivwuna kwiinda muli Jesu Kristo Mwami wesu! Aboobo, mumizeezo yangu mebo ndemwini ndili muzike kumulawo wa Leza, pele mumubili wangu ndili muzike kumulawo wacibi.+\\n^ Mu Chigiriki, “muzizo zyesu.”\\n^ Mu Chigiriki, “muzizo zyangu.”","num_words":425,"character_repetition_ratio":0.056,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Milimo 27 | Bbaibbele lili a Intaneti | Bbaibbele lya Busanduluzi Bwanyika Mpya\\nPaulo waunka abwato ku Roma (1-12)\\nGuwo lyauma bwato (13-38)\\nBwato bwanyonyooka (39-44)\\n27 Lino mbwaanga kwakasalwa kuti twakeelede kuunka ku Italiya+ abwato, basinkuta bakabikka Paulo abaange bambi mumaanza aasilutwe wabasikalumamba uutegwa Juliyo iwamunkamu ya Augusito. 2 Notwakatanta bwato bwakazwide ku Andramutiyo ibwakali afwaafwi kuunka kuzito zili kunkomwe yacooko ca Asiya, twakatalika lweendo lwesu; twakali antoomwe a Arisitarko+ muna Makedoniya uuzwa ku Tesalonika. 3 Eelyo buzuba bwakatobela twakasika ku Sidoni, alimwi Juliyo wakafwida Paulo luzyalo, aboobo wakamuzumizya kuunka kuyoobona beenzinyina kutegwa bakamulanganye. 4 Alimwi kuzwa kooko twakatanta bwato akutalika kweendela munsi aansumbu ya Kupro nkotwakasitilidwe kumuwo iwakali kubbubbula kuzwida nkotwakali kuunka. 5 Mpoonya twakeenda akati kalwizi kumbali a Kilikiya a Pamfiliya akuyoosika kucito ca Mura ku Lukiya. 6 Ooko silutwe wabasikalumamba wakajana bwato bwakazwide ku Alekizandiriya ibwakali kuunka ku Italiya, eelyo wakatulailila kuti tutante mumo. 7 Mpoonya notwakamana kweenda asyoonto-syoonto kwamazuba manji, twakasika ku Kando cakupenga-penga. Mbokunga muwo tiiwakatuzumizya kuzumanana, notwakasika ku Salimone twakeendela munsi aansumbu ya Krete nkotwakasitilidwe kumuwo. 8 Eelyo notwakeenda cakupenga-penga kumbali aankomwe, twakasika kubusena bwiitwa kuti Zito Zibotu, munsi amunzi wa Laseya. 9 Kwakaindide ciindi cilamfwu alimwi lino kwakali kulibikka muntenda kweenda mulwizi, nkaambo nociba ciindi cakuliimya kulya kwamu Buzuba Bwakumanya Milandu+ cakaliindide kale, aboobo Paulo wakapa muzeezo 10 kabaambila kuti: “Nobaalumi, ndabona kuti lweendo oolu lulatuletela ntenda alimwi akusweekelwa kupati ikutali buyo kwakatuundu abwato pele abuumi bwesu.” 11 Nokuba boobo, silutwe wabasikalumamba wakamvwida sikweenzya bwato amukamwini bwato muciindi cakutobela nzyaakaamba Paulo. 12 Lino mbwaanga cito eeci tiicakali kabotu kukkala ciindi camupeyo, ibanji bakapa muzeezo wakuzwa aawo, kucita kuti babone naa inga bacikonzya kusika ku Fonika kutegwa mupeyo ukabamanine nkuko. Fonika ncito ca Krete cilangide kunyika lwaajwe alimwi akumusanza lwaajwe. 13 Mpoonya kawo kazwa kumusanza nokakaunga, bakayeeya kuti baazuzikizya makanze aabo, aboobo bakaizyula ngobyo yiimika bwato akutalika kweendela mumbali aankomwe yansumbu ya Krete. 14 Pele nokwakainda ciindi cisyoonto, guwo pati litegwa Urokulo* lyakatalika kubbubbula. 15 Mbwaanga guwo lyakabbubbula bwato canguzu alimwi tiibwakali kukonzya kugama kwakali kuzwida muwo, twakabuleka buyo eelyo twakatonkelwa nkuwakali kuya muwo. 16 Mpoonya twakainda kulubazu lwansumbu imwi nsyoonto iitegwa Kauda nkotwakasitilidwe, pele kato kanungwa musyule lyabwato kakatukatazya kapati kweendelezya. 17 Pele nobakakakwelela mukati, bakatalika kuzambaila bwato antambo, alimwi akaambo kakuyoowa kuti inga bapatila mumusenga wamumbali lyankomwe yacisi ca Libya, bakatebezya ntambo zyasaili aboobo bakapepululwa amuwo. 18 Lino akaambo kakuti twakacili kutonkwa kapati aguwo, buzuba bwakatobela bakatalika kusowa zintu kutegwa bwato buube-ube. 19 Alimwi mubuzuba bwatatu bakazisowa ntambo alimwi azibelesyo zimwi zibelesyegwa kweenzya bwato. 20 Lino mbwaanga zuba anyenyeezi tiizyakali kuboneka kwamazuba manji alimwi iguwo pati lyakacili kubbubbula, bulangizi boonse bwakuti tulafwutuka bwakatalika kumana. 21 Nokwakainda ciindi cilamfwu kabatalyi, Paulo wakaimikila akati kabo akwaamba kuti: “Nobaalumi, masimpe ikuti nomwakautobela muzeezo wangu akutatalika lweendo oolu lwamubwato kuzwa ku Krete, kunyonyookelwa akusweekelwa ooku nokwatacitika.+ 22 Nokuba boobo, lino ndimukulwaizya kuti mukkazike myoyo, nkaambo kunyina akati kanu uutisweekelwe buumi bwakwe, pele bwato bulikke mbobutiinyonyooke. 23 Sunu masiku mungelo+ wa Leza simalelaangu alimwi ngondibelekela mulimo uusetekene walisikide akwiima munsi-munsi andime, 24 kaamba kuti, ‘Utayoowi pe, Paulo. Uleelede kuyakwiima kumbele lya Kaisara,+ alimwi swiilila, Leza wakupa boonse aabo mbomuli limwi mubwato.’ 25 Aboobo amukkazike myoyo, nobaalumi, nkaambo ndilamusyoma Leza kuti kulaba mbubonya mbondaambilwa. 26 Pele tweelede kuyoosowelwa kunkomwe yansumbu imwi.”+ 27 Lino masiku mubuzuba bwa 14 katutonkwa mu Lwizi lwa Adriya, akati kamasiku aayo basikweenzya bwato bakayeeya kuti bakali kuyaabuswena afwaafwi ankomwe imwi. 28 Eelyo bakeeleka bulamfwu bwalwizi kuyaansi akujana kuti bwakali mamita aali 36 ;* aboobo bakazumanana kweenda kasinzo akambi akweeleka lwabili eelyo bakajana kuti bwakali mamita aali 27.* 29 Alimwi akaambo kakuyoowa kuti ambweni inga twauma amabwe, bakafwusa ngobyo ziimika bwato zyone kusyule lyabwato akutalika kulombozya kuti buce. 30 Pele basikweenzya bwato nobakatiisole kutija kuzwa mubwato akuselusya kato mulwizi kabalicengeezya kuti bayanda kulosya ngobyo ziimika bwato kumbele lyabwato, 31 Paulo wakaambila silutwe wabasikalumamba alimwi abasikalumamba kuti: “Ikuti baalumi aaba kabatali mubwato, tamukonzyi kufwutuka pe.”+ 32 Mpoonya basikalumamba bakazikosola ntambo zyakaangilidwe kukato akukaleka kaunka. 33 Lino kabuyanda kuca, Paulo wakabakulwaizya boonse kuti balye cakulya, kaamba kuti: “Kwamazuba aali 14 kusikila sunu, mwalikulangila kamulibilikide alimwi kunyina cakulya cili coonse ncimwalya. 34 Aboobo ndimukulwaizya kuti mulye; eeci ncecilaamugwasye, nkaambo kunyina akati kanu utiisweekelwe nokaba kasusu komwe kamumutwe wakwe.” 35 Naakamana kwaamba boobu, wakabweza cinkwa, walumba Leza kumbele lyabo boonse, wacikomauna akutalika kulya. 36 Aboobo boonse bakakkazika myoyo alimwi abalo bakatalika kulya. 37 Tobantu toonse antoomwe mubwato twakali 276. 38 Nobakalya akukkuta, bakaubya-ubya bwato kwiinda mukusowa wiiti mulwizi.+ 39 Nobwakaca taakwe nobakaizyiba nyika eeyo mpobakabede,+ pele bakabona nkomwe imwi yamusenga, alimwi bakakanzide kuti naa balacikonzya babutole nkuko bwato. 40 Aboobo bakakosola ntambo zyakaangilidwe ngobyo ziimika bwato akuzilekela kuti zinyikile mulwizi, bamane bakatebezya ntambo zyankasi; alimwi saili lyakumbele nobakalikwelela mujulu akulilanzya kwakali kuzwida guwo, bakalulama kunkomwe yamusenga. 41 Lino nobakasika kunkomwe yamusenga iyakali kuumwa amayuwe aalwizi, bwato bwakasimpa mumusenga eelyo cibeela cakumbele cakapatila kacitakonzyeki kuswena, mpoonya mayuwe akatalika kuuma kusyule kwabwato akubukwamauna muzibeela-beela.+ 42 Aciindi aawa basikalumamba bakali kuyanda kuti bajaye baange, kutegwa kutabi naba omwe uusaya* akutija. 43 Pele silutwe wabasikalumamba wakali kuyanda kuti amufwutule Paulo aboobo wakabakasya kuzumanana amakanze aabo. Wakalailila baabo bakali kucikonzya kusaya kuti baliwaale mulwizi, basaangune mbabo kusika mutala, 44 mpoonya boonse batobele, bamwi kwiinda mukubelesya mapulanga abamwi kwiinda mukubelesya zibeela zimwi zyakakwamukide kuzwa kubwato. Aboobo toonse twakasika mutala kabotu-kabotu.+\\n^ Nkokuti, guwo lyakunyika lwaajwe.\\n^ Mu Chigiriki, “maboko aali 20.” Amubone Makani Aayungizyidwe B14.\\n^ Mu Chigiriki, “maboko aali 15.” Amubone Makani Aayungizyidwe B14.\\n^ Bamwi baamba kuti “kudwaya; kuyamba.”","num_words":835,"character_repetition_ratio":0.046,"word_repetition_ratio":0.0,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"JESU AAKULONDA NDIWE\\nNokwaamana kupenzegwa kwa myaka minji Armando Valldares wakacaazya mafuwa Kukoka. Wakali muntolongo imwi ya Castro nkaambo wakajanika mucikombelo mubuzuba bwa jilisimunzi. Bakali kubalanga muntolongo bakamupenzya kapati, pesi kunyina naakaleka kusyoma pe.\\nNkocili cakali kumuyumya -yumya cisyomyo ncaakapa musimbi wazina lya Maata. Ooyu Maata bakabonana kwamana basyabana kacili muntolongo. Lusyomo lwa Valladares lwakamukwelelezya Maata. Nokwakamana ciindi cisyoonto Maata wakasinikizigwa kulongela ku Miami. Ooku kwaandaana kwakabacisa kapati.\\nPesi Armando wakakonzya kusisikizya cisyomyo kumusimbi wakwe ngwaakali kuyanda. Wakalembalemba akapepa kakasowedwe akusyomya kuti njakukujana. Kunyina makani naa masumo naciba cili buti cinga candiyoosya. Ooyu mwaange wakasyoma kuti nakuba kuti ciyume buti bumwi buzuba walo amusimbi wakwe Maata bayakwiima kumbele lya Leza mucikombelo kabaamba zisyomyo zyabo zyakukwatana. Bumwi buzuba bayakuswaangana cakumaninina. \"Lyoonse ulaandime,\" mumoyo Armando mbwaakamwaambila musimbi wakwe.\\nEeci cisyomyo Armando cakumupa camba munyaka yoonse yakupenzegwa basankwa banji nobakali kutyompokelwa kapati. Awalo Maata wakajatilila kucisyomyo eeci. Wakasola mbwaakali kukonzya kwambila bantu boonse mapenzi aamulumi wakwe. Kunyina naakaleka pe.\\nCimwi ciindi inga twatalika kudonaika kuti, hena Klisto uyakuseluka ncobeni bumwi buzuba kuzwa mumakumbi kuti tukaswaangane anguwe? Twalaandeene anguwe kwaciindi cilamfu kapati.\\nKuyeeya buyo kuti kumamanino eeyi nyika yamapenzi ikamane, cilakankamanisya. Pesi kuli cintu icitupa lusyomyo mumyoyo yesu. Eeci ncisyomyo kuti Jesu uyakuboola alimwi. Jesu katana basiya basiciiya bakwe kaya kujulu wakabasyomya kuti.:\\n\"Myoyo yenu itapengi. Amusyome muli Leza, musyome mulindime. Mung'anda yataata kuli maanda manjimanji. Nikwatali boobu nindamwaambila. Ndaunka kuyakumubambila masena. Naa ndaunka kuya kumubambila masena Njakuboola Alimwi akumutola kutegwa nkwenjakuba anywebo mukabe nkukona.\" - Johane 14:1-3.\\nJesu katana uunka kujulu, wakabasyomezya basiciiya bakwe kuti,\" NJAKUBOOLA ALIMWI\". Wakasyomya kuboola alimwi kutola baabo bamusyoma kucilawo ciluleme ncaakatubambila. Alo mangwalo mbwaamba ziindi zili zyuulu zyobile amyaanda yosanwe kuti Jesu uyakuboola kunyika eeyi cabili cili masimpe mbubona mbocili masimpe kuti wakaliko, wakapona munyika eeyi myaka iili zyuulu zyobile yainda.\\nKaindii Leza wakasyomya kuti Messiah uyakuboola, Munununi uuyakubweza zinyonyoono zyesu akulekelela zinyonyoono zyanyika yoonse. Eeci cisyomyo cakali cibotu mbuli kulota biya kubanjibanji bakali kupona mazuba aayo nibakali kupona akucita milimo miyumu. Pesi walo Jesu wakaboola akufwa aciingano. Cisyomyo cakacitika masimpe munzila yabulemu bantu mbobatakali kuyeeyela. Cisyomyo cakuti uyakuboola cili masimpe. Tuleelede kumusyoma utuyanda, kuboola kutola ndiswe mbaakanununa amuulo uutaambiki.\\nKuciindi coonse Armando naakali muntolongo wakali kutuma tugwalogwalo amilumbelumbe kuli Maata. Walo Maata imwi milumbe eeyi wakimwaya kubantu kuti bamvwe mapenzi aakwe. Bamwi bantu bakamvwa mapenzi aaya. Amwi malelo naafulumende zyakatalika kukombelezya Castro kuti amwaangulule ooyu mwaange nkaambo kalusyomyo. Muleli wacisi ca France wakaanjila makani cakuti mu mwezi wa October, 1982 Armando wakazwa muntolongo akutansikwa mundeke iiya ku Paris. Ndeke noikkala mu Paris walo cakali mbuli kuti nkulota. Nokwakamana myaka iili makumi obile aakupenga akulindila, nguuya Armando wabalika akuya kukukwantana a Maata.\\nMyezi misyoonto noyakamana bakacada mucikombelo ciitwa kuti St. Kieran Church mu Miami kabaindulula zisyomyo zyakukwatana. Kumamanino bakaswaangana cakumanininina. Cisyomyo cakazuzika. \"Njakuboola alimwi kulindiwe\".\\nSena ulakonzya kuyeeya kuti kuyakuba kuswaangana kukankamanisya kuli buti kumamanino twaakukonzya kumubona klistu busyu-a-busyu? Aakulibonya mubulemu boonse, koonse kuusa amakatazyo aakucisa nkutusisa mumyoyo yesu zyoonse ziya kumenwa. Kuboola kwa Jesu kuya kuleta kukkomana kutaambiki nkotwali kulindila. Eelyo tuyakkukala kukabe kutamani akukkala cakuswaangana amuntu wakandeene munyika yoonse.\\nJesu ulaboola cakufwambana! Sena ulayandisisya kumucinga?\\n2. INO JESU UYAKUBOOLA BUTI?\\n(1) Hena uyakuboola cakusisikizya?\\n\"Kamubona mebo (nde Jesu) ndamwaambila ciindi kacitanasika. Naa umwi wamwaambila kuti nkwali mulukula mutakaunki, naa nkwali kuzyuli mutakasyomi. Nkaambo MBULI LULABO luzwa kujwe LULABONEKA akumbo, akwalo kuboola kwa Mwnaamuntu mbokuya kuba.\" - Mateyo 24:25-27.\\nLulabo lulalibonya kulekule. Inzya kuboola kwa Jesu takukabi kwakusisikizya.\\n(2)\\tSena Jesu uyakuboola alimwi mbuli muntu?\\n\"Balo (basiciiya ba Jesu) baali kulungumanisya kujulu mbuli Jesu naakabwezegwa kuya kujulu, kufwambaana bakabona balombwana bobile basamide zituba munsi lyabo. Balombwana aaba bakaamba kuti Nobalombwana baku Galilaya nkaambo nzi muliimvwi aawo akulanga kujulu? OOYU NGUWENA JESU WATOLWA KUJULU kuzwa kulindinywe UYAKUBOOLA MBUBONA MBUMWAMUBONA KAYA KUJULU.\" - Ncito 1:10-11.\\nMubuzuba mbwaakaunka kuzwa munyika yesu eeyi bangele bakabasyomezya basiciiya bakwe \"nguwena Jesu\" wakatolwa kujulu,uutali umbi, uyakuboola lwakwe mwini mbuli Mwami wa bami. Jesu nguwena wakaponya baciswa alimwi wakajalula boofu. Jesu wakakanana calubomba kumukaintu simamambe. Jesu nguwena wakasinda misozi yabakalikulila alimwi wakatambula bana mumaanza aakwe. Nguwena Jesu wakafwa a ciciingano ca kalivali, wakazikkwa mucuumbwe, alimwi wakabuka mubuzuba bwatatu.\\n(3)\\tSena uyakuboola kutegwa tukamubone?\\n\"Amubone, ulaboola mumakumbi, meso oonse ayakumubona.\" - Cizubuluzyo 1:7. (kabazu kakutaanguna).\\nBoonse baya kujanika balapona Jesu aakuboola alimwi, baluleme ababisyi baya kukubona kuboola kwakwe.\\nBongaye Jesu mwini mbaakaamba kuti baya kukubona kuboola kwakwe?\\n\"Kuciindi eeco cibonisyo ca mwanaMuntu ciyakulibonya mujulu, MALELO OONSE MUNYIKA aya koomoka. Baya kumubona mwanaamuntu kaboola mumakumbi akujulu, anguzu abulemu bupati.\" - Mateyo 24:30.\\nMuntu oonse upona anyika yesu eeyi uyakumubona Jesu aakuboola.\\n(4)\\tMbabani baya kuboola a Jesu?\\n\"MwanaaMuntu aakuboola mubulemu bwakwe, abangelo boonse, uyakukkala acuuno cakwe cabulemu bwa kujulu.\" - Mateyo 25:31.\\nKoyeeya mbociya kuba Jesu aakuboola abubotu bwakwe boonse kazingulukidwe \"abangele boonse.\"\\n(5) Sena inga twakonzya kuziba ciindi cakuboola kwa Jesu?\\n\"Kunyina uubuzyi buzuba naboola, nababa bangele kujulu, naba Mwana, pele Usyi. Kaambo kaako kamukkede kamulibambide, nkaambo MwanaaMuntu uyakuboola mu oola ndyomutayeyeli.\" - Mateyo 24:36, 44.\\nBoonse baya kukubona kuboola kwa Jesu mubulemu, pesi bamwi bayakujanika tabalibambide. Sena webo lwako omwini ulilibambide kumuchinga Jesu?\\n3. INO JESU UYAKUCITA NZI AAKUBOOLA ALIMWI\\n(1) Jesu uyakubungika boonse baya kufutulwa.\\n\"Uyakutuma bangele bakwe amukunga mupati wa mpeta, bayakubungika basale bakwe kuzwa kuzyooko zyone zyanyika. Kuzwa kumamanino akujulu koonse koonse.\" - Mateyo 24:31.\\nKuti wakamuzumizya Jesu kukubamba mumoyo alimwi amubuumi, uyakumwaanzya cakukkomana mbuli mufutuli wako.\\n(2)\\tJesu uyakubusya baluleme bafwide.\\n\"Nkaambo Mwami lwakwe mwini uyakuseluka kuzwa kujulu, amoompoompo mupati,ajwi lya mungele mupati, akwiita kupati kwa mpeta ya Leza. BAFWIDE MULI KLISTU BAYAKUBUKA KUTAANGUNA.\" - Ba Tesolonika bakuntaanguna 4:16.\\n\"Jesu waseluka kuzwa kujulu amoompoompo. Ijwi lyakwe lipati lyamvwika munyika yoonse. Lyajalula zyuumbwe zyoonse munamaumbwe oonse akubusya zyuulu zyuulu zyabantu zyabakamutambula Jesu munyika yoonse. Kuya kuba kukkomana kuli buti buzuba oobo!\\n(3) Jesu uya kubasandula boonse baluleme aakuboola, batali buyo baluleme baafwide, pesi abaluleme bapona.\\n\"Kwaakumana boobo, swebo notucipona twakucaala TUYA KUKWEMPWA ANTOOMWE AMBABO mumakumbi akuya kumuswanganya mwami mumakumbi. Tukakkale anguwe Mwami kukabe kutamani.\" - Cisyoonto ca 17.\\nKutubamba kuti tukanjile mubuumi butamani. Jesu ulasandula mibili eeyi iifwa kuti ibe mibili mibotu iitafwi.\\n\"Amuteelele, mwaambile maseseke ! tatukooni toonse, pesi TUYA KUSANDULWA kufwambaana, mukulaba kwaliso KUMWEEMBO WAMAMANINO. Mweembo uyakulila, bafwide baya kubusigwa kukutabola, alimwi baya kusandulwa. Nkaambo cimana ciyakusamikwa kutamana, calo cifwa ciya kusamikwa kutafwa.\\nJesu aakuboola \"tuya kusandulwa toonse.\" Koyeeya: kunyina kulebauka kwa mibili, malwazi aatasilikiki, zibbadela , amaanda aakulilila bafu zyajalwa, Klistu waboola!\\n(4) Jesu uya kubatola kujulu boonse bantu baluleme.\\nWalo lwakwe mwini Jesu wakasyomya kuti\\n\"Njakuboola kuzikumutola kuti mukakkale andime\" mung'anda ya Taata.\" - Johane 14:1-3.\\nPetulo awalo ulakanana cikono cibambidwe kujulu cabaabo bakanununwa. (1 Pita 1:4). Tulakonzya kulangila kuya kwendeenda akubona munzi wa Leza uukankamanisya, Jelusalema Mupya alimwi Taata wesu wa kujulu.\\n(5) Jesu uyakuzimanizya zibi akupenga kukabe kutamani.\\nBabisyi bakakaka luse lwa Jesu bakalibeteka lwabo beni. Mbuli mbobalanga busyu bwa Jesu kaboola mumakumbi, cakufwambaana bamvwa kucisa kwa cinyonyoono cabo, balilila malundu amandomba aamabwe kuti,\\n\"kamutulimba mutusise kuzwa ku busyu bwa yooyo uukede acuuno alimwi kuzwa kubukali bwa Mwaana Mbelele.\" - Cizubuluzyo 6:16.\\nCababotela kufwa kwiinda kwiima kumbele aabusyu bwa Jesu uubonesesya. Balizi ino kuti ijwi lyamuzuzumina kuzwa kujulu kaindi lyakali kubakombelezya kuti batambule luse lwa kujulu. Balo aabo bakaliwaaliila akusweeka mukusondoka kwakuyandaula mali naa kulikkomanisya. Naa kuyandaula zyuuno zisumpukide, baziba kuti baka ciyambaalila cintu cinicini mubuumi.\\nNcizubuluzyo ciyoosya. Nakuba boobo, kunyina naba omwe wakaelede kuti asoweke. \"Leza lwakwe mwini,, takkomani mulufu lwa mubisyi\" (Ezekieli 33:11). \"Tayandi kuti naba omwe afwidilile, pesi kuti boonse basanduke\" (2 Petulo 3:9). Jesu ulaita \"amuboole kulindime nyoonse nomukatede alimwi a nomulemedwe, njakumupa kulyookezya\" (Mateyo 11:28). Pesi, mukubula coolwe, bamwi bakakukaka ooku kutamba kwa luse.\\n4. SENA ULILIBAMBIDE KUMUTAMBULA JESU ABOOLA?\\nCakamutolela zyoonse kuti Jesu atubambile buumi bwabulemu kukkala anguwe \"mung'anda ya Taata.\" Cakamutolela buumi bwakwe! \"KLISTU WAKALUMBULWA LOMWE kubweza zinyonyoono zyabantu banji, UYAKULIBONYA CIINDI CABILI, kutali kubweza zyinyonyoono; pele kuleta lufutuko kuli baabo bamulindila\" (Ba Hebulayo 9:28).\\nMufutuli wakafwa aciingano kubweza zinyonyoono zyako, uyakulibonya \"ciindi cabili,\"alimwi \"uyakuleta lufutuko kuli baabo bamulindila.\" Jesu wakalisungula lwakwe mwini kupa lufutuko kuli umwi wesu. Naa tabooli ciindi cabili, ciingano inga caba cabuyo. Jesu uyanda kutupa munzi wakukala kukabe kutamani anguwe. Kutegwa eeci cibe boobu, tuleelede kumuzuminzya kuti alele mumyoyo yesu mbuli mufutuli alimwi mwami wesu lino.\\nMafumofumo mu mwezi wa itwi 16 mu mwaka wa 1945 (August 16, 1945), kaana kasankwa kakaompolala mu komponi ya Shantung mu chisyi cha China kwali ku nyika kati wabona ndeke mujulu. Bantu boonse baumbulu bakazwa anzee kuti balange. Aba basankwa a bamakaintu bakapenga myaka minji-minji kabaangidwe, ama Japanese mbuli basicisi bamasi ngobakali kulwana. Bunji bwambabo cintu coomwe cakabacita kuti babe baumi mumuuya mbulangizi bwakuti bumwi buzuba inkondo iyakumana.\\nInguzu zyamagezi zyakayinda akati kankamu ili cuulu comwe amyaanda yosanwe bakasyaala mbaange, bakaendeenda nobakaziba kuti ndeke yakali kulonda mbabo. Muzuzumina wandeke mbuli mbuwaali kuyabukomena, umwi wakaamba kuti \"amulange njiiya ndembela ya cisi ca America ililembedwe ku lubazu lwa ndeke.\"\\nMpoona awa cakutasyoma umwi wakavwiila kuti bona batambaika kuli ndiswe. Balizi kuti ndiswe bani? Baboola kututola. Kuciindi eeci aba bantu bakasamide malwendulwendu,bakatede alimwi baciswa biya kuyeeya nkobakali kuzwa, tiibaakonzya kulijata pe.\\nKwakaba kunyongana. Bantu bakalikwiide kuzinguluka akuyobeka akunyamuna maanza aabo mujulu alimwi akulila. Mpoona bakaide kulanga alimwi baumuna kuti zii.Kunsi kwa ndeke kwajaluka, bantu batalika kuloka kabasamide zintu zyakuti batalicisi (ma palachuti).\\nLino teesi kuti babavuna bayakuboola bumwi buzuba pe, sunu baboola, ino akati kabo! Njiiya mbunga yabantu Yoonse yacicima kuya kumulyango wa munzi. Kunyina wakayeeya ntobolo zyakali kutondekwa kuli mbabo. Nokwaamana myaka yabuumba akupenga, bakamwaya mulyango wa munzi akubalikila kooko basikalumamba bakaboola kubavuna nkobali kuselukila.\\nKufwambaana aaya mabunga mabunga aabantu bakapilukila mu minzi mobakali kukala kabababwezede basikalumamba alwezo. Sikalumamba mupati wakali kulanga munzi wa baange wakazumina kuti bakomwa kakunyina akulwana pe. Nkondo yamana. Lwanguluko lwasika. Nyika yakaba impya alimwi.\\nCakufwambaana Leza wesu, mufutuli wesu , uyakuseluka kuzwa mumakumbi kuzikutuvuna makani mabi aalunya lwa bantu kubeenzinyina asika kumamanino. Kuya kuba kukomana buzuba oobo, akuyobayoba kwakusekelela twaakuziba kuti: \"waswena; ndakonzya kubabona bangele kabasiba mpeta zyabo. Kuyobayoba kuyaakukomena, kuyaakukomena limwi matwi asinka. Pesi tatukonzyi kuleka kulangisha nkaambo twatalika kuyeeya kuti: \"wandibona. waziba kuti ndime ni.\" Tuya kumuziba akutangala kutaambiki; \"ooyu ngo Leza waboolela ndime, butali buzuba bumbi pe, sunu buya, ino.\"\\nSena ulilibambide kumucinga mwami mubulemu bwakwe? Naa peepe, walombwa kuti umutambule Jesu lwako omwini mubuumi bwako ino. Mbuli kuboola kwa Jesu kunyika eeyi mbokuya kumana mapenzi aanyika, akwalo kubool kwakwe mumoyo wako kuya kukugwasya kwaajanina nzila mapenzi aabuzuba abuzuba. Walo ooyo uuyumuna ulakonzya kukunununa kuzwa kumikuli ya cinyonyoono alimwi akukupa buumi butamani. Ulakozya kumushyoma Jesu. Ulakonzya kukugwasya kuti akajane ulilibambide aakuboola alimwi akukusyomya buumi wakukomana kukabe kutamani.\\nKuboola kwa Jesu mubuumi kukonkya kubusandula kukabe kutamani mbuli kuboola kwa Jesu munyika yesu mbokuya kusandamuna. Ulakonkya kuli besya Jesu. Uyakukubambilila kuboola kwakwe akukupa camba cikankanisya ca buumi butakamani bwalutangalo.","num_words":1657,"character_repetition_ratio":0.04,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Myeelwe 11 IBBAIB63 - Lino bantu bakali kutongauka - Bible Search\\nMyeelwe 10 Myeelwe 12\\nBa-Israyeli mbubakapegwa nyama munkanda\\n1-Lino bantu bakali kutongauka mumatwi aa-Jehova, nkabela Jehova naakamvwa, bukali bwakwe bwakabuka, amulilo wa-Jehova wakayaka akati kabo, wasyukutya magolelo aamalabba. 2-Lino bantu bakalilila Musa, nkabela Musa naakabakombela, mulilo wakaleka. 3Nciceeco kuntu oko ncikwakaulikwa izina lya-Tabera, nkaambo mulilo wa-Jehova wakali kuyaka akati kabo,\\n4-Lino basikupyopyonganya akati kabo kabajisi ncibakayandisya, nkabela bana ba-Israyeli bakatalika kulila alimwi, bati, Maawe! Nitwajisi nyama yakulya! 5-Twaibaluka inswi nzitwakali kulya buyo mu-Egepita, amakowa, abanamunywa, azisyu, amaonione, amagalaki. 6Lino sunu inguzu zyesu zyamaninina, nkaambo taakwe ncitujisi cita eyi insima ya-Mana luzutu.\\n7-Lino cilyo eco ca-Mana cakali mbuli inseke zyamabele, alimwi cakaboneka mbuli ingamwe. 8Bantu bakali kuya kuyoobweza, elyo bakaciziya mumaziyo nanka kucitwa muncili. Bamane kutwa, bakali kujika muzilongo akucita zibunge. Nkabela mucanka waco wakali mbuli mucanka wazinkwa zijikidwe amafuta. 9-Mume niwakasika masiku, acalo cilyo ca-Mana cakaloka mpoonya awo.\\n10Lino Musa wakamvwa kulila kwa bantu muziinga zyabo, umwi aumwi kumulyango wacilao cakwe, Nkabela bukali bwa-Jehova bwakakomenesya loko, alimwi makani akabija mumeso aa-Musa. 11-Nkabela Musa wakaambila Jehova kuti, Ino nkaambonzi wandibisizya ndemulanda wako? Nkaambonzi nsifwidwi luzyalo mumeso aako? Nkaambonzi wandilemezya mukuli wabantu aba boonse? 12-Sa ndime ndaminta aba bantu boonse? Sa ndime ndabazyala? Nkaambonzi wandaambila kuti, Kobabukata akaango kako mbuli sikulela mbwabukata muvwanda, ubatole kunyika eyo njindakakonkezya kulibamawisi. 13-Njane kuli nyama yakwaabila aba bantu boonse? Nkaambo bandililila cakwaamba kuti, Utupe nyama, tulye. 14-Cilandikacila kuyumuna mukuli wabantu aba boonse, mebo endike, nkaambo mukuli wandilemena. 15-Na ulayanda kundicitila obo, undijaye ndilyonya lino, na ndafwidwa luzyalo mumeso aako, kuti ntaboni kupenga kwangu.\\n16-Mpawo Jehova wakaambila Musa kuti, Kobunganya bantu bali makumi aali musanu aabili akati kabapati ba-Israyeli, mbobwene kuti ninkonkomena zyabantu zikonzya kweendelezya, ubalete kulindime kumulyango watente lyambunganino, baimikile ayebo nkukonya oko. 17-Lino ndaseluka kuzooambaula ayebo nkukonya oko, alimwi ndagwisya muuya uuli mulinduwe, ndaubika mulimbabo, kuti bakugwasye kunyamula mukuli wabantu aba, kuti utanyamuli olike. 18-Alimwi ambila bantu kuti, Amulisalazizye bwejunza, nkabela munoolya nyama, nkaambo mwalila mumatwi aa-Jehova cakwaamba kuti, Nguni uunootupa nyama yakulya? Necatubotela netwacili mu­-Egepita, Lino Jehova ulamupa nyama yakulya. 19Tamukoonoolya buzuba bomwe buyo, na mazuba obile, na mazuba osanwe, na mazuba aali ikumi, naaba mazuba aali makumi obile. 20Pe, munoolya mwezi woonse, mane cikamuzwe cili mumoyo, anyama ikamusesemye, nkaambo mwasampaula Jehova uuli akati kanu, mwalila kubusyu bwakwe, mwati, Twakazwidanzi mu-Egepita. 21Pele Musa wakati, Ma! Bantu mbendi abo bali zyuulu zili myanda iili musanu aumwi basimyeendo. Lino waamba kuti, Njoobapa nyama, balye mwezi woonse. 22-Sa balajayilwa imbelele aŋombe zyoonse kuti inkosya yabo imane? Nanka inswi zyoonse zyamulwizi zizubwe kuti inkosya yabo imane? 23-Pele Jehova wakaambila Musa kuti, Sa ijanza lya-Jehova lyafwinsigwa? Ulalibonena na majwi aangu ngakasimpe na pe,\\n24Elyo Musa wakazwa anze, waakulwiida bantu majwi aa-Jehova. Alimwi wakabunganya bantu bali makumi aali musanu aabili babapati babantu, wabaimika cakuzyunguluka itente. 25-Mpoonya awo Jehova wakaseluka mujoba, waambaula awe, Nkabela wakabweza muuya iwakali mulinguwe, wabika-bika mubantu abo bapati bali makumi aali musanu aabili. Lino nibakanjilwa buyo muuya, bakasinsima. Pele teebakacita obo limbi,\\n26-Pele kwakasyeede bantu bobile mumalabba. Izina lyaumwi kali Elidadi, amweenzinyina kali Medadi, Abalo bakanjilwa muuya. Bakali akati kabaabo ibakalembedwe, nekuba kuti teebakainkide kutente, Lino bakasinsima nkukonya oko kumalabba. 27Mpawo umwi mulombe wakazuzaana kuyoolwiida Musa, wati, Elidadi a-Medadi bali mukusinsima mukati kalabba. 28-Amvwe obo, Joshua mwana wa-Nuni, similimo wa-Musa, umwi wabantu mbaakasalide, wakati, O simalelaangu Musa, ubakasye. 29-Musa wakamuvwiila kuti, Sa wabafwida ibbivwe nkaambo kangu? Necakabota, bantu boonse ba-Jehova nebali basinsimi, Jehova naabika muuya wakwe mulimbabo. 30Elyo ba-Musa abapati ba-Israyeli bakapiluka kumalabba.\\n31-Lino kwakazwa muuwo kuzwa kuli-Jehova, wakaleta banduu kuzwa kulwizi, wabalosya kumbali lyamalabba, mbuli musinzo wabuzuba bomwe kulubazu lumwi alumwi cakuzyunguluka malabba, alimwi bakali cilwi cili abulamfu bwatukokola tobile. 32-Lino bantu bakabuka buzuba obo boonse, amasiku, abuzuba bwabili, kuyoobweza banduu. Naba muntu iwakabweza buniini buyo wakazuzya zisuwo zili ikumi. Lino bakabayanika kumabazu oonse aamalabba. 33-Lino nyama niyakacili mumeno aabo, kabatana mana kunyeela, bukali bwa-Jehova bwakabukila bantu, nkabela Jehova wakabaumya luumo lupati loko. 34-Nciceeco oko kuntu ncikwakaulikilwa izina lya-Kibiroti Hatava, nkaambo nkonkuko nkubakazika bantu basindya. 35-Lino kuzwa ku-Kibiroti Hatava bantu bakalongela ku-Hazeroti, bakaakukala-kala ku-Hazeroti.","num_words":645,"character_repetition_ratio":0.047,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani aamu Bbaibbele: Inzoka Yamukuba - Kkeyala yaa Intaneti ya Bakamboni ba Jehova\\nHENA ilibonya kuba inzoka ini eeyo izambaidwe acisamu? Peepe. Inzoka eeyi njamukuba. Jehova wakaambila Musa kwiibikka acisamu kutegwa bantu kabailanga akuzumanana kupona. Pele nzoka zimwi zili ansi ninzoka nconzyo. Zyabaluma bantu akubapa kuciswa. Hena ulicizyi ncocili boobo?\\nNkaambo kakuti bana Isilayeli baamba twaambo tutali kabotu kuli Jehova akuli Musa. Batongooka ategwa: ‘Ino ncinzi ncowakatuzwisyila mu Ijipiti akuti tuzyi kufwide munkanda muno? Taku cakulya naaba meenda. Twalimvwa kulya mana.’\\nPele mana ncilyo cibotu. Kwiinda mumaleele Jehova wakabapa mana. Alimwi kwiinda mumaleele wakabapa ameenda. Pele bantu tabalumbi Leza mbwaali kubabamba. Aboobo Jehova watumya nzoka eezyi zikali kapati kusubula bana Isilayeli. Nzoka zyabaluma eelyo banji bafwa.\\nKumane bantu baboola kuli Musa bati: ‘Twabisya nkaambo twaamba twaambo tutali kabotu kuli Jehova akuli nduwe. Lino paila kuli Jehova kuti agusye nzoka eezyi.’\\nAboobo Musa wabapailila bantu. Eelyo Jehova waambila Musa kupanga inzoka eeyi yamukuba. Wamwaambila kuti aibikke acisamu kutegwa kufwumbwa walumwa kailanga. Musa wacita mbweena Leza mbwaamulailila. Bantu bakali kulumwa, bakali kwiilanga inzoka yamukuba alimwi bakali kupona.\\nKuli ciiyo ncotukonzya kwiiya kuli ceeci. Toonse munzila iimwi tuli mbuli bana Isilayeli bakalumwa nzoka eezyo. Toonse tulafwa! Langa buyo munyika ulabona kwaamba kuti bantu balacembala, balaciswa akufwa. Eeci cili boobu akaambo kakuti musankwa amukaintu bakutaanguna Adamu a Eva bakamuzangila Jehova, aboobo toonse tuli bana babo. Pele Jehova wabamba nzila kutegwa katupona kukabe akutamani.\\nJehova wakatuma Mwana wakwe Jesu Kristo anyika. Jesu wakabikkwa acisamu cakupenzyezya nkaambo bantu banji bakali kuyeeya kuti wakali mubi. Pele Jehova wakatuma Jesu kuzyi kutufwutula. Ikuti twamusyoma, twamuccilila, tulakonzya kuba abuumi butamani. Pele tulaiya aakale zinji zyamakani aaya.\\nMyeelwe 21:4-9; Johane 3:14, 15.\\nNcinzi acifwanikiso cizambaidwe acisamu, alimwi nkaambo nzi Jehova ncaakaambila Musa kwiibikka aawa?\\nMbuti bantu mbobatalumbi kuzintu zyoonse Leza nzyaabacitila?\\nNcinzi bantu ncobaambila Musa kuti acite Jehova naatumya nzoka zikali zyakubasubula?\\nNkaambo nzi Jehova ncaambila Musa kupanga inzoka yamukuba?\\nNciiyo nzi ncotukonzya kwiiya kumakani aaya?\\nBala Myeelwe 21:4-9.\\nNkucenjezyegwa kuli buti swebo nkotujisi twalanga bana Isilayeli mbobakatongooka Jehova mbwaakali kubalanganya? (My. 21:5, 6; Balo. 2:4)\\nKwamyaanda yamyaka yakaccilila, ino mbuti bana Isilayeli mbobakaibelesya inzoka yamukuba, alimwi nintaamu nzi Mwami Hezekiya njaakabweza? (My. 21:9; 2 Bam. 18:1-4)\\nMbuti kubikkwa kwanzoka yamukuba acisamu mbocitondezya kujaigwa kwa Jesu Kristo? (Gal. 3:13; 1 Pita 2:24)","num_words":345,"character_repetition_ratio":0.062,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Bakamboni Bakwe Yehova Balabamba Buyani Maanda abo aBwaami\\nŊanda ya Bwaami ya Bakamboni Bakwe Yehova iliyoonse ililembetwe liina lyakwe Lesa lisalalite. Aboobo, tulabona ayi kutola lubasu muncito yakubotesha ŋanda iyi kwaamba ayi kaiboneka kabotu, ncoolwe alimwi ndubasu lusuniki lwakulambila kwesu kusalalite. Uli woonse inga wasebensaako ncito iyi.\\nInga mwaboteshaako pesule lya kubungana. Lyoonse pesule lya kubungana bamakwesu alimwi abenankashi mukuliyandila balapyanga na kubotesha Ŋanda ya Bwaami palaamfu palaamfu. Kulaba bushiku bomwi munsondo ndyekuba kubotesha kunene. Munene na musebenshi ucafwilisha ulapekwa ncito yakubamba ncito mboyeelete kusebensekwa. Bamakwesu abenankashi balalyaaba kusebensa ncito mbuli kupyanga, kukolopa, kubotesha shuuna na mabeenci, kubotesha mawiindo, shimbushu, akupyanga palubaansa. Mwaaka uli woonse kulaba bushiku bomwi ndyekuba kubotesha shintu shoonse paŊanda ya Bwaami. Na katusa abana besu kuncito iyi, nkokwaamba ayi tutobaiisha kupa bulemu misena yesu yakulambililaamo.—Shikushimikila 5:1.\\nInga mwasebensaako na kuli kubamba shinyonyookete. Mwaaka uli woonse kulaba kulangalanga Ŋanda ya Bwaami mukati alimwi akunsengwe. Na kuli shimwi shakanyonyooka, tulashibamba kwaamba ayi Ŋanda ya Bwaami inoboneka kabotu akwaamba ayi shitanyonyookeli limwi cakwaamba ayi tusowe maali aanji kushibambulula alimwi. (2 Makani 24:13; 34:10) Ŋanda ya Bwaami njetusebensesha kulambila Lesa ilyeelete kunoboneka kabotu. Na katwabanaamo muncito iyi, cilaakuboneka ayi tulisuni Yehova alimwi tulapa bulemu musena nkotupailila. (Kulumbaisha 122:1) Bantu bamwi abalo balaakulemeka kupaila kwesu.—2 Bene Kolinto 6:3.\\nIno ngumulandunshi tulyeelete kulama kabotu Maanda aBwaami?\\nIno mbubambo nshi buliwo kwaamba ayi Ŋanda ya Bwaami inoboneka kabotu?","num_words":217,"character_repetition_ratio":0.083,"word_repetition_ratio":0.0,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 6 | Bbaibbele lili a Intaneti | Bbaibbele lya Busanduluzi Bwanyika Mpya\\nBana ba Leza bakwata bamakaintu baanyika (1-3)\\nBa Nefilimu bazyalwa (4)\\nJehova wausa akaambo kabubi bwabantu (5-8)\\nNowa waambilwa kuyaka bwato (9-16)\\nLeza waambilizya kuboola kwa Zambangulwe (17-22)\\n6 Lino mweelwe wabantu niwakatalika kuvwula anyika alimwi abana basimbi nibakazyalwa, 2 bana ba Leza* mwini-mwini+ bakatalika kubona bana basimbi babantu aaba kuti bakali babotu. Aboobo bakatalika kulibwezela basimbi akukwata kufwumbwa aumwi ngwaakayanda. 3 Kumane Jehova wakati: “Muuya wangu taukabalekeleli bantu aaba lyoonse+ akaambo kakuti mbantu buyo banyama. Aboobo, mazuba aabo ayoobalilwa kumyaka iili 120.”+ 4 Ba Nefilimu* bakaliko anyika mumazuba aayo amazuba aakatobela. Aciindi eeco, bana basankwa ba Leza mwini-mwini bakazumanana kuswaangana abana basimbi babantu alimwi bakabazyalila bana basankwa. Bana aaba bakali basinguzu aciindi eciya alimwi bakali baalumi balaampuwo. 5 Aboobo Jehova wakabona kuti bubi bwabantu bwavwulisya anyika, akuti makanze aabo amizeezo njibayeeya mumyoyo yabo yakali mibi ciindi coonse.+ 6 Jehova wakausa kuti wakalenga bantu anyika alimwi wakapenga mumoyo.+ 7 Mpoonya Jehova wakaamba kuti: “Ndilabanyonyoona bantu mbondakalenga anyika, bantu antoomwe abanyama bavwubwa, banyama bakalaba azilenge zyuuluka mujulu nkaambo ndausa kuti ndakazilenga.” 8 Pele Nowa wakafwidwa luzyalo mumeso aa Jehova. 9 Ngaaya makani aamba zya Nowa. Nowa wakali muntu uululeme.+ Wakanyina kampenda alimwi wakaliindene abantu mbaakali kupona limwi.* Nowa wakali kweenda a Leza mwini-mwini.+ 10 Nokwakainda ciindi, Nowa wakazyala bana basankwa botatwe, Semu, Hamu a Jafeti.+ 11 Pele nyika yakabija mumeso aa Leza mwini-mwini alimwi nyika yakazula bubi. 12 Masimpe, Leza wakalanga anyika alimwi wakabona kuti yabija; bantu boonse bakaibisya nyika amicito yabo.+ 13 Mpoonya Leza wakaambila Nowa kuti: “Ndikanzide kubanyonyoona bantu boonse, nkaambo nyika yazula bubi akaambo kabantu aaba, aboobo ndilabanyonyoona antoomwe anyika.+ 14 Kolipangila bwato kubelesya zisamu zyagofa.+ Weelede kupanga twaanda mubwato akusyingulula ataala+ mukati akunze. 15 Mboobu mboyelede kubupanga: Bwato bweelede kulampa tukokola* tuli 300 mubulamfwu, tukokola tuli 50 mubwamba, alimwi tukokola tuli 30 kuya mujulu. 16 Weelede kupanga windo, kakokola komwe kuzwa mujulu kutegwa mumuni kaunjila mubwato. Weelede kubikka mulyango mumbali aabwato+ akuyaka twaandaanda ansi alimwi atumwi atala aatootu alimwi atwamamanino atala eeni. 17 “Lino mebo ndiyooleta zambangulwe+ anyika kutegwa linyonyoone zintu zyoonse izijisi muya wabuumi* izili anyika. Zyoonse izili anyika ziyoofwa.+ 18 Lino ndapanga cizuminano anduwe, alimwi weelede kunjila mubwato, yebo, bana bako, mukaintu wako alimwi abamakaintu babana bako.+ 19 Alimwi weelede kunjizya zilenge zipona, zyobilo-zyobilo zyamisyobo yoonse mubwato,+ kutegwa zikkale kazili zyuumi antoomwe anduwe, cilumi acizyazi;+ 20 zilenge zyuuluka kweelana amisyobo yazyo, banyama bavwubwa kweelana amisyobo yabo, alimwi abanyama boonse bakalaba ansi kweelana amisyobo yabo, zyobilo-zyobilo kuzwa mumisyobo yoonse ziyoonjila antoomwe anduwe kutegwa ziyobolwe kazili zyuumi.+ 21 Lino yebo weelede kubweza zyakulya zyamisyobo yoonse,+ izyako alimwi azyabanyama.” 22 Mpoonya Nowa wakacita zyoonse kweelana ambwaakamulailila Leza. Wakacita mbubonya oobo.+\\n^ Aaya maambilambali mu Chihebrayo aamba bana ba Leza bangelo.\\n^ Ambweni caamba “Bantu Bausya,” nkokuti, aabo bausya beenzinyina. Amubone Bupanduluzi Bwamabala.\\n^ Mu Chihebrayo, “abantu bazyalani lyakwe.”\\n^ Naa “muuya wabuumi.”","num_words":439,"character_repetition_ratio":0.052,"word_repetition_ratio":0.0,"special_characters_ratio":0.186,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jesu—Nenzila, Ngokasimpe, Mbobuumi | Buumi bwa Jesu\\nNenzila, Ngokasimpe, Mbobuumi\\nCakutadooneka mulakkomana kutambula makani mabotu. Alimwi buya kuli makani mabotu kapati ngomubambilidwe nywebo alimwi abayandwa banu.\\nMakani mabotu aaya ali mu Bbaibbele, ibbuku eelyo Mulengi wajulu anyika, Jehova Leza, ndyaakapa kuti lilembwe myaka minji kapati yainda. Mubbuku eeli, tulabikkila maano kumabbuku one aamu Bbaibbele alo aajisi makani mabotu kapati kulindiswe toonse. Mabbuku aaya aitwa amazina aabaalumi aabo Leza mbaakabelesya kwaalemba, nkokuti, Matayo, Marko, Luka alimwi a Johane.\\nIbanji baamba mabbuku aaya one kuti Makani Mabotu. Oonse one aamba makani mabotu aajatikizya Jesu—kuti walo nenzila njabelesya Leza kufwutula bantu akuti Bwami bwa Leza bwakujulu buyooleta zilongezyo zitamani aanyika, kuli baabo boonse bamusyoma Jesu.—Marko 10:17, 30; 13:13.\\nNKAAMBO NZI NCOKULI MABBUKU ONE AA MAKANI MABOTU?\\nAmbweni kuli nomwakalibuzyide kaambo Leza ncaakabelesya muuya wakwe kuti kulembwe mabbuku one aamba zyabuumi bwa Jesu anzyaakayiisya.\\nKuli bubotu mukupa kuti kulembwe mabbuku aaya one, limwi alimwi kalyaamba nzyaakaamba akucita Jesu. Mucikozyanyo, amweezyeezye kuti kuli baalumi bone ibaimvwi munsi-munsi aamwiiyi uulaampuwo. Mwaalumi iwiimvwi kumbele lyamwiiyi ngusimutelo. Ooyo wiimvwi kululyo musilisi. Ooyo uuswiilila kulumwensyi muzubi wanswi alimwi mulongwe ngocimvwana limwi kapati amwiiyi ooyo. Mpoonya mwaalumi wane, iwiimvwi kusyule, ngusikulangilila zicitika alimwi mwana kuli baabo botatwe. Boonse bone mbaalumi basyomeka, alimwi umwi aumwi wabo kuli ncayandisya naa ncabikkila maano kapati. Ikuti umwi aumwi wabo walemba makani aajatikizya nzyaamba akucita mwiiyi, kulangilwa kuti makani ngobanga balemba aaba bantu bone alakonzya kwiindana kupandulula twaambo naa zintu zimwi. Pele kwiinda mukulanga-langa nzyobalemba boonse bone, alimwi akuyeeya kuti baliindene mbobazibona zintu naa makanze aabo, tulakonzya kuzimvwisya nzyaamba akucita mwiiyi. Eeci citondezya mbotukonzya kugwasyigwa akaambo kakuba amabbuku one aalembedwe makani aabuumi bwa Mwiiyi Mupati, Jesu.\\nIkuzumanana kubelesya cikozyanyo eeci, atwaambe kuti simutelo uyanda kukwelelezya ba Juda, aboobo walemba njiisyo azintu zimwi izyakacitika munzila yakuti agwasye bantu aaba cakusaanguna. Musilisi wabikkila maano kapati kukulemba makani aakuponesyegwa kwabalwazi naa balema, aboobo wasiya makani amwi ngaalemba simutelo, naa waatobelanya munzila imbi. Ooyo mulongwe ngocimvwana limwi kapati amwiiyi walo wakankaizya kwaamba mbwalimvwa mwiiyi alimwi abube bwakwe. Makani ngaalemba mulombwana mafwaafwi, alimwi aligaminide kwiinda ngobalemba aaba bambi. Nokuba boobo, makani ngaalemba umwi aumwi wabo aliluzi. Cikozyanyo eeci citondezya ikuba amabbuku oonse one aamba zyabuumi bwa Jesu mbokutugwasya kumvwisya nzyaakacita, nzyaakayiisya alimwi abube bwakwe.\\nZimwi ziindi bantu balaakwaamba kuti ‘Makani Mabotu aa Matayo’ naa ‘Makani Mabotu aa Johane.’ Eeco cili buyo kabotu, nkaambo mabbuku aaya oonse ajisi “makani mabotu aamba zya Jesu Kristo.” (Marko 1:1) Nokuba boobo, ikaambo kapati nkakuti makani mabotu aajatikizya Jesu ngamwi buyo—ngaayo ngotukonzya kujana toonse mumabbuku one aaya.\\nBasikwiiya Jwi lya Leza banji bakeezyanisya akweendelanya twaambo alimwi azintu zyakacitika izilembedwe mubbuku lya Matayo, Marko, Luka a Johane. Cakuma 170 C.E., mulembi muna Syria uutegwa Tatian wakasoleka kucita boobu. Wakali kusyoma kuti mabbuku aaya one akaliluzi alimwi akasololelwa amuuya wa Leza, aboobo wakalemba bbuku litegwa Diatessaron, bbuku ilijisi makani aayendelana aabuumi alimwi amulimo wa Jesu.\\nBbuku eeli lyakuti Jesu—Nenzila, Ngokasimpe, Mbobuumi, lilikozyenye andilyo, pele eeli lijisi twaambo tuluzi kapati alimwi lilalomya kwaamba makani. Cili boobu nkaambo swebo tulaaluzyibo lunji kapati lino caboola kumakani aakumvwisya kuzuzikizyigwa kwabusinsimi bunji bwa Jesu alimwi ancozipandulula zikozyanyo zyakwe. Luzyibo oolu lutusalazyila makani ngaakaamba anzyaakacita, alimwi ambozyakatobelana kucitika zintu. Azyalo nzyobajana bantu bavwukkula akulanga-langa zintu zyakaindi zilaasalazya makani aamwi alimwi ambobakali kuzibona zintu basikulemba makani mabotu. Masimpe, taakwe uukonzya kucizwida nzunzu kwaamba kuti nzyaamba walo mbobwini mbozyakatobelana kucitika zintu zyoonse. Nokuba boobo, bbuku eeli lyakuti Jesu—Nenzila, Ngokasimpe, Mbobuumi, lyaamba twaambo tumvwika alimwi tutobeleka.\\nNomubala akunonenwa bbuku eeli lyakuti Jesu—Nenzila, Ngokasimpe, Mbobuumi, amubikkile maano kumakani mapati aamujatikizya nywebo alimwi abayandwa banu. Amuyeeye kuti Jesu Kristo lwakwe nguwakaambila mwaapostolo Tomasi kuti: “Ndime nzila, kasimpe alimwi abuumi. Kunyina uuboola kuli Taata ccita kuti wainda mulindime.”—Johane 14:6.\\nBbuku eeli lyakuti Jesu—Nenzila, Ngokasimpe, Mbobuumi lilamugwasya kumvwisya Jesu mbwali “nzila” ncobeni. Cilakonzyeka kumusikila Jehova Leza mumupailo kwiinda mulinguwe alikke. Kuyungizya waawo, Jesu nenzila yakutuyanzanya a Leza. (Johane 16:23; Baroma 5:8) Aboobo, Jesu nenzila ilikke iikonzya kutupa kuba acilongwe a Leza.\\nJesu ‘ngokasimpe.’ Wakali kwaamba akupona kweelana akasimpe; cakali mbuli kuti kasimpe kakalibonya mubuumi bwa Jesu. Wakazuzikizya businsimi bunji, oobo ibwakaba “‘inzya’ kwiinda mulinguwe.” (2 Bakorinto 1:20; Johane 1:14) Businsimi oobu butugwasya kubona mulimo mupati waalubazu ngwajisi mukuzuzikizyigwa kwamakanze aa Leza.—Ciyubunuzyo 19:10.\\nAlimwi Jesu Kristo ‘mbobuumi.’ Kwiinda mucinunuzyo, inzya kwiinda mukwaaba buumi bwakwe bulondokede alimwi abulowa, wakapa kuti swebo tukonzye kujana “buumi bwini-bwini,” nkokuti “buumi butamani.” (1 Timoteyo 6:12, 19; Baefeso 1:7; 1 Johane 1:7) Kuyungizya waawo, uyooba “buumi” kubantu banji kapati ibakafwa pele ibayoobusyigwa kabajisi bulangizi bwakupona mu Paradaiso mane kukabe kutamani.—Johane 5:28, 29.\\nSwebo toonse tweelede kumvwisya akulumba mulimo waalubazu ngwajisi Jesu mumakanze aa Leza. Tusyoma kuti mulakkomana kwiiya zinji kujatikizya Jesu—“nzila, kasimpe alimwi abuumi.”","num_words":724,"character_repetition_ratio":0.06,"word_repetition_ratio":0.0,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Timoteyo—Ncikozyanyo camu Bbaibbele Calusyomo\\nAMUBALE MU Afrikaans Albanian Amharic Arabic Armenian Aymara Bicol Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Chuvash Cibemba Cinyanja Croatian Czech Danish Dutch Efik English Estonian Ewe Fijian Finnish French Ga Georgian German Greek Greenlandic Guarani Haitian Creole Hausa Hebrew Hiligaynon Hungarian Icelandic Igbo Iloko Indonesian Isoko Italian Japanese Kazakh Kikamba Kikaonde Kikongo Kikuyu Kimbundu Kinyarwanda Kirghiz Kiribati Kirundi Kongo Korean Kwangali Kwanyama Lingala Lithuanian Luganda Lunda Luo Luvale Macedonian Malagasy Malay Mam Mambwe-Lungu Maya Myanmar Ndebele Ndonga Ngabere Norwegian Nyaneka Nzema Ossetian Otetela Papiamento (Aruba) Papiamento (Curaçao) Persian Polish Portuguese Quechua (Bolivia) Quechua (Cuzco) Rarotongan Romanian Russian Samoan Sango Sepedi Serbian (Cyrillic) Serbian (Roman) Sesotho (Lesotho) Setswana Seychelles Creole Shona Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tatar Thai Tigrinya Tiv Tok Pisin Totonac Tshiluba Tsonga Turkish Tuvaluan Twi Tzotzil Ukrainian Umbundu Venda Vietnamese Wayuunaiki Xhosa Yoruba Zapotec (Isthmus) Zulu\\nAMWIIYE LUSYOMO LWABO | TIMOTEYO\\nTIMOTEYO wakeenda kuzwa aŋanda musinzo uuli mboubede, kabikkilide maano kuzintu izyakali kuboola kumbele. Aabo mbaakali limwi mbabakali kumbele ciindi nobakali kwiinda mumyuunda Timoteyo njaakalizyi kabotu. Bakaselemuka kuzwa mumunzi wa Lustro walo wakayakidwe atala aamulundu iwakali mukkuti. Timoteyo wakamweta-mweta ciindi naakabona banyina abakaapanyina, balo ibakakkomene kumwi misozi kayiibaiba ciindi nobakali kumulangilila kaunka. Sena wakeelede kuceba akubabbaibbika ciindi camamanino?\\nCiindi aciindi mwaapostolo Paulo wakali kuceba kuli Timoteyo akumumwetela cakumuyumya-yumya. Wakalizyi kuti Timoteyo wakacili aansoni, pele wakalikkomene kubona busungu bwamukubusi ooyu. Timoteyo wakacili mwana-mwana, ambweni wakali amyaka yakuma 20, alimwi wakali kumulemeka akumuyanda kapati Paulo. Aciindi eeci, Timoteyo wakali kuccilila mwaalumi ooyu musungu alimwi uusyomeka mulweendo lwakali kulampa myaanda-myaanda yamakkilomita kuzwa kumunzi wabo. Bakali kweenda amaulu alimwi akubelesya bwato munyendo mobakayaanya ntenda zitalivwulili. Timoteyo tanaakalizyi kabotu naa wakali kuyoojokela alimwi kumunzi wabo.\\nNcinzi cakapa kuti mukubusi ooyu asale mulimo uuli boobu? Ino nzilongezyo nzi nzyaakali kukonzya kujana akaambo kakulyaaba ooku? Alimwi ino lusyomo lwa Timoteyo inga lwatugwasya buti?\\nAtujokele musyule myaka yobilo naa yotatwe, akweezyeezya naa ku Lustro nkokumunzi nkwaakakomenena ncobeni Timoteyo. Munzi ooyu wakali ulikke alimwi wakalijisi akkuti lyamaanzi. Kuboneka kuti bantu bakali kukonzya kumvwa mwaambo wa Chigiriki, pele bakali kubandika amwaambo wabo wa Chilukaoniya. Buzuba bumwi munzi ooyu iwakali muluumuno, wakaba mumanyongwe. Bamisyinali Banakristo bobilo, mwaapostolo Paulo amweenzinyina Barnaba ngwaakali kubeleka limwi, bakasika kuzwa ku Ikoniyo munzi mupati iwakali afwaafwi. Ciindi nobakali kukambauka kubuleya, Paulo wakabona mwaalumi wakalemene iwakatondezya kuti wakali alusyomo lwini-lwini. Aboobo Paulo wakacita maleele akumuponya mwaalumi ooyo!—Milimo 14:5-10.\\nKuboneka kuti bunji bwabantu baku Lustro bakali kusyoma twaano itwakali kwaamba baleza ibakali kulisandula kuba bantu akuboola mucisi cabo kaindi. Aboobo bantu bakatalika kuyeeya kuti Paulo ngu Herme alimwi akuti Barnaba ngu Zusi! Banakristo bobilo aaba ibalicesya cakabayumina kukasya bantu kuti batatuuli zipaizyo kulimbabo.—Milimo 14:11-18.\\nPele bantu bamwi basyoonto baku Lustro bakalizyi kuti bakaswaigwa abantu ncobeni ibakajisi mulumbe mubotu ikutali baleza bakuyeeyela buyo ibakali kwaambwa mutwaano. Mucikozyanyo, Yunisi mukaintu mu Juda iwakakwetwe kumwaalumi mu Giriki iwatakali kusyoma, * antoomwe abanyina, ba Loisi, bakabaswiilila ba Paulo a Barnaba caluyandisisyo alimwi cakukondwa. Aaya akali makani ba Juda boonse basyomeka ngobakali kulangila kumvwa aakuti—Mesiya wakaboola akuzuzikizya businsimi bunji bwakalembedwe mu Magwalo kujatikizya nguwe!\\nAmuyeeye buyo Timoteyo mbwaakajatikizyigwa akuswaya kwa Paulo. Timoteyo wakayiisyigwa “kuzwa kubuvwanda” kuyanda malembe aasalala aa Magwalo aa Chihebrayo. (2 Timoteyo 3:15) Mbubwenya mbuli banyina abakaapanyina, wakabona kuti ba Paulo a Barnaba bakali kwaamba masimpe kujatikizya Mesiya. Alimwi amuyeeye mwaalumi ngwaakaponya Paulo iwakalilemene. Kayi kuzwa kubwana, Timoteyo wakali kumubona mwaalumi uulya mumigwagwa yaku Lustro ziindi zinji. Lino Timoteyo wakali kukonzya kumubona mwaalumi ooyu keenda ciindi cakusaanguna! Nkakaambo kaako ba Yunisi aba Loisi bakaba Banakristo mbubwenya mbuli Timoteyo. Mazuba aano bamakaapa alimwi abazyali balakonzya kwiiya zinji kuli ba Loisi aba Yunisi. Sena mulakonzya kuba cikozyanyo cibotu kubakubusi?\\n“KWIINDA MUMAPENZI MANJI”\\nAabo ibakaba basikwiiya Banakristo mu Lustro kweelede kuti bakakkomana kapati kwiiya bulangizi mbobakajisi basikutobela Kristo. Pele bakaiya alimwi kuti bakali kuyooba mumapenzi akaambo kakuba basikwiiya. Ba Juda baku Ikoniyo alimwi aku Antiyokeya ibakali kukazya bakasika mudolopo, akuyunga bantu bamu Lustro kuti bacileke kutobela Paulo a Barnaba. Kalitanalampa, nkamu yabantu banyemede yakamuboolela Paulo, akumupwaya mabwe. Akaambo kakuti bakamupwaya cakwiinduluka-induluka, wakawa ansi. Bakamukwelela anze amunzi akumusiya kabayeeya kuti wafwa.—Milimo 14:19.\\nNokuba boobo, basikwiiya bamu Lustro bakaunka kuli Paulo akumuzinguluka. Eelo kaka bakakkomana ciindi naakapempenuka akwiimikila, mpoonya cabusicamba wakajokela mu Lustro! Buzuba bwakatobela, walo a Barnaba bakaunka ku Debe kutegwa bazumanane amulimo wabo wakukambauka. Nobakaba abasikwiiya bapya okuya, bakajokela alimwi ku Lustro nokuba kuti bakali kulangilwa kuba muntenda mpati. Ino ncinzi ncobakacita nobakasika ooko? Cibalo citwaambila kuti, “Bakayumya-yumya basikwiiya akubakulwaizya kuzumanana mulusyomo.” Amweezyeezye Timoteyo kaswiilila akulangilila ciindi ba Paulo a Barnaba nobakali kuyiisya Banakristo aabo kuti bulangizi bwabo butaliboteli bwakumbele bwakali aampindu kwiinda mapenzi ngobakajisi. Bakaamba kuti “Tweelede kwiinda mumapenzi manji kutegwa tukanjile mu Bwami bwa Leza.”—Milimo 14:20-22.\\nTimoteyo wakazibikkila maano nzyaakali kuyiisya mwaapostolo Paulo\\nTimoteyo wakamubona Paulo kapona kweelana amajwi aali atala aawa, cabusicamba wakaliyumya mumapenzi aaya kutegwa akambaukile bantu makani mabotu. Aboobo Timoteyo wakalizyi kuti, ikuti watobela cikozyanyo ca Paulo, bantu bamu Lustro bakali kuyoomukazya, akuti nobaba bausyi bakali kulangilwa kumukazya. Pele Timoteyo tanaakali kuyakulekela kukazyigwa kuli boobu kumulesya kuzuzikizya mbaakani yakwe yakubelekela Leza. Mazuba aano kuli bakubusi banji bali mbuli Timoteyo. Cabusongo, basala balongwe bajisi lusyomo luyumu, balo ibakonzya kubakulwaizya akubayumya-yumya. Alimwi tabalekeli kukazyigwa kuti kubalesye kubelekela Leza wakasimpe!\\n“WAKALI KULUMBAIZYIGWA ABAKWESU”\\nMbubwenya mbokwaambwa kale, lweendo lwa Paulo lwakaccilila lwakacitika myaka yobilo naa yotatwe yakatobela. Amuyeeye buyo mbobakakkomana banamukwasyi iba Timoteyo naakasika Paulo, aciindi eeci bakali a Sila. Eeci cakali ciindi cikkomanisya kapati akuli Paulo. Wakabona cakazwa kumbuto yakasimpe njaakasyanga mu Lustro. Kwakali ba Loisi aba Yunisi, mwanaabo, bamakaintu Banakristo basyomeka, ibakajisi lusyomo “lutali lwakuupaupa aameso” oolo Paulo ndwaakali kukkomanina. (2 Timoteyo 1:5) Ino mbuti kujatikizya Timoteyo?\\nPaulo wakabona kuti mukubusi ooyu wakaluunkide ambele kumuuya kuzwa ciindi nobakaswaide musyule. Timoteyo wakali “kulumbaizyigwa abakwesu,” kutali buyo mu Lustro pele amu Ikoniyo, ikulampa makkilomita aali 32 kunyika lwaajwe. (Milimo 16:2) Ino wakaba buti ampuwo iili boobo?\\n“Malembe aasalala” ngaakayiisyigwa Timoteyo “kuzwa kubuvwanda” abanyina alimwi abakaapanyina akali kubikkilizya alulayo lugwasya kubakubusi. (2 Timoteyo 3:15) Nceeci cikozyanyo comwe: “Koyeeya Mulengi wako Mupati mumazuba aabukubusi bwako.” (Mukambausi 12:1) Aaya majwi akamugwasya kapati Timoteyo naakaba Munakristo. Wakabona kuti nzila iinda kubota yakuyeeya Mulengi wakwe Mupati, yakali kubikkilizya akukambauka mulumbe mubotu uujatikizya Mwana wa Leza, Kristo. Asyoonto-syoonto nsoni zya Timoteyo zyakali kuyaabumana izyakali kumupa kutalikwaya kukambaukila bantu makani mabotu aajatikizya Jesu Kristo.\\nBaalumi ibakali kusololela mumbungano bakakubona kuyaambele kwa Timoteyo. Cakutadooneka bakakkomana kubona mukubusi ooyu mbwaakabayaka akubayumya-yumya boonse mbaakali limwi. Ciinda kubota ncakuti Jehova wakamubona Timoteyo. Leza wakasololela businsimi bumwi kuti bulembwe kujatikizya nguwe—ambweni ibwakaliswaangene amulimo ngwaakali kuyoobeleka mumbungano zinji. Ciindi Paulo naakaswaya, wakabona kuti Timoteyo ulakonzya kuba mugwasyi uuli kabotu munyendo zyabumisyinali. Bakwesu bamu Lustro bakazumina. Bakabikka maanza aabo amukubusi ooyu, citondezyo cakuti wasalwa kupegwa mukuli waalubazu wakubelekela Jehova Leza.—1 Timoteyo 1:18; 4:14.\\nTulakonzya kuyeeyela, kuti ambweni Timoteyo wakali kulitenga akulibilika akaambo kamukuli ngwaakapegwa. Nokuba boobo, wakalilibambilide kuunka. * Ino mbuti mbobakalimvwa bausyi Timoteyo ibatakali basyomi kujatikizya kusalwa kupya kwamwanaabo kuti abe mulangizi weendeenda Munakristo? Ambweni kuli zintu zimbi nzyobakali kuyanda kuti mwanaabo acite mubuumi. Ino mbuti kujatikizya banyina Timoteyo alimwi abakaapanyina? Sena bakali kutondezya kukkomana nokuba kuti bakali kulibilika kujatikizya mbozyakali kuyoomweendela zintu mukubusi ooyu? Eeco inga tacigambyi.\\nNcotuzyi ncakuti, Timoteyo wakaunka. Mbuli mbokwaambwa kale kumatalikilo aacibalo eeci, wakasala buumi bwakweenda amwaapostolo Paulo. Naakazwa mu Lustro, wakazisiya zyoonse zyakubusena ooko akuunka kubusena nkwaatakazyi. Nobakeenda buzuba boonse, baalumi aaba botatwe bakasika ku Ikoniyo. Timoteyo wakali kulangilila ba Paulo a Sila nobakali kwaambila basyominyina malailile mapya kuzwa kukabunga keendelezya mu Jerusalemu alimwi akuyumya lusyomo lwabasyominyina bana Ikoniyo. (Milimo 16:4, 5) Pele aayo akali buyo matalikilo.\\nNobakamana kuswaya mbungano zyamu Galatiya, bamisyinali aaba bakaisiya migwagwa mipati yaba Roma akweenda myaanda-myaanda yamakkilomita kukosola muzibanda zya Fuligiya, kabatozya kunyika kumane akunyona kuya kumbo. Kabatobela busolozi bwamuuya uusalala wa Leza lyoonse, bakeenda kuya ku Trowa, bakakkwela bwato akuzabukila ku Makedoniya. (Milimo 16:6-12) Aciindi eeco, Paulo wakamubona Timoteyo mbwaakali kuyandika. Paulo wakamusiya Timoteyo mu Bereya kali a Sila. (Milimo 17:14) Wakamutuma mukubusi ooyu alikke ku Tesalonika. Kali kokuya, Timoteyo wakatobela cikozyanyo ncaakaiya kuli Paulo, alimwi wakabayumya-yumya Banakristo basyomeka okuya.—1 Batesalonika 3:1-3\\nKumbele, Paulo wakalemba boobu kujatikizya Timoteyo: “Nkaambo taakwe uumbi ngondikonzya kutuma uujisi moyo uuli mbuli wakwe uuyoozilanganya bweelede zintu zijatikizya ndinywe.” (Bafilipi 2:20) Bube oobu tiibwakaliboolela bulikke pe. Timoteyo wakaba abube oobu kwiinda mukubeleka canguzu, kubeleka cabubombe, akuliyumya cakusyomeka mumapenzi. Eelo kaka eeci ncikozyanyo cibotu kubakubusi bamazuba aano! Mutalubi kuti mulakonzya kulipangila mpuwo yanu nobeni. Kuti kamuli bakubusi, mulaacoolwe cipati cakuba azina libotu kwiinda mukubikka Jehova mubusena bwakusaanguna mubuumi bwanu akulanganya bamwi calubomba alimwi acabulemu.\\n“SOLEKA KUSIKILA MPOGOLELA KUBOOLA KOKUNO NKONDIBEDE”\\nKacili mwana, Timoteyo wakalyaaba kubeleka mumulimo wa Bunakristo\\nKwamyaka iibalilwa ku 14, Timoteyo wakabeleka amwaapostolo Paulo, imulongwe wakwe. Wakayaanya mapenzi manji alukkomano mumulimo ngwaakali kucita Paulo. (2 Bakorinto 11:24-27) Cimwi ciindi, Timoteyo wakaangwa akaambo kalusyomo lwakwe. (Bahebrayo 13:23) Mbubwenya mbuli Paulo, awalo wakatondezya luyando luzwa ansi aamoyo alimwi akubabikkila maano bakwesu abacizyi. Aboobo Paulo wakamulembela kuti: ‘Ndilaiyeeya misozi yako.’ (2 Timoteyo 1:4) Mbubwenya mbuli Paulo, kulibonya kuti Timoteyo wakaiya ‘kulila abaabo balila,’ ikubeetelela kutegwa abakulwaizye kabotu alimwi akubaumbulizya. (Baroma 12:15) Aboobo toonse tweelede kwiiya cikozyanyo eeci!\\nTacigambyi kuti mukuya kwaciindi, Timoteyo wakaba mulangizi Munakristo uulibedelede. Paulo wakamupa mukuli, ikutali buyo wakuswaya mbungano kutegwa abayumye-yumye akubakulwaizya, pele alimwi akusala baalumi beelela kuti babeleke mumbungano kabali baalu alimwi abakutausi.—1 Timoteyo 5:22.\\nPaulo wakali kumuyanda kapati Timoteyo, wakali kumupa lulayo lugwasya mbuli mwanaakwe. Wakamukulwaizya Timoteyo kubikkila maano kuzipego zyakwe zyakumuuya alimwi akuzumanana kuyaambele kumuuya. (1 Timoteyo 4:15, 16) Wakamuyumya-yumya Timoteyo kuti atalekeli bukubusi bwakwe alimwi ansoni kumulesya kubweza ntaamu kwiiminina ciluzi ciindi nokwayandika. (1 Timoteyo 1:3; 4:6, 7, 11, 12) Mane Paulo wakamwaambila mbwaakali kukonzya kucita kupenzi lyakwe lyakuciswa-ciswa, ambweni kuciswa-ciswa mwida.—1 Timoteyo 5:23.\\nCakasika ciindi Paulo naakazyiba kuti mamanino aabuumi bwakwe akali afwaafwi; kulibonya kuti lwakali lufwu lwakujaigwa buya. Wakatumina Timoteyo lugwalo lwamamanino lwakasololelwa amuuya. Lwakali kubikkilizya amajwi aasika amoyo aakuti: “Soleka kusikila mpogolela kuboola kokuno nkondibede lino-lino.” (2 Timoteyo 4:9) Paulo wakali kumuyanda kapati Timoteyo; wakali kumwiita kuti “mwanaangu uuyandwa alimwi uusyomeka mu Mwami.” (1 Bakorinto 4:17) Nkakaambo kaako ncaakali kumuyandila mweenzinyina kuti kali afwaafwi anguwe mbobwakali kuyaabuswena buzuba bwalufwu lwakwe. Tulakonzya kulibuzya kuti, ‘Ikuti bantu bajana mapenzi, sena balaboola kulindime kutegwa bajane luumbulizyo?’\\nSena Timoteyo wakacikonzya kusika kuli Paulo kakucili ciindi? Tatuzyi pe. Ncotuzyi ncakuti, lyoonse wakali kusolekesya kumukulwaizya akumuumbulizya Paulo alimwi abantu bamwi banji. Wakali kupona kweelana ancolyaamba zina lyakuti Timoteyo, “Ooyo Uulemeka Leza.” Alimwi wakatusiila cikozyanyo cibotu kapati cakusyomeka kuti twiiye, toonse buyo bana alimwi abapati.\\n^ par. 9 Amubone cibalo cakuti “Sena Mulizyi” mumagazini eeyi.\\n^ par. 20 Timoteyo wakazumina kupalulwa naakalombwa a Paulo—ikutali kuti ncintu cakali kuyandika ku Banakristo, pele akaambo kakuti Paulo tanaakayanda kuti cibe cilitamizyo kuba Juda mbobakali kuyanda kukambaukila makani mabotu nkaambo bakalizyi kuti bausyi tiibakali ba Juda.—Milimo 16:3.","num_words":1678,"character_repetition_ratio":0.054,"word_repetition_ratio":0.0,"special_characters_ratio":0.157,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bakalyaaba Amoyo Woonse—Bacizyi Batakwetwe\\nAMUBALE MU Afrikaans Albanian Amharic Arabic Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Bengali Bicol Boulou Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chuvash Cibemba Cinyanja Croatian Czech Dangme Danish Digor Douala Dutch Efik English Estonian Ewe Fijian Finnish Fon French Ga Georgian German Greek Guarani Gujarati Gun Haitian Creole Hausa Hebrew Hiligaynon Hindi Hiri Motu Hungarian Ibanag Icelandic Igbo Iloko Indian Sign Language Indonesian Isoko Italian Japanese Jula Kabiye Kannada Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Malayalam Mambwe-Lungu Marathi Maya Mbunda Mingrelian Mongolian Moore Motu Myanmar Ndebele Ndebele (Zimbabwe) Ndonga Nepali Nigerian Pidgin Norwegian Nzema Okpe Oromo Ossetian Otetela Pangasinan Papiamento (Curaçao) Persian Polish Portuguese Punjabi Quechua (Bolivia) Romanian Russian Samoan Sango Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovenian Solomon Islands Pidgin South African Sign Language Spanish Sranantongo Swahili Swahili (Congo) Swati Swedish Tagalog Tajiki Tamil Tatar Telugu Tetun Dili Thai Tigrinya Tiv Tok Pisin Tongan Tshiluba Tsonga Turkish Turkmen Tuvaluan Twi Tzotzil Ukrainian Urhobo Uzbek Venda Vietnamese Waray-Waray Welsh Wolaita Xhosa Yoruba Zande Zapotec (Isthmus) Zulu\\nAKATI ka Bakamboni basungu babelekela kumasena kubulide bakambausi ba Bwami, banji mbaamacizyi batakwetwe. Bamwi bali kubelekela kumasi aambi kwamyaka minji. Ino ncinzi cakabagwasya kumatalikilo kutegwa bakaakubelekele kucisi cimbi? Ino zintu nzi nzyobaiya akaambo kakubelekela kumasi aambi? Ino buumi bwabo bwacinca buti? Twakabuzya-buzya bunji bwabamacizyi aaba ibabeleka kwamyaka minji. Ikuti kamuli mucizyi uutakwetwe uujisi luyandisisyo lwakutola lubazu mumulimo ooyu uukkomanisya kapati, tulisinizyide kuti mulagwasyigwa atwaambo ntobakaamba. Masimpe, bantu ba Leza boonse balakonzya kugwasyigwa kwiinda mukulanga-langa zikozyanyo zyabo zibotu.\\nKUZUNDA PENZI LYAKUDOONEKA\\nSena inga mulalibuzya kuti naa inga mwazwidilila kuyoobelekela kucisi cimbi kamuli mupainiya uutakwetwe? Ba Anita ibajisi myaka iili kuma 70, bakali kudooneka ikuti naa inga bacikonzya. Bakakomenena ku England, kwalo nkobakatalikila bupainiya kabajisi myaka iili 18. Bakaamba kuti: “Ndakali kuyanda kuyiisya bantu kujatikizya Jehova, pele tiindakali kuyeeyela ikuti naa ndilakonzya kubelekela kucisi cimbi. Tiindakaiya mwaambo wakunze aacisi uuli woonse alimwi ndakalisinizyide kuti tandikonzyi kuzyiba mwaambo uuli woonse wakunze aacisi. Aboobo ciindi nondakatambwa ku Cikolo ca Gileadi, ndakagambwa kapati. Ndakagambwa kubona kuti muntu uunyina ambwabede uuli mbuli ndime inga watambwa kuti ajanike kucikolo eeci. Pele ndakayeeya mumoyo kuti, ‘Ikuti naa Jehova uyeeya kuti inga ndacikonzya, nkokuti ndiyoosola.’ Lino kwainda myaka iinda ku 50 nocakacitika eeco. Kuzwa ciindi eeco, ndilabeleka kandili misyinali ku Japan.” Lino ba Anita balikkomene kukulwaizya bamacizyi ibacili bana-bana kuti baiye cikozyanyo cabo akubelekela kucisi cimbi. Ba Anita balikkomene kuti banji bakacita oobo.\\nBunji bwabamacizyi bakabelekela kale kumasi aambi, kumatalikilo bakali kuwaya-waya kuunka kuyoobelekela kumasi aambi. Ino bakaba buti abusicamba ibwakali kuyandika?\\nBa Maureen ibajisi myaka iili kuma 65, bakaamba kuti: “Nondakali kukomena ndakali kuyanda kupona buumi bulaampindu, ibwakugwasya bantu.” Nobakakwanya myaka iili 20, bakalongela ku Quebec, Canada, kwalo ikwakali kuyandika bapainiya banji. “Mukuya kwaciindi, ndakatambwa ku Cikolo ca Gileadi, pele ndakayoowa kuunka kubusena nkondatakazyi kakunyina balongwe bangu.” Bakayungizya kuti: “Tiindakali kuyanda kusiya bamaama ibakali kulanganya bataata bacisidwe. Ziindi zinji masiku ndakali kumulilila Jehova mumupailo kujatikizya makani aaya. Ciindi nondakabandika abazyali bangu kujatikizya zintu zyakali kundilibilisya, bakandikulwaizya kuti ndeelede kuunka kucikolo. Alimwi ndakabona lugwasyo basimbungano ndobakabapa bazyali bangu. Kubona Jehova mbwaakabagwasya bazyali bangu, kwakandipa kusyoma kuti andime uyakundilanganya. Aciindi eeco, ndakalilibambilide kuunka!” Kutalikila mu 1979, ba Maureen bakabeleka kwamyaka iinda ku 30 kabali bamisyinali ku West Africa. Mazuba aano, kumwi kabalanganya banyina ku Canada, ba Maureen bacibeleka kabali bapainiya baalubazu. Bayeeya myaka njobakabelekela kucisi cimbi, bakaamba kuti: “Jehova lyoonse wakali kundipa zintu nzyondakali kuyandika alimwi aciindi ncondakali kuziyanda.”\\nBa Wendy, lino ibajisi myaka iili kuma 65, bakatalika bupainiya kabacili bakubusi ku Australia. Bakaamba kuti: “Ndakali kuyoowa kapati alimwi cakali kundikatazya kwaambaula abantu mbonditazyi. Pele bupainiya bwakandiyiisya kubandika abantu bamisyobo yoonse, aboobo ndakacileka kuyoowa. Mukuya kwaciindi, ndakabona kuti kuyoowa tiicakali cintu cakali kundikatazya. Bupainiya bwakali kundiyiisya kusyoma Jehova, mpoonya ndakatalika kulimvwa kuti inga ndacikonzya kubelekela kucisi cimbi. Alimwi, mucizyi umwi uutakwetwe walo wakabeleka kali misyinali ku Japan kwamyaka iinda ku 30, wakanditamba kuti tukakambauke antoomwe kwamyezi yotatwe ku Japan. Kubeleka anguwe kwakapa kuti luyandisisyo ndondakajisi lwakubelekela kucisi cimbi, lukomene.” Kuma 1985, ba Wendy bakalongela ku Vanuatu, nsumbu iili kucisi ca Australia nkocili kujwe kwalo kulampa makilomita aali 1,770.\\nBa Wendy bacili ku Vanuatu, lino babelekela kuofesi yabasanduluzi. Bakaamba kuti: “Ndilakkomana kapati kubona tubunga alimwi ambungano kazipangwa mumasena aali kulamfwu. Kutola lubazu mumulimo wa Jehova munsumbu eezyi ncoolwe cilibedelede.”\\nBa Kumiko (akati)\\nBa Kumiko, ibajisi myaka iili kuma 65, bakali kubeleka kabali bapainiya baciindi coonse ku Japan ciindi mucizyi ngobakali kubeleka limwi naakapa muzeezo wakuti baunke kuyoobelekela ku Nepal. Ba Kumiko bakaamba kuti: “Wakali kundaambila lyoonse kuti tuunke, pele mebo ndakali kukaka, ndakali kuyoowa kwiiya mwaambo mupya alimwi akukkala kubusena bupya. Kwakali apenzi limbi lyakujana mali aakali kuyandika kutegwa tulongele kucisi cimbi. Ciindi nondakali kuyeeya cakucita, ndakajanika muntenda ya honda aboobo ndakalijana mucibbadela. Kandili mucibbadela ndakayeeya kuti: ‘Ino nguni uuzyi cikonzya kundicitikila alimwi? Ndilakonzya kuciswa kapati aboobo inga ndacibula coolwe cakucita bupainiya kumasi aambi. Sena inga tiindacikonzya kubelekela kucisi cimbi kwamwaka omwe buyo?’ Lyoonse ndakali kupaila kuli Jehova kuti andigwasye kubweza ntaamu.” Nobakazwa mucibbadela, ba Kumiko bakaakuswaya ku Nepal, mpoonya mukuya kwaciindi balo amucizyi ngobakali kubeleka limwi bakalongela nkuko.\\nBalanga myaka iitandila ku 10 njobabeleka ku Nepal, ba Kumiko bakaamba kuti: “Mapenzi ngondakali kulibilika oonse akamana. Ndilikkomene akaambo kakuti ndakasala kubelekela kubusena kubulide. Kanji-kanji, ciindi nondibandika mulumbe wamu Bbaibbele amukwasyi umwi, bantu bamwi ibakkala munsi-munsi inga balaboola kuzooswiilila. Nobaba bana baniini inga balandilomba kuti ndibape katulakiti kaamba kujatikizya zyamu Bbaibbele. Cilakkomanisya kapati kukambaukila mucilawo muli bantu bajisi luyandisisyo.”\\nTacigambyi kuti bamacizyi aaba batakwetwe mbotwakabuzya-buzya bakayaanya buyumuyumu. Ino bakabuzunda buti?\\nBa Diane ibazwa ku Canada bakaamba kuti: “Kumatalikilo cakali kundiyuminina kapati kukkala kulamfwu abamukwasyi wangu.” Lino bajisi myaka iili kuma 60, bakabeleka kabali bamisyinali kucisi ca Ivory Coast (lino ciitwa kuti Côte d’Ivoire) kwamyaka iili 20. “Ndakalomba Jehova kutegwa andigwasye kuti kandibayanda bantu ibali mucilawo cangu. Mukwesu Jack Redford umwi wabamayi bangu kucikolo ca Gileadi, wakatupandulwida kuti kumatalikilo inga mwanyongana, naa kugambwa, akaambo kabukkale kubusena nkomutiitumwe, kwaambisya ikuti naa mwajana bantu bapengede kapati. Pele bakaamba kuti: ‘Mutalangi kupenga kwabo. Amubalange bantu kubusyu bwabo. Amubone mbobacita ciindi bamvwa kasimpe kamu Bbaibbele.’ Oobu mbombubo mbondakacita, alimwi ndakalongezyegwa kapati! Ciindi nondibandika abantu kujatikizya mulumbe wa Bwami uumbulizya, inga ndilababona kabakkomana!” Ino ncinzi acimbi cakabagwasya ba Diane kuyakubelekela kucisi cimbi? “Ndakatalika kumvwana kapati abantu mbondakali kwiiya limwi Bbaibbele alimwi ndakakkomana kapati kubabona kababa babelesi ba Jehova basyomeka. Kucisi nkondakali kubelekela kwakaba mbuli kuti nkokucisi nkondizwa. Mbubonya mbuli Jesu mbwaakasyomezya, ndakajana mukwasyi wakumuuya.”—Mk. 10:29, 30.\\nBa Anne, ibajisi myaka iili kuma 45, ibabelekela ku Asia kubusena mulimo wesu nkoukasyidwe. Bakaamba kuti: “Mumyaka njondabeleka mumasena aaindene-indene kucisi cimbi, ndakali kukkala abacizyi bakaindene kapati ambondakakomezyegwa alimwi ibakajisi bube bwiindene abube bwangu. Zimwi ziindi, eeco cakali kupa kuti kube kutamvwana kabotu. Ikuti eeco cacitika, ndakali kusola kuba antoomwe abantu mbotwakali kukkala limwi kutegwa ndizizyibe kabotu zilengwa zyabo. Alimwi ndakabeleka canguzu kutegwa kandinyoneka alimwi akuti kandibayanda kapati. Ndilikkomene kuti kusolekesya kwangu kwakapa kuti ndibe azilongwe zini-zini zyalo zyakandigwasya kuliyumya mumulimo wangu.”\\nMu 1993, ba Ute bajisi myaka iili kuma 50 bazwa ku Germany, bakatumwa kuyakubelekela ku Madagascar kabali bamisyinali. Bakaamba kuti: “Kumatalikilo, cakandikatazya kwiiya mwaambo wakubusena ooku, kuzyibila kukkala kubusena bupya, alimwi akuliyumya kubulwazi bwa malaria, tuzunda tutegwa amoebas, alimwi ama parasitic worms. Pele bakandigwasya kapati. Bacizyi bakubusena oobo, bana babo, alimwi abantu mbotwakali kwiiya limwi Bbaibbele bakandigwasya kutegwa nduuzyibe mwaambo. Mucizyi ngotwakali kubeleka limwi mulimo wabumisyinali wakali kundilanganya caluyando ikuti naa ndaciswa. Pele kwiinda boonse Jehova wakandigwasya. Ndakali kupaila lyoonse kulinguwe akumwaambila zintu zyondakali kulibilika. Mpoonya ndakali kulindila cakukkazyika moyo—zimwi ziindi kwamazuba aali mbwaabede, zimwi ziindi kwamyezi iili mbwiibede—kutegwa mipailo yangu yiingulwe. Jehova wakaalanganya oonse mapenzi aangu.” Ba Ute lino babeleka ku Madagascar kwamyaka iili 23.\\nMbubwenya mbuli bamwi ibabelekela kumasena aabulide, bamacizyi batakwetwe ibakaunka kuyookkala kumasi aambi kanji-kanji inga baamba kuti kubelekela kucisi cimbi kwakapa kuti balongezyegwe kapati. Ino nzilongezyo nzi zimwi nzyobakatambula?\\nBa Heidi, bazwa ku Germany, lino ibajisi myaka iili kuma 70, balikubeleka kabali bamisyinali mucisi ca Ivory Coast (lino ciitwa kuti Côte d’Ivoire) kuzwa mu 1968. Bakaamba kuti: “Lukkomano lupati ndondajana, nkubona bana bangu bakumuuya ‘kabazumanana kweenda mukasimpe.’ Bantu bamwi mbondakali kuyiisya Bbaibbele lino balabeleka kabali bapainiya alimwi bamwi mbaalu mumbungano. Banabunji bandiita kuti Bamaama naa Bakaapa. Umwi wabaalu aaba alimwi abakaintu bakwe abana bandibona kuti ndili umwi wamukwasyi wabo. Aboobo Jehova wandipa mwana musankwa, mukamwana, alimwi abazyukulu botatwe.”—3Joh. 4.\\nBa Karen (akati)\\nBa Karen bazwa ku Canada, lino ibajisi myaka iili kuma 70, bakabelekela ku West Africa kwamyaka iinda ku 20. Bakaamba kuti: “Buumi bwabumisyinali bwakandiyiisya kuba muntu uulyaaba kapati, siluyando, alimwi uukkazyika moyo. Alimwi, kubeleka ababelesima ibazwa mumasi aaindene-indene kwakandipa kuzyiba zintu zinji. Ndakayiiya kuti kuli nzila zinji zyakujika alimwi azyakusalazya. Eelo kaka ncilongezyo kuba abalongwe mbondiyanda kapati nyika yoonse! Nokuba kuti buumi alimwi amilimo zyakacinca, zilongwe zyesu zicizumanana.”\\nBa Margaret baku England, ibajisi myaka iitandila kuma 80, bakabeleka mulimo wabumisyinali ku Laos. Bakaamba kuti: “Kubelekela kucisi cimbi kwakandigwasya kulibonena Jehova mbwakwela bantu bamisyobo yoonse ibazwa mubukkale bwiindene-indene kuboola kumbunga yakwe. Zintu eezyi zyakayumya lusyomo lwangu. Zindipa kusinizya cakumaninina kuti Jehova ulaisololela mbunga yakwe alimwi akuti makanze aakwe ayoozuzikizyigwa.”\\nMasimpe, bamacizyi batakwetwe ibabelekela kuzisi zimbi babamba zina lilibedelede kumulimo wa Bunakristo. Bayandika kulumbaizyigwa kapati. (Bab. 11:40) Ciinda kubota ncakuti, bayaabuvwula. (Int. 68:11) Sena mulakonzya kucinca bukkale bwanu akutobele mikondo yabacizyi aaba basungu bakabuzyigwa-buzyigwa mucibalo eeci? Ikuti naa inga mwacikonzya, cakutadooneka ‘muyoolabila akubona kuti Jehova mubotu.’—Int. 34:8.\\nMbomukonzya Kulibambila Kuyoobelekela Kucisi Cimbi\\n“Amukaswaye kucisi kubulide bakambausi ba Bwami kutegwa mukabone buumi mbobubede ookuya. Ikuti kamutakonzyi kucita boobo lino, nkokuti amutalike kuyanzana abasikumwaya ibali mucisi canu ibazwa mumasi aambi. Amwiiye mwaambo wabo, alimwi azilengwa zyabo. Kwiinda zyoonse, amusyome Jehova. Kuli zintu zinji nzyondakali kuyeeya kuti tandikonzyi kuzicita, pele kwiinda mukugwasyigwa a Jehova ndakacikonzya kuzicita.”—Ba Karen\\nBa Margaret, kuma 1968\\n“Amubandike abamisyinali alimwi abapainiya bacibwene. Amubone mali aayandika. Amupaile kuli Leza kuti amusololele. Alimwi mutalubi kuti nzila zyoonse zyakukambauka nzyomuzyi zilabeleka nyika yoonse. Mulakonzya kuba masimpe kuti kubelekela kucisi cimbi inga kwapa kuti mupone buumi bukkomanisya.”—Ba Margaret\\nBakalyaaba Amoyo Woonse—ku Myanmar\\nBakalyaaba Amoyo Woonse​—Ku Madagascar\\nBakalyaaba Amoyo Woonse​—Ku Turkey","num_words":1625,"character_repetition_ratio":0.064,"word_repetition_ratio":0.0,"special_characters_ratio":0.157,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Paulo mbwaakakambauka mu Korinto (1-5)\\nBusongo bwa Leza mbobusumpukide (6-10)\\nMuntu uusololelwa amuuya mbwaindene amuntu uusololelwa azisusi zyanyama (11-16)\\n2 Aboobo nindakasika kulindinywe bakwesu, tiindakasika amajwi aatondezya kulisumpula+ naa aabusongo nindakali kwaambilizya maseseke+ aa Leza kulindinywe. 2 Nkaambo nindakali aandinywe tiindakayanda kubikkila maano kumakani aali oonse ccita buyo aamba Jesu Kristo, ooyo wakajaigwa aacisamu.+ 3 Alimwi nindakasika kulindinywe, ndakanyina nguzu, ndakaliyoowede alimwi ndakali kukankama kapati; 4 alimwi nzyondakali kwaamba akukambauka tanaakali majwi aabusongo aakusola kukwela bantu, pele zyakali citondezyo camuuya anguzu zya Leza,+ 5 kutegwa lusyomo lwanu lutayaami abusongo bwabantu pe, pele luyaame anguzu zya Leza. 6 Lino twaambaula busongo akati kabaabo basimide,+ pele ikutali busongo bwamubweende bwazintu obuno* naa oobo bwabaleli bamubweende bwazintu obuno, aabo ibayooloba.+ 7 Pele twaambaula busongo bwa Leza buli mumaseseke aakwe,+ ibusongo busisidwe oobo Leza mbwaakabambila limwi kakutanaba bweende bwazintu buli boonse kutegwa tube abulemu. 8 Kunyina naba omwe akati kabaleli bamubweende bwazintu obuno* iwakabuzyiba busongo oobu,+ nkaambo nobakalibuzyi nobatakamujaya* Mwami uulemekwa. 9 Pele kuli mbubonya mbokulembedwe kuti: “Liso tiilyazibona akutwi tiikwazimvwa, alimwi kunyina muntu wakaziyeeya zintu eezyo Leza nzyabambilide baabo bamuyanda.”+ 10 Nkaambo Leza waziyubunwida ndiswe zintu eezyi+ kwiinda mumuuya wakwe,+ nkaambo muuya ulalingaula zintu zyoonse, noziba zintu zisisidwe zya Leza.+ 11 Nguni akati kabantu uuzyi mizeezo yamuntu kunze lyamuuya wamuntu uuli mulinguwe? Mbubonya buyo, kunyina uuzyi mizeezo ya Leza, ccita buyo muuya wa Leza. 12 Lino tiitwakatambula muuya wanyika, pele twakatambula muuya uuzwa kuli Leza,+ kutegwa tuzizyibe zintu Leza nzyaakatupa amaanza obilo. 13 Zintu eezyi azyalo tulazikanana ikutali amajwi aakayiisyigwa abusongo bwabantu,+ pele amajwi ngotuyiisyigwa amuuya,+ eelyo notupandulula makani aakumuuya kwiinda mukubelesya majwi aakumuuya. 14 Pele muntu uusololelwa azisusi zyanyama tatambuli zintu zyamuuya wa Leza, nkaambo nzyabufwubafwuba kulinguwe; alimwi takonzyi kuzizyiba, nkaambo zilingaulwa munzila yakumuuya. 15 Pele muntu uusololelwa amuuya ulazilingaula zintu zyoonse,+ pele walo kunyina muntu uumulingaula pe. 16 Nkaambo “ino nguni uuzyi mizeezo ya Jehova* kutegwa amulailile?”+ Pele swebo tulijisi mizeezo ya Kristo.+\\n^ Naa “bwamuciindi ecino.” Amubone Bupanduluzi Bwamabala.\\n^ Naa “bamuciindi ecino.” Amubone Bupanduluzi Bwamabala.\\n^ Naa “nobatakamujaya aacisamu.”","num_words":309,"character_repetition_ratio":0.063,"word_repetition_ratio":0.0,"special_characters_ratio":0.174,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kuzanga Kunyika Yamyuuya, Alimwi Yaambwa Kuti Julu\\nMyuuya Yabafwide​—Sena Inga Yamugwasya Naba Kumucisa? Sena Ncobeni Kwiili?\\nAMUBALE MU Abbey Afrikaans American Sign Language Amharic Argentinean Sign Language Armenian Attié Baoule Bété Cebuano Chichewa Chitonga Chitonga (Malawi) Chopi Chuabo Cibemba Costa Rican Sign Language Croatian Drehu Dutch Ecuadorian Sign Language Efik English Estonian Fijian Finnish French Ga German Gitonga Greek Greenlandic Guatemalan Sign Language Hiligaynon Hmong (White) Hungarian Icelandic Iloko Indonesian Isoko Italian Japanese Japanese Sign Language Kikaonde Kiluba Kinyarwanda Korean Kurdish Kurmanji (Caucasus) Kwangali Kwanyama Laotian Lingala Luganda Lunda Luo Luvale Macedonian Mahorian (Roman) Malagasy Malay Mapudungun Maya Mexican Sign Language Miskito Navajo Ndebele (Zimbabwe) Niuean Norwegian Nzema Oromo Panamanian Sign Language Persian Polish Portuguese Quechua (Bolivia) Rarotongan Russian Russian Sign Language Saramaccan Senoufo (Cebaara) Serbian (Cyrillic) Serbian (Roman) Setswana Shona Sidama Spanish Swahili Swedish Tagalog Tahitian Tajiki Tetun Dili Thai Tigrinya Tiv Tongan Tsonga Tuvaluan Twi Urhobo Uruund Uzbek Venda Wayuunaiki Wolaita Xhosa Yacouba Yoruba Zulu\\nKuzanga Kunyika Yamyuuya\\nCiindi Saatani naakabelesya nzoka kwaambaula a Eva, wakasangana mukuzangila Leza\\nBantu boonse bamuuya mbaakalenga Jehova bakali babotu. Kumane omwe wabaangelo wakaba mubi. Ngu-Saatani Diabolosi. Saatani wakali kuyanda bantu anyika kumukomba muciindi ca-Jehova. Nceeci cakacitika:\\nMumuunda wa-Edeni, kwakali masamu manji akali kuzyala micelo mibotu. Jehova wakaambila Adamu amukaintu wakwe, Eva, kuti bakali kukonzya kulya kuzwa kulinjiyo. Pele kwakali cisamu cimwi Leza ncakaamba kuti tibakeelede kulya kuzwa kulincico. Wakaamba kuti ikuti na balya kuzwa kulincico, bayoofwa.—Matalikilo 2:9, 16, 17.\\nBumwi buzuba Eva wakali alike ciindi nzoka niyaakanana kulinguwe. Ncobeni, tiyakali nzoka ini yakakanana; wakali Saatani Diabolosi wakapa kuti cilangike mbuli kuti inzoka yakali kukanana. Saatani wakaambila Eva kuti ikuti na walya kuzwa kumucelo wakakasigwa, inga waba musongo mbuli Leza. Alimwi wakaamba kuti inga tafwi. Twaambo toonse otu twakali twakubeja. Nekubaboobo, Eva wakasyoma Saatani akulya mucelo. Amane, wakapa umwi kuli Adamu, elyo awalo wakalya.—Matalikilo 3:1-6.\\nKuzwa kumakani aya aamasimpe, twiiya kuti Saatani muzangi alimwi ngusikubeja. Wakaambila Eva kuti ikuti na wabisizya Leza, inga takonzyi kufwa. Oko kwakali kubeja. Wakafwa mane awalo Adamu. Saatani takwe naakafwa ndimunya, nokuba kuti awalo uyoocita nkaambo wakabisya. Kwalino, nekubaboobo, ucipona elyo ucitolelela kweena bantu. Ucili sikubeja, elyo alimwi usola kucita bantu kutyola milao ya-Leza.—Johane 8:44.\\nBaangelo Bamwi Bazanga\\nKumbele, baangelo bamwi bakaba babi. Baangelo aba bakabona basimbi babotu anyika akuyanda koona ambabo. Elyo bakaboola anyika akusama mibili yabusankwa. Bamane bakalibwezela basimbi. Oku kwakali kwiimpana aluyando lwa-Leza.—Matalikilo 6:1, 2; Juda 6.\\nBangelo babi bakaboola anyika kucita buvwuule abasimbi\\nAlimwi eci cakaleta mapenzi kubantu. Bakaintu babaaba baangelo bakazyala bana, pele tiibakali bana beenzene. Bakakomena kuba babbabbani basiluuni alimwi bakali. Mpawo nyika yakazula luuni cakuti Jehova wakayeeya kunyonyoona bantu babi azambangulwe mpati. Bantu balike bakafutuka Zambangulwe bakali Nowa mululami amukwasyi wakwe.—Matalikilo 6:4, 11; 7:23.\\nNekubaboobo, baangelo babi bakajokela kunyika yamyuuya; tiibakafwa. Pele bakasubulwa. Tiibakazumizigwa limbi mumukwasyi wa-Leza wabaangelo baluleme. Alimwi, Jehova tanaakabazumizya limbi kusama mibili yabuntu. Mbube bayoofwa akubetekwa kupati.—2 Petro 2:4; Juda 6.\\nSaatani Watandwa Kuzwa Kujulu\\nSaatani abaangelo bakwe babi bakatandwa kujulu\\nKumatalikilo amwaanda wesu, kwakali nkondo mujulu. Ibbuku lya-Bbaibbele lya-Ciyubunuzyo lipandulula cakacitika: “Lino kwakali inkondo mujulu. Mikayeli [Jesu Kristo sikubusigwa] abaangelo bakwe [babotu] bakalwanisya Simwaaba [Saatani], alakwe Simwaaba wakalwa, abaangelo bakwe [babi], pele teebakazunda pe, nkabela busena bwabo bwamujulu teebwakajanwa limbi. Lino Simwaaba mupati wakawisigwa ansi, nguwenya muzoka waciindi, uutegwa Diabolosi a-Saatani, nguuena bantu boonse baansi. Wakawisigwa ansi, abalo baangelo bakwe [babi] bakawisigwa awe.”\\nIno ncinzi cakazwa mpawo? Makani alatolelela kuti: “Nkaambo kaako amusekelele nomajulu, anywebo nomukala mulingao.” Baangelo babotu beelede kukomana nkaambo Saatani abaangelo babi, na myuuya, tiibakacili mujulu. Pele ino mbuti zyabantu anyika? Ibbaibbele lyaamba kuti: “Pele nywebo nonsi alwizi, muli mumapenzi, ikuti Diabolosi wamuselukila abukali bupati, nkaambo ulizi kuti ciindi ncacijisi nciniini buyo.”—Ciyubunuzyo 12:7-9, 12.\\nInzya, Saatani abalongwe bakwe babi baleena akuleta mapenzi kubantu anyika. Aba baangelo babi baitwa kuti madaimona. Mbalwani ba-Leza. Boonse mbabi.\\nIno bubi bwakatalika buti, alimwi nkaambo nzi Leza ncabuzumizya kuti buzumanane? Sena kupenga kuli nokuyoomana?\\nMyuuya Tiinaponede Akufwa Anyika\\nMamiliyoni Azilenge Zyamuuya\\nMadaimona Calweeno Aamba Kuti Bafwide Balapona\\nMadaimona Ayumya Kuzangila Leza\\nAmubelekele Jehova, Kuleka Saatani\\nMabala Amusale naa muyanda kukkopa zyakamwaigwa izyakalekkoodwa Myuuya Yabafwide​—Sena Inga Yamugwasya Naba Kumucisa? Sena Ncobeni Kwiili?","num_words":639,"character_repetition_ratio":0.055,"word_repetition_ratio":0.0,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulisamika kwa Muna Kristu Print\\nKulisamika kwa Muna Kristu\\nYahuwah muyandi wa zintu zibotu. Walo wakazuzya mulengalenga woonse azintu zili boobo! Kuzwa kucaanda cituba bu akuŋaima nolibala zuba, kusikila ku mapepe aampye aalaa misyobo iivwelene akumwekamweka; kuzwa kumisyobo yiimpene yakaluba kasyoonto kapekema kusikila ku mabwe aabalangala kumwekamweka mayandisi, bubotu bwazintu zyoonse eezyo bwakazyila mumizeezo ya Mulengi iitondezyedwe antangalala. Awalo Jelusalema Mupya, ooyo uuyooba munzi mupati wanyika mpya, awalo munzi uutapanduluki kulibotela. Kuliyakidwe golide mumigwagwa yawo; bwaanda bwawo buyakidwe aamabwe aabalangala aa jasipa, milyango njamabwe aatubatuba. Musemo wamunzi ubambidwe aamabwe mayandisi, woonse kaamweka kufumbwa lubazu nkoolangila: ma diamondi masafaya, ma emalodi, ama amethysti aamwi manjaanji.\\nNcintu cabulengwa leza kuti ayalo mizeezo yamuntu wakalengwa, ili mucinkonzya ca Mulengi wakwe, kuti kakkomanina akuyanda zintu zibotu. Cimwi akataa zintu bantu nzyobayandisya, ncakuyanda kulangika kubota nobasamide zikobela. Kufumbwa naa muuzikobela zipya zilaa mpuwo, nokuba musila uunanikidwe kumeso nanka nkaya aninga anweenwe ziŋaima, kuyandisya kulibosya ncintu cijanwa kapati akataa bantu ciindi coonse, mucisi cili coonse. Kulisakatizya tubulo tumweka amabwe aabekabeka, muli lwaco, eeco tacili cinyonyoono pe. Yahuwah Lwakwe nguwakabamba zintu eezyo akusamika Lusifa, ooyo wakali civwumbyo, cilaa mabwe mayandisi kumatalikilo. Lino kabelesya mukonzyanyo wa mwami waku Tyre, Yahuwah wakaamba boobu kujatikizya Lusifa:\\n\"Webo nduwe oomaninide, wakalizwide busongo akweebeka kubota kwiinda boonse. Webo wakaliko mumuunda wa Edeni ookwa Elohimu; kufumbwa bbwe liyandisi lyakali civwumbyo cako, ibbwe lisalala pyu, lya topazi, alya daimandi, lya berulo, lya onikisi, alya jasipa, lya safilo, lya emelodi, lya anofeki amaragido, alya golide: bubambe bwa tuntimbwa atupyoopyo twako twakabambwa muli nduwe mubuzuba nookalengwa. Webo wakananikwa kuba civwumbyo; Ime ndakakubikka aawo: webo wakaliko mumulundu uusetekene ookwa Elohimu; webo wakali kweendeenda akataa mabwe aamulilo.\" (Langa Ezekiya 28:12–14.)\\nLusifa wakali cilengwa leza ciinda kubota atalaa zyoonse. Walo wakali mungele wakaimvwi munsaa cuuno ca Yooyo Uuteeli. Kufumbwa bbwe liŋaima, lisimpidwe mulubulo lwa golide, eeco cakali cilivwumbyo cakwe. Mumuni wakali kumweka lyoonse kuzwa kuli Singuzyoonse, wakali kulibonya atalaa mabwe aayo akumwekula munzila yaankamika kulangilizya. Eeco ncecakali civwumbilizyo Mwami Yahuwah ncaakalengela mungele Wakwe wiinda boonse. Pele mukampango katobela waawo kuli kaambo katyompya moyo akutontozya mumagondo nkaambo ka kulipakamisa kwamusyo ooyo ncikwaaleta ku myoyo yabantu bawide mucinyonyoono: “Webo wakalibambidwe cakulondoka munzila zako zyoonse kuzwa nookalengwa, kusikila buzuba oobo nookajanwa busofwaazi muli nduwe.” (Ezekiya 28:15, KJV)\\nBusofwaazi, cinyonyoono, akulidunda: Lusifa wakaanguka nkaambo kakulidunda. Eezyo zipego nzyaakamupede Mulengi tiizyakakkutya moyo wa Lusifa kuti uzule luyando pe, pele walo wakasala kuliyanda, busyaacivwulemwangu akulidunda. Eeci ncecicitika ziindi zinjaanji; zisani nzyamuntu mbozicinca ciimo camuntu uuwide mumcinyonyoono. Muntu, ooyo wakalengwa muciimo ca Mwami Yahuwah, naakawa wakabweza ciimo ca sinkondonyina muzangi, Saatani. Kunyina pe naa nkusala zyakusama ziluulwa kubaa mpuwo, nokuba ninga anweenwe ankaya ziŋaima, nokuba zyakunana kumeso, kuti kazyibelesyelwa kunyoomenezya akujatila maanu aabantunyoko kuti bakuyande, kuli nduwe eeco ncibyaabi alimwi ncintu citalikila mu kuliyanda.\\nMbweenya mbuli cibeela ca mulawo ookwa Yahuwah cili coonse, ncintu ciyandika kumvwisisya milazyo iili mumulawo nkaambo eezyo nzyezintu zisikila kumoyo wamuntu. Kusanduka kwaatangalala tacili cintu cilikke Mwami Yahuwah ncalangaula mumuntu pe. Pele, Yahuwah ulibwene zintu zyoonse zili mukati ka moyo wamuntu: iciimo mbwalyeendelezya muntu azintu nzyasyoma, ncecibamba muya wakwe. Majwi ookwa Yahuwah kuli Samuele eelyo naakali kunanika mwami, aleelede kumvwisyigwa abantu boonse bayanda kuleta maumi aabo kuti ayendelane Anguwe: “Utamulangi mbwalangika ciwa nokuba bulamfu bwaciimo cakwe, nkaambo Ime ndamukaka. Nkaambo Yahuwah talangi mbuli muntu mbwalanga pe, muntu ulanga ciwa caatala, pele Yahuwah ulanga mukati ka moyo.” (Langa muli 1 Samuele 16:7.)\\nBantu banjaanji tabaloteli kusama ninga kuti bayandwe abantu nkaambo kazikobela nzyobasamide nokuba zintu nzyobalizilide kumeso. Mbweenya mbuli mabwe aakulisakatizya, musila wakulizila mumeso tuukwe cinyonyoono pe. Eelyo nobelesya musila kusisa cibata ncookazyalwa aancico, kusisa mpookavwalulwa cikanda nokuba kuti ulangike bwana, kunyina cibyaabi aawo pe. Pele mbweenya mbuli mabwe mayandisi, kuli kaambo kalibonya eelyo muntu nabelesya zintu zibekema, zilaa mpuwo alimwi zidula kapati kuti ajate maanu aabantunyina bamwi, kuti bamukkomanine akunyomenenwa nzyasamide.\\nKufumbwa cintu ncolisakatizya cipa kuti bakunyonokele akukuyanda bantu bamwi nkaambo ka mubili wako, nokuba buvwubi bwako, eeco ncintu cilubide. Ooko nkusama kwa kulidunda antangalala kukweendelezya kale mukati kamoyo. Paulu wakakambauka kacenjezya kusama kwa kuliyanda eelyo walo naakamba kuti:\\n\"Munzila njeenya, abalo bamakaintu kabalisamika zikobela munzila yabulemu cakulibombya, cakulilemeka akulijata, kutali kulipesa masusu nokuba golide nanka mabwe aangala nokuba zisani zidulisya, pele mbuli ceeco ceelela bamakaintu balyaamba buleza, milimo mibotu.\" (1 Timoteo 2:9-10, NKJV)\\nBamwi baciyeeyela kuti, kweendelanya akampango aaka, kunyina muntu weelede kulukwa masusu. Nokuba boobo, Paulu wakali kwaamba kwiindizya kulisakatizya kwa bamakaintu baku Loma abamwi bakavwubide aabo bakali kuyanda kubatobela mukucita boobo.\\nBamakaintu baku Loma kutaanguna bakali kubamba masusu aabo munzila ngubauba . . . Kubamba masusu akataa bamakaintu bakakwetwe kwakacinca mubulelo bwa Muleli Augustus eelyo nikwakalibonya misyobo minjaanji iidula yakubamba masusu. Zikobela zya bamakaintu baku Loma zyakali zyuubauba kazitacinca nkaambo bamakaintu [kutali banalumi] tiibakajisi zyakusama zibaandaanya ciimo ca buvwubi, pele bamakaintu bavwubide bakali kusama zikobela zidula kapati, kupika masusu mumisyobo iidula, akulisakatizya ninga, nweenwe, nkaya azimwi zinjaanji zidulisya (http:\/\/www.roman-colosseum.info\/roman-clothing\/roman-hairstyles.htm)\\nBamakaintu baku Loma bakali kubelesya misyobo yakupenta masusu, kuzingaila abunweba budula bwakulusya masusu, eeco cakali kunoonga citola mawoola manjaanji. Tunweba twa golide, tutungidwe mumabwe aaŋaima amabwe aabalangala, eezyo zyakali kusumwa antoomwe akubamba nsefwa yakusama kumutwe. Nokuba kuti zyakali zibotu ncobeni kakwiina kudonaika, pele eeco cakali kucitilwa kulisumpula akuti bayandwe (akunyomenezya) bamwi. Ncenciceeco Paulu ncaakali kulemba, kutali kuluka buyo masusu.\\nEeyi milazyo ili masimpe kufumbwa cibeela cakusama akataa banalumi abamakaintu. Zisani zilaa mpuwo kanjaanji zilaindizya kubotya mbwalengedwe kubota muntu. Musyobo wa Cijulujulu, a wusubilasubila nokuba misyobo iitali mbwaakalengwa masusu, kulivwunauna mubili munzila iitakwe mulemeko kuli bamwi, zyoonse eezyo nzintu zyakujatila bamwi maanu kuti: Kolanga mbweboneka amubili wangu. Kondilanga kaka mebo!\\nKuyasaulwa aamubili, kusimbwa zifwanikiso cikanda, akulicuzaula cikanda ooko kuyaa kubaa mpuwo akataa bantu mazubaano, kulikasyidwe kapati mu Mangwalo. “Inywe tamweelede kunengaula amubili nkaambo kabafu nokuba kuliyasaula nsimbo azibata zyamisyobo kufumbwa, Ime ndime Yahuwah ndaamba.” (Kolanga mu BaLevi 19:28.) Eezi zilengwa zyakazyila akataa bakomba mituni eelyo nibakali kulemekezya bafwide, pele kunyina muntu uuyanda kulemekezya Elohimu uusalala, uusetekene akupona buumi bululeme, ooyo uunga watola lubazu muziyanza zyamusyobo ooyo.\\nCili masimpe kuti Mangwalo alembedwe makani aakusama zyakulisakatizya akataa bana Isilayeli. Mutwanga wa Abrahamu, ooyo wakatunwa kuyoosela mukaintu ookwa Isaka, wakapa Rebekah “ninga yamumpemo iilema cisela ca shekele lyomwe, ankaya zyobile zyakumaanza zilema mashekele aakkumi lyagolide.” (Matalikilo 24:22, NKJV) Mwami Ahasuerus wakapa Mordecai ninga yakwe ya cuuno camweendelezi. “Mpoonya Mordecai wakazwa munsaa mwami kasamide zikobela zya bwami zyamisyobo ya cijulujulu akutuba, amusyini mupati wa golide, a cikobela cabunweba camusyobo wa cisombo.” (Kolanga muli Esita 8:10 a 15.)\\nNokuba boobo, zilisakatizyo azikobela zibekema tiizyakali kusamwa muziindi zya kulisinsa myoyo akulyeempa.muziindi eezyo, kufumbwa cakulisakatizya amubili cakali kubikkwa kumbali alimwi bantu bakali kusama zikobela zitaduli. Atwalo tununkilizyo tiitwakali kuzumizyigwa pe. Eelyo Daniele naakali kuliimya kulya akupaila, walo wakali kupailila kuti ateelele cilengaano, eeco ncaakalemba kuti: “Mumazubaayo, Ime nde Daniyele ndakalilauka kwa mvwiki zotatwe zikkwene. Ime tiindakalya cinkwa cibotu, nokuba kulya nyama nokuba waini mukanwa lyangu, alimwi Ime tiindakalinanika tununkilizyo nokuba asyoonto pe, kusikila mvwiki zyotwe zikkwene zyayulila.” (Daniele 10:2 a 3, KJV)\\nEelyo Mwami Yahuwah naakayita Jakobo kuti awunke ku Betelo kuyookomba Nguwe, Jakobo wakaita mukwasyi wakwe kuti weempwe, akweezyanya kusama ninga zyakumatwi kuti nkukomba baleza balweeno:\\nMpoonya Jakobo wakaambila baamunzi wakwe abaabo boonse bakalaa nguwe kuti, \"Amusamunune baleza bamituni bali akati kenu, amulisalazye, amucince zikobela nzyomusama. Nkabela atunyamuke tweende ku Betelo; mpoonya Ime njoobamba cipaililo okuya kuli (Eli), ooyo wakandiingula mubuzuba neekapengede alimwi ulaa ndime kufumbwa nkwegama kuzwa ciindi eeco.\"\\nAboobo bakapa Jakobo baleza babo boonse aabo bakali mumaanza aabo, amasikkiyo aakali kumatwi aabo; mpoonya Jakobo wakazisisa kunsaa casamu ca telebinti eeco cakali munsaa ku Shekemu. (Matalikilo 35:2–4, NKJV)\\nMwaka amwaka mu Buzuba bwa Kunununwa, zyoonse zyakulisakatizya amubili azikobela zibekema, zyakali kulazyikwa kumbali eelyo bantu ba Mwami Yahuwah nibakali kumukumbila kubusyu Bwakwe kuti balekelelwe zinyonyoono zyabo zyaantangalala azitazyibidwe antangalala.\\nKujulu,Yahushua uyoosamika mukomi omwe-omwe musyini amutwe wakwe. Eeyi inooli misyini yiinda bulemu kwiinda musyini ngwaakasamikidwe mwami wiinda nguzu atalaa nyika. Kusikila ciindi eeco, nokuba boobo, bantu bokwa Yahuwah bacinookkede munyika ya cinyonyoono. Ciimo cabo ciwide cicilangila kuyandwa. Aabo balangila kumwekamweka abulemu bwa Yahuwah tabakonzyi kulipakamisa akutozya maanu aabantu kuli lwabo beni.\\nCiimo cabuntu ncitwaakona cizyibide cinyonyoono kankaambo keni Mwanaa Yahuwah simuzyalwaalikke ncaakafwida bantu. Kulipakamisa akutozya maanu aabantu kumubili wako ulaa cinyonyoono abucete, nkuba muzike wa KULIYANDA, eeco ncecibi cini ncaakawida Lusifa. Ijwi lyokwa Yahuwah litucenjezya kuti: “Kulipakamisa kulasolola kakutaninga sika kunyonyoona, akuliyanda kotaninga somboka. Cilainda kubota kuba mubombe moyo akataa bacete, kwiinda kwaabana zyakubba abaabo balisumpula.” (Tusimpi 16:18 & 19, KJV)\\nLino naakasolwedwa a Muya Uusalala, Petulo wakatondezya ciimo camasimpe boonse ncobeelede kukakatila kubaa ncico:\\n\"Bubotu bwako butabi bwaatala bwakulibbalaika atalaa masusu, kusama golide, nokuba kusama zisani zisani zyeebeka; pele akube kwa muntu uusisidwe mumoyo, uusamide cikobela citasofwaazyigwi ca moyo mubombe muumuzi, eeco ncecintu ciyandisi mumeso ookwa Yahuwah. Nkaambo munzila eeyi, mbweenya mbuli kaindi, bamakaintu basetekene aabo bakali kusyoma muli Yahuwah mbubakali kulisamika.\" (Langa 1 Petulo 3:3–5.)\\nAabo balulami bapona mazubaano kumamanino aamusela wanyika, banooyandaula kusetekanya ciimo, akusiila limwi zyoonse kumbali kufumbwa zinga zyabasinkila nokuba zibacengelela bululami bwa kujulu. Swebo tupona muciindi camacaalizyo cini cipedwe mumusela wanyika, mu Buzuba bwaandeene bwa Kunununwa. Woonse mwanaa Yahuwah wamasimpe weelede kulilangaula muli lwakwe amubuumi bwakwe, alimwi kufumbwa cintu ncasala, kuti abone naa kuli ncayelede kucinca eeco ceelede kutondezya moyo mubotu uutozyede kuli Yahuwah.\\nIcaando ca Banakalindu bali Kkumi (langa Mateyo 25:1-13), cijatikizya kapati ciindi cino. Boonse banakalindu bali kkumi, bakali kusyoma mukasimpe, pele boonse bakoona ŋonzi. Eelyo nibakasinsimunwa kumvwa lwiito lwakuti Sibwiinga wasika, boonse bakajanwa malambe aabo akali zimide. Balikke bone mbibakajisi mungwimba wakuyungizya ooyo wiiminina Muya Uusalala, “akulondola” malambe aabo kuti balibambile. Ibbala lya “kulondola”, mumulaka mutaanzi eelyo lyakali kwiiminina kubambulula mbuli kulisakatizya amubili. Kwakali buyo zisyoonto nzibakeelede kubambulula kwiinda mubusolozi bwa Muya Uusalala.\\nKolyaaba ku Mwami Yahuwah mulweendo lwako, alimwi kosyoma muli Nguwe, kuti akuyubunwide mizeezo njoyelede kucinca, kufumbwa ncoyelede kulondola, eeco ceelede kucitwa ku lambe lyako kuti kaliciyaka munyika yamusinze kutegwa yebo akamucingauzye akumwaanzya kokkomene a kuboola Kwakwe.","num_words":1554,"character_repetition_ratio":0.039,"word_repetition_ratio":0.0,"special_characters_ratio":0.155,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kuponya Mulombe Uunjidwe Daimona | Buumi bwa Jesu\\nJesu Waponya Mulombe Uunjidwe Daimona\\nKUYANDIKA LUSYOMO LUYUMU KUTI CIKONZYEKE KUPONYA MULOMBE UUNJIDWE DAIMONA\\nJesu, Petro, Jakobo alimwi a Johane nobaseluka kuzwa acilundu, bayaanya nkamu yabantu mpati. Kuli cilubide. Balembi balibazingulukide basikwiiya alimwi balakazyanya ambabo. Bantu bagambwa kapati nobamubona Jesu, eelyo babalika kuyoomwaanzya. Wababuzya kuti: “Ncinzi ncomukazyanya ambabo?”—Marko 9:16.\\nMwaalumi umwi munkamu wafwugama kumbele lya Jesu akupandulula kuti: “Mwiiyi, ndaletede mwanaangu musankwa nkaambo unjidwe muuya uumulesya kwaambaula. Kufwumbwa mpuwamujatila, ulamuusya ansi, alimwi uzwa ccovwu kumulomo akuluma ntwino akubula nguzu. Ndalombede basikwiiya bako kuti bautande, pele baalilwa.”—Marko 9:17, 18.\\nKuboneka kuti balembi bakazyanya abasikwiiya akaambo kakuti cabaalila kumuponya mulombe ooyo, ambweni kumwi balabafwubaazya. Aboobo muciindi cakuvwiila bausyi mwana ibagolelwa maano, Jesu walanga nkamu yabantu akwaamba kuti: “Nywebo nozyalani linyina lusyomo alimwi nobasicinguni, ino ndilakkala andinywe kwaciindi cilamfwu buti? Ino ndimukkazikile moyo kwaciindi cilamfwu buti?” Cakutadooneka majwi aaya aakusinsa ageme balembi aabo ibali kupenzya basikwiiya bakwe ciindi walo naataliko. Mpoonya naalanga kuli bausyi mwana ibakopene mumizeezo, Jesu wabaambila kuti: “Amumulete kuno kulindime.”—Matayo 17:17.\\nMulombe naasika munsi-munsi aa Jesu, daimona limunjide lyamuwisyila ansi akumusuntula. Mulombe ooyo watalika kwaalabana ansi akuzwa ccovwu kumulomo. Jesu wabuzya bausyi kuti: “Ino eeci cakamutalika lili?” Bausyi bavwiila kuti: “Kuzwa naakacili muniini, alimwi ziindi zinji umusuntwida mumulilo amumaanzi kutegwa umunyonyoone.” Mpoonya bakombelezya kuti: “Kuti kokonzya kucita cintu cili coonse, katufwida luzyalo, utugwasye.”—Marko 9:21, 22.\\nBausyi ilibamanide mizeezo, nkaambo nobaba basikwiiya ba Jesu baalilwa kumuponya. Ikwiingula ncobalomba bausyi mwana ooyo, Jesu waamba majwi aakkazika moyo aakuti: “Aayo majwi aakuti, ‘Kuti kokonzya’! Langa, zintu zyoonse zilakonzyeka kumuntu uulaalusyomo.” Mpoonya aawo bausyi mwana boongolola balaamba: “Ndijisi lusyomo! Kondigwasya kuba alusyomo luyumu!”—Marko 9:23, 24.\\nJesu wabona nkamu yabantu kababalika kuboola kulinguwe. Boonse aaba kabalangilila, Jesu wakalalila daimona kuti: “Iwe omuuya syaataambi alimwi omusinke matwi, ndakulailila kuti, kozwa mulinguwe alimwi utakamunjili kabili!” Nolyazwa, daimona lyapa kuti mulombe ooyu akwiile akusuntuka ziindi zinji. Mpoonya mulombe ooyu waile kulandabala mpoonya aawo katanyanyaali. Nobabona boobo, bantu banji baamba kuti: “Wafwa!” (Marko 9:25, 26) Pele Jesu naajata janza lyamulombe ooyu, wabuka aboobo ‘wapona kuzwa ciindi eeco.’ (Matayo 17:18) Tacigambyi pe kuti bantu bagambwa kapati akaambo kazintu nzyacita Jesu.\\nMusyule, ciindi Jesu naakatuma basikwiiya kuyookambauka, bakali kukonzya kutanda madaimona. Aboobo lino nobanjila muŋanda bamubuzya Jesu kabali balikke ategwa: “Ino nkaambo nzi swebo ncotwaalilwa kuutanda?” Jesu wabapanduluda kuti baalilwa akaambo kakuceya kwalusyomo lwabo, ulaamba: “Musyobo ooyu tuukonzyi kuzwa ccita buyo kwiinda mumupailo.” (Marko 9:28, 29) Kwali kuyandika lusyomo luyumu antoomwe amupailo kutegwa bacikonzye kutanda daimona eelyo lilaanguzu kapati.\\nMpoonya Jesu wamanizya amajwi aakuti: “Nkaambo ncobeni ndimwaambila kuti, ikuti kamujisi lusyomo luli mbuli inseke yamusitada, muyakwaambila mulundu ooyu kuti, ‘Kozwa aawa uunke waalya,’ eelyo uyoozwa, alimwi taakwe ciyakumwaalila nywebo pe.” (Matayo 17:20) Eelo kaka lusyomo lulaanguzu!\\nZisinkilizyo alimwi abuyumuyumu izilesya muntu kuyaambele mumulimo wa Jehova zilakonzya kuboneka mbuli kuti nziyumu kapati alimwi tazikonzyi kugusyigwa mbubonya mbuli mulundu wini. Pele ikuti twayumya lusyomo lwesu, tulakonzya kuzigusya zisinkilizyo alimwi akuzunda buyumuyumu zyalo izili mbuli zilundu.\\nIno mbukkale nzi mbwaajana Jesu naajoka kuzwa kucilundu?\\nNkaambo nzi basikwiiya ncobaalilwa kutanda daimona linjide mulombe?\\nIno lusyomo lwesu inga lwayuma kusikila aali?","num_words":479,"character_repetition_ratio":0.045,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matayo 12 | Bbaibbele Lili a Intaneti | Bbaibbele lya Busanduluzi Bwanyika Mpya\\nMatayo Marko Luka Johane Milimo Baroma 1 Bakorinto 2 Bakorinto Bagalatiya Baefeso Bafilipi Bakolose 1 Batesalonika 2 Batesalonika 1 Timoteyo 2 Timoteyo Tito Filimoni Bahebrayo Jakobo 1 Petro 2 Petro 1 Johane 2 Johane 3 Johane Juda Ciyubunuzyo 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28\\n12 Kuciindi eeco Jesu wakainda mumyuunda yamaila mu Sabata. Lino basikwiiya bakwe bakafwa nzala, mpoonya bakatalika kupulula myaangala yamaila akulya. 2 Nobakabona boobo, ba Falisi bakamwaambila kuti: ���Bona! Basikwiiya bako bacita citazumizyidwe mu Sabata.” 3 Wakabaambila kuti: “Sena tiimwakabala ncaakacita Davida ciindi walo abaalumi mbaakali limwi nobakafwa nzala? 4 Sena tanaakanjila muŋanda ya Leza akulya zinkwa zyacituuzyo, eezyo walo abaabo mbaakali limwi nzyobatakazumizyidwe kulya ccita buyo bapaizi balikke? 5 Naa sena tiimwakabala mu Mulawo kuti mu Sabata, bapaizi mutempele balabeleka pele tabakwe mulandu? 6 Pele ndimwaambila kuti imupati kwiinda tempele mpali aano. 7 Ikuti nimwalizyi ncaamba majwi aaya aakuti, ‘Ndiyanda luse kutali cipaizyo,’ nomwatabeteka batakwe mulandu. 8 Nkaambo Mwana wamuntu ngo Mwami wa Sabata.” 9 Naakazwa kubusena oobo, wakaunka mucikombelo cabo, 10 eelyo kwakali mwaalumi wakapuutide janza. Aboobo kutegwa bamujanine kaambo, bakamubuzya kuti, “Sena cilizumizyidwe kuponya mu Sabata?” 11 Wakabaingula kuti: “Nguni akati kanu uunga kajisi mbelele yomwe, eelyo ikuti naa yawida mumulindi mu Sabata uutakonzyi kwiijata akwiigusya? 12 Aboobo, muntu ulayandika kapati kwiinda mbelele. Nkokuti cilizumizyidwe kucita cintu cibotu mu Sabata.” 13 Mpoonya wakaambila mwaalumi ooyo kuti: “Kovwungulula janza lyako.” Eelyo wakalivwungulula, alimwi lyakaba kabotu mbuli lyeenzinyina. 14 Pele ba Falisi bakazwa anze akuyoomvwana ikutegwa bamujaye. 15 Jesu naakazyiba boobu, wakazwa ooko. Alimwi bantu banji bakamutobela, eelyo wakabaponya boonse, 16 pele wakalomya kubalailila kuti batamuzyibyi kubantu, 17 ikutegwa azuzikizyigwe aayo aakaambwa kwiinda mumusinsimi Izaya iwakaamba kuti: 18 “Amubone! Mubelesi wangu ngondakasala, ngweyandisya, ooyo ngwebotelwa! Ndiyoobikka muuya wangu alinguwe, eelyo uyoozyibya bululami kuli bamasi. 19 Takakazyanyi nokuba koongolola; alimwi taakwe uuyoomvwa jwi lyakwe mumigwagwa. 20 Takatyoli tete lifwuyukide alimwi takazimi kamuni kalambe kasunta busi kusikila akape bululami kuzunda. 21 Masimpe, masi ayoolangila muzyina lyakwe.” 22 Mpoonya bakamuletela mwaalumi wakanjidwe daimona, moofwu alimwi syaataambi, eelyo wakamuponya cakuti syaataambi ooyu wakatalika kwaambaula akubona. 23 Mpoonya makamu oonse aabantu akagambwa akutalika kwaamba kuti: “Sena ooyu inga katali ngo Mwana wa Davida?” 24 Nobakamvwa boobu, ba Falisi bakaamba kuti: “Muntu ooyu utanda madaimona kwiinda munguzu zya Belezebule, imweendelezi wamadaimona.” 25 Mbwaakazyi mizeezo yabo, wakabaambila kuti: “Bwami buli boonse bwaandeene bulanyonyooka, amunzi naa ŋanda iili yoonse iyaandeene ilawa. 26 Ncimwi buyo, ikuti Saatani utanda Saatani, nkokuti waandaana mwini; aboobo ino bwami bwakwe bulaima buti? 27 Alimwi ikuti nditanda madaimona munguzu zya Belezebule, ino bana banu baatanda munguzu zyani? Nkakaambo kaako bayoomubeteka. 28 Pele ikuti naa nditanda madaimona munguzu zyamuuya wa Leza, nkokuti Bwami bwa Leza ncobeni bwamusikila kamutabuyeeyeli. 29 Naa, ino mbuti umwi mbwakonzya kunjila muŋanda yamuntu singuzu akubweza zyintu zyakwe? Ccita kuti wasaanguna kumwaanga singuzu ooyo, ndendilyo nakonzya kusaala ŋanda yakwe. 30 Ooyo uutali kulubazu lwangu mulwani wangu, ayooyo uutabunganyi antoomwe andime ulamwaya. 31 “Aboobo ndimwaambila kuti: Bantu bayoolekelelwa cibi cili coonse akusampaula kuli koonse, pele tabakalekelelwi ikuti basampaula muuya.* 32 Mucikozyanyo, kufwumbwa uusampaula Mwana wamuntu, uyoolekelelwa, pele kufwumbwa uusampaula muuya uusalala takalekelelwi pe mubweende bwazyintu buno naa oobo buciza. 33 “Nywebo nobantu ndinywe mupa kuti cisamu cibote amicelo yaco ibote naa kuti cibije amicelo yaco ibije, nkaambo cisamu cilazyibwa kumicelo yaco. 34 Nobana babacisasa, ino mbuti mbomukonzya kwaamba zyintu zibotu kakuli muli babi? Nkaambo mulomo waamba zizwide mumoyo. 35 Nkaambo muntu mubotu ulagusya zyintu zibotu kuzwa muciyobwedo cakwe cibotu, kakuli muntu mubi ulagusya zyintu zibi kuzwa muciyobwedo cakwe cibi. 36 Ndimwaambila kuti mu Buzuba bwa Lubeta, bantu bayoolyaambilila kujatikizya majwi oonse aanyina mpindu ngobaamba, 37 nkaambo kumajwi aako uyooambwa kuti uli mululami, alimwi kumajwi aako uyoopegwa mulandu.” 38 Lino mukumwiingula balembi aba Falisi bamwi bakaamba kuti: “Mwiiyi, tuyanda kubona citondezyo kulinduwe.” 39 Mpoonya wakabaingula kuti: “Izyalani libi alimwi lyabumambe lizumanana kuyanda kupegwa citondezyo, pele kunyina citondezyo ncoliyoopegwa ccita buyo citondezyo ca Jona musinsimi. 40 Nkaambo mbubonya Jona mbwaakali mwida lyamuswi kwamazuba otatwe isyikati amasiku, awalo Mwana wamuntu uyooba mukati kanyika kwamazuba otatwe isyikati amasiku. 41 Bantu baku Nineve bayoobusyigwa mu Buzuba bwa Lubeta antoomwe azyalani eeli, eelyo bayoolipa mulandu nkaambo balo bakeempwa kumakani ngaakakambauka Jona, pele amubone! Imupati kwiinda Jona mpali aano. 42 Mwami mukaintu wakumusanza uyoobusyigwa mu Buzuba bwa Lubeta antoomwe azyalani eeli, eelyo uyoolipa mulandu, nkaambo walo wakaboola kuzwa kumagolelo aanyika kutegwa amvwe busongo bwa Solomoni, pele amubone! Imupati kwiinda Solomoni mpali aano. 43 “Ciindi muuya uusofweede nuuzwa mumuntu, ulainda mumasena aatakwe maanzi kuyandaula busena bwakulyookezyezya, pele taujani busena pe. 44 Mpoonya ulaamba kuti, ‘Ndilapiluka kuŋanda yangu nkondakazwa,’ eelyo wasika ulajana taakwe uukkala muŋanda eeyo alimwi ilikukwidwe akubambwa kabotu. 45 Lino ulaunka kuyooleta myuuya iimbi iili ciloba mibi kwiinda nguwo, eelyo yanjila mukati ilakkala mumonya oomo, eelyo bukkale bwamamanino bwamuntu ooyo bulabija kapati kwiinda bwakusaanguna. Oobo mbociyooba kuzyalani libi eeli.” 46 Naakacili kwaambaula amakamu aabantu, amubone! Banyina abanabokwabo bakaima anze alimwi bakali kuyanda kwaambaula anguwe. 47 Mpoonya muntu umwi wakamwaambila kuti: “Bona! Banyoko abanabokwanu baliimvwi anze bayanda kwaambaula anduwe.” 48 Lino ikwiingula muntu ooyo wakati: “Ino bamaama mbaani abakwesu mbaani?” 49 Eelyo wakatondeka basikwiiya bakwe akwaamba kuti: “Bona! Mbaaba bamaama abakwesu! 50 Nkaambo kufwumbwa uucita kuyanda kwa Taata uuli kujulu, ooyo ngomukwesu, ngomucizyi wangu alimwi mbabamaama.”\\n^ Kusampaula ooku kwaamba kusampaula Leza naa zyintu zisetekene.","num_words":800,"character_repetition_ratio":0.045,"word_repetition_ratio":0.0,"special_characters_ratio":0.185,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Milimo 16 | Bbaibbele lili a Intaneti | Bbaibbele lya Busanduluzi Bwanyika Mpya\\nPaulo wasala Timoteyo (1-5)\\nCilengaano camwaalumi muna Makedoniya (6-10)\\nKusanduka kwa Lidiya mu Filipi (11-15)\\nPaulo a Sila baangwa (16-24)\\nMulindizi wantolongo amukwasyi wakwe babbapatizyigwa (25-34)\\nPaulo uyanda kuti balupati-pati balilekelele (35-40)\\n16 Aboobo wakasika ku Derbe aku Lustro.+ Eelyo ooko kwakali sikwiiya umwi uutegwa Timoteyo,+ mwana wamukaintu umwi imu Juda musyomi pele usyi wakali mu Giriki, 2 alimwi wakali kulumbaizyigwa abakwesu bamu Lustro a Ikoniyo. 3 Paulo wakayanda kuti aunke limwi a Timoteyo, eelyo wakamubweza akumupalula akaambo kaba Juda ibakali mumasena aayo,+ nkaambo boonse bakalizyi kuti usyi wakali mu Giriki. 4 Lino nobakali kuyaabwiinda muminzi, bakali kuyaabwaambila basyomi ibakali mumo milawo eeyo yakazuminanwa abaapostolo abaalu ibakali mu Jerusalemu kuti kabatobela njiyo.+ 5 Aboobo, bamumbungano eezyo bakazumanana kuyumizyigwa mulusyomo alimwi bakali kuyaabuvwula buzuba abuzuba. 6 Alimwi, bakainda mu Fuligiya amucisi ca Galatiya+ nkaambo muuya uusalala wakabakasya kwaamba jwi mucooko ca Asiya. 7 Kunze lyaboobo, nobakaselemukila ku Musiya bakasolekesya kuunka ku Bituniya,+ pele muuya wa Jesu tiiwakabazumizya pe. 8 Aboobo bakaciindilila* cisi ca Musiya akuselemukila ku Trowa. 9 Eelyo masiku aayo Paulo wakabona cilengaano—mwaalumi umwi muna Makedoniya wakaliimvwi kamukombelezya kuti: “Amuzabukile okuno ku Makedoniya mutugwasye.” 10 Lino mbwaakabonena cilengaano eeco, twakasoleka kuunka ku Makedoniya katusyomede kuti Leza ngowakatwiita kuti twaambilizye makani mabotu kulimbabo. 11 Aboobo twakatanta bwato kuzwa ku Trowa akululama kunsumbu ya Samotrake, pele nobwakaca twakaunka ku Niapoli; 12 alimwi kuzwa kooko twakaunka ku Filipi,+ munzi weendelezyegwa aba Roma, walo uuyandika kapati mucooko ca Makedoniya. Twakakkala mumunzi ooyu kwamazuba aali mbwaabede. 13 Mubuzuba bwa Sabata twakazwa mumunzi akuunka kumbali lyamulonga, ooko nkotwakali kuyeeya kuti kwakali busena bwakukombela, eelyo twakakkala akutalika kukambaukila bamakaintu bakabungene. 14 Lino mukaintu umwi uutegwa Lidiya, iwakali kusambala zisani zyamubala wacisombo, uuzwa mumunzi wa Tiyatira+ alimwi mukombi wa Leza, wakali kuswiilila, aboobo Jehova* wakajalula moyo wakwe cakumaninina kuti abikkile maano kuzintu nzyaakali kwaamba Paulo. 15 Eelyo walo abamuŋanda yakwe nobakabbapatizyigwa,+ wakatukombelezya kuti: “Ikuti naa mwandibona ncobeni kuti ndilasyomeka kuli Jehova,* amuboole mukkale muŋanda yangu.” Eelyo wakatukombelezya mane twakaunka kuŋanda yakwe. 16 Lino cakacitika kuti notwakali kuunka kubusena bwakukombela twakaswaangana amubelesi umwi musimbi wakanjidwe muuya, idaimona lyakusondya.+ Wakali kubaletela mpindu mpati basimalelaakwe kwiinda mukusonda. 17 Musimbi ooyu wakazumanana kumutobela Paulo alimwi andiswe kumwi kazyaaboompolola kuti: “Baalumi aaba mbazike ba Leza Mupatikampatila+ alimwi baambilizya nzila yalufwutuko kulindinywe.” 18 Wakazumanana kucita boobu kwamazuba manji. Mane Paulo wakacimwa mpoonya wakacenguluka akwaambila muuya ooyo kuti: “Ndakulailila muzina lya Jesu Kristo kuti uzwe mulinguwe.” Eelyo muuya ooyo wakazwa mpoonya aawo.+ 19 Lino basimalelaakwe nobakabona kuti nzila yakujanina mpindu yamana,+ bakajata Paulo a Sila akubakwelela kumusika* kubaleli.+ 20 Nobakabasisya kubeendelezi batwaambo twabuleya, bakati: “Bantu aaba baunyonganya kapati munzi wesu.+ Mba Juda, 21 alimwi baambilizya ziyanza nzyotutazumizyidwe kutobela naa kucita mbwaanga tuli bana Roma.” 22 Alimwi nkamu yakababukila, mpoonya beendelezi batwaambo twabuleya nobakamana kubazapawida zisani zyabo, bakalailila kuti baumwe amisako.+ 23 Nobakamana kubauma kapati, bakabawaala muntolongo akulailila mulindizi wantolongo kuti abalinde cakulomya.+ 24 Akaambo kakuti wakalaililwa boobo, wakabawaala muntolongo yamukati akwaanga maulu aabo muziliba. 25 Pele akati kamasiku Paulo a Sila bakali kupaila akutembaula Leza munyimbo,+ alimwi baangenyina bakali kubaswiilila. 26 Mpoonya aawo kwakaba muzuzumo wanyika mupati cakuti ntalisyo zyantolongo zyakazungaanizyigwa. Alimwi milyango yoonse yakajaluka aciindi eeco azyaanzyo zyabo boonse zyakaangunuka.+ 27 Mulindizi wantolongo naakasinsimuka muŋonzi akubona kuti milyango yantolongo yakalijalukide, wakasomona panga lyakwe akuyanda kulijaya, kayeeya kuti baange batija.+ 28 Pele Paulo wakoongolola ajwi pati kati: “Utalijayi pe, nkaambo toonse nkotuli!” 29 Aboobo wakalomba malambe akuzuzila mukati, kazuzuma, wakabafwugamina ba Paulo a Sila. 30 Wakabagusya anze akubabuzya kuti: “Nobami, ino ncinzi ncondeelede kucita kutegwa ndifwutulwe?” 31 Bakati: “Kosyoma Mwami Jesu, eelyo ulafwutulwa, yebo abamuŋanda yako.”+ 32 Mpoonya bakamwaambila jwi lya Jehova* antoomwe abamuŋanda yakwe boonse. 33 Kumane wakabatola aciindi eeco camasiku akusanzya zilonda zyabo. Mpoonya walo abamuŋanda yakwe boonse bakabbapatizyigwa ndilyonya eelyo.+ 34 Wakabanjizya muŋanda yakwe akubabambila cakulya, eelyo walo abamuŋanda yakwe boonse bakakondwa kapati nkaambo lino wakamusyoma Leza. 35 Nobwakaca, beendelezi batwaambo twabuleya bakatuma bakapaso kuyakwaamba kuti: “Amubaangunune baalumi aabo.” 36 Mulindizi wantolongo wakaambila Paulo nzyobakaamba kuti: “Beendelezi batwaambo twabuleya batuma baalumi kuti nywebo nyobilo mwaangununwe. Aboobo lino amuzwe muunke muluumuno.” 37 Pele Paulo wakati kulimbabo: “Bakatukwibbauda abuleya notutakwe mulandu, nokuba kuti tuli bana Roma,+ akutuwaala muntolongo. Aboobo sena lino bayanda kutugusya kumbali? Peepe! Ababoole beni batugusye mbabo.” 38 Bakapaso bakatola majwi aaya kubeendelezi batwaambo twabuleya. Aaba bakayoowa nobakamvwa kuti baalumi aabo bakali bana Roma.+ 39 Eelyo bakaboola akubakombelezya, mpoonya nobakabagusya anze, bakabalomba kuti bazwe mumunzi ooyo. 40 Pele bakazwa muntolongo akuunka kuŋanda ya Lidiya; alimwi nobakabona bakwesu, bakabayumya-yumya+ bamane bakaunka.\\n^ Naa “bakainda mu.”\\n^ Oobu bwakali busena nkobakali kuula akusambala zintu alimwi banamaleya nkobakali kuswaanganina.","num_words":706,"character_repetition_ratio":0.053,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 25 | Bbaibbele lili a Intaneti | Bbaibbele lya Busanduluzi Bwanyika Mpya\\nIzyakusanga zyatente lyakubunganina (1-9)\\nBbokesi lya Cizuminano (10-22)\\nCibikkilo camalambe (31-40)\\n25 Mpoonya Jehova wakaambila Musa kuti: 2 “Kobaambila bana Israyeli kuti bandipe zyakusanga; mweelede kundiletela cakusanga kuzwa kumuntu uuli woonse iwakulwaizyigwa amoyo wakwe kundipa.+ 3 Nzyeezyi zyakusanga nzyomweelede kutambula kuzwa kulimbabo: ngolida,+ nsiliva,+ mukuba,+ 4 ntali yamubala wajulu, boya bwambelele bwamubala wacisombo, milembo iisalala pyu, amilembo mibotu myuuba-uba, boya bwampongo, 5 zikutu zyabagutu izyakanyikwa mumusila uusalala, zikutu ziteteete,* mapulanga aamuunga,+ 6 mafwuta aamumalambe,+ mafwuta aamabbona aakupangisya mafwuta aakunanika+ alimwi atununkilizyo,+ 7 amabwe aaonikisi alimwi amabwe aamwi aayelede kubikkwa kukabaki*+ kabupaizi akukasani kakwe kaacamba.+ 8 Beelede kundipangila tente lyakukombela, eelyo ndiyookkala akati kabo.+ 9 Mweelede kupanga tente lyakukombela azibelesyo zyamumo, libe mbubonya mbuli mbonditiikutondezye.+ 10 “Beelede kupanga bbokesi kubelesya cisamu camuunga, tukokola* tobilo acisela mubulamfwu akakokola komwe acisela mubwamba alimwi akakokola komwe acisela kuya mujulu.+ 11 Mpoonya ukalizilulule angolida iisalalisya.+ Ukalizilulule mukati akunze alimwi weelede kupanga moombe wangolida kuzinguluka mulomo wabbokesi.+ 12 Upange ninga zyangolida zyone akuzibikka atala aamaulu aandilyo, ninga zyobilo kulubazu lumwi lwabbokesi aninga zyobilo kulubazu lumbi. 13 Alimwi upange minkulwa yacisamu camuunga akwiizilulula angolida.+ 14 Ukanjizye minkulwa muninga zili mumbali aa Bbokesi kutegwa ibe zijatizyo nomunyamuna Bbokesi. 15 Minkulwa eeyi yeelede kuti kiikkede muninga zya Bbokesi; tayeelede kugwisyigwa pe.+ 16 Uyoobubikka mu Bbokesi Bumboni oobo mbondiyookupa.+ 17 “Upange civwunisyo cangolida iisalalisya, cibe tukokola tobilo acisela mubulamfwu akakokola komwe acisela mubwamba.+ 18 Weelede kupanga bakerubi bobilo bangolida; ubapange kubelesya nsando akubabikka aumwi kumamanino aacivwunisyo.+ 19 Upange bakerubi akubabikka aumwi kumamanino aamwi aacivwunisyo. 20 Bakerubi beelede kutandabika mababa aabo obilo atala, kabavwumbilide civwunisyo amababa aabo,+ alimwi beelede kuti kabalangene. Masyu aabakerubi ayelede kulanga acivwunisyo. 21 Uyoobikka civwunisyo+ atala aa Bbokesi, alimwi mu Bbokesi ukabikke Bumboni mbondiyookupa. 22 Ndiyoolitondezya kulinduwe akwaambaula anduwe atala aacivwunisyo.+ Kuzwa akati kabakerubi ibali atala aabbokesi lya Bumboni, ndiyookupa malailile oonse ngoyelede kupa bana Israyeli. 23 “Alimwi ukapange tebulu+ lyacisamu camuunga, lyeelede kuba tukokola tobilo mubulamfwu, kakokola komwe mubwamba akakokola komwe acisela kuya mujulu.+ 24 Uyoolizilulula angolida iisalalisya, akupanga moombe wangolida molili mumabali moonse. 25 Ukapange mubalo uuli aabwamba mbuli bwajanza* kuzinguluka tebulu akubikka moombe wangolida kuzinguluka mubalo. 26 Weelede kupanga ninga zyangolida zyone akuzibikka mumakkona one mumaulu aatebulu. 27 Ninga eezyo zyeelede kuti kazili afwaafwi amubalo kutegwa kamunjila minkulwa yakunyamuzya tebulu. 28 Weelede kupanga minkulwa kubelesya cisamu camuunga akwiizilulula angolida, kutegwa ibe zijatizyo nobanyamuna tebulu. 29 “Alimwi tebulu weelede kulipangila mitiba, nkapu, nongo amitiba yanindi yakubelesya kutila zituuzyo zinyugwa. Weelede kuzipanga angolida iisalalisya.+ 30 Alimwi weelede kunoobikka zinkwa zyacitondezyo atebulu kumbele lyangu ciindi coonse.+ 31 “Upange cibikkilo camalambe+ cangolida iisalalisya. Cibikkilo camalambe ceelede kupangwa kubelesya nsando. Tako lyaco, musemu waco uujisi mitabi, nkapu zyaco, tunkuli twaco amaluba-luba aaco, zyoonse zinoojatene.+ 32 Alimwi mitabi iili cisambomwe yeelede kuzwa mumbazu zyacibikkilo camalambe, mitabi yotatwe kulubazu lomwe alimwi aimwi yotatwe kulubazu lumwi. 33 Kumutabi umwi aumwi uuli kulubazu lomwe kube nkapu zyotatwe izipangidwe mbuli maluba-luba aa alumondi, atunkuli katuyaabunungana amaluba-luba, alimwi akumutabi umwi aumwi uuli kulubazu lumbi kube nkapu zyotatwe izipangidwe mbuli maluba-luba aa alumondi, atunkuli katuyaabunungana amaluba-luba. Oobu mbombubo mitabi iili cisambomwe mboyeelede kuba kuzwa kumusemu wacibikkilo camalambe. 34 Kumusemu wacibikkilo camalambe kube nkapu zyone izipangidwe mbuli maluba-luba aa alumondi, atunkuli katuyaabunungana amaluba-luba. 35 Kube kankuli komwe kunsi aamitabi yobilo iisaanguna kuzwa kumusemu wacibikkilo camalambe, alimwi kube kankuli komwe kunsi aamitabi yobilo iitobela, alimwi kube kankuli komwe kunsi aamitabi yobilo kumitabi iili cisambomwe iizwa kumusemu wacibikkilo camalambe. 36 Tunkuli, mitabi amusemu wacibikkilo camalambe, zyoonse zyeelede kuti kazipangidwe acibulo comwe cangolida iisalalisya, izipangidwe kubelesya nsando.+ 37 Ucipangile malambe aali ciloba, alimwi ciindi ayasyigwa ayelede kumunika kumbele lyaco.+ 38 Lumano atwakunyamwida mulilo twaco zyeelede kuba zyangolida iisalalisya.+ 39 Ukabelesye ngolida iisalalisya iilema talenta* lyomwe kupanga cibikkilo camalambe azibelesyo zyaco. 40 Ukabone kuti wazipanga kweelana acitondezyo ncowakatondezyegwa acilundu.+\\n^ Ambweni zikutu zyabanyama bamumaanzi bategwa “seal” mu Chingisi. Bali mbuli bacibawe, pesi balo mbapati.\\n^ Kabaki aaka ikakali mbuli apuloni kakajisi kasani kakumbele akakusyule. AmuboneMakani Aayungizyidwe B5.\\n^ Kakokola komwe kakaleelene amasentimita aali 44.5. Amubone Makani Aayungizyidwe B14.\\n^ Masentimita aatandila ku 7.4. Amubone Makani Aayungizyidwe B14.\\n^ Talenta lyomwe lyakali kulema makkilogilamu aali 34.2. Amubone Makani Aayungizyidwe B14.","num_words":627,"character_repetition_ratio":0.076,"word_repetition_ratio":0.006,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 43 IBBAIB63 - Lino inzala yakabija munyika. - Bible Search\\nMatalikilo 42 Matalikilo 44\\nLweendo lwabili lwakusunza\\n1-Lino inzala yakabija munyika. 2Nkabela nebakamanisya kulya zilyo nzebakasunzide ku-Egepita, wisaabo wakabaambila kuti, Amubweede, mukatuulile alimwi tulyo tuniini. 3-Pele Juda wakabaambila kuti, Ncobeni ulya muntu wakatukonkezya kuti, Tamukooyoobona busyu bwangu limbi cita mwaletelela mwanike wanu. 4Na wamuzumizya mwanike wesu kuti tuye awe, tulaya kuyookuulila zyakulya, 5pele na wakaka kumutuma tatukooinka pe, nkaambo ulya muntu wakatwaambila kuti, Tamukooyoobona busyu bwangu cita mwaletelela amwanike wanu. 6Elyo Israyeli wakati, Nkaambonzi mwakandibisizya kukulwiida muntu kuti mulijisi mwanike wanu? 7Bakati, Muntu wakatubuzisisya makani aaluzubo lwesu, Wakatubuzya kuti, Sa wisi wanu mpaacili? Sa mulijisi munyoko aumwi? Elyo twakamulwiida makani aya oonse. Sa twakalizi kuti ulaamba kuti, Amulete mwanike wanu? 8Mpawo Juda wakaambila Israyeli wisi kuti, Tuma mulombe ambebo, lino tulanyamuka akwiinka, kuti tupone tutafwi, swebo ayebo atwana twesu. 9-Mebo nomususi; kujanza lyangu nkoelede kumulangawida. Na ndabula kumuboozya akumubika kubusyu bwako, mbe amulandu lyoonse akutamani. 10Ncobeni nitwatakali kulinelezya netubweede kale alimwi.\\n11-Mpoonya awo Israyeli wisaabo wakabaambila kuti, Mbubo, kamuya, alimwi mbuboobu mbumweelede kucita, Amutolelele micelo yanyika muzibwe zelo zyanu, mutolele muntu cipo. Amutole tumabbona, atuci, atulisyo twanikoa, atununkilizyo twaladunu, andongo aminsomwa yamaalmondi. 12-Alimwi amubweze mali aamwi mumaanza aanu. Mali aakapilusigwa mumilomo yamasaka amwaapilusye mumaanza aanu; ambweni bakaaluba. 13Amwanike wanu amumutole, munyamuke, mubweede kumuntu oyo. 14-Leza Singuzuzyoonse amu pe luzyalo mumeso aamuntu oyo, kuti aangunune munyoko wanu uusyeede antoomwe a-Benjamini. Na ndalobelwa bana bangu, ndaloba. 15Mpawo bantu bakatolelela cipo eco, amali aambi mumaanza aabo a-Benjamini mwanike wabo, banyampuka, bainka kuEgepita, baakwiima kubusyu bwa-Josefa,\\n16-Nkabela Josefa naakabona kuti beza a-Benjamini, wakaambila mubambi waŋanda yakwe kuti, Njizya aba bantu muŋanda, alimwi jaya munyama, utubambile, nkaambo bantu aba baleelede kulya kulindime ciindi casikati. 17Lino oyo muntu wakacita mbubonya mbuli Josefa mbwaakalailila. Wakanjizya bantu muŋanda ya-Josefa. 18Mpawo bantu bakayoowa nkaambo kakunjizigwa muŋanda ya-Josefa, bati, Nkaambo kamali aakaboozegwa mumasaka esu mulweendo lutaanzi, ncencico ncitwaletelwa. Ulayanda kutupa mulandu akutwaanga, atutole mubuzike swebo ambongolo zyesu. 19Lino bakaswena kufwaafwi kumubambi waŋanda ya-Josefa akwaambaula awe kumulyango waŋanda. 20Bakati, Koswiilila, mwami. Ncobeni twakeza mulweendo lutaanzi kuzoosunza zilyo. 21-Elyo netwakasika kucilo, twakajalula masaka esu, twabona kuti mali esu mwaali, mali aaumwi aumwi kumulomo wasaka lyakwe, mali oonse buyo. Lino sunu twaaboozya mumaanza esu. 22Alimwi twaleta mali aamwi mumaanza esu kuzooula zilyo. Tatuzi na nguni wakabika mali esu mumasaka esu. 23Elyo wakabavwiila kuti, Amube aluumuno. Mutayoowi. Leza wanu a-Leza wabamausowanu nguwakamupa coolwe mumasaka aanu. Ndakatambula mali aanu. Amane kwaamba obo, wakaleta Simeoni kulimbabo. 24-Lino oyo muntu naakanjizya bantu muŋanda ya-Josefa, wakaleta maanzi kuti basambe kumaulu, alimwi wakasanina imbongolo zyabo. 25Nkabela bakabamba cipo kuti bape Josefa asika isikati, nkaambo bakamvwa kuti nkobazoolida insima ciindi casikati.\\n26-Lino Josefa naakasika kuŋanda, bakamuletela mumonya muŋanda cipo ncebakeza aco, nkabela bakamukotamina cakuvundama ansi. 27-Mpawo wakababuzya mbobapona, alimwi wababuzya kuti, Sa usowanu uli kabotu, munene ngomwakandaambila? Sa ucipona? 28-Bakamuvwiila kuti, Mulanda wako wiseesu uli kabotu, ucipona. Elyo bakasintama, bakotama.\\n29-Atambye meso aakwe, wakabona mwanike wakwe Benjamini, mwana wabanyina, nkabela wakababuzya kuti, Sa Oyu ngomwanike wanu ngomwakandaambila? Alimwi wakati, Leza akupe coolwe, mwanaangu. 30-Mpawo Josefa wakafwambaana kuyandaula cilililo, nkaambo moyo wakwe wakali kuyandisya mwanike wakwe. Wakanjila muŋanda yakoonena, walilila nkuko. 31-Amane kulila, wakasamba kumeso, wazwa, walisimyasimya, wati, Amubike cakulya. 32-Nkabela bakamubikila cakwe alike, abalo cabo abalike, aba-Egepita mbaakali kulya abo balike, nkaambo ba-Egepita tabakonzyi kulya insima mucilido comwe aba-Hebrayo, nkaambo kucita obo kulatondwa kuba-Egepita. 33Nkabela bakakazikwa kunembo lyakwe, mupati mbuli bupati bwakwe, muniini mbuli buniini bwakwe. Lino bantu bakali kulangana cakugamba. 34-Lino bakabikilwa zipampwido kubusyu bwakwe, pele cipampwido ca-Benjamini cakainda zipampwido zyabo zyoonse zyeelelo zyosanwe. Elyo bakanywa akunywisya awe.","num_words":569,"character_repetition_ratio":0.05,"word_repetition_ratio":0.0,"special_characters_ratio":0.174,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"IKUTI MUNTU WAFWA CINZI CITOBELA\\nTulapenga mwana nabuzya, \"Ino kufwa caamba nzi?\" Tulayoowa ikukanana lufu nokuba ikuyeeya umwi muyandwa wesu wafwa. Lufu ngosinkondonyina wabantu boonse nyika mboizulwa.\\nHena nkwingulanzi kumibuzyo eyi miyumu ijatikizya lufu? Hena kuli buumi muntu wamana kufwa? Hena tuyakubonana alimwi abayandwa besu bafwide?\\n1. KUTAMBULA LUFU KAKUNYINA KUYOOWA?\\nMbotubele toonse muzyindi zyimwi, nkabela uuyandwa wesu na mwenzuma watusiya na wafwa, tulimvwa mbuli muntu ufwide nzala, buumba mbotumvwa akati kesu mbubona mbotusondela masimpilo abuumi. Kumakani mapati kapati, amvwelene abuumba nkuli nkotunga twaiya kasimpe acicitika notufwa? Mukuba acoolwe, lumwi lubazu lwa mulimo wa Jesu \"ngwakwangulula Bantu kuzwa mubuzike bwakuyoowa lufu\" (Ba Hebulayo 2:15). Alimwi mu Bbaibele, Jesu wakaamba majwi amanya buumba alimwi ulavwila mibuzyo ya lufu alimwi abuumi buboola.\\n2. LEZA MBWA KATULENGA\\nKutegwa tutelele kuzwa mu Bbaibele kasimpe kaamba lufu, atutalike kuzwa kumatalikilo alimwi tubone mulengi mbwakatubumba. \"LEZA wakabumba muntu, wakamubumbya BULONGO BWAANSI, WAKAFULIDA MUMPEMO mpawo muntu WAKABA MUUMI (Matalikilo 2:7).\\nKumalengelo Leza wakabumba Adamu \"kuzwa kubulongo bwaansi.\" Wakali jisi bongo bwakuti kaakonzya kuyeeya; bulowa kabuliko mu nsinga bwelede kukunka. Mpoona Jehova Leza wakafulida mumpemo zyakwe \"muuya wabuumi,\" nkabela mpawo Adamu wakaba \"muumi\" (muci hebulayo, \"muntu muumi\"). Amubone kuti, Bbaibbele yalyaambi kuti Adamu wakatambula buumi; pesi lyaamba kuti muntu wakaba muumi.\" Leza mbwakafulida muuya muli Adamu, buumi buzwa kuli Leza bwakatalika. Mubili antoomwi \"akuyoyelwa kwa buumi\" kwakacita Adamu \"Kuba muntu uupona,\" \"muntu muumi.\" Inga twaamba kuti buponi bwa muntu buli boobu:\\n\"Bulongo bwa ansi\" kusanganya \"amuya wabuumi\" kucita kuba \"muntu uupona\"\\nMubili utayooyi kusanganya akufulida muuya uzwa kuli Leza kutupa muntu upona.\\nOmwe omwe wesu ulijisi mubili alimwi abongo buyeeya. Mbuli mbotuyoya lyoonse, citupa kuba muntu upona, amuuuya upona.\\n3. CINZI CICITIKA MUNTU AFWA?\\nMuntu wafwa cicitika ncakuti, zintu zila pilukila mbubwena mbuli mbocakabede kumatalikilo mbuli mbo kulembedwe mu kulonga 2:7.\\n\"BULONGO bulapiluka kunyika nkubwakazwa, AMUUYA MUUYA WA BUUMI\" ulapiluka kuli Leza nkuwakazwa.\" - Mukambausi 12:7.\\nBbaibele lyoonse libelesha majwi AbaHebulayo aamba kuti \"kuyoya\" alimwi \"Mooza\" kusandauzyanya. Bantu nobafwa, mibili yabo iba \"bulongo\" alimwi \"Mooza\" (\"muuya wa buumi\") upilukila kuli Leza, nkuwakazwa. Ino ncinzi cicitika kumuuya?\\n\"Mbundi muumi bwaamba mwami JEHOVA,... KUFUMBWA MUNTU UUPONA NGUWANGU... MUNTU UBISYA NGONGUWE UYOOFWA (Ezekieli 18:3-4).\\nBuumi bulafwa! Tabuli bwaboongole, bulamana... Ibubambe buli mu Kulonga 2 :7, Leza na katulenga, bula li induluka kwaba lufu.\\n\"Bulongo bwanyika\" \"Akuleka akuyoya kwa buumi\" kucita kuba \"mooza ufwide.\"\\n\"Mubili uunyina buumi kugusya buumi buzwa kwa Leza kutupa Muntu uufwide.\"\\nLufu nkumana kwa buumi. Mubili ulajokela kubulongo wamana muuya wapiluka kuli Leza. Tuli buumi bupona, pesi mulufu tuli buyo mubili. Moza ufwide, mubili ufwide. Eelo bafwide kunyinanci bazyi. Leza natola buumi mbwakatupa, muuya ulafwa. Mbuli mbotubona muciiyo eeci, Muli Jesu kuli bulagizi.\\n4. NKUNJI BUTI MUNTU UFWIDE NKWAZYI?\\nKwamana lufu, bongo bulaandaana tabukozya kuzyiba nakuba kuyeya cimwi. Koonse kulimvwa kwabuntu kulamana.\\n\"Luyando lwabo, alusulo lwabo abbivwe lyabo, zyoonse zyafwidilila, tabajisi caabilo abuniini muzintu zyoonse zicitika ansi\" (Mukambausi 9:6). Bafwide kunyina ncobazyi, aboobo kunyina ncobazyi cicitika. Tabajisi kuswangana abantu bapona:\\n\"Nkaambo bapona balizi kuti balafwa, PELE BAFWIDE KUNYINA NCI BAZYI.\" - Mukambausi 9:5.\\nLufu cikozyenye mbuli koona kakunyina kulota, Bbaibele liyita kuti ikufwa koona ziindi zili 54, Jesu wakalikuiisha kuti lufu cikozyenye a koona.\\nWakabaambila basiciiya bakwe kuti:\\n\"MULONGWEESU LAZARO ULOONA; pele ndainka mebo nkamusinsimune.\" - Johane 11:11-14.\\nBasiciiya bakwe bakaingula bati, \"Mwami, na ulaona ulaba kabotu ulapona.\" Jesu wakalikwambaula lufu lwakwe, pele basiciiya bakwe bakali kuyeya kuti waamba koona kwalyoonse. Lino wakabambila cigaminina kuti, \"LAZARO ULIFWIDE.\" Lazaro wakalifwide kwamazuba oone katanasika Jesu. Lino Jesu nakaunka kucuumbwe, wakatondezya kuti Leza ulakozya kubusha ufwide mbubona mbuli mbotu busha mwenzuma uulede.\\nCilakomanisha kuzyiba kuti bayandwa bafwide besu \"Baloona,\" kulyokezya mulumuno muli Jesu. Cilindi calufu, calo ncotutikainde aswebo, cikozyenye mbuli luumuno, luumuno cakoona.\\n5. HENA LEZA ULALUBA ABO BOONA MULUFU?\\nKoona mulufu taali ngamamanino abuumi. Kucuumbwe Jesu wakaambila Maata, mucizyi a Lazaro kuti: \"NDIME KUBUKA abuumi.\" OOYO UUSYOMA NDIME UYOOPONA nakuba kuti wafwa (Johani 11:25).\\nAabo bafwa \"muli Klistu\" baloona mucuumbwe-pesi balaa bulangizi. Walo uubala alimwi masusu alimumutwe wesu alimwi ulitujisi mu kwanza mutansyi lwakwe taka tulubi. Tula konzya kufwa , alimwi akupiluka kubulongo, pesi bukamboni bwandiswe bulacala kabusalala mumizezo ya Leza. Alimwi Jesu wakaboola, uyakubusya balulami bafwide kuzwa kukoona kwabo, mbubona mbwakacita Lazaro.\\n\"Tatuyandi kuti muta zyibi makani AABOONA, KUTI MUTAFWI BUUSU MBULI BAMWI BATAJISI BULANGIZI.... Nkaambo mwami mwini uyoseluka kuzwa kujulu, amukunga ajwi lya angelo silutwe amweembo wa Leza nkabela BAFWIDE MULI KLISTU BAYO SAANGUNA KUBUKA. Kwamana boobo swebo tobaumi tobasyaalizi TOYOOBWEZEGWA MUMAKUMBI ANTOOMWE AMBABO tuya kuswangana a Mwami mujulu. Aboobo tuyookala a Mwami kukabe kutamani. ABOOBO AMUGWASHANYE AMAJWI AYA. (1 Batesonika 4:13, 16-18).\\nMubuzuba bwakubuka amulindi walufu, uyakulibonya mbuli kulyokezya kusyoonto. Bafwide tababoni ciindi mbuli mboceenda. Abo bakatambula Jesu mbuli mufutuli wabo, bayakubusyigwa kuzwa kukoona ajwi lyakwe likankamanisya liboola munyika.\\nBulangizi bwakubuka kwabili lulijisi mwenzinyina: Bulangizi bwamunzi wakujulu kwalo Leza \"nkwayo sindula misozi yoonse kumeso aabo. Takukooyooba limbi lufu, nikuba kuciswa, nkaambo zintu zyakale zyamanina\" (Cizubuluzyo 21:4).\\nAabo bayanda Leza tabeelede kuyoowa lufu. Kumbele alufu kuli kuzuzikizya buumi bwa moongole bwakukala a Leza. Jesu ujisi \"zijaluzyo zyalufu\" (Cizubuluzyo 1:18). Kakunyina Jesu, lufu nikwali mbuli nzila yomwe iiya kukunyonganya, pele a Klistu kuli kulangila, lukomanisyo lwa kufutuka.\\n6. HENA TULI BASIKUTAFWA LINO NA?\\nLeza nakabumba Adamu alimwi a Eva, baka bumbwa kabatafwi. Ikuti nibakakala kabasyomeka mbuli kuyanda kwa Leza nibatakafwa. Pele nobakabisya, bakazwa kumuzeezo wabuumi. Nkaambo kakutateelela bakatalika kufwa. Cinyonyono cabo caka yambukila muntu oonse uuli munyika, mbuboobo cibi mbocakanjila munyika kumaanza aamuntu omwe buyo, alwalo lufu nkaambo kakuti boonse bakabisya (Ba-Looma 5:12). Kunyina Bbaibele mpolyaamba kuti muntu nafwa ulakonzya kuba muntu uyoya akati kabapona.\\nIbbaibele kunyina mpolisandulula kuti muuya inga wapona kakunyina kufwa. Mabbala aci Hebulayo na a ci Giliki aamba \"muuya,\" \"amoza,\" alimwi \"akuyoya\" alajanika mu Bbaibbele culu comwe alimwi amyanda yosanwe alimwi amyanda yobile. Taku niciba ciindi comwe mpo lyaamba kuti buumi bwa muntu, muuya, akuyoya zilakalilila kukabe kutamani.\\n\"Leza......ALIKE NGUUTAFWI.\" - 1 Timoti 6:15, 16.\\nIbbaibele lilacisalazya kwamba kuti bantu mubuumi obu balafwa: Bala konzya kufwa. Pele Jesu akupiluka, bube bwesu boonse buyakusandulwa.\\n\"Amubone, ndamwambila makani aasisidwe ngaaya: TATUKOOYOFWA TOONSE PE, PELE TOONSE BUYO TUYOOSANDUKA mukaindi kaniini loko, mbuli mululabo lomwe lwaliso, NUUYOLILA MWEEMBO, WAMAMANINO. Elyo mpeta iya kulila, BAFWIDE BAYAKUBUSYIGWA kabakaboli, BAYO SANDULWA. Nkaambo eci ciboleka cilelede kusamikwa butaboli, ACALO ECI CIFWA CILEELEDE KUSAMIKWA BUTAFWI\" (1 Ba- Kolinto 15: 51-53).\\nOoko kupompa kuyooba kuciindi ceelede, nkaambo uyookuleta singuzu, uutembaulika, uuli alike, Mwami wabami, mwendelezi wabeendelezi uupona amuyamyaaka, uukede mumumuni uutavulwa afwaafwi, uutanabwenwe nokuba kukonzeka kubonwa kumuntu. Abe abulemu anguzu Ibbaibele lilacisalazya kwamba kuti bantu mubuumi obu balafwa. Pele Jesu akupiluka, buumi bwesu boonse buyakusandulwa, Mbuli bantu banyama, cino ciindi tatuli bantu bataboli. Oono cisyomyo cabu Klistu ncakuti tuya kuba batafwi Jesu aakuboola alimwi ciindi cabili. Masimpe alusyomezyo lwakutabola lwakatondezegwa Jesu nakabuka kuzwa mucuumbwe cakwe, alimwi:\\n\"WAKAMANA LUFU alimwi.... WAKALETA BUUMI BWA MOONGOLE kwinda mumulumbe mubotu.\" - 2 Timoti 1:10.\\nMuzezo wa Leza ulasalala kumasimpilo aamuntu oonse: ndufu lutamani kuli babo bamukaka Jesu alimwi kabajatilila kuciinyonyoono, na mbumi butamani mbuli cipego kuli baabo bamutambula Jesu, mbuli mwami alimwi mbuli mufutuli wabo.\\n7. KUTAMBULA LUFU LWA MUYANDWA WESU\\nKuyoowa nkotulwana ako ciindi lufu nolutusikila kulainda kucisa kapati ciindi muyandwa wesu afwa. Buumba alimwi akulimva kusowekelwa kulatuzunda. Kwiingula kukusowekelwa ooyo ngotuyanda kupa camba walo Klistu nkwapa. Kuyeya kuti uuyandwa wako ulimung'onzi, uloona, aabo bayandwa balyokezya muli Jesu bayakubuka muciindi \"cakubuka mubuumi butamani Jesu aakuboola.\"\\nLeza ulaamuzeezo, uukankamanisya wakuswanganya alimwi. Bana basyoonto bayakupilusyigwa kubamazyali babo. Bamalombwana alimwi abamakaintu baya kukumbatana aumwi mu maanza aamwenzinyina. Kwaandaanyizigwa kwa Bantu a lunya lwa lufu kuya kumana. \"Lufu lwa menwa kuluzundo\" (1 Ba-Kolinto 15:54).\\nBamwi balimvwa kuti kwaandaana amuyandwa wabo nciyumu kapati cakuti balatobelezya akuyanda kuba abaabo bafwide kwiinda mukubuzya mizimo yabantu bakafwa, na kulanga zipandulula zyacoolwe. Pele Ibbaibbele icakutonkomana lilatucenjezya kusola kuceesya kucisa kwalufu munzila eyi:\\n\"Lino kufumbwa ciindi niba mwaambila kuti amuyandaule basibusangu abasondi balizya inkakata akuvuluvuta sa bantu baleelede kuyandaula bafu kukugwasya baumi?\" - Isaya 8:19.\\nMasimpe, nkaambo nzi? Bbaibele lilasalazya kuti bafwide tabazi cintu nociba comwe. Jesu alike nguupa kuumbulizigwa kwa kucisa kuletwa akaambo kakwaandana amuyandwa.\\nKuba aciindi cakukanana a Klistu ninzila ilike ikomanisya kuzunda buumba. Kuyeeya lyoonse, kulimvwa kuli baabo boona muli Klistu kuyakuba kuyobeka kwabili kwakuboola kwa Klistu akubusya bafwide!\\n8. KUTAMBULA LUFU KAKUNYINA KUYOOWA\\nLufu lulatunyazya zintu zinji. Pesi cintu comwe lufu ncolutakozyi kutunyanga ngu Klistu, alimwi Klistu ulakozya kubika zintu zyoonse antoomwe alimwi. Lufu taluka leli nyika lyoonse. Satani, babisyi, lufu, alimwi acuumbwe zyoonse ziyoloba \"muziba lyamulilo\" iluli \"ndufu lwa bili\" (Cizubuluzyo 20:14).\\nZeezi nzila zyoone zyakutambula lufu cakutayoowa.\\n(1) Kupona buumi bwakulangila akusyoma muli Klistu, uyoba muntu ulibambide kutambula lufu kufumbwa ciindi.\\n(2) Kwiinda kunguzu zya Mooza Usalala, amusyomeke ku milawo ya Kristu akulibambila kutambula buumi bwabili buboola bwalo kuyakubula kufwa alimwi.\\n(3) Muyeeye lufu mbuli koona kusyoonto kwalo ijwi lya Jesu liyakukubusya aku boola ciindi cabali.\\n(4) Kokomanina ilusinizyo alusyomo Jesu ndwatupa lwa munzi wakujulu kotuya kukala anguwe kukabe kutamani.\\nKasimpe ka Bbaibele kaangulula muntu kuzwa kukuyoowa lufu nkaambo katondezya Jesu, walo ooyo lufu lwakakakilwa kumukoma. Jesu naboola mubuumi bwesu, Ulazuzya myoyo yesu aluumuno:\\n\"Ndamusiila luumuno; ndamupa luumuno lwangu... myoyo yanu itapengi alimwi muta yoowi.\" - Johane 14:27.\\nJesu awalo ulacikonzya kutuumbulizya kuti tucikozye kuzumina kusweekelwa muyandwa wesu. Jesu wakainda \"mumumpata wa lufu\"; Ulizi musinze wamasiku ngotweenda.\\n\"Mbubona bana mbobaabilwa mubili a bulowa, awalo mwini mbubonya wakasaangana kuti KUKUFWA KWAKWE akamwaye oyo uujisi nguzu zyalufu nkokuti, saatani - alimwi kuti AKABAVUNE BOONSE ABO ABAKAVUBIDWE BAZIKE MUCIINDI COONSE CABUUMI BWABO, NKAAMBO KAKUYOOWA LUFU.\" - Ba-Hebulayo 2:14, 15.\\nMusilisi James Simpson, musilisis mupati wakasanguna kujana musamu wa kooneka bnantu, nobapandulwa, wakapenga kapati nakafwa mwanaakwe wakusaanguna. Moyo wakwe wakacisa kapati mbubona mbwakozya kulivwa muzyali. Pele wakayijana nziila yakulangila. Acuumbwe ca mwanaakwe uyandika kapati wakabika citondezyo akulemba majwi Jesu ngaakamba aajayikizya bubuke bwakwe: \"Nokuba boobu, ndapona.\"\\nEeci cilaamba zyoonse. Ipenzi lwacigaminina libonekaanga ligusya julu zimwi ziindi; nakuba boobo, Jesu ulapona! Myoyo yesu ila konzya ku tyompwa; nakuba boobo, Jesu ulapona! Muli Jesu tuli abulangizi bwabubuke. Ngo \"bubuke alimwi a buumi\" (Johane 11:25), alimwi Wasyomezya, \"Nkambo Ndapona, anywebo muya kupona\" (Johane 14:19).\\nJesu ngobulangizi bwesu bwabuumi kunze alufu. Jesu akaboola alimwi uyakutupa bumi bwa moongole. Kunyina notuya kupona mucivule calufu, mbokuli twaaba buumi butamani. Hena wakalubona kale lusyomo lupati lwalo lutukomanisya muziindi zyamapenzi esu? Naa tonamutambula Jesu kuti abe Leza alimwi amufutuli wako, sena inga tokomutambula lino?","num_words":1588,"character_repetition_ratio":0.028,"word_repetition_ratio":0.0,"special_characters_ratio":0.179,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kwiimba Kulayandikana Mubukombi Bwakasimpe | Yakwiiya\\n“Ncibotu kwiimbila Leza wesu.”—INT. 147:1.\\nNkamboonzi kwiimba nikuyandikana mubukombi bwakasimpe?\\nNiinzi chikonzya kukugwasya kuti wiimbile Jehova kazizwa aansi aamoyo?\\nNkuukuli kuchincha kwakachitwa mubbuku lyanyimbo pya alubo kujana wagwasigwa biyeni akuchincha ooku?\\n1. Kwiimba kutupa mweenya wakuchitaanzi?\\nUMWI sikwaanza nyimbo ulaampuwo wakati: “Majwi akupa kuyeeyesesya. Nyimbo zikupa kulimvwa kabotu. Pesi kwiimba kupa kuti majwi aalwiimbo akusike aamoyo.” Nyimbo zyesu zyaBwaami zitupa mweenya wakutembawula akutondeezya kuti tulamuyanda Taateesu wakujulu, Jehova. Zipa kuti tube beenzinyina. Nkinkaako, kwiimba kulayandikana mubukombi bwakasimpe kufumbwa kuti tulaatulikke naa tulaakati kabakwesu abachizi.\\n2, 3. (a) Bamwi bakubona biyeni kwiimba kumiswaangano yambungano? (b) Njiili mibuzyo njitutalange-lange muchiiyo eechi?\\n2 Ukubona biyeni kwiimba kumiswaangano yambungano? Kukufwisya bweeme na? Kuli amwi masena, baalumi kulabakataazya kwiimba akati kabantu. Eezi zilakonzya kupa kuti bantu boonse mumbungano batakuyandi kwiimba, kapati kuti baalu kabatayimbi naa kabali kuchita zimwi zintu nikuli kwiimbwa.—Int. 30:12.\\n3 Kwiimba njiimwi nzila yakukomba Jehova. Tatweelede kweendeenda naa kuzwa anze chiindi nikuli kwiimbwa. Nkinkaako, toonse tweelede kulibuzya kuti: ‘Ndikubona biyeni kwiimba kumiswaangano yambungano? Kujana ndachita biyeni kuti kandili abweeme kwiimba akati kabantu? Alubo kujana ndachita biyeni kuti ndiimbe chakubotelwa?’\\nKWIIMBA KULAYANDIKANA MUBUKOMBI BWAKASIMPE\\n4, 5. Ngaali mabambe akwiimba akachitwa kutempele?\\n4 Kuzwa chiindi, bakombi baJehova bakali kutembawula Jehova kwiinda mukwiimba. Chibotezya nchakuti, chiindi maIsrayeli nibakali kukomba chakusyomeka, bakali kubona kuti kwiimba kulayandikana mubukombi. Muchikozyano, Davida naakali kuchita mabambe akuyaka tempele, wakasala maLevi bali 4 000 kuti balumbayizye Jehova anyimbo. Akati kabo, bali 288 ‘bakayiide nyimbo zyaJehova, boonse bakali chenjede.’—1 Mak. 23:5; 25:7.\\n5 Chiindi nikwakali kupedwa tempele, bantu bakiimba chamoyo woonse. Bbayibbele lyaamba kuti: “Basimyeembo abasikwiimba kabeelede kuteleezya majwi aabo mbuli ijwi lyomwe kukutembaula akulumba Jehova, alimwi ijwi lyamyeembo alyazizyano alyazibelesyo zimwi zyakwiimba nilyakamvwigwa kukutembaula Jehova, . . . bulemu bwa-Jehova bwakazuzya ing’anda ya-Leza.” Eezi zyakasimya lusyomo lwamaIsrayeli!—2 Mak. 5:13, 14; 7:6.\\n6. Ngaali mabambe akwiimba akachitwa aNehemiya?\\n6 Chiindi Nehemiya nakabungania maIsrayeli kuti bayakulule bwaanda bwamuunzi waJerusalemu, wakasala bamwi maLevi kuti babe bayimbi. Kwiimba ooku kwakapa kuti bantu babotelwe loko chiindi nibakali kupeda bwaanda kuli Jehova. Kwakasalwa “inkamu impati zyobile zyakweenda kuya butembaula.” Nkamu eezi zyakali kweenda ajulu abwaanda bwamuunzi mumabazu asiyene mpawo bakali kuswaanana aabulambo bwakali aafwiifwi atempele. Bakali kwiimbisya zyakuti bantu bakali kule bakali kubamvwa. (Neh. 12:27, 28, 31, 38, 40, 43) Jehova wakabotelwa kumvwa bakombi bakwe kabali kumutembawula chamoyo woonse.\\n7. Jesu wakatondeezya biyeni kuti kwiimba kulayandikana mubukombi?\\n7 Chiindi Jesu naakali aanyika, wakatondeezya kuti kwiimba kulayandikana. Naakamaninsya kuchita Chilalilo chaMwaami Chagoko abasikwiiya bakwe, bantu boonse bakaliwo bakatembawula Jehova anyimbo.—Bala Matayo 26:30.\\n8. Muliili nzila maKristu bamumwaanda wamunyaka wakusaanguna nibakatusiila chikozyano chili kabotu mukwiimbila Leza?\\n8 MaKristu bamumwaanda wamunyaka wakusaanguna bakatusiila chikozyano chili kabotu chakwiimbila Leza. Kusiyana amaIsrayeli bakali kubunganina kutempele, maKristu aaba bakali kubunganina mumaanda aabo. Nikuba kuti maanda aaya taakali mabotu mbuli tempele, pesi bakali kwiimba chakubotelwa. Alubo, mwaapostolo Pawulu wakabuzya maKristunyina kuti: “Amwiisyanye akucenjezyanya cabusongo bunji antembauzyo anyimbo zya-Leza amalelebu, akuya bwiimba lyoonse cakulumba Leza mumyoyo yanu.” (Kol. 3:16) Nyimbo zyesu zyaBwaami zyeelede ‘kwiimbwa chakulumba Leza,’ nkaambo nchakulya nchitupegwa “kuciindi ceelede,” ‘amuzike uusyomekede alimwi uuchenjede.’—Mt. 24:45.\\nNIINZI CHIKONZYA KUKUGWASYA KUTI WIIMBE KUTAYOOWI?\\n9. (a) Nkamboonzi bamwi nikubakataazya kwiimba kumiswaangano yambungano naa mipati? (b) Kujana twachita biyeni kuti twiimbe kabotu, alubo mbaani beelede kuzulwida? (Langa chifanikisyo chili kumatalikilo achiiyo.)\\n9 Nziizili zimwi zintu zikonzya kupa kuti bamwi bayoowe kwiimba? Amwi tamukuzibide pe kwiimba mumpuli yanu naa muchilawu nkumukkala. Amwi mulibona kuti tamukonzyi nkaambo mulikozyanisya abantu bayimba mumarediyo naa muma TV. Pesi eezi tazyeelede kutukachizya kulumbayizya Jehova. Nkinkaako, nikwiimbwa tweelede kubweza mabbuku anyimbo, tubusye mitwe akwiimba chakubotelwa! (Ezr. 3:11; bala Intembauzyo 147:1.) MuMaanda aBwaami miingi, muli maTV atondeezya nyimbo alubo eezi zigwasya kuti bantu bayimbe kabotu. Zilabotezya kuti kwakaba mabambe aakuti baalu kabayimba chiindi nibali kuChikolo Chamulimu waBwaami. Eezi zitondeezya kuti baalu beelede kuzulwida chiindi nikuli kwiimbwa kumiswaangano yambungano.\\n10. Niinzi chikonzya kutugwasya kuti tutayoowi kwiimbila ajulu?\\n10 Bamwi balayoowa kwiimbila ajulu nkaambo babonaanga mbaliwo. Pesi atuyeeye atala amakani aaya: Nikuba kuti “tulalubizya ziindi zinji” nitwaambuula pesi tatuleki pe kwaambuula. (Jak. 3:2, NW) Nkinkaako, tatweelede kuleka kwiimba akaambo kakuti tulibaliwo.\\n11, 12. Niinzi chikonzya kutugwasya kuti twiimbe kabotu?\\n11 Amwi ulayoowa kwiimba akaambo kakuti tukonzyi pe. Nikuba boobo, kuli zimwi zintu zikonzya kukugwasya kuti wiimbe kabotu. *\\n12 Kuyoya kabotu kulakonzya kukugwasya kuti wiimbe kabotu akuti wiimbile ajulu. Mbukunga magesi apa kuti malayiti alayite, nkinkaako kuyoya kupa kuti ukonzye kwaambuula kabotu naa kwiimba. Nulikwiimba, jwi lyako lyeelede kweendelana ambuwambuula naa kwiinda mbuwambuula. (Langa amwi malayilile aagwasya mubbuku litegwa Benefit From Theocratic Ministry School Education, apeji 181 kusika ku184, ansi aamutwe uuti “Properly Control Your Air Supply.”) Bbayibbele lilayilila bakombi baJehova kuti ‘boongolole chakukondwa’ chiindi nibalikwiimba.—Int. 33:1-3, NW.\\n13. Pandulula mbutukonzya kwiimba kabotu.\\n13 Nimulikuchita kukomba kwampuli naa awulikke, ulakonzya kuchita zintu zitobela. Sala lwiimbo nduyandisya mubbuku lyanyimbo. Abalile aajulu mabala ali mulwiimbo ndwasala. Yezya kuyoya kamwi luzutu chiindi nulikubala munchali uumwi wanyimbo, kutachinchi jwi. Kuzwa waawo, yezya kwiimbila aajulu kutachinchi jwi. (Is. 24:14) Eezi zilakonzya kukugwasya kuti wiimbile aajulu. Chiindi nuchita eezi toyelede kuyoowa naa kuba bweeme.\\n14. (a) Kujulisya mulomo kutugwasya biyeni chiindi nituli kwiimba? (Langa kabbokesi katii, “ Mbukonzya Kwiimba Kabotu.”) (b) Nziizili zintu zikonzya kukugwasya kuti wiimbile aajulu?\\n14 Kujulisya mulomo kulakonzya kukugwasya kuti wiimbile aajulu. Nkinkaako, chiindi nulikwiimba weelede kujula mulomo kwiinda mbuchita chiindi nuli kwaambuula. Niinzi nchukonzya kuchita kuti wabonaanga uli ajwi pati naa kaniini? Ulakonzya kujana amwi malayilile aagwasya mubbuku litegwa Benefit From Theocratic Ministry School Education, aapeji 184 mukabbokesi katii, “Overcoming Specific Problems.”\\nMBUKONZYA KWIIMBA KABOTU\\n(Langa fuka 11-14)\\nYimikila ubusye mutwe\\nJulisya mulomo agoyooyo\\nYIMBA KAZIZWA AANSI AAMOYO\\n15. (a) Niinzi chakaambilizigwa kumuswaangano uuchitwa munyaka amunyaka wamu2016? (b) Nkamboonzi bbuku lyanyimbo nilyakabambululwa?\\n15 Bantu bakaliwo kumuswaangano uuchitwa munyaka amunyaka wamu2016, bakabotelwa chiindi Mukwesu Stephen Lett wamuKabunga Keendelezya, nakaambilizya kuti kwakaba bbuku lyanyimbo pya lili amutwe uti “Sing Out Joyfully” to Jehovah. Mukwesu Lett wakapandulula kuti twakeelede kuba abbuku pya lyanyimbo nkaambo Bbayibbele lyaNew World Translation of the Holy Scriptures lyakabambululwa. Amwi majwi anyimbo atajaniki muBbayibbele lyaNew World Translation lyamu2013 lyakabambululwa, akachinchwa. Alubo kwakayungizigwa nyimbo zili atala akukambawuka achinunuzyo. Akaambo kakuti kwiimba kulayandikana mubukombi bwesu, bamuKabunga Keendelezya bakapanga bbuku lyanyimbo lili aachivumbyo chisimide. Alubo, chivumbyo chabbuku lyanyimbo chileendelana aBbayibbele lyaNew World Translation.\\n16, 17. Nziizili zimwi zintu zyakachinchwa mubbuku lyanyimbo pya?\\n16 Nyimbo zili amitwe yeendelana zyakabikkwa muchipaanzi chimwi kuchitila kuti zitakataazyi kuyanduula. Muchikozyano, nyimbo zili 12 zyakusaanguna zili atala aJehova mpawo zili 8 zitobela, zili atala aJesu achinunuzyo. Kumasaangunino abbuku lyanyimbo, kuli mitwe yamakani yanyimbo zyoonse. Eezi zilakonzya kumugwasya mukwesu kuti kalikuyanduula lwiimbo lweendelana ankani yakwe.\\n17 Kuti bantu bakonzye kwiimba kazizwa aansi aamoyo, amwi mabala anyimbo akachinchwa kuti amvwisisike. Muchikozyano, kwakali kweelela kuchincha mutwe walwiimbo luti “Bamba Moyo Wako” kuti utii “Atukwabilile Myoyo Yesu.” Nkamboonzi lwiimbo oolu nilwakachinchwa? Nkaambo muntu naakali kwiimba lwiimbo oolu kwakali kubaanga uli kubuzya bamwi nzibeelede kuchita. Eezi zyakali kukonzya kubayumina bapya mumbungano, bantu bali achiyandisyo, bachikula abachizi chiindi nibali kumiswaangano yambungano naa mipati. Nkinkaako, mutwe walwiimbo oolu, aamwi majwi akachinchwa.\\nChiindi nimuli kuchita kukomba kwampuli mweelede kupulakitizya nyimbo zyaBwaami (Langa fuka 18)\\n18. Nkamboonzi nitweelede kupulakitizya nyimbo mpya? (Langa makani aamunsi.)\\n18 Zimwi nyimbo zili mubbuku lyanyimbo pya zilembedwe mbuli nkombyo. Nyimbo eezi zitugwasya kuti tubuzye Jehova zintu zitukataazya. Zimwi nyimbo zitugwasya kuti ‘tuyandane akuchita milimu mibotu.’ (Heb. 10:24) Tweelede kuziba majwi aanyimbo zyaBwaami ambuzyiimbwa. Tulakonzya kuchita eezi kwiinda mukuswiilizya nyimbo zyakalekkodwa zijanika ajw.org. Kupulakitizya kwiimba kamuli kung’anda kulakonzya kumugwasya kuti kamwiimba kamutayoowi akwiimba kazizwa aansi aamoyo. *\\n19. Njiili nzila yakutembawula Jehova mumbungano?\\n19 Mutalubi kuti kwiimba kulayandikana mubukombi bwesu. Kwiimba kutondeezya kuti tulamuyanda Jehova akuti tulazilumba zintu zyoonse nzyatuchitila. (Bala Isaya 12:5.) Nuyimba kazizwa aansi aamoyo, nga ulikusungwaazya bamwi kuti bachite oobo. Bantu boonse mumbungano, kufumbwa kuti mbapati, mbaniini naa kuti mbapya mukasimpe, balakonzya kutembawula Jehova kwiinda mukwiimba. Nkinkaako, tweelede kwiimba kazizwa aansi aamoyo. Tweelede kuchita kweendelana amajwi asintembawuzyo wakati: “Amwiimbile Jehova.” Atwiimbe chakubotelwa!—Int. 96:1.\\n^ par 11 Ikuti uzibe nzila zikonzya kukugwasya kuti wiimbe kabotu, yebela JW Broadcasting yamuDecember 2014 (vidiyo eeyi ijanika alembedwe kuti FROM OUR STUDIO).\\n^ par 18 Kumiswaangano mipati, chipaanzi chakuseeni achasikati zitalisya anyimbo kwamaminiti aali 10. Nyimbo eezi zitugwasya kuti tubone kuti kwiimba kulayandikana akuti tubambile myoyo yesu kuti tuswiilile pulogilamu yoonse. Nkinkaako, tweelede kukkala aansi chiindi nikuli kwiimbwa nyimbo eezi.","num_words":1257,"character_repetition_ratio":0.064,"word_repetition_ratio":0.003,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"1 Bakorinto 7 | Bbaibbele lili a Intaneti | Bbaibbele lya Busanduluzi Bwanyika Mpya\\n7 Lino ikujatikizya makani ngomwakalemba, cili kabotu kuti mwaalumi atagumi* mukaintu pe; 2 pele akaambo kakuvwula kwabwaamu,* mwaalumi umwi aumwi abe amukaintu wakwe uumugeme+ alimwi mukaintu umwi aumwi abe amulumaakwe uumugeme.+ 3 Imulumi ape mukaintu wakwe zyeelede, awalo mukaintu acite mbubonya kumulumaakwe.+ 4 Imukaintu tajisi nguzu kujatikizya mubili wakwe, pele mulumaakwe nguujisi; mbubonya buyo awalo mulumi tajisi nguzu kujatikizya mubili wakwe, pele mukaintu wakwe nguujisi. 5 Mutaimani pe, ccita buyo kuti mwazuminizyanya kucita boobo kwaciindi cibikkidwe, kutegwa mwaabe ciindi canu kumupailo, mpoonya amuswaangane alimwi ikutegwa Saatani atazumanani kumusunka akaambo kakutalilesya kwanu. 6 Pele ndaamba boobu ikumulailila buyo, ikutali kuti mulawo buya pe. 7 Pele ndilombozya kuti kubota baalumi boonse nobali mbuli ndime. Nokuba boobo, umwi aumwi ujisi cipego cakwe cimugeme+ kuzwa kuli Leza, umwi munzila eeyi, umwi munzila imbi. 8 Lino ndaambila baabo batakwete naa batakwetwe alimwi abamukabafwu kuti inga cainda kubota ikuti bazumanana kuba mbuli mbondibede.+ 9 Pele ikuti kabatakonzyi kulilesya, abakwate naa kukwatwa, nkaambo cilainda kubota kukwata naa kukwatwa ikwiinda kufwa luunyaunya.+ 10 Kubantu bakwetene ndipa malailile aaya, nokuba boobo tandili ndime pe pele Mwami, kuti mukaintu teelede kwaandaana amulumaakwe.+ 11 Pele ikuti naa waandaana anguwe, atakwatwi pe, ikuti kakutali boobo apilukile akuyanzana amulumaakwe; awalo mulumi teelede kusiya mukaintu wakwe pe.+ 12 Pele kuli bamwi mebo lwangu, inzya mebo ikutali Mwami+ ndaamba kuti: Ikuti mukwesu umwi kajisi mukaintu uutasyomi, pele mukaintu ooyo kalisungwide kukkala anguwe, atamusiyi pe; 13 alimwi ikuti mukaintu kajisi mulumi uutasyomi, pele kalisungwide kukkala anguwe, atamusiyi pe mulumaakwe. 14 Nkaambo mulumi uutasyomi ulasalazyigwa akaambo kamukaintu wakwe, awalo mukaintu uutasyomi ulasalazyigwa akaambo kamukwesu; nikwatali boobo bana banu nobasofweede, pele lino balasalala. 15 Pele ikuti uutasyomi wayanda kusiya mweenzinyina,* kaya; imukwesu naa mucizyi taangidwe mubukkale buli boobo, pele nywebo Leza wamwiita kuluumuno.+ 16 Nkaambo omukaintu, sena tozyi kuti ambweni inga wafwutula mulumaako?+ Naa yebo omulumi, sena tozyi kuti ambweni inga wafwutula mukaintu wako? 17 Nokuba boobo, umwi aumwi akkale kweelana acaabilo Jehova* ncaakamupa, akweenda mbubonya Leza mbwaakamwiita.+ Oobo mbondilailila mumbungano zyoonse. 18 Sena kuli muntu wakaitwa kapalwidwe?+ Atalitondezyi mbuli kuti tapalwidwe pe. Sena kuli muntu wakaitwa katapalwidwe? Atapalulwi pe.+ 19 Kupalulwa taaku ncokwaamba, akwalo kutapalulwa taaku ncokwaamba;+ pele icipati nkutobela milawo ya Leza.+ 20 Kufwumbwa bukkale umwi aumwi mwaakabede naakaitwa, azumanane mubukkale oobo.+ 21 Sena wakali muzike nowakaitwa? Citakupi kulibilika eeco pe;+ pele ikuti naa kocikonzya kwaanguluka, acikubede coolwe eeco. 22 Nkaambo kufwumbwa muntu iwakaitwa mu Mwami kali muzike, lino muntu wa Mwami waangulukide;+ mbubonya buyo kufwumbwa iwakaitwa kaangulukide, lino muzike wa Kristo. 23 Mwakaulwa amuulo waatala;+ amuleke kuba bazike babantu. 24 Kufwumbwa bukkale umwi aumwi mwaakabede naakaitwa bakwesu, azumanane mubukkale oobo kumbele lya Leza. 25 Lino kujatikizya banakalindu,* tandijisi mulawo uuzwa ku Mwami pe, pele ndipa muzeezo wangu+ mbondili yooyo Mwami ngwaakafwida luse kutegwa ndibe muntu uusyomeka. 26 Aboobo akaambo kabuyumuyumu buliko lino, ndiyeeya kuti cilainda kubota kuti muntu azumanane buyo mbubonya mbuli mbwabede lino. 27 Sena ulaangidwe kumukaintu? Koleka kuyandaula kwaanguluka.+ Sena ulaangulukide kumukaintu? Koleka kuyandaula mukaintu. 28 Pele nokuba kuti wakwata, tociti cibi pe. Alimwi ikuti nakalindu wakwatwa, taciti cibi pe. Nokuba boobo, aabo bakwatana banoojisi mapenzi mumibili yabo. Pele mebo ndisola kumukwabilila. 29 Kunze lyaboobo, bakwesu ndimwaambila kuti ciindi casyaala caceya.+ Kuzwa lino aabo bajisi bamakaintu babe mbuli kuti tabajisi, 30 aabo balila babe mbuli kuti tabalili, aabo bakondwa babe mbuli batakondwi, aabo baula babe mbuli batajisi zintu, 31 aabo babelesya nyika, babe baabo bataibelesyi cakumaninina; nkaambo izintu zicitika munyika eeyi ziyaabucinca. 32 Ncobeni ndiyanda kuti mutabi bantu balibilika. Mwaalumi uutakwete ulisungweede kujatikizya zintu zya Mwami, nkokuti mbwanga wakkomanisya Mwami. 33 Pele mwaalumi uukwete ulisungweede kujatikizya zintu zyamunyika,+ nkokuti mbwanga wakkomanisya mukaintu wakwe, 34 aboobo ujata maankamaanka. Alimwi mukaintu uutakwetwe alimwi anakalindu balisungweede kujatikizya zintu zya Mwami,+ nkokuti kutegwa kabasalala kumubili akumuuya. Pele mukaintu uukwetwe ulisungweede kujatikizya zintu zyamunyika, nkokuti mbwanga wakkomanisya mulumaakwe. 35 Pele ndimwaambila makani aaya kutegwa mugwasyigwe, ikutali kuti ndiyanda kumulesya* pe, pele ndiyanda kuti muzyibe cintu ceelede alimwi eeco icaamba kubelekela Mwami lyoonse kakunyina kunyonganizyigwa. 36 Pele ikuti umwi wabona kuti camwaalila kukkala buyo katakwete,* alimwi ikuti kali wainda kale aciimo cakukubuka, nkokuti mboobu mboceelede kuba: Kacita eeco ncayanda; tabisyide pe. Abakwate.+ 37 Pele ikuti umwi kakkalikene mumoyo wakwe, alimwi takatazyigwi, pele ulijisi nguzu zyakweendelezya mizeezo yakwe alimwi ulisinizyide mumoyo wakwe kuti ulakutobela kusala kwakwe ooku kwakuti azumanane katakwete,* ulacita kabotu.+ 38 Mbubonya buyo kufwumbwa uukwata* ucita kabotu, pele kufwumbwa uutakwati ucita kabotu kwiinda.+ 39 Imukaintu ulaangidwe kufwumbwa kuti mulumaakwe kacipona.+ Pele ikuti mulumaakwe woona mulufwu, ulaangulukide kukwatwa kumuntu uuli woonse ngwayanda, pele buyo mu Mwami.+ 40 Pele mebo ndibona kuti unookkomene kapati ikuti wakkala buyo mbubonya mbwabede; alimwi ndiyeeya kuti andime ndilijisi muuya wa Leza.\\n^ Naa “kwaandaana amweenzinyina.”\\n^ Naa “aabo batanakwete naa kukwatwa.”\\n^ Mu Chigiriki, “kumunjizya mukooze.”\\n^ Naa “kuti uyeeya kuti talilemeki kabotu abunakalindu bwakwe.”\\n^ Naa “azumanane kali nakalindu.”\\n^ Naa “uupa bunakalindu bwakwe mucikwati.”","num_words":756,"character_repetition_ratio":0.057,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"‘Cakulya Cangu Nkucita Kuyanda kwa Leza’​—Johane 4:34 | Yakwiiya\\nNgazi Yamulindizi—Yakwiiya | May 2014\\nAMUBALE MU Afrikaans Albanian Amharic Arabic Armenian Aymara Azerbaijani Azerbaijani (Cyrillic) Bengali Bicol Bislama Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Danish Drehu Dutch Efik English Estonian Ewe Finnish French Ga Georgian German Greek Greenlandic Guarani Gujarati Gun Haitian Creole Hebrew Hiligaynon Hindi Hungarian Icelandic Igbo Iloko Indonesian Italian Japanese Kannada Kazakh Kikaonde Kikuyu Kimbundu Kinyarwanda Kirghiz Kirundi Kongo Korean Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Malayalam Maltese Marathi Maya Ndebele Ndonga Nepali Ngabere Norwegian Nyaneka Nzema Oromo Ossetian Pangasinan Papiamento (Aruba) Papiamento (Curaçao) Persian Polish Portuguese Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Romanian Russian Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swahili (Congo) Swati Swedish Tagalog Tahitian Tamil Tatar Telugu Thai Tigrinya Tshiluba Tsonga Turkish Twi Tzotzil Ukrainian Umbundu Urdu Uzbek Venda Vietnamese Wallisian Waray-Waray Wolaita Xhosa Yoruba Zulu\\n‘Cakulya Cangu Nkucita Kuyanda kwa Leza’\\nNcinzi cimupa kukkomana kapati? Sena nzintu nzyobacita bantu, zintu mbuli cikwati, kuba aamukwasyi, naa kuyumya cilongwe? Kulangilwa kuti mulakkomana kulida antoomwe abayandwa banu. Nokuba boobo, mbotuli babelesi ba Jehova, kucita kuyanda kwa Leza, kwiiya Jwi lyakwe, akukambauka makani mabotu nkokweelede kutupa kukkomana kapati.\\nMulwiimbo ndwaakali kutembaula Mulengi, Mwami Davida wa Israyeli yakaindi wakaimba kuti: “Ndakondwa kucita luyando lwako, O Leza wangu; mulao wako uli mumoyo wangu.” (Int. 40:8) Nokuba kuti wakali kulijana mubukkale bukatazya mubuumi bwakwe, Davida wakali kukondwa ncobeni kucita kuyanda kwa Leza. Cakutadooneka, Davida tali ngomukombi wa Jehova alikke iwakakkomana kubelekela Leza wakasimpe.\\nKwiinda mukubelesya majwi aajanika mu Intembauzyo 40:8 kupandulula Mesiya, naa Kristo, mwaapostolo Paulo wakalemba kuti: ‘Jesu naakaboola munyika wakaamba kuti: “‘Zipaizyo alimwi azituuzyo tiiwakaziyanda pe, pele wakandibambila mubili. Tiiwakazikkomanina pe zituuzyo zyuumpwa zyuumbulu azituuzyo zyacibi.’ Mpoonya ndakati, ‘Bona! Ndaboola, (mubbuku lyakuvwunga kulilembedwe kujatikizya ndime) kuti ndicite kuyanda kwako, O Leza.’”’—Heb. 10:5-7.\\nNaakali waano anyika, Jesu wakali kukkomana kweebelela zilenge, kukkala antoomwe abalongwe, alimwi akulya cakulya abamwi. (Mt. 6:26-29; Joh. 2:1, 2; 12:1, 2) Nokuba boobo, cintu cipati ncaakali kubikkila maano kapati alimwi icakali kumukkomanisya, nkucita kuyanda kwaba Usyi bakujulu. Alimwi buya Jesu wakaamba kuti: “Cakulya cangu nkucita kuyanda kwayooyo wakandituma alimwi akumanizya mulimo wakwe.” (Joh. 4:34; 6:38) Kuzwa kuli Simalelaabo, basikwiiya ba Jesu bakaiya cintu cini cipa kukkomana kwini-kwini. Kabakkomene, bakali kwaambila bamwi mulumbe wa Bwami caluyandisisyo.—Lk. 10:1, 8, 9, 17.\\n‘KAMUYA MUKAGWASYE BANTU KUBA BASIKWIIYA’\\nJesu wakalailila basikwiiya bakwe kuti: “Kamuya mukagwasye bantu bamisyobo yoonse kuba basikwiiya, akubabbapatizya muzyina lya Taata alya Mwana alya muuya uusalala, kubayiisya kubamba zyintu zyoonse nzyondakamulailila. Alimwi amubone! Ndili andinywe mazuba oonse mane kusikila kumamanino aabweende bwazyintu oobu.” (Mt. 28:19, 20) Kuzuzikizya mulimo ooyu kubikkilizya kukambaukila bantu kufwumbwa nkobakonzya kujanika, kucita nyendo zyakupilukila, alimwi akusololela ziiyo zya Bbaibbele kubantu bali boobo. Kucita mulimo ooyu kulakonzya kuba nenzila yakujanina lukkomano lunji.\\nLuyando lulatukulwaizya kuzumanana kukambauka nokuba kuti tulakazyigwa\\nKufwumbwa naa bantu balaukkomanina mulumbe wesu naa pe, cilayandika kapati kuzilanga kabotu zintu kutegwa tujane lukkomano mumulimo wakukambauka. Nkaambo nzi ncotuzumanana kwaambilizya makani mabotu nokuba kuti tulakazyigwa? Nkaambo tulizyi kuti kutola lubazu kwesu mumulimo wakukambauka Bwami akugwasya bantu kuba basikwiiya ncitondezyo cakuti tulamuyanda Leza alimwi tulabayanda basimukoboma. Kuyungizya waawo, buumi buli muntenda—buumi bwesu alimwi abuumi bwabasimukoboma. (Ezk. 3:17-21; 1 Ti. 4:16) Atulange-lange twaambo tumwi itwagwasya basimilimoma kuzumanana naa kubukulusya busungu bwabo mumulimo wakukambauka muzilawo zikatazya.\\nAMUCIBELESYE CIINDI COONSE NCOMUJANA\\nKubelesya mibuzyo yeelede ciindi notuli mumulimo wakukambauka kanji-kanji kupa kuti bantu batambule makani mabotu. Mucikozyanyo, buzuba bumwi mafwumofwumo, ba Amalia bakabona mwaalumi umwi kabala muteende mubusena bumwi bwakulyookezyela. Bakaswena afwaafwi kumwaalumi ooyo akumubuzya naa kuli makani mabotu ngaabala mumuteende. Mwaalumi ooyo naakaingula kuti kunyina, ba Amalia bakaamba kuti: “Ndamuletela makani mabotu aamba zya Bwami bwa Leza.” Eeci cakapa kuti mwaalumi ooyo abe aaluyandisisyo, alimwi wakazumina kwiiya Bbaibbele. Ba Amalia bakacikonzya kutalisya ziiyo zya Bbaibbele zyotatwe mubusena mbubwenya oobu.\\nBa Janice bajisi bubambe bwakukambaukila kubusena nkobabelekela. Ciindi cimwi mulindizi amubelesinyina nobakacikkomanina cibalo cimwi icakali mu Ngazi Yamulindizi, ba Janice bakabaambila kuti balakonzya kunakubaletela mamagazini lyoonse. Bakacita mbubwenya oobo akumubelesinyina umbi, walo iwakakkomana kubona zibalo ziindene-indene mu Ngazi Yamulindizi amu Sinsimuka! Eeci cakapa kuti mubelesi umbi alombe mamagazini. Ba Janice bakaamba kuti: “Eeci ncilongezyo cipati kaka kuzwa kuli Jehova!” Mukuya kwaciindi, bakazikuba aabantu bali 11 mbobakeelede kunakutolela lyoonse mamagazini kumulimo.\\nAMUBE MUNTU UUKULWAIZYA\\nMulangizi wabbazu umwi wakakulwaizya kuti ciindi nomuli mumulimo wakukambauka kuŋanda aŋanda, basikumwaya tabeelede kumana mubandi wabo kwiinda mukwaamba buyo kuti bayakupiluka alimwi buzuba bumbi. Muciindi caboobo, balakonzya kumubuzya mubuzyo muntu ooyo, akwaamba kuti: “Sena inga ndamutondezya mbocicitwa ciiyo ca Bbaibbele?” naa, “Ndilili alimwi nciindi nzi nomunga mwayanda kuti ndikaboole alimwi kuzyi kuzumanana amubandi wesu ooyu?” Mulangizi weendeenda wakaamba kuti kwiinda mukubelesya nzila eeyi, bakwesu abacizyi bamumbungano imwi njaakali kuswaya bakacikonzya kutalisya ziiyo zya Bbaibbele zili 44 munsondo yomwe buyo.\\nKucita nyendo zyakupilukila cakufwambaana—andiza kwainda buyo mazuba masyoonto kuzwa nomwakaswaya ciindi cakusaanguna—kulakonzya kugwasya kapati. Ino nkaambo nzi? Nkaambo kucita boobo kutondezya kuti tulakubikkila kapati maano kugwasya bantu balaaluyandisisyo lwakwiiya Bbaibbele. Mukaintu umwi naakabuzyigwa kuti aambe kaambo kakamupa kuzumina kwiiya Bbaibbele a Bakamboni ba Jehova, wakaamba kuti: “Ndakatalika kwiiya akaambo kakuti bakali kundibikkila kapati maano alimwi bakali kundiyanda.”\\nMulakonzya kumubuzya mwini ŋanda kuti, “Sena inga ndamutondezya mbocicitwa ciiyo ca Bbaibbele?”\\nNokwakainda buyo ciindi cisyoonto kuzwa nobakanjila Cikolo Camulimo Wabupainiya, ba Madaí bakali kusololela ziiyo zya Bbaibbele zili 15 mpoonya zimbi zyosanwe bakapa basikumwaya bambi. Ziiyo zya Bbaibbele zyabo zinji zyakatalika kujanika kumiswaangano yesu lyoonse. Ncinzi cakabagwasya ba Madaí kutalisya ziiyo zinji boobu? Cikolo cakabagwasya kubona mbociyandika kupilukila kusikila mane babajana aabo ibakatondezya luyandisisyo mulweendo lwakusaanguna. Kamboni umwi iwakagwasya bantu banji kwiiya Bbaibbele wakaamba kuti: “Ndazyiba kuti kuzumanana kucita nyendo zyakupilukila kulayandika kapati mukugwasya bantu kumuzyiba Jehova.”\\nKucita nyendo zyakupilukila cakufwambaana kutondezya kuti tulababikkila kapati maano aabo ibayanda kwiiya Bbaibbele\\nKucita nyendo zyakupilukila akusololela ziiyo zya Bbaibbele kuyandika kubeleka canguzu. Pele kucita boobo kuletela zilongezyo zinji. Kwiinda mukubikkila maano kumulimo wakukambauka wa Bwami, tulakonzya kugwasya bantu banji “kuba aluzyibo lwini-lwini lwakasimpe,” calo icikonzya kupa kuti bakafwutulwe. (1 Ti. 2:3, 4) Mpoonya swebo tulakonzya kukkutila akukkomana kapati.\\nMbuti Mbotweelede “Kumwiingula Muntu Umwi Aumwi”?\\nAmutobele Mulawo Wabukkale Bubotu Mumulimo Wanu Wakukambauka\\nMAKANI AABUUMI Jehova Wandigwasya Ncobeni\\nJehova Ngu Leza Uucita Zintu Kweelana Abubambe\\nSena Mweendela Antoomwe Ambunga ya Jehova?\\nMAKANI EESU AAKAINDI “Kucili Mulimo Mupati Wakutebula Uuyandika Kubelekwa”\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA May 2014\\nNGAZI YAMULINDIZI—YAKWIIYA May 2014","num_words":996,"character_repetition_ratio":0.058,"word_repetition_ratio":0.0,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amumutembaule Jehova Mumbungano | Ngazi Yamulindizi Yakwiiya\\nNgazi Yamulindizi—Yakwiiya | January 2019\\nAMUBALE MU Acholi Afrikaans Aja Akha Albanian Altai Alur American Sign Language Amharic Amis Angolan Sign Language Arabic Argentinean Sign Language Armenian Aukan Australian Sign Language Aymara Azerbaijani Azerbaijani (Cyrillic) Baoule Bashkir Bassa (Cameroon) Batak (Karo) Batak (Simalungun) Batak (Toba) Belize Kriol Bengali Biak Bicol Bislama Bolivian Sign Language Boulou Brazilian Sign Language British Sign Language Bulgarian Cakchiquel (Western) Cambodian Catalan Cebuano Changana (Mozambique) Chavacano Chichewa Chilean Sign Language Chin (Hakha) Chinese (Traditional) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuukese Chuvash Cibemba Cinyanja Colombian Sign Language Costa Rican Sign Language Croatian Cuban Sign Language Czech Czech Sign Language Damara Dangme Danish Dayak Ngaju Digor Douala Drehu Dutch Ecuadorian Sign Language Edo Efik English Esan Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Gitonga Greek Greek Sign Language Greenlandic Guadeloupean Creole Guarani Guatemalan Sign Language Gujarati Gun Haitian Creole Hausa Hebrew Herero Hiligaynon Hindi Hiri Motu Hmong (White) Honduras Sign Language Hungarian Hungarian Sign Language Iban Ibanag Ibinda Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Javanese Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Kekchi Kenyan Sign Language Kikamba Kikaonde Kikongo Kikuyu Kiluba Kimbundu Kinyarwanda Kirghiz Kiribati Kirundi Kisi Kisonge Kongo Korean Korean Sign Language Krio Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Lahu Laotian Latvian Lhukonzo Lingala Lithuanian Lomwe Low German Luganda Lunda Luo Luvale Macedonian Macua Malagasy Malawi Sign Language Malay Malayalam Maltese Mam Mambwe-Lungu Mapudungun Marathi Marshallese Mauritian Creole Maya Mazatec (Huautla) Mbunda Mexican Sign Language Mingrelian Mixe (North Central) Mixtec (Guerrero) Mizo Mongolian Moore Motu Mozambican Sign Language Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndau Ndebele Ndebele (Zimbabwe) Ndonga Nepali Ngabere Ngangela Nias Nicaraguan Sign Language Niuean Norwegian Nyaneka Nyungwe Nzema Okpe Oromo Ossetian Otetela Palauan Panamanian Sign Language Pangasinan Papiamento (Curaçao) Paraguayan Sign Language Persian Peruvian Sign Language Pidgin (West Africa) Polish Polish Sign Language Ponapean Portuguese Portuguese (Portugal) Portuguese Sign Language Punjabi Quebec Sign Language Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Rarotongan Romanian Romanian Sign Language Romany (Macedonia) Romany (Macedonia) Cyrillic Romany (Serbia) Romany (Southern Greece) Ronga Runyankore Russian Russian Sign Language Rutoro Salvadoran Sign Language Samoan Sangir Sango Saramaccan Sena Sepedi Sepulana Serbian (Cyrillic) Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Sunda Swahili Swahili (Congo) Swati Swedish Tagalog Tahitian Taiwanese Sign Language Tajiki Tamil Tarascan Tatar Telugu Tetun Dili Thai Thai Sign Language Tigrinya Tiv Tlapanec Tojolabal Tok Pisin Tongan Totonac Tshiluba Tshwa Tsonga Turkish Turkmen Tuvaluan Twi Tzeltal Tzotzil Uighur (Arabic) Uighur (Cyrillic) Ukrainian Umbundu Urdu Urhobo Uruund Uzbek Venda Venezuelan Sign Language Vietnamese Wallisian Waray-Waray Wayuunaiki Welsh Wolaita Xhosa Yapese Yoruba Zambian Sign Language Zande Zapotec (Isthmus) Zimbabwe Sign Language Zulu\\nCIBALO CAKWIIYA 2\\nAmumutembaule Jehova Mumbungano\\n“Akati kambungano ndiyookutembaula.”​—INT. 22:22.\\n1. Ino Davida wakalimvwa buti kujatikizya Jehova, alimwi ino eeci cakamupa kucita nzi?\\nMWAMI DAVIDA wakalemba kuti: “Jehova mupati alimwi weelede kutembaulwa kapati.” (Int. 145:3) Davida wakali kumuyanda Jehova alimwi luyando oolo lwakamupa kuti amutembaule Leza “akati kambungano.” (Int. 22:22; 40:5) Cakutadooneka, mulamuyanda Jehova alimwi mulaazumina majwi aa Davida aakuti: “Kotembaulwa O Jehova Leza wa Israyeli taateesu lyoonse alyoonse mane kukabe kutamani.”—1Mak. 29:10-13.\\n2. (a) Mbuti mbotukonzya kumutembaula Jehova? (b) Ino mbuyumuyumu nzi bamwi mbobajana, alimwi tulanga-langa twaambo nzi?\\n2 Mazuba aano, nzila imwi mbotumutembaula Jehova nkwiinda mukwiingula lyamiswaangano ya Bunakristo. Nokuba boobo, bunji bwabakwesu abacizyi cilabayumina kapati. Balayanda kutola lubazu ciindi camiswaangano, pele kuyoowa kubapa kwaalilwa kucita boobo. Mbuti mbobakonzya kulilwana penzi eelyo lyakuyoowa? Alimwi ninzila nzi zigwasya izikonzya kutugwasya toonse kupa bwiinguzi bukulwaizya? Katutanaingula mibuzyo eeyi, atusaangune kulanga-langa twaambo tuyandika kapati tone itutupa kwiingula kumiswaangano.\\nTWAAMBO ITUTUPA KWIINGULA KUMISWAANGANO\\n3-5. (a) Kweelana alugwalo lwa Bahebrayo 13:15, nkaambo nzi ncotweelede kwiingula kumiswaangano? (b) Sena toonse tweelede kupa bwiinguzi bukozyene? Amupandulule.\\n3 Toonse Jehova wakatupa coolwe cakumutembaula. (Int. 119:108) Bwiinguzi bwesu kumiswaangano ncibeela ‘cacipaizyo cantembauzyo’ cesu, alimwi kunyina uukonzya kutupeda cipaizyo eeco. (Amubale Bahebrayo 13:15.) Sena Jehova uyanda kuti katupa cipaizyo cikozyene, naa bwiinguzi bukozyene? Peepe!\\n4 Jehova ulizyi kuti tuliindene mbotucita zintu alimwi abukkale, alimwi ulazikkomanina zipaizyo nzyotukonzya kumupa. Amuyeeye kujatikizya musyobo wazipaizyo nzyaakali kutambula kuzwa kubana Israyeli. Bana Israyeli bamwi bakali kucikonzya kupa mbelele naa mpongo. Pele muna Israyeli mucete wakali kukonzya kupa “nziba zyobilo naa bana bankwilimba bobilo.” Alimwi ikuti naa muna Israyeli tacikonzyi kupa zintu eezyi, Jehova wakali kutambula “cipaanzi cakkumi caefa cafulaulu mubotu.” (Lev. 5:7, 11) Fulaulu tiiwakali kudula, pele Jehova wakali kucilumba cipaizyo cili boobu, kufwumbwa buyo kuti kauli “fulaulu mubotu.”\\n5 Leza wesu siluzyalo mbwalimvwa amazuba aano. Ciindi notwiingula, talangili kuti toonse tube mbuli Apolo iwakali kupasaula kukanana naa mbuli Paulo iwakali kubandika munzila iisika amoyo. (Mil. 18:24; 19:8) Jehova uyanda buyo kuti katwiingula kweelana mbotukonzya. Amuyeeye kujatikizya mukamufwu iwakasanga tukkobili tobilo. Wakayandwa a Jehova nkaambo wakapa ncaakali kukonzya.—Lk. 21:1-4.\\nKwiingula kulatugwasya swebo alimwi abaabo ibaswiilila (Amubone muncali 6-7) *\\n6. (a) Kweelana alugwalo lwa Bahebrayo 10:24, 25, mbuti mbotukonzya kujatikizyigwa abwiinguzi mbobapa bamwi? (b) Mbuti mbomukonzya kutondezya kulumba kubwiinguzi ibwamukulwaizya?\\n6 Tulakulwaizyanya umwi amweenzinyina ciindi notwiingula. (Amubale Bahebrayo 10:24, 25.) Toonse tulakkomana kumvwa bwiinguzi bwiindene-indene kumiswaangano yesu. Tulakkomana kumvwa bwiinguzi bwabana butakatazyi. Tulakulwaizyigwa kapati ajwi lyamuntu umwi waamba kujatikizya kasimpe nkaakajana. Alimwi tulamvwa kabotu kubona baabo ‘ibaba abusicamba’ bwakwiingula nokuba kuti bajisi nsoni naa nobatalika kwiiya mwaambo wesu. (1Tes. 2:2) Mbuti mbotukonzya kutondezya kulumba akaambo kakusolekesya kwabo? Tulakonzya kubalumba akaambo kabwiinguzi bwabo bukulwaizya yamana miswaangano. Nzila imwi nkwiinda mukwiingula andiswe. Kuti twacita oobo, tatukakulwaizyigwi buyo kumiswaangano yesu pele alimwi tuyoobakulwaizya bamwi.—Rom. 1:11, 12.\\n7. Ino tugwasyigwa buti ciindi notwiingula?\\n7 Tulagwasyigwa lwesu ciindi notwiingula. (Is. 48:17) Mubuti? Cakusaanguna, ikuti naa tujisi makanze aakuyoopa bwiinguzi, tulakulwaizyigwa kapati kulibambila kabotu miswaangano. Ciindi notulibambila kabotu, tulalimvwisya kapati Jwi lya Leza. Mpoonya ikuti naa twalimvwisya kapati, cilauba-uba kuzibelesya zintu nzyotwiiya. Cabili, tulaikkomanina kapati miswaangano akaambo kakuti tulatola lubazu mumubandi. Catatu, akaambo kakuti kuyandika kusolekesya kapati kutegwa tupe bwiinguzi, kanji-kanji tulatuyeeya twaambo ntotwakaingula nokuba kuti kwainda ciindi.\\n8-9. (a) Kweelana ancolwaamba lugwalo lwa Malaki 3:16, ino muyeeya kuti Jehova ulimvwa buti kujatikizya bwiinguzi bwesu? (b) Ino mbuyumuyumu nzi bamwi mbobakonzya kujana?\\n8 Tulamukkomanisya Jehova ciindi notwaamba kujatikizya lusyomo lwesu. Tulakonzya kuba masimpe kuti Jehova ulatuswiilila alimwi ulalumba kapati akaambo kakuti tulasolekesya kwiingula kumiswaangano. (Amubale Malaki 3:16.) Ulatondezya kulumba kwiinda mukutulongezya ciindi notusolekesya kapati kumukkomanisya.—Malk. 3:10.\\n9 Cakutadooneka, tulijisi twaambo tubotu ncotweelede kwiingula kumiswaangano. Nokuba boobo, bamwi balakonzya kuyoowa kutambika. Kuti naa mbomulimvwa oobo, mutatyompwi pe. Atulange-lange njiisyo zyamu Bbaibbele zimwi, nkokuti zikozyanyo zisyoonto alimwi atwaambo tugwasya tukonzya kutugwasya toonse kusolekesya kapati kwiingula kumiswaangano.\\n10. (a) Ino nkuyoowa kuli buti tobanji nkotujisi? (b) Nkaambo nzi kuyoowa kwiingula ncokukonzya kuba citondezyo cibotu?\\n10 Sena mulayoowa kapati kufwumbwa ciindi nomuyanda kutambika kutegwa mwiingule? Ikuti kacili boobo, tamuli mulikke pe. Bwini mbwakuti, bunji bwesu tulayoowa twayanda kwiingula. Ikutegwa mulilwane penzi eeli lyakuyoowa ilimupa kutaingula, mweelede kuzyiba icimupa kuyoowa. Sena muyoowa kuti mulaziluba nzyomuyanda kwaamba naa muyoowa kulubizya? Sena mulalibilika kuti bwiinguzi bwanu tabukoobota mbuli bwiinguzi bwabamwi? Kwaamba masimpe, kuyoowa kuli boobo kulakonzya kuba citondezyo cibotu. Kutondezya kuti mulalicesya akuti bamwi mubabona kuti balamwiinda. Jehova ulabuyanda bube oobu. (Int. 138:6; Flp. 2:3) Pele awalo Jehova uyanda kuti kamumutembaula alimwi akukulwaizya basyominyoko kumiswaangano. (1Tes. 5:11) Ulamuyanda alimwi uyoomupa busicamba mbomuyandika.\\n11. Ino ziyeekezyo nzi zyamu Magwalo zikonzya kutugwasya?\\n11 Atulange-lange ziyeekezyo zimwi zyamu Magwalo. Ibbaibbele lyaamba kuti toonse tulalubizya kujatikizya nzyotwaamba alimwi ambotuzyaamba. (Jak. 3:2) Jehova talangili kuti katwaambaula munzila iilondokede, alimwi abalo bakwesu abacizyi tabusi mbobalangila oobo. (Int. 103:12-14) Mbanamukwasyi bakumuuya alimwi balatuyanda. (Mk. 10:29, 30; Joh. 13:35) Balizyi kuti zimwi ziindi tatwiinguli mbuli mbotwali kuyanda.\\n12-13. Ino twiiya nzi kucikozyanyo ca Nehemiya alimwi a Jona?\\n12 Amuyeeye zikozyanyo zimwi zyamu Bbaibbele izikonzya kumugwasya kulwana penzi lyakuyoowa. Amuyeeye kujatikizya Nehemiya. Wakabeleka munkuta yamwami singuzu. Nehemiya wakaluuside akaambo kakuti wakamvwa kuti bwaanda alimwi amilyango ya Jerusalemu yakanyonyoonwa. (Neh. 1:1-4) Amweezyeezye buyo mbwaakayoowede ciindi mwami naakamubuzya kupandulula ncaakali kulibonya kuusa! Nehemiya wakapaila cakufwambaana mpoonya akwiingula. Aboobo mwami wakacita zintu zinji kutegwa agwasye bantu ba Leza. (Neh. 2:1-8) Alimwi amuyeeye kujatikizya Jona. Ciindi Jehova naakamulomba kuti akabandike abantu baku Nineve, Jona wakayoowa kapati cakuti wakatijila kubusena kumbi. (Jon. 1:1-3) Pele kwiinda mukugwasyigwa a Jehova, Jona wakaunka akuyoobakambaukila bana Nineve. Alimwi majwi ngaakaamba, akabagwasya kapati bantu aabo ibakali mu Nineve. (Jon. 3:5-10) Kuli Nehemiya twiiya kujatikizya mbociyandika kapati kupaila katutanapa bwiinguzi. Alimwi kuli Jona twiiya kuti Jehova ulakonzya kutugwasya kumubelekela nokuba kuti tuliyoowede kapati. Masimpe ngakuti, kunyina mbungano iiyakuyoosya mbuli bana Nineve.\\n13 Nzintu nzi zigwasya izikonzya kumugwasya kupa bwiinguzi ibukulwaizya lyamiswaangano? Atulange-lange zimwi zisyoonto.\\nIno Inga Ndapa Bwiinguzi Nzi?\\nBwiinguzi bugaminide kumubuzyo\\nKaambo kambi ikali mumuncali\\nCiiyo icili mulugwalo luzubuludwe\\nMbwaakonzya kubelesyegwa makani aabandikwa\\nCakuluula cifwaafwi cikankaizya kaambo kayandika kapati\\nZiiyo zili muzifwanikiso\\n14. Nkaambo nzi ncotweelede kulibambila kabotu miswaangano yesu, alimwi ndilili notweelede kucita boobo?\\n14 Kulibambila muswaangano umwi aumwi. Ciindi nomuyeeyela limwi alimwi akulibambila kabotu, muyookulwaizyigwa kapati kupa bwiinguzi. (Tus. 21:5) Bwini mbwakuti, toonse tuliindene ciindi notulibambila miswaangano. Ba Eloise, bamukamufwu ibajisi myaka yakuzyalwa iili kuma 80, balatalika kulibambila Ciiyo ca Ngazi Yamulindizi kumatalikilo kwini kwansondo. Bakaamba kuti, “Ndilaikkomanina kapati miswaangano kuti ndalibambilila limwi kakucili ciindi.” Ba Joy, ibabeleka mulimo wakumubili, mu Mujibelo balabikka ciindi ambali cakulibambila Ngazi Yamulindizi. Bakaamba kuti, “Ncuubauba kuyeeya twaambo kuti naa ndalibambila kakuceede buyo ciindi cisyoonto kuti miswaangano icitwe.” Ba Ike, imwaalu uujisi bubi alimwi uubeleka kali mupainiya, bakaamba kuti, “Ndicibona kabotu kulibambila ciindi cisyoonto abuzuba mumvwiki yoonse kwiinda kutola ciindi cilamfwu.”\\n15. Mbuti mbomukonzya kulibambila kabotu miswaangano?\\n15 Ino ncinzi cijatikizyidwe mukulibambila kabotu miswaangano? Amutalike cibeela cimwi acimwi cakwiiya kwiinda mukulomba Jehova kuti amupe muuya uusalala. (Lk. 11:13; 1Joh. 5:14) Mpoonya kwamaminiti masyoonto amucilange-lange cibalo coonse. Amuulange-lange mutwe wacibalo, tutwe tuli mucibalo, zifwanikiso azikozyanyo alimwi atubbokesi twakuyiisya. Lino nomubala muncali umwi aumwi, amwaabale magwalo aabikkidwe kweelana ambomukonzya. Amuzinzibale kuyeeya kujatikizya twaambo, akubikkila maano kapati kutwaambo ntomuyanda kuyakwiingula. Ikuti mwalibambila kabotu, muyoogwasyigwa kapati alimwi ciyakumuubila kwiingula.—2Kor. 9:6.\\n16. Ino zibelesyo nzi ziliko mumwaambo ngomuzyi, alimwi ino muzibelesya buti?\\n16 Kuti kacikonzyeka, amubelesye JW Library app iiliko mumwaambo ngomuzyi. Kwiinda mumbunga yakwe, Jehova watupa zibelesyo zyaa intaneti kutegwa kazitugwasya kulibambila miswaangano. Kwiinda mukubelesya JW Library® app tulakonzya kukkopa mabbuku aakwiiya mutuncini. Mpoonya tulakonzya kwiiya, kubala naa kuswiilila cibalo cimwi kufwumbwa ciindi alimwi kuli koonse. Bamwi balacibelesya cibelesyo eeci kwiiya aaciindi cakulyookezya kumulimo naa kucikolo naa nobali mulweendo. Watchtower Library alimwi a LAIBBULALI YAA INTANETI ya Watchtower™ ipa kuti cuubeube kuvwuntauzya twaambo muciiyo ncomuyanda kuzyiba kabotu.\\nNdilili nomujana ciindi cakulibambila miswaangano? (Amubone muncali 14-16) *\\n17. (a) Nkaambo nzi ncocili kabotu kulibambilila limwi twaambo tunji? (b) Ncinzi ncomwakaiya mukavidiyo kakuti Amube Balongwe ba Jehova—Amulibambile bwiinguzi?\\n17 Kuti kacikonzyeka, amulibambilile limwi twaambo tunji muciiyo cimwi acimwi. Nkaambo nzi? Akaambo kakuti inga mwayandika kutambika ziindi zinji kutegwa mupegwe coolwe cakwiingula. Ibamwi ambweni balakonzya kutambika aciindi comwe andinywe, eelyo sikweendelezya ulakonzya kutondeka umwi akati kabaabo bambi ibatambika. Ikutegwa asinizye kuti miswaangano yamana muciindi cibikkidwe, sikweendelezya ulakonzya kupa coolwe kubantu buyo basyoonto kutegwa bape bwiinguzi kujatikizya kaambo kamwi akamwi. Aboobo mutanyemi pe naa kutyompwa ikuti naa tanaamutondeka kumatalikilo kwaciiyo. Ikuti naa mwakalibambilila limwi twaambo tunji, muyooba azyoolwe zinji zyakutola lubazu mumubandi. Ibwiinguzi bumwi mbomukonzya kulibambila bulakonzya kubikkilizya kubala lugwalo. Pele ikuti kamucikonzya, amulibambile akupa bwiinguzi mumajwi aanu. *\\n18. Nkaambo nzi ncociyandika kupa bwiinguzi bufwaafwi?\\n18 Amupe bwiinguzi bufwaafwi. Kanji-kanji, bwiinguzi bukulwaizya kapati mbufwaafwi alimwi tabukatazyi. Aboobo amube amakanze aakupa bwiinguzi bufwaafwi. Amusolekesye kubona kuti bwiinguzi bwanu butola buyo tuvwaluvwalu tuli 30. (Tus. 10:19; 15:23) Ikuti naa mwali kupa bwiinguzi lyamiswaangano kwamyaka minji, mulijisi mulimo mupati, mweelede kutondezya cikozyanyo cibotu kwiinda mukupa bwiinguzi bufwaafwi. Kuti kamutola ciindi cilamfwu kwaamba zintu zinji, bamwi balakonzya kuyoowa, inga batalika kuyeeya kuti tabakonzyi kupa bwiinguzi mbuli mbomupa. Kuyungizya waawo, bwiinguzi bufwaafwi bupa kuti bantu banji batole lubazu lyamiswaangano. Kwaambisya kuti naa ndinywe mwasaanguna kupegwa coolwe, amupe bwiinguzi butakatazyi, ibugaminide. Mutaambi twaambo toonse ituli mumuncali. Twamana kubandikwa twaambo tuyandika kapati ituli mumuncali, mulakonzya kwiingula kujatikizya twaambo tumbi.—Amubone kabbokesi kakuti “ Ino Inga Ndapa Bwiinguzi Nzi?”\\n19. Mbuti sikweendelezya mbwakonzya kumugwasya, pele alimwi ino ncinzi ncomweelede kucita?\\n19 Amumuzyibye sikweendelezya kuti muyanda kwiingula mumuncali umwi. Ikuti naa mwasala kucita boobu, mweelede kumwaambila sikweendelezya kakucili ciindi miswaangano kaitanatalika. Casika ciindi cakuubandika muncali ooyo, amutambike janza cakufwambaana alimwi kalili mujulu kutegwa sikweendelezya akonzye kulibona.\\n20. Mbuti miswaangano yambungano mboili mbuli cakulya cilidwa antoomwe abalongwe?\\n20 Miswaangano yambungano amwiibone mbuli cakulya cilidwa antoomwe abalongwe babotu. Amweezyeezye kuti mwatambwa kutegwa mukalye cakulya antoomwe abalongwe bamwi bamumbungano alimwi mwalombwa kuti mukaletelezye cakulya cisyoonto. Ino inga mwalimvwa buti? Mulakonzya kulibilika, pele cakutadooneka mulakonzya kusolekesya kapati kutolelezya cakulya ncobakonzya kukkomanina boonse. Jehova, Sikututamba, watubambila tebulu lyazintu zibotu zinji kumiswaangano yesu. (Int. 23:5; Mt. 24:45) Alimwi ulakkomana ciindi notutolelezya cipego cisyoonto, ncotukonzya. Aboobo amulibambile kabotu alimwi akutola lubazu cakwaanguluka kweelana ambomukonzya. Kuti mwacita oobo, tamukalidi buyo atebulu lya Jehova pele alimwi muyooletelezya acipego cakupa mbungano.\\nNtwaambo nzi tumwi itutupa kwiingula lyamiswaangano?\\nMbuti mbotukonzya kulilwana penzi lyakuyoowa kwiingula?\\nNinzila nzi zimwi zigwasya izikonzya kutugwasya kupa bwiinguzi ibukulwaizya?\\n^ munc. 5 Mbubwenya mbuli sintembauzyo Davida, toonse tulamuyanda Jehova alimwi tulakkomana kumutembaula. Tulijisi coolwe caalubazu cakutondezya luyando kuli Leza ciindi notuswaangana ambungano yesu kutegwa tukombe. Nokuba boobo, tobamwi cilatuyumina kwiingula kumiswaangano yesu. Ikuti naa kamujisi buyumuyumu buli boobu, cibalo eeci cilakonzya kumugwasya kuzyiba kaambo kamupa kuyoowa alimwi ambomukonzya kukulwana kuyoowa ooko.\\n^ munc. 17 A jw.org, amweebelele kavidiyo kakuti Amube Balongwe ba Jehova—Amulibambile bwiinguzi. Amubone aalembedwe kuti NJIISYO ZYAMU BBAIBBELE > BANA.\\n^ munc. 63 BUPANDULUZI BWAZIFWANIKISO: Basimbungano calukkomano batola lubazu mumubandi waciiyo ca Ngazi Yamulindizi.\\n^ munc. 65 BUPANDULUZI BWAZIFWANIKISO: Bamwi akati kabasimbungano ibakatondezyegwa kumatalikilo kabatola lubazu mu Ciiyo ca Ngazi Yamulindizi. Nokuba kuti aumwi ujisi bukkale bwiindene, boonse balabikka ciindi ambali cakulibambila ciiyo iciyoobandikwa kumiswaangano.\\n“Utalibiliki Pe, Nkaambo Ndime Leza Wako”\\nMbuti Mbomukonzya Kukwabilila Moyo Wanu?\\nCakulya Icibambidwe Munzila Nguba-uba Ncocituyiisya Kujatikizya Mwami\\nKujanika Kumiswaangano Ncokwaamba Kujatikizya Ndiswe\\nMukwesu Mupya Mu Kabunga Keendelezya\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA January 2019\\nNGAZI YAMULINDIZI—YAKWIIYA January 2019","num_words":2224,"character_repetition_ratio":0.073,"word_repetition_ratio":0.0,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Levitiko 20 IBBAIB63 - Lino Jehova wakaambila Musa - Bible Search\\nMilao yakukomba Moleki, ayabumambe, azintu zimwi\\n1Lino Jehova wakaambila Musa kuti, 2-Ambila bana ba-Israyeli kuti, Kufumbwa muntu wabana ba-Israyeli, na wabeenzu bakalakala akati kaba-Israyeli, uupa bana bakwe kukupaizya Moleki, ncobeni oyo muntu uleelede kufwa, Bantu bacisi bamufuse mabwe, 3-Ambebo njooba sinkondonyina oyo muntu akumutanda muciinga cakwe, nkaambo wapa Moleki lunyungu lwakwe, aboobo wasofwaazya cikombelo cangu akusampaula izina lyangu lisalala. 4Nkabela bantu bamunyika, na basisa meso aabo kumuntu oyo naapa Moleki lunyungu lwakwe, akutamujaya, 5-mebo njoolwisya oyo muntu aluzubo lwakwe, njoobatanda muciinga cabo, nkokuti muntu oyo aboonse bamutobela kukucita bumambe a-Moleki.\\n6-Alakwe muntu uubika moyo wakwe kulibasibusangu akubasondi akuya bucita bwaamu ambabo, njooba sinkondonyina oyo muntu akumutanda muciinga cakwe. 7-Aboobo amulisalazye, musalale, nkaambo ndime Jehova Leza wanu. 8-Amubambe milao yangu, mwiicite. Ndime Jehova uumusalazya. 9-Kufumbwa muntu uutukila wisi na banyina, ajayigwe. Mbwatukila wisi abanyina, bulowa bwakwe ngu mulandu wakwe,\\n10-Na muntu walalika mukamweenzinyina, balajayigwa boonse bobile, mwaalumi amwanakazi, ibakacita bumambe. 11-Alakwe muntu uulalika mukawisi, wavumbula cinswe cawisi; balajayigwa boonse bobile, Bulowa bwabo ngumulandu wabo. 12-Amuntu uulalika mukamwanaakwe, ncobeni balajayigwa boonse bobile. Bacita malweza. Bulowa bwabo ngumulandu wabo. 13-Alimwi na mwaalumi woona amwaaluminyina mbubonya mbuli koona amwanakazi, boonse buyo bacita cisesemyo. Ncobeni baleelede kufwa, Bulowa bwabo ngumulandu wabo. 14-Amuntu uukwata mwanakazi, alimwi amwanaakwe mwanakazi oyo, ngemalweza. Batentwe mumulilo, mwaalumi abanakazi boonse, kuti kutabi malweza akati kanu. 15-Na muntu woona amunyama, ncobeni uleelede kufwa, alakwe munyama ajayigwe. 16Alakwe mwanakazi, na waswanana amunyama kuti aone awe, muleelede kujaya oyo mwanakazi amunyama woonse. Ncobeni baleelede kufwa. Bulowa bwabo ngumulandu wabo.\\n17-Na muntu wabweza mucizi wakwe, naba mwana wawisi naba mwana wabanyina, akubona cinswe cakwe, alakwe mwanakazi wabona cinswe camunyinandumi, ncecintu cuusya bweeme. Baleelede kutandwa mumeso aabantu babo. Mbwaavumbula cinswe camucizi wakwe, ulapegwa mulandu. 18-Alimwi na muntu woona amwanakazi uuciswa akuvumbula cinswe cakwe, nkokuti wavumbula kasensa kakwe, alakwe mwanakazi wamuvumbwida kasensa kabulowa bwakwe, boonse bobile baleelede kutandwa muciinga cabo. 19-Utavumbuli cinswe camucizi wauso na camucizi wabanyoko, nkaambo nkokuvumbula cinswe casiluzubonyoko, Bacita obo balapegwa mulandu. 20Alakwe muntu uuona amukasimizyaakwe, wavumbula cinswe casimizyaakwe; balapegwa mulandu; balafwa kabatajisi bana. 21-Alimwi na muntu wakwata mukamunyina, ncecintu cisofweede; wavumbula cinswe camunyina; balafwa kabatajisi bana,\\n22-Amubambe milao yangu yoonse ambeta zyangu zyoonse, muzicite, kuti nyika itamuluki oko nkonsi mutole kukukala mulinjiyo. 23-Muteendi muziyanza zyabamasi mbentanda kubusyu bwanu, nkaambo balacita zintu ezi zyoonse, aboobo ndabasesemwa. 24-Lino nywebo, ndamwaambila kuti muyoovuba nyika yabo; ndamupa njiyo kuti mwiivube, nyika iikunka malili abuci, Ndime Jehova Leza wanu iwakamupambula kulibamasi. 25-Amwaandaanye banyama basalala abasofweede, bayuni basofweede abayuni basalala; mutaliciti zisesemyo kubanyama akubayuni akuzilenge zyoonse ziyavula munyika; zyoonse nzendapambula kuti zisofwaale mumeso aanu. 26-Amusalale mumeso aangu, nkaambo mebo nde-Jehova ndasalala, alimwi ndamupambula kulibamasi, kuti mube bangu.\\n27-Kufumbwa muntu, naba mwaalumi naba mwanakazi, uujisi muuya wabusangu na wabusondi, ncobeni uleelede kujayigwa. Bafuswe mabwe. Bulowa bwabo ngumulandu wabo.","num_words":449,"character_repetition_ratio":0.073,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Cilagwasya Kucita Zisobano Zikkomanisya Pele Izibikka Buumi Muntenda?\\nSinsimuka! | No. 5 2017\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bislama Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Cibemba Croatian Czech Danish Dutch Efik English Estonian Ewe Fijian Finnish French Georgian German Greek Haitian Creole Hebrew Hiligaynon Hindi Hungarian Icelandic Igbo Iloko Indonesian Italian Japanese Kazakh Kikaonde Kinyarwanda Kirghiz Kirundi Kongo Korean Lingala Lithuanian Luganda Luvale Macedonian Malagasy Malayalam Maltese Myanmar Ndebele (Zimbabwe) Nepali Norwegian Oromo Pangasinan Papiamento (Aruba) Papiamento (Curaçao) Polish Portuguese Romanian Russian Samoan Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Silozi Sinhala Slovak Slovenian Spanish Swahili Swahili (Congo) Swedish Tagalog Tamil Tatar Tetun Dili Thai Tigrinya Tok Pisin Tsonga Turkish Twi Ukrainian Vietnamese Waray-Waray Xhosa Yoruba Zulu\\n“Ndakali kwiima afwaafwi anjanji yacitima icakali kuzuza kapati icakali kwiinda munjanji yiinda kunsi aanyika. Eeci cakali kundipa kukkomana kapati akulimvwa mbuli kuti ndinyina mapenzi.”—Leon. *\\n“Ikusotokela mumaanzi kuzwa atala amajeleele malamfwu kwakali kundipa kulimvwa kwaanguluka kwakaindi kasyoonto. Kanji-kanji eeci cakali kundikkomanisya, pele zimwi ziindi ndakali kuyoowa kapati.”—Larissa.\\nMbubwenya mbuli Leon alimwi a Larissa, bakubusi banji balakkomana kapati kucita zintu nzyobakonzya, pele zimwi ziindi balacita oobo kwiinda mukubikka buumi bwabo muntenda. Sena mulalombozya kuti mubasangane? Ikuti kacili boobo, cibalo eeci cilamugwasya kapati.\\nKucita zisobano zikkomanisya pele izibikka buumi muntenda cilakonzya kuba cilengwa. Zilakonzya kumupa kulimvwa kukkomana kapati kwakaindi kasyoonto buyo, pele inga zyamupa kutalika kuyandisya kuba alukkomano lwiindilide. Mbubwenya mbuli Leon, awalo Marco iwakali kuunka kucitima icakali kuzuza kapati icakali kwiinda munjanji yiinda kunsi aanyika wakaamba kuti: “Cakaba cilengwa cangu. Ndakali kulimvwa kukkomana kwakaindi kasyoonto. Pele ndakacili kuyanda kuyungizya lukkomano lwangu.”\\nJustin, walo iwakali kuzuza kapati azibbusu zijisi mavwili kunsi kwiinda mukujatilila myootokala iyakali kwiinda, wakaamba kuti: “Lukkomano luli boobu lwakali kundipa kuti kandiinduluka. Ndakali kuyanda kuti meso aabantu kaali alindime, pele ndakalijana mucibbadela.”\\nKuyungwa kulakonzya kupa kuti mwaalilwe kusala camaano. Mukubusi wazina lya Marvin wakaamba kuti: “Beenzuma bakandiyunga kukkwela bwaanda bulamfwu kakunyina ntambo yakulikwabilila kabandaambila kuti: ‘Kozumanana kukkwela. Ulacikonzya.’ Ndakaliyoowede kapati. Ndakali kubimba ciindi nondakatalika kukkwela bwaanda kuyamujulu.” Larissa, iwaambwa kumatalikilo wakaamba kuti: “Ndakali kutobela buyo bamwi nzyobakali kucita. Oobu bwakaile kuba mbobuumi.”\\nAyalo Intaneti balaibelesya bantu bamwi kuyunga bantu kwiinda mukulumbaizya baabo ibacita zisobano zikkomanisya pele izibikka buumi muntenda alimwi akuubya-ubya ntenda ziliko. Mane buya, bamwi balabikka zisobano eezyi iziyunga bantu a Intaneti akupa kuti basikuzisobana bazyibwe kapati alimwi akuba ampuwo.\\nMucikozyanyo, mavidiyo amwi aadumide kapati atondezya zisobano zitondezya bantu ibasotauka zintu (mbuli bwaanda, maanda alimwi amatantilo) kwiinda mukuzuza, kukkwela, kusotoka cakufwambaana kakunyina cilikwabilizyo. Eeci cilakonzya kumupa kuyeeya munzila zitaluzi zyobilo: (1) Kunyina ntenda zipati ziliko. (2) Boonse balazicita. Akaambo kaceeci: Mulakonzya kusunkwa kusola kuzicita zisobano izibikka buumi muntenda.\\nKuli nzila zili kabotu izyakuzyiba zintu nzyomukonzya kucita. Bbaibbele lyaamba kuti: “Kunyanyaasya mubili kugwasya buyo asyoonto.” (1 Timoteyo 4:8) Pele Magwalo alimwi acenjezya kuti mweelede “kupona cakulibatamika.” (Tito 2:12) Ino inga mwacita buti oobo?\\nAmuzyibe ntenda ziliko. Bbaibbele lyaamba kuti: “Muntu uucenjede ucita zintu caluzyibo, pele mufwubafwuba utondezya bufwubafwuba bwakwe.” (Tusimpi 13:16) Kamutanasala kutola lubazu mucisobano cimwi, amuzyibe ntenda ziliko. Amulibuzye kuti, ‘Sena cisobano eeci inga candisololela kulufwu naa kukulicisa kapati?’—Njiisyo yamu Bbaibbele: Tusimpi 14:15.\\nAmusale balongwe ibabulemeka buumi. Balongwe beni-beni tabakonzyi kumukulwaizya kubikka buumi bwanu muntenda naa kucita cintu ncomutaangulukide kucita. Larissa wakaamba kuti: “Balongwe ibali kabotu alimwi ibazilanga kabotu zintu bakandigwasya kusala kabotu kujatikizya zisobano nzyondakali kuyanda kucita. Nondakasala balongwe ibali kabotu alimwi ibazilanga kabotu zintu, buumi bwangu bwakacinca.”—Njiisyo yamu Bbaibbele: Tusimpi 13:20.\\nAmulibuzye kuti, ‘Sena cisobano eeci inga candisololela kulufwu naa kukulicisa kapati?’\\nAmuzikkomanine zintu nzyomukonzya kucita kakunyina kubikka buumi bwanu muntenda. Bbuku litegwa Adolescent Risk Behaviors lyakaamba kuti, kukomena kulabikkilizya “akuzyiba ncomweelede kucita alimwi ampomweelede kugolela.” Mulakonzya kuzyiba zintu nzyomukonzya kucita munzila iili kabotu kwiinda mukubelesya zibelesyo zyakulikwabilila alimwi akutobela malailile.\\nAmulijanine mpuwo munzila iili kabotu. Bantu bayoomulemeka akaambo kambomuzicita zintu mubuumi, ikutali akaambo kazisobano nzyomucita zikkomanisya pele izibikka buumi bwanu muntenda. Larissa wakaamba kuti: “Kusotoka kuzwa mumajeleele akali matalikilo buyo aabuumi bwakucita zintu zinji izyakali kubikka buumi bwangu muntenda. Nocakabota nondakaba abusicamba bwakukaka kuzicita kuzwa kumatalikilo.”\\nMasimpe ngakuti: Muciindi cakubikka buumi bwanu muntenda kwiinda mukucita zisobano zikkomanisya pele izibikka buumi muntenda, amutondezye kuti zintu muzilanga kabotu kwiinda muzyakulikondelezya nzyomusala.—Njiisyo yamu Bbaibbele: Tusimpi 15:24.\\n^ munc. 4 Mazina aamwi mucibalo eeci acincwa.\\n“Uucenjede ulakkala ansi kuyeeya ntaamu zyakwe.”—Tusimpi 14:15.\\n“Ooyo weenda abasongo ulaba musongo.”—Tusimpi 13:20.\\n“Inzila yabuumi isololela kulusumpuko kumuntu ulaabusongo, kutegwa imulesye kuyaansi ku Cuumbwe.”—Tusimpi 15:24.\\n“Nokuba kuti bamwi balazikkomanina zisobano eezyo, mweelede kuzyiba ntenda ziliko. Alimwi buya kunyina mukubusi naba omwe uunga wayanda kweendela mukacinga kabalema.”\\n“Ikuti naa beenzinyoko kabayanda kuunka kuyoocita cintu cimwi ncomutayandi kucita, inga cabota kutaunka ambabo. Nkaambo kuti mwaunka kale ookuya, kanji-kanji cilakatazya kukaka naa kucinca muzeezo wanu.”\\nMAKANI AAYEEME AMUTWE UULI ACIVWUMBYO Ciindi Nokwacitika Ntenda​—Nzila Zikonzya Kugwasya Kufwutula Bantu\\nMbomukonzya Kuzibelesya Kabotu Zintu Nzyomujisi\\nNCOLYAAMBA BBAIBBELE Nkondo\\nLUGWASYO KUMIKWASYI Sena Cilagwasya Kucita Zisobano Zikkomanisya Pele Izibikka Buumi Muntenda?\\nZISI ALIMWI ABANTU Kuswaya ku Kazakhstan\\nSENA CAKALENGWA BUYA? Mbozipangidwe Zipapa zya Nkumba-nkumba Zyamulwizi\\nNkaambo Nzi Ncomutaunkili Kunkondo?\\nMabala Amusale naa muyanda kukkopa zyakamwaigwa SINSIMUKA! No. 5 2017 | Ciindi Nokwacitika Ntenda​—Nzila Zikonzya Kugwasya Kufwutula Bantu\\nNo. 5 2017 | Ciindi Nokwacitika Ntenda​—Nzila Zikonzya Kugwasya Kufwutula Bantu\\nSINSIMUKA! No. 5 2017 | Ciindi Nokwacitika Ntenda​—Nzila Zikonzya Kugwasya Kufwutula Bantu","num_words":813,"character_repetition_ratio":0.056,"word_repetition_ratio":0.0,"special_characters_ratio":0.159,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Zumizya Milawu Amalayilile aaLeza Kuti Ziyiisye Moyo Wako | Ngaziyakulinda Yakwiiya\\nNgaziyakulinda—Yakwiiya | June 2018\\nBALA MU Afrikaans Albanian Altai Alur American Sign Language Amharic Amis Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Bolivian Sign Language Boulou Brazilian Sign Language British Sign Language Bulgarian Cakchiquel Catalan Cebuano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Colombian Sign Language Costa Rican Sign Language Croatian Cuban Sign Language Czech Czech Sign Language Dakota Dangme Danish Digor Douala Dutch Ecuadorian Sign Language Edo Efik English Esan Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Greek Greek Sign Language Guarani Guatemalan Sign Language Gujarati Gun Haitian Creole Hausa Hebrew Herero Hiligaynon Hindi Hiri Motu Honduras Sign Language Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kabuverdianu Kannada Kekchi Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malawi Sign Language Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mexican Sign Language Mingrelian Mixe Mixtec (Guerrero) Mongolian Moore Motu Mozambican Sign Language Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nicaraguan Sign Language Nigerian Pidgin Norwegian Nzema Okpe Oromo Ossetian Otetela Panamanian Sign Language Pangasinan Papiamento (Curaçao) Paraguayan Sign Language Persian Peruvian Sign Language Pidgin (Cameroon) Polish Polish Sign Language Ponapean Poqomchi' Portuguese (Portugal) Portuguese Sign Language Punjabi Quebec Sign Language Quechua (Ancash) Quechua (Bolivia) Romanian Romanian Sign Language Russian Russian Sign Language Salvadoran Sign Language Samoan Sango Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Venezuelan Sign Language Vietnamese Waray-Waray Wolaita Xhosa Yoruba Zambian Sign Language Zande Zapotec (Isthmus) Zimbabwe Sign Language Zulu\\nZumizya Milawu Amalayilile aaLeza Kuti Ziyiisye Moyo Wako\\n‘Ndilayiyeeya milumbe yako.’—INT. 119:99.\\nKUJANA WASANDULA BIYENI?\\nKujana moyo wako wabeleka biyeni mbuuli kkampaasi?\\nNkamboonzi nitweelede kuyanda milawu yaLeza?\\nMoyo wesu utondeezya biyeni kuti tulisimide muzintu zyabukombi?\\n1. Nkamboonzi bantu nibasiyene abanyama?\\nBANTU balisiyene abanyama nkaambo bali amoyo uubabuzya nzibeelede kuchita anzibateelede kuchita. Bantu mbubakalengwa kuzwa kumatalikilo. Adamu aEva nibakatyola mulawu waJehova, bakayuba. Eezi zitondeezya kuti myoyo yabo yakali kubapa mulandu.\\n2. Moyo wesu ukozyenie biyeni akkampaasi? (Langa chifanikisyo chili kumatalikilo achiiyo.)\\n2 Bantu bali amyoyo iitabeleki kabotu bali mbuuli bwaato bubelesya kkampaasi iitabeleki kabotu. * Kweenzya bwaato buli akkampaasi iitabeleki kabotu kulakonzya kweeta mapenzi. Mayuwe aamulwizi alakonzya kupa kuti sikweenzya bwaato asweeke. Pesi kkampaasi iilikabotu ipa kuti sikweenzya bwaato atasweeki. Myoyo yesu ibeleka mbuuli kkampaasi. Moyo uli kwaambwa muchiiyo eechi mbuntu bwesu bwamukati butugwasya kuziba chibotu achibi akupa kuti tuchite zilikabotu. Pesi kuti moyo wesu ubeleke kabotu weelede kuyiisigwa kabotu.\\n3. Niinzi chikonzya kuchitika kuti moyo teewayiisigwa kabotu?\\n3 Kuti moyo wamuntu kuutabeleki kabotu tawukonzyi pe kumuchenjezya kuti wabisya. (1 Tim. 4:1, 2) Moyo uuli boobu ulakonzya kupa kuti tubone kuti “bubotu mbubi.” (Is. 5:20) Jesu wakachenjezya basikwiiya bakwe kuti: ‘Chiindi chiyoosika kuti oyo uuti kamujaye uyoochitaanga wamanina Leza mulimu.’ (Joh. 16:2) Mbubakali kuyeeya bantu bakajaya sikwiiya Stefani alubo bamwi mbubayeeya mazubaano. (Inc. 6:8, 12; 7:54-60) Beendelezi bazikombelo biingi bachita zintu zibi ziswaanizya kujaya bantu, kwiinda mukuchita oobo, batyola milawu yaLeza, ooyo ngubaamba kuti ngubakomba! (Kul. 20:13) Zilaantanganana kuti myoyo yabo ilabeena.\\n4. Niinzi chikonzya kutugwasya kuti myoyo yesu ikkale kiibeleka kabotu?\\n4 Niinzi chikonzya kutugwasya kuti moyo wesu ukkale kuubeleka kabotu? Milawu amalayilile aali muJwi lyaLeza “alikondede kukufundisya akukulaya, akukuolola akukupandulula makani aabululami.” (2 Tim. 3:16) Kubala Bbayibbele, kuyeeyesesya atala anzitubala akuzibelesya kupa kuti tube amaboneno aali mbuuli aaLeza akuti myoyo yesu ibeleke kabotu. Atulange-lange milawu amalayilile aaJehova mbuzitugwasya kuyiisya myoyo yesu.\\nZUMINZYA KUTI MILAWU YALEZA IKUYIISYE\\n5, 6. Milawu yaLeza itugwasya biyeni?\\n5 Kuti tugwasigwe amilawu yaLeza, tweelede kuchita zyiingi kutali kwiibala akwiiziba luzutu. Tweelede kwiiyanda akwiibelesya. Bbayibbele lyaamba kuti: “Amusule bubi akuyandisya bubotu.” (Am 5:15) Kujana twazichita biyeni? Chiyandikana nkuba amaboneno aali mbuuli aaJehova. Muchikozyano, atuteedi waba achilabila mansiku. Mpawo dokotela wakubuzya kuti utalyi zimwi zintu, u-ekisesayize akuchincha zimwi zintu nzuchita mubuumi. Nwaabelesya nzwaabuzigwa adokotela, wabona kuti zilabeleka. Eezi zipa kuti umulumbe dokotela nkaambo wakugwasya kuti ukonzye koona kabotu.\\n6 Munzila iikozyenie, Mulengi wesu wakatupa milawu iitugwasya kuti tutachiti chibi akuti tupone buumi bulikabotu. Milawu iizwa muBbayibbele itugwasya kuti tutabeji, tutayeeyi kuchita zibi, tutabbi, tutachiti bwaamu, tutalwani akuti tutantamuke zyachidimoni. (Bala Tusimpi 6:16-19; Ciy. 21:8) Zilongezyo nzitujana akaambo kakuchita nzyayanda Jehova zipa kuti tumuswiilile akuti twiiyande milawu yakwe.\\n7. Zikozyano zyabantu baambidwe muBbayibbele zitugwasya biyeni?\\n7 Tatweelede kutyola milawu yaLeza kwiinda mukuchita chibi mpawo nitutazooyiye kuti igwasya ndiswe. Tulakonzya kwiiya kuzwa muzikozyano zyabantu bakabisya baambidwe muJwi lyaLeza. Lugwalo lwaTusimpi 1:5 lwaamba kuti: ‘Musongo ulaswiilila akuliyungizizya lwiiyo.’ Leza ulatuyiisya chiindi nitubala akuyeeyesesya atala azikozyano zyabantu baambidwe muBbayibbele. Muchikozyano, yeeya mbuzyakamukataazya Mwaami Davida chiindi naakatyola mulawu waLeza kwiinda mukuchita bwaamu aBbatishebba. (2 Sam. 12:7-14) Chiindi nitubala atala amakani aaDavida, tulakonzya kulibuzya kuti: ‘Niinzi nzyaakeelede kuchita Mwaami Davida kuti atantamuke mapenzi akaba akaambo kachibi nchaakachita aBbatishebba? Kaansinga ndali muchiimo chikozyenie achaDavida, ndali kunookonzya na kutantamuka chibi? Ndali kunoochita mbuuli Josefa na wakachija chibi naakuti ndalikunoobisya mbuuli Davida? (Matl. 39:11-15) Kuyeeyesesya atala ampindu zyeetwa akaambo kakuchita chibi, kuyootugwasya kuti ‘tusule bubi.’\\n8, 9. (a) Myoyo yesu itugwasya biyeni? (b) Malayilile aaJehova ayigwasya biyeni myoyo wesu kuti ibeleke kabotu?\\n8 Kulakonzeka kuti tulayitantamuka michito mibi yoonse Leza njatayandi. Pesi kuli zimwi zintu zitakwe milawu iili antanganana muMagwalo. Muzyiimo zili boobo, kujana twaziziba biyeni nzitweelede kusala kuti tuchite zintu ziyandwa aLeza? Tweelede kubelesya myoyo yesu yakayiisigwa.\\n9 Jehova utupa malayilile aatugwasya kuti myoyo yesu itupe kuchita zintu zyeendelana amalayilile aazwa muBbayibbele. Utwaambila kuti: “Ndime Jehova Leza wako. Ndime uukwiiyisya kuti ugwasigwe. Ndime uukweenzya munzila njoelede kutola.” (Is. 48:17, 18) Kuyeeyesesya atala amalayilile aali muBbayibbele kutugwasya kuti tubambulule myoyo yesu akuti ibeleke kabotu. Alubo kuchita oobo kutugwasya kuti tusale munzila yabusongo.\\nZUMIZYA KUTI MALAYILILE AALEZA AKUGWASYE\\n10. Malayilile niinzi alubo Jesu wakaabelesya biyeni?\\n10 Malayilile “nkasimpe kayandikana naakuti njiisyo iipa kuti tuyeeyesesye akuti tubweze ntaamu.” Kuziba malayilile aaya kuswaanizya kumvwisisisya mbazibona zintu Sikutupa milawu akuziba kaambo natupa milawu. Mumulimu wakwe wakukambawuka, Jesu wakayiisya basikwiiya bakwe atala akasimpe kayandikana kuti bazibe mpindu zikonzya kuba akaambo kazintu nzibayeeya anzibachita. Muchikozyano, wakayiisya kuti kunyema kulakonzya kupa kuti bantu balwane akuti kweemuzya kulakonzya kupa kuti muntu achite bwaamu. (Mt. 5:21, 22, 27, 28) Tweelede kuyiisya myoyo yesu kwiinda mukubelesya malayilile aazwa kuli Leza kuti ikonzye kubeleka kabotu akupa kuti Leza alemekwe.—1 Kor. 10:31.\\nMuKristu uusimide mubukombi ubikkila maanu mbubalimvwa bamwi (Langa fuka 11 a12)\\n11. Niinzi chitondeezya kuti bantu bali amyoyo iisiyene?\\n11 Muchikozyano, maKristu babili balakonzya kusala munzila iisiyene nikuba kuti boonse bali amyoyo yakayiisigwa aBbayibbele. Atulange-lange makani aali atala akunywa bukande. Bbayibbele talikukasyi pe kunywa bukande. Pesi litwaambila kuti tatweelede kubunywa munzila yiindilide nikuba kukolwa. (Tus. 20:1; 1 Tim. 3:8) Eezi zyaamba kuti taakwe tumwi twaambo na muKristu ntwayelede kulanga-langa tuli atala akunywa bukande nikuba kuti tabunywi munzila yiindilide? Peepe. Nikuba kuti moyo wakwe ulamuzumizya kuchita zimwi zintu pesi muKristu weelede kubikkila maanu mbubalimvwa bamwi.\\n12. Majwi aajanika muli BaRoma 14:21 atugwasya biyeni kuti tulemeke mbubalimvwa bamwi?\\n12 Kaamba mbukuyandikana kulanga mbubalimvwa bamwi, Pawulu wakalemba kuti: “Ncintu cibotu kuliimya kulya nyama, nikuba kunywa imbote, nikuba kucintu cili buti cikonzya kufumpuzya munyoko nikuba kumulebya.” (Rom. 14:21) Ulakonzya na kuleka kuchita zimwi zintu nzubona kuti zilikabotu pesi zikonzya kulebya bakombinyokwe? Iiyi, ulazileka. Bamwi bakombima kabatanayiya kasimpe, bakali bakolwi pesi lino bakasala kutabunywa. Tatuyandi kuti bakombima babweede kuzintu nzibakali kuchita chiindi akuti banjile mumapenzi. (1 Kor. 6:9, 10) Nkinkaako, tazili kabotu pe kuti muntu watamba bamwi kumuunzi wakwe abasungilizye kunywa bukande.\\n13. Nziizili zintu Timotewo nzyaakachita zitondeezya kuti wakali kusumpula Bwaami?\\n13 Timotewo naakali aminyaka iisika kuma20, wakazumina kupalulwa nikuba kuti kulachisa kuchitila kuti atalebyi maJuda mbaakali kuyookambawukila. Wakali amaboneno aali mbuuli amwaapostolo Pawulu. (Inc. 16:3; 1 Kor. 9:19-23) Ulakonzya na kuleka kuchita zimwi kuti ugwasye bamwi mbuuli kwakachita Timotewo?\\n“ATUYE KUMBELE KUMAKANI ABUPATI”\\n14, 15. (a) Kusima mubukombi kuswaanizyaanzi? (b) Kuyanda bamwi kutondeezya biyeni kuti tulisimide mubukombi?\\n14 MaKristu boonse beelede kuyungizya luzibo ‘mumakani aakusaanguna aaKristu,’ alubo beelede ‘kuya kumbele mumakani aabupati.’ (Heb. 6:1) Kuchita oobu takulichitikili pe. Tweelede ‘kuya kumbele’ naakuti kukubelekela. Kuti tusime tweelede kuyungizya luzibo. Eezi nzizyo zipa kuti chiindi achiindi katusungwaazigwa kubala Bbayibbele buzuba abuzuba. (Int. 1:1-3, NW) Ulalibala na Bbayibbele buzuba abuzuba? Kuchita oobo kupa kuti umvwisisisye Jwi lyaLeza, milawu yakwe amalayilile aakwe.\\n15 Mulawu mupati kumaKristu nkuba aluyando. Jesu wakaambila basikwiiya bakwe kuti: “Kuliceeci bantu boonse bayoomuziba, kuti muli basikwiiya bangu, mwanooyandana umwi amweenzinyina.” (Joh. 13:35) Jakkobo mwanike waJesu wakati luyando “mulao wa-mwami.” (Jak. 2:8) Alubo Pawulu wakati, ‘luyando lulondola mulawu.’ (Rom. 13:10) Tatugambi pe mbulwaambidwe luyando nkaambo Bbayibbele lyaamba kuti, “Leza nduluyando.” (1 Joh. 4:8) Luyando lwaLeza talutondeezegwi munzila njitulimvwaayo luzutu. Johane wakalemba kuti: “Luyando lwa-Leza lwamulindiswe lwakaboneka boobu, nkaambo Leza wakatuma mwanaakwe simuzyalwa-alike munyika, kuti tujane buumi kumaanza aakwe.” (1 Joh. 4:9) Kuyanda Leza kwakapa kuti Jesu achite chimwi chintu. Kuyanda Jehova, Mwanaakwe, bakombima kuswaanizya abantu boonse kutondeezya kuti tulisimide mubukombi.—Mt. 22:37-39.\\nKubelesya malayilile aazwa muBbayibbele kupa kuti myoyo yesu utuzulwide kabotu (Langa fuka 16)\\n16. Mbutuyabusima muzintu zyabukombi, nkamboonzi nitweelede kubelesya malayilile?\\n16 Kusima muzintu zyabukombi kutugwasya kubona kuti malayilile aali muJwi lyaLeza alayandikana mubuumi. Milawu ilakonzya kubeleka kuzintu zili antanganana pesi malayilile alaswaanizya azintu zitakwe milawu ilaantanganana. Muchikozyano, uuchikula ulakonzya kutaziba mapenzi ngakonzya kuswaana kuti waliswaanizya abantu batali kabotu, nkinkaako, bazyali bali abusongo beelede kumubikkila milawu yakumukwabilila. (1 Kor. 15:33) Nayabukomena, mizeezo inooyabusima nkinkaako ulakonzya kusala zyakuchita kabelesya malayilile aazwa muBbayibbele. Alubo kuchita oobo kuyoomugwasya kuti asale beenzinyina balikabotu. (Bala 1 BaKorinto 13:11; 14:20.) Kubelesya malayilile aazwa muBbayibbele kupa kuti moyo wesu ukonzye kutuzulwida kabotu akuti tube amaboneno aali mbuuli aaLeza.\\n17. Niinzi chikonzya kutugwasya kuti tusale munzila yabusongo?\\n17 Mpuzili na zintu zikonzya kutugwasya kuti tusale munzila iibotezya Jehova? Iiyi mpuzili. Kuti twiibelesya kabotu milawu amalayilile ajanika muJwi lyaLeza, ‘tuyoozulila kukumana milimo mibotu yoonse.’ (2 Tim. 3:16, 17) Nkinkaako, tweelede kuyanduulisisya malayilile aali muMagwalo kuti tukonzye “kumvwisya mbulubede luyando lwa-mwami.” (Ef. 5:17) Tulakonzya kubelesya zibelesyo nzitupegwa ambunga ziswaanizya Watch Tower Publications Index, Research Guide for Jehovah’s Witnesses, Watchtower Library, Watchtower ONLINE LIBRARY aJW Library app. Zibelesyo eezi zyakapangilwa kuti zitugwasye chiindi nituchita chiiyo chesu atulikke naakuti katuli mpuli.\\nMOYO WAKAYIISIGWA ABBAYIBBELE UPA KUTI TUJANE ZILONGEZYO\\n18. Nziizili zilongezyo nzitujana kuti twatobelezya milawu amalayilile aaJehova?\\n18 Tulakonzya kujana zilongezyo kwiinda mukutobelezya milawu amalayilile aaJehova, mbuuli mbutubala mulugwalo lwaIntembauzyo 119:97-100 luti: “Nduuyandisya loko mulao wako! Nduuyeeya buzuba boonse! Milazyo yako ilandisongwaazya kwiinda basinkondoma, nkaambo ndi ayo lyoonse. Ndijisi luzibo kwiinda baiyi bangu boonse, nkaambo nja buyeeya milumbe yako. Ndijisi busongo kwiinda bapati, nkaambo ndabamba imbeta zyako.” “Kubamba” milawu yaLeza amalayilile aakwe kupa kuti tube abusongo, maanu akumvwisisisya. Tulakonzya kuba “abuntu bulondokede abwiime buzulide bwa-Kristo,” kuti twazumizya milawu amalayilile aaLeza kuti ziyiisye myoyo yesu.—Ef. 4:13.\\n^ par 2 Kkampaasi nkanchina kalaakansimbi kabosya kalaamagineti kakkala kakalangide kubbazu lyakunyika. Kuti kayibeleka kabotu, kkampaasi ilakonzya kugwasya muntu kuti atasweeki.\\n“Bwami Bwangu Tabuli Bwaansi Ano”\\nAtujatane Mbuuli Jehova aJesu Mbubajisini\\nWakali Kunookonzya Kubotezya Leza\\n“Mumuni Wanu Umunike” Kuti Jehova Alemekwe\\nZYAKACHITIKA MUBUUMI Kuumbulizigwa Mumapenzi Aangu Oonse\\nText Sala naa uyanda kukkopa zyakamwayigwa zilekkodedwe NGAZIYAKULINDA—YAKWIIYA June 2018\\nNGAZIYAKULINDA—YAKWIIYA June 2018","num_words":1822,"character_repetition_ratio":0.072,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"“Kamumvwa Kulaigwa Kutegwa Mube Basongo”—Tusimpi 8:33 | Ngaziyakulinda Yakwiiya\\nNgaziyakulinda—Yakwiiya | March 2018\\nBALA MU Afrikaans Albanian Altai Alur American Sign Language Amharic Amis Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Bolivian Sign Language Boulou Brazilian Sign Language British Sign Language Bulgarian Cakchiquel Catalan Cebuano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Colombian Sign Language Costa Rican Sign Language Croatian Cuban Sign Language Czech Czech Sign Language Dakota Dangme Danish Digor Douala Dutch Ecuadorian Sign Language Edo Efik English Esan Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Greek Greek Sign Language Guarani Guatemalan Sign Language Gujarati Gun Haitian Creole Hausa Hebrew Hiligaynon Hindi Hiri Motu Honduras Sign Language Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kabuverdianu Kannada Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malawi Sign Language Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mexican Sign Language Mingrelian Mixe Mixtec (Guerrero) Mongolian Moore Motu Mozambican Sign Language Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nicaraguan Sign Language Nigerian Pidgin Norwegian Nzema Okpe Oromo Ossetian Otetela Panamanian Sign Language Pangasinan Papiamento (Curaçao) Paraguayan Sign Language Persian Peruvian Sign Language Pidgin (Cameroon) Polish Polish Sign Language Ponapean Poqomchi' Portuguese (Portugal) Portuguese Sign Language Punjabi Quebec Sign Language Quechua (Ancash) Quechua (Bolivia) Romanian Romanian Sign Language Russian Russian Sign Language Salvadoran Sign Language Samoan Sango Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Venezuelan Sign Language Vietnamese Waray-Waray Wolaita Xhosa Yoruba Zambian Sign Language Zande Zapotec (Isthmus) Zimbabwe Sign Language Zulu\\n“Nobana bangu, . . . kamumvwa kulaigwa kutegwa mube basongo.”—TUS. 8:32, 33, NW.\\nJehova utuyiisya biyeni kuti tulinyone?\\nKujana bazyali babakomezya biyeni bana babo mulwiiyo lwaJehova?\\nKujana twagwasigwa biyeni alulayo luzwa muBbayibbele ndutujana mumbungano?\\n1. Kujana twabujana biyeni busongo alubo butugwasya biyeni?\\nJEHOVA Nkasensa kabusongo alubo ulabagwasya bamwi kuti babe abusongo. Lugwalo lwaJakobo 1:5 luti: “Pele na nkwali akati kanu uubula busongo, akumbile kuli-Leza, uubabila boonse cabuuya acakutatongauka, nkabela ulapegwa.” Kuti tujane busongo, tweelede kutambula lulayo. Busongo oobu, bulakonzya kutugwasya kuti tulijate kabotu akuti tutanyonganisigwi mubukombi. (Tus. 2:10-12) Eezi zipa kuti ‘tuliyobole muluyando lwaLeza . . . lutola kubuumi butamani.’​—Jud. 21.\\n2. Niinzi chikonzya kutugwasya kuti tutambule lulayo luzwa kuli Leza?\\n2 Nikuba boobo, chimwi chiindi kutamaninina, mbutwakakomezegwa azimwi zintu zilakonzya kupa kuti kutuyumine kutambula lulayo naakuti kulubona munzila iilikabotu. Kuziba kuti lulayo lutondeezya kuti Leza ulatuyanda kuyoopa kuti tulutambule. Lugwalo lwaTusimpi 3:11, 12 lwaamba kuti: ‘Mwanaangu, utasampawuli lulayo lwaJehova, . . . nkaambo kufumbwa muntu ngwayanda ulamulaya.’ Nisimpe, Jehova uyanda kuti tubotelwe chiindi choonse. (Bala BaHebrayo 12:5-11, NW.) Jehova utupa lulayo lweelede nkaambo ulituzi mbutubede. Atulange-lange nzila zine Jehova nzyabelesya kutupa lulayo: (1) kulinyona, (2) lulayo luzwa kubazyali, (3) lulayo ndutujana mumbungano alubo (4) mpindu nzitujana akaambo kakukaka lulayo.\\nKULINYONA KUTONDEEZYA BUSONGO\\n3. Niinzi chikonzya kugwasya mwana kuti alinyone? Pa chikozyano.\\n3 Kulinyona kuswaanizya kulikasya kuchita zimwi zintu kuti tube abube bulikabotu amiyeeyo iilikabotu. Tatuzyalwi katuli abube bwakulinyona nkinkaako, tweelede kububelekela. Muchikozyano, mwana nayiya kweenzya nchinga, muzyali wakwe ulamujatila nchinga kuti atawi. Mukuya kwachiindi, muzyali ulamulekela kuti ayenzye nchinga kali alikke. Kuti muzyali wabona kuti mwana wakonzya kweenzya alikke, ngatachimugwasilizyi pe. Chiindi bazyali nibayiisya bana babo “mulwiiyo lwa-Mwami amumilazyo yakwe,” babagwasya kuti bakonzye kulinyona akuti babe abusongo.​—Ef. 6:4.\\n4, 5. (a) Nkamboonzi kulinyona nikuyandikana kuti tuzwaate “buntu bupya”? (b) Nkamboonzi nituteelede kulengwaana nikuba kuti ‘twawa ziindi zili musanu azibili’?\\n4 Malayilile aaya alabeleka nikuba kubantu bakiiya kasimpe kabali bakomena. Chimwi chiindi, balakonzya kuti bakali bayiya kuti beelede kulinyona. Nikuba boobo, basikwiiya bapya ngabachili bana muzintu zyabukombi. Pesi kuti bazumanana kulisamika “buntu bupya” batondeezya kuti balikukomena muzintu zyabukombi. (Ef. 4:23, 24) Kulinyona kutondeezya kukomena muzintu zyabukombi. Kuchita oobo kutugwasya ‘kukazya kasampu-sampu azisusi zibi zyaansi aano, akukkala chakulibatamika achakululama achakulemeka Leza muchiindi eechino chasunu.’​—Tit. 2:12.\\n5 Toonse tulabisya. (Muk. 7:20) Pesi kubisya takwaambi kuti tatuchilinyoni pe. Lugwalo lwaTusimpi 24:16 lwaamba kuti: “Uululeme, nekuba kuti ulawa ziindi zili musanu azibili, ulabuka.” Niinzi chimugwasya kuti abuke? Ugwasigwa amuuya uusalala uuzwa kuli Leza kutali manguzu aakwe. (Bala BaFilipi 4:13.) Kulinyona muchelo wamuuya uusalala.\\n6. Niinzi chikonzya kutugwasya kuti tukuyande kubala Bbayibbele? (Langa chifanikisyo chili kumatalikilo achiiyo.)\\n6 Zimwi zikonzya kutugwasya kuti tulinyone nkukomba, kubala Bbayibbele akuyeeyesesya atala anzitubala. Amwi kulakuyumina kubala. Pesi niinzi chikonzya kukugwasya kuti kubala Bbayibbele kakukuyumina? Jehova uyookugwasya kuti wamukumbila. Alubo uyookugwasya kuti ube ‘achiyandisyo’ chakubala Bbayibbele. (1 Pet. 2:2) Chakusaanguna, komba kuli Jehova kukumbila kuti akugwasye kuti umvwisisisye nzubala muBbayibbele. Kuzwa waawo, chita kweendelana ankombyo zyako mpawo ulakonzya kubala kwachiindi chifwiifwi. Mukuya kwachiindi, kubala kuzookunoneezya. Eezi ziyoopa kuti ubotelwe chiindi nulikubala atala amalayilile aaJehova.​—1 Tim. 4:15.\\n7. Kulinyona kutugwasya biyeni kuti tuzuzikizye zipeekezyo zyesu zyamubukombi?\\n7 Kulinyona kutugwasya kuti tuzuzikizye zipeekezyo zyamubukombi. Atulange-lange chikozyano chawumwi mwaalumi wakatali kuchita kabotu muzintu zyabukombi. Eezi zyakali kumukataazya nkinkaako wakalibikkila chipeekezyo chakuba payona wachiindi choonse alubo wakabala mamagazini akapupululwa aambunga akali kupandulula nkani eeyi. Kubala mamagazini aaya akukomba kwakamugwasya kuti asime mubukombi. Alubo wakayanduula myeezi njaakali kukonzya kuba payona uugwasilizya. Kwakaba mpinduunzi? Nikuba kuti wakali kuswaana buyumu-yumu pesi wakazooba payona wachiindi choonse.\\nAMUKOMEZYE BANA MULWIIYO LWAJEHOVA\\nBana bazyalwa kabatakonzyi kusiyanisya chibotu achibi, nkinkaako beelede kuyiisigwa (Langa fuka 8)\\n8-10. Niinzi chikonzya kugwasya bazyali kuti bazwidilile kuyiisya bana babo kuti bakombe Jehova? Pa chikozyano.\\n8 Bazyali bapedwe mukuli uuyandikana wakukomezya bana “mulwiiyo lwa-Mwami amumilazyo yakwe.” (Ef. 6:4) Mukuli ooyu muyumu nkaambo tulikupona kumazuba aakumamanino. (2 Tim. 3:1-5) Bana bazyalwa kabatakonzyi kusiyanisya chibotu achibi. Nikuba boobo, bazyalwa kabali amanjezeezya pesi kuti baabelesye kabotu ayelede kuyiisigwa. (Rom. 2:14, 15) Limwi bbuku lipandulula makani aamuBbayibbele lyakaamba kuti bbala lyachiGirikki lisandulwidwe kuti “kulaya” lilakonzya kwaamba kuti “kukomezya mwana.”\\n9 Bana balayigwa munzila iilikabotu balikwabilidwe. Bakayiisigwa kuti lwaangunuko lwabo kuli mpulugolela akuti nzibasala ambubalijata zilakonzya kupa kuti bazwidilile naakuti banjile mumapenzi. Eezi zitondeezya kuti bazyali beelede kukumbila kugwasigwa aJehova. Kuli nzila zisiyene-siyene zikonzya kubelesegwa kukulaya bana kweendelana ankutukkala achiindi. Bazyali balakonzya kuzwidilila kuti babelesya malayilile aazwa kuli Leza chiindi nibalaya bana babo kutali kubelesya nzibayeeya.\\n10 Kuti tumvwisisisye makani aaya, atulange-lange chikozyano chaNowa. Nowa taakeelede kubelesya maanu aakwe pe chiindi Jehova naakamubuzya kuti ayake bwaato. Taakwe naakali wayaka bwaato pe mubuumi bwakwe. Nkinkaako, wakeelede kuswiilila malayilile aaJehova. “Wakacita obo” mbuuli mbaakamulayililide Jehova. (Matl. 6:22) Kwakaba mpinduunzi? Nowa wakazwidilila kuyaka bwaato. Alubo Nowa wakiizulwida kabotu mpuli yakwe nkaambo wakali kubelesya malayilile aazwa kuli Leza. Nowa wakayiisya bana bakwe akuba chikozyano chilikabotu kulimbabo nikuba kuti wakali kukkala abantu bakali kuchita zintu zibi Zambangulwe kalitanachitika.​—Matl. 6:5.\\n11. Kuba chikozyano chilikabotu, kubagwasya biyeni bazyali kuyiisya bana babo?\\n11 Nibazyali kujana ‘mwachita oobo’ biyeni mbuuli mbaakachita Nowa? Mweelede kuswiilila Jehova. Mulakonzya kuyiisya bana banu kwiinda mukubelesya Bbayibbele amalayilile ngimujana mumbunga yaJehova. Kuti mwachita oobo, bana banu bazoomulumba nibazookomena. Umwi mukwesu wakalemba kuti: “Ndilabalumba bazyali bangu akaambo kanzila njibakandikomezyaayo. Bakabeleka changuzu kuti bandiyiisye zintu zimvwisisika. Ndilabalumba nkaambo bakapa kuti ndizwidilile muzintu zyabukombi.” Chuusisya nchakuti nikuba kuti bazyali babeleka changuzu, chimwi chiindi bamwi bana ngabazooleka kukomba Jehova. Pesi bazyali bakabeleka changuzu kuyiisya bana babo kasimpe manjezeezya aabo tabakataazyi pe. Balakonzya kuba abulangilizi bwakuti mwanaabo wakasiya kasimpe ulakonzya kuzoboola lubo “mumbunga” yaJehova.\\n12, 13. (a) Kujana bazyali batondeezya biyeni kuti balamuswiilila Leza chiindi mwanaabo naagwisigwa mumbungano? (b) Imwi mpuli yakagwasigwa biyeni kwiinda mukuswiilila malayilile aazwa kuli Jehova?\\n12 Chimwi chintu chikonzya kusunka bazyali nkuyanda kwaambuula amwanaabo wakagwisigwa mumbungano. Atulange-lange chikozyano chawumwi mukayintu wakali amwana wakagwisigwa mumbungano mpawo wakali wazwa aang’anda. Mukayintu ooyu wakati: “Ndakali kuyanduula zilitamizyo mumabbuku eesu zyakuti ndikonzye kwaambuula amwanaangu amuzukulu wangu.” Wakayungizya kuti: “Mulumaangu wakandigwasya kubona kuti mwaneesu taakachili mumaboko eesu pe akuti tetwakeelede kwaambuulaawe pe.”\\n13 Nikwakayinda chiindi, mwanaabo wakazoobwedezegwa mumbungano. Banyina bakati: “Lino ulandifoonena naakuti kundilembela meseji chiindi choonse. Mwaneesu ulatulemeka nkaambo twakatobela malayilile aLeza. Tulabotelwa alubo tulamvwanana.” Kuti kamuli amwana wakagwisigwa mumbungano, mweelede ‘kusyoma Jehova amoyo woonse kutali kulifunkizya kumaanu eenu.’ (Tus. 3:5, 6) Malayilile aazwa kuli Jehova apa kuti tube basongo akuti tubone kuti ulatuyanda. Mutalubi kuti wakatupa Mwanaakwe kuti atununune toonse kuswaanizya mwaneenu. Leza tayandi pe kuti bantu bakanyonyoonwe. (Bala 2 Petro 3:9.) Nkinkaako, tweelede kwaasyoma malayilile aazwa kuli Jehova ambatuzulwida. Nibazyali, mweelede kuswiilila malayilile aazwa kuli Jehova nikuba kakuli kuyumu kuchita oobo. Mweelede kuchita kweendelana alulayo lwaJehova kutali kukazyania andulo.\\n14. Malayilile Jehova ngatupa kabelesya “mubanzi uusyomekede” atugwasya biyeni?\\n14 Jehova wakasyomezya kuti wakali kuyoolangania, kukwabilila akupa malayilile kumbungano yachiKristu. Uchita oobo kabelesya nzila zisiyene-siyene. Muchikozyano, wakapa Mwanaakwe kuti ayendelezye mbungano alubo Jesu wakasala “mubanzi uusyomekede” kuti atupe chakulya chitugwasya muzintu zyabukombi muchiindi cheelede. (Lk. 12:42) Chakulya eechi tuchijana munzila zisiyene-siyene alubo chili amalayilile atugwasya. Chimwi chiindi, ulakonzya kuti imwi nkani naakuti chiiyo chimwi chijanika mumabbuku azwa mweezi amweezi chakakugwasya kuti uchinche maboneno aako naakuti nzila njulijataayo. Kuti wakabona zintu nzweelede kubambulula, weelede kubotelwa. Ulikuzumizya Jehova kuti akubumbe kuti ube muntu ulikabotu.​—Tus. 2:1-5.\\n15, 16. (a) Baalu batugwasya biyeni mumbungano? (b) Kujana twachita biyeni kuti baalu bachite mulimu wabo kababotelwa?\\n15 Alubo Kristu wakapa baalu mukuli wakweembela mbelele zyaLeza. Bbayibbele libaamba kuti ‘nzipego kubantu.’ (Ef. 4:8, 11-13) Baalu batugwasya biyeni? Balatugwasya kwiinda mukuba zikozyano zilikabotu zyakutondeezya lusyomo. Alubo tulakonzya kugwasigwa kuti twaswiilila lulayo ndubatupa kababelesya malayilile amuBbayibbele. (Bala BaHebrayo 13:7, 17.) Baalu balatuyanda alubo bayanda kuti tusime muzintu zyabukombi. Muchikozyano, kuti babona kuti tatuchinjili pe miswaangano imwi, balafwambaana kubweza ntaamu yakutugwasya. Balatuswiilila chiindi nitulikwaambuula alubo balatusungwaazya kababelesya malayilile aazwa muBbayibbele. Lulayo ndubatupa baalu, tulubona kayili nzila iitondeezya kuti Jehova ulatuyanda na?\\n16 Tweelede kuziba kuti chimwi chiindi baalu kulakonzya kubayumina kutupa lulayo. Yeeya mbukwakali kuyumu kumusinsimi Natani kwaambuula aMwaami Davida chiindi mwaami naakali kuyanda kusisa chibi chakwe. (2 Sam. 12:1-14) Mwaapostolo Pawulu taakayoowa kululamika Petro umwi wabaapostolo bali 12, chiindi Petro naakatondeezya kuti wakali kusalula bantu bakatali maJuda. (Gal. 2:11-14) Kujana twachita biyeni kuti mikuli njibalaayo baalu mumbungano ibawubile? Tweelede kuba bantu balibombya, banjilika alubo balumba. Tweelede kubona kuti nzila zyoonse nzibabesya kuti batugwasye, zitondeezya kuti Leza ulatuyanda. Eezi tazigwasyi ndiswe luzutu pesi zipa kuti bachite mulimu wabo kababotelwa.\\n17. Umwi muchizi wakagwasigwa biyeni abaalu bamumbungano?\\n17 Umwi muchizi wakalimvwaanga tachitambuliki pe kuli Jehova akaambo kachibi nchakachitide chiindi. Wakaamba kuti: “Nindakali kuyeeya chibi nchindakachita ndakali kulimvwa kanditagwasyi pe alubo ndakakumbila lugwasyo kubaalu. Teebakandaambila majwi mabi pesi bakandisungwaazya akundisimya. Nitwakali kumaninsya miswaangano yambungano bakali achoonzyo chakuti umwi wabo wakali kusika kuzoomvwa kuti zyakali kundeendela biyeni nikuba kuti bakali azintu zyiingi zyakuchita. Nikuba boobo, teendakali kusyoma pe kuti Jehova wakachili kundiyanda akaambo kachibi nchindakachitide. Pesi Jehova wakatondeezya kuti ulandiyanda kwiinda mukubelesya bakwesu bamumbungano abaalu. Chiindi choonse ndikombela kuti ndikkale afwiifwi anguwe.”\\nMPINDU ZIBOOLA AKAAMBO KAKUKAKA LULAYO\\n18, 19. Nziizili mpindu ziboola akaambo kakukaka lulayo? Pa chikozyano.\\n18 Nikuba kuti lulayo lulachisa, pesi mpindu nzitujana kuti twalukaka, zichisa loko. (Heb. 12:11, NW) Atulange-lange chikozyano chaKkayini achaMwaami Zedekkiya. Kkayini naakakanza kujaya Abbelo, Leza wakamubuzya kuti: “Ino wakalalilanzi? Nkaambonzi busyu bwako bulisyulungene? Na wacita kabotu, sa tokooyoonyampuzigwa na? Pele na tociti kabotu, zibi zilakubutilila kumulyango. Lino uyoosukama nduwe, nkabela uyoomweendelezya.” (Matl. 4:6, 7) Kkayini taakwe naakaswiilila pe. Eezi zyakapa kuti abisye. Kkayini wakalyeetela mapenzi achisa loko. (Matl. 4:11, 12) Kaansinga wakaluswiilila lulayo luzwa kuli Jehova, taakali kuyoolinjizya mumapenzi.\\n19 Mwaami Zedekkiya wakali mweendelezi mubi, wakeendelezya chiindi muunzi waJerusalemu niwakali mumanyongwe. Musinsimi Jeremiya wakabuzya mwaami Zedekkiya kwaziindi zyiingi kuti aleke michito yakwe mibi pesi wakakaka kutambula lulayo. Eezi zyakapa kuti anjile mumapenzi. (Jer. 52:8-11) Jehova tayandi pe kuti tunjile mumapenzi!​—Bala Isaya 48:17, 18.\\n20. Niinzi chiyoochitika kubantu batambula lulayo akubantu batalutambuli?\\n20 Mazubaano, bantu babona kuti lulayo akulinyona tazigwasyi pe. Pesi eezi ziyoopa kuti bakanyonyoonwe lino-lino. (Tus. 1:24-31) Nkinkaako, tweelede ‘kumvwa kulayigwa kutegwa tube basongo.’ Alubo tweelede kuswiilila malayilile aali mulugwalo lwaTusimpi 4:13 lwaamba kuti: “Jatisya lulayo, utaluleki, kakatila kulindulo, nkaambo mbobuumi bwako.”\\nKubbabbatizigwa Kulayandikana kumaKristu\\nNibazyali, Mulikubagwasya Na Bana Banu Kuti Babbabbatizigwe?\\nKusangalizya Beenzu Kulayandikana!\\nZYAKACHITIKA MUBUUMI Jehova Wakali Kundigwasya Chiindi Choonse!\\nLulayo Nchitondeezyo Chakuti Leza Ulatuyanda\\nText Sala naa uyanda kukkopa zyakamwayigwa zilekkodedwe NGAZIYAKULINDA—YAKWIIYA March 2018\\nNGAZIYAKULINDA—YAKWIIYA March 2018","num_words":1964,"character_repetition_ratio":0.066,"word_repetition_ratio":0.0,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 23 IBBAIB63 - Utazibwezi zilengelelo zyabuyo. - Bible Search\\nKulonga 22 Kulonga 24\\nImwi milao yahucita bululami\\n1-Utazibwezi zilengelelo zyabuyo. Utagwasyanyi amuntu sizibi sikulengelela kaambo. 2-Utatobeli buleya kukucita zibi. Utaambi makani mulubeta kuti upambuke abantu banji kukubisya. 3-Utavundikizyi abusyu bwako kumakani aamucete.\\n4-Na wajana iŋombe yasinkondonyoko na imbongolo yakwe iliswekede, ncobeni uleelede kwiipilusya kulinguwe. 5Na wabona imbongolo yayooyo uukusulide iliimbidwe mukuli wayo, toelede kumulekelezya pe, ncobeni uleelede kumugwasya.\\n6-Utabi noobisya ceelede mucete mulubeta. 7-Cenjela makani aakubeja, Utajayi muntu uutakwe mulandu na muntu uululeme, nkaambo mebo nsikonzyi kululamika basizibi. 8-Utalyi makulo, nkaambo makulo aloofwaazya meso akubisizya makani aabaluleme.\\n9-Mutapenzyi beenzu. Mulizi moyo wamweenzu mbuubede, nkaambo anywebo mwakali beenzu mucisi ca-Egepita.\\nAmwi makani aamwaka amapobwe\\n10-Myaka iili musanu aumwi ulime nyika yako akutebula zilyo zyako, 11pele mumwaka wamusanu aibili uleke, ione, kuti bacete babantu bako balye abalo, aceeco cisyeede banyama bamusokwe bacilye. Ayalo myuunda yako yamasaansa amyuunda yamaolifa, uleelede kwiicitila mbubonya.\\n12-Mazuba aali musanu abumwi komana milimo yako, pele mubuzuba bwamusanu aabili ulyokezye, kuti basune bako ambongolo zyako zilyokezye, abalo bana babalanda bako basimbi abeenzu boonse bakatulukwe. 13-Amucenjele makani oonse ngendamwaambila. Mutaambi makani aabaleza bambi. Mazina aabo atamvwigwi mumilomo yanu.\\n14-Ziindi zyotatwe mumwaka amundicitile ipobwe. 15-Muleelede kucita ipobwe lyazinkwa zitakwe bumena; mazuba aali musanu aabili amulye zinkwa zitakwe bumena, mbubonya mbundakamulailila, kuciindi ceelede camumwezi wa-Abibi, nkaambo mulinguwo mwakazwa ku-Egepita. Kutabi uuza kulindime acinkwamaanza. 16-Alimwi amucite ipobwe lyakutebula, ipobwe lyakabalwebalwe kamilimo yako, micelo njowakabyala mumuunda wako; alyalo ipobwe lyalwiindi kumamanino aamwaka, nowamana kulimuna micelo yako yoonse yamumuunda. 17Ziindi zyotatwe mumwaka baalumi bako boonse baboneke kubusyu bwa-Mwami Jehova.\\n18Bulowa bwacipaizyo cangu toelede kubupaizya antoomwe abuswezyo. Aalo mafuta aamapobwe aangu taelede kusyaala mane bukace. 19-Micelo mitaanzi njiizyala nyika yako, uleelede kwiileta kuŋanda ya-Jehova Leza wako, Utajiki mwana wampongo mumukupa wabanyina.\\nLeza mbwaakasyomezya kubasisya ku-Kanana\\n20Amubone! Ndatuma angelo kunembo lyanu, kuti amubambe munzila akumusisya kubusena mbondakamubambila. 21-Amucenjele, muswiilile ijwi lyakwe, mutamukalazyi, nkaambo takooyoomulekelela milandu yanu, nkaambo izina lyangu molili mulinguwe. 22-Na ncobeni mwaswiilila ijwi lyakwe akucita zyoonse nzinamba, njooba sinkondonyina basinkondonyoko, njoobalwanya bamulwisya. 23-Lino angelo wangu namuzulwida akumusisya kuba-Amori akuba-Hiti akuba-Perizi akuba-Kanana akuba-Hivi akubaJebusi, njoobanyonyoona aba boonse. 24-Mutakotamini mizimu yabo nekuba kwiikomba. Mutaciti mbubacita pe. Amubamanisye, akumwaya minsemu yabo yamabwe. 25-Amukombe Jehova Leza wanu, lino njoolongezya zilyo zyanu amaanzi aanu, alimwi njoogwisya malwazi akati kanu. 26-Takukooyooba naba omwe mucisi canu uusowa nanka uutazyali, Njoozuzikizya mazuba aanu. 27-Njootuma ziyoosya zyangu kunembo lyanu, zipilinganye bantu boonse oko nkomuyoosika, nkabela basinkondonyoko boonse bayoomupa matako. 28-Njootuma manko kunembo lyanu, akabatande ba-Hivi aba-Kanana aba-Hiti. 29-Nsikooyoobatanda mumwaka omwe pe, kuti cisi citabi matongo, abanyama bamusokwe batamuvulili. 30Njoobatanda buniini buniini mane mukavule akuvuba nyika. 31-Nkabela njookukosweda migaano kuzwa ku-Lwizi Lusalala kusikila kulwizi lwabaFilisti, akuzwa kunkanda kusikila ku-Firate, nkaambo bantu bakede munyika njoobaaba mumaanza aanu, mubatande kubusyu bwanu. 32Mutatangani cizuminano ambabo nanka abaleza babo. 33-Tabeelede kukala munyika yanu, kuti batamuciti kuti mundibisizye, nkaambo na mwakomba baleza babo, ncobeni ciyoomubeda cilebyo.","num_words":450,"character_repetition_ratio":0.041,"word_repetition_ratio":0.0,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Boofwu Babona Nzi?\\nSinsimuka! | November 2015\\nAMUBALE MU Afrikaans Albanian Amharic Arabic Armenian Bulgarian Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Danish Dutch English Estonian Ewe Fijian Finnish French Georgian German Greek Hebrew Hiligaynon Hungarian Icelandic Iloko Indonesian Italian Japanese Kikaonde Kinyarwanda Kirghiz Kirundi Korean Lingala Lithuanian Luvale Macedonian Malagasy Maltese Myanmar Norwegian Polish Portuguese Romanian Russian Samoan Sepedi Serbian (Cyrillic) Serbian (Roman) Sesotho (Lesotho) Setswana Silozi Sinhala Slovak Slovenian Spanish Swahili Swahili (Congo) Swedish Tagalog Thai Tigrinya Tok Pisin Tsonga Turkish Twi Ukrainian Vietnamese Waray-Waray Xhosa Zulu\\n“Ndakaba apenzi lyakutabona kabotu buzuba nondakazyalwa ciindi nobakandibikka musamu mukali mumeso. Nindakali mukubusi ndakabeda limwi moofwu alimwi ndakatyompwa kapati.”—Ba Paqui, ibakaintu ibajisi myaka iili akati ka 40 a 60 ibakwetwe kumoofwu.\\nKOOFWAALA naa penzi lijatikizya kutabona lilakonzya kuboola akaambo katwaambo tunji kubikkilizya akulicisa naa bulwazi. Eeci cilakonzya kwaajatikizya meso, nsinga zyameso naa bongo. Bantu ibaleka kubona kabotu naa iboofwaala kanji-kanji balimvwa kutabikkilwa maano, buumba alimwi akuyoowa. Nokuba boobo ibanji balaiya kuliyumya alimwi akupona buumi bukkomanisya.\\nKanji-kanji meso ngaatupa kuzyiba zintu izituzingulukide. Aboobo, ikuti muntu waba moofwu, ubelesya nzila zimwi kapati mbuli kuswiilila, kununkizya, kujata alimwi akulabila.\\nKweelana amagazini iitegwa Scientific American, buvwuntauzi kujatikizya neuroplasticity (mbobubeleka bongo) butondezya kuti bongo bulakonzya “kucinca kweelana abukkale.” Cibalo cakayungizya kuti: “Bumboni butondezya kuti ciindi bongo nobutatambuli milumbe kuzwa kuzizo zimwi zyamubili, bulakonzya kubambulula zintu kutegwa bugwasyilizye akupa kuti zizo zimwi zibelekele antoomwe.” Amulange-lange makani aatobela.\\nKumvwa: Majwi, mijiinci, kulila kwazintu kulakonzya kugwasya kweezyeezya cintu cimwi. Mwaalumi moofwu wazina lyakuti Fernando wakaamba kuti: “Ndaiya kuyeeya alimwi akuzyiba bantu kwiinda mumajwi aabo naa mbobeenda.” Ba Juan abalo iboofwu bakaamba kuti: “Kumuntu moofwu, ijwi lyamuntu umwi ncecizyibyo.” Mbubwenya mbocibede kubantu boonse, muntu moofwu ulabikkila maano mbolimvwika ijwi, calo cikonzya kumuzyibya mbwalimvwide muntu naambaula.\\nKumuntu moofwu iwakayiisyigwa kabotu kuswiilila, mbokumvwika cilakonzya kwaamba zinji kujatikizya busena, nkoitozya myootokala, mboili mpati luumu alimwi ampozibede zintu zimwi.\\nKununkizya: Kununkizya akwalo kulakonzya kugwasya kuzyiba, kutali buyo nkocibede cintu icinunkilila. Mucikozyanyo, ciindi moofwu neenda munzila, kununkizya kulakonzya kumugwasya kuyeeyela busena mbobubede calo icikonzya kubikkilizya amisika, mobasambala kkofi, zyakulya, azimwi buyo. Aboobo, zintu izilila lyoonse zilakonzya kugwasya kuyeeyela maapu mboibede, mbubwenya kujata mbokugwasya kuzyiba cintu mbocibede.\\nKujata: Ba Francisco bakaamba kuti: “Minwe yangu ngameso aangu.” Kubelesya nkoli kulakonzya kuyungizya nkoikonzya kusika minwe eeyo. Ba Manasés ibakazyalwa kabali boofwu alimwi ibakaiya kubelesya nkoli kubwana bakaamba kuti: “Ndilizyi eeni mpondibede. Ndilalumba akaambo kazizo zimbi nzyondijisi, kucikonzya kwiibaluka, alimwi ambotubambidwe tuzila twamumabali aamugwagwa twalo ntondizyiba kwiinda mukubelesya nkoli yangu.”\\nKubala magazini ya Ngazi Yamulindizi yaboofwu\\nKujata alimwi kulabagwasya boofwu kubala kwiinda mukubelesya mabbuku aaboofwu. Mubwini, mazuba aano tacigambyi kumoofwu kubelesya nzila zili mbozibede kutegwa zimugwasye kuba aluzyibo alimwi akuzyiba makani aa Leza. Kuyungizya aamabbuku aaboofwu, kuli nzila zimbi izibikkilizya azyakuswiilila zyakalekkoodwa alimwi amakkompyuta. Kwiinda muzibelesyo eezyi, boofwu balakonzya kubala Bbaibbele alimwi amabbuku aaindene-indene aagwasya kwiiya Bbaibbele. *\\nMabbuku aaya aamba kujatikizya Leza abagwasya kapati alimwi akubapa bulangizi ba Paqui alimwi abalumi babo ibaambwa kumatalikilo aacibalo. Kuyungizya waawo, balagwasyigwa amukwasyi mupati wakumuuya, mbungano ya Bunakristo ya Bakamboni ba Jehova. Ba Paqui baamba kuti: “Lino tulapona mbubonya mbobapona bantu boonse alimwi bunji bwazintu tulalicitila tobeni.”\\nMasimpe, boofwu bulaleta buyumuyumu ibulibedelede. Pele cilakulwaizya kaka kuti bukkale nobwacinca, bantu balabulwana buyumuyumu oobo alimwi akuzumanana mubuumi kabakkomene!\\n^ par. 10 Bakamboni ba Jehova balasimba mabbuku aaboofwu aagwasya kwiiya Bbaibbele mumyaambo iinda ku 25.\\nNokuba Kuti Ndili Moofwu, Ndipona Buumi Bukkomanisya\\nBa Marco Antonio mbalumi, mbazyali alimwi balacita makwebo. Alimwi bakazyalwa kabali boofwu. Bakabandika abalembi ba Sinsimuka! kujatikizya lukkomano alimwi abuyumuyumu mbobajana.\\nMbomuli basimakwebo, ino mucikonzya buti kweendelezya makwebo?\\nMulimo ngondicita ubikkilizya kwiingula mafooni, kubonana abantu ibaula zintu kulindiswe akutuletela zintu, alimwi akutuma mali kubbanki.\\nNzintu nzi nzyomucita nomulikondelezya?\\nNdilayandisya kwiimba. Kundipa kukatalukwa. Alimwi ndilalizya piano nokuba kuti kuli buyumuyumu nkaambo tandikonzyi kubala manooti aanyimbo zyaboofwu kumwi kandilizya piano kubelesya maanza oonse obilo. Ndayanda kulizya piano, ndisaanguna kubala manooti kubelesya janza lyalulyo mpoonya akulizya piano kubelesya lyalumwensyi. Mpoonya ndilainduluka kucita oobo, pele akucincanya maanza kweelana ancondicita. Ndaazyiba manooti mumoyo, ndilalizya kubelesya maanza oonse obilo.\\nSena kuli buyumuyumu mbomwakajana?\\nNindakali kuyaabukomena, bazyali bangu alimwi abanabokwesu bakali kundilanganya kabotu alimwi bakali kundibona mbuli kuti ndilalanga. Nokuba boobo, ndakali kulinontola akuwa pele ndakazyibila kulicitila bunji bwazintu muntu uulanga nzyakonzya kucita. Nindakakomena icintu cilikke icakali kundipenzya mumizeezo nkutacikonzya kweenzya mootokala.\\nLino ndilikwete alimwi ndili muzyali, ndijisi mukwasyi mubotu ngondilanganya alimwi uundigwasyilizya. Mwanaangu musankwa David wakatambukilwa penzi ndyondijisi—kutabona. Pele ndilasolekesya kumupa cikozyanyo cibotu. Ndiyanda kuti aiye kuti kwiinda mukukkazika moyo alimwi akuba amakanze, ulakonzya kucita zintu zinji.\\nLino mulijisi mubwa uumusololela. Nkaambo nzi ncomwakasala kuba amubwa?\\nNondili a Dante, mubwa wangu, ndilacikonzya kufwambaana kweenda akweeleba ntenda. Nonduunka kubusena bumwi ciindi cakusaanguna, bakaintu bangu ba Loli balo ibalanga, balatusindikila kutegwa Dante aizyibe nzila eeyo. Pele kwaamba masimpe kumatalikilo cakali kundiyumina kusyoma mubwa kuti kandigwasya kweeleba ntenda nondili anguwe. Nokuba boobo, Dante ndakatalika kumusyoma cakumaninina. Taciko makani azicitika aawo mpotubede, ulabikkila maano kumulimo. Pele kuti ndamwaangununa ntambo munsingo, utalika kulilemeka mbuli babwa bamwi.\\nMbomuli umwi wa Bakamboni ba Jehova, ino mucikonzya buti kwiiya Bbaibbele?\\nCiindi lusumpuko kujatikizya boofwu nolwakali lusyoonto, ba Loli bakali kundibalila Bbaibbele alimwi amabbuku aamba zyamu Bbaibbele. Bakali kundigwasya kapati. Aboobo, ndakali kucikonzya kupa makani kumiswaangano yambungano. Nokuba boobo, mazuba aano ndilalibalila nkaambo ndilijisi Bbaibbele alimwi amabbuku aaboofwu aagwasya kwiiya. Alimwi ndilacikonzya kuunka awebbusaiti ya Bakamboni ba Jehova—jw.org—akukkopa zyakuswiilila zyakalekkoodwa. Ndilijisi muncini waboofwu uundigwasya kubala izili akkompyuta yangu. Muncini ooyu ulijisi tumapini tusyoonto-syoonto twalo itupanga mabala aaboofwu. Cilagambya kapati!\\nCoolwe ncondikkomanina kapati nkugwasyilizya kulemba mumwaambo waboofwu kuofesi yamutabi yaku Spain ya Bakamboni ba Jehova ku Madrid. Kutegwa balembe mulumbe uumvwika mumabbuku aaboofwu, aabo ibalemba mabbuku balaibikkila maano mizeezo njobapa boofwu. Aboobo, kuzwa ansi aamoyo ndilimvwa kuti ndilayandwa abakwesu bakumuuya alimwi abacizyi.\\nSena mulakkomana kuyanzana abantu?\\nInzya, kwaambisya bamukwasyi wangu alimwi a Bakambonima balo mbondibeleka limwi mumulimo wakukambauka kuŋanda aŋanda. Bakwesu alimwi abacizyi bakumuuya balandibikkila maano mbubwenya mbobacita kubantu boonse. Mubwini zimwi ziindi balaluba kuti ndili moofwu.\\nKuyungizya waawo, mulimo wakukambauka ulandigwasya kwaambila bantu bulangizi ibutaliboteli ibujanika mu Bbaibbele. Mucikozyanyo, mulugwalo lwa Isaya 35:5 tubala kuti mumfwulumende ya Bwami bwa Leza, “meso aaboofwu ayoojaluka.” Ciindi Jesu Kristo naakali anyika, wakaponya boofwu, ikututondezya mbokuyooba kumbele. (Matayo 15:30, 31) Aboobo, penzi lyakoofwaala ndyaciindi buyo cisyoonto mbubwenya mbuli bulema boonse. Mu Paradaiso anyika taakwe uuyakwaamba kuti ‘ndaciswa naa ndalemana.’—Isaya 33:24; Luka 23:43.\\nMAKANI AAYEEME AMUTWE UULI ACIVWUMBYO Sena Bantu Bayaabucileka Kukomba?\\nKUBUZYA-BUZYA Syaazibwene Mulwiiyo Lwanamba Ulapandulula Mbwaakatalika Kusyoma Muli Leza\\nLUGWASYO KUMIKWASYI Mbomukonzya Kubalumbaizya Bana\\nNCOLYAAMBA BBAIBBELE Mamanino Aanyika\\nSENA CAKALENGWA BUYA? Nzila Njozibelesya Zisyango Kubalila Ciindi\\nMabala Amusale naa muyanda kukkopa zyakamwaigwa SINSIMUKA! November 2015 | Sena Bantu Bayaabucileka Kukomba?\\nNovember 2015 | Sena Bantu Bayaabucileka Kukomba?\\nSINSIMUKA! November 2015 | Sena Bantu Bayaabucileka Kukomba?\\nKupona Koli Syaataambi Alimwi Koli Moofwu","num_words":1041,"character_repetition_ratio":0.048,"word_repetition_ratio":0.0,"special_characters_ratio":0.148,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kamuzwa Muli Nguwe, Nobantu Bangu! | Cibeela Catatu Print\\nKamuzwa Muli Nguwe, Nobantu Bangu! | Cibeela Catatu\\nMangwalo atondezya nkamu yabantu yiindene, balo aabo bayandide kutobela cakumaninina, kutobela Musololi wabo wabulemu mukasimpe koonse. Baitwa kuti: Bana ba Zadok. Ijulu libapa bulumbu nkaambo bayandisya kuteelela akulipa cakumaninina, akubapa mulimo wakubelekela Yahuwah Lwakwe mwini! Bamwi nobabelekela bantunyina, balo bana ba Zadok babelekela Yahuwah kumugama akukkala maumi aabo kabayeeme ali Nguwe ziindi zyoonse. (Amulange Ezekiya 44:15.)\\nKutegwa balibambile ku mulimo mupati ooyu, bana ba Zadok bayiila mucikolo ca Kujulu. Bamayi babo mbangele; mabbuku aabo Mangwalo azilengwa leza. Batambula kulaililwa kwabululami kuzwa Kujulu. Kunyina pe cikolo caanyika cikonzya kuyiisya bana ba Zadok mulimo wabo mupati ooyo ngobaitilwa.\\nKajisi myaka ili makumi one, Muusa wakali mwanaa mwami mu Ijipita, kali silutwe wabasikalumamba. Wakalaa camba cakuti cimwi ciindi inga waba nguuvwuna Isilayeli. Pele Yahuwah wakalaa makanze aambi, aboobo wakamutumina munkanda. Kalaa myaka ili makumi lusele, keembela mbelele mu Cikolo ca Munkanda, Muusa wakalaa moyo muteteete alimwi taakali kuyanda kusolweda Isilayeli kuzwa mu Ijipita. Mpawo Yahuwah wakazyiba kuti Muusa lino ulilibambide. Myaka makumi one kayiisyigwa ajulu, Muusa wakeelela kucita mulimo mupati wabuumi bwakwe.\\nMukwiiya nkobatambula kuzwa Kujulu akukomba nkobapa Mulengi wabo, Bana ba Zadok kanjikanji balalijana kabaimvwi balikke. Taakwe eeci nicakali cintu cancobeni kusikila lino, munsaa mamanino aciindi. Ekklesia yakali mbunga isalala aciindi cimwi, pele lino ilikakide kasimpe akuyiisya zitaluleme. Tabeeleli kwiiya zya kujulu kuti baitwe kuti mbana ba Zadok. Mbucaabede amuciindi ca Elija, kayubide mu Kalonga ka Cherith. Yahuwah wakamutola nkuko okuya kuti atabi muntenda. Taakali kuunka ku sinagogwe mu Nsabata, pele wakakomba kali alikke musyokwe.\\nEelyo kalonga nikaayuminina, Elija wakatolwa kuŋanda ya mukamufu ulaa moyo mubombe, uusyomeka alimwi ooko wakakkala kusikila myaka yotatwe amyezi cisambomwe yamana. Muciindi eeci, Elija taakanjila munkamu zyabupaizi nokuba yomwe pe. Walo wakakombela amunzi antoomwe amukamufu amwanaakwe musankwa. Nguzu zya moza nzyaakajana boobu, zyakamugwasya kulibambila kwiima alikke kumbele lya Ahabu abashinshimi ba Bbaali a Asherah, aabo bakali myaanda lusele abali makumi osanwe amulundu wa Kkamelo.\\nJohani mubbizyi wakali umwi wabana ba Zadok walo kwiinda mukukomba alikke, waalibambila kucita mulimo mupati kuli Yahuwah. Ekklesia waamunzi ngomusyobo wini wakukomba kwabana ba Zadok. Ooku kukomba olikke, koli olikke aYahuwah, ncecibambila bana ba Zadok kumulimo wabo wakwiiminina Yahuwah kabasyomeka akulangana anyika yabuzangi.\\nBoonse aabo batobela cakumaninina lwiito lwakuzwa mu Bbabbuloni kuya kumumuni wakasimpe, bayoojana kuti kukombela amunzi ncintu ncobatakonzyi kuleya pe. Kulaililwa nkobeelede kutambula ooko kuzwa Kujulu, takujanwi muzikombelo ziwide pe. Kuya kumbele, myeelwe ya banamaleya aabo baboola ku “cikombelo” nkaambo buyo kakuti bayanda kuti bayanzane tacili cintu cizuminwa a Mangwalo, nkaambo Yahuwah walo wakati, “Hena bobile inga beendela antoomwe, pele buyo kuti bayanzana?” (Amosi 3:3, NKJV)\\nBoonse balyaaba kuti batobele kasimpe, kufumbwa muulo uungwa waba mukucita boobo, bayoolangana azintu eezyo zibaingilila munzila, zyalo Saatani nzyabikka kuti abatyompye. Zintu zinji ziyoocitika eezyo ziyoopa kuti lusyomo lwabo luye kumbele. Ekklesia waamunzi cimwi ciindi inga wamvwika kutalulama. Kulendelelwa “akusulaikwa” kulakonzya kwiindila- kapati kuti muntu kali alikke alimwi katajisi muntunyina wakukomba limwi. Ncintu cuubauba kubuzya kuti naa ekklesia waamunzi nkuuli amu Bbaibbele.\\nCikankamanisya ncakuti, ekklesia waamunzi tiiwakali buyo mu Bbaibbele, pele wakalaililwa kuti weelede kuba. Mbuli Ekklesia wa Yahushua mbwaakaya kumbele akumwayikila munyika zyili kulaale, bantu bakali kupailila mumaanda nokuba musyokwe mutakwe congo. Ku Filipi, cakali cilengwa kuti muntu uusyomeka munzila eeyi kapailila mumbalaa kalonga. “Mubuzuba bwa Nsabata twakaunka kumulonga, ooko mipailo nkuyaali kucitikila mbuli cilengwa cesu; alimwi iswe twakakkala ansi akubandika abamakaintu aabo mbutwaajana okuya.” (Incito 16:13, NKJV)\\nCakali “cilengwa” kubasyomeka kulyaandaanya akuya kumulonga ooko kwaali luumuno kuti bakapailile nkuko akukomba mu Nsabata. Kabacili nkuko kuya, Paulu a Silas bakazyibana a Lydia, musambazi wamilembo yamusyobo wacisombo. Walo abantu bamuŋanda yakwe boonse bakabizyigwa. (Amulange Incito 16:14-15.)\\nMuciindi coonse eeci, basyomeka bakali kupailila amunzi. Enoki wakeenda a Yahuwah, kutali mukati kamadolopo muli kujatikana kunjaanji, pele mukulizandula akukomba Nguwe kulaale ooko kuumwine. Kuzwa ooko, Enoki wakabaa nguzu mu Moza zyakuti aunke akuyooba mwiiyi wabululami.\\nAbalo Bana ba Isilayeli nibakali munkanda, bamwi babo amikwasyi imwi bakali kupailila mumaanda aabo, ekklesia waamunzi! Kuzwa kumatalikilo, Muusa wakaanzika “civwuka cakuswaanganina” ooko walo nkwaakali kuunka kuti akabandike a Yahuwah. Mumwaka omwe, bana ba Isilayeli bakalaa cipaililo kacili munsi lyabo. Umwi inga wayeeya kuti boonse bakali kwiitwa antoomwe kuti bakombe lyoonse mubuzuba bwa ciloba. Nguni unga weelela kupa mulumbe wa Nsabata kwiinda Muusa? Nokuba boobo, eeci teesyi caali kucitika pe! Boonse bakali lailidwe kuti kabakkede muzivwuka zyabo.\\nYahuwah wakabapa cakulya muNsabata ciyungizyidwe kutegwa boonse bakonzye kukkala amunzi muciindi cisetekene ca Nsabata.\\n“Amulange! [Yahuwah] wamupa Nsabata; aboobo Walo ulamupa muli bwa cisambomwe cinkwa camazuba obile. Muntu oonse weelede kakkede muŋanda yakwe; kunyina muntu weelede kuzwa mpakkala mubuzuba bwa ciloba.” Aboobo bantu bakalyookezya mubuzuba bwa ciloba. (Kulonga 16:29, 30, NKJV)\\nNokuba kuti ekklesia waamunzi ncintu ciyandika kuli boonse batija Bbabbuloni, citola ciindi kulibambila mizeezo kuti icengulukile kunzila mpya yakukomba. Cimwi cisyomyo ca Bbaibbele boonse ncobanga balikankaizya muli ncico cijanwa mu Mateyo 18:20: “Aawo aabungene bobile naa botatwe muzina Lyangu, ambeyo nkweli akati kabo.” Muntu uukomba alikke ulakonzya kulikankaizya mucisyomyo eeci akubaa camba mbuli bantu banji. Mangwalo atuyiisya kuti boonse bamuyanda Yahuwah balipedwe bangele babakwabilila akubakobelela. Aboobo, awalo muntu ulaalikke tali alikke mubwini pe, pele ulaa mungele ooyo uumukwabilila, antoomwe bobile mbaa ekklesia, alimwi akati kabo aawo Yahushua nkwali.\\nMbantu basyoonto buyo bajisi ciindi cakukomba abamwi mutubunga mumaanda aabo. Aabo balelekedwe balaa mikwasyi iisyoma mbuli mbabo akukombela antoomwe amikwasyi yabo.\\nBunji bwabo balalijana kabakomba balikke. Nokuba kuti muntu kakomba munkamu, antoomwe amukwasyi wakwe, nokuba kuzyuli, ooku kukomba kulatambulika kuli Yahuwah alimwi Walo ulamuleleka kapati ooyu muntu uukomba boobu.\\nTeesyi zikombelo zyampulungwido zyamisyobo yaandene zipa kuti busena busetekane pe. Takuli kubaa sumo ataala ciluli nokuba kuba akataa bakombi banjaanji. Cintu cilikke ciyandika kubamba busena kuti busetekane nkuba bulemu kwa Yahuwah aawo abusena. Bana Isilayeli bakalaililwa kuti bayake cipaililo mumuseenga wamunkanda. Kwakanyina busena aakusimpa bbwe lyakuyakila, nokuba busena bwakuyakila ; pele buyo busena bunyina cintu. Yahuwah wakaambila Muusa kuti , “Abandibambile Cipaililo Ime kutegwa Ndikkale akati kabo. (Kulonga 25:8) Sunu Taata aMwana bayandaula bakombi aabo bayoobatambula kutegwa Balo bakakkale akati kabo, alimwi kufumbwa nkobabede oobo busena buba busena busetekene, bubikkidwe ambali bwakuswaanganina.\\nEelyo civwuka nicakalonzyegwa, kwakacinyina kusetekana amuseenga aawo mpucaaimvwi pe. Mpaacibaka aali Yahuwah aakali kusetekana kwa cipaililo alimwi eeci ncecipa busena buli boonse kusetekane, aawo Sikabumba mpanga wakombelwa. Busena bwa kukombela inga kabuli busena buumwine akataa zilengwa leza musyokwe. Cimwi ciindi inga kamuli mukati ka mootokala uuyobwedwe munsaa zyiba lya meenda – nokuba muciyobwedo ca myootokala! Kanjikanji, aabo bakomba balikke balacita oobo kuzyuli kwabo.\\nKufumbwa ooko nkwapailila muntu mbusena busetekene nkaambo Yahuwah wakakonkezya kuba nkuko ooko.\\nKukomba ninzila yakutondezya luyando kuli Sikabumba. Muntu wakazyibide zilengwa amisyobo yakukomba muzikombelo inga walimvwa kuti muluumuno lwakuzyuli kwakwe takombi ncobeni. Nokuba boobo, kukomba kwamasimpe ncipego caluyando. Nkujulwida moyo mukukombela Yahuwah kusalala. Kukomba kwamusyobo ooyu nkonkuko Yahuwah nkwakondelwa. Ncintu cuubauba kukomba munzila iisalala olikke, kwiinda munkamu yabantu banongana nokuba batalilemeki.\\nMu CiHebulayo cansiku, ibbala lya ciloba lilikonzyene abbala lyakucita lyaamba kuti “kunyandwa.” Aboobo cibalo ca Matalikilo 2:2 kuti twasanganya bbala eelyo inga cabalwa kuti:\\n“Alimwi mubuzuba bwa “kunyandwa“, Yahuwah wakamanizya mulimo Wakwe ngwaakabamba, alimwi Walo wakalyookezya mubuzuba bwa “kunyandwa” kuzwa kumilimo Yakwe yoonse njaakabamba. Alimwi Yahuwah wakaleleka buzuba bwa “kunyandwa” akubusalazya nkaambo muli mbubo Walo wakalyookezya kuzwa kumulimo Wakwe ooyo Yahuwah ngwaakalenga akucita.”\\nHena inga webo toonyandwa mubuzuba bwa Nsabata zileleko eezyo nzyopedwe mubuumi bwako? Hena inga toonyandwa, toolumba akuyandisya nzila yalufutuko amakanze aankobayootolwa aabo bavwunidwe kuzwa anyika? Hena inga toonyandwa kuti Walo wakatuyandisya cakuti wakatufwida iswe? Buzuba bwa Nsabata, buzuba bwa ciloba, inga buyooba bukkomanisya alimwi cileleko cipati mbuli notwiibaluka bubotu oobu.\\nBantu banji bazwa mu Bbabbuloni balalijana kabali balikke. Nkaambo kukomba ncintu cimvwika, aboobo citola ciindi kuti muntu azyibile kukomba alikke.\\nKuli nzila zinji muntu uukomba alikke mbwakonzya kubaa buzuba bwa Nsabata buzwide zileleko. Nkaambo kakuti kunyina muntunyina ngwayelede kubikkila maanu ali nzyabulide, mawoola aa Nsabata yoonse inga muntu ooyu waabelesya mukuvwuntaulisya Mangwalo akubandika aa Taata aMwana. Inga walizya nyimbo zyabupaizi kumwi kaimba awalo kutegwa alelekwe mukutembaula munyimbo eezyo. Cimwi cintu ciyungizya kubaa lusyomo nkubaa bbuku oomo muntu ooyu mwalemba mipailo yakwe yakulumbanya. Kabbuku kasyoonto buyo inga kajata mulimo ooyu. Nsabata ili yoonse webo weelede kulemba zintu nzyolomba mumipailo. Nsabata itobela, webo weelede kulemba mipailo yakaingulwa azileleko zyakatambulwa mumvwiki yoonse, alimwi weelede kulemba mulongo mupya wakupailila mumvwiki iboola.\\nNcintu ciyandika kapati nkugama kusanganya mumipailo zintu nzyobulide kutegwa eelyo Yahuwah nakwiingula, eezyo zileleko nzyopegwa inga zyazyibwa akulumbilwa mbozyeelede. Kubikkila maanu azileleko zyatambulwa ncinctu ciyandika kuli yooyo wiimvwi alikke. Eeci ciletela bulumbu aluyando, alimwi eezyi nzyeziyungizya lusyomo akusyoma mu Munununi.\\nCimwi cintu cikondelezya kucita ncakwiiya ziiyo zya nkamu ya WLC (Worldslastchance) eezyo zyimwaigwa muluwo. Eeyi nkamu ilapa mabbuku aalwiiyo lwa Moza. Aaya mabbuku ajisi ziiyo zibotu kwiiya. Alimwi kuli zilembedwe ankamu eeyi zipa kuti muntu atontomane kuyeeya akulizeeza.\\nKuti kukkala buumba caba cintu cikopa alimwi cikukatazya, koyandaula bantu bakusangana limwi. Kuti kakuli muntu umwi ngopa bumboni, mu Nsabata nceciindi cibotu cakuya kumbele kupa bumboni akuswaangana mumoza kuti mwaabane Cinkwa ca Buumi.\\nKuyaa bweendeenda musyokwe muli zilengwa leza acalo ncilengwa ciletela kuumbulizyigwa mumoza. Ijwi lya Sikabumba lilainda kumvwugwa kabotu muzilengwa leza kwiinda kumbi kuli koonse. Liya Yahushua naakali anyika, Walo wakali kuunkaunka musyokwe amumalundu kuti akabandike a Taata Wakwe. Walo wakalizyi kuti kukomba kusalalisya ooko kwiinda kululama, nkuswaangana kwamuya wamuntu aMulengi wakwe muntu ooyo. Eeci inga caba cintu ncokondelwa ayebo nokuba kuti uli olikke.\\nNcileleko cipati kuti muntu kaswaangene amukwasyi wakwe mukukomba! Kukombela amunzi ciletela cileleko cipati nkaambo zintu ziyandisyigwa inga zyalombwa munzila yuubauba kwiinda kukomba mumbunga mpati.\\nKwiimbila antoomwe ncintu cilibotela kuli Yahuwah alimwi bana banjaanji balayandisya kwiimba. Cileleko ciboola mukusoma majwi aanyimbo cinooliko lyoonse kutamani.\\nBamanyina abamawisi inga balinzyaana kulailila bana, umwi kayiisya twaano twamu Bbaibbele alimwi umwi kaabanya ciiyo nokuba mukonzyanyo wacilengwa leza ooyo uutola mizeezo Kujulu. Masikati boonse inga baunka kuyaa bweendeenda muzilengwa leza akutondezya bana luyando lwa Sikabumba muzilengwa leza.\\nPilgrim's Progress acalo ncintu cibotu kumukwasyi. Ninzila imwi yakupa bana cintu cakuti bakkalikile eelyo bazyali babo nobaiya ziiyo zyamu Bbaibbele (Bible Studies). Bana inga baswiilila ziiyo zya moza mu Pilgrim's Progress akulambaika misyobo yiindene muzifwanikiso zyatwaano twa Bbaibbele.1\\nBazyali balakonzya kukomezya bana babo abana bapati kwiinda mukwiiya tusimpe twa Bbaibbeke antoomwe amabbuku aabupaizi amwi.\\nAabo bantu bajisi ciindi cibotu cakukombela antoomwe abantu bamwi bamizeezo yomwe mbuli mbabo balaa ciindi ciindene kubota. Bunji bwabantu bazwa mu Bbabbuloni bali balikke. Bantu banji balalembela nkamu ya WLC kababuzya kuti nguni uuli kubbazu lyabo uubamba Nsabata iitobela mwezi azuba. Kukomba abantu bamwi ncintu cikondelezya alimwi nciindi cipedwe. Nokuba boobo, kulayandika kubikkila maanu zintu umwi aumwi nzyabulide munkamu eeyo.\\nKabunga kabantu bali makumi obile abosanwe inga katola ciindi cilamfu kweendelezya kwiinda mukwasyi ulikke buyo. Bapatipati babula zintu ziindene kuli zyeezyo zyibulide bana babo, pele zyoonse zibulide zyeelede kubikkilwa maanu akusanganyigwa mumipailo. Tacili cintu ceelede kulangila kuti bana bakkalikile kwa mawoola manjaanji kakunyina cakucita eelyo bazyali babo nobabandika musalo wazintu eezyo bana nzyobatakonzyi kuteelela. Bunji bwa bapati balayandisya kuvwuntauzya Bbaibbele kwamawoola manjaanji, pele zintu ziyandwa abana basyoonto abakubusi bacilaa cijatilo canzoka, azyalo zyeelede kubikkilwa maanu.\\nKulangila akupaila kweelede kucitwa lyoonse kutegwa zileleko zyakuswaanganina antoomwe munkamu zitaide kubaanga nkubungana buyo, mbuli bubungana zikombelo zimwi akulesya bantu kuti balyookezye mubuzuba bwa Nsabata. Milumbe yeelede kupegwa, pele tiiyelede kuba mulimo wamuntu omwe buyo. Takweelede kuba muntu omwe buyo kuti ngomusololi akumukulaika milimo yoonse pe. Kuti cacitika boobu eeci inga calesya Moza wa Yahushua walo uuyanda kuleta cikkomanisya akusanina miiya kwiinda kuti muntu omwe kapa mizeezo yakwe alikke buzuba boonse.\\nKulida antoomwe cakulya inga caba cibeela cakucita kwamanwa kukomba akuleta ciindi cibotu cakuswayana, pele kweelede kubikkilwa maanu kuti zintu zyoonse zyaambaulwa zyeelede kuba zintu zya Moza. Masikati, bakubusi inga baunka mukweendeenda kulanga zilengwa leza. Balakonzya kuyandaula cintu ciyiisya ciiyo akwaabanya kuli bamwi kumangolezya babungana alimwi.\\nKufumbwa naa kuti upaila olikke, naa mumukwasyi nokuba munkamu, kulibambila buzuba bwa Nsabata kutalikila mubuzuba butaanzi. Bamanyina abamawisi tabeelede kulijaya kubeleka mumvwiki yoonse nkaambo eelyo mawoola aasetekene asika, beelede bakonzye kukkala antoomwe abana babo, kwiinda kuti basuntuke koona ŋonzi amasikati, mukuyanda kusanganya mazuba oonse ngobatakoona kabotu mumvwiki eeyo.\\nTweelede kwiinduluka kuzyiba kuti kukomba ncintu cilengedwe mukati ka muna Kristu uli oonse, mbuli mbucaali ku . . .bana Isilayeli aabo bakalemba ntembauzyo, alimwi ncilengwa cakusekelela bupati ankumbu zya . . .[Yahuwah] eeco ciletela kulumbanya, kukkomana akuyandisya Nguwe kutamani. 2\\nInga caba cintu cigwasya mukukomba kwamazubaano kutobela nzila zyakukomba kwini. ACTS, mabala aayiminina (Acknowledgement, Confession, Thanksgiving and Supplication.), ooku nkokwaamba kuti Kuzyibya,Kulilekelela zinyonyoono , Kulumbaizya, a Kukombelezya. Kufumbwa kuti muntu kakomba alikke, nokuba mumukwasyi naa munkamu, eezyi zyitobela inga zyamugwasyilizya:\\n“Amupe Yahuwah bulemu bweelede zina Lyakwe; amukombe Yahuwah mububotu bwakusetekana kwakwe.” (Amulange Intembauzyo 29:2.)\\nCintu citaanzi mukukomba, kufumbwa mupailo, munyimbo nokuba kutontomana kuyeeya, nkuzyibya Yahuwah kuti iswe twamuzyiba kuti Nguni alimwi Walo uli buti: Mulengi; ali Nguwe mpaatalikila luyando, buumi, luzyibo acileleko cili coonse citambulwa.\\nMulimo wakuzyibya Yahuwah kuti nguulaa katikati ka buumi boonse aluyando utukulwaizya kulangila mulusyomo mbuli notumuzyibya bweende bwesu kuli Nguwe: Walo ngo Mulengi; iswe tuli zilengwe Zyakwe. Walo ngu Taata wesu; iswe tuli bana Bakwe.\\nNyimbo zyakulumbaizya inga zyaimbwa; intembauzyo zyakumutembaula inga zyabalwa mumabbuku akubikkwa mumizeezo. Tumpango twa Bbaibbele tugeme aluyando lwa Yahuwah kuti ngo muzyali wabana Bakwe alimwi anguzu Zyakwe, zyoonse eezyi ninzila zya kuzyibya Muleli waboonse. Kunkamu zipaila antoomwe, ziiyo zyazilengwa leza eezyo zigeme kutondezya bweende akataa Mulengi azilengwe Zyakwe inga zyaabanwa. Bana inga baambilwa taano twaluyando lwabazyali akutondezya mbolukonzyana a luyando lwa bulemu.\\n“Kuti twalilekelela zinyonyoono zyesu, Walo ulasyomeka alimwi uliluleme kutulekelela zinyonyoono zyesu akutusalazya kuzwa kukusofwaala kwesu.” 1 Johani 1:9\\nKulilekelela zinyonyoono ncibeela cakukomba cipati loko. Eelyo uukomba nalilekelela kubula nguzu kwakwe, walo ulakulwaizyigwa kuti ajatilile Singuzuzyoonse. Mulimo wakweempwa mbuli cibeela ca bukombi, nkutondezya mbwalekelela zinyonyoono Taata, kutali kutondezya mbozyisofweede zinyonyoono zyesu pe.\\nKweelede kubikkilwa maanu kuti boonse balilekelela zinyonyoono beelede kucita oobo aciindi ceelede, mubusena amunkamu yeelede. Zimwi zinyonyoono tazyeelede kuletwa antangalala nkaambo inga zyacisa bantu banji kwiinda kuleta luumuno pe. Zinyonyoono zyamuntu mwini lwakwe zyeelede kweempwa amuntu lwakwe mwini alikke kunembo lya Yahuwah. Tazyeelede kuletwa munkamu nokuba mumukwasyi. Kuti muntu wakabisyila muntunyina umwi, ciindi ncayelede kulilekelela kumuntu ooyo ngwaakabisyila muuciindi kabatana boola kuti bazyookombe antoomwe.\\nNcintu ciyandika kugamika kweempwa kunguzu, akuyandisya kulekelela zinyonyoono kwa Yahushua, kutali kugamika kumilongo atumpango twazinyonyoono eezyo pe. Zimwi ziindi beenzu baswaide balatambwa kuti bape “bumboni bwabo abalo” mbuli mbwaakabeendelezya Yahuwah kuya kubuumi kuzwa kuzinyonyoono, kusikila nibaalipa ku Mufutuli. Kanjikanji aaba bantu inga bagama kubandauka buumi bwa zinyonyoono mbubaakkede azintu zisofweede nzibaali kucita. Kakuceede mamiti osanwe buyo, balamanizya kuti: “Mpawo Ime ndakalipa ku Mufutuli mpoonya zyoonse zyakacinca.”\\nKulilekelela zinyonyoono kwamusyobo ooyu kupa Saatani bulemu kutali nguzu zya Yahuwah, akaambo kakutola ciindi cilamfu kubandauka buumi bwa zinyonyoono muciindi cakuti babandauke mbwaakabanununa Yahuwah akubaleleka kwiinda nibaacili mucibi. Mangwalo ayiisya kuti: “Kufumbwa zintu zili masimpe, kufumbwa cintu cisyomeka, kufumbwa ciluleme, kufumbwa cintu cisalala, kufumbwa cintu cilibotela, kufumbwa cintu campuwo ili kabotu, kuti kakuli ciimo cibotu, alimwi kuti kakuli kulumbaizya, amutonkomane akuyeeya zintu eezyi.” (Filipo 4;8, KJV)\\nKufumbwa “kulilekelela” kugeme kusumpula nguzu zisofweede zya Saatani, kuzimaanya bulemu bweelede kupegwa Yooyo Uupa-mulawo alimwi uulekelela zinyonyoono, aboobo kulilekelela kwamusyobo ooyu takweelede kucitwa mukukomba caantangalala pe. Nokuba boobo, kulilekelela ooko kuleta muntu aciga cakuti atalike kweempwa ncobeni, nkulilekelela kuzwa mukati kamoyo wini uuminidwe zinyonyoono alimwi nkokuletela cipego ca kulekelelwa kuzwa kuli Yahuwah, Muleli waboonse.\\n“O amupe kulumba kuli Yahuwah; nkaambo Walo mubotu: nkaambo luse Lwakwe lusikila kutamani.” (Intembauzyo 106:1.)\\nImwi nzila ikondelezya yakupa kulumbaizya kuli Yahuwah njakwiinduluka kubandauka nzila nzyaakakuleleka mumvwiki yainda. Bana basyoonto inga baambilwa kuti baambe zintu nzyobalumbila. Muntu ulaalikke amikwasyi inga yabamba bbuku oomo mulembwa Zileleko nzyobalumba kuti zyaabasikila. Mbunga zipati inga zyatamba kufumbwa uyanda kwaamba zileleko nzyaakatambula mumvwiki yooonse.\\nEeci ciindi cibotu cakwaamba bupati abubotu bwa Taata Wakujulu taceelede kwiindwa ambali pe. Cikulwaizya lusyomo muli baabo baswiilila akumvwa Yahuwah mbwaakaleleka umwi nkaambo balaibaluka kuti kuti Walo kakonzya kucitila umwi eeco, inga abalo wabacitila mbweenya nobabulide cintu.\\nNciindi cibelesyegwa kabotu alimwi ncileleko kuli boonse, kuti basyoma babungana antoomwe, akwaambaula luyando lwabo akulumbanya Mufutuli wabo. Yahuwah ulaswiilila bumboni bupegwa abantu aaba alimwi upegwa bulemu kwiinda mukucita boobu.\\nKuti bana Kristu nibali kubungana antoomwe, akwaambilana luyando lwa [Yahuwah], atusimpe tuyandisi twakunununwa kwabo, myoyo yabo yeni inga yabukulusyigwa, alimwi balo inga bayumyayumya umwi aumwi wabo. Iswe inga katwiiya abuzuba zintu zinjaanji zya Taata wakujulu, akumvwa luzyalo Lwakwe; nkabela swebo inga twayandisya kwaamba zya luyando Lwakwe; alimwi notucita boobu, myoyo yesu yeni iyookasaazyigwa akukulwaizyigwa, Kuti nitwali kwambaula kanjikanji zintu zya [Yahushua] akwaamba asyoonto zintu zyakuliyandila zyesu, inga swebo twabaa Nguwe munsi lyesu ziindi zinjaanji.3\\nEelyo muntu natola ciindi kubandika majwi aakulumbaizya aapa bulemu kuli Taata a Mwana, aayo majwi alayobolwa Kujulu. Mipailo yaluyando akulumbanya tiili minji kwiinda yeeyo yakulomba zintu. Liya muntu nabandauka nzyayandisya mumoyo wakwe, aayo majwi alalembwa Kujulu, akucaala kwaciindi citamani kuti abe bumboni bwa bubotu bwa Yahuwah.\\nNkabela aabo bakali kuyoowa Yahuwah bakaambilana umwi aumwi: eelyo Yahuwah wakateelela, akumvwa eeco, alimwi Bbuku lya Ciibalusyo lyabaabo bakali kuyoowa Yahuwah, lyakalembwa kunembo Lyakwe, alimwi abaabo bakali kuyeeyela azina Lyakwe. Bayooba Bangu, mbwaamba Yahuwah wamakamu, mubuzuba oobo Ime ndaakubweza mabwe angu mayandisi; alimwi Ime njoobavwuna, mbuli muntu mbwavwuna mwanaakwe ooyo uumubelekela. (Amulange Malakayi 3:16, 17.)\\nKulibotela makani aakuti ncookaamba cilalembwa mubbuku limwi lya Kujulu! Mbombubo oobo majwi aako aakutembaula, luyando akulumbanya mbwaala mpindu kujulu.\\nMajwi aayo . . .[Yahuwah] abangele ngobaswiilila cakukondwa, majwi aakulumbaizya cipego cipati cakapegwa nyika mu Mwana Simuzyalwaalikke . . . wa [Yahuwah]. Ijwi lili lyoonse lyakulumba cileleko camumuni wakasimpe . . . lililembedwe mumabbuku aakujulu. Ijwi lili lyoonse lizyibya kubomba kwa Taata wakujulu munkumbu zyakutupa . . . [Yahushua] kuti atugwisye zinyonyoono, akutwaabila bululami Bwakwe, lililembedwe mubbuku lyaciibalusyo Lyakwe. Bumboni bwamusyobo ooyu “butondezya kulumbaizya nguwe ooyo wakatwiita iswe kuzwa mumusinze kuzya kumumuni wakwe weebeka.” 1 Petulo 2:9. 4\\nIntembauzyo zyakulumbaizya azyalo inga zyabalilwa bantu. Mumikwasyi, muntu umwi aumwi inga wabala kampango ka Bbaibbele komwe. Munkamu zipati, inga cibalo coonse cabalwa antoomwe, kutobelena kubala mumulongo.\\nBoonse batola cibeela mukubandauka ncaakabacitila Yahuwah mukuleleka maumi aabo, bayoojana kuti bumboni bwamiswaangano eeyi ncintu cilweela mubweende bwabo mumoza.\\nMupailo nkujulila moyo kuli . . .[Yahuwah] mbuli kumweenzinyoko. Kuleka kuba kuti ncintu ciyandika kumuzyibya mbotubede nokuba mbotulimvwide iswe . . .[Yahuwah], pele nkutegwa swebo tukonzye kumutambula Walo. Mupailo tuuleti . . .[Yahuwah] ansi kuli ndiswe, pele ututola mujulu iswe kuli Nguwe. 5\\nMupailo uleta yooyo uupa kukombelezya aawo mpabede Ooyo Uutamani. Eeci ciindi cibotu boobu taceelede kusobanyigwa pe. Nokuba boobu, busena abantu abalo beelede kubikkilwa maanu mumipailo yaantangalala. Mipailo yaantangalala oomo muntu omwe mwaambaula ciindi cilamfu, akusiya bana kabakatede akutola mizeezo yabantu baswiilila kuti italike kuyabaila, tayeelede kupegwa. Busena bwakupeda mipailo milamfu, nkuuzyuli kwako mubuumi bwako bwamaseseke.\\nMipailo yankamu mpati, kubota kuti kiili buyo mamiti obile bulamfu. Kuti kakuli mbunga mpati, imwi nzila yakucita kuti boonse bakkute mumuuya, njakupambukana mutubunga twabantu botatwe nokuba bone. Eeci cipa kuti umwi aumwi abaa ciindi cakupaila.\\nAimwi nzila yakupaila, munkamu mpati amumukwasyi, nkupaila mumuzeezo omwe. Umwi muntu ulatalika mupailo, pele uli oonse uuminidwe mukuli inga wapozomoka akupaila awalo kufumbwa ciindi kwaamba cili mumoyo wakwe. Naba mwana wiinda kuba musyoonto ulakonzya kutola busena mumupailo akwaamba cintu ncalumbila. Ooyu musyobo wakupaila uletela zileleko zinjaanji nkaambo ujulila Moza Uusalala kuti usike ali boonse. Cimwi cintu capaililwa amuntu umwi inga caleta muzeezo kuli umwi. Muciindi cakuti alindile kusikila ciindi cakwe nayelede kupaila mumulongo, muntu inga waamba kufumbwa camunjila mucamba ndeenya eelyo alimwi mizeezo yamoyo wakwe inga yamvwugwa mukukombelela akulumbanya. Kujala mukwiinduluka mupailo ooyo Yahushua ngwaakapa basikwiiya Bakwe, ncintu cibotu mukujala mupailo wankamu.\\nNzila yansiku “yakupaila mumuzeezo omwe” tiicili maunda mazubaano. Yakali kucitwa abaabo Yahuwah mbaakavwuna mulwiimbo Walo Wandisololela Ime. Mipailo yakali kutola mawoola, pele kwiina waakatala nokuba kwiindwa ambali pe. Kupaila cakwaanguluka mbuli bukweenzya Moza Uusalala cakali cintu cisansamusya. Ijulu lyakaswena munsimunsi alimwi baciswa bakaponyegwa, maleele akacitika alimwi abalo bafwide bakabusyigwa kujokela kubuumi. Amusoleke kupaila munzila eeyi. Tamukayandi limbi kupaila mbuli nkamu yomwe munzila imbi pe!\\nLiya muntu nasala kusiya nkamu yabasyoma mucikombelo nokuba munkamu yacikombelo eeco, kuli kulimvwa aanga walekwa mucikwati. Nzila eeyo basazinyina mbobamulanganya muntu ooyo lino akulendelelwa kwakwe, kutazyiba kwakugama, nokuba nzila bwa kukomba alikke, inga zyapa muntu kuti alibone aanga bamusulaika boonse. Eeyi ninzila ya Saatani mukusoleka kulesya bantu kuti batazwi mu Bbabbuloni. Mukuvwunikila muntu kunsaa mizeezo yakuti taluleme, Saatani usoleka kuzungaanya kusala kwa muntu ooyo aboobo umusinikizya kuti ajokele kucintu ncazyibide kale nokuba kuti taciluleme- kupiluka ku Bbabbuloni.\\nWebo kolyookezya mukusyomezyegwa kwa luyando lwa Taata akutambula kukomba kwako.\\nLino kucinyina kusulaikwa kuli baabo bali muli . . .[Yahushua Mufutuli], aabo bateendi munyama, pele beenda mu Moza.\\nWalo ooyo uusanyangula myoyo ulizyi cili mumuzeezo wa Muya, nkaambo walo nguuzekela basaante kutobezya mbuli kuyanda kwa . . .[Yahuwah]. Alimwi tulizyi kuti zintu zyoonse zilabeleka kabotu antoomwe kuli baabo bamuyanda . . .[Yahuwah], kuli mbabo baitidwe kutobezya makanze aakwe. (Ba Loma 8:1, 27, 28, KJV)\\nMakanze aa Yahuwah nkuti kube bantu basyoma anyika yoonse, bali balikke nokuba mutubunga, bamukomba mubuzuba Bwakwe busetekene nokuba kuti balakatazyigwa akusulaikwa abamwi.\\nWebo koyenda mulusyomo lukkwene, kosyoma kuti Walo waakwiita kutobezya makanze Aakwe aabulemu, walo ulakutambula webo Omuyandwa Wakwe. Eelyo webo noteelela kutobela Mufutuli wako kuzwa mu Bbabbuloni, kufumbwa muulo nkaambo kakucita boobo, webo upa bulemu ku Munununi wako alimwi kukomba kwako kulatambulika kuli Nguwe.\\nNinzi ncotunga twaamba azintu eezi? Kuti Yahuwah kali kulubazu lwesu, nguni uunga watulwana? Walo watakalesya Mwanaakwe, pele wakamwaabila ndiswe toonse, mbuti lino Walo mbwanga tatupi zintu zyoonse kakwiina muulo?\\nNguni uunga wapa mulandu kubayandwa ba Yahuwah baluleme? Yahuwah nguululamika! Nguni uunga watupa mulandu iswe? Yahushua wakatufwida, iiyi, alimwi akubuka kuzwa kubafu, walo uuli kujanza lyalulyo lyokwa Yahuwah, nguutuzekela lino iswe.\\nNguni unga watuzandula kuzwa kuluyando lwa Yahushua? Hena mapenzi, nokuba kupyopyongana, nokuba kupenzyegwa, naa nzala, naa mantanda, naa ntenda, nokuba cceba? Nee peepe! Muzintu zyoonse eezyi iswe tulainda kuba bazundi kwiinda muli Nguwe ooyo wakatuyandisya.\\n“Nkaambo Ime ndizyi kuti, nokuba lufu, naa buumi, nobaba bangele, naa nguzu zya Saatani, naa malelo, nokuba zintu ziliko lino, naa zintu zicizya kumbele, nokuba bulamfu, naa bufwaafwi, nokuba cilengwe cili buti, inga tacikonzyi kutwaandaanya aluyando lwa Yahuwah oolo luli muli Yahushua Mufutuli wesu.” (Amulange Ba Loma 8:31-39)\\n1 Mabbuku aa Bbaibbele nkwaali muzintoolo zyabuna Kristu. Mabbuku aanyina muulo alakonzya kujanwa muluwo.\\nZitobela ansaawa, nzibaka nzingaye buyo mpomunga mwajana mabbuku aayo:","num_words":3467,"character_repetition_ratio":0.041,"word_repetition_ratio":0.0,"special_characters_ratio":0.155,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matayo 14 | Bbaibbele lili a Intaneti | Bbaibbele lya Busanduluzi Bwanyika Mpya\\nJohane Mubbapatizi wakosolwa mutwe (1-12)\\nJesu wasanina bantu bali 5,000 (13-21)\\nJesu weenda atala aamaanzi (22-33)\\nKuponya mu Genesarete (34-36)\\n14 Kuciindi eeco, Heroda mweendelezi wacilikiti* wakamvwa mpuwo ya Jesu,+ 2 aboobo wakaambila babelesi bakwe kuti: “Ooyu ngu Johane Mubbapatizi. Wakabusyigwa kubafwu, alimwi nkakaambo kaako ncakonzya kucita milimo mipati eeyi.”+ 3 Heroda* wakajata Johane akumwaanga akumubikka muntolongo akaambo ka Herodiya, imukaintu wa Filipo imunyina.+ 4 Nkaambo Johane lyoonse wakali kumwaambila kuti: “Tacizumizyidwe pe kuti kali mukaintu wako.”+ 5 Pele nokuba kuti wakali kuyanda kumujaya, wakali kuyoowa nkamu yabantu, nkaambo bakali kumubona kuti musinsimi.+ 6 Pele nobakali kusekelela buzuba bwakuzyalwa kwa Heroda,+ mwana musimbi wa Herodiya wakabazyanina kabotu beenzu akumukkomanisya kapati Heroda+ 7 cakuti wakamusyomezya kwiinda mukukonka kuti ulamupa kufwumbwa ncatiilombe. 8 Mpoonya walo mukutobela nzyobakamwaambila banyina wakati: “Amundipe lino aawa mutwe wa Johane Mubbapatizi mumutiba.”+ 9 Nokuba kuti mwami wakausa, pele akaambo kakukonka kwakwe alimwi abeenzu mbaakali kulya limwi,* wakalailila kuti apegwe. 10 Aboobo wakatuma bantu ibakaunka kuyoomukosola mutwe Johane muntolongo. 11 Eelyo bakaleta mutwe wa Johane mumutiba akumupa musimbi, mpoonya wakautola kuli banyina. 12 Mpoonya basikwiiya bakwe bakaboola akubweza mubili akuuzikka; bamane bakaunka kuyakwaambila Jesu. 13 Naakamvwa boobu, Jesu wakatanta bwato akuzwa ooko, wakaunka kubusena bunyina bantu kutegwa abe alikke. Pele makamu aabantu naakamvwa boobo, akamutobela amaulu kuzwa muminzi.+ 14 Lino naakasika kunkomwe, wakabona nkamu mpati yabantu, eelyo wakabeetelela+ akuponya balwazi babo.+ 15 Pele nikwakaba kumangolezya, basikwiiya bakwe bakaboola kulinguwe akumwaambila kuti: “Okuno nkuusyokwe alimwi ciindi caunka kale; kobaambila bantu kuti bamwaikizyanye, kutegwa baunke muminzi bakalyuulile zyakulya.”+ 16 Pele Jesu wakabaambila kuti: “Tabeelede kuunka pe; amubape zyakulya.” 17 Bakamwaambila kuti: “Taaku ncotujisi aano ccita buyo zinkwa zyosanwe answi zyobilo.” 18 Wakati: “Amundipe nzizyo.” 19 Mpoonya wakalailila makamu aabantu kuti bakkale abwizu. Kumane wakabweza zinkwa zyosanwe answi zyobilo, amane wakalanga kujulu akulumba Leza+ eelyo naakamana kukomauna zinkwa, wakapa basikwiiya, mpoonya basikwiiya bakapa makamu aabantu. 20 Aboobo boonse bakalya akukkuta, alimwi bakabwezelela bufwefwelenga bwakacaala, kwakazula zisuwo zili 12.+ 21 Lino akati kabaabo bakali kulya kwakali baalumi batandila ku 5,000, ikutabalilizya abamakaintu abana basyoonto.+ 22 Mpoonya kakunyina kusowa ciindi, wakaambila basikwiiya bakwe kuti batante mubwato basolole kuya mutala, walo naakacili kumwaya makamu aabantu.+ 23 Lino naakamana kumwaya makamu aabantu, wakatanta acilundu alikke kuyoopaila.+ Masiku akamujana kooko kali alikke. 24 Lino bwato bwakali alamfwu kuzwa kunkomwe, kabuzungaanizyigwa canguzu amayuwe, nkaambo guwo lyakali kubbubbula kuletezya nkobakali kuya. 25 Pele nokwakaba kubucedo* wakaboola kulimbabo, keenda atala aamaanzi mulwizi. 26 Nobakamubona keenda atala aamaanzi mulwizi, basikwiiya bakanyongana kabati: “Ncilengaano!” Eelyo bakakwiila akaambo kakuyoowa. 27 Pele ndilyonya eelyo Jesu wakabaambila kuti: “Amukkazike myoyo! Ndime; mutayoowi pe.”+ 28 Petro wakamwiingula kuti: “Mwami, ikuti naa nduwe ncobeni, kondaambila ndiboole kulinduwe kandeenda atala aamaanzi.” 29 Eelyo wakati: “Koboola!” Aboobo Petro wakazwa mubwato akweenda atala aamaanzi kuya kuli Jesu. 30 Pele naakabona guwo wakayoowa. Mpoonya naakatalika kubbila wakakwiila kuti: “Mwami, kondivwuna!” 31 Ndilyonya Jesu wakatandabika janza wamujata akumwaambila kuti: “Yebo osilusyomo luniini, nkaambo nzi ncoodooneka?”+ 32 Eelyo nobakatanta mubwato, guwo lyakaleka. 33 Mpoonya aabo ibakali mubwato bakamufwugamina* akwaamba kuti: “Masimpe uli Mwana wa Leza.” 34 Mpoonya bakazabukila ku Genesarete.+ 35 Mbobakamuzyiba buyo, bantu bakubusena oobo bakatuma mulomo kumasena oonse aakeengelede, eelyo bantu bakamuletela bantu boonse ibakali kuciswa. 36 Mpoonya bakamukombelezya kuti bajate buyo maaya aacisani cakwe caatala,+ eelyo boonse ibakaajata bakaponenena.","num_words":497,"character_repetition_ratio":0.061,"word_repetition_ratio":0.0,"special_characters_ratio":0.189,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Johane 2 | Bbaibbele lili a Intaneti | Bbaibbele lya Busanduluzi Bwanyika Mpya\\nBwiinga bwaku Kana; maanzi asanduka kuba waini (1-12)\\nJesu wasalazya tempele (13-22)\\nJesu ulizyi zili mumoyo wamuntu (23-25)\\n2 Lino mubuzuba bwatatu kwakali pobwe lyabwiinga ku Kana waku Galilaya, abalo banyina Jesu bakaliko. 2 Awalo Jesu abasikwiiya bakwe bakalitambidwe kupobwe lyabwiinga eeli. 3 Waini nowakamana, banyina Jesu bakamwaambila kuti: “Waini wabamanina.” 4 Pele Jesu wakabaambila kuti: “Yebo omukaintu, ino makani aayo atujatikizya buti swebo, mebo anduwe?* Ciindi cangu tacinasika.” 5 Banyina bakaambila baabo ibakali kukutauka: “Kamucita kufwumbwa ncatiimwaambile.” 6 Lino kwakali matalo aamabwe aali cisambomwe kweelana acilengwa cakusalazya caba Juda,+ italo limwi alimwi lyakali kuzula nongo zyamaanzi zyobilo naa zyotatwe.* 7 Jesu wakabaambila kuti: “Amwaazuzye maanzi matalo.” Aboobo bakaazuzya kusikila amulomo. 8 Mpoonya wakabaambila kuti: “Lino amuteke akutolela mweendelezi wapobwe.” Aboobo bakamutolela. 9 Lino mweendelezi wapobwe naakalabila maanzi aakasandulwa kuba waini, katazyi nkowakazwa (nokuba kuti balo babelesi ibakateka maanzi aayo bakalizyi), imweendelezi wapobwe wakaita sibwiinga 10 akumwaambila kuti: “Muntu uuli woonse usaanguna kubikka waini mubotu, eelyo bantu bakolwa, naleta mubi. Pele yebo wayobola waini mubotu kusikila lino.” 11 Eeci Jesu wakacicitila ku Kana waku Galilaya kacili citondezyo cakwe cakusaanguna, alimwi wakatondezya bulemu bwakwe,+ aboobo basikwiiya bakwe bakamusyoma. 12 Kuzwa waawo, walo abanyina abanabokwabo+ alimwi abasikwiiya bakwe bakaselemuka kuya ku Kapernauma,+ pele ooko tiibakaakukkala mazuba manji. 13 Lino Pobwe Lyakwiindilila+ lyaba Juda lyakali afwaafwi, eelyo Jesu wakaunka ku Jerusalemu. 14 Mutempele wakajana bantu ibakali kusambala ŋombe, mbelele, nkwilimba+ alimwi abasikucinca mali kabakkede muzyuuno zyabo. 15 Aboobo naakamana kupanga nswepu yantambo, wakabatanda boonse aabo bakajisi mbelele aŋombe mutempele, alimwi wakawuumuna makkobili aabasikucinca mali akutingamuna matebulu aabo.+ 16 Alimwi wakaambila baabo bakali kusambala nkwilimba kuti: “Amuzigusye omuno zintu eezyi! Amuleke kucita ŋanda ya Taata kuba ŋanda yamakwebo!”*+ 17 Basikwiiya bakwe bakaibaluka kuti kulilembedwe kuti: “Busungu bwakuŋanda yako buyoondilya cakumaninina.”+ 18 Aboobo mukumwiingula iba Juda bakamubuzya kuti: “Ncitondezyo nzi ncotiitupe+ citondezya kuti ulijisi nguzu zyakucita zintu eezyi?” 19 Jesu wakabavwiila kuti: “Amulimwaye tempele eeli, eelyo mumazuba otatwe ndiyooliimika.”+ 20 Mpoonya ba Juda bakati: “Itempele eeli lyakatola myaka iili 46 kuyakwa, ino yebo inga waliimika buti mumazuba otatwe?” 21 Pele tempele ndyaakali kwaamba wakali mubili wakwe.+ 22 Pele naakabusyigwa kuzwa kubafwu, basikwiiya bakwe bakaibaluka kuti mbwaakali kwaamba oobu,+ mpoonya bakalusyoma lugwalo alimwi amajwi ngaakaambide Jesu. 23 Nokuba boobo, naakali mu Jerusalemu ku Pobwe Lyakwiindilila, bantu banji bakasyoma muzina lyakwe nobakabona zitondezyo nzyaakali kucita. 24 Pele Jesu tanaakali kubasyoma cakumaninina nkaambo boonse wakalibazyi, 25 alimwi akaambo kakuti tanaakali kuyandika muntu uuli woonse kumwaambila mbwabede muntu, nkaambo walo wakalizyi cakali mumoyo wamuntu.+\\n^ Mu Chigiriki, “Ncinzi cangu acako yebo omukaintu?” Aaka nkaambyo ikatondezya kukaka caambwa. Kubelesyegwa kwamabala aakuti “yebo omukaintu” tacitondezyi kubula bulemu.\\n^ Kuboneka kuti nongo aimwi yakali kuyumuna malita aali 22. Amubone Makani Aayungizyidwe B14.\\n^ Naa “musika.”","num_words":420,"character_repetition_ratio":0.056,"word_repetition_ratio":0.0,"special_characters_ratio":0.185,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Wakali Kunookonzya Kubotezya Leza—Rehobbowamu\\nBALA MU Afrikaans Albanian Altai Alur Amharic Amis Arabic Armenian Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Boulou Bulgarian Cakchiquel Catalan Cebuano Chichewa Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Croatian Czech Dakota Dangme Danish Digor Douala Dutch Edo Efik English Esan Estonian Ewe Fijian Finnish Fon French Ga Garifuna Georgian German Greek Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hungarian Ibanag Icelandic Igbo Iloko Indonesian Isoko Italian Japanese Jula Kabiye Kabuverdianu Kannada Kekchi Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mingrelian Mixe Mixtec (Guerrero) Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nigerian Pidgin Norwegian Nzema Okpe Oromo Ossetian Otetela Pangasinan Papiamento (Curaçao) Persian Pidgin (Cameroon) Polish Ponapean Poqomchi' Portuguese (Portugal) Punjabi Quechua (Ancash) Quechua (Bolivia) Romanian Russian Samoan Sango Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovenian Solomon Islands Pidgin South African Sign Language Spanish Sranantongo Swahili Swahili (Congo) Swati Swedish Tagalog Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Vietnamese Waray-Waray Wolaita Xhosa Yoruba Zande Zapotec (Isthmus) Zulu\\nCHIINDI choonse, tuyanda kuchita zintu zibotezya Jehova. Tweelede kuchitaanzi kuti tubotezye Leza akuti atulongezye? MuBbayibbele, muli zikozyano zyabantu bakachita zintu zibotezya Leza nikuba kuti kumatalikilo bakachita zibi zipati. Bamwi bakali abube buli kabotu pesi bakakachilwa kuchita zintu zibotezya Leza. Eezi zipa kuti tulibuzye kuti: “Niinzi Jehova nzyayanda kuti umwi awumwi achite?” Tulakonzya kujana nsandulo muzintu zyakachitika mubuumi bwamwaami waJuda, Rehobbowamu.\\nSolomoni wisi aRehobbowamu wakeendelezya chisi chamaIsrayeli kwaminyaka iili 40. (1 Bam. 11:42) Solomoni wakafwa mumunyaka wa997 B.C.E. Mpawo Rehobbowamu wakiinka kuJerusalemu nkwiili kunyika, kuShekkemu kuti akapegwe bwaami. (2 Mak. 10:1) Ubonaanga wakali kuyoowa kuti uyookonzya na kutobelezya chikozyano chaSolomoni wakali abusongo bwiingi? Rehobbowamu wakalizi na kuti muchiindi chifwiifwi, wakeelede kutondeezya kuti uli abusongo mukubamba twaambo?\\nKulakonzeka kuti Rehobbowamu naakaba Mwaami muIsrayeli, zintu teezyakali kweenda kabotu. MaIsrayeli bakatuma bantu kuti bakaambe penzi lyabo kuli Rehobbowamu kuti: “Uso wakatulemezya mukuli. Lino webo, kotuubulwida cibbalo ciyumu causo amukuli wakwe mulemu ngwaakatulemezya, elyo tuyookubelekela milimo.”—2 Mak. 10:3, 4.\\nKulakonzeka kuti Rehobbowamu wakabula kuti ulachita biyeni. Kaansinga wakasala kuchita nzibayanda bantu, we, bamumpuli yakwe abakali kubeleka mung’anda yabwaami teebakali kuyooyinkilila kunembo kabakkede kabotu. Alubo kaansinga taakachita nzibayanda, bantu bakali kuzoomupapila. Wakachita biyeni? Rehobbowamu wakasaanguna kukumbila kugwasigwa abaalumi bapati bakali kugwasya Solomoni. Pesi Rehobbowamu wakasala kuswiilila nzyaakabuzigwa abaselanyina. Mpawo wakabajata chalunya bantu mbaakali kweendelezya. Kuzwa waawo wakasandula bantu bakatumidwe kuti: “Mebo njooyungizizya ijoko lyanu bulemu. Taata wakamuumya mitatula, mebo njoomuumya tubanze.”—2 Mak. 10:6-14.\\nTwiiyaanzi kumakani aaya? Twiiya kuti tweelede kuswiilila nzibatubuzya maKristu bachipati, basimide mubukombi. Kuli zintu zyiingi nzibazi, nkinkaako balakonzya kuziba mpindu yazintu nzitusala alubo balakonzya kutugwasya.—Job. 12:12.\\n“BAKASWIILILA IJWI LYA-JEHOVA”\\nRehobbowamu wakabungania basilumamba kuti bakalwane misyobo yamaIsrayeli iili 10 yakamupapila. Pesi Jehova wakatuma musinsimi Semaya kuti akabuzye Rehobbowamu kuti: “Mutanoolwisya banabakwanu ba-Israyeli pe. Amuboole umwi aumwi kung’anda yakwe, nkaambo aya makani akazwa kulindime.”—1 Bam. 12:21-24. *\\nChakali chuuba na kuli Rehobbowamu kuti aswiilile jwi lyaLeza? Kweelede Rehobbowamu wakakataazikana. Bantu bakali kuyoomubona biyeni mwaami wakaambide kuti uyoobasubula ‘atubanze’ bantu bakwe pesi taakwe naakasubula nikuba basikumupapila? (Kozyanisya a 2 Makani 13:7.) Nikuba boobo, mwaami abasilumamba bakwe “bakaswiilila ijwi lya-Jehova akupiluka mbubonya Jehova mbwaakabaambila.”\\nChikozyano eechi chituyiisyaanzi? Tweelede kuswiilila Leza nikuba kuti chimwi chiindi kuchita oobo kulakonzya kupa kuti bantu batuseke. Leza uyootulongezya kuti twamuswiilila.—Dt. 28:2.\\nNimpinduunzi nzyaakajana Rehobbowamu? Wakaleka kulwana misyobo iili kkumi mpawo wakatalisya kuyaka myuunzi yakali muzilawu zyaJuda aBbenjamini nkaambo njiimisyobo njaakali kweendelezya. ‘Wakayumya’ myuunzi myiingi. (2 Mak. 11:5-12) Alubo wakaswiilila milawu yaJehova. Muchiindi misyobo iili kkumi yakali kweendelezegwa aJerobbowamu niyakali kukomba baleza bakubeja, bamwi ‘bakayumya Rehobbowamu’ kwiinda mukwiinka kuJerusalemu kuti bakasumpule bukombi bwakasimpe. (2 Mak. 11:16, 17) Nkinkaako kuswiilila kwaRehobbowamu, kwakapa kuti bwaami bwakwe busime.\\nCHIBI NCHAAKACHITA AKUCHINCHA\\nRehobbowamu wakachita chintu chigambya chiindi bwaami bwakwe nibwakasima. Wakaleka kuswiilila milawu yaJehova akusaanguna kukomba baleza bakubeja. Nkamboonzi naakachita oobo? Wakali kuyungwa abanyina bakali mu-Amoni na? (1 Bam. 14:21) Nzyaakachita zyakapa kuti bantu mbaakali kweendelezya bachite mbuuli nguwe. Mpawo Jehova wakazumizya Mwaami wakuEgepita uutegwa Sisakki kuti azunde myuunzi myiingi yamuzilawu zyaJuda, nikuba kuti Rehobbowamu wakabelekede changuzu kuti ayisimye!—1 Bam. 14:22-24; 2 Mak. 12:1-4.\\nSisakki naakasika kuJerusalemu nkwaakali kweendelezya Rehobbowamu kuli zimwi zyakachitika. Achiindi eechi, musinsimi Semaya wakabuzya Rehobbowamu abasilutwe makani aazwa kuli Leza aakuti: “Inywe mwandileka, aboobo ambebo ndamuleka akumwaaba mumaanza aa-Sisaki.” Rehobbowamu wakalutambula biyeni lulayo oolo? Wakalutambula kabotu. Bbayibbele liti: “Mwami abapati ba-Israyeli bakalibombya, bati, Jehova mululami.” Jehova wakavuna Rehobbowamu amuunzi waJerusalemu kuti utanyonyoonwi.—2 Mak. 12:5-7, 12.\\nKuzwa waawo, Rehobbowamu wakiiyendelezya lubo misyobo iili 10. Katanafwa, bana bakwe biingi wakabaabanisya zipo kuchitila kuti bamwi bana batazoolwani Abbija wakali kuzooba mwaami. (2 Mak. 11:21-23) Nzyaakachita Rehobbowamu zyakatondeezya kuti wakaba amaanu kwiinda naakatalisya kweendelezya.\\nNCHIKOZYANO CHIBOTU NA NAAKUTI NCHIBI?\\nNikuba kuti Rehobbowamu wakeezya kuchita kabotu pesi taakachita zintu zibotezya Leza. Bbayibbele lipandulula mbaakeendelezya amajwi aakuti: “Nkabela wakacita bubi.” Nkamboonzi nikwaambwa oobo? “Nkaambo takwakapangika moyo wakwe kukuyandaula Jehova.”—2 Mak. 12:14.\\nKusiyana aDavida, Rehobbowamu wakakachilwa kuba mweenzinyina waJehova\\nAtuyeeyesesye atala azyakachitika mubuumi bwaRehobbowamu: Chimwi chiindi wakali kuswiilila Leza. Alubo wakachita zimwi zintu zyakapa kuti maIsrayeli bakombe Jehova. Pesi wakakachilwa kuba abweenzinyina bulikabotu aJehova akuzumanana kumukomba chamoyo woonse. Nkinkaako, wakachita zintu zibi akukomba baleza bakubeja. Tulakonzya kulibuzya kuti: ‘Chiindi Rehobbowamu naakaswiilila malayilile aazwa kuli Leza, wakaswiilila akaambo kakuti wakabuzigwa abantu na, naakuti wakali wachincha akuyanda kubotezya Leza?’ (2 Mak. 11:3, 4; 12:6) Mukuya kwachiindi, wakatalisya kuchita zintu zibi. Wakasiyene kule loko asyaanyinakulu Mwaami Davida! Nisimpe kuti Davida wakachita zintu zibi pesi wakali kumuyanda Jehova, kalipedelede mubukombi bwakasimpe alubo wakachincha chamoyo woonse naakabisya.—1 Bam. 14:8; Int. 51:1, 17; 63:1.\\nTulakonzya kwiiya zyiingi kuzwa kuli zyakachitika mubuumi bwaRehobbowamu. Zilikabotu kuti bantu basanine mpuli zyabo akuchita zimwi zintu zibotu. Pesi kuti katuyanda kuti Jehova atulongezye, tweelede kusumpula bukombi bwakasimpe akukakatila kulimbubo.\\nKuti tukonzye kuchita oobo, tweelede kuyanda Jehova chamoyo woonse. Mbuuli mulilo mbuuyanda kusoselwa kuti uzumanane kuyaka, andiswe kuti tuzumanane kuyanda Leza, tweelede kubala Bbayibbele chiindi choonse, kuyeeyesesya atala anzitubala akukomba. (Int. 1:2; Rom. 12:12) Kuyanda Jehova kuyoopa kuti tube achiyandisyo chakumubotezya muzintu zyoonse nzituchita. Alubo kuyoopa kuti tuchinche kuti twabisya. Tatukabi mbuuli Rehobbowamu, pesi tuyoozumanana kukakatila mukasimpe.—Jud. 20, 21.\\n^ par 9 Akaambo kakutasyomeka kwaSolomoni, Leza wakatondeezya kuti bwaami bwamaIsrayeli bwakali kuyoowanzaanisigwa.—1 Bam. 11:31.","num_words":1031,"character_repetition_ratio":0.06,"word_repetition_ratio":0.0,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Citondezyo ca Jonah Print\\nCitondezyo ca Jonah\\n“Icitondezyo ca Jona” cijatikizya zinjaanji kwiinda mbobaibaluka bantu banji. Kusanyangula kabotu kabotu Mangwalo kuyubununa kuti “mazuba otatwe amasiku otatwe” aayo Mutufuli ngaakali “mukati kamamvwu aanyika” akatalikila ku Getisemani, kumangolezya eelyo Walo naakaabwa.\\nBana bakali kwiiya ciiyo ca Jona mu Cikolo ca Bbaibbele. Bamuka Fredericks bakaambila basicikolo babo kuti beenge cifwanikiso ca Jona. Bunji bwabana bakeenga zifwanikiso zya Jona kali mumeenda answi ambali nokuba kuti kiimumena answi. Mbasyoonto bakatondezya Jona mucifwanikiso kapaila alimwi kali mwida lya nswi. Eelyo bamuka Fredericks nibaalanga cifwanikiso cokwa Jennifer, nokuba kuti walo taakazyi kabotu muzeezo mbocakeelede kulangika. Mukati kacifwanikiso eeco kwakali malo otatwe, atufwanikiso twazuba totatwe atalaa tufwanikiso twa wisi kajatene mumaanza akana kasankwa. Bunji bwacifanikiso eeco cakalambaikidwe musyobo uusubilasubila mbuli bulongo. Atalaa cifwanikiso kwakali, kakata kabwizu bwamusyobo wa nyanzabili. Tuyandayanda twabwizu oobo twakali kulengelela mbuli mbotwakeengedwe. “Jennifer, wakeelede kweenga cifwanikiso ca Jona pele Mebo nsyemubwene mpabede naaba ali mucifwanikiso cako. Hena toomvwisisya ncooyelede kucita?” “Nee, Ime ndamvwa, Bamuka Fredericks! Mwabona? Aawa ncecitondezyo cangu ca Jona: mwanaa muntu uli mumamvwu kwamazuba otatwe amasiku otatwe. Mwamubona mwana musankwa ooyu? Ooyu ngo mwanaa muntu. Ootu tufwanikiso twamalo otatwe ngamasiku otatwe. Ootu tufwanikiso twazuba totatwe ngamazuba otatwe alimwi zyoonse zyili mumamvwu.” Nokuba kuti eeci cifwanikiso cakabasesya bayi bakwe, bunji bwabana Kristu abalo mbweenya buyo, tabazyi kabotu makani aa “citondezyo ca Jona” kwiinda mbwaakazyi Jennifer mucece. Zikombelo zyiyiisya kusandulula kwiimpene kujatikizya ncaakaamba Mufutuli eelyo naakashinshima lufu Lwakwe, naakaamba kuti: “Izyalani lisofweede alimwi lyamamambe lizumanana kuyandisya kupegwa citondezyo, pele kunyina citondezyo ciyoopegwa pe, ccita buyo citondezyo ca Jona mushinshimi. Nkaambo mbubonya Jona mbwaakali mwida lya muswi mupati kwamazuba otatwe amasiku otatwe, awalo Mwanaa Muntu uyooba mukati kamamvwu aanyika kakwamazuba otatwe amasiku otatwe.”(Matayo 12:39-40, NKJV)\\nKuli Mizeezo Minjaanji Iiliko - Zikombelo zinjaanji zyilaa bupanduluzi bwiimpene bwa “citondezyo ca Jona.” Kwaambwa kuti bulamfu bwaciindi ncecimwi ciimpanya bupanduluzi oobo muli cimwi cazitobela aawa:\\n1. Kuzwa akukankaminwa muli Bwasanu mafumofumo kusikila kukubuka kuzwa kubafu mu Nsondo cifumofumo.\\n2. Masiku muli Bwatatu kusikila masiku aa Mujibelo.\\n3. Ciindi kazikkidwe mucuumbwe, nkokuti, masiku muli Bwasanu kusikila mu Nsondo cifumofumo.\\nKaambo kalibonya mubusanduluzi boonse oobu nkakuti boonse buyeeme akulubila kwakuti: Bana ba Isilayeli babelesya kkalenda lina Juliyasi lyabukombi bwamituni. Bana Isilayeli bamuciindi ca Yahushua bakali kubelesya kkalenda litobezya mwezi-azuba lyokwa Mozesi. Ikkalenda lya Bbaibbele talyeendelani amazuba aamituni mbuli Bwasanu, Mujibelo a Nsondo (Friday, Saturday, Sunday), nokuba kkalenda lyamusyule lyaajisi mazuba aali lusele lina Juliyasi. Pele alimwi kuli twaambo tumwi tuyubununa kulubila mubupanduluzi bwamizeezo eeyi.\\nKuzwa akukankakminwa kusikila akubuka: Banji beezyezya kuti citondezyo ca Jona caambilizya ciindi akataa kukankaminwa ampanda kusikila buzuba bwakubuka kuzwa kubafu. Eeci cililubide nkaambo Mufutuli waakankaminwa akatikati kacifumofumo, aciindi eelyo cituuzyo camafumofumo mubuzuba bwa Abib 14 nicakeelede kuyasilwa. Aboobo nokuba kuti ciindi eeco cilataaluka mazuba otatwe, cijatikizya buyo masiku obile.\\nBwatatu masiku kusikila masiku aa Mujibelo: Bamwi bana Kristu basyoma kuti citondezyo ca Jona cakali kuyandika kuti Yahushua abe mawoola aali 72 mucuumbwe. Mumuzeezo ooyu, bayiisya kuti kukankaminwa kwaatola busena muli Bwatatu akkalenda lina Juliyasi. Ooku kusyoma boobu akwalo kulilubide nkaambo kubikka kubuka kuzwa kubafu mu masiku aa Mujibelo. Eeci taciluleme pe nkaambo katwaambo tobile. Kataanzi nkakuti, mbuli mbutwaamba kale, bama Juuda tiibaali kubelesya kkalenda lina Juliyasi muciindi ca Yahushua. Kabili nkakuti, Mangwalo alisalazyide kuti kubuka kuzwa kubafu tikwaacitika masiku aabuzuba bwa Abib 15. Pele, kwaacitika mafumina kubucedo bwa Abib 16: “Kumamanino aa Nsabata, eelyo nikwaatalika kuyaa kuca buzuba butaanzi bwa mvwiki, Maliya Magadalena a Maliya umwi bakasika kucuumbwe.” (Matayo 28:1) Kukankaminwa ampanda kwaatola busena kweendelena azikonzyanyo eezyo nzyaakabikka Yahuwah muciindi ca Kulonga. Aboobo, nikwataacitika kufumbwa ciindi kabutana sika buzuba bwa Abib 14.\\nBwasanu masiku kusikila Mujibelo masiku: Bamwi bakalubila mukweezyeezya kuti mawoola alikke aayo Yahushua naakali mucuumbwe ngaakonzya kwaambwa kuti “mukati kamamvwu aanyika.”\\nLazalosi wakazwaa kubuka kuzwa kulufu mucuumbwe kaaindide mazuba one alimwi bama Falisi aabo bakali kuyanda citondezyo bakalizyi kabotu makani aaya. Hena [Yahushua] wakali kwaamba kuti uyooinduluka kucita maleele aaya, akucesya mazuba, akupa kuti eeci ncecitondezyo? Nee peepe, citondezyo cakali kwiinda akubuka kuzwa kubafu kakwiindide mazuba otatwe amasiku otatwe mucuumbwe Citondezyo cakali ca kulinyika Lwakwe muzinyonyoono zyesu, akuzandulwa kuzwa kuli Taata [Yahuwah] mbuli Jona mbwaakashinshima, eelyo [Yahuwah] naatakali kukonzya kumumvwa, kubbadelela zinyonyoono zyesu kwiinda mukupenzyegwa, lufu akubuka mubuzuba bwatatu alimwi. 1\\nKutegwa cimvwisyigwe citondezyo eeco Yahushua ncaakapa, kulayandika kumvwisya mulaka wazinkonzya ooyo Walo ngwaakali kubelesya. Mbuli lyoonse Mangwalo alatupa nzila zyakusandulula maseseke aalyo. Kuli twaambo totatwe ootu, kuti twateelelwa, tulasalazya akuyubununa ncaiminina Yahushua naamba “citondezyo ca mushinshimi Jona”:\\n1. Kusanganya tumpango akutantaanya kubala\\n2. Ciiminina mabala aaya “mukati kamamvwu aanyika”\\n3. Aatalikila “mazuba otatwe amasiku otatwe”\\nKusanganya Kubala: Boonse baloma abana Isilayeli bamuzyiindi zya Bbaibbele bakali kubala ciindi munzila yiimpene kuli yeeyo bantu banji njibakaiya kubala mazubaano. Bunji bwabantu mazubaano, babala munzila yakugwisyila naa kutantaanya. Mukonzyanyo, kuti mwana wako waboola kuli nduwe mubuzuba bwa Mukubwekaangala 20, lisyuuka maluba amasamu. Walo kuti wabuzya kuti ndilili kusikila kulyookezya kwa mainza. Webo ulizyi kuti cikolo cakwe cilajalwa kuya kukulyookezya mu Ganda Pati 15. Aboobo, webo ulamwaambila kuti kulyookezya kwamainza kuyootalika mumyezi yobile. Webo wabala buyo luzutu myezi ya Kaanda kaniini a Ganda Pati. Pele toobalilizya mwezi wa Mukubwekaangala nkaambo ngomwezi mobede oomo. Kujanza limwi, muna Isilayeli nokuba waku Loma, inga wabala cakusanganya. Kuti naakabuzyigwa nguwe liyooba kulyookezya kwa mainza, inga naakaingula kuti kwainda myezi yotatwe nkaambo lyoonse bakali kubala akubalilizya mwezi ooyo waalikutalikilwa kubala. Aboobo, tacili cintu ciyandika mucitondezyo ca Jona kubala wawoola aali 72. Kuya kumbele, kubala buzuba bomwe kuti mawoola aali 24 teesyi njenzila yakubala eeyo yakaliwo mumazuba aabana Isilayeli pe. Masiku akalaandawidwe muzyibeela zyone alimwi mazuba akalaandawidwe mubweelene muzibeela zyamawoola aali 12 acipimyo cazuba. Yahushua lwakwe wakabuzya kuti, “Hena takuli mawoola aali 12 mubuzuba bomwe?” (Amulange Johani 11:9.) Aboobo mawoola aamazuba aamainza akali malamfu kwiinda mawoola aamupeyo. Aboobo kubala kwakusanganya, kufumbwa cibeela cabuzuba cakali kubalwa kuti mbuzuba bomwe. Aboobo, Abib 16, oobo buzuba Mufutuli naakabuka kuzwa kubafu, bwakali buzuba bwatatu kubala nokuba kuti Walo wakabuka kuzwa mucuumbwe kumatalikilo aabuzuba oobo.\\nMukati kamamvwu Aanyika: Basyomi bamwi kwaciindi cilamfu bakali kuyeeya kuti “mukati kamamvwu aanyika” caamba kuzikkwa. Nokuba boobo, ooku nkupandulula kugola aawo mpeenya. Kuba “Mukati kamamvwu aanyika” kwini caambilizya zyintu zinjaanji. Mangwalo aamba kuti “mamvwu” mukowa wabantu naa, kugaminina moyo wabuntu wini. Mucaano cokwa Yahushua camusyangi, Walo wakalomya kwaamba kuti eeco caasyangwa mumamvwu cakali “ijwi lyaali mumyoyo yabo.” (Amulange Maako 4:3-20.) Mangwalo alasalazya akuti moyo wamuntu ulisofweede akubaa cinyonyoono:\\n“Moyo ulainda kweena atalaa zyintu zyoonse, Alimwi akwiinda kusofwaala; Nguni uunga wazyiba cili mukati kawo?” (Jelemiya 17:9)\\n“Mpoonya Yahuwah wakabona kuti busofwaazi bwamuntu bwakali bupati munyika, alimwi kufumbwa mizeezo yamoyo wakwe yakali sofweede kuya kumbele lyoonse.” (Matalikilo 6:5)\\nMuci Giliki cakaindi kuli makani aayungizya kwaamba moyo: “kardia...moyo, nkokuti munzila imwi mizeezo naa mbwalimvwide (muzeezo)....”2 Aboobo, mukati kamoyo wamamvwu aanyika ciiminina cintu cipati kwiinda buyo kuzikkwa mubulongo waansi lyanyika. Ciiminina kuba mukusinganyigwa kwacinyonyoono. Yahushua wakanyina cinyonyoono pe. Walo wakeelede kuba boobo nkaambo naatakeelela kuba Munununi wesu. Mbotwaamba boobo, Walo lwakwe cakuliyandila, wakabweza mukuli wazinyonyoono zyesu. Aaya ngamaseseke aaluzyalo oolo ndwaakaabila kusalazyigwa akunununwa kumubishi weempedwe. Yahushua mukutambula zinyonyoono zyesu, eezyo Walo nzyaatakatola cibeela kucita, Wakali kukonzya kutwaabila bululami Bwakwe, oomo swebo motwaanyina cibeela.\\nLino zintu zyoonse zizwa kuli Yahuwah, ooyo wakatuyanzanya kuli nguwe Lwakwe kwiinda muli Yahushua uunanikidwe, alimwi akutupa mulimo wakuyanzanya, nkokuti, Yahuwah muli Yahushua wakali kuyanzanya nyika kuli Nguwe Lwakwe, kuleka kubapa mulandu wazyibi zyabo, alimwi wakatupa mulumbe wakuyanzana ooku...Nkaambo Walo wakanyina cinyonyoono wakatubeda cinyonyoono mucibaka cesu, kutegwa swebo kwiinda muli nguwe tube bululami bwa Yahuwah muli Nguwe. (2 Bakolinto 5:18-19, 21)\\nCaandaano camakumi osanwe awotatwe cokwa Izaya cipandulula bulemu bwakujulu mbubwaacincanya zibi zyesu:\\nPele Walo wakacisigwa nkaambo kamilandu yesu,\\nWalo wakacisigwa nkaambo kazyibi zyesu;\\nKusinswa kwaluumuno lwesu kwakali ali Nguwe,\\nAlimwi kwiinda mukukwabbaulwa kwakwe swebo twakapona...\\nYahuwah wakakulika ali Nguwe zinyonyoono zyesu toonse.\\nWakabalwa akataa basimilandu,\\nWakabweza zinyonyoono zyabanji,\\nAlimwi wakazekela basimilandu.\\n(Izaya 53:5-6, 12)\\nEelyo Yahushua naakatubeda cinyonyoono mucibaka cesu, walo wakazumina cisubulo eeco boonse bacitonkomene kuzangila Julu ncobeelede kupegwa. Eeco cisubulo nkuzandulwa kuzwa kuli Yahuwah Lwakwe mwini:\\n“Pele zinyonyoono zyenu zyamuzandula inywe kuzwa kuli Elohimu wenu;\\nAlimwi zyibi zyenu zyasisa busyu Bwakwe kuzwa kuli ndinywe,\\nCakuti takonzyi kumumvwa.”\\n“Kuti ndalanganya zinyonyoono zyili mumoyo wangu,\\nSimalelo takonzyi kundimvwa.”\\nIno kwakatalika lili kubalwa? Cisubulo Yahushua ncaakali kupenga cakali cakuzandulwa kuzwa ku Mulengi wa Boonse. Ooku nkupenga kwaamanina mulufu Lwakwe eelyo Walo naakafwa nkaambo moyo wakwe wakadonkoka, akutalisya kukunka tulonga tobile kamwi kabulowa alimwi akamwi ka “meenda.” Nokuba boobo, kupenga kwa Munununi tikwaatalikila naakagagailwa mpikili ntaanzi acikanda cakwe, nokuba kukwabbulwa acimboko ciindi citaanzi asikalumamba waku Loma. Eeci ncecijuzyo cakumvwisisya citondezyo ca mushinshimi Jona. Kupenga kwa Yahushua kwakatalikila leelyo Walo naakasinganyigwa abulemu bwa kujulu mumuunda wa Getisemani.\\nMumuunda wa Getisemani Kristu wakapenga mucibaka camuntu, alimwi muciimo cabuntu bwakwe Mwanaa [Yahuwah] wakadadalika nkaambo kakuyoosya kupati kwamulandu wacibi, kusikila kuzwa mumilomo Yakwe yaatubulukide akubimba, wakalisinikizya kwaamba mujwi lipengede kuti, “O Taata wangu, kuti kacikonzyeka, ilesye eeyi nkomeki izwe ali ndime:” pele kuti kakunyina nzila iimbi yakumanizya lufutuko lwamuntu uuwide, nkokuti “kutali kuyanda kwangu Mebo, pele kuyanda Kwako.” Ciimo cabuntu aawo nicaafwa mpeenya nkaambo kakuyoosya kwa cinyonyoono, kuti nikwataasika mungele kuzwa kujulu ooyo wakamuyumyayumya Walo kuti akonzye kwiinda mupenzi.3\\nYahushua wakali Mwanaa Mbelele ookwa Yahuwah uugwisya zinyinyoono zyanyika. Walo waakankaminwa mubuzuba bwa Pasika (Abib 14) kutegwa bululami bwa Yahuwah bwiinde atalaa babisyi beempedwe, mbweenya awalo Mungele wa Lufu mbwaakainda atalaa bana ba Isilayeli mu Ijipita. Nokuba boobo, kupenga Kwakwe kwakatalikila mumuunda wa Getisemani, kamanizyide kulya Mulalilo Wamamanino, mangolezya aabuzuba bwa Abib 13.\\nInguzu zyaabeteka abulemu ooyo wakali mucibaka camuntu, zyakali nguzu nzyeenya zyakali kwiimikizya Yooyo wakali kupenga kunsaa mukuli wabukali bupati ooyo Walo wakeelede kuwida atalaa nyika yacinyonyoono. Kristu wakali kupenga lufu oolo lwakasinganyidwe basimilandu mumulawo wa [Yahuwah].\\nNcintu ciyoosya kuti mubisyi uteempwi wawida mumaanza aa [Eloah] uupona....Pele eeci tiicakalibonya mubupati bwaco bwini mbuli mukupenga kwa Kristu, Mwana wa [Eloah] uutamani, eelyo Walo naakacisilwa nyika yacinyonyoono bukali bwa [Yahuwah]. Eeci cakali boobu nkaambo kacinyonyoono, kutyola mulawo wa [Yahuwah], eeco muunda wa Getisemani nciwaabeda cibeela citaanzi cakupengela nyika isofweede. Kunyina buusu, nokuba kupenga, kukonzya kweezyekwa akooko nkwaakanjide Mwana wa [Yahuwah].4\\nKupenga kwini nkwaakamvwa alimwi kwaali mumizeezo Yakwe Mufutuli eelyo “Walo naakabweza zinyonyoono zyabanji, Alimwi naakazekela basimilandu” (Izaya 53:12) kwakatalikila mu Getisemani. Mangwalo alilembedwe caatobela waawo: “Mpoonya nkasaalo Yakwe yakatalika kuloka mbuli bulowa bunji bulokela ansi.” (Luka 22:44) Eeci cakali ciindi Walo kataninga kwaangwa. Kakulikide kale mukuli wabukali bwa bulemu mucibaka cababisyi, cisubulo cakatalika mangolezya kataninga kankaminwa. Mangwalo alilembedwe kuti cisubulo eeco cakali cakusubula babisyi cakali kwiinda amawoola ali cisambomwe aayo Mufutuli ngaakali aciciingano. Kwakali zibalo zyili kkumi azyibili mu Mangwalo eezyo zijatikizya ciindi camazuba otatwe aalufu lwa Yahushua alimwi cimwi cimwi cilaamba munzila yaco cini oobo mbwaakapengana mumizeezo kutalikila mu Getisemani kalutaninga sika lufu Lwakwe.\\n“Muntu taakaba nguutukka mukuli wacinyonyoono, alimwi kunyina pe natiikazyibe kuyoosya kwakusinganyigwa kunsaa cinyonyoona mbuli kooko Mufutulli nkwaakatukka. Kunyina buumba mbwanga wamvwa kweezyaanya buumba Bwakwe Ooyo waawidwa bukali bwa [Yahuwah] canguzu kakwiina kweenkela. Ciimo cabuntu cikonzya buyo kwiima musunko akusolwa kusikila aciga cimwi. Ooyo uukonzya kufwa ukonzya buyo kwiinda musunko likonzya kupimwa, nkabela ciimo cabuntu cilawa kunsaa sunko eelyo; pele ciimo ca [Yahushua] cakalaa kubikkilila kapati mukupenzyegwa; nkaambo ciimo cakwe cabuntu cakali kukkala mukati kaciimo cabulemu, akuleta kubikkilila mukupenga kutegwa akonzye kwiinda muli ceeco cakaletwa azinyonyoono zyanyika isweekede. … Bulumbu bwa cibi ndufu, pele cipego ca [Yahuwah] mbuumi butamani muli [Yahushua] kumubishi weempwa akusyoma.”\\n“Kuzwa aciindi eeco Yahushua wakatalika kutondezya basikwiiya Bakwe kuti walo weelede kuya ku Jelusalema, akupenga zintu zinjaanji kuzwa ku bapatipati abasilutwe babapaizi abalembi, akujaigwa, alimwi akubusyigwa mubuzuba bwatatu.” (Matayo 16:21)\\nBuzuba bwatatu kuzyila lili? Kuzwa eelyo naakatalika kupenga. Amubale kuya kumbele:\\n“Mpoonya wakabapampanwida kuti bamvwisye, akuti bateelelesye Mangwalo. Mpoonya Walo wakati kuli mbabo, ' Kulilembedwe kuti, cakali cintu ciyandika kuti Kristu apenge akubuka kuzwa kubafu mubuzuba bwatatu.'” (Luka 24:45-46)\\n“Mpoonya Walo wakatalika kubayiisya kuti Mwanaa Muntu weelede kupenga zyintu zinjaanji, alimwi uyoosulaikwa abapatipati abasilutwe babapaizi abalembi, alimwi uyoojaigwa, akubuka kakwiindide mazuba otatwe.” (Maako 8:31)\\nEeci cibalo cilaa mulimo nkaambo cilasalazya kuti kubuka alimwi kuyooba kaaindide mazuba otatwe aayo aatalikila nikwaatalika kupenga Kwakwe. Muli Luka 24 kulembedwe kaano kabalombwana bobile bakali kweenda kuzwa ku Jelusalema kuya kumunzi wabo ku Emayasi mubuzuba bwa Abib 16, buzuba bwa kubuka kuzwa kubafu. Eelyo nibakali kweenda, bakali kubandika “zyoonse zyintu eezyi zyakacitika.”(Luka 24:14)\\nMpoonya cakacitika kuti nibaali kuyaa kubandika twaambo ootu, Yahushua Lwakwe wakaswenena munsi lyabo akweendela antoomwe ambabo. Pele meso aabo akaalilwa kuti batamuzyibi Walo.\\nNkabela Walo wakati kuli mbabo, “Mubandi wamusyobo nzi ooyu ngomwaambaula nomuyaabweenda kamuuside?”\\nMpoonya balo bakati kuli Nguwe, “Izyintu zijatikizya Yahushua waku Nazaleta, ooyo wakali Mushinshimi cinicini mumicito amujwi kunembo lya Eloah abantu boonse, abasilutwe babapaizi mbobakamwaanga walo akumusinganya kulufu, akumukankamina. Pele twalikulangila kuti walo nguwaali kukonzya kunununa Isilayeli. Ncobeni, pele kuleka zyoonse eezyi, obuno mbuzuba bwatatu kuzwa nizyaacitika zyintu eezyi. (Luka 24:15-17, 19-21)\\nEeci cakapa Mufutuli ciindi cibotu ncaakali kuyanda Walo kuti abayiisye akukulwaizya lusyomo lwabo:\\nMpoonya Walo wakati kuli mbabo, “O nywebo nabafubafuba, nomulelema mumyoyo yenu kusyoma zyoonse nzibakaamba bashinshimi! Hena Kristu taakeelede kupenga zyintu zyoonse eezyi kuti akanjile mubulemu Bwakwe?” Alimwi kutalikila ali Mozesi a Bashinshimi boonse, Walo wakabapampanwida oonse Mangwalo azyintu zijatikizya Nguwe Lwakwe. (Luka 24:25-27)\\n(Kuti mubale zibeela zimwi Mangwalo mwaalembedwe mulongo wazyintu zyaacitika eezyi, amutyanke aawa akuselela ansi. 5) Tacili cintu ceelede kwiinda ambali cishinshimi cilibotela ca kupenga alufu lwa Mufutuli eeci, nokuba kuceezyeka mawoola aali 72 woonse antoomwe. Ciindi citalikila mangolezya aa Abib 13 kusikila kubucedo6 bwa Abib 16 calazuzika cishinshimi coonse eeci. “Citondezyo ca Jona” cakazuzika cakumaninina mukupenga kwa Mufutuli alufu Lwakwe lwakuliyandila kuzumina kusingwa amulawo ooyo wakeelede kusinganya babisyi akulyaaba kuti azandulwe kuzwa kuli Yahuwah mukaambo kakunununa mukowa wabantu.\\n2 Kardia,#2588, The New Strong’s Expanded Dictionary of Bible Words.\\n5 Mu Ncito zya Batumwa 10:39 muci Giliki cakaindi ibbala lisanduludwe kuti “kukosolwa” lyaamba lufu lwalunya. Tiilwakali lufu lwaluzyalo nokuba lwakufwambaana pe. Lwakali lufu luzwide kucisa akupenzyegwa.\\n6 Masimpe kuti kubuka kuzwa kubafu kwaacitikila kubucedo mubuzuba bwa Abib 16, buzuba bwatatu bwa cishinshimi, eeci cizuzika bumboni bwa Bbaibbele akuyubununa kuti buzuba butalikila kubucedo kalitana pasuka zuba.","num_words":2178,"character_repetition_ratio":0.056,"word_repetition_ratio":0.0,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Lubeta lwa Leza kuba Juda aba Giriki (1-16)\\nManjezyeezya mbwaabeleka (14, 15)\\nBa Juda a Mulawo (17-24)\\nKupalulwa kwamoyo (25-29)\\n2 Aboobo unyina cilitamizyo pe, yebo omuntu oobeteka bamwi, kunyina makani naa nduwe ni;+ nkaambo nobeteka bamwi ulipa mulandu omwini, mbokunga yebo oobeteka bamwi ucita zintu nzizyonya eezyo nzyobetekela bamwi.+ 2 Lino tulizyi kuti lubeta lwa Leza ilweendelana akasimpe lulabasikila bantu bacita zintu zili boobu. 3 Pele yebo omuntu, sena uyeeya kuti akaambo kakuti ulababeteka aabo bacita zintu zili boobo, yebo uyoolutija lubeta lwa Leza nokuba kuti ucita zintu nzizyonya eezyo? 4 Naa sena uubaula bupati bwaluzyalo lwa Leza,+ kweengelela+ alimwi akukkazika moyo kwakwe,+ akaambo kakuti tozyi kuti Leza muluzyalo lwakwe uyanda kukusololela kukweempwa?+ 5 Pele akaambo kabusicinguni bwako akuteempwa kwamoyo wako, uliyobweda bukali mubuzuba bwabukali abwakuyubununwa kwalubeta lwa Leza lululeme.+ 6 Lino uyoopilusizya umwi aumwi kweelana amilimo yakwe:+ 7 uyoobapa buumi butamani aabo bayandaula bulemu, kulemekwa alimwi akutafwa+ kwiinda mukuliyumya mumulimo mubotu; 8 pele aabo bakazya alimwi ibataswiilili kasimpe, pele ibatobela kutalulama bayoosikilwa bukali akunyema.+ 9 Kuyooba mapenzi amakatazyo kubantu boonse bacita zintu zibi, kusaanguna kuba Juda mpoonya kuba Giriki; 10 pele boonse bacita zibotu bayoolumbaizyigwa, bayoopegwa bulemu aluumuno, kusaanguna kuba Juda+ mpoonya kuba Giriki.+ 11 Nkaambo Leza tasalululi pe.+ 12 Nkaambo boonse aabo ibakabisya kakunyina mulawo bayoonyonyoonwa kakunyina mulawo;+ pele boonse aabo ibakabisya kabajisi mulawo bayoobetekwa amulawo ngoonya ooyo.+ 13 Nkaambo aabo ibamvwa mulawo tabasyi mbabaluleme kuli Leza, pele aabo bautobela mulawo bayakwaambwa kuti mbalulami.+ 14 Nkaambo lyoonse bantu bamasi ibatajisi mulawo+ nobacita zintu zyaambwa mumulawo, aaba bantu nokuba kuti tabajisi mulawo, baba ngomulawo beni. 15 Aaba mbambabo ibatondezya kuti injiisyo zyamumulawo zililembedwe mumyoyo yabo, eelyo manjezyeezya aabo naapa bumboni antoomwe ambabo, aboobo mumizeezo yabo beni balapegwa mulandu nokuba kutajaninwa mulandu. 16 Eezyi ziyoocitika mubuzuba oobo Leza kwiinda muli Kristo Jesu aakubeteka bantu kujatikizya zintu zyamaseseke nzyobayeeya akucita,+ kweelana amakani mabotu ngondaambilizya. 17 Lino ikuti naa uli mu Juda wazina buyo+ alimwi usyoma mulawo akulilumbaizya muli Leza, 18 alimwi ulizyi nzyayanda akucikonzya kusala zintu ziyandika kapati nkaambo ulayiisyigwa* mu Mulawo,+ 19 alimwi ulisinizyide kuti uli musololi waboofwu, imumuni kuli baabo ibali mumudima, 20 sikulaya wabafwubafwuba, mwiiyi wabana alimwi oomvwisya zintu ziyandika kujatikizya luzyibo akasimpe ka Leza izili mu Mulawo— 21 pele sena yebo ooyiisya umbi, toliyiisyi omwini?+ Yebo ookambauka kuti, “Utabbi,”+ sena yebo ulabba? 22 Yebo ooamba kuti, “Utaciti bumambe,” sena yebo ulacita bumambe?+ Yebo oosesemwa mituni, sena ulabba ziyobwedwe mumatempele? 23 Yebo oolilumbaizya mumulawo, sena ulamusampaula Leza kwiinda mukusotoka Mulawo? 24 Nkaambo “izina lya Leza lilasampaulwa akati kabamasi akaambo kandinywe,” mbubonya mbokulembedwe.+ 25 Ibupalule+ bugwasya buyo ikuti kotobela mulawo;+ pele ikuti koli sikusotoka mulawo, bupalule bwako tabucikwe mpindu, buli buyo mbuli kutapalulwa. 26 Aboobo, ikuti muntu uutapalwidwe+ katobela zyeelelo ziluleme zya Mulawo, sena ikutapalulwa kwakwe takukabonwi kuba bupalule?+ 27 Eelyo kwiinda mukutobela Mulawo imuntu uutapalwidwe kumubili uyookubeteka yebo oosotoka mulawo nokuba kuti uluujisi mulawo uulembedwe alimwi ulipalwidwe. 28 Nkaambo kuba mu Juda mwini-mwini takujatikizyi ciwa pe,+ alimwi kupalulwa kwakwe takuli amubili wakwe pe.+ 29 Pele mu Juda mwini-mwini ngooyo uuli boobo mumoyo,+ alimwi bupalule bwakwe mbwamumoyo+ kwiinda mumuuya ikutali bwamumulawo.+ Imuntu ooyo talumbaizyigwi abantu pe, pele a Leza.+\\n^ Naa “ulayiisyigwa mulomo mpande.”","num_words":482,"character_repetition_ratio":0.049,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bulwazi Bwasyuga​—Mbomukonzya Kucesya Ntenda Yakuba Abulwazi Oobu\\nSinsimuka! | September 2014\\nAMUBALE MU Afrikaans Albanian Amharic Arabic Armenian Bengali Bislama Bulgarian Cebuano Chichewa Chinese (Traditional) Chinese Mandarin (Simplified) Chitonga Cibemba Croatian Czech Danish Dutch English Estonian Ewe Finnish French Georgian German Greek Gujarati Hebrew Hiligaynon Hindi Hungarian Icelandic Iloko Indonesian Italian Japanese Kannada Kinyarwanda Kirghiz Kirundi Korean Lingala Lithuanian Macedonian Malagasy Malayalam Maltese Myanmar Nepali Norwegian Oromo Pangasinan Polish Portuguese Punjabi Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Swahili Swahili (Congo) Swedish Tagalog Tahitian Tamil Thai Tigrinya Tsonga Turkish Twi Ukrainian Urdu Vietnamese Xhosa Zulu\\nBulwazi Bwasyuga—Sena Inga Mwalikwabilila?\\nBULWAZI bwasyuga buyaabwiindila kuvwula cakuti bwaba bulwazi bujatikizya nyika yoonse. Kuli misyobo yobilo yabulwazi bwasyuga. Musyobo wakusaanguna wabulwazi bwasyuga kanji-kanji utalikila kubwana, alimwi calino bamadokota tabazyi mbobakonzya kubukwabilila. Mucibalo eeci tulabandika musyobo wabili wabulwazi bwasyuga, bwalo ibudumide kapati.\\nNokuba kuti kaindi bulwazi oobu bwakali kujanika buyo kubantu bapati, pele mazuba aano bwatalika kujanika akubana. Nokuba boobo, basyaazibwene baamba kuti ntenda yakuba abulwazi oobu ilakonzya kucesyegwa. Kuba aluzyibo lusyoonto buyo kujatikizya bulwazi oobu bubyaabi kulakonzya kumugwasya kapati. *\\nIno Bulwazi Bwasyuga Buli Buti?\\nOobu mbulwazi bupa kuti muntu abe asyuga wiindilide mubulowa. Bulwazi oobu inga bunyonganya nzila yakulonzya syuga kuzwa munsinga zyabulowa kuya mumaseelo mwalo muuyandika. Eeci cipa kuti zizo zimwi ziyandika kapati zinyonyooke alimwi akunyonganya mbobweenda bulowa, calo cikonzya kupa maulu naa minwe yakumaulu kukosolwa, koofwaala, alimwi akuba abulwazi bwansa. Mweelwe mupati wabantu baciswa bulwazi bwasyuga balafwa amalwazi aamoyo naa kulebuka mubili.\\nKuvwula kapati kwamafwuta mumubili ncecintu cipati citalisya bulwazi oobu. Basyaazibwene basyoma kuti kuvwula kwamafwuta mwida alimwi amumusana cilakonzya kutondezya kuti muntu uli muntenda yakuciswa bulwazi oobu. Ikwaambisya mafwuta aali kumubeengwa alimwi akumuni, kuboneka kuti ngaapa kuti syuga uuli mubulowa kauteendi kabotu mumubili. Ino ncinzi ncomukonzya kucita kutegwa mulikwabilile?\\nNzila Zyotatwe Zikonzya Kucesya Ntenda Yakuba Abulwazi Bwasyuga\\n1. Amupimye kutegwa muzyibe syuga uuli mubulowa ikuti kamuli akati kabaabo bali muntenda yakuciswa bulwazi oobu. Bulwazi bwasyuga oobu kabutanatalika, muntu inga uba asyuga wamubulowa wiindilide asyoonto kwiinda mboweelede kuba. Nokuba kuti kuba asyuga wiindilide kapati naa wiindilide asyoonto takuli kabotu, kuli kwiindana kuliko: Bulwazi bwasyuga bulakonzya kucesyegwa nokuba kuti bulwazi tabukonzyi kumanina limwi. Kulubazu lumwi, aabo ibajisi syuga wiindilide asyoonto, bacikonzya kuucesya kusika waawo mpoweelede. Kuba asyuga wiindilide asyoonto inga kakutajisi zitondezyo zilibonya. Aboobo, muntu takonzyi kuzyiba. Malipooti atondezya kuti bantu babalilwa ku 316 miliyoni nyika yoonse bajisi bulwazi bwasyuga wiindilide asyoonto; pele banji tabazyi kuti bali mubukkale oobu. Mucikozyanyo ku Unites States, 90 pesenti yabantu bajisi bulwazi oobu tabazyi kuti balibujisi.\\nNokuba boobo, kuba asyuga wiindilide asyoonto kulajaya. Alimwi kunze aakusololela kubulwazi bwasyuga wiindilide, kuba asyuga wiindilide asyoonto lino kwaambwa kuti kulijisi ntenda mpati yakunyonganya mizeezo. Ikuti kamuneneede kapati, kamutanyanyaasyi mubili, alimwi naa kuti mumukwasyi kuli bakacisidwe bulwazi bwasyuga, ambweni andinywe inga kamujisi syuga wiindilide asyoonto. Kupimwa inga kwamugwasya kuzyiba.\\n2. Kamusala zyakulya zijisi busani. Inga mwagwasyigwa kwiinda mukutobela nzila eezyi zitobela kuti naa kacikonzyeka: Kamucesya kulya kwiinda mbomwakali kulya kaindi. Muciindi cakunywa zyakunywa zijisi syuga, azyeezyo zilembedwe kuti carbonated, kamunywa maanzi, tii, naa kkofi. Muciindi cakulya zyakulya zisyubwidwe, cakutaciindizya kamulya cinkwa cipangidwe awiiti uutasyubwidwe, mupunga alimwi apasita. Kamulya nyama iinyina mafwuta, inswi, alimwi abunyangu.\\n3. Mutani kwiile kukkala buyo. Kunyanyaasya mubili kulakonzya kucesya syuga mubulowa alimwi akumugwasya kutaciindizya kuneneya. Syaazibwene umwi wakaamba kuti ciindi cimwi ncomweebelela TV, kamucibelesya kunyanyaasya mubili.\\nTamukonzyi kucinca mbomupangidwe, pele mulakonzya kucinca mbomupona. Kusolekesya kulikoonse nkotukonzya kucita kutegwa buumi bwesu bube kabotu kulagwasya kapati.\\n^ par. 3 Sinsimuka! taitubikkili milawo kujatikizya musyobo wazyakulya naa bubambe bwakunyanyaasya mubili. Umwi aumwi weelede kulanga-langa nzila zikonzya kumugwasya, alimwi katanasala zyakucita mumakani aabusilisi weelede kubuzya musilisi.\\nIno mwakazyiba buti kuti muli muntenda yakuciswa bulwazi bwasyuga?\\nNindakajana mulimo mupya, dokota wakandipima akundaambila kuti ndilangilwa kuciswa bulwazi bwasyuga ikuti tiindabweza ntaamu cakufwambaana. Kwakali zintu zyone izyakali kundibikka muntenda: Ndakali kuzwa mumusyobo bantu banji mobajisi ntenda yakuba abulwazi bwasyuga, mumukwasyi mwakali bulwazi bwasyuga, ndakalineneede kapati, alimwi kunyina nindakali kunyanyaasya mubili. Mbwaanga tiindakali kukonzya kucinca zintu zyobilo zyakusaanguna, ndakayeeya buyo kuti ndisole kucinca zyeezyo zyobilo zyamamanino.\\nIno ncinzi ncomwakacita?\\nNdakaunka kuli dokota uucibwene, iwakandipandulwida bulwazi bwasyuga mbobuswaangene azyakulya, kunyanyaasya mubili alimwi akuneneya. Ndakaba amakanze aakucinca buumi bwangu. Ndakatalika kulya zisyumani kanditanalya zyakulya zimbi. Eeci cakali kundipa kutalya kapati zyakulya zyatakajisi busani kapati. Alimwi ndakatalika kucita zintu zinyanyaasya mubili, cintu ncondakalekede kucita kwamyaka minji.\\nIno mwakazwidilila buti?\\nMumyezi iili 18, makkilogilamu aamubili wangu akawa a 10 pesenti. Ndilikanzide kutacita zintu zikonzya kunyonganya mubili wangu alimwi. Kwaamba masimpe, bulwazi bwasyuga tabweelede kuubya-ubya!\\nMAKANI AAYEEME AMUTWE UULI ACIVWUMBYO Mbomukonzya Kulwana Penzi Lyakukatala Kapati Mumizeezo\\nNCOLYAAMBA BBAIBBELE Mupailo\\nLUGWASYO KUMIKWASYI Mbomukonzya Kuleka Kubikkilila\\nBulwazi Bwasyuga​—Sena Inga Mwalikwabilila?\\nMAKANI AAJATIKIZYA BANTU BAKAINDI Bana Spain Bakabatanda Ba Morisco\\nSENA CAKALENGWA BUYA? Maseelo Aagwasyilizya Nsozi Kuzyiba Zintu Izyeenda Mbozili Afwaafwi\\nKusumpya Kucita Zyintu\\nLeza Watuma Musa ku Egepita\\nMabala Amusale naa muyanda kukkopa zyakamwaigwa SINSIMUKA! September 2014 | Mbomukonzya Kulwana Penzi Lyakukatala Kapati Mumizeezo\\nSeptember 2014 | Mbomukonzya Kulwana Penzi Lyakukatala Kapati Mumizeezo\\nSINSIMUKA! September 2014 | Mbomukonzya Kulwana Penzi Lyakukatala Kapati Mumizeezo","num_words":777,"character_repetition_ratio":0.08,"word_repetition_ratio":0.0,"special_characters_ratio":0.144,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nga Ulachita Biyeni Kuti Ujane Buumi Butamani? Yanduula Alubo Utobele Nzila Iitola Kubuumi\\nBUUMI mbutupona mazubaano bulisiyene ambaakali kuyanda Leza. Wakali kuyanda kuti nyika izule aabantu bayanda kweendelezegwa anguwe, bamuswiilila abali aaluyando abumwi buntu bulikabotu mbuuli nguwe. Leza wakali kuyanda kuti bantu kababotelwa nibakali kuyoobelekaamwi kabakomezya bana babo, kabayiya zintu zipya akuchita nyika kuti ibe paradayizi.\\nLEZA UYANDA KUCHINCHA NYIKA KUTI IBE MBUULI MBAAKALI KUYANDA\\n“Ulamanizya nkondo munyika yoonse mboizulwa.”​—Intembauzyo 46:9.\\n‘Cakasika ciindi cibikkidwe . . . cakunyonyoona baabo banyonyoona nyika.’​—Ciyubunuzyo 11:18.\\n“Taakwe muntu naba omwe uukkala munyika uuyakwaamba kuti: ‘Ndaciswa.’”​—Isaya 33:24.\\n“Basale bangu bayakwiikkomanina kapati milimo yamaanza aabo.”​—Isaya 65:22.\\nMagwalo aaya azoozuzikizigwa biyeni? Leza wakasala Mwanaakwe, Jesu kuti abe Mwaami wamfulumende yakwe iimaninide. Mfulumende eeyi inooli kujulu pesi iyooyendelezya nyika. MuBbayibbele mfulumende eeyi yaambwa kuti Mbwaami bwaLeza. (Daniele 2:44) Bbayibbele lyaamba kuti: “Leza uyoomupa [Jesu] cuuno cabwami . . . , eelyo unooli Mwami uuyoolela.”​—Luka 1:32, 33.\\nChiindi naakali aanyika, Jesu wakachita zigambyo zyiingi katondeezya kuti aazooba Mwaami uzoochita kuti bantu bapone buumi bulikabotu bwiinda mbutulikupona lino.\\nJESU WAKATONDEEZYA MBATAZOOBACHITILE ZINTU ZIBOTU BANTU BASWIILILA\\nWakaponia bantu bakali kuchiswa katondeezya kuti uyoomaninsya malwazi woonse.​—Matayo 9:35.\\nWakabatamisya lwizi katondeezya kuti ulaamanguzu aakumaninsya mapenzi aalichitikila.​—Marko 4:36-39.\\nWakapa zyuulu-zyuulu zyabantu chakulya katondeezya kuti uyoobapa ziyandikana mubuumi.​—Marko 6:41-44.\\nNaakali kumuchado, wakachincha maanzi kuba wayini katondeezya kuti uyoopa kuti bantu babotelwe.​—Johane 2:7-11.\\nKujana wachita biyeni kuti uzoopone buumi Leza mbwaayanda kuzoopa bantu bamuswiilila? Kuli “nzila” njuyeelede kutobela. Bbayibbele lyaamba nzila eeyi kuti ‘ninzila iitola kubuumi, kumane mbasyoonto baijana.’​—Matayo 7:14.\\nNGA ULAYIBONA BIYENI NZILA IITOLA KUBUUMI?\\nKweenda munzila iitola kubuumi chaambaanzi? Leza waamba kuti: “Mebo, nde Jehova ndime Leza wako, ndime ndikuyiisya kuti ugwasyigwe, uukusololela munzila moyelede kweendela.” (Isaya 48:17) Kuti waswiilila Jehova uyoopona buumi bulikabotu.\\nJesu wakati: “Ndime nzila, kasimpe alimwi abuumi.” (Johane 14:6) Kuti twasyoma nzyakayiisya Jesu akutobela chikozyano chakwe tulaba abweenzinyina bulikabotu aLeza alubo tulapona buumi bulikabotu.\\nNga ulayibona biyeni nzila iitola kubuumi? Mazubaano kuli zikombelo zyiingi loko. Pesi Jesu wakaamba kuti: “Tabali boonse bandiita kuti ‘Mwami, Mwami,’ ibayoonjila mu Bwami bwakujulu, pele buyo ooyo uucita kuyanda kwa Taata uuli kujulu.” (Matayo 7:21) Alubo wakati: “Kwiinda mumicelo yabo muyoobazyiba.” (Matayo 7:16) Kubala Bbayibbele kulakonzya kukugwasya kuti ubone bukombi bwakasimpe.​—Johane 17:17.\\nKweenda munzila iitola kubuumi kuswaanizyaanzi? Kuswaanizya kumuziba kabotu Sikupa buumi, kuti ngwani zina lyakwe, ulibiyeni akuti niinzi nzyalikuchita anzyayanda kuti tuchite. *\\nJehova uyanda kuti bantu bachite zyiingi kutali kubeleka, kulya, kusaana akukomezya bana babo luzutu. Uyanda kuti bamuzibe akuti babe beenzinyina. Tulakonzya kutondeezya kuti tulamuyanda kwiinda mukumuswiilila. Jesu wakati: “Eeci caamba buumi butamani, ikuti bakuzyiba yebo O Leza mwini-mwini ooli olikke.”​—Johane 17:3.\\nLEZA UKUYIISYA “KUTI UGWASYIGWE” KABELESYA BBAYIBBELE.​—ISAYA 48:17\\nMBUKONZYA KUTALISYA LWEENDO LWAKO\\nKuti kuyanda kuswiilila Leza, weelede kuchincha akuchita zintu nzyayanda. Pesi kuchita oobu kuyanda kubeleka changuzu. Kuti watalika kupona kweendelana ambayanda Leza, uyoobotelwa loko mubuumi bwako. Bakamboni baJehova balakonzya kukugwasya kwiiya Bbayibbele kuchitila kuti uzibe zyiingi atala aLeza. Balakonzya kukuswaya kufumbwa mpuwangunukide. Ulakonzya kubalembela kuwebbusayiti iitegwa www.jw.org naakuti kubuzya umwi wabo.\\n^ par 20 Langa Ngaziyakulinda, No. 1 2019.\\nNgwani Mwami waBwami bwaLeza akuti Bwami buyooctaanzi?","num_words":456,"character_repetition_ratio":0.061,"word_repetition_ratio":0.0,"special_characters_ratio":0.187,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Levitiko 25 IBBAIB63 - Lino Jehova wakaambila Musa - Bible Search\\nMwaka wa-Sabata amwaka wakulizya myeembo\\n1-Lino Jehova wakaambila Musa mucilundu ca-Sinai kuti, 2-Ambila bana ba-Israyeli kuti, Mwasika buyo kunyika njenti mupe, nyika ileelede kuba a-Sabata lya-Jehova. 3Myaka iili musanu aumwi ubyale munuunda wako; myaka iili musanu aumwi uzibe muunda wako wamisaansa akutebula micelo yako. 4Pele munwaka wamusanu aibili inyika ipegwe Sabata lyakulyokezya, Sabata lya-Jehova, Utabyali mumuunda wako nekuba kuziba misaansa yako. 5-Utatebuli cintu cilimenena mumuunda wako nekuba kucela micelo iilimenena kumisaansa yako. Nyika ipegwe mwaka wa-Sabata wakulyokezya. 6Oyo mwaka wa-Sabata lyanyika ulakuletela zilyo, yebo amulanda wako mwaalumi amulanda wako musimbi asimilimo wako abeenzu mbokede abo; 7azyalo iŋombe zyako abanyama bali munyika yako, zintu zilimenena zilaba zilyo zyabo.\\n8Lino ubale insondo zili musanu azibili zyamyaka, nkokuti myaka iili musanu aibili ziindululwe ziindi zili musanu azibili, ciindi cansondo ezyo zyamyaka cilasika kumyaka iili makumi one amusanu aine. 9-Lino mubuzuba bwakumi bwamumwezi wamusanu aibili kulizigwe mweembo canguzu; mubuzuba bwakumanya milandu mweembo ulile koonse koonse munyika. 10-Nkabela mwaka wamakumi osanwe, muleelede kuusalazya akuswiilizya bantu boonse bakede munyika makani aakwaangunuka, Myeembo ilile, kuti mubweede umwi aumwi kulukono lwakwe akuluzubo lwakwe. 11Oyo mwaka wamakumi osanwe umubede mwaka wakulizya myeembo; mulinguwo tamweelede kubyala nekuba kutebula zilimenena nekuba kucela micelo yakumisaansa yako iitazibidwe. 12Nkaambo ngumwaka wakulizya myeembo; ulamusalalila; mulalya neuumupa mumyuunda.\\n13-Mumwaka oyo wakulizya myeembo mulapiluka umwi aumwi kulukono lwakwe. 14-Na waulisya nanka kuula kumweenzinyoko, mutabbidani. 15Mbuli mweelwe wamyaka kuzwa kumwaka wakulizya myeembo mbubonya obo mboelede kuula kumweenzinyoko; ambuli mweelwe wamyaka yakulima zilyo, mbubonya obo mbweelede kukuulisizya. 16Na myaka yavula, amukomezye muulo; na myaka yaceya, amucesye muulo; nkaambo ngumweelwe wazyakulya ngwakuulisizya. 17-Mutabbidani pe; amuyoowe Leza wanu; nkaambo ndime Jehova Leza wanu.\\n18-Amuswiilile milao yangu, amubambe imbeta zyangu akuzicita, kuti mukale caluumuno munyika. 19Lino nyika ilamupa zyakulya, kuti mulye cakukuta akukala caluumuno. 20-Pele na mwaamba kuti, Ino tuyoolyanzi mumwaka wamusanu aibili, na tatukonzyi kubyala nikuba kutebula zyakulya? 21-Amubone! Njoomupa coolwe cangu mumwaka wamusanu aumwi, kuti umuletele ceyo camyaka yotatwe. 22-Mumwaka wamusanu aitatu mulabyala, pele munoocilya zilyo zyakale; munoocilya zilyo zyakale mane kusikila mwaka wamusanu aine, mane mukatebule. 23-Nyika tiielede kuulilwa limwi pe, nkaambo nyika njiyangu; nkaambo muli beenzu buyo kulindime, muli basikutuntulika. 24Lino nyika yoonse njimuvubide muleelede kuzumina kuti nyika inununwe.\\n25-Na munyoko wacetaala, aboobo ulaulisya lubono lumwi, sikamukowanyina aboole kuzoonunwida munyina ncaaulisya. 26Pele na muntu wabula sikumununwida, elyo kaba kaindi wavuba akujana cakununuzya, 27abale myaka kuzwa kuciindi eco naakaulisya, ape muntu iwakaula mali aaindilila, elyo aboole mulukono lwakwe. 28Pele na wakacilwa kujana cakununuzya, ncaakaulisya cinookede mumaanza aasikucuula mane kusikila kumwaka wakulizya myeembo; elyo mumwaka wakulizya myeembo ciyooangunuka, kuti aboole mulukono lwakwe.\\n29Na muntu waulisya iŋanda yakukala mumunzi uuli alubaya, ulakonzya kwiinununa kufumbwa ciindi mumwaka uutobela buzuba bwakuulisya; mwaka woonse ulijisi inguzu zyakwiinununa. 30Pele iŋanda yamumunzi uuli alubaya, na yabula kunununwa mukati kamwaka, ilaba yakwe, nkabela iwakaiula abana bakwe bayooikona mumazyalani aabo oonse; taikooyoopiluka mumwaka wakulizya myeembo pe. 31Pele maanda aamuminzi iitajisi imbaya ala am bwa antoomwe amyuunda yanyika eyo; alakonzya kunununwa, alimwi alapiluka mumwaka wakulizya myeembo. 32-Nekubaboobo minzi yaba-Levi, maanda aamuminzi njebavubide, ba-Levi balazumininwa kwaanununa ciindi coonse. 33Na mu-Levi wabula kunununa iŋanda iyakaulisigwa mumunzi walukono lwabo iyooangunuka mumwaka wakulizya myeembo; nkaambo maanda aamuminzi yaba-Levi ndolukono lwabo akati kabana ba-Israyeli. 34-Pele myuunda iiengelede minzi yabo tiiulisigwi pe, nkaambo ndolukono lwabo lwalyoonse.\\n35-Na munyoko wacetaala, alimwi wabula inguzu zyakuligwasya, uleelede kumulela. Akale kulinduwe mbuli mweenzu na mbuli simutuntuli. 36-Utatambuli impindu kumaanza aakwe yakumukolotya. Yoowa Leza wako, kuti munyoko akale kulinduwe. 37-Utamukolotyi mali aako kukujana impindu nekuba kumwaabila zilyo kuti uyungizizigwe. 38Ndime Jehova Leza wanu iwakamupozya mucisi ca-Egepita kuti mupe nyika ya-Kanana akuba Leza wanu.\\n39-Alimwi munyoko ngokede awe, na wacetaala akulyuulisya kulinduwe, toelede kumubelesya milimo yabuzike pe. 40Abeleke kulinduwe mbuli mulanda uuvola mali nanka sikukalakala, Akubelekele milimo mane kusikila kumwaka wakulizya myeembo. 41Lino akusie, walo abana bakwe, kuti apiluke k uciinga cakwe akulukono lwabamawisi. 42-Nkaambo mbalanda bangu mbendakapozya munyika ya-Egepita, Tabeelede kuulisigwa mbuli bazike pe. 43-Utamweendelezyi calunya. Yoowa Leza wako. 44Bazike bako baalumi abanakazi, ulakonzya kuula bazike baalumi abanakazi akati kabamasi bakweengelede. 45Abalo beenzu bakalakala akati kanu, mulakonzya kuula kulimbabo abana babo mbomuli abo, ibakazyalwa munyika yanu, kuti mubavube. 46Alimwi bayooba lukono lwabana banu balya mazina aanu, babavube lyoonse, Balaba bazike banu. Pele bana bakwanu, bana ba-Israyeli, tamweelede kweendelezya umwi aumwi mweenzinyina calunya pe.\\n47Lino na mweenzu na simutuntuli ngokede awe wavuba, amunyoko ngwakede awe wacetaala akulyuulisya kumweenzu oyo na kulisimutuntuli oyo ngokede awe, na kulisikamukowanyina mweenzu, 48amana kulyuulisya, ulakonzya kunununwa, Umwi wababunyina ulakonzya kumunununa. 49Naba simizyaabo naba mwana wasimizyaabo amununune; na sikamukowanyina umwi amununune; nanka wavuba, alinunune mwini. 50Abale, antoomwe asikumuula, mweelwe wamyaka kuzwa kukuulwa kwakwe kusikila kumwaka wakulizya myeembo; lino mali aamuulo wakwe abe mbubonya mbuli mweelwe wamyaka; mazuba ngaakakede asimalelo wakwe abe mbuli mazuba aasimilimo uuvola mali. 51Na myaka icili minji, mali aakununuzya agwisigwe mumuulo wakwe mbubonya. 52Na kwasyaala myaka mice buyo kusikila kumwaka wakulizya myeembo, abale myaka eyo akuliya mali aakulinunuzya mbubonya obo. 53Abe mbubonya mbuli similimo uuvola mali mwaka umwi aumwi; teelede kumweendelezya calunya mumeso aako. 54Nkabela na tanununwi mbuli muziyanza ezi, aangunuke mumwaka wakulizya myeembo, walo abana bakwe boonse. 55Nkaambo bana ba-Israyeli mbalanda bangu, balanda mbendakapozya munyika ya-Egepita, Ndime Jehova Leza wanu.","num_words":826,"character_repetition_ratio":0.071,"word_repetition_ratio":0.0,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bwaapauzi Bwanyika​—Cilengaano ca Ezekieli\\nTUBBOKESI TWAKUYIISYA 20A\\nBupanduluzi bugaminide kujatikizya kupimwa kwaminyinza bwakabapa lusyomo baange lwakuti nyika yabo njobakali kuyandisya yakali kuyoobukulusyigwa ncobeni. Nziiyo nzi nzyotukonzya kwiiya kucilengaano eeci mazuba aano? Amubone twaambo tobilo twamucilengaano:\\nBusena bukwabilidwe alimwi amulimo uukkomanisya\\nMwaange uuli woonse wakali kuyooba alukono mu Nyika Yakasyomezyedwe iyakabukulusyidwe. Mbubwenya buyo amazuba aano, babelesi ba Jehova boonse basyomeka balijisi busena muparadaiso yakumuuya. Tacikwe makani naa mulimo ngotucita mumbunga ngwaansi kapati, tulijisi busena bukwabilidwe alimwi amulimo uukkomanisya munyika yakumuuya. Kuli Jehova, babelesi bakwe boonse balayandika kulinguwe.\\nMucilengaano ca Ezekieli, bantu ibakali kukkala mucilawo cimwi acimwi mu Nyika Yakasyomezyedwe iyakabukulusyigwa bakalipedwe coolwe cakupegwa nyika yeelene. Mbubwenya buyo amazuba aano, Jehova wapa babelesi bakwe boonse zilongezyo zyeelene zyaparadaiso yakumuuya.\\nAmujokele kucibalo 20, muncali 5-11","num_words":114,"character_repetition_ratio":0.066,"word_repetition_ratio":0.0,"special_characters_ratio":0.137,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Myeelwe 16 IBBAIB63 - Lino Kora mwana wa-Izara mwana - Bible Search\\nMyeelwe 15 Myeelwe 17\\nKora abeenzinyina mbubakalipa kamikami\\n1-Lino Kora mwana wa-Izara mwana wa-Kohati mwana wa-Levi, a-Datani a-Abiramu bana ba-Eliabu, a-Oni mwana wa-Peleti, bana ba-Rubeni, bakabweza bantu, 2-baima kubusyu bwa-Musa antoomwe abamwi ba-Israyeli bali myanda yobile amakumi osanwe, basilutwe babantu, basinkuta, bantu ibakali ampuwo. 3-Nkabela bakayoboloka kukukazyana aba-Musa a-Aroni, babaambila kuti, Mwalisumpula, nkaambo bantu boonse buyo balasalala, alimwi Jehova mpali akati kabo, Nkaambonzi mwalipa bwami kwiinda imbungano yoonse yabantu ba-Jehova? 4-Amvwe obo, Musa wakavundama, 5-waambila Kora abeenzinyina boonse kuti, Cifumo Jehova ulamutondezya na ngwasalide nguni, a-uusalala nguni, ayooyo uukonzya kuswena afwiifwi kulinguwe, Kufumbwa muntu ngwasalide ulamuswenya kufwaafwi kulinguwe. 6Lino amucite obo, Amubweze zitentelo, yebo Kora abeenzinyoko boonse, 7mukabike mulilo mulinzizyo akubika tununkilizyo kubusyu bwa-Jehova Junza. Lino kufumbwa muntu ngwasala Jehova, ngonguwe uuyoosalala. Mwalisumpula nobana ba-Levi. 8Alimwi Musa wakaambila Kora kuti, Amuswiilile nobana ba-Levi. 9-Sa ncintu ciniini buyo Leza wa-Israyeli ncaakacita kukumwaandaanya abantu boonse ba-Israyeli akukumuswenya kufwaafwi kulinguwe, kuti mubeleke milimo yacikombelo ca-Jehova akwiima kubusyu bwambungano akubabelekela milimo? 10Wakuswenya kufwaafwi kulinguwe, yebo abanyoko bana ba-Levi. Sa mulayandaula abwalo bupaizi? 11-Ncobeni ngu-Jehova ngomwabunganina kuzookazyanya awe. Ino Aroni uli amakaninzi ngomutongaukila?\\n12Alimwi Musa wakatuma kuyooita Datani a-Abiramu bana ba-Eliabu, pele bakati, Tatukoosika pe. 13-Sa ncintu ciniini buyo ncowacita mukutugwisya munyika iikunka malili abuci akutujaya munkanda? Sa uciyanda kulipa busilutwe alimwi kulindiswe? 14-Tokwe nowatunjizya munyika iikunka malili abuci, nekuba kutukonya myuunda amyuunda yamisaansa. Sa ulayanda kuvumba meso aabantu aba? Tatukoosika pe.\\n15-Amvwe obo, Musa wakakalala loko. Nkabela wakaambila Jehova kuti, Utatambuli cipaizyo cabo. Nsina kubanyanzya niiba imbongolo yomwe, nekuba kubisizya muntu naba omwe akati kabo. 16Elyo Musa wakaambila Kora kuti, Amuboneke kubusyu bwa-Jehova ankamu yako yoonse junza, yebo abalo a-Aroni. 17Lino muleelede kubweza umwi aumwi citentelo cakwe, mubike tununkilizyo mulinzizyo; nyoonse mulete umwi aumwi citentelo cakwe kubusyu bwa-Jehova, zitentelo zili myanda yobile amakumi osanwe; ayebo a-Aroni mulete umwi aumwi citentelo cakwe. 18Lino bakabweza umwi aumwi citentelo cakwe, babika mulilo atununkilizyo, baimikila kumulyango watente lyambunganino antoomwe a-Musa a-Aroni. 19-Elyo Kora wakayobolola imbungano yoonse kumulyango watente lyambunganino, nkabela bulemu bwa-Jehova bwakaboneka kumeso aabantu boonse.\\n20Lino Jehova wakaambila Musa a-Aroni kuti, 21-Amulyaanzaanye kumbungano eyi, kuti mbasyukutye lino lino. 22-Mpawo bakavundama, bati, O Leza, Leza wamyuuya yabantu boonse, na muntu omwe wabisya, sa ulakalalila bantu boonse buyo? 23Lino Jehova wakaambila Musa, wati, 24Ambila imbungano eyi kuti, Amutantamuke kuzwa kucikalilo ca-Kora aca-Datani aca-Abiramu.\\n25Mpawo Musa wakanyamuka, waya kuli-Datani a-Abiramu; abalo bapati ba-Israyeli bakamutobela. 26-Lino wakaambila imbungano kuti, Amuzwe kuzilao zya bantu aba babi, alimwi mutagumi cintu niciba comwe cabo, kuti mutanyonyooki muzibi zyabo zyoonse. 27-Bamvwe obo, bakatantamuka kuzwa kuzilao zya-Kora azya-Datani a-Abiramu. Nkabela Datani a-Abiramu bakazwa muzilao zyabo, baimikila kumilyango, abanakazi babo abana babo atwana twabo. 28-Lino Musa wakaamba kuti, Mbuboobu mbumuyooziba kuti Jehova nguwakandituma kuti ncite milimo eyi yoonse; teensi kuyanda kwamoyo wangu ndemwini kwandicitya pe. 29-Na bantu aba bafwa mbubonya mbubafwa bantu boonse, alimwi na basikilwa makani ayo ngaonya aasikila bantu boonse, teensi Jehova wandituma. 30-Pele na Jehova wacita cintu cipya, na nyika yaasama akubamena ambono zyabo zyoonse, na baselukila kwacimvumwe kabalanga, lino muyooziba kuti aba bantu basampaula Jehova.\\n31-Amane kwaamba majwi aya oonse, nyika mpobakabede yakaanduka. 32-Nyika yakaasama, yabamena, amaanda aabo, abantu boonse ibakali a-Kora, ambono zyabo zyoonse. 33Bantu abo bakaselukila kwacimvumwe kabalanga ambono zyabo zyoonse, nkabela nyika yakabajalila, aboobo bakanyonyooka akati kambungano. 34Mpawo ba-Israyeli boonse ibakali afwiifwi lyabo, bamvwe buyo kulila kwabo, bakacija, nkaambo bakati, Ambweni nyika ilatumena aswebo. 35-Nkabela kwakazwa mulilo kuli-Jehova, wasyukutya abo bantu bali myanda yobile amakumi osanwe ibakali kutenta tununkilizyo,\\n36Lino Jehova wakaambila Musa, wati, 37Ambila Eleazara mwana wa-Aroni mupaizi kuti agwisye zitentelo mukati kamulilo, asoowe mulilo wazyo kule, nkaambo zilasalala. 38-Lino zitentelo zyabantu aba ibakabisya akulyuulila lufu, zifulwe cifulamubisi, zipapalate, zibe zyakuvumbya cipaililo; nkaambo bakazituula kubusyu bwa-Jehova, aboobo zilasalala, Zilaba citondezyo kumeso aabana ba-Israyeli. 39Mpoonya awo Eleazara mupaizi wakabweza zitentelo zyamukuba nzebakapaizya abo basikutuula, nkabela bazifula cifulamubisi akuzivumbya cipaililo, 40-aboobo zyakaba ciibalusyo kubana ba-Israyeli, kuti kutasweni muntu umbi naba omwe uutali walunyungu lwa-Aroni kuzootenta tununkilizyo kubusyu bwa-Jehova, kuti atabi mbuli Kora abeenzinyina. Eleazara wakacita mbubonya mbuli Jehova mbwaakamwaambila kumulomo wa-Musa.\\n41-Lino buce, imbungano yoonse yaba-Israyeli yakatongaukila Musa a-Aroni, bati, Mwajaya bantu ba-Jehova. 42-Lino bantu nebakacibungene kukukazyanya a-Musa a-Aroni, bakacebuka kutente lyambunganino, babona kuti ijoba lyalivumbilila, nkabela bulemu bwa-Jehova bwakaboneka. 43Elyo ba-Musa a-Aroni bakasika kunembo lyatente lyambunganino, 44nkabela Jehova wakaambila Musa kuti, 45-amuzwe mukati kabantu aba, kuti mbasyukutye lino, Bamvwe obo, bakavundama. 46-Nkabela Musa wakaambila Aroni kuti, Bweza citentelo cako, ubike mulilo mulincico kuzwa kucipaililo, ubike tununkilizyo, ufwambaane kuya kumbungano yabantu, umanye milandu yabo, nkaambo kwabuka bukali kuli-Jehova, alunyonyooko lwatalika. 47Elyo Aroni wakacibweza, mbubonya mbuli Musa mbwaakamwaambila, wazuza mukati kabantu. Wakajana kuti lunyonyooko lwatalika kale akati kabantu, elyo wakabika tununkilizyo akumanya milandu yabantu. 48-Nkabela wakaima akatikati kabafu abaumi, aboobo lunyonyooko lwakalesegwa. 49Nkabela bantu ibakafwa mulunyonyooko olo bakali zyuulu zili ikumi azine amyanda iili musanu aibili, kutabala abo ibakafwa mumakani aa-Kora. 50Lino lunyonyooko lulesegwe buyo, Aroni wakapiluka kuliMusa kumulyango watente lyambunganino.","num_words":787,"character_repetition_ratio":0.062,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nkamboonzi Nitweelede Kupa Jehova Leza? | Ngaziyakulinda Yakwiiya\\n“O Leza wesu, iswe tulakulumba akutembaula izina lyako lilemu.”​—1 MAK. 29:13.\\nNkamboonzi Jehova nayanda kuti tumupe zipo?\\nBakombi baJehova bachiindi, bakabagwasilizya biyeni bayiminini baJehova mumakani amali?\\nMazubaano mali njitusanga ibelesegwa biyeni mumbunga?\\n1, 2. Jehova uzibelesya biyeni zintu nzyalaazyo?\\nJEHOVA mwaabi. Zintu zyoonse nzitulaazyo zyakazwa kulinguwe. Zintu zili munyika zili mbuuli ngolida, nsiliva azimwi nzizyaJehova alubo wakatupa kuti zitugwasye mubuumi. (Int. 104:13-15; Hag. 2:8) Bbayibbele litondeezya kuti Jehova wakabelesya zintu eezi kuti agwasye babelesi bakwe.\\n2 MaIsrayeli nibakali munkanda kwaminyaka iili 40, Jehova wakabapa maanzi achakulya. (Kul. 16:35) Nkinkaako, “taakwe ncibakabula.” (Neh. 9:20, 21) Musinsimi Elisha kagwasigwa aJehova wakachita chigambyo chakuti mafuta amukamufu uusyomeka atamani. Eezi zyakapa kuti mukamufu ajane mali yakuti abbadale chikwelete alubo yakasyaala wakiibelesya kuti alisanine abana bakwe. (2 Bam. 4:1-7) Jehova wakapa Jesu manguzu aakuti achite chigambyo chakusanina bantu biingi akuti ajane mali.​—Mt. 15:35-38; 17:27.\\n3 Jehova uli azintu zyiingi nzyakonzya kubelesya kuti agwasye zilenge zyakwe. Nikuba boobo, uyanda kuti bakombi bakwe babelesye zintu nzibalaazyo kuti bagwasilizye mulimu uuchitwa munyika yoonse. (Kul. 36:3-7; bala Tusimpi 3:9.) Nkamboonzi Jehova nayanda kuti tumupe zintu nzyaakatupa? Bakombi baJehova bachiindi, bakabagwasilizya biyeni bayiminini baJehova mumakani amali? Mazubaano mali njitusanga ibelesegwa biyeni mumbunga? Mibuzyo eeyi iyoosandulwa muchiiyo eechi.\\nNKAMBOONZI NITWEELEDE KUPA JEHOVA?\\n4. Kupa Jehova zintu nzitulaazyo kutondeezyaanzi?\\n4 Tupa Jehova zintu nzitulaazyo akaambo kakuti tulamuyanda akuti tuyanda kumulumba. Nitubona zintu zibotu nzyakatuchitila Jehova, zitupa kuti andiswe tuyande kumuchitila chimwi chintu. Naakali kupandulula makani ali atala akuyakwa kwatempele, Davida wakaamba kuti zintu zyoonse nzitulaazyo zyakazwa kuli Jehova alubo zintu nzitumupa nzizyakwe.​—Bala 1 Makani 29:11-14.\\n5. Magwalo atondeezya biyeni kuti tweelede kupa zipo?\\n5 Kupa ninzila yakukomba Jehova. Muchilengaano nchaakabona Johane wakamvwa bangelo kabati: “Uuelede, O Mwami, kutambula bulemu alulemeko anguzu, nkaambo nduwe wakalenga zintu zyoonse, nkaambo kabukanze bwako nkizibeda, ankizyakalengelwa.” (Ciy. 4:11) Nisimpe, Jehova uleelela kuti tumulemeke kwiinda mukumupa zintu nzitulaazyo! Jehova wakabuzya maIsrayeli kuti bakeelede kusekelela mapobwe tutatu amunyaka. Mbukunga mapobwe aayo akali kuswaanizya kukomba Jehova, maIsrayeli teebakeelede ‘kuboola kubusyu bwaJehova chinkwamaanza.’ (Dt. 16:16) Mbukubede amazubaano, kupa zipo kulayandikana nkaambo kutondeezya kuti tulamulumba Jehova akuti tuyanda kugwasilizya mulimu uliikuchitwa ambunga yakwe.\\n6. Kupa kutugwasya biyeni? (Langa chifanikisyo chili kumatalikilo achiiyo.)\\n6 Kupa kulatugwasya alubo kulabotezya kwiinda kupegwa. (Bala Tusimpi 29:21, NW.) Tulakonzya kuyeeya atala amwana uwulila bazyali bakwe chipo nikuba kuti mbabo bakamupede mali. Bazyali balachilumba chipo eecho. Bana bali mumulimu wachiindi choonse balakonzya kugwasya bazyali babo kwiinda mukubapa kamali. Nikuba kuti bazyali tabalangilili kuti bajane mali kubana babo pesi balachitambula chipo eecho nkaambo balizi kuti ninzila bana babo njibatondeezya kuti balabalumba. Jehova ulizi kuti tulabotelwa kuti twamupa zintu nzitulaazyo.\\nMBUBAKALI KUPA BANTU CHIINDI\\n7, 8. Bakombi baJehova bachiindi, bakatusiila chikozyano chilibiyeni chakupa zipo (a) nikwakali kuyanda kuyakwa (b) zigwasilizya bantu bakwe?\\n7 Magwalo atondeezya chaantanganana kuti kupa zipo kulayandikana. Chimwi chiindi, bakombi baJehova bakali kupa zipo kuti kakuyanda kuchitwa chimwi chintu. Muchikozyano, Musa wakabuzya bantu kuti bape zipo nibakali kuyanda kuyaka tente lyakukombela alubo Davida wakabuzya bantu kuti bape zipo nibakali kuyanda kuyaka tempele. (Kul. 35:5; 1 Mak. 29:5-9) Kuchiindi chaMwaami Jehowasi, bapayizi bakabelesya mali yakapedwe kuti babambulule ng’anda yaJehova. (2 Bam. 12:4, 5) Nikwakaba nzala, maKristu bakusaanguna bakabamba “umwi umwi kulubono lwakwe, bakasoleka kutumina cakugwasya kulibabunyina abakali mu-Judaya.”​—Inc. 11:27-30.\\n8 Chimwi chiindi, bakombi baJehova bakali kupa zipo kuti bagwasilizye bantu bakali kubazulwida. MuMulawu waMusa maLevi teebakali kupegwa lukono pe. Aboobo, maIsrayeli bakali kugwisya chakkumi kuti bagwasye maLevi kuti biinkilile kunembo amulimu wabo kutente lyakukombela. (My. 18:21) Alubo bamwi banakazi bakagwasya Jesu abasikwiiya bakwe kwiinda ‘mukubalela alubono lwabo.’​—Lk. 8:1-3.\\n9. Bakombi bachiindi, bakali kuzijana kuli zintu nzibakali kupa?\\n9 Zintu nzibakali kupa bakombi bachiindi bakali kuzijana munzila zisiyene-siyene. Nibakali kupa zipo zyakuti kuyakwe tente lyakukombela, maIsrayeli bakapa zintu nzibakazaazyo kuEgepita. (Kul. 3:21, 22; 35:22-24) Mumwaanda wamunyaka wakusaanguna, bamwi maKristu bakuuzya myuunda amaanda mpawo bakapa baapostolo mali njibakajana. Baapostolo bakapa bantu bakali kuyanda lugwasyo mali eeyo. (Inc. 4:34, 35) Bamwi bakali kubikka kumbali mali yakusanga. (1 Kor. 16:2) Eezi zyakapa kuti bafwaba abanotede bakonzye kusanga.​—Lk. 21:1-4.\\nMBUTUKONZYA KUPA MAZUBAANO\\n10, 11. (a) Kujana twachita biyeni kuti tube baabi mbuuli bakombi baJehova bachiindi? (b) Ulimvwa biyeni akaambo kachilongezyo chakugwasilizya mulimu waBwaami?\\n10 Mazubaano, tulakonzya kukumbilwa kuti tupe zipo zyakugwasilizya kuti kuchitwe umwi mulimu. Muchikozyano, tulakonzya kukumbilwa kuti tupe zipo zyakugwasilizya kuti kuyakwe Ng’anda yaBwaami naakuti ibambululwe. Chimwi chiindi tulakonzya kukumbilwa kuti tupe zipo zyakugwasilizya kubambulula wofesi yamutabi, kubamba muswaangano wabbooma nikuba kugwasilizya bakombima bachitikilwa amapenzi aalichitikila. Zipo nzitupa zigwasilizya bantu babelekela kuBbeteli akumawofesi mapati. Zimwi zigwasilizya mamishinali, mapayona aachiindi choonse abalangizi bamabazu. Alubo mbungano imwi ayimwi ipa zipo zigwasilizya kuyaka Maanda aaBwaami aMaanda Aakuchitila Miswaangano Mipati.\\n11 Toonse tulakonzya kupa zipo zyakugwasilizya mulimu uuchitwa munyika yoonse. Zimwi zipo tuzipa kakutakwe muntu uutubwene. Tulakonzya kusanga katubelesya tubbokesi twakusanga tuli muMaanda aaBwaami. Chimwi chiindi tulakonzya kubonaanga mali njitusanga ninche. Mulonga uzula abuyobo-yobo nkinkaako mali nyingi iijanwa mumbunga izwa kubantu basanga mali nche. Bamwi bakwesu balafwaba pesi bachita mbuuli maKristu bakuMakkedoniya bakakumbila chamoyo woonse kuti bape zipo nikuba kuti bakali “mubucete bunji.”​—2 Kor. 8:1-4.\\n12. Zipo nzitusanga zibelesegwa biyeni mumbunga yesu?\\n12 BamuKabunga Keendelezya balakomba kuti Jehova abagwasye kuti babelesye zipo nzitupa munzila yakusyomeka ayakuchenjela. (Mt. 24:45) Zipo nzitupa zilalangwa-langwa mbuzikonzya kubelesegwa kabotu. (Lk. 14: 28) Chiindi, bantu bakapedwe mulimu wakujata mali bakali kuba achoonzyo chakuti balikwiibelesezya kuzintu ziyandikana. Muchikozyano, Ezra naakali kubweeda kuJerusalemu mwaami waPersiya wakamupa ngolida, nsiliva azimwi zintu zyakali kusika mali yiinda ku$100 miliyoni (U.S.). Ezra wakabona zipo eezi mbuuli kuti zyapegwa Jehova, nkinkaako wakabikka bubambe bwakuti zipo eezi zibambwe kabotu akuti zikwabililwe chiindi nibakali mulweendo. (Ezr. 8:24-34) Mwaapostolo Pawulu wakakumbila maKristu bakuKkorinto kuti basange mali yakugwasilizya bakombinyina bakuJudaya. Alubo wakaba achoonzyo chakuti aabo bakali kulangania zipo eezyo bakachita “zibotu koonse koonse, nikuba kumeso aa-Mwami nikuba kumeso aabantu.” (Bala 2 BaKorinto 8:18-21.) Mazubaano, mbunga ibelesya mali iisangwa munzila iilikabotu mbuuli zyakachitwa aEzra aPawulu.\\n13. Tweelede kukubona biyeni kuchesya milimu nkuyakachita mbunga?\\n13 Kuti mpuli kiiyanda kuyungizya mulimu wabo mukubelekela Jehova, balakonzya kulanga-langa mbubakonzya kuchesya zintu nzibawula kuti bapone buumi buuba. Nzizyo zyakachitwa ambunga yaJehova. Minyaka yakiinda kwakali zintu zyiingi zyakali kuyanda kuchitwa. Eezi zyakapa kuti kubelesegwe mali nyingi yiinda njitwakali kujana. Nkinkaako, mbunga yakalanga-langa mbiikonzya kuchesya milimu kuti mali iisangwa ibelesegwe munzila iilikabotu.\\nZipo zyesu zigwasilizya mulimu uliikuchitwa munyika yoonse (Langa fuka 14-16)\\n14-16. (a) Njiili milimu iliikuchitwa ambunga kakubelesegwa zipo? (b) Alubo milimu eeyi ikugwasya biyeni?\\n14 Bamwi baba aachiindi kabali Bakamboni, bakabona kuti mazubaano kuli zintu zyiingi loko zitugwasya mubukombi. Tulakonzya kuyeeya atala ajw.org apulogilamu yaJW Broadcasting. Alubo Bbayibbele lyaNew World Translation of the Holy Scriptures lilikusandululwa mumilaka myiingi loko. Kuzwa mu2014 amu2015, kwakachitwa Muswaangano Wazisi Zisiyene-siyene munyika zili 14, wakali amutwe uti “Keep Seeking First God’s Kingdom!” Bantu bakanjila muswaangano ooyu bakabotelwa loko.\\n15 Bantu biingi batondeezya kulumba kuzintu nzitulikuchitilwa ambunga yaJehova. Muchikozyano, imwi mpuli iikkala kuAsia yakali kulumba pulogilamu yaJW Broadcasting. Bakati: “Tubelekela mukadolopo kaniini. Chimwi chiindi ngatwabonaanga tulibache alubo eezi zitupa kuti tulube kuti mulimu ooyu uliikuchitwa munyika yoonse. Pesi kweebela pulogilamu yaJW Broadcasting kutugwasya kubona kuti tubelekelaamwi abakombima bamunyika yoonse. Bakwesu abachizi bamuchilawu mutukkala baliiyanda pulogilamu eeyi. Bamwi baamba kuti kweebela Broadcasting kupa kuti babazibe kabotu bamuKabunga Keendelezya. Balalidunda akaambo kakuba mumbunga yaJehova.”\\n16 Munyika yoonse kuli Maanda aaBwaami aali 2 500 alikuyakwa akubambululwa. Bakwesu bakuHonduras nibakasaanguna kubelesya Ng’anda yaBwaami mpya bakaamba kuti: “Nchilongezyo chipati loko kuba mumbunga yaJehova ilaabakwesu abachizi bakatugwasya kuti tube aaNg’anda yaBwaami muchilawu chesu.” Bantu biingi balabotelwa nibajana Bbayibbele aamwi mabbuku ambunga mumulaka wabo, anibagwasigwa kuti bachitikilwa amapenzi aalichitikila alubo bamwi balabotelwa kuti bajana bantu baswiilila nibakambawukila mumasena mujanika bantu biingi naakuti mubukambawusi bwaantanganana.\\n17. Zintu zichitwa ambunga zitondeezya biyeni kuti tulikugwasigwa aaJehova?\\n17 Bantu biingi tabazimvwisisisyi pe kuti tuzwidilila biyeni kuchita milimu yoonse eeyi katubelesya zipo zyakuliyandila. Umwi mupati wakkampani naakaswaya imwi wofesi yamutabi iidinda mabbuku wakagamba naakamvwa kuti bantu babelekela mpawo tababbadalwi pe, kubelesegwa zipo zyakuliyandila akuti mabbuku aadindwa tawuzigwi. Wakati zintu nzibakali kuchita tazikonzeki pe. Nzyakali kwaamba nichoonzyo, nkaambo Jehova nguwe ulikutugwasya kuti tuzwidilile kuchita milimu eeyi.��—Job. 42:2.\\nKUPA JEHOVA KWEETA ZILONGEZYO\\n18. (a) Nziizili zilongezyo nzitujana kuti twapa zipo zigwasilizya mulimu waBwaami? (b) Kujana twabayiisya biyeni bana abapya mukasimpe kuti babe baabi?\\n18 Jehova utondeezya kuti ulatulemeka kwiinda mukutuzumizya kuti tugwasilizye milimu iliikuchitwa mumbunga yakwe. Alubo utusyomezya kuti tuyoojana zilongezyo kuti twagwasilizya mulimu waBwaami. (Malk. 3:10, NW) Bbayibbele lyaamba kuti muntu mwaabi uyoozwidilila. (Bala Tusimpi 11:24, 25.) Alubo Bbayibbele lyaamba kuti, “kupa kulakkomanisya kapati kwiinda kupegwa.” (Inc. 20:35, NW) Nkinkaako, zintu nzitwaambuula anzituchita zilakonzya kuyiisya bana abapya mukasimpe kuti babe baabi akuti bajane zilongezyo zyeetwa aakupa.\\n19. Chiiyo eechi chakugwasya biyeni?\\n19 Zintu zyoonse nzitulaazyo zyakazwa kuli Jehova. Kumupa zipo kutondeezya kuti tulamuyanda akuti tulamulumba. (1 Mak. 29:17) Chiindi maIsrayeli nibakapa zipo zyakugwasilizya kuyaka tempele, “bantu bakasekelela nkaambo kazipo izyakaletwa, nkaambo bakali kupa Jehova camoyo woonse.” (1 Mak. 29:9) Kuti twiinkilila kunembo kupa Jehova zintu nzitulaazyo, tuyoobotelwa.","num_words":1347,"character_repetition_ratio":0.054,"word_repetition_ratio":0.0,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Lufutuko ncipego cigaminina muntu, kutali mbungano Print\\nLufutuko ncipego cigaminina muntu, kutali mbungano\\nLufutuko ncipego, pele mulimo wamuntu mwini kuti azumine lufutuko. Kunyina naba omwe uunga watambwida muntunyina umwi lufutuko pe; kunyina uunga walyaaba mucibaka ca muntunyina pe.\\nKutamvwana inga caba cintu cileta tunjaanji akataa mwaalumi amukaintu wakwe. Inga caleta mazwanga antenda mucikwati. Mu 2011, Cikuwa cakasalwa kuti ube mulaka weelede kubelesyegwa abantu beenzya ndeke abeendelezi ba ndeke munyika yoonse. Nokuba boobo, kweendelanya bwakaamba ba Dokota Dominique Estival, bayi bamilaka kucikolo cipati caku Australia, abalo beenzya akuyiisya kweenzya ndeke, akaambo kakutamvwisyisya malailile aambwa akataa weenzya ndeke ayooyo uumulailila, “cakaleta lufu kubantu bainda 2000 mu ntenda zyakubbeuka ndeke kuzwa akataa myaka ya 1970.”1\\nMbuli mbozitaambiki ntenda eezyi, bantu banji, kabatakubwene, abalo balalubizya munzila iikonzyanya ayeeyi —ambweni akwiindilizya awaawo — kulubila mubweende bwa moza. Balekela bama pasita, bapaizi abasololi babupaizi kuti babacitile mulimo walufutuko ngobeelede kulicitila beni.\\nMboobu mbobatalika kubaanga kwiina cilubide. Umwi mwana ulayiisyigwa abazyali bakwe kuti Jeesu ulamuyanda; mukubusi nali mucikolo ca bapasita ulalaililwa kutobela cikombelo camukwasyi ookwabo. Kuzwa kubwana, bayiisyigwa ncobeelede kusyoma kwiinda kuti batambule ciindi cibotu cakulibalila kasimpe lwabo. Eeci cilazumanana kusikila kubudaala. Mu Nsondo nokuba Mujibelo, Banakristu bali 2.4 bbiliyoni balanonzomana mukati kazikombelo kabayiisyigwa musyobo wa Bunakristu umwi, kabasyoma mupaizi nokuba pasita kuti abaambile ncobeelede kuzyiba kutegwa bakafutulwe.\\nIpenzi liliko aawa ndyakuti, balekela mulimo wabo mumoza mumaanza aa muntunyina umwi. Bamapasita abapaizi banji balamuyanda ncobeni Yahuwah, pele kabatakubwene kuti luyando lwabo lwini lutaanzi ndwakuteelela mbungano yabo iibavwozya mali. Aboobo, bunji bwabo basulaika kasimpe kuti kasimpe kakateendelani azintu nzyobasyoma mu cikombelo.\\nJohane wakaambilizya kuti: “Alimwi ndakamvwa jwi limwi kalizwa kujulu kalyaamba kuti “Kamuzwa muli nguwe nobantu bangu, mutalisanganyi muzibi zyakwe, kutegwa mutasubulwi antoomwe anguwe: nkaambo zibi zyakwe zyalundana kusikila kujulu, aboobo Mwami Yahuwah waibaluka zinyonyoono zyakwe.” (Ciyubunuzyo 18:4-5, 1599 Geneva Bbaibbele) Aaya malailile aasinizyide nga bantu boonse. Kunyina mbungano yiindidwe kumbali pe.\\nLufutuko, Makani aa Muntu Kumugaminina Alikke\\nKwiinda mumushinshimi Ezekiya, Yahuwah wakacenjezya ntenda iiliko mukulekela lwaanguluko lwako lwakusala cibotu acibi kumuntu umwi.\\nIjwi lya Yahuwah lyakaboola kuli ndime alimwi kalyaamba kuti : “Mwanaa muntu, eelyo nyika niicitila Ndime cibi akuzumanana kutasyomeka … Ime njoolesya kupa cakulya akwiitumina nzala, akukosola muntu amunyama uukkala munyikeeyo. Nokuba kuti aaba balombwana botatwe, ba Noah, Daniele, a Joobo, kabali muli njiyo, inga bakonzya buyo kulivwuna lwabo kwiinda mubululami bwabo,” mbwaamba Yahuwah Elohimu.\\n“Ikuti ndazumizya banyama bamusyokwe kuti banjile akataa nyika, akukwamauna kufumbwa ciliko, … nokuba kuti aaba balombwana botatwe kabali muli njiyo, kufumbwa nendiliko,” mbwaamba Yahuwah Elohimu, “inga tiibakonzya buyo kuvwuna maumi aabana babo basankwa nokuba basimbi; inga bavwunwa buyo balikke pele nyika inga yanyonyoonwa akubula cintu.\\n“Nokuba kuti Ime ndalekela cceba kuti liinde munyika eeyo … akukosoola muntu amunyama kuzwa muli njiyo, nokuba kuti aaba balombwana kabaliko oomo mbuli mbwembona,” mbwaamba Yahuwah Elohimu, “inga tiibakonzya kuvwuna bana babo basankwa abasimbi , pele balike lwabo inga bavwunwa.\\n“Naa kuti ndaleta bamwi kuti bazoolwane cisi eeco akuti, 'Nkeyanda kuti nkondo ivwumpe cisi eeci, akujaya bantu baco abanyama babo,' masimpe nikuba kuti baalumi botatwe aaba bakali mulincico, tiibali kunookonzya kucivwuna, nikuba kuvwuna bana babo balombe nobaba basimbi. Balo balikke mbendali kunookonzya kuvwuna. Nyika lwayo niyanyonyoonwa.\\n“Cimwi ciindi ndatuma cuumo mucisi eeco akutondezya bukali bwangu bwakunyonyoona bantu abanyama antoomwe. Masimpe nikuba kuti ba Nowa, Daniyeli a Jobo kabali mulincico, nibatakonzya kufutula bana babo balombe nobaba basimbi. Nibakalifutula buyo akaambo kabululami bwabo beni. Mbwaamba Mwami Yahuwah.” (Ezekiya 14:12-20, NKJV)\\nMuntu takonzyi kulyaaba cakumaninina mucibaka ca muntunyina umwi. Lufutuko ncipego, pele eeco ncipego ca muntu omwe omwe ncayelede kutambula lwakwe mwini. Mulumi takonzyi kutambwida mukaintu wakwe lufutuko; muzyali takonzyi kutambula lufutuko mucibaka ca mwanaakwe uukulide kale. Ninzi acimwi, mufundisi nokuba mupaizi takonzyi kutambwida muntu uumbi lufutuko pele buyo lwakwe mwini.\\nNkumekume zya bupaizi zilaa ntenda\\nKuli basyaazyibwene bagaminina muntu omwe-omwe mubupaizi bwaba Hindu. Cuusisya ncakuti, Banakristu banjaanji bacengulukila kubafundisi abapaizi kuti babe mbabeendelezya maumi aabo. Balakaka kuteelela akujulila mizeezo ku mumuni mupya. Balo bayeeyela kuti, kuti kakuli ncobayanda kuzyiba, mupaizi wabo inga wabaambila. Ikuti musololi wabupaizi bwabo wasulaika muzeezo mupya, abalo mpeenya aawo nkuzuminizya kakwiina kulivwuntawida. Eeyo nje ntenda yakusyoma mumuntu umwi kuti akusalile cakusyoma kuti nkakasimpe.\\nKubikka mufundisi wako kuti abe nguukweendelezya mu moza tacili cintu cikulesya mulimo wako wakulivwuntawida kasimpe kunembo lya Yahuwah. Yebo tokonzyi kuyaamina mu bafundisi ba Bbaibbele, bapaizi, bamapasita, bamayi babajuuda, ba imamu, nokuba basyaazyibwene kuti bakwaambile ncoyelede kusyoma. Yebo omwini weelede kulivwuntawida akusalalilwa lwako.\\nEelyo novwuntauzya kasimpe omwini, moza ookwa Yahuwah uba mwiyi wako. Kaindi kasyoonto munsaa lufu lwakwe, Yahushua wakati: “Ime ndaazintu zinjaanji zyakumwaambila, pele tamukonzyi kuzyimvwisyisya cino ciindi. Nokuba boobo, Moza wa kasimpe, aakuboola, uyoomweenzya mukasimpe koonse.” (Johane 16:12-13, NKJV)\\nEelyo moza ookwa Yahuwah naba mufundisi wako, yebo ulakkalilila mukasimpe cakuti tokonzyi kuzungaanyigwa. Yebo ulayumya kubaa nguzu muzintu nzyosyoma, alimwi citobela ncakuti, ulakwabililwa kuzwa kulweeno lwa Saatani lwa mamanino. Mukwiimpanya, kuti kosyoma buyo nkaambo kakuti umwi muntu ncaakakwaambila kusyoma eeco, yebo uli muntenda. Aboobo kufumbwa muntu inga waboola, alimwi kuti ooy kali mucenjezu kapati, inga wakupindula lusyomo.\\nSaatani ulasola kukonga bantu akubalesya kulibalila lwabo beni. Walo ubaambila kuti Bbaibbale ndibbuku liyumu kuteelela, aboobo balikke basicikolo balaa lwiiyo lusumpukide mbabakonzya kulimvwisyisya. Ooku nkubejelwa buyo! IBbaibbele lyakalembelwa muntu mutuba!\\nPaulu wakakulwaizya Timoteo kuti: “Kobala kutegwa ulitondezye kutambulika kuli Yahuwah, ube mubelesi uutausyi nsoni, waabanya jwi lyakasimpe munzila yeelede.” (2 Timoteo 2:15, KJV) Taakaamba kuti muntu weelede kuyandaula mwiyi wiinda busongo munyika, nokuba kukkala koswiilizya pasita. Paulu wakaamba cigaminina muntu kuti: omwe-omwe wesu uleelede kulibalila, “akwaabanya jwi lya masimpe munzila iiluleme” akusyoma muli Yahuwah kuti atusolwede mukasimpe koonse.\\nKwiinda muli Izaya, Yahuwah wakatusomba mulwiito lukondelezya kuti: “Amuboole tumvwane antoomwe.” (Izaya 1:18, NKJV) Eeci ncecikonkezyo cokwa Yahuwah kuti kufumbwa lugwasyo nokuba bumboni mboyanda kutegwa umvwisyisye kasimpe, Walo uyookupa.\\nUtalekeli lufutuko lwako mumaanza aamuntunyoko umwi: kutali pasita wako, kutali mupaizi wako, kutali ngomukwetene limwi.\\nLufutuko ncipego yebo ncoyelede kutambula lwako omwini.\\n1 “Fatal consequences of miscommunication between pilots and air traffic controllers,” cakayobololwa mu mwezi wa Kasangalubwi 12, 2019","num_words":921,"character_repetition_ratio":0.038,"word_repetition_ratio":0.0,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Incito 8, Ibbaibele 1963 (IBBAIB63) | The Bible App\\n1Saulo wakazumina akufwa kwakwe.\\nImbungano mboyakapenzegwa akumwaisigwa\\nKuliboobo buzuba imbungano yamu-Jerusalemu yakatalika kupenzegwa kapati, boonse bakamwaikila muzisi zya-Judaya a-Samariya, pele kwakasyaala baapostolo balike, 2Baalumi basyomi bakamuzika Stefano, bakamu-bungila dilwe pati. 3Kwalo Saulo wakali kuya buundunganya mbungano, wakanjila mumaanda oonse, uya bukwela baalumi abakaintu akubanjizya muntolongo.\\n4Aboobo abakamwaika bakeendeenda baya bukambauka makani. 5Ndilyonya Filipo wakasika kumunzi wa-Samariya, wabakambaukila Kristo, 6Eno bantu bakaswiilila amoyo omwe kuzintu ezyo nzyaakali kwaamba Filipo nobakamvwa akubona zitondezyo nzyaakacita. 7Nkaambo myuuya iisofweede yakazwa kubanji babo abakanjidwe njiyo, iloompolola ejwi pati, abanjibanji abayuminide mibili abatyokede baponyegwa. 8Kwakaba kubotelwa kupati kulooyo munzi.\\n9Eno kwakali mwaalumi uutegwa Simoni, uwali musonzi mumunzi oyo akuyoosya bantu ba-Samariya, wati muntu mupati. 10Bakamuswiilila boonse, kuzwa kumuniini mane kumupati, bakati, Oyu muntu ninguzu zyaLeza ezyo izitegwa Nzipati, 11Bakamumvwa nkaambo wakabayoosya ciindi cilamfu akusonda kwakwe, 12Pele nobakasyoma Filipo naali kukambauka makani mabotu aa-Bwami bwa-Leza ezina lya-Jesu Kristo, bakabapatizigwa, baalumi abakaintu. 13Awalo Simoni wakasyoma. Naakabapatizigwa wakakakatila kuli-Filipo, wakayoowa naakabona zitondezyo emilimo yenguzu mpati iyali kucitwa.\\n14Elyo baapostolo bamu-Jerusalemu nobakamvwa kuti cisi ca-Samariya cakatambula makani aa-Leza, bakabatumina Petro a-Johane. 15Nobakasika oko bakabakombela kuti bapegwe Muuya Uusalala, 16nkaambo tuwalina kuselukila naba omwe wabo, bakabapatizigwa muzina lya-Mwami Jesu pele. 17Nkabela bakababika maanza, bakapegwa Muuya Uusalala. 18Eno Simoni naakabona kuti Muuya Uusalala ulapegwa akubikwa maanza aabaapostolo, wakabaletela mali, 19wati, Amundipe amebo nguzu ezi, kuti kufumbwa ngwenti bike maanza atambule Muuya Uusalala, 20Petro wakamwaambila wati, Mali aaka afwidilile antoomwe ayebo, nkaambo wayeeya kuti cipego ca-Leza caulwa mali. 21Tojisi caabilo nebuba busena kumakani aya, nkaambo moyo wako tuululeme kumbele lya-Leza. 22Sanduka kububi bwako obu, ukumbile kuli-Leza, ambweni kulajatilwa kuyeeya kwamoyo wako, 23Nkaambo ndabona kuti uli mundulwe iilula amukwaangwa bubi. 24Simoni wakavuwa wati, Amundikombele ku-Mwami, entasikilwa neciba comwe cazeezi zintu nzooamba.\\n25Aboobo nobakasinizya akwaamba makani aa-Mwami, bakabweeda ku-Jerusalemu, baya bukambauka Makani Mabotu muminzi minjiminji yaba-Samariya.\\n26Pele angelo wa-Mwami wakaambila Filipo kuti, Nyamuka uye kumusanza, kunzila iizwa ku-Jerusalemu iiya ku-Gaza, njenkanda. 27Mpoonya wakanyamuka wainka, Eno mwaalumi waku-Etiopiya, muzibe wabwami bupati bwa-Kandake, mwami mukaintu waba-Etiopiya, ngowakali mulangi walubono lwakwe loonse, wakainkide ku-Jerusalemu kuyookomba, 28Eno kukupiluka, wakalikede munkalaki yakwe, uza bubala kuli-Isaya musinsimi. 29Nkabela Muuya wakaambila Filipo kuti, Swena afwaafwi unjile munkalaki eyo. 30Ndilyonya Filipo wakamuzuzaanina, wamumvwa ulabala kuli-Isaya musinsimi. Wati, Sena ulacimvwisya eco ncobala? 31Vakavuwa kuti, Ino ndilakonzya buti, aatakwe muntu uunditondezya? Mpoonya awo wakakumbila Filipo kuti atante, akale awe. 32Eno caandaano ncaali kubala nceeci:\\nWakeenzegwa mbuli kabelele kaya kukujayigwa,\\nAmbuli kabelele kaumuna kumbele lyauugela,\\nMbubonya awalo takajulide mulomo wakwe,\\n33Kukulyeetezya kwakwe takabetekedwe kabotu,\\nNguni uyooamba izyalani lyakwe?\\nNkaambo buumi bwakwe bwagwisigwa ansi,\\n34Nkabela muzibe wakamuvuwa Filipo wakati, Ndakubuzya, ino nguni ngwaamba musinsimi kumakani aya? Sa ulyaamba lwakwe mwini, na uamba umbi? 35Filipo wakajula mulomo wakwe, wasaanguna kulugwalo olu ndulonya kumwaambila aa-Jesu, 36Nobakali kweenda munzila, bakasika kwakali maanzi. Muzibe wakati, Ngaaya maanzi, ncinzi ino icindikasya kubapatizigwa? 37Filipo wateeti, Na wasyoma amoyo wako woonse ulakonzya, Wavuwa wati, Ndasyoma kuti Jesu Kristo ngu-Mwana a-Leza, 38Nkabela wakalailila kuti inkalaki iime, bakaselukila mumaanzi boonse babile, Filipo amuzibe, wamubapatizya. 39Nobakazwa mumaanzi Muuya wa-Mwami wakakwempa Filipo. Muzibe taakacili kumubona limbi, nkaambo wakatola munzila yakwe uya bubotelwa. 40Pele Filipo wakajanwa ku-Azotu, waandulula minzi yoonse uya bukambauka Makani Mabotu, mane wasika ku-Kaisareya.\\nExplorer les versets de Incito 8","num_words":503,"character_repetition_ratio":0.044,"word_repetition_ratio":0.0,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Deuteronomo 32 | Bbaibbele lili a Intaneti | Bbaibbele lya Busanduluzi Bwanyika Mpya\\nLwiimbo lwa Musa (1-47)\\nJehova, Nindomba (4)\\nBana Israyeli bailuba Ndomba yabo (18)\\n“Ndime ndisubula” (35)\\n“Amusekelele nywebo nobamasi, antoomwe abantu bakwe” (43)\\nMusa ulaafwaafwi kufwa aa Cilundu ca Nebo (48-52)\\n32 “Amuswiilile ndaambe, nomajulu,Anyika aiswiilile majwi aamulomo wangu. 2 Malailile aangu awe mbuli mvwula;Majwi aangu aloke mbuli mume,Mbuli lusuunsu luwida abwizuAmbuli mvwula mpati azisyango. 3 Nkaambo ndiyakwaambilizya zina lya Jehova.+ Amwaambe zyabulemu bwa Leza wesu!+ 4 Nindomba, milimo yakwe ililondokede,+Nkaambo nzila zyakwe zyoonse zililuleme.+ Ngu Leza uusyomeka,+ uutaciti zitaluleme;+Uliluleme alimwi uliluzi.+ 5 Balo mbabamubisizya.+ Tabacili bana bakwe, nkaambo katumpenda twabo.+ Ndizyalani lipilingene alimwi linyongene!+ 6 Sena oobu mbomweelede kumucitila Jehova,+Nobantu bafwubafwuba alimwi batakwe maano?+ Sena tali Uso wakamulenga,+Ooyo wakamubumba akumukkazikizya? 7 Amwiibaluke mazuba aakaindi;Amuyeeye myaka yamazyalani aamusyule. Amubuzye bauso, eelyo balakonzya kumwaambila;+Baalu banu balakonzya kumulwiida. 8 Ciindi Mupatikampatila naakapa bamasi lukono,+Naakaandaanya bana ba Adamu,+Wakabikka munyinza wabantu+Kweelana amweelwe wabana ba Israyeli.+ 9 Nkaambo caabilo ca Jehova mbantu bakwe;+Jakobo ndukono lwakwe.+ 10 Wakamujana munyika yankanda,+Mucimpayuma cinyina cintu cili coonse,+ imulila banyama. Wakamufwukatila, wakamubamba,+Akumukwabilila mbuli mboni yaliso lyakwe.+ 11 Mbubonya mbuli sikwaze mbwayiisya bana bakwe kuuluka,Mbwababama-babama atala aabana bakwe,Ulatandabika mababa aakwe akubabweza,Akubanyamuna amababa aakwe,+ 12 Jehova alikke wakazumanana kumusololela;*+Kunyina leza umbi ngwaakali limwi.+ 13 Wakamutansika azilundu zyamunyika kuti ayendelezye,+Aboobo wakalya butebuzi bwamunyika.+ Wakamusanina buci kuzwa mundombaAmafwuta kuzwa mubbwe liyumu nta, 14 Cipwaza camabisi aaŋombe amukupa wampongo awambelele,Antoomwe ambelele zineneede,Abagutu baku Basani alimwi abajembwe,Antoomwe awiiti mubotu;+Alimwi wakanywa waini wamusinza wamisaansa. 15 Eelyo Jesuruni* naakaneneya, wakazanga. Wakaneneya, wakakkwana, wakaindila kukkuta.+ Aboobo wakasiya Leza iwakamulenga,+Akusampaula Ndomba yalufwutuko lwakwe. 16 Bakamunyemya akaambo kabaleza babo beenzu;+Bakali kumunyemya azintu zyabo zisesemya.+ 17 Bakali kutuula kumadaimona, ikutali kuli Leza pe,+Bakatuula kuli baleza mbobatakazyi,Baleza bapya ibakalibonya caino-ino,Baleza aabo bamauso mbobatakazyi. 18 Mwakaluba Ndomba+ yakamuzyalaAlimwi tiimwakamuyeeya Leza wakamuzyala.+ 19 Jehova naakabona boobo, wakabakaka+Nkaambo bana bakwe basankwa abasimbi bakamunyemya. 20 Aboobo wakaamba kuti, ‘Ndiyoosisa busyu bwangu kulimbabo;+Ndikabone mamanino aabo mbwaayooba. Nkaambo ndizyalani lyacinguni,+Mbana batasyomeki.+ 21 Bandinyemya akaambo kabaleza babuyo;+Bandinyemya amituni yabo.+ Aboobo ndiyoobapa kuba amunyono abantu babuyo;+Ndiyoobanyemya acisi cabufwubafwuba.+ 22 Nkaambo bukali bwangu bwavwutusya mulilo+Uyakuumpa kusikila ansi mu Cuumbwe,*+Alimwi uyakuumpa nyika amicelo yayoAkuumpa ntalisyo zyamalundu. 23 Ndiyooyungizya mapenzi aabo;Mivwi yangu iyoomanina aalimbabo. 24 Bayoowizuka anzala+Akuligwa amalwazi aakupya mubili alunyonyooko lutaambiki.+ Ndiyoobatumina banyama babutambo+ kuti babalumeAnzoka zikali zyamunyika. 25 Anze, ipanga liyoobanyonyoona;+Amwalo muŋanda, banookkala kabayoowede+Balombwana abanakalindu,Bavwanda antoomwe abaabo balaamvwi.+ 26 Nindaamba kuti: “Ndiyoobamwaisya;Ndiyoopa kuti batakayeeyegwi limbi akati kabantu,” 27 Nindatali kuyoowa ncakonzya kwaamba sinkondo,+Nkaambo basinkondonyina balakonzya kuciyeeyela bumbi.+ Ambweni inga baamba kuti: “Nguzu zyesu zyazunda;+Tali Jehova wakacita zintu zyoonse eezyi.” 28 Nkaambo Israyeli musyobo uutakwe maano,*Alimwi taakwe kumvwisya akati kabo.+ 29 Eelo kaka nobali basongo!+ Nibazinzibala kuyeeya makani aaya.+ Nibayeeya mamanino aabo mbwaayakuba.+ 30 Ino muntu omwe inga watandaanya buti bantu bali 1,000,Abantu bobilo kutandaanya bali 10,000?+ Ccita kuti Ndomba yabo yabaaba+Akuti Jehova wabalekelezya. 31 Nkaambo ndomba yabo taili mbuli Ndomba yesu,+Nobaba basinkondoma balizyi oobo.+ 32 Misaansa yabo izwa kumisaansa yaku SodomaAkumyuunda ya Gomora.+ Misaansa yabo ilajaya,Zikama zyayo zilalula.+ 33 Waini wabo mbuyoka bwanzoka zipati,Mbusaki bubi bwankombola. 34 Sena makani aaya taayobwedwe kulindime,Kaanamatikidwe acinamatizyo muciyobwedo cangu?+ 35 Ndime ndisubula, ndime ndiyoopilusya,+Aciindi cibikkidwe maulu aabo aakutezemuka,+Nkaambo buzuba bwalunyonyooko lwabo buli afwaafwi,Alimwi zintu zilangilwa kubacitikila zilasika ino-ino.’ 36 Nkaambo Jehova uyoobabeteka bantu bakwe,+Alimwi uyoobafwida luse* babelesi bakwe,+Aakubona kuti nguzu zyabo zyamana,Akuti kwasyaala buyo bapengede alimwi banyina nguzu. 37 Mpoonya uyakwaamba kuti, ‘Ino baleza babo bali kuli,+Indomba mobakali kuyubila, 38 Aabo ibakali kulya mafwuta aazipaizyo zyabo,*Ibakali kunywa waini wazituuzyo zyabo zinyugwa?+ Ababoole bamugwasye. Ababe mayubilo aanu. 39 Lino amubone kuti mebo–ndendime,+Kunyina baleza bambi kunze lyandime.+ Ndilajaya alimwi ndilapa buumi.+ Ndilayasa+ alimwi ndilaponya,+Kunyina naba omwe uukonzya kuvwuna umwi kuzwa mujanza lyangu.+ 40 Nkaambo ndilatambika janza lyangu kujulu,Akukonka kuti: “Mbondili muumi kukabe kutamani,”+ 41 Ndaakulikwenga panga lyangu liŋaimaAkulibambila kubeteka,+Ndiyoopilusya cibi kuli basinkondoma+Akusubula baabo bandisulide. 42 Ndiyoocita kuti mivwi yangu ikolwe bulowa,Alyalo panga lyangu liyoolya nyama,Abulowa bwabajaidwe abaange,Antoomwe amitwe yabasololi babasinkondo.’ 43 Amusekelele nywebo nobamasi, antoomwe abantu bakwe,+Nkaambo uyoopilusya mulandu wabulowa bwababelesi bakwe,+Alimwi uyoopilusya cibi kuli basinkondonyina+ Akusalazya nyika yabantu bakwe.” 44 Aboobo Musa wakaboola akwaamba majwi aalwiimbo oolu kabamvwide bantu,+ walo a Hosea*+ mwana wa Nuni. 45 Musa naakamana kwaamba majwi oonse aaya kubana Israyeli boonse, 46 wakati kulimbabo: “Amwaabikke mumyoyo yanu majwi oonse ngondamucenjezya sunu,+ kutegwa mulailile bana banu kubikkila maano kucita majwi oonse aa Mulawo ooyu.+ 47 Nkaambo majwi aaya taali aabuyo kulindinywe pe, pele aamba buumi kulindinywe,+ alimwi kwiinda mumajwi aaya mulakonzya koongola munyika eeyo njomuyoobweza mwazabuka Jordano.” 48 Mubuzuba mbubonya oobo Jehova wakaambila Musa kuti: 49 “Koya mucilundu eeci ca Abarimu,+ Cilundu ca Nebo+ icili munyika ya Moabu cilangene a Jeriko, ukabone nyika ya Kanana eeyo njendiyanda kupa bana Israyeli kuti lube lukono lwabo.+ 50 Mpoonya uyoofwa kucilundu ooko nkoya, alimwi ulazikkwa mbubonya mbuli basikale bako, mbubonya mbuli Aroni munyoko mbwaakafwa aa Cilundu ca Hori+ akuzikkwa mbubonya mbuli bantu bakwe; 51 nkaambo nyoonse nyobilo tiimwakasyomeka kulindime akati kabana Israyeli kumaanzi aa Meriba+ ku Kadesi munkanda ya Zini; nkaambo nywebo nobaalumi tiimwakandilemeka akati kabana Israyeli.+ 52 Uyakwiibona nyika kulaale, pele tokanjili munyika eeyo njindapa bana Israyeli.”+\\n^ Nkokuti, kusololela Jakobo.\\n^ Nkokwaamba kuti “Uululeme,” izina lyabulemu lya Israyeli.\\n^ Naa “uutamvwi kwaambilwa.”\\n^ Naa “uyakuusa akaambo ka.”\\n^ Naa “kulya zipaizyo zyabo ziinda kubota.”\\n^ Eeli ndizina lyakaindi lya Joshua. Hosea nkufwiinsyigwa kwazina lya Hosaya, ilyaamba kuti “Kufwutulwa a Ja; Ja Wafwutula.”","num_words":792,"character_repetition_ratio":0.037,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Toonse Tulakonzya Kugwasyilizya Baskwiiya Bbaibbele Kubbapatizyigwa — LAIBBULALI YAA INTANETI ya Watchower\\nw21 March map. 8-13\\nCIINDI NOMWATAMBWA KUSANGANA MUNTU UMWI KUSOLOLELA CIIYO CA BBAIBBELE\\nCIINDI SIKWIIYA BBAIBBELE NAATALIKA KUSWAANGANA\\nMBUTI BAALU MBOBAKONZYA KUGWASYA?\\nCIBALO CAKWIIYA 10\\n“Cizo cimwi acimwi . . . cipa kuti mubili ukomene.”—EF. 4:16.\\nLWIIMBO 85 Amutambulane\\n1-2. Mbaani bakonzya kugwasya sikwiiya Bbaibbele kuti ayelele kubbapatizyigwa?\\nMUCIZYI Amy uukkala ku Fiji wakaamba kuti: “Ndakali kuzikkomanina nzyobakali kundiyiisya kuzwa mu Bbaibbele. Ndakalizyi kuti nkasimpe, pele nindakatalika kuyanzana abakwesu abacizyi cakandigwasya kucinca alimwi akuti ndeelele kubbapatizyigwa.” Cakuluula camucizyi Amy cituyiisya kaambo aaka kayandika kapati: Sikwiiya Bbaibbele ulakonzya kuyaambele akweelela kubbapatizyigwa ciindi nagwasyigwa abamwi mumbungano.\\n2 Sikumwaya aumwi ulakonzya kugwasya bapya kuba cibeela cambungano. (Ef. 4:16) Leilani, mupainiya uukkala ku Vanuatu, wakaamba kuti: “Kuli kaambyo kakuti, mulonga uvwula bunkumunkumu. Ndasyoma eeci cilikozyenye akugwasya bantu kuba basikwiiya. Boonse mumbungano balakonzya kugwasya muntu kwiiya kasimpe.” Banamukwasyi, balongwe alimwi abamayi boonse beelede kugwasyilizya mwana kuti akomene. Balacita oobo kwiinda mukumukulwaizya mwana alimwi akumuyiisya ziiyo ziyandika. Mbubwenya buyo, kutegwa sikwiiya Bbaibbele ayelele kubbapatizyigwa, bakwesu abacizyi balakonzya kumupa lulayo, kumukulwaizya alimwi akuba cikozyanyo cibotu.—Tus. 15:22.\\n3. Ncinzi ncomwiiya kuli nzyobakaamba ba Ana, ba Dorin alimwi aba Leilani?\\n3 Nkaambo nzi sikumwaya uusololela ciiyo ca Bbaibbele ncayelede kukkomana ciindi basikumwaya bambi nobamugwasya sikwiiya wakwe? Amubone ncaakaamba mucizyi Ana mupainiya waalubazu ku Moldova naakati: “Cilakatazya kapati kumuntu omwe kugwasyilizya sikwiiya Bbaibbele muzintu zyoonse nzyayandika, kutegwa ayaambele kumuuya.” Mukwesu Dorin, mupainiya waalubazu uubelekela mucisi ncomunya wakaamba kuti: “Kanji-kanji, basikumwaya bamwi balaamba twaambo tukonzya kumusika amoyo sikwiiya, cintu nconditaningayeeyede.” Mucizyi Leilani wakaamba akaambo kambi, “Ciindi sikwiiya nabona mbobamuyanda alimwi akumulanganya bakwesu abacizyi, cilamugwasya ikuzyiba kuti mbantu ba Jehova.”—Joh. 13:35.\\n4 Nokuba boobo, mulakonzya kulibuzya kuti, ‘Mbuti mbondikonzya kugwasya sikwiiya Bbaibbele kuyaambele kakuli tandili ndime ndisololela ciiyo?’ Atulange-lange ncotukonzya kucita ciindi umwi naatutamba kuti tumusangane kusololela ciiyo ca Bbaibbele alimwi ancotukonzya kucita ciindi sikwiiya Bbaibbele naatalika kuswaangana. Alimwi tulabona baalu mbobakonzya kugwasya basikwiiya Bbaibbele kutegwa beelele kubbapatizyigwa.\\nCiindi nomwatambwa kusangana muntu umwi kuyoosololela ciiyo ca Bbaibbele, amulibambile ciiyo ciyooyiigwa (Amubone muncali 5-7)\\n5. Ncinzi ncomweelede kucita ikuti muntu umwi wamutamba kuti mumusangane nasololela ciiyo ca Bbaibbele?\\n5 Lyaciiyo ca Bbaibbele, mwiiyi nguujisi mukuli wakugwasya sikwiiya kulimvwisya Jwi lya Leza. Aboobo ikuti mwiiyi wamutamba kuti mumusangane ciindi nasololela ciiyo, mweelede kumugwasyilizya. (Muk. 4:9, 10) Pele ino ncinzi ncomweelede kucita kutegwa mube mugwasyi mubotu?\\n6. Ciindi nomwatambwa kuti musangane muntu umwi kuciiyo ca Bbaibbele, mbuti mbomukonzya kwiibelesya njiisyo iili ku Tusimpi 20:18?\\n6 Amulibambile ciiyo. Cakusaanguna, amumulombe mwiiyi kuti amwaambile asyoonto buyo kujatikizya sikwiiya. (Amubale Tusimpi 20:18.) Mulakonzya kubuzya kuti: “Ino ncinzi ncomuzyi kujatikizya sikwiiya Bbaibbele? Mweendela muciiyo nzi? Ncinzi ncomuyanda kuti sikwiiya aiye muciiyo eeci? Sena kuli cintu ncondeelede kwaamba, kutaamba naa kucita lyaciiyo? Mbuti mbondikonzya kumukulwaizya sikwiiya kuyaambele?” Masimpe kuti mwiiyi takonzyi kumwaambila makani aamaseseke kujatikizya sikwiiya, pele nzyakonzya kumwaambila zilakonzya kumugwasya. Mucizyi Joy, misyinali ulabaambila makani aaya aabo ibamusangana nasololela ciiyo ca Bbaibbele. “Makani aaya alamugwasya ooyo ngotubeleka limwi kuba aluyandisisyo lwakugwasya sikwiiya alimwi akuzyiba ncayakwaamba lyaciiyo.”\\n7. Nkaambo nzi ncomweelede kulibambila ikuti muntu umwi wamutamba kuti mumusangane kuciiyo?\\n7 Ikuti mwatambwa kusangana muntu umwi kuciiyo, inga cabota kuti mwalibambila ciiyo ciyooyiigwa. (Ezr. 7:10) Mukwesu Dorin, iwaambwa kumatalikilo wakati: “Ndilakkomana kapati ciindi ngotubeleka limwi naalibambila ciiyo. Eeci inga capa kuti kaamba twaambo tugwasya.” Kuyungizya waawo, sikwiiya uyoobona kuti nyoonse mwakalibambila kabotu alimwi muyoomupa cikozyanyo cibotu. Nokuba kuti ambweni inga tiimwacikonzya kulibambila cakusitikila, pele amujane ciindi cakulanga-langa twaambo tupati-pati ituli muciiyo.\\n8. Ncinzi cikonzya kumugwasya kwaamba twaambo tugaminide mumupailo lyaciiyo ca Bbaibbele?\\n8 Mupailo ncintu ciyandika kapati lyaciiyo ca Bbaibbele, aboobo amulibambilile limwi nzyomweelede kwaamba ikuti naa mwalombwa kuti mupaile. Kucita boobo kuyoomugwasya kwaamba twaambo tuyoomusika amoyo sikwiiya. (Int. 141:2) Mucizyi Hanae uukkala ku Japan, ulauyeeya mupailo ngwaakapaila mucizyi iwakaboolede asikumuyiisya Bbaibbele. Mucizyi Hanae wakaamba kuti: “Ndakabona kuti wakali acilongwe ciyumu a Jehova, aboobo ndakali kuyanda kuba mbuli nguwe. Alimwi ndakalimvwa kuyandwa iciindi naakalyaamba zina lyangu mumupailo.”\\n9. Kweelana alugwalo lwa Jakobo 1:19, ncinzi ncomukonzya kucita kutegwa mube mugwasyi mubotu lyaciiyo ca Bbaibbele?\\n9 Amumugwasyilizye mwiiyi nasololela ciiyo. Mucizyi Omamuyovbi, mupainiya waalubazu ku Nigeria wakaamba kuti: “Sikugwasyilizya mubotu ulatobelezya lyaciiyo. Sikugwasyilizya ulaamba twaambo tugwasya, pesi tavwuzyi zyakwaamba nkaambo ulizyi kuti mwiiyi nguujisi mukuli wakuyiisya.” Ikuti naa kuli ncomuyanda kwaamba, ndiilili nomweelede kucaamba alimwi ino inga mwacaamba buti? (Tus. 25:11) Amuswiilile cakubikkila maano ciindi mwiiyi alimwi asikwiiya nobaambaula. (Amubale Jakobo 1:19.) Kuti mwacita oobo, munoolibambilide kugwasya aciindi ceelede. Pele mweelede kubelesya bupampu. Mucikozyanyo, tamweelede kwaamba zinji, kumunjila mukanwa sikwiiya naa kwaamba buyo makani aamwi aateendelani ancomwiiya. Pele kwiinda mukupa bupanduluzi bufwaafwi, cikozyanyo naa mubuzyo, mulakonzya kukasalazya kaambo kabandikwa. Zimwi ziindi, mulakonzya kulimvwa kuti tamujisi zinji zyakwaamba kumakani aabandikwa. Pele kuti mwamulumbaizya sikwiiya alimwi akutondezya kuti mulamubikkila maano, muyoomugwasya kapati kuyaambele.\\n10. Mbuti cakuluula canu mbocikonzya kumugwasya sikwiiya Bbaibbele?\\n10 Amumwaambile cakuluula canu. Ikuti kaceelela, mulakonzya kumwaambila sikwiiya mubufwaafwi mbomwakaiya kasimpe, mbomwakacikonzya kuzunda buyumuyumu bumwi naa Jehova mbwaamugwasya mubuumi bwanu. (Int. 78:4, 7) Ambweni cakuluula canu ncecikonzya kumugwasya sikwiiya. Ambweni cilakonzya kuyumya lusyomo lwakwe naa kumukulwaizya kuzumanana kuyaambele kutegwa ayelele kubbapatizyigwa. Alimwi ambweni cilakonzya kumugwasya kuzunda sunko limwi ndyajisi. (1Pet. 5:9) Mukwesu Gabriel uukkala ku Brazil, lino imupainiya, ulayeeya mbwaakagwasyigwa ciindi naakali kwiiya Bbaibbele. Wakaamba kuti: “Ciindi nondakamvwa zyakuluula zyabakwesu, ndakabona kuti Jehova ulaazyi mapenzi ngotujana. Alimwi kuti balo kabacikonzya kuliyumya, nkokuti andime inga ndacikonzya.”\\nToonse tulakonzya kukulwaizya sikwiiya kuzumanana kujanika kumiswaangano (Amubone muncali 11)\\n11-12. Nkaambo nzi ncotweelede kumutambula camaanza obilo sikwiiya Bbaibbele uuswaangana?\\n11 Kutegwa sikwiiya Bbaibbele ayelele kubbapatizyigwa, weelede kunoojanika lyoonse kumiswaangano yambungano alimwi akugwasyigwa anjiyo. (Heb. 10:24, 25) Cakutadooneka, mwiiyi ulakonzya kumutamba sikwiiya kumuswaangano. Aakutalika kujanika kumuswaangano, toonse tulakonzya kumukulwaizya kuti azumanane kunooboola ku Ŋanda ya Bwami. Mbuti mbotukonzya kucita oobo cacigaminina?\\n12 Amumutambule amaanza obilo sikwiiya. (Rom. 15:7) Ikuti sikwiiya walimvwa kutambulwa kumiswaangano, ciyoomupa kuzumanana kunooboola ku Ŋanda ya Bwami. Kakunyina kumujazya nsoni, amumwaanzye calukkomano alimwi akumuzyibya kuli bamwi. Amubandike anguwe, nkaambo ambweni mwiiyi wakwe inga katanasika naa ujisi bubi amilimo imwi a Ŋanda ya Bwami. Amubikkile maano kuli nzyaamba sikwiiya alimwi akutondezya kuti mulamubikkila maano. Ino kucita boobu inga kwamugwasya buti sikwiiya? Amubone cikozyanyo caba Dmitrii, ibakabbapatizyigwa myaka misyoonto yainda pele lino mbakutausi. Nobayeeya cakacitika nobakajanika kumuswaangano ciindi cakusaanguna baamba kuti: “Mukwesu naakandibona anze aa Ŋanda ya Bwami kumwi kandiyoowede, wakandinjizya mu Ŋanda ya Bwami. Banji bakaboola kundaanzya alimwi ndakagambwa. Ndakakkomana citaambiki akulimvwa kuti kubota nsondo yoonse abuzuba katuboola kumuswaangano. Eeci kunyina nocakandicitikilide mubuumi bwangu.”\\n13. Mbuti cikozyanyo canu cibotu mbocikonzya kumugwasya sikwiiya Bbaibbele?\\n13 Amube cikozyanyo cibotu. Cikozyanyo canu cilakonzya kumugwasya sikwiiya Bbaibbele kusyoma kuti tuli Banakristo bakasimpe. (Mt. 5:16) Mukwesu Vitalii, lino imupainiya ku Moldova, wakaamba kuti: “Ndakaiya kuzwa kuli bamwi mumbungano kujatikizya mbobapona, mbobayeeya alimwi ambobacita zintu. Eeci cakandipa kusyoma kuti Bakamboni ba Jehova masimpe beenda a Leza.”\\n14. Mbuti cikozyanyo canu cibotu mbocikonzya kugwasya muntu kuzumanana kuyaambele kumuuya?\\n14 Kutegwa sikwiiya ayelele kubbapatizyigwa, weelede kuzibelesya nzyaiya pele eeci tacili cuubauba. Aboobo ciindi sikwiiya nabona mbomwagwasyigwa anjiisyo zyamu Bbaibbele, ulakonzya kukulwaizyigwa kwiiya cikozyanyo canu. (1Kor. 11:1) Amubone cikozyanyo caba Hanae, ibaambwa kale. Bakaamba kuti: “Bakwesu abacizyi bakali kuzicita kale zintu nzyondakali kwiiya. Ndakaiya mbondakeelede kuba muntu uukulwaizya, uulekelela alimwi uutondezya luyando. Lyoonse bakali kwaamba zintu zibotu kujatikizya bamwi. Alimwi ndakaliyandide kubaiya.”\\n15. Mbuti lugwalo lwa Tusimpi 27:17 mbolutugwasya kubona kaambo ncotweelede kumvwana asikwiiya Bbaibbele uuswaangana?\\n15 Amube balongwe basikwiiya. Ciindi sikwiiya naazumanana kuswaangana, amutondezye kuti mulamubikkila maano. (Flp. 2:4) Amusoleke kumuzyiba kabotu. Mulakonzya kumwaambila mbomukkomene kubona kuyaambele nkwaacita. Mulakonzya kumubuzya kujatikizya mbwakubona kwiiya Bbaibbele, mukwasyi wakwe, alimwi amulimo ngwabeleka. Pele tamweelede kumubuzya mibuzyo iijazya nsoni. Mibandi iili boobu inga yayumya cilongwe canu asikwiiya. Kwiinda mukucita boobu, mulakonzya kumugwasyilizya sikwiiya kuti ayelele kubbapatizyigwa. (Amubale Tusimpi 27:17.) Mucizyi Hanae, lino mupainiya waciindi coonse. Kayeeya ciindi naakatalika kujanika kumiswaangano, wakaamba kuti: “Nondakaba abalongwe mumbungano, ndakali kwiikkomanina miswaangano, alimwi ndakali kuunka nociba ciindi nondakali kulimvwa kukatala. Ndakatalika kukkomana kuyanzana abalongwe bangu bapya, eeci cakandigwasya kuleka kumvwana abantu batakombi Jehova. Ndakali kuyanda kuba acilongwe ciyumu a Jehova alimwi abakwesu abacizyi. Aboobo ndakasala kubbapatizyigwa.”\\n16. Ncinzi cimbi ncomukonzya kucita kugwasya sikwiiya Bbaibbele kulimvwa kuti uzulilwa mumbungano?\\n16 Ciindi sikwiiya naazumanana kuyaambele, amumugwasye kulimvwa kuti uzulilwa mumbungano. Mulakonzya kucita oobo kwiinda mukuba bantu basamausya. (Heb. 13:2) Mukwesu Denis uukkala ku Moldova, ulayeeya ciindi naakali kwiiya Bbaibbele, ulati: “Ziindi zinji, mebo abakaintu bangu twakali kutambwa kuyanzana abakwesu. Bakatwaambila Jehova mbwaakabagwasya. Eeci cakatukulwaizya. Ziindi zili boobu zyakatugwasya kusinizya kuti twakali kuyanda kubelekela Jehova alimwi akuti twakali kuyooba abuumi bubotu kumbele.” Ciindi sikwiiya Bbaibbele naaba sikumwaya mulakonzya kumutamba kuti amusangane mumulimo wamumuunda. Mukwesu Diego uukkala ku Brazil, wakaamba kuti: “Bakwesu banji bakali kunditamba kuya mubukambausi. Eeci cakandigwasya kubazyiba kabotu. Kwiinda mukucita boobo, ndakaiya zinji alimwi cilongwe cangu a Jehova a Jesu cakayuma.”\\nNobaalu, ikuti kamubabikkila maano basikwiiya Bbaibbele, mulakonzya kubagwasya kuyaambele (Amubone muncali 17)\\n17. Mbuti baalu mbobakonzya kugwasya basikwiiya Bbaibbele?\\n17 Amujane ciindi cakubandika abasikwiiya. Nobaalu, ciindi nomutondezya luyando alimwi akubabikkila maano basikwiiya, muyoobagwasya kuyaambele akweelela kubbapatizyigwa. Sena lyoonse mulabandika abasikwiiya Bbaibbele kumiswaangano? Bayoobona kuti mulababikkila maano ikuti kamwaayeeya mazina aabo, kwaambisya kuti batalika kupa bwiinguzi. Sena mulajana ciindi cakuunka asikumwaya kuyoosololela ciiyo ca Bbaibbele? Kwiinda mukucita boobo, mulakonzya kumugwasya sikwiiya kwiinda mbomwali kuyeeyela. Mucizyi Jackie, mupainiya uukkala ku Nigeria, wakaamba kuti: “Basikwiiya Bbaibbele banji balagambwa kuzyiba kuti mukwesu ngondakaunkide limwi kuciiyo mwaalu. Sikwiiya Bbaibbele umwi wakaamba kuti: ‘Musololi wakucikombelo cesu inga tasoli kucita oobo. Inga waswaya buyo bantu bavwubi alimwi ccita kuti bamubbadela!’” Sikwiiya ooyo lino ulajanika kumiswaangano.\\n18. Mbuti baalu mbobakonzya kubelesya majwi aali kulugwalo lwa Milimo 20:28 ciindi nobazuzikizya mukuli wabo?\\n18 Amubayiisye akubakulwaizya bamayi ba Bbaibbele. Nobaalu, mujisi mukuli mupati wakugwasya basikumwaya kuba bakambausi alimwi abamayi babotu. (Amubale Milimo 20:28.) Kuti umwi kali ansoni kusololela ciiyo ca Bbaibbele kamuliko, amusololele ndinywe. Mucizyi Jackie, iwaambwa kale wakati: “Lyoonse baalu balandibuzya kujatikizya ziiyo zyangu zya Bbaibbele. Ciindi nondijana buyumuyumu kusololela ciiyo ca Bbaibbele, balandigwasya. Balandipa busolozi bugwasya.” Baalu balakonzya kucita zinji kutegwa bakulwaizye bamayi ba Bbaibbele. (1Tes. 5:11) Mucizyi Jackie uyungizya kuti: “Ndilakkomana kapati ciindi baalu nobandikulwaizya alimwi akundaambila kuti balalumba akaambo kamulimo ngondibeleka canguzu. Majwi aali boobu alandikatalusya mbubwenya mbondikatalukwa ciindi nondinywa maanzi aatontola ciindi nokupya kapati. Ayungizya busungu bwangu alimwi alukkomano ndondijana mumulimo wakuyiisya bantu Bbaibbele.”—Tus. 25:25.\\n19. Ndukkomano nzi ndotukonzya kuba andulo toonse?\\n19 Nokuba kuti lino kunyina ciiyo ca Bbaibbele ncotusololela, tulakonzya kugwasyilizya umwi kukomena kumuuya. Kakunyina kwaamba zinji, tulakonzya kumugwasyilizya mwiiyi ciindi nasololela ciiyo. Tulakonzya kuba balongwe babasikwiiya Bbaibbele ciindi nobaboola ku Ŋanda ya Bwami alimwi akuba cikozyanyo cibotu kulimbabo. Baalu balakonzya kukulwaizya basikwiiya Bbaibbele kwiinda mukujana ciindi cakubandika ambabo alimwi balakonzya kubayiisya bamayi akubalumbaizya. Eelo kaka tulakkomana kapati ciindi notucita cintu cimwi nociceya buti kutegwa tugwasye muntu umwi kuyanda Jehova alimwi akumubelekela!\\nMBUTI MBOMUKONZYA KUGWASYA BASIKWIIYA BBAIBBELE KUYAAMBELE KUTEGWA BEELELE KUBBAPATIZYIGWA . . .\\niciindi nomwatambwa kusangana muntu umwi lyaciiyo ca Bbaibbele?\\niciindi basikwiiya Bbaibbele nobatalika kuswaangana?\\nikuti kamuli baalu?\\nAciindi ecino, ambweni tobamwi tatujisi coolwe cakusololela ciiyo ca Bbaibbele. Nokuba boobo, toonse tulakonzya kugwasya muntu umwi kuti ayelele kubbapatizyigwa. Mucibalo eeci, tulabona umwi aumwi wesu mbwakonzya kugwasyilizya sikwiiya kuti asike ambaakani eeyi.","num_words":1709,"character_repetition_ratio":0.098,"word_repetition_ratio":0.0,"special_characters_ratio":0.159,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Myeelwe 15 IBBAIB63 - Lino Jehova wakaambila Musa, - Bible Search\\nMyeelwe 14 Myeelwe 16\\nImwi milao yazipaizyo\\n1Lino Jehova wakaambila Musa, wati, 2-Ambila bana ba-Israyeli kuti, Mwayoosika kunyika njenti mupe kuti mukale mulinjiyo, 3-na mwatentela Jehova cituuzyo na cipaizyo, niciba cipaizyo cakuzuzikizya cikonke niciba cakupa buyo niciba cipaizyo cakumapobwe aabikidwe, cipaizyo cili abweema bubotu bwakubotezya Jehova, niiba iŋombe niiba imbelele, 4-kufumbwa muntu uutuula cipaizyo uleelede kupaizizya Jehova cipaizyo cabusu, cipanzi cakumi cacisuwo cabusu bunante bukandidwe acipanzi cane cansazi yamafuta; 5-acalo cakunywa, muleelede kubambila cituuzyo na cipaizyo cipanzi cane cansazi yawaini kukabelele kamwi akamwi. 6Nanka mugutu, uleelede kumubambila cipaizyo cabusu, zipanzi zyobile zyakumi zyacisuwo cabusu bunante bukandidwe acipanzi catatu cansazi yamafuta; 7acakunywa, amupaizye cipanzi catatu cansazi yawaini, kube bweema bubotu bwakubotezya Jebova. 8-Alimwi na wabamba kapoho kacituuzyo citentwa na kacipaizyo, niciba cipaizyo cakuzuzikizya cikonke niciba cipaizyo cakutontozya Jehova, 9cipaizyo cabusu ncotuula antoomwe akapoho cibe zipanzi zyotatwe zyakumi zyacisuwo cabusu bunante bukandidwe acisela cansazi yamafuta; 10acakunywa, uleelede kupaizya cisela cansazi yawaini, kutentwe cipaizyo cili abweema bubotu bwakubotezya Jehova.\\n11Mbuboobo mbumweelede kucitila musune na mugutu umwi aumwi, nanka mwana wambelele na wampongo. 12Amucitile umwi aumwi mbubonya obo, kufumbwa mweelwe ngomubamba. 13Boonse bazyalwa mucisi baleelede kucita obo ciindicakutenta cipaizyo, kube bweema bubotu bwakubotezya Jehova. 14Alakwe mweenzu uukala akati kanu, nanka muntu uutuntulika uuli akati kanu ciindi coonse, na ulayanda kutenta cipaizyo cili abweema bubotu bwakubotezya Jehova, acite mbubonya obo mbomucita nywebo. 15-Kulaba mulao omwe buyo kubantu boonse, nemuba ndinywe naba mweenzu uukala akati kanu, Ngumulao walyoonse mumazyalani aanu oonse: mbumubede nywebo, mbwabede mweenzu alakwe kubusyu bwaJehova. 16-Kulaba mulao omwe buyo alubeta lomwe buyo, kulindinywe akumweenzu uukala akati kanu.\\n17Lino Jehova wakaambila Musa, wati, 18Ambila bana ba-Israyeli kuti, Mwaakusika kunyika eyo nkondimutola, 19-ciindi cakulya zilyo zyanyika, amulete cipo kuli-Jehova. 20-Amulete kabalwebalwe kadibule lyanu, mupaizye cinkwa; cipaizigwe, cibe cipaizyo cizwa kucipolelo. 21Kupa Jehova kabalwebalwe kadibule lyanu, ngumulao walyoonse mumazyalani aanu.\\nKumanya milandu yazibi zyakutaziba\\n22-Lino na mwaluba akutabamba milao eyi yoonse Jehova njaakaambila Musa, 23nkokuti zintu zyoonse Jehova nzyaakamulailila kujanza lya-Musa, kuzwa kubuzuba obo Jehova naakataanguna kulailila amuya mumazuba oonse aamazyalani aanu, 24-na cintu cacitwa cakutaziba, alimwi cilisisidwe kumeso aabantu bambungano, imbungano yoonse ilete kapoho komwe kakutentela Jehova, kabe cipaizyo cili abweema bubotu bwakubotezya Jehova, antoomwe acipaizyo caco cabusu acipaizyo ca co cakunywa, mbubonya mbukweelede, asijembwe omwe wacipaizyo cazibi. 25-Lino mupaizi uleelede kumanya milandu yambungano yabana ba-Israyeli, nkabela banoolekelelwa, nkaambo kabatezi, alimwi balete cipaizyo cabo cakutentela Jehova, acipaizyo cazibi zyabo bacilete kubusyu bwa-Jehova nkaambo kakutaziba kwabo. 26Bantu boonse bambungano yabana ba-Israyeli bayoolekelelwa, abalo beenzu bali akati kabo, nkaambo bantu boonse buyo kabatezi.\\n27-Alimwi na muntu omwe wabisya cakutaziba, alete katumbe kakapongo kamwaka omwe, kabe cipaizyo cazibi. 28-Lino mupaizi amanye milandu yamuntu oyo iwabisya cakutaziba kubusyu bwa-Jehova. Amanye milandu yakwe, nkabela ulalekelelwa. 29Bazyalwa mucisi ca-Israyeli abeenzu bakalakala akati kabo, boonse buyo balaba amulao omwe mumakani aamuntu uubisya cakutaziba. 30-Pele muntu uubisya caali, naba muzyalwemucisi naba mweenzu, wasampaula Jehova, nkabela muntu oyo ulatandwa mu ciinga cakwe. 31-Nkaambo wasampaula ijwi lya-Jehova akutyola malailile aakwe, Oyo muntu ncobeni uleelede kutandwa; ngumulandu wakwe mwini.\\nMuntu iwakatyola mulao wa-Sabata\\n32-Lino bana ba-Israyeli nebakali munkanda, bakajana muntu uutebba inkuni mubuzuba bwa-Sabata. 33Elyo abo ibakamujana ulatebba inkuni bakamuleta kuliba-Musa a-Aroni akumbungano yoonse. 34-Nkabela bakamubika muntolongo, nkaambo kabatana kuzibisigwa ncaelede kucitilwa. 35-Mpoonya awo Jehova wakaambila Musa kuti, Oyo muntu ncobeni uleelede kujayigwa. Bantu boonse bamufuse mabwe anze lyamalabba. 36Elyo bantu boonse bakamugwisya anze lyamalabba, bamufusa mabwe, aboobo wakafwa, mbubonya mbuli Jehova mbwaakalailila Musa.\\nMayaayila aakwiibalusya muntu makani aa-Leza\\n37Lino Jehova wakaambila Musa, wati, 38-Ambila bana ba-Israyeli kuti mumazyalani aabo oonse balicitile mayaayila muzyooko zyazikobela zyabo akwaanzya mayaayila intambo yakamwemvwe. 39-Lino kufumbwa ciindi nemwabona mayaayila, mulaibaluka malailile oonse aa-Jehova, kuti mwaacite, mutatobeli miyeeyo yamyoyo yanu azisusi zyameso aanu zikonzya kumubuzya lusyomo. 40-Mucite obo, kuti mwiibaluke akucita milao yangu yoonse, musalalile Leza wanu. 41Ndime Jehova Leza wanu iwakamugwisya munyika ya-Egepita, kuti mbe Leza wanu, Ndime Jehova Leza wanu.","num_words":616,"character_repetition_ratio":0.078,"word_repetition_ratio":0.0,"special_characters_ratio":0.168,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"NcHicHaamba Chinunuzyo Chakulipeda kwaJesu\\nBALA MU Abbey Abkhaz Abui Acholi Afrikaans Aja Akha Altai Alur American Sign Language Amharic Angolan Sign Language Arabic Argentinean Sign Language Armenian Armenian (West) Ateso Attié Aymara Azerbaijani Azerbaijani (Cyrillic) Bashkir Bassa (Cameroon) Bassa (Liberia) Batak (Karo) Batak (Simalungun) Batak (Toba) Belize Kriol Biak Bicol Bislama Bolivian Sign Language Boulou Bété Cambodian Cebuano Changana (Zimbabwe) Chavacano Chichewa Chiga Chin (Hakha) Chin (Tiddim) Chin (Zotung) Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuvash Cibemba Cinamwanga Cinyanja Colombian Sign Language Cuban Sign Language Dakota Dangme Danish Dayak Ngaju Douala Drehu Dusun Dutch Edo Efik Emberá (Catío) English Estonian Ewe Fante Fijian Finnish Finnish Sign Language Fon French Futuna (East) Ga German Gitonga Gokana Greek Guadeloupean Creole Guarani Guarani (Bolivia) Guerze Guianese Creole Gun Guéré Haitian Creole Hausa Herero Hiligaynon Hindi Hungarian Hunsrik Iban Ibanag Ibinda Igbo Iloko Indian Sign Language Indonesian Indonesian Sign Language Irish Isoko Italian Italian Sign Language Ivorian Sign Language Japanese Javanese Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Khana Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisii Kisonge Kituba Kongo Korean Kpelle Krio Kurdish Kurmanji Kwangali Kwanyama Kyangonde Lahu Lamba Lambya Lari Lhukonzo Lingala Lithuanian Lomwe Luganda Lugbara Lunda Luo Luvale Macua Malagasy Malay Malayalam Malaysian Sign Language Maltese Mam Mambwe-Lungu Mapudungun Marathi Mauritian Creole Maya Mazahua Mbunda Mende Meru Mexican Sign Language Mizo Mongolian Moore Myanmar Myanmar Sign Language Nahuatl (Central) Navajo Ndau Ndebele Ndebele (Zimbabwe) Ndonga Nengone Nepali Nepali Sign Language Ngabere Ngangela Nias Nigerian Pidgin Niuean Norwegian Nsenga Nyaneka Nyungwe Nzema Odia Okpe Oromo Ossetian Otetela Pangasinan Pidgin (Cameroon) Pidgin (West Africa) Polish Polish Sign Language Ponapean Poqomchi' Portuguese (Portugal) Portuguese Sign Language Punjabi (Shahmukhi) Quebec Sign Language Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Quichua (Pastaza) Quichua (Santiago del Estero) Quichua (Tena) Rarotongan Romanian Romanian Sign Language Romany (Eastern Slovakia) Romany (Macedonia) Romany (Macedonia) Cyrillic Romany (Northern Greece) Romany (Serbia) Romany (Southern Greece) Ronga Runyankore Russian Rutoro Réunion Creole Samoan Sangir Sango Sena Sepedi Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Solomon Islands Pidgin Spanish Spanish Sign Language Sranantongo Sunda Swahili Swahili (Congo) Swati Swedish Tagalog Tahitian Tajiki Talian Tamil Tandroy Tankarana Tatar Tetun Dili Thai Thai Sign Language Tigrinya Tiv Tojolabal Tok Pisin Tongan Tshiluba Tshwa Tsonga Turkish Tuvaluan Twi Uighur (Cyrillic) Ukrainian Umbundu Urdu Urhobo Uruund Uzbek Uzbek (Roman) Vezo Vietnamese Vietnamese Sign Language Wallisian Waray-Waray Welsh Wichi Wolaita Yacouba Zande Zulu\\nChinunuzyo—Chipo Chipati Chizwa Kuli Leza\\n1, 2. (a) Niinzi chitondeezya kuti chipo chilayandikana kulinduwe? (b) Nkaamboonzi chinunuzyo nichili chipo chipati chizwa kuli Leza?\\nNCHIPOONZI chiyandikana nchwaakatambula? Chipo tacheelede kuba chidula kuti chihyandikane kulinduwe. Ikuti chipo kachikubotezya naa kuti kochiyanda nga watondeezya kulumba.\\n2 Muli zyoonse zipo Leza nzyaakatupa, kuli chipo choomwe nchituyandisisya kwiinda zimwi zipo. Nchipo chipati nchakapa bantu. Mbuli mbutuloyiiya muchaandano eechi, Jehova wakatuma Mwanaakwe, Jesu Kristu, kuti tupone kukabe kutamani. (Bala Matayo 20:28.) Kwiinda mukututumina mwanaakwe Jesu Kristu aanyika, Jehova wakatondeezya kuti ulatuyanda.\\n3. Nkaamboonzi bantu nibafwa?\\n3 Chinunuzyo ninzila yaJehova yakwaangununa bantu kuzwa muchibi amulufu. (BaEfeso 1:7) Kuti tumvwisisisye kaambo chinunuzyo nichiyandikana, tweelede kuziba zyakachitika mumunda waEdeni kwaminyaka miingi yakiinda. Bazyali besu bakusaanguna, Adamu aEva, bakabiisya. Akaambo kakubisya kwabo, bakazoofwa. Tulafwa nkaambo kakuti twakakona chibi kuzwa kuli Adamu aEva.—Langa Makani Aakumamanino 9.\\n4. Adamu wakalini alimwi niinzi nchaakali aacho?\\n4 Aawo Jehova naakalenga mwaalumi wakusaanguna, Adamu, Wakamupa chintu chiyandikana loko. Wakapa Adamu buumi bumaninide. Wakalaa mizeezo amubili uumaninide. Taakwe naakali kuzoochiswa, kuchembaala, alimwi akufwa. Akaambo kakuti Jehova nguwe wakamulenga, Leza wakali mbuli wisi. (Luka 3:38) Chiindi choonse Jehova wakali kwaambuulaa Adamu. Chaantanganana, Jehova wakaambila Adamu nchaakali kulangila kuzwa kuli nguwe. Alimwi wakapa Adamu mulimu wakuchita uubotezya.—Matalikilo 1:28-30; 2:16, 17.\\n5. Zyaambaanzi kuti Adamu wakalengwa “mucinkonzya ca-Leza”?\\n5 Adamu wakalengwa “mucinkonzya ca-Leza.” (Matalikilo 1:27) Jehova wakamupa bube buli mbuli Bwakwe, buswaanizya luyando, busongo, kululamisya, anguzu. Wakapa Adamu cheelelo chakusala. Adamu taakali lobbooti pe. Leza wakamulenga kali acheelelo chakukonzya kusala kuchita chibotu naa chibi. Kaansinga Adamu wakasala kuswiilila Leza, wakali kuzoobaa buumi butamani muParadayizi.\\n6. Adamu wakasweekelwaanzi chiindi naakataswiilila Leza? Eezi zitujatikizya biyeni?\\n6 Adamu naakataswiilila Leza wakatongelwa lufu, ooku kwakali kusubulwa kupati. Wakasweekelwa abweenzinyina buli kabotu aJehova, buumi bumaninide, amuunzi uuli Paradayizi. (Matalikilo 3:17-19) Adamu aEva bakasala kutaswiilila Leza, akaambo kaako bulangilizi bwakamana. Akaambo kazintu Adamu nzyaakachita, “mbuboobu cibi mbucakanjila munyika kumaanza aamuntu omwe buyo, alwalo lufu nkaambo kacibi, nkabela mbubonya oobo lufu mbulwakazida bantu boonse, nkaambo kakuti boonse babisya.” (BaRoma 5:12) Adamu naakabisya, ‘wakalisambala’ kubikkilizya andiswe mubuzike bwachibi alufu. (BaRoma 7:14) Iswe tulaabo na bulangilizi? Nisimpe, tulaabo.\\n7, 8. Chinunuzyo niinzi?\\n7 Chinunuzyo niinzi? Inkani yachinunuzyo iswaanizya zintu zibili. Chakusaanguna, chinunuzyo nimbadalo yakwaangununa muntu naa kubbadalila kuboozya chimwi chintu. Chabili, chinunuzyo muulo weendelana, naa muulo wachimwi chintu.\\n8 Taakwe muntu wakali kukonzya kubbadala kubisya kupati Adamu nkwaakachita, kwakatweetela lufu. Pesi Jehova wakatujulila nzila yakutwaangununa kuchibi alufu. Lino atwiiye nzila chinunuzyo mbuchibeleka akuti chitugwasya biyeni.\\nJEHOVA MBAAKATUPA CHINUNUZYO\\n9. Chinunuzyo nga chilabbadalwa biyeni?\\n9 Aakati kesu taakwe muntu uukonzya kubbadala chinunuzyo chabuumi bumaninide Adamu nchaakasweekelwa. Nkaamboonzi? Nkaambo kakuti toonse tatumaninide pe. (Intembauzyo 49:7, 8) Chinunuzyo chakali kuyandikana kubbadalwa bwakali buumi bwamuntu uumaninide. Nchichicho nchichitegwa ‘ncinunuzyo ceelene.’ (1 Timoteo 2:6) Chinunuzyo chakali kweendelana abuumi bumaninide Adamu mbwaakasweekelwa.\\n10. Jehova wakatupa biyeni chinunuzyo?\\n10 Jehova wakatupa biyeni chinunuzyo? Jehova wakatuma Mwanaakwe uyandikana loko aanyika. Mwana ooyu, Jesu, wakali chilenge chakwe chakutaanguna. (1 Johane 4:9, 10) Jesu wakali yandide kusiya Wisi ankwaakali kukkala kujulu. (BaFilipi 2:7) Jehova wakalonzya buumi bwaJesu kuzwa kujulu akumutola aanyika, alimwi Jesu wakazyalwa kali muntu uumaninide, uutakwe chibi.—Luka 1:35.\\nJehova wakatupa Mwanaakwe uyandikana loko kuti abe chinunuzyo chasu\\n11. Muntu omwe nga ulaba biyeni chinunuzyo chabantu boonse?\\n11 Muntu wakutaanguna, Adamu, wakasowa buumi bumaninide bwabantu boonse chiindi naakataswiilila Jehova. Zilachita na kuti umwi muntu agwisye kufwa kuli mubana baAdamu boonse? Nisimpe. (Bala BaRoma 5:19.) Jesu, uutakwe nakabisya wakapa buumi bwakwe bumaninide kabuli chinunuzyo. (1 BaKorinto 15:45) Buumi bwakwe bumaninide bwakali kuzoobelesegwa kukugusya lufu kubana baAdamu boonse.—1 BaKorinto 15:21, 22.\\n12. Nkaamboonzi Jesu nakeelede kupenzegwa oobu?\\n12 IBbayibbele lipandulula nzila Jesu njakamvwaayo katanafwa. Wakavwipuulwa chalunya, wakagankaminwa achisamu chakupenzegwa, alimwi wakalisimya-simya kukufwa lufu luchisa. (Johane 19:1, 16-18, 30) Nkaamboonzi Jesu nakeelede kupenzegwa oobu? Nkaambo Saatani wakaamba kuti taakwe muntu uukonzya kukkala kasyomekede kuli Leza pe kuti wasunkwa changuzu. Jesu wakatondeezya kuti muntu uumaninide ulakonzya kukkala kasyomekede kuli Leza, nikuba kuti waswananaa mapenzi mapati biyeni. Yeeyela kuti Jehova wakabotelwa biyeni azeezyo zyakachitwaa Jesu!—Tusimpi 27:11; langa Makani Aakumamanino 15.\\n13. Chinunuzyo chakabbadalwa biyeni?\\n13 Chinunuzyo chakabbadalwa biyeni? Jesu wakapa Wisi muulo weendelana abuumi bwakwe. Mumunyaka wa33, muNisani 14 mukkalenda lyachiJuda. Jehova wakazumizya basinkondonyina kuti bajaye Jesu. (BaHebrayo 10:10) Nikwakayinda mazuba aatatu, Jehova wakabusya Jesu, kutali amubili wanyama pesi amubili wamuuya. Chiindi, Jesu naakabweeda kujulu kuli Wisi, wakapa buumi bwakwe bumaninide kuli Jehova kuti bube chinunuzyo. (BaHebrayo 9:24) Mbukunga chinunuzyo chakabbadalwa, tulaa choolwe chakwaangununwa kuchibi alufu.—Bala BaRoma 3:23, 24\\nMBUNGA ULAGWASIGWA ACHINUNUZYO\\n14, 15. Tweelede kuchitaanzi kuti zibi zyesu zilekelelwe?\\n14 Twakagwasigwa kale kuzwa kuchipo chaLeza chipati. Atubone kuti tugwasigwa biyeni lino akuti tuyoogwasigwa biyeni mumazuba aali kunembo.\\n15 Zibi zyesu zilalekelelwa. Nziyumu kuchita kabotu chiindi choonse. Chimwi chiindi Tulabisya; tulasowa mulomo naa kuchita zintu zitali kabotu. (BaKolose 1:13, 14) Ngatulalekelelwa biyeni? Tweelede kweempwa kuzintu zibi nzitwakabisya alimwi akukumbila Jehova kuti atulekelele. Kuti twachita oobo tulakonzya kubaa choonzyo kuti zibi zyesu zyalekelelwa.—1 Johane 1:8, 9.\\n16. Tweelede kuchitaanzi kuti tube amanjezezya mabotu?\\n16 Tulakonzya kubaa manjezezya alikabotu. Kuti moyo wesu watubuzya kuti twabisya, nga tulimvwa katulaa mulandu, naa kulimvwa katutachigwasyi pe. Pesi tatweelede kulengwaana pe. Ikuti twakombelezya kuti Jehova atulekelele, tulakonzya kuba achoonzyo chakuti uyootuswiilila alimwi uyootulekelela. (BaHebrayo 9:13, 14) Jehova uyanda kuti twaambuule anguwe atala amapenzi alimwi akubula nguzu kwesu. (BaHebrayo 4:14-16) Mukuchitoobo, tujana mpindu yakubaa luumuno aLeza.\\n17. Nzilongezyoonzi zijanikaa kaambo kakuti Jesu wakatufwida?\\n17 Tulaa bulangilizi bwakupona kukabe kutamani. “Nkaambo cakuvola cazibi ndufu, pele caabilo ca-Leza mbuumi butamani bwamuli-Kristo Jesu Mwami wesu.” (BaRoma 6:23) Akaambo kakuti Jesu wakatufwida, tulaa choolwe chakupona kutamani katubotelwa abuumi bubotu bumaninide. (Ciyubunuzyo 21:3, 4) Niinzi nzitweelede kuchita kutegwa tukajane zilongezyo eezyo?\\nUYOOCHITAMBULA NA CHINUNUZYO?\\n18. Tuzi biyeni kuti Jehova ulatuyanda?\\n18 Yeeya nzila moyo wako mbuubotelwa chiindi umwi muntu nakupa chipo chibotu. Chinunuzyo nchipo chiyandikana loko kwiinda zyoonse, aboobo tweelede kulumba Jehova akaambo kachipo chachinunuzyo. Lugwalo lwaJohane 3:16 lutwaambila kuti “Obuya Leza mbwaakayandisya nyika, wakapa Mwanaakwe simuzyalwa alike.” Nisimpe, Jehova ulatuyanda toonse zyakuti wakatupa Mwaanakwe uyandikana, Jesu. Alimwi tulizi kuti Jesu alakwe ulatuyanda, nkaambo wakali lipedelede kutufwida. (Johane 15:13) Chipo chachinunuzyo cheelede kukutondeezya kuti Jehova aJesu balakuyanda.—BaGalatiya 2:20.\\nMbutuyabwiiya atala aJehova, tuyooba beenzinyina alimwi kumuyanda kwesu kuyoosima\\n19, 20. (a) Nga ulachita biyeni kuti ube mweenzinyina waJehova? (b) Kujana watondeezya biyeni kuti ulachitambula chinunuzyo chaJesu chakulipeda?\\n19 Lino wayiiya atala aluyando lupati Leza ndwalaalo, pesi nga ulachita biyeni kuti ube mweenzinyina waJehova? Tachili chuuba-uba pe kuyanda umwi muntu ngutazi. Lugwalo lwaJohane 17:3 lwaamba kuti tulakonzya kumuziba Jehova. Nuya buchita oobo, kumuyandisya kwako kuyoosima, uyooyanda kumubotezya, alimwi uyooba mweenzinyina. Aboobo yinkilila kunembo kuliikwiiya atala aJehova kwiinda mukubala Bbayibbele.—1 Johane 5:3.\\n20 Tambula chinunuzyo chaJesu chakulipeda. IBbayibbele lyaamba kuti “oyo uusyoma Mwana nguuli abuumi ubutamani.” (Johane 3:36) Zyaambaanzi kutondeezya lusyomo? Zyaamba kuchita eezyo Jesu nzyaakatuyiisya kuti katuzichita. (Johane 13:15) Tatukonzyi kwaambaa mulomo kuti tusyoma muli Jesu. Kuti tuchitambule chinunuzyo, tweelede kuchita chimwi chintu cheendelana alusyomo lwesu. Aali Jakobo 2:26, tubala kuti: “Lusyomo lwaanzeene amilimo lulifwide mbubonya.”\\n21, 22. (a) Nkaamboonzi nitweelede kujanika kuKwiibuluka kufwa kwaKristu munyaka amunyaka? (b) Tuyooyiiyaanzi muzyaandano 6 a 7?\\n21 Janika kuchiibalusyo chalufu lwaJesu. Magolezya Jesu katanafwa, wakatuyiisya kuti tweelede kuyeeya lufu lwakwe. Tulakuchita kuyeeya ooku munyaka amunyaka, alimwi tukwiita kuti Nkwiibuluka naa kuti “Mulalilo wa-Mwami.” (1 BaKorinto 11:20; Matayo 26:26-28) Jesu uyanda kuti tuyeeye kuti wakapa buumi bwakwe bumaninide kabuli chinunuzyo. Wakaamba kuti: “Amukacite obo kuti mukandiyeeye.” (Bala Luka 22:19.) Chiindi nujanika kuchiibalusyo, anga utondeezya kuti ulachiyeeya chinunuzyo aluyando lupati Jehova aJesu ndubaalalo kuli ndiswe.—Langa Makani Aakumamanino 16.\\n22 Chinunuzyo nchipo chipati kuzipo zyoonse nzitukonzya kujana. (2 BaKorinto 9:14, 15) Chipo eechi chiyandikana chiyoogwasya mamiliyoni aabantu nikuba bawumi abafwide. Muzyaandano 6 a 7 tuyooyiiya mbukukonzeka.\\nKASIMPE 1: TOONSE TUYANDA CHINUNUZYO\\n‘Mwana a-muntu . . . wakeza kuti azoowabe buumi bwakwe, bube cinunuzyo cabanji.’—Matayo 20:28\\nNkaamboonzi nituyanda chinunuzyo?\\nChiindi Adamu naakataswiilila Leza, wakasweekelwa bweenzinyina buyandikana loko aJehova, buumi bumaninide, alimwi amuunzi wakwe wakali Paradayizi.\\nAkaambo kachechi Adamu nchaakachita, toonse twakakona chibi alufu.\\nChinunuzyo ninzila yaJehova njaakabelesya kukunununa bantu kuzwa kuchibi alufu.\\nKASIMPE 2: JEHOVA WAKATUPA CHINUNUZYO\\n“Nkaambo Leza wakatuma Mwanaakwe simuzyalwa-alike munyika, kuti tujane buumi kumaanza aakwe.”—1 Johane 4:9\\nJehova wakatupa biyeni chinunuzyo?\\nTaakwe muntu wakali kukonzya kubbadala chinunuzyo chabuumi bumaninide mbuli bwaAdamu mbwaakalaabo.\\nJehova wakatuma Mwanaakwe uuyandika munyika kutegwa azoozyalwe kali muntu uumaninide.\\nJesu naakabusigwa, wakabweeda kujulu, ooko nkwaakapeda buumi bwakwe bumaninide kabuli chinunuzyo kuli Jehova.\\nKASIMPE 3: CHINUNUZYO CHITUPA BULANGILIZI BWACHOONZYO\\n“Nkabela uyoosindula misozi yoonse kumeso abo, takukoyooba limbi lufu.”—Ciyubunuzyo 21:4\\nKujana wagwasigwa biyeni kuchinunuzyo?\\nTulakonzya kuba amanjezeezya aasalala kunembo lyaLeza.\\nTuli abulangilizi bwabuumi butamani.\\nChipo chachinunuzyo chitondeezya kuti Jehova aJesu batuyanda loko.\\nKASIMPE 4: TWEELEDE KUCHITAMBULA CHINUNUZYO\\n“Leza . . . wakapa Mwanaakwe simuzyalwa-alike, kuti umwi umwi uumusyoma . . . abe abuumi ubutamani.”—Johane 3:16\\nKujana twatondeezya biyeni kuti tulalumba kuchipo chachinunuzyo Leza nchaakatupa?\\nZiba Jehova aJesu, alimwi ubatobelezye.\\nMunyaka amunyaka weelede kujanika kuchiibalusyo chakufwa kwaKristu.\\nChita zyiingi kutali kusyoma muli Jesu luzutu. Chita eezyo Jesu nzyatuyiisya kuti katuchita.","num_words":1729,"character_repetition_ratio":0.062,"word_repetition_ratio":0.0,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ulakonzya kujana zintu zyiingi zikonzya kukugwasya kuti ulwane penzi lyabuumba kuti waziyanduula alubo zimwi zilakonzya kukugwasya kwiinda zimwi. Chimwi chiindi zilakonzya kuba oobo nkaambo umwi awumwi ulila munzila iisiyene mbuuli mbukwaambwa muchiiyo chayinda. Zigwasya umwi zilakonzya kutamugwasya umwi.\\nNikuba boobo, kuli malayilile aalikugwasya bantu biingi mazubaano. Malayilile aaya akaambwa abasyaabusongo biingi mumakani aakufwidwa aleendelana amalayilile aasyomeka aajanika mubbuku lyachiindi lyabusongo, Bbayibbele.\\n1: ZUMINA KUGWASIGWA ABAMUMPULI ABEENZINYOKWE\\nBamwi basyaabusongo bakaamba kuti kuzumina kugwasigwa abamwi kulagwasya chiindi nuli mubuumba. Pesi chimwi chiindi kulakonzeka kuti uyanda kuba awulikke. Chimwi chiindi ulakonzya kunyemena bantu balikukugwasya. Eezi zilachitika.\\nUtabonaanga toyelede kukkala abamwi alubo toyelede kubatantamuka chakumaninina. Chimwi chiindi, uzooyanda kuti bakugwasye. Babuzye nzuyanda anzutayandi munzila yalubomba.\\nBaachiindi chakukkala aabamwi achakuba awulikke, kweendelana azyiimo.\\nNZILYAAMBA BBAYIBBELE: “Bantu bobile, mbabotu kwiinda omwe . . . Na umwi wawa, mweenzinyina ulamubusya.”—Mukambausi 4:9, 10.\\n2: Langa-langa Chakulya Nchulya Alubo Ekisesayiza\\nKulya chakulya chiyaka mubili kuyookugwasya kuti ulwane penzi lyabuumba. Yezya kulya michelo, zisyu azyakulya zitakwe mafuta miingi.\\nNywa maanzi miingi azimwi zinywigwa zigwasya mumubili.\\nKuti kumoyo kakusiya, yezya kulya chakulya chiche, kwaziindi zyiingi. Ulakonzya kukumbila dokotela kuti akubuzye chimwi chakulya chiyaka mubili nchukonzya kulya. *\\nKweendesya akumwi ku-ekisesayiza, kulakonzya kupa kuti utakataazikani loko mumizeezo. Ku-ekisesayiza kulakonzya kupa kuti ulyiibe akuti utayeeyesesyi loko atala akufwidwa.\\nNZILYAAMBA BBAYIBBELE: “Taakwe muntu uusula mubili wakwe mwini, pe, ulausanina akuubamba kuti ubote.”—BaEfeso 5:29.\\n3: JANA CHIINDI CHIINGI CHAKOONA\\nKoona kulayandikana pesi kuyandikana loko kuli baabo bali mubuumba nkaambo ngabakataazikene zyiindilide.\\nChenjelela zintu zili a-caffeine naakuti bukande bwiingi nkaambo zilakonzya kupa kuti ube achilabila.\\nNZILYAAMBA BBAYIBBELE: “Inkankamanza yomwe iili aluumuno nimbotu kwiinda maanza obile aazwide milimo iikataazya iitakutyi moyo.”—Mukambausi 4:6.\\n4: CHITA KWEENDELANA AZYIIMO ZYAKO\\nWeelede kuziba kuti bantu balila munzila zisiyene. Nkinkaako, weelede kuziba mbulimvwa nuli mubuumba.\\nBamwi bakabona kuti kutondeezya mbubalimvwa nibali mubuumba kulagwasya pesi bamwi tabayandi kulitondeezya. Basyaabusongo bali amaboneno aasiyene aatondeezya kuti kulagwasya na kutondeezya mbalimvwa muntu naafwidwa. Kuti kuyanda kubuzya umwi mbulimvwa pesi kuyoowa, ulakonzya kusaanguna kwaamba zintu ziniini zili atala ambulimvwa kumuntu ngusyoma.\\nBamwi bakabona kuti kulila kubagwasya kuti batakataazikani loko pesi bamwi balakonzya kulwana apenzi lyabuumba nikuba kabatalilisyi.\\nNZILYAAMBA BBAYIBBELE: “Moyo ulizi macise aawo.”—Tusimpi 14:10.\\n5: TANTAMUKA ZIYANZA ZIBI\\nChiindi bamwi nibafwidwa, bayeeya kuti balakonzya kumaninsya kukataazikana nkubalaako kwiinda mukunywa bukande naakuti kubelesya ma-drugs. Kubelesya nzila eeyi nkulijaya. Kulakonzya kupa kuti muntu alyiibe kwachiindi chifwiifwi pesi mukuya kwachiindi kumunjizya mumapenzi mapati. Yezya kubelesya nzila zitakweeteli mapenzi kuti umaninsye kukataazikana.\\nNZILYAAMBA BBAYIBBELE: ‘Atulisonzole kubusofwaazi boonse.’—2 BaKorinto 7:1.\\n6: CHIBELESYE KABOTU CHIINDI CHAKO\\nBamwi bakabona kuti kulagwasya kulibikkila ziindi zyakulila (chiindi nukataazikene achiindi nulikulwana akukataazikana) kwiinda mukubeleka imwi milimu kwachiindi chifwiifwi (milimu iipa kuti batayeeyesesyi penzi ndibalaalyo).\\nUlakonzya kuumbulizigwa kwiinda mukusimya bweenzinyokwe, kwiiya kuchita chintu chipya akuba achiindi chakulikondelezya.\\nMukuya kwachiindi kukataazikana kunooyabucheya. Mazuba ngutanookataazikane anooyabucheya alubo eezi ziyoopa kuti moyo wako ubatame.\\nNZILYAAMBA BBAYIBBELE: “Zintu zyoonse zilijisi ciindi cazyo, . . . ciindi cakulila aciindi cakuseka, ciindi cakoomoka aciindi cakuzyana.”—Mukambausi 3:1, 4.\\n7: CHITA ZINTU NZWAAKALI KUCHITA\\nKuti wabona kuti wasima, chita zintu nzwaakali kuchita.\\nKuti wakonzya kuchita zintu nzwaakali kuchita chiindi ziswaanizya chiindi nchwaakali koona, milimu azimwi, zitondeezya kuti waba kabotu.\\nKuchita zintu zikugwasya kuti ukkale kuli amaboneno aali kabotu, kuyookugwasya kuti ulyiibe.\\nNZILYAAMBA BBAYIBBELE: “Oyo muntu takonzyi kulikataazya loko nkaambo kakuceya kwamazuba aakwe, nkaambo Leza ulamupa kukondwa kwamoyo wakwe.”—Mukambausi 5:20.\\n8: UTAFWAMBAANI KUSALA ZINTU ZIPATI NWAAFWIDWA\\nBantu bafwambaana kusala zintu zipati nibafwidwa ngabazoolisola atala akusala nkubakachita.\\nKuti kazichita, utafwambaani kulonga, kuchincha mulimu naakuti kusowa zintu zyamuntu wakafwa.\\nNZILYAAMBA BBAYIBBELE: “Makanze aabasungu alaleta zilyo zinji, pele uufwanzya makani ulajana bucete buyo.”—Tusimpi 21:5.\\n9: CHITA ZINTU ZIKUYEEZYA MUNTU WAKAFWA\\nBamwi bakafwidwa bakabona kuti kulagwasya kuchita zintu zipa kuti kabayeeya nzubo yabo yakafwa.\\nKuba amapikicha naakuti kabbuku kalembedwe nzimwakali kuchitaamwi amuntu wakafwa, kulakonzya kukuumbulizya.\\nBamba zintu zinookugwasya kuyeeya zintu zilikabotu nzimwakali kuchita amuntu wakafwa akuzilanga-langa nwaasima.\\nNZILYAAMBA BBAYIBBELE: “Amwiibaluke mazuba aaciindi.”—Deuteronomo 32:7.\\n10: YINKA KULI BUMWI BUSENA\\nKuya kuli bumwi busena kulakonzya kukugwasya.\\nKuti zyiimo zyako kazitakuzumizyi kuswaya bumwi busena, ulakonzya kuchita zimwi zintu zikunoneezya mbuuli kuswaya bumwi busena, kwiinka ku-museum naakuti kweendeenda.\\nKuchita zintu munzila iisiyene ambuwakali kuchita chiindi, akulako kulakonzya kukugwasya.\\nNZILYAAMBA BBAYIBBELE: “Amuboole nywebo nubeni kumbali kunkanda, mukalyokezye buniini.”—Marko 6:31.\\n11: GWASYA BAMWI\\nWeelede kuziba kuti kugwasya bamwi kupa kuti anduwe ugwasikane akuti ulimvwe kabotu.\\nUlakonzya kuchita oobo kwiinda mukugwasya bajatikizigwa akufwa kwanzubo yako baswaanizya nzubo zyakwe abeenzinyina bayanda kuumbulizigwa.\\nKugwasya bamwi akubawumbulizya kulakonzya kupa kuti ujane kubotelwa mbuuli mbuwakali kuchita.\\nNZILYAAMBA BBAYIBBELE: ‘Kupa kulabotezya kapati kwiinda kupegwa.’—Incito 20:35.\\n12: LANGA-LANGA ZINTU NZUBIKKA MUBUSENA BWAKUSAANGUNA\\nKukataazikana akaambo kakufwidwa kulakonzya kukugwasya kuti uzibe zintu ziyandikana mubuumi.\\nBelesya chiindi eecho kubona nzulikuchita mubuumi.\\nLibambile kuchincha zintu nzubikka mubusena bwakusaanguna mubuumi.\\nNZILYAAMBA BBAYIBBELE: “Kuya kung’anda yadilwe nkubotu kwiinda kuya kung’anda yakusekelela, nkaambo kufwa ngemamanino aabantu boonse, nkabela baumi baleelede kubika moyo kuliceeci.”—Mukambausi 7:2.\\nKULWANA PENZI LYABUUMBA | CHIFWIINSYO\\nBaachiindi chakukkala aabamwi achakuba awulikke, kweendelana azyiimo zyako.\\nYezya kulya chakulya chiyaka mubili, nywa maanzi miingi alubo ekisesayiza.\\nWeelede kuziba kuti koona kuyandikana loko kubantu balikulwana penzi lyabuumba.\\nZiba mbulimvwa nuli mubuumba nkaambo bantu batondeezya mbubalimvwa munzila zisiyene.\\nTantamuka kunywa bukande zyiindilide alubo utabelesyi ma-drugs nkaambo ziyungizya mapenzi.\\nBaachiindi chakukkala aabamwi achakulikondelezya kuti kukataazikana kucheye.\\nYezya kumaninsya kukataazikana kwiinda mukuchita zintu nzwaakali kuchita chiindi.\\nKuti kazikonzeka, lindila kwamunyaka naakuti iibili kutanasala zintu zipati zikonzya kupa kuti uzoolisole mukuya kwachiindi.\\nBamba mapikicha naakuti kabbuku kalembedwe nzimwakali kuchitaamwi amuntu wakafwa kuti kunoomuyeeya.\\nChita zintu munzila iisiyene ambuwakali kuchita chiindi nikuba kwabuzuba bumwi.\\nUlakonzya kuchita oobo kwiinda mukugwasya bamwi bajatikizigwa akufwa kwanzubo yako baswaanizya nzubo zyakwe abeenzinyina bayanda kuumbulizigwa.\\nBelesya chiindi eecho kuti uzibe zintu ziyandikana mubuumi alubo libambile kuchincha zintu nzubikka mubusena bwakusaanguna mubuumi.\\nKwaamba choonzyo, taakwe chintu chikonzya kumaninsya buumba mbulaabo chakumaninina. Nikuba boobo, bantu biingi bakafwidwa balazumina kuti kubelesya malayilile aali muchiiyo eechi kwakabagwasya kuti bawumbulizigwe. Nikuba boobo, eezi teenzizyo pe azilikke nzila zikonzya kukugwasya kulwana penzi lyabuumba. Pesi kubelesya zimwi nzila zyaambwa aawa, kulakonzya kukugwasya kuti uumbulizikane.\\n^ par 13 Amubuke! tayitubikkili milawu iili atala anzila zyabusilisi.\\nBbayibbele lili amalayilile aayandikana aakonzya kugwasya bantu bali mubuumba.","num_words":891,"character_repetition_ratio":0.08,"word_repetition_ratio":0.0,"special_characters_ratio":0.15,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amuzumanane Kulyaandaanya Kunyika | Luyando lwa Leza\\nMbomukonzya Kuzumanana Kulyaandaanya Kunyika\\n“Tamuli banyika.”​—JOHANE 15:19.\\n1. Ino makani nzi Jesu ngaakakankaizya imasiku mubuzuba bwakwe bwamamanino kali anyika?\\nMASIKU mubuzuba bwamamanino bwa Jesu kali anyika, wakatondezya kuti wakali kubikkila maano kapati kujatikizya mbobakali kuyakupona kumbele basikumutobela. Mane wakaapailila makani aaya kuli Bausyi kaamba kuti: “Tandikulombi kuti ubagusye munyika, pele kuti ubakwabilile akaambo kamubi. Tabali banyika mbubonya andime mbonditali wanyika.” (Johane 17:15, 16) Mumupailo ooyu ngwaakapaila camoyo woonse, Jesu wakatondezya kuti wakali kubayanda kapati basikumutobela alimwi wakatondezya mbwaakali kuyandika majwi ngaakaambide kumatalikilo imasiku ngoonya aayo aakuti: “Tamuli banyika.” (Johane 15:19) Cilisalede kuti, Jesu wakacibona kuti cilayandika kapati kuti basikumutobela bazumanane kulyaandaanya kunyika!\\n2. Ino “nyika” njaakaamba Jesu ninzi?\\n2 “Nyika” njaakaamba Jesu, mbantu boonse bazandukide kuli Leza, ibeendelezyegwa a Saatani alimwi amuuya wakuliyanda awakulisumpula uuzwa kulinguwe. (Johane 14:30; Baefeso 2:2; 1 Johane 5:19) Masimpe, ikuba ‘acilongwe anyika eeyi nkuba sinkondonyina a Leza.’ (Jakobo 4:4) Pele ino mbuti aabo boonse bayanda kuzumanana kukkala muluyando lwa Leza mbobakonzya kulyaandaanya kunyika mbwaanga bali munyika? Tulalanga-langa nzila eezyi zyosanwe: kwiinda mukuzumanana kusyomeka ku Bwami bwa Leza bweendelezyegwa a Kristo akutatola lubazu mutwaambo twacisi, kwiinda mukukaka muuya wanyika, kwiinda mukusama cabulemu akulibamba kabotu, kwiinda mukuubya-ubya buumi bwesu alimwi akwiinda mukusama zilwanyo zyesu zyakumuuya.\\nKUZUMANANA KUSYOMEKA ALIMWI AKUTATOLA LUBAZU MUTWAAMBO TWACISI\\n3. (a) Ino Jesu wakali kutubona buti twaambo twacisi ciindi naakali anyika? (b) Nkaambo nzi ncotukonzya kwaamba kuti basikutobela Jesu bananike mbaiminizi? (Amubikkilizye abupanduluzi buyungizyidwe.)\\n3 Muciindi cakutola lubazu mutwaambo twacisi ciindi naakali anyika, Jesu wakabikkila maano kapati kukukambauka makani aajatikizya Bwami bwa Leza, imfwulumende yakujulu eeyo njaakali kuyakuba Mwami. (Daniele 7:13, 14; Luka 4:43; 17:20, 21) Aboobo, naakali kumbele lya Mweendelezi muna Roma Ponto Pilato, Jesu wakaamba kuti: “Bwami bwangu tabuli bwanyika eeyi.” (Johane 18:36) Basikumutobela basyomeka batobela cikozyanyo cakwe kwiinda mukusyomeka kuli Kristo aku Bwami bwakwe alimwi akwiinda mukwaambilizya Bwami oobu munyika. (Matayo 24:14) Mwaapostolo Paulo wakalemba kuti: “Tuli baiminizi ibali mubusena bwa Kristo. . . . Mbotuli mubusena bwa Kristo tumulomba kuti: ‘Amuyanzane a Leza.’” *—2 Bakorinto 5:20.\\n4. Ino mbuti Banakristo boonse bakasimpe mbobatondezya kuti balasyomeka ku Bwami bwa Leza? (Amubone kabbokesi kakuti “ Banakristo Bakusaanguna Tiibakali Kutola Lubazu Mutwaambo Twacisi.”)\\n4 Akaambo kakuti baiminizi baiminina mfwulumende naa cisi cankobazwa, tabatoli lubazu mutwaambo twacisi ooko nkobabelekela; tabajatikizyigwi pe. Nokuba boobo, baiminizi aaba bazwidilizya makanze aamfwulumende yacisi cankobazwa. Ncimwi buyo abasikutobela Kristo bananike ‘basicisi bakujulu.’ (Bafilipi 3:20) Masimpe ngakuti, akaambo kakukambauka makani aa Bwami cabusungu, bagwasya tuulunzuma twa “mbelele zimbi” zya Kristo ‘kuyanzana a Leza.’ (Johane 10:16; Matayo 25:31-40) Ibambelele zimbi bagwasya banabokwabo Jesu bananike, aboobo mbatumwa ba Kristo. Akaambo kakuti inkamu eezyi zyobilo zilikamantene mukusumpula Bwami bwa Mesiya, tabatoli lubazu nokuceya mutwaambo twacisi.—Amubale Isaya 2:2-4.\\n5. Ino mbungano ya Banakristo iindene buti abana Israyeli bansiku, alimwi ino mbuti Banakristo mbobatondezya kuti baliindene?\\n5 Ikusyomeka kuli Kristo takali nkakaambo kalikke kapa kuti Banakristo bakasimpe kabatatoli lubazu mutwaambo twacisi. Mukwiimpana abana Israyeli bansiku Leza mbaakapede cisi cibageme, swebo tuli babunyina ibajanika munyika yoonse. (Matayo 28:19; 1 Petro 2:9) Aboobo, ikuba munkamu imwi yatwaambo twacisi kulakonzya kupa kuti tutanikwaanguluki kwaamba mulumbe wa Bwami alimwi inga catulesya kukamantana a Banakristoma. (1 Bakorinto 1:10) Kunze lyaboobo, ikuti kwaba nkondo, inga capa kuti katulwana abasyomima aabo mbotulaililwa kuti tweelede kubayanda. (Johane 13:34, 35; 1 Johane 3:10-12) Nkakaambo kaako Jesu ncaakaambila basikwiiya bakwe kuti tabeelede kubelesya panga naa kulwana. Alimwi wakabaambila kuti beelede kubayanda basinkondonyina.—Matayo 5:44; 26:52; amubone kabbokesi kakuti “ Sena Tanditoli Lubazu Mutwaambo Twacisi?”\\n6. Ino kulyaaba kwanu kuli Leza kuzijatikizya buti nzyomumucitila Kaisara?\\n6 Mbwaanga tuli Banakristo bakasimpe, twakalyaaba kuli Leza ikutali kumuntu, kumbunga yabantu naa kucisi cili coonse. Lugwalo lwa 1 Bakorinto 6:19, 20 lwaamba kuti: “Buumi mbomujisi tabuli bwanu nobeni pe, nkaambo mwakaulwa amuulo waatala.” Aboobo, nokuba kuti “Kaisara” balamupa zintu zyakwe mbuli bulemu, mutelo, akulibombya kulinguwe kusikila waawo Leza mpabazumizyide kucita boobo, basikutobela Jesu bapa ‘zintu zya Leza kuli Leza.’ (Marko 12:17; Baroma 13:1-7) Eeci cibikkilizya kumukomba, kumuyanda camoyo woonse, kusyomeka kulinguwe alimwi akumumvwida. Ikuti kakuyandika, balilibambilide kujaigwa akaambo ka Leza.—Luka 4:8; 10:27; amubale Milimo 5:29; Baroma 14:8.\\nBANAKRISTO BAKUSAANGUNA TIIBAKALI KUTOLA LUBAZU MUTWAAMBO TWACISI\\nImakani aansiku atondezya kuti Banakristo bakusaanguna tiibakali kutola lubazu mutwaambo twacisi alimwi amunkondo. Bbuku lyakuti The Beginnings of Christianity lyaamba kuti: “Aabo ibakatalisya Bunakristo tiibakali kuyandila limwi kutola lubazu noluceya mutwaambo twacisi.” Mbubonya buyo, ibbuku lyakuti On the Road to Civilization lyaamba kuti: “Baleli bamasi tiibakali kubamvwisya Banakristo alimwi tiibakali kubayanda. . . . Banakristo bakali kukaka kucita milimo imwi njobakali kucita bana Roma. . . . Tiibakali kunjila mulimo uujatikizya twaambo twacisi.”\\nIkujatikizya Banakristo bakusaanguna mbobakali kuubona mulimo wabusikalumamba, sikwiiya makani aabukombi waku Germany Peter Meinhold wakati: “Kuba Munakristo alimwi akuba sikalumamba tiizyakali kweendelana pe.” Mumakani aajisi mutwe wakuti “An Inquiry Into the Accordancy of War With the Principles of Christianity,” mulembi wamakani aabukombi, Jonathan Dymond wakalemba kuti kwaciindi cili mbocibede kuzwa ciindi Jesu naakafwa, basikumutobela “bakali kukaka kutola lubazu [munkondo]; bakalilibambilide kupenga, kusampaulwa, kubikkwa muntolongo naa kujaigwa.” Dymond wakazumanana kwaamba kuti: “Imakani aaya ngamasimpe.” Mulembi aumwi wakati, “Bunakristo nobwakasofwaala,” ndendilyo Banakristo nobakatalika kuba basikalumamba.\\n7, 8. Ino “muuya wanyika” ninzi, alimwi ino “ubeleka” buti mubantu batamvwi?\\n7 Nzila imbi Banakristo mbobalyaandaanya kunyika nkwiinda mukukaka muuya wanjiyo mubyaabi. Paulo wakalemba kuti: “Tiitwakatambula muuya wanyika, pele twakatambula muuya uuzwa kuli Leza.” (1 Bakorinto 2:12) Wakaambila bana Efeso kuti: “Mwakali kweenda aciindi cimwi kweelana . . . anyika eeyi, kweelana amuleli uujisi bweendelezi bwamuwo, nkokuti imuuya ooyo lino uubeleka mubana batamvwi.”—Baefeso 2:2, 3.\\n8 “Muwo” naa muuya wanyika ninguzu zitalibonyi, izyeendelezya bantu akubapa kuti kabatamumvwidi Leza akuba ‘azisusi zyanyama alimwi azisusi zyameso.’ (1 Johane 2:16; 1 Timoteyo 6:9, 10) Muuya ooyu ulijisi “bweendelezi” mukuti upa bantu kunyomenena milimo mibi yanyama, ulakatazya kuzyiba, ulazumanana kupenzya alimwi mbuli muwo nkuuli koonse-koonse. Kunze lyaboobo, ‘ulabeleka’ asyoonto-syoonto mubantu batamvwi kusikila mane baba abube butamukkomanisyi Leza, mbuli kuliyanda, kulisumpula, busyaacivwulemwangu, buzangi alimwi akutalilemeka. * Mubufwaafwi, muuya wanyika upa kuti mukuya kwaciindi muntu abe abube bwa Diabolosi mumoyo wakwe.—Johane 8:44; Milimo 13:10; 1 Johane 3:8, 10.\\n9. Ino mbuti muuya wanyika mboukonzya kutunjila mumoyo akweendelezya mizeezo yesu?\\n9 Sena muuya wanyika ulakonzya kumunjila mumoyo akweendelezya mizeezo yanu? Inzya, pele lilikke buyo ikuti mwatacenjela alimwi mwauzumizya kuti ucite boobo. (Amubale Tusimpi 4:23.) Ulakonzya kutalika kumweendelezya munzila njomutayeeyeli, ambweni kwiinda mukumvwana abantu baboneka mbuli kuti bali kabotu pele ibatamuyandi Jehova. (Tusimpi 13:20; 1 Bakorinto 15:33) Kunze lyaboobo, muuya ooyu mubi ulakonzya kumunjila kwiinda mukubala mabbuku mabi, kweebelela zintu ziletela muzeezo wakoonana, kubala nzyobalemba basiluleyo aa Intaneti, kulikondelezya kubi naa muzisobano zyakuyanda kuzunda ziyume zitete—mubwini, muuya wanyika ulakonzya kumunjila kwiinda mukuyungwa amuntu naa cintu cili coonse cikonzya kutupa kuyeeya mbuli Saatani naa nyika yakwe.\\n10. Ino mbuti mbotukonzya kuukaka muuya wanyika?\\n10 Mbuti mbotukonzya kukaka muuya mubi wanyika akuzumanana kukkala muluyando lwa Leza? Nkwiinda buyo mukuzibelesya kabotu zintu zyakumuuya zyoonse nzyatupa Jehova akupaila ikulomba muuya uusalala lyoonse. Jehova ulaanguzu kapati kwiinda Diabolosi naa nyika mbyaabi yeendelezyegwa a Saatani. (1 Johane 4:4) Aboobo, cilayandika kapati kupaila kuli Jehova lyoonse!\\nSENA TANDITOLI LUBAZU MUTWAAMBO TWACISI?\\nNjiisyo: “Bwami bwangu tabuli bwanyika eeyi.”—Johane 18:36.\\nIno mbuti mbondikonzya kumupanduluda muntu kuti ikuuma silutu kundembela ncimwi buyo akukomba mituni? *—Kulonga 20:4, 5; 1 Johane 5:21.\\nNondibapanduluda nconditatoleli lubazu mumapobwe amwi aacisi, ino mbuti mbondikonzya kutondezya bulemu kuli baabo batasyomi nzyondisyoma?—1 Petro 3:15.\\nIno ntwaambo nzi tundipa kutatola lubazu munkamu imwi yatwaambo twacisi naa kunjila mulimo wabusikalumamba?—Johane 13:34; 1 Johane 3:10-12.\\nKUSAMA CABULEMU AKULIBAMBA KABOTU\\n11. Ino muuya wanyika upa kuti bantu kabasama buti?\\n11 Tulakonzya kuzyiba muuya uumweendelezya muntu kwiinda mukubona mbwasama, mbwalibamba ambwalibonya mumakani aabulondo. Mumasi manji, bantu banji tabasami kabotu cakuti simubweza twaambo umwi wakaamba kuti lino-lino kunakunyina kwiindana akati kabavwuule abantu buyo. Nobaba basimbi batanakubuka balayungwa amuuya ooyu cakuti muteende umwi wakaamba kuti bana aaba bali acilengwa “cakusama zisani zitondezya mubili alimwi zitapi bulemu.” Ciyanza cimwi cijatikizya kusama cabuyamba, munzila iitondezya muuya wabuzangi akubula bulemu.\\n12, 13. Ino ninjiisyo nzi nzyotweelede kutobela caboola kumakani aakusama akulibamba?\\n12 Mbwaanga tuli babelesi ba Jehova, tuyanda kuti katuboneka kabotu, calo icaamba kuti tweelede kusama zisani zyeelede, zinyina tombe, ziboneka kabotu alimwi zyeendelana ancotucita aciindi eeco. Ciindi coonse, kufwumbwa naa tuli basimbi naa basankwa, nsamino yesu alimwi ambotulibonya kubikkilizya ‘amilimo mibotu’ yeelede kutondezya ‘bulemu alimwi akulibatamika,’ ooko kuyandika kuli baabo “balyaamba kuti balilyaabide kuli Leza.” Masimpe, tatusamini kuti bamwi batubone pe, pele tuyanda kuti ‘tuzumanane kukkala muluyando lwa Leza.’ (1 Timoteyo 2:9, 10; Juda 21) Ee, ncotuyanda ncakuti kulisakatizya kwesu ikwiinda kubota kakuli “kwamuntu wamukati kamoyo . . . , ooyo uuyandika kapati mumeso aa Leza.”—1 Petro 3:3, 4.\\n13 Kuyungizya waawo, mutalubi kuti mbotusama ambotulibamba kulakonzya kubakulwaizya bamwi kutobela bukombi bwakasimpe naa kubatyompya. Ibbala lya Chigiriki lyakasandululwa kuti “cabulemu,” nolibelesyegwa kwaamba kulilemeka lipa muzeezo wakuba abulemu naa kubikkila maano mbobalimvwa bamwi. Aboobo, tweelede kwaabikkila maano kapati manjezyeezya aabamwi muciindi cakuyeeya buyo kuti tulakonzya kusama kufwumbwa mbotuyanda. Kwiinda zyoonse, tuyanda kupa kuti Jehova abantu bakwe balemekwe alimwi akulitondezya kuti tuli babelesi ba Leza, ibacita “zintu zyoonse kutegwa Leza alemekwe.”—1 Bakorinto 4:9; 10:31; 2 Bakorinto 6:3, 4; 7:1.\\nSena nsamino yangu naa mbondiboneka zipa bulemu kuli Jehova?\\n14. Caboola kumakani aabulondo alimwi ambotuboneka, ino mibuzyo nzi njotweelede kulibuzya?\\n14 Ikulibamba, kusama kabotu alimwi abulondo zilayandika kapati kwaambisya notutola lubazu mumulimo wamumuunda anotujanika kumiswaangano ya Bunakristo. Amulibuzye kuti: ‘Sena mbondilibamba ambondiboneka mumakani aabulondo cipa kuti bantu kabandilangisya akugambwa? Sena kupa kuti bamwi kabafwa nsoni naa kutyompwa? Sena nzyondicita mumakani aaya zitondezya kuti ndibikkila maano kapati kuzintu nzyondiyanda alimwi nsikombeleli nokuba kuti inga zyandilesya kupegwa mikuli mumbungano?’—Intembauzyo 68:6; Bafilipi 4:5; 1 Petro 5:6.\\n15. Ino nkaambo nzi Jwi lya Leza ncolitapi mulongo wamilawo yeelede kutobelwa caboola kumakani aakusama, kulibamba abulondo?\\n15 Bbaibbele kunyina nolipa mulongo wamilawo njobeelede kutobela Banakristo caboola kumakani aakusama, kulibamba alimwi abulondo. Jehova tatukasyi kulisalila naa kubelesya bongo bwesu. Muciindi caboobo, uyanda kuti tube bantu basimide ibabelesya njiisyo zyamu Bbaibbele alimwi “ibalaamaano aayiisyidwe kwaandaanya ciluzi acitaluzi kwiinda mukwaabelesya.” (Bahebrayo 5:14) Kwiinda zyoonse, uyanda kuti katucita zintu akaambo kaluyando—nkokuti kuyanda Leza abasimukoboma. (Amubale Marko 12:30, 31.) Kulakonzya kuba nzila ziindene-indene zyakulibamba akusama izyeendelana anjiisyo zyamu Bbaibbele. Eeci cilakonzya kubonwa munsamino mbotu yamakamu-makamu aabantu ba Jehova bakkomene ibaswaangana mumasena aaindene-indene nyika yoonse mboizulwa.\\nKUUBYA-UBYA BUUMI BWESU\\n16. Ino muuya wanyika wiindene buti anzyaakayiisya Jesu, alimwi ino mibuzyo nzi njotweelede kulibuzya?\\n16 Muuya wanyika uleena alimwi upa kuti bantu banji kapati kabasyoma kuti mali azintu zyakumubili nzyezikonzya kubapa kukkomana. Pele, Jesu wakati: “Nokuba kuti muntu kajisi zintu zinji buti, ibuumi bwakwe tabuzwi kuzintu eezyo nzyajisi.” (Luka 12:15) Nokuba kuti kunyina naakaamba kuti tweelede kuciindizya kuliimya, Jesu wakayiisya kuti “aabo bazyi kuti bayandika kusololelwa a Leza” alimwi abaabo bazumanana kuubya-ubya buumi bwabo naa ibajisi liso ‘lilangide buyo acintu comwe,’ nkokuti lilangide aazintu zyakumuuya, balakonzya kujana buumi alukkomano lwini-lwini. (Matayo 5:3; 6:22) Amulibuzye kuti: ‘Sena ndilazisyoma ncobeni nzyaakayiisya Jesu naa ndilayungwa a ���usyi wabubeji”? (Johane 8:44) Ino nzyondaamba, mbaakani zyangu, nzyondibikka kumbele mubuumi bwangu naa mbondipona zitondezya kuti ndili muntu uuli buti?’—Luka 6:45; 21:34-36; 2 Johane 6.\\n17. Amwaambe mpindu zimwi nzyobajana aabo bazumanana kuubya-ubya buumi bwabo.\\n17 Jesu wakaamba kuti: “Busongo bulabonwa kuti buliluleme kwiinda mumilimo yambubo.” (Matayo 11:19) Atulange mbobagwasyigwa aabo bazumanana kuubya-ubya buumi bwabo. Balakatalukwa ncobeni mumulimo wa Bwami. (Matayo 11:29, 30) Tabalibiliki kapati alimwi eeci cibagwasya kutacita zintu zikonzya kubapa kupenga kapati mumizeezo alimwi amumoyo. (Amubale 1 Timoteyo 6:9, 10.) Akaambo kakukkutila azintu nzyobajisi, balaba aciindi cinji cakukkala amukwasyi wabo alimwi abalongwe Banakristo. Aboobo, balakonzya koona kabotu kakunyina acibanyonganya. (Mukambausi 5:12) Balaakukkomana kapati nobapa kufwumbwa ncobakonzya. (Milimo 20:35) Kunze lyaboobo, ‘balaindila kuba abulangizi’ alimwi balikkalikene mumizeezo. (Baroma 15:13; Matayo 6:31, 32) Masimpe, eezyi nzilongezyo zitaliboteli!\\nKUSAMA “ZILWANYO ZYOONSE”\\n18. Ino Bbaibbele limupandulula buti sinkondoma anzila nzyabelesya, alimwi ankondo njotulwana?\\n18 Alimwi aabo bazumanana kukkala muluyando lwa Leza balakwabililwa munzila yakumuuya kuli Saatani, ooyo uuyanda kuti Banakristo kabatakkomani akuti batakajani buumi butamani. (1 Petro 5:8) Paulo wakaamba kuti: “Tujisi nkondo yakutingana, ikutali abantu bajisi mubili wanyama abulowa pe, pele amfwulumende, beendelezi, baleli banyika bamudima ooyu alimwi amyuuya mibi iili mumasena aakujulu.” (Baefeso 6:12) Mabala aakuti “nkondo yakutingana” atondezya kuti nkondo yesu taili yakulwana amuntu uuli kulamfwu —katuyubide abusena bumwi bukwabilidwe—pele cili mbuli kulwana kamando. Kuyungizya waawo, mabala aakuti “mfwulumende,” “beendelezi,” alimwi a “baleli banyika” atondezya kuti myuuya mibi ilibikkidwe mumakamu-makamu alimwi ilicenjede.\\n19. Amupandulule zilwanyo zyakumuuya nzyayelede kusama Munakristo.\\n19 Pele nokuba kuti tuli bantu buyo alimwi tulalezya, tulakonzya kuzunda. Munzila nzi? Tulakonzya kucita oobo kwiinda mukusama “zilwanyo zyoonse zizwa kuli Leza.” (Baefeso 6:13) Ikupandulula zilwanyo eezyo, lugwalo lwa Baefeso 6:14-18 lwaamba kuti: “Amwiime nji, kamulyaangide kasimpe mucibuno mbuli lutambo alimwi kamusamide cilikwabilizyo cakucamba cabululami, akwalo kumaulu aanu kamusamide kabotu ikulibambila kwaambilizya makani mabotu aaluumuno. Kunze lyazintu eezyi zyoonse, amubweze ntobo mpati yalusyomo, iiyoomupa kucikonzya kuzima mivwi yoonse iiyaka mulilo iifwuswa amubi. Kunze lyaboobo, amucitambule acalo cimpoompo calufwutuko [naa bulangizi bwalufwutuko] alimwi apanga lyamuuya, nkokuti ijwi lya Leza. Aciindi nciconya, amuzumanane kupaila ciindi coonse mumuuya, ikubelesya misyobo yoonse yamipailo alimwi amisyobo yoonse yakukombelezya.”\\n20. Ino nkondo yesu yiindene buti ayabasikalumamba bazisi?\\n20 Mbwaanga zilwanyo eezyi zyakumuuya zizwa kuli Leza, tulakonzya kuba masimpe kuti zilakonzya kutukwabilila ikuti naa tulazisama lyoonse. Ikwiindana abasikalumamba ibalyookezya kwaciindi cilamfwu zimwi ziindi mumulimo wabo, Banakristo balo balalwana lyoonse kulwanina buumi bwabo alimwi inkondo eeyi iyakumana buyo ciindi Leza aakunyonyoona nyika ya Saatani akuwaala myuuya mibi yoonse mumulindi uutagoli. (Ciyubunuzyo 12:17; 20:1-3) Aboobo, mutatyompwi ikuti naa mulakatazyigwa atumpenda naa zisusi zyanyama, nkaambo toonse buyo tuyandika ‘kudinkaula’ mibili yesu kutegwa tuzumanane kusyomeka kuli Jehova. (1 Bakorinto 9:27) Mubwini, ikuti naa tatutoli lubazu munkondo eeyi nkokuti kuli cilubide!\\n21. Ino muunzila nzi ilikke motukonzya kuzunda munkondo yakumuuya?\\n21 Kuyungizya waawo, tatukonzyi kuzunda munkondo eeyi munguzu zyesu tobeni. Nkakaambo kaako, Paulo utuyeekezya kuti tweelede kupaila kuli Jehova “ciindi coonse mumuuya.” Kulubazu lumwi, tweelede kumuswiilila Jehova kwiinda mukwiiya Jwi lyakwe akuyanzana abasikalumambama bakumuuya ciindi coonse, nkaambo munkondo eeyi tatuli tolikke pe! (Filimoni 2; Bahebrayo 10:24, 25) Aabo basyomeka muzintu zyoonse eezyi bayakuzunda alimwi akwiiminina lusyomo lwabo cakutayoowa ciindi nolusunkwa.\\nAMULIBAMBILE KWIIMININA LUSYOMO LWANU\\n22, 23. (a) Nkaambo nzi ncotweelede kulibambila lyoonse kwiiminina lusyomo lwesu, alimwi ino mibuzyo nzi njotweelede kulibuzya? (b) Makani nzi aatiilangwe-langwe mucibalo citobela?\\n22 Jesu wakaamba kuti: “Akaambo kakuti tamuli banyika, . . . nkakaambo kaako nyika ilimusulide.” (Johane 15:19) Aboobo, Banakristo lyoonse beelede kulibambila kwiiminina lusyomo lwabo cabulemu alimwi amoyo mubombe. (Amubale 1 Petro 3:15.) Amulibuzye kuti: ‘Sena ndilikazyi kaambo Bakamboni ba Jehova zimwi ziindi ncobatatoli lubazu mukucita zintu bantu banji nzyobacita? Nondiyandika kukaka kutola lubazu muzintu nzyobacita bantu banji, sena ndilasyoma kuti ncolyaamba Bbaibbele alimwi amuzike uusyomeka cililuzi? (Matayo 24:45; Johane 17:17) Caboola kukucita cintu ciluzi mumeso aa Leza, sena inga ndililibambilide alimwi ndicibona kuba coolwe ikwiindana abamwi?’—Intembauzyo 34:2; Matayo 10:32, 33.\\n23 Nokuba boobo, kanji-kanji Saatani ulatusunka munzila nzyotutayeeyeli kutegwa tucileke kuzumanana kulyaandaanya kunyika. Mucikozyanyo, mbuli mbokwaambwa kale, Diabolosi usola kuyunga babelesi ba Jehova kuti babe banyika kwiinda mukulikondelezya azintu zyamunyika. Mbuti mbotukonzya kusala kulikondelezya kubotu ikukonzya kupa kuti tukatalukwe akuzumanana kuba amanjezyeezya mabotu? Makani aaya alalangwa-langwa mucibalo citobela.\\n^ munc. 3 Kuzwa ibuzuba bwa Pentekoste 33 C.E., Kristo wali Mwami weendelezya mbungano yabasikumutobela bananike ibali anyika. (Bakolose 1:13) Mu 1914, Kristo wakapegwa nguzu zyakweendelezya “bwami bwanyika.” Aboobo, mazuba aano Banakristo bananike mbaiminizi ba Bwami bwa Mesiya.—Ciyubunuzyo 11:15.\\n^ munc. 8 Amubone bbuku lya Kukambitsirana za m’Malemba, amapeeji 323-332, lyakamwaigwa a Bakamboni ba Jehova.\\n^ munc. 65 Amubone Makani Aayungizyidwe mucibalo cakuti “Kusuluta Ndembela, Kuvwoota Alimwi Amilimo Iitali Yabusikalumamba.”\\nKugwasyilizya Mfwulumende ya Leza Ilikke Cakusyomeka\\n“Mulonga” wamapenzi aakaletwa ali Bakamboni ba Jehova akaambo kakutatola lubazu mutwaambo twacisi wakamanizyigwa anzila iyatakali kuyeeyelwa.\\nNkukozyanya nzi kuliko mutwaambo ootu totatwe: kutantamuka kunyonganizyigwa, kupa Jehova zintu ziinda kubota, alimwi akulya cakulya ciyumu cakumuuya?\\nAmwiiye akubona mbociyandika kuswiilila jwi lya Jehova alimwi akubandika anguwe. Cibalo eeci cilatugwasya kubona mbotukonzya kweeleba kusunkwa a Saatani alimwi ambotukonzya kutalekela kutalondoka kwesu kutupa kuti tutabikkili maano kukuswiilila Jehova.","num_words":2362,"character_repetition_ratio":0.051,"word_repetition_ratio":0.0,"special_characters_ratio":0.186,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Chitonga | cejzambia\\nEnglish to Chitonga Translation\\nChitonga: Bukaka bwa Migodi yoonse bujatikizya bubelesi bwanyika, kusowa tombe, meenda, muya alimwi a busofwazyi bwa bulongo, calo eeci cetwa kwiinda mukusya, bubambe a bubelesi bwazyezyo zyiyandika.\\nChitonga: Tatukonzyi kulindila nguzu zyabulondo limbi pe. Kumbele kulasalala, kuli kabotu alimwi anguzu zyolololwa. Nchiyandisi kuti zisi ziyobwezye mu nguzu zya zuba\/ zilololwa alimwi a kuleya kubelesya nguzu zya mingwimba.\\nChitonga: Mulawo alimwi abubelesi bwendelezya kuswaangana akati ka mfulumende acisi cayo alimwi abayobozyi mumigodi nenguzu zipati zya cilongwe akati ka mfulumende abayobozyi. Bubelesi bulanganya tumpago tunji twamulawo tujatikizya bubelesi bwamumigodi alimwi a mitelo.\\nChitonga: Cisi ca Zambia canjilana a zisi zili makumi obile mukusangana, alimwi zijisi bukaka mubweendelezi bwa zilengwa Leza. Kwaandana kwakuswaangana, kuli kwaandana kwamisela ya bubambe a kupangwa. Cisi ca Zambia cibulide kuzyiba alimwi akusangana Kwa buleya kuti kube kubeleka antomwe mukutondeya buyumu-yumu bwa masena azingulukide alimwi akupanga muzezo wakubamba akuzyiba masena a zingulukinde.","num_words":144,"character_repetition_ratio":0.071,"word_repetition_ratio":0.0,"special_characters_ratio":0.15,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Lulayo lulagwasya kumwana mbubwenya mbuli nkasi naa cakukwasuzya bwato mbocipa kuti bwato buzumanane kweenda kabotu\\nIbbala lyakuti kulaya lilakonzya kwaamba kusololela naa kuyiisya. Zimwi ziindi, kulakonzya kubikkilizya kululamika mwana akaambo kabukkale bwakwe butali kabotu. Pele kanji-kanji libikkilizya kuyiisya mwana kuzyiba mbwakonzya kusala kabotu.\\nMumyaka misyoonto yainda, bana tiibali kulaigwa mumikwasyi imwi nkaambo bazyali bali kuyoowa kuti, kulaya bana inga kwapa kuti balimvwe kubula mpindu. Nokuba boobo, bazyali basongo balabikka milawo yeelede mpoonya akuyiisya bana babo kwiitobela.\\n“Bana beelede kwaambilwa nzyobeelede kucita anzyobateelede kucita kutegwa mubagwasye kukomena kabotu. Ikuti kabatalaigwi, bana inga bakomena musiwe naa inga baba mbuli bwato bunyina nkasi naa cakukwasuzya bwato calo cikonzya kupa kuti busweeke naa kubbindamuka.”—Ba Pamela.\\nAmuzicite nzyomwaamba. Ikuti naa mwanaanu taitobeli milawo yanu, amumusubule. Kulubazu lumbi, amumulumbaizye mwanaanu naaitobela.\\n“Lyoonse ndilabalumbaizya bana bangu akaambo kakuba bana bamvwida munyika eeyi bantu banji mobatayandi kumvwida. Kubalumbaizya kupa kuti cibaubile-ubile kutambula lulayo ciindi nolwayandika.”—Ba Christine.\\nNJIISYO YAMU BBAIBBELE: “Kufwumbwa cintu muntu ncasyanga, ncencico eeco ncayootebula.”—Bagalatiya 6:7.\\nAmuzilange kabotu zintu. Ciindi nomupa lulayo, mweelede kubikkila maano kuciimo camwana, zintu nzyakonzya kucita alimwi ambocili cipati cibi ncaacita. Kanji-kanji cisubulo cilagwasya kapati ikuti capegwa kweelana acintu ncaalubizya muntu. Mucikozyanyo, mulakonzya kubaambila kuti ikuti kabataitobeli milawo yanu kujatikizya mbobeelede kubelesya fooni, muyoobanyanga naa kubakasya kwiibelesya kwaciindi cili mbocibede. Pele alimwi, amucitantamuke cilengwa cakunyema kujatikizya tuntu tutayi koomoonga akaambo kakuti nywebo tulamucima.\\n“Ndilasola kubona naa mwanaangu tanaayanda buyo kumvwida naa walubizya buya. Kuli lwiindano luliko akati kakuba akampenda kalo ikayandika kulekwa alimwi akulubizya kwalo kunga kwayandika kuti muntu akuzyibe buyo.”—Ba Wendell.\\nNJIISYO YAMU BBAIBBELE: “Mutanoobanyemyi bana banu, kutegwa batatyompwi.”—Bakolose 3:21.\\nAmube basiluyando. Bana tacibakatazyi kutambula lulayo alimwi akulubelesya ikuti kabazyi kuti bazyali babo balabalaya akaambo kakuti balabayanda.\\n“Ciindi mwaneesu naakalubizya, twakamuyeezya kuti tulamuyanda kapati akaambo kazintu zyoonse zili kabotu nzyaakasala musyule. Twakamupandulwida kuti ikulubizya ooko nkwaakacita tiikwakali kukonzya kunyonganya mpuwo yakwe kufwumbwa buyo kuti wakululamika alimwi akuti twakalilibambilide kumugwasya kucita boobo.”—Ba Daniel.\\nNJIISYO YAMU BBAIBBELE: “Luyando lulakkazika moyo alimwi lulaaluzyalo.”—1 Bakorinto 13:4.\\nKukomezya Bana Kukomezya Bakubusi Cikwati Alimwi Amukwasyi\\nBbaibbele lilapandulula zintu zyotatwe mukupa lulayo lugwasya.\\nSena Lulayo Lulapegwa Mazuba Aano?","num_words":324,"character_repetition_ratio":0.049,"word_repetition_ratio":0.0,"special_characters_ratio":0.148,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jakobo 2 | Bbaibbele Lili a Intaneti | Bbaibbele lya Busanduluzi Bwanyika Mpya\\n2 Bakwesu, sena mutondezya lusyomo mu Mwami wesu uulemekwa Jesu Kilisito, pele kumwi mulasalulula? 2 Nkaambo ikuti muntu uusamide nweenwe zyangolida kuminwe alimwi azisani zyeebeka wanjila momuswaangene, pele alimwi awalo muntu mucete uusamide zisani zili atombe wanjila, 3 sena mulemeka yooyo uusamide zisani zyeebeka akwaamba kuti: “Amukkale waawa mubusena oobu bubotu,” pele mucete mwamwaambila kuti: “Yebo koide kwiimvwi,” naa kuti: “Kkala waalya munsi aacilyatilo camaulu aangu”? 4 Ikuti naa mboobo, sena tamusalululani akati kanu, alimwi sena tiimwaba babetesi bakosola milandu munzila mbyaabi? 5 Amuswiilile, bakwesu nomuyandwa. Sena Leza tanaakasala baabo nyika eeyi mboibona kuti mbacete kuba bavwubi mulusyomo alimwi abasikukona Bwami, oobo mbwaakasyomezya kuli baabo bamuyanda? 6 Pele nywebo mwasampaula mucete. Sena tabali bavwubi ibamudyaaminina akumukwelaanya kumutola kunkuta? 7 Sena tabasampauli zyina libotu eelyo ndimwakapegwa? 8 Lino ikuti naa mulautobela mulawo wamwami kweelana alugwalo lwaamba kuti: “Weelede kuyanda simukobonyoko mbubonya mbuli mboliyanda omwini,” mucita kabotu kapati. 9 Pele ikuti kamuzumanana kusalululana, mucita cibi, alimwi mulasinswa amulawo ooyu kuti muli basikusotoka mulawo. 10 Nkaambo ikuti umwi kabamba milawo yoonse mu Mulawo pele wasotoka omwe, waba sikusotoka yoonse. 11 Nkaambo ooyo wakaamba kuti: “Utaciti bumambe,” alimwi wakati: “Utajayi muntu.” Lino ikuti kotaciti bumambe pele kojaya bantu, waba sikusotoka mulawo. 12 Amuzumanane kwaambaula alimwi akulilemeka mbuli baabo ibayoobetekwa amulawo wabantu baangulukide. 13 Nkaambo ooyo uutafwidi bamwi luse uyoobetekwa kakunyina kufwidwa luse. Aboobo luse lulisumpukide kapati kwiinda lubeta. 14 Bakwesu, ino cigwasya nzi ikuti naa umwi waamba kuti ulijisi lusyomo pele katajisi milimo? Sena lusyomo oolo lulakonzya kumufwutula? 15 Ikuti mukwesu naa mucizyi katajisi zyakusama alimwi katajisi cakulya cikkwene buzuba oobo, 16 kumane umwi wanu wabaambila kuti: “Mweende kabotu muluumuno, mujane zyakusama azyakulivwumba alimwi azyakulya zikkwene,” ino eeci cigwasya nzi ikuti tiimwabapa iziyandika kumibili yabo? 17 Mbubonya buyo, ilusyomo lulikke buyo, kakunyina milimo, lulifwide. 18 Nokuba boobo, umwi inga waamba kuti: “Yebo ujisi lusyomo, mebo ndijisi milimo. Nditondezye lusyomo lwako kakunyina milimo, eelyo mebo ndilakutondezya lusyomo lwangu kwiinda mumilimo yangu.” 19 Tee ulasyoma kuti kuli buyo Leza omwe? Ucita kabotu. Pele aalo madaimona alasyoma oobo alimwi alakankama. 20 Pele sena yebo omuntu mufwubafwuba ulayanda kuzyiba kuti lusyomo ilunyina milimo ndwabuyo? 21 Sena Abulahamu taateesu tanaakaambwa kuti mululami akaambo kamilimo naakamana kutuula Izaka mwanaakwe acipaililo? 22 Wabona kuti lusyomo lwakwe lwakeendela antoomwe amilimo yakwe alimwi lusyomo lwakwe lwakalondolwa kwiinda mumilimo yakwe, 23 alimwi lwakazuzikizyigwa lugwalo lwaamba kuti: “Abulahamu wakasyoma Jehova, eelyo wakabonwa kuti mululami,” alimwi wakaitwa kuti “mulongwe wa Jehova.” 24 Mwabona kuti muntu weelede kwaambwa kuti mululami akaambo kamilimo, ikutali akaambo kalusyomo lulikke pe. 25 Mbubonya buyo, sena Lahabu mukaintu muvwuule awalo tanaakaambwa kuti mululami akaambo kamilimo, naakamana kutambula batumwa camaanza obilo akubainzya nzila iimbi nobakali kupiluka kwabo? 26 Ncobeni, mbubonya mubili uunyina muuya mbuufwide, alwalo lusyomo lunyina milimo lulifwide.","num_words":430,"character_repetition_ratio":0.055,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ikaambo Kugwisyigwa Mumbungano Ncobuli Bubambe Bwaluyando | Yakwiiya\\nNgazi Yamulindizi—Yakwiiya | April 2015\\nAMUBALE MU Acholi Albanian Amharic Arabic Armenian Aymara Azerbaijani Azerbaijani (Cyrillic) Bengali Bicol Bislama Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chuvash Cibemba Cinyanja Croatian Czech Danish Drehu Dutch Efik English Estonian Fijian Finnish French Georgian German Greek Guarani Gujarati Gun Haitian Creole Hausa Hebrew Hiligaynon Hindi Hiri Motu Hmong (White) Hungarian Icelandic Igbo Iloko Indonesian Isoko Italian Japanese Kannada Kazakh Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Latvian Lithuanian Luganda Lunda Luo Luvale Macedonian Malagasy Malay Malayalam Mambwe-Lungu Marathi Mauritian Creole Maya Mixe (North Central) Mongolian Ndebele (Zimbabwe) Nepali Norwegian Oromo Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Punjabi Quechua (Bolivia) Quichua (Imbabura) Romanian Runyankore Russian Samoan Sango Serbian (Cyrillic) Serbian (Roman) Seychelles Creole Shona Sidama Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tajiki Tamil Tatar Telugu Thai Tigrinya Tiv Tok Pisin Tshiluba Turkish Turkmen Turkmen (Cyrillic) Tuvaluan Tzotzil Ukrainian Urdu Uzbek Vietnamese Wallisian Waray-Waray Wayuunaiki Wolaita Yoruba Zande Zapotec (Isthmus)\\nIkaambo Kugwisyigwa Mumbungano Ncobuli Bubambe Bwaluyando\\nMUKWESU umwi uutegwa Julian wakaamba kuti: “Ciindi mwanaangu musankwa naakaambilizyigwa kuti wagwisyigwa mumbungano, ndakanyongana kapati. Ngowakali mwanaangu wakusaanguna, alimwi twakali kumvwana kapati, twakali kucita zintu zinji antoomwe. Wakali musankwa iwakali cikozyanyo cibotu, cakutayeeyela wakatalika kupona munzila iitali kabotu. Bakaintu bangu bakali kulila ziindi zinji, alimwi taakwe ncondakali kukonzya kucita kutegwa ndibaumbulizye. Twakali kulipa mulandu wakuti ambweni kuli mbazu imwi njotwakaalilwa kuzuzikizya mbuli bazyali.”\\nPele mbuti mbotukonzya kwaamba kuti kugwisyigwa kwa Munakristo mumbungano mbubambe bwaluyando kakuli ncintu cicisa kapati? Ino Magwalo aamba nzi kujatikizya makani aaya? Alimwi ncinzi cini icipa kuti muntu agwisyigwe mumbungano?\\nZINTU ZYOBILO IZIPA KUTI MUNTU AGWISYIGWE MUMBUNGANO\\nKuli zintu zyobilo izipa kuti Kamboni wa Jehova agwisyigwe mumbungano. Cakusaanguna ncakuti, Kamboni uubbapatizyidwe wacita cibi cipati. Cabili, muntu ooyo iwacita cibi tatondezyi kweempwa.\\nNokuba kuti Jehova ulizyi kuti tatulondokede, ulijisi zyeelelo zisalala nzyayanda kuti babelesi bakwe kabatobela. Mucikozyanyo, Jehova tayandi kuti katucita zibi zipati mbuli bwaamu, kukomba mituni, kubba, bugwebenga, kujaya, alimwi akusyoma mizimo.—1Kor. 6:9, 10; Ciy. 21:8.\\nSena taali masimpe kuti zyeelelo zya Jehova tulakonzya kuzitobela alimwi akuti zilatukwabilila? Sena kuli muntu uutakkomani kukkala abantu basiluumuno, balilemeka alimwi basyomeka? Akati kabakwesu abacizyi bakumuuya mpaajanika bantu bali boobu, cili boobu akaambo kakuti tulapona kweelana amalailile aa Leza aajanika mu Jwi lyakwe ngotwakakonkezya kuti tuyakwaatobela ciindi notwakalyaaba kulinguwe.\\nPele mbuti kuti Munakristo uubbapatizyidwe wacita cibi cipati akaambo kakutalondoka? Babelesi ba Jehova bakaindi bakali kucita zibi zipati, pele Leza tanaakabakaka cakumaninina. Cikozyanyo cibotu ncikozyanyo ca Mwami Davida. Davida wakacita bumambe alimwi acibi cakujaya muntu; nokuba boobo musinsimi Natani wakamwaambila kuti: “Jehova wakulekelela cibi cako.”—2Sam. 12:13.\\nLeza wakamulekelela Davida akaambo kakuti wakeempwa kuzwa ansi aamoyo. (Int. 32:1-5) Mbubwenya buyo, awalo mubelesi wa Jehova mazuba aano ulakonzya kugwisyigwa mumbungano ikuti tanaatondezya kweempwa naa ikuti wazumanana kucita cibi. (Mil. 3:19; 26:20) Ikuti naa tanaatondezya kuti weempwa ncobeni kubaalu ibali mukkomiti yalubeta, muntu wacita cibi weelede kugwisyigwa mumbungano.\\nAkusaanguna inga twalimvwa mbuli kuti kugwisyigwa mumbungano kwamuntu wacita cibi tiikwacitwa munzila iitondezya luse, kwaambisya ikuti naa twali kumvwana amuntu ooyo wagwisyigwa. Nokuba boobo, Jwi lya Jehova lilatugwasya kuzyiba kuti kucita boobu ninzila yaluyando.\\nBUBAMBE BWAKUGWISYIGWA BULAKONZYA KUBAGWASYA BOONSE BAJATIKIZYIDWE\\nJesu wakaamba kuti “busongo bulabonwa kuti buliluleme kwiinda mumilimo yambubo.” (Mt. 11:19) Kugwisyigwa mumbungano kwamuntu iwacita cibi iwateempwa ninzila yabusongo iizyala micelo iiluleme. Amulange-lange bubotu oobu botatwe:\\nKubagwisya mumbungano bantu ibacita zibi kulemeka izina lya Jehova. Akaambo kakuti twiitwa azina lya Jehova, tulapona kweelana azina eeli. (Is. 43:10) Mbubwenya mbuli bukkale bwamwana mbobukonzya kulemeka naa kuleta masampu kubazyali bakwe, abalo bantu balakonzya kulilemeka naa kulisampaula izina lya Jehova kwiinda mubukkale bubotu naa bubi bwabantu ibaitwa azina lyakwe. Izina lya Leza libotu lilasumpulwa ikuti bantu ibaitwa azina lya Jehova kabatobela zyeelelo zyakwe zyakulilemeka. Mbobwakabede bukkale oobu ciindi camusinsimi Ezekieli ciindi bantu bamasi nobakabona kuti ba Juda mbantu ba Jehova. (Ezk. 36:19-23) Mbubwenya buyo amazuba aano, bantu banji balazumina kuti Bakamboni ba Jehova baiminina zina lya Jehova. Aboobo, izina lya Jehova lilalemekwa ciindi notutobela milawo yakwe.\\nIzina lya Jehova lilakonzya kusampaulwa ikuti twatalika kutalilemeka. Mwaapostolo Petro wakacenjezya Banakristo kuti: “Mbomuli bana baswiilila, amuleke kutobela zisusi nzyomwakajisi musyule mukutazyiba kwanu, pele mbuli Yooyo Uusalala iwakamwiita, amusalale mubukkale bwanu boonse, nkaambo kulilembedwe kuti: ‘Mweelede kusalala, nkaambo mebo ndilasalala.’” (1Pet. 1:14-16) Kulilemeka munzila iisalala kupa kuti izina lya Leza lilemekwe.\\nNokuba boobo, ikuti Kamboni wa Jehova kacita cibi, kulalangilwa kuti ambweni balongwe alimwi abantu bamwi mbazyibene limwi bayoozyiba ncacita. Bubambe bwakugwisyigwa mumbungano butondezya kuti Jehova ujisi bantu basalala ibatobela malailile aamu Magwalo kutegwa bazumanane kusalala. Muntu umwi kucisi ca Switzerland wakaunka kumiswaangano ku Ŋanda ya Bwami yakubusena ooko akwaamba kuti wakali kuyanda kuyanzana ambungano. Mucizyi wakwe wakaligwisyidwe akaambo kakutalilemeka. Wakaamba kuti wakali kuyanda kuyanzana ambunga “iitalekeli bukkale bubi.”\\nKugwisyigwa mumbungano kupa kuti mbungano ya Bunakristo izumanane kusalala. Mwaapostolo Paulo wakacenjezya bana Korinto kujatikizya bubi bwakulekela basizibi bateempwi kuzumanana kuba akati kabo. Wakakozyanisya micito yabasizibi aabo kubumena bwalo bukonzya kupa kuti fulaulu ufwufwumuke. Wakaamba kuti: “Bumena busyoonto bupa kuti mulwi woonse wafulaulu uukandidwe ufwufwumuke.” Mpoonya wakabaambila kuti: “Amumugusye muntu ooyo mubi akati kanu.”—1Kor. 5:6, 11-13.\\nKuboneka kuti “muntu ooyo mubi” ngwaakaamba Paulo wakalizyibidwe kuti tanaakali kulilemeka. Alimwi bantu bamwi mumbungano bakazyootalika kubona mbuli kuti tacilubide. (1Kor. 5:1, 2) Ikuti cibi cipati eeci nocakalekelwa, Banakristo abamwi bakali kukonzya kutalika kutobela zilengwa zyakutalilemeka kwalo ikwakadumide kapati mumunzi mobakali kukkala. Kulekela bantu bacita cibi acaali kulakonzya kupa kuti kube muuya wakuleengaana kutobela zyeelelo zya Leza. (Muk. 8:11) Kuyungizya waawo basizibi bateempwi balakonzya kuba mbuli “mabwe aatalibonyi mumaanzi” alimwi akunyonganya lusyomo lwabamwi ibali mumbungano mbuli mabwe mbwaakonzya kunyonyoona bwato.—Jud. 4, 12.\\nKugwisyigwa mumbungano kulakonzya kupa muntu wacita cibi kuti eempwe. Jesu wakaamba zyamwana musankwa iwakazwa aŋanda yabausyi walo iwakanyonyoona lubono ooko nkwaakaunka kwiinda mukupona buumi bwakutalilemeka. Mwana mutaka wakaiya ciiyo akaambo kakuzwa amunzi wabausyi. Kumamanino mwana ooyu wakeempwa, alimwi wakapiluka kumukwasyi wakwe. (Lk. 15:11-24) Bupanduluzi bwa Jesu bwausyi siluyando wamucikozyanyo iwakakkomana ciindi naakabona kuti mwanaakwe wacinca, butugwasya kuzyiba Jehova mbwalimvwa. Waamba kuti: “Tandilukkomanini pe lufwu lwamuntu mubi, pele ndiyanda kuti muntu mubi aleke nzila yakwe akuzumanana kupona.—Ezk. 33:11.\\nMbubwenya buyo, bantu bagwisyidwe mumbungano ya Bunakristo, mukwasyi wabo wakumuuya, mukuya kwaciindi balazyiba kuti bakasweekelwa cintu ciyandika kapati. Mapenzi aboola akaambo kakupona munzila iitali kabotu, alimwi akuyeeya mazuba ngobakali kukkomana ciindi nobakajisi cilongwe a Jehova alimwi abantu bakwe, zyoonse eezyi zilakonzya kubapa kucinca.\\nLuyando alimwi akukakatila kutobela zyeelelo zyamu Bbaibbele kulayandika kutegwa muntu eempwe. Sintembauzyo Davida wakaamba kuti: “Ikuti mululami wanduuma, nkokuti unditondezya luyando lutamani, ikuti wandisinsa, cili mbuli mafwuta aatilwa amutwe wangu.” (Int. 141:5) Mucikozyanyo: Amweezyeezye muntu uukatede uuli mulweendo kubusena kuli caanda. Mpoonya wafwa mpeyo kapati cakuti uyanda kwaalilwa kuyoya. Ikuti naa woona mubusena oobo muli caanda, ulakonzya kufwa. Nacilindila bantu bakonzya kumufwutula, mweenzinyina ulamuuma mabayi kumeso kutegwa ataoni. Mabayi ngamuuma alakonzya kucisa, pele kucita boobo inga kwamufwutula. Mbubwenya buyo, Davida wakazyiba kuti sikumupa lulayo inga wayandika kupa lulayo lucisa kutegwa sikupegwa lulayo agwasyigwe.\\nZiindi zinji, kugwisyigwa mumbungano kulaya muntu ooyo wacita cibi. Nokwakainda myaka iili kkumi, mwana waba Julian iwaambwa kumatalikilo aacibalo, wakabambulula buumi bwakwe, wakapiluka mumbungano, alimwi lino mwaalu. Wakaamba kuti: “Kugwisyigwa mumbungano kwakandipa kuti ndilwane mapenzi akaboola akaambo kabukkale bwangu. Lulayo ndondakapegwa ndolwakali kuyandika.”—Heb. 12:7-11.\\nNZILA YALUYANDO MBOTWEELEDE KUBABONA BANTU BAGWISYIDWE\\nMasimpe, kugwisyigwa mumbungano nintenda yakumuuya, pele ntenda eeyi tayeelede kubonwa mbuli kuti taakwe amboikonzya kucitwa. Toonse tulijisi lubazu ndotweelede kubeleka kutegwa bubambe bwakugwisyigwa mumbungano bubeleke.\\nBantu bagwisyidwe ibeempwa, balagwasyigwa kupilukila kuli Jehova.\\nBaalu ibajisi mukuli wakwaambila yooyo wagwisya kujatikizya kusala kwabo balasolekesya kapati kutondezya luyando lwa Jehova. Ciindi nobaambila muntu ooyo iwali kubetekwa kujatikizya kusala kwabo, munzila yaluzyalo alimwi iilimvwisya balamwaambila muntu ooyo nzila nzyayelede kutobela kutegwa akapiluke alimwi mumbungano. Kutegwa kabayeezya bantu ibakagwisyigwa mumbungano mbobakonzya kupilukila kuli Jehova, baalu balakonzya kunooswaya bantu aabo ibagwisyidwe ibatondezya kucinca nzila zyabo. *\\nBanamukwasyi balakonzya kutondezya luyando kumbungano akumuntu ooyo uugwisyidwe kwiinda mukulemeka kusala kwakacitwa kwakuti muntu ooyo agwisyigwe. Ba Julian bakaamba kuti: “Wakacili mwanaangu, pele bukkale bwakwe mbobwakali kutwaandaanya anguwe.”\\nBoonse mumbungano balakonzya kutondezya luyando kwiinda mukutayanzana alimwi akutabandika amuntu ooyo uugwisyidwe. (1Kor. 5:11; 2Joh. 10, 11) Ikuti bacita oobo, nkokuti bapa kuti lulayo lwa Jehova ndwaakapegwa kwiinda mubaalu lubeleke akumugwasya. Kuyungizya waawo, balakonzya kutondezya luyando alimwi akubagwasya banamukwasyi bamuntu uugwisyidwe, ibauside akaambo kacintu cakacitika kutegwa batalimvwi mbuli kuti batantamukwa abasyominyina.—Rom. 12:13, 15.\\nBa Julian bakaamba kuti: “Bubambe bwakugwisyigwa mumbungano mbubambe buyandika kapati, bwalo ibutugwasya kupona kweelana azyeelelo zya Jehova. Mukuya kwaciindi nokuba kuti cilacisa, bupa kuti kuzyalwe micelo mibotu. Ikuti nondakabulekela bukkale bubi bwamwanaangu, naatakacikonzya kupiluka mumbungano alimwi.”\\n^ par. 24 Amubone Ngazi Yamulindizi yamu Chingisi yamu April 15, 1991, mapeeji 21-23.\\nNobaalu—Ino Mulimvwa Buti Kujatikizya Kuyiisya Bamwi Milimo?\\nBaalu Mbobayiisya Bamwi Milimo Kutegwa Basike Azyeelelo\\nMAKANI AABUUMI Zilongezyo “Muziindi Zili Kabotu Amuziindi Zyamapenzi”\\nIno Nciyumu Buti Cilongwe Canu a Jehova?\\nAmusyome Jehova Lyoonse!\\nSena Cisamu Cigonkedwe Inga Casyuuka Alimwi?\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA April 2015\\nNGAZI YAMULINDIZI—YAKWIIYA April 2015","num_words":1394,"character_repetition_ratio":0.062,"word_repetition_ratio":0.0,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mboiyoomana Nyika Eeyi — LAIBBULALI YAA INTANETI ya Watchower\\nw12 9\/15 map. 3-7\\nNCINZI CIYOOCITIKA KWAAKUCAALA BUYO CIINDI CISYOONTO KUTI MAMANINO ASIKE?\\n“MWAMI MUKAINTU” WAALILWA KUZYIBA NTENDA IIMUSIKILA\\nKULWANA BANTU BA LEZA\\nBAMASI BAYOOMUZYIBA JEHOVA\\nKUNYINA BWEENDELEZI BWA NYIKA YOONSE IBUYOOBAKO ALIMWI\\nICIYOOCITIKA KULI SINKONDONYINA LEZA MUPATI\\nZYINTU IZIYOOCITIKA CIINDI CALUUMUNO KACITANASIKA\\nBwami bwa Leza Bwabagwisya Basinkondo ba BwamiBwami bwa Leza Bulalela!\\n“Tamuli mumudima pe, kuti buzuba oobo bukamusikile cakutayeeyela mbuli mbobukonzya kusikila babbi.”—1 TE. 5:4.\\nNzyintu nzi zitanacitika izitondezyedwe mumagwalo aatobela?\\n1 Batesalonika 5:3\\n1. Ncinzi ciyakutugwasya kulangila alimwi akuliyumya kumasunko?\\nZYINTU zipati ziyakucitika lino-lino. Kuzuzikizyigwa kwabusinsimi bwamu Bbaibbele bulakasinizya kaambo aaka, aboobo tweelede kulangila. Ncinzi cikonzya kutugwasya kucita oobo? Mwaapostolo Paulo utukulwaizya kuti ‘meso eesu alange zyintu zitalibonyi.’ Inzya, tweelede kuyeeya bulumbu bwesu bwabuumi butamani, kufwumbwa naa nkuujulu naa anyika. Kweelana ambwaatondezya majwi aaya, Paulo wakali kukulwaizya basyominyina kubikkila maano kubulumbu bukonzya kuboola akaambo kakusyomeka kwabo. Kucita boobo kwakali kuyoobagwasya alimwi kuliyumya kumasunko amukupenzyegwa.—2 Ko. 4:8, 9, 16-18; 5:7.\\n2. (a) Ncinzi ncotweelede kucita kutegwa tuzumanane kuba abulangizi? (b) Ncinzi ncotutiilange-lange mucibalo eeci alimwi amucibalo citobela?\\n2 Malailile aa Paulo alijisi njiisyo iiyandika kapati yakuti: Kutegwa tuzumanane kuba abulangizi, tatweelede kulanga buyo zyintu zicitika lino, pele alimwi tweelede kulanga zyintu zili kumbele. Tweelede kubikkila maano kuzyintu ziyandika kapati izitanalibonya. (Heb. 11:1; 12:1, 2) Aboobo, atulange-lange zyintu zili kkumi iziswaangene abulangizi bwesu bwabuumi butamani.*\\n3. (a) Ncintu nzi caambidwe mulugwalo lwa 1 Batesalonika 5:2, 3 iciyakucitika kumbele? (b) Ino basololi batwaambo twacisi bayoocita nzi, alimwi ino mbaani balangilwa kubasangana?\\n3 Paulo mulugwalo ndwaakalembela bana Tesalonika wakaamba cintu cimwi ceelede kucitika kumbele. (Amubale 1 Batesalonika 5:2, 3.) Wakabikkila maano kumabala aakuti “buzuba bwa Jehova.” Kweelana ambwaabelesyedwe aawa, “buzuba bwa Jehova” nciindi iciyakutalika akunyonyoonwa kwabukombi bwakubeja alimwi ciyoozumanana mane kumamanino kwankondo ya Amagedoni. Pele kabutanatalika buzuba bwa Jehova, basololi bamunyika bayakwaamba kuti “Luumuno akuliiba!” Eeci cilakonzya kwaambwa ciindi comwe naa ziindi zinji zitobelene. Izisi zilakonzya kuyeeya kuti zili afwaafwi kumanizya mapenzi aabakatazya kapati. Mbuti kujatikizya basololi bazikombelo? Mbwaanga abalo ncibeela canyika, balalangilwa kubasangana basololi batwaambo twacisi. (Ciy. 17:1, 2) Kwiinda mukucita oobo, basololi bazikombelo banooiya basinsimi bakubeja bana Juda bansiku. Kujatikizya mbabo Jehova wakaamba kuti: “[Baamba] kuti, ‘Muli aluumuno, muli aluumuno!’ anukuti taakwe luumuno pe.”—Jer. 6:14; 23:16, 17.\\n4. Ino ncinzi ncotuzyi bantu banji ncobatazyi?\\n4 Kufwumbwa uyootola lubazu mukwaamba kuti “Luumuno akuliiba!” eeci ciyakutondezya kuti buzuba bwa Jehova buyanda kutalika. Nkakaambo kaako Paulo wakaamba kuti: “Bakwesu, tamuli mumudima pe, kuti buzuba oobo bukamusikile cakutayeeyela mbuli mbobukonzya kusikila babbi, nkaambo nywebo nyoonse muli bana bamumuni.” (1 Te. 5:4, 5) Kwiimpana abantu banji, swebo tulizyi ncaamba Magwalo kujatikizya zyintu zicitika lino. Ino businsimi oobu ibujatikizya kwaamba kuti “Luumuno akuliiba!” buyakuzuzikizyigwa buti? Tweelede kulindila kutegwa tubone. Aboobo, tweelede kuba amakanze ‘aakuzumanana kupakamana akubatama.’—1 Te. 5:6; Zef. 3:8.\\n5. (a) Ino “mapenzi mapati” ayootalika buti? (b) Ino “mwami mukaintu” uuyakwaalilwa kuzyiba ntenda iiyoomusikila nguni?\\n5 Ncintu nzi cimbi citanalibonya ciyootobela kucitika? Paulo wakaamba kuti: “Kufwumbwa leelyo banooamba kuti: ‘Luumuno akuliiba!’ Aciindi nciconya eeco lunyonyooko luyoobasikila cakufwambaana.” Cibeela cakusaanguna ‘calunyonyooko iluyoobasikila aciindi nciconya eeco’ nkulwanwa kwa “Babuloni Mupati,” bulelo bwanyika yoonse bwabukombi bwakubeja, alimwi ibwiitwa kuti “mukaintu muvwuule.” (Ciy. 17:5, 6, 15) Kulwana bukombi boonse bwakubeja kubikkilizya a Bunakristo Bwanyika, ayooba ngamatalikilo “[aa]mapenzi mapati.” (Mt. 24:21; 2 Te. 2:8) Kubantu banji eeci ciyoocitika cakutayeeyelwa. Nkaambo nzi? Nkaambo kusikila aciindi eeco, mukaintu muvwuule unoolibona kuti “mwami mukaintu” alimwi kayeeya kuti ‘kunyina nayakoomoka kulila.’ Pele uyoozyiba kuti wakaalilwa kuzyiba ntenda iimusikila. Uyoonyonyoonwa cakufwambaana, mbuli kuti “mubuzuba bomwe buyo.”—Ciy. 18:7, 8.\\n6. Nguni uyoonyonyoona bukombi bwakubeja?\\n6 Ijwi lya Leza lyaamba kuti uuyoolwana mukaintu muvwuule, “munyama” uujisi “meja aali kkumi.” Kwiiya bbuku lya Ciyubunuzyo kutondezya kuti munyama ooyu wiiminina United Nations (Lukamantano lwa Zisi). “Meja aali kkumi” aiminina basitwaambo twacisi boonse ibagwasyilizya “munyama uusalala pyu.”* (Ciy. 17:3, 5, 11, 12) Ino kulwanwa ooku kunooli kupati buti? Izisi izipanga Lukamantano lwa Zisi ziyoolunyonyoona lubono lwamukaintu muvwuule, kumuyubununa bwini mbwabede, kumunyonyoona alimwi “akumuumpa.” Uyoonyonyoonwa cakumaninina.—Amubale Ciyubunuzyo 17:16.\\n7. Ino “munyama” uyootalika buti kulwana bukombi bwakubeja?\\n7 Businsimi bwamu Bbaibbele alimwi bulatondezya iciyootalisya kulwanwa ooku. Munzila imwi Jehova uyoocibikka mumyoyo yabasololi batwaambo twacisi “kuti bazwidilizye muzeezo wakwe” wakunyonyoona mukaintu muvwuule. (Ciy. 17:17) Bukombi ibukulwaizya nkondo bwazumanana munyika, aboobo zisi ziyoolimvwa kuti kunyonyoona mukaintu muvwuule nkuyanda kwanzizyo. Mubwini, ciindi beendelezi baakumulwana, banooyeeya kuti bacita oobo mukuyanda kwabo. Pele mubwini, bayoocita oobo kwiinda mukubelesyegwa a Leza kutegwa banyonyoone bukombi bwakubeja boonse. Aboobo, cibeela cimwi cabweende bwa Saatani ciyoolwana ceenzyinyina, alimwi Saatani uyoobula nguzu zyakubakwabilila.—Mt. 12:25, 26.\\n8. Nkulwana kuli buti nkwaayoocita “Gogo wakunyika ya-Magogo”?\\n8 Bwaakunyonyooka bukombi bwakubeja, bantu ba Leza ‘banookkede muluumuno’ alimwi kakutakwe ‘bulambo’ bubakwabilila. (Ezk. 38:11, 14) Ncinzi ciyoocitika kumbunga eeyi yabantu iizumanana kukomba Jehova iilibonya mbuli kuti taijisi mukwabilizi? Kulibonya kuti bantu ba Leza bayoolwanwa “abantu banji.” Jwi lya Leza lyaamba kuti kulwanwa ooku kuyoocitwa a “Gogo wakunyika ya-Magogo.” (Amubale Ezekieli 38:2, 15, 16.) Ino tweelede kukubona buti kulwanwa ooku?\\n9. (a) Ncinzi ncobabikkila kapati maano Banakristo? (b) Nintaamu nzi nzyotweelede kubweza lino kutegwa tuyumye lusyomo lwesu?\\n9 Kuzyibilalimwi kulwanwa kwabantu ba Leza takutupi kulibilika kapati. Nikuba boobo, ncotubikkila kapati maano taluli lufwutuko lwesu pe, pele tubikkila kapati maano kukusalazyigwa kwazyina lya Jehova alimwi akusinizyigwa kwabulelo bwakwe. Jehova wakacitondezya eeci naakainduluka kwaamba majwi aakuti: “Muyooziba kuti ndime Jehova” ziindi ziinda ku 60. (Ezk. 6:7) Aboobo, tulalangila kumbele katujisi aluyandisisyo lwakubona kuzuzikizyigwa kwabusinsimi oobu bwa Ezekieli, katusyomede kuti “Jehova ulizyi ikuvwuna bantu bamubelekela cakulyaaba kuzwa kumasukusyo.” (2 Pe. 2:9) Calino, tuyanda kubelesya ciindi ncotujisi kuyumya lusyomo lwesu kutegwa tukazumanane kusyomeka kuli Jehova twaakujana mapenzi aasiyene-siyene. Ncinzi ncotweelede kucita? Tweelede kupaila, kwiiya Jwi lya Leza akuzinzibala kuyeeya aali zyeezyo nzyotwiiya, alimwi akwaambila bamwi mulumbe wa Bwami. Kwiinda mukucita oobo, tuyumya bulangizi bwesu bwabuumi butamani kuba mbuli “ngobyo yiimika bwato.”—Heb. 6:19; Int. 25:21.\\n10, 11. Ncinzi iciyooba citondezyo camatalikilo aa Amagedoni, alimwi ncinzi iciyoocitika muciindi eeco?\\n10 Nzyintu nzi zipati iziyoocitika akaambo kakulwanwa kwababelesi ba Jehova? Jehova, kwiinda muli Jesu alimwi abasikalumamba bakujulu, bayakwaanjilila makani akukwabilila bantu bakwe. (Ciy. 19:11-16) Kunjilila ooku inooli “[ne]nkondo yabuzuba bupati bwa Leza Singuzuzyoonse”—Amagedoni.—Ciy. 16:14, 16.\\n11 Kujatikizya nkondo eeyi, Jehova wakaamba boobu kwiinda muli Ezekieli, kuti: “Njoomuletela ziyoosyo zyamisyobo misyobo [Gogo], mbwaamba Mwami Jehova, nkabela ipanga lyamuntu umwi aumwi liyoolwisya mweenzinyina.” Kabaciyoowede, aabo ibali kulubazu lwa Saatani bayoonyongana mumizeezo akutalika kubelesya zilwanyo zyabo akujayana—sintanze kulwana sintanzenyina. Kuyungizya waawo, Saatani awalo uyoonyongana kapati. Jehova waamba kuti: “Njoomuwisizya . . . , mulilo asulufa, walo amakamu makamu aakwe abantu banji boonse mbali abo.” (Ezk. 38:21, 22) Ncinzi ciyoocitika akaambo kantaamu eeyi njayoobweza Leza?\\n12. Ino bamasi bayoosinikizyigwa kuzyiba nzi?\\n12 Bamasi bayoozyiba kuti kuzundwa ooku kwaboola akaambo kakuyanda kwa Jehova mwini. Mpoonya mbuli bana Egepita bakaindi ibakali kutandaanya bana Israyeli mu Lwizi Lusalala, basikalumamba ba Saatani bayoompolola kuti: “Jehova nguubalwida”! (Kul. 14:25) Inzya, bamasi bayoosinikizyigwa kumuzyiba Jehova. (Amubale Ezekieli 38:23.) Kwacaala ciindi cilamfwu buti kuti zyintu eezyi zitalike kucitika?\\n13. Ncinzi ncotuzyi kujatikizya cibeela casanu cacikozyanyo Daniele ncapandulula?\\n13 Businsimi bulembedwe mubbuku lya Daniele bulatugwasya kuzyiba mpotweendela. Daniele wakapandulula cikozyanyo cili mbuli muntu icibambidwe alubulo lwiindene-indene. (Dan. 2:28, 31-33) Ciiminina zisi zyeendelezya nyika mbozyakatobelana alimwi ambozyakabajatikizya bantu ba Leza kaindi alimwi amazuba aano. Zisi eezyi kuli Babuloni, Mediya a Persia, Greece, Roma—mpoonya bweendelezi bwanyika yoonse bwamamanino buleendelezya muciindi cesu ecino. Kwiiya businsimi bwa Daniele kutondezya kuti bweendelezi bwanyika yoonse bwamamanino bwiimininwa amaulu alimwi atunwe twacikozyanyo. Ciindi ca Nkondo Yanyika Yakusaanguna, cisi ca Britain alimwi aca United States zyakapanga cilongwe caalubazu. Inzya, cibeela casanu cacikozyanyo ca Daniele Mbweendelezi bwa Nyika Yoonse bwa Anglo-America. Maulu ncecibeela camamanino cacikozyanyo, ikutondezya kuti kunyina bweendelezi bwa nyika yoonse bumbi ibuyooendelezya. Akaambo kakuti maulu alimwi atunwe zipangidwe abutale alimwi abulongo ciiminina ciimo citajisi nguzu ca Bweendelezi bwa Nyika Yoonse bwa Anglo-America.\\n14. Mbweendelezi buli bwanyika yoonse ibunooendelezya Amagedoni yaakusika?\\n14 Businsimi mbweena oobo butondezya kuti Bwami bwa Leza, ibwiimininwa abbwe lipati, bwakakolomonwa kuzwa kumulundu wabweendelezi bwa Jehova mu 1914. Ibbwe eeli lino lilaafwaafwi kupwaya maulu aacikozyanyo. Ciindi ca Amagedoni, maulu alimwi amubili woonse wacikozyanyo ziyoonyonyoonwa. (Amubale Daniele 2:44, 45.) Aboobo, Bweendelezi bwa Nyika Yoonse bwa Anglo-America mbobunooendelezya ciindi Amagedoni yaakusika. Eelo kaka ciyooba cintu cikkomanisya kubona kuzuzikizyigwa kwabusinsimi oobu!* Ino Leza uyoomucita nzi Saatani kumugama?\\n15. Yaakumana Amagedoni, ncinzi ciyoomucitikila Saatani amadaimona aakwe?\\n15 Cakusaanguna, Saatani uyoolibonena ameso aakwe ciindi mbunga yakwe yoonse yaanyika yaakunyonyooka. Kuzwa waawo, Saatani mwini kumugama nguyoosubulwa. Mwaapostolo Johane wakacaamba boobu iciyootobela kucitika. (Amubale Ciyubunuzyo 20:1-3.) Jesu Kristo—‘imungelo uujisi kkii yamulindi uutagoli’—uyoomwaanga Saatani amadaimona aakwe, akubawaala mumulindi uutagoli, akubaleka kuti bakkale omuya kwamyaka iili 1,000. (Lk. 8:30, 31; 1 Jo. 3:8) Eeci ciyooba cibeela cakusaanguna cakuuma mutwe wanzoka.*—Matl. 3:15.\\n16. Ino kubikkwa kwa Saatani “mumulindi uutagoli” ciyakwaamba nzi kulinguwe?\\n16 Ino “mulindi uutagoli” mwalo Saatani amadaimona aakwe mobayoowaalwa ninzi? Ibbala lya Chigiliki lyakuti aʹbys·sos kweelana ambwaakalibelesya Johane lipandulula cintu “cilamfwu kapati.” Alimwi lilasandululwa kuti cilindi “citaambiki” alimwi “cinyina magolelo.” Aboobo, kunyina muntu uukonzya kusika kubusena oobu, ccita buyo Leza ‘amungelo uujisi kkii yamulindi uutagoli.’ Ooku kubusena, Saatani uyooba muciimo calufwu mwalo mwatakonzyi kucita cilicoonse kutegwa “ateeni limbi masi.” Inzya, ooyu “syuumbwa uuvwuluma” ayakumuyuma mate!—1 Pe. 5:8.\\n17, 18. (a) Nzyintu nzi zitanalibonya nzyotwalanga-langa kale? (b) Zyaakumana kucitika zyintu eezyi, nciindi cili buti cikkomanisya ciyootalika?\\n17 Kuli zyintu ziyandika alimwi azyintu zipati iziyoocitika lino-lino. Tulalangila kumbele kubona mbobayakwaamba kuti “Luumuno akuliiba!” Mpoonya tuyoobona Babuloni Mupati mbwayoonyonyoonwa, mbobayoolwanwa bantu ba Leza a Gogo waku Magogo, mboiyoolwanwa nkondo ya Amagedoni, alimwi Saatani amadaimona aakwe mbobayoowaalwa mumulindi uutagoli. Zyaakumana kucitika zyintu zyoonse eezyi, ciindi bubi boonse bwaakumana, tuyootalika buumi bupya Mubulelo bwa Kristo bwa Myaka Iili 1,000 mwalo motuyookondwa “[a]luumuno lunji.”—Int. 37:10, 11.\\n18 Kuyungizya azyintu zili musanu nzyotwalanga-langa, kuli azimwi “zyintu zitalibonyi” nzyotweelede ‘kulangila.’ Zyintu eezyi ziyoobandikwa mucibalo citobela.\\nZyintu zili kkumi eezyi zilalangwa-langwa mucibalo eeci alimwi amucibalo citobela.\\nAmubone bbuku lyamu Cingisi lyakuti Revelation—Its Grand Climax at Hand! mapeeji 251-258.\\nMajwi aakuti “kumanisya mami aya oonse” aajanika mulugwalo lwa Daniele 2:44 aamba mami, naa bweendelezi bwanyika yoonse ibwiimininwa azibeela zyacikozyanyo. Nikuba boobo, businsimi bumbi bwamu Bbaibbele ibukozyenye aboobu butondezya kuti “bami bamunyika yoonse” bayoobunganizyigwa antoomwe kuti balwane Jehova “[mu]buzuba bupati bwa Leza Singuzuzyoonse.” (Ciy. 16:14; 19:19-21) Aboobo, mami oonse buyo ayoonyonyoonwa lya Amagedoni, kutali buyo mami aaimininwa azibeela zyacikozyanyo pe.\\nCibeela camamanino cakunyonyoonwa kwamutwe wamuzoka ciyoocitika myaka 1,000 yaakumana, aciindi eeci Saatani amadaimona aakwe bayoowaalwa “muziba lyamulilo uuyaka asulufa.”—Ciy. 20:7-10; Mt. 25:41.\\n[Kabbokesi\/Cifwanikiso icili apeeji]\\nZYINTU ZYOSANWE ZILANGILWA KUCITIKA:\\n1 Kwaambilizyigwa kwa “Luumuno akuliiba!”\\n2 Bamasi bamulwana akumunyonyoona “Babuloni Mupati”\\n3 Kulwana bantu ba Jehova\\n4 Nkondo ya Amagedoni\\n5 Saatani amadaimona aakwe bayoobikkwa mumulindi uutagoli","num_words":1582,"character_repetition_ratio":0.048,"word_repetition_ratio":0.003,"special_characters_ratio":0.188,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Johane 8 | Bbaibbele lili a Intaneti | Bbaibbele lya Busanduluzi Bwanyika Mpya\\nBausyi bakamucitila bumboni Jesu (12-30)\\nJesu, “mumuni wanyika” (12)\\nBana ba Abrahamu (31-41)\\n“Kasimpe kayoomwaangununa” (32)\\nBana ba Diabolosi (42-47)\\nJesu a Abrahamu (48-59)\\n8 12 Mpoonya Jesu alimwi wakabaambila kuti: “Ndili mumuni wanyika.+ Kufwumbwa ooyo uunditobela kunyina nayakweenda mumudima, pele unoojisi mumuni+ wabuumi.” 13 Aboobo ba Farisi bakati kulinguwe: “Ulicitila bumboni omwini; bumboni bwako tabuli bwamasimpe.” 14 Jesu mukwiingula wakati kulimbabo: “Nokuba kuti ndalicitila bumboni ndemwini, bumboni bwangu mbwamasimpe nkaambo ndilikuzyi nkondakazwa ankondiya.+ Pele nywebo tamukuzyi pe nkondakazwa ankondiya. 15 Mulabeteka kweelana aciwa camuntu;*+ mebo tandibeteki muntu uuli woonse. 16 Pele nokuba kuti ndabeteka, ilubeta lwangu ndwamasimpe nkaambo tandili ndelikke pe, pele Taata wakandituma ulaandime.+ 17 Alimwi mu Mulawo wanu wini kulilembedwe kuti: ‘Bumboni bwabantu bobilo mbwamasimpe.’+ 18 Ndime nendilicitila bumboni, awalo Taata iwakandituma ulandicitila bumboni.”+ 19 Mpoonya bakamubuzya kuti: “Ino uli kuli Uso?” Jesu wakaingula kuti: “Tamundizyi mebo alimwi a Taata.+ Ikuti nomwalindizyi mebo, nomwalimuzyi awalo Taata.”+ 20 Wakaamba majwi aaya mubusena imuli zibikkilo zyamali+ naakali kuyiisya mutempele. Pele kunyina wakamujata nkaambo ciindi cakwe tiicakaningasika.+ 21 Aboobo wakabaambila kuti: “Ndilaunka, eelyo muyoondiyandaula, pele muyoofwa muzibi zyanu.+ Ooko nkondiya tamukonzyi kusika pe.”+ 22 Mpoonya ba Juda bakatalika kwaamba kuti: “Sena uyanda kulijaya? Nkaambo waamba kuti, ‘Nkondiya tamukonzyi kuboola.’” 23 Eelyo wakati kulimbabo: “Nywebo muli baansi; mebo ndakazwa kujulu.+ Muli bamunyika eeyi; mebo tandili wamunyika eeyi pe. 24 Nkakaambo kaako ncindamwaambila kuti: Muyoofwa muzibi zyanu. Nkaambo ikuti kamutasyomi kuti ndime yooyo, muyoofwa muzibi zyanu.” 25 Aboobo bakatalika kumubuzya kuti: “Ino nduwe ni?” Jesu wakabavwiila kuti: “Ino nkaambo nzi ncondilipenzyela kwaambaula andinywe? 26 Ndijisi zinji zyakwaamba kujatikizya ndinywe azyakubeteka. Imasimpe ngakuti, ooyo wakandituma ngwamasimpe alimwi nzyoonya nzindakamvwa kulinguwe nzyondaamba munyika.”+ 27 Tiibakamvwisya kuti wakali kubaambila kujatikizya Bausyi. 28 Mpoonya Jesu wakati: “Mwaakumwaanzika Mwanaamuntu,+ nemuyoozyiba kuti ndime nguwe,+ akuti tandilicitili buyo zintu;+ pele mbubonya mbwaakandiyiisya Taata ndilaamba makani aaya. 29 Alimwi ooyo wakandituma ulaandime; kunyina naakandilekelezya nkaambo lyoonse ndicita zimukkomanisya.”+ 30 Naakali kwaamba makani aaya, ibanji bakamusyoma. 31 Mpoonya Jesu wakazumanana kwaambila ba Juda aabo bakamusyoma kuti: “Ikuti mwazumanana kuba mujwi lyangu, muli basikwiiya bangu ncobeni, 32 alimwi muyoozyiba kasimpe,+ eelyo kasimpe kayoomwaangununa.”+ 33 Bakamwiingula kuti: “Swebo tuli bana ba Abrahamu alimwi tatunabede bazike kumuntu uuli woonse. Ino waambila nzi kuti ‘Muyakwaangunuka’?” 34 Jesu wakabaingula kuti: “Ncobeni ndimwaambila masimpe kuti, kufwumbwa uucita cibi muzike wacibi.+ 35 Kunze lyaboobo, muzike takkali muŋanda mane kukabe kutamani; mwana ulakkala mane kukabe kutamani. 36 Aboobo ikuti Mwana wamwaangununa, mulaangunuka ncobeni. 37 Ndilizyi kuti muli bana ba Abrahamu. Pele muyanda kundijaya, nkaambo jwi lyangu talizwidilili akati kanu. 38 Ndaamba zintu nzindakabona nindakali antoomwe a Taata;+ aboobo andinywe amucite zintu nzyomwakamvwa kuli Uso.” 39 Mukwiingula bakati kulinguwe: “Taateesu ngu Abrahamu.” Jesu wakabaambila kuti: “Ikuti nomwali bana ba Abrahamu,+ nomwali kucita milimo njaakacita Abrahamu. 40 Pele lino muyanda kundijaya, ndemuntu nendamwaambila kasimpe nkondakamvwa kuli Leza.+ Abrahamu kunyina naakacita boobu pe. 41 Nywebo mucita milimo yauso.” Bakati kulinguwe: “Tiitwakazyalwa mubwaamu* pe; tujisi Taata omwe, Leza.” 42 Jesu wakati kulimbabo: “Ikuti Leza naali Uso, nomwali kundiyanda,+ nkaambo ndakazwa kuli Leza alimwi ncendili waano. Tiindakaliboolela buyo pe, pele ooyo ngonguwe wakandituma.+ 43 Nkaambo nzi ncomutamvwisyi ncondaamba? Nkaambo tamukonzyi kuswiilila majwi aangu. 44 Muzwa kuli uso Diabolosi alimwi mulombozya kucita nzyayanda uso.+ Ooyo wakali mujayi kuzwa naakatalika,*+ alimwi kunyina naakakakatila mukasimpe, nkaambo munyina kasimpe mulinguwe. Naamba zyakubeja, ulaamba kweelana ambwabede, nkaambo mubeji alimwi ngousyi wabubeji.+ 45 Pele akaambo kakuti mebo ndaamba kasimpe, tamundisyomi pe. 46 Ino nguni akati kanu uundijanina mulandu wakucita cibi? Ikuti naa ndaamba kasimpe, nkaambo nzi ncomutandisyomi? 47 Ooyo uuzwa kuli Leza ulaaswiilila majwi aa Leza.+ Nkakaambo kaako ncomutaswiilili, nkaambo tamuzwi kuli Leza.”+ 48 Ba Juda bakamwiingula kuti: “Sena tatuluzi notwaamba kuti, ‘Uli mu Samariya+ yebo alimwi ujisi daimona’?”+ 49 Jesu wakaingula kuti: “Tandijisi daimona pe, pele ndilamulemeka Taata, alimwi nywebo tamundilemeki. 50 Pele tandiliyandawidi bulemu ndemwini pe;+ nkwali ooyo uubuyanda alimwi uubeteka. 51 Ncobeni ndimwaambila masimpe kuti, ikuti muntu katobela jwi lyangu, takaluboni lufwu pe.”+ 52 Ba Juda bakati kulinguwe: “Lino twazyiba kuti ulaadaimona. Abrahamu wakafwa, abasinsimi bakafwa, pele waamba kuti, ‘Ikuti muntu katobela jwi lyangu, takafwi pe.’ 53 Sena uli mupati kwiinda taateesu Abrahamu iwakafwa? Abalo basinsimi bakafwa. Ino yebo uyeeya kuti nduwe ni?” 54 Jesu wakaingula kuti: “Ikuti kandililemeka ndemwini, bulemu bwangu mbwabuyo. Ngu Taata uundilemeka,+ ooyo ngomwaamba kuti ngu Leza wanu. 55 Nokuba boobo tamumuzyi pe,+ pele mebo ndilimuzyi.+ Alimwi ikuti ndaamba kuti tandimuzyi, inga ndaba mubeji mbuli ndinywe. Pele ndilimuzyi alimwi ndilalitobela ijwi lyakwe. 56 Abrahamu uso wakakondwa kapati abulangizi bwakubona buzuba bwangu, alimwi wakabubona eelyo wakakondwa.”+ 57 Mpoonya ba Juda bakamwaambila kuti: “Sena wakamubona kale Abrahamu yebo ootanasisya amyaka iili 50 yakuzyalwa?” 58 Jesu wakabaambila kuti: “Ncobeni ndimwaambila masimpe kuti, Abrahamu katanabako, mebo ndakaliko.”+ 59 Aboobo bakabweza mabwe kuti bamupwaye, pele Jesu wakayuba akuzwa mutempele.\\n^ Naa “kuzwa kumatalikilo,” nkokuti, aabuzangi bwakwe.","num_words":731,"character_repetition_ratio":0.056,"word_repetition_ratio":0.0,"special_characters_ratio":0.197,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Luka 5 | Bbaibbele lili a Intaneti | Bbaibbele lya Busanduluzi Bwanyika Mpya\\nKujaya nswi camaleele; basikwiiya bakusaanguna (1-11)\\nSicinsenda waponesyegwa (12-16)\\nJesu waponya muntu uulebukide mubili (17-26)\\nJesu waita Levi (27-32)\\nMubuzyo kujatikizya kuliimya kulya (33-39)\\n5 Aciindi cimwi makamu aabantu naakali kumubumbilila akuswiilila majwi aa Leza, wakaimvwi kumbali aazyiba lya Genesarete.*+ 2 Mpoonya wakabona mato obilo kaaimvwi kumbali aazyiba, pele bazubi bakalizwide mulingawo alimwi bakali kusanzya nsabwe zyabo.+ 3 Naakatanta bwato bumwi, oobo ibwakali bwa Simoni, wakamulomba kuti abukwasule aniini kuzwa kunkomwe. Mpoonya wakakkala akutalika kuyiisya makamu aabantu kali mubwato. 4 Naakamana kwaambaula, wakaambila Simoni kuti: “Katuya akati kazyiba, eelyo amuwaale nsabwe zyanu kutegwa mujaye nswi zinji.” 5 Pele mukwiingula, Simoni wakaamba kuti: “Mufwundisi, masiku oonse twalikubeleka kakunyina ncotwajaya,+ pele akaambo kakuti nduwe waamba ndilaziwaala nsabwe.” 6 Nobakacita boobo, bakajaya* nswi zinji. Mane nsabwe zyabo zyakatalika kudunsauka.+ 7 Aboobo bakaita beenzinyina ibakali mubwato bumbi kuti baboole babagwasye, eelyo bakaboola akuzuzya mato obilo cakuti akatalika kubbila. 8 Abone boobu, Simoni Petro wakamufwugamina Jesu akwaamba kuti: “Tantamuka kulindime O Mwami, nkaambo ndimuntu sizibi.” 9 Nkaambo walo alimwi abaabo mbaakali limwi bakagambwa kapati nibakajaya nswi zinji kapati, 10 ncimwi buyo a Jakobo a Johane, bana ba Zebedayo,+ ibakali beenzinyina ba Simoni. Pele Jesu wakaambila Simoni kuti: “Utayoowi. Kuzwa lino unoozuba bantu baumi.”+ 11 Aboobo bakatola mato aabo kucito akusiya zyoonse akumutobela.+ 12 Aciindi cimwi naakali mumunzi umbi, kwakali mwaalumi umwi iwakazwide cinsenda mubili woonse. Naakabona Jesu, wakavwuntama ansi akumulomba kuti: “Mwami, ikuti koyanda, ulakonzya kundisalazya.”+ 13 Aboobo wakatandabika janza lyakwe, wamujata akumwaambila kuti: “Ndilayanda! Kosalazyigwa.” Mpoonya aawo cinsenda cakwe cakamana.+ 14 Eelyo wakalailila mwaalumi ooyo kuti ataambili muntu uuli woonse, wakati: “Pele koya ukalitondezye kumupaizi alimwi ukatuule cituuzyo akaambo kakusalazyigwa kwako, mbubonya Musa mbwaakalailila,+ kutegwa bukabe bumboni kulimbabo.”+ 15 Pele mpuwo yakwe yakamwaika kapati, aboobo makamu aabantu akali kubungana kuti baswiilile alimwi akuponesyegwa malwazi aakabajisi.+ 16 Pele ciindi aciindi wakali kuunka kuyookkala alikke munkanda kuyoopaila. 17 Buzuba bumwi naakali kuyiisya, ba Farisi abamayi ba Mulawo ibakaboola kuzwa muminzi yoonse ya Galilaya, Judaya alimwi a Jerusalemu bakalikkede ooko abalo; alimwi wakalijisi nguzu zya Jehova* zyakuponya bantu.+ 18 Lino kwakaboola baalumi bakatembede muntu amacila uulebukide mubili, eelyo bakali kusola kumunjizya mukati akumusisya kuli Jesu.+ 19 Aboobo mbwaanga tiibakajana aakumunjizyila akaambo kankamu yabantu, bakatanta aciluli, mpoonya kwiinda acipulo ncobakadonkola bakamulengelezya amacila akati kabaabo bakali kumbele lya Jesu. 20 Naakabona lusyomo lwabo, wakati: “Omwaalumi, walekelelwa zibi zyako.”+ 21 Mpoonya balembi aba Farisi bakatalika kubandika mulicabo kabati: “Nguni ooyu waamba majwi aakusampula Leza? Nguni uukonzya kulekelela zibi kunze lya Leza alikke?”+ 22 Pele mbwaanga Jesu wakazyiba nzyobakali kuyeeya, mukubaingula wakababuzya kuti: “Ino muyeeya nzi mumyoyo yanu? 23 Ncili cuuba-uba, ikwaamba kuti, ‘Walekelelwa zibi zyako,’ naa kwaamba kuti, ‘Nyamuka weende’? 24 Pele kutegwa muzyibe kuti Mwanaamuntu ulijisi nguzu zyakulekelela bantu zibi anyika—” wakaambila muntu ooyo uulebukide mubili kuti: “Ndikwaambila kuti, Nyamuka, bweza macila aako, uunke kuŋanda yako.”+ 25 Mpoonya wakanyamuka kabalangilila, akubweza macila mpaakali kulala akuunka kuŋanda yakwe kalemeka Leza. 26 Lino bantu boonse bakagambwa kapati eelyo bakalemeka Leza, alimwi bakayoowa kabati: “Sunu twabona zintu zigambya!” 27 Lino nicakamana kucitika eeci, wakazwida anze, mpoonya wakabona simutelo uutegwa Levi kakkede aŋanda iitelelwa mitelo, eelyo wakamwaambila kuti: “Koba sikunditobela.”+ 28 Mpoonya wakasiya zintu zyoonse, wakanyamuka akutalika kumutobela. 29 Kumane Levi wakamucitila pobwe pati lyakumutambula muŋanda yakwe, alimwi kwakali basimutelo banji abantu bambi mbobakali kulya limwi.*+ 30 Babone boobo ba Farisi abalembi babo bakatongaukila basikwiiya bakwe, kabati: “Ino nkaambo nzi ncomulya akunywa antoomwe abasimutelo alimwi abasizibi?”+ 31 Jesu wakati kulimbabo: “Aabo bataciswi tabayandiki musilisi, pele aabo baciswa mbabayandika musilisi.+ 32 Ndakaboolela kwiita basizibi kuti beempwe ikutali bantu baluleme.”+ 33 Bakamwaambila kuti: “Basikwiiya ba Johane ziindi zinji balaliimya kulya alimwi balakomba, ncimwi buyo ababa Farisi, pele bako balalya akunywa.”+ 34 Jesu wakabaambila kuti: “Sena mulakonzya kupa kuti balongwe basibwiinga baliimye kulya ciindi nacili ambabo? 35 Pele ciyoosika ciindi ncobayoonyangwa sibwiinga;+ eelyo bayooliimya kulya kumazuba aayo.”+ 36 Alimwi wakabaambila cikozyanyo kati: “Kunyina uutenda cigamba kucisani caatala cipya akucisuma acisani cakaindi. Ikuti wacita boobo, nkokuti cigamba cipya cilamonkola cisani cakaindi alimwi cigamba catendwa kucisani cipya taceendelani acakaindi.+ 37 Alimwi kunyina muntu uubikka waini mupya munkomo zyazipaya zyakaindi. Ikuti wacita boobo, waini mupya ulabbosyola nkomo zyazipaya, eelyo ulatika azyalo nkomo zyazipaya zilanyonyooka. 38 Pele waini mupya weelede kubikkwa munkomo zyazipaya zipya. 39 Kunyina muntu iwanywa waini wakaindi uuyanda mupya, nkaambo waamba kuti, ‘Wakaindi mubotu.’”\\n^ Nkokuti, Lwizi lwa Galilaya.\\n^ Mu Chigiriki, “bakajata.”\\n^ Naa “mbobakakkede limwi kutebulu.”","num_words":674,"character_repetition_ratio":0.043,"word_repetition_ratio":0.0,"special_characters_ratio":0.185,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kuzilanga Munzila Iili Kabotu Zintu Nokuba Kuti Uciswa Bulwazi bwa Systemic Scleroderma\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bislama Bulgarian Cebuano Chichewa Chinese (Traditional) Chinese Mandarin (Simplified) Chitonga Cibemba Croatian Czech Danish Dutch English Estonian Ewe Fijian Finnish French Georgian German Greek Hebrew Hiligaynon Hungarian Icelandic Iloko Indonesian Italian Japanese Kikaonde Kikuyu Kinyarwanda Kirghiz Kirundi Korean Latvian Lingala Lithuanian Luvale Macedonian Malagasy Maltese Myanmar Norwegian Oromo Polish Portuguese Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Swahili Swahili (Congo) Swedish Tagalog Thai Tigrinya Tok Pisin Tsonga Turkish Twi Ukrainian Vietnamese Xhosa Zulu\\n“Ndakali kuyandika lugwasyo kutegwa ndicikonzye kubuka akoona. Kweenda cakali kucisa. Tiindakali kucikonzya kunywa musamu akaambo kakuti amoyo kwakalijalide. Ndakazwa zilonda zyatakali kupona alimwi mukuya kwaciindi zyakatalika kuyandalala. Ndakajisi zilonda mwida alimwi ndakaba acilungwida. Tiindakalizyi cakali kucitika. Ndakajisi buyo myaka iili 10.”—Elisa.\\nNokuba kuti ulaciswa, Elisa ulakkomana kuyiisya bamwi Bbaibbele\\nBBALA lyakuti scleroderma, nkokuti “lukanda luyumu,” ndibbala libelesyegwa kwaamba malwazi ngobaciswa bantu babalilwa ku 2.5 miliyoni nyika yoonse. Musyobo ngobaciswa bana kanji-kanji bwiitwa kuti localized scleroderma, bwalo ibupa kuti lukanda luyume.\\nPele Elisa, wakajanwa amusyobo uutegwa systemic scleroderma naakajisi myaka iili 10—bulwazi butajatikizyi buyo lukanda, pele lulajatikizya ambozibeleka zizo zyamukati, kubikkilizya ansa, moyo, mapunga, alimwi amala. Bamadokota bakali kuyeeya kuti musamu ngobakali kumupa wakali kukonzya kuyungizya buumi bwa Elisa amyaka buyo yosanwe. Pele lino kwainda myaka iili 14, alimwi Elisa ucipona. Nokuba kuti uciciswa, Elisa wazumanana kuzilanga munzila iili kabotu zintu mubuumi. Basikulemba Sinsimuka! bakabandika a Elisa kujatikizya bulwazi bwakwe alimwi ambwaacikonzya kuliyumya.\\nIno wakazyiba lili kuti ulaciswa?\\nNindakajisi myaka iili 9, ndakalicisa kukakokola, alimwi cakali kucisa kapati. Cilonda cakakomena alimwi tiicakali kupona. Nindakapimwa ndakajanika abulwazi bwa systemic scleroderma. Akaambo kakuti ndakali kuyaabwiindila kuciswa, twakali kuyandika kujana dokota wakajisi luzyibo lwakusilika bulwazi oobu.\\nSena mwakamujana dokota uuli boobo?\\nTwakajana dokota uusilika malwazi aamafwuwa. Wakaambila bazyali bangu kuti balandipa musamu uukonzya kupa kuti bulwazi butafwambaani kundijaya akuti andiza kwainda myaka yosanwe inga ndapona. Bubi bwamusamu ooyu mbwakuti bwakali kuyoopa kuti mubili wangu kautacikonzyi kulwana malwazi. Nokuba malwazi mbuli syini naa kukola akali kukonzya kundijaya.\\nPele sena kuli cibi cakacitika?\\nPeepe—mucoolwe mpaawa ndicipona! Pele nindakakkwanya myaka iili 12, mucamba mwakatalika kucisa kapati. Mwakali kucisa kwamaminiti aali 30, ziindi zimwi, ziindi zyobilo abuzuba. Mwakali kucisa kapati cakuti ndakali kukwiila.\\nIno ncinzi cakali kupa kuti ulimvwe boobo?\\nBamadokota bakajana kuti bulowa mbusyoonto kapati akuti moyo wangu wakali kubeleka kapati kutegwa bulowa busike kubongo. Munsondo buyo zisyoonto, ndakalimvwa kabotu akaambo kamusamu ngobakandipa. Pele aciindi eeco ndakatalika kuyeeya kuti kufwumbwa ciindi, cili coonse cakali kukonzya kucitika. Ndakalimvwa kubula nguzu, mbuli kuti kunyina ncondakali kukonzya kucita kujatikizya cakali kundicitikila.\\nKwainda myaka iili 14 lino kuzwa nowakajatwa abulwazi oobu. Ino ulimvwa buti mazuba aano?\\nAsunu mubili ucicisa alimwi ndilaciswa amalwazi aamwi aajatikizya scleroderma, malwazi mbuli zilonda zyamwida, zilonda zyamumapunga, acilungwida. Nokuba boobo, tandilekeli bulwazi bwangu kundipa kulibilika kapati naa kusowa ciindi kuusa. Ndijisi zintu zimbi zyakucita.\\nZintu zili buti?\\nNdilaciyanda kudulowiŋa, kusuma zisani akupanga zyakulisakatizya. Mbwaanga ndili Kamboni wa Jehova, ndicita mulimo uuyandika kapati wakuyiisya Bbaibbele. Noliba leelyo nonditacikonzyi kuunka kumaanda aabantu, ndilacikonzya kugwasya Bakamboni bamwi basololela ziiyo zya Bbaibbele kubantu bali mucilawo cesu. Andime buya kuli bantu mbondiyiisya Bbaibbele. Mulimo wakukambauka undipa kupona buumi bujisi mpindu.\\nNkaambo nzi ncocita mulimo ooyu nokuba kuti ujisi mapenzi aamwi?\\nNdilizyi kuti makani ngondaambila bantu alayandika alimwi alagwasya. Kunze lyaboobo, nondijisi bubi kugwasya bamwi munzila iili boobu, cindipa kukkomana. Cindipa kulimvwa kabotu. Aciindi eeco cisyoonto, ndilaluba akuti ndilicisidwe.\\nIno Bbaibbele likugwasya buti kuzilanga kabotu zintu?\\nLindiyeezya kuti mapenzi aangu amapenzi aabamwi ngakaindi buyo kasyoonto. Lugwalo lwa Ciyubunuzyo 21:4 lwaamba kuti aciindi cakwe ceelede, Leza “uyoosindula misozi yoonse kumeso aabo, alimwi lufwu talukabi limbi, akwalo koomoka, kulila nokuba kucisa takukabi limbi pe.” Kuyeeya magwalo aali boobu cindigwasya kuyumya lusyomo lwangu mucisyomezyo ca Leza cakuti kumbele kuyoobota, kutali buyo kuli baabo baciswa malwazi aatasilikiki pele kuli boonse.","num_words":609,"character_repetition_ratio":0.047,"word_repetition_ratio":0.0,"special_characters_ratio":0.15,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani Aabuumi: Kusweekelwa Bataata​—Kujana Bataata | Yakwiiya\\nNgazi Yamulindizi—Yakwiiya | July 2014\\nAMUBALE MU Afrikaans Albanian American Sign Language Amharic Arabic Armenian Aymara Azerbaijani Azerbaijani (Cyrillic) Bengali Bicol Bislama Brazilian Sign Language Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Cinyanja Colombian Sign Language Croatian Czech Danish Drehu Dutch Efik English Estonian Ewe Fijian Finnish French Ga Georgian German Greek Greenlandic Guarani Gujarati Gun Haitian Creole Hebrew Hiligaynon Hindi Hungarian Icelandic Igbo Iloko Indonesian Italian Italian Sign Language Japanese Japanese Sign Language Kannada Kazakh Kikaonde Kikuyu Kiluba Kinyarwanda Kirghiz Kirundi Kongo Korean Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Malayalam Maltese Marathi Maya Mexican Sign Language Ndebele Ndonga Nepali Ngabere Norwegian Nyaneka Nzema Oromo Ossetian Otetela Pangasinan Papiamento (Aruba) Papiamento (Curaçao) Persian Peruvian Sign Language Polish Portuguese Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Romanian Russian Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Spanish Sign Language Sranantongo Swahili Swahili (Congo) Swati Swedish Tagalog Tahitian Tamil Tatar Telugu Thai Tigrinya Tshiluba Tshwa Tsonga Turkish Tuvaluan Twi Tzotzil Ukrainian Umbundu Urdu Uzbek Venda Vietnamese Wallisian Waray-Waray Wolaita Xhosa Yoruba Zulu\\nKusweekelwa Bataata—Kujana Bataata\\nAkaluulwa aba Gerrit Lösch\\nBATAATA bakazyalilwa ku Graz, mu Austria, mu 1899, aboobo lya Nkondo Yakusaanguna Yanyika Yoonse, bakacili buyo mukubusi. Mboyakatalikila buyo Nkondo Yabili Yanyika Yoonse mu 1939, bataata bakabanjizya mulimo wabusikalumamba mucisi ca Germany. Bakajaigwa ciindi nobakali kunkondo ku Russia mu 1943. Oobo mbombubo mbondakasweekelwa bataata kandijisi buyo myaka yobilo yakuzyalwa. Kunyina nondakabazyiba pe, alimwi ndakali kuusa kapati ndabona beenzuma banji kucikolo ibajisi bausyi. Kandili mukubusi, ndakaumbulizyigwa kapati kuzyiba makani aamba zya Taateesu wakujulu, Taata iwiinda boonse uutakonzyi kufwa.—Hab. 1:12.\\nIZYAKANDICITIKILA KANDILI MUKABUNGA KABAKUBUSI BASANKWA\\nAalimwi anondakacili mulombe\\nNondakajisi myaka yakuzyalwa iili ciloba, ndakanjila mukabunga kabakubusi basankwa. Tubunga ootu twabakubusi basankwa (Boy Scouts) tulajanika munyika yoonse alimwi twakatalika mu 1908 mu Great Britain asikalumamba mupati wabana Britain uutegwa Robert Stephenson Smyth Baden-Powell. Mu 1916 wakatalisya tubunga tumbi twabakubusi bamusela wangu tutegwa Wolf Cubs naa Cub Scouts.\\nNdakali kukkomana kuunka musyokwe—koona mumatente, kusama mayunifomu, alimwi akulifwoola ciindi ngoma nozyakali kulila. Ndakali kukkomana kapati ciindi notwakali kwiimba kumazuba kumwi katuyota mulilo alimwi akusobana zisobano zimwi musyokwe. Alimwi twakali kwiiya makani manji aajatikizya zilenge, calo icakapa kuti kandilumba kapati mulimo wa Mulengi wesu.\\nBakubusi basankwa ibali mutubunga ootu bakulwaizyigwa kucita cintu cimwi cibotu buzuba abuzuba. Aaya ngamakanze aabo. Twakali kwaanzyanya kwiinda mukwaamba majwi aakuti: “Balibambilide Lyoonse.” Eeci cakali kundikkomanisya. Kabunga kesu kakajisi basankwa bainda ku 100, ibabalilwa ku 50 bakali ba Katolika, mpoonya abamwi ibabalilwa ku 50 bakali ba Protestanti, omwe wakali mu Buddha.\\nKuzwa mu 1920, miswaangano yatubunga ootu yakali kuccililana kucitika kwainda myaka misyoonto buyo. Mu August 1951, ndakajanika kumuswaangano wa Nyika Yoonse waciloba mu Bad Ischl, Austria, mu August 1957 ndakajanika kumuswaangano wa Nyika Yoonse wafwuka mu Sutton Park, afwaafwi a Birmingham, England. Kumuswaangano wafwuka, bakubusi basankwa ibali 33,000 kuzwa muzisi naa zilawo zili 85 ziindene-indene bakajanika. Alimwi bantu babalilwa ku 750,000 bakasika kumuswaangano ooyu, kubikkilizya a Mwami Mukaintu Elizabeth waku England. Kulindime, eeci cakali mbuli mukwasyi wabunyina bwanyika yoonse. Aciindi eeci tiindakazyi kuti ndiyakuzyiba mukwasyi wabunyina iwiinda kubota—mukwasyi wakumuuya.\\nKUSWAANGANYA KAMBONI WA JEHOVA CIINDI CAKUSAANGUNA\\nBa Rudi Tschiggerl, ibakali kubeleka mulimo wakujika zyakulya, mbabakusaanguna kundikambaukila\\nMu 1958 ciindi camupeyo kwakaceede buyo asyoonto kuti ndimanizye lwiiyo lwangu lujatikizya mulimo wakupa zyakulya muhotela mu Grand Hotel Wiesler ku Graz, mu Austria. Kandili kooko, ba Rudolf Tschigger, mbotwakali kubeleka limwi alimwi ibakacizyi ncobeni kujika, bakandikambaukila kwiinda mubukambausi bwamukwiizya. Kunyina buzuba nondakamvwide makani aajatikizya kasimpe. Bakasaanguna kubandika njiisyo ya Butatu akundaambila kuti taili njiisyo yamu Bbaibbele. Nzyobakaamba kujatikizya njiisyo ya Butatu ndakazikazya alimwi ndakali kuyanda kubatondezya kuti balabeja. Ndakali kubayanda alimwi ndakali kuyanda kuti bapiluke ku Cikombelo ca Katolika.\\nBa Rudolf, balo mbotwakali kwiita kuti ba Rudi, bakandijanina Bbaibbele. Ndakabaambila kuti beelede kundiletela Bbaibbele lyaci Katolika. Nondakatalika kulibala ndakazikujana kuti bakabikka katulakiti kajisi makani aamu Bbaibbele ikakasimbwa aba Watchtower Society. Ndakali kukaka zintu zili boobu nkaambo ndakali kuyeeya kuti zilakonzya kulembwa munzila iitondezya mbuli kuti zililuzi kakuli taziluzi pe. Nokuba boobo, ndakali kuyanda kwiiya Bbaibbele ambabo. Ba Rudi bakatondezya bupampu alimwi kunyina nobakandiletela bbuku naa magazini iimbi. Kwamyezi yotatwe, ciindi aciindi twakali kubandika makani aamu Bbaibbele kanji-kanji twakali kucita oobo kusikila mane kwasiya.\\nNondakamanizya lwiiyo lwangu lwamu hotela mudolopo lya Graz mondakali kukkala, bamaama bakandibbadelela kutegwa nduunke kucikolo cimbi kuyakuyungizya lwiiyo. Aboobo, ndakaunka ku Bad Hofgastein, dolopo lili mu Alps, ikwakali cikolo. Mbwaanga cikolo eeci cakali kubelekela antoomwe a Grand Hotel iyakali mu Bad Hofgastein, zimwi ziindi ndakali kuunka kuyakubelekela nkuko kutegwa ndiyungizye luzyibo.\\nKUSWAIGWA ABACIZYI BOBILO BAMISYINALI\\nBa Ilse Unterdörfer aba Elfriede Löhr bakatalika kundiyiisya Bbaibbele mu 1958\\nBa Rudi bakaituma kkeyala yangu kuofesi yamutabi mu Vienna, mpoonya mutabi, wakatuma bacizyi bobilo bamisyinali, ba Ilse Unterdörfer aba Elfriede Löhr. * Bumwi buzuba sikutambula beenzu ahotela wakanditumina fooni akundaambila kuti kuli bamakaintu bobilo ibakali anze ibakakkede mumootokala ibakali kuyanda kubandika andime. Ndakagambwa nkaambo kunyina makani ngondakazyi aajatikizya mbabo. Nokuba boobo, ndakaunka anze kutegwa tubonane. Nokwakainda ciindi, ndakazikuzyiba kuti bacizyi aaba kaindi bakali kubeleka mulimo wakutolela Bakamboni mabbuku ciindi cabulelo bwa Nazi mu Germany, ciindi mulimo nowakalesyedwe, kaitanatalika Nkondo Yabili Yanyika Yoonse. Nociba ciindi nkondo kaitanatalika, bakajatwa abamapulisa bana Germany (Gestapo) akutumwa kucilabba mu Lichtenburg. Mpoonya ciindi cankondo, bakalonzyegwa akutolwa kucilabba cimbi mu Ravensbrück afwaafwi a Berlin.\\nBacizyi aabo bakali misela abamaama, aboobo ndakali kubapa bulemu. Nkakaambo kaako tiindakali kuyanda kubasowela ciindi kwiinda mukutalika kubandika ambabo makani aamu Bbaibbele kumane andiza kwainda nsondo naa myezi akubaambila kuti tandiciyandi kwiiya. Aboobo, ndakabaambila kuti bakalembe magwalo oonse aamba zyanjiisyo yaba Katolika yakukona masena aabaapostolo. Ndakabaambila kuti ndiyakwaatola kumupaizi akubandika anguwe. Ndakali kuyeeya kuti inga ndakazyiba kasimpe.\\nKWIIYA KUJATIKIZYA TAATA MWINI-MWINI UUSALALA UULI KUJULU\\nNjiisyo yaba Katolika iyaamba zyakukona masena aabaapostolo itondezya kuti kuzwa kuciindi camwaapostolo Petro lyoonse kwali bamapaapa. (Cikombelo cipandulula munzila iitaluzi majwi aa Jesu aalembedwe mulugwalo lwa Matayo 16:18, 19.) Ba Katolika alimwi baamba kuti paapa kunyina nalubizya mutwaambo twanjiisyo ciindi naambaula. Ndakali kucisyoma eeci alimwi ndakali kuyeeya kuti, ikuti paapa, ba Katolika ngobaamba kuti Taata Uusalala, tabeji mutwaambo twanjiisyo alimwi mbwaanga wakaamba kuti njiisyo ya Butatu njamasimpe, nkokuti njamasimpe ncobeni. Pele ikuti kakonzya kulubizya, nkokuti njiisyo njakubeja. Nkakaambo kaako njiisyo yaba Katolika yakukona masena aabaapostolo ncoiyandika kapati kulimbabo, nkaambo njiisyo zimbi ziyeeme aalinjiyo!\\nNondakamuswaya mupaizi, kunyina naakaingula mibuzyo yangu, pele wakabweza bbuku limwi lyaci Katolika mushelufu yakwe ilyakali kwaamba zyakukona masena aabaapostolo. Wakandipa kutegwa ndikabale kuŋanda, nondakapiluka ndakajisi mibuzyo minji. Akaambo kakuti mupaizi wakaalilwa kwiingula mibuzyo yangu, wakaamba kuti: “Tandikonzyi kukuzula, anduwe tokonzyi kundizula pe. . . . Leza akuleleke!” Taakwe naakacili kuyanda kubandika andime.\\nAciindi eeco, ndakalilibambilide kutalika kwiiya Bbaibbele aba Ilse aba Elfriede. Bakandiyiisya zinji kujatikizya Taata Uusalala mwini-mwini uuli kujulu, Jehova Leza. (Joh. 17:11) Aciindi eeco kwakanyina mbungano mubusena oobo, aboobo bacizyi aaba bobilo bakali kweendelezya miswaangano muŋanda yasikwiiya umwi. Mbasyoonto ibakali kujanika. Bacizyi aaba ziindi zinji bakali kubandika ziyiigwa akati kabo bobilo nkaambo kwakanyina mukwesu uubbapatizyidwe iwakali kukonzya kusololela. Ziindi zimwi, mukwesu kuzwa kumbungano imbi wakali kuboola kuzikupa makani mubusena mbotwakali kubbadelela.\\nKUTALIKA MULIMO WABUKAMBAUSI\\nBa Ilse aba Elfriede bakatalika kundiyiisya Bbaibbele mu October 1958, alimwi ndakabbapatizyigwa nokwakainda myezi yotatwe mu January 1959. Kanditana bbapatizyigwa, ndakabalomba kuti ndibasindikile mumulimo wakukambauka kuŋanda aŋanda kutegwa ndibone mboucitwa mulimo wakukambauka. (Mil. 20:20) Notwakamana kukambauka ambabo ciindi cakusaanguna, ndakabalomba kuti bandipe cilawo cakubelekela. Bakandipa munzi umwi, alimwi ndakali kuunka mumunzi ooyo kuyakukambauka kuŋanda aŋanda ndelikke alimwi ndakali kucita nyendo zyakupilukila kuli baabo ibakali kutondezya luyandisisyo. Mukwesu wakusaanguna ngotwakabeleka limwi mumulimo wakukambauka kuŋanda aŋanda wakali mulangizi wabbazu, nokwakainda ciindi wakazikutuswaya.\\nMu 1960, nondakamanizya lwiiyo lwangu lwamulimo wamuhotela, ndakapiluka kuŋanda kugwasya banamukwasyi kwiiya kasimpe kamu Bbaibbele. Kusikila sunu, kunyina iwakatambula kale kasimpe, pele bamwi balatondezya luyandisisyo.\\nMULIMO WACIINDI COONSE\\nNondakajisi myaka yakuzyalwa iili kuma 20\\nMu 1961, magwalo kuzwa kuofesi yamutabi aakukulwaizya kucita mulimo wabupainiya akabalwa mumbungano. Ndakali mukubusi uutakwete alimwi tiindakali kuciswa-ciswa, aboobo ndakabona kuti ndakanyina cilitamizyo cakuti nditaciti bupainiya. Ndakabandika amulangizi wabbazu, Kurt Kuhn, ndakamwaambila kuti ndiyanda kubeleka kwamyezi iimbi misyoonto kutegwa nduule mootokala ngondakali kukonzya kubelesya mumulimo wabupainiya. Wakandibuzya kuti: “Sena Jesu abaapostolo bakwe bakali kuyandika mootokala kuti babeleke mulimo waciindi coonse?” Eeci cakandigwasya! Ndakaba amakanze aakutalika bupainiya cakufwambaana. Pele akaambo kakuti ndakali kubeleka mawoola aali 72 ansondo muhotela, cakusaanguna ndakeelede kucinca zintu zimwi.\\nNdakalomba mupati wamulimo ikuti naa inga kandibeleka buyo mawoola aali 60. Bakandizumizya alimwi bakali kundivwozya mali ngamunya ngondakali kuvwola lyoonse. Nokwakainda ciindi cisyoonto, ndakamulomba ikuti naa inga kandibeleka buyo mawoola aali 48 ansondo. Bakandizumizya alimwi bakazumanana kundivwozya mali ngamunya ngondakali kuvwola lyoonse. Alimwi ndakalomba kuti kandibeleka buyo mawoola aali 36 ansondo naa mawoola aali cisambomwe abuzuba mumazuba aali cisambomwe, alimwi bakandizumizya. Ndakagambwa kapati nkaambo bakacili kundivwozya mali ngamunya ngondakali kuvwola! Cakalibonya kuti mupati wamulimo tanaakali kuyanda kuti ndicileke mulimo. Kwiinda mumulongo ooyu, ndakatalika bupainiya bwaciindi coonse. Aciindi eeco, mupainiya wakeelede kusika amawoola aali 100 amwezi.\\nNokwakainda myezi yone, ndakasalwa kuba mupainiya waalubazu alimwi akuba mubelesi wambungano (mazuba aano wiitwa kuti sicuuno wakabunga kabaalu) mumbungano isyoonto yakali kucooko ca Carinthia, mudolopo lya Spittal an der Drau. Kuciindi eeco mupainiya waalubazu wakeelede kusika amawoola aali 150 amwezi. Tiindakajisi mupainiya wakubeleka limwi, pele ndakalumba lugwasyo ndondakatambula mumulimo wakukambauka kuzwa kumucizyi uutegwa Gertrude Lobner, walo iwakali kubeleka kali sikugwasyilizya mubelesi wambungano. *\\nMumwaka wa 1963, ndakatalika mulimo wamubbazu. Zimwi ziindi ndakali kukkwela citima kuzwa kumbungano imwi kuya kumbungano imbi, kandijisi zibbeeke zilema kapati. Bakwesu banji tiibakalijisi myootokala, aboobo taakwe wakali kukonzya kundibweza kuzwa kucitisyini cacitima. Kutegwa nditalibonyi kuba “amambonwa,” tiindakali kuyanda kubbadelela mootokala kundisisya aŋanda mpondakali kuyakusikila, aboobo ndakali kweenda amaulu kuya kuŋanda nkondakali kuyakusikila.\\nMumwaka wa 1965, kanditanakwata, ndakatambwa kuyakunjila Cikolo ca Gileadi mukkilasi yanamba 41. Bunji bwabasicikolama tiibakakwete abalo. Ndakagambwa kuzyiba kuti notwakamana cikolo, ndakatumwa kuyakubelekela kucisi cesu ku Austria akuzumanana amulimo wamubbazu. Nokuba boobo, kanditanazwa ku United States, ndakalombwa kusindikila mulangizi wabbazu umwi mumulimo wakwe kwansondo zyone. Ndakakkomana kapati kubeleka aba Anthony Conte, mukwesu siluyando walo iwakali kuuyandisya mulimo wakukambauka alimwi kali musungu kapati mumulimo ooyu. Twakabeleka antoomwe mubusena butegwa Cornwall mu New York.\\nNondakasika ku Austria, ndakatumwa kubbazu limwi nkondakayaana aba Tove Merete, mucizyi weebeka kapati. Wakakomenena mukasimpe kuzwa ciindi naakali amyaka yakuzyalwa yosanwe. Bakwesu nobatubuzya kuti twakayaana buti tulabaambila kube tusobana buya kuti, “Bamutabi mbabakapa kuti tuyaane.” Twakakwatana nokwakainda mwaka omwe, mu April 1967, alimwi twakazumizyigwa kuzumanana mumulimo wamubbazu.\\nMwaka wakatobela, ndakazyiba kuti kwiinda muluzyalo lwa Jehova, ndananikwa kuba mwanaakwe wakumuuya. Aawa mpaakatalikila cilongwe cilibedelede a Taata wakujulu alimwi abaabo boonse ‘boompolola kuti: “Abba, Taata!”,’ kweelana alugwalo lwa Baloma 8:15.\\nMebo aba Merete twakazumanana kubeleka mulimo wamubbazu alimwi awacooko mane kusikila mu 1976. Zimwi ziindi ciindi camupeyo, twakali koona mumaanda aatontola kapati. Cimwi ciindi, notwakabuka twakajana kuti kumitwe ngubo yaba acaanda. Akaambo kaceeco twakatalika kweenda acitofwu cikasaazya kutegwa muŋanda kamutatontoli kapati. Mumasena amwi, ikuti koyanda kubelesya cimbuzi masiku, kwakali kuyandika kweenda atala aacaanda, alimwi kanji-kanji tiizyakayakidwe kabotu. Alimwi tiitwakajisi ŋanda, aboobo mu Muhulo uuli woonse twakali kukkala muŋanda njimunya motwakali kukkala nsondo eeyo. Mpoonya, muli Bwabili mafwumofwumo twakali kuunka kumbungano imbi.\\nNdilikkomene nkaambo bakaintu bangu lyoonse bali kundigwasya kapati. Balauyanda kapati mulimo wakukambauka, alimwi kunyina buzuba nondakabaambila kuti mweelede kuunka mumulimo wakukambauka. Balabayanda balongwe alimwi balababikkila kapati maano bantu. Bandigwasya ncobeni.\\nMu 1976 ndakatambwa kuyakubelekela kuofesi yamutabi yaku Austria, mu Vienna, alimwi ndakasalwa kuba umwi wabaabo ibakali mu Kkomiti Yamutabi. Aciindi eeco, mutabi waku Austria ngowakali kweendelezya mulimo muzisi zimwi zyakunyika lya Europe alimwi akulanganya bubambe bwakutola mabbuku cakusisikizya kuzisi eezyo. Mukwesu Jürgen Rundel ngowakali kusololela bubambe oobu, akupa mizeezo imwi kujatikizya mbobakali kukonzya kucita. Ndakaba acoolwe cakubeleka anguwe alimwi mukuya kwaciindi wakalombwa kulanganya mulimo wakusandulula mumyaambo iili kkumi yakujwe lya Europe. Ba Jürgen abakaintu babo ba Gertrude, bazumanana kubeleka mulimo wabupainiya bwaalubazu cakusyomeka mucisi ca Germany. Kutalikila mumwaka wa 1978, mutabi waku Austria wakali kulemba mamagazini alimwi akwaasimba mumyaambo iili cisambomwe mubusena busyoonto bwakusimbila. Alimwi twakali kutuma magwalo kuzisi zimwi izyakalomba kuti kazitambula mamagazini. Ba Otto Kuglitsch alimwi abakaintu babo ba Ingrid, balo lino ibabelekela kuofesi yamutabi yamu Central Europe, bakabeleka mulimo mupati kutegwa bubambe oobu buzwidilile.\\nMu Austria, ndakali kucikonzya kukkomanina nzila zinji zyamulimo wakukambauka kubikkilizya abukambausi bwamumugwagwa\\nBakwesu baku Europe nkoili kujwe abalo bakali kusimba mamagazini mucisi kwiinda mukukkopolola kuzwa mumabbuku ambi naa kuzwa mumafilimu. Nokuba boobo, bakali kuyandika lugwasyo kuzwa kuzisi zimbi. Jehova wakaukwabilila mulimo ooyu, alimwi twakatalika kubayanda kapati bakwesu ibakali kubeleka amutabi mubukkale bukatazya alimwi aaciindi mulimo nowakakasyidwe kwamyaka minji.\\nKUSWAYA KWAALUBAZU KU ROMANIA\\nMumwaka wa 1989, ndakaba acoolwe cakusindikila Mukwesu Theodore Jaracz, iwakali mu Kabunga Keendelezya kuya ku Romania. Makanze akali aakugwasya bakwesu banji kutegwa batalike kuyanzana ambunga alimwi. Kutalikila mumwaka wa 1949, bakali cilekede kuyanzana ambunga akaambo katwaambo tumwi mpoonya akupanga mbungano zyabo beni. Nokuba boobo, bakazumanana kukambauka alimwi akubbapatizya bantu. Alimwi bakali kwaangwa akaambo kakutatola lubazu mutwaambo twacisi, mbubwenya mbobakali kwaangwa bakwesu bamwi ibakali mumbunga yakazumizyidwe amaofesi mapati. Mulimo wakacilesyedwe mucisi ca Romania, aboobo twakaswaangana cakusisikizya muŋanda ya Mukwesu Pamfil Albu, antoomwe abaalu bone ibakali kusyomwa alimwi abaiminizi bazumizyidwe bamu Romania Country Committee. Alimwi twakabwezelezya asikusandulula kuzwa ku Austria uulaazina lyakuti Rolf Kellner.\\nMubusiku bwabili bwakubandika, Mukwesu Albu wakakulwaizya baalunyina kuti bakamantane andiswe naakaamba kuti: “Ikuti tutaciti ndimunya lino, inga twabula coolwe cimbi cakucita boobu.” Cakatobela ncakuti, ibakwesu ibatandila ku 5,000 bakazumina kupiluka mumbunga. Eelo kaka Jehova wakamuzunda Saatani!\\nKumamanino aamwaka wa 1989, Kabunga Keendelezya kakatutamba abakaintu bangu kuti tuunke kumaofesi mapati ku New York. Eeci cakatugambya kapati. Twakatalika kubeleka a Bbeteli yaku Brooklyn mu July 1990. Mumwaka wa 1992, ndakasalwa kuba mugwasyilizyi mu Kkomiti ya Mulimo ya Kabunga Keendelezya, alimwi kuzwa mu July 1994, ndilijisi coolwe cakubelekela mu Kabunga Keendelezya.\\nKUYEEYA ZYAMUSYULE AKULANGA KUMBELE\\nAbakaintu bangu ku Brooklyn, New York\\nCiindi nondakali kubeleka mulimo wakupa zyakulya muhotela cakainda. Lino ndilikkomene acoolwe cakutola lubazu mukubamba akwaabila cakulya cakumuuya kubakwesu nyika yoonse. (Mt. 24:45-47) Kulanga musyule mumyaka yiinda ku 50 yamumulimo waciindi coonse waalubazu, ndikonzya buyo kutondezya kulumba kapati alimwi akukkomana akaambo kazilongezyo zya Jehova kubunyina bwanyika yoonse. Ndilayandisya kujanika kumiswaangano yesu yamasi, kwalo kukankaizyigwa kapati kwiiya kujatikizya Taateesu wakujulu Jehova, alimwi akasimpe kamu Bbaibbele.\\nNdipailila kuti mamiliyoni aabantu baiye Bbaibbele, bakatambule kasimpe, akubelekela Jehova calukamantano antoomwe abunyina bwa Bunakristo bwanyika yoonse. (1 Pe. 2:17) Alimwi ndilangila kumbele nondiyakubona bantu kandili kujulu kababusyigwa anyika alimwi akuyakubona bataata bakumubili. Ndijisi bulangizi bwakuti bataata, bamaama alimwi abanamukwasyi bamwi bayakuyandisya kukomba Jehova mu Paradaiso.\\nNdilangila kumbele kandili kujulu akubona bantu kababusyigwa anyika alimwi akuyakubona bataata bakumubili\\n^ par. 15 Amubale makani aabuumi bwabo mu Ngazi Yamulindizi yamu Chingisi ya November 1, 1979.\\n^ par. 27 Mazuba aano, muciindi camubelesi wambungano alimwi asikugwasyilizya mubelesi wambungano, mukabunga kabaalu kuli sicuuno alimwi amulembi.\\nBakalyaaba Amoyo Woonse Kuyakubelekela​—ku Micronesia\\n“Jehova Ulibazyi Aabo Babalilwa Kulinguwe”\\nBantu ba Jehova ‘Balakukaka Kutalulama’\\nMAKANI AABUUMI Kusweekelwa Bataata​—Kujana Bataata\\n“Ndinywe Bakamboni Bangu”\\n“Muyooba Bakamboni Bangu”\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA July 2014\\nNGAZI YAMULINDIZI—YAKWIIYA July 2014","num_words":2304,"character_repetition_ratio":0.047,"word_repetition_ratio":0.0,"special_characters_ratio":0.153,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Zyoonse Nzyaamba Jehova Leza Zilazuzikizigwa (Jeremiya 51)\\nLUBONO LUZWA MUJWI LYALEZA | JEREMIYA 51-52\\nZyoonse Nzyaamba Jehova Zilazuzikizigwa\\nJehova wakaamba zintu zyakali kuyoochitika kunembo\\nMulindi wakuPersiya wakali kubelesya kanta\\n“Amunone mivwi [tunta]”\\nMaMede amaPersiya bakakuzi kabotu kubelesya tunta alimwi ntuto ntubakali kubelesya loko munkondo. Alubo bakali kutunona kuti tubosye\\n“Basilumamba ba-Babuloni baleka kulwa”\\nMalembe ajanika muNabonidus aamba kuti: “Basilumamba baKkoresi bakanjila muBbabbiloni kabatalwanide.” Eezi zyaamba kuti teebakakataazikana kuti banjile mumuunzi alubo zyeendelana azili mubusinsimi bwaJeremiya\\n‘Bbabbiloni uyooba chitantaala chamabwe alimwi uyooba tongo kukabe kutamani’\\nKuzwa mu539 B.C.E., Bbabbiloni teeyakachilikwe bulemu. Alexander Mupati wakali kuyanda kuyaka muunzi wakwe muBbabbiloni pesi wakafwa katanazichita. Muchiindi chamaKristu akusaanguna, mwaapostolo Petro wakaswaya kuBbabbiloni nkaambo kwakali kukkala amwi maJuda. Pesi mumwaanda wane C.E., muunzi ooyu wakali waba tongo kawutachikkalwi abantu\\nKuzuzikizigwa kwabusinsimi bwamuBbayibbele kundigwasya biyeni?\\nKujana ndabayiisyaanzi bamwi atala abusinsimi oobu?","num_words":122,"character_repetition_ratio":0.066,"word_repetition_ratio":0.0,"special_characters_ratio":0.147,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Eliya Abasinsimi baBbaala kuChilundu chaKkarimeli | Zyiiyo Zyabana Zizwa muBbayibbele\\nMisyobo iili kkumi yabwaami bwaIsrayeli yakali abaami bakali kuchita zibi, pesi Ahabbu wakaliindilide. Wakakwete mukayintu wakali kuchita zibi akukomba Bbaala. Zina lyakwe nguJezebbeli. Ahabbu aJezebbeli bakapa kuti bantu bakombe Bbaala alimwi bakajaya basinsimi baJehova. Jehova wakachitaanzi? Wakatuma musinsimi Eliya kuti akabuzye Ahabbu mulumbe uzwa kuli Leza.\\nEliya wakabuzya Mwaami Ahabbu kuti mvula yakali kuyooleka kuwa muchisi chaIsrayeli akaambo kazibi zyakwe. Kwaminyaka iyinda kwiitatu, tekwakalikwe zilyo alimwi bantu bakafwa nzala. Jehova wakamutuma lubo Eliya kuli Ahabbu. Mwaami wakati: ‘Nduwe watweetela mapenzi. Nduwe wapa kuti kube oobu.’ Eliya wakasandula kati: ‘Teendime pe ndapa kuti mvula itawi. Pesi nduwe nkaambo ulikukomba Bbaala. Atuchite musunko uyootondeezya kuti ngwani Leza wakasimpe. Bungania bantu boonse abasinsimi baBbaala kuChilundu chaKarimeli.’\\nBantu bakabungana kuchilundu. Eliya wakati: ‘Amuyeeyesesye kabotu. Ikuti Jehova nguLeza wakasimpe amumutobele. Ikuti nguBbaala amumutobele. Atuchite musunko. Basinsimi baBbaala bali 450 beelede kulibambila chipayizyo akwiita leza wabo andime ndiyoolibambila changu akwiita Jehova. Uyoosandula kwiinda mukweeta mulilo nguwe Leza wakasimpe.’ Bantu bakazumina.\\nBasinsimi baBbaala bakalibambila chituuzyo chabo. Buzuba boonse bakakwiilila leza wabo kabati: ‘O Bbaala kotuswiilila.’ Bbaala naakakachilwa kusandula, Eliya wakasaanguna kubafubaazya. Wakati: ‘Amukwiilisisye. Amwi ulikoona uyanda kubusigwa.’ Basinsimi baBbaala bakaliswini kukwiila kusika nilyakaba goko. Pesi Bbaala taakabasandula pe.\\nEliya wakabikka chituuzyo chakwe achipayililo akuchitila maanzi. Wakakomba kati: ‘O Jehova, bantu abazibe kuti nduwe Leza wakasimpe.’ Chakufwambaana, Jehova wakeeta mulilo kuzwa kujulu mpawo wakuumpa chituuzyo. Bantu bakakwiila kabati: ‘Jehova nguLeza wakasimpe!’ Eliya wakati: ‘Mutabalekeli basinsimi baBbaala kuti bachije!’ Buzuba oobo, kwakajayigwa basinsimi baBbaala bali 450.\\nNikwakalibonia kayoba kazwa kulwizi, Eliya wakabuzya Ahabbu kuti: ‘Kuli mvula mpati iyanda kuwa. Kolibambila ngolo yako uyinke kung’anda.’ Kujulu kwakasiya, kwakaba luwo alimwi mvula mpati yakawa. Kuzwa waawo, bbalangwe lyakamana. Ahabbu wakachijaana angolo yakwe. Pesi Eliya wakagwasigwa aJehova alimwi wakachijaana akusiya ngolo! Pesi mapenzi aEliya akali amana na? Atubone.\\n“Bazibe kuti nduwe olike oojisi izina lya-Jehova, nduwe Mupatikampatila atala anyika.”—Intembauzyo 83:18\\nMibuzyo: Niinzi chakachitika kuChilundu chaKkarimeli? Jehova wakayisandula biyeni nkombyo yaEliya?","num_words":308,"character_repetition_ratio":0.077,"word_repetition_ratio":0.0,"special_characters_ratio":0.159,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 4 IBBAIB63 - Lino Adamu wakaswanana a-Eva - Bible Search\\nMatalikilo 3 Matalikilo 5\\nKaini mbwaakajaya Abelo\\n1Lino Adamu wakaswanana a-Eva banakwe, nkabela wakaminta, wazyala Kaini, wati, Ndajana muntu kuli-Jehova. 2Alimwi wakazyala lwabili, wazyala munyina Abelo. Nkabela Abelo wakaba sikweembela imbelele, pele Kaini wakaba sikupanda nyika. 3Lino necakaba ciindi, Kaini wakaletela Jehova cituuzyo camicelo yanyika. 4-Alakwe Abelo wakaleta kabalwebalwe wambelele amafuta aazyo. Lino Jehova wakabotelwa Abelo acituuzyo cakwe, 5-pele Kaini acituuzyo cakwe takwakamubotelwa pe. Nkabela Kaini wakakalala loko, abusyu bwakwe bwakasyulungana. 6Mpawo Jehova wakaambila Kaini kuti, Ino wakalalilanzi? Nkaambonzi busyu bwako bulisyulungene? 7Na wacita kabotu, sa tokooyoonyampuzigwa na? Pele na tociti kabotu, zibi zilakubutilila kumulyango, Lino uyoosukama nduwe, nkabela uyoomweendelezya.\\n8-Lino Kaini wakaambila munyina Abelo kuti, Atweende musokwe. Nkabela nebakali musokwe, Kaini wakanyampukila Abelo munyina, wamujaya. 9Elyo Jehova wakabuzya Kaini kuti, Uli kuli Abelo mwanike wako? Wakaamba kuti, Nsimubwene pe. Sa ndime sikulela mwanike wangu? 10-Lino wakati, Ma! Wacitanzi? Ijwi lyabulowa bwamwanike wako lilandikwiilila kuzwa muvu. 11-Lino sunu wajana lutuko kuvu elyo ndilyonya ilyanywa bulowa bwamwanike wako buzwa kujanza lyako. 12Nozoolima ivu, talikooyookupa limbi inguzu zyalyo. Uyooba sikweendeenda asimutuntuli ansi. 13Mpawo Kaini wakaambila Jehova kuti, Kuumwa kwangu nkunjumwide nkupati kampatila. 14Ncobeni buzuba obuno wanditanda kuzwa kunyika, aboobo njoosiswa kumeso aako, Njooba sikweendeenda asimutuntuli munyika, nkabela kufumbwa muntu uundijana uyoondijaya. 15-Mpawo Jehova wakamwaambila kuti, Mbubo, Kufumbwa muntu uujaya Kaini uyooindulwidwa kupegwa mulandu ziindi zili musanu azibili, Nkabela Jehova wakabikila Kaini citondezyo, kuti umwi aumwi uumujana atamujayi.\\n16-Lino Kaini wakazwa kubusyu bwa-Jehova, waakukala munyika yaNodi iili kujwe lya-Edeni. 17-Elyo Kaini wakaswanana amukaakwe, nkabela wakaminta, wazyala Enoki. Alimwi wakayaka munzi, lino oyo munzi wakauulika izina lya-Enoki mbubonya mbuli izina lyamwaanakwe. 18Lino Enoki alakwe wakazyalilwa Iradi, alakwe Iradi wakazyala Mehujaeli, alakwe Mehujaeli wakazyala Metusaeli, alakwe Metusaeli wakazyala Lameki. 19Lino Lameki wakakwata banakazi bobile; izina lya umwi kali Ada, azina lyawabili kali Zila. 20Nkabela Ada ngowakazyala jabali, ngonguwe wisaabo boonse bakala mumatente akweembela iŋombe. 21Azina lyamwanike wakwe kali Jubali, ngonguwe wisaabo boonse balizya kantimbwa anyeele. 22Alakwe Zila wakazyala Tubala-Kaini, ngonguwe iwakali kufula zibelesyo zyoonse zyamukuba azyabutale. Amucizi wa-Tubela-Kaini kali Naama.\\n23Lino Lameki wakaambila banakazi bakwe kuti,\\nAda a-Zila, amuswiilile ijwi lyangu.\\nNubanakazi ba-Lameki amuteelele majwi angu.\\nNkaambo ndajaya muntu iwakandiyasa,\\nNdanyonyoona mulombe nkaambo kakunduuma.\\n24Kaini ulatemwa mulandu ziindi zili musanu azibili.\\nSa Lameki takooyootemwa ziindi zili makumi aali musanu aabili amusanu azibili na?\\n25Lino Adamu wakaswanana alimwi abanakwe, nkabela wakazyala mwana mulombe. Lino wakamuulika izina lya-Seti, nkaambo wakati, Leza wandipa mwana umbi mucibaka ca-Abelo, Kaini ngwaakajaya. 26-Alakwe Seti wakazyalilwa mwana, nkabela wakamuulika izina lya-Enosi. Mpoonya awo bantu bakatalika kukomba muzina lya-Jehova.","num_words":400,"character_repetition_ratio":0.063,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bbuku Lyaamwaka lya Bakamboni ba Jehova Lyamu 2016 | JW.ORG\\nAmubale kujatikizya mulimo wa Bakamboni ba Jehova ngobakacita mu 2015 alimwi amakani aamba mbowakatalika mulimo wabo mu Indonesia.\\nLugwalo lwa Bahebrayo 13:1 lulakulwaizya alimwi akulumbaizya.\\nMulumbe ooyu uukulwaizya utondezya mbozyagwasya zileleko mbuli webbusaiti ya jw.org, sikapepele wa JW Broadcasting, twakukubila mabbuku twamubukambausi bwakubuleya alimwi Amiswaangano Yacooko yamu 2015.\\nIno ncinzi cakajatikizyidwe mukupanga sikapepele ooyu waa Intaneti?\\nMulimo wakabambuluwa kutegwa cikonzyeke kuyaka maanda aa bwami manji kapati aayandika.\\nAmubone makani aalembedwe mubufwaafwi kujatikizya mulimo wakuyaka maofesi mapati aa Bakamboni ba Jehova.\\nIno ncinzi cakapa ba Terry kusyoma kuti nzyobakamvwa kuli Bakamboni ba Jehova zyakali bwiinguzi bwamupailo wabo?\\nMucibeela eeci, amubone Jehova mbwaazumanana kumunikila nzila ya bakombi bakasimpe.\\nBakamboni ba Jehova ku Madagascar alimwi aku Indonesia bakatambula zileleko zilibedelede kumatalikilo aamwaka wa 2015.\\nMa Bbaibbele aali 16 akazwa lyamumwaka wamulimo wamu 2015.\\nKulwanina kuti baleke kusalululwa mumakani aabukombi kwazumanana munyika yoonse mboizulwa.\\nMilumbe—Makani Kuzwa Munyika Yoonse\\nMali aakazwa mukabbokesi Ken nkaakasiside akagwasya ciindi noyakali kuyakwa ŋanda ya Bwami.\\nIno ninzila nzi zyakuliyeeyela nzyobabelesya Bakamboni nobakambauka makani mabotu?\\nIno nkaambo nzi mukaintu umwi ncaakali kwiiya Bbaibbele kali mumuunda alimwi kabelesya kkendulo? Ino nkaambo nzi sibbuku mukali imuna America kumwi alimwi kumbi muna India ncaakali kulindila Bakamboni? Alimwi ncinzi cakamupa kulila muntu iwakali sikupenzya?\\nKunyina cilesya basikukambauka ba Bwami—kube kulemana naa kwaangwa.\\nMwaalumi imu Roma, sintolongo, alimwi amukaintu iwalikuyanda kulijaya bakkomana akaambo kakumvwa mulumbe wakasimpe.\\nMatebulu aamabbuku, twakukubila mabbuku twamubukambausi, webbusaiti ya jw.org, alimwi amavidiyo aa Bakamboni ba Jehova alagwasilizya mumulimo wakusyanga mbuto zyakasimpe mumyaanda-myaanda yabantu, naa mubantu batakonzyi kubalwa!\\nAmujane makani aalembedwe mubufwaafwi kujatikizya nyika, bantu alimwi azilengwa zyabantu ibakkala munsumbu iiyiinda kukomena munyika yoonse.\\nMumwaanda wamyaka wa 16, makwebo aatununkilizyo ngaakali makwebo aakali kuleta mali munyika\\nKakamu kabapainiya basicamba ibazwa ku Australia bakalwana buyumu-yumu ciindi nobakali kutalisya mulimo wakukambauka.\\nKumwaya makani mulisikapepele wawailesi alimwi akukambaukila kuzito zyakabusya bukali bwabasikulwana kasimpe ibalaanguzu kapati mu Indonesia.\\nKabunga aaka kakatalika kwiinda mukutobela izyakali mumabbuku aa Bakamboni ba Jehova, pele kakazootalika kulanga zintu munzila yabuntu.\\nBasimanyongwe bakanjila muŋanda yaba Thio Seng Bie akubweza zintu kabalangilila, nokuba boobo, bantu aabo bakasiya cintu ba Thio Seng Bie ncobakali kubona kuti cilayandika kapati kwiinda zintu nzyobakasweekelwa.\\nMabbuku aa Bakamboni mbwaakali kuyaabulesyegwa, Bakamboni bakabelesya busongo kuti bazumanane amulimo wabo wakukambauka.\\nCiindi Nkondo Yabili Yanyika noyakali kulwanwa, Bakamboni bamwi bakajana nzila yakulilembya kubweendelezi bwacisi ca Japan kakunyina kutola lubazu mutwaambo twacisi.\\nMumyaka iili 60 njobakabeleka, ba André Elias bakazumanana kusyomeka noliba leelyo nobakali kubuzyigwa-buzyigwa alimwi akukongwa.\\nBamisyinali ba cikolo ca Gileadi ibakusaangana kusika bakagwasya kuti mulimo wakukambauka ufwambaane kuyaambele.\\nSena lino basololi bazikombelo balazwidilila mukukazya kwabo?\\nCakuma 1970 zintu zyakabija kapati cakunga cakali kukatazya kukambauka makani mabotu.\\nCalukkomano, ba Titi Koetin bakalibombya kubalumi babo alimwi eeci cakabaletela mpindu kapati.\\nMuswaangano wamu 1963 wakuti “Makani Mabotu Aatamani” wakacitika nokuba kuti kwakali buyumu-yumu bunji.\\nCuumbwe ca ba Ronald Jacka cakalisyidwe kale.\\nMu 1964, ku Manokwari, mufwundisi umwi wacikombelo caba Pulotesitanti wakaamba cabukali kuti: ‘Ndilabamana Bakamboni ba Jehova mu Manokwari moonse!’ Sena eeci cakacitika?\\nMupati wabasyaabusongo bamfwulumende wakali kuyanda kuzyiba cini ncobakali kucita Bakamboni ba Jehova mu Indonesia.\\nIno ncinzi cakapa bantu ibakali kubona zyakali kucitika kuti baambe kuti, “Bakamboni ba Jehova bali mbuli mpikili”?\\nCiindi mulimo wa Bakamboni ba Jehova nowakazumizyigwa, nkumenkume imwi yakaamba makani aagambya, yakati: “Cipepa eeci icitondezya kuti mbunga yanu ililembedwe mumulawo tacimupi lwaanguluko lwabukombi pe.”\\nBakamboni ba Jehova bakafwambaana kugwasya nokwakacitika muzuzumo wanyika iwakanyonyoona dolopo lya Gunungsitoli.\\nBa Daniel Lokollo bayeeya mbobakapezyegwa abasikugatela ntolongo.\\nTwakatobela Malailile—Aboobo Twakafwutuka!\\nInkondo yakacitika akati kaba Mozilemu alimwi a Banakristo mu Indonesia yakapa kuti Bakamboni ba Jehova babe mubukkale bukatazya kapati.\\nMulimo nowakazumizyigwa alimwi, bakwesu bakagwasyigwa kapati nobakabelesya nzila zyotatwe zigwasya kapati.\\nIno Bakamboni bakabulwana buti buyumu-yumu ibwakali kubalesya kukambauka cabusicamba akaambo kabube bwabo alimwi azilengwa zyacisi cabo?\\nBasikubelekela kubusena kubulide ibayandaula cilawo bantu banji nkobatanamvwide makani mabotu bacijana.\\nMbungano yamumunzi wa Tugala Oyo, ku Indonesia, yakatambaula cilongezyo ncoyatakali kuyeeyela.\\nBanabokwabo basimbi bobilo alimwi ibasinkematwi ku Indonesia bakalaandaanizyidwe ciindi umwi wabo naakapegwa kubantu bambi kuti babe mbabo bazyali bakwe, nokuba boobo, kasimpe kakabaleta antoomwe.\\nMyaka Iili 100 Iyainda—1916\\nCintu icakacitika lyacilimo camu 1916 cakabajatikizya kapati Basikwiiya Bbaibbele.\\nIno ncinzi ncotwakacita alimwi ino mali manji buti ngotwakabelesya mukukambauka makani mabotu aa Bwami bwa Leza?\\nBuzuba bwa Ciibalusyo—Bwasanu, April 3, 2015\\nMulimo wakutamba bantu iwakatola mvwiki zyone wakapa kuti bantu banji kapati bakajanike ku Ciibalusyo.","num_words":645,"character_repetition_ratio":0.069,"word_repetition_ratio":0.0,"special_characters_ratio":0.149,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Lemeka Chipo chaLeza Chabuumi\\nBALA MU Abbey Abui Acholi Afrikaans Aja Akha Altai Alur American Sign Language Amharic Angolan Sign Language Arabic Argentinean Sign Language Armenian Armenian (West) Ateso Attié Aymara Azerbaijani Azerbaijani (Cyrillic) Bashkir Bassa (Cameroon) Bassa (Liberia) Batak (Karo) Batak (Simalungun) Batak (Toba) Belize Kriol Biak Bicol Bislama Bolivian Sign Language Boulou Bété Cambodian Cebuano Changana (Zimbabwe) Chavacano Chichewa Chiga Chin (Hakha) Chin (Tiddim) Chin (Zotung) Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuvash Cibemba Cinamwanga Cinyanja Colombian Sign Language Cuban Sign Language Dakota Dangme Danish Dayak Ngaju Douala Drehu Dusun Dutch Efik English Estonian Ewe Fante Fijian Finnish Finnish Sign Language Fon French Futuna (East) Ga German Gitonga Gokana Greek Guadeloupean Creole Guarani Guarani (Bolivia) Guerze Guianese Creole Gun Guéré Haitian Creole Hausa Herero Hiligaynon Hindi Hungarian Hunsrik Iban Ibanag Ibinda Igbo Iloko Indian Sign Language Indonesian Indonesian Sign Language Irish Isoko Italian Italian Sign Language Japanese Javanese Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Khana Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisii Kisonge Kituba Kongo Korean Kpelle Krio Kurdish Kurmanji Kwangali Kwanyama Kyangonde Lahu Lamba Lambya Lari Lhukonzo Lingala Lithuanian Lomwe Luganda Lugbara Lunda Luo Luvale Macua Malagasy Malay Malayalam Malaysian Sign Language Maltese Mam Mambwe-Lungu Mapudungun Marathi Mauritian Creole Maya Mazahua Mbunda Mende Meru Mexican Sign Language Mizo Mongolian Moore Myanmar Myanmar Sign Language Nahuatl (Central) Navajo Ndau Ndebele Ndebele (Zimbabwe) Ndonga Nengone Nepali Nepali Sign Language Ngabere Ngangela Nias Nigerian Pidgin Niuean Norwegian Nsenga Nyaneka Nyungwe Nzema Odia Okpe Oromo Ossetian Otetela Pangasinan Pidgin (Cameroon) Pidgin (West Africa) Polish Ponapean Poqomchi' Portuguese (Portugal) Portuguese Sign Language Punjabi (Shahmukhi) Quebec Sign Language Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Quichua (Pastaza) Quichua (Santiago del Estero) Quichua (Tena) Rarotongan Romanian Romanian Sign Language Romany (Eastern Slovakia) Romany (Macedonia) Romany (Macedonia) Cyrillic Romany (Northern Greece) Romany (Serbia) Romany (Southern Greece) Ronga Runyankore Russian Rutoro Réunion Creole Samoan Sangir Sango Sena Sepedi Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Solomon Islands Pidgin Spanish Spanish Sign Language Sranantongo Sunda Swahili Swahili (Congo) Swati Swedish Tagalog Tahitian Tajiki Talian Tamil Tandroy Tankarana Tatar Tetun Dili Thai Thai Sign Language Tigrinya Tiv Tojolabal Tok Pisin Tongan Tshiluba Tshwa Tsonga Turkish Tuvaluan Twi Ukrainian Umbundu Urdu Urhobo Uruund Uzbek Vezo Vietnamese Wallisian Waray-Waray Welsh Wichi Wolaita Yacouba Zande Zulu\\nLemeka Chipo Chabuumi\\n1. Ngwani wakatupa buumi?\\nJEHOVA “nguLeza muumi.” (Jeremiya 10:10) NguuMulengi wesu. Alimwi wakatupa buumi. IBbayibbele litubuzya kuti: “Nkaambo nduwe wakalenga zintu zyoonse, nkaambo kabukanze bwako nkizibeda, ankizyakalengelwa.” (Ciyubunuzyo 4:11) Nisimpe, Jehova wakali kuyanda kuti tube abuumi. Buumi nchipo chiyandikana loko chizwa kuli nguwe.—Bala Intembauzyo 36:9.\\n2. Nga tulazwidilila biyeni mubuumi?\\n2 Jehova utupa zintu nzituyanda kutegwa tupone, zili mbuli chakulya amaanzi. (Incito 17:28) Pesi kwiinda eezi, uyanda kuti tubotelwe mubuumi. (Incito 14:15-17) Kutegwa tuzwidilile mubuumi, tweelede kuswiilila milawu yaLeza.—Isaya 48:17, 18.\\nLEZA MBWALIMVWA ATALA ABUUMI\\n3. Niinzi Jehova nchaakachita chiindi Kaini naakajeya Abelo?\\n3 IBbayibbele lituyiisya kuti buumi bwesu abuumi bwabamwi bantu bulayandikana kapati kuli Jehova. Muchikozyano, chiindi Kaini—mwana waAdamu aEva—naakanyemena mwanikaakwe Abelo, Jehova wakachenjezya Kaini kuti wakeelede kuleka bukali bwakwe. Pesi Kaini taakaswiilila pe, pesi wakiindilila kunyema zyakuti “wakanyampukila Abelo munyina, wamujaya.” (Matalikilo 4:3-8) Jehova wakamusubula Kaini akaambo kakujeya Abelo. (Matalikilo 4:9-11) Aboobo, kunyema akusulayika tazili kabotu pe nkaambo zilakonzya kutupa kuba basilunya akuyandisya zyankondo. Muntu uuli boobo takabujani pe buumi butamani. (Bala 1 Johane 3:15.) Kuti tubotezye Jehova, tweelede kuyanda bantu boonse.—1 Johane 3:11, 12.\\n4. Mulawu waLeza ngwaakapede maIsrayeli utuyiisyaanzi atala achipo chabuumi?\\n4 Nikwakiinda zyuulu zyaminyaka, Jehova wakatondeezya kuti buumi nchintu chiyandikana aawo naakapa Musa Milawu iili Kkumi. Umwi mulawu wakali wakuti: “Utajayi.” (Deuteronomo 5:17) Kweendelana amulawu ooyu, muntu wakali kujeya muntunyina wakeelede kujayigwa alakwe.\\n5. Leza ulimvwa biyeni atala akugwisya da?\\n5 Jehova ulimvwa biyeni atala akugwisya da? Alabo buumi bwamwana uutanazyalwa bulayandikana kuli Jehova. Mumulawu Jehova ngwaakapede maIsrayeli wakaambide kuti, ikuti umwi wachisa mwanakazi uulaada kusikila wasowa, muntu ooyo wakeelede kujayigwa. (Bala Kulonga 21:22, 23; Intembauzyo 127:3.) Eezi zituyiisya kuti kugwisya da nkubi.—Langa Makani Aakumamanino 28.\\n6, 7. Kujana twamutondeezya biyeni Jehova kuti buumi tububona kabuli chintu chiyandikana?\\n6 Kujana twamutondeezya biyeni Jehova kuti buumi bwesu abwabamwi tububona kabuyandikana kapati? Kwiinda mukutachita zimwi zintu zikonzya kutuchisa naa kuchisa buumi bwabamwi. Aboobo, tatukafwepi polya naa kubelesya misamu iikola nkaambo kakuti zijeya mibili yesu.\\n7 Leza wakatupa buumi amibili, alimwi tweelede kuzibelesya kabotu mbuli mbwayanda. Aboobo tweelede kulijata kabotu. Ikuti teetwachita oobo, tatukonzyi pe kusalala mumeso aaLeza. (BaRoma 6:19; 12:1; 2 BaKorinto 7:1) Tachikonzeki pe kukomba Jehova sikutupa buumi kuti teetwabubona mbuli mbwabubona. Nikuba kuti chilakonzya kutuyumina kuleka michito iili boobo, Jehova uyootugwasya kuti katweezya changuzu kuleka nkaambo buumi ububona kabuyandikana loko.\\n8. Niinzi nzitutayoochite kutegwa tutachisi buumi bwesu abwabamwi?\\n8 Twayiiya kuti buumi nchipo chiyandikana loko. Jehova usyoma kuti tuyoochita nzitukonzya kutegwa tutakachisi buumi bwesu abwabamwi. Eezi tulazitondeezya munzila njitweenzyaayo myoota, midududu, naa zimwi zyeenzyo. Tweelede kutantamuka zisobano zilaangozi azyakulwana. (Intembauzyo 11:5) Alubo tuyoochita kabotu kuyaka myuunzi yesu munzila iitapi ngozi. Jehova wakalayilila maIsrayeli kuti: “Na wayaka ing’anda impya, bikila lululi citabililo, kuti utaleteli ing’anda yako mulandu wabulowa na muntu waloka.”—Deuteronomo 22:8.\\n9. Tweelede kubajata biyeni banyama?\\n9 Nikuba nzila njitujataayo banyama naa zivuubwa zyesu ilayandikana kuli Jehova. Ulatuzumizya kuti tujaye banyama kutegwa tulye nikuba kulungisya zisamo naa zyakuzwaata, alimwi utuzumizya kujaya munyama kuti wayanda kutuchisa. (Matalikilo 3:21; 9:3; Kulonga 21:28) Pesi tatweelede kuba basilunya kubanyama nikuba kubajaya akaambo kakusobana biyo.—Tusimpi 12:10.\\nTatweelede kujeya mwana uutanazyalwa\\nTatweelede kusulayika bamwi bantu pe\\nTatweelede kubelesya polya naa misamu iikola\\nLEMEKA BUSALALI BWABUUMI\\n10. Tuzi biyeni kuti bulowa bwiiminina buumi?\\n10 Bulowa bulayandikana, naa kuti bulasalala kuli Jehova nkaambo bulowa bwiiminina buumi. Kaini naakazwaa kujaya Abelo, Jehova wakamubuzya kuti: “Ijwi lyabulowa bwamwanike wako lilandikwiilila kuzwa muvu.” (Matalikilo 4:10) Bulowa bwaAbelo bwakali kwiiminina buumi bwakwe, alimwi Jehova wakasubula Kaini akaambo kakujeya Abelo. Nilyakamana Zambangulwe mumazubaa Nowa, alubo Jehova wakatondeezya kuti bulowa bwiiminina buumi. Jehova wakazumizya Nowa ampuli yakwe kulya banyama. Wakati: “[Banyama] baumi boonse bayavula ansi bayoomubeda zilyo. Mbubonya mbuli zisyu zisia-sia, zyoonse biyo ndamupa nzizyo.” Nikuba boobo, kuli chintu chimwi Jehova nchaakababuzya kuti batachilyi: “Tamweelede kulya nyama antoomwe abuumi bwayo—nkokuti bulowa bwayo.”—Matalikilo 1:29; 9:3, 4.\\n11. Mulawuunzi uuli atala abulowa Leza ngwaakapa chisi chamaIsrayeli?\\n11 Kakuli kwiinda minyaka iisika ku800 Jehova kabuzizye Nowa kuti taakeelede kulya bulowa, wakazoolayilila bantu bakwe kuti: “Kufumbwa muntu wabana ba-Israyeli, nanka mweenzu, uukala-kala akati kabo, uuvwima akujaya munyama na muyuni uuligwa, uleelede kutila bulowa ansi akubuvumba abulongo.” Mpawo wakayungizya kati: “Mutalyi bulowa.” (Levitiko 17:13, 14) Jehova uchiyanda kuti bantu bakwe kababona bulowa mbuli chintu chisalala. Beelede kulya nyama kutali bulowa pe. Chiindi nibajeya munyama kutegwa balye, beelede kuvwikkila bulowa bwamunyama ooyo munyika.\\n12. MaKristu babubona biyeni bulowa?\\n12 Nikwakiinda minyaka kuzwa lufu lwaJesu, baapostolo abaalu bamumbungano yamuJerusalemu bakaswaanana kutegwa basale kuti njiili milawu yakapedwe maIsrayeli yakachili kubeleka kumaKristu. (Bala Incito 15:28, 29; 21:25.) Jehova wakabagwasya kumvwisisisya kuti bulowa bwakachili kuyandikana kuli nguwe akuti kwakachili kuyandikana kuti kababubona mbuli kuti bulasalala. MaKristu aakusaanguna teebakeelede kulya pe nikuba kunywa bulowa naa kulya nyama yakatagwisigwa kabotu bulowa. Kulya naa kunywa bulowa, kwakali kubi mbuli kukomba mituni naa kuchita bwaamu. Kuzwaawo, maKristu bakasimpe bakali kukaka kulya naa kunywa bulowa. Kutegwani mazuba aano? Jehova uchiyanda kuti bulowa katububona mbuli chintu chisalala.\\n13. Nkaamboonzi maKristu nibakaka kubikkilwa bulowa?\\n13 Eezi zyaamba kuti maKristu abalabo beelede kukaka kubikkilwa bulowa na? Nisimpe kweelede kuba oobo. Jehova wakatulayilila kuti tutalyi nikuba kunywa bulowa. Ikuti dokotela wakubuzya kuti utachinoonywi bukande, kujana wabelesya nsunda na kuti bunjile mumubili? Peepe! Munzila iili boobu, mulawu wakutalya naa kunywa bulowa waamba kuti tweelede kukaka kubikkilwa bulowa.—Langa Makani Aakumamanino 29.\\n14, 15. Kuyandikana biyeni kumuKristu kulemeka buumi akuswiilila Jehova?\\n14 Niinzi nchitweelede kuchita kuti dokotela watubuzya kuti tulafwa ikuti teetwabikkilwa bulowa? Umwi awumwi weelede kulisalila kuswiilila mulawu waLeza uuli atala abulowa. MaKristu bachilemeka loko chipo chabuumi Leza nchaakabapa, alimwi tulooyanduula zimwi nzila zyabusilisi kuchitila kuti tupone, pesi tatukazumini pe kubikkilwa bulowa.\\n15 Tulachita nzitukonzya kutegwa mibili yesu ikkale kayili kabotu, kwiinda kuti tuzumine kubikkilwa bulowa, nkaambo buumi nchipo chizwa kuli Leza. Nikuba boobo, kuswiilila Jehova kuyandikana loko kwiinda kutamuswiilila kutegwa tuliyungizizye buumi. Jesu wakati: “Umwi aumwi uuyanda kuliyobweda buumi bwakwe uzoobusweekelwa, pele umwi aumwi uusweekelwa buumi bwakwe nkaambo kandime uzoobujana.” (Matayo 16:25) Tuyanda kuswiilila Jehova nkaambo ulizi zintu zibotu nzituyanda alimwi nkaambo buumi tububona kabusalala mbuli mbabubona Jehova.—BaHebrayo 11:6.\\n16. Nkaamboonzi babelesi baLeza nibamuswiilila?\\n16 Babelesi baJehova basyomeka balakuyanda kulemeka milawu yakwe iili atala abulowa. Taakwe nibayoobulya nikuba kubunywa, alimwi tabakazumini pe kusilikwa kakubelesegwa bulowa. * Pesi balazumina kusilikwa kumwi kuchitila kuti bakapone. Balaa choonzyo chakuti Mulengi wabuumi ulizi nzibayanda mubuumi bwabo. Ulasyoma na kuti Leza ulizi ziyandikana mubuumi bwako?\\nINZILA IIMWI JEHOVA NJAAKAZUMIZYA KUBELESYA BULOWA\\n17. KumaIsrayeli, njiili nzila yakubelesya bulowa Jehova njaakabazumizya?\\n17 Mumulawu Leza ngwaakapa Musa, Jehova wakabuzya maIsrayeli kuti: “Nkaambo mubulowa mobubede buumi bwanyama, alimwi mbombubo mbondimupede acipaililo kuti bumanye milandu yanu, nkaambo bulowa mbobumanya milandu nkaambo kabuumi.” (Levitiko 17:11) MaIsrayeli nibakali kubisya, bakali kukumbila kulekelelwa kuli Jehova kwiinda mukutuula munyama alimwi bakali kukumbila mupayizi kuti atile bulowa aachipayililo chamutempele. Eeyi njiyakali nzila Jehova njaakali kuzumizya maIsrayeli kubelesya bulowa.\\n18. Chinunuzyo chaJesu chitugwasya biyeni?\\n18 Chiindi Jesu naakazaa nyika, wakabambulula mulawu atalaa zituuzyo zyabanyama kwiinda mukupa buumi bwakwe, naa bulowa kutegwa tulekelelwe zibi zyesu. (Matayo 20:28; BaHebrayo 10:1) Buumi bwaJesu bwakalaa chindemezi [kuyandikana] zyakuti chiindi Jehova naakamubusizya kuya kujulu, wakapa bantu boonse choolwe chakupona kukabe kutamani.—Johane 3:16; BaHebrayo 9:11, 12; 1 Petro 1:18, 19.\\nKujana watondeezya biyeni kuti ulabulemeka buumi abulowa?\\n19. Niinzi nzitweelede kuchita kutegwa “tusalale kubulowa bwabantu boonse”?\\n19 Tulabotelwa kuli Jehova akaambo kachipo chabuumi chigambya! Alimwi tuyanda kubuzya bantu kuti, ikuti babaa lusyomo muli Jesu, bayoopona kukabe kutamani. Tulabayanda bantu, alimwi tuyoochita zyoonse nzitukonzya kutegwa tubayiisye mbubanga bayoojana buumi. (Ezekiele 3:17-21) Mbubonya mbuli mwaapostolo Paulo, tuyookonzya kwaamba kuti: “Ndasalala kubulowa bwabantu boonse, nkaambo nsikasiside cintu pe, ndakamwaambila luyando loonse lwa-Leza.” (Incito 20:26, 27) Nisimpe, tutondeezya kulemeka buumi abulowa chiindi nitubuzya bamwi atala aJehova akuti buumi buyandikana biyeni kuli nguwe.\\n^ par 16 Kuti ujane zyiingi atala akusilikwa kutabelesyi bulowa bwakubikkilwa, langa mapeji 77-79 aabbuku litegwa ‘Amukkale Kamuli Muluyando lwaLeza’ lyakapupululwaa Bakamboni baJehova.\\nKASIMPE 1: LEMEKA CHIPO CHABUUMI\\n“Nkaambo mulinduwe mukabede kasensa kabuumi.”—Intembauzyo 36:9\\nNga tulatondeezya biyeni kuti tulabulemeka buumi?\\nIncito 17:28; Ciyubunuzyo 4:11\\nBuumi nchipo chizwa kuli Leza, alimwi tweelede kubulemeka.\\nKulonga 21:22, 23; Deuteronomo 5:17\\nKujaya akugwisya da nkubi.\\nKusulayika bamwi nkubi.\\n2 BaKorinto 7:1\\nTantamuka michito mibi, iili mbuli kufwepa akubelesya zikola.\\nTantamuka zyakulikondelezya zyalunya azyankondo.\\nKASIMPE 2: BUUMI ABULOWA\\n“Nkaambo mubulowa mobubede buumi bwabalenge boonse, nkaambo mubulowa bwakwe mobubede buumi bwamulenge.”—Kulonga 17:14\\nLeza ububona biyeni buumi abulowa?\\nMatalikilo 4:10; Deuteronomo 12:23\\nBulowa bwimikilila buumi.\\nMatalikilo 9:3, 4\\nTulakonzya kulya nyama kuteensi bulowa pe.\\nIncito 15:28, 29; 21:25\\nMulawu waLeza wakutalya bulowa uswaanizya bulowa bubelesegwa mukusilika.\\nMubuumi bwesu chintu chiyandikana loko mbweenzuma mbutuli aabo aJehova.\\nKASIMPE 3: KUBELESEGWA KWABULOWA JEHOVA NKWAAKAZUMIZYA\\n“Bulowa bwa-Jesu . . . bulatusalazya kuzibi zyoose.”—1 Johane 1:7\\nTujanaanzi kuchinunuzyo chaJesu?\\nMuchiindi chaBbayibbele, maIsrayeli nibakali kubisya, bakeelede kukumbila lulekelelo kuli Jehova kwiinda mukutuula munyama alimwi kabakumbila mupayizi kuti atile bumwi bulowa aachipayililo.\\nMatayo 20:28; BaHebrayo 9:11-14\\nJesu naakaboola aanyika wakachinchania mulawu, wakutuula munyama kabelesya buumi bwakwe, chaamba bulowa bwakwe, kuti tulekelelwe milandu yesu.\\nBuumi bwaJesu bwakali kuyandikana loko kuzwa Jehova naakamubusizya kuya kujulu, alimwi Jehova wakapa bantu boonse batondeezya lusyomo muli Jesu choolwe chakuyoopona kukabe kutamani.","num_words":1742,"character_repetition_ratio":0.052,"word_repetition_ratio":0.0,"special_characters_ratio":0.179,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"2 Timoteyo 2 | Bbaibbele lili a Intaneti | Bbaibbele lya Busanduluzi Bwanyika Mpya\\nKopa mulumbe kubaalumi beelela (1-7)\\nKuliyumya mumapenzi akaambo kamakani mabotu (8-13)\\nKupandulula ijwi lya Leza bweelede (14-19)\\nKozitija zisuzi zyabukubusi (20-22)\\nMbomweelede kubacita basikukazya (23-26)\\n2 Aboobo, yebo mwanaangu,+ kozumanana kujana nguzu muluzyalo lwa Leza luli muli Kristo Jesu; 2 alimwi izintu nzyookamvwa kulindime izyakasinizyigwa abakamboni banji,+ zintu eezyi kozibikka mumaanza aabantu basyomeka, kutegwa abalo beelele ncobeni ikuyiisya bamwi. 3 Mboli sikalumamba mubotu+ wa Kristo Jesu, kolibambila kupenga mumapenzi.+ 4 Muntu uubeleka mulimo wabusikalumamba tatoli lubazu* mumakwebo* aabuumi obuno, kutegwa akkomanisye yooyo wakamunjizya busikalumamba. 5 Alimwi nomuba muzisobano, imuntu woonse uuzundana mulinzizyo tasamikwi musini ccita buyo kuti waitobela milawo yamuzundano.+ 6 Imulimi uubeleka canguzu nguweelede ikusaanguna kulya micelo. 7 Kozibikkila maano lyoonse nzyondaamba; Mwami uyookugwasya kumvwisya* zintu zyoonse. 8 Koyeeya kuti Jesu Kristo wakabusyigwa kuzwa kubafwu+ alimwi wakali walunyungu lwa Davida,+ ikweelana amakani mabotu ngondikambauka,+ 9 aayo ngondipengela alimwi akubikkwa muntolongo mbuli cigwebenga.+ Nokuba boobo, ijwi lya Leza talyaangidwe pe.+ 10 Akaambo kaceeci ndilazumanana kuliyumya muzintu zyoonse akaambo kabaabo basalidwe,+ kutegwa abalo bakajane lufwutuko kwiinda muli Kristo Jesu akupegwa bulemu butamani. 11 Alasyomeka majwi aakuti: Ncobeni ikuti naa twakafwa anguwe, tuyoopona anguwe mbubonya;+ 12 ikuti naa twazumanana kuliyumya, andiswe tuyoolela anguwe katuli bami;+ ikuti naa twamukaka, awalo uyootukaka;+ 13 ikuti tiitwasyomeka, walo ulazumanana kusyomeka, nkaambo takonzyi kulikaka mwini pe. 14 Kozumanana kubayeekezya zintu eezyi, kobalailila* kumbele lya Leza kuti kabatalwanini majwi, calo citagwasyi naaba aniini nkaambo cinyonyoona baabo baswiilila. 15 Kosungwaala kulitondezya kuti uli muntu uutambulika kuli Leza, mubelesi uutakwe cintu cimuusya nsoni, uuyiisya akupandulula ijwi lyakasimpe bweelede.+ 16 Pele koikaka mibandi yabuyo eeyo iisofwaazya zisalala,+ nkaambo isololela kumicito yoonse yakutayoowa Leza,* 17 alimwi majwi aabo ayoomwaika mbuli donda liyandilila ilibozya mubili. Humenayo alimwi a Fileto bali akati kabaabo.+ 18 Baalumi aaba balileyede kukasimpe, baamba kuti bubuke bwabafwu bwakacitika kale,+ alimwi bayaabunyonyoona lusyomo lwabamwi. 19 Nokuba boobo, intalisyo njumu ya Leza iciimvwi kaijisi ciganto cilembedwe kuti, “Jehova* ulibazyi aabo bazulilwa kulinguwe,”+ akuti, “Ooyo wiita zina lya Jehova*+ akukake kutalulama.” 20 Lino muŋanda mpati kuli zibelesyo, ikutali buyo zyangolida ansiliva pe, pele azyacisamu abulongo, alimwi zimwi zibelesyegwa mulimo uulemekwa pele zimwi zibelesyegwa mulimo uutakwe bulemu. 21 Aboobo ikuti muntu walitantamuna kuzibelesyo zyamulimo uutakwe bulemu, unooli cibelesyo camulimo uulemekwa, cisalazyidwe, ciyandika kuli mukamwini, cibambilidwe kubeleka mulimo mubotu uuli woonse. 22 Aboobo kozitija zisusi zyabukubusi, pele kosungwaala kutobela bululami, lusyomo, luyando, aluumuno antoomwe abaabo ibaita Mwami amoyo uusalala. 23 Kunze lyaboobo, koikaka mibandi yakukazyanya eeyo yabufwubafwuba alimwi iitondezya kubula luzyibo,+ nkaambo ulizyi kuti ibusya nkondo. 24 Nkaambo muzike wa Mwami teelede kulwana pe, pele weelede kuba amoyo mutete* kubantu boonse,+ uukonzya kuyiisya kabotu, uulijata nacitilwa zintu zibyaabi,+ 25 uubombede moyo nalailila baabo bakazya.+ Ambweni Leza inga wabapa kweempwa* ikutola kuluzyibo lwini-lwini lwakasimpe,+ 26 eelyo inga baliyeeya akuzwa mukakole ka Diabolosi, nobazyiba kuti wakabajata kabalanga ikutegwa bacite kuyanda kwakwe.+\\n^ Mu Chigiriki, “talinjizyi.”\\n^ Naa ambweni, “muzintu zicitwa buzuba abuzuba.”\\n^ Naa “uyookupa maano.”\\n^ Mu Chigiriki, “kobapa bumboni cakulomya.”\\n^ Naa ambweni, “nkaambo bantu baambaula majwi aaya banooyaabwiindila kutayoowa Leza.”\\n^ Naa “kuba mupampu.”","num_words":464,"character_repetition_ratio":0.037,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amumutembaule Kristo​—Mwami Uulemekwa! | Yakwiiya\\nAMUBALE MU Afrikaans Albanian American Sign Language Amharic Arabic Argentinean Sign Language Armenian Aymara Azerbaijani Azerbaijani (Cyrillic) Bengali Bicol Bislama Brazilian Sign Language Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Colombian Sign Language Croatian Czech Dangme Danish Drehu Dutch Efik English Estonian Ewe Finnish French Ga Georgian German Greek Greenlandic Guarani Gujarati Gun Haitian Creole Hebrew Hiligaynon Hindi Hungarian Icelandic Igbo Iloko Indonesian Italian Italian Sign Language Japanese Japanese Sign Language Kannada Kazakh Kikaonde Kikuyu Kimbundu Kinyarwanda Kirghiz Kirundi Kisonge Kongo Korean Krio Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Malayalam Maltese Marathi Maya Mexican Sign Language Moore Myanmar Ndebele Ndonga Nepali Ngabere Norwegian Nyaneka Nzema Oromo Otetela Pangasinan Papiamento (Aruba) Persian Polish Portuguese Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Romanian Russian Russian Sign Language Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swati Swedish Tagalog Tahitian Tajiki Tamil Tatar Telugu Thai Tigrinya Totonac Tshiluba Tsonga Turkish Twi Tzotzil Ukrainian Umbundu Urdu Uzbek Venda Vietnamese Wallisian Waray-Waray Wayuunaiki Wolaita Xhosa Yoruba Zande Zapotec (Isthmus) Zulu\\nAmumutembaule Kristo—Mwami Uulemekwa!\\n“Mubulemu bwako koya butantide akuzunda.”—INT. 45:4.\\nTWAAMBO TUPATI-PATI NTOMWEELEDE KWIIBALUKA\\nIno muunzila nzi Jehova mwaakananika Jesu kwiinda ‘beenzyinyina’?\\nNdilili Kristo naakaanga panga lyakwe, ino wakalibelesya buti ciindi cakusaanguna, alimwi ndilili nayakulibelesya alimwi?\\nIno nkasimpe kali ikapati nkakwabilila Mwami Sikalumamba Jesu Kristo?\\n1, 2. Nkaambo nzi bbuku lya Intembauzyo 45 ncoliyandika kapati kulindiswe?\\nMWAMI uulemekwa watanta bbiza kutegwa alwanine kasimpe abululami alimwi waunka kutegwa azunde basinkondonyina. Naamanizya kubazunda, wakwata nabwiinga weebeka. Mwami ulayeeyegwa akutembaulwa mumazyalani oonse aakumbele. Ooyo ngomutwe wamakani mubbuku lya Intembauzyo 45.\\n2 Nokuba kuti bbuku lya Intembauzyo 45 lijisi makani aakkomanisya alimwi amajwi aakondelezya, kumamanino lilijisi alimwi makani aayandika kapati. Zyintu izyakacitika izyaambidwe mubbuku eeli zilijisi bupanduluzi kulindiswe. Zijatikizya buumi bwesu lino alimwi abuumi bwesu bwakumbele. Aboobo, atubikkile maano kulingaula intembauzyo eeyi.\\n‘MOYO WANGU WAATA AMAKANI MABOTU’\\n3, 4. (a) Ino “makani mabotu” aatujatikizya ninzi, alimwi ino inga aujatikizya buti moyo wesu? (b) Muunzila nzi ‘lwiimbo lwesu mbolujatikizya mwami,’ alimwi ino mulaka wesu uba buti mbuli cilembyo?\\n3 Amubale Intembauzyo 45:1. “Makani mabotu” aamunjila mumoyo sintembauzyo aapa kuti ‘waate’ moyo, ajatikizya mwami. Ibbala lya Chihebrayo ilyakasandululwa kuti “waata” lyakali kwaamba “kubila.” Kaambo aaka kakapa kuti moyo wasintembauzyo waate aluyandisisyo alimwi kakapa kuti mulaka wakwe ube mbuli “cilembyo camulembi uufwambaana.”\\n4 Mbuti kujatikizya ndiswe? Makani mabotu aaya aamba Bwami bwabu Mesiya makani aatunjila mumoyo. Mulumbe wa Bwami wakaba makani “mabotu” kwaambisya mu 1914. Kuzwa ciindi eeco, mulumbe taujatikizyi buyo Bwami bwakumbele pele ulajatikizya amfwulumende ini-ini yalo iibeleka kujulu. Aaya ‘ngamakani mabotu aa Bwami’ ngotukambauka “kuti bukabe bumboni kumisyobo yoonse.” (Mt. 24:14) Sena moyo wesu ‘ulaata’ akaambo kamulumbe wa Bwami? Sena tulakambauka makani mabotu aa Bwami cabusungu? Mbubwenya mbuli sintembauzyo, andiswe ‘lwiimbo lwesu lujatikizya mwami’—Mwami wesu Jesu Kristo. Tulaambilizya kujatikizya nguwe kuti ngo Mwami uulela kujulu mu Bwami bwabu Mesiya. Kuyungizya waawo, tulabatamba bantu boonse—beendelezi alimwi abalelwa—kuti balibombye kubulelo bwakwe. (Int. 2:1, 2, 4-12) Alimwi mulaka wesu uba mbuli “cilembyo camulembi uufwambaana” mukuti Majwi aalembedwe tulaabelesya kapati mumulimo wesu wakukambauka.\\nTulakkomana kwaambilizya makani mabotu aajatikizya Mwami wesu, Jesu Kristo\\n‘KUMILOMO YAMWAMI KUZWA MAJWI AAKONDELEZYA’\\n5. (a) Muunzila nzi Jesu mwaakali ‘kweebeka’? (b) Ino muunzila nzi ‘kumilomo ya Mwami mbokwakazwa majwi aakondelezya,’ alimwi ino inga twasolekesya buti kutobela cikozyanyo cakwe?\\n5 Amubale Intembauzyo 45:2. Magwalo taambi zinji kujatikizya Jesu mbwaakali kulibonya ciwa. Pele mbwaanga wakalilondokede, tacidoonekwi kuti wakali ‘kweebeka.’ Nokuba boobo, kweebeka kwakwe ikwiinda kwakaboola akaambo kakusyomeka kuli Jehova alimwi akutazungaana mulusyomo. Kuyungizya waawo, Jesu wakali kubelesya ‘amajwi aakondelezya’ naakali kukambauka mulumbe wa Bwami. (Lk. 4:22; Joh. 7:46) Sena tulasolekesya kutobela cikozyanyo cakwe mumulimo wesu wakukambauka alimwi akubelesya majwi aakonzya kubanjila mumoyo bantu?—Kol. 4:6.\\n6. Muunzila nzi Leza mwaakalongezya Jesu ‘kukabe kutamani’?\\n6 Akaambo kakuti Jesu wakalyaaba camoyo woonse, Jehova wakamulongezya mumulimo wakwe wakukambauka anyika alimwi naakafwa kali cipaizyo wakamupa bulumbu. Mwaapostolo Paulo wakalemba kuti: ‘Jesu naakaba muciimo camuntu, wakalicesya akumvwida mane kusikila kulufwu, inzya, lufwu acisamu cakupenzyezya. Alimwi akaambo kakaambo aaka nkakonya, Leza wakamusumpula akumupa cuuno caatala azyina liinda mazyina oonse, kutegwa muzyina lya Jesu boonse bafwugame—aabo bali kujulu, munyika alimwi abaabo bali mubulongo—alimwi boonse beelede kuzumina caantangalala kuti Jesu Kilisito Mwami kutegwa Leza Taata alemekwe.’ (Flp. 2:8-11) Jehova wakalongezya Jesu “kukabe kutamani” kwiinda mukumubusya akumupa buumi butafwi.—Lom. 6:9.\\nMWAMI WASALWA KUBA MUPATI KWIINDA ‘BEENZINYINA’\\n7. Muunzila nzi Leza mwaakananika Jesu kwiinda ‘beenzinyina’?\\n7 Amubale Intembauzyo 45:6, 7. Akaambo kaluyando Jesu ndwajisi kujatikizya bululami alimwi akutayanda cintu cili coonse cikonzya kupa kuti Bausyi batalemekwi, Jehova wakamunanika kuba Mwami wa Bwami bwa Mesiya. Jesu wakananikwa ‘amafuta aakukondwa’ kwiinda ‘beenzinyina,’ nkokuti bami ba Juda mumulongo wa Davida. Munzila nzi? Kaambo kamwi nkakuti Jesu wakananikwa a Jehova lwakwe mwini. Kuyungizya waawo, Jehova wakamunanika kuba Mwami alimwi a Mupaizi Mupati. (Int. 2:2; Heb. 5:5, 6) Kunze lyaboobo, Jesu wakananikwa kutali amafwuta pe, pele amuuya uusalala alimwi bulelo bwakwe tabuli bwaanyika pe, pele mbwakujulu.\\n8. Nkaambo nzi ncotukonzya kwaamba kuti ‘Leza ncuuno cabwami ca Jesu,’ alimwi nkaambo nzi ncotukonzya kuba masimpe kuti bwami bwakwe mbwabululami?\\n8 Jehova wakabikka Mwanaakwe kuba Mwami wakwe Mesiya kujulu mu 1914. ‘Musako wabwami bwakwe musako wabululami,’ aboobo, bululami bwakwe alimwi abwabulelo bwakwe bulisinizyide. Bweendelezi bwakwe mbwamumulawo, nkaambo ‘Leza ncecuuno cakwe.’ Nkokuti Jehova nentalisyo yabwami bwakwe. Kuyungizya waawo, cuuno cabwami ca Jesu cinakuliko ‘kukabe kutamani.’ Sena tamukkomene kubelekela Jehova kwiinda mumwami singuzu uuli boobo, Mwami uusalidwe a Leza?\\nMWAMI ‘WAANGA PANGA LYAKWE’\\n9, 10. (a) Ndilili Kristo naakaanga panga lyakwe, alimwi muunzila nzi mwaakalibelesya? (b) Muunzila nzi Kristo mwayoolibelesya panga lyakwe?\\n9 Amubale Intembauzyo 45:3. Jehova ulailila Mwami wakwe ‘kwaanga panga lyakwe akasolo kakwe,’ aboobo uzumizya Jesu kulwana bantu boonse ibakazya bweendelezi bwa Leza mububumbo boonse alimwi akuleta lubeta lwakwe alimbabo. (Int. 110:2) Akaambo kakuti Kristo Mwami Sikalumamba uutakonzyi kuzundwa, wiitwa kuti: “O sintaze.” Wakaanga panga lyakwe mu 1914 alimwi wakazunda Saatani amadaimona aakwe, walo ngwaakagusya kujulu akumusowela anyika.—Ciy. 12:7-9.\\n10 Aayo akali buyo matalikilo aakuzunda kwa Mwami katantide bbiza. Uciyandika ‘kumanizya kuzunda kwakwe.’ (Ciy. 6:2) Lubeta lwa Jehova luciyandika kuletwa kuzibeela zyoonse zyabweende bwa Saatani aanyika, alimwi Saatani alimwi amadaimona aakwe beelede kunyangwa nguzu. Iceelede kusaanguna kunyonyoonwa ngu Babuloni Mupati, bukombi bwakubeja bwanyika yoonse. Makanze aa Jehova ngakubelesya beendelezi bazisi kuti bakamunyonyoone “mukaintu muvwuule” ooyu mubyaabi. (Ciy. 17:16, 17) Kuzwa waawo, Mwami Sikalumamba uyoonyonyoona bweende bwa Saatani bwatwaambo twacisi, kubunyonyooda limwi. Kristo alimwi iwiitwa kuti “imungelo wamulindi uutagoli,” uyoomanizya kuzunda kwiinda mukumusowela mumulindi uutagoli Saatani alimwi amadaimona aakwe. (Ciy. 9:1, 11; 20:1-3) Atubone bbuku lya Intembauzyo 45 mbolyakasinsima zyintu eezyi zikkomanisya.\\nMWAMI WATANTA BBIZA ‘KUTI ALWANINE KASIMPE’\\n11. Muunzila nzi Kristo mwatanta bbiza kutegwa ‘alwanine kasimpe’?\\n11 Amubale Intembauzyo 45:4. Mwami Sikalumamba talwanini kuzunda kutegwa abweze masena alimwi akweendelezya bantu. Ulwana nkondo yabululami kajisi makanze mabotu. Ulatanta bbiza ‘kutegwa alwanine kasimpe, kulicesya abululami.’ Kasimpe kapati nkayelede kulwanina kajatikizya bweendelezi bwa Jehova bwakoonse-koonse. Saatani wakakazya kweelela kwabweendelezi bwa Jehova ciindi naakamuzangila. Kuzwa ciindi eeco, kasimpe aaka kapati kalakazyigwa amadaimona alimwi abantu. Lino ciindi casika cakuti Mwami wa Jehova uunanikidwe atante bbiza akuyaabuya kutegwa asumpule kasimpe ka Jehova kajatikizya bweendelezi.\\n12. Muunzila nzi Mwami mwatanta bbiza ‘kutegwa alwanine kulicesya’?\\n12 Mwami alimwi ulatanta bbiza ‘kutegwa alwanine kulicesya.’ Mbwali Mwana wa Leza simuzyalwaalikke wapa cikozyanyo cibotu cakulicesya alimwi akulibombya kubweendelezi bwa Bausyi. (Is. 50:4, 5; Joh. 5:19) Boonse balelwa ibalibombya ku Mwami beelede kutobela cikozyanyo cakwe alimwi akulibombya kubweendelezi bwa Jehova muzyintu zyoonse. Balikke aabo ibacita boobo mbebayoozumizyigwa kupona munyika mpya Leza njasyomezya.—Zek. 14:16, 17.\\n13. Muunzila nzi Kristo mwatanta bbiza ‘kutegwa alwanine bululami’?\\n13 Kristo alimwi ulatanta bbiza akuyaabuya ‘kutegwa alwanine bululami.’ Bululami mbwalwanina Mwami, ‘mbululami bwa Leza’—zyeelelo zya Jehova zyacintu ciluzi acitaluzi. (Lom. 3:21; Dt. 32:4) Kujatikizya Mwami Jesu Kristo, Isaya wakasinsima kuti: “Kuyooba mwami uuendelezya mubululami abasilutwe babeteka cakululama.” (Is. 32:1) Bulelo bwa Jesu buyooleta cisyomezyo ‘camajulu mapya’ alimwi “anyika mpya,” mwalo “muyooba bululami.” (2 Pe. 3:13) Boonse ibayakukkala munyika mpya eeyo bayooyandika kutobela zyeelelo zya Jehova.—Is. 11:1-5.\\nMWAMI WAMANIZYA KUBELEKA “MILIMO IIYOOSYA”\\n14. Muunzila nzi janza lyalulyo lya Kristo moliyakucita “milimo iiyoosya”? (Amubone cifwanikiso icili kumatalikilo aacibalo.)\\n14 Mbwayaabuzumanana katantide bbiza, Mwami waanga panga kukasolo kakwe. (Int. 45:3) Pele ciindi cilasika nabweza panga akulibelesya ajanza lyakwe lyalulyo. Sintembauzyo wakasinsima kuti: “Ijanza lyalulyo likwiiyisye milimo iiyoosya.” (Int. 45:4) Ciindi Jesu Kristo nayaabuya katantide bbiza kutegwa alete lubeta lwa Jehova lya Amagedoni, uyoocita “milimo iiyoosya” kuli basinkondonyina. Pele kujatikizya nzila njayoobelesya kunyonyoona bweende bwazyintu bwa Saatani, tatuzyi pe. Pele ntaamu eeyo iyoopa kuti bantu bapona anyika bayoowe kapati aabo ibatayandi kutobela kucenjezya kwa Leza kwakuti balibombye kubulelo bwa Mwami. (Amubale Intembauzyo 2:11, 12.) Mubusinsimi bwakwe bujatikizya ciindi cakumamanino, Jesu wakaamba kuti bantu “bayoonetuka akaambo kakuyoowa akulibilika zyintu zilangilwa kucitika anyika, nkaambo nguzu zyakujulu ziyoozungaanizyigwa.” Wakayungizya kuti: “Mpoonya bayoobona Mwana wamuntu kaboola mukkumbi kajisi nguzu abulemu bupati.”—Lk. 21:26, 27.\\n15, 16. Mbaani ibayakupanga “impi” yalo iiyakutobela Kristo kunkondo?\\n15 Nolyaambilizya kujatikizya kuboola kwa Mwami “kajisi nguzu abulemu bupati” kutegwa alete lubeta, ibbuku lya Ciyubunuzyo lyaamba kuti: “Ndakabona julu kalijalulwa, eelyo amubone kwakali bbiza lituba. Lino ooyo uutantide alindilyo wiitwa kuti Uusyomeka alimwi Wamasimpe, alimwi ulabeteka akulwana mubululami. Kunze lyaboobo, impi zyabasikalumamba bakujulu bakali kumutobela kabatantide mabbiza aatuba, alimwi bakasamide zisani zyuuba-uba, zituba, zitakwe tombe, zibotu. Alimwi mukanwa lyakwe muzwa panga damfwu libosya, lyakuti aumye masi, alimwi uyoobeembela ankoli yabutale. Kunze lyaboobo, ulalyataula mucikandilo camasaansa cabukali bwakunyema kwa Leza Singuzuzyoonse.”—Ciy. 19:11, 14, 15.\\n16 Ino mbaani ibayakuba basikalumambanyina Kristo ibapanga “impi” zyakujulu iziyakumutobela kunkondo? Ciindi naakasaanguna kubweza panga lyakwe kutegwa atande Saatani alimwi amadaimona aakwe kuzwa kujulu, Jesu wakagwasyilizyigwa “abangelo bakwe.” (Ciy. 12:7-9) Cileelela kwaamba kuti ciindi cankondo ya Amagedoni, impi ya Kristo iyakubikkilizya abangelo basalala. Sena impi yakwe eeyi iyakubikkilizya abambi? Jesu wakaamba cisyomezyo eeci kubanabokwabo bananike cakuti: “Ooyo uuzunda akucita milimo yangu mane kusikila kumamanino, ndiyoomupa nguzu zyakweendelezya masi, alimwi bantu uyoobeembela ankoli yabutale cakuti bayoopwayaulwa mbuli mbozipwayaulwa zibelesyo zyabulongo, mbubonya andime mbondatambula kuzwa kuli Taata.” (Ciy. 2:26, 27) Aboobo, impi yakujulu ya Kristo iyoobikkilizya abanabokwabo bananike balo kuciindi eeco banakuli bakatambula kale bulumbu bwabo bwakujulu. Balelinyina bananike banakuli kulubazu lwakwe ciindi nayakucita “milimo iiyoosya” kumwi keembela masi ankoli yabutale.\\nMWAMI WAMANIZYA KUZUNDA\\n17. (a) Ino bbiza lituba ndyatantide Kristo liiminina nzi? (b) Ino panga alimwi abuta ziiminina nzi?\\n17 Amubale Intembauzyo 45:5. Mwami utantide aabbiza lituba, iliiminina nkondo iisalala alimwi iiluleme mumeso aa Jehova. (Ciy. 6:2; 19:11) Kuyungizya apanga, ulijisi abuta. Tubala kuti: “Ndakalanga akubona bbiza lituba; lino ooyo wakatantide alindilyo wakajisi buta; alimwi wakapegwa musini, eelyo wakaunka kayaabuzunda akuti amanizye kuzunda.” Zyoonse zyobilo, ipanga alimwi abuta ziiminina nzila njayakubelesya Kristo kunyonyoona basinkondonyina.\\nBayuni bayakwiitwa kuti basalazye nyika (Amubone muncali 18)\\n18. Ino “mivwi” ya Kristo ‘iyakubosya’ buti?\\n18 Kwiinda mukweema, sintembauzyo usinsima kuti ‘mivwi ya Mwami ilabosya, ilayasa mumyoyo yabasinkondonyina’ alimwi ‘bantu balawida ansi kunembo lyakwe.’ Bantu banji bayakujaigwa nyika yoonse. Businsimi bwa Jeremiya bwaamba kuti: “Bajayidwe ba-Jehova bayoojanwa moonse munyika kuzwa kumagolelo amwi akusikila kumagolelo amwi.” (Jer. 25:33) Businsimi ibukozyenye aboobu bwaamba kuti: “Ndakabona mungelo kaimvwi muzuba, mpoonya wakoongolola ajwi pati ikwaambila bayuni boonse bauluka mumulengalenga kuti: ‘Amuboole kuno, mubungane antoomwe kucilalilo citalikomeneni ca Leza, kutegwa mulye nyama yabami, nyama yabeendelezi babasikalumamba, nyama yabantu bayumu, nyama yamabbiza ayabaabo batantide alingawo, nyama yabantu boonse, yabantu baangulukide abazike, baniini alimwi abapati.’”—Ciy. 19:17, 18.\\n19. Mbuti Kristo ‘mbwayakuzunda’ akumanizya kuzunda?\\n19 Aakumana kunyonyoona bweende bwazyintu bubyaabi bwa Saatani aanyika, Kristo ‘mubulemu bwakwe uyakuzunda.’ (Int. 45:4) Uyakumanizya kuzunda kwiinda mukuwaala Saatani amadaimona aakwe mumulindi uutagoli kwa Myaka ya Bulelo Iili 1,000. (Ciy. 20:2, 3) Mbwaanga lino Diabolosi abangelo bakwe banakuli mbuli kuti balifwide, kabatacikonzyi kucita cintu cilicoonse, bantu munyika tabakayungwi a Saatani alimwi bayakulibombya cakumaninina ku Mwami wabo uuyakuzunda alimwi uulemekwa. Nokuba boobo, kabatanabona nyika yoonse mbwiiyaabucinca kuba paradaiso buce-buce, banakujisi kaambo akamwi ikayakubapa kukkomana a Mwami wabo abasikulelanyina kujulu. Cintu eeco icikkomanisya ciyakulangwa-langwa mucibalo citobela.","num_words":1818,"character_repetition_ratio":0.05,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Lucengo lwa Kubambulula Lusyomo: Kupelengusya Cisinshimi Kwayambukila Basikutongooka Print\\nLucengo lwa Kubambulula Lusyomo: Kupelengusya Cisinshimi Kwayambukila Basikutongooka\\nIbbuku lyokwa Daniele litaliboteli, ndimwi akataa mabbuku aacishinshimi mu Mangwalo woonse. Eelyo Ciyubunuzyo, nocibalwa kabotu-kabotu mpoonya akweezyekanya antoomwe abbuku lya Daniele, kuli tusimpe tusongwaazya busongo bwamuntu tuzwa mumabbuku obile aaya! Bantu banjaanji bakatonkomana kubala kwa mawoola manjaanji kuti bazubulule cintu ciimimina cibumbwa calubulo, banyama bakankamika, alimwi amulimo wa Mvwiki zili makumi ciloba mu Cishinshimi. Kuli bupanduluzi bunjaanji, pele “kunyina cishinshimi ca Mangwalo cilaa busanduluzi busisidwe” pe (2 Petulo 1:20). Swebo tweelede kulekela Bbaibbele kuti lilisandulule lwalyo lini. Kutegwa acite boobo, muntu weelede kutalisya kubala cilembedwe kale:\\n“Kulipimidwe nsondo zili makumi aali musanu aabili kubantu bako akumunzi uusalala, kuti insotoko zimane azinyonyoono zimwaigwe. Akuti milandu yacibi ilobelele, akuleta bululami buteeli; Kujala cilengaano acishinshimi; Akuti busena busalalisya bunanikwe. “Lino uleelede kuzyiba akumvwisisya, Kuti kuzwa kuciindi camulazyo wakubusya awakuyakulula Jelusalema kusikila aciindi cakusika kwa mwanaa Mwami Messiah uunanikidwe, kuyooba mvwiki zili makumi musanu azibili. Lino mumvwiki zili makumi aali musanu alimwi amvwiki zyobile, munzi uuyooyakululwa, uyooba amigwagwa amufolo wakuukwabilila muziindi zyamapenzi. Zimane mvwiki zili makumi aali musanu alimwi azibili, Messiah uunanikidwe uyoonyonyoonwa, cakubula sikulya zina, Nkabela bantu bamwami uuboola bayoonyonyoona munzi acikombelo. Izambangulwe liyooba ndeliyooumanizya, alimwi kuyooba nkondo mane kusikila kumamanino. Insaalo zilibikidwe. Lino walo uyootanga cizuminano ciyumu abantu banji mumvwiki yomwe, alimwi mucisela camvwiki yomwe uyoolesya zipaizyo azituuzyo. Nkabela Walo sikusaala uyooboola amababa aazisesemyo, mane lumwi mamanino aabikidwe akacitilwe sikusaala.” Daniele 9:24-27\\nCilisalede kuti eeci cibeela coonse caambilizya muntu ngweenya omwe buyo, Yahushua. Tacili cintu camaanu kuti inga kwatalika kwaambwa muntu uumwi waandeene akataa kaambo, akwaambilizya simukazya kristu.\\nNkamu ya WLC ilanganya zintu zyaacitika kale mumisela yoonse kusikila ciindi cino mukuteelela Cishinshimi ca Mvwiki zili 70. Mumajwi amwi, ooku nkokwaamba kuti, “Mvwiki zili makumi ciloba” zyakacitika kale mumulongo waciindi wakainda musyule lyesu.1 Aboobo, kusalazya makani, eezi mvwiki zili 70 zyacishinshimi, tazyeelene amvwiki zili 70 zilaa mazuba aali ciloba yomwe-yomwe pe. Kweendelanya abulembedwe mu Myeelwe 14:33 amu Ezekiya 4:4-5, ciindi ca Cishinshimi cilipimidwe mumazuba pele cibalilwa mumyaka. Aboobo, Mvwiki zya Cishinshimi zili 70 zileelene a Mazuba Aacishinshimi aali 490, aayo mazuba mubwini myaka iili 490. Aboobo, kulangila cishinshimi eeci akuceendelanya kuzintu zyamisela, inga myaka iili 490 yabalilwa Bana ba Israyeli. “Malailile aakatuminwa kubambulula akuyakulula munzi wa Jelusalema” akacitika mumwaka wa 457 BC. Langa cilembedwe muli Ezra 7. Mumvwiki zitaanzi zili 7 (myaka iili 49), Jelusalema wakayakululwa akumanizya kubambululwa mu 408 BC. Mpoonya mvwiki zili 62 (myaka iili 434) yakatobela kuzwa waawo, kusikila Yahushua naakabbizyigwa mu 27 AD, akutalika mulimo Wakwe anyika. Akataa mvwiki iicaalizya ya 69th naa myezi iili 7 yacishinshimi, Yahushua wakapangana cizuminano cipya a Bana ba Isilayeli. Kukankaminwa Kwakwe mumyaka iili 3 ½ kwakatonkela ciindi cashinshimi kuya kumyaka iicaalizya iili 7 akumanina mu 31 AD, eelyo zyoonse zituuzyo azipaizyo nizyakalekela limwi kuumpwa acipaililo (Mateyo 27:51; Maako 15:38). Mpoonya kumamanino aamyaka iili 3 ½ , eelyo Stephen naakajaigwa kuumwa mabwe mu 34 AD, eeco ciindi ncobakapimidwe Bana ba Isilayeli cakagola, cizuminano cakazuzikwa, lino Mulumbe wakatalika kuya kuli Banamasi. Cisyomyo ca Mwami Yahuwah kuli Abrahamu cakasika mpocaazuzikwa. Cisyomyo Cakwe kuli Adamu a Eve cakacitika. Walo wakamanizya cibeela Cakwe mucizuminano eeco. Nokuba kuti aayo teesyi ngamakani aacibalo eeci, kweelede kubonwa kuzwa waawo kuya kumbelaa misela kuti, Bana ba Isilayeli, nkaambo kakukaka cizuminano eeco amicito yakusofwaazya bupaizi bwabo, TIIBAKACILI bantu basale baandeene bokwa Yahuwah pe.\\nKutolwa Kujulu Kakwiina Kufwa\\nMukulaba Kwa Liso Camaseseke:\\nCilwanyo Ca Saatani Camaseseke\\nMuntu umwi inga wayeeyela kuti, kulanga buyo ciindi cilamfu boobu eeci, ooku kuteelela “mvwiki zili 70” inga kwaba kuteelela boonse bana Kristu nkobeelede kuzyiba. Alimwi kuti yebo nooli kupona mumazuba aabaapositolo, inga walulama kuyeeyela boobo. Baapositolo abamwi basyaalizi muciindi eeco, mbuli ba Waldensiani, bakalijatilide kukuteelela makani oobo. Nokuba boobo, Bupoopo bwakatalika kuyaakubaa nguzu zyabweendelezi atalaa nyika, antoomwe a kusandulula Mangwalo munzila yabumpelenge. Daniyeli a Ciyubunuzyo bakashinshima kuti nguzu zya simukazya Kristu ziyoosimpilwa munguzu zyabupaizi amfulumende antoomwe. Bakatalika kweendelezya lusyomo lwabantu atalaa nyika akuvwunikila nyika kunsaa mudima bupaizi bwa lweeno kwamyaka iili 1260 – “ziindi, ciindi, akwiinda akati ciindi comwe” (Daniyeli 7:25, 12:7; Ciyubunuzyo 12:14; azimwi zinjaanji) Kwakali bamwi bana Kristu bamasimpe munyika zyakali kulaale, mbuli ba Waldensiani, aabo bakalaa lusyomo lwa Bwaapositolo Bana Kristu, pele eeco cakabaletela kupenzyegwa kapati kuzwa ku Cikombelo ca Loma.\\nMbuli ciindi cakapimidwe bweendelezi bwa Poopo waku Loma nicakali kuya kumamanino, alwalo luzyibo lwaciimo cini capoopo mbuli keja kasyoonto ka bbuku lya Daniyeli anguzu zya simukazya-kristu, zyakatalika kulibonya antangalala. BOONSE basololi bambungano Zibambulula lusyomo abantu bakali kusyoma, bakalizyi alimwi bakali kukambauka kabacenhezya bantu ku nguzu zya munzi wa Loma wa Bukatolika, nzyenguzu zya simukazya-kristu eezyo zyakashinshimwa kulibonya atalaa nyika, nokuba kuti tiiyakaninga manina myaka iili 1260 yacishinshimi ca Ciyubunuzyo 12 a Daniyeli 7:25. Awalo Paulu wakacenjezya kuti “muntu wacibi …ooyo uulwana akulisumpula atalaa cili coonse cikombwa nokuba ciitwa kuti Elohimu, cakuti walo ulalikkazyika mbuli Elohimu mutempele lyokwa Elohimu, kalipeekezya kuti walo ngo Elohimu.” (2 Batesalonika 2:3-4) Njembungano ilaa bulwani kapati alimwi iisesemya nziicita eeyi; Nkamu yaba Jesuiti. Munzi wa Loma wakalizyi alimwi taakali kuyanda kabunga ka Basikutongooka “batasyomi zintu zyakwe” aabo kuti bazumanane kukambauka Mulumbe mubotu kuti naa walo kaciyanda kubaa nguzu. Aboobo wakaanza Nkamu ya Jeesu, naa Nkamu yaba Jesuiti, akwiipa mulimo uugaminina kulwana kufumbwa Uubambulula lusyomo. Simwaaba waakalala ncobeni akunyemena Mukaintu (Cikombelo). Balo bakaunka ooku akooku kuyaa kujayaula akumwaya Kasimpe munzila zinjaanji, kuumpa kufumbwa bana-kristu basyomeka mumulilo akupenzya bantu kapati munzila yalunya. Pele azimwi nzila zyakutundulula zyakatalika kwaanzwa akubelesyegwa azyalo, alimwi eezyo nzila zyakujaya bantu zicibelesyegwa mazubaano, akucenga zyuulunzuma zyabantu; lino abalo Basikutongooka lwabo balabelesya nzila zyakutundulula eezyo! Nzila yiinda kucenga njakuyiisya zintu zyakubeja akutaminina kuti loonse lusyomo lwiimpene aceeco ndusyomo lwamalweza. Ooyu ngomulimo wini wakulwana Kubambulula Lusyomo kwiinda mukuyiisya kuti zyoonse zishinshimi zya Bbaibbele zyakacita kale nokuba kuti ziciyoocitika kumbelaa mazuba aazya kumbele.\\nMakanze aakumwayaula kufumbwa Uubambulula lusyomo kwiinda mukujaya “bazangide mulusyomo”, akaalilwa kuzwidilila. Mbuli mbubakali kuyaa kwiindila kujaya Basikutongooka, awalo mweelwe wa bantu basyoma wakayungizya kukomena. Cikombelo ca Loma cakeelede kujana nzila iimbi yakulisisikizya ciimo ca “keja kasyoonto” ka Daniele 8; aako nkaambo nkubaazyibide kabotu boonse Basikutongooka. Mu 1585 Francisco Ribera, sicikolo mu Jesuiti, wakatalisya lusyomo lwakulangila zishinshimi zyoonse kuti ziyoozuzikwa mumazuba aacizya. Kkadinalo Robert Bellarmine, umwi waazyibidwe akataa ba Jesuiti mukukwabilila zintu nzyobasyoma, wakagwasyilila mizeezo yokwa Ribera kuti izwidilile. Ribera wakabweza mvwiki iicaalizya mu mvwiki zyili 70 zya cishinshimi, akuyaandula muzibeela zyobile, mpoonya wakaambilizya kuti yiiminina simukazya-kristu, kuleka kwaambilizya Kristu. Walo wakabikkilizya amvwiki yomwe mumazuba aacizya kumbele, kutegwa simukazya-kristu abaange tanooliko kusikila mumyaka iili 7 munsaa kuboola kwabili kwa Yahushua. Eeyi nje “myaka iili 7 ya Mapenzi Aatanabwenwe” eeyo bantu lyoonse njobaciyeeyela kuyoocitika kumbelaa mazuba. Aboobo, bantu banji bakacengwa kuti simukazya-Kristu wakaliko kale kaindi, alimwi bacilinda akulangila simukazya-kristu mumazuba aacizya kakuli balimubwene kale kumbelaa meso aabo! Kuzwa mulusyomo oolo kwakasyuuka zintu zinjaanji zyakweena bantu mbuli – Kutolwa kujulu camaseseke mukulaba kwaliso kakwiina kufwa , myaka iili 7 ya Mapenzi Aatanabwenwe, akuti nkamu Yanguzu yaba Juuda iyoolwana nkondo kumamanino aaciindi ca Kutolwa kujulu kwamaseseke mukulaba kwaliso kakwiina kunjila mulufu – akataa zimwi zinjaanji nzyobasyoma.\\nKutegwa bantu batalike kusyoma kuti zishinshimi zili mumazuba aacizya, kwakali kuyandika kuyaka Cisi ca Isilayeli, mpoonya eeco cakacitika mu 1948. Ba Zioni aba Jesuiti bakabelekela antoomwe kweena bantu. Kwiinda mukupelengusya kupandulula Daniele 9:27, balo bayanda kuyaka tempele lyatatu akujokolosya zituuzyo zisesemya kutegwa bakalete “simukazya-kristu” wamasendekezya ooyo uuyokwaatulwa a simukazya-kristu WINI uuliko kale lino, kalipeekezya kubaanga ngu Kristu wamasimpe. Ooyu mulandu mupati akataa bantu nkaambo kusikila munsaa buna Kristu boonse bwiide kuzuminizya lusyomo lwakuyaka tempele kakwiina kuzyiba citola busena kunzaa matewu.\\nMasimpe kuti Daniele 9:24-27 wakazuzikwa kale cakumaninizya, mubuumi amulimo wa Yahushua amukufwa kwa Stephen, muna-kristu mutaanzi kujayigwa.\\nNkaambo balo bakkomanina kukopanya mizeezo yabantu akuleta lupyopyongano, munzi wa Loma, tuunamanizya kupindulula bupanduluzi busisa ciimo cakwe. Kucili lwiiyo lwakubeja lwabili lujatikizya zishinshimi zyokwa Daniele a Ciyubunuzyo, lwiiyo lwakuti simukazya-kristu wakasika kale eelyo munzi waLoma kuutaninga dilimunwa. Tiilyakalampa kuzwa Ribera naakasendekezya kulangila zishinshimi mumazuba aazya kumbele, mpoonya mu Jesuiti waku Spain, Luis De Alcazar wakalemba cibalo camutwe wakuti Investigation of the Hidden Sense of the Apocalypse. Oomo mucibalo, Walo wakalombozya kuti zyoonse zishinshimi zya Ciyubunuzyo a Daniele zyaambilizya Loma wakukomba mituni alimwi “tiicakajisi cibeela muzishinshimi zya misela yaakatikati nokuba mubulelo bwa poopo.”2 Ncintu cikopa mizeezo ncobeni eeci bantu mbobazilaika akwiide kutambula ziiyo zyobile eezyi kakwiina kubuzya nizyaacitika. Kulangila simukazya-kristu mumazuba aacizya a kuyiisya kuti simukazya-kristu wakasika kale munzi wa Loma kuutaninga dilimunwa, eezi zyobile ziluukwete kucenga nyika yoonse, kusanganya a Basikutongooka abalo.\\nKweelede kubikkila maanu kuti bunji bwazilembedwe zyakagwasyilizya lucengo oolu, mbuli mabbuku ookwa Margaret McDonald, Samuel Maitland, John Darby [ooyo uuzyibidwe kuti ngu wisi walusyomo lwa kutolwa kujulu camaseseke kakwiina kufwa mukulaba kwaliso], Samuel Tregelles, a Cyrus Scofield. Scofield “nguwakakulwaizya kapati malembwe ookwa J. N. Darby, akusanganya lusyomo lwakuzuzika zishinshimi mumazuba aaciboola mubbuku lyakwe lya Scofield Reference Bible. Kutaanguna lyakasimbwa aba Oxford University Press mu 1909, ziindi cuulunzuma comwe kusikila mu 1930. Ibbalibbele lya Scofield Bible lyakalaa mulimo mupati wakusimpa bulangizi bwaba Jesuiti bwa mazuba aacizya kumbele muzikolo zya Kwiiya Bbaibbele zya Basikutongooka mucisi ca Amelika mumusela wa 20th .”3\\nMbombubo lweeno lwakulangila zishinshimi mumazuba aacizya mbulwaayambukila mu Zikolo zya Basikutongooka mu Amelika.\\nKotyanka aawa kuti ubone mulongo wazikolo zimwi amazina aazyo.\\nDallas Theological Seminary (cikolo citaswaange azikombelo ca Basikutongooka): Lewis Sperry Chafer (1871-1952), sicikolo waku Cyrus Scofield, wakatalisya Cikolo ca Evangelical Theological College (lino ciitwa kuti DTS) mu 1924, eeco cikolo ciinda kubaa mpuwo mu Amelika sunu. Kulangila zinshinshimi mumazuba aacizya, akutolwa kujula camaseseke mukulaba kwaliso kakwiina kufwa (ooko lino nkobaamba kuti nkulangila kulelekedwe), zililembedwe muzibalo 18-20 zyabo zya DTS mu Cizyibyo ca Lusyomo.\\nAkataa bamwi bazyibidwe mucibeela ca DTS mbaa:\\nJohn Walvoord (Mwiyi Mupati wa Systematiki Theologi, Musololi wa Dallas Theological Seminari kuzwa mu 1952 kusikila mu 1986, Mweendelezi wa DTS kuzwa mu 1986), mulembi wabbuku lyakuti The Rapture Question (1957), alimwi wakali umwi uubambulula lwiiyo lwa Bbaibbele lya The New Scofield Reference Bible.\\nChuck Swindoll (Insight for Living), Musololi wa Dallas Theological Seminari kuzwa mu Kunkumuna Masamu 1994.\\nCharles C. Ryrie (Mwiyi Mupati ku Dallas Theological Seminari), mulembi wa The Ryrie Study Bible, eelyo lyaambwa kuti ndi Bbaibbele lyakalembululwa lya Scofield Reference Bible lya mamanino aamusela wa 20th.\\nHal Lindsey, (hallindsey.com - hallindseyoracle.com) mulembi wa The Rapture: Truth or Consequences (1983), ambweni ngomulembi wacishinshimi wiinda kubaa mpuwo mumyaka yakainda iili 30. Alikke ngo mweendelezi uulaa nguzu atalaa Bbaibbele ku Trinity Broadcasting mucipekupeku camutwe wakuti Omega Code ca Simukazya-Kristu uucizya.\\nJ. Vernon McGee (1904-1988), umwaya milumbe mu Through the Bible Radio series.\\nKenneth N. Taylor (mweendelezi wakaindi ku Moody Press, Wakatalisya Tyndale House Publishing), mulembi wa The Living Bible. Basimba mabbuku ba Tyndale House balaampuwo mpati muzipekupeku zya Left Behind zyokwa Tim LaHaye a Jerry Jenkins.\\nThomas Ice (Mweendelezi wa Milimo ku Pre-trib Research Center), Th.M. Kuzwa mu DTS, wakagwasyilila kubamba Pre-trib Research Center antoomwe a Tim LaHaye.\\nMoody Bible Institute yaku Chicago: Mu 1890, C. I. Scofield wakatalisya Ciiyo ca Kwiiya Bbaibbele mu Magwalo, mpoonya eeco cakazumananwa aba Moody Bible Institute (Dwight. L. Moody, wakatalisya Moody Church, akusandula Scofield, mpoonya Scofield wakakambauka akupa mulumbe kudilwe lyaba Moody mu 1899). [Cileelede kuzyibwa kuti Dwight Moody lwakwe kwiina cibeela ncaakajisi mulwiiyo oolu pe.]\\nBa Moody Press bakatumizya Ziiyo zya Cikolo ca Nsondo kuzikombelo zya Assembly of God mu 1914, akujuzya zikombelo zya Pentecosti kusyoma kuti simukazya-kristu ucizya kumbele akusyoma kutolwa kujulu camaseseke kakwiina kufwa mukulaba kwa liso.\\nIBbaibbele lya Ryrie Study Bible, ndyaakalemba Charles C. Ryrie, ooyo wakali sicikolo ku Dallas Theological Seminari, lilaa twaambo tuli 10,000+ twaziiyo alimwi ndelimwi akataa mabbuku aali kumbele kuuzyigwa aba Moody Press.\\nJerry B. Jenkins, mulembi uugwasyilila muzipekupeku zya Left Behind, wakali musololi wakusimba mabbuku ku Moody Bible Institute, wakali mulembi wa Moody Magazine. Lino mulembi waziiyo zinjaanji ku Moody Bible Institute.\\nWestern Theological Seminary (Reformed Church yaku Amelika).\\nAlma Mater waku Tim LaHaye, wakatalisya Pre-trib Research Center, wakali mulembi uugwasyilila muzipekupeku amabbuku aa Left Behind, aayo aali kumbele kusendekezya lusyomo lwakulangila simukazya-kristu kumbelaa mazuba akutolwa kujulu camaseseke kakwiina kufwa, aakasimbwa ziindi 20+ zyuulunzuma. Akasimbwa aba Tyndale House, alimwi kucili aacisimbwa aali 12. Cipekupeku ca bbuku litaanzi cakabambwa abalembi bacishinshimi ba Peter a Paul Lalonde baku Cloud Ten Pictures. Cakatondezyegwa kutaanguna mucipekupeku ca kkaseeti mu 2001, aabo bantu bakacilangilizya cipekupeku ca Left Behind bagantaganta buyo kwaamba kuti cilakopa, tacikwe Mulumbe mubotu wa lufutuko kwiinda mukusyoma Jeesu Kristu, alimwi cuubaula evangeli, mbweenya mbuli cipekupeku caku TBN ca Omega Code aca Megiddo (Omega Code II).\\nTim LaHaye School of Prophecy - cakajulwa mu Mukazi Maziba 2002 kubbuwa lya Cikolo cipati ca Liberty Lynchburg, V.A., Dr. Jerry Falwell – ngo Musololi. Tim LaHaye wakaamba kuti ulikondedwe nkaambo kamiswaangano ya cishinshimi ku Albury Park aku Powerscourt eeyo yakakkedwe ku Britain akataa 1820 a 1830 alimwi eeci cakagaminina kusolweda kukubamba busena bwa (Pre-trib Research Center). Edward Irving a J. N. Darby bakaliko mumuswaangano ooyo, alimwi bakasungilizya kapati kukkala miswaangano eeyi mumusela wa 19th yacishinshimi oomo lusyomo lwa kutolwa kujulu camaseseke kakwiina kufwa akulangila simukazya-kristu mumazuba aacizya mukwakabedaa mpuwo kapati akataa basicikolo abasikutongooka bakambauka cishinshimi.\\nImbungano zilaa mpuwo mpati kuyiisya Kulangila simukazya-kristu kumbelaa mazuba a Kutolwa kujulu camaseseke kakwiina kufwa:\\nTrinity Broadcasting - ambweni ngo sikapepele mupati wabuna Kristu mu TV, nkamu ya TBN yakabamba zipekupeku zyobile zya kulangila simukazya-kristu zyakuti: Omega Code aca Megiddo (Omega Code II). Nkamu ya TBN yakatumizya muli sikapepele zipekupeku zyobile zitobela zya mamanino aaciindi, kutolwa kujulu camaseseke akulangila simukazya-kristu kumbelaa mazuba:\\nThe Moment After - eeci cakabambwa aba TMA Productions.\\nMucipekupeku eeci, bakapaso bobile ba FBI bavwuntauzya zyuulunzuma zyabantu bakasweeka aciindi comwe boonse.\\nThe Gathering - eeci cakabambwa aba DRC Productions.\\nMucipekupeku eeci, bamakaintu bobile batasyomi amwaalumi uusyoma, babona zilengaano zikopa mizeezo zya kupenzyegwa kuzyaa kuswena alimwi akutola Bana-Kristu kujulu mukulaba kwa liso.\\nEnd of the Harvest – eeci cakabambwa aba Christiani Film Group.\\nMucipekupeku eeci, sicikolo ulota ziloto zigambya zya mulimi wa mpunga, akugwasyilila zishinshimi zyamamanino aaciindi zyamu Bbaibbele katayandide, mpoonya umwi sicikolo waalilwa kupandulwida nkamu yabantu bayeeyela kuti kunyina leza. Mubwini cipekupeku eeci cisisikizya kukulwaizya bulozi akupaila mizimo amasabe (kusonda akukanana aa mizimo).\\nJack Van Impe Ministries - Amulembi wabbuku lya The Jack Van Impe Prophecy Bible abbuku lisandulula kampango komwe-komwe ka bbuku lya Ciyubunuzyo lilaa mutwe wakuti Revelation Revealed. Mucipekupeku cakwe ca TV, Jack utaminina kuti Leza Lwakwe wakamutondezya walo mpubaalubide kusandula Bbaibbele aabo bakalisandulula kaindi alimwi wakamupa busanduluzi bululeme bwa bbuku lya Ciyubunuzyo.Walo nguwaabamba zipekupeku zitobela ansi zya kulangila simukazya-kristu mumazuba aacizya kumbele:\\nJerry Falwell Ministries - eeyi mbunga isumpula kapati cikolo ca Tim LaHaye Cikolo ca Bible Prophecy, eeco cakajulwa mu Mukazi Maziba 2002 mubbuwa lya cikolo cipati ca Falwell Liberty.\\nJohn Hagee Ministries - Wakaabila John Hagee ciiyo ca Prophecy Study Bible, eeco caambilizya kuti \"cilikke nceciiyo ca cishinshimi camu Bbaibbele camusyobo ooyo\", cilaa mapepa aayinda 300 aaziiyo zya Cishinshimi ca Bbaibbele alimwi kacilaa zifwanikiso zyeebeka. John Hagee ulitonkomene kutabilila mabbuku aacipekupeku ca Left Behind acipekupeku eeco mumubandi uutola woola lyomwe mu TV.\\nThe King is Coming, nkamu ya World Prophetic Ministry, Colton, California, Ed Hindson Mweendelezi. Yakabambwa aba Dr. Howard C. Estep (1916-1986), mulembi wabbuku lya The Catching Away (1967). Ulilisungwide kupandulula Bbaibbele. Dr. Dave Breese, musololi wakaindi wa mbunga ya W.P.M. Alimwi Mwiyi waciiyo cakuti \"Mwami Ulaboola.\" Walo ubelesya nzyaakalemba Scofield eelyo nayiisya busanduluzi bwakwe bwa mvwiki zya Daniele zili 70 mu Kulangila simukazya-kristu mucipekupeku cakuti Mwami Ulaboola.Wakayunguzya makani muBbaibbele lya Tim LaHaye Study Bible, akulyaamba kuti \"ndi Bbaibbele liinda kululama kwiinda woonse!\". Tim LaHaye wakali nkumekume uupa mulumbe muzipekupeku zinjaanji zijatikizya \"The King is Coming\".\\nGrant R. Jeffrey (Cishinshimi Muluwo)\\nZola Levitt - Zola Levitt Ministries \"Bapandulula Bbaibbele kwiimina mujwi alimwi akuti tabakonzyi kulubizya, basyoma lufutuko kwiinda muli Kristu alikke, kutola basyomi boonse kujulu camaseseke mukulaba kwa liso akubamba bulelo bwa cuulu camyaka atalaa Nyika.\"\\nPerry Stone (Manna Fest), Wakabamba akusolweda nkamu ya Voice of Evangelism Ministries Inc.\\nDave Hunt (The Berean Call) - mulembi wabbuku lyakuti A Woman Rides the Beast, cintu cigambya aawa ncakuti, uyiisya kutolwa kujulu kwa maseseke akulangila simukazya-kristu kumbelaa mazuba aacizya.\\n(cakazyila mu Biblelight.net\/antichrist.htm)\\nHena, ono kucinyina bulangizi bubotu na? Nee kaka peepe, kutabi boobo! Bantu basyomeka bokwa Yahuwah baluujisi kukambauka mulumbe uubbununa makani aalucengo woonse aayo. Basikutongooka bakasunkwa ncobeni mulusyomo lwabo alimwi masimpe kuti lyoonse bakali kukambauka mulumbe uuyubununa bubeji bwa poopo. Joseph Tanner mumwaanda wamyaka yakainda wakaamba kuti, nokuba kuti “donda mwaka” lyakatalika kupona mu 1929:\\nMumizeezo yabantu, Poopo wakacili Simukazya-kristu cakuti, munzi wa Loma wakalikakatizya kupindulula lusyomo oolo akujuzya nzila ziindene zyakusandulula Mangwalo, akulesya kutondeka akutamikizya Poopo kuti ngo Simukazya-kristu.\\nNguni Munyama mu Bbuku lya Ciyubunuzyo?\\nAboobo cintu cakatobela ncakuti, kuya kumamanino aamusela wa Kubambulula lusyomo wakainda, basilisi bacikombelo bayiide kapati bakanjila mulimo, wakuyandaula cintu comwe boonse, eeco cikonzya kwiinda bantu boonse kunsaa maanu kutegwa kabatakubwene bulelo bwa Poopo mbobuyaazuzika zishinshimi zya Simukazya-kristu. Mu Jesuiti Alcasar (sic.) wakalyaaba kuleta busanduluzi bupya a Muzeezo wakulanganya simukazya-kristu mumazuba aakainda kale, eeco ncintu ncotwabona kale cisendekezya kuti zishinshimi zyaambilizya Simukazya-kristu zyakazuzikwa kaindi ba Poopo kabataninga lela munzi wa Loma, aboobo taziguminizyi Poopo wa mazubaano pe. Kujanza limwi, mu Jesuiti Ribera wakasoleka kulyatila ansi zishinshimi zyaambilizya Nguzu zya Poopo kwiinda mukuleta Muzeezo wakulangila simukazya-kristu mumazuba aacizya kumbele , ooyo muzeezo mubwini usendekezya kuti eezi zishinshimi tazyaambilizyi Poopo pele zyaambilizya muntu uumwi uulaa nguzu uucizyoolibonya kumbelaa mazuba, akuzumanana kulela myaka yotatwe acisela camwaka omwe. Aboobo, mbuli mbwaakaamba Alford, umwi Ribera muJesuiti, mu A.D.1580, wakali kulanganyigwa kuti ngo Waalatalisya Kulangila simukazya-kristu mumazuba aacizya kumbele.\\nNcintu cuusisya kuti aabo basyoma mazubaano kuti simukazya-kristu uciboola kumbelaa mazuba, bunji bwabo mbobali Basikutongooka, bali kale mumaanza aamunzi wa Loma, alimwi basinkilila Poopo kuti atazyibwi mbwali Simukazya-kristu. Kanjaanji kwaamba kuti “Kulangila simukazya-kristu mumazuba aazya kumbele kwakazima mulilo ooyo Muya Uusalala nguwaakutwida atalaa Poopo.\" Eeci ceelede kubelesyegwa kapati muziindi eelyo Poopo Simukazya-kristu nalibonya kuti uyaa kujatila maanu aabantu mbweenya mbuli kaindi. Lino alimwi, mbuli muciindi ca Kubambulula lusyomo, ncintu ciyandika kapati kuti ciimo cakwe cizyibigwe abantu boonse basyomeka balaa “bumboni bwa [Yahushua].\"4\\nEeyi mizeezo yobile yaba Jesuiti yakupandulula cishinshimi; nokuba boobo, yakabambilwa kutozya mizeezo yabantu kuti baleke Kubambulula Lusyomo. Kunyina makani naa bupanduluzi bobile oobu mbumpelenge buli buti, pele bwakazwidilila mumulimo wakweena kusikila munsaa Bana-kristu boonse.\\nPele cintu cikankamika akuzyondola maanu akataa zintu zyoonse ncakuti, Basikutongooka lwabo beni mukuya kwaciindi bakaba balongwenyina a poopo akutalika kumugwasyilila kutola makanze aakwe aabu Jesuiti akataa buleya. Ma! Babaanzi basikutongooka ncobazyokela kucintu ncibaabwene kabasalalidwe kuti ncikombelo cabwaamu cisolwedwa a simukazya-kristu eeco cakaambilizyigwa mucishinshimi, lino mbabaingene kumbele kukambauka kuti simukazya-kristu ucizya mumazuba aali kumbele muzikombelo zyabo. Kakwiina kudonaika, oolu lusyomo lwakazwidilila ncobeni kwiinda mbubakali kuyeeyela ba Jesuiti. Awalo muzeezo ookwa Luis De Alcazar wakuti simukazya-kristu wakainda kale, mbweenya buyo awalo wakainda bantu kunsaa maanu.5\\nMunzi wa Loma ookwa Poopo, nkakeja kasyoonto ka cishinshimi, nenguzu zya simukazya-kristu, ngosibwaamu uukoledwe bulowa, alimwi ncecuuno ca muntu wacibi. Kusikila munsaa buna-Kristu boonse bwakasweekelwa Kasimpe kayandisi aaka akuzelauka kuzwa munzila iiluleme. Koyeeyela mbwalaa mpuwo mazubaano Poopo Francis. Nyika yoonse ilamukkomanina akumuyanda. Pele webo kocenjela, utacengwi Omuyandwa wa Mwami Yahuwah. Kofwambaana kuyubila mucimvwule Cakwe. Kolibambila, kobamba Milawo iili Kkumi, a Bumboni bwa Yahushua, nkaambo Simwaaba wakalala ncobeni, aciindi camana.\\n1 Kunyina aawo Bbaibele mpolizumizya kupandaula mvwiki zyili 70 akusiila kumbali yomwe kuti iyoocitika aakale mumazuba aacizya. Cishinshimi coonse cakapegwa mbuli mulongo waciindi omwe buyo.\\n4 Kuzwa mu Daniel and the Revelation: The Chart of Prophecy and Our Place In It, A Study of the Historical and Futurist Interpretation, caba Joseph Tanner, cakasimbwa ku London aba Hodder a Stoughton, 1898, mupeeji 16,17.","num_words":3005,"character_repetition_ratio":0.067,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Levitiko 17 IBBAIB63 - Lino Jehova wakaambila Musa - Bible Search\\nMilao yakujaya banyama ayakulya bulowa\\n1Lino Jehova wakaambila Musa kuti, 2Ambila Aroni abana bakwe abana boonse ba-Israyeli, kuti, Mbuboobu Jehova mbwaakalailila. 3Kufumbwa muntu waluzubo lwa-Israyeli uujaya ŋombe nanka kabelele nanka impongo mumalabba naaba anze lyamalabba, 4-na taleti kumulyango watente lyambunganino, kuti acipaizye mbuli cipaizyo ca-Jehova kunembo lyatente lyambunganino, oyo muntu ulapegwa mulandu wabulowa. Watila bulowa, Oyo muntu ulatandwa muciinga cakwe. 5-Oyu mulao ngwakuti bana ba-Israyeli balete zipaizyo zyabo nzibapaizya musokwe, bazilete kuliJehova kumulyango watente lyambunganino, kumupaizi, bazituule mbuli zituuzyo zyakutontozya kuli-Jehova. 6-Mupaizi asansaile bulowa acipaililo ca-Jehova kumulyango watente lyambunganino, akutenta mafuta, kube bweema bubotu bwakubotezya Jehova. 7-Aboobo mukupaizya kwabo tabakooyoopaila limbi zyeelo, nzibali kuyandaula cabwaamu. Oyu ulaba mulao walyoonse akati kabo mumazyalani aabo oonse.\\n8Alimwi kobaambila kuti, Kufumbwa muntu waluzubo lwa-Israyeli, naba mweenzu uukala-kala akati kanu, uutuula cituuzyo na cipaizyo, 9na tacileti kumulyango watente lyambunganino kuti acituulile Jehova, oyo muntu ulatandwa muciinga cakwe.\\n10-Alimwi kufumbwa muntu waluzubo lwa-Israyeli, nanka mweenzu uukala-kala akati kabo, uulya bulowa, njoomulwisya oyo muntu uulya bulowa, njoomutanda muciinga cakwe. 11-Nkaambo mubulowa mobubede buumi bwanyama, alimwi mbombubo mbondimupede acipaililo kuti bumanye milandu yanu, nkaambo bulowa mbobumanya milandu nkaambo kabuumi. 12Nciceeco ncindaambila bana ba-Israyeli kuti, Kutabi muntu naba omwe akati kanu uulya bulowa, naba mweenzu uukala-kala akati kanu, atalyi bulowa pe. 13-Kufumbwa muntu wabana ba-Israyeli, nanka mweenzu uukala-kala akati kabo, uuvwima akujaya munyama na muyuni uuligwa, uleelede kutila bulowa ansi akubuvumbaabulengo.\\n14-Nkaambo mubulowa mobubede buumi bwabalenge boonse, Nciceeco ncindaambila bana ba-Israyeli kuti, Mutalyi bulowa bwamulenge naba omwe, nkaambo mubulowa bwakwe mobubede buumi bwamulenge. Kufumbwa uubulya ulatandwa muciinga cakwe. 15-Alimwi kufumbwa muntu uulya cilifwida nanka cilumwa kubanyama, naba muzyalwemucisi naba mweenzu, asanzye zyakusama zyakwe, akusamba amubili akusofwaala mane kusikila kumabbililo aazuba, elyo ulasalala. 16-Pele na tazisanzyi nanka kusamba, ulijisi mulandu.","num_words":284,"character_repetition_ratio":0.081,"word_repetition_ratio":0.0,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Johane 13 | Bbaibbele lili a Intaneti | Bbaibbele lya Busanduluzi Bwanyika Mpya\\nJesu wasanzya maulu aabasikwiiya bakwe (1-20)\\nJesu waamba Judasi kuti nguutiimwaabe (21-30)\\nMulawo mupya (31-35)\\n“Ikuti kamujisi luyando akati kanu” (35)\\nBusinsimi bwakuti Petro ulamukaka Jesu (36-38)\\n13 Lino akaambo kakuti wakalizyi kalitanacitika Pobwe Lyakwiindilila kuti ciindi cakwe cakalisikide cakuti azwe+ munyika ino akuunka kuli Bausyi,+ Jesu wakali kubayanda bakwe ibakali munyika, wakabayanda kusikila kumamanino.+ 2 Kwakali kuligwa cilalilo, eelyo Diabolosi wakalicibikkide kale mumoyo wa Judasi Isikariote+ mwana wa Simoni kuti amwaabe.+ 3 Aboobo mbwaanga Jesu wakalizyi kuti Bausyi bakabikkide zintu zyoonse mumaanza aakwe akuti wakazwide kuli Leza alimwi wakali kuunka kuli Leza,+ 4 wakanyamuka kutebulu akusamununa zisani zyakwe zyaatala. Mpoonya wakabweza cakulipukutizya akulyaanga mucibuno.+ 5 Amane kucita boobo wakabikka maanzi mumutiba wakusambila, akutalika kusanzya maulu aabasikwiiya bakwe akwaapukuta acakulipukutizya ncaakalyaangide mucibuno. 6 Mpoonya wakasika ali Simoni Petro. Walo wakati kulinguwe: “Mwami, sena uyanda kusanzya maulu aangu?” 7 Jesu wakamwiingula kuti: “Ncendicita tocimvwisyi lino pe, pele ulacimvwisya aakale.” 8 Petro wakati kulinguwe: “Kunyina notiisanzye maulu aangu pe.” Jesu wakamwiingula kuti: “Kuti nditakusanzyi,+ nkokuti tojisi lubazu andime.” 9 Simoni Petro wakamwaambila kuti: “O Mwami, utandisanzyi buyo kumaulu, pele kondisanzya akumaanza alimwi akumutwe.” 10 Jesu wakamwaambila kuti: “Kufwumbwa ooyo wasamba kale amubili uyandika kusanzyigwa buyo kumaulu, nkaambo ulisalede mubili woonse. Alimwi nywebo nobaalumi mulisalede, pele kutali nyoonse.” 11 Nkaambo wakalimuzyi muntu wakali kuyanda kumwaaba.+ Ncencico ncaakaambila kuti: “Tamuli nyoonse nomusalala.” 12 Lino naakamana kubasanzya kumaulu akusama zisani zyakwe zyaatala, wakakkala alimwi kutebulu akubabuzya kuti: “Sena mwacizyiba ncondamucitila? 13 Mundiita kuti ‘Mwiiyi’ akuti ‘Mwami,’ alimwi muliluzi nkaambo mbondibede oobo.+ 14 Aboobo, ikuti mebo nde Mwami alimwi nde Mwiiyi ndasanzya maulu aanu,+ nkokuti anywebo mweelede kusanzyanya kumaulu.+ 15 Nkaambo ndamupa citondezyo, kuti mbubonya mbondamucitila, kamucita mbubonya andinywe.+ 16 Ncobeni ndimwaambila masimpe kuti, muzike tali mupati kwiinda simalelaakwe, awalo sikutumwa tali mupati kwiinda yooyo wakamutuma. 17 Ikuti kamuzizyi zintu eezyi, munookkomene ikuti naa kamuzicita.+ 18 Tandaambi nyoonse pe; ndilibazyi mbondakasala. Pele nkutegwa luzuzikizyigwe lugwalo ilwaamba kuti:+ ‘Ooyo iwakali kulya cinkwa cangu wandibukila.’+ 19 Kuzwa lino ndilamwaambila kacitanacitika, ikutegwa cacitika musyome kuti ndendime nguwe.+ 20 Ncobeni ndimwaambila masimpe kuti, kufwumbwa muntu uutambula yooyo ngondatuma wanditambula andime,+ alimwi kufwumbwa muntu uunditambula mebo wamutambula ayooyo wakandituma.”+ 21 Naakamana kwaamba zintu eezyi, Jesu wakapenga kapati mumoyo, eelyo wakati: “Ncobeni ndimwaambila masimpe kuti, umwi akati kanu ulandaaba.”+ 22 Basikwiiya bakwe bakatalika kulangana kabatazyi ngwaakali kwaamba.+ 23 Munsi-munsi a* Jesu kwakakkede umwi wabasikwiiya bakwe, ooyo ngwaakali kuyandisya Jesu.+ 24 Aboobo Simoni Petro wakamoobola ooyu akumwaambila kuti: “Kotwaambila muntu ngwaamba.” 25 Aboobo sikwiiya ooyo wakayaama acamba ca Jesu akumubuzya kuti: “O Mwami, ino nguni?”+ 26 Jesu wakaingula kuti: “Ngooyo ngonditiipe kankwa nkondisunsa.”+ Eelyo naakasunsa kankwa aako, wakakabweza akukapa Judasi, imwana wa Simoni Isikariote. 27 Eelyo Judasi naakakatambula kankwa aako, Saatani wakamunjila.+ Aboobo Jesu wakamwaambila kuti: “Eeco ncocita kofwambaana kucicita.” 28 Nokuba boobo, kunyina naba omwe akati kabaabo mbaakakkede limwi kutebulu iwakazyi kaambo ncaakamwaambila majwi aaya. 29 Mubwini, ibamwi bakali kuyeeya kuti mbwaanga Judasi nguwakajisi ciyobwedo camali,+ Jesu wakali kumwaambila kuti, “Kaule zintu nzyotuyandika kupobwe,” naa kuti wakeelede kubapa cimwi bacete. 30 Aboobo naakamana kukatambula kankwa, wakazwa mpoonya aawo. Lino akali masiku.+ 31 Lino naakazwa, Jesu wakati: “Lino Mwanaamuntu walemekwa,+ alimwi Leza walemekwa kwiinda mulinguwe. 32 Leza mwini ulapa kuti alemekwe,+ alimwi ulapa kuti alemekwe ndilyonya lino. 33 Nobana baniini, ndinooli andinywe kwaciindi cisyoonto. Muyoondiyandaula; alimwi mbubonya mbondakaambila ba Juda kuti, ‘Nkondiya tamukonzyi kusika,’+ anywebo lino mbondimwaambila mbubonya oobo. 34 Ndimupa mulawo mupya, wakuti muyandane; mbubonya mbondali kumuyanda,+ amuyandane mbubonya anywebo.+ 35 Eeci nceciyoozyibya bantu boonse kuti muli basikwiiya bangu, ikuti kamujisi luyando akati kanu.”+ 36 Simoni Petro wakamubuzya kuti: “O Mwami, ino uunka kuli?” Jesu wakamwiingula kuti: “Nkonduunka tokonzyi kunditobela lino, pele uyoonditobela aakale.”+ 37 Petro wakamwaambila kuti: “O Mwami, ino nkaambo nzi nconditakonzyi kukutobela lino? Ndilatuula buumi bwangu akaambo kanduwe.”+ 38 Jesu wakaingula kuti: “Sena ulatuula buumi bwako akaambo kandime? Ncobeni ndikwaambila masimpe kuti, mukombwe katanalila, ulandikaka ziindi zyotatwe.”+\\n^ Mu Chigiriki, “Kucamba ca.”","num_words":599,"character_repetition_ratio":0.064,"word_repetition_ratio":0.0,"special_characters_ratio":0.189,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Diabolosi Nkwali Ncobeni? | Mibuzyo Yamu Bbaibbele\\nAMUBALE MU Afrikaans Albanian American Sign Language Amharic Arabic Armenian Assamese Azerbaijani Azerbaijani (Cyrillic) Bislama Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Danish Dutch Efik English Estonian Ewe Faroese Fijian Finnish French Georgian German Greek Greenlandic Haitian Creole Hausa Hebrew Hiligaynon Hungarian Icelandic Igbo Iloko Indonesian Italian Japanese Kikamba Kikuyu Kinyarwanda Kirghiz Kiribati Kirundi Korean Kyangonde Lingala Lithuanian Luganda Macedonian Malagasy Malay Malayalam Maltese Moore Myanmar Norwegian Nzema Ossetian Papiamento (Aruba) Papiamento (Curaçao) Persian Polish Portuguese Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Sinhala Slovak Slovenian Spanish Swahili Swahili (Congo) Swedish Tagalog Tamil Tatar Telugu Thai Tsonga Turkish Turkmen Ukrainian Vietnamese Xhosa Yoruba Zulu\\nInzya, Diabolosi nkwali ncobeni. Ngo “mweendelezi wanyika,” icilenge camuuya cakazoobija akuzangila Leza. (Johane 14:30; Baefeso 6:​11, 12) Bbaibbele lilamwaamba mbwabede Diabolosi kwiinda mukubelesya mazyina aaya:\\nSataani, ilyaamba kuti “Sikukazya.”​—Jobu 1:⁠6.\\nDiabolosi, ilyaamba kuti “Sikubejekezya.”​—Ciyubunuzyo 12:⁠9.\\nNzoka, ilibelesyegwa mu Bbaibbele kwaamba “Sikweena.”​—2 Bakolinto 11:⁠3.\\nTali njiisyo naa bube bwabubi\\nBamwi bayeeya kuti Saatani Diabolosi ninjiisyo naa mbube buli mukati kesu. Pele mu Bbaibbele kuli cibalo caamba mubandi Leza ngwaakajisi a Saatani. Mbwaanga Leza ulilondokede, kunyina naakali kunga wabandika acibeela cibyaabi icili mulinguwe. (Deuteronomo 32:4; Jobu 2:​1-6) Mbubwenya buyo, Saatani wakamusunka Jesu, uutajisi cibi. (Matayo 4:​8-10; 1 Johane 3:⁠5) Aboobo, Bbaibbele litondezya kuti Diabolosi nkwali ncobeni ikutali kuti mbube buyo bwabubi.\\nSena tweelede kugambwa akaambo kakuti bantu banji tabasyomi kuti Diabolosi nkwali ncobeni? Peepe, akaambo kakuti Bbaibbele lyaamba kuti Saatani ubelesya nzila zyabucenjezu kuzuzikizya makanze aakwe. (2 Batesalonika 2:​9, 10) Nzila imwi njabelesya kapati njakupa bantu kusyoma kuti tako.​—2 Bakolinto 4:⁠4.\\nMakani aamwi aakubeja kujatikizya Diabolosi\\nMakani aakubeja: Lucifer ndizyina limbi lya Diabolosi.\\nMakani aamasimpe: Ibbala lya Chihebrayo lisandululwidwe kuti “Lucifer” muma Bbaibbele amwi lyaamba “ntanda.” (Isaya 14:12) Tupango tweengelede tutondezya kuti bbala eeli lyaamba bulelo, naa mulongo wabami ba Babuloni, Leza mbaakali kuyoonyonyoona akaambo kakulisumpula. (Isaya 14:​4, 13-20) Ibbala lyakuti “ntanda” lyakali kubelesyegwa kusampaula Babuloni naakazundwa.\\nMakani aakubeja: Leza ubelesya Saatani kubeteka bantu.\\nMakani aamasimpe: Diabolosi ngusinkondonyina wa Leza, kutali mubelesi wakwe. Saatani Diabolosi ulabakazya akubabejekezya bantu babelekela Leza.​—1 Petulo 5:8; Ciyubunuzyo 12:⁠10.\\nBusena Bwamyuuya Mibuzyo Yamu Bbaibbele Yaingulwa\\nLeza wapa nzila zyone zikonzya kumukwabilila kukulwanwa a Saatani.\\nAmbweni mulalibuzya kuti, nkaambo nzi nyika ncoizwide mapenzi sunu? Bbaibbele liyiisya kuti lino-lino Leza uyoobweza ntaamu akulemununa bantu kuzintu zibakatazya, mbuli kupenga, kuciswa akufwa.","num_words":363,"character_repetition_ratio":0.056,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Lufwu lwa Jesu Lwaswena, Baapostolo Alimwi Bayanda Kuba Ampuwo | Buumi bwa Jesu\\nBaapostolo Alimwi Bayanda Kuba Ampuwo\\nJESU ALIMWI WASINSIMA LUFWU LWAKWE\\nKULANGANYA MAKANI AABAAPOSTOLO AAKUYANDA KUBA AMPUWO\\nJesu abasikwiiya bakwe nobasika kumamanino aalweendo lwabo kumusanza mu Pereya kugama ku Jerusalemu, bazabuka Mulonga wa Jordano munsi-munsi amunzi wa Jeriko. Beendela antoomwe abantu bamwi ibaunka ku Pobwe Lyakwiindilila lyamu 33 C.E.\\nJesu uleenda kumbele lyabasikwiiya, kakanzide kusika mumunzi Pobwe Lyakwiindilila kalitanatalika. Pele basikwiiya baliyoowede. Musyule oomu ciindi Lazaro naakafwa alimwi Jesu naakali kuyanda kuunka ku Judaya kuzwa ku Pereya, Tomasi wakaambila beenzinyina kuti: “Atuunke andiswe kutegwa tukafwe anguwe.” (Johane 11:16, 47-53) Aboobo cilalimvwisya kuti basikwiiya baliyoowede kuunka ku Jerusalemu akaambo kantenda eeyi iiliko.\\nKutegwa abagwasye kulibambila zili kumbele, Jesu wabatola kumbali baapostolo akubaambila kuti: “Tuunka ku Jerusalemu, eelyo Mwanaamuntu uyakwaabwa kuli basilutwe babapaizi abalembi. Bayoomupa mulandu wakuti ajaigwe akumwaaba kubantu bamasi kuti bakamusampaule akumukwibbaula akumujaya aacisamu; mpoonya mubuzuba bwatatu uyoobusyigwa.”—Matayo 20:18, 19.\\nEeci nciindi catatu Jesu ncaambila basikwiiya bakwe kujatikizya lufwu lwakwe alimwi akubusyigwa. (Matayo 16:21; 17:22, 23) Pele aciindi eeci waamba kuti uyakujaigwa aacisamu. Balimuswiilide pele tabazyi ncapandulula. Ambweni balangila kubukulusyigwa kwabwami bwa Israyeli anyika kutegwa babe abulemu alimwi ampuwo mubwami bwaanyika antoomwe a Kristo.\\nBanyina babaapostolo bobilo, nkokuti Jakobo alimwi a Johane, balo balangilwa kuti mbaa Salome, bali akati kabasilweendo. Jesu wakapa baapostolo aaba bobilo zina ilyaamba kuti “Bana ba Muzumo,” cakutadooneka akaambo kabusungu bwabo. (Marko 3:17; Luka 9:54) Kwaciindi cili mbocibede, aaba bobilo bali kuyandisya kuba acuuno caatala mu Bwami bwa Kristo. Banyina balaazyi makani aaya. Lino kabaiminina bana babo, baboola kuli Jesu, bamufwugamina akumulomba cintu cimwi. Jesu wababuzya kuti: “Ino muyanda nzi?” Bavwiila kuti: “Kolailila kuti bana bangu aaba bobilo bakakkale umwi kujanza lyako lyalulyo uumbi kujanza lyako lyalumwensyi mu Bwami bwako.”—Matayo 20:20, 21.\\nMubwini kulomba ooku kuzwa kuli Jakobo alimwi a Johane. Mbokunga wazwa aakwaamba mbwayakusampaulwa akupenzyegwa, Jesu wabaambila kuti: “Tamucizyi ncomulomba. Sena mulakonzya kunywa nkapu njendiyanda kunywa?” Bavwiila kuti: “Tulakonzya.” (Matayo 20:22) Kuboneka kuti ambuliino, tabanamvwisya cini ncocaamba eeci kulimbabo.\\nNokuba boobo, Jesu wabaambila kuti: “Masimpe muyoonywa nkapu yangu, pele kujatikizya makani aakukkala kujanza lyangu lyalulyo alyalumwensyi tandili ndime ndisala pe, pele masena aaya ngabaabo mbaakabambila Taata.”—Matayo 20:23.\\nNobamvwa makani aaya aajatikizya cintu ncobalomba ba Jakobo a Johane, baapostolo bamwi bali kkumi banyema. Sena nkaambo kakuti musyule oomu ba Jakobo a Johane mbabakali kumbele ciindi baapostolo nobakakazyanya kujatikizya mupati kwiinda boonse? (Luka 9:46-48) Kufwumbwa mbocibede, kulomba ooku kutondezya kuti aaba bali Kkumi Ababili tabanalubelesya lulayo Jesu ndwaakapa kujatikizya kucita zintu mbuli muniini. Baciyanda kuba ampuwo.\\nJesu wasala kumana mazwanga aaya alimwi amapenzi aali mukucitika akaambo kangawo. Waita bali Kkumi Ababili akubapa lulayo caluyando, ulaamba: “Mulizyi kuti aabo babonwa kuti mbaleli bamasi balabadyaaminina bantu, alimwi bapati akati kabo balabeendelezya calunya. Oobu tabusyi mboceelede kuba akati kanu pe; pele kufwumbwa uuyanda kuba mupati akati kanu weelede kuba mubelesi wanu, alimwi kufwumbwa uuyanda kuba wakusaanguna akati kanu weelede kuba muzike waboonse.”—Marko 10:42-44.\\nJesu waamba cikozyanyo ncibeelede kwiiya, nkokuti cikozyanyo cakwe. Wapandulula kuti: “Mbubonya Mwanaamuntu mbwaakaboola, ikutali kuzoobelekelwa, pele kuzoobeleka akupa buumi bwakwe kuti bube cinunuzyo cakununuzya banji.” (Matayo 20:28) Kwamyaka iisika kuli yotatwe, Jesu wali kubelekela bamwi. Alimwi ucicita oobo mane buya kusikila nkwayakufwida bantu! Basikwiiya bakwe boonse beelede kuba amizeezo njoonya ya Kristo yakuyanda kubelekela bamwi muciindi cakuyanda kubelekelwa, ikuba muniini kuli boonse muciindi cakuyanda kuba acuuno caatala alimwi ampuwo.\\nIno ncinzi Jesu ncaacita kutegwa agwasye basikwiiya bakwe kulibambila zintu zili kumbele?\\nIno baapostolo bobilo bamulomba nzi Jesu, alimwi ino baapostolo bambi bacita buti?\\nIno Jesu waalanganya buti makani aajatikizya baapostolo ibayanda kuba ampuwo?","num_words":548,"character_repetition_ratio":0.055,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Iinyika Ilibandalele: Amulekezye Muzeezo Wanyika iili muciimo ca Mbumbulu! Print\\nIinyika Ilibandalele: Amulekezye Muzeezo Wanyika iili muciimo ca Mbumbulu!\\nNyika tiili muciimo ca Cambumbulu Pe!\\nKasimpe kazwisya moyo.\\n“Alilelekwe zina lya Yahuwah lyoonse kukabe kutamani: nkaambo busongo a nguzu nzizyakwe...Walo ulayubununa maseseke azintu zisisidwe: walo ulizyi cili mumusinze, alimwi mumuni ukkede mukati mulinguwe.” Daniele 2:20, 22)\\nIngazi yaku Pisa ncikonzyanyo ceebekeka mucisi ca Itali. Mboobu mboyakatalika kuluulwa: musemo wangazi eeyi wakalicengeme kumbali kwa madigilii ali 5.5 eelyo kiitaninga bambululwa kwiijosya kuti yiimikile kabotu madigilii 3.99. Kufumbwa cintu ciyakidwe atalaa musemo uulaa kampenda, mukuya kwaciindi eeco cintu inga cawida ansi.\\n“Mulimo wankamu ya NASA wakubala zintu mumulengalenga”, wakayakilwa atalaa bubeji niwaatalikwa kucitwa: bubeji bwamuzeezo wakuti nyika ili mbuli bbola, alimwi izinguluka zuba. Lino casika ciindi cakuti ooyu muzeezo walweeno, alimwi kusanganya kufumbwa ciyakwidwe atalaa kubeja ooku, cilipwaye muzinga kuwa ansi.\\nKuzwa niyaatalikwa ncobeni nkamu ya WLC, makanze aayo ngakubamba busena bwakwaabanya kasimpe kubantu banjaanji mbuli mbocikonzyeka. Kwiindilizya waawo, eeyi nkamu iyandaulisya kasimpe kuti yaabanye kubantu eelyo kasimpe nokayaa kubbukizyigwa. Kutegwa eeci cizwidilile kucitika, eeyi nkamu ya WLC tiisangene pe mucikombelo nociba cili buti cijanwa mazubaano, kutegwa iliibe “kubambilila bantu kukuboola kwa Mufutuli kulaafwafwi.”\\nMungele wakaambila Daniele kuti , “muciindi camamanino, bantu banji bayoobalika ooku akooku, alimwi luzyibo luyooyungizyigwa.” (Daniele 12:4) Eeci cisyomyo cakaambilizya mumuni ooyo wakasyomezyedwe kuti ucizya, ncecaajata myoyo yankamu ya WLC mumulimo wabo. Ooku kulisungula kwankamu kuguminizya:\\nKwaanguluka mukutambula mumuni mupya. Kunyina cakukaka kuti kakwiina kusanyangula twaambo cakabotu kabotu akumaninizya.\\nKunyina kuzumina cili coonse kuti kakunyina kuvwuntauzya kumaninide. Nkaambo buyo kakuti cintu cimwi ncipya, tacaambi kuti eeco cintu cililuleme pe.\\nKuyiisya kasimpe, nokuba kuti mumulimo wakuyiisya kasimpe kulayandika kulisinsa zinyonyoono antangalala, akuzumina kuti eeco cakali kuyiisyigwa musyule lyaciindi cakali cintu caalubide.\\nNcintu cini cakali kuyandika musyule lyaciindi cakali cakubambulula zintu zisyomwa mulusyomo lwesu, nkaambo eezyo zintu zyakaimvwi amanjezyeezya alaatumpenda. Kwiinda nociba buyo ciindi comwe, nkamu ya WLC yakeempwa cibi cakuyiisya zintu zilubide eezyo zyakainda musyule eelyo tusimpe tupya notuyaa kuyubunuka. Lino muzeezo mupya aumwi ngooyu: ciimo cini canyika cilizwidilide kale. Eeci ciiyo tacili mbuli zyimwi zyakainda kale musyule pe. Kunyina kasimpe nokaba komwe aako nkamu ya WLC nkiyaavwuntauzya, kakali kulangika kuti nkasimpe kuti walanga buyo ciindi cakutaanguna comwe, nokuba kuti aako kaambo kakainzya muvwi kumeso “aatusimpe” twalwiiyo lwazilengwa leza.\\nLusyomo lwakuti nyika ili muciimo cabbola alimwi izinguluka munsaa zuba, wakali muzeezo wakazuminwa kwaciindi cilamfu loko cakuti asunu mazubaano ucizuminidwe kuti “nkasimpe.” Pele nitwakatontomana kuvwuntauzya muzeezo ooyu, kwakayubunuka kasimpe kazwisya moyo, kasimpe katondezya kuti nyika tiili ncobeni muciimo cabbola alimwi tiipilauki mumweenya uuteeli pe. Nokuba kuti “tiilandabede” cakuti muntu naa waunka kumagolelo aanyika inga waakukulumbukila ansi, tiili muciimo cabbola nokuba cinkuli pe mbuli mbomwaayiisyigwa kwa myaanda yamyaka yainda yosanwe. Pele, ili muciimo cini eeco caambwa mu Mangwalo alimwi nceenya eeco bantu bansiku boonse ncobakali kuyiisya kuti mbwiibede: ninyika iliimvwi nji alimwi ijisi lwizi, kiivwumbilidwe amulengalenga ooyo wiikwabilila.\\nZilengwa zyabantu ziindene munyika amumisela minjaanji, zyakapandulula akulemba kuti nyika ilaakatikati kazilengwe zyamumweenya wakujulu, ilipapalele alimwi iliimvwi nji. Bana Ijipita, bana India, ba Maya, ba Chainizi, bantu baku Amelika bataanzi, amazyalani manjaanji aansiku anyika eeyi, bakalaa lwiiyo lwakuti nyika ilaakatikati kamulengalenga woonse. Kataninga sika Pythagoras, muzeezo wanyika iipilimuka akukonzya bbola tiiwakaliko pe, nokuba ciindi cakaindide kale musyule lyawaawo, wakacili muzeezo uutamvwiki kubantu banji, kusikila buyo zyuulu zyamyaka zyobile zyainda eelyo Copernicus naakatalika kubambulula muzeezo wakuti zuba ndelili akatikati kamulenga.1\\nNkamu ya WLC yakatambula kasimpe kakuti, nyika iliimvwi nji alimwi izingulukidwe mulengalenga wiikwabilila, kuzwa buyo ciindi niyaamanizya kutontonkanya kuvwuntauzya zyoonse zilembedwe eezyo zikonzya kujanwa mazubaano antoomwe azyeezyo zyabasyaazyibwene basoma nyenyezi azilengwe zyamumweenya. Twaambo twa Bbaibbele ooto tutabilila kuti nyika iliimvwi nji lyoonse twakaliko pele kanjikanji twakali kulanganyigwa buyo aanga ntwaano kwabantu bansiku. Nkamu ya WLC ileempwa kuti musyule lyaciindi tiiyakasaangunide kutambula kasimpe ka Mangwalo kalibotela aaka. Yahuwah ngo Mulengi. Walo ulabeleka munjeleela yamilawo Yakwe. Mubwini, lwiiyo lwanyenyezi alwiiyo lwa myeelwe alwalo lutabilila kuti nyika iliimvwi antoomwe kiivwunikidwe mulengalenga . . .mbweenya buyo mbuli Mangwalo mbwaayiisya!\\nPele, nokuba kuti milawo yalwiiyo lwa zilengwa leza niyatali kutabilila kasimpe aaka, nkamu ya WLC niyaatambula akukakumbatila kasimpe aaka. Ijwi lya Singuzuzyoonse lilikkwene kutabilila lusyomo lwakasimpe noluba buti.\\nKuya kumbele,mpoonya nitwakateelela masimpe aaciimo canyika, mumuni munjaanji wakamunikwa atalaa cishinshimi. Mbweenya mbuli Mangwalo mbwaakaambilizya: “Webo weelede kushinshima alimwi” (Ciyubunuzyo 10:11), kuteelela kuti nyika ivwunikidwaa mulengalenga ncecizuzika kumaninizya 'mulumbe wabangele botatwe' eelyo nyika niiyitwa kuti ikombe Mulengi (mulumbe wamungele mutaanzi). Mbuli kasimpe aaka mbokayaa kumwaikila munyika, mbungano zyabupaizi zinjaanji eezyo zibumbilide Bbabbuloni, zyoonse kutagwisyila niiba yomwe, ziyoosulaika kasimpe kabulemu aaka. Mbombubo oobo, mungele wabili mbwacenjezya nyika kuti kuwa kwa Bbabbuloni kuyoomanizya kucitika. Boonse aabo baiminina kasimpe aaka bayoopenzyegwa, mbweenya mbwaakaambwa mungele watatu, eelyo poopo aakubikkwa bweendelezi mubupaizi buswaangene nyika yoonse antoomwe, uyooyiisya kuti nyika ili muciimo cabbola.\\nMuvwiki amyezi zyiboola kumbelaa mazuba, nkamu ya WLC inoolulamika zilembedwe zyoonse azipekupeku eezyo zyaambilizya kuti zuba ndelili akati kamulengalenga alimwi kuti nyika ili mbuli bbola. Inkamu eeyi ilomba nduwe kuti ukkazyike camba muciindi cakululamika ooku. Nkaambo kabupati bwacibaka cesu aawo mpotubikkide zilembedwe zyoonse, ooyu mulimo uyootola ciindi. Nokuba boobo, nkamu ya WLC ililyaabide kuya kumbele mukasimpe kali koonse aako kayubununwa kuzwa Kujulu.\\nNkamu ya WLC iyanda kukutamba kuti webo uvwuntauzye bumboni boonse 2. Ncintu cilikabotu kuti wabikka ambali ciiyo eeci webo nocisanyangula makani manjaanji. Ncintu cilikabotu akuzumina kuti, “Nsyezyi pe!” Pele twakulomba kuti utajalili mizeezo yako kotaninga sanyangulisya kabotukabotu bumboni boonse bukonzya kujanwa cino ciindi.\\nNtenda yamumuni mupya tiili yakuti ooyo mumuni mupya, aboobo nkokuti ulilubide. Peepe tabusyi boobo. Kunyina muntu uuyandaula kasimpe ncobeni uunga wapa bwiinguzi buna Laodisiya bwamusyobo ooyo. Ntenda yini njakulimvwa mbolimvwide kuti waalilwa kumvwisya kasimpe kalaa mulumbe uutozya kubbazu lipya. Inga caletelezya kuzingwa akupyopyongana kapati mumizeezo yamuntu uukanza kuti atakacengwi boobu. Musunko wini mupati inga waba wakuwaalila anze zintu zyoonse nzyasyomede kale akasimpe koonse nkajisi kale. Kulimvwa boobu mukusoleka kulikwabilila takweelede kusowela anze tusimpe tusimide kale tulaa bumboni mu Mangwalo.\\nTwakukomba utasulaiki ciiyo eeci nokuba ciiyo acimwi nociba cili buti, webo kotaninga livwuntauzyila akubala amoyo uuzwide mipailo. Kolibambila kutobela kasimpe kufumbwa nkogamika.\\n1 Eric Dubay, 200 Proofs Earth Is Not A Spinning Ball. While WLC appreciates the good research Dubay has done on the shape of the earth, we do not agree with or promote other, unchristian beliefs he holds.\\n2 Please be aware that some enclosed-earth researchers hold other beliefs that are not always in line with Scripture. While much valuable information can be learned, the diligent student is encouraged to take what is good and lay aside the rest. The beauty of this truth is such that even some atheists, in studying the enclosed earth, have become Christians, accepting the word of Yahuwah.","num_words":1042,"character_repetition_ratio":0.052,"word_repetition_ratio":0.0,"special_characters_ratio":0.151,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amuzumanane Kutondezya Luyando, Iluyaka | Yakwiiya\\n“Iluyando lulayaka.”—1KOR. 8:1.\\nNkaambo nzi ncotuyandika kuyaka bakwesu alimwi abacizyi?\\nMbuti Jehova alimwi a Jesu mbobatuyaka caluyando?\\nNcinzi ncotukonzya kucita kutegwa tubayumye-yumye bamwi?\\n1. Makani nzi aayandika kapati Jesu ngaakabandika abasikwiiya bakwe mubusiku bwakwe bwamamanino?\\nMUBUSIKU bwamamanino kali abasikwiiya bakwe, Jesu wakalwaamba luyando ziindi zitandila ku 30. Wakatondezya cacigaminina kuti basikwiiya bakwe beelede ‘kuyandana.’ (Joh. 15:12, 17) Luyando akati kabo lwakali kuyoolibonya kapati cakuti lwakali kuyootondezya kuti mbaasikumutobela bakasimpe. (Joh. 13:34, 35) Luyando oolu taluli lwakuupaupa buyo ameso pe. Jesu wakali kwaamba bube buyandika kapati, nkokuti luyando lwakulyaaba. Wakaamba kuti: “Kunyina uujisi luyando lwiinda loolu, lwakuti muntu umwi atuulile beenzinyina buumi bwakwe. Munooli beenzuma ikuti kamucita nzyondimulailila.”—Joh. 15:13, 14.\\n2. (a) Ncinzi ncotujana akati kababelesi ba Leza? (b) Mibuzyo nzi njotutiilange-lange mucibalo eeci?\\n2 Luyando lwakulyaaba alimwi alukamantano lwababelesi ba Jehova mazuba aano ncitondezyo cakuti mbantu ba Leza. (1Joh. 3:10, 11) Eelo kaka tulikkomene kuti luyando lwa Kristo nkoluli akati kababelesi ba Jehova, kunyina makani acisi nkobazwa, musyobo, mwaambo, naa bukkale bwabo! Nokuba boobo, tulakonzya kulibuzya kuti: ‘Nkaambo nzi luyando ncoluyandika kapati kwaambisya lino? Mbuti Jehova alimwi a Jesu mbobatuyaka caluyando? Mbuti swebo lwesu kutugama mbotukonzya kutondezya luyando lwa Kristo ‘Iluyaka’?’—1Kor. 8:1.\\nKAAMBO LUYANDO NCOLUYANDIKA KAPATI, KWAAMBISYA LINO\\n3. Mbuti ‘ziindi eezyi zikatazya’ mbozibajatikizya bantu?\\n3 Akaambo kakuti buumi ‘buzwide buyo mapenzi amause,’ bantu banji ‘muziindi eezyi zikatazya ncobeni’ balaciswa malwazi aamumizeezo aayindene-indene. (Int. 90:10; 2Tim. 3:1-5) Bantu banji balimvwa kuti buumi bunyina mpindu. Kuyeeyelwa kuti bantu bainda ku 800,000 balafwa mwaka amwaka kwiinda mukulijaya, icaamba kuti mutuvwalu-vwalu tuli 40 kulafwa muntu omwe. Cuusisya ncakuti, nobaba Banakristo bamwi, baalilwa kuliyumya aboobo basala kulijaya.\\n4. Mbantu nzi bamu Bbaibbele ibakatondezya kuti bakali kuyanda kufwa?\\n4 Kaindi, babelesi ba Leza basyomeka bamwi bakalityompedwe kapati akaambo kabukkale bwabo cakuti tiibakacili kuyanda kuzumanana kupona. Mucikozyanyo, akaambo kakumvwa kucisa Jobu wakaamba kuti: “Buumi bwandicima; tandiyandi kuzumanana kupona.” (Job. 7:16; 14:13) Jona wakatyompwa kapati kweelana azintu mbozyakacitika kujatikizya mulimo wakwe cakuti wakaamba kuti: “Aboobo lino, O Jehova, kondinyanga buyo buumi, nkaambo cilainda kubota kuti ndafwa buyo kwiinda kuti kandipona.” (Jon. 4:3) Kuyungizya waawo, aciindi cimwi musinsimi uusyomeka Elija wakatyompya kapati akaambo kabukkale bwakwe cakuti wakalomba kuti afwe buyo. Wakaamba kuti: “Mbubo lino cabonwa! O Jehova, kondijaya buyo.” (1Bam. 19:4) Nokuba boobo, Jehova wakabakkomanina babelesi bakwe bakalyaabide aaba alimwi wakali kuyanda kuti bazumanane kupona. Muciindi cakubapa mulandu kujatikizya mbobakali kulimvwa, Jehova wakabagwasya kuzunda mizeezo njobakajisi yakuyanda kuti bafwe alimwi caluyando wakabayumya kutegwa bazumanane kumubelekela cakusyomeka.\\n5. Nkaambo nzi ncotweelede kubayanda bakwesu alimwi abacizyi kwaambisya lino?\\n5 Nokuba kuti bakwesu abacizyi tabajisi mizeezo yakuyanda kuti bafwe, banji mazuba aano bali mubukkale bukatazya kapati alimwi bayandika kukulwaizyigwa caluyando. Bamwi balapenzyegwa alimwi akufwubaazyigwa. Bamwi balatongookwa naa kuvwiigwa kumulimo. Bamwi balakatala kapati akaambo kakubeleka mawoola manji naa milimo iiminya. Alimwi bamwi balwana mapenzi amuŋanda aamana nguzu, ambweni kutongookwa angobakwetene limwi uutasyomi. Akaambo kabukkale buli boobu alimwi azintu zimbi, bantu banji mumbungano balimvwa kutyompwa alimwi akupenga mumizeezo. Nguni uukonzya kugwasya batyompedwe kuzumanana kuliyumya?\\nAMUYAKWE ALUYANDO LWA JEHOVA\\n6. Mbuti Jehova mbwabayaka babelesi bakwe caluyando?\\n6 Jehova ulabayaka bakombi bakwe kwiinda mukubaumbulizya aluyando lwakwe lutamani. Kweelede kuti bakakulwaizyigwa kapati bana Israyeli basyomeka nobakamvwa majwi aa Jehova aakuti: “Wakali kuyandika kapati mumeso aangu, wakalemekwa, alimwi mebo ndakuyanda. . . . Utayoowi pe, nkaambo ndilaanduwe”! (Is. 43:4, 5) Mbuli umwi wababelesi ba Jehova, mulakonzya kuba masimpe kuti Jehova ulamuyanda kapati. * Jwi lya Leza lisyomezya baabo ibali mubukombi busalala kuti: “Mbubonya mbuli sikalumamba singuzu, uyookufwutula. Uyoosekelela akaambo kanduwe kakkomene kapati.”—Zef. 3:16, 17.\\n7. Muunzila nzi luyando lwa Jehova mboluli mbuli lwamutumbu uunyosya? (Amubone cifwanikiso icili kumatalikilo aacibalo.)\\n7 Kufwumbwa mapenzi ngobakonzya kujana bantu bakwe, Jehova usyomezya kubagwasya alimwi akubaumbulizya. “Nywebo muyoonyonka akunyamudwa akasolo, alimwi muyoosumpaudwa amagondo. Mbubonya mutumbu mbwaumbulizya mwanaakwe, andime ndiyoozumanana kumuumbulizya nywebo.” (Is. 66:12, 13) Eelo kaka cikozyanyo eeci cilakkazyika moyo, mutumbu siluyando uunyamuna mwanaakwe akasolo, naa kumusumpaula amagondo! Munzila eeyi Jehova utondezya mboluli lupati luyando lwakwe kubakombi bakwe basyomeka. Tacidoonekwi buya kuti nywebo mulayandika kapati kuli Jehova.—Jer. 31:3.\\n8, 9. Mbuti luyando lwa Jesu mbolukonzya kutuyumya?\\n8 Nkaaka kaambo akambi ikatupa kulukkomanina luyando lwa Leza: “Wakaiyanda kapati nyika cakuti wakapa Mwanaakwe simuzyalwaalikke, kutegwa muntu uuli woonse uumusyoma atanyonyoonwi, pele abe abuumi butamani.” (Joh. 3:16) Eelo kaka nduyando lupati awalo Jesu ndwaakatondezya kwiinda mukwaaba buumi bwakwe akaambo kandiswe! Alimwi luyando oolu lulatukulwaizya kapati! Ijwi lya Leza lisyomezya kuti naaba “mapenzi, naa kukatazyigwa” tazikonzyi pe “kutwaandaanya kuluyando lwa Kristo.”—Rom. 8:35, 38, 39.\\n9 Ciindi notwajana masunko aakumubili, mumizeezo, naa kutyompwa kumuuya, luyando lwa Kristo lulakonzya kutupa nguzu zyakuliyumya. (Amubale 2 Bakorinto 5:14, 15.) Luyando lwa Jesu lulijisi nguzu zyakutugwasya alimwi akutukulwaizya kuzumanana, nokuba kuti tuli mumasunko aali mbuli ntenda, kupenzyegwa, kutyompwa, naa kulibilika kapati.\\nTWEELEDE KUBAYANDA BAKWESU\\nKwiiya cikozyanyo ca Jesu kulakonzya kumukulwaizya (Amubone muncali 10 a 11)\\n10, 11. Mbaani bajisi mukuli wakukulwaizya bakwesu batyompedwe? Amupandulule.\\n10 Nzila imwi Jehova mwatuyaka caluyando nkwiinda mumbungano ya Bunakristo. Umwi aumwi, ulakonzya kutondezya luyando lwa Jehova kwiinda mukubayanda alimwi akubayaka bakwesu abacizyi kumuuya akubakulwaizya ciindi nobatyompedwe. (1Joh. 4:19-21) Mwaapostolo Paulo wakakulwaizya Banakristo kuti: “Amuzumanane kukulwaizyanya akuyakana umwi amweenzinyina, mbubonya mbomucita lino.” (1Tes. 5:11) Inzya, boonse mumbungano, ikutali buyo baalu, balakonzya kumwiiya Jehova alimwi a Jesu kwiinda mukubaumbulizya alimwi akubakulwaizya bakwesu abacizyi.—Amubale Baroma 15:1, 2.\\n11 Ibamwi mumbungano ibajisi malwazi aamumizeezo ambweni inga bayandika lugwasyo kuzwa kuli basyaazibwene mukusilika alimwi amisamu. (Lk. 5:31) Baalu alimwi abamwi mumbungano cakulicesya balizyi kuti tabali basyaazibwene mukupa lugwasyo kubantu bajisi malwazi aamumizeezo. Nokuba boobo, balo alimwi abamwi mumbungano balizyi kuti balijisi lubazu lupati ndobeelede kucita, nkokuti ‘kuumbulizya aabo ibatyompedwe mumoyo, kugwasya aabo ibatajisi nguzu, akubakkazikila moyo bantu boonse.’ (1Tes. 5:14) Banakristo boonse beelede kutondezya lweetelelo munzila yaluyando alimwi akukkazika moyo, kuumbulizya kutegwa babakulwaizye aabo batyompedwe. Sena muli bantu baumbulizya alimwi ibakulwaizya bamwi? Kucizyiba mbomweelede kulupa lugwasyo oolo kuyoopa kuti muyaambele kuumbulizya alimwi akukulwaizya bamwi.\\n12. Amupe cikozyanyo cijatikizya muntu uumwi iwakagwasyigwa aluyando lwabasimbungano.\\n12 Mbuti mbolukonzya kubayumya luyando ndotubatondezya aabo ibajisi penzi lyamumizeezo? Mucizyi Munakristo umwi waku Europe, wakaamba kuti “Zimwi ziindi inga ndiyeeya kulijaya, pele ndilijisi bantu bali kabotu ibandigwasya. Basimbungano nkondizulilwa babukwabilila buumi bwangu. Bakwesu abacizyi lyoonse balandikulwaizya alimwi akundiyanda. Nokuba kuti mbasyoonto bazyi kuti ndijisi penzi lyakutyompwa, mbungano ilandibikkila maano lyoonse. Banabukwetene bamwi bali mbuli kuti mbazyali bangu bakumuuya. Balandilanganya kabotu, alimwi inga tulilimwi buzuba boonse.” Mubwini, bantu tabakonzyi kweelana mbobapa lugwasyo. Pele lugwasyo lwesu luzwa ansi aamoyo lulakonzya kubakulwaizya kapati aabo ibajisi penzi lyamumizeezo. *\\nMBOTUKONZYA KUBAYAKA BAMWI CALUYANDO\\n13. Ncinzi ciyandika kapati ikuti katuyanda kubayumya-yumya bamwi?\\n13 Amube muswiilizi mubotu. (Jak. 1:19) Kuswiilila calweetelelo ncitondezyo caluyando. Mulakonzya kubuzya mibuzyo cabupampu alimwi cabubombe kamujisi makanze aakumvwisya mbwalimvwide muntu ooyo uupengede. Kwiinda mukucita boobo, muyoocikonzya kutondezya lweetelelo alimwi akumuyumya mubelesinyoko. Mbomulibonya kubusyu kweelede kutondezya kuti mulibikkilide maano. Ikuti Munakristo umwi kayanda kumupandulwida zintu kabotu-kabotu, amukkazike moyo alimwi mutamunjili mukanwa pe. Kwiinda mukuswiilila cakukkazika moyo, ciyoomugwasya kumvwisya mbwalimvwa. Eeci ciyoopa kuti mukwesu naa mucizyi uupengede amusyome alimwi awalo uyooba aluyandisyo lwakuziswiilila nzyomumwaambila nomusola kumugwasya. Ikuti bamwi babona kuti mulababikkila maano, muyoobayumya kapati.\\n14. Nkaambo nzi ncotuteelede kubelesya majwi mabi?\\n14 Mutani kubelesyi majwi mabi. Muntu uutyompedwe inga waindila buya kutyompwa kuti wabona mbuli kuti tumufwubaazya buya. Aboobo inga catukatazya kumugwasya. “Majwi aambwa cakutayeeya alayasa mbuli panga, pele mulaka wabasongo ulaponya.” (Tus. 12:18) Nokuba kuti tatukonzyi ‘kumuyasa’ acaali muntu uutyompedwe kwiinda mukubelesya majwi mabi, pele tulakonzya kumutyompya kapati ciindi notwaamba cakutayeeya. Kutegwa tubakulwaizye bamwi caluyando tweelede kutondezya lweetelelo, tweelede kusolekesya kusikila mpotugolela kulibikka muciimo cabo.—Mt. 7:12.\\n15. Ncibelesyo nzi ciyandika kapati ncotukonzya kubelesya kuyumya-yumya bamwi caluyando?\\n15 Amubaumbulizye bamwi kwiinda mukubelesya Jwi lya Leza. (Amubale Baroma 15:4, 5.) Magwalo aasalala ncibelesyo cibotu kapati kuumbulizya bamwi. Bbaibbele lyakazwa kuli “Leza uutupa kuliyumya aluumbulizyo.” Kunze aamagwalo aawumbulizya, tulijisi amabbuku aambi aabelesyegwa kwiiya Bbaibbele. Tulakonzya kubelesya Watch Tower Publications Index alimwi a Bbuku Ligwasya Kuvwuntauzya lya Bakamboni ba Jehova. Mabbuku aaya alakonzya kutugwasya kujana Magwalo aayaka kutegwa tucikonzye kuliyumya mumapenzi aali woonse. Alimwi mabbuku aaya alakonzya kutugwasya kuba bantu bazwidilila mukugwasya bamwi.\\n16. Mbube nzi mbotuyandika ciindi notukulwaizya Munakristo uutyompedwe?\\n16 Amube amoyo mubombe. Oobu mbube bubotu bwaluyando lwakulyaaba ndotutondezya ciindi notuumbulizya alimwi akuyumya-yumya bamwi. Jehova lwakwe kumugama ngu “Taata siluse a Leza siluumbulizyo loonse,” alimwi ujisi ‘moyo waluzyalo’ kubabelesi bakwe. (Amubale 2 Bakorinto 1:3-6; Lk. 1:78; Rom. 15:13) Paulo ncikozyanyo cibotu mumakani aaya, wakalemba kuti: “Twakaba batete myoyo akati kanu, mbubonya mbuli mutumbu uunyonsya mbwabalanganya kabotu bana bakwe. Aboobo, mbwaanga nywebo twakali kumuyanda kapati, twakali kuyandisya kumwaabila ikutali buyo makani mabotu aa Leza, pele abuumi bwesu, nkaambo mwakaba bayandwa besu.” (1Tes. 2:7, 8) Ciindi notutondezya moyo waluzyalo mbuli Leza, tulakonzya kuba bwiinguzi bwamipailo yamuntu uutyompedwe.\\n17. Nkubabona munzila iili buti bakwesu ikuyootugwasya kubayaka caluyando?\\n17 Mutani kuboni bamwi kuti balilondokede. Amubabone munzila yeelede bakwesu abacizyi. Kuti kamulangila kuti bakwesu lyoonse banoocita zintu mbuli kuti balilondokede, muyootyompwa. (Muk. 7:21, 22) Kamuyeeya kuti Jehova talangili zinji kubabelesi bakwe. Ikuti twaiya cikozyanyo cakwe, tunoolibambilide kukubona munzila yeelede kutalondoka kwabamwi. (Ef. 4:2, 32) Muciindi cakubatondezya kuti tabaciti kabotu, amubalumbaizye kuzintu nzyobacita. Kucita boobo kuyoobakulwaizya. Kulumbaizya kuzwa ansi aamoyo kulakonzya kubayaka bamwi caluyando alimwi akubagwasya kujana ‘kaambo kabapa kukondwa’ mumulimo wabo uusetekene. Kucita boobo inga kwagwasya muciindi cakulimvwa kucimwa akaambo kakulyeezyanya abamwi.—Gal. 6:4.\\n18. Ncinzi citukulwaizya kuyaka bamwi caluyando?\\n18 Mbelele ya Jehova iili yoonse ilayandika kapati kulinguwe alimwi akuli Jesu, iwakapa cituuzyo cacinunuzyo. (Gal. 2:20) Tulabayanda kapati bakwesu alimwi abacizyi bakumuuya. Alimwi tuyanda kubalanganya munzila yaluyando alimwi alweetelelo. Kutegwa tube bantu bakulwaizya, “atusungwaalile kucita zintu ziletela luumuno azintu iziyaka umwi aumwi.” (Rom. 14:19) Toonse tulangila kuciindi, nkokuti Paradaiso iiboola, mwalo munoonyina twaambo tunootutyompya! Kunoonyina kuciswa, nkondo, lufwu, kupenzyegwa, kulwana mumaanda, alimwi akutyompwa. Yaakwiinda Myaka Iili Cuulu, bantu banoolondokede. Aabo ibayoozwidilila musunko wamamanino bayooba bana ba Jehova Leza baanyika alimwi bayooba “alwaanguluko lwabulemu bwabana ba Leza.” (Rom. 8:21) Aboobo, atuzumanane kutondezya luyando iluyaka alimwi akugwasyanya umwi amweenzinyina kutegwa tukanjile munyika mpya ya Leza.\\n^ munc. 6 Amubone cibalo 24 cabbuku lyakuti Amubaa Acilongwe a Jehova.\\n^ munc. 12 Kutegwa mujane twaambo tugwasya kujatikizya mbomukonzya kulwana mizeezo yakuyanda kulijaya alimwi ambomulimvwa kujatikizya makani aaya, amubone zibalo izili mu Sinsimuka! izyakuti: “Nkaambo Nzi Ncotweelede Kuzumanana Kupona? Twaambo Totatwe Itutupa Kuzumanana Kupona” (April 2014); “Ciindi Nomulimvwa Kuti Buumi Bunyina Mpindu” (January 2012); alimwi acakuti, “Life Is Worth Living” (October 22, 2001).","num_words":1558,"character_repetition_ratio":0.053,"word_repetition_ratio":0.0,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Levitiko 21 IBBAIB63 - Lino Jehova wakaambila Musa - Bible Search\\nLevitiko 20 Levitiko 22\\nMilao yabapaizi: kulila kwabo, kukwata kwabo amakani amwi\\n1-Lino Jehova wakaambila Musa kuti, Ambila bapaizi, bana ba-Aroni, kuti kutabi naba omwe akati kabo uulisofwaazya nkaambo kamufu akati kabantu bakwe, 2cita sikamukowanyina loko, mbuli banyina, na wisi, na mwanaakwe mulombe, na mwanaakwe musimbi, na munyina, 3na mucizi wakwe uutakwetwe, (Uli afwiifwi kulinguwe, nkaambo katanakwatwa, aboobo ulakonzya kulisofwaazya nkaambo kakwe.) 4Teelede kulisofwaazya mbuli mulumi akati kabantu bakwe, kuti atasampauliki. 5-Batalinyooli kumutwe nanka kunyoola zyooko zyacilezu nanka kulinengaula amubili 6-Basalale kubusyu bwa-Leza wabo, kuti batasofwaazyi izina lyaLeza wabo, nkaambo mbembabo batuula zipaizyo zitentelwa Jehova, zilyo zya-Leza wabo, aboobo baleelede kusalala. 7-Batakwati mwanakazi simamambe nanka iwakasofwaazigwa; batakwati mwanakazi iwakalekana amulumaakwe; nkaambo mupaizi ulasalala kumeso aa-Leza wakwe. 8-Muleelede kumusalazya, nkaambo ngonguwe uutuula zilyo zya-Leza wako; uleelede kusalala kumeso aako, nkaambo ndasalala mebo nde-Jehova uumusalazya. 9-Kufumbwa mwana musimbi wamupaizi uulisofwaazya kukucita bwaamu, wasofwaazya wisi; atentwe mumulilo.\\n10-Mupaizi mupati akati kababunyina, iwakananikwa amafuta amutwe wakwe akusalazigwa kuti asame zikobela, teelede kutebununa masusu aakwe nanka kudeluula zyakusama zyakwe. 11-Teelede kunjila muli mutunta nekuba kulisofwaazya kulila wisi na banyina. 12-Alimwi teelede kuzwa mucikombelo nekuba kusofwaazya cikombelo ca-Leza wakwe, nkaambo munsini wakunanika kwa-Leza wakwe uli alinguwe. Ndime Jehova. 13-Akwate mwanakazi nakalindu. 14Teelede kukwata mukamufu nanka muleke nanka iwakabisigwa nanka sibuvuule. Akwate nakalindu akati kabantu bakwe, 15-kuti atasofwaazyi lunyungu lwakwe akati kabantu bakwe, nkaambo ndime Jehova uumusalazya.\\n16Alimwi Jehova wakaambila Musa kuti, 17-Ambila Aroni kuti, Kufumbwa muntu akati kalunyungu lwako mumazyalani aabo uujisi kampenda teelede kuswena afwaafwi kuzootuula zilyo zya-Leza wakwe. 18-Kufumbwa muntu uujisi kampenda atatuuli: naba moofu naba mulema naba mubambasumpemo naba uulampya cizo cimwi, 19naba muntu mulema cituta na ijanza, 20-naba mulemamusana nekaba kandondoyo naba sicimbolyo naba sicibulu naba sibwele naba muzibe; 21kutabi muntu naba omwe akati kabana ba-Aroni uujisi kampenda uuswena kufwaafwi kuzootuula zipaizyo zitentelwa Jehova. Mbwajisi kampenda atasweni kuzootuula zilyo zya-Leza wakwe pe. 22-Zilyo zya-Leza wakwe, neziba zintu zisalala neziba zintu zisalalisya loko, azilye zyoonse, 23pele teelede kunjila mukati kacisitilizyo nanka kuswena kufwaafwi kucipaililo, nkaambo ulijisi kampenda; kuti atasofwaazyi cikombelo cangu, nkaambo ndime Jehova uubasalazya. 24Aboobo Musa wakaambila Aroni abana bakwe abana boonse ba-Israyeli.","num_words":343,"character_repetition_ratio":0.077,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jelemiya 31 TONGA - «Kuzwa ciindi eeco, Mbwaamba Mwami - Bible Search\\nJelemiya 30 Jelemiya 32\\n1«Kuzwa ciindi eeco, Mbwaamba Mwami Leza. Ndiyooba Leza waziinga zyoonse zyamu Isilayeli, abalo bayooba bantu bangu. 2Mboobu mbwaamba Mwami Leza ulati, ‹Kuli baabo bakafutuka munkondo ndakabafwida lweengelelo munkanda, Baisilayeli bakali kulangila kulyookezya.› 3Mwami Leza wakalibonya kulimbabo, kubantu bakwe wakati, ‹Ndakamuyanda akutamani, asunu ndicimuyandisisya.› 4Ndiyoomuyaka, aboobo muyooyakululwa omooye wangu Isilayeli. Kwamana muyoobweza nsakalala zyanu, muyoozyana cakutangala. 5Alimwi muyoosyanga myuunda yamisaansa, mumalundu aaku Samaliya, balimi bayoosyanga akulya micelo yabo. 6Buyoosika buzuba balindizi nibayooita atala aatulundu twa Efulemu kuti, ‹Amuboole tuye ku Ziyoni, ku Mwami Leza wesu.› »\\n7Mboobu mbwaamba Mwami Leza. «Amwiimbile Jakobo calutangalo,\\namupozomoke mukulumbaizya mwami wamisyobo. Amucite kuti kulumbaizya kwanu kumvwigwe akuti,\\n‹O Mwami Leza wafutula bantu bako basyeede Baisilayeli.›\\n8Amubone, ndiyoobaleta kuzwa kucisi cakunyika, akubabungika kuzwa kumagolelo aanyika.\\nAkati kabo kuyooba balema aboofu, baminsi balaafwiifwi kutumbuka. Kuyooboola nkamu mpati.\\n9Bayooza kabalila, bayookomba ndaakubaleta. Njoobeenzya kumbali aatusensa twamaanzi,\\nakazila kabambasede cakuti tabakalifumpuli, nkaambo ndime wisi wa Isilayeli,\\nalimwi Efulemu ngomwanaangu mulombe mutaanzi.\\n10Amuswiilile jwi lya Mwami Leza, nobamasi amwaambilizye eezi kumanyika aali kulaale.\\nOoyo wakamwaide Baisilayeli wababunganya alimwi akubalanga kabotu mbuli mweembezi mbwalanga butanga bwakwe.\\n11Nkaambo Mwami Leza wanununa Jakobo, akumuvuna kumaanza mayumu aainda nguwe.\\n12Bayooboola akuzooimba cakutangala atala aacilundu ca Ziyoni,\\nbayoobotelwa kuzipego zyangu, maila, waini amafuta aaoliva,\\nabana ba mbelele aŋombe. Bayooba mbuli muunda uutililwa kabotu, bayoojana zyoonse nzyobayanda.\\n13Basimbi bayoozyana akukondwa, balombe abamadaala abalo.\\nNdiyoosandula kulila kukabe kutangala, ndiyoobaumbulizya akubatangazya kuleka kubaumbaazika.\\n14Ndiyoopa bapaizi zyakulya zinji, akuti bantu boonse kabakkuta. Mbwaamba Mwami Leza.»\\nMwami Leza mbwayoolumbula Baisilayeli\\n15Mboobu mbwaamba Mwami Leza. «Koomoka kwakamvwigwa mu Lama,\\nkulila akweema kwabamatumbu kupati, nkokuti Lacelo ulila bana bakwe,\\nwakaka kuumbulizigwa, nkaambo bazimina.\\n16Mboobu mbwaamba Mwami Leza. ‹Amuleke kulila amusansamune misozi,›\\nnkaambo milimo yanu iyoolumbulwa, Mbwaamba Mwami Leza.\\nBayoopilusigwa kuzwa kunyika yabasinkondonyina.\\n17Kuli lulangilo lwanu kumazuba aaboola.»\\nMbwaamba Mwami Leza. Bana banu bayoopiluka kunyika yabo.\\n18«Ndakamvwa bantu Baisilayeli kabati cakulila, ‹Mwami Leza, twakali mbuli banyama batanatamba,\\npele watwiisya kuswiilila, wakatuleta kulinduwe, aboobo twakapiluka.› Nkaambo nduwe Mwami Leza wesu.\\n19Twakalikufutatide, pele cakufwambaana twakayanda kupiluka.\\nNiwakamana kutusubula twakausa kwatulema kumakosi. Zyabukubusi bwesu zyakatujazya bweeme.\\n20«Sena Efulemu tali mwanaangu mulombe ngweyandisisya, mwanaangu uundikondelezya.\\nNikuba kuti nkanza kumusubula, ndicimuyeeya. Nkaako moyo wangu ucisukeme.\\nNdijisi lweetelelo lupati kulinguwe. Mbwaamba Mwami Leza.\\n21Ubikke mbaakani munzila, kuti uzoozibe mookaindide.\\nAmupiluke Nobaisilayeli kuminzi njimwakasiide.\\n22Ino cilalampa buti ciindi cakwiingaila, omwana musimbi uutakwe lusyomo?\\nMwami Leza uyoolenga cintu cipya anyika aano, mukaintu nguuyoolangaula mwaalumi.»\\n23Mboobu mbwaamba Mwami Leza Singuzuzyoonse wa Isilayeli ulati, «Ndaakubapilusya kuzwa mubwaange, bantu bali munyika ya Juda aminzi yawo, bayoobelesya majwi aaya,\\n‹Mwami Leza aleleke cilundu ciluleme ca Jelusalemu,\\nbusena busalala mbwakkala.›\\n24«Bantu boonse bayookkala antoomwe mucisi ca Juda, amuminzi yaco, balimi alimwi abeembezi. 25Ndiyookkutya bafwa nzala akubayumya. 26Nkaako bantu bayooti, ‹Ndakoona kabotu, ndabuka nkelimvwide.› »\\n27Mazuba ayoosika, «Mbwaamba Mwami Leza, neyoovuzya Isilayeli a Juda abana banji babantu ababanyama. 28Mbubonya mbwindakabalangilila, kubajwa, kubazapaula, kubanyonyoona akubaletela mapenzi, mbubonya oobo mbweyoobalangilila, kubayaka akubasimpa. Mbwaamba Mwami Leza. 29Ciindi eeco caakusika taakwe nibayooamba kuti, ‹Basikale bakalya zisaside, meno aabana abaabunyeele.› 30Mucilawo caceeci muntu uuli woonse uyoofwida cinyonyoono cakwe, ooyo uulya nsaansa zisaside, meno aakwe ayoobaabunyeele.»\\n31Mazuba ayoosika, mbwaamba Mwami Leza. «Nenjoocita cizuminano cipya, abantu Baisilayeli abantu ba Juda. 32Tacili cizuminano cili mbuli ncindakacita kuli bamawisi pe, ciindi nindakabasolweda kubagwisya mucisi ca Ijipiti. Tiibakabamba cizuminano cangu eeco. Nikuba kuti ndakali mbuli mulumi wabo, mbwaamba Mwami Leza. 33Lino nceeci cizuminano ncetipange abantu ba Isilayeli, mazuba aaza, mbwaamba Mwami Leza, njoobikka mulawo wangu mumizeezo yabo. Njooulemba mumyoyo yabo, njooba Leza wabo, abalo bayooba bantu bangu. 34Taakwe uuciyooiisya mweenzinyina. Taakwe uuciyooiisya munyina kuti azibe Mwami Leza. Boonse bayoondiziba lwabo beni, mwana amupati. Mbwaamba Mwami Leza. Njoobafwida luzyalo akulekelela zibi zyabo. Nsikaziyeeyi limbi zinyonyoono zyabo.»\\n35Mboobu mbwaamba Mwami Leza, ooyo wakabikka zuba kuti kalibala sikati,\\nwakalenga mwezi anyenyezi kuti kazimweka masiku, uuyuuntanya lwizi\\nkuti mayuwe kaavuuma, Mwami Leza Singuzuzyoonse ndizina lyakwe.\\n36Zilenge zyamunyika zyaakumana, mbwaamba Mwami Leza, ndendilyo musyobo wangu wa Isilayeli nuuyoomana.\\n37Mbubonya mbuli muntu mbwatakonzyi kupima majulu ambwatakonzyi\\nkuvuntauzya zyazicinda zyanyika mbubonya oobo mbwetakooyookaka balunyungu\\nlwa Isilayeli, akaambo kazeezi nzibakacita, Mbwaamba Mwami Leza.\\n38«Mazuba ayoosika, mbwaamba Mwami Leza, neyooyakulula munzi wa Jelusalemu kuzwa kuŋanda ndamfu yakusompelela ya Hananeli kuyoosika kumulyango wakucooko. 39Munyinza wawo uyootalikila kumbo mane do kucilundu ca Galebu waakunyonena ku Gowa. 40Kkuti lyoonse oomo muzikkilwa bafu atwe molisowelwa, amyuunda iili mukkuti lya Kidiloni kuyoosika kumulyango wamabbiza kujwe, buyooba busena busalala ku Mwami Leza. Munzi ooyu tuukamwaigwi limbi nikuba kuzyulwa nikuba kunyonyoonwa.»","num_words":667,"character_repetition_ratio":0.082,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 30 IBBAIB63 - Lino Rakele naakabona kuti - Bible Search\\nMatalikilo 29 Matalikilo 31\\n1-Lino Rakele naakabona kuti tazyalili Jakobo bana, wakafwida mucizi wakwe ibbivwe. Nkabela wakaambila Jakobo kuti, Kondipa bana. Watandipa bana, ndafwa. 2-Mpawo bukali bwa-Jakobo bwakabukila Rakele. Wakati, Sa ime ndi mucibaka ca-Leza iwakukasya micelo yamwida? 3-Elyo wakati, Ngooyu mulanda wangu musimbi, Biliha. Koswanaana awe, akazyale amazwi aangu, kuti ambebo nkayakilwe luzubo kuzwa kulinguwe. 4-Aboobo wakamupa Biliha mulanda wakwe musimbi, kuti amukwate, nkabela Jakobo wakaswanaana awe. 5Lino Biliha wakaminta, wazyalila Jakobo mwana mulombe. 6-Mpawo Rakele wakaamba kuti, Leza wabeteka makani aangu, waswiilila ijwi lyangu, wandipa mwana mulombe. Nkaambo kako wakamuulika izina lya-Dani. 7Elyo Biliha mulanda musimbi waRakele wakaminta alimwi, wazyalila Jakobo mwana wabili. 8-Nkabela Rakele wakaamba kuti, Ndazundana amukulana wangu anzundano impati, ndazunda. Aboobo wakamuulika izina lya-Nafitali.\\n9Alakwe Leya, naakabona kuti waleka kuzyala, wakabweza mulanda wakwe musimbi Zilipa, wapa Jakobo, kuti amukwate. 10Lino Zilipa mulanda musimbi wa-Leya wakazyalila Jakobo mwana mulombe. 11Nkabela Leya wakati, Ndajana coolwe; aboobo wakamuulika izina lya-Gadi. 12Elyo Zilipa mulanda musimbi wa-Leya wakazyalila Jakobo mwana mulombe wabili. 13-Nkabela Leya wakati, Ndajana lukondo, nkaambo banakazi bazoondaamba kuti ngusilukondo. Aboobo wakamuulika izina lya-Aseri.\\n14-Lino kuciindi cakutebula bulotwe, Rubeni wakaya mumuunda, wajana micelo yakusinkula izyalilo, waileta kuli-Leya banyina. Mpawo Rakele wakaambila Leya kuti, Wence undipe imwi yamicelo yamwanaako. 15-Wakamuvwiila kuti, Sa ncintu ciniini buyo ncowandicitila kundinyanzya mulumi wangu? Sa ulayanda kundinyanzya ayalo micelo yamwanaangu? Nkabela Rakele wakamwaambila kuti, Mbubo, uyoolala ayebo masiku aya nkaambo kamicelo yamwanaako. 16Lino Jakobo naakazwa kumuunda ciindi camangolezya, Leya wakaya kuyoomucinga, wamwaambila kuti, Sunu uleelede kunjila kulindime, nkaambo ndakuula amicelo yamwanaangu. Aboobo wakalala awe masiku ayo. 17Lino Leza wakaswiilila Leya, nkabela wakaminta, wazyalila Jakobo mwana mulombe wasanu. 18Mpawo Leya wakati, Leza wandipa muulo wangu, nkaambo ndakapa mulumaangu mulanda wangu musimbi. Aboobo wakamuulika izina lya-Isakara. 19Elyo Leya wakaminta alimwi, wazyalila Jakobo mwana mulombe wamusanu aumwi. 20Mpawo Leya wakati, Leza wandaabila caabilo cibotu, Ncobeni lino mulumaangu ulandilemeka, nkaambo ndamuzyalila bana balombe bali musanu aumwi. Nkabela wakamuulika izina lya-Zebuloni. 21Kusule lyabaaba wakazyala mwana musimbi, wamuulika izina lya-Dina. 22-Mpawo Leza wakaibaluka Rakele. Leza wakamuswiilila akujalula izyalilo lyakwe. 23-Wakaminta, wazyala mwana mulombe, wati, Leza wamanisya lusampuko lwangu. 24-Nkabela wakamuulika izina lya-Josefa, wati, Jehova andiyungizizye mwana mulombe aumwi.\\nJakobo mbwaakajana imbono kuli-Labani\\n25-Lino Rakele naakamana kuzyala Josefa, Jakobo wakaambila Labani kuti, Undileke, njiinke kulindime akunyika yangu. 26-Undipe banakazi bangu abana bangu mbendakakubelekela, njiinke, nkaambo ulizi mbwiibede milimo yangu njindakakubelekela. 27-Mpawo Labani wakamuvwiila kuti, Na ndabota mumeso aako, kala okuno, nkaambo ndakasonda, ndajana kuti Jehova wandipa coolwe nkaambo kako. 28-Alimwi wakati, Amba zyakuvola zyako mbuzyeelede kuba, lino ndakupa. 29-Jakobo wakati, Ulizi mbundakakubelekela, aŋombe zyako mbuzyakabede mumaanza aangu. 30-Nkaambo imbono zyako zyakali zice buyo nkentanasika, lino sunu zyavula loko, alimwi Jehova wakupa coolwe nkaambo kakuza kwangu. Pele njoobamba lili iŋanda yangu ambebo? 31Elyo wakamubuzya kuti, Nkupenzi? Jakobo wakati, Utandipi cintu niciba cimwi. Na wazumina kundicitila cintu eci buyo, njooboola kweembela matanga aako akwaabamba. 32-Ndainda sunu akati kamatanga aako, ndagwisya imbelele zyoonse zili abusaasa azili amyambo, atubelele toonse tusia, azyalo impongo zili abusaasa azili amyambo. Ezi nzeziyooba zyakuvola zyangu. 33-Mbuboobo bululami bwangu mbubuyooboneka mumazuba aaboola, waakusika kuzoolingula zyakuvola zyangu: kufumbwa impongo zitakwe busaasa na myambo, akabelele katasii, zyoonse ziyooambwa kuti nzyakubba na zyajanwa mumaanza aangu. 34Lino Labani wakaamba kuti, Mbubo. Akube mbubonya obo mboamba. 35Elyo mubuzuba obo mbubonya wakagwisya basijembwe boonse ibakajisi busaasa na myambo, ampongo zyoonse izyakajisi busaasa na myambo, azyoonse izyakali kutubatuba, atoonse tubelele tusiya, wazibika mumaanza aabana bakwe. 36Nkabela wakalyaandaanya a-Jakobo musinzo wamazuba otatwe, Lino Jakobo wakali kweembela imbelele zya-Labani izyakasyeede.\\n37-Mpawo Jakobo wakabweza inti zitete zyamiingili azyamuluba azya-muse, wazinyemba manywengwe aatuba, kuti kuboneke kutuba mumisamu. 38Lino inti ezyo nzyaakanyemba, wakazibika muzinywido imbelele mozyakali kunywida maanzi, kunembo lyambelele, nkabela imbelele zyakali kuminta nizyakeza kuzoonywa. 39Imbelele zyakali kuminta kunembo lyanti, aboobo zyakazyala zili abusaasa azili amyambo azili amabala mabala. 40Alimwi Jakobo wakaandaanya tubelele, nkabela wakalanzya meso aambelele kulizeezyo zili amabala mabala azisia mubu tanga bwa-Labani. Nkabela wakabika matanga aakwe alike, taakwe naakaabika antoomwe ambelele zyaLabani. 41Nkabela kufumbwa ciindi imbelele zitulumuka zyamubutanga nizyakali kuzyalana, Jakobo wakabika inti kumeso aambelele muzinywido, kuti zizyalane akati kanti, 42pele tudandala twambelele, taakwe naakatubikila inti pe, aboobo tudandala twakaba twa-Labani, zitulumuka zyakaba zya-Jakobo. 43-Aboobo muntu oyu wakaba muvubi loko, kajisi imbelele zinji, abalanda baalumi abanakazi, ankamele ambongolo.","num_words":680,"character_repetition_ratio":0.073,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Rebeka Wakali Kuyanda Kumukkomanisya Jehova | Amubayiisye Bana Banu\\nRebeka wakali mukaintu wakali kumuyanda Jehova. Mulumaakwe wakali Izaka. Awalo wakali kumuyanda Jehova. Ino Rebeka a Izaka bakazyibana buti? Ino Rebeka wakatondezya buti kuti wakali kuyanda kumukkomanisya Jehova? Atwiiye zinji kujatikizya nguwe.\\nBazyali ba Izaka bakali ba Abrahamu a Sara. Bakali kukkala munyika ya Kanana, mwalo bantu mobatakali kukomba Jehova. Pele Abrahamu wakali kuyanda kuti mwanaakwe akwate mukaintu wakali kukomba Jehova. Aboobo wakatuma mubelesi wakwe, ambweni Eliezere, kuti akajanine Izaka mukaintu kubusena ibwakali kwiitwa kuti Harani, ikwakali kukkala babbululu ba Abrahamu.\\nRebeka wakalilibambilide kubeleka canguzu kuteka maanzi aakupa nkamela\\nEliezere wakaunka antoomwe ababelesi bamwi ba Abrahamu. Lwakali lweendo lulamfwu kapati. Bakatolelezya ankamela zili kkumi izyakanyamwide zyakulya alimwi azipego. Ino Eliezere wakali kuyoomuzyiba buti mukaintu ngwaakeelede kusalila Izaka? Ciindi Eliezere ababelesinyina mbaakali limwi nobakasika ku Harani, bakaima amugoti nkaambo Eliezere wakalizyi kuti tacikootola ciindi cilamfwu kuti bantu baboole kuteka maanzi. Wakapaila kuli Jehova akwaamba kuti: ‘Ikuti mukaintu ngonditiilombe maanzi andipe alimwi ape ankamela zyangu kuti zinywe, ndilazyiba kuti ngomukaintu ngoosala.’\\nMpoonya Rebeka wakaboola kumugoti. Bbaibbele lyaamba kuti wakali mubotu kapati. Eliezere wakalomba maanzi, mpoonya Rebeka wakaingula kuti: ‘Inzya ndilakupa. Ndilakupa maanzi aakuti yebo unywe alimwi ankamela zyako kuti zinywe.’ Kociyeeyela buyo! Nkamela izilaanyota zinywa maanzi manji kapati, aboobo Rebeka wakeelede kupilukila kumugoti ziindi zinji. Mucifwanikiso ncowabona, ncinzi citondezya kuti mukaintu ooyu ulabeleka canguzu?— Eliezere wakagambwa kubona Jehova mbwaakawiingula mupailo wakwe.\\nEliezere wakapa Rebeka zipego zinji zibotu. Rebeka wakaambila Eliezere ababelesinyina mbaakali limwi kuti baunke limwi kuŋanda yabazyali bakwe. Eliezere wakapandulula kaambo Abrahamu ncaakamutumina alimwi a Jehova mbwaakawiingula mupailo wakwe. Mukwasyi wa Rebeka wakakkomana kuti akwatwe kuli Izaka.\\nRebeka wakaunka ku Kanana antoomwe a Eliezere akuyookwatwa kuli Izaka\\nPele sena uyeeya kuti Rebeka wakali kuyanda kuti akwatwe kuli Izaka?— Rebeka wakalizyi kuti Jehova nguwakatuma Eliezere. Aboobo mukwasyi wakwe nowakamubuzya naa ulayanda kuunka ku Kanana kuyookwatwa kuli Izaka, Rebeka wakaingula kuti: ‘Inzya, ndilayanda kuunka.’ Mpoonya-mpoonya wakaunka a Eliezere. Nobakasika ku Kanana, wakakwatwa kuli Izaka.\\nAkaambo kakuti Rebeka wakacita eeco Jehova ncaakali kuyanda kuti acite, Jehova wakamulongezya. Nokwakainda myaka minji, Jesu wakazyalwa muzyalani lya Rebeka! Ikuti komukkomanisya Jehova mbuli mbwaakacita Rebeka, uyookulongezya anduwe.\\nMatalikilo 12:4, 5; 24:1-58, 67\\nIno Rebeka wakali ni?\\nNkaambo nzi Abrahamu ncaatakali kuyanda kuti Izaka akwate mukaintu waku Kanana?\\nIno Eliezere wakazyiba buti kuti Rebeka ngomukaintu Izaka ngwaakeelede kukwata?\\nNcinzi ncotukonzya kucita kutegwa tumwiiye Rebeka?","num_words":366,"character_repetition_ratio":0.08,"word_repetition_ratio":0.0,"special_characters_ratio":0.153,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"“Bwami Bwangu Tabuli Bwanyika Eeyi”—Johane 18:36 | Yakwiiya\\nNgazi Yamulindizi—Yakwiiya | June 2018\\nAMUBALE MU Afrikaans Albanian Altai Alur American Sign Language Amharic Amis Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Bolivian Sign Language Boulou Brazilian Sign Language British Sign Language Bulgarian Cakchiquel (Western) Catalan Cebuano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Colombian Sign Language Costa Rican Sign Language Croatian Cuban Sign Language Czech Czech Sign Language Damara Dangme Danish Digor Douala Dutch Ecuadorian Sign Language Edo Efik English Esan Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Greek Greek Sign Language Guarani Guatemalan Sign Language Gujarati Gun Haitian Creole Hausa Hebrew Herero Hiligaynon Hindi Hiri Motu Honduras Sign Language Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kabuverdianu Kannada Kekchi Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malawi Sign Language Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mexican Sign Language Mingrelian Mixe (North Central) Mixtec (Guerrero) Mongolian Moore Motu Mozambican Sign Language Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nicaraguan Sign Language Nigerian Pidgin Norwegian Nzema Okpe Oromo Ossetian Otetela Panamanian Sign Language Pangasinan Papiamento (Curaçao) Paraguayan Sign Language Persian Peruvian Sign Language Pidgin (Cameroon) Polish Polish Sign Language Ponapean Portuguese Portuguese (Portugal) Portuguese Sign Language Punjabi Quebec Sign Language Quechua (Ancash) Quechua (Bolivia) Romanian Romanian Sign Language Russian Russian Sign Language Salvadoran Sign Language Samoan Sango Sepedi Sepulana Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Venezuelan Sign Language Vietnamese Waray-Waray Wolaita Xhosa Yoruba Zambian Sign Language Zande Zapotec (Isthmus) Zimbabwe Sign Language Zulu\\n“Bwami Bwangu Tabuli Bwanyika Eeyi”\\n‘Eeci ncindakaboolela munyika, ikuti ndipe bumboni kujatikizya kasimpe.’—JOH. 18:37.\\nMbuti Jesu mbwaakatondezya kuti tanaakali kuyanda kulinjizya mutubunga tusumpula lwaandaano?\\nNcinzi Jesu ncaakaamba kujatikizya mitelo?\\nMbuti Munakristo mbwayelede kukubona kulwana?\\n1, 2. (a) Mbuti kwaandaana mbokuyaabuvwula munyika? (b) Mibuzyo nzi njotutiingule mucibalo eeci?\\nCIINDI naakali kuyeeya zyakacitika kaindi, mucizyi umwi waku Europe nkoili kumusanza wakaamba kuti, “Kuzwa kubwana, ndibona buyo kutalulama. Aboobo ndakazwa mukabunga kamapolitikisi kamucisi mondizwa, akutalika kwiizumina mizeezo banji njobakali kubona kuti ilagwasya. Alimwi kwamyaka minji ndakasyabidwe kucigwebenga.” Mukwesu uumbi ku Africa nkoili kumusanza awalo wakali kubona kuti kulwana kulayandika. Wakaamba kuti: “Ndakali kusyoma kuti musyobo wangu ulayandika kwiinda misyobo iimbi, alimwi ndakasangana kabunga kamapolitikisi. Twakali kuyiisyigwa bwakujaya bantu bambi kubelesya masumo, abaabo boonse ibakali bamusyobo wesu balo ibakasangana tubunga twamapolitikisi tumwi.” Mucizyi uukkala ku Europe mpoili aakati wakaamba kuti: “Ndakasalululwa alimwi ndakali kubasulaika boonse ibakali bamusyobo uumbi naa aabo bakali kuunka kuzikombelo zimbi.”\\n2 Bukkale bwamazuba aano bulikozyene abukkale oobo mbobakajisi bantu botatwe baambwa mumuncali wakusaanguna. Tubunga twamapolitikisi tunji tubelesya nkondo kutegwa tujane lwaanguluko, mapolitikisi apa bantu kwaandaana, alimwi mumasi manji, muuya wakutayanda bamuzwakule waunka ambele. Kweelana ambolyakasinsima Bbaibbele, bantu bamisyobo yoonse ‘tabanyoneki’ mumazuba aano aamamanino. (2Tim. 3:1, 3) Mbwaanga kwaandaana kuyaabuvwula munyika, mbuti Banakristo mbobakonzya kulukwabilila lukamantano lwabo? Tulakonzya kwiiya zinji kwiinda mukulanga-langa mbuli Jesu mbwaakabulanganya bukkale ibwakaliko mumwaanda wamyaka wakusaanguna ciindi cisi nocakaandaana akaambo kamanyongwe aamapolitikisi. Atulange-lange mibuzyo yotatwe iiyandika kapati: Nkaambo nzi Jesu ncaakakaka kulinjizya mutubunga twamapolitikisi? Mbuti mbwaakatondezya mbociyandika kubabelesi ba Leza kutatola lubazu mutwaambo twamapolitikisi? Alimwi ino Jesu wakatuyiisya nzi kujatikizya makani aakulwana?\\nINO JESU WAKALI KUTUBONA BUTI TUBUNGA ITWAKALI KULWANINA LWAANGULUKO?\\n3, 4. (a) Ino ba Juda bakuciindi ca Jesu bakajisi bulangizi nzi? (b) Mbuti kulimvwa boobo mbokwakabajatikizya basikwiiya ba Jesu?\\n3 Ba Juda banji Jesu mbaakali kukambaukila bakali kulangila kwaangululwa kuzwa kubana Roma. Ba Juda bazangi, bakayunga bantu kuba abulangizi oobu. Bunji bwabasikuciindizya aabo bakatobela muzeezo wa Judasi muna Galilaya. Wakali mesiya wakubeja iwakeena bantu banji. Sikwiiya zyakaindi mu Juda wazina lya Josephus wakaamba kuti Judasi wakayunga ba Juda kulwana bana Roma alimwi akwaamba baabo ibakazumina kupa mitelo kubana Roma kuti “mbayoofwu.” Aboobo bana Roma bakamujaya Judasi. (Mil. 5:37) Mane buya, bazangi bamwi bakabusya nkondo kutegwa bazuzikizye makanze aabo.\\n4 Kunze lyabasikuciindizya aabo, ba Juda bamwi buyo, caluyandisisyo bakali kulindila kuboola kwa Mesiya. Alimwi bakali kulangila kuti aakuboola, wakali kuyoobaangulula kubweendelezi bwabana Roma. (Lk. 2:38; 3:15) Banji bakali kusyoma kuti Mesiya wakali kuyootalisya bwami mu Israyeli anyika. Caakucitika eeco, ba Juda banji ibakamwaikide bakali kuyoopiluka kumunzi wabo. Kamuyeeya kuti Johane Mubbapatizi aciindi cimwi wakabuzya Jesu kuti: “Sena ndonduwe ooyo uuboola naa tweelede kulangila uumbi?” (Mt. 11:2, 3) Kweelede kuti Johane wakali kuyanda kuzyiba naa kuli umbi wakali kuyoozuzikizya bulangizi bwaba Juda. Basikwiiya bobilo ibakaswaangana a Jesu iwakabusyigwa, naakali munzila iiya ku Emau abalo bakajisi bulangizi bwakuti Jesu wakali kuyoobaangulula mubuzike. (Amubale Luka 24:21.) Kalitanalampa, baapostolo ba Jesu bakamubuzya kuti: “Mwami, sena ulapilusya Bwami ku Israyeli aciindi ecino?”—Mil. 1:6.\\n5. (a) Nkaambo nzi bantu bamu Galilaya ncobakali kuyanda kuti Jesu abe mwami wabo? (b) Mbuti Jesu mbwaakalulamika mizeezo yabo?\\n5 Bulangizi mbobakajisi kujatikizya Mesiya, cakutadooneka bwakapa bantu bamu Galilaya kuyeeya kuti Jesu abe mwami wabo. Kweelede kuti bakabona kuti Jesu ulakonzya kuba musololi mubotu. Wakali mwaambi uucibwene, wakali kuponya baciswa; alimwi buya wakali kukonzya kusanina bantu bafwide nzala. Naakamana kusanina bantu batandila ku 5,000, wakazyiba izyakali mumizeezo yabantu. “Jesu mbwaanga wakalizyi kuti bakali kuyanda kuboola akumujata kutegwa bamubikke kuba mwami, wakazwa alimwi akuunka kucilundu alikke.” (Joh. 6:10-15) Buzuba bwakatobela kabali kulubazu lumbi ku Lwizi lwa Galilaya, ambweni bamwi bakalityompedwe. Mpoonya Jesu wakapandulula kunkamu kujatikizya mulimo ngwaakaboolela. Wakabapandulwida kuti wakaboolela kubagwasya kumuuya ikutali kumubili. Wakaamba kuti, “Mutabelekeli cakulya cinyonyooka, pele amubelekele cakulya cikkalilila akupa buumi butamani.”—Joh. 6:25-27.\\n6. Mbuti Jesu mbwaakatondezya caantangalala kuti tanaakali kuyanda nguzu zyabweendelezi bwamunyika? (Amubone cifwanikiso icili kumatalikilo aacibalo.)\\n6 Kakusyeede ciindi cisyoonto kuti afwe, Jesu wakazyiba kuti basikwiiya bakwe bamwi bakali kulangila kuti ulatalisya bwami bwaanyika mu Jerusalemu. Wakabalulamika kwiinda mukubaambila cikozyanyo camamaina. Cikozyanyo eeco cakatondezya kuti Jesu, “muntu wamumukwasyi wamwami” wakali kuya kuunka kubusena bumbi kwaciindi cilamfwu. (Lk. 19:11-13, 15) Jesu alimwi wakabatondezya beendelezi bana Roma kuti tanaakali kutola lubazu mutwaambo twacisi. Ponto Pilato wakabuzya Jesu kuti: “Sena uli Mwami waba Juda?” (Joh. 18:33) Ambweni mweendelezi wakali kulibilika kuti Jesu wakali kuyooleta manyongwe, cintu ncaakali kuyoowa kapati Pilato mubweendelezi bwakwe. Jesu wakaingula kuti: “Bwami bwangu tabuli bwanyika eeyi.” (Joh. 18:36) Tanaakali kutola lubazu mutwaambo twamapolitikisi nkaambo Bwami bwakwe bwakali kuyooba bwakujulu. Wakaambila Pilato kuti mulimo ngwaakaboolela anyika wakali ‘wakupa bumboni kujatikizya kasimpe.’—Amubale Johane 18:37.\\nSena mubikkila maano kumapenzi aamunyika eeyi naa ku Bwami bwa Leza? (Amubone muncali 7)\\n7. Nkaambo nzi ncocikonzya kukatazya kutantamuka kutaba kulubazu lwacipani camapolitikisi cili coonse nomuba mumyoyo yesu?\\n7 Kuti twaumvwisya kabotu-kabotu mulimo wesu mbubwenya Jesu mbwaakaumvwisya, tatukabi kulubazu lwacipani camapolitikisi cili coonse nomuba mumyoyo yesu. Kucita boobo tacili cuuba-uba pe. Mulangizi weendeenda umwi wakaamba kuti: “Bantu mucilawo cesu bayaabuyaambele kutalisya mazwanga, muuya wakuyandisya cisi uuyaabwiindila buya, alimwi banji bayeeya kuti kulwanina lwaanguluko kulakonzya kucinca buumi bwabo kuti bubote. Pele cikkomanisya ncakuti, bakwesu balukwabilila luumuno lwabo lwa Bunakristo kwiinda mukubikkila maano kumulimo wakukambauka makani mabotu aa Bwami. Balangila kuti Leza nguuyoomana kutalulama alimwi amapenzi aambi ngotujana.\\nMBUTI JESU MBWAAKATULANGANYA TWAAMBO ITWAKALI KULETA LWAANDAANO?\\n8. Amupe cikozyanyo citondezya mukuli uminya ngobakajisi ba Juda bamumwaanda wamyaka wakusaanguna.\\n8 Kanji-kanji kutalulama kupa bantu kunjila mutwaambo twamapolitikisi. Kupa mitelo akali makani mapati kuciindi ca Jesu. Alimwi buya, buzangi bwa Judasi muna Galilaya iwaambidwe kumatalikilo, bwakacitika akaambo kakulembya bantu kutegwa kabasinizya kuti bakali kutela mitelo kubana Roma. Balelwa babulelo bwabana Roma, kubikkilizya abaabo ibakali kumuswiilila Jesu, bakeelede kutela mitelo minji, mbuli kutelela nyika alimwi amaanda. Kuyungizya waawo, kutasyomeka kwabasimutelo kwakapa kuti kupa mitelo kwiindile kuminya. Basimitelo bakali kuula zyuuno zyabweendelezi kumfwulumende mpoonya akubelesya nguzu eezyo kujana mali manji. Zakeyo, mupati wabasimitelo mu Jeriko, wakavwuba kapati kwiinda mukubwezela bantu mali cabumpelenge. (Lk. 19:2, 8) Oobu mbobakali kucita abasimitelo bamwi.\\n9, 10. (a) Mbuti basinkondonyina Jesu mbobakasola kuti bamunjizye mumakani aamapolitikisi? (b) Ncinzi ncotwiiya kuzwa kubwiinguzi bwa Jesu? (Amubone cifwanikiso icili kumatalikilo aacibalo.)\\n9 Basinkondonyina Jesu bakasola kuti bamunjizye mumakani aakupa mitelo. Bakamubuzya kujatikizya “mutelo,” mutelo wadinali lyomwe iwakali kupegwa kubeendelezi bana Roma. (Amubale Matayo 22:16-18.) Ba Juda tiibakali kuukkomanina mutelo ooyu akaambo kakuti wakali kubayeezya kuti bali aansi abweendelezi bwabana Roma. “Cipani cabasikutobela Heroda” ibakatalisya makani aaya bakali kuyeeya kuti, ikuti Jesu naakaamba kuti tabeelede kupa mutelo, nkokuti nobakamupa mulandu wakutyola mulawo. Alimwi ikuti Jesu naakaamba kuti kupa mutelo kwakali kuyandika, nkokuti basikumutobela nobakamuzangila.\\n10 Jesu wakabikkila maano kutegwa atatoli lubazu mumakani aamitelo. Wakaamba kuti: “Amupe Kaisara zintu zya Kaisara, pele zintu zya Leza amupe Leza.” (Mt. 22:21) Jesu wakalibuzyi bumpelenge mbobakali kucita basimitelo. Pele walo tanaakayanda kulinjizya mumakani aayo, muciindi caboobo, wakabikkila maano kumakani aayandika kapati, nkokuti Bwami bwa Leza, bwalo ibwakali kukonzya kumana penzi eeli. Aboobo wakapa cikozyanyo cibotu kuli basikumutobela boonse. Tabeelede kulinjizya mumakani aamapolitikisi, tacikwe makani naa cipani cimwi cilibonya kuti cili kabotu kwiinda cipani cimwi. Banakristo babikkila maano ku Bwami bwa Leza abululami bwakwe. Aboobo, tababikkili maano kubandika makani aajatikizya micito imwi yakutalulama.—Mt. 6:33.\\n11. Mbuti mbotukonzya kutondezya kuti tulabuyandisya bululami munzila yeelede?\\n11 Bunji bwa Bakamboni ba Jehova bacikonzya kwiileka mizeezo miyumu njobakajisi kujatikizya mapolitikisi. Mucizyi waku Great Britain wakaamba kuti: “Nondakamanizya lwiiyo lujatikizya bukkale bwabantu kuyunivesiti, ndakatalika kuciindizya. Ndakali kuyanda kulwanina lwaanguluko lwabantu basiya, akaambo kakuti twakapenga kapati akaambo kakutalulama. Nokuba kuti ndakali kuzwidilila mumibandi yakukazyanya, aciindi eeci ndakatyompwa. Tiindakazyi kuti icipa kuti kakuli kutalulama akati kamisyobo cakeelede kugusyigwa mumyoyo yabantu. Nokuba boobo, nondakatalika kwiiya Bbaibbele, ndakabona kuti ndime ndakeelede kusaanguna kucinca. Cakukkazyika moyo, mucizyi mukuwa wakandigwasya kucita oobo. Lino ndilabeleka kandili mupainiya waciindi coonse mumbungano yamwaambo wakutambaika, alimwi ndiciiya kusikila bantu bamisyobo yoonse.”\\n“PILUSYA PANGA LYAKO MUCIYOBWEDO CANDILYO”\\n12. “Mbumena” buli buti Jesu mbwaakaambila basikwiiya bakwe kuti babutantamuke?\\n12 Mumazuba aa Jesu, kanji-kanji bukombi bwakalisangene amapolitikisi. Ibbuku litegwa Daily Life in Palestine at the Time of Christ lyaamba kuti, “ba Juda bakalaandaanizyidwe mutubunga twabukombi itwakakozyenye azipani zyamapolitikisi.” Aboobo Jesu wakabacenjezya basikwiiya bakwe kuti: “Amulangisye; amubucenjelele bumena bwaba Farisi abumena bwa Heroda.” (Mk. 8:15) Kweelede kuti makani aajatikizya Heroda aamba cipani cabasikutobela Heroda. Caboola kumakani aamapolitikisi, ba Farisi bakali kulwanina lwaanguluko lwaba Juda. Makani aa Matayo alayubununa kuti Jesu wakaamba aba Saduki mumubandi ooyu. Bakali kuyanda kuti zintu zizumanane mbubwenya mbozyakabede. Bunji bwabantu babo bakalikkomene abweendelezi bwabana Roma. Jesu wakabacenjezya basikwiiya bakwe kujatikizya njiisyo, naa bumena bwatubunga totatwe ootu. (Mt. 16:6, 12) Amubone kuti, mubandi ooyu wakacitwa kakutanainda ciindi cilamfwu kuzwa ciindi nobakali kuyanda kumubikka kuti abe mwami Jesu.\\n13, 14. (a) Mbuti makani aajatikizya mapolitikisi abukombi mbwaasololela kunkondo alimwi akutalulama? (b) Nkaambo nzi nkondo ncoitali kabotu nokuba kuti twacitilwa cakutalulama? (Amubone cifwanikiso icili kumatalikilo aacibalo.)\\n13 Ciindi bukombi nobusangana amapolitikisi, kulakonzya kubuka nkondo. Jesu wakayiisya basikwiiya bakwe kuti tiibakeelede kujatikizyigwa mubukkale buli boobu. Makani aaya aliswaangene kukaambo kakapa kuti basilutwe babapaizi alimwi aba Farisi bakanze kumujaya Jesu. Bakali kumuyeeyela kuti wakali kuyoobabwezela zyuuno zyabo mumapolitikisi alimwi amubukombi. Bakaamba kuti: “Ikuti tumuleke buyo, bantu boonse balamusyoma eelyo ba Roma balaboola akubweza busena bwesu acisi cesu.” (Joh. 11:48) Aboobo Mupaizi Mupati Kayafa nguwakali kumbele mumakanze aakuti Jesu ajaigwe.—Joh. 11:49-53; 18:14.\\n14 Kayafa wakatuma basikalumamba masiku kuti bakamujate Jesu. Lino Jesu wakalaazyi makanze aaya aatali kabotu, aboobo naakali kulya cakulya camamanino abaapostolo bakwe, wakabaambila kuti babweze mapanga. Obilo akali manji kutegwa abayiisye ciiyo icakali kuyandika kapati. (Lk. 22:36-38) Masiku ngoonya aayo, Petro wakabelesya panga kulwana umwi muntu wakali munkamu eeyo yakaunka kuyoojata Jesu. Cakutadooneka, kwakamucisa kapati kutalulama ikujatikizya kujata Jesu masiku. (Joh. 18:10) Pele Jesu wakaambila Petro kuti: “Pilusya panga lyako muciyobwedo candilyo, nkaambo boonse aabo babweza panga bayoojaigwa apanga.” (Mt. 26:52, 53) Ciiyo eeci iciyandika kapati cakali kweendelana amajwi ngaakaamba Jesu mumupailo masiku ngoona aayo kuti, tiibakeelede kuba banyika. (Amubale Johane 17:16.) Kulwana kutalulama mulimo iwakeelede kusiilwa Leza.\\n15, 16. (a) Mbuti Jwi lya Leza mbolyabagwasya Banakristo kutantamuka mazwanga? (b) Nkwiindana kuli buti Jehova nkwabona ciindi nalanga zintu zicitika munyika mazuba aano?\\n15 Mucizyi waku Europe nkoili kumusanza iwaambwa kumatalikilo wakaiya ciiyo nciconya eeci. Wakaamba kuti: “Ndabona kuti nkondo taipi kuti kube bululami. Ndakabona kuti aabo ibalinjizya munkondo kanji-kanji balafwa. Alimwi bunji bwabamwi balaba basilunya. Ndakakkomana kwiiya kuzwa mu Bbaibbele kuti Leza alikke nguukonzya kuleta bululami bwini-bwini munyika. Ndakkwanya myaka iili 25, kandikambauka mulumbe ooyu.” Mukwesu umwi ku Africa nkoili kumusanza wakabikka “panga lyamuuya”, nkokuti Jwi lya Leza, mucibaka casumo ciindi nakambauka mulumbe waluumuno kuli basimukobonyina, tacikwe makani amusyobo wabo. (Ef. 6:17) Naakaba Kamboni wa Jehova, mucizyi umwi ku Europe mpoili akati wakakwatwa kumukwesu iwakali kuzwa kukabunga kamusyobo ngwaakali kusulaika kaindi. Boonse botatwe bakacinca akaambo kakuti bakali kuyandisisya kuba mbuli Kristo.\\n16 Eelo kaka kulayandika kapati kucinca kuli boobu! Bbaibbele likozyanisya buumi bwabantu kulwizi lutonkaika akunyona, lwizi lunyina luumuno. (Is. 17:12; 57:20, 21; Ciy. 13:1) Ciindi makani aamapolitikisi naapa kuti bantu baandaane, akubusya nkondo, swebo tulazumanana aluumuno alimwi alukamantano lwesu. Alimwi ciindi Jehova nabona mboyaandaanizyidwe nyika yesu, kweelede kuti cilamukkomanisya kapati kubona lukamantano iluli akati kabantu bakwe.—Amubale Zefaniya 3:17.\\n17. (a) Muunzila nzi zyotatwe motukonzya kusumpula lukamantano? (b) Ncinzi ncotuyoolanga-langa mucibalo citobela?\\n17 Twabona kuti tulakonzya kusumpula lukamantano lwa Bunakristo munzila zyotatwe: (1) Tusyoma Bwami bwa Leza bwakujulu kuti bukamanizye kutalulama, (2) tulakutantamuka kutola lubazu mutwaambo twamapolitikisi alimwi (3) tulaikaka nkondo. Nokuba boobo, zimwi ziindi lukamantano lwesu lulakonzya kunyonganizyigwa amuuya wakusalulula. Cibalo citobela ciyoolanga-langa mbotukonzya kuzwidilila mukulwana buyumu-yumu oobu, mbubwenya mbobakacita Banakristo bamumwaanda wamyaka wakusaanguna.\\nToonse Atube Bamwi, Mbubonya Jehova Alimwi a Jesu Mbobali Bamwi\\nNaakakkomaninwa a Leza\\nAmulekele Milawo Anjiisyo Zya Leza Kuyiisya Manjezyeezya Aanu\\n“Aumunike Mumuni Wanu” Kutegwa Jehova Alemekwe\\nMAKANI AABUUMI Ndakaumbulizyigwa Muzintu Zyoonse Nzyondakali Kulibilika\\nNguzu Nzyokujisi Kwaanzya\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA June 2018\\nNGAZI YAMULINDIZI—YAKWIIYA June 2018","num_words":2233,"character_repetition_ratio":0.064,"word_repetition_ratio":0.0,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"1 Samuele 17 | Bbaibbele lili a Intaneti | Bbaibbele lya Busanduluzi Bwanyika Mpya\\n17 Mpoonya ba Filisiti+ bakabunganya impi zyabasikalumamba* babo kunkondo. Bakabungana ku Soko,+ uuli mucisi ca Juda, alimwi bakayaka nkambi akati ka Soko a Azeka,+ ku Efesi-damimu.+ 2 Saulo abaalumi bana Israyeli bakabungana antoomwe akuyaka nkambi mu Kkuti* lya Ela,+ alimwi bakalibambila kulwana ba Filisiti. 3 Ba Filisiti bakali aacilundu kulubazu lumwi, abalo bana Israyeli bakali aacilundu kulubazu lumbi, eelyo akati kabo kwakali kkuti. 4 Mpoonya kunkambi yaba Filisiti kwakazwa mwiiminizi wabasikalumamba uusyomwa; izina lyakwe wakali Goliati,+ waku Gati,+ alimwi wakali kulampa tukokola tuli cisambomwe ajanza livwungulwidwe.* 5 Wakasamide cimpoompo camukuba kumutwe acibaki cankondo icakajisi tubulo tuyalene mbuli makwa aanswi. Lubulo lwamukuba lwacibaki cankondo eeco lwakali kulema+ masyekeli aali 5,000.* 6 Wakasamide zyakukwabilila miindi zyamukuba alimwi kusyule lyakwe wakaligwabikide muumba.+ 7 Mukwikko wasumo lyakwe wakali mbuli cisamu casikuluka,+ eelyo mutwe wasumo lyakwe wakali kulema masyekeli aali 600 ;* alimwi sikumunyamwida ntobo wakali kweendela kumbele lyakwe. 8 Mpoonya wakaima akutalika koompolola kuli basikalumamba bana Israyeli+ akubaambila kuti: “Ino nkaambo nzi ncomwaboolela akulibambila kulwana nkondo? Mebo ndili mu Filisiti, pele sena nywebo tamuli babelesi ba Saulo? Amusale mwaalumi kuti aboole okuno tulwane. 9 Ikuti naa ulakonzya kundilwana akundijaya, nkokuti tulaba babelesi banu. Pele ikuti naa ndimuzunde akumujaya, mulaba babelesi besu alimwi munootubelekela.” 10 Mpoonya mu Filisiti ooyo wakazumanana kwaamba kuti: “Sunu ndilabasampaula* basikalumamba bana Israyeli.+ Amundipe mwaalumi kuti tulwane!” 11 Eelyo Saulo abana Israyeli boonse nobakaamvwa majwi aamu Filisiti ooyu, lyakabaleka alimwi bakayoowa kapati. 12 Lino Davida wakali mwana wa Jese, imuna Efrata+ uuzwa ku Betelehemu+ mu Juda. Jese+ wakajisi bana basankwa bali lusele,+ alimwi mumazuba aa Saulo mwaalumi ooyu wakalicembeede kale. 13 Bana ba Jese basankwa bapati botatwe bakalimutobelede Saulo kunkondo.+ Mazina aabo ngaaya: Mutaanzi wakali Eliabu,+ wabili wakali Abinadabu,+ eelyo watatu wakali Sama.+ 14 Davida ngowakali musyoonto kuli boonse,+ eelyo aaba bapati botatwe bakatobela Saulo. 15 Davida wakali kuunka kuli Saulo akupiluka kuŋanda kutegwa akeembele mbelele+ zyabausyi ku Betelehemu. 16 Lino mu Filisiti ooyo wakali kufwuma kuboola lyoonse kakucili kooko alimwi akumangolezya akwiima abusena bwakwe mazuba aali 40. 17 Kumane Jese wakaambila mwanaakwe Davida kuti: “Kobweza efa* yamaila aaya aayokedwe azinkwa eezyi zili kkumi uzitole cakufwambaana kubanabokwanu kunkambi. 18 Azinkuli zyamabisi* eezyi zili kkumi uzitole kuli silutwe wacuulu cabasikalumamba; alimwi weelede kubona mbobapona banabokwanu akundiletela mulumbe kuzwa kulimbabo.” 19 Aciindi eeco bakali a Saulo abaalumi bambi boonse bana Israyeli mu Kkuti* lya Ela+ kabalwana ba Filisiti.+ 20 Aboobo Davida wakafwuma kakucili kooko akusiya mbelele mumaanza aamweembezi; eelyo wakabweza zintu akuunka mbubonya mbobakamulailila bausyi, ba Jese. Naakasika munkambi, wakajana mpi yabasikalumamba noyuunka kunkondo kaiyaaboongolola loongololo lwankondo. 21 Eelyo bana Israyeli aba Filisiti bakatalika kulibambila kulwana nkondo. 22 Mpoonya aawo Davida wakasiya zintu zyakwe kumulindizi wazintu akuzuzila kooko kwakali nkondo. Naakasika ooko wakabaanzya banabokwabo.+ 23 Naakacili kwaambaula ambabo, kwakaboola mwiiminizi wabasikalumamba uusyomwa uutegwa Goliati+ imu Filisiti waku Gati. Wakazwa akati kabasikalumamba ba Filisiti, alimwi wakaamba majwi ngoonya ngaakali kwaamba lyoonse,+ eelyo Davida wakamvwa. 24 Lino baalumi boonse bana Israyeli nobakamubona mwaalumi ooyu bakatija akaambo kakuyoowa.+ 25 Kumane baalumi bana Israyeli bakati: “Sena mwamubona mwaalumi ooyu uuboola? Uboolela kusampaula* Israyeli.+ Lino kufwumbwa mwaalumi uutiimujaye, mwami uyoomupa lubono lunji kapati akumupa mwanaakwe musimbi,+ alimwi uyakwaangulula ŋanda yabausyi kukupa mitelo amilimo iimbi mu Israyeli.” 26 Mpoonya Davida wakatalika kubuzya baalumi ibakaimvwi afwaafwi anguwe kuti: “Ino ncinzi ncayoocitilwa muntu uutiijaye mu Filisiti uulya akugwisya masampu kubana Israyeli? Nkaambo ino nguni mu Filisiti ooyu uutapalwidwe uusampaula* basikalumamba ba Leza muumi?”+ 27 Eelyo bantu bakamwaambila mbubonya mbobakamwaambilide kale kuti: “Oobu aboobu mbwayoocitilwa muntu uutiimujaye.” 28 Lino Eliabu+ mwanookwabo mupati naakamumvwa kabandika abaalumi aabo, wakamukalalila kapati Davida akwaamba kuti: “Ino ncinzi ncooboolela okuno? Alimwi nguni ngoosiila mbelele eziya zisyoonto munkanda?+ Ndilizyi kabotu-kabotu kulisumpula kwako amakanze mabi aali mumoyo wako; nkaambo waboolela buyo kweebelela nkondo.” 29 Aboobo Davida wakati: “Ino ncinzi ncindacita? Mebo ndali kubuzya buyo.” 30 Aboobo wakacenguluka akuunka kuluumbi akwaamba majwi ngoonya,+ eelyo bantu bakamuvwiila mbubonya mbuli musyule.+ 31 Majwi ngaakaamba Davida akamvwigwa, eelyo bakamwaambila Saulo majwi aaya. Mpoonya wakatuma sikumwiita. 32 Eelyo Davida wakati kuli Saulo: “Kutabi muntu uuli woonse uulenguka moyo* akaambo kanguwe. Mebo ndemubelesi wako ndilaunka ndimulwane mu Filisiti+ ooyu.” 33 Pele Saulo wakati kuli Davida: “Tokonzyi kuunka kuyoolwana mu Filisiti ooyu nkaambo yebo ucili mwana,+ alimwi walo wali sikalumamba* kuzwa kubwana bwakwe.” 34 Mpoonya Davida wakaambila Saulo kuti: “Mebo ndemubelesi wako ndili mweembezi wabutanga bwabataata. Lino buzuba bumwi kwakaboola syuumbwa+ alimwi acibbeya, mpoonya acimwi cakabweza mbelele kuzwa mubutanga. 35 Ndakacitobela akucuuma, eelyo ndakavwuna mbelele kumulomo waco. Nicakandibukila ndakacijata munsingo,* mpoonya ndakacuuma akucijaya. 36 Mubelesi wako wakazijaya zyoonse zyobilo, syuumbwa acibbeya, awalo mu Filisiti ooyu uutapalwidwe ulaba mbuli cimwi canzizyo, nkaambo wasampaula* basikalumamba ba Leza muumi.”+ 37 Mpoonya Davida wakayungizya kuti: “Jehova, iwakandivwuna kumala aasyuumbwa aacibbeya ngonguwe uutiindivwune kujanza lyamu Filisiti ooyu.”+ Eelyo Saulo wakati kuli Davida: “Mbubo koya, Jehova abe anduwe.” 38 Lino Saulo wakasamika Davida zisani zyakwe. Wakamusamika cimpoompo camukuba kumutwe, amane wakamusamika acibaki cankondo. 39 Mpoonya Davida wakasekka panga lyakwe atala aazisani zyakwe akusola kuti aunke pele wakakakilwa, nkaambo tanaakazizibide pe. Kumane Davida wakaambila Saulo kuti: “Tandikonzyi kuunka azisani eezyi nkaambo tandizizibide pe.” Aboobo Davida wakazisamununa. 40 Mpoonya wakabweza nkoli mujanza lyakwe akusala mabwe aabulungene osanwe mukalonga akwaabikka mukabbeeke kakwe kabweembezi mwaakali kunyamwida zintu, eelyo mujanza lyakwe wakajisi nkwisyo.+ Kumane wakatalika kuyaabuswena kumu Filisiti. 41 Mu Filisiti ooyo wakali kuyaabuswena afwaafwi a Davida, eelyo sikumunyamwida ntobo wakali kumbele lyakwe. 42 Lino mu Filisiti naakalanga akubona Davida, wakamusampaula akumunyansya nkaambo wakacili buyo mulombe mubotu weebeka.+ 43 Aboobo mu Filisiti wakati kuli Davida: “Sena ndili mubwa+ noboola kulindime amisako?” Kumane mu Filisiti wakasinganya Davida muzina lyabaleza bakwe. 44 Mu Filisiti ooyu wakaambila Davida kuti: “Boola buyo kulindime, alimwi mubili wako ndilaupa bayuni bauluka mujulu abanyama bamusyokwe.” 45 Aboobo Davida wakaingula mu Filisiti kuti: “Yebo waboola kulindime apanga, sumo amuumba,+ pele mebo ndiboola kulinduwe muzina lya Jehova wamakamu,+ Leza wabasikalumamba bana Israyeli, ooyo ngoosampaula.*+ 46 Sunu Jehova ulakwaaba mumaanza aangu,+ eelyo ndilakujaya akukosola mutwe wako; alimwi sunu mitunta yabasikalumamba ba Filisiti ndilayaaba kubayuni bauluka mujulu abanyama bamunyika; eelyo bantu bamunyika yoonse bayoozyiba kuti bana Israyeli balijisi Leza mwini-mwini.+ 47 Alimwi boonse babungene aano* balazyiba kuti Jehova tavwuni apanga naa asumo pe,+ nkaambo nkondo njiya Jehova,+ alimwi ulamwaaba nywebo nyoonse mumaanza eesu.”+ 48 Lino mu Filisiti wakaboola akuswena afwaafwi a Davida, pele awalo Davida wakazuza cakufwambaana kuyooswaangana amu Filisiti. 49 Davida wakanjila mukabbeeke kakwe akubweza bbwe akulibikka munkwisyo akulifwusa. Wakamuuma mu Filisiti ooyo ankumo alimwi bbwe eelyo lyakabbila munkumo yakwe, kumane wakawa ansi cakuvwuntama.+ 50 Aboobo Davida wakamuzunda mu Filisiti kwiinda mukubelesya nkwisyo abbwe; wakamuuma bbwe mu Filisiti akumujaya nokuba kuti Davida tanaakajisi panga mujanza lyakwe.+ 51 Davida wakazuza akuyakwiima afwaafwi anguwe. Kumane wakabweza panga lyamu Filisiti+ ooyo akulisomona mucikanda calyo akuba masimpe kuti wafwa ncobeni kwiinda mukukosola mutwe wakwe andilyo. Lino ba Filisiti nobakabona kuti singuzu wabo wafwa, bakatija.+ 52 Aboobo baalumi bana Israyeli abana Juda bakoongolola akutalika kutandaanya ba Filisiti kusikila kukkuti+ akumilyango ya Ekroni,+ alimwi ba Filisiti ibakajaigwa bakalaalabene munzila yoonse kuzwa ku Saaraimu+ mane kusikila ku Gati aku Ekroni. 53 Bana Israyeli nobakapiluka kukutandaanya ba Filisiti, bakasaala nkambi zyabo. 54 Mpoonya Davida wakabweza mutwe wamu Filisiti akuuleta ku Jerusalemu, pele zilwanyo zyamu Filisiti wakazibikka mutente lyakwe.+ 55 Lino aciindi Saulo naakabona Davida kaunka kuyooswaangana amu Filisiti, wakabuzya Abineri,+ silutwe wampi yabasikalumamba kuti: “Abineri, ino mulombe ooyu mwanaani?”+ Abineri wakaingula kuti: “Mbubonya mboli muumi,* Omwami, tandizyi pe!” 56 Mwami wakati: “Kobuzya-buzya naa mwanaani mulombe ooyu.” 57 Aboobo Davida mbwaakapilukila buyo kuzwa kukujaya mu Filisiti, Abineri wakamubweza akumutola kuli Saulo kajisi amutwe wamu Filisiti+ mujanza lyakwe. 58 Lino Saulo wakati kulinguwe: “Yebo mulombe, ino uli mwanaani?” Mpoonya Davida wakati: “Ndili mwana wamubelesi wako Jese+ muna Betelehemu.”+\\n^ Mu Chihebrayo, “bakabunganya nkambi.”\\n^ Naa “Cibanda.”\\n^ Wakali kulampa mamita aatandila ku 2.9. Amubone Makani Aayungizyidwe B14.\\n^ Makkilogilamu aatandila ku 57. Amubone Makani Aayungizyidwe B14.\\n^ Makkilogilamu aatandila kuciloba. Amubone Makani Aayungizyidwe B14.\\n^ Naa “ndilabasoka.”\\n^ Malita aatandila ku 22. Amubone Makani Aayungizyidwe B14.\\n^ Mu Chihebrayo, “zyamukupa.”\\n^ Naa “kusoka.”\\n^ Naa “uusoka.”\\n^ Naa “uuyoowa.”\\n^ Naa “sinkondo.”\\n^ Naa ��kumweebo.” Mu Chihebrayo, “kucilezu.”\\n^ Naa “wasoka.”\\n^ Naa “ngoosoka.”\\n^ Mu Chihebrayo, “mbungano yoonse eeyi.”\\n^ Naa “Ndakonkezya buumi bwako.”","num_words":1256,"character_repetition_ratio":0.071,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"2 Kunze lyaboobo, Leza wakamupa buumi nokuba kuti mwakalifwide mumilandu amuzibi zyanu, 2 oomo momwakali kweenda aciindi cimwi kweelana abweende bwazyintu bwanyika eeyi, kweelana amuleli uujisi bweendelezi bwamuwo, nkokuti imuuya ooyo lino uubeleka mubana batamvwi. 3 Inzya, akati kabo cimwi ciindi toonse twakali kulilemeka kweelana azisusi zyanyama yesu, katucita zisusi zyanyama amizeezo yesu, alimwi twakazyalwa katuli bana babukali mbubonya mbuli bamwi boonse. 4 Pele Leza uuli aluse kapati, alimwi akaambo kaluyando lwakwe lupati ndwajisi kulindiswe, 5 wakatupa buumi antoomwe a Kilisito, nokuba kuti twakalifwide mumilandu—nkaambo mubwini mwafwutulwa aluzyalo lwa Leza. 6 Kunze lyaboobo, wakatubusya antoomwe anguwe akutukkazyika antoomwe anguwe mumasena aakujulu katukamantene a Kilisito Jesu, 7 kutegwa mubweende bwazyintu bwiindene-indene ibuboola Leza akatondezye luzyalo lwakwe luzwide zyintu zibotu zitalivwulili kwiinda mukututondezya buuya bwakwe swebo notukamantene a Kilisito Jesu. 8 Ikwiinda muluzyalo lwa Leza oolu mwafwutulwa akaambo kalusyomo; alimwi eeci tacili akaambo kandinywe pe. Pele, ncipego buyo ca Leza. 9 Peepe, eeci tacili akaambo kamilimo pe, ikutegwa kutabi muntu uukonzya kuba akaambo kakulilumbaizizya. 10 Tuli cilenge ca Leza; twakalengwa katukamantene a Kilisito Jesu kutegwa tucite milimo mibotu, eeyo Leza njaakasalila limwi kuti katweenda mulinjiyo. 11 Aboobo kamuyeeya kuti kuciindi cimwi nywebo, nobantu bamasi kumubili, ndendinywe nomwakali kwiitwa kuti “batapalwidwe” abaabo “bapalwidwe” kumubili amaanza abantu. 12 Kuciindi eeco mwakanyina Kilisito, mwakalizandukide kucisi ca Isilayeli, alimwi mbwaanga mwakali beenzu, mwakanyina lubazu muzizuminano zyacisyomezyo, mwakanyina bulangizi alimwi mwakanyina Leza munyika eeyi. 13 Pele lino mukukamantana a Kilisito Jesu, nywebo musyule oomu nomwakali kule a Leza, mwaba afwaafwi anguwe kwiinda mubulowa bwa Kilisito. 14 Nkaambo walo ndoluumuno lwesu, ooyo wakaswaanganya nkamu zyobilo kuba yomwe akumwaya bwaanda bwakali akati oobo ibwakali kubaandaanya. 15 Amubili wakwe wakamanizya businkondo bwakaliko, nkokuti Mulawo uujisi milawo amalailile, ikutegwa aswaanganye nkamu zyobilo ikuba muntu mupya omwe uukamantene anguwe akuleta luumuno; 16 akuti ayanzanye bantu aabo bobilo cakumaninina mumubili omwe kuli Leza kwiinda mucisamu cakupenzyezya, nkaambo amubili wakwe wakabujaila limwi businkondo boonse bwakaliko. 17 Alimwi wakaboola akwaambilizya makani mabotu aaluumuno kulindinywe nomwakali kule a Leza, alimwi aluumuno kuli baabo bali afwaafwi anguwe, 18 nkaambo kwiinda mulinguwe swebo, tobantu bankamu zyoonse zyobilo, tulaangulukide kusika kuli Taata kwiinda mumuuya omwe. 19 Aboobo, ncobeni lino tamucili beenzu abasikukkala buyo bamuzwakule pe, pele mu-li basicisinyina abasalali ali-mwi muli baŋanda ya Leza, 20 alimwi mwakayakwa antalisyo yabatumwa abasinsimi, kakuli walo Kilisito Jesu kumugama ndebbwe lyantalisyo lyakukaswi. 21 Mukukamantana anguwe, mbwaanga zibeela zyaŋanda zyoonse ziliswaanganizyidwe kabotu-kabotu, ŋanda eeyo yoonse iyaabukomena kuba tempele lisalala lya Jehova. 22 Mukukamantana anguwe, anywebo mulayakwa antoomwe kuti mube busena mwakkala Leza kwiinda mumuuya.","num_words":388,"character_repetition_ratio":0.058,"word_repetition_ratio":0.0,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"2 Bakorinto 6 | Bbaibbele Lili a Intaneti | Bbaibbele lya Busanduluzi Bwanyika Mpya\\nMatayo Marko Luka Johane Milimo Baroma 1 Bakorinto 2 Bakorinto Bagalatiya Baefeso Bafilipi Bakolose 1 Batesalonika 2 Batesalonika 1 Timoteyo 2 Timoteyo Tito Filimoni Bahebrayo Jakobo 1 Petro 2 Petro 1 Johane 2 Johane 3 Johane Juda Ciyubunuzyo 1 2 3 4 5 6 7 8 9 10 11 12 13\\n2 Bakorinto 6:1-18\\n6 Mbotubelekela antoomwe anguwe, aswebo tumukulwaizya kuti mutatambuli luzyalo lwa Leza cabuyo. 2 Nkaambo waamba kuti: “Muciindi ceelede ndakakuswiilila, alimwi mubuzuba bwalufwutuko ndakakugwasya.” Amubone! Ecino ncobeni nceciindi ceelede. Amubone! Obuno mbobuzuba bwalufwutuko. 3 Tatuciti cintu cili coonse cityompya bamwi, kutegwa mulimo wesu utajaninwi kampenda; 4 pele muli zyoonse tulatondezya kuti tuli babelesi ba Leza, kwiinda mukuliyumya muzyintu zinji, mbuli mapenzi, kubula ziyandika, buyumuyumu, 5 kuumwa, kuba muntolongo, lupyopyongano, kubeleka canguzu, kutoona masiku, aziindi notunyina cakulya. 6 Alimwi tulatondezya kuti tuli babelesi ba Leza kwiinda mubukkale busalala, mukuba aluzyibo, mukuliyumya cakukkazyika moyo, mukuba aluzyalo, mukuba amuuya uusalala, mukuba aluyando lutali lwakuupaupa ameso, 7 mukwaamba zyamasimpe, mukutondezya nguzu zya Leza; kwiinda mukunyamuna zilwanyo zyabululami kujanza lyalulyo alyalumwensyi. 8 Alimwi tulacita oobo notulemekwa anotusampaulwa, notwaambwa kuti tuli babi akuti tuli babotu; notubonwa kuti tuli basilweeno kakuli twaamba zyamasimpe, 9 aleelyo notubonwa kuti tatuzyibidwe pe, kakuli tulizyibidwe kabotu, notubonwa kuti tweelede kufwa, kakuli tucipona, notusubulwa pele katutafwide, 10 notubonwa mbuli bantu bauside kakuli tulikondedwe lyoonse, notubonwa mbuli bantu bapengede, kakuli tugwasya bantu banji kuba bavwubi, notubonwa mbuli bantu banyina ncobajisi, kakuli tulijisi zyintu zyoonse. 11 Twamwaambila cakutainda mumbali nobana Kolinto, alimwi myoyo yesu ilijalukide. 12 Swebo tatusinkili luyando ndotujisi kulindinywe pe, pele nywebo musinkila luyando lwanu kulindiswe. 13 Aboobo, ikutegwa tupane maanzaasokwe, ndimwaambila mbuli bana bangu kuti anywebo amujalule myoyo yanu kulindiswe. 14 Mutanjili mujoko lyomwe abantu batasyomi. Nkaambo ino bululami buswaangene buti abubi? Naa, ino mumuni uswaangene buti amudima? 15 Kunze lyaboobo, ino nkweendelana kuli buti kuliko akati ka Kilisito a Beliyali?* Naa, ino muntu uusyoma uswaangene buti amuntu uutasyomi? 16 Alimwi nkumvwana kuli buti nkolijisi tempele lya Leza amituni? Nkaambo tuli tempele lya Leza muumi; mbubonya Leza mbwaakaamba kuti: “Ndiyookkala akati kabo akweendeenda akati kabo, ndiyooba Le-za wabo abalo bayooba bantu bangu.” 17 “‘Aboobo amuzwe akati kabo, akulyaandaanya,’ mbwaamba Jehova, ‘alimwi amuleke kuguma cintu cisofweede’”; “‘eelyo ndiyoomutambula.’” 18 “‘Alimwi ndiyooba bauso, eelyo nywebo muyooba bana bangu basankwa abasimbi,’ mbwaamba Jehova Singuzuzyoonse.”\\n^ Nkokuti, “Uunyina Mulimo,” ikwaamba mubi, Saatani\\n2 Bakorinto 6","num_words":347,"character_repetition_ratio":0.061,"word_repetition_ratio":0.0,"special_characters_ratio":0.19,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Myeelwe 5 IBBAIB63 - Lino Jehova wakaambila Musa kuti, - Bible Search\\nMyeelwe 4 Myeelwe 6\\nBamu basofweede mbubeelede kwaandaanizigwa\\n1Lino Jehova wakaambila Musa kuti, 2-Lailila bana ba-Israyeli kuti bagwisye mumalabba boonse basicinsenda aboonse basisenselwa aboonse basofweede kukuguma mitunta. 3-Amubagwisye boonse buyo, nebaba baalumi nebaba banakazi, bazwe anze lyamalabba, kuti batasofwaazyi malabba mponkede akati kabo. 4Mpoonya awo bana ba-Israyeli bakacita obo, Bakabagwisya, babatandila anze lyamalabba; mbuli Jehova mbwaakaambila Musa, bana ba-Israyeli bakacita mbubonya obo.\\n5-Lino Jehova wakaambila Musa kuti, 6-Ambila bana ba-Israyeli kuti, Mwaalumi na mwanakazi uucita cibi, kufumbwa cibi cicitwa kubantu, uusotoka milumbe ya-Jehova, aboobo oyo uli amulandu, 7-alyaambe zibi zyakwe nzyaakacita, alimwi apilusye ncaakabba akuciyungizizya cipanzi casanu, ape oyo ngwaakabisizya. 8-Pele na muntu wabula sikamukowa uukonzya kupilusizigwa cintu, cipilusizigwe Jehova, cibe camupaizi atala lyamugutu wacipaizyo camulandu ngwamanya milandu yakwe. 9-Azipo zyoonse, zintu zisalala zyabana ba-Israyeli nzibaletela mupaizi, zilaba zyakwe. 10-Zintu nzyasalazya muntu zilaba zyakwe. Kufumbwa cintu muntu ncapa mupaizi cilaba cakwe.\\n11Lino Jehova wakaambila Musa kuti, 12-Ambila bana ba-Israyeli kuti, Na mukamuntu ulabisya akumucitila cakutasyomeka, 13-na mwaalumi umbi woona awe, alimwi makani alisisidwe kumeso aamulumi wakwe, na makani alisisidwe nekuba kuti walisofwaazya, na taakwe kamboni nkaambo kakutaianikizigwa, 14-na wasikilwa muuya wabbivwe, alimwi mukaakwe walisofwaazya, nanka wasikilwa muuya wabbivwe nekuba kuti mukaakwe tana kulisofwaazya, 15-oyo muntu alete mwanakazi wakwe kumupaizi. Alimwi alete cituuzyo cakwe, cipanzi cakumi calusuwo lwabusu bwabbaale. Atatili mafuta alincico, nekuba kubika musamu walibano, nkaambo ncecituuzyo cabbivwe, cipaizyo cakwiibalusya, nkokuti cakwiibalusya mulandu.\\n16-Lino mupaizi amuswenye afwaafwi, amwiimike kubusyu bwa-Jehova. 17Elyo mupaizi abweze maanzi aasalalisya mucibiya cabulongo, alimwi abweze lusuko lwacibuye cacikombelo akulubika mumaanzi. 18Elyo mupaizi aimike mwanakazi kubusyu bwa-Jehova, atebezye masusu aamwanakazi, abike mumaanza aakwe cipaizyo cabusu cakwiibalusya cipaizyo cabbivwe, Amumaanza aakwe mwini mupaizi abe amaanzi aalula aaleta lutuko. 19Lino mupaizi amukonkye, aambile mwanakazi kuti, Na taakwe mwaalumi ngowakeenda awe, na tona kulisofwaazya, kunze lyamulumaako, utabisigwi kumaanzi aya aalula aaleta lutuko. 20Pele na ncobeni walisofwaazya, na wabisizya mulumaako kukweenda amwaalumi umbi uutali mulumaako, 21-(mupaizi akonkye mwanakazi cikonke eco, amwaambile kuti) Jehova akubike kuti ube ijwi lyakukonkya alyakutukizya akati kabantu bako, Jehova naazoomwaisya cibelo cako akuzimbya ida lyako. 22-Aya maanzi aaleta lutuko anjile mumala aako, azimbye ida lyako akumwaisya cibelo cako. Lino mwanakazi aambe kuti, Mbukabede! Mbukabede!\\n23Nkabela mupaizi uleelede kulemba aya matusi mubbuku akwaasanzya mumaanzi aalula. 24Lino uleelede kunywisya mwanakazi ayo maanzi aalula aaleta lutuko, aboobo maanzi aaleta lutuko alanjila mwida lyakwe akumululila. 25-Lino mupaizi atambule kumaanza aamwanakazi cipaizyo cabusu cabbivwe, ayumbe cipaizyo kubusyu bwa-Jehova akucileta kucipaililo; 26-nkabela mupaizi uleelede kubweza inkankamanza yabusu bwacipaizyo, ibe ciibalusyo, acitente acipaililo. Amana kucita obo ulanywisya mwanakazi maanzi. 27-Amana kumunywisya maanzi, na walisofwaazya akucitila mulumaakwe cakutasyomeka, ayo maanzi aaleta lutuko alanjila mwida lyakwe, alamululila, nkabela ida lyakwe lilazimba acibelo cakwe cilamwaika, aboobo oyo mwanakazi ulaba ijwi lyakutukizya akati kabantu bakwe. 28-Pele na oyo mwanakazi talisofwaazizye, na ulasalala, ulaangulukide, ulakonzya kuminta.\\n29Mbuubede mulao wabbivwe, kufumbwa ciindi mwanakazi uuli mumaanza­ aamulumaakwe nabisya akulisofwaazya, 30nanka ciindi mulumi nanji-lwa muuya wabbivwe aboobo wafwida mukaakwe ibbivwe, Aimike mwanakazi kubusyu bwa-Jehova, elyo mupaizi amucitile mbubonya mbuuamba oyu mulao. 31-Lino mwaalumi ulaanguluka mumulandu pele mwanakazi ulapegwa mulandu.","num_words":487,"character_repetition_ratio":0.075,"word_repetition_ratio":0.0,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Taata, Mwana Alimwi a Muuya Uusalala Mbutatu? | Bbaibbele Ncoliyiisya\\nInjiisyo Zyakasimpe Kujatikizya Taata, Mwana Alimwi a Muuya Uusalala\\nIBANTU basyoma munjiisyo ya Butatu baamba kuti Leza mbantu botatwe—kuli Taata, Mwana alimwi a Muuya Uusalala. Aumwi akati kabantu aaba botatwe waambwa kuti uleelene abeenzinyina, ngusinguzuzyoonse alimwi unyina matalikilo. Aboobo ikweelana anjiisyo ya Butatu, Taata ngu Leza, Imwana ngu Leza alimwi awalo Muuya Uusalala ngu Leza, nokuba boobo kuli buyo Leza omwe.\\nIbanji basyoma Butatu balazumina kuti tabakonzyi pe kwiipandulula njiisyo eeyi. Nokuba boobo, bayeeya kuti ilayiisyigwa mu Bbaibbele. Cilayandika ikwaamba kuti ibbala lyakuti “Butatu” kunyina mpolibede mu Bbaibbele. Pele sena muzeezo wa Butatu walo nkuuli mu Bbaibbele? Ikutegwa twiingule mubuzyo ooyu, atubale lugwalo ndobabelesya kanji-kanji ibasyoma njiisyo ya Butatu.\\n“IJWI OYO WAKALI LEZA”\\nIlugwalo lwa Johane 1:1 lwaamba kuti: “Kumatalikilo Ijwi wakaliko, awalo Ijwi wakali antoomwe a-Leza, eno Ijwi oyo wakali Leza.” Kumbele mucaandaano ncoona, imwaapostolo Johane ulatondezya cakusalazya kuti “Ijwi” ngu Jesu. (Johane 1:14) Pele mbwaanga Ijwi lyaambwa kuti ngu Leza, bamwi basyoma kuti Imwana a Taata beelede kuba cibeela ca Leza omwe.\\nAmuzyibe kuti kumatalikilo icibeela eeci ca Bbaibbele cakalembwa mumwaambo wa Cigiliki. Kumbele, basanduluzi bakasandulula majwi aamu Cigiliki mumyaambo iimbi. Pele basanduluzi ba Bbaibbele banji kunyina nobakabelesya kaambo kakuti “Ijwi oyo wakali Leza.” Ino nkaambo nzi? Akaambo kakuti bakaluuzyi mwaambo wa Cigiliki wakabelesyegwa kulemba Bbaibbele, ibasanduluzi aabo bakazyiba kuti ikaambo kakuti “Ijwi oyo wakali Leza” keelede kusandululwa bumbi. Ibuti? Nzyeezyi zikozyanyo zisyoonto: “Ijwi lyakali mbuli Leza.” (A New Translation of the Bible) “Ijwi wakali leza.” (The New Testament in an Improved Version) “Ijwi lyakali a Leza alimwi lyakali mbuli nguwe.” (The Translator’s New Testament) Ikweelana ama Bbaibbele aaya, Ijwi teensyi ngo Leza pe. * Muciindi caboobo, akaambo kacuuno caatala ncajisi akati kazilenge zya Jehova, Ijwi lyaambwa kuti ngu “leza.” Aawa ibbala lyakuti “leza” lyaamba kuti “singuzu.”\\nAMUJANE TWAAMBO TUMBI\\nIbunji bwabantu tabacizyi Cigiliki cakabelesyegwa kulemba Bbaibbele. Aboobo ino mbuti mbomunga mwazyiba cini mwaapostolo Johane ncaakali kwaamba? Amulange-lange cikozyanyo eeci: Imwiiyi wapandulula ciiyo cimwi kuli basicikolo bakwe. Kuzwa waawo, basicikolo baimpana kujatikizya ncobali kupandulula bayi. Ino mbuti basicikolo mbobanga balimana penzi eeli? Beelede kubuzya mwiiyi kuti abape bupanduluzi abumbi. Cakutadooneka, ikwiiya twaambo tumbi inga kwabagwasya kuciteelela kabotu ciiyo eeco. Mbubwenya buyo, ikutegwa muteelele caambwa kuli Johane 1:1, mweelede kubala Makani Mabotu ngaakalemba Johane ikutegwa mujane makani aambi kujatikizya cuuno ncajisi Jesu. Ikwiiya twaambo tumbi kujatikizya makani aaya kuyoomupa kwaakosola munzila iluzi makani.\\nMucikozyanyo, amulange-lange cimbi ncaakalemba Johane mucaandaano 1 kapango 18 kuti: “Takukwe muntu uwakabona Leza [Singuzuzyoonse] neciba ciindi comwe.” Pele bantunsi bakamubona Jesu, Imwana nkaambo Johane waamba kuti: “Ijwi eelyo [Jesu] lyakaba muntu, wakasika akuzookkala akati kesu . . . Aswebo twakeebela bulemu bwakwe.” (Joni 1:14, Ci) Aboobo ino mbuti Mwana mbwaakali kunga waba cibeela ca Leza Singuzuzyoonse? Alimwi Johane waamba kuti Ijwi “wakali antoomwe a-Leza.” Pele mbuti muntu mbwanga waba antoomwe aumbi amane kali muntu nguwenya ooyo? Kunze lyaboobo, mbubwenya mbokulembedwe kuli Johane 17:3, Jesu ulacisalazya kuti kuli kwiindana kupati kuliko akati kanguwe a Bausyi bakujulu. Waamba Bausyi kuti “Leza mwini-mwini, ooli olike.” Alimwi munsi aakumamanino kwa Makani Mabotu ngaakalemba, Johane wakaakosola makani kwiinda mukwaamba kuti: “Ezi zyakalembwa kuti mukasyome kuti Jesu ngu-Kristo, Mwana a-Leza.” (Johane 20:31) Amubone kuti Jesu taambwi kuti ngu Leza, pele kuti Mmwana a Leza. Imakani aaya ayungizyidwe mu Makani Mabotu ngaakalemba Johane atondezya mbolyeelede kuteelelwa bbuku lya Johane 1:1. Jesu uutegwa Ijwi ngu “leza” mukuti ujisi cuuno caatala pele citeelene aca Leza Singuzuzyoonse.\\nAmuciyeeye alimwi cikozyanyo camwiiyi abasicikolo. Amweezyeezye kuti bamwi bacidooneka neliba leelyo nobabuswiilila bupanduluzi buyungizyidwe bwamwiiyi. Ino ncinzi ncobanga bacita? Balakonzya kuunka kumwiiyi uumbi kuti bakaambilwe makani aambi aciiyo nciconya. Ikuti mwiiyi wabili wasinizya kuti bupanduluzi bwamwiiyi wakusaanguna buliluzi, ikudooneka kwabasicikolo banabunji kuyoomana. Mbubwenya buyo, ikuti kamutasinizyide cini sikulemba Bbaibbele Johane ncaakali kwaamba kujatikizya lwiindano luliko akati ka Jesu a Leza Singuzuzyoonse, inga mwaunka kumulembi wa Bbaibbele uumbi kutegwa mujane makani aambi. Mucikozyanyo, amulange-lange cakalemba Matayo. Ikujatikizya mamanino aabukkale oobu, wakazubulula Jesu kuti wakati: “Pele taakwe muntu naba umwi uuzi buzuba obo nanka ciindi, nibaba baangelo bakujulu naba Mwana, pele Taata luzutu nguuzi.” (Matayo 24:36) Ino majwi aaya asinizya buti kuti Jesu tali Leza Singuzuzyoonse?\\nJesu waamba kuti Bausyi bazyi zinji kwiinda Mwana. Pele ikuti Jesu naakali cibeela ca Leza Singuzuzyoonse, naakazyi twaambo ntoonya twakazyi Bausyi. Aboobo Imwana alimwi a Bausyi tabakonzyi kuba bantu beelene pe. Pele bamwi balakonzya kwaamba kuti: ‘Jesu wakapona muziimo zyobile. Aawa ulaamba kali muntunsi.’ Pele nokuba kuti cakali boobo, ino mbuti kujatikizya muuya uusalala? Ikuti nowali cibeela ca Leza waambwa kuti ngu Taata, ino nkaambo nzi Jesu ncaataamba kuti muuya ulizyi nzyobazyi Bausyi?\\nMbomuzumanana kwiiya Bbaibbele, mulazizyiba kabotu zibalo zimbi zinji zyamu Bbaibbele izipandulula makani aaya. Zisinizya njiisyo zyakasimpe kujatikizya Taata, Mwana alimwi amuuya uusalala.—Intembauzyo 90:2; Incito 7:55; Ba-Kolose 1:15.\\n^ munc. 3 Ikujatikizya mubandi wamilawo mumwaambo wa Cigiliki cakabelesyegwa kuli Johane 1:1, amubone apeeji 26-9 mubroshuwa lyakuti Kodi Muyenera Kukhulupirira Utatu? ilyakamwaigwa a Bakamboni ba Jehova.","num_words":771,"character_repetition_ratio":0.057,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Rute a Naomi | Ziiyo Zyabana Zyamu Bbaibbele\\nCiindi nokwakali nzala mucisi ca Israyeli, muna Israyeli wazina lya Naomi wakaunka kucisi ca Moabu antoomwe amulumaakwe alimwi abana babo bobilo. Mukuya kwaciindi, mulumi wa Naomi wakafwa. Bana bakwe bakakwata bamakaintu bana Moabu, umwi wakakwata Rute mpoonya umwi wakakwata Olipa. Mukubula coolwe, bana ba Naomi basankwa abalo bakafwa.\\nCiindi Naomi naakamvwa kuti nzala yakamana mucisi ca Israyeli, wakapiluka kwabo. Rute a Olipa bakamutobela, pele kabacili munzila, Naomi wakabaambila kuti: ‘Mwakali bamakaintu bali kabotu kubana bangu alimwi muli kabotu akulindime. Ndiyanda kuti nyoonse mukakwatwe alimwi. Amupiluke kwanu ku Moabu.’ Bamakaintu aaba bakaamba kuti: ‘Tulamuyanda kapati! Tatuyandi kumusiya pe.’ Pele Naomi wakazumanana kubaambila kuti bapiluke. Mpoonya Olipa wakapiluka, pele Rute wakakaka. Naomi wakamwaambila kuti: ‘Bona, Olipa wapiluka kubantu banu alimwi akuli baleza banu. Kamuunka antoomwe.’ Pele Rute wakati: ‘Nsikookusiya pe. Bantu bako bayooba bantu bangu, alimwi Leza wako uyooba Leza wangu.’ Ino uyeeya kuti Naomi wakalimvwa buti ciindi Rute naakaamba boobo?\\nRute a Naomi bakasika kucisi ca Israyeli kumatalikilo aakutebula bbaale. Bumwi buzuba, Rute wakaunka kuyoobwezelela bbaale mumuunda wamwaalumi wazina lya Boazi, walo iwakali mwana wa Rahabu. Mwaalumi ooyu wakamvwa kuti Rute wakali muna Moabu walo iwakazumanana kukkala a Naomi. Wakaambila babelesi bakwe kuti kabasiya bbaale musyule kutegwa Rute kaubwezelela.\\nBuzuba oobo kumangolezya, Naomi wakabuzya Rute kuti: ‘Ino wabeleka mumuunda wabani sunu?’ Rute wakati: ‘Mumuunda wamwaalumi wazina lya Boazi.’ Naomi wakamwaambila kuti: ‘Boazi mubbululu wabalumi bangu. Kozumanana kubelekela mumuunda wakwe antoomwe abamakaintu bambi. Ookuya kuli kabotu.’\\nRute wakazumanana kubeleka mumuunda wa Boazi kusikila kutebula nokwakamana. Boazi wakabona kuti Rute wakali muyumu kubeleka alimwi wakali mukaintu uuli kabotu kapati. Mumazuba aayo, ikuti mwaalumi wafwa alimwi tanaazyala bana basankwa, mubbululu wamwaalumi ooyo wafwa wakali kukonzya kumukwata mukaintu ooyo wakafwidwa. Aboobo Boazi wakamukwata Rute. Bakazyala mwana musankwa ooyo ngobakaulika zina lya Obedi, walo iwakazooba basyaanyinakulu ba Mwami Davida. Beenzinyina ba Naomi bakakkomana kapati. Bakaamba kuti: ‘Jehova wakakupa Rute, walo iwali kabotu kapati kulinduwe, lino mpaawa waba amuzyukulu. Jehova aatembaulwe.’\\n“Kuli mulongwe uukakatila kwiinda mwanookwanu.”—Tusimpi 18:24\\nMibuzyo: Ino mbuti Rute mbwaakatondezya kuti wakali kumuyanda Naomi? Ino Jehova wakabalanganya buti ba Rute a Naomi?\\nRute 1:1–4:22; Matayo 1:5\\nRute​—‘Mwanakazi Mubotu Kapati’\\nNkaambo nzi cikwati ca Rute a Boazi ncociyandika kapati? Ncinzi ncotukonzya kwiiya kuzwa kuli Rute a Naomi kujatikizya mukwasyi?\\nRute Mulongwe Uusyomeka\\nNokuba kuti tanaakali muna Israyeli, luyando lutamani ndwaakatondezya lwakamukkomanisya Leza aboobo wakamulongezya.\\nRute​—‘Kufwumbwa Nkoya Yebo Andime Ndilaunka’\\nNkaambo nzi Rute ncaakalisungula kusiya mukwasyi wakwe amunzi okwabo? Mbube nzi mbwaakatondezya ibwakapa kuti Jehova amukkomanine?\\nKakkaadi Kamu Bbaibbele ka Naomi\\nNaomi naakafwidwa mulumi alimwi abana bakwe bobilo, wakalomba beenzinyina kuti kabamwiita azina limbi.\\nMulongwe wa Naomi Uusyomeka\\nCakucita eeci cigwasya bana bajisi myaka iili akati ka 3 alimwi a 6 kwiiya kujatikizya Rute alimwi a Naomi.\\nAmwiiye Bube bwa Rute\\nCakucita eeci cigwasya bana bajisi myaka iili akati ka 6 a 8 kwiiya mbobakonzya kuba balongwe bali kabotu.\\nZYAKUCITA NOMWIIYA BBAIBBELE ZYABANA\\nBube Mbwajisi Mulongwe Uuli Kabotu\\nCakucita eeci cigwasya bana bajisi myaka iili akati ka 8 a 12 kuba abube bwamulongwe uuli kabotu.","num_words":465,"character_repetition_ratio":0.054,"word_repetition_ratio":0.0,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Ngumulandunshi Bakamboni Bakwe Yehova Balafwala Kabotu Ndyebatooya Kumabungano?\\nSa mwababona mushikope shili mubuloshuwa iyi Bakamboni Bakwe Yehova mbobafwete kabotu ndyebatooya kumabungano? Ino ngumulandunshi tulabikila maano nshetufwala alimwi ambotuboneka?\\nTulatondesha bulemu kuli Lesa. Ncakwiila kwaamba ayi Lesa tabikilibo maano mbotuboneka pansengwe. (1 Samwelo 16:7) Nacibi boobo, ciindi ndyetubungana kumulambila, tulisuni kutondesha bulemu kuli Lesa alimwi abaabo mbotubungana abo. Na twapekwa coolwe cakwiimikana kunembo lya shikoombolosha munkuta, tulyeelete kufwala kabotu kwaamba ayi tutondeshe bulemu. Bweenka ubo mbocibete ambotuboneka ndyetutooya kumabungano, kufwala kabotu kulatondesha bulemu mbotucite “kuMoomboloshi wa cishi coonse,” Yehova Lesa, alimwi amusena nkotupailila.—Matalikilo 18:25.\\nTulatondesha njiisho nshotushoma. Baibo ilayuminisha Beneklistu ayi balyeelete kufwala “kabotu cabulemu alimwi akulibombya.” (1 Timoti 2:9, 10) Kufwala “cabulemu” cilaamba kutafwala shakufwala kwaamba ayi bamwi batuboone, shakufwala sheenga shaleta miyeeyo yakoonana, na shibonesha shamukati shiteelete kuboneka. ‘Kulibombya’ kulatucafwa kusala shakufwala shili kabotu alimwi kutaciindilisha mumfwalilo yesu. Njiisho ishi shilatondesha ayi inga twafwala shakufwala shipusene-pusene shitusangalasha na nshetusuni. Kwakubula kwaamba maswi ali woonse, mbonekelo yesu inga “yalemeka maswi akwe Lesa Mupulushi wesu.” (Taitus 2:10; 1 Pita 2:12) Na katufwala kabotu ndyetutooya kumabungano, cilaakucafwa bamwi kupa bulemu kulambila kwakwe Yehova.\\nMutaalilwi kuya kuŊanda ya Bwaami pamulandu washakufwala. Teshi kwaamba ayi mulyeelete kuula shakufwala sha muulo unene na shibotu kwiindaawo ndyemutoosa kumabungano, ciyandikabo, nkufwala shakufwala sheelete, shitacite matombe, alimwi shiboneka kabotu.\\nIno ngumulandunshi tulyeelete kufwala kabotu ndyetutooya mukupaila?\\nIno Baibo ilatucafwa buyani kusala shakufwala sheelete?","num_words":212,"character_repetition_ratio":0.086,"word_repetition_ratio":0.0,"special_characters_ratio":0.157,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Lyandanye Aanyika | Luyando LwaLeza\\nMbotukonzya Kulyandaanyaa Nyika\\n“Tamuli bayeeyi nyika.”—JOHANE 15:19.\\n1. Nkaakali kaambo nkaakasimya Jesu busiku bwamamanino kalaanyika?\\nMUBUSIKU bwakwe bwamamanino kalaanyika, Jesu wakatondeezya kukatazikana atalaa mazuba akalikutobela aabasikumutobela. Nkinkaako, wakakomba atalaa kaambo aako kuli Wisi kati: “Nsikumbili kuti ubagwisye munyika, pele kuti ubavune kulooyo mubi. Tabali banyika mbuli mbwentali wanyika amebo.” (Johane 17:15, 16) Mukukumbila kwakwe, Jesu wakatondeezya mbwaakali kubayanda basikumutobela ambwaakali kuyandika majwi aakwe ngakaamba busiku mbuboobu bwakumamanino kuli bamwi babo aakuti: “Tamuli bayeeyi nyika.” (Johane 15:19) Chilaantanganana kuti Jesu wakali kuyanda kuti basikumutobela balyandaanyaa nyika!\\n2. Njiili “nyika” yakali kwaambwaa Jesu?\\n2 “Nyika” njakalikwaamba Jesu, mbantu baanzenaa Leza, beendelezegwaa Saatani alimwi batondeezya muuya wakuliyanda awakulisumpula uuzwa kuli Saatani. (Johane 14:30; BaEfeso 2:2; 1 Johane 5:19) Chachoonzyo, “kutangana buzwalani anyika [eeyo], nkokulwana a-Leza.” (Jakobo 4:4) Pesi, chilakonzeka biyeni kuti aabo bayanda kukkala kabali muluyando lwaLeza balyandaanyaa nyika, pesi bo kabakkede mulinjiyo? Tuyoolanga-langa nzila zili musanu zitobela: kwiinda mukukkala kabasyomeka kuBwaami bwaLeza bweendelezegwaa Kristu akutatola lubazu mutwaambo twachisi, kwiinda mukukaka muuya wanyika, kwiinda mukuzwata akulijata munzila ilaabulemu, kwiinda mukuubya buumi bwesu alimwi kwiinda mukubelesya zilwanyo zyoonse zyaLeza.\\nKUKKALA KATUSYOMEKA AKUTATOLA LUBAZU\\n3. (a) Jesu wakalaa maboneno aali biyeni atalaa twaambo twachisi? (b) Nkamboonzi nchokutegwa basikutobela Jesu bananike mbangambela? (Swaanizya amakani aali munsi.)\\n3 Mubusena bwakujatikizigwa mutwaambo twachisi muchiindi chakwe, Jesu wakabikkila maanu kumulimu wakukambawuka atalaa Bwaami bwaLeza, mfulumende yakujulu njakali kuyooba Mwaami wayo. (Daniele 7:13, 14; Luka 4:43; 17:20, 21) Nkinkaako, Jesu wakaambila Mweendelezi waRoma, Ponto Pilato, kuti: “Bwami bwangu tabuli bwaansi ano.” (Johane 18:36) Basikumutobela basyomeka abalabo batobelezya chikozyano chakwe kwiinda mukusyomeka kuli Kristu aBwaami bwakwe alimwi kwiinda mukwaambilizya atalaa Bwaami oobo munyika. (Matayo 24:14) Mwaapostolo Paulo wakalemba kuti: “Tulibangambela baKristo . . . Tulamukombelezya muzina lyaKristo kuti ‘amuyanzane a-Leza.’” *—2 BaKorinto 5:20.\\n4. MaKristu woonse atondeezya biyeni kuti alasyomeka kuBwaami bwaLeza? (Langa kabbokesi MaKristu Akusaanguna Taakali Kut̀ola Lubazu Pe.”)\\n4 Bangambela bayiminina nyika yabo kabali kuliimwi nyika, nkinkaako tabeelede kujatikizigwa mutwambo twachisi naa kutola lubazu munyika nkobabelekela. Pesi, bangambela basumpula mfulumende yachisi nchibayiminina. Mbumbubo, abaKristu bananike ‘balaamunzi uuli kujulu.’ (BaFilipi 3:20) Nkinkaako, tulakulumba loko kusungwaala kwabo kukambawuka atalaa Bwaami nkaambo bagwasya mamiliyoni “[aa]mbelele zimwi” zyaKristu kuti ‘zyanzane a-Leza.’ (Johane 10:16; Matayo 25:31-40) Zimwi mbelele, zibeleka mbuli bagwasilizyi baKristu kwiinda mukugwasya bananike baJesu. Mbuli katanga kamwi kabelekelaamwi mukusumpula Bwaami bwaMesiya, tubunga toonse ootu tubili tatutoli lubazu mutwaambo twachisi.—Bala Isaya 2:2-4.\\n5. Mbungano yachiKristu isiyene biyeni amaIsrayeli aachiindi, alimwi maKristu atondeezya biyeni kuti alisiyene amaIsrayeli aachiindi?\\n5 Kusyomeka kuli Kristu teenkako akalikke kaambo kapa kuti maKristu aachoonzyo atatoli lubazu mutwambo twachisi. Kusiyana amaIsrayeli aachiindi akapedwe nyika yabo aLeza, iswe tuli bazyalwanyina bajanika munyika yoonse. (Matayo 28:19; 1 Petro 2:9) Nkinkaako, ikuti twatola lubazu mutwambo twachisi, lwaangunuko lwesu lwakwaambuula atalaa Bwaami akujatana kwesu mbuli MaKristu kulakonzya kunyonganisigwa. (1 BaKorinto 1:10) Kuyungizya waawo, muchiindi chankondo, tunolwanaa bakombima, aabo mbotwakalayililwa kuti katubayanda lyoonse. (Johane 13:34, 35; 1 Johane 3:10-12) Nkinkaako, Jesu wakaambila basikwiiya bakwe kuti tebakeelede kulwana pe. Alubo, wakababuzya kuti bayande basinkondonyina.—Matayo 5:44; 26:52; langa kabbokesi katii “ Tanditoli Lubazu Na Mutwaambo Twachisi?”\\n6. Kulyaaba kwako kuli Leza kweelede kupa kuti uzibone biyeni zintu ziyandwaa Kaesara?\\n6 Mbotuli maKristu aachoonzyo, twaabide buumi bwesu kuli Leza kutali kuluumwi muntu, kumbungano zyabantu naa kuliimwi nyika pe. Lugwalo lwa 1 BaKorinto 6:19, 20 lwaamba kuti: “Tamulivubi nubeni pe, nkaambo mwakaulwa muulo.” Nkinkaako, basikutobela Jesu bapa “Kaesara” nzyayanda zili mbuli kulemeka, kubbadala mitelo, kuzumina kweendelezegwa, pesi bapa ‘Leza zintu zyaLeza.’ (Marko 12:17; BaRoma 13:1-7) Eezi ziswaanizya bukombi bwabo, luyando lwabo luzwa aansi aamoyo akuswiilila chamoyo woonse. Ikuti kakuyandikana, balilipedelede kuti bafwe akaambo kaLeza.—Luka 4:8; 10:27; bala Incito 5:29; BaRoma 14:8.\\nMAKRISTU AKUSAANGUNA TAAKALI KUTOLA LUBAZU PE\\nMabbuku aambuula atalaa twaano twachiindi atondeezya kuti maKristu aakusaanguna taakali kutola lubazu pe mutwaambo twachisi alimwi taakali kujatikizigwa pe munkondo. Bbuku litii The Beginnings of Christianity lyaamba kuti: “Basikutalisya chiKristu bakali kubikkila maanu kuti batachiti kufumbwa chintu chakali kukonzya kupa kuti batole lubazu mutwaambo twachisi.” Alubo bbuku litii On the Road to Civilization lyaamba kuti: “Kumasaangunino bantu bakatali kukomba Leza teebakali kubumvwisisisya pe buKristu alimwi teebakali kubuyanda. . . . MaKristu taakali kubeleka milimu yakali kuchitwaa bantu bakuRoma. . . . Taakali kuzumina kunjila mumulimu ujatikizya twaambo twachisi.”\\nSikulanga-langa zyabukombi waku German uutegwa Peter Meinhold wakati: “Kuba muKristu akuba silumamba teezyakali kweendelana pe.” Mubbuku lyakwe litii: “An Inquiry Into the Accordancy of War With the Principles of Christianity,” sikulemba atalaa zyabukombi uutegwa Jonathan Dymond wakati nokwakiinda chiindi Jesu kali wafwa basikumutobela “bakali kukaka kutola lubazu [munkondo] kabatayowi kutukilwa, kwaangwa naa kujayigwa.” Alubo Dymond wakiinkilila kunembo kati: “Aaya makani tatukonzyi kwaakazya pe.” Umwi mulembi wakati maKristu akatalika kuba basilumamba chiindi “buKristu nibwakanyonganisigwa.”\\nKUKAKA “MUUYA WANYIKA”\\n7, 8. “Muuya wanyika” niinzi, alimwi “ubeleka” biyeni mubantu bataswiilili?\\n7 Imwi nzila maKristu njaakonzya kulyandaanyaa nyika, nkukaka muuya wayo mubi. Mwaapostolo Paulo wakalemba kuti “Muuya ngututambwide teensi muuya waansi ano pe, ngu-Muuya uuzwa kuli-Leza.” (1 BaKorinto 2:12) Wakaambila bantu baku Efeso kuti: “Nzimwakali kweendela mulinzizyo insiku, cakutobela . . . zyaansi ano azyamweendelezi ujisi bwami bwakumuuwo, nguwenya muuya ubeleka sunu mumyoyo yabana bakasampusampu.”—BaEfeso 2:2, 3.\\n8 “Muuwo” naa muuya wanyika, manguzu ataboneki abeleka mubantu bataswiilili Leza alimwi apa kuti babaa “zisusi zyanyama niziba zisusi zyameso.” (1 Johane 2:16; 1 Timoteo 6:9, 10) “Bwami” bwamuuya ooyo, bulaboneka kwiinda mukupa kuti bantu babisye, bulakatazya kubuziba, bwiinkilila kunembo kabuliwo, alimwi bujanika koonse-koonse mbuli luuwo. Kuyungizya waawo, “ubeleka” mubantu bataswiilili kwiinda mukupa kuti bachite zintu zisulwaa Leza zili mbuli kuliyanda, kulisumpula, busyachivulemwaangu, akubaa muuya wakuyanda kulyeendelezya akupapila. * Mubufwiifwi, muuya ooyu wanyika upa kuti mizeezo yaDiabolosi ikomene mumyoyo yabantu.—Johane 8:44; Incito 13:10; 1 Johane 3:8, 10.\\n9. Muuya wanyika ulakonzya kunjila biyeni mumiyeeyo amumyoyo yesu?\\n9 Kujana muuya wanyika wanjila na mumiyeeyo amumoyo wako? Ikuti waleka kubamba moyo wako, muuya ooyo ulakonzya kunjila. (Bala Tusimpi 4:23.) Muuya ooyu ulakonzya kutalika buniini-buniini kwiinda mukumvwananaa bantu babonekaanga balikabotu pesi mubwini kabatamuyandi pe Jehova. (Tusimpi 13:20; 1 BaKorinto 15:33) Alubo, muuya ooyu ulakonzya kunjila mumoyo wako kwiinda muponogilafi, mukubala mabbuku atali kabotu, mumawebbusayiti aabasilweeno, muli zyakulikondelezya zitali kabotu, mumisobano, alimwi nikuba kumuntu naa kuchintu chipa kuti ubaa miyeeyo yaSaatani.\\n10. Kujana twawukaka biyeni muuya wanyika?\\n10 Kujana twawukaka biyeni muuya wanyika akukkala katuli muluyando lwaLeza? Kwiinda mukubelesya zintu zitugwasya mubukombi nzyatupa Jehova akukomba chakutaleka katukumbila muuya uusalala. Jehova ulaamanguzu kwiinda Diabolosi naa nyika yeendelezegwaa nguwe. (1 Johane 4:4) Eelyo kaka, chilayandikana kuti tukkale katukomba kuli Jehova!\\nTANDITOLI LUBAZU NA MUTWAAMBO TWACHISI?\\nNjiisyo: “Bwami bwangu tabuli bwaansi ano.”—Johane 18:36.\\nKujana ndapandulula biyeni kuti kusalutila fulegi njiimwi nzila yakukomba mituni? *—Kulonga 20:4, 5; 1 Johane 5:21.\\nKujana ndatondeezya biyeni kuti ndilabalemeka aabo batasyomi nzyondisyoma chiindi nondibapandulwida kuti nkamboonzi nonditajatikizigwi mulaamwi mapobwe aamunyika?—1 Petro 3:15.\\nNtuutuli twaambo tupa kuti nditatoli lubazu mutwaambo twachisi naa tupa kuti nditaswaanizigwi mumilimu yabusilumamba?—Johane 13:34; 1 Johane 3:10-12.\\nKUZWAATA AKULIJATA MUNZILA ILAABULEMU\\n11. Muuya wanyika upa kuti bantu kabazwaata munzila ilibiyeni?\\n11 Nzila muntu njazwaataayo, njalijataayo abusanambi bwakwe zilakonzya kutondeezya muuya uliikumusololela. Mumasena miingi, bantu tabachizwaati kabotu zyakuti umwi sikwaambilizya makani aamuTV wakati lino-lino uyoobulika musiyano akati kabasibwaamu abantu buyo. Nikuba tumwi tusimbi tutanakubuka twaabutobelezya nzila eeyi yakuzwaata zyakuti limwi pepa-twaambo lyakati “twaabusiya mibili aanze alimwi twaabuzwaata munzila iitakwe bulemu.” Imwi nzila nkuzwaata munzila iitali kabotu, iitondeezya muuya wakupapila awakutalilemeka.\\n12, 13. Ngaali malayilile ayelede kutusololela kumakani aakuzwaata aakulijata?\\n12 Mbotuli babelesi baJehova, tuyanda kuboneka kabotu, kwiinda mukuzwaata munzila ilaabulemu, yeebeka kweendelanaa nkutubede. Chiindi choonse, nzila njotubonekaayo yeelede kutondeezya kuti tuzwaata ‘chakulibombya mbubonya mbokweelede, katulaachiwa chibotu . . . amilimo mibotu’ zyeelela kubaalumi naa kubanakazi, balyaamba kuti ‘mbana baLeza.’ Masimpe ngakuti, tatuzwaatili kweebwaa bantu pe, pesi, nchituyanda nkuti ‘tukkale katuli muluyando lwaLeza.’ (1 Timoteo 2:9, 10; Juda 21) Chachoonzyo, tuyanda kubikkila maanu kukuzwaata “kwamukati kamoyo uuyandika loko mumeso aa-Leza.”—1 Petro 3:3, 4.\\n13 Utalubi kuti nzila njituzwataayo anjitulijataayo ilakonzya kuchincha nzila bantu njobabonaayo bukombi bwakasimpe. Bbala lyachiGriki lyakuti “cakulibombya,” lyaamba kulilemeka naa kulemeka nzila bamwi njobalimvwaayo anjobayeyaayo. Nkinkaako, tweelede kulemeka manjezeezya aabamwi. Kwiinda zyoonse, mbotuli babelesi baJehova, tuyanda kupa bulemu kuli nguwe akubantu bakwe, katuchita zintu zyoonse kuti kube “bulemu kwa-Leza.”—1 BaKorinto 4:9; 10:31; 2 BaKorinto 6:3, 4; 7:1.\\nIno nzila njindibonekaayo ipa bulemu na kuli Jehova?\\n14. Njiili mibuzyo njitweelede kulibuzya atalaa nzila njituzwataayo anjotulijataayo?\\n14 Mbotuzwaata, mbotulijata abusanambi bwesu ziyandikana loko chiindi notuya mumulimu wakukambawuka naa kumiswaangano yachiKristu. Libuzye kuti: ‘Ino nzila njindizwataayo anjondilijataayo zipa kuti bantu bagambe na chiindi nibandibona? Zipa kuti bamwi babaa nsoni na? Ino ndilaandaba azyeelelo zyangu na kwiinda mikuli njindikonzya kubaayo mumbungano?’—Intembauzyo 68:6; BaFilipi 4:5; 1 Petro 5:6.\\n15. Nkamboonzi Bbayibbele nolitakwe milawu ilatalaa kuzwaata, kulijata abusanambi?\\n15 Bbayibbele talyaambili maKristu milawu yanzila njobeelede kuzwataayo, kulijataayo abusanambi bwabo. Jehova tatukasyi kubelesya manguzu eesu aakuyeeya alwaangunuko lwesu lwakulisalila. Kunze lyaboobo, uyanda kuti tube bantu basimide kuzintu zyabukombi kwiinda mukubelesya malayilile aazwa muBbayibbele alimwi tube “amiyeeyo iyakaiisigwa kusala cibotu ecibi.” (BaHebrayo 5:14) Kwiinda zyoonse, uyanda kuti tusololelwe aaluyando, chaamba kuyanda Leza abantuma. (Bala Marko 12:30, 31.) Nkinkaako, kulinzila zisiyene-siyene zyakuzwaata akulijata. Eezi zilaboneka kwiinda mukuzwaata kweebeka kwabantu baJehova kufumbwa nkubaswaaninana munyika yoonse.\\nMBOTUKONZYA KUUBYA BUUMI BWESU\\n16. Muuya wanyika usiyene biyeni anjiisyo zyaJesu, alimwi njiili mibuzyo njotweelede kulibuzya?\\n16 Muuya wanyika uleena alimwi upa kuti bantu babonaanga mali azintu zyanyama nzizyo zibapa kubotelwa. Nikuba boobo, Jesu wakati: “Buumi bwamuntu tabuzwi kukuvuba kwazintu nzyajisi.” (Luka 12:15) Jesu taakakasya bantu kubaa zintu naa kubotelwa mubuumi, pesi wakayiisya kuti bantu babotelwa mbabaya ‘bazi kuti bayandika zintu zyakumuuya,’ abaabo bawubya buumi bwabo ababikkila maanu kuzintu ziyandwaa Leza. (Matayo 5:3; 6:22) Libuzye kuti: ‘Ndilazisyoma na choonzyo zyakayiisigwa Jesu naa kuti ndilikweenwaa “wisi wababeja”? (Johane 8:44) Ino mbondaambuula, zyondipekeezya, zintu nzyondibikka mubusena bwakusanguna ambondipona zitondeezya kuti ndilimuntu ulibiyeni?’—Luka 6:45; 21:34-36; 2 Johane 6.\\n17. Wamba zimwi zilongezyo zijanwa abaabo bawubya buumi bwabo.\\n17 Jesu wakati: “Maanu alulamikwa kumilimo yao.” (Matayo 11:19) Yeeyesesya atalaa zilongezyo zijanwaa baabo bawubya buumi bwabo. Bajana kukatalukwa mumulimu waBwaami. (Matayo 11:29, 30) Tabalikatazyi pe, alimwi bachita zintu zitanyonganyi mizeezo yabo. (Bala 1 Timoteo 6:9, 10.) Balakkutisikana akubaa zintu ziyandikana mubuumi, alimwi bajana chiindi chakubaamwi ampuli zyabo achakubaa maKristunyina. Akaambo kazeezi, boona ng’onzi mbotu loko. (Mukambausi 5:12) Alubo, balabotelwa chiindi nibapa kufumbwa nchobakonzya. (Incito 20:35) “Balaabulangilizi,” balaaluumuno alimwi balakkutisikana mumyoyo yabo. (BaRoma 15:13; Matayo 6:31, 32) Eelyo kaka, zilongezyo eezi nzibotu loko!\\nBELESYA “ZILWANYO ZYOONSE ZYA-LEZA”\\n18. Bbayibbele limupandulula biyeni sinkondoma, nzila nzyabelesya alimwi “nkondo” njitulwana?\\n18 Aabo bakkala kabali muluyando lwaLeza, balaa bweenzinyina bulaa fwiifwi aLeza bubakwabilila kuli Saatani, utayandi kuti maKristu kabotelwa akuti akajane buumi butamani. (1 Petro 5:8) Paulo wakaamba kuti: “Inkondo njitulwa tiiensi yakulwana abantu balya maila, pe, njakulwana abeendelezi abami abasinguzu bamumudima waansi ano, tulalwana amyuuya yabubi iili mumyeenya yakujulu.” (BaEfeso 6:12) Bbala lyakuti “nkondo” litondeezya kuti tatulwanaa muntu ulikule naa ngututabwene, pesi, zyaamba kulwanaa muntu ulaafwiifwi andiswe. Kuyungizya waawo, mabala aakuti “beendelezi,” “bami,” alyakuti “basinguzu” atondeezya kuti tulwanaa zilenge zyamuuya zichenjede loko.\\n19. Pandulula zilwanyo zyamaKristu zizwa kuli Leza.\\n19 Nokuba kuti tatumaninide pe alimwi tulaa mpotugolela, tulakonzya kuzunda. Kujana twazunda biyeni? Kwiinda mukubelesya “zilwanyo zyoonse zya-Leza.” (BaEfeso 6:13) Kalupandulula zilwanyo eezi, lugwalo lwa BaEfeso 6:14-18 lwaamba kuti: “Lino mbuboobo mbumweelede kwiima. Amulyaange kuzikungu lutambo lwalusinizyo akulisamika kucamba cikwabilizyo cabululami. Zituta zyanu zibambwe kukusamikwa a-Makani Mabotu aaluumuno. Kwiinda zyoonse amubweze intobo yalusyomo, njiyonya njimukonzya kuzimya mimvwi yoonse iipya iifuswa kumubi. Alimwi amubweze ingoani yalufutuko [naa bulangilizi bwalufutuko], apanga lya-Muuya, nkukuti ijwi lya-Leza. Amukombe lyoonse azikombyo ankumbizyo zyoonse zyamu-Muuya.”\\n20. Nkondo yesu isiyene biyeni ayabasilumamba banyika?\\n20 Mbukunga zilwanyo eezi zizwa kuli Leza, tulakonzya kuzwidilila kuti twazizwaata chiindi choonse. Kusiyana abasilumamba banga bapumuna chiindi nikwaba luumuno munyika yabo, nkondo yamaKristu tiyimikilwi pe mane do Leza aakunyonyoona nyika yaSaatani akuwalila bangelo babi mumulindi uutagoli. (Ciyubunuzyo 12:17; 20:1-3) Nkinkaako, utateyi mulenga chiindi nolwanaa kuleezya kwako naa zisusi zibi, nkaambo toonse tweelede “kumizya” mibili yesu kuti tukkale katusyomekede kuli Jehova. (1 BaKorinto 9:27) Chachoonzyo, tweelede kulikatazya chiindi notutali kulwana!\\n21. Kujana twazunda biyeni munkondo yesu yakumuuya?\\n21 Kuyungizya waawo, tatukonzyi kuzunda nkondo eeyi amanguzu eesu. Aboobo, Paulo wakatuchenjezya kuti tweelede kukomba kuli Jehova “ankumbizyo zyoonse zyamu-Mu uya.” Kuchiindi nchicheecho, tweelede kuswiilila Jehova kwiinda mukubala Jwi lyakwe akuyanzana ‘abasilumambama’ chiindi choonse, nkaambo tatulaatulikke pe kukulwana nkondo eeyi! (Filimoni 2; BaHebrayo 10:24, 25) Aabo basyomeka muzyiimo eezi zyoonse bayoozunda alimwi bayookonzya kwiiminina lusyomo lwabo chiindi nolusunkwa.\\nKKALA KULIBAMBILIDE KUKWABILILA LUSYOMO LWAKO\\n22, 23. (a) Nkamboonzi notweelede kukkala katulibambilide kwiiminina lusyomo lwesu, alimwi njiili mibuzyo njotweelede kulibuzya? (b) Nkakaali kaambo nkituyoolanga-langa muchaandano chitobela?\\n22 Jesu wakaamba kuti: “Tamuli bayeeyi nyika . . . nkakaambo ako inyika nciimusulide.” (Johane 15:19) Nkinkaako, maKristu ayelede kukkala kalibambilide kwiiminina lusyomo lwawo chakulemeka achamoyo mutete. (Bala 1 Petro 3:15.) Libuzye kuti: ‘Ndilamvwisisya na kuti nkamboonzi chimwi chiindi Bakamboni baJehova nobachita zintu zisiyene abamwi bantu? Chiindi nondili mubuyumu-yumu ndilaamasimpe na aakuti zyambwa muBbayibbele, azyambwaa muzike uusyomeka zililuleme chiindi choonse? (Matayo 24:45; Johane 17:17) Alubo, chaboola kumakani akuchita zintu zibotezya Jehova, ndilabotelwa na kuti ndilisiyene abamwi bantu?’—Intembauzyo 34:2; Matayo 10:32, 33.\\n23 Nikuba boobo, kulyandaania kwesu anyika kulakonzya kusunkwa munzila zimwi zisiyene-siyene. Muchikozyano, mbuli mbukwambwa kale kumatalikilo, Diabolosi ulikweena babelesi baJehova kwiinda muzintu zyakulikondelezya zijanika munyika. Kujana twasala biyeni zyakulikondelezya zili kabotu zikonzya kupa kuti tukkale katulaa manjezeezya aali kabotu? Tuyoolanga-langa kaambo aaka muchaandano chitobela.\\n^ par 3 Kuzwa mubuzuba bwaPentekoste 33 C.E., Kristu wakatalika kubeleka mbuli Mwaami wambungano yabasikumutobela bananike balaa nyika. (BaKolose 1:13) Mu1914, Kristu wakatambula manguzu aakweendelezya “bwami bwaansi.” Aboobo, maKristu ananikidwe aamuuya uusalala alawo alikubeleka mbuli bangambela baBwaami bwaMesiya.—Ciyubunuzyo 11:15.\\n^ par 8 Langa bbuku litegwa Reasoning From the Scriptures, aapeji 389-393, lyakapupululwaa Bakamboni baJehova.\\n^ par 65 Langa Makani Aakuyungizya “Kusalutila Fuleegi, Kuvota Amulimu Uutali Wabusilumamba.”","num_words":1991,"character_repetition_ratio":0.045,"word_repetition_ratio":0.0,"special_characters_ratio":0.19,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Davida a Goliati​—Nkondo Njiya Leza\\nNgazi Yamulindizi | No. 5 2016\\nAMUBALE MU Afrikaans Albanian Amharic Arabic Armenian Aymara Azerbaijani Azerbaijani (Cyrillic) Batak (Toba) Bengali Bicol Bislama Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chuvash Cibemba Cinyanja Croatian Czech Dangme Danish Drehu Dutch Efik English Estonian Ewe Fijian Finnish Fon French Ga Georgian German Greek Greenlandic Guarani Gujarati Gun Haitian Creole Hausa Hebrew Hiligaynon Hindi Hungarian Icelandic Igbo Iloko Indonesian Isoko Italian Japanese Javanese Kabiye Kannada Kazakh Kikamba Kikaonde Kikongo Kikuyu Kimbundu Kinyarwanda Kirghiz Kirundi Kongo Korean Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Malayalam Maltese Mam Mambwe-Lungu Marathi Mauritian Creole Maya Mongolian Myanmar Nahuatl (Northern Puebla) Ndebele Ndebele (Zimbabwe) Ndonga Nias Norwegian Nyaneka Nzema Oromo Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Punjabi Quechua (Ancash) Quechua (Bolivia) Rarotongan Romanian Russian Samoan Sango Sepedi Serbian (Cyrillic) Serbian (Roman) Sesotho (Lesotho) Setswana Seychelles Creole Shona Silozi Sinhala Slovak Slovenian Solomon Islands Pidgin Spanish Sranantongo Swahili Swahili (Congo) Swati Swedish Tagalog Tahitian Tamil Tatar Telugu Tetun Dili Thai Tigrinya Tiv Tojolabal Tok Pisin Tshiluba Tsonga Turkish Twi Tzotzil Ukrainian Umbundu Urdu Venda Vietnamese Wallisian Waray-Waray Wolaita Xhosa Yoruba Zande Zulu\\nAMWIIYE LUSYOMO LWABO | DAVIDA\\n“Nkondo Njiya Jehova”\\nDAVIDA wakaliyumya kutegwa atawi akaambo kabasikalumamba ibakali kumutonkaika kabasoleka kuti bamwiindilile. Bakaliyoowede kapati ciindi nobakali kutija kuzwa aabusena bwakali kulwaninwa. Ino ncinzi cakabayoosya boobu? Cakwiinduluka-induluka, kweelede kuti Davida wakali kubamvwa kabaamba jwi ndemunya cakuyoowa. Lyakali zina lyamwaalumi. Ooyu wakali mwaalumi wakaimvwi cakunyansya mukkuti, ambweni Davida tanaakalinabwene mwaalumi mupati boobu.\\nGoliati! Davida wakabona ncobakali kumuyoowela basikalumamba—wakali mupati kapati, nkalakata yamulombwana. Noliba leelyo naatakajisi zilwanyo, wakali kukonzya kulema makkilogilamu aainda mbobalema baalumi bapati bobilo. Pele aciindi eeci wakalijisi zilwanyo zinji, alimwi wakalaanguzu kapati, sikalumamba uucibwene. Goliati wakoongolola cabukali kwiita muntu ngwatiilwane limwi. Amweezeezye buyo jwi lyakwe lipati kalilimvwisya mumalundu ciindi naakali kusampaula basikalumamba bana Israyeli amwami wabo, Saulo. Wakali kuyanda kuti mwaalumi umwi aunke kuti alwane anguwe, kutegwa nkondo eeyi imane kwiinda mukulwana kwabantu bobilo buyo!—1 Samuele 17:4-10.\\nBana Israyeli bakayoowa kapati. Awalo Mwami Saulo wakayoowa. Bukkale oobu mbwaakajana Davida bwakaliko kwaciindi ciinda kumwezi omwe. Impi zyabasikalumamba zyobilo, yaba Filisiti alimwi ayabana Israyeli zyakazumanana kulangana kumwi Goliati kasampaula buzuba abuzuba. Davida wakatyompwa kapati. Eelo kaka cakali kuusisya kubona mwami wa Israyeli abasikalumamba bakwe kubikkilizya abanabokwabo Davida botatwe kabazyangama akaambo kakuyoowa! Mumeso aa Davida, ooyu Goliati iwatakali mukombi wa Leza wakali kucita cintu cibi kapati ikutali buyo kusampaula impi yabasikalumamba yabana Israyeli; wakali kutukila Leza wa Israyeli, Jehova. Pele ino ncinzi Davida iwakali buyo mukubusi ncaakali kukonzya kucita? Alimwi ncinzi ncotukonzya kwiiya mazuba aano kujatikizya lusyomo lwa Davida?—1 Samuele 17:11-14.\\n“UMUNANIKE, NKAAMBO OOYU NGONGUWE NGUNDASALA!”\\nAtulange cakacitikide myezi minji yakaindide. Kwakali kumazuba ciindi Davida naakali kweembela mbelele zyabausyi mumbali aamalundu kufwaafwi aku Betelehemu. Wakali mulombe iwakali kweebeka, uulangilwa kuti wakacili mukubusi alimwi uucenjede. Ciindi nokwakanyina coongo, wakali kulizya kalumbu. Ikubota kwazintu nzyaakalenga Leza nkokwakali kumukulwaizya kucita boobo, alimwi wakasumpuka mukwiimba akaambo kakuba aciindi cinji cakwiimba kumwi kakkomene. Pele bumwi buzuba kumazuba, Davida wakaitwa. Bausyi bakali kuyanda kumubona cakufwambaana.—1 Samuele 16:12.\\nWakabajana bausyi, ba Jese kababandika amudaala umwi. Wakali musinsimi Samuele uusyomeka. Jehova ngowakamutumide kuti ananike umwi wabana basankwa ba Jese kuba mwami wa Israyeli uutobela! Samuele wakalibwenene kale abanabokwabo Davida ibali ciloba, pele Jehova wakamwaambila cakusalazya Samuele kuti taakwe ngwaakasalide akati kabo. Aboobo, Davida naakasika, Jehova wakaambila Samuele kuti: “Umunanike, nkaambo ooyu ngonguwe ngundasala!” Kumbele lyabanabokwabo Davida boonse, Samuele wakajalula lwija ilwakazwide mafwuta aalubazu akwaatila amwi amutwe wa Davida. Buumi bwa Davida bwakacinca kuzwa ciindi naakananikwa. Bbaibbele lyaamba kuti: “Mpoonya muuya wa Jehova wakatalika kubeleka ali Davida kuzwa buzuba oobo.”—1 Samuele 16:1, 5-11, 13.\\nCakulibombya, Davida wakaamba kuti Jehova nguwakamugwasya kuzunda banyama bamusyokwe\\nSena Davida wakatalika kuba amakanze mabi akaambo kabwami? Peepe, wakakkazika moyo akulindila kusololelwa amuuya wa Jehova kutegwa azyibe ciindi naakeelede kuba amikuli mipati eeyo. Pele kwaciindi cili mbocibede, wakazumanana amulimo wakwe wakweembela mbelele. Ooyu mulimo wakali kuubeleka cakulyaaba alimwi acabusicamba. Mbelele zyabausyi zyakali muntenda ziindi zyobilo, ciindi cakusaanguna zyakali kuyanda kulumwa syuumbwa mpoonya aciindi cimbi acibbeya. Davida kunyina naakazitandila buyo kule zinyama eezyi. Muciindi caboobo, wakatalika kuzilwana mpoonya aawo kutegwa akwabilile mbelele zyabausyi izyakali muntenda. Ziindi eezyi zyoonse zyobilo, wakazijaya zinyama eezyi iziyoosya kapati!—1 Samuele 17:34-36; Isaya 31:4.\\nMukuya kwaciindi, Davida wakaitwa alimwi. Mpuwo yakwe yakamusikila Mwami Saulo. Nokuba kuti Saulo wakacili sikalumamba uujisi nguzu, tanaakacili kukkomaninwa a Jehova akaambo kakutatobela malailile aa Leza. Jehova wakaugwisya muuya wakwe kuli Saulo, aboobo kanji-kanji mwami wakali kunjilwa muuya mubi, nkokuti bukali, kulikonga, alimwi abusinkondo. Ciindi muuya mubi nowakali kumunjila Saulo, cintu comwe cakali kukonzya kumupa kulimvwa kabotu ninyimbo. Bamaalumi ba Saulo bamwi bakalaazyi makani aajatikizya Davida kuti wakali mwiimbi alimwi akuti wakali mulwani. Aboobo Davida wakaitwa, alimwi tiilyakalampa wakaba umwi wabaimbi ba Saulo alimwi abasikumunyamwida zilwanyo.—1 Samuele 15:26-29; 16:14-23.\\nKwaambisya bakubusi balakonzya kwiiya zinji kulusyomo lwa Davida mumakani aaya. Amubone kuti wakali kubelesya ciindi cakwe cimwi kucita zintu izyakali kumupa kuswena kuli Jehova. Kuyungizya waawo, cakukkazika moyo wakaiya kucita zintu zigwasya alimwi izyakali kukonzya kumupa kufwambaana kujana mulimo. Pele kwiinda zyoonse, wakazumina kusololelwa amuuya wa Jehova. Eelo kaka eezyi nziiyo zibotu nzyotukonzya kwiiya toonse!—Mukambausi 12:1.\\n“KUTABI MUNTU UULI WOONSE UULENGUKA MOYO AKAAMBO KANGUWE”\\nCiindi naakali kubelekela Saulo, Davida kanji-kanji wakali kupiluka kuŋanda kuyakweembela mbelele, zimwi ziindi kwaciindi cilamfwu. Eeci nceciindi Jese naakatuma Davida kuyoolanga bana basankwa botatwe ibakali bapati, balo ibakali mumpi ya Saulo. Akaambo kakumvwida, Davida, kanyamwide azintu zinji nzyaakali kutolela banabokwabo, wakanyamuka kuunka ku Kkuti lya Ela. Naakasika, wakagambwa kujana kuti impi zyabasikalumamba zyobilo zyakali mubukkale bukatazya ibwapandululwa kumatalikilo aacibalo eeci. Impi zyabasikalumamba eezyi zyakalilangene imwi kulubazu lumwi mpoonya iimwi kulubazu lumbi eelyo akati kwakali kkuti.—1 Samuele 17:1-3, 15-19.\\nKuli Davida, bukkale oobu tiibwakali kuyandika. Mbuti mpi yabasikalumamba ba Leza muumi, Jehova, mbobakali kunga baccija akaambo kakuyoowa muntu uulya maila—alimwi buya muntu uutakombi Leza? Davida wakabona kuti kusampaula kwa Goliati kwakali kutukila Jehova. Aboobo wakatalika kwaambila basikalumamba kujatikizya kuzunda Goliati. Kalitanalampa, mupati wa Davida, Eliabu wakaamvwa makani ngaakali kwaamba Davida. Aboobo wakamukalalila kapati musyoonto wakwe, akwaamba kuti wakaunkila buyo kuyakweebelela nkondo. Pele Davida wakaingula kuti: “Ino ncinzi ncindacita? Mebo ndali kubuzya buyo.” Mpoonya wakazumanana kwaamba makani aajatikizya kuzunda Goliati kusikila mane limwi umwi wakaambila Saulo makani aaya. Mwami wakalaila kuti Davida atolwe kulinguwe.—1 Samuele 17:23-31.\\nDavida wakaamba majwi aaya aakkazika moyo kumwami kujatikizya Goliati: “Kutabi muntu uuli woonse uulenguka moyo akaambo kanguwe.” Mubwini, Saulo alimwi abamaalumi bakwe bakalityompedwe akaambo ka Goliati. Ambweni bakatalikide kulyeezyanisya amwaalumi ooyu mubbabbani, akuyeeya kuti baceya kulwana anguwe. Bakatalika kweezeezya mubbabbani ooyu iwakajisi zilwanyo mbwaakali kukonzya kubanyonyoona mukaindi kasyoonto buyo alimwi kakunyina abuyumuyumu. Pele Davida walo taakwe naakali kuyeeya boobu pe. Mbubwenya mbotutiibone, bukkale oobu wakabubona munzila iimpene kapati. Aboobo wakalyaaba kuti walo akamulwane Goliati.—1 Samuele 17:32.\\nSaulo wakakaka akwaamba kuti: “Tokonzyi kuunka kuyoolwana mu Filisiti ooyu nkaambo yebo ucili mwana, alimwi walo wali sikalumamba kuzwa kubwana bwakwe.” Sena masimpe kuti Davida wakacili mwana? Peepe, pele wakacili muniini kunjila mumpi yabasikalumamba, alimwi ambweni wakali kulibonya bwana. Nokuba boobo, Davida wakalizyibidwe kale kuti ngusikalumamba singuzu alimwi ambweni aciindi eeci wakali aamyaka iitandila ku 20.—1 Samuele 16:18; 17:33.\\nDavida wakasyomezya Saulo kwiinda mukumwaambila cakacitika kujatikizya syuumbwa alimwi acibbeya. Sena wakali kulisumpula buya? Peepe. Davida wakalizyi mbwaakazunda munkondo eezyi. Wakaamba kuti: “Jehova, iwakandivwuna kumala aasyuumbwa aacibbeya ngonguwe uutiindivwune kujanza lyamu Filisiti ooyu.” Kumamanino, Saulo wakazumina, wakaamba kuti: “Mbubo koya, Jehova abe anduwe.”—1 Samuele 17:37.\\nSena inga mwayanda kuba alusyomo mbuli lwa Davida? Amubone kuti, lusyomo lwa Davida tiilwakayeeme azintu zyakuyeeyela buyo. Wakajisi lusyomo muli Leza wakwe akaambo kaluzyibo alimwi azintu izyakamucitikila. Jehova wakalimuzyi kuti Mukwabilizi siluyando alimwi Sikuzuzikizya zisyomezyo zyakwe. Ikuti katuyanda kuba alusyomo luli boobu, tweelede kuzumanana kwiiya zinji kujatikizya Leza mu Bbaibbele. Mpoonya twanoopona kweelana anzyotwiiya, ciyoopa kuti zintu zibotu izinootucitikila ziyumye lusyomo lwesu andiswe.—Bahebrayo 11:1.\\n“JEHOVA ULAKWAABA MUMAANZA AANGU”\\nKumatalikilo, Saulo wakasola kusamika Davida zilwanyo zyakwe. Zilwanyo eezyi zyakali kukozyanya azya Goliati, zyaakapangidwe aamukuba, alimwi kulangilwa kuti zyakali kubikkilizya acibaki cankondo icakajisi tubulo tuyalene mbuli makwa aanswi. Nokuba boobo, Davida wakasola kweendeenda kumwi kasamide zibelesyo eezyi zipati alimwi zilema pele wakalimvwa kuti eeci tacikonzyi kumugwasya pe. Tanaakayiisidwe kuba sikalumamba, aboobo kunyina naakazyibide kusama zilwanyo ikwaambisya zilwanyo zyankondo nzyaakali kusama Saulo, walo iwakali kubainda kulampa mucisi ca Israyeli. (1 Samuele 9:2) Wakazigwisya zyoonse akusala kusama zisani nzyaakazyibide—izyamweembezi uulibambilide kukwabilila butanga bwakwe.—1 Samuele 17:38-40.\\nDavida wakabweza nkoli yakwe yabweembezi, akabbeeke kakwe agwezyo, mpoonya ankwisyo. Lino nkwisyo tiilyakali kulibonya kuti lilizulide, pele mubwini cakali cilwanyo cikali. Kalijisi aakubikkila bbwe kumamanino aatutambo tobilo twacikutu, nkwisyo cakali cibelesyo cibotu kumweembezi. Wakali kukonzya kubikka bbwe, akulizingulusya cakufwambaana atala aamutwe wakwe, mpoonya akulekezya katambo komwe kuwaala bbwe kakunyina kwiimpya. Cilwanyo eeci cakali kugwasya kapati cakuti zimwi ziindi basikalumamba bakali kubelesya mankwisyo.\\nAboobo kalibambilide, Davida wakazuza kuyooswaangana asinkondonyina. Tulakonzya kumuyeeyela Davida kapaila camoyo woonse ciindi naakali mumulonga iwakanyina meenda akubwezelela mabwe osanwe aabulungene. Mpoonya wakaunka kubusena bwakulwanina—kayaabuzuza kutali kweenda.\\nCiindi Goliati naakamubona sinkondonyina, ino wakayeeya nzi? Tubala kuti: “Wakamusampaula akumunyansya nkaambo wakacili buyo mulombe mubotu weebeka.” Goliati wakapozomoka wati: “Sena ndili mubwa noboola kulindime amisako?” Cakutadooneka wakaibona nkoli ya Davida pele tanaakalibona nkwisyo. Wakamusinganya Davida muzina lyabaleza baba Filisiti akukonka kuti mubili wasinkondonyina ooyu ulaupa bayuni abanyama bamusyokwe.—1 Samuele 17:41-44.\\nKusikila sunu, majwi aa Davida atondezya lusyomo luyumu. Amweezeezye buyo mwaalumi uucili mwana-mwana koompolola kuli Goliati kuti: “Yebo waboola kulindime apanga, sumo amuumba, pele mebo ndiboola kulinduwe muzina lya Jehova wamakamu, Leza wabasikalumamba bana Israyeli, ooyo ngoosampaula.” Davida wakalizyi kuti nguzu zyabantu alimwi azilwanyo tiizyakali kuyandika kapati. Goliati wakatondezya kubula bulemu kuli Jehova Leza, alimwi Jehova tanaakali kuyooumuna buyo pe. Kweelana ambwaakaamba Davida, “nkondo njiya Jehova.”—1 Samuele 17:45-47.\\nDavida wakamubona Goliati mbwaakali mupati alimwi azilwanyo nzyaakajisi. Nokuba boobo, Davida tanaakalekela zintu zili boobu kumukonga. Kunyina naakacita mbuli Saulo abamaalumi ibakali mumpi yakwe. Davida taakwe naakalyeezyanisya a Goliati. Muciindi caboobo, wakeezyanisya Goliati kuli Jehova. Kalampa mamita aali 2.9, Goliati wakali kubainda bamaalumi boonse, pele sena wakali kukonzya kweelana a Mwami wabubumbo boonse? Mubwini, mbubwenya mbuli muntu uuli woonse, wakali buyo mbuli kauka—aciindi eeci, kauka nkaakali kuyanda kunyonyoona!\\nDavida wakazuza kuunka kuli sinkondonyina, akunjila mukabbeeke kakwe kubweza bbwe. Wakalibikka munkwisyo lyakwe akulizingulusya atala aamutwe wakwe kusikila mane lyalimvwisya kuvwuuma. Goliati, ambweni kali kusyule lyasikumunyamwida ntobo wakeenda kuunka kuli Davida. Kulampa kwa Goliati ambweni kwakamuletelela mbwaanga sikumunyamwida ntobo tanaakali kukonzya kwiinyamuna ntobo kutegwa ikwabilile mutwe wamubbabbani ooyu. Aboobo, Davida wakapima mutwe.—1 Samuele 17:41.\\nDavida wakabona kuti naba mubbabbani ooyu wakali buyo mbuli kantu kasyoonto kuti weezyanisyigwa aa Jehova Leza\\nDavida wakalilekezya bbwe lyakwe. Amweezeezye buyo mbokwakaumwine ciindi nolyakafeemuka kugama kumutwe. Cakutadooneka Jehova wakasinizya ncobeni kuti Davida tanaakali kuyoowaala limbi. Bbwe lyakauma mpolyakagamikidwe, akubbila ankumo ya Goliati. Mubbabbani wakawa ansi cakuvwuntama! Kulangilwa kuti sikunyamuna ntobo wakatija akaambo kakuyoowa. Davida wakaboola mpaakawida Goliati, akubweza panga lya Goliati akukosola mutwe wamubbabbani.—1 Samuele 17:48-51.\\nMpoonya, Saulo alimwi abasikalumamba bakwe bakaba basicamba. Kaboongolola, bakabatandaanya ba Filisiti. Nkondo yakaba mbubwenya Davida mbwaakaambilide Goliati kuti: “Jehova . . . ulamwaaba nywebo nyoonse mumaanza eesu.”—1 Samuele 17:47, 52, 53.\\nMazuba aano, babelesi ba Leza tabatoli lubazu munkondo iini. Ciindi eeco cakainda. (Matayo 26:52) Pele mbubwenya buyo, tuyandika kwiiya lusyomo lwa Davida. Mbubwenya mbulinguwe, tweelede kubona Jehova kuba mwini-mwini—kuti ngo Leza alikke ngotweelede kubelekela alimwi akuyoowa. Ziindi zimwi, tulakonzya kulitenga twalyeezyanisya amapenzi eesu, pele mapenzi eesu masyoonto kuti twaayezyanisya kunguzu zya Jehova ziteeli. Kuti twasala Jehova kuba Leza wesu alimwi kuba alusyomo mulinguwe mbuli Davida mbwaakacita, nkokuti kunyina buyumuyumu, naa penzi ilyeelede kutuyoosya. Kunyina cikonzya kwiinda nguzu zya Jehova kuzunda!\\nMAKANI AAYEEME AMUTWE UULI ACIVWUMBYO Toonse Tuyandika Luumbulizyo\\nMAKANI AAYEEME AMUTWE UULI ACIVWUMBYO Leza Mbwapa Luumbulizyo\\nMAKANI AAYEEME AMUTWE UULI ACIVWUMBYO Luumbulizyo Muziindi Zyamapenzi\\nAMWIIYE LUSYOMO LWABO “Nkondo Njiya Jehova”\\nNkondo Akati ka Davida a Goliati​—Sena Yakacitika Ncobeni?\\nIBBAIBBELE LILAKONZYA KUBACINCA BANTU Ndakali Mubi Moyo Alimwi Sinkondo\\nMabala Amusale naa muyanda kukkopa zyakamwaigwa NGAZI YAMULINDIZI No. 5 2016 | Nkuli Nkomukonzya Kujana Luumbulizyo?\\nNo. 5 2016 | Nkuli Nkomukonzya Kujana Luumbulizyo?\\nNGAZI YAMULINDIZI No. 5 2016 | Nkuli Nkomukonzya Kujana Luumbulizyo?\\nLeza Wakamwaamba Kuti “Namalelo”\\nSara: “Uli Mukaintu Weebeka”\\nEnoki: “Wakakkomanisya Leza”\\n“Mwanaangu Uuyandwa Alimwi Uusyomeka mu Mwami”","num_words":1896,"character_repetition_ratio":0.05,"word_repetition_ratio":0.0,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbuto yaBwaami Yakusaanguna Mbuyakabyalwa kuPortugal\\nNgaziyakulinda—Yakwiiya | August 2018\\nBALA MU Afrikaans Albanian Alur Amharic Amis Arabic Armenian Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Boulou Bulgarian Cakchiquel Catalan Cebuano Chichewa Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Croatian Czech Dakota Dangme Danish Douala Dutch Edo Efik English Esan Estonian Ewe Fijian Finnish Fon French Ga Garifuna Georgian German Greek Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hungarian Ibanag Icelandic Igbo Iloko Indonesian Isoko Italian Japanese Jula Kabiye Kabuverdianu Kannada Kekchi Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mingrelian Mixe Mixtec (Guerrero) Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Norwegian Nzema Okpe Oromo Ossetian Otetela Pangasinan Papiamento (Curaçao) Persian Pidgin (West Africa) Polish Ponapean Poqomchi' Portuguese (Portugal) Punjabi Quechua (Ancash) Quechua (Bolivia) Romanian Russian Samoan Sango Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovenian Solomon Islands Pidgin South African Sign Language Spanish Sranantongo Swahili Swahili (Congo) Swati Swedish Tagalog Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Vietnamese Waray-Waray Wolaita Xhosa Yoruba Zande Zapotec (Isthmus) Zulu\\nMAKANI EESU AACHIINDI\\nMAYUWE aamulwizi lwaAtlantic naakali kuyabuuma bwaato bwakali kuya kuEurope, umwi wakali mubwaato oobu, George Young wakali kubotelwa amulimu waBwaami ngwaakabeleka kuBrazil. * Naakali mubwaato oobo, Mukwesu Young wakasaanguna kuyeeyesesya atala abusena bupati bwakatayinakambawukwa kuSpain akuPortugal nkwaakali kuyookambawukila. Naakasika, wakachita mabambe aakuti Mukwesu J. F. Rutherford azoope nkani zyamuBbayibbele akuti ape bantu tupepa kuli 300 000!\\nGeorge Young wakeenda mumanyika asiyene-siyene kayabukambawuka\\nNaakasika kuLisbon muchilimu chamu1925, Mukwesu Young wakajana kakuli lupyopyongano muchisi eechi. Kulwana kwabantu bamudolopo eeli kwakamana mu1910 alubo kwakapa kuti bukombi bwachiKatolika bubule manguzu. Eezi zyakapa kuti bantu babe alwaangunuko pesi kulwana chabo–chabo muchisi eechi teekwakayinamana pe.\\nMukwesu Young naakali kuchita mabambe aankani yaMukwesu Rutherford mfulumende yakachita bubambe bwakuti kweendeelezye basilumamba nkaambo bantu bakali kuyanda kubweza bweendelezi changuzu. Mulembi waakabunga kategwa British and Foreign Bible Society wakabuzya Mukwesu Young kuti taakali kuyoozwidilila pe kumabambe ngaakali kuchita pesi Mukwesu Young taakaleka pe nikuba kuti wakabuzigwa kuti bantu bakali kuyoolwana. Nikuba boobo Mukwesu Young wakakumbila kubelesya chikolo chaSekondali chitegwa Camões mpawo wakazumizigwa.\\nBuzuba bwakali kulangililwa kuti Mukwesu Rutherford azoope nkani mu13 May bwakasika. Bantu bakali kubulangilila ameso aasalala buzuba oobo. Mapepa aakalembedwe amiduli amapepa-twaambo akali kwaambilizya nkani yabantu boonse yakali amutwe uuti “How to Live on the Earth Forever” (Mbutukonzya Kuyoopona Kukabe Kutamani Aanyika). Chakufwambaana, bapati bazikombelo bakapupulula chibalo mupepa-twaambo chakali kuchenjezya basikubala kuti bachenjelele “basinsimi bakubeja” bakasika. Kumulyango ang’anda eeyi basikuzya bakali kupa bantu tubbuku twakali amakani aakali kukazya zyakaambuulwa aMukwesu Rutherford.\\nNikuba boobo, kwakanjila bantu bali 2 000 pesi bamwi bali 2 000 teebakanjila pe nkaambo kwakali kwazula. Bamwi bakajatilila aantambo zyakali kumbali amuduli wang’anda eeyo kuti bakonzye kuswiilila. Alubo bamwi bakakkede ajulu azibelesyo zyaku-ekisesayiza.\\nPesi zintu zyoonse teezyakeenda kabotu pe. Basikukazya bakatalika kwaambwida ajulu akutyola zyuuno. Mukwesu Rutherford taakayoowa pe mpawo wakatanta ajulu atebbulu kuti bantu bamumvwe. Naakamaninsya kupa nkani yakwe kuma12 mansiku, bantu biinda ku1 200 bakalembesya mazina ama-adilesi kuti bazoojane mabbuku apandulula Bbayibbele. Buzuba bwakatobela kwakapupululwa chibalo chili atala ankani yakapegwa aMukwesu Rutherford mupepatwaambo litegwa O Século.\\nMuSeptember 1925, Ngaziyakulinda yachiPortuguese yakatalika kukapupulwa kuPortugal (Chiindi yakali kujanika kuBrazil.) Muchiindi nchicheecho, mwaalumi utegwa Virgílio Ferguson wakuBrazil wakali Mwiiyi waBbayibbele, wakachita mabambe akwiinka kuPortugal kuti akagwasilizye mulimu waBwaami. Mukwesu ooyu wakabelekede aMukwesu Young kumutabi muniini waBayiyi baBbayibbele kuBrazil. Kakutanaba chiindi, Virgílio amukayintu wakwe Lizzie bakatalika kubelekaamwi lubo aMukwesu Young. Mukwesu Ferguson wakasika kuchiindi cheelede nkaambo Mukwesu Young wakali kuyanda kuyookambawukila kuli amwi masena kuswaanizya akuSoviet Union.\\nMapepa amumulawu aaLizzie aVirgílio Ferguson mu1928\\nChiindi nikwakasaanguna kweendelezya mweendelezi ulaalunya kuPortugal mulimu wesu wakakazigwa. Mukwesu Ferguson takeenda pe pesi wakabweza ntaamu zyakukwabilila kabunga kaBayiyi baBbayibbele akubagwasya kuti bazumanane amulimu wabo. Wakakumbila kuti miswaangano kiichitilwa mung’anda yakwe. Mpawo wakazumizigwa muOctober 1927.\\nMumunyaka mweendelezi ooyu uuli alunya naakatalisya kweendelezya, bantu basika ku450 bakakumbila magazini yaNgaziyakulinda. Kubelesya tupepa atubbuku kwakapa kuti kasimpe kakasike kuzisi zyakali kule zyakali kweendelezegwa aPortugal ziswaanizya Angola, Azores, Cape Verde, East Timor, Goa, Madeira akuMozambique.\\nMu1929 Manuel da Silva Jordão muPortuguese wakasika kuLisbon. Mukwesu ooyu naakachili kuBrazil wakaswiilila nkani yakapegwa aMukwesu Young. Wakabona kuti aaka nkasimpe mpawo wakaba achiyandisyo chakubelekaamwi aMukwesu Ferguson mumulimu wakukambawuka. Kuti achite oobo Manuel wakaba colporteur, waambwa kuti payona mazubaano. Mbungano mpya yakuLisbon yakatalika kukomena nkaambo kwakali kwaba mabambe mabotu akupulinta mabbuku apandulula makani aamuBbayibbele.\\nMu1934, Mukwesu aMuchizi Ferguson bakabweeda kuBrazil. Pesi mbuto yakasimpe yakali yabyalwa kale. Kabunga kabakwesu kuPortugal bakasyomeka kuli Jehova nikwakaba nkondo kuSpain aNkondo Yabili yaNyika Yoonse. Teebakachili kuchita kabotu mubukombi kwachiindi chifwiifwi pesi mu1947 bakwesu aba bakazoosima chiindi mumishinali wakusaanguna wakazwa kuGiliyadi uutegwa John Cooke naakasika. Kuzwa waawo, basikupupulula bakazumanana kuvula. Nikuba kuti mfulumende yakali yakasya mulimu waBakamboni baJehova mu1962 pesi bakali kuyabuvula. MuDecember 1974 Bakamboni baJehova kuPortugal nibakazumizigwa amulawu kuchita mulimu wabo, mweelwe wabasikupupulula wakali wasika ku13 000.\\nMazubaano basikupupulula baBwaami biinda ku50 000 bakambawuka makani mabotu aBwaami bwaLeza kuPortugal kuswaanizya amutusuwa mwaambuulwa chiPortuguese mbuuli kuAzores aMadeira. Akati kabasikupupulula baliwo mazubaano, kuli zyalani lyachitatu lyabantu bakaswiilila nkani yakapegwa aMukwesu Rutherford mu1925.\\nTulumba Jehova kuswaanizya abakombima bamuchiindi eecho bakatondeezya kutayoowa kwiinda mukukambawuka makani mabotu kabali ‘babelesi bantanganana baKristu Jesu kuli bamasi.’—Rom. 15:15, 16.—Makani eesu aachiindi kuchisi chaPortugal.\\n^ par 3 Langa chiiyo chiti “Kucili Mulimo Mupati Wakutebula Uuyandika Kubelekwa” chijanika muNgaziyakulinda yaChitonga Zambia yamuMay 15, 2014, peji 31-32.\\nUlaazi Na Makani Woonse?\\nUtabeteki Muntu Kweendelana Ambaboneka\\nZYAKACHITIKA MUBUUMI Teendakalekela Maboko Aangu Kuti Aleke Kubeleka\\nBantu Bapa Mbabo Babotelwa\\nBelekaamwi aJehova Buzuba Abuzuba\\nMoyo Mulamfu—Upa Kuti Tulisimye Akuti Tube Abulangilizi\\nMAKANI EESU AACHIINDI Mbuto yaBwaami Yakusaanguna Mbuyakabyalwa kuPortugal\\nText Sala naa uyanda kukkopa zyakamwayigwa zilekkodedwe NGAZIYAKULINDA—YAKWIIYA August 2018\\nNGAZIYAKULINDA—YAKWIIYA August 2018","num_words":955,"character_repetition_ratio":0.047,"word_repetition_ratio":0.0,"special_characters_ratio":0.151,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bantu Bapa Mbabo Babotelwa | Ngaziyakulinda Yakwiiya\\nBALA MU Afrikaans Albanian Altai Alur American Sign Language Amharic Amis Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Bolivian Sign Language Boulou Brazilian Sign Language British Sign Language Bulgarian Cakchiquel Catalan Cebuano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Colombian Sign Language Costa Rican Sign Language Croatian Cuban Sign Language Czech Czech Sign Language Dakota Dangme Danish Digor Douala Dutch Ecuadorian Sign Language Edo Efik English Esan Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Greek Greek Sign Language Guarani Guatemalan Sign Language Gujarati Gun Haitian Creole Hausa Hebrew Herero Hiligaynon Hindi Hiri Motu Honduras Sign Language Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kabuverdianu Kannada Kekchi Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malawi Sign Language Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mexican Sign Language Mingrelian Mixe Mixtec (Guerrero) Mongolian Moore Motu Mozambican Sign Language Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nicaraguan Sign Language Norwegian Nzema Okpe Oromo Ossetian Otetela Panamanian Sign Language Pangasinan Papiamento (Curaçao) Paraguayan Sign Language Persian Peruvian Sign Language Pidgin (West Africa) Polish Polish Sign Language Ponapean Poqomchi' Portuguese (Portugal) Portuguese Sign Language Punjabi Quebec Sign Language Quechua (Ancash) Quechua (Bolivia) Romanian Romanian Sign Language Russian Russian Sign Language Salvadoran Sign Language Samoan Sango Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Venezuelan Sign Language Vietnamese Waray-Waray Wolaita Xhosa Yoruba Zambian Sign Language Zande Zapotec (Isthmus) Zimbabwe Sign Language Zulu\\n“Kupa kulakkomanisya.”—INC. 20:35, NW.\\nNkamboonzi nitukonzya kwaamba kuti bantu bakalengwa kabali achiyandisyo chakupa?\\nMunzilaanzi kukambawuka mukupa kuti tubotelwe?\\nNgaali Magwalo atugwasya kuti tube baabi?\\n1. Zintu zyakalengwa zitondeezya biyeni kuti Jehova ulapa?\\nNIKUBA kuti Jehova wakali alikke katanalenga zintu zyoonse pesi wakali kuyeeya kugwasya bamwi. Nkinkaako, wakazoolenga zilenge zichenjede ziswaanizya bangelo abantu. Jehova “Leza uukkomene” upa bantu zintu zibotu. (1 Tim. 1:11, NW; Jak. 1:17, NW) Utuyiisya kuti tupe bamwi nkaambo uyanda kuti andiswe katubotelwa.—Rom. 1:20.\\n2, 3. (a) Nkamboonzi kupa nikupa kuti tubotelwe? (b) Tulalanga-langaanzi muchiiyo eechi?\\n2 Leza wakalenga bantu muchikozyano chakwe. (Matl. 1:27) Eezi zyaamba kuti twakalengwa katuli abube buli mbuuli bwakwe akuti tubutondeezye. Kuti tubotelwe, tweelede kutobelezya chikozyano chaJehova kwiinda mukubabikkila maanu bamwi akubapa. (Flp. 2:3, 4; Jak. 1:5) Nkamboonzi nitweelede kupa? Nkaambo Jehova mbaakatulenga. Tulakonzya kuchitobelezya chikozyano chaJehova chakupa nikuba kuti tatumaninide pe.\\n3 Bbayibbele lilatutondeezya mbutukonzya kupa. Atulange-lange zyiiyo nzitujana muBbayibbele atala akaambo aaka. Tulabona kupa mbukupa kuti Leza abotelwe akuti kuba abube oobu kutugwasya biyeni kuti tuchite mulimu Leza ngwatupede. Alubo tuyoolanga-langa kupa mbukupa kuti tubotelwe akuti nkamboonzi nitweelede kubelekela kuba abube oobu.\\nMBUTUKONZYA KUBOTEZYA LEZA\\n4, 5. Nziizili zintu zyakachitwa aJehova aJesu zitondeezya kuti balapa?\\n4 Jehova uyanda kuti tutobelezye chikozyano chakwe, nkinkaako, ulabotelwa chiindi nitupa bamwi. (Ef. 5:1) Nzila njitulengedwaayo abubotu bwazintu zili munyika zitondeezya kuti Leza uyanda kuti bantu babotelwe. (Int. 104:24; 139:13-16) Tutondeezya kumulemeka kwiinda mukuchita zintu zibotezya bamwi.\\n5 MaKristu bakasimpe batobelezya chikozyano chaJesu chimaninide chitondeezya mbutukonzya kupa bamwi. Jesu lwakwe wakati: “Nkaambo mbubonya obo Mwana a-Muntu tazide kuti abelekelwe, wakeza kuti abeleke, alimwi akwaaba buumi bwakwe, bube cinunuzyo cabanji.” (Mt. 20:28) Alubo mwaapostolo Pawulu wakasungwaazya maKristu kuti: “Amube amoyo oyo nguwenya iwakali muli-Kristo Jesu. Wakalilonzya, wakalisalila ciimo cabuzike.” (Flp. 2:5, 7) Umwi awumwi weelede kulibuzya kuti, ‘Kujana ndachita biyeni kuti ndiyungizye mukutobelezya chikozyano chaJesu?’—Bala 1 Petro 2:21.\\n6. Chikozyano chaJesu chili atala amuSamariya chituyiisyaanzi? (Langa chifanikisyo chili kumatalikilo achiiyo.)\\n6 Tulakonzya kubotezya Jehova kwiinda mukutobelezya chikozyano chakwe achaKristu kwiinda mukubabikkila maanu bamwi akuyanduula nzila zyakubagwasya. Jesu wakazitondeezya eezi muchikozyano chamuSamariya chiindi naakali kubuzya batobeli bakwe kuti beelede kugwasya bamwi nikuba kabazwa kumisyobo iisiyene. (Bala Luka 10:29-37.) Uchiwuyeeyede na mubuzyo wakapa kuti Jesu aambe chikozyano chamuSamariya? MuJuda wakamubuzya kuti: ‘Ino simayakilane ngwani?’ Nsandulo yaJesu itondeezya kuti tweelede kutobelezya zyakachitwa amuSamariya kuti katuyanda kuchita zintu zibotezya Leza.\\n7. Nzitusala zyeendelana biyeni ankani yabweendelezi?\\n7 Kuli twaambo twiingi tupa kuti maKristu bape bamwi. Muchikozyano, bube oobu bulaswaanizigwa munkani Saatani njaakasaanguna mumuunda waEdeni. Munzilaanzi? Saatani wakati Adamu aEva, kuswaanizya abantu boonse balakonzya kupona buumi bulikabotu kuti babikkila maanu kuzintu nzibayanda kutali kuswiilila Leza. Eva wakalisumpula nkaambo wakayanda kuba mbuuli Leza. Alubo Adamu wakatondeezya kuti ulaliyanda nkaambo wakasala kubotezya Eva. (Matl. 3:4-6) Tuli kuzibona mpindu zyakeetwa akaambo kakusala nkubakachita. Kuyandisya zintu zyiingi takweeti kubotelwa pesi kupa nkuko kweeta kubotelwa. Kupa kutondeezya kuti tusyoma kuti kuchita zintu kweendelana aziyandwa Leza kugwasya ndiswe.\\nKUCHITA MULIMU LEZA NGWAPEDE BAKOMBI BAKWE\\n8. Nkamboonzi Adamu aEva nibakeelede kutondeezya kuti balapa?\\n8 Leza wakapede Adamu aEva malayilile akali kubagwasya kuti bababikkile maanu bamwi nikuba kuti bakachili babili luzutu muunda waEdeni. Jehova wakalongezya Adamu aEva akubabuzya kuti babe abana, bazuzye nyika akwiiyendelezya. (Matl. 1:28) Mbuuli Mulengi mbaakali achiyandisyo kuzilenge zyakwe, abalabo bazyali besu bakusaanguna bakeelede kuba achiyandisyo chakubabikkila maanu bana babo bakatayinazyalwa. Nyika yoonse yakali kuyooba Paradayizi kuti bana baAdamu bagwasigwe. Mulimu ooyu mupati wakali kuyanda kuti Adamu abana bakwe babelekelaamwi.\\n9. Nkamboonzi kuchincha nyika yoonse kuti ibe Paradayizi nikwakali kuyoopa kuti bantu babotelwe?\\n9 Kuti bantu bamaninide bakonzye kuzuzikizya makanze aLeza aakuti nyika yoonse ibe Paradayizi, bakeelede kubelekaamwi aJehova akunjila mukulyookezya kwakwe. (Heb. 4:11) Tulakonzya kuyeeyela mbuwakali kuyoobabotezya mulimu ooyo! Kuba achiyandisyo chakugwasya bamwi kwakali kuyoopa kuti bajane zilongezyo zyiingi akuti bakkutisikane.\\n10, 11. Tweelede kuchitaanzi kuti tuzwidilile mumulimu wakukambawuka awakugwasya bantu kuti babe basikwiiya?\\n10 Mazubaano, Jehova upede bakombi bakwe mulimu wakukambawuka akugwasya bantu kuti babe basikwiiya. Kuti tuubeleke kabotu mulimu ooyu, tweelede kubabikkila maanu bamwi. Kuyanda Leza abeenzuma kutugwasya kuti tulisimye mumulimu ooyu.\\n11 Mumwaanda wamunyaka wakusaanguna C.E., Pawulu wakati we abeenzinyina bakali ‘basimilimonyina aLeza’ nkaambo bakali kubyala akutiliila mbuto yakasimpe kaBwaami. (1 Kor. 3:6, 9) Andiswe mazubaano, tulakonzya kuba ‘basimilimonyina aLeza’ kwiinda mukubelesya chiindi chesu, zintu nzituli aazyo amanguzu eesu mumulimu ngutupedwe aaLeza wakukambawuka. Eechi nchilongezyo chibotu kaka!\\nKugwasya bantu kuti bazibe kasimpe kulabotezya (Langa fuka 12)\\n12, 13. Mbuubuli bubotu bujanika kuti twagwasya bantu kuti babe basikwiiya?\\n12 Kubelesya chiindi chesu amanguzu eesu kuti tugwasye bantu kuti babe basikwiiya, kupa kuti tubotelwe loko. Bantu bakayiisya bamwi kuti bazibe kasimpe kusikila baba bakombi baJehova baamba kuti kwiiya abantu Bbayibbele kulabotezya. Tulabotelwa nitubona bantu mbitwiiyaabo kabamvwisisisya kasimpe, kababa lusyomo lusimide, kabachincha maponeno aabo akutalisya kubuzya bamwi kasimpe. Jesu alakwe wakabotelwa loko basikwiiya bakwe bali 70 ‘nibakaboola kababoteledwe’ nibakazwa kukukambawuka akaambo kazintu zibotu nzibakachita.—Lk. 10:17-21.\\n13 Basikupupulula biingi munyika yoonse balabotelwa nibabona makani mabotu kaachincha buumi bwabantu. Atulange-lange chikozyano chamuchizi uutakwetwe uutegwa Anna wakalongela kubusena buyanda basikugwasilizya kuEurope nkwiili kuBuzwezuba. * Wakalemba kuti: “Ookuno ulakonzya kwiiya abantu biingi Bbayibbele alubo kulandinoneezya. Mulimu wakukambawuka upa kuti ndibotelwe loko. Nindibweeda kung’anda ngatandikwe chiindi chakuyeeya zintu zigwasya ndime luzutu. Ndiyeeya bantu mbindiiyaabo Bbayibbele kuswaanizya amapenzi ngibaswaana. Ndileezya kuyanduula nzila zyakubasungwaazya akubagwasya muzintu zyakunyama. Kuchita oobo kupa kuti majwi aakuti, ‘kupa kulakkomanisya kapati kwiinda kupegwa’ abe aachoonzyo kulindime.”—Inc. 20:35, NW.\\nKunjila mumaanda oonse kupa kuti bantu bajane mweenya wakumvwa mulumbe waBwaami (Langa fuka 14)\\n14. Kujana kwatunoneezya biyeni kukambawuka nikuba kuti bantu tabaswiilili?\\n14 Tulakonzya kubotelwa kugwasya bantu kuti bamvwe makani mabotu nikuba kabataswiilili. Kuyungizya waawo, mulimu wesu ukozyenie aawamusinsimi Ezekkiyele Jehova ngwaakabuzya kuti: “Uleelede kubaambila majwi aangu, na balamvwa na balakaka.” (Ezk. 2:7; Is. 43:10) Nikuba kuti bamwi tabawutambuli pe mulumbe wesu pesi Jehova ulabotelwa anzituchita. (Bala BaHebrayo 6:10.) Umwi sikupupulula wakali amaboneno aalikabotu atala amulimu ooyu. Wakati, “Twakabyala, twakatiliila alubo twakakombela kuti Jehova ape kuti aabo bali amyoyo iibombede bakomene.”—1 Kor. 3:6.\\n15. Bantu biingi bamvwa biyeni nitubatondeezya kuti tulapa alubo maboneno aabo apa kuti tuchite biyeni?\\n15 Jesu uyanda kuti tubotelwe kwiinda mukuba bantu bapa. Bantu balabotelwa nibapegwa chimwi chintu. Wakati, “Amube baabi, abalo bantu bayoomwaabila. Bayoomutilila munkomwe zyanu zyaacamba ceelelo cibotu cisindaidwe, cuumidwe-umidwe alimwi cizwide pamu. Nkaambo cipimyo ncomubelesya kupimina bamwi, ncobayoobelesya kumupimina andinywe.” (Lk. 6:38, NW) Nikuba kuti twabapa, teeboonse pe bakonzya kutambula pesi kupa nkutuchita kulakonzya kubasungwaazya kuti abalabo bape bamwi. Nkinkaako, tutaleki kuba baabi nikuba kuti bantu tabalumbi. Nkaambo tatuzi pe kuti mbangane bakonzya kugwasigwa akaambo kakupa nkutuchita.\\n16. Mbaani mbitweelede kupa alubo nkamboonzi?\\n16 Bantu bapa chamoyo woonse tabapi bamwi kabayanda kuzoopegwa lubo. Nzizyo zyakapa kuti Jesu aambe kuti: “Pele nowabamba pobwe, tamba bantu bacete, basunkuta, balema, aboofwu, eelyo uyookkomana mbwaanga tabajisi cakukupilusizya.” (Lk. 14:13, 14, NW) Umwi mulembi waBbayibbele wakazulwidwa kuti alembe kuti, “Muntu, mwaabi uyoolelekwa.” Alubo umwi wakalemba kuti “Ulikkomene ooyo uumubikkila maano muntu uupengede.” (Tus. 22:9, NW; Int. 41:1, NW) Kuti tubotelwe tweelede kupa bamwi.\\n17. Nziizili nzila zyakupa zipa kuti tubotelwe?\\n17 Chiindi Pawulu naakazubulula majwi akaambwa aaJesu aakuti “kupa kulakkomanisya kapati kwiinda kupegwa” taakali kwaamba kuti katupana muzintu zyakunyama luzutu pesi wakali kuswaanizya akusungwaazyania, kuzulwida akugwasya aabo bayanda kugwasigwa. (Inc. 20:31-35, NW) Zintu nzyakaamba akuchita Pawulu zituyiisya mbukuyandikana kupa, kubelesya chiindi chesu, manguzu eesu kuba aluyando akubabikkila maanu bamwi.\\n18. Bamwi basikuyanduulisisya bakatyeni atala akupa?\\n18 Basikuyanduulisisya balanga-langa maponeno aabantu bakabona kuti, kupa kulakonzya kupa kuti bantu babotelwe. Amwi makani akapupululwa akatondeezya kuti bantu ngababotelwa kuti bachitila bamwi zibotu. Basikuyanduulisisya bakati kugwasya bamwi kupa kuti babe amakanze mubuumi akuti babotelwe nkaambo kupa kuti bajane ziyandikana. Alubo basyaabusongo basungwaazya bantu kuti balipede kuchita milimu iigwasya bamwi kuti batajatwi malwazi akuti babotelwe. Nikuba boobo, makani aaya taabagambyi pe bantu basyoma kuti Bbayibbele ndiJwi lyakazwa kuMulengi wesu Jehova.—2 Tim. 3:16, 17.\\n19, 20. Nkamboonzi nituyanda kuba bantu bapa?\\n19 Kulakonzya kutuyumina kupa bamwi kuti katukkala abantu babikkila maanu kuzintu nzibayanda kutali ziyandwa abamwi. Pesi Jesu wakati milawu mipati iibili nkuyanda Jehova amoyo wesu woonse, abuumi bwesu, amizeezo yesu amanguzu eesu akuyanda beenzuma mbuuli mbutuliyanda. (Mk. 12:28-31) Mbuuli mbutwabona muchiiyo eechi, bantu bayanda Jehova batobelezya chikozyano chakwe. Jehova aJesu balapa. Alubo batusungwaazya kuti tutobelezye chikozyano chabo nkaambo kuchita oobo kupa kuti tubotelwe. Kupa mumilimu njitubelekela Leza abeenzuma kuyoopa kuti Jehova alemekwe alubo zigwasya ndiswe kuswaanizya abamwi.\\n20 Toonse tulikubeleka changuzu kuti tupe bamwi kapati bakombima. (Gal. 6:10) Kuchita oobo kuyoopa kuti bamwi batuyande alubo tuyoobotelwa. Muli Tusimpi 11:25 Bbayibbele lyaamba kuti: “Moyo wamwaabi ulanenesegwa, ayooyo uutilaila ulatilaililwa alakwe.” Kupa bamwi akubafwida luzyalo munzila zisiyene-siyene zyabuumi bwesu bwachiKristu amulimu wesu kupa kuti tujane zilongezyo zyiingi. Muchiiyo chitobela tuyoolanga-langa nzila eezi.\\n^ par 13 Zina lyakachinchwa.","num_words":1709,"character_repetition_ratio":0.074,"word_repetition_ratio":0.0,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"KUKOMANA MU MWAMI\\nBana ba Leza balaitwa kuti babe zitondeezyo zya Klistu, ku tondeezya bubotu a luse lwa Mwami. Jesu mbuli mbwaaka tuzubulwida ciimo ca Usyi, a swebo tuleelede ku muzubulula Klistu ku nyika itazyi luse lwakwe, a luyando lubotu. “Mbuli mbo kandituma munyika,” wakaamba Jesu, “Ambebo nda kabatuma mu nyika.” “Mebo nja kuba muli mbabo, webo uya kuba muli ndime, ikuti nyika ikazyibe kuti nduwe wakandituma.” Johani 17:18, 23. Mupositoli Paulu wakati kuli basiciiya ba Jesu, “Mwatondeezyegwa nywebo kuti mukabe in’gwadi ya Klistu,” izyizyilwe iya kubalwa bantu boonse.” Ba 2 Kolinto 3:3, 2. Mu mwana wakwe omwe, omwe, Jesu ula tuma in’gwadi mu nyika. Kuti koli mucilili wa migwagwa, ooko nko kala. Jesu, upona muli ndinywe, ula yanda ku kanana ku myoyo yabaabo bata zyibilide anguwe. Antela tabali bali Bbaibbele, nakuba kuti antela tabaliteelela, ijwi likanana kuli mbabo kwiindila mu mapepa alyo, taba luboni luyando lwa Leza luli mu milimo yakwe. Pesi kuti kamuli bayiminini ba kasimpe ba Jesu, inga antela kwiinda muli ndinywe inga bala buteelela bubotu bwakwe, eelyo batolwe ku luyando ba musebenzele. KLMNP 71.1\\nBa Klistu balibikidwe kuti mbantu bajisi kusalala munzila iya kujulu. Baleelede kuti batondeezye mumuni ku nyika ngo bajana kuli Klistu. Buumi bwabo a ciimo cabo zileelede kuti zibe zibotu ikuti a kaambo kanzizyo bantu bajane muzeezo akuhiba Klistu a mulimo wakwe. KLMNP 71.2\\nNaa kuti twa mutondeezya Klistu, tuya kucita kuti mulimo wakwe ubote mbuli mbouyelede kuti ube. Ba Klistu batondeezya kulema amesho akuusa akutakomana, alimwi kaba tongauka, bapa citondeezyo ca Leza, cakubeja alimwi a buumi bwa bu Klistu bwa kubeja. Bapa muzeezo wakuti Leza takomani nabona bana bakwe kabakomana, mukucita boobu bapa bukamboni bwa kubeja kuli Taata wesu uli kujulu. KLMNP 71.3\\nSatani ula komana na sololela bana ba Leza mu kutakondwa a kubula lusyomo. Ula komana nabona kuti zimwi ziindi tatumusyomi Leza, notudonaika akuyanda kwakwe alimwi anguzu zyakwe kutufutula. Ula yanda kuti tuli teelele kuti Mwami uya kutucisa a kubamba kwakwe. Mulimo wa Satani kuti atondeezye Mwami kuti muntu unyina inkumbu a luse. Satani ula sola kwaamba kasimpe munzila italuleme ku kanana a Mwami. Ula yeeya a mizeezo ya kubeja ikanana ali Leza, mucilawo ca kuti tupone mu kasimpe ka kanana a Taata wesu uli ku julu, ziindi zinji zinji tula jana kuti twacilila mizeezo mibyaabi itondeezya Satani, eelyo twaanka kuta mulemeka a kuta musyoma Leza alimwi a ku mu tongaukila. Satani lyoonse ula yanda kuti buumi bwa ku kondwa bube buumi bwa kuusa lyoonse. Ula yanda kuti bulibonye mbuli kuti mulimo muyumu ukatazya; eelyo mu Klistu natondeezya buumi bwakwe munzila ya kutashoma, walo, mu kutakondwa kwakwe, uyungizya kubeja kwa Satani. KLMNP 71.4\\nBanji banji, bapona munzila yabu Klistu, babika kapati mizeezo mukulubizya kwabo a mukwaalilwa kwabo a mu kutyompokelwa kwabo, myoyo yabo ilizwide kuusa a kutyompokelwa. Nindakali ku Yulopu, mucizyi wakali kucita boobu, wakali mu mapenzi mapati, waka lemba in’ gwadi kuli ndime, kalomba ijwi ilipa camba. Masiku aayo nindakamana kubala in’ gwadi. Nda Kabona cilengaano eelyo ndakali mu muunda, walo ooyo wakali kube ngulaa muunda wakandisololela mu tuzila zila twawo toonse. Ndakali kucela malubaluba, kununkilila kwawo kwa kandikomanisya bunene, eelyo ooyo mucizyi, wakali kweenda munsi lyangu wakandipa kuti ndilange kuli nguwe, nkaambo walo wakali kweenda kwakali mamvwa eelyo waka nditondeezya mamvwa a kali mu nzila yakwe. Wakali kulila alimwi wakali uside. Tanaa kali kweenda mu nzila iluleme, a kucilila musololi, pesi wakali kweenda mu zintu ziyasa zyaala mamvwa. “Mawe,” Wakalila, sena tacuusisyi kuti ooyu muunda, mubotu wajayigwa a mamvwa. Elyo musololi wakati, “Aleke mamvwa alike, nkaambo ala kuyasa. Kocela buyo malubaluba ayindene indene.” KLMNP 72.1\\nSena kunyina nimwa kajisi mabala amweka mweka mu buumi bwanu? Sena kunyina nimwa kajisi ziindi zibotu myoyo yanu noya kazula a kukomana ku kwiingula kwa Moza wa Leza? No mulanga muciindi cakupona kwanu, Sena kunyina ziindi zikomanisya nzyo mu jana? Sena zisyomyo zya Leza, tazili mbuli ku nunkilila kwa malubaluba a komena munsi a nzila yanu mu mabazu oonse? Sena tamukonzyi kuti muleke bubotu bwawo a kununkilila kwawo a zuzye myoyo yanu a ku komana? KLMNP 72.2\\nZintu ziyasa a mamvwa aya ku muyasa buyo, naa kuti mwazibungika zintu eezi, eelyo mwazitondeezya kuli bamwi, sena tamuli, bambi lwanu kunze a kutondeezya bubotu bwa Leza lwanu nobeni kutondeezya bali munsi lyanu beenda mu nzila ya buumi? KLMNP 72.3\\nTacili cibotu kukala antoomwe ku kanana a zintu zya buumi bwa kayinda zibyaabi, nzi nyonyoono, akutyompokelwa nkomujana,tatwelede kuzikanana a kuzililauka kusikila limwi twa tyompokelwa. Muntu utyompokedwe uzwide musinze, tajisi kusalala kwa Leza mu. buumi bwakwe, alimwi usinkila nzila ya bamwi. KLMNP 72.4\\nA tumulumbe Leza a kaambo ka cifwanikisyo cibotu nca katutondeezya. Atu kubunganye kusinizya kulelekedwe kwa luyando lwakwe, kuti tulange kuli ndulo lyoonse! Mwana a Leza nakasiya cuuno ca Usyi, kajisi a kusetekana kwakwe kuku samika buntu, kuti afutule muntu kuzwa ku nguzu zya Satani, ku zunda kwakwe a kaambo kesu, a kujalwida bantu ijulu, kula zubululwa mucibonisyo ca muntu a ng’anda ya Leza oomo mu sisidwe bulemu bwakwe, mukowa wakawa wa kanununwa kuzwa mu mulindi wa cinyonyoono, kutweeta alimwi mu kuswaangana a Leza Mupati, Leza wa kapa ku setekana ku Mwanaakwe kwiinda mu lusyomo, kasamide a bululami, alimwi waka musumpula mu cuuno, eeyi nje mifwanikiso Leza nja yanda kuti twitondeezye. KLMNP 72.5\\nNotulangika aabe tula donaika a luyando lwakwe, alimwi a kutasyoma zisyomyo zya Leza, tatu mulemeki alimwi tunyemya Moza wakwe Usetekene. Sena inga mukaintu ula liteelela buti kuti bana bakwe lyoonse kaba tongauka, mbuli kuti tabaleli kabotu, pesi kali walo wali kusola a nguzu zyakwe kuba komanisya? Ambweni inga kaba donaika a luyando lwakwe, ooku koonse inga kwacita kuti moyo wakwe ucise. Sena inga muzyali omwe omwe ula liteelela buti kuti bana bakwe kaba mupenzya boobu? sena inga Taata wesu uli kujulu ula tulanga buti kuti katu tasyomi luyando lwakwe, lwaka mucita kuti ape Mwanaakwe uzyedwe alike kuti swebo tujane buumi? Mupositoli waalemba, “Walo ooyo wata kakasya Mwana aakwe, pesi waka mupa kuli ndiswe toonse, sena inga takwe kutupa buti zintu zyoonse kwiinda muli nguwe?” Ba Roma 8:32. Pesi mba ngaye, a milimo yabo, ikuti kakutali mu jwi, baamba kuti, “Mwami tacizyi eeci ncaamba kuli ndime.” KLMNP 73.1\\nZyoonse eezi zicisa buumi bwanu, nkaambo kufumbwa ijwi lya ku donaika ndyo mwaamba mutamba masunko a Satani, alimwi ciyumya muzeezo wa ku donaika muli ndinywe, eelyo kumamanino eeci cinyemya bangele basebenza. Satani na musunka, mutayoowi ijwi lya ku donaika, Naa kuti mwa muzumizya kuti a bike mizeezo yakwe, mizeezo yanu iya kubula lusyomo alimwi iyakuba ya kuzanga. Naa kuti kamukanana ku donaika koonse nkomujisi takucisi ndinywe nyolike pe, pele iyakuba inseke iya kumena ikazyale micelo mu buumi bwa bamwi, eelyo kuya kuba kuyumu kusinkila moza wakuzanga kwanu. Lwanu nobeni ndiza inga mwa konzya kusupuka kuzwa ku kakole ka Satani, pele bamwi, bakanyongana a kwiyisya kwanu, inga tabakonzyi kuzwa kububi bwa kuzumbauzya nku mwakabayiisya. Aboobo ciyandika kapati buti kuti tukanana buyo zintu eezyo ziya kupa nguzu zya moza a buumi bwa moza! KLMNP 73.2\\nBangele balalindila kuti bateelele kuti mupa mulumbe uli buti ku nyika kujatikizya a Uso wanu uli kujulu. Ku kanana kwanu akube kwa yooyo, uponena ku mwiiminina kumbele lya Usyi. Mwa jana mweenzinyoko mupya. amube bakulumbaizya Leza mu milimo yanu a mu myoyo yanu. Eelyo ooku kuya kucita kuti kutole mizeezo yakwe kuli Jesu. KLMNP 73.3\\nBoonse balijisi masunko; bali jisi kuusa kuyumu ku bweza; a masunko mayumu kuzunda. Mutaambi mapenzi aanu ku beenzinyoko, pele amutole zintu zyoonse kuli Leza mumupailo. A mucite kuti ube mulawo wakuti tamukabi nomuyoo wamba ijwi lya ku donaika lyomwe naliba lya ku tyompokezya. Mulakonzya kubeleka mulimo mupati kwiindila mu kusalazizya buumi bwa bamwi a kuyumya milimo yabo, a majwi a lusyomo a ku komana kusetekene. KLMNP 74.1\\nNkobali bantu banji banji ba jisi maanu bapenzegwa a masunko, balafwaafwi a kunetuka mukulwana kuyanda kwamubili anguzu zya cinyonyoono. Bali boobu muta batyompokezyi mukusola kwabo kuyumu. A mubakomanisye a majwi a lusyomo aya kubagwasya mu nzila zyabo. Mukucita kooku kusalala kwa Klistu mula kupa kuli bamwi. “Kunyina naba omwe akati kesu uliponena lwakwe mwini.” Ba Roma 14:7. Kwiindila mu bukale mu kutahiba mu buumi, banji banji inga bapegwa camba alimwi a nguzu, nakuba kuti cimwi ciindi inga batyompokelwa a kaambo ka milimo yesu, akuzanga kuzwa kuli Klistu alimwi a kuzwa ku kasimpe. KLMNP 74.2\\nNkobali banji banji bajisi muzeezo ulubide a buumi bwa Klistu, a ciimo cakwe, Bayeeya kuti taakali kumvwa kuumpa kwa zuba, a kuti wakali muyumu, alimwi wa kanyina ku komana. Munzila zinji zinji kupona kwa bu Klistu kula tondeezegwa mu kuusa kuli boobu kwakubula kukomana. KLMNP 74.3\\nMuziindi zinji zinji balaamba kuti Jesu wakalila, pesi kunyina nakazyibwa kuti wakali kukomana. Mufutuli wesu mukasimpe wakali muntu wakuusa, wakali zyibilide a kuusa, nkaambo waka jalula moyo wakwe ku mapenzi a bantu. Nakuba kuti buumi bwakwe bwakali bwa kulinyansya ka bujisi moza uzyibide kucisa alimwi a kubamba, moza wakwe teewa kaciswa. Busyu bwakwe teebwa kajisi bukali, kuusa, alimwi a kunyonokela, pesi lyoonse bwakali jisi luumuno lubotu lwa mu moyo. Moyo wakwe wakali mwiinzo wa buumi, koonse koonse nkwa kaunka, wakali jisi kulyookezya kwa mu moza a kulyookezya, a ku komana a kusekelela. KLMNP 74.4\\nMufutuli wesu wakali maninide alimwi wakali sinizizye mu mulimo wakwe, pesi takwe naa katondeezya kucimwa. Buumi bwa baabo ba mucilila buya kuba bwakasimpe; baya kuba a muzeezo mupati wa.kuhiba kulibamba lwabo. Kuliyanda kufwambaana kuya kuzwa, moza wakuliyanda uya kumana; moza wa kufubazizya mukuseka uyakumana; pesi bulelo bwa Jesu bupa kuumuna mbuli mulonga. Tabu mani kusalala kwa ku komana, bulelo bwa Jesu tabumani ku komana nakuba ku nyemya busyu busekaseka. Klistu tanaa kaboolela kusebenzelwa, pele waka boolela kusebenza. luyando lwakwe nolulela mu moyo, tuya ku cilila milimo yakwe. KLMNP 74.5\\nNaa kuti twaba a mizeezo mipati ya kutalekelela bamwi mu mizeezo yabo italuleme, tuya kujana kuti nciyumu kubayanda mbuli Klistu mbwaaka tuyanda, pesi naakuti mizeezo yesu yakala muluyando a luse lukankamanisya lwa Klistu ndwaa kapa kuli ndiswe, moza nguwena uya kuunka kuli bamwi. KLMNP 75.1\\nTuleelede kuti tuyandane kuli umwi aumwi a kulemekana, tutabi a milandu alimwi ku kutalulama nkotubona. Buntu a kuta lisyoma kweelede kuti tukusole ku kubika muli ndiswe, a luse lula lweengelelo ku milandu ya bamwi. Ooku kuya kuzwisya kuliyanda koonse, ku katucite kuti tube a myoyo iyanda ila lweengelelo. KLMNP 75.2\\nMwiimbi uwamba kuti “Shoma mu Mwami, ucite zibotu, eelyo noya kupona mu nyika, mukasimpe uya kusaninwa.” Intembauzyo 37:3. “Shoma mu Mwami.” Buzuba bomwe bomwe buli jisi milimo yabo, buli jisi kubamba kwabo a mapenzi aabo, eelyo twa swaangana antoomwe, tuyandisisya buti ku kanana kuyuminwa kwesu a mapenzi eesu. Banji banji balaatamba mapenzi, a kuyoowa kunji kunji kulaboola cakuti akaambo ka mizeezo kulema, muntu ulabona kupenzegwa akutakomana, icakuti imuntu utakwe ncazi, inga wayeeya kuti tatujisi mufutuli ulaa luse, walo ulibambilide kuteelela kulomba kwesu koonse, a kuba mugwasyi wa lyoonse mu ziindi, zya kuyanda. KLMNP 75.3\\nBamwi lyooonse balayoowa, alimwi balilomba mapenzi. Ma zuba oonse bali zingulukidwe caando ca luyando lwa Leza, mazuba oonse bala komana a kugwasyigwa kuzwa kuli nguwe, pesi nakuba boobo taba ziboni zileleko zyoonse eezi. Mizeezo yabo lyoonse baibika ku zintu zitazuminani a zileleko zya Leza. Eeco cintu nco bayeeya kuti inga ca boola, naaba amwi mapenzi aliwo, nakuba kuti masyoonto pesi asinka meso aabo kuti bataboni zintu zibaletela kukomana. Mapenzi ngobajana, mucilawo cakuti abaatole kuli Leza, walo mwiinzo waku gwasya, alo aba cita kuti abandaanye kuzwa kuli nguwe, akaambo ka kuyeeya mapenzi alimwi aku tongauka. KLMNP 75.4\\nSena tuleelede kuti tube bantu batakondwi bali boobu? Nkaambonzi nco tweelede kuba bantu batalumbi alimwi banyina lusyomo? Jesu Mweenzuma; ijulu lyoonse lilakomana ikuziba buumi abukale bwesu. Tutazumizyi mapenzi a makatazyo a buumi bwesu bwa mazuba oonse kuti bupenzye mizeezo a busyu. Naa kuti twa lekela mizeezo yesu kuyeesya zintu eezi, lyoonse tuno jisi zintu zitupenzya kutucisa akutunyemya. Tuta uzumizyi muzeezo mubyaabi kuti utupenzye, utuletela buyo kukoka aku penzya mubili. alimwi tautu gwasyi kulwana mapenzi. KLMNP 75.5\\nCimwi ciindi inga wajana mapenzi mu makwebo, muzeezo wako uya bwaalilwa. eelyo cimwi ciindi ambweni kuswekelwa mu makwebo kwa kuyoosya, pesi uta tyompokelwi, kobika kubambwa kwako ali Leza, ukale muli nguwe a ku komana a kuumuna. Kopailila kuti busongo bwakwe bu kugwasye mu milimo yako a kwanguluka, kuti uleke kusweekelwa alimwi ubule mapenzi. Kocita mbuli mbo konzya kulubazu lwako kuti ulete bulumbu bubotu. Jesu wakasyomya kugwasya kwakwe, pesi takwandeene kuzwa ku milimo yesu. Notusyoma ku Mugwasyi wesu, twa cita koonse nkotukonzya, atutambule bulumbu caku komana. KLMNP 76.1\\nTaluli luyando lwa Leza kuti bantu bakwe mizeezo yabo yoonse ilemenwe mukuyeeya kuti balakala buti. Pesi Mwami wesu tatu cengi pe. Taambi kuti kuli ndiswe, “Mutayoowi, kunyina mapenzi munzila yanu.” Ulizyi kuti kuli masunko a amapenzi, a boobo ula twaambila kabotu kabotu. Tayandi kuti a bagwisye bantu bakwe mu nyika ya cinyonyoono, pesi uba tondeezya buyo kuciyubilo citaalilwi. Kupailila basiciiya bakwe kwakali kwa kuti, “Nda paila kuti utaba gwisyi mu nyika, pele uba bambe kuzwa ku cinyonyoono.” “Mu nyika,” wakati, “muya kuba a mapenzi, pesi amube a camba cibotu, Nda kayizunda nyika.” Johani 17:15; 16:33. KLMNP 76.2\\nMu kukambauka kwakwe kwa acilundu Klistu waka bayiisya basiciiya bakwe ziiyo zibotu zya kusyoma muli Leza. Eezi ziiyo zya kabikwa kuti ziyumye bana ba Leza kwiinda mu misela yoonse; alimwi zya kasika mu ciindi cesu kazijisi kuyisya a ku komana. Mufutuli wakaba tondeezya bacilili bakwe bayuni ba mujulu mbuli mbo bakali kwiimba nyimbo zyabo zya kulumbaizya, kabanyina a kukatazigwa a mizeezo ya kuti inga kulya bala kujana kuli, nkaambo “bakalizyi kuti tabasyangi, alimwi taba tebuli.” Pesi Usyi mupati ulabapa kulya. Mufutuli ula buzya, Sena nywebo tamuli abulemu kwiinda bayumi?” Mateyo 6:26. Mupi mupati wa muntu a munyama ujalula janza lyakwe ulapa zintu zyoonse ku zilengwe zyakwe. Bayuni ba mujulu abalo ula babamba. Tabalosezyi kuti kabaula pele ulabapa kuti balye aku babambila nzyo bayanda. Baleelede kuti babungike kulya nkwa bamwayila. Baleelede kuti basanine bana babo. Balaunka mu milimo yabo kabaya bwiimba, nkaambo “Uso wanu uli kujulu ulaba sanina. Sena “nywebo tamujisi mizeezo, yakuyeeya, bantu ba moza bapaila, bayandika kwiinda bayuni ba muluwo? Sena Mulengi wa buumi bwesu, Mubambi wa kupona kwesu, takatupi kuyanda kwesu, kuti twa musyoma buyo? KLMNP 76.3\\nKlistu waka batondeezya basiciiya bakwe malubaluba a musokwe, ala komena bunene, ala mweka mweka mu kusalala nkwakapa Taata uli kujulu, ncaakabika kuti ncitondeezyo ca luyando ku muntu. Wakati, “A muyeeye malubaluba a musokwe, mbwa komena.” Bubotu a kuubauba kwa malubaluba aaya bwiinda impuwo ya Solomoni. Kusama kwa muntu u cenjede nakuba kuti nkubotu buti taku keezyanisigwi a luse lwa lyoonse a mitunga zuba mibotu ya malubaluba a Leza ngaa kalenga. Jesu ulalomba, “Naa kuti Leza ka konzya kubamba kezu ka musokwe, aako ka konzya kupona sunu, eelyo cifumo kapya, sena inga nywebo taka mubambi kwiinda, Mawe, nywebo noba silusyomo lusyoonto?” Mateyo 6:28, 30. Naa kuti Leza, mulengi usetekene, kapa ku malubaluba mabala awo alo afwa buzuba bomwe, sena inga uya kubabamba buti aabo bakalengwa mu mukozyano wakwe? Eeci ciiyo ca Klistu nkulaya ku muzeezo uyandisisya, mapenzi a ku donaika, a moyo unyina lusyomo. KLMNP 76.4\\nMwami ulayanda kuti bana bakwe basankwa a basimbi kaba komana, kaba jisi kuumuna, a kuteelela. Jesu uwamba kuti, “Ndapa kuumana kwangu kuli ndinywe! Nsepi mbuli bupa nyika, kuli ndinywe: Myoyo yanu ita katazigwi, alimwi itayoowi.” Eezi zintu nzinda kanana kuli ndinywe, ndakanana kuti ku komana kwangu kube muli ndinywe, alimwi akuti ku komana kwanu kuvule.” Johani 14:27; 15:11. KLMNP 77.1\\nKu komana kuzwa mu kulimvwa kwa kuliyanda, kuli munzila yaku beleka, kula fwambaana kunjilwa akujana mapenzi, alimwi nkwakaindi kashoonto buyo, eelyo buumi ndilyona bulalendelelwa a kuusa, pesi nko kuli ku komana a kulyookezya mu kukomba Leza, Mu Klistu tanaa kasigwa kuti a yende mu nzila yalufu, tasiidwe mu kuusa a kutyompokelwa kwa buyo. Kuti katutajisi ku komana mu buumi oobu, inga twa komana kulangila buumi bu boola. KLMNP 77.2\\nPesi a mu nyika muno inga ba Klistu baba a ku komana kwa ku swaangana a Klistu, bala konzya kuba a kusalala kwa luyando lwakwe, a ku komana kwa busyu bwakwe kwa lyoonse. Intaamu yomwe yomwe njo utlyata mu buumi ituleta munsi munsi a Jesu, inga ilatupa muzeezo mupati wa luyando lwakwe, a kutuleta ntaamu omwe munsi munsi a munzi ulelekedwe wa kuumuna. Aboobo tuta sowi lusyomo lwesu. Pesi tube a kusinizya kuyumu, kwiinda mbuli kutaanguna. “Ku ciindi cino Mwami lyoonse wali kutugwasya?” Uya kutugwasya kusikila ku mamanino. 1 Samuele 7:12. A tulange ku misemo ya ciyeeyezyo, ziyeeyezyo zituyeeyezya Mwami nkwaka tucitila kuti a tukomanisye a kutufutula kuzwa mu janza lya mujayi. Lyoonse a tube bapya mu mizeezo yesu a luse lubotu Leza ndwa katondeezya kuli ndiswe, a misozyi nja kagwisya, a kucisa nkwa kalesya, a kuyanda nkwaka gwisya, a kuyoowa nkwaka mana, a kuyanda nkwaka tupa, a zileleko nzya katupa, aboobo atuliyumye tobeni, kuli KLMNP 77.3","num_words":2691,"character_repetition_ratio":0.039,"word_repetition_ratio":0.0,"special_characters_ratio":0.19,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Ncinzi Ncondikonzya Kucita Kujatikizya Kulibilika? | Bakubusi Balabuzya\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bislama Bulgarian Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch Efik English Estonian Ewe Finnish French Georgian German Greek Hebrew Hiligaynon Hindi Hungarian Iban Icelandic Igbo Iloko Indonesian Isoko Italian Japanese Kazakh Kikaonde Kikuyu Kinyarwanda Kirghiz Kirundi Korean Lingala Lithuanian Macedonian Malagasy Malay Malayalam Maltese Myanmar Norwegian Nzema Oromo Ossetian Pangasinan Papiamento (Aruba) Papiamento (Curaçao) Persian Polish Portuguese Portuguese (Portugal) Punjabi Romanian Russian Samoan Sepedi Serbian (Cyrillic) Serbian (Roman) Setswana Shona Sinhala Slovak Slovenian Spanish Swahili Swedish Tagalog Tamil Tatar Telugu Thai Tsonga Turkish Turkmen Ukrainian Umbundu Vietnamese Xhosa Yoruba Zulu\\nIno ncinzi cimupa kulibilika?\\nSena kulibilika nkubi lyoonse?\\nSena majwi aatobela atondezya mbomulimvwa zimwi ziindi?\\n“Lyoonse ndilibuzya kuti: ‘Ino kuti . . . ?’ ‘Ino kuti twajanika muntenda yamootokala?’ ‘Ino kuti ndeke yesu yawa?’ Ndilalibilika azintu muntu uuli amaano nzyatakonzyi kulibilika kapati.”​—⁠Charles.\\n“Lyoonse ndilalibilika, mbuli kuti ndime kanyama kaitwa kuti hamster kazinguluka abusena bomwe, kakataunki kumbi. Ndilalijaya kubeleka, pele kunyina cizwidilila!”​—⁠Anna.\\n“Bantu nobandaambila kuti ndilaacoolwe kuti ndicili kucikolo, inga ndaamba kuti, ‘Tabazyi mbociminya cikolo!’”​—⁠Daniel.\\n“Ndilimvwa mbuli kuti lyoonse kuli cindilibilisya. Lyoonse ndiyeeya kujatikizya cintu citiicitike naa cintu ncondeelede kucita.”​—⁠Laura.\\nMasimpe ngakuti: Tupona muciindi Bbaibbele ncoliita kuti “ziindi zikatazya ncobeni.” (2 Timoteyo 3:⁠1) Akaambo kaceeci, kulibilika kulakonzya kubajatikizya bakubusi mbubwenya mbokubajatikizya bapati.\\nBwiinguzi mbwakuti peepe. Mubwini, Bbaibbele lyaamba kuti cililuzi bantu kulibilika kutegwa bakkomanisye baabo mbobayanda.​—⁠1 Bakorinto 7:​32-34; 2 Bakorinto 11:28.\\nAlimwi buya, kwaamba masimpe​—⁠kulibilika kulakonzya kukulwaizya kapati. Mucikozyanyo, amweezeezye kuti nsondo iiboola mulemba musunko kucikolo. Kulibilika kulakonzya kumukulwaizya kubala iino nsondo​—⁠alimwi eeci inga camupa kupasa!\\nKulibilika alimwi inga kwamupa kupakamana kuntenda. Mukubusi wazina lyakuti Serena wakaamba kuti: “Ulakonzya kulibilika akaambo kakuti ulizyi kuti wabweza ntaamu mbyaabi alimwi akuti weelede kucinca kutegwa manjezeezya akkalikane.​—⁠Amweezyanisye a Jakobo 5:14.\\nMasimpe ngakuti: Kulibilika kulakonzya kubeleka kulindinywe​—⁠lilikke kuti kumupa kucita zintu ziluzi.\\nPele mbuti kuti kulibilika kumupa kuciindizya kuyeeya zintu zitali kabotu?\\nKulibilika kulakonzya kumupa kulimvwa mbuli kuti mwajatwa mukakole, pele muntu uuzilanga munzila iimbi zintu ulakonzya kumugwasya kuzwa mukakole\\nMucikozyanyo: Richard, uujisi myaka iili 19 wakaamba kuti: “Mizeezo yangu taikkalikani ndatalika kuyeeya zintu ziindene-indene zikonzya kucitika akaambo kabukkale butali kabotu. Ndilabuyeeya bukkale oobo cakwiinduluka-induluka limwi mane ndatalika kulibilika kapati.”\\nBbaibbele lyaamba kuti “moyo uukkede upa buumi kumubili.” (Tusimpi 14:30) Kulubazu lumwi, kulibilika kulakonzya kupa kuti muntu katalimvwide kabotu, mbuli kuciswa mutwe, kuba acizuungwe, kuzembelwa alimwi akubalika moyo.\\nNcinzi ncomukonzya kucita ikuti kulibilika kumupa kutalimvwa kabotu muciindi cakubeleka kulindinywe?\\nAmuzyibe naa kulibilika kwanu kuleelela. “Kulibilika kujatikizya mikuli njomujisi ciliindene akuciindizya kulibilika. Cindiyeezya kaambyo kamwi kakuti, kulibilika kuli mbuli kulyuumbwa akampeelwa. Cimupa kubelesya nguzu pele taakwe nkomuya pe.”​—⁠Katherine.\\nBbaibbele lyaamba kuti: “Nguni akati kanu kwiinda mukulibilika uukonzya kuyungizya buumi bwakwe naaceya?”​—⁠Matayo 6:⁠27.\\nEeci caamba kuti: Ccita kuti kulibilika kwamugwasya, buyo-buyo inga kwamuyungizyila buyo mapenzi​—⁠naa inga kwamubeda penzi.\\nAmucite cintu comwe aciindi comwe. “Amuciyeeyele buyo, sena zintu nzyomulibilika sunu zinooyandika juunza? mumwezi uuboola? mumwaka uuboola? mumyaka yosanwe iili kumbele?”​—⁠Anthony.\\nBbaibbele lyaamba kuti: “Mutanoolibiliki zyabuzuba butobela, nkaambo buzuba butobela bunoojisi zyakulibilika zyambubo. Buzuba bumwi abumwi bulijisi mapenzi aambubo aakkwene.”​—⁠Matayo 6:⁠34.\\nEeci caamba kuti: Tacigwasyi kapati kuyeeya mapenzi aajuunza​—⁠amwi andiza aatakacitiki akucitika.\\nMutanoolibiliki azintu nzyomutakonzyi kucinca. “Cintu cibotu ncomukonzya kucita nkulibambila bukkale bukonzya kucitika kusikila mpomugolela, pele mweelede kuzumina kuti zintu zimwi tamukonzyi kuzicinca.”​—⁠Robert.\\nBbaibbele lyaamba kuti: “Talili lyoonse basilubilo nobazunda mukusiyana, . . . abalo aabo bajisi luzyibo talili lyoonse nobazwidilila, nkaambo boonse buyo balasikilwa ziindi zyamapenzi akucitikilwa zintu zitalangilwi.”​—⁠Mukambausi 9:11.\\nEeci caamba kuti: Zimwi ziindi tamukonzyi kucinca bukkale bwanu, pele mulakonzya kucinca mbomubulanga.\\nAmubulange munzila yeelede bukkale bwanu. “Ndeelede kubumvwisya bukkale boonse akutabikkila maano kutuntu tusyoonto-syoonto. Ndeelede kusala zintu ziyandika kapati akubelesya nguzu zyangu kucita zintu eezyo.”​—⁠Alexis.\\nBbaibbele lyaamba kuti: “Musinizye zintu ziyandika kapati.”​—⁠Bafilipi 1:​10.\\nEeci caamba kuti: Bantu ibakulanga munzila yeelede kulibilika tabalangilwi kutyompwa kapati akaambo kankuko.\\nAmubandike amuntu uumwi. “Nindakali mugiledi 6, ndazwa kucikolo ndakali kuunka kuŋanda kandilibilikide kapati, kuyoowa zyabuzuba butobela. Bamaama abataata bakali kundiswiilila ndatalika kubaambila mbondilimvwa. Cakali kukkomanisya kuba ambabo. Ndakali kubasyoma alimwi akubandika ambabo cakulikwaya. Eeci cakali kundigwasya kutayoowa buzuba butobela.”​—⁠Marilyn.\\nBbaibbele lyaamba kuti: “Zintu nzyalibilika muntu nzyezipa kuti moyo wakwe utyompwe, pele jwi libotu ndelipa kuti ukkomane.”​—⁠Tusimpi 12:⁠25.\\nEeci caamba kuti: Muzyali naa mweenzinyoko ulakonzya kumupa mizeezo iigwasya kujatikizya mbomukonzya kucesya kulibilika.\\nAmupaile. “Kupaila​—⁠kucita oobo cakupozya kutegwa kandikonzya kulimvwa jwi lyangu​—⁠kulandigwasya. Cilandigwasya kwaamba cintu cindilibilisya muciindi cakuciyeeya. Alimwi cindigwasya kuzyiba kuti Jehova mupati kwiinda kulibilika kwangu.”​—⁠Laura.\\nBbaibbele lyaamba kuti: “Kamuwaala makatazyo aanu oonse kulinguwe [Leza], nkaambo ulamubikkila maano.”​—⁠1 Petro 5:⁠7.\\nEeci caamba kuti: Mupailo taili nzila njotukonzya kubelesya kumana mapenzi tolikke. Nkubandika kwini-kwini a Jehova Leza, walo uusyomezya kuti: “Utalibiliki pe, nkaambo ndime Leza wako. Ndilakuyumya, inzya ndilakugwasya.”​—⁠Isaya 41:⁠10.\\nIkuti Kulibilika Kwaindilila\\nBakubusi bamwi baciswa bulwazi bwakulibilika lyoonse. Mucikozyanyo, mukubusi uujisi zina lya Jenna wakaamba kuti: “Akaambo kakulibilika, ndakali kuciswa mutwe lyoonse, tiindakali kubikkila maano kucintu cili coonse, ndakali koona kwamazuba aali mbwaabede naa kutoonena limwi buya, tiindakali kulya, pele ndayanda kulya ndakali kuciindizya​—⁠ndakali kulibilika ciindi coonse. Mapenzi masyoonto-syoonto akali kulibonya mbuli kuti taakonzyi kumana.”\\nKulibilika kuti kwatola ciindi cilamfwu naa kuti kwaindilila, inga cabota kuunka kucibbadela kutegwa mukalangwe-langwe. Eeco ncaakacita Jenna. Wakaamba kuti: “Nindakasilikwa, ndakatalika kucita kabotu zintu alimwi ndilakweendelezya kulibilika kwangu.”\\n“Ndatalika kulibilika, ndilamwaambila Jehova zyoonse zili kumoyo kwiinda mumupailo. Ndilakonzya koona kabotu masiku, nkaambo ndilizyi kuti penzi lyangu lili mumaanza aa Jehova​—⁠alimwi kulinguwe nkondikonzya kutola buumi bwangu alimwi akulibilika.”​—⁠Carissa.\\n“Lyoonse ndilayeeya mumoyo, ‘Nkaambo nzi ncondeelede kulibilika zintu nzyonditakonzyi kucinca lino, naa kumbele?’ Ndiyeeya majwi aa Jesu aali mulugwalo lwa Matayo 6:27. Eeci cilandigwasya kusyoma Jehova alimwi akutobela lulayo lwakwe.”​—⁠Samantha.\\nMbuti Mbomukonzya Kuliyumya Kupenzi Lyakulibilika?\\nIkuti zimwi ziindi twakopana kapati mumizeezo, Bbaibbele lilakonzya kutugwasya.\\nCiindi Mwanaanu Musimbi Natyompedwe","num_words":865,"character_repetition_ratio":0.075,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ciyubunuzyo 16 | Bbaibbele Lili a Intaneti | Bbaibbele lya Busanduluzi Bwanyika Mpya\\n16 Lino ndakamvwa ijwi pati kuzwa mubusena busalala bwatempele kalyaambila bangelo bali ciloba kuti: “Kamuya mukaitile anyika mitiba iili ciloba yabukali bwa Leza.” 2 Eelyo wakusaanguna wakaunka akuyootila mutiba wakwe anyika. Mpoonya aabo ibakajisi caando camunyama alimwi ibakali kukomba cikozyanyo cakwe bakaba acilonda cijaya alimwi cibi kapati. 3 Eelyo wabili wakatila mutiba wakwe mulwizi. Mpoonya lwakasanduka kuba bulowa mbuli bwamuntu uufwide, eelyo cintu coonse cipona cakafwa, inzya zyintu zyamulwizi. 4 Eelyo watatu wakatila mutiba wakwe mumilonga amutusensa twamaanzi. Mpoonya eezyi zyakasanduka kuba bulowa. 5 Lino ndakamvwa mungelo uulanganya maanzi kaamba kuti: “Yebo ooliko, iwakaliko alimwi oosyomeka, uliluleme nkaambo waakosola boobu makani, 6 nkaambo bakatila bulowa bwabasalali abwabasinsimi, eelyo wabapa bulowa kuti banywe; oobu mbobeelede kucitilwa.” 7 Alimwi ndakamvwa cipaililo kacaamba kuti: “Inzya, Jehova Leza, Singuzuzyoonse, imbeta zyako nzyamasimpe alimwi zililuleme.” 8 Eelyo wane wakatila mutiba wakwe azuba; mpoonya zuba lyakazumizyigwa kuumpa bantu amulilo. 9 Lino bantu bakatentwa akupya kutaambiki, pele bakasampaula zyina lya Leza, ooyo uujisi nguzu zyakweendelezya zipenzyo eezyi, alimwi kunyina nobakeempwa akumupa bulemu. 10 Eelyo wasanu wakatila mutiba wakwe acuuno cabwami camunyama. Mpoonya bwami bwakwe bwakasiya mbi, alimwi bakatalika kuliluma milaka akaambo kakucisa, 11 pele bakasampaula Leza wakujulu akaambo kakucisa nkobakamvwa alimwi akaambo kazilonda zyabo, alimwi kunyina nobakeempwa kumilimo yabo. 12 Eelyo wacisambomwi wakatila mutiba wakwe mumulonga mupati wa Filate, mpoonya maanzi aanguwo akayuminina, ikutegwa babambilwe nzila bami bazwa kumazwido aazuba. 13 Mpoonya ndakabona majwi otatwe aasofweede aasololelwa amyuuya aakali kulibonya mbuli bacula kaazwa mukanwa lyasimwaaba amukanwa lyamunyama alimwi amukanwa lyamusinsimi wakubeja. 14 Mubwini, aaya majwi aasololelwa amadaimona alimwi acita zitondezyo, alimwi alaunka kubami bamunyika yoonse kuti ababunganye antoomwe kunkondo yabuzuba bupati bwa Leza Singuzuzyoonse. 15 “Amubone! Ndilaboola mbuli mubbi. Ulikkomene ooyo uupakamana akuzumanana kubamba zisani zyakwe zyaatala, kutegwa ateendi mantanda akuti bantu batalangi cintanda cakwe cijazya nsoni.” 16 Lino akababunganya antoomwe kubusena butegwa Amagedoni mu Chihebulayo. 17 Eelyo waciloba wakatila mutiba wakwe mumuwo. Mpoonya kwakamvwugwa jwi pati kuzwa mubusena busalala bwatempele, kuzwa kucuuno cabwami, ilyaamba kuti: “Cacitika!” 18 Alimwi kwakaba ndabo, majwi alimwi amizumo, alimwi akuzungaana kwanyika kupati ikutanacitikide kuzwa ciindi bantu nobakaba anyika, masimpe ooku kwakali kuzungaana kwanyika kupati kapati. 19 Mpoonya munzi mupati wakaanduka muzibeela zyotatwe, alimwi minzi yamasi yakakolomoka; alimwi Babuloni Mupati wakayeeyegwa a Leza, kuti apegwe nkomeki yawaini yabukali bwakunyema kwakwe. 20 Kunze lyaboobo insumbu zyoonse zyakatija, alimwi zilundu tiizyakajanwa limbi. 21 Lino civwulamabwe cipati cakalokela bantu kuzwa kujulu, ikulema kwabbwe limwi alimwi kwakali kutandila kutalenta* lyomwe, mpoonya bantu bakasampaula Leza akaambo kapenzi lyacivwulamabwe, nkaambo penzi eelyo lyakali pati citaambiki.\\n^ Naa, “makkilogilamu aasika ku 20.4.”","num_words":400,"character_repetition_ratio":0.061,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 47 IBBAIB63 - Elyo Josefa wakasika - Bible Search\\nMatalikilo 46 Matalikilo 48\\nJakobo mbwaakabonesegwa kuli-Farao\\n1-Elyo Josefa wakasika kuli-Farao, wamwaambila kuti, Taata abakulana bangu ambelele zyabo aŋombe zyabo ambono zyabo zyoonse basika kuzwa kunyika ya-Kanana. Nkobali kunyika ya-Goseni. 2-Nkabela wakasala bantu hosanwe akati kabakulana bakwe, wabaimikizya kubusyu bwa-Farao. 3-Lino Farao wakabuzya bakulana bakwe kuti, Muli basimilimonzi? Bakavwiila Farao kuti, Swebo tobalanda bako tuli basikweembela imbelele, swebo abamatateesu boonse. 4-Alimwi bakaambila Farao kuti, Tweza kuzookala-kala munyika, nkaambo tacikwe mani aakucezya matanga esu, nkaambo ipamba lyalema mucisi ca-Kanana. Twakumbila tobalanda bako kuti tukale munyika ya-Goseni. 5Alimwi Farao wakaambila Josefa kuti, Uso abakulana bako basika kulinduwe. 6Nyika yoonse ya-Egepita ili kunembo lyako. Kazika uso abakulana bako mububotu bwanyika. Bakale munyika ya-Goseni. Alimwi na ulizi bantu bacenjede akati kabo, kobabika kuti babambe matanga aangu.\\n7-Lino Josefa wakanjizya Jakobo wisi, wamwiimikizya kubusyu bwaFarao, nkabela Jakobo wakalongezya Farao. 8Elyo Farao wakabuzya Jakobo kuti, Mazuba aamyaka yabuumi bwako ali buti? 9-Jakobo wakavwiila Farao kuti, Myaka yakweendeenda kwangu ili mwanda amakumi otatwe. Mazuba aamyaka yabuumi bwangu mace buyo, alimwi mabi, taana kweelana amazuba aamyaka yabuumi bwabamataata kuciindi cakweendeenda kwabo. 10-Mpawo Jakobo wakalongezya Farao, wazwa omo Farao mwaakabede, 11-Nkabela Josefa wakakazika wisi abakulana bakwe, wabapa civubilo munyika ya-Egepita, munyika imbotu, munyika ya-Ramese, mbubonya mbwaakalailila Farao. 12-Alimwi Josefa wakasanizya wisi abakulana bakwe aluzubo lwawisi zilyo mbubonya mbuli mweelwe wabasiŋanda babo,\\nAmwi makani aapamba lyaku-Egepita\\n13-Lino kwakabulika zilyo munyika yoonse, nkaambo ipamba lyakakomena loko, Nyika ya-Egepita anyika ya-Kanana yoonse zyakawizuka nkaambo kapamba. 14-Nkabela Josefa wakabungika mali oonse aakajanwa munyika ya-Egepita amunyika ya-Kanana nkaambo kazilyo nzibakali kuula; mali ayo Josefa wakaaleta muŋanda ya-Farao, 15-Lino mali oonse naakamaninina munyika ya-Egepita amunyika ya-Kanana, ba-Egepita boonse bakeza kuliJosefa, bati, Utwaabile zilyo. Sa ncibotu kuti tufwe mumeso aako? Nkaambo tacikwe mali. 16Elyo Josefa wakabaambila kuti, Amundipe iŋombe zyanu. Ndamuuzizya zilyo aŋombe zyanu na tacikwe mali. 17Mpawo bakaletela Josefa matanga aabo, nkabela Josefa wakabapa zilyo cakuulana ambizi amatanga aambelele aŋombe ambongolo. Wakabauzizya zilyo aŋombe zyabo zyoonse. 18Mwaka oyo umane, bakasika kulinguwe mumwaka wabili, bati, Tatukonzyi kusisa makani kumwami wesu, Mali amaninina, aalo matanga aŋombe aba aamwami wesu. Taakwe cintu cicisyeede kumeso aako O mwami wesu cita mibili yesu amyuunda yesu. 19Sa ncibotu kuti tufwe kumeso aako, swebo amyuunda yesu? Kotuula swebo amyuunda yesu, utupe zilyo. Tulaba bazike ba-Farao, swebo amyuunda yesu. Utupe imbuto, kuti tupone, tutafwi, ayalo nyika itanyonyooki.\\n20Aboobo Josefa wakaulila Farao nyika yoonse ya-Egepita, nkaambo baEgepita bakaulisya umwi aumwi muunda wakwe, nkaambo ipamba lyakabakataazya loko, Nyika yakaba ya-Farao, 21abalo bantu wakabanjizya mubuzike kuzwa kumagolelo amwi aa-Egepita kusikila kumagolelo amwi. 22-Nyika yabapaizi luzutu taakwe naakaiula, nkaambo bapaizi bakalipedwe caabilo kuzwa kuli-Farao, nkabela bakali kulya caabilo cabo Farao ncaakabapa, aboobo teebakauzya nyika yabo. 23Lino Josefa wakaambila bantu kuti, Amubone! Sunu ndamuula, nywebo anyika zyanu, mube ba-Farao. Nzeezi imbuto, Amubyale myuunda. 24Lino casika ciindi cakutebula, muleelede kupa Farao cipanzi casanu, azipanzi zyone ziyooba zyanu, zibe zyakubyazya azilyo zyakusanizya basiŋanda banu atwana twanu. 25-Bakati, Watuponya. Atujane buuya mumeso aamwami wesu, lino tuyooba bazike ba-Farao. 26-Mbuboobo Josefa mbwaakacita mulao munyika ya-Egepita, mbuucibede asunu, wakuti Farao apegwe cipanzi casanu. Nyika yabapaizi luzutu njiitali ya-Farao.\\n27-Aboobo Israyeli wakalikede munyika ya-Egepita, mucisi ca-Goseni. Nkabela bakajana imbono mulinjiyo, alimwi bakazyalisya mane bavula loko. 28Lino Jakobo wakakala munyika ya-Egepita myaka iili ikumi amusanu aibili. Mazuba oonse aa-Jakobo, nkokuti myaka yoonse yabuumi bwakwe, akasika kumyaka iili mwanda amakumi one amusanu aibili. 29-Elyo ciindi cakufwa kwa-Israyeli nicakasika kufwaafwi, wakaita mwanaakwe Josefa, wamwaambila kuti, Na ncobeni ndijene luzyalo mumeso aako, bika ijanza lyako kunsi lyacibelo cangu, undicitile caluzyalo acakusyomeka, Utandizikili mucisi ca-Egepita pe. 30-Njanda koona mucooneno cabamatata. Uleelede kunditola kuzwa ku-Egepita, ukandivwike mumavwikilo aabo. Wakati, Njoocita mbubonya mboamba. 31-Wakati, Ndikonka. Mpawo wakamukonka. Elyo Israyeli wakalikotamika amusego wabulo bwakwe.","num_words":590,"character_repetition_ratio":0.068,"word_repetition_ratio":0.0,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Hena ulizyi kuti cibumbwa ca Munyama cakabambwa kale na? Print\\nHena ulizyi kuti cibumbwa ca Munyama cakabambwa kale na?\\nWorld's Last Chance‏ @WLC_Team\\nHena ulizyi kuti cibumbwa ca Munyama cakabambwa kale? Ciyubunuzyo 13 caambilizya banyama bobile: - munyama mutaanzi Ncikombelo ca Katolika caku Loma – munyama wabili, Amelika ulembedwe kuti 'waambila baabo bakkede anyika, kuti beelede kubamba cibumbwa ca munyama ooyo wakayasidwe cicisa calufu acceba, pele wakapona alimwi.'\\n7:09 AM - 6 May 2018\\nWorld's Last Chance‏ @WLC_Team 7h7 hours ago\\nWebo ulaa mubuzyo wakuti: Hena cisi ca Amelika cakaambila nyika kuti ibambe cibumbwa ca Cikombelo ca Katolika? Swebo tulitolaansi kwiingula nduwe kuti, eeci cishinshimi cakazuzikwa kale alimwi lino nyika yoonse [kwiinda mumalailile aacisi ca Amelika] iluujisi kubamba cibumbwa ca Cikombelo ca Katolika caku Loma. Webo ubuzya kuti: ino cakacitika buti eeci?\\nSwebo tukwiingula kuti: Kutaanguna tweelede kutondezya kuti eelyo notwaamba cibumbwa camunyama twaamba nzi. Cibumbwa camunyama caambilizya kubelesya akutobela cintu cakalengwa a Cikombelo ca Katolika caku Loma, akulemekezya cintu eeco kutegwa bukweendele kabotu buumi bwako. Hena nyika kuli niyakatambula cintu ca Cikombelo ca Katolika [kiisungilizyigwa acisi ca Amelika mbuli mbokulembedwe mu Ciyubunuzyo 13:14?] Cilausisya kwaamba kuti INZYA, cakacitika ncobeni eeco.\\nWebo ubuzya mubuzyo wakuti: Ncintu nzi eeco nyika yoonse nciyaatambula kwiinda mukucengelelwa acisi ca Amelika, oomo cibumbwa camunyama mocibambidwe? Swebo tukwiingula kuti: Ndi kkalenda lina Gregory [ndyaakabamba Poopo Gregory XIII mu 1582]. Ncobeni cisi cakacaalizya kutambula kkalenda eelyo, ncisi ca Saudi Arabia kumamanino aamwaka wa 2016. MAAWE BASA!\\nWebo ubuzya mubuzyo wakuti: ndilili alimwi mbubuti cisi ca Amelika mbucaacita cintu eeco? Nsyenamvwide cintu camusyobo ooyo. Mulimo nzi cisi ca Amelika ngocijisi mu kkalenda lina Gregory? Swebo tukwiingula kuti: Ciliingene mumulimo woonse. Kakwiina cisi ca Amelika , kkalenda lina Gregory nilyatakatambulwa munyika. Atupandulule makani aaya kujokela musyule kumwaka wa 1844, mwaka uulaa mulimo mupati.\\nWebo ubuzya mubuzyo wakuti: Ninzi caacitika mu 1844? Swebo tukwiingula kuti: Kwiinda mukulailila kwa POTUS Chester Arthur, nkamu ya Internationalo Meridian Conferensi yakakkala muswaangano kuti isale \"mweengwe wakutalikila kubalila ciindi, ooyo weelede kubelesyegwa munyika yoonse.\" https:\/\/en.wikipedia.org\/wiki\/International_Meridian_Conference …\\nEeyo nkamu yakasala mweengwe wa Greenwich Meridiani kuti ube mweengwe wanyika yoonse aatalikilwa kubalila ciindi. Webo ubuzya mubuzyo wakuti: Ono mebo ndaindila kukopwa mizeezo. Ino ooyo mweengwe wa Greenwich Meridiani ulaa mulimo nzi mu cibumbwa ca munyama \/ Cikombelo ca Katolika? Swebo tukwiingula kuti: Ooyo mweengwe ngomusemo uujisi mulimo woonse. Koleka nkooko tukupandulwide makani aaya.\\nMweengwe wa Greenwich Meridiani [Mweengwe Wakutalikila Ciindi Munyika Yoonse \/IDL] wakali cibelesyo cakwaandaanya mazuba obile aatobelene mukkalenda lina Gregory. Kakwiina mweengwe ooyo, ikkalenda lina Gregory talikonzyi kuswaanganya bbazu lya Kujwe lyanyika abbazu lya Kumbo lyanyika. Cisi ca Amelika cakaubyaubya zintu kuti nyika yoonse ikonzye kubelesya mweengwe ooyo.\\nKutegwa cibikke mulawo akusungilizya boonse munyika kubelesya kkalenda lina Gregory, cisi ca Amelika cakabikka mulawo #79 wakubikka cidinto cilaa buzuba bwakusaina zizuminano zyoonse zyaanyika, eeco caambilizya kuti bantu boonse beelede kubelesya zidinto zya mazuba aajanwa mukkalenda lina Gregory. Swebo twiinduluka kwaamba kuti:\\n“Aabo bantu basala kutobela mulawo ooyo, maofisi aacisi, maofisi aatambula bantu, Nkamu zyabuvwuntauzi munyika a Baabo balingula mulawo, Nkamu ya Nyika Yoonse, bayoolomya kulangisya kuti mumulimo wakulemba Zizuminano a Milazyo mumabbuku, beelede kulemba kufumbwa zina lya buzuba kalyeendelanya akkalenda lina Gregory lyamusela wa Buna Kristu uuno,..\\nnaa kuti babelesya ziindi zimbi amakkalenda nsini, beelede kulemba kufumbwa buzuba kabweendelana a musela wa Buna Kristu akkalenda lina Gregory.” https:\/\/books.google.com.eg\/books?id=vwusTmqT7O8C&pg=PA7894&lpg=PA7894&dq=international+agreements+are+date+with+gregorian+calendar&source=bl&ots=ndGdzD5P27&sig=qtRySGS7WaG_xMNZ6Z2XQRdzz-0&hl=en&sa=X&ved=0ahUKEwiFprLl7vDaAhWDjVkKHeiYDeIQ6AEIWzAE#v=onepage&q=international%20agreements%20are%20date%20with%20gregorian%20calendar&f=false … Kunyina kkalenda lina Gregory mbulyakali kunga lyaba kkalenda libelesyegwa munyika yoonse kakwiina kugwasyililwa acisi ca Amelika.\\nCisi ca Amelika cakazuzika Ciyubunuzyo 13:14, alimwi cakasolweda nyika yoonse kuti ibambe cibumbwa ca munyama munzila zyobile: -kulengelezya mweengwe (IDL)wakutalikila kubala mazuba aciindi, eeco ncicakapa kuti kkalenda lina Gregory litalike kubelesyegwa atalaa nyika yoonse - cakabikka mulawo wakuti zizuminano zyoonse akataa masi, azizuminano zyanyika yoonse, zyeelede kupegwa mumazina aabuna Gregory.\\nCisi ca Amelika cakazuzika cishinshimi kwiinda munguzu zyakweendelezya mali, akucengelezya masi woonse aanyika kuti atalike kuulana makwebo acisi ca Amelika. Ooku kupelengusya boobu mumakwebo ncecibelesyo cakasungilizya nyika yoonse kuti ibambe cibumbwa camunyama. Pele kaano ka munyama takagoleli buyo waawa pe.\\nCiyubunuzyo 13:15 citwaambila malweza manjaanji aaciya kumbele: “Munyama wabili wakazumizigwa kuti ape buumi ku cibumbwa camunyama mutaanzi, kutegwa cikonzye kwaambaula akujaya boonse aabo batacikombi”.\\nLino lino, tuyeeyela kuti Mweembo Wasanu (Maawe mutaanzi) mbuuti kaindile buyo, Poopo uyoosinikizya nyika yoonse kusumpula Nsondo, eeco calo mbocili kale citondezyo canguzu zya Cikombelo ca Katolika. Lino caakuzwidilila kusungilizya nyika yoonse kutambula kkalenda lina Gregory, Cikombelo ca Katolika alimwi ciyoosinikizya [kwiinda mucisi ca Amelika] nyika yoonse kuti ilemekezye Nsondo yaco.\\nSaatani wakacenga bantu ba Mwami kuti basyome kuti cibumbwa camunyama ciciyoobambwa kumbelaa mazuba, alimwi caakutola busena kunooli kukazyana akataa mazuba obile aakkalenda lina Gregory, Mujibelo a Nsondo. Kweenwa kuli boobu akataa bantu ba Mwami, ncintu caambilizya zinjaanji zitondezya nguzu zyakwe zyakubejela bantu.\\nBamwi bayandwa bakafwa kale kabacisyoma lweeno lwamusyobo ooyu. Bunji bwa bayandwa bacipona bacizumanana kusyoma lweeno oolu. Atucite kufumbwa ncotukonzya kutegwa tusinsimune bantu boonse kuzwa kukoofwaala mu Moza. Atupozomoke kwaambilizya nkondo eeyo buno buzuba kuti: kkalenda lina Gregory lilwana kkalenda lyokwa Yahuwah!\\nKotugwasya kutola mulumbe wakasimpe ooyu wakuti cibumbwa ca munyama cakabambwa kale kwiinda mumalailile aa Amelika. Kotumina kasimpe aaka akukawaalila kuzyooko kulaale, mbuli matuvwu aamasamu mpwaapupuluka cilimo kuya kulaale; kamwaabana abalongwenyoko nokuba bamukowa nkozyalilwa, kutegwa boonse batalike kuvwuntauzya Jwi Lyakwe cakutontomeka.","num_words":808,"character_repetition_ratio":0.096,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amubagwasye Bamwi Kuti Bacite Zyoonse Nzyobakonzya | Yakwiiya\\n‘Njookweenzya aliso lyangu alinduwe.’—INT. 32:8.\\nNzikozyanyo nzi zimwi zyamu Bbaibbele zitondezya kuti Jehova ulanga nzyobakonzya kucita babelesi bakwe?\\nNkaambo nzi ncotweelede kusola kubona bubotu ibuli muli bamwi?\\nMbuti mbotukonzya kugwasya bakubusi alimwi abaabo ibakabbapatizyigwa caino-ino kuti bacite zintu zyoonse nzyobakonzya?\\n1, 2. Mbuti Jehova mbwababona babelesi bakwe baanyika?\\nCIINDI bazyali nobalanga bana babo kabasobana, kanji-kanji balagambwa kubona zintu nzyobakonzya kucita bana babo. Sena andinywe kuli nomwakagambwa kale azintu nzyobacita bana? Bana bamwi inga kabajisi busongo bwakuzyalwa aambubo naa kucita zisobano zimwi mbuli kubalika, mpoonya bana bamwi inga kabatajisi buyumuyumu muzisobano, kudulowiŋa naa twakupanga-panga. Kufwumbwa naa nzipego nzi nzyobajisi bana babo, bazyali balakkomana kuzyiba nzyobakonzya kucita bana babo.\\n2 Jehova awalo ulababikkila kapati maano bana bakwe baanyika. Babelesi bakwe bamazuba aano ubabona kuba “zintu ziyandisi zyazisi zyoonse.” (Hag. 2:7) Kaambo kapati ikabapa kuba bayandisi ndusyomo akulyaaba kwabo. Cakutadooneka, andiza mwakabona kale kuti akati ka Bakambonima kuli zipego zyakucita zintu ziindene-indene zinji. Bakwesu bamwi bajisi zipego zyakupa kabotu makani, mpoonya bamwi balicizyi kweendelezya zintu. Bacizyi banji balafwambaana kwiiya myaambo mipya alimwi akwiibelesya mumulimo wakukambauka, mpoonya bamwi nzikozyanyo zibotu zyabaabo ibagwasyilizya baabo bayandika kukulwaizya naa kulanganya balwazi. (Lom. 16:1, 12) Cakutadooneka, tulalumba kuba mumbungano iijisi Banakristo bali boobo.\\n3. Mibuzyo nzi njotutiilange-lange mucibalo eeci?\\n3 Nokuba boobo, bakombima bamwi, kubikkilizya abakwesu bakubusi naa aabo ibakabbapatizyigwa caino-ino, andiza tabanazyiba ncobakonzya kucita mumbungano. Mbuti mbotukonzya kubagwasya kuti bacite zyoonse nzyobakonzya? Nkaambo nzi ncotweelede kusoleka kulanga bubotu mulimbabo, akubabona mbwababona Jehova?\\nJEHOVA ULANGA BUBOTU IBULI MUBABELESI BAKWE\\n4, 5. Mbuti cibalo cilembedwe mulugwalo lwa Babetesi 6:11-16 mbocitondezya kuti Jehova ulanga nzyobakonzya kucita babelesi bakwe?\\n4 Zibalo zinji zyamu Bbaibbele zilatondezya caantangalala kuti Jehova talangi buyo bubotu ibuli mubabelesi bakwe, pele alimwi ulabona anzyobakonzya kucita. Mucikozyanyo, ciindi Gideoni naakasalwa kuti aangulule bantu ba Leza kuzwa kumaanza aabana Midyani ibakali kubapenzya, kweelede kuti wakagambwa kumvwa kwaanzya kwamungelo kwakuti: “Jehova uli ayebo, O mwaalumi singuzu.” Kweelede kuti Gideoni wakalimvwa kuba “singuzu” aciindi eeco. Nokuba boobo, wakaamba kulibilika kwakwe ambwaakali kulimvwa kuti teeleli. Pele kweelana ambocitondezya cibalo, Jehova wakali kulanga nzyaakali kukonzya kucita mubelesi wakwe, pele Gideoni walo wakali kulitenga.—Amubale Babetesi 6:11-16.\\n5 Jehova wakalijisi lusyomo lwakuti Gideoni uyakubanununa bana Israyeli nkaambo wakalilubwene luzyibo lwakwe. Mungelo wa Jehova wakalibwene Gideoni mbwaakali kupupulula wiiti canguzu. Kuli cintu acimbi icakamukkomanisya mungelo. Kaindi, Bbaibbele nolyakali kulembwa, balimi bakali kupupulula wiiti naa zisyango zimwi antangalala kutegwa muwo ubagwasye kugwisya buungu. Cigambya ncakuti, Gideoni wakali kupupulula wiiti cakusisikizya mucikandilo camisaansa kutegwa bana Midyani bataboni zisyango zisyoonto nzyaakatebula. Oobu bwakali busongo ncobeni! Nkakaambo kaako mumeso aa Jehova, Gideoni tanaakali kubonwa buyo kuba mulimi uupakamene, pele alimwi wakali muntu uucenjede. Inzya, Jehova wakabona nzyaakali kukonzya kucita alimwi wakamubelesya.\\n6, 7. (a) Mbuti Jehova mbwaakali kumubona musinsimi Amosi mbokwakaindene ambobakali kumubona bana Israyeli bamwi? (b) Ncinzi citondezya kuti Amosi tanaakali muntu uutayiide?\\n6 Mbubwenya buyo, mucibalo caamba zyamusinsimi Amosi, Jehova wakabona nzyaakali kukonzya kucita mubelesi wakwe nokuba kuti kuli bamwi wakali kulibonya kuba muntu-muntu buyo uutakwe ambwabede. Amosi wakalipandulula kuti wakali mweembeli wambelele alimwi sikucela nkuyu—cilyo icakali kubonwa kuti ncabacete. Ciindi Jehova naakasala Amosi kuti asinganye misyobo iili kkumi yabana Israyeli ibakali kukomba mituni, bana Israyeli bamwi kweelede kuti bakali kuyeeya kuti tanaakali kweelela kupegwa mulimo ooyu.—Amubale Amosi 7:14, 15.\\n7 Amosi wakali kuzwa mumunzi iwakali kulamfwu, pele luzyibo lwakwe kujatikizya zilengwa abeendelezi bamuciindi eeco lutondezya kuti wakali muntu uubikkila maano. Kweelede kuti wakalibuzyi kabotu-kabotu bukkale bwamu Israyeli, alimwi kweelede kuti wakalijisi luzyibo kujatikizya zisi izyakali afwaafwi-fwaafwi akaambo kabasimakwebo ibakali kweendeenda. (Am. 1:6, 9, 11, 13; 2:8; 6:4-6) Basikwiiya zyamu Bbaibbele bamwi baamba kuti Amosi wakalicizyi kulemba. Musinsimi ooyu wakali kubelesya mabala mauba-uba alimwi mabotu, kunze lyaboobo wakalicizyi kweendelanya twaambo akubelesya mabala. Busicamba mbwaakatondezya Amosi naakali kukazya mupaizi Amaziya businizya kuti Jehova wakasalide muntu weelela alimwi wakali kukonzya kubelesya luzyibo ilwatakali kulibonya kumatalikilo.—Am. 7:12, 13, 16, 17.\\n8. (a) Ino Jehova wakamusyomezya nzi Davida? (b) Nkaambo nzi majwi aali mu Intembauzyo 32:8 ncaakulwaizya kuli baabo ibalitenga naa aabo ibatakwe luzyibo?\\n8 Inzya, Jehova ulabona nzyakonzya kucita mubelesi wakwe umwi aumwi. Wakasyomezya Mwami Davida kuti uyakumusololela lyoonse ‘aliso lyakwe aalinguwe.’ (Amubale Intembauzyo 32:8.) Sena mwakabona kaambo eeci ncoceelede kutukulwaizya? Nokuba kuti andiza tulalitenga, Jehova ulakonzya kutugwasya kucita zintu nzyotwatali kuyeeyela kuti inga twazicita akutugwasya kuzuzikizya mbaakani nzyotwatali kuyeeyela. Mbubwenya mbuli mwiiyi mbwakonzya kugwasya sicikolo uutakwe luzyibo, Jehova ulatusololela kutegwa tucite zyoonse nzyotukonzya. Jehova alimwi ulakonzya kubelesya bakombima kutugwasya kucita zyoonse nzyotukonzya. Munzila nzi?\\nAMULANGAULE BUBOTU IBULI MULI BAMWI\\n9. Mbuti mbotukonzya kutobela lulayo lwa Paulo ‘lwakubikkila maano kuzintu nzyobayandika bamwi?\\n9 Paulo wakakulwaizya Banakristo boonse ‘kubikkila maano’ kuzintu nzyobayanda basyominyina. (Amubale Bafilipi 2:3, 4.) Kaambo kayandika kapati ikajanika mululayo lwa Paulo nkakuti tweelede kulanga akubona zipego nzyobajisi bamwi. Ino tulimvwa buti ciindi muntu umwi naatondezya kukkomana akaambo kakuyaambele kwesu? Kanji-kanji, cilatukulwaizya kuti tuzumanane kuyaambele kusikila mpotugolela. Mbubwenya buyo, ciindi notubona bubotu buli mubasyomima, tulabagwasya kuti bayume akukomena kumuuya.\\n10. Mbaani mubwini ibayandika kubikkilwa maano kapati?\\n10 Ino mubwini nguni ngotuyandika kubikkila maano? Masimpe, ciindi aciindi toonse tulayanda kubikkilwa maano munzila yaalubazu. Nokuba boobo, bana naa bakwesu bakabbapatizyigwa ino-ino balayandika ncobeni kubona kuti balabikkilizyigwa mumilimo yambungano. Eeci inga cabapa kuzyiba kuti abalo baleelede kutola lubazu. Kulubazu lumwi, ikuti twaalilwa kubatondezya kuti baleelela, luyandisisyo lwabo lwakusika azyeelelo, cintu calo Jwi lya Leza ncolikulwaizya kucita inga lwamana..—1 Ti. 3:1.\\n11. (a) Mbuti mwaalu mbwaakagwasya mukubusi umwi kumana nsoni? (b) Ino mwiiya nzi mumakani aamba zya Julien?\\n11 Mwaalu uutegwa Ludovic, walo ikagwasyigwa kwiinda mukubikkilwa maano abamwi ciindi naakacili mwana, wakaamba kuti: “Ciindi nonditondezya kuti ndilamubikkila maano kapati mukwesu umwi, ulayaambele kumuuya cakufwambaana. Kujatikizya mukwesu mukubusi uutegwa Julien, walo iwakali ansoni, ba Ludovic bakabona kuti ciindi naakali kuyanda kucita zintu zinji mumbungano wakali kuzicita cabuyamba. Ba Ludovic bakaamba kuti: “Ndakali kubona kuti wakali siluse alimwi wakali kuyandisya ncobeni kugwasya bamwi mumbungano. Aboobo, muciindi cakumudooneka, ndakabikkila maano kuzintu zibotu nzyaakali kucita akusola kumukulwaizya.” Mukuya kwaciindi, Julien wakeelela kuba mukutausi, alimwi lino ulabeleka kali mupainiya waciindi coonse.\\nAMUBAGWASYE KUTI BACITE ZYOONSE NZYOBAKONZYA\\n12. Mbube nzi bubotu ibuyandika mukugwasya umwi kucita zintu zyoonse nzyakonzya? Amupe cikozyanyo.\\n12 Masimpe, ikuti katuyanda kugwasya bamwi kucita zintu zyoonse nzyobakonzya, tweelede kubikkila maano kapati. Mbubwenya mbwaatondezya makani aamba zya Julien, tweelede kulangisisya bube bubotu aluzyibo ndwajisi muntu mwalo mwakonzya kucita kabotu, ikutali mwataciti kabotu. Oobu mbombubo Jesu mbwaakamubona mwaapostolo Petro. Nokuba kuti ziindi zinji Petro wakali kulibonya mbuli kuti tanaakali kukakatila kuli nzyaamba, Jesu wakaamba kuti wakali kuyakuba mbuli bbwe liyumu.—Joh. 1:42.\\n13, 14. (a) Mbuti Barnaba mbwaakatondezya kumvwisya zintu mumakani aajatikizya mukubusi Marko? (b) Mbuti mukwesu mukubusi umwi mbwaakagwasyigwa mbuli mbwaakagwasyigwa Marko? (Amubone cifwanikiso icili kumatalikilo aacibalo.)\\n13 Barnaba awalo wakatondezya mbwaakali kuzibona zintu mukaambo kajatikizya Johane, walo iwakajisi izina lyaci Roma lyakuti Marko. (Mil. 12:25) Mulweendo lwakusaanguna lwa Paulo lwabumisyinali kabali a Barnaba, Marko wakali kubeleka mbuli “mugwasyilizyi,” ambweni kubagwasyilizya ziyandika zyakumubili. Nokuba boobo, nobakasika ku Pamfiliya, Marko wakabasiya beenzinyina kakunyina akulaya. Bakaleelede kweenda balikke kutozya kumusanza, busena ibwakajisi zigwebenga. (Mil. 13:5, 13) Nokuba boobo, kwiinde buyo ciindi cili mbocibede, Barnaba tanaakabikkila maano kukulezya kwa Marko, mpoonya wakamupa coolwe cakumuyiisya alimwi. (Mil. 15:37-39) Eeci cakagwasya mukubusi ooyu kuba mubelesi wa Jehova uusimide. Cikkomanisya ncakuti, Marko wakali ku Roma a Paulo, walo kuciindi eeco iwakali muntolongo, alimwi akutuma myooni ku Banakristo bakumbungano yaku Kolose, alimwi Paulo wakaamba zintu zibotu kujatikizya nguwe. (Kol. 4:10) Amuyeeyele buyo mbwaakalimvwa Barnaba ciindi Paulo naakalomba Marko kuti agwasye.—2 Ti. 4:11.k\\n14 Mukwesu iwakaba ino-ino mwaalu wazina lya Alexandre, ulayeeya mbwaakagwasyigwa ciindi mukwesu naakatondezya kubikkila maano, wakaamba kuti: “Nondakacili mwana, cakali kundikatazya kupaila kubuleya. Mwaalu wakanditondezya mbondikonzya kulibambila alimwi akubatama. Muciindi cakuleka kundipa coolwe cakupaila, wakali kundipa coolwe cakupaila mumiswaangano yakulibambila kuunka mumulimo wakukambauka lyoonse. Mukuya kwaciindi, ndakazyibila.”\\n15. Mbuti Paulo mbwaakabalumba Banakristonyina?\\n15 Ciindi notwabona bube bubotu mbwajisi Munakristo, sena tulatondezya mbotulimvwa kujatikizya bube oobo bubotu? Mulugwalo lwa Baloma caandaano 16, Paulo wakatondezya kuti wakali kubabikkila maano basyominyina ibali 20 ibakajisi bube bubotu ibwakali kumukkomanisya. (Lom. 16:3-7, 13) Mucikozyanyo, Paulo wakaamba kuti Androniko a Juniya bakali kubelekela Kristo walo katanatalika kumubelekela, kutondezya kuliyumya kwabo. Paulo alimwi wakaamba zintu zibotu kujatikizya banyina Rufo, ambweni akaambo kakuti bakamulanganya caluyando ciindi cimwi.\\nBa Frédéric (kulumwensyi) bakakulwaizya Rico kuti azumanane kubelekela Jehova (Amubone muncali 16)\\n16. Mbubotu nzi bukonzya kujanwa ciindi notulumbaizya bakubusi?\\n16 Kuli bubotu bukonzya kujanika ciindi notulumbaizya bamwi kuzwa ansi aamoyo. Amubone makani aajatikizya mwana musankwa uutegwa Rico waku France, walo iwakatyompedwe akaambo kakuti bausyi balo ibatakali kusyoma nzyaakali kusyoma, bakali kumukasya kubbapatizyigwa. Rico wakali kuyeeya kuti wakaleelede kulindila kusikila akakomene, eelyo nakonzya kubelekela Jehova cakumaninina. Alimwi wakali kuusa akaambo kakufwubaazyigwa kucikolo. Mukwesu mwaalu wazina lya Frédéric, walo iwakalombwa kuti kamuyiisya Rico, wakaamba kuti: “Ndakamulumbaizya akaambo kakuti kukazyigwa ooku kwakali kutondezya kuti wakali sicamba mukutondezya lusyomo lwakwe.” Majwi aaya aakukulwaizya akamuyumya-yumya Rico kuzumanana kuba amakanze aakuba cikozyanyo cibotu alimwi akamugwasya kuba aacilongwe ciyumu abausyi. Rico wakabbapatizyigwa naakajisi myaka yakuzyalwa iili 12.\\nBa Jérôme (kululyo) bakagwasya ba Ryan kusika azyeelelo zyabumisyinali (Amubone muncali 17)\\n17. (a) Mbuti mbotukonzya kugwasya bakwesu kutegwa bayaambele? (b) Mbuti mukwesu misyinali umwi mbwaakatondezya kubikkila maano kumukwesu mukubusi umwi, alimwi mbubotu nzi bwakajanika?\\n17 Ciindi coonse notutondezya kulumba kumulimo wacitwa kabotu naa kulumbaizya umwi akaambo kakusola kucita ciluzi, tupa basyomima kuba aaluyandisisyo lwakubelekela Jehova cakumaninina. Ba Sylvie, * balo ibabeleka myaka iili mbwiibede amutabi waku France, bakaamba kuti bacizyi balakonzya kubalumbaizya bakwesu. Bakaamba kuti bamakaintu balakonzya kulumba kuzintu zinji zijatikizyidwe mucintu cimwi naa kusoleka nkobabona. Aboobo, “majwi aabo aakulwaizya alakonzya kusinizya nzyobaamba bakwesu bajisi luzyibo.” Bakayungizya kwaamba kuti: “Kulumbaizya bamwi mukuli wangu buya.” (Tus. 3:27) Ba Jérôme, balo ibali mbaamisyinali mucisi ca French Guiana, bakagwasya bakubusi banji kusika azyeelelo zyakuba misyinali. Bakaamba kuti: “Ndakabona kuti, ciindi ndalumbaizya mukwesu mukubusi kujatikizya mbazu mwacita kabotu mumulimo wakukambauka naa naapa bwiinguzi bubotu, ulakulwaizyigwa. Eeci cipa kuti bayaambele mukucita zintu nzyobakonzya kucita.”\\n18. Nkaambo nzi ncocigwasya kubeleka antoomwe abakwesu bakubusi?\\n18 Tulakonzya kukulwaizya basyomima kutegwa bayaambele kumuuya kwiinda mukubeleka antoomwe ambabo. Mwaalu ulakonzya kwaambila mukubusi uujisi luzyibo kujatikizya makkompyuta kuti amukkopele makani amwi aajanika a Web site ya Bakamboni ba Jehova ya jw.org aakonzya kuyumya-yumya bacembeede. Ambweni mujisi mulimo umwi a ŋanda ya Bwami, sena tamukonzyi kutamba mukwesu mukubusi umwi kuti mubeleke limwi? Kucita boobu inga kwamupa coolwe cakubona mbwacita zintu mukubusi ooyo akumulumbaizya akubona bubotu bukonzya kujanika.—Tus. 15:23.\\nAMULIBAMBILE ZIBOOLA KUMBELE\\n19, 20. Nkaambo nzi ncotweelede kugwasya bamwi kutegwa bayaambele?\\n19 Ciindi Jehova naakasala Joshua kusololela bana Israyeli, wakaambila Musa kuti “umuyumye-yumye” alimwi akuti “abe singuzu.” (Amubale Deuteronomo 3:28.) Bantu banji balaboola mumbungano yesu yanyika yoonse. Banakristo boonse ibajisi luzyibo, ikutali buyo baalu balikke, balakonzya kubagwasya bakwesu ibacili bakubusi alimwi abapya mulusyomo kuti bacite zintu zyoonse nzyobakonzya kucita. Kuti twacita oobo, ibanji bayakutalika mulimo waciindi coonse, alimwi banji ‘bayakweelela ncobeni ikuyiisya bamwi.’—2 Ti. 2:2.\\n20 Naa tuli mumbungano naa mukabunga buyo kasyoonto ikayanda kuba mbungano, atulibambile ziboola kumbele. Ciyandika kapati nkwiiya Jehova, walo ciindi coonse uulanga bubotu ibuli mubabelesi bakwe.\\n^ par. 17 Izina lyacincwa.","num_words":1695,"character_repetition_ratio":0.057,"word_repetition_ratio":0.0,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Zilengaano nzyaakabona Ezekieli zya Leza—Ezekieli 1:1\\nAMUBALE MU Amharic Azerbaijani Bulgarian Cebuano Chitonga Chitumbuka Danish Dutch English Ewe Fijian Finnish Ga German Greek Hiligaynon Hungarian Iloko Indonesian Italian Kikaonde Kiluba Kirghiz Kiribati Kongo Korean Malayalam Myanmar Nepali Norwegian Pangasinan Portuguese Portuguese (Portugal) Sango Silozi Swahili Swedish Tagalog Tamil Thai Tigrinya Ukrainian Vietnamese\\n“Ndakatalika Kubona Zilengaano zya Leza”\\nMAKANI AALI MUCIBALO: Makani mubufwaafwi aali mucilengaano ca Ezekieli cankalaki yakujulu\\nMedia player yaalilwa kulizya.\\nAmukkope Vidiyo Eeyi\\n1-3. (a) Amupandulule Ezekieli ncaakabona akumvwa. (Amubone cifwanikiso icili kumatalikilo aacibalo.) (b) Ino ninguzu nzi izyakali kubeleka kuli ceeco icakacitikila Ezekieli, alimwi ino wakajatikizyigwa buti?\\nEZEKIELI wakalanga kali alaale kwaciindi cili mbocibede, kumwi kasolekesya kubona icili kunkomwe mpati yamusenga. Meso aakwe akajaluka asyoonto, mpoonya akajaluka kapati. Wakagambwa kapati kujatikizya ncaakabona. Kwakali guwo lyuungisya ilyakali kuboola. Pele tiilyakali guwo buyo pe. Ciindi guwo liyoosya nolyakaungisya kuzwa kunyika kumwi masusu aakwe azisani kazipepeluka, wakabona kkumbi lipati. Mulindilyo kwakayaka mulilo uuvwilima, mpoonya kuyaka kwamulilo kwakamuyeezya cintu cilibonya mbuli ngolida iyakavweledwe ansiliva. Ciindi kkumbi nolyakaunka cakufwambaana kuli Ezekieli, wakamvwa kuvwuuma kwalo ikwakali kuyaabukomena, kuyobeka ikwakali mbuli kwampi mpati iyakali kweenda.—Ezk. 1:4, 24.\\n2 Kajisi myaka iibalilwa ku 30, ciindi cakusaanguna imwaalumi ooyu iwakacili mwana-mwana wakacitikilwa zintu izitalubiki. Wakalimvwa kuti “janza lya Jehova” lyakali aalinguwe, nguzu zya Jehova zyamuuya uusalala izitakonzyi kukazyigwa. Muuya ooyo ncowakali kuyoomupa kubona akumvwa cilakkomanisya kapati, cilagambya kwiinda zintu zyakuyeeyela nzyobabikka mumafilimu mazuba aano basikupanga mafilimu. Cilengaano ncaakabona Ezekieli cakamupa kuvwuntama ansi, kagambidwe kapati.—Ezk. 1:3, 28.\\n3 Nokuba boobo, Jehova wakajisi zintu zinji mumizeezo kutali buyo kupa kuti Ezekieli agambwe. Cilengaano cakusaanguna ncaakabona Ezekieli, bubwenya mbuli zilengaano zyoonse izilembedwe mubbuku lyabusinsimi, cakalijisi bupanduluzi bugwasya, kulinguwe alimwi akubabelesi ba Jehova basyomeka mazuba aano. Aboobo atubikkile maano kuzintu Ezekieli nzyaakabona akumvwa.\\n4, 5. Ino bukkale bwakali buti mucilengaano ncaakabona Ezekieli?\\n4 Amubale Ezekieli 1:1-3. Atusaangune kubona bukkale mbobwakabede. Mwakali mumwaka wa 613 B.C.E. Kweelana ambotwakaiya mucibalo cainda, Ezekieli wakali mu Babuloni, kakkala antoomwe abazikenyina mumunzi iwakali kumbali aamulonga wa Kebara, kulibonya kuti mato akali kukonzya kwiinda mumulonga ooyu iwakabambwa abantu kwiinda mukunyona maanzi amwi kuzwa kumulonga wa Firate mpoonya alimwi kumbele milonga eeyi yobilo yakali kuswaangana.\\nEzekieli wakali kukkala antoomwe abazikenyina munsi-munsi amulonga wa Kebara (Amubone muncali 4)\\nTUBBOKESI TWAKUYIISYA 3A: Musinzo Mulamfwu Kuya ku Babuloni\\n5 Munzi wabazike, Jerusalemu, wakali kulamfwu, musinzo uulampa makkilomita aali 800 kuzwa ku Babuloni. * Tempele, mwalo bausyi Ezekieli mobakali kubelekela kabali bapaizi, lyakasofwaazyigwa alimwi bwakaba busena bwamituni. Cuuno cabwami mu Jerusalemu, mwalo Davida a Solomoni mobakali kulela cabulemu, wakaba munzi wamasampu. Mwami Jehoyakini uutajisi lusyomo wakali mu Babuloni antoomwe abazike. Sikulyazina wakwe acuuno cabwami, Zedekiya, wakali kweendelezyegwa amwami wa Babuloni alimwi wakali mwaalumi mubyaabi.—2Bam. 24:8-12, 17, 19.\\n6, 7. Ino nkaambo nzi ncokweelede kuti Ezekieli wakalimvwa kuti ukkala muziindi zikatazya kapati?\\n6 Kumwaalumi uusyomeka mbuli Ezekieli, eeci cakali kulibonya kuba ciindi cikatazya kapati mubuumi bwakwe. Bazikenyina bamwi ambweni bakali kulibuzya kuti: ‘Sena Jehova watulekelezya mane kukabe kutamani? Sena Babuloni ooyu mubyaabi uujisi nguzu abaleza bakwe bakubeja banji uyoobumanizya ncobeni bukombi busalala bwa Jehova akugusya bweendelezi bwakwe anyika?’\\n7 Kamujisi twaambo ootu mumizeezo, sena tamukonzyi kutalika kucita ciiyo canu nobeni kujatikizya makani aaya kwiinda mukubala bupanduluzi bulimvwisya bwacilengaano cakusaanguna ncaakabona Ezekieli? (Ezk. 1:4-28) Mwanoocita boobo, amusole kulibikka mubusena bwa Ezekieli, kubona nzyaakabona alimwi akumvwa nzyaakamvwa.\\nMulonga wa Firate mubusena buli afwaafwi a Karikemesi (Amubone muncali 5-7)\\nNkalaki Iindene Ankalaki Zyoonse\\n8. Ino ncinzi ncaakabona Ezekieli mucilengaano, alimwi ino cakali kwiiminina nzi?\\n8 Coonse antoomwe, ino ncinzi Ezekieli ncaakabona? Cakali kulibonya mbuli nkalaki mpati iigambya, yalo iipandululwa kuti ninkalaki. Yakali kubikkilizya amavwili mapati ajisi zilenge zyakumuuya zyone zigambya, mukuya kwaciindi izyakazoozyibwa kuba bakerubi. (Ezk. 10:1) Atala aabakerubi kwakali cibumbili cipati, mbuli maanzi aangene, mpoonya atala aacibumbili eeco kwakali cuuno cabulemu ca Leza, mpaakakkede Jehova lwakwe! Aboobo ino nkalaki eeyo yakali kwiiminina nzi? Cakweelela, cilengaano ncaakabona Ezekieli cilakonzya kwiiminina cintu comwe buyo: cibeela cakujulu cambunga ya Jehova yabulemu yabubumbo boonse. Ino nkaambo nzi ncotwaambila boobo? Atulange-lange twaambo totatwe itupa kwaamba boobo.\\n9. Ino mbuti cilongwe ncajisi Jehova azilenge zyakwe zyakujulu mboceendelana amboipandululwa nkalaki?\\n9 Cilongwe ncajisi Jehova azilenge zyakwe zyakujulu. Amubone kuti mucilengaano eeci, cuuno cabwami ca Jehova cili atala aabakerubi. Muzibeela zimwi zya Jwi lya Leza, Jehova ulapandululwa mbubwenya kuti ukkede acuuno cabwami cili atala naa akati kabakerubi. (Amubale 2 Bami 19:15; Kul. 25:22; Int. 80:1) Pele eeci tacaambi kuti ukkede ncobeni atala aabakerubi, mbuli kuti uyandika kuti kanyamunwa azilenge eezyo zyamuuya zijisi nguzu, mbubwenya mbwatayandiki kutanta munkalaki iini buya. Pele bakerubi balabugwasyilizya bweendelezi bwakwe, alimwi ulakonzya kubatuma kuli koonse mububumbo kutegwa bacite nzyayanda mubweendelezi bwakwe. Bakerubi aaba, mbubwenya mbuli bangelo ba Leza basalala boonse, balamubelekela Jehova kabali babelesi bakwe, naa batumwa. (Int. 104:4) Munzila eeyi, Jehova ulitantide atala lyabo boonse, ulabasololela kali mweendelezi wabo, cili mbuli kuti babamba nkalaki yomwe mpati iikamantene.\\n10. Ino ncinzi citondezya kuti nkalaki yakujulu ibikkilizya zilenge zinji kapati kwiinda abakerubi bone?\\n10 Nkalaki taibikkilizyi buyo bakerubi pe. Bakerubi aabo Ezekieli mbaakabona bakali bone. Mweelwe ooyo ulabelesyegwa kanji-kanji mu Bbaibbele ikutondezya kuti cintu cimwi cilizulide cakumaninina, naa kupandulula cintu cimwi icibikkilizya boonse kakunyina uusyeede. Aboobo cileelela kuti, bakerubi bone aabo batondezya kuti boonse bana bamuuya ba Jehova ibasyomeka balibikkilizyidwe. Kuyungizya waawo, amubone kuti zingelengele alimwi buya abakerubi bazwide meso, ikutondezya kuti mbanji ibabikkilide maano cakupakamana ikutali buyo zilenge zyamuuya zyone eezyo zitondezyedwe. Kunze lyaboobo, Ezekieli mbwaakaipandulula nkalaki citondezya kuti nimpati kapati, calo cipa kuti nobaba bakerubi ibakondelezya kabalibonya kuceya. (Ezk. 1:18, 22; 10:12) Mbubwenya buyo, cibeela cakujulu cambunga ya Jehova ncipati, cibikkilizya zilenge zinji kapati kwiinda abakerubi bone aabo.\\nEzekieli wakagambwa acilengaano ncaakabona cankalaki ya Jehova mpati (Amubone muncali 8-10)\\n11. Ino ncilengaano nzi cikozyenye ncaakabona Daniele, alimwi ino citupa kwaamba nzi?\\n11 Cilengaano cakujulu icikozyenye ancaakabona Daniele. Musinsimi Daniele wakapona myaka minji kali muzike mumunzi wa Babuloni, alimwi awalo wakapegwa cilengaano cakujulu. Cikkomanisya ncakuti, mucilengaano eeco acalo, cuuno cabwami ca Jehova cakalijisi mavwili. Cilengaano ncaakabona Daniele, cakabikkila kapati maano kukukomena kwamukwasyi wakumuuya wa Jehova kujulu. Daniele wakabona “cuulu cazyuulu . . . abali zyuulu zili kkumi iziyungizyidwe ziindi zili zyuulu zili kkumi” zyabana ba Leza kabaimvwi kumbele lya Jehova. Bakalikkede mbuli Nkuta yakujulu, umwi aumwi ulangilwa kuti wakali mubusena bwakwe mbwapedwe. (Dan. 7:9, 10, 13-18) Aboobo ncamaano ikwaamba kuti cilengaano ncaakabona Ezekieli ciiminina nkamu yabulemu yazilenge zyamuuya njiyona eeyi.\\n12. Ino nkaambo nzi ncoluli lukwabililo kulindiswe kulanga-langa zibalo mbuli cacilengaano ncaakabona Ezekieli cankalaki yakujulu?\\n12 Jehova ulizyi kuti ndukwabililo kulindiswe tobantu kubikkila maano kuzintu zyakumuuya mbozibede, “zintu zitalibonyi,” kweelana amwaapostolo Paulo mbwaakazyaamba. Nkaambo nzi? Akaambo kakuba zilenge zyamibili yanyama, inga tubikkila kapati maano ‘kuzintu zilibonya,’ izijatikizya buumi bwakumubili, izyakaindi kaniini buyo. (Amubale 2 Bakorinto 4:18.) Kanji-kanji Saatani ulasola kupa kuti katucita boobo alimwi ulatuyunga kutegwa tube bantu bayeeya buyo zyakumubili. Kutegwa atugwasye kukaka kuyungwa kuli boobo, caluyando Jehova watupa zibalo mbuli ceeci icili kubusinsimi bwa Ezekieli, kutupa ziyeekezyo zikkomanisya zyabupati bwamukwasyi wa Jehova wakujulu uugambya!\\n13, 14. (a) Mbuti Ezekieli mbwaakaapandulula mavwili ngaakabona? (b) Nkaambo nzi ncoceelela kuti nkalaki ya Jehova ijisi mavwili?\\n13 Cakusaanguna, Ezekieli wakabikkila maano kuli bakerubi bone, aboobo mu Cibalo 4 cabbuku eeli, tuyoobona zilenge eezyo alimwi anzila iigambya mboziboneka ncozituyiisya kujatikizya Jehova. Nokuba boobo, Ezekieli wakabona zingelengele zyone kumbali kwini kwabakerubi aabo, kulangilwa kuti zyakali mumasena one, mbuli cibeela cijisi mbazu zyone zyeelene kulampa. (Amubale Ezekieli 1:16-18.) Zyakali kulibonya kuti zipangidwe abbwe lyakulusolito, ibbwe liyandisi kapati eelyo zimwi ziindi ililibonya kubalangala alimwi ilyamubala wamungunga waji naa wanyanzabili uuvwelene awamungunga waji. Zintu eezyi zibotu zyakali kumweka-mweka.\\n14 Cilengaano ca Ezekieli cakabikkila maano kapati kumavwili aankalaki eeyi. Kuswaanganya mavwili kucuuno cabwami ncintu cigambya, tee kai? Cuuno cabwami icijisi mavwili! Cileelela kuyeeyela cuuno cabwami kuba mubusena bomwe buyo bugaminide, mbwaanga mami aamunyika kuli mpaagolela buya kweendelezya. Pele bweendelezi bwa Jehova buliindene kapati abulelo bwabantu ibuli boonse. Mbubwenya Ezekieli mbwaakali kuyakwiiya, nguzu zyabweendelezi bwa Jehova kunyina mpozigolela. (Neh. 9:6) Mubwini, Mweendelezi ooyu ulakonzya kutondezya nguzu zyakwe kubusena buli boonse!\\n15. Ino ncinzi Ezekieli ncaakabona kujatikizya kukomena kwamavwili alimwi ambwaakapangidwe?\\n15 Ezekieli wakagambwa akukomena kwamavwili. Wakalemba kuti: “Zingelengele zyangawo zyakali zilamfwu kapati cakuti zyakali kugambya.” Tulakonzya kweezyeezya kubona Ezekieli kalungumana alimwi kulanga zingelengele zipati izimweka-mweka kazili mujulu. Alimwi wakayungizya kaambo aaka ikagambya kakuti: “Zingelengele zyangawo [mavwili] zyoonse zyone zyakazwide meso koonse-koonse.” Ambweni cintu cikkomanisya kapati azintu zyoonse, mbupange bugambya ibwamavwili. Wakapandulula kuti: “Mbwaakali kulibonya alimwi ambwaakapangidwe akali mbuli vwili lili muvwilinyina kaaingene.” Ino eeco cakali kupandulula nzi?\\n16, 17. (a) Ino muunzila ili buti nkalaki moyakajisi mavwili mumavwilinyina? (b) Ino mavwili ayubununa nzi kujatikizya mboyeenda nkalaki ya Jehova?\\n16 Cakutadooneka, vwili limwi alimwi ndyaakabona Ezekieli, mubwini akali mavwili obilo aaswaanganizyidwe, vwili lyomwe kaliingene alyeenzinyina akati eeni. Eeci cakali kukonzya kupandulula kaambo mavwili aaya ncaakali kweenda munzila mbwaakapandulula Ezekieli kuti: “Naakali kweenda, akali kukonzya kugama kumabazu aangawo oonse one kakunyina kunyona naakali kweenda.” Ino mavwili aaya atondezya nzi kujatikizya nkalaki yakujulu Ezekieli njaakabona?\\n17 Mavwili malamfwu kapati boobu akali kukonzya kweenda musinzo mulamfwu nociba ciindi naazinguluka buyo ciindi comwe. Mubwini, cilengaano citondezya kuti inkalaki yakali kweenda cakufwambaana mbuli kulaba kwakalabo! (Ezk. 1:14) Kuyungizya waawo, mavwili one aagambya aakali kukonzya kweenda mumabazu oonse one atondezya nzila yalo basyaabupampu mukupanga zintu njobakonzya kuyanda kutobela mukupanga mavwili aali mbuli yaaya pele tacikonzyeki pe. Nkalaki eeyi yakali kukonzya kulanga kumabazu amwi kakunyina kuyozya-yozya naa kunyona! Pele tayeendi munzila eeyi kakunyina kuzyiba nkoiya. Meso aazingulukide zingelengele apa muzeezo wakuti nkalaki eeyi ilizyizyi kabotu-kabotu zintu zyoonse ziizungulukide mumabazu oonse.\\nMavwili akali mapati kapati, alimwi akali kubalika kapati (Amubone muncali 17)\\n18. Ino ncinzi ncotwiiya kubupati bwamavwili alimwi ameso manji ngaajisi?\\n18 Aboobo ino ncinzi Jehova ncaakali kuyiisya Ezekieli alimwi abantu boonse ibasyomeka kujatikizya cibeela cakujulu cambunga yakwe? Amubone twaambo ntotwalanga-langa kusikila waawa. Ileelela kulemekwa alimwi ilayoosya, kweelana ambokutondezya kumweka-mweka kwamavwili alimwi ambwaali mapati. Ilizyi zyoonse zicitika, kweelana ambwaatondezya meso manji aali kumavwili. Meso aa Jehova kumugama alabona zintu zyoonse. (Tus. 15:3; Jer. 23:24) Kuyungizya waawo, ulijisi babelesi bakwe bangelo banji mbakonzya kutuma kucibeela cili coonse cabubumbo bwakwe, aboobo aaba balakonzya kwaalanga makani cakubikkila maano alimwi akutola makani ku Mweendelezi wabo wabubumbo boonse.—Amubale Bahebrayo 1:13, 14.\\nMbwaabambidwe mavwili cakali kutondezya mbwaakali kukonzya kweenda mumabazu oonse kakunyina buyumuyumu (Amubone muncali 17 a 19)\\n19. Ino kubalika akweenda kwankalaki ya Jehova kumabazu oonse kutuyiisya nzi kujatikizya Jehova acibeela cambunga yakwe yakujulu?\\n19 Kunze lyaboobo, tujana kuti nkalaki eeyi ilabalika citaambiki alimwi ilakonzya kweenda kumabazu oonse. Amuyeeye buyo kwiindana ikuliko akati kacibeela cambunga ya Jehova yakujulu alimwi amfwulumende zyabantu, ambunga! Kanji-kanji zilabeleka kakunyina kubona izili kumbele, akwaalilwa kujana nzila zimbi akaambo kakucinca kwabukkale kusikila limwi zyanyonyooka naa kubula mulimo. Pele cuuno cabwami cankalaki ya Jehova cakulondoka citondezya kunyoneka kwa Leza walo uuli mukuyeendelezya. Mbubwenya mbolitondezya izina lyakwe, ulakonzya kuba kufwumbwa ciyandika kutegwa azuzikizye makanze aakwe. (Kul. 3:13, 14) Mucikozyanyo, mukulaba kwaliso ulakonzya kuba Sikalumamba singuzu uuvwuna bantu bakwe, pele mukaindi kasyoonto ulakonzya kucinca akuba Sikulekelela zibi uujisi luse walo uulanganya akubukulusya nobaba basizibi ibeempwa ibatyompedwe kapati mumoyo.—Int. 30:5; Is. 66:13.\\n20. Ino nkaambo nzi ncotweelede kwiilemeka nkalaki ya Jehova?\\n20 Kusika waawa, cilengaano ncaakabona Ezekieli, ambweni cilakonzya kutupa kulibuzya kuti, ‘Sena ndilatondezya bulemu ncobeni kujatikizya nkalaki ya Jehova?’ Ncotweelede kuyeeya ncakuti nkalaki ili mukweenda lino. Tatweelede kuyeeya naaceya kuti Jehova, Mwanaakwe, alimwi abangelo boonse tabaabwene mapenzi amwi aatutyompya. Tatweelede kulibilika kuti Leza wesu uyoomuka kutupa nzyotuyandika naa kuti mbunga yakwe iyakwaalilwa kucinca kweelana abuyumuyumu bupya ibuboola munyika iituzungulukide. Tweelede kuyeeya kuti mbunga ya Jehova, ilabeleka, lyoonse ileenda. Mubwini, Ezekieli wakamvwa jwi kuzwa kujulu ilyakoompolola kuti: “Amweende nomavwili!,” cakutadooneka mulawo wakuti mavwili atalike kweenda. (Ezk. 10:13) Sena tacigambyi kuzinzibala kuyeeya nzila Jehova mbwayendelezya mbunga yakwe? Nokuba boobo, ngotweelede kulemeka kapati ngu Jehova kumugama.\\nOoyo Weendelezya Nkalaki\\n21, 22. Mbuti mbotukonzya kucipandulula icipa kuti zibeela zyankalaki kazili mubusena bwanzizyo?\\n21 Lino Ezekieli wakagamika meso aakwe kuzintu zyakali aatala aamavwili, ooko nkwaakabona “cintu cakali kulibonya mbuli cibumbili icakali kubalangala mbuli maanzi aangene.” (Ezk. 1:22) Aatala amitwe yabakerubi, cibumbili eeci cakaliyalidwe, kacimweka-mweka munzila iibalangala cabulemu. Nokuba boobo, aawa sikubala uuzyi mboibeleka mincini ulakonzya kuba amibuzyo minji kujatikizya nkalaki eeyi. Mucikozyanyo, ibamwi balakonzya kulibuzya kuti: ‘Ino ncinzi cijisi cibumbili eeco aawo mpocibede atala lyamavwili? Alimwi ino mbuti mavwili aayo mbwaakonzya kubeleka alikke kakunyina maakiselo naa maekiselo aaswaanganya mavwili aaya antoomwe?’ Amuyeeye kuti nkalaki eeyi tayeendelezyegwi amilawo yeendelezya zintu, nkaambo njacikozyanyo, itondezya zintu zini-zini zyakumuuya izili kujulu. Alimwi amubone majwi aaya aayandika kubikkila maano: “Muuya iwakali kweendelezya zilenge zyuumi wakalimo amwalo mumavwili.” (Ezk. 1:20, 21) Ino muuya nzi ooyo iwakali kweendelezya bakerubi aabo alimwi amavwili?\\n22 Cakutadooneka, wakali muuya uusalala wa Jehova, inguzu zibeleka kapati mububumbo boonse. Inguzu eezyo zibeleka nzyezijisi nkalaki eeyi antoomwe, nzyeziipa nguzu alimwi akweendelezya zintu zyoonse kutegwa kazyeendela antoomwe munzila iilondokede. Katwaayeeyede makani aaya mumizeezo, atutobele ncaakabona Ezekieli ciindi naakagamika meso aakwe kuli yooyo weendelezya nkalaki.\\nEzekieli wakeelede kujana mabala aamba zintu nzyaakabona zyalo izyakali kukatazya kapati kupandulula\\n23. Ino mabala nzi Ezekieli ngaakabelesya kusola kupandulula Jehova, alimwi nkaambo nzi?\\n23 Amubale Ezekieli 1:26-28. Mubupanduluzi bwakwe boonse bwacilengaano eeci, Ezekieli kanji-kanji wakabelesya mabala mbuli aakuti “kulibonya mbuli,” “icakali mbuli,” “icakali kulibonya mbuli,” alimwi “icakali kumweka mbuli.” Pele mutupango ootu, mabala aaya wakaabelesya ziindi zinji kapati. Kuboneka kuti wakali kusolekesya kujana mabala aamba zintu nzyaakabona zyalo izyakali kukatazya kapati kupandulula. Wakabona “icakali kulibonya mbuli bbwe liyandisi lyasafilo, alimwi cakalikozyene acuuno cabwami.” Sena mulakonzya kweezyeezya cuuno cabwami cibezedwe kuzwa kubbwe lyomwe lipati, lyasafilo lyamubala wacikambwe uusiisya? Mpoonya aawo aacuuno iwakakkede mpawo, wakali Muntu. “Wakali kulibonya mbuli muntu.”\\n24, 25. (a) Ino fulicoongo uuzingulukide cuuno cabwami ca Jehova utuyeezya nzi? (b) Ino zilengaano zili boobo zyakali kubajatikizya buti zimwi ziindi bantu ibakajisi lusyomo?\\n24 Ooyo iwakakkede acuuno cabwami tanaakali kulibonya kapati, akaambo kakuti Jehova wakapa kuti kube mumuni uumweka wabulemu kuzwa mucibuno kuyaansi alimwi kuzwa mucibuno kuya mujulu. Tulakonzya kweezyeezya musinsimi kayanda kufwunya-fwunya alimwi akuvwumba meso aakwe kumwi kalanga mumuni umweka wabulemu. Kumamanino, Ezekieli wakabona cintu eeci cikondelezya kapati: “Koonse-koonse wakazingulukidwe mumuni uumweka mbuli kumweka kwafulicoongo uulibonya mukkumbi ibuzuba noiwa mvwula.” Sena kuli nomwakalimvwa kubotelwa kapati ciindi nomwakabona fulicoongo? Eelo kaka taciliboteli ciyeekezyo cabulemu bwa Mulengi wesu! Kuyungizya waawo, fulicoongo ooyo mujulu ulakonzya kutuyeekezya cizuminano ca Jehova caluumuno nolyakainda Zambangulwe. (Matl. 9:11-16) Nokuba kuti ulijisi nguzu kapati, Singuzuzyoonse ngu Leza waluumuno. (Heb. 13:20) Luumuno luli mumoyo wakwe alimwi ulalupa kuli baabo boonse ibakomba cakusyomeka.\\nFulicoongo weebeka uuzingulukide cuuno cabwami ca Jehova utuyeezya kuti tubelekela Leza waluumuno (Amubone muncali 24)\\n25 Ino ncinzi cakacitika naakamana kubona bulemu oobo bwa Jehova Leza? Mboobu Ezekieli mbwaakalemba cakacitika: “Lino nindakacibona, ndakavwuntama ansi.” Akaambo kakugambwa kapati alimwi akuyoowa kwabunaleza, Ezekieli wakavwuntama ansi. Basinsimi bambi abalo mbobakalimvwa oobo nobakapegwa zilengaano kuzwa kuli Jehova; zyakabapa kulibona kuceya kapati, alimwi buya akuyoowa. (Is. 6:1-5; Dan. 10:8, 9; Ciy. 1:12-17) Nokuba boobo, mukuya kwaciindi, bantu bali boobo bakakulwaizyigwa kapati azintu Jehova nzyaakayubununa kulimbabo. Mubwini oobo mbocakaba akuli Ezekieli. Aboobo ino mbuti mbotweelede kujatikizyigwa ciindi notubala zibalo zyamu Magwalo zili boobu?\\n26. Ino kulangilwa kuti cilengaano ncaakabona Ezekieli cakamuyumya-yumya buti?\\n26 Ikuti naa Ezekieli wakapenga mumoyo akulibilika akaambo kabukkale bwabantu ba Leza mu Babuloni, kweelede kuti cilengaano eeco cakamuyumya kapati. Cilasalala kuti, tacikwe makani naa bantu ba Leza basyomeka bakali mu Jerusalemu naa mu Babuloni naa kubusena bumbi buyo. Nkalaki ya Jehova mpati kunyina noyakali kukonzya kwaalilwa kusika nkobakabede! Sena kuli nguzu zya Saatani izyakali kukonzya kukazya nguzu zya Leza walo iweendelezya mbunga yakujulu yabulemu iili boobo? (Amubale Intembauzyo 118:6.) Ezekieli alimwi wakabona kuti, nkalaki yakujulu tiiyakali kulamfwu abantu. Kayi, mavwili aanjiyo akali kuguma anyika! (Ezk. 1:19) Aboobo Jehova wakalibikkilide maano kapati kubantu bakwe basyomeka okuya mubuzike. Lyoonse Usyi wabo wakali kukonzya kubalanganya okuya caluyando!\\n27. Ino cilengaano ncaakabona Ezekieli cipandulula nzi kulindiswe mazuba aano?\\n27 Sena cilengaano ca Ezekieli kuli ncocipandulula kulindiswe mazuba aano? Eeco tacidoonekwi! Amuyeeye kuti, Saatani uyaabuyungizya buya kulwana bukombi busalala bwa Jehova. Uyanda kutupa kusyoma kuti tuli tolikke, Taateesu wakujulu ambunga yakwe tabakonzyi kusika nkotubede. Mutalekeli bubeji buli boobu kucinca mbomuyeeya naa mbomulimvwa! (Int. 139:7-12) Mbubwenya mbuli Ezekieli, tulijisi twaambo tunji ncotweelede kugambwa. Tatukonzyi kuvwuntama ansi mbuli mbwaakacita. Nokuba boobo, sena tatweelede kukkomana akugambwa anguzu, kubalika, kweenda kumabazu oonse, kucinca, alimwi abulemu bwacibeela cakujulu cambunga ya Jehova yabubumbo boonse?\\n28, 29. Ino ncinzi citondezya kuti nkalaki ya Jehova yali kweenda mumwaanda wamyaka wainda?\\n28 Amuyeeye alimwi kuti, mbunga ya Jehova ilijisi cibeela caanyika. Masimpe, cibeela caanyika cibikkilizya bantu batalondokede. Pele amuyeeye zintu Jehova nzyaazuzikizya aano anyika! Nyika yoonse mboizulwa, Jehova wapa kuti bantu banyama bacite zintu nzyobatakali kukonzya kucita munguzu zyabo. (Joh. 14:12) Kulanga-langa buyo mubbuku lyakuti Bwami bwa Leza Bulalela! kulakonzya kutugambya kubona nkowasika mulimo wakukambauka mumwaanda wamyaka wainda. Alimwi tulakonzya kuyeeya ntaamu nzyoyabweza mbunga ya Jehova kwiinda mukuyiisya Banakristo bakasimpe, mukuzunda munkuta, alimwi mane amukubelesya kuyaambele kwasayaansi mukucita kuyanda kwa Leza!\\n29 Ciindi notulanga-langa zintu zyoonse izyacitwa kujatikizya kupilusya bukombi busalala mumazuba aamamanino aabweende bwazintu oobu bubyaabi, cilalibonya caantangalala kuti nkalaki ya Jehova ileenda. Eelo kaka ncoolwe cipati kuzulilwa kumbunga eeyi alimwi akubelekela Mweendelezi uuli boobo!—Int. 84:10.\\nCibeela cambunga ya Jehova caanyika cili mukweenda (Amubone muncali 28 a 29)\\n30. Ino ncinzi ncotuyoolanga-langa mucibalo citobela?\\n30 Nokuba boobo, cilengaano ncaakabona Ezekieli cijisi zintu zinji zyakutuyiisya. Mucibalo citobela, tuyoobikkila kapati maano kulanga-langa “zilenge zyuumi” zyone izilibedelede naa bakerubi. Ino ncinzi ncozikonzya kutuyiisya kujatikizya Mweendelezi wesu uulemekwa Jehova Leza?\\n^ munc. 5 Ooyu ngowakali musinzo ikubelesya nzila iikosola, pele kuboneka kuti nzila njibakainda baange aaba yakali ndamfwu ambweni ziindi zyobilo kwiinda musinzo ooyu.\\nLUBAZU NDOMUJISI MUBUKOMBI BUSALALA\\nIno nkalaki njaakabona Ezekieli yiiminina nzi, alimwi ino tuzyi buti oobo?\\nIno ncinzi ncotukonzya kwiiya kumavwili aankalaki anzila mboyakali kweenda?\\nIno Ezekieli wakajatikizyigwa buti acilengaano ncaakabona, alimwi ino mbuti kuzinzibala kuyeeya kujatikizya ncico mbokumujatikizya?\\nIno mbuti mbotukonzya kutondezya kuti tulacilumba coolwe ncotujisi cakubelekela Jehova antoomwe ambunga yakwe mazuba aano?\\nBupanduluzi Bwazibeela Zilibedelede\\nCIBALO 1 “Ngu Jehova Leza Wako Ngoelede Kukomba”\\nCIBALO 2 “Leza Wakazizumina” Zipego Zyabo\\nCIBEELA 1 “Majulu Akajaluka”\\nCIBALO 4 Ino ‘Zilenge Zyuumi Izijisi Masyu One’ Mbaani?\\nCIBALO 3 “Ndakatalika Kubona Zilengaano zya Leza”\\nCIBEELA 2 “Wakasofwaazya Cikombelo Cangu”—Bukombi Busalala Bwasofwaazyigwa\\nCIBALO 5 ‘Bona Zintu Zibi, Izisesemya Nzyobacita’\\nCIBALO 6 “Lino Mamanino Asika Kulindinywe”\\nCIBALO 7 Masi ‘Ayoozyiba Kuti Ndime Jehova’\\nCIBEELA 3 ‘Ndiyoomubunganya’​—Bukombi Busalala Bwabukulusyigwa\\nCIBALO 8 “Ndiyoozibusyila Mweembezi Omwe”\\nCIBALO 9 “Ndiyoobapa Moyo Omwe”\\nCIBALO 10 “Mulatalika Kupona”\\nCIBALO 11 “Ndakubikka Kuti ube Mulindizi”\\nCIBALO 12 “Ndiyoopa Kuti Babe Cisi Comwe”\\nCIBALO 13 “Kobapandulwida Mbolibede Tempele”\\nCIBALO 14 “Ooyu Ngomulawo Watempele”\\nCIBEELA 4 “Cabusungu Ndiyakwiiminina Zina Lyangu Lisalala”—Bukombi Busalala Bwafwutuka Kukulwanwa a Gogo\\nCIBALO 15 “Ndilabumana Buvwuule Bwako”\\nCIBALO 16 “Ubikke Citondezyo Ankumo Zyabantu”\\nCIBALO 17 “Ndilakulwana, Yebo O Gogo”\\nCIBALO 18 “Bukali Bwangu Bupati Buyoovwutuka”\\nCIBEELA 5 “Ndinookkala Akati Kabantu”​—Bukombi Busalala Bwabukulusyigwa\\nCIBALO 19 “Zintu Zyoonse Ziyoopona Kufwumbwa Ooko Nkokaunka Kalonga Aaka”\\nCIBALO 20 ‘Mwaapaule Nyika Kuti Ibe Lukono’\\nCIBALO 21 “Imunzi Ooyo Unakwiitwa Kuti Jehova Mwabede Oomo”\\nCIBALO 22 “Komba Leza”\\nTwaambo Tusalazyidwe Mubufwaafwi\\nKABBOKESI KAKUYIISYA 1A Ino Kukomba Caamba Nzi?\\nKABBOKESI KAKUYIISYA 1B Makani mubufwaafwi aali mubbuku lya Ezekieli\\nKABBOKESI KAKUYIISYA 2A Kumvwisya Businsimi bwa Ezekieli\\nKABBOKESI KAKUYIISYA 2B Ezekieli, Buumi Bwakwe Aciindi Ncaakapona\\nKABBOKESI KAKUYIISYA 3A Musinzo Mulamfwu Kuya ku Babuloni\\nKABBOKESI KAKUYIISYA 4A “Ndakali Kulangilila Zilenge Eezyo Zyuumi”\\nKABBOKESI KAKUYIISYA 5A “Omwanaamuntu, Sena Wacibona Eeci?”\\nKABBOKESI KAKUYIISYA 6A “Kogela Masusu Aako Alimwi Acilezu Cako”\\nKABBOKESI KAKUYIISYA 7A Masi aakazingulukide Jerusalemu\\nKABBOKESI KAKUYIISYA 7B Twaambo Tuyandika Kapati Mubbuku lya Ezekieli\\nKABBOKESI KAKUYIISYA 8A Businsimi Bwaamba Mesiya—Cisamu Cakkedari Cipati Kapati\\nKABBOKESI KAKUYIISYA 8B Businsimi Botatwe Bwaamba Mesiya\\nKABBOKESI KAKUYIISYA 9A Jehova Ulazizuzikizya Zisyomezyo Zyakwe—Kaindi\\nKABBOKESI KAKUYIISYA 9B Nkaambo nzi mu 1919?\\nKABBOKESI KAKUYIISYA 9C Jehova Ulazuzikizya Zisyomezyo Zyakwe—Mazuba Aano\\nKABBOKESI KAKUYIISYA 9D Businsimi Bwaamba Buzike Akubukulusya\\nKABBOKESI KAKUYIISYA 9E “Ziindi Zyakubukulusya Zintu Zyoonse”—Milimo 3:21\\nKABBOKESI KAKUYIISYA 10A Bukombi Busalala Bwabukulusyigwa Asyoonto-syoonto\\nKABBOKESI KAKUYIISYA 10B “Mafwuwa Mayumu” a “Bakamboni Bobilo”—Ino Ziswaangene Buti?\\nKABBOKESI KAKUYIISYA 10C Lugwasyo Kutegwa Twiimikile Alimwi\\nKABBOKESI KAKUYIISYA 11A Balindizi Bamwi Ibakatondezya Zikozyanyo Zibotu\\nKABBOKESI KAKUYIISYA 12A Kuswaanganizyigwa Kwatusamu Tobilo\\nKABBOKESI KAKUYIISYA 13A Matempele Aayindene, Ziiyo Ziindene\\nKABBOKESI KAKUYIISYA 14A Ziiyo Kutempele Lyamu Cilengaano ca Ezekieli\\nKABBOKESI KAKUYIISYA 15A Bana Basimbi Bobilo Babunyina Ibavwuule\\nKABBOKESI KAKUYIISYA 16A Sena Bunakristo Bwanyika Bwiimininwa a Jerusalemu?\\nKABBOKESI KAKUYIISYA 16B Kulila Akutongela, Kubikka Citondezyo, Kupwayaula, Ndilili Alimwi Mubuti?\\nKABBOKESI KAKUYIISYA 18A Jehova Wacenjezya Kujatikizya Nkondo Mpati Iiboola\\nKABBOKESI KAKUYIISYA 19A Milonga Yazilongezyo Zizwa Kuli Jehova\\nKABBOKESI KAKUYIISYA 19B Maanzi Aakunka Aniini-niini Waba Mulonga Mupati!\\nKABBOKESI KAKUYIISYA 20A Bwaapauzi Bwanyika\\nKABBOKESI KAKUYIISYA 21A “Caabilo Caalubazu Ncomweelede Kwaaba”​—Ezk. 48:8\\nKABBOKESI KAKUYIISYA 22A Kusunkwa Musunko Wamamanino\\nMabala Amusale naa muyanda kukkopa zyakamwaigwa Bukombi Busalala​—Bwabukulusyigwa!","num_words":3090,"character_repetition_ratio":0.073,"word_repetition_ratio":0.0,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 4 IBBAIB63 - Lino Musa wakavuwa kuti, - Bible Search\\nKulonga 3 Kulonga 5\\n1Lino Musa wakavuwa kuti, Tabakooyoozumina nekuba kuswiilila ijwi lyangu, nkaambo bayooamba kuti, Jehova tana kulibonya kulinduwe pe. 2Jehova wakamwaambila kuti, Ncinzi cili mujanza lyako? Wakati, Ngumusako. 3Wakati, Uwaale ansi. Wauwaala ansi, Mpawo wakasanduka kuba inzoka, nkabela Musa wakaicija, 4Pele Jehova wakaambila Musa kuti, Tandabika ijanza lyako, uijate kumucila, (lino wakatandabika ijanza lyakwe, waijata, nkabela yakasanduka kuba musako mujanza lyakwe) 5-kuti bazumine kuti wakakubonekela Jehova Leza wabamawisaabo, Leza wa-Abrahamu, Leza wa-Izaka, a-Leza wa-Jakobo. 6-Alimwi Jehova wakamwaambila kuti, Bika ijanza lyako akaango kako. Wakabika ijanza lyakwe akaango kakwe, Elyo naakaligwisya, wakajana kuti ijanza lyakwe lyakatuba buu, lyaba acinsenda. 7-Elyo wakati, Pilusya ijanza lyako akaango kako. Wakapilusya ijanza lyakwe akaangu kakwe, elyo naakaligwisya akaungu kakwe, wakajana kuti lyasanduka alimwi kuba mbuli nyamanyina. 8Wakati, Na bakaka kuzumina nanka kuswiilila ijwi lyacitondezyo citaanzi, bayooswiilila ijwi lyacitondezyo cabili. 9-Pele na bakaka kuswiilila zitondezyo ezi zyoonse zyobile, na bacikaka kuswiilila ijwi lyako, uleelede kuteka maanzi aamulwizi akwaatila ansi, elyo maanzi ayo ngoyooteka mulwizi ayoosanduka kuba bulowa ansi.\\n10-Pele Musa wakaambila Jehova kuti, Akaka Mwami! Mebo nsili muntu uuzi kwaamba kabotu pe, Kuciindi cakamana, akuciindi ecino noambila mulanda wako, nsizi kwaamba. Ndi mulemu kululimi akumilomo. 11-Mpawo Jehova wakamwaambila kuti, Ma! Nguni wakalenga mulomo wamuntu? Nguni wacita kuti abe syataambi na musinkematwi na uubonesya na moofu? Sa teensi ndime nde-Jehova? 12-Mbubo, koya. Njooba amulomo wako, njookwiisya mboelede kwaamba. 13-Wakati, Akaka Mwami! Tuma kujanza lyamuntu umbi, kufumbwa ngokonzya. 14Mpoonya awo bukali bwa-Jehova bwakabukila Musa. Wakati, Sa Aroni mu-Levi teensi munyoko? Ndizi kuti walo ncobeni ulizi kwaamba. Alimwi bona! Uleza kuzookutambula, Akubona, uyookondwa mumoyo wakwe. 15-Lino uleelede kwaambaula awe akubika majwi mukanwa lyakwe, Ambebo njooba amulomo wako amulomo wakwe, njoomwiisya mbumweelede kucita. 16-Ngonguwe uuyooambila bantu mucibaka cako, Uyooba mulomo wako, ayebo uyoomubeda mbuli Leza, 17Awalo musako oyu, koutola mujanza lyako, nkaambo ngonguwo ngoyoocitya malele.\\nMusa mbwaakapiluka ku-Egepita\\n18Elyo Musa wakapiluka kuli-Jetero syanyinazyala, wamwaambila kuti, Njiinke, mpiluke kubakwesu bali mu-Egepita, mbone na bacili baumi. Nkabela Jetero wakamwaambila Musa kuti, Mbubo, koya aluumuno. 19-Alakwe Jehova wakaambila Musa oko ku-Midyani, wati, Koya, ukapiluke ku-Egepita, nkaambo bafwa abo bantu boonse ibakali kuyanda kukujaya. 20-Mpawo Musa wakatola mukaakwe abana bakwe, wabatantika ambongolo, wapiluka kunyika ya-Egepita, Awalo musako wa-Leza, Musa wakautolelela mujanza lyakwe.\\n21-Lino Jehova wakaambila Musa kuti, Kuti wainka kupilukila ku-Egepita, cenjela kuti ucite kubusyu bwa-Farao zitondezyo zyoonse nzindabika mujanza lyako. Nekubaboobo njooyumya moyo wakwe kuti ataleki bantu kwiinka.\\n22-Lino uleelede kwaambila Farao kuti, Mbuboobu mbwaamba Jehova. Israyeli ngumwana wangu mutaanzi. 23-Ndakwaambila kuti, Leka mwanaangu, ainke kuyoondimanina milimo. Na wakaka kumuleka, njoojaya mwana wako mutaanzi.\\n24-Lino naakacili munzila, Jehova wakaswanaana awe kucilo, wali kuyanda kumujaya. 25-Elyo Zipora wakabweza cibezo cabbwe, wakosola lukanda lwalulomo lwamwana wakwe, walugumya zituta zyakwe, wati, Ncobeni uli sikukwata wabulowa kulindime. 26Mpoonya awo wakamuleka, Wakamwaambila kuti, Ncobeni uli sikukwata wabulowa kulindime nkaambo kabupalule,\\n27-Nkabela Jehova wakaambila Aroni kuti, Koya munkanda kuyootambula Musa, Elyo wakaya, wamujana kucilundu ca-Leza, wamumyonta. 28Nkabela Musa wakalwiida Aroni majwi oonse aa-Jehova ngaakamutumina, azitondezyo zyoonse nzyaakamulailila. 29-Lino Musa a-Aroni bakaya, baakubunganya bapati boonse babana ba-Israyeli. 30Nkabela Aroni wakaamba majwi oonse aa-Jehova ngaakaambila Musa, azyalo zitondezyo wakazicita mumeso aabantu. 31-Lino bantu bakazumina, Bamvwe buyo kuti Jehova waswaya bana ba-Israyeli, alimwi ulibwene kupenga kwabo, bakakotama akukomba.","num_words":516,"character_repetition_ratio":0.073,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"1 Ndime Paulo, iwakaba mutumwa wa Kilisito Jesu kwiinda mukuyanda kwa Leza, antoomwe a Timoteyo mukwesu 2 nendilembela basalali abakwesu basyomeka ibakamantene a Kilisito ibali mu Kolose kuti: Amube aluzyalo aluumuno ikuzwa kuli Leza Taateesu. 3 Tulamulumba lyoonse Leza Usyi wa Mwami wesu Jesu Kilisito notumupailila, 4 nkaambo twakamvwa zyalusyomo lwanu muli Kilisito Jesu aluyando ndomujisi kubasalali boonse 5 akaambo kabulangizi mbomubambilidwe kujulu. Bulangizi oobu mwakabumvwa kale ikwiinda mumulumbe wakasimpe kamakani mabotu 6 aayo lino aasika kulindinywe. Mbubonya makani mabotu mbwaazyala micelo akuvwula munyika yoonse, oobo mbwaacita aakati kanu, kuzwa buzuba nomwakalumvwa akuluzyiba bwini-bwini luzyalo lwa Leza mukasimpe. 7 Eeci ncencico ncimwaiya kuli Epafula imuzikema uuyandwa, ooyo uuli mubelesi uusyomeka wa Kilisito mubusena bwesu. 8 Alimwi wakatuzyibya luyando lwanu lwakumuuya. 9 Nkakaambo kaako, kuzwa buzuba notwakamvwa makani aaya, swebo tatuleki pe kumupailila akumulombela kuti muzuzyigwe luzyibo lwini-lwini lwamakanze aakwe mubusongo boonse akumvwisya zyintu zyakumuuya, 10 kutegwa kamweenda mbwayanda Jehova akumukkomanisya cakumaninina, mbomuzumanana kuzyala micelo mumilimo mibotu iili yoonse akuyungizya luzyibo lwini-lwini lwa Leza. 11 Amuyumizyigwe anguzu zyakwe zyoonse kweelana abulemu bwanguzu zyakwe ikutegwa muliyumye cakumaninina kumwi kamukkazyikide moyo alimwi akukondwa, 12 nomulumba Taata iwakapa kuti mweelele kutola lubazu mulukono lwabasalali ibali mumumuni. 13 Wakatuvwuna kunguzu zyamudima akutulonzyezya mu Bwami bwa Mwanaakwe ngwayandisya, 14 ooyo wakapa kuti twaangununwe kwiinda mucinunuzyo, nkokuti kulekelelwa zibi zyesu. 15 Ooyu ngonguwe cinkozya ca Leza uutalibonyi, imutaanzi kuzyalwa kuzilenge zyoonse; 16 nkaambo kwiinda mulinguwe zyintu zimbi zyoonse zyakalengwa kujulu alimwi aanyika, izyintu zilibonya azitalibonyi, kufwumbwa naa nzyuuno zyabwami, bulelo, mfwulumende naa bweendelezi. Izyintu zimbi zyoonse zyakalengwa kwiinda mulinguwe alimwi zyakalengelwa nguwe. 17 Kunze lyaboobo, ngomutaanzi kubako kuzyintu zimbi zyoonse alimwi kwiinda mulinguwe izyintu zimbi zyoonse zyakabako, 18 alimwi ngomutwe wamubili, nkokuti mbungano. Ngomatalikilo, imutaanzi kubuka kuzwa kubafwu kutegwa abe wakusaanguna muzyintu zyoonse; 19 nkaambo Leza cakamubotela kuti ibube bwakwe boonse bukkale mulinguwe, 20 alimwi akuti kwiinda mulinguwe ayanzanye zyintu zimbi zyoonse kulinguwe, kwiinda mukupa kuti kube luumuno luyeeme abulowa mbwaakatila acisamu cakupenzyezya, kufwumbwa naa nzyintu zili anyika naa zyintu zili kujulu. 21 Ncobeni, nywebo nomwakazandukide kuli Leza alimwi nomwakali basinkondonyina akaambo kakuti mwakali kuyeeya buyo milimo mibi, 22 lino wamuyanzanya amubili wanyama wayooyo kwiinda mulufwu lwakwe, ikutegwa amupe kulinguwe kamuli bantu basalala, batakwe kampenda alimwi batajisi mulandu uuli woonse. 23 Lino eeci ciyooba boobo kufwumbwa kuti mwazumanana mulusyomo, kamuzyatide aantalisyo akuzyandamana alimwi akutagusyigwa kubulangizi bwamakani mabotu aayo ngomwakamvwa, alimwi aakakambaukwa kuzilenge zyoonse zili ansi aajulu. Aaya ngamakani mabotu mebo nde Paulo ngondakabeda mubelesi. 24 Lino ndilakondwa mumapenzi aangu ngondipengela ndinywe, alimwi mebo ndizuzikizya izicibulide mumubili wangu kumapenzi aa Kilisito akaambo kamubili wakwe, uuli nimbungano. 25 Ndakaba mubelesi wambungano eeyi kweelana abubanzi Leza mbwaakandipa kutegwa nywebo ndimugwasye kwiinda mukukambauka jwi lya Leza cakumaninina— 26 nkokuti maseseke aa Leza aakasisidwe mubweende bwazyintu bwiindene-indene bwamusyule akumazyalani aainda. Pele lino ayubununwa kubasalali bakwe, 27 aabo Leza mbaakkomanina kuzyibya mbobutalivwulili bulemu bwamaseseke aakwe aaya akati kabamasi. Maseseke aaya ngu Kilisito mukukamantana andinywe alimwi abulangizi bwakuyoopegwa bulemu antoomwe anguwe. 28 Ooyu ngonguwe ngotwaambilizya, katulaya muntu uuli woonse akuyiisya muntu uuli woonse mubusongo boonse, kutegwa tupe muntu uuli woonse kuli Leza kali sikwiiya wa Kilisito uusimide. 29 Kujatikizya ceeci ncobeni ndilabeleka canguzu, kandilitakata kwiinda mukugwasyigwa anguzu zyakwe izibeleka canguzu mulindime.","num_words":488,"character_repetition_ratio":0.061,"word_repetition_ratio":0.0,"special_characters_ratio":0.152,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"‘Leza Ulabakatalusya Bakatede’—Isaya 40:29 | Ngaziyakulinda Yakwiiya\\nLugwalo lwamunyaka wa2018: ‘Aabo babikkide myoyo yabo kuli Jehova nguzu zyabo ziyoobusilizigwa.’​—IS. 40:31.\\nMAGWALO AAYA AYENDELANA BIYENI ALUGWALO LWAMUNYAKA UUNO?\\n1. Ngaali mapenzi ngituswaana alubo niinzi chipa kuti Jehova abotelwe akaambo kabakombi bakwe basyomeka? (Langa chifanikisyo chili kumatalikilo achiiyo.)\\nBUUMI munyika buvulide mapenzi. Bakwesu abachizi biingi balachiswa. Bamwi nikuba kuti bakomena pesi bachilangania nzubo zyabo zyakachembaala. Bamwi balikubeleka changuzu kuti basanine mpuli zyabo. Alubo bamwi balakonzya kuti basikilwa amapenzi asiyene-siyene muchiindi chomwe. Eezi zyaamba kuti mubeleka changuzu kuyanduula mali kuti mujane ziyandikana akuti mukonzye kulisilisya. Nikuba boobo, mulazumanana kusyomeka kuli Leza alubo muli abulangilizi muzisyomezyo zyakwe. Nzimuchita zilamubotezya Jehova.\\n2. Lugwalo lwaIsaya 40:29 lutusungwaazya biyeni pesi njiili miyeeyo njituteelede kubaayo?\\n2 Kuli nunga wamana manguzu na akaambo kabuyumu-yumu mbuswaana? Kuti kakuli boobo tuli awulikke pe. Bbayibbele litondeezya kuti, nikuba bakombi baJehova bachiindi bakali kulimvwa munzila eeyi. (1 Bam. 19:4; Job. 7:7) Pesi bakalangilila kuli Jehova kuti abape manguzu. Alubo wakabagwasya nkaambo Bbayibbele lyaamba kuti, “batakwe inguzu ulabayumya.” (Is. 40:29) Pesi chuusisya nchakuti, bamwi bakombi baJehova mazubaano bakasala ‘kusiya kukomba Jehova’ nkaambo bakalimvwa kuti kulaminia kutali kuti nchilongezyo. Nkinkaako bakachita ziyandwa aSaatani kuleka kubala Bbayibbele, kunjila miswaangano akukambawuka.\\n3. (a) Kujana twachita biyeni kuti tuzunde Saatani? (b) Tuyoolanga-langaanzi muchiiyo eechi?\\n3 Dyabbulosi ulizi kuti kubeleka changuzu mumilimu yabukombi kulatusimya, nkinkaako tayandi kuti tukkale katusimide. Chiindi nimulimvwa kamutakwe manguzu akaambo kabuyumu-yumu, tamweelede kuleka kubelekela Jehova. Mweelede kuswena kuli nguwe nkaambo “ulamupa inguzu akumuzyatika.” (1 Pet. 5:10; Jak. 4:8) Muchiiyo eechi, tuyoolanga-langa zintu zikonzya kupa kuti tuleke kubelekela Leza alubo tuyoobona kuti malayilile aamuBbayibbele atugwasya biyeni kuti tuzunde mapenzi aaya. Pesi lino atulange-lange mbulukonzya kutugwasya lugwalo lwaIsaya 40:26-31 kubona nzila Jehova njatusimyaayo.\\nAABO BABIKKIDE MYOYO YABO KULI JEHOVA NGUZU ZYABO ZIYOOBUSILIZIGWA\\n4. Nziizili zyiiyo nzitujana muli Isaya 40:26?\\n4 Bala Isaya 40:26. Taakwe muntu uukonzya kubala nyenyeezi. Basayensi bayeeyela kuti Kkondo Lyabasimpongo lili anyenyeezi zisika ku400 bbiliyoni. Pesi Jehova uzyiita amazina zyoonse. Eezi zituyiisyaanzi? Kuti Jehova kabikkila maanu zilenge zyakwe zitaponi, zili antanganana kuti ulababikkila maanu bakombi bakwe bamubelekela. (Int. 19:1, 3, 14) Ndeende wesu ulizizi zintu zitukataazya. Bbayibbele lyaamba kuti: “Masusu aali amitwe yanu alibalidwe oonse.” (Mt. 10:30) Alubo sintembawuzyo wakaamba kuti: ‘Jehova ulaazi mazuba abantu batakwe kampenda.’ (Int. 37:18) Ulabubona buyumu-yumu mbutuswaana alubo ulakonzya kutupa manguzu aakuti tubuzunde.\\n5. Niinzi chitupa kuba achoonzyo chakuti Jehova ulakonzya kutusimya?\\n5 Bala Isaya 40:28. Jehova Nkasensa kamanguzu. Muchikozyano, atulange manguzu ngaakabikka kuzuba. Umwi sikulanga-langa makani aasayensi uutegwa David Bodanis wakapandulula kuti: “Nzila njilipyaayo Zuba musekkondi iimwi kukozyanisigwa akudubuka kwamabbomba miingi.” Alubo umwi sikulanga-langa zyasayensi wakayungizya kuti: “Musekkondi iimwi zuba ligwisya kupya kukonzya kubelesegwa abantu kwaminyaka iili 200 000!” Muntu uupa kuti zuba lipye munzila eeyi, kujana wakachilwa na kutupa manguzu aakuti tulisimye chiindi nituli mumapenzi?\\n6. Kuziba kuti jokwe lyaJesu lilatulemununa kutugwasya biyeni?\\n6 Bala Isaya 40:29. Kubelekela Jehova kupa kuti tubotelwe. Jesu wakabuzya basikwiiya bakwe kuti: “Amulikulike ijokwe lyangu.” Mpawo wakayungizya kuti: ‘Mulakatulukwa mumyoyo yanu, nkaambo ijokwe lyangu talilemi awalo mukuli wangu muuba.’ (Mt. 11:28-30) Majwi aaya ngachoonzyo! Chimwi chiindi tulakonzya kulimvwa katukatede nituya kumiswaangano naakuti kukukambawuka. Pesi ngatwalimvwa biyeni nitwaboola? Ngatwalimvwa katusimide zyakuti ngatwalibambila kulwana buyumu-yumu mbutuli aabo. Nisimpe kuti jokwe lyaJesu lilatulemununa!\\n7. Amba chikozyano chitondeezya kuti majwi aali mulugwalo lwaMatayo 11:28-30 ngachoonzyo?\\n7 Umwi muchizi ngututiite kuti Kayla wakali kuchiswa bulwazi bwakumana manguzu, wakali kukataazikana mumizeezo alubo wakali kuchiswa mutwe uutaponi pe. Eezi zyakali kupa kuti chimwi chiindi akachilwe kuya kumiswaangano yambungano. Nikuba boobo, chiindi naakiinka kuli umwi muswaangano wakaamba kuti: “Nkani yakali kwaambuula atala akumana manguzu. Mukwesu wakali kupa nkani eeyi wakaambuula munzila yakubikkila maanu, eezi zyakandipa kuti ndilile. Zyakandiyeezya kuti tandeelede kuleka pe kuya kumiswaangano.” Eezi zyakamubotezya loko muchizi ooyu nkaambo wakaliwo amuswaangano ooyo.\\n8, 9. Mwaapostolo Pawulu wakali kwaambaanzi naakalemba kuti: ‘Chiindi ninditaakwe nguzu, nchechiindi nindijisi nguzu’?\\n8 Bala Isaya 40:30. Nikuba kuti twaba achiindi chilamfu katuli mukasimpe pesi kuli zintu nzitutakonzyi kuchita amanguzu eesu. Toonse tweelede kuziba makani aaya. Mwaapostolo Pawulu wakalisimide muzintu zyabukombi pesi kuli zintu nzyaakali kukachilwa kuchita. Naakabuzya Leza zyakali kumukataazya, Leza wakamusandula kuti: ‘Inguzu zyangu zilalondolwa mukubula kwako nguzu.’ Pawulu wakaamvwisisisya majwi aaya mpawo wakaamba kuti: ‘Chiindi ninditakwe nguzu, nchechiindi nindijisi nguzu.’ (2 Kor. 12:7-10) Wakali kwaambaanzi mumajwi aaya?\\n9 Pawulu wakabona kuti taakali kukonzya kuchita zintu zyiingi kuti taagwasigwa aLeza. Muuya uusalala waLeza wakali kukonzya kumupa manguzu. Alubo muuya uusalala wakapa kuti Pawulu akonzye kuchita zintu nzyaatakali kukonzya kuchita amanguzu aakwe. Mbukubede akulindiswe. Manguzu ngatupa Jehova ayoopa kuti tusime!\\n10. Jehova wakamugwasya biyeni Davida kuti alwane buyumu-yumu mbwaakaswaana?\\n10 Sintembawuzyo Davida wakabona muuya uusalala mbuwakamugwasya mubuumi bwakwe. Wakalemba kuti: “Kulugwasyo lwako ndakonzya kulwisya impi, kulugwasyo lwa-Leza wangu ndakonzya kusotoka bulambo.” (Int. 18:29) Amwi mapenzi tatukonzyi kwaazunda kuti teetwagwasigwa aJehova.\\n11. Pandulula mbuukonzya kutugwasya muuya uusalala kuti tulwane mapenzi ngituswaana.\\n11 Bala Isaya 40:31. Gumbe nilyuuluka talibelesyi manguzu aalyo luzutu. Muuya uukasala upa kuti lijane manguzu akuuluka. Nkinkaako, kuti waswaana buyumu-yumu bukumana manguzu weelede kuyeeya zichitika kugumbe. Weelede kukumbila Jehova kuti akupe ‘Mugwasyi, Muuya Uusalala.’ (Joh. 14:26) Chibotezya nchakuti tulakonzya kumukumbila kuti atugwasye kufumbwa chiindi. Alubo kulayandikana kuti tukumbile lugwasyo chiindi nitwatamvwanana amukombima. Nkamboonzi chimwi chiindi nitukonzya kutamvwanana abamwi mumbungano?\\n12, 13. (a) Nkamboonzi chimwi chiindi maKristu nibakonzya kutamvwanana? (b) Zyakachitika kuli Josefa zituyiisyaanzi atala aJehova?\\n12 Tulakonzya kutamvwanana abamwi akaambo kakuti tatumaninide pe. Nkinkaako, zimwi ziindi tulakonzya kwaambuula nikuba kuchita zintu zibanyemya naakuti abalabo balakonzya kuchita zintu zitunyemya. Eezi zilakonzya kusunka lusyomo lwesu. Pesi Jehova ulaazumizya masunko aaliboobu kuti tutondeezye kuti tulasyomeka kulinguwe kwiinda mukubelekelaamwi abakwesu nikuba kabatamaninide pe.\\nJehova wakagwasya Josefa alubo uyookugwasya anduwe (Langa fuka 13)\\n13 Zyakachitika kuli Josefa zitondeezya kuti Jehova ulaazumizya masunko kuti atuchitikile. Kachili muniini, Josefa wakuuzigwa abakulana bakwe mpawo wakatolwa kubuzike kuEgepita. (Matl. 37:28) Jehova wakali kububona buyumu-yumu mbwaakali kuswaana Josefa alubo eezi zyakali kumuchisa. Nikuba boobo, taakanjilila pe munkani yakwe. Chiindi Josefa nakabikkwa muntolongo akaambo kakutamikizigwa kuti wakali kuyanda kuvumpila mukayintu waPotifara, Jehova wakazibona alubo taakanjilila pe. Jehova wakamulekelezya na Josefa? Peepe, nkaambo Bbayibbele lyaamba kuti: “Jehova wakali awe [Josefa] azintu zyoonse nzyaakacita, Jehova wakazibotezya.”​—Matl. 39:21-23.\\n14. ‘Kuleka’ kunyema kutugwasya biyeni?\\n14 Atulange-lange chimwi chikozyano. Mbache bantu baswaana buyumu-yumu buli mbuuli bwaDavida. Davida taakazumizya kuti zintu zibi nzyaakali kuchitilwa zimunyonganie. Nikuba boobo, wakalemba kuti: “Leka kunyema, sowa bukali. Utalipenzyi, nkaambo kulaleta bubi buyo.” (Int. 37:8) Kaambo kapa kuti ‘tutanyemeni’ bakwesu nkakuti tuyanda kutobelezya Jehova ‘utatuchitili mbuuli zibi zyesu.’ (Int. 103:10) Alubo kuli zimwi zintu zitondeezya kuti ‘kutanyema’ kulagwasya. Kunyema-nyema kupa kuti tube amalwazi aali mbuuli BP akutayoya kabotu. Kulakonzya kupa kuti chini akalambalala zitabeleki kabotu akuti chakulya chitagayigwi kabotu mwida. Alubo kuti muntu kanyemede takonzyi pe kuyeeya kabotu. Eezi zilakonzya kupa kuti muntu alimvwe kakataazikene mumizeezo. Kusiyana azeezi, Bbayibbele lyaamba kuti: “Moyo uukede ulaponya mubili.” (Tus. 14:30) Kujana twachita biyeni kuti bamwi batubisizya? Tweelede kubelesya malayilile aamuBbayibbele.\\nCHIINDI MUKOMBIMA NAATUBISIZYA\\n15, 16. Tweelede kuchita biyeni kuti umwi watubisizya?\\n15 Bala BaEfeso 4:26. Kuti bantu bamunyika batujata bubi, nkuuba kuti tubalekelele. Pesi kuti mukombima naakuti wamumpuli watubisizya zilakonzya kutuyumina kumulekelela. Chimwi chiindi kulakonzya kutuyumina kuluba zyakachitika. Kujana twakkala katumunyemenede na kwaminyaka myiingi naakuti tuyootobela malayilile aamuBbayibbele aakubamba makani chakufwambaana? Kuti twaleka kubambulula kutamvwanana chakufwambaana, kuyootuyumina kuti tube aaluumuno abakwesu.\\n16 Atuti umwi mumbungano wakubisizya mpawo wabona kuti zilikukuyumina kuti umulekelele. Kujana wachita biyeni kuti mube aaluumuno? Weelede kukomba kuli Jehova chamoyo woonse, kulikukumbila kuti akugwasye kuti ukonzye kwaambuulaawe munzila iilikabotu. Weelede kuyeeya kuti alakwe mukombi waJehova. (Int. 25:14) Leza ulamuyanda. Jehova ubafwida luzyalo beenzinyina alubo uyanda kuti andiswe tuchite oobo. (Tus. 15:23; Mt. 7:12; Kol. 4:6) Kuzwa waawo, yeeyesesya nzutakaambe. Utalibuzyi kuti mukombinyokwe wakakubisizya aachaali. Libuzye kuti amwi kuli chimwi chintu nchwaakachita chakapa kuti mutamvwanani. Ulakonzya kwaamba kuti, “Amwi ndilafwambaana kunyema pesi zintu nzwakaamba jilo zyakapa kuti ndilimvwe . . .” Kuti teemwamvwanana, yanduula chimwi chiindi chakuti muzoowambuuzyanie. Pesi utaleki pe kukomba kuli Jehova kukumbila kuti amugwasye muzintu nzyachita. Kumbila Leza kuti akugwasye kubona bube bubotu mbwali aabo mukombinyokwe. Kufumbwa zitachitike, baachoonzyo chakuti Jehova uyoobotelwa, nkaambo wabeleka changuzu kuti mube aaluumuno amukombinyokwe.\\nKUKATAAZIKANA AKAAMBO KAZINTU ZIBI NZITWAKACHITA CHIINDI\\n17. Jehova utugwasya biyeni kuti twachita chibi chipati alubo nkamboonzi nitweelede kutambula lugwasyo ndwatupa?\\n17 Bamwi balimvwa kabateeleli pe kuti babelekele Jehova akaambo kazibi zipati nzibakachita. Kulipa mulandu kulakonzya kutukataazya. Mwaami Davida wakali kukataazikana azibi nzyaakachita chiindi, wakalemba kuti: “Nindakaumwide buyo, mubili wangu wakali kuya bumana, ndakali kutongela buzuba boonse. Nkaambo isikati amasiku ijanza lyako lyakandilemena.” Davida wakalizunda biyeni penzi eeli? Wakalemba kuti: “Ndakalyaambawida cibi cangu kulinduwe. . . Nkabela wakandilekelela mulandu wazibi zyangu.” (Int. 32:3-5) Kuti wakachita chibi chipati, Jehova ulakonzya kukugwasya. Weelede kuyanduula lugwasyo ndwapa kabelesya mbungano. (Tus. 24:16; Jak. 5:13-15) Weelede kufwambaana kubweza ntaamu nkaambo zyaamba buumi bwako. Pesi weelede kuchita biyeni kuti kukkala kulipa mulandu nikuba kuti wakalekelelwa chiindi?\\n18. Chikozyano chaPawulu, kujana chabagwasya biyeni bantu balimvwa kabateeleli kukomba Jehova akaambo kazintu zibi nzibakachita?\\n18 Chimwi chiindi, mwaapostolo Pawulu wakali kulipa mulandu akaambo kazibi nzyaakachita. Wakaamba kuti: “Ime ndimuniini wabo baapostolo boonse, nseeledwe izina lyabaapostolo, nkaambo ndakapenzya imbungano ya-Leza.” Nikuba boobo, Pawulu wakayungizya kuti: “Pele luzyalo lwa-Leza ndulwakandicita mbumbede.” (1 Kor. 15:9, 10) Jehova wakali kumuyanda nikuba kuti wakachita zibi alubo Leza wakali kuyanda kuti Pawulu azibe kuti ulamuyanda. Mbukunga Jehova ulalekelela, nkinkaako kuti kuli wakaleka chachoonzyo kuchita zintu zibi weelede kusyoma kuti Jehova wakakulekelela chamoyo woonse!​—Is. 55:6, 7.\\n19. Lugwalo lwamunyaka wa2018 lutyeni alubo nkamboonzi nilweelela?\\n19 Mbukunga nyika eeyi yabaafwiifwi kunyonyoonwa, tulangilila kuti mapenzi alavula aalawo. Atusyome kuti Jehova ulakonzya kutusimya kuti twiinkilile kunembo katumukomba nkaambo “ulakatalusya bakatede, abaabo batakwe inguzu ulabayumya.” (Is. 40:29; Int. 55:22; 68:19) Mumunyaka wa2018, tuyooyeezegwa atala akasimpe aaka chiindi nitunjila miswaangano muNg’anda yaBwaami. Majwi akasimpe aako alimulugwalo lwamunyaka luti: ‘Aabo babikkide myoyo yabo kuli Jehova nguzu zyabo ziyoobusilizigwa.’​—Is. 40:31.","num_words":1473,"character_repetition_ratio":0.051,"word_repetition_ratio":0.0,"special_characters_ratio":0.179,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"MWATI LEZA ULILUZI?\\nKakkede atebule mung'anda yokwabo, Imwana musankwa akatikati aadolopo wakajaigwa ankulu zimwaikide buyo ciindi naakali kulemba ncaakaambilwa kucitila kung'anda abayii bakwe.\\nMuzyali mumama wa canacana mukomponi wakajana mwana wakwe wayambukilwa bulwazi bwa sikalileke (AIDS) kuzwa nkwaakali kubikkwa bulowa.\\nNtenda zibi zilazumanana munyika yesu. Mpoona tulangila bwiinguzi kuli nzizyo zyoonse. Ino Leza uli kuli kayi munyika eeyi ya mapenzi-penzi buyo alimwi alufu? Mwiimbi utusyomezya kuti \"inyika izwide luyando lwakwe lutakakilwi pe\" (Intembauzyo 33:5).\\nIkuti aaya kaali masimpe, nkaambo nzi ncatalesyi kupenga alimwi antenda? Cibalo 20 cacizubuluzyo citondezya Leza mbwati kalesye mapenzi alimwi a cinyoonyoono.\\n1.\\tCUULU CAMYAKA CAYUBUNUNWA\\nCaandano 20 ca bbuku lya Cizubuluzyo caamba ciindi ca cuulu camyaka ciccilila kuboola kwabili kwa Jesu. Izintu ziyaabucitika mumbalimbali aaciindi eeci mamanino alumamba luyakulwanwa akati ka Klistu a saatani kuzwa ciindi cinyonyoono nicakanjila munyika.\\nEeci cisobano cakatalikila kujulu Lusifa naakanyonokela Klisto, wakatalisya nkondo abangele batawide pe, wakatandwa, watijila munyika yesu. Cisobano eeci cakazumanana amumuunda wa Edeni, cizyaabuzya limwi cazyoosika kuciindi dyabooli naakayunga bantu kwaanzika Jesu (ndiza inga wayanda kucibalulula caano eeci muciiyo catatu). Cisobano eeci ciyakusika mpocili atala myaka iili cuulu yaakumana, nyika yesu yasalazigwa akupegwa mubweendelezi bwa Jesu. Cizubuluzyo 20 citondezya kuti cuulu camyaka eeci cili aakati ka bubuke bobile.\\nNguni ngwabusya Leza mububuke butaanzi bucitika kumatalikilo aa cuulu camyaka? \"Balelekwa akusetekana aabo babweza lubazu mububuke butaanzi. Bubuke bwabili tabukwe nguzu alimbabo, pele bayooba bapailizi ba-Leza aba Jesu nkabela bayoolela antomwee anguwe kwa cuulu camyaka\" (Cizubuluzyo 20:6).\\n\"Ibalelekedwe akusetekana,\" Ibakatambula Jesu mbuli mufutuli wabo wacigaminina balabuka \"mububuke butaanzi.\" Kuti basalala kabali baya \"kulela antoomwe a\" Jesu mucuulu camyaka nkokuti baleelede kubusigwa kuma talikilo aacuulu camyaka.\\nMbabani babusigwa mububuke bwabili kumamanino aa cuulu camyaka?\\n\"Pele bamwi bafu boonse bakacaala teebakabuka pe mane do myaka iili cuulu imaninine\" (Cizubuluzyo 20:5).\\n\"Bamwi bafu boonse\" kulakonzya kwaamba babisyi bafwide, nkaambo basalala, \"balelekedwe akusetekana\" bakabusyigwa kale kumatalikilo aa cuulu camyaka: Nkokuti cuulu camyaka cili akati-kati kabubuke bobile. Bubuke bwa basalala kumatalikilo, nkabela bubuke bwababisyi kumamanino.\\n2.\\tKUBUSIGWA JESU ABOOLA LWABILI\\nBubuke butaanzi, ibwaba salala, kulaba Jesu aboola lweendo lwabili.\\n\"Nkaambo Mwami mwini uyooseluka kuzwa kujulu amukunga... a mweembo wa-Leza, NKABELA NOBAYOO-SAANGUNA KUBUKA ABAFWIDE MULI-KLISTU. elyo swebo, TOBAUMI TOBASYAALIZI TUYOOBWEZELWA ANTOMWE AMBABO TUKACINGANE A MWAMI MUJULU aboobo tuyookkala a-Mwami lyoonse.\" - 1 Batesolonika 4:16, 17.\\nJesu akuboola kunyika eeyi alimwi, wabusya, \"ibafwide muli-Klistu\" akubatoleezya antoomwe abasalali bacipona kujulu. Nkaambo babisyi bacilamatila kucibi, tabakonzyi kupona mubusena mwabede Leza, alimwi kabali bakanyonyoonwa kale a Jesu nakaboola (Luke 17:26-30). (Ndiza inga koyanda kubalulula muciiyo 8 zintu zizingulukide kuboola kwa Jesu.)\\n3.\\tSATANI WAANGILILWA ANKETANI KUNYIKA KWA CUULU CAMYAKA\\nCuulu camyaka catalika, basalala boonse baunka kujulu, babisyi boonse bafwa. Ino ninzi citikacitike munyika eeyi kwacuulu ca myaka?\\n\"Lino ndakabona angelo uuza buseluka mujulu, ulijisi cijuzyo camulindi uutagoli. Mujanza lyakwe wakali anketani mpati. Nkabela wakajata simwaaba, eeyo inzoka yaciindi iitegwa dyabolosi - a-saatani, akumwaanga myaka iili cuulu. Wakamusowela mumulindi uutagoli, wakamujalila akumusinkila kujulu, kuti ateeni limbi masi mane do eyo myaka iili cuulu, elyo musule lyayaaya uleelede kwaangululwa kaindi kaniini.\" - Cizubuluzyo 20:1-3.\\nJesu aboola, saatani waangwa alimwi ucinooyo jatidwe mucuulu camyaka. Ino uyakwaangilwa kuli saatani?\\n\"Mumulindi uutagoli.\" Bbala lya cigilikki lyaamba kuti \"mulamfu kapati kuya ansi\" na \"uutagoli.\" - Mumatalikilo 1:2.\\nIbbaibbele lyaci Gilikki lya cizuminano cakaindi lisebenzya bbala liti \"Abyss\" kupandulula ciimo canyika malengelo kaatana ba pe. Nkokuti inyika yesu njentologo mwaangididwe saatani.\\nMalembe aamba kuti saatani ulaangidwe a \"nketani mpati.\" Sena eeyi ninketani ncobeni? Peepe. Ncipandulwizyo buyo. Ninketani yabuumba-umba. Saatani uyakuyandisisya kapati kuti kacuunina bantu muya muciindi cacuulu camyaka. Pele takajani naba omwe musalale wakusunka nkaambo boonse banooli kale kujulu. Alimwi taakajani mubisyi wakusololela, nkaambo boonse balifwide kale, balilede muvu lyanyika katakonzyi kucenga naa kusunka naba omwe. Waingaila munyika alikke kayeeya macise amyoyo a bubi mbwaakacita.\\n4.\\tBASALALA BABETEKA BABISHI\\nCuulu camyaka eeci ncicona, nciindi calubeta. Pele atuyeeye kuti lubeta lujisi tubeela tone:\\n(1) Lubeta lwa basalali lucitwa katana boola Jesu lweendo lwabili.\\n(2) Bulumbu bwabasalali waaboola lwabili Jesu.\\n(3) Lubeta lwababisyi mucuulu camyaka.\\n(4) Bulumbu bwa saatani ababisyi kumamanino aaciindi eeco. (Ndiza inga walombozya kubalulula ciiyo 13 mutwakaiya kabeela kakutaanguna a kabili kalubeta kuyandaula alimwi a bulumbu bwa basalali.) Ono tulalanga kabeela ka tatu a kane. Ikuvuntauzya alimwi abulumbu bwababisyi. Twabona kuti basalali bafwide babusigwa, alimwi abasalali balanga batolwa kujulu boonse Jesu aboola ciindi cabili. Balikumunzi kujulu muciindi eeci ca cuulu camyaka. Ino banoocita nzi?\\n\"Sa TAMUZI KUTI BASALALI BAZOOBETEKA INSI YOONSE? Lino kuti ndinywe muzoobeteka insi,... sa tamuzyi KUTI TUZOOBETEKA BANGELE?\" - 1 Kolinto 6:2-3.\\n\"MPAWO NDAKABONA ZYUUNO MPAKEDE, NKABELA BAKAPEGWA LUBETEKO.... ABA BANTU BAKAPONA AKWEENDELEZYA ANTOOMWE A-KRISTU myaka iili cuulu.\" - Cizubuluzyo 20:4.\\nMuciindi ca cuulu ca myaka, basalali bayoolanga twaambo twa babisyi bantu alimwi abangelo bawide, antoomwe amusololi wabo saatani. Eelyo ncibotu kaka kuti bakajaigwa akaambo ka-Jesu basikukoma, abakakatila mulumbe kuti bateelele Leza mbwa beteka babisyi.\\nLeza, muluse lwakwe wapa coolwe kubantu ba nunwilwe kuti balibonene mbwabeteka babisyi. Ndiza tulaa mibuzyo minji mbuli yooyu: \"nkaambo nzi bamaama tabako kuno, bakalikulibonya kuti mbalome?\" Twaakulanga twaambo akubeteka bafu kweendelana ancibakacita cilembedwe mumabbuku (cisyoonto 12), tuyoolibonena tolikke kuti mumicito yakwe yoonse, amuntu nsi Leza wali luzi mubululami kumuntu omwe omwe. Tuyoolibonena muuya uusalala mbuwakali kupa coolwe kumuntu amuntu kuti ayaamine kuli Leza, mpoona abululami bwa kaambo komwe komwe buya kulibonya aatuba buu.\\n5.\\tSAATANI WAANGULULWA KUMAMANINO A CUULU CA MYAKA\\nKumamanino a cuulu camyaka, bbaibbele lilati:\\n\"Ndakabona munzi usalala, Jerusalemu mupya, kauseluka kuzwa kujulu kuli Leza, kaubambidwe kabotu-kabotu mbuli nabwiinga wasamina mulumi awakwe.\" - Cizubuluzyo 21:2.\\nOoyu munzi ukankamanisya wali ngomunzi wesu kwamyaka iili cuulu. Ono munzi usetekene - a Jesu abantu boonse mbaaka nununa mukati - baseluka kuzyila kujulu baboola kunyika yesu.\\nIno saatani utyani kumamanino aa cuulu camyaka?\\n\"Icuulu camyaka cainda saatani uyakwaangululwa kuzwa muntolongo mpoona uzooinka kuyaabuunina Bantu mumasi aali muzyooko zyone zyanyika... kubabungikila nkondo. Mumweelwe, bali mbuli musenga waku lwizi. Nkabela bakeendeenda mubulamfu boonse bwanyika akuzinguluka inkambe yabasalali amunzi uuyandika.\" - Cizubuluzyo 20:7-9.\\nIbabisyi bayakubusigwa mububuke bwabili kumamanino aa cuulu camyaka (Cisyoonto 5). Ibasalali baakuseluka mumunzi uusalala, ababisyi abalo babusyigwa, saatani \"uyakwaangululwa kwakaindi kasyoonto buyo\" (Cisyoonto 3). Saatani alimwi waba ankamu yababisyi njaelede kuyunga-yunga, alimwi asinkondo nyina kali mbabasalali. Cakutasowa ciindi ulabunganya impi mpati yababisyi. Saatani ulabaambila kuti beende akuzinguluka munzi oonse. Mbuli mbobabweza masena aabo kuzinguluka munzi mupya wa Jerusalemu (Cisyoonto 9), balimvwa kuti balisowekede - kusweekela limwi kukabe kutamani.\\n6.\\tLUBETA LWAMAMANINO MBOLUBEDE\\nMpaawa, ono, boonse balunyungu lwamuntu mpobaswaanganinina lweendo lwakutaanguna busyu-abusyu. Jesu usololela nkamu yabanunwidwe bana ba Leza ibali mukati kamunzi, saatani wiingausya milwi-milwi yababisyi kunze a bwaanda bwa munzi. Aciindi ciyoosya eeci, Leza watalika kabeela kamamanino ka lubeta luleta babisyi munkuta yamamanino.\\n\"Lino ndakabona cuuno cipati ayooyo uukkede alincico... mpaawo ndakabona bafu boonse, bapati abaniini baliimvwi kunembo lya-Leza... elyo bafu bakabetekwa mbuli makani alembedwe mumabbuku.\" - Cizubuluzyo 20:11, 12.\\nMbuli babisyi mbobaimvwi kunembo lya-Leza wabululami, buumi bwabo boonse bwalibonya. Kuzwa kumakani aali mujulu, Jesu, mubetesi wabululami, wapandulula mbwaakabeleka boonse a Bantu nsi boonse abangelo bawide.\\nJulu lyoonse lilangide buyo akukankamana. Kaimvwi kumbele lya cuuno ca Leza, Jesu ulwiida umwi-aumwi bumboni bwa mulimo wakufutula. Waamba kuti wakazooyandaula akujana basowekede. Wakanjila munyika yesu muciimo camuntu, wakapona buumi butakwe cibi nokuba kuti wakali akati kamakatazyo amasunko. Wakalitakata aciciingano akuti wakaba mupailizi wesu mupati mukati kajulu. Kumamanino, Jesu cabuumbaumba weenda akuya kumpela kumwi kappa mulandu kuli baabo bakazumanana kukaka luse lwakwe. Coonse cilenge ciiya kuzumina bululami alimwi akweelela kwantaamu yabwezegwa mulubeta lwa Leza.\\n\"Tuya kuima toonse kumbele lya cuuno ca Leza. Kuli lembedwe kuti: 'mbwendi muumi' (mbombuboobo mbwaamba Jehova), \"ncobeni mazwi oonse alandifugamina.\" - Ba Roma 14:10-11.\\n\"Jesu Klistu,.... Wakalibombya akuzumina nikuba kufwa- nkukuti kufwa kwakubambulwa aciciingano!.... Kuti boonse bafugame amazwi cakulemeka izina lya-Leza. Nibaba baansi nibaba bakujulu. Alimwi akuti ndimi zyoonse zizumine kuti Jesu Klistu ngu-Mwami, cakulemeka Leza taateesu.\" - Ba Philippi 2:5-11.\\nCibi mbucakatalikila saatani wali kuyaabujaya ciimo caLeza kati Leza taluzi. Pesi ono mibuzyo yoonse yaingulwa azigambya zyoonse zyapasululwa; ono cilenge coonse munyika cazumina kuti Jesu mbelele yakwe Leza, tweelede kumuyanda akumukomba.\\nMuzeezo oonse wa-Leza amulimo wakwe wamaniina kuzubululwa oonse, alimwi ciimo ca-Leza cazyibwa. Tabali balikke bafutudwe, pele abangele bawide, a saatani lwakwe mwini bayakuzumina kuti inzila yaa saatani yalimbi akuti nzila zya-Leza zililuleme alimwi nzyabwini. Boonse babona kuti cibi akuliyanda zyaleta buyo kuusa akutenga alimwi taceelede kuzumanana pe.\\n7.\\tCIBI CASIKA KUMAMANINO AANCICO\\nNokuba kuti saatani abutanga bwa babisyi bazumina kuti nzila ya-Leza ili luleme, myoyo yabo taisandukide pe, azyiimo zyabo zicili zyibi. Lubeta lwamana buyo, babisyi:\\n\"beenda kwiinda amunyika akuzyoozinguluka munzi uujisi Bantu ba Leza, munzi ngwayanda. Pele mulilo wakaloka kuzwa kujulu akuzoobaumpa, alimwi dyabooli wakabaunina, wakawaalilwa mukalambwe kamulilo... elyo lufu a cuumbwe zyakawaalilwa mukalambwe kamulilo kalambwe kamulilo ndolufu lwabili. Kuti na kuli ulaazina lyatajanika mubbuku lya buumi, wakawaalilwa mukalambwe kamulilo\" - Ciyubunuzyo 20:9-15.\\nMulubeta lwa mamanino, mililo wa Leza uteeli iya kunyonyoona cibi, abaabo bakakakila lyo kucileka. Saatani aboonse bakasweeka, baloba \"mulufu oolu lwabili,\" lufu lutamani lutalangilwi kuti kuyooba kubuka pe. Buzangi bwabo bwabasiya ibabisyi, kuti tabalangili kuya kuba aakukkomana pe. Nkabela banyonyoonwa antoomwe a dyabooli abangele bakwe. Mulilo wajulu wamaniizya kusalazya nyika kuzisazi zya cibi; Leza waba anyika isalala kumamanino, taaku limbi cibi nociyoonyonganya.\\nMakatazyo aali akati kacibotu a cibi, akati ka Klistu a saatani amaninina lyo, eelyo Klistu walela. Makani a caalila nkondo yacibi alimwi a bulemu buboola munyika mpya yazintu ziteeli pe.\\n8.\\tINYIKA YASALAZIGWA AKU LENGULULWA\\nKuzwa kutwe eeli lya kulengulula cakusalazya, Leza uyoolenga nyika mpya:\\n\"Lino ndakabona ijulu lipya anyika impya, nkaambo ijulu lyakusaanguna anyika yakusaanguna zyoonse zyakamaninina... nkabela ndakabona munzi mulemu, Jerusalemu mupya, uzabuseluka kuzwa kujulu kwa Leza.... Amubone, bukkalo bwa Leza mpobuli akati kabantu, uzookkala akati kabo. Bazooba bantu bakwe, alakwe Leza mwini uzookkala kuli mbabo azoobe Leza wabo. Nkabela uyoosindula misozi yoonse kumeso aabo. Takukoyooba lufu nikuba koomoka, nikuba kulila nikuba kuciswa, nkaambo zintu zyakale zyamaninina... amubone ndalengulula zintu zyoonse zibe zipya'\"- Cizubuluzyo 21:1-5.\\nNyika yapegwa bubotu bwayo bwakumatalikilo. Ono nyika waba ngo munzi waba nunudwe kukabe kutamani akutamani. Twaangululwa kuzwa ku kuliyanda, malwazi akupenga, tuya kweendenda nyika yoonse, lukamantano lukankamanisya tuya kuba andulo alimwi a moongole wakukkala a Jesu, kwiiya kuswiilila akuyanda. (Bupanduluzi bukkwene bwanyika mpya inga wayanda kubalulula Ciiyo 9).\\nUyeeya kuti uyakuba kuli oobuya buzuba? Hena wasala kuba a Jesu mukati kaamunzi kukabe kutamani? Na uyooba kunze amunzi kakutako Jesu kukabe kutamani?\\nNa wabikka buumi bwako mumaanza a Jesu, toyelede kuba amapenzi aaboona babaya bali kunze aamunzi, balo bazyiba kuti balisweekede kukabe kutamani. Kunyina makani naa wajana nzi mubuumi, kuti wabikka buumi bwako muli Klistu - ulakonzya kuba mukati aamunzi a Jesu antoomwe aba nunwidwe. Kuti kotana cita oobo, kopa moyo wako kuli Jesu, nkabela uzoozinguluka moyo wako aluyando lwakwe a lulekelelo. Eeci ncoolwe cako. Oobuno mbobuzuba bwa lufutuko lwako.","num_words":1636,"character_repetition_ratio":0.045,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Baroma 11 | Bbaibbele Lili a Intaneti | Bbaibbele lya Busanduluzi Bwanyika Mpya\\n11 Aboobo ndibuzya kuti, Sena Leza wakabakaka bantu bakwe? Peepe! Nkaambo andime ndili muna Isilayeli, uuzwa mulunyungu lwa Abulahamu alimwi amumukowa wa Benjamini. 2 Leza kunyina pe naakabakaka bantu bakwe aabo mbaakasaanguna kubikkila maano. Sena tamuzyi ncaamba Magwalo kujatikizya Elija, nakombelezya Leza kuti abasubule bana Isilayeli? 3 Wakati: “O Jehova, bantu aaba bajaya basinsimi bako, bazinyonyoona zipaililo zyako alimwi mebo endikke ndime ndasyaala, eelyo lino bayandaula buumi bwangu.” 4 Pele ino Leza wakamwiingula buti? Wakati: “Ndicijisi baalumi bali 7,000 batamufwugamina Baala.” 5 Aboobo munzila eeyi, kwaciindi cino alimwi nkobali basyeede aabo bakasalwa kwiinda muluzyalo lwa Leza. 6 Lino ikuti naa bakasalwa akaambo kaluzyalo lwa Leza, ikusala ooku takucili akaambo kamilimo pe; nokwali boobo, luzyalo lwa Leza nilwatacili luzyalo pe. 7 Aboobo ino twaambe nzi? Cintu eeco ncobayandaulisya bana Isilayeli tiibakacijana pe, pele aabo bakasalwa bakacijana. Aaba bamwi boonse bakaba basicinguni; 8 mbubonya mbokulembedwe kuti: “Leza wakabacitya kuti babe muŋonzi zyakumuuya, babe ameso aataboni alimwi amatwi aatamvwi kusikila buzuba buno.” 9 Awalo Davida waamba kuti: “Tebulu lyabo beni alibabede kakole, diba, cilebyo alimwi acisubulo; 10 meso aabo aasiye mbi kutegwa bataboni, alimwi lyoonse kaboongomene misana.” 11 Aboobo andibuzye kuti, Sena bakalebwa akuwida limwi? Peepe! Pele kuwa kwabo kwakabapa lufwutuko bantu bamasi kutegwa babape kuba abbivwe. 12 Lino ikuti naa kuwa kwabo caamba zilongezyo kunyika, alimwi ikuceya kwabo caamba zilongezyo kubantu bamasi, elo kaka kuyooba zilongezyo zinji akaambo kamweelwe wabo uukkwene! 13 Lino ndaambaula andinywe nobantu bamasi. Mbwaanga ndili mutumwa kuli bamasi, ndilaulemeka mulimo wangu, 14 ikutegwa ikuti naa cakonzyeka ndicitye baabo bamusyobo wangu kuba abbivwe akufwutula bamwi akati kabo. 15 Nkaambo ikuti kukakwa kwabo kwaamba luyanzano kunyika, ino kutambulwa kwabo kulaamba nzi? Sena tacikabi buyo mbuli kubuka kuzwa kubafwu? 16 Alimwi, ikuti cibeela cibonwa kuti micelo mitaanzi kacisalala, nkokuti mulwi woonse wafulawulu uukandidwe awalo ulasalala; alimwi ikuti muyanda kuusalala, nkokuti ayalo mitabi ilasalala. 17 Nokuba boobo, ikuti naa mitabi imwi yakagonkwa pele nywebo, nokuba kuti muli mutabi wacisamu camaolifa camusyokwe, mwakalumikizyigwa akati kanjiyo akulya zyintu zinono zizwa kumiyanda yacisiko camusamu wamaolifa, 18 mutanoolisumpuli kujatikizya mitabi eeyo. Pele ikuti kamulisumpula kujatikizya njiyo, kamuyeeya kuti tamuli ndinywe pe nomutabilila miyanda, pele miyanda njiimutabilila. 19 Aboobo inga mwaamba kuti: “Mitabi eeyo yakagonkwa kutegwa kulumikizyigwe ndime.” 20 Aayo masimpe! Akaambo kakubula lusyomo kwabo bakagonkwa, pele nywebo muliimvwi akaambo kalusyomo. Lino mutalisumpuli, pele kamuyoowa. 21 Nkaambo ikuti naa Leza tanaakailekela kuzumanana mitabi iini-ini, nkokuti andinywe takamulekeli kuzumanana pe. 22 Aboobo amubone luzyalo lwa Leza abukali bwakwe. Kuli bukali kuli baabo bakawa, pele kulindinywe kuli luzyalo lwa Leza, kufwumbwa kuti mwazumanana muluzyalo lwakwe; buyo-buyo, anywebo muyookwezyulwa. 23 Abalo mbubonya, ikuti tiibazumanana kubula lusyomo, bayoolumikizyigwa; nkaambo Leza ulakonzya kubalumikizya kucinyina alimwi. 24 Nkaambo ikuti nywebo nomwakagonkwa kucisamu camaolifa camusyokwe mwakalumikizyigwa kucisamu camaolifa cisyangidwe mumuunda kakuli tabusyi mboceelede kuba, cinooli cuuba-uba kapati kaka kumitabi eeyi iini-ini kulumikizyigwa alimwi kucisamu camaolifa icinyina! 25 Nkaambo tandiyandi kuti nywebo bakwesu kamutaazyi maseseke aa Leza aaya, kutegwa mutacenjeli mumeso aanu nobeni; kuti cibeela cimwi cabana Isilayeli baba basicinguni, kusikila mweelwe uukkwene wabantu bamasi uyobololwe, 26 aboobo munzila eeyi bana Isilayeli boonse bayoofwutulwa. Mbubonya mbokulembedwe kuti: “Imuvwuni uyooboola kuzwa mu Ziyoni akubalesya kucita micito mibi balunyungu lwa Jakobo. 27 Alimwi eeci ncizuminano cangu ambabo, ndaakugusya zibi zyabo.” 28 Masimpe, ikujatikizya makani mabotu balo mbaasinkondo akaambo kandinywe, pele ikujatikizya baabo mbasala Leza balo mbayandwa akaambo kabamausyi. 29 Lino Leza takausi kujatikizya baabo mbapa zipego akwiita. 30 Nkaambo mbubonya andinywe mbomwatakali kumuswiilila Leza, pele lino mwakafwidwa luse akaambo kakutaswiilila kwabo, 31 mbubonya buyo abalo aaba lino tabaswiilili calo capa kuti mufwidwe luse, kutegwa abalo beni kubagama bafwidwe luse lino. 32 Nkaambo boonse Leza wabajalila antoomwe mukutaswiilila, ikutegwa boonse abafwide luse. 33 Eelyo talweeli kaka lubono, busongo aluzyibo lwa Leza! Eelyo kaka tazitobeleki mbeta zyakwe alimwi kunyina uunga waziteelela nzila zyakwe zyoonse! 34 Nkaambo “ino nguni waizyiba mizeezo ya Jehova, naa nguni waba sikumulaya?” 35 Naa, “Ino nguni wasaanguna kumupa cintu kutegwa cipilusyigwe kulinguwe?” 36 Nkaambo zyintu zyoonse zyakazwa kulinguwe alimwi nkozili kwiinda mulinguwe alimwi akaambo kanguwe. Kulinguwe akube bulemu kukabe kutamani. Ameni.","num_words":629,"character_repetition_ratio":0.052,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mikwasyi Iizwidilila—Kucibikkila Maano Cikwati\\nKucibikkila maano cikwati cili mbuli ngobyo iipa kuti cikwati canu kacili ciyumu ciindi nokuli guwo, nkokuti mapenzi\\nBamalumi alimwi abamakaintu ibacibikkila maano cikwati cabo, bacibona kuti cinooliko lyoonse alimwi eeci cibapa kulimvwa kukwabililwa. Umwi aumwi wabanabukwetene ulijisi lusyomo lwakuti mweenzinyina uyoozumanana kuba mucikwati nomuba muziindi zikatazya.\\nBanabukwetene bamwi balimvwa kuti beelede kuzumanana kukkala antoomwe akaambo kakuyanda kukkomanisya balongwe, babelesinyina naa banamukwasyi. Nokuba boobo, iciyandika kapati ncakuti beelede kucita oobo akaambo kaluyando alimwi abulemu mbobajisi kuli umwi amweenzinyina.\\nNJIISYO YAMU BBAIBBELE: “Mulumi teelede kusiya mukaintu wakwe pe.”—1 Bakorinto 7:11.\\n“Ikuti kamucibikkila maano cikwati canu, tamunoofwambaani kunyema. Muciindi caboobo, munoofwambaana kulekelela alimwi akulilekelela. Mapenzi munakwaabona mbuli kuti ncilebyo buyo, kutali mbuli cintu citakonzyi kubambwa icisololela kukulekana.”—Ba Micah.\\nCiindi nobasikilwa mapenzi, banabukwetene ibatacibikkili maano cikwati cabo balakonzya kwaamba kuti, ‘Tatweelelani pe’ mpoonya balakonzya kutalika kuyandaula nzila zyakulekana.\\n“Bantu banji balanjila mucikwati kabajisi makanze aakuti, ikuti zintu zyakatazya mucikwati, balakonzya kulekana. Ciindi bantu nobanjila mucikwati kumwi kabajisi kale muzeezo wakulekana ikuti zintu zyakatazya, nkokuti inga tabacibikkilide maano cikwati cabo kuzwa kumatalikilo.”—Ba Jean.\\nCiindi nomuzwangana . . .\\nSena inga mulaakuusa akaambo kakukwatana amuntu ooyo ngomukwetene limwi?\\nSena kuli nomulombozya kuba amuntu uumbi kunze aayooyo ngomukwetene limwi?\\nSena kuli nomwaamba kuti, “Ndilakusiya” naa “Ndiyakujana muntu uumbi uunakundiyanda”?\\nIkuti naa mwaingula kuti inzya kumubuzyo umwi akati kayeeyi, nkokuti lino nceciindi ncomweelede kucibikkila maano kapati cikwati canu.\\nAMUBANDIKE ANGOMUKWETENE LIMWI KUJATIKIZYA MIBUZYO IITOBELA\\nSena kubikkilana maano mucikwati cesu kwayaansi? Ikuti naa mboobo, nkaambo nzi?\\nIno nintaamu nzi nzyotweelede kubweza kutegwa katubikkilana maano kapati mucikwati cesu?\\nMuzimwi ziindi, amumulembele kagwalo kaluyando ooyo ngomukwetene limwi\\nAmutondezye kuti mulacibikkila maano cikwati canu kwiinda mukubikka zifwoto zyamuntu ngomukwetene limwi adesiki naa atebulu lyakumulimo wanu\\nAmumutumine fooni ngomukwetene limwi buzuba abuzuba ciindi nomuli kumulimo naa ciindi nomutali limwi\\nNJIISYO YAMU BBAIBBELE: “Aabo Leza mbaaswaanganya kutabi muntu uubaandaanya.”—Matayo 19:6.\\nCiindi Nomutyompedwe Akaambo Kalukwatano Lwanu","num_words":283,"character_repetition_ratio":0.083,"word_repetition_ratio":0.0,"special_characters_ratio":0.145,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matayo Marko Luka Johane Milimo Baroma 1 Bakorinto 2 Bakorinto Bagalatiya Baefeso Bafilipi Bakolose 1 Batesalonika 2 Batesalonika 1 Timoteyo 2 Timoteyo Tito Filimoni Bahebrayo Jakobo 1 Petro 2 Petro 1 Johane 2 Johane 3 Johane Juda Ciyubunuzyo 1 2 3 4 5 6\\n3 Ikaambo aaka nkamasimpe. Ikuti naa muntu kayanda mulimo wabulangizi, uyanda mulimo mubotu. 2 Aboobo mulangizi weelede kuba muntu uutakwe kampenda, mulumi uukwete mukaintu omwe, uutaciindizyi muzilengwa, uulibatamika, mulondo, uusamausya, uukonzya kuyiisya kabotu, 3 ikutali mukolwi, ikutali sinkondo, pele uunyoneka, ikutali sinkazi, ikutali uuyandisya mali, 4 weelede kuba muntu uubeendelezya kabotu bamuŋanda yakwe, uujisi bana balibombya cakumaninina; 5 (nkaambo ncobeni ikuti muntu katacizyi kweendelezya bamuŋanda yakwe mwini, ino mbuti mbwakonzya kulanganya mbungano ya Leza?) 6 ikutali wakasanduka onoono, ikuyoowa kuti inga walitukumuna akubetekwa mbubonya mbuli Diabolosi. 7 Kunze lyaboobo, weelede kuti kajisi mpuwo mbotu kubantu bakunze, ikutegwa bantu batamusampauli akuti atacegwi mukakole ka Diabolosi. 8 Mbubonya buyo abalo bakutausi beelede kuba bantu basimide mumizeezo, ikutali basimilaka yobilo, ikutali banywa waini munji, ikutali bayanda kujana mpindu cabumpelenge, 9 pele ibakakatila kumaseseke aa Leza aajatikizya lusyomo kabajisi manjezyeezya aasalala. 10 Alimwi, aaba beelede kusaanguna kusolwa naa baleelela, nomuya mubalekele kubeleka mulimo wabukutausi, mbwaanga tabajisi butongo. 11 Abalo bamakaintu mbubonya beelede kuba bantu basimide mumizeezo, batabejelezyi bamwi twaambo, bataciindizyi muzilengwa, ibasyomeka muzyintu zyoonse. 12 Bakutausi beelede kuba balumi bakwete mukaintu omwe, ibeendelezya kabotu bana babo alimwi abamumaanda aabo beni. 13 Nkaambo bantu aabo ibabeleka kabotu balijanina mpuwo mbotu alimwi balakonzya kwaamba cakutayoowa abuniini kujatikizya lusyomo lwabo muli Kilisito Jesu. 14 Ndakulembela zyintu eezyi nokuba kuti ndilangilwa kusika ooko nkobede lino-lino, 15 kutegwa ikuti naa ndimuke, uzyibe mboyelede kulilemeka muŋanda ya Leza, iili nimbungano ya Leza uupona, imusemu alimwi cisiko cakasimpe. 16 Masimpe, mapati ncobeni imaseseke aajatikizya kubelekela Leza cakulyaaba aaya aakuti: ‘Wakacitwa kuti alibonye mumubili, wakaambwa kuti mululami mumuuya, wakalibonya kubangelo, wakakambaukwa akati kamasi, wakasyomwa munyika, wakatambulwa kujulu mubulemu.’","num_words":278,"character_repetition_ratio":0.052,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Buumi Alimwi Abulowa Mububona Mbwabubona Leza?\\nAMUBALE MU Afrikaans Alur Amharic Bassa (Cameroon) Batak (Karo) Belize Kriol Boulou Cebuano Chichewa Chin (Hakha) Chin (Tiddim) Chitonga Chitonga (Zimbabwe) Chitumbuka Chiyao Chokwe Cibemba Cinyanja Colombian Sign Language Cuban Sign Language Danish Douala Dutch English Ewe Fijian Filipino Sign Language Fon French Ga Greek Guarani Gun Haitian Creole Herero Hiligaynon Hindi Hungarian Iloko Indian Sign Language Indonesian Irish Javanese Jula Kabiye Kabuverdianu Karen (S'gaw) Kazakh Kikaonde Kikuyu Kiluba Kinyarwanda Kirghiz Kiribati Kirundi Kongo Korean Krio Kwanyama Kyangonde Lhukonzo Lingala Luganda Luvale Malay Malayalam Mambwe-Lungu Mbunda Mongolian Moore Myanmar Ndebele Ndebele (Zimbabwe) Nepali Ngangela Nias Norwegian Nyaneka Okpe Otetela Pangasinan Portuguese Portuguese (Portugal) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Russian Samoan Sango Sena Sepedi Sesotho (South Africa) Seychelles Creole Sidama Silozi Sinhala Spanish Spanish Sign Language Sunda Swahili Swahili (Congo) Swedish Tagalog Tamil Thai Tigrinya Tok Pisin Tongan Tshiluba Tuvaluan Ukrainian Uruund Vietnamese Wayuunaiki Wolaita Zande\\nSena Buumi Mububona Mbwabubona Leza?\\n“Yebo ndonduwe kasensa kabuumi.”​—INTEMBAUZYO 36:9.\\n1, 2. Ino ncipego nzi cibotu Jehova ncaakatupa?\\nJEHOVA wakatupa cipego cibotu kapati toonse. Cipego cabuumi. (Matalikilo 1:27) Uyanda kuti katupona buumi bubotu kapati. Aboobo watupa njiisyo izituyiisya mbotukozya kupanga zyakusala izili kabotu. Tweelede kuzibelesya njiisyo eezyi kutegwa kazitugwasya “kwaandaanya ciluzi alimwi acitaluzi.” (Bahebrayo 5:14) Twacita oobo, tuzumizya Jehova kutuyiisya kuyeeya munzila iili kabotu. Ciindi notupona kweelana anjiisyo zya Leza alimwi akubona mbozipa kuti tupone buumi buli kabotu, tulazyiba njiisyo eezyi mboziyandika kapati.\\n2 Buumi bulakonzya kukatazya kapati. Kanji-kanji kulaba bukkale butaambidwe cacigaminina mumilawo yamu Bbaibbele. Mucikozyanyo, ambweni tulakonzya kulijana mubukkale motuyandika kusala busilisi ibujatikizya bulowa. Ino mbuti mbotukonzya kusala munzila iimukkomanisya Jehova? Bbaibbele lijisi njiisyo zituyiisya kuzyiba Jehova mbwabubona buumi alimwi abulowa. Ikuti twazimvwisya njiisyo eezyi, tuyoocikonzya kusala kabotu alimwi akuzumanana kuba amanjezyeezya aasalala. (Tusimpi 2:6-11) Lino atulange-lange njiisyo zimwi.\\nMBUTI LEZA MBWABUBONA BUUMI ALIMWI ABULOWA?\\n3, 4. (a) Mbuti Leza mbwaakayubununa mbwabubona bulowa? (b) Ino bulowa bwiiminina nzi?\\n3 Bbaibbele lituyiisya kuti bulowa bulisetekene nkaambo bwiiminina buumi. Alimwi buumi bulayandika kapati kuli Jehova. Ciindi Kaini naakamana kujaya munyina, Jehova wakamwaambila kuti: “Bulowa bwamunyoko bulandililila kuzwa munyika.” (Matalikilo 4:10) Bulowa bwa Abelo bwakali kwiiminina buumi bwakwe, ciindi Kaini naakajaya Abelo, wakanyonyoona buumi bwamunyina.\\n4 Nolyakamana Zambangulwe mumazuba aa Nowa, Leza wakaambila bantu kuti balakonzya kulya nyama. Pele wakabaambila cacigaminina kuti: “Tamweelede kulya nyama antoomwe abuumi bwayo, nkokuti bulowa bwayo.” (Matalikilo 9:4) Mulawo ooyu wakali kubajatikizya bana ba Nowa boonse, kubikkilizya andiswe. Cilisalede kuti kuli Jehova, bulowa bwiiminina buumi. Andiswe mbotweelede kububona bulowa oobo.—Intembauzyo 36:9.\\n5, 6. Ino Mulawo wa Musa wakatondezya buti Jehova mbwabubona buumi abulowa?\\n5 Mu Mulawo Jehova ngwaakapa Musa, wakaamba kuti: “Kufwumbwa muntu . . . uulya bulowa buli boonse, ndiyoomukaka muntu ooyo uulya bulowa, eelyo ndiyoomujaya. Nkaambo buumi bwacintu cipona buli mubulowa.”—Levitiko 17:10, 11.\\n6 Mulawo wa Musa wakali kwaamba kuti, ikuti muntu wajaya munyama kuti cibe cakulya, wakeelede kubutila bulowa ansi. Eeci cakali kutondezya kuti buumi bwamunyama bwapilusyigwa kumulengi, Jehova. (Deuteronomo 12:16; Ezekieli 18:4) Pele Jehova tanaakali kulangila kuti tiikwakeelede kucaala kadosi kabulowa nokaba komwe ciindi bana Israyeli nobakali kujaya munyama. Kufwumbwa buyo kuti bacita ncobakali kukonzya ikugusya bulowa, bakali kukonzya kulya nyama kabajisi manjezyeezya aasalala. Kwiinda mukulemeka bulowa bwamunyama, bakali kutondezya kuti bakali kumulemeka Sikupa buumi, Jehova. Mulawo alimwi wakali kulailila bana Israyeli kutuula banyama kabali cipaizyo cakuvwumba zibi.—Amubone Bupanduluzi Buyungizyidwe 19 alimwi a 20.\\n7. Mbuti Davida mbwaakatondezya kuti wakali kubulemeka bulowa?\\n7 Tulakonzya kubona bulowa mbobuyandika kuzwa kucintu ncaakacita Davida ciindi naakali kulwana ba Filisiti. Baalumi ba Davida nobakabona kuti ufwide nyota kapati, bakabikka buumi bwabo muntenda kwiinda mukunjila munkambi yabasinkondonyina kuyoomutekela maanzi aakunywa. Pele ciindi nobakamuletela maanzi, Davida wakakaka kwaanywa alimwi “wakaatila ansi kuli Jehova.” Davida wakaamba kuti: “Cilatondwa kulindime, O Jehova, kuti ndicite boobu! Sena ndeelede kunywa bulowa bwabaalumi aaba ibabikka buumi bwabo muntenda?” Davida wakalizyi buumi alimwi abulowa mboziyandika kuli Leza.—2 Samuele 23:15-17.\\n8, 9. Ino Banakristo mazuba aano beelede kububona buti bulowa?\\n8 Kuzikusika muciindi ca Banakristo bakusaanguna, bantu ba Leza tiibakacili kuyandika kutuula banyama. Pele bakacili kuyandika kububona munzila yeelede bulowa. Akati kazibeela zisyoonto zya Mulawo Jehova nzyaakali kuyanda kuti Banakristo kabatobela, kwakali mulawo ooyu wakuti, ‘Amutantamuke kubulowa.’ Eeci cakali kuyandika kapati mbubwenya mbuli kutantamuka kutalilemeka naa kukomba mituni.—Milimo 15:28, 29.\\nIno mbuti mbondikonzya kupandulula kusala kwangu kujatikizya kubelesya zibeela zyabulowa?\\n9 Ncimwi buyo amazuba aano. Mbotuli Banakristo, tulizyi kuti Jehova Ngokasensa kabuumi alimwi akuti buumi boonse mbubwakwe. Alimwi tulizyi kuti bulowa bulisetekene akuti bwiiminina buumi. Aboobo tuyanda kuba masimpe kuti twazilanga-langa njiisyo zyamu Bbaibbele ciindi notusala busilisi bujatikizya kubelesya bulowa.\\nKUBELESYA BULOWA MUBUSILISI\\n10, 11. (a) Ino Bakamboni ba Jehova bakubona buti kubikkwa bulowa naa zibeela zyabulowa? (b) Ino nkulisalila kuli buti Munakristo umwi aumwi nkwayelede kucita?\\n10 Bakamboni ba Jehova balizyi kuti ‘kutantamuka kubulowa’ cijatikizya zinji kunze buyo aakulya naa kunywa bulowa. Eeci caamba kutabikka bulowa mumibili yesu munzila iili yoonse. Alimwi cibikkilizya kutabikkwa bulowa alimwi akuyobola bulowa bwesu kutegwa tukabikkwe mbubo kumbele. Cilabikkilizya akutabikkwa cibeela cili coonse akati kazibeela zyone zyabulowa, nkokuti maseelo aapanga bulowa (red cells), maseelo aalwana tuzunda (white cells), cibeela cipa kuti bulowa kabwaangana (platelets) alimwi ameenda aamubulowa (plasma).\\n11 Mubusilisi bumbi, zibeela eezyi zyone zyabulowa zilaandaanizyigwa mutubeela tuniini-niini. Munakristo umwi aumwi weelede kulisalila ikuti naa ulatuzumina tubeela tuniini-niini ootu naa pe. Alimwi umwi aumwi weelede kulisalila nzila zyabusilisi mbuli hemodialysis, hemodilution alimwi a cell salvage, nzila zyoonse eezyi zijatikizya bulowa bwamuntu ibwatayobolwa.—Amubone Bupanduluzi Buyungizyidwe 21.\\n12. (a) Nkaambo nzi Jehova ncakubikkila maano kusala nkotucita mumakani aajatikizya manjezyeezya? (b) Mbuti mbotukonzya kusala camaano kujatikizya nzila zyabusilisi?\\n12 Sena Jehova ulakubikkila maano kusala nkotucita mumakani aajatikizya manjezyeezya? Inzya. Nkaambo nzi? Akaambo kakuti kusala nkotucita kutondezya cili mumoyo wesu, alimwi Jehova ulabikkila maano kujatikizya nzyotuyeeya alimwi ambotulimvwa. (Amubale Tusimpi 17:3; 24:12.) Mbwaanga mbocibede oobo, ciindi notusala nzila zyabusilisi, tweelede kupaila kuli Jehova kulomba busolozi alimwi tweelede kuvwuntauzya kujatikizya busilisi oobo. Twamana kucita boobo, tweelede kusala kweelana amanjezyeezya eesu aakayiisyigwa njiisyo zyamu Bbaibbele. Tatweelede kubuzya bamwi mbobakonzya kucita ikuti nobali mbabo ibali mubukkale bwesu naa kulekela bamwi kutusungilizya kusala mbobayeeya balo. Munakristo umwi aumwi weelede “kunyamuna mukuli wakwe uumugeme.”—Bagalatiya 6:5; Baroma 14:12.\\nMILAWO YA JEHOVA ITONDEZYA KUTI ULATUYANDA\\n13. Ncinzi ncotwiiya kujatikizya Jehova kuzwa kumilawo alimwi anjiisyo zyakwe kujatikizya bulowa?\\n13 Kufwumbwa Jehova ncatwaambila kucita cigwasya ndiswe alimwi citondezya kuti ulatuyanda. (Intembauzyo 19:7-11) Nokuba boobo, tulamumvwida kutali buyo akaambo kakuti milawo yakwe igwasya ndiswe. Pele tulamumvwida akaambo kakuti tulamuyanda. Luyando ndotujisi kuli Jehova lutukulwaizya kutantamuka kubikkwa bulowa. (Milimo 15:20) Alimwi kucita boobo kulatukwabilila. Bantu banji mazuba aano balizyi kujatikizya ntenda zikonzya kuba akaambo kakubikkwa bulowa, alimwi bamadokota banji basyoma kuti kwaandula mulwazi kakunyina kumubikka bulowa cilagwasya kapati. Cilisalede kuti nzila zya Jehova zitondezya busongo alimwi aluyando lwakwe.—Amubale Isaya 55:9; Johane 14:21, 23.\\n14, 15. (a) Ino milawo nzi Jehova njaakapa bana Israyeli kuti ibakwabilile? (b) Ino mbuti mbomukonzya kuzibelesya njiisyo izili mumilawo eeyi?\\n14 Milawo ya Leza lyoonse yali kubagwasya bantu bakwe. Jehova wakapa bana Israyeli milawo iyakali kubakwabilila kuntenda. Mucikozyanyo, mulawo umwi wakali kwaamba kuti, ikuti muntu wayaka ŋanda wakeelede kuyaka bwaanda bufwaafwi kuzinguluka ciluli kutegwa muntu ataloki. (Deuteronomo 22:8) Mulawo uumbi wakali kujatikizya banyama. Ikuti muntu kajisi ŋombe nkali naa iiluma, wakeelede kwiibamba kabotu kutegwa itayasi naa kujaya muntu. (Kulonga 21:28, 29) Ikuti muna Israyeli kunyina naatobela malailile aaya, wakali kuba amulandu ikuti ŋombe eeyo yajaya muntu.\\n15 Kuzwa kumilawo eeyi tulakonzya kubona kuti buumi bulayandika kapati kuli Jehova. Ino kuzyiba makani aaya kweelede kutujatikizya buti? Tweelede kutondezya kuti tulabulemeka buumi kwiinda mukwiibamba kabotu ŋanda yesu alimwi amoota wesu, kubikkila maano mbotweenzya moota alimwi ambotusala zyakulikondelezya. Bantu bamwi, kwaambisya ibacili bakubusi, inga bayeeya kuti kunyina cibi cikonzya kubacitikila, aboobo bacita zintu zikonzya kubaletela ntenda. Pele oobo tabusyi Jehova mbwayanda kuti katulilemeka. Uyanda kuti buumi katububona kuti bulayandika, kufwumbwa naa mbuumi bwesu naa mbuumi bwabamwi.—Mukambausi 11:9, 10.\\n16. Ino Jehova ukubona buti kugusya da?\\n16 Buumi bwamuntu uuli woonse bulayandika kuli Jehova. Naba mwana uutanazyalwa ulayandika kapati kulinguwe. Mu Mulawo wa Musa, ikuti naa muntu cakutazyiba wacisa mukaintu uulaada mpoonya mukaintu ooyo naa mwana wafwa, Jehova wakali kubona muntu ooyo kuti mujayi. Eeci cakali kwaamba kuti nokuba kuti tanaacita caali, pele muntu wafwa alimwi buumi oobo bwakeelede kulungilwa. (Amubale Kulonga 21:22, 23.) Kuli Leza, mwana uutanazyalwa, muntu uupona. Aboobo, ino muyeeya kuti ulimvwa buti kujatikizya kugusya da? Ino muyeeya kuti ulimvwa buti ciindi nabona mamiliyoni aabana batanazyalwa kabajaigwa mwaka amwaka?\\n17. Ino ncinzi cikonzya kuumbulizya mukaintu iwakagusya da katanamuzyiba Jehova?\\n17 Mbuti kuti mukaintu wakagusya da katanaiya mbwakubona kugusya da Jehova? Ulakonzya kuba masimpe kuti Jehova inga wamulekelela kwiinda mucipaizyo ca Jesu. (Luka 5:32; Baefeso 1:7) Mukaintu iwakacita cibi cili boobu teelede kuzumanana kulimvwa kuba amulandu ikuti naa wakeempwa ncobeni. “Jehova ngusiluse alimwi ngusilweetelelo, . . Mbubonya kumapolelo aazuba mbokuli kulamfwu kapati kuzwa kumabbililo aazuba, akwalo nkwabikkide zinyonyoono zyesu mbokubede kulampa kuzwa kulindiswe.”—Intembauzyo 103:8-14.\\nAMWIITANTAMUKE MIZEEZO MIBYAABI\\n18. Nkaambo nzi ncotweelede kubeleka canguzu kutantamuka mizeezo mibyaabi?\\n18 Kulemeka cipego ca Leza cabuumi kutalikila mumoyo wesu. Eeci cibikkilizya mbotulimvwa kujatikizya bamwi. Mwaapostolo Johane wakalemba kuti: “Muntu woonse uusulaika munyina mujayi.” (1 Johane 3:15) Kakunyina akuzyiba, ikutayanda muntu umwi inga kwasololela kukuba alusulo. Lusulo lulakonzya kupa kuti katutabalemeki bamwi, kubabejekezya, nokuba kulombozya kuti kubota bafwa buya. Jehova ulizyi mbotulimvwa kujatikizya bantu bamwi. (Levitiko 19:16; Deuteronomo 19:18-21; Matayo 5:22) Ikuti naa tujisi mizeezo mibyaabi kujatikizya muntu umwi, tweelede kubeleka canguzu kwiigusya mizeezo iili boobo.—Jakobo 1:14, 15; 4:1-3.\\n19. Ino ninzila nzi aimbi mbotukonzya kutondezya kuti tulabulemeka buumi?\\n19 Kuli nzila aimbi mbotukonzya kutondezya kuti tulabulemeka buumi. Mulugwalo lwa Intembauzyo 11:5, twiiya kuti Jehova ‘ulimusulide muntu uuyanda nkondo.’ Ikuti twasala kulikondelezya azintu zitondezya nkondo, munzila imwi twaamba kuti tulaiyanda nkondo. Nkaambo ikuti katutaiyandi nkondo, sena inga twalekela majwi mabyaabi alimwi azifwanikisyo zibyaabi kukkala mumizeezo yesu? Peepe. Muciindi caboobo, tuyanda kuzuzya mizeezo yesu azintu zili kabotu.—Amubale Bafilipi 4:8, 9.\\nMUTABI CIBEELA CAMBUNGA ZITABULEMEKI BUUMI\\n20-22. (a) Ino Jehova wiibona buti nyika ya Saatani? (b) Ino bantu ba Leza inga batondezya buti kuti ‘tabali banyika’?\\n20 Nyika ya Saatani taibulemeki buumi, alimwi Jehova wiibona kuti ijisi mulandu wabulowa, nkokuti mulandu wabujayi. Kwamyaanda yamyaka, basimapolitikisi bapa kuti mamiliyoni aabantu bafwe, kubikkilizya ababelesi ba Jehova banji. Mu Bbaibbele, mfwulumende eezyi zyaambwa kuti mbanyama bakali kapati. (Daniele 8:3, 4, 20-22; Ciyubunuzyo 13:1, 2, 7, 8) Mazuba aano, kusambala zilwanyo zyankondo makwebo mapati. Bantu balajana mali manji kapati kwiinda mukusambala zilwanyo zikali boobu. Cilisalede kuti, “nyika yoonse ili mumaanza aamubi.”—1 Johane 5:19.\\n21 Pele Banakristo bakasimpe ‘tabali banyika.’ Bantu ba Jehova tabatoli lubazu munkondo amumapolitikisi. Akaambo kakuti tabajayi, tabagwasyilizyi mbunga iili yoonse iijaya bantu. (Johane 15:19; 17:16) Ciindi Banakristo nobapenzyegwa, tabajoli kwiinda mukulwana pe. Jesu wakatuyiisya kuti tweelede kubayanda nobaba basinkondoma.—Matayo 5:44; Baroma 12:17-21.\\n22 Bukombi abwalo bwali kutola lubazu mukupa kuti mamiliyoni aabantu kabajaigwa. Nolyaamba Babuloni Mupati, nkokuti bwami bwanyika yoonse bwabukombi bwakubeja, Bbaibbele lyaamba kuti: “Mulinguwe mwakajanwa bulowa bwabasinsimi abwabasalali alimwi abwabantu boonse buyo ibakajaigwa anyika.” Sena mwakabona kaambo Jehova ncatulailila kuti: “Amuzwe mulinguwe, nobantu bangu”? Aabo ibakomba Jehova tabali cibeela cabukombi bwakubeja.—Ciyubunuzyo 17:6; 18:2, 4, 24.\\n23. Ino ncinzi cijatikizyidwe ‘mukuzwa’ muli Babuloni Mupati?\\n23 ‘Kuzwa’ muli Babuloni Mupati kubikkilizya kucisalazya kuti tatucili cibeela cabukombi buli boonse bwakubeja. Mucikozyanyo, inga twayandika kusinizya kuti zina lyesu lyagusyigwa mubbuku lyabantu bazulilwa mucikombelo eeco. Pele kuli azimwi zijatikizyidwe. Kuyungizya waawo, tweelede kuzisulaika alimwi akuzitantamuka zintu zibyaabi izicitwa mucikombelo cakubeja. Bukombi bwakubeja balazumizya alimwi akukulwaizya bwaamu, mapolitikisi alimwi abulyato. (Amubale Intembauzyo 97:10; Ciyubunuzyo 18:7, 9, 11-17) Kwamyaka minji yainda, mamiliyoni aabantu bali kujaigwa akaambo katwaambo ootu.\\n24, 25. Ino kuzyiba Jehova inga kwatuletela buti luumuno alimwi amanjezyeezya aasalala?\\n24 Katutanamuzyiba Jehova, umwi aumwi wesu munzila imwi wakali kucita zintu zibi nzyobacita bantu bamunyika ya Saatani. Pele lino twakacinca. Twakacizumina cinunuzyo alimwi twakaaba buumi bwesu kuli Leza. Lino tulakkomana ‘aziindi zyakukatalukwa kuzwa kuli Jehova.’ Tulijisi lukkomano alimwi amanjezyeezya aasalala, katuzyi kuti tukkomanisya Leza.—Milimo 3:19; Isaya 1:18.\\n25 Nokuba kuti aciindi cimwi twakali cibeela cambunga iitalemeki buumi, Jehova ulakonzya kutulekelela kwiinda mucinunuzyo. Eelo kaka tulalumba kucipego cabuumi ncaakatupa Jehova! Tulatondezya kulumba kwesu kwiinda mukugwasya bamwi kwiiya kujatikizya Jehova, kubagwasya kuzwa munyika ya Saatani alimwi akukkomana acilongwe cibotu a Leza.—2 Bakorinto 6:1, 2.\\nAMWAAMBILE BAMWI KUJATIKIZYA BWAMI\\n26-28. (a) Ino mulimo nzi waalubazu Jehova ngwaakapa Ezekieli? (b) Ino Jehova utwaambila kucita nzi mazuba aano?\\n26 Mu Israyeli yansiku, Jehova wakaambila musinsimi Ezekieli kuti acenjezye bantu kuti Jerusalemu wakali afwaafwi kuyoonyonyoonwa alimwi akubayiisya nzyobakeelede kucita kutegwa bafwutuke. Ikuti Ezekieli naatakabacenjezya bantu, Jehova naakamupa mulandu wabulowa bwabantu aabo. (Ezekieli 33:7-9) Ezekieli wakatondezya kuti buumi wakali kububona kuti bulayandika kapati kwiinda mukucita zyoonse nzyaakali kukonzya kucita kutegwa aambile bamwi mulumbe ooyo uuyandika kapati.\\n27 Jehova watupa mulimo wakucenjezya bantu kuti nyika ya Saatani ilaafwaafwi kunyonyoonwa alimwi akubagwasya kuzyiba Jehova kutegwa bakafwutuke akunjila munyika mpya. (Isaya 61:2; Matayo 24:14) Tweelede kubagwasya bantu kusikila mpotugolela kutegwa tubaambile mulumbe ooyu. Tuyanda kuyakwaamba mbuli Paulo walo iwakaamba kuti: “Ndinyina mulandu wabulowa bwabantu boonse, nkaambo tiindakamusisa pe, pele ndakamwaambila zyoonse nzyayanda Leza.”—Milimo 20:26, 27.\\n28 Kuli mbazu azimbi mubuumi motweelede kusalala. Atuzilange-lange mbazu eezyo mucibalo citobela.\\n1 BUUMI BULAYANDIKA KULI JEHOVA\\n“Yebo ndonduwe kasensa kabuumi.”​—Intembauzyo 36:9\\nNkaambo nzi buumi ncotweelede kububona kuti ncipego ciyandika kapati?\\nJehova nguwakalenga zintu zyoonse zyuumi, kubikkilizya abantu. Tulayandika kulinguwe alimwi uyanda kuti muntu umwi aumwi kakkomana akuba abuumi bulaampindu.\\nJehova kunyina naakatulenga kuti tube mbuli malobboti. Wakatupa coolwe cakulisalila alimwi anguzu zyakusala mbotukonzya kutondezya kuti tulabulemeka buumi.\\n2 BULOWA BULISETEKENE KULI JEHOVA\\n“Nkaambo buumi bwacintu cipona buli mubulowa.”​—Levitiko 17:11\\nIno Jehova ububona buti bulowa?\\nLevitiko 17:10; Tusimpi 13:16; Milimo 15:20; Baroma 12:2\\nTulakonzya kulijana mubukkale bukonzya kuyanda kuti tusale nzila zyabusilisi zijatikizya bulowa, kubikkilizya azeezyo ziyanda kuti tuzumine naa kukaka zibeela zimwi zyabulowa. Tatweelede kulekela bamwi kuti batusalile. Katutanalijana mubukkale buli boobo, tweelede kupailila busolozi alimwi akuvwuntauzya.\\nMatalikilo 9:4, 5, 9; Deuteronomo 12:16; Milimo 15:28, 29\\nMu Bbaibbele, bulowa bwiiminina buumi. Mulawo wa Leza kujatikizya bulowa taucincide pe. Wali mbubwenya oobu kuzwa mumazuba aa Nowa, kusikila ciindi Leza naakapa bana Israyeli Mulawo wa Musa alimwi kusikila amumazuba aa Banakristo.\\n3 BUUMI TWEELEDE KUBUBONA MBULI MBWABUBONA JEHOVA\\n“Nzila zyangu zilisumpukide kapati kwiinda nzila zyanu amizeezo yangu kwiinda mizeezo yanu.”—Isaya 55:9\\nNinzila nzi zimwi motukonzya kutondezya kuti buumi tububona kuti bulayandika kapati?\\nBuumi bwamuntu uuli woonse bulayandika kapati kuli Jehova. Kugusya da ncibi, nkaambo kuli Leza naba mwana uutanazyalwa, muntu uupona.\\nIntembauzyo 103:8-14; Milimo 3:19; Baefeso 1:7\\nIkuti mukaintu wakagusya da musyule, pele lino weempwa, Jehova inga wamulekelela.\\nInga twatondezya kuti tulabulemeka buumi kwiinda mukutantamuka zisobano zibikka buumi muntenda naa micito imwi mibyaabi. Alimwi tweelede kubikkila maano kubamba maanda eesu alimwi amyoota.\\n4 NYIKA YA SAATANI IJISI MULANDU WABULOWA MUMESO AA JEHOVA\\n“Ndakabona kuti mukaintu ooyo wakalikoledwe abulowa bwabasalali.”—Ciyubunuzyo 17:6\\nNkaambo nzi nyika ya Saatani ncoijisi mulandu wabulowa?\\nMamiliyoni aabantu ajaigwa muzina lyabukombi, mapolitikisi alimwi abulyato.\\nMatayo 24:14; Johane 17:16; Milimo 20:26, 27\\nBanakristo tabatoli lubazu mumapolitikisi alimwi tabagwasyilizyi mbunga iili yoonse iiswaangene ankondo naa kujaya. Tulabagwasya bantu kuyooba abuumi kwiinda mukubaambila mulumbe wa Bwami.\\nKaambo Ncotweelede Kusalala\\nSena kuli nomwakakatazyidwe naa kutalimvwisya bbuku lya Levitiko? Zilongezyo zyakumuuya izizwa mubbuku lya Levitiko zilakonzya kumugwasya kusalala mubukombi bwanu.\\nNkaambo Nzi Bakamboni ba Jehova Ncobatazumini Kubikkwa Bulowa?\\nBakaanguluka Kuzwa Kubukombi Bwakubeja","num_words":2299,"character_repetition_ratio":0.049,"word_repetition_ratio":0.0,"special_characters_ratio":0.18,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Bakamboni Bakwe Yehova Balacafwa Buyani Bashominyinaabo Bali Mumapensho?\\nNa kwacitika mapensho anene, cakufwambaana Bakamboni Bakwe Yehova balalibambila kwaamba ayi bacafwe bamakwabo abo bacitikilwa mapensho. Nciito shamushobo uyu shilatondesha ayi balicite lusuno lwancinencine ku umwi amubye. (Joni 13:34, 35; 1 Joni 3:17, 18) Ino bamakwesu tulabacafwa buyani?\\nTulapa Maali Mukuliyandila. Ciindi ndyekwakalinga nsala kuJudeya Beneklistu bakutaanguna baku Antyoki bakatuma maali kubashominyinaabo. (Milimo ya Batumwi 11:27-30) Aswebo na twanyumfwa ayi bashominyineesu mushishi shimwi bali mumapensho, tulasonka shintu shipusenepusene kwiinda mulibungano motubete kwaamba ayi bakape baabo bali mumapensho anene.—2 Bene Kolinto 8:13-15.\\nTulapa lucafwo. Bamanene bali kumusena uko kwacitika mapensho, balalangoola kubete bamulibungano akushiba na boonse mpobali alimwi na balibo kabotu. Komiti ibona sha baabo bali mumapensho ilasebensela pomwi abamakwesu bamwi kwaamba ayi bacanine bamakwesu bali mumapensho shintu mbuli shakulya, maanshi akunwa abotu, shakufwala, kupa misamu baciswa, apakoona. Bakamboni baanji bacishi ncito isho shikonsha kucafwa na kwaba mapensho, balasebensesha maali abo kuya kumusena kwacitika mapensho mukubamba maanda abamakwesu alimwi aMaanda aBwaami akanyonyooka. Lucatano lucanika mulibunga lyesu alimwi alushibo ndotwacana kwiinda mukusebensela pantu pomwi lulatucafwa kufwambaana kucana lucafwo ndobayandika bamakwesu. Nabi kwaamba ayi tulacafwilisha baabo bali mulikoto lya bashomi tulacafwa abamwi na kacikonsheka, teshi mulandu ankobapaila.—Bene Galatiya 6:10.\\nTulabapa lucafwo lwakumushimu alwamumiyeeyo. Abo bacitikilwa mapensho balisuniki kuyuminishikwa. Muciindi mbuli ceeci, tulacana nkusu kuswa kuli Yehova, “Ishiwesu shinkumbu uyo utucafwa.” (2 Bene Kolinto 1:3, 4) Tulabandika shishomesho shamu Baibo kubaabo bacitikilwa mapensho, kuyumya lushomo lwabo mushishomesho sha kwaamba ayi onoonobo Bwaami bwakwe Lesa bulaakumanisha kucisa alimwi akupenga.—Ciyubululo 21:4.\\nIno ngumulandunshi Bakamboni balafwambaana kupa lucafwo na kwaba mapensho?\\nIno abo bacitikilwa mapensho, inga twabayuminisha buyani lwakumushimu?","num_words":246,"character_repetition_ratio":0.078,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Lufwu lwa Jesu Alimwi Abubuke Bwakwe​—Mbozikonzya Kumugwasya\\nAMUBALE MU Acholi Afrikaans Albanian Amharic Arabic Armenian Aymara Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Chiyao Chokwe Cibemba Cinyanja Croatian Czech Dangme Danish Dutch Efik English Estonian Ewe Finnish French Ga Garifuna Georgian German Greek Guarani Haitian Creole Hausa Hebrew Hiligaynon Hiri Motu Hmong (White) Hungarian Iban Igbo Iloko Indonesian Isoko Italian Japanese Kazakh Kikamba Kikaonde Kikuyu Kiluba Kimbundu Kinyarwanda Kirghiz Kirundi Kisonge Kongo Korean Krio Kwangali Kwanyama Lingala Lithuanian Luganda Lunda Luo Luvale Macedonian Malagasy Maltese Mam Mambwe-Lungu Maya Mazatec (Huautla) Mixe (North Central) Moore Myanmar Nahuatl (Central) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Norwegian Nyaneka Nzema Ossetian Otetela Papiamento (Aruba) Papiamento (Curaçao) Persian Polish Portuguese Quechua (Ayacucho) Quechua (Bolivia) Quichua (Imbabura) Romanian Runyankore Russian Sango Sepedi Serbian (Cyrillic) Serbian (Roman) Sesotho (Lesotho) Setswana Shona Sidama Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tatar Thai Tigrinya Tiv Tlapanec Tok Pisin Totonac Tshiluba Tsonga Turkish Tuvaluan Twi Tzotzil Ukrainian Umbundu Venda Vietnamese Wayuunaiki Wolaita Xhosa Yoruba Zande Zapotec (Isthmus) Zulu\\nMAKANI AAYEEME AMUTWE UULI ACIVWUMBYO | JESU ULAFWUTULA—KUZWA KUNZI?\\nLufwu lwa Jesu Alimwi Abubuke Bwakwe—Mbozikonzya Kumugwasya\\n“Kosyoma Mwami Jesu, eelyo ulafwutulwa.”—Milimo 16:31.\\nMajwi aaya aatalubiki akaambwa amwaapostolo Paulo alimwi a Sila ciindi nobakaambila mulindizi wantolongo mudolopo lya Filipi. Ino majwi aaya aamba nzi? Kutegwa tumvwisye kusyoma muli Jesu mbokuswaangene akufwutulwa kulufwu, cakusaanguna tweelede kuzyiba kaambo ncotufwida. Atulange-lange Bbaibbele ncoliyiisya.\\nBantu tiibakalengelwa kuti kabafwa\\n“Jehova Leza wakabweza muntu akumubikka mumuunda wa Edeni kutegwa kaulima akuulanganya. Alimwi Jehova Leza wakalailila muntu ooyu kuti: ‘Kuzisamu zyoonse izili mumuunda ulakonzya kulya akukkuta. Pele cisamu cakuzyiba bubotu abubi, toyelede kulya kulincico pe, nkaambo mubuzuba mboyoolya kulincico, ncobeni uyoofwa.’”—Matalikilo 2:15-17.\\nLeza wakabikka muntu wakusaanguna Adamu mumuunda wa Edeni, nkokuti muparadaiso yaanyika yalo iyakazwide banyama bamusyokwe alimwi azisyango zibotu loko. Kwakali azisamu izyakali kuzyala micelo yalo Adamu njaakali kukonzya kulya cakwaanguluka. Nokuba boobo, Jehova wakaambila Adamu kuti taakeelede kulya kucisamu comwe, alimwi wakamucenjezya Adamu kuti, ikuti naa walya inga wafwa.\\nSena Adamu wakacimvwisya ncaakaambilwa? Wakalizyi mbolubede lufwu; nkaambo wakali kubabona banyama kabafwa. Ikuti Adamu naakalengelwa kuti uyoofwa mukuya kwaciindi, nkokuti kucenjezya kwa Leza nokwatakagwasya. Pesi bwini mbwakuti, Adamu wakalizyi kuti, naa wamumvwida Leza alimwi akutalya mucelo wacisamu eeco, wakali kuyoopona kukabe kutamani—naatakafwa pe.\\nPesi bamwi basyoma kuti cisamu cakali kwiiminina koonana, pele aayo taali masimpe pe. Kayi Jehova wakali kuyanda kuti Adamu amukaintu wakwe Eva ‘bazyalane bavwule bazuzye nyika akuyeendelezya.’ (Matalikilo 1:28) Mulawo ooyu wakali kwaamba cisamu cini kucigama. Cisamu eeci Jehova wakaciita kuti “cisamu cakuzyiba bubotu abubi” nkaambo cakali kwiiminina nguzu nzyajisi zyakusala cibotu naa cibi kujatikizya bantu. Naatakalya mucelo wacisamu eeco, Adamu naakatondezya kuti ulamumvwida Leza, alimwi naakatondezya kuti ulamulumba ooyo wakamulenga akumupa zileleko zinji kapati.\\nAdamu wakafwa nkaambo tanaakamvwida Leza\\n“Kuli Adamu [Leza] wakati: ‘Akaambo kakuti . . . walya kucisamu ncindakakulailila kuti, toyelede kulya kulincico, . . . uyoozwa nkasaalo kutegwa ujane cakulya kusikila ukajokele kubulongo, nkaambo ooko nkookazwa. Nkaambo uli bulongo, aboobo uyoojokela kubulongo.’”—Matalikilo 3:17, 19.\\nAdamu wakalya mucelo wacisamu ncaakakasyigwa. Kutamvwida ooku akali makani mapati. Ooku kwakali kuzanga, kunyansya alimwi akutabikkila maano kububotu boonse Jehova mbwaakamucitila. Kwiinda mukulya mucelo ooyo, Adamu wakamukaka Jehova, wakasala kulyeendelezya, calo cakasololela kumapenzi aataambiki.\\nMukuya kwaciindi, Adamu wakafwa mbubonya Jehova mbwaakaamba. Leza wakalenga Adamu kuzwa “kubulongo bwaanyika” alimwi wakamwaambila kuti wakali ‘kuyoojokela kubulongo.’ Naakafwa Adamu, kunyina naakapona kubusena bumbi naa kupona kali muciimo cimwi pe. Wakanyina buumi mbubonya mbobubede bulongo ooko nkwaakazwa.—Matalikilo 2:7; Mukambausi 9:5, 10.\\nTulafwa nkaambo tuzwa kuli Adamu\\n“Mbubonya cibi mbocakanjila munyika kwiinda mumuntu omwe alufwu kwiinda mucibi, eelyo lufwu lwakasikila bantu boonse nkaambo boonse bakabisya.”—Baroma 5:12.\\nKutamvwida kwa Adamu—naa cibi cakwe—zyakaleta mapenzi manji kapati. Akaambo kakuti Adamu wakabisya, wakasweekelwa ikutali buyo buumi bwakupona myaka iili 70 naa 80, pele coolwe cakupona buumi butamani. Kuyungizya waawo, Adamu naakabisya, wakaba muntu uutalondokede alimwi bana bakwe boonse bakayambukilwa kutalondoka kwakwe.\\nToonse tuli lunyungu lwa Adamu. Aboobo twakakona kutalondoka ikutupa kubisya alimwi akufwa, pele tiitwakaliyandila buya. Mboobu Paulo mbwaakaapandulula mapenzi eesu. Wakalemba kuti: “Mebo ndili wanyama, iwakasambalwa kuba muzike wacibi. Maawe ndemucaangu! Ino nguni utiindivwune kumubili ooyu uunditola kulufwu oolu?” Mpoonya Paulo wakawiingula boobu mubuzyo wakwe: “Aalumbwe kaka Leza iwandivwuna kwiinda muli Jesu Kristo Mwami wesu!”—Baroma 7:14, 24, 25.\\nJesu wakaaba buumi bwakwe kutegwa tukapone kukabe kutamani\\n“Taata watuma Mwanaakwe kuti abe Mufwutuli wanyika.”—1 Johane 4:14.\\nJehova Leza wakabamba bubambe bwakumana mapenzi aaboola akaambo kacibi alimwi akupa kuti tutafwidilili. Munzila nzi? Wakatuma mwanaakwe uuyandwa kuzwa kujulu akuzoozyalwa kalondokede mbubonya mbwaakabede Adamu. Pele mukwiindana a Adamu, walo Jesu “tanaakacita cibi.” (1 Petro 2:22) Mbwaanga wakalilondokede, tanaakajatikizyidwe kulusinganyo lwalufwu alimwi naakazumanana kupona buumi butamani kali muntu uulondokede.\\nMuciindi caboobo, Jehova wakazumizya kuti Jesu ajaigwe abasinkondonyina. Nokwakainda mazuba otatwe, Jehova wakamubusya kali cilenge camuuya kutegwa apiluke kujulu kwainda mazuba aali mbwaabede. Kali kujulu, Jesu wakapa Leza imuulo wabuumi bwakwe bwabuntunsi bulondokede kutegwa anunune buumi mbwaakasowa Adamu alimwi abwabana bakwe. Jehova wakacizumina cituuzyo eeco, akupa kuti cikonzyeke kuli baabo bamusyoma Jesu kuti bakatambule buumi butamani.—Baroma 3:23, 24; 1 Johane 2:2.\\nKwiinda mukucita boobo, Jesu wakacipilusya eeco Adamu ncaakasowa. Wakapenga kusikila kulufwu kutegwa swebo tupone kukabe kutamani. Bbaibbele lyaamba kuti: “Jesu . . . [waka]penga kusikila kulufwu, kutegwa kwiinda muluzyalo lwa Leza afwide muntu uuli woonse.”—Bahebrayo 2:9.\\nCipego eeci ciyubununa zinji kujatikizya Jehova. Akaambo kazyeelelo zyakwe zisumpukide, bantu batalondokede tiibakali kukonzya kulinununa balikke. Nokuba boobo, luyando alimwi aluse lwakwe lwakamupa kuti acite kweelana azyeelelo zyakwe kwiinda mukwaaba Mwanaakwe kutegwa ape cinunuzyo icakajisi muulo mupati kapati.—Baroma 5:6-8.\\nJesu wakabusyigwa kuzwa kubafwu, mbubwenya buyo abamwi bayoobusyigwa\\n“Kristo wakabusyigwa kubafwu, walo uuli ngomicelo mitaanzi yabaabo bakoona mulufwu. Nkaambo mbwaanga lufwu lwakaboola kwiinda mumuntu omwe, abwalo bubuke bwabafwu bulaboola kwiinda mumuntu omwe. Nkaambo mbubonya muli Adamu boonse balafwa, mbubonya buyo muli Kristo boonse bayoopegwa buumi.”—1 Bakorinto 15:20-22.\\nTacidoonekwi kuti Jesu wakapona, alimwi wakafwa, pele ino mbumboni nzi buliko butondezya kuti wakabusyigwa kuzwa kubafwu? Akati kabumboni buliko, bumwi mbwakuti Jesu iwakabusyigwa wakalibonya kubantu banji muziindi zisiyene-siyene alimwi amumasena aaindene-indene. Aciindi cimwi wakalibonya kubantu bainda ku 500. Mwaapostolo Paulo wakacaamba eeci naakalemba lugwalo kubana Korinto, kaamba kuti bamwi akati kabakamboni aabo bakacili kupona, icaamba kuti bakali kukonzya kwaamba nzyobakabona alimwi anzyobakamvwa.—1 Bakorinto 15:3-8.\\nCiindi Paulo naakalemba kuti Kristo “ngomicelo mitaanzi” kuli baabo babusyigwa, wakali kupandulula kuti abamwi bakali kuyoobusyigwa. Jesu lwakwe wakaamba kuti ciindi ciyoosika “aabo boonse ibali muzyuumbwe nobayoomvwa ijwi lyakwe akuzwa mulinzizyo.”—Johane 5:28, 29.\\nKutegwa tukapone buumi butamani, tweelede kuba alusyomo muli Jesu\\n“Leza wakaiyanda kapati nyika cakuti wakapa Mwanaakwe simuzyalwaalikke, kutegwa muntu uuli woonse uumusyoma atanyonyoonwi, pele abe abuumi butamani.”—Johane 3:16.\\nZibalo zyakusaanguna zyamu Bbaibbele zyaamba lufwu mbolwakatalika alimwi amboyakasweeka Paradaiso. Zibalo zyamamanino zyaamba ciindi lufwu nolutakabi limbi alimwi a Leza mbwayoobambulula nyika kuti ibe Paradaiso. Aciindi eeco, bantu bayoocikonzya kupona buumi bukkomanisya mane kukabe kutamani. Lugwalo lwa Ciyubunuzyo 21:4 lwaamba kuti: “Lufwu talukabi limbi.” Kutegwa tube masimpe kuti cisyomezyo eeco ciyoozuzikizyigwa ncobeni, kapango 5 kaamba kuti: “Majwi aaya alasyomeka alimwi ngamasimpe.” Eeco Leza ncaasyomezya, uyoocizuzikizya ncobeni.\\nSena mulasyoma kuti “majwi aaya alasyomeka alimwi ngamasimpe”? Kuti naa mboobo, amwiiye zinji kujatikizya Jesu Kristo alimwi amube alusyomo mulinguwe. Kuti mwacita oobo, Jehova uyoomukkomanina. Tamukabi buyo azilongezyo lino, pele alimwi muyooba abulangizi bwakupona buumi butamani mu Paradaiso anyika oomo ‘lufwu molutakabi limbi akwalo koomoka, kulila nokuba kucisa nokutakabi limbi pe.’","num_words":1127,"character_repetition_ratio":0.038,"word_repetition_ratio":0.0,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Zikombelo Zyoonse Zilikozyenye? Sena Zyoonse Zisololela Kuli Leza? | Mibuzyo Yamu Bbaibbele\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bislama Bulgarian Cambodian Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch English Estonian Ewe Fijian Finnish French Ga Georgian German Greek Haitian Creole Hebrew Hiligaynon Hindi Hungarian Igbo Iloko Indonesian Isoko Italian Japanese Kachin Kazakh Kiluba Kinyarwanda Kirghiz Kirundi Korean Lingala Lithuanian Malagasy Malay Malayalam Maltese Myanmar Nepali Norwegian Nzema Oromo Persian Polish Portuguese Portuguese (Portugal) Romanian Russian Samoan Sepedi Serbian (Cyrillic) Serbian (Roman) Setswana Shona Sinhala Slovak Slovenian Spanish Swahili Swedish Tagalog Tatar Telugu Thai Tsonga Turkish Ukrainian Vietnamese Xhosa Yoruba Zulu\\nPeepe, zikombelo zyoonse tazikozyenye pe. Bbaibbele lilaamba zikozyanyo zinji zyazikombelo zitamukkomanisyi Leza. Zikombelo eezyi inga twazibikka muzibeela zyobilo.\\nCibeela 1: Kukomba baleza bakubeja\\nIbbaibbele nolyaamba kujatikizya kukomba baleza bakubeja libelesya mabala mbuli aakuti “zintu zyabuyo,” alimwi “zinyina mulimo.” (Jeremiya 10:​3-5; 16:19, 20) Jehova * Leza wakalailila bana Israyeli kuti: “Utabi abaleza bambi kunze lyangu.” (Kulonga 20:​3, 23; 23:24) Ciindi bana Israyeli nobakali kukomba baleza bambi, “bukali bwa Jehova bwakababukila.”​—Myeelwe 25:3; Levitiko 20:2; Babetesi 2:​13, 14.\\nLeza kunyina naacinca mbwalimvwa caboola kumakani aakukomba baabo “baambwa kuti baleza.” (1 Bakorinto 8:​5, 6; Bagalatiya 4:8) Aboobo ulailila baabo ibayanda kumukomba kuti baleke kuyanzana abaabo bazulilwa kubukombi bwakubeja kuti: “Amuzwe akati kabo, akulyaandaanya.” (2 Bakorinto 6:​14-​17) Ikuti naa zikombelo zyoonse zisololela kuli Leza, nkaambo nzi Leza ncapeda malailile aali boobu?\\nCibeela 2: Kukomba Leza wakasimpe munzila njatakkomanini\\nZimwi ziindi, bana Israyeli bakali kukomba Leza kubelesya njiisyo alimwi aziyanza izyakali kubelesyegwa kukomba baleza bakubeja, pele Jehova wakabakasya kusanganya bukombi bwakasimpe abukombi bwakubeja. (Kulonga 32:8; Deuteronomo 12:​2-4) Jesu wakabanyemena basololi bazikombelo ciindi naakali anyika akaambo kanzila nzyobakali kubelesya kukomba Leza; bakali kulitondezya kuti mbakombi, pele cakuupaupa ameso ‘tiibakali kubikkila maano kumakani mapati aa Mulawo, nkokuti bululami, luse, alimwi alusyomo.’​—Matayo 23:23.\\nMbubwenya buyo amazuba aano, bukombi bwakasimpe mbobusololela bantu kuli Leza. Kasimpe aako kajanika mu Bbaibbele. (Johane 4:​24; 17:17; 2 Timoteyo 3:​16, 17) Muzikombelo muli njiisyo ziteendelani ancolyaamba Bbaibbele zitantamuna bantu kuli Leza. Injiisyo zinji bantu nzyobayeeya kuti zyamu Bbaibbele zibikkilizya, Butatu, kupya mulilo uutamani alimwi akutafwa kwabuumi, zyakazwa kubantu bakali kukomba baleza bakubeja. Bukombi ibukulwaizya njiisyo mbuli zeezyi “mbwabuyo,” naa bunyina mulimo, akaambo kakuti bukulwaizya zilengwa zyabantu muciindi camilawo ya Leza.​—Marko 7:​7, 8.\\nLeza bulamusesemya bukombi bwakuupaupa ameso. (Tito 1:​16) Kutegwa bantu babe acilongwe a Leza, bukombi bweelede kubagwasya mubuumi bwabo kutali buyo kubakulwaizya kutobela tunsiyansiya. Mucikozyanyo, Bbaibbele lyaamba kuti: “Ikuti muntu uuli woonse kayeeya kuti mukombi wa Leza, pele taujati mulaka wakwe, weena moyo wakwe mwini, alimwi bukombi bwakwe mbwabuyo. Ibukombi busalala alimwi butasofweede mumeso aa Leza wesu alimwi Taata mboobu: ikulanganya bamucaala abamukabafwu mumapenzi aabo, alimwi akulibamba katutakwe kabala kali koonse kamunyika.” (Jakobo 1:​26, 27) Ibbaibbele lyabelesya mabala aakuti “bukombi busalala” ikupandulula bukombi butali bwakuupaupa ameso.\\n^ munc. 5 Jehova ndizina lya Leza wakasimpe kweelana ambolitondezya Bbaibbele.\\nSena kuli nokuyooba ciindi bantu boonse nobayookamantana mukukomba Leza wakasimpe alikke?","num_words":442,"character_repetition_ratio":0.058,"word_repetition_ratio":0.0,"special_characters_ratio":0.187,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"MASESEKE AKUKOMENA MUKUKAMBAUKA\\nLarry wakali kukkomanina misalo ibotelezya, tii (tea) yaci Japani, a nkukkisi zya rice kung-anda yaba Komori ciindi bamwi beensu nobakatalika kuguzya ma Bbaibbele aabo. Boonse bakamulanga cakulangila. \"Ono twalomba utupe ciiyo cesu?\" Ba Komori bakalomba. Larry wati sikwe tii (tea). Wakali kuyeeya kuti muswaangano oyu wakali wakusobana buyo. Alimwi tanaa kakonzya akuyeeya nociba comwe cakwaamba.\\nBwini mbwakuti Larry waka yiisyide ziiyo zinji zyamu Bbaibbele a cikolo cacina Klistu camulaka wacikuwa ku Japani kwakali kubeleka. Ziiyo zyoonse zyakali bambidwe kabotu-kabotu. Wakali kukonzya kupa mulumbe wamu Bbaibbele kukunyina buyumu yumu. Pesi kutalika buyo kubandika kujatikizya Leza cacibukila mbuta… eci cakali andeene.\\nLarry wakali tunvwide kale twaano toonse twamu Bbaibbele kuzwa kubwana bwakwe. Oono twaano ootu titwakali kwamba cintu cipati kulinguwe kumugama. Wakali kucita zintu nzyakalizyi kuti zyibi mubusyu bwa Leza. Mbuti mbwanga wakanana kuli bamwi makani a jatikizya Leza walo kumugama ngwatakazyi bwini?\\nOno kakkede a cuumo cabunemu nemu, kaazingulukidwe abantu balangila kunvwa, bunkanwe bwakwe bwakati mumanine. Muciindi eeci cakuyoowa, kampango kamu Bbaibbele kakazwela mumizeezo kajatikizya muuya Usalala kutupa majwi aakukanana notwaitwa kumbele lyabantu kuti tupe bumboni (Luka 12:12).\\nWakapa mupailo wakuyandisisya kugwasyigwa amane waka siminina akaano kazibidwe nkaka konzya kuyeeya: mwana mutaka. Mbuli mbwaakali kusandulula Leza mbwayanda abaabo bayingaila kule a Nguwe, Larry wakali jana kuti ukanana kuzwa kunsi kwamoyo wakwe. Majwi akwe aka munjila. Muciindi cakusaanguna Larry mubuumi bwakwe wakaibaluka Leza mbwakali kumuyanda. Masiku ngoona ayo Larry wakafugama munsi abulo bwakwe a kwaaba buumi bwakwe kuli Leza ooyo waali kunga kumasimpilo ulaba wabwini. Kwaabana luyando lwa Leza cakainda a kwaamba zyakazyibide. Ono akaba masimpe aakamupa mayinga camba.\\n1. JESU UTULOMBA KUTI TUKOMENE KWIINDA MU KUKAMBAUKA\\nBasiciiya bakatola myaka yotatwe a cisela kuteelela majwi akwe Jesu akubona micito yakwe, elyo kumasimpilo kufwa a kububa kwakwe. Jesu nakayanda kujokela kujulu, Wa kapa mulimo kuli basiciiya bakwe wakuba bayiminizi bakwe bacigaminina:\\n\"MUYAKUTAMBULA NGUZU Muuya Usalala a kusika alindinywe; elyo MUYA KUBA BAKAMBONI BANGU... akumanina a nyika koonse.\" - Incito 1:8.\\nBasiciiya ba Jesu noba kaaba myoyo yabo cakumanina kulinguwe mu buzuba bwa Pentecost, Jesu wakabuka kubafu wakasandula maumi abo kwiinda munguzu zya Muuya Usalala. Bakaba ba kamboni, kutali buyo kukubuka kwamubili kwa Jesu a kuya kujulu, pele a kunguzu zyabubuke zyaka sandula maumi aabo.\\nMbuli bana Klistu, aswebo tuli bakamboni babubuke bwa Jesu nkaambo twakazimvwa nguzu zyakwe zikubulusya na zisandula maumi eesu.\\n\"Pele akaambo ka luyando lwakwe lupati kulindiswe, LEZA, uvuubide muluzyalo, WAKATUPA KUTI TUPONE A KLISTU nokuba kuti TWAKALI FWIDE MU ZINYONYOONO. Muuluzyalo mutwaka futulwa. ALIMW LEZA WAKATUBUSYA AJESU... KUTEGWA ATONDEZYE BUVUBI BWA LUZYALO LWAKWE, lutondezyegwa mulubomba lwakwe kuli ndiswe muli KLISTU JESU.\" - Ba Efeso 2:4-7.\\nTwaka citwa kuti tupone antoomwe a Klistu, elyo inga \"twa tondezya buvubi butakonzyi kweelanizigwa a luse lwakwe.\" Elyo ulatulomba kuti tutole mulumbe mubotu wa ncakonzya kucita mubuumi bwa muntu kunyika yoonse, kwamana wasyomezya kweenda andwiswe mbuli mbotucita oobo (Mateyo 28:19-20).\\nBa H.M.S Richards, ba katalisya mutabi wa jwi lyacisyinsyimi kwiinda mu Radio, cimwi ciindi ba kappa bumboni bwa kuti: \"Ndakubona kusanduka mu myoyo yabantu banvwa mulumbe mubotu wa Jesu. Ndeenda mumasi omo zina lya Leza a Jesu molyatakazibidwe kusika ciindi cikombelo no cakatola mulumbe mubotu ooko.\\nNdabona aba Bantu kabasanduka kuzwa kububi kuya kubululami, kuzwa kumalwazi kuya ku nseba zili kabotu,kuzwa kukuyoowa mizimo yamubyabi kuya kulutangalo mubuumi bwa muna Klistu. Ndabona kusanduka muciimo cabamakaintu. Ndayi bona minzi iitali ya buna Klistu kaisadunka kuzwa kumusinze wakutazyiba Leza. Mumasi oonse ngenda swaya ndakabona maumi kasanduka. Ndilizi kuti \"mulumbe mubotu wa Klistu…. Ninguzu zya Leza zitola kulufutuko\" (Ba Roma 1:16). Ndilizyi kuti cikombelo na cakambauka mulumbe mubotu kusanduka kulacitika mumyoyo ya Bantu, mumaanda abantu, kwamana kusanduka ooku kula libonya mumaumi abaabo batambula lwiito.\"\\nLeza watupa swebo tubantu bakompeme cibeela caadeene kuti tubeleke mumulimo ooyu ukkomanisya, nkaambo kwaabana majwi mabotu ncibeela cipati muku komena kwesu. Kutegwa lusyomo lwesu lucaale kaluli kabotu, lweelede kuti lwatondezyegwa. Mbubwena Larry mbwakazyiba cakutalibambila, kwaabana lusyomo lwesu citugwasya kuti lusyomo lwesu lube lwa bwini akutucita kuti tukomene.\\n2. TULAMU KAMBAUKA KLISTU MBULI MBO TUPONA\\nMulombwana musyoonto wakakomezyegwa mumunzi wakutundululwa cimwi ciindi wakati:\\n\"Ndakalanga kubazyali bangu, balo kwiinda mumukozyano ngobaka nditondezya, bakandipa mukozyano waLeza upilingene naa uutaluleme; tendakajisi umwi muntu wa lukanda, undiyanda.\" Bantu batuzingulukide bayanda muntu ukonzya kubapa mufwanikiso waleza uli kabotu, uunyina kampenda.\\nBayanda umwi \"muntu wanyama\" uuti katondezye bube bwabuna Leza. Mulumbe wesu mupati nkwiinda munzila mbotupona. Muntu katana bikkila maano kuzintu zyozyi, beelede, kuzyiba mbobikkila maano.\\n\"AMUPONE MAUMI MABOTU BOOBO akati kabantu bata kondwi (batali ba Klistu) kutegwa. BABONE MILIMO YANU MIBOTU BAMANA BALUMBAIZYE LEZA... Nkaambo Klistu WAKA MUPENGELA, KUMUSIILA MUKOZYANO, KUTEGWA MUTOBELE MUMA LYATILO AAKWE.\" - 1Petro 2:12, 21.\\nMbokunga \"Klistu waka tupengela\" a kalivali, tuli jisi mukozyano waluyando lwa kulyaaba munsi lyesu. Luyando oolo, lwazyalululwa muli ndiswe kwiinda mumicito ya luyando kuli bamwi, inga zyaba nguzu zipati zyakukwela bata kondwi muli Klistu kubaleta mu maanza akwa Klistu.\\n3. TULA MUKAMBAUKA KLISTU MUNZILA MBOTUYEEYA\\nCiindi Dyabulosi naaka musaala Jesu mulukula amasunko aakwe kwinda munzala, mukulisumpula, alimwi a kuyeeyela kuti zintu zilaba mbozitibe, Jesu wakalwana cakuzunda kwiinda mukupa tumpango twamumangwalo (Mateyo 4:4, 7, 10). Jesu wakali libambilide nkaambo waka zuzyide mizeezo yakwe a masimpe a mu Bbaibbele. Oko lumamba nkolu zundilwa nanka kuzundwa - mumizeezo yesu.\\n\"Nkaambo mbubwena (muntu) mbwayeeya mumoyo wakwe, obo mbwabede.\" - Tusimpi 23:7.\\nBantu bakomena mubu Klistu bayeeya twaambo twa kujulu. Balabikkila maano kuziimo zyakujulu zyabo nzyobasola kujana.\\n\"Lyoonse amutangale MuMwami,... mu zyoonse, KWIINDA MUKUPAILA AKULOMBA, a kulumba, a mupe kulomba kwenu kuli Leza. Elyo luumuno lwa Leza, lwiinda kuteelela koonse, luya kweendelezya myoyo yenu amizeezo yenu muli Klistu Jesu. Kumasimpilo, nobakwesu, kufumbwa CAMASIMPE, kufumbwa CILOMENE, kufumbwa CILULEME, kufumbwa CILONDOKEDE, kufumbwa CIYANDISI, kufumbwa CILOMBOZYEKA - na nkocili CIBOTU KWIINDA nokuba CITEMBAULWA, amuyeeye zintu zili mbuli bwa zyeezyi... elyo Leza waluumuno uya kuba anywebo.\" - Bafilipi 4:4-9.\\nNcotu sanina mizeezo yesu ncecipa lwaandaano. Itombe linjila, itombe lizwa. Ijwi lyaLeza linjila, buumi bwa Leza buzwa.\\n4. TULA KAMBAUKA KLISTU KUBANTU KWIINDA MBOTUBONEKA\\nMbuli mwiiminizi wa Klitu, muna Klistu una kuli sakatizya mubulemu mukuboneka kwakwe, kutantamuka misyobo yoonse yakulibbataika na kulibamba ca kwiindilizya a ciimo citambulika.\\n\"Na bamwi babo tabasyomi mujwi, inga baakusandulwa... baakubona kubula tumpenda kwenu alimwi abulemu. Bubotu bwenu tabweelede kuba bwa kulisakatizya atala, mbuli masusu apesedwe aku sama nweenwe zyagodilide amasani aadula. Pele, akube kooko kwa buntu bubotu bulimukati kamoyo, ABUBOTU BUTAMANI A MUUYA WAKULIBOMBYA, buli amuulo mupati kubusyu bwa Leza. Nkaambo eeyi njenzila…(aabo) babikka bulangizi bwabo muli Leza mbobakali kuli botezya.\" - 1 Petro 3:1-5.\\nKusama kwakutali bbataika a kulisakatizya kwa bulemu lyoonse cali ngomu kozyano wabu Klistu wamasimpe. Kupa buyo muzeezo, bantu beelede kuti bakwelelezyegwe kulindiswe mbuli bana Klistu kutali a twaambo ntotwaamba kujatikizya kusandauka kwa misyobo yakusama a buponi pele kwiinda mukwambaula kwa Mwami ngotupona kujatikizya Jesu.\\n5. TULA KAMBAUKA KLISTU KUBANTU KWIINDA MUMICITO YESU\\nHabupampu mu lwiiyo lwa Tunsiya nsiya Edward Gibbon ula twaambila kuti Galerius naka tanda nkambi yaba Persia, cikomwe cacipaya cimweka mweka cizwide tubwe tuyandisi cakawida mumaanza asikalumamba umwi wakali kulwana. Ooyu mulombwana, cikomwe eeci wakaciyobola nkambo cakali a mulimo mupati, pele tubwe tudula waka tusowa.\\nBantu bakumbatila kuzyintu zyabuyo zikkomanisya zijamwa munyika eyi bamana Jesu bamukaka, ibbwe lidula kapati - lili muciimo cibi ciinda ali ca sikalumamba wakali kulwa. Tacilibuyo coolwe cikonzya kutezeleka kuzwa kumaanza, pele lufutuko lwa buumi butamani. Nkaako mangwalo ala tucenjezxya:\\n\"Mutayiyandi nyika nokuba cintu comwe muli njiyo. Naakuti umwi wayanda nyika, luyando lwa Taata taluli mulinguwe. Nkaambo zyoonse zyili munyika - kulombozya kwamuntu sizibi, luunyaunya lwa meso akwe (luyando lwanyika), akuli sumpula kwa zintu zyaajisi a kucita (kuli tukumuna) - tazyizwi kuli Taata pele zizwa munyika. Nyika aku yandisisya kwayo zilamana, pele muntu uucita luyando lwaLeza ulapona kukabe kutamani.\" - 1 Johane 2: 15-17.\\nSatani ulabeleka canguzu kuzinanika lubulo lwa ngolide ziyonyoono zijaya a zilengwa zibi kapati. Bwambilizyi bwamakoko butondezya buyo bakubusyi, beebesi, bayumu kubeleka, Bantu bakkomene bwini. Tatu boni mukozyano wamuntu ufulukide, udadalika, waza mucintoolo cabukoko, ujisi cisaka mumaanza.\\nTweelede kupakamana a kucenjela a zilongwe zyesu zipa kuti milawo yesu yabuna Klistu tutayilemeki (2 Ba Kolinto 6:4). Klistu mwini, ncobeni, uyanda kuti tuzumanane kubasikila beenzuma batakondwi muli nguwe. Zilongwe zyacigaminina njentamu iyakusanguna kukambauka lusyomo kuli bamwi. Ubone buyo masimpe kuti beenzinyoko taba kujoli munsi kubuumi mbowakali kupona kayindi.\\nZyotutambula mumaumi eesu, nokuba kulikkomanisya nkotusala, kujisi buyambukizi kumaumi eesu a buna Leza. Tweelede kucenjela a zyotusanima mizeezo yesu.\\n\"Nseka zuminzyi cintu cibi kumbele aameso aangu.\" - Intembauzyo 101:3.\\nKuti na Maumi esu twaasanina zibotu kwiinda, cibi tacika tukweli ansi mpocijanwa. Kuzumanana kusumpula mujulu ziimo zyazintu zyotuzuminzya kunjila mumaanda eesu amu mizeezo tacika tupi kapona maumi a bupenzi nokuba maumi atasumpukide. Muna Klistu ujisi zintu zinji zyimupa kukkomana kwiinda muntu uumbi buyo.\\n\"UYA KUNDI ZUZYA LUTANGALO nooli ambebo, akukkomana kutamani kululyo kwako.\" - Intembauzyo 16:11.\\n6. TULA MU KAMBAUKA KLISTU KULI BAMWI KWIINDA MBOTUPA\\nMbuli mbwaakali kuyanda kabbizya mukondwa omwe, basi kwaazwa ba H M S Richards baka bona kuti oyu mukondwa mupya wacili jisi mpotomona izwide mali munkomwe yakwe. Ba Richard baka mubuzya kuti, na wakalubide buya kwaasiya mali mung’anda isaminwa zisani. \"Mebo a mpotomona yamali yangu tula bbilila antuomwe,\" waka salazya mulombwana. Wakali jisi muuya wakasimpe wakupa bamwi - kupa kutegwa banwi bagwasyigwe. Bana Klistu balakomena kwiinda mukupa, elyo ka nkaambo.\\n\"Jesu mwini wakati: Kuli cileleko cipati mukupa kwiinda mu kutambula.\" - Ncito 20:35.\\nNcetupa kuti bulelo bwaLeza buye kumbele cijola bulumbu butamani.\\n\"Mutaliyobwedi lubono munyika, omo musunse a senke muzinyonyona, alimwi omo babbi moba pwaya akubba. Pele AMULIYOBWEDE LUBONO LWENU KUJULU…nkaambo oko kuli lubono lwako amoyo wako nkolubede.\" - Mateyo 6:19-21.\\nMbuli mboopa, koyeeya kuti: \"Nyika njiya Leza, azyoonse zili mulinjiyo\" [intembauzyo 24;1], kubikkilizya ansiliva a ngolide [Hagayi 2:8]. Swebo kutugama tuli bokwaLeza, nkaambo waka tulenga alimwi nkaambo waka tunununa kuzwa kuzinyonyoono zyesyu kwiinda muku bbadela muulo kubbadelela milandu yesu a bulowa bwakwe (1 Bakolinto 6:19, 20). Kufumbwa ncotujisi ncica Leza, nkaambo ngutupa \"nguzu zyakujana lubono\" (Ditolonomi 8:18). Nkunji buti nkwatulomba Mwami wesu wakagagailwa a ciciingano akubuka, kuti twaabane anguwe mulumbe upegwe kuli bamwi?\" Sa muntu inga wamubbida Leza? Pele mulandibbida. Pele mula buzya, \"Ino tukubbida buti?\"\\n\"MUCI MANYA KKUMI A MILUMBO... amulete cimanyakkumi coonse mung-anda yangu yaciyobwedo, kutegwa kube cakulya mung-anda yangu. Mundisole muli kooku, Mbwaamba Leza singuzu zyoonse, Mwamana mubone na NSIKOYO JALULA MPULUNGWIDO ZYANGU ZYAKUJULU akutila zileleleko cakufwasuka cakuti muyakubula aa kuzibikka.\" - Malakai 3: 8-10.\\nCimanya kkumi \"Ncakkumi\" cakooko \"Nkotwa yungizilwa\" (Ditolonomi 14:22), (Matalikilo 28:22). Kumulimi a simpindu ciya ciindilila atala amana kugusya nkwakabelesya nceca yungizigwa. Kumubelesi, nkukooko nkwatambula koonse. Mulawo wa cimanya kkumi mulawo waciimo cibotu nkambo cijatikizya bube bwamuntu kwinda mukutajosya kwakkumi \"tubbida\" Leza. Cimanya kkumi ncookwa Leza kwamana boobo cileelede kubelesyegwa cakutonkomana muku kwabilila mulimo wakwe klistu (1 Ka Kolinto 9:14), a kumaninizya mulimo wakwe kutegwa aboole (Mateyo 24:14).\\nJesu naakaboola kukala andiswe, Wakapa kusinizya kujosya kwakkumi mu ciindi ca cizuminano cipya (Mateyo 23:23). Ino tweelede kupa kunji buti mu milumbo? Milumbo ciya muntu mbwasala. Muntu omwe-omwe \"weelede kupa ncasala mumoyo wakwe kuti ape\" (2 Ba Kolinto 9:5-7). Kunyina nokonzya kupa kwiinda Leza:\\n\"Kopa elyo ciya kupegwa kuli ndiwe. Cipimyo casindailwa, akusindailwa camana cafwasuka, ciya kutililwa a mubili wako.\" - Luka 6:38.\\nCimwi ciindi ba H M Richards bakakanana majwi aaya kujatikizya cakabacitikila:\\n\"Umwi mulombwana simuuma njuka na cisolo waka njila muswaangaano ngwendakali kweendelezya ku Los Angles, alimwi tandikalubi ciindi ncenda kakanana anguwe, kakkede munsi mung’anda yakuswaganina.\\nWakabweza mwelwe wamali aasika ku myaanda yosanwe yamali aaku Amelika $500 akundipa kati \"oku nkwakkumi kwangu kwaku saanguna (first tithe).\" \"Ooyu mulombwana tanakali kabotu, kwamana kunyina ncaka citide pele kuuma cisolo kwamyaka makkumi otwatwe nokuba makumi one (30, 40 years), elyo ndakati, \"Ino ula pona buti?\" Wakayingula wakati, \"Ndacaazya buyo mali a ci Amelika asika ku musanu nokuba ku musanu a womwe ($5 or $6) ono aya amwi ngokwa Leza.\"\\nElyo ndaka buzya, alimwi ndakati \"ino ula cita buti?\" Waka ingula wakati \"nsezyi pe, ncezyi buyo ncakuti ndeelede kupa cimanya kkumi kwa Leza amana mwini Leza ulandibamba.\"\\n\"Masimpe ngakuti Leza wakakucita ooko. Kweempwa kwa mulombwana ooyo kwakali kwabwini. Wakapona lyoonse kalyaabide, alimwi wakali kkomene mubuumi bwakwe bwa buna Klistu. Kwamana Leza wakamupa zyoonse zyakali kuyanda kusikila buzuba mbwakafwa.\" Leza tasyomezyi kuti boonse basyoma bayakuba bavubi. Pele tuli jisi cisyomyo kuti mulengi wesu uyakutupa koonse kutweelede.\\nKlistu wakapa koonse kupa ndiswe. Atwaabane, mauumi eesu kulinguwe cakumaninina ono. A twabane majwi a kwa Jesu kweendelana mbotupona, mbotuyeeya, mbotulanga, mbotucita zintu, ambo tupa. Nkaambo zi ncomutakonzyi kujana lutangalo mukwaabana Klistu abwamwi akukomena muluse lwakwe lukankamanisya?","num_words":1920,"character_repetition_ratio":0.032,"word_repetition_ratio":0.0,"special_characters_ratio":0.179,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Joni 3 | BBBLI Bible | YouVersion\\n1Kwakalinga muntu wa mulikoto lya baFalisi wiitwa ayi Nikodemasi uyo wakalinga mweendeleshi umwi wa baJuda. 2Uyu muntu wakaya kuli Jesu mashiku akumwaambila ayi, “Bafundishi, tulishi kwaamba ayi mwebo muli bafundishi bakaswa kuli Lesa mukwiinga taaku muntu weenga wacita shaankamiko isho nshemucita, na Lesa taabete anguwe.”\\n3Jesu wakakumbula ayi, “Ncakwiila, ntookulwiita calushinisho ayi taaku muntu eshi akabone Bweene bwakwe Lesa na taana kushalwa cipya.”\\n4Nikodemasi wakeepusha Jesu ayi, “Ino muntu munene kale inga washalwa buyani cipya? Sa inga wenjila alimwi mumala muli banyina akushalwa cipya?”\\n5Jesu wakakumbula ayi, “Ncakwiila ntookulwiita ayi taaku muntu utana kushalwa mumaanshi alimwi aMushimu Usalashi weshi akenjile muBweene bwakwe Lesa. 6Ushalwa kumuntu ngumuntu, sombi uyo ushalwa kuMushimu Usalashi ngumushimu. 7Utakankamani mukwiinga ndakwaambila ayi, ‘Ulyeelete kushalwa cipya.’ 8Muuwo ulapupila kuli koonse nkoosuni alimwi mulanyumfwa koopupa, sombi tamwishibi nkowaswita nabi nkootooya. Mbweeke ubo mbocibete kumuntu woonse washalwa kuMushimu Usalashi.”\\n9Nikodemasi wakeepusha ayi, “Ino ici inga cacitika buyani?” 10Jesu wakamukumbula ayi, “Sa te webo uli mufundishi wa bene Isilaeli? Ino ono toocishi buyani cikani ici? 11Ntookulwiita calushinisho ayi tulaamba nshetwishi akupa bukamboni bwa shintu nshetwakabona, sombi mwebo tamusumini maswi esu, sobwe. 12Na tamushomi ndimwaambila shintu sha pacishi ca panshi, ino inga mwashoma buyani na ndamwaambila shintu sha kwiculu? 13Taaku muntu wakayaako kale kwiculu, sombibo MwanaaMuntu eenka uyo wakaswa kwiculu.\\n14“Ono bweenka mbuli Mose mbwaakaanjika nsoka ya bulonse muluyanga, mbweeke ubo MwanaaMuntu alakwe mbweshi akaanjikwe#Shakube 21:9 15kwaamba ayi uyo woonse ushoma muli nguwe abe abuumi butamaani. 16Lesa wakasunisha bantu boonse ba mucishi ca panshi abuumbi. Aboobo wakatuma Mwanaakwe wakashalwabo eenka kwaamba ayi uyo woonse umushoma ataloobi, sombi abe abuumi butamaani. 17Lesa taakwe kutuma Mwanaakwe mucishi kwaamba ayi oomboloshe bantu, sombi ayi bapulushikwe kwiinda muli nguwe. 18Nkokwaamba ayi uyo woonse ushoma muli nguwe taomboloshekwi, sombi uyo woonse utashomi woomboloshekwa kale mukwiinga taakwe kushoma Mwanaakwe Lesa uyo wakashalwa eenkabo. 19Bupingushi mboobu, mumuni wakesa mucishi, sombi bantu bakasuna munshinshe kwiinda mumuni mukwiinga micito yabo njibiibi. 20Kulilabo muntu ucita shibiibi ulipatite mumuni. Teesi kumumuni kuloonda kwaamba ayi micito yakwe inga yabonekela patuba. 21Sombi ucita shintu sha lushinisho ulesa kumumuni kwaamba ayi micito yakwe iboneke ayi ilacitikwa mukunyumfwila Lesa.”\\nBukamboni bwabili bwakwe Joni\\n22Kuswawaawo Jesu abashikwiiya bakwe bakaya kucishi ca Judeya uko nkwaakekala nshiku shiniini ambabo, kaabombeka. 23Joni alakwe wakalinga kubombeka kuEnoni, pafwaafwi aSalimu, mukwiinga nkokwakalinga maanshi aanji. Mpeeke bantu bakalinga kuya kuli nguwe mukubombekwa. 24(Paciindi ici Joni kaatana kubikwa muntolongo.)#Mate 14:3; Maako 6:1; Luka 3:19, 20\\n25Bashikwiiya bakwe Joni bamwi bakatalika kupikishanya amuJuda umwi pamulawo wakusamba kumaansa kweelana akwishibila kwa baJuda. 26Mpeeke bakaya kuli Joni akumwaambila ayi, “Bafundishi, muntu ulya ngomwakalingaakwe petala lya Mulonga wa Joodani, ulya ngomwakaambaawo, alakwe sunu utoobombeka alimwi bantu baanji batooya kuli nguwe!” 27Joni wakakumbula ayi, “Taaku cintu muntu nceenga wacana na Lesa taakwe kumupa. 28Mwebo nobeene inga mwambeta bakamboni mucikani ncendakaamba ayi, ‘Teshi ndime Usalitwe wakwe Lesa, sombi ndakatumwabo kunembo lyakwe.’#Joni 1:20 29Uyo ucite nabwiinga ngushibwiinga. Nakubi boobo mubye shibwiinga uleemikana pafwaafwi akumukutika. Na wanyumfwa liswi lyakwe ulasangalala abuumbi. Mbweeke ubo anebo ndasangalala abuumbi. 30Aboobo ulyeelete kuba abulemu kwiinda ndime.\\n31“Uyo uswa kwiculu uleenda pabantu boonse. Uyo uswa mucishi ca panshi ngwa panshi alimwi ulaambabo sha mucishi ca panshi. Sombi uyo uswa kwiculu uleenda pabantu boonse. 32Lakwe ulaamba shintu nshaakabona akunyumfwa mwiine, nakubi boobo taakuuwo muntu ushoma nshaamba. 33Sombi muntu ushoma nshaamba ulashinisha ayi Lesa ngwalushinisho. 34Ee, uyo Lesa ngwaakatuma ulaamba maswi akwe Lesa ceebo ulamupa Mushimu Usalashi cakuteeleka. 35Ishi ulimusuni Mwanaakwe alimwi shintu shoonse wakashibika mumaansaakwe.#Mate 11:27; Luka 10:22 36Aboobo uyo woonse ushoma Mwaana, ulicite buumi butamaani. Sombi uyo woonse utashomi Mwanaakwe Lesa, teshi akabe abuumi butamaani alimwi bukali bwakwe Lesa mbobuli pali nguwe.”\\nLenje Bible with Deuterocanon © Bible Society of Zambia, 2003.\\nLearn More About Baibo Busansulushi Bwa Libuku Ili\\nExplore Joni 3 by Verse","num_words":590,"character_repetition_ratio":0.055,"word_repetition_ratio":0.0,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bagalatiya 3 | Bbaibbele Lili a Intaneti | Bbaibbele lya Busanduluzi Bwanyika Mpya\\n3 Inywebo nobana Galatiya bafwubafwuba, ino nguni wakamucenga boobu nokuba kuti mwakapandulwidwa munzila iisalede kuti Jesu Kilisito wakagagailwa acisamu? 2 Ndiyanda kuti mundaambile cintu eeci comwe: Sena mwakatambula muuya akaambo kakutobela mulawo naa akaambo kakusyoma nzyomwakamvwa? 3 Sena muli bafwubafwuba kapati boobu? Mbwaanga mwakatalika munzila yakumuuya, sena lino muyanda kumanizya munzila yakumubili? 4 Sena mwakacitikilwa mapenzi manji cabuyo? Nkaambo tandisyomi kuti ncobeni mwakapenga cabuyo. 5 Aboobo, sena ooyo uumupa muuya akucita milimo mipati akati kanu ucita boobo akaambo kakuti mutobela mulawo naa akaambo kakusyoma nzyomwakamvwa? 6 Mbubonya buyo Abulahamu “wakasyoma Jehova, eelyo wakabonwa kuti mululami.” 7 Masimpe mulizyi kuti aabo ibakakatila mulusyomo mbabana ba Abulahamu. 8 Lino Magwalo, kwiinda mukubonena limwi kuti Leza uyooamba bantu bamasi kuti baliluleme kwiinda mulusyomo, akaambilizya makani mabotu kuli Abulahamu zyintu kazitanacitika kuti: “Kwiinda mulinduwe masi oonse ayoolongezyegwa.” 9 Aboobo aabo ibakakatila mulusyomo balalongezyegwa antoomwe a Abulahamu uusyomeka. 10 Nkaambo boonse aabo ibasyoma milimo yamulawo balisinganizyidwe; nkaambo kulilembedwe kuti: “Ulisinganizyidwe muntu oonse uutazumanani kutobela zyintu zyoonse zilembedwe mubbuku lya Mulawo alimwi uutaziciti.” 11 Kunze lyaboobo, cilisalede kuti kunyina muntu waambwa kuti mululami kuli Leza akaambo kamulawo, nkaambo “mululami uyoopona akaambo kalusyomo.” 12 Lino Mulawo tuuyeeme alusyomo pe. Muciindi caboobo, waamba kuti, “ooyo uutobela milawo yanguwo unoopona akaambo kanjiyo.” 13 Kilisito wakatuula swebo, ikutunununa kukusinganizyigwa a Mulawo kwiinda mukuba muntu uusinganizyidwe lwakwe muciindi cesu, nkaambo kulilembedwe kuti: “Ulisinganizyidwe muntu uuli woonse uugagaidwe* acisamu.” 14 Cakaba boobu kutegwa zilongezyo zya Abulahamu zibasikile abamasi kwiinda muli Jesu Kilisito, ikutegwa tutambule muuya wakasyomezyegwa akaambo kalusyomo lwesu. 15 Bakwesu, ndipa cikozyanyo cizwa kubukkale bwabantu bwabuzuba abuzuba: Ikuti cizuminano casinizyigwa kale—nokuba kuti casinizyigwa amuntu omwe buyo—kunyina muntu naba omwe uucimwaya naa kuyungizya zimwi zyintu kulincico. 16 Lino zisyomezyo zyakaambwa kuli Abulahamu akunyungu yakwe. Tiikwakaambwa kuti: “Akunyungu zyako,” mbuli kuti zyakali zinji pe, pele kwakaambwa yomwe kuti: “Akunyungu yako,” eeyo iili ngu Kilisito. 17 Alimwi andaambe kuti: Mulawo iwakapegwa nokwakainda myaka iili 430 kunyina noumwaya cizuminano eeco Leza ncaakabamba musyule, kutegwa ucilobye cisyomezyo. 18 Nkaambo ikuti lukono kaluyeeme amulawo, nkokuti taluciyeeme acisyomezyo pe; pele Leza walo walupa Abulahamu kwiinda mucisyomezyo. 19 Aboobo ino ngwanzi Mulawo? Wakayungizyigwa ikutegwa kusotoka mulawo kulibonye, kusikila inyungu eeyo ikasike, eeyo yakasyomezyegwa; alimwi wakapegwa abangelo kujanza lyasimwiimaakati. 20 Lino kunyina simwiimaakati nokujatikizyidwe buyo muntu omwe, pele Leza uli buyo omwe. 21 Aboobo, sena Mulawo ulakazyanya azisyomezyo zya Leza? Peepe! Nkaambo ikuti nokwakapegwa mulawo iwakali kukonzya kupa buumi, mubwini bululami nobwakali kujanwa kwiinda mumulawo. 22 Pele Magwalo akatola zyintu zyoonse mubwaange bwacibi, ikutegwa cisyomezyo icizuzikizyigwa akaambo kalusyomo muli Jesu Kilisito cipegwe kuli baabo ibasyoma. 23 Nokuba boobo, ilusyomo oolo kalutanasika, twakali kukwabililwa amulawo, twakali kutolwa mubwaange, katulangila lusyomo oolo ilwakeelede kuyooyubununwa. 24 Aboobo Mulawo waba musolozi* wesu uututola kuli Kilisito, ikutegwa twaambwe kuti tuli balulami akaambo kalusyomo. 25 Pele mbwaanga lino lusyomo oolo lwasika, tatucili mumaanza amusolozi pe. 26 Mubwini, nywebo nyoonse muli bana ba Leza kwiinda mulusyomo ndomujisi muli Kilisito Jesu. 27 Nkaambo nywebo nyoonse nomwakabbapatizyigwa muli Kilisito musamide Kilisito. 28 Kunyina mu Juda naa mu Giliki, kunyina muzike naa muntu waangulukide, kunyina musankwa naa mukaintu; nkaambo nywebo nyoonse muli omwe mukukamantana a Kilisito Jesu. 29 Kunze lyaboobo, ikuti kamubalilwa kuli Kilisito, nkokuti muli nyungu* ya Abulahamu ncobeni, basikukona kweelana acisyomezyo.\\n^ Mu Chigiliki, “waanzikidwe.”\\n^ Nkokuti, muntu iwakali kulanganya naa kukwabilila mwana.\\n^ Naa, “bana.”","num_words":515,"character_repetition_ratio":0.058,"word_repetition_ratio":0.0,"special_characters_ratio":0.168,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matayo 2 | Bbaibbele Lili a Intaneti | Bbaibbele lya Busanduluzi Bwanyika Mpya\\n2 Naakazyalwa Jesu mu Betelehemu waku Judaya kumazuba aamwami Heloda, basikupandulula bweende bwanyenyeezi ibazwa Kujwe bakaboola ku Jelusalemu 2 akubuzya kuti: “Uli kuli ooyo wakazyalwa kali mwami waba Juda? Nkaambo twakabona nyenyeezi yakwe notwakali Kujwe, aboobo twaboolela kumufwugamina.” 3 Naakamvwa boobu, Mwami Heloda wakakopana ikubikkilizya abantu boonse bamu Jelusalemu. 4 Eelyo naakabunganya basilutwe babapaizi boonse abalembi, wakatalika kubabuzya nkwaakali kuyoozyalilwa Kilisito. 5 Bakamwiingula kuti: “Ku Betelehemu waku Judaya, nkaambo kwiinda mumusinsimi kulembedwe kuti: 6 ‘Yebo O Betelehemu wamucisi ca Juda toli munzi musyoonto akati kabeendelezi ba Juda, nkaambo mulinduwe muyoozwa mweendelezi uuyooembela bantu bangu bana Isilayeli.’” 7 Mpoonya Heloda wakabaita kumbali basikupandulula bweende bwanyenyeezi akubabuzya ciindi nyenyeezi noyakalibonya. 8 Eelyo naakabatuma kuya ku Betelehemu, wakabaambila kuti: “Kamuya mukamuyandaule mwana ooyu cakulomya, alimwi mwaakumujana muzyoondaambile kutegwa ambebo ndikaunke kuyoomufwugamina.” 9 Nobakamana kumuswiilila mwami, bakazumanana mulweendo lwabo, eelyo nyenyeezi njobakabona nobakali Kujwe yakaunka kumbele lyabo kusikila yaakwiima aawo mpaakabede mwana. 10 Nobakaibona nyenyeezi eeyo bakakondwa kapati. 11 Lino nobakanjila muŋanda bakamubona mwana kali a Maliya banyina, eelyo bakafwugama akumukotamina. Alimwi bakagusya lubono lwabo akumupa zipego zyangolida, atununkilizyo tutegwa libano amulo. 12 Pele akaambo kakuti bakacenjezyegwa a Leza muciloto kuti batapiluki kuli Heloda, bakajokela kucisi cokwabo anzila iimbi. 13 Nobakaunka, imungelo wa Jehova wakalibonya muciloto kuli Josefa akumwaambila kuti: “Buka, bweza mwana abanyina utijile ku Egepita, ukakkale okuya kusikila nkakwaambile kuti upiluke, nkaambo Heloda uyanda kutalika kuyandaula mwana kutegwa amujaye.” 14 Aboobo wakabuka masiku akubweza mwana abanyina akuunka ku Egepita, 15 mpoonya wakaakukkala okuya kusikila naakafwa Heloda. Eeci cakazuzikizya ceeco ncaakaamba Jehova kwiinda mumusinsimi wakwe naakati: “Kuzwa mu Egepita ndakaita mwanaangu.” 16 Lino Heloda naakabona kuti weenwa abasikupandulula bweende bwanyenyeezi, wakakalala kapati, mpoonya wakalailila kuti bana basankwa boonse mu Betelehemu amuzyooko zyanguwo zyoonse bajisi myaka yobilo akuyaansi bajaigwe kweelana aciindi basikupandulula bweende bwanyenyeezi ncobakamwaambilide kuti noyakalibonya nyenyeezi. 17 Eelyo akazuzikizyigwa aayo aakaambwa kwiinda mumusinsimi Jelemiya kuti: 18 “Ijwi lyakamvwugwa mu Lama, kulila akoomoka; ngu Lakele wakali kulila bana bakwe, alimwi tanaakali kuyanda kuumbulizyigwa, nkaambo bakaloba.” 19 Lino Heloda naakafwa, imungelo wa Jehova wakalibonya muciloto kuli Josefa mu Egepita 20 akumwaambila kuti: “Buka, bweza mwana abanyina uunke kucisi ca Isilayeli, nkaambo aabo bakali kuyandaula buumi bwamwana bakafwa.” 21 Aboobo wakabuka akubweza mwana abanyina akuunka kucisi ca Isilayeli. 22 Pele naakamvwa kuti Akelawo ngowakali mwami wakali kulela Judaya ikutali Heloda usyi, wakayoowa kuunka nkuko. Kunze lyaboobo, akaambo kakucenjezyegwa a Leza muciloto, wakaunka kucooko ca Galilaya 23 akukkala mumunzi uutegwa Nazaleta kutegwa azuzikizyigwe aayo aakaambwa kwiinda mubasinsimi kuti: “Uyootegwa muna Nazaleta.”","num_words":392,"character_repetition_ratio":0.065,"word_repetition_ratio":0.0,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Katusungwaazyania ‘Katuchita Oobo Lyoonse’—BaHebrayo 10:25 | Ngaziyakulinda Yakwiiya\\n“Katunga katuyeeyana . . , kamucenjezyanya twaambo, kamucita obuya lyoonse mbomukubwene kuti buzuba bwa-Kristo buli afwaafwi.”—HEB. 10:24, 25.\\nNkamboonzi mwaapostolo Pawulu naakabelesya mabala akuti “kamucita obuya lyoonse” naakali kubuzya maKristunyina kuti kabasungwaazyania?\\nMbaani beelede kusungwaazigwa?\\nMbaani beelede kusungwaazya bakombima?\\n1. Nkamboonzi mwaapostolo Pawulu naakasungwaazya maKristu bachiHebbrayo kuti ‘bachite oobo lyoonse’ mukusungwaazya bakombinyina?\\nNKAMBOONZI nitweelede kusungwaazya bamwi? Mulugwalo ndwaakalembela maKristu bachiHebbrayo, mwaapostolo Pawulu wakaamba kaambo kapa kuti tuchite oobo. Wakababuzya kuti: ‘Katunga katuyeeyana, katubusyanya-busyanya mukuyandana akuchita milimu mibotu. Tutanoonga katuleka kulibunga-bunga, mbuuli bamwi mbubaleka, anu kamuchenjezyanya twaambo, kamuchita obuya lyoonse mbomukubwene kuti buzuba bwaKristu buli afwiifwi.’ (Heb. 10:24, 25) Nikwakiinda minyaka iili musanu biyo, maJuda bakali kukkala muJerusalemu bakabona kuti “buzuba bwa-Jehova” bwakali bwaba afwiifwi alubo bakabona zitondeezyo Jesu nzyaakababuzizye kuti baakuzibona, bakeelede kuzwa mumuunzi. (Inc. 2:19, 20; Lk. 21:20-22) Mu70 C.E., buzuba bwaJehova bwakasika chiindi maRoma naakanyonyoona muunzi waJerusalemu.\\n2. Nkamboonzi nitweelede kusungwaazyania?\\n2 Mazubaano, kuli zintu zyiingi zitondeezya kuti ‘buzuba bwa-Jehova bupati, buyoosya loko’ bwaba afwiifwi. (Joel. 2:11) Musinsimi Zefaniya wakati: “Buzuba bupati bwa-Jehova buli kufwaafwi, ncobeni buli kufwaafwi, bulafwambaana loko kusika.” (Zef. 1:14) Nchenjezyo eeyi ichibeleka nikuba mazubaano. Naakabona kuti buzuba bwaJehova bwakali bwaba afwiifwi, Pawulu wakati: ‘Katunga katuyeeyana, katubusyanya-busyanya mukuyandana akuchita milimu mibotu.’ (Heb. 10:24) Nkinkaako, tweelede kubabikkila maanu bakombima kuti tukonzye kubasungwaazya.\\n3. Niinzi nchakaamba mwaapostolo Pawulu atala akusungwaazyania? (Langa chifanikisyo chili kumatalikilo achiiyo.)\\n3 ‘Kuusa kwamoyo wamuntu kulamulemezya, pele ijwi ibbotu lilamusekelezya.’ (Tus. 12:25) Eezi zilakonzya kutuchitikila toonse. Nkinkaako, toonse tweelede kusungwaazigwa chiindi achiindi. Mwaapostolo Pawulu wakaamba kuti nikuba bantu bali amukuli wakusungwaazya bamwi, abalabo beelede kusungwaazigwa. Wakalembela maKristu bakali kukkala kuRoma kuti: ‘Ndayandisya kumubona, kuti nkamwaabile chimwi chipo chamuuya chakumuyumya-yumya, kuti tukayumizyanye mulusyomo mebo ndikayumye ndinywe anywebo mukayumye ndime.’ (Rom. 1:11, 12) Nikuba kuti Pawulu wakali kusungwaazya bamwi, alakwe wakali kuyanda kusungwaazigwa.—Bala BaRoma 15:30-32.\\n4, 5. Mbaani mbitweelede kusungwaazya alubo nkamboonzi?\\n4 Bantu balipedelede kubelekela Jehova beelede kulumbayizigwa. Bamwi babo mapayona. Bamwi bakalyiimya zintu zyiingi kuti bakonzye kupayona. Alubo mamishinali, babelekela kuBbeteli, balangizi bamabazu abakayintu babo abantu babelekela kumawofesi aabusanduluzi, bayandikana kulumbayizigwa. Bantu boonse baambwa aawa bakalipeda kuti babelesye chiindi chabo kuti bachite mulimu waLeza. Nkinkaako, kuleelela kuti tubalumbayizye. Alubo tweelede kusungwaazya bantu bakali mumulimu wachiindi choonse pesi batachikonzyi kuba mumulimu wachiindi choonse akaambo kazyiimo.\\n5 Bakwesu abachizi batakwete abatakwetwe akaambo kakutobela malayilile akukwata naakuti kukwatwa ‘muli Kristu,’ beelede kulumbayizigwa. (1 Kor. 7:39) Baalumi beelede kulumbayizya bakayintu babo akaambo kakubeleka changuzu. (Tus. 31:28, 31) Alubo tweelede kusungwaazya maKristu balikuzumanana kusyomeka nikuba kabapenzegwa naakuti kabachiswa. (2 Tes. 1:3-5) Jehova aKristu balabasimya babelesi basyomeka.—Bala 2 BaTesalonika 2:16, 17.\\nBAALU BALABASUNGWAAZYA BAMWI\\n6. Nguuli mulimu ngubabeleka baalu kweendelana alugwalo lwaIsaya 32:1, 2?\\n6 Bala Isaya 32:1, 2. Jesu Kristu ulikubelesya maKristu bananikidwe ‘abasilutwe’ bambelele zimwi kuti basungwaazye akugwasya bantu bakataazikene. Nisimpe kuti beelede kusungwaazya bamwi nkaambo baalu ‘tebasimalelo’ kulusyomo lwabamwi pesi ‘mbaasimilimonyina.’—2 Kor. 1:24.\\n7, 8. Kuyungizya mukwaambuula majwi aasungwaazya, nziizili zimwi nzibeelede kuchita baalu kuti basungwaazye maKristunyina?\\n7 Mwaapostolo Pawulu wakatusiila chikozyano chakutobelezya. Wakalembela maKristu bakuTesalonikka bakali kupenzegwa kuti: ‘Mbuuli mbutwakali kumuyanda, chintu nchitwakali kuyanda kumwaambila kutali Makani aaLeza luzutu pesi amyoyo yesu tubeni, nkaambo mwakali bayandwi besu.’—1 Tes. 2:8.\\n8 Pawulu wakatondeezya kuti tatweelede kusungwaazya amajwi luzutu naakabuzya baalu bakuEfeso kuti: “Mweelede kubagwasya aabo batajisi nguzu, alimwi lyoonse mweelede kuyeeya majwi aa Mwami Jesu, eelyo lwakwe mwini naakaamba kuti: ‘Kupa kulakkomanisya kapati kwiinda kupegwa.’” (Inc. 20:35, NW) Pawulu wakali kubasungwaazya maKristunyina alubo wakali ‘kulitakata’ akaambo kabo. (2 Kor. 12:15) Abalabo baalu beelede kusungwaazya bamwi akutondeezya kuti balababikkila maanu maKristunyina.—1 Kor. 14:3.\\n9. Kujana baalu balupa biyeni lulayo munzila iisungwaazya?\\n9 Kusungwaazya bamwi kuswaanizya kupa lulayo. Nikuba boobo, baalu beelede kutobelezya malayilile aazwa muBbayibbele kuti bakonzye kupa bamwi lulayo munzila iisungwaazya. Jesu wakatusiila chikozyano chilikabotu naakabusigwa. Nikuba kuti wakeelede kupa lulayo kumbungano zyakuAsiya Mayina, pesi wakachita chimwi chintu. Wakasaanguna kulumbayizya mbungano yakuEfesu, yakuPergamo ayakuTiyatira. (Ciy. 2:1-5, 12, 13, 18, 19) Wakalembela mbungano yakuLawodikkeya kuti: “Aabo boonse mbondiyanda ndilabasinsa akubalaya. Aboobo sungwaala akweempwa.” (Ciy. 3:19, NW) Baalu beelede kutobelezya chikozyano chaKristu nibapa lulayo.\\nTEEMUKULI WABAALU LUZUTU\\nNibazyali, mulabayiisya na bana banu kuti basungwaazye bamwi? (Langa fuka 10)\\n10. Kujana twasungwaazyania biyeni?\\n10 Baalu teembabo luzutu beelede kusungwaazya bamwi. Pawulu wakasungwaazya maKristu boonse kuti kabaamba “ijwi lili kabotu kukuyaka bamwi kweelana abukkale aciindi eeco, kutegwa libe jwi likonzya kubagwasya aabo baswiilila.” (Ef. 4:29, NW) Toonse tweelede kuziba ‘bukkale’ bwabamwi kuti tubasungwaazye. Pawulu wakabuzya maKristu bachiHebbrayo kuti: ‘Amwaayumye maboko aanu antoomwe amazwi aanu atontola, kamuzumanana kweenda munzila iililuzi kuti boonse basunkuta bataleyi munzila, pesi bapone.’ (Heb. 12:12, 13) Toonse tulakonzya kusungwaazya bamwi kwiinda mukubabuzya majwi aasungwaazya, kufumbwa kuti tuli bapati naakuti tuli baniini.\\n11. Niinzi chakagwasya muchizi Marthe naakakataazikene?\\n11 Muchizi uutegwa Marthe, * wakali kukataazikana. Wakati: “Limwi zuba ndakali kukombela kusungwaazigwa mpawo umwi muchizi wakomena wakandibikkila maanu. Eezi nzizyo nzindakali kuyanda achiindi eecho. Wakandibuzya zyakamuchitikila zikozyenie ambundakali kulimvwa alubo eezi zyakapa kuti ndibone kuti nsili andikke pe.” Zilakonzeka kuti muchizi ooyo wakakomena taakaziba pe kuti majwi ngaakabuzya Marthe akamugwasya loko.\\n12, 13. Kujana twaabelesya biyeni malayilile ajanika mulugwalo lwaBaFilipi 2:1-4?\\n12 Pawulu wakapa malayilile kubantu boonse bamumbungano yakuFilipi. Wakati: “Lino na mulijene lugwasyo muli-Kristo, na muli aluyando lwakutontozya moyo, na mulipedwe caabilo ca-Muuya, alimwi na muli amyoyo yabuuya alweetelelo, ndakumbila kuti mundipe olu lukondo luzulide lwakuziba kuti mulikede abuyanzane bomwe, akuyandana aluyandisyo lomwe, camoyo omwe acakuyeeya comwe. Mutaciti cintu niciba comwe cabbivwe nanka cakulisumpula, pele umwi aumwi akati kanu alibombye mumoyo, akuyeeya kuti mweenzuma mubotu kwiinda ndime. Tamweelede kuyeeya kuligwasya nubeni luzutu, pe, umwi aumwi uleelede kwiingasila kugwasya mweenzinyina.”—Flp. 2:1-4.\\n13 Kuti tukonzye kusungwaazya bakombima, toonse tweelede kuba “aluyando lwakutontozya moyo,” kubapa “caabilo ca-Muuya” akuba ‘abuuya alweetelelo.’\\nZINTU ZIKONZYA KUTUSUNGWAAZYA\\n14. Niinzi chikonzya kusungwaazya bamwi?\\n14 Kumvwa kuti bantu mbitwakayiyaabo Bbayibbele balikwiinkilila kunembo kabakomba Jehova, kulatusungwaazya mbuuli mbaakalimvwa mwaapostolo Johane. Wakalemba kuti: “Taakwe kubotelwa kumbi nkunjisi kupati kwiinda oku kwakumvwa kuti bana bangu baleenda mulusinizyo.” (3 Joh. 4) Mapayona biingi balasungwaazigwa nibamvwa kuti bantu mbibakayiyaabo Bbayibbele balikwiinkilila kunembo kukomba Jehova akuti balapayona. Kuti mapayona kabakataazikene, kubabuzya zintu zibotu nzibakali kuchita, kulakonzya kubasungwaazya.\\n15. Kujana twabasungwaazya biyeni bantu bali kukomba Jehova chakusyomeka?\\n15 Balangizi bamabazu abakayintu babo bakaamba kuti kulembelwa kagwalo kakubalumba kulabasungwaazya nibazwa kuswaya mbungano. Alubo baalu, mamishinali, mapayona abantu babelekela kuBbeteli, balasungwaazigwa chiindi bantu nibabalumba akaambo kamilimu njibachita akulipeda kwabo.\\nMBUTUKONZYA KUSUNGWAAZYA BAMWI\\n16. Kujana twabasungwaazya biyeni bamwi?\\n16 Kuba amiyeeyo yakuti tatukonzyi pe kusungwaazya bamwi akaambo kakuti tatuziyandisyi pe zyakwaambuula, takuli kabotu. Takuyandikani zintu zyiingi kuti tusungwaazye bamwi. Nikuba kumwemwetela luzutu nitujuzya bamwi, kulakonzya kusungwaazya. Kuti muntu ngwaajuzya taamwemwetela, zitondeezya kuti amwi kuli zimwi zimukataazya, nkinkaako tweelede kumuswiilila kuti tukonzye kumuumbulizya.—Jak. 1:19.\\n17. Umwi mukwesu uuchikula wakagwasigwa biyeni naakakataazikene?\\n17 Mukwesu uutegwa Henri uuli aminyaka iili 20, wakakataazikana chiindi babbululu bakwe nibakasiya kasimpe, kuswaanizya awisi. Henri wakasungwaazigwa amulangizi wabbazu wakamutola ku-restaurant kuti akamubuzye zyakali kumukataazya. Henri wakabona kuti chintu chakali kukonzya kugwasya babbululu bakwe kuti baboole lubo mukasimpe, nkukkala kasyomeka. Wakawumbulizigwa kwiinda mukubala Intembauzyo 46, Zefaniya 3:17; Marko 10:29, 30.\\nToonse tulakonzya kuyakana akusungwaazyania (Langa fuka 18)\\n18. (a) Ngaali makani akaambwa aMwaami Solomoni? (b) Ngaali malayilile ngaakapa mwaapostolo Pawulu?\\n18 Zyakachitika kuli Marthe aHenri zitondeezya kuti tulakonzya kubasungwaazya bakombima chiindi nibakataazikene. Mwaami Solomoni wakalemba kuti: “Ijwi liambwa kuciindi ceelede lyabota loko! Mumuni wameso ulakondezya moyo, amakani mabotu alaponya mubili.” (Tus. 15:23, 30) Alubo kubala Ngaziyakulinda naakuti makani aajanika awebbusayiti yesu kulakonzya kusungwaazya muntu ukataazikene. Pawulu wakaamba kuti kwiimba nyimbo zyaBwaami katulaamwi, kulasungwaazya. Wakalemba kuti: “Amwiisyanye akucenjezyanya cabusongo bunji antembauzyo anyimbo zya-Leza amalelebu, akuya bwiimba lyoonse cakulumba Leza mumyoyo yanu.”—Kol. 3:16; Inc. 16:25.\\n19. Nkamboonzi kusungwaazyania nikuyandikana mumazubaano alubo kujana twazichita biyeni?\\n19 Tweelede kusungwaazyania nkaambo buzuba bwaJehova “buli afwaafwi.” (Heb. 10:25) Pawulu wakabuzya maKristunyina kuti “kamuciya bugwasyanya akuyakana, umwi aumwi kumweenzinyina, mbubonya mbomucita.”—1 Tes. 5:11.\\n^ par 11 Mazina akachinchwa.\\nKatusungwaazyania ‘Katuchita Oobo Lyoonse","num_words":1165,"character_repetition_ratio":0.076,"word_repetition_ratio":0.0,"special_characters_ratio":0.179,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kujana Twatondeezya Biyeni Kuti Tulamuyanda Leza Abasimayakilane?\\nKabbuku Kamuswaangano waBuumi Bwesu bwachiKristu Amulimu Wesu | March 2018\\nNikuba kuti maKristu tabachitobelezyi Mulawu waMusa pesi milawu iibili mipati yakuti tuyande Leza abasimayakilane ichibeleka. (Mt 22:37-39) Luyando oolu tatuzyalwi aalo pesi tweelede kubeleka changuzu kuti tulutondeezye. Kujana twazichita biyeni? Imwi nzila iikonzya kutugwasya nkubala Bbayibbele buzuba abuzuba. Kulanga-langa Magwalo mbaapandulula bube bwaLeza kupa kuti ‘tweebele bubotu bwaJehova.’ (Int 27:4) Kuchita oobo kupa kuti tumuyande akuti tube amaboneno aali mbuuli aakwe. Alubo kutugwasya kuti tubambe milawu yakwe akuti tuyande bamwi. (Joh 13:34, 35; 1Joh 5:3) Atulange-lange zintu zitatu nzitweelede kuchita kuti tumvwisisisye nitubala Bbayibbele:\\nZibone mumizeezo nzubala. Libone kuliwo nizilikuchitika zintu eezyo. Niinzi nzwaali kunoobona, kumvwa musabilo akumvwa bweema? Bakali kulimvwa biyeni bantu baambidwe?\\nBelesya nzila zisiyene-siyene. Ulakonzya kubalila aajulu naakuti utobelezye zyakubala zyakalekkodwa. Ulakonzya kubala atala awumwi muntu waambidwe muBbayibbele naakuti kubala atala ayimwi nkani kutali kubala zyaandaano kazilikutobelana. Muchikozyano, ulakonzya kubala atala abuumi bwaJesu kubelesya Bbayibbele litegwa New World Translation of the Holy Scriptures Makani Aayungizyidwe A7 naakuti B12. Bala chaandaano choonse mpulujanika lugwalo lwabuzuba. Alubo ulakonzya kubala mabbuku aamuBbayibbele kweendelana ambaakalembwa.\\nYezya kumvwisisisya nzubala. Kubala chaandaano chimwi akuchimvwisisisya kulagwasya kwiinda kubala zyaandaano zyiingi kutamvwisisisyi nzulikubala. Yeeya nkuzyakachitikila. Yanduula amwi makani. Belesya mepu amagwalo aayungizidwe. Yanduulisisya imwi nkani njutamvwisisisyi. Kuti kukonzya, belesya chiindi cheelene anchwaatola nwaalikubala kuti uyeeyesesye.\\nKujana Twatondeezya Biyeni Kuti Tulamuyanda Leza Abasimayakilane\\nLUBONO LUZWA MUJWI LYALEZA “Uuyanda Kuba Mupati Akati Kanu Uzooba Mulanda Wanu”\\nLUBONO LUZWA MUJWI LYALEZA Swiilila Milawu Iibili Mipati\\nBUUMI BWAMAKRISTU Kujana Twatondeezya Biyeni Kuti Tulamuyanda Leza Abasimayakilane?\\nLUBONO LUZWA MUJWI LYALEZA Amusinsimuke Mubukombi Kumazubaano Aakumamanino\\nBUUMI BWAMAKRISTU Mamanino Abaafwiifwi\\nLUBONO LUZWA MUJWI LYALEZA “Amulangile”\\nBUUMI BWAMAKRISTU Kuyungizya Luzibo Lwesu Mumulimu Wakukambawuka—Kuyiisya Bantu Mbitwiiyaabo Bbayibbele Kulibambila Chiiyo\\nText Sala naa uyanda kukkopa zyakamwayigwa zilekkodedwe KABBUKU KAMUSWAANGANO WABUUMI BWESU BWACHIKRISTU AMULIMU WESU March 2018\\nKABBUKU KAMUSWAANGANO WABUUMI BWESU BWACHIKRISTU AMULIMU WESU March 2018","num_words":285,"character_repetition_ratio":0.068,"word_repetition_ratio":0.0,"special_characters_ratio":0.149,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Leza Wakalenga Adamu a Eva | Ziiyo Zyabana Zyamu Bbaibbele\\nJehova wakalima muunda mubusena bwiitwa kuti Edeni. Muunda ooyu wakazwide maluba, zisamu, alimwi abanyama. Mpoonya Jehova wakalenga muntu wakusaanguna, Adamu, akumufwulida mumpemo. Sena ulizyi cakacitika? Muntu ooyu wakaba muumi! Jehova wakabikka Adamu kuti kalanganya muunda, alimwi akubaulika mazina banyama boonse.\\nJehova wakapa Adamu mulawo uuyandika kapati. Wakaambila Adamu kuti: ‘Ulakonzya kulya micelo kuzisamu zyoonse, ccita buyo comwe cilibedelede toyelede kulya kulincico pe. Ikuti walya micelo yaco, ncobeni uyoofwa.’\\nNokwakainda ciindi, Jehova wakati: ‘Ndilamupangila sikumugwasyilizya Adamu. Aboobo Leza wakooneka Adamu ŋonzi zyalufwu, mpoonya wakagwisya kabambo komwe kuli Adamu akulenga mukaintu wakwe. Zina lyakwe wakali Eva. Ba Adamu a Eva bakaba mukwasyi wakusaanguna. Ino Adamu wakalimvwa buti kujatikizya mukaintu wakwe? Adamu wakakkomana cakuti wakaamba kuti: ‘Amubone Jehova ncaapanga kuzwa kukabambo kangu! Ee kaka! Ooyu muntu tulikozyenye.’\\nJehova wakaambila ba Adamu a Eva kuzyala bana akuzuzya nyika. Wakali kuyanda kuti kabakkomene kubelekela antoomwe kupanga nyika yoonse kuba paradaiso, naa muunda weebeka, mbubonya mbuli muunda wa Edeni. Pele zintu tiizyakeenda bweelede pe. Nkaambo nzi? Tulaiya zinji mucibalo citobela.\\n“Ooyo wakabalenga kuzwa kumatalikilo, wakalenga mwaalumi amukaintu.”—Matayo 19:4\\nMibuzyo: Ino Jehova wakamupa mulimo nzi Adamu? Ino ncinzi icakali kuyoocitika ikuti ba Adamu a Eva balya kucisamu Leza ncaakabakasya?","num_words":195,"character_repetition_ratio":0.066,"word_repetition_ratio":0.0,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbomukonzya Kumvwa Ncolyaamba Bbaibbele\\nAMUBALE MU Acholi Afrikaans Albanian Amharic Arabic Armenian Aymara Baoule Batak (Toba) Bicol Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Chiyao Chokwe Chol Cibemba Cinyanja Croatian Czech Danish Dutch Efik English Estonian Ewe Fijian Finnish French Ga Georgian German Greek Guarani Haitian Creole Hausa Hebrew Hiligaynon Hiri Motu Hmong (White) Hungarian Iban Igbo Iloko Indonesian Isoko Italian Japanese Javanese Karen (S'gaw) Kazakh Kikamba Kikaonde Kikongo Kikuyu Kiluba Kimbundu Kinyarwanda Kirghiz Kiribati Kirundi Kisi Kisonge Kongo Korean Krio Lamba Lhukonzo Lingala Lithuanian Luganda Lunda Luo Luvale Macedonian Malagasy Mambwe-Lungu Maya Mazatec (Huautla) Moore Myanmar Nahuatl (Guerrero) Nahuatl (Huasteca) Ndebele (Zimbabwe) Ngabere Norwegian Nyaneka Nzema Ossetian Otetela Papiamento (Aruba) Papiamento (Curaçao) Pidgin (Cameroon) Polish Portuguese Quechua (Bolivia) Quechua (Cuzco) Quichua (Imbabura) Rarotongan Romanian Runyankore Russian Samoan Sango Sepedi Serbian (Cyrillic) Serbian (Roman) Sesotho (Lesotho) Setswana Seychelles Creole Shona Sidama Silozi Sinhala Slovak Slovenian Solomon Islands Pidgin Spanish Sranantongo Swahili Swahili (Congo) Swedish Tagalog Tatar Thai Tigrinya Tiv Tlapanec Tojolabal Tok Pisin Totonac Tshiluba Tsonga Turkish Tuvaluan Twi Tzotzil Ukrainian Umbundu Vietnamese Waray-Waray Wayuunaiki Wolaita Xhosa Yoruba Zande Zapotec (Isthmus) Zulu\\nMAKANI AAYEEME AMUTWE UULI ACIVWUMBYO | MULAKONZYA KUMVWA NCOLYAAMBA BBAIBBELE\\nMbomukonzya Kugwasyigwa Kumvwa Ncolyaamba Bbaibbele\\nAmweezyeezye kuti mwaunka kuyooswaya kucisi cimbi ciindi cakusaanguna. Okuya mwaakujana zintu nzyomutazyibide mbuli zyakulya, zilengwa, bantu, alimwi amali aabelesyegwa ooko. Masimpe, mulakonzya kunyongana.\\nMulakonzya kulimvwa mbubwenya oobu nomubala Bbaibbele ciindi cakusaanguna. Cili mbuli kuti munjila munyika yakaindi iilibonya kuba yeenzu kulindinywe. Okuya mwajana bantu bategwa ba Filisti, zilengwa zyeenzu zyakuzapaula zisani zyabo, naa kwiiya kulya cakulya citegwa mana alimwi akwiiya kubelesya mali aansiliva aategwa madirakima. (Kulonga 16:31; Joshua 13:2; 2 Samuele 3:31; Luka 15:9) Zyoonse eezyi zilakonzya kunyonganya. Kuti mwaunka kucisi cimbi, sena inga tiimwamulumba muntu uukonzya kumupandulwida zintu mbozibede ooko?\\nLUGWASYO ILWAKALIKO KAINDI\\nKuzwa ciindi malembe aasalala naakalembwa mumwaanda wamyaka wa 16 B.C E., bantu bagwasyigwa kuti bacikonzye kwaamvwisya. Mucikozyanyo, Musa, musololi wakusaanguna wabana Israyeli, “wakabapandulwida” icakalembedwe.—Deuteronomo 1:5.\\nNokwakainda myaanda yamyaka iili 10, bamayi bacibwene kuyiisya Magwalo bakaciliko. Mu 455 B.C.E., nkamu mpati yaba Juda, kubikkilizya abana, bakalibungene mubbuwa lyabuleya mu Jerusalemu. Basikuyiisya Bbaibbele bakaliko ‘kababala cakupozya kuzwa mubbuku [lisalala].’ Pele kuli acimbi ncobakacita. “Bakabagwasya bantu kumvwisya cakali kubalwa.”—Nehemiya 8:1-8.\\nNokwakainda myaanda yamyaka yosanwe, Jesu Kristo awalo wakaubeleka mulimo nguwena ooyu wakuyiisya. Mane buya, bantu banji bakamuzyi kuti mwiiyi. (Johane 13:13) Wakali kuyiisya nkamu zipati zyabantu, naa muntu aumwi kumugama. Aciindi cimwi, wakabandika kunkamu mpati, kaamba Mulumbe waa Cilundu uuzyibidwe kapati, mpoonya “makamu aabantu akagambwa kapati ambwaakali kuyiisya.” (Matayo 5:1, 2; 7:28) Mu 33 C.E., Jesu wakabandika abasikwiiya bakwe bobilo ciindi nobakali kuyabweenda munzila iyakali kuya kumunzi wakali afwaafwi a Jerusalemu, ‘kabapandulwida Magwalo.’—Luka 24:13-15, 27, 32.\\nAbalo basikwiiya ba Jesu bakali bamayi ba Jwi lya Leza. Aciindi cimwi, muntu uumwi uulemekwa waku Etiyopiya wakali kubala cibalo cimwi camu Magwalo. Sikwiiya umwi wazina lya Filipo wakasika kulinguwe akumubuzya kuti: “Sena mubwini ulicizyi eeco ncobala?” Muna Etiyopiya wakati: “Mubwini mbuti mbondinga ndacizyiba ikuti kakunyina uundipandulwida?” Aboobo Filipo wakamupandulwida ncocakali kwaamba cibalo.—Milimo 8:27-35.\\nLUGWASYO LULIKO MAZUBA AANO\\nMbubwenya mbuli basikuyiisya Bbaibbele bakaindi, mazuba aano Bakamboni ba Jehova bajisi mulimo wakuyiisya makani aamu Bbaibbele muzisi zili 239 nyika yoonse mbwiizulwa. (Matayo 28:19, 20) Nsondo ansondo, balagwasya bantu bainda ku 9 miliyoni kwiiya Bbaibbele. Bunji bwabaabo mbobayiisya bazwa mumikwasyi iitali ya Bunakristo. Ziiyo eezyi tazibbadelelwi pe alimwi zilakonzya kucitilwa aŋanda yasikwiiya naa abusena bumbi mbwanga wayanda sikwiiya. Bamwi balaiya kwiinda mukubelesya fooni naa kkompyuta.\\nMwalombwa kubandika a Kamboni wa Jehova uuli woonse kujatikizya mbomukonzya kugwasyigwa abubambe oobu. Muyakuzyiba kuti Ibbaibbele, ibbuku lilibonya mbuli kuti lilakatazya kumvwa, ndibbuku ligwasya “mukuyiisya, mukusinsa, mukululamika zintu, mukulaya cabululami,” kutegwa mweelele ‘ncobeni, kamulibambilide cakumaninina kubeleka mulimo mubotu uuli woonse.’—2 Timoteyo 3:16, 17.\\nLugwasyo Lujanika aa Intaneti\\nSena mulayanda kulibalila Bbaibbele? Cakusaanguna, amulange a webbusaiti ya jw.org. Eeyi webbusaiti iijisi makani aatabbadelelwi aamu Bbaibbele mumyaambo iinda ku 700. Mulakonzya kukkomana kwiiya makani aaya aatobela:\\nMibuzyo njobavwula kubuzya bantu\\n(Amubone aalembedwe kuti NJIISYO ZYAMU BBAIBBELE > MIBUZYO YAMU BBAIBBELE YAINGULWA)\\nMakani aajatikizya ndinywe\\nNcomukonzya kucita kuti mwatyompwa\\n(Amubone aalembedwe kuti NJIISYO ZYAMU BBAIBBELE > BANABUKWETENE ABAZYALI)\\nLulayo lujatikizya bakubusi\\nMbomukonzya kucita kuti naa kabamucita naa kumwaambila zintu zileta muzeezo wakoonana\\nNcomukonzya kucita kuti muntu umwi kamucitila luta\\nMbomukonzya kulwana penzi lyakulendelelwa\\n(Amubone aalembedwe kuti NJIISYO ZYAMU BBAIBBELE > BAKUBUSI)\\nAmubone bwiinguzi bwamibuzyo iili lusele iivwula kubuzyigwa kujatikizya bubambe oobu bwakwiiya Bbaibbele.","num_words":660,"character_repetition_ratio":0.046,"word_repetition_ratio":0.0,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbotukonzya Kugwasya Basikwiiya Bbaibbele Kutegwa Beelele Kubbapatizyigwa—Cibeela 2 — LAIBBULALI YAA INTANETI ya Watchower\\nw20 October map. 13-19\\nAMUBELESYE BBAIBBELE CIINDI NOMUYIISYA\\nAMUTONDEZYE KUTI MULAZIYANDA AKUZISYOMA NZYOMUYIISYA\\nAMUMUKULWAIZYE SIKWIIYA KUJANA BALONGWE MUMBUNGANO\\nAMUKANKAIZYE MBAAKANI YAKULYAABA AKUBBAPATIZYIGWA\\nCIINDI ACIINDI AMUKULANGE-LANGE KUYAAMBELE KWASIKWIIYA\\nAmubikkile Maanu ‘Kukuyiisya’ Kwanu\\nCIBALO CAKWIIYA 42\\nMbotukonzya Kugwasya Basikwiiya Bbaibbele Kutegwa Beelele Kubbapatizyigwa​—Cibeela 2\\n“Lyoonse kolibamba omwini akubikkila maano kapati kukuyiisya kwako.”​—1TIM. 4:16.\\nLWIIMBO 77 Mumuni Munyika Yamudima\\n1. Ino tuzyi buti kuti mulimo wakugwasya bantu kuba basikwiiya ufwutula bantu?\\nMULIMO wakugwasya bantu kuba basikwiiya ufwutula bantu. Ino tuzyi buti oobo? Ciindi Jesu naakapa malailile ngotubala kulugwalo lwa Matayo 28:19, 20, wakaamba kuti: “Kamuya mukayiisye bantu . . . kuti babe basikwiiya, . . . , akubabbapatizya.” Nkaambo nzi kubbapatizyigwa ncokuyandika? Nkaambo nceelelo cabaabo ibayanda kuyoofwutuka. Muntu uuyanda kubbapatizyigwa weelede kusyoma kuti lufwutuko lulakonzyeka akaambo kakuti Jesu wakatufwida alimwi wakabusyigwa. Nkakaambo kaako mwaapostolo Petro ncaakaambila Banakristonyina kuti: ‘Lubbapatizyo lulamufwutula lino kwiinda mububuke bwa Jesu Kristo.’ (1Pet. 3:21) Aboobo ciindi sikwiiya mupya nabbapatizyigwa, ulaba abulangizi bwakuyoofwutuka.\\n2. Ino lugwalo lwa 2 Timoteyo 4:1, 2 lwaamba kuti tweelede kuba bamayi bali buti?\\n2 Kutegwa tugwasye bantu kuba basikwiiya, tweelede kuba “aluzyibo mukuyiisya.” (Amubale 2 Timoteyo 4:1, 2.) Nkaambo nzi? Nkaambo Jesu wakatulailila kuti: “Kamuya mukayiisye bantu . . . kuti babe basikwiiya.” Mwaapostolo Paulo wakaambila Timoteyo kuti: ‘Kobikkila maano kapati kukuyiisya kwako. Kakatila kuzintu eezyi, nkaambo kwiinda mukucita boobo uyoolifwutula omwini alimwi abaabo bakuswiilila.�� (1Tim. 4:16) Majwi aaya alabeleka akulindiswe mazuba aano. Mbwaanga kuyiisya kuliswaangene akugwasya bantu kuba basikwiiya, nkokuti tweelede kuyiisya munzila iiluzi.\\n3 Tulayiisya bantu banji kasimpe kajanika mu Bbaibbele. Pele mbubwenya mbotwakaiya mucibalo cainda, tuyanda kuzyiba mbotukonzya kugwasya bantu kuba basikwiiya ba Jesu Kristo babbapatizyidwe. Mucibalo eeci, tulabandika zintu zimbi zyosanwe nzyobakonzya kucita bamayi ba Bbaibbele kutegwa bagwasye basikwiiya kweelela kubbapatizyigwa.\\nAmumulombe sikumwaya uucibwene kuti amugwasye kucizyiba kubelesya Bbaibbele ciindi nomuyiisya (Amubone muncali 4-6)*\\n4. Nkaambo nzi bamayi ncobeelede kulijata kwaambaula ciindi nobasololela ciiyo ca Bbaibbele? (Amubone abupanduluzi buyungizyidwe.)\\n4 Tulazikkomanina zintu nzyotuyiisya kuzwa mu Jwi lya Leza. Aboobo tulakonzya kusunkwa kwaamba makani manji kujatikizya zintu eezyo. Nokuba boobo, sikusololela Ciiyo ca Ngazi Yamulindizi, Ciiyo ca Bbaibbele Cambungano naa ciiyo ca Bbaibbele caaŋanda, teelede kwaamba zinji. Kutegwa alibelesye kabotu Bbaibbele ciindi nayiisya, mwiiyi weelede kulijata kwaambaula, kutasola kupandulula makani woonse ngazyi kujatikizya cibalo naa kaambo kamwi kamu Bbaibbele.* (Joh. 16:12) Amweezyanisye luzyibo lwamu Bbaibbele ndomwakajisi ciindi nomwakabbapatizyigwa alimwi aloolo ndomujisi lino. Ambweni kuciindi eeco mwakazyi buyo njiisyo zyantalisyo. (Heb. 6:1) Cakamutolela myaka minji kutegwa mube aluzyibo ndomujisi lino, aboobo mutasoli kumuyiisya zintu zyoonse nzyomuzyi sikwiiya mupya.\\n5. (a) Kweelana alugwalo lwa 1 Batesalonika 2:13, ncinzi ncotuyanda kuti sikwiiya amvwisye kuzwa kuciiyo cakwe? (b) Mbuti mbotukonzya kumukulwaizya sikwiiya kwaambila bamwi makani ngaiya?\\n5 Tuyanda kuti sikwiiya azyibe kuti zintu nzyaiya zizwa mu Bbaibbele. (Amubale 1 Batesalonika 2:13.) Ino mbuti mbotukonzya kucita boobo? Amumukulwaizye sikwiiya kwaambila bamwi zintu nzyaiya. Muciindi cakuti lyoonse ndinywe mupandulula magwalo, amumulombe kuti awalo kapandulula. Amumugwasye sikwiiya kubona kuti Jwi lya Leza lilakonzya kumugwasya cacigaminina. Amumubuzye mibuzyo iikonzya kumupa kwaamba mbwayeeya alimwi ambwalimvwa kujatikizya magwalo. (Lk. 10:25-28) Mucikozyanyo, amumubuzye kuti: “Mbuti lugwalo oolu mbolwamugwasya kubona bube bwa Jehova bumwi?” “Mbuti mbomukonzya kugwasyigwa akasimpe kamu Bbaibbele aaka?” “Ino mwalimvwa buti kujatikizya makani ngomwaiya?” (Tus. 20:5) Ciyandika kapati, takuli kuvwula kwamakani ngazyi sikwiiya, pele mbwaayanda alimwi ambwaabelesya makani aayo.\\n6. Nkaambo nzi ncociyandika kuunka asikumwaya uucibwene kuyoosololela ciiyo ca Bbaibbele?\\n6 Ciindi nomusololela ciiyo ca Bbaibbele, sena kuli ziindi nomuunka abasikumwaya bacibwene kuyiisya? Kuti naa mulacita oobo, inga mwabalomba kuti bamwaambile nzyobabona ciindi nimwali kusololela ciiyo akubona naa mwali kulibelesya Bbaibbele. Kuti kamuyanda kuba mwiiyi uucibwene, mweelede kulicesya. (Amweezyanisye Milimo 18:24-26.) Mwamana, amumubuzye sikumwaya uucibwene kuti amwaambile naa sikwiiya ulazimvwa nzyaiya. Alimwi mulakonzya kumulomba sikumwaya ooyo kuti kasololela ciiyo eeco ciindi nomutako kwansondo yomwe naa kwiinda waawo. Eeco ciyoopa kuti ciiyo cizumanane alimwi ciyoomugwasya sikwiiya kubona mbociyandika ciiyo. Mutanooyeeyi kuti ciiyo “ncicanu” alimwi akuti kunyina uukonzya kucisololela. Amana buya, muyanda kuti sikwiiya ayaambele alimwi akuzumanana kwiiya zinji.\\nAmumwaambile sikwiiya wanu zikozyanyo zyabantu ibakajisi buyumuyumu mbwajisi kutegwa mumuyiisye mbwakonzya kubelesya njiisyo zyamu Bbaibbele (Amubone muncali 7-9)*\\n7. Ncinzi iciyoomugwasya sikwiiya kuzikkomanina nzyaiya?\\n7 Sikwiiya weelede kubona kuti mulaziyanda alimwi akuzisyoma nzyoliyiisya Bbaibbele. (1Tes. 1:5) Aboobo ulalangilwa kuti uyoozikkomanina kapati nzyaiya. Ikuti kacikonzyeka, amumwaambile mbomwagwasyigwa nywebo kumugama akaambo kakupona kweelana anjiisyo zyamu Bbaibbele. Mpoonya uyoobona kuti Bbaibbele lilijisi busolozi bubotu ibukonzya kumugwasya awalo.\\n8. Ncinzi cimbi ncomukonzya kucita kutegwa mugwasye sikwiiya Bbaibbele, alimwi nkaambo nzi ncomweelede kucita boobo?\\n8 Ciindi nomwiiya Bbaibbele, amumwaambile sikwiiya wanu zikozyanyo zyabantu ibakajisi buyumuyumu mbwajisi alimwi ambobakabuzunda. Mulakonzya kuunka amukwesu naa mucizyi wamumbungano uujisi cikozyanyo icikonzya kumugwasya sikwiiya. Kunze lyaboobo, mulakonzya kujana zyakuluula zikulwaizya aa jw.org mumulongo wazibalo zyakuti “Ibbaibbele Lilakonzya Kubacinca Bantu.”* Zibalo zili boobu alimwi amavidiyo ziyoomugwasya sikwiiya wanu kubona mbocigwasya kutobela njiisyo zyamu Bbaibbele mubuumi bwakwe.\\n9. Mbuti mbomukonzya kumukulwaizya sikwiiya wanu kwaambila banamukwasyi alimwi abalongwe zintu nzyaiya?\\n9 Ikuti sikwiiya wanu ulikwete naa kukwatwa, sena ooyo ngobakwetene limwi awalo ulaiya Bbaibbele? Ikuti naa taiyi, amumutambe kumusangana ciindi nomwiiya. Amumukulwaizye sikwiiya wanu kwaambila banamukwasyi naa balongwe zintu nzyaiya. (Joh. 1:40-45) Mbuti mbomukonzya kucita oobo? Mulakonzya kumubuzya kuti: “Mbuti mbomukonzya kukapandulula kaambo aaka kubanamukwasyi?” Naa kuti, “Ndugwalo nzi ndomukonzya kubelesya kusinizya kaambo aaka kumulongwe wanu?” Kwiinda mucita boobu, mugwasya sikwiiya kuba mwiiyi. Ikuti naa wacikonzya, ulakonzya kutalika kuunka mumulimo wamumuunda kali sikumwaya uutanabbapatizyigwa. Mulakonzya kumubuzya naa kuli umwi ngwazyi uuyanda kwiiya Bbaibbele. Ikuti kaliko, cakufwambaana amumuswaye naa kumutumina fooni muntu ooyo akupanga bubambe bwakutalika kwiiya anguwe. Amumutondezye kavidiyo kakuti, Ino Ciiyo ca Bbaibbele Cicitwa Buti?*\\nAmumukulwaizye sikwiiya kujana balongwe mumbungano (Amubone muncali 10-11)*\\n10. Kweelana amajwi aali kulugwalo lwa 1 Batesalonika 2:7, 8, mbuti mwiyi mbwakonzya kwiiya cikozyanyo ca Paulo?\\n10 Bamayi beelede kubabikkila maano basikwiiya babo. Atubabone kuti bayooba bakwesu naa bacizyi kumbele. (Amubale 1 Batesalonika 2:7, 8.) Tacili cuuba-uba kucileka kumvwana abalongwe bamunyika alimwi akucinca bukkale bwabo kutegwa babelekele Jehova. Tweelede kubagwasya kujana balongwe beni-beni mumbungano. Amube balongwe babasikwiiya banu kwiinda mukujana ciindi cakuyanzana ambabo ikutali buyo ciindi nomwiiya Bbaibbele pele amuziindi zimwi buyo. Mulakonzya kubatumina fooni, kubalembela kagwalo, naa kubaswaya buya mazuba ngomutaiyi, eeci ciyootondezya kuti mulababikkila maano.\\n11. Ino ncinzi ncotuyanda kuti basikwiiya bajane mumbungano, alimwi nkaambo nzi?\\n11 Basikale bakati: “Mulonga uvwula bunkumu-nkumu,” icaamba kuti “mbungano yoonse ilijatikizyidwe mukugwasya muntu kuba sikwiiya.” Nkakaambo kaako bamayi bacibwene balabazyibya basikwiiya babo kuli bamwi mumbungano kutegwa babagwasye kuyumya cilongwe cabo a Jehova. Basikwiiya Bbaibbele aaba balakonzya kukkomana kuyanzana abantu ba Leza, balo ibakonzya kubagwasya ciindi nobajana mapenzi. Tuyanda kuti sikwiiya umwi aumwi kalimvwa kuti uzulilwa mumbungano alimwi akuti ncibeela camukwasyi wesu wakumuuya. Tuyanda kuti sikwiiya aumwi akwelelezyegwe aluyando lwabunyina lwa Bunakristo. Eeci inga camugwasya sikwiiya kuleka kuyanzana abantu batakonzyi kumugwasya kuyanda Jehova. (Tus. 13:20) Ikuti bantu mbaakali kuyanzana limwi kaindi bacileka kumvwana anguwe, uyoozyiba kuti ulakonzya kujana balongwe beni-beni mumbunga ya Jehova.—Mk. 10:29, 30; 1Pet. 4:4.\\nKuli zintu zinji nzyayelede kucita sikwiiya Bbaibbele uuyanda kubbapatizyigwa! (Amubone muncali 12-13)\\n12. Ino nkaambo nzi ncotweelede kunoobandika asikwiiya makani aakulyaaba kuli Jehova alimwi akubbapatizyigwa?\\n12 Mweelede kunoobandika mbociyandika kuti muntu alyaabe kuli Jehova alimwi akubbapatizyigwa. Amana buya, makanze aakwiiya Bbaibbele amuntu ngakumugwasya kubelekela Jehova alimwi akubbapatizyigwa. Kwainda myezi misyoonto kuzwa nitwatalika kwiiya Bbaibbele alimwi akuti sikwiiya watalika kuswaangana, weelede kuzyiba kuti makanze aakumuyiisya Bbaibbele ngakumugwasya kuti abe umwi wa Bakamboni ba Jehova.\\n13. Nzintu nzi nzyayelede kucita sikwiiya Bbaibbele kutegwa ayelele kubbapatizyigwa?\\n13 Kuli zintu zinji nzyayelede kucita sikwiiya Bbaibbele uuyanda kubbapatizyigwa! Cakusaanguna, sikwiiya weelede kumuzyiba akumuyanda Jehova alimwi akuba alusyomo mulinguwe. (Joh. 3:16; 17:3) Mpoonya sikwiiya ulaba acilongwe a Jehova alimwi abakwesu abacizyi mumbungano. (Heb. 10:24, 25; Jak. 4:8) Mukuya kwaciindi, sikwiiya ulaileka micito mibyaabi alimwi akweempwa kuzibi zyakwe. (Mil. 3:19) Kumane, lusyomo lwakwe luyoomukulwaizya kwaambila bamwi nzyasyoma. (2Kor. 4:13) Mpoonya ulalyaaba kuli Jehova akutondezya kulyaaba kwakwe kwiinda mukubbapatizyigwa. (1Pet. 3:21; 4:2) Eelo kaka oobu mbuzuba bukkomanisya kubantu boonse! Ciindi sikwiiya naazwidilila kucita zintu nzyayelede kutegwa ayelele kubbapatizyigwa, amuzumanane kumulumbaizya alimwi akumukulwaizya kuti ataleki kuzicita zintu eezyo.\\n14. Mbuti mwiiyi mbwakonzya kuzyiba kuyaambele kwasikwiiya?\\n14 Tweelede kukkazika moyo ciindi notugwasya sikwiiya kutegwa alyaabe alimwi akubbapatizyigwa. Pele alimwi tweelede kuzyiba kuti naa ulayanda kubelekela Jehova Leza. Sena sikwiiya ulatondezya kuti ulasola kwaatobela malailile aa Jesu? Naa uyanda buyo kuba aluzyibo lwamu Bbaibbele?\\n15. Ncinzi ciyoogwasya mwiiyi kubona kuti sikwiiya inga weelela kubbapatizyigwa?\\n15 Ciindi aciindi amukulange-lange kuyaambele kwasikwiiya. Mucikozyanyo, sena ulatondezya kuti ulamuyanda Jehova? Sena ulapaila kuli Jehova? (Int. 116:1, 2) Sena ulakukkomanina kubala Bbaibbele? (Int. 119:97) Sena ulajanika kumiswaangano lyoonse? (Int. 22:22) Sena kuli kucinca kuli koonse nkwacitide mubukkale bwakwe? (Int. 119:112) Sena wakatalika kubaambila banamukwasyi naa balongwe zintu nzyaiya? (Int. 9:1) Kwiinda zyoonse, sena ulayanda kuba Kamboni wa Jehova? (Int. 40:8) Ikuti sikwiiya katayaambele mumbazu eezyi, cabupampu amusoleke kuzyiba kaambo ncocili boobo, alimwi akubandika anguwe caluzyalo pele cakutamwiinda mumbali.*\\n16. Ndilili nomweelede kucileka kwiiya amuntu?\\n16 Ciindi aciindi amulange-lange naa inga mwazumanana kwiiya asikwiiya. Mulakonzya kulibuzya kuti: ‘Sena sikwiiya ulalibambila ciiyo? Sena ulaaluyandisisyo lwakuswaangana? Sena wakaileka micito mibyaabi? Sena ucizulilwa kucikombelo cakubeja?’ Ikuti naa bwiinguzi mbwakuti inzya, kuzumanana kwiiya amuntu ooyo cili buyo mbuli kuyiisya muntu kusaya, pele katayandi kuteta. Ikuti sikwiiya katabikkili maano kuzintu nzyaiya alimwi katalibambilide kucinca, tacigwasyi kuzumanana kwiiya anguwe.\\n17. Kweelana alugwalo lwa 1 Timoteyo 4:16, ncinzi bamayi ba Bbaibbele boonse ncobeelede kucita?\\n17 Cilayandika kapati kuuzuzikizya mukuli wesu wakugwasya bantu kuba basikwiiya, alimwi tulayanda kubagwasya kuyaambele akweelela kubbapatizyigwa. Nkakaambo kaako tubelesya Bbaibbele ciindi notubayiisya alimwi tulatondezya kuti tulaziyanda alimwi akuzisyoma nzyotubayiisya. Tulabakulwaizya kujana balongwe mumbungano. Alimwi tulakankaizya mbaakani yakulyaaba akubbapatizyigwa, ciindi aciindi tulakulanga-langa kuyaambele kwasikwiiya. (Amubone kabbokesi kakuti “Ncobeelede Kucita Bamayi ba Bbaibbele Kugwasya Basikwiiya Kutegwa Beelele Kubbapatizyigwa.”) Eelo kaka cilatukkomanisya kutola lubazu mumulimo ooyu uufwutula bantu! Atube amakanze aakucita kufwumbwa ncotukonzya kutegwa tugwasye basikwiiya Bbaibbele kweelela kubbapatizyigwa.\\nNcobeelede Kucita Bamayi Kuti Bagwasye Basikwiiya Kweelela Kubbapatizyigwa\\n1. Amubelesye Bbaibbele nomuyiisya\\nMutani kwaambi zinji\\nAmulombe bamayi bacibwene kutegwa bamugwasye kuyaambele mukuyiisya\\n2. Amutondezye kuti mulazikkomanina alimwi akuzisyoma nzyomuyiisya\\nSikwiiya abone kuti mulakakkomanina kasimpe kamu Bbaibbele\\nAmumwaambile zikozyanyo zyabamwi ibakazibelesya nzyobakaiya\\nAmumukulwaizye kwaambila bamwi nzyaiya\\n3. Amumukulwaizye kujana balongwe mumbungano\\nAmutondezye kuti mulamubikkila maano sikwiiya\\nAmumuzyibye kuli baabo ibakonzya kumugwasya kuyumya cilongwe cakwe a Jehova\\nAmumugwasye kulimvwa kuti ncibeela cambungano\\n4. Amubandike kujatikizya makanze aakulyaaba akubbapatizyigwa\\nAsyoonto-nsyoonto, amumugwasye sikwiiya kutegwa ayelele kubbapatizyigwa\\nAmumulumbaizye alimwi akumukulwaizya\\n5. Ciindi aciindi amukulange-lange kuyaambele kwasikwiiya\\nAmubone naa ulatondezya kuti ulayanda kumubelekela Jehova\\nIkuti katayaambele, amubandike anguwe calubomba, pele cakutamwiinda mumbali\\nNkaambo nzi mwiiyi ncateelede kwaamba zinji ciindi nasololela ciiyo?\\nMbuti mbotukonzya kumugwasya sikwiiya Bbaibbele kujana balongwe mumbungano?\\nNkaambo nzi ncotuteelede kuwaya-waya kukankaizya mbaakani yakulyaaba akubbapatizyigwa?\\nCiindi notuyiisya bantu Bbaibbele, tuba acoolwe cakubagwasya kwiiya kujatikizya Jehova mbwayanda kuti kabayeeya, kabalimvwa naa kucita zintu munzila njayanda. Cibalo eeci cilapandulula mbotukonzya kuyaambele munzila nzyotubelesya kuyiisya.\\nAmubone cibalo cakuti, “Amuzitantamuke Zilengwa Eezyi Ciindi Nomweendelezya Ciiyo ca Bbaibbele” icili Mukabbuku Kamuswaangano Wabuumi Amulimo Wesu wa Bunakristo kamu September 2016.\\nAmuunke a jw.org aalembedwe kuti KUJATIKIZYA NDISWE > ZYAKULUULA ZYA BAKAMBONI BA JEHOVA.\\nAmubone cibalo cakuti, “Luyando Akulumba Jehova Zilatukulwaizya Kubbapatizyigwa” alimwi acakuti, “Sena Mulilibambilide Kubbapatizyigwa?” mu Ngazi Yamulindizi yamu March 2020.\\nBUPANDULUZI BWACIFWANIKISO: Nikwainda ciindi cili mbocibede kuzwa nibamanizya kusololela ciiyo ca Bbaibbele, sikumwaya uucibwene wamugwasya ooyo wali kusololela ciiyo mbocitayandiki kwaamba zinji nasololela ciiyo.\\nBUPANDULUZI BWACIFWANIKISO: Nobali kwiiya, sikwiiya wabona mbwakonzya kuba mukaintu uuli kabotu. Mpoonya, wamwaambila mulumaakwe nzyaaiya.\\nBUPANDULUZI BWACIFWANIKISO: Sikwiiya amulumaakwe balayanzana kuŋanda yamulongwe ngwaakajana ku Ŋanda ya Bwami.","num_words":1707,"character_repetition_ratio":0.078,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"3 Mbubonya buyo, anywebo nobakaintu, amulibombye kubalumi banu, ikutegwa naa kuli bataliswiilili ijwi, bakonzye kukwelelezyegwa kakunyina kubelesya jwi pele kwiinda mubukkale bwabakaintu babo, 2 akaambo kakulibonena bukkale bwanu busalala antoomwe akuba abulemu kapati. 3 Kulisakatizya kwanu kutabi buyo kwaatala—kwakuluka masusu akusama zyintu zyangolida naa zisani zidula kapati— 4 pele akube kulisakatizya kwamuntu wamukati kamoyo uusamide cisani citanyonyooki camoyo uukkede alimwi mubombe, ooyo uuyandika kapati mumeso aa Leza. 5 Nkaambo oobu mbobakali kulisakatizya bamakaintu basalala ibakali kulangila Leza kaindi, kabalibombya lwabo beni kubalumi babo, 6 mbubonya Sala mbwaakaswiilila Abulahamu, akumwiita kuti “mwami.” Alimwi nywebo mwaba bana bakwe kufwumbwa kuti muzumanane kucita zibotu akutayoowa cintu cili coonse. 7 Nywebo nobalumi, amuzumanane kukkala mbubonya oobo ambabo kweelana aluzyibo. Amubape bulemu mbubonya mbuli cibelesyo cipwaika buyo, mbobali bakaintu, nkaambo alimwi muli basikukonanyina ambabo ibabuumi bupegwa akaambo kaluzyalo lwa Leza, ikutegwa mipailo yanu itasinkilwi. 8 Camamanino, nyoonse amube amuzeezo omwe, amweetelelane, amutondezye luyando lwabunyina, amube amoyo mutete walubomba alimwi amulicesye. 9 Mutapilusyi cibi kucibi naa matusi kumatusi. Muciindi caboobo, amuleleke, nkaambo mwakaitilwa bukkale oobu, ikutegwa mukakone cileleko. 10 Nkaambo, “kufwumbwa ooyo uuyanda buumi akubona mazuba mabotu weelede kuujata mulaka wakwe kukwaamba zibyaabi amilomo yakwe kukwaamba lweeno. 11 Azifwutatile izyintu zibyaabi akucita zibotu; ayandaule luumuno akusungwaala kulutobela. 12 Nkaambo meso aa Jehova ali kubalulami, amatwi aakwe aswiilila mipailo yabo yakukombelezya; pele busyu bwa Jehova bulabasyuuluka aabo bacita zibi.” 13 Nkaambo ncobeni, ino nguni uunga wamucisa ikuti kamuli basungu mukucita zibotu? 14 Pele nokuba kuti mulakonzya kupenga akaambo kabululami, mulakkomana. Nokuba boobo, mutayoowi ncobayoowa balo, nokuba kunyongana. 15 Pele mumyoyo yanu amubone Kilisito kuti Mwami akuti ulasalala, kamulibambilide lyoonse kuliiminina kumuntu uuli woonse uukonzya kumubuzya kaambo kajatikizya bulangizi mbomujisi, pele amucite boobo amoyo mubombe alimwi abulemu kapati. 16 Amuzumanane kuba amanjezyeezya mabotu ikutegwa kufwumbwa nobamwaamba zyintu zibi, aabo bamwaamba zyintu zibi bafwe nsoni akaambo kabukkale bwanu bubotu mbomuli basikutobela Kilisito. 17 Nkaambo cili kabotu kupenga akaambo kakuti mucita zibotu, ikuti kakuli kuyanda kwa Leza, ikutali akaambo kakuti mucita zibi. 18 Nkaambo naba Kilisito wakafwa ciindi comwe buyo kukabe kutamani kujatikizya zibi, muntu uululeme kufwida bantu bataluleme, kutegwa amusololele kuli Leza. Wakajaigwa kali amubili wanyama pele wakabusyigwa amubili wamuuya. 19 Alimwi muciimo eeci nciconya wakaunka akuyookambaukila myuuya muntolongo 20 eeyo yatakali kuswiilila ciindi Leza naakali kulindila cakukkazyika moyo kumazuba aa Nowa, ibwato nobwakali kupangwa, oomo bantu basyoonto buyo, nkokuti bantu bali lusele mobakafwutulwa kumaanzi. 21 Lubbapatizyo, ilukozyenye aceeci, alwalo lulamufwutula lino, (ikutali kusamba tombe lyaamubili pe, pele ikulomba manjezyeezya mabotu kuli Leza,) kwiinda mububuke bwa Jesu Kilisito. 22 Walo wakaunka kujulu eelyo lino uli kujanza lyalulyo lya Leza; alimwi bangelo, beendelezi abasinguzu bakabikkwa ansi aanguwe.","num_words":405,"character_repetition_ratio":0.044,"word_repetition_ratio":0.0,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Elija a Basinsimi ba Baala a Cilundu ca Karimeli | Ziiyo Zyabana Zyamu Bbaibbele\\nBwami bwa Israyeli bwamisyobo iili 10 bwakajisi bami babyaabi banji kapati, pele Ahabu ngowakali mubi kwiinda boonse. Wakakwete mukaintu mubi kapati iwakali kukomba Baala. Izina lyakwe wakali Jezebeli. Ahabu alimwi a Jezebeli bakazuzya cisi coonse abukombi bwa Baala alimwi bakajaya basinsimi ba Jehova. Ino Jehova wakacita buti? Wakatuma musinsimi Elija kuti aambile Ahabu mulumbe umwi.\\nElija wakaambila Mwami Ahabu kuti akaambo kazintu zibi nzyaakali kucita, imvwula iyooleka kuwa mu Israyeli. Kwamyaka yotatwe, bantu tiibakali kulima alimwi kwakali nzala. Mukuya kwaciindi, Jehova wakatuma Elija kuti aunke alimwi kuli Ahabu. Mpoonya Mwami Ahabu wakaambila Elija kuti: ‘Yebo ndonduwe uuleta mapenzi! Nduwe uupa kuti zyoonse eezyi kazicitika.’ Pele Elija wakaingula kuti: ‘Tandili ndime ndapa kuti imvwula ileke kuwa. Nduwe uupa kuti kaitawi, nkaambo ukomba Baala. Tulacita musunko. Kobunganya bantu bamucisi boonse alimwi abasinsimi ba Baala a Cilundu ca Karimeli.’\\nBantu bakabungana acilundu. Elija wakaamba kuti: ‘Amulisalile. Ikuti Jehova ngo Leza mwini-mwini, amumutobele. Ikuti naa ngu Baala, nkokuti amutobele nguwe. Mboobu mbomweelede kucita. Basinsimi ba Baala ibali 450 beelede kubamba cituuzyo akwiita leza wabo, mpoonya andime ndilabamba cituuzyo akwiita kuli Jehova. Ooyo uutiivwiile kwiinda mukutuma mulilo, ngo Leza mwini-mwini.’ Bantu bakazumina.\\nBasinsimi ba Baala bakabamba cituuzyo. Buzuba boonse bakaita kuli leza wabo kuti: ‘O Baala, Kotuvwiila!’ Naakabona kuti Baala tavwiili, Elija wakatalika kumufwubaazya. Wakati: ‘Kamoongolola kusika mpomugolela. Andiza woona alimwi kuyandika kuti umwi amubusye.’ Nokwakaba kumazuba, basinsimi ba Baala bakazumanana kwiita. Pele mbubwenya buyo, kunyina wakavwiila pe.\\nElija wakabikka cituuzyo cakwe acipaililo akutila maanzi alincico. Mpoonya wakapaila kuti: ‘O Jehova, bantu abazyibe kuti yebo ndonduwe Leza wakasimpe.’ Mpoonya-mpoonya, Jehova wakatuma mulilo kuzwa kujulu eelyo wakacuumpa cituuzyo. Bantu bakoompolola kuti: ‘Jehova ngo Leza wakasimpe!’ Elija wakati: ‘Mutabalekeli kuti batije basinsimi ba Baala!’ Buzuba oobo, basinsimi ba Baala ibali 450 bakajaigwa.\\nCiindi kakumbi kaniini nokakalibonya kulwizi, Elija wakaambila Ahabu kuti: ‘Mvwula mpati ilaboola. Kobamba nkalaki yako, uunke kuŋanda.’ Julu lyakasiya mbi akaambo kamakumbi, muwo wakaunga, mpoonya mvwula mpati yakatalika kuwa. Mpoonya ciyumayuma cakamana. Ahabu wakaizuzisya kapati nkalaki yakwe kusikila mpagolela. Kwiinda mukugwasyigwa a Jehova, Elija wakabalika kapati kwiinda nkalaki! Pele sena mapenzi aa Elija oonse akamana? Atubone.\\n“Bantu abazyibe kuti yebo, oojisi zina lyakuti Jehova, yebo olikke ndonduwe Mupatikampatila atala aanyika yoonse.”—Intembauzyo 83:18\\nMibuzyo: Ino musunko nzi iwakali ku Cilundu ca Karimeli? Mbuti Jehova mbwaakaingula mupailo wa Elija?\\n1 Bami 16:29-33; 17:1; 18:1, 2, 17-46; Jakobo 5:16-18\\nEliya—Wakasumpula Bukombi Busalala\\nMbuti mbotukonzya kwiiya Eliya ciindi notubandika abaabo bakazya ncolyaamba Bbaibbele?","num_words":388,"character_repetition_ratio":0.066,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nkaambo Nzi Ncotusamina Kabotu Kumiswaangano Yambungano\\nSena mwabona muzifwanikiso zili mubroshuwa eeyi mbobasamide kabotu Bakamboni ba Jehova nobali kumiswaangano yabo yambungano? Nkaambo nzi ncotubikkila maano kunsamino yesu?\\nKutondezya bulemu kuli Leza wesu. Mubwini, Leza tabikkili buyo maano mbotulibonya. (1 Samuele 16:7) Aboobo, ciindi notubungana kuti tumukombe, ncotuyanda kuzwa ansi amoyo nkutondezya bulemu kulinguwe akubakombima. Ikuti twayandika kwiima kumbele lyamubetesi munkuta, tuyoobikkila maano kunsamino yesu kutegwa tumulemeke akaambo kacuuno caatala ncajisi. Mbubwenya buyo, mbotulibonya kumiswaangano citondezya kuti tulamulemeka “Mubetesi wanyika yoonse,” Jehova Leza, alimwi abusena mbotubelesya kumukomba.—Matalikilo 18:25.\\nKutondezya njiisyo nzyotutobela mubuumi. Ibbaibbele likulwaizya Banakristo kusama “cabulemu alimwi acakulibatamika” mbuli baabo “balyaabide kuli Leza.” (1 Timoteyo 2:9, 10) Kusama “cabulemu” caamba kutasama zisani zyakuti tubonwe, zibangalala, naa zikonzya kubusya muzeezo wakoonana. Alimwi ‘kubatama’ kutugwasya kusala zisani zili kabotu alimwi akutaciindizya munsamino yesu. Njiisyo eezyi zitondezya kuti tulakonzya kusama zisani ziindene-indene nzyotuyanda. Kakunyina akwaamba majwi, mbotulibonya cilakonzya “kutembaula kuyiisya kwa Mufwutuli wesu” alimwi ‘akulemeka Leza.’ (Tito 2:10; 1 Petro 2:12) Kwiinda mukusama kabotu kumiswaangano, tugwasya bamwi kububona kabotu bukombi bwa Jehova.\\nTamweelede kuleka kujanika ku Ŋanda ya Bwami akaambo kakuti tamujisi zisani zyeelela. Tatuyandiki zisani zidula buya kutegwa tulibonye kabotu.\\nNkaambo nzi ncociyandika kubikkila maano kunsamino yesu notukomba Leza?\\nNinjiisyo nzi zitugwasya kusala zisani nzyotweelede kusama?\\nNkaambo nzi Bakamboni ba Jehova Ncobasamina Kabotu Kumiswaangano Yabo?","num_words":198,"character_repetition_ratio":0.071,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mupainiya Waalubazu Kwamyaka Iili 50 | Ba Alisten Lumare\\nBa Alisten Lumare\\nBUUMI BWABO MUBUFWAAFWI Musyule bakali bapati bamapulisa pele kumbele bakabeleka kabali bapainiya baalubazu kwamyaka yiinda ku 50.\\nMU 1964, ndakatumwa kandili mupainiya waalubazu ku Manokwari, West Papua, ooko mbungano nsyoonto nkoyakali kukazyigwa kapati abasololi bacikombelo bakubusena oobo. Mbondakasikila buyo, mufwundisi umwi wacikombelo caba Pulotesitanti wakandiboolela kuŋanda cabukali.\\nWakaamba cabukali kuti: “Ndilaimwaya ŋanda eeyi akubamana Bakamboni ba Jehova mu Manokwari moonse.”\\nAkaambo kakuti musyule ndakali mupulisa, tiindakakongwa pe amajwi aakwe aabukali. Ndakamwiingula amoyo ukkede, aboobo wakandisiya muluumuno.—1 Pet. 3:15.\\nCiindi eeco mu Manokwari kwakali basikumwaya ibali lusele. Sunu, myaka iili 50 kuzwa ciindi eeco, kuli mbungano zili ciloba mubusena oobo. Bantu bainda ku 1,200 bakajanika kumuswaangano wacooko iwakacitwa kubusena oobo mu 2014. Ndilakkomana kapati mumoyo nondibona ncaacita Jehova mucooko eeci icili kulamfwu\\nBakamboni bamwi balalyaaba kubeleka mawoola aali 30, 50, naa kwiinda aawo amwezi mumulimo wakukambauka. Ncinzi cibakulwaizya?\\nNkaambo Nzi Ncomukambaukila Kuŋanda Aŋanda?\\nAmwiiye Jesu ncaakaambila basikwiiya bakwe bakusaanguna kucita.","num_words":144,"character_repetition_ratio":0.056,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Levitiko 27 IBBAIB63 - Lino Jehova wakaambila Musa - Bible Search\\nLevitiko 26 Myeelwe 1\\nImwi milao yazintu zipegwa Leza ayazipanzi zyakumi\\n1Lino Jehova wakaambila Musa kuti, 2-Ambila bana ba-Israyeli kuti, Na muntu wacitila Jehova cikonkyo cabantu ceelede kubikilwa muulo, 3-mbuboobu mboelede kubika muulo. Mwaalumi uuli amyaka iili makumi obile kusikila kumakumi aali musanu alimwi, muulo wakwe ube masyekeli aansiliva aali makumi osanwe, nkokuti masyekeli aacikombelo. 4Na mwanakazi, muulo wakwe ube masyekeli aali makumi otatwe. 5Na mwana uuli amyaka yosanwe kusikila myaka iili makumi obile, muulo wakwe ube masyekeli aali makumi obile kumwaalumi nanka masyekeli aali ikumi kumwanakazi. 6Na mwana uuli amwezi omwe wakuzyalwa kusikila myaka yosanwe, muulo wakwe ube masyekeli aansiliva osanwe kumwaalumi, amasyekeli aansiliva otatwe kumwanakazi. 7Na muntu uusotoka myaka iili makumi aali musanu alimwi, muulo wakwe ube masyekeli aali ikumi amusanu kumwaalumi amasyekeli aali ikumi kumwanakazi. 8-Pele na muntu mucete takonzyi kujana mali aamuulo uubikidwe, umulete kunembo lyamupaizi, kuti mupaizi amubikile muulo, Mupaizi abike muulo mbuli sikukonka mbwakonzya kujana.\\n9Na ngumunyama ngwaleta, nkokuti munyama uupaizigwa kuli-Jehova, munyama woonse muntu ngwaletela Jehova ulasalala. 10Teelede kumucinca nanka kubika umbi, naba mubotu mucibaka camubi naba mubi mucibaka camubotu. Na wabika munyama umbi, ncobeni oyo ngwabika ayooyo ngowacincanya awe boonse bayoosalala. 11Pele na ngumunyama uusofweede uutapaizigwa kuli-Jehova, alete munyama kumupaizi, 12elyo mupaizi amubikile muulo, naba mubotu naba mubi; kufumbwa muulo ngobika, yebo O mupaizi, ulaba ngonguwo. 13Pele na ulayanda kumunununa ayungizye cipanzi casanu kumuulo uubikidwe.\\n14-Alimwi na muntu ulasalazya iŋanda yakwe kuti isalalile Jehova, mupaizi aibikile muulo, niiba imbotu niiba imbi, Kufumbwa muulo mupaizi ngwabika ulaba ngonguwo. 15Pele oyo uusalazya iŋanda yakwe, na ulayanda kwiinununa, ayungizye cipanzi casanu kumali aamuulo wayo, elyo ilaba yakwe.\\n16Alimwi na muntu ulasalazizya Jehova cipanzi camuunda walukono lwakwe, muleelede kucibikila muulo mbubonya mbuli imbuto yakucibyala. Muunda uubyalwa ceelesyo cahomeri cabbaale ulabikilwa muulo wamasyekeli aansiliva aali makumi osanwe. 17Na ulasalazya muunda wakwe mumwaka wakulizya myeembo, muulo ngobikide ulaba mbubonya obo. 18-Pele na ulasalazya muunda wakwe kwamana mwaka wamyeembo, mupaizi uleelede kuubikila muulo mbuli myaka iicisyeede kusikila kumwaka wamyeembo, aboobo muulo ulacesegwa. 19Lino oyo uusalazya muunda, na ulayanda kuunununa, ayungizye cipanzi casanu kumali aamuulo wawo, nkabela uyoosyaala mumaanza aakwe. 20Pele na tayandi kunununa muunda, alimwi na waulisya muunda kumuntu umbi, tuukooyoonununwa limbi. 21-Oyo muunda, kuciindi calwaangunuko lwamumwaka wakulizya myeembo, ulasalalila Jehova mbuli muunda uupedwa limwi; mupaizi nguuyoouvuba. 22Alimwi na muntu ulasalazizya Jehova muunda ngwaakaula, uutali walukono lwakwe, 23mupaizi aubikile muulo wakusikila mwaka wakulizya myeembo, nkabela muntu uleelede kupa mali aamuulo wawo mubuzuba obo mbubonya, abe cintu cisalalisya kuli-Jehova. 24-Lino mumwaka wakulizya myeembo oyo muunda uyoopiluka kuliyooyo iwakauulisizye, kuli ulaalukono. 25-Myuulo yoonse ileelede kubalwa amasyekeli aacikombelo; isyekeli lili magera aali makumi obile.\\n26-Pele muntu takonzyi kusalazya mwana mutaanzi wamunyama, nkaambo mutaanzi nguwa-Jehova. Mutaanzi, naba waŋombe naba wambelele, nguwa-Jehova. 27Na ngumunyama uutondwa, uleelede kumunununa mbuli muulo ngobika, akuyungizya cipanzi casanu, Na tayandi kumunununa, aulwe mbuli muulo wakwe,\\n28-Pele taakwe cintu neciba comwe akati kambono zyamuntu ncapeda limwi kuli-Jehova, naba muntu naba munyama niiba myuunda yalukono lwakwe, cikonzya kuulisigwa na kunununwa, Kufumbwa cintu cipedwa limwi kuli-Jehova cilasalalisya. 29Kufumbwa uupedwa limwi uleelede kunyonyooka kuzwa kubantu; taakwe naba omwe uukonzya kunununwa pe; ncobeni uleelede kujayigwa.\\n30-Zipanzi zyoonse zyakumi zyamunyika, neziba zyakulya zyamunyika niiba micelo yamisamu, nzizya-Jehova. Zilasalalisya kuli-Jehova. 31Na muntu ulayanda kunununa cintu neciba comwe akati kazipanzi zyakwe zyakumi, uleelede kuyungizya cipanzi casanu kucintu eco. 32-Alimwi zipanzi zyakumi zyoonse zyaŋombe azyambelele, kufumbwa ciinda kunsi amusako wamweembeli, munyama wakumi umwi aumwi ulasalalila Jehova. 33Muntu teelede kusalaula babotu ababi nekuba kucinca, pe, Na wacinca, ncobeni oyongwabika ayooyo uucincigwa, boonse balasalala; tabanununwi pe.\\n34Njeeyo milumbe Jehova njaakalailila Musa kucilundu ca-Sinai kuti ibe yabana ba-Israyeli.","num_words":574,"character_repetition_ratio":0.07,"word_repetition_ratio":0.0,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Aabo Babambulula Caalubila Print\\nAabo Babambulula Caalubila\\nMulawo wabulemu ncimbonimboni ca ciimo cokwa Yahuwah. Uyubununa mbwalimvwa mumoyo, mizzeezo Yakwe mbwiisalala, akusetekana akubaa luyando. Mulawo ookwa Yahuwah, mbweenya mbuli cuuno cakwe, unooliko lyoonse kukabe kutamani, kunyina nuutikabikkwe kumbali nokuba kupindulwa.\\nSaatani wakasolwe bantu banjaanji kuti basotoke mulawo ookwa Yahuwah kabatakubwene nokuba kuti kabasendekezya kuti lufu lwa Yahushua aciciingano lwakazimaanya mulawo ooyo.\\nMoyo ookwa Yahuwah mupati uuzwide luyando ucilangila bana Bakwe bakeeenwa. Muluzyalo Lwakwe, Walo wakabatumina kucenjezya bambungano ya ekklesia ya musela wamamanino. Ooku kucenjezya kuli mumulumbe wa Laodicea:\\nKaambo keni ncotubelesyela bbala lya Ekklesia kutali lyakuti cikombelo eelyo notwaamba basyomeka bokwa Yahuwah munkamu ya WLC, nkaambo kakuti, ibbala lya “cikombelo” talisanduludwe cabululeme mbuli mbulyaali kwaamba kutaanguna muci Giliki, “Ekklesia.” Mucizuminano Cipya, Ekklesia caamba baabo Baitidwe Kuzwida Anze. Ibbala lya “cikombelo,” eelyo likulwaizya kwaamba nkamu, aboobo, nkusandulula kutaluleme ooko kwatakeelede kubelesyegwa pe. Bana Kristu mbambabo ncobeni Baitidwe Kuzwida Anze. Basikwiiya bamasimpe beni bokwa Yahushua mbaba Itidwe Kuzwida Anze lya zikombelo abupaizi buwide bwamu Bbabbuloni. Eelyo lwiito lwakutija Bbabbuloni nolumvwugwa, kunyina uceelede kupiluka kuzikombelo zyaku Bbabbuloni amisyobo yabupaizi bwawo\\n“Alimwi mungele wa ekklesia waku Laodicea, ngaaya makani ngotimulembele aamba yooyo uuli ngo Ameni, kamboni uusyomeka, wakasimpe. Ngomatalikilo aazintu Leza nzyaakalenga. Ulati, ndilizi milimo ya ko mboyibede, totontoli alimwi topyi. Nicabota kuti nooli kutontola naa kupya. Aboobo mukuti ukasaala buyo, ndakuswiidila ansi. Tee kayi waamba kuti, Ndiliv'wubide, ndijisi lubono lunji-lunji, taakwe cintu ncendibula.' Pele tozi kuti ulipengede uleetezya, uli mucete, uli moofu, alimwi uli cintanda. (Ciyubunuzyo 3:14-17)\\nEkklesia wamusela wamamanino ulilelekedwe amumuni mupati. Aboobo, bantu ba ekklesia balalidunda kuti kunyina mumuni uuyungizya waawo weelede kupegwa – balo balyaamba kuti balizyi kale zyoonse!\\nPele Julu libwene zintu munzila yiindene. Yahuwah ulibwene zintu nzyobalubizya zinjaanji aziyanza zigagambide kukomba mituni, eezyo bantu Bakwe nzyobacilamatide. Musamu wa Julu wakusilisya baabo bali muciimo ca Laodicea , lyoonse ujanwa mu Mufutuli:\\nLino ncekulailila ncakuti uule ngolida kulindime yakasalazyigwa amulilo kutegwa ube muvwubi mwini-mwini. Alimwi uule azisani zituba zyakuti usame kuti usise cintanda cako, ujazya bweeme. Uule amusamu wameso kuti ukonzye kubona kabotu. Aabo mbenjanda ndabakalalila akubasubula. Aboobo sungwaala kapati kuti weempe. (Ciyubunuzyo 3:18-19)\\nNkaambo kakuti kulisumpula mumoza antoomwe akoofwaala mumoza nceciimo citondezya musela wamamanino wa ekklesia, bantu boonse bayanda kufutulwa beelede kutambula mulumbe wa Kamboni Uusyomeka kwiinda mulusyomo, kuti ooyo mulumbe waambilizya mbabo kubagaminina – nokuba kuti balibwene aanga bali masimpe, baleempedwe alimwi balalibombya.\\nNdilyeelyo buyo ooyu mulumbe nuuzuminwa kwiinda mulusyomo, Musilisi Mupati natalika kubasilika. Walo ubapa golide yakasalazyigwa mumulilo, eeyo yiiminina lusyomo aluyando. Walo ulabavwumba mantaanda aabo abululami Bwakwe, akubabikka musamu wabulemu mumeso aabo aakoofwaala nkaambo ka zilubide amanjezyeezya.\\nLino kabalangila zintu mumeso aamoza, muntu uusyoma weempedwe akulibombya, kuleka buyo kuti abone ciimo cakwe mbocibede bwini, pele ulabona mbuuli mupati akusetekana mulawo ookwa Yahuwah. “Ndabona kuti zintu zyoonse zibotu zilaamagolelo, milawo yako inyina magolelo pe.\\nNduuyandisya kapati mulawo wako, buzuba boonse ngwetelaika.” (Intembauzyo 119:96, 97, KJV)\\nMupailo wamuntu uusyoma ngwakuti: “Vwumbula meso aangu, kutegwa ndibone zintu zigambya zili mumulawo wako.”(Intembauzyo 119:18)\\nEelyo mizeezo yamuntu niimunikwa akutalika kumvwisyisya mulawo ookwa Yahuwah, ooyo muntu ulasolwedwa kubona kuti mulawo unooliko kubantu boonse kukabe kutamani. Tiiwakagagailwa aciiciingano, nokuba “kumwaigwa” nkaambo ka lufu lwa Yahushua.\\nMangwalo ayubununa kuti munsaa Kuboola Kwabili, Yahuwah uyokwiimikizya nkamu yiindene yabantu, eeyo kwiinda mulusyomo alweengelelo lwa Mufutuli, bayoopegwa nguzu zyakubamba mulawo ookwa Yahuwah akuulondola. Eeyo ninkamu yabantu bali 144,000. IBbaibbele lipandulula nkamu yamusela wamamanino eeyi kuti “Mbaabba babamba milawo yokwa Yahuwah akulondola lusyomo lwa Yahushua.” (Bala Ciyubunuzyo 14:12.)\\nMasimpe kuti eeyi nkamu ilaandeene akataa bantu nkaambo babamba milawo yokwa Yahuwah, eeco caambilizya kuti baliimpene kuzwa kuli baabo batabambi milawo. Mbuli mbobali nkamu yabantu ntaanzi anyika aabo bakalyaaba cakumaninina kuli Yahuwah, balo bazumizya Mufutuli kuti apene buumi Bwakwe kwiinda mumaumi ngobapona, nkako bapandululwa boobu:\\n“Aaba mbabantu bakalijata batakalisofwaazya abakaintu, balasalala mumyoyo. Balatobela Mwanaa mbelele kufumbwa nkwaya. Aaba bakanununwa akati kabantu kuti babe mbabataanzi kupegwa kuli Yahuwah a Mwanaa mbelele. Aaba taakwe ciindi ncibakabejede. Aboobo tabajisi mulandu pe”kunembo lya cuuno cokwa [Yahuwah].” (Ciyubunuzyo 14:4, 5, NKJV)\\nBanu bali 144,000 bapona maumi aabo muli Yahushua, a Walo muli mbabo. Mbweenya Mufutuli mbwaakabamba mulawo woonse wabulemu akuulondola, abalo mbobacita, nkaambo Walo nguupona MULI mbabo.\\n“Muntu woonse ulaa bulangizi muli Messaih ulalisalazya, mbweenya awalo Messiah mbwasalala. Kufumbwa uusotoka mulawo ubaa mulandu wakubula mulawo, nkaambo cinyonyoono nkubula mulawo. Mulizi kuti Messiah wakaboola kuti azoogwisye zinyonyoono, alimwi mulinguwe tamukwe cibi pe. Aboobo ooyo uukkalilila muli Nguwe takkalilili muzinyonyoono. Kufumbwa uukkalilila muzinyonyoono tanamubwene nikuba kumuziba pe. (1 Johane 3:3-6)\\nMulawo wabulemu ujatikizya zinjaanji kwiinda buyo Milawo iili 10, eeyo yakaambilizyigwa mubulemu ku Mulundu wa Sinai. Ujatikizya mulawo wa milazyo, ooyo uupandulula zinjaanji zyeelede kubambwa mu Milawo iili 10.\\nMulawo wabulemu mulawo uutamani alimwi uuliko lyoonse. Unokwiimvwi lyoonse. “Kufumbwa r [Elohimu] ncacita, cinooliko lyoonse alyoonse. Kunyina cikonzya kuyungizyigwa atalaa ncico, alimwi kunyina cikonzya kugwisyigwa kuli ncico.” (Mukambausi 3:14, NKJV)\\nKunyina ceelede kusanganyigwa ku mulawo ookwa Yahuwah alimwi kunyina ceelede kugwisyigwa akwaamba kuti cakamwaigwa pe. Mangwalo alisinizyide kulailila kuti: “Webo toyeledekuyungizya atalaa jwi eelyo Ime ndeekakulailila, alimwi webo toyelede kucesya akugwisyila kujwi eelyo, weelede kubamba milawo yokwa [Yahuwah Elohimu wako] eeyo Ime njeekakulailila.” (Ciibalusyo 4:2, KJV)\\nBali 144,000 bajokolosya mulawo wabulemu woonse, kusanganya amilazyo yeelede kutobelwa mukubamba mulawo, eeyo iilailila kubamba mapobwe aakukomba mumwaka, aayo aayitwa kuti “Mapobwe ookwa Yahuwah” mu Bbaibbele. Aaya mapobwe, aalembedwe mu BaLevi 23, ayelede kuba malailile “lyoonse alyoonse mumakkalilo eenu amumisela yenu yoonse.” (Bala BaLevi 23:14, 21, 31,a 41.)\\nOoyu mulimo wabantu bali 144,000, wakubambulula akujokolosya mulawo ookwa Yahuwah woonse wakaambilizyigwa mu Mangwalo alimwi ujaikizya makani aakukomba:\\nBantu bako bayooyakulula matongo aakale-kale, basikubukulusya bwaanda mbabayoobukulusya ntalisyo zyamazyalani aakale zyakooledwe, basikubukulusya maanda aakawa atuzila twawo.\\nMwami Yahuwah ulati, “Kuti naa mwabubamba buzuba bwa Nsabata, akuleka kucita nzyomuyanda mubuzuba oobu, kuti naa mwabucita mbuli buzuba bupati bulemenede ku Mwami Yahuwah, cakuti kamuteendi nyendo akutacita mbuli mbomuyanda akwiide kukanana zyabuyo, muyootangala mu Mwami Yahuwah ndiyoomucita kuti mukalemekwe munyika, eelyo muyoolikkalila munyika eeyo njindakapa sikale wanu Jakobo kuti ibe lukono lwakwe, 'Mebo lwangu nde Mwami Yahuwah ndime ndaamba. (Izaya 58:12-14)\\nMulawo wabulemu ulailila kubamba mapobwe ookwa Yahuwah, antoomwe a Nsabata zyamvwiki amvwiki. Mbweenya mbuli Elijah a Johane Mubbapatizi aabo bakali kumbelaa bali 144,000, abalo bapa bulemu kuli Yahuwah kwiinda mukubamba mulawo Wakwe akoompolweda bantunyina bamwi kuti beempwe akujokela kukukomba Yahuwah munzila iiluleme mumazuba Aakwe aasetekene.\\nCizuminano Cakale cigozya makani aacishinshimi cabaabo babeleka mulimo wakoompolweda bantu kuti beempwe kaindi kkasyoono munsaa Kuboola Kwabili kwa Yahushua.\\nAmubone, ndiyootuma mutumwa wangu, ooyo uuyoondibambila nzila. Eelyo cakufwambaana Mwami Yahuwah ngomuyandaula uyooboola kuŋanda eeyi, mutumwa wakaambwa mucizuminano, ooyo ngomusukamina uyooboola, mbwaamba Mwami Yahuwah Singuzuzyoonse. Kamuyeeya mulawo wa Mozesi mubelesi wangu, amalailile aamilawo njindakamupa kucilundu ca Holebu kuti ailailile Baisilayeli boonse.\\nAmubone, ndiyoomutumina Elija musinsimi buzuba bupati bukankamya bwa Mwami Yahuwah kabutanasika. (Malakayi 3:1, 4:4, 5)\\nMasimpe aakuti aaya malailile apedwe muntu woonse kuti ayibaluke “mulawo wa Mozesi”, alisalazyidwe mubumboni bwakalubigwa. Pele aayo masimpe taalekeli buyo waawo. Kusinizya kuya kumbele kusanganya amilazyo iipandulula mulawo woonse ayalo.\\nKujokolosya kukomba kwabulemu mumazuba aaKulyookezya kusetekene aa Kujulu aasetekene woonse ncimwi akataa zitondezyo zyakuti mamanino aanyika asika.\\nBali 144,000 bayoobamba mapobwe ookwa Yahuwah, nkaambo balo mbantu babamba mulawo, kutali basotoka mulawo. Mulawo ookwa Yahuwah baluuyandisya, aboobo bapa bulemu ku Mulengi wabo kwiinda mukutobela caluyando malailile Aakwe.\\nOoyo wamba kuti Ime ndilimuzyi ” pele katabambi milawo Yakwe, mubeji, alimwi kunyina kasimpe muli nguwe pe. (1 Johane 2:4)\\nMusunko wini wakuba siciiya ngwakuti muntu ulateelela naa tateeleli.\\nKwiinda muli ceeci tulizyi kuti tulabayanda bana ba [Yahuwah], eelyo notuyanda [Yahuwah] akubamba milawo Yakwe. Nkaambo oolu ndoluyando lwa [Yahuwah], kuti tubambe milawo Yakwe. (1 Johane 5:2, 3)\\nBsalali bali 144,000, balitolaansi alimwi beempedwe kuzwa mumusena wamamanino, banoobamba milawo yokwa Yahuwah yoonse. Balo balamuyanda kapati nkaambo abalo bakalekelelwa zinjaanji alimwi luyando lwabo lulitondezyedwe mukulyaaba cakumaninina kumuteelela mubukkwene, kakwiina kubikkila maanu cinga cabacitikila.\\nBulumbu buteezyekwi bulindila baabo bayandaula Kamboni Wamasimpe kuti abasilike kuzwa ku ciimo cabu Laodicea akuswaangana antoomwe a Julu mukujokolosya bulemu ku mulawo ookwa Yahuwah: “Kuli yooyo uuzunda, Ime njoomuzumizya kuti akakkale Andime acuuno Cangu, mbweenya mbuli Ndime mbweekakkala a Taata Wangu acuuno Cakwe.” (Ciyubunuzyo 3:21)\\nMulumbe waa Kamboni Uusyomeka ucoompolola akucenjezya bantu boonse kuti beempwe. Kosala kusyoma kuti Mufutuli ulizyi ciimo camoyo wako kwiinda nduwe omwini. Kolyaaba kuli Nguwe. Koba cilengwa leza cipya kwiinda mulweengelelo Lwakwe.\\nKoba yooyo Uubambulula Caalubila, Uujokolosya nzila Zyakukkalilla. Ayebo, ulakonzya kukoma mbweenya mbuli Yahushua akukkala Anguwe acuuno Cakwe.\\nZibalo azipekupeku zyeendelana acibalo eeci:\\nMapobwe ookwa Yahuwah: Aceelede Kubambwa Lyoonse\\nNinzi Caakankaminwa Aciciingano Kumvwisyisya Bakolose2 (Cipekupeku)\\nKusekelela Mapobwe Aaciindi ca malubaluba","num_words":1302,"character_repetition_ratio":0.051,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Ndicitenzi Kuti Ndifutulwe? Print\\nIno Ndicitenzi Kuti Ndifutulwe?\\nEeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda banjaanji ba Yahuwah. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo\/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kuyungizya kumunika munzila yesu. Tulakayandisya kasimpe kwiinda buumi bwesu, nkanko tulakavwuntauzya kufumbwa nkokakonzya kujanwa.\\n“Nkabela wakaita mimuni, wasotokela mukati kumwi ulazyangama, wawida kumatende aaba-Paulo a-Silasi, wababuzya wati, ‘Nobami ino ndicitenzi kuti ndifutulwe? Bakati, ‘Syoma ku-Mwami Yahushua, noti futulwe yebo abeŋanda yako.’” (Incito 16:29-31).\\nAaka kabeela kumusela wa baapositolo kalaa mubuzyo mupati kwiinda yooyo uukonzya kupozya mumulomo wabuntu. Mubuzyo tuuli wakuti, Ninzi nceticite kuti ndibaa buumi bubotu, nanka kuti ndibaa buvwubi, naa kubaa mpuwo, naa kusumpulwa akupegwa nguzu abulemu; pele kwiinda kulaale ali zyoonse eezi: “Ninzi nceticite kutegwa ndifutulwe?” Mpoonya atalaa mubuzyo mupati boobu kupedwe bwiinguzi buubauba: “Kosyoma mu Mwami Yahushua Messiah.” Kusyoma a lusyomo zilikonzyene...\\nTaata waamba kuti, “Ooyu ngo Mwanaangu muyandwa; amumuteelele” (Luuka 9:35) Mpoonya Mozesi wakati, “Mweelede kumuteelela kufumbwa ncaamba kuli ndinywe. Aboobo ciyooba kuti kufumbwa uutateeleli ncaamba mushinshimi uyoonyonyoonwa” (Luuka 3:22-23).\\nIme ndaamba kuti ooku nkwiingula kuubauba, nkaambo, lino Bbaibbele mbolili kunembo lyesu, ncuubauba kubbukizya ncocaamba kusyoma mu Mwami Yahushua Messiah. Eeci ciiyo cililetedwe kunembo lyesu munzila iisalala. Ngooyu mukonzyanyo, tulizyi kuti mulumbe uutuminwa nguupa kuti ooyo watumwa abe mutumwa, aboobo kusyoma mutumwa nkusyoma ncobeni mulumbe ooyo ngwaaleta. Lino, akataa zintu zimwi, tujana zyeezyo zipandulula Messiah kumugaminina, kuti wakatumidwe kweeta mulumbe wa Yahuwah ku muntu. Aboobo walo wiitwa kuti “mutumwa wa cizuminano” (Malakayi 3:1); “Mwaapositolo a Mupaizi Silutwe waluzumino lwesu” (BaHebulayo 3:1). Ibbala lyakuti “mwaapositolo” aawa ndelyaambwa Simalelo Yahushua, kutondezya muzeezo ngweenya, nkaambo liiminina kuti walo “mutumwa, mwiiminini.” Mukaano ka muunda wa masaansa, Mufutuli ulalyaamba munzila njeenya: “kumamanino wakabatumina mwanaakwe.” Alimwi ulati, “Ime ndakatuminwa kukambauka bulelo bwa Yahuwah”...Wisi waamba kuti, “Ooyu ngo Mwanaangu ngweyandisya; amumuteelele” (Luuka 9:35). Awalo Mozesi waamba kuti, “Kuli nguwe mweelede kuteetelesya kufumbwa ncaamba kuli ndinywe. Aboobo ciyooba kuti kufumbwa uutakateeleli mushinshimi ooyo uyoonyonyoonwa” (Milimo 3:22-23).\\nKuyungizya kusalazya makani, Mwami wesu Yahushua wakabikkwa kunembo lyesu mbuli kamboni uujisi bumboni. Nkaambo kaako ncayitwa kuti “ngu kamboni wamasimpe uusyomeka” (Ciyubunuzyo 3:14). Aboobo Walo ulyaamba lwakwe kuti, “Nkaambo kaako nceekaboolela munyika kuzyoopa bumboni bwa kasimpe” (Johane 18:37). Lino Mulumbe naa lusyomo oolo ndwaakambauka “mbobumboni bwakwe,” aalo Mangwalo alatuyumyayumya kuti “ooyo wakatambula bumboni bwakwe wakabikka cidinto ali ceeci: kuti Yahuwah ulimasimpe,” Pele kujanza limwi, “ooyo uutasyomi mu Mwana takabuboni buumi, pele bukali bwa Yahuwah buli ali nguwe” (Johane 3:33, 36).\\nKusyoma mu Mwami Yahushua Messiah,”mubusongo bwini bwa Mangwalo,” nkusyoma akuteelela mulumbe abumboni oobo mbwaakaambilizya ku bantu.\\nLino mbotwatondezya boobo, kubelesya zifwanikiso ziimpene abumboni butakwe kampenda, kuti “kusyoma muli Simalelo Yahushua Messiah,” mumuzeezo wamasimpe wa Mangwalo, nkusyoma akuteelela mulumbe abumboni oobo mbwaakaambilizya ku bantu.\\nIno mulumbe nzi ooyo naa mbumboni nzi buyandika kuti ubaa lufutuko? Buumi bwesu butamani buyeeme mubwiinguzi bwakusinizya masimpe ku mubuzyo ooyu; aboobo Simalelo aatembaulwe nkaambo taakatusiya mumusinze kujatikizya makani malemu kapati aaya. Petulo wakatondeka cakutaleyaleya eeyo nzila nkotunga twajana mulumbe ooyo mbuubede. Walo waamba kuti “ijwi eelyo Yahuwah ndyaakatumina Bana ba Isilayeli, kukambauka luumuno kwiinda muli Yahushua Messiah mucooko ca Judiya, kutalikila ku Galilaya, naakamanizya kubbizyigwa lubbizyo ndwaakali kukambauka Johane” (Milimo 10:36-37). Lino katulaa “majwi maubauba kuteelela” aali boobu, mbubuti mbocikonzyeka kuli ndiswe kwiimpya Jwi nokuba mulumbe ooyo ngotuyandaula? Twaambilwa kuti:\\n1st, Nguni wakatumina mulumbe — “ijwi eelyo Yahuwah ndyaakatumina”;\\n2nd, nkuuli bani nkwaakalitumina — “kubana ba Isilayeli”;\\n3rd, wakalitumina kwiinda muli ni — “kwiinda muli Yahushua Messiah”;\\n4th, waakambaukwa kucooko cili — “mucooko coonse ca Judiya”;\\n5th, waatalikila kubusena kuli — “kutalikila ku Galilaya”;\\n6th, wakatalikila aciindi cili — “naakabbizyidwe lubbizyo oolo Johane ndwaakali kukambauka.”\\nAaya malailile maubauba boobo atutola cigaminina kuli Maako 1:14, ooyo waamba kuti, “Lino Johane naakanjizyidwe muntolongo, Yahushua wakaboola ku Galilaya, kakambauka Mulumbe Mubotu wa Bulelo bwa Yahuwah.”\\n“ Ime ndeelede kukambauka bulelo bwa Yahuwah . . . nkakaambo keni aako nkeekatumwa” (Luuka 4:43).\\nMa! Eeci cileelela mboceelana amulaka ngwabelesya Petulo! Mpoonya jwi lya Johane nilyakawumuzyigwa, Mufutuli uulelekedwe “wakatalikila ku Galilaya” kukambauka “Mulumbe wa Bulelo bwa Yahuwah.” Akamwi kabeela ka Mangwalo katuzyibya kuti “wakaunka mucooko ca Galilaya coonse, kayaa kuyiisya mumasinagogwe akukambauka Mulumbe wa Bulelo” (Mateyo 4:23). Taakagolela buyo mucooko eeco, pele wakakambauka mulumbe mupati ngweenya “amucooko coonse ca Judiya,” mbuli mbotwiiya kuzwa kuli Luuka 8:1: “wakaunka mumaanda amumunzi uuli woonse kaambilizya akuyaa kukambauka Bulelo bwa Yahuwah.” Eelyo Bantu baku Capenaumu nibaamukombelezya kuti akkalilile akati kabo, waakaka kumwi kati, “Ime ndeelede kukambauka bulelo bwa Yahuwah akumadolopo aamwi; nkakaambo keni aako nkeekatuminwa” (Luuka 4:43). Alimwi nokuba muciindi akatikati ka kubuka kwakwe kuzwa kulufu akuya kujulu, kaambyo kakwe kakacili kakuti “eezyo zintu zijatikizya bulelo bwa Yahuwah” (Milimo 1:3).\\nAboobo Ime ndasalazya akutondezya cakumaninizya kuti “Mulumbe wa Bulelo” nga makani mapati naa bumboni, aayo Messiah ngaakaleta kubantu. Icintu citobela, aboobo, ncakuti “Mulumbe wa Bulelo” ngonguwe ngotweelede kusyoma katutaninga kwaambwa ncobeni kuti “tulasyoma mu Mwami Yahushua Messiah.” Walo wakatulailila kuti tusyome mu Mulumbe ooyo. “Yahushua wakaboola ku Galilaya kakambauka mulumbe wa bulelo bwa Yahuwah, kaamba akuti, ‘Amweempwe akusyoma mu mulumbe’” (Maako 1:14-15). Ncobeni taakabalailila kuti basyome “mulumbe uumbi” kutali yooyo ngwaakali kukambauka. Ooyo mulaka, aboobo, utondezya kuti walo wakabalailila kusyoma mulumbe uukokolola kukonzya yooyo ngwaakali kukambauka — “mulumbe wa bulelo bwa Yahuwah.” Hena kuli muntu weezyeezya kuti tacili cintu ciyandika milawo yakwe? “Nkaambo nzi ncomwiita ndime kuti ‘Mwami, Mwami,’ pele tamuciti ncemwaambila kucita Ime?” (Luuka 6: 46). “Inywe muli balongwe bangu kuti mwacita ncemwaambila” (Johane 15:14). “Kufumbwa ncaamwaambila kuti mucite, amucicite” (Johane 2:5). “Ikuti kamundiyanda Ime amubambe milawo yangu” (Johane 14:15). Kubamba milawo yakwe ngo musunko wesu wakutondezya kuti tulamuyanda, aboobo masimpe ncobeni kuti kunyina uunga wafutulwa uutamuyandi, nkaambo kusinganyigwa kuyoosya kapati kulaambilizyidwe: “Ikuti muntu naba ni katamuyandi Mwami, amumuleke ooyo abe Anathema Maranatha,” nkokuti unoosinganyidwe eelyo Mwami aakuboola (1 Bakolinto 16:22).\\nNkaambo Mwanaa Yahuwah wakatutondezya mukonzyanyo akubamba Bulelo bwa Yahuwah kuti lyoonse kacili ciiyo cipati ncayiisya, tulizyi lino kuti eeci nceciiyo ciinda busongo, bulemu akubota ooko kukkalilila mumizeezo aamumilaka yabantu.\\nNkaambo Mwanaa Yahuwah wakatutondezya kale mukonzyanyo akubamba Bulelo bwa Yahuwah kuti ngomutwe waciiyo mumulumbe wakwe, tulizyi kuti eeci nceciiyo ciinda busongo, bulemu akubota ceelede kukkalilila mumuzeezo nokuba mumilomo yabantu. Ncintu cizyibidwe kapati kuti bamayi bamazubaano, basumpukide abasyoonto, balatatanyana mbuli boofu balaa ncinko kukaka kusyoma nokuba kukambauka Mulumbe uulelekedwe wa Bulelo. Nokuba kuti bandisyomezya nyika yoonse, Ime inga nsyekalisanganyi akataa bamayi bali boobo mubuzuba bwa lubeta.\\nUmwi nkumekume sicikombelo wambungano iilaa mpuwo aciindi cimwi wakandaambila kuti wakali kuunka kucikombelo nkwaakali kuzulilwa kwamyaka iili makumi obile ayosanwe, pele taakaninga mvwide ciiyo ca mulumbe ooyu — Mulumbe mubotu wa Bulelo — kaciyiisyigwa mucikombelo oomo pe, nokuba kumvwa mulumbe uukambauka ciiyo eeco. Umwi mukambausi wambungano mpati iidumide mpuwo akuzyibwa koonse-koonse, wakandaambila kuti wakayibaluka majwi aamba “Mulumbe Mubotu wa Bulelo” akuti wakali kusyoma kuti ooyo mulumbe wakali “mubusena bumwi mu Magwalo aabaapositolo.” Awumwi mukambausi wakaambide kuti wakayiya ci Giliki aci Hebulayo, wakapasa lwiiyo lwa buleza, alimwi wakali kukambauka kwa myaka cisambomwe; neekamubuzya ncaayiminina majwi aakuti “Mulumbe Mubotu wa Bulelo” mu Cizuminano Cakale nokuba muli Cipya, wakaamba kuti wakali kusyoma kuti ali mu Cizuminano Cakale, “ambweni mu Intembauzyo,” akuti walo tanakambaukide mulumbe wa ciiyo eeci. Pele, kweendelanya a busanduluzi bwa Cruden, aayo majwi taajanwi nokuba lyomwe mu Magwalo aabaapositolo, mu Intembauzyo, nanka mu Cizuminano Cakale pe. Hena ono eezi zintu tazitondezyi kuti kwakacitika kupambuka kupati kuzwa ku mangwalo munyika, akuti bantu “bakaleya kuzwa ku lusyomo” akutalika ciyanza cakukambauka “mulumbe wiimpenye” ooyo uulaa ntenda kutali yooyo Mwami Yahushua ngwaakali kukambauka?\\nAlimwi kutali buyo kuti Mwami lwakwe wakakambauka Bulelo bwa Yahuwah, pele mulimo wakwe niwaacili kuya kumbele, “Walo wakayita basikwiiya bakwe bali kkumi ababili antoomwe akubatuma kuyookambauka Bulelo bwa Yahuwah. Mpoonya bakaunka muminzi yoonse kuyaa kukambauka Mulumbe Mubotu” (Luuka 9:2, 6). Aawa cintu ncotubbukizya ncakuti mumulaka uubelesyegwa mu Mangwalo, kukambauka Bulelo ncintu comwe akukambauka Mulumbe Mubotu. Aboobo citobela ncakuti, Aabo batakambauki Bulelo tabakambauki Mulumbe Mubotu. Nkako cilayandika kapati kukambauka mulumbe wa Bulelo cakuti umwi mwaalumi naakalomba kuti kaashe ataangune kuyoozikka bawisi, Mwami wakati, “Baleke bafu bazikke bafwidwa babo; pele yebo koya ukakambauke mulumbe ooyo wa bulelo bwa Yahuwah” (Luuka 9:60).\\nAboobo tweelede kukosozya makani kuti “Mulumbe mubotu wa Bulelo” wakeelede kukambaukwa koonse koonse nkobaayinkide baapositolo, nkaambo ka majwi aa Mwami aakuti — “ooyu Mulumbe mubotu wa Bulelo uyookambaukwa munyika yoonse” — ngwaakali kubalaya kuti balo bakambauke Mulumbe ooyo. Tulamvwa kanjaanji kukambauka kwa baapositolo kakuguminizya Bulelo. Ncenciceeco tujana Filipo ku Samaria “ukambauka zintu zijatikizya bulelo bwa Yahuwah, muzina lya Yahushua Messiah” (Milimo 8:12). Awalo Paulu ku Efeso, amumasena aamwi, ukambauka “zintu ziguminizya Bulelo bwa Yahuwah” (Milimo 19:8; 20:25). Paulu wakakkala ku Roma myaka yobile iikkwene, “kakambauka makani aa Bulelo bwa Yahuwah, akuyiisya zijatikizya Mwami Yahushua Messiah” (Milimo 28:23, 31).\\nMbweenya Bbaibbele mboliyiisya lusyomo lomwe abulangizi bomwe, mbombuboobo mbolilanganya mulumbe omwe, akusinganya muntu naba mungele uukakatila “kukambauka mulumbe uumbi” (BaEfeso. 4:5; BaGalatiya. 1:8-9).\\nMbweenya Bbaibbele mboliyiisya lusyomo abulangizi bomwe, mbweenya buyo mbolilanganya Mulumbe mubotu omwe, akuyungizya ziindi zyobile kusinganya muntu naba mungele uukakatila “kukambauka mulumbe wiimpene” (BaEfeso. 4:5; BaGalatiya. 1:8-9). Aboobo lino, katupedwe bumboni bwainda kunembo lyesu, hena inga yebo kocidonaika kuti ninzi Mulumbe mubotu? Ncobeni kwiina acimbi kunze lya “Mulumbe mubotu ooyu wa Bulelo” Mufutuli ngwaakaamba kuti weelede “kukambaukwa munyika yoonse”; alimwi weelede kutolwa kubusena bomwe “mbuli” kubusena bumwi, nkaambo Paulu waambila Bakolose kuti wakacili kuzyoosika kuli mbabo “mbuli kunyika yoonse” (Bakolose. 1:6, 23). Aboobo nkaambo kakuti kuli buyo Mulumbe Mubotu omwe, cintu citobela ncakuti “ooyu Mulumbe Mubotu wa Bulelo” ngonguwe ooyo Bbaibbele ngolyaamba kuti, “Ooyo uutasyomi uyoosinganyigwa” (Maako 16:15-16). Amulangisye ono mbocicisa cisubulo ca kukambauka nokuba kusyoma “mulumbe uumbi” kunze lya “Mulumbe Mubotu wa Bulelo ooyu.”\\nNcobeni, kukambauka Mulumbe Mubotu wa Bulelo takuli buyo kupilulusya kuŋuŋuna mabala aakukambauka Mulumbe Mubotu wa Bulelo akwiinduluka ciindi aciindi kupopota majwi aayo akataa bantu kutegwa bakumvwe pe; makani nzi aakonzya kujanwa mukutopota kuli boobo? Ibbala lyakasandululwa kuti “mulumbe” (Evangelioni) liiminina “mulumbe mubotu, makani aakkomanisya, mulumbe uukondelezya.” Aboobo kukambauka Mulumbe Mubotu wa Bulelo, nkukambauka zintu eezyo zijanwa mu mulumbe uukkomanisya, naa “makani aakondelezya aa Bulelo.” Eeci ncecitondezyedwe mukaambo ka Filipo ooyo ku Samaliya wakaakukambauka Mulumbe Mubotu wa Bulelo kwiinda mukukambauka “zintu zijatikizya Bulelo bwa Yahuwah, muzina lya Messiah Yahushua” (Milimo 8:12). Alimwi tulizyi kuti kukambauka kwa Filipo ku Samaliya kwakali kweendelana akwa Paulu ku Kolinto, antoomwe akwa baapositolo mumasena manjaanji woonse; nkaambo kwakali buyo Mulumbe Mubotu omwe aciindi eeco ngubakali kukambauka boonse. Mbweenya Mozesi mbwaatakapa zibeela ziteendelani zyobile zya milawo yaapegwa muciindi ca Mozesi; mbweenya buyo awalo Messiah taakapa milumbe iikazyanya yobile kumusela uuno. Pele mbuli ciindi cansiku, nokwakali bamwi bakapindaula Mulawo wa Mozesi kubelesya tunsiyansiya twabo, mbocibede mbweenya oobo asunu nkobali bamwi bapilinganya Mulumbe Mubotu wa Bulelo kabasumpauzya tunsiyansiya twabo.\\nAboobo, nokuba boobo, cakali kuyandika kuti bantu baku Samaliya basyome “zintu zijatikizya Bulelo bwa Yahuwah, muzina lya Messiah Yahushua,” nkabela aswebo tuciyandika mbweenya sunu kusyoma muzintu nzyeenya; nkaambo mulimo wesu ngwa “kwiimikizya nji citondezyo ca majwi aabusongo eeco”; “kuzekela cakusinizya oolo lusyomo ndubaapedwe kutaanguna basaante”; “kubuzyilila nzila zisumbwidwe zyakaindi akweendela muli nzizyo” (2 Timoteo. 1:13; Jude 3; a Jelemiya. 6:16).\\nLino twatondezya kuti ilikke nzila ya kukambauka nokuba kusyoma mu Mulumbe Mubotu wa Bulelo nja kukambauka nokuba kusyoma zintu eezyo zili mu Mulumbe Mubotu.\\nEeci cibalo citali ca WLC cakalembwa aaba Wiley Jones, 1879, kuzwa mu The Gospel of the Kingdom mu Zibeela zili Kkumi.\\nTwakagwisya mucibalo citaanzi woonse mazina aamilimo aabakomba mituni ngobawulikide Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mu Mangwalo ngotulembulude mazina mataanzi ngubaapedwe mbuli mbwaakalembedwe mu Mangwalo abalembi ba Bbaibbele bakayoyelwa Moza. Kabunga ka-WLC","num_words":1846,"character_repetition_ratio":0.073,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Likoto Litanjilila lya Bakamboni Bakwe Yehova lilasebensa buyani muciindi cino?\\nLikoto litanjilila muciindi ca batumwi\\nBatobelenga nkalata yaswa kulikoto litanjilila\\nMuciindi ca Beneklistu bakutaanguna, likoto liniinibo lya ‘batumwi abamanene kuJelusalemu,’ mbobakalinga mulikoto litanjilila akusala shakucita isho Beneklistu boonse bananikitwe nshobakalinga kukonkela. (Milimo ya Batumwi 15:2) Kwaamba ayi basuminishanye pacintu comwi, bakalinga kubandikishanya kuswa muMalembo, alimwi akutanjililwa amushimu wakwe Lesa. (Milimo ya Batumwi 15:25) Amunshiku shino Likoto Litanjilila mbolisebensa.\\nLesa utosebensesha Likoto Litanjilila kucita kuyanda kwakwe. Bakwesu bamu Likoto Litanjilila balisuni abuumbi Maswi akwe Lesa alimwi balicite lushibo lwa makani ancito mboyeelete kweendeleshekwa alimwi ashintu shimwi shakumushimu. Balabungana nsondo ansondo kwaamba ayi babandike shitoyandika kubashominyineesu pacishi coonse. Bweenka mbuli muciindi ca Beneklistu bakutaanguna, sheelete kukonkelwa shiswa muBaibo shilapekwa kwiinda mumakalata na mubatanjilili balubasu alimwi anshila shimwi. Ici cacafwa bantu bakwe Lesa kuba bacatene mushintu nshobayeeya alimwi anshobacita. (Milimo ya Batumwi 16:4, 5) Bamu Likoto Litanjilila mbobabona sha ncito icafwa bantu kwiiya pali Lesa akutuyuminisha abuumbi kushimikila sha Bwaami, alimwi mbobabona sha ncito ya kusala bamakwesu beelela kupekwa mikuli mulibungano.\\nBalatanjililwa amushimu wakwe Lesa ndyebatoocita shintu. Bamulikoto Litanjilila balalanga kuli Yehova Shinkusu shoonse alimwi aYesu munene wa libungano kwaamba ayi abatanjilile. (1 Bene Kolinto 11:3; Bene Efeso 5:23) Bakwesu bamu Likoto Litanjilila tabaliboni kuba bamatanjilili babantu bakwe Lesa. Balo pomwi a Beneklistu bananikitwe boonse, “Balakonkela Mwanaambelele [Yesu] kuli koonse nkwaaya.” (Ciyubululo 14:4) Bamu Likoto Litanjilila balalumba abuumbi na katubapaililaako.\\nIno mbaani bakalinga mulikoto litanjilila muciindi ca batumwi?\\nIno Likoto Litanjilila munshiku shino lilakonkela buyani butanjilishi bakwe Lesa?\\nAmubelenge Milimo ya Batumwi 15:1-35 akubona likoto litanjilila lya muciindi ca batumwi mboyakamanisha lipensho kwiinda mukucafwikwa aMalembo alimwi amushimu usalashi.\\nIno Likoto Litanjilila lya Bakamboni Bakwe Yehova Lilasebensa Buyani Munshiku Shino?","num_words":259,"character_repetition_ratio":0.112,"word_repetition_ratio":0.0,"special_characters_ratio":0.154,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 39 IBBAIB63 - Lino Josefa wakatolwa - Bible Search\\nMatalikilo 38 Matalikilo 40\\nJosefa mbwaakabeleka kuli-Potifara\\n1-Lino Josefa wakatolwa ku-Egepita, nkabela Potifara, umwi wabasilutwe ba-Farao, sikulanga wabasikutabilila, muntu mu-Egepita, wakamuula kuzwa kumaanza aaba-Ismayeli ibakamuletede nkuko. 2-Lino Jehova wakali a-Josefa, aboobo wakajana coolwe muŋanda yasimalelo wakwe mu-Egepita. 3-Nkabela simalelo wakwe wakabona kuti Jehova uli awe, alimwi zyoonse nzyaakali kucita Jehova wakazikondezya mujanza lyakwe. 4-Elyo Josefa wakafwidwa buuya mumeso aakwe. Wakamumanina milimo, wakamubika kuti abe mupati waŋanda yakwe, azyoonse zintu nzyaakajisi wakazyaaba mumaanza aakwe. 5-Lino kuzwa kuciindi eco naakamubika kuti abe silutwe waŋanda yakwe, awazintu zyoonse nzyaakajisi, Jehova wakalongezya iŋanda yamu-Egepita nkaambo ka-Josefa, Lulongezyo lwaJehova lwakalikede ambono zyakwe zyoonse, neziba zyamuŋanda neziba zyamumuunda. 6-Nkabela zyoonse biyo nzyakajisi wakazisia mumaanza aa-Josefa. Walo mwini takwakaziba cintu neciba comwe ncaakali aco cita insima njaakali kulya.\\nJosefa mbwaakabikwa muntotongo\\nLino Josefa kali aciwa cibotu, keebeka loko. 7-Nkabela kusule lyayaaya, mukasimalelo wakwe wakavundula meso aakwe kuli-Josefa, wati, Atweende ayebo. 8Pele wakakaka. Wakaambila mukasimalelo wakwe kuti, Bona! Simalelaangu talikataazyi kucintu neciba comwe muŋanda; zyoonse buyo nzyaajisi wazyaaba mumaanza aangu. 9-Taakwe mupati kwiinda ndime muŋanda ino. Tana kundikasizye cintu neciba comwe, cita nduwe luzutu nkaambo uli banakwe. Nkacite buti bubi bupati buli boobu akubisizya Leza? 10Nkabela mazuba oonse, nekuba kuti wakacili kwaambila Josefa, taakwe naakazumina abuniini koona awe nanka kuba awe. 11Pele buzuba bumwi naakanjila muŋanda kukubeleka milimo yakwe, katakwe naba omwe wabasiŋanda bamwi omo muŋanda, 12-nkabela wakajata cikobela cakwe, wati, Atulale ayebo. Mpawo wakasia cikobela cakwe mujanza lyakwe, wacija, waya anze. 13Abone buyo kuti wasia cikobela cakwe mujanza lyakwe, wacija, waya anze, 14wakaita basiŋanda bakwe, wabaambila kuti, Amubone! Watuletela mu-Hebrayo kuti atusampaule. Weza kulindime kuti alale ambebo, elyo ndalila ajwi ipati. 15Amvwe kuti ndongololesya akulila, wasia cikobela cakwe kulindime, wacija, waya anze. 16Mpawo wakabamba cikobela cakwe kulinguwe mane simalelo wakwe asike kuŋanda. 17-Asike, wakamwaambila alakwe mbubonya. Wakati, Mulanda muHebrayo nguwakatuletela weza kulindime kuzoondisabwida. 18Pele nendoongololesya akulila wasia cikobela cakwe kulindime, wacija, waya anze.\\n19-Lino simalelo wakwe naakamvwa majwi aamukaakwe ngaakamwaambila aakuti, Mbuboobo mulanda wako mbwandicitila, bukali bwakwe bwakabuka. 20-Mpawo simalelo wa-Josefa wakamujata, wamubika muntolongo, baange bamwami mobakaangidwe, nkabela wakakala mumonya muntolongo. 21-Pele Jehova kali a-Josefa, wamufwida luzyalo, wamupa buuya mumeso aamulangi wantolongo. 22-Nkabela mulangi wantolongo wakabika baange boonse buyo bamuntolongo mumaanza aa-Josefa, aboobo kufumbwa cintu cakacitwa oko, ngonguwe wakali kucicita. 23-Mulangi wantolongo takakali kulikataazya kucita neciba comwe icakali mumaanza aakwe, nkaambo Jehova wakali awe, azintu zyoonse nzyaakacita, Jehova wakazibotezya.","num_words":382,"character_repetition_ratio":0.073,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Cisyomyo Ciinda Kubaa Nguzu Mumulengalenga! Print\\nCisyomyo Ciinda Kubaa Nguzu Mumulengalenga!\\nMangwalo ajisi cisyomyo ciila nguzu zyoonse. Pele cintu cuusisya ncakuti, kanjikanji muntu tazyi nkocibede cisyomyo eeci nokuba kuti cisisidwe antangalala.\\nSaatani wakasisa cisyomyo eeci, akucivwunikila kunze lya mazina aabaleza bamituni mbuli lyakuti mwami, alyakuti leza—aayo mazina buyo aamulimo ngwabeleka aapegwa kufumbwa leza wakafwalwa mbweenya buyo.\\nYahuwah uyanda kuti eeco cisyomyo cili mu zina Lyakwe cizyibwe akataa bantu akubelesyegwa ciindi coonse. Ncenciceeci Mangwalo ncaayinduluka ziindi zinjaanji kwaambila muntu uubala akusyoma kuti “Koompolola zina lyokwa Yahuwah,” (1 Makani 16:8) alimwi aabo batobela akucita boobu balisyomezyedwe kupegwa bwiinguzi (Intembauzyo 50:15). Cili boobo nkaambo muzina Lyakwe eelyo, kuli nguzu zipati kwiinda cintu coonse cakalengwa munyika amumulengalenga woonse! Eeco ncecisyomyo cilaa nguzu ncobeni! Eeco cisyomyo cakabambilwa kugwasya kufumbwa muntu ncabulide alimwi kufumbwa ciindi nabulide cintu.\\nNdizina lyeenzu eeli\\nKu Mulengi wesu, nkokuzyila buumi boonse. Izina Lyakwe, nokuba kuti ndizina limvwika bweenzu, lipandulula mbwabede bwini Walo ambwali Singuzyoonse uuliponena kakwiina uumupa buumi. Izina Lyakwe ndibbala lyakucita cintu, ndibbala lilailila cintu kuti cibe. Ngaaya mabala aamba cintu kuba: ndime, cili, tuli, ndakali, twakali, ndili, ndi, alyakuti ndicili. Woonse aaya mabala aagaminina kwaamba Nguwe mbwabede, mbwaakabede, alimwi mbwanoobede lyoonse kukabe kutamani.\\nEelyo Mozesi naakabona kavwuna kavwilima kuyaka mulilo pele kakatapyi, walo wakabuzya kuti nguni ngwati kaambe kuti nguwamutuma; mpoonya bwiinguzi mbwaakapegwa kubusandulula kuzwa mu Cikuwa, bwakali kwaamba kuti “IME NDENDIME NDIME: alimwi Walo wakaamba akuti, Mboobu mbotikaambile bana ba Isilayeli, IME wanditumina kuli ndinywe.” (Kulonga 3:14, KJV)\\nPele bbala litaanzi lini, nokuba boobo, ndyakuti: kuba. “Ba! Ba! Ukabaambile kuti Ba nguwanditumina kuli ndinywe.”\\nIbbala lyakuti Ba, mumulaka waci Hebulayo, lilembwa kuti hayah.\\nKuli nguzu mu zina eelyo!\\nKuli nguzu muzina lya bulemu. Kumwi kulibanda kwakali kucitwa mucisi ca Korea muciindi bantu nibakali kulwana nkondo kwakali kwakuti, “Hayah!” Nokuba mazubaano, bantu nobayiya misyobo yakulwana bayiisyigwa kupozomoka kwaamba bbala lyakuti “hiyah” kutegwa bakkazyike camba akuliyungizya busungu eelyo nobabbontana mfwaindi a kuumputana zibbakala asinkondonyina.\\nBashinshimi ba Yahuwah abalo bakalizyi kabotu nguzu zili muzina lyabulemu. Mu Matalikilo 12:2, Yahuwah wakaambila Abramu kuti: “Ime njookuleleka akukupa kuti zina lyako likalemenene; alimwi webo uyooba cileleko kuli bamwi.”\\nAbramu wakali lelekedwe kale aciindi eeco, aboobo [Yahuwah] wakali kumuyungizyila buyo zileleko zyakali kuyooboola kumbelaa mazuba. Aboobo kubelesya bbala lyakuti “hayah” mutwaambo mbuli tootu, ncecitumina nguzu zyabulemu kuti zijate mulimo, akuti eeco casyomezyegwa cicitigwe ncobeni mbuli mbocaambidwe —Abramu uyoolelekwa nkaambo kakuti [Yahuwah] nguwamusyomezya akusungula cintu eeco kuti cicitike.\\nBashinshimi bakali kubelesya bbala lya hayah eelyo nibakali kutumina nguzu zyokwa [Yahuwah] kuti zikajate mulimo mumazuba aazya kumbele. Kwiinda mukubelesya bbala eeli lyakucita cintu nokuba kucitika cintu, balo bakali kuvwuzya koompolweda … nguzu zyabulemu kuti zizuzike ncolyaamba bbala eelyo … Eelyo bantu bobile nibakali kupangana cizuminano, cimwi akataa zintu zyakali kwaambwa lyakali bbala lyakuti hayah.\\nCimwi ciindi nilyaabelesyedwe bbala lya “hayah” cijwanwa mu Kulonga 3:14 eelyo [Yahuwah] naakali kwaambila Mozesi zina Lyakwe. Walo waamba kuti: IME (Hayah) NDE NDIME (Hayah).\\nNkaambo kakuti zina lyabulemu lyakuti, …[Yahuwah] lyakali zyibidwe kuzwa kaindi loko … eeci ciyubunuzyo cilibonyaanga cilomya kututondezya kuti ooyo Leza [Eloah] wakapanganya cizuminano, ngweenya ngo Leza uubambilila cizuminano eeco. Aboobo, kampango ka Kulonga 3:14, aayo makani aayinda kutondezya buyo zina munzila eeyi: “IME NDE NDIME;” ooku nkukonkezya kwa bulemu kulyaamba kuti Walo nguuyendelezya zintu zyoonse.1\\nAaya ngamaseseke aanguzu zisisidwe muzina lyabulemu, alimwi eeci ncecipa kuti eeli zina lyabulemu libe cisyomyo cini ciinda kubaa nguzu atalaa zyoonse zilengedwe munyika amumulengalenga.\\nCisyomyo cili muzina eeli\\nIzaya 55:11 uyubununa kasimpe kakankamanisya kakuti ijwi lini lya Mwami Yahuwah, alyalo lijisi nguzu muli lwalyo, inguzu zyakulengelezya cintu kuti cicitike ncobeni mbweenya mbulyaamba jwi: Ijwi lyangu talikazyokeli cinkwamaanza kuli Ndime pele liyoocita mulimo ooyo ngweekalitumina kucita.”\\nOolu luzyibo, kusanganya antoomwe anguzu zili muzina lyabulemu, ncecikopolola ciyobwedo ca zileleko cili Kujulu, akutumina nguzu zyabulemu zyoonse ooko nkwabede sikwiiya mubombe moyo, ooyo walo kwiinda mulusyomo lwakwe, uujatilide akutalekezya cisyomyo cabulemu, mbeenya mbuli Jakobo naakali kutingaana amungele wabulemu, mbwaakakaka kumulekezya kusikila wamupa cileleko.\\nMu kusilikwa mubili, mizeezo nokuba mbwalimvwide mumoyo muntu; mu kukwabililwa; mu kulekelelwa zinyonyoono, akusalazyigwa, akubambululwa; mukuzunda cinyonyoono … alimwi kufumbwa mucintu cili coonse ncobulide, izina lyabulemu lini ncecisyomyo ncoyelede kutamauka. Nkaambo inguzu ziyandika kuti eeco cisyomyo cicitigwe akuzuzikwa, zyili ncobeni mujwi Lyakwe!\\nMbombuboobu mulengalenga mbuwakalengwa. Izina lilaa nguzu lyokwa Yahuwah lyakainduluka kwaambwa ziindi zinjaanji.\\nDavida wakapandulula mbuyakalengwa nyika naakati: “Ayilemeke Yahuwah nyika yoonse, bamukombe boonse bakkede ansi.\\nNkaambo mbwaakakananina buyo cakacitika, mbwaakalailila buyo cakaba mbubonya.” (Intembauzyo 33:8-9, KJV) Alimwi Walo ncaakali kwiinduluka kwaamba, ciindi comwe-comwe, kumwi kapa malailile kuti cilengwe cintu cimwi, lyakali zina Lyakwe.\\nO Mumuni … ko BA!\\nO nyika njumu … ko BA!\\nNyika njumu yakaba.\\nO Mweemvwe … ko BA!\\nKufumbwa cintu ciliko sunu, cakaba kwiinda munguzu zyakali mujwi ndyaakapozya kwaamba zina lya bulemu lilaa nguzu zipati zyakulenga.\\nKutambula cisyomyo eeco\\nNcenciceeci Mwami Yahuwah ncatakonzyi kubeja. Ikuti kakuli cintu catakaliko kaindi, eeco cintu cilatalika akuba ndeenya buyo eelyo Walo napozya kwaamba Jwi Lyakwe.\\nNceciceeci ncotulaililwa kuti toonse tweelede kumwiita muzina lyakuti Yahuwah. Njenzila eeyi mbotukonzya kuzunda nkondo njotulwana cinyonyoono. Kufumbwa cintu ncobulide ncobeni mubuumi bwako, mubukkale abuzumi bwako, mukukkomana kwako, akugwasyigwa kuzunda cinyonyoono, ulitambidwe kale kuyaamina ku lugwasyo ndosyomezyedwe muzina lyabulemu.\\nIzina Lyakwe, Kuba, antoomwe acintu ncobulide, eeco ncisyomyo citalika kuzuzikwa ndeenya buyo notambula cisyomyo eeco kwiinda mu lusyomo lwako.\\nNkabela, ninzi ncoyanda yebo? Ijwi Lyakwe buno buzuba lyaambila nduwe kuti:\\nKolekelelwa zinyonyoono zyako.\\nKosalazyigwa mumoyo wako.\\nKolengululwa muciimo cabulemu.\\nNcencico ncocaambilizya eeci kwiita zina lyokwa Yahuwah. Nkaambo kakuti majwi ookwa Yahuwah alaa nguzu zyabulengi eezyo zyakapa kuti zyoonse zilengedwe zilibonye, kuti aayo majwi aambwa calusyomo amuntu uupona buumi bwakwe kalyaabide cakumaninina ku luyando Lwakwe, aba cishinshimi cilizuzika ncobeni .\\nAboobo, eelyo noompolola zina lya Yahuwah, eelyo nozumizya lusyomo lwako kuti lujatilile mucisyomyo ca zina Lyakwe, nkabela Jwi Lyakwe lilazuzikwa ncobeni mubuumi bwako. Paulu wakalivwisyide ncobeni nguzu zyili boobu. Mu BaHebulayo 11, walo wakapandulula kuti: “Lino kusyoma nkutadonaika muzintu nzyotulangila akusinizya kuti eezyo zintu nzyotutaboni nkozili ncobeni.”\\nYahushua wakati, “Kufumbwa ncomuyookumbila muzina lyangu ndiyoomucitila kutegwa Taata akalemekwe kwiinda mu Mwanaakwe. Coonse ncomutikumbile muzina Lyangu, ndiyoomucitila.(Johane 14:13, KJV) Ooyu tuuli muncini wakuumya njuka a kkelele cakuti nkwiide kupunda kufumbwa ncoyanda mpoonya wapegwa, nee pe. Pele mbweenya mbuli lyoonse, zisyomyo zya Yahuwah zipegwa pele buyo kuti watobela luyando Lwakwe luyubunudwe mu Mangwalo.\\nNokuba boobo, eeci cisyomyo cilaa nguzu zipati ziteezyekwi, njenzila yokwa Yahuwah njaakatubambila kuti tuzwidilile akuzunda mumasunko. Eelyo lusyomo lwako nolumvwisisya nguzu zyakuzuzika cisyomyo eeco kuti nkozili ncobeni muzina lyokwa Yahuwah, yebo inga wazyiba ncobeni omwini kuti ulakonzya kupozya kwaamba zina eelyo amulomo wako mpoonya cacitigwa ncoyanda, cacitigwa kutali mukaambo kabubotu nobuceya buti muli nduwe pe, pele nkaambo kakuti Walo nguni mbwabede ncobeni: Walo ngo Mulengi; akuti Walo nguni: ngu Uso uukuyanda.\\nKoita zina lyokwa Yahuwah. Walo ulangila nduwe kuti umwiite zina Lyakwe! Ijwi Lyakwe kuli nduwe buno buzuba ndyakuti: “Kusikila ono tamunakumbila cintu muzina lyangu: Amukumbile, mulatambula kutegwa mutangale kapati.”. (Johane 16:24, KJV)","num_words":1052,"character_repetition_ratio":0.048,"word_repetition_ratio":0.0,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Musa, Milawu Iili Kkumi aNg’ombe Yangolida | Zyiiyo zyaBana Zizwa muBbayibbele\\nJehova wakabuzya Musa kuti: ‘Tanta achilundu uze kulindime. Ndiyanda kukupa milawu njintalembe amabwe.’ Musa wakatanta achilundu alimwi wakakukkala nkuko kwamazuba ali 40, sikati amansiku. Kali nkukooko, Jehova wakalemba Milawu iili Kkumi amabwe aabili apapalete akwiipa Musa.\\nNikwakiinda chiindi, maIsrayeli bakayeeya kuti Musa wakali kunonoka kuboola. Bakabuzya Aroni kuti: ‘Tuyanda muntu utatuzulwide. Tupangile chintu chitabe leza wesu.’ Mpawo Aroni wakati: ‘Amundipe ngolida nzimulazyo.’ Wakatenta ngolida akapanga ng’ombe yangolida. Mpawo bantu bakati: ‘Ng’ombe eeyi nguLeza wesu wakatugwisya muEgepita.’ Bakatalika kukomba ng’ombe yangolida alimwi bakachita pobwe. Chakali chibi na kuchita oobo? Chakali chibi, nkaambo bakali basyomezya kuti bakali kuyookomba Jehova alikke. Pesi nzibakachita zyakapa kuti batachizuzikizyi chisyomezyo chabo.\\nJehova wakabona nzibakachita, mpawo wakabuzya Musa kuti: ‘Seluka ukabone nzibali kuchita bantu. Baleka kundiswiilila alimwi balikukomba leza wakubeja.’ Musa wakaseluka achilundu kajisi mabwe abili apapalete.\\nNaakasika afwiifwi ankubakali kukkala, Musa wakamvwa bantu kabali kwiimba. Mpawo wakabona bali kuzyana akukomba ng’ombe. Musa wakanyema loko. Wakasowa mabwe aabili apapalete mpawo akapanduka. Wakiinyonyoona chakufwambaana ng’ombe yangolida. Mpawo wakabuzya Aroni kuti: ‘Wazumininaanzi kuti bantu bakweene kuchita chintu chibi chili boobo?’ Aroni wakati: ‘Utanyemi pe. Ulibazi bantu aaba mbubabede. Bandibuzya kuti ndibachitile leza wabo, nkinkaako ndatenta ngolida zyabo mpawo ndabapangila ng’ombe eeyi.’ Aroni taakeelede kuzichita pe eezi. Musa wakabweeda kuchilundu kuyookumbila Jehova kuti alekelele bantu.\\nJehova wakabalekelela bantu bakali kuyanda kumuswiilila. Tazili antanganana na kuti maIsrayeli bakeelede kuswiilila Musa?\\n“Na wakonkezya Leza cikonke, utamuki kucizuzikizya, nkaambo tabotelwi bufubafuba; zuzikizya ncowakakonkezya.”—Mukambausi 5:4\\nMibuzyo: MaIsrayeli bakachitaanzi chiindi Musa naakali kuchilundu? Niinzi Musa nzyaakachita chiindi naakaboola?\\nMaIsrayeli Taakachizuzikizya Pe Chisyomezyo","num_words":248,"character_repetition_ratio":0.06,"word_repetition_ratio":0.0,"special_characters_ratio":0.157,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jesu Waita Basikwiiya Kuti Babe ‘Bazubi Babantu’ | Buumi bwa Jesu\\nBasikwiiya Bone Balaba Bazubi Babantu\\nMATAYO 4:13-22 MARKO 1:16-20 LUKA 5:1-11\\nJESU WAITA BASIKWIIYA KUTI BAMUTOBELE CIINDI COONSE\\nBAZUBI BANSWI BABA BAZUBI BABANTU\\nBantu bamu Nazareta nobaalilwa kumujaya Jesu, waunka kumunzi wa Kapernauma, munsi-munsi a Lwizi lwa Galilaya, oolo alimwi ilwiitwa kuti “zyiba lya Genesarete.” (Luka 5:1) Eeci cazuzikizya businsimi buli mubbuku lya Isaya bwakuti bantu baku Galilaya ibakkala kunkomwe yalwizi bakali kuyoobona mumuni mupati.—Isaya 9:1, 2.\\nMasimpe, okuno ku Galilaya, Jesu wazumanana kwaambilizya kuti “Bwami bwakujulu bwaswena afwaafwi.” (Matayo 4:17) Jesu wajana basikwiiya bone akati kabasikwiiya mbajisi kale. Kumatalikilo aaba bakali kweenda anguwe, pele nobakapiluka kuzwa ku Judaya antoomwe a Jesu, bakapilukide kumulimo wabo wakuzuba nswi. (Johane 1:35-42) Pele lino nciindi cakuti babe a Jesu lyoonse kutegwa abayiisye mulimo wakukambauka ngobayoozumanana kucita aakuunka walo.\\nJesu nayenda kunkomwe yalwizi, wabona Simoni Petro amwanookwabo Andreya alimwi abeenzinyina bamwi kababamba nsabwe zyabo. Jesu waunka kulimbabo, wanjila mubwato bwa Petro akumwaambila kuti abukwasule bwato kuzwa kunkomwe. Nobeenda asyoonto, Jesu wakkala mubwato akutalika kuyiisya makamu aabantu aabungene kumbali aalwizi kujatikizya kasimpe ka Bwami.\\nMpoonya Jesu waambila Petro kuti: “Katuya akati kazyiba, eelyo amuwaale nsabwe zyanu kutegwa mujaye nswi zinji.” Petro waingula kuti: “Mufwundisi, masiku oonse twalikubeleka kakunyina ncotwajaya, pele akaambo kakuti nduwe waamba ndilaziwaala nsabwe.”—Luka 5:4, 5.\\nBawaala nsabwe zyabo akujaya nswi zinji kapati cakuti nsabwe zyabo zyatalika kudunsauka! Cakufwambaana boobola bazubinyina ibali mubwato bumwi bulaafwaafwi kuti baboole bazyoobagwasye. Mukaindi kaniini buyo, mato oonse obilo azula nswi zinji cakuti alemenwa akutalika kubbila. Abone boobu Petro, wamufwugamina Jesu akwaamba kuti: “Tantamuka kulindime O Mwami, nkaambo ndimuntu sizibi.” Jesu waingula kuti: “Utayoowi. Kuzwa lino unoozuba bantu baumi.”—Luka 5:8, 10.\\nJesu waambila Petro a Andreya kuti: “Amunditobele, eelyo ndilamupa kuba bazubi babantu.” (Matayo 4:19) Wabikkilizya abasikuzuba nswi bambi bobilo, Jakobo a Johane, bana ba Zebedayo. Abalo bamutobela mpoonya aawo cakutawayawaya. Aboobo aaba bone bausiya mulimo wabo wakuzuba nswi akuba basikwiiya bakusaanguna ba Jesu baciindi coonse.\\nMbantu bali buti Jesu mbaaita kuba basikwiiya bakwe baciindi coonse, alimwi ino mazina aabo mbaani?\\nIno maleele nzi aamuyoosya Petro?\\nIno nkuzuba kwamusyobo nzi nkobanakucita lino basikwiiya bone?\\nPetro—Wakakulwana Kuyoowa Akudooneka\\nKudooneka kulijisi nguzu zyakunyonyoona kapati. Pele Petro wakakuzunda kudooneka kwakwe kujatikizya Jesu.","num_words":337,"character_repetition_ratio":0.046,"word_repetition_ratio":0.0,"special_characters_ratio":0.18,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sikapepele wa JW Broadcasting\\nBbuku Lyaamwaka lya Bakamboni ba Jehova Lyamu 2016\\nAMUBALE MU Afrikaans Albanian Arabic Armenian Azerbaijani Azerbaijani (Cyrillic) Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Danish Dutch Efik English Estonian Fijian Finnish French Georgian German Greek Haitian Creole Hiligaynon Hungarian Igbo Iloko Indonesian Italian Japanese Kazakh Kikaonde Kinyarwanda Kirghiz Kirundi Korean Lingala Malagasy Myanmar Norwegian Ossetian Polish Portuguese Romanian Russian Sepedi Serbian (Cyrillic) Sesotho (Lesotho) Setswana Shona Sinhala Slovak Slovenian Spanish Swahili Swedish Tagalog Tatar Thai Tsonga Turkish Ukrainian Xhosa Yoruba Zulu\\n“Eelo Kaka Tulaiyanda JW Broadcasting!”\\nMU October 6, 2014, bubambe bwakusola sikapepele waa Intaneti uutegwa JW Broadcasting bwakatalisyigwa mumwaambo wa Chingisi. * Kuzwa mu August 2015, makani aabandikwa mulisikapepele ooyu akasandululwa mumyaambo iyiinda ku 70 kutegwa abalo bakwesu abacizyi banji bagwasyigwe amakani aakumuuya aaya aayaka. Bantu banji ibeebelela nyika yoonse mboizulwa baamba majwi aakulumba kujatikizya cipego cipya eeci cikondelezya. Pele ino ncinzi cakajatikizyidwe mukupanga sikapepele wa JW Broadcasting?\\nCakusaanguna, kwakali kuyandika kujana busena ibweelela. Kumaofesi mapati aa Bakamboni ba Jehova mu Brooklyn, New York, ibusena bweelela bwakasalwa mumayake aategwa 30 Columbia Heights. Mumvwiki yomwe buyo, busena oobo ibwakasalwa bwakasalazyigwa, mpoonya cibeela cilanganya zyakubambulula icitegwa Maintenance Department cakatalika kubamba busena oobo kuti bweelele kumwaila mapulongilamu aamulisikapepele alimwi nkamu yabasikupanga mapulani bakapanga situdiyo iilibonya kabotu mukati alimwi yamazuba aano. Bakwesu abacizyi banji bamucisi ca United States bakali kubeleka mane masiku ikwaanza situdiyo alimwi akubona mbobakonzya kwiiyaka cakufwambaana. Kuvwuntauzya ikuvwula kutola myezi iili mbwiibede kwakacitwa mumazuba masyoonto buyo, mpoonya cakutasowa ciindi cibeela cuula zintu icitegwa Purchasing Department cakatalika kooda zintu zinji izyakali kuyandika.\\nNtambo zinji ziindene-indene zyakabikkwa, mpoonya bakabikkila maano kubona kuti zyoonse zibelesyo zyakali kubeleka kabotu. Aaciindi nciconya eeci, mumasitudiyo eesu aaku Patterson, nkamu yesu yabaimbi ibabelesya ziimbyo yakali kulekkooda nyimbo iilila kumatalikilo aamapulogilamu, antoomwe abakwesu abacizyi ibakaboolede kuzwa mumasi manji kuzyoolekkooda nyimbo. Tubbuku twamakani twakalembwa, kwakabikkwa bubambe bwakucita zitondezyo zyazintu izyakacitika kale, alimwi bakwesu abacizyi ibabelekela mumasitudiyo eesu aaku Brooklyn, Patterson, alimwi aku Wallkill kubikkilizya amasi aambi nyika yoonse mboizulwa bakabeleka canguzu kupanga mavidiyo. Ciindi situdiyo noyakamana kuyakwa alimwi azibelesyo zyoonse nozyakabikkwa, mulimo wakatalika wakulibambila makani aakali kuyoobandikwa mulisikapepele mumyezi misyoonto iyakusaanguna.\\nSitudiyo ya JW Broadcasting, ku Brooklyn, New York\\nNotwakabuzya syaazibwene umwi mumulimo ooyu kuti naa inga citola ciindi cilamfwu buti kuyaka situdiyo iili boobu, wakaamba kuti bunji bwaziindi mulimo ooyu inga utola mwaka woonse acisela. Bakwesu abacizyi bankutwe bakaumanizya mulimo ooyu mumyezi yobilo buyo!\\nIzyacitika zilakkomanisya kapati! Pulogilamu yamwezi umwi aumwi, yalo bunji bwaziindi iibikkwa aawebbusaiti mubuzuba bwa Muhulo bwakusaanguna mumwezi, ileebelelwa ziindi ziinda kumamiliyoni obilo mumwezi ooyo. Kubikkilizya amavidiyo aambi oonse, mapulogilamu aamulisikapepele aleebelelwa ziindi ziinda kumamiliyoni aali kkumi amwezi.\\n“Pulogilamu eeyi yandipa kuba afwaafwi kapati ambunga ya Jehova alimwi a Kabunga Keendelezya. Ndilizyi kuti ndizulilwa mumukwasyi imuli luyando ncobeni.”—Kenya\\nIno bantu ba Jehova balimvwa buti kujatikizya cipego cakumuuya eeci cipya? Ngaaya majwi amwi masyoonto buyo aakulumba:\\n“Obuno busiku buli akati kamasiku aandikkomanisya kapati mubuumi bwangu! Sunu masiku, mebo abakaintu bangu twali kweebelela pulogilamu yamu May 2015 ya JW Broadcasting, ndilikkomene kapati cakunga tandijisi amajwi aakwaamba. Pulogilamu eeyi ili akati kazipego zibotu kapati nzyondatambula kuzwa kuli Jehova. Tulumba Kabunga Keendelezya alimwi abakwesu abacizyi boonse ibakabeleka canguzu kutubambila cipego eeci cakumuuya citaliboteli.”—Indonesia.\\n“Ndilino buyo aawa bakwesu banji nobajana coolwe cakumvwa umwi wamu Kabunga Keendelezya kapa makani. Lino tulakonzya kubamvwa alimwi akubabona. Kwiinda mbocakabede kaindi, lino tulimvwa kuba afwaafwi kapati abamu Kabunga Keendelezya alimwi abunyina bwanyika yoonse.”—Kenya\\n“Akaambo kakuti balumi bangu tabali bakamboni, cilandikatazya kapati kukomba mumukwasyi antoomwe abana bangu bobilo. Aboobo, mebo kundigama mapulogilamu aaya aamulisikapepele andigwasya kapati. Andipa kulimvwa kuti ndili cibeela cambunga ya Leza, alimwi alandikulwaizya kapati mebo abana bangu. Masimpe eeci ncilongezyo cizwa kuli Jehova.”—Britain.\\n“Eelo kaka tulaiyanda JW Broadcasting! Mipailo yesu yakaingulwa ciindi mapulogilamu naakatalika kusandululwa amumyaambo iimbi. Tulakulwaizigwa kapati bakwesu notubona mbomukkomene, alimwi ambomukukkomanina kukomba Jehova. Kuzwa ciindi noyakatalika pulogilamu yesu yamulisikapepele, lino tulimvwa kuti tuli cibeela ncobeni cambunga ya Jehova iitaliboteli alimwi iigambya.”—Czech Republic.\\n“Kuswiilila makani aapegwa abakwesu bamu Kabunga Keendelezya mumwaambo wangu kwayumya cilongwe cangu a Jehova.”—Brazil.\\n“Ndabelekela Jehova kwamyaka iili 16 lino, pele kunze lyabuzuba mbondakabbapatizyigwa kunyina buzuba mbondakakkomene akubotelwa kapati mbuli sunu. Twamulumba bakwesu akaambo ka JW Broadcasting.”—Brazil.\\nKwiinda mukugwasyigwa a Jehova, tusyoma kuti JW Broadcasting ilazumanana kuba pulogilamu iibagwasya kapati babunyina nyika yoonse mboizulwa alimwi akupa kuti Jehova, azumanane kulemekwa akutembaulwa.\\n^ par. 1 Mulakonzya kweebelela sikapepele wa JW Broadcasting kwiinda mukuunka a tv.jw.org.\\nLugwalo Lwamwaka wa 2016\\nKufwambaana Kuyaka Maanda aa Bwami\\nIno Mulimo Wakuyaka ku Warwick Wasika Aali?\\nKukambaukila Bantu Bakatazya Kujana\\nBbaibbele lya Busanduluzi Bwanyika Mpya Mumyaambo Aimbi\\nLipooti Yaamba Zyalubeta\\nAmerica Ansumbu Zyeengelede\\nAsia a Middle East\\nCisi ca Indonesia Mubufwaafwi\\nOoku Nkondiyanda Kuyootalikila!\\nNzila Zyakusaanguna Kubelesyegwa Mubukambausi\\nNkamu Iitegwa Bibelkring\\nBakali Kulukkomanina Lubono Lwakumuuya\\nKu West Java Kwazyalwa Micelo\\nMujoko Lyacisi ca Japan\\nBamisyinali ba Cikolo ca Gileadi Basika\\nMulimo Wakomena Kuya Kujwe\\nKwasika Bamisyinali Abambi\\nMwana wa Sara Ncobeni\\nNdakafwutuka Manyongwe Aaba Kkomyunizimu\\nMupainiya Waalubazu Kwamyaka Iili 50\\nMusololi Wazigwebenga Waba Sicisi Uulemekwa\\nBakanzide Kuzumanana Kusyomeka\\nTiibakaleka Kuswaangana Antoomwe\\nLuyando lwa Bunakristo Ciindi Cantenda\\nKunyina Notwakali Kunga Twatama Lusyomo Lwesu\\nTwakatobela Malailile​—Aboobo Twakafwutuka!\\nKwaambilizya Zina lya Jehova Katukkomene\\nOfesi Yamutabi Iili Mumulengalenga\\n“Jehova Wakatulongezya Munzila Njotwatakali Kuyeeyela!”\\nMyaka Iili 100 Iyainda​—1916\\nMyeelwe Yoonse Yamu 2015\\nBuzuba bwa Ciibalusyo​—Bwasanu, April 3, 2015\\nMabala Amusale naa muyanda kukkopa zyakamwaigwa Bbuku Lyaamwaka lya Bakamboni ba Jehova Lyamu 2016","num_words":807,"character_repetition_ratio":0.055,"word_repetition_ratio":0.0,"special_characters_ratio":0.146,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Basikuyandaula Kasimpe Bakusaanguna | Cisi ca Georgia: 1924-1990\\nMuswaangano kunkomwe munsi-munsi adolopo lya Sokhumi, mu 1989\\nMUMYAKA yakuma 1920, Basikwiiya Bbaibbele bakali kusolekesya kusikila basikuyandaula kasimpe mucisi ca Georgia. Mu 1924, kwakajalulwa ofesi mu Beirut, ku Lebanon, kutegwa isololele mulimo wakukambauka mubusena oobo kubikkilizya acisi ca Armenia, Georgia Syria alimwi aca Turkey.\\nNokuba kuti mbuto zyakasimpe zyakasyangwa mucisi ca Georgia ciindi eeco, tiizyakazyala micelo iilibonya mpoonya-mpoonya. (Mt. 13:33) Nokuba boobo, mukuya kwaciindi mulumbe wa Bwami wakamwaika akubacinca kapati bantu banji mucisi ca Georgia.\\nWakali Kuyanda Bululami\\nCiindi nkondo yabili yanyika yoonse noyakatalika, ba Vaso Kveniashvili bakali bakubusi. Akaambo kakuti cisi ca Georgia cakali cibeela ca Soviet Union, bausyi bakasungilizyigwa kunjila mumpi yabasikalumamba ya Soviet. Aciindi eeci banyina baba Vaso bakalifwide. Ba Vaso ibakali mbebapati akati kabanabokwabo, bakatalika kubba kutegwa bajane nzyobakali kuyandika lwabo abanabokwabo.\\nBa Vaso bakanjila kabunga kazigwebenga mpoonya mukuya kwaciindi bakaba bagwebenga. Bakaamba kuti: “Ndakali kulimvwa kuti kwakali bululami mubugwebenga kwiinda mumfwulumende naa akati kabanamaleya.” Pele tiilyakalampa ba Vaso bakazyiba kuti bakali kuyandaula cintu ncobatakali kukonzya kujana akati kabantu. Bakaamba kuti: “Ndakali kuyanda bululami.”\\nBa Vaso Kveniashvili mu 1964, ciindi nobakaangununwa muntolongo\\nMukuya kwaciindi ba Vaso bakaangwa akaambo kamicito yabugwebenga njobakali kucita alimwi akutolwa kucilabba cakupenzyezya ku Siberia. Okuya bakaswaanganya Kamboni wa Jehova, iwakaangidwe akaambo kalusyomo lwakwe. Ba Vaso bakaamba kuti: “Ndakazoocijana ncondakali kuyandaula. Kunyina bbuku lili lyoonse ndyotwakajisi, pele ndakasola mpondakali kugolela kwiiya kuzintu nzyaakali kundaambila mukwesu.”\\nCiindi ba Vaso nobakaangununwa mu 1964, bakapiluka kucisi ca Georgia akubayandaula Bakamboni ba Jehova. Pele bakazumanana kubandika amwaangenyina ngobakali limwi kuntolongo kwiinda mukulembelana magwalo. Cuusisya ncakuti mulongwe wabo uusyomeka wakafwa, mpoonya ba Vaso tiibakacili kukonzya kubandika abantu ba Leza. Bakalindila kwamyaka iitandila ku 20 kutegwa babajane Bakamboni alimwi. Makani manji aajatikizya mbabo alaambwa kumbele.\\nBuyumuyumu Ibwakaleta Zilongezyo\\nKuli ba Valentina Miminoshvili, imukaintu uucili mwana-mwana wakucisi ca Georgia, ikwaangwa mucilabba caba Nazi kwakaleta zilongezyo zinji. Okuya bakaswaangana a Bakamboni ba Jehova kwaciindi cakusaanguna. Cintu icakabakkomanisya kapati nkubona mbobakali aalusyomo lutazungaani. Nzyobakabayiisya kuzwa mu Bbaibbele zyakabasika amoyo.\\nNobakapiluka kuŋanda ciindi noyakamana nkondo, ba Valentina bakatalika kwaambila bamwi zyalusyomo lwabo lupya. Pele tiilyakalampa mulimo wabo wakapa kuti babazyibe beendelezi bamucilawo, balo ibakabaanga myaka iili 10 mucilabba cakupenzyezya ku Russia. Okuya bakaswaangana alimwi a Bakamboni ba Jehova, mpoonya mukuya kwaciindi bakabbapatizyigwa.\\nNobakaangununwa kucilabba mu 1967, ba Valentina bakalongela kucisi ca Georgia nkocili kumbo, kwalo nkobakatalika alimwi mulimo wakukambauka cabupampu. Tiibakazyi kuti muciindi cisyoonto bakali kuyooba bwiinguzi kumupailo iwakapailwa camoyo woonse.\\nJehova Wakayiingula Mipailo Yabo\\nMu 1962, mucizyi Antonina Gudadze wakalonga kuzwa ku Siberia kuya kucisi ca Georgia ciindi mulumaakwe uutali kamboni naakasala kuti apiluke kucisi cokwabo. Kabali ku Siberia, ba Antonina bakakazyiba kasimpe kwiinda muli Bakamboni ibakaangidwe akutolwa ku Siberia. Kabakkala ku Khashuri, dolopo ilili mucisi ca Georgia nkocili kujwe, bakaandanizyigwa abasyominyina.\\nMukwasyi waba Gudadze mumyaka yakuma 1960\\nBa Antonina balayeeya Jehova mbwaakaingula mipailo yabo kabati: “Bumwi buzuba ndakatambula cipego kuzwa kuli bamaama ku Siberia, mukati ndakajana mabbuku aamba zyamu Bbaibbele aakasisidwe kabotu-kabotu. Ndakazumanana kutambula cakulya cakumuuya munzila njiyonya eeyi kwamyaka iili cisambomwe iyakatobela. Lyoonse, ndakali kumulumba Jehova akaambo kabusolozi bwakwe bwakumuuya, kundiyumya-yumya alimwi akundilanganya.”\\nNokuba boobo, ba Antonina bakali balikke. Bakaamba kuti: “Lyoonse ndakali kumulomba Jehova kuti andiswaanganye alimwi abakwesu antoomwe abacizyi. Bumwi buzuba, bamakaintu bobilo bakanjila mucintoolo mondakali kubeleka mulimo wakusambala. Bakandibuzya kuti: ‘Sena ndinywe ba Antonina?’ Kusangalizya kwabo kwakandipa kuzyiba kuti bakali bacizyi bangu bakumuuya. Twakakumbatana mpoonya akutalika kulila.”\\nBa Valentina Miminoshvili bakali akati kabacizyi aaba. Eelo kaka ba Antonina bakakkomana kapati kuzyiba kuti miswaangano yakali kucitwa mucisi ca Georgia nkocili kumbo! Bakali kuunka kumiswaangano ciindi comwe amwezi nokuba kuti nkoyakali kucitilwa kwakali kulampa makkilomita ainda ku 300 kuzwa nkobakali kukkala.\\nKasimpe Kazwidilila Mucisi ca Georgia Nkocili Kumbo\\nMumyaka yakuma 1960, bamwi Bakamboni ibakali kupenzyegwa abeendelezi mumasena aamwi aa Soviet Union bakasala kulongela kumasena aambi kwalo bukkale nkobwakali kabotu. Mukwesu Vladimir Gladyuk, imusungu alimwi iwakajisi nguzu wakali umwi wambabo. Mu 1969, wakalonga kuzwa mu Ukraine kuunka kudolopo lya Zugdidi, mucisi ca Georgia nkocili kumbo.\\nBa Lyuba aba Vladimir Gladyuk\\nKumatalikilo, aabo ibakaboola kucisi ca Georgia bakali kweendelezya miswaangano mumwaambo waci Russian. Nokuba boobo, mbobakali kuyaabuvwula bana Georgia ibakatalika kujanika kumiswaangano lyoonse, bubambe bwakabikkwa bwakuti miswaangano kayeendelezyegwa mumwaambo waci Georgian. Mulimo wakugwasya bantu kuba basikwiiya wakazwidilila kapati cakuti mu August 1970, bantu ibali 12 bamucisi eeci bakabbapatizyigwa.\\nCiindi camupeyo mu 1972, ba Vladimir amukwasyi wabo bakalongela kudolopo limbi litegwa Sokhumi kunkomwe yalwizi lutegwa Black Sea. Ba Vladimir bakapandulula kuti: “Twakalimvwa kuyuma kumuuya alimwi twakamulumba Jehova akaambo kakutulongezya. Okuya mbungano yakakomena cakufwambaana kapati.” Ciindi camupeyo eeco, Ciibalusyo cakusaanguna cakacitwa mudolopo lya Sokhumi, alimwi bantu ibali 45 bakajanika.\\n“Ndakaswiilila Camoyo Woonse”\\nBa Babutsa Jejelava, lino ibajisi myaka ibalilwa kuma 90, bali akati kabantu ibakasaanguna kutambula kasimpe cakufwambaana mudolopo lya Sokhumi kumatalikilo aamwaka wa 1973. Bakaamba kuti: “Bumwi buzuba, ndakabona bamakaintu bone ibakajisi mubandi uukkomanisya. Bobilo akati kabo bakali bamasiite, mpoonya bambi bobilo ndakazoozyiba kuti bakali Bakamboni ba Jehova.” Umwi mucizyi wakali mukaintu waba Vladimir Gladyuk, wazina lyakuti Lyuba, mpoonya uumbi wakali Itta Sudarenko, painiya musungu kapati waku Ukraine.\\nBa Babutsa Jejelava mu 1979 amu 2016\\nBa Babutsa balayeeya mbobakalimvwa ciindi nobakamvwa mubandi wabamakaintu aabo, bakati: “Ndakaswiilila camoyo woonse.” Ciindi nobakamvwa kuti Leza ulijisi zina lyakwe limugeme, cakufwambaana bakatola lubazu mumubandi akubuzya naa bakali kukonzya kulibona zina eelyo mu Bbaibbele. Bakabuzya mibuzyo minji cakuti mubandi ooyo wakatola mawoola otatwe.\\nBa Babutsa bakalibilika naa bakali kuyoobabona Bakamboni alimwi, aboobo bakabuzya kuti: “Sena mulaunka akundisiila limwi?”\\nBacizyi bakaingula kuti: “Peepe, tatukoomusiila limwi. Tuyooboola alimwi mu Mujibelo.”\\nBuzuba bwamu Mujibelo nobwakasika, ba Babutsa bakakkomana kapati kubabona bacizyi aaba alimwi! Mpoonya-mpoonya ciiyo ca Bbaibbele cakatalisyigwa. Kumamanino aaciiyo, ba Babutsa bakayanda kusinizya kuti mubandi abantu ba Leza utagoleli waawa. Bakalyaambauzya kuti: ‘Ndakabajana bantu aaba. Lino ndeelede kusinizya kuti ndilazumanana kubandika ambabo.’\\nBa Babutsa bakajana muzeezo. Bakaamba kuti: “Ndakalizyi kuti ba Lyuba balikwetwe, aboobo ndakabuzya ba Itta naa abalo balikwetwe. Ba Itta bakaingula kuti tabakwetwe. Calukkomano ndakaamba kuti: ‘Nkokuti amulongele kuŋanda yangu! Kuli malo obilo, alimwi alambe akati. Tulakonzya kubikka Bbaibbele aansi aalambe akubandika kujatikizya Bbaibbele naaba masiku!’” Ba Itta bakazumina kulomba ooku akulongela kuŋanda yaba Babutsa.\\nKabayeeya ciindi eeci, ba Babutsa bakaamba kuti: “Zimwi ziindi tiindakali koona masiku akaambo kakuti ndakali kuzinzibala kuyeeya nzyondakaiya. Cakutayeeyela ndakali kuba amubuzyo mumizeezo. Mpoonya ndakali kubabusya ba Itta, akwaamba kuti: ‘Ba Itta, amubweze Bbaibbele lyanu. Ndijisi mubuzyo! Kabalipikisa meso, ba Itta bakali kwiingula kuti: ‘Kunyina bubi basa.’ Mpoonya bakali kujalula Bbaibbele akunditondezya bwiinguzi.” Nokwakainda mazuba otatwe buyo kuzwa ba Itta nobakalonga, ba Babutsa bakatalika kukambauka makani mabotu!\\nBa Babutsa bakalijisi mulongwe, wazina lya Natela Chargeishvili. Ba Babutsa bakaamba kuti: “Ndakali kuyeeya kuti lubono lulamusinkila kutambula kasimpe, pele cikkomanisya ncakuti tiicakaba boobo. Kuzwa kumubandi nguwenya wakusaanguna, kasimpe wakakatambula cabusungu. Tiilyakalampa, boonse bobilo cabusungu bakatalika kwaambila balongwe babo, babelesinyina alimwi abasimukobonyina kujatikizya bulangizi mbobakajisi.\\n1924-1990 Basikuyandaula Kasimpe Bakusaanguna","num_words":1047,"character_repetition_ratio":0.062,"word_repetition_ratio":0.0,"special_characters_ratio":0.157,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nkaambo Nzi Bakamboni ba Jehova Ncobatasekeleli Mazuba Aakuzyalwa? | Mibuzyo Iivwula Kubuzyigwa\\nAMUBALE MU Abkhaz Afrikaans Albanian American Sign Language Amharic Arabic Armenian Armenian (West) Azerbaijani Bashkir Basque Bassa (Cameroon) Batak (Toba) Bicol Bosnian Boulou Bulgarian Cakchiquel (Western) Cambodian Catalan Cebuano Chin (Hakha) Chinese (Traditional) Chinese Mandarin (Simplified) Chitonga Colombian Sign Language Croatian Czech Dangme Danish Dutch English Estonian Ewe Fante Faroese Fijian Filipino Sign Language Finnish French Galician Garifuna Georgian German Greek Greenlandic Guarani Gun Haitian Creole Hebrew Hiligaynon Hungarian Igbo Iloko Indonesian Isoko Italian Japanese Javanese Kabiye Kabyle Kachin Karen (S'gaw) Kazakh Kikaonde Kikuyu Kinyarwanda Kirghiz Kirundi Korean Lingala Lithuanian Low German Malagasy Malay Malayalam Maltese Mam Maya Mazatec (Huautla) Mixe (North Central) Mongolian Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele (Zimbabwe) Nepali Ngabere Nias Norwegian Nzema Oromo Ossetian Pangasinan Persian Peruvian Sign Language Polish Portuguese Portuguese (Portugal) Punjabi Quechua (Cuzco) Rarotongan Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Sinhala Slovak Slovenian Solomon Islands Pidgin Spanish Sunda Swahili Swedish Tagalog Tahitian Tajiki Tarascan Tatar Telugu Tetun Dili Thai Tigrinya Tlapanec Tojolabal Tongan Totonac Tsonga Turkish Turkmen Tzeltal Tzotzil Uighur (Cyrillic) Ukrainian Urdu Uzbek Valencian Venda Vezo Vietnamese Wallisian Welsh Xhosa Yoruba Zapotec (Isthmus) Zapotec (Lachiguiri) Zulu\\nTobakamboni ba Jehova tatusekeleli mazuba aakuzyalwa nkaambo tusyoma kuti kusekelela kuli boobu takumukkomanisyi Leza. Nokuba kuti Bbaibbele talikasyi cacigaminina kusekelela mazuba aakuzyalwa, pele lilatugwasya kuzyiba zintu zijatikizyidwe mumapobwe aali boobo alimwi akumvwisya mbwaabona Leza. Amulange-lange zintu zyone akubona njiisyo zyamu Bbaibbele izijatikizyidwe.\\nMapobwe aakusekelela buzuba bwakuzyalwa akatalisyigwa abantu batakombi Leza. Kweelana abbuku litegwa Funk & Wagnalls Standard Dictionary of Folklore, Mythology, and Legend mbolyaamba, mapobwe aaya ayeeme anjiisyo yakuti ciindi muntu naazyalwa, “myuuya mibi inga yabalwana aabo basekelela” alimwi akuti “kujanika kwabalongwe alimwi akwaambwa kwamajwi mabotu kulakonzya kukwabilila basikusekelela.” Bbuku litegwa The Lore of Birthdays lyaamba kuti kaindi, kuzyiba buzuba bwakuzyalwa “cakali kugwasya kuzyiba buumi bwamuntu mbobuyooba kumbele” kweelana “alwiiyo lwanyenyeezi lujatikizya kuzyiba zyakumbele.” Bbuku eeli alimwi lyaamba kuti “nkendulu zibelesyegwa aabuzuba bwakuzyalwa zilijisi nguzu zilibedelede zyamasalamuzi zyakulongezya muntu.”\\nMukwiimpana, Bbaibbele lilakasya kubelesya masalamuzi, kusonda, kukomba mizimo naa “cintu cili boobu.” (Deuteronomo 18:14; Bagalatiya 5:​19-​21) Alimwi buya kaambo kamwi ikakapa kuti Leza atabotelwi amunzi wa Babuloni wansiku nkakuti bana Babuloni bakali kupandulula ibweende bwanyenyeezi, yalo iili nenzila imwi yakusonda. (Isaya 47:11-​15) Takuli kuti Bakamboni ba Jehova lyoonse inga balanga-langa zilengwa zyabantu zyoonse; nokuba boobo, ciindi Magwalo natupa busolozi busalala, tulaabikkila maano.\\nBanakristo bakusaanguna tiibakali kusekelela mazuba aakuzyalwa. Bbuku litegwa The World Book Encyclopedia, lyaamba kuti “kusekelela kwabuzuba bwakuzyalwa bakali kukubona kuti ncilengwa cabantu batakombi Leza.” Bbaibbele litondezya kuti baapostolo alimwi abamwi buyo ibakayiisyigwa cacigaminina a Jesu, batupa cikozyanyo ncobeelede kutobela Banakristo boonse.​—2 Batesalonika 3:6.\\nBanakristo balaililwa buyo ikwiibaluka lufwu lwa Jesu ikutali buzuba bwakuzyalwa. (Luka 22:17-​20) Eeci taceelede kutugambya nkaambo Bbaibbele lyaamba kuti “buzuba bwakufwa mbubotu kwiinda buzuba bwakuzyalwa.” (Mukambausi 7:1) Kuzoosika kumamanino aabuumi bwakwe anyika, Jesu wakapanga zina libotu kuli Leza, eeci cakapa kuti buzuba mbwaakafwa bube buzuba buyandika kapati kwiinda boobo mbwaakazyalwa.​—Bahebrayo 1:4.\\nBbaibbele kunyina nolyaamba kuti kuli mubelesi wa Leza wakasekelela buzuba bwakuzyalwa. Takuli kuti makani aaya akalubwa buya kubikkwa mu Bbaibbele nkaambo lilaamba kujatikizya bantu bobilo batakali kukomba Leza ibakasekelela mazuba aabo aakuzyalwa. Nokuba boobo, izyakacitika amapobwe aabantu bobilo aaba tazikkomanisyi pe.​—Matalikilo 40:20-​22; Marko 6:​21-​29.\\nSena bana ba Bakamboni balimvwa kuti kuli ncobaindwa akaambo kakutasekelela mazuba aakuzyalwa?\\nMbubwenya mbobacita bazyali babotu boonse, Bakamboni abalo balatondezya mbobabayanda bana babo mwaka woonse, kubikkilizya akubapa zipego alimwi akuba aciindi cakulikondelezya ambabo. Balasola kutobela cikozyanyo ciinda kubota ca Leza walo uupa zintu zibotu kubana bakwe lyoonse. (Matayo 7:​11) Bana ba Bakamboni tabalimvwi kuti kuli ncobaindwa, kweelana atwaambo tutobela mbotutondezya:\\n“Cilakkomanisya kapati kutambula cipego aciindi ncowatali kucilangila.”​—Tammy, uujisi myaka iili 12.\\n“Nokuba kuti tandipegwi zipego mubuzuba mbondakazyalwa, bazyali bangu balanduulila zipego aziindi zimwi. Eeci cilandikkomanisya nkaambo inga tiindali kuzilangila zintu nzyobandipa.”​—Gregory, uujisi myaka iili 11.\\n“Sena uyeeya kuti kusekelela buyo maminiti aali kkumi kumwi kamujisi tukkekke alimwi alwiimbo lomwe nkokupobola? Ukaboole kwesu ukabone pobwe yancobeni mboicitwa!”​—Eric, uujisi myaka iili 6.\\nIno Bakamboni ba Jehova Basyoma Nzi?","num_words":639,"character_repetition_ratio":0.06,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"11 Lino aciindi cimwi wakali kupaila kubusena bumwi mpoonya naakamanizya, umwi wabasikwiiya bakwe wakamwaambila kuti: “Mwami, kotuyiisya mbotweelede kupaila mbubonya Johane awalo mbwaakayiisya basikwiiya bakwe.” 2 Mpoonya wakabaambila kuti: “Nomupaila, amwaambe kuti: ‘Taata, alisalazyigwe zyina lyako. Abuboole Bwami bwako. 3 Kotupa cakulya cesu cabuzuba bwasunu kweelana acakulya ciyandika buzuba buno. 4 Alimwi kotulekelela zibi zyesu, nkaambo andiswe tulabalekelela boonse bajisi milandu kulindiswe, alimwi utatunjizyi mumusunko.’” 5 Alimwi wakabaambila kuti: “Atwaambe kuti umwi akati kanu kajisi mweenzinyina eelyo akati kamasiku waunka kulinguwe akumwaambila kuti, ‘Musa, kondigwasya* zinkwa zyotatwe 6 nkaambo lino aawa ndaswaigwa mweenzuma uuli mulweendo, pele ndinyina cakumupa.’ 7 Pele ooyo kali muŋanda wamwiingula kuti: ‘Koleka kundikatazya. Mulyango wajalwa kale, alimwi bana bangu basyoonto boona kale tulede limwi abulo; tandikonzyi kubuka akukupa cintu cili coonse.’ 8 Ndimwaambila kuti: Masimpe ulabuka natayandi akumupa zyoonse nzyayanda ikutali akaambo kakuti mweenzinyina, pele akaambo kakuti wazumanana kumukombelezya. 9 Aboobo ndimwaambila kuti: Amuzumanane kulomba, eelyo muyoopegwa nzyomulomba; amuzumanane kuyandaula, eelyo muyoojana; amuzumanane kukonkomona, eelyo muyoojalwidwa. 10 Nkaambo muntu uuli woonse uulomba ulatambula, alimwi uuli woonse uuyandaula ulajana, alimwi imuntu uuli woonse uukonkomona uyoojalwidwa. 11 Nkaambo sena nkwali usyi akati kanu uunga ikuti mwanaakwe wamulomba nswi, ulamupa nzoka muciindi canswi? 12 Naa ikuti walomba ji, sena ulamupa kabanze? 13 Aboobo ikuti nywebo nokuba kuti muli babi, mulicizyi kupa zipego zibotu kubana banu, nkokuti Taata uuli kujulu uyooinda kupa muuya uusalala kuli baabo bamulomba!” 14 Aciindi cimwi wakali kutanda daimona lyakali kulesya muntu kwaambaula. Nolyakazwa daimona, muntu ooyo syaataambi wakaambaula. Eelyo makamu aabantu akagambwa. 15 Pele bamwi akati kabo bakati: “Utanda madaimona kwiinda munguzu zya Belezebule imweendelezi wamadaimona.” 16 Nokuba boobo, bamwi ikusola kumusunka bakatalika kumulomba citondezyo kuzwa kujulu. 17 Mbwaakazyi kuyeeya kwabo, wakabaambila kuti: “Bwami buli boonse bwaandeene bulanyonyooka, aŋanda yaandeene ilawa. 18 Aboobo ikuti awalo Saatani waandaana mwini, ino bwami bwakwe bulaima buti? Nkaambo kayi mwaamba kuti nditanda madaimona munguzu zya Belezebule. 19 Ikuti mebo kanditanda madaimona munguzu zya Belezebule, ino bana banu baatandya nguzu zyani? Akaambo kaceeci bayoomubeteka. 20 Pele ikuti munwe wa Leza ngonditandya madaimona, nkokuti Bwami bwa Leza ncobeni bwamusikila kamutabuyeeyeli. 21 Muntu singuzu uuli azilwanyo zikkwene nalindilila ŋanda yakwe, lubono lwakwe lunookwabilidwe kabotu. 22 Pele ikuti umwi uujisi nguzu kumwiinda wamulwana akumuzunda, ulamunyanga zilwanyo zyakwe zyoonse eezyo nzyaakali kusyoma, akwaabanya bamwi zyintu nzyaasaala kulinguwe. 23 Ooyo uutali kulubazu lwangu mulwani wangu, ayooyo uutabunganyi antoomwe andime ulamwaya. 24 “Ciindi muuya uusofweede nuuzwa mumuntu, ulainda mumasena aatakwe maanzi kuyandaula busena bwakulyookezyezya, alimwi watabujana busena waamba kuti, ‘Ndilapiluka kuŋanda yangu nkondakazwa.’ 25 Eelyo wasika ulajana ŋanda eeyo ilikukwidwe akubambwa kabotu. 26 Lino ulainka kuyooleta myuuya iimbi iili ciloba mibi kwiinda nguwo, eelyo yanjila mukati ilakkala mumonya oomo. Aboobo bukkale bwamamanino bwamuntu ooyo bulabija kapati kwiinda bwakusaanguna.” 27 Lino naakacili kwaamba majwi aaya, mukaintu umwi munkamu yabantu wakoompolola akumwaambila kuti: “Ulikkomene mutumbu wakakuyumwide mwida lyakwe akukunyonsya!” 28 Pele Jesu wakati: “Peepe, ibakkomene mbaabo baswiilila jwi lya Leza akulicita!” 29 Lino makamu aabantu naakali kubungana antoomwe, wakatalika kwaamba kuti: “Izyalani eeli ndibi; liyanda kupegwa citondezyo. Pele kunyina citondezyo ncoliyoopegwa ccita buyo citondezyo ca Jona. 30 Nkaambo mbubonya Jona mbwaakaba citondezyo kubantu bamu Nineve, awalo Mwana wamuntu uyooba citondezyo kuzyalani eeli. 31 Mwami mukaintu wakumusanza uyoobusyigwa mu Buzuba bwa Lubeta antoomwe abantu bamuzyalani eeli, eelyo uyoobapa mulandu, nkaambo walo wakaboola kuzwa kumagolelo aanyika kutegwa amvwe busongo bwa Solomoni. Pele amubone! Imupati kwiinda Solomoni mpali aano. 32 Bantu bamu Nineve bayoobusyigwa mu Buzuba bwa Lubeta antoomwe azyalani eeli, eelyo bayoolipa mulandu, nkaambo bakeempwa kumajwi ngaakakambauka Jona. Pele amubone! Imupati kwiinda Jona mpali aano. 33 Amana kuyasya lambe, muntu talisisi naa kulivwunika cisuwo, pele ulalibikka acibikkilo calambe kutegwa aabo banjila bamunikilwe. 34 Liso ndelambe lyamubili. Ikuti liso lyako kalilangide buyo acintu comwe,* mubili wako woonse ulaba mumumuni awalo, pele ikuti liso lyako kalilangide acintu cibi, mubili wako woonse ulaba mumudima awalo. 35 Aboobo, cenjela kutegwa mumuni uuli mulinduwe utabi mudima. 36 Eelyo ikuti mubili wako woonse kaumweka, kuunyina cibeela cili coonse camudima, mubili ooyo woonse unoomweka mbubonya mbuli lambe likumunikila.” 37 Naakamana kwaamba majwi aaya, mu Falisi umwi wakamulomba kuti akalye anguwe. Aboobo wakanjila akukkala kuti balye. 38 Pele mu Falisi ooyo wakagambwa kubona kuti wakaile kulya katasambide kumaanza.* 39 Pele Mwami wakamwaambila kuti: “Lino nywebo noba Falisi, musanzya buyo kunze aankomeki amutiba pele mumyoyo yanu muzwide buyo bulyato abubi. 40 Nywebo nobafwubafwuba! Sena ooyo wakapanga anze tali ngonguwe wakapanga amukati? 41 Nokuba boobo, amupe zyintu zili mumyoyo yanu kazili zipego zyaluse,* eelyo zyintu zyanu zimwi zyoonse ziyoosalala. 42 Pele maawe kulindinywe noba Falisi, nkaambo mulapa cakkumi cazisyu zyaluyuni azisyu zimwi zyoonse, pele tamubikkili maano kubululami aluyando lwa Leza! Eezyi zyintu mwakaleelede kuzicita, pele eezyo zyintu zimwi tiimwakeelede kuzisotoka azyalo. 43 Maawe kulindinywe noba Falisi, nkaambo muyanda zyuuno zyakumbele muzikombelo akwaanzyigwa mumisika! 44 Maawe kulindinywe, nkaambo muli mbuli zyuumbwe eezyo zitalibonyi cakuti bantu baleenda aalinzizyo pele kabatazyi!” 45 Mukwiingula, umwi wabaabo bazyi Mulawo wakamwaambila kuti: “Mwiiyi, mukwaamba boobo watutukila andiswe.” 46 Mpoonya wakati: “Maawe akulindinywe nomuzyi Mulawo nkaambo mutukka bantu mikuli iiminya kunyamuna, pele nywebo nobeni tamusoli kwiiguma mikuli eeyo nokuba akanwe buyo! 47 “Maawe kulindinywe nkaambo muyaka zyuumbwe zyabasinsimi, kakuli bamauso mbabakabajaya! 48 Ncobeni muliizyi micito yabamauso alimwi mulaizuminizya, nkaambo balo bakajaya basinsimi pele nywebo muyaka zyuumbwe zyabo. 49 Akaambo kaceeci busongo bwa Leza abwalo bwakati: ‘Ndiyoobatumina basinsimi abatumwa, eelyo bamwi bayoobajaya akubapenzya, 50 aboobo mulandu wakutila bulowa bwabasinsimi boonse bakajaigwa kuzwa kumalengelo aanyika* uyoopegwa zyalani eeli, 51 kuzwa kubulowa bwa Abelo kusikila kubulowa bwa Zakaliya, iwakajaigwa akati kacipaililo atempele.’ Inzya, ndimwaambila kuti: Mulandu ooyu uyoopegwa zyalani eeli. 52 “Maawe kulindinywe nomuzyi Mulawo, nkaambo mwakanyanga bantu kkii waluzyibo; nywebo nobeni tiimwakanjila alimwi aabo bakali kunjila mwakali kubasinkila!” 53 Lino naakazwa ooko, balembi aba Falisi bakatalika kumubumba canguzu akumubuzya mibuzyo aimbi minji, 54 kabamuteyede kutegwa aamba majwi amwi bamupe mulandu.\\n^ Mu Chigiliki, “Ndikweletesye.”\\n^ Amubone bupanduluzi buyungizyidwe kuli Mt 6:22, 23.\\n^ Ooku nkusamba kweendelana acilengwa caba Falisi. Amubone Mk 7:3.\\n^ Amubone bupanduluzi buyungizyidwe kuli Mt 6:2.","num_words":910,"character_repetition_ratio":0.047,"word_repetition_ratio":0.0,"special_characters_ratio":0.174,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Marko 10 | Bbaibbele lili a Intaneti | Bbaibbele lya Busanduluzi Bwanyika Mpya\\nCikwati akulekana (1-12)\\nJesu waleleka bana (13-16)\\nMubuzyo wamulombwana muvwubi (17-25)\\nKuliimya akaambo ka Bwami (26-31)\\nLufwu lwa Jesu lwasinsimwa alimwi (32-34)\\nKulomba kwa Jakobo a Johane (35-45)\\nJesu ncinunuzyo cabanji (45)\\nBartimeyu moofwu waponesyegwa (46-52)\\n10 Kuzwa kooko wakanyamuka akuboola kuminyinza ya* Judaya mutala lya Jordano, alimwi makamu aabantu akamubunganina. Eelyo mbuli cilengwa, wakatalika alimwi kubayiisya.+ 2 Lino ba Farisi bakaboola kabajisi makanze aakumusunka, aboobo bakamubuzya naa mwaalumi ulizumizyidwe kuleka mukaintu wakwe.+ 3 Wakabaingula kuti: “Ino Musa wakamulailila buti?” 4 Bakati: “Musa wakazumizya kulemba lugwalo lwakumutanda akumuleka mukaintu.”+ 5 Pele Jesu wakabaambila kuti: “Akaambo kakuyuma kwamyoyo yanu+ ncaakamulembela mulawo ooyu.+ 6 Nokuba boobo, ikuzwa kumatalikilo ‘Leza wakalenga mwaalumi amukaintu.+ 7 Akaambo kaceeci mwaalumi uyoosiya bausyi abanyina,+ 8 eelyo aaba bobilo bayooba mubili* omwe,’+ nkokuti tabacili bobilo, pele baba mubili omwe. 9 Aboobo aabo Leza mbaaswaanganya kutabi muntu uubaandaanya.”+ 10 Alimwi nobakali muŋanda, basikwiiya bakatalika kumubuzya makani aaya. 11 Wakabaambila kuti: “Kufwumbwa uuleka mukaintu wakwe akukwata umbi wacita bumambe+ alimwi wabisizya mukaintu wakwe mutaanzi, 12 alimwi ikuti mukaintu wazwa kumulumaakwe* akukwatwa kuluumbi, wacita bumambe.”+ 13 Lino bantu bakatalika kumuletela bana basyoonto kuti abikke maanza aakwe alimbabo, pele basikwiiya bakabakalalila.+ 14 Jesu naakabona boobo wakakalala akubaambila kuti: “Amubaleke bana baboole kulindime; mutabakasyi pe, nkaambo Bwami bwa Leza mbwabaabo bali mbuli baaba.+ 15 Ncobeni ndimwaambila kuti, kufwumbwa uutatambuli Bwami bwa Leza mbuli mwana musyoonto, takanjili pe mulimbubo.”+ 16 Eelyo wakababweza bana akubafwukatila alimwi wakatalika kubaleleka kwiinda mukubikka maanza alimbabo.+ 17 Lino naakali kuyaabweenda, muntu umwi wakamubalikila akumufwugamina akumubuzya kuti: “Omwiiyi mubotu, ino ncinzi ncondeelede kucita kutegwa ndikajane buumi butamani?”+ 18 Jesu wakamubuzya kuti: “Nkaambo nzi ncondaamba kuti omubotu? Taakwe mubotu ccita buyo Leza alikke.+ 19 Tee uliizyi milawo yakuti: ‘Utajayi,+ utaciti bumambe,+ utabbi,+ utapi bumboni bwakubeja,+ utaunini,+ lemeka bauso abanyoko.’”+ 20 Imwaalumi ooyo wakati kulinguwe: “Omwiiyi, eezyi zyoonse ndali kuzitobela kuzwa kubwana.” 21 Jesu wakamulanga akumuyanda, eelyo wakamwaambila kuti, “Kuli cintu comwe ncobulizyide: Koya ukasambale zintu nzyojisi akupa bacete, aboobo uyooba alubono kujulu; wamana uboole ube sikunditobela.”+ 22 Pele mwaalumi ooyu naakamvwa bwiinguzi oobu wakausa akuunka katyompedwe, nkaambo wakajisi lubono lunji.+ 23 Lino naakamana kubalanga bantu, Jesu wakaambila basikwiiya bakwe kuti: “Eelo kaka ciyooba cintu ciyumu kubantu bajisi mali kunjila mu Bwami bwa Leza!”+ 24 Pele basikwiiya bakagambwa akaambo kamajwi ngaakaamba. Mpoonya Jesu wakabaambila kuti: “Nobana, eelo kaka nciyumu kunjila mu Bwami bwa Leza! 25 Ncuuba-uba kunkamela ikwiinda mukapulo kanyeleti kwiinda mbocibede kumuntu muvwubi kunjila mu Bwami bwa Leza.”+ 26 Pele alimwi bakagambwa kapati akumubuzya kuti: “Ino nguni mubwini uukonzya kufwutuka?”+ 27 Jesu wakabalangisya kumane wakati: “Kubantu tacikonzyeki pe, pele ikutali kuli Leza, nkaambo zintu zyoonse zilakonzyeka kuli Leza.”+ 28 Petro wakatalika kumwaambila kuti: “Bona! Twasiya zintu zyoonse akutobela nduwe.”+ 29 Jesu wakati: “Ncobeni ndimwaambila kuti, kunyina wakasiya ŋanda naa banabokwabo naa bacizyi bakwe naa banyina naa bausyi naa bana bakwe naa myuunda akaambo kandime alimwi akaambo kamakani mabotu+ 30 uutakajani zintu ziyungizyidwe ziindi zili 100 muciindi cino—nkokuti maanda, banabokwabo, bacizyi, bamamama, bana alimwi amyuunda antoomwe akupenzyegwa+—eelyo mubweende bwazintu buboola,* ibuumi butamani. 31 Pele banji bakusaanguna bayooba bakumamanino, abaabo bakumamanino bayooba bakusaanguna.”+ 32 Lino bakali munzila kabaunka ku Jerusalemu, Jesu nguwakali kusolola alimwi bakagambwa, pele aabo ibakali kumuccilila bakayoowa. Alimwi wakatola bali Kkumi Ababili kumbali akutalika kubaambila zintu eezyi izyakali afwaafwi kumucitikila, ulaamba:+ 33 “Amubone! Tuunka ku Jerusalemu, eelyo Mwanaamuntu uyakwaabwa kuli basilutwe babapaizi abalembi. Bayoomupa mulandu wakuti ajaigwe akumwaaba kubantu bamasi, 34 alimwi aaba bayoomufwubaazya akumuswida mate, bayoomukwibbaula akumujaya, pele kwaakwiinda mazuba otatwe uyoobuka.”+ 35 Lino Jakobo a Johane, ibana basankwa ba Zebedayo,+ bakaboola kulinguwe akumwaambila kuti: “Mwiiyi, tuyanda kuti utucitile kufwumbwa ncotutiikulombe.”+ 36 Wakababuzya kuti: “Ncinzi ncomuyanda kuti ndimucitile?” 37 Bakaamba kuti: “Tulomba kuti waakulemekwa tukakkale umwi kujanza lyako lyalulyo, uumbi kujanza lyako lyalumwensyi.”+ 38 Pele Jesu wakabaambila kuti: “Tamucizyi ncomulomba. Sena mulakonzya kunywa nkapu njondinywa naa kubbapatizyigwa alubbapatizyo ndondibbapatizyigwa mebo?”+ 39 Bakati kulinguwe: “Tulakonzya.” Mpoonya Jesu wakabaambila kuti: “Nkapu njondinywa, muyakwiinywa, alubbapatizyo ndondibbapatizyigwa, muyoobbapatizyigwa.+ 40 Pele kujatikizya makani aakukkala kujanza lyangu lyalulyo naa kujanza lyangu lyalumwensyi tandili ndime ndisala pe, pele masena aaya ngabaabo bakabambilwa ngawo.” 41 Lino aaba bambi bali kkumi nobakaamvwa makani aaya, bakabanyemena ba Jakobo a Johane.+ 42 Pele Jesu wakabaita akubaambila kuti: “Mulizyi kuti aabo babonwa* kuti mbaleli bamasi balabadyaaminina bantu, alimwi bapati akati kabo balabeendelezya calunya.+ 43 Oobu tabusyi mboceelede kuba akati kanu pe; pele kufwumbwa uuyanda kuba mupati akati kanu weelede kuba mubelesi wanu,+ 44 alimwi kufwumbwa uuyanda kuba wakusaanguna akati kanu weelede kuba muzike waboonse. 45 Nkaambo naba Mwanaamuntu wakaboola, ikutali kuzoobelekelwa, pele kuzoobeleka+ akupa buumi bwakwe kuti bube cinunuzyo cakununuzya banji.”+ 46 Mpoonya bakasika ku Jeriko. Pele ciindi walo abasikwiiya bakwe abantu bali mbobabede nobakali kuzwa mu Jeriko, Bartimeyu (imwana wa Timeyu) moofwu sikulombelela wakalikkede mumbali aanzila.+ 47 Naakamvwa kuti ngu Jesu waku Nazareta, wakatalika koongolola akwaamba kuti: “Jesu, O Mwana wa Davida,+ kondifwida luse!”+ 48 Mpoonya bantu banji bakatalika kumukalalila akumwaambila kuti aumune, pele walo wakazumanana koongololesya kati: “Akaka O Mwana wa Davida, kondifwida luse!” 49 Aboobo Jesu wakaima akwaamba kuti: “Kamundiitila nguwe.” Aboobo bakamwiita moofwu ooyu kabamwaambila kuti: “Kkazika moyo! Nyamuka; ulakwiita.” 50 Mpoonya wakacisowa cisani cakwe caatala, wasotoka akuunka kuli Jesu. 51 Mpoonya Jesu wakamubuzya kuti: “Ncinzi ncoyanda kuti ndikucitile?” Moofwu wakamwaambila kuti: “Rabboni,* ndilomba kuti nditalike kubona.” 52 Eelyo Jesu wakamwaambila kuti: “Koya. Lusyomo lwako lwakuponya.”+ Mpoonya aawo wakatalika kubona+ alimwi wakatalika kumutobela munzila.\\n^ Naa “nyama.”\\n^ Naa “waleka mulumaakwe.”\\n^ Naa “aabo bazyibidwe.”\\n^ Nkokwaamba kuti “Mwiiyi.”","num_words":827,"character_repetition_ratio":0.061,"word_repetition_ratio":0.0,"special_characters_ratio":0.193,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nkambawuko Yakuchilundu | Zyiiyo Zyabana Zizwa muBbayibbele\\nNaakamaninsya kusala baapostolo, Jesu wakaya kubusena kwakabungene bantu biingi. Bakali kuzwa kuGalilaya, kuJudaya, kuTire, kuSidoni, kuSiriya akumasena amwi akali afwiifwi akuJordani. Bakeeta bantu bakali kuchiswa abakali kupenzegwa amadimoni. Jesu wakabaponia boonse. Mpawo wakakkala munsi achilundu akutalisya kubayiisya. Wakapandulula nzitweelede kuchita kuti tube beenzinyina baLeza. Alubo, wakayiisya kuti tweelede kwiiya atala aJehova akumuyanda. Tazichiti pe kuti tuyande Leza kuti katutabayandi bamwi. Tweelede kuba abuuya alimwi tubajate kabotu bantu boonse nikuba basinkondoma.\\nJesu wakati: ‘Tamweelede kuyanda beenzinyoko luzutu. Pesi mweelede kuyanda basinkondonyoko alimwi mulekelelane chamoyo woonse. Ikuti mwabisizya umwi muntu, amukumbile lulekelelo chakufwambaana. Mbubonya mbomuyanda kuti bantu bamuchitile, anywebo amubachitile mbubonya.’\\nJesu wakachenjezya bantu atala akuyandisya bunoti. Wakati: ‘Kuba mweenzinyina waJehova kulayandikana kwiinda kuba amali nyingi. Nkaambo muntu ulakonzya kukubbida mali, pesi taakwe uukonzya kukubbida bweenzinyoko mbuli abo aJehova. Mutakataazikani akuti muyoolyaanzi, muyoonywaanzi naa kuti muyoozwaataanzi. Amulange bayuni. Leza ulabasanina. Kulikataazya takupi kuti mupone chiindi chilamfu. Amuzibe kuti Jehova ulizizi nzimuyanda.’\\nBantu taakwe nibakamvwide muntu wakali kwaambuula mbuli Jesu. Bapati bazikombelo zyabo teebakabayiisya zintu zili boobu pe. Nkamboonzi Jesu naakali muyiisi mupati? Nkaambo wakali kuyiisya zintu zyakali kuzwa kuli Jehova.\\n“Amulikulike ijokwe lyangu, mwiiye kwangu, nkaambo ndilibombede, ndi mutete moyo, mulakatalukwa mumyoyo yanu.”—Matayo 11:29\\nMibuzyo: Tweelede kuchitaanzi kuti tube beenzinyina baJehova? Jehova uyanda kuti ubajate biyeni bamwi?","num_words":205,"character_repetition_ratio":0.048,"word_repetition_ratio":0.0,"special_characters_ratio":0.149,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Bbaibbele Inga Lyandigwasya Buti?—Kulimvwisya Kabotu Bbaibbele | Bakubusi Balabuzya\\nAMUBALE MU Afrikaans Albanian Amharic Arabic Armenian Azerbaijani Bicol Bislama Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Croatian Czech Danish Dutch English Estonian Faroese Fijian Finnish French Georgian German Greek Gun Haitian Creole Hausa Hebrew Hiligaynon Hmong (White) Hungarian Iban Icelandic Iloko Indonesian Isoko Italian Japanese Kazakh Kinyarwanda Kirghiz Kirundi Korean Lingala Lithuanian Macedonian Malay Malayalam Maltese Mam Mambwe-Lungu Mongolian Moore Myanmar Ndebele (Zimbabwe) Nepali Norwegian Nzema Pangasinan Persian Polish Portuguese Portuguese (Portugal) Romanian Russian Sango Serbian (Cyrillic) Serbian (Roman) Setswana Seychelles Creole Shona Sinhala Slovak Slovenian Spanish Swahili Swedish Tagalog Tatar Telugu Thai Turkish Twi Ukrainian Urhobo Uzbek Vietnamese Xhosa Yoruba Zulu\\n“Ndilasola kulibala Bbaibbele, pele ndilatyompwa akaambo kakukomena kwandilyo!”​—Briana, 15.\\nSena andinywe mbomulimvwa? Cibalo eeci cilakonzya kumugwasya!\\nIno nkaambo nzi ncomweelede kubala Bbaibbele?\\nIno ndeelede kulibala buti Bbaibbele?\\nSena kubala Bbaibbele takumukkomanisyi? Kuti kacili boobo, tacigambyi pe. Mulakonzya kwaamba kuti Bbaibbele ndibbuku lijisi mapeeji ainda ku 1,000, talijisi zifwanikiso alimwi talinoneezyi mbuli TV amavidiyo.\\nPele amuciyeeyele boobu: Ikuti mwajana ciyobwedo calubono cansiku, sena inga tiimwayanda kuzyiba izili mukati?\\nBbaibbele lili buyo mbuli ciyobwedo calubono eeco. Lijisi mbono zinji zyabusongo izikonzya kumugwasya\\nKumvwana abazyali banu\\nKujana balongwe bali kabotu\\nKuliyumya kuti mwatyompwa\\nIno mbuti bbuku lyakaindi boobo mbolikonzya kugwasya mazuba aano? Nkaambo kakuti “Magwalo oonse akasololelwa a Leza.” (2 Timoteyo 3:​16) Eeci caamba kuti lulayo luli mu Bbaibbele luzwa kuli yooyo uujisi lulayo lwiinda kubota.\\nBbaibbele nciyobwedo calubono cijisi busongo butakonzyi kuulwa amali\\nNzila imwi nkwiinda mukulibala kuzwa kumatalikilo kusikila kumamanino. Kucita boobo kulakonzya kumugwasya kuzyiba mulumbe uuli mu Bbaibbele. Kuli nzila zinji zyakubala Bbaibbele. Amubone zikozyanyo zyobilo:\\nMulakonzya kubala mabbuku aali mu Bbaibbele aali 66 kweelana aambwaatobelana, kuzwa ku Matalikilo kusikila ku Ciyubunuzyo.\\nMulakonzya kubala Bbaibbele kweelana ambozyakali kutobelana kucitika zintu.\\nNcomweelede kuyeeya: Makani aayungizyidwe A7 mu Bbaibbele lya Busanduluzi Bwanyika Mpya alapa mulongo wambozyakali kutobelana kucitika zintu mubuumi bwa Jesu.\\nNzila yabili yakubala Bbaibbele njakusala cibalo iceendelana abuyumuyumu mbomwajana. Mucikozyanyo:\\nSena inga tiimwayanda kujana balongwe basyomeka? Amubale cibalo caamba Jonatani a Davida. (1 Samuele, caandaano 18-​20) Mpoonya amubelesye pepa lyakulembela lyakuti “Mbomukonzya Kujana Balongwe Basyomeka” kutegwa mwiiye ziiyo zigwasya kuzwa kucibalo.\\nSena inga tiimwayanda kuyumya makanze aanu aakuzunda masunko? Amubale cibalo caamba Josefa mbwaakazunda masunko. (Matalikilo, caandaano 39) Mpoonya amubelesye pepa lyakulembela lyakuti “Mbomukonzya Kulwana Sunko . . . Josefa​—Cibeela 1” alimwi alyakuti “Wabejelezyegwa! Josefa​—Cibeela 2” kutegwa mwiiye ziiyo zigwasya kuzibalo eezyi.\\nSena inga tiimwayanda kwiiya mboukonzya kumugwasya mupailo? Amubale cakacitika kuli Nehemiya. (Nehemiya, caandaano 2) Mpoonya amubelesye pepa lyakulembela lyakuti “Leza Wakawiingula Mupailo Wakwe” kutegwa mwiiya ziiyo zigwasya kucibalo eeci.\\nNcomweelede kuyeeya: Ciindi nomubala Bbaibbele, amube masimpe kuti kunyina zisabila mpomubede kutegwa mubikkile maano.\\nNzila yatatu yakubala Bbaibbele nkusala cibalo naa ntembauzyo, amucibale mpoonya amubone mbocikonzya kumugwasya. Mwamana kubala amulibuzye mibuzyo mbuli bwayeeyi:\\nNkaambo nzi Jehova ncaakabikkilizya makani aaya mu Bbaibbele?\\nIno ayubununa nzi kujatikizya bube bwa Jehova naa nzila mbwacita zintu?\\nIno mbuti mbondikonzya kwaabelesya makani aaya mubuumi bwangu?\\nMuzeezo: Amulibikkile mbaakani! Amulembe deeti nomuyanda kuyootalika kubala Bbaibbele.\\n“Ndilasala mabbuku aamu Bbaibbele aandikkomanisya. Eeci cilandigwasya kuzumanana kubala Bbaibbele abuzuba. Mucikozyanyo, ndilaliyanda bbuku lya Tusimpi. Imbono zyabusongo izijanika mubbuku eeli zilandikulwaizya kapati.”​—Chloe.\\n“Ndilasoleka kubala cibalo comwe naa zyobilo muntembauzyo kanditanaunka kukoona. Balembi babbuku lyamu Bbaibbele lya Intembauzyo bakali kulimvwa mbubwenya mbulindiswe. Cilayandika ikuyeeya cintu cimwi cigwasya kotanaunka kukoona alimwi kubala bbuku lyantembauzyo kwayumya lusyomo lwangu muli Jehova mbwali Leza siluumbulizyo lwini-lwini.”​—Stefan.\\nBakubusi Balabuzya Bakubusi\\nBWIINGUZI KUMIBUZYO IILI 10 NJOBABUZYA BAKUBUSI\\nIno Bbaibbele Inga Lyandigwasya Buti?\\nBantu banji baamba kuti Bbaibbele lizwide twaano twalo-twalo, akuti ndyakaindi, naa kuti lilakatazya kapati kulimvwisya. Aaya taali masimpe.\\nNkaambo Nzi Ncomweelede Kwiiya Bbaibbele?\\nBbaibbele lilapa bwiinguzi kumibuzyo iibakatazya kapati bantu banji mubuumi. Sena inga mwayanda kuba akati kabo?\\nMulongo Wakubala Bbaibbele","num_words":562,"character_repetition_ratio":0.068,"word_repetition_ratio":0.0,"special_characters_ratio":0.152,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Milimo 3 | Bbaibbele lili a Intaneti | Bbaibbele lya Busanduluzi Bwanyika Mpya\\nPetro waponya mulema sikulombelela (1-10)\\nMakani aa Petro ku Kkoce lya Solomoni (11-26)\\n“Kubukulusya zintu zyoonse” (21)\\nMusinsimi uuli mbuli Musa (22)\\n3 Lino Petro a Johane bakali kutanta kunjila mutempele kuciindi cakukomba, awoola lyafwuka,* 2 awalo mwaalumi umwi iwakalemene kuzwa naakazyalwa wakalinyamudwe. Abuzuba bakali kumubikka munsi aamulyango watempele iwakali kwiitwa kuti Mulyango Weebeka, ikutegwa kalomba zipego zyaluse* kuli baabo bakali kunjila mutempele. 3 Mbwaakababonena buyo ba Petro a Johane kabayanda kunjila mutempele, wakatalika kubalomba kuti bamupe zipego zyaluse. 4 Pele Petro a Johane bakamulangisisya eelyo bakati: “Kotulanga.” 5 Aboobo wakabalangisisya, kalangila kuti balamupa cintu cimwi. 6 Pele Petro wakati: “Nsiliva angolida tandijisi pe, pele ndilakupa ncendijisi; Muzina lya Jesu Kristo muna Nazareta, ndati nyamuka, weende!”+ 7 Aambe buyo boobo wakamujata kujanza lyalulyo akumwiimika.+ Ndilyonya maulu aakwe ango zyakwe zyakayumizyigwa;+ 8 eelyo naakasotoka akwiima,+ wakatalika kweenda eelyo wakanjila ambabo mutempele, keenda akusotauka alimwi akutembaula Leza. 9 Alimwi bantu boonse bakamubona keenda akutembaula Leza. 10 Kunze lyaboobo, bakamuzyiba kuti ngomuntu uulya iwakali kukkala kalombelela zipego zyaluse ku Mulyango Weebeka watempele,+ eelyo bakagambwa akukkomana kapati akaambo kaceeco cakamucitikila. 11 Imuntu ooyo kacibajatilide ba Petro a Johane, bantu boonse caantoomwe bakabalikila kulimbabo kubusena bwakali kwiitwa kuti Kkoce lya Solomoni,+ kabagambidwe citaambiki. 12 Petro naakabona boobu, wakaambila bantu kuti: “Nobaalumi bamu Israyeli, nkaambo nzi ncomugambwa aceeci, alimwi nkaambo nzi ncomutulangila boobu mbuli kuti muntu ooyu twamupa kweenda munguzu zyesu tobeni naa akaambo kakubelekela Leza cakulyaaba? 13 Leza wa Abrahamu a Izaka a Jakobo,+ Leza wabamatata, wapa kuti alemekwe Mubelesi wakwe+ Jesu,+ ooyo nywebo ngomwakaaba+ akukaka kumbele lya Pilato, nokuba kuti walo wakali kuyanda kumwaangununa. 14 Inzya, mwakamukaka ooyo uusalala alimwi uululeme, alimwi mwakalomba kuti mwaangunwidwe uumbi, imuntu wakali mujayi,+ 15 kakuli mwakamujaya Musololi Mupati wabuumi.+ Pele Leza wakamubusya kuzwa kubafwu, aaka nkakaambo nkotucitila bumboni.+ 16 Lino muzina lyakwe, alimwi akwiinda mulusyomo ndotujisi muzina lyakwe, imuntu ooyu ngomubona alimwi ngomuzyi wayumizyigwa. Lusyomo ndotujisi mulinguwe lwapa kuti muntu ooyu apone cakumaninina kumbele lyanu nyoonse. 17 Lino bakwesu, ndilizyi kuti mwakacita zintu mukutazyiba+ mbubonya beendelezi banu mbobakacita abalo.+ 18 Pele munzila eeyi Leza wazuzikizya zintu nzyaakaambila limwi kumulomo wabasinsimi boonse, kuti Kristo wakwe wakali kuyoopenga.+ 19 “Aboobo, amweempwe+ akusanduka+ kutegwa zibi zyanu zimwaigwe,+ ikutegwa ziindi zyakukatalukwa zimusikile kuzwa kuli Jehova lwakwe,* 20 akuti amutumine Kristo ngwaakamusalila, nkokuti Jesu. 21 Ooyu weelede kukkala kujulu mane do zikasike ziindi zyakubukulusya zintu zyoonse nzyaakaamba Leza kumulomo wabasinsimi bakwe basalala bakaindi. 22 Mubwini Musa wakati: ‘Jehova* Leza wanu uyoomubusizya musinsimi uuli mbuli ndime akati kabanabokwanu.+ Mweelede kuziswiilila zintu zyoonse nzyamwaambila.+ 23 Mubwini kufwumbwa muntu uutamuswiilili Musinsimi ooyo uyoonyonyoonwa cakumaninina akati kabantu.’+ 24 Alimwi basinsimi boonse, kuzwida kuli Samuele abaabo ibakamutobela, boonse ibakaamba, bakaambilizya cakusalazya kujatikizya mazuba aaya.+ 25 Nywebo muli bana babasinsimi aabo alimwi bacizuminano eeco Leza ncaakapanga abamauso,+ naakaambila Abrahamu kuti: ‘Alimwi kwiinda mulunyungu lwako mikwasyi yoonse yaanyika iyoolongezyegwa.’+ 26 Leza naakabusya Mubelesi wakwe, wakasaanguna kumutuma kulindinywe,+ kuti azoomuleleke kwiinda mukusandula umwi aumwi wanu kuzwa kumicito yanu mibi.”\\n^ Nkokuti, cakuma 3 koloko yakumazuba.\\n^ Mu Chigiriki, “kuzwa kubusyu bwa Jehova.” Amubone Makani Aayungizyidwe A5.","num_words":472,"character_repetition_ratio":0.042,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 22 IBBAIB63 - Na muntu wabba iŋombe na imbelele - Bible Search\\nKulonga 21 Kulonga 23\\nMilao yakubba amilao imwi\\n1-Na muntu wabba iŋombe na imbelele akwiijaya nanka kwiiulisya, uleelede kuliya iŋombe zyosanwe mucimanga caŋombe yomwe, ambelele zyone mucimanga cambelele yomwe. 2-Na mubbi wajanwa uladonkola, alimwi waumwa calufu, taakwe mulandu wabulowa. 3-Pele na izuba lyamupaswida mpawo, kuli mulandu wabulowa, ncobeni uleelede kuliya, Na wabula cakuliya, auzigwe nkaambo kakubba kwakwe. 4-Na cakubba cajanwa mujanza lyakwe, niiba iŋombe niiba imbongolo niiba imbelele, uleelede kuliya zyobile.\\n5Na muntu walisya muunda na masaansa, nanka kuyandilila kwaŋombe zyakwe zyalida mumuunda wamweenzinyina, uleelede kuliya bubotu bwamuunda wakwe na bwamasaansa aakwe.\\n6Na mulilo wabuka akutenta lubaya lwamamvwa, aboobo kulatentwa milwi yamaila na maila aaciimvwi na muunda, ncobeni oyo muntu iwatenta mulilo uleelede kuliya.\\n7Na muntu wabika mali na imbono mumaanza amweenzinyina kuti azibambe, alimwi zyabbigwa kuŋanda yasikuzibamba, na mubbi wajanwa ncobeni uleelede kuliya kobile. 8Pele na mubbi tajanwi, mwiniŋanda aswene kuli-Leza, kuti kuzibwe na engwe wakabika ijanza lyakwe kumbono zyamweenzinyina. 9-Alimwi mumilandu yoonse yazintu ziswekede, naba musune niiba imbongolo niiba imbelele neziba zyakusama niciba cintu cimwi cili buti muntu ncaamba kuti, Nceeci, makani aabantu boonse bobile aletwe kuli-Leza. Lino oyo uupegwa mulandu kuli-Leza aliye mweenzinyina kobile.\\n10Na muntu wasisya imbongolo naba musune niiba imbelele naba munyama umwi kumweenzinyina kuti amubambile, alimwi oyo munyama wafwa nanka kulumwa nanka kutandwa katakwe uubona, 11-aba bantu bobile baleelede kukonkezyanya cikonke ca-Jehova, kuti kuzibwe na engwe iwakabika ijanza lyakwe kulubono lwamweenzinyina. Lino mwalimunyama alamwe. Takooliya pe. 12-Pele na ncobeni wabbigwa, uleelede kuliya mukamwini wayo. 13Na walumwa banyama bamusokwe, alete citondezyo. Takooliya cilume pe.\\n14Na muntu wakumbila cintu kumweenzinyina, lino canyonyooka nanka kufwa mulaaco natawo, ncobeni uleelede kuliya. 15Na mulaaco mpali, takooliya pe, nkaambo ncinga sikuvola, cakazida mali buyo.\\n16-Na mwaalumi woongelezya nakalindu uutana kukwatwa, weenda awe, ncobeni uleelede kubbadela lubono, abe mwanakazi wakwe. 17-Pele na wisi wakakilila kumupa, aliye mali aaelene alubono lwanakalindu.\\n18-Mutazumizyi mwanakazi muzyani kupona.\\n19-Kufumbwa muntu uulala amunyama ncobeni uleelede kufwa.\\n20-Kufumbwa uupaizizya leza umbi uutali Jehova alike, ajayigwe.\\n21-Mutapenzyi mweenzu nekuba kumubisizya, nkaambo anywebo mwakali beenzu munyika ya-Egepita. 22-Mutapenzyi mukamufu nanka mucaala naba umwi. 23-Na mwabapenzya, alimwi na bakwiilila ndime, ncobeni ndamvwa kukwiila kwabo, 24-lino bukali bwangu bulabuka, nkabela njoomujazya ipanga, elyo banakazi banu bayooba bamukabafu, abana banu bayooba bamucaala.\\n25-Na wakolotya muntu mucete naba umwi akati kabantu bangu mali, toelede kumubeda mbuli sikukolotya; utamubedi simpindu. 26-Na watola cikobela camweenzinyoko, cibe citondezyo, uleelede kucipilusya kulinguwe izuba kalitana kubbila, 27nkaambo ncencico luzutu ncalivumbya kumubili wakwe, Aone buti? Na wakwiilila ndime, njoomvwa, nkaambo ndisiluzyalo,\\n28-Utasampauli Leza nanka kutukila mweendelezi wabantu bako.\\n29-Utaneleeli kupaizya kabalwebalwe kamaila aako akawaini wako, Alimwi undipe mutaanzi akati kabana bako balombe. 30-Azyalo iŋombe zyako ambelele zyako, undicitile mbubonya obo. Mazuba aali musanu aabili mwana akale abanyina, lino mubuzuba bwamusanu aatatu mulandipa. 31-Amube bantu basalala kulindime. Nyama indume musokwe mutailyi pe; amwiisowele babwa.","num_words":447,"character_repetition_ratio":0.07,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jesu Kristo—Nguzu zya Leza | Yakwiiya\\nNgazi Yamulindizi—Yakwiiya | June 2015\\nAMUBALE MU Acholi Albanian American Sign Language Amharic Arabic Argentinean Sign Language Armenian Aymara Azerbaijani Azerbaijani (Cyrillic) Batak (Toba) Bengali Bicol Bislama Brazilian Sign Language Bulgarian Catalan Cebuano Chichewa Chilean Sign Language Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chokwe Chuvash Cibemba Cinyanja Colombian Sign Language Croatian Czech Danish Drehu Dutch Efik English Estonian Fijian Finnish French Georgian German Greek Guarani Gujarati Gun Haitian Creole Hausa Hebrew Hiligaynon Hindi Hiri Motu Hungarian Icelandic Igbo Iloko Indonesian Isoko Italian Italian Sign Language Japanese Japanese Sign Language Kannada Karen (S'gaw) Kazakh Kikamba Kikaonde Kikuyu Kiluba Kinyarwanda Kirghiz Kiribati Kirundi Kisi Kisonge Kongo Korean Krio Latvian Lhukonzo Lithuanian Luganda Lunda Luo Luvale Macedonian Malagasy Malay Malayalam Mambwe-Lungu Marathi Mauritian Creole Maya Mexican Sign Language Mongolian Moore Ndebele (Zimbabwe) Nepali Norwegian Oromo Ossetian Otetela Pangasinan Papiamento (Aruba) Papiamento (Curaçao) Persian Peruvian Sign Language Polish Portuguese Punjabi Quechua (Bolivia) Quichua (Imbabura) Romanian Runyankore Russian Russian Sign Language Samoan Sango Serbian (Cyrillic) Serbian (Roman) Seychelles Creole Shona Sidama Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tajiki Tamil Tatar Telugu Thai Tigrinya Tiv Tok Pisin Tshiluba Turkish Turkmen Turkmen (Cyrillic) Tuvaluan Tzotzil Ukrainian Urdu Uzbek Vietnamese Wallisian Waray-Waray Wayuunaiki Wolaita Yoruba Zande Zapotec (Isthmus)\\nKristo—Nguzu zya Leza\\n“Kristo ninguzu zya Leza.”—1KOR. 1:24.\\nNcinzi ncaakatondezya Jesu ciindi naakasandula maanzi kuba waini kupobwe lyabwiinga?\\nNcinzi icakakulwaizya Jesu kucita maleele aalembedwe mulugwalo lwa Matayo 14:14-21?\\nNcinzi ncaakatondezya Jesu ciindi naakaumuzya guwo pati?\\n1. Nkaambo nzi Paulo ncaakaambila kuti “Kristo ninguzu zya Leza”?\\nJEHOVA wakazitondezya nguzu zyakwe kwiinda muli Jesu Kristo munzila ziindene-indene zigambya. Mabbuku aa Makani Mabotu one alatondezya maleele amwi aayumya lusyomo ngaakacita Kristo. Kuboneka kuti wakacita maleele aambi manji. (Mt. 9:35; Lk. 9:11) Inzya, nguzu zya Leza zyakalibonya kwiinda muli Jesu. Nkakaambo kaako mwaapostolo Paulo ncaakaambila kuti: “Kristo ninguzu zya Leza.” (1Kor. 1:24) Pele ino maleele aa Jesu inga abujatikizya buti buumi bwesu?\\n2. Ncinzi ncotukonzya kwiiya kumaleele aa Jesu?\\n2 Mwaapostolo Petro wakaamba kuti Jesu wakali kucita maleele, naa “zintu zigambya.” (Mil. 2:22) Milimo mipati njaakacita Jesu anyika itondezya zilongezyo zibotu kapati izinooliko mubulelo bwakwe. Milimo eeyi yiiminina maleele ngayoocita Jesu munyika mpya ya Leza! Maleele aakwe alimwi alatugwasya kuzyiba bube bwakwe alimwi abwa Bausyi. Atulange-lange maleele aa Jesu aali mbwaabede alimwi akubona mbwaakonzya kubujatikizya buumi bwesu lino alimwi abuumi bwakumbele.\\nMALEELE AAYIISYA BWAABI\\n3. (a) Amupandulule bukkale mbobwakabede ibwakapa kuti Jesu acite maleele aakusaanguna. (b) Ino bwaabi bwa Jesu bwakatondezyegwa buti ku Kana?\\n3 Kupobwe lyabwiinga ku Kana mu Galilaya, Jesu wakacita maleele aakusaanguna. Kuboneka kuti mweelwe wabantu ibakajanika wakali mupati kwiinda iwakali kuyeeyelwa. Pele kufwumbwa mbocakabede, waini wakazikumana. Akati kabantu ibakajanika kwakali Mariya, banyina Jesu. Cakutadooneka, kwamyaka minji wakali kuzinzibala kuyeeya kujatikizya businsimi ibwakali kujatikizya mwanaakwe, walo ngwaakazyi kuti wakali kuyakwiitwa kuti “Mwana wa Mupatikampatila.” (Lk. 1:30-32; 2:52) Sena wakali kusyoma kuti wakalijisi nguzu izyatakaningalibonya? Kubonena kuti ku Kana, Mariya alimwi a Jesu bakeetezyegwa abaabo ibakali kukwatana alimwi bakali kuyanda kuti batasampuki. Jesu wakalizyi kuti kusamausya beenzu ncintu ciyandika kucita. Aboobo, wakasandula malita aamaanzi aali 380 kuba “waini mubotu.” (Amubale Johane 2:3, 6-11.) Sena wakali mukuli wakwe Jesu kucita maleele aaya? Peepe. Wakali kubalanganya bantu alimwi wakali kwiiya Bausyi bakujulu mukutondezya bwaabi.\\n4, 5. (a) Ino maleele a Jesu aakusaanguna atuyiisya nzi? (b) Ino maleele aaku Kana atuyiisya nzi kujatikizya ziyoocitika kumbele?\\n4 Jesu wakapanga waini mubotu camaleele ngobakali kukonzya kukkwana bantu ibakajanika. Sena mwacibona ncotwiiya kumaleele aaya? Kuzyiba kuti cakulyaaba Jesu wakali kukonzya kucita cintu cibotu mbuli ceeci cisinizya kuti walo a Bausyi balabikkila maano kapati mbobalimvwa bantu. Boonse bobilo tabali baunyu. Lino amuyeeye buyo Jehova mbwayoobelesya nguzu zyakwe cabwaabi munyika mpya kusanina “bantu boonse” nyika yoonse mbwiizulwa azyakulya zibotu kapati.—Amubale Isaya 25:6.\\n5 Amuciyeeyele buyo eeci! Ciindi ciyoosika bantu boonse nobayookkutila azintu nzyobayanda alimwi anzyobalombozya, mbuli kuba acakulya cibotu alimwi amaanda mabotu. Atubukkomanine kapati bulangizi bwakuyoopegwa zintu zibotu a Jehova cabwaabi mu Paradaiso anyika.\\nCiindi notwaaba ciindi cesu tutondezya kuti twiiya Jesu mukuba baabi (Amubone muncali 6)\\n6. Ino Jesu wakali kubelesya nguzu zyakwe zyakucita maleele kugwasya bani, alimwi mbuti mbotukonzya kumwiiya mumakani aaya?\\n6 Cilakkomanisya kuzyiba kuti ciindi Diabolosi naakasunka Jesu kuti asandule mabwe kuba zinkwa, Kristo wakakaka kubelesya nguzu zyakwe kulicitila zintu nzyaakali kuyanda. (Mt. 4:2-4) Pele wakabelesya nguzu zyakwe kucitila bantu nzyobakali kuyandika. Mbuti mbotukonzya kwiiya Jesu mumakani aakubikkila maano bamwi? Wakakulwaizya babelesi ba Leza kuba “baabi.” (Lk. 6:38) Sena andiswe inga twatondezya kuti tuli baabi kwiinda mukutamba bambi kucakulya mumaandeesu alimwi akupobwe lyakumuuya? Sena tulakonzya kwaaba ciindi cesu nowamana muswaangano, kugwasya bayandika lugwasyo, mbuli kuswiilila mukwesu uulibambila makani aakwe? Ndugwasyo nzi ndotukonzya kubapa aabo ibayandika kugwasya mumulimo wakukambauka? Tulatondezya kuti twamwiiya Jesu kwiinda mukwaabila bamwi zintu zyakumubili alimwi azyakumuuya kweelana ambotukonzya.\\n“BOONSE BAKALYA AKUKKUTA”\\n7. Mbukkale nzi bunooliko kufwumbwa kuti kabuciliko bweende bwazintu oobu?\\n7 Bucete tacili cintu ceenzu pe. Jehova wakaambila bana Israyeli kuti bacete banooliko lyoonse munyika. (Dt. 15:11) Kwiinde myaanda yamyaka iili mbwiibede, Jesu wakaamba kuti: “Bacete munooli limwi lyoonse.” (Mt. 26:11) Sena Jesu wakali kwaamba kuti lyoonse kunooli bacete anyika? Peepe, wakali kwaamba kuti bacete banooliko lyoonse kufwumbwa kuti kabuciliko bweende bwazintu oobu bubyaabi. Eelo kaka eeci cilaumbulizya mukuti maleele aa Jesu atondezya ziindi zibotu zilangilwa kumbele mubulelo bwa Bwami, ciindi bantu boonse nobanoojisi cakulya cikkwene alimwi akukkuta!\\n8, 9. (a) Ncinzi icakapa kuti Jesu acite maleele aakusanina zyuulu zyabantu? (b) Ncinzi cimukkomanisya kapati kujatikizya maleele aakusanina zyuulu zyabantu?\\n8 Sintembauzyo wakaamba kujatikizya Jehova kuti: “Yebo ulavwungulula janza lyako akukkutya cilenge coonse cipona kwiinda mukucipa ncociyanda.” (Int. 145:16) Kwiinda mukwiiya Bausyi, ‘Kristo, nguzu zya Leza,’ lyoonse wakali kuvwungulula janza lyakwe akukkutya nzyobakali kuyanda basikumutobela. Tanaakali kucitila buyo kutondezya nguzu zyakwe pe. Wakali kucita oobu akaambo kakuti wakali kubabikkila maano bantu kuzwa ansi aamoyo. Atulange-lange lugwalo lwa Matayo 14:14-21. (Amubale.) Basikwiiya ba Jesu bakamusikila kutegwa babandike makani aacakulya. Basikwiiya bakwe tiibakafwide buyo nzala pe, pele alimwi bakali kulibilika kujatikizya nkamu yabantu ibakafwide nzala alimwi ibakakatede ibakali kutobela Jesu amaulu kuzwa muminzi. (Mt. 14:13) Ino ncinzi ncaakali kukonzya kucita?\\n9 Kubelesya zinkwa zyosanwe alimwi answi zyobilo, Jesu wakasanina baalumi ibabalilwa ku 5,000, antoomwe abamakaintu abana! Sena tacikkomanisyi kubona Jesu mbwaakabelesya nguzu zyakwe zyakucita maleele kutegwa alanganye mikwasyi yabantu boonse munzila yaluzyalo, kubikkilizya abana baniini? Makamu aabantu “akalya akukkuta.” Eeci citondezya kuti kwakali cakulya cinji kapati. Jesu taakabapa buyo cinkwa cinona pele cakulya icakali kukonzya kubagwasyilizya kujana nguzu zyakweenda musinzo mulamfwu kusika kumaanda aabo. (Lk. 9:10-17) Cakulya icakasyaala cakakkwana zisuwo zili 12!\\n10. Nkucinca kuli buti kuyoocitika lino-lino kujatikizya bucete?\\n10 Mazuba aano myaanda myaanda yamamiliyoni aabantu tabajisi zintu nzyobayandika akaambo kabweendelezi bwabantu butaluleme. Nobaba bakwesu bamwi ibajisi zyakulya, ‘tabakkuti.’ Nokuba boobo, ciindi cili afwaafwi cakuti bantu bamvwida bakakkomane kukkala munyika yeendelezyegwa amfwulumende iisyomeka alimwi munyika mutakwe bucete. Ikuti nomwalijisi nguzu, sena inga tiimwabacitila bantu nzyobayandika? Leza Singuzuzyoonse ulijisi nguzu alimwi ulayandisisya kucitila bantu zyoonse nzyobayandika, alimwi lino-lino uyoocita oobo. Inzya, kulemununwa kuli afwaafwi!—Amubale Intembauzyo 72:16.\\n11. Nkaambo nzi ncomusinizyide kuti Kristo lino-lino uyoobelesya nguzu zyakwe munyika yoonse, alimwi ino eeci cimukulwaizya kucita nzi?\\n11 Ciindi naakali anyika, Jesu wakabeleka buyo mucilawo cisyoonto muciindi cisyoonto, myaka yotatwe acisela. (Mt. 15:24) Kali Mwami mubulemu bwakwe, cilawo cakwe ciyookomena kusikila kumagolelo aanyika. (Int. 72:8) Maleele a Jesu atupa kuba alusyomo munguzu zyakwe alimwi aluyando lwakwe mukubelesya nguzu zyakwe zyabweendelezi kutegwa tugwasyigwe, eeci ncayoocita lino-lino. Nokuba kuti tatukonzyi kucita maleele, tulakonzya cakumaninina kugwasya bantu kubikkila maano ku Jwi lya Leza ilyakasololelwa amuuya. Businsimi bwamu Bbaibbele businizya kuti kuli zintu zibotu kumbele. Mbotuli Bakamboni ba Jehova balyaabide ibajisi luzyibo oolu lubotu iluyandika kapati kujatikizya zintu zyakumbele, sena tatulimvwi kuti tujisi mukuli wakwaambila bantu makani aaya? (Rom. 1:14, 15) Kuzinzibala kuyeeya kujatikizya makani aaya akutukulwaizye kwaambila bamwi makani mabotu aajatikizya Bwami bwa Leza.—Int. 45:1; 49:3.\\nNGUZU IZYAKWEENDELEZYA ZILENGWALEZA\\n12. Nkaambo nzi ncotukonzya kuba masimpe kuti Jesu ulizyi kabotu-kabotu mboipangidwe nyika?\\n12 Kali antoomwe a Mwanaakwe simuzyalwaalikke kumbali lyakwe mbuli “mubelesi uucibwene,” Leza wakalenga nyika alimwi azintu zili mumo. (Tus. 8:22, 30, 31; Kol. 1:15-17) Aboobo, Jesu ulizyi kabotu-kabotu mboipangidwe nyika. Ulicizyi kabotu kubelesya alimwi kweendelezya zilengwaleza.\\nNcinzi cimukkomanisya kapati kujatikizya Jesu mbwaakali kubelesya nguzu zyakwe kucita maleele?(Amubone muncali 13 a 14)\\n13, 14. Amupe cikozyanyo citondezya kuti Kristo ulijisi nguzu zyakweendelezya zilengwaleza.\\n13 Naakali anyika, Jesu wakatondezya kuti “ninguzu zya Leza” kwiinda mukweendelezya zilengwaleza. Amuyeeye buyo Jesu mbwaakacita ciindi nokwakaba guwo pati cakuti basikwiiya bakwe bakali muntenda. (Amubale Marko 4:37-39.) Sikwiiya zyamu Bbaibbele umwi wakaamba kuti: “Ibbala lya Chigiriki lisanduludwe kuti [“guwo pati” mulugwalo lwa Marko 4:37] lyaamba guwo pati liyoosya. Talyaambi guwo lyuunga buyo kwakaindi kaniini . . . pele ndiguwo pati ncobeni cakuti kujulu kwasiya mbi alimwi kalibbubbula kapati, kakuwa amvwula mpati kapati, zintu zimwi kazyuunka amuwo alimwi akuwa.” Cibalo eeci ncaakaamba Matayo cipandulula guwo eeli kuti lyakali “guwo pati.”—Mt. 8:24.\\n14 Amweezyeezye buyo mbocakabede: Kristo uloona, ulikatede akaambo kamulimo wakwe wakukambauka. Mayuwe atalika kuuma bwato kumwi maanzi kaanjila mubwato. Pele nokuba kuti kuli coongo akaambo kaguwo libbubbula kapati, Jesu ucilede. Uyandika kupumuna. Basikwiiya bayoowa akumubusya Jesu akumwaambila kuti: “Mwami, kotuvwuna, twafwa!” (Mt. 8:25) Jesu wanyamuka akwaambila lwizi kuti: “Umuna! Batama!” mpoonya guwo lyaleka. (Mk. 4:39) Jesu waambila guwo alwizi kuti zyuumune akubatama. Mpoonya ncinzi cacitika? ‘Kwaumuna wi.’ Eelo kaka Jesu ulijisi nguzu kapati!\\n15. Ncinzi citondezya kuti Leza Singuzyoonse ulijisi nguzu zyakweendelezya zilengwaleza?\\n15 Nguzu zya Kristo zizwa kuli Jehova, aboobo tulijisi twaambo tulimvwisya twakusyoma kuti Leza Singuzuzyoonse ulakonzya kweendelezya zilengwaleza. Amubone zikozyanyo eezyi zitobela. Kaitanatalika Zambangulwe, Jehova wakaamba kuti: “Kwainda buyo mazuba aali ciloba ndilawisya mvwula anyika mazuba aali 40, syikati amasiku.” (Matl. 7:4) Lugwalo lwa Kulonga 14:21 alwalo lwaamba kuti: “Jehova wakapa kuti maanzi aandaane kwiinda mukubelesya guwo ilyakali kuzwa kujwe.” Alimwi alugwalo lwa Jona 1:4 lwaamba kuti: “Jehova wakatuma guwo pati mulwizi, eelyo kwakaba mayuwe mapati kapati mulwizi cakuti bwato bwakali kuyanda kunyonyooka.” Cilayumya-yumya kuzyiba kuti Jehova ulakonzya kweendelezya zintu nzyaakalenga. Cilakkomanisya kuzyiba kuti munyika mpya Leza unooyendelezya zilengwaleza.\\n16. Nkaambo nzi ncociyumya lusyomo kuzyiba kuti Mulengi wesu alimwi a Mwanaakwe simuzyalwaalikke balijisi nguzu zyakweendelezya zilengwaleza?\\n16 Masimpe ciyumya lusyomo kuzinzibala kuyeeya akwiiya kujatikizya nguzu zya Mulengi wesu ziyoosya alimwi ‘azyamubelesi wakwe uucibwene.’ Ciindi baakubikkila maano cakumaninina kunyika mumyaka iili 1,000, bantu boonse bayookkala mulukwabililo. Ntenda zyoonse zilicitikila ziyoomana. Munyika mpya takukabi kuyoowa mvwula yaguwo pati, kupaya kwamaanzi, kubboloka kwamulilo mumalundu, naa mizuzumo. Eelo kaka cilakkomanisya kuyeeya ciindi zilengwaleza naa ntenda zilicitikila nozitakajayi limbi bantu, nkaambo ‘tente lya Leza liyooba akati kabantu’! (Ciy. 21:3, 4) Tulijisi lusyomo lwakuti nguzu zya Leza izyakatondezyegwa kwiinda muli Jesu ziyakweendelezya zilengwaleza mumyaka iili 1,000.\\nAMWIIYE LEZA A KRISTO LINO\\n17. Muunzila nzi imwi motukonzya kwiiya Leza alimwi a Kristo mazuba aano?\\n17 Masimpe, swebo tatujisi nguzu izyakulesya ntenda zilicitikila mbuli Jehova a Jesu mbobajisi nguzu, pele kuli nguzu zimwi nzyotujisi. Ino tuzibelesya buti nguzu eezyo? Nzila imwi nkwiinda mukutobela lulayo lujanika mulugwalo lwa Tusimpi 3:27. (Amubale.) Ciindi bakwesu nobajisi buyumuyumu, tulakonzya kubaumbulizya alimwi akubagwasya kumubili, mumizeezo, alimwi akumuuya. (Tus. 17:17) Mucikozyanyo, tulakonzya kubagwasya mumapenzi ngobajisi akaambo kantenda yakacitika. Amumvwe mukamufwu umwi mbwaakalumba kuzwa ansi aamoyo wakwe ciindi ŋanda yakwe noyakanyonyooka akaambo kakupaya kwamvwula, wakati: “Ndailumba kapati mbunga ya Jehova, kutali buyo akaambo kalugwasyo lwakumubili pele alugwasyo lwakumuuya.” Alimwi amumvwe mucizyi uutakwetwe iwakakopene akubula bulangizi ciindi munzi wakwe nowakanyonyooka akaambo kaguwo pati. Naakagwasyigwa, wakaamba kuti: “Tandizyi mbondikonzya kucipandulula! Ndabula majwi aakupandulula mbondilimvwa . . . Ndakulumba Jehova!” Tulikkomene kuti tuli cibeela cabunyina bwanyika yoonse ibubikkila maano kuzintu nzyobayandika bamwi. Cilakkomanisya kapati kuzyiba kuti Jehova alimwi a Jesu Kristo babalanganya ncobeni bantu ba Leza.\\n18. Ncinzi cikkomanisya kapati kujatikizya kaambo Jesu ncaakali kucitila maleele?\\n18 Mumulimo wakwe, Jesu wakatondezya kuti “ninguzu zya Leza.” Pele ncinzi icakali kumukulwaizya kucita boobo? Taakwe naakali kubelesya nguzu zyakwe kutegwa akkomanisye bamwi naa kutegwa aligwasye lwakwe mwini. Masimpe, maleele ngaakacita Jesu atondezya kuti ulabayanda bantu. Makani aaya ayoolangwa-langwa mucibalo citobela.\\nWakali Kubayanda Bantu\\nTulakonzya Kuzumanana Kusalala Mukulilemeka\\n“Ikuti ba Kingsley kabacikonzya, andime inga ndacikonzya!”\\nAmupone Kweelana Ambowaamba Mupailo Wacikozyanyo—Cibeela 1\\nAmupone Kweelana Ambowaamba Mupailo Wacikozyanyo—Cibeela 2\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA June 2015\\nNGAZI YAMULINDIZI—YAKWIIYA June 2015","num_words":1864,"character_repetition_ratio":0.061,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Mapobwe Oonse Alimwi Amazuba Aakulyookezya Alamukkomanisya Leza?\\nSena Mapobwe Oonse Alamukkomanisya Leza?\\n“Lyoonse kamusaanguna kusinizya naa ncomucita cilatambulika ku Mwami.”—BAEFESO 5:10.\\n1. Ncinzi ncotweelede kucita kutegwa tusinizye kuti bukombi bwesu bulamukkomanisya Jehova, alimwi nkaambo nzi?\\nJESU wakaamba kuti: ‘Bakombi bakasimpe bayookomba Taata mumuuya amukasimpe, nkaambo mubwini bantu bali boobu mbayandaula Taata kuti bamukombe.’ (Johane 4:23; 6:44) Umwi aumwi wesu ‘lyoonse weelede kusaanguna kusinizya naa ncacita cilatambulika ku Mwami.’ (Baefeso 5:10) Pele kucita boobu tacili cuuba-uba pe. Saatani ulasola kutweena kutegwa tucite zintu zitamukkomanisyi Jehova.—Ciyubunuzyo 12:9.\\n2. Amupandulule icakacitika afwaafwi a Cilundu ca Sinai.\\n2 Ino Saatani usola buti kutweena? Nzila imwi nkwiinda mukutunyonganya kujatikizya ciluzi acitaluzi. Amubone cakacitika kubana Israyeli ciindi nobakabungene afwaafwi a Cilundu ca Sinai. Musa wakaunka kucilundu, mpoonya bantu bakasyaala kabamulindila kuti apiluke. Mukuya kwaciindi, bakakatala kulindila kumane bakalomba Aroni kuti abapangile leza. Wakapanga cibumbwa cangolida icakali kulibonya mbuli moombe. Mpoonya bantu bakacita pobwe. Bakatalika kuzyana kuzinguluka moombe alimwi akuukotamina. Bakali kuyeeya kuti kwiinda mukukotamina moombe, bakali kukomba Jehova. Nokuba kuti bantu bakacita pobwe eeli akulibona kuti ‘ndipobwe lya Jehova,’ eeci tacaambi kuti lyakaliluzi. Pobwe eeli Jehova wakalibona kuti nkukomba mituni, alimwi eeci cakapa kuti bantu banji bafwe. (Kulonga 32:1-6, 10, 28) Ino nciiyo nzi ncotwiiya? Tatweelede kulyeena pe. Tatweelede ‘kuguma cintu cili coonse cisofweede,’ nkokuti, kutajatikizyigwa munzila iili yoonse mubukombi bwakubeja. Tweelede kulekela Jehova kuti atuyiisye ciluzi acitaluzi.—Isaya 52:11; Ezekieli 44:23; Bagalatiya 5:9.\\n3, 4. Nkaambo nzi ncociyandika kulanga-langa mbwaakatalika mapobwe manji aadumide kapati?\\n3 Ciindi Jesu naakali anyika, wakayiisya baapostolo bakwe kuba cikozyanyo cibotu mubukombi busalala. Naakafwa, baapostolo bakwe bakazumanana kuyiisya njiisyo zya Jehova kuli basikwiiya bapya. Pele nobakafwa baapostolo, bamayi babeji bakatalika kuleta mizeezo iitaluzi azilengwa zyabantu ibatakali kukomba Leza alimwi amapobwe mumbungano. Mane buya bakaacinca mazina aamapobwe amwi ngobakali kucita bantu ibatakali kukomba Leza kutegwa alibonye mbuli kuti nga Bunakristo. (Milimo 20:29, 30; 2 Batesalonika 2:7, 10; 2 Johane 6, 7) Bunji bwamapobwe aaya acidumide amazuba aano, alimwi acikulwaizya njiisyo zyakubeja, mane buya azintu zijatikizya madaimona. *—Ciyubunuzyo 18:2-4, 23.\\n4 Munyika yoonse mazuba aano, mapobwe alimwi amazuba aakulyookezya nzezintu ziyandika kapati mumaumi aabantu. Nokuba boobo, mbomuyaabuzumanana kwiiya mbwazilanga zintu Jehova, ambweni mulajana kuti muyandika kucinca mbomuyeeya kujatikizya mapobwe aamwi. Kucita boobo tacili cuuba-uba pe, pele amube masimpe kuti Jehova uyoomugwasya. Lino atulange-lange mbwaakatalika mapobwe aamwi aadumide kapati kutegwa tuzyibe mbwalimvwa Jehova kujatikizya ngayo.\\nINO KKILISIMASI YAKATALIKA BUTI?\\n5. Ino mbumboni nzi buliko bwakuti Jesu tanaakazyalwa mu December 25?\\n5 Mumasena manji aamunyika, pobwe lya Kkilisimasi lisekelelwa mu December 25, ibuzuba bantu banji mbobayeeya kuti mbobuzuba mbwaakazyalwa Jesu. Bbaibbele talyaambi buzuba bwini naa mwezi ngwaakazyalwa Jesu, pele kuli ncolyaamba kujatikizya ciindi camwaka ncaakazyalwa. Luka wakalemba kuti ciindi Jesu naakazyalwa mu Betelehemu, “beembezi [bakali] musyokwe,” kabeembela butanga bwabo. (Luka 2:8-11) Mumwezi wa December, ku Betelehemu inga kulatontola kapati, imvwula inga ilawa alimwi inga kuli caanda, aboobo beembezi nobatakajanika musyokwe abutanga bwabo ciindi camasiku. Ino ncinzi ncotwiiya kukaambo aaka? Jesu wakazyalwa ciindi cacilimo, ikutali mu December. Bbaibbele alimwi abumboni buli mumakani aakaindi zitondezya kuti wakazyalwa akati kamyezi lino njotwaamba kuti September a October.\\n6, 7. (a) Ino zilengwa zya Kkilisimasi zidumide kapati zyakatalika buti? (b) Ino nkaambo nzi ikeelede kupa kuti katupana zipego?\\n6 Aboobo ino Kkilisimasi yakatalika buti? Kkilisimasi yakazwa kumapobwe aabantu ibatakali kukomba Leza, mbuli pobwe lyabana Roma lyakuti Saturnalia, ndyobakali kucita kulemeka leza wabulimi uutegwa Saturn. Bbuku litegwa The Encyclopedia Americana lyaamba kuti: “Pobwe lyabana Roma lyakuti Saturnalia, ilyakali kusekelelwa akati ka December, nkokwakazwa zilengwa zinji izicitika ciindi ca Kkilisimasi. Mucikozyanyo, kupobwe eeli nkokwakazwa cilengwa cakupobola, kupana zipego alimwi akuyasya mankendulu.” Alimwi December 25, mbobuzuba nobakali kusekelela buzuba bwakuzyalwa kwaleza wazuba wabana Persia uutegwa Mithra.\\n7 Nokuba boobo, bunji bwabantu ibasekelela Kkilisimasi mazuba aano tabayeeyi kuti yakatalisyigwa abantu batakali kukomba Leza. Inga balacilangila ciindi ca Kkilisimasi kuba ciindi cakuba abanamukwasyi, kulya zyakulya zinona alimwi akupana zipego. Cakutadooneka, tulabayanda bamukwasyi wesu alimwi abalongwe besu alimwi Jehova uyanda kuti babelesi bakwe kabaabilana. Lugwalo lwa 2 Bakorinto 9:7 lutwaambila kuti, “Leza uyanda muntu uupa kumwi kakkomene.” Jehova tayandi kuti katupana buyo zipego muziindi zyaalubazu. Bantu ba Jehova balakkomana kupana zipego akuyanzana abalongwe alimwi amukwasyi wabo aciindi cili coonse camumwaka, kakunyina kulangila kupegwa cintu cili coonse. Balapana zipego nkaambo balabayanda bamwi.—Luka 14:12-14.\\nKuzyiba mapobwe mbwaakatalika kulakonzya kutugwasya kuzyiba ngotweelede kutantamuka\\n8. Sena basikupandulula bweende bwanyenyeezi bakamupa zipego Jesu kali muvwanda? Amupandulule.\\n8 Ikutegwa basumpule muzeezo wakupana zipego ciindi ca Kkilisimasi, bantu banji baamba kuti bamaalumi basongo botatwe bakamuletela zipego Jesu kali muvwanda ciindi naakazyalwa muluba. Masimpe kuti bamaalumi bakamuswaya Jesu akumuletela zipego. Lyansiku, cakalidumide kuleta zipego kumuntu iwakali kuyandika kapati. (1 Bami 10:1, 2, 10, 13) Pele sena mulizyi kuti Bbaibbele lyaamba bamaalumi aaba kuti bakali basikupandulula bweende bwanyenyeezi, balo ibakali kucita masalamuzi alimwi ibatakali kukomba Jehova? Alimwi kunyina nobakamuswaya Jesu kali muvwanda ciindi naakazyalwa muluba. Bakamuswaya nokwakainda ciindi cili mbocibede, naakali “mwana” kali muŋanda.—Matayo 2:1, 2, 11.\\nINO NCINZI BBAIBBELE NCOLYAAMBA KUJATIKIZYA MAZUBA AAKUZYALWA?\\n9. Ino mbaani bakasekelela mazuba aakuzyalwa baambidwe mu Bbaibbele?\\n9 Buzuba mwana naazyalwa bulakkomanisya kapati. (Intembauzyo 127:3) Pele eeci tacaambi kuti tweelede kusekelela mazuba aakuzyalwa. Amukayeeyele buyo kaambo aaka: Mu Bbaibbele kwaambidwe buyo bantu bobilo ibakasekelela mazuba aakuzyalwa. Kusekelela kumwi kwakali kwa Farao muna Egepita, mpoonya kumwi kwakali kwa Mwami Heroda Antipa. (Amubale Matalikilo 40:20-22; Marko 6:21-29.) Kunyina akati kabaaba bami iwakali mubelesi wa Jehova. Mubwini, tatunabalide mu Bbaibbele kuti kuli mubelesi wa Jehova iwakasekelela buzuba bwakuzyalwa.\\n10. Ino Banakristo bamumwaanda wamyaka wakusaanguna bakali kukubona buti kusekelela mazuba aakuzyalwa?\\n10 Bbuku litegwa The World Book Encyclopedia lyaamba kuti, Banakristo bamumwaanda wamyaka wakusaanguna “bakali kubona kuti kusekelela buzuba bwakuzyalwa kwaumwi ncilengwa cabantu batakombi Leza.” Zilengwa zili boobu zyakayeeme anjiisyo zyakubeja. Mucikozyanyo, ba Giriki bansiku bakali kusyoma kuti muntu uuli woonse wakalikwabilidwe amuzimo iwakaliko ciindi naakali kuzyalwa. Alimwi bakali kuyeeya kuti muzimo wakaliswaangene aleza iwakazyalwa mubuzuba bomwe amuntu ooyo. Kuyungizya anjiisyo eezyi zyakubeja, mazuba aakuzyalwa aliswaangene acilengwa cakupandulula bweende bwanyenyeezi alimwi akusonda.\\n11. Ino Jehova ulimvwa buti akaambo kabwaabi bwesu?\\n11 Bantu banji balimvwa kuti, buzuba bwabo bwakuzyalwa mbuzuba bwaalubazu, aboobo beelede kulumbwa alimwi akutondezyegwa luyando mubuzuba oobo. Pele tulakonzya kutondezya luyando kubanamukwasyi alimwi abalongwe besu mumwaka woonse mboubede, kutali buyo mubuzuba bomwe bugaminide. Jehova uyanda kuti katutondezya luzyalo alimwi katuli baabi ciindi coonse. (Amubale Milimo 20:35.) Eelo kaka tulamulumba buzuba abuzuba akaambo kacipego cibotu cabuumi, kutali buyo buzuba notwakazyalwa.—Intembauzyo 8:3, 4; 36:9.\\nBanakristo bakasimpe balapa zintu kuli bamwi akaambo kakuti balabayanda\\n12. Nkaambo nzi buzuba bwakufwa ncobuli bubotu kwiinda buzuba bwakuzyalwa?\\n12 Lugwalo lwa Mukambausi 7:1 lwaamba kuti: “Izina libotu ndibotu kwiinda mafwuta mabotu, abuzuba bwakufwa mbubotu kwiinda buzuba bwakuzyalwa.” Nkaambo nzi buzuba bwakufwa ncobuli bubotu kwiinda buzuba bwakuzyalwa? Ciindi notwazyalwa, inga tatunacita cintu cili coonse mubuumi bwesu, kufwumbwa naa ncibotu naa ncibi. Pele ciindi notubelesya buumi bwesu kubelekela Jehova alimwi akucita zintu zibotu kubantu, tulipangila “izina libotu,” naa mpuwo mbotu alimwi Jehova unootuyeeya nokuba kuti twafwa. (Jobu 14:14, 15) Bantu ba Jehova tabasekeleli mazuba aabo aakuzyalwa naa kusekelela buzuba naakazyalwa Jesu. Alimwi buya, Jesu wakatulailila buyo kuti katucita Ciibalusyo calufwu lwakwe.—Luka 22:17-20; Bahebrayo 1:3, 4.\\nPOBWE LYA ISITA MBOLYAKATALIKA\\n13, 14. Ino nkaambo nzi Banakristo bakasimpe ncobateelede kusekelela Isita?\\n13 Isita ndipobwe lya Bunakristo Bwanyika lyalo ilyaambwa kuti lilacitwa kusekelela kubusyigwa kwa Kristo kuzwa kubafwu. Pele sena Kristo wakalailila kuti katusekelela kubusyigwa kwakwe? Peepe, tanaakalailila oobo. Mabbuku aamba zyakaindi atwaambila kuti pobwe lya Isita kunyina nolyakali kusekelelwa a Banakristo bakusaanguna alimwi akuti liyeeme azilengwa zyansiku zyabantu ibatakali kukomba Leza. Bbuku litegwa The Encyclopœdia Britannica lyaamba kuti: “Mu Cizuminano Cipya kunyina citondezya kuti pobwe lya Isita lyakali kucitwa. . . . Ikusetekana kwaziindi zimwi ncintu catakaliko mumizeezo ya Banakristo bakusaanguna.”\\n14 Sena Jehova inga wazumizya kusekelelwa kwapobwe lyakatalisyigwa abantu batakombi Leza kuyeeya kubusyigwa kwa Mwanaakwe? Peepe. (2 Bakorinto 6:17, 18) Alimwi buya Jehova kunyina naakatwaambila kusekelela kubuka kwa Jesu.\\nZILENGWA ZICITWA CIINDI MUNTU NAAFWA\\n15. Nkaambo nzi Banakristo bakasimpe ncobeelede kuzitantamuka zilengwa zimwi izicitwa ciindi muntu naafwa?\\n15 Banakristo bakasimpe beelede kuzyeeleba zilengwa zicitwa ciindi nokwafwa muntu. Ciindi nokwafwa muntu, ncilengwa buya kuli basidilwe kubucesya kabalanga. Ciindi cakuzikka, bacibbululu balawaala bulongo naa maluba mucuumbwe sikufwa katanazikkwa. Kuli zilengwa zimbi zicitwa kwainda mazuba masyoonto buyo, myezi naa myaka kuzwa ciindi naakafwa muntu. Bantu balacita zintu eezyi nkaambo basyoma kuti bantu bafwide balakonzya kubagwasya naa kubapenzya ibacipona. Pele Bbaibbele liyiisya kuti bafwide “tabazyi cintu nociba comwe.” Aboobo aabo ibayanda kukkala muluyando lwa Leza tabeelede kutola lubazu muzilengwa zili zyoonse iziswaangene akukomba bantu bafwide.—Mukambausi 9:5, 10.\\nMUCADO UUKKOMANISYA LEZA\\n16, 17. Ino ncinzi ncotweelede kuyeeya ciindi notulibambila mucado?\\n16 Mucado ncintu cikkomanisya kapati. Munyika yoonse mboizulwa, micado ilacitwa munzila ziindene-indene. Kanji-kanji, bantu inga tabayeeyi kujatikizya nkozyakazwida zilengwa zicitwa lyamucado, aboobo inga tabazyi kuti zilengwa zimwi zyakazwa kubukombi bwakubeja. Pele Banakristo ibayanda kukwatana beelede kuba masimpe kuti mucado wabo uyoomukkomanisya Jehova. Ikuti bazyiba nkozyakazwida zilengwa zicitwa lyamucado, balakonzya kusala kabotu.—Marko 10:6-9.\\n17 Bamwi baamba kuti zilengwa zimwi zicitwa lyamucado zilakonzya kubapa ‘kuwidwa mvwuma’ banabukwetene bapya. (Isaya 65:11) Mucikozyanyo, mumasena aamwi bantu balawaala mupunga naa laisi aali basikukwatana naa zintu zimwi zikozyenye. Basyoma kuti kucita boobo kuyoopa kuti bakakonzye kuba abana, lukkomano, koongola alimwi akukwabililwa kuzintu zibyaabi. Pele Banakristo beelede kucenjela kutegwa batantamuke zilengwa zili zyoonse ziswaangene abukombi bwakubeja.—Amubale 2 Bakorinto 6:14-18.\\n18. Ino ninjiisyo nzi zimwi izibeleka kujatikizya mucado?\\n18 Banakristo ibayanda kukwatana bayanda kuti mucado wabo ukakkomanisye, ukabe wabulemu alimwi akuti boonse ibayoojanika bakakkomane. Aabo batambidwe kumucado wa Banakristo, tabeelede kwaamba majwi atali kabotu, makani aajatikizya koonana naa kutondezya kubula bulemu kuli basikukwatana naa bamwi buyo. (Tusimpi 26:18, 19; Luka 6:31; 10:27) Mucado wa Banakristo taukulwaizyi “mambonwa akaambo kazintu nzyajisi muntu.” (1 Johane 2:16) Ikuti naa mulibambila mucado, amube masimpe kuti munookkomene lyoonse mwanooyeeya mucado wanu.—Amubone Bupanduluzi Buyungizyidwe 28.\\nMBOCAKATALIKA CILENGWA CICITWA KUMAPOBWE CAKUNYAMUNA NKAPU AKUZIGUMANYA\\n19, 20. Ino cilengwa cakunyamuna nkapu izijisi cakunywa akuzigumanya cakatalika buti?\\n19 Cilengwa cimwi cicitwa kapati kumicado akumapobwe aamwi ncakunyamuna nkapu izijisi cakunywa akuzigumanya. Nobacita cilengwa eeci, muntu uumwi ulaamba majwi aatondezya kuti uyanda kuti zintu zibeendele kabotu bamwi, mpoonya bamwi balanyamuna nkapu zyabo. Ino Banakristo beelede kucibona buti cilengwa eeci?\\n20 Ibbuku litegwa International Handbook on Alcohol and Culture lyaamba kuti cilengwa cakunyamuna nkapu akuzigumanya kuboneka kuti cakazwa kucilengwa cakaindi icakali kucitwa abantu batakombi Leza balo ibakali “kupaizya cintu cisetekene camaanzi kuli baleza.” Eeci cakali kucitwa “kupailila kuti muntu ‘aongole!’ naa ‘kapona kabotu!’” Kaindi, bantu bakali kunyamuna nkapu zyabo kulomba zileleko kuli baleza babo. Pele oobo tabusyi Jehova mbwaleleka pe.—Johane 14:6; 16:23.\\n“NYWEBO NOMUYANDISYA JEHOVA, AMUSULAIKE BUBI”\\n21. Ino mapobwe aali buti aambi Banakristo ngobeelede kutantamuka?\\n21 Ciindi nomuyanda kuti mukajanike kupobwe lili lyoonse naa pe, mweelede kuyeeya bukkale mbolikulwaizya pobwe eelyo. Mucikozyanyo, mapobwe aamwi abikkilizya kuzyana ikubusya muzeezo wakoonana, kunywa kapati makoko alimwi abwaamu. Mapobwe aali boobo zimwi ziindi alakonzya kukulwaizya bukkale bwabasankwa boonana abasankwanyina alimwi abamakaintu boonana abamakaintunyina naa muuya wakuyandisya cisi. Ikuti katutola lubazu mumapobwe aali boobu, sena ncobeni tusulaika zintu nzyasulaika Jehova?—Intembauzyo 1:1, 2; 97:10; 119:37.\\n22. Ncinzi cikonzya kugwasya Munakristo kusala kutola lubazu mupobwe limwi naa pe?\\n22 Banakristo beelede kwaatantamuka mapobwe aatamukkomanisyi Leza. Mwaapostolo Paulo wakalemba kuti: “Kufwumbwa naa mulalya naa mulanywa nokuba kucita cintu cimbi cili coonse, amucite zintu zyoonse kutegwa Leza alemekwe.” (1 Bakorinto 10:31; amubone Bupanduluzi Buyungizyidwe 29.) Nokuba boobo, taali mapobwe oonse aaswaangene abwaamu, bukombi bwakubeja naa kuyandisya cisi. Ikuti pobwe kalitakazyanyi anjiisyo zyamu Bbaibbele, tweelede kulisalila kujanika naa pe. Alimwi tweelede kulanga-langa kusala kwesu mbokukonzya kubajatikizya bamwi.\\nAMUMULEMEKE JEHOVA MUZINTU NZYOMWAAMBA ANZYOMUCITA\\n23, 24. Ino mbuti mbotukonzya kubapandulwida banamukwasyi batali Bakamboni kusala nkotwakacita kujatikizya mapobwe aamwi?\\n23 Ambweni lino mwakaleka kutola lubazu mumapobwe aatamulemeki Jehova. Pele banamukwasyi bamwi ibatali Bakamboni ba Jehova balakonzya kuyeeya kuti tamucibayandi naa tamuciyandi kuba ambabo. Balakonzya kuyeeya kuti ciindi camapobwe nceciindi celikke mukwasyi noukonzya kuba antoomwe. Aboobo, ino inga mwacita buti? Kuli nzila zinji nzyomukonzya kubelesya kubatondezya kuti mulabayanda akuti balayandika kapati kulindinywe. (Tusimpi 11:25; Mukambausi 3:12, 13) Mulakonzya kubatamba kutegwa muyanzane ambabo aziindi zimbi.\\n24 Ikuti bacibbululu kabayanda kuzyiba ncomutatoleli lubazu mumazuba aamwi aakulyookezya, mulakonzya kulanga-langa makani mumabbuku eesu alimwi aa jw.org aakonzya kumugwasya kubapandulwida ncomutatoleli lubazu. Tamweelede kutondezya mbuli kuti muyanda kubazunda buya mumubandi naa kubasinikizya kuyeeya mbomuyeeya. Amubagwasye banamukwasyi kubona kuti kuli twaambo tunji ntomwakalanga-langa kamutanasala. Amukkazike moyo, alimwi “majwi aanu kaakondelezya lyoonse, aalweezyedwe kabotu amunyo.”—Bakolose 4:6.\\n25, 26. Ino bazyali inga babagwasya buti bana babo kuyanda milawo ya Jehova?\\n25 Cilayandika kapati kuti umwi aumwi wesu watumvwisya kabotu twaambo ncotutatoleli lubazu mumapobwe aamwi. (Bahebrayo 5:14) Makanze ngotujisi ngakukkomanisya Jehova. Ikuti katuli bazyali, tweelede kubagwasya bana besu kuzimvwisya alimwi akuziyanda njiisyo zyamu Bbaibbele. Ikuti naa Jehova waba mwini-mwini kulimbabo, abalo bayooyanda kumukkomanisya.—Isaya 48:17, 18; 1 Petro 3:15.\\n26 Jehova ulakkomana kutubona katusola kucita kufwumbwa ncotukonzya kutegwa katumukomba munzila iisalala alimwi cakusyomeka. (Johane 4:23) Pele bamwi bayeeya kuti muntu takonzyi kusyomeka cakumaninina munyika eeyi iitasyomeki. Sena aayo masimpe? Atwaalange-lange makani aaya mucibalo citobela.\\n^ munc. 3 Mulakonzya kwaajana makani aajatikizya mapobwe amwi aagaminide mu Watch Tower Publications Index, mu Bbuku Ligwasya Kuvwuntauzya lya Bakamboni ba Jehova alimwi aa jw.org.\\n1 ZINTU ZYOONSE NZYOTUCITA ZYEELEDE KUPA BULEMU KULI JEHOVA\\n“Kufwumbwa naa mulalya naa mulanywa nokuba kucita cintu cimbi cili coonse, amucite zintu zyoonse kutegwa Leza alemekwe.”—1 Bakorinto 10:31\\nMbuti mbotukonzya kusala camaano kujatikizya mapobwe?\\nTusimpi 15:15; Mukambausi 3:12, 13; Milimo 20:35; 2 Bakorinto 9:7\\nJehova uyanda kuti katukkomene mubuumi. Uyanda kuti katutondezya luzyalo alimwi abwaabi buzuba abuzuba, ikutali buyo muziindi zyaalubazu.\\nTacili cuuba-uba kuzyiba ncotweelede kucita. Saatani ulasola kutweena kwiinda mukunyonganya ciluzi acitaluzi.\\nAmwiiye kujatikizya mbwaakatalika mapobwe aadumide kutegwa mubone naa alamukkomanisya Jehova.\\n2 BUNJI BWAMAPOBWE AADUMIDE AKATALISYIGWA ABANTU BATAKOMBI LEZA\\n“Muyoozyiba kasimpe, eelyo kasimpe kayoomwaangununa.”—Johane 8:32.\\nIno mapobwe aamwi akatalika buti?\\nNobakamana kufwa baapostolo, bamayi babeji mumbungano bakatalisya zilengwa amapobwe aabantu ibatakali kukomba Leza mpoonya akwaapa mazina aa Bunakristo. Bunji bwamapobwe aaya acisekelelwa amazuba aano, mbuli pobwe lya Isita.\\nMumasena manji aamunyika, pobwe lya Kkilisimasi lilasekelelwa mu December 25. Pele oobu tabuli buzuba mbwaakazyalwa Jesu.\\nBanakristo bakusaanguna tiibakali kusekelela mazuba aakuzyalwa. Bbaibbele lyaamba kusekelela mazuba aakuzyalwa munzila iitali kabotu.\\n3 AMUSALE CAMAANO KUJATIKIZYA NZYOMWEELEDE KUSEKELELA\\n“Lyoonse kamusaanguna kusinizya naa ncomucita cilatambulika ku Mwami.”—Baefeso 5:10\\nIno mapobwe aali buti ngobeelede kutantamuka Banakristo? Ciindi nomusala kujatikizya pobwe ndyomweelede kusekelela, amulibuzye kuti:\\nSena lyakatalika kalili cibeela cabukombi bwakubeja, naa bwamadaimona?\\nJeremiya 17:5-7; Milimo 10:25, 26; 1 Johane 5:21\\nSena lilemeka muntu, mbunga naa citondezyo cimwi cacisi?\\nMilimo 10:34, 35; 17:26\\nSena litembaula musyobo umwi wabantu naa cisi kwiinda cimbi?\\nSena likulwaizya “muuya wanyika,” ambweni kukulwaizya bantu kukolwa naa kutalilemeka mumakani aakoonana?\\nIkuti ndatola lubazu mupobwe eeli, sena manjezyeezya aabamwi alakonzya kujatikizyigwa?\\nIkuti naa ndasala kutatola lubazu mupobwe eeli, ino inga ndabapandulwida buti bamwi kaambo nconditatoleli lubazu?\\nMwami Wabasalazya Kumuuya Bantu Bakwe\\nIno Kkilisimasi aciingano zikozyenye buti?\\nNkaambo Nzi Bakamboni ba Jehova Ncobatasekeleli Mazuba Aakuzyalwa?\\nNkaambo Nzi Bakamboni ba Jehova Ncobatasekeleli Isita?","num_words":2222,"character_repetition_ratio":0.052,"word_repetition_ratio":0.007,"special_characters_ratio":0.174,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 1 | Bbaibbele lili a Intaneti | Bbaibbele lya Busanduluzi Bwanyika Mpya\\nBana Israyeli bavwula mu Egepita ((1-7))\\nFarao wabadyaaminina bana Israyeli (8-14)\\nBasikutumbusya ibayoowa Leza bafwutula maumi (15-22)\\n1 Lino aaya ngamazina aabana ba Israyeli ibakaboola mu Egepita antoomwe a Jakobo, umwi aumwi iwakaboola amukwasyi wakwe:+ 2 Rubeni, Simeoni, Levi, a Juda;+ 3 Isakara, Zebuloni, a Benjamini; 4 Dani alimwi a Nafutali, Gadi a Aseri.+ 5 Alimwi bantu boonse ibakazyalwa kuli Jakobo* bakali 70, pele Josefa wakali kale mu Egepita.+ 6 Mukuya kwaciindi Josefa wakafwa,+ abalo banabokwabo basankwa boonse kubikkilizya abazyalani eeliya bakafwa. 7 Pele bana Israyeli bakazyalana akutalika kuvwula kapati, alimwi bakali kuyaabwiindila kuvwula akuba basinguzu kapati cakuti cisi cakazula mbabo mukaindi buyo kasyoonto.+ 8 Mukuya kwaciindi mu Egepita kwakaba mwami mupya iwatakamuzyi Josefa. 9 Aboobo wakaambila bantu bakwe kuti: “Amubone! Bana Israyeli mbanji alimwi mbaasinguzu kapati kwiinda ndiswe.+ 10 Atubacenjelele. Buyo-buyo banooyaabuvwula, aboobo ikuti kwabuka nkondo, bayoosangana abasinkondoma akutulwana mpoonya bayootija kuzwa mucisi.” 11 Aboobo bakababikkila basilutwe kuti kabababelesya cabuzike kutegwa kababapenzya amilimo iiminya,+ eelyo bakayaka minzi iitegwa Pitomu a Ramese+ kuti ibe ziyobwedo* zya Farao. 12 Pele nobakali kuyaabwiindila kubapenzya, ndendilyo abalo nobakali kuyaabwiindila kuvwula akumwaika mucisi, aboobo bakayoowa kapati akaambo kabana Israyeli.+ 13 Akaambo kaceeci, bana Egepita bakabelesya bana Israyeli cabuzike.+ 14 Bakabayumizyila buumi bwabo kwiinda mukubabelesya milimo yacibbalo yakukanda bulongo, kuuma zitina akubeleka milimo iili yoonse yabuzike yamumyuunda. Inzya bakababelesya mubukkale bukatazya mumilimo iili yoonse yabuzike.+ 15 Mpoonya mwami wa Egepita wakabandika abasikutumbusya ibana Hebrayo, Sifura a Puwa, 16 akubaambila kuti: “Nomutumbusya+ bamakaintu ba Hebrayo, ikuti mwabona batumbuka mwana musankwa, mweelede kumujaya; pele ikuti naa musimbi, tamweelede kumujaya pe.” 17 Pele basikutumbusya aabo bakali kumuyoowa Leza mwini-mwini, aboobo tiibakacita kweelana ambwaakabaambila mwami wa Egepita. Muciindi caboobo, bana basankwa bakali kubaleka kuti bapone.+ 18 Nokwakainda ciindi mwami wa Egepita wakaita basikutumbusya akubabuzya kuti: “Ino mubalekela nzi bana basankwa kuti kabapona?” 19 Basikutumbusya bakati kuli Farao: “Bamakaintu ba Hebrayo tabali mbuli bamakaintu bana Egepita. Balo mbayumu, sikutumbusya katanasika inga nkujana batumbuka kale.” 20 Aboobo Leza wakabacitila kabotu basikutumbusya aaba, alimwi bana Israyeli bakazumanana kuvwula akuba basinguzu kapati. 21 Alimwi akaambo kakuti basikutumbusya bakali kumuyoowa Leza mwini-mwini, kumbele wakabapa mikwasyi yabo beni. 22 Kumane Farao wakalailila bantu boonse kuti: “Mwana musankwa uuli woonse muna Hebrayo iwazyalwa mweelede kumusowela mu Mulonga wa Nile, pele kuti naa musimbi, mweelede kumuleka kuti azumanane kupona.”+\\n^ Mu Chihebrayo, “ibakazwa mucibelo ca Jakobo.”\\n^ Muminzi eeyi bakayaka matala amaanda aakuyobweda maila azintu zimwi.","num_words":371,"character_repetition_ratio":0.069,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Cililubide Kunywa Bukoko? | Ncolyaamba Bbaibbele\\nAMUBALE MU Afrikaans Albanian Amharic Arabic Armenian Bislama Bulgarian Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch Efik English Estonian Ewe Finnish French Georgian German Greek Hebrew Hiligaynon Hungarian Icelandic Igbo Iloko Indonesian Italian Japanese Kinyarwanda Kirghiz Kirundi Korean Latvian Lingala Lithuanian Malagasy Myanmar Norwegian Polish Portuguese Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Sinhala Slovak Slovenian Spanish Swahili Swedish Tagalog Tahitian Thai Tigrinya Tsonga Turkish Twi Ukrainian Vietnamese Xhosa Zulu\\nSena cililubide kunywa bukoko?\\n“Waini uubotezya moyo wamuntu, amafuta aakusyukizya busyu bwakwe, acilyo cipa moyo wamuntu inguzu.”—Intembauzyo 104:15.\\nMumikwasyi minji, bukoko babubona kuba mbuli cakulya, bwalo bunywigwa ciindi nobalya. Pele mumikwasyi imwi, bukoko bulakasyigwa. Nkaambo nzi ncokuli kwiindana kuli boobu? Kuli twaambo tunji tupa kuti kakuli kwiindana, ndiza bantu bamwi balanywa bukoko naa pe, akaambo kambobakakomezyegwa, zilengwa, kuciswa-ciswa alimwi abukombi.\\nIbbaibbele lilakasya bukolwi, pele talikasyi kunywa bukoko. (1 Bakolinto 6:9, 10) Kuzwa kaindi, bakombi ba Leza bakali kunywa waini, walo waambidwe mu Bbaibbele ziindi ziinda ku 200. (Matalikilo 27:25) Lugwalo lwa Mukambausi 9:7 lwaamba kuti: “Kolya cilyo cako cakukondwa akunywa waini amoyo mubotu.” Akaambo kakuti waini ulapa muntu kukkomana, bantu bakali kuunywa muziindi zyamapobwe, mbuli mumicado. Cakali ciindi capobwe lili boobu, Jesu Kristo naakacita maleele aakusaanguna, ikusandula maanzi kuba “waini mubotu.” (Johane 2:1-11) Alimwi waini wakali kubelesyegwa mbuli musamu.—Luka 10:34; 1 Timoteyo 5:23.\\nSena Bbaibbele lilaamba kuvwula kwabukoko muntu mbwayelede kunywa?\\n‘Tamweelede kuba bazike kukunywa waini munji.’—Tito 2:3.\\nNKAAMBO NZI MAKANI AAYA NCAAYELEDE KUMUJATIKIZYA?\\nMwaka amwaka, mikwasyi minji ilapenga akaambo kakuti umwi akati kabazyali naa boonse balaciindizya kunywa bukoko. Kuciindizya kunywa bukoko akwalo kwapa kuti mweelwe wantenda, kubikkilizya antenda zyamumugwagwa zivwule kapati. Mukuya kwaciindi, kuciindizya kunywa bukoko kulakonzya kunyonganya bongo, moyo, muni alimwi amwida.\\nKutaciindizya kunywa bukoko alimwi akulya nceelelo ca Leza ciyandika kapati. (Tusimpi 23:20; 1 Timoteyo 3:2, 3, 8) Kwaalilwa kulilesya takumukkomanisyi pe Leza. Ibbaibbele lyaamba kuti: “Bukoko balasampaula, zyakunywa zikola zilapilinganya; kufumbwa uuenwa kulinzizyo tali musongo.”—Tusimpi 20:1.\\nNzila imwi bukoko mbobukonzya kweena muntu mufwubafwuba nkwiinda mukumupa kuleka kulilemeka. Lugwalo lwa Hosea 4:11 lwaamba kuti: “Bukoko akukolwa nzezibuzya maanu.” Mwaalumi wazyina lya John wakaazumina makani aaya naakamana kucitikilwa zyintu zibyaabi. * Naakamana kuzwangana abakaintu bakwe, wakaunka kuhotela, nkwaakaakubunywa kapati bukoko akucita bwaamu, calo cakapa kuti kumamanino aliyeeye alimwi akusyomezya kuti takaciinduluki. Kuciindizya kunywa bukoko kulakonzya kutunyonganya kumubili, kumuuya, alimwi Bbaibbele lyaamba kuti bakolwi tabakabi abuumi butamani.—1 Bakolinto 6:9, 10.\\nNdilili nokutayandiki kunywa bukoko?\\n“Muntu uucenjede, abona mapenzi, ulayuba, pele bataiyide balaindilila aboobo balapenga.”—Tusimpi 22:3.\\nBbuku liitwa kuti World Book Encyclopedia lyaamba kuti: “Bukoko musamu uukola.” Aboobo, kuli ziindi nokutayandiki kunywa bukoko nokuba asyoonto.\\nKanji-kanji bantu ‘balanjila mumapenzi’ akaambo kakunywa aciindi citeelede. Bbaibbele lyaamba kuti: “Zintu zyoonse zilijisi ciindi cazyo,” kubikkilizya aciindi cakutanywa bukoko. (Mukambausi 3:1) Mucikozyanyo, ndiza muntu inga katanasika aciimo cizumizyidwe cakunywa bukoko, ndiza muntu ooyo inga kali uyanda kuleka kunywa bukoko, naa inga kali muntu uunywa musamu walo uutayandiki kuvwelana abukoko. Kubantu banji “ciindi” cakutanywa, nciindi nobaunka kumilimo alimwi anobali amulimo, kwaambisya kuti naa babelesya mincini iikonzya kuleta ntenda. Kwaamba masimpe, bantu basongo buumi babubona kuba cipego ciyandika kapati kuzwa kuli Leza. (Intembauzyo 36:9) Tulacilemeka cipego eeci ciindi notutobela busolozi bwamu Bbaibbele kujatikizya bukoko.\\n^ munc. 11 Izyina lyacincwa.\\nIno Bbaibbele Lyaamba Nzi Kujatikizya Bukoko? Sena Kunywa Bukoko Ncibi?\\nBbaibbele lilaamba bubotu bwawaini alimwi amisyobo iimbi yabukoko.\\nNcolyaamba Bbaibbele Kujatikizya Bukoko\\nAmuyeeye Cikonzya Kucitika Kuti Mwanywa","num_words":515,"character_repetition_ratio":0.062,"word_repetition_ratio":0.0,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Milimo 1 | Bbaibbele Lili a Intaneti | Bbaibbele lya Busanduluzi Bwanyika Mpya\\n1 Ooyandwa Teyofilo, mubbuku lyakusaanguna ndakalemba zyintu zyoonse Jesu nzyaakacita akuyiisya, 2 kusikila buzuba mbwaakatolwa kujulu, naakamana kupa malailile kwiinda mumuuya uusalala kubatumwa mbaakasala. 3 Naakamana kupenga, wakalitondezya kali muumi kuli baaba kwiinda mubumboni bunji busalede. Bakamubona mazuba oonse aali makumi one alimwi wakali kubapandulwida Bwami bwa Leza. 4 Alimwi naakabungene ambabo wakabapa malailile aaya: Mutazwi mu Jelusalemu pe, pele kamuzumanana kulindila ceeco Taata ncaakasyomezya, eeco ncomwakamvwa kulindime; 5 nkaambo ncobeni Johane wakali kubbapatizya amaanzi, pele nywebo muyoobbapatizyigwa amuuya uusalala kakutanainda mazuba manji kuzwa sunu. 6 Nobakabungana, bakamubuzya kuti: “O Mwami, sena ulapilusya Bwami ku Isilayeli aciindi cino?” 7 Wakati kuli mbabo: “Tacili kulindinywe kuzyiba ziindi naa mazuba ngabikkide Taata munguzu zyakwe mwini; 8 pele muyootambula nguzu waakusika alindinywe muuya uusalala, alimwi muyooba bakamboni bangu mu Jelusalemu, mu Judaya moonse amu Samaliya, alimwi mane akusikila kumagolelo aanyika.” 9 Naakamana kwaamba zyintu eezyi, kabalangilila wakatolwa kujulu eelyo kkumbi lyakamuvwumba tanaakacili kulibonya kuli mbabo. 10 Eelyo nobakali kulanga kujulu naakacili kuunka, mpoonya aawo ibaalumi bobilo ibakasamide zisani zituba bakaima munsi lyabo, 11 akwaamba kuti: “Nobaalumi bamu Galilaya, nkaambo nzi ncomwiimvwi kamulanga kujulu? Ooyu Jesu iwatambulwa kujulu kuzwa kulindinywe uyooboola mbubonya oobu mbomwamubona kaunka kujulu.” 12 Mpoonya bakapiluka ku Jelusalemu kuzwa kucilundu citegwa Cilundu ca Maolifa, ikweendwa buyo musinzo wamubuzuba bwa Sabata* kuzwa ku Jelusalemu. 13 Aboobo nobakasika, bakaunka muŋanda yamujulu oomo mobakali kukkala; kwakali Petulo, Johane, Jakobo, Anduleya, Filipo, Tomasi, Batolomayo, Matayo, Jakobo mwana wa Alifayo, Simoni musungu, alimwi a Judasi mwana wa Jakobo. 14 Kabajisi muzeezo omwe aaba boonse bakazumanana kupaila, antoomwe abamakaintu bamwi, a Maliya banyina Jesu abanabokwabo Jesu. 15 Mumazuba aayo Petulo wakanyamuka akati kababunyina (inkamu yabantu yoonse ibakali kutandila ku 120) akwaamba kuti: 16 “Nobaalumi, bakwesu, cakali kuyandika kuti lugwalo luzuzikizyigwe oolo muuya uusalala ngowakaamba mubusinsimi kwiinda muli Davida kujatikizya Judasi, ooyo wakaba musololi wabaabo bakajata Jesu, 17 nkaambo wakali kubalilwa akati kesu alimwi wakatambwide caabilo mumulimo ooyu. 18 (Aboobo muntu ngoonya ooyu wakaula muunda amali ngaakabbadelwa kucibi ncaakacita, alimwi naakaloka kalanzyide mutwe ansi wakabbosyoka da, eelyo mala aakwe oonse akafwasukila ansi. 19 Eeci cakazyibwa kubantu boonse bakkala mu Jelusalemu, cakuti muunda ooyo mumwaambo wabo wakaitwa kuti Akelidama, nkokuti Muunda wa Bulowa.) 20 Nkaambo kulilembedwe mubbuku lya Intembauzyo kuti, ‘Busena mbwakkala abube tongo alimwi kutabi muntu uukkala mpawo,’ akuti, ‘Imulimo wakwe wabulangizi aucitwe aumbi.’ 21 Aboobo kulayandika kuti akati kabaalumi ibakali kweenda andiswe ciindi coonse Mwami Jesu naakali akati kesu, 22 kuzwa naakabbapatizyigwa a Johane kusikila buzuba naakatambulwa kujulu kuzwa kulindiswe, umwi wabaalumi aaba weelede kuba kamboni wabubuke bwakwe antoomwe andiswe.” 23 Aboobo bakabanda bantu bobilo, Josefa uutegwa Basaba ooyo wakali kwiitwa kuti Jusito, alimwi a Matiya. 24 Mpoonya bakapaila akwaamba ku-ti: “Jehova, yebo oozyi myoyo yabantu boonse, kotutondezya ngoosala akati kabaalumi aaba bobilo, 25 kuti atambule mulimo ooyu alimwi abutumwa, nzyaakaleya Judasi akutobela nzila yakwe mwini.” 26 Aboobo bakawaala cisolo kujatikizya mbabo, mpoonya icisolo cakawida Matiya; eelyo wakabalilwa antoomwe abatumwa bali kkumi aumwi.\\n^ “Imusinzo ooyu wakali kulampa mamita aatandila ku 890. Amweezyanisye a Jos 3:4.”","num_words":469,"character_repetition_ratio":0.042,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mapenzi Ninsamu Iizwa Kuli Leza Na Akaambo Kakubisya?\\nMUSIMBI UUTEGWA LUZIA WEENDA BUSUNKUTA. Naakachili muniini wakachiswa bulwazi butabukila butegwa Polio. Naakali aaminyaka iili 16, mwanakazi ngwaakali kubelekela wakamubuzya kuti: “Bulwazi bwako ninsamu yakazwa kuli Leza nkaambo teewakali kubaswiilila pe bamaako.” Nikuba kuti kwiinda minyaka myiingi pesi majwi aaya achimukkede mumoyo.\\nDAMARIS NAAKAZIBA KUTI ULAAKKENSA YAMUBOONGO, wisi wakamubuzya kuti: “Mwanaangu, wakabisyaanzi kuli Leza? Kweelede kuti wakabisya chintu chipati loko. Nzizyo zyapa Leza kuti akunabbe ansamu.” Majwi aaya akapa kuti Damaris akataazikane loko.\\nKuzwa chiindi, bantu biingi bayeeya kuti kuchiswa ninsamu iizwa kuli Leza. Bbuku litegwa Manners and Customs of Bible Lands lyaamba kuti bantu biingi muchiindi chaJesu bakali kusyoma kuti, “kuchiswa ninsamu iizwa kuli Leza akaambo kazibi nzyaakachita muntu naakuti zyakachitwa aazibbululu zyakwe.” Alubo bbuku litegwa Medieval Medicine and the Plague lyakaamba kuti, chiindi “bantu bakali kusyoma kuti Leza wakali kutuma zilwazi kuti zibachise chiindi nibabisya.” Mumwaanda wamunyaka wachi 14, bumwi bulwazi bwakajaya bantu biingi loko kuEurope, bulwazi oobu yakali nsamu yakali kuzwa kuli Leza na akaambo kazibi nzibakachita? Naakuti bulwazi oobu bwakeetwa amabacteria mbuuli mbubakaamba balanga-langa zyabusilisi. Bamwi balakonzya kulibuzya kuti: “Nichoonzyo na kuti Leza ubelesya malwazi kuti asubule bantu?” *\\nLIBUZYE KUTI: Nikuli Leza ubelesya kuchiswa amapenzi kuti asubule bantu, zyakali kunoochita na kuti Mwanaakwe Jesu aponie bantu bakali kuchiswa? Kuchita oobo teekwakali kuyootondeezya kuti ukazyania aaWisi na? (Matayo 4:23, 24) Jesu taakwe naakakazyania aaWisi. Wakati: “Ndacita lyoonse zintu izimubotela,” alubo “Ndacita mbuli mbwaakandilailila Taata.”—Johane 8:29; 14:31.\\nBbayibbele lyaamba antanganana kuti Jehova nguLeza “uutakwe cibi.” (Deuteronomo 32:4) Muchikozyano, Leza takoonga wapa kuti bbaasi ibbewuke mpawo kufwe bantu biingi batakwe mulandu kuchitila kuti ajaye muntu uumwi wakachita chibi. Abrahamu, mukombi waJehova uusyomeka wakaamba kuti Leza ‘taakali kuyoomanisya baluleme antoomwe abasizibi.’ Alubo wakati eecho “cilatondwa” kuli Leza. (Matalikilo 18:23, 25) Alubo Bbayibbele lyaamba kuti, “kacili kule a-Leza kuti acite bubi” akuti “alubizye.”—Jobu 34:10-12.\\nNZILITUYIISYA BBAYIBBELE ATALA AMAPENZI\\nKuchiswa teensamu iizwa kuli Leza pe. Jesu wakapandulwida basikwiiya bakwe atala ankani eeyi chiindi nibakabona mwaalumi wakazyalwa kali moofu. “Basikwiiya bakwe bakamubuzya kuti, Rabi, ino nguni uwakacita cibi, sena nguwenya muntu oyu, na mbamuzyala, ncaakazyalwa aboofu? Jesu wakavuwa kuti, Tali oyu muntu uwakacita cibi nobaba abamuzyala, pele nkuti milimo ya-Leza iyubululwe mulinguwe.”—Johane 9:1-3.\\nNzyaakababuzya Jesu zyakabagambya basikwiiya bakwe nkaambo bakazi kuti muntu wakali koofwaala akaambo kazibi nzyaakachita naakuti zyakachitwa abazyali bakwe. Jesu wakaponia mwaalumi wakali moofu alubo wakatondeezya kuti njiisyo yakuti Leza usubula bantu amapenzi njakubeja. (Johane 9:6, 7) Bantu balikuchiswa mazubaano balakonzya kuumbulizigwa kuti baziba kuti Leza teenguwe uupa kuti bachiswe.\\nNikuli Leza ubelesya kuchiswa kuti asubule bantu, zyakali kunoochita na kuti Jesu aponie bantu bakali kuchiswa?\\n“Leza tatepauliki kucibi, alimwi walo mwini tatepauli muntu pe.” (JAKOBO 1:13) ‘Zintu zibi’ zikataazya bantu zili mbuuli kuchiswa alufu ziyoomana lino-lino.\\n“Balwazi boonse [Jesu Kristu] wakabaponya.” (MATAYO 8:16) Chiindi Jesu naakaponia bantu wakatondeezya zintu ziyoochitwa aaBwaami bwaLeza munyika yoonse.\\n“[Leza] Uyoosindula misozi yoonse kumeso aabo, takukooyooba limbi lufu, nikuba kuomoka nikuba kulila nikuba kuciswa, nkaambo zintu zyakale zyamaninina.”—CIYUBUNUZYO 21:3-5.\\nNkamboonzi bantu nibachiswa akuswaana mapenzi? Kuzwa chiindi, bantu balikuyanduula nsandulo yamubuzyo ooyu. Kuti Leza katali nguwe uutweetela mapenzi, ngwani ulikwayeta? Mibuzyo eeyi iyoosandulwa muchiiyo chitobela.\\n^ par 4 Nikuba kuti chiindi Leza wakali kubelesya malwazi kuti asubule bantu bakali kuchita zibi, pesi Bbayibbele talitondeezyi kuti Jehova uchibelesya malwazi naakuti mapenzi kuti asubule bantu akaambo kazibi nzibakachita.\\nBbayibbele litondeezya zintu zitatu zyeeta mapenzi.","num_words":517,"character_repetition_ratio":0.059,"word_repetition_ratio":0.0,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbotweelede Kupaila Kuli Leza\\nCoolwe Ncotujisi Cakupaila\\n“Mulengi wajulu anyika” ulayanda kumvwa mipailo yesu.—Intembauzyo 115:15\\n1, 2. Ino nkaambo nzi ncotweelede kubona mupailo kuti ncipego cilibedelede, alimwi nkaambo nzi ncotweelede kuzyiba Bbaibbele ncoliyiisya kujatikizya mupailo?\\nIKUTI nyika twayeelanya abubumbo boonse, tujana kuti ninsyoonto kapati. Ciindi Jehova nalanga nyika, bantu boonse ibali mumasi oonse balibonya buyo mbuli kadosi kameenda kazwa mumungomo. (Intembauzyo 115:15; Isaya 40:15) Nokuba kuti tuli baniini kapati tweelanisyigwa abubumbo, lugwalo lwa Intembauzyo 145:18, 19 lwaamba kuti: “Jehova ulaafwaafwi abaabo boonse bamwiita, aabo boonse bamwiita mukasimpe. Aabo bamuyoowa ulabapa nzyobayanda; ulamvwa nobakwiilila lugwasyo, alimwi ulabavwuna.” Eelo kaka eeci ncoolwe cipati ncotujisi! Jehova, Mulengi wesu singuzuzyoonse, uyanda kuti abe mulongwe wesu, alimwi ulayanda kwiiswiilila mipailo yesu. Inzya, mupailo ncoolwe cipati, ncipego cilibedelede Jehova ncapede umwi aumwi wesu.\\n2 Pele Jehova utuswiilila buyo ciindi notwaambaula anguwe munzila njakkomanina. Aboobo, ino mbuti mbotukonzya kucita oobo? Atubone ncolyaamba Bbaibbele kujatikizya mupailo.\\nNKAAMBO NZI NCOMWEELEDE KUPAILA KULI JEHOVA?\\n3. Nkaambo nzi ncomweelede kupaila kuli Jehova?\\n3 Jehova uyanda kuti kamupaila naa kwaambaula anguwe. Ino tuzyi buti oobo? Mwalombwa kuti mubale Bafilipi 4:6, 7. Amuyeeye buyo ncaamba majwi aaya aatukulwaizya kupaila. Mweendelezi wajulu anyika ulamubikkila maano kapati alimwi uyanda kuti mumwaambile mbomulimvwa alimwi amapenzi ngomujisi.\\n4. Ino mbuti kupaila lyoonse kuli Jehova mbokuyumya cilongwe canu anguwe?\\n4 Mupailo utugwasya kuba acilongwe ciyumu a Jehova. Ciindi bantu bobilo ibamvwana nobabandika akwaambilana nzyobayeeya, zintu zibalibilisya, alimwi ambobalimvwa, cilongwe cabo cilayuma kapati. Ncimwi buyo anotupaila kuli Jehova. Kwiinda mu Bbaibbele, Jehova ulamwaambila nzyayeeya alimwi ambwalimvwa, alimwi umwaambila nzyayoocita kumbele. Mulakonzya kumwaambila noziba zintu izimukatazyide kapati mumoyo kwiinda mukubandika anguwe lyoonse. Ciindi nomucita oobo, cilongwe canu a Jehova cinooyaabuyuma kapati.—Jakobo 4:8.\\nNCINZI NCOTWEELEDE KUCITA KUTEGWA LEZA AISWIILILE MIPAILO YESU?\\n5. Ino tuzyi buti kuti Jehova taiswiilili mipailo yoonse?\\n5 Sena Jehova ulaiswiilila mipailo yoonse? Peepe. Kumazuba aamusinsimi Isaya, Jehova wakaambila bana Israyeli kuti: “Nokuba kuti mupaile mipailo minji buti, mebo tandiswiilili pe; maanza aanu azwide bulowa bwabantu.” (Isaya 1:15) Aboobo ikuti tiitwacenjela, tulakonzya kucita zintu izikonzya kututantamuna kuli Jehova akupa kuti aleke kwiiswiilila mipailo yesu.\\n6. Ino nkaambo nzi lusyomo ncoluyandika kapati? Mbuti mbomukonzya kutondezya kuti mulaalusyomo?\\n6 Ikuti katuyanda kuti Jehova aiswiilile mipailo yesu, tweelede kumusyoma. (Marko 11:24) Mwaapostolo Paulo wakapandulula kuti: “Ikuti kakunyina lusyomo tacikonzyeki pe kumukkomanisya Leza, nkaambo kufwumbwa ooyo uuswena afwaafwi kulinguwe weelede kusyoma kuti nkwali ncobeni akuti uba sikupa bulumbu kuli baabo bamuyandaula cabusungu.” (Bahebrayo 11:6) Pele tatweelede kwaamba buyo amulomo kuti tulaalusyomo pe. Tweelede kutondezya kuti tulaalusyomo kwiinda mukumumvwida Jehova buzuba abuzuba.—Amubale Jakobo 2:26.\\n7. (a) Nkaambo nzi ncotweelede kulicesya alimwi akuba abulemu ciindi notupaila kuli Jehova? (b) Mbuti mbotukonzya kutondezya kuti tulisinizyide ciindi notupaila?\\n7 Tweelede kulicesya akutondezya bulemu ciindi notupaila kuli Jehova. Nkaambo nzi? Ikuti twapegwa coolwe cakubandika amwami naa muleli wacisi, tulakonzya kucita oobo cabulemu. Jehova ngu Leza Singuzuzyoonse, aboobo tuleelede kutondezya bulemu alimwi akulicesya kapati ciindi notwaambaula anguwe. (Matalikilo 17:1; Intembauzyo 138:6) Kuyungizya waawo, tweelede kupaila kuli Jehova cakusinizya alimwi kuzwa ansi aamoyo, ikutali kwiile kwaamba majwi ngoonya cakwiinduluka-induluka.—Matayo 6:7, 8.\\n8. Ncinzi cimbi ncotweelede kucita notwamana kupailila cintu cimwi?\\n8 Kuyungizya waawo, ciindi notupailila cintu cimwi, tweelede kubeleka canguzu kucita ceeco ncotwapailila. Mucikozyanyo, ikuti twapaila kuli Jehova kuti atupe zintu nzyotuyandika buzuba abuzuba, tatweelede kuba batolo akulindila kuti Jehova ulaile kutupa zyoonse nzyotuyanda kakuli tulakonzya kuzibelekela. Tweelede kubeleka canguzu akuba bantu balibambilide kucita kufwumbwa mulimo wajanika ngotukonzya kubeleka. (Matayo 6:11; 2 Batesalonika 3:10) Alimwi ikuti naa twapaila kuli Jehova kuti atugwasye kuleka kucita cintu cimwi cibi, tweelede kutantamuka bukkale buli boonse ibukonzya kutupa kusunkwa kucita cibi eeco. (Bakolose 3:5) Lino atulange-lange mibuzyo imwi iivwula kubuzyigwa kujatikizya mupailo.\\nMIBUZYO IIVWULA KUBUZYIGWA KUJATIKIZYA MUPAILO\\n9. Ino tweelede kupaila kuli ni? Ino lugwalo lwa Johane 14:6 lutuyiisya nzi kujatikizya mupailo?\\n9 Ino tweelede kupaila kuli ni? Jesu wakayiisya basikumutobela kupaila kuli ‘Taateesu uuli kujulu.’ (Matayo 6:9) Alimwi wakalyaamba kuti: “Ndime nzila, kasimpe alimwi abuumi. Kunyina uuboola kuli Taata ccita kuti wainda mulindime.” (Johane 14:6) Aboobo, tweelede kupaila buyo kuli Jehova kwiinda muli Jesu. Ino kupaila kwiinda muli Jesu caamba nzi? Eeci caamba kuti, ikutegwa Jehova aiswiilile mipailo yesu, tweelede kutondezya kuti tulaulemeka mulimo waalubazu Jehova ngwaakapa Jesu. Mbubonya mbotwakaiya, Jesu wakaboola aanyika kuzootufwutula kucibi alufwu. (Johane 3:16; Baroma 5:12) Kuyungizya waawo, Jehova wakabikka Jesu kuba Mupaizi Mupati alimwi Mubetesi.—Johane 5:22; Bahebrayo 6:20.\\nMulakonzya kupaila kufwumbwa ciindi\\n10. Sena tweelede kufwugama, kukkala, kwiimikila naa kuba muciimo cimwi cilibedelede ciindi notupaila? Amupandulule.\\n10 Sena tweelede kufwugama, kukkala, kwiimikila naa kuba muciimo cilibedelede notupaila? Peepe, Jehova tatwaambili kuti mane buya tufwugame, tukkale naa twiimikile ciindi notupaila. Bbaibbele lituyiisya kuti tulakonzya kwaambaula a Jehova katuli muciimo cili coonse citondezya bulemu. (1 Makani 17:16; Nehemiya 8:6; Daniele 6:10; Marko 11:25) Iciyandika kapati kuli Jehova ncakuti katwaambaula anguwe amoyo uusalala, ikutali ciimo motubede notupaila. Tulakonzya kupaila cakupozya naa mumoyo kufwumbwa nkotubede alimwi kufwumbwa ciindi, abe masyikati naa masiku. Notupaila kuli Jehova, tulakonzya kuba alusyomo lwakuti ulitumvwide noliba leelyo bantu bambi nobatatumvwide.—Nehemiya 2:1-6.\\n11. Ino nzintu nzi zimwi nzyotukonzya kupailila kuli Jehova?\\n11 Ino nzintu nzi nzyotukonzya kupailila? Tulakonzya kupailila cintu cili coonse ncakkomanina Jehova. Bbaibbele lyaamba kuti: “Kufwumbwa cintu ncotumulomba ceendelana akuyanda kwakwe, ulatumvwa.” (1 Johane 5:14) Sena tulakonzya kupailila zintu zitugeme swebo? Inzya. Notupaila kuli Jehova, tweelede kulimvwa mbuli kuti twaambaula amweenzuma ngotumvwana limwi kapati. Tulakonzya kumwaambila Jehova zintu zyoonse nzyotuyeeya naa izili mumyoyo yesu. (Intembauzyo 62:8) Tulakonzya kupaila kuti atupe muuya wakwe uusalala uulaanguzu kapati kuti utugwasye kucita zintu zibotu. (Luka 11:13) Kunze lyaboobo, tulakonzya kumulomba Jehova kuti atupe busongo kutegwa katusala kabotu, alimwi tulakonzya kupailila kuti atupe nguzu zyakuliyumya mumapenzi. (Jakobo 1:5) Tweelede kumulomba Jehova kuti atulekelele zibi zyesu. (Baefeso 1:3, 7) Alimwi tweelede kupailila bamwi, kubikkilizya abanamukwasyi wesu alimwi abakwesu abacizyi mumbungano.—Milimo 12:5; Bakolose 4:12.\\n12. Makani nzi aayandika kapati kwiinda oonse ngotweelede kupailila?\\n12 Makani nzi aayandika kapati kwiinda oonse ngotweelede kupailila? Makani aajatikizya Jehova alimwi akuyanda kwakwe. Tweelede kumulumba kuzwa ansi aamoyo akaambo kazintu zyoonse nzyaatucitila. (1 Makani 29:10-13) Tulizyi kuti oobo mboceelede kuba nkaambo ciindi Jesu naakali aanyika, wakayiisya basikwiiya bakwe mbokupailwa. (Amubale Matayo 6:9-13.) Wakaamba kuti cakusaanguna beelede kupailila kuti zina lya Leza lisalazyigwe, nkokuti, kulibona kuti lilisetekene naa lilasalala. Mpoonya Jesu wakatondezya kuti tweelede kupailila kuti Bwami bwa Leza buboole akuti kuyanda kwa Jehova kucitwe nyika yoonse mboizulwa. Jesu wakaamba kuti lilikke buyo notwamana kupailila zintu eezyi ziyandika kapati notukonzya kupailila zintu nzyotuyandika izitugeme swebo. Ciindi notusaanguna kupailila makani aajatikizya Jehova alimwi akuyanda kwakwe, tutondezya kuti eezyi nzyezintu ziyandika kapati kulindiswe.\\n13. Ino mipailo yesu yeelede kulampa buti?\\n13 Ino mipailo yesu yeelede kulampa buti? Bbaibbele talyaambi pe. Mipailo yesu ilakonzya kuba mifwaafwi naa milamfwu, kweelana abukkale. Mucikozyanyo, tulakonzya kupaila mupailo mufwaafwi ciindi notuyanda kulya pele tulakonzya kupaila mupailo mulamfwu ciindi notumulumba Jehova naa notumwaambila makatazyo eesu. (1 Samuele 1:12, 15) Tatweelede kupaila mipailo milamfwu akaambo kakucita mambonwa, mbubonya mbobakali kucita bantu bamwi ciindi Jesu naakali anyika. (Luka 20:46, 47) Jehova taikkomanini pe mipailo iili boobu. Ncayanda Jehova ncakuti katupaila kuzwa ansi aamoyo.\\n14. Ino tweelede kupaila ziindi zyongaye, alimwi ino eeci cituyiisya nzi kujatikizya Jehova?\\n14 Ino tweelede kupaila ziindi zyongaye? Jehova ututamba kuti katwaambaula anguwe lyoonse. Bbaibbele lyaamba kuti tweelede “kuzumanana kupaila,” ‘kujatisya kupaila,’ alimwi ‘akupaila cakutaleka.’ (Matayo 26:41; Baroma 12:12; 1 Batesalonika 5:17) Jehova ulilibambilide kutuswiilila ciindi coonse. Buzuba abuzuba tulakonzya kumulumba akaambo kaluyando alimwi abwaabi bwakwe. Kuyungizya waawo, tulakonzya kumulomba kuti atusololele, atupe nguzu alimwi akutuumbulizya. Ikuti katucibikkila maano ncobeni coolwe ncotujisi cakupaila kuli Jehova, tunakwaambaula lyoonse anguwe mumupailo.\\n15. Nkaambo nzi ncotweelede kwaamba kuti “ameni” kumamanino aamupailo?\\n15 Nkaambo nzi ncotweelede kwaamba kuti “ameni” kumamanino aamupailo? Bbala lyakuti “ameni” lyaamba kuti “masimpe” naa kuti “akube boobo.” Ikwaamba kuti “ameni” ninzila yakutondezya kuti tulisinizyide kujatikizya nzyotwaamba mumupailo. (Intembauzyo 41:13) Bbaibbele lituyiisya kuti ncibotu kwaamba kuti “ameni,” cakupozya naa kwaambila mumoyo, kumamanino aamupailo waabuleya kutegwa tutondezye kuti twazizuminizya izyaambwa mumupailo.—1 Makani 16:36; 1 Bakorinto 14:16.\\nLEZA MBWAINGULA MIPAILO YESU\\n16. Sena ncobeni Jehova ulayiingula mipailo yesu? Amupandulule.\\n16 Sena ncobeni Jehova ulayiingula mipailo yesu? Inzya. Bbaibbele limwaamba kuti ‘Ngusikuswiilila mipailo.’ (Intembauzyo 65:2) Jehova ulaiswiilila akuyiingula mipailo yamamiliyoni aabantu babombe myoyo, alimwi ulacita oobo munzila ziindene-indene.\\n17. Mbuti Jehova mbwabelesya bangelo alimwi ababelesi bakwe ibali aanyika kwiingula mipailo yesu?\\n17 Jehova ubelesya bangelo alimwi ababelesi bakwe ibali anyika ikwiingula mipailo yesu. (Bahebrayo 1:13, 14) Kuli zikozyanyo zinji zyabantu ibakapailila kuti bagwasyigwe kumvwisya Bbaibbele mpoonya nokwakainda buyo ciindi cisyoonto bakaswaigwa aumwi wa Bakamboni ba Jehova. Bbaibbele litondezya kuti abalo bangelo balatola lubazu mukumwaya “makani mabotu” munyika yoonse mboizulwa. (Amubale Ciyubunuzyo 14:6.) Acimbi icitondezya kuti ulayiingula mipailo ncakuti, tobanji kuli notwakapailide kuli Jehova kujatikizya penzi limwi naa cintu cimwi ncotwakabulide mpoonya mukwesu naa mucizyi umwi Munakristo wakatugwasya.—Tusimpi 12:25; Jakobo 2:16.\\nJehova ulakonzya kwiingula mipailo yesu kwiinda mulugwasyo ndobatupa Banakristoma\\n18. Ino mbuti Jehova mbwabelesya muuya wakwe uusalala alimwi a Bbaibbele kwiingula mipailo?\\n18 Jehova ubelesya muuya wakwe uusalala kwiingula mipailo yesu. Ciindi notupailila kuti atugwasye kuliyumya mupenzi limwi, ulakonzya kubelesya muuya wakwe uusalala kutusololela alimwi akutupa nguzu. (2 Bakorinto 4:7) Kuyungizya waawo, Jehova ubelesya Bbaibbele kwiingula mipailo yesu alimwi akutugwasya kusala cabusongo. Ciindi notubala Bbaibbele, tulakonzya kujana magwalo aakonzya kutugwasya. Alimwi Jehova ulakonzya kukulwaizya muntu umwi kwaamba kaambo kamwi lyamiswaangano ikakonzya kutugwasya naa imwaalu mumbungano ulakonzya kutwaambila kaambo kamwi kamu Bbaibbele ikagwasya.—Bagalatiya 6:1.\\n19. Nkaambo nzi ncocikonzya kulibonya mbuli kuti Jehova tanaayiingula mipailo yesu?\\n19 Pele zimwi ziindi tulakonzya kukatazyigwa mumoyo akulibuzya kuti, ‘Ino nkaambo nzi aino Jehova ncatanayiingula mipailo yangu?’ Mutalubi kuti walo ulizyi ciindi ceelede cakwiingula mipailo yesu alimwi anzila mbotu yakucita boobo. Ulizizyi zintu nzyotuyandika. Aabona inga twayandika kuzumanana kupaila kutegwa tutondezye kuti ncobeni tulisinizyide kujatikizya nzyotumwaambila akuti tulijisi lusyomo mulinguwe. (Luka 11:5-10) Zimwi ziindi Jehova wiingula mipailo yesu munzila njotutayeeyeli. Mucikozyanyo, tulakonzya kupaila kujatikizya bukkale bumwi ibwatukatazya, pele muciindi cakulimana penzi eelyo, ulakonzya kutupa nguzu kutegwa tuliyumye.—Amubale Bafilipi 4:13.\\n20. Nkaambo nzi ncotweelede kupaila kuli Jehova lyoonse?\\n20 Eelo kaka ncoolwe cipati kupaila kuli Jehova! Tulaalusyomo lwakuti ulatuswiilila. (Intembauzyo 145:18) Ciindi notuzumanana kupaila kuli Jehova lyoonse kuzwa ansi aamoyo, acalo cilongwe cesu anguwe cilayuma.\\nKAAMBO KAMASIMPE 1: JEHOVA ULIYANDIDE KUSWIILILA MIPAILO YESU\\n“Jehova ulaafwaafwi abaabo boonse bamwiita, aabo boonse bamwiita mukasimpe.”—Intembauzyo 145:18\\nIno ncinzi ncotweelede kucita kutegwa Jehova aiswiilile mipailo yesu?\\nTweelede kuba alusyomo.\\nTweelede kulicesya akuba abulemu.\\nNzyotucita zyeelede kweendelana amipailo yesu.\\nTweelede kwaamba masimpe alimwi kuzwa ansi aamoyo ciindi notupaila. Tatweelede kwaamba majwi ngamunya cakwiinduluka-induluka mumipailo yesu.\\nTweelede kupona kweelana akuyanda kwa Leza.\\nKAAMBO KAMASIMPE 2: MIBUZYO IIVWULA KUBUZYIGWA KUJATIKIZYA MIPAILO\\nIno tweelede kupaila kuli ni?\\nSena tweelede kufwugama, kukkala, kwiimikila naa kuba muciimo cilibedelede notupaila?\\nSena Jehova ulaiswiilila mipailo njotupailila mumoyo?\\nIno mipailo yesu yeelede kulampa buti?\\nIno tweelede kupaila ziindi zyongaye?\\nNkaambo nzi ncotwaamba kuti “ameni” kumamanino aamupailo?\\nKAAMBO KAMASIMPE 3: ZINTU NZYOTUKONZYA KUPAILILA\\n“Kufwumbwa cintu ncotumulomba ceendelana akuyanda kwakwe, ulatumvwa.”—1 Johane 5:14\\nNzintu nzi zimwi nzyotukonzya kupailila?\\nAmupailile kuti kuyanda kwa Jehova kucitwe.\\nAmumulumbe Jehova mumipailo.\\nAmupailile zintu nzyomubulide alimwi azimulibilisya.\\nAmupailile muuya uusalala.\\nAmupailile busongo kutegwa kamusala kabotu.\\nAmupaile kuti amupe nguzu zyakuliyumya.\\nAmupaile kulomba kulekelelwa zibi zyesu.\\nKAAMBO KAMASIMPE 4: JEHOVA ULAYIINGULA MIPAILO YESU\\n“Yebo Ooswiilila mipailo, bantu bamisyobo yoonse bayooboola kulinduwe.”—Intembauzyo 65:2\\nIno Jehova uyiingula buti mipailo yesu?\\nJehova ulakonzya kubelesya bangelo naa bantuma kutugwasya.\\nMuuya wakwe uusalala ulatupa lugwasyo ndotuyandika.\\nUlatupa luumuno alimwi anguzu nzyotuyandika kutegwa tuliyumye.\\nBagalatiya 6:1; 2 Timoteyo 3:16, 17\\nUlatupa busongo kwiinda mu Bbaibbele alimwi amumbungano.","num_words":1698,"character_repetition_ratio":0.088,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Buumi Butamani Akaambo ka Cinunuzyo—Cipego Ciindene Acipego Cili Coonse\\nCipego Ciindene Acipego Cili Coonse\\nKANCINI kakufwalisya pensulo ikapangidwe mbuli bwato ikali mujanza lyaba Jordan takalibonyi kuba kaalubazu. Nokuba boobo, kali akati kazintu nzyobayandisya kapati. Ba Jordan bakapandulula kuti: “Ba Russell, imulongwe wesu uucembeede, mbobakandipa kancini aaka ciindi nondakacili muniini kapati.” Nobakafwa ba Russell, ba Jordan bakazikuzyiba kuti ba Russell bakabeleka mulimo uuyandika kapati mubuumi bwabasyaanyinakulu baba Jordan alimwi abazyali babo, ikubakulwaizya muziindi zikatazya kapati. Ba Jordan bakaamba kuti: “Lino mbwaanga ndazyiba makani manji kujatikizya ba Russell, cipego eeci cilayandika kapati kulindime kwiinda kaindi.”\\nKweelana acakuluula caba Jordan mbocitondezya, kubantu bamwi, cipego cilakonzya kubonwa kuti taciyandiki. Nokuba boobo, kumuntu uutondezya kulumba, cilakonzya kuyandika kapati, mane akubonwa kuti tacikonzyi kuulwa amali. Bbaibbele lipandulula cipego citakonzyi kweelana amuulo uuli woonse mumajwi aaya aazyibidwe kapati aakuti: “Leza wakaiyanda kapati nyika cakuti wakapa Mwanaakwe simuzyalwaalikke, kutegwa muntu uuli woonse uumusyoma atanyonyoonwi, pele abe abuumi butamani.”—Johane 3:16.\\nIcipego cikonzya kupa kuti sikucitambula abe abuumi butamani! Sena kuli cipego cili coonse cilaampindu kapati kwiinda zyoonse? Nokuba kuti bamwi inga tiibakonzya kubona mpindu yacipego eeco, Banakristo bakasimpe bacibona kuti ncipego ‘ciyandisi.’ (Intembauzyo 49:8; 1 Petro 1:18, 19) Pele nkaambo nzi Leza ncaakaaba buumi bwa Mwanaakwe kuti abe cipego kubantu?\\nMwaapostolo Paulo ulapandulula kaambo ncaakacitila boobo kwiinda mumajwi aaya aakuti: ‘Cibi cakanjila munyika kwiinda mumuntu omwe alufwu kwiinda mucibi, eelyo lufwu lwakasikila bantu boonse.’ (Baroma 5:12) Muntu wakusaanguna, Adamu, wakabisya acaali kwiinda mukutamvwida Leza aboobo wakapegwa cisubulo calufwu. Kwiinda muli Adamu, lufwu lwakasikila bana bakwe boonse—bantu boonse munyika.\\n“Cakuvwola cacibi ndufwu, pele cipego ncapa Leza mbuumi butamani kwiinda muli Kristo Jesu Mwami wesu.” (Baroma 6:23) Kutegwa aangulule bantu kulufwu, Leza wakatuma Mwanaakwe, Jesu Kristo, munyika kutegwa azootuulile bantu buumi bwakwe bulondokede. Kwiinda mucituuzyo eeci, iciitwa kuti ‘cinunuzyo,’ boonse aabo basyoma muli Jesu bayooba abuumi butamani.—Baroma 3:24.\\nKujatikizya zilongezyo zyoonse Leza nzyapa kubakombi bakwe kwiinda muli Jesu Kristo, Paulo wakaamba kuti: “Aalumbwe Leza akaambo kacipego cakwe citabbadelwi citakonzyi kupandululwa.” (2 Bakorinto 9:15) Masimpe, cinunuzyo ncintu cilibedelede kapati ncotutakonzyi kupandulula. Pele akati kazipego zyoonse Leza nzyapa bantu, nkaambo nzi cinunuzyo ncocili cipego ciyandika kapati? Muunzila nzi mociindene azipego zimbi zyoonse nzyapa Leza? * Alimwi ino tweelede kucita buti acipego eeci? Tumukulwaizya kuti mubale bwiinguzi bwamu Bbaibbele kumibuzyo eeyi muzibalo zyobilo zitobela.\\n^ munc. 8 Cakulisungula, Jesu “wakaaba buumi bwakwe akaambo kandiswe.” (1 Johane 3:16) Nokuba boobo, mbwaanga cituuzyo eeco cakali cibeela camakanze aa Leza, zibalo eezyi zipandulula mulimo wa Leza mbwali Sikupa cinunuzyo.\\nMabala Amusale naa muyanda kukkopa zyakamwaigwa izyakalekkoodwa NGAZI YAMULINDIZI No. 2 2017 | Sena Muyoocitambula Cipego ca Leza Icipati Kwiinda Zyoonse?","num_words":399,"character_repetition_ratio":0.052,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Milimo 10 | Bbaibbele lili a Intaneti | Bbaibbele lya Busanduluzi Bwanyika Mpya\\nCilengaano ncaakabona Korneliyo (1-8)\\nCilengaano ncaakabona Petro cabanyama bakasalazyigwa (9-16)\\nPetro waswaya Korneliyo (17-33)\\nPetro wakambauka makani mabotu kuli bamasi (34-43)\\n“Leza tasalululi” (34, 35)\\nBamasi batambula muuya uusalala akubbapatizyigwa (44-48)\\n10 Lino mu Kaisareya kwakali mwaalumi umwi uutegwa Korneliyo, silutwe wabasikalumamba* munkamu yakali kwiitwa kuti impi ya Italiya.* 2 Wakali mwaalumi uuyandisya kukomba alimwi uuyoowa Leza antoomwe abamuŋanda yakwe boonse, alimwi wakali kupa zipego zyaluse zinji kubantu akupaila mipailo yakukombelezya Leza cakutaleka. 3 Iciindi kacili afwaafwi awoola lyafwuka*+ lyabuzuba wakabona kabotu-kabotu mucilengaano mungelo wa Leza kaboola kulinguwe akumwaambila kuti: “Korneliyo!” 4 Korneliyo wakamulangisya kayoowede, mpoonya wakamubuzya kuti: “Ninzi Mwami?” Wakati kulinguwe: “Mipailo yako azipego zyako zyaluse zyasika kuli Leza kazili ciibalusyo.+ 5 Aboobo lino kotuma baalumi ku Jopa kuti bakaite Simoni ooyo uutegwa Petro. 6 Ooyu muntu mweenzu* wamuntu umwi uutegwa Simoni, imusuki wazipaya uujisi ŋanda kumbali aalwizi.” 7 Mbwaakaunkila buyo mungelo iwakaambaula anguwe, wakaita bobilo akati kababelesi bakwe alimwi asikalumamba mukombi akati kabaabo ibakali babelesi bakwe, 8 eelyo wakabalwiida makani oonse akubatuma ku Jopa. 9 Ibuzuba bwakatobela nobakacili mulweendo lwabo pele kabali afwaafwi amunzi ooyo, Petro wakatanta aciluli caŋanda* kuyoopaila. Iciindi cakali kutandila kuwoola lyacisambomwe.* 10 Pele wakafwide nzala kapati alimwi wakali kuyanda kulya. Nobakacili kubamba cakulya wakabona cilengaano+ 11 eelyo wakabona julu lijalukide alimwi acintu cimwi kaciboola ansi mbuli cisani cipati caangidwe mumakkona one icilengelezyegwa; 12 alimwi mulincico mwakali banyama bamisyobo yoonse, bamaulu one, bakalaba anyika alimwi abayuni bamujulu. 13 Mpoonya wakamvwa jwi limwaambila kuti: “Nyamuka Petro, jaya ulye!” 14 Pele Petro wakati: “Peepe Mwami, nkaambo tandinalide cintu cili coonse cisofweede alimwi citasalali.”+ 15 Alimwi ijwi lyakaambaula anguwe ciindi cabili kaliti: “Koleka kwaamba zintu Leza nzyaasalazya kuti zilisofweede.” 16 Eeci cakacitika ciindi catatu, eelyo mpoonya aawo cintu eeco cakatolwa kujulu. 17 Lino Petro naakacizyingidwe kujatikizya ncocakali kwaamba cilengaano ncaakabona, ibaalumi mbaakatuma Korneliyo bakabuzya ikwakali ŋanda ya Simoni, eelyo bakaliimvwi amulyango walukwakwa lwanjiyo.+ 18 Bakaita akubuzya naa Simoni uutegwa Petro mpaakaswailide aawo. 19 Petro naakacili kuyeeya zyacilengaano eeco, imuuya+ wakamwaambila kuti: “Bona! Baalumi botatwe balakuyanda. 20 Aboobo nyamuka, seluka uunke ambabo, utadooneki naaceya, nkaambo ndime ndabatuma.” 21 Mpoonya Petro wakaseluka kuunka kubaalumi aabo akubaambila kuti: “Ndime ngomuyandaula. Ino mwalonda nzi?” 22 Bakati: “Korneliyo+ silutwe wabasikalumamba, mwaalumi mululami, uuyoowa Leza alimwi uulumbaizyigwa acisi coonse caba Juda, wakapegwa malailile aa Leza amungelo uusalala kuti atume bantu kuzookwaambila kuti uunke kuŋanda yakwe kutegwa amvwe eezyo nzyotiimwaambile.” 23 Aboobo wakabanjizya muŋanda akukkala ambabo kabali beenzu bakwe. Nobwakaca wakanyamuka akuunka ambabo, alimwi bakwesu bamwi ibamu Jopa bakaunka anguwe. 24 Mubuzuba bwakatobela wakanjila mu Kaisareya. Lino Korneliyo wakali kubalangila alimwi wakatambide basazinyina abeenzinyina mbocakali kumvwana kapati. 25 Mbwaakanjilila buyo Petro, Korneliyo wakamucinga, wakawida kumaulu aakwe akumufwugamina.* 26 Pele Petro wakamwiimikizya akumwaambila kuti: “Nyamuka; andime ndili muntu buyo.”+ 27 Eelyo kacibandika anguwe, wakanjila mukati akujana bantu banji balibungene. 28 Mpoonya wakabaambila kuti: “Mulizyi kabotu kuti cilatondwa kumu Juda ikuyanzana naa kuswaya muntu wamusyobo uumbi,+ pele lino Leza wanditondezya kuti tandeelede kwaamba muntu uuli woonse kuti ulisofweede naa kuti tasalali.+ 29 Nkakaambo kaako tiindakakaka kuboola nindakaitwa. Aboobo ndiyanda kuzyiba kaambo nkomwandiitila.” 30 Mpoonya Korneliyo wakati: “Mazuba one aainda kubala kuzwa awoola elino, ndakali kupaila muŋanda yangu awoola lyafwuka;* mpoonya ndakabona mwaalumi umwi wakasamide cisani cimweka-mweka kaimvwi kumbele lyangu. 31 Wakati: ‘Korneliyo, mupailo wako wamvwugwa alimwi azipego zyako zyaluse zyayeeyegwa a Leza. 32 Aboobo kotuma bantu ku Jopa bakaite Simoni, ooyo uutegwa Petro. Ooyu muntu mweenzu muŋanda ya Simoni, musuki wazipaya, uukkala kumbali aalwizi.’+ 33 Aboobo ndilyonya ndakakutumina bantu kuti bakwiite, alimwi wacita kabotu kuboola okuno. Aboobo lino toonse tuli waano kumbele lya Leza kutegwa tumvwe zintu zyoonse nzyaakulailila Jehova* kuti waambe.” 34 Naakamvwa boobo, Petro wakatalika kwaambaula kuti: “Lino ndazyiba ncobeni kuti Leza tasalululi,+ 35 pele muzisi zyoonse kufwumbwa muntu uumuyoowa akucita ziluleme ulatambulwa kulinguwe.+ 36 Wakatuma jwi kubana ba Israyeli ikwaambilizya makani mabotu aaluumuno+ kulimbabo kwiinda muli Jesu Kristo kuti—ooyu ngo Mwami waboonse.+ 37 Mulaazyi makani aakabandikwa mu Judaya moonse, kutalikila mu Galilaya+ nolwakainda lubbapatizyo ndwaakakambauka Johane: 38 kujatikizya Jesu ooyo wakazwa ku Nazareta, Leza mbwaakamunanika amuuya uusalala anguzu,+ alimwi wakeenda koonse-koonse munyika kacita zintu zibotu akuponya boonse bakali kudyaamininwa a Diabolosi,+ nkaambo Leza wakali anguwe.+ 39 Lino tuli bakamboni bazintu zyoonse nzyaakacita mucisi caba Juda amu Jerusalemu; pele bakamujaya kwiinda mukumugagaila aacisamu. 40 Leza wakamubusya ooyu muntu mubuzuba bwatatu+ akumupa kuti alibonye, 41 ikutali kubantu boonse pe, pele kuli bakamboni bakasalilwa limwi a Leza, kulindiswe, nitwakalya akunywa anguwe naakabuka kuzwa kubafwu.+ 42 Alimwi wakatulailila kukambaukila bantu akupa bumboni cakulomya+ bwakuti muntu ooyu ngonguwe wakasalwa a Leza kuti abe mubetesi wabaumi abafwide.+ 43 Basinsimi boonse bamucitila bumboni+ bwakuti, muntu uuli woonse uumusyoma ulalekelelwa zibi zyakwe kwiinda muzina lyakwe.”+ 44 Petro naakacili kwaamba makani aaya, imuuya uusalala wakabasikila boonse aabo bakali kuswiilila majwi aa Leza.+ 45 Alimwi basyomi bapalwidwe* ibakaboolede a Petro bakagambwa, nkaambo cipego camuuya uusalala cakali kupegwa akubantu bamasi. 46 Nkaambo bakabamvwa kabaambaula myaambo* imbi akutembaula Leza.+ Mpoonya Petro wakati: 47 “Sena kuli muntu uukonzya kwaakasya maanzi kuti batabbapatizyigwi+ bantu aaba ibatambula muuya uusalala mbubonya mbuli ndiswe?” 48 Eelyo wakabalailila kuti babbapatizyigwe muzina lya Jesu Kristo.+ Mpoonya bakamulomba kuti kacikkede ambabo kwamazuba aali mbwaabede.\\n^ Naa “sikweendelezya basikalumamba bali 100.”\\n^ Naa “impi yaba Roma yabasikalumamba bali 600.”\\n^ Naa “usamausyigwa.”\\n^ Ibunji bwamaanda akali kuyakwa kaaselebete atala, alimwi akali kubelesyegwa abantu kucitila zintu zinji.\\n^ Nkokuti, cakuma 12 koloko yamasyikati.\\n^ Naa “bantu basyomeka.”\\n^ Mu Chigiriki, “milaka.”","num_words":822,"character_repetition_ratio":0.046,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 41 IBBAIB63 - Lino niyakamana myaka yobile - Bible Search\\nMatalikilo 40 Matalikilo 42\\nJosefa mbwaakapandulula ziloto zya-Farao\\n1Lino niyakamana myaka yobile iizwide, Farao wakalota. Muciloto cakwe kaimvwi kumbali lyalwizi. 2Nkabela omo mulwizi mwakazwa iŋombe impwizi zili musanu azibili. Zyakali kweebeka, amibili yazyo yakalineneede. Nkabela kazicela akati kamatete. 3Lino kusule lyazeezyo mwakazwa mulwizi azimwi zili musanu azibili. Zyakali zibi, amibili yazyo yakalikotede. Nkabela kaziimvwi kumbali lyazitaanzi kunkomwe yalwizi. 4Elyo iŋombe ezyo zili musanu azibili zibi zikotede zyakalya iŋombenyina zili musanu azibili izyakeebeka akuneneya. Mpawo Farao wakasinsimuka. 5Alimwi wakoona, walota lwabili, wabona makunka aamaila aali musanu aabili aasyuuka akuba lyomwe, alisikide, mabotu. 6Nkabela kusule lyayaayo kwakamena aamwi makunka aali musanu aabili, aapuputide, aajayidwe muuwo wakujwe. 7Lino makunka aapuputide akalya makunka aasikide mabotu. Mpawo Farao wakasinsimuka, wajana kuti nciloto. 8-Lino nibwakaca, moyo wakwe wakapenga, aboobo wakatuma, waita boonse bacape ba-Egepita abasongo boonse. Basike, Farao wakabalwiida ciloto cakwe, pele katakwe naba omwe iwakakonzya kucipandulula.\\n9Mpawo mupati wabakutausi wakaambila Farao kuti, Sunu ndaibaluka kubisya kwangu. 10-Ciindi eciya Farao naakakalalila balanda bakwe akutwaanga muntolongo muŋanda yasilutwe wabatabilizi, mebo amupati wabajisi, 11-twakalota ziloto toonse tobile mubusiku bomwe. Umwi aumwi wakalota ciloto cipandululwa bumbi. 12-Lino oko nkutwakabede kakuli umwi mulombe mu-Hebrayo, mulanda wasilutwe wabatabilizi. Ngonguwe wakatupandulwida ziloto zyesu akutwaambila umwi aumwi mbucaamba ciloto cakwe. 13-Nkabela makani akaba ncobeni mbubonya mbwaakatupandulwida. Mebo ndakaboozegwa mumilimo yangu pele mweenzuma wakaanzikwa.\\n14-Mpawo Farao wakatuma mulazyo wakwiita Josefa, nkabela bakafwambaana kumugwisya muntolongo, Naakamana kulinyoola akusama zimbi, wakeza kuli-Farao. 15-Elyo Farao wakaambila Josefa kuti, Ndalota ciloto, pele taakwe uukonzya kundipandulwida. Lino ndamvwa aanduwe kuti, wamvwa buyo ciloto, ulakonzya kucipandulula. 16-Mpawo Josefa wakavwiila Farao kuti, Teensi ndime pe, pele Leza nguuyoopandulwida Farao kabotu. 17Lino Farao wakaambila Josefa kuti, Muciloto cangu ndakaliimvwi ankomwe yalwizi. 18Omo mulwizi mwakazwa iŋombe impwizi zili musanu azibili, zineneede, zili aziwa zibotu, zyaakucela akati kamatete. 19Lino kusule lyazeezyo mwakazwa impwizi azimwi zili musanu azibili, zikotede, zili aziwa zibi, ziyuminide loko amibili yazyo. Nsikwe nendakabona iŋombe zibi zili boobu munyika yoonse ya-Egepita. 20Mpawo iŋombe zikotede zibi zyakalya iŋombe zitaanzi zili musanu azibili zineneede. 21Nekubaboobo zimane biyo kuzilya, teekwakazibwa kuti zyazilya pe, nkaambo ziwa zyezyo zyakacili zibi mbubonya mbozyakabede akutaanguna, Elyo ndakasinsimuka. 22Ndakalota ci lo to acimwi, ndabona makunka aamaila aali musanu aabili akuba lyomwe. Akalisikide, mabotu. 23Alimwi kusule lyayaayo kwakawayula makunka aali musanu aabili aapuseme, aaputide, aajayidwe amuuwo wakujwe. 24-Nkabela makunka aapuputide akalya makunka aali musanu aabili mabotu, Lino ndakalwiida bamucape, pele katakwe iwakakonzya kundipandulwida.\\n25-Mpawo Josefa wakaambila Farao kuti, Ciloto ca-Farao ncimwi buyo. Leza watondezya Farao ncayoocita. 26Iŋombe zili musanu azibili zibotu nkukuti myaka iili musanu aibili, aalo makunka aali musanu aabili nkukuti myaka iili musanu aibili, nkaambo ciloto ncimwi buyo. 27-Alimwi iŋombe zili musanu azibili zikotede zibi izyakasyaalila kuzwa nkukuti myaka iili musanu aibili, aalo makunka aali musanu aabili aapuputide aabijide kumuuwo wakujwe nkukuti myaka iili musanu aibili yanzala. 28Mbubonya mbundaambila Farao kale, Leza watondezya Farao ncayoocita. 29Kuyoosika myaka iili musanu aibili yaceo cipati munyika yoonse ya-Egepita, 30-elyo kusule lyayeeyo kuyoosika myaka iili musanu aibili yanzala; ceo coonse ciyoolubwa munyika ya-Egepira, nkaambo inzala iyoomanisya nyika. 31Ceo taci-kooyooyeeyegwa limbi munyika nkaambo kanzala iiyoosyaalila, nkaambo iyoobija loko. 32Alimwi ciloto mbucakaindululwa tobile kuli-Farao, nkukuti makani abambwa kuli-Leza, nkabela Leza ulafwambaana kwaacita. 33Nkaambo kako Farao alangaule muntu musongo uucenjede, amubike kuti aendelezye nyika ya-Egepita. 34Alimwi Farao abike basilutwe moonse munyika, kuti batole cipanzi casanu camicelo yanyika ya-Egepita mumyaka iili musanu aibili yaceo. 35Babungike zilyo zyoonse zyamyaka eyi mibotu iiti sike, balondole maila mumaanza aa-Farao kuti kube zilyo muminzi, babike kumbali. 36Zilyo ezyo ziyoobeda nyika ciyobozyo, ciligwe mumyaka iili musanu aibili yanzala iiyoosika kucisi ca-Egepita, kuti nyika itafwidilili kunzala.\\nJosefa mbwaakaba mweendelezi wa-Egepita\\n37Lino aya majwi akabota mumeso aa-Farao amu meso aabalanda bakwe boonse. 38-Nkabela Farao wakaambila balanda bakwe kuti, Sa cilakonzeka kujana muntu aumwi uli mbuli oyu uuli a-Muuya wa-Leza? 39Farao wakaambila Josefa kuti, Mbuli Leza mbwaakuzibya aya makani oonse, ncobeni taakwe musongo uucenjede mbuli nduwe. 40-Uyooendelezya iŋanda yangu abantu bangu boonse baleelede kulibamba mbubonya mboamba. Mubwami luzutu njooba mupati kwiinda nduwe. 41-Alimwi Farao wakaambila Josefa kuti, Bona! Ndakubika kuti ube mweendelezi wanyika yoonse ya-Egepita. 42-Mpawo Farao wakagwisya kanwenwe kakujanza lyakwe akukasamika ajanza lya-Josefa, alimwi wakamusamika zyakusama zyabuluba akubika munkonde wangolida munsingo yakwe. 43Nkabela wakamutansika munkalaki yabili njaakajisi, nkabela bakali koongolola kubusyu bwakwe kuti, Amukotame! Mbuboobo mbwaakamubika kuti aendelezye nyika yoonse ya-Egepita. 44Alimwi Farao wakaambila Josefa kuti, Ndime Farao. Ncobeni taakwe muntu uuyoonyampula ijanza lyakwe nanka kuulu kwakwe munyika yoonse ya-Egepita cita wazumina yebo. 45Nkabela Farao wakaulika Josefa izina lya-Zafenati-Panea, alimwi wakamupa Asenati mwana musimbi wa-Potifera mupaizi waku-Oni kuti amukwate. Aboobo Josefa wakali kuya bweendeenda munyika yoonse ya-Egepita,\\n46-Josefa kali amyaka iili makumi otatwe naakanjila mumilimo kuli-Farao mwami wa-Egepita. Elyo Josefa naakazwa kuli-Farao wakali kuya bweendeenda munyika yoonse ya-Egepita. 47Lino mumyaka iili musanu aibili yaceo nyika yakapa zilyo zinji loko. 48Nkabela wakabungika zilyo zyoonse zyamyaka iili musanu aibili yaceo munyika ya-Egepita, walondola zilyo muminzi. Kuminzi yoonse zilyo zyamyuunda iiengelede munzi wakazilondola mulinguwo. 49-Josefa wakalondola maila manji loko mbuli musenga wakunkomwe yalwizi, mane lumwi wakaleka kwaabala, nkaambo kaatacibaliki.\\n50-Lino mwaka wanzala nowatakaina kusika, Josefa wakazyalilwa bana bobile balombe mbaakamuzyalila Asenati mwana musimbi wa-Potifera mupaizi wa-Oni. 51Nkabela mwana mutaanzi Josefa wakamuulika izina lya-Manase, nkaambo wakati, Leza wandilubya mafwabi aangu oonse aluzubo loonse lwataata. 52Amwana wabili wakamuulika izina lya-Efraimu, nkaambo wakati, Leza wandizyazya munyika yakufwaba kwangu.\\n53Cibe ciindi, myaka iili musanu aibili yaceo camu nyika ya-Egepita yakamana, 54-amyaka iili musanu aibili yanzala yakatalika, mbubonya mbuli Josefa mbwaakaamba. Lino kakuli inzala muzisi zyoonse, pele munyika yoonse ya-Egepita kakuli zilyo. 55-Bantu boonse ba-Egepita nibakafwa inzala, bantu bakalilila zilyo kuli-Farao, nkabela Farao wakaambila baEgepita boonse kuti, Kamuya kuli-Josefa; kufumbwa ncaamba amucicite. 56-Elyo inzala niyakaba koonse koonse kunyika, Josefa wakajalula mavuko oonse, waabila ba-Egepita zilyo. Inzala yakakataazya loko munyika yaEgepita. 57-Alimwi bantu bakuzisi zyoonse bakasika ku-Egepita kuzoosunza kuli-Josefa, nkaambo inzala yakakomena munyika yoonse.","num_words":928,"character_repetition_ratio":0.094,"word_repetition_ratio":0.002,"special_characters_ratio":0.168,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mabbuku aa Bakamboni ba Jehova kutumwa Aamawebbusaiti Aatazumizyidwe\\nAMUBALE MU Afrikaans Albanian Altai Alur Amharic Amis Arabic Argentinean Sign Language Armenian Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Boulou Brazilian Sign Language Bulgarian Cakchiquel (Western) Catalan Cebuano Chichewa Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Colombian Sign Language Croatian Czech Damara Dangme Danish Digor Douala Dutch Edo Efik English Esan Estonian Ewe Fijian Finnish Fon French Ga Garifuna Georgian German Greek Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hungarian Ibanag Icelandic Igbo Iloko Indonesian Isoko Italian Japanese Jula Kabiye Kabuverdianu Kannada Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mexican Sign Language Mingrelian Mixe (North Central) Mixtec (Guerrero) Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nigerian Pidgin Norwegian Nzema Okpe Oromo Ossetian Otetela Pangasinan Papiamento (Curaçao) Persian Pidgin (Cameroon) Polish Ponapean Portuguese Portuguese (Portugal) Punjabi Quechua (Ancash) Quechua (Bolivia) Romanian Russian Russian Sign Language Samoan Sango Sepedi Sepulana Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovenian Solomon Islands Pidgin South African Sign Language Spanish Spanish Sign Language Sranantongo Swahili Swahili (Congo) Swati Swedish Tagalog Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Vietnamese Waray-Waray Wolaita Xhosa Yoruba Zande Zapotec (Isthmus) Zulu\\nIno nkaambo nzi ncocitazumizyidwe kutuma mabbuku aa Bakamboni ba Jehova aamawebbusaiti aatazumizyidwe?\\nAkaambo kakuti tulaabila mabbuku eesu aamba zyamu Bbaibbele kakunyina kubbadelesya, bamwi balimvwa kuti kwaakkopa alimwi akwaatuma aamawebbusaiti aambi kulizumizyidwe. Pele, kucita boobo takweendelani amalailile aali mucibeela cakuti Nzyomweelede Kuzumina * kujatikizya mawebbusaiti eesu alimwi caleta mapenzi mapati. Kweelana ambokwaambidwe cakusalazya mucibeela eeco, kunyina uuzumizyidwe kutuma “zifwanikiso, mabbuku aa Intaneti, zizibisyo, nyimbo, zifwoto, mavidiyo, naa zibalo kuzwa awebbusaiti yesu a Intaneti (webbusaiti iili yoonse, file-sharing site, video-sharing site, naa Intaneti).” Ino nkaambo nzi mulawo uuli boobo ncouyandika?\\nKunyina weelede kutuma mabbuku eesu alo aatazumizyidwe kulembululwa kumawebbusaiti aambi a Intaneti\\nZyoonse izili aamawebbusaiti eesu tazyeelede kulembululwa. Basiluleyo alimwi abasikukazya bambi balasola kubelesya mabbuku eesu aamawebbusaiti aabo kutegwa boongelezye Bakamboni ba Jehova alimwi abamwi. Zintu zibikkilizyidwe mumawebbusaiti aayo zyakabambilwa kupa basikubala kudooneka. (Int. 26:4; Tus. 22:5) Bamwi babelesya makani kuzwa mumabbuku eesu naa cizibisyo cawebbusaiti yesu ya jw.org mukwaambilizya makwebo, naa kubikka aazintu nzyobayanda kusambala, alimwi amuma app aamutuncini twamumaanza. Kwiinda mukukwabilila milawo iikasya kulembulula alimwi acizibyo, tulijisi twaambo kweelana amulawo itukwabilila kuti kutabi kuzibelesya munzila iitali kabotu. (Tus. 27:12) Pele ikuti acaali twazumizya bantu, nobaba bakwesu, kutuma makani aali aawebbusaiti yesu aamawebbusaiti aambi, naa kubelesya cizibyo ca jw.org kusambala zintu, nkuta tazikonzyi kutugwasyilizya notusola kukasya basikukazya alimwi abasimakwebo.\\nKulintenda ikukkopa mabbuku eesu kuzwa kumasena aambi muciindi ca jw.org. Jehova wakapa “muzike uusyomeka alimwi uucenjede” alikke, mukuli wakubamba cakulya cakumuuya. (Mt. 24:45) “Muzike” ooyu ubelesya buyo mawebbusaiti aazumizyidwe ikumwaya cakulya cakumuuya—www.jw.org, tv.jw.org, alimwi a wol.jw.org. Alimwi tujisi buyo ma app aamutuncini twamumaanza otatwe aazumizyidwe—JW Language®, JW Library®, alimwi a JW Library Sign Language®. Tulakonzya kusyoma kuti muzibelesyo eezyi kunyina kwaambilizya makwebo naa kusofwaazyigwa anyika ya Saatani. Ikuti kwabelesyegwa nzila zimbi kujana cakulya cakumuuya, cilalangilwa kuti cakacincwa naa kunyonganizyigwa.—Int. 18:26; 19:8.\\nKuyungizya waawo, kutuma mabbuku eesu mumawebbusaiti aazumizya bantu kuti baambe nzyobayeeya kupa coolwe kuli basiluleyo alimwi abasikukazya bamwi ikumwaya twaambo tupa kuti mbunga ya Jehova italike kudoonekwa. Bakwesu bamwi boongelezyegwa amibandi yakukazyanzya a Intaneti, aboobo bapa kuti zina lya Jehova lisampaulwe. Intaneti taili nzila yeelela kuti muntu ‘uubombede moyo kalailila baabo bakazya.’ (2Tim. 2:23-25; 1Tim. 6:3-5) Alimwi kwajanwa kuti kwabambwa maakkaunti akubandikila a Intaneti aakubeja alimwi kwabambwa amawebbusaiti aajisi zina lyambunga, lya Kabunga Keendelezya, alimwi amazina aabantu bali muli nkako. Pele, kunyina uuzulilwa mu Kabunga Keendelezya uujisi webbusaiti yakwe mwini naa uujanika mumawebbusaiti aakubandikila a Intaneti.\\nKutondezya bantu webbusaiti ya jw.org kugwasya kumwaya “makani mabotu.” (Mt. 24:14) Zibelesyo zili a Intaneti nzyotutambula kutegwa katubelesya mumulimo wesu zilabambululwa lyoonse. Tuyanda kuti boonse kabagwasyigwa anzizyo. Aboobo, kweelana amalailile aali mucibeela cakuti Nzyomweelede Kuzumina mbwaatondezya, mulakonzya kumutumina muntu umwi bbuku a e-mail naa kumutumina liinki isololela ku jw.org. Kwiinda mukutondezya bantu balaaluyandisisyo webbusaiti yesu iizumizyidwe, tubaswaanganya kubusena bwini ikuzwa cakulya cakumuuya, “muzike uusyomeka alimwi uucenjede.”\\n^ munc. 1 Liinki iitola ku Nzyomweelede Kuzumina ilakonzya kujanwa apeeji lyamatalikilo a jw.org mpoili aansi, alimwi milawo iilembedwe ilabeleka kuzintu zyoonse iziliko amawebbusaiti eesu.","num_words":751,"character_repetition_ratio":0.065,"word_repetition_ratio":0.0,"special_characters_ratio":0.159,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nkaambo Nzi Bakamboni ba Jehova Ncobatainguli Mutwaambo Toonse Ntobatamikizyigwa?\\nAMUBALE MU Afrikaans Albanian Amharic Arabic Armenian Armenian (West) Azerbaijani Azerbaijani (Cyrillic) Bassa (Cameroon) Batak (Toba) Bislama Bosnian Boulou Bulgarian Catalan Cebuano Chichewa Chin (Hakha) Chinese (Traditional) Chinese Mandarin (Simplified) Chitonga Chitumbuka Chol Croatian Czech Danish Dutch English Estonian Ewe Faroese Finnish French Galician Georgian German Greek Guarani Haitian Creole Hausa Hebrew Hiligaynon Hindi Hungarian Icelandic Indonesian Italian Japanese Javanese Kachin Karen (S'gaw) Kazakh Kinyarwanda Kirghiz Kirundi Kongo Korean Kwanyama Lingala Lithuanian Low German Macedonian Malagasy Malay Malayalam Myanmar Nahuatl (Central) Nahuatl (Huasteca) Nahuatl (Northern Puebla) Ndebele (Zimbabwe) Norwegian Nzema Oromo Ossetian Pangasinan Papiamento (Curaçao) Polish Portuguese Portuguese (Portugal) Punjabi Quechua (Cuzco) Rarotongan Romanian Russian Sepedi Serbian (Cyrillic) Serbian (Roman) Sesotho (South Africa) Setswana Shona Silozi Sinhala Slovak Slovenian Solomon Islands Pidgin Spanish Sunda Swahili Swedish Tagalog Tahitian Tamil Tatar Telugu Tetun Dili Thai Tiv Tojolabal Tongan Turkish Twi Uighur (Cyrillic) Ukrainian Urdu Uzbek Valencian Venda Vezo Vietnamese Wallisian Xhosa Yoruba Zulu\\nBakamboni ba Jehova batobela lulayo lwamu Bbaibbele lwakuti tabeelede kubweza ntaamu kukutamikizyigwa koonse alimwi akusampaulwa. Mucikozyanyo, kaambyo kamwi kamu Bbaibbele kaamba kuti: “Ooyo uululamika muntu sikusampaula uliletela buyo masampu.” (Tusimpi 9:​7, 8; 26:4) Muciindi cakubikkila maano mumakani aatayi koomoonga aakuzwangana akaambo kakutamikizyigwa, tubikkila maano kucita zintu zikkomanisya Leza.​—Intembauzyo 119:69.\\nKumane buya, kuli “ciindi cakuumuna aciindi cakwaambaula.” (Mukambausi 3:7) Tulabaingula babombe myoyo ibayanda kuzyiba kasimpe, pele tulasoleka kutantamuka muuya wakukazyanya. Kwiinda mukucita boobo, tutobela njiisyo acikozyanyo ca Jesu kubikkilizya a Banakristo bakusaanguna.\\nJesu kunyina naakaingula ciindi naakatamikizyigwa kumbele lya Pilato. (Matayo 27:11-​14; 1 Petro 2:​21-​23) Kuyungizya waawo, Jesu kunyina naakaingula ciindi nobakamutamikizya kuba cakolwa akuba mulyato. Muciindi caboobo, wakalekela milimo yakwe kuti ibape bwiinguzi, kweelana anjiisyo eeyi yakuti: “Busongo bulabonwa kuti buliluleme kwiinda mumilimo yambubo.” (Matayo 11:19) Nokuba boobo, mubukkale bumwi, Jesu cabusicamba wakali kubaingula aabo ibakali kutubejekezya.​—Matayo 15:​1-3; Marko 3:​22-​30.\\nJesu wakayiisya basikumutobela kuti tabeelede kutyompwa akaambo kakutamikizyigwa. Wakaamba kuti: “Mulikkomene nywebo ciindi bantu nobamusampaula akumupenzya akumubejelezya zintu zibi ziindene-indene akaambo kandime.” (Matayo 5:​11, 12) Alimwi Jesu wakaamba kuti ciindi kutamikizyigwa kuli boobo nokujalula nzila kuli basikumutobela kuti bape bumboni, uyoocizuzikizya cisyomezyo cakwe cakuti: “Ndiyoomupa majwi abusongo, eezyo basikumukazya boonse nzyobatakakonzyi kukaka naa kukazya.”​—Luka 21:12-​15.\\nMwaapostolo Paulo wakabapa lulayo Banakristo lwakuti tabeelede kukazyanya abasikukazya, kukazyanya kuli boobo wakakwaamba kuti ‘takugwasyi alimwi nkwabuyo.’​—Tito 3:9; Baroma 16:17, 18.\\nMwaapostolo Petro wakabakulwaizya Banakristo kwiiminina lusyomo lwabo kuti kacikonzyeka kucita oobo. (1 Petro 3:​15) Pele wakabaambila kuti eeci kanji-kanji cibeleka kabotu kwiinda mumilimo kutali mumajwi. Wakalemba kuti: “Kwiinda mukucita zibotu, mukaumuzye bantu bafwubafwuba baambaula makani aabufwubafwuba.”​—1 Petro 2:​12-​15.\\nMubufwaafwi amubone zintu zili 15 nzyotusyoma.\\nNguni Wakatalisya Mbunga ya Bakamboni ba Jehova?\\nAmubale mubone Charles Taze Russell ncaatakali sikutalisya cikombelo cipya.\\nSena Bakamboni ba Jehova Nkabunga Kabukombi Kazandukide?","num_words":417,"character_repetition_ratio":0.048,"word_repetition_ratio":0.0,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Naamani, Mupati Wabasilumamba Wakaswiilila Kasimbi kachiIsrayeli | Zyiiyo Zyabana Zizwa muBbayibbele\\nKuchisi chaSiriya, kwakali kasimbi kachiIsrayeli kakali kukkala kule akulimbabo. Kakatolwa kubuzike abasilumamba babanaSiriya alimwi kakali kubelekela mukayintu wamupati wabasilumamba uutegwa Naamani. Kasimbi aaka kakali kukomba Jehova, nikuba kuti kakali kukkala abantu batamukombi pe.\\nNaamani wakali azilonda mubili woonse alimwi zyakali kumuchisa chiindi choonse. Kasimbi aaka kakali kuyanda kumugwasya. Kakabuzya mukayintu waNaamani kuti: ‘Kulimuntu ngundizi uukonzya kuponia mulumaanu. Muchisi chaIsrayeli kuli musinsimi waJehova utegwa Elisha. Ulakonzya kumuponia mulumaanu.’\\nMukayintu waNaamani wakabuzya mulumaakwe nzyakabuzigwa akasimbi aaka. Naamani wakali kuyanda kuchita kufumbwa chintu, nkinkaako, wakayinka kuIsrayeli kung’anda yaElisha. Naamani wakali kuyeeyela kuti Elisha wakali kuyoomutambula mbuli muntu uulemekwa. Elisha taakaambuulaawe pe, pesi wakatuma mubelesi wakwe kuti akajuzye Naamani akuti akamubuzye kuti: ‘Koya ukasambe ziindi zili musanu azibili muMulonga waJordani. Mpawo, uyoopona.’\\nNaamani wakabijilwa loko. Mpawo wakati: ‘Ndali kuyeeya kuti musinsimi ulandiponia kwiinda mukukwiilila zina lyaLeza wakwe akundiguma ajanza lyakwe mumutwe. Pesi wandibuzya kuti ndikasambe kumulonga uli muIsrayeli. Kulindiswe kuSiriya, kuli milonga iyinda yamuchisi chaIsrayeli. Ndilabweeda kulindiswe ndikasambe nkuko.’ Naamani wakanyema, mpawo wakazwa kung’anda yaElisha.\\nBabelesi baNaamani bakamugwasya kuti ayeeye kabotu. Bakamubuzya kuti: ‘Kaansinga walayililwa kuchita imwi milimu mipati, teewanooyichita na kuchitila kuti upone? Musinsimi wakwaambila kuti uchite chintu chitakataazyi pe. Yinka ukachichite.’ Naamani wakabaswiilila. Wakayinka kuMulonga waJordani, mpawo wakali waalila kwaziindi zili musanu azibili. Naamani naakali waalila kwaziindi zili musanu azibili, wakazwa kaponede. Wakabotelwa loko alimwi wakabweeda kuti akalumbe Elisha. Mpawo Naamani wakati: ‘Lino ndaziba kuti Jehova nguLeza wakasimpe.’ Ubonaanga kasimbi kachiIsrayeli kakamvwa biyeni chiindi Naamani naakaboola kaponede?\\n“Kuzwa kumilomo yatwana atunyonka wakalondola lutembulo.”—Matayo 21:16\\nMibuzyo: Ubonaanga kwakali kuuba na kukasimbi kachiIsrayeli kuti kakaambuule amukayintu waNaamani? Ubonaanga niinzi chakakagwasya kuti katayoowi?\\n2 Bami 5:1-19; Luka 4:27","num_words":263,"character_repetition_ratio":0.072,"word_repetition_ratio":0.0,"special_characters_ratio":0.15,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 1 IBBAIB63 - Ngaaya mazina aabana ba-Israyeli - Bible Search\\nMatalikilo 50 Kulonga 2\\nBa-Israyeli mbubakavula ku-Egepita\\n1-Ngaaya mazina aabana ba-Israyeli ibakeza ku-Egepita a-Jakobo, umwi aumwi aciinga cakwe: 2Rubeni, Simeoni, Levi, a-Juda, 3Isakara, Zebuloni, a-Benjamini, 4Dani, a-Nafitali, Gadi, a-Aseri. 5-Bantu aba boonse ibakazwa mucikungu ca-Jakobo bakali makumi aali musanu aabili, nkaambo Josefa kali kale mu-Egepita. 6-Lino Josefa wakafwa, abakulana bakwe boonse, abamusdanyina boonse. 7-Pele bana ba-Israydi bakazyalisya akuvulisya, bakaba banji akujata inguzu loko loko, mane nyika yakazula mbabo.\\n8-Lino kwakabuka mwami mupya mu-Egepita iwatakezi Josefa. 9-Oyu wakaambila bantu bakwe kuti, Amubone! Bantu babana ba-Israydi mbanji, alimwi mbayumu kwiinda ndiswe, 10-Atubacitile camaanu, nkaambo na kabaciya buvula, ambweni tulasikilwa inkondo, lino abalo bayoosangana abasinkondoma, bayootulwisya, bayooloboka kuzwa mucisi cesu. 11-Nkaambo kako bakababikila basikubabelesya cibbalo, kuti babapenzye amikuli, nkabela bakayakila Farao minzi yazilondwedo, Pitomu a-Ramese. 12Pele nebakainda kubapenzya, balo bakainda kuzyalisya akuvula. Aboobo bakali kubayoowa loko. 13Lino ba-Egepita bakabelesya bana ba-Israyeli milimo yalunya. 14-Bakaminya buumi bwabo amilimo miyumu yabulongo ayazitina amilimo yoonse yamyuunda. Mumilimo yoonse njibakali kumana, bakali kubabelesya calunya.\\n15Lino mwami wa-Egepita wakaambila basikutumbusya ba-Hebrayo. Izina lyaumwi kali Sifra aumwi kali Puwa. 16Wakati, Mwatumbusya banakazi ba-Hebrayo, mwababona azitumbukilo, na ngumulombe muleelede kumujaya, pele na musimbi, mumuleke apone. 17-Nekubaboobo basikutumbusya bakayoowa Leza, teebakacita mwami wa-Egepita mbwaakabalailila, bakali kufutusya balombe. 18Elyo mwami wa-Egepita wakaita basikutumbusya, wabaambila kuti, Ino nkaambonzi nemwacita obo? Nkaambonzi mwafutula bana balombe? 19-Basikutumbusya bakavwiila Farao kuti, Nkaambo kakuti banakazi ba-Hebrayo tabali mbuli banakazi baEgepita pe. Balafwamba kutumbuka, sikutumbusya katana kunjila mobabede. 20-Nkabela Leza wakacitila basikutumbusya kabotu, abalo bantu bakavulisya akujata inguzu loko. 21-Alimwi basikutumbusya mbubakali kuyoowa Leza, wakabacitila inzubo. 22-Lino Farao wakalailila bantu bakwe boonse kuti, Boonse balombe bazyalwa amubawaale mulwizi, basimbi boonse amubafutule.","num_words":265,"character_repetition_ratio":0.07,"word_repetition_ratio":0.0,"special_characters_ratio":0.18,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"“Ndiyoozibusyila Mweembezi Omwe”—Ezekieli 34:23\\n“Ndiyoozibusyila Mweembezi Omwe”\\nMAKANI AALI MUCIBALO: Businsimi bone bwaamba Mesiya akuzuzikizyigwa kwambubo muli Kristo\\n1-3. Nkaambo nzi Ezekieli ncaakawuside mumoyo, alimwi ino ncinzi ncaakasololelwa kuti alembe lino?\\nMWAKALI mumwaka wacisambomwe kali mubuzike Ezekieli. * Musinsimi wakaluuside kapati mumoyo wakwe akaambo kambuli Juda, munzi wakwe ngwaakali kuyandisya, mbowakali kweendelezyegwa. Kwakalela bami banji muciindi ncaakali kupona Ezekieli.\\n2 Ezekieli wakazyalwa ciindi bwami bwa Mwami uusyomeka Josiya nobwakali akati-kati. Kweelede kuti Ezekieli wakakkomana kapati ciindi naakamvwa kujatikizya mulimo ngwaakacita Josiya wakunyonyoona zikozyanyo zibezedwe alimwi akubukulusya bukombi busalala mu Juda. (2Mak. 34:1-8) Pele kusolekesya kwa Josiya tiikwakapa kuti kucinca kwazintu kuzumanane, nkaambo bami banji ibakamutobela bakazumanana kukomba mituni. Tacigambyi kuti ciindi bami babi aaba nobakali kweendelezya, cisi cakaindila kutalilemeka alimwi cakasweekelwa cilongwe ncocakajisi a Jehova. Sena bulangizi boonse bwakamana? Peepe!\\n3 Jehova wakasololela musinsimi wakwe uusyomeka kulemba businsimi, nkokuti bwakusaanguna kubusinsimi bunji, ibujatikizya Mesiya, Mweendelezi wakumbele alimwi Mweembezi walo uyoobubukulusya cakumaninina bukombi busalala akuzilanganya kabotu mbelele zya Jehova. Tweelede kubulanga-langa businsimi oobu kabotu-kabotu, nkaambo kuzuzikizyigwa kwambubo kulabujatikizya buumi bwesu butamani bwakumbele. Aboobo, atubulange-lange businsimi bone bwaamba Mesiya ibujanika mubbuku lya Ezekieli.\\n“Kasyuukila Kateteete” Kaba “Cisamu Cakkedari Cipati Kapati”\\n4. Mbusinsimi nzi Ezekieli mbwaakaamba, alimwi ino mbuti Jehova mbwaakaatalika makani aabusinsimi oobo?\\n4 Mumwaka wakuma 612 B.C.E., “ijwi lya Jehova” lyakamusikila Ezekieli, aboobo wakaamba businsimi ibwakapandulula mbobuli bupati bulelo bwa Mesiya alimwi ambociyandika kusyoma Bwami bwakwe. Jehova wakaatalika makani aabusinsimi oobu kwiinda mukulailila Ezekieli kwaambila baangenyina kalabi kabusinsimi ikakatondezya ikubula lusyomo kwabeendelezi bamu Juda alimwi akukankaizya mbwaakali kuyandika Mweendelezi Mesiya uululeme.—Ezk. 17:1, 2.\\n5. Ino kalabi kaamba buti?\\n5 Amubale Ezekieli 17:3-10. Mboobu kalabi mbokaamba: “Sikwaze imupati” wakatyola kasyuukila kali atala kwiinda tusyuukila toonse twacisamu cakkedari akukaleta “mumunzi wabasimakwebo.” Mpoonya sikwaze wakabweza “mbuto imwi yamucisi” akwiisyanga mumuunda uujisi bulongo bubotu “kumbali amaanzi manji.” Mbuto yakamena, akukomena kuba ‘musaansa uuyandalala.’ Kuzwa waawo, kwakaboola ‘sikwaze mupati’ wabili. Miyanda yamusaansa yakayandalala ‘cakuyandisisya kuli’ sikwaze wabili, kutegwa itolwe anguwe kuti ikasyangwe kubusena bumbi bujisi maanzi manji. Jehova waupa mulandu musaansa akaambo kamicito yanguwo, icaamba kuti miyanda yanguwo ilazyulwa alimwi akuti ‘ilayumina limwi.’\\nSikwaze mupati wakusaanguna wakali kwiiminina Nebukadinezara Mwami wa Babuloni (Amubone muncali 6)\\n6. Amupandulule ncokaamba kalabi.\\n6 Ino kalabi kakali kwaamba nzi? (Amubale Ezekieli 17:11-15.) Mu 617 B.C.E., Mwami Nebukadinezara wa Babuloni (“sikwaze mupati” wakusaanguna) wakasaala Jerusalemu. Wakagusya Jehoyakini Mwami wa Juda (“kasyuukila kali atala kwiinda tusyuukila toonse”) acuuno cakwe cabwami akumuleta ku Babuloni (“munzi wabasimakwebo”). Nebukadinezara wakabikka Zedekiya (umwi ‘wambuto imwi yamucisi’ wamuluzubo lwabami) acuuno cabwami mu Jerusalemu. Mwami mupya wa Juda wakaambilwa kuti akonke muzina lya Leza, akuzumina kuti unakuli mwami uusyomeka weendelezyegwa buya. (2Mak. 36:13) Pele Zedekiya wakacinyonganya cikonke cakwe; wakamuzangila Babuloni akulomba lugwasyo lwabasikalumamba kuli Farao muna Egepita (“sikwaze mupati” wabili), pele tiicakagwasya. Jehova tanaakaikkomanina micito yakutasyomeka yasikutyola cikonke ooyu, Zedekiya. (Ezk. 17:16-21) Kumamanino, Zedekiya wakagusyigwa acuuno cabwami, mpoonya wakafwa muntolongo mu Babuloni.—Jer. 52:6-11.\\n7. Ino nziiyo nzi nzyotukonzya kwiiya kukalabi kabusinsimi?\\n7 Ino nziiyo nzi nzyotukonzya kwiiya kukalabi kabusinsimi? Cakusaanguna, mbotuli bakombi basalala tweelede kusyomeka kumajwi ngotwaamba. Jesu wakati: “Kwaamba kwanu kuti ‘Inzya’ akube inzya, akuti ‘Peepe’ akube peepe.” (Mt. 5:37) Ikuti naa kwayandika kuti tukonke kuli Leza kuti tulaamba masimpe, mbuli ciindi notupa bumboni munkuta, cikonke eeco tweelede kucibona kuti makani mapati. Cabili, tweelede kucenjela kapati kujatikizya baabo mbotusyoma. Ibbaibbele litucenjezya kuti: “Mutasyomi bami pe naba mwanaamuntu uutakonzyi kuleta lufwutuko.”—Int. 146:3.\\nTUBBOKESI TWAKUYIISYA 8A: Businsimi Bwaamba Mesiya—Cisamu Cakkedari Cipati Kapati\\n8-10. Ino Jehova wakasinsima nzi kujatikizya Mwami wabu Mesiya wakumbele, alimwi ino mbuti businsimi mbobuzuzikizyigwa? (Alimwi amubone kabbokesi kakuti “Businsimi Bwaamba Mesiya—Cisamu Cakkedari Cipati Kapati.”)\\n8 Nokuba boobo, kuli mweendelezi iweelela ngotweelede kusyoma cakumaninina. Naakamana kwaamba kalabi kabusinsimi kujatikizya kusimpwa kwakasyuukila, Jehova wakabelesya cikozyanyo cakweema ncomunya kupandulula Mweendelezi wakumbele Mesiya.\\n9 Businsimi ncobwaamba. (Amubale Ezekieli 17:22-24.) Lino tabali basikwaze bapati pele ngu Jehova lwakwe kumugama uuyoobweza ntaamu. Uyootyola kasyuukila kateteete “kuzwa atala aacisamu cilamfwu cakkedari akukasimpa . . . atala aacilundu cilamfwu.” Kasyuukila aaka kayookomena, akuba “cisamu cakkedari cipati kapati” kupa mwakukkala “bayuni bamisyobo yoonse.” Mpoonya “zisamu zyoonse zyamusyokwe” ziyoozyiba kuti ngu Jehova lwakwe mwini iwapa kuti cisamu eeci cipati kapati cikomene.\\n10 Mbobuzuzikizyigwa businsimi. Jehova wakabweza Mwanaakwe, Jesu Kristo, kuzwa mumulongo wabwami wa Davida (“cisamu cilamfwu cakkedari”) akumubikka aa Cilundu cakujulu ca Ziyoni (“atala aacilundu cilamfwu alimwi cipati”). (Int. 2:6; Jer. 23:5; Ciy. 14:1) Aboobo nokuba kuti Mwanaakwe wakali kubonwa kuti “muntu muniini kapati” kuli basinkondonyina, Jehova wakamusumpula kwiinda mukumupa “cuuno cabwami ca Davida usyi.” (Dan. 4:17; Lk. 1:32, 33) Mbubwenya mbuli cisamu cakkedari cipati kapati, Mwami wabu Mesiya, Jesu Kristo, uyoolela nyika yoonse kali kujulu akuba kasensa kazilongezyo kubalelwa bakwe boonse. Masimpe, aano anyika, ngo Mweendelezi ngotweelede kusyoma. Mubulelo bwa Bwami bwa Jesu, bantu ibamvwida nyika yoonse ‘bayookkala kabaliibide alimwi tabakanyongani akaambo kakuyoowa mapenzi.’—Tus. 1:33.\\n11. Ino nciiyo nzi iciyandika kapati ncotwiiya kubusinsimi bujatikizya “kasyuukila kateteete” ikaba “cisamu cakkedari cipati kapati”?\\n11 Ncotukonzya kwiiya kubusinsimi. Businsimi oobu bukondelezya ibujatikizya “kasyuukila kateteete” ikaba “cisamu cakkedari cipati kapati” butupa kuti tucikonzye kwiingula mubuzyo ooyu uuyandika kapati: Ino nguni ngotuyoosyoma? Tacili camaano kusyoma mfwulumende zyabantu alimwi abasikalumamba basinguzu mbobajisi. Ikutegwa tujane kuliiba kwini-kwini, ncabusongo kumusyoma cakumaninina Mwami wabu Mesiya, Jesu Kristo. Mfwulumende yakujulu iili mumaanza aakwe mbobulangizi bulikke mbobajisi bantu.—Ciy. 11:15.\\n“Ooyo Uuzumizyidwe Amulawo”\\nTUBBOKESI TWAKUYIISYA 8B: Businsimi Botatwe Bwaamba Mesiya\\n12. Ino mbuti Jehova mbwaakacisalazya kuti tanaakacilekede cizuminano cakwe a Davida?\\n12 Kweelana abupanduluzi bwa Leza ibwaamba kalabi kabusinsimi kujatikizya basikwaze bobilo, Ezekieli wakamvwisya kuti Zedekiya, mwami uutasyomeki mumulongo wabwami wa Davida, wakali kuyoogusyigwa acuuno cabwami akutolwa mubuzike ku Babuloni. Ambweni musinsimi wakalibuzya kuti, ‘Ino mbuti kujatikizya cizuminano ca Leza a Davida, calo cakasyomezya kuti mwami kuzwa mulunyungu lwa Davida wakali kuyoolela kukabe kutamani?’ (2Sam. 7:12, 16) Ikuti naa Ezekieli wakali kuzinzibala kuyeeya kujatikizya mubuzyo ooyo, nkokuti tanaakeelede kulindila bwiinguzi kwaciindi cilamfwu. Kuma 611 B.C.E., mumwaka waciloba wabuzike, ciindi Zedekiya naakacili kulela mu Juda, ‘ijwi lya Jehova lyakamusikila’ Ezekieli. (Ezk. 20:2) Jehova wakamupa kuti aambe businsimi bumbi ibwaamba Mesiya, bwalo ibwakacisalazya kuti Leza tanaakacilekede cizuminano cakwe a Davida. Mukwiimpana, businsimi bwakatondezya kuti Mweendelezi wakumbele wabu Mesiya wakali kuyooba uuzumizyidwe amulawo kuba simulyazina wa Davida.\\n13, 14. Bwaamba nzi businsimi bulembedwe kuli Ezekieli 21:25-27, alimwi ino mbuti businsimi mbobuzuzikizyigwa?\\n13 Businsimi ncobwaamba. (Amubale Ezekieli 21:25-27.) Cakutainda mumbali, Jehova kwiinda muli Ezekieli wakaambila “silutwe mubi wa Israyeli,” walo ciindi cakwe cakuti apegwe cisubulo icakasikide. Jehova wakaambila mweendelezi mubi ooyu kuti “citambala” cakwe alimwi ‘amusini’ (zitondezyo zyanguzu zyabwami) zyakali kuyoobwezyegwa kulinguwe. Mpoonya, beendelezi ibakali ‘aansi’ bakali kuyoosumpulwa, alimwi aabo ibakali “atala” bakali kuyoofwiinsyigwa. Beendelezi ibakasumpulwa bakazumanana kweendelezya, kusikila mane “akasike ooyo uuzumizyidwe amulawo,” mpoonya Jehova wakamupa Bwami ooyo.\\n14 Mbobuzuzikizyigwa businsimi. Mu 607 B.C.E., naakanyonyoonwa Jerusalemu, bwami ‘bwaatala’ bwa Juda ibwakali mu Jerusalemu bwakafwiinsyigwa ciindi bana Babuloni nobakaunyonyoona munzi ooyu, akugusya Mwami Zedekiya acuuno cabwami, akumutola mubuzike. Mpoonya, kakunyina mwami wamumulongo wa Davida iwakali kulela mu Jerusalemu, beendelezi bakali ‘aansi’ bakasumpulwa, bakatalika kweendelezya nyika, pele kwaciindi cisyoonto buyo. Ciindi Cabamasi, naa “ciindi cibikkidwe camasi,” cakamana mu 1914 ciindi Jehova naakapa Jesu Kristo bweendelezi. (Lk. 21:24) Mbwali wamukowa wa Mwami Davida, masimpe Jesu ‘ulizumizyidwe amulawo’ kuba Mwami wabu Mesiya. * (Matl. 49:10) Aboobo, kwiinda muli Jesu, Jehova wakacizuzikizya cisyomezyo cakwe cakupa Davida simulyazina uukkalilila ku Bwami ibunooliko lyoonse mane kukabe kutamani.—Lk. 1:32, 33.\\nJesu ulizumizyidwe amulawo kuba Mwami wa Bwami bwa Leza (Amubone muncali 15)\\n15. Ino nkaambo nzi ncotukonzya kuba alusyomo luyumu mu Mwami, Jesu Kristo?\\n15 Ncotukonzya kwiiya kubusinsimi. Tulakonzya kuba alusyomo luyumu mu Mwami, Jesu Kristo. Ino nkaambo nzi? Akaambo kakuti kwiindana abeendelezi bamunyika, balo ibakonzya kusalwa abantu naa ikulibikka acuuno cabweendelezi, Jesu wakasalwa a Jehova alimwi “wakapegwa . . . bwami” bwalo mbwazumizyidwe amulawo. (Dan. 7:13, 14) Cakutadooneka, Mwami walo Jehova mwini kumugama ngwaakasala, uleelela kuti tumusyome!\\n“Mubelesi Wangu Davida” Uyooba “Mweembezi Wanzizyo”\\n16. Mbuti Jehova mbwalimvwa kujatikizya mbelele zyakwe, alimwi ino “beembezi ba Israyeli” mumazuba aa Ezekieli bakali kubweendelezya buti butanga?\\n16 Jehova, Mweembezi Mupati ulazibikkila maano kapati mbelele zyakwe, ibakombi bakwe baanyika. (Int. 100:3) Ciindi napa mukuli wakulanganya mbelele zyakwe kubeembezi baanyika, nkokuti aabo bapedwe bweendelezi, ulabikkila maano kapati kubona mbobazyeendelezya mbelele zyakwe. Aboobo, amweezyeezye buyo mbwaakalimvwa Jehova kujatikizya “beembezi ba Israyeli” mumazuba aa Ezekieli. Kakunyina akulisenda, beendelezi aabo bakali kweendelezya ‘calunya alimwi akudyaaminina.’ Aboobo, mbelele zyakapenga, cakuti zinji zyakabusiya bukombi busalala.—Ezk. 34:1-6.\\n17. Mbuti Jehova mbwaakavwuna mbelele zyakwe?\\n17 Ino ncinzi Jehova ncaakali kukonzya kucita? Kubeendelezi basilunya ba Israyeli wakaamba kuti: “Ndiyoobabuzya kuti balyaambilile.” Alimwi wakayungizya kwiinda mukusyomezya kuti: “Ndiyoofwutula mbelele zyangu.” (Ezk. 34:10) Jehova ulazizuzikizya nzyasyomezya lyoonse. (Jos. 21:45) Mu 607 B.C.E., wakavwuna mbelele zyakwe kwiinda mukubelesya basikalumamba bana Babuloni kubagusya abweendelezi beembezi aabo ibakali kuliyanda. Nokwakainda myaka iili 70, wakabafwutula bakombi bakwe ibakali mbuli mbelele kuzwa ku Babuloni akubajola alimwi kumunzi wabo kutegwa babukulusye bukombi bwakasimpe okuya. Pele mbelele zya Jehova zyakazumanana kukkala kazitakwabilidwe, nkaambo zyakali kuyoozumanana kuba ansi abweendelezi bwamunyika. “Ciindi cibikkidwe camasi” cakali kuyoozumanana kwamyaanda yamyaka minji.—Lk. 21:24.\\n18, 19. Ino mbusinsimi nzi Ezekieli mbwaakaamba mu 606 B.C.E.? (Amubone cifwanikiso icili kumatalikilo aacibalo.)\\n18 Mu 606 B.C.E., ciindi citandila kumwaka omwe kuzwa lunyonyooko lwa Jerusalemu alimwi amyaka minji bana Israyeli kabatanafwutulwa mubuzike ku Babuloni, Jehova wakasololela Ezekieli kwaamba businsimi ibutondezya Mweembezi Mupati mbwabikkila maano kapati kubukkale bwambelele zyakwe kukabe kutamani. Businsimi bwaamba Mweendelezi wabu Mesiya mbwayakweembela mbelele zya Jehova.\\n19 Businsimi ncobwaamba. (Amubale Ezekieli 34:22-24.) Leza ‘uyoozibusyila mweembezi omwe,’ walo ngwaita kuti “mubelesi wangu Davida.” Mabala aakuti “mweembezi omwe” antoomwe abbala lyakuti “mubelesi” ikwaamba buyo omwe, atondezya kuti Mweendelezi tanaakali kuyootalisya alimwi mukwasyi wamami muzyalani lya Davida, pele walo nguwakali kuyooba simulyazina wa Davida uukkalilila. Mweendelezi alimwi Mweembezi uyoozisanina mbelele zya Leza akuba “silutwe akati kanzizyo.” Jehova ‘uyoobamba cizuminano caluumuno’ ambelele zyakwe. ‘Zileleko ziyooloka alinzizyo mbubonya mbuli mvwula,’ alimwi ziyoolimvwa kukwabililwa, kukatalusyigwa, alimwi akuzyala micelo. Kayi, luumuno lunooliko kutali buyo akati kabantu pele alimwi aakati kabantu abanyama!—Ezk. 34:25-28.\\n20, 21. (a) Ino businsimi bujatikizya “mubelesi wangu Davida” bwakazuzikizyigwa buti? (b) Ino majwi aa Ezekieli aajatikizya “cizuminano caluumuno” aamba nzi kujatikizya kumbele?\\n20 Mbobuzuzikizyigwa businsimi. Kwiinda mukwaamba Mweendelezi ooyu kuti “mubelesi wangu Davida,” Leza munzila yabusinsimi wakali kwaamba Jesu, iwakali waluzubo lwa Davida walo uuzumizyidwe amulawo kuti ayendelezye. (Int. 89:35, 36) Naakali anyika, Jesu wakasinizya kuti “mweembezi mubotu,” wakapa buumi bwakwe ‘akaambo kambelele.’ (Joh. 10:14, 15) Pele lino Mweembezi wakujulu. (Heb. 13:20) Mu 1914, Leza wakabikka Jesu kuba Mwami alimwi wakamupa mukuli wakweembela alimwi akusanina mbelele zya Leza anyika. Nokwakainda ciindi cisyoonto, mu 1919, Mwami mupya iwakabikkwa acuuno cabwami wakasala “muzike uusyomeka alimwi uucenjede” kuti kasanina “babelesi bamuŋanda,” nkokuti bakombi ba Leza basyomeka ibajisi bulangizi bwakupona kujulu naa anyika. (Mt. 24:45-47) Kwiinda mukusololelwa a Kristo, muzike uusyomeka ulazisanina kabotu mbelele zya Leza acakulya cakumuuya. Cakulya eeci cabagwasya kubamba luumuno alukwabililo muparadaiso yakumuuya iili mukucitika lino.\\n21 Ino majwi aa Ezekieli aajatikizya “cizuminano caluumuno” alimwi azileleko zili mbuli mvwula aamba nzi kujatikizya kumbele? Munyika mpya iboola, bakombi basalala ba Jehova anyika bayooba azileleko zinji ‘zyacizuminano caluumuno.’ Mubwini, muparadaiso ini-ini yanyika yoonse, bantu basyomeka kunyina nobayookongwa limbi ankondo, bugwebenga, nzala, kuciswa, naa abanyama bamusyokwe. (Is. 11:6-9; 35:5, 6; 65:21-23) Sena tamukkomani abulangizi bwabuumi butamani muparadaiso anyika mwalo mbelele zya Leza ‘moziyookkala cakuliiba, kakunyina muntu naba omwe uuziyoosya’?—Ezk. 34:28.\\nMbuli Mweembezi wakujulu, Jesu ulabona mbozilanganizyigwa mbelele zya Leza (Amubone muncali 22)\\n22. Ino Jesu ulimvwa buti kujatikizya mbelele, alimwi mbuti aabo ibabeleka kabali beembezi mbobatondezya kubikkila maano kwakwe?\\n22 Ncotukonzya kwiiya kubusinsimi. Mbubwenya mbuli Bausyi, Jesu ulabikkila maano kapati kubukkale bwambelele. Ooyu Mweembezi alimwi Mwami ulabona kwaamba kuti mbelele zya Bausyi zilasaninwa kabotu kumuuya alimwi akuti zili muluumuno akuliiba muparadaiso yakumuuya. Eelo kaka cilakatalusya kuba aansi aabusolozi bwa Mweendelezi uuli boobo! Aabo ibabeleka kabali beembezi beelede kutondezya kuti balazibikkila maano mbelele mbubwenya mbwacita Jesu. Baalu beelede kweembela butanga “cakuliyandila” alimwi “caluyandisisyo” akuba zikozyanyo butanga nzyobweelede kwiiya. (1Pet. 5:2, 3) Kunyina mwaalu iweelede kupenzya imwi yambelele zya Jehova! Amuyeeye majwi aaya Jehova ngaakaambila beembezi basilunya bamu Israyeli kuciindi ca Ezekieli: “Ndiyoobabuzya kuti balyaambilile beni.” (Ezk. 34:10) Mweembezi Mupati ulabikkila maano kapati kujatikizya mbozyeendelezyegwa mbelele zyakwe alimwi awalo Mwanaakwe ulacita mbubwenya.\\n“Davida Mubelesi Wangu Uyooba Silutwe Wabo Mane Kukabe Kutamani”\\n23. Ncisyomezyo nzi Jehova ncaakapa kujatikizya kukamantanya cisi ca Israyeli, alimwi mbuti mbwaakacizuzikizya?\\n23 Jehova uyanda kuti bakombi bakwe kababelekela antoomwe mulukamantano. Mubusinsimi bujatikizya kubukulusyigwa, Leza wakasyomezya kuti wakali kuyoobunganya bantu bakwe, nkokuti baiminizi kuzwa kubwami bwamisyobo yobilo ya Juda alimwi akuzwa kubwami bwamisyobo iili kkumi ya Israyeli, akubaswaanganya alimwi kuba “cisi comwe,” mbuli kuti nkuswaanganya “tusamu” tobilo kuti “tube kasamu komwe” mujanza lyakwe. (Ezk. 37:15-23) Mukuzuzikizyigwa kwabusinsimi, Leza wakabukulusya cisi ca Israyeli cikamantene ku Nyika Yakasyomezyedwe mu 537 B.C.E. * Pele lukamantano oolo cakali buyo citondezyo calukamantano lupati ilwakali kulangilwa kumbele alimwi ilwakali kuyookkalilila. Naakamana kusyomezya kukamantanya Israyeli, Jehova wakapa Ezekieli businsimi kujatikizya Mweendelezi wakumbele mbwaakali kuyooleta bakombi bakasimpe antoomwe munyika yoonse mulukamantano lwalo ilwakali kuyooba mane kukabe kutamani.\\n24. Ino Jehova umupandulula buti Mwami wabu Mesiya, alimwi ino bweendelezi bwakwe bunooli buti?\\n24 Ncobwaamba businsimi. (Amubale Ezekieli 37:24-28.) Jehova alimwi waamba kujatikizya Mweendelezi wabu Mesiya kuti “mubelesi wangu Davida,” “mweembezi omwe,” alimwi “silutwe,” pele aciindi aawa Jehova waamba Wakasyomezyegwa ooyu kuti “mwami.” (Ezk. 37:22) Ino bweendelezi bwa Mwami ooyu bunooli buti? Bweendelezi bwakwe buyookkalilila. Kubelesyegwa kwamabala aakuti “kukabe kutamani” alimwi alyakuti “citamani” kutondezya kuti zileleko zyabweendelezi bwa Mwami ooyu tazikamani. * Mubweendelezi bwakwe kunooli lukamantano. Kabeendelezyegwa “amwami omwe,” balelwa basyomeka banootobela “mbeta” zikozyene alimwi “bayookkala mucisi” antoomwe. Bweendelezi bwakwe buyoopa kuti balelwa ba Bwami baswene kuli Jehova Leza. Jehova uyoobamba “cizuminano caluumuno” abalelwa bambubo. Jehova uyooba Leza wabo, alimwi bayooba bantu bakwe. Alimwi cikombelo cakwe ciyooba “akati kabo lyoonse mane kukabe kutamani.”\\n25. Mbuti businsimi bujatikizya Mwami wabu Mesiya mbobuli mukuzuzikizyigwa?\\n25 Mbobuzuzikizyigwa businsimi. Mu 1919, bananike ibasyomeka bakakamantanizyigwa ‘amweembezi wabo omwe,’ Mwami wabu Mesiya, Jesu Kristo. Mukuya kwaciindi, “nkamu mpati” kuzwa “muzisi zyoonse, mumisyobo yoonse, mumikowa yoonse alimwi amumilaka yoonse” bakakamantana antoomwe abasyominyina ibananike. (Ciy. 7:9) Boonse antoomwe, bakaba “tanga lyomwe” kabeendelezyegwa “amweembezi omwe.” (Joh. 10:16) Kufwumbwa naa bulangizi bwabo mbwakuyoopona kujulu naa anyika, boonse balazitobela mbeta zya Jehova. Akaambo kakucita boobo, balakkala antoomwe muparadaiso yakumuuya kabali bunyina bwanyika yoonse ibukamantene. Jehova wabalongezya kwiinda mukubapa luumuno, alimwi cikombelo cakwe, iciiminina bukombi busalala, cili akati kabo. Jehova ngu Leza wabo alimwi balikkomene kuba bakombi bakwe, lino mane kukabe kutamani!\\n26. Mbuti mbomukonzya kugwasyilizya kuti kube lukamantano muparadaiso yakumuuya?\\n26 Ncotukonzya kwiiya kubusinsimi. Tulijisi coolwe cakukamantana mubunyina bwanyika yoonse katuli mubukombi busalala bwa Jehova. Pele coolwe eeci citupa mukuli wakugwasyilizya kutegwa lukamantano oolu lube. Aboobo, toonse tweelede kucita lubazu lwesu kutegwa tuzumanane kukamantana muzintu nzyotusyoma alimwi anzyotucita. (1Kor. 1:10) Aboobo, caluyandisisyo tulya cakulya cakumuuya cikozyenye, tutobela zyeelelo zyakulilemeka zyamu Magwalo zikozyenye, alimwi tulatola lubazu mumulimo omwe uuyandika wakwaambilizya Bwami alimwi akugwasya bantu kuba basikwiiya. Nokuba boobo, ikaambo kapati katupa kukamantana, nduyando. Ciindi notusolekesya kuba aluyando alimwi akulutondezya munzila ziindene-indene, kubikkilizya alweetelelo, lubomba, alimwi akulekelela, nkokuti tugwasyilizya kuti lukamantano lwesu luzumanane. Bbaibbele lyaamba kuti, ‘luyando, ncecaanzyo calukamantano cilondokede.’—Kol. 3:12-14; 1Kor. 13:4-7.\\nJehova ulabulongezya bunyina bwabakombi bakwe bwaluyando bwanyika yoonse (Amubone muncali 26)\\n27. (a) Ino mulimvwa buti kujatikizya businsimi bwaamba Mesiya ibuli mubbuku lya Ezekieli? (b) Ino ncinzi ncotuyoolanga-langa muzibalo zitobela?\\n27 Eelo kaka tulalumba kapati kujatikizya businsimi bwaamba Mesiya ibujanika mubbuku lya Ezekieli! Kubala alimwi akuzinzibala kuyeeya businsimi oobu kutuyiisya kuti Mwami wesu uuyandwa, Jesu Kristo, uleelela kuti katumusyoma, ulizumizyidwe amulawo kweendelezya, ulatweembela kabotu, alimwi uyoopa kuti tukabe alukamantano lutakamani. Eelo kaka tulijisi coolwe cipati cakuba balelwa ba Mwami wabu Mesiya! Atuyeeye kuti businsimi oobu bwaamba Mesiya ncibeela camakani oonse aakubukulusyigwa alo aambwa mubbuku lyamu Bbaibbele lya Ezekieli. Kwiinda muli Jesu, Jehova uli mukubabunganya antoomwe bantu bakwe alimwi akubukulusya bukombi busalala akati kabo. (Ezk. 20:41) Muzibalo zitobela zyabbuku eeli, tuyoolanga-langa kubukulusya kukkomanisya ooku alimwi ambokupandululwa mubbuku lya Ezekieli.\\n^ munc. 1 Mwaka wakusaanguna wamubuzike wakatalika mu 617 B.C.E. ba Juda baange nobakatolwa ku Babuloni ciindi cakusaanguna. Aboobo, mwaka wacisambomwe wakatalika mu 612 B.C.E.\\n^ munc. 14 Mulongo wazyalani lya Jesu kuzwa kuli Davida ulilembedwe kabotu mumabbuku aa Makani Mabotu akasololelwa amuuya.—Mt. 1:1-16; Lk. 3:23-31.\\n^ munc. 23 Businsimi bwa Ezekieli ibujatakizya tusamu tobilo alimwi ambobwakazuzikizyigwa buyoolangwa-langwa mu Cibalo 12 cabbuku eeli.\\n^ munc. 24 Kujatikizya bbala lya Chihebrayo lyakuti “kukabe kutamani” alimwi alyakuti “citamani,” bbuku limwi lyakaamba kuti: “Kunze akwaamba bulamfwu bwaciindi, ibbala eeli lyaamba kukkalilila, kuyuma, kutanyonyooka, alimwi akutacinca.”\\nIno nciiyo nzi ncomwaiya kukalabi kabusinsimi kajatikizya basikwaze bapati? (Ezk. 17:3-10)\\nAmupandulule businsimi bwaamba Mesiya ibujanika kuli Ezekieli mbobumupa twaambo tulimvwisya ncomweelede kumusyoma Mwami, Jesu Kristo.\\nIno mbuti mbomukonzya kutola lubazu mukupa kuti kube luumuno alukamantano muparadaiso yakumuuya?","num_words":2524,"character_repetition_ratio":0.06,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Komba Jehova, Leza Walwaangunuko | Ngaziyakulinda Yakwiiya\\nNgaziyakulinda—Yakwiiya | April 2018\\nBALA MU Afrikaans Albanian Altai Alur American Sign Language Amharic Amis Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Bolivian Sign Language Boulou Brazilian Sign Language British Sign Language Bulgarian Cakchiquel Catalan Cebuano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Colombian Sign Language Costa Rican Sign Language Croatian Cuban Sign Language Czech Czech Sign Language Dakota Dangme Danish Digor Douala Dutch Ecuadorian Sign Language Edo Efik English Esan Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Greek Greek Sign Language Guarani Guatemalan Sign Language Gujarati Gun Haitian Creole Hausa Hebrew Herero Hiligaynon Hindi Hiri Motu Honduras Sign Language Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kabuverdianu Kannada Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malawi Sign Language Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mexican Sign Language Mingrelian Mixe Mixtec (Guerrero) Mongolian Moore Motu Mozambican Sign Language Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nicaraguan Sign Language Nigerian Pidgin Norwegian Nzema Okpe Oromo Ossetian Otetela Panamanian Sign Language Pangasinan Papiamento (Curaçao) Paraguayan Sign Language Persian Peruvian Sign Language Pidgin (Cameroon) Polish Polish Sign Language Ponapean Poqomchi' Portuguese (Portugal) Portuguese Sign Language Punjabi Quebec Sign Language Quechua (Ancash) Quechua (Bolivia) Romanian Romanian Sign Language Russian Russian Sign Language Salvadoran Sign Language Samoan Sango Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Venezuelan Sign Language Vietnamese Waray-Waray Wolaita Xhosa Yoruba Zambian Sign Language Zande Zapotec (Isthmus) Zimbabwe Sign Language Zulu\\nKomba Jehova, Leza Walwaangunuko\\n‘Koonse nkuubede muuya waJehova kuli lwaangunuko.’—2 KOR. 3:17.\\nNYIMBO: 49, 73\\nMuuya uusalala uuzwa kuli Jehova utwaangununa biyeni?\\nNiinzi chiyootugwasya kuti tutantamuke kutalubelesya kabotu lwaangunuko ndutwakapegwa aLeza?\\nKujana twachita biyeni kuti tulubelesye kabotu lwaangunuko ndutulaalo?\\n1, 2. (a) Nkamboonzi bantu bakapona muchiindi chamwaapostolo Pawulu nibakali kwaambuula atala abuzike akuyanda lwaangunuko? (b) Nkuukuli mwaapostolo Pawulu nkwakaamba kuti bantu balakonzya kujana lwaangunuko lwachoonzyo?\\nMAKRISTU bamumwaanda wamunyaka wakusaanguna bakali kukkala amaRoma. MaRoma aaba bakali kulyaamba kuti baluuzi mulawu, baliluleme akuti bali alwaangunuko. Nikuba boobo, maRoma bakajana manguzu akulemekwa akaambo kabazike. Mweelwe wabazike wakali wasika ku30 pesenti. Buzike alwaangunuko akali makani akali kwaambuulwa abantu basiyene-siyene kuswaanizya amaKristu.\\n2 Magwalo akalembwa amwaapostolo Pawulu, aambuula zyiingi atala alwaangunuko. Nikuba boobo, makanze amulimu wakwe taakali atala azyatwaambo twanyika, mbuuli mbubakali kuchita bantu biingi. Pawulu amaKristunyina teebakali kulangilila kupegwa lwaangunuko abeendelezi, pesi bakabeleka changuzu kuti bagwasye bantu kwiiya makani mabotu aBwaami bwaLeza ambuchiyandikana chinunuzyo chaKristu Jesu. Pawulu wakatondeezya bakombinyina Kasensa kalwaangunuko lwachoonzyo. Mulugwalo lwabili ndwaakalembela maKristu bakuKkorinto, mwaapostolo Pawulu wakati: ‘Jehova Muuya, nkabela koonse nkuubede muuya waJehova kuli lwaangunuko.’—2 Kor. 3:17.\\n3, 4. (a) Niinzi chakapa kuti mwaapostolo Pawulu alembe majwi ajanika muli 2 BaKorinto 3:17? (b) Tweelede kuchitaanzi kuti tugwasigwe alwaangunuko luzwa kuli Jehova?\\n3 Mulugwalo ndwaakalembela maKristu bakuKkorinto, Pawulu wakaambuula atala abulemu mbwakalaabo Musa, naakazwa kwaambuula amungelo waJehova kuChilundu chaSinayi. Bantu nibakabona Musa, bakatalika kuyoowa nkinkaako Musa wakalivumba chisani kumeso. (Kul. 34:29, 30, 33; 2 Kor. 3:7, 13) Pawulu wakapandulula kuti: ‘Kufumbwa chiindi nchibapilukila Jehova, chisani chilagwisigwa.’ (2 Kor. 3:16) Majwi aPawulu aambaanzi?\\n4 Mbuuli mbutwakayiya muchiiyo chakayinda, Jehova, Mulengi wazintu zyoonse, Nguwe alikke uuli alwaangunuko lutamani. Eezi zitondeezya kuti ‘koonse nkuubede Muuya waJehova’ kuli lwaangunuko. Kuti tugwasigwe alwaangunuko oolu, tweelede ‘kupilukila kuli Jehova’ kuti tube abweenzuma bulikabotu anguwe. MaIsrayeli nibakali munkanda, teebakali kwiibikkila maanu nzila Jehova njaakali kubayiisyaayo mubukombi. Myoyo amizeezo yabo yakali miyumu nkinkaako, bakabelesya lwaangunuko lwabo kukubikkila maanu kuzintu zyakumubili zyakali kuEgepita.—Heb. 3:8-10.\\n5. (a) Muuya uusalala uuzwa kuli Jehova, utupa lwaangunuko luli biyeni? (b) Nkamboonzi Jehova nakonzya kupa kuti bantu baangununwe nikuba kabali mubuzike? (c) Njiili mibuzyo njitutalange-lange?\\n5 Lwaangunuko lwamuuya uusalala uuzwa kuli Jehova lupa kuti bantu baangununwe chachoonzyo kwiinda lwaangunuko lwabuzike. Bantu tabakonzyi kutwaangununa chakumaninina, pesi muuya uusalala uuzwa kuli Jehova ulakonzya kutwaangununa kuchibi alufu akunjiisyo zyabukombi bwakubeja. (Rom. 6:23; 8:2) Oolu ndwaangunuko lwachoonzyo! Bantu balakonzya kuba alwaangunuko luli boobu nikuba kabaangidwe naakuti kabali mubuzike. (Matl. 39:20-23) Eezi zyakachitika kumuchizi Nancy Yuen amukwesu Harold King bakaangwa kwaminyaka myiingi akaambo kalusyomo lwabo. Tulakonzya kweebela zyakachitika mubuumi bwabo aJW Broadcasting. (Langa alembedwe kuti INTERVIEWS AND EXPERIENCES > ENDURING TRIALS.) Nikuba boobo, nkamboonzi lwaangunuko ndutulaalo niluyandikana? Alubo tweelede kuchitaanzi kuti tulubelesye kabotu lwaangunuko oolu?\\nLWAANGUNUKO LUZWA KULI LEZA LULAYANDIKANA\\n6. MaIsrayeli bakaluubaansya biyeni lwaangunuko Jehova ndwaakabapede?\\n6 Kuziba mbuchiyandikana chipo kupa kuti tulumbe sikutupa. MaIsrayeli teebakamulumba pe Jehova akaambo kalwaangunuko ndwaakabapa naakabagwisya mubuzike kuEgepita. Nibakali amyeezi miche kabazwide mubuzike, bakatalika kuyeeya zyakulya azyakunywa zyakuEgepita, bakatongookela Jehova akaambo kazintu nzyaakabapede alubo bakali kuyanda kubweeda kuEgepita. MaIsrayeli bakawubansya lwaangunuko lwakukomba Leza wakasimpe Jehova, pesi bakabikkila maanu ‘kunswi, kumakowa, kuli banamunywa, kuma-onyeni akumagalikki.’ Eezi zyakapa kuti Jehova anyemene maIsrayeli. (My. 11:5, 6, 10; 14:3, 4) Eechi nchiiyo kulindiswe!\\n7. Pawulu wakaatobelezya biyeni malayilile aajanika mulugwalo lwa2 BaKorinto 6:1, andiswe kujana twaatobelezya biyeni?\\n7 Mwaapostolo Pawulu wakasungwaazya maKristu boonse kuti batawubaansyi lwaangunuko Jehova ndwabapede kabelesya Mwanaakwe, Jesu Kristu. (Bala 2 BaKorinto 6:1.) Mwaapostolo Pawulu wakali kukataazikana akaambo kazintu zibi nzyaakali kuchita akaambo kakuba muzike wachibi alufu. Pesi niinzi chakamugwasya? Wakati: “Ngu-Leza. Ndamulumba kuli-Jesu Kristo Mwami wesu!” Nkamboonzi nakaamba majwi aaya? Wakapandulwida maKristunyina kuti: ‘Nkaambo Mulawu wamuuya wabuumi bwamuli Kristu Jesu wandaangununa kumulawu wachibi alufu.’ (Rom. 7:24, 25; 8:2) Andiswe tweelede kutobela chikozyano chaPawulu kwiinda mukutawubaansya mabambe aaJehova akutwaangununa kuchibi alufu. Chinunuzyo chipa kuti tukombe Leza katuli amanjezeezya aasalala alubo katubotelwa.—Int. 40:8.\\nUlikubelesya lwaangunuko lwako kugwasilizya mulimu waBwaami na, naakuti ulikubikkila maanu kuzintu nzuyanda? (Langa fuka 8-10)\\n8, 9. (a) Njiili nchenjezyo mwaapostolo Petro njakaamba iili atala ambutweelede kulubelesya lwaangunuko? (b) Mbuubuli buyumu-yumu mbutukonzya kuswaana mazubaano?\\n8 Kuti tutondeezye kulumba, tweelede kutantamuka kutalubelesya kabotu lwaangunuko ndutulaalo. Mwaapostolo Petro wakatuchenjezya kuti tatweelede kubelesya lwaangunuko ndutulaalo kuti tuchite zintu ziyandwa amyoyo yesu. (Bala 1 Petro 2:16.) Nchenjezyo eeyi ituyeezya zyakachitikila maIsrayeli chiindi nibakali munkanda. Nikuba boobo, andiswe tulakonzya kuswaana mapenzi aali boobu. Saatani abantu bali kulubazu lwakwe balikuzumanana kweena bantu kababelesya zyakuzwaata, zyakulya, zyakunywa, zyakulikondelezya azimwi zintu zisiyene-siyene. Basikuuzya babelesya bantu bazibinkene kuti bantu bawule zintu nzibayanda kuti babe aazyo pesi kazitayandikani chachoonzyo. Kuyanda zintu zili boobo kulakonzya kupa kuti tutalubelesyi kabotu lwaangunuko ndutulaalo.\\n9 Malayilile akalembwa aPetro alakonzya kutugwasya nitusala zyakuchita mubuumi mbuuli lwiiyo amulimu. Muchikozyano, bachikula biingi balikusungwaazigwa kuti babe alwiiyo lwaajulu. Babuzigwa kuti lwiiyo lwaajulu lupa kuti bakabeleke milimu iifozya mali nyingi. Alubo makani akapupululwa atondeezya kuti bantu balaalwiiyo lwaajulu bafola mali nyingi kwiinda batakwe lwiiyo lwaajulu. Nkinkaako, eezi zilakonzya kuyunga bachikula chiindi nibasala zyakuchita. Niinzi nzibeelede kuyeeyesesya bachikula abazyali babo?\\n10. Nziizili zintu nzitweelede kubikkila maanu nitubelesya lwaangunuko ndutulaalo mukusala zyakuchita?\\n10 Bamwi balakonzya kulibuzya kuti, mbukunga beelede kulisalila zyakuchita, bayeeya kuti beelede kusala kufumbwa nzibayanda kweendelana amanjezeezya aabo. Chimwi chiindi, balakonzya kuyeeya malayilile Pawulu ngaakalembela maKristu bakuKkorinto, aakali atala achakulya aakuti: ‘Lwaangunuko lwangu lubetekelwenzi kumanjezeezya aamuntu umbi?’ (1 Kor. 10:29) Nikuba kuti tulaalwaangunuko lwakusala zyakuchita mumakani alwiiyo amulimu ngutuyoobeleka pesi tweelede kuziba kuti lwaangunuko lwesu lulaampulugolela akuti zyoonse nzituchita zilaampindu. Katanaamba majwi ali ajulu mwaapostolo Pawulu wakati: “Zintu zyoonse zilazuminika, pele teensi zintu zyoonse zigwasya. Zintu zyoonse zilazuminika, pele teensi zyoonse ziyasya.” (1 Kor. 10:23) Eezi zitondeezya kuti nitubelesya lwaangunuko ndutulaalo kusala zyakuchita, tweelede kubikkila maanu kuzintu ziyandikana kutali kuzintu nzituyanda luzutu.\\nKUBELESYA LWAANGUNUKO LWESU MUKUKOMBA LEZA\\n11. Nkamboonzi nitwakaangununwa?\\n11 Naakali kuchenjezya atala akutalubelesya kabotu lwaangunuko ndutulaalo, mwaapostolo Petro wakaamba mbutweelede kulubelesya. Wakatusungwaazya kuti tubelesye lwaangunuko lwesu “mbuli bazike ba-Leza.” Nkinkaako, tuli “bazike ba-Leza” nkaambo Jehova wakatwaangununa kuzwa kumulawu wachibi alufu kabelesya chinunuzyo chaJesu.\\n12. Nchiichili chikozyano Nowa ampuli yakwe nchibakatusiila?\\n12 Kuti tukonzye kulikwabilila kuzwa kukutalubelesya kabotu lwaangunuko ndutulaalo akuti tuteenwi azintu zili munyika, tweelede kubikkila maanu muzintu zyabukombi. (Gal. 5:16) Atulange-lange chikozyano chaNowa ampuli yakwe. Bakali kupona abantu bakali alunya abakatali kulijata kabotu. Nikuba boobo, bakatantamuka zintu zyakali kuchitwa abantu aabo. Niinzi chakabagwasya kuchita oobo? Bakabikkila maanu kumulimu Jehova ngwaakabapede wakuyaka bwaato, kubamba chakulya chabo achabanyama akuchenjezya bamwi. Bbayibbele lyaamba kuti: “Nowa wakacita obo. Wakacita mbubonya mbuli Leza mbwaakamulailila.” (Matl. 6:22) Bakajanaanzi? Nowa ampuli yakwe bakafutulwa nibakanyonyoonwa bantu bakali kuchita zintu zibi.—Heb. 11:7.\\n13. Nguuli mulimu Jesu ngwaakapegwa, ngwaakazoopa basikumutobela?\\n13 Nguuli mulimu Jehova ngwatupede kuti tuuchite? Mbutuli basikwiiya baJesu, tweelede kuchita mulimu ngutwakapegwa aLeza. (Bala Luka 4:18, 19.) Mweendelezi wanyika eeyi ulikoofwaazya bantu biingi alubo bantu bali mubuzike muzintu zyabukombi, muli zyabunoti amuzintu nzibachita mubuumi. (2 Kor. 4:4) Tuli achilongezyo chakutobelezya chikozyano chaJesu chakugwasya bantu kuti bazibe Jehova, Leza walwaangunuko akumukomba. (Mt. 28:19, 20) Mulimu ooyu teemuuba pe alubo kuli buyumu-yumu bwiingi mbutuswaana. Kuli amwi masena, bantu tabachituswiilili alubo bamwi balatukazya. Umwi awumwi weelede kulibuzya kuti: ‘Kujana ndalubelesya biyeni lwaangunuko lwangu kuti ndigwasilizye mulimu waBwaami?’\\n14, 15. Bakombi baJehova bawubona biyeni mulimu wakukambawuka? (Langa chifanikisyo chili kumatalikilo achiiyo.)\\n14 Kulasungwaazya kubona kuti bantu biingi nibakabona kuti mamanino aaba afwiifwi, bakawubya buumi bwabo kuti bakonzye kubeleka mulimu wachiindi choonse. (1 Kor. 9:19, 23) Bamwi balikubelekela muchilawu chabo, bamwi bakalongela kumasena ayanda basikupupulula biingi. Muminyaka iili 5 yayinda, mweelwe wamapayona achiindi choonse wakayinda ku1 100 000, zitondeezya kuti basikupupulula bayinda ku250 000 munyika yoonse bakanjila mulimu wachiindi choonse. Eezi zitondeezya kuti bantu aaba bakabelesya lwaangunuko lwabo kuti bakombe Jehova!—Int. 110:3.\\n15 Niinzi chakagwasya basikupupulula aaba kuti balubelesye kabotu lwaangunuko lwabo? Atulange-lange chikozyano chamukwesu John amukayintu wakwe Judith, bakabeleka kuzisi zisiyene-siyene kwaminyaka iili 30. Bakaamba kuti mu1977 nichakasaanguna Chikolo chaMulimu wabuPayona, basikupupulula bakasungwaazigwa kuti balipede kuyoobelekela kumasena aayanda basikupupulula biingi. John wakaamba kuti wakasiya milimu myiingi akupona buumi buuba kuti bakonzye kuzumanana kubikkila maanu kuchipeekezyo chabo. Nibakali kulaamwi masena, kukomba akusyoma Jehova kwakabagwasya kuti bayiye mulaka mupya, bazibile mbubapona bakubusena oobo akulisimya kubwiime bwakunze. Balimvwa biyeni akusala nkubakachita? John wakaamba kuti: “Ndakali kubotelwa amulimu ngundakali kuchita. Ndakaziba kuti Jehova ngundeende uli aluyando. Lino ndilalumvwisisisya lugwalo lwaJakobo 4:8 lwaamba kuti: ‘Amuswenenene kuli-Leza, elyo alakwe ulamuswenenena.’ Ndakachijana nchindakali kuyanda mubuumi nkaambo ndakakkutisikana.”\\n16. Nikuba kuti bakali achiindi chifwiifwi, bamwi bakalubelesya biyeni lwaangunuko lwabo?\\n16 Kusiyana aJohn aJudith, bamwi balakonzya kubeleka mulimu wachiindi choonse kwachiindi chifwiifwi. Nikuba boobo, bamwi bakalipeda kubeleka mulimu wakuyaka, uuchitwa munyika yoonse. Muchikozyano, nikwakali kuyakwa mawofesi mapati kuWarwick kuNew York, bakwesu abachizi basika ku27 000 bakalipeda kuyoobeleka kwamviki zibili kusika kumunyaka uumwi naakuti kwiinda aawo. Bamwi bakasala kuubya buumi bwabo kuti bakabeleke kubusena oobu. Bakwesu abachizi aaba, bakalubelesya kabotu lwaangunuko lwabo kuti batembawule Jehova akumulemeka, Leza walwaangunuko!\\n17. Niinzi nzibayoojana bantu balubelesya kabotu lwaangunuko luzwa kuli Leza?\\n17 Kuziba Jehova alwaangunuko ndutujana mubukombi bwakasimpe zipa kuti tubotelwe. Nkinkaako, tweelede kutondeezya kuti tulalulumba lwaangunuko oolu kwiinda mukusala kabotu. Alubo tweelede kubelesya lwaangunuko ndutulaalo kuti tukombe Jehova amoyo woonse kutali kulubelesya munzila mbi. Kuti twachita oobo, tuyoobona kuzuzikizigwa kwazisyomezyo zyaJehova amajwi abusinsimi aati: ‘Zilenge zini ziyoowangununwa kubuzike bwabubozi, akuyootambula lwaangunuko lwabulemu bwabana baLeza.’—Rom. 8:21.\\nMbutukonzya Kujana Lwaangunuko Lwachoonzyo\\nNibaalumi Basalidwe—Amwiiye Timotewo\\nAtutobelezye Jehova—Leza Uusungwaazya Bamwi\\nKatusungwaazyania ‘Katuchita Oobo Lyoonse’\\nNibachikula, Mulikulibikkila Zipeekezyo Zyabukombi Na?\\nText Sala naa uyanda kukkopa zyakamwayigwa zilekkodedwe NGAZIYAKULINDA—YAKWIIYA April 2018\\nNGAZIYAKULINDA—YAKWIIYA April 2018","num_words":1812,"character_repetition_ratio":0.086,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Marko 9 | Bbaibbele lili a Intaneti | Bbaibbele lya Busanduluzi Bwanyika Mpya\\nMwana musankwa uunjidwe daimona waponesyegwa (14-29)\\nZintu zyoonse zilakonzyeka kumuntu uujisi lusyomo (23)\\nLufwu lwa Jesu lwasinsimwa alimwi (30-32)\\nBasikwiiya bakazyanya kujatikizya mupati (33-37)\\nKufwumbwa uutatulwani nguwesu (38-41)\\nAmube amunyo mubuumi bwanu” (49, 50)\\n9 Kunze lyaboobo, wakabaambila kuti: “Ncobeni ndimwaambila kuti nkobali bamwi ibaimvwi aano ibatakafwi kusikila bakasaangune kubona Bwami bwa Leza kabusikide anguzu.”+ 2 Nokwakainda mazuba aali cisambomwe, Jesu wakabweza Petro, Jakobo alimwi a Johane akubatola atala aacilundu cilamfwu kabali balikke. Mpoonya wakasanduka kabalangilila;+ 3 zisani zyakwe zyaatala zyakamweka, zyakatuba buu kwiinda sikuwasya zisani uuli woonse waansi aano mbwakonzya kuzitubya. 4 Alimwi Elija a Musa bakalibonya kulimbabo, alimwi aaba bakali kubandika a Jesu. 5 Mpoonya Petro wakaambila Jesu kuti: “Rabbi, ncibotu kuti tukkale aano. Aboobo atubikke matente otatwe, lyako, lya Musa alya Elija.” 6 Mubwini tanaakazyi ncaakeelede kucita, nkaambo bakaliyoowede kapati. 7 Mpoonya kwakaba kkumbi lyakabavwumbilila, alimwi mukkumbi mwakamvwugwa jwi+ ilyakati: “Ooyu Mwanaangu ngweyandisya.+ Amumuswiilile.”+ 8 Mpoonya aawo bakalanga ooku akooku akujana kuti taakwe ngobakacili limwi ccita buyo Jesu. 9 Lino nobakali kuselemuka kuzwa acilundu, wakabalailila kuti batasoli kwaambila muntu naba omwe ncibabona+ kusikila Mwanaamuntu akabusyigwe kubafwu.+ 10 Makani aaya bakaayobola mumoyo,* pele bakabandika mulicabo ncokwakali kwaamba ooku kubuka kubafwu. 11 Aboobo bakatalika kumubuzya kuti: “Nkaambo nzi balembi ncobaamba kuti Elija+ uleelede kusaanguna kuboola?”+ 12 Wakabaambila kuti: “Elija ulasaanguna kuboola akubambulula zintu zyoonse;+ pele ino eeci ceendelana buti aceeco cilembedwe kujatikizya Mwanaamuntu kuti weelede kwiinda mumapenzi manji+ akunyansyigwa?+ 13 Pele ndimwaambila kuti, Elija+ wakaboola kale alimwi bakamucita kufwumbwa ncibakali kuyanda, mbuli mbokulembedwe kujatikizya nguwe.”+ 14 Lino nobakasika kuli basikwiiya bambi, bakabona nkamu mpati yabantu iyakabazingulukide, alimwi kwakali abalembi ibakali kukazyanya ambabo.+ 15 Pele bantu boonse munkamu mbobakamubonena buyo, bakagambwa kapati, mpoonya bakamubalikila kuti bamwaanzye. 16 Eelyo wakababuzya kuti: “Ncinzi ncomukazyanya ambabo?” 17 Lino umwi munkamu wakamwiingula kuti: “Mwiiyi, ndaletede mwanaangu musankwa nkaambo unjidwe muuya uumulesya kwaambaula.+ 18 Kufwumbwa mpuwamujatila, ulamuusya ansi, alimwi uzwa ccovwu kumulomo akuluma ntwino akubula nguzu. Ndalombede basikwiiya bako kuti bautande, pele baalilwa.” 19 Aboobo wakabaambila kuti: “Nywebo nozyalani linyina lusyomo,+ ino ndilakkala andinywe kwaciindi cilamfwu buti? Ino ndimukkazikile moyo kwaciindi cilamfwu buti? Amumulete kuno kulindime.”+ 20 Aboobo bakamuleta kulinguwe musankwa ooyo, pele mbowakamubonena buyo Jesu, muuya ooyo wakamusuntula mwana. Naakawa ansi wakatalika kwaalabana, akuzwa ccovwu kumulomo. 21 Mpoonya Jesu wakabuzya bausyi kuti: “Ino eeci cakamutalika lili?” Bakaingula kuti: “Kuzwa naakacili muniini, 22 alimwi ziindi zinji umusuntwida mumulilo amumaanzi kutegwa umunyonyoone. Pele kuti kokonzya kucita cintu cili coonse, kotufwida luzyalo, utugwasye.” 23 Jesu wakamwaambila kuti: “Aayo majwi aakuti, ‘Kuti kokonzya’! Langa, zintu zyoonse zilakonzyeka kumuntu uulaalusyomo.”+ 24 Mpoonya aawo bausyi bamwana bakoongolola balaamba: “Ndijisi lusyomo! Kondigwasya kuba alusyomo luyumu!”+ 25 Lino Jesu abone kuti nkamu yabantu yakali kuguumukila kulimbabo, wakaukalalila muuya ooyo uusofweede kati: “Iwe omuuya syaataambi alimwi omusinke matwi, ndakulailila kuti, kozwa mulinguwe alimwi utakamunjili kabili!”+ 26 Nowakamana kumoongolozya akumusuntusya mwana ziindi zinji, imuuya ooyo wakazwa, mpoonya mwana wakaba mbuli kuti ulifwide cakunga bantu banji bakali kwaamba kuti: “Wafwa!” 27 Pele Jesu wakamujata kujanza akumwiimika, eelyo wakaimikila. 28 Aboobo naakanjila muŋanda, basikwiiya bakwe bakamubuzya kumbali kuti: “Ino nkaambo nzi swebo ncotwaalilwa kuutanda?”+ 29 Wakabaingula kuti: “Musyobo ooyu tuukonzyi kuzwa ccita buyo kwiinda mumupailo.” 30 Kumane bakazwa ooko akwiinda mu Galilaya, pele tanaakali kuyanda kuti muntu uuli woonse azyibe. 31 Wakali kuyiisya basikwiiya bakwe akubaambila kuti: “Mwanaamuntu uyakwaabwa mumaanza aabantu, eelyo bayoomujaya,+ pele nokuba kuti akajaigwe, uyoobuka kwaakwiinda mazuba otatwe.”+ 32 Pele tiibakacimvwisya ncaakali kwaamba, alimwi bakayoowa kumubuzya. 33 Lino bakasika ku Kapernauma. Naakali muŋanda wakababuzya kuti: “Ino ncinzi ncomwali kukazyanya munzila?”+ 34 Bakaile kuumuna, nkaambo munzila bakali kukazyanya kujatikizya wakali mupati akati kabo. 35 Aboobo wakakkala ansi akubaita bali Kkumi Ababili akubaambila kuti: “Ikuti muntu kayanda kuba wakusaanguna, weelede kuba wamamanino kuli boonse alimwi mubelesi waboonse.”+ 36 Kumane wakabweza mwana musyoonto akumwiimika akati kabo; mpoonya wakamukumbata akubaambila kuti: 37 “Kufwumbwa uutambula mwana musyoonto+ mbuli yooyu muzina lyangu, ulanditambula andime; alimwi kufwumbwa ooyo uunditambula, tatambuli buyo ndime, pele ulamutambula ayooyo wakandituma.”+ 38 Johane wakamwaambila kuti: “Omwiiyi, twakabona muntu umwi katanda madaimona kwiinda mukubelesya zina lyako, alimwi twakasola kumukasya, nkaambo tanaakali kweenda andiswe.”+ 39 Pele Jesu wakati: “Mutasoli kumukasya, nkaambo kunyina muntu uucita milimo mipati muzina lyangu uukonzya kutalika kundisampaula ndilyonya. 40 Nkaambo kufwumbwa muntu uutatulwani uli kulubazu lwesu.+ 41 Alimwi kufwumbwa uumupa nkapu yamaanzi kuti munywe akaambo kakuti muli bokwa Kristo,+ ncobeni ndimwaambila kuti, kunyina nayoosweekelwa bulumbu bwakwe.+ 42 Pele kufwumbwa uulebya umwi wabasyoonto aaba ibasyoma, inga cainda kubota ikuti munsingo waangililwa ziyo lizingulusyigwa ambongolo akuwaalwa mulwizi.+ 43 “Ikuti janza lyako kalikulebya, kolikosola. Cilainda kubota kuti ukanjile mubuumi kokosokede janza kwiinda kunjila amaanza obilo mu Gehena,* mumulilo uutakonzyi kuzimwa.+ 44 *— 45 Alimwi ikuti kuulu kwako kakukulebya, kokukosola. Cilainda kubota kuti ukanjile mubuumi kolemene kwiinda kuwaalwa mu Gehena* kojisi maulu obilo.+ 46 *— 47 Alimwi ikuti liso lyako kalikulebya, kolisowa.+ Cilainda kubota kuti ukanjile mu Bwami bwa Leza acimbolyo kwiinda kuwaalwa mu Gehena*+ kojisi meso obilo, 48 oomo mvwunyu mozitafwi alimwi amulilo moutazimwi.+ 49 “Nkaambo umwi aumwi uyoolungwa munyo wamulilo.+ 50 Munyo mubotu, pele ikuti munyo wasampuka, ino inga mwaucita buti kuti utalike kulula alimwi?+ Amube amunyo mubuumi bwanu+ akuba aluumuno akati kanu.”+\\n^ Naa “Kunyina muntu ngobakaambila makani aaya.”","num_words":785,"character_repetition_ratio":0.046,"word_repetition_ratio":0.0,"special_characters_ratio":0.185,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kuwa kwa “Babuloni Mupati” (1-8)\\n“Amuzwe mulinguwe, nobantu bangu” (4)\\nMalila aakuwa kwa Babuloni (9-19)\\nKusekelela kujulu akaambo kakuwa kwa Babuloni (20)\\nBabuloni uyoowaalwa mulwizi mbubonya mbuli bbwe (21-24)\\n18 Nozyakamana zintu eezyi ndakabona mungelo aumwi kaseluka kuzwa kujulu anguzu zinji, mpoonya nyika yakamweka abulemu bwakwe. 2 Eelyo wakoongolola ajwi lyanguzu ulaamba: “Wawa! Babuloni Mupati wawa,+ alimwi waba busena bukkala madaimona abwina bwamuuya uuli woonse uusofweede alimwi amayubilo aabayuni boonse basofweede alimwi basulaikidwe!+ 3 Nkaambo akaambo kawaini waluunyaunya* lwabwaamu* bwakwe, masi oonse acegwa,+ alimwi bami bamunyika bakacita bwaamu anguwe,+ alimwi basambazi* bakavwuba kwiinda munguzu zyalubono lwakwe lunji ndwatakaanya cakutalisenda.” 4 Mpoonya ndakamvwa jwi alimbi kuzwa kujulu kalyaamba kuti: “Amuzwe mulinguwe, nobantu bangu,+ ikuti kamutayandi kujatikizyigwa azibi zyakwe, alimwi ikuti kamutayandi kusikilwa zipenzyo zyakwe zimwi.+ 5 Nkaambo zibi zyakwe zyalundana kusikila kujulu+ alimwi Leza waiyeeya micito yakwe iitaluleme.*+ 6 Amumucitile mbubonya mbwaakabacitila bamwi,+ inzya, amuyungizye ziindi zyobilo kumucitila zintu eezyo nzyaakacita walo;+ munkapu oomo+ mwaabikkide zyakunywa zyamuvwele-vwele, amumuyungizizye ziindi zyobilo kumubikkila zyakunywa zyamuvwele-vwele.+ 7 Mbubonya buyo mbwaali kulipa bulemu alimwi akutakaanya lubono lwakwe lunji cakutalisenda, mbubonya oobo mbomweelede kumupenzya akumulizya. Nkaambo mumoyo wakwe uzumanana kwaamba kuti, ‘Ndilikkede aano ndemwami mukaintu, tandili mukamufwu alimwi kunyina pe nondiyakoomoka kulila.’+ 8 Nkakaambo kaako mubuzuba bomwe buyo mapenzi aakwe ayoomusikila, lufwu, koomoka kulila alimwi anzala, alimwi uyakuumpwa amulilo cakumaninina,+ nkaambo Jehova* Leza iwakamubeteka, ulaanguzu.+ 9 “Lino bami bamunyika ibakacita bwaamu* anguwe akutakaanya lubono lunji cakutalisenda bayoomulila akulyuuma acamba akaambo kakuusa, baakubona busi bwakupya kwakwe kabuuntumuka. 10 Bayakwiimina alaale akaambo kakuyoowa kupenzyegwa kwakwe akwaamba kuti: ‘Maawe, maawe, omunzi mupati,+ Babuloni omunzi muyumu, nkaambo muwoola lyomwe buyo lubeta lwako lwasika!’ 11 “Abalo basambazi bamunyika balamulila akoomoka nkaambo kunyina uucuula makwebo aabo oonse, 12 makwebo oonse aangolida, aansiliva, aamabwe mayandisi, aangale, aazisani zibotu zyuuba-uba, zyacisombo, zyandeketela alimwi azisalala pyu; alimwi azintu zyoonse zipangwa kuzwa kuzisamu zinunkilila; amisyobo iili yoonse yazintu zipangwa ameja aabazovwu alimwi amisyobo iili yoonse yazintu zipangwa kuzwa kuzisamu zidula kapati alimwi akuzwa kumukuba, butale alimwi abbweluuma lyeebeka; 13 alimwi asinamoni, amomo,* tununkilizyo, mafwuta aanunkilila, tununkilizyo twalibano, waini, mafwuta aamaolifa, busu busetede, wiiti, ŋombe ambelele, alimwi amabbiza, ŋola, bazike alimwi abuumi bwabantu. 14 Inzya, micelo mibotu njowakali kulombozya yazwa kulinduwe, alimwi zintu zyoonse zibotu kapati alimwi zyeebeka zyakumanina doo, tazikajanwi limbi pe. 15 “Basambazi ibakali kusambala zintu eezyi, ibakavwuba akaambo kanguwe, bayakwiimina alaale akaambo kakuyoowa kupenzyegwa kwakwe alimwi bayoolila akoomoka, 16 kabaamba kuti: ‘Maawe, maawe, omunzi mupati, iwakali kusama zisani zibotu zyuuba-uba, zyacisombo alimwi azisalala pyu, alimwi akulibotya kapati azintu zyakapangwa angolida, mabwe mayandisi alimwi angale,+ 17 nkaambo muwoola lyomwe buyo oluya lubono lunji kapati lwanyonyoonwa!’ “Alimwi mupati wabasikweenzya mato uuli woonse amuntu uuli woonse weendeenda aalwizi, alimwi abasimato abaabo boonse baponena alwizi, bakaima alaale 18 akoongolola nobakali kulanga busi bwakupya kwakwe ibwakali kuuntumuka akwaamba kuti: ‘Ino munzi nzi uuli mbuli munzi mupati ooyu?’ 19 Bakalitila bulongo amitwe yabo akoongolola, kabalila akoomoka balaamba: ‘Maawe, maawe, omunzi mupati, oomo mobakavwubila boonse aabo ibakajisi mato mulwizi akaambo kalubono lwakwe, nkaambo muwoola lyomwe buyo wanyonyoonwa!’+ 20 “Amusekelele akaambo kaceeco cacitika kulinguwe nojulu,+ alimwi andinywe nobasalali,+ nobaapostolo alimwi anobasinsimi, nkaambo Leza wamubetekela akumupeda cisubulo kulinguwe!”+ 21 Mpoonya mungelo singuzu wakanyamuna bbwe lili mbuli ziyo pati akuliwaala mulwizi, ulaamba: “Oobu mbombubo Babuloni imunzi mupati mbouyoowaalwa ansi mukulaba kwaliso, alimwi kunyina nouyoojanwa limbi pe.+ 22 Alimwi mulinduwe kunyina nokuyoomvwugwa limbi jwi lyabaimbi baimba kumwi kabalizya tuntimbwa twabo naa lyabaimbi bambi buyo naa basimintolilo nobaba basimyeembo. Alimwi mulinduwe tamukajanwi limbi basyaabupampu mumulimo uuli woonse, alimwi takukamvwugwi limbi kuvwuuma kwaziyo mulinduwe. 23 Kunyina nouyoomunika limbi mulinduwe mumuni walambe, alimwi takukamvwugwi limbi jwi lyasibwiinga alyanabwiinga mulinduwe; nkaambo basambazi bako mbambabo bakali basizyuuno zyaatala bamunyika, mbwaanga kwiinda mumicito yako yakusyoma mizimo+ masi oonse akeenwa. 24 Inzya, mulinguwe mwakajanwa bulowa bwabasinsimi abwabasalali+ alimwi abwabantu boonse buyo ibakajaigwa anyika.”+\\n^ Naa “wabukali.”\\n^ Naa “waiyeeya milandu yakwe.”\\n^ Naa “atununkilizyo twaku India tulungwa mucakulya.”","num_words":595,"character_repetition_ratio":0.046,"word_repetition_ratio":0.0,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Tente Lyakukombela Lyamuchiindi chaMusa | Zyiiyo zyaBana Zizwa muBbayibbele\\nChiindi Musa naakali aChilundu chaSinayi, Jehova wakamubuzya kuti ayake tente lyakali kuyoobelesegwa amaIsrayeli mukukombela Leza litegwa nchikombelo naa Tente lyakukombela. Tente eeli bakeelede kulinyampula kuti balonga.\\nJehova wakabuzya Musa kuti: ‘Buzya bantu kuti bape zipo zyakugwasilizya kuti kuyakwe tente lyakukombela.’ MaIsrayeli bakapa ngolida, nsiliva, nsimbi amabwe mayandisi. Alubo, bakapa masani asiyene-siyene, zikumba zyabanyama azimwi zintu zyiingi. Bakapa amoyo woonse zyakuti Musa wakababuzya kuti: ‘Kwakkwana! Mutayeti zimbi pe.’\\nBaalumi abanakazi bakali aluzibo bakagwasilizya mukuyaka tente lyakukombela. Jehova wakabapa busongo. Bamwi bakali koosa ntambo, kusuma milembo akwiibotya. Bamwi bakali kubambanisya mabwe, kupanga zintu zyangolida akubeza.\\nBantu bakayaka tente lyakukombela kweendelana ambaakabalayilide Jehova. Bakasuma mulembo mubotu wakali kusiyanisya Busena Busalala aBusena Busalalisya. Mubusena Busalalisya, kwakali bbokesi lyachizuminano, lyakapangidwe azisamu zyamuunga angolida. Mubusena Busalala, kwakabikkwa chiimikilo chalampi changolida, tebulu achipayililo chakuumpila banyama bakutuuzya. Mulubuwa lwatente lyakukombela, kwakabikkwa chisambilo chansimbi achipayililo chipati. Bbokesi lyachizuminano lyakali kuyeezya maIsrayeli atala achisyomezyo chabo chakuswiilila Jehova. Ulizi na kuti chizuminano niinzi? Nchisyomezyo chiyandikana.\\nJehova wakasala bana baAroni kuti babeleke kabali bapayizi kutente lyakukombela. Bakeelede kulangania tente lyakukombela akuumpa zituuzyo kuli Jehova. Mupayizi mupati Aroni, nguwe alikke wakali kuzumizigwa kunjila Mubusena Busalalisya. Wakali kunjila mubusena oobu kamwi amunyaka, kapa chituuzyo chazibi zyakwe, zyampuli yakwe azyachisi choonse chamaIsrayeli.\\nMaIsrayeli bakamaninsya kuyaka tente lyakukombela nikwakiinda munyaka kuzwa nibakazwa kuEgepita. Kumamanino, bakaba abusena bwakukombela Jehova.\\nJehova wakatondeezya kuti wakali kuliyanda tente lyakukombela alimwi wakachita kuti kakuboneka joba ajulu atente lyakukombela. Kufumbwa chiindi joba nilyakali ajulu atente lyakukombela, maIsrayeli taakali kulonga pe. Pesi bakali kulonga kuti joba lyazwa. Bakali kunyampula tente lyakukombela akutobela joba nkulyaya.\\n“Elyo ndakamvwa ijwi ipati lizwa kucuuno cabwami, lyakati, Amubone, bukalo bwa-Leza mpubuli akati kabantu, uzookala akati kabo. Bazooba bantu bakwe, alakwe Leza mwini uzookala kulimbabo, azoobe Leza wabo.”—Ciyubunuzyo 21:3\\nMibuzyo: Jehova wakabuzya Musa kuti ayakeenzi? Nguuli mulimu Jehova ngwaakapede Aroni abana bakwe?\\nKulonga 25:1-9; 31:1-11; 40:33-38; BaHebrayo 9:1-7","num_words":293,"character_repetition_ratio":0.097,"word_repetition_ratio":0.0,"special_characters_ratio":0.154,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Daniele 11: ''Mwami wa Kumusanza'' ncisi ca Ijipita! Print\\nDaniele 11: ''Mwami wa Kumusanza'' ncisi ca Ijipita!\\nKubala kabotu kabotu caandaano ca Daniele 11 cituyubunwida 100% kuti\\n\"Mwami wa Kumusanza\", lyoonse wakali cisi ca Ijipita!\\nMalembe aali mubbuku lya Voynich, kakwiina kudonaika, ndibbuku limwi lyaandeene akataa amwi. Ndibbuku lizwide buyo zifwanikiso. Kuli zifwanikiso oomo zyamusyobo wanyanzabili, mungunga waji, musyobo wacijulujulu, awusubila, kazyeebeka kabotu akubotelezya kufumbwa mpovwununa aali woonse. Eezi zifwanikiso zyazisyu mani amalubaluba, zyakeengwa cabunkutwe munzila yeebeka ncobeni; zileengedwe ajanza, alimwi nzifwanikiso zyazilengwa leza mubweebesi bwazyo. Eeli bbuku, lizyibidwe kuti lyakazyila ku Muleli wa Loma, Rudolph II waku Germany (1576-1612), pele kuti eezyo zilembwedwe mubbuki eeli zyalangwa akupimwa amincini iipima myaka, zyilibonya kuti zyakazyila kumisela yakuma 1400s.\\nBbuku lya Voynich acifwanikiso comwe akataa zinji zyamaluba aatazyibidwe.\\nPele nkaambo nyika njotukkala cino ciindi tiijisi bwiinguzi bunjaanji oobo bunga bwasandulula maseseke aansiku, aboobo malembe ookwa Voynich aaya, taaninga zyibwa kabotu nkwaakazyila kwini. Kunyina muntu uumuzyi ooyo wakaalemba nokuba nkwaakazyila muntu ooyo. Izifwanikiso zyeengedwe mubbuku eelyo zyili mwaanda, kkumi azyotatwe; nzifwanikiso zyamaluba aatazyibidwe alimwi aatanabwenwe atalaa nyika yoonse. Cimwi cibeela cilaa makani aazilengwa leza, cilaa nzila zyalusumpuko zyitazyibidwe anyika mbuli mbocitondezya mibili yabantu kiinyikidwe mumusinza wamusyobo umwi, kiidyungidwe atupaipi tunjaanji tuswaangene.\\nAmbweni cintu ciinda kubaanga ncintu camaseseke ncakuti, kunyina muntu uuzyi bwini eeli bbuku ncolyaamba pe! Lilembedwe mumulaka uutazyibidwe ansi aano. Kunyina mweelwe wakukakatila, nokuba muntu uunga watola mawoola manjaanji kasoleka kusandulula, nokuba kkompyuta iikonzya kupampanuna akutuzyibya mulaka wazintu zilembedwe mukati oomo; eeci ncecintu ciletela mubuzyo wakuti hena inga eezyo zilembedwe kacili cintu cakukongezya bantu eeco cakalembwa mubunkutwe. Kunyina pe bbwe lya Rosetta lyakavwukkulwa eelyo likonzya kubelesyegwa kupampanuna maseseke aalembedwe mubbuku lya Voynich.\\nMangwalo aalo, alaa zibeela zitasanduludwe. Akataa zishinshimi zinjaanji zyakalembelwa musela wamamanino, caandaano cokwa Daniele 11, tiicakateelelwa kabotu. Kunyina cintu ceelede kudonaikwa ncocaamba cishinshimi eeco, nokuba ciindi nocitola busena nkaambo aayo ngamamanino eeni aancito—aatondezya ncobeni kujalwa kwaŋanda yakazekelo—mamanino aaciindi alaa makani malemu kapati. Kasiide ambali zitondezyo zyacishinshimi zyoonse, mungele ugeme buyo kulandabika makani aamisela iili zyuulu zyobile.\\nBasicikolo ba Bbaibbele bakazingwa akubbaatikilwa kapati kwaciindi cilamfu, kabayandisya kuzyiba caambwa mucibalo eeci, nokuba kuti kunyina mikonzyanyo iipedwe oomo. Kwaambilizya “Mwamwi wa Kunyika”, ncintu cikopa mizeezo mbweenya buyo a “Mwami wa Kumusanza”; eeco ncintu cakaletelezya busanduluzi bunjaanji busoleka kupandulula kuti inga kabanooli bani aabo. Kuzyiba bami aaba, ncecijuzyo cakukopolozya makani aambwa mucibalo eeci.\\nKuleka mbuli malembe aabbuku lya Voynich mbwaalembedwe, cibalo ca Daniele 11 nokuba boobo cilaa cijuzyo, alimwi cijuzyo eeco, ncooko canyika.\\nCooko canyika nce Cijuzyo\\nDaniele lyoonse, mumoyo wakwe akataa myoyo yabantu boonse, wakacili muntu muna Isilayeli. Mangwalo ayubununa kuti walo wakali kujalula mpulungwido yakuzyuli kwakwe akupaila katozyede ku Jelusalema ziindi zyotatwe abuzuba. Eelyo naakali mudaala uucembeede kapati, myaka minjaanji kuzwa ciindi naakatolwa buzike kuzwa kunyika yokwabo nkwaakazyalilwa, walo wakacili kwaamba nyika yokwabo kuti “ninyika yabulemu.”\\n“Mwami wa Kunyika” a “Mwami wa Kumusanza” balainduluka kwaambilizyigwa mucibalo ca Daniele 11, alimwi tweelede kubateelela kuti bajatikizya nyika ya Isilayeli.\\nNguni naa ninzi eeco cakali kumusanza lya cisi ca Isilayeli? Bwiinguzi mbuubauba kapati alimwi kunyina nobunga bwacinca pe. Cisi ca Ijipita ncecakali kumusanza kwa cisi ca Isilayeli.\\nNinzi naa nguni wakali kunyika lya cisi ca Isilayeli? Nyika yakali kujanwa kunyika lya cisi ca Isilayeli, yakali cisi ca Syria. Nokuba boobo, cintu ciletela kuzingwa mizeezo akataa bantu banji ncakuti, mfulumende eeyo yakali kulela cooko canyika eeco, mukuya kwaciindi yakacinca. Aboobo, Mwami wa Kunyika nimfulumende yakali kulela cisi ca Syria kufumbwa aciindi cipedwe. Kufumbwa buyo kuti twaciteelela eeco, acalo cibalo ca Daniele 11 inga ceelela kunjizyigwa mumisela yakainda alimwi eeco cishinshimi inga casalazyigwa akuteelelwa kabotu.\\nAlexander Nkalakata ya Mulombwana\\nCishinshimi, makani aamisela aakalembwa mumabbuku musyule lyaciindi. Mucishinshimi ca Daniele 11, mungele ulasika kalaa mulumbe wakuti: “Alimwi lino Ime ndakutondezya kasimpe. Kolanga, kuyooba bami botatwe mucisi ca Pesiya; alimwi umwi wane uyooinda kuvwuba kwiinda boonse: alimwi kwiinda munguzu zyakwe zyabuvwubi bwakwe, uyoosungilizya boonse bali mumbali lyakwe kulwana bulelo bwa Grecia. Nkabela kuyooba mwami singuzu aciindi eeco, ooyo uuyoolela bulelo bupati, alimwi uyoocita zyoonse mbuli mbwaliyandila.” (Daniele 11:2-3, KJV)\\nKuzwa kuciindi ca Daniele, kwakacili kuyooba bami bone balela bulelo bwa Pesiya, kumwi ooyo uucaalizya ali bone aabo kavwubide kapati kwiinda boonse. Walo unoozyibidwe akubaa mpuwo nkaambo kakusungilizya kulwana nkondo bulelo bwa Greece. Bumboni bwamisela bulazumina kuti kwakali mwami wane waku Persiya kuzwa ciindi eelyo cishinshimi eeco nicaapegwa mubulelo bwa Xerxes I, mwana musankwa ookwa Darius Hystaspes.Walo wakalaa buvwubi butaambiki alimwi wakabelesya buvwubi bwakwe kulwana bulelo bwaba Greece. Nokuba kuti walo wakazunda mu Nkondo yaku Thermopylæ, pele wakazundwa mu Nkondo yaku Salamis. Kumamanino, zyoonse Xerxes I nzyaakakonzya kucita, wakazwidilila buyo “kuvwundusya nkondo mumunzi wa Grecia” kweendelanya mbuli bulembedwe jwi lyakasimpe lya cishinshimi.\\nMukampango katobela waawo, nkalakata yamulombwana wiitwa kuti Alexander, wakayaka musemo wamakani aayo aayubununa kuti nguni Mwami wa Kunyika a Mwami wa Kumusanza: “Alimwi walo uyooimikila, bulelo bwakwe buyoodilimunwa, alimwi buyo kwaandaulwa muzyooko zyamyuwo yakujulu zyone; kuleka kwaabanya nyika ku lunyungu lwakwe, nokuba kweendelanya bulelo bwakwe mbwaakali kulela: nkaambo bulelo bwakwe buyoozyulwa, kujatikizya antoomwe aabo bali munsi lyakwe.” (Daniele 11:4, KJV)\\nOoyo Alexander nkalakata yamulombwana, wakalaa myaka iili buyo 32 eelyo naakafwa. Nokuba kuti mukaintu wakwe wakali mitide aciindi eeco, taakajisi bamukwasyi wakwe bamwi pe bakali kunga bamunjilila akukkala acuuno canguzu kuti balele cisi. Walo wakalaa bulelo bupati, oobo bwakaabanyigwa akataa basilutwe balumamba lwakwe bone. Aaba basilutwe, bakatalika kulwana muli cabo kabataminina kuti babaa cibeela cipati cabulelo akubaa nguzu kwiinda nzyobaajisi kale.\\nKujatikizya zintu zinjaanji, bulelo bwakwe bwakaabanyigwa akataa basilutwe balumamba muntaamu zitobela ansi aawa:\\nLysimachus wakapegwa cooko ca Thrace kuti alele. Walo wakayungizya ali ceeco “cisela cipati canyika ya Asia kubulelo bwakwe munyika ya Bukuwa.”1\\nCassanderwakanyangilila cooko ca Macedonia aca Gilisi.\\nSeleucuswakataangunide kupegwa cooko ca Bbabbuloni.\\nPtolemy wakatambula cooko ca Ijipita, Libya a Arabiya.\\nBulelo bupati bwa Alexander, bwakaabanyigwa akataa basilutwe balumamba lwakwe eelyo naakafwa.\\nNokwakainda myaka yaciindi iikubwene, cimwi cibeela cabulelo bwa Alexander cakali kweendelezyegwa aba Antigonesi, aabo bakali kusoleka kuswaanganya bulelo kuti bujokele kuba bomwe mbuli mbobwaabede muciindi ca Alexander. Eeco cibeela cabulelo, cakasweeka mukuya kwaciindi akwaabanyigwa akataa basilutwe balumamba bone. Zibeela zyone zyabulelo eezyo zyakatobelwa ankondo zinjaanji zisikila myaka iili makumi obile. Kwakali kuzwangana kapati akataa basilutwe balumamba bone aabo bakali kunyika, kujwe, akumbo lya cisi ca Isilayeli: Lysimachus, Cassander, a Seleucus. Lysimachus wakazunda cooko ca Cassander, pele Seleucus wakamunyanga zyooko zyakwe zyoonse Lysimachus. Kumamanino, alikke Seleucus ooyo wakali kunyika, a Ptolemy kumusanza, mbibaacaala akataa zyooko zyone zyabulelo butaanzi.\\nPtolemy I Sotor\\nPtolemy wakalitondezya kuba wiinda bunkutwe akataa basilutwe balumamba bokwa Alexander. “Ptolemy, wakalaa busongo akusyomeka mubweendelezi bwa Alexander, alimwi wakalitondezya akuba muntu uutazungaani, muntu uululeme kugaminina cintu comwe munkondo zinjaanji eezyo nzibakali kulwanina kuvwuna cuuno eelyo nikwaatalika nkondo kuzwa ciindi naakafwa Alexander mu 323.”2 Ncobeni, Ptolemy nguwaabona ncikwaali kuyandikila kuswaanganya bulelo bwa Alexander. Kwiinda mukukombelela kwakwe, bulelo bwakaabanyigwa akataa basilutwe balumamba bone aabo.\\nPtolemy wakali kukonzya kubona bweende bwazintu akataa zisi nkaambo kakuswaanganya bulelo bwakatobela Alexander, eeci cakalibonya kwiinda mukuzumanana kulwana nkondo akucinculula lumvwano, azizuminano zyama politikisi. Kayaamide kumulazyo wakukwabilila bulelo, walo wakamvwana a cisi ca Ijipita kuti balwanine antoomwe basinkondonyina akukomezya lukwakwa lwacisi eeco kwiinda mukweendelezya makwebo azisi zimwi. Walo, nokuba boobo, taakabikkila maanu kukweendelezya cisi nokuba kubikka uutobela nguwe pe.3\\nNokuba kuti masimpe kuti Ptolemy wakali umwi wabasilutwe ba Alexander ooyo wakakoma cisi ca Ijipita, walo buleli bwakwe bwabusongo bwakamupa kuti atambulwe abantu baku Ijipita aabo bakamubikka muciimo cabuleza eelyo naakafwide. Aboobo cisi ca Ijipita cakaba Mwami wanguzu wa Kumusanza mubulelo bwa silutwe ooyu.\\nBulelo bwanguzu bwa Ptolemy oobo mbwakaanza, “bwakalela kwiinda bulelo buli boonse bwakali mucisi ca Alexandria alimwi bwakawida buyo mumaanza aa baLoma mu 30 BC.”4 Nokuba lyeelo cisi ca Ijipita nicaatalika kweendelezya cisi ca Loma, eeco cooko cabulelo ncaakabamba Ptolemy, cakacaala kacicili mumaanza aa Mwami wa Kumusanza nkaambo cakali kumusanza lya nyika ya Palesitaini.\\nKutonkaika Mwami Wancinko Uuyandisya Zyakwe\\nKunyina kudonaika nokuba asyoonto kuti cisi ca Ijipita ngo Mwami wa Kumusanza. Cibeela citaanzi ca Daniele 11 ncuubauba kuteelela, cililondokede mukulungulula makani aabweende bwamusela mbuli mbuwakaambilizyidwe kazitaninga citika zintu. Eeci cibalo cilungulula micito yoonse ya Mwami wa Kumusanza, Ijipita, kuya mumisela iitobela kumbele kuzwa waawo. Kampango komwe komwe kacibalo eeco, kajanwa kuti muzintu zilembedwe zyamusela kuti kaazuzikwa ncobeni. Coonse cishinshimi eeci cigamide kutondeka ŋanda yakazekelo mbwiilaafwaafwi kujalwa. Atumwi tupango tuswaangene atooto, tupa kuti sicikolo wa Bbaibbele wamazubaano akonzye kulizyibila masimpe kuti Mwami wa Kumusanza ncisi ca Ijipita mbuli mbucaacitika kale mumisela yakainda.\\nMicito mipati ya Mwami wa Kumusanza, icitikila munsaa kumamanino kwa cibalo ca Daniele 11 alimwi eeco, mubwini, nceciindi camamanino eelyo Mwami wa Kumusanza naambilizyigwa: “Alimwi muciindi cakumamanino mwami wa kumusanza uyoomutonkaika walo.” (Daniele 11:40, KJV)\\nKakwiindide misela minjaanji, baleli banjaanji aabo bakazyila anze lya bulelo bwa Alexander, bakakoma cisi ca Ijipita. Bulelo bwaba Mamluku, bwakalela kuzwa mu 1250. BaMamluku bakali basilumamba bazike aabo bakabaa nguzu kapati mu Misela Yaakatikati. Bakatanda bamakuwa kuzwa mucooko Akataa Kujwe akubinga ba Mongoli kuzwa mucisi ca Syria aca Palesitaini. Eeci cakabapa kuyandwa akataa ba Mozilemu aabo bakabona aanga, ba Mamluku mbafutuli babupaizi aziyanza zyabo.\\nKutegwa balomye kubamba ciimo cabo akataa zisi zyaba Mozilemu, ba Mamluku bakatalisya cuuno cabuleli caba kaliphate, eeco ba Mongoli ncibaamwaide mu 1258, akubikka muleli ngubakali kunyonauna kakkede akulela mumunzi wa Cairo. Bweendelezi bwabo atalaa baleli baminzi ya Arabia, Mecca a Medina, bwakoonda mulimo ngweenya ooyo. Bakazwidilila munkondo akumvwana antoomwe abantu bakali mumbali lyabo, eeco cakacitwa aba Mamluku, akugwasyilizya kutonkela makwebo kumbele alusumpuko akuyakulula munzi wa Ijipita kuti ube munzi wamakwebo anzila yaakati kati amasi aaKujwe alwizi lwa Mediterraneani.5\\nBulelo bwa Ottomani bwakatalika kulela cisi ca Ijipita kumatalikilo aamyaka ya 1500. Nokuba boobo, Kusikila muma 1790, ba Mamluku bakabaa nguzu alimwi, nokuba kuti cisi ca Ijipita cakacili cibeela cabulelo bwa Ottomani. Nokuba kuti ba Mamluku mbibaatalisya kubamba nzila yamakwebo akataa Kujwe aBukuwa, mumyaka iicalizya yaba Mamluku, bulelo bwa Ottomani bwakazulila kulwana akunyonganya nzila yamakwebo eeyo.\\n“ Myaka icaalizya yabulelo bwaba Mamluku yakali myaka iinyonyoona cisi ca Ijipita. Kulwana muli cabo, antoomwe amitelo iidulisya, yakanyonganya makwebo mucisi ca Ijipita. Cimwi cakaletelezya kulwanwa aba Fulenchi cakali cintu cakusinkila akulesya makwebo akata cisi ca Ijipita aca France kusikila muma 1790.”6\\nMbuli bwaacitika mumasi amwi, cisi ca France cakali “mwami wancinko uucita nzyaliyandila” ooyo uupandululwa muli Daniele 11:36-40. Ooko kunyonganya makwebo akataa cisi ca Ijipita aca France, nkokutonkaika kwa Mwami wa Kumusanza (Ijipita) ooko nkwaakacita “mukutonkaika” Mwami uucita nzyaliyandila (France). Eeyo yakali nkondo yaantangalala. Kwakali kugaminina kutundulula cisi ca France.\\nMu 1798, cisi ca France cakalwana nkondo acisi ca Ijipita—mumwaka wini eelyo “mamanino aaciindi” naakatalika kweendelanya abulembedwe cishinshimi cokwa Daniele!\\nMakanze mataanzi aacisi ca France, akali aakutola buzike cisi ca Ijipita. Ba Fulenchi bakali kulangila bantu banji baku Ijipita, aabo bakali kupenga mubulelo bwaba Mamluku, kuti batambule ba Fulenchi kuti mbabakaangulula cisi cabo, kakuli ba Ottomani bakalanganya ba Fulenchi kuti ncecisubulo cakutandizya baabo bakali kubalela. Cisi ca Ijipita cakasumpuka kwiinda munkondo eeyo, mfulumende yaco yakasumpuka, alimwi kwakayakwa mayake mapya aayo aakaatula mayake aakaindi mbuli bwaacitika mucisi ca France amwalo.\\nMulimo waba Ottomani wakali mulimo wabucenjezu. Cisi ca France cakalimvwene abulelo bwaba Ottomani, alimwi kwakaindi kasyoonto kwakanyina cintu cakali kunyonganya cilongwe eeco. Makanze aaba Fulenchi akali aakuti ba Ottomani bataimini kulubazu noluba lumwi, alimwi kabalangila bulwani kuzwa kuli ba Mamluku (mbukwaatondezyedwe mu 1786) akukalala kapati nkaambo ka kulwanwa aba Fulenchi kulwanina cooko cakali caba Ottomani.7\\nAayo makanze akalubila ncobeni akwaalilwa kuzwidilila.\\nAlimwi kuciindi camamanino aaciindi, mwami wakumusanza uyoomutonkaika: alimwi mwami wakunyika uyoomufuumina mbuli kapepele, ankalaki, balombwana bantantide mabbiza, amato manji; alimwi uyoonjilauka mumasi, akudilimuna akwiinda atala. (Daniele 11:40, KJV)\\nKujanika kwaba Britishi mucisi ca Ijipita eelyo nicaalwanwa acisi ca France, cakapa kubambulula lumvwano akataa zisi eezyo zyakali kumvwana a Mwami wakunyika, eeco cakaletelezya kujaigwa maumi aazyuulunzuma zyabantu.\\nBa Britishi, mukukakatila kwabo kuti basinkile makanze aaba Fulenchi, bakatandila ba Frenchi kulwizi lwa Mediterraneani. Mumwezi wa Kasanga Lubwi 1, 1798, sikalumamba waba British, Horatio Nelson, wakajana mato aaba Fulenchi kaabungene kunkomwe yaku Alexandria, ku Ijipita. “Nkondo yakumulonga wa Nile yakali nkondo yakapwayawida limwi lumamba lwamumeenda lutaninga bwenwe. Kunyina mato aaba Britishi aakasweeka, pele mato obile buyo akataa mato aali kkumi awotatwe aaba Fulenchi, akanyikizyigwa mulwizi. Napoleon wakasinkilwa nzila yakujokela ku France.”8\\nKufumbwa bulangizi bwakuti bulelo bwa Ottomani inga bwazumina kukomwa kwaba Frenchi, lino kwakamanina limwi eelyo Nelson naakafwanyauna mato aaba Frenchi munkondo yakumulonga wa Nile (mumwezi wa Kasangalubwi 1). Bweendelezi bwaba Britishi kumunzi wa Istanbul lino kwakali bwakutozya Bulelo kuti bulwane nkondo, aboobo mumwezi wa 9 Vwivwi 1798 bulelo bwa Ottomani bwakatalika kulwana nkondo acisi ca France (mu 1799 cisi ca Russia cakasangana aca Britain aca Turkey, akubamba Kabunga Kabili. Napoleon lino wakali muntenda yakulwanwa basinkondonyina baletezya atalaa nyika abaletezya kuzyila kulwizi. Lumamba lwabulelo bwa Ottomani bwabili lino lwakeelede kulwana nkondo eeyo. Lumamba lwaku Damascus lwakainda mucisi Syria aca Palesitaini kuyoolwana cisi ca Ijipita akulanduka lwizi lwa Sinai. Cimwi cibeela ca lumamba, cakabunganyigwa ansumbu ya Rhodes, kuti cikwabilile lumamba lwa Bwami lwamumeenda, akusika kunkomwe yamulonga Nile. BaFrenchi bakazingulukwa akufumpwa.9\\nBa Ottomani bakamwaila limwi makanze aaba Frenchi woonse akulangila kukoma munkondo eeyo. Cintu cakatobela ncakuti kulwana cisi ca Ijipita nkwaakacita Mwami sincinko ooyo uucita nzyaliyandila, kwakapa kuti kubambwe cizuminano cipya akataa lumamba lwiindene. “Ba Frenchi bakatonkela [Muleli waba Ottomani ] Selim kuti apangane cilongwe aba Britain a Russia, mpoonya kwiinda mucilongwe eeco, ba Fulenchi bakatandilwa limwi.”10 Mubweende bupya bwamapolitikisi oobu, cisi ca Russia aca Persiya, zyakatalika kukungilila nyika yakali yabulelo bwa Ottomani. Eeci cakaletelezya kucimwa akataa bakubusi ba Ottomani alimwi ncicaaletelezya kujaigwa ooko nkubaacita bakubusi ba Turki, eelyo nibakajaya banakristu baku Armenia, ba Giliki, abaku Syria, mu Nkondo ya Nyika Yoonse Ntaanzi.\\nKujala ŋanda yakazekelo ncecintu cilaa bulemu kapati kuzwa ciindi ca Kalivali. Muciindi eeco, boonse banoosalide, kuya kubuumi butamani, nanka kuya kubweenya alufu lutamani.\\nKujala ŋanda yakazekelo ncecintu cilaa bulemu kapati kuzwa ciindi ca Kalivali. Muciindi eeco, boonse banoosalide, kuya kubuumi butamani, nanka kuya kubweenya alufu lutamani. Akataa majwi aamamanino aa Mangwalo, kulilembedwe busanduluzi bwaciindi eeco, akucenjezya kwabulemu eeco ciindi mbociswaangene a Kuboola Kwabili kwa Yahushua:\\nUtajali zyaambwa mwibbuku lyacishinshimi eeli: nkaambo ciindi casika.\\nOoyo uutaluleme, kacizumanana kuya kumbele kutalulama: alimwi ooyo uusofweede, kacizumanana kuya kumbele kusofwaala: alimwi ooyo uululeme, kaciya kumbele kululama: alimwi ooyo uusetekene, kacizumanana kusetekana.\\nAlimwi, amulange, Ime ndaboola cakufwamba; alimwi ndijisi abulumbu, bwakupa muntu omwe omwe kutobelanya amilimo yakwe njaakacita. (Ciyubunuzyo 22:10-12, KJV)\\nKunyina kulelema kweelede kucitika mukulibambila. Kujala ŋanda yakazekelo kulaafwi kucitigwa linolino, pele kuyootaanguna kujalilwa kuli baabo bakatambwide mumuni munji boonse. Kuti webo kolombozya kutola lubazu akukkomanina kutola lwiito kunyika yoonse, kolisanyangula mumoyo wako woonse. Hena webo kucili cinyonyoono ncocilamatide mumoyo wako na? Hena webo ucisulaika mumuni uuyungizya kumunikila nyika, ooyo mumuni uuli nje mvwula nkukula nsoke iicaalizya, eeyo iipedwa muluzyalo lwakubambila nduwe kuti ulibambile kukujalwa kwa ŋanda yakazekelo?\\nKolibambila, kolibambila, kolibambila. Webo weelede kulibambila kapati kwiinda mbolibambide lino, nkaambo buzuba bwa Mwami bulazya, bunooli bukali, bulaa kukalala kuyoosya, buyoodibaula nyika yoonse akwiisiya kakwiina cintu akunyonyoona babisyi kuzwa muli njiyo. Webo kwaaba zintu zyako zyoonse kuli Yahuwah11. Kolazyika mikuli yako yoonse acipaililo Cakwe — webo lwako, azintu zyako zyoonse, azimwi zyoonse, kuti zibe zituuzyo cizumi atalaa cipaililo. Kulayandika kwaaba zintu zyoonse kuti ukanjile mubulemu. Koyobozya zintu nzyoyandisya kujulu, ooko kunyina mubbi uunga wakunyanga nokuba nkalaya inga yazinyonyoona. Webo weelede kuba muntu uutola cibeela mukupenga kwa Yahushua aano ansi kuti koyanda kuyootola cibeela a Nguwe mubulemu Bwakwe kuzwa aciindi cino.12\\nMulimo walufutuko tuuli wakusobanina pe, tuuli mulimo uunga wabelekwa akusiigwa kufumbwa mbwaliyandila muntu pe. Mulimo uuyandika kutonkomanina kucita, akuzumanana kubelekwa kusikila wamanizya kubelekwa kakwiina kutolwaala pe, ncecintu eeco cikonzya kujanya kukoma kuteeli. Nguyooyo buyo alikke uuzumanana kusikila kumamanino uyoofutulwa. Mbabaabo bakkazyikide camba akuzumanana kucita zintu zibotu ziluleme bayooba abuumi butamani bwa kupona kuteeli.13\\nLino mbobuzuba bwa lufutuko. Kolisalila kutobela kasimpe kufumbwa nkokakutozya. Kolilekelela cakumaninina ku Mufutuli alimwi Walo uyookugwasya kulibambila webo.\\nAzimwi zijatikizya cibalo eeci:\\nNapoleon, Atatürk, a Poopo Francis baambilizya kuti Ŋanda yakazekelo ilaafwi kujalwa\\n5 https:\/\/www.britannica.com\/topic\/Mamluk, .\\n11 Mazina aasetekene alipedwe mucibalo eeci mubusena bwa mazina aamituni.\\n12 E. G. White, The Faith I Live By, p. 359.\\n13 E. G. White, Our Father Cares, p. 88.","num_words":2487,"character_repetition_ratio":0.056,"word_repetition_ratio":0.01,"special_characters_ratio":0.158,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani aamu Bbaibbele: Musa Muvwanda Mbwaakafwutulwa - Kkeyala yaa Intaneti ya Bakamboni ba Jehova\\nBONA mwana nkwalila kumwi kajatide munwe wamusimbi. Ooyu mwana ngu Musa. Hena ulimuzyi musimbi ooyu mubotu boobu? Mwana wa Falawo mwami wa Ijipiti.\\nBanyina Musa bakamusisa mwana wabo kusikila wakkwanisya myezi yotatwe nkaambo tiibakali kuyanda kuti ajaigwe abana Ijipiti. Pesi bakalizyi kuti Musa ulakonzya kujanwa. Aboobo mboobu mbobakacita kufwutula mwana wabo.\\nBakabweza mutaanga akuusinka kabotu-kabotu kutegwa kutabi meenda aanjila. Bamane bamubikka Musa mumutaanga akuubikka mumatete malamfwu muceeleele ca Mulonga wa Nailo. Miliyamu mucizyi wa Musa wakaambilwa kuti kamulindila mwana kutegwa abone cikonzya kucitika.\\nKumane mwana wa Falawo musimbi wakaboola ku Mulonga wa Nailo kuzyi kusamba. Mpeena wakabona mutaanga mumatete malamfwu. Wakaita mubelesi wakwe umwi musimbi akumwaambila kuti: ‘Koya undiletele mutaanga uulya.’ Mwana wa Falawo naakazyi kuvwununa mutaanga, wajana kuli mwana. Elo nkubota mwana ngwaakajana! Musa wakali kulila, alimwi mwana wamwami wakeetezyegwa kubona nkwalila. Tanaakayanda kuti ajaigwe.\\nKumane Miliyamu wakaboola. Ulakonzya kumubona acifwanikiso. Miliyamu wakalomba mwana wa Falawo kuti: ‘Hena nduunke nkaite mukaintu muna Isilayeli kuti kakulelela mwana?’\\nMwana wamwami wakati: ‘Inzya koya.’ Kumane Miliyamu wakabalika cakufwambaana kwaakwaambila banyina. Banyina Musa nibakasika kumwana wamwami wakabaambila kuti: ‘Bweza mwana ooyu kondilelela ndiya kukupa bulumbu.’\\nAboobo banyina Musa bakalikomezyela mwana wabo. Musa naakakomena-komena, bakamutola kumwana wa Falawo walo wakamukomezya mbuli mwana wakulizyalila. Mbombubo oobu Musa mbwaakazyi kukomenena muŋanda ya Falawo.\\nNgwani mwana uuli acifwanikiso, alimwi ino munwe waani ngwajisi?\\nNcinzi banyina Musa ncibakacita kufwutula mwana kutegwa atajaigwi?\\nNgwani mwana musimbi uuli acifwanikiso, alimwi ucita nzi?\\nNcinzi Miliyamu ncaakamulomba mwana wa Falawo naakabona mwana?\\nNcinzi mwana wa Mwami ncaakaamba kuli banyina Musa?\\nBala Kulonga 2:1-10.\\nNcoolwe nzi banyina Musa ncibakaba ancico cakuyiisya Musa kubuvwanda, alimwi ino eeci cikozyanyo cibagwasya nzi sunu bamakaintu? (Kul. 2:9, 10; Dt. 6:6-9; Tus. 22:6; Ef. 6:4; 2 Timo. 3:15)\\nIno ncinzi ncotukonzya kwiiya kujatikizya buumi bwa Musa naakacili mwana mu Egepita? Amukkope zyakucita eezyi alimwi akuzibandika antoomwe amukwasyi.","num_words":291,"character_repetition_ratio":0.069,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kubelekela Jehova Mazuba Aamapenzi Kaatanasika | Yakwiiya\\nNgazi Yamulindizi—Yakwiiya | January 2014\\nAMUBALE MU Afrikaans Albanian American Sign Language Amharic Arabic Argentinean Sign Language Armenian Aymara Azerbaijani Azerbaijani (Cyrillic) Bengali Bicol Bislama Brazilian Sign Language Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Colombian Sign Language Croatian Czech Dangme Danish Drehu Dutch Efik English Estonian Ewe Finnish French Ga Georgian German Greek Greenlandic Guarani Gujarati Gun Haitian Creole Hebrew Hiligaynon Hindi Hungarian Icelandic Igbo Iloko Indonesian Italian Italian Sign Language Japanese Japanese Sign Language Kannada Kazakh Kikaonde Kikuyu Kimbundu Kinyarwanda Kirghiz Kirundi Kongo Korean Krio Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Malayalam Maltese Marathi Maya Mexican Sign Language Moore Myanmar Ndebele Ndonga Nepali Ngabere Norwegian Nyaneka Nzema Oromo Otetela Pangasinan Papiamento (Aruba) Persian Polish Portuguese Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Romanian Russian Russian Sign Language Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swati Swedish Tagalog Tahitian Tamil Tatar Telugu Thai Tigrinya Tshiluba Tsonga Turkish Twi Tzotzil Ukrainian Umbundu Urdu Uzbek Venda Vietnamese Wallisian Waray-Waray Wayuunaiki Wolaita Xhosa Yoruba Zande Zulu\\nKubelekela Jehova Mazuba Aamapenzi Kaatanasika\\n“Koyeeya Mulengi wako.”—MUK. 12:1.\\nSENA MULAKONZYA KUPANDULULA?\\nMbuti Banakristo ibalaaluzyibo mbobakonzya kugwasya bakubusi?\\nNzikozyanyo nzi zyamu Bbaibbele izyaamba kubelekela kubusena bubulide izikonzya kubagwasya Banakristo bapati mazuba aano?\\nIno Banakristo bamwi bakatalika buti kubelekela Leza munzila zipya ciindi nobakakomena?\\n1, 2. (a) Ino ndulayo nzi Solomoni ndwaakasololelwa amuuya kulembela bakubusi? (b) Nkaambo nzi lulayo lwa Solomoni ncolweelede kubakkomanisya abalo Banakristo ibajisi myaka yakuzyalwa iibalilwa kuma 50 naa kwiinda waawo?\\nKWIINDA mukusololelwa amuuya, mwami Solomoni wakalembela bakubusi kuti: “Koyeeya Mulengi wako mumazuba aabulombe bwako, mazuba aamapenzi naatana kusika.” Ino “mazuba aamapenzi” aaya ninzi? Solomoni wakabelesya majwi aakweema kupandulula mazuba aamapenzi aabucembele—kubimba maanza, koongomana maulu, kumana menyo, kutabona kabotu, kutamvwisya kwamatwi, imvwi, alimwi akoongomana musana. Taakwe weelede kucita bubambe bwakulindila kuti mane akasike aciimo eeci katanatalika kubelekela Jehova.—Amubale Mukambausi 12:1-5.\\n2 Banakristo banji ibajisi myaka yakuzyalwa iibalilwa kuma 50 naa kwiinda waawo bacijisi nguzu zinji. Balakonzya kabajisi mvwi, pele nokuba boobo mubili inga kautanabula nguzu kweelana ambwaakapandulula Solomoni. Sena Banakristo bapati aaba inga bagwasyigwa alulayo ilwakasololelwa amuuya ilwakalembelwa bakubusi ilwakuti: “Koyeeya Mulengi wako”? Ino lulayo oolu lwaamba nzi?\\n3. Ncinzi cibikkilizyidwe mukuyeeya Mulengi wesu Mupati?\\n3 Nokuba kuti twali kumubelekela Jehova kwamyaka minji, cilayandika kuti ciindi aciindi katuyeeya mbwali mubotu Mulengi wesu. Sena buumi tabugambyi? Bumpiyompiyo ibujatikizya buumi mbobupangidwe bulakatazya kumvwisya. Zyintu nzyatucitila Jehova nzibotu alimwi ziliindene-indene zyalo izipa kuti buumi kabukkomanisya. Ciindi notuzinzibala kuyeeya zyintu nzyaakalenga Jehova, cipa kuti katulumba luyando lwakwe, busongo alimwi anguzu zyakwe. (Int. 143:5) Pele kuyeeya Mulengi wesu Mupati alimwi kulabikkilizya akuzinzibala kuyeeya zyintu nzyotweelede kumucitila. Ziindi zili boobu notuzinzibala kuyeeya, tulimvwa kuba amakanze aakuzumanana kutondezya kulumba Mulengi wesu kwiinda mukumubelekela cakumaninina kweelana ambotukonzya kufwumbwa kuti katucipona.—Muk. 12:13.\\nZYOOLWE ZILIBEDELEDE CIINDI NOMWAKOMENA\\n4. Ino mubuzyo nzi ngobeelede kulibuzya Banakristo ibajisi luzyibo akaambo kakupona myaka minji, alimwi nkaambo nzi?\\n4 Kuti kamujisi luzyibo akaambo kakupona myaka minji, mweelede kulibuzya kuti, ‘Ncinzi nconditiicite abuumi bwangu lino kazitanamaninina nguzu nzyondicijisi?’ Mbomuli Munakristo uujisi luzyibo, mulijisi zyoolwe nzyobatajisi bamwi. Mulakonzya kwaabila bana nzyomwakaiya kuzwa kuli Jehova. Mulakonzya kubayumya-yumya bamwi kwiinda mukubalwiida zyintu zyakamukkomanisya ciindi nomwakali kubelekela Leza. Mwami Davida wakapaila kuti abe azyoolwe zyakucita boobo. Wakalemba kuti: “O Leza, nduwe wandiiyisya kuzwa kubwanike bwangu . . . Utandisii, O Leza, nekuba kuti ndacembaala akuba amvwi, Kuti ndwiide izyalani liciza makani aakuboko kwako, anguzu zyako kuliboonse baciboola.”—Int. 71:17, 18.\\n5. Ino Banakristo bapati inga babalwiida buti bamwi zyintu nzyobakaiya?\\n5 Ino inga mwaluula buti luzyibo ndomwajana kwamyaka minji? Mulakonzya kubatamba kuŋanda yanu bakubusi ibabelekela Leza kutegwa bakulwaizyigwe akuyanzana kuli boobo. Mulakonzya kubatamba kuti bamusangane mumulimo wa Bunakristo akubaambila lukkomano ndomwajana kwiinda mukubelekela Jehova. Elihu iwakali kupona kaindi wakati: “Majwi ndubazu lwabuumi bulamfu, abulaililo mbwamyaka minji.” (Job. 32:7) Mwaapostolo Paulo wakakulwaizya bamakaintu Banakristo balaaluzyibo kuti kabakulwaizya bamwi kwiinda mumajwi alimwi amucikozyanyo cabo. Wakalemba kuti: “Abalo bamacembele mbubonya ababe . . . bamayi bazyintu zibotu.”—Tit. 2:3.\\nAMUYEEYE NZYOMUKONZYA KUCITA KUTEGWA MUGWASYE BAMWI\\n6. Nkaambo nzi Banakristo ibajisi luzyibo akaambo kakupona myaka minji ncobateelede kulitenga?\\n6 Kuti kamuli Munakristo uulaaluzyibo, kuli zyintu zinji nzyomukonzya kucita. Amuyeeye zyintu nzyomumvwisya lino nzyomwatakazyi myaka iili 30 naa 40 yainda. Mulakonzya kubelesya njiisyo zyamu Bbaibbele cabusongo mubuumi. Cakutadooneka, mulakonzya kubasika amoyo bantu akasimpe kamu Bbaibbele. Ikuti kamuli mwaalu, mulizyi mbomukonzya kugwasya Banakristonyoko ibaleya. (Gal. 6:1) Ambweni mwakaiya mbokulanganizyigwa milimo yambungano, madipatimenti aamuswaangano wabbazu naa waalubazu, naa kuyaka Maanda aa Bwami. Inga kamuzyi mbomukonzya kukulwaizya madokota kutegwa babelesye nzila zyabusilisi zitabelesyi bulowa. Nokuba kuti kasimpe mwakakaiya ino-ino, mulijisi luzyibo lunji mubuumi. Mucikozyanyo, kuti naa mwakalela kale bana, inga kamujisi luzyibo lugwasya. Banakristo bapati balakonzya kukulwaizya kapati bantu ba Jehova kwiinda mukuyiisya, kusololela, alimwi akubayumyayumya bakwesu alimwi abacizyi.—Amubale Jobu 12:12.\\n7. Ino ndwiiyo luli buti ilugwasya Banakristo bapati ndobakonzya kuyiisya bakubusi?\\n7 Ino inga mwacita buti kutegwa zyintu nzyomukonzya kucita muzicite cakumaninina? Ambweni mulakonzya kubatondezya bakubusi mbobakonzya kutalisya ziiyo zya Bbaibbele akuzisololela. Ikuti kamuli mucizyi, mulakonzya kubapa mizeezo bamatumbu ibacili bana-bana mbobakonzya kucita zyintu zyakumuuya kumwi kabalanganya nzyobayandika bana babo bacili baniini. Ikuti kamuli mukwesu, mulakonzya kuyiisya bakwesu bacili bana-bana mbobakonzya kupa makani cabusungu alimwi ambobakonzya kuzwidilila mumulimo wakukambauka makani mabotu. Mulakonzya kubatondezya mbomuswaya bakwesu abacizyi bacembeede kutegwa mubayumye-yumye kumuuya. Nokuba kuti tamujisi nguzu zyakumubili nzyomwakajisi kaindi, mulijisi zyoolwe zibotu zyakuyiisya bakubusi. Ijwi lya Leza lyaamba kuti: “Bulemu bwabakubusi ninguzu zyabo, pele kweebeka kwabapati nimvwi zyabo.”—Tus. 20:29.\\nKUBELEKELA KUBUSENA KUBULIDE BASIKUMWAYA\\n8. Ncinzi ncaakacita mwaapostolo Paulo naakakomena?\\n8 Mwaapostolo Paulo wakazicita cakumaninina zyintu nzyaakali kukonzya kucita kwiinda mukubelekela Leza naakakomena. Kuzikusika ciindi naakaangununwa muntolongo ku Roma mu 61 C.E., wakali waliyumya kwamyaka minji yakubeleka mulimo wabumisyinali cakulomya alimwi wakali kukonzya kukkalilila mu Roma kuti akambauke. (2 Ko. 11:23-27) Cakutadooneka, bakwesu mudolopo eeli lipati bakalumba kapati akaambo kalugwasyo ndwaakazumanana kubapa. Pele Paulo wakabona kuti kuzisi zimbi kwakalibulide kapati kwiinda ku Roma. Kali antoomwe a Timoteo alimwi a Tito, wakatalika alimwi mulimo wakwe wabumisyinali, wakaunka ku Efeso, mpoonya ku Krete, alimwi ambweni aku Makedoniya. (1 Ti. 1:3; Tit. 1:5) Tatuzyi naa wakasika aku Spanya, pele wakali kuyanda kusika akwalo ooku.—Lom. 15:24, 28.\\n9. Kulangilwa kuti ndilili Petro naakalongela kubusena bwakabulide bakambausi? (Amubone cifwanikiso icili kumatalikilo.)\\n9 Mwaapostolo Petro ambweni wakajisi myaka yakuzyalwa iinda ku 50 ciindi naakalongela kubusena kwakabulide bakambausi. Nkaambo nzi eeci ncocikonzya kuba camasimpe? Kuti naa wakaleelene a Jesu myaka yakuzyalwa naa kuti wakali mupati asyoonto kwiinda Jesu, weelede kuti wakajisi myaka iibalilwa ku 50 ciindi naakaswaangana abaapostolo bamwi ku Jerusalemu mu 49 C.E. (Mil. 15:7) Nowakainda muswaangano uulya, Petro wakaunka kuyakukkala ku Babuloni, cakutadooneka wakacita oobo kutegwa akambaukile ba Juda banji ibakali kukkala mubusena oobu. (Gal. 2:9) Wakali kukkala mu Jerusalemu ciindi naakalemba lugwalo lwakwe lwakusaanguna ilwakasololelwa amuuya mu 62 C.E. (1 Pe. 5:13) Kukkala mucisi ceenzu tacili cuuba-uba, nokuba boobo Petro wakabelekela Jehova cakumaninina nokuba kuti wakali mupati.\\n10, 11. Amwaambe cakuluula cijatikizya muntu iwakaunka kuyakubelekela kubusena kubulide kapati basikumwaya.\\n10 Mazuba aano, Banakristo banji ibajisi myaka yakuzyalwa iibalilwa kuma 50 naa kwiinda waawo bajana kuti bukkale bwabo bwacinca akuti balakonzya kubelekela Jehova munzila zimwi zipya. Bamwi balongela kubusena kubulide basikumwaya. Mucikozyanyo, ba Robert bakalemba kuti: “Mebo abakaintu bangu twakajisi myaka yamuma 50 ciindi notwakabona zyoolwe zimwi nzyotwakajisi. Mwaneesu musankwa omwe buyo ngotwakajisi wakatalika kulikkalila, tiitwakacili amukuli wakulanganya bazyali bacembeede, alimwi twakajisi zyintu zisyoonto nzyotwakakona. Ndakabona kuti mali ngotwakali kukonzya kujana kuti naa twasambala ŋanda yesu akali kuyakukkwana kubbadelela cikwelete caŋanda akutugwasyilizya kusikila ciindi nondiyakutambula mali aapensyeni. Twakamvwa kuti kucisi ca Bolivia kuli bantu banji ibazumina kwiiya Bbaibbele, alimwi zyintu taziduli pe. Aboobo, twakasala kuti tulonge. Kuzibila kukkala muŋanda yesu mpya tiicakali cuuba-uba pe. Zyintu zyoonse buyo zyakaliindene azyintu nzyotwakazibide ku North America. Nokuba boobo, twakalongezyegwa akaambo kakusoleka kwesu.”\\n11 Ba Robert bakayungizya kwaamba kuti: “Zyintu zyoonse nzyotucita lino mubuumi zijatikizya kubeleka milimo yambungano. Bantu bamwi mbotwakali kwiiya limwi Bbaibbele bakabbapatizyigwa. Mukwasyi umwi mucete ngotwakali kwiiya limwi wakali kukkala mumunzi wakali kulamfwu. Nokuba boobo, nsondo ansondo bamumukwasyi ooyu baleenda musinzo uukatazya kuunka kumiswaangano kudolopo. Amuyeeyele buyo mbotwakakkomene kubona mukwasyi ooyu kauyaambele alimwi amwana musankwa mupati naakatalika mulimo wabupainiya!”\\nZILAWO MOBABELESYA MWAAMBO WAKUNZE AACISI ZIYANDIKA BASIKUMWAYA\\n12, 13. Amwaambe cakuluula icijatikizya Munakristo iwakatalika kubelekela Jehova munzila zipya naakakkwanya myaka yakuleka mulimo wakumubili.\\n12 Tubunga alimwi ambungano izibelesya mwaambo wakunze aacisi zilakonzya kugwasyigwa kapati acikozyanyo cabakwesu alimwi abacizyi bapati. Alimwi kubelekela mucilawo cili boobu kulakonzya kukkomanisya. Mucikozyanyo, ba Brian bakalemba kuti: “Mebo abakaintu bangu twakaliiba ciindi nondakakkwanya myaka iili 65 yakuzyalwa, bantu ku Britain nobaleka mulimo. Bana besu bakatalika kulikkalila, alimwi cakali kukatazya kujana bantu bajisi luyandisisyo lwakwiiya Bbaibbele. Mpoonya ndakaswaangana amukubusi mu Chainizi iwakali kwiiya ayunivesiti iili mubusena oobu. Wakazumina kutambwa kumuswaangano, alimwi ndakatalika kwiiya Bbaibbele anguwe. Nokwakainda nsondo zisyoonto, wakatalika kuboola amu Chainizi mweenzinyina. Nokwakainda nsondo zyobilo, wakaboola amweenzinyina watatu, mpoonya awane.\\n13 “Kuzikusika ciindi mu Chainizi wasanu iwakali kwiiya ayunivesiti naakalomba ciiyo ca Bbaibbele, ndakati, ‘Kuba amyaka iili 65 tacaambi kuti ndeelede kuleka kubeleka mulimo wa Jehova.’ Aboobo ndakabuzya bakaintu bangu, ibasyoonto kulindime amyaka yobilo, kuti naa inga bayanda kwiiya mwaambo wa Chichainizi. Twakali kwiiya kubelesya zyakuswiilila zyakalekkoodwa. Kwainda myaka iili kkumi eezyi nozyakacitika. Kukambaukila mucilawo mobabelesya mwaambo wakunze aacisi kwakatupa kulimvwa kuti tucili bana. Kusika aciindi cino twaiya Bbaibbele aba Chainizi ibali 112. Bunji bwabo bakajanika kale kumiswaangano. Umwi wambabo ulabeleka mulimo wabupainiya antoomwe andiswe.”\\nAmbweni tamunakomena kapati cakuti tamukonzyi kuyungizya mulimo wanu (Amubone mincali 12 a 13)\\nAMUKKOMANE KUCITA NZYOMUKONZYA\\n14. Ino ncinzi cikonzya kubapa kukkomana Banakristo bapati, alimwi ino cikozyanyo ca Paulo cibakulwaizya buti?\\n14 Nokuba kuti Banakristo banji ibajisi myaka iibalilwa kuma 50 balijisi zyoolwe zibotu zyakucita zyintu zipya mumulimo wa Jehova, tabali boonse ibakonzya kucita boobo. Bamwi balaciswa-ciswa, alimwi bamwi balanganya bazyali bacembeede naa kulela bana. Mulakonzya kukkomana kuzyiba kuti Jehova ulalumba zili zyoonse nzyomucita mukumubelekela. Aboobo, muciindi cakutyompwa akaambo kakuti tamukonzyi kucita zyintu zimwi, amukkomane anzyomukonzya kucita. Amubone cikozyanyo camwaapostolo Paulo. Kwamyaka minji, wakalaangidwe, katakonzyi kuzumanana amulimo wakwe wabumisyinali. Pele kufwumbwa ciindi bantu nobakali kumuswaya, wakali kubandika ambabo kujatikizya Magwalo akubayumya-yumya mulusyomo.—Mil. 28:16, 30, 31.\\n15. Nkaambo nzi Banakristo bacembeede ncobalumbwa kapati?\\n15 Jehova alimwi ulalumba nzyobakonzya kucita mumulimo wakwe Banakristo bacembeede. Nokuba kuti Solomoni wakaamba kuti mazuba aamapenzi ciindi muntu naacembaala tacili ciindi cibotu mubuumi, Jehova ulalumba nzyobakonzya kucita Banakristo bacembeede nobamutembaula. (Lk. 21:2-4) Mbungano zilalumba cikozyanyo cakusyomeka ncobatondezya aabo ibali kubelekela Leza kwamyaka minji.\\n16. Nzyoolwe nzi nzyaatakajisi Ana, pele ncinzi ncaakali kukonzya kucita mukukomba Leza?\\n16 Ibbaibbele lyaamba kuti mukaintu uucembeede iwakali kwiitwa kuti Ana wakazumanana cakusyomeka kutembaula Jehova nociba ciindi naakacembaala. Wakali mukamufwu iwakajisi myaka yakuzyalwa iili 84 ciindi Jesu naakazyalwa. Cakutadooneka, taakwe naakapona kwaciindi cilamfwu kutegwa abe sikutobela Jesu, kuti ananikwe amuuya uusalala, naa kuti akkomane akaambo kakukambauka makani mabotu aa Bwami. Pesi Ana wakakkomana kucita nzyaakali kukonzya kucita. “Kunyina naakali kulovwa mutempele, wakali kubeleka mulimo uusetekene masiku asyikati, kuliimya kulya alimwi akupaila mipailo yakukombelezya.” (Lk. 2:36, 37) Ciindi mupaizi naakali kuumpa tununkilizyo mutempele buzuba abuzuba mafwumofwumo alimwi akumangolezya, Ana wakali kunga uli antoomwe ankamu yabantu bakali kubungana mulubuwa kapaila cakaumuumu ambweni kwamaminiti aali 30. Ciindi naakamubona mwana Jesu, wakatalika “kwaamba zyamwana ooyu kuli boonse aabo bakali kulindila lufwutuko lwa Jelusalemu.”—Lk. 2:38.\\n17. Ino inga twabagwasya buti Banakristo bacembeede alimwi abaciswa kutegwa kabatola lubazu mubukombi bwakasimpe?\\n17 Mazuba aano, tweelede kubikkila maano kugwasya Banakristo bacembeede naa ibaciswa. Bamwi ibanga bayandisisya kujanika kumiswaangano yambungano alimwi akumiswaangano yabbazu ayaalubazu inga kabatacikonzyi lyoonse kucita oobo. Mumasena amwi, caluyando mbungano zilacita bubambe bwakuti bacembeede bali boobu baswiilile kupulogilamu yamuswaangano kwiinda mukubelesya fooni. Mumasena amwi, eeci tacikonzyeki pe. Nokuba boobo, Banakristo batakonzyi kujanika kumiswaangano balakonzya kugwasyilizya kusumpula bukombi bwakasimpe. Mucikozyanyo, mipailo yabo ilagwasyilizya kuti mbungano ya Bunakristo izwidilile.—Amubale Intembauzyo 92:13, 14.\\n18, 19. (a) Nkaambo nzi Banakristo bapati ncobatakonzyi kuzyiba mbobabakulwaizya bamwi? (b) Mbaani ibakonzya kulubelesya lulayo lwakuti: “Koyeeya Mulengi wako”?\\n18 Banakristo bacembeede ambweni tabakonzyi kuzyiba mbobabakulwaizya bamwi. Mucikozyanyo, nokuba kuti Ana wakali kusyomeka myaka yoonse eeyo njaakali kutempele, ambweni tanaakazyi pe kuti nokwakainda myaka minji cikozyanyo cakwe cakali kuyakuzumanana kuyumya-yumya bamwi. Luyando ndwaakajisi Ana kuli Jehova lwakalembwa mu Magwalo. Cakutadooneka, luyando lwanu kuli Leza lulilembedwe mumyoyo yabasyominyoko. Nkakaambo kaako Ijwi lya Leza ncoliti: “Mutwe uuli amvwi munsini wabulemu, ulajanwa munzila yabululami!”—Tus. 16:31.\\n19 Kuli mpotugolela toonse caboola kukubelekela Jehova. Pele swebo notucijisi nguzu atwaabikkile maano majwi aakasololelwa amuuya aakuti: “Koyeeya Mulengi . . . mazuba aamapenzi naatana kusika.”—Muk. 12:1.\\nBakalyaaba Camoyo woonse kuyakubelekela​—Ku West Africa\\nAmukombe Jehova, Mwami Walyoonse Alyoonse\\nKulela kwa Bwami Kwamyaka Iili 100​—Ino Kumujatikizya Buti?\\nKusala Cabusongo Mubukubusi\\n“Abuboole Bwami Bwako”​—Pele Lili?\\nNcondakasala Kucita Nondakacili Mwana\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA January 2014\\nNGAZI YAMULINDIZI—YAKWIIYA January 2014","num_words":1952,"character_repetition_ratio":0.057,"word_repetition_ratio":0.001,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"ULAKONZYA kuzoopona buumi bulikabotu kutachiswi, kutachembaali akufwa. Pesi mazubaano kuzwide zintu zikataazya. Animpo niinzi chikonzya kupa kuti ubotelwe mubuumi lino? MuBbayibbele muli njiisyo zikonzya kukugwasya kuti ubotelwe akuti ukkutisikane. Atulange-lange zimwi zintu zikataazya mubuumi akuti kujana Bbayibbele lyakugwasya biyeni.\\nNzilyaamba Bbayibbele: “Bukkale bwanu butabi bwakuyandisya mali pe, pele amukkutile azintu nzyomujisi lino.”​—Bahebrayo 13:5.\\nMazubaano munyika bantu basungwaazigwa kuti babe aazintu zyiingi. Pesi Bbayibbele lyaamba kuti tweelede ‘kukkutisikana azintu nzyotujisi lino.’ Biyeni?\\n‘Utayandisyi mali.’ Bantu balalipeda kuchita zintu zikonzya kupambanisya buumi bwabo, mpuli zyabo, bweenzinyina mbubalaabo abamwi abuntu bwabo bubotu akaambo kakuyandisya mali. (1 Timoteyo 6:10) Kuchita oobu nkuseya mpuyimvwi, nkaambo muntu uyandisya bunoti “takakkutili” pe.​—Mukambausi 5:10.\\nUtayandisyi zintu kwiinda bantu. Nisimpe zintu zyakumubili zilagwasya. Pesi bantu mbabo bakonzya kutuyanda naakuti kutulumbayizya kutali zintu pe. ‘Mweenzinyokwe wachoonzyo’ ulakonzya kukugwasya kuti ubotelwe mubuumi.​—Tusimpi 17:17.\\nULAKONZYA KUBOTELWA MUBUUMI KWIINDA MUKUTOBELEZYA NJIISYO ZYAMUBBAYIBBELE\\nMBUKONZYA KULISIMYA KUTI WACHISWA\\nNzilyaamba Bbayibbele: “Moyo uukkomene musamu mubotu uuponya.”​—Tusimpi 17:22.\\nMbuuli “musamu mubotu,” kubotelwa kulakonzya kupa kuti ulisimye kuti wachiswa. Pesi kujana wabotelwa biyeni kumwi kulikuchiswa?\\nBamuntu uulumba. Kuti wakkala kuyeeya atala amapenzi aako tunoobotelwi pe “mazuba oonse.” (Tusimpi 15:15) Bbayibbele lyaamba kuti, “amutondezye kuti mulalumba.” (Bakolose 3:15) Ulakonzya kulumba kubota kwazuba nililokubbila, muuya uutontolela, kumwemwetela kwamuntu nguyanda azimwi. Nikuba kuti zintu eezi nziniini pesi zilakonzya kupa kuti ubotelwe nikuba kulikuchiswa.\\nGwasya bamwi. Nikuba kuti ulachiswa utalubi kuti Bbayibbele liti, “kupa kulakkomanisya kapati kwiinda kupegwa.” (Milimo 20:35) Chiindi bantu nibatulumba akaambo kazintu zibotu nzitwabachitila, tulabotelwa akuluba mapenzi eesu. Tulakonzya kubotelwa mubuumi kuti twagwasya bamwi\\nMBUKONZYA KUSIMYA LUKWATANO\\nNzilyaamba Bbayibbele: “Musinizye zintu ziyandika kapati.”​—Bafilipi 1:10.\\nKuti bakwetene kabatajani chiindi chakubaamwi, lukwatano lwabo lulakonzya kuba mumapenzi. Mwaalumi amwanakazi beelede kubona kuti lukwatano lwabo nchintu chiyandikana loko mubuumi bwabo.\\nAmuchite zintu kamulaamwi. Muchiindi chakuti umwi awumwi achite zintu nzyayanda kali alikke, mulakonzya kupulana kuchita zintu kamulaamwi. Bbayibbele lyaamba kuti, “bobilo bali kabotu kwiinda omwe.” (Mukambausi 4:9) Mulakonzya kujika, kuswaya zibbululu naakuti kuchita zimwi kamulaamwi.\\nTondeezya kuti ulamuyanda ngukwetenaawe. Bbayibbele lisungwaazya bantu bakwetene kuti bayandane akulemekana. (Baefeso 5:28, 33) Kumwemwetela, kumukumbata akumuchitila chimwi chintu ngukwetenaawe kulakonzya kusimya lukwatano lwanu. Alubo muntu uuli mulukwatano weelede koonana amuntu ngwakwetenaawe luzutu.​—Bahebrayo 13:4.\\n—Akaluulwa aaRyoko Miyamoto wakuJapan.\\nBuumi bwangu bwakali buyumu. Mulumaangu wakali kunywa bukande zyiindilide zyakuti taakali kukkala pe amulimu. Taakachili kubasanina pe bana besu bali 4. Nikuba kuti ndakali kubeleka changuzu pesi kwakali mbuuli kujika bbwe. Ndakali kukkala kandilibuzya kuti ‘Mbaakazibamba na Leza naakuti wakali kundipanicha akaambo kazibi nzindakachita chiindi.’\\nNdakaswayigwa awumwi waBakamboni baJehova. Wakanditondeezya luyando chiindi naakali kundikambawukila atala aBwaami baLeza abuumi butamani. Wakasaanguna kwiiya Bbayibbele andime. Ndakayiya kuti Leza mpali akuti ulaabusongo, ubeteka munzila ilikabotu akuti ulaaluyando. Alubo ndakayiya atala achiimo chabafwide akuti Leza teenguwe pe wakali kupa kuti ndinjile mumapenzi.\\nKwiinda zyoonse ndakazooziba kuti kuba mweenzinyina waLeza nkuko kweeta kubotelwa mubuumi. Kuziba kasimpe kali muBbayibbele kwakanduumbulizya akundaangununa. Ndakazoobotelwa mubuumi!\\nAmulangile kuli Leza kuti Mubotelwe Mulukwatano","num_words":434,"character_repetition_ratio":0.06,"word_repetition_ratio":0.0,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbomweelede Kumulaya Mwanaanu\\nNgazi Yamulindizi | July 2014\\nAMUBALE MU Afrikaans Albanian Amharic Arabic Armenian Aymara Azerbaijani Azerbaijani (Cyrillic) Bengali Bicol Bislama Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Dangme Danish Dutch Efik English Estonian Ewe Finnish French Ga Georgian German Greek Greenlandic Guarani Gujarati Haitian Creole Hebrew Hiligaynon Hindi Hungarian Iban Igbo Iloko Indonesian Italian Japanese Kannada Kazakh Kikaonde Kikuyu Kiluba Kimbundu Kinyarwanda Kirghiz Kirundi Kisonge Kongo Korean Krio Lingala Lithuanian Luganda Luo Macedonian Malagasy Malay Malayalam Maltese Marathi Maya Mazatec (Huautla) Moore Myanmar Nepali Ngabere Norwegian Nyaneka Nzema Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Quechua (Bolivia) Rarotongan Romanian Russian Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tahitian Tamil Tatar Telugu Thai Tigrinya Tshiluba Tsonga Turkish Twi Ukrainian Umbundu Urdu Venda Vietnamese Wayuunaiki Xhosa Yoruba Zande Zulu\\nMbuti Mbomweelede Kubalaya Bana Banu?\\n“Ndakali kuswiilila cakutakkazika moyo kukulila kwamootokala wakali kwiinda. Eeci cakali ciindi catatu Jordan naakatyola mulawo wakufwambaana kusika aŋanda. Ndakalibuzya kuti: ‘Ino ulikuli? Sena kuli camucitikila? Mwati ulizyi kuti tulalibilika?’ Ciindi naakasika, ndakalinyemede citaambiki.”—GEORGE\\n“Mwanaangu musimbi wakakwiila kapati, eeci cakapa kuti ndiyoowe kapati. Ndakacebuka akumubona kalijatilide kumutwe cakuyoowa kumwi kalila. Musyoonto wakwe musankwa uujisi myaka yone wakamuuma.”—NICOLE\\n“‘Tiindaibba buya nweenwe. Ndaibwezela buya!’ oobu mbwaakaamba Natalie, mwaneesu musimbi uujisi myaka yakuzyalwa yone, wakali kucita mbuli kuti tajisi mulandu. Kukazya kwakwe kwakatunyemya kapati cakuti twakalila. Twakalizyi kuti wakali kubeja.”—STEPHEN\\nIKUTI KAMULI muzyali, sena andinywe mulalimvwa mbuli mbobakalimvwa bamwi kweelana amajwi aali atala aawa? Ikuti mwasikilwa bukkale bukozyenye aboobu, sena inga mulalibuzya mbomukonzya kumulaya mwanaanu? Sena ncibi kulaya bana banu?\\nINO LULAYO NINZI?\\nMu Bbaibbele, ibbala lyaamba “lulayo” talyaambi buyo kusubula. Lulayo kanjikanji lwaamba kupa malailile, kuyiisya, alimwi akululamika. Talwaambi kutabelesya kabotu nguzu naa kuba silunya.—Tusimpi 4:1, 2.\\nLulayo ndobapa bazyali lulakonzya kweezyanisyigwa akulima gaadeni. Mulimi wagaadeni usaanguna kulima, kutilila akubikka mbolezi, alimwi akucikwabilila cisyango kutuuka alimwi ansaku. Cisyango mbociyaabukomena, mulimi ulakonzya kusonzola tutabi kutegwa cizumanane kukomena kabotu. Mulimi ulizi kuti kubelesya nzila ziindene indene cilakonzya kupa kuti cisyango cikomene kabotu. Mbubwenya buyo, abalo bazyali balabalanganya bana babo munzila zinji. Pele zimwi ziindi bayandika kupa lulayo—mbubwenya buyo mbuli kusonzola, balakonzya kululamika mizeezo iitali kabotu kaitana komena akugwasya bana babo kukomena kabotu. Nokuba boobo, kusonzola kweelede kucitwa kabotu, buyo-buyo cisyango inga canyongana. Alwalo lulayo ndobapa bazyali lweelede kupegwa caluyando.\\nLeza ngotubala mu Bbaibbele, Jehova, upa cikozyanyo cibotu kapati kubazyali kujatikizya makani aaya. Lulayo ndwapa bakombi bakwe basyomeka baanyika ndubotu alimwi lulagwasya kapati cakuti cibapa ‘kuluyanda lulayo.’ (Tusimpi 12:1) ‘Balajatisya lulayo,’ alimwi ‘tabaluleki.’ (Tusimpi 4:13) Mulakonzya kumugwasya mwanaanu kulutambula lulayo kwiinda mukwiiya zintu zyotatwe kujatikizya lulayo ndwapa Leza: ulalaya (1) caluyando, (2) cakunyoneka, alimwi (3) tacinci-cinci.\\nLULAYO LUPEGWA CALUYANDO\\nLuyando ndolukulwaizya alimwi ndolupa Leza kupa lulayo. Bbaibbele lyaamba kuti: “Kufumbwa muntu ngwayanda Jehova, ulamweempya, alimwi ulanunsaula mwana umwi aumwi ngwatambula.” (Tusimpi 3:12) Kuyungizya waawo, Jehova, ngu “siluzyalo asibuuya uutafwambi kukalala.” (Kulonga 34:6) Akaambo kaceeci, Jehova ulazibelesya kabotu nguzu alimwi tali silunya. Tabelesyi majwi mabi, kupa milandu lyoonse naa majwi akusampaula, zyoonse zikonzya ‘kuyasa mbuli ipanga.’—Tusimpi 12:18.\\nMasimpe kuti bazyali tabakonzyi kumwiiya Leza cakumaninina kujatikizya cikozyanyo cakwe cilondokede cakulilesya. Ziindi zimwi cilakonzya kumukatazya kukkazika moyo, pele muziindi zikatazya kapati, lyoonse kamuyeeya kuti kupa lulayo kumwi kamunyemede kanji-kanji kupa kuti mulupe calunya, cakuciindizya alimwi tacikonzyi kumugwasya. Kuyungizya waawo, lulayo lupegwa kumwi kamunyemede naa kamucimidwe taluli lulayo pe, pele nkwaalilwa kulijata.\\nKulubazu lumwi, kupa lulayo caluyando alimwi cakulilesya cilamugwasya. Amubone mbobakatulanganya twaambo ba George alimwi aba Nicole ibaambwa kumatalikilo aacibalo.\\n“Ciindi Jordan naakasika, mebo amukaintu wangu twakalinyemede kapati, pele twakalijata akuswiilila ciindi naakali kupandulula. Mbwanga akali masiku, twakasala kuti twaabandike makani bwaca. Twakapaila antoomwe akuunka mukoona. Buzuba butobela, twakali muciimo cibotu cakwaabandika makani kabotu-kabotu alimwi akumugwasya mwaneesu. Wakazumina kutobela milawo yesu alimwi wakazumina kuti wakalubizya. Cikkomanisya ncakuti, twakabona kuti kufwaambana kubweza ntaamu ciindi muntu nanyemede tacigwasyi. Notwakali kusaanguna kuswiilila, zintu zyakali kweenda kabotu.”—George.\\n“Ndakanyema kapati nondakabona kana kangu kasankwa mbokakauma mucizyi wankako. Muciindi cakubweza ntaamu mpoonya-mpoonya, ndakamwaambila kuti aunke kuluumu yakwe nkaambo ndakalinyemede kapati cakuti tiindakali kukonzya kwaayendelezya kabotu makani. Moyo wangu nowakakkalikana, ndakapandulula cakusinizya kuti kulwana takuzumizyidwe pe alimwi ndakamutondezya mbwaakamucisa mucizyi wakwe. Kubelesya nzila eeyi cakamugwasya. Wakalilekelela kumucizyi wakwe mpoonya wakamukumbata.”—Nicole.\\nNcobeni, lulayo lubotu lulakulwaizyigwa aluyando nokuba kuti lulabikkilizya akupa cisubulo.\\nLULAYO LUPEGWA CAKUNYONEKA\\nLulayo ndwapa Jehova lyoonse ulalupa “muciyanza ceelede.” (Jeremiya 30:11; 46:28) Ulalanga-langa bukkale boonse bujatikizyidwe, kubikkilizya anzyomutakonzyi kumvwisya. Mbuti bazyali mbobakonzya kucita mbubonya oobu? Ba Stephen, ibaambwa kumatalikilo acibalo, bapandulula boobu: “Nokuba kuti cakatucisa kapati alimwi tiitwakamvwisya ncaakali kukazya Natalie kujatikizya nweenwe, twakasola kubona ciimo cakwe alimwi amizeezo yakwe mboisimide.”\\nMulumi waba Nicole awalo ulasola kubona twaambo toonse tujatikizyidwe. Ciindi bana nobacita zintu cabufwubafwuba, ulalibuzya cakwiinduluka-induluka kuti: ‘Sena eeci cacitika buyo ciindi comwe naa ncilengwa buya? Sena mwana ulikatede naa talimvwide kabotu? Sena ncaacita ncitondezyo capenzi limwi?’\\nBazyali banyoneka balizyi kuti bana tabali mbuli bapati. Mwaapostolo Munakristo Paulo, wakacaamba eeci naakalemba kuti: “Nindakali mwana, ndakali kwaambaula mbuli mwana, kuyeeya mbuli mwana.” (1 Bakolinto 13:11) Ba Robert baamba boobu: “Cintu cindigwasya kuzilanga kabotu zintu alimwi akutaciindizya kunyema, nkuliyeezya mbondakali kucita nondakacili kasankwa.”\\nCilayandika kubona kuti nzyomulangila nzintu zikonzya kucitika ncobeni, alimwi aciindi nciconya tamweelede kuzumizya micito naa bube butali kabotu. Kwiinda mukuzyiba ncakonzya kucita mwanaanu, kulezya kwakwe alimwi abukkale bumwi, muyoobona kuti lulayo lwanu lulapegwa munzila iili kabotu alimwi lulanyoneka.\\nKUTACINCA-CINCA KUPA LULAYO\\nLugwalo lwa Malaki 3:6 lwaamba kuti: “Ndime Jehova, nsisanduki pe.” Babelesi ba Jehova balakasyoma kaambo aaka kamasimpe alimwi kabapa kulimvwa kukwabililwa. Abalo bana bayandika kukwabililwa alulayo lutacinci-cinci. Ikuti kamucinca-cinca lulayo ndomupa akaambo kambomulimvwa aciindi eeco, mwanaanu ulakonzya kunyongana akucimwa.\\nKamuyeeya kuti Jesu wakaamba kuti: “Kwaamba kwanu kuti ‘iiyi’ akube iiyi, akuti ‘peepe’ akube peepe.” Majwi aaya alabeleka mukukomezya bana. (Matayo 5:37) Amukkale aansi akuyeeya kamutanaamba cisubulo ncomukonzya kupa ikuti kamutajisi makanze aakucizuzikizya. Ikuti mwaambila mwanaanu kuti mulamupa cisubulo ikuti naa taalilemeka kabotu, amube masimpe kuti mwacita kweelana ambomwaamba.\\nKubandika kabotu-kabotu abana kulayandika kutegwa kamutacincicinci kupa lulayo. Ba Robert bapandulula kuti: “Ikuti bana besu bapa kuti ndibazumizye kucita cintu cimwi calo bakaintu bangu ncobabakasya kucita, ndaazyiba makani inga nditobela ncobabaambila bakaintu bangu akusaanguna.” Ikuti bazyali tiibamvwana kujatikizya mbobeelede kubamba makani amwi, inga cabota kwaabandika makani aayo kumbali kutegwa babe amuzeezo omwe.\\nIkuti mwaiya Jehova mbwapa lulayo caluyando, cakunyoneka alimwi cakutacinca-cinca , mulakonzya kuba masimpe kuti kusolekesya kwanu kuyoobagwasya bana banu. Lulayo lwanu luyoogwasya bana banu kuti basime akuti kabacita zintu camaano. Mbubonya mbuli Bbaibbele mbolyaamba kuti: “Iyisya mwana aende munzila iielede, lino akomena takooyooleya mulinjiyo.”—Tusimpi 22:6.\\nLulayo Lwamu Bbaibbele Lulapegwa . . .\\nCaluyando: Lulayo lugwasya luyeeme aluyando, kutali abukali. Kuti mwaba mubukkale bumwi bukatazya, mutapi lulayo kusikila moyo wakkala.\\nCakunyoneka: Amusolekesye kulanga-langa bukkale boonse, kubikkilizya akulezya kwamwanaanu alimwi anzyakonzya kucita.\\nCakutacinca-cinca: Ikuti mwaambila mwanaanu kuti mulamupa cisubulo ikuti naa taalilemeka kabotu, amube masimpe kuti mwacita kweelana ambomwaamba.\\nMbomukonzya Kulaya Mwanaanu\\nKulaya caamba kuyiisya. Njiisyo zyamu Bbaibbele zilakonzya kumugwasya kuyiisya mwanaanu kubona mbwakonzya kumvwida lulayo lwanu muciindi cakuzanga.\\nMAKANI AAYEEME AMUTWE UULI ACIVWUMBYO Zintu Zibyaabi Zyavwula!\\nMAKANI AAYEEME AMUTWE UULI ACIVWUMBYO Nkaambo Nzi Zintu Zibyaabi Ncozibacitikila Bantu Bali Kabotu?\\nMAKANI AAYEEME AMUTWE UULI ACIVWUMBYO Ncayoocita Leza Kujatikizya Bubi\\nIBBAIBBELE LILAKONZYA KUBACINCA BANTU Lyoonse Ndakali Kweenda Antobolo Yangu\\nSena Mulakonzya Kumubona Leza Uutalibonyi?\\nMabala Amusale naa muyanda kukkopa zyakamwaigwa NGAZI YAMULINDIZI July 2014 | Nkaambo Nzi Zintu Zibyaabi Ncozibacitikila Bantu Bali Kabotu?\\nJuly 2014 | Nkaambo Nzi Zintu Zibyaabi Ncozibacitikila Bantu Bali Kabotu?\\nNGAZI YAMULINDIZI July 2014 | Nkaambo Nzi Zintu Zibyaabi Ncozibacitikila Bantu Bali Kabotu?","num_words":1154,"character_repetition_ratio":0.041,"word_repetition_ratio":0.01,"special_characters_ratio":0.156,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Daniele 8 | Bbaibbele lili a Intaneti | Bbaibbele lya Busanduluzi Bwanyika Mpya\\nCilengaano camugutu alimwi amujembwe (1-14)\\nKeja kasyoonto kalisumpula (9-12)\\nKusikila kwiinde mazuba aali 2,300 (14)\\nGabriyeli wapandulula cilengaano (15-27)\\nMugutu amujembwe bapandululwa (20, 21)\\nMwami uuyoosya kapati wabuka (23-25)\\n8 Mumwaka watatu wabwami bwa Mwami Belisazara,+ kuli cilengaano ncindakabona, mebo nde Daniele, musyule lyaceeco ncindakabona kumatalikilo.+ 2 Ndakabona cilengaano, alimwi nindakali kulangilila ndakali muŋanda yamwami iikwabilidwe yaku Susani,*+ eeyo iili mucooko ca Elamu;+ ndakabona cilengaano alimwi mebo ndakali kumbali aamulonga wa Ulai. 3 Nindakawaala meso, ndakabona mugutu+ kaimvwi kumbali aamulonga, alimwi wakajisi meja obilo.+ Imeja aakwe akali malamfwu, pele lumwi lwakali lulamfwu kwiinda lweenzinyina, alimwi oolo lulamfwu kapati ndulwakasyaalizya kumena.+ 4 Ndakabona kuti mugutu ooyo wakali kupwaya koonse-koonse, kumbo, kunyika alimwi akumusanza, eelyo kunyina munyama wamusyokwe wakali kukonzya kwiima kumbele lyakwe, alimwi kwakanyina naba omwe wakali kukonzya kuvwuna uuli woonse kuzwa kumaanza aakwe.+ Wakali kucita kufwumbwa mbwaayanda, alimwi wakali kulisumpula. 5 Nindakacili kulangilila, ndakabona mujembwe+ kaboola kuzwa kumbo* kadabula atala aanyika yoonse, alimwi tanaakali kuguma ansi pe. Mujembwe ooyo wakajisi lwija lulibonya kapati akati kameso aakwe.+ 6 Wakali kuboola kumugutu uulya uujisi meja obilo, ooyo ngondakabona kaimvwi kumbali aamulonga; wakali kubalika canguzu abukali bupati kuya kulinguwe. 7 Ndakabona kuti wakali kuyaabuswena afwaafwi amugutu, eelyo wakatalika kutondezya bukali kulinguwe. Wakagunta mugutu akutyolaula meja aakwe obilo, eelyo mugutu wakanyina nguzu zyakwiima kuti amulwane. Mujembwe ooyo wakamuumputila ansi mugutu akumulyatauka, alimwi mugutu wakanyina naba omwe wakumuvwuna kuzwa kumaanza aakwe. 8 Mpoonya mujembwe wakalisumpula kapati; pele mbwaakabeda buyo anguzu, lwija lwakwe lupati lwakatyoka; kumane mubusena bwandulo kwakamena meja one aalibonya kapati, aalanzyide kumyuwo yone yakujulu.*+ 9 Mpoonya kuzwa mulwija lomwe akati kayaaya kwakamena keja kamwi, kaniini, eelyo kakakomena kapati kutozya kumusanza, kujwe* alimwi aku Cisi Cibotu Kapati.+ 10 Kakakomena kapati cakuti kakasika akunkamu yakujulu, eelyo kakapa kuti bamwi munkamu eeyo alimwi anyenyeezi zimwi zilokele anyika, eelyo kakazilyatauka. 11 Kakalisumpula akuli Silutwe wankamu, eelyo walo wakanyangwa cipaizyo calyoonse, abwalo busena bubikkidwe bwacikombelo cakwe bwakawisyigwa ansi.+ 12 Alimwi nkamu yakaabwa, antoomwe acipaizyo calyoonse, akaambo kansotoko; kakazumanana kukasowela ansi kasimpe, alimwi kakabweza ntaamu akuzwidilila. 13 Mpoonya ndakamvwa musalali umwi kaambaula, kumane musalali umbi wakabuzya yooyo wakali kwaambaula, kuti: “Ino cilengaano cacipaizyo calyoonse acamilandu iileta lunyonyooko+ acakupa kuti busena busalala alimwi ankamu zilyataukwe cilatola ciindi cilamfwu buti?” 14 Aboobo wakandaambila kuti: “Kusikila mane kwiinde mazuba* aali 2,300 ; eelyo busena busalala buyoobambululwa akuba abukkale bwambubo bubotu.” 15 Lino mebo nde Daniele nindakacili kubona cilengaano alimwi akuyanda kucimvwisya, ndilyonya eelyo ndakabona umwi kaimvwi kumbele lyangu iwakali kulibonya mbuli muntu. 16 Mpoonya ndakamvwa jwi lyamuntu mukati kamulonga wa Ulai,+ iwakoompolola kuti: “Gabriyeli,+ ooyo muntu komupa kumvwisya ncaabona.”+ 17 Aboobo wakaboola munsi-munsi ampondakaimvwi, pele naakasika ndakayoowa kapati cakuti ndakavwuntama ansi. Kumane walo wakandaambila kuti: “Omwanaamuntu, kozyiba kuti cilengaano eeci ncakuciindi cakumamanino.”+ 18 Pele naakacili kwaambaula andime, ŋonzi zyakanditola kandivwunteme. Aboobo wakandijata akundiimikizya aawo mpondakaimvwi.+ 19 Kumane wakandaambila kuti: “Bona ndikuzyibya ciyoocitika kumamanino aaciindi cabukali, nkaambo eeci ncakuciindi cibikkidwe cakumamanino.+ 20 “Mugutu ngoobona uujisi meja obilo wiiminina bami ba Mediya a Persia.+ 21 Mpoonya mujembwe waboya bwamazakala wiiminina mwami wa Girisi;+ eelyo lwija lupati ilwali akati kameso aakwe, lwiiminina mwami wakusaanguna.+ 22 Lino mbokunga lwija oolo nilwatyolwa kwamena meja one mubusena bwandulo,+ nkokuti kuyooba mami one kuzwa mucisi cakwe aayoobuka, pele taakabi anguzu mbuli zyakwe. 23 “Lino kumamanino aabwami bwabo, eelyo basizibi baakubisya kusika mpoceela, kuyoobuka mwami uuyoosya mbwalibonya alimwi uumvwisya makani aazingulusya mutwe. 24 Inguzu zyakwe ziyooba zinji, pele ikutali kwiinda munguzu zyakwe mwini. Uyoonyonyoona munzila iigambya alimwi uyoozwidilila akuzunda. Uyoonyonyoona basinguzu alimwi abantu bategwa mbasalali.+ 25 Alimwi mubucenjezu bwakwe mwini uyoobelesya bumpelenge kuti azwidilile; uyoolisumpula mumoyo wakwe; alimwi kuciindi cakuliiba* uyoonyonyoona banji. Uyakwiima kuti alwane Silutwe wabasilutwe, pele uyootyolwa ikutali ajanza lyamuntu. 26 “Lino eeco icaambwa mucilengaano kujatikizya mazuba* aalya ncamasimpe, pele cilengaano eeci acibe maseseke aako buyo, nkaambo caamba ciindi iciyoosika kwainda mazuba manji kuzwa lino.”*+ 27 Lino mebo nde Daniele, ndakakatala kapati alimwi ndakaciswa kwamazuba aali mbwaabede.+ Mpoonya ndakabuka akutalika kucita milimo yamwami;+ nokuba boobo, lyakandileka akaambo kacintu ncindakabona, alimwi kunyina naba omwe wakali kukonzya kucimvwisya.+\\n^ Naa “Susa.”\\n^ Naa “kumabbililo aazuba.”\\n^ Naa “kumapolelo aazuba.”\\n^ Mu Chihebrayo, “mangolezya amafwumofwumo.”\\n^ Naa ambweni, “alimwi kakunyina akucenjezya.”\\n^ Naa “caamba mazuba aaboola kumbele.”","num_words":643,"character_repetition_ratio":0.044,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 34 IBBAIB63 - Lino Jehova wakaambila Musa kuti, - Bible Search\\nKulonga 33 Kulonga 35\\nMusa mbwaakaambaula a-Leza lwabili kucilundu ca-Sinai\\n1-Lino Jehova wakaambila Musa kuti, Beza mabwe obileaapapalete mbubonya mbuli mataanzi, nkalembe mpoonya awo amabwe majwi oonse aakalembedwe amabwe mataanzi ngowakapwayaula. 2Kolibambila cifumo. Bwaca buyo, utante kucilundu ca-Sinai, ukaime mpoonya awo kubusyu bwangu atala acilundu. 3Kutabi muntu uukusindikila, alimwi kutaboneki muntu moonse mucilundu; azyalo imbelele aŋombe zitaceli kucilundu. 4Elyo Musa wakabeza mabwe obile aapapalete mbubonya mbuli mataanzi, nkabela buce buyo, wakafuma, watanta kucilundu ca-Sfnai mbubonya mbuli Jehova mbwaakamulailila, wabweza mabwe obile aapapalete mujanza lyakwe. 5Mpawo Jehova wakaseluka mujoba, waimikila awe mpoonya awo, wamuyubunwida izina lya-Jehova. 6-Jehova wakainda kubusyu bwakwe, waamba, wati, Jehova! Jehova! Leza siluzyalo asibuuya uutafwambi kukalala, uuzwide luse alusyomo, 7-uufwida bantu bali zyuulu luzyalo, uujatila milandu andeyo azibi, nekubaboobo talulamiki bataluleme; ulauma bana abazukulu nkaambo kazibi zyabamawisi mane kusikila kuzyalani lyatatu na lyane. 8Elyo Musa wakafwambaana kukotamika mutwe ansi, wakomba. 9-Nkabela wakati, Na ncobeni ndijene luzyalo mumeso aasimalelaangu, simalelaangu aende akati kesu, nekuba kuti bantu mbayumu myoyo. Utulekelele milandu yesu azibi zyesu, utubambe tube bako.\\n10-Lino wakati, Bona! Ndatanga cizuminano. Kumeso aabantu bako boonse ndacita maleele aatana kucitwa munyika yoonse nanka kucisi neciba cimwi, nkabela bantu boonse mbokede abo balabona milimo ya-Jehova, nkaambo ncecintu ciyoosya ncenjoomucitila. 11-Lino bika moyo wako kumakani ngendakulailila buzuba obuno, Bona! Ndatanda kubusyu bwako ba-Amori, ba-Kanana, ba-Hiti, ba-Perizi, ba-Hivi, aba-Jebusi. 12-Cenjela! Utatangi cizuminano abantu bakede munyika eyo nkoyoosika, kuti makani atamubedi kakole. 13-Zipaililo zyabo muleelede kuzimwaya, minsemu yabo muleelede kwiijaya, azisamu zyabo zya-Asera muleelede kuzigonka. 14-Tamweelede kukomba Leza umbi pe, nkaambo Jehova ngu-Leza sibufwi: izina lyakwe ngu-Sibufwi. 15-Amucenjele kuti mutatangi cizuminano abantu bakede munyika; ambweni ngabaya buvuula abaleza babo akupaizizya baleza babo balamutamba kuti mulye zipaizyo zyabo, 16-lino mulaselela bana banu balombe bana babo basimbi kuti babakwate, nkabela bana babo basimbi balavuula abaleza babo akuvuuzya abalo bana banu balombe abaleza babo,\\n17-Mutalipangili zikozyano zyamizimu zifulidwe.\\n18-Ipobwe lyazinkwa zitakwe bumena muleelede kulilya, Mazuba aali musanu aabili muleelede kulya zinkwa zitakwe bumena, mbubonya mbundakamulailila, kuciindi ceelede mumwezi wa-Abibi, nkaambo ngonguwo mwezi nomwakazwa mu-Egepita. 19-Boonse bazyale bataanzi mbibangu; iŋombe zyanu zyaalumi zyoonse, bazyale bataanzi baŋombe abambelele. 20-Mwana mutaanzi wambongolo uleelede kumununuzya kabelele, Na wabula kumunununa, uleelede kumutyola insingo, Bana balombe banu bataanzi muleelede kubanununa, alimwi tabeelede kuboneka kubusyu bwangu acinkwamaanza.\\n21-Mazuba aali musanu abumwi uleelede kubeleka, pele mubuzuba bwamusanu aabili uleelede kulyokezya. Kuciindi cakulima akuciindi cakutebula uleelede kulyokezya. 22-Alimwi ulye ipobwe lya-Pentekoste, notebula kabalwebalwe kabulotwe bwako, apobwe lyakutebula kumamanino aamwaka. 23Ziindi zyotatwe mumwaka baalumi banu boonse baleelede kulibonya kubusyu bwa-Mwami Jehova Leza wa-Israyeli. 24-Nkaambo njootanda misyobo imwi kubusyu bwanu akukomezya nyika yanu, alimwi takukooyooba muntu uuyanda kutola nyika yanu kuziindi zyakuboneka kubusyu bwaJehova Leza wako, ziindi zyotatwe mumwaka.\\n25-Utatuuli bulowa bwacipaizyo cangu abumena. Acipaizyo capobwe lya-Pasika taceelede kusyaala kusikila cifumo. 26-Kabalwebalwe kamicelo yanyika yako kaletwe kuŋanda ya-Jehova Leza wako. Utajiki mwana wampongo mumalili aabanyina. 27-Elyo Jehova wakaambila Musa kuti, Lemba majwi aya, nkaambo nditangene cizuminano ayebo aba-Israyeli mbubonya mbuli majwi aya. 28-Nkabela wakalikede nkukonya oko kuliJehova mazuba aali makumi one, isikati amasiku. Taakwe naakalya insima nekuba kunywa maanzi, Nkabela wakalemba amabwe aapapalete majwi aacizuminano, majwi aamilazyo iili ikumi.\\n29-Elyo Musa naakaseluka kuzwa kucilundu ca-Sinai, amabwe obile aamilao akali mujanza lyakwe, kuciindi cakuseluka kuzwa kucilundu Musa katezi kuti busyu bwakwe bwakali kumweka nkaambo kakwaambaula a-Leza. 30Pele Aroni abana boonse ba-Israyeli nebakabona Musa, bakabona kuti cikanda cabusyu bwakwe cakali kumweka, nkabela bakayoowa kuswena afwaafwi. 31Lino Musa wakabaita, mane lumwi Aroni abapati boonse bambungano bakaboola kulinguwe, elyo wakaambaula abo. 32-Kusule lyayaaya abalo bana ba-Israyeli boonse bakaswena afwiifwi, nkabela wakabalailila makani oonse Jehova ngaakamwaambila mucilundu ca-Sinai. 33-Amane kubaambila, Musa wakalivumba cisani kubusyu bwakwe. 34Pele Musa naakanjila kukwaambaula a-Jehova, wakalivumbulula cisani mane wazwa. Nkabela naakazwa kuzooambila bana ba-Israyeli makani malailile, 35bana ba-Israyeli nebakabona busyu bwa-Musa, bakabona kuti cikanda cabusyu bwa-Musa cilamweka, aboobo Musa wakalivumba alimwi isani kubusyu bwakwe mane wakapiluka kuyooambaula awe.","num_words":619,"character_repetition_ratio":0.061,"word_repetition_ratio":0.0,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"1 Mebo ndemunene ndilembela mukaintu uusalidwe alimwi abana bakwe aabo mbondiyanda ncobeni, alimwi ikutali buyo ndime endikke, pele abaabo boonse lino ibakazyi kasimpe, 2 akaambo kakasimpe kali mulindiswe lyoonse, ikanooli andiswe mane kukabe kutamani. 3 Tunooli aluzyalo, luse alimwi aluumuno kuzwa kuli Leza Taata alimwi akuzwa kuli Jesu Kilisito Mwana wa Taata, antoomwe akasimpe alimwi aluyando. 4 Ndilikondedwe kapati aka-ambo kakuti ndajana kuti bamwi akati kabana bako baleenda mukasimpe, mbubonya mbwaakatulailila Taata. 5 Aboobo omukaintu lino ndikulomba kuti katuyandana (tandikulembeli mulawo mupya pe, pele ngooyo ngotwajisi kuzwa kumatalikilo). 6 Alimwi luyando caamba kuti tuzumanane kweenda kweelana amilawo yakwe. Ooyu ngomulawo, mbubonya nywebo mbomumvwide kuzwa kumatalikilo, kutegwa muzumanane kweenda muluyando. 7 Nkaambo kuli basilweeno banji bamwaikide munyika, ibantu batazumini Jesu Kilisito kuti wakaboola mumubili wanyama. Ooyu ngosilweeno alimwi sikulwana Kilisito. 8 Amucenjele kuti mutasweekelwi zyintu nzyotwakabelekela canguzu, pele kuti mujane bulumbu bukkwene. 9 Muntu woonse uusotoka munyinza alimwi uutazumanani munjiisyo ya Kilisito tajisi Leza pe. Ooyo uuzumanana munjiisyo eeyi ngonguwe uujisi boonse bobilo, Taata a Mwana. 10 Ikuti umwi waboola kulindinywe alimwi kataleti njiisyo eeyi, mutasoli pe kumutambula mumaanda aanu naa kumwaanzya. 11 Nkaambo ooyo uumwaanzya ngusikutola lubazu mumicito yakwe mibi. 12 Nokuba kuti ndijisi zyintu zinji zyakumulembela, tandiyandi kumulembela kwiinda mukubelesya pepa ainki, pele ndilombozya kumuswaya buya akwaambaula andinywe mulomo mpande, ikutegwa kukondwa kwanu kuzyulile. 13 Ibana bamucizyi wako uusalidwe bakwaanzya.","num_words":208,"character_repetition_ratio":0.048,"word_repetition_ratio":0.0,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 12 IBBAIB63 - Lino Jehova wakaambila Abramu - Bible Search\\nMatalikilo 11 Matalikilo 13\\nAbramu mbwaakalonga kuzwa ku-Harani kuya ku-Kanana\\n1-Lino Jehova wakaambila Abramu kuti, Kozwa munyika yako akucisi cabuzyale bwako akuluzubo lwauso, ukainke kucisi ncenti kutondezye, 2-Njoocita kuti ube musyobo mupati. Njookupa coolwe akulemya izina lyako, ube coolwe. 3-Kufumbwa muntu uukulongezya njoomulongezya, ayooyo uukusampaula Njoomusampaula. Alimwi mulinduwe misyobo yoonse yabantu iyoojana coolwe.\\n4Lino Abramu wakainka, mbubonya mbuli Jehova mbwaakamwaambila. Alakwe Loti wakainka awe. Nkabela Abramu kajisi myaka iili makumi aali musanu aabili amyaka yosanwe naakazwa ku-Harani. 5-Nkabela Abramu wakatolelela Sarai banakwe, a-Loti mwana wamwanike wakwe, ambono zyabo zyoonse nzibakavubide, abasiŋanda boonse mbobakajene ku-Harani, Bakainka kuya kunyika ya-Kanana, nkabela bakasika nkukonya oko kunyika ya-Kanana. 6-Lino Abramu wakainda akati kanyika mane wasika kuSekemu, kumubanga waku-More. Nkabela ba-Kanana bakacili munyika. 7-Lino Jehova wakalibonya kuli-Abramu, wakati, Nyika eyi njooipa lunyungu lwako. Elyo wakayakila Jehova cipaililo mpoonya awo Jehova mpaakalibonenya kulinguwe. 8Nkabela kuzwa oko wakalongela kucilundu cakujwe lya-Beteli, wayaka cilao cakwe nkuko, akatikati kaminzi yobile, Beteli kuuli kububbila, Ai kuuli kubuzwezuba. Aalo awo wakayakila Jehova cipaililo, wakomba muzina lya-Jehova. 9-Pele Abramu kaciya bweenda, kaciya buya kumusanza.\\nAbramu mbwaakaya ku-Egepita\\n10-Lino kwakaba ipamba munyika, nkabela Abramu wakainka ku-Egepita kuyookala-kala nkuko, nkaambo ipamba lyakabija munyika. 11-Lino naakasika afwaafwi kumugaano wa-Egepita, wakaambila Sarai mukaakwe kuti, Bona! Ndizi kuti uli mwanakazi mubotu uuebeka loko. 12-Ncobeni ba-Egepita, bakubona biyo, balaamba kuti, Ngooyu mwanakazi wakwe, Lino balandijaya, pele uwe balakusia. 13-Amba kuti, Ndime mucizi wakwe; aboobo makani alabota kulindime nkaambo kako. Muuya wangu upone nkaambo kanduwe. 14Lino Abramu naakasika ku-Egepita, ba-Egepita bakabona mwanakazi, babona kuti mubotu loko. 15-Nkabela bapati baFarao nebakamubona, bakamutembaula kubusyu bwa-Farao, aboobo mwanakazi wakatolwa kuŋanda ya-Farao. 16Alakwe Abramu wakacitilwa kabotu nkaambo kakwe, nkabela wakajana imbelele aŋombe ambongolo abazike abalanda banakazi ambongolo inzyazi ankamele.\\n17-Mpawo Jehova wakapenzya Farao abeŋanda yakwe mapenzi mapati nkaambo ka-Sarai muka-Abramu. 18-Lino Farao wakaita Abramu, wati, Ino ncinzi eci ncowandicitila? Nkaambonzi tokwe kundaambila kuti ngumukaintu wangu? 19Nkaambonzi nowakaamba kuti mucizi wangu? mane ndakamutola kulindime kuti abe mwanakazi wangu. Ncobeni ngumukaintu wako. Umutole, uinke awe. 20Nkabela Farao wakalailila bantu bakwe, nkabela bakamusindikizya, walo abanakwe aboonse mbaakali abo.","num_words":332,"character_repetition_ratio":0.056,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Milimo 8 | Bbaibbele lili a Intaneti | Bbaibbele lya Busanduluzi Bwanyika Mpya\\nMatalikilo Kulonga Levitiko Myeelwe Deuteronomo Joshua Babetesi Rute 1 Samuele 2 Samuele 1 Bami 2 Bami 1 Makani 2 Makani Ezara Nehemiya Esita Jobu Intembauzyo Tusimpi Mukambausi Lwiimbo Lwa Solomoni Isaya Jeremiya Malilo Ezekieli Daniele Hosea Joeli Amosi Obadiya Jona Mika Nahumu Habakuku Zefaniya Hagai Zekariya Malaki Matayo Marko Luka Johane Milimo Baroma 1 Bakorinto 2 Bakorinto Bagalatiya Baefeso Bafilipi Bakolose 1 Batesalonika 2 Batesalonika 1 Timoteyo 2 Timoteyo Tito Filimoni Bahebrayo Jakobo 1 Petro 2 Petro 1 Johane 2 Johane 3 Johane Juda Ciyubunuzyo 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28\\nSaulo sikupenzya (1-3)\\nFilipo mbwaakazwidilila mumulimo wakwe ku Samariya (4-13)\\nPetro a Johane batumwa ku Samariya (14-17)\\nSimoni uyanda kuula muuya uusalala (18-25)\\nMuna Etiopiya iwakajisi cuuno cipati (26-40)\\n8 Saulo awalo wakakuzuminizya kujaigwa kwa Sitefano.+ Ibuzuba oobo mbungano iyakali mu Jerusalemu yakatalika kupenzyegwa kapati; eelyo basikwiiya boonse bakamwaikila mumasena oonse aamu Judaya a Samariya, kwakasyaala buyo baapostolo.+ 2 Pele baalumi bamwi bakombi bakamubweza Sitefano akuyoomuzikka, alimwi bakamulila kapati. 3 Pele Saulo wakatalika kupenzya mbungano ciyoosya. Wakali kunjila muŋanda aŋanda kayaabukwelaanya baalumi abamakaintu akubatola kuntolongo.+ 4 Pele aabo bakamwaikide bakainda koonse-koonse kabayaabwaambilizya makani mabotu aajwi lya Leza.+ 5 Filipo wakaselemukila kumunzi wa Samariya+ akutalika kubakambaukila makani aa Kristo. 6 Lino makamu aabantu oonse akali kubikkila maano kuzintu nzyaakali kwaamba Filipo kumwi kabaswiilila akulangilila zitondezyo nzyaakali kucita. 7 Nkaambo bantu banji bakajisi myuuya iisofweede, alimwi eeyi yakali koompolola ajwi pati akuzwa mulimbabo.+ Kunze lyaboobo, bantu banji ibakalebukide mibili alimwi abalemene bakaponesyegwa abalo. 8 Aboobo bantu bakakondwa kapati mumunzi ooyo. 9 Lino mumunzi ooyo kwakali mwaalumi umwi uutegwa Simoni, walo kacitanasika ciindi eeci wakali simasalamuzi alimwi wakali kubagambya bantu bamucisi ca Samariya, kalikankaizya kuti wakali muntu mupati. 10 Boonse buyo, kutalikila kumwana akusikila kumupati, bakali kubikkila maano kulinguwe akwaamba kuti: “Ooyu muntu Ninguzu zya Leza, eezyo izitegwa Nzipati.” 11 Aboobo bakali kubikkila maano kulinguwe nkaambo kwaciindi cilamfwu wakali kubagambya amasalamuzi aakwe. 12 Pele nobakamusyoma Filipo iwakali kwaambilizya makani mabotu aa Bwami bwa Leza+ azina lya Jesu Kristo, bakatalika kubbapatizyigwa, ibaalumi alimwi abamakaintu.+ 13 Naba Simoni wakasyoma awalo, alimwi naakabbapatizyigwa, lyoonse buyo wakali kuyanzana a Filipo;+ alimwi wakali kugambwa naakali kubona zitondezyo amilimo mipati yanguzu yakali kucitika. 14 Lino ibaapostolo mu Jerusalemu nobakamvwa kuti bana Samariya bakalitambula jwi lya Leza,+ bakabatumina Petro a Johane; 15 eelyo aaba bakaselemuka kuya nkuko akuyoobapailila kuti batambule muuya uusalala.+ 16 Nkaambo kunyina naba omwe akati kabo wakatambwide kale muuya uusalala, pele bakabbapatizyidwe buyo muzina lya Mwami Jesu.+ 17 Mpoonya bakabikka maanza aabo aalimbabo,+ eelyo bakatalika kutambula muuya uusalala. 18 Lino Simoni naakabona kuti muuya wakali kupegwa ibaapostolo nobakali kubikka maanza aabo abantu, wakali kuyanda kubapa mali, 19 kati: “Amundipe nguzu eezyi andime, kutegwa kufwumbwa ngondibikka maanza aangu atambule muuya uusalala.” 20 Pele Petro wakamwaambila kuti: “Mali aako aansiliva aafwidilile antoomwe anduwe, nkaambo uyeeya kuti cipego ca Leza citabbadelwi inga caulwa amali.+ 21 Tojisi cibeela nociba caabilo mumakani aaya, nkaambo moyo wako taululeme pe mumeso aa Leza. 22 Aboobo koempwa kububi bwako oobu, akukombelezya Jehova* kutegwa ambweni inga walekelelwa kumakanze mabi aamumoyo wako; 23 nkaambo ndabona kuti ulaandulwe iijaya* alimwi uli muzike wakutalulama.” 24 Aboobo Simoni wakati kulimbabo: “Amundikombelezyele kuli Jehova* kutegwa nditacitikilwi cintu cili coonse akati kazintu nzyomwaamba.” 25 Aboobo nobakapa bumboni cakulomya akubandika jwi lya Jehova,* bakapiluka ku Jerusalemu alimwi bakali kuyaabwaambilizya makani mabotu muminzi minji yabana Samariya.+ 26 Pele mungelo wa Jehova*+ wakaambila Filipo kuti: “Nyamuka uunke kumusanza kunzila iiselemuka kuzwa ku Jerusalemu kuya ku Gaza.” (Eeyi ninzila yiinda mucimpayuma.) 27 Eelyo wakanyamuka akuunka, lino ooko wakajana muntu umwi uulemekwa* muna Etiopiya, imwaalumi wakajisi cuuno cipati mubwami bwa Kandake mwami mukaintu wabana Etiopiya alimwi nguwakali kulanganya lubono loonse lwamwami mukaintu ooyu. Wakaunkide ku Jerusalemu kuyookomba,+ 28 lino wakali kupiluka kwabo alimwi wakalikkede munkalaki yakwe kabala cakupozya mubbuku lyamusinsimi Isaya. 29 Aboobo muuya wakaambila Filipo kuti: “Koya afwaafwi ankalaki eeyi.” 30 Filipo wakabalikila kumbali aankalaki alimwi wakamumvwa kabala cakupozya mubbuku lyamusinsimi Isaya, eelyo wakati: “Sena mubwini ulicizyi* eeco ncobala?” 31 Wakati: “Mubwini mbuti mbondinga ndacizyiba ikuti kakunyina uundipandulwida?” Eelyo wakalomba Filipo kuti atante munkalaki akukkala anguwe. 32 Lino cibalo ca Magwalo ncaakali kubala cakupozya nceeci: “Mbubonya mbuli mbelele wakaletwa kukujaigwa, alimwi mbuli mwanaambelele uutalili ciindi sikugela namugela boya, awalo tajaluli mulomo wakwe.+ 33 Naakali kusampaulwa tanaakabetekwa cabululami.+ Ino nguni uuyakwaamba makani oonse aazyalani lyakwe? Nkaambo uyoojaigwa anyika.”+ 34 Mpoonya muntu ooyo uulemekwa wakati kuli Filipo: “Ndakulomba ndaambile, ino nguni ngwaamba musinsimi kujatikizya zintu eezyi? Sena ulyaamba lwakwe mwini naa waamba muntu uumbi?” 35 Filipo wakatalika kwaambaula, eelyo kutalikila alugwalo oolu, wakamukambaukila makani mabotu aajatikizya Jesu. 36 Lino nobakali kuyaabweenda munzila, bakasika abusena aakali maanzi, eelyo muntu uulemekwa ooyo wakati: “Bona! Ngaaya maanzi; ino ncinzi cindilesya kubbapatizyigwa?” 37 *— 38 Mpoonya muntu ooyo uulemekwa wakaimika nkalaki, eelyo boonse bobilo, Filipo amuntu ooyo uulemekwa bakaseluka akunjila mumaanzi, mpoonya Filipo wakamubbapatizya. 39 Nobakazwa mumaanzi, cakufwambaana muuya wa Jehova* wakamutola kumbi Filipo, alimwi muntu ooyo uulemekwa tanaakamubona limbi Filipo, pele wakazumanana mulweendo lwakwe kakkomene kapati. 40 Pele Filipo wakaakulijana ku Asidodi, alimwi wakainda mucilawo coonse eeco akuzumanana kwaambilizya makani mabotu muminzi yoonse mane waakusika ku Kaisareya.+\\n^ Mu Chigiriki, “ulaakalulizya.” Bamwi baamba kuti “kalulwe.”\\n^ Naa “sinkuta.”\\n^ Naa “ulacimvwisya.”\\n^ Amubone Makani Aayungizyidwe A3.","num_words":783,"character_repetition_ratio":0.049,"word_repetition_ratio":0.0,"special_characters_ratio":0.186,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kwaaba mitabi ya Bakamboni ba Jehova ku Madagascar alimwi aku Indonesia\\nMUCIZYI umwi iwakajanika kupulogilamu yakwaaba mutabi ku Madagascar, yalo iyakacitwa mu Mujibelo, mu January 24, 2015 wakaamba kuti: “Ndakkomana kapati.” Walo alimwi abeenzu bamwi ibali 583 bakakkomana kapati kubona ŋanda mpya yakoona iijisi maluumu aali 19 kubikkilizya aŋanda yakulida iyakakomezyegwa alimwi ancikini iyakabambululwa. Kwakayakwa amaofesi ambi mapya aadipatimenti ya Mulimo, ya Accounting alimwi aya Local\/Design Construction. Kuyungizya waawo, madipatimenti aa Audio\/Video aa Mwaambo Wakutambaika akabambilwa masitudiyo mapya alimwi kwakatalisyigwa adipatimenti iilemba mabbuku aaboofwu iitegwa Braille Transcription Department. Beenzu nobakamana kuswiilila mbowakatalika mulimo wakukambauka mu Madagascar, bakakkomana kuswiilila makani aakwaaba mayake alo aakapegwa aba Mark Sanderson bamu Kabunga Keendelezya.\\nŊanda mpya yakoona iijisi maluumu aali 19 kumutabi waku Madagascar\\nMyoyo yabantu ba Jehova mu Jakarta ku Indonesia, yakakkala ciindi meenda aamvwula aakapayide naakaceya kakuceede buyo ciindi cisyoonto kuti pulogilamu yakwaaba mayake mapya aamutabi icitwe mu February 14, 2015. Mutabi lino uli aamudadaada omwe waŋanda yamaofesi ndamfwu iijisi midadaada iili 42 kuyamujulu alimwi amidadaada iili 12 muŋanda aimbi ndamfwu yakoona iili afwaafwi. Madipatimenti manji aa Bbeteli ali mumaanda aansaizi aali munsi-munsi. Ba Anthony Morris bamu Kabunga Keendelezya bakapa makani aakwaaba mayake, mpoonya buzuba bwakatobela bantu ibali 15,257 bakabungana kubbuwa lyakuumina bbola kutegwa baswiilile makani ngobakapa aakajisi mutwe wakuti: “Amuzumanane Kuliyumya Mumulimo Mubotu.” Pulogilamu yakamwaigwa aavidiyo kubantu bali 11,189 ibakajanika kumasena aambi aali 41, calo icakapa kuti ube muswaangano ikwakajanika bantu ba Jehova banji kapati mu Indonesia. Mukwesu Ronald Jacka, walo uuli ngumwi wabamisyinali bakusaanguna kuunka ku Indonesia wakaamba kuti: “Ciindi nondakasika mu Indonesia mu 1951, kwakali buyo basikumwaya bali 26 mucisi coonse. Pele sunu, bantu ibainda ku 26,000 bajanika kupulogilamu eeyi yaalubazu. Masimpe Jehova wabalongezya bantu bakwe mu Indonesia!”\\nMulimo Nzi Uucitwa Kuofesi Yamutabi ya Bakamboni ba Jehova?\\nMaofesi Alimwi Akuswaya: Madagascar\\nMaofesi Alimwi Akuswaya: Indonesia","num_words":274,"character_repetition_ratio":0.06,"word_repetition_ratio":0.0,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Nciyumu Buti Cilongwe Canu a Jehova? | Yakwiiya\\n“Amuswene kuli Leza, eelyo awalo ulaswena kulindinywe.”—Jak. 4:8.\\nIno mweelede kuba amakanze nzi ciindi nomwiiya Jwi lya Leza?\\nIno ncinzi cimupa kusinizya kuti lyoonse Jehova ucita ziluleme?\\nNkaambo nzi ncomweelede kwaamba zintu zigaminide mumipailo yanu?\\n1. Nkaambo nzi ncotweelede kuzumanana kuba acilongwe ciyumu a Jehova?\\nSENA muli Kamboni wa Jehova uulyaabide alimwi uubbapatizyidwe? Ikuti kacili boobo, mulijisi cintu ciyandisi—cilongwe a Leza. Nokuba boobo, cilongwe eeco cilasunkwa ikutali buyo anyika ya Saatani pele alimwi amibili yesu iitalondokede. Banakristo boonse balasunkwa munzila eeyi. Aboobo, cilongwe cesu a Jehova ceelede kuti kacili ciyumu nta.\\n2. (a) Ino cilongwe ncinzi? (Amubone bupanduluzi buyungizyidwe.) (b) Mbuti mbotukonzya kuciyumya cilongwe cesu a Jehova?\\n2 Ino nciyumu buti cilongwe canu a Jehova? Sena inga mwayanda kuciyumya? Mboobu mbolwaamba lugwalo lwa Jakobo 4:8 kujatikizya ncomweelede kucita: “Amuswene kuli Leza, eelyo awalo ulaswena kulindinywe.” Amubone kuti aawa kuli zintu zyobilo izyeelede kucitika. * Ciindi notubweza ntaamu kuswena kuli Leza, awalo ulabweza ntaamu kucita mbubwenya oobo kulindiswe. Ikuti naa kuyanzana ooku kakucitwa lyoonse, mukuya kwaciindi kuyumya cilongwe cesu a Jehova. Akaambo kaceeci, cilongwe eeco ciba cilongwe cini-cini kulindiswe. Tuba alusyomo ndwaakajisi Jesu ciindi naakaamba kuti: “Ooyo wakandituma nkwali ncobeni, alimwi . . . Mebo ndilimuzyi.” (Joh. 7:28, 29) Nokuba boobo, ino nintaamu nzi nzyomukonzya kubweza cacigaminina kutegwa muswene kuli Jehova?\\nMbuti mbomukonzya kubandika a Leza? (Amubone muncali 3)\\n3. Ncinzi cipa kuti kubandika a Jehova kukonzyeke?\\n3 Kubandika a Jehova lyoonse ncintu ciyandika kapati kutegwa tuswene kulinguwe. Mbuti mbomukonzya kubandika a Leza? Ino mubandika buti amulongwe wanu uukkala kulamfwu? Mweelede kuti mulacita oobo kwiinda mukulembelana alimwi akubandika afooni, ambweni mulacita oobo kanji-kanji. Mulabandika a Jehova kwiinda mumipailo yanu kulinguwe njomupaila ciindi aciindi. (Amubale Intembauzyo 142:2.) Alimwi mulamuzumizya Jehova kubandika andinywe ciindi nomubala lyoonse Jwi lyakwe lilembedwe alimwi akuzinzibala kuyeeya nzyomubala. (Amubale Isaya 30:20, 21.) Aboobo, atulange-lange kubandika ooku mbokuyumya cilongwe cesu a Jehova, akupa kuti cilongwe cesu anguwe ciyume kapati.\\nKUBALA BBAIBBELE—NZILA JEHOVA NJABANDIKA ANDINYWE\\n4, 5. Mbuti Jehova mbwabandika andinywe kumugama kwiinda mu Jwi lyakwe lilembedwe? Amupe cikozyanyo.\\n4 Cakutadooneka mulazumina kuti Bbaibbele lilijisi mulumbe wa Leza kubantu boonse. Pele sena Bbaibbele lilaamba ambomukonzya kuswena kuli Jehova nywebo kumugama? Inzya lilaamba. Munzila nzi? Lyoonse nomulibala akuliiya Bbaibbele, amubone ncomweelede kucita kujatikizya zintu nzyolyaamba alimwi amubikkile maano kubona mbomweelede kuzibelesya mubukkale bwanu; mwacita boobo muzumizya Jehova kwaambaula andinywe kwiinda mu Jwi lyakwe. Eeci cimupa kuba acilongwe cibotu anguwe.—Heb. 4:12; Jak. 1:23-25.\\n5 Mucikozyanyo, amubale akuzinzibala kuyeeya majwi aa Jesu aakuti “amuleke kuliyobweda lubono anyika.” Ikuti naa mulimvwa kuti mubikkila kale maano kuzintu zya Bwami mubuumi bwanu, mulizyi kuti Jehova ulamulumbaizya. Kulubazu lumbi, ikuti naa mwabona kuti muyandika kuubya-ubya buumi bwanu alimwi akubikkila maano kapati kuzintu zya Bwami, nkokuti Jehova wamusinsimuna kumbazu imwi njomuyandika kubelekela kutegwa muswene afwaafwi anguwe.—Mt. 6:19, 20.\\n6, 7. (a) Ino kubala Bbaibbele kulujatikizya buti luyando lwesu kuli Jehova alimwi aluyando lwakwe kulindiswe? (b) Ino tweelede kuba amakanze nzi ciindi notucita ciiyo cesu tobeni?\\n6 Kubala Jwi lya Leza takuyubununi buyo mbazu motukonzya kuyaambele kumuuya. Pele alimwi kutupa kuti tumulumbe kapati Jehova akaambo kanzila zyakwe zilombozyeka, calo icipa kuti luyando lwesu kulinguwe lukomene. Aboobo, ciindi luyando lwesu kuli Leza nolukomena, luyando lwakwe kulindiswe lulayuma, eelyo eeci ciyumya cilongwe cesu anguwe.—Amubale 1 Bakorinto 8:3.\\n7 Nokuba boobo, ikutegwa swebo tuswene kuli Jehova, cilayandika kapati kuti notubala katujisi makanze mabotu. Lugwalo lwa Johane 17:3 lwaamba kuti: “Eeci caamba buumi butamani, ikuti bakuzyiba yebo O Leza mwini-mwini ooli olikke, ayooyo ngookatuma, Jesu Kristo.” Aboobo makanze eesu taayelede buyo aakuba aluzyibo pe, pele ‘kumuzyiba’ kabotu bwini mbwabede Jehova.—Amubale Kulonga 33:13; Int. 25:4.\\n8. (a) Ncinzi muntu ncakonzya kuyeeya kujatikizya Jehova mbwaakacita ku Mwami Azariya, kweelana ambokupandulwidwe mulugwalo lwa 2 Bami 15:1-5? (b) Ino kuzyiba Jehova kutugwasya buti kutaizumbauzya milimo yakwe munzila iili yoonse?\\n8 Mbotuyaabumuzyiba kabotu Jehova, tacikatunyonganyi pe ikuti naa zibalo zimwi zyamu Bbaibbele zyatupa kutalika kweezyeezya ncaakacitila zintu munzila imwi. Mucikozyanyo, ino mulimvwa buti kujatikizya ncaakacita Jehova kuli Azariya Mwami wa Juda? (2Bam. 15:1-5) Amubone kuti nokuba kuti “bantu bakacili kutuula zipaizyo alimwi akuuntumuna busi bwazipaizyo mumasena aakukombela,” Azariya walo “wakazumanana kucita ziluleme mumeso aa Jehova.” Nokuba boobo, “Jehova wakapa kuti mwami aciswe, aboobo wakazumanana kali sicinsenda kusikila buzuba naakafwa.” Ino nkaambo nzi? Cibalo tacaambi pe. Sena makani aaya ayelede kutunyonganya naa kutupa kuyeeya kuti Jehova wakasubula Azariya kakunyina kaambo? Inga tiitwayeeya boobo pe ikuti katuzizyi kabotu nzila zya Jehova. Eeci cilabikkilizya akuzyiba kuti Jehova lyoonse ulalulamika “cansaizi.” (Jer. 30:11) Luzyibo luli boobo lutupa kusinizya kuti nokuba kuti tatuzyi kaambo kakapa kuti Jehova acite mbwaakacita kuli Azariya, tulakonzya kusyoma kuti lubeta lwakwe lwakaliluleme.\\n9. Ino makani nzi aatondezya kaambo ikakapa kuti Jehova asubule Azariya acinsenda?\\n9 Nokuba boobo, kujatikizya makani aaya, kuli twaambo atumbi ntotupedwe mucibalo cimbi cili mu Bbaibbele. Mwami Azariya alimwi wakazyibidwe kuti Mwami Uziya. (2Bam. 15:7, 32) Mucibalo cimwi cikozyenye aceeci mulugwalo lwa 2 Makani 26:3-5, 16-21, twiiya kuti nokuba kuti Uziya wakacita zililume mumeso aa Jehova kwaciindi cili mbocibede, kumbele “moyo wakwe wakalisumpula akulinyonyoona.” Cakulisumpula, wakasola kucita milimo yabapaizi eeyo njaatakazumizyidwe kucita. Bapaizi ibali 81 bakamusikila kutegwa bamululamike. Ino Uziya wakacita buti? Wakatondezya kulisumpula kapati. Uziya “wakanyema” akaambo kalulayo ndwaakapegwa abapaizi. Anu nkakaambo kaako Jehova ncaakamusubula acinsenda!\\n10. Nkaambo nzi lyoonse ncotutayandiki bupanduluzi kumilimo ya Jehova, alimwi mbuti mbotukonzya kuyumya lusyomo lwesu kujatikizya nzila zya Jehova ziluleme?\\n10 Lino tutalubi kaambo kapati kali waawa. Ino mbuti kuti twaambo tusalazya makani aaya notwatakabikkilizyigwa mu Jwi lya Leza, mbuli mbocibede muzibalo zimwi zyamu Bbaibbele? Sena inga mwabudooneka bululami bwa Leza? Naa sena inga mwakkazika moyo akuyeeya kuti Bbaibbele lilijisi makani manji aasinizya kuti Jehova lyoonse ucita zintu ziluleme alimwi buya ngonguwe uupa ceelelo cazintu ziluleme alimwi azibyaabi? (Dt. 32:4) Mbotuyaabumuzyiba kabotu Jehova bwini mbwabede, luyando lwesu alimwi akulumba nkotujisi kujatikizya nzila zyakwe ziyookomena cakuti tatunooyandiki bupanduluzi buya kuzintu zyoonse nzyacita. Amusyome kuti ikulumba kuli boobu kuyookomena kweelana akusolekesya kwanu nkomucita kubala alimwi akuzinzibala kuyeeya mbwabandika Leza kwiinda mu Jwi lyakwe lilembedwe. (Int. 77:12, 13) Aboobo, eeci ciyooyumya cilongwe canu a Jehova akupa kuti cibe cilongwe cini-cini.\\nMUPAILO—NZILA YAKUBANDIKA A JEHOVA\\n11-13. Ino muzyi buti kuti Jehova ulaiswiilila mipailo? (Amubone cifwanikiso icili kumatalikilo aacibalo.)\\n11 Kwiinda mumupailo tulaswena kuli Jehova. Tulamutembaula, kumulumba alimwi akulomba busolozi bwakwe. (Int. 32:8) Pele kutegwa cilongwe canu a Jehova cibe cilongwe ciyumu, mweelede kusyoma kuti ulaiswiilila mipailo.\\n12 Bantu bamwi basyoma kuti mupailo ugwasya buyo mumizeezo. Baamba kuti ikuti naa kamuyeeya kuti mupailo wanu waingulwa, cili boobo akaambo buyo kakuti mwazyaamba nzyomuyeeya mumajwi, mwalizyiba penzi ndyomujisi alimwi mwasolekesya kujana nzila yakumana penzi eelyo. Kunze lyalugwasyo luli loonse luli boobo, mbuti mbomukonzya kuzyiba kuti mipailo yanu njomupaila camoyo woonse ulaiswiilila ncobeni Jehova?\\n13 Amulange-lange makani aaya: Kuzwa ciindi naakali kujulu, Jesu wakalibonena cigaminina Jehova mbwaakali kwiingula mipailo yababelesi bakwe baanyika. Mpoonya mumulimo wakwe anyika, Jesu wakali kwaamba mbwaakali kulimvwa kuli Usyi wakujulu kwiinda mumupailo. Sena naakacita oobo, nokuba kupaila masiku woonse, ikuti naakali kuyeeya kuti Jehova tanaakali kuswiilila? (Lk. 6:12; 22:40-46) Sena naakayiisya basikwiiya bakwe kupaila ikuti naakali kuyeeya kuti mupailo ndugwasyo buyo lwamumizeezo? Cilisalede kuti, Jesu wakalizyi kuti mupailo ninzila ini yakubandika a Jehova. Aciindi cimwi, Jesu wakaamba kuti: “Taata, ndakulumba nkaambo wandimvwa. Masimpe ndalizyi kuti lyoonse ulandimvwa.” Andiswe tulakonzya kuba alusyomo lwakuti Jehova ‘ngusikuswiilila mipailo.’—Joh. 11:41, 42; Int. 65:2.\\n14, 15. (a) Ino tugwasyigwa buti kwiinda mukupaila cacigaminina mumipailo yesu? (b) Ino mipailo yakamugwasya buti mucizyi umwi kuyumya cilongwe cakwe a Jehova?\\n14 Ciindi nomwaamba zintu zigaminide mumipailo yanu, cilamugwasya kuzyiba Jehova mbwaingula mipailo yanu, nokuba kuti bwiinguzi inga kabutali munzila iigaminide. Mipailo iingulwa iyoopa kuti Jehova mumuzyibe bwini mbwabede. Kuyungizya waawo, mbomuyaabuzumanana kwaambila Jehova zintu nzyomulibilika, uyooswena kulindinywe.\\n15 Amubone cakacitikila ba Kathy. * Tiibakali kuukkomanina mulimo wamumuunda nokuba kuti lyoonse bakali kutola lubazu mumulimo ooyu. Bakaamba kuti: “Tiindakali kuuyanda mulimo wakukambauka. Ncondaamba ncakuti, mubwini tiindakali kuuyanda mulimo ooyu. Ciindi nondakacileka mulimo wakumubili, mwaalu umwi wakali kulangila kuti ndilaba mupainiya waciindi coonse; mane buya wakandipa afoomu. Ndakasala kucita bupainiya, pele alimwi ndakatalika kupaila buzuba abuzuba kutegwa Jehova andigwasye kuukkomanina mulimo wamumuunda.” Sena Jehova wakayiingula mipailo yabo? Ba Kathy bakati: “Yakkwana lino myaka yotatwe kandicita bupainiya. Akaambo kakuba aciindi cinji mumulimo wakukambauka alimwi akwiiya kubacizyi bambi, mukuya kwaciindi ndayaambele munzila mbondikambauka. Mazuba aano, tanduukkomanini buyo mulimo wamumuunda—pele ndilauyandisya. Iciinda zyoonse, cilongwe cangu a Jehova cayuma kapati kwiinda mbocakabede.” Masimpe, mipailo yabo ba Kathy yakabagwasya kuyumya cilongwe cabo a Jehova.\\nKUCITA LUBAZU LWESU\\n16 Kuyumya cilongwe a Jehova ncintu ncotweelede kucita mubuumi bwesu boonse. Tweelede kubweza ntaamu kutegwa tuswene kuli Leza ikuti katuyanda kuti awalo aswene kulindiswe. Aboobo, atusolekesye kusikila mpotugolela kubandika lyoonse a Leza wesu kwiinda mukubala Bbaibbele alimwi akupaila kulinguwe. Ikuti naa twacita oobo, cilongwe cesu a Jehova iciyaabukomena lyoonse ciyootugwasya kuzwidilila mumasunko aatusikila.\\nKuyumya cilongwe a Jehova ncintu ncotweelede kucita mubuumi bwesu boonse (Amubone muncali 16 a 17)\\n16, 17. (a) Ncinzi ncotweelede kucita kutegwa cilongwe cesu a Jehova ciyume akukomena? (b) Ino mbuyumuyumu nzi mbotuyoolanga-langa mucibalo citobela?\\n17 Nokuba boobo, kulakonzya kuba abuyumuyumu bumwi ciindi mapenzi ngotujisi naazumanana nokuba kuti tulapaila camoyo woonse. Muziindi zili boobo, lusyomo lwesu muli Jehova lulakonzya kuceya. Tulakonzya kutalika kudooneka naa mubwini Jehova ulaiswiilila mipailo yesu alimwi akuti naa utubona kuba balongwe bakwe. Mbuti mbotukonzya kubuzunda buyumuyumu oobo katusinizyide kuti cilongwe cesu a Leza nciyumu? Cibalo citobela ciyookalanga-langa kaambo aaka.\\n^ par. 2 Cilongwe cipandululwa kuti ninzila bantu bobilo mbobalimvwa alimwi ambobalilemeka kuli umwi amweenzinyina. Aboobo, boonse bobilo beelede kuti kabajatikizyidwe.\\n^ par. 15 Izina lyacincwa.\\nMulakonzya kuba acilongwe cini-cini a Leza.","num_words":1465,"character_repetition_ratio":0.059,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jesu Wakayiisya Mbukukombwa | Zyiiyo Zyabana Zizwa muBbayibbele\\nZintu zyoonse baFarisi nzibakali kuchita bakali kuchitila kuti babotezye bantu. Nibakali kuchita chimwi chintu chibotu, bakali kuchitila kuti babonwe abantu. Bakali kukombela mumabuwa kuti bantu bababone. BaFarisi bakali kuzijata amutwe nkombyo ndamfu alubo bakali kuzyiindulula kuzikombelo ampuyiswaangana migwagwa kuchitila kuti bantu babamvwe. Bantu bakagamba nibakamvwa Jesu naakati: ‘Mutanookombi mbuli baFarisi. Nkaambo babonaanga Leza ulabaswiilila nibaamba makani miingi pesi teembukubede. Chiindi nukomba ngamuli babili aJehova. Mutanooyindululi nzimwaamba kale. Jehova uyanda kuti mumubuzye zintu zili mumyoyo yanu.\\n‘Mbuboobu mbumweelede kukomba: “Taateesu ooli kujulu, alilemekwe izina lyako, abuze Bwami bwako alucitwe luyando lwako ansi ano mbubonya mbuli kujulu.”’ Alubo, Jesu wakabuzya bantu kuti bakombele kuti bajane chakulya chabuzuba, balekelelwe zibi zyabo azimwi zintu.\\nJesu wakati: ‘Mutaleki kukomba. Amukumbile zintu zibotu kuli Ndeende wenu Jehova. Bazyali balayanda kupa bana babo zintu zibotu. Ikuti mwanaako wakumbila nsima ulamupa bbwe na? Ikuti wakumbila muswi ulamupa nzoka na?’\\nJesu wakapandulula nzitukonzya kwiiya kuchikozyano eechi naakati: ‘Lino mbuli mbumuzi kupa bana banu zintu zibotu, alakwe Usowanu Jehova takoomupa muuya uusalala na? Mweelede kumubuzya nzimuyanda.’ Ulaatobelezya na malayilile aJesu? Nziizili zintu nzweelede kukombela?\\n“Amukumbile, mulapegwa. Amuyandaule, mulajana. Amukonkomone, mulajulilwa.”—Matayo 7:7\\nMibuzyo: Jesu wakayiisya batobeli bakwe kuti bakombe biyeni? Ulazikombela na zintu ziyandikana?","num_words":194,"character_repetition_ratio":0.063,"word_repetition_ratio":0.0,"special_characters_ratio":0.157,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Eeci ncibelesyo cakuvwuntauzizya mabbuku aamumyaambo iindene indene aakamwaigwa a Bakamboni ba Jehova.\\nKutegwa mukkope mabbuku, amuunke a jw.org.\\nBwasanu, October 22\\nJehova ulabasinsa aabo mbayanda, mbubonya usyi mbwacita kumwana ngwakkomanina.—Tus. 3:12.\\nTulijisi twaambo tunji itutupa kusyoma kuti tulayandika kapati kuli Jehova. Wakatukwela kulinguwe alimwi akubona mbotwakaatambula makani mabotu. (Joh. 6:44) Mbotwakatalikila buyo kuswena kulinguwe, awalo wakaswena kulindiswe. (Jak. 4:8) Jehova ulabelesya ciindi cinji alimwi anguzu kutuyiisya, kutondezya kuti tulayandika kapati kulinguwe. Ulizyi mbotubede lino alimwi ambotukonzya kuba. Kuyungizya waawo, ulatupa lulayo akaambo kakuti ulatuyanda. Eelo kaka oobu mbumboni bukkwene ibwakuti Jehova ulatubikkila maano kapati! Bamwi bakali kubona Mwami Davida kuti unyina mpindu, pele walo wakalizyi kuti Jehova ulamuyanda alimwi akuti uli kulubazu lwakwe. Eeci cakamugwasya Davida kubulanga munzila yeelede bukkale bwakwe. (2Sam. 16:5-7) Ciindi notutyompedwe naa notuli mubukkale bukatazya, Jehova ulakonzya kutugwasya kuzilanga munzila yeelede zintu alimwi akutugwasya kuzunda penzi lili lyoonse. (Int. 18:27-29) Ciindi notugwasyigwa a Jehova, kunyina cikonzya kutulesya kumubelekela calukkomano.—Rom. 8:31. w20.01 15 ¶7-8\\nMujibelo, October 23\\nMukabayiisye kutobela zintu zyoonse nzyondakamulailila.—Mt. 28:20.\\nCiindi nomusololela ciiyo ca Bbaibbele, mutalike amupailo. Mubwini, cilagwasya kapati kutalika ciiyo alimwi akujala amupailo kakutanainda ciindi cilamfwu kuzwa nomwatalisya ciiyo. Kanji-kanji, mweelede kucita oobo nsondo zisyoonto buyo kuzwa nomwatalisya ciiyo ca Bbaibbele cisitikide. Tweelede kumugwasya sikwiiya kuzyiba kuti tulakonzya kulimvwisya Jwi lya Leza lilikke buyo kuti twagwasyigwa amuuya wa Leza. Basikuyiisya Bbaibbele bamwi balapandulula mbokuyandika kupaila aciiyo kwiinda mukubala lugwalo lwa Jakobo 1:5, ilwaamba kuti: “Ikuti muntu umwi akati kanu kabulizyide busongo, azumanane kumulomba Leza.” Mpoonya balamubuzya sikwiiya kuti, “Mbuti mbotukonzya kumulomba busongo Leza?” Sikwiiya ulakonzya kwiingula kuti, nkwiinda mukupaila kuli Leza. Amumuyiisye sikwiiya wanu mbwayelede kupaila. Amumupandulwide kuti Jehova ulayanda kuuswiilila mupailo wakwe uuzwa ansi aamoyo. Amumupandulwide kuti mumipailo yesu yakaumuumu, tulakonzya kumwaambila Jehova zyoonse izili mumoyo, nkokuti kumwaambila mbotulimvwa calo ncotutakonzyi kwaambila muntu uuli woonse. Alimwi buya, Jehova uliizyi kale mizeezo yesu iili ansi aamoyo.—Int. 139:2-4. w20.01 2 ¶3; 5 ¶11-12\\nNsondo, October 24\\nTacili kumuntu uulombozya naa kusolekesya kwakwe, pele cili kuli Leza.—Rom. 9:16.\\nJehova ulasala ciindi nayoobasala bananike. (Rom. 8:28-30) Jehova wakatalika kusala bananike Jesu naakabusyigwa. Kuboneka kuti mumwaanda wamyaka wakusaanguna, Banakristo bakasimpe boonse bakalinanikidwe. Mumyaka yoonse yakatobela, bunji bwabaabo ibakali kulyaamba kuti Mbanakristo mubwini tiibakali kumutobela Kristo. Nokuba boobo, mumyaka eeyo, Jehova wakananika basyoonto ibakali Banakristo bakasimpe. Bakali mbuli wiiti njaakaamba Jesu kuti iyookomena akati kansaku. (Mt. 13:24-30) Kumazuba aakumamanino, Jehova wazumanana kusala bantu bambi kuti bakabe cibeela caba 144,000. Aboobo ikuti naa Leza waakubasala bantu aaba kakusyeede buyo ciindi cisyoonto kuti mamanino asike, tatweelede kubudooneka busongo bwakwe. (Rom. 9:11) Tweelede kucenjela kutegwa tutabi mbuli babelesi mbaakaamba Jesu mucikozyanyo cakwe cimwi. Bakatongooka kujatikizya simalelo wabo mbwaakalanganya baabo ibakatalika mulimo muwoola lyamamanino.—Mt. 20:8-15. w20.01 30 ¶14","num_words":411,"character_repetition_ratio":0.042,"word_repetition_ratio":0.0,"special_characters_ratio":0.186,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 17 IBBAIB63 - Lino Abramu naakajisi myaka - Bible Search\\nMatalikilo 16 Matalikilo 18\\nLeza mbwaakatanga cizuminano a-Abramu. Mbwaakamupa citondezyo cakupalulwa akusandula izina lyakwe\\n1-Lino Abramu naakajisi myaka iili makumi aali musanu aane amusanu aine, Jehova wakalibonya kuli-Abramu, wati, Ndime Leza Singuzuzyoo­ nse, Enda kunembo lyangu cakululama. 2-Lino njootanga cizuminano ayebo, nkabela njookuvuzya loko malaa. 3-Mpawo Abramu wakavundama ansi, nkabela Leza wakamwaambila, wati, 4Bona! Ndatanga cizuminano ayebo, nkabela uyooba wisi wamisyobo minji. 5-Lino izina lyako talikooyooambwa limbi kuti Abramu, pe, izina lyako liyooba Abrahamu, nkaambo ndikubikide kuti ube wisi wamisyobo minji. 6Njoocita kuti uzyalisye loko, ube zisi zinji, alimwi mulinduwe muyoozwa bami. 7-Njootanga cizuminano cangu ayebo amulunyungu lwako luciboola mumazyalani conse, cibe cizuminano citamani, kuti mbe Leza wako a-Leza walunyungu lwako luciza. 8-Alimwi njookupa, webo alunyungu lwako luciza, nyika yabutuntulisi bwako, nkokuti nyika yoonse ya-Kanana, mwiivube lyoonse, nkabela njooba Leza wabo.\\n9-Lino Leza wakaambila Abrahamu kuti, Kobamba cizuminano cangu, webo alunyungu lwako luciza mumazyalani aalo. 10-Nceeci cizuminano cangu ncimweelede kubamba, cili akati kandime anywebo alunyungu lwako luciza. Baalumi banu boonse baleelede kupalulwa. 11-Muleelede kupalulwa mulukanda lwandomo zyanu, Eci ciyooba citondezyo cacizuminano cili akati kesu, mebo anywebo. 12-Mwana mulombe uuli amazuba aali musanu aatatu uleelede kupalulwa. Baalumi boonse mumazyalani aanu oonse baleelede kucitilwa obo, nibaba bazyedwe mumaanda aanu nibaba baulidwe amali kubeenzu batali balunyungu lwako. 13Oyo uuzyedwe muŋanda yako ayooyo uulidwe amali aako, boonse buyo baleelede kupalulwa. Aboobo cizuminano cangu cili munyama yanu ciyooba cizuminano citamani. 14-Mwaalumi silulomo uutapalwidwe mulukanda lwalulomo lwakwe, oyo muntu uyooandanizigwa abantu bakwe, nkaambo wa mwaya cizuminano cangu.\\n15Alimwi Leza wakaambila Abrahamu kuti, Alakwe Sarai mukaako, izina lyakwe talikooyooambwa limbi kuti ngu-Sarai, pe, izina lyakwe liyooba Sara. Nkabela njoomupa coolwe, njookupa mwana mulombe mulinguwe. 16-Njoomupa coolwe, nkabela uyooba nacaanzo. Mulinguwe momuyoozwa bami bazisi. 17-Mpawo Abrahamu wakavundama ansi, waseka, waamba mumoyo wakwe kuti, Sa muntu uuli amyaka iili mwanda ulakonzya kuzyala? Alakwe Sara uuli amyaka iili makumi aali musanu aane, sa ulakonzya kuzyala? 18Abrahamu wakaambila Leza kuti, Nicakabota Ismayeli naakapona kubusyu bwako. 19-Pele Leza wakavuwa kuti, Pe, Sara mukaako uyookuzyalila mwana, elyo uyoomuulika izina lya-Izaka. Njootangana awe cizuminano, walo alunyungu lwakwe luciza musule lyakwe. 20-Mumakani aa-Ismayeli, ndamvwa, Ncobeni njoomupa coolwe kuti azyalisye akuvula loko. Uyoozyala bami bali ikumi ababili, nkabela njoocita kuti abe musyobo mupati. 21-Pele cizuminano cangu njoocitanga a-Izaka, ngonguwe Sara ngwati kuzyalile mbuli lino mumwaka uuboola.\\n22-Lino naakamana kwaambaula awe, Leza wakatanta kujulu kuzwa kuliAbrahamu. 23-Mpoonya awo Abrahamu wakabweza Ismayeli mwanaakwe aboonse ibakazyalwa muŋanda yakwe aboonse mbaakaulide amali aakwe, baalumi boonse bamuŋanda ya-Abrahamu, wapalula lukanda lwandomo zyabo mubuzuba obo mbubonya, mbuli Leza mbwaakamulailila. 24Abrahamu­ kajisi myaka iili makumi aali musanu aane amusanu aine naakapalulwa mulukanda lwalulomo lwakwe. 25Alakwe Ismayeli mwanaakwe kajisi myaka iili ikumi aitatu naakapalulwa mulukanda lwalulomo lwakwe. 26-Mubuzuba obo mbubonya Abrahamu a-Ismayeli mwanaakwe bakapalulwa boonse, 27-abalo basiŋanda bakwe boonse, nibaba bazyedwe muŋanda yakwe nibaba baulidwe amali kubazwakule, bakapalulwa awe.","num_words":456,"character_repetition_ratio":0.079,"word_repetition_ratio":0.0,"special_characters_ratio":0.174,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 9 IBBAIB63 - Lino Leza wakalongezya Nowa - Bible Search\\nMatalikilo 8 Matalikilo 10\\nCizuminano Leza ncaakatangana anyika\\n1-Lino Leza wakalongezya Nowa abana bakwe, wabaambila kuti, Amuzyalisye, muvule, muzuzye nyika. 2-Banyama boonse baansi abayuni boonse bakujulu bamuyoowe akukankama kubusyu bwanu. Boonse biyo, abauka bayavula ansi answi zyamulwizi, baabwa mumaanza aanu. 3-Baumi boonse bayavula ansi bayoomubeda zilyo, mbubonya mbuli zisyu zisia-sia. Zyoonse biyo ndamupa nzizyo. 4-Pele tamweelede kulya nyama antoomwe abuumi bwayo, nkokuti bulowa bwayo. 5-Ncobeni bulowa bwanu, bulowa bwabuumi bwanu, njoobuyandaula. Kumaanza aabanyama boonse njoobuyandaula, akumaanza aamuntu njoobuyandaula. Muntu umwi aumwi, kumaanza aamweenzinyina njooyandaula buumi bwakwe. 6-Kufumbwa muntu uutila bulowa bwamuntunyina, bulowa bwakwe alakwe buyootilwa kumaanza aamuntu, nkaambo muntu wakalengwa mucinkozya ca-Leza.\\n7-Lino nywebo amuzyalisye akuvula, mube banji munyika akuvula mulinjiyo.\\n8Elyo Leza wakaambila Nowa abana bakwe mbaakali abo kuti, 9Amubone! Mebo ndatangana anywe cizuminano cangu, nywebo alunyungu lwanu luciza, 10-abanyama boonse mbomuli abo, bayuni bakujulu abanyama baansi aboonse mbomuli abo mubwaato, banyama boonse biyo baansi. 11-Njootangana anywe cizuminano, nkabela bantu boonse tabakooyoonyonyoonwa limbi mumaanzi aazambangulwe. Takukooyooba limbi izambangulwe lyakuvwinyauna nyika. 12-Alimwi Leza wakaamba kuti, Nceeci citondezyo cacizuminano cangu ncitutangene anywe, inywe abaumi boonse mbomuli abo mumazyalani oonse. 13Ndabika fulicoongo wangu mujoba, abe citondezyo cacizuminano cangu ncitutangene anyika. 14Kuyooba kuti, na ndabusya ijoba ajulu lyanyika, fulicoongo wangu uyooboneka mujoba, 15-elyo njooyeeya cizuminano ncitutangene anywe, inywe abaumi boonse bamisyobo yoonse, Takukooyoosika limbi maanzi aazambangulwe kuzoovwinyauna bantu boonse. 16-Fulicoongo uyooba mukati kajoba, lino njoomulanga akuyeeya cizuminano citeeli ca-Leza ncatangene abaumi boonse bamisyobo yoonse yaansi. 17Leza wakaambila Nowa kuti, Nceeci citondezyo cacizuminano cangu ncintangene abaumi boonse baansi.\\nHamu mbwaakasampaula wisi\\n18-Lino bana ba-Nowa ibakazwa mubwaato mbaaba: Semu a-Hamu a-Jafeti. Hamu nguwakazyala Kanana. 19-Aba botatwe bakali bana baNowa, nkabela mbembabo ibakazuzya nyika yoonse.\\n20-Lino Nowa wakatalika kulima nyika. Wakalima muunda wamasaansa 21-Lino naakanywa waini, wakakolwa, walivumbulula mucilao cakwe. 22Nkabela Hamu wisi Kanana wakabona cinswe cawisi, walwiida babunyina bakwe bobile ibakali anze. 23-Lino Semu a-Jafeti bakabweza cikobela, bacibika amakuko aabo bobile, beenda cibundasule, bavumba cinswe cawisaabo. Masyu aabo akali futete, aboobo teebakabona cinswe cawisaabo. 24Elyo Nowa naakasinsimuka kuzwa kukukolwa kwakwe, wakaziba mwanaakwe muniini ncaakamucitila, 25-nkabela wakati,\\nUzooba muzike wabazike akati kabanyina!\\nAlumbwe Jehova Leza wa-Semu,\\nKanana abe muzike wakwe.\\n27-Leza akomezye lunyungu lwa-Jafeti,\\nAkale muzilao zya-Semu.\\nAlakwe Kanana abe muzike wakwe.\\n28Nkabela izambangulwe nilyakamana, Nowa wakacili kupona myaka iili myanda yotatwe amakumi osanwe. 29-Aboobo mazuba oonse aa-Nowa akasika kumyaka iili myanda iili musanu aine amakumi osanwe, elyo wakafwa.","num_words":375,"character_repetition_ratio":0.062,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"1 Bakorinto 15 | Bbaibbele lili a Intaneti | Bbaibbele lya Busanduluzi Bwanyika Mpya\\nBubuke bwa Kristo (1-11)\\nBubuke mpaayeeme lusyomo (12-19)\\nBubuke bwa Kristo ncisinizyo (20-34)\\nMubili wanyama, mubili wamuuya (35-49)\\nKutafwa alimwi akutabola (50-57)\\nKuba azinji zyakucita mumulimo wa Mwami (58)\\n15 Lino bakwesu ndimuyeezya makani mabotu ngondakaambilizya kulindinywe,+ aayo ngomwakatambula alimwi ngomutobela cakusitikila. 2 Kwiinda mulingawo lino mulafwutulwa ikuti mukakatile kumakani mabotu ngondakaambilizya kulindinywe, ccita kuti mwakaba basyomi cabuyo. 3 Nkaambo akati kazintu zyakusaanguna nzyondakamwaambila kuli ceeco ncondakatambula andime, cakuti Kristo wakafwa kutegwa atwaangulule kuzibi zyesu kweelana ancaamba Magwalo;+ 4 ikuti wakazikkwa,+ wakabusyigwa+ mubuzuba bwatatu+ kweelana ancaamba Magwalo;+ 5 akuti wakalibonya kuli Kefasi,*+ mpoonya akuli bali Kkumi Ababili.+ 6 Kuzwa waawo wakalibonya kubakwesu bainda ku 500 aciindi comwe,+ ibunji bwabo tucili limwi, pele bamwi baloona mulufwu. 7 Kuzwa waawo wakalibonya kuli Jakobo,+ mpoonya akubaapostolo boonse.+ 8 Pele ciindi camamanino wakalibonya akulindime+ mbuli kumwana wakazyalwa ciindi kacitanakkwana. 9 Nkaambo ndendime muniini akati kabaapostolo boonse, alimwi tandeeleli kwiitwa kuti ndimwaapostolo, nkaambo ndakapenzya mbungano ya Leza.+ 10 Pele kwiinda muluzyalo lwa Leza ndili boobu mbondibede lino. Alimwi luzyalo ndwaakandifwida tiilwakaba lwabuyo pe, pele ndakabeleka cakulitakata kubainda boonse; nokuba boobo tandili ndime pe, pele nduzyalo lwa Leza ilulaandime. 11 Nokuba boobo, kufwumbwa naa ndime naa mbambabo, oobu mbotukambauka alimwi oobu mbomwakasyoma. 12 Lino ikuti kakukambaukwa kuti Kristo wakabusyigwa kubafwu,+ ino nkaambo nzi bamwi akati kanu ncobaambila kuti kunyina bubuke bwabafwu? 13 Ikuti naa ncobeni kunyina bubuke bwabafwu, nkokuti Kristo tanaakabusyigwa pe. 14 Pele ikuti naa Kristo tanaakabusyigwa, kukambauka kwesu ncobeni nkwabuyo alimwi alwalo lusyomo lwanu ndwabuyo. 15 Kunze lyaboobo, alimwi twaba bakamboni ba Leza bakubeja,+ nkaambo tupa bumboni kubejelezya Leza kwiinda mukwaamba kuti wakamubusya Kristo,+ pele walo ngwaatakabusya ikuti naa ncobeni bafwu tabakabusyigwi. 16 Nkaambo ikuti naa bafwu tabakabusyigwi, nkokuti Kristo tanaakabusyigwa pe. 17 Kunze lyaboobo, ikuti naa Kristo tanaakabusyigwa, lusyomo lwanu ndwabuyo; mucili muzibi zyanu.+ 18 Mpoonya abalo aabo boona mulufwu kabakamantene a Kristo bakaloba.+ 19 Ikuti naa ikulangila Kristo kwesu kakuli kwabuumi obuno bulikke, nkokuti tuleetezya kapati kwiinda muntu uuli woonse. 20 Pele mubwini Kristo wakabusyigwa kubafwu, walo uuli ngomicelo mitaanzi yabaabo bakoona mulufwu.+ 21 Nkaambo mbwaanga lufwu lwakaboola kwiinda mumuntu omwe,+ abwalo bubuke bwabafwu bulaboola kwiinda mumuntu omwe.+ 22 Nkaambo mbubonya muli Adamu boonse balafwa,+ mbubonya buyo muli Kristo boonse bayoopegwa buumi.+ 23 Pele umwi aumwi ulabusyigwa aciindi cakwe ceelede: kusaanguna Kristo uuli njemicelo mitaanzi,+ mpoonya aabo bazulilwa kuli Kristo bayoobusyigwa kuciindi cakubako kwakwe.+ 24 Mpoonya kumamanino, uyoopa Bwami kuli Leza wakwe alimwi Usyi, aakumana kunyonyoona mfwulumende zyoonse abweendelezi boonse alimwi anguzu zyoonse.+ 25 Nkaambo weelede kulela kali mwami kusikila Leza akabikke basinkondonyina boonse kunsi aamaulu aakwe.+ 26 Sinkondo wamamanino uuyoonyonyoonwa, ndufwu.+ 27 Nkaambo Leza “wakabombya zintu zyoonse kunsi aamaulu aakwe.”+ Pele nokwaambwa kuti ‘zintu zyoonse zyakabombesyegwa,’+ cilalimvwisya kuti eeci tacibikkilizyi Leza ooyo wakabombya zintu zyoonse kulinguwe.+ 28 Pele Leza aakumana kubombya zintu zyoonse kumwanaakwe, mpoonya Mwana ooyo awalo uyoolibombya kuli Leza ooyo wakabombya zintu zyoonse kulinguwe,+ ikutegwa Leza abe mweendelezi wazintu zyoonse.+ 29 Ikuti naa bafwu tabakabusyigwi, ino nimpindu nzi njobayoojana aabo babbapatizyigwa kutegwa babe bafwu?+ Ikuti naa bafwu kunyina nobayoobusyigwa, ino nkaambo nzi abalo ncobali mukubbapatizyigwa kutegwa babe bafwu? 30 Ino nkaambo nzi andiswe ncotuli muntenda ciindi coonse?+ 31 Abuzuba ndijanika muntenda yalufwu. Eeci ncamasimpe mbubonya mbuli lukkomano ndondijisi kujatikizya ndinywe bakwesu muli Kristo Jesu Mwami wesu. 32 Ikuti naa mbuli bantu bamwi* ndakalwana abanyama babutambo ku Efeso,+ ino eeci cindigwasya buti mebo? Ikuti bafwu tabakabusyigwi, nkokuti “atulye akunywa, nkaambo kayi juunza tuyoofwa.”+ 33 Muteenwi pe. Kuyanzana abantu babyaabi kunyonganya zilengwa zibotu.*+ 34 Amusinsimuke munzila yabululami alimwi mutabi nimucita cibi pe, nkaambo bamwi tabajisi luzyibo lwa Leza. Ndaamba boobu kutegwa ndimuusye nsoni. 35 Nokuba boobo, umwi inga wabuzya kuti: “Ino bafwu bayoobusyigwa buti? Inzya, ino bayoobuka amubili uuli buti?”+ 36 Yebo omufwubafwuba! Ncosyanga tacibi cuumi pe ccita kuti casaanguna kufwa. 37 Alimwi kujatikizya ncosyanga, tosyangi mubili uuyookomena pe, pele usyanga nseke buyo, ibe yawiiti naa iimbi buyo; 38 pele Leza ulaipa mubili mbuli mbwayanda, alimwi nseke imwi aimwi ulaipa mubili wanjiyo. 39 Taili mibili yoonse iikozyenye pe, kuli mubili wabantu, kuli mubili waŋombe, kuli mubili wabayuni alimwi amubili wanswi. 40 Alimwi kuli mibili yakujulu amibili yaanyika;+ pele bulemu bwamibili yakujulu mbumbi,+ abwalo bulemu bwamibili yaanyika mbumbi. 41 Bulemu bwazuba mbumbi, alimwi abulemu bwamwezi mbumbi,+ abwalo bulemu bwanyenyeezi mbumbi; mubwini nyenyeezi imwi aimwi iliindene kunyenyeezinyina kubulemu. 42 Mbobubede oobo abubuke bwabafwu. Mubili wazikkwa ulabola; pele wabusyigwa tauciboli limbi pe.+ 43 Ulazikkwa kausampukide; ulabusyigwa mubulemu.+ Ulazikkwa kautajisi nguzu; ulabusyigwa munguzu.+ 44 Ulazikkwa kauli mubili wanyama; ulabusyigwa kauli mubili wamuuya. Ikuti kakuli mubili wanyama, nkokuti awalo mubili wamuuya nkouli. 45 Mbokulembedwe buya kuti: “Muntu wakusaanguna Adamu wakaba muumi.”+ Adamu wamamanino wakaba muuya uupa buumi.+ 46 Nokuba boobo, mubili wamuuya tauli wakusaanguna pe. Mubili wanyama nguusaanguna, mpoonya nokuya kube wamuuya. 47 Muntu wakusaanguna wakazwa anyika alimwi wakabumbwa abulongo;+ muntu wabili wakazwa kujulu.+ 48 Mbubonya mbwabede ooyo wakabumbwa abulongo, mbobabede abalo aabo bakabumbwa abulongo; alimwi mbubonya mbwabede ooyo wakazwa kujulu, mbobabede abalo aabo bakujulu.+ 49 Alimwi mbwaanga tuli mucinkozya cayooyo wakabumbwa abulongo,+ mbubonya buyo tuyooba mucinkozya cayooyo wakazwa kujulu.+ 50 Pele bakwesu ndimwaambila kuti, mubili wanyama abulowa taukonzyi kunjila mu Bwami bwa Leza, mbubonya kubola mbokutakwe lubazu mukutabola. 51 Amubone! Ndimwaambila maseseke aa Leza aakuti: Tatukooni toonse mulufwu pe, pele toonse tuyoosandulwa,+ 52 mukaindi kaniini buyo, mukulaba kwaliso, muciindi cakulila kwamweembo wamamanino. Nkaambo mweembo uyoolila+ eelyo bafwide bayoobusyigwa amibili iitaboli alimwi tuyoosandulwa. 53 Nkaambo mubili ooyu uubola weelede kusama mubili uutaboli,+ alimwi mubili ooyu uufwa weelede kusama mubili uutafwi.+ 54 Pele mubili ooyu uubola waakusama kutabola, amubili ooyu uufwa waakusama kutafwa, ayoozuzikizyigwa majwi aalembedwe aakuti: “Lufwu lwamenwa mane kukabe kutamani.”+ 55 “O lufwu, ino luli kuli luzundo lwako? O lufwu, ino luli kuli lumoola lwako?”+ 56 Lumoola iluletela lufwu ncibi,+ alimwi nguzu zyacibi zizwa ku Mulawo.*+ 57 Pele aalumbwe Leza, nkaambo ulatupa luzundo kwiinda mu Mwami wesu Jesu Kristo!+ 58 Aboobo nomuyandwa bakwesu, amukakatile,+ mutazungaani pe,+ lyoonse amube azintu zinji zyakucita mumulimo wa Mwami, mbokunga mulizyi kuti kubeleka kwanu nkomubelekela Mwami takuli kwabuyo pe.+\\n^ Naa ambweni, “mukuyeeya kwabantu.”\\n^ Naa “Kumvwana abantu babyaabi kupa kuti muntu aleke kulilemeka kabotu.”\\n^ Naa “Mulawo nguupa cibi nguzu zyancico.”","num_words":934,"character_repetition_ratio":0.049,"word_repetition_ratio":0.0,"special_characters_ratio":0.185,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jesu Uubusyidwe Walibonya Kubantu Banji | Buumi bwa Jesu\\nJESU WALIBONYA KULI BASIKWIIYA NOBALI MUNZILA KUYA KU EMAU\\nBASIKWIIYA BAKWE WABAPANDULWIDA MAGWALO CAKWIINDULUKA-INDULUKA\\nTOMASI WALEKA KUDOONEKA\\nMu Nsondo, Nisani 16, basikwiiya balityompedwe kapati. Tabazyi ncocaamba kuti mubili wa Jesu tauko mucuumbwe. (Matayo 28:9, 10; Luka 24:11) Kumazuba ibuzuba mbubonya oobu, Kileopa alimwi asikwiiya umbi bazwa mu Jerusalemu akuunka ku Emau, ikulampa makkilomita aatandila ku 12 kuzwa ku Jerusalemu.\\nNobayaabweenda, bayaabubandika zintu izyacitika. Mpoonya muntu ngobatazyi wabasangana. Wababuzya kuti: “Ino makani nzi aaya ngomwaambaula nomuyaabweenda?” Kileopa waingula kuti: “Sena uli mweenzu uukkede alikke mu Jerusalemu aboobo tozyi zintu zyalikucitika mulinguwo mazuba aaya?” Muntu ooyo wabuzya kuti: “Izintu nzi?”—Luka 24:17-19.\\nBaamba kuti: “Izintu zijatikizya Jesu waku Nazareta, . . . twakali kulangila kuti ooyu muntu ngonguwe ooyo iwakali kuyoofwutula Israyeli.”—Luka 24:19-21.\\nKileopa amweenzinyina bazumanana kuluula zintu izyacitika mubuzuba mbubonya oobu. Baamba kuti bamakaintu bamwi ibaunkide kucuumbwe nkwaakazikkilwa Jesu bajana kuti tako pe mulincico alimwi akuti bamakaintu aaba balibonena ameso aabo cintu cimwi cigambya—babona bangelo ibabaambila kuti Jesu muumi. Alimwi bapandulula kuti bamwi akati kabo baluunkide kucuumbwe eelyo “baakucijana mbubonya oobo mbuli bwali kwaamba bamakaintu.”—Luka 24:24.\\nCilisalede kuti basikwiiya aaba bobilo balikopene nkaambo tabazyi ncocaamba eeci cacitika. Muntu ooyo ngobatazyi wabaambila cabwami ikubalulamika mizeezo, eeyo iyapa kuti myoyo yabo kaitamvwisyi, wati: “Nywebo nobafwubafwuba abasimyoyo iimuka kusyoma zintu zyoonse nzyobakaamba basinsimi! Sena tiicakali kuyandika kuti Kristo apenge zintu eezyi akunjila mubulemu bwakwe?” (Luka 24:25, 26) Kumane wabapandulwida zibalo zinji zyamu Magwalo izyaamba kujatikizya Kristo.\\nMpoonya boonse botatwe basika munsi-munsi aku Emau. Basikwiiya aaba bobilo bayanda kumvwa zinji, aboobo bamukombelezya kuti: “Kokkala buyo andiswe nkaambo kuyanda kuba kumangolezya alimwi buzuba buyanda kumana.” Wazumina, eelyo bakkala kuti balye. Muntu ooyu naapaila, naakomauna cinkwa akubapa, bamuzyiba, pele ndilyonya wazimaana. (Luka 24:29-31) Lino bazyiba kuti ncobeni Jesu muumi!\\nCakukondwa basikwiiya bobilo baamba kujatikizya cabacitikila, bati: “Sena myoyo yesu tiiyali kupya muzyamba zyesu ciindi naali kwaambaula andiswe munzila, anaali kutupandulwida Magwalo?” (Luka 24:32) Bajokela cakufwambaana ku Jerusalemu, nkobaakujana baapostolo alimwi abamwi mbocili limwi. Kileopa amweenzinyina kabatanaluula makani aabo, bamvwa bambi ibaamba kuti: “Masimpe Mwami wabusyigwa alimwi walibonya kuli Simoni!” (Luka 24:34) Mpoonya abalo baamba kujatikizya mbwaalibonya kulimbabo Jesu. Inzya, abalo mbaakamboni ibalibonena ameso aabo.\\nLino boonse bagambwa, Jesu walibonya muŋanda mobabede! Masimpe eeci cilagambya nkaambo baliikkiide milyango akaambo kakuyoowa ba Juda. Nokuba boobo, Jesu ngooyu buya uliimvwi akati kabo. Ajwi libombe wabaambila kuti: “Amube aluumuno.” Pele balo bayoowa kapati. Mbuli mbobakayeeya aciindi cimwi, ‘bayeeya kuti babona muuya.’—Luka 24:36, 37; Matayo 14:25-27.\\nKutegwa atondezye kuti tacili cilengaano ncibabona naa kuti ncintu cimwi buyo cakuyeeyela, pele kuti ujisi mubili wanyama, Jesu wabatondezya maanza amaulu aakwe akubaambila kuti: “Nkaambo nzi ncomupenga kapati mumizeezo alimwi nkaambo nzi ncomudonaika mumyoyo yanu? Amubone maanza amaulu aangu, musinizye kuti ndendime ncobeni; amundijate-jate mubone, nkaambo muuya tuujisi nyama azifwuwa mbuli zyeezyi nzyomubwene nzyondijisi mebo.” (Luka 24:36-39) Bakondwa kapati akugambwa, pele tabanasyoma cakumaninina.\\nAlimwi kutegwa abagwasye kuzyiba kuti ngonguwe ncobeni, wababuzya kuti: “Sena kuli cakulya ncomujisi aano?” Watambula cibeela canswi iiyokedwe akucilya. Mpoonya waamba kuti: “Aaya ngamajwi ngendakamwaambila nindakacili andinywe [kanditanafwa], kuti zintu zyoonse zilembedwe mu Mulawo wa Musa amu Basinsimi amu Intembauzyo kujatikizya ndime zileelede kuzuzikizyigwa.”—Luka 24:41-44.\\nJesu wagwasyide Kileopa amweenzinyina kumvwisya Magwalo, eelyo wacita oobo lino kuli baabo boonse babungene aawa, wati: “Kulilembedwe kuti: Kristo wakali kuyoopenga alimwi akubuka kubafwu mubuzuba bwatatu, alimwi kwiinda muzina lyakwe, mulumbe wakuti bantu beempwe kutegwa zibi zilekelelwe wakali kuyookambaukwa muzisi zyoonse—kutalikila mu Jerusalemu. Muyooba bakamboni bazintu eezyi.”—Luka 24:46-48.\\nAkaambo kakaambo kamwi katazyibidwe kabotu, mwaapostolo Tomasi tako pe aawa. Mumazuba aatobela, ibamwi bamwaambila cakukondwa kuti: “Twamubona Mwami!” Pele Tomasi wati: “Ccita kuti ndizibone zilonda zyampikili mumaanza aakwe akubikka munwe wangu muzilonda zyampikili alimwi akubikka janza lyangu mumabambo aakwe, nsikoosyoma pe.”—Johane 20:25.\\nNokwainda mazuba aali lusele, basikwiiya babungana alimwi kabalikkiilide, pele aciindi eeci Tomasi nkwali awalo. Jesu walibonya akati kabo kajisi mubili wanyama akubaanzya kuti: “Amube aluumuno.” Kumane Jesu walanga Tomasi akumwaambila kuti: “Bikka munwe wako aawa ubone maanza aangu, alimwi leta janza lyako akulibikka mumabambo aangu. Koleka kudooneka utalike kusyoma.” Tomasi wakankamuka kuti: “O Mwami wangu, O Leza wangu!” (Johane 20:26-28) Inzya, lino tacidooneki kuti Jesu muumi kali mbuli Leza alimwi mwiiminizi wa Jehova Leza.\\nMpoonya Jesu wati: “Sena wasyoma lino akaambo kakuti wandibona? Balikkomene aabo ibasyoma kabatanabona.”—Johane 20:29.\\nIno makani nzi ngaababuzya muntu ngobatazyi basikwiiya bobilo ibaunka ku Emau?\\nIno ncinzi capa kuti muciindi cisyoonto buyo myoyo yabasikwiiya ipye muzyamba zyabo?\\nCiindi Kileopa amweenzinyina nobajokela ku Jerusalemu, ino makani nzi aakkomanisya ngobamvwa, mpoonya ncinzi cacitika?\\nIno kumamanino ncinzi camupa kusyoma Tomasi kuti ncobeni Jesu muumi?","num_words":696,"character_repetition_ratio":0.047,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 3 IBBAIB63 - Lino inzoka kiijisi maanu - Bible Search\\nMatalikilo 2 Matalikilo 4\\n1-Lino inzoka kiijisi maanu kwiinda banyama boonse bamusokwe Jehova Leza mbaakalenga. Nkabela yakaambila mwanakazi kuti, Sa ncobeni Leza wakaamba kuti, Tamweelede kulya misamu yoonse yamumuunda? 2Elyo mwanakazi wakaambila inzoka kuti, Micelo yamisamu yamumuunda tulailya, 3-pele micelo yamusamu oyo uuli mukati kamuunda, Leza waamba kuti, Tamweelede kulya njiyo pe, alimwi tamweelede kwiiguma, kuti mutafwi. 4-Mpawo inzoka yakaambila mwanakazi kuti, Ne! Tamukonzyi kufwa pe. 5Nkaambo Leza ulizi kuti mubuzuba obo mbubonya mbomuyooulya, meso aanu ayoojuka, lino muyooba mbuli Leza, muyooziba bubotu abubi mbububede. 6-Lino mwanakazi wakabona kuti musamu mubotu kukuulya, alimwi ulabotezya meso, alimwi ulayandika kukupa muntu busongo. Nkabela mpawo wakabweza micelo yawo, walya. Alakwe mulumaakwe, wakamupa, alakwe wakalya. 7Mpoonya awo meso aabo boonse bobile akajaluka, nkabela bakaziba kuti bali azinswe, Lino bakatalika kusuma matu aamukuyu akulicitila zilivumbilizyo.\\n8-Lino bakamvwa ijwi lya-Jehova Leza uleendeenda mumuunda izuba nelyakatalika kubomba, nkabela oyo muntu Adamu abanakwe bakayuba akati kamisamu yamumuunda kuti bataboneki kumeso aa-Jehova Leza. 9-Elyo Jehova Leza wakaita Adamu, wati, Uli kuli? 10-Wakavuwa kuti, Ndamvwa ijwi lyako mumuunda, lino ndafwa bweeme nkaambo kakuti ndisicinswe, aboobo ndayuba. 11Wakati, Ino ngwani wakakulwiida kuti uli sicinswe? Sa walya micelo yamusamu oyo ngundakakulailila kuti, Utalyi kulinguwo? 12-Mpawo Adamu wakati, Oyo mwanakazi nguwakandipa kuti tube awe nguwandipa micelo yamusamu, elyo ndalya. 13-Lino Jehova Leza wakaambila mwanakazi kuti, Ino ncinzi eci ncowacita? Mwanakazi wakati, Inzoka njiyakandoongelezya, aboobo ndalya. 14-Mpawo Jehova Leza wakaambila inzoka kuti, Mbowacita obo, ulitukidwe kwiinda iŋombe zyoonse abanyama boonse bamusokwe. Uyooenda abula bwako, abulongo buyooba zilyo zyako, mazuba oonse aabuponi bwako. 15-Nkabela njoobusya inkondo akati kanduwe amwanakazi, akati kalunyungu lwako alunyungu lwakwe. Walo uyookuuma amutwe, ayebo uyoomuluma kukasinde. 16-Lino mwanakazi wakamwaambila kuti, Njookuvuzizya macise aako akuminta kwako, uyoozyala bana amacise, alimwi uyoosukama mulumaako, ngonguwe uuti kakweendelezye. 17-Alakwe Adamu wakamwaambila kuti, Mbowaswiilila ijwi lyamukaako akulya micelo njindakulailila kuti toelede kwiilya, nyika ilitukidwe nkaambo kanduwe, Uyoolya micelo yayo mumacise mazuba oonse aabuponi bwako. 18Iyookuzyalila mamvwa amitubetube. Uyoolya zisyu zyamusokwe. 19-Uyoolya insima cakufwa mitukuta mane ukapiluke kunyika, nkaambo mulinjiyo mowakagwisigwa, nkaambo uli bulongo buyo, akooko kubulongo nkoelede kupiluka. 20Lino Adamu wakaulika izina lyamukaakwe kuti ngu-Eva, nkaambo mbebanyina baumi boonse. 21Nkabela Jehova Leza wakacitila Adamu amukaakwe zibaki zyazikanda, wabasamika nzizyo.\\n22-Lino Jehova Leza wakati, Bona! Muntu waba mbubonya mbuli ndiswe. Ulizi bubotu abubi mbuzibede, Lino atucenjele, kuti atatandabiki ijanza lyakwe akucela micelo yamusamu wabuumi, atalyi njiyo, ataponi mane kukabe kutamani. 23Elyo Jehova Leza wakamutanda kuzwa kumuunda wa-Edeni kuti akalime nyika eyo njiyonya njaakagwisigwa mulinjiyo. 24-Wakatanda muntu, alimwi kulubazu lwakujwe lwa-Edeni wakabika baangelo bakerebimu apanga lyamabekabeka ilyakali kuyumbana koonse koonse kusinkila inzila yamusamu wabuumi.","num_words":419,"character_repetition_ratio":0.066,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbotukonzya Kugwasya Basikwiiya Bbaibbele Kutegwa Beelele Kubbapatizyigwa​—Cibeela 1 — LAIBBULALI YAA INTANETI ya Watchower\\nw20 October map. 6-32\\nAMWIIYE NSONDO ANSONDO\\nAMULIBAMBILE CIIYO CIMWI ACIMWI\\nAMUMUYIISYE KUBANDIKA A JEHOVA ABUZUBA\\nAMUMUGWASYE KUBA ACILONGWE A JEHOVA\\nAMUMUKULWAIZYE KUJANIKA KUMISWAANGANO YAMBUNGANO\\nCIBALO CAKWIIYA 41\\n“Nywebo mutondezya kuti muli lugwalo lwa Kristo lwakalembwa andiswe mbotuli babelesi.”—2KOR. 3:3.\\nLWIIMBO 78 “Kuyiisya Jwi lya Leza”\\nEelo kaka cilakkomanisya kuli basimbungano boonse kubona sikwiiya Bbaibbele ngobakagwasya kabbapatizyigwa! (Amubone muncali 1)\\n1. Mbuti lugwalo lwa 2 Bakorinto 3:1-3 mbolutondezya kuti ncoolwe kugwasya muntu kubbapatizyigwa? (Amubone cifwanikiso icili aacivwumbyo.)\\nINO MULIMVWA buti ciindi nomubona sikwiiya Bbaibbele uuzwa mucilawo cambungano yanu kabbapatizyigwa? Kwaamba masimpe, mulakkomana kapati. (Mt. 28:19) Alimwi ikuti naa ndinywe mwakali kumuyiisya sikwiiya ooyo mupya, mulakkomana kapati ciindi naabbapatizyigwa! (1Tes. 2:19, 20) Basikwiiya bapya ‘magwalo mabotu aalumbaizya’ mbungano yoonse, kutali buyo baabo ibakali kwiiya ambabo.—Amubale 2 Bakorinto 3:1-3.\\n2. (a) Mubuzyo nzi uuyandika kapati ngotweelede kulanga-langa, alimwi nkaambo nzi? (b) Ino ciiyo ca Bbaibbele ninzi? (Amubone bupanduluzi buyungizyidwe.)\\n2 Cilakkomanisya kubona kuti myaka yone yainda, mwezi amwezi nyika yoonse, kwali kulipootwa basikwiiya Bbaibbele ibatandila ku 10,000,000*. Mumyaka njoonya eeyo, basikwiiya Bbaibbele ibainda 280,000 bakali kubbapatizyigwa mwaka amwaka kuba Bakamboni ba Jehova alimwi akuba basikwiiya ba Jesu Kristo bapya. Mbuti mbotukonzya kugwasya mamiliyoni aa Basikwiiya Bbaibbele aaba kutegwa babbapatizyigwe? Kufwumbwa buyo kuti Jehova kacibakkazikila moyo alimwi akubapa coolwe cakuba basikwiiya ba Kristo, tuyanda kucita kufwumbwa ncotukonzya kutegwa tubagwasye kuyaambele akubbapatizyigwa cakufwambaana. Ciindi cilimanide!—1Kor. 7:29a; 1Pet. 4:7.\\n3. Ncinzi ncotutiibandike mucibalo eeci kujatikizya kusololela ziiyo zya Bbaibbele?\\n3 Akaambo kakuti cilayandika kapati kugwasya bantu kuba basikwiiya lino, bamu Kabunga Keendelezya bakabuzya bamumaofesi aamitabi kujatikizya ceelede kucitwa kutegwa basikwiiya Bbaibbele banji bagwasyigwe akweelela kubbapatizyigwa. Mucibalo eeci alimwi acitobela, tulabona ncotukonzya kwiiya kuzwa kubapainiya, bamisyinali alimwi abalangizi bamabazu.* (Tus. 11:14; 15:22) Balapandulula ncobakonzya kucita bamayi ba Bbaibbele alimwi abasikwiiya kutegwa ciiyo ca Bbaibbele cizwidilile. Mucibalo eeci, tulabandika zintu zyosanwe sikwiiya umwi aumwi nzyeelede kucita kutegwa ayelele kubbapatizyigwa. Mbutuli bamayi ba Bbaibbele, tweelede kubagwasya kuzicita zintu eezyi.\\nAmumulombe sikwiiya naa kuli mpomukonzya kukkala kutegwa mubandike zyamu Bbaibbele (Amubone muncali 4-6)\\n4. Ncinzi ncotweelede kuyeeya kujatikizya ciiyo Bbaibbele cicitilwa anze kumwi kamwiimvwi?\\n4 Bunji bwabakwesu alimwi abacizyi balasololela ziiyo zya Bbaibbele anze kumwi kabaimvwi. Nokuba kuti aaya matalikilo mabotu aakupa sikwiiya kuba aluyandisisyo lwakwiiya Bbaibbele, mibandi iili boobu kanji-kanji inga mifwaafwi alimwi buya ambweni taicitwi nsondo ansondo. Kutegwa bayungizye luyandisisyo muli sikwiiya, bakwesu abacizyi bamwi balalomba namba yafooni yasikwiiya ooyo, akumutumina fooni naa kumulembela kagwalo kajisi makani aamu Bbaibbele kabutanasika buzuba mbobakapangana. Balakonzya kuba amibandi eeyi mifwaafwi kwamyezi iili mbwiibede kakunyina kuba aciiyo ca Bbaibbele cisitikide. Sena sikwiiya ulakonzya kuyaambele akubbapatizyigwa ikuti katajani ciindi cinji cakwiiya alimwi katabikkili maano? Peepe.\\n5. Kweelana alugwalo lwa Luka 14:27-33, ncinzi Jesu ncaakakankaizya icikonzya kutugwasya mumulimo wakugwasya bantu kuba basikwiiya?\\n5 Aciindi cimwi, Jesu wakabelesya cikozyanyo kupandulula zijatikizyidwe mukuba sikwiiya. Wakaamba kujatikizya muntu uuyanda kuyaka ngazi alimwi amwami uuyanda kuunka kunkondo. Jesu wakaamba kuti muntu uuyanda kuyaka weelede ‘kusaanguna kukkala ansi akubona mali aayandika’ kumanizya ngazi eeyo, mpoonya mwami weelede ‘kusaanguna kukkala ansi kuyeeya akulomba lulayo kuli bamwi’ kutegwa abone naa basikalumamba bakwe inga bacikonzya kuzwidilila munkondo eeyo. (Amubale Luka 14:27-33.) Mbubwenya buyo, Jesu wakalizyi kuti muntu uuyanda kuba sikwiiya weelede kuyeeyesya kapati kujatikizya ncocaamba kuba sikumutobela. Akaambo kaceeci, tweelede kubakulwaizya basikwiiya Bbaibbele kuti katwiiya nsondo ansondo. Mbuti mbotukonzya kucita oobo?\\n6. Ncinzi ncotukonzya kucita kutegwa tube aziiyo ziyaambele?\\n6 Amutalike kwiinda mukulansya mibandi iicitilwa anze kumwi kamwiimvwi. Ambweni inga mwabandika tupango twamu Bbaibbele ituli mbotubede lyoonse nomwaswaya. Ciindi mukamwiniŋanda naazyibila kuba amibandi milamfwu, inga mwamubuzya naa kuli mpomukonzya kukkala kutegwa muzumanane amibandi yanu. Bwiinguzi mbwakonzya kumupa bulakonzya kutondezya naa ulaaluyandisisyo lwakwiiya Bbaibbele. Kutegwa afwambaane kuyaambele, kwainda ciindi, inga mwamulomba sikwiiya naa inga wayanda kuti kamwiiya ziindi zyobilo ansondo. Nokuba boobo, nzinji zyeelede kucitwa muciindi buyo cakwiiya ciindi comwe naa zyobilo ansondo.\\nAmulibambile kabotu ciiyo ca Bbaibbele, alimwi akumutondezya sikwiiya mbokulibambilwa (Amubone muncali 7-9)\\n7. Mbuti mwiiyi mbwakonzya kulibambila cakulomya ciiyo cimwi acimwi?\\n7 Mbomuli mwiiyi, mweelede kulibambila cakulomya ciiyo cimwi acimwi kamutanaunka kuyoosololela ciiyo ca Bbaibbele. Inga mwatalika kwiinda mukubala cibalo ncomuyakwiiya alimwi akulanga-langa magwalo. Amutumvwisye twaambo tuli mucibalo. Amulange-lange mutwe wacibalo, tutwe twamakani, mibuzyo, magwalo aalembedwe kuti amubale, zifwanikiso alimwi akulanga-langa mavidiyo apandulula makani ngomubandika. Kamumubikkide mumizeezo sikwiiya, amuyeeye mbomuyoomupandulwida makani munzila ngubauba kutegwa aamvwisye akwaabelesya.—Neh. 8:8; Tus. 15:28a.\\n8. Ino majwi aamwaapostolo Paulo aali kulugwalo lwa Bakolose 1:9, 10, atuyiisya nzi kujatikizya kupailila basikwiiya Bbaibbele?\\n8 Ciindi nomulibambila, amupaile kuli Jehova kujatikizya nzyayandika sikwiiya. Amumulombe Jehova kuti amugwasye kuyiisya Bbaibbele munzila iiyoomusika amoyo sikwiiya. (Amubale Bakolose 1:9, 10.) Amubone naa kuli makani aali woonse aakonzya kumukatazya kumvwisya sikwiiya naa aayo ngomutazuminani anguwe. Kamuyeeyede kuti makanze aanu ngakumugwasya kutegwa ayelele kubbapatizyigwa.\\n9. Mbuti mwiiyi mbwakonzya kumugwasya sikwiiya kulibambila ciiyo? Amupandulule.\\n9 Tulijisi lusyomo lwakuti ciiyo ca Bbaibbele icicitwa lyoonse ciyoogwasya sikwiiya kulumba zintu zyoonse Jehova alimwi a Jesu nzyobakamucitila, alimwi uyooba aluyandisisyo lwakwiiya zinji. (Mt. 5:3, 6) Kutegwa ciiyo cimugwasye kapati, sikwiiya weelede kubikkila maano kumakani ngaiya. Kutegwa mumugwasye kucita boobo, amumupandulwide mbociyandika kulibambila ciiyo cimwi acimwi alimwi akubona mbwakonzya kuzibelesya nzyaiya. Ino inga mwamugwasya buti kulibambila? Inga mwacita oobo kwiinda mukulibambila ciiyo antoomwe anguwe akumutondezya mbokulibambilwa.* Amumutondezye mbokujanwa bwiinguzi bugaminide, alimwi akumugwasya kubona kuti kweenga buyo moomo imuli twaambo tupati-pati naa mizila inga kwamugwasya kufwambaana kububona bwiinguzi. Mpoonya amumwaambile kwiingula mumajwi aakwe. Ikuti naa wacita oobo, mulakonzya kuzyiba naa waamvwisya makani aali muciiyo. Pele kuli acimbi ncomukonzya kumukulwaizya kucita sikwiiya wanu.\\nAmumuyiisye sikwiiya Bbaibbele mbwakonzya kubandika a Jehova (Amubone muncali 10-11)\\n10. Nkaambo nzi ncociyandika kubala Bbaibbele abuzuba, alimwi ino ncinzi nceelede kucita sikwiiya kutegwa agwasyigwe ciindi nabala Bbaibbele?\\n10 Kunze buyo lyakwiiya nsondo ansondo amwiiyi wakwe, sikwiiya ulakonzya kugwasyigwa kwiinda mukulicitila zintu zimwi abuzuba. Weelede kunoobandika a Jehova. Mbuti mbwakonzya kucita oobo? Kwiinda mukuswiilila alimwi akubandika a Jehova. Ulakonzya kumuswiilila Leza kwiinda mukubala Bbaibbele abuzuba. (Jos. 1:8; Int. 1:1-3) Amumutondezye mbwakonzya kubelesya “Mulongo Wakubala Bbaibbele” uukonzya kusimbwa, uuli aa jw.org.* Kutegwa agwasyigwe kapati ciindi nabala Bbaibbele, amumukulwaizye kuzinzibala kuyeeya nzyolimuyiisya Bbaibbele kujatikizya Jehova alimwi ambwakonzya kuzibelesya nzyabala.—Mil. 17:11; Jak. 1:25.\\n11. Mbuti sikwiiya mbwakonzya kwiiya kupaila munzila iiluzi, alimwi nkaambo nzi ncayelede kupaila kuli Jehova ciindi aciindi?\\n11 Amumukulwaizye sikwiiya wanu kubandika a Jehova kwiinda mukupaila abuzuba. Kamupaila mipailo iizwa ansi aamoyo kumatalikilo alimwi akumamanino aaciiyo cimwi acimwi, amumwaambe zina sikwiiya mumipailo eeyo. Ciindi naswiilila mipailo yanu, uyooiya mbwakonzya kupaila kuzwa ansi aamoyo alimwi akuti weelede kupaila kuli Jehova Leza muzina lya Jesu Kristo. (Mt. 6:9; Joh. 15:16) Amweezeezye buyo kubala Bbaibbele abuzuba (kumuswiilila Jehova) alimwi akupaila (kubandika a Jehova) mbokukonzya kumugwasya sikwiiya wanu kuba acilongwe a Leza! (Jak. 4:8) Kuti kacita boobo abuzuba, ciyoomugwasya kuyaambele kumuuya, calo ciyoomupa kulyaaba akubbapatizyigwa.\\n12. Mbuti mwiiyi mbwakonzya kumugwasya sikwiiya kuba acilongwe a Jehova?\\n12 Tuyanda kuti sikwiiya wesu amuzyibe Jehova. Aboobo nzyaiya zyeelede kumusika amoyo kutegwa kazibelesya. Jesu wakali kuyiisya bantu zintu zinji alimwi nzyaakali kubayiisya bakali kuzikkomanina. Pele bantu bakamutobela akaambo kakuti nzyaakabayiisya zyakabasika amoyo. (Lk. 24:15, 27, 32) Sikwiiya weelede kubona Jehova kuti muntu mwini-mwini, ooyo ngwakonzya kuba acilongwe anguwe, alimwi weelede kumubona kuba Usyi, Leza wakwe alimwi mulongwe wakwe. (Int. 25:4, 5) Nomwiiya, amumugwasye sikwiiya kubikkila maano kubube bubotu mbwajisi Leza wesu. (Kul. 34:5, 6; 1Pet. 5:6, 7) Tacikwe makani amubandi ngomubandika, amubikkile maano kubandika kujatikizya mbwabede Jehova. Amumugwasye sikwiiya kulumba bube bubotu mbwajisi Jehova, nkokuti luyando, luzyalo alimwi alweetelelo. Jesu wakaamba kuti ‘mulawo mupati alimwi wakusaanguna’ ngwakuti “weelede kuyanda Jehova Leza wako.” (Mt. 22:37, 38) Amumugwasye sikwiiya wanu kuyanda Jehova.\\n13. Amupe cikozyanyo cijatikizya mbotukonzya kugwasya sikwiiya ikubona bube bubotu mbwajisi Jehova?\\n13 Mumibandi yanu asikwiiya, amumupandulwide twaambo itupa kuti nywebo kamumuyanda Jehova. Eeci cilakonzya kumugwasya sikwiiya kubona kuti uyandika kumuyanda Jehova alimwi akuba acilongwe anguwe. (Int. 73:28) Mucikozyanyo, sena kuli kaambo mubbuku ndyomwiiya naa mulugwalo ikaamba bube bwa Jehova, nkokuti luyando, busongo, bululami naa nguzu ikamusika amoyo nywebo? Amumwaambile sikwiiya wanu, alimwi azyibe kuti kaambo aako kali akati katwaambo itupa kuti nywebo kamumuyanda Taateesu wakujulu. Kuli acimbi ncayelede kucita sikwiiya Bbaibbele umwi aumwi kutegwa ayelele kubbapatizyigwa.\\nAmumukulwaizye sikwiiya kufwambaana kutalika kujanika kumiswaangano! (Amubone muncali 14-15)\\n14. Ino lugwalo lwa Bahebrayo 10:24, 25 lutwaambila nzi kujatikizya miswaangano yambungano? Mbuti miswaangano eeyi mboikonzya kumugwasya sikwiiya Bbaibbele kuyaambele?\\n14 Toonse tulayanda kuti basikwiiya besu bayaambele kutegwa beelele kubbapatizyigwa. Nzila iiyandika kapati motukonzya kubagwasya, nkwiinda mukubakulwaizya kujanika kumiswaangano yambungano. Bamayi bacibwene baamba kuti basikwiiya ibafwambaana kutalika kujanika kumiswaangano, balafwambaana kuyaambele. (Int. 111:1) Bamayi bamwi balabaambila basikwiiya babo kuti kutegwa mwiiye zinji kujatikizya Bbaibbele, mweelede kunoojanika kumiswaangano. Amubale Bahebrayo 10:24, 25 antoomwe asikwiiya wanu, alimwi akumupandulwida bubotu mbwayoojana ikuti kajanika kumiswaangano. Amumutondezye kavidiyo kakuti Ino Ncinzi Cicitika ku Ŋanda ya Bwami?* Amumugwasye kuba amakanze aakutalovwa kumiswaangano.\\n15. Ncinzi ncotukonzya kucita kutegwa tugwasye sikwiiya kunoojanika kumiswaangano lyoonse?\\n15 Ncinzi ncomukonzya kucita ikuti sikwiiya wanu tanabuzuba wajanika kumuswaangano naa kuti tajaniki lyoonse? Calukkomano, amumwaambile ncomwakaiya lyamuswaangano wainda. Eeci inga camukulwaizya muciindi cakwiile kumutamba buyo kumuswaangano. Amumupe Ngazi Yamulindizi naa Kabbuku Kamuswaangano Wabuumi Amulimo Wesu wa Bunakristo, nzyomubelesya kumuswaangano aciindi eeco. Amumutondezye nzyomuyakwiiya nsondo iitobela, alimwi akumubuzya cibeela icamukkomanisya kapati. Ncayoobona alimwi akumvwa kumuswaangano ciindi cakusaanguna ciyoomubotela kapati kwiinda cintu cili coonse ncaakabona akumvwa kumuswaangano wacikombelo cimbi. (1Kor. 14:24, 25) Uyoozyibana abamwi ibajisi cikozyanyo cibotu ncakonzya kwiiya alimwi ibakonzya kumugwasya kuyaambele akweelela kubbapatizyigwa.\\n16. Ncinzi ciyandika mukusololela basikwiya Bbaibbele kutegwa beelele kubbapatizyigwa?\\n16 Mbuti mbotukonzya kusololela ziiyo zya Bbaibbele kutegwa zyeelele kubbapatizyigwa? Tulakonzya kumugwasya sikwiiya umwi aumwi kucibikkila maano ciiyo kwiinda mukumukulwaizya kwiiya nsondo ansondo alimwi akuti kalibambila ciiyo cimwi acimwi. Tuyandika kumukulwaizya kubandika a Jehova abuzuba alimwi akuba acilongwe anguwe. Kuyungizya waawo, tweelede kumukulwaizya kujanika kumiswaangano yambungano. (Amubone kabbokesi kali apeeji 12 kakuti, “Ncobeelede Kucita Basikwiiya Kutegwa Beelele Kubbapatizyigwa.”) Nokuba boobo, kweelana acibalo citobela mbociyootondezya, kuli zintu zimbi zyosanwe nzyobakonzya kucita bamayi ba Bbaibbele kuti bagwasye basikwiiya kutegwa beelela kubbapatizyigwa.\\nNcobeelede Kucita Basikwiiya Kutegwa Beelele Kubbapatizyigwa\\n1. Amwiiye nsondo ansondo\\nAmwaabe ciindi alimwi anguzu kutegwa kamwiiya nsondo ansondo\\nKuti kacikonzyeka, kamwiiya ziindi zyobilo ansondo\\n2. Amulibambile ciiyo cimwi acimwi\\nAmulibambilile limwi ciiyo\\nAmweenge mabala naa muzila iwiingula mubuzyo\\nAmuyeeye mbwaabajatikizya makani basikwiiya\\n3. Amubandike a Jehova abuzuba\\nAmumuswiilile Jehova kwiinda kukubala Bbaibbele abuzuba\\nAmubone ncoliyiisya Bbaibbele kujatikizya Jehova\\nAmubandike a Jehova kwiinda mukupaila abuzuba\\n4. Amube acilongwe Jehova\\nJehova amumubone kuba Muntu mwini-mwini\\nAmulumbe bube bubotu mbwajisi Jehova\\nAmumuyande Jehova amoyo wanu woonse\\n5. Amujanike kumiswaangano yambungano\\nAmuzyibe kuti miswaangano ilayandika kuli baabo ibayanda kwiiya Bbaibbele\\nAmubone bubotu mbobakonzya kujana kwiinda mukujanika kumiswaangano\\nAmubazyibe aabo ibajisi cikozyanyo cibotu ncobakonzya kwiiya\\nINO NCINZI NCOMWAIYA?\\nNcinzi ncotukonzya kucita kutegwa mibandi iicitilwa anze kumwi kamwiimvwi iyaambele?\\nMbuti mbotukonzya kuyiisya basikwiiya kubandika a Jehova abuzuba, alimwi nkaambo ncociyandika kapati kucita boobo?\\nMbuti mbotukonzya kukulwaizya basikwiiya kunoojanika kumiswaangano yambungano?\\nKuyiisya muntu cintu cimwi caamba kumugwasya “kuyeeya, kulimvwa naa kucita zintu munzila iindene ambwaakali kuzicita kaindi.” Lugwalo lwamwaka wa 2020, lwa Matayo 28:19, lutuyeezya mbociyandika kwiiya Bbaibbele abantu alimwi akubayiisya mbobakonzya kuba basikwiiya ba Jesu Kristo babbapatizyidwe. Mucibalo eeci alimwi acitobela, tulabona mbotukonzya kuyaambele mumulimo ooyu uuyandika kapati.\\nBUPANDULUZI BWAMABALA: Ikuti ciindi aciindi alimwi cakusitikila mulabandika amuntu kubelesya Bbaibbele, nkokuti musololela ciiyo ca Bbaibbele. Mulakonzya kulipoota kuti nciiyo ikuti naa mwakacisololela ziindi zyobilo kuzwa nomwakamana kumutondezya sikwiiya mbocicitwa ciiyo ca Bbaibbele, alimwi akuti mulijisi twaambo itumupa kusyoma kuti ciiyo cilazumanana.\\nZibalo eezyi zilabikkilizya atwaambo tugwasya kuzwa kucibeela cazibalo zitobelene cakuti, “Ikweendelezya Ziiyo zya Bbaibbele Ziyaambele” mu Mulimo Wesu wa Bwami wa July 2004 kusikila mu May 2005.\\nAmweebelele vidiyo yamaminiti one yakuti, Kuyiisya Basikwiiya Kulibambila. Amuunke a jw.org aalembedwe kuti LAIBBULALI > MAVIDIYO > MISWAANGANO YESU AMULIMO WAMUMUUNDA > KUYUNGIZYA LUZYIBO LWESU.\\nAmuunke a jw.org aalembedwe kuti NJIISYO ZYAMU BBAIBBELE > ZIBELESYO IZIGWASYA KWIIYA BBAIBBELE.\\nAmuunke a jw.org aalembedwe kuti LAIBBULALI > MAVIDIYO > MISWAANGANO YESU AMULIMO WAMUMUUNDA > ZIBELESYO ZYAMUMULIMO WAMUMUUNDA.","num_words":1775,"character_repetition_ratio":0.084,"word_repetition_ratio":0.001,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"“Utakankami, Nkaambo Ndime Leza Wako”—Isaya 41:10 | Ngaziyakulinda Yakwiiya\\n“Utayoowi, nkaambo ndili ayebo. Utakankami, nkaambo ndime Leza wako. Njookuyumya, njookugwasya.”​—IS. 41:10.\\nLWIIMBO 7 Jehova Onguzu Zyesu\\n1-2. (a) Majwi aali muli Isaya 41:10 akamugwasya biyeni muchizi Yoshiko? (b) Jehova wakaalondweda kuti agwasye bani majwi aaya?\\nMUCHIZI uusyomeka uutegwa Yoshiko wakabuzigwa majwi aayoosya. Dokotela wakamubuzya kuti wakali wasyaalilwa amyeezi miche kuti kachipona. Muchizi ooyu wakachita biyeni? Wakayeeya lugwalo ndwaakali kuyandisya, Isaya 41:10. (Bala.) Yoshiko taakakataazikana loko pe mpawo wakabuzya dokotela kuti taakali kuyoowa pe nkaambo Jehova wakamujisi kuboko. * Majwi aawumbulizya aajanika mulugwalo oolu akamugwasya muchizi ooyu kuti asyome Jehova amoyo woonse. Lugwalo oolu lulakonzya kutugwasya andiswe chiindi nitulwana amasunko. Kuti tumvwisisisye mbulukonzya kutugwasya lugwalo oolu, atulange-lange kuti nkamboonzi Leza naakabuzya Isaya kuti alembe majwi aaya.\\n2 Kumasaangunino, Jehova wakabuzya Isaya kuti alembe majwi aayo kuti awumbulizye maJuda bakali kuyootolwa mubuzike kuBbabbiloni. Jehova wakazumizya kuti majwi aaya alondolwe kutali kuti agwasye maJuda bakali mubuzike luzutu pesi akuti agwasye bakombi bakwe boonse kuzwa muchiindi eecho. (Is. 40:8; Rom. 15:4) Tulikupona ‘muzyiindi zikataazya,’ nkinkaako, tuyanda kusungwaazigwa amajwi aajanika mubbuku lyaIsaya.​—2 Tim. 3:1.\\n3. (a) Nziizili zisyomezyo zijanika muli Isaya 41:10, lugwalo lwakasalwa kuti lube lwamunyaka wamu2019? (b) Nkamboonzi nituziyanda zisyomezyo eezi?\\n3 Muchiiyo eechi, tulalanga-langa zisyomezyo zyaJehova zitatu zipa kuti tube aalusyomo lusimide zili muli Isaya 41:10: (1) Jehova unooli aandiswe, (2) nguLeza wesu akuti (3) unootugwasya. Tulaziyanda zisyomezyo * eezi nkaambo mbuuli Yoshiko, tuswaana masunko mubuumi. Alubo tulwana aamapenzi azintu zibi zichitika munyika. Bamwi bakombima balikulisimya kukupenzegwa amfulumende zili aalunya. Atulange-lange zisyomezyo eezi zitatu chimwi achimwi.\\n4. (a) Nchiichili chisyomezyo chakusaanguna nchitutalange-lange? (Langa makani aamunsi.) (b) Jehova utondeezya biyeni kuti ulaandaba andiswe? (c) Majwi aaLeza apa kuti ulimvwe biyeni?\\n4 Jehova usaanguna aachisyomezyo chakuti: “Utayoowi, nkaambo ndili ayebo.” * Jehova utondeezya kuti ulaandiswe kwiinda mukututondeezya kuti ulaandaba andiswe muzintu zyoonse. Atubone mbatondeezya kuti ulaandaba andiswe naamba kuti: ‘Wakayandika mumeso aangu, wakalemekwa alubo ndakakuyanda.’ (Is. 43:4) Taakwe chintu chikonzya kukasya Jehova kuti atatondeezyi luyando kubantu bamukomba alubo luyando lwakwe lutamani talukazungaanisigwi pe. (Is. 54:10) Luyando lwakwe abweenzuma mbutuli aabo anguwe zipa kuti tutayoowi. Unootukwabilila mbuuli mbaakakwabilila mweenzinyina Abramu (Abrahamu). Jehova wakamubuzya kuti: “Utayoowi, Abramu; ndime intobo yako.”​—Matl. 15:1.\\nKwiinda mukugwasigwa aJehova, tulakonzya kwiinda mumapenzi ngituswaana aali mbuuli milonga naakuti mulilo (Langa fuka 5-6) *\\n5, 6. (a) Tuzi biyeni kuti Jehova ulayanda kutugwasya nituli mumasunko? (b) Nchiichili chiiyo nchitujana kuzwa kuchikozyano chaYoshiko?\\n5 Tulizi kuti Jehova ulayanda kutugwasya mumasunko ngaswaana umwi awumwi nkaambo usyomezya bakombi bakwe kuti: “Ciindi noinda akati kamaanzi, njooba ayebo. Noinda akati kamilonga, tiikooyookutola. Noenda mukati kamulilo, tokooyoopya pe, amabangabanga taakooyookutenta.” (Is. 43:2) Majwi aaya ambaanzi?\\n6 Jehova tatusyomezyi kuti ulaagwisya mapenzi ngituswaana mubuumi pesi takazumizyi “milonga” yamapenzi kuti itutole naakuti masunko aali mbuuli ‘mabanga-banga aamulilo’ kuti atukachizye kumukomba amoyo woonse. Utusyomezya kuti unooli aandiswe akutugwasya kuti ‘twiinde’ mumapenzi aayo. Jehova uyoochitaanzi? Uyootugwasya kuti tutayoowi kuchitila kuti tukkale katusyomeka nikuba chiindi nitwaba muchiimo chipa kuti tufwe. (Is. 41:13) Muchizi Yoshiko waambwa kumasaangunino, wakabona kuti makani aaya ngachoonzyo. Mwana wamuchizi ooyu musimbi wakati: “Twakagamba kubona baama mbubakalyiibide. Twakabona kuti Jehova nguwe wakabapede luumuno lwamumoyo. Kusika mubuzuba mbubakafwa, baama bakali kubuzya manesi abamwi bachiswa atala Jehova azisyomezyo zyakwe.” Chikozyano chaYoshiko chituyiisyaanzi? Kuti andiswe twachisyoma chisyomezyo chaLeza chakuti “njooba ayebo,” tatukayoowi alubo tuyooba aamanguzu aakulwana masunko ngituswaana.\\n“NDIME LEZA WAKO”\\n7-8. (a) Nchiichili chisyomezyo chachibili nchitutalange-lange alubo chambaanzi? (b) Nkamboonzi Jehova naakabuzya maJuda bakali mubuzike kuti: ‘Mutakankami’? (c) Ngaali majwi aajanika muli Isaya 46:3, 4, aakagwasya bakombi baLeza kuti batayoowi?\\n7 Atumvwe chisyomezyo chachibili chijanika mubbuku lyaIsaya chakuti: “Utakankami, nkaambo ndime Leza wako.” Majwi aaya aali atala akukankama aambaanzi? Mulugwalo oolu, bbala lyachiHebbrayo lyakasandululwa kuti “utakankami,” lyaamba kucheba musule akaambo kakuyoowa chimwi chintu naakuti umwi muntu uukonzya kukuchisa naakuti kulanga-langa mumbali akaambo kakuyoowa chimwi chintu.\\n8 Nkamboonzi Jehova naakabuzizye maJuda bakali kuyooba mubuzike kuBbabbiloni kuti ‘batakankami’? Nkaambo wakalizi kuti bantu bamuchisi eecho bakali kuyooyoowa. Niinzi chakali kuyoopa kuti bayoowe? Kumamanino aaminyaka iili 70 maJuda kabali mubuzike, bantu bakuBbabbiloni bakali kuyoolwanwa amasoja bamaMede amaPersiya bakali aamanguzu. Jehova wakali kuyoobelesya masoja aaba kuti baangunune bakombi bakwe mubuzike kuBbabbiloni. (Is. 41:2-4) Chiindi bantu bakuBbabbiloni abazisi zimwi nibakabona kuti basinkondonyina bazabuza, bakeezya kusimisyania kwiinda mukubuzyania kuti: “Koyuma.” Bakalipangila baleza biingi kabayeeya kuti bakali kuyoobakwabilila. (Is. 41:5-7) Majwi aaJehova akalembedwe aaIsaya akatontozya myoyo yamaJuda nibakali mubuzike. Wakababuzizye kuti: ‘Pesi iwe, O Israyeli [kusiyana azisi zikuzyungulukide] mulanda wangu, . . . Utakankami, nkaambo ndime Leza wako.’ (Is. 41:8-10) Jehova wakaamba kuti: “Ndime Leza wako.” Kwiinda mumajwi aaya, Jehova wakali kugwasya bakombi bakwe basyomeka kuti taakabalubide pe akuti wakachili Leza wabo akuti bakachili bantu bakwe. Wakababuzya kuti: ‘Ndiyoomunyampula alubo ndiyoomuvuna.’ Majwi aaya aasungwaazya akabasimya maJuda bakali mubuzike.​—Bala Isaya 46:3, 4.\\n9-10. Nkamboonzi nituteelede kuyoowa? Amba chikozyano.\\n9 Mazubaano, bantu biingi munyika balikukataazikana kwiinda chiindi nkaambo zintu zilikwiindilila kubija. Andiswe zintu eezi zilatuchitikila. Pesi tatweelede kuyoowa zyiindilide pe. Jehova utubuzya kuti: “Ndime Leza wako.” Nkamboonzi majwi aaya naatupa kuti tukkale katutayoowi?\\n10 Atulange-lange chikozyano eechi: Jim aBen bali mundeke iilikutontwa aaguwo pati. Chiindi ndeke niyatalika kutolwa aluuwo kiitacheendi kabotu, sikweenzya ndeke wati: “Amusunge mabbanti. Mutuyabweenda lino kuli guwo.” Jim watalika kukataazikana loko. Pesi sikweenzya ndeke wayungizya kuti: “Mutakataazikani pe. Ndime ndilikwaamba.” Kuzwa waawo, Jim watikinia mutwe mpawo wati, “Ulikwaamba choonzyo na muntu ooyu?” Pesi wabona kuti Ben ulilyiibide, talikukataazikana pe. Jim wabuzya Ben kuti: “Nkamboonzi nulyiibide oobu?” Ben kalikuseka-seka wati: “Nkaambo ndilimwizi muntu ooyu ulikweenzya ndeke. NguNdeende!” Mpawo Ben wati: “Leka ndikubuzye zyiingi atala aNdeende. Ndiyeeya kuti wamuziba akuziba mbayenzya ndeke, tukooyoowa pe.”\\n11. Chikozyano chili atala aBen aJim chituyiisyaanzi?\\n11 Twiiyaanzi kuchikozyano eechi? Mbuuli Ben, tatukataazikani zyiindilide nkaambo tumuzi kabotu Taateesu uuli kujulu, Jehova. Tulizi kuti uyootugwasya kuti tulisimye kubuyumu-yumu mbutuswaana buli mbuuli guwo mumazubaano aakumamanino aabweende oobu bwazintu. (Is. 35:4) Tusyoma Jehova alubo kuchita oobo kutugwasya kuti tubatame nikuba kuti bantu biingi munyika baliyoowede. (Is. 30:15) Tuchita mbuuli Ben chiindi nitubuzya bamwi twaambo tutugwasya kuti tusyome Leza. Kuchita oobo kuyoopa kuti ambabo basyome kuti Jehova unoobagwasya kumasunko woonse ngibaswaana.\\n“NJOOKUYUMYA, [ALUBO] NJOOKUGWASYA”\\n12. (a) Nchiichili chisyomezyo chachitatu nchitutalange-lange? (b) Majwi aakuti “kuboko” kwaJehova atuyeezyaanzi?\\n12 Atulange-lange chisyomezyo chachitatu chijanika muli Isaya chakuti: “Njookuyumya, njookugwasya.” Isaya wakali wapandulula kale nzila Jehova mbaakali kuyoobasimya bantu bakwe naakati: “Jehova uleza anguzu. Kuboko kwakwe nkokumweendelezezya.” (Is. 40:10) Chiindi chiingi, Bbayibbele libelesya bbala lyakuti “kuboko” kutondeezya manguzu. Nkinkaako, majwi aakuti: “Kuboko kwakwe nkokumweendelezezya” atuyeezya kuti Jehova, Mwaami ulaamanguzu. Wakabelesya manguzu aakwe miingi kugwasya akukwabilila bakombi bakwe bachiindi alubo mazubaano ulikwiinkilila kunembo kasimya akukwabilila bakombi bakwe bamusyoma.​—Dt. 1:30, 31; Is. 43:10.\\nTaakwe chilwanisyo chiyoozwidilila kulwana kuboko kwaJehova kutukwabilila kuli aamanguzu (Langa fuka 12-16) *\\n13. (a) Ndiilili loko Jehova natusyomezya kuti uyootusimya? (b) Ngaali malayilile Jehova ngatupa aapa kuti tulisimye akuti tube aalusyomo?\\n13 Kapati chiindi basinkondoma nibatupenzya, Jehova utusyomezya kuti ulachizuzikizya chisyomezyo chakwe chakuti: “Njookuyumya.” Muli zimwi zisi mazubaano, basikutukazya balikubeleka changuzu kuti bakasye mulimu wesu wakukambawuka naakuti kukasya mbunga yesu. Nikuba boobo, tatukataazikani zyiindilide pe. Jehova utupa malayilile aatugwasya kuti tulisimye akuti tube aalusyomo. Utusyomezya kuti: ‘Taakwe chilwanisyo chipangilwa kulwana nduwe chiyoozwidilila.’ (Is. 54:17, NW) Majwi aaya atuyeezya twaambo tutatu tuyandikana loko.\\n14. Nkamboonzi nitutagambi kuti basinkondonyina baLeza balatulwana?\\n14 Kaambo kakusaanguna nkakuti, mbutuli batobeli baKristu, tulangilila kuti bantu banootuzonda. (Mt. 10:22) Jesu wakaambilizya kuti basikwiiya bakwe bakali kuyoopenzegwa zyiindilide kumazuba aakumamanino. (Mt. 24:9; Joh. 15:20) Kaambo kachibili nkakuti, businsimi bwaIsaya bwakaamba kuti basinkondoma bayootuchitila zyiingi kutali kutuzonda luzutu nkaambo bayoobelesya zilwanisyo zisiyene-siyene kutulwana. Zilwanisyo eezyo ziswaanizya, kwaamba makani aakubeja kabayanda kuti bantu baasyome, kutubejelezya akutupenzya chalunya. (Mt. 5:11, NW) Jehova takabakasyi pe basinkondoma kuti babelesye zibelesyo zyabo kutulwana. (Ef. 6:12; Ciy. 12:17) Pesi tatweelede kuyoowa pe. Nkamboonzi?\\n15-16. (a) Nkaakali kaambo kachitatu nkitweelede kuyeeya alubo majwi aali muli Isaya 25:4, 5 ayendelana biyeni akaambo aaka? (b) Majwi aali muli Isaya 41:11, 12, apandulula kuti niinzi ziyoochitikila bantu batulwana?\\n15 Atulange-lange kaambo kachitatu nkitweelede kuyeeya. Jehova wakati ‘Taakwe chilwanisyo’ chibelesegwa kulwana ndiswe ‘chiyoozwidilila.’ Mbuuli muduli mbuutukwabilila kumvula ilaaguwo pati, Jehova ulatukwabilila ‘kubukali bwabantu balaalunya.’ (Bala Isaya 25:4, 5.) Basinkondoma tabakazwidilili pe kutunyonyoona chakumaninina.​—Is. 65:17.\\n16 Kuyungizya waawo, Jehova ulalusimya lusyomo lwesu kwiinda mukutupandulwida mpindu nzibabambilidwe bantu ‘batunyemena.’ (Bala Isaya 41:11, 12.) Nikuba kuti basinkondoma beezya biyeni kutulwana naakuti nkondo yayuma biyeni, mpindu njibayoojana njimwi biyo: Basinkondonyina babantu baLeza “bayooba cintu buyo, bayoonyonyooka.”\\nMBUTUKONZYA KUSYOMA JEHOVA AMOYO WOONSE\\nTulakonzya kusyoma Jehova amoyo woonse kwiinda mukubala makani aali atala anguwe muBbayibbele chiindi choonse (Langa fuka 17-18) *\\n17-18. (a) Kubala Bbayibbele kutugwasya biyeni kuti tusyome Leza? Amba chikozyano. (b) Kutugwasya biyeni kuyeeyesesya atala alugwalo lwamunyaka wamu2019?\\n17 Tulakonzya kusyoma Jehova amoyo woonse kwiinda mukumuziba kabotu. Nzila iimwi luzutu njitukonzya kumuziba kabotu Leza, nkubala Bbayibbele akuyeeyesesya nzitwali kubala. Bbayibbele lili aamakani aachoonzyo aatondeezya Jehova mbaakakwabilila bakombi bakwe bachiindi. Makani aaya apa kuti tube aachoonzyo chakuti unootukwabilila.\\n18 Atulange-lange chikozyano chibotu Isaya nchaakabelesya naakali kupandulula Jehova mbatukwabilila. Wakati Jehova, mweembezi mpawo bakombi bakwe nimbelele. Isaya wakati Jehova: “Ulabunganya twana [twambelele] akuboko kwakwe, ulatukumbatila akaango kakwe.” (Is. 40:11) Chiindi nitubona nzila Jehova mbatukumbatila amaboko aakwe, tulimvwa katukwabilidwe alubo katulyiibide. Kuti tukkale katubateme chiindi nituli mumapenzi, muzike uuchenjede alubo uusyomeka wakasala Isaya 41:10 yaamba kuti “Utakankami, nkaambo ndime Leza wako,” kuti lube lugwalo lwamunyaka wamu2019. Yeeyesesya atala amajwi aaya aasungwaazya. Ayookusimya waakuswaana mapenzi kunembo.\\nMAJWI AATOBELA JEHOVA NGAAKATUSYOMEZYA ATUSIMYA BIYENI?\\n“Ndime Leza wako.”\\n“Njookuyumya [alubo] njookugwasya.”\\nLWIIMBO 38 Uyoomuyumya\\n^ par 5 Lugwalo lwakasalwa kuti lube lwamunyaka wamu2019 lulaatwaambo tutatu tutugwasya kuti tukkale katubateme nikuba zintu zibi nizyachitika munyika naakuti mubuumi bwesu. Muchiiyo eechi, tulalanga-langa twaambo ootu mbututugwasya kuti tutakataazikani loko akuti tusyome Jehova. Yeeyesesya atala alugwalo lwamunyaka. Luzibe amutwe kuti kukonzya. Kuchita oobo kuyookugwasya kuti ulisimye kubuyumu-yumu mbuyooswaana kunembo.\\n^ par 1 Langa Ngaziyakulinda yaChikuwa yamuJuly 2016, peji 18.\\n^ par 3 BUPANDULUZI BWAMABALA: Chisyomezyo makani aachoonzyo aatondeezya kuti chimwi chintu chizoochitika nikuba kuti kwaba biyeni. Zisyomezyo Jehova nzyatupa zitugwasya kuti tutakataazikani loko atala abuyumu-yumu mbutuswaana mubuumi.\\n^ par 4 Bbala lyakuti “Utayoowi” lyaambidwe tutatu muli Isaya 41:10, 13, 14. Mumavesi aaya, kubelesedwe mabala aakuti “ndime” aliti “mebo” (kwaamba Jehova). Nkamboonzi Jehova naakazulwida Isaya kuti abelesye mabala aaya kwaziindi zyiingi? Wakachitila kuti atondeezye kuti tulakonzya kukuzunda kuyoowa kuti twamusyoma amoyo woonse.\\n^ par 52 BUPANDULUZI BWAZIFANIKISYO: Bamumpuli balikuswaana masunko kumulimu, kuchiswa, kukukambawuka akuchikolo.\\n^ par 54 BUPANDULUZI BWAZIFANIKISYO: Bakamboni balikuchita muswaangano chakusisikizya mung’anda mpawo bajatwa amapulisa pesi tabayoowede pe.\\n^ par 56 BUPANDULUZI BWAZIFANIKISYO: Kukomba kwaMpuli kuchitwa chiindi choonse kutugwasya kuti tulisimye.","num_words":1568,"character_repetition_ratio":0.053,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Tempele Ndyaakabona Ezekieli Mucilengaano Lyaamba nzi?\\n“Kobapandulwida Mbolibede Tempele”\\nMAKANI AALI MUCIBALO: Ncocaamba cilengaano catempele lyeebeka ndyaakabona Ezekieli\\n1-3. (a) Nkaambo nzi ncokweelede kuti Ezekieli wakaumbulizyigwa acilengaano cijatikizya tempele lyeebeka lyakajisi bumpiyo-mpiyo? (Amubone cifwanikiso icili kumatalikilo aacibalo.) (b) Ncinzi ncotutiilange-lange mucibalo eeci?\\nAMWEEZYEEZYE Ezekieli naakajisi myaka yakuzyalwa iili 50. Wakali kukonzya kuyeeya myaka iili 25 musyule njaakakkala kali mubuzike. Kwakaindide ciindi cilamfwu kuzwa ciindi tempele lyamu Jerusalemu nolyakanyonyoonwa. Ikuti naa Ezekieli kuli naakali kweezyeezya kuti inga wabeleka kali mupaizi mu Jerusalemu, aciindi eeci wakalizyi kuti tiicakali kukonzyeka. Kwakeelede kwiinda myaka iimbi iibalilwa ku 56 kuti buzike bumane, aboobo Ezekieli wakalizyi kuti tiicakali kulangilwa kuti inga wapona kwaciindi cilamfwu boobu kutegwa abone bantu ba Jehova kababukulusyigwa kumunzi wabo, kwaambisya kubona tempele kaliyakululwa. (Jer. 25:11) Sena mizeezo iili boobo yakali kumupa kuusa?\\n2 Eelo kaka lwakali luzyalo lwa Jehova kubelesya ciindi eeci kupa Ezekieli cilengaano cipati kapati, cilengaano icakagwasya mwaalumi ooyo uusyomeka kujana luumbulizyo alimwi abulangizi! Kwiinda mucilengaano eeco, musinsimi wakatolwa kucisi cokwabo akwiimikwa atala aacilundu cilamfwu kapati. Kali acilundu cilamfwu, wakaswaangana ‘amuntu iwakali kulibonya mbuli mukuba.’ Muntu ooyo iwakali kulibonya mbuli mungelo wakamweenzyeezya Ezekieli kabotu-kabotu kuzunguluka tempele lyeebeka ilyakajisi bumpiyompiyo. (Amubale Ezekieli 40:1-4.) Cakali kulibonya mbuli kuti ncintu cicitika ncobeni! Kuli Ezekieli, cintu eeci icakacitika kweelede kuti cakali kuyumya lusyomo, kugambya ambweni alimwi akunyonganya asyoonto. Nokuba kuti tempele ndyaakabona lyakajisi zibeela zinji nzyaakazyi, pele alimwi lyakaliindene kapati aleelyo ndyaakazyi kaindi ilyakali mu Jerusalemu.\\n3 Cilengaano eeci cikkomanisya ncecipandululwa muzyaandaano zyamamanino izili fwuka zyabbuku lya Ezekieli. Lino atubandike muuya ngotweelede kuba anguwo ciindi notulanga-langa cilengaano eeci alimwi anotusola kumvwa ncocaamba. Mpoonya tulalanga-langa naa ncaakabona Ezekieli lyakali tempele lipati lyakumuuya mwaapostolo Paulo ndyaakaamba nokwakakainda myaanda yamyaka. Kumamanino, tulalanga-langa ncocakali kwaamba cilengaano kuli Ezekieli alimwi akubaangenyina.\\nMbociyandika Kubelesya Nzila Iimbi\\n4. Kujatikizya cilengaano catempele, ino mbuti mbocakali kupandululwa kaindi, pele ino ncinzi ciyandika lino?\\n4 Kaindi, mabbuku eesu akali kwaamba kuti Ezekieli wakabona tempele lya Jehova lipati lyakumuuya, eelyo mwaapostolo Paulo ndyaakasololelwa amuuya kulemba mulugwalo lwakwe kubana Hebrayo. * Kwiinda mubupanduluzi oobo, cakali kulibonya kuti cileelela ikuzyaaamba munzila yacikozyanyo naa ncoziiminina zintu zinji izili mucilengaano catempele ca Ezekieli, kubelesya bupanduluzi bwa Paulo bwatente lyakukombela kuba aakutalikila. Nokuba boobo, ikucilanga-langa cakusinizya alimwi akuzinzibala kuyeeya kutondezya kuti kuyandika nzila nguba-uba yakupandulula cilengaano catempele ca Ezekieli.\\n5, 6. (a) Mbuti mwaapostolo Paulo mbwaakatondezya kulicesya naakali kupandulula tente lyakukombela? (b) Ncinzi ncaakaamba Paulo kujatikizya bumpiyompiyo bumwi bwatente lyakukombela, alimwi ino mbuti andiswe mbotukonzya kuubelesya muzeezo wakwe ikumvwisya cilengaano catempele ca Ezekieli?\\n5 Ncabusongo ikubona kuti tatuyandauli ncobwaamba businsimi naa zikozyanyo muzintu zyoonse izili mutempele lyamucilengaano ca Ezekieli. Nkaambo nzi? Atulange-lange cikozyanyo cikkomanisya. Ciindi Paulo naakali kwaamba kujatikizya tente lyakukombela alimwi atempele lyakumuuya, wakabwaamba bumpiyompiyo ibwakali mutente lyakukombela, mbuli cakutentela tununkilizyo cangolida, cakavwumbide bbokesi, alimwi akabiya kangolida kakajisi mana. Sena wakapa bupanduluzi bwabusinsimi kubumpiyompiyo oobu? Cakutadooneka, muuya uusalala tiiwakamusololela kucita oobo. Muciindi caboobo, Paulo wakalemba kuti: “Lino tacili ciindi cakubandika bumpiyompiyo boonse bwazintu eezyi pe.” (Heb. 9:4, 5) Paulo wakalilibambilide kutobela busolozi bwamuuya uusalala alimwi akulindila Jehova cakulicesya.—Heb. 9:8.\\n6 Tulakonzya kubona cilengaano catempele ca Ezekieli munzila iikozyenye. Acalo cilijisi bumpiyompiyo bunji. Alimwi cilibonya kuti cileelela kapati kulindila Jehova kusalazya twaambo ikuti naa kwayandika kucita oobo. (Amubale Mika 7:7.) Pele, sena tweelede kufwambaana kwaamba kuti muuya wa Jehova kunyina nowamunikila kucilengaano eeci? Peepe!\\nSena Ezekieli Wakabona Tempele Lipati Lyakumuuya?\\nTUBBOKESI TWAKUYIISYA 13A: Matempele Aayindene, Ziiyo Ziindene\\n7, 8. (a) Ino nkucinca kuli buti mukumvwisya ikwaba lino? (b) Mbuti tempele lyamucilengaano mbolyakaindene atempele lyakumuuya ndyaakapandulula Paulo?\\n7 Mbubwenya mbokwaambwa kale, kwamyaka minji mabbuku eesu kwaciindi cilamfwu ali kwaamba kuti Ezekieli wakabona tempele lya Jehova lipati lyakumuuya, eelyo Paulo ndyaakasololelwa amuuya kulemba mulugwalo lwakwe kubana Hebrayo. Nokuba boobo, buvwuntauzi bumbi bwatusololela ikwaamba kuti Ezekieli tanaakalibona tempele lipati lyakumuuya. Ino nkaambo nzi?\\n8 Kaambo kakusaanguna, tempele ndyaakabona Ezekieli talyeendelani abupanduluzi bwa Paulo bwakasololelwa amuuya. Amubone kaambo aaka: Mwaapostolo Paulo wakacisalazya kuti tente lyakukombela lyakuciindi ca Musa lyakali cimvwule buyo alimwi lyakali kwaamba cintu cimwi cipati. Tente lyakukombela, mbubwenya mbuli tempele lya Solomoni alya Zerubabeli, alo aakabambidwe munzila iikozyenye, akali kubikkilizya akaanda ikakali kwiitwa kuti “Busena Busalalisya.” Paulo wakaita kaanda aako kuti “busena busalala bwakabambwa amaanza aabantu,” kupandulula kuti bwakali “cikozyanyo buyo cazintu zini-zini,” ikutali busena bwini kubugama. Ino zintu zini-zini cakali cinzi? Paulo wakapandulula kuti: “Kujulu kwini buya.” (Heb. 9:3, 24) Sena ndijulu ndyaakabona Ezekieli? Peepe. Cilengaano ca Ezekieli tacitondezyi kuti wakali kubona zintu zyakujulu.​—Amweezyanisye a Daniele 7:9, 10, 13, 14.\\n9, 10. Caboola kuzituuzyo, ino mbuti tempele lyamucilengaano ca Ezekieli mboliindene atempele lipati lyakumuuya ndyaakapandulula Paulo?\\n9 Acimwi icitondezya kwiindana kupati kuliko akati kacilengaano ca Ezekieli alimwi abupanduluzi bwa Paulo cibikkilizya zituuzyo. Ezekieli wakamvwa malailile manji aajatikizya kupa zituuzyo kaapegwa kubantu, kubasilutwe alimwi akubapaizi. Bakeelede kupa zituuzyo akaambo kazibi zyabo. Alimwi bakeelede kupa zipaizyo zyalumvwano, eezyo zilibonya kuti bakali kuzilya mumaanda aakulida aamutempele. (Ezk. 43:18, 19; 44:11, 15, 27; 45:15-20, 22-25) Sena zituuzyo eezyi izyakali kupegwa cakwiinduluka-induluka zilatuulwa mutempele lipati lyakumuuya?\\nTempele lyamucilengaano ca Ezekieli talili tempele lipati lyakumuuya\\n10 Bwiinguzi bulasalala alimwi tabukatazyi. Paulo wakaamba kuti: “Kristo naakaboola kali mupaizi mupati wazintu zibotu izicitikide kale, wakainda mutente lipati alimwi lilondokede kwiinda leelyo lyakayakwa amaanza aabantu, nkokuti, litali lyazilenge zyaansi aano pe. Wakanjila mubusena busalala, ikutali abulowa bwampongo abwabapoho bacili bana, pele wakanjila abulowa bwakwe mwini iciindi comwe buyo akutujanina lufwutuko lutamani.” (Heb. 9:11, 12) Aboobo mutempele lipati lyakumuuya, cituuzyo comwe buyo ncocakapegwa, mane kukabe kutamani. Ncituuzyo cacinunuzyo, alimwi cakapegwa a Mupaizi Mupati kumugama, Jesu Kristo. Cakutadooneka, tempele lyamucilengaano ca Ezekieli antoomwe azituuzyo zinji zyancico zyampongo abapoho tiilyakali tempele lipati lyakumuuya.\\n11. Mumazuba aa Ezekieli, ino nkaambo nzi ncocatakali ciindi cakuti Leza ayubunune kasimpe kujatikizya tempele lipati lyakumuuya?\\n11 Eeco citusololela kukaambo kabili Ezekieli ncaatakali kukonzya kulibona tempele lipati lyakumuuya: Tiicakaningasika ciindi cakuti Leza ayubunune kasimpe kali boobo. Amuyeeye kuti cilengaano ca Ezekieli kusaanguna cakaambwa kuba Juda ibakali mubuzike mu Babuloni. Bakali kweendelezyegwa a Mulawo wa Musa. Mbobwakali kuyoomanina buyo buzike, bakeelede kujokela ku Jerusalemu mpoonya akuubelesya Mulawo ooyo kujatikizya bukombi busalala kwiinda mukuyakulula tempele acipaililo candilyo. Mpoonya bakeelede kuzumanana kupa zipaizyo okuya, alimwi bakacita oobo kwamyaanda yamyaka iitandila kucisambomwe. Amuciyeeyele buyo mbobakali kukonzya kujatikizyigwa ba Juda ikuti cilengaano ca Ezekieli nocakabatondezya tempele lyakumuuya, lyalo mupaizi mupati mwaakaaba buumi bwakwe kacili cituuzyo, mpoonya zituuzyo zimbi zyoonse zyakazikulesyegwa! Ino mbuti mbobakali kukonzya kucimvwisya cilengaano cili boobo? Sena nocakapa kuti makanze aabo aakutobela Mulawo wa Musa amane? Mbuli lyoonse, Jehova ulayubununa kasimpe lelikke casika ciindi ceelede alimwi aciindi bantu bakwe nobalibambilide.\\n12-14. Ino nkweendelana kuli buti kuliko akati katempele ndyaakabona Ezekieli alimwi abupanduluzi bwa Paulo bwatempele lyakumuuya? (Amubone kabbokesi kakuti “Matempele Aayiindene, Ziiyo Ziindene.”)\\n12 Aboobo, ino nkweendelana kuli buti kuliko akati katempele lyamucilengaano ca Ezekieli alimwi abupanduluzi bwa Paulo bwatempele lyakumuuya? Amuyeeye kuti bupanduluzi bwa Paulo tiibwakayeeme aatempele lyamucilengaano ca Ezekieli; muciindi caboobo, bwakayeeme aatente lyakukombela lyamumazuba aa Musa. Masimpe kuti Paulo wakaamba zibeela zili mbozibede zyalo izyakali kujanika mutempele lya Solomoni alya Zerubabeli alimwi izyakaliko amutempele lyamucilengaano ca Ezekieli. Aboobo, inga twaamba kuti akati ka Ezekieli alimwi a Paulo, umwi aumwi wakabikkila maano kumbazu yiindene mukulemba kwabo. * Muciindi cakupandulula cintu comwe, nzyobakalemba zilagwasyanya. Munzila nzi?\\n13 Tulakonzya kuyeeya kweendelana kuliko akati kazibalo zyobilo zyamu Bbaibbele munzila eeyi: Kuli Paulo, twiiya kujatikizya bubambe bwa Jehova bwakukomba, pele kuli Ezekieli, twiiya kujatikizya zyeelelo zyakukomba zya Jehova. Kutegwa atuyiisye kujatikizya bubambe bwabukombi busalala bwa Jehova, Paulo wakaamba ncozyaamba zibeela zyatempele lyakumuuya mbuli mupaizi mupati, zituuzyo, cipaililo alimwi a Busena Busalalisya. Pele kutegwa zyeelelo zya Jehova zisumpukide zyabukombi busalala zikankaizyigwe, tempele lyamucilengaano ca Ezekieli litupa kubona bumpiyompiyo mbotutakonzyi kuluba bwalo ibutugwasya kwiiya zinji kujatikizya zyeelelo zya Jehova.\\n14 Aboobo, ino kucinca mukumvwisya kwesu kwaamba nzi kulindiswe? Tacaambi kuti cilengaano ca Ezekieli tacitugwasyi kapati mazuba aano. Ikutegwa tubone mbocitugwasya cilengaano, atubikkile maano kapati kubona mbocakabagwasya ba Juda basyomeka mumazuba aa Ezekieli alimwi akumbele.\\nIno Cilengaano Cakali Kwaamba nzi Kuba Juda Baange?\\n15. (a) Ino mulumbe nzi wabusinsimi iwakali mucilengaano ca Ezekieli? (b) Ino nkwiindana kuli buti nkotujana akati kacaandaano 8 cabbuku lya Ezekieli alimwi azyaandaano 40 kusikila ku 48 zyabbuku lya Ezekieli?\\n15 Kutegwa tujane bwiinguzi bwamu Bbaibbele kumubuzyo ooyu, atulange-lange mibuzyo iikozyene iiccililene iiyootugwasya kubona icini ncocaamba. Wakusaanguna, ino mulumbe nzi wabusinsimi iwakali mucilengaano? Mubufwaafwi, mulumbe wakali wakuti bukombi busalala bwakali kuyoobukulusyigwa! Cakutadooneka eeci cakalisalede kuli Ezekieli. Wakalilembede kale mulumbe ooyu lino uuli mucaandaano 8 cabbuku lya Ezekieli, mwalo Jehova mwaakatondezya ciimo cisesemya molyakabede tempele mu Jerusalemu. Alimwi kweelede kuti Ezekieli wakalikkomene kulemba zinji kujatikizya kwiindana kukkomanisya, lino ikujanika muzyaandano 40 kusikila ku 48. Aawa tubona bukombi busalala ibutajisi busofwaazi buli boonse. Bukombi busalala oobu buleendelana acikozyanyo cibotu cakukomba Jehova kweelana a Mulawo wa Musa.\\n16. Mbuti tempele lyamucilengaano ca Ezekieli mbolisinizya ncaakasinsima Isaya kakucili myaka iinda kumwaanda?\\n16 Kutegwa bukombi bwa Jehova bubukulusyigwe kweelana ambobweelede kuba, bwakeelede kusumpulwa. Kakucili myaka iinda kumwaanda, musinsimi Isaya wakasololelwa amuuya kulemba kuti: “Kumamanino aamazuba aayo, cilundu caŋanda ya Jehova ciyakwiimikwa nji kwiindilila atala eeni aamalundu, alimwi ciyoosumpulwa kwiinda tulundu-lundu toonse.” (Is. 2:2) Isaya wakabonena limwi kuti bukombi busalala bwakali kuyoobukulusyigwa alimwi akusumpulwa, mbuli kuti buli atala aatulundu toonse. Pele lino, ino mpaali mpaakabede Ezekieli mucilengaano eeci icakazwa kuli Leza? Wakali “acilundu cilamfwu kapati,” kalanga ŋanda ya Jehova! (Ezk. 40:2) Aboobo, cilengaano ca Ezekieli cakasinizya kuti bukombi busalala bwakali kuyoobukulusyigwa.\\nTempele ndyaakabona Ezekieli lyakali aacilundu, busena busumpukide (Amubone muncali 16)\\n17. Amwaambe mubufwaafwi izili muzyaandaano 40 kusikila ku 48 zyabbuku lya Ezekieli.\\n17 Atulange-lange mubufwaafwi kujatikizya Ezekieli ncaakabona akumvwa, kweelana ambokulembedwe muzyaandaano 40 kusikila ku 48 zyabbuku lya Ezekieli. Wakali kulangilila ciindi mungelo naakali kupima milyango, bwaanda, lubuwa, alimwi abusena busalala bwatempele. (Ezk. 40-42) Mpoonya kwakacitika cintu cikkomanisya: Kusika kwabulemu bwa Jehova atempele! Jehova wakapa lulayo kubantu bakwe ibakazangide, kubapaizi alimwi akuli basilutwe. (Ezk. 43:1-12; 44:10-31; 45:9-12) Ezekieli wakabona mulonga kaukunka kuzwa mubusena busalala, wakaleta buumi azilongezyo nowakakunkila mu Lwizi Lutajisi Buumi. (Ezk. 47:1-12) Alimwi wakabona nyika kwiigama kayaabanizyigwa muzibeela-beela zigaminide, bukombi busalala bwakali kucitilwa mucibeela cili kufwaafwi aakati kanyika. (Ezk. 45:1-8; 47:13–48:35) Ino cakali kwaamba nzi? Cakutadooneka, Jehova wakali kusyomezya bantu bakwe kuti bukombi busalala bwakali kuyoobukulusyigwa akusumpulwa. Wakali kuyooyilongezya ŋanda yakwe yakukombela kwiinda mukuba mulinjiyo, alimwi wakali kuyoopa kuti zilongezyo zikunke kuzwa kububambe oobu bwakukomba, ikuleta kuponesyegwa, buumi, alimwi akuti zintu kazyeenda cakuccililana munyika iibukulusyidwe.\\nTempele ndyaakabona Ezekieli lyakatondezya mbwaakali kuyoobukulusya bukombi busalala Jehova (Amubone muncali 17)\\n18. Sena tempele lyamucilengaano lyakeelede kubonwa kuti ncintu cini-cini cakacitika ncobeni? Amupandulule.\\n18 Wabili, sena cilengaano cakeelede kubonwa kuti ncintu cini-cini cakacitika ncobeni? Peepe. Ezekieli alimwi abaangenyina aabo mbaakaambila cilengaano cakwe masimpe kweelede kuti bakabona mpoonya-mpoonya kuti tiibakeelede kucibona kuti ncintu cini-cini icakacitika ncobeni. Ino nkaambo nzi? Amuyeeye kuti Ezekieli wakabona tempele eeli “acilundu cilamfwu kapati.” Nokuba kuti eeco cakeendelana kabotu-kabotu abusinsimi bwa Isaya, tiicakali kweendelana abusena bugaminide bwatempele. Tempele lya Solomoni lyakali aa Cilundu ca Moriya mu Jerusalemu alimwi mpaabusena oobo mpolyakali kuyooyakilwa kumbele. Pele sena busena oobo bwakali “cilundu cilamfwu kapati”? Peepe. Alimwi buya, Cilundu ca Moriya cizingulukidwe amalundu aambi aayelene ancico kulampa naa kwiinda waawo. Kuyungizya waawo, busena boonse bwatempele ndyaakabona Ezekieli bwakali bupati kapati. Tempele eeli kalijisi amunyinza mupati iwakayakilidwe bwaanda, lyakali lipati cakuti tiilyakali kukonzya kukkwana atala lya Cilundu ca Moriya. Alimwi buya tiilyakali kukonzya kukkwana nokuba kusika moomo imwakali kugolela munyinza wamunzi wa Jerusalemu kuciindi ca Solomoni. Kunze lyaboobo, masimpe baange tiibakali kulangila kuti mulonga kuugama ulakonzya kukunka kuzwa mutempele alimwi akukunkila mu Lwizi Lutajisi Buumi, ooko nkowakali kuyooponya maanzi aayo aatakajisi buumi. Kaambo kamamanino nkakuti, mu Nyika Yakasyomezyedwe eeyo yamalundu, tiicakali kukonzyeka kwaapaula minyinza kabotu-kabotu akati kamisyobo kweelana ambokutondezyedwe mucilengaano. Aboobo cilengaano eeci taceelede kubonwa kuti ncintu cini-cini icakacitika ncobeni.\\n19-21. Ino Jehova wakali kuyanda kuti cilengaano ca Ezekieli cibape kulimvwa buti bantu, alimwi ino nkaambo nzi ncocakali kukonzya kubapa kulimvwa boobo?\\n19 Watatu, ino cilengaano cakeelede kubajatikizya buti bantu bamumazuba aa Ezekieli? Ciindi nobakali kuyeeya zyeelelo zisumpukide zyabukombi busalala zya Jehova, bantu bakeelede kufwa nsoni. Jehova wakaambila Ezekieli kuti ‘abapandulwide mbolibede tempele bamuŋanda ya Israyeli.’ Bupanduluzi bwa Ezekieli bwatempele eeli bwakeelede kusalala cakuti bana Israyeli mane buya bakeelede “kulanga-langa mbolibambidwe.” Ino nkaambo nzi bantu ncobakeelede kuzinzibala kuyeeya kujatikizya tempele eelyo? Mbubwenya mbotwabona, tiibakeelede kucita oobo akaambo kakuyanda kuliyaka. Muciindi caboobo, kaambo nkakuti, kweelana a Jehova mbwaakaambide kuti, “kutegwa bafwe nsoni akaambo kazinyonyoono zyabo.”—Amubale Ezekieli 43:10-12.\\n20 Ino nkaambo nzi cilengaano eeci ncocakali kukonzya kwaajatikizya manjezyeezya aabantu babombe myoyo akubapa kumvwa nsoni? Amubone majwi ngaakaambilwa Ezekieli aakuti: “Omwanaamuntu, kobikkila maano, kolangisisya, alimwi koswiililisya zintu zyoonse nzyetiikwaambile kujatikizya malailile amilawo yatempele lya Jehova.” (Ezk. 44:5) Cakwiinduluka-induluka, Ezekieli wakamvwa kujatikizya malailile alimwi amilawo. (Ezk. 43:11, 12; 44:24; 46:14) Kanji-kanji Ezekieli awalo wakali kuyeezyegwa kujatikizya zyeelelo zya Jehova, noziba zipimyo zyabulamfwu bwakakokola ziluzi alimwi amabwe aakupimya aali kabotu. (Ezk. 40:5; 45:10-12; amweezyanisye Tusimpi 16:11.) Kayi, kwaziindi ziinda ku 50 mucilengaano eeci comwe, Ezekieli wakalemba mabala aamumwaambo wakusaanguna aamba “kupima” alimwi ‘aceelekelo’ amabala aambi aali mbuli yaaya!\\n21 Ino Jehova wakali kubaambila nzi bantu bakwe naakali kubelesya mabala aakuti ceelekelo, mabwe aakupimya, milawo alimwi amalailile? Kulibonya kuti wakali kubayeezya cakukankaizya, kujatikizya kasimpe aaka kayandika kakuti: Jehova alikke nguweelede kubikka zyeelelo zyabukombi busalala. Aabo ibakaleya kuzyeelelo eezyo bakeelede kufwa nsoni. Aboobo, muunzila nzi cilengaano mocakayiisya ba Juda ziiyo izili boobo? Mucibalo citobela, tuyoolanga-langa zikozyanyo zimwi zigaminide. Kucita boobo kuyootugwasya kubona kabotu-kabotu cilengaano eeci cilibedelede ncocaamba kulindiswe mazuba aano.\\nIno nkaambo nzi cilengaano catempele ncocakali kukonzya kupa kuti bantu babombe myoyo bamvwe nsoni? (Amubone muncali 19-21)\\n^ munc. 4 Tempele lyakumuuya mbubambe bwa Jehova bwabukombi busalala ibuyeeme acituuzyo cacinunuzyo ca Jesu Kristo. Tulizyi kuti lyakatalika mu 29 C.E.\\n^ munc. 12 Mucikozyanyo, Paulo wakabikkila kapati maano kumupaizi mupati amulimo wakwe mu Buzuba Bwakumanya Milandu. (Heb. 2:17; 3:1; 4:14-16; 5:1-10; 7:1-17, 26-28; 8:1-6; 9:6-28) Pele mucilengaano ca Ezekieli, mupaizi mupati kunyina naambwa nobuba Buzuba Bwakumanya Milandu.\\nIno ninzila nzi nguba-uba njotuyanda kubelesya ciindi notubandika tempele lyamucilengaano ca Ezekieli?\\nIno nkaambo nzi ncotutacaambi limbi kuti Ezekieli wakabona tempele lipati lyakumuuya eelyo mwaapostolo Paulo ndyaakapandulula mukuya kwaciindi?\\nKujatikizya Ezekieli alimwi abaangenyina, ino mulumbe nzi wabusinsimi iwakaliko kujatikizya cilengaano catempele?","num_words":2155,"character_repetition_ratio":0.087,"word_repetition_ratio":0.001,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Johane 9 | Bbaibbele lili a Intaneti | Bbaibbele lya Busanduluzi Bwanyika Mpya\\nJesu waponya muntu wakazyalwa kali moofwu (1-12)\\nBa Farisi bamubuzya muntu wakaponesyegwa (13-34)\\nBoofwu bwaba Farisi (35-41)\\n9 Lino naakali kuyaabweenda, wakabona muntu wakali moofwu kuzwa naakazyalwa. 2 Mpoonya basikwiiya bakwe bakamubuzya kuti: “Rabbi,+ ino nguni wakacita cibi kutegwa azyalwe kali moofwu, sena muntu ooyu naa mbazyali bakwe?” 3 Jesu wakaingula kuti: “Tali muntu ooyu wakacita cibi nobaba bazyali bakwe pe, pele nkutegwa milimo ya Leza itondezyegwe mulinguwe.+ 4 Tweelede kubeleka milimo yayooyo wakandituma nolicili syikati;+ ibusiku bulaboola muntu uuli woonse natakonzyi kubeleka. 5 Kufwumbwa kuti kandili munyika, ndili mumuni wanyika.”+ 6 Naakamana kwaamba majwi aaya, wakaswida mate ansi akukanda bulongo amate aakwe, mpoonya wakananika bulongo oobo mumeso aamuntu ooyo+ 7 akumwaambila kuti: “Koya ukasambe muzyiba lya Siloamu” (ibbala lisandululwa kuti “Kutumwa”). Mpoonya wakaunka kuyoosamba, eelyo wakapiluka kabona.+ 8 Mpoonya basimukobonyina abaabo ibakali kumubona kali sikulomba bakatalika kwaamba kuti: “Sena ooyu tali ngomuntu uulya iwakali kukkala kalombelela?” 9 Bamwi bakali kwaamba kuti: “Ngonguwe.” Ibambi bakali kwaamba kuti: “Talinguwe pe, pele bakozyanya buyo.” Walo wakali kwaamba kuti: “Ndendime.” 10 Eelyo bakamubuzya kuti: “Ino meso aako akajaluka buti?” 11 Wakaingula kuti: “Imuntu uutegwa Jesu wakakanda bulongo akundinanika mumeso akundaambila kuti, ‘Koya ku Siloamu ukasambe.’+ Mpoonya ndakaunka kuyoosamba, eelyo ndakatalika kubona.” 12 Nobakamvwa boobo, bakati kulinguwe: “Uli kuli muntu ooyo?” Wakati: “Tandizyi.” 13 Imuntu ooyu iwakali moofwu musyule bakamutola kuba Farisi. 14 Lino ibuzuba oobo Jesu mbwaakakanda bulongo akujalula meso+ aakwe bwakali buzuba bwa Sabata.+ 15 Aboobo aciindi aawa abalo ba Farisi bakatalika kumubuzya mbwaakatalika kubona. Wakabaambila kuti: “Wakandinanika bulongo mumeso, mpoonya ndakasamba eelyo ndakatalika kubona.” 16 Ba Farisi bamwi bakatalika kwaamba kuti: “Ooyu tali muntu uuzwa kuli Leza, nkaambo tabambi buzuba bwa Sabata.”+ Bambi bakatalika kwaamba kuti: “Ino mbuti muntu sizibi mbwakonzya kucita zitondezyo zyamusyobo ooyu?”+ Eelyo bakaandaana akati kabo.+ 17 Mpoonya alimwi bakamubuzya muntu ooyo wakali moofwu kuti: “Ino yebo waamba nzi kujatikizya nguwe, mbwaanga wakajalula meso aako?�� Mwaalumi ooyu wakati: “Musinsimi.” 18 Nokuba boobo, ba Juda tiibakamusyoma kuti wakali moofwu akuti wakatalika kubona, kusikila nobakaita bazyali bamuntu ooyu iwakatalika kubona. 19 Eelyo bakababuzya kuti: “Sena ooyu ngomwanaanu ngomwaamba kuti wakazyalwa kali moofwu? Pele ino caba buti kuti lino ulabona?” 20 Bazyali bakwe bakaingula kuti: “Tulizyi kuti ooyu mwaneesu akuti wakazyalwa kali moofwu. 21 Pele mbwaatalika kubona tatuzyi pe; naba yooyo wakamujalula meso tatumuzyi pe. Kamumubuzya, mupati. Ulalyaambilila mwini.” 22 Bazyali bakaamba makani aaya akaambo kakuyoowa ba Juda,+ nkaambo ba Juda bakalipangene kale kuti, kufwumbwa uuzumina kuti Jesu ngo Kristo, weelede kutandwa mucikombelo.+ 23 Nkakaambo kaako bazyali bakwe ncobakaambila kuti: “Mupati, kamumubuzya.” 24 Aboobo bakamwiita lwabili muntu ooyo iwakali moofwu akumwaambila kuti: “Kolemeka Leza; tulizyi kuti muntu ooyu ngusizibi.” 25 Walo wakaingula kuti: “Kufwumbwa naa ngusizibi tandizyi pe. Comwe buyo ncendizyi ncakuti ndakali moofwu, pele lino ndilabona.” 26 Mpoonya bakamubuzya kuti: “Ncinzi ncaakacita kulinduwe? Ino wakaajalula buti meso aako?” 27 Wakabaingula kuti: “Ndamwaambila kale pele tiimwamvwa. Ncinzi cimbi ncomuyanda kumvwa? Sena anywebo muyanda kuba basikwiiya bakwe?” 28 Nobakamvwa boobo, bakamusampaula balaamba: “Yebo ndonduwe sikwiiya wamuntu ooyo, pele swebo tuli basikwiiya ba Musa. 29 Tulizyi kuti Leza wakaambaula a Musa, pele muntu ooyu tatukuzyi pe nkwazwa.” 30 Muntu ooyu wakabaingula kuti: “Masimpe eeci cilagambya kuti tamukuzyi nkwazwa, pele mebo wakandijalula meso. 31 Tulizyi kuti Leza tabaswiilili basizibi,+ pele kufwumbwa uumuyoowa Leza akucita kuyanda kwakwe ulamuswiilila ooyu.+ 32 Kuzwa kaindi takunamvwugwa kuti muntu uuli woonse wakajalula meso aamuntu wakazyalwa kali moofwu. 33 Ikuti muntu ooyu naatali kuzwa kuli Leza, kunyina ncaakali kukonzya kucita.”+ 34 Mukwiingula bakati kulinguwe: “Yebo wakazyalwa mucibi, aboobo sena uyiisya ndiswe?” Mpoonya bakamutanda!+ 35 Jesu wakamvwa kuti bakamutanda, eelyo naakamujana wakamubuzya kuti: “Sena ulamusyoma Mwanaamuntu?” 36 Muntu ooyo wakaingula kuti: “Ino nguni ooyo mwami, kutegwa ndimusyome?” 37 Jesu wakati kulinguwe: “Wamubona alimwi ooyo waambaula anduwe ngonguwe.” 38 Wakati: “Ndilamusyoma, Mwami.” Eelyo wakamukotamina. 39 Mpoonya Jesu wakati: “Akaambo kalubeta oolu ncindakaboolela munyika eeyi, kutegwa aabo bataboni babone,+ abaabo babona babe boofwu.”+ 40 Ibamwi baba Farisi mbocakali limwi bakaamvwa makani aaya, eelyo bakati kulinguwe: “Sena andiswe tuli boofwu?” 41 Jesu wakabaambila kuti: “Nomwali boofwu, nomutajisi cibi. Pele lino mwaamba kuti, ‘Tulabona.’ Cibi canu cilazumanana andinywe.”+","num_words":629,"character_repetition_ratio":0.076,"word_repetition_ratio":0.0,"special_characters_ratio":0.198,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"“Meso aako akandibona nindakacili nsalalila.”—INTEMBAUZYO 139:16\\nAmuyeeye kujatikizya cilongwe iciba akati kabana bamaanga ibakozyanya kapati. Bantu bali boobu balamvwana kapati. Ba Nancy Segal, bapati-pati bambunga ya Twin Studies Center balo kubagama ibazyedwe maanga bakaamba kuti, mane buya bamwi bana bamaanga “balakonzya kubandika alimwi akumvwa cini ncaamba mweenzinyina kakunyina buyumuyumu.” Mukaintu umwi wakaamba mbwazyibene asimaanganyina naakati: “Tulizyibene kabotu mumbazu zyoonse.”\\nIno ncinzi cipa kuti kakuli kuzyibana ikuli boobu? Buvwuntauzi bwiindene-indene butondezya kuti nokuba kuti bukkale alimwi abazyali balagwasyilizya mumakani aaya, ikukozyanya kwambobapangidwe bana bamaanga ibakozyanya kapati kulibonya kuti nkokupa kuti kabazyibana boobo.\\nAMULANGE-LANGE KAAMBO AAKA: Mulengi wesu ulituzyi kabotu, umwi aumwi kumugama kwiinda muntu uumbi uuli woonse mbwakonzya kutuzyiba. Masimpe, sintembauzyo Davida wakaamba kuti: “Wakandisisa mwida lyabaama. Mafwuwa aangu kunyina naakasisidwe kulinduwe ciindi nindakali kupangwa cakusisikizya. . . . Meso aako akandibona nindakacili nsalalila; zizo zyangu zyoonse zyakalilembedwe mubbuku lyako.” (Intembauzyo 139:13, 15, 16) Alikke Leza nguuzyi alimwi nguukonzya kutumvwisya kabotu kutali buyo mbotupangidwe pele alimwi azintu zyoonse izyakatucitikila mubuumi zyalo izyakacinca bube bwesu. Luzyibo lulibedelede ndwajisi Leza kujatikizya ndiswe alimwi ambotupangidwe zitupa kusyoma kuti ncobeni ulatumvwisya mumbazu zyoonse.\\nNCOLITUYIISYA BBAIBBELE KUJATIKIZYA LUZYIBO NDWAJISI LEZA\\nDavida wakapaila kuti: “O Jehova, wandilingula alimwi ulindizyi. Yebo ulizyi nendikkala ansi anendinyamuka. Ulaizyiba mizeezo yangu koli kulamfwu. Kanditanaamba jwi lili lyoonse amulaka wangu, bona! yebo O Jehova, inga ulilizyi kale.” (Intembauzyo 139:1, 2, 4) Kuyungizya waawo, Jehova ulizyi bwini mbotulimvwa alimwi “akuzyiba mizeezo yoonse muntu njajisi.” (1 Makani 28:9; 1 Samuele 16:6, 7) Ino magwalo aaya ayubununa nzi kujatikizya Leza?\\nNokuba kuti inga tiitwaamba zyoonse zili kumoyo wesu alimwi ambotulimvwa ciindi notupaila kuli Leza, Mulengi wesu talangi buyo zintu nzyotucita pele alimwi ulamvwisya akaambo ncotuzicitila. Kuyungizya waawo, ulizyi zintu zibotu nzyotuyanda kucita, nokuba kuti bukkale bwesu inga kabutatuzumizyi kucita nzyotuyanda mumoyo wesu. Inzya, akaambo kakuti kuzwa kumatalikilo Leza wakatulenga katujisi luyando mumyoyo yesu, ulilibambilide alimwi uliyandide kapati kwiibona mizeezo yesu yaluyando alimwi amakanze mabotu ngotujisi.—1 Johane 4:7-10.\\nKunyina cintu ncatakonzyi kubona Leza. Ulaazyi naaba mapenzi eesu ngobatakonzyi kuzyiba bamwi naa kutaamvwisya\\n“Meso aa Jehova alangide balulami, amatwi aakwe alaswiilila mipailo yabo yakukombelezya.”—1 PETRO 3:12.\\nLeza usyomezya kuti: “Ndiyookupa kuba amaano akukuyiisya nzila njoyelede kutobela. Ndiyookulaya kandikulangide.”—INTEMBAUZYO 32:8.\\nLEZA NGUSILWEETELELO KAPATI\\nSena kuzyiba kuti Leza ulabumvwisya bukkale motubede alimwi ambotulimvwa kulagwasya kuliyumya mumapenzi? Amulange-lange cakacitikila ba Anna, ibakkala ku Nigeria. Bakaamba kuti: “Ndakatalika kudooneka naa cakali kugwasya kuzumanana kupona akaambo kabukkale bukatazya mondakabede. Ndakafwidwa mulumi alimwi ndakali kulanganya mwanaangu musimbi walo iwakali mucibbadela kaciswa bulwazi bwakuba amaanzi manji kubongo (hydrocephalus), mpoonya andime bakandijana abulwazi bwakkansa yakunkolo aboobo ndakeelede kwaandulwa, akutalika kubelesya musamu wakkansa uutegwa chemotherapy alimwi akuumpililwa amalaiti (radiotherapy). Cakandikatazya kapati kuba mucibbadela mpoonya akulanganya mwanaangu iwakali kuciswa aciindi comwe.”\\nIno ncinzi cakabagwasya ba Anna kuliyumya? Bakaamba kuti: “Ndakali kuzinzibala kuyeeya magwalo mbuli lugwalo lwa Bafilipi 4:6, 7, lwalo ilwaamba kuti ‘luumuno lwa Leza oolo lwiinda maano oonse luyookwabilila myoyo yanu amizeezo yanu.’ Lyoonse nondakali kuluyeeya lugwalo oolu, ndakali kulimvwa kuswena munsi-munsi a Jehova, nkaambo ndakalizyi kuti ulindizyi kabotu kwiinda mbondilizyi ndemwini. Alimwi ndakali kukulwaizyigwa kapati abakwesu alimwi abacizyi bamumbungano ya Bunakristo.\\n“Nokuba kuti ndicipengana abulwazi bwangu, pele lino bukkale bwangu alimwi abwamwanaangu buli mbubo-mbubo. Akaambo kakuti Jehova uli kulubazu lwesu, twaiya kubikkila maano kapati kuzintu zikulwaizya ciindi notwayaanya mapenzi. Lugwalo lwa Jakobo 5:11 lwaamba kuti: ‘Tubabona kuti balikkomene aabo ibaliyumya. Mulimvwide zyakuliyumya kwa Jobu alimwi mulibwene mbwaakamucitila Jehova kumamanino, kuti Jehova ulaalubomba kapati aluse.’” Jehova wakalibuzyi kabotu bukkale bwa Jobu, andiswe tulakonzya kusinizya kuti ulaazyi mapenzi aali woonse ngotujisi.\\nBbaibbele litusyomezya kuti Leza ulatubikkila maano, ulibuzyi kabotu bukkale bwesu, alimwi ulatweetelela.\\nIno mbuti kuti mapenzi aanu kaalibonya mbuli kuti masyoonto kapati mwaayelanya amapenzi aamamiliyoni aabantu, balo ibajisi mapenzi manji aakatazya?","num_words":563,"character_repetition_ratio":0.041,"word_repetition_ratio":0.0,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbomukonzya Kuzunda Masunko | Lugwasyo Kumukwasyi\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bengali Bulgarian Cebuano Chichewa Chinese (Traditional) Chinese Mandarin (Simplified) Chitonga Cibemba Croatian Czech Danish Dutch Efik English Estonian Ewe Finnish French Georgian German Greek Gujarati Hebrew Hiligaynon Hindi Hungarian Igbo Iloko Indonesian Italian Japanese Kannada Kinyarwanda Kirghiz Kirundi Korean Lingala Lithuanian Macedonian Malagasy Malayalam Marathi Myanmar Nepali Norwegian Polish Portuguese Punjabi Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Silozi Sinhala Slovak Slovenian Spanish Swahili Swahili (Congo) Swedish Tagalog Tahitian Tamil Telugu Thai Tigrinya Tsonga Turkish Twi Ukrainian Vietnamese Xhosa Zulu\\n“Ziindi zimwi basimbi inga bandilomba namba yangu yafooni alimwi bayanda kuti ndibasyabe. Ndilabakakila akubasiya. Pele mumoyo inga ndilalyaambauzya kuti, ‘Ino nicaba buti nindamupa namba yangu?’ Kwaamba masimpe, basimbi bamwi akati kabaaba mbabotu ciwa. Akaambo kaceeci, ncuuba-uba kubazumina.”—Carlos, * uujisi myaka yakuzyalwa iili 16.\\nSena andinywe, mbuli Carlos kuli masunko ngomulwana? Ikuti cili boobo, mulakonzya kuzunda.\\nIkuti mwalilekela kuti musunkwe, mulanjila mumapenzi\\nMuntu uuli woonse ulakonzya kusunkwa—kubikkilizya abapati. Masunko alakonzya kuboola munzila ziindene-indene. Mwaapostolo Paulo tanaakali mwana naakalemba majwi aakuti: “Mumoyo wangu ndilabotelwa kapati amulawo wa Leza, pele mumubili wangu ndibona mulawo uumbi uulwana mulawo uuli mumizeezo yangu, alimwi uundipa kuba mwaange wamulawo wacibi.” (Baloma 7:22, 23) Nokuba kuti wakali mumusunko, Paulo wakaliyumya, andinywe mulakonzya kucita mbubwenya. Aboobo nkaambo nzi ncomunga mwayanda kuba muzike wazisusi zyanu? (1 Bakolinto 9:27) Ikwiiya kuzunda masunko nomucili bana cilamugwasya kutalibilika lino alimwi ciyoomugwasya kumbele mwaakukomena.\\nMakani aamwaigwa alaletela masunko. Bbaibbele lyaamba kuti “zisusi zyabukubusi,” zilaanguzu. (2 Timoteyo 2:22) Pele mavidiyo, TV, nyimbo, alimwi amabbuku asambalwa kubakubusi kanji-kanji apa kuti zisusi eezyo zikomene nkaambo aapa mizeezo yakuti kuzundwa amasunko kulazumizyigwa. Mucikozyanyo, kuti bantu bobilo muvidiyo ‘bayandana,’ kulalangilwa kuti aciindi cimwi muvidiyo njiyona eeyo baloonana. Nokuba boobo, Bbaibbele lyaamba kuti bamaalumi abamakaintu beni-beni balijisi nguzu ‘zyakuzumanana kulilesya kuzisusi zyanyama.’ (1 Petulo 2:11) Eeci caamba kuti mulakonzya kusala kuzunda masunko. Pele mbuti mbomukonzya kucita oobo?\\nAmuzyibe kulezya kwanu. Nketani ilakonzya kwaambwa kuti ninjumu lilikke kuti manungo aanjiyo kaali mayumu. Mbubwenya buyo, makanze aanu aakucita ciluzi alakonzya kunyongana ikuti kuli mpomutaciti kabotu. Ino muumbazu nzi momuyandika kubikkila maano?—Njiisyo yamu Bbaibbele: Jakobo 1:14.\\nAmulangile masunko. Amuyeeye bukkale momukonzya kusunkwa. Amweezyeezye mbomukonzya kulizunda sunko eelyo ikuti lyaboola.—Njiisyo yamu Bbaibbele: Tusimpi 22:3.\\nAmuyume muzintu nzyomusyoma. Bbaibbele lyaamba kuti ciindi Josefa naakasunkwa kucita bwaamu, wakaamba kuti: “Nkacite buti bubi bupati buli boobu akubisizya Leza?” (Matalikilo 39:9) Majwi aakuti “nkacite buti” atondezya kuti Josefa wakali muyumu muzintu nzyaakali kusyoma kujatikizya ciluzi acitaluzi. Sena andinywe muli bayumu?\\nAmujane balongwe bagwasya. Mulakonzya kuzunda masunko manji mubuumi bwanu kwiinda mukusala balongwe basyoma zintu nzyomusyoma mumakani aakulilemeka. Bbaibbele lyaamba kuti: “Uuenda abasongo ulasongwaala.”—Tusimpi 13:20.\\nMutanoojaniki mubukkale bukonzya kupa kuti cimukatazye kuzunda masunko. Mucikozyanyo:\\nMutanoojaniki kamuli buyo nyobilo amuntu ngomwiindene zizo.\\nMutanoobelesyi Intaneti aciindi alimwi akubusena nkomukonzya kusunkwa kweebelela zintu ziletela muzeezo wakoonana.\\nAmubatantamuke bantu baambaula akucita zintu munzila iitondezya kuti kucita cibi cili kabotu.\\nIno mulawo nzi ngomukonzya kulibikkila uukonzya kumugwasya kutajanika mumusunko?—Njiisyo yamu Bbaibbele: 2 Timoteyo 2:22.\\nAmupailile lugwasyo. Jesu wakaambila basikwiiya bakwe kuti: ‘Amuzumanane kupaila kutegwa mutanjili mumusunko.’ (Matayo 26:41) Masimpe ngakuti, Jehova Leza uyanda kuti mwaazunde masunko, alimwi ulakonzya kumugwasya kucita oobo. Bbaibbele lyaamba kuti: “Takamulekeli kuti musunkwe kwiinda nguzu zyanu pe, pele mwanoosunkwa uyoomupa anzila yamatijilo kutegwa mukonzye kuliyumya musunko eelyo.”—1 Bakolinto 10:13.\\n^ par. 4 Izina lyacincwa.\\n“Umwi aumwi ulasunkwa kwiinda mukoongelezyegwa akucegwa azisusi zyakwe mwini.”—Jakobo 1:14.\\n“Muntu uucenjede, abona mapenzi, ulayuba.”—Tusimpi 22:3.\\n“Kozitija zisusi zyabukubusi.”—2 Timoteyo 2:22.\\n“Ciindi nondalijana musunko, ndalikaka sunko eelyo mpoonya-mpoonya. Cilandigwasya kapati kutayeeya amajwi mbuli aakuti ‘ino mbuti kuti’ naa ‘muzeezo wakuti ambweni inga tiicabija kapati.’ Kuyeeya kapati azintu zikonzya kucitika ncecikonzya kumunjizya mupenzi.”\\n“Mutalinjizyi mubukkale bukonzya kumupa kusunkwa. Amube abalongwe bakonzya kumukulwaizya kucita zintu zili kabotu. Kuzunda masunko kulamugwasya kulibambila kuyoolwana buyumuyumu mbomukonzya kujana kumbele.”\\nNtaamu zyotatwe zikonzya kumugwasya kuzunda masunko.\\nZilengwa—Amuzitantamuke Zintu Zikonzya Kumupa Kwaalilwa","num_words":590,"character_repetition_ratio":0.059,"word_repetition_ratio":0.0,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ngazi Yamulindizi | May 2015\\nAMUBALE MU Acholi Afrikaans Albanian Amharic Arabic Armenian Aymara Batak (Toba) Bengali Bicol Bislama Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chokwe Cibemba Cinyanja Croatian Czech Dangme Danish Drehu Dutch Efik English Estonian Ewe Fijian Finnish French Ga Garifuna Georgian German Greek Guarani Gujarati Haitian Creole Hausa Hebrew Hiligaynon Hindi Hiri Motu Hmong (White) Hungarian Iban Igbo Iloko Indonesian Isoko Italian Japanese Kannada Karen (S'gaw) Kazakh Kikamba Kikaonde Kikongo Kikuyu Kiluba Kimbundu Kinyarwanda Kirghiz Kiribati Kirundi Kisonge Kongo Korean Krio Kwangali Kwanyama Lingala Lithuanian Luganda Lunda Luo Luvale Macedonian Malagasy Malayalam Mam Mambwe-Lungu Marathi Maya Mazatec (Huautla) Mixe (North Central) Moore Myanmar Nahuatl (Central) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Norwegian Nyaneka Nzema Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Punjabi Quechua (Ayacucho) Quechua (Bolivia) Quichua (Imbabura) Rarotongan Romanian Runyankore Russian Sango Sepedi Serbian (Cyrillic) Serbian (Roman) Sesotho (Lesotho) Setswana Shona Sidama Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tahitian Tamil Tatar Telugu Thai Tigrinya Tiv Tlapanec Tok Pisin Totonac Tshiluba Tsonga Turkish Tuvaluan Twi Tzotzil Ukrainian Umbundu Venda Vietnamese Wallisian Waray-Waray Wayuunaiki Xhosa Yoruba Zande Zapotec (Isthmus) Zulu\\nSena Leza uyoobalekela bantu kuti bazumanane kudyaaminina akunyonganya bantunyina? Peepe, kweelana ambotwabandika kale, uyoobweza ntaamu yakumanizya mause akudyaaminina zyalo izyatola ciindi cilamfwu kapati. Mulengi wabantu alimwi anyika uyanda kuti muzyibe kuti ciindi cakwe cakubweza ntaamu cilaafwaafwi. Ino waayubununa buti makani aaya aayandika kapati?\\nAmuyeeye kujatikizya cikozyanyo eeci: Ikuti kamuunka kubusena bumwi amootokala, ambweni mulakonzya kusaanguna kulanga-langa a Intaneti, mumamaapu alimwi amumabbuku aatondezya mbokweendwa kutegwa mukasike kubusena ooko. Mpoonya nomuyaabweenda, mwatalika kubona zitondezyo zyeendelana awaawo mpomulanga izitondezya nkomuya, mulakonzya kusyoma kuti mulaafwaafwi kusika nkomuya. Mbubwenya buyo, Leza watupa Jwi lyakwe lyalo litwaambila zintu zicitika munyika. Notubona zintu zyaambidwe mu Bbaibbele kazicitika, tulasinizya kuti tukkede muciindi icisololela kumamanino.\\nIbbaibbele lyaamba kuti zintu zicitika munyika ziyoosika aciindi mpozikatazya, calo ciyoosololela kumamanino. Aciindi eeco kuyoocitika zintu zisiyene-siyene nyika yoonse mbwiizulwa alimwi abukkale butanacitikide kuzwa ciindi nyika noyakalengwa. Amubone zitondezyo zimwi izyaambidwe mu Jwi lya Leza.\\n1. MANYONGWE MUNYIKA YOONSE Businsimi bulembedwe mubbuku lya Matayo caandaano 24 bulaamba zintu izyakali kuyoocitika anyika kazili zitondezyo. Zintu eezyo zyakali kuyooba citondezyo “camamanino aabweende bwazintu” alimwi zyakali kuyoosololela kuciindi ‘mamanino naayoosika.’ (Tupango 3, 14) Zitondezyo eezyi zibikkilizya nkondo zipati-pati, nzala, mizuzumo yanyika mumasena aaindene-indene, kuvwula kwabubi, kumana kwaluyando, alimwi alweeno lwabasololi bazikombelo kutegwa bacenge bantu. (Tupango 6-26) Bwini mbwakuti, zintu eezyi zyali kucitika kwamyaka minji. Nokuba boobo, mamanino mbwaayaabuswena afwaafwi, zyoonse ziyoocitika muciindi nciconya. Mpoonya alimwi ziyoocitika antoomwe azitondezyo zimbi zyakucenjezya zyotatwe eezyi zitobela.\\n2. MICITO YABANTU Bbaibbele lyaamba kuti “mazuba aamamanino”—nkokuti ciindi icisololela kumamanino—aayoozyibwa kwiinda mumicito yabantu iitali kabotu. Tubala kuti: “Bantu bayooba basikuliyanda, bayandisya mali, basikulidunda, basikulisumpula, basikusampaula, batamvwidi bazyali, batalumbi, batasyomeki, batajisi luyando lwakuzyalwa andulo, batanyoneki, basikubejelezya, batalilesyi, bakali, batayandi bubotu, basikwaaba bamwi, batalaiki, basikulitukumuna, bayandisya zyakulikondelezya kwiinda kuyandisya Leza.” (2 Timoteyo 3:1-4) Masimpe, cilengwa cakutalemeka bantu cakatalika kaindi, pele “kumazuba aamamanino” aano cilengwa eeci caindila kapati cakuti cileelela kwaambwa kuti “ziindi zikatazya ncobeni.” Sena andinywe mulabubona bukkale oobu bubyaabi mubantu?\\n3. KUNYONYOONWA KWANYIKA Bbaibbele lyaamba kuti Leza ‘uyoobanyonyoona aabo ibanyonyoona nyika.’ (Ciyubunuzyo 11:18) Ino muunzila nzi bantu mobainyonyoona nyika? Ciindi ncaakali kupona Nowa acalo cilaambwa munzila njiyonya eeyi: “Nyika yakabija mumeso aa Leza mwini-mwini alimwi nyika yakazula bubi. Masimpe, Leza wakalanga anyika alimwi wakabona kuti yabija.” Aboobo mboobu Leza mbwaakaamba kujatikizya bantu abaya babi: “Ndilabanyonyoona.” (Matalikilo 6:11-13) Sena mulabubona bumboni bunji bwakuti nyika iyaabuzula bubi? Kuyungizya waawo, bantu basika aciimo cibyaabi cakuti: Balakonzya kwiinyonyoona nyika kwiinda mukunyonyoona bantu boonse bakkede alinjiyo. Balijisi zilwanyo zikali zijaya. Alimwi nyika ili mukunyonyoonwa munzila aimbi. Izintu zipa kuti buumi buzumanane kuba anyika—mbuli muya ngotuyoya, banyama, zisamu, alimwi alwaanje—zili mukunyonyoonwa akaambo kamicito yabantu.\\nAmulibuzye kuti, ‘Mumyaka iinda ku 100 yainda, sena bantu bakalijisi nguzu zyakukonzya kulinyonyoona lwabo beni?’ Pele lino bantu babelesya nguzu eezyo ikupanga zilwanyo zijaya alimwi akunyonyoona busena bwakukkala. Kuboneka kuti ikuyaambele muzintu zyakupanga-panga kupa bantu kutabona mapenzi aaboola kumbele akaambo kazintu nzyobacita. Nokuba boobo, muntu talinguwe iweelede kusala mboiyooba nyika kumbele. Zilenge zyoonse nozitananyonyweedwa limwi anyika, Leza uyoobweza ntaamu yakunyonyoona baabo ibanyonyoona nyika. Aaya ngamakanze aakwe!\\n4. MULIMO WAKUKAMBAUKA NYIKA YOONSE Kwakaambilwa limwi kuti cibeela acimbi cacitondezyo camamanino ncakuti kuyooba mulimo mupati uuyoocitwa: “Makani mabotu aa Bwami aaya ayookambaukwa munyika yoonse kuti bukabe bumboni kumasi oonse, mpoonya mamanino ayoosika.” (Matayo 24:14) Mulimo wakukambauka ooyu wakali kuyakwiindana kapati akukambauka ikwali kucitwa muzikombelo zinji kwamyaka iili mbwiibede. Kumazuba aamamanino, mulumbe uugaminide wakali kuyookambaukwa, nkokuti “makani mabotu aa Bwami.” Sena kuli nkamu yabukombi njomuzyi iibikkila kapati maano kwaambilizya mulumbe ooyu? Alimwi nokuba kuti bamwi baboneka kuti balaukambauka mulumbe ooyu, sena bantu aabo nkakamu kakubusena bomwe buyo, naa sena balakambauka makani mabotu aabwami aaya “munyika yoonse kuti bukabe bumboni kumasi oonse”?\\nBantu banji munyika yoonse baluujisi kukambauka Bwami bwa Leza mumyaambo minji.\\nWebbusaiti ya www.jw.org ilabikkila maano kapati ‘kumakani mabotu aa Bwami aaya.’ Webbusaiti eeyi ilatondezya mabbuku aamba kujatikizya mulumbe ooyu mumyaambo iinda ku 700. Sena kuli nzila azimbi zibelesyegwa kumwaya makani mabotu aa Bwami munyika yoonse munzila iili boobu? Kaindi Intaneti kaitanatalika kubelesyegwa, Bakamboni ba Jehova bakalizyibidwe akaambo kakubeleka canguzu kukambauka makani mabotu aa Bwami bwa Leza. Kuzwa mumwaka wa 1939, civwumbyo camagazini imwi aimwi ya Ngazi Yamulindizi yakalembedwe mabala aakuti “Yaambilizya Bwami bwa Jehova.” Bbuku limwi ilyaamba kujatikizya zikombelo lyakaamba kuti mulimo wakukambauka wa Bakamboni ba Jehova “ulisakene kapati cakuti taukonzyi kweelanisyigwa pe.” Bukambausi oobu bukankaizya makani mabotu aakuti ino-ino “mamanino ayoosika” ciindi Bwami bwa Leza bwaakubweza ntaamu.\\nCIINDI CIKATAZYA KAPATI\\nSena zitondezyo zyoonse zyone zyamu Bbaibbele izyaambwa mucibalo eeci, mulazibona caantangalala mubuumi bwanu? Kwamyaka iinda ku 100, magazini eeyi yali kwaamba zicitika munyika kuli basikubala kutegwa balibonene kuti mamanino alaafwaafwi ncobeni. Nokuba boobo, basikukazya bamwi tabasyomi, baamba kuti twaambo tupegwa alimwi amyeelwe yaambwa nzyakuyeeyela buyo alimwi zilakonzya kupilinganizyigwa. Alimwi baamba kuti mbwaanga kubandisyanya nyika yoonse kwayaambele kapati, zintu ziboneka mbuli kuti ziyaabwiindila kubija. Nokuba boobo, kuli bumboni buzwide bwakuti tuli muciindi cakumamanino.\\nBasyaazibwene bamwi bayeeya kuti tuyaabuswena kukucinca kwazintu kupati munyika eeyi. Mucikozyanyo, mu 2014 kabunga ka Science and Security Board of the Bulletin of the Atomic Scientists kakacenjezya ba United Nations Security Council kujatikizya ntenda zipati zilangilwa kucitikila bantu. Basayaansi aaba bakaamba kuti: “Kwiinda mukuzilanga-langa kabotu ntenda eezyo, citupa kwaamba kuti ntenda ziboola akaambo kazintu zyakupanga-panga nkozicili.” Bantu banji basinizya ncobeni kuti twasika aciindi cikatazya kapati. Basikumwaya magazini eeyi alimwi abunji bwabasikubala tabadooneki kuti eeci ciindi, nciindi camazuba aakumamanino ncobeni alimwi akuti mamanino alaafwaafwi. Pele muciindi cakuyoowa zintu ziboola kumbele, mulakonzya kukkomana kuzyiba ciyoocitika. Nkaambo nzi ncocili boobo? Nkaambo mulakonzya kuyoofwutuka aakusika mamanino!\\nSENA MBASINSIMI BABUZUBA BWALUBETA LWA LEZA?\\nBakamboni ba Jehova tabali basinsimi babuzuba bwalubeta lwa Leza. Bali kukambauka makani mabotu aamba zyakumbele kwamyaka iinda ku 100. Mucikozyanyo, makani amwi aamuswaangano wabo wacooko wamu 1958, aakajisi mutwe wakuti: “Bwami bwa Leza Bulalela—Sena Mamanino Aanyika Alaafwaafwi?” akapandulula kuti “Bwami bwa Leza, tabukabooleli kunyonyoona nyika eeyi, pele buyooboolela kunyonyoona nyika ya Saatani. Bwami bwa Leza tabukabooleli kuumpa nyika eeyi pe, pele buyoopa kuti luyando lwa Leza lucitwe aano anyika mbubonya mbuli kujulu. Akaambo kaceeci, cileelela kuti nyika ikwabililwe mbwaanga Leza ngowakailenga; alimwi Leza uyakwiikwabilila kutegwa izumanane kubako mane kukabe kutamani.”\\nMAKANI AAYEEME AMUTWE UULI ACIVWUMBYO “Mamanino”—Ino Aamba Nzi?\\nMAKANI AAYEEME AMUTWE UULI ACIVWUMBYO Sena Mamanino Alaafwaafwi?\\nMAKANI AAYEEME AMUTWE UULI ACIVWUMBYO Bantu Banji Bayoofwutuka—Andinywe Mulakonzya Kufwutuka\\nIBBAIBBELE LILAKONZYA KUBACINCA BANTU Ndakaiya Kuti Jehova Ulaaluse Alimwi Ulalekelela\\nAMWIIYE LUSYOMO LWABO “Sena Mebo Ndili Mubusena bwa Leza?”\\nMabala Amusale naa muyanda kukkopa zyakamwaigwa izyakalekkoodwa NGAZI YAMULINDIZI May 2015 | Sena Mamanino Alaafwaafwi?\\nMay 2015 | Sena Mamanino Alaafwaafwi?\\nNGAZI YAMULINDIZI May 2015 | Sena Mamanino Alaafwaafwi?","num_words":1204,"character_repetition_ratio":0.048,"word_repetition_ratio":0.0,"special_characters_ratio":0.156,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"AMUBALE MU Afrikaans Albanian Amharic Arabic Armenian Bulgarian Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch English Estonian Ewe Finnish French Georgian German Greek Hebrew Hiligaynon Hungarian Icelandic Iloko Indonesian Italian Japanese Kikaonde Kinyarwanda Kirghiz Kirundi Korean Lingala Lithuanian Macedonian Malagasy Maltese Myanmar Norwegian Polish Portuguese Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Silozi Sinhala Slovak Slovenian Spanish Swahili Swahili (Congo) Swedish Tagalog Thai Tigrinya Tsonga Turkish Twi Ukrainian Vietnamese Xhosa Zulu\\nMapaipi Aameenda Aaku Rome—Milimo Yabasyaazibwene Iigambya\\nMAPAIPI aameenda aaku Rome ali akati kamilimo yakaindi yabasyaazibwene iinda kugambya. Mweendelezi muna Roma alimwi uulanganya makani aameenda Sextus Julius Frontinus (35–c. 103 C.E.) wakalemba kuti: “Ikuti kamucikonzya, amweezyanisye zyuumbwe naa mayake aatakwe mulimo pele aadumide aabana Greece kumayake aaya aayandika aakali kuleta meenda manji!” *\\nNkaambo Nzi Mapaipi Aameenda Ncaakali Kuyandika?\\nMadolopo aakaindi akali kuyakwa afwaafwi ampobakali kukonzya kujana meenda manji, dolopo lya Rome alyalo mbolyakayakidwe oobo. Kumatalikilo, Mulonga wa Tiber atusensa twameenda alimwi amigoti iyakali afwaafwi yakali kucikonzya kupa meenda aakali kuyandika. Pele kutalikila mumwaanda wamyaka wane B.C.E., dolopo lya Rome lyakakomena cakufwambaana, aalo meenda akali kuyandika kapati.\\nMbwaanga mbasyoonto ibakajisi mapaipi aameenda mumaanda aabo, bana Roma bakayaka masena manji aakusambila aabuleya alimwi aatali aabuleya. Meenda aakali kubelesyegwa kubusena bwakusaanguna ibwakusambila banamaleya mudolopo lya Rome, akali kuletwa amupaipi wiitwa kuti Aqua Virgo, busena oobu bwakaabwa mu 19 B.C.E. Iwakayaka mupaipi ooyu, Marcus Agrippa, mweenzinyina a Caesar Augustus, wakabelesya mali aakwe manji kubambulula alimwi akubikka mapaipi aameenda mapati mu Rome.\\nMasena aakusambila alimwi akazooba masena aakulyookezyela, masena mapati akali kuba amasena mbuli mapaaki alimwi amalaibbulali. Mbwaanga meenda aainda mumapaipi tanaakali kukonzya kujalwa, azwa mumasena aakusambila, akali kubwezelezya adooti muzimbuzi izyakali mumasena aakusambila kutola kumadamu aamadooti.\\nKuyaka Alimwi Akubambulula\\nCiindi nomwamvwa mabala aakuti “mupaipi wabana Roma,” sena muyeeya misemu milamfwu iyakali kunyamuna mapaipi aakali kutola meenda mumasena aakule? Masimpe ngakuti, cibeela citasiki ku 20 pesenti camapaipi ncocakali kupangwa amisemu, alimwi cibeela cipati cakali kunsi, munyika. Nzila eeyi yakuyaka iitaduli kapati yakali kukwabilila mapaipi alimwi tiiyakali kunyonganya nyika alimwi amasena mobakali kukkala bantu. Mucikozyanyo, mupaipi wa Aqua Marcia, iwakamanizyigwa kuyakwa mu 140 B.C.E., wakali kulampa makkilomita aatandila ku 92, pele misemu yakali kusika buyo kumakkilomita aali 11.\\nKabatanatalika kupanga mupaipi, basyaazibwene bakali kulanga-langa aazwa meenda, akubona naa meenda mabotu alimwi ambwaakali kukunka. Alimwi bakali kulanga buumi bwabantu banywa meenda kubusena oobo. Ikuti naa busena bwazumizyigwa, basyaazibwene bakali kubona nzila mbotu mupaipi mpowakali kukonzya kwiinda, nsaizi alimwi akulampa kwanguwo. Bazike mbebakali kubelesyegwa kuyaka. Mapaipi akali kutola myaka iili mbwiibede kupanga calo icakali kupa kuti kaadula, kwaambisya kuti kakuyandika kuyaka misemu.\\nKuyungizya waawo, mapaipi akali kuyandika kwaakwabilila alimwi akwaabambulula. Aciindi cimwi, bantu bali 700 bakanjizyigwa mulimo wakulanganya mapaipi aaya mudolopo lya Rome. Aciindi cakuyaka bakali kubikkilizya azintu izyakali kuyakubagwasya kwaakuyandika kubambulula. Mucikozyanyo, bakali kucikonzya kusika kucibeela camupaipi icakali ansi kwiinda mukubelesya tuzila ntobakali kupanga itwakali kuya ansi. Ikuti kakuyandika kubambulula kupati, basyaazibwene bakali kwaanyona meenda kuzwa kucibeela eeci ciyandika kubamba.\\nMapaipi Aamudolopo lya Rome\\nKumatalikilo aamwaanda wamyaka watatu C.E., mapaipi aali 11 mapati ngaakali kuleta meenda mudolopo lya Rome. Mupaipi wakusaanguna iwakali kwiitwa kuti Aqua Appia, iwakayakwa mu 312 B.C.E. wakali kulampa makkilomita aali 16, alimwi cibeela cipati camupaipi ooyu cakali kwiinda ansi. Zibeela zyamupaipi uutegwa Aqua Claudia nkozicili asunu. Mupaipi ooyu wakali kulampa makkilomita aali 69, mpoonya wakajisi misemu mubusena bulampa makkilomita aali 10 yalo iyakali kulampa mamita aali 27 kuyamujulu!\\nIno mapaipi aamudolopo akali kubweza meenda manji buti? Akali manji! Mupaipi wa Aqua Marcia iwaambwa kale, wakali kuleta meenda aasika kumalita aali 190 miliyoni mu Rome abuzuba. Meenda asika mudolopo, akali kukunka kuya mumatanki, azwa mumatanki akali kuya mumitabi yalo iyakali kutola meenda aaya kumatanki aambi naa kumasena nkwaakali kuyoobelesyegwa. Bamwi baamba kuti bwaapauzi bwameenda mudolopo lya Rome bwakayaambele cakuti abuzuba muntu umwi aumwi wakali kukonzya kuba amalita aameenda aasika ku 1,000.\\nBbuku litegwa Roman Aqueducts & Water Supply lyaamba kuti Bulelo bwa Rome nobwakali kuyaabukomena, “mapaipi aameenda akali kusika koonse nkobwakali kulela.” Basilweendo baku Asia Minor, France, Spain, alimwi a North Africa noliba lino balagambwa kulangilila milimo yabasyaazibwene eeyi yakaindi iigambya.\\n^ par. 2 Bana Roma tiibakali bakusaanguna kupanga mapaipi aameenda. Izisi zimbi zyakaindi mbuli Assyria, Egypt, India, alimwi a Persia nzyezyakasaanguna kucita boobo.","num_words":659,"character_repetition_ratio":0.063,"word_repetition_ratio":0.0,"special_characters_ratio":0.157,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Tusimpi 31 | Bbaibbele lili a Intaneti | Bbaibbele lya Busanduluzi Bwanyika Mpya\\nMAJWI AA MWAMI LEMUELI (1-31)\\nIno nguni uukonzya kujana mukaintu uulomene? (10)\\nMunkutwe alimwi ulabeleka canguzu (17)\\nLuzyalo luli amulaka wakwe (26)\\nBana bakwe alimwi amulumaakwe balamutembaula (28)\\nKweebeka akubota zilamana (30)\\n31 Ngaaya majwi aa Mwami Lemueli, imakani mapati ngobakamwaambila banyina kuti bamuyiisye:+ 2 Ino ndikwaambile nzi, mwanaangu,Ndikwaambile nzi mwanaangu yebo ookazwa mwida lyangu,Inzya buya, ino ndikwaambile nzi yebo omwana wazikonke zyangu?+ 3 Utamanini nguzu zyako kuli bamakaintu,+Nokuba kutobela nzila zinyonyoona bami.+ 4 Taceeleli kubami pe, akaka Lemueli,Ncobeni taceeleli kubami pe kunywa wainiNokuba kubaleli ikwaamba kuti, “Ino buli kuli bukoko bwangu?”+ 5 Kutegwa batanywi akuluba mulawo uubikkidweAlimwi akusinkilila bantu bapengede kuti batacitilwi nzyobeelede. 6 Amubape bukoko aabo balaafwaafwi kufwa+Alimwi amubape waini aabo bapengede mumoyo.*+ 7 Abanywe kuti balube bucete bwabo;Bataayeeyi limbi mapenzi aabo. 8 Kobaambilila aabo batakonzyi kwaambaula;Kobaiminina kuti bacitilwe nzyobeelede aabo boonse balaafwaafwi kufwa.+ 9 Koambaula, ubeteke cabululami;Bantu bapengede alimwi abacete kobaiminina kuti bacitilwe nzyobeelede.*+ א [Aleph] 10 Ino nguni uukonzya kujana mukaintu uulomene?*+ Uladula kapati kwiinda mabwe mayandisi aamulwizi. ב [Beth] 11 Mulumaakwe ulamusyoma amoyo woonse,Alimwi kunyina cintu cibotu ncabulide mulinguwe. ג [Gimel] 12 Mazuba oonse aabuumi bwakwe mukaintu ooyuUcitila mulumaakwe zintu zibotu kutali zibi. ד [Daleth] 13 Ulalijanina boya bwambelele amilembo miteteete;Ulakkomana kubeleka amaanza aakwe.+ ה [He] 14 Uli mbuli mato aasimakwebo,+Ulaleta zyakulya zyakwe kuzwa kulamfwu. ו [Waw] 15 Ulabuka kakucisiya,Akupa bamuŋanda yakwe cakulyaAlimwi akwaabila babelesi bakwe basimbi zyaabilo.+ ז [Zayin] 16 Ulayeeya zyakujana muunda mpoonya ulawuula;Ulasyanga muunda wamisaansa kubelesya nguzu zyakwe.* ח [Heth] 17 Ulalibambila kubeleka canguzu,*+Alimwi ulayumya maanza aakwe. ט [Teth] 18 Ubona kuti makwebo aakwe aleta mpindu;Lambe lyakwe talizimi pe masiku. י [Yod] 19 Maanza aakwe alajata kasamu kazambailidwe ntali,Alimwi maanza aakwe alajata kasamu kakusumya.+ כ [Kaph] 20 Ulatambika janza lyakwe kumuntu uupengede,Alimwi ulavwungulula maanza aakwe kubacete.+ ל [Lamed] 21 Talibiliki kuti bamuŋanda yakwe balaandwa mpeyo akaambo kacaanda,Nkaambo boonse bamuŋanda yakwe basamide zisani zikasaala.* מ [Mem] 22 Ulalisumina zivwumbyo zyabulo. Zisani zyakwe nzyamilembo miteteete alimwi nzyaboya bwambelele zyacisombo. נ [Nun] 23 Mulumaakwe ulizyibidwe kapati kumilyango yamunzi,+Ooko nkwakkala antoomwe abapati bamucisi. ס [Samekh] 24 Ulasuma akusambala zisani zyamilembo miteteete*Alimwi ulasambala ntambo zyakulyaanga mucibuno kuli basimakwebo. ע [Ayin] 25 Usamide nguzu abulemu,Alimwi tayoowi ziboola kumbele.* פ [Pe] 26 Waambaula cabusongo najalula mulomo wakwe;+Mulawo waluzyalo* uli amulaka wakwe. צ [Tsade] 27 Ulalangilila kubona mbozyeenda zintu muŋanda yakwe,Alimwi talyi cakulya cabutolo.+ ק [Qoph] 28 Bana bakwe balanyamuka akumulumbaizya;Mulumaakwe awalo ulanyamuka akumutembaula. ר [Resh] 29 Kuli bamakaintu banji balomene,*Pele yebo, inzya yebo ulabainda boonse. ש [Shin] 30 Kweebeka kulakonzya kweena, akubota ciwa kulakonzya kumana,*+Pele mukaintu uuyoowa Jehova ngonguwe uulumbaizyigwa.+ ת [Taw] 31 Amumupe bulumbu bwazintu nzyacita,*+Alimwi milimo yakwe aimutembaule kumilyango yamunzi.+\\n^ Naa “balaamyoyo iicisa.”\\n^ Naa “kobabetekela twaambo twabo.”\\n^ Naa “uuli kabotu.”\\n^ Naa “zintu nzyajana.” Mu Chihebrayo, “kuzwa kumicelo yamaanza aakwe.”\\n^ Mu Chihebrayo, “Ulalyaanga mutusolo anguzu.”\\n^ Mu Chihebrayo, “bailikizya zisani.”\\n^ Naa “zisani zyamukati.”\\n^ Naa “ulaseka buzuba bwakumbele.”\\n^ Naa “Malailile aapegwa caluyando; Mulawo waluyando lutamani.”\\n^ Naa “bali kabotu.”\\n^ Naa “nkwabuyo.”\\n^ Mu Chihebrayo, “Amumupe micelo yamaanza aakwe.”","num_words":449,"character_repetition_ratio":0.054,"word_repetition_ratio":0.0,"special_characters_ratio":0.2,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ikutegwa Cilongwe Cizumanane, Mweelede Kuba Balongwe\\nCilongwe ciyeeme aaluyando. Mboziyabuvwula zintu nzyomwiiya kujatikizya Jehova, alwalo luyando ndomujisi kulinguwe lunooyaabuvwula. Iluyando ndomujisi kuli Leza mboluyaabuvwulila, alwalo luyandisisyo lwakumubelekela lunooyaabukomena. Eci ciyoomukulwaizya kuba sikwiiya wa Jesu Kristo. (Matayo 28:19) Kwiinda mukuba cibeela camukwasyi wa Bakamboni ba Jehova uukkomene, mulakonzya ikubaa cilongwe citamani a Leza. Ino ncinzi ncomweelede kucita?\\nMweelede kulutondezya luyando ndomujisi kuli Leza kwiinda mukutobela milawo yakwe. “Oku nkokuyanda Leza, kuti twabamba milazyo yakwe, alimwi milazyo yakwe tiili miyumu.”—1 Johane 5:3.\\nAmuzitobele zintu nzyomwiiya. Jesu wakaluula cikozyanyo cimwi icitondezya mbociyandika eci. Imuntu musongo umwi wakayaka ŋanda yakwe amwala. Imufwubafwuba wakayaka ŋanda yakwe amuseenga. Imvwula yaguwo mpati noyakawa, iŋanda yakayakilwaa mwala teeyakawa pe, pele eeyo iyakayakilwaa museenga yakawa canguzu. Jesu wakati aabo ibaswiilila njiisyo zyakwe akuzicita bali mbuli muntu musongo iwakayakila atalaa mwala. Pele aabo ibazimvwa buyo njiisyo zyakwe pele kabataziciti bali mbuli muntu mufwubafwuba iwakayakila amuseenga. Ino muyanda kuba muntu uuli buti akati kabaaba?—Matayo 7:24-27.\\nKulyaaba. Ikulyaaba caamba kusikila Jehova mumupailo akumwaambila kuti muyanda kucita kuyanda kwakwe kukabe kutamani. Ikucita kuyanda kwa Leza citondezya kuti muli basikwiiya ba Jesu Kristo.—Matayo 11:29.\\nKubbapatizigwa. “Ubapatizigwe, usanzigwe zibi zyako, kukukomba kuzina lya-Mwami.”—Incito 22:16.\\nAmujatikizigwe cakumaninina mukubelekela Leza. “Kufumbwa cintu ncimucita, milimo yanu ibe yamoyo woonse, ibe mbuli milimo iicitilwa Mwami [Jehova], itabi yakubelekela bantu buyo pe.”—Ba-Kolose 3:23.","num_words":205,"character_repetition_ratio":0.053,"word_repetition_ratio":0.0,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bupaizi bwa Tunsiyansiya: Kuvwuntauzya Musela wa Bukatolika Bwaku Loma Print\\nBupaizi bwa Tunsiyansiya: Kuvwuntauzya Musela wa Bukatolika Bwaku Loma\\nBubambe aBeende bwa Bupaizi bwa Tunsiyansiya, kwiinda mukuvwuntauzya musela wa Bukatolika bwaku Loma\\nKutegwa tumvwisyisye muzeezo amatalikilo aabupaizi boonse, tweelede kutaanguna kumvwisyisya kasimpe komwe aaka... boonse bupaizi bwa ziyanza yabantu, bwakabambilwa atalaa tunsiyansiya twabantu. Loonse lusyomo azilengwa nzyobacita mubupaizi, zyakabambwa kuzwa muziyanza zyabantu, tunsiyansiya wa mikowa yaandeene, lusyomo lwa malende, azimwi zyakali kusyomwa abasikale abamatata bacikombelo kwa misela minjaanji yakainda, aabo mbotuzyi kwiinda mukubala mabbuku aalembedwe kuti bakali Muleli waku Loma Constantine abapaizi aba kkadinalo ba Cikombelo ca Katolika caku Loma. Ooyu ulikke ngomusemo mpoweelede kutalikila mbotuteelela bupaizi bwa mazubaano amaseseke aaziyanza alusyomo lwa cikombelo.\\nKwiinda muzilengaano nzyaakabona, Muleli Constantine wakasandukila kukusyoma Leza wa BanaKristu mpoonya mukuya kwaciindi wakazumizya bupaizi bwa Banakristu: aawa mpampawo ncobeni mumisela yabantu Cikombelo caku Loma ca Katolika (Nyika yoonse) mpucaatalikila kubamba ziyanza zyaco zyabupaizi. Kusikila aciindi aawo, cikombelo cakalilesyedwe mangwemba aaco kwiinda mukupenzyegwa, aboobo kwakali buyo zintu zisyoonto nzicakali kukonzya kucita kusikila nikwaabikkwa mulawo uucizumizya. Mumisela mitaanzi yoonse, Cikombelo ca Katolika caku Loma abapaizi baco, bakkadinalo, babbishopo, abapoopo, cakatalika kulibungabunga mumiswaangano eeyo yakabamba nkamu ya lupatipati amulwi wazintu nzyobasyoma mucikombelo Nokuba boobo, Banakristu abaabo batali Banakristu mbweenya buyo kusanganya antoomwe aBakaolika baku Loma lwabo, tabamvwisyide bwini bubambe bwa cikombelo cabo. Ndileelyo buyo kusikila notwamvwisisya bubambe bwa cikombelo eeci notunga twalibonena kuti milimo yamaanza aamuntu mbocibede bwini.\\nEeci cibalo cakavwunauzya masimpe aali kunzaa lweeno azimwi zinjaanjiz ayaaksanganyigwa mulusyomo lwesu mumisela mitaanzi kuzwa nikwakaanzwa musyobo wabupaizi ooyu. Taanguna uteelele makani aaya kuti ... Mufutuli wesu taakaboola muzyika akuzyoobamba nzila yabupaizi yamaseseke nokuba bupaizi buli buti pe. Mulimo Wakwe wakali wakuletela bantu makani ngobeelede kumvwisyisya aaluyando lwa Taata ku bantu, alimwi amakanze ookwa Taata Yahuwah mumazuba aacizya kumbele mwayoozumanana kubamba cilongwe akataa mukowa wabantu a mulengi wabo mupati.\\nMubula coolwe, kunyina ciindi cilamfu, nokuba busena bupati bwakuyungizya mucibalo eeci pe. Nokuba boobo, toonse twaambo tulaa makani mapati tulibandaukidwe. Watambwa alimwi twakukulwaizya kuti uyungizye kuvwuntauzya lwako omwini. Aaya makani aali mucibalo eeci ayelede buyo kubelesyegwa kukusolweda mubuvwuntauzyi akuteelela kwako. Mupailo wesu ngwakuti aabo banjombede muuciyanza calusyomo cabupaizi,kapati Bakatolika baku Loma, balibonene masimpe mutwaambo tumwi ntotubandika mucibalo eeci. Akuti aabo bateelela cilembedwe mucibalo eeci batonkomane mubuvwuntauzi bwabo kuvwukkula tusimpe. Taata Yahuwah singuzuzyoonse muzina anguzu zya mwana, Yahushua Messiah, amusolwede inywe ku kasimpe aaka.\\nMusinzo wesu wakuyandaula kasimpe utalikila mumwaka wa 306 kusikila mu 337 A.D. Eelyo Muleli waku Loma Constantine naakatalika kuyaka bulelo bwa Loma akuzumizya mumulawo kupaila akucita ziyanza zya Bunakristu kuti mbobupaizi bwamasimpe buzumizyidwe mubulelo bwakwe. Pele kakutaninga ba ooku kuzumizya, Bunakristu bwakali kulanganyigwa buyo mbuli cilengwa cakucita bulozi, alimwi bwakali kukasyigwa kapati mubulelo boonse, aciindi eeco bwaazyibidwe kuti Ncikombelo ca Baapositolo. Nokuba boobo, ziyanza zyakukomba mituni zyakali maunda alimwi zyakali zumizyidwe. Kuyungizya waawo, nokuba kuti Constantine wakazumizya Bunakristu, Constantine lwakwe mwini wakali kupailila zuba alimwi wakasanganya lusyomo azilengwa zya kukomba mituniinteantoomwe a Bunakristu bwakali kusalala. Mukubweza ntaamu eezyo Constantine wakacita mulimo umwi mupati mumapolitikisi aakuyaka akukamantanya munzi wa Loma woonse, alimwi abulelo boonse, mpoonya kwiinda mukucita boobo bakamuyandisya bazike ba Loma. Nokuba kuti Constantine wakagaminide kuyumya bulelo kwiinda mukuswaanganya ziyanza alusyomo lwa zyabulozi, eezyo zyakali kwiitwa “Mbunakristu”, Cikombelo caku Loma ciitwa kuti Cikombelo caku Loma ca Nyika Yoonse cakakomena akuyungizya kubaa nguzu.\\nCifwanikiso cokwa Raphael ca Kubbizyigwa kwa Constantine.\\nBikkila maanu aawa... zyoonse ziyanza alusyomo lubeelsyegwa mu Cikombelo ca Katolika caku Loma, zyakabambwa aamuntu. Zyakazumizyigwa mumiswaangano yabapaizi kuti zibaa mulimo wakusanganya tunsiyansiya alusyomo lwaanyika mubupaiz. Kunyina pe Yahushua, mu mangwalo, baapositolo Bakwe doctrines were implemented for the sole purpose of making mortal men app nokuba basiciiya Bakwe nibakaambide ziyanza zyakabambwa aamuntu eezyo pe. Zyakabambilwa buyo kutegwa muntu alibone aanga takonzyi kufwa alimwi ulaa moza mumeso aabuleya, nokuba kusikila mazubaano, basicisi balupatipati, baleli bazisi abami baanyika bafugamina Poopo kubee , ngu leza uutafwi nkaambo utaminina kuti “Nguuli Mucibaka ca Kristu”.\\nMumisela yakataanguna yoonse ya Cikombelo ca Katolika caku Loma, kwakakkalwa miswaangano minjaanji.Miswangano oomo bakkadinalo abapaizi bazyila muzyooko zyaandeene munyika nibakali kubungana kuti babandike zisangene mu musa. Muswaangano waku Nicaea mutaanzi awabili (325 a 787 kiitobelana), waku Constantinople mutaanzi, wabili, waatu awane (381, 553, 680 awa 869 kiitobelana), waku Ephesus (431), waku Calcedon (451), waku Lateran mutaanzi, wabili, watatu, awane (1123, 1179, 1193 a 1215 kiitobelana),waku Lyons mutaanzi awabili (1245 a 1274 kiitobelana), waku Vienna (1311) ayimwi., ziyanza zinjaanji zyakasanganyigwa mumusa wacikombelo kuti zyeelede kucitwa lyoonse mucikombelo. Izintu mbuli kusumpula mulazyo waku Nicaea, kusendekezya ciimo cabulemu cokwa Kristu, kuganta buzuba bwa Nsondo ya Isita, kupandulula bulemu bwa Muya Uusalala, kwaanza lusyomo lwa baleza botatwe, kwaambilizya Maliya kuti Mbaanyina Leza, kusendekezya ciimo cabuntu acabulemu cokwa Kristu, kwaanza mipailo yakupailila basaante bafwide, kubelesya zibumbwa azimwi zinjaanji mucikombelo (mpanda, zibumbwa amikonzyanyo yakafwalwa), kusendekezya kuti (cinkwa awaini ngomubili ncobeni abulowa bwa Kristu), kusendekezya kusyoma Mulilo Uutamani a Busena Bwacisubulo ca Bafwide, kusendekezya kuti bantu balalekelelwa zinyonyoono kuti babbadela mupaizi mali (kutali kuti beempwa zinyonyoono), kubelesya Rosary, kubbizya bana bavwanda, kubbizyigwa mucibaka ca bafwide, kusungilizya ciyanza ca Kunununa (kubbadela mali kucikombelo kutegwa bafwide banununwe kuzwa Kucisubulo ca bafwide), kubelesya mulaka waci Latini mu Musa, kubamba Eucharisti, kubelesya milangu atununkilizyo mu cikombelo, zyakusama azikobela zya bapaizi, nkatekisima, mulalilo mutaanzi azimwi ziyanza zinjaanji zicitwa akusungilizyigwa abapaizi ba Cikombelo ca Katolika caku Loma, kapati eezyo zibelesyegwa mukukonga akudyaaminina buleya. Nokuba kuti zikombelo zyakazanduka cikombelo eeci (eezyo zyakabambwa mukubambulula lusyomo), taziciti ziyanza eezyo zicitwa muli Nyina wazikombelo, pele bubambe bwazyo alusyomo lwazyo lulikonzyene munzila iibambidwe Nyina wazikombelo. Takuli kutamikizya buyo bbuku lya Ciyubunuzyo nolyaambilizya kuti “NYINA” wa basibwaamu.\\nBa Episcopalo, ba Presbyteriani, ba Methodisti, ba Lutherani, ba Baputisti, ba Church of God, ba Assembly of God, ba Cikombelo ca Kristu, ba Cikombelo ca Pentekkosti, ba Cikombelo ca Holiness, ba SDA, ba Cikombelo caba Mormoni, aba Kamboni ba Jehovah azimwi zikombelo zyakaanwa aamuntu, batobela milazyo abubame bwa banyina bazikombelo. Eeci cilikke nkasimpe kayumu nta kayumya mate mukanwa, pele nkasimpe kalemu alimwi kawusisya nokuba boobo.\\nMulongo wa ba Poopo...\\nBakatolika ba Loma bazuunyene kusyoma kuti Mwaapositolo Petulo wakali Poopo mutaanzi wacikombelo nokuba kuti kunyina malembe aamisela nokuba bumboni butondezya kuti Petulo lwakwe kuli naakalyatide tende mumunzi wa Loma.Petulo wakali muntu waambilizya milumbe, kakuli Jemusi lyoonse wakali kulanganyigwa kuti ngu silutwe mwaapositolo. Ooku nkusendekezya buyo akataa kumwi mu Cikombelo ca Katolika caku Loma mukukwkalisya kuswaanganya antoomwe twaambo tuteendelani. Iibunga lya ziyanza zicitigwa mu cikombelo lilanganyigwa aanga ncecintu cipa kuti cikombelo cisetekane. Pele aayo mazuba nizyakaanzwa eezyo zintu taazyibidwe antangalala, ambweni munsaa myaka 32 kusikila munsaa 65 A.D. Musololi mutaanzi, “Poopo”, wacikombelo caku Loma wakali Muleli Constantine, ooyo wakalela bulelo bwa Loma kuzwa mu 306 kusikila mu 337 A.D.\\nMutwe wacuuno wakuti “Poopo”, awalo ncobeni, ndibbala lyaci Latini lyakuti “papa” naakuti taata. Yahushua wakaamba caantangalala muli Mateyo 23:9 kuti muntu teelede kwiita naba muntu omwe kuti taata. Kubelesya bbala eelyo, kweendelanya bwaamba mangwalo, mulandu wa kusampaula. Nokuba boobo, Bakatolika baku Loma kunyina cilubide nokuba ntenda njobabwene muli ceeci, nkaambo Poopo (bbishopo waku Loma) uyeeyelwa kuti Nguuli Mucibaka nokuba kuti nguuyiminina Kristu Lwakwe anyika, kali mumubili wanyma yamuntu uukonzya kufwa. Mutwe wacuuno wakuti “Poopo” nokuba boobo upedwe silutwe bbishopo waku Loma. Bikkila maanu kuti bubambe bwa Cikombelo caku Loma ca Katolika (Poopo, bapaizi, babbiishopo, bakkadinalo, bazibe, bakalaliki, abamwi.) ncintu cakabambwa aamuntu mukati kacikombelo eeco citaambidwe mu Mangwalo. Kubelesya bbala lyakuti poopo tiikwakapedwe kusikila mubulelo bwa Constantine. Mulongo mulamfu wa “lbasilutwe babbishopo” wakatalikila aali St. Linus, ooyo wakasalwa mu 67 akulela kusikila mu 76, mpoonya wakatobelwa a St. Anacletus mu 76 kusikila mu 88 awalo wakatobelwa a St. Clement I mu 88 kusikila mu 97. Mulongo mulamfu wabasololi, naa basilutwe, baBbishopo utaaluka kuzwa mu 67 A.D. Kuyoosikila kubulelo bwa Constantine, eelyo basilutwe baBbishopo nibaapegwa mutwe wacuuno wakuti “Poopo” akuzumanana kusikila buzuba buno bwa Francis, ooyo wakasalwa a Bbunga lyaba Kkadinalo mu Miyoba 13th, 2013 (3\/3\/3)x2=666.\\nBunji bwa ba Poopo bakutaanguna anakali kulela buyo myezi yongaye nokuba mazuba ongaye nkaambo bakali kujaigwa mukaziziizi abakkadinalo mbocibeleka limwi aabo bakali kwiindilana kukkala cuuno ca Poopo lwabo. Eeyo yakali nkondo yalunya abulwani mubupaizi mbweenya mbuli nkondo zya mapolitikisi kulwanina cuuno cabulelo buyaa kukomena. Mpoonya muleli ooyu kumamanino wakaanza milawo acooko canyina cakwe, mumwezi wa Mulumi 11th, 1929 eelyo Benito Mussolini a Poopo Pius XI nibakasaina cizuminano ku Ganda lyabuleli lya Laterani Cikombelo ca Katolika caku Loma mucaajosyelwa nyika ya Poopo njicakasweekelwa. Eeci cizuminano cakapa Cikombelo caku Loma nyika yamayeeka aali 108.7 akataa munzi wa Loma, mpoonya akuba cisi caangulukide ca Vatican. Mubwini, Poopo ngo muleli, ngomweendelezi, alimwi alikke ngusungilizya kufumbwa ceelede kcuitwa mucisi cakwe cili mukati kacisi ca Italy.\\nBukwabilizi mu Makwebo...\\nBwakabambwa mu 1942, cisi ca Vatican cakacita mulimo wamapolitikisi amakwebo mumusela waco mulamfu. Lino nicakapegwa nyika, eeco cakabapedelezya zintu zili mucizuminano ca Lateran, akuzumizya kusumpya cikombelo kuya kumbele, bupoopo lino bwakalijana kuti bweelede kujuzya nkomo yamali kuti bweendelezye buvwubi bwabo bupati, kutali buyo mali aasangilwa kucikombelo, pele amumakwebo akataa cikombelo amfulumende zyaanyika eezyo ziyanda kusisikizya mali amakwebo aabugwebenga. Imbungano iizyibidwe bugwebenga ya Italiani Mafia abaku German mu Nkondo Yanyika II. Bumboni bwamisela butondezya kuti nkomo yamali yaku Vatican yakajisi mabbiliyoni aamali aajaikizya ba Mafia alimwi yakali kukwempula zinu zidula nzibakabba kuzwa kuli Hitler muciindi ca nkondo akciindi cakudyaaminina cooko ca Bukuwa. Poopo Pius XII wakamvwana aba Nazi baku Germany kuti asaine cizuminano a Hitler eeco cakapa nkamu ya Nazi kuti iyobozye lubono lwakubba muciyobwedo camali caku Vatican. Nkaambo kakuti nkomo yamali yaku Vatican yakali kweendelezyegwa cakusisisikizya, aaya mali alubono akasisilwa limwi kulaale ooko nyika nkwiitakonzyi kuzyiba mweelwe wamali aayo. Hitler abamambi bakwe bakalijanina wakweendelana limwi nokuba nkondo nzyaakalwana Hitler. Cintu cimwi cikondelezya kumbali lyazyeezyo ncakui, musela uyubununa kuti Hitler wakali kulumbaizya akutembaula bubambe bwa Cikombelo ca Katolika caku Loma cakuti wakabmba nkamu yamapolitikisi iikonzyanya ancico.\\nKwainda myaka makumi otatwe kuzwa mu (1989), Cikombelo ca Katolika caku Loma cakayobolola makumi aamabbiliyoni aamadola alubono kuzwa mukusangilwa mali antoomwe abuvwubi bwa mali aakatuminwa cikombelo azintu zidula zyakazyila kuli ba Mafia amunkondo ya WW II kuzwa ku Germany. Pele mu 1929, nicaasainwa cizuminano ca Lateran, Cikombelo ca Katolika caku Loma cakali cetaalide akubula nguzu abuvwubi anyika zya poopo munyika. Kusikila sunu, Cikombeloca Katolika caku Loma, cicivwubide, cilaa buvwubi kwiinda buyo akati mbucaajisi kutaanguna mumyyaka makumi otatwe buyo yainda. Akaambo kamilandu ya cisaaza amazyuulunzuma zyamali aabbadelwa nkaambo ka bapaizi bacita cisaaza akujataata bana batana kula, ncintu citakonzyi akwaambw akuti Cikombelo ca Katolika caku Loma cakabaa buyumuyumu mu mali.\\nKakkadi ca Cizuminano ca Lateran\\nKwamakumi aamyaka, ambweni akuyungizya atala aawo, ba Poopo abamwi balupatipati bacikombelo cakalyatila kunsaa matende milandu akukazya kuti kwiina cibi ncibaacita bapaizi abana basankwa bavwozya musa abana basimbi aabo bakayubila mucikombelo kuti bavwunwe ntenda nkaambo kacikombelo mbocilyaamba kubaa moza. Mu nkondo ya WW II, nokuba kuti aciindi eeco Poopo (Pius XII) wakalizyi bujayi bwaba Nazi mbubakakosoola kukabaula bamaJuuda, walo kunyina ncaakaamba nokuba kulesya mulandu wabujayi ooyu. Wakacitila boobo nkaambo buyo kakuti nkamu ya Nazi yakali kweetela Cikombelo ca Katolika caku Loma buvwubi butaambiki bwa golide azyakabbigwa mumasi amwi,cikombelo ckayimina ambali akukaka kugwasyilila nokuba kulesya nkondo iilwanwa ankamu ya Nazi.\\nBujayi Bwakashinshimwa Kucitika...\\nMumwezi wa Mulumi, 11th, 2013 Poopo Benedict wakaambilizya kuti wakotoka mulimo wakukkala cuuno cabu Poopo. Mumawoola ongaye buyo lulabo lwakakwapula nsonje ya ganda lya St. Peter's Basilica. Oolu lulabo tiilwakajatila maanu bamwi, pele kuli bamwi lwakabaibalusya cishinshimi mu Mangwalo, kuti ndabo zijatikizya kuwa kwa Saatani kuzwa kujulu. Luka 10:18 (Yahushua ulaambaula) “Alimwi walo wakati kuli mbabo, Ime ndakamubona Saatani kaloka mbuli lulabo kuzwa kujulu”. Kuli baabo batobela bupanduluzi oobu, ooko kwakali kutondezya milimo ya Saatani iicitigwa cigaminina mu Vatican.\\nKuzumanana zipekupeku zya WLC zijatikizya poopo, aCikombelo ca Katolika caku Loma, eeco ciyookupampanwida kuteelela Mangwalo mbwaapandulula bweendelezi bwa Cikombelo ca Katolika caku Loma ambociyoodilimunwa. Nokuba kuti Cikombelo ca Katolika caku Loma cilangikaanga citobela lusyomo lusalala, pele kusanganya ziyanza zyabantu atunsiyansiya twa mizimo ncecintu cipa kuti caalilwe limwi kusyomeka kuli Taata Yahuwah aMwanaakwe Yahushua Messiah wesu. Milazyo yakubaa lusyomo akuteelela Taata wakujulu, lyoonse alyoonse, ililembedwe muciindi camila yoonse mumilimo yokwa Yahushua amumaumi abaabo bakakomezyegwa mumilumbe ya baapositolo abasiciiya bataanzi. Eeyi milazyo tiiyakeelede kusanganyigwa cintu, pele Cikombelo ca Katolika caku Loma cakacita cintu eeco. Kwiinda mukuyungizya ku malailile ookwa Messiah, muna kristu uutonkomene kakkede muzyuuno zya Cikombelo ca Katolika caku Loma , nokuba cikombelo cili coonse, ulazungaana mulusyomo lwakwe akuleka kusyomeka kuli Taata Yahuwah, amalailile ookwa Yahushua Messiah, akoongomanina kunzila yaziyanza zyakabambwa aamunut. Eeco ncecipa kuti kupaila koonse ooko kubulile lyo lusyomo lwini.\\nKaambo keni kacibalo eeci akuli kusinganya nokuba kufubaazya basazima abacizyi Bakatolika. Ba katolika mbantu basyomeka, ambweni bayinda kusyomeka kwiinda Basikutongooka bamwi baunka muzikombelo zyaandeene. Makanze eesu ngakwiinduluka kwiisya akuzyibya bantu aabo bajatikene mubupaizi oobu. Cilawusisya kubona Bakatolika mbubakapanda nzila yabupaizi iigeme kulaale a Moza, kwiinda mukuyiisya zyalweeno zyabaabo balyaamba kuti “mbaalumi basetekene bokwa Leza”. Aboobo mbuli mbotuwaamba oobu, twanjila mulimo wakwiinduluka kuyiisya akulailila basazima abacizyi besu ku masimpe aabupaizi bwa Bukatolika bwaku Loma. Teelela cintu comwe buyo mukwesu, bapaizi abamwi balupatipati mucikombelo tabaciti caali kusweesya bantu kwiinda mukubazyibizya kucita ziyanza zya tunsiyansiya, pele abalo babelesyegwa aanguzu zya Saatani zyoongomene kubejela akulobya zyuulunzuma zya maumi aabana ba Taata Yahuwah.\\nMukubula coolwe, cilausisya kuti bunji bwa Bakatolika balupatipati kunyina nobayooteelela kasimpe kali mutwaambo ootu. Cikombelo ca Katolika caku Loma kwiinda mumilimo yabapaizi ba Dominicani aba Jesuiti cakataalukila kumabazu woonse aanyika akusungilizya bantu boonse kuti bateelele Cikombelo ca Katolika caku Loma. Kababelekela mu mfulumende amuzikolo, bakajatisya bantu boonse Ajanza Lilemu kuti bateelele kuzwa nicaatalika cikombelo kusikila mazubaano. Ncintu cimwi ceelede kwaambwa aawa imwi milimo yabo yabugwebenga iitakwe mpuwo. Kujaya baleli bazisi abamwi beendelezi bazisi, kusungilizya akutalisya nkondo akataa masi azimwi zinjaanji, zyakacitwa nkaambo mnzi wa Vatican nguwaasungilizya milimo iili boobo mukuyanda buyo kubambilila bweendelezi bwa cikombelo bwansiku akukwabilila makwebo aacikombelo. Mulimo wa Cikombelo ca Katolika caku Loma antoomwe acuuno camweendelezi, ncintu cabupaizi bwa mituni cakabambwa aamuntu,, alimwi camapolitikisi.\\nMazubaano, bunakristu bulangene aaciindi ceenzu kapati mumusela wanyika woonse. Kunyina pe nokuba lyomwe mumusela wa Cikombelo ca Katolika nicaka “langisyidwe aanga nkulangisya mpuyasweekela nyeleti” kuzwa mumwezi wa Miyoba 13th 2013 eelyo Francis naakasalwa kuba Poopo namba 266th. Zyuulunzuma zyabantu bacilangilizya zintu ziyaakucitika mumunzi wa Vatican amilimo ya Poopo Francis kweendelanya kumangwalo aa Ciyubunuzyo, kujatikizya nguzu zyabunyama akusumpuka kwa simukazya-kristu. Mangwalo atondeka zintu zimwi zitontozya mumagondo zya mushinshimi mubeji, simukazya-kristu, akusumpuka kwa banyama (zisi) zyobile, bakamboni bobile, mpoonya amulongo wabupoopo kuugaminina. Kuli kweendelana akataa bupaizi bwakabambwa aamuntu oobo Yahushua Messiah mbwaakaambilizya kuyoocitika kumamanino aaciindi akubambwa kwa Cikombelo ca Katolika caku Loma.\\nKubbeejela kwa St. Malachy...\\nWakazyalilwa mucisi ca Ireland nkocili Kunyika mu 1094 akunjizyigwa mulimo wa Muapizi wa Katolika kalaa myaka 25 mu 1119, Malachy wakalizyibidwe kuba sicikolo wa mangwalo. Bumwi buzuba naakali kuzyokela ku munzi wakwe mulweendo kuzwa ku Loma, wakataminina kuti wakabona cilengaano ca Bapoopo ba Katolika kusikila akuboola kwa Kristu. Zilengaano zyakwe zyakasiswa muziyobwedo zyaku Vatican kusikila nizyakasimbwa mumabbuku mu 1590. Malachy wakaambilizya Cikombelo ca Katolika caku Loma kupenzyegwa bantu amusololi umwi Petrus Romanus (Petulo waku Loma) nguuni kulela aciindi cakupenzya ooko. Petulo waku Loma, mbwaakalemba, uyoosanina lutanga lwakwe akataa mapenzi manjimanji mpoonya munzi wamalundu aali ciloba (munzi wa Vatican) uyoodilimunwa. Kuli mizeezo minjaanji yakamvwugwa kuzwa ciindi eeco yakweezyeezya kuti m mwini masimpe ooyo Petulo waci Loma. Pele mumanjezyeezya aaya, ncintu cilaa mpindu kwiibaluka kuti kumatalikilo, nokuba kumacaalizyo, aamusela wa 10th, munzi wa Vatican, munzi wamalundu aali ciloba, tiiwakaliko pe.\\nKubbejela kwa St. Francis waku Asisi...\\nPoopo Francis (Jorge Mario Bergoglio) wakaulikwa zina lya bupoopolyokwa St Francis waku Asisi. Cimwi caabejelwa aa St. Francis cilembedwe butobela ansi aawa kuti,\\n“Kuyoosika Poopo uutasalidwe munzila iiluleme. Walo uyooleta kupyopyongana kapati. Uyoopa kuti Bakatolika badonaike lusyomo lwabo. Uyootambula misyobo yabupaizi yoonse kakwiina kusalauzya. Kuyooba kubijilwa mukati aanze lya Cikombelo ca Katolika caku Loma. Uyoocenga bantu batonkomene kubaa lusyomo.”\\nPoopo Francis ulibonyaanga wakasotoka mulawo waku Vatican weelede kutobelwa mukusala Poopo. Kweendelanya bwakakosozyegwa makani mu Vatican a Mbungano yaba Kkadinalo, Poopo mupya tayelede kupangana cilongwe abamwi bapaizi bakasalwa kale kataninga salwa kunjila mulimo wabu poopo. Kulangikaanga Poopo Francis wakazyibya bantu bamwi kuti kuyooba kucincanya zyuuno mucikombelo kataninga salwa kukkala cuuno, eeco cimupa kuti abe “Poopo uusalidwe munzila iitaluleme”.\\nPoopo Francis tasami zikobela zyamulimo wabupoopo. Poopo Francis waambwa kuti ngu poopo Uukazya-bapoopo alimwi tali Poopo wamasimpe. Imwi milumbe yakamvwugwa mazuba aayinda yaambilizya kuti Poopo Francis usoleka kuswaanganya antoomwe zikombelo zya Basikutongooka a Bakatolika. Kukakatila kwakwe kubamba bupaizi bwanyika bomwe” kwakasiya Bakatolika banjaanji abaabo batali bakatolika kabazingidwe mizeezo, aboobo bunji bwa Bakatolika bakaleka kunjila Cikombelo ca Katolika caku Loma. Eeci citondeka kukasimpe kakuti inga kanooli mushinshimi mubeji, ooyo mbweenya mbuli Johane mubbapatizi wakabambila nzila ya Messiah, Francis lino ubambila simukazya-Kristu nzila.\\nSilutwe bbishopo Fulton Sheen (1895-1979) wakali bbishopo silutwe waku Rochester alimwi wakali wakali mwaambilizi wa makani aakabaa mpuwo mu TV aakuti, \"Life is Worth Living,\" akataa myaka 1951 a 1957. Wakamvwugwa aciindi cimwi kaamba kuti,\\n“Mushinshimi mubeji uyoobaa bupaizi butakwe ciciingano, bupaizi butakwe bulangizi bwa nyika mpya, bupaizi buyoojaya bupaizi boonse.Kuyooba cikombelo cakucengeezya, cikombelo ca Kristu cinooli cimwi, pele mushinshimi mubeji uyooyaka cikombelo cimbi. Eeco cikombelo calweeno ciyooba cikombelo ciswaanganya nyika yoonse (kukamantana) ... Lino mubili wacikombelo caanyika uyoosolwedwa aa Judas Iscariot uucigaminide alimwi unooli mushinshimi mubeji. Walo nguuyoosambala cikombelo cakwe kuli Simukazya-Kristu.”\\nBbishopo mupati Fulton Sheen\\nEeci cilibonyaanga ncencico ncobeni Poopo Francis ncakwakwalisya kugozya kucita mukati ka Cikombelo ca Katolika caku Loma mazubaano. Nokuba boobo, micito ya Poopo wamamanino iyaa kulangisyigwa akataa buleya abuzyililwa. Tuli masimpe kuti ecino nciindi CANTENDA YAKUJATA BUBI mumusela wanyika eeyi. Kuti yebo utaswiilili Taata Yahuwah nakwiita kuti uyaamuke akulizandula kuzwa kulweeno lwazikombelo oolu, cintu cuusisya ncakuti yebo uyoolijana kopenga mapenzi aatanabwenwe aayo aayoosikila baabo basinganyidwe antoomwe a “nyina wa basibwaamu boonse).”\\nLino kuyaa kuyungizya mulwi wabumboni butondezya ciimo ca Cikombelo ca Katolika caku Loma amunzi wa Vatican mbuulibonya kuzuzika zishinshimi zya Ciyubunuzyo antoomwe a Simukazya-kristu, Saatani, nokuba masalamuzi aacitwa amadaimona. Twakukombesya yebo kuti uyungizye kuvwuntauzya makani aaya akubala mangwalo. Twakomba utayaamini mumizeezo yamuntu wanyama njasandulula makani, pele kolibalila kolaa moyo uupaila akusololelwa a Muya Uusalal ookwa Yahuwah kutegwa mangwalo akusongwaazye, ucenjelele bupaizi bwakubeja oobu... Twakomba UTALILEKELI KUCENGWA.\\nKamuzwa muli nguwe nobantu bangu... Ciyubunuzyo 18:4\\nLino nokucaambwa kuti, Buno buzuba, kuti nywebo mwalimvwa jwi Lyakwe, mutayumyi myoyo yenu, mbuli mbumwaacitidie nimwakazanga....","num_words":2850,"character_repetition_ratio":0.069,"word_repetition_ratio":0.0,"special_characters_ratio":0.156,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kubelekela Jehova Nokuba Kuti Muntu Ulicembeede Alimwi Ulaciswa-ciswa | Yakwiiya\\nAMUBALE MU Albanian Amharic Arabic Armenian Aymara Azerbaijani Azerbaijani (Cyrillic) Bengali Bicol Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chuvash Cibemba Cinyanja Croatian Czech Danish Dutch Efik English Estonian Fijian Finnish French Georgian German Greek Guarani Gujarati Gun Haitian Creole Hausa Hebrew Hiligaynon Hindi Hiri Motu Hungarian Icelandic Igbo Iloko Indonesian Isoko Italian Japanese Kannada Kazakh Kikamba Kikaonde Kikuyu Kinyarwanda Kirghiz Kiribati Kirundi Kongo Korean Latvian Lithuanian Luganda Lunda Luo Luvale Macedonian Malagasy Malay Malayalam Mambwe-Lungu Marathi Mauritian Creole Maya Mongolian Nepali Norwegian Oromo Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Punjabi Quechua (Bolivia) Romanian Russian Samoan Sango Serbian (Cyrillic) Serbian (Roman) Seychelles Creole Shona Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tajiki Tamil Tatar Telugu Thai Tigrinya Tiv Tok Pisin Turkish Turkmen Turkmen (Cyrillic) Tuvaluan Tzotzil Ukrainian Urdu Uzbek Vietnamese Waray-Waray Wolaita Yoruba Zapotec (Isthmus)\\nBA Ernst, ibajisi myaka yakuzyalwa iili muma 70 bakaamba kuti: “Bunji bwaziindi kuciswa kulandinyonganya kucita zintu zimwi.” * Sena andinywe mbomulimvwa oobu? Kuti naa muyaabucembaala alimwi mulimvwa kuti mwatalika kuciswa-ciswa akumaninwa nguzu, inga mwaamba kuti mulimvwa mbuli mbokulembedwe mulugwalo lwa Mukambausi caandaano 12. Mukapango 1 mazuba aabucembele aambwa kuti “mazuba aamapenzi.” Nokuba boobo, eeci tacaambi kuti munoojisi buyo buumi bwamapenzi akuti taakwe ncomukonzya kucita. Nomuba mubukkale buli boobu mulakonzya kukkutila mubuumi kumwi kamubelekela Jehova calukkomano.\\nKUZUMANANA KUBA ALUSYOMO LUYUMU\\nNomuyandwa bakwesu abacizyi bacembeede, tamuli nyolikke pe mumasunko aanu. Babelesi ba Jehova bansiku ibakacembeede abalo bakayaanya buyumuyumu bukozyenye ambomujisi. Mucikozyanyo, Izaka, Jakobo, alimwi a Ahija bakaleka kubona. (Matl. 27:1; 48:10; 1Bam. 14:4) Sara wakalimvwa ‘kucembaala.’ (Matl. 18:11, 12) Mwami Davida “tanaakali kukasaalilwa.” (1Bam. 1:1) Barizilai taakwe naakacili kumvwa kunona kwacakulya naa kumvwa bubotu bwanyimbo. (2Sam. 19:32-35) Abrahamu a Naomi umwi aumwi wakeelede kuliyumya akaambo kakufwidwa ngobakwetene limwi.—Matl. 23:1, 2; Rut. 1:3, 12.\\nNcinzi cakabagwasya kuzumanana kusyomeka kuli Jehova alimwi akuzumanana kuba alukkomano? Mubucembele bwakwe, kasyomede mucisyomezyo ca Leza, Abrahamu “wakayuma akaambo kalusyomo lwakwe.” (Rom. 4:19, 20) Andiswe tuyandika kuba alusyomo luyumu. Lusyomo luli boobu taluyeeme amyaka yakuzyalwa njotujisi naa bukkale bwesu. Mucikozyanyo, noliba leelyo naatakajisi nguzu, naakali moofwu, alimwi naatakali kubukila bulo, sikale Jakobo wakajisi lusyomo luyumu muzisyomezyo zya Leza. (Matl. 48:1-4, 10; Heb. 11:21) Mazuba aano, ba Ines, ibajisi myaka yakuzyalwa iili 93 baciswa bulwazi bwakutebela milambi, pele bakaamba kuti: “Buzuba abuzuba ndilimvwa kuti Jehova wandilongezya kapati. Buzuba abuzuba ndiyeeya zya Paradaiso. Kuyeeya boobu kundipa kuba abulangizi.” Eelo kaka eeci ncikozyanyo cibotu kapati!\\nTuyumya lusyomo lwesu kwiinda mukupaila, kulingaula Jwi lya Leza, alimwi akujanika kumiswaangano ya Bunakristo. Musinsimi Daniele naakacembeede wakali kupaila ziindi zyotatwe buzuba abuzuba alimwi wakazumanana kwiiya Jwi lya Leza. (Dan. 6:10; 9:2) Mukamufwu uucembeede, Ana, “kunyina naakali kulovwa kutempele.” (Lk. 2:36, 37) Ciindi nomujanika kumiswaangano kweelana ambocikonzyeka akutola lubazu kusika mpomugolela, mulalikatalusya nobeni abaabo boonse ibajanika. Alimwi lyoonse Jehova ulaikkomanina mipailo yanu, nokuba kuti tamukonzyi kucita zintu zimwi.—Tus. 15:8.\\nBunji bwandinywe bakwesu abacizyi basyomeka mulayanda kulanga kutegwa kamulibalila, alimwi inga mwayanda kuba anguzu kutegwa kamujanika kumiswaangano, pele cilamukatazya kapati, ambweni tacikonzyeki buya akukonzyeka. Aboobo, ino ncinzi ncomukonzya kucita? Amucite kufwumbwa ncomukonzya kucita. Banji ibatakonzyi kujanika kumiswaangano balakkomana kuswiilila kumiswaangano kwiinda mukubelesya fooni. Ba Inge, ibajisi myaka yakuzyalwa iili 79 tababoni kabotu, alimwi kutegwa balibambile miswaangano babelesya mapepa aakapulintwa aajisi mabala mapati kapati ngabaletela mukwesu umwi mumbungano.\\nAmbweni mulijisi cintu cimwi bamwi ncobatajisi—ciindi. Sena inga tiimwacibelesya ciindi ncomujisi kuswiilila zibalo zyamu Bbaibbele izyakalekkoodwa, mabbuku aapandulula Bbaibbele aakalekkoodwa, makani aakalekkoodwa, alimwi azisobano zyakuswiilila buyo? Kuyungizya waawo, inga mwayanda kutumina luwaile basyominyoko kutegwa mubaambile zintu zyakumuuya alimwi ‘akuyumizyanya kwiinda mulusyomo lwaumwi amweenzinyina.’—Rom. 1:11, 12.\\nKUZUMANANA KUBA BASUNGU MUMULIMO WA LEZA\\nBa Christa ibajisi myaka yakuzyalwa iili kuma 80 bakaamba kuti: “Cilacisa ikuti naa kaindi wakali musungu mpoonya waleka kuba musungu.” Pele ino mbuti bacembeede mbobakonzya kuzumanana kuba alukkomano? Ba Peter, ibajisi myaka yakuzyalwa iili 75 bakaamba kuti: “Nkwiinda mukuzilanga munzila yeelede zintu, kutali lyoonse kwiile kuyeeya zintu nzyotakonzyi kucita lino, pele kukkomana azintu nzyokonzya kucita.”\\nSena kuli nzila zimwi zyabukambausi nzyomuyeeya momukonzya kutola lubazu? Ba Heidi tabakonzyi kutola lubazu mubukambausi bwakuŋanda aŋanda mbuli mbobakali kucita kaindi. Lino bali mumyaka yamuma 80, bakaiya kubelesya kkompyuta kutegwa kabalemba magwalo. Basikumwaya bamwi bacembeede batalisya mibandi yamu Bbaibbele ciindi nobali mumasena aakupumunina naa nobali acitisyini cabbaasi. Ambweni lino mukkala muŋanda mobabambila bacembeede, sena bamadokota abamanesi ibamulanganya kubikkilizya abamwi mbomukkala limwi inga tiicaba cilawo canu?\\nKumamanino aabuumi bwakwe, Mwami Davida wakayandisya kusumpula bukombi busalala. Wakasanga mali akubikka bubambe bwakuyaka tempele. (1Mak. 28:11–29:5) Mbubwenya buyo, mulakonzya kuzyiba zintu zili mukucitika mumulimo wa Bwami wanyika yoonse akucita nzyomukonzya kutegwa mugwasyilizye. Mulakonzya kubagwasyilizya bapainiya naa basikumwaya bamwi basungu ibali mumbungano yanu kwiinda mukubaambila majwi aakulwaizya, kubapa cipego cisyoonto, naa zyakulya zitaduli. Nomupaila mulakonzya kubapailila bakubusi alimwi amikwasyi, babelesi baciindi coonse, ibaciswa, abaabo ibajisi mikuli mipati.\\nNywebo amulimo ngomubeleka mulayandika kapati. Taateesu wakujulu takamulekelezyi pe. (Int. 71:9) Jehova ulamuyanda kapati alimwi ulamubikkila maano. Lino-lino toonse tunooyabukomena mumyaka yakuzyalwa kakunyina mapenzi aaboola akaambo kakucembaala. Katujisi nguzu alimwi katujisi buumi bulondokede, tuyoozumanana kubelekela Leza wesu siluyando, Jehova, mane kukabe kutamani!\\n^ par. 2 Mazina amwi acincwa.","num_words":787,"character_repetition_ratio":0.052,"word_repetition_ratio":0.0,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Chiindi nuyanda kuzibana awumwi muntu, kuli chimwi chintu nchutalika kubuzya. Ngawabuzya kuti: “Nduweni zina lyako?” Kuti wabuzya Leza mubuzyo ooyu kujana wakusandula biyeni?\\n“Ndime Jehova. Ndezina lyangu.”—Isaya 42:8.\\nNkakusaanguna na kumvwa zina eeli? Zilakonzeka kuti nkakusaanguna nkaambo mumaBbayibbele miingi zina lyaLeza lyakagwisigwa mpawo kwakabikkwa zina lyakulemeka lyakuti “MWAAMI” aandawu yazina lyaLeza. Pesi zina lyaLeza lijanika kwaziindi zisika ku7 000 mumalembe aaBbayibbele aakusaanguna. MuchiHebbrayo, zina eeli lilembedwe amabbi aali 4 YHWH naakuti JHVH alubo muChitonga lyiitwa kuti “Jehova.”\\nZina lyaLeza lilajanika mumalembe aachiHebbrayo alubo lilajanika amuli bumwi busanduluzi bwiingi\\nBbuku lyaNtembawuzyo Lyakuvunga lyakuLwizi Lufwide lyaCHIHEBBRAYO lyamumwaanda wamunyaka wakusaanguna C.E.\\nBusanduluzi bwaTyndale bwaCHIKUWA bwamu1530\\nReina-Valera version yachiSPANISH yamu1602\\nUnion Version yachiCHINESE yamu1919\\nNKAMBOONZI ZINA LYALEZA NILIYANDIKANA?\\nZina eeli lilayandikana kuli Leza lwakwe. Leza nguwe wakalyuuzika zina eeli. Jehova wakati: “Ndendilyo izina lyangu lyoonse, mbuboobo mbunjeelede kwiibalukwa mumazyalani amazyalani.” (Kulonga 3:15) MuBbayibbele, zina lyaLeza lijanika kwaziindi zyiingi kwiinda mazina aakulemeka aali mbuuli aakuti Singuzuzyoonse, Taata, Mwaami naakuti Leza alubo lijanika kwaziindi zyiingi kwiinda mazina aabamwi bantu mbuuli aakuti Abrahamu, Musa, Davida aJesu. Jehova uyanda kuti zina lyakwe lizibwe abantu. Bbayibbele liti: “Bazibe kuti nduwe olike oojisi izina lya-Jehova, nduwe Mupatikampatila atala anyika yoonse.”—Intembauzyo 83:18.\\nZina lyaLeza lilayandikana kuli Jesu. Munkombyo yaMwaami, Jesu wakayiisya batobeli bakwe kuti bakombe kabati: “Alilemekwe izina lyako.” (Matayo 6:9) Jesu wakakomba kuli Leza kati: “Taata, lemya zina lyako.” (Johane 12:28) Akaambo kakuti Jesu wakali kulilemeka zina lyaLeza, wakakomba kati: “Eno ndabazibya zina lyako, alimwi ndiyoolizibya.”—Johane 17:26.\\nZina lyaLeza lilayandikana kubantu bamuzi Leza. Bakombi baLeza bachiindi bakalizi kuti kuziba zina lyaLeza kwakali kuyoopa kuti bafutuke. “Izina lya-Jehova ningazi injumu, mululami ulacijila kulinjiyo, aboobo ulafutuka.” (Tusimpi 18:10) Bbayibbele litii: “Umwi umwi uukomba muzina lya-Jehova uyoofutulwa.” (Joeli 2:32) Alubo Bbayibbele litondeezya kuti zina lyaLeza lisiyanisya bakombi bakwe abamwi bantu, lyaamba kuti: “Nkaambo misyobo yoonse ileenda muzina lyamizimu yayo, aswebo tuleenda muzina lya-Jehova Leza wesu lyoonse mane kukabe kutamani.”—Mika 4:5; Incito 15:14.\\nLYAAMBAANZI ZINA LYALEZA?\\nZina eeli lipandulula mbabede Leza. Basikulanga-langa makani aamuBbayibbele baamba kuti zina lyakuti Jehova lyaamba kuti, “Upa Kuti Kube.” Jehova Leza wakaamba nzilyaamba zina lyakwe chiindi naakabuzya Musa majwi aakuti: “Ndiyooba Kufwumbwa Mbondasala Kuba.” (Kulonga 3:14, NW) Nzilyaamba zina lyaLeza zitondeezya kuti Mulengi akuti kuli zintu zyiingi nzyakonzya kuchita. Alubo zina lyakwe litondeezya kuti ulaamanguzu aakuchita kufumbwa nzyayanda naakuti ubelesya zintu nzyaakalenga kuti azuzikizye makanze aakwe. Nikuba kuti mazina aakulemeka apandulula chuuno chaLeza, bweendelezi bwakwe naakuti manguzu ngalaawo pesi zina lyakuti Jehova litondeezya mbabede ambakonzya kuba.\\nZina lyaLeza litondeezya kuti ulatuyanda. Nzilyaamba zina lyaLeza zitondeezya kuti ulaandaba azintu nzyaakalenga kuswaanizya andiswe. Kuyungizya waawo, Leza wakatubuzya zina lyakwe nkaambo uyanda kuti tumuzibe. Nguwe wakasaanguna kutubuzya zina lyakwe katutanaliyanduula. Zilaantanganana kuti Leza uyanda kuti tuswene afwiifwi anguwe kutali kumubona mbuuli muntu uuli kule naakuti utamvwisisiki.—Intembauzyo 73:28.\\nKubelesya zina lyaLeza kutondeezya kuti tulamuyanda. Muchikozyano, atutii wabuzya umwi muntu zina lyako kuyanda kuti mube beenzinyina, walikunoomvwa biyeni kuti muntu ooyo wakaka kulibelesya? Kuchita oobo kutondeezya kuti muntu ooyo tayandi kuti mube beenzinyina. Mbukubede akuli Leza. Jehova wakatubuzya zina lyakwe alubo uyanda kuti tulibelesye. Kuti twalibelesya tutondeezya kuti tuyanda kuswena afwiifwi anguwe. Leza ulababona aabo ‘bayeeya zina lyakwe.’—Malaki 3:16.\\nKuti tuzibe Leza, tweelede kusaanguna kuziba zina lyakwe. Pesi tweelede kuchita zyiinda aawo. Tweelede kuziba zyiingi atala anguwe. Alubo tweelede kuziba buntu bwakwe.\\n[Chifanikisyo chilaa peji 5]\\nLEZA WAKAZWA KULI?\\nBantu biingi bakkala kabalibuzya mubuzyo ooyu.\\nAmwi anduwe ngawalibuzya. Mubuzyo ooyu ulakonzya kubikkwa munzila eeyi: Kuti zintu zyoonse kazili zyakaba azilikke naakuti zyakalengwa aLeza, we Leza wakazwa kuli?\\nBasayensi balazumina kuti kufumbwa zintu ziliwo zili amatalikilo. Vesi yakusaanguna muBbayibbele yeendelana anzibaamba nkaambo yaamba kuti: “Kumatalikilo Leza wakalenga ijulu anyika.”—Matalikilo 1:1.\\nZintu zyoonse ziliwo teezyakalilenga alubo teezyakalichitikila pe kuti zibe. Taakwe chintu chikonzya kupangwa achintu chitawo. Kaansinga kumatalikilo taakwe chintu chakaliwo, nikuli taakwe chintu chiliwo pe. Nikuba kuti teezyuuba pe kuzimvwisisisya eezi pesi zilaantanganana kuti kuli muntu wakaliwo ngututakonzyi kubona wakalenga zintu zyoonse. Jehova Leza singuzuzyoonse, muuya, ulaabusongo alubo nguwe Mulengi wazintu zyoonse.—Johane 4:24.\\nKalyaambuula atala aLeza, Bbayibbele litii: “Zilundu kazitana kwaanzwa, kotana kubumba nyika aluwa, kuzwa kuciindi eco akusikila kuziindi zyoonse nduwe Leza.” (Intembauzyo 90:2) Nkinkaako, Leza wakaliwo kuzwa lili alili. Alubo “kumatalikilo” wakalenga julu anyika.—Ciyubunuzyo 4:11.\\nMbuubuli buntu Leza mbwalaabo bwiinda boonse?","num_words":644,"character_repetition_ratio":0.07,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Myeelwe 8 IBBAIB63 - Lino Jehova wakaambila Musa kuti, - Bible Search\\nMyeelwe 7 Myeelwe 9\\nMilimo yamalampi aamucikombelo\\n1-Lino Jehova wakaambila Musa kuti, 2-Ambila Aroni kuti, Nobamba malampi, malampi aali musanu aabili aleelede kumunika kunembo lya­ ciimikilo camalampi. 3Nkabela Aroni wakacita obo. Wakaimika malampi kuti amunike kunembo lyaciimikilo camalampi, mbubonya mbuli Jehova mbwaakalailila Musa, 4-Lino mbuboobu ciimikilo camalampi mbucakacitwa: cakali cifulamubisi; kuzwa kutako lyaco kusikila kumalubaluba aaco, coonse cakali cifula mubisi; mbuli cinkozya Jehoya ncaakatondezya Musa, wakacita ciimikilo camalampi mbubonya obo.\\nBa-Levi mbubakasalazizigwa milimo yabo\\n5Lino Jehova wakaambila Musa kuti, 6-Gwisya ba-Levi akati kabana ba-Israyeli, ubasalazye. 7-Mbuboobu mboelede kubacitila kukubasalazya, Kobasansaila maanzi aakumanya milandu; lino balinyoole kumubili woonse, basanzye zyakusama zyabo, balisalazye. 8-Bamane obo babweze kapoho acipaizyo cako cabusu bunante buvwelene amafuta. Akamwi kapoho kabili ukabweze kabe cipaizyo cazibi. 9-Lino ba-Levi, uleelede kubaswenya afwaafwi kunembo lyatente lyambunganino akubunganya imbungano yoonse yabana ba-Israyeli. 10-Lino waswenya ba-Levi afwaafwi kubusyu bwaJehova, bana ba-Israyeli babike maanza aabo amitwe yaba-Levi. 11Nkabela Aroni uleelede kuyumba ba-Levi mbuli cipaizyo cabana ba-Israyeli cakuyumba kubusyu bwa-Jehova, kuti bacite milimo ya-Jehova. 12-Lino ba-Levi babike maanza aabo amitwe yatupoho, nkabela kamwi kapaizigwe mbuli cipaizyo cazibi, akamwi kabe cipaizyo cakutentela Jehova, kuti umanye milandu yaba-Levi. 13Mbuboobo mboelede kwiimika ba-Levi kunembo lya-Aroni akunembo lyabana bakwe, akubayumba mbuli cipaizyo cakuyumba kubusyu bwa-Jehova,\\n14-Aboobo ulaanzaanya ba-Levi akati kabana ba-Israyeli, ba-Levi babe bangu. 15-Wamana kubasalazya akubayumba mbuli cipaizyo cakuyumba, ba-Levi banjile kukucita milimo yatente lyambunganino. 16-Nkaambo bapegwa limwi kulindime, akati kabana ba-Israyeli, mucibaka cabaabo bajalula izyalilo acabana bataanzi babana ba-Israyeli. Ndabatola, babe bangu. 17-Nkaambo boonse bana bataanzi babana ba-Israyeli mbebangu, nibaba bantu nibaba banyama; nkaambo mubuzuba obo nindakauma boonse bana bataanzi bamunyika ya-Egepita, ndakabasalazya kuti babe bangu. 18Lino ndatola ba-Levi mucibaka cabana bataanzi babana ba-Israyeli. 19-Ndapa ba-Levi, babe ba-Aroni ababana bakwe, akati kabana ba-Israyeli, kuti bacitile bana ba-Israyeli milimo yatente lyambunganino, bamanye milandu yabana ba-Israyeli, kuti kutabi malwazi akati kabana ba-Israyeli ciindi cakuswena kufwaafwi kuzintu zisalalisya,\\n20Lino ba-Musa a-Aroni ambungano yoonse yabana ba-Israyeli bakacitila ba-Levi obo. Zintu zyoonse Jehova nzyaakalailila Musa kuba-Levi, bana ba-Israyeli bakabacitila nzizyonya. 21-Lino ba-Levi bakalisalazya kuzibi akusanzya zyakusama zyabo, nkabela Aroni wakabayumba mbuli cipaizyo cakuyumba kubusyu bwa-Jehova, alimwi Aroni wakamanya milandu yabo kuti basalale. 22-Kusule lyayaaya ba-Levi bakanjila kukucita milimo mutente lyambunganino kubusyu bwa-Aroni akubusyu bwabana bakwe; mbubonya mbuli Jehova mbwaakalailila Musa aaba-Levi, bakabacitila mbubonya,\\n23Lino Jehova wakaambila Musa kuti, 24-Mbuboobu ba-Levi mbubeelede kucita. Kuzwa kumyaka iili makumi obile amusanu akwiindilila banjile mumilimo yakubeleka mutente lyambunganino. 25Pele kuzwa kumyaka iili makumi osanwe baleke milimo akutacibeleka limbi. 26-Balakonzya kugwasya beenzinyina mutente lyambunganino akubamba imbeta, pele kubeleka tabakoonoocibeleka pe. Mbuboobo mbumweelede kubambila ba-Levi milimo.","num_words":409,"character_repetition_ratio":0.101,"word_repetition_ratio":0.0,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Leza Inga Wandilekelela? | Mibuzyo Yamu Bbaibbele\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bulgarian Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch Efik English Estonian Ewe Fijian Finnish French Ga Georgian German Greek Gun Hausa Hebrew Hiligaynon Hungarian Igbo Iloko Indonesian Italian Japanese Kazakh Kinyarwanda Kirghiz Kirundi Korean Lingala Lithuanian Malagasy Malayalam Maltese Myanmar Nepali Norwegian Oromo Pangasinan Papiamento (Aruba) Papiamento (Curaçao) Polish Portuguese Portuguese (Portugal) Romanian Russian Sepedi Serbian (Cyrillic) Serbian (Roman) Setswana Shona Sinhala Slovak Slovenian Spanish Swahili Swedish Tagalog Tatar Telugu Thai Tiv Turkish Turkmen Ukrainian Vietnamese Xhosa Yoruba Zulu\\nInzya, Leza ulakonzya kumulekelela ikuti mwabweza ntaamu zyeelede. Bbaibbele lyaamba kuti Leza “ulilibambilide kulekelela zibi” alimwi “uyoomulekelela cakumaninina.” (Nehemiya 9:​17; Intembauzyo 86:5; Isaya 55:7) Ciindi naatulekelela, ulacita oobo cakumaninina. Zibi zyesu ‘zilamwaigwa.’ (Milimo 3:​19) Kuyungizya waawo, Leza ulalekelela alimwi akutayeeya limbi, nkaambo waamba kuti: “Cibi cabo tandikaciyeeyi limbi pe.” (Jeremiya 31:34) Ikuti naa watulekelela, taziyeeyi zibi zyesu kutegwa atupe mulandu naa kutusubula.\\nNokuba boobo, kulekelela kwa Leza tacaambi kuti ulalezya mumbazu iimwi. Tasotoki zyeelelo zyakwe ziluleme. Akaambo kaceeci, ulasala kutalekelela zibi zimwi.​—Joshua 24:19, 20.\\nNtaamu ziyandika kutegwa Leza amulekelele\\nMweelede kuzyiba kuti kulubizya nkusotoka zyeelelo zya Leza. Nokuba kuti bamwi balakonzya kunyema akaambo kancomwakacita, mweelede kusaanguna kuzyiba kuti mwakalubizyila Leza.​—Intembauzyo 51:​1, 4; Milimo 24:16.\\nAmulyaambilile kuli Leza mumupailo.​—Intembauzyo 32:5; 1 Johane 1:9.\\nAmuuse akaambo kacibi canu. Ooku ‘kuusa ikweendelana akuyanda kwa Leza’ kupa kuti mweempwe, naa kucinca. (2 Bakorinto 7:​10) Alimwi inga camupa kuusa akaambo kazintu nzyomwakacita izyakapa kuti mulubizye.​—Matayo 5:​27, 28.\\nAmucince micito yanu, nkokuti, ‘amusanduke.’ (Milimo 3:​19) Eeci caamba kutantamuka muuya wakwiinduluka cibi nciconya naa micito, naa caamba kuti mweelede kucinca mbomuyeeya alimwi ambomucita zintu.​—Baefeso 4:​23, 24.\\nAmubweze ntaamu yakubambulula bukkale bwanu. (Matayo 5:​23, 24; 2 Bakorinto 7:​11) Amulilekelele kuli baabo ibakajatikizyigwa akaambo kacintu ncomwakacita, alimwi kuti kamucikonzya amubbadele.​—Luka 19:​7-​10.\\nAmumulombe Leza mumupailo kutegwa amulekelele kwiinda mucituuzyo cacinunuzyo ca Jesu. (Baefeso 1:7) Kutegwa mipailo yanu iingulwe, mweelede kubalekelela aabo ibamubisizya.​—Matayo 6:​14, 15.\\nIkuti cibi canu kacili cipati, amwaambile mwaalu kutegwa amupe lugwasyo lwakumuuya ndomuyandika alimwi akumupailila.​—Jakobo 5:​14-​16.\\nTwaambo twakubeja kujatikizya mbwakonzya kutulekelela Leza\\n“Ndakacita zibi zinji kapati cakuti tandikonzyi kulekelelwa.”\\nLeza wakamulekelela Davida kubwaamu alimwi abujayi nzyaakacita\\nKufwumbwa buyo kuti twatobela ntaamu nzyabikkide Leza mu Bbaibbele, tuyoolekelelwa, mbwaanga Leza mupati kwiinda zinyonyoono zyesu. Ulakonzya kulekelela zibi zipati alimwi azibi zicitwa cakwiinduluka-induluka .​—Tusimpi 24:16; Isaya 1:​18.\\nMucikozyanyo, Mwami Davida wa Israyeli wakalekelelwa cibi cabwaamu alimwi abujayi. (2 Samuele 12:​7-​13) Mwaapostolo Paulo, iwakali kulimvwa kuti nguuinda kuba sizibi munyika, wakalekelelwa. (1 Timoteyo 1:​15, 16) Nobaba ba Juda bamumwaanda wamyaka wakusaanguna balo Leza mbaakaamba kuti mbabakajaya Jesu, Mesiya, bakali kulekelelwa kuti bacinca bukkale bwabo.​—Milimo 3:​15, 19.\\n“Ikuti ndalyaambilila zibi zyangu kumupaizi naa kumubelesi, zibi zyangu inga zilalekelelwa.”\\nMazuba aanu, kunyina muntu uupedwe nguzu zyakulekelela muntunyina kuzibi nzyaabisyila Leza. Nokuba kuti kulyaambilila kumuntu uumwi kulakonzya kupa muntu kulimvwa kabotu, Leza alikke nguukonzya kulekelela zibi.​—Baefeso 4:​32; 1 Johane 1:​7, 9.\\nIkuti naa kacili boobo, ino ncinzi Jesu ncaakali kupandulula naakaambila baapostolo kuti: “Ikuti mwamulekelela zibi muntu uuli woonse, zilamana; ikuti tiimwamulekelela zibi muntu uuli woonse, zilacaala”? (Johane 20:23) Wakali kupandulula nguzu zilibedelede nzyaakali kuyakupa baapostolo ciindi baakutambula muuya uusalala.​—Johane 20:22.\\nMbubwenya mbwaakabasyomezya, baapostolo bakacitambula cipego eeci ciindi muuya uusalala nowakatilwa alimbabo mu 33 C.E. (Milimo 2:​1-4) Mwaapostolo Petro wakazibelesya nguzu eezyi ciindi naakali kubeteka Hananiya alimwi a Safira basikwiiya bakwe. Camaleele Petro wakabuzyiba bumpelenge mbobakajisi, alimwi mbwaakababeteka cakatondezya kuti cibi cabo tacikalekelelwi pe.​—Milimo 5:​1-​11.\\nKubelesya muuya uusalala munzila yamaleele, mbuli kuponya malwazi alimwi akwaambaula mumyaambo, kwakamana nobakafwa baapostolo, mbubwenya mbozyakamana zipego zimbi.​—1 Bakorinto 13:​8-​10. Aboobo, kunyina muntu mazuba aano uukonzya kulekelela cibi camuntu uumbi.\\nNcinzi ncomukonzya kulangila kuti naa kamupaila lyoonse?","num_words":542,"character_repetition_ratio":0.047,"word_repetition_ratio":0.0,"special_characters_ratio":0.197,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 9 IBBAIB63 - Lino Jehova wakaambila Musa kuti, - Bible Search\\nKulonga 8 Kulonga 10\\nBa-Egepita mbubakafwidwa jyombe zyabo\\n1-Lino Jehova wakaambila Musa kuti, Koya kuli-Farao, ukamwaambile kuti, Mbuboobu mbwaamba Jehova Leza waba-Hebrayo. Leka bantu bangu, baye, bandikombe. 2-Na wakaka kubaleka, waakucibajisi, 3-ncobeni ijanza lya-Jehova lilaba aŋombe zyako zili musokwe, ambizi ambongolo ankamele abasune ambelele, nkabela kuyooba bulwazi buyoosya loko. 4-Pele Jehova ulaanzaanya iŋombe zyaba-Israyeli aŋombe zyaba-Egepita. Takukoofwa cintu neciba comwe akati kambono zyabana ba-Israyeli. 5Alimwi Jehova wakabika ciindi, wati, Junza Jehova ulacita cintu eci munyika. 6-Lino nebwakaca Jehova wakacita obo, nkabela iŋombe zyoonse zyabaEgepita zyakafwa, pele akati kaŋombe zyabana ba-Israyeli taakwe niiba yomwe iyakafwa. 7-Lino Farao wakatuma, wajana kuti taakwe niiba yomwe akati kaŋombe zyaba-Israyeli iyakafwa. Elyo moyo wa-Farao wakayumisigwa, taakwe naakaleka bantu kuti baye.\\nBa-Egepita mbubakapenzegwa zilonda\\n8Lino Jehova wakaambila ba-Musa a-Aroni kuti, Amubweze inkankamaanza zyatwe lyaciko, kuti Musa akalyuululule kujulu kumeso aa-Farao. 9-Elyo lilaba lusuko munyika yoonse ya-Egepita, akuba zilonda zitulaula mibili yabantu ayabanyama mucisi coonse ca-Egepita. 10-Elyo bakabweza itwe lyaciko, baakwiima kubusyu bwa-Farao, nkabela Musa wakalyuululula kujulu, mane lyakaba zilonda zitulaula mibili yabantu ayabanyama boonse. 11-Abalo basimabibo bakakacilwa kwiima kubusyu bwa-Musa nkaambo kazilonda, nkaambo zilonda zyakalibajisi basimabibo aba-Egepita boonse. 12-Nekubaboobo Jehova wakayumya moyo wa-Farao, nkabela wakakaka kubaswiilila, mbubonya mbuli Jehova mbwaakaambila Musa.\\nBa-Egepita mbubakawidwa civulamabwe ciyoosya\\n13-Lino Jehova wakaambila Musa kuti, Fuma cifumo ukaime kubusyu bwa-Farao, ukamwaambile kuti, Mbuboobu mbwaamba Jehova Leza waba-Hebrayo. Leka bantu bangu, baye, bandikombe. 14-Nkaambo ciindi ecino ndaamba kukutumina mapenzi aangu oonse, yebo abalanda bako abantu bako, kuti muzibe kuti taakwe uukozyene ambebo munyika yoonse. 15-Nkaambo nendakayanda nendakakonzya kutandabika ijanza lyangu akukuumya bulwazi, yebo abantu bako, elyo nowakanyonyooka. 16-Nekubaboobo nciconya eci ncindakakubusizya, kuti nkakutondezye inguzu zyangu, kukuzibya izina lyangu munyika yoonse. 17Ucilisumpwida bantu bangu kukutabaleka kuti baye. 18Bona! Junza mbuli eno njoowisya civulamabwe cipati loko, Eco tacina bwenwe mucisi ca-Egepita kuzwa kumatalikilo aaco kusikila sunu. 19Lino tuma, ukalete iŋombe zyako azyoonse nzojisi musokwe. Bantu boonse abanyama boonse bajanwa musokwe, na teebaletwa kumaanda, bayoowidwa civulamabwe, aboobo bayoofwa. 20Lino kufumbwa muntu akati kabalanda ba-Farao iwakayoowa ijwi lya-Jehova wakayobolola balanda bakwe aŋombe zyakwe kumaanda. 21Pele kufumbwa iwatakabika moyo wakwe kujwi lya-Jehova wakasia balanda bakwe aŋombe zyakwe musokwe.\\n22-Lino Jehova wakaambila Musa kuti, Tandabika ijanza lyako kujulu, kuti kube civulamabwe munyika yoonse ya-Egepita, ciwide bantu aŋombe amisamu yoonse yamusokwe munyika yoonse ya-Egepita. 23-Mpawo Musa wakatandabika musako wakwe kujulu, nkabela Jehova wakapa mizumo acivulamabwe, awalo mulilo wakakalaba ansi. Jehova wakawisya civulamabwe anyika ya-Egepita. 24-Kwakaboneka civulamabwe, amulilo uuvwelene acivulamabwe, civulamabwe cipati loko, Kacitanabwenwe cili boobu mucisi coonse ca-Egepita kuzwa kuciindi eco nicakaba cisi. 25-Elyo civulamabwe cakanyonyoona zintu zyoonse zyamunyika ya-Egepita, zyoonse izyakali musokwe, bantu abanyama boonse, amisamu yoonse yamusokwe, zyoonse buyo civulamabwe cakazinyonyoona, amasamu oonse aamusokwe cakaavwinyauna. 26-Mucisi ca-Goseni luzutu, bana ba-Israyeli mobakakede, kamutakwe civulamabwe.\\n27-Mpawo Farao wakatuma, waita ba-Musa a-Aroni, wabaambila kuti, Ciindi ecino ndabisya. Jehova uliluleme, anukuti mebo abantu bangu twabisya. 28-Amukumbile kuli-Jehova, nkaambo mizumo yavulisya, acivulamabwe. Ndamuleka, kuti mwiinke. Tamukooyookala limbi pe. 29-Elyo Musa wakamwaambila kuti, Ndazwa buyo mumunzi, ndatandabika maanza aangu cakukomba Jehova, elyo mizumo ilaleka, acalo civulamabwe cilamana, kuti uzibe kuti nyika yoonse njiya-Jehova. 30-Nekubaboobo yebo abalanda bako, ndizi kuti tamuyoowi Jehova Leza. 31-(Butonge bwakanyonyooka, alyalo bbaale, nkaambo bbaale lyakalijisi makunka, abwalo butonge kabujisi maluba. 32Pele bulotwe teebwakanyonyooka, naaba maila, nkaambo kazitana kumena.) 33-Elyo Musa wakazwa kuli-Farao, wazwa mumunzi, watandabika maanza aakwe cakukomba Jehova, nkabela mizumo acivulamabwe zyoonse zyakaleka, ayalo imvula yakaleka kuwa ansi. 34Pele Farao naakabona kuti imvula yaleka acivulamabwe amizumo, wakapilukila kububi alimwi akuyumya moyo wakwe, walo abalanda bakwe. 35Moyo wa-Farao wakayuma. Takwakaleka bana ba-Israyeli kuti baye, mbubonya mbuli Jehova mbwaakaamba kumulomo wa-Musa.","num_words":570,"character_repetition_ratio":0.073,"word_repetition_ratio":0.011,"special_characters_ratio":0.174,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Tondeezya Kuti Ulabeetelela Bamwi | Ngaziyakulinda Yakwiiya\\n“Amube akweetelelana.”—1 PET. 3:8.\\nLWIIMBO 90 Amukulwaizyanye\\n1. Kweendelana amajwi aali muli 1 Petro 3:8, nkamboonzi nitubotelwa kuba aakati kabantu bali aandaba ambutulimvwa anzituchita mubuumi?\\nTULABOTELWA kuba aakati kabantu bali aandaba ambutulimvwa anzituchita mubuumi. Baleezya kulibikka muchiimo chesu kuti bazibe nzituli kuyeeya ambutulimvwa. Balakonzya kuyeeyela nzituyanda akutugwasya nikuba katutabakumbide pe chimwi chiindi. Tulabalumba bantu kuti ‘batweetelela.’ *—Bala 1 Petro 3:8.\\n2. Nkamboonzi nitweelede kubeleka changuzu kuti tukonzye kweetelela bamwi?\\n2 Mbutuli maKristu, toonse tulakuyanda kubeetelela bamwi naakuti kuba aandaba ambabo. Pesi kuti tuchite oobo tweelede kubeleka changuzu. Nkamboonzi? Nkaambo tatumaninide pe. (Rom. 3:23) Nkinkaako, tweelede kulwana penzi nditwakazyalwaalyo, lyakuba aandaba andiswe luzutu. Bamwi kulabayumina kweetelela bamwi akaambo kanzila njibakakomezegwaayo azyakabachitikila mubuumi. Alubo chimwi chiindi tulakonzya kuyungwa amaponeno abantu mbitukkalaabo. Mumazubaano aakumamanino, bantu tabachikwe ndaba pe ambubalimvwa bamwi. Pesi bakaba ‘basikuliyanda.’ (2 Tim. 3:1, 2) Niinzi chikonzya kutugwasya kuti tuzunde penzi lyakutaba aandaba abamwi?\\n3. (a) Kujana twachita biyeni kuti tuyungizye kweetelela bamwi? (b) Tulalanga-langaanzi muchiiyo eechi?\\n3 Tulakonzya kuyungizya kweetelela bamwi kwiinda mukutobelezya chikozyano chaJehova Leza achaMwanaakwe Jesu Kristu. Jehova nguLeza ulaaluyando alubo utubikkila chikozyano chibotu chakutondeezya kuba aandaba abamwi. (1 Joh. 4:8) Jesu wakabutondeezya munzila iimaninide buntu bwaWisi. (Joh. 14:9) Naakali anyika, wakatondeezya bantu mbubeelede kubatondeezya luzyalo bamwi. Muchiiyo eechi, tulasaanguna kulanga-langa Jehova aJesu mbubatondeezya kuti bali aandaba ambubalimvwa bamwi. Mpawo tulalanga-langa mbutukonzya kutobelezya zikozyano chabo.\\nCHIKOZYANO CHAJEHOVA CHAKUBA AANDABA ABAMWI\\n4. Isaya 63:7-9 itondeezya biyeni kuti Jehova uli aandaba ambubalimvwa babelesi bakwe?\\n4 Bbayibbele lituyiisya kuti Jehova uli aandaba ambubalimvwa babelesi bakwe. Muchikozyano, atulange mbaakalimvwa chiindi maIsrayeli nibakali kunjila mumapenzi aasiyene-siyene. Bbayibbele lyaamba kuti: ‘Mumapenzi aabo oonse wakakataazikana alakwe.’ (Bala Isaya 63:7-9.) Mukuya kwachiindi, kwiinda mumusinsimi Zekkariya, Jehova wakatondeezya kuti, chiindi bantu bakwe nibakali kupenzegwa wakali kulimvwa mbuuli kuti bali kupenzya nguwe. Jehova wakabuzya babelesi bakwe kuti: ‘Woonse uumuguma, uguma mboni yaliso lyangu.’ (Zek. 2:8) Eechi nchikozyano chipati chitondeezya Jehova mbalimvwa atala abantu bakwe.\\nJehova wakabafwida luzyalo maIsrayeli naakabaangununa mubuzike kuEgepita (Langa fuka 5)\\n5. Amba chikozyano chitondeezya Jehova mbaakagwasya bakombi bakwe nibakali mumapenzi.\\n5 Jehova uchita zyiingi kutali kubafwida luzyalo luzutu babelesi bakwe bali mumapenzi. Uchita chimwi chintu kuti abagwasye. Muchikozyano, chiindi maIsrayeli nibakali kupenzegwa mubuzike kuEgepita, Jehova wakamvwisisisya mapenzi aabo mpawo zyakapa kuti ayande kubaangununa. Jehova wakabuzya Musa kuti: “Ncobeni ndibwene mapenzi aabantu bangu . . . , ndimvwide mbubalila . . . ndizi buusu bwabo mbobubede, lino ndaseluka kuzoobavuna mumaanza aaba-Egepita.” (Kul. 3:7, 8) Jehova wakaangununa bantu bakwe mubuzike nkaambo wakabafwida luzyalo. Nikwakayinda minyaka myiingi kabali Munyika Yachisyomezyo, maIsrayeli bakasaanguna kupenzegwa abasinkondonyina. Jehova wakachita biyeni? ‘Wakabafwida luzyalo naakamvwa mbubakali kutongela nkaambo kabaabo bakali kubapenzya akubafwabya.’ Alubo lweetelelo lwaJehova lwakapa kuti agwasye bantu bakwe kwiinda mukutuma babetesi kuti bavune maIsrayeli kuli basinkondonyina.—Bab. 2:16, 18.\\n6. Amba chikozyano chitondeezya Jehova mbaakalimvwa kumuntu wakaba amaboneno aatali kabotu.\\n6 Jehova utondeezya kuti uli aandaba ambubalimvwa bantu bakwe, nikuba chiindi nibali amaboneno aatali kabotu. Atulange-lange chikozyano chaJona. Leza wakatuma musinsimi wakwe kuti akakambawuke makani aalunyonyooko kubantu bakuNineve. Chiindi nibakachincha akusiya zibi zyabo, Leza wakasala kutabanyonyoona. Pesi Jona taakabotelwa pe akusala kwaJehova. Jona “wakanyema loko” nkaambo businsimi bwakwe teebwakazuzikizigwa pe. Nikuba boobo, Jehova wakamutondeezya moyo mulamfu Jona akumugwasya kuti abe amaboneno aali kabotu. (Jon. 3:10–4:11) Mukuya kwachiindi, Jona wakazoomvwisisisya nzyaakali kuyanda kumuyiisya Jehova mpawo Jehova wakazoomubelesya kulemba makani aaya kuti tugwasigwe.—Rom. 15:4. *\\n7. Nzila Jehova njabajataayo bantu bakwe itondeezyaanzi?\\n7 Nzila Jehova njabajataayo bantu bakwe itondeezya kuti ulabafwida luzyalo bakombi bakwe. Ulaabona mapenzi umwi awumwi wesu ngaswaana. Jehova ‘nguwe uubona myoyo yabantu boonse.’ (2 Mak. 6:30) Ulayimvwisisisya mizeezo yesu, mbutulimvwa anzitutakonzyi kuchita. Nkinkaako, ‘takazumizyi kuti tusunkwe kwiinda manguzu eesu pe.’ (1 Kor. 10:13) Chisyomezyo eechi chilawumbulizya kaka!\\nCHIKOZYANO CHAJESU CHAKUBA AANDABA ABAMWI\\n8-10. Ntuutuli twaambo twakagwasya Jesu kuti abe aandaba abamwi?\\n8 Naakali aanyika, Jesu wakatondeezya kuba aandaba abamwi. Kuli twaambo tutatu twakapa kuti Jesu atondeezye kuti uli aandaba abamwi. Kakusaanguna nkakuti, mbuuli mbutwabona kumasaangunino, Jesu wakatobelezya buntu bwaWisi munzila iimaninide. Mbuuli Wisi, Jesu wakali kubayanda bantu. Nikuba kuti Jesu wakabotelwa akaambo kakugwasya Jehova mukupanga zintu zyoonse pesi wakali ‘kubayandisya bana baAdamu.’ (Tus. 8:31) Luyando lwakapa kuti Jesu abe aandaba ambubalimvwa bamwi.\\n9 Kaambo kachibili nkakuti, mbuuli Jehova, Jesu ulazibona zili mumoyo. Wakali kukonzya kuziba zili mumoyo wamuntu ambalimvwa. (Mt. 9:4; Joh. 13:10, 11) Nkinkaako, chiindi naakabona bantu bakakataazikane mumoyo, kuba aandaba abamwi kwakapa kuti abawumbulizye.—Is. 61:1, 2; Lk. 4:17-21.\\n10 Kaambo kachitatu, nkakuti Jesu lwakwe chimwi chiindi wakaswaana mapenzi ngibakali kuswaana bamwi. Muchikozyano, Jesu wakakomenena mumpuli yakali kufwaba. Kwiinda mukubeleka awisi wakujana, Josefa, Jesu wakayiya kubeleka milimu miyumu. (Mt. 13:55; Mk. 6:3) Kuyeeyelwa kuti Josefa wakafwa Jesu katanasaanguna mulimu wakwe waanyika. Nkinkaako, Jesu wakakumvwa mbukuchisa kufwidwa muntu uuli aafwiifwi. Alubo Jesu wakali kukumvwisisisya kuba mumpuli iili aabantu basyoma njiisyo zisiyene. (Joh. 7:5) Kulakonzeka kuti zyiimo eezi azimwi zyakagwasya Jesu kumvwisisisya mapenzi ngibakali kuswaana ambubakali kulimvwa bantu.\\nJesu ulikumutola kumbali mwaalumi wakatali kumvwa kumatwi katanamuponia (Langa fuka 11)\\n11. Ndiilili loko nikwakaba aantanganana kuti Jesu uuli aandaba abamwi? Pandulula. (Langa chifanikisyo chili aachivumbyo.)\\n11 Kuba aandaba abantu kwaJesu kwakaboneka aantanganana chiindi naakali kuchita zigambyo. Jesu taakali kuchita zigambyo akaambo kakuyanda kwiinzya mulawu luzutu. Pesi wakali “kubafwida luzyalo” bantu bakali mumapenzi. (Mt. 20:29-34; Mk. 1:40-42) Muchikozyano, yeeya mbaakalimvwa Jesu chiindi naakamutola kumbali mwaalumi wakatali kumvwa kumatwi akuyoomuponia kule abantu anaakabusya mwana mulombe wamukamufu. (Mk. 7:32-35; Lk. 7:12-15) Jesu wakabafwida luzyalo bantu aabo mpawo wakabagwasya.\\n12. Majwi aali muli Johane 11:32-35 atondeezya biyeni kuti Jesu wakali kumweetelela Marta aMariya?\\n12 Jesu wakeetelela Marta aMariya. “Jesu wakalila” naakababona kabali kulila munyaandumaabo Lazaro wakali wafwa. (Bala Johane 11:32-35.) Taakalila akaambo kakusweekelwa mweenzinyina pe nkaambo wakalizi kuti ulamubusya. Pesi Jesu wakalila nkaambo wakali kukumvwisisisya mbubakali kulimvwa beenzinyina bakali bafwidwa.\\n13. Kuziba kuti Jesu ulaalweetelelo kutusungwaazya biyeni?\\n13 Kulatusungwaazya kapati kwiiya atala ambaakali aandaba abamwi Jesu. Tulisiyene anguwe nkaambo wakalimaninide. Nikuba boobo, tulamuyanda akaambo kanzila njaakali kubajataayo bamwi. (1 Pet. 1:8) Kulatusungwaazya kuziba kuti lino ulikweendelezya kali Mwaami waBwaami bwaLeza. Lino-lino uzoowamaninsya mapenzi woonse. Jesu ulakonzya kumaninsya machise aalikweetwa abweendelezi bwaSaatani nkaambo anguwe wakali muntu. Tuli aachilongezyo chipati chakuba amweendelezi ‘uutweetelela mukubula nguzu kwesu.’—Heb. 2:17, 18; 4:15, 16.\\nTOBELEZYA CHIKOZYANO CHAJEHOVA ACHAJESU\\n14. Kweendelana amajwi aali muli BaEfeso 5:1, 2, tulimvwa katuyanda kuchitaanzi?\\n14 Kuti twayeeyesesya chikozyano chaJehova achaJesu, andiswe tulaba aandaba ambubalimvwa bamwi. (Bala BaEfeso 5:1, 2.) Tatukonzyi pe kubona zili mumyoyo yabamwi mbuuli mbabo. Nikuba boobo, tulakonzya kweezya kumvwisisisya mbubalimvwa bamwi azintu nzibayanda. (2 Kor. 11:29) Kusiyana abantu bali munyika, tuleezya amanguzu woonse kuti ‘tutachiti zintu zigwasya ndiswe luzutu pesi tuchite zigwasya bamwi.’—Flp. 2:4.\\n(Langa fuka 15-19) *\\n15. Mbaani kapati beelede kutondeezya kuti bali aandaba abamwi?\\n15 Baalu mumbungano, mbabo kapati beelede kutondeezya kuti bali aandaba abamwi. Balizi kuti bayoolyaambilila kuli Jehova akaambo kambelele nzibapedwe kuti bazilanganie. (Heb. 13:17) Kuti bagwasye bakombinyina, baalu beelede kuba bantu bamvwisisisya. Kujana baalu batondeezya biyeni kuti bali aandaba abamwi?\\n16. Mwaalu uli aandaba abamwi uchita biyeni alubo nkamboonzi kuchita oobo nikuyandikana?\\n16 Mwaalu uli aandaba abamwi uleezya kuba achiindi chakuba abakombinyina. Ulabuzya mibuzyo, ulaswiilisisya alubo uli aamoyo mulamfu. Kuchita oobo kuyandikana loko, kapati kuti imwi mbelele kayiyanda kwaamba zili mukati kamoyo pesi kayili kukachilwa kubelesya majwi aapandulula mbiilimvwa. (Tus. 20:5) Kuti mwaalu kajana chiindi chakuba abakombinyina, kupa kuti bamusyome, bamvwanane akuba aluyando.—Inc. 20:37.\\n17. Bakwesu abachizi biingi bakati mbuubuli buntu buyandikana loko baalu mbubeelede kubaabo? Amba chikozyano.\\n17 Bakwesu abachizi biingi bakati buntu buyandikana loko kubaalu mumbungano, nkuba aandaba ambubalimvwa bamwi. Nkamboonzi? Muchizi Adelaide wakati: “Nkuuba kwaambuulaabo nkaambo unoozi kuti bayookumvwisisisya. Ulakonzya kubona kuti bali aandaba anduwe kwiinda munzila njibavwiilaayo nuwambuulaabo.” Umwi mukwesu wakalumba nzila umwi mwaalu njaakachitaayo, wakati: “Ndakabona meso awumwi mwaalu kali kwiiba-yiba misozi nindakali kumubuzya atala achiimo changu. Nzyaakachita ndinooziyeeya chiindi choonse.”—Rom. 12:15.\\n18. Kujana twatondeezya biyeni kuti tuli aandaba abamwi?\\n18 Nisimpe kuti baalu teembabo pe abalikke beelede kuba aandaba abamwi. Toonse tulakonzya kuba abuntu oobu. Kujana twazichita biyeni? Yezya kuziba buyumu-yumu mbubali kuswaana bamwi mumpuli abakombinyokwe mumbungano. Tondeezya kuba aandaba kuli bachikula mumbungano, bachiswa, bachembeede abakafwidwa zibbululu zyabo. Buzya kuti zili kubeendela biyeni mubuumi. Swiilisisya nibali kwaamba mbubalimvwa. Bagwasye kubona kuti ulazimvwisisisya choonzyo zyiimo zyabo. Bagwasye anzila zyoonse nzukonzya. Kuchita oobo, kutondeezya kuti tuli aluyando lwachoonzyo.—1 Joh. 3:18.\\n19. Nkamboonzi nitweelede kweendelana azyiimo nitweezya kugwasya bamwi?\\n19 Tweelede kuba bantu beendelana azyiimo nitweezya kugwasya bamwi. Nkamboonzi? Nkaambo chiindi bantu nibaswaana buyumu-yumu, batondeezya mbubalimvwa munzila zisiyene-siyene. Bamwi balaangunukide kwaambuula pesi bamwi kulabayumina kwaamba buyumu-yumu mbubaswaana. Nikuba kuti tuyanda kubagwasya pesi tatweelede kubuzya mibuzyo iipa kuti babe abweeme. (1 Tes. 4:11) Nikuba chiindi bamwi nibaamba mbubalimvwa, kulakonzeka kuti chimwi chiindi tuli amaboneno aasiyene ambabo. Pesi tweelede kuziba kuti mbubalimvwa mbuboobo. Tweelede kuba bantu bafwambaana kuswiilila pesi banonoka kwaambuula.—Mt. 7:1; Jak. 1:19.\\n20. Tuyoolanga-langaanzi muchiiyo chitobela?\\n20 Nisimpe kuti tuyanda kutondeezya kuba aandaba abamwi mumbungano pesi tuyanda kutondeezya buntu oobo amumulimu wakukambawuka. Kujana twatondeezya biyeni kuti tuli aandaba abamwi nitubagwasya kuti babe basikwiiya? Tuyoolanga-langa makani aaya muchiiyo chitobela.\\nJehova wakatondeezya biyeni kuti uli aandaba abamwi?\\nJesu wakatondeezya biyeni kuti uli aandaba abamwi?\\nKujana twatondeezya biyeni kuti tuli aandaba abamwi?\\nLWIIMBO 130 Kamulekelelana\\n^ par 5 Jehova aJesu bali aandaba ambubalimvwa bamwi. Muchiiyo eechi, tulalanga-langa nzitwiiya kulimbabo. Alubo tulalanga-langa kuti nkamboonzi nitweelede kutondeezya kuti tulabeetelela bamwi ambutukonzya kuchita oobo.\\n^ par 1 BUPANDULUZI BWAMABALA: ‘Kweetelela’ chaamba kweezya kumvwisisisya mbubalimvwa bamwi akulibikka muchiimo chabo. (Rom. 12:15) Muchiiyo eechi, “kweetelela” “akuba aandaba abamwi” zyabelesegwa munzila iikozyenie.\\n^ par 6 Alubo Jehova wakabafwida luzyalo bamwi bakombi bakwe basyomeka bakakataazikene. Yeeya zyakachitika kuli Hana (1 Sam. 1:10-20), Eliya (1 Bam. 19:1-18) akuli Ebbedi-melekki (Jer. 38:7-13; 39:15-18).\\n^ par 65 BUPANDULUZI BWAZIFANIKISYO: Miswaangano yambungano kuNg’anda yaBwaami itupa mweenya wakutondeezya kuti tuli aandaba abamwi. Tulikubona (1) mwaalu ulikwaambuula asikupupulula uuchikula abanyina, (2) wisi amwanaakwe musimbi ulikugwasilizya muchizi uuchembeede kunjila mumoota alubo (3) baalu babili bali kuswiilisisya muchizi nali kukumbila lugwasyo.","num_words":1454,"character_repetition_ratio":0.078,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Malaki 3 | Bbaibbele lili a Intaneti | Bbaibbele lya Busanduluzi Bwanyika Mpya\\nMwami mwini-mwini waboola kusalazya tempele lyakwe (1-5)\\nMutumwa wacizuminano (1)\\nBantu bakulwaizyigwa kuti bajokele kuli Jehova (6-12)\\nJehova tacinci pe (6)\\n“Amujokele kulindime, eelyo andime ndilaboola kulindinywe” (7)\\n‘Amulete zyakkumi zyoonse, eelyo Jehova ulamupoomweda zileleko’ (10)\\nBalulami ababi (13-18)\\nBbuku lyakwiibalusya lyalembwa kumbele lya Leza (16)\\nLwiindano luliko akati kabalulami ababi (18)\\n3 “Bona! Mebo ndilatuma mutumwa wangu, eelyo uyoondibambila nzila.+ Alimwi cakutayeeyelwa Mwami mwini-mwini, ooyo ngomuyanda, uyooboola kutempele lyakwe,+ awalo mutumwa wacizuminano, ooyo ngomukkomanina, uyooboola. Bona! Uyooboola ncobeni,” mbwaamba Jehova wamakamu. 2 “Pele ino nguni uuyooliyumya ibuzuba mbwayooboola, alimwi ino nguni uuyakwiima nji aakulibonya? Nkaambo unooli mbuli mulilo wasikunyengulula akusalazya lubulo ambuli nsipa+ yabasikuwasya zisani. 3 Uyookkala mbuli sikunyengulula asikusalazya nsiliva,+ eelyo uyoosalazya bana ba Levi; uyoobasalazya mbuli ngolida ambuli nsiliva, eelyo bayooba bantu ba Jehova ibatuula zituuzyo zyacipego mubululami. 4 Aboobo cituuzyo cacipego ca Juda alimwi aca Jerusalemu ciyoomubotela Jehova, mbubonya mbuli kumazuba aakaindi ambuli kumyaka yansiku.+ 5 “Ndiyooboola afwaafwi andinywe kuti ndimubeteke, aboobo ndiyoofwambaana kuba kamboni uubapa mulandu balozi,+ basimamambe, basikukonka cakubeja+ alimwi abaabo baunina mubelesi zyakuvwola zyakwe,+ badyaaminina mukamufwu alimwi amucaala,+ alimwi abaabo batayandi kugwasya muzwakule.+ Aaba tabandiyoowi mebo pe,” mbwaamba Jehova wamakamu. 6 “Nkaambo ndime Jehova; tandicinci pe.*+ Nywebo muli bana ba Jakobo; tiimwamana pe. 7 Kuzwa kumazuba aabamauso mwali kuleya kumilawo yangu alimwi tiimwaibamba pe.+ Amujokele kulindime, eelyo andime ndilaboola kulindinywe,”+ mbwaamba Jehova wamakamu. Pele nywebo mubuzya kuti: “Ino tulajoka buti?” 8 “Sena muntu uulya maila weelede kumubbida Leza? Pele nywebo muluujisi kundibbida.” Mwabuzya kuti: “Ino twakubbida buti?” “Muumakani aazyakkumi alimwi azyakusanga. 9 Ncobeni mulisinganizyidwe, nkaambo muluujisi kundibbida​—cisi coonse mbocizulwa ciluujisi kucita boobo. 10 Amuzilete muciyobwedo+ zyakkumi zyoonse, kutegwa kube cakulya muŋanda yangu;+ alimwi amundisole buyo munzila eeyi,” mbwaamba Jehova wamakamu, “mubone naa tandikoomujalwida milyango yakujulu+ akumupoomweda zileleko zinji kapati cakuti tamukoobulizya cintu cili coonse.”+ 11 “Alimwi ndiyoomukalalilila sikunyonyoona,* eelyo takanyonyooni micelo iizwa munyika yanu, awalo musaansa uuli mumuunda wanu taukaalilwi kuzyala micelo,”+ mbwaamba Jehova wamakamu. 12 “Masi oonse ayoomwaamba kuti mulilelekedwe,+ nkaambo nywebo muyooba cisi cikkomanisya,” mbwaamba Jehova wamakamu. 13 “Mwabelesya majwi mabi kapati kulindime,” mbwaamba Jehova. Lino nywebo mubuzya kuti: “Ino ncibi nzi ncotwaamba akati kesu kujatikizya nduwe?”+ 14 “Mwaamba kuti, ‘Tacigwasyi pe kubelekela Leza.+ Ino nimpindu nzi njotwajana mukuzuzikizya mikuli yesu kulinguwe alimwi amukweenda katuuside kumbele lya Jehova wamakamu? 15 Lino basikulisumpula tubabona kuti balilelekedwe. Abalo basimucita zibi balazwidilila.+ Tabayoowi kusunka Leza pele balekwa buyo kakunyina akusubulwa.’” 16 Aciindi eeco aabo bamuyoowa Jehova bakali kwaambaula, umwi amweenzinyina, awalo Jehova wakali kubikkila maano akuswiilila. Mpoonya ibbuku lyakwiibalusya lyakalembwa kumbele lyakwe+ kujatikizya baabo bamuyoowa Jehova alimwi abaabo bazinzibala kuyeeya* zina lyakwe.+ 17 “Lino bayooba bantu bangu,”+ mbwaamba Jehova wamakamu, “mubuzuba mbondiyoopanga lubono luyandisi.+ Ndiyoobafwida lubomba, mbubonya muntu mbwamufwida lubomba mwanaakwe uumubelekela.+ 18 Eelyo nywebo muyoolubona alimwi lwiindano luliko akati kamuntu mululami amubi,+ akati kayooyo uubelekela Leza ayooyo uutamubelekeli.”\\n^ Naa “tiindacinca pe.”\\n^ Ambweni kwaamba cipenzyo cazyuuka.\\n^ Naa “bayeeya.” Naa ambweni, “bayandisya.”","num_words":450,"character_repetition_ratio":0.067,"word_repetition_ratio":0.0,"special_characters_ratio":0.182,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Balangizi bamabazu bazigwasya biyeni mbungano zyaBakamboni baJehova?\\nKabunga kamulimu wakukambawuka\\nMagwalo aamaKristu aciGiriki alaamba cakwiindulula atala aBarnaba amwapostolo Paulo. Aaba baalumi bakabeleka kabali balangizi bendeenda, kabaswaya mbungano zyakusaanguna. Nkaambo nzi? Bakali aciyandisyo cakuziba kuti beenzinyina bakumuuya bacita biyeni muzintu zyakukomba. Paulo wakaamba kuti wakali kuyanda ‘kubweeda akalingule babunyina’ akuti akabone mbubapona. Wakali yandide kweenda makkilomita miingi kuti akabasimye. (Incito 15:36) Nduluyandisyo balangizi beendenda ndubalaalo mazuba aano.\\nBazida kuzootusungwaazya. Mulangizi wabbazu umwi awumwi uswaya tubili mumunyaka kakkala mviki iimwi mumbungano zisika ku20 naa zyiinda aawo, tulakonzya kugwasigwa kapati aluzibo lwabakwesu aaba, alimwi alwabakayintu babo ikuti kabakwete. Baleezya canguzu kuziba bamumbungano boonse, alimwi balayandisya kweenda andiswe mumulimu wamumunda akuzyiiyo zyesu zyaBbaibbele. Balangizi aaba alimwi abaalu bacita kuswaya kwakweembela, balapa nkani zisungwaazya kumiswaangano mipati ayambungano.​—Incito 15:35.\\nBatondeezya kubikkila maano kuli boonse. Balangizi bamabazu babikkila loko maanu kuziimo zyakumuuya zyambungano. Balaswaangana abaalu ababelesi babelekela kuti balange-lange kwiinkilila anembo kulookubawo alimwi akuti bape lulayo lugwasya kuti bakonzye kunyampula mitolo yabo. Bagwasya mapayona kuti bazwidilile mumulimu wabo, alubo babotelwa kuziba bapya bamumbungano akumvwa kuzwidilila kwabo kwakumuuya. Umwi awumwi wabakwesu aaba ulalipeda kubeleka kali ‘simulimoma ubelekela ndiswe.’ (2 baKorinto 8:23) Tweelede kutobelezya lusyomo lwabo akulipeda kwabo kuli Leza.​—baHebrayo 13:7.\\nMakanzee nzi balangizi bamabazu ngibalawo nibaswaya mbungano?\\nNga ulagwasigwa biyeni ciindi nibatuswaya?\\nYenga buzuba akkalenda yako mulangizi wabbazu nazoomuswaya lubo mumbungano yenu kucitila kuti utazooyindwi ankani nzyazoopa kuN’anda yaBwaami. Ikuti kuyanda kuti mulangizi wabbazu naa mukayintu wakwe abewo kuciiyo cako caBbaibbele mumviki eeyo zibya muyiisi wako, eezi ziyoopa kuti muzibilane kabotu.\\nBakamboni BaJehova Baweendelezya Biyeni Mulimu Wabo Wakukambawuka?\\nTutobelezya cikozyano caJesu ncaakatusiila kacili aanyika. Nziizili zimwi zikozyano zyakukambawuka?","num_words":248,"character_repetition_ratio":0.054,"word_repetition_ratio":0.0,"special_characters_ratio":0.145,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Myeelwe 9 IBBAIB63 - Lino Jehova wakaambila Musa - Bible Search\\nMyeelwe 8 Myeelwe 10\\nBa-Israyeli mbubakalya Pasika munkanda\\n1-Lino Jehova wakaambila Musa munkanda ya-Sinai mumwaka wabili wakuzwa munyika ya-Egepita, mumwezi mutaanzi, wati, 2-Bana ba-Israyeli balye ipobwe lya-Pasika kuciindi calyo ceelede. 3Mubuzuba bwakumi aane bwamwezi uno, kuciindi cagoko, amulye ipobwe kuciindi calyo ceelede, mbubonya mbuli milao yalyo yoonse ambeta zyalyo zyoonse. 4Mpoonya awo Musa wakaambila bana ba-Israyeli kuti balye Pasika. 5-Nkabela bakalya Pasika mumwezi mutaanzi, mubuzuba bwakumi aane bwamumwezi, ciindi cagoko, oko kunkanda ya-Sinai; mbubonya mbuli Jehova mbwaakalailila Musa mbubonya obo ba-Israyeli mbubakacita.\\n6-Pele kakuli bamwi bantu ibakasofweede nkaambo kakuguma mutunta, aboobo bakakacilwa kulya Pasika mubuzuba obo, Aba bantu bakaswena kuli ba-Musa a-Aroni mubuzuba obo mbubonya, 7-bati, Tulisofweede nkaambo kakuguma mutunta; sa ncibotu kuti tukasigwe kuletela Jehova cituuzyo akati kabana ba-Israyeli kuciindi ceelede? 8-Nkabela Musa wakavuwa kuti, Amulindile, kuti mvwe na Jehova ulalailila buti aandinywe.\\n9Lino Jehova wakaambila Musa kuti, 10Ambila bana ba-Israyeli kuti, Kufumbwa muntu akati kanu na akati kabana banu uusofweede nkaambo kamutunta, nanka uuli mulweendo, alye ipobwe lya-Pasika lya-Jehova. 11-Alye ipobwe mumwezi wabili, mubuzuba bwakumi aane bwamumwezi, kuciindi cagoko. Balilye azinkwa zitakwe bumena azisyu zilula. 12-Batasyaazyi imbutikwa mane kusikila cifumo pe, alimwi mutatyoli cifuwa neciba comwe. Babambe Pasika mbubonya mbuli milao yalyo yoonse. 13-Muntu uutasofweede uutali mulweendo, na wacelwa kulya ipobwe lya-Pasika, oyo muntu ulatandwa muciinga cakwe. Mbuli mbwaakacelwa kuleta cituuzyo ca-Jehova kuciindi ceelede, oyo muntu ulapegwa mulandu. 14-Nkabela na kuli mweenzu uukalakala akati kanu uuyanda kulya ipobwe lya-Pasika lyaJehova, alye mbubonya mbuli milao yalyo ambeta zyalyo, Kulaba mulao omwe buyo kubantu boor se, nebaba bazyalwa micusi nebaba bazwakule.\\nIjoba lyakuvumbilila cikombelo\\n15-Lino mubuzuba obo cikombelo necakayakwa, ijoba lyakavumbilila cikombelo, itente lyambunganino, nkabela kuciindi cagoko lyakali mbuli mulilo atala lyacikombelo mane kubucedo. 16-Mbucakabede lyoonse. Ijoba lyakali kucivumbilila isikati, acintu cibaanga mulilo masiku. 17-Nkabela kufumbwa ciindi ijoba nelyakaumbuluka kuzwa atala lyatente, bana ba-Israyeli bakalonga, alimwi ijoba mpolyakaboolela kukala, mpoonya awo ba-Israyeli mpobakayaka zilao zyabo. 18-Kumulomo wa-Jehova bana ba-Israyeli bakali kweenda, akumulomo wa-Jehova bakali kulyokezya. Mazuba oonse ijoba nelyakacikede acikombelo, bakacilikede abalo. 19Na ijoba lyakasyaala atala lyacikombelo mazuba manji, bana ba-Israyeli bakabamba imbeta zya-Jehova, kabateendi nee. 20-Alimwi cimwi ciindi ijoba lyakalikede atala lyacikombelo mazuba mace buyo; lino kumulomo waJehova bakalikede mumalabba, alimwi kumulomo wa-Jehova bakeenda. 21-Cimwi ciindi ijoba lyakakala kuzwa kumabbililo kusikila kubucedo, lino ijoba nelyakaumbuluka cifumofumo bakeenda, Alimwi na lyakasyaala buzuba boonse, isikati amasiku, kufumbwa ciindi nelyakaumbuluka bakatalika kweenda. 22-Kufumbwa ciindi, naaba mazuba obile nuuba mwezi naaba mazuba manji loko, ijoba nelyakakede atala lyacikombelo, bana ba-Israyeli bakalikede mumalabba aabo, kabateendi pe, Nelyakaumbuluka buyo bakeenda. 23-Kumulomo wa-Jehova bakayaka zilao zyabo, akumulomo wa-Jehova bakeenda. Bakabamba imbeta zya-Jehova, mbubonya mbuli Jehova mbwaakalailila kumulomo wa-Musa.","num_words":422,"character_repetition_ratio":0.082,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nobazyali, Amubagwasye Bana Banu Kuba Alusyomo — LAIBBULALI YAA INTANETI ya Watchower\\nw16 September map. 28-32\\nNobazyali, Amubagwasye Bana Banu Kuba Alusyomo\\nNgazi Yamulindizi Yaambilizya Bwami bwa Jehova (Yakwiiya)—2016\\nAMUBAZYIBE KABOTU BANA BANU\\nAMUBAYIISYE KUZWA ANSI AAMOYO\\nAMUBELESYE ZIKOZYANYO ZYEELELA\\nAMUBATONDEZYE NJIISYO ZYAMU BBAIBBELE MBOZIGWASYA\\nAMUSYOMEKE, AMUKKAZIKE MOYO, AMUBE ACILENGWA CAKUPAILA\\nAmumuyiisye Mwana Wanu Kuzwa KubuvwandaInzila Yakujana Lukkomano Mumukwasyi\\n“Nobalombwana anywebo nobasimbi . . . Boonse abatembaule zina lya Jehova.”—INT. 148:12, 13.\\nIno nkaambo nzi ncociyandika kapati kubazyiba kabotu bana banu?\\nIno mbuti mbomukonzya kuzibelesya kabotu zikozyanyo ciindi nomuyiisya?\\nIno nkaambo nzi ncomweelede kuba alusyomo, kukkazika moyo, alimwi akuba acilengwa cakupaila?\\n1, 2. (a) Ino mbuyumu-yumu nzi bazyali mbobajana, alimwi mbuti mbobakonzya kubuzunda? (b) Ino nzintu nzi zyone nzyotutiilange-lange?\\nBANABUKWETENE bamwi ku France bakaamba kuti: “Tulasyoma muli Jehova, pele eeci tacaambi kuti abalo bana besu banoosyoma.” Bakayungizya kuti: “Lusyomo tacili cintu cikonzya kukonwa buya pe. Bana besu beelede kwiiya kuba alusyomo asyoonto-syoonto.” Mukwesu umwi waku Astralia wakalemba kuti: “Kugwasya mwanaanu kuti abe alusyomo ncintu cikatazya kapati. Mweelede kubeleka canguzu kutegwa mumugwasye. Mulakonzya kulimvwa kuti mwawiingula cakumaninina mubuzyo ngwaabuzya mwanaanu. Pele mukuya kwaciindi ulakonzya kuubuzya alimwi mubuzyo ngwaakabuzyide kale. Bwiinguzi mbwakonzya kumvwa sunu mwanaanu, inga bwayandika kupandulula mukuya kwaciindi. Makani aamwi inga mwayandika kwaabandika cakwiinduluka-induluka.”\\n2 Ikuti naa muli bazyali, sena ziindi zimwi mulimvwa mbuli kuti tamukonzyi kubayiisya alimwi akubagwasya bana banu kuti babe bantu bajisi lusyomo? Mubwini, mubusongo bwesu tobeni, kunyina uunga waukonzya kuuzuzikizya mukuli ooyu. (Jer. 10:23) Pele tulakonzya kuzwidilila ikuti naa twalekela Leza kuti atusololele. Amulange-lange zintu zyone nzyomukonzya kucita kutegwa mubagwasye bana banu kuba alusyomo: (1) Amubazyibe kabotu. (2) Amubayiisye kuzwa ansi aamoyo. (3) Amubelesye zikozyanyo zigwasya. (4) Amukkazike moyo alimwi amube acilengwa cakupaila.\\n3. Ino bazyali inga bamwiiya buti Jesu ciindi nobayiisya bana babo?\\n3 Jesu tanaakali kuyoowa kubabuzya nzyobakali kusyoma basikumutobela. (Mt. 16:13-15) Amwiiye cikozyanyo cakwe. Inga cainda kugwasya ikuti mwabaambila bana banu kuti baambe nzyobayeeya ciindi nobalikwaide. Eeco inga cabikkilizya kubandika zintu zili zyoonse nzyobalibilika, naa nzyobatazyi kabotu. Mukwesu umwi uujisi myaka iili 15 ku Australia wakalemba kuti: “Kanji-kanji ndilabandika abataata kujatikizya lusyomo lwangu alimwi balandigwasya kuyeeya. Inga balandibuzya kuti: ‘Ino Bbaibbele lyaamba nzi?’ ‘Sena ulasyoma nzyolyaamba?’ ‘Ino nkaambo nzi ncozisyomena?’ Inga bayanda kuti ndaambe mumajwi aangu ndemwini, ikutali kwiile kwiinduluka ncobaamba naa ncobaamba bamaama. Nondakali kuyaabukomena, ndakatalika kuyandaula bupanduluzi abumbi.”\\n4. Nkaambo nzi mibuzyo njabuzya mwana ncoyeelede kubikkilwa maano kapati? Amupe cikozyanyo.\\n4 Ikuti naa mwana uladooneka kujatikizya njiisyo imwi, mutakalali pe, alimwi mutamwiinguli mbuli kuti mumunyemena buya. Cakukkazika moyo amumugwasye kukamvwisya kaambo. Usyi umwi wakaamba kuti: “Amwiibikkile maano kapati mibuzyo njabuzya mwanaanu. Mutaiyumbili ambali mbuli kuti taikwe mulimo, alimwi mutazelauki kubandika makani aamwi akaambo kakuti alakonzya kumupa kufwa nsoni.” Mubwini inga cagwasya kubona mibuzyo njabuzya mwanaanu kuba citondezyo cakuti ulabikkila maano alimwi uyanda kuzyiba. Noliba leelyo naakajisi buyo myaka iili 12, Jesu wakabuzya mibuzyo iiyandika kapati. (Amubale Luka 2:46.) Mukubusi umwi uujisi myaka iili 15 ku Denmark ulayeeya ategwa: “Ciindi nondakali kuzumbauzya naa cikombelo cesu ncamasimpe, bazyali bangu bakandikkazikila moyo nokuba kuti bakalilibilikide kujatikizya ndime. Bakayiingula mibuzyo yangu yoonse kubelesya Bbaibbele.”\\n5. Ino mbuti bazyali mbobakonzya kutondezya kuti balalubikkila maano lusyomo lwabana babo?\\n5 Amubazyibe kabotu bana banu, nkokuti kuzyiba mbobayeeya, mbobalimvwa, alimwi azibapa kulibilika. Mutayeeyi kuti balaalusyomo akaambo buyo kakuti balajanika kumiswaangano ya Bunakristo alimwi akuti balaunka mumulimo wakukambauka antoomwe andinywe. Amubikkilizye amibandi yazintu zyakumuuya ciindi nomubeleka milimo yalyoonse. Amupaile antoomwe abana banu alimwi amubapailile. Amuzizyibe zintu zisunka lusyomo lwabo, alimwi amubagwasye kuzyiba mbobakonzya kuzilwana.\\n6. Ikuti bazyali kubagama bakaiya kasimpe kamu Bbaibbele, ino eeci inga cabagwasya buti mbobali bamayi?\\n6 Kali mwiiyi, Jesu wakabasika amoyo bantu nkaambo wakali kumuyanda Jehova, Jwi lyakwe, alimwi abantu. (Lk. 24:32; Joh. 7:46) Luyando luli boobo luyoobagwasya bazyali kutegwa babasike amoyo bana babo. (Amubale Deuteronomo 6:5-8; Luka 6:45.) Aboobo nobazyali, amube acilengwa cibotu cakubala Bbaibbele alimwi amabbuku eesu aagwasya kwiiya. Amuzikkomanine zilenge alimwi azibalo izili mumabbuku eesu izibandika makani aaya. (Mt. 6:26, 28) Kucita boobo kuyoomupa kuba aluzyibo lunji, kuyoomupa kumulumba kapati Jehova, alimwi kuyoomugwasya kubayiisya kabotu bana banu.—Lk. 6:40.\\n7, 8. Ikuti moyo wamuzyali kauzwide kasimpe kamu Bbaibbele, ino ncinzi ncobayookulwaizyigwa kucita? Amupe cikozyanyo.\\n7 Ikuti moyo wanu kauzwide kasimpe kamu Bbaibbele, muyooyanda kubandika kasimpe aako abanamukwasyi. Kamucita oobu ikutali buyo ciindi nomulibambila miswaangano ya Bunakristo naa ciindi nomukomba mumukwasyi, pele aziindi zimbi buyo. Kuyungizya waawo, mibandi iili boobu yeelede kucitwa cakulikwaya alimwi aciindi cili coonse, nkokuti yeelede kuba cibeela camibandi yanu yalyoonse. Banabukwetene bamwi ku United States balamulumba Jehova ciindi mukwasyi wabo noukkomana azilenge zimwi naa izyakulya zimwi. Bazyali aaba baamba kuti: “Tulabayeezya bana besu kujatikizya luyando alimwi abusongo mbwajisi Jehova ibulibonya muzintu zyoonse nzyaakatupa.” Ciindi nobalima abana babo basimbi bobilo, banabukwetene bamwi ku South Africa balabatondezya zintu zigambya mbuli mbuto mbozimena alimwi akukomena. Bazyali aaba baamba kuti: “Tulasoleka kubagwasya bana besu ikubulemeka kapati buumi alimwi azintu zimwi izyakalengwa zikkomanisya alimwi zigambya.”\\n8 Usyi umwi ku Australia wakatola mwanaakwe musankwa wakajisi myaka iili 10 kuŋanda nkobayoobweda zintu zyakaindi kutegwa amugwasye kuyumya lusyomo lwakwe muli Leza alimwi amububumbo. Bausyi baamba kuti: “Twakabona zilenge zyamumaanzi zitegwa ammonoids alimwi a trilobites. Cakatugambya kubona kuti banyama aaba balo ibatalibonyi mazuba aano bakali babotu kapati, alimwi bakalengedwe munzila iigambya mbubwenya mbuli banyama bamwi mbotubona mazuba aano. Aboobo ikuti naa buumi bwakasanduka kuzwa kutuntu tusyoonto akuba zintu zipati, ino nkaambo nzi banyama bakaindi aaba ncobakali bapati kale aciindi eeco? Aawa ndakaiya ciiyo cakandikkomanisya kapati alimwi ndakabandika amwanaangu kujatikizya makani aaya.”\\n9. Nkaambo nzi zikozyanyo ncozigwasya kapati, alimwi mbuti mucizyi umwi mbwaakabelesya cikozyanyo?\\n9 Kanji-kanji Jesu wakali kubelesya zikozyanyo izyakali kugwasya kuyeeya, izyakali kubasika amoyo bantu, alimwi akubagwasya kutaluba. (Mt. 13:34, 35) Bunji bwaziindi, bana balakonzya kweezyeezya zintu. Aboobo nobazyali, amusoleke kuzibelesya kapati zikozyanyo ciindi nomuyiisya bana banu. Mucizyi umwi uulaabana ku Japan wakacita mbubwenya oobo. Ciindi bana bakwe basankwa bobilo, umwi naakajisi myaka iili 8 mpoonya umwi naakajisi myaka iili 10, wakabayiisya kujatikizya muya ngotuyoya alimwi Jehova mbwaakabikkila maano kuupanga. Kutegwa acite oobo, wakabapa mukupa, syuga, alimwi akkofi. Mpoonya wakabaambila kuti umwi aumwi wabo apangile banyina kkofi. Bakaamba kuti: “Bakabikkila maano kapati ciindi nobakali kwiipanga. Nondakababuzya ikaambo ncobakabikkilide kapati maano, bakaamba kuti bakali kuyanda kuti kkofi baipange mbuli mbondiiyanda. Ndakabapandulwida kuti, Leza awalo wakabikkila maano kapati kwiisanganya kabotu myuya kutegwa tupone kabotu.” Cikozyanyo eeci cakali kweelela kweelana aciimo cabo, alimwi cakabapa kuyeeya kapati mukwiimpana akwiile kwaamba buyo amulomo. Cakutadooneka, ciiyo eeci bakazumanana kuciyeeya!\\nMulakonzya kubelesya zikozyanyo zyazintu zizyibidwe kabotu kutegwa mugwasye mwanaanu kusyoma muli Leza alimwi amukulengwa kwazintu (Amubone muncali 10)\\n10, 11. (a) Ino ncikozyanyo nzi ncomukonzya kubelesya kutegwa mumugwasye mwanaanu kuba alusyomo muli Leza? (Amubone cifwanikiso icili kumatalikilo aacibalo.) (b) Nzikozyanyo nzi nzyomwajana kuti zilagwasya kapati?\\n10 Alimwi buya mulakonzya kubelesya nzila njomutobela nomujika cakulya kutegwa mumugwasye mwanaanu kuba alusyomo muli Leza. Mbuti mbomukonzya kucita oobu? Nomwamana kujika kkekke naa mabbisiketi, amupandulule mulimo wazintu zyoonse nzyomwabelesya. Mpoonya mulakonzya kumupa mwanaanu mucelo, ambweni apeele akumubuzya kuti: “Sena ulizyi kuti apeele eeli kuli mbolyakatalika?” Mwamana amulitende muzibeela zyobilo, akumupa nseke. Mulakonzya kumwaambila kuti malailile aajatikizya mbolyakatalika “alilembedwe” munseke eeyo, pele malailile aayo alisumpukide kapati kwiinda malailile aatondezya mbokujikwa cakulya cimwi. Mulakonzya kulibuzya kuti: “Ikuti naa kuli wakalemba malailile aatondezya mbokujikwa cakulya cimwi, ino nguni iwakalemba malailile aasumpukide kapati aajanika munseke ya apeele?” Ikuti kali mwana mupati, mulakonzya kumupandulwida kuti malailile aajatikizya mbolyakatalika apeele—alimwi buya amalailile aacisamu coonse mbocakakomena—akali cibeela camalailile aajanika mu DNA. Mulakonzya kuzilanga-langa antoomwe zikozyanyo izili apeeji 10 kusikila ku 20 mubroshuwa yesu yakuti The Origin of Life—Five Questions Worth Asking.\\n11 Bazyali bamwi balakkomana kubandika abana babo zibalo zijanika mu Sinsimuka! mucibeela cakuti “Sena Cakalengwa Buya?” Naa ambweni babelesya cibeela eeci kuba makani aakuyiisya bana babo bacili baniini itwaambo tuuba-uba. Mucikozyanyo, banabukwetene bamwi ku Denmark bakeezyanisya ndeke kutuyuni. Bakati: “Ndeke ziboneka mbuli tuyuni. Pele sena ndeke zilatula mayi akukonkona twana twandeke? Sena tuyuni tuyandika busena bwaalubazu bwakukkalila mbuli ndeke? Ino nkwiindana nzi kuliko akati kakulila kwandeke alimwi akwiimba kwatuyuni? Aboobo ino nguni musongo kapati—iwakapanga ndeke naa Mulengi watuyuni?” Twaambo ootu, kubikkilizya amibuzyo mibotu, zilakonzya kumugwasya mwana “kuyeeya kabotu” alimwi akuba alusyomo muli Leza.—Tus. 2:10-12.\\n12. Ino mbuti zikozyanyo mbozikonzya kugwasya bana kuba alusyomo mu Bbaibbele?\\n12 Zikozyanyo zyeelela zilakonzya kupa kuti lusyomo lwamwana luyume lwakuti Bbaibbele lililuzi. Mucikozyanyo, amulange-lange Jobu 26:7. (Amubale.) Ino mbuti mbomukonzya kutondezya kuti lugwalo oolu lwakasololelwa amuuya uusalala? Ikuti kamuyanda, inga mwaile kwaamba buyo twaambo tuluzi. Muciindi caboobo, amumugwasye mwanaanu kweezyeezya. Amumwaambile kuti Jobu wakapona aciindi nokwakanyina ndeke alimwi amincini njobabelesya bantu kubona zintu zili mujulu. Mulimo wamwanaanu inga waba wakutondezya mbocikonzya kubayumina bantu bamwi kusyoma kuti cintu cipati kapati mbuli nyika, caanzikidwe aatakwe cintu. Mwana ambweni inga wabelesya bbola naa bbwe ikutondezya kuti zintu zilema zyeelede kukkala acintu cimwi. Ciiyo cili boobu cilakonzya kupa kuti mwanaanu asyome kuti Jehova wakalemba twaambo tuluzi mu Bbaibbele kaindi bantu kabatanatuzyiba twaambo ooto.—Neh. 9:6.\\n13, 14. Mbuti bazyali mbobakonzya kutondezya bana babo mbozigwasya njiisyo zyamu Bbaibbele?\\n13 Cilayandika kapati kuti mubatondezye bana banu mbozigwasya njiisyo zyamu Bbaibbele. (Amubale Intembauzyo 1:1-3.) Inga mwacita oobo munzila zinji ziindene-indene. Mucikozyanyo, mulakonzya kubaambila bana banu ikweezyeezya kuti baunka kuyookkala ansumbu iili kule kapati akuti bayooyandika kusala mweelwe wabantu ibeelede kukkala ambabo ansumbu eeyo. Mpoonya inga mwababuzya kuti, “Ino mbube nzi umwi aumwi wabo mbwayelede kuba ambubo kutegwa boonse ibali mukabunga aako bakkale muluumuno alimwi kabamvwana?” Alimwi inga mbwabandika ambabo kujatikizya malailile aabusongo aajanika kulugwalo lwa Bagalatiya 5:19-23.\\n14 Cakucita eeco citondezya ziiyo zyobilo ziyandika kapati. Cakusaanguna, zyeelelo zya Leza zikulwaizya muuya waluumuno alimwi alumvwano. Cabili, kwiinda mukutuyiisya lino, Jehova utugwasya kulibambila kupona buumi munyika mpya. (Is. 54:13; Joh. 17:3) Mulakonzya kutusalazya twaambo ootu kwiinda mukusala cakuluula cimwi mumabbuku eesu. Cakuluula eeco cilakonzya kuzwa mucibeela cimwaigwa mu Ngazi Yamulindizi cakuti “Ibbaibbele Lilakonzya Kubacinca Bantu.” Naa ambweni umwi mumbungano yanu wakapanga kucinca kupati kutegwa akkomanisye Jehova, mulakonzya kumutamba kutegwa amulwiide makani aayo. Zikozyanyo zili boobo zitondezya kuti njiisyo zyamu Bbaibbele zilagwasya kapati!—Heb. 4:12.\\n15. Ino mweelede kuba ambaakani nzi ciindi nomuyiisya bana banu?\\n15 Kaambo kapati nkakuti: Ciindi nomuyiisya bana banu, mutaile kubalekela kuti kabazumina buyo twaambo. Amusoleke kweezyeezya zintu. Amubagwasye kuyeeya, kweelana aciimo cabo. Amupe kuti kwiiya kakukkomanisya alimwi akuyumya lusyomo. Muzyali umwi mwaalumi wakaamba kuti: “Mutakatali kusola nzila zipya ciindi nomubandika makani aakaindi.\\n16. Ciindi nobayiisya bana babo, nkaambo nzi bazyali ncobeelede kukkazika moyo? Amupe cikozyanyo.\\n16 Muuya wa Leza ulayandika kutegwa mube alusyomo luyumu. (Gal. 5:22, 23) Mbubwenya mbuli mucelo wini wini, lusyomo lutola ciindi cilamfwu kutegwa lukomene. Aboobo muyooyandika kukkazika moyo alimwi akuzumanana kuyiisya bana banu. Mwaalumi umwi ku Japan uujisi bana bobilo wakaamba kuti: “Mebo abakaintu bangu twakali kusolekesya kujana ciindi cinji cakuba abana besu. Nobakacili baniini, ndakali kwiiya ambabo kwamaminiti aali 15 abuzuba, ccita buyo mazuba ngotwakali kuunka kumiswaangano ya Bunakristo. Maminiti aali 15 akali buyo kabotu kulimbabo alimwi akulindiswe.” Mulangizi wabbazu umwi wakalemba kuti: “Kandicili mukubusi, ndakajisi mibuzyo minji alimwi azintu zimwi nzyondakali kudooneka, pesi ndakali kwaalilwa kuzyaamba. Mukuya kwaciindi, bunji bwamibuzyo eeyi yakali kwiingulwa kumiswaangano naa ciindi cakukomba mumukwasyi naa ciiyo cangu ndemwini. Aaka nkakaambo ncociyandika kapati kuti bazyali kabazumanana kuyiisya bana babo.”\\nKutegwa mube mwiiyi uucibwene, Jwi lya Leza lyeelede kusaanguna kuba mumoyo wanu (Amubone muncali 17)\\n17. Ino nkaambo nzi ncociyandika kapati kuti bazyali kabatondezya cikozyanyo cibotu, alimwi mbuti banabukwetene bamwi mbobakaba cikozyanyo cibotu kubana babo basimbi?\\n17 Masimpe, cintu ciyandika kapati, ncikozyanyo canu cibotu calusyomo. Bana banu banoobona zintu nzyomucita, alimwi eeci ciyoobagwasya kapati. Aboobo mbomuli bazyali, amuzumanane kuyumya lusyomo lwanu. Bana banu beelede kulibonena kuti mulamuyanda ncobeni Jehova. Ciindi banabukwetene bamwi ku Bermuda nobaba amapenzi, balapaila antoomwe abana babo kuti Jehova abasololele, alimwi balabakulwaizya bana babo kupaila balikke. “Alimwi inga tulamwaambila mwaneesu musimbi mupati kuti, ‘Komusyoma Jehova cakumaninina, kolitakata mumulimo wa Bwami, alimwi utanoolibiliki kapati.’ Ciindi abona bubotu buboola akaambo kakucita boobo, ulazyiba kuti Jehova ulatugwasya. Eeci cayumya lusyomo lwakwe muli Leza alimwi amu Bbaibbele.”\\n18. Ino nkaambo nzi ikayandika kapati nkobateelede kuluba bazyali?\\n18 Nokuba boobo, mukuya kwaciindi bana beelede kuyumya lusyomo lwabo beni. Mbomuli bazyali, mulakonzya kusyanga akutilila. Leza alikke nguukonzya kukomezya. (1Kor. 3:6) Aboobo amulombe muuya wakwe, alimwi amubeleke canguzu kuyiisya bana banu bayandisi. Ikuti mwacita oobo, Jehova uyookulongezya kusoleka kwanu.—Ef. 6:4.","num_words":1877,"character_repetition_ratio":0.055,"word_repetition_ratio":0.0,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"AMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bulgarian Cebuano Chichewa Chinese (Traditional) Chinese Mandarin (Simplified) Chitonga Cibemba Croatian Czech Danish Dutch Efik English Estonian Ewe Finnish French Georgian German Greek Hebrew Hiligaynon Hungarian Igbo Iloko Indonesian Italian Japanese Kinyarwanda Kirghiz Kirundi Korean Lingala Lithuanian Macedonian Malagasy Myanmar Norwegian Polish Portuguese Punjabi Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Swahili Swahili (Congo) Swedish Tagalog Thai Tigrinya Tsonga Turkish Twi Ukrainian Vietnamese Xhosa Zulu\\nMAKANI AAYEEME AMUTWE UULI ACIVWUMBYO | INO KUZWIDILILA KWINI-KWINI CAAMBA NZI?\\nBbaibbele lilatwaambila cini ncocaamba kuzwidilila. Taliyiisyi kuti mbantu buyo basyoonto balaacoolwe ibakonzya kuzwidilila. Alimwi talyaambi mbuli mbwaamba mabbuku aambi kuti, ikuti naa watobela nzyoyeeya, zyoonse nzyoyanda ziyoocitika. Muzeezo ooyu—kanji-kanji ngobapegwa bana nobacili baniini—ulalangilwa kumutyompya.\\nMasimpe ngakuti, muntu uuli woonse ulakonzya kuzwidilila—pele kuyandika kubeleka canguzu. Amulange-lange njiisyo zitobela.\\n“Muntu uuyandisya mali takonzyi kukuta mali, ayooyo uuyandisya imbono takonzyi kukuta impindu.”—Mukambausi 5:10.\\nNCOCAAMBA. Ikuba aazintu zinji tacaambi kuti muyookkutila. Muciindi caboobo, ciletela mapenzi. Ba Dr. Jean M. Twenge mubbuku lyabo litegwa Generation Me, bakalemba kuti: “Bantu ibayandisya mali balalangilwa kulibilika akutyompwa kwiinda bantu bayandisya kuba azilongwe ziyumu abantu bamwi. Buvwuntauzi kanji-kanji butondezya kuti mali taakonzyi kupa muntu kuba aalukkomano, nokuba kuti wajana zyoonse nzyoyanda, mali taapi kukkutila.”\\nNCOMUKONZYA KUCITA. Amulibikkile mbaakani yakujana zintu zigwasya kapati kwiinda lubono. Jesu wakaamba kuti: “Amucenjele akulikasya kubulyato buli boonse, nkaambo nokuba kuti muntu kajisi zyintu zinji buti, ibuumi bwakwe tabuzwi kuzyintu eezyo nzyajisi.”—Luka 12:15.\\n“Kulisumpula kulazulwida lunyonyooko, akamikami kali kunembo lyakuwa.”—Tusimpi 16:18.\\nNCOCAAMBA. Kuyandisya kuba ampuwo alimwi akulisumpula tazikamugwasyi kuzwidilila. Alimwi buya, ibbuku litegwa Good to Great lyaamba kuti balupati-pati mumakkampani ibakatola ciindi cilamfwu kuzwidilila “inga balalicesya. Pele kweezyanisya amakkampani aamwi, balupati-pati ibabalilwa ku 66 pesenti bakali kulisumpula calo cakapa kuti kkampani izumanane kutaba ampuwo mbotu naa kuwa.” Ino twiiya nzi aawa? Twiiya kuti kubikkila buyo maano kuzintu nzyotuyandika kulakonzya kupa kuti tutazwidilili.\\nNCOMUKONZYA KUCITA. Muciindi cakuliyandawida zina mbotu, amubelekele aakulicesya. Bbaibbele lyaamba kuti: “Ikuti naa umwi uyeeya kuti ulayandika kapati kakuli kunyina ambwabede, ulalyeena lwakwe mwini”—ooku takuli kuzwidilila!—Bagalatiya 6:3.\\n‘Taakwe cintu cibotu kwiinda eci: muntu . . . alikondezye mumilimo yakwe.’—Mukambausi 2:24.\\nNCOCAAMBA. Ikuti kamubeleka kabotu milimo, muyookkomana kapati amulimo ngomucita. Mubbuku lyabo litegwa Teach Your Children Well, ba Madeline Levine bakalemba kuti: “Ikucita kabotu mucintu cimwi cipa kuti muntu alimvwe kuti wazwidilila alimwi kubeleka canguzu akuzumanana cipa kuti muntu acite kabotu.” Eeci cilabikkilizya akuliyumya ciindi zintu nozyakatazya.\\nNCOMUKONZYA KUCITA. Amubeleke canguzu kutegwa muzwidilile, alimwi mutatyompwi ciindi nokuli buyumuyumu. Ikuti kamujisi bana, amubape (kweelana aciimo cabo alimwi anguzu nzyobajisi) coolwe cakulanganya mapenzi aabo. Mutanoofwambaani kulanganya mapenzi aabo oonse. Bakubusi balajana lukkomano lwini-lwini—akuba aluzyibo lukonzya kubagwasya baakukomena—ciindi nobaliyumya.\\n“Mubwa uucipona mubotu kwiinda mulavu uufwide.”—Mukambausi 9:4.\\nNCOCAAMBA. Ikuti kamujisi mulimo, mulimo wanu weelede kuba cibeela cabuumi bwanu pele kutali buumi bwanu boonse. Sena muyoolimvwa kuti mwazwidilila ikuti kamucita kabotu mumulimo wanu pele kamuciswa-ciswa naa bamukwasyi wanu kabatamulemeki? Ibantu bazwidilila ncobeni balaulanganya kabotu mulimo wabo, buumi bwabo alimwi amukwasyi wabo.\\nNCOMUKONZYA KUCITA. Kamulilanganya kabotu. Amujane ciindi cakupumuna. Tacigwasyi kubikkila kapati maano kumulimo kwiinda mukubikka buumi, mukwasyi, alimwi azilongwe muntenda. Ooku nkuzwidilila ikutali kwamasimpe.\\nNCOCAAMBA. Kwiiya Bbaibbele alimwi akutobela njiisyo zili mumo cilayandika kapati kutegwa muntu azwidilile ncobeni. Mubwini, Bakamboni ba Jehova banji bajana kuti kubikkila maano kuzintu zyakumuuya mubuumi bwabo kwacesya kulibilika nkobajisi kujatikizya zintu zyakumubili.—Matayo 6:31-33.\\nNCOMUKONZYA KUCITA. Amwiiye mbolikonzya kumugwasya Bbaibbele kutegwa muzwidilile. Ikuti kamuyanda kwiiya zinji, mulakonzya kubalomba Bakamboni ba Jehova naa kuunka a Web site yesu ya www.jw.org.\\n“Kuzwidilila Kwangu Kwakaindi Tiikwakali Kwamasimpe”\\nBa Timothy aba Charlotte bakali kukkala muŋanda mpati yakajisi maluumu manji. Bakajisi myootokala yotatwe iidula alimwi bakali kubelesya mali manji mwaka amwaka kuunka kuyoolyookezya. Pele ciindi nobakaba azintu zinji mubuumi, bakasala kucita zintu zimwi. Balembi ba Sinsimuka! bakababuzya ba Timothy kujatikizya cakabapa kucinca.\\nIno mwakali kubeleka mulimo nzi?\\nNdakali kubeleka mulimo uujatikizya kwiimba alimwi akulanganya mali. Ba Charlotte bakali bagwasyilizi mumulimo wakoolola bantu balicisa alimwi bakali kubeleka mubbanki. Mukuya kwaciindi, twakatalika makwebo aakugela bantu masusu, mumasena one. Muzintu zyoonse eezyi ndakali kubonwa kuti ndili muntu wakazwidilila. Alimwi buya, tiindakali kubeleka nkaambo ndakajisi babelesi. Nokuba boobo, mukuya kwaciindi, mebo aba Charlotte twakasala kucileka mulimo ooyu. Twakazisambala zintu zinji nzyotwakajisi.\\nIno nkaambo nzi ncomwakaulekela mulimo ngomwakajisi?\\nTwakabona kuti ooku tiikwakali kuzwidilila kwamasimpe. Twakali kukkomana buyo kwaciindi cisyoonto ciindi notwaula cintu cipya, calo icatakali kutupa lukkomano.\\nIno mbuti mbomwakazwidilila ncobeni?\\nMbondili Kamboni wa Jehova, lyoonse ndakali kutola lubazu cabusungu mumulimo wakukambauka wa Bunakristo. Nokuba kuti kwaciindi cili mbocibede, mebo aba Charlotte twakali kubeleka kwamawoola aali 70 mwezi amwezi kuyiisya bantu Bbaibbele, pele buumi bwesu tiibwakayeeme kapati akukambauka. Aboobo, twakasambala makwebo ngotwakajisi, akulyaaba kubelekela kufwumbwa busena bwakali kuyandika basikuyiisya Bbaibbele. Mazuba aano, tubelekela kumutabi wa Bakamboni ba Jehova waku United States. Mbwaanga mulimo ngotucita ncibeela cakukambauka, tandivwoli mali naa kupegwa bulemu bulibedelede. Tulijisi nzyotuyandika. Pele eeci tacili cintu ncotubikkila kapati maano mubuumi bwesu.\\nSena lino mulimvwa kuti mwazwidilila?\\nInzya. Kuzwidilila kwangu kwakaindi tiikwakali kwamasimpe. Ncondicita lino, cindipa lukkomano lwancobeni nkaambo ndilizyi kuti mulimo ngondicita ugwasya bantu kwiiya Bbaibbele nyika yoonse alimwi akubagwasya mubuumi bwabo. *\\n^ par. 35 Bakamboni ba Jehova tabavwoli mali akaambo kamulimo wakuyiisya Bbaibbele ngobacita.\\nNcinzi Bbaibbele Ncolyaamba Kujatikizya Mulimo?\\nBantu banji babona mulimo kuba cintu ciminya aboobo balangila kumbele kuciindi nobatakayandiki kubeleka. Sena aayo ngaakali makanze aa Leza?","num_words":825,"character_repetition_ratio":0.051,"word_repetition_ratio":0.0,"special_characters_ratio":0.153,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Isita mbuzuba bwakulyookezya bwa Banakristo?\\nAMUBALE MU Afrikaans Albanian Amharic Arabic Armenian Aymara Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Chuvash Cibemba Croatian Czech Dangme Danish Dutch Efik English Estonian Ewe Finnish French Ga Georgian German Greek Guarani Haitian Creole Hebrew Hiligaynon Hiri Motu Hungarian Igbo Iloko Indonesian Italian Japanese Karen (S'gaw) Kazakh Kikamba Kikaonde Kikuyu Kimbundu Kinyarwanda Kirghiz Kirundi Kongo Korean Kwangali Kwanyama Lingala Lithuanian Luganda Luo Luvale Macedonian Malagasy Maltese Maya Myanmar Ndebele Ndonga Nepali Ngabere Norwegian Nyaneka Nzema Oromo Ossetian Otetela Papiamento (Aruba) Papiamento (Curaçao) Polish Portuguese Quechua (Bolivia) Rarotongan Romanian Russian Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tahitian Tatar Thai Tigrinya Tok Pisin Totonac Tshiluba Tsonga Turkish Tuvaluan Twi Tzotzil Ukrainian Umbundu Urdu Venda Vietnamese Waray-Waray Xhosa Yoruba Zapotec (Isthmus) Zulu\\nBbuku litegwa Encyclopædia Britannica lipandulula kuti Isita, “ndipobwe lyakusaanguna lya Bunakristo lyakusekelela Kubusyigwa kwa Jesu Kristo.” Nokuba boobo, sena ncobeni ndipobwe lyeelede kusekelelwa a Banakristo?\\nKutegwa makani asinizyigwe kuti ngamasimpe, twaambo tumwi tujatikizyidwe tweelede kulangwa-langwa. Mbubwenya buyo, kutegwa tuzyibe naa Isita ndipobwe lyeelede kusekelelwa a Banakristo, cilayandika kulanga-langa twaambo tumwi tujatikizya Isita.\\nCakusaanguna, Jesu wakaambila basikumutobela kuti kabaibaluka lufwu lwakwe, ikutali kuzyalwa kwakwe pe. Mwaapostolo Paulo wakaamba pobwe eeli kuti, “Mulalilo wa Mwami.”—1 Bakorinto 11:20; Luka 22:19, 20.\\nKuyungizya waawo, bbuku lya Encyclopædia Britannica lilazumanana kwaamba kuti: “Zilengwa zinji zya Isita kanji-kanji “taziswaangene” akubusyigwa kwa Jesu, muciindi caboobo, zilengwa zicitwa zizwa kutunsiyansiya twabantu.” Mucikozyanyo, kujatikizya zintu nzyobabelesya lya Isita mbuli Iji alimwi asulwe, bbuku litegwa The Encyclopedia of Religion lyaamba kuti: “Iji liiminina buumi bupya ibuzwa mucikwa caji.” Lilayungizya kwaamba kuti: “Sulwe wakalizyibidwe kuba munyama uuzyala kapati, aboobo wakali kwiiminina kuboola kwamainza.”\\nBa Philippe Walter, basyaazibwene mumabbuku aakaindi, bakapandulula kujatikizya zilengwa eezyo mbozyakaba cibeela cakusekelela pobwe lya Isita. Bakalemba kuti, “bantu bamwi kabajisi makanze aakusandula zikombelo zimwi kuti zibe zya Bunakristo,” cakali cuuba-uba kweendelanya kubusyigwa kwa Jesu kumapobwe aabantu batakali kukomba Leza wakasimpe, alo ngobakali “kusekelela mamanino aamupeyo kuya kumatalikilo aamainza.” Ba Walter bakayungizya kuti eeyo yakali nzila mpati iyakusololela “mapobwe aa Bunakristo” kuzilengwa zyabantu batakombi Leza wakasimpe, calo cakapa kuti cuube-ube kubantu banji kuti basanduke.\\nNzila eeyi yakusandula “bantu kuti babe Banakristo,” tiiyakazwidilila pe ciindi baapostolo nobakacili kupona, nkaambo bakali ‘kubukasya’ bukombi bwakubeja. (2 Batesalonika 2:7) Mwaapostolo Paulo wakacenjezya kuti ‘aakuunka,’ “kuyoobuka baalumi ibayooyiisya zintu zipilingene kutegwa balikwelele basikwiiya.” (Milimo 20:29, 30) Kumamanino aamwaanda wamyaka wakusaanguna, mwaapostolo Johane wakalemba kuti bantu bamwi bakalitalikide kale kweena Banakristo. (1 Johane 2:18, 26) Zilengwa zyabantu batakombi Leza wakasimpe zyakatalika asyoonto-syoonto.\\n“Mutanjili mujoko lyomwe abantu batasyomi.”—2 Bakorinto 6:14\\nPele bamwi inga bayeeya kuti kutobela zilengwa zimwi zicitwa lya Isita tiicakalubide pe—nkaambo bakali kuyeeya kuti zyakali kukonzya kugwasya “bantu batakombi Leza wakasimpe” kubumvwisya ncobwaamba bubuke bwa Jesu. Nokuba boobo, Paulo kunyina naakali kunga waazumina makani aaya. Nokuba kuti wakali kuzibona zilengwa zyabantu batakombi Leza wakasimpe ciindi naakali kuyaabweenda mucooko icakali kweendelezyegwa a Bulelo bwa Roma, kunyina naakazibelesya zilengwa eezyi kusola kugwasya bantu kuti bamuzibe kabotu Jesu. Muciindi caboobo, wakacenjezya Banakristo kuti: “Mutanjili mujoko lyomwe abantu batasyomi. Nkaambo ino bululami buswaangene buti abubi? Naa, ino mumuni uswaangene buti amudima? ‘Aboobo amuzwe akati kabo, akulyaandaanya,’ mbwaamba Jehova, ‘alimwi amuleke kuguma cintu cisofweede.’”—2 Bakorinto 6:14, 17.\\nKujatikizya makani aaya ngotwalanga-langa mubufwaafwi, ino ncinzi ncotwajana? Calibonya antangalala kuti, pobwe lya Isita talyeelede kusekelelwa a Banakristo pe.\\nAmwiiye mbozyakatalika zilengwa zyosanwe zya Isita.","num_words":538,"character_repetition_ratio":0.054,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Johane 15 | Bbaibbele lili a Intaneti | Bbaibbele lya Busanduluzi Bwanyika Mpya\\nCikozyanyo camusaansa wini-wini (1-10)\\nMulawo uujatikizya kutondezya luyando lwa Kristo (11-17)\\n‘Kunyina luyando lwiinda loolu’ (13)\\nNyika ilibasulide basikwiiya ba Jesu (18-27)\\n15 “Mebo ndili musaansa wini-wini, alimwi Taata ngomulimi. 2 Imutabi wangu uuli woonse uutazyali micelo ulaugonka, alimwi uuli woonse uuzyala micelo ulaukwezyaula ikutegwa usalale akuzyalisya micelo.+ 3 Nywebo mulisalede kale akaambo kamajwi ngendamwaambila.+ 4 Amuzumanane kukamantana andime, andime ndizumanane kukamantana andinywe. Mbubonya mutabi mbuutakonzyi kuzyala micelo ulikke ccita kuti kuuli kucinyina, mbubonya buyo anywebo tamukonzyi kuzyala micelo, ccita kuti mwazumanana kukamantana andime.+ 5 Mebo ndili cinyina; nywebo muli mitabi. Kufwumbwa ooyo uuzumanana kukamantana andime eelyo andime ngondikamantene anguwe, ooyu nguuzyala micelo minji;+ nkaambo tamukonzyi kucita cintu cili coonse kanditako mebo. 6 Ikuti muntu katazumanani kukamantana andime, ulakwezyulwa mbuli mutabi alimwi ulayuma. Eelyo bantu balaibungika mitabi eeyo akwiiwaala mumulilo, eelyo ilapya. 7 Ikuti mwazumanana kukamantana andime akubamba majwi aangu, mwaakulomba cintu cili coonse ncomuyanda muyoocitilwa.+ 8 Taata ulalemekwa muliceeci, ikuti muzumanane kuzyala micelo minji akulitondezya kuti muli basikwiiya bangu.+ 9 Mbubonya Taata mbwaali kundiyanda+ ambondali kumuyanda nywebo; amuzumanane muluyando lwangu. 10 Ikuti mwaitobela milawo yangu, mulazumanana muluyando lwangu, mbubonya andime mbondaitobela milawo ya Taata akuzumanana muluyando lwakwe. 11 “Ndamwaambila zintu eezyi kutegwa mukondwe mbondikondedwe akuti kukondwa kwanu kuzulile.+ 12 Ndamupa mulawo ooyu, wakuti muyandane mbubonya mbondali kumuyanda nywebo.+ 13 Kunyina uujisi luyando lwiinda loolu, lwakuti muntu umwi atuulile beenzinyina buumi bwakwe.+ 14 Munooli beenzuma ikuti kamucita nzyondimulailila.+ 15 Tandicimwaambi kuti muli bazike, nkaambo muzike tazyi ncacita simalelaakwe. Pele ndimwaamba kuti muli beenzuma, nkaambo ndamuzyibya zintu zyoonse nzindakamvwa kuli Taata. 16 Tamuli ndinywe mwakandisala pe, pele ndime ndakamusala akumutuma kuti muzumanane kuzyala micelo akuti micelo yanu kiiliko lyoonse, ikutegwa kufwumbwa ncomumulomba Taata kwiinda muzina lyangu, akamupe ncico.+ 17 “Ndamulailila zintu eezyi ikutegwa kamuyandana.+ 18 Ikuti nyika yamusulaika, mulizyi kuti yakandisulaika mebo kaitanasulaika ndinywe.+ 19 Ikuti nimwali banyika, inyika niyali kumukkomanina nkaambo muli banjiyo. Lino akaambo kakuti tamuli banyika,+ pele ndakamusala kuzwa munyika, nkakaambo kaako nyika ilimusulide.+ 20 Amuyeeye majwi ngendakamwaambila aakuti: Muzike tali mupati kwiinda simalelaakwe. Ikuti bakandipenzya mebo, bayoomupenzya andinywe;+ ikuti bakaatobela majwi aangu, bayakwaatobela amajwi aanu. 21 Pele bayoocita zintu zyoonse eezyi zyakumukazya akaambo kazina lyangu, nkaambo tabamuzyi ooyo wakandituma.+ 22 Ikuti nindatakaboola akubaambila, nobatalijisi cibi.+ Pele lino tabajisi cilitamizyo kujatikizya cibi cabo.+ 23 Kufwumbwa ooyo uundisulide, ulimusulide awalo Taata.+ 24 Ikuti nendatakabacitila milimo yatakacitwa amuntu uuli woonse, nobatalijisi cibi;+ pele lino babona alimwi bandisula mebo a Taata. 25 Pele eeci cakacitika kutegwa azuzikizyigwe majwi aalembedwe mu Mulawo wabo aakuti: ‘Bakandisula kakunyina kaambo.’+ 26 Aakusika mugwasyi ooyo ngondiyoomutumina kuzwa kuli Taata, imuuya wakasimpe,+ walo uuzwa kuli Taata, ooyo uyoondicitila bumboni;+ 27 alimwi andinywe, mweelede kundicitila bumboni+ nkaambo mwalaandime kuzwa kumatalikilo.","num_words":411,"character_repetition_ratio":0.061,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbomukonzya Kuba Muzyali Uuli Kabotu: Njiisyo Zyamu Bbaibbele Zyosanwe\\nAMUBALE MU Afrikaans Albanian Amharic Arabic Armenian Bislama Bulgarian Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch Efik English Estonian Ewe Finnish French Georgian German Greek Hiligaynon Hungarian Igbo Iloko Indonesian Italian Japanese Kinyarwanda Kirghiz Korean Lithuanian Malagasy Myanmar Norwegian Oromo Pangasinan Polish Portuguese Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Slovak Slovenian Spanish Swahili Swedish Tagalog Tahitian Thai Tigrinya Tsonga Turkish Twi Ukrainian Vietnamese Xhosa Zulu\\nBa Michael, * baku South Africa bakabuzya mubuzyo wakali kubakatazya kapati wakuti: “Mbuti mbondakeelede kumukomezya kabotu mwanaangu?” Nokuba kuti bakali kusoleka canguzu kuba muzyali uuli kabotu, lyoonse bakali kuyeeya kujatikizya mwanaabo wakazangide uujisi myaka yakuzyalwa iili 19, bakali kulibilika kuti ndiza tiibakali muzyali uuli kabotu.\\nMukwiimpana, ba Terry, ibakkala ku Spain, kulibonya kuti bakacikonzya kuba muzyali uuli kabotu. Andrew, mwanaabo wakaamba kuti: “Bunji bwatwaambo tundipa kubayeeya bataata tujatikizya ciindi nibakali kundibalila, kusobana andime, alimwi akunditola kukweendeenda kumasena kwalo nkotwakali kujanika tobilo buyo. Bakali kundiyiisya munzila iikkomanisya.”\\nKwaamba masimpe, tacili cuuba-uba kuba muzyali uuli kabotu. Pele Bbaibbele lilapa lulayo lukonzya kumugwasya kutegwa mube muzyali uuli kabotu. Bazyali banji alimwi amikwasyi yabo bagwasyigwa ciindi nobatobela busongo bwamu Bbaibbele. Atulange-lange lulayo lumwi lwamu Bbaibbele lukonzya kugwasya bazyali.\\n1. Amujane Ciindi Cakubandika Amukwasyi Wanu\\nMbuli muzyali, mbuti mbomubatondezya bana banu kuti balayandika kapati kulindinywe? Masimpe, kuli zyintu zinji nzyomubacitila bana banu, eezyi zibikkilizya kulyaaba nkomucita kutegwa mubasanine alimwi akubajanina aakoona. Mulacita zyintu zyoonse eezyi akaambo kakuti mulabayanda bana banu. Pele, ikuti kamutajani ciindi cibotu cakubandika abana banu, balakonzya kumuyeeyela kuti mubikkila buyo maano kuzyintu zimbi kwiinda mbabo, mbuli mulimo, balongwe banu, naa zyintu nzyomukkomanina kucita.\\nNdilili muzyali musankwa nayelede kutalika kujana ciindi cakubandika abana bakwe? Muzyali mukaintu ulatalika kuba acilongwe amwanaakwe ciindi nacili mwida. Kwainda nsondo zili 16 kuzwa ciindi mukaintu naamita, mwana uuli mwida ulatalika kumvwa. Aciindi eeci awalo muzyali musankwa ulakonzya kutalika kupanga cilongwe cilibedelede amwanaakwe ooyo. Ulakonzya kukumvwa kuduntaana kwamoyo wamwana, kuputauka, alimwi ulakonzya kwaambaula anguwe akumwiimbila.\\nNjiisyo Yamu Bbaibbele: Ciindi nolyakacili kulembwa Bbaibbele, baalumi bakalijatikizyidwe mukuyiisya bana babo. Bazyali basankwa bakali kukulwaizyigwa kujana ciindi cakubandika abana babo lyoonse, mbubwenya mbolitondezya Bbaibbele mulugwalo lwa Deuteronomo 6:6, 7 nolyaamba kuti: “Nkabela aya majwi ngendamulailila buzuba obuno abe amyoyo yanu. Muleelede kwaaiyisya bana banu, akwaambaula ngawo lyoonse, ciindi cakukala muŋanda aciindi cakweenda munzila, ciindi cakoona aciindi cakubuka.”\\n2. Bazyali Bali Kabotu Balaswiilila\\nAmuswiilile cakukkazika moyo kakunyina kunyema\\nKutegwa kamucikonzya kwaambaula kabotu abana banu, mweelede kuswiilila cabunkutwe. Mweelede kuswiilila kakunyina kunyema.\\nKuti bana banu bamuzyiba kuti mulafwambaana kunyema alimwi akuyumya zyintu, tabakalikwayi kumwaambila bwini mbobalimvwa. Pele kuti kamubaswiilila cakukkazyika moyo, bayoobona kuti mulababikkila maano. Mpoonya bayooanguluka kumwaambila mbobalimvwa.\\nNjiisyo Yamu Bbaibbele: Busongo bwamu Bbaibbele bulagwasya kapati mubukkale bunji bwabuzuba abuzuba. Mucikozyanyo, Bbaibbele lyaamba kuti: “Muntu woonse weelede kufwambaana kuswiilila, kumuka kwaambaula, kumuka kukalala.” (Jakobo 1:19) Bazyali babelesya njiisyo yamu Bbaibbele balacikonzya kwaambaula abana babo kakunyina buyumuyumu.\\n3. Kamubalumbaizya Alimwi Akubapa Lulayo Caluyando\\nNociba ciindi nomunyemede, tamweelede kubapa lulayo bana banu akaambo kakunyema, pele mweelede kucita oobo akaambo kaluyando. Eeci cilabikkilizya kupa lulayo, kululamika, kuyiisya, alimwi akupa cisubulo kuti kwayandika kucita oobo.\\nKuyungizya waawo, lulayo lulabeleka kabotu kuti muzyali kabalumbaizya bana bakwe lyoonse. Kasimpi kamu Bbaibbele kaamba kuti: “Mbuli micelo yangolida mucisuwo cansiliva, mbwaabede majwi aambwa kuciindi ceelede.” (Tusimpi 25:11) Kulumbaizyigwa kugwasya bana kwiiya kuba abube bubotu. Bana balakomena kabotu ciindi nobalumbaizyigwa. Muzyali uubikkila maano kulumbaizya bana bakwe, uyoopa kuti kabamuyanda alimwi akubakulwaizya kuti kabasolekesya kucita ciluzi.\\nNjiisyo Yamu Bbaibbele: “Nywebo nomausyi, mutanoobanyemyi bana banu, kutegwa batatyompwi.”—Bakolose 3:21.\\n4. Amubalemeke Akubayanda Bamakaintu Banu\\nMulumi mbweendelezya mukaintu wakwe, cilabajatikizya bana. Bamukabunga kamwi kabasyaazibwene kalanganya lusumpuko lwabana bakapandulula kuti: “Nzila mbotu mulumi njakonzya kubelesya kugwasya bana bakwe nkwiinda mukumulemeka mukaintu wakwe. . . . Kuti bazyali kabalemekana, balakonzya kupa kuti bana babo kabakkomene alimwi kabakwabilidwe.”—The Importance of Fathers in the Healthy Development of Children. *\\nNjiisyo Yamu Bbaibbele: “Nobalumi, amuzumanane kubayanda bakaintu banu, . . . Umwi aumwi wanu ayande mukaintu wakwe mbubonya mbwaliyanda mwini.”—Baefeso 5:25, 33.\\n5. Amubelesye Busongo bwa Leza Bugwasya\\nBazyali bamuyanda camoyo woonse Leza balakonzya kupa bana babo lukono lubotu—cilongwe cini-cini a Usyi wabo wakujulu.\\nBa Antonio, Bakamboni ba Jehova, ibakabeleka canguzu kukomezya bana babo bali cisambomwe kwamyaka minji, bakatambula kagwalo kuzwa kumwanaabo musimbi walo wakalemba kuti: “Nomuyandwa bataata, ndilamulumba kapati akaambo kakundiyiisya kuyanda Jehova Leza, alimwi akuyanda basimukoboma mbuli mbondiliyanda—kutegwa ndibe muntu uuli aamaano. Mwakanditondezya kuti mulamuyanda Jehova alimwi akuti mulandibikkila maano. Ndamulumba kapati bataata, akaambo kakubikka Jehova mubusena bwakusaanguna mubuumi bwanu alimwi akulanganya bana banu mbuli zipego zizwa kuli Leza.”\\nNjiisyo Yamu Bbaibbele: “Uleelede kuyandisya Jehova Leza wako amoyo wako woonse, amuuya wako woonse, anguzu zyako zyoonse. Nkabela aya majwi ngendamulailila buzuba obuno abe amyoyo yanu.”—Deuteronomo 6:5, 6.\\nCakutadooneka, kuba muzyali kulabikkilizya zyintu zinji kutali buyo twaambo ootu tosanwe, masimpe ngakuti, nokuba kuti mwasoleka kusikila mpomugolela kuba muzyali uuli kabotu, kunyina nomukonzya kuba muzyali uulondokede. Pele kuti kamusolekesya kutondezya luyando kubana banu alimwi akubapa nzyobayandika, muyooba muzyali uuli kabotu. *\\n^ munc. 19 Nokuba kuti usyi bana tabacikwetene amukaintu ngobakazyala limwi bana, ikuti kamweendelezya cabulemu mukaintu ooyu, cilakonzya kubagwasya kapati bana kuzumanana kuba acilongwe cibotu abanyina.\\n^ munc. 25 Kuti kamuyanda makani aambi aajatikizya buumi bwamumukwasyi, amubone bbuku lyakuti Inzila Yakujana Lukkomano Mumukwasyi, naa “Cibeela Cijatikizya Mukwasyi” a Web site ya www.jw.org.\\nMuzyali Uuli Kabotu Ulajana Ciindi Cakubandika Abana Bakwe\\nBa Sylvan, ibakazwa ku Barbados, mbaanamutekenya babbaasi mudolopo lya New York City, balijisi bakaintu abana basankwa botatwe. Mulimo waba Sylvan uyanda ciindi cinji. Balatalika kubeleka masyikati kusikila 04:00hrs kubucedo. Balyookezya buyo muli Bwane amuli Bwasanu, pele mu Mujibelo amu Nsondo babeleka masiku. Nokuba boobo, balajana ciindi cakubandika abana babo.\\nBa Sylvan baamba kuti: “Cilakatazya kapati, pele ndilasola. Mwana umwi aumwi uyanda ciindi cakubandika anguwe alikke cacigaminina. Kumazuba muli Bwane nceciindi nendibandika amwana mupati akotoka kucikolo. Muli Bwasanu, ndilabandika amwanaangu wabili. Kumane mu Nsondo mafwumofwumo, ndilabandika amwanaangu musyoonto.”\\nNzyobaamba Bana Kujatikizya Bausyi\\n“Tulasobana antoomwe alimwi ciindi camasiku balandibalila.”—Oobu mbwaakaamba Sierra, uujisi myaka yakuzyalwa yosanwe.\\n“Tulasobana kapati, mpoonya casika ciindi cakuti tuleke kusobana inga balaamba kuti, ‘Mbubo, lino atuyobolole nzyotwali kubelesya.’ Zimwi ziindi, twamana kubeleka, balaamba kuti; ‘Lino nciindi cakusobana.’”—Oobu mbwaakaamba Michael, uujisi myaka yakuzyalwa iili 10.\\n“Bataata kunyina nobazumizya mulimo naa zyintu nzyobakkomanina kuti zibape kuleka kugwasya bamaama milimo yaaŋanda. Noliba lino, nokuba kuti kwainda myaka minji, balajika, balasanzya mitiba, balasalazya muŋanda, alimwi balabeendelezya calubomba alimwi acaluyando bamaama.”—Oobu mbobakaamba ba Andrew, bajisi myaka yakuzyalwa iili 32.\\nLulayo lugwasya luzwa mu Bbaibbele lwabagwasya bamaalumi abamakaintu banji kuba alukkomano mumaanda aabo.","num_words":1009,"character_repetition_ratio":0.06,"word_repetition_ratio":0.0,"special_characters_ratio":0.156,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kusiyana Akati Kabaluleme Abasizibi | Ngaziyakulinda Yakwiiya\\nNgaziyakulinda—Yakwiiya | January 2018\\nBALA MU Afrikaans Albanian Altai Alur American Sign Language Amharic Amis Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Bolivian Sign Language Boulou Brazilian Sign Language British Sign Language Bulgarian Cakchiquel Catalan Cebuano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Colombian Sign Language Costa Rican Sign Language Croatian Cuban Sign Language Czech Czech Sign Language Dakota Dangme Danish Digor Douala Dutch Ecuadorian Sign Language Edo Efik English Esan Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Greek Greek Sign Language Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Honduras Sign Language Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kabuverdianu Kannada Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malawi Sign Language Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mexican Sign Language Mingrelian Mixe Mixtec (Guerrero) Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nigerian Pidgin Norwegian Nzema Okpe Oromo Ossetian Otetela Panamanian Sign Language Pangasinan Papiamento (Curaçao) Paraguayan Sign Language Persian Peruvian Sign Language Pidgin (Cameroon) Polish Polish Sign Language Ponapean Poqomchi' Portuguese (Portugal) Portuguese Sign Language Punjabi Quebec Sign Language Quechua (Ancash) Quechua (Bolivia) Romanian Romanian Sign Language Russian Russian Sign Language Samoan Sango Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Venezuelan Sign Language Vietnamese Waray-Waray Wolaita Xhosa Yoruba Zambian Sign Language Zande Zapotec (Isthmus) Zimbabwe Sign Language Zulu\\nKusiyana Kwabakombi baLeza Abamwi Bantu\\n‘Muyoobona kusiyana akati kabaluleme abasizibi.’​—MALK. 3:18.\\nNiinzi chikonzya kutugwasya kuti tulibone munzila ilikabotu?\\nTweelede kubajata biyeni bamwi?\\nTweelede kuchitaanzi kuti tube abube bulikabotu?\\n1, 2. Niinzi chikonzya kuyumina bakombi baLeza? (Langa chifanikisyo chili kumatalikilo achiiyo.)\\nBASILISI balakonzya kuswaanana abantu balaamalwazi aatabukila chiindi nibali kuchita mulimu wabo. Balabagwasya nkaambo balabayanda. Nikuba boobo, babelesya zintu zibakwabilila kuti batatabukilwi abulwazi nibabasilika. Mbukubede andiswe mazubaano, tukkala abantu bali abube butayandwi aLeza. Nkinkaako, eezi zilakonzya kutuyumina.\\n2 Mazubaano aakumamanino bubi bwiindilila. Mulugwalo lwabili ndwaakalembela Timotewo, Pawulu wakalemba atala abube bwabantu bakumazuba aakumamanino. (Bala 2 Timoteo 3:1-5, 13, NW.) Nikuba kuti tulizizi kuti bube oobu tabuli kabotu pesi tulakonzya kweenwa kuti tuchite zintu nzibachita bantu biingi. (Tus. 13:20) Muchiiyo eechi tuyoolanga-langa bube bwabantu bakumazuba aakumamanino mbubusiyene abube butondeezegwa abakombi baJehova. Alubo tuyooyiya mbutukonzya kulikwabilila kuti tutabi abube butali kabotu chiindi nitulikugwasya bamwi kuti bazibe kasimpe.\\n3. Mbube buli biyeni buli muli 2 Timoteo 3:2-5?\\n3 Mwaapostolo Pawulu wakalemba kuti: “Kumazuba aakumamanino kuyooba ziindi zikataazya.” Wakalemba atala abube buli 19 butali kabotu bwakali kuyootondeezegwa abantu bakumazuba aakumamanino. Bube oobu buleendelana abube bulembedwe muli BaRoma 1:29-31. Nikuba boobo, mulugwalo Pawulu ndwaakalembela Timotewo wakaamba bube bwiingi kwiinda buli muli BaRoma alubo tabujaniki Mumagwalo aambi achiKristu achiGilikki. Naakali kwaambuula atala bube bwabantu bakumazuba aakumamanino, Pawulu wakatalika amajwi aakuti “nkaambo bantu bayooba . . . ” Majwi aaya atondeezya kuti baalumi abanakazi bakali kuyooba abube oobu. Nikuba boobo, maKristu bali abube busiyene abutondeezegwa abantu biingi.​—Bala Malaki 3:18.\\n4. Kujana wabapandulula biyeni bantu balisumpula munzila yiindilide?\\n4 Naakazwa kwaambuula atala akuti bantu bakali kuyooliyanda akuyandisya mali, Pawulu wakalemba kuti bamwi bakali kuyooba basikulidunda, basikulisumpula abasikulitukumuna akaambo kazintu nzibalaazyo, mbubaboneka amulimu ngubachita. Bantu baliboobo bayandisya kulumbayizigwa akulemekwa. Umwi sikulanga-langa makani wakalemba kuti bantu balisumpula kuli mbuuli kuti balibuzya kuti mbabo abalikke taakwe uumbi. Bamwi bakaamba kuti kulisumpula zyiindilide takuli kabotu nkaambo nikuba bantu balisumpula kuti babona bamwi kabali kuchita oobo ngazyabasesemya.\\n5. Niinzi chakachitika kubakombi baJehova bakali kusyomeka?\\n5 Kulisumpula kulamusesemya Jehova. Bbayibbele lyaamba kuti taayandi “meso aakulisumpula.” (Tus. 6:16, 17) Kulisumpula kupa kuti tutatambuliki kuli Leza. (Int. 10:4) Mbube bwakatondeezegwa aDyabbulosi. (1 Tim. 3:6) Zilawusisya kuti bamwi bakombi baJehova bakali kusyomeka bakatalika kulisumpula. Mwaami Uziya wakali kusyomeka kwaminyaka myiingi. Pesi Bbayibbele lyaamba kuti: “Naakamana kujata inguzu, moyo wakwe wakalisumpula, aboobo wakalinyonyoona. Wakapapila Jehova Leza wakwe, wanjila muntempele ya-Jehova kuti atente tununkilizyo acipaililo catununkilizyo.” Alubo, Mwaami Hezekkiya wakalisumpula pesi wakazoochincha.​—2 Mak. 26:16; 32:25, 26.\\n6. Niinzi chakali kukonzya kupa kuti Davida alisumpule pesi nkamboonzi naatakachita oobo?\\n6 Bamwi bantu balalisumpula akaambo kampuwo, mbubaboneka, kuziba kwiimba, luzibo lwakuchita milimu isiyene-siyene akuba achuuno chilaajulu. Davida wakali azipo zyoonse zyaambidwe aajulu pesi wakali kulibombya. Naakajaya Goliyati wakapegwa mwana waMwaami Sawulu kuti akwate pesi wakati: “Ino mebo ndimeni? Buumi bwangu buli buti? Awalo mukowa wataata uli buti? Sa ndakonzya kuba mukwe wamwami na?” (1 Sam. 18:18) Niinzi chakagwasya Davida kuti atalisumpuli? Wakalizi kuti Leza ‘wakalibombya’ kuti ajane zilongezyo azintu nzyaakali aazyo. (Int. 113:5-8) Davida wakalizi kuti zintu zyoonse zibotu nzyaakalaazyo wakazipedwe aJehova.​—Kozyanisya a1 BaKorinto 4:7.\\n7. Niinzi chikonzya kutugwasya kuti tulibombye?\\n7 Mazubaano bakombi baJehova baleezya amanguzu woonse kuti balibombye mbuuli mbaakali kuchita Davida. Tuchita oobo akaambo kakuti Jehova talisumpuli pe nikuba kuti Mupati kwiinda zilenge zyoonse. (Int. 18:35) Tweelede kukkala katuyeeya lulayo lwakuti “amulisamike moyo waluzyalo, buuya, lulifwiinsyo, lubombo, abusicamba.” (Kol. 3:12) Alubo luyando “talulikankaizyi, talulisumpuli.” (1 Kor. 13:4) Kuti twalibombya ziyoopa kuti bantu bayande kuziba zyiingi atala aJehova. Mbukunga baalumi batakombi balakonzya kuchincha akaambo kanzila banakazi babo njibalijataayo, mbukubede kuti twalibombya bantu balakonzya kuyanda kuziba zyiingi atala aJehova.​—1 Pet. 3:1.\\nTUBAJATA BIYENI BAMWI?\\n8. (a) Bantu biingi bakubona biyeni kutalemeka bazyali? (b) Magwalo asungwaazya bana kuti bachiteenzi?\\n8 Pawulu wakapandulula mbubakali kuyooba bantu kumazuba aakumamanino. Wakalemba kuti kumazuba aakumamanino, bana tabakamvwidi bazyali. Nikuba kuti bube buli boobo bulasungwaazigwa mumabbuku, mumamuvi, mumapulogilamu amuTV, kutaswiilila kupa kuti bantu batamvwanani. Nikuba chiindi kutaswiilila kwakali kupa kuti bantu batamvwanani. Muchikozyano, maGilikki mwana wakali kuuma muzyali wakwe wakali kukasigwa kubeleka mumfulumende alubo mulawu wamaRoma wakali kwaamba kuti kuuma muzyali kuleendelana akujaya. Bbayibbele lisungwaazya bana kuti baswiilile bazyali.​—Kul. 20:12; Ef. 6:1-3.\\n9. Niinzi chikonzya kugwasya bachikula kuti baswiilile bazyali babo?\\n9 Kuti bana bayeeyesesya atala azintu zibotu nzibachitilwa abazyali ziyoopa kuti batantamuke muuya wakutayanda kubaswiilila. Kuziba kuti Jehova Ndeende wesu nguwe utulayilila kuti tulemeke bazyali kuyoopa kuti tubalemeke. Bachikula balakonzya kugwasya bamwi kuti balemeke bazyali babo kwiinda mukwaambuula zintu zilikabotu atala ambabo. Nisimpe, kuti bazyali kabatabayandi bana babo, ziyoobayumina bana kubaswiilila. Pesi kuti uuchikula wabona kuti bazyali balamuyanda ziyoopa kuti abalemeke nikuba chiindi naasunkwa kuti atabalemeki. Umwi uuchikula uutegwa Austin wakaamba kuti: “Chimwi chiindi ndakali kuyanda kuchita zintu zichitwa abamwi pesi bazyali bangu bakali kundibikkila milawu akundibuzya kuti nkamboonzi nibandibikkila milawu eeyo alubo bakali kwaambuula andime kabaangunikide. Eezi zyakandigwasya kuti ndibaswiilile. Ndakabona kuti bakali kundiyanda alimwi eezi zyakapa kuti ndiyande kubaswiilila.”\\n10, 11. (a) Mbuubuli bube butali kabotu butondeezya kuti bantu tababayandi beenzinyina? (b) Niinzi chitondeezya kuti maKristu bakasimpe bali aluyando lwachoonzyo?\\n10 Pawulu wakalemba atala abube butondeezya kuti bamwi tababayandi beenzinyina. Naakazwa kwaamba atala ‘akutaswiilila bazyali’ wakaamba atala akutalumba, nkaambo kutalumba kutondeezya kuti muntu taziboni pe zintu zibotu nzyachitilwa abamwi. Bantu tabakasyomeki, tabakanyoneki, chaamba kutayanda kuzuminana abamwi. Bamwi bayooba basikusampawula, basikwaaba bamwi, chaamba kutukila bamwi nikuba Leza. Alubo bamwi bayooba basikubejelezya, bamwaya majwi mabi kuti banyonyoone mpuwo yabamwi. *\\n11 Nikuba kuti bantu tabakwe luyando pesi bakombi baJehova balabayanda bamwi bantu. Majwi aaya ngachoonzyo. Jesu wakati luyando lwaa·ga’pe luswaanizya kuyanda basimayakilane mulawu wachibili muMulawu waMusa. (Mt. 22:38, 39) Alubo Jesu wakaamba kuti maKristu bachoonzyo bakali kuyooboneka akaambo kaluyando. (Bala Johane 13:34, 35.) MaKristu balabayanda nibaba basinkondonyina.​—Mt. 5:43, 44.\\n12. Jesu wakatondeezya biyeni kuti ulabayanda bantu?\\n12 Jesu wakatondeezya kuti ulabayanda bantu. Wakali kweenda myuunzi amyuunzi kakambawuka atala aBwaami bwaLeza. Wakaponia boofu, balema, basichinsenda abasinke matwi. Alubo wakabusya bantu bakafwide. (Lk. 7:22) Nikuba kuti bantu biingi teebakali kumuyanda pesi Jesu wakafwida zibi zyesu. Luyando ndwaakali kutondeezya Jesu lutondeezya luyando ndwalaalo Wisi. Munyika yoonse Bakamboni baJehova balabayanda bamwi bantu.\\n13. Luyando ndutubatondeezya bamwi kujana lwabagwasya biyeni kuti bayande kuziba zyiingi atala aJehova?\\n13 Luyando ndutubatondeezya bamwi bantu luyoopa kuti bayande kuziba zyiingi atala aNdeende wesu wakujulu. Muchikozyano, umwi mwaalumi uukkala kuThailand wakabotelwa loko naakabona luyando ndubakali aalo bakwesu abachizi nibakali kumuswaangano wabbooma. Naakabweeda kulimbabo, mwaalumi ooyu, wakakumbila kuti Ayiisigwe Bbayibbele tubili mumviki. Kuzwa waawo, wakakambawukila zibbululu zyakwe alubo nikwakiinda myeezi iili 6 wakapa nkani yakubalwa kwaBbayibbele kuNg’anda yaBwaami. Tulakonzya kubona kuti tulabayanda na bamwi kwiinda mukulibuzya mibuzyo iitobela: ‘Ndiliikubeleka changuzu na kuti ndigwasye bamwi mumpuli, mumbungano amukukambawuka? Ndibona bamwi mbuuli mbababona na Jehova?’\\n14, 15. Mbuubuli bube butali kabotu butondeezegwa abantu bakumazuba aakumamanino pesi bamwi bakachitaanzi?\\n14 Bube mbubali aabo bantu bakumazuba aakumamanino butondeezya chaantanganana kuti maKristu beelede kubatantamuka. Bantu bakumazuba aakumamanino tabayandi bubotu. Alubo tabalilesyi, mbakali, tabalayiki bachita kufumbwa nchibayeeya kabatabikkili bamwi maanu.\\n15 Nikuba boobo, bamwi bantu bakali abube butalikabotu bakachincha. Kuchincha ooku kwakasinsimwa muBbayibbele. (Bala Isaya 11:6, 7.) Lugwalo lwaIsaya lutondeezya kuti banyama bali mbuuli bawumpe abalavu bayookkala muluumuno abanyama bavubwa bali mbuuli tubelele ang’ombe. Kumvwanana ooku kuyooba “nkaambo nyika iyoozula luzibo lwa-Jehova.” (Is. 11:9) Mbukunga banyama tabakonzyi kwiiya atala aJehova majwi aaya abeleka kubantu.\\nKubelesya malayilile aamuBbayibbele kuchincha buumi bwabantu! (Langa fuka 16)\\n16. Bbayibbele lyakabagwasya biyeni bamwi kuti bachinche bube bwabo?\\n16 Kuli bamwi bakali aabukali mbuuli bawumpe pesi lino bali aluumuno abamwi. Ulakonzya kubala atala amakani aabamwi babo aajanika aajw.org, muzyiiyo zilembedwe kuti “The Bible Changes Lives.” Bantu bakachincha bube bwabo akutalika kukomba Jehova tabali mbuuli bantu balibonia kuti balilyaabide mubukombi pesi kabakazyania anguzu zyambubo kwiinda muzintu nzibachita. Nikuba kuti bakali aabukali pesi lino ‘bakasama buntu bupya bulengulwidwe muchikozyano chaLeza chabululami achabusalali bwini-bwini.’ (Ef. 4:23, 24) Chiindi bantu nibayiya atala aLeza ngababona kuti beelede kupona kweendelana amalayilile aakwe. Eezi zipa kuti bachinche zintu nzibakali kusyoma, mizeezo yabo anzila njibakali kulijataayo. Kuchincha teekuuba pe pesi kulakonzeka kwiinda mukugwasigwa aamuuya waLeza.\\n“IBANTU BALI BOOBU KOBATANTAMUKA”\\n17. Kujana twabatantamuka biyeni bantu bali abube butayandwi aaLeza?\\n17 Musiyano uuliwo aakati kabantu bakomba Leza Abamwi Bantu uliikuboneka mazubaano. Mbutuli bakombi baLeza tweelede kuchenjela kuti tutatobelezyi bube mbubali aabo bantu batakombi. Tulaluswiilila lulayo lwakuti tutantamuke bantu bali abube bwaambidwe muli 2 Timoteo 3:2-5. Nichoonzyo kuti tatukonzyi kubatantamuka chakumaninina bantu bali abube butali kabotu. Bamwi tubelekaabo, bamwi mbaasichikoloma naakuti mbaasimayakilane. Pesi tatweelede kutobelezya zintu nzibachita. Niinzi chikonzya kutugwasya kuti tutabatobelezyi? Nkwiinda mukubala Bbayibbele akukkala abantu bakomba Jehova.\\n18. Kujana zyabagwasya biyeni bamwi zintu nzituchita anzitwaambuula?\\n18 Tweelede kugwasya bamwi kuti bazibe Jehova. Nituli kukambawuka tweelede kukumbila Jehova kuti atugwasye kwaamba majwi aalikabotu muchiindi cheelede. Tatweelede kulisisa pe kuti tuli Bakamboni baJehova. Kuti twachita oobo tuyoopa kuti Leza alemekwe. Twayiya mbutweelede ‘kukaka bukkale bwakutayoowa Leza azisusi zyanyika akuti tulijate, tube balulami akuti tubelekele Leza chakulyaaba mumazubaano.’ (Tit. 2:11-14) Kuti twalijata munzila iyandwa aaLeza, bantu bayoozibona alubo bayoowamba kuti: “Atweende anywebo, nkaambo twamvwa kuti Leza mpali akati kanu.”​—Zek. 8:23.\\n^ par 10 Bbala lyachiGilikki lyakuti di·aʹbo·los lyaamba kuti “sikubejelezya.” Eeli bbala muBbayibbele libelesegwa kwaamba Saatani sikubejelezya mupati waLeza.\\nTHEY OFFERED THEMSELVES WILLINGLY Bakalipeda Amoyo Woonse Kuyoobelekela—KuMadagascar\\nChiyubulusyo Chipa Kuti Tujatane\\nNkamboonzi Nitweelede Kupa Ooyo Uuli Azintu Zyoonse?\\nNiinzi Chipa Kubotelwa Kwachoonzyo?\\nText Sala naa uyanda kukkopa zyakamwayigwa zilekkodedwe NGAZIYAKULINDA—YAKWIIYA January 2018\\nNGAZIYAKULINDA—YAKWIIYA January 2018","num_words":1791,"character_repetition_ratio":0.066,"word_repetition_ratio":0.0,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bupanduluzi Buyungizyidwe | Mbomukonzya Kukkala Muluyando Lwa Leza\\nAMUBALE MU Afrikaans Alur Amharic Bassa (Cameroon) Batak (Karo) Belize Kriol Boulou Cebuano Chichewa Chin (Hakha) Chin (Tiddim) Chitonga Chitonga (Zimbabwe) Chitumbuka Chiyao Chokwe Cibemba Cinyanja Colombian Sign Language Cuban Sign Language Danish Douala Dutch English Ewe Fijian Fon French Ga German Greek Guarani Gun Haitian Creole Herero Hiligaynon Hindi Hungarian Iloko Indian Sign Language Indonesian Irish Javanese Jula Kabiye Kabuverdianu Karen (S'gaw) Kazakh Kikaonde Kikuyu Kiluba Kinyarwanda Kirghiz Kiribati Kirundi Kongo Korean Krio Kwanyama Kyangonde Lhukonzo Lingala Luganda Luvale Malay Malayalam Mambwe-Lungu Mbunda Mongolian Moore Myanmar Ndebele Ndebele (Zimbabwe) Nepali Ngangela Nias Norwegian Nyaneka Okpe Otetela Pangasinan Portuguese Portuguese (Portugal) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Romany (Southern Greece) Russian Samoan Sango Sena Sepedi Sesotho (South Africa) Seychelles Creole Sidama Silozi Sinhala Spanish Spanish Sign Language Sunda Swahili Swahili (Congo) Swedish Tagalog Tamil Thai Tigrinya Tok Pisin Tongan Tshiluba Tuvaluan Ukrainian Uruund Vietnamese Wayuunaiki Wolaita Zande\\nMilawo ya Leza iyeeme anjiisyo zyakwe. Njiisyo eezyi nkasimpe kajanika mu Bbaibbele. Zilatugwasya kumvwisya mbwayeeya Leza alimwi ambwalimvwa kujatikizya makani aamwi. Njiisyo zilatugwasya kusala kabotu mubuumi alimwi akucita ziluzi. Zilagwasya kapati kwaambisya mubukkale butaambidwe cacigaminina mumilawo ya Leza.\\n▸ Cibalo 1, muncali 8\\nKumvwida Jehova caamba kutobela ncatwaambila kucita kakunyina kusinikizyigwa buya. Jehova uyanda kuti katumumvwida akaambo kakuti tulamuyanda. (1 Johane 5:3) Ikuti katumuyanda alimwi akumusyoma Leza, tunootobela malailile aakwe mubukkale buli boonse. Tunoomumvwida noliba leelyo nocikatazya kucita boobo. Ncibotu kumvwida Jehova, nkaambo ulatuyiisya mbotukonzya kupona buumi buli kabotu lino alimwi utusyomezya kuti tuyookkomana azilongezyo zinji kumbele.—Isaya 48:17.\\n▸ Cibalo 1, muncali 10\\n3 LWAANGULUKO LWAKULISALILA\\nToonse, Jehova wakatupa lwaanguluko lwakulisalila, naa nguzu zyakulisalila zyakucita. Tanaakatulenga mbuli malobboti. (Deuteronomo 30:19; Joshua 24:15) Tulakonzya kubelesya lwaanguluko lwesu lwakulisalila ikusala zyakucita zili kabotu. Pele ikuti tiitwabikkila maano, tulakonzya kusala zintu zitali kabotu. Kuba alwaanguluko lwakulisalila caamba kuti tweelede kusala naa tuyanda kusyomeka kuli Jehova alimwi akutondezya kuti tulamuyanda ncobeni.\\n▸ Cibalo 1, muncali 12\\n4 ZYEELELO ZYAKULILEMEKA\\nJehova wabikka zyeelelo zyakulilemeka naa malailile aajatikizya mbotweelede kulilemeka. Mu Bbaibbele, tulakonzya kwiiya zyeelelo eezyi alimwi akuzyiba mbozikonzya kutugwasya kupona buumi buli kabotu. (Tusimpi 6:16-19; 1 Bakorinto 6:9-11) Malailile aaya alatugwasya kuzyiba zintu Leza nzyabona kuti zililuzi naa taziluzi. Alimwi alatugwasya kuzyiba mbotukonzya kuyanda bamwi, mbotukonzya kusala kabotu alimwi ambotukonzya kutondezya luzyalo kuli bamwi. Nokuba kuti zyeelelo zyamunyika ziyaabuya aansi, zyeelelo zya Jehova kunyina nozicinca pe. (Deuteronomo 32:4-6; Malaki 3:6) Ikuti twazitobela zilakonzya kutukwabilila kumubili alimwi akumizeezo.\\n▸ Cibalo 1, muncali 17\\nManjezyeezya eesu nkulimvwa kwamukati nkotulimvwa kujatikizya ciluleme acitaluleme. Toonse, Jehova wakatupa manjezyeezya. (Baroma 2:14, 15) Kutegwa manjezyeezya kaabeleka kabotu, tweelede kwaayiisya kweelana azyeelelo zya Jehova zyakulilemeka. Mpoonya manjezyeezya eesu alakonzya kutugwasya kusala zintu zimukkomanisya Leza. (1 Petro 3:16) Manjezyeezya eesu alakonzya kutucenjezya ciindi notuyanda kusala cintu citali kabotu, naa alakonzya kutupa kulimvwa bubi twamana kucita cintu citali kabotu. Manjezyeezya eesu alakonzya kucileka kubeleka kabotu, pele kwiinda mukugwasyigwa a Jehova, tulakonzya kwaalulamika alimwi. Manjezyeezya mabotu atupa luumuno lwamumizeezo alimwi akutupa kulimvwa kuba aabulemu.\\n▸ Cibalo 2, muncali 3\\n6 KUYOOWA LEZA\\nKuyoowa Leza caamba kumuyanda alimwi akumulemeka kapati cakuti tatweelede kucita cintu cili coonse citamukkomanisyi. Kuyoowa Leza kulatugwasya kucita zintu ziluzi alimwi akweeleba kucita zintu zitaluzi. (Intembauzyo 111:10) Kutupa kuswiilila kuzintu zyoonse Jehova nzyatwaambila kucita. Alimwi kulatugwasya kuzuzikizya zisyomezyo zyesu kulinguwe nkaambo tulamulemeka kapati. Kuyoowa Leza kulatujatikizya mbotuyeeya, mbotubeendelezya bamwi alimwi azyakusala nzyotusala buzuba abuzuba.\\n▸ Cibalo 2, muncali 9\\nKweempwa kulabikkilizya akuusa kapati muntu nkwakonzya kuba ankuko akaambo kakuti wacita cibi. Aabo bamuyanda Leza balimvwa bubi ciindi nobazyiba kuti bacita cintu citeendelani azyeelelo zyakwe. Ikuti twacita cintu cibi, tweelede kukombelezya Jehova kutegwa atulekelele kwiinda mucinunuzyo cacipaizyo ca Jesu. (Matayo 26:28; 1 Johane 2:1, 2) Ciindi notweempwa kuzwa ansi aamoyo alimwi akuleka kucita zintu zibi, tulijisi lusyomo lwakuti Jehova ulatulekelela. Aboobo tatweelede kulimvwa bubi kujatikizya zintu nzyotwakacita musyule. (Intembauzyo 103:10-14; 1 Johane 1:9; 3:19-22) Tweelede kubeleka canguzu kwiiya kukulubizya kwesu, kucinca kuyeeya kutali kabotu alimwi akupona kweelana azyeelelo zya Jehova.\\n▸ Cibalo 2, muncali 18\\n8 KUGWISYIGWA MUMBUNGANO\\nIkuti muntu iwacita cibi cipati katayandi kweempwa alimwi akukaka kutobela zyeelelo zya Jehova, ulakonzya kuleka kuba cibeela cambungano. Weelede kugwisyigwa mumbungano. Ciindi umwi naagwisyigwa mumbungano, tatweelede kuzumanana kuyanzana amuntu ooyo alimwi tweelede kuleka kubandika anguwe. (1 Bakorinto 5:11; 2 Johane 9-11) Bubambe oobu bwakugwisyigwa mumbungano, bukwabilila zina lya Jehova alimwi ambungano. (1 Bakorinto 5:6) Alimwi kugwisyigwa mumbungano, ndulayo lukonzya kugwasya muntu kweempwa kutegwa apiluke kuli Jehova.—Luka 15:17.\\n▸ Cibalo 3, muncali 19\\n9 MALAILILE, BUSOLOZI ALIMWI ALULAYO\\nJehova ulatuyanda alimwi ulayanda kutugwasya. Nkakaambo kaako ulatupa malailile, busolozi alimwi alulayo kwiinda mukubelesya Bbaibbele alimwi abantu ibamuyanda Leza. Mbotuli bantu batalondokede, tuyandika lugwasyo oolu. (Jeremiya 17:9) Ciindi notubaswiilila cabulemu aabo mbabelesya Jehova kutusololela, tutondezya kuti tulamulemeka alimwi tulayanda kumumvwida.—Bahebrayo 13:7.\\n▸ Cibalo 4, muncali 2\\n10 KULISUMPULA ALIMWI AKULICESYA\\nMbwaanga tatulondokede, ncuuba-uba kutalika kuliyanda alimwi akulisumpula. Pele Jehova uyanda kuti katulicesya. Kanji-kanji, tulatalika kwiiya kulicesya ciindi notulyeezyanisya a Jehova mpoonya tulazyiba mbotuli basyoonto kulinguwe. (Jobu 38:1-4) Cibeela cimwi ciyandika kapati cakulicesya, nkwiiya kuyeeya kujatikizya bamwi alimwi azintu zikonzya kubakkomanisya kutali buyo zikkomanisya ndiswe. Kanji-kanji kulisumpula kupa muntu kutalika kulimvwa kuti ulayandika kapati kwiinda bamwi. Muntu uulicesya, cakusyomeka ulalilingula akubona zintu nzyakonzya kucita alimwi akubona kulezya kwakwe. Tayoowi kwaamba kuti walubizya, kulilekelela alimwi akutambula mizeezo yabamwi alimwi alulayo. Muntu uulicesya usyoma Jehova muzintu nzyacita alimwi ulabutobela busolozi bwakwe.—1 Petro 5:5.\\n▸ Cibalo 4, muncali 4\\nBweendelezi nkuba aanguzu zyakupa malailile alimwi akusala zyakucita. Jehova ngomweendelezi mupati kujulu alimwi aanyika. Akaambo kakuti nguwakalenga zintu zyoonse, ngo Muntu wiinda kuba aanguzu mububumbo boonse. Lyoonse bweendelezi bwakwe ulabubelesya kugwasya bamwi. Jehova wapa bantu bamwi mukuli wakutulanganya. Mucikozyanyo, bazyali, baalu bamumbungano alimwi amfwulumende balijisi nguzu zimwi, alimwi Jehova uyanda kuti katubelekela antoomwe ambabo. (Baroma 13:1-5; 1 Timoteyo 5:17) Pele ciindi milawo yabantu noikazyanya amilawo ya Leza, tweelede kumvwida Leza kutali bantu. (Milimo 5:29) Ciindi notuzumina bweendelezi bwabaabo Jehova mbabelesya, tutondezya Jehova kuti tulakulemeka kusala kwakwe.\\n▸ Cibalo 4, muncali 7\\nJehova ubelesya baalu, ibakwesu bajisi luzyibo, kulanganya mbungano. (Deuteronomo 1:13; Milimo 20:28) Baalumi aaba balatugwasya kuzumanana kuba acilongwe ciyumu a Jehova alimwi akumukomba muluumuno alimwi amunzila iili kabotu. (1 Bakorinto 14:33, 40) Kutegwa baalu basalwe amuuya uusalala, beelede kusika azyeelelo zijanika mu Bbaibbele. (1 Timoteyo 3:1-7; Tito 1:5-9; 1 Petro 5:2, 3) Tulaisyoma alimwi akwiigwasyilizya mbunga ya Leza, nkakaambo kaako calukkomano tubelekela antoomwe abaalu.—Intembauzyo 138:6; Bahebrayo 13:17.\\n▸ Cibalo 4, muncali 8\\n13 SILUTWE WAMUKWASYI\\nJehova wakapa bazyali mukuli wakulanganya bana babo alimwi abamuŋanda yabo. Nokuba boobo, Bbaibbele lyaamba kuti mulumi ngosilutwe wamukwasyi. Ikuti naa kakunyina usyi muŋanda, banyina mbababa basilutwe bamukwasyi. Mukuli wasilutwe wamukwasyi ubikkilizya kujanina mukwasyi izyakulya, zyakusama alimwi abusena bwakukkala. Cilayandika kapati kuti silutwe wamukwasyi kali kumbele mukusololela mukwasyi wakwe kukomba Jehova. Mucikozyanyo, weelede kubona masimpe kuti lyoonse balajanika kumiswaangano yambungano, balatola lubazu mumulimo wakukambauka alimwi akwiiya Bbaibbele antoomwe. Kuyungizya waawo, silutwe wamukwasyi nguusala zyakucita. Lyoonse, ulasola kwiiya Jesu kwiinda mukuba muntu siluzyalo alimwi uunyoneka, tali silunya pe. Eeci cipa kuti kakuli luyando mumukwasyi, kutegwa boonse mumukwasyi kabalimvwa kukwabililwa alimwi akuyumya cilongwe cabo a Jehova.\\n▸ Cibalo 4, muncali 12\\n14 KABUNGA KEENDELEZYA\\nKabunga Keendelezya nkakamu kabaalumi ibajisi bulangizi bwakujulu balo ibabelesyegwa a Leza kusololela mulimo wabantu bakwe. Mumwaanda wamyaka wakusaanguna, Jehova wakabelesya kabunga keendelezya kusololela mbungano ya Banakristo bakusaanguna mubukombi bwabo alimwi amulimo wabo wakukambauka. (Milimo 15:2) Mazuba aano, kabunga kabakwesu ibali mu Kabunga Keendelezya mbobali kumbele kusololela, kulailila alimwi akukwabilila bantu ba Leza. Ciindi bakwesu aaba nobasala zyakucita, basyoma busolozi bwa Jwi lya Leza alimwi amuuya wakwe uusalala. Kabunga aaka kabaalumi bananikidwe Jesu wakakaita kuti “muzike uusyomeka alimwi uucenjede.”—Matayo 24:45-47.\\n▸ Cibalo 4, muncali 15\\n15 KUSAMA CITAMBALA\\nZimwi ziindi mucizyi ulakonzya kulombwa kucita mulimo umwi mumbungano walo weelede kucitwa amukwesu. Ciindi nacita mulimo ooyu, ulatondezya bulemu kububambe bwa Jehova kwiinda mukusama citambala. Pele kusama citambala kubeleka buyo mubukkale bumwi. Mucikozyanyo, mucizyi ulakonzya kusama citambala ciindi nasololela ciiyo ca Bbaibbele ikuti kali amulumaakwe naa mukwesu uubbapatizyidwe.—1 Bakorinto 11:11-15.\\n▸ Cibalo 4, muncali 17\\n16 KUTATOLA LUBAZU MUMAPOLITIKISI\\nIkuti katutatoli lubazu mumapolitikisi, nkokuti tukaka kujatikizyigwa munzila iili yoonse mumakani aamapolitikisi. (Johane 17:16) Bantu ba Jehova basumpula Bwami bwakwe. Aboobo tabatoli lubazu mutwaambo twacisi mbubonya mbuli Jesu.\\nJehova utulailila ‘kuzimvwida mfwulumende abaabo bajisi nguzu zyabweendelezi.’ (Tito 3:1, 2; Baroma 13:1-7) Pele mulawo wa Leza alimwi waamba kuti tatweelede kujaya pe. Aboobo manjezeezya aa Munakristo taakonzyi kumuzumizya kuunka kunkondo. Ikuti Munakristo kajisi coolwe cakusala kucita mulimo uutali wabusikalumamba muciindi camulimo wabusikalumamba, weelede kubona naa manjezyeezya aakwe alamuzumizya kucita oobo.\\nTukomba Jehova alikke nkaambo Ngomulengi wesu. Nokuba kuti tulatondezya bulemu kuzitondezyo zyacisi, tatusalyuti ndembela naa kwiimba lwiimbo lwacisi. (Isaya 43:11; Daniele 3:1-30; 1 Bakorinto 10:14) Alimwi babelesi ba Jehova umwi aumwi ulalisalila kutavwoota nokuli kusala kwamapolitikisi. Eeci cili boobo akaambo kakuti twakasala kale kuba kulubazu lwamfwulumende ya Leza.—Matayo 22:21; Johane 15:19; 18:36.\\n▸ Cibalo 5, muncali 2\\n17 MUUYA WANYIKA\\nNyika isumpula mizeezo ya Saatani. Mizeezo iili boobu ilidumide kapati akati kabantu ibatamuyandi alimwi ibatamwiiyi Jehova, aabo ibatatobeli zyeelelo zyakwe. (1 Johane 5:19) Mizeezo iili boobu alimwi azintu nzyobacita bantu akaambo kakuyeeya kuli boobu zyaambwa kuti muuya wanyika. (Baefeso 2:2) Bantu ba Jehova beelede kuba masimpe kuti tabazundwi amuuya uuli boobu. (Baefeso 6:10-18) Muciindi caboobo, swebo tulaziyanda nzila zya Jehova alimwi tulabeleka canguzu kukakatila kumizeezo yakwe.\\n▸ Cibalo 5, muncali 7\\nLuleyo caamba kukazya kasimpe kamu Bbaibbele. Basiluleyo bazangila Jehova a Jesu, Mwami uusalidwe wa Bwami bwa Leza, alimwi balasola kuyunga bamwi kuti babasangane. (Baroma 1:25) Inga bayanda kuti aabo bakomba Jehova batalike kudooneka. Bantu bamwi mumbungano ya Bunakristo yakusaanguna bakaba basiluleyo, alimwi buya naaba mazuba aano bamwi balacita mbubonya oobo. (2 Batesalonika 2:3) Aabo basyomeka kuli Jehova tabayanzani abasiluleyo. Tatweelede kulekela luyandisisyo lwakuzyiba zintu zimwi naa kuyungwa abantu bamwi kuti kutupe kutalika kubala, naa kuswiilila kumizeezo yabasiluleyo. Tulasyomeka kuli Jehova alimwi tukomba nguwe alikke.\\n▸ Cibalo 5, muncali 9\\n19 KUMANYA MILANDU\\nMu Mulawo wa Musa, bana Israyeli bakali kulomba Jehova kuti abalekelele zibi zyabo. Bakali kuleta zipaizyo zyakumanya milandu izyamaila, mafwuta alimwi abanyama kutempele. Kwiinda mukucita boobu, bana Israyeli bakali kuyeezyegwa kuti Jehova wakalilibambilide kubalekelela zibi zyabo, kabali cisi, alimwi amuntu umwi aumwi kumugama. Kumbele, Jesu naakaaba buumi bwakwe akaambo kazibi zyesu, zipaizyo eezyi zyakumanya milandu zyakabula mulimo. Jesu wakapa cipaizyo cilondokede “ciindi comwe buyo kukabe kutamani.”—Bahebrayo 10:1, 4, 10.\\n▸ Cibalo 7, muncali 6\\n20 KUBALANGANYA KABOTU BANYAMA\\nMu Mulawo wa Musa, bantu bakali kuzumizyigwa kulya banyama. Alimwi bakali kulaililwa kupa banyama kazili zipaizyo. (Levitiko 1:5, 6) Pele Jehova kunyina naakazumizya bantu bakwe kubaalunya kubanyama. (Tusimpi 12:10) Masimpe ngakuti, Mulawo wakajisi malailile aakali kukwabilila banyama kulunya. Bana Israyeli bakali kulaililwa kubalanganya kabotu banyama.—Deuteronomo 22:6, 7.\\n21 TUBEELA TWABULOWA ALIMWI ANZILA ZYABUSILISI\\nTubeela Twabulowa. Bulowa bupangwa azibeela zyone—maseelo aapanga bulowa (red cells), maseelo aalwana tuzunda (white cells), cibeela cipa kuti bulowa kabwaangana (platelets) alimwi ameenda aamubulowa (plasma). Zibeela eezyi zyone zipati-pati zyabulowa zilakonzya kwaandaanizyigwa mutubeela tusyoonto kapati, itwiitwa kuti tubeela twabulowa. *\\nBanakristo balakaka kubikkwa bulowa naa cibeela cimwi akati kazibeela eezyi zipati zyone. Pele sena beelede kuzumina tubeela twabulowa? Bbaibbele talipi busolozi bugaminide mumakani aaya. Aboobo Munakristo umwi aumwi weelede kulisalila kweelana amanjezyeezya aakwe aakayiisyigwa Bbaibbele.\\nBanakristo bamwi basala kukaka tubeela toonse twabulowa. Balakonzya kuyeeya kuti mu Mulawo wa Leza iwakapedwe kubana Israyeli, bulowa buli boonse ibwakagwisyigwa kuzwa mumunyama bwakeelede ‘kutilwa ansi.’—Deuteronomo 12:22-24.\\nBamwi basala nzila iindene. Manjezyeezya aabo alabazumizya kutambula tubeela tumwi twabulowa. Balakonzya kuyeeya kuti tubeela tuniini ootu inga tatuciiminini buumi bwacilenge eeco nkobwakazwa bulowa.\\nCiindi nomusala kujatikizya tubeela twabulowa, amulibuzye mibuzyo iitobela:\\nSena ndilizyi kuti, ikukaka tubeela twabulowa caamba ikutazumina misamu imwi iilwana malwazi naa iikonzya kundigwasya kuleka kuzwa bulowa?\\nIno inga ndabapandulwida buti badokota kujatikizya kaambo ncondikakila naa kutazumina kubelesya kabeela komwe naa tubeela tunji twabulowa?\\nNzila Zyabusilisi. Mbotuli Banakristo, tatusangi bulowa naa kuyoobola bulowa bwesu kutegwa bukabelesyegwe kumbele twakwaandulwa. Nokuba boobo, kuli nzila azimwi zinga zyabeleka kubelesya bulowa bwakwe mulwazi. Munakristo umwi aumwi weelede kusalila kujatikizya bulowa bwakwe mbobuyobelesyegwa ciindi aakwaandulwa, aakupimwa kutegwa kuzyibwe naa kuli cilubide mumubili naa ikujana busilisi bumwi bweelede kubelesegwa. Ciindi zintu eezyi nozicitika, bulowa bwamulwazi bulayobolwa kubusena kumbi kwaciindi cili mbocibede.—Kutegwa mujane makani manji, amubone Ngazi Yamulindizi yamu, November 1, 2000, apeeji 30-31.\\nMucikozyanyo, kuli nzila iitwa kuti hemodilution, yalo iicitwa mulwazi katanaandulwa. Kubelesya nzila eeyi, bulowa bwamulwazi bulagwisyigwa mumubili mpoonya kulabikkwa misamu iibweza busena bwabulowa. Kumane, bulowa bulapilusyigwa mumulwazi.\\nNzila iimwi iitwa kuti cell salvage. Eeyi ninzila iigwasya kubweza bulowa ibwazwa ciindi mulwazi naandulwa, mpoonya bulainzyigwa mumuncini uusanzya akusefa bulowa, kumane bulapilusyigwa mumulwazi ciindi naandulwa naa naamana buyo kwaandulwa.\\nBamadokota baliindene kujatikizya mbobazibelesya nzila eezyi. Aboobo katanazumina kwaandulwa, kupimwa naa kujana busilisi bumwi bweelede kubelesyegwa, Munakristo weelede kuzyiba kujatikizya bulowa bwakwe mbobuyoobelesyegwa.\\nCiindi nomusala kujatikizya busilisi bwalo bukonzya kupa kuti kubelesyegwe bulowa bwanu, amulibuzye mibuzyo iitobela:\\nIkuti bulowa bwangu bumwi buyoogwisyigwa mumubili wangu alimwi akuti buyoonyonganizyigwa kwaciindi cili mbocibede, sena manjezyeezya aangu ayoondizumizya kububona kuti bucili bulowa bwangu, akuti tabweelede ‘kutilwa ansi’?—Deuteronomo 12:23, 24.\\nSena manjezyeezya aangu aayiisyidwe a Bbaibbele ayoondipa mulandu ciindi nondisilikwa, ikuti bulowa bwangu bumwi bwagwisyigwa, bwacitwa cintu cimwi kumane bwajolwa alimwi mumubili wangu?\\nSena ndilizyi kuti ikukaka nzila zyoonse zyabusilisi zijatikizya kubelesya bulowa bwangu caamba kuti tandiyandi kupimwa bulowa, kubelesya muncini uusanzya bulowa ikuti insa yomwe naa zyoonse kazitabeleki (hemodialysis), alimwi akubelesya muncini uupompa akubikka muya ngotuyoya mubulowa naa kubelesya muncini uugwasyilizya moyo amapunga (heart-lung bypass machine)?\\nKatutanasala kujatikizya tubeela twabulowa naa busilisi bujatikizya kubelesya bulowa bwesu, tweelede kupaila kuli Jehova ikulomba bulosolozi alimwi tweelede kuvwuntauzya. (Jakobo 1:5, 6) Twamana kucita boobo, tweelede kubelesya manjezyeezya eesu aayiisyidwe Bbaibbele kutegwa tusale cakucita. Tatweelede kubuzya bamwi kutegwa batwaambile ncobakonzya kucita ikuti kabali mubukkale bukonzyenye abwesu, alimwi tatweelede kulekela bamwi kuti batusalile cakucita.—Baroma 14:12; Bagalatiya 6:5.\\nPepa ilyeelela mbuli kkaadi ya DPA, lilakonzya kubelesyegwa kulemba kusala kwanu kujatikizya kukaka kubikkwa bulowa kubugama naa zibeela zipati-pati zyone zyabulowa. Kkaadi eeyi ilakonzya kumwiiminina kutegwa mutabikkwi bulowa. Alimwi ilakonzya kubelesyegwa kulemba zyakusala zyanu kujatikizya tubeela twabulowa alimwi anzila zimwi zyabusilisi zijatikizya kubelesya bulowa bwanu.\\n▸ Cibalo 7, muncali 11\\n22 KUSALALA MUKULILEMEKA\\nKusalala mukulilemeka caamba kuti micito yesu yeelede kusalala kweelana ambwazibona zintu Leza. Kusalala mukulilemeka kulabikkilizya anzyotuyeeya, nzyotwaamba alimwi anzyotucita. Jehova utulailila kuti tweelede kwiitantamuka micito iili yoonse iitasalali iijatikizya koonana naa bwaamu. (Tusimpi 1:10; 3:1) Tweelede kusalila limwi kutobela zyeelelo zya Jehova zisalala nokuba kuti tatunalijana mubukkale bukonzya kutusunka kucita cintu citaluzi. Tweelede kupaila lyoonse kuli Leza kutegwa atugwasye kuzumanana kuba amizeezo iisalala alimwi tweelede kuba amakanze aakukaka masunko aajatikizya kutalilemeka.—1 Bakorinto 6:9, 10, 18; Baefeso 5:5.\\n▸ Cibalo 8, muncali 11\\n23 BUKKALE BUSESEMYA ALIMWI ABUSOFWAAZI\\nBukkale busesemya bubikkilizya ŋambawido naa micito iitondezya kutalemeka zyeelelo zya Leza alimwi akubula nsoni. Muntu uucita boobo utondezya kuti tailemeki milawo ya Leza. Ikuti muntu katayandi kuleka bukkale busesemya nkokuti kkomiti yalubeta iyakwaalanganya makani aaya. Busofwaazi bulabikkilizya amicito iisiyene-siyene iitali kabotu. Kweelana abukkale mbobubede, makani aamwi aajatikizya busofwaazi alalanganizyigwa akkomiti yalubeta mumbungano.—Bagalatiya 5:19-21; Baefeso 4:19; kutegwa mujane makani aambi, amubone “Mibuzyo Yabasikubala” mu Ngazi Yamulindizi yamu Chingisi ya July 15, 2006.\\n▸ Cibalo 9, muncali 7; Cibalo 12, muncali 10\\n24 KULYOOMBA NAA KULISOBANYA KUBUSANKWA NAA KUBUKAINTU\\nKoonana mbubambe busalala mbwaakabikka Jehova bwakutondezyanya luyando akati kamulumi amukaintu. Pele ikuti uumwi watalika kulyoomba, naa kubelesya cinswe cakwe munzila iitaluzi kutegwa ajane kulikondelezya kuboola kwiinda mukoonana, nkokuti koonana ukubelesya munzila iitasalali. Cilengwa eeci cilakonzya kunyonganya cilongwe camuntu ooyo a Jehova. Cilakonzya kupa muntu kutalijata caboola kumakani aakoonana alimwi akubona koonana munzila iitaluzi. (Bakolose 3:5) Muntu uujisi buyumuyumu kuleka cilengwa eeci citasalali weelede kusolekesya kusikila wacileka. (Intembauzyo 86:5; 1 Johane 3:20) Ikuti naa muli mubukkale buli boobu, amupaile kuli Jehova akumulomba kuti amugwasye. Amuzitantamuke zintu mbuli kweebelela zintu ziletela muzeezo wakoonana, nkaambo zilakonzya kumupa kuba amizeezo mibi. Amubandike abazyali banu Banakristo naa mulongwe uusimide kumuuya alimwi uulemeka milawo ya Jehova. (Tusimpi 1:8, 9; 1 Batesalonika 5:14; Tito 2:3-5) Mulakonzya kuba alusyomo lwakuti Jehova ulakubona akukubikkila maano kusoleka nkomucita kutegwa kamusalala mukulilemeka.—Intembauzyo 51:17; Isaya 1:18.\\n▸ Cibalo 9, muncali 9\\nCilengwa cakukwata naa kukwatwa kumuntu wiinda aali omwe, ciitwa kuti maali. Jehova wakabamba cikwati kuti kacili akati kamwaalumi omwe amukaintu omwe. Kaindi mu Israyeli, Leza wakali kuzumizya bamaalumi kukwata bamakaintu banji, pele aaya tanaakali ngamakanze aakwe kuzwa kumatalikilo. Mazuba aano, Jehova taazumizyi maali akati kabantu bakwe. Mulumi weelede kukwata buyo mukaintu omwe, alimwi awalo mukaintu weelede kuba amulumi omwe buyo.—Matayo 19:9; 1 Timoteyo 3:2.\\n▸ Cibalo 10, muncali 12\\n26 KWAANDAANA ALIMWI AKULEKANA\\nMakanze aa Jehova kujatikizya mulumi amukaintu ngakuti kabapona antoomwe lyoonse. (Matalikilo 2:24; Malaki 2:15, 16; Matayo 19:3-6; 1 Bakorinto 7:39) Ulazumizya kulekana lilikke buyo kuti ngobakwetene limwi wacita bwaamu. Mubukkale buli boobo, Jehova ulimupede mukaintu naa mwaalumi wabisyilwa inguzu zyakusala kuzumanana kukkala naa kulekana angobakwetene limwi.—Matayo 19:9.\\nZimwi ziindi, Banakristo bamwi basala kwaandaana angobakwetene limwi nokuba kuti kunyina bwaamu bwacitika. (1 Bakorinto 7:11) Mubukkale butobela, Munakristo ulakonzya kusala kwaandaana amuntu ngobakwetene limwi.\\nKutapa naa kutajanina mukwasyi ziyandika acaali: Mulumi ulakaka kujanina mukwasyi zintu ziyandika mubuumi, cakuti mukwasyi taujisi mali naa zyakulya.—1 Timoteyo 5:8.\\nKuumwa naa kutundululwa: Kuumwa naa kutundululwa cakuti umwi wabanabukwetene watalika kulimvwa kuti buumi bwakwe buli muntenda.—Bagalatiya 5:19-21.\\nKukasyigwa kukomba cakuti cilongwe camuntu a Jehova caba muntenda: Mulumi naa mukaintu upa kuti kacitakonzyeki kuli ngwakwetene limwi kubelekela Jehova.—Milimo 5:29.\\n▸ Cibalo 11, muncali 19\\n27 KULUMBAIZYIGWA ALIMWI AKUKULWAIZYIGWA\\nToonse tuyandika kulumbaizyigwa alimwi akukulwaizyigwa. (Tusimpi 12:25; 16:24) Tulakonzya kuyumizyanya akuumbulizyanya kwiinda mukubelesya majwi mabotu aaluyando. Majwi aali boobo alakonzya kugwasya bakwesu abacizyi kuliyumya akuzumanana kubelekela Jehova nokuba kuti balajana buyumuyumu. (Tusimpi 12:18; Bafilipi 2:1-4) Ikuti uumwi katyompedwe kapati, tweelede kumuswiilila cabulemu akusola kumvwisya cimupa kulimvwa boobo. Kucita boobo kulakonzya kutugwasya kuzyiba mbotukonzya kumugwasya. (Jakobo 1:19) Amulibikkile mbaakani yakubazyiba kabotu bakwesu abacizyi kutegwa muzyibe nzyobayandika. Kwiinda mukucita boobo mulakonzya kubagwasya kujana Kasensa kaluumbulizyo loonse, kwalo nkobakonzya kukulwaizyigwa alimwi akujana kukatalusyigwa kwini-kwini.—2 Bakorinto 1:3, 4; 1 Batesalonika 5:11.\\n▸ Cibalo 12, muncali 16\\nBbaibbele talijisi milawo iigaminide kujatikizya micado. Zilengwa alimwi amilawo ziliindene kubusena bumwi abumwi. (Matalikilo 24:67; Matayo 1:24; 25:10; Luka 14:8) Cintu ciyandika kapati ciindi camucado, ncikonke basikukwatana ncobakonka kuli Jehova. Basikukwatana banji inga bayanda kuti banamukwasyi alimwi abalongwe bajanike ciindi nobaamba zikonke zyabo alimwi inga balalomba mwaalu kuti ape makani aayeeme mu Bbaibbele. Ikuti naa basala kucita mucado, cili kuli basikukwatana kusala mbobayanda kuti mucado wabo ukabe. (Luka 14:28; Johane 2:1-11) Kufwumbwa ncobakonzya kusala basikukwatana kujatikizya mbobayanda kweendelezya mucado wabo, beelede kuba masimpe kuti mucado wabo uyoopa kuti Jehova alemekwe. (Matalikilo 2:18-24; Matayo 19:5, 6) Njiisyo zyamu Bbaibbele zilakonzya kubagwasya kusala kabotu. (1 Johane 2:16, 17) Ikuti naa basikukwatana basala kuti kumucado wabo kukabe bukoko, beelede kuba masimpe kuti zintu bazyeendelezya kabotu. (Tusimpi 20:1; Baefeso 5:18) Ikuti naa basala kuti kukabe nyimbo naa izyakulikondelezya, beelede kuba masimpe kuti zintu eezyi ziletela bulemu kuli Jehova. Basikukwatana Banakristo beelede kubikkila kapati maano kucilongwe cabo a Leza alimwi aakati kabo ikutali buzuba buyo bwamucado.—Tusimpi 18:22; kutegwa mujane makani aambi, amubone Ngazi Yamulindizi ya November 1, 2006, mapeeji 12-21.\\n▸ Cibalo 13, muncali 18\\n29 KUSALA KABOTU\\nTweelede kupanga zyakusala izili kabotu ziyeeme anjiisyo zili mu Jwi lya Leza. Mucikozyanyo, Munakristo ulakonzya kutambwa angwakwetene limwi uutali Kamboni wa Jehova kucakulya antoomwe abanamukwasyi mubuzuba bwakulyookezya. Ikuti kamuli mubukkale oobu, ino inga mwacita buti? Ikuti naa manjezyeezya aanu alamuzumizya kuunka, mulakonzya kumupandulwida ngomukwetene limwi kuti, ikuti naa kunooli zilengwa zyabantu batakombi Leza, tamukatoli lubazu. Mweelede kubona naa ibamwi balakonzya kulebwa ikuti naa mwaunka kucakulya eeco.—1 Bakorinto 8:9; 10:23, 24.\\nNaa basikumulemba mulimo balakonzya kumupa mali aayungizyidwe ciindi cakulyookezya kuli yaayo ngomuvwola. Sena mweelede kwaakaka mali aayo? Peepe. Kusala kwaazumina naa kwaakaka kuyeeme kapati ambobaabona mali aayo basikumulemba mulimo. Sena baabona kuti ncibeela cakusekelela buzuba bwakulyookezya? Naa baabona buyo kuti ninzila yakutondezya kulumba? Mwamana kulanga-langa twaambo ootu alimwi atumbi, mulakonzya kusala kwaatambula naa kwaakaka.\\nMubukkale bumwi, muntu uumwi ulakonzya kumupa cipego ciindi cakulyookezya akumwaambila kuti: “Ndilizyi kuti tamusekeleli buzuba oobu bwakulyookezya, pele ndiyanda buyo kumupa cipego eeci.” Ambweni muntu ooyo utondezya buyo bwaabi. Kulubazu lumwi, sena kuli kaambo ncomuyeeyela kuti usola buyo kusunka lusyomo lwanu naa kupa kuti mujatikizyigwe munzila iimwi mukusekelela buzuba oobo? Mwamana kukalanga-langa kaambo aaka, cili kulindinywe kusala kucitambula cipego naa kucikaka. Mukusala koonse nkotucita, tweelede kuzumanana kuba amanjezyeezya mabotu alimwi akusyomeka kuli Jehova.—Milimo 23:1.\\n▸ Cibalo 13, muncali 22\\n30 MAKANI AAJATIKIZYA MAKWEBO ALIMWI AMILAWO\\nKanji-kanji, ikuti naa twaambo twafwambaana kubambwa alimwi caluumuno, tatukomeni akuba makani mapati. (Matayo 5:23-26) Banakristo boonse beelede kuba ambaakani yakupa kuti Jehova alemekwe akupa kuti mbungano izumanane kukamantana.—Johane 13:34, 35; 1 Bakorinto 13:4, 5.\\nIkuti naa kwaba kutamvwana akati ka Banakristo kujatikizya makwebo, beelede kwaamana makani aayo kakunyina kutolana kunkuta. Mulugwalo lwa 1 Bakorinto 6:1-8 tujana lulayo ndwaakapa mwaapostolo Paulo kujatikizya kutolana kunkuta akati ka Banakristo. Kutola mukwesu kunkuta kulakonzya kubisya zina lya Jehova alimwi ambungano. Mulugwalo lwa Matayo 18:15-17, kuli ntaamu zyotatwe Banakristo nzyobeelede kubweza kutegwa bamanizye twaambo tupati mbuli kubejekezya naa bumpelenge. (1) Beelede kusaanguna kwaabandika makani aabo kabali bobilo. (2) Ikuti naa tiicakonzyeka, beelede kulomba muntu wamumbungano omwe naa bobilo kutegwa babagwasye. (3) Mpoonya ikuti kakuyandika, beelede kwaatola makani aabo kubaalu bambungano kutegwa bakaalanganye. Ikuti naa makani asika waawo, baalu bayoobelesya njiisyo zyamu Bbaibbele kusola kugwasya baabo bajatikizyidwe kutegwa makani amane muluumuno. Ikuti aabo bajatikizyidwe kabatayandi kutobela zyeelelo zyamu Bbaibbele, ambweni baalu bamumbungano inga bayandika kupanga kkomiti yalubeta.\\nKuli bukkale bumwi mocikonzya kweelela kutolana kunkuta kweelana amulawo, ambweni makani aajatikizya kulekana, kusala uukonzya kubweza bana, kuzyiba mali mulumi naa mukaintu ngayelede kunoopa yooyo ngobakalekana limwi, ikutegwa muntu apegwe mali kukkampani iibbadela zintu zinyonyooka (Insurance), kuti muntu atondezye kuti ngumwi wabaabo beelede kujosyelwa mali ikuti kkampani yawa naa makani aabwaapauzi bwalubono lwamufwu. Ikuti naa Munakristo wabelesya nzila zyamumulawo eezyi kumanizya makani caluumuno, takonzyi kwaambwa kuti tatobeli lulayo ndwaakapa Paulo.\\nIkuti naa makani ajatikizya milandu mipati, mbuli kujata mukaintu, kubba naa kujaya muntu, nkokuti Munakristo uutola makani aali boobo kumfwulumende kunyina nakonzya kwaambwa kuti tatobeli lulayo ndwaakapa Paulo.\\n▸ Cibalo 14, muncali 14\\n31 BUCENJEZU BWA SAATANI\\nKuzwa mumuunda wa Edeni, Saatani wali kusola kucenga bantu. (Matalikilo 3:1-6; Ciyubunuzyo 12:9) Ulizyi kuti ikuti naa wanyonganya mbotuyeeya, ulakonzya kutuyunga kucita zintu zibi. (2 Bakorinto 4:4; Jakobo 1:14, 15) Ubelesya mapolitikisi, bukombi, makwebo, kulikondelezya, lwiiyo alimwi azintu zimbi zinji kutegwa asumpule mizeezo yakwe alimwi akuti cilibonye mbuli kuti cili buyo kabotu.—Johane 14:30; 1 Johane 5:19.\\nSaatani ulizyi kuti ciindi ncajisi cakucenga bantu caceya kapati. Aboobo ulasola kucenga bantu banji kusikila mpagolela. Uyandisya kapati kucenga baabo ibabelekela Jehova. (Ciyubunuzyo 12:12) Ikuti naa tiitwacenjela, asyoonto-syoonto Diabolosi ulakonzya kunyonganya mbotuyeeya. (1 Bakorinto 10:12) Mucikozyanyo, Jehova uyanda kuti cikwati kacitamani. (Matayo 19:5, 6, 9) Pele bantu banji cikwati bacibona kuba cintu cikonzya kumana kufwumbwa ciindi. Mafilimu manji alimwi amapulogilamu aa TV asumpula muzeezo nguwenya ooyu. Tweelede kucenjela kutegwa nyika mboicibona cikwati kutatujatikizyi.\\nNzila iimwi Saatani njabelesya kutegwa atucenge, nkwiinda mukusumpula muuya wakutayanda kweendelezyegwa. (2 Timoteyo 3:4) Ikuti tiitwacenjela, tulakonzya kuleka kubalemeka aabo Jehova mbasalide. Mucikozyanyo, mukwesu ulakonzya kutalika kukaka kutobela busolozi bwabaalu mumbungano. (Bahebrayo 12:5) Naa mucizyi ulakonzya kutalika kudooneka bubambe bwa Jehova bwabusilutwe mumukwasyi.—1 Bakorinto 11:3.\\nTweelede kuba amakanze aakutazumizya Diabolosi kunyonganya mbotuyeeya. Muciindi caboobo, tweelede kwiiya kuyeeya mbuli mbwayeeya Jehova alimwi akuzumanana “kubikkila maano zintu zyakujulu.”—Bakolose 3:2; 2 Bakorinto 2:11.\\n▸ Cibalo 16, muncali 9\\n32 MAKANI AABUSILISI\\nToonse tuyanda kuba abuumi buli kabotu alimwi akujana busilisi buli kabotu ciindi notucisidwe. (Isaya 38:21; Marko 5:25, 26; Luka 10:34) Mazuba aano, kuli nzila zinji zyabusilisi kuzwa kuli bamadokota alimwi abamwi buyo. Ciindi notusala busilisi mbotuyanda, tweelede kutobela njiisyo zyamu Bbaibbele. Tweelede kuyeeya kuti Bwami bwa Leza bulikke mbobuyoopa kuti tukapone cakumaninina. Tatweelede kubikkila maano kapati kumakani aajatikizya buumi bwesu cakuti twatalika kwaalilwa kubelekela Jehova.—Isaya 33:24; 1 Timoteyo 4:16.\\nTweelede kutantamuka busilisi buli boonse bubelesya nguzu zyamadaimona. (Deuteronomo 18:10-12; Isaya 1:13) Aboobo katutanazumina busilisi buli boonse, tweelede kuzyiba makani oonse aajatikizya busilisi oobo alimwi ancobusumpula. (Tusimpi 14:15) Tatweelede kuluba kuti Saatani uyanda kutucenga kutegwa tujatikizyigwe amadaimona. Ikuti twazyiba kuti busilisi bumwi buliswaangene amadaimona, inga cabota kubutantamuka.—1 Petro 5:8.\\n▸ Cibalo 16, muncali 18\\n^ munc. 98 Bamadokota bamwi inga babona zibeela zipati-pati zyone zyabulowa kuba tubeela. Aboobo inga mwayandika kubapandulwida kusala kwanu kwakutazumina kubikkwa bulowa naa kutazumina zibeela zyone zipati-pati zyabulowa mbuli maseelo aapanga bulowa, maseelo aalwana tuzunda, cibeela cipa kuti bulowa kabwaangana alimwi ameenda aamubulowa.","num_words":3598,"character_repetition_ratio":0.055,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"JESU naakali kuyiisya basikwiiya bakwe mbubeelede kukambawuka amakani mabotu, wakalizi kuti bamwi teebakali kuyoowaswiilila makani aali atala aBwaami. (Lk. 10:3, 5, 6) Mumulimu wakukambawuka tulakonzya kujana bantu bataswiilili. Bantu bali boobo, balakonzya kupa kuti kutuyumine kubafwida luzyalo bantu mbitukambawukila.\\nMuntu ulaaluzyalo ulangisisya nzibayanda bamwi, ubona mapenzi ngibaswaana, ulabeetelela mpawo ulabagwasya. Nkinkaako, kuti teetwabafwida luzyalo bantu mbitujana zipa kuti tutabi basungu akuti tutazwidilili mumulimu wakukambawuka. Kubafwida luzyalo bantu mumulimu wakukambawuka kuli mbuuli kufulida mulilo kuti utaleki kuyaka alubo kuchita oobo kupa kuti tuzumanane kukambawuka.—1 Tes. 5:19.\\nNiinzi chikonzya kutugwasya kuti tube aluzyalo nikuba kuti nkuyumu chimwi chiindi? Jehova, Jesu amwaapostolo Pawulu nzikozyano zibotu. Atulange-lange mbutukonzya kuzitobelezya.\\nATUTOBELEZYE LUZYALO LWAJEHOVA\\nKwaminyaka myiingi, Jehova ulikulisimya kukusampawulwa kwazina lyakwe. Pesi “uli aluzyalo walo kulibatalumbi akubabi.” (Lk. 6:35) Luzyalo ndwalaalo lulaboneka nkaambo uli amoyo mulamfu. Jehova uyanda kuti “bantu boonse” bakafutuke. (1 Tim. 2:3, 4) Nikuba kuti Leza tabuyandi pe bubi pesi bantu ubabona kabayandikana alubo tayandi kuti bakafwidilile.—2 Pet. 3:9.\\nJehova ulizizi nzila Saatani nzyalikubelesya koofwaazya bantu batakombi. (2 Kor. 4:3, 4) Bantu biingi bayiisigwa njiisyo zyakubeja kuzwa kabachili baniini nkinkaako, njiisyo eezi zipa kuti kubayumine kutambula kasimpe. Pesi Jehova ulayanda kubagwasya bantu bali boobu. Tuzizi biyeni?\\nAtubone Jehova mbaakalimvwa atala abantu bakuNineve. Nikuba kuti bakali kuchita zintu zibi pesi Jehova wakaambila Jona kuti: “Lino ime sa nsyeeleede kufwida insoni oyu munzi mupati waku-Nineve? Mulinguwo muli bantu bainda zyuulu zili mwaanda amakumi obile batana kwiiya kwaandaanya ijanza lyabo lyalulyo ajanza lyabo lyalumonswe.” (Jon. 4:11) Jehova wakabona kuti bantu bakuNineve teebakakazi pe kasimpe atala anguwe nkinkaako, wakatuma Jona kuti akabachenjezye.\\nBantu tweelede kubabona kuti balayandikana mbuuli Jehova mbababona. Tulakonzya kutobelezya chikozyano chaJehova kwiinda mukugwasya bantu batuswiilila nikuba kabatondeezya kuti tabakwe chiyandisyo pe.\\nATUTOBELEZYE LUZYALO LWAJESU\\nJesu wakatobelezya chikozyano chaWisi nkaambo wakabafwida luzyalo bantu bakali kuyanda kuziba kasimpe. Bbayibbele lyaamba kuti: “Nkabela naakabona makamu aabantu wakabafwida luzyalo, nkaambo kakuti bakalikatede akumwaika mbuli imbelele zitakwe mweembezi.” (Mt. 9:36) Jesu wakali kubona zili mumyoyo yabantu nkinkaako, wakabona kuti bantu bakali kumuswiilila bakali kuyiisigwa njiisyo zyakubeja akuti teebakali kujatwa kabotu abeendelezi bazikombelo. Nikuba kuti Jesu wakalizi kuti bamwi bantu mbaakali kuyiisya bakali kuyookachilwa kuba basikwiiya bakwe pesi taakaleka pe ‘kubayiisya makani miingi.’—Mk. 4:1-9.\\nTatweelede kunyema pe kuti twajana bantu batakwe chiyandisyo\\nZyiimo zyabantu zilakonzya kuchincha nkinkaako zilakonzya kupa kuti babe achiyandisyo\\nKuti bantu mbitukambawukila kabatatuswiilili, tweelede kuyanduula kaambo kapa kuti batatuswiilili akuziba kuti nkamboonzi nibali amaboneno aali boobo. Bamwi balakonzya kutaswiilila makani aamuBbayibbele naakuti kutaba maKristu nkaambo bakabona bamwi balyaamba kuti maKristu pesi kabachita zibi. Amwi bamwi bakabuzigwa makani aatali kabotu atala anzitusyoma. Alubo zilakonzeka kuti bamwi tabatuswiilili nkaambo bayoowa kusekwa abamwi naakuti abamumpuli yabo.\\nBamwi mbitukambawukila balakonzya kutatuswiilila akaambo kazintu zibi zyakabachitikila zyakapa kuti bakataazikane mumizeezo. Mumishinali uutegwa Kim wakati: “Kuli bumwi busena nkutukambawukila, bantu biingi bakachija nkondo alubo bakasweekelwa azintu nzibakali aazyo. Tabazi pe kuti lyajuunza lyabo linooli biyeni. Bakkala kabanyemede alubo taakwe muntu ngubasyoma. Bantu biingi mbitukambawukila kubusena oobu, tabayandi pe kutuswiilila. Kuli chimwi chiindi, bantu bakasinduume nindakali kukambawuka.”\\nNiinzi chigwasya muchizi Kim kuti akkale kabafwida luzyalo bamwi chiindi natajatwi kabotu? Wakati: “Chiindi nindajana bantu batandijati kabotu, ngandayeeya majwi aali muli Tusimpi 19:11 aati: ‘Busongo bwamuntu bulamuumusya kukalala.’ Kuyeeyesesya atala amaponeno abantu bali muchilawu chesu, kupa kuti ndibafwide luzyalo. Bantu bamuchilawu eechi teembubabede pe boonse nkaambo twakajana bamwi bali achiyandisyo chakwiiya.”\\nTulakonzya kulibuzya kuti: ‘Kaansinga ndime ndali muchiimo eecho, ndali kunooswiilila na nibandikambawukila?’ Muchikozyano, wali kunoochita biyeni kaansinga wakamvwa makani aakubeja atala aBakamboni baJehova? Zilakonzeka kuti andiswe teetwakali kunooswiilila pe alubo twakali kunooyanda kufwidwa luzyalo. Kuyeeya makani Jesu ngakaamba aakuti tuchitile bamwi mbuuli mbutuyanda kuti batuchitile, kuyootugwasya kuti tubafwide luzyalo bamwi nikuba kuti achiindi eecho nkuyumu kuchita oobo.—Mt. 7:12.\\nATUTOBELEZYE LUZYALO LWAPAWULU\\nMwaapostolo Pawulu wakabafwida luzyalo bantu nikuba bakali kumupenzya. Nkamboonzi? Nkaambo wakayeeya mbaakabede chiindi. Wakaamba kuti: “Kuciindi cakamana ndakali sikasankusanku asikakomokomo asikazundozundo, nekuboobo ndakafwidwa luzyalo nkaambo teendakazi ncendakali kucita cakutazumina.” (1 Tim. 1:13) Wakabona kuti Jehova aJesu bakamufwida luzyalo. Amwi bube mbwaakali aabo katanasanduka wakali kububona kuli bamwi mbaakali kukambawukila.\\nChimwi chiindi Pawulu wakali kuswaana bantu bakali kusyoma njiisyo zyakubeja. Wakali kumvwa biyeni? Naakali kuAtene, lugwalo lwaIncito 17:16 luti, ‘moyo wakwe wakaata muchamba chakwe naakabona muunzi uzwide zifanikisyo zyabaleza bakubeja.’ Nikuba boobo, Pawulu wakabelesya zikozyano zibezedwe kuti akambawukile bantu. (Inc. 17:22, 23) Wakali kubelesya nzila zisiyene-siyene chiindi naakali kukambawukila bantu basiyene-siyene kuti akonzye “kufutula bamwi.”—1 Kor. 9:20-23.\\nChiindi nituli mumulimu wakukambawuka, tweelede kutobelezya chikozyano chaPawulu chakukambawuka “makani mabotu loko” kubantu batatuswiilili naakuti basyoma njiisyo zyakubeja. (Is. 52:7) Muchizi utegwa Dorothy wakati: “Muchilawu mutukambawukila, bantu biingi bakayiisigwa kuti Leza ulaalunya akuti uzoobasubula bantu. Ngandabalumba bantu aaba nkaambo balamusyoma Leza mpawo ngandabatondeezya nzilyaamba Bbayibbele atala abube bubotu Jehova mbwali aabo kuswaanizya azisyomezyo nzyayootuchitila.”\\n“KOZUMANANA KUZUNDA BUBI KWIINDA MUKUCITA ZIBOTU”\\nMbutulikupona “kumazuba aakumamanino,” bantu mbitukambawukila ‘bayooyindilila kuchita zibi.’ (2 Tim. 3:1, 13) Pesi tatweelede kuleka kubafwida luzyalo naakuti kuleka kubotelwa akaambo kakuti tabatuswiilili pe. Chiindi choonse Jehova unootupa manguzu ‘aakuzunda bubi kuti tuchite zibotu.’ (Rom. 12:21) Muchizi uupayona uutegwa Jessica wakati: “Ndiswaana bantu balisumpula abatulangilila aansi kuswaanizya amulimu ngutuchita. Eezi zilakonzya kutunyemya. Chiindi nindiyanda kukambawukila muntu, ngandasaanguna kukomba mumoyo kandikumbila Jehova kuti andigwasye kuti muntu ooyo ndimubone mbuuli mbamubona. Kuchita oobu kundigwasya kuti nditayeeyi mbundilimvwa pesi kuti ndibone mbundikonzya kumugwasya.”\\nTuyanduula bantu balibambilide kutambula buumi butamani\\nMukuya kwachiindi, bamwi bazoozumina kwiiya Bbayibbele\\nTatweelede kuluba kusungwaazya bakombima mbitweenda aabo mukukambawuka. Jessica wakati: “Kuti umwi ngundilikubelekaawe mukukambawuka wajana bantu bataswiilili, tandizibikkili maanu pe zyachitika. Pesi ndileezya kwaambuula atala azintu zibotu nzitujana mumulimu wakukambawuka nikuba kuti bamwi tabaswiilili.”\\nJehova ulibuzi buyumu-yumu mbutuswaana mumulimu wakukambawuka. Ulabotelwa kuti twatobelezya chikozyano chakwe chakubafwida luzyalo bantu. (Lk. 6:36) Pesi luzyalo lwaJehova luyoomana alubo takabafwidi luzyalo bantu babi kukabe kutamani. Tuli achoonzyo chakuti ulichizi chiindi nayoomaninsya bubi buli munyika eeyi. Pesi katanazichita eezi, mulimu wakukambawuka weelede kuchitwa chakufwambaana. (2 Tim. 4:2) Atuzumanane kuchita mulimu ooyu chabusungu akubafwida luzyalo “bantu boonse.”","num_words":893,"character_repetition_ratio":0.066,"word_repetition_ratio":0.0,"special_characters_ratio":0.158,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Josefa Wakaukwabilila Mukwasyi Wakwe | Lusyomo Lwini-lwini\\nWakaukwabilila, Wakaulanganya, Wakazumanana kusyomeka\\n1, 2. (a) Nkucinca kuli buti Josefa amukwasyi wakwe nkobakeelede kucita? (b) Makani nzi mabi Josefa ngaakeelede kwaambila mukaakwe?\\nAMWEEZEEZYE Josefa kabikka cibbudu acimbi amusana wambongolo. Amweezeezye kuti mulimubwene kalanga-langa munzi wa Betelehemu masiku alimwi kauma-uma mbongolo yakwe. Kweelede kuti wakali kuyeeya musinzo mulamfwu ngwaakeelede kweenda kuya ku Egepita. Wakali kuunka kucisi ceenzu, nkobakali kwaambaula mwaambo uumbi alimwi nkobakali kutobela zilengwa zimbi—ino mukwasyi wakwe musyoonto wakali kuyakuzyibila buti kucinca ooku?\\n2 Tiicakali cuuba-uba kulinguwe kwaambila Mariya makani aaya mabi, mukaakwe ngwaakali kuyanda kapati, pele Josefa wakaliyumya akumwaambila. Wakamwaambila ciloto eeco icakali kujatikizya mungelo mbwaakamuletela mulumbe iwakazwa kuli Leza, wakuti: Mwami Heroda wakali kuyanda kujaya mwanaabo musyoonto! Bakeelede kulonga mpoonya-mpoonya. (Amubale Matayo 2:13, 14.) Mariya wakalibilika kapati. Ndiza wakalibuzya kuti: Nkaambo nzi ncayanda kujaya mwanaangu uutakwe mulandu? Mariya a Josefa tiibakali kukonzya kukamvwisya kaambo. Nokuba boobo, bakasyoma Jehova, aboobo bakalibambila lweendo.\\n3. Amupandulule lweendo lwa Josefa amukwasyi wakwe kuzwa ku Betelehemu mbolwakabede. (Amubone acifwanikiso.)\\n3 Ciindi bantu bamu Betelehemu nobakali koona alimwi kabatazyi cakali kucitika, Josefa, Mariya alimwi a Jesu bakazwa mumunzi akutalika kweenda kakucisiya. Kabaya kumusanza, alimwi kakuyaabuca, cakutadooneka Josefa wakali kulibuzya kujatikizya zyintu zyakali kuyakucitika kumbele. Mbuti mubezi mucete mbwaakali kukonzya kukwabilila mukwasyi wakwe kuli Heroda alimwi a Saatani ibakajisi nguzu kapati? Sena wakali kuyakucikonzya kulanganya mukwasyi wakwe lyoonse? Sena wakali kuyakucikonzya kuliyumya mukucita mulimo ooyu mupati ngwaakapegwa aa Jehova Leza wakulanganya akukomezya mwana ooyu uulibedelede? Josefa wakajana buyumuyumu bulibilisya. Notulanga-langa mbwaakazunda buyumuyumu bumwi abumwi, tulabona kaambo bamataata mazuba aano, kubikkilizya andiswe toonse, ncotweelede kwiiya lusyomo lwa Josefa.\\nJosefa Wakaukwabilila Mukwasyi Wakwe\\n4, 5. (a) Mbuti buumi bwa Josefa mbobwakacincila limwi? (b) Mbuti mungelo mbwaakakulwaizya Josefa kutegwa atambule mulimo mupati ooyo?\\n4 Kakwiindide myezi iili mbwiibede, kali mumunzi ookwabo ku Nazareta, buumi bwa Josefa bwakacinca kuzwa naakatalika kweebana amwana musimbi wa Heli. Josefa wakalimuzyi Mariya kuti wakali musimbi uuli kabotu alimwi uusyomeka. Pele aciindi eeci, wakazyiba kuti wakalimitide! Wakayanda kuti amuleke cakusisikizya kutegwa atamuusyi nsoni, akumukwabilila kumasampu. * Nokuba boobo, mungelo wakaambila Josefa muciloto kuti Mariya wakamita kwiinda mumuuya uusalala wa Jehova. Mungelo wakayungizya kuti mwana musankwa ngwaakali kuyakuzyala wakali ‘kuyoofwutula bantu bakwe kuzibi zyabo.’ Alimwi wakasyomezya Josefa kuti: “Utayoowi kumubweza Maliya mukaintu wako akumutola kuŋanda.”—Mt. 1:18-21.\\n5 Josefa, muntu mululami alimwi iwakali kumvwida, wakacita mbubwenya oobo. Wakazumina mulimo mupati: kukomezya alimwi akulanganya mwana iwatakali wakulizyalila pele iwakali kuyandwa kapati aa Leza. Kumane, kwiinda mukumvwida mulawo wamwami, Josefa amukaakwe iwakamitide bakaunka ku Betelehemu kuyoolilembya. Ooko nkonkuko mwana nkwaakazyalilwa.\\n6-8. (a) Nzyintu nzi zimbi izyakapa kuti buumi bwa Josefa amukwasyi wakwe bucince? (b) Mbumboni nzi butondezya kuti Saatani ngowakatuma “nyenyeezi”? (Amubone amajwi aamunsi.)\\n6 Josefa kunyina naakatola bamukwasyi wakwe ku Nazareta alimwi. Muciindi caboobo, bakakkala mu Betelehemu, musinzo mufwaafwi buyo kuzwa ku Jerusalemu. Nokuba kuti bakali bacete, Josefa wakacita zyoonse nzyaakali kukonzya kukwabilila Mariya alimwi a Jesu akubajanina nzyobakali kuyandika. Kakutanainda ciindi cilamfwu, bakajana ŋanda yakukkala iitasumpukide. Mpoonya ciindi Jesu naakakomena-komena, pele kacili mwana, ambweni kaindide amwaka omwe, buumi bwabo bwakacinca alimwi cakutayeeyela.\\n7 Kwakasika kabunga kabaalumi, basikupandulula bweende bwanyenyeezi bazwa Kujwe, ibalangilwa kuti bakazwida ku Babuloni busena ibwakali kule. Bakali kutobela “nyenyeezi” kuya kuŋanda ya Josefa a Mariya alimwi bakali kuyaabuyandaula mwana iwakali kuyakuba mwami waba Juda. Baalumi aaba bakajisi bulemu kapati.\\n8 Kufwumbwa naa bakalizyi naa pe, basikupandulula bweende bwanyenyeezi bakabikka buumi bwa Jesu wakacili mwana muntenda mpati. ‘Inyenyeezi’ njobakabona yakasaanguna kubasololela ku Jerusalemu, mpoonya yakabasololela ku Betelehemu. * Nobakasika ooko bakaambila Mwami Heroda mubyaabi kuti bakali kuyandaula mwana iwakali kuyakuba mwami waba Juda. Eeci cakapa kuti Heroda anyeme kapati akaambo kamunyono.\\n9-11. (a) Muunzila nzi nguzu izyakali kubeleka mozyakali kwiinda nguzu zya Heroda naa zya Saatani? (b) Mbuti lweendo lwakuya ku Egepita mbolwiindene aloolo lwaambidwe mumabbuku aatwaano twakubeja?\\n9 Nokuba boobo, cikkomanisya ncakuti kwakali nguzu zyakali kubeleka kwiinda nguzu zya Heroda naa Saatani. Munzila nzi? Beenzu nobakasika kuŋanda ikwakali Jesu akumubona kali abanyina, bakaleta zipego kakunyina akulomba kupilusyilwa cintu nociba comwe. Eelo kaka Josefa a Mariya bakagambwa kupegwa zyintu zidula kapati “zyangolida, atununkilizyo tutegwa libano amulo” cakutayeeyela! Basikupandulula bweende bwanyenyeezi bakali kuyanda kuyakwaambila Mwami Heroda kubusena nkobakamujana mwana ngobakali kuyandaula. Nokuba boobo, Jehova wakacita cintu cimwi. Kwiinda muciloto, Leza wakalailila basikupandulula bweende bwanyenyeezi kupiluka kwabo kwiinda mukubelesya nzila imbi.—Amubale Matayo 2:1-12.\\n10 Mbobakazwida buyo basikupandulula bweende bwanyenyeezi, mungelo wa Jehova wakacenjezya Josefa kuti: “Buka, bweza mwana abanyina utijile ku Egepita, ukakkale okuya kusikila nkakwaambile kuti upiluke, nkaambo Heloda uyanda kutalika kuyandaula mwana kutegwa amujaye.” (Mt. 2:13) Aboobo, mbubwenya mbuli mbotwabona kumatalikilo, Josefa wakaatobela malailile mpoonya-mpoonya. Wakabikkila kapati maano kukukwabilila mwanaakwe akubweza mukwasyi wakwe kuya ku Egepita. Akaambo kakuti basikupandulula bweende bwanyenyeezi aaba bakapa mukwasyi wakwe zipego zidula, Josefa lino wakalijisi zyintu izyakali kukonzya kugwasya mukwasyi wakwe mulweendo lwabo.\\nJosefa wakacita zyintu cabusongo alimwi kakunyina kuliyanda kutegwa akwabilile mwanaakwe\\n11 Mukuya kwaciindi, mabbuku aajisi twaano twakubeja akazootondezya kuti lweendo lwabo lwakuya ku Egepita tiilwakajisi buyumuyumu. Twaano tuli mumabbuku aaya twaamba kuti munzila yamaleele mwana, Jesu, wakapa kuti musinzo ufwiimpe, zigwebenga zitabalwani, alimwi akupa mikunka kooka kutegwa banyina bacele micelo yayo. * Pele masimpe ngakuti, lweendo oolu lwakali lulamfwu lukatazya lwakuya kubusena nkobatakazyi.\\nJosefa wakali kubikkila kapati maano kumukwasyi wakwe\\n12. Ncinzi bazyali ibakomezya bana munyika iino mbyaabi ncobakonzya kwiiya kuzwa kuli Josefa?\\n12 Bazyali balakonzya kwiiya ziiyo zinji kuli Josefa. Wakalilibambilide kuuleka mulimo wakwe alimwi akuliimya buumi bubotu kutegwa akwabilile mukwasyi wakwe kuntenda. Mubwini, mukwasyi wakwe wakaubona kuti ncipego ciyandika kapati kuzwa kuli Jehova. Mazuba aano, bazyali bakomezya bana babo munyika mbyaabi iizwide zyintu zikonzya kuleta ntenda, kunyonganya, naa kunyonyoona baabo ibacili bana-bana. Eelo kaka balalumbwa bazyali aabo babweza ntaamu cakufwambaana mbuli Josefa mbwaakacita, ikubeleka canguzu kukwabilila bana babo kuntenda zili boobu!\\nJosefa Wakaulanganya Mukwasyi Wakwe\\n13, 14. Nkaambo nzi Josefa a Mariya ncobakapilukila ku Nazareta akuyakukomezyela nkuku mukwasyi wabo?\\n13 Kulibonya kuti mukwasyi ooyu tiiwakakkala ciindi cilamfwu mu Egepita nkaambo tiilyakalampa mungelo wakaambila Josefa kuti Heroda wakafwa. Josefa wakapiluka amukwasyi wakwe kuya kucisi cokwabo. Businsimi bwakaindi bwakaambide kuti Jehova uyakwiita Mwanaakwe “kuzwa mu Egepita.” (Mt. 2:15) Josefa wakagwasyilizya mukuzuzikizya businsimi oobu, pele ino nkuuli nkwaakeelede kutola mukwasyi wakwe lino?\\n14 Josefa wakacita zyintu cakucenjela. Cabusongo, wakayoowa simulyazyina wa Heroda, Arkelao, awalo iwakajisi lunya alimwi iwakali mujayi. Leza wakasololela Josefa kubweza mukwasyi wakwe kuya kunyika, kupiluka kumunzi wakwe ku Nazareta mu Galilaya, ikule a Jerusalemu alimwi amakanze mabi oonse aakali mumo. Ooku walo a Mariya nkobakakomezyezya mukwasyi wabo.—Amubale Matayo 2:19-23.\\n15, 16. Ino mulimo wa Josefa wakali mulimo uuli buti, alimwi kweelede kuti wakali kubelesya zibelesyo nzi?\\n15 Bakali kupona buumi butayandiki zyintu zinji—pele bwakupenga-penga. Ibbaibbele lyaamba Josefa kuti wakali mubezi, ibbala lijatikizya nzila zinji nzyabelesya mubezi mbuli kugonka zisamu, kuzinyamuna, kuzibamba kutegwa abelesye kuyasya maanda, mato, amabbiliki masyoonto-syoonto, zikkocci, mavwili, majoko, alimwi azibelesyo ziindene-indene zibelesyegwa afaamu. (Mt. 13:55) Wakali mulimo muyumu uukatazya kapati. Kanji-kanji mubezi iwakali kupona ciindi Bbaibbele nolyakali kulembwa, wakali kubelekela munsi-munsi amulyango waŋanda yakwe naa mukaanda kakubezela kabambene aŋanda yakwe.\\n16 Josefa wakali kubelesya zibelesyo zisiyene-siyene, ambweni zimwi mbaausyi bakamupa. Kulangilwa kuti wakali kubelesya sikkweya, cipimyo, pensulo, kambezyo, isaha, nsando yacibulo, nsando yacisamu, ncezulo, cakudonkozya tupulo, guluu wiindene-indene, alimwi ambweni ampikili nokuba kuti zyakali kudula.\\n17, 18. (a) Ncinzi Jesu ncaakaiya kuzwa kuli bausyi bakujana? (b) Nkaambo nzi Josefa ncaakeelede kubeleka canguzu mumulimo wakwe?\\n17 Amweezeezye buyo Jesu kacili mulombe kalangilila bausyi bakujana kababeleka. Kalangilila zyoonse nzyobakali kucita bausyi, ba Josefa, tacidoonekwi kuti wakali kulombozya kuba anguzu akucizyiba milimo njobakali kucita bausyi cabusongo. Kulangilwa kuti Josefa wakatalika kumutondezya mwanaakwe mbuli mbokucitwa tulimo tusyoonto-syoonto tuli mbuli kubotya mapulanga kwiinda mukubelesya cikanda canswi yakayuma. Alimwi kulangilwa kuti wakamutondezya Jesu masamu aasiyene-siyene aakali kubelesyegwa, mbuli masamu aamukuyu, amasamu mapati, naa aamaolifa.\\nJosefa wakayiisya mwanaakwe musankwa mulimo wakufwala mapulanga\\n18 Jesu alimwi wakalizyi kuti maanza aalya mayumu aakali kugonka zisamu, kwaandula mapulanga, akugagaila, ngamaanza ngamunya aakali kumukumbata akumuumbulizya walo, banyina, alimwi abanabokwabo. Masimpe, mukuya kwaciindi mukwasyi wa Josefa a Mariya wakakomena nkaambo bakazooba abana bali cisambomwe kunze aa Jesu. (Mt. 13:55, 56) Josefa wakeelede kubeleka canguzu kapati kutegwa abalanganye akubasanina boonse.\\nJosefa wakalizyi kuti kulanganya mukwasyi wakwe kujatikizya zyintu zyakumuuya ncecintu icakali kuyandika kapati\\n19. Mbuti Josefa mbwaakali kulanganya nzyobakali kuyandika kumuuya bamukwasyi wakwe?\\n19 Nokuba boobo, Josefa wakalizyi kuti kulanganya mukwasyi wakwe munzila yakumuuya ncecintu icakali kuyandika kapati. Aboobo, wakali kujana ciindi cakuyiisya bana bakwe kujatikizya Jehova Leza alimwi amilawo yakwe. Walo a Mariya bakali kubatola bana babo lyoonse kucikombelo kwalo Mulawo nkowakali kubalwa cakupozya alimwi akupandululwa. Ambweni Jesu wakali kuba amibuzyo minji bazwa kucikombelo alimwi Josefa wakali kusoleka kapati kwiingula mibuzyo yamwanaakwe iijatikizya Jehova amilawo yakwe. Josefa alimwi wakali kuunka amukwasyi wakwe kumapobwe aabukombi ku Jerusalemu. Kutegwa baunke ku Pobwe lya Kwiindilila lyamwaka, Josefa wakali kuyandika nsondo zyobilo zyakweenda musinzo uulampa makkilomita aali 120 kutegwa bakasekelele pobwe, mpoonya akupiluka.\\nJosefa lyoonse wakali kuunka amukwasyi wakwe kuyakukomba ku Jerusalemu kutempele\\n20. Mbuti basilutwe bamikwasyi Banakristo mbobakonzya kwiiya cikozyanyo ncaakasiya Josefa?\\n20 Basilutwe bamikwasyi Banakristo mazuba aano batobela cikozyanyo nciconya eeci. Balajana ciindi cakuyiisya bana babo zyintu zyakumuuya, alimwi eeci balacibikka mubusena bwakusaanguna kwiinda zyintu zyoonse kubikkilizya azyintu zyakumubili. Balabeleka canguzu kutegwa basololele mukukomba kwamumukwasyi aŋanda, alimwi akubatoleezya bana babo kumiswaangano ya Bunakristo, mipati amisyoonto. Mbubwenya mbuli Josefa, abalo balizyi kuti taakwe lubono lwiinda loolu ndobakonzya kubambila bana babo.\\n21. Ino ciindi ca Pobwe Lyakwiindilila lyakali buti kuli Josefa amukwasyi wakwe, alimwi ndilili Josefa a Mariya nobakazyiba kuti Jesu tanaakali aambabo?\\n21 Ciindi Jesu naakajisi myaka iili 12 yakuzyalwa, Josefa wakaunka amukwasyi wakwe ku Jerusalemu mbuli lyoonse. Cakali ciindi ca Pobwe lya Kwiindilila, alimwi mikwasyi mipati minji yakali kweendela antoomwe munzila iyakali kwiinda musyokwe imwakali bwizu bulamfwu. Nobakali afwaafwi kusika ku Jerusalemu, banji bakali kwiimba ntembauzyo zizyibidwe zyabasikutanta. (Int. 120-134) Munzi weelede kuti wakazula azyuulu-zyuulu zyabantu. Kumane, mikwasyi yakatalika kupiluka kumaanda. Josefa a Mariya, ambweni akaambo kakujata bubi, bakayeeya kuti Jesu wakali kweendela antoomwe abanamukwasyi bambi. Nobakeenda musinzo weendwa buzuba bomwe kuzwa ku Jerusalemu, nceciindi nobakazyiba kuti Jesu tanaakali ambabo pe.—Lk. 2:41-44.\\n22, 23. Ino Josefa a Mariya bakacita nzi nobakazyiba kuti mwanaabo musankwa wasweeka, alimwi ncinzi Mariya ncaakaamba ciindi nobakamujana mwanaabo?\\n22 Kabayoowede, bakapiluka ku Jerusalemu kabayaabuyandaula Jesu moonse mobakainda. Amuyeeyele buyo mbokwakaumwine mumunzi lino nobakali kuyaabweenda mumigwagwa kabayaabwiita zyina lyamwanaabo. Ino mwana ooyu wakali kuli? Kuzikusika mubuzuba bwatatu kabamuyandaula, sena Josefa wakatalika kuyeeya kuti waalilwa kuuzuzikizya mukuli uusetekene ooyu ngwaakapegwa aa Jehova? Kumamanino, bakazikuunka kutempele. Okuya bakamuyandaula mane bakasika muŋanda mobakabungene bamaalumi banji bayiide, ibakauzyi kabotu Mulawo—a Jesu uucili mwana kakkede akati kabo. Amuyeeye buyo Josefa a Mariya mbobakakatalusyigwa!—Lk. 2:45, 46.\\n23 Jesu wakali kuswiilila kubamaalumi aaba bakayiide akubabuzya mibuzyo cabusungu. Bamaalumi bakagambwa mbwaakali kutumvwisya twaambo mwana ooyu alimwi abwiinguzi bwakwe. Nokuba boobo, Mariya a Josefa bakagambwa kapati. Cibalo camu Bbaibbele aawa tacijisi majwi a Josefa. Pele majwi aa Mariya atondezya kuti ngaabo boonse bobilo aakuti: “Mwanaangu, nkaambo nzi ncootucitila boobu? Mebo abauso twapenga kukuyandaula.”—Lk. 2:47, 48.\\n24. Mbuti Bbaibbele mbolitondezya bwini mboubede mukuli wakuba muzyali?\\n24 Aboobo, mumajwi buyo masyoonto, Jwi lya Leza lilatondezya bwini ncocaamba kuba muzyali. Cilakonzya kukatazya—nokuba kuti mwana ulilondokede. Kukomezya bana munyika eeyi mbyaabi mazuba aano kulakonzya kupa bazyali ‘kupenga’ kapati, pele bazyali balakonzya kuumbulizyigwa kwiinda mukuzyiba kuti Bbaibbele lilabwaamba buyumuyumu mbobaswaanganya.\\n25, 26. Mbuti Jesu mbwaakaingula bazyali bakwe, alimwi mbuti Josefa mbwaakalimvwa kujatikizya majwi aamwanaakwe?\\n25 Cikkomanisya ncakuti, Jesu wakakkala buyo mubusena mwalo mwaakalimvwa kuba munsi a Usyi wakujulu, Jehova, kwiiya zyoonse nzyaakali kukonzya. Aboobo, wakaingula bazyali bakwe kuzwa ansi aamoyo kuti: “Ino mwali kundiyandawida nzi? Sena tiimwalizyi kuti ndeelede kuba muŋanda ya Taata?”—Lk. 2:49.\\n26 Cakutadooneka, Josefa wakali kwaayeeya majwi aayo ziindi zinji. Ambweni wakaakkomanina kapati majwi aaya. Wakabeleka canguzu kuyiisya mwanaakwe wakujana kutegwa kalimvwa boobo kujatikizya Jehova Leza. Aciindi eeco mubuumi bwakwe kacili muniini, Jesu wakali kulikkomanina bbala lyakuti “taata”—kulimvwa kuli boobu kwakaboola akaambo kakukkala a Josefa.\\n27. Mbwaanga muli usyi bana, ncoolwe nzi ncomujisi, alimwi nkaambo nzi ncomweelede kuyeeya cikozyanyo ca Josefa?\\n27 Kwiinda mukuba usyi siluyando alimwi uukwabilila, mulakonzya kugwasya bana banu kubona Jehova kuti mbaba Usyi bakujulu alimwi akubayiisya kuti ulabayanda alimwi ulabakwabilila. Mbubwenya buyo, kuti kamujisi bana bakujana naa bakulela, mweelede kuyeeya cikozyanyo ca Josefa akubona mwana umwi aumwi kuti ulilibedelede alimwi akuti ulayandika kapati. Amubagwasye kuba acilongwe a Usyi wabo wakujulu, Jehova Leza.—Amubale Baefeso 6:4.\\nJosefa Wakazumanana Kusyomeka\\n28, 29. (a) Ino majwi aalembedwe mulugwalo lwa Luka 2:51, 52 atondezya nzi kujatikizya Josefa? (b) Mulimo nzi Josefa ngwaakacita kutegwa agwasye mwanaakwe kuyaambele mubusongo?\\n28 Ibbaibbele lyaamba buyo twaambo tusyoonto kujatikizya buumi bwa Josefa, pele tulagwasya kutulanga-langa cakusitikila. Tubala kuti Jesu “wakazumanana kubamvwida” bazyali bakwe. Alimwi tujana kuti “Jesu wakali kuyaabukomena mubusongo aciimo, kayandwa kapati a Leza alimwi abantu.” (Amubale Luka 2:51, 52.) Ino majwi aaya atondezya nzi kujatikizya Josefa? Atondezya zyintu zinji. Twiiya kuti Josefa wakazumanana kusololela mukwasyi wakwe nkaambo mwanaakwe uulondokede wakali kubulemeka bweendelezi bwabausyi alimwi wakazumanana kulibombya.\\n29 Alimwi twiiya kuti Jesu wakazumanana kukomena mubusongo. Kweelede kuti Josefa wakabeleka canguzu kutegwa mwanaakwe akomene munzila eeyi. Mumazuba aayo, kwakali kaambyo kakaindi nkobakali kubelesya kapati ba Juda. Kaambyo aako kalakonzya kujanwa amazuba aano. Kakali kwaamba kuti balikke bantu bakali kukkala kabotu mbabakali kukonzya kuba basongo ncobeni, pele basambazi mbuli babezi, balimi, alimwi abafuzi “tabakonzyi kubeteka cabululami; alimwi tabeelede kujanika abusena aabandikilwa twaano.” Mukuya kwaciindi, Jesu wakatondezya kuti kaambyo aaka takagwasyi. Naakacili muniini, kanji-kanji wakali kubamvwa bausyi bakujana kabayiisya kabotu kujatikizya “bululami alimwi alubeta” lwa Jehova nokuba kuti bakali babezi. Alimwi tulakonzya kuba masimpe kuti Josefa wakali kucita oobo ziindi zinji.\\n30. Ncikozyanyo nzi Josefa ncaakasiila basilutwe bamikwasyi bamazuba aano?\\n30 Alimwi tulakonzya kubona bumboni butondezya Josefa mbwaakamukomezya Jesu. Kali mwana uubikkilwa maano, Jesu wakakomena akuba muntu muyumu alimwi uukkomene. Kuyungizya waawo, Josefa wakamuyiisya mwanaakwe kuba munkutwe mumilimo yakwe yakumubili. Jesu taakwe naakazizilwe buyo kuba mwana wasikufwala mapulanga, pele awalo wakali “sikufwala mapulanga.” (Mk. 6:3) Aboobo, Josefa wakazwidilila mukumuyiisya kwakwe. Basilutwe bamikwasyi cabusongo balaiya cikozyanyo ca Josefa, kulanganya bana babo akubona kuti balakonzya kulibelekela.\\n31. (a) Ino bumboni buliko butondezya nzi kujatikizya lufwu lwa Josefa? (Amubikkilizye akabbokesi.) (b) Ncikozyanyo nzi Josefa ncaakasiya ncotweelede kwiiya?\\n31 Twasika mucibalo camu Bbaibbele icaamba kubbapatizyigwa kwa Jesu kajisi myaka iili 30 yakuzyalwa, tujana kuti Josefa taambidwe pe mucibalo. Kweelana abumboni buliko, kulibonya kuti Mariya wakali mukamufwu ciindi Jesu naakatalika mulimo wakwe. (Amubone kabbokesi kakuti “Ino Josefa Wakafwa Lili?”) Nokuba boobo, Josefa wakasiya cikozyanyo cibotu, cikozyanyo causyi iwakakwabilila mukwasyi wakwe, iwakalanganya alimwi iwakazumanana kusyomeka kusikila kumamanino. Kufwumbwa usyi bana, silutwe wamukwasyi naa Munakristo uuli woonse, inga wacita kabotu kwiiya lusyomo lwa Josefa.\\nIno Josefa Wakafwa Lili?\\nTulizyi kuti Josefa wakacili kupona ciindi Jesu naakali aamyaka iili 12 yakuzyalwa. Aciimo eeci, bunji bwabakubusi ba Juda bakali kutalika kwiiya mulimo ngobakali kucita bausyi alimwi basika amyaka iili 15 yakuzyalwa bakali kukonzya kubeleka abambi kutegwa baiye mulimo wabo. Kulibonya kuti Josefa wakapona kwaciindi cilamfwu cakunga wakali kukonzya kuyiisya Jesu kuba mubezi. Sena Josefa wakacili kupona ciindi Jesu naakatalika mulimo wakwe wakukambauka naakajisi myaka iitandila ku 30 yakuzyalwa? Kulibonya kuti peepe. Banyina Jesu, banabokwabo basankwa alimwi abasimbi boonse balaambidwe kuti bakacili kupona aciindi eeciya pele kutali Josefa. Cimwi ciindi Jesu wakaitwa kuti “imwana wa Maliya,” ikutali mwana wa Josefa. (Mk. 6: 3) Mariya ulaambwa kacita zyintu alikke alimwi akusala zyakucita kakunyina kubuzya mulumaakwe. (Joh. 2:1-5) Ciindi Bbaibbele nolyakali kulembwa, eeci tiicakali kulangilwa kucitika ccita kuti kali mukamufwu. Mpoonya ciindi naakali kufwa, Jesu wakapa mwaapostolo Johane mukuli wakulanganya banyina. (Joh. 19:26, 27) Ikuti Josefa naakacili kupona, kucita boobo nokwatakayandika. Kweelana atwaambo ootu twamasimpe, kulibonya kuti cileelela kwaamba kuti Josefa wakafwa ciindi Jesu naakacili mukubusi. Mbwaakali mwana mutaanzi, cakutadooneka Jesu ngowakatalika kweendelezya mulimo wakufwala mapulanga alimwi akulanganya mukwasyi kusikila naakabbapatizyigwa.\\n^ munc. 4 Mumazuba aayo, kusinkilila kwakali kubonwa buyo mbuli kuti ncikwati.\\n^ munc. 8 “Nyenyeezi” eeyi tiiyakali cintu buyo cilicitikila cigambya icakali kulangilwa pe; alimwi tiiyakatumwa a Leza. Cakutadooneka, Saatani wakabelesya cintu eeci cigambya kaali makanze aakwe mabi aakujaya Jesu.\\n^ munc. 11 Bbaibbele caantangalala lilatondezya kuti maleele aakusaanguna ngaakacita Jesu kaali “citondezyo cakwe cakusaanguna,” akacitika ciindi kabbapatizyidwe kale.—Joh. 2:1-11.\\nMuunzila nzi Josefa mwaakakwabilila mukwasyi wakwe?\\nMbuti Josefa mbwaakali kujanina mukwasyi wakwe ziyandika?\\nNcinzi citondezya kuti Josefa wakazumanana kusyomeka mumulimo ngwaakapegwa a Leza?\\nMuunzila nzi momuyanda kwiiya cikozyanyo ca Josefa?\\nJosefa—Wakaukwabilila, Wakaulanganya, Wakazumanana Kusyomeka","num_words":2511,"character_repetition_ratio":0.061,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kujana Wawukwabilila Biyeni Moyo Wako? | Ngaziyakulinda Yakwiiya\\n‘Aakati kazintu zyoonse nzukwabilila, kwabilila kapati moyo wako.’​—TUS. 4:23, NW.\\nLWIIMBO 36 Atukwabilile Myoyo Yesu\\n1-3. (a) Nkamboonzi Jehova naakali kumuyanda Solomoni alubo nziizili zilongezyo Solomoni nzyaakajana? (b) Njiili mibuzyo njitutalange-lange muchiiyo eechi?\\nSOLOMONI wakaba mwaami wamaIsrayeli kachili mulombe. Solomoni naakasaanguna kweendelezya, Jehova wakalibonia kulinguwe muchiloto mpawo wakamubuzya kuti: ‘Kumbila nchuyanda, ndilakupa.’ Solomoni wakasandula kuti: ‘Mebo ndichili muniini alubo nsikwe luzibo pe. Nkinkaako, ndipe ndimubelesi wako moyo uuswiilila, kuti ndibabeteke kabotu bantu bako.’ (1 Bam. 3:5-10) Solomoni wakali kulibombya choonzyo nkaambo wakakumbila kuba ‘aamoyo uuswiilila.’ Eezi zitondeezya kuti Jehova wakali kumuyanda loko Solomoni. (2 Sam. 12:24) Leza wakabotelwa ansandulo yamwaami wachiniini Solomoni mpawo wakamupa “moyo wabusongo uucenjede.”​—1 Bam. 3:12.\\n2 Chiindi choonse Solomoni naakali kusyomeka, Jehova wakali kumulongezya. Wakajana chilongezyo chakuyaka tempele lyakali kwiitwa ‘azina lyaJehova Leza waIsrayeli.’ (1 Bam. 8:20) Solomoni wakazibinkene loko akaambo kabusongo mbwaakapedwe aaLeza. Alubo zintu nzyakaamba kazulwidwa aaLeza, zililembedwe mumabbuku aatatu aamuBbayibbele. Limwi bbuku ndyaakalemba, ndibbuku lyaTusimpi.\\n3 Bbala lyakuti moyo lilembedwe kwaziindi zisika ku72 mubbuku lyaTusimpi. Muchikozyano, muli Tusimpi 4:23, Bbayibbele lyaamba kuti: ‘Aakati kazintu zyoonse nzukwabilila, kwabilila kapati moyo wako.’ Mulugwalo oolu, bbala lyakuti “moyo” lyaambaanzi? Mubuzyo ooyu ulasandulwa muchiiyo eechi. Alubo tulasandula mibuzyo iibili iitobela: Saatani uwunyongania biyeni moyo wesu? Alubo tweelede kuchitaanzi kuti tukwabilile moyo wesu? Kuti tukkale katusyomekede kuli Leza, tweelede kumvwisisisya nsandulo zyamibuzyo eeyi iiyandikana.\\n“MOYO WAKO” NIINZI?\\n4-5. (a) Majwi aali muli Intembauzyo 51:6, atugwasya biyeni kumvwisisisya nzilyaamba bbala lyakuti “moyo”? (b) Mbutuubamba mubili wesu kutugwasya biyeni kuti tumvwisisisye mbutweelede kukwabilila moyo wesu wakukozyanisya?\\n4 Muli Tusimpi 4:23, bbala lyakuti “moyo” lilakonzya kwaamba ‘buntu bwesu bwamukati’ naakuti ‘moyo wesu uusisidwe.’ (Bala Intembauzyo 51:6.) Muli amwi majwi, bbala lyakuti “moyo” lyaamba mizeezo yesu, mbutulimvwa, makanze eesu anzitulombozya. Alubo bbala eeli lyaamba mbutubede mukati kamoyo kutali mbutuboneka aanze.\\n5 Atulange-lange kuti kuba aamubili uusimide kweendelana biyeni ambutubede mukati. Chakusaanguna, kuti tukkale katuli amibili iisimide, tweelede kulya chakulya chiyaka mubili aku-ekisesayiza chiindi choonse. Munzila iikozyenie, kuti tukkale katusimide mubukombi, tweelede kulya chakulya chamubukombi chisimide aku-ekisesayiza chiindi choonse kwiinda mukutondeezya kuti tusyoma Jehova. Tutondeezya kuti tulamusyoma Jehova kwiinda mukubelesya nzitwiiya akubuzya bamwi atala anzitusyoma. (Rom. 10:8-10; Jak. 2:26) Chabili, kuti twalanga mbutuboneka aanze, tulakonzya kulibonaanga tatuchiswi pe pesi katulaabulwazi mumubili. Munzila iikozyenie, kuti twalanga nzituchita mubukombi, tulakonzya kubonaanga tulisimide mubukombi nikuba kuti mizeezo iitali kabotu ilakonzya kukomena mukati kesu. (1 Kor. 10:12; Jak. 1:14, 15) Tweelede kuziba kuti Saatani uyanda kubyala mizeezo yakwe mulindiswe. Kujana Saatani wazichita biyeni eezi? Alubo kujana twalikwabilila biyeni?\\nSAATANI WIIBYALA BIYENI MIZEEZO YAKWE MUMOYO WESU?\\n6. Ngaali makanze Saatani ngalaawo alubo uchita biyeni kuti aazuzikizye?\\n6 Saatani uyanda kuti tube mbuuli nguwe, sikupapila uutayandi kutobelezya zyeelelo zyaJehova alubo uuliyanda. Saatani takonzyi pe kutupa kuti tuyeeye mbuuli nguwe akuti tuchite mbuuli mbachita. Nkinkaako, ubelesya zimwi nzila kuti azuzikizye makanze aakwe. Muchikozyano, upa kuti tupone aabantu bali aamizeezo iili mbuuli yakwe. (1 Joh. 5:19) Ulangilila kuti tuyoosala kuliswaanizya aambabo nikuba kuti tulizi kuti kuliswaanizya aabantu bachita zibi ‘kunyongania’ mbutuyeeya ambutuchita. (1 Kor. 15:33) Nzila eeyi njaakabelesya kuMwaami Solomoni. Solomoni wakakwata banakazi bakali kukomba baleza bakubeja mpawo “bakamuyunga kapati,” alubo ‘mbichaani-mbichaani banakazi bakwe bakoongelezya moyo wakwe’ kuti aleke kukomba Jehova.​—1 Bam. 11:3, NW.\\nKujana wawukwabilila biyeni moyo wako kuli Saatani kuti atabyali mizeezo yakwe mulinduwe? (Langa fuka 7) *\\n7. Niinzi chimwi Saatani nchabelesya kuti apupulule mizeezo yakwe alubo nkamboonzi nitweelede kuchichenjelela?\\n7 Saatani ubelesya mamuvi ama-show aamuTV kuti apupulule mizeezo yakwe. Ulizi kuti twaambo twamumaTV tatutunoneezyi luzutu pesi tutuyiisya mbutweelede kuyeeya, kulimvwa ambutuchita. Jesu wakali kwiibelesya kabotu nzila yakupupulula makani naakali kuyiisya bantu. Muchikozyano, wakaamba chikozyano chili atala amuSamariya ulaaluyando achili atala amwana mulombe wakazwa amuunzi alubo wakasaanisya lubono lwakwe. (Mt. 13:34; Lk. 10:29-37; 15:11-32) Nikuba boobo, bantu batobela mizeezo yaSaatani balakonzya kwaamba twaambo tupa kuti tuyeeye zintu zibi. Tweelede kuba aamaboneno aalikabotu. Mamuvi ama-show aamuTV alakonzya kutunoneezya akutuyiisya, kaatanyonganisizye mizeezo yesu pe. Pesi tweelede kuchenjela. Nitusala zyakulikondelezya, tweelede kulibuzya kuti, ‘Muvi naakuti show eeyi ilikundiyiisya kuti kuli kabotu na kuchita ziyandwa amubili wangu?’ (Gal. 5:19-21; Ef. 2:1-3) Kujana wachita biyeni kuti wabona kuti pulogilamu eeyo isumpula mizeezo yaSaatani? Itantamuke mbuuli mbukonzya kuchita kubulwazi butabukila.\\n8. Kujana bazyali babagwasya biyeni bana babo kuti bakwabilile myoyo yabo?\\n8 Nibazyali, muli amulimu mupati wakukwabilila bana banu kuli Saatani kuti atabyali mizeezo yakwe mumyoyo yabo. Zili aantanganana kuti mulabakwabilila bana banu kuti batajatwi malwazi. Mulayisalazya myuunzi yanu alubo mulazisowa zintu zyoonse zikonzya kupa kuti muchiswe abana banu. Munzila iikozyenie, mweelede kukwabilila bana banu kumamuvi, ma-show aamuTV, magemu amakkompiyuta amawebbusayiti aakonzya kupa kuti babe aamizeezo yaSaatani. Jehova umupede mulimu wakukwabilila bana banu mubukombi. (Tus. 1:8; Ef. 6:1, 4) Nkinkaako, mutayoowi pe kubabikkila milawu yeendelana malayilile aazwa muBbayibbele. Amubabuzye bana banu nzibeelede anzibateelede kweebela alubo amubagwasye kuti bamvwisisisye kuti nkamboonzi nimwasala kuchita oobo. (Mt. 5:37) Nibayabukomena bana banu, amubayiisye kuchitila kuti bakonzye kusiyanisya chibotu achibi kweendelana azyeelelo zyaJehova. (Heb. 5:14) Alubo mweelede kuziba kuti bana banu bayiya zyiingi loko kuzintu nzimuchita kwiinda kuzintu nzimwaamba.​—Dt. 6:6, 7; Rom. 2:21.\\n9. Njiili imwi nzila Saatani njabelesya alubo nkamboonzi niinjizya mumapenzi?\\n9 Saatani unyongania moyo wesu kwiinda mukupa kuti tusyome busongo bwabantu kwiinda bwaJehova. (Kol. 2:8) Atulange-lange imwi nzila Saatani njabelesya yakuti, kuyandisya bunoti tweelede kukubikka mubusena bwakusaanguna mubuumi. Bantu bayeeya munzila eeyi balakonzya kunota naakuti kufwaba. Bantu bali boobo, ngabaswaana mapenzi. Nkamboonzi nibaswaana mapenzi? Nkaambo nzibayeeya nkuyanduula mali luzutu zyakuti balakonzya kupona buumi bupa kuti bachiswe, kusiya mpuli zyabo abweenzinyina mbubali aabo aLeza kuti bazuzikizye chiyandisyo chabo. (1 Tim. 6:10) Tulabotelwa nkaambo Taateesu uuli kujulu ulatugwasya kuti tube aamaboneno aali kabotu atala amali.​—Muk. 7:12; Lk. 12:15.\\nKUJANA TWAWUKWABILILA BIYENI MOYO WESU?\\nMbuuli balindi abalindi bamageedi bachiindi, kkala kulangide alubo usale chakufwambaana kuti ukwabilile moyo wako kuzintu zibi (Langa fuka 10-11) *\\n10-11. (a) Tweelede kuchitaanzi kuti tukonzye kulikwabilila? (b) Niinzi nzibakali kuchita balindi muchiindi chaBbayibbele alubo kujana moyo wesu wabeleka biyeni mbuuli mulindi?\\n10 Kuti tuzwidilile mukukwabilila moyo wesu, tweelede kuziba mapenzi aakonzya kuba akuti tufwambaane kuukwabilila. Bbala lyakasandululwa kuti ‘kukwabilila,’ muli Tusimpi 4:23 lituyeezya mulimu wakali kuchitwa aabalindi. Muchiindi chaMwaami Solomoni, balindi bakali kukkala aajulu aamiduli yamyuunzi alubo bakali kupa nchenjezyo kuti kuli nchibabona. Chikozyano eechi chitugwasya kubona mbutukonzya kuchita kuti tutazumizyi Saatani kunyongania mizeezo yesu.\\n11 Muchiindi chaBbayibbele, balindi bakali kubelekaamwi abalindi bamageedi. (2 Sam. 18:24-26) Kabalaamwi, bakali kukwabilila muunzi kwiinda mukubona kuti mageedi alijalidwe basinkondonyina nibakali kusika aafwiifwi. (Neh. 7:1-3) Moyo * wesu uuyiisidwe aaBbayibbele ulakonzya kubeleka mbuuli mulindi akutuchenjezya chiindi Saatani nayanda kunyongania buntu bwesu bwamukati naakuti chiindi nayanda kunyongania mizeezo yesu, mbutulimvwa, nzitupeekezya anzitulombozya. Chiindi moyo wesu nuutuchenjezya atala achimwi chintu, tweelede kuuswiilila akujala mageedi aakukozyanisya.\\n12-13. Kujana twasunkwa kuchitaanzi pesi tweelede kuchita biyeni?\\n12 Atulange-lange chikozyano chitondeezya mbutukonzya kulikwabilila kuti tutanyonganisigwi aamizeezo yaSaatani. Jehova wakatuyiisya kuti ‘bwaamu amisyobo yoonse yabusofwaazi tazyeelede kwaambwa pe akati kesu.’ (Ef. 5:3) Pesi kujana twachita biyeni kuti bantu mbitubelekaabo naakuti mbitwiiyaabo batalisya kwaambuula makani aakutalilemeka? Tulizi kuti tweelede ‘kukaka bukkale bwakutayoowa Leza azisusi zyaansi aano.’ (Tit. 2:12) Mulindi naakuti moyo wesu, ulatuchenjezya. (Rom. 2:15) Pesi tuyoowuswiilila na? Tulakonzya kusunkwa kuti tubaswiilile naakuti tulange zifanikisyo nzibali kutondeezyania. Aachiindi eechi, tweelede kujala mageedi aakukozyanisya kwiinda mukuchincha makani ngibalikwaambuula naakuti kubasiya.\\n13 Ziyanda kutayoowa kuti tutantamuke mizeezo amichito mibi njibaamba kuti ilikabotu basela lyesu. Tweelede kuba aachoonzyo chakuti Jehova ulakubona kubeleka changuzu nkutuchita alubo uyootupa manguzu abusongo mbutuyanda kuti tukonzye kutantamuka mizeezo yaSaatani. (2 Mak. 16:9; Is. 40:29; Jak. 1:5) Niinzi chimwi nchitweelede kuchita kuti tuzumanane kukwabilila moyo wesu?\\n14-15. (a) Nziizili zintu nzitweelede kujulila moyo wesu alubo kujana twazichita biyeni? (b) Majwi aali muli Tusimpi 4:20-22, atugwasya biyeni kuti tumvwisisisye Bbayibbele chiindi nitulibala? (Langa kabbokesi kati, “ Mbukonzya Kuyeeyesesya.”)\\n14 Kuti tukwabilile moyo wesu, tweelede kuujala kuti tuteendelezegwi azintu zibi akuujula kuti tweendelezegwe azintu zibotu. Atubweede lubo kuchikozyano chamiduli yamuunzi. Mulindi wageedi wakali kujala geedi kuti asinkile basinkondonyina pesi wakali kulijula kuchitila kuti kunjile chakulya azimwi zintu zyakali kuyandikana. Kaansinga geedi teelyakali kujulwa pe nikuli bantu bamumuunzi bakali kufwa anzala. Munzila iikozyenie, andiswe tweelede kujula moyo wesu kuti tuzumizye mizeezo yaLeza kuti itweelendelezye.\\n15 MuBbayibbele muli mizeezo yaJehova, nkinkaako, chiindi nitulibala, ngatulikuzumizya mizeezo yaJehova kuti itweendelezye muzintu nzituyeeya, mbutulimvwa anzituchita. Kujana twalimvwisisisya biyeni Bbayibbele chiindi nitulibala? Tweelede kukomba. Umwi muchizi wakati: “Kanditanabala Bbayibbele, ndilakomba kuli Jehova, kandikumbila kuti andigwasye ‘kubona zintu zigambya’ zili muJwi lyakwe.” (Int. 119:18) Alubo tweelede kuyeeyesesya atala anzitwali kubala. Kukomba, kubala akuyeeyesesya, kupa kuti Jwi lyaLeza lisike ‘mukati kamoyo wesu’ alubo kuchita oobo kupa kuti tuyande mizeezo yaJehova.​—Bala Tusimpi 4:20-22; Int. 119:97.\\nSandula mibuzyo eeyi chiindi nulikubala Bbayibbele:\\nMakani aaya andiyiisyaanzi atala aJehova Leza?\\nMakani aali muchipanzi eechi chaMagwalo, ayendelana biyeni amulumbe wamuBbayibbele?\\nKujana ndaabelesya biyeni mubuumi?\\nKujana ndaabelesya biyeni magwalo aaya kuti ndigwasye bamwi?\\n16. Kweebela mapulogilamu aajanika muJW Broadcasting kwakabagwasya biyeni bamwi?\\n16 Imwi nzila njituzumizya mizeezo yaLeza kuti itweendelezye, nkweebela mapulogilamu aajanika muJW Broadcasting®. Umwi mukwesu amukayintu wakwe bakati: “Mapulogilamu aazwa mweezi amweezi atondeezya chachoonzyo kuti nkombyo zyesu zilasandulwa! Alatusimya akutusungwaazya chiindi nitukataazikene anitulendeledwe. Alubo chiindi chiingi tuswiilizya nyimbo zizwa muJW Broadcasting nituli aang’anda. Tulazilizya nitulikujika, nitulikusalazya mung’anda naakuti nitulikunywa tii.” Mapulogilamu aaya atugwasya kuti tukwabilile moyo wesu. Atuyiisya kuti tuyeeye mbuuli Jehova akuti tutantamuke kuyungwa kuti tutabi aamizeezo yaSaatani.\\n17-18. (a) Niinzi chichitika kuti twabelesya nzyatuyiisya Jehova kweendelana amajwi aali muli 1 Bami 8:61? (b) Twiiyaanzi kuchikozyano chaMwaami Hezekkiya? (c) Kweendelana ankombyo yaDavida iijanika muli Intembauzyo 139:23, 24, tweelede kukombelaanzi?\\n17 Lusyomo lwesu lulasima chiindi nitubona mbukutugwasya kuchita zintu zili kabotu. (Jak. 1:2, 3) Tulabotelwa nkaambo Jehova utwiita kuti tuli bana bakwe alubo chiyandisyo chesu chakuyanda kuchita nzyayanda chilasima. (Tus. 27:11) Sunko limwi alimwi ndituswaana, litupa mweenya wakuti tutondeezye kuti Taateesu uuli aluyando tatumubelekeli amyoyo iibili pe. (Int. 119:113) Pesi tutondeezya kuti tuyanda Jehova amoyo wesu woonse nkaambo twakalipeda kuswiilila milawu yakwe akuchita kuyanda kwakwe.​—Bala 1 Bami 8:61.\\n18 Eezi zyaamba kuti tatunoobisyi na? Tunoobisya; nkaambo tatumaninide pe. Kuti twabisya, tweelede kuyeeya chikozyano chaMwaami Hezekkiya. Hezekkiya wakali kubisya. Pesi wakachincha akwiinkilila kunembo kakomba Jehova ‘amoyo uululeme.’ (Is. 38:3-6; 2 Mak. 29:1, 2; 32:25, 26) Nkinkaako, atutantamuke zintu zyoonse Saatani nzyabelesya kuti anyonganie mizeezo yesu. Atukombele kuti tube ‘aamoyo uuswiilila.’ (1 Bam. 3:9; bala Intembauzyo 139:23, 24.) Tulakonzya kukkala katusyomekede kuli Jehova kuti twazumanana kukwabilila moyo wesu.\\nBbala lyakuti “moyo” lyaambaanzi?\\nSaatani uchita biyeni kuti anyonganie moyo wesu?\\nKuti tukwabilile moyo wesu, tweelede kuujala kuzintu zili biyeni alubo tweelede kuujula kuzintu zili biyeni?\\nLWIIMBO 54 “Njeeyi Nzila”\\n^ par 5 Tulakonzya na kukkala katusyomekede kuli Jehova naakuti tuyoozumizya Saatani kuti atulesye kubelekela Leza? Nsandulo tayiyeeme mumasunko ngituswaana pe pesi iyeeme akuti tuukwabilila biyeni moyo wesu. Bbala lyakuti “moyo” lyaambaanzi? Saatani uwunyongania biyeni moyo wesu? Alubo kujana twawukwabilila biyeni? Mibuzyo eeyi iiyandikana ilasandulwa muchiiyo eechi.\\n^ par 11 BUPANDULUZI BWAMABALA: Jehova utupede manguzu aakulanga-langa mizeezo yesu, mbutulimvwa anzituchita akuti tulibeteke. Bbayibbele lyaamba manguzu aaya kuti moyo. (Rom. 2:15; 9:1) Moyo uuyiisidwe aaBbayibbele, ngooyo uubelesya zyeelelo zyaJehova zipandulwidwe muBbayibbele alubo ulatubeteka kuti nzituyeeya, nzituchita anzitwaamba nzibotu na naakuti nzibi.\\n^ par 56 BUPANDULUZI BWAZIFANIKISYO: Mukwesu ulikweebela TV mpawo kwazwa zintu zitondeezya michito yakutalilemeka. Weelede kusala kuti ulachita biyeni.\\n^ par 58 BUPANDULUZI BWAZIFANIKISYO: Mulindi wamuchiindi chaBbayibbele wabona penzi aanze aamuunzi. Ulikwiita balindi baageedi bali munsi mpawo bavwiila chakufwambaana kwiinda mukujala geedi akulikkiila mukati.","num_words":1686,"character_repetition_ratio":0.054,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"2 Bakorinto 11 | Bbaibbele Lili a Intaneti | Bbaibbele lya Busanduluzi Bwanyika Mpya\\n11 Ndilombozya kuti mulandilekelela akaambo kakufwubaala kwangu kusyoonto. Pele mubwini mulacita kale oobo! 2 Nkaambo ndili aabuzuba kulindinywe mbubonya mbuli Leza, nkaambo mebo lwangu ndakamusyomezya lukwatano kumwaalumi omwe kutegwa ndikamupe kuli Kilisito kamuli nakalindu uusalala. 3 Pele ndililibilikide kuti mbubonya nzoka mboyakoongelezya Eva mubucenjezu bwayo, mizeezo yanu inga ilasofwaazyigwa akumupa kuleka kusyomeka camoyo woonse akusalala nkomweelede kutondezya Kilisito. 4 Nkaambo ikuti naa kwasika muntu umwi uukambauka Jesu uumbi ikutali yooyo ngotwakakambauka, naa ikuti mwatambula muuya uumbi ikutali wooyo ngomwakatambula naa makani mabotu aambi ikutali yaayo ngomwakazumina, mulafwambaana kuzitobela nzyaamba. 5 Nkaambo ndiyeeya kuti kunyina cintu nociba comwe ncondilezya kubatumwa banu bacibwene kwiinda boonse. 6 Pele nokuba kuti tandicizyi kwaambaula, mubwini luzyibo lwalo ndilijisi; pele luzyibo ndotujisi twakalutondezya kulindinywe munzila zyoonse alimwi amuzyintu zyoonse. 7 Naa sena ndakalubizya nindakalicesya kutegwa nywebo musumpulwe, nkaambo ndakalikkomene kwaambilizya makani mabotu aa Leza kulindinywe kakunyina kubbadelwa? 8 Ndakanyanzya mbungano zimwi nindakazumina kupegwa zyintu zyakuligwasya kutegwa ndigwasye ndinywe; 9 pele nindakali andinywe kandibulizyide kunyina muntu ngondakaminya, nkaambo bakwesu ibakazwa ku Makedoniya bakandipa zyintu zyoonse nzindakabulizyide. Inzya, munzila zyoonse kunyina nindakayanda kuba mukuli uuminya kulindinywe alimwi ndilazumanana mbubonya oobo. 10 Kufwumbwa kuti kasimpe ka Kilisito kakali mulindime, tandikooleka pe kulilumbaizya akaambo kazyooko zyaku Akaya. 11 Ino nkaambo nzi? Sena nkaambo kakuti tandimuyandi? Leza ulizyi kuti ndilamuyanda. 12 Lino ndilazumanana kucita ncondicita, ikutegwa ndimanizye kulicengeezya kwabaabo ibayanda kubonwa kuti baleelene andiswe kwiinda mukulidunda akaambo kazyuuno zyabo. 13 Nkaambo bantu bali boobo mbatumwa babeji, mbaasimilimo basilweeno, ibalisandula kuba mbuli batumwa ba Kilisito. 14 Alimwi eeci tacigambyi pe, nkaambo Saatani mwini ulalisandula lyoonse kuba mbuli mungelo wamumuni. 15 Aboobo tacigambyi pe ikuti naa abalo babelesi bakwe balalisandula lyoonse kuba mbuli babelesi babululami. Pele mamanino aabo ayooba mbubonya mbuli milimo yabo. 16 Ndaamba alimwi kuti, Kutabi muntu uuyeeya kuti ndimufwubafwuba. Pele nokuba kuti mbomuyeeya oobo, amunditambule mbuli muntu mufwubafwuba, ikutegwa andime ndililumbaizye asyoonto. 17 Eezyi nzyondaamba lino tanditobeli cikozyanyo ca Mwami pe, pele ndaamba mbubonya mbwakonzya kwaamba muntu mufwubafwuba, uulidunda akulisyoma. 18 Mbwaanga banji balilumbaizizya zyintu zyamunyika, andime ndilalilumbaizya. 19 Akaambo kakuti mulibona kuti mulanyoneka kapati, calukkomano mulabalekelela bantu bafwubafwuba. 20 Mubwini, mulamulekelela muntu uuli woonse uumubikka mubuzike, naba yooyo uumulida lubono lwanu naa uumunyanga nzyomujisi, naba yooyo uulisumpula akati kanu, alimwi naba yooyo uumuuma kumeso. 21 Ncamasampu kulindiswe kwaamba boobu, mbwaanga kuli bamwi inga caboneka mbuli kuti tatujisi nguzu. Pele ikuti bantu bamwi bacita cabusicamba—ndaamba cabufwubafwuba—andime lwangu ndicita cabusicamba. 22 Sena mba Hebulayo? Andime ndili mu Hebulayo. Sena mbana Isilayeli? Andime ndili muna Isilayeli. Sena mbalunyungu lwa Abulahamu? Andime ndili walunyungu lwakwe. 23 Sena mbabelesi ba Kilisito? Ndiingula mbuli muntu uusondokede, kuti mebo ndabainda: ndacita milimo minji, ndaangwa muntolongo ziindi zinji, ndaumwa zyuumo zitabaliki, alimwi ndaba muntenda zyalufwu zinji. 24 Ziindi zyosanwe ba Juda bakanduuma zimboko zili makumi otatwe afwuka, 25 ziindi zyotatwe ndakaumwa amisako, ciindi comwe ndakapwaigwa mabwe, ziindi zyotatwe bwato mbondakatantide bwakanyonyooka, cimwi ciindi ndakali mukati kalwizi masiku asyikati; 26 ndakali munyendo kanji-kanji, muntenda zyamumilonga, muntenda kubafwumpi, muntenda kubantu bamusyobo wangu, muntenda kubantu bamasi, muntenda mumunzi, muntenda munkanda, muntenda mulwizi, muntenda akati kabakwesu babeji, 27 mukubeleka milimo iikatazya alimwi iiminya, mukutoona masiku kanji-kanji, mukufwa nzala anyota, mukubula cakulya ziindi zinji, mukufwa mpeyo amukubula zisani. 28 Kunze lyazyintu zyoonse eezyo, kuli cimbi cindikatazya buzuba abuzuba, nkokuti kulibilika kujatikizya mbungano zyoonse. 29 Ino nguni uutajisi nguzu mebo kanditajisi nguzu? Ino nguni wakatyompwa mebo kanditalimvwi kupya mumoyo? 30 Ikuti naa ndeelede kulilumbaizya, ndilalilumbaizizya zyintu zitondezya kubula nguzu kwangu. 31 Leza alimwi Usyi wa Mwami Jesu, Ooyo weelede kutembaulwa kukabe kutamani, ulizyi kuti tandibeji pe. 32 Ku Damasiko imweendelezi ngwaakabikkide mwami Aleta wakali kulindilila munzi wa Damasiko kutegwa andijate, 33 pele ndakainzyigwa ampulungwido yabwaanda bwamunzi akuselusyigwa mumutaanga, eelyo ndakaloboka kumaanza aakwe.","num_words":576,"character_repetition_ratio":0.047,"word_repetition_ratio":0.0,"special_characters_ratio":0.158,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Lusyomo nko Kuzunda! Print\\nLusyomo nko Kuzunda!\\nGeorge Müller wakali mwaalumi wakazyi kabotu makani aalusyomo. Aciindi cimwi walo wakati, “Ime ndakaaba buumi bwangu boonse kuti nditondezye muntu mbwanga wacita zinjaanji kwiinda mumupailo alusyomo.” Mwami Yahuwah wakamuzula mumoyo wakwe kuti atalike kuyaka maanda aakukkalila bamucaala akusungila bana baingaila anze mumigwagwa yaku Bristol, England aabo batakwe kwakukkala. Kajisi buyo masheleni obile (50 maseenti) munkomo yakwe, George Müller wakakanza kuti atobele ncaakaambilwa ku Mwami. Walo taakazyi pe kuti naa mali aakuyasya ŋanda ayoozyila kuli, pele eeco tiicakamulesya kulibambila nkaambo tiicakali cintu cimutunusya kubula mali pe. Walo wakalizyi kale kuti kuyanda kwa Mwami Yahuwah ninzi. Aboobo, wakali mulimo wa Mwami Yahuwah kuti amutondezye nzila yakuyaka ŋanda eeyo. Mulimo wakwe wakali buyo wakuteelela.\\nGeorge Müller (1805-1898), Silumamba wa Lusyomo wakasimpe, wakasyoma kuti kubaa cisyomyo cokwa Yahuwah cakali cintu camasimpe mbuli kubaa cintu mujanza lyako, kufumbwa nokuba kuti kacili cakulya cili mukkabati nokuba mali aali munkomo yamali\\nMüller wakatola zintu zyoonse zyakali mumoyo wakwe kuli Elohimu wabulemu. Walo wakazyibide kale kutaambila muntu naba omwe ncaakabulide – alimwi wakalaa zintu zinjaanji nzyaakabulide nokuba boobo. Walo wakali kwaambila buyo Taata Wakujulu alikke. Kwiinda mulusyomo lwakwe lwakulitolaansi akulibombya moyo, Mwami Yahuwah wakamugwasya kuyaka maanda mapati osanwe , aayakidwe amabwe, alimwi aakonzya kusunga bamucaala bali 2,000 aciindi comwe.\\nBumwi buzuba, Müller wakabula mali aakuuzya cakulya cakusanina bana mbaakali kusunga. Eelyo naakacifugeme kumwi kapaila, akulazyika zyoonse zyakamulemede kumoyo kunembo lya Taata wakujulu, akulisakatizya muzisyomyo zyokwa Taata kasyoma amoyo wakwe woonse, wakamvwa muntu umwi kakonkomona kumulyango wakwe kalaa cipego camali. Mbombubo Mwami Yahuwah mbwaakamutondezya alimwi kuti Walo ulasunga zisyomyo zyakwe. Nkabela bana bakapegwa cakulya ncibakeelede aciindi ceelede.\\nMukuya kwamyaka, walo wakapegwa zyuulunzuma zyamadola aakubelesya mumulimo wakwe mupati – zyoonse eezyo zyakacitika kakwiina kwaambila muntu naba omwe zintu nzyaakabulide, alimwi bunji bwazintu eezyo zyakali kuyandika cakufwamba. Müller wakaaba buumi bwakwe kukuyubununa bubotu anguzu zya Mwami Yahuwah kuli boonse aabo basyoma buyo jwi Lyakwe akusyoma zisyomyo zyokwa Elohimu. Walo wakaibaluka kuti masunko aleelede kusikila kufumbwa muntu uuyanda kuyumya akubaa lusyomo lutazungaani.\\n“Kwiiya lusyomo luyumu nkuzunda masunko mapati manjaanji.” Müller wakati. “Ime ndakaiya lusyomo lwangu kwiinda mukwiimikila nji akataa masunko mayumu ncobeni.”\\nKwakaambwa kuti lusyomo nkasamu kakonzya kukomena cakufwamba kuti kasaninwa kabotu, alimwi lusyomo lwa Müller lwakatondezya masimpe aali mukaambo aaka. Kufumbwa naa ncintu nzi cakamukatazyide aciindi cili buti, Müller wakasala buyo kusyoma mu Mwami Yahuwah. Walo wakati, “Wasyomezyegwa kuti yebo weendela antoomwe Anguwe akulungumana kuli Nguwe, kolangila lugwasyo luzwa kuli Nguwe, Walo kunyina pe nanga wakutyompya pe.” Lusyomo lwa Müller lwakali buyo nkaambo kakunjila mubuyumuyumu bwiindene akusala kuzumanana kusyoma nokuba kuti wakanjilide manyongwe aali buti. “Ikuti Mwami wandityompya mebo, inga eeco caba ciindi citaanzi kundicitila boobo,” mbwakaamba oobo.\\nYahuwah taakalesya kana kasimbi kasyoonto kaku Isilayeli kuti kabbigwe akuuzyigwa mubuzike, pele wakabelesya bumboni bwa kana aako kuti bube bumboni Bwakwe mucisi coonse kwiinda muli Silumamba Namaan. (Cakazumizyigwa aba Darrel Tank, darreltank.com.\\nMangwalo azwide twaano tunjaanji, twaambilizya Mwami Yahuwah mbwaakali kulanganya bana bakwe bakali kuyandisya zyanyika. Kaambo keni kakupeda kaano komwe-komwe kalembedwe mu Bbaibbele, nkakukulwaizya lusyomo mumyoyo yabasyomi. Kutalikila kumaleele aakuvwuna bana ba Isilayeli kulwizi Lusubila, kusikila ku kaano ka mukamufu ooyo wakayungizyilwa mungwimba cakuti limwi wakamanizya kubbadela zikwelete zyakwe, aaya makani woonse ookwa Yahuwah, ayelede kukulwaizya kubikka lusyomo akusyoma muli Nguwe kuti, ooyo wakacita maleele aayo kubantu Bakwe mumisela yakainda, asunu buno buzuba uciyandisya kucitila bantu Bakwe mbweenya aabo basyoma muli Nguwe.\\nKufumbwa mwanaa Yahuwah lyoonse ulanjila mumasunko aamukatazya mubuumi bwakwe. Daniele wakatolwa mubuzike akuzibwa naakali kukkala munkuta yabasinkondonyina acisi ca Juuda. Joseph wakaangwa munzila iitaluleme. Joobo wakazimininwa bana bakwe boonse, buvwubi bwakwe aciimo cakwe mubuzuba bomwe. Esther wakatolwa buzike kuzwa kumukwasyi nkwaakazyalilwa akuyookwatwa kumwami uukomba mituni ooyo wakalaa myaka minjaanji kucembaala kwiinda nguwe!\\nYahuwah talesyi zintu zibyaabi kucitika pe. Ba Hebulayo 11, ncibalo cizwide “Basyomeka balaa Mpuwo”; citutondezya mukonzyanyo atalaa mukonzyanyo wabantu aabo bakali kunga nibakasikilwa mapenzi aakatazya ncobeni, balo bakazwidilila akuzunda masunko aabo – kuleka buyo munguzu zyabo beni, pele mukulazyika ansi zyoonse akuyaamina muzisyomyo zyokwa Yahuwah. Aaba mba Basikalumamba ba Lusyomo.\\nNguni wakazunda masi manjaanji kwiinda mulusyomo, nguni wakaleta bululami, wakabamba zisyomyo, wakajala makanwa aabasyuumbwa, wakalesya mulilo kuumpa, wakazwela cceba libosya, wakabulide nguzu pele wakayumyayumya akupegwa nguzu, wakazwidilila munkondo, wakatandaanya basinkondonyina bamuzwakule? Alimwi bamwi bamakaintu bakatambula bayandwa babo bakafwide akubusyigwa kuzwa kulufu: alimwi bamwi bakatundululwa akusubulwa, kakwiina kulilesya kunjila ntenda yalufu; kutegwa bakabusyigwe kuzwa kubafu: alimwi bamwi bakatundululwa akunongwa akukwabbaulwa, inzya ncobeni, akwaangwa akuwaalwa muntolongo: bakaumwa mabwe, akunyongolwa akati, bakasunkwa, bakajayigwa acceba: bakaingaila kabasamide zipaya zyambelele azipaya zyampongo: kabatakwe munzi wakukkala, kabatundululwa, akupenzyegwa; (aabo nyika eeyi tiiyakali kubeelela kukkala muli njiyo:) bakaingaila munkanda, alimwi amumalundu, amumimena amumpako zyaanyika. . . . Aboobo sunu mbuli mbotuzingulukidwe kkumbi lya bakamboni banjaanji boobu, atulazyike ansi kufumbwa mukuli uutulemena, acibi cituzingaila abuzuba, nkabela atubalike musinzo uuli kumbele lyesu, katulangide ku Mufutuli [Yahushua] ooyo wakatalisya akumanizya lusyomo lwesu . . . . (Ba Hebulayo 11:33-12:2, KJV1)\\nItwaano twamu Bbaibbele tuyiisya kuti cintu cini ncabulide muntu; lusyomo lwakusyoma zisyomyo zyabulemu bwakujulu. Aayo masunko amakatazyo aasikila muntu, ncecikolo cakwe ca Kujulu ooyo muntu cimuyiisya kusyoma akubikkila lusyomo. Inguzu zya Mwami Yahuwah nzinji kapati cakuti zilakonzya kutujanya kufumbwa ncotubulide. Nzipati kapati kulesya kufumbwa ntenda yakavwumbu. Cilikke cintu citusinkila ncakuti naa muntu ooyo ulayanda kubelesya lusyomo lwakwe nkaambo “Zintu zyoonse zilakonzya kucitilwa muntu ooyo ulaa lusyomo.” (Maako 9:23, TEV) “Pele kuti kakwiina lusyomo, ncintu citakonzyeki kumukkomanisya Walo, nkaambo ooyo uuboola kuli [Elohimu] uleelede kusyoma kuti Walo nkwali ncobeni, alimwi Walo nguulumbula boonse aabo bamuyandaula amoyo woonse.” (BaHebulayo 11:6, NKJV)\\nMumazuba aano aamamanino mumusela wanyika, ootu twaano twamu Bbaibbele twakapedwa kuyumyayumya lusyomo lwa basyomeka. Bantu bokwa Yahuwah beelede kwiimikila kunembo lyanyika yoonse kabajisi kasimpe katayandigwi, kasimpe ka Nsabata yabuzuba bwaciloba eeyo iijanwa kubelesya kkalenda lyansiku. Boonse aabo bazyi kuti beelede kubamba mulawo wane balafwambaana akuzyiba kuti, kuti kacili ncintu cipati ciyandika kukomba mubuzuba bumwi busalidwe, nkabela alyalo kkalenda libelesyegwa kubalila kusikila kubuzuba oobo, lyeelede kuba kkalenda liluleme kubalila ciindi.\\nNkaambo nyika iliswaangene kubelesya kkalenda libelesya zuba luzutu alimwi lilaa mvwiki iizinguluka kakwiina kuyozya, eelyo muntu nasala kuti atalike kubelesya kkalenda liimpene, eeco cimuletela twaambo tunjaanji ntwaatakali kulangila kumusikila. Cintu cini bantu banji ncobayoowa kukomba mu Nsabata yamasimpe yamu Bbaibbele ncakuti inga basweekelwa milimo akubula mali. Eeci, kumamanino ciletela ntenda kuli baabo balaa zikwelete nzyobaciyanda kubbadela: Maawe mebo, mbuti mbwentikabbadele mootokala wangu? Hena bayoondinyanga ŋanda yangu kuti ibbadele mootokala? Ino mali aazikwelete zyakucikolo njokwaajana kuli? Ma! Nobantu mebo zyandimana mubili zikwelete zyavwulisya!\\nZyoonse eezyi nzintu zilaa kaambo ncobeni. Bunji bwesu tobantu bokwa Yahuwah, tulilangene azintu zyamusyobo ooyu mubuumi buno. Cintu cini ncabulide muntu uuli mukooze aaka, ndusyomo – lusyomo lutakonzyi kuzungaanyigwa, nokuba kuti julu lyawa ansi. Cimwi cintu Mufutuli Yahushua ncaakali kwiinduluka kwaamba ziindi zinjaanji, cakali cakuzula batobeli Bakwe kubula lusyomo kwabo: “Muyoowa nzi nywebo, Inywe nomulaa lusyomo lusyoonto?” (Mateyo 8:26) “Webo olaa lusyomo lusyoonto, nkaambo nzi ncodonaika boobu?” (Mateyo 14:31) “Lulikuli lusyomo lwako webo?” (Luka 8:25)\\nPele mukwiimpanya, kufumbwa nkwaakajana lusyomo, mpoonya aawo Walo nkulumbaizya muntu ooyo wakalaa lusyomo. “Omusimbi mwana, kokkazyika moyo; sunu lusyomo lwako lwakuponya.” (Mateyo 9:22) “O mukaintu, lusyomo lwako ndupati: akube boobo kuli nduwe mbweenya mbuli mboyanda.” (Mateyo 15:28) “Koya nkogama; lusyomo lwako lwakuponya.” (Maako 10:52) Yahushua wakali kuyanda kuyiisya kuti Mwami Yahuwah wakaangulikide buyo kubeleka mulimo mubuumi bwamuntu kweelanya alusyomo ndwabelesya muntu ooyo.\\n“Lusyomo” ndibbala liide kufusailwa ooku akooku muzikombelo zinjaanji, pele ndibbala litanamvwisyigwa kabotu kuti ninzi lusyomo. Lusyomo teesyi mbwalimvwide muntu pe. Kanjaanji bantu baladonaika kuti mipailo yabo inga tiiyatambulika kuti tiibalimvwa kukondwa, pele ooku takuli kubaa lusyomo pe. Ndileelyo yebo nolimvwide kufweluka akubula nguzu naa koyoowede, kotakkedwe moyo; eelyo yebo nolaa buusu, kuleka kulikkomanisya; eelyo nobulide nguzu, kuleka nolaa nguzu; ndendilyo eelyo yebo mulimo wako nuuli wakubelesya lusyomo lwako.\\nLusyomo lwini lwamasimpe ndoolu: “kusyoma; kuzumina [kuzuminizya] mumizeezo yako aako kasimpe nkowaambilwa awumwi, akukkazyika moyo munguzu abulemu bwakwe, kakwiina bumboni bumbi buyungizya waawo ; kusala kuti eeco cintu ncaakwaambila umwi nokuba ncaapeda bumboni kuti ngamasimpe.”2 Lusyomo nkuzumina buyo Mwami Yahuwah ncaamba mujwi Lyakwe; ooko nkusala kusyoma kuti eeco ncaakwaambila, Walo uyoocicita ncobeni nkaambo kakuti Walo ngu siluyando alimwi Walo ulaa nguzu zyoonse, kakwiina kupegwa bumboni buyungizya waawo.\\nBumwi buzuba, umwi sikalumamba waba Loma, wakalomba Yahushua kuti amusilikile mutwanga wakwe.\\n[Yahushua] wakati kuli nguwe, “Ime ndaboola ndizyoomuponye.”\\nAmvwe boobo, sikalumamba wakaingula akwaamba kuti, Omwami, Ime nsyeeleli kuti yebo uboole amunzi wangu: kwaamba buyo jwi lilikke mpoonya mutwanga wangu ulapona. Nkaambo ambeyo ndimuntu ulaa nguzu atalaa basikalumamba: kuti ndamutuma umwi kuti koya, nkabela walo ulaunka; alimwi kuli umwi kuti, koboola, walo ulaswenena; alimwi kumutwanga wangu kuti, kocita eeci, nkabela walo ulacicita. Kwaamba buyo jwi lilikke, mpoonya ulaba kabotu”\\nEelyo [Yahushua] naakamvwa boobo, wakakankamana akwaambila baabo bakamutobede kuti, “Ndimwaambila ncobeni inywe kuti, Ime nsyeningajana lusyomo lupati boobu, nee kutali mucisi ca Isilayeli. . .”\\nMpoonya [Yahushua] wakati kuli sikalumamba, “Koya nkogama; alimwi mbweenya mbosyoma, akucitwe boobo kuli nduwe.” (Mateyo 8:7-10, 13)\\nEelyo sikalumamba naakali kukumbila Yahushua kuti amugwasye, Mufutuli wakamwiingula mpeenya aawo kuti: “Ime ndaboola.” Sikalumamba wakalibilika. Walo taakali kulangila muna Isilayeli kuti inga wazumina kulyata tende mulubuwa lwakwe ooyo wakali muntu munamasi. Walo wakaingula cakufwamba kuti, “Peepe kaka. Utalipenzyi kweenda musinzo kuzyoosika kumunzi wangu. Kwaamba buyo jwi lilikke nkabela mutwanga wangu ulapona..”\\n“Oolo,” mbwakaamba Yahushua, “ndolusyomo.”\\nMangwalo nde Jwi lyokwa Yahuwah lini mbweenya mbulyakali kwaambila majulu azintu zyoonse kuti zibe. Eelyo yebo nosyoma kuti Jwi lyokwa Yahuwah lilaa nguzu zyakucita ncolyaamba, alimwi nosala kusyoma kuti eeco Walo ncaamba, uyoocicita ncobeni, yebo ubelesya lusyomo lwako. Ncencico eeci bantu bokwa Yahuwah ncobabulide kwiinda zintu zyoonse eelyo nobalangene amapenzi aabafulusya boonse aabo bayanda kulemeka Mulengi wabo kwiinda mukukomba mu Nsabata Yakwe.\\nCintu cibotu ncakuti, lusyomo ncipego cizwa kuli Yahuwah! Walo wakapa muntu uuli woonse lusyomo lunji lwakuti asyome kuti eelyo nalomba kuyungizyilwa ncabulide, inga wayungizyilwa. Pele kutegwa lusyomo lwamuntu lukomene, lweelede kusunkwa akusolegwa kusikila lwatalika kuba cibelesyo cabuumi bwamuntu abuzuba. “Swebo tulizyi kuti zyoonse zintu zicitikila antoomwe kuti zibote . . .” (BaLoma 8:28) , aboobo nokuba kuti kwacitika cintu cili buti, inguzu zikonzya kusandula zyokwa [Yahuwah] zilabamba zintu kuti zilibonye akululamikwa kazilibonya. Lusyomo lyoonse lubelekela muntu kumugaminina, nkaambo makanze ookwa [Yahuwah] kuti bana bakwe babaa lusyomo luyumu lutazungaani mubuumi bwabo.3\\nYahuwah ulizyi kuti yebo uyandika kubaa lusyomo. Ilikke nzila yakuti yebo ubaa lusymo luyumu mbuli lusimpidwe atalaa bbwe kuti Mwami Yahuwah inga wakubamba yebo lwako kukugaminina, nkukunjizya mumapenzi aatakonzyi kubambululwa anguzu zyamuntu wanyama. Taakwe makani naa penzi eelyo ndyakutandwa mulimo kuti wabamba Nsabata, nanka cikwelete cinga cakufulusya akukusweesyela ŋanda yako, nokuba kusweekelwa mootokala wako kuti wamaninwa mulimo ngovwola mali aakubbadela zintu eezyo: kuti nilyali penzi ndyokonzya kubambulula, naa umwi muntu ngozyibene limwi ndyakonzya kukugwasyilila kubambulula, eeco inga tiicakugwasya kukuyakila lusyomo lwako pe.\\nKufumbwa penzi ndyolangana nkaambo kakuti wasala kuteelela, Mwami Yahuwah ulaazyi makani woonse. Isunko lyomwe-lyomwe “lyakabambwa cigaminina” kuti liyake lusyomo muli nduwe akuti yebo uyaamine mumaanza ookwa Taata wa Kujulu, kutegwa ukakonzye kwiinda mumazuba aacizya kumbele. Cilainda kubota kuti wanyangwa ŋanda yeebeka akudula kapati akukkala mukaanda kalaa zyuli lyomwe nokuba kukkala munkalaki kulaale adolopo, kwiinda kuti yebo unyansye kuyanda Kwakwe Yahuwah kulembedwe mujwi Lyakwe. Balikke aabo bakkala maumi aabo kabateelela lyoonse mbabakonzya kulikankaizya muzisyomyo zyakwe.\\nYahuwah wakapa zisyomyo zikonzya kukugwasya kufumbwa ntenda yakavwumbu njanjila akupa kufumbwa ncabulide muntu. Eelyo yebo noomanizya kucita kufumbwa ncokonzya kucita mukuteelela kuyanda Kwakwe, mulimo wako lino ngwakusala kusyoma muli Nguwe nkaambo Walo ngu Yahuwah Leza wako uutakonzyi kukubejela. Kuti nikwanyina mapenzi aatakonzyi kubambululwa abantu, lusyomo lwako mu Bwaabi Bwakwe inga tiilwakomena pe. Aayo masunko ngolangene cino ciindi alaa mulimo wakukupa ciindi cakuti yebo usole lusyomo lwako kutegwa lukomene! Kutinikwanyina kusunkwa, lusyomo inga kalutakomeni mbweenya mbuli minyemfu mbwiitakonzyi kukomena kuti muntu katabeleki mulimo uusola minyemfu eeyo.\\nNkaambo muntu omwe-omwe ulangene zintu ziimpene zimugaminide, kuli malailile aagaminide muntu ooyo. Kuli kaambo keni mapenzi aako webo ncotakonzyi kwaabambulula nokuba kuti ulijisi zyoonse mbuli mali aakuti ubambuluzye mapenzi aako. Mwami Yahuwah tayandide kuti bantu bakugwasye ceeco Walo ncayelede kukwaabila. Yahuwah tazumizyide muntu naba ni nokuba nkamu, mbuli ya WLC, kuti ikupe bwiinguzi akukupa mali aakubambuluzya kufumbwa penzi ndyobanjide bana Bakwe pe. Mapenzi aako akabambilwa kukugwasya kuti yebo ubaa lusyomo muli Yahuwah, kuleka kuti uyaamine mubusongo bwa balongwenyoko, nokuba mubuvwubi bwabantu bamwi pe.\\nAayo masunko aakukopa mizeezo alakonzya kukutilimuna moyo kwiinda cintu cili coonse ncotanabwene; nintenda ncobeni. Pele kutegwa yebo wiinde muli ngawo, yebo nzila njoyelede kwiinda nja kuteelela akusyoma. Makanze ookwa Yahuwah aaluzyalo musunko noliba buti, lyoonse ngakukukwela akukuswenya munsi Lyakwe.\\nMwami [Yahuwah] kunyina pe nayookutantamukila limwi: Pele nokuba kuti wakulekela kuti ubaa buumba, pele uyookuumbulizya kweendelanya aluzyalo lwakwe lunjaanji. Nkaambo walo talekeli caali kuti muntu alicise nokuba kuusisya bana babantu (Malilo 3:31-33)\\nMwami Yahuwah ulakonzya kuzimaanya cikwelete cako. Walo ulakonzya kulenga mali kuti ajanike munkomo yako. Pele eeco inga tiicakukomezyela lusyomo lwako alimwi lusyomo ncecintu cipati ncobulide. Lilikke eelyo penzi litakonzyi kubambululwa munguzu zyamuntu nolibambululwa abulemu bwakujulu, ndendilyo lusyomo lwamuntu nolukomena.\\nAayo mapenzi aakucumba kapati ngayaayo ngotulimvwa kuti twaliletela tobeni kwiinda mukusala zintu ziteelede kucitwa mbuli yaaya:\\nTiitwakeele kuyaka ŋanda mpati, iidula boobu.\\nIme nsyeekeelede kukweleta cikwelete eeci.\\nTwakeelede kuubamba uulya mootokala wakacembeede, kuleka kuula mupya.\\nNkaambo nzi ncitwakakweleta mali manji boobu aakucikolo?\\nEelyo muntu nalemba akuganta mapepa a KUSYOMYA kuti uyoobbadela cikwelete, kuli mulawo waamba kuti, ikuti yebo toozuzika jwi lyako, yebo toolemeka Mulengi wako. Kunyina muntu weelede kubula lusyomo mubusololi bwaluyando lokwa Yahuwah kuti ooyo muntu watandwa mulimo nokuba kwaalilwa kubbadela zikwelete. “Amulange, hena janza lyoka [Yahuwah] lilifwiinsyidwe, cakuti talikonzyi kuvwuna na; nanka kuti kutwi kwakwe kulisinkide cakuti, takonzyi kukumvwa.” (Izaya 59:1) Swebo tuceelede kuteelela akumutobela, nokuba kuti tatumvwisyide kaambo keni ncatusolweda mumanyongwe ngotunjila.\\nEezyo zintu nzyokatazyigwa kapati kwiinda muli nzyizyo, nzyeziyandika kapati kutegwa tululamike ziimo zyesu. Kunooli awalo Mwami Yahuwah uyanda muntu wakupa bumboni mbuli Joobo, ooyo uunga wazumanana kusyomeka akubaa camba nokuba kuti zyaubauba nanka kuti zyayuma buti zintu. Kunooli eeco ncecinga cagwasya kufutula miya yabantu bamwi kuti yebo wainda mucimvwule calufu.\\nNokuba kuti twalinjizya mumanyongwe azintu zituleba eezyo Mwami Yahuwah nzyatayandide kuti tucegwe akulisanganya muli nzizyo, tucikonzya kuboola kuli Taata akupaila muzina lya Mwanaakwe kuti Walo atupe busongo bwakubona nzila iitakwe ntenda yakweendela.\\nYahuwah wakasyomya busongo kuli boonse bamulomba.\\nKuti kakuli umwi akati kenu uutajisi busongo, ooyo akumbile [Elohimu], ooyo uupa kubantu boonse cakwaabisya, alimwi tabwenteli pe; alimwi ciyoopegwa eeco kuli nguwe. Pele weelede kulomba mulusyomo, katadonaiki pe. Nkaambo ooyo uudonaika uli mbuli mayuwe aamulwizi aazumbaana akutonkaikwa aguwo. Ooyo muntu atayeeyi kuti inga watambula cili coonse kuzwa kuli [Yahuwah]. Muntu uuli mumizeezo yobile tatonkomene muli nzyacita zyoonse pe. (Jemusi 1:5-8)\\nYahuwah ulaa busongo bwakutwiingula mipailo yesu mbweenya mbuli mbotumukumbila. Ncintu cikonzyeka kuti kubula mali, kutandwa mulimo, kunyangwa ŋanda nokuba kusweekelwa bulemu kuti caba cintu cilikke mu Busongo buteeli bwakujulu eeco cikonzya kujokolosya muntu kuti atalike alimwi kuyaamina mu Mwami Yahuwah. Kuti eeco kacili cintu ncopenzyedwe cino ciindi, kozumanana kusyoma kukkazyika camba kumwi koyibaluka kuti Yahuwah ngu Taata waluyando lwakukuyanda yebo mbuli kalungu kaamoyo.\\nWalo uyoosanina lutanga mbuli mweembezi wambelele;\\nWalo uyookungilila bana bambelele ajanza Lyakwe,\\nAlimwi akubungilila bana bambelele akuboko Kwakwe,\\nAkubakumbatila acamba Cakwe,\\nAkubasolweda kabotu-kabotu aabo bajisi bavwanda.\\n(Izaya 40:11, NKJV)\\nNcintu citakwe ntenda kusyoma mu Mwami Yahuwah muziindi zyoonse, kumwi kozyi kuti walo unookusolweda lyoonse buyo eelyo nolisalila kubona mazuba aacizya kumbele mbuli mbwaabwene Walo, akubona makanze aabulemu ngacita mumaumi eesu.\\nInguzu zya Singuzyoonse zilatabilila kufumbwa cisyomyo ncaakasyomya Walo. Aboobo, kunyina kulilekelela muntu naba ni mukukaka kuteelela – nokuba kuti ooko kuteelela kwakuletelezya kusweekelwa ncito yako, ŋanda yako, mootokala wako, bulemu bwako, cikwati cako nokuba buumi bwako.\\nHena yebo ulisunkidwe? Walo ulakonzya kukuvwuna. Hena yebo tokwe nguzu? Walo ulakonzya kukuyumyayumya. Hena yebo walicisa? Walo ulakonzya kukuponya. [Yahuwah] “ulakonzya kubala nyenyezi zyoonse;” alimwi “Walo ulakonzya kuponya bauside mumyoyo yabo, akusilika zicisa zyabo.” Intembauzyo 147:4, 3. “Kamuboola kuli Ndime,” nkokutamba Kwakwe. Kufumbwa cintu ncolibilika cikusunka akukuzingaila mumizeezo, kocilazyika ansi kunembo [Lyakwe]. Muya wako uyoolibambila kuti wiinde mucintu eeco. Yebo uyoojulilwa nzila yakuti ulizambulule kuzwa kumasampu amapenzi. Mbweenya mbozyi kale kuti tokwe nguzu alimwi uluubukide, mbweenya buyo mbonga wabaa nguzu munguzu Zyakwe. Eelyo Mikuli niikulemena kapati, azyalo zileleko zyakulyookezya mbozyibede eelyo nowaalila zyoonse zikuminya ali Yooyo Uukubwezela Mukuli. Kulyookezya ooko [Mufutuli] nkwakusomba kupedwe atalaa milazyo imwi, pele eeyo milazyo ilisalazyidwe kale. Eeyo milazyo boonse bantu njobakonzya kutobela kakwiina kuminwa. Walo ulatwaambila bwini mbotukonzya kujana kulyookezya muli Nguwe.4\\nAabo bateelela Mwami Yahuwah muzintu zyoonse, balaa lwaanguluko lwakutaminina kufumbwa cisyomyo cakasyomezyegwa a Luyando luteeli. Mibuzyo yako ayibe buyo yakuti, Ninzi Mwami Yahuwah ncalailila? alimwi Ninzi ncasyomezyede Walo? Kuti kozyi zintu eezi, yebo inga wateelela comwe akusyoma cimwi.\\n• Utayoowi kukumbila kuti ujatilwe ciindi cakubbadela cikwelete. Mwami Yahuwah ulakonzya kubeleka munzila eeyo\\n• Utabaa nsoni kulangaula mulimo wabili.\\n• Utatyompwi kuti weelede kulilesya zintu zimwi, kuulisya ŋanda akukondwa kokkede mukaanda kasyoonto kakonzya kubbadelwa kufwambaana. Eelyo nokunyina wuula maanda mumakwebo, Mwami Yahuwah inga wakutumina muntu wakuula ŋanda yako.\\n• Eelyo nokuna milimo alimwi nokwiina uunjizya milimo, Yahuwah ulakonzya kucengulula zintu kuti ujane mulimo.\\nYahuwah ulekela mapenzi aamuntu omwe-omwe kuti amugwasye kuyaka lusyomo lwakwe. Eelyo lyeelede kuba penzi lipati kwiinda ndyokonzya kubambulula nkaambo eeco ncecintu cikonzya kukutola kuli Nguwe kuti akakupe bwiinguzi. Ndileelyo buyo bwiinguzi nobwasika kwiinda mulusyomo amumipailo, lusyomo lwako nolukonzya kukomena. Musunko lili lyoonse amukutundululwa, yebo kobona buyo kuti eeco nciindi cibotu cakupaila.\\nMangwalo alaa cijuzyo cakukopolozya penzi lili lyoonse ndyojisi kutegwa yebo ukonzye kuteelela: “Amukkomane lyoonse, akupaila kakwiina kulekezya, muzintu zyoonse amupe kulumba.” (1 Batesalonika 5:16-18) Isunko lilula kapati, kuti lyatambulwa cakulitolaansi alimwi mulusyomo, lilakonzya kukkazyika moyo, kuletela luumuno, akusyomezyegwa kuti Mwami Yahuwah ulibwene, ulimvwide alimwi ubelesya zintu zyoonse kuti yebo ukabaa buumi bubotu kukabe kutamani.\\nCharles Spurgeon (1834-1892) wakakambaukila bantu bainda 10,000,000 mubuumi bwakwe, kakulwaizya bantu aabo kusyoma mu Jwi lya Singuzuzyoonse\\nCharles Spurgeon, similimo ooyo wakalwana bupaizi bwalwiiyo lwabuleza lwabazangi, wakalemba kuti:\\nBalombwanama abamakaintu bakakumbila cintu ku Mwami [Yahuwah], alimwi bakatambula cintu eeco; bakasika kucuuno cabulemu, akutondezyegwa cisyomyo, akwaamba kuti tabakwe kwaatuka kusikila bazuzikilwe, mpoonya bakapiluka kuzwa kucuuno cabulemu cokwa [Yahuwah] kabali bakomi muli Singuzuzyoonse; nkaambo mupailo nguuzungaanya janza lyeendelezya nyika. “Mupailo ngo munyemfu wa Mwami [Yahuwah],” mbwaakaamba umwi, “nguuputausya janza Lyakwe;” alimwi mbocibede oobo. Ncobeni, mumupailo, amunguzu zyamoyo wamuntu uusyomeka, kuli kuzuzikwa kubotu mukampango kakuti, “Walo uyoobikka nguzu muli ndime.” . . . Koya, omuna Kristu, nkaambo eeci ncecisyomyo cako kuti, “Walo uyoobikka nguzu muli ndime.”\\n“Nokuba kuti nsyekwe Nguzu, pele munguzu Zyakwe,\\nIme ndakonzya kucita zintu zyoonse .”5\\nKunyina muntu uulaa bwiinguzi kumibuzyo yako yoonse. Nkamu ya WLC ayalo tiikwe bwiinguzi kumapenzi aako. Nciindi cibotu kuti yebo weende mulusyomo akubona Yahuwah mbwakonzya kukubambulwida zintu zikupenzya. Mupailo ncecibelesyo cako cakulikwabilizya nolwana sinkondonyoko.\\n[Yahuwah] waamba kuti, “Kondiita Ime mubuzuba nopengede.” Intembauzyo 50:15. Walo utamba ndiswe kuti tumuletele zintu zitupa buumba azintu nzyotubulide, akubula lugwasyo lwabulemu kwesu. Walo ulatukulwaizya kuti tubinde kupaila. Kufumbwa buyo mapenzi mbwaabbukila, swebo nkumudoomweda Walo kufumbwa cili mumoyo eeco cikuminya ncobeni. Kwiinda mumipailo yakulitolaansi, swebo tutondezya bumboni bwakuti tusyoma muli [Elohimu]. Kubula zintu kwesu ncecitupa kuti tupaile ncobeni, aboobo Taata wesu wakujulu uleetezyegwa namvwa kufwekemba kwesu.\\nKanjaanji aabo bafubaazyigwa nokuba kupenzyegwa nkaambo kalusyomo ndobatobela, balasunkwa kuti bayeeye kuti Mwami [Yahuwah] wakabasulaika. Mumeso aabantu, balangwa aanga mbantu batazwi busu batakonzyi kubikkilwa maanu. Kulangila atala, kubaanga bazundidwe kale abasinkondonyina. Pele tabeelede kusofwaazya mizeezo yabo pe. Ooyo wakapenga kupengela mbabo, ooyo wakatupengela kufumbwa cituusisya akutupenzya, kunyina pe naakabasulaika.\\nBana bokwa [Yahuwah] tabasiidwe kabali balikke kabatajisi cikwabilizyo. Mupailo nguuputausya janza lya Singuzuzyoonse. . . .\\nKuti swebo twalyaaba maumi eesu kumulimo Wakwe, swebo tatukonzyi kunjila mupenzi eelyo Mwami [Yahuwah] ndyatalibambide kubambulula. Kufumbwa mbocibede cintu cituzingaide, swebo tulaa Musololi uutweenzya munzila yesu; kufumbwa cintu cakulibilika, swebo tulaa Mulailizi wakasimpe; kufumbwa cintu cituusisya, cituletela buumba, nokuba kulendelelwa, swebo tulaa Mweenzuma uutuumbulizya. Kuti twalubizya katutakubwene, [Yahushua] tatusiyi katuli tolikke. Ijwi lyakwe, lilamvwika cakusalala kakwiina cisinkila, kalyaamba kuti, “Ime ndime Nzila, ndime Kasimpe, alimwi ndime Buumi.” Johane 14:6. “Uyoovwuna babulide eelyo namvwa nkobalilauka; amucete awalo, ayooyo uutajisi mugwasyi.” Intembauzyo 72:12.\\n[Yahuwah] waamba kuti Walo ulalemekwa abaabo baswena munsi Lyakwe, aabo bamukutaukila mulimo cabunkutwe. “Yebo O Mwami Yahuwah, kopa luumuno lwini kuli baabo baimvwi mulinduwe, nkaambo basyoma Nduwe.” Izaya 26:3. Ijanza lya Singuzuzyoonse lilitambikidwe kumbele kuti litusolwede. Kamuya kumbele, mbwaamba [Mufutuli]; Ime ndamutumina lugwasyo. Nkaambo ncomulomba mulombela bulemu bwazina Lyangu, aboobo muyootambula ncomukumbila. Ime njoolemekwa kunembo lyabaabo balangila kuti inywe mwaalilwe cakucita. Balo bayoolibonena jwi Lyangu kalizunda mubulemu. “Zyoonse zintu, kufumbwa ncomukumbila mumupailo, kamusyomede, inywe muyoocitambula.” Mateyo 21:22.\\nBoonse aabo bapengede nokuba baabo batundululwa, abalilauke kuli [Yahuwah]. Kocenguluka kuzwa kuli baabo balaa myoyo miyumu mbuli lubulo, akulyeetezya ku Mulengi wako. Kunyina naba omwe uutandwa ooyo uuboola kuli Nguwe kalaa moyo uulitolaansi. Kunyina mupailo uutamvwugwi nokuba kusweeka. Akataa nyimbo zyabangele bakujulu, [Yahuwah] ulamvwa kulilauka kwamuntu wiinda kubula nguzu. Swebo tulalongolola zyoonse zili mumyoyo yesu notulijalide kuzyuli, tulapetekezya mupailo eelyo notweenda munzila, nkabela majwi eesu alasika kucuuno cabulemu ca Mwami wamulengalenga woonse. Majwi eesu anooli taamvwiki kumatwi aabantu, pele taakonzyi kuzimaana akuleka kumvwika pe, nokuba kuti kaali akataa makwebo aawo aali coongo. Kunyina cikonzya kuzimaanya kuyandisya kwamoyo wamuntu. Kulaimpuka atalaa congo camigwagwa, atalaa kupyopyongana kwamakunga aabantu, akwiimpuka kuyoosikila kunkuta zyakujulu. Ngu [Yahuwah] ngotukananina, aboobo imipailo yesu ilamvwugwa ncobeni.\\nKuti yebo kolimvwide kuti ulimubisyi uutakwe mpindu, utayoowi kumwaambila mulandu wako Mwami [Yahuwah]. Walo Lwakwe wakapa [Mwanaakwe] kuti abe cituuzyo cazinyonyoono zyanyika, Walo wakapengela mulandu wamuntu uuli woonse. “Ooyo watakalesya Mwanaakwe, pele wakamulekela kuti abe cituuzyo cesu toonse, mbubuti mbwanga Walo taatupa buyo zintu zyoonse kwiinda muli Nguwe?” BaLoma 8:32. Hena Walo takonzyi kuzuzika jwi libotu eelyo ndyatupede kutukulwaizya akutupa nguzu?6\\nOoyo muntu uukuletela Nsabata yamasimpe inga katali muntu uukugwasya mumapenzi aako kuti cikuubaubile kutalika kutobela Nsabata eeyo. Kuteelela, mubwini, ncintu cilaa muulo. Yahushua wakazumina masimpe aaya eelyo Walo naakapandulula kuti: “Kuti kakuli muntu naba omwe uuyanda kunditobela Ime, aliimye zyoonse lwakwe, akubweza ciciingano cakwe abuzuba, akunditobela Ime.” (Luka 9:23, NKJV) Ciciingano eeco boonse ncobeelede kulikulika nciciingano ca kuteelela – alimwi nciciingano ncobeni nkaambo cilalema. Muntu omwe-omwe ulaa ciciingano cimugeme alikke – cakabambilwa zintu nzyabulide muntu ooyo kutegwa akonzye kukomena mulusyomo lwakwe.\\nYahushua wakasalazya ncobeni kucenjezya kuti, kujana bulelo bwa Kujulu inga kwayandika kusiya zintu zyoonse. Kuleka buyo kuyanda kusiya zintu eezyo pele kusiila limwi zintu zyoonse.\\nAlimwi, bulelo bwakujulu buli mbuli cintu ciyandisi cakasisidwe mumuunda, eeco ncaakajana mwaalumi umwi akucisisa; aboobo nkaambo kakukkomanina cintu eeco, wakaunka akuyoowuzya zyoonse zintu zyakwe akuula muunda ooyo.\\nAlimwi, bulelo bwakujulu buli mbuli musambazi ooyo wakali kuyandaula mabwe mayandisi aankaya, ooyo muntu naakajana buyo bbwe lyomwe lidulisya, wakaunka akuyoowuzya zyoonse nzyaakajisi akuula bbwe eelyo. (Mateyo 13:44-46, NKJV)\\nLufutuko ncipego citaulwi, pele kunyina naba omwe uukonzya kuzumanana kunyansya uukonzya kubaa lufutuko. Nkaambo kakuti zintu zyoonse zilipedwe kale zyakuti boonse bakonzye kuzunda, kunyina muntu uunga walilekelela kuti wasweeka pe. Kaambo keni bantu ncobatayandili kubweza mukuli waciciingano wakuteelela Jwi, nkuliyanda akulisumpula. Balo bayandisya maanda aabo kwiinda kukkala mutwaanda tusyoonto. Balo bayandisya kutembaulwa nkaambo kakubeleka milimo iivwolwa mali manji. Balo tabayandi kusampuka nkaambo bamaninwa nokuba kutandwa mulimo kuti balezya kubbadela zikwelete zyabo.\\nNcintu cuubauba kuli Yahuwah kuti akubambulwide mapenzi aakufulusya aayanda kukujaya. Buvwubi Bwakwe tabweezyeki! Nokuba boobo, ncintu cilemu kubabisyi kubaa lusyomo muli Nguwe. Yahuwah kunyina nanga wakusinikizya yebo kuti ubikkile lusyomo lwako muzisyomyo Zyakwe. Mbuli Yooyo uuyanda lwaanguuko, Walo usiila nduwe kuti ulisalile. “Mulusyomo, kuli mumuni munjaanji kuli baabo bayanda kusyoma alimwi kuli zimvwiide zinji zisinkila baabo batayandi kusyoma.”7\\nKolisalila omwini kuti usyome Mulengi a Munununi wako. Buumi butamani bulayandika kwiinda zintu zyoonse, nokuba kuti wasweekelwa zintu zyako zyoonse. Kokkomana lyoonse, muzintu zyoonse kopa kulumba, kobwene kuti kufumbwa cicitika, eeco ncintu cikukulwaizya kuti upaile. Kunyina mulundu mupati cakuti Walo takonzyi kuudadula; kunyina musinzo mulamfu cakuti tuukonzyi kweendwa. Walo uyoomvwa mipailo yako alimwi uyoolulamika zintu zyoonse cakuti, kumamanino eezyo ziyooba zileleko zyako zipati.\\nYAHUWAH atalaa Mulundu\\n\"Kufumbwa uuzyalwa muli Yahuwah nguukoma nyika. Aboobo ooku nkokuzunda kwakakoma nyika, lusyomo lwesu.\"\\n(1 Johane 5:4, Mangwalo aala Mazina Aabambuludwe)\\n1Tumpango twa Mangwalo toonse tuzyila mu KJV pele buyo kuti kakulembedwe bumbi.\\n2“Lusyomo,” American Dictionary of the English Language, Noah Webster, 1828.\\n3Oswald Chambers, My Utmost for His Highest.\\n4E. G. White, Desire of Ages, p. 329.\\n5C. H. Spurgeon, “Lusyomo kaluzundana aBukandu.”\\n6E. G. White, Christ’s Object Lessons, pp. 172-174.","num_words":3738,"character_repetition_ratio":0.044,"word_repetition_ratio":0.0,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Syaazibwene Mumakani Aasayaansi Ulapandulula Mbwaakatalika Kusyoma Muli Leza | Kubuzya-buzya\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bengali Bulgarian Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch English Estonian Ewe Finnish French Georgian German Greek Gujarati Hebrew Hiligaynon Hindi Hungarian Icelandic Iloko Indonesian Italian Japanese Kannada Kinyarwanda Kirghiz Kirundi Korean Latvian Lithuanian Macedonian Malagasy Malayalam Maltese Myanmar Nepali Norwegian Polish Portuguese Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Silozi Sinhala Slovak Slovenian Spanish Swahili Swedish Tagalog Tamil Thai Tigrinya Tsonga Turkish Twi Ukrainian Vietnamese Xhosa Zulu\\nKUBUZYA-BUZYA | FENG-LING YANG\\nSyaazibwene Mumakani Aasayaansi Ulapandulula Mbwaakatalika Kusyoma Muli Leza\\nBa Feng-Ling Yang mbaasyaazibwene bagwasyilizya mupati wabasikuvwuntauzya acikolo cimwi cili mudolopo lya Taipei, ku Taiwan. Mulimo wabo wakamwaigwa mumamagazini aamba zyasayaansi. Bakali kusyoma munjiisyo yakusanduka kwazyintu. Pele bakacinca mizeezo yabo. Balembi ba Sinsimuka! bakababuzya kujatikizya lusyomo lwabo muli Leza alimwi amulimo wabo wabusyaazibwene musayaansi.\\nAmutwaambile kujatikizya buumi bwanu.\\nBazyali bangu bakali bacete, alimwi bamaama tiibakacizyi kubala. Twakali kuvwuba ngulube alimwi akulima zisyumani mubusena bukkalila meenda buli munsi-munsi adolopo lya Taipei. Bazyali bangu bakandiyiisya mbociyandika kuba munkutwe, alimwi akugwasya bantu.\\nSena mukwasyi wanu wakali kukomba?\\nBamukwasyi wangu bakali ba Taoism. Twakali kupa milumbo kuli “Leza Wakujulu,” pele kunyina ncotwakazyi kujatikizya nguwe. Ndakali kulibuzya kuti: ‘Nkaambo nzi bantu ncobapenga? Nkaambo nzi bantu ncobaliyanda?’ Ndakabala mabbuku aa Taoism, Buddhism alimwi amabbuku aamba zyamakani aakaindi aajatikizya bantu ba Kujwe alimwi a Kunyika. Alimwi ndakanjila zikombelo zinji. Pele kunyina nindakabujana bwiinguzi kumibuzyo yangu.\\nNkaambo nzi ncomwakaiya sayaansi?\\nNdakali kuziyanda kapati namba alimwi ndakali kukkomana kubona milawo yasayaansi mboyeendelezya bupange bwazyintu. Zyintu zyoonse, kuzwa kutuzunda tusyoonto tuli mububumbo, zilijisi milawo iizyeendelezya. Aboobo ndakali kuyandisisya kwiizyiba milawo iili boobu.\\nNcinzi cakamupa kusyoma kuti njiisyo yakusanduka kwazyintu njamasimpe?\\nKunyina njiisyo iimbi njindakayiisyigwa kapati kunze kwanjiisyo eeyi. Kuzwa nindakali kupulaimali mane kuyunivesiti, eeyi nenjiisyo njindakali kuyiisyigwa. Alimwi akaambo kakuba sikuvwuntauzya musayaansi, ndakaizumina njiisyo yakusanduka kwazyintu.\\nAkaambo kakuba sikuvwuntauzya musayaansi, ndakaizumina njiisyo yakusanduka kwazyintu\\nNcinzi cakamupa kutalika kubala Bbaibbele?\\nMu 1996, ndakalongela ku Germany kuyooyungizya lwiiyo lwangu. Mwaka wakatobela ndakaswaanganya bakaintu bazyina lya Simone. Aaba bakaintu bakali Bakamboni ba Jehova alimwi bakalyaaba kwiingula mibuzyo njondakajisi kwiinda mukubelesya Bbaibbele. Ciindi nibakandaambila kuti Bbaibbele lilakonzya kupandulula mpindu yabuumi, ndakaba aaluyandisisyo kapati. Aboobo ndakatalika kufwuma kubuka abuzuba kutegwa ndibale Bbaibbele kwawoola lyomwe. Ndimane, ndakali kuzinzibala kuyeeya. Mumwaka wakatobela, ndakalibala Bbaibbele lyoonse mbolizulwa. Aboobo ndakakkomana kapati kubona businsimi bwamu Bbaibbele mbobuluzi. Mpoonya asyoonto-syoonto, ndakatalika kusyoma kuti Bbaibbele lyakazwa kuli Leza.\\nIno mwakali kwaabona buti matalikilo abuumi?\\nKumamanino aamyaka yakuma 1990, ndakatalika kwaayeeyesya makani aaya, eeci nceciindi abalo basyaazibwene musayaansi nobakazyiba kuti sayaansi iijatikizidwe muzyintu zipona ilijisi bumpiyo-mpiyo bunji kapati kwiinda mbobakali kuyeeyela bantu. Kwaamba masimpe, basayaansi kuzwa kaindi bakazyi kuti ma protein aali mumaseelo aazyintu zipona ngaainda kukatazya. Pele lino basola kujana nzila yakubelesya ma protein kupanga mincini iigambya iijisi zibeela zikonzya kweenda. Muncini uuli boobu ulakonzya kupangwa atubeela-beela twama protein twiinda ku 50. Mucikozyanyo, nokaba kaseelo kasyoonto buyo keelede kuba amincini iili boobu isiyene-siyene kutegwa kacikonzye kupanga magesi aakubelesya kupanga makkopi aamakani aamwi alimwi akweendelezya zyintu zimwi kunze aakaseelo.\\nIno eeci cakamupa kuzyiba nzi?\\nZimwi ziindi ndakali kulibuzya kuti, ‘Ino mincini yama protein iili boobu yakapangwa buti?’ Aciindi eeco, kupangwa kwamaseelo cakutayeeyela ikukatazya kapati kwakapa kuti basayaansi banji babuzye mubuzyo nguwenya ooyu. Syaazibwene musayaansi waku United States wakalemba bbuku ilikazya kuti tubeela-beela twamincini tuli mumaseelo aazyintu zipona tulakatazya cakuti tatukonzyi kulitalikila buyo pe. Andime ndakaazumina makani aaya. Aboobo, ndakazyiba kuti kweelede kuti buumi bwakalengwa buya.\\nNdakali kulibuzya kuti, ‘Ino mincini yama protein iili boobu yakapangwa buti?’\\nIno nkaambo nzi ncomwakaba Kamboni wa Jehova?\\nNdakakkomana kubona ba Simone mbobakali kweenda musinzo uulampa makkilomita aali 56 nsondo ansondo kundiyiisya Bbaibbele nokuba kuti bakali kuciswa-ciswa. Alimwi ndakamvwa kuti ciindi caba Nazi mu Germany, Bakamboni bamwi bakali kubikkwa muntolongo akaambo kakutatola lubazu mutwaambo twacisi. Busicamba bwabo bwakandikkomanisya kapati. Luyando ndobajisi kuli Leza Bakamboni lwakapa kuti ndibasangane.\\nSena kusyoma muli Leza kwamugwasya?\\nBabelesima bandaambila kuti ndilikkomene lino. Ndakali kulibona kubula mpindu akaambo kabucete bwakali mumukwasyi wesu, alimwi kunyina ngondakali kwaambila nkondakakomenena naa kwaamba makani aajatikizya bazyali bangu. Pele ndakaiya kuzwa mu Bbaibbele kuti Leza talangi ciimo camuntu. Alimwi buya, naba Jesu wakakomenena mumukwasyi iwakapengede mbubwenya mbuli mukwasyi wangu. Lino ndilabalanganya bazyali bangu alimwi ndilakkomana kwaambila beenzuma kujatikizya mbabo.\\nNzyobaamba Bamwi Kujatikizya Mbobwakatalika Buumi Sayaansi alimwi a Bbaibbele\\nSyaazibwene Mumakani Aamalwazi Aakubongo Ulapandulula Mbwaakatalika Kusyoma Muli Leza\\nSikupanga Mapulogilamu Aamu Kkompyuta Ulapandulula Mbwaakatalika Kusyoma Muli Leza\\nSyaazibwene Mulwiiyo Lwansalalila Ulapandulula Mbwaakatalika Kusyoma Muli Leza\\nSyaazibwene Mulwiiyo Lwanamba Ulapandulula Mbwaakatalika Kusyoma Muli Leza","num_words":706,"character_repetition_ratio":0.064,"word_repetition_ratio":0.0,"special_characters_ratio":0.139,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amutobele Nzila Nzyaakabelesya Jesu Kulwana Masunko | Buumi bwa Jesu\\nAmwiiye Mbwaakacita Jesu Naakasunkwa\\nSAATANI WASUNKA JESU\\nJesu mbwaamanina buyo kubbapatizyigwa a Johane, wasololelwa amuuya wa Leza kuya munkanda ya Judaya. Ujisi zinji zyakuyeeya. Ciindi Jesu naakabbapatizyigwa, “julu lyakajaluka.” (Matayo 3:16) Aboobo lino ulakonzya kwiibaluka zintu nzyaakaiya akucita kujulu. Masimpe, nzinji nzyayelede kuzinzibala kuyeeya!\\nJesu wakkala munkanda kwamazuba amasiku aali 40. Ciindi coonse eeci kunyina cakulya ncalya. Mpoonya ciindi Jesu noyamujaya nzala, Saatani Diabolosi wamusikila kuti amusunke, ulaamba: “Ikuti naa uli mwana wa Leza, ambila mabwe aaya kuti abe zinkwa.” (Matayo 4:3) Pele mbwaanga ulizyi kuti taciluzi kubelesya nguzu nzyajisi zyakucita maleele kuti alikkomanisye mwini, Jesu wakaka koongelezyegwa.\\nDiabolosi tanaalekela waawo pe. Wasola nzila imbi. Waambila Jesu kuti aliwaale kuzwa atala aabwaanda bwaatala lyatempele. Pele Jesu tanaasola kucita cintu cigambya icili boobu. Kazubulula Magwalo, Jesu watondezya kuti taciluzi pe kusunka Leza munzila iili boobu.\\nMpoonya, mumusunko watatu, munzila imwi yamaleele Diabolosi watondezya Jesu “mami oonse aamunyika abulemu bwangawo” akwaamba kuti: “Zyoonse eezyi ndilakupa ikuti naa ufwugame akundikomba ciindi comwe buyo.” Alimwi Jesu wakaka cakusinizya, ulaamba: “Kozwa aawa Saatani!” (Matayo 4:8-10) Tanaaongelezyegwa asunko eeli, nkaambo ulizyi kuti Jehova alikke nguweelede kubelekelwa mulimo uusetekene. Inzya, wasala kuzumanana kusyomeka kuli Leza.\\nTulakonzya kwiiya kumasunko aaya alimwi ambwaakacita Jesu naakasunkwa. Masunko aaya akacitika ncobeni, calo icitondezya kuti Diabolosi tabuli bube buyo bubi mbuli mbobayeeya bantu bamwi. Pele nkwali ncobeni, nokuba kuti talibonyi. Cibalo eeci alimwi citondezya kuti mfwulumende zyamunyika zyoonse nzizya Diabolosi; zili mumaanza aakwe, nguuzyeendelezya. Nkaambo ino nolyakaba buti sunko lyancobeni kuli Kristo ikuti nozyatakali zyakwe Saatani ciindi naakamwaambila kuti ulamupa nzizyo?\\nKuyungizya waawo, Diabolosi wakaamba kuti wakalilibambilide kulumbula Jesu ikuti wafwugama akumukomba ciindi comwe buyo, nokuba kumupa mami oonse aamunyika. Diabolosi ulakonzya kutusunka munzila njiyonya eeyi ambweni kwiinda mukutujaluda nzila zilibonya mbuli kuti nzibotu zyambotukonzya kujana lubono, nguzu naa cuuno caatala. Eelo kaka tutondezya kuti tuli basongo ciindi notutobela cikozyanyo ca Jesu kwiinda mukuzumanana kusyomeka kuli Leza kufwumbwa naa twasikilwa sunko lili buti! Pele amuyeeye kuti Diabolosi tanaakamulekela limwi Jesu, wakamusiya “kusikila aciindi cimbi ceelede.” (Luka 4:13) Eeci cilakonzya kutucitikila andiswe, aboobo tweelede kupakamana lyoonse.\\nIno Jesu ulangilwa kuti uyeeya nzi mumazuba aali 40 nali munkanda?\\nMuunzila nzi Diabolosi mwaasola kumusunka Jesu?\\nNcinzi ncotukonzya kwiiya kumasunko aaya alimwi ambwaakacita Jesu naakasunkwa?\\nMbomukonzya Kuzunda Masunko\\nKuzunda masunko ncitondezyo cakuba baalumi abamakaintu beni-beni. Nzila zili cisambomwe zilakonzya kumugwasya kuyumya makanze aanu alimwi akweeleba mapenzi aaboola akaambo kakuzundwa.","num_words":373,"character_repetition_ratio":0.05,"word_repetition_ratio":0.0,"special_characters_ratio":0.159,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nibachikula ’Amusungwaalile Kuchita Milimu Mibotu’\\nMulugwalo Pawulu ndwaakalembela Tito, wakasungwaazya bachikula kuswaanizya aTito kuti babeleke changuzu “mukucita milimo mibotu munzila zyoonse.” (Tit 2:6, 7) Alubo, Pawulu wakatondeezya kuti bakombi baJehova balasalala, nkinkaako beelede kusungwaala “kubeleka milimo mibotu.” (Tit 2:14) Mulimu wakukambawuka akuyiisya atala aBwaami bwaLeza, uli aakati kamilimu mibotu. Kuti kuchikomena, ulakonzya kupekeezya kuba payona uugwasilizya naakuti wachiindi choonse.—Tu 20:29.\\nKuti kuyanda kuba payona, weelede kulibambila. (Lk 14:28-30) Ulakonzya kulibuzya kuti, Niinzi zinoondigwasya kuti ndijane mali nindili kupayona? Ndinookonzya na kusisya ma-awa aayandikana? Kutana sala zyakuchita, weelede kukumbila Jehova kuti akugwasye. (In 37:5) Ambuula aabazyali bako naakuti bamwi balikuzwidilila mukupayona atala achipeekezyo chako mpawo ubelesye nzwaabuzigwa. Kuti wachita oobo, Jehova uyookulongezya akaambo kakusala kumubelekela.\\nAMWEEBELE KAVIDIYO KATI, BACHIKULA BABOTEZYA JEHOVA, KUZWA WAAWO, MUSANDULE MIBUZYO IITOBELA:\\nMbuubuli buyumu-yumu mbubakaswaana bakwesu abachizi bali mukavidiyo aaka alubo bakabuzunda biyeni kuti bakonzye kupayona?\\nBazyali kujana babagwasya biyeni bana babo kuti babe mapayona aachiindi choonse?\\nKuba aapulogilamu yakukambawuka kugwasya biyeni?\\nBamwi mumbungano kujana bachitaanzi kuti bagwasye akusungwaazya mapayona?\\nKupayona kweeta zilongezyo zili?\\nNiinzi chikonzya kundigwasya kuti ndikonzye kupayona?","num_words":159,"character_repetition_ratio":0.051,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Samwelo Wakatolelela Kucita Shintu Shibotu | Amuyiishe Bana Banu\\nKuswa ciindi Samwelo kacili mwanike, wakalinga kukala akusebensa paŋanda yakwe Lesa, pamusena bantu mpobakalinga kulambilila Yehova. Sa ulicishi Samwelo mbwakesa mukukala paŋanda yakwe Lesa? Cakutaanguna atwiiye pali banyina Samwelo, ba Aana.\\nKwaciindi cilaamfu, Aana taakalinga kuciteewo mwaana nabi kwaamba ayi wakalinga kusunishishi. Aboobo wakapaila kuli Yehova kusenga lucafwo. Wakashomesha ayi na akabe amwaana musankwa, ulaakumupa kuli Lesa kwaamba ayi akamusebensele kwa buumi bwakwe boonse. Yehova wakakumbula mupailo wakwe Aana, aboobo wakaba amwaana musankwa. Wakamutumba ayi Samwelo. Samwelo ndyakaba amyaaka yotatwe na yone, Aana wakamutola kuŋanda yakwe Lesa, Kweelana ambwakashomesha.\\nEli ngowakalinga mupailishi munene paŋanda yakwe Lesa. Wakalinga kusebensa abana bakwe basankwa bobilo. Ŋanda yakwe Lesa wakalinga ngumusena bantu mpobakalinga kulambililawo Lesa, aboobo abo basebenselawo bakalinga kweelete kucita shintu shibotu. Sombi bana bakwe Eli bakalinga kucita shintu shibiibi. Samwelo wakalinga kubona nshebakalinga kucita. Sa alakwe Samwelo wakalinga kucita shintu shibiibi mbuli bana bakwe Eli?— Sobwe, wakatolelela kucita shintu shibotu kweelana ambobakamwiisha bashali bakwe.\\nIno utooyeeya ayi Eli wakalinga kweelete kubacita buyani bana bakwe bobilo?— Wakalinga kweelete kubapa mulandu. Taakalinga kweelete kubasuminisha kusebensela paŋanda yakwe Lesa. Sombi taakwe kucita ubo, aboobo Yehova wakakalalila Eli abana bakwe. Yehova wakabapa mulandu.\\nSamwelo wakaambila Eli maswi akwe Yehova\\nMashiku Samwelo kaalete, wakanyumfwa muntu kamwiita ayi, ‘Samwelo!’ Wakacicila kuli Eli, sombi Eli wakaamba ayi: ‘Nshikwe kukwiita sobwe.’ Ici cakacitika mankanda obilo. Ndyecakacitika lyatatu, Eli wakaambila Samwelo ayi, na aite alimwi waambe ayi, ‘Amwaambe, noBaami baLesa, ntoonyumfwa.’ Aboobo Samwelo wakacita bweenkobo. Mpeeke Yehova wakaambila Samwelo ayi: ‘Ambila Eli ayi ndaakupa mulandu pamukwashi wakwe pashibiibi nshebatoocita.’ Sa utooyeeya ayi cakalinga cuubu kuli Samwelo kushisha maswi aya kuli Eli?— Sobwe, tacakalinga cuubu. Nabi Samwelo wakalinga kucite boowa, wakacita nshakamwaambila Yehova. Nshakaamba Yehova shakacitika. Bana bakwe Eli bobilo bakacaikwa, alakwe Eli wakafwa.\\nSamwelo ncakubonenaako cibotu kuli ndiswe. Wakacita shintu shibotu nabi wakalinga kubona bantu kabacita shibiibi. Ino webo? Sa ulaakuba mbuli Samwelo akutolelela kucita shintu shibotu? Na ukacite boobo, ulaakusangalasha Yehova alimwi abashali bako.\\n1 Samwelo 2:22-26; 3:1-21\\nNcishomesho nshi banyina Samwelo ncobakashomesha?\\nIno Samwelo wakabona bana bakwe Eli kabacita nshi paŋanda yakwe Lesa?\\nIno Yehova wakaambila Samwelo kucita nshi?\\nIno ngumulandunshi Samwelo ncabetele cakubonenaako cibotu kuli ndiswe?","num_words":343,"character_repetition_ratio":0.099,"word_repetition_ratio":0.0,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Takunabede Muntu Waambaula Bobuya | Buumi bwa Jesu\\n“Takunabede Muntu Waambaula Bobuya”\\nBAKAPASO BATUMWA KUTI BAKAJATE JESU\\nNIKODEMO WAAMBA KWIIMININA JESU\\nJesu ucili ku Jerusalemu ku Pobwe lya Zivwuka. Ulikkomene kuti ‘bantu banji munkamu bamusyoma.’ Pele eeci tiicabakonda pe basololi babukombi. Batuma bakapaso, ibabeleka kabali bamapulisa bacikombelo, kuti bakamujate. (Johane 7:31, 32) Nokuba boobo, Jesu tanaayuba pe.\\nMuciindi cakuyuba, Jesu wazumanana kuyiisya abuleya mu Jerusalemu, ulaamba: “Ndinoocili andinywe kwaciindi cisyoonto kanditanaunka kuli yooyo wakandituma. Muyoondiyandaula, pele tamukandijani pe, alimwi ooko nkonduunka tamukonzyi kusika.” (Johane 7:33, 34) Ba Juda tiibacimvwisya pe eeci, aboobo batalika kubuzyanya mulicabo kuti: “Ino muntu ooyu ukanza kuunka kuli ooko nkotutakamujani? Sena ukanza kuunka kuba Juda bamwaikide ibakkede akati kaba Giriki akuyooyiisya ba Giriki aabo? Ino upandulula nzi naamba kuti, ‘Muyoondiyandaula pele tamukandijani pe, alimwi ooko nkonduunka tamukonzyi kusika’?” (Johane 7:35, 36) Pele Jesu waamba lufwu lwakwe akubusyigwa kubuumi bwakujulu, kwalo nkobatakonzyi kutobela basinkondonyina.\\nBuzuba bwaciloba bwapobwe bwasika. Mafwumofwumo lyoonse ciindi capobwe, mupaizi walikutila maanzi ngaali kuteka mu Cizyiba ca Siloamu, cakunga alikukunka kusika ansi aacipaililo cakutempele. Ambweni kayeezya bantu kujatikizya cilengwa eeci, Jesu waamba kuti: “Ikuti naa kuli muntu uufwide nyota, kaboola kulindime anywe. Kufwumbwa ooyo uundisyoma mbubonya mbwaamba magwalo: ‘Mukati mulinguwe muyoozwa tulonga tukunka maanzi aapa buumi.’”—Johane 7:37, 38.\\nAawa Jesu waamba ciyoocitika basikwiiya bakwe baakunanikwa amuuya uusalala akwiitwa kuti babe abuumi bwakujulu. Kunanikwa ooku kuyoocitika lwaakwiinda lufwu lwa Jesu. Kuzwa mubuzuba bwa Pentekoste mwaka uuboola, tulonga twamaanzi aabuumi tuyootalika kukunka eelyo basikwiiya bananikidwe amuuya baakutalika kwaambila bamwi kasimpe.\\nAkaambo kakubona mbwayiisya Jesu, bamwi batalika kwaamba kuti: “Ooyu masimpe ngo Musinsimi,” cakutadooneka baamba musinsimi iwakasinsimwa imupati kwiinda Musa. Bamwi baamba kuti: “Ooyu ngo Kristo.” Pele bambi bakazya balaamba: “Sena Kristo inga wazwa mu Galilaya? Sena lugwalo talwaambi kuti Kristo uyoozwa mulunyungu lwa Davida, alimwi aku Betelehemu imunzi nkwaakali kukkala Davida?”—Johane 7:40-42.\\nAboobo nkamu yaandaana. Nokuba kuti bamwi bayanda kuti Jesu aangwe, kunyina wasola kumujata. Bakapaso nobajoka kubasololi babukombi kabatamujisi Jesu, basilutwe babapaizi aba Farisi bababuzya kuti: “Nkaambo nzi ncomwatamujata akumuleta?” Bakapaso baingula kuti: “Takunabede muntu waambaula bobuya.” Mpoonya kabanyemede basololi babukombi batalika kubafwubaazya akubasampaula balaamba: “Sena anywebo mweenwa? Sena kuli muleli naa mu Farisi naba omwe wamusyoma? Pele nkamu yabantu eeyi iitazyi Mulawo mbantu basinganizyidwe.”—Johane 7:45-49.\\nAbone boobu Nikodemo, imu Farisi alimwi umwi wamu Nkuta Mpati Yaba Juda, walisungula kwaamba kwiiminina Jesu. Myaka yobilo acisela yainda, Nikodemo wakaboola kuli Jesu masiku akutondezya lusyomo lwakwe mulinguwe. Lino Nikodemo waamba kuti: “Sena Mulawo wesu ubeteka muntu kakunyina kusaanguna kumuswiilila akuzyiba ncaacita?” Ino baingula buti kutegwa bakazye kaambo aaka? Baamba kuti: “Sena ayebo uzwa mu Galilaya? Kovwuntauzya eelyo ulajana kuti kunyina musinsimi weelede kuzwa mu Galilaya.”—Johane 7:51, 52.\\nMagwalo taambi cacigaminina kuti musinsimi wakali kuyakuzwa mu Galilaya. Nokuba boobo, Jwi lya Leza lyakaamba kuti nkumunya ooko Kristo nkwayakuzwa; lyakasinsima kuti “mumuni mupati” uyakulibonya mu “Galilaya wabamasi.” (Isaya 9:1, 2; Matayo 4:13-17) Kuyungizya waawo, mbubonya mbokwakasinsimwa Jesu wakazyalilwa mu Betelehemu, alimwi mwana wa Davida. Nokuba kuti ba Farisi inga kabaazyi makani aaya, kuboneka kuti mbambabo bamwaya makani aakubeja manji aayo aapa bantu kumuyeeyela bumbi Jesu.\\nMbuti Jesu mbwaayeezya bantu cintu cimwi cicitika lyoonse mafwumofwumo ciindi capobwe?\\nNkaambo nzi bakapaso ncobaalilwa kumujata Jesu, alimwi ino basololi babukombi bacita buti?\\nNcinzi citondezya kuti Kristo wakali kuyoozwa mu Galilaya?","num_words":501,"character_repetition_ratio":0.048,"word_repetition_ratio":0.004,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Levitiko 7 IBBAIB63 - Ngooyu mulao wacipaizyo candubo. - Bible Search\\nAmwi makani aazipaizyo\\n1-Ngooyu mulao wacipaizyo candubo. Ncintu cisalalisya loko. 2-Cipaizyo candubo cijayigwe nkukonya oko nkobajayila cipaizyo cakutenta, abulowa bwakwe busansailwe acipaililo cakuzyunguluka. 3-Mafuta aaco oonse atentwe, amucila, alufuko, 4ansa zyobile amafuta aazyo aabambene acikungu, alulyaŋanga lwamuni; zyoonse zigwisigwe antoomwe ansa. 5-Mupaizi azitente acipaililo. Ncipaizyo candubo citentelwa Jehova, 6-Baalumi boonse akati kabapaizi bacilye. Ciligwe mubusena busalalisya. Ncintu cisalalisya loko. 7-Cipaizyo candubo cilikozyene acipaizyo cazibi; zyoonse zilijisi mulao omwe. Mupaizi uumanya milandu ancico, cilaba cakwe. 8Alimwi mupaizi uutuula cipaizyo camuntu cakutenta, itobo lyacipaizyo ncatuuzya cilaba camupaizi. 9-Acipaizyo cabusu ciyokelwa muciyokelo, acoonse cikangwa mucikangilo nanka acibulo, ncamupaizi uucipaizya, acibweze. 10Zipaizyo zyoonse zyabusu, neziba zivwelene amafuta neziba ziyumu, zilaba zyabana ba-Aroni. Boonse kabeelene.\\n11-Alimwi ngooyu mulao wazipaizyo zyakutontozya ziletelwa Jehova. 12-Na muntu wapaizya cilumbyo, antoomwe acilumbyo apaizye azinkwa zitakwe bumena zikandidwe amafuta, azibunge zitakwe bumena zinanikidwe mafuta, azibunge zyabusu bunante buvwelene amafuta. 13-Alimwi antoomwe azipaizyo zyakutontozya zyakulumbya apaizye zinkwa zila abumena. 14-Kucipaizyo cakwe agwisye cinkwa comwe, cibe cilumbyo ca-Jehova; eco cilaba camupaizi uusansaila bulowa bwazipaizyo zyakutontozya. 15-Anyama yacipaizyo cakutontozya cakulumbya cileelede kuligwa mubuzuba obo mbubonya bwakupaizya; takweelede kusyaala mane cifumo pe. 16-Pele na cipaizyo cakwe ncacikonkezyo na cipaizyo camoyo, ilaligwa mubuzuba bwakupaizya, alimwi iisyaala inooligwa mubuzuba butobela bwabili, 17pele na kwasyaala nyama mubuzuba bwatatu, ileelede kutentwa mumulilo. 18-Na kwaligwa nyama yacipaizyo cakwe cakutontozya mubuzuba obo bwatatu, oyo uupaizya takoonootambulika nekuba kweelezegwa bululami. Cilaba cisesemyo, ayooyo uucilya uyooba amulandu.\\n19Nyama iiguma cintu neciba comwe cisofweede tiiligwi, ileelede kutemwa mumulilo, Boonse bantu basalala balakonzya kulya nyama, 20-pele kufumbwa muntu uulya nyama yazipaizyo zyakutontozya zya-Jehova naacili abusofwaazi, oyo muntu uleelede kutandwa muciinga cakwe, 21-Alimwi na muntu waguma cintu cimwi acimwi cisofweede, mbuli busofwaazi bwamuntu na busofwaazi bwamunyama uusofweede na cisesemyo cisofweede, nkabela amana kuguma walya nyama yazipaizyo zyakutontozya zya-Jehova, oyo muntu uleelede kutandwa k uciinga cakwe,\\n22Lino Jehova wakaambila Musa kuti, 23-Ambila bana ba-Israyeli kuti, Mutalyi mafuta pe, naaba mafuta aaŋombe naaba aambelele naaba aampongo. 24Mafuta aamunyama uulifwida nanka uulumwa alakonzya kubelesegwa milimo imwi, pele kuligwa takoonooligwa pe. 25Nkaambo kufumbwa muntu uulya mafuta aaŋombe bantu nzebatentela Jehova, oyo muntu uleelede kutandwa kuciinga cakwe. 26-Abwalo bulowa, tamweelede kubulya abuniini mumakalilo aanu oonse, nebuba bulowa bwamunyama nebuba bulowa bwamuyuni. 27Kufumbwa muntu uulya bulowa, oyo muntu uleelede kutandwa kuciinga cakwe.\\n28Alimwi Jehova wakaambila Musa kuti, 29-Ambila bana ba-Israyeli kuti, Kufumbwa uupaizizya Jehova cipaizyo cakutontozya, aletele Jehova cipaizyo cakwe, Agwisye mucipaizyo cakutontozya 30-cakutentela Jehova akucileta amaanza aakwe mwini. Alete mafuta akatiti, kuti katiti kavukuzigwe kunembo lya-Jehova, cibe cipaizyo cakuvukauzya. 31-Lino mupaizi atente mafuta acipaililo, pele katiti kalaba ka-Aroni abana bakwe. 32-Alimwi mweendo wacikungu walulyo muleelede kuugwisya muzipaizyo zyakutontozya, mupe mupaizr. 33Kufumbwa muntu wabana ba-Aroni uupaizya bulowa bwazipaizyo zyakutontozya amafuta aazyo, mweendo wacikungu walulyo ncaabilo cakwe. 34-Nkaambo katiti kavukuzigwa amweendo wacikungu walulyo cipaizigwa, zyoonse ndazigwisya muzipaizyo zyakutontozya nzebaleta bana ba-Israyeli, ndazipa Aroni mupaizi abana bakwe. Ngumulao walyoonse akati kabana ba-Israyeli. 35Ncecaabilo ca-Aroni acaabilo cabana bakwe akati kazipaizyo zitentelwa Jehova; neebakapegwa mubuzuba bwakubikwa mumilimo yabupaizi bwa-Jehova. 36-Jehova wakalailila kuti bapegwe ncico kubana ba-Israyeli mubuzuba obo naakabananika mafuta. Ngumulao walyoonse mumazyalani aabo oonse.\\n37-Ngooyo mulao wacipaizyo cakutenta, acipaizyo cabusu acipaizyo cazibi, acipaizyo candubyo, acakusalazya, azipaizyo zyakutontozya. 38Njemilao Jehova njaakalailila Musa mucilundu ca-Sinai, mubuzuba obo naakalailila bana ba-Israyeli kuti baletele Jehova zipaizyo zyabo, munkanda ya-Sinai.","num_words":522,"character_repetition_ratio":0.092,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Luyando Abululami Muchiindi ChamaIsrayeli | Ngaziyakulinda Yakwiiya\\n‘Ulayandisya bululami akubeteka chakutasaluula. Nyika izwide luyando lwaJehova lutamani.’—INT. 33:5.\\n1-2. (a) Niinzi nchituyanda toonse? (b) Nchiichili choonzyo nchitulaacho?\\nTOONSE tulakuyanda kulimvwa katuyandwa abamwi. Alubo tulakuyanda kujatwa kabotu. Kuti chiindi chiingi bantu kabatatutondeezyi luyando akutatujata chabululami, tulakonzya kulimvwa katutagwasyi.\\n2 Jehova ulizi kuti tulakuyanda kutondeezegwa luyando akujatwa chabululami. (Int. 33:5) Eezi zipa kuti tube aachoonzyo chakuti Leza wesu ulatuyanda akuti uyanda kuti tujatwe munzila iili kabotu. Makani aaya ali aantanganana kuti twayeeyesesya Mulawu Jehova ngwaakapede chisi chamaIsrayeli kabelesya Musa. Kuti kuli kukataazikana mumoyo, tukumbila kuti ulange-lange Mulawu waMusa * mbuutondeezya Jehova mbali aandaba abantu bakwe.\\n3. (a) Kweendelana amajwi aali muli BaRoma 13:8-10, twiiyaanzi kuti twabala Mulawu waMusa? (b) Njiili mibuzyo iyoosandulwa muchiiyo eechi?\\n3 Chiindi nitubala atala aMulawu waMusa, tuziba mbalimvwa Leza wesu uuli aaluyando, Jehova. (Bala BaRoma 13:8-10.) Muchiiyo eechi, tulalanga-langa milawu miche njibakapegwa maIsrayeli akusandula mibuzyo iitobela: Nkamboonzi nitukonzya kwaamba kuti Mulawu waMusa wakayeeme muluyando? Nkamboonzi nitukonzya kwaamba kuti Mulawu ooyu wakali kusungwaazya bantu kuti kabatondeezya bululami? Bantu bakali kuzulwida bakeelede kuutobelezya biyeni Mulawu ooyu? Alubo mbaani kapati bakali kukwabililwa aMulawu? Nsandulo zyamibuzyo eeyi zilakonzya kutuumbulizya, kutupa bulangilizi akuti tuswene afwiifwi aTaateesu uuli aluyando.—Inc. 17:27; Rom. 15:4.\\nMULAWU WAMUSA WAKAYEEME MULUYANDO\\n4. (a) Nkamboonzi nitukonzya kwaamba kuti Mulawu waMusa wakayeeme muluyando? (b) Kweendelana amajwi aali muli Matayo 22:36-40, njiili milawu Jesu njakaamba?\\n4 Tulakonzya kwaamba kuti Mulawu waMusa wakayeeme muluyando nkaambo zintu zyoonse Jehova nzyachita ziyeeme muluyando. (1 Joh. 4:8) Milawu yoonse yakali muMulawu waMusa Jehova njaakapanga, yakayeeme mumilawu iibili mipati, wakuyanda Leza akuyanda basimayakilane. (Lev. 19:18; Dt. 6:5; bala Matayo 22:36-40.) Nkinkaako, tulangilila kuti mulawu umwi awumwi mumilawu iili 600 ayimwi iili kkumi yakali kupanga Mulawu, ituyiisya atala aluyando lwaJehova. Atulange-lange zimwi zikozyano.\\n5-6. Jehova uyanda kuti bantu bakwetene bachiteenzi alubo niinzi Jehova nzyabona? Amba chikozyano.\\n5 Syomeka kumuntu ngukwetenaawe alubo usanine bana bako. Jehova uyanda kuti bantu bakwetene kabayandana akuti luyando lwabo lutamani pe. (Matl. 2:24; Mt. 19:3-6) Bumambi nchiimwi chazibi zipati loko umwi nchakonzya kubisizya ngwakwetenaawe. Nkinkaako, mulawu wachi7 muMilawu Iili Kkumi, wakali kukasya kuchita bumambi. (Dt. 5:18) Kuchita bumambi ‘nkubisizya Leza’ alubo nkutondeezya kuba aalunya mulukwatano. (Matl. 39:7-9) Kuti umwi mulukwatano wachita bumambi, ngwakwetenaawe ulakonzya kumvwa machise mumoyo kwaminyaka myiingi.\\n6 Jehova ulaandaba ambubeendelezyania bantu bakwetene. Wakali kuyandisya kuti bakayintu bachiIsrayeli kabajatwa kabotu. Mwaalumi wakali kulemeka Mulawu, wakali kumuyanda mukayintu wakwe alubo taakali kumuleka akaambo katwaambo twabuyo. (Dt. 24:1-4; Mt. 19:3, 8) Pesi kuti kwaba mapenzi mulukwatano, mpawo mwaalumi wasala kuti balekane, mwaalumi wakeelede kupa mukayintu wakwe lugwalo lwakulekana. Lugwalo oolu lwakali kukwabilila mukayintu kuti atapegwi mulandu wakuchita bwaamu. Alubo, katanamupa lugwalo oolu, mulumi wakeelede kubona baalu bamumuunzi. Kuchita oobu kwakali kupa kuti baalu bajane mweenya wakugwasilizya bakwetene kuti batalekani. Jehova taakali kunjilila pe chiindi choonse kuti mwaalumi muIsrayeli walekana amukayintu wakwe akaambo katwaambo twabuyo. Pesi wakali kwiibona misozi yamukayintu ooyo alubo wakali kukumvwa kuchiswa moyo kwamukayintu ooyo.—Malk. 2:13-16.\\n(Langa fuka 7-8) *\\n7-8. (a) Jehova wakalayilila kuti bazyali bachiteenzi? (Langa chifanikisyo chili aachivumbyo.) (b) Nziizili zyiiyo nzitwiiya?\\n7 Alubo Mulawu utondeezya kuti Jehova ulaandaba abana. Jehova taakalayilila bazyali kuti bayanduule ziyandikana zyabana babo luzutu pesi akuti babagwasye kuba abweenzinyina buli kabotu aanguwe. Bazyali bakeelede kubelesya chiindi chabo kuti bagwasye bana babo kuti bamvwisisisye Mulawu waJehova akuti bamuyande. (Dt. 6:6-9; 7:13) Kamwi kaambo kakali kupa kuti Jehova abape mulandu maIsrayeli nkakuti, bakali kubajata munzila yalunya bana babo. (Jer. 7:31, 33) Bazyali teebakeelede kubona bana babo mbuuli chintu nchibakonzya kubelesya kufumbwa mbubayanda pesi bakeelede kubabona mbuuli lukono, kachili chipo chiyandikana chizwa kuli Jehova.—Int. 127:3.\\n8 Zyiiyo: Jehova ulayibona nzila bakwetene mbubeendelezyania. Uyanda kuti bazyali bayande bana babo alubo uyoobabeteka akaambo kanzila njibabajataayo bana babo.\\n9-11. Nkamboonzi Jehova naakapa mulawu uukasya kweemuzya?\\n9 Uteemuzyi. Mulawu wamamanino muMilawu Iili Kkumi, wakali kukasya kweemuzya naakuti kuyanda chintu chawumwi. (Dt. 5:21; Rom. 7:7) Jehova wakapa mulawu ooyu kuti ayiisye bantu bakwe chiiyo chiyandikana chakuti, bakwabilile myoyo yabo, chaamba nzibayeeya ambubalimvwa. Jehova ulizi kuti michito mibi isaanguna kayili mizeezo mibi akulimvwa munzila iitali kabotu. (Tus. 4:23) MuIsrayeli wakali kuzumizya kuti mizeezo mibi ikomene mumoyo wakwe, wakali kupa kuti atabajati munzila yaluyando bamwi. Muchikozyano, Mwaami Davida wakawida mukakole aaka. Kumatalikilo, wakali muntu uuli kabotu. Pesi aali chimwi chiindi, wakeemuzya mukayintu wamuntu. Kuchita oobo kwakapa kuti achite chibi. ( Jak. 1:14, 15) Davida wakachita bumambi, wakeezya kweena mulumi wamuntu akupa kuti ajayigwe.—2 Sam. 11:2-4; 12:7-11.\\n10 Jehova wakali kuziziba kuti muIsrayeli watyola mulawu wakweemuzya nkaambo ulazibona zili mumoyo. (1 Mak. 28:9) Mulawu wakali atala akweemuzya, wakali kugwasya bantu baLeza kuti batantamuke mizeezo yakali kupa kuti bachite zintu zibi. Zilaantanganana kuti Jehova nguTaateesu uuli aluyando alubo musongo!\\n11 Zyiiyo: Jehova ubona zyiingi kumuntu kutali mbaboneka aanze luzutu. Ulatubona mbutubede choonzyo mumoyo. (1 Sam. 16:7) Taakwe mizeezo, mbutulimvwa naakuti michito njatakonzyi kubona. Ulazibona zibotu nzituchita alubo utusungwaazya kuti katuzichita chiindi choonse. Pesi uyanda kuti tubone akutantamuka mizeezo mibi kayitanaba michito mibi.—2 Mak. 16:9; Mt. 5:27-30.\\nMULAWU WAKALI KUSUNGWAAZYA BULULAMI\\n12. Mulawu waMusa utuyiisyaanzi?\\n12 Kuyungizya waawo, Mulawu waMusa utuyiisya kuti Jehova uyandisya bululami. (Int. 37:28; Is. 61:8) Leza utubikkila chikozyano chitondeezya mbutweelede kubeendelezya bamwi. Jehova wakali kubalongezya maIsrayeli chiindi nibakali kuswiilila milawu njaakabapede. Pesi bakali kunjila mumapenzi chiindi nibakali kuleka kuswiilila milawu yakwe iiluleme. Atulange-lange imwi milawu iibili iili muMilawu Iili Kkumi.\\n13-14. Milawu iibili yakusaanguna iili muMilawu Iili Kkumi yakali kusungwaazyaanzi alubo kuswiilila milawu eeyo kwakali kubagwasya biyeni maIsrayeli?\\n13 Komba Jehova alikke. Milawu yakusaanguna iibili iili muMilawu Iili Kkumi, yakali kutondeezya kuti maIsrayeli bakeelede kukomba Jehova alikke alubo yakali kubachenjezya kuti batakombi zifanikisyo. (Kul. 20:3-6) Milawu eeyi teeyakali kugwasya Jehova pe. Pesi yakabikkilidwe kuti igwasye bantu bakwe. Chiindi bantu bakwe nibakali kukkala kabasyomekede kulinguwe, bakali kuzwidilila. Pesi nibakali kukomba baleza bazimwi zisi, bakali kunjila mumapenzi.\\n14 Yeeya atala abantu bakuKkenani. Bakali kukomba zifanikisyo zitaponi kutali Leza wakasimpe, muumi. Eezi zyakapa kuti batabi aabulemu. (Int. 115:4-8) Mubukombi bwabo, bakali kulijata munzila iisesemya mumakani aakoonana akupayizya bana babo munzila iiyoosya. Munzila iikozyenie, chiindi maIsrayeli nibakali kuleka kuswiilila milawu yaJehova akusala kukomba zifanikisyo, zyakali kupa kuti babule bulemu alubo mpuli zyabo zyakali kunjila mumapenzi. (2 Mak. 28:1-4) Bantu bakali kuzulwida teebakachili kwaatobelezya pe malayilile aaJehova aali atala abululami. Teebakali kwaabelesya kabotu manguzu aabo alubo bakali kubadyaaminina bantu bakatalikwe manguzu abakatakwabilidwe. (Ezk. 34:1-4) Jehova wakabuzya maIsrayeli kuti wakali kuyoobabeteka bantu bakali kubajata munzila iitali kabotu banakazi abana bakatakwabilidwe. (Dt. 10:17, 18; 27:19) Kubbazu limwi, Jehova wakali kubalongezya bantu bakwe chiindi nibakali kusyomeka kulinguwe anibakali kuchitilana munzila yabululami.—1 Bam. 10:4-9, NW.\\nJehova ulatuyanda alubo ulabona chiindi nituba mumapenzi akaambo kakujatwa munzila iitaluleme (Langa fuka 15)\\n15. Nziizili zyiiyo nzitwiiya atala aJehova?\\n15 Zyiiyo: Tatweelede kumupa mulandu Jehova chiindi bantu baamba kuti balamukomba, nibaleka kuswiilila malayilile aakwe anibanjila mumapenzi. Pesi Jehova ulatuyanda alubo ulabona chiindi nituba mumapenzi akaambo kakujatwa munzila iitaluleme. Nga wamvwa kuchisa zyiindilide nituswaana machise kwiinda mbalimvwa mukayintu chiindi mwanaakwe natamvwide kabotu. (Is. 49:15) Nikuba kuti Leza tanjilili chakufwambaana pesi muchiindi chakwe cheelede, uyoobabeteka bantu batayandi kuchincha akaambo kakubajata munzila iitali kabotu bamwi.\\nMULAWU WAMUSA WAKEELEDE KUBELESEGWA BIYENI?\\n16-18. Mulawu waMusa wakali kubeleka muzyiimo zili zyabuumi alubo nziizili zyiiyo nzitwiiya?\\n16 Mulawu waMusa wakali kubeleka muzyiimo zyiingi zyamaIsrayeli, nkinkaako kwakali kuyandikana kuti baalumi bakasalidwe, kababeteka bantu baJehova munzila iiluleme. Bakali amulimu wakulanga-langa makani aali atala abukombi, kutamvwanana ayimwi milandu. Atubone zikozyano zitobela.\\n17 MuIsrayeli wakali wajaya umwi, teezyakali kwaamba kuti anguwe wakeelede kujayigwa. Baalu bamumuunzi wakulimbabo, bakeelede kulanga-langa zyachitika kuti babone kuti weelede kujayigwa na. (Dt. 19:2-7, 11-13) Alubo, baalu bakali kubeteka makani aasiyene-siyene azintu zichitika mubuumi, ziswaanizya kutamvwanana akaambo kalubono amulukwatano. (Kul. 21:35; Dt. 22:13-19) Chiindi baalu nibakali kutondeezya bululami achiindi maIsrayeli nibakali kuswiilila Mulawu, boonse bakali kugwasigwa alubo chisi chabo chakali kupa kuti Jehova alemekwe.—Lev. 20:7, 8; Is. 48:17, 18.\\n18 Zyiiyo: Zintu zyoonse nzituchita mubuumi zilayandikana kuli Jehova. Uyanda kuti tutondeezye bululami akuyanda bamwi. Alubo ulazibona nzitwaambuula anzituchita, nikuba nituli atulikke.—Heb. 4:13.\\n19-21. (a) Baalu ababetesi bakeelede kubajata biyeni bantu baLeza? (b) Mulawu waMusa wakali kubakwabilila biyeni bantu alubo nziizili zyiiyo nzitwiiya?\\n19 Jehova wakali kuyanda kukwabilila bantu bakwe kuti bataswaanizigwi mumichito mibi yakali kuchitwa azisi zyakabazyungulukide. Nkinkaako, wakali kuyanda kuti baalu ababetesi babelesye Mulawu munzila yabululami. Nikuba boobo, bantu bakali amulimu wakubeteka, teebakeelede kubajata chalunya bantu baLeza. Pesi bakeelede kuyanda bululami.—Dt. 1:13-17; 16:18-20.\\n20 Jehova uli aluzyalo kubantu bakwe, nkinkaako wakabikka milawu iibakwabilila kuti batajatwi munzila iitaluleme. Muchikozyano, muMulawu, kwakali malayilile aatondeezya kuti muntu taakeelede kutamikizya mweenzinyina. Sikutamikizigwa, wakali acheelelo chakuziba uumutamikizya. (Dt. 19:16-19; 25:1) Alubo katanajanwa kuti uli amulandu, bakamboni babili bakeelede kupa bumboni. (Dt. 17:6; 19:15) Pesi kutegwani amuIsrayeli wachita mulandu mpawo wabonwa amuntu uumwi luzutu? Taakeelede kuyeeya kuti takajanwi kali amulandu. Jehova wakali kuzibona nzyachita muntu ooyo. Mumpuli, mawisi akapedwe bweendelezi pesi bwakali aampubugolela. Kuti kwaba kumwi kutamvwanana mumpuli, baalu bamumuunzi bakali amulimu wakulanga-langa makani aayo akumaninsya kaambo aako.—Dt. 21:18-21.\\n21 Zyiiyo: Jehova nchikozyano chibotu nkaambo zintu zyoonse uzichita munzila yabululami. (Int. 9:7) Ulabalongezya bantu batobela zyeelelo zyakwe pesi ubapa mulandu bantu bataabelesyi kabotu manguzu ngibapedwe. (2 Sam. 22:21-23; Ezk. 9:9, 10) Bamwi balakonzya kuchita zintu zibi akubonekaanga tababetekwi pe pesi kuti chiindi chaJehova chasika, ulababeteka. (Tus. 28:13, NW) Kuti teebachincha, bayooziba mbaawamba majwi aakuti “cilayoosya kuwida mumaanza aa-Leza muumi.”—Heb. 10:30, 31.\\nMBAANI KAPATI BAKALI KUKWABILILWA AMULAWU?\\nNibakali kulanga-langa makani aakutamvwanana, baalu bakeelede kutobelezya chikozyano chaJehova chaluyando abululami (Langa fuka 22) *\\n22-24. (a) Mbaani kapati bakali kukwabililwa aMulawu alubo twiiyaanzi atala aJehova? (b) Njiili nchenjezyo iijanika muli Kulonga 22:22-24?\\n22 Mulawu wakali kukwabilila kapati bantu bakatali kukonzya kulikwabilila, bali mbuuli bamuchaala, bamukabafu abakali kuzwa kuli zimwi zisi. Babetesi bamaIsrayeli bakabuzigwa kuti: “Mutapilinganyi kubetekwa kweelede mweenzu naba mucaala, azyakusama zyamukamufu mutazitoli cakusyomezyanya.” (Dt. 24:17) Jehova wakali kubatondeezya luyando lupati, bantu bakatali kukonzya kulikwabilila muchilawu. Alubo wakali kubapa mulandu bantu bakali kubajata munzila iitali kabotu.—Bala Kulonga 22:22-24.\\n23 Alubo Mulawu wakali kukwabilila bamumpuli kuti batabi amulandu wakuswaanana mumakani aakoonana mumpuli. (Lev. 18:6-30) MaIsrayeli teebakeelede kuba amaboneno ngibakali aawo bantu bamuzisi zyakabazyungulukide, bakali kuzumizya michito eeyi pesi bantu baJehova bakeelede kwiibona mbuuli chintu chisesemya, mbuuli Jehova mbayibona.\\n24 Zyiiyo: Jehova uyanda kuti bantu bazulwida babatondeezye luyando bantu mbibeendelezya. Tayiyandi pe milandu iili atala amakani aakoonana alubo uyanda kuti boonse, kapati bantu balangilwaansi, bakwabililwe akuti bajatwe munzila yabululami.\\nMULAWU “NCIMVWULE BUYO CAZINTU ZIBOTU ZIBOOLA”\\n25-26. (a) Nkamboonzi nitukonzya kwaamba kuti luyando abululami zili mbuuli muuya ngutuyoya abuumi? (b) Tuyooyiyaanzi muchiiyo chitobela muzyiiyo eezi zitobelana?\\n25 Luyando abululami zili mbuuli muuya ngutuyoya abuumi, tazikonzeki pe kuti chimwi chijanike chimwi kachitawo aanyika. Kuti twaba aachoonzyo chakuti Jehova utujata munzila yabululami, kumuyanda kwesu kulasima. Alubo kuyanda Leza azyeelelo zyakwe ziluleme, kupa kuti tube achiyandisyo chakuyanda bamwi akubajata munzila yabululami.\\n26 Mulawu waMusa wakali kugwasya maIsrayeli kuti babe abweenzinyina buli kabotu aJehova. Nikuba boobo, Mulawu teewakachili kubeleka pe Jesu naakazuzikizya Mulawu alubo mubusena bwawo, kwakaba chimwi chintu chisumpukide. (Rom. 10:4) Mwaapostolo Pawulu wakapandulula kuti Mulawu “ncimvwule buyo cazintu zibotu ziboola.” (Heb. 10:1, NW) Chiiyo chitobela muzyiiyo eezi zitobelana, chiyoozipandulula zimwi zintu eezyo zibotu ambuluyandikana luyando abululami mumbungano yachiKristu.\\nMULAWU WAMUSA UTONDEEZYA BIYENI:\\nKuti Jehova ulabayanda bantu bakwe?\\nKuti Jehova ulabuyanda bululami?\\nJehova mbababona bantu batakonzyi kulikwabilila?\\n^ par 5 Chiiyo eechi nchakusaanguna muzyiiyo zine zitobelana, zipandulula kuti nkamboonzi nituli aachoonzyo chakuti Jehova ulaandaba andiswe. Zyiiyo zitatu zyasyaala, zinooli muNgaziyakulinda yamuMay 2019. Zyiiyo eezyo zinooli amitwe iitobela, “Luyando Abululami Mumbungano YachiKristu,” “Luyando Abululami Kuti Teetwajatwa Kabotu” awuti “Kuumbulizya Bantu Bakajatwa Chalunya.”\\n^ par 2 BUPANDULUZI BWAMABALA: Milawu iili 600 ayimwi myiingi Jehova njaakapa maIsrayeli kabelesya Musa, yaambwa kuti “Mulawu,” “Mulawu waMusa” naakuti “milawu iili kkumi.” Kuyungizya waawo, mabbuku aamuBbayibbele aakusaanguna aali 5 (Matalikilo kusika kuli Deuteronomo) aambwa kuti Mulawu. Chimwi chiindi bbala eeli lilabelesegwa kwaamba Magwalo oonse aachiHebbrayo.\\n^ par 60 CHIFANIKISYO CHILI ACHIVUMBYO: Jehova wakali kuyanda kuti bana balimvwe kabakwabilidwe kwiinda mukukomezegwa akuyiisigwa abazyali babo\\nBUPANDULUZI BWAZIFANIKISYO: Nibalikulibambila chakulya, mukayintu wachiIsrayeli ulikuyooma abana bakwe basimbi. Kusule, wisi ulikuyiisya mwanaakwe mulombe kuvuba mbelele.\\n^ par 64 BUPANDULUZI BWAZIFANIKISYO: Baalu bali aamulyango wamuunzi, balikugwasya mukamufu amwanaakwe batajatwa kabotu awumwi sikuuzya.","num_words":1803,"character_repetition_ratio":0.059,"word_repetition_ratio":0.001,"special_characters_ratio":0.187,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Utabeteki Muntu Kweendelana Ambaboneka | Ngaziyakulinda Yakwiiya\\n“Mutabeteki aciimo, pele amubeteke cakululama.”—JOH. 7:24.\\nMAGWALO AATOBELA ATUYIISYAANZI ATALA AKUBETEKA BAMWI?\\nIncito 10:34, 35\\n1. Isaya wakasinsimaanzi atala aJesu alubo nkamboonzi makani aaya naasungwaazya?\\nBUSINSIMI bwaIsaya buli atala aMwaami wesu Jesu Kristu bulatusungwaazya akutuumbulizya. Isaya wakaamba kuti Jesu “takooyoobeteka kukuyeeya zintu ziboneka kumeso buyo, nikuba kukosola makani cakuzuminina majwi ngaamvwa kumatwi buyo.” Pesi “uyoobeteka bacete cakululama.” (Is. 11:3, 4) Nkamboonzi makani aaya naasungwaazya? Nkaambo tukkala munyika muli bantu batasyomeki abali amuuya wakusalulana. Tulangilila kuba aMubetesi uululeme uutabeteki kweendelana abantu mbubaboneka!\\n2. Jesu wakatulayilila kuti tuchiteenzi alubo tulalanga-langanzi muchiiyo eechi?\\n2 Buzuba abuzuba twaambuula makani aasiyene-siyene atala abantu. Pesi tatukonzyi kubeteka bantu munzila iimaninide mbuuli Jesu nkaambo tatumaninide pe. Chiindi chiingi, tubeteka bantu kweendelana anzitubona ameso. Pesi Jesu naakali aanyika, wakati: “Mutabeteki aciimo, pele amubeteke cakululama.” (Joh. 7:24) Jesu uyanda kuti tube amaboneno aali mbuuli aakwe akuti tutabeteki bantu kweendelana ambubaboneka. Muchiiyo eechi, tulayiya zintu zitatu zipa kuti bantu babeteke bamwi kweendelana anzibabona ziswaanizya musyobo, bunoti aminyaka bamwi njibalaayo. Muli chimwi achimwi, tulayiya mbutukonzya kutobela malayilile aaJesu.\\nKUBETEKA BAMWI KWEENDELANA AMUSYOBO\\n3, 4. (a) Nziizili zintu zyakagwasya mwaapostolo Petro kuchincha maboneno ngaakali aawo kubantu bakatali maJuda? (Langa chifanikisyo chili kumatalikilo achiiyo.) (b) Njiili njiisyo mpya Jehova njaakagwasya Petro kuti ayimvwisisisye?\\n3 Tulakonzya kuyeeyela mbaakakataazikana mwaapostolo Petro naakabuzigwa kuti ayinke kuKkayisareya kumuunzi waKkorneliyo, mwaalumi wakatali muJuda. (Inc. 10:17-29) Mbuuli bamwi maJuda bamuchiindi eecho, Petro wakakomena kazi kuti bantu bakatali maJuda bakalisofweede. Pesi Petro wakabona zimwi zintu zyakapa kuti achinche maboneno ngaakali aawo. Muchikozyano, Petro wakabona chilengaano chigambya. (Inc. 10:9-16) Petro wakabonaanzi? Muchilengaano, wakabona chintu chili mbuuli mucheka ulaabanyama basofweede alubo wakamvwa jwi pati lizwa kujulu lyakati: “Buka, Petro, ujaye ulye.” Petro wakakaka kwaziindi zitatu. Kwaziindi zyoonse naakali kukaka, jwi lizwa kujulu lyakali kumwaambila kuti, ‘utaambi kuti nchaasalazya Leza chilatondwa.’ Petro naakamana kubona chilengaano, taakazimvwisisisya pe nzyaakabuzigwa kuti achite. Kakutanayinda chiindi, wakaswaayigwa abatumwa baKkorneliyo. Kazulwidwa amuuya uusalala, Petro wakiinkaamwi abatumwa kung’anda yaKkorneliyo.\\n4 Petro taakali kunooyinka pe kung’anda yaKkorneliyo kaansinga wakachili kubona bantu kweendelana ambubaboneka. MaJuda teebakali kukulyata pe kumyuunzi yabantu bakatali maJuda. Nkamboonzi Petro naakayinka kuli Kkorneliyo nikuba kuti wakali amuuya wakusalulana? Chilengaano Petro nchaakabona chakamugambya alubo wakabona kuti ulookuzulidwa amuuya uusalala. Petro naakamvwa Kkorneliyo nzyaakamubuzya, zyakapa kuti muuya uusalala umuzulwide kwaamba kuti: “Nkasimpe ndabona kuti Leza talangi ciimo camuntu, pele mumasi oonse uumuyoowa akucita bululami ulatambulwa kulinguwe.” (Inc. 10:34, 35) Eeyi yakali njiisyo mpya njaakayiya Petro alubo yakali kuyoogwasya maKristu biingi. Njiisyo eeyi yakutasalulana yakali kuyoobagwasya biyeni maKristu boonse?\\n5. (a) Jehova uyanda kuti maKristu boonse bazibeenzi? (b) Nikuba kuti tulikazi kasimpe pesi niinzi chikonzya kuba mumyoyo yesu?\\n5 Kwiinda muli Petro, Jehova wakali kugwasya maKristu boonse kuziba kuti tasaluuli pe. Bantu boonse ubabona munzila iikozyenie katalangi musyobo, chisi nkubazwa amulaka ngubaambuula. Muntu woonse uuyoowa Leza akuchita ziluleme ulatambulika kulinguwe. (Gal. 3:26-28; Ciy. 7:9, 10) Kuziba makani aaya kwakapa kuti ubone kuti ngakasimpe. Pesi niinzi chikonzya kuchitika kuti kubusena nkuzwa naakuti bantu mbukkalaabo kabali amuuya wakusalulana? Ulakonzya kuyeeya kuti tukwe muuya wakusalulana, pesi kakusalulana kalakonzya kuba mumoyo wako. Nikuba kuti Petro nguwe wakapegwa chilongezyo chakugwasya bantu kubona kuti Jehova tasaluuli pesi mukuya kwachiindi wakatondeezya muuya wakusalulana. (Gal. 2:11-14) Kujana twamuswiilila biyeni Jesu kwiinda mukutabeteka bamwi kweendelana ambubaboneka?\\n6. (a) Niinzi chiyootugwasya kuti tugwisye muuya wakusalulana mumyoyo yesu? (b) Makani aakalembwa awumwi mukwesu atuyiisyaanzi?\\n6 Tweelede kubelesya Jwi lyaLeza kuti tubone kuti nzituyeeya ambutulimvwa zitondeezya kuti tuli amuuya wakusalulana na. (Int. 119:105) Alubo tweelede kuzumina kugwasigwa abantu kuti batubona kuti tuli amuuya wakusalulana nikuba katutaliboni kuti tulaawo. (Gal. 2:11, 14) Muuya ooyu ulakonzya kukomena mumyoyo yesu katutakuboni pe. Atubone chikozyano chawumwi mukwesu uuli amukuli mumbungano, wakalemba makani atala awumwi mukwesu amukayintu wakwe bali mumulimu wachiindi choonse. Mulumi wakali kuzwa kumusyobo ulangilwaansi. Pesi mukwesu wakalemba makani aaya taakali kulibona pe kuti uli amuuya wakusalulana atala amusyobo wamukwesu ooyo. Wakalemba zintu zibotu atala amukwesu uuli mumulimu wachiindi choonse pesi kumamanino wakati: “Nikuba kuti mwaalumi ooyu uzwa [kuchisi eechi], bube bwakwe amaponeno aakwe zilikugwasya bamwi kuziba kuti kuba [wamusyobo ooyu] tazyaambi kuti tabali basanambi, balafwaba mbuuli mbubapona bantu [bamusyobo ooyu].” Twiyaanzi kumakani aaya? Kufumbwa mikuli njitulaayo, tweelede kulilanga-langa akuzumina kugwasigwa kuti bamwi babona kuti tuli amuuya wakusalulana mumyoyo yesu. Niinzi zimwi nzitweelede kuchita?\\n7. Kujana twatondeezya biyeni kuti tuyanda kuliswaanizya abantu boonse?\\n7 Kuliswaanizya abantu boonse kuyoopa kuti tubayande akuti tutabi amuuya wakusalulana. (2 Kor. 6:11-13) Uyandisya kuliswaanizya abantu bamusyobo wako, bazwa kuchisi nkuzwa abaambuula mulaka wako luzutu na? Kuti kakuli boobo, yezya kuliswaanizya abantu boonse. Ulakonzya kukumbila bamwi batali bamusyobo wako kuti mubelekaamwi mumulimu wakukambawuka naakuti kubatamba kuti muzoolyaamwi kung’anda naakuti kupobwe. (Inc. 16:14, 15) Kuchita oobo kupa kuti ube aluyando akuti utabi amuuya wakusalulana. Pesi kuli zimwi zintu zipa kuti tubeteke bamwi kweendelana ambubaboneka. Lino atulange-lange mbutukonzya kubeteka bamwi kweendelana abunoti mbubali aabo.\\nKUBETEKA BANTU KWEENDELANA ABUNOTI NAAKUTI KUFWABA\\n8. Kweendelana amajwi aali muli Levitiko 19:15, kunota naakuti kufwaba kupa kuti bamwi tubabone biyeni?\\n8 Tulakonzya kubeteka bamwi kweendelana abunoti mbubali aabo. Muli Levitiko 19:15 Bbayibbele lyaamba kuti: “Mutalangi ciimo camucete nekuba kuyoowa basimpuo; ubeteke mweenzinyoko cakululama.” Kunota naakuti kufwaba kupa kuti tubabone biyeni bamwi?\\n9. Ngaali makani awusisya Solomoni ngaakalemba alubo atuyiisyaanzi?\\n9 Muuya uusalala wakapa kuti Solomoni alembe makani awusisya atala akutamaninina kwabantu. Mulugwalo lwaTusimpi 14:20, wakalemba kuti: ‘Muntu uufwaba tayandwi abeenzinyina pesi muvubi uyandwa abantu biingi.’ Kasimpi aaka katuyiisyaanzi? Kuti teetwachenjela, tulakonzya kumvwanana abakwesu banotede luzutu katutantamuka bafwaba. Nkamboonzi nituteelede kulanga bamwi kweendelana abunoti mbubali aabo?\\n10. Ndiilili penzi Jakkobo ndyakaamba?\\n10 Kusala bantu akaambo kazintu nzibali aazyo kupa kuti kube kwaanzana mumbungano. Sikwiiya Jakkobo wakaamba penzi eeli lyakali kupa kuti mbungano zyamumwaanda wamunyaka wakusaanguna zyaanzane. (Bala Jakobo 2:1-4.) Tweelede kuchenjelela kuti penzi eeli litabi mumbungano zyesu. Kujana twakuzunda biyeni kusala bantu kweendelana ambubaboneka?\\n11. Zintu nzyali aazyo muntu zibunyongania biyeni bweenzinyina mbwali aabo aJehova? Pandulula.\\n11 Bakombima tweelede kubabona mbuuli Jehova mbababona. Jehova tatambuli muntu akaambo kakuti ulinotede naakuti ulafwaba. Bweenzuma mbutulaabo aJehova tabubi akaambo kazintu nzitulaazyo naakuti nzitutakwaazyo. Jesu wakaamba kuti, “kumuvubi nkuyumu kunjila mu-Bwami bwakujulu,” pesi taakali kwaamba kuti tazikonzeki pe. (Mt. 19:23) Alubo Jesu wakaamba kuti: ‘Mulikkomene nywebo nobachete, nkaambo Bwami bwaLeza mbubwanu.’ (Lk. 6:20, NW) Pesi majwi aaya taawambi kuti bantu bakali kufwaba mbabo bakali achilongezyo chakuswiilila njiisyo zyaJesu. Biingi bakali kufwaba teebakamuswiilila pe Jesu. Simpe ndyakuti, tatukonzyi kuziba bweenzinyina mbwali aabo muntu aJehova akaambo kazintu nzyali aazyo.\\n12. Bbayibbele libapa malayilileenzi bantu banotede abafwaba?\\n12 Tuli achilongezyo chakuba abakombima banotede abafwaba, bakomba Jehova amoyo woonse. Bbayibbele lisungwaazya bantu banotede kuti, ‘bulangilizi bwabo butabi bwakusyoma buvubi, pesi basyome Leza.’ (Bala 1 Timoteo 6:17-19.) Alubo Bbayibbele lichenjezya bakombi baLeza boonse banotede abafwaba kuti batayandisyi mali. (1 Tim. 6:9, 10) Kuti bakombima twababona mbuuli mbababona Jehova ziyoopa kuti tutabasaluuli akaambo kazintu nzibalaazyo naakuti nzibatakwaazyo. Zilachita na kuti tusaluule muntu akaambo kaminyaka njali aayo? Maboneno aaya apa kuti tubabone biyeni bamwi? Atubone.\\nKUBETEKA BAMWI KWEENDELANA AMINYAKA\\n13. Bbayibbele lityeni atala kulemeka bantu bapati?\\n13 Bbayibbele litusungwaazya kuti tulemeke bantu bapati. Muli Levitiko 19:32 Bbayibbele lyaamba kuti: “Buka kunembo lyabasimvwi akulemeka bapati. Amuyoowe Leza wanu.” Alubo muli Tusimpi 16:31 tubala kuti: ‘Mutwe uuli amvwi munsini wabulemu, kuti wajanwa munzila yabululami.’ Pawulu wakabuzya Timotewo kuti atabalangilaansi baalumi bapati pesi wakeelede kubabona kuti mawisi. (1 Tim. 5:1, 2) Nikuba kuti Timotewo wakali amikuli mumbungano kwiinda baalumi aabo bakali bapati kulinguwe pesi wakeelede kubayanda akubalemeka.\\n14. Nziizili zyiimo mutweelede kululamika muntu mupati kulindiswe?\\n14 Malayilile aaya tweelede kwaabelesya kusika aali? Muchikozyano, tweelede kubalemeka na bantu bapati nikuba kuti balikubisya achaali naakuti kusumpula zintu nzyatayandi Jehova? Jehova tabeteki bantu kweendelana ambubaboneka alubo taleki kupa muntu chisubulo akaambo kakuti mupati. Muli Isaya 65:20 Bbayibbele lyaamba kuti: ‘Sizibi uyoosinganizigwa, nikuba kali aminyaka iili 100.’ Malayilile aakozyenie ayaya alajanika muchilengaano nchaakabona Ezekkiyele. (Ezk. 9:5-7) Nkinkaako, makanze eesu ayelede kuba aakulemeka Sinsiku, Jehova Leza. (Dan. 7:9, 10, 13, 14) Kuchita oobo kuyoopa kuti tutayoowi kululamika muntu kufumbwa minyaka njali aayo.—Gal. 6:1.\\nUlabalemeka na bakwesu bachili baniini? (Langa fuka 15)\\n15. Twiiyaanzi kuzwa kuchikozyano chamwaapostolo Pawulu atala akulemeka bakwesu bachili baniini?\\n15 Tweelede kubabona biyeni bakwesu bachili baniini mumbungano? Mwaapostolo Pawulu wakaambila Timotewo kuti: ‘Kutabi uubaansya bwanike bwako, pesi ube chikozyano kubantu basyomeka, mukwaamba amukweenda amukuyandana amukusyoma amukusalala.’ (1 Tim. 4:12) Kulakonzeka kuti Timotewo wakali aminyaka yakuma30 chiindi Pawulu naakalemba makani aaya. Pesi achiindi eechi, Timotewo wakali wapegwa kale mikuli mipati mumbungano aPawulu. Kufumbwa makanze ngaakali aawo Pawulu naakali kulembela Timotewo, chiiyo chili antanganana. Tatweelede kubalangilaansi bakwesu bachili baniini akaambo kaminyaka njibali aayo. Tatweelede kuluba kuti nikuba Mwaami wesu Jesu wakabeleka mulimu wakwe woonse aanyika kali aminyaka yakuma30.\\n16, 17. (a) Baalu beelede kubelesyaanzi kulanga-langa mukwesu kuti uleelela na kuba mubelesi uubelekela naakuti mwaalu? (b) Kujana maboneno eesu aziyanza zyasiyana biyeni azyaambwa aMagwalo?\\n16 Kulakonzeka kuti tuzwa kumusyobo bantu nkubabalangilaansi baalumi bachili baniini. Eezi zilakonzya kupa kuti baalu batalumbayizyi bakwesu beelela kuti babe babelesi babelekela naakuti baalu. Alubo baalu boonse beelede kuziba kuti Magwalo taambi minyaka mukwesu njayelede kubaayo kuti ayelele kuba mubelesi uubelekela naakuti mwaalu. (1 Tim. 3:1-10, 12, 13; Tit. 1:5-9) Kuti mwaalu walibikkila milawu kweendelana aziyanza zyakulimbabo, chaamba kuti talikutobelezya Magwalo. Bakwesu bachili baniini beelede kulangwa-langwa kakubelesegwa Jwi lyaLeza kutali kweendelana amaboneno aabantu naakuti ziyanza.—2 Tim. 3:16, 17.\\n17 Atulange-lange kubelesya ziyanza eezi mbukukonzya kupa kuti bakwesu beelela batalumbayizigwi. Kuli chimwi chisi, umwi mubelesi uubelekela wakasalwa kuti achite mikuli mipati mumbungano. Nikuba kuti baalu bamumbungano yakwe bakali kubona kuti mukwesu ooyu ulazizuzikizya zyeelelo zyamuMagwalo pesi teebakamulumbayizya pe. Bamwi baalu bapati bakati mukwesu ooyu tayeleli pe kuba mwaalu nkaambo uchili muniini. Nkinkaako mukwesu ooyu teebakamulumbayizya pe nkaambo bakalanga chiimo chakwe. Nikuba kuti eechi nchikozyano chimwi luzutu pesi maboneno aaya alivulide munyika yoonse. Eezi zitondeezya kuti tweelede kubelesya Magwalo kutali maboneno eesu naakuti ziyanza! Kuchita oobo kutondeezya kuti tulikuswiilila Jesu akuti tatuyandi kuba amaboneno aatali kabotu kwiinda mukulanga mbubaboneka bantu.\\n18, 19. Tweelede kuchitaanzi kuti bantu tubabone mbuuli mbababona Jehova?\\n18 Nikuba kuti tatumaninide pesi tulakonzya kuba amaboneno aali mbuuli aaJehova aakutasaluula. (Inc. 10:34, 35) Tweelede kubeleka changuzu akubelesya Jwi lyaLeza chiindi choonse. Kubelesya malayilile aaya kuyootugwasya kuti tuzumanane kuswiilila mulawu waJesu wakutabeteka bamwi kweendelana ambubaboneka.—Joh. 7:24.\\n19 Lino-lino Mwaami wesu Jesu Kristu, uyoobeteka bantu chabululami kutali kweendelana anzyabona naakuti nzyamvwa. (Is. 11:3, 4) Makani aaya alabotezya kaka!","num_words":1559,"character_repetition_ratio":0.06,"word_repetition_ratio":0.0,"special_characters_ratio":0.174,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani aamu Bbaibbele: Mamanino Aabubi Boonse - Kkeyala yaa Intaneti ya Bakamboni ba Jehova\\nNCINZI ncobona aawa? Ninkamu yabasikalumamba bakkwelede amahacci aatuba. Pele bona nkobazyila. Mahacci aluujisi kugalamuka kuzwa kujulu mumakumbi! Hena ncobeni kuli mahacci kujulu?\\nPeepe, aaya taali mahacci eeni pe. Tulizyi oobo nkaambo mahacci taakonzyi kubalika mumakumbi, hena tabusyi? Pele Bbaibbele lilaamba zyamahacci aakujulu. Hena ulicizyi ncolyaambila boobo?\\nNkaambo kakuti kaindi mahacci akali kubelesyegwa kapati munkondo. Aboobo Bbaibbele lyaamba bantu bakkwelede amahacci aazwa kujulu ikutondezya kuti Leza uli kanzide kulwana bantu bali anyika. Hena ulibuzyi busena bwakulwanina nkondo eeyi mbobwiitwa? Bwiitwa kuti Amagedoni. Eelyo nkondo eeyi iya kumanizya bubi boonse buli anyika.\\nJesu Nguuya kuba kumpela mukulwana nkondo eeyi ya Amagedoni. Koyeeya kuti Jesu ngonguyo Jehova ngwaakasala kuba mwami wamfwulumende Yakwe. Nkakaambo kaako Jesu ncasamina musini wabwami. Alimwi mupeni utondezya kuti uya kubajaya boonse basinkondonyina a Leza. Hena ceelede kutulamya kuti Leza uya kubajaya boonse bantu babi?\\nJokela munsi ubone ku Makani 10. Ncinzi ncobona aawo? Zambangulwe yakajaya bantu babi. Ino ngwani wakapa kuti Zambangulwe eeyo ibe? Ngu Jehova Leza. Lino langa ku Makani 15. Ncinzi cicitika aawo? Munzi wa Sodoma a Gomola wanyonyoonwa amulilo Jehova ngwaakatumizya.\\nVwununa ku Makani 33. Langa cicitika kumahacci ankalaki zyabana Ijipiti. Ngwani wakapa kuti baanywide meenda? Ngu Jehova. Wakacita oobu kutegwa akwabilile bantu bakwe. Langa ku Makani 76. Ulabona kuti Jehova wakabanyonyoona nibaba bantu bakwe bana Isilayeli akaambo kakucita zintu zitali kabotu.\\nAboobo tatweelede kulamwa kuti Jehova uya kutuma basinkondo bakwe bakujulu kuzyi kumana bubi boonse buli anyika. Pele koyeeya buyo eeco ncociya kwaamba! Vwununa peeji liccilila tubone ciliko.\\nCiyubunuzyo 16:16; 19:11-16.\\nNkaambo nzi Bbaibbele ncolyaamba mahacci kujulu?\\nYiitwa buti nkondo ya Leza yakulwana bantu babi anyika, alimwi nkaambo nzi nkondo eeyi ncoiyakuba?\\nNgwani acifwanikiso uuya kusololela munkondo, alimwi nkaambo nzi ncasamide musini, alimwi ino mupeni wakwe wiiminina nzi?\\nTwalanga ku Makani 10 a 15, nkaambo nzi ncotutakonzyi kulamwa kuti Leza uya kubanyonyoona bantu babi?\\nMbuti Makani 33, 36 a 76 mbwaatondezya kuti Leza uya kubanyonyoona bantu babi nokuba kuti baamba kuti bakomba nguwe?\\nBala Ciyubunuzyo 19:11-16.\\nMbuti Magwalo mbwaacisalazya kuti ngu Jesu Kristo uutantide ahacci lituba? (Ciy. 1:5; 3:14; 19:11; Is. 11:4)\\nMbuti bulowa bwakasansailwa azisani zya Jesu mbobutondezya kuti kuzunda kwakwe takuli kwakudooneka? (Ciy. 14:18-20; 19:13; Is. 63:1-6)\\nMbabaani balangilwa kubikkilizyigwa kuli basikalumamba baccilila Jesu ahacci lyakwe lituba? (Ciy. 12:7; 19:14; Mt. 25:31, 32)\\nMabala Amusale naa muyanda kukkopa zyakamwaigwa izyakalekkoodwa Bbuku Lyangu lya Makani Aamu Bbaibbele","num_words":360,"character_repetition_ratio":0.062,"word_repetition_ratio":0.0,"special_characters_ratio":0.194,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Myeelwe 10 IBBAIB63 - Lino Jehova wakaambila Musa kuti, - Bible Search\\nMyeelwe 9 Myeelwe 11\\n1Lino Jehova wakaambila Musa kuti, 2-Kolicitila myeembo yobile yansiliva yacifulamubisi, ibe yakwiitya bantu ciindi cakweenda aciindi cakulyokezya. 3-Na yalila yoonse yobile, imbungano yoonse yabantu ileelede kuyoboloka kulinduwe kumulyango watente lyambunganino. 4-Pele na walila omwe buyo, kulayoboloka basilutwe balike, basimutwe banzubo zya-Israyeli. 5-Na walilisya mweembo, inkamu zyabantu ziyakide zilao kulubazu lwakujwe zilanyamuka. 6Lino kuciindi cakulilisya lwabili, inkamu zyabantu ziyakide zilao kulubazu lwakumusanza zilanyamuka. Kulilisya kwamweembo ncecitondezyo cakweenda. 7-Pele kuciindi cakubunganya bantu, amulizye mweembo, pele kulilisya utalilisyi pe. 8-Bapaizi, bana ba-Aroni, mbobeelede kulizya myeembo. Ngumulao walyoonse mumazyalani aanu conse. 9-Alimwi ciindi cakuya kunkondo kuyoolwisya basinkondonyoko bamupenzya munyika yanu, myeembo ileelede kulilisya, lino munooyeeyegwa kubusyu bwa-Jehova Leza wanu, aboobo munoofutulwa kumaanza aabasinkondonyoko. 10-Alimwi kuziindi zyanu zyakusekelela, amumapobwe aabikidwe, amuziindi zyamwezi mupya, amulizye myeembo kuzipaizyo zyanu zyakutenta akuzipaizyo zyanu zyakutontozya, ibe ciibalusyo kubusyu bwa-Leza wanu. Ndime Jehova Leza wanu.\\nBa-Israyeli mbubakalonga kuzwa ku-Sinai\\n11-Lino mumwaka wabili, mumwezi wabili, mubuzuba bwamakumi obile bwamumwezi, ijoba lyakaumbuluka atala lyacikombelo cacizuminano. 12-Lino bana ba-Israyeli bakatalika kulonga kuzwa kunkanda ya-Sinai, nkabela ijoba lyakaakwiima kunkanda ya-Parana. 13-Bakatola lweendo lwabo mbubonya mbuli Jehova mbwaakalailila kumulomo wa-Musa. 14Bantu bandembela yalabba lyabana ba-Juda mbobakataanguna kweenda, munkamu zyabo, nkabela silutwe wankamu yabo wakali Nasoni mwana wa-Aminadabu. 15Asilutwe wamusyobo wabana ba-Isakara kali Netaneeli mwana wa-Zuwara. 16Asilutwe wamusyobo wabana ba-Zebuloni wakali Eliabu mwana wa-Heloni.\\n17-Lino cikombelo nicakamwayigwa, bakanyamuka bana ba-Gerisoni abana ba-Merari, basikuyumuna cikombelo. 18Musule lyabo bakanyamuka bantu bandembela yalabba lya-Rubeni, munkamu zyabo, nkabela silutwe wankamu yabo wakali Elizuri mwana wa-Sedeuri. 19Asilutwe wamusyobo wabana ba-Simeoni wakali Selumiyeli mwana wa-Zurisadai. 20Asilutwe wamusyobo wabana ba-Gadi kali Eliyasafe mwana wa-Deyueli.\\n21Lino bakanyamuka ba-Kohati, basikuyumuna zintu zisalala; nkabela beenzinyina bakayaka itente kabatanasika bamwi. 22Lino musule lyabaabo bantu bandembela yalabba lyabana ba-Efraimu bakanyamuka, munkamu zyabo, nkabela silutwe wankamu yabo kali Elisama mwana wa-Amihudi. 23Asilutwe wamusyobo wabana ba-Manase kali Gamaliyeli mwana waPedazuri. 24Asilutwe wamusyobo wabana ba-Benjamini kali Abidana mwana wa-Gideoni.\\n25-Musule lyabaaba bakeenda bantu bandembela yalabba lyabana ba-Dani, munkamu zyabo; mbembabo bakasyaalila kweenda akati kamalabba oonse; nkabela silutwe wankamu yabo wakali Ahiezeri mwana wa-Amisadai. 26Asilutwe wamusyobo wabana ba-Aseri kali Pagiyeli mwana wa-Okirani. 27Asilutwe wamusyobo wabana ba-Nafitali kali Ahira mwana wa-Enani. 28-Mbuboobo inkamu zyabana ba-Israyeli mbuzyakali kweenda muciindi cakulonga.\\n29-Lino Musa wakaambila Hobabu mwana wa-Reueli mu-Midyani, simakwaakwe Musa, wati, Tuli mulweendo lwakuya kucisi Jehova ncaakaamba kuti, Njoomupa ncico. Atweende ayebo, lino tulakucitila kabotu, nkaambo Jehova waamba makani mabotu aaba-Israyeli. 30Pele wakuvuwa kuti, Nsikooinka pe, ndaya kunyika yangu akulibasikamukowama. 31-Wakati, Utatupambuki, nkaambo ulizi kuti tuyooyaka zilao zyesu munkanda, uyootubeda meso esu. 32Na wainka aswebo, kufumbwa cintu cibotu Jehova ncatucitila, tulakucitila mbubonya ayebo.\\n33-Mpoonya awo bakalonga kuzwa kucilundu ca-Jehova, bakeenda mazuba otatwe. Ibbokesi lyacizuminano ca-Jehova lyakabazulwida mazuba otatwe kuyoobayandawida cilyokezezyo. 34-Alyalo ijoba lya-Jehova lyakali amutwe wabo ciindi casikati mukweendeenda kwabo koonse.\\n35-Lino kufumbwa ciindi ibbokesi lya-Leza nilyakanyampuka, Musa wakati, Buka, O Jehova, kuti basinkondonyoko bamwaike, abaabo bakusula bacije kubusyu bwako. 36-Akuciindi cakulyokezya kwalyo, wakati, Boola, O Jehova, kumakumi aazyuulu zyazyuulu zyaba-Israyeli.","num_words":468,"character_repetition_ratio":0.081,"word_repetition_ratio":0.0,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 35 IBBAIB63 - Lino Leza wakaambila Jakobo - Bible Search\\nMatalikilo 34 Matalikilo 36\\nJakobo mbwaakayaka cipaililo caku-Beteli\\n1-Lino Leza wakaambila Jakobo kuti, Nyampuka, uye ku-Beteli, ukale nkuko, uyake cipaililo ca-Leza oyo nguwenya iwakalibonya kulinduwe ciindi eciya nowakacija kubusyu bwa-Esau mukulana wako. 2-Mpawo Jakobo wakaambila luzubo lwakwe aboonse mbaakali abo kuti, Amusowe baleza beenzu bali akati kanu, alimwi amulisalazye akuvundununa zyakusama zyanu. 3-Atunyamuke, tuye ku-Beteli, nkayake cipaililo, cibe ca-Leza oyo iwakandivuwa mubuzuba bwamafwabi aangu, iwakandisindikila mukweenda kwangu koonse. 4-Mpawo bakapa Jakobo baleza beenzu boonse ibakali mumaanza aabo amacoco aamumatwi aabo, nkabela Jakobo wakazisisa kunsi lyamubanga waku-Sekemu.\\n5-Elyo mukweenda kwabo, buyoofu buzwa kuli-Leza bwakajata minzi iyakeengelede, aboobo teebakatobela bana ba-Jakobo. 6-Lino Jakobo wakasika ku-Luzi (ngonguwo Beteli) munyika ya-Kanana, walo abantu boonse mbaakali abo. 7-Nkabela wakayaka cipaililo mpoonya awo, waulika kuntu oko izina lya-El Beteli, nkaambo kakuti nkukonya oko Leza nkwaakamubonekela ciindi eco naakacija kubusyu bwamukulana wakwe. 8-Lino Debora muleli wa-Rebeka wakafwa, nkabela wakazikwa kunsi lyamubanga oko ku-Beteli, aboobo oyo musamu wakaulikwa izina lya-Aloni-Bakuti.\\n9-Lino Leza wakabonekela Jakobo alimwi naakamana kuzwa ku-Padanaramu, wamulongezya. 10-Nkabela Leza wakamwaambila kuti, Izina lyako nduwe Jakobo, pele tokooyooambwa limbi kuti nduwe Jakobo pe, izina lyako liyooba Israyeli. Mbuboobo mbwaakaulikwa izina lya-Israyeli. 11-Alimwi Leza wakamwaambila kuti, Ndime Leza Singuzuzyoonse, Zyalisya, ukavule; mulinduwe mulazwa musyobo ankamu yamisyobo, amucikungu cako muyoozwa bami. 12-Alimwi nyika eyo njindakapa Abrahamu a-Izaka, ndaipa nduwe, alwalo lunyungu lwako luciza njoolupa nyika eyo. 13-Mpawo Leza wakapiluka kujulu, wamusia nkukonya oko nkwaakaambaula awe. 14-Nkabela Jakobo wakaimika malende, nkokuti malende aamabwe, nkukonya oko nkwaakaambaula awe, Nkabela wakatila cipaizyo cakunywa alingawo, alimwi wakatila insazi yamafuta. 15Mbuboobo Jakobo mbwaakaulika oko kuntu Leza nkwaakaambaula awe izina lya-Beteli.\\nRakele mbwaakafwa naakazyala Benjamini\\n16Elyo bakalonga kuzwa ku-Beteli, nkabela nekwakacisyeede kasinzo kusika ku-Efrata, Rakele wakatumbuka, pele wakapenga mukutumbuka kwakwe. 17-Lino naakacili kusunda mukutumbuka kwakwe, sikumutumbusya wakamwambila kuti, Utayoowi, nkaambo sunu ulazyala mwana mulombe aumwi. 18Nkabela muuya wakwe nowakaamba kumusia (nkaambo wakafwa) wakamuulika izina lya-Benoni, pele wisi wakamuulika izina lya-Benjamini. 19-Aboobo Rakele wakafwa, nkabela wakazikwa munzila yaku-Efrata (ngonguwo Betelehemu). 20-Lino Jakobo wakaimikizya malende atala lyakabanda kakwe. Ngengao malende aakabanda ka-Rakele mbwaacibede asunu.\\nAmwi makani aa-Jakobo abana bakwe, Izaka mbwaakafwa\\n21-Lino Israyeli wakalonga, waakuyaka cilao cakwe kunembo lyaŋanda indamfu ya-Ederi. 22-Nkabela Israyeli naakacikede mucisi eco, Rubeni wakalala a-Biliha simamambe wawisi, nkabela Israyeli wakamvwa makani.\\nLino bana ba-Jakobo bakali ikumi ababili. 23-Bana ba-Leya mbaaba: Rubeni (mwana mutaanzi wa-Jakobo), a-Simeoni, a-Levi, a-Juda, a-Isakara a-Zebuloni. 24Bana ba-Rakele mbaaba: Josefa a-Benjamini. 25Abana ba-Biliha mulanda musimbi wa-Rakele mbaaba: Dani a-Nafitali. 26Abana ba-Zilipa mulanda musimbi wa-Leya mbaaba: Gadi a-Aseri, Mbaabo bana ba-Jakobo mbaakazyala ku-Padanaramu.\\n27-Mpawo Jakobo wakasika kuli-Izaka wisi ku-Mamre, ku-Kiriyati-ariba (ngonguwo Hebroni), Abrahamu a-Izaka nkubakali kukala-kala. 28Nkabela mazuba aabuumi bwa-Izaka akasika kumwanda amakumi aali musanu aatatu. 29-Elyo Izaka wakazanga, wafwa, wainka kulibasinsiku bakwe naakacembaala Bucembele buzwide, nkabela Esau a-Jakobo bana bakwe bakamuzika.","num_words":437,"character_repetition_ratio":0.054,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 12 IBBAIB63 - Lino Jehova wakaambila Musa - Bible Search\\nKulonga 11 Kulonga 13\\nMilao ya-Pasika mbuyakabambwa\\n1-Lino Jehova wakaambila Musa a-Aroni munyika ya-Egepita kuti, 2-Mwezi uno uyoomubeda mwezi mutaanzi; uyooba mwezi mutaanzi wamwaka kulindinywe. 3Ambila imbungano yoonse ya-Israyeli kuti, mubuzuba bwakumi bwamwezi uno baleelede kubweza umwi aumwi kabelele mbuli ziinga zyabamawisaabo, ciinga cimwi acimwi cibe akabelele komwe. 4Na ciinga caceya kukuba akabelele, ciswanaane aciinga ncecibambene aco, mweelwe wabantu mbuubede. Amubale bantu mbubalya, mubone na kabelele kalazulila? 5-Kabelele kanu kaleelede kuba kagutu kamwaka omwe katakwe kampenda; amukagwisye kumbelele na kumpongo, 6-mukakayobole mane kusikila kubuzuba bwakumi aane bwamwezi uno, Lino bantu boonse bambungano ya-Israyeli baleelede kujaya, umwi aumwi kabelele kakwe ciindi calundindiwana. 7Lino baleelede kukombola bulowa akububika kuminsende yoonse yobile akucikunguzyo kumaanda nkobayoolida. 8-Baleelede kulya nyama masiku ayo ngaonya iiyokedwe. Bailye antoomwe azinkwa zitakwe bumena azisyu zilula. 9Mutailyi abuniini imbisi na iijikidwe amaanzi; amulye iiyokedwe mumulilo, mutwe amyeendo azyamukati zyoonse buyo. 10-Alimwi mutasii imbutikwa pe, Na kwasyaala imbutikwa, ileelede kutentwa mumulilo. 11-Alimwi mbuboobu mbumweelede kwiilya, Amulye kamulyaangide muzikungu, ansangu kumaulu aanu, amisako mumaanza aanu. Amulye cakubindaana; ngupasika wa-Jehova. 12-Nkaambo masiku ayo ngaonya njooinda akati kanyika ya-Egepita, akujaya bana bataanzi boonse bacisi ca-Egepita, nebaba bantu nebaba banyama, abaleza boonse ba-Egepita njoobabeteka. Ndime Jehova. 13-Nkabela bulowa buyoomubeda citondezyo mumaanda momubede. Ndabona buyo bulowa, ndaindilila, aboobo tamukooyoosikilwa luumo lwakumunyonyoona ciindi eco ncensi ume nyika ya-Egepita,\\n14-Buzuba obuno buyoomubeda ciibalusyo. Buyoomubeda ipobwe lyaJehova. Muyoobulemeka, bube ipobwe mumazyalani aanu oonse mane kukabe kutamani. 15-Mazuba aali musanu aabili muleelede kulya zinkwa zitakwe bumena, Mubuzuba butaanzi muleelede kugwisya bumena boonse bwamumaanda aanu, Kufumbwa muntu uulya bumena, kuzwa kubuzuba butaanzi kusikila kubuzuba bwamusanu aabili, oyo muntu ulanyanzigwa bu-Israyeli. 16Mubuzuba buta an zi kuleelede kuba ambungano iisalalisya, alimwi mubuzuba bwamusanu aabili kuleelede kuba imbungano iisalalisya, Takukooyoocitwa milimo niiba imwi mumazuba ayo, cita kubamba zilyo muntu nzyeelede kulya. 17-Lino muleelede kujatisya eci ciyanza cazinkwa zitakwe bumena, nkaambo mubuzuba obu mbubonya ndakagwisya makamu aanu munyika ya-Egepita, aboobo muleelede kubamba buzuba obuno mumazyalani aanu oonse, bube ipobwe lyalyoonse. 18-Mumwezi mutaanzi, mubuzuba bwakumi aane bwamwezi, ciindi cagoko, munoolya zinkwa zitakwe bumena, mane kusikila kubuzuba bwamakumi obile abumwi, ciindi cagoko. 19-Mazuba aali musanu aabili takweelede kujanwa bumena mumaanda aanu. Nkaambo kufumbwa muntu uulya bumena, oyo muntu uyootandwa kuzwa kumbungano ya-Israyeli, naba mweenzu naba muzyalwe mucisi. 20Tamukooyoolya zilyo neziba zimwi zili abumena. Mumaanda aanu oonse muleelede kulya zinkwa zitakwe bumena.\\n21-Mpoonya awo Musa wakaita bapati boonse ba-Israyeli, wabaambila kuti, Kamuya mukalisalile imbelele muziinga zyanu, mukajaye cipaizyo ca-Pasika. 22Alimwi amubweze cisankanya cahisopo, akucinika mubulowa bwamumutiba, mukazile cikunguzyo aminsende yobile abulowa bwamumutiba, Lino kutabi naba omwe akati kanu uuzwa muŋanda yakwe mane bukace. 23-Jehova ulainda kuti aume ba-Egepita, Abona bulowa bwakucikunguzyo abwakuminsende yobile, Jehova ulaindilila amulyango oyo, takooyoozumizya sikujaya kuti anjile mumaanda aanu kukumuuma. 24Eci ciyanza muleelede kucijatisya, nywebo abana banu, cibe mulao walyoonse. 25Lino mwaakusika kunyika eyo Jehova njayoomupa, mbubonya mbwaakasyomezya, muleelede kujatisya milimo eyi. 26-Nkabela bana banu nebayoomubuzya kuti, Ino milimo eyi ilaambanzi? 27muleelede kuvuwa kuti, Ncecipaizyo ca-Pasika ca-Jehova, nkaambo wakaindilila maanda aabana ba-Israyeli bamu-Egepita ciindi eciya naakajaya ba-Egepita; wakavuna maanda esu. Elyo bantu bakakotama, bakomba. 28Nkabela bana baIsrayeli bakaakucita obo mbubonya mbuli Jehova mbwaakalailila ba-Musa a-Aroni. Mbubonya obo mbubakacita.\\nBa-Egepita mbubakafwidwa bana babo bataanzi\\n29-Lino kumalungasiku Jehova wakauma bana boonse bataanzi bamucisi ca-Egepita, kuzwa kumwana mutaanzi wa-Farao iwakakede acuuno cabwami kusikila kumwana mutaanzi wamwaange wamuntolongo, abalo bana bataanzi boonse baŋombe. 30-Mpawo Farao wakabuka masiku, walo abalanda bakwe boonse aba-Egepita boonse, nkabela kwakaba kulila kupati mu-Egepita, nkaambo katakwe iŋanda niiba yomwe iyatakajisi mufu. 31-Nkabela wakaita ba-Musa a-Aroni masiku, wati, Amunyampuke, muzwe akati kabantu bangu, nywebo abana ba-Israyeli boonse. Kamuya, mukakombe Jehova, mbubonya mbumwaamba. 32-Azyalo imbelele zyanu aŋombe zyanu, kamuya azyo, mbubonya mbumwakaamba, mwiinke. Ambebo amundikombele.\\n33-Lino ba-Egepita bakakulubizya bantu kuti babatande kuzwa munyika yabo, nkaambo bakaamba kuti, Toonse tuli bafu. 34Aboobo bantu bakabweza mimpelela yabo kaitana kufu ta, azijikilo zyabo zyakaangwa azisani zyabo amakuko aabo. 35-Alimwi bana ba-Israyeli bakacita mbubonya mbuli Musa mbwaakabaambila. Bakakumbila kuba-Egepita zibelesyo zyansiliva azibelesyo zyangolida azyakusama. 36-Nkabela Jehova wakapesya bantu luse mumeso aaba-Egepita. Bakabapa nzebakakumbila, aboobo ba-Egepita bakasaalwa.\\nBa-Israyeli mbubakapola kuzwa ku-Egepita\\n37-Elyo bana ba-Israyeli bakeenda kuzwa ku-Ramese kuya ku-Sukoti. Bakali baalumi bali zyuulu zili myanda iili musanu aumwi basimyeendo, kutaamba banakazi abana. 38Amakamu amwi aabantu bamisyobo misyobo akali abo, ambelele aŋombe, matanga manji loko. 39-Nkabela bakajika mimpelela yabo njebakaletelela kuzwa ku-Egepita, bacita zibunge zitakwe bumena, nkaambo teezyakasasa, nkaambo nebakatandwa kuzwa ku-Egepita, bakabula ciindi cakulindila-lindila acakulibambila bulilu.\\n40-Lino ciindi bana ba-Israyeli nebakakede ku-Egepita cakasika kumyaka iili myanda yone amakumi otatwe. 41-Neyakamana myaka iili myanda yone amakumi otatwe, mubuzuba obo mbubonya makamu oonse aa-Jehova akazwa mucisi ca-Egepita. 42Kali masiku aakulindila Jehova, kuti abapozye kuzwa kunyika ya-Egepita, aboobo masiku ayo ngaonya aba masiku aakuli­ ndila Jehova kubana boonse ba-Israyeli mumazyalani aabo oonse.\\n43-Lino Jehova wakaambila ba-Musa a-Aroni kuti, Ngooyu mulao waPasika, Kutabi muzwakule naba omwe uulya, 44-Pele muzike uulidwe amali ulakonzya kulya, amana kupalulwa. 45-Mweenzu na mubelesi teelede kulya pe, 46-Ipobwe lileelede kuligwa muŋanda yomwe. Nyama yalyo tiielede kugwisigwa anze. Alimwi kutatyolwi cifuwa cayo neciba comwe. 47Imbungano yoonse ya-Israyeli ilacita obo. 48Na kuli mweenzu uukala-kala kulinduwe, alimwi ulayanda kulya Pasika wa-Jehova, baalumi bakwe boonse bataangune kupalulwa. Bamane kupalulwa, baswene afwaafwi kukulya, abe mbubonya mbuli muzyalwe mucisi. Pele uutapalwidwe atalyi pe. 49-Kulaba mulao omwe buyo kumuzyalwe mucisi akumweenzu uuswayaswaya akati kanu.\\n50Lino bana ba-Israyeli boonse bakacita mbubonya mbuli Jehova mbwaakalailila ba-Musa a-Aroni. 51-Nkabela mubuzuba obo mbubonya Jehova wakapozya bana ba-Israyeli kuzwa kunyika ya-Egepita ankamu zyabo.","num_words":864,"character_repetition_ratio":0.065,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Bululami Mububona Mbuli Mbwabubona Leza? | Yakwiiya\\nNgazi Yamulindizi—Yakwiiya | April 2017\\nAMUBALE MU Afrikaans Albanian American Sign Language Amharic Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Bengali Bicol Bolivian Sign Language Boulou Brazilian Sign Language British Sign Language Bulgarian Catalan Cebuano Chichewa Chilean Sign Language Chinese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitumbuka Chiyao Chuvash Cibemba Cinyanja Colombian Sign Language Croatian Cuban Sign Language Czech Czech Sign Language Dangme Danish Digor Douala Dutch Ecuadorian Sign Language Efik English Estonian Ewe Fijian Filipino Sign Language Finnish Finnish Sign Language Fon French French Sign Language Ga Georgian German German Sign Language Greek Guarani Gujarati Gun Haitian Creole Hausa Hebrew Hiligaynon Hindi Hiri Motu Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kannada Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Malayalam Mambwe-Lungu Marathi Maya Mbunda Mexican Sign Language Mingrelian Mongolian Moore Motu Myanmar Ndebele Ndebele (Zimbabwe) Ndonga Nepali Nigerian Pidgin Norwegian Nzema Okpe Oromo Ossetian Otetela Pangasinan Papiamento (Curaçao) Paraguayan Sign Language Persian Peruvian Sign Language Pidgin (Cameroon) Polish Polish Sign Language Portuguese Portuguese Sign Language Punjabi Quebec Sign Language Quechua (Bolivia) Romanian Romanian Sign Language Russian Russian Sign Language Samoan Sango Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tatar Telugu Tetun Dili Thai Tigrinya Tiv Tok Pisin Tongan Tshiluba Tsonga Turkish Turkmen Tuvaluan Twi Tzotzil Ukrainian Urhobo Uzbek Venda Venezuelan Sign Language Vietnamese Waray-Waray Welsh Wolaita Xhosa Yoruba Zande Zapotec (Isthmus) Zimbabwe Sign Language Zulu\\nSena Bululami Mububona Mbuli Mbwabubona Jehova?\\n“Ndiyakwaambilizya zina lya Jehova. . . , Leza uusyomeka, uutaciti zitaluleme.”—DT. 32:3, 4.\\nINO KUYEEYA TUPANGO OOTU INGA KWATUGWASYA BUTI CIINDI NOTWACITILWA CAKUTALULAMA?\\n1, 2. (a) Ino nkutalulama kuli buti nkwaakacitilwa Naboti abana bakwe? (b) Ino mbube nzi bobilo mbotutiilange-lange mucibalo eeci?\\nAMWEEZYEEZYE kujatikizya bukkale oobu. Mwaalumi watamikizyigwa kupanga mulandu mupati. Cintu icabagambya kapati banamukwasyi alimwi abeenzinyina ncakuti, mwaalumi ooyu wajaninwa mulandu uuyeeme aakutamikizyigwa abakamboni ibazyibidwe kuti mbaalumi babuyo. Bantu ibayandisya bululami bausa kapati ciindi mwaalumi ooyo abana bakwe ibatakwe mulandu nobajaigwa. Makani aaya taali aakuyeeyela buyo pe. Eeci ncecakacitikila mubelesi wa Jehova uusyomeka wazina lya Naboti, iwakali kupona muciindi cabulelo bwa Mwami Ahabu wa Israyeli.—1Bam. 21:11-13; 2Bam. 9:26.\\n2 Mucibalo eeci, tatukoolanga-langa buyo icakacitikila Naboti, pele aceeco icakacitikila mwaalu uusyomeka mumbungano ya Bunakristo yamumwaanda wamyaka wakusaanguna walo iwakalubizya. Notulanga-langa zikozyanyo zyamu Bbaibbele eezyi, tulaiya kuti kulicesya kulayandika ikuti naa tuyanda kutondezya kuti bululami tububona mbuli mbwabubona Jehova. Alimwi tulaiya kulekelela ciindi nokwacitika zintu zitaluleme mumbungano mbokutondezya kuti bululami tububona mbuli mbwabubona Jehova.\\n3, 4. Ino Naboti wakali muntu uuli buti, alimwi nkaambo nzi ncaakakakila kusambala muunda wakwe wamisaansa ku Mwami Ahabu?\\n3 Naboti wakali kusyomeka kuli Jehova aciindi bana Israyeli banji nobakali kutobela cikozyanyo cibyaabi ca Mwami Ahabu alimwi amukaintu wakwe mubyaabi, Namalelo Jezebeli. Bakombi ba Baala aaba tiibakali kumulemeka Jehova alimwi tiibakali kuziyanda zyeelelo zyakwe. Kulubazu lumbi, Naboti wakali kucibikkila maano kapati cilongwe ncaakajisi a Jehova kwiinda buumi.\\n4 Amubale 1 Bami 21:1-3. Ciindi Ahabu naakaambila Naboti kuti uyanda kuula muunda wakwe wamisaansa naa kuubweza akumupa muunda wamisaansa uumbi mubotu mubusena bwamuunda wakwe, Naboti wakakaka. Nkaambo nzi ncaakakakila? Cabulemu wakamwaambila kuti: “Cilatondwa kulindime mumeso aa Jehova kuti ndikupe lukono lwabamatata.” Kukaka kwa Naboti kwakayeeme aakutobela mulawo Jehova ngwaakapa bana Israyeli, ooyo iwakali kukasya muntu kusambalila limwi lukono lwamusyobo wakwe. (Lev. 25:23; My. 36:7) Cilisalede kuti, Naboti zintu wakali kuzibona mbuli mbwazibona Jehova.\\n5. Ino Jezebeli wakajatikizyigwa buti mukujaigwa kwa Naboti?\\n5 Cuusisya ncakuti, kukaka Naboti nkwaakakaka kusambala muunda wakwe kwakapa kuti Mwami Ahabu amukaintu wakwe bacite zintu zibi. Kutegwa abweze muunda akuupa mulumaakwe, Jezebeli wakaamba makani akubeja kujatikizya Naboti, calo cakapa kuti Naboti abana bakwe bajaigwe. Ino Jehova wakali kuyoocita nzi kujatikizya kutalulama ooku kuusisya kapati?\\nLUBETA LWA LEZA LULULEME\\n6, 7. Ino mbuti Jehova mbwaakatondezya kuti ngu Leza uuyandisya bululami, alimwi nkaambo nzi eeci ncocikonzya kwaambwa kuti cakabawumbulizya bamukwasyi wa Naboti alimwi abeenzinyina?\\n6 Cakufwambaana, Jehova wakatuma Elija kuli Ahabu. Cakweelela Elija wakaamba Ahabu kuti mujayi akuti mubbi. Ino Jehova wakaakosola buti makani aaya? Ahabu, mukaintu wakwe, alimwi abana bakwe bakali kuyoofwa mbubwenya mbwaakafwa Naboti abana bakwe.—1Bam. 21:17-25.\\n7 Nokuba kuti bamukwasyi wa Naboti alimwi abeenzinyina bakausa kapati akaambo kabujayi bwa Ahabu, cakutadooneka kuli mbobakawumbulizyigwa ikuzyiba kuti Jehova wakali kubwene kutalulama ooku akuti wakabweza ntaamu yeelede cakufwambaana. Nokuba boobo, kulicesya kwabo alimwi alusyomo lwabo muli Jehova kweelede kuti zyakasunkwa ciindi zintu nozyakacitika mbobatakali kuziyeeyela.\\n8. Mbuti mbwaakalimvwa Ahabu kumulumbe walubeta lwa Jehova, alimwi ncinzi cakacitika?\\n8 Ciindi Ahabu naakamvwa lubeta lupati lwa Jehova ilwakali kuboola, “wakazapula zisani zyakwe akusama zisani zyamasaka; mpoonya wakali kuliimya kulya alimwi wakali kulala ansi kasamide zisani zyamasaka akweenda cakuusa.” Ahabu wakalibombya! Ino ncinzi cakacitika? Jehova alimwi wakamutuma Elija kuti atole mulumbe aumbi walubeta kuzwa kulinguwe. Lino aciindi eeci, wakali mulumbe wakuti akaambo kakuti Ahabu wakalibombya kuli Leza, Jehova tanaakali kuyooleta lubeta ilwakasinsimwa muciindi ncaakali kupona. (1Bam. 21:27-29) Jehova ‘uulingula myoyo,’ wakamufwida luse Ahabu.—Tus. 17:3.\\n9. Nkaambo nzi ncotunga twaamba kuti kulicesya kwakabagwasya bamukwasyi wa Naboti alimwi abeenzinyina?\\n9 Ino kusala ooku kwakabajatikizya buti aabo ibakauzyi mulandu mupati ngwaakapanga Ahabu? Kusala ooku ambweni kwakasunka lusyomo lwamukwasyi wa Naboti alimwi abeenzinyina. Ikuti naa mbocakabede oobo, kulicesya nokwakabapa kuzumanana kukomba Jehova cakusyomeka, kabali masimpe kuti wakali kukonzya kululamika zintu zitaluleme. (Amubale Deuteronomo 32:3, 4.) Naboti, bana bakwe, alimwi amikwasyi yabo bayookkomana abululami bulondokede ciindi Jehova aakubusya baluleme. (Job. 14:14, 15; Joh. 5:28, 29) Kuyungizya waawo, muntu uulicesya ulizyi kabotu kuti “Leza mwini-mwini uyoobeteka milimo yoonse, kubikkilizya acintu cili coonse cisisidwe, kufwumbwa naa ncibi naa ncibotu.” (Muk. 12:14) Masimpe, ciindi Jehova nabeteka, ulatulanga-langa twaambo toonse swebo ntotutazyi. Aboobo, kulicesya kulabakwabilila bantu babombe kuntenda zyakumuuya.\\n10, 11. (a) Ino muubukkale buli buti lusyomo lwesu mbolukonzya kusunkwa? (b) Ino muunzila nzi kulicesya mbokukonzya kutukwabilila?\\n10 Ino inga mwacita buti ikuti naa baalu basala cintu cimwi ncomutamvwisyi naa ambweni ncomutazumini? Mucikozyanyo, ino inga mwacita buti ikuti naa nywebo naa umwi ngomumvwana limwi wanyangwa mukuli ngwaali kuyandisisya kapati? Ino mbuti kuti naa ngomukwetene limwi, mwanaanu, naa mulongwe wanu wagusyigwa mumbungano pele tiimwasalalilwa ambwaakosolwa makani? Ino mbuti kuti naa muyeeya kuti bakalubizya kumulekelela sizibi? Bukkale buli boobu bulakonzya kusunka lusyomo lwesu muli Jehova alimwi anzila mbozicitwa zintu mumbunga yakwe. Ino mbuti kulicesya mbokukonzya kumukwabilila ikuti naa mwasunkwa munzila eeyo? Atulange nzila zyobilo.\\nIno inga mwacita buti ikuti baalu baambilizya cintu ncomutazumini? (Amubone muncali 10 a 11)\\n11 Nzila yakusaanguna, kulicesya kuyootugwasya kuzumina kuti tatutuzyi twaambo toonse tujatikizyidwe. Tacikwe makani naa kuli ncotuzyi kujatikizya bukkale bumwi, alikke Jehova nguukonzya kuzyiba zili mumoyo wamuntu wacikozyanyo. (1Sam. 16:7) Ikukayeeya lyoonse kaambo aaka kamasimpe kuyootugwasya kuba bantu balicesya, ibazumina kulezya kwesu, alimwi ibalibambilide kucinca kujatikizya mbotukabona kaambo kamwi. Nzila yabili, kulicesya kuyootugwasya kulibombya alimwi akukkazika moyo ciindi notulindila Jehova kuti alulamike kutalulama kuli koonse. Cili buyo mbuli mbwaakaamba mwaalumi musongo iwakati: “Ziyoobeendela kabotu aabo bayoowa Leza mwini-mwini . . . , pele muntu mubi zintu tazikamweendeli kabotu pe, alimwi takavwuzyi mazuba aabuumi bwakwe.” (Muk. 8:12, 13) Masimpe, kucita zintu cakulicesya ncecikonzya kubagwasya kapati kumuuya boonse ibajatikizyidwe.—Amubale 1 Petro 5:5.\\nCIKOZYANYO CIJATIKIZYA KUUPA-UPA AMESO\\n12. Ino tulalanga-langa cibalo nzi, alimwi nkaambo nzi?\\n12 Banakristo bamumwaanda wamyaka wakusaanguna ku Antiyokeya yaku Siriya, bakajanika mubukkale ibwakasunka kulicesya kwabo alimwi akulekelela bamwi. Atucilange-lange cibalo eeco kutegwa tubone mbocikonzya kutugwasya ikulingula mbotukubona kulekelela bamwi. Eeco cilatugwasya kubona kulekelela mbokuswaangene abululami mbwabubona Jehova.\\n13, 14. Ino mwaapostolo Petro wakajisi mikuli nzi, alimwi mbuti mbwaakatondezya busicamba?\\n13 Mwaapostolo Petro wakali mwaalu iwakazyibidwe kapati mumbungano ya Bunakristo. Wakali mulongwe wa Jesu alimwi wakapedwe mikuli mipati. (Mt. 16:19) Mucikozyanyo, mu 36 C.E., Petro wakaba acoolwe cakukambauka makani mabotu kuli Korneliyo amukwasyi wakwe. Eeci cakali cintu caalubazu mbwaanga Korneliyo wakali muntu Wamasi iwatakapaludwe. Ciindi Korneliyo amukwasyi wakwe nobakatambula muuya uusalala, Petro wakati: “Sena kuli muntu uukonzya kwaakasya maanzi kuti batabbapatizyigwi bantu aaba ibatambula muuya uusalala mbubonya mbuli ndiswe?”—Mil. 10:47.\\n14 Mu 49 C.E., baapostolo alimwi abaalu mu Jerusalemu bakaswaangana kutegwa babandike naa cakali kuyandika kuti Bamasi ibakasanduka kuba Banakristo kabapalulwa. Kumuswaangano ooyu, Petro wakabandika cabusicamba, akubayeezya bakwesu kuti myaka misyoonto musyule, Bamasi batapaludwe bakatambula cipego camuuya uusalala. Bumboni Petro mbwaakapa oobo mbwaakalibonena ameso bwakagwasya kapati kukabunga keendelezya kamumwaanda wamyaka wakusaanguna kutegwa kasale cakucita. (Mil. 15:6-11, 13, 14, 28, 29) Tacidoonekwi kuti Banakristo Bahebrayo alimwi a Bamasi bakagwasyigwa kapati abusicamba bwa Petro kujatikizya mbwaakatupandulula twaambo. Elo kaka ceelede kuti cakali cuuba-uba kumusyoma muntu uusimide boobu kumuuya!—Heb. 13:7.\\n15. Ino nkulubizya kuli buti Petro nkwaakacita ciindi naakali ku Antiyokeya yaku Siriya? (Amubone cifwanikiso icili kumatalikilo aacibalo.)\\n15 Nokwakainda ciindi cisyoonto kuzwa muswaangano nowakamana mu 49 C.E, Petro wakaunka ku Antiyokeya yaku Siriya. Kali kokuya, cakulikwaya wakayanzana abakwesu Bamasi. Cakutadooneka, bakagwasyigwa akaambo kaluzyibo ndwaakajisi Petro. Pele inga tweezyeezya mbobakagambwa akutyompwa ciindi Petro cakutayeeyelwa naakacileka kulya ambabo. Bakwesu bamwi ba Juda, kubikkilizya a Barnaba, bakayungwa a Petro kucita mbubwenya. Ino ncinzi cakapa kuti mwaalu Munakristo uusimide alubizye munzila iili boobu, yalo yakali kukonzya kwaandanya bantu mumbungano? Ino ncinzi ncotukonzya kwiiya kukulubizya kwa Petro calo icikonzya kutugwasya ikuti naa mwaalu wakaamba naa kucita cintu cimwi icakatucisa?\\n16. Ino Petro wakalulamikwa buti, alimwi mibuzyo nzi iikonzya kubuzyigwa?\\n16 Amubale Bagalatiya 2:11-14. Petro wakacegwa mukakole kakuyoowa bantu. (Tus. 29:25) Nokuba kuti wakatondezyegwa cacigaminina kujatikizya Jehova mbwaakali kuyeeya mumakani aaya, Petro wakayoowa ncobakali kukonzya kwaamba ba Juda bamumbungano yaku Jerusalemu balo ibakapaludwe. Mwaapostolo Paulo, walo iwakaliko kumuswaangano waku Jerusalemu mu 49 C.E., wakamusikila Petro ku Antiyokeya akukuyubununa kuupaupa ameso kwakwe. (Mil. 15:12; Gal. 2:13, bupanduluzi buyungizyidwe) Ino bakali kuyoolimvwa buti Banakristo Bamasi balo ibakajatikizyigwa akutalulama nkwaakatondezya Petro? Sena bakali kuyoolekela kuti balebwe akaambo kaceeci? Sena Petro wakali kuyoonyangwa mikuli njaakajisi akaambo kakulubizya kuli boobu?\\n17. Mbuti Petro mbwaakagwasyigwa kukulekelela kwa Jehova?\\n17 Cakutadooneka, Petro cakulibombya wakalutobela lulayo lwakumululamika ilwakazwa kuli Paulo. Kunyina Magwalo mpaatondezya kuti wakanyangwa mikuli yakwe. Alimwi buya kumbele wakasololelwa amuuya kulemba magwalo obilo aakaba cibeela ca Bbaibbele. Cikkomanisya ncakuti, mulugwalo lwakwe lwabili, Petro wakaamba Paulo kuti “mukwesu uuyandwa.” (2Pet. 3:15) Nokuba kuti kulubizya kwa Petro kweelede kuti kwakabacisa kapati Bamasi ibakali cibeela cambungano, Jesu, silutwe wambungano wakazumanana kumubelesya. (Ef. 1:22) Aboobo basimbungano bakalijisi coolwe cakwiiya Jesu a Bausyi kwiinda mukutondezya muuya wakulekelela. Tulijisi lusyomo lwakuti, kunyina wakalilekela kuti alebwe akaambo kakulubizya kwamuntu uutalondokede.\\n18. Ino muubukkale buli buti motweelede kubona bululami mbuli mbwabubona Jehova?\\n18 Mbubonya mbocakabede mumwaanda wamyaka wakusaanguna, kunyina baalu balondokede mumbungano ya Bunakristo mazuba aano, “nkaambo toonse tulalubizya ziindi zinji.” (Jak. 3:2) Tulakonzya kukazumina kaambo aaka kamasimpe, pele ibuyumu-yumu buboola ciindi notujatikizyigwa cacigaminina akulezya kwamukwesu. Mubukkale buli boobo, sena andiswe tuyoobutondezya bululami bwa Jehova mbubwenya mbwacita walo? Mucikozyanyo, ino inga mwacita buti ikuti mwaalu waamba kaambo kamwi ikatondezya muuya wakusalulula? Sena muyoomfwumpulwa ikuti mwaalu cakutayeeya waamba cintu cimwi icamunyemya naa kumucisa? Muciindi cakufwambaana kwaamba kuti mukwesu ooyo taceeleli kuba mwaalu, sena cakukkazika moyo muyoolindila kuti Jesu, silutwe wambungano aalanganye makani aayo? Sena muyoosoleka canguzu ikubona bubotu mbwajisi mukwesu, ambweni kuyeeya myaka minji njaabelekela Leza cakusyomeka? Ikuti mukwesu iwakamulubizyila wazumanana kuba mwaalu naa buya akupegwa mikuli aimbi, sena muyookkomana? Kuti mwalyaaba kumulekelela, muyootondezya kuti bululami mububona mbuli mbwabubona Jehova.—Amubale Matayo 6:14, 15.\\n19. Ino tweelede kukanza kucita nzi?\\n19 Bantu ibayandisya bululami balangila ciindi Jehova nayoogusya kutalulama cakumaninina kwalo ikwaletwa a Saatani alimwi abweende bwakwe bwazintu oobu bubyaabi. (Is. 65:17) Kusikila leelyo eeci nociyoocitika, umwi aumwi wesu weelede kukanza kubona bululami mbuli mbwabubona Jehova kwiinda mukuzumina kuti andiswe tulalezya alimwi akuti tweelede kulekelela baabo batulubizyila.\\n“Kozuzikizya Cikonke Eeco Ncookonka”\\nIno Ncinzi Ciyoomana Bwaakuboola Bwami bwa Leza?\\nMAKANI AABUUMI Ndikanzide Kuzumanana Kuba Sikalumamba wa Kristo\\n“Mubetesi Wanyika Yoonse” Ucita Ciluzi Lyoonse\\nMuuya Wanu Wakulisungula Aumutembaule Jehova!\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA April 2017\\nNGAZI YAMULINDIZI—YAKWIIYA April 2017","num_words":1873,"character_repetition_ratio":0.055,"word_repetition_ratio":0.0,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Enoch a Elijah tabali Kujulu! Mwati hena ulizyi yebo Bbaibbele nkolyaamba kuti nkobabede? Print\\nEnoch a Elijah tabali Kujulu! Mwati hena ulizyi yebo Bbaibbele nkolyaamba kuti nkobabede?\\nKwaciindi cilamfu, Banakristu bakali kusyoma kuti Enoki a Elija “bakasandulwa” akutolwa Kujulu. Oolo lusyomo, nokuba boobo, luyeeme mukweezyeezya kutaluleme. Koyiya ncolyaamba Bbaibbele caacitika masimpe eelyo Yahuwah naakabatola. Tacili nconaambilwa pe!\\nHena yebo kuli nookasyomede cintu cimwi kuti ncamasimpe pele nkuyoojana biyo aakale kuti wakali lubide ciindi coonse. . . nkaambo wakasyoma buyo masendekezya aakulengelezya? Ime ndakalisyomede oobo! Alimwi kanjaanji cicindigambya asunu kumvwa masimpe, nkaambo bunji bwaziindi, masimpe eeni akaliko lyoonse, Ime ndakali kuuntuluzya biyo akaambo kakuti taakali kweendelana amanjezyeezya aangu.\\nNcenciceeco caacitika akumakani aaba Enoki a Elija. Iswe twakasendekezya kuti eelyo Yahuwah “naakabatola”, wakabatola Kujulu. Pe ma aayo teesyi mbwaabede bwini alimwi Ime inga ndamutondezya ncobeni kuzwa mu Bbaibbele!\\nBunji bwamakani aaguminizya Enoki ajanwa mutumpango tulembedwe mumyeengwe yone mifwaafwi mubbuku lya Matalikilo:\\nEnoki wakapona myaka makumi cisambomwe ayosanwe, mpoonya wakazyala Methuselah. Nkabela nicaayinda ciindi kazyede Methuselah, Enoki wakeenda a Yahuwah myaka iili myaanda yotatwe, alimwi wakazyala bana balombe abasimbi. Aboobo mazuba ngaakapona Enoki akali myaka myaanda yotatwe, makumi cisambomwe ayosanwe. Mpoonya Enoki wakeenda a Yahuwah; kusikila taakacili kubonwa, nkaambo Yahuwah wakamutola. (Matalikilo 5:21-24, NKJV)\\nAawa cilakondelezya kumvwisya ncaakaamba Mozesi kuti taakaamba kuti Enoki wakacili kweenda aa Yahuwah. Walo naakakonzya kwaamba boobo; wakalijisi majwi aakupandulula caacitika! Pele teesyi ncakaamba eeco. Kunze lyaboobo, walo wakabelesya majwi aamba ceeco Enoki ncaakacitide kale (mumazuba aakaindide kusyule). Kuyungizya waawo, Mozesi upozya biyo kuti: “Mazuba woonse ngaakapona Enoki akali myaka myaanda yotatwe, makumi cisambomwe amusanu.” Ikuti Enoki naakatolwa Kujulu mbuli mbotusendekezya, mazuba ngaakapona naacili kuyungizya kuya kumbele asunu kuzwa aciindi eeco. Pele tacisyi ncaakamba Mozesi eeco pe.\\nKaambo keni nkaubauba kuteelela: Enoki wakafwa. Inga cinooli cakali kukonzyeka ncobeni mumazuba aayo nyika niyaalutide bulwani, kuti ooyu mukambausi wabululami naakajayigwa. Mangwalo aasetekene aluumwine kujatikizya bweende bwa makani aaya. Nokuba boobo, kamwi kasimpe nkotunga twazyiba kakwiina kudonaika nkakuti Enoki wakafwa. Kakwiindide zyuulu zyamyaka, Johane muyandwa, kasololelwa aamoza, wakalemba kuti: “Kunyina muntu wakatanta kuya kujulu pele buyo yooyo wakazyila kujulu, nkokuti, Mwanaa Muntu ooyo uuli kujulu.” (Johane 3:13, NKJV) Aaka nkaambo kamusyobo wa “kusanganya-zyoonse”. Nkaambo kaguminizya kusanganya bantu boonse: “Kunyina muntu naba omwe wakaunka kujulu.”\\nAawa kupyopyongana kuliko kuzyila mubbala lya “kusandulwa.” BaHebulayo 11:5 baamba kuti: “Kwiinda mulusyomo Enoki wakasandulwa kutegwa atakanjili lufu; aboobo taakacili kubonwabonwa, nkaambo Yahuwah wakamusandula.” Amulangisye kuti takulembedwe kuti Enoki wakatoledwe Kujulu pe eelyo naakasandulwa. Kulembedwe buyo kuti taakajanwa.\\nIbbala lya “kusandulwa” lizyila mubbala lyaci Giliki lyakuti, metatithemi. Citaanzi ncoliiminina bbala eeli nca “kulonzyela kubusena bumwi . . . [Ku] lonzya.”1 Eeli ndendilyo lini bbala lyaci Giliki, lili mubbuku lya Milimo 7:16, lisanduludwe kuti “kulonzya” eelyo nolipandulula kuti nilwaainda lufu lwa Jakobe, mubili wakwe wakasandulwa\/wakalonzyelwa\/metatithemi ku Shechemu ooko nkwaakaakuzikkilwa abamawisi mumpangala yabbwe ku Machpelah. Mumajwi amwi, Yahuwah waacitila Enoki eeco ncaakali kuzyoocitila Mozesi aakale: “Aboobo Mozesi mulanda wa Yahuwah wakafwa okuya kunyika ya Mowabu, kweendelanya ajwi lya Yahuwah. Nkabela [Yahuwah] wakamuzikka [Mozesi] mumusena wa nyika ya Mowabu, mutala lyaku Bethpeor: Pele kwiina muntu uuzyi mpocibede cuumbwe cakwe kusikila buzuba buno.” (Ciibalusyo 34:5-6, KJV)\\nKujatikizya kaambo ka Enoki ooyo wakasandulwa cakuti “atakaboni lufu,” koyibaluka kuti Mangwalo ayiisya kuti kuli mfu zyobile: kuli lufu lwa mubili nuufwa nkaambo ka mulandu wacibi, alimwi kuli lufu lwa muya (lwa kunyonyweedwa limwi). Nkokunyonyooka ooku kulindila boonse aabo bakaka kucenguluka akuzyokela kuli Yahuwah kwiinda mu kweempwa zibi. Ndolufu lwabili oolu mulembi wa BaHebulayo 11 ndwaakali kwaamba, nkaambo kumbelaa caandaano nceenya eeci, wakasinizya kuti, “Aboobo boonse aaba, bakabaa bumboni bubotu kwiinda mukusyoma, Pele tiibakacitambula cisyomyo.” (BaHebulayo 11:39) Boonse aabo balembedwe mu BaHebulayo 11—nkokuti kusanganya antoomwe a Enoki—bakafwa lufu ndobafwa bantu boonse, pele kwiinda mulusyomo, tabakanjili naa “tabakaluboni” lufu lwabili lwakunyonyweeda limwi.\\nKaano ka Elija nkakaankamika kapati kutali nkaambo buyo kakuti Yahuwah “wakamusandula” akumulonzyela kubusena bumwi kubelesya nkalaki ya mulilo, pele Mangwalo ayubununa kuti wakapona anyika kwa myaka yone niiba yosanwe kuzwa aciindi aawo!2\\nBami Babili 2:11 baamba kuti “Elija wakakwempulwa mukapepele kuya kujulu.” Aawa bbala lya “kujulu” mu Mangwalo lyaambilizya majulu aayindene. Kuli Julu—ijulu lyatatu—ooko nkokuli munzi wa Leza Namakungwe. Nkolili ajulu lyabili anselelo ooko kujanwa zilengwe mbuli zuba, mwezi, anyenyeezi. Eelyo julu lyaambwa mu 2 Bami 2:11 ndejulu litaanzi: mumuwo. Ncobeni, kutegwa kube kambizi, nkokuti ooko kweelede kuba “mujulu” litaanzi kujanwa muwo. Mbuli mbotuteelela kale, tumbizi tatukonzyi kujanwa atala lya mulengalenga uuvwumbilide nyika.\\nCimwi ciinda kuzinga mizeezo cakacitikila Elija kumbelaa ciindi. Mangwalo taambi kwini nkwaakatolwa Elija, pele masimpe aakuti cikobela cabweendelezi wakacisiila Elisha mpoonya Elija wakazumanana kupona; aayo masimpe inga atalika kulibonya kuti waiya misela ya bami banyika ya Judah aya Isilayeli. Kataninga tolwa Elija, kwakakkala mwami mupya kulela acuuno ca Isilayeli. Ncintu cizinga maanu kubantu bamazubaano kuti ooyo mwami wa Isilayeli mupya, wakalaa zina likonzyene amwami wanyika ya Judah. Boonse bobile bakali kwiitwa zina lyakuti Jeholamu! (Langa mu Bami Babili 1:17.) Jeholamu wanyika ya Judah wakali kulela antoomwe awisi, Jehoshaphati, kwamyaka yobile. Lino kakwiindide myaka yone, Mwami Jehoshaphati wakafwa mumwaka wa 845 BCE. Mpeenya aawo Jeholamu, mwami wanyika ya Judah, waabakabaula akubajaya bakwabonyina kutegwa akkale nguwe alikke acuuno cabuleli. Wakaanka kusungilizya nyika ya Judah kukomba mituni. IBbaibbele lilembedwe kuti “wakasulaika Yahuwah Leza wa bamawisi.” (Makani Aabili 21:10, KJV) Pele mpoonya, kwakacitika cintu cikankamusya! Eeco ncintu tiicakali kukonzyeka kucitika kuti Elija naakali fwide kale nokuba kuti naakalaa Yahuwah Kujulu. Mwami uusofweede Jeholamu wakatambula lugwalo.\\nKuyungizya waawo [Jeholamu wakunyika ya Judah] wakalundaika zipaililo mumalundu aanyika ya Judah akusinikizya bantu baakkede mu Jelusalema kuti kabacita mamambe, akusungilizya bakunyika ya Judah abalo. Nkabela kwakamusikila lugwalo luzyila kuli Elija mushinshimi, lwakali kwaamba kuti, ‘Mboobu mbwaamba Yahuwah Leza wa Davida uso, Nkaambo webo tooyenda mumukondo wa uso Jehoshaphati, nanka mumilazyo ya Asa Mwami wanyika ya Judah, pele ucita nzibaali kucita bami ba Isilayeli, akukwelelezya cisi ca Judah abantu baku Jelusalema kuti batalike kuvwuula, mbuli buvwuule bwakali kucitwa mu ŋanda ya Ahabu, alimwi wajaya banabokwenu bami ba ŋanda ya uso, aabo bakali kweelela kulela kwiinda nduwe: Kolanga ono, Yahuwah ulakulekelezya penzi pati lipenzye bantu bako, abana bako, abamakaintu bako, azintu zyako zyoonse. (Makani Aabili 21:11-15, KJV)\\nCilakankamanisya eeci! Oolu lugwalo lwakasika kakwiindide munsaa myaka yone kuzwa leelyo Elija “naakakwempulwa mukambizi kutolwa kujulu.” (Bami Babili 2:11) Nokuba kuti tatuzyi nkwaakaakuponena buumi bwakwe munyika kuzwa waawo, pele tiikwakali Kujulu. Cilisalede, mbuli bwakaamba Johane kakwiindide zyuulu zyone zyamyaka kuti, “kunyina muntu wakatanta kuya kujulu.” (Johane 3:13) Enoki a Elija, mbuli balanda ba Singuzuzyoonse, balalyookezya mucuumbwe kabalindila kusikila akaboole Yahushua, eelyo antoomwe abasalali basyomeka bamisela yoonse, nobayoobusyigwa kabatacifwi kuti bakapone lyoonse kukabe kutamani munyika mpya.\\nKutegwa umvwe bumboni bunjaanji bwa ciyubunuzyo cikankamusya eeci mu Mangwalo, langaula pulogulamu lyesu muli sikapepele uulaa mutwe wakuti “Learn what happened to Enoch and Elijah. It’s not what you think!”\\n1 Greek-English Lexicon of the New Testament, lyakasimbwa mu 1969.\\n2 Kutolwa mu Moza wa Yahuwah tacili cintu ceenzu. Kuli ciindi comwe, nokuba zyobile zipedwe nicaacitikide eeco mu Mangwalo. Citaanzi, cilembedwe muli Luuka 4, eelyo basiminzi baku Nazaleta nibaasola kujaya Yahushua mu Nsabata:\\nNkabela boonse aabo bakali mu sinagogwe, nibakamvwa makani aazintu zyoonse eezi, baakalala kapati, bakavwakkamuka kuti bamuwaalile anze lya munzi, bakamukankaisya kumutola kunjeleela ya mulundu aawo aakayakidwe munzi, kutegwa bakamuwaale kayaa kukunkulika. Pele wakabasupuka akubazwela wainda akati kabo, mpoonya wakabasiya, waunka ku Capernaumu, kumunzi waku Galilaya, ooko nkwaakakuyiisyila mu Nsabata.” (Luuka 4:28-31, KJV)\\nCiindi cabili ndileelyo Filipo naakamanizya kubbizya muzibe waku Ethiopia:\\nMpoonya eelyo kabazyaa kuzwa mumeenda, Moza wa Simalelo wakakwempula Filipo, cakuti ooyo muzibe taakacili kumubona: nkabela awalo wakaunka nzila yakwe kayaa kutembaula. Pele Filipo wakaakulijana ku Azotus: mpoonya wakainda oomo kayaa kukambauka muminzi yoonse, kusikila waakubbukila ku Caesarea. (Milimo 8:39-40, KJV)","num_words":1189,"character_repetition_ratio":0.037,"word_repetition_ratio":0.003,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"AMUBALE MU Afrikaans Albanian Amharic Arabic Armenian Bulgarian Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch English Estonian Ewe Fijian Finnish French Georgian German Greek Hiligaynon Hungarian Iloko Indonesian Italian Japanese Kinyarwanda Kirghiz Kirundi Korean Lithuanian Malagasy Maltese Myanmar Norwegian Polish Portuguese Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Sinhala Slovak Slovenian Spanish Swahili Swedish Tagalog Thai Tigrinya Tsonga Turkish Twi Ukrainian Urdu Xhosa Zulu\\nKWACIINDI cilamfwu bantu mu Europe bali kukkomana kubona nkonkolekwa zibotu zitegwa painted lady, pele tiibakazyi cicitika kunkonkolekwa eezyi kumamanino aacilimo. Bakali kuyeeya kuti zilafwa kumatalikilo aamupeyo. Pele buvwuntauzi bwakacitwa ino-ino bwakaayubununa makani aatakazyibidwe. Mwaka amwaka nkonkolekwa eezyi zilalonga kuzwa ku Europe nkoili kunyika akuboola ku Africa.\\nMakani ngobakajana basikuvwuntauzya mumasena asiyene-siyene mu Europe akabikwa antoomwe ayaayo ngobakajana basikulisungula bambi. Buvwuntauzi bwakatondezya kuti kumamanino aacilimo, mamiliyoni aankonkolekwa eezyi alalonga kutozya kumusanza, kanji-kanji inga zyeendela mujulu mamita aali 500 kuzwa aansi, aboobo bantu tabakonzyi kuzibona. Nkonkolekwa eezyi zilantontwa amuuwo uubalika makkilomita aali 45 muwoola lyomwe mulweendo lwazyo lulamfwu lwakuboola mu Africa. Lweendo oolu lulampa makkilomita aali 15,000 ilucitwa mwaka amwaka, lutalikila kunyika ku Arctic Circle akugolela kumusanza ku West Africa. Musinzo ooyu mulamfwu ziindi zyobilo kwiinda yooyo iweendwa ankonkolekwa zyaku North America ziitwa kuti monarch. Mumusinzo ooyu kulaba mazyalani aankonkolekwa aali cisambomwe kuti zikasike nkoziya alimwi akupiluka.\\nSyaazibwene wazyina lya Jane Hill waku University of York mu England, upandulula kuti: “Nkonkolekwa zitegwa Painted Lady zilazumanana kuzyalana akweenda.” Mwaka amwaka, cilengwa eeci cilacitwa ankonkolekwa zyoonse zizwa ku Europe nkoili kunyika kutozya ku Africa alimwi akupiluka.\\nBapati bamulimo Mucibeela Cilanganya Akukwabilila Nkonkolekwa, ba Richard Fox baamba kuti: “Kauka aaka nkauba-uba kapati, bongo bwankako mbusyoonto kapati cakuti buleelene akatwe kakapini alimwi takajisi coolwe cakwiiya kutweenzyinyina, ituzyibide kuuluka lweendo lulamfwu.” Ba Fox bakayungizya akwaamba kuti tuuka ootu “aciindi cimwi twakali kuyeeyelwa kuti twakali kupepululwa amuuwo kusikila notufwa kumamanino aamupeyo ku Britain.” Pele buvwuntauzi oobu ibwakacitwa “bwakatondezya kuti nkonkolekwa ziitwa kuti Painted Lady mbaasilweendo bacibwene.”","num_words":313,"character_repetition_ratio":0.058,"word_repetition_ratio":0.0,"special_characters_ratio":0.144,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amubulemeke Buumi a Bulowa Mbubwenya Mbwacita Leza (Milimo 15:20) | Luyando lwa Leza\\n“Yebo ndonduwe kasensa kabuumi.”—INTEMBAUZYO 36:9.\\n1, 2. Ino ncipego nzi ncaakatupa Leza iciyandika kapati mazuba aano, alimwi ino nkaambo nzi?\\nTAATEESU wakujulu wakatupa cipego ciyandika kapati swebo tobantu—wakatupa buumi alimwi amaano aatugwasya kutondezya bube bwakwe. (Matalikilo 1:27) Akaambo kacipego eeci ciyandika kapati, tulakonzya kulanga-langa njiisyo zyamu Bbaibbele akubona mbozikonzya kutugwasya. Alimwi kwiinda mukuzitobela, tulakonzya kukomena akuba bantu basimide kumuuya, aabo ibamuyanda Jehova alimwi “ibalaamaano aayiisyidwe kwaandaanya ciluzi acitaluzi.”—Bahebrayo 5:14.\\n2 Mazuba aano cilayandika kapati kulanga-langa njiisyo zyamu Bbaibbele akubona mbozibeleka akaambo kakuti nyika yakatazya kapati cakuti tacikonzyeki kuba amilawo iikonzya kutobelwa muzintu zyoonse zikonzya kutucitikila mubuumi. Kaambo aaka kalalibonya mumakani aabusilisi, ikapati kujatikizya misamu anzila zyabusilisi zijatikizya kubelesya bulowa. Boonse ibayanda kumumvwida Jehova beelede kukabikkila maano kapati kaambo aaka. Aboobo, ikuti katuzimvwisya njiisyo zyamu Bbaibbele, tulakonzya kusala camaano akuba amanjezyeezya mabotu alimwi akuzumanana kukkala muluyando lwa Leza. (Tusimpi 2:6-11) Amulange-lange njiisyo zimwi zikonzya kumugwasya mumakani aaya.\\nBUUMI ABULOWA ZILISETEKENE\\n3, 4. Ino ndilili bulowa nobwakasaanguna kwaambwa kuti bulisetekene mu Magwalo, alimwi ino kaambo aaka kayeeme aanjiisyo zili?\\n3 Ciindi cakusaanguna Jehova naakatondezya kuti buumi abulowa ziliswaangene kapati akuti zilisetekene nciindi Kaini naakajaya Abelo. Leza wakaambila Kaini kuti: “Swiilila! Bulowa bwamunyoko bulandililila kuzwa munyika.” (Matalikilo 4:10) Mumeso aa Jehova, bulowa bwa Abelo bwakali kwiiminina buumi oobo ibwakakosokezyegwa ciindi naakajaigwa calunya. Munzila imwi, bulowa bwa Abelo bwakali kukwiila kuti Leza ape cisubulo.—Bahebrayo 12:24.\\n4 Nolyakamana Zambangulwe lya Nowa, Leza wakazumizya bantu kulya nyama pele ikutali bulowa. Leza wakaamba kuti: “Tamweelede kulya nyama antoomwe abuumi bwayo, nkokuti bulowa bwayo. Kunze lyaboobo bulowa bwanu ndiyoobuyandaula.” (Matalikilo 9:4, 5) Noliba lino bantu boonse beelede kuutobela mulawo ooyu akaambo kakuti mbana ba Nowa. Mulawo ooyu utondezya mbokali kamasimpe kaambo nkaakaamba Leza kuli Kaini kakuti bulowa bwiiminina buumi bwazilenge zyoonse. Kunze lyaboobo, mulawo ooyu utondezya kuti Jehova, kasensa kabuumi, uyakubasubula bantu boonse batalemeki buumi abulowa.—Intembauzyo 36:9.\\n5, 6. Ino mbuti Mulawo wa Musa mbowakatondezya kuti bulowa bulisetekene alimwi bulayandika kapati? (Amubone kabbokesi kakuti “ Kamubulemeka Buumi Bwabanyama.”)\\n5 Twaambo ootu tobilo ituyandika kapati twakaambwa alimwi mu Mulawo wa Musa. Lugwalo lwa Levitiko 17:10, 11 lwaamba kuti: “Kufwumbwa muntu . . . uulya bulowa buli boonse, ndiyoomukaka muntu ooyo uulya bulowa, eelyo ndiyoomujaya. Nkaambo buumi bwacintu cipona buli mubulowa, alimwi mebo ndamuzumizya kuti kamububelesya acipaililo kumanya milandu yanu, akaambo kakuti bulowa mbobumanya milandu nkaambo momuli buumi.” *—Amubone kabbokesi kakuti “ Bulowa Mbobumanizya Milandu.”\\nBULOWA MBOBUMANIZYA MILANDU\\nMu Jwi lya Leza, bulowa bwaambwa kuti buleelene abuumi. Aboobo, muciindi cakupegwa mulandu akaambo kakutyola milawo ya Jehova, sizibi iweempwa mu Israyeli yansiku wakali kukonzya kupaizya munyama acipaililo ca Leza. (Levitiko 4:27-31) Cipaizyo eeci cakali kuzimanizya zibi zyakwe nokuba kuti cakali kubeleka buyo kwaciindi cisyoonto.\\nKweelana ambwaabelesyegwa mu Bbaibbele, mabala aakuti ‘kumanya milandu,’ apa muzeezo “wakucincanya” naa “kuvwumba” mbubonya citampa iceelede mbocivwumba cibikkilo kabotu-kabotu. Masimpe ngakuti kunyina munyama wakali kukonzya “kuvwumba” naa kumanizya zibi zyamuntu cakumaninina. Nokuba boobo, zipaizyo zyabanyama zyakali kwiiminina cipaizyo cakumbele icakali kuyakumanizya milandu cakumaninina.—Bahebrayo 10:1, 4\\nCipaizyo eeci cakumanizya milandu cakapegwa “kwiinda mucituuzyo camubili wa Jesu Kristo ciindi comwe buyo kukabe kutamani.” (Bahebrayo 10:10) Buumi bwa Kristo bulondokede, ibwakali kwiimininwa “abulowa buyandisi buli mbuli bwamwanaambelele uunyina kampenda nokaba kabala” bwakaleelene abuumi mbwaakanyonyoona Adamu. (1 Petro 1:19) Aboobo, munzila mbotu kapati alimwi yaluyando, eeci cakapa kuti bululami bucitwe akuti tukonzye kujana “lufwutuko lutamani.”—Bahebrayo 9:11, 12; Johane 3:16; Ciyubunuzyo 7:14.\\n6 Ikuti bulowa bwamunyama tiibwapaizyigwa acipaililo, bwakeelede kutilwa ansi. Aboobo, munzila yacikozyanyo, ibuumi bwakali kujolwa kuli Mukamwini buumi. (Deuteronomo 12:16; Ezekieli 18:4) Nokuba boobo, amubone kuti bana Israyeli tiibakeelede kuciindizya kwiinda mukusola kugusya bulowa boonse bwakali kujanika munyama. Kufwumbwa buyo kuti munyama wajaigwa kabotu naa watendwa buya amoyo, muna Israyeli wakali kukonzya kulya nyama eeyo kakutuba kumoyo, akaambo kakuti ikucita boobo cakali kutondezya bulemu kuli Sikutupa buumi.\\n7. Ino mbuti Davida mbwaakatondezya kuti bulowa wakali kububona kuti bulisetekene?\\n7 Davida, “imwaalumi weendelana amoyo [wa Leza]” wakazimvwisya njiisyo zili mumulawo ngwaakapa Leza kujatikizya bulowa. (Milimo 13:22) Ciindi cimwi naakafwide nyota, ibaalumi bakwe botatwe bakanjila canguzu munkambi yabasinkondonyina bamane bakateka meenda mumugoti akumutolela. Ino Davida wakacita buti? Wakabuzya kuti: “Sena ndeelede kunywa bulowa bwabaalumi aaba ibabikka buumi bwabo muntenda?” Davida wakabona kuti ikunywa meenda aalya cakali mbuli kunywa bulowa bwabaalumi bakwe ibakabikka buumi bwabo muntenda. Aboobo, nokuba kuti wakalifwide nyota, “wakaatila ansi kuli Jehova.”—2 Samuele 23:15-17.\\n8, 9. Sena Leza wakacinca mbwaabona makani aajatikizya buumi abulowa noyakabambwa mbungano ya Banakristo? Amupandulule.\\n8 Nokwakainda myaka iisika ku 2,400 kuzwa ciindi Leza naakamupa mulawo Nowa alimwi nokwakainda myaka iitandila ku 1,500 kuzwa nocakabambwa cizuminano ca Mulawo, Jehova wakabelesya muuya wakwe kusololela kabunga keendelezya kambungano ya Banakristo bakusaanguna kulemba kuti: “Muuya uusalala alimwi andiswe twasala kutamuyungizizya mukuli aumbi, ccita buyo zintu eezyi ziyandika: kuti muzumanane kutantamuka zintu zituulwa kumituni, bulowa, zintu zisinidwe alimwi abwaamu.”—Milimo 15:28, 29.\\n9 Cilisalede kuti, bakabunga keendelezya kakusaanguna bakabona kuti bulowa bulisetekene alimwi akuti ikububelesya munzila iitali kabotu kuleelene akukomba mituni naa kucita bwaamu. Oobo mbobazibona zintu Banakristo bakasimpe mazuba aano. Kunze lyaboobo, akaambo kakuti batobela njiisyo zyamu Bbaibbele, balamukkomanisya Jehova nobasala cakucita mumakani aajatikizya kubelesya bulowa.\\nIno mbuti mbondikonzya kumupandulwida musilisi kujatikizya kusala kwangu mumakani aakubelesya tubeela tumwi twabulowa?\\n10, 11. (a) Ino Bakamboni ba Jehova bakubona buti kubikkwa bulowa naa cibeela cimwi akati kazibeela zyone zyabulowa? (b) Caboola kumakani aabulowa, ndilili Banakristo nobakonzya kubona zintu munzila ziindene-indene?\\n10 Bakamboni ba Jehova balizyi kuti “kutantamuka . . . bulowa” caamba kutazumina kubikkwa bulowa alimwi akutasanga naa kuyobola bulowa bwabo kutegwa bakabikkwe kumbele. Alimwi akaambo kakuti balaulemeka mulawo wa Leza, tabazumini kubikkwa zibeela zyone zyabulowa, nkokuti maseelo aapanga bulowa (red cells), maseelo aalwana tuzunda (white cells), cibeela cipa kuti bulowa kabwaangana (platelets), ameenda aamubulowa (plasma).\\n11 Pele, mazuba aano, kwiinda mukubelesya nzila zimwi zyabasyaabupampu, zibeela eezyi zilakonzya kwaandaanizyigwa mutubeela tuniini-niini tubelesyegwa munzila ziindene-indene. Sena Munakristo ulakonzya kutuzumina tubeela tuniini ootu? Sena utubona kuti ‘mbulowa’? Umwi aumwi weelede kulisalila mumakani aaya. Ncimwi buyo anzila zyabusilisi mbuli hemodialysis, hemodilution alimwi a cell salvage izijatikizya bulowa bwakwe muntu uusilikwa, kufwumbwa buyo kuti tiibwayobolwa.—Amubone Makani Aayungizyidwe mucibalo cakuti “Tubeela Twabulowa Alimwi Anzila Zyakwaandulwa.“\\n12. Ino mbuti mbotweelede kwaabona akwaalanganya makani aajatikizya manjezyeezya?\\n12 Sena caamba kuti Jehova tazibikkili maano zintu nzyotweelede kulisalila swebo tobeni? Peepe, nkaambo ulazibikkila maano kapati nzyotuyeeya anzyotuyandisya mumoyo. (Amubale Tusimpi 17:3; 24:12.) Aboobo, twamana kupaila akuvwuntauzya makani aajatikizya misamu naa nzila zyabusilisi, tweelede kwaatobela manjezyeezya eesu aakayiisyigwa njiisyo zyamu Bbaibbele. (Baroma 14:2, 22, 23) Kunze lyaboobo, ibamwi tabeelede kutusalila naa kutusungilizya kusala munzila imwi njobalombozya balo alimwi tatweelede kubabuzya kuti, “Ino inga mwacita buti ikuti nomwali ndinywe?” Mumakani aaya, Munakristo umwi aumwi weelede “kunyamuna mukuli wakwe uumugeme.” *—Bagalatiya 6:5; Baroma 14:12; amubone kabbokesi kakuti “ Sena Bulowa Ndibubona Kuti Bulisetekene?”\\nSENA BULOWA NDIBUBONA KUTI BULISETEKENE?\\nNjiisyo: ‘Amutantamuke bulowa.’—Milimo 15:20.\\nMibuzyo imwi njomukonzya kulibuzya\\nIno inga ndakupandulula buti kwiindana kuliko akati kazibeela zyone zyabulowa alimwi atubeela tuniini-niini twabulowa? *\\nNkaambo nzi ncondeelede kulisalila ikuti naa inga ndazumina naa kukaka musamu uujisi tubeela tuniini-niini twabulowa naa nzila zimwi zyabusilisi zijatikizya kubelesya bulowa bwangu?—Baroma 12:2; Bagalatiya 6:5.\\nMbuti mbondikonzya kumupanduluda musilisi ikaambo ncondizuminina naa ncondikakila musamu uujisi tubeela tuniini-niini twabulowa?—Tusimpi 13:16.\\nMILAWO YA JEHOVA ITONDEZYA KUTI NGU TAATEESU UUTUYANDA\\n13. Ino milawo anjiisyo zya Jehova zitondezya nzi kujatikizya nguwe? Amupe cikozyanyo.\\n13 Milawo anjiisyo zyamu Bbaibbele zitondezya kuti Jehova ngu Sikupa Mulawo imusongo alimwi akuti ngu Taata siluyando uuyandisya kuti bana bakwe kabapona kabotu. (Intembauzyo 19:7-11) Nokuba kuti mulawo wakuti ‘katutantamuka bulowa’ tiiwakapegwa akaambo katwaambo tujatikizya busilisi, utugwasya kuti tutabi amapenzi aaboola akaambo kakubikkwa bulowa. (Milimo 15:20) Masimpe ngakuti, basilisi banji baamba kuti ikutabelesya bulowa mukwaandula bantu “nenzila mbotu kapati” yabusilisi mazuba aano. Ku Banakristo bakasimpe, twaambo tuli boobu tupa bumboni bwakuti busongo bwa Jehova tabweeli akuti ngu Taata siluyando.—Amubale Isaya 55:9; Johane 14:21, 23.\\n14, 15. (a) Ino milawo nzi yakali kutondezya kuti Leza ulabayanda bantu bakwe? (b) Ino mbuti mbomukonzya kutobela njiisyo izili mumilawo eeyi iijatikizya kutantamuka ntenda?\\n14 Milawo minji njobakapegwa bana Israyeli yakali kutondezya kuti Leza wakali kuyanda kuti bantu bakwe kabapona kabotu. Mucikozyanyo, wakalailila kuti maanda aabana Israyeli akeelede kuba acitabililo aciluli kutegwa muntu ataloki, akaambo kakuti milimo minji yakali kucitilwa aziluli. (Deuteronomo 22:8; 1 Samuele 9:25, 26; Nehemiya 8:16; Milimo 10:9) Kunze lyaboobo, Leza wakalailila kuti ŋombe zikali naa ziluma zyakeelede kubambwa kabotu. (Kulonga 21:28, 29) Ikutaitobela milawo eeyi cakali kutondezya kuti tabababikkili maano bamwi alimwi bakali kukonzya kuba amulandu wabulowa.\\n15 Ino mbuti mbomukonzya kutobela njiisyo izili mumilawo eeyi? Inga cainda kubota ikubikkila maano kumootokala wanu, mbomweenzya, banyama mbomuvwuba, ŋanda yanu, nkomubelekela, azyakulikatalusya nzyomusala. Mumasi amwi, icijaya bakubusi banji nintenda, bunji bwaziindi izicitika akaambo kabuyamba. Pele bakubusi ibayanda kuzumanana kuba muluyando lwa Leza balabubikkila maano kapati buumi alimwi tabalikondelezyi azintu zikonzya kubanjizya muntenda. Tabayeeyi kuti tabakonzyi kunjila muntenda akaambo kakuti mbakubusi. Muciindi caboobo, balalikondelezya mubukubusi bwabo kwiinda mukutantamuka zintu zibi.—Mukambausi 11:9, 10.\\n16. Ino ninjiisyo nzi yamu Bbaibbele iibeleka mumakani aakugusya da? (Amubone abupanduluzi buyungizyidwe.)\\n16 Nobuba buumi bwamwana uutanazyalwa bulayandika kapati mumeso aa Leza. Mu Israyeli yansiku, ikuti naa muntu wacisa mukaintu uulaada mpoonya mukaintu ooyo naa mwanaakwe wafwa, kuli Leza muntu uuli boobo wakali kubonwa kuti mujayi alimwi wakeelede kulunga “buumi kubuumi.” * (Amubale Kulonga 21:22, 23.) Aboobo, amuyeeye mbwalimvwa Jehova nabona bantu banji bagusya mada amwaka, ibunji bwabo akaambo kakuti bayanda kulikondelezya naa kuzumanana kucita buvwuule.\\n17. Ino mbuti mbomukonzya kumuyumya-yumya muntu wakagusya da katanaiya zyeelelo zya Leza?\\n17 Pele, ino mbuti kujatikizya mukaintu wakagusya da katanaiya kasimpe kamu Bbaibbele? Sena caamba kuti Leza takonzyi kumufwida luse? Peepe! Masimpe ngakuti, muntu weempwa ncobeni ulakonzya kusyoma kuti Jehova ulakonzya kumulekelela kwiinda mubulowa bwa Jesu. (Intembauzyo 103:8-14; Baefeso 1:7) Kristo lwakwe mwini wakaamba kuti: “Ndakaboolela kwiita basizibi kuti beempwe ikutali bantu baluleme.”—Luka 5:32.\\n18. Ino mbuti Bbaibbele mbolitugwasya kuzyiba cini cipa kuti muntu ajaye mweenzinyina?\\n18 Jehova tayandi buyo kuti katutacisi bamwi, pele uyanda kuti tugusye lusulo mumyoyo yesu oolo lusololela kukutila bulowa bwabantu banji. Mwaapostolo Johane wakalemba kuti: “Muntu woonse uusulaika munyina mujayi.” (1 Johane 3:15) Muntu uuli boobu tamuyandi buyo imunyina, pele ulombozya kuti kubota wafwa. Ulakonzya kutondezya kuti ulimusulide mweenzinyina kwiinda mukumubejekezya cakuti ikuti naa eeco ncaamwaamba nicali camasimpe, ooyo wabejekezyegwa inga wayandika kusubulwa a Leza. (Levitiko 19:16; Deuteronomo 19:18-21; Matayo 5:22) Aboobo, cilayandika kapati kuti tugusye lusulo luli loonse iluli mumyoyo yesu!—Jakobo 1:14, 15; 4:1-3.\\n19. Ino muntu uutobela njiisyo zyamu Bbaibbele waabona buti magwalo mbuli Intembauzyo 11:5 a Bafilipi 4:8, 9?\\n19 Kuyungizya waawo, aabo ibabona kuti buumi bulayandika mbubonya mbwabubona Jehova alimwi ibayanda kuzumanana kukkala muluyando lwakwe tabayandi nkondo iili yoonse. Lugwalo lwa Intembauzyo 11:5 lwaamba kuti: “Kufwumbwa muntu uuyanda nkondo [Jehova] ulimusulide.” Lugwalo oolu talwaambi buyo ibube bwa Leza; pele lujisi njiisyo iikonzya kutugwasya mubuumi. Lulakonzya kubakulwaizya ibamuyanda Leza ikutalikondelezya azintu zili zyoonse zikonzya kubapa kuyandisya nkondo. Mbubonya buyo, ikaambo kakuti Jehova ngu “Leza waluumuno” kalabakulwaizya babelesi bakwe kuyeeya zintu ziyandika, zili kabotu alimwi zyeelela kutembaulwa, eezyo izipa kuti kube luumuno.—Amubale Bafilipi 4:8, 9.\\nAMUZITANTAMUKE MBUNGA IZIJISI MULANDU WABULOWA\\n20-22. Ino Banakristo baibona buti nyika alimwi ino nkaambo nzi?\\n20 Mumeso aa Leza, nyika yoonse ya Saatani ijisi mulandu wabulowa. Imbunga zyanjiyo zyatwaambo twacisi, iziimininwa azinyama zikali mu Magwalo, zyajaya tuulunzuma twabantu kubikkilizya ababelesi banji ba Jehova. (Daniele 8:3, 4, 20-22; Ciyubunuzyo 13:1, 2, 7, 8) Abalo basimakwebo abasayaansi kwiinda mukubelekela antoomwe ambunga eezyi izili mbuli banyama aaba bakali balajana mpindu mpati kwiinda mukupanga zilwanyo zikali kapati. Masimpe kuti “nyika yoonse ili mumaanza aamubi”!—1 Johane 5:19.\\n21 Akaambo kakuti basikutobela Jesu “tabali banyika” eeyi, alimwi tabatoli lubazu nokuceya mutwaambo twacisi amunkondo, tabajisi mulandu wabulowa pe lwabo kubagama naa ciinga cabo coonse. * (Johane 15:19; 17:16) Alimwi akaambo kakuti batobela cikozyanyo ca Kristo, tababalwani bantu ibabapenzya. Muciindi caboobo, balabayanda basinkondonyina alimwi buya balabapailila.—Matayo 5:44; Baroma 12:17-21.\\n22 Kunze lyaboobo, Banakristo bakasimpe tabayandi kujatikizyigwa a “Babuloni Mupati,” nkokuti bwami bwanyika yoonse bwabukombi bwakubeja ibujisi mulandu mupati wabulowa kwiinda mbunga zyoonse. Jwi lya Leza lyaamba kuti: “Mulinguwe mwakajanwa bulowa bwabasinsimi abwabasalali alimwi abwabantu boonse buyo ibakajaigwa anyika.” Aboobo, tucenjezyegwa kuti: “Amuzwe mulinguwe, nobantu bangu.”—Ciyubunuzyo 17:6; 18:2, 4, 24.\\n23. Ino kuzwa mu Babuloni Mupati caamba nzi?\\n23 Ikuzwa mu Babuloni Mupati tacaambi buyo ikufwutwa zina mubbuku lyacikombelo cakubeja. Cilabikkilizya akusulaika micito mibi iizuminwa akucitwa mubukombi bwakubeja mbuli kutalilemeka, kujatikizyigwa mutwaambo twacisi, busyaacivwulemwangu akuyandisya lubono. (Amubale Intembauzyo 97:10; Ciyubunuzyo 18:7, 9, 11-17) Kanji-kanji eeyi njemicito iipa kuti bantu kabajayana.\\n24, 25. Ncinzi cikonzya kupa kuti Leza amufwide luse muntu weempwa kumulandu wabulowa, alimwi ino eeci cakali kwiimininwa anzi kuciindi cabana Israyeli?\\n24 Katutananjila mubukombi bwakasimpe, umwi aumwi wesu munzila imwi wakali kutola lubazu muzintu zicitika munyika ya Saatani, aboobo twakajisi mulandu wabulowa. Pele, akaambo kakuti twakacinca bukkale bwesu, twakaba alusyomo mucipaizyo cacinunuzyo ca Kristo alimwi twakalyaaba kuli Leza, eeci cakapa kuti Leza atufwide luse akutukwabilila kumuuya. (Milimo 3:19) Bbaibbele litondezya kuti lukwabililo lwamusyobo ooyu lwakali kwiimininwa aminzi yamayubilo.—Myeelwe 35:11-15; Deuteronomo 21:1-9.\\n25 Ino bubambe oobu bwakali kubeleka buti? Ikuti muna Israyeli wajaya mweenzinyina ikutali acaali, wakeelede kuccijila kumunzi umwi wamayubilo. Kumane babetesi bakali kwaalanga-langa makani aayo, mpoonya ikuti muntu ooyo wajanwa kuti ncobeni tanaakamujaya acaali mweenzinyina, wakeelede kukkala mumunzi wamayubilo kusikila mane mupaizi mupati wafwa. Mpoonya wakali kukonzya kukkala kufwumbwa nkwayanda. Masimpe, bubambe oobu butondezya kuti Leza ulaaluzyalo alimwi akuti buumi bwabantu bulayandika kapati kulinguwe. Minzi eeyi yamayubilo mazuba aano mbubambe mbwaakabikka Leza kwiinda mucipaizyo cacinunuzyo ca Kristo icitukwabilila kulufwu ikuti cakutazyiba twatyola milawo iijatikizya kusetekana kwabuumi abulowa. Sena mulalumba kujatikizya bubambe oobu? Mbuti mbomukonzya kutondezya kuti mulalumba? Nzila imwi mbomukonzya kucita boobo nkwiinda mukutamba bamwi kuti bamusangane mumunzi wamayubilo wamazuba aano, ikwaambisya mbotubwene kuti “mapenzi mapati” alaafwaafwi kapati.—Matayo 24:21; 2 Bakorinto 6:1, 2.\\nAMUTONDEZYE KUTI BUUMI BULAYANDIKA KAPATI KWIINDA MUKUKAMBAUKA MULUMBE WA BWAMI\\n26-28. Ino bukkale bwesu bukozyenye buti abwamusinsimi Ezekieli, alimwi ino mbuti mbotukonzya kuzumanana kukkala muluyando lwa Leza?\\n26 Bukkale bwabantu ba Leza mazuba aano butuyeekezya musinsimi Ezekieli, ooyo Jehova ngwaakapa mulimo wabulindizi kutegwa acenjezye bana Israyeli. Leza wakati: “Eelyo nomvwa jwi lizwa kumulomo wangu, weelede kundicenjezyela bantu aaba.” Ikuti Ezekieli naatakaubikkila maano mulimo ooyu, naakaba amulandu wabulowa bwabaabo ibakajaigwa ciindi munzi wa Jerusalemu nowakapegwa cisubulo akunyonyoonwa. (Ezekieli 33:7-9) Pele Ezekieli wakaucita mulimo ooyu, aboobo kunyina naakaba amulandu wabulowa.\\n27 Sunu, tulaafwaafwi amamanino aanyika yoonse ya Saatani. Aboobo, Bakamboni ba Jehova balimvwa kuti bajisi mukuli alimwi acoolwe cipati cakwaambilizya mulumbe wa Bwami alimwi ‘abuzuba bwa Leza bwakupa cisubulo.’ (Isaya 61:2; Matayo 24:14) Sena andinywe muluujisi kubeleka cakumaninina mumulimo ooyu uuyandika kapati? Mwaapostolo Paulo wakali kuubikkila maano kapati mulimo ngwaakapedwe wakukambauka. Aboobo, wakaamba kuti: “Ndinyina mulandu wabulowa bwabantu boonse, nkaambo tiindakamusisa pe, pele ndakamwaambila zyoonse nzyayanda Leza.” (Milimo 20:26, 27) Masimpe, tweelede kutobela cikozyanyo cakwe cibotu.\\n28 Ncobeni, kutegwa tuzumanane kukkala muluyando lwa Taateesu siluyando Jehova, kuli acimbi ncotweelede kucita kunze lyakubona buumi abulowa mbubonya mbwabubona Jehova. Tweelede kuzumanana kusalala mumeso aakwe mbubonya mbotulaabone mucibalo citobela.\\n^ munc. 5 Kujatikizya kaambo nkaakaamba Leza kakuti “buumi bwacintu cipona buli mubulowa,” magazini yakuti Scientific American yaamba kuti: “Nokuba kuti mukaambo aaka bulowa bwaambidwe mumaambilambali kuti bwiiminina buumi, masimpe ngakuti musyobo umwi aumwi wamaseelo aapanga bulowa ulayandika kutegwa cintu cibe cuumi.”\\n^ munc. 12 Amubone Sinsimuka! ya Chingisi yamu August 2006, amapeeji 3-12, iyakamwaigwa a Bakamboni ba Jehova.\\n^ munc. 16 Basikupandulula mabala aamu Bbaibbele baamba kuti mabala aakabelesyegwa mu Chihebrayo “kuboneka kuti taajatikizyi buyo kucisa mukaintu alikke.” Alimwi amubone kuti Bbaibbele talyaambi kuti mukukosola makani Jehova wakali kubala kuti ino nsalalila naa mwana uuli mwida mupati buti.\\n^ munc. 21 Amubone Cibalo 5 cakuti, “Mbomukonzya Kulyaandaanya Kunyika.”\\n^ munc. 70 Ikuti kamuyanda makani aambi, amubone Makani Aayungizyidwe mucibalo cakuti “Tubeela Twabulowa Alimwi Anzila Zyakwaandulwa”.\\nKAMUBULEMEKA BUUMI BWABANYAMA\\nNokuba kuti Jehova utwaambila kuti tulakonzya kujaya banyama kutegwa tulye akupanga zisani naa kulikwabilila, tatweelede kujaya cijaye-jaye. (Matalikilo 3:21; 9:3) Tatweelede kuba mbuli Nimurodi muvwimi silunya, ooyo uuboneka kuti wakali kujaya banyama akaambo buyo kakuyanda kulikondelezya. (Matalikilo 10:9) Muciindi caboobo, tweelede kwiiya Jehova ooyo uubabikkila maano banyama boonse, notuba tuyuni tuniini.—Jona 4:11; Matayo 10:29.\\nMulawo wa Musa utondezya kuti Leza ulababikkila maano banyama. (Kulonga 23:4, 5, 12; Deuteronomo 22:10; 25:4) Kweelana a Mulawo ooyu, lugwalo lwa Tusimpi 12:10 lwaamba kuti: “Mululami ulabalanganya kabotu banyama mbavwuba, pele lubomba lwababi ndunya.” Lino-lino bantu boonse basilunya kubikkilizya amilimo yabo bayakumana do.\\nMabala Amusale naa muyanda kukkopa zyakamwaigwa izyakalekkoodwa ‘Amuzumanane Kukkala Muluyando lwa Leza’\\nBbaibbele Ncolyaamba Kujatikizya Banyama","num_words":2458,"character_repetition_ratio":0.053,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Lusyomo—Ino Ncinzi Ncolyaamba Bbaibbele?\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bengali Bislama Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Danish Dutch Efik English Estonian Ewe Fijian Finnish French Georgian German Greek Gujarati Hebrew Hiligaynon Hindi Hungarian Icelandic Igbo Iloko Indonesian Italian Japanese Kannada Kazakh Kikaonde Kinyarwanda Kirghiz Kirundi Korean Lingala Lithuanian Luganda Luvale Macedonian Malagasy Malayalam Maltese Marathi Myanmar Nepali Norwegian Oromo Pangasinan Polish Portuguese Punjabi Quechua (Ayacucho) Quechua (Cuzco) Romanian Russian Samoan Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Swahili Swahili (Congo) Swedish Tagalog Tamil Tatar Telugu Tetun Dili Thai Tigrinya Tok Pisin Tsonga Turkish Twi Ukrainian Vietnamese Wolaita Xhosa Yoruba Zulu\\nBantu bamwi balitaminina kuti mbakombi, pele balakatazyigwa kumvwisya ncolyaamba bbala lyakuti “lusyomo.” Ino lusyomo ninzi, alimwinkaambo nzi ncoluyandika?\\nIno lusyomo ninzi?\\nBantu banji bayeeya kuti muntu uujisi lusyomo ulakonzya kusyoma buyo cintu kakunyina bumboni businizyide. Mucikozyanyo, amweezyeezye muntu mukombi iwaamba kuti, “Ndilasyoma muli Leza.” Ikuti muntu ooyo wabuzyigwa, “Nkaambo nzi ncosyoma muli Leza?” ulakonzya kwiingula kuti, “Nkaambo mbondakakomezyegwa” naa “Oobo mbondakayiisyigwa kuzwa kaindi.” Mutwaambo tuli boobu, inga kakulibonya mbuli kuti kuli buyo lwiindano lusyoonto akati kakuba alusyomo alimwi akunyengelelwa.\\n“Lusyomo mbulangizi businizyidwe bwaceeco cilangilwa, mbumboni busalede bwazintu zini-zini zitanabonwa.” (Bahebrayo 11:1) Kutegwa bulangizi bwamuntu businizyigwe, muntu ooyo weelede kuba atwaambo tumvwika kujatikizya cintu eeco. Mubwini, ibbala ilyakasandululwa kuti “bulangizi businizyidwe,” talipandululi buyo mbwalimvwa muntu mumoyo naa mbwalombozya. Aboobo lusyomo lubikkilizya kusyoma cintu cijisi bumboni.\\n“Bube bwakwe [Leza] butalibonyi bulalibonya caantangalala kuzwa ciindi naakalenga nyika kuyakumbele, nkaambo bulabonwa muzintu nzyalengede, noziba nguzu zyakwe zitamani akuti ngu Leza ncobeni.”—Baroma 1:20.\\nNkaambo nzi ncociyandika kuba alusyomo?\\nNCOLYAAMBA BBAIBBELE “Ikuti kakunyina lusyomo tacikonzyeki pe kumukkomanisya Leza, nkaambo kufwumbwa ooyo uuswena afwaafwi kulinguwe weelede kusyoma kuti nkwali ncobeni akuti uba sikupa bulumbu kuli baabo bamuyandaula cabusungu.”—Bahebrayo 11:6.\\nMbubwenya mbokwaambwa kale, bantu banji balasyoma muli Leza akaambo kakuti mbobakayiisyigwa kuti kabacita oobo. Balakonzya kwaamba kuti, ‘Oobo mbondakakomezyegwa.’ Pele walo Leza uyanda kuti aabo bamukomba kabajisi lusyomo luyumu lwakuti nkwali alimwi akusyoma muluyando lwakwe. Nkakaambo kamwi Bbaibbele ncolikankaizyila kumuyandaula cabusungu, kutegwa tumuzyibe kabotu.\\n“Amuswene kuli Leza, eelyo awalo ulaswena kulindinywe.”—Jakobo 4:8.\\nMbuti mbomukonzya kuba alusyomo?\\nBbaibbele lyaamba kuti: “Lusyomo lujanwa buyo lyamana kumvwugwa jwi.” (Baroma 10:17) Aboobo, nzila yakusaanguna yakuba alusyomo muli Leza ‘nkumvwa’ cini Bbaibbele ncoliyiisya kujatikizya nguwe. (2 Timoteyo 3:16) Kwiiya Bbaibbele kuyoomugwasya kujana bwiinguzi bwini-bwini kumibuzyo iiyandika kapati, kubikkilizya ayakuti: Ino Leza nguni? Ino mbumboni nzi buliko bwakuti nkwali? Sena ncobeni Leza ulandilanganya? Ino Leza ujisi makanze nzi kujatikizya kumbele?\\nBumboni bwakuti Leza nkwali bulituzingulukide\\nBakamboni ba Jehova inga bakkomana kumugwasya kwiiya Bbaibbele. Mbubwenya mbokwaambidwe awebbusaiti yesu ya jw.org, “Bakamboni ba Jehova balayanda kuyiisya bantu kujatikizya Bbaibbele, pele kunyina notusinikizya muntu uuli woonse kuti atusangane mubukombi bwesu. Muciindi caboobo, cabulemu tulaamba ncolyaamba Bbaibbele, katuzyi kuti muntu uuli woonse ulijisi nguzu zyakulisalila nzyayanda kusyoma.”\\nKumamanino, lusyomo lwanu lweelede kuti kaluyeeme abumboni mbomujana ciindi nomulanga-langa mbwaali amasimpe makani ngomubala mu Bbaibbele. Kwiinda mukucita boobo muyootobela cikozyanyo cabasikwiiya bamumwaanda wamyaka wakusaanguna balo “bakaliyandide kapati mumyoyo kutambula jwi, kabavwuntauzya cakulomya mu Magwalo abuzuba kutegwa babone naa zintu eezyi mbozibede ncobeni.”—Milimo 17:11.\\n“Eeci caamba buumi butamani, ikuti bakuzyiba yebo O Leza mwini-mwini ooli olikke, ayooyo ngookatuma, Jesu Kristo.”—Johane 17:3.\\nSena inga mwasala sayaansi, busongo bwabantu naa Bbaibbele?\\nIno Ncinzi Ncolyaamba Bbaibbele Kujatikizya Lusyomo?","num_words":523,"character_repetition_ratio":0.044,"word_repetition_ratio":0.0,"special_characters_ratio":0.157,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 14 IBBAIB63 - Mpoonya awo Jehova wakaambila - Bible Search\\nKulonga 13 Kulonga 15\\nLeza mbwaakavuna ba-Israyeli ku-Lwizi Lusalala\\n1Mpoonya awo Jehova wakaambila Musa kuti, 2-Ambila bana baIsrayeli kuti bapiluke, bayake zilao zyabo kunembo lya-Pihahiroti, akatikati ka-Migidoli alwizi kunembo lya-Baala-Zefoni. Amuyake zilao zyanu nkukonya oko kumbali lyalwizi. 3-Nkaambo Farao ulaamba aabana ba-Israyeli kuti, Balipatide munyika eyo; inkanda yabajalila. 4-Lino ndayumya moyo wa-Farao, nkabela ulabatobela; lino njoojana bulemu kuli-Farao akumpi yakwe yoonse, nkabela ba-Egepita bayooziba kuti ndime Jehova. Elyo bakacita obo.\\n5Lino mwami wa-Egepita naakalwiidwa kuti bantu baloboka, moyo wa-Farao abalanda bakwe wakasandukila bantu. Bakati, Ma! Twacitanzi? Twalekelanzi ba-Israyeli kuti batanoocitumanina milimo? 6Mpawo wakabopa inkalaki yakwe, abalo bantu bakwe wakabatolelela. 7Wakatola inkalaki zisalidwe zili myanda iili musanu aumwi, ankalaki zyoonse zyaku-Egepita, abasilutwe bazyo boonse. 8-Jehova wakayumya moyo wa-Farao mwami wa-Egepita, aboobo wakatobela bana ba-Israyeli, nkaambo ba-Israyeli bakali kuya ajanza ijumu. 9-Ba-Egepita bakabatobela, imbizi zyoonse zya-Farao ankalaki zyakwe abasimbizi bampi yakwe, babeenzya kulwizi nkubakayakide zilao, ku-Pihahiroti kunembo lya-Baala-Zefoni.\\n10-Lino Farao naakasika afwaafwi, bana ba-Israyeli bakatambya meso aabo, babona kuti ba-Egepita beza bubatobela. Mpawo bana ba-Israyeli bakayoowa loko, akukwiilila Jehova. 11-Nkabela bakaambila Musa kuti, Sa taakwe tubanda ku-Egepita? Watuletelanzi okuno kuti tufwe munkanda? Watugwisizyanzi ku-Egepita? 12-Sa teensi ngemakani aya ngaonya ngetwakakwaambila ku-Egepita? Sa teetwakaamba kuti, Tuleke, tubelekele baEgepita? Nkaambo kubelekela ba-Egepita nkubotu kulindiswe kwiinda kufwa munkanda. 13-Pele Musa wakaambila bantu kuti, Mutayoowi, amwiime, mubone lufutuko Jehova ndwasi mucitile buzuba obuno, Aba ba-Egepita mbomubwene sunu tamukooyoobabona limbi. 14-Jehova ulamulwida. Nywebo amuumune buyo.\\n15Lino Jehova wakaambila Musa kuti, Ulandikwiililanzi? Ambila bana ba-Israyeli kuti baye kunembo. 16-Ayebo, sumpula musako wako, utandabike ijanza lyako atala alwizi, ulwaandule, kuti bana ba-Israyeli bainde anyika injumu akati kalwizi. 17-Lino mebo ndayumya myoyo yaba-Egepita, kuti babatobele, aboobo njoojana bulemu kuli-Farao akumpi yakwe yoonse, kunkalaki zyakwe akulibasimbizi bakwe, 18Nkabela ba-Egepita bayooziba kuti ndime Jehova nenjoolemekwa kuli-Farao akunkalaki zyakwe akuli basimbizi bakwe.\\n19-Mpawo angelo wa-Leza iwakali kuzulwida makamu aaba-Israyeli wakajokela musule lyabo. Awalo musumpululu wajoba wakazwa kunembo lyabo, waima musule lyabo, 20-weza akatikati lyamakamu aaba-Egepita amakamu aaba-Israyeli, nkabela kali ijoba amudima. Lino masiku akamana, nkabela masiku oonse inkamu ezi zyobile tazikwe nezyakaswanaana.\\n21-Elyo Musa wakatandabika ijanza lyakwe atala alwizi, nkabela masiku oonse Jehova wakapilusya maanzi aalwizi amuuwo muyumu wakujwe, mane kwakaboneka nyika injumu akati kalwizi, amaanzi akapambukana. 22-Lino bana ba-Israyeli bakainda akati kalwizi anyika injumu, amaanzi akababeda mbuli bulambo kululyo akucimwensi. 23Mpawo ba-Egepita bakabatobela, imbizi zyoonse zya-Farao ankalaki zyakwe abasimbizi bakwe, banjila mukati kalwizi. 24Lino kubucedo Jehova wakalanga makamu aaba-Egepita kuzwa kumusumpululu wajoba awamulilo, wapilinganya makamu oonse aabaEgepita. 25Nkabela wakaangatizya mavwili aankalaki zyabo, wazyeenzya cakusililika. Lino ba-Egepita bakaamba kuti, Atucije ba-Israyeli, nkaambo Jehova nguubalwida kuba-Egepita.\\n26Lino Jehova wakaambila Musa kuti, Tandabika ijanza lyako atala alwizi, kuti maanzi aboole aba-Egepita, ankalaki zyabo abasimbizi babo. 27-Elyo Musa wakatandabika ijanza lyakwe atala alwizi, nkabela izuba nelyakapasula, maanzi aalwizi akaswanaana mbuli mbwaakabede lyoonse, aboobo ba-Egepita mukucija kwabo bakanjila mulindulo, nkabela Jehova wakabatapwida mulwizi. 28-Maanzi akapi luka, avumba inkalaki abasimbizi ampi yoonse ya-Farao, iyakabatobede mulwizi. Teekwakasyaala naba omwe, 29-Pele bana ba-Israyeli bakeenda anyika injumu akati kalwizi, amaanzi akababeda bulambo kululyo akulumwensi. 30-Mbuboobu Jehova mbwaakafutula ba-Israyeli buzuba obo kuzwa kumaanza aaba-Egepita, Ba-Israyeli bakabona ba-Egepita bafwide ankomwe yalwizi. 31-Elyo ba-Israyeli nebakabona milimo mipati Jehova njaakacitila ba-Egepita, bantu bakayoowa Jehova akusyoma Jehova amulanda wakwe Musa.","num_words":512,"character_repetition_ratio":0.087,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Johane 6 | Bbaibbele lili a Intaneti | Bbaibbele lya Busanduluzi Bwanyika Mpya\\n6 Nozyakainda zintu eezyi Jesu wakazabuka kuya mutala lya Lwizi lwa Galilaya, naa Tiberiya.+ 2 Eelyo nkamu mpati yabantu yakali kumutobela,+ nkaambo bakali kubona maleele ngaakali kucita naakali kuponya balwazi.+ 3 Aboobo Jesu wakatanta acilundu, eelyo wakakkala ooko abasikwiiya bakwe. 4 Lino Pobwe Lyakwiindilila,+ nkokuti ipobwe lyaba Juda lyakali afwaafwi. 5 Lino Jesu naakalanga akubona kuti kwakali kuboola nkamu mpati yabantu kulinguwe, wakabuzya Filipo kuti: “Nkuukuli nkotuya kuula zinkwa zyakuti bantu aaba balye?”+ 6 Pele wakali kubuzya boobu kutegwa amusunke, nkaambo walo wakalizyi ncaakali kuyanda kucita. 7 Filipo wakamwiingula kuti: “Zinkwa zyuulwa madinari* aali 200 tazikonzyi kukkwana, nokuba kuti muntu umwi aumwi wakomwedwa buyo kasyoonto.” 8 Umwi wabasikwiiya bakwe, Andreya imunyina Simoni Petro wakati kulinguwe: 9 “Ngooyu musankwa uujisi zinkwa zyabbaale zyosanwe atuswi tobilo. Pele ino eezyi inga zyacita nzi kubantu banji boobu?”+ 10 Jesu wakati: “Amubakkazike bantu ansi.” Lino kwakali bwizu bunji abusena oobo, aboobo bakakkala aawo, ibaalumi batandila ku 5,000.+ 11 Mpoonya Jesu wakabweza zinkwa eezyo, eelyo naakamana kulumba, wakabaabanya aabo bakakkede waawo; wakacita mbubonya akutuswi eelyo bakalya akukkuta. 12 Pele bantu nobakalya akukkuta, wakaambila basikwiiya bakwe kuti: “Amubwezelele bufwefwelenga boonse bwasyaala, kutegwa kutabi cinyonyooka.” 13 Aboobo bakabubwezelela boonse, eelyo bakazuzya zisuwo zili 12 zyabufwefwelenga ibwakasiigwa abaabo ibakalya zinkwa zyabbaale zyosanwe. 14 Aboobo bantu nobakabona maleele ngaakacita, bakatalika kwaamba kuti: “Ooyu ncobeni ngo Musinsimi wakasinsimwa kuti uyooboola munyika.”+ 15 Mpoonya Jesu mbwaanga wakalizyi kuti bakali kuyanda kuboola akumujata kutegwa bamubikke kuba mwami, wakazwa+ alimwi akuunka kucilundu alikke.+ 16 Nokwakaba kumangolezya, basikwiiya bakwe bakaselemuka kuunka kulwizi,+ 17 nobakatanta bwato bakatalika lweendo lwakuya mutala lyalwizi ku Kapernauma. Lino kwakalisiide alimwi Jesu tanaakaningaboola kulimbabo.+ 18 Alimwi kwakatalika kuba mayuwe mulwizi nkaambo kwakali kuunga guwo pati.+ 19 Pele nobakakwasula musinzo wamakkilomita aatandila kuli osanwe naa cisambomwe, bakabona Jesu keenda atala aalwizi kazyaabuswena kufwaafwi abwato, aboobo bakayoowa. 20 Pele wakati kulimbabo: “Ndime; mutayoowi pe!”+ 21 Aboobo bakaanguluka kumunjizya mubwato, ndilyonya bwato bwakasika kunkomwe yabusena nkobakali kuunka.+ 22 Ibuzuba bwakatobela inkamu yabantu ibakacaala mutala limwi lyalwizi bakabona kuti kwakanyina bwato ooko ccita buyo bwato busyoonto, alimwi bakazyiba kuti Jesu tanaakatanta mubwato antoomwe abasikwiiya bakwe pele basikwiiya bakaunka balikke. 23 Pele mato aazwa ku Tiberiya akasika kufwaafwi abusena nkobakalida cinkwa eelyo Mwami naakamana kulumba. 24 Aboobo nkamu yabantu noyakabona kuti Jesu abasikwiiya bakwe tabako, bakatanta mato aabo akuboola ku Kapernauma kuti bamuyandaule Jesu. 25 Eelyo nobakamujana mutala lyalwizi, bakamubuzya kuti: “Rabbi,+ ino wasika lili kuno?” 26 Jesu wakabaingula kuti: “Ncobeni ndimwaambila masimpe kuti, mulandiyandaula ikutali akaambo kakuti mwakabona maleele, pele akaambo kakuti mwakalya zinkwa akukkuta.+ 27 Mutabelekeli cakulya cinyonyooka, pele amubelekele cakulya cikkalilila akupa buumi butamani,+ eeco ncayoomupa Mwanaamuntu; nkaambo Taata, nkokuti Leza wabikka cisinizyo cakwe alinguwe kutondezya kuti ulamukkomanina.”+ 28 Aboobo bakamubuzya kuti: “Ino ncinzi ncotweelede kucita kutegwa katubeleka milimo ya Leza?” 29 Mukwiingula Jesu wakabaambila kuti: “Ngooyu mulimo wa Leza, kuti mumusyome ooyo ngwaakatuma.”+ 30 Mpoonya bakati kulinguwe: “Ino ncinzi ncotiicite kuti cibe citondezyo+ kutegwa tucibone akukusyoma? Mulimo nzi ngotiicite? 31 Bamatata bakalya mana munkanda,+ mbubonya mbokulembedwe kuti: ‘Wakabapa cinkwa cizwa kujulu kuti balye.’”+ 32 Aboobo Jesu wakabaambila kuti: “Ncobeni ndimwaambila masimpe kuti, Musa tanaakamupa cinkwa cizwa kujulu, pele Taata umupa cinkwa cini-cini cizwa kujulu. 33 Nkaambo cinkwa ca Leza ngooyo uuboola kuzwa kujulu akwiipa buumi nyika.” 34 Aboobo bakati kulinguwe: “Mwami, lyoonse kotupa cinkwa eeci.” 35 Jesu wakabaambila kuti: “Mebo ndendime cinkwa cabuumi. Kufwumbwa uuboola kulindime takafwi nzala pe, alimwi kufwumbwa uundisyoma takafwi nyota pe.+ 36 Pele mbubonya mbondakamwaambila, nokuba kuti mwandibona tamusyomi.+ 37 Boonse aabo mbandipa Taata bayooboola kulindime, alimwi ooyo uuboola kulindime tandikamutandi pe;+ 38 nkaambo ndakaboola kuzwa kujulu+ kuti nditaciti kuyanda kwangu, pele ndicite kuyanda kwayooyo wakandituma.+ 39 Ooku nkokuyanda kwayooyo wakandituma, kuti nditasweekelwi naba omwe akati kabaabo boonse mbaakandipa, pele kuti nkababusye+ mubuzuba bwamamanino. 40 Nkaambo ooku nkokuyanda kwa Taata, kuti woonse uumuzyi Mwana akumusyoma abe abuumi butamani,+ alimwi ndiyoomubusya+ mubuzuba bwamamanino.” 41 Mpoonya ba Juda bakatalika kuŋuŋuna kujatikizya nguwe akaambo kakuti wakati: “Mebo ndendime cinkwa cakazwa kujulu.”+ 42 Alimwi bakatalika kwaamba kuti: “Sena ooyu tali Jesu mwana wa Josefa, ooyo bausyi abanyina mbotuzyi?+ Ino caba buti kuti lino waamba kuti, ‘Ndakazwa kujulu’?” 43 Mukwiingula Jesu wakabaambila kuti: “Amuleke kuŋuŋuna akati kanu. 44 Kunyina muntu uukonzya kuboola kulindime ccita kuti wakwelwa+ a Taata wakandituma, alimwi ndiyoomubusya mubuzuba bwamamanino.+ 45 Kulilembedwe mu Basinsimi kuti: ‘Boonse bayooyiisyigwa a Jehova.’*+ Woonse uumuswiilila Taata alimwi akwiiya kulinguwe ulaboola kulindime. 46 Kunyina muntu wakamubona Taata,+ ccita buyo yooyo wakazwa kuli Leza; ooyu ngonguwe wakamubona Taata.+ 47 Ncobeni ndimwaambila masimpe kuti, kufwumbwa ooyo uusyoma ulaabuumi butamani.+ 48 “Mebo ndendime cinkwa cabuumi.+ 49 Bamauso bakalya mana munkanda pele bakafwa.+ 50 Eeci ncecinkwa cizwa kujulu, kutegwa uuli woonse acilye kuti atafwi. 51 Mebo ndendime cinkwa cipona cakazwa kujulu. Ikuti muntu uuli woonse wacilya cinkwa eeci, unoopona kukabe kutamani; alimwi mubwini, icinkwa ncendiyoopa mubili wangu kutegwa nyika ibe abuumi.”+ 52 Aboobo ba Juda bakatalika kukazyanya mulicabo, balaamba: “Mbuti muntu ooyu mbwanga watupa mubili wakwe kuti tulye?” 53 Eelyo Jesu wakabaambila kuti: “Ncobeni ndimwaambila masimpe kuti, ccita kuti mwalya mubili wa Mwanaamuntu akunywa bulowa bwakwe, munyina buumi mulindinywe.+ 54 Kufwumbwa ooyo uulya mubili wangu akunywa bulowa bwangu ulaabuumi butamani, alimwi ndiyoomubusya+ mubuzuba bwamamanino; 55 nkaambo mubili wangu ncakulya cini-cini, alimwi bulowa bwangu ncakunywa cini-cini. 56 Kufwumbwa ooyo uulya mubili wangu akunywa bulowa bwangu ulikamantene andime lyoonse, andime ndilikamantene anguwe.+ 57 Mbubonya Taata muumi mbwaakandituma alimwi mebo ndili muumi akaambo ka Taata, awalo ooyo uundilya, unooli muumi akaambo kandime.+ 58 Eeci ncecinkwa cakazwa kujulu. Tacili mbuli leelyo bamauso nobakalya pele kumbele bakafwa. Kufwumbwa ooyo uulya cinkwa eeci unooli muumi kukabe kutamani.”+ 59 Zintu eezyi wakazyaamba naakali kuyiisya mucikombelo* ku Kapernauma. 60 Nobakamvwa makani aaya, basikwiiya bakwe banji bakati: “Makani aaya ayumya mate; nguni uunga waaswiilila?” 61 Pele Jesu, mbwaanga wakalizyi kuti basikwiiya bakaŋuŋuna akaambo kaceeci, wakati kulimbabo: “Sena makani aaya amutyompya? 62 Aboobo ino cilaba buti, ikuti mwabona Mwanaamuntu katanta kuya kooko nkwaakabede kusaanguna?+ 63 Imuuya nguupa buumi;+ mubili unyina mpindu iili yoonse. Imajwi ngendamwaambila muuya alimwi mbuumi.+ 64 Pele nkobali bamwi akati kanu ibatasyomi.” Nkaambo Jesu wakalibazyi kuzwa kumatalikilo aabo batasyomi alimwi ayooyo wakali kuyoomwaaba.+ 65 Aboobo wakazumanana kwaamba kuti: “Nkakaambo kaako ndamwaambila kuti, kunyina muntu uukonzya kuboola kulindime ccita kuti wazumizyigwa a Taata.”+ 66 Akaambo kaceeci, basikwiiya bakwe banji bakapilukila kuzintu zyamunyika+ nzyobakasiide alimwi tiibakacili kweenda limbi anguwe. 67 Aboobo Jesu wakabuzya bali Kkumi Ababili kuti: “Sena andinywe muyanda kuunka?” 68 Simoni Petro wakamwiingula kuti: “Mwami, ino inga twaunka kuli ni?+ Yebo ujisi majwi aapa buumi butamani.+ 69 Twasyoma alimwi twazyiba kuti yebo ndonduwe Musalali wa Leza.”+ 70 Jesu wakabaingula kuti: “Sena tiindakamusala kamuli kkumi ababili?+ Pele umwi akati kanu ngusikubejelezya.”*+ 71 Mubwini wakali kwaamba Judasi mwana wa Simoni Isikariote, nkaambo ooyu wakali kuyoomwaaba, nokuba kuti wakali umwi wabali Kkumi Ababili.+\\n^ Naa “banamaleya.”\\n^ Naa “ngudiabolosi.”","num_words":1034,"character_repetition_ratio":0.055,"word_repetition_ratio":0.0,"special_characters_ratio":0.186,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Tulamuyanda Kapati Jehova, Taateesu — LAIBBULALI YAA INTANETI ya Watchower\\nw20 February map. 8-13\\nTulamuyanda Kapati Jehova, Taateesu\\nAMUYUMYE CILONGWE CANU A JEHOVA\\nAMUTONDEZYE LUYANDO KWIINDA MUKUMVWIDA\\nAMUBAGWASYE BAMWI KUMUYANDA TAATEESU\\nAMUMUYANDE TAATEESU KUTEGWA MUKKOMANE\\nJehova, Taateesu, Ulatuyanda Kapati\\nAmuyumye Cilongwe Ncomujisi Amukwasyi Wanu Wakumuuya\\nLuyando lwa Leza Lunooliko Lyoonse\\nCIBALO CAKWIIYA 7\\n“Swebo tulatondezya luyando, nkaambo walo nguwakasaanguna kutuyanda.”—1JOH. 4:19.\\nLWIIMBO 3 Leza Ninguzu Zyesu, Mbulangizi Bwesu, Ngotusyoma\\n1-2. Nkaambo nzi alimwi muunzila nzi Jehova mwaakapa kuti cikonzyeke kulindiswe kuba cibeela camukwasyi wakwe?\\nJEHOVA wakatutamba kuti tusangane mukwasyi wabakombi bakwe. Eelo kaka kutambwa ooku kulakkomanisya kapati! Mukwasyi wesu upangidwe aabantu bakalyaaba kuli Leza alimwi ibatondezya lusyomo mucinunuzyo cacipaizyo ca Mwanaakwe. Tuli mukwasyi uukkomene ncobeni. Tupona buumi bulaampindu lino, alimwi tuyookkomana abuumi butamani nkokuti, kujulu naa mu Paradaiso anyika.\\n2 Jehova wakapa kuti cikonzyeke kulindiswe kuba cibeela camukwasyi wakwe akaambo kakuti ulatuyanda kapati. Aboobo kutegwa acite oobo, Jehova wakali kuyandika kulyaaba kapati. (Joh. 3:16) ‘Twakaulwa amuulo waatala.’ (1Kor. 6:20) Kwiinda mucinunuzyo, Jehova wakapa kuti cikonzyeke kulindiswe kuba acilongwe anguwe. Tulakonzya kwiita Mupatikampatila mububumbo boonse kuti Taata. Alimwi, mbubwenya mbotwakabona mucibalo cainda, Jehova ngu Taata wiinda kubota.\\n3. Mibuzyo nzi njotukonzya kulibuzya? (Alimwi amubone kabbokesi kakuti “Sena Jehova Ulandibikkila Maano?”)\\n3 Mbubwenya mbuli mulembi wa Bbaibbele umwi, tulakonzya kulibuzya kuti: “Ino inga ndamupilusyila nzi Jehova kububotu boonse mbwaandicitila?” (Int. 116:12) Bwiinguzi mbwakuti kunyina ncotukonzya kumupilusyila Taateesu wakujulu. Nokuba boobo, tulamuyanda kapati. Mwaapostolo Johane wakalemba kuti: “Swebo tulatondezya luyando, nkaambo walo nguwakasaanguna kutuyanda.” (1Joh. 4:19) Muunzila nzi motukonzya kumutondezya Taateesu wakujulu kuti tulamuyanda?\\nSena Jehova Ulandibikkila Maano?\\nSena kuli nomwakalibuzyide kale kuti, ‘Kuvwula bantu bali anyika, mbuti Jehova mbwakonzya kundibikkila maano?’ Ikuti naa mbocibede oobo, tamuli ndinywe nyolikke nomulimvwa boobo. Mwami Davida wakalemba kuti: “O Jehova, ino muntu nguni wakuti komulanganya, imwana wamuntu ooyo ngobikkila maano?” (Int. 144:3) Davida wakalisinizyide kuti Jehova wakali muzyi kabotu. (1Mak. 17:16-18) Alimwi kwiinda mu Jwi lyakwe ambunga yakwe, Jehova umwaambila kuti ulalubona luyando ndomutondezya kulinguwe. Amubone twaambo tumwi tuli mu Jwi lya Leza itukonzya kumugwasya kusinizya kuti Jehova ulamubikkila maano:\\nJehova wakamubona nociba ciindi kamutanazyalwa.—Int. 139:16.\\nJehova ulizizyi nzyomuyeeya alimwi ambomulimvwa.—1Mak. 28:9.\\nJehova ulaiswiilila mipailo yanu yoonse.—Int. 65:2.\\nNzyomucita zilakonzya kumukkomanisya Jehova naa kumupa kuusa.—Tus. 27:11.\\nJehova lwakwe kumugama ngowakamukwela kulinguwe.—Joh. 6:44.\\nIkuti mwafwa, Jehova uyoomubusya nkaambo ulimuzyi kabotu. Uyoomubusya kweelana ambomubede lino.—Joh. 11:21-26, 39-44; Mil. 24:15.\\nTulatondezya mbotumuyanda kapati Taateesu wakujulu, Jehova, kwiinda mukupaila kutegwa tuyumye cilongwe cesu anguwe, kwiinda mukumumvwida alimwi akugwasya bamwi kumuyanda (Amubone muncali 4-14)\\n4. Kweelana alugwalo lwa Jakobo 4:8, nkaambo nzi ncotweelede kusolekesya kuyumya cilongwe cesu a Jehova?\\n4 Jehova uyanda kuti muciyumye cilongwe canu anguwe kwiinda mukubandika anguwe. (Amubale Jakobo 4:8.) Utwaambila kuti ‘tujatisye kupaila,’ alimwi ulatuswiilila lyoonse. (Rom. 12:12) Kunyina najata bubi naa kukatala kutuswiilila. Andiswe tulamuswiilila kwiinda mukubala Jwi lyakwe Bbaibbele alimwi amabbuku aatugwasya kulimvwisya Bbaibbele. Alimwi tulamuswiilila kwiinda mukubikkila maano ciindi notuli kumiswaangano ya Bunakristo. Mbubwenya kubandika ciindi aciindi mbokugwasya bana kuba acilongwe ciyumu abazyali babo, akwalo kubandika a Jehova ciindi aciindi kulatugwasya kuyumya cilongwe cesu anguwe.\\nAmubone muncali 5\\n5. Ncinzi ncotweelede kucita kutegwa mipailo yesu kaitambulwa kuli Jehova?\\n5 Amuyeeye kujatikizya mipailo njomupaila kuli Leza. Jehova uyanda kuti katupaila kulinguwe kuzwa ansi aamoyo. (Int. 62:8) Aboobo tweelede kulibuzya kuti: ‘Sena mipailo yangu njaatala-tala buyo mbuli mameseji aakukkopa naa izwa ansi aamoyo mbuli magwalo aakulilembela buya?’ Tacidoonekwi buya kuti mulamuyanda kapati Jehova, alimwi muyanda kuti cilongwe canu anguwe cizumanane kuyuma. Kutegwa mucite oobo, mweelede kunoobandika anguwe ciindi aciindi. Amumwaambile mbomulimvwa. Amumwaambile zintu izimupa kukkomana alimwi azimupa kulibilika. Amube alusyomo lwakuti mulakonzya kulomba lugwasyo kulinguwe.\\n6. Ncinzi ncotweelede kucita kutegwa tuzumanane kuba acilongwe a Taateesu wakujulu?\\n6 Kutegwa tube acilongwe a Taateesu wakujulu, tweelede kuzumanana kuba amuuya wakulumba. Tulaazumina majwi ngaakalemba sintembauzyo aakuti: “Nzinji kapati zintu nzyoocita, O Jehova Leza wangu, milimo yako iigambya amakanze ngojisi kulindiswe. Kunyina uukonzya kweelanisyigwa anduwe; ikuti naa ndati ndiziluule akuzyaamba, nzinji kapati cakuti tandikonzyi kuzibandauka zyoonse!” (Int. 40:5) Tatweelede buyo kulimvwa kuti tulalumba; pele tweelede kutondezya kulumba kwesu kuli Jehova kwiinda mumajwi alimwi amumilimo. Eeci citupa kuti katwiindene kapati abantu banji mazuba aano. Tupona munyika oomo bantu mobatalumbi kuzintu zyoonse nzyabacitila Leza. Alimwi buya, citondezyo cimwi icitondezya kuti tupona “kumazuba aamamanino” ncakuti bantu tabalumbi. (2Tim. 3:1, 2) Inga cabija kaka kuba amuuya ooyu!\\n7. Ino ncinzi Jehova ncayanda kuti tucite alimwi nkaambo nzi ncayandila kuti tucite boobo?\\n7 Bazyali tabayandi kuti bana babo kabazwangana, muciindi caboobo bayanda kuti kabamvwana. Mbubwenya buyo, Jehova awalo uyanda kuti bana bakwe boonse kabamvwana. Luyando ndotutondezya kuli umwi aumwi, ndolutuzyibya kuti tuli Banakristo bakasimpe. (Joh. 13:35) Tulaazumina majwi ngaakalemba sintembauzyo aakuti: “Eelo kaka ncibotu alimwi cilakondelezya kuti babunyina kabakkede antoomwe calukamantano!” (Int. 133:1) Ciindi notubayanda bakwesu alimwi abacizyi, tutondezya kuti tulamuyanda Jehova. (1Joh. 4:20) Eelo kaka cilakkomanisya kuba cibeela camukwasyi wabakwesu abacizyi ‘ibafwidilana luzyalo, ibajisi myoyo mitete yalubomba’!—Ef. 4:32.\\nAmubone muncali 8\\n8. Kweelana alugwalo lwa 1 Johane 5:3, nkaambo nzi kapati ikatupa kumumvwida Jehova?\\n8 Jehova uyanda kuti bana kabamvwida bazyali babo, alimwi uyanda kuti andiswe katumumvwida. (Ef. 6:1) Cileelela kuti katumumvwida nkaambo Mulengi wesu, Nguutupa buumi alimwi muzyali iwiinda kubota. Nokuba boobo, kaambo kapati ikatupa kumumvwida Jehova nkakuti tulamuyanda. (Amubale 1Johane 5:3.) Nokuba kuti kuli twaambo tunji itweelede kutupa kumumvwida Jehova, walo kunyina natusinikizya kuti katumumvwida. Wakatupa nguzu zyakulisalila, aboobo ciindi notusala kumumvwida akaambo kakuti tulamuyanda, ulakkomana.\\n9-10. Nkaambo nzi ncociyandika kwiizyiba milawo ya Leza alimwi akwiitobela?\\n9 Bazyali bayanda kuti bana babo kabakwabilidwe. Nkakaambo kaako balabikka milawo iikwabilila bana babo. Ciindi bana nobaitobela milawo eeyo, batondezya kuti balabasyoma alimwi akubalemeka bazyali babo. Aboobo cilayandika kapati kwiizyiba milawo njatupede Taateesu wakujulu alimwi akwiitobela. Ciindi notucita boobo, tutondezya kuti tulamuyanda akumulemeka Jehova alimwi tulagwasyigwa. (Is. 48:17, 18) Mukwiimpana, aabo ibamukaka Jehova alimwi ibatatobeli milawo yakwe balapenga.—Gal. 6:7, 8.\\n10 Ciindi notupona munzila iimukkomanisya Jehova, tulakwabililwa kumubili, mumizeezo alimwi akumuuya. Jehova ulizizyi kabotu zintu izikonzya kutugwasya. Ba Aurora ibakkala ku United States bakati, “Ndilizyi kuti kumvwida Jehova lyoonse kupa kupona buumi bwiinda kubota.” Toonse tulakazumina kaambo aaka. Ino mwagwasyigwa buti akaambo kakutobela milawo ya Jehova yaluyando?\\n11. Ino mupailo utugwasya buti?\\n11 Mupailo ulatugwasya kuba bantu bamvwida, nociba ciindi nocikatazya kucita boobo. Zimwi ziindi cilakatazya kumvwida Jehova akaambo kakuti toonse tulabisya, pele lyoonse tweelede kusolekesya kumumvwida. Sintembauzyo wakakombelezya Leza kuti: “Kondigwasya kuba amoyo uulisungwide kukumvwida.” (Int. 51:12) Mucizyi Denise, painiya waciindi coonse wakaamba kuti, “Ciindi nocindikatazya kumvwida umwi wamilawo ya Jehova, ndilapaila kulomba nguzu zyakuti ndicikonzye kucita ciluzi.” Tuli masimpe kuti Jehova lyoonse ulayiingula mipailo iili boobo.—Lk. 11:9-13.\\n12. Kweelana alugwalo lwa Baefeso 5:1, ncinzi ncotweelede kucita?\\n12 Amubale Baefeso 5:1. Akaambo kakuti tuli ‘bana ba Jehova bayandwa,’ tulasoleka kusikila mpotugolela kumumvwida. Tulabwiiya bube bwakwe kwiinda mukuba aluyando, luzyalo alimwi akubalekelela bamwi. Ciindi aabo batamuzyi Leza nobabona mbotulilemeka kabotu, balakonzya kuba aluyandisisyo lwakumwiiya. (1Pet. 2:12) Bazyali Banakristo beelede kusolekesya kweendelezya bana babo mbubwenya Jehova mbwatweendelezya. Ciindi bazyali nobacita oobo, bana babo balakonzya kuyanda kuba acilongwe a Taateesu siluyando.\\nAmubone muncali 13\\n13. Ino ncinzi ncotweelede kubikkila maano kuti katuyanda kuba basicamba?\\n13 Mwana ulabakkomanina kapati bausyi alimwi ulayandisya kubandika kujatikizya mbabo. Mbubwenya buyo, tulamukkomanina kapati Taateesu wakujulu, Jehova alimwi tuyanda kuti bamwi bamuzyibe. Mumoyo wesu, toonse tulimvwa mbwaakalimvwa Mwami Davida iwakalemba kuti: “Ndinoolidunda muli Jehova.” (Int. 34:2) Pele ino mbuti kuti naa tulaansoni? Mbuti mbotukonzya kuba basicamba? Tulakonzya kuba basicamba ikuti naa twabikkila maano kuyeeya mbotukonzya kumukkomanisya Jehova alimwi ambobakonzya kugwasyigwa bamwi kwiinda mukwiiya kujatikizya nguwe. Jehova uyootupa busicamba mbotuyandika. Wakabagwasya bakwesu bamumwaanda wamyaka wakusaanguna kuba basicamba, aboobo andiswe uyootugwasya.—1Tes. 2:2.\\n14. Nkaambo nzi ncociyandika kapati kugwasya bantu kuba basikwiiya?\\n14 Jehova tasalululi, aboobo ulakkomana ciindi natubona katutondezya luyando kuli bamwi, tacikwe makani abukkale bwabo. (Mil. 10:34, 35) Inzila imwi yiinda kubota mbotukonzya kutondezya luyando kuli bamwi nkwiinda mukubakambaukila. (Mt. 28:19, 20) Ino mulimo ooyu inga wabagwasya buti? Aabo ibatuswiilila balakonzya kutalika kupona buumi buli kabotu lino alimwi akuba abulangizi bwakuyoopona buumi butamani kumbele.—1Tim. 4:16.\\n15-16. Ntwaambo nzi itutupa kukkomana?\\n15 Jehova muzyali siluyando, aboobo uyanda kuti mukwasyi wakwe kaukkomene. (Is. 65:14) Kuli twaambo tunji itukonzya kutupa kukkomana noliba lino, nokuba kuti ambweni inga katujisi mapenzi. Mucikozyanyo, tulijisi lusyomo lwakuti Taateesu wakujulu ulatuyanda kapati. Tulijisi luzyibo lwini-lwini lwa Jwi lya Leza, Bbaibbele. (Jer. 15:16) Alimwi tuli cibeela camukwasyi uulibedelede uujisi bantu bamuyanda Jehova, ibaziyanda zyeelelo zyakwe zyakulilemeka alimwi ibayandana.—Int. 106:4, 5.\\n16 Tulakonzya kukkomana lyoonse akaambo kakuti tulijisi bulangizi businizyide bwakuti buumi buyoobota kapati kumbele. Tulizyi kuti lino-lino Jehova uyoobugwisya bubi boonse alimwi akuti uyoobelesya Bwami bwakwe kucinca nyika yoonse kuba Paradaiso. Kuyungizya waawo, tulijisi bulangizi bukkomanisya kapati bwakuti boonse aabo ibakafwa bayoobusyigwa akuyanzana alimwi abayandwa babo. (Joh. 5:28, 29) Eelo kaka eeco ciyookkomanisya! Alimwi kwiinda zyoonse, tulaalusyomo lwakuti ino-ino boonse kujulu alimwi aanyika bayoopa Taateesu siluyando bulemu ibumweelede.\\nNKAAMBO NZI NCOTULIMVWA KUTI TULEELEDE . . .\\nkupaila ciindi aciindi?\\nTulizyi kuti Taateesu, Jehova, ulatuyanda kapati alimwi wakatuleta mumukwasyi wabakombi bakwe. Aboobo andiswe tweelede kumuyanda. Ino mbuti mbotukonzya kutondezya kuti tulamuyanda kapati Taateesu uutubikkila maano? Cibalo eeci cilatondezya nzila zimwi zigaminide mbotukonzya kucita oobo.","num_words":1360,"character_repetition_ratio":0.055,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Luka 6 | Bbaibbele lili a Intaneti | Bbaibbele lya Busanduluzi Bwanyika Mpya\\nJesu, “Mwami wa Sabata” (1-5)\\nMwaalumi uupuutide janza waponesyegwa (6-11)\\nBaapostolo bali 12 (12-16)\\nJesu wayiisya alimwi akuponya (17-19)\\nLukkomano alimwi amause (20-26)\\nKuyanda basinkondonyoko (27-36)\\nAmuleke kubeteka (37-42)\\nCisamu cilazyibwa kumicelo yancico (43-45)\\nŊanda iiyakidwe kabotu; ŋanda iitajisi ntalisyo njumu (46-49)\\n6 Lino musabata wakali kwiinda mumyuunda yamaila, eelyo basikwiiya bakwe bakali kupulula myaangala yamaila,+ kwiipuka mumaanza akulya maila.+ 2 Babone boobu, ba Farisi bamwi bakati: “Nkaambo nzi ncomucita cintu citazumizyidwe mu Sabata?”+ 3 Pele Jesu mukwiingula wakababuzya kuti: “Sena taakwe buzuba nomwakabala ncaakacita Davida ciindi walo abaalumi mbaakali limwi nobakafwa nzala?+ 4 Sena tanaakanjila muŋanda ya Leza akutambula zinkwa zyacituuzyo* akuzilya alimwi zimwi wakazipa baalumi mbaakali limwi, zyalo ziteelede kuligwa amuntu uuli woonse ccita buyo bapaizi balikke?”+ 5 Mpoonya wakabaambila kuti: “Mwanaamuntu Mwami wa Sabata.”+ 6 Mubuzuba bumwi bwasabata+ wakanjila mucikombelo akutalika kuyiisya. Eelyo oomo mwakali mwaalumi umwi wakapuutide* janza lyalulyo.+ 7 Lino balembi aba Farisi bakali kumulangisisya Jesu kuti babone naa ulamuponya mu Sabata ikutegwa bajane nzila yakuti bamupe mulandu. 8 Pele walo wakalizyi nzyobakali kuyeeya,+ aboobo wakaambila mwaalumi ooyo uupuutide* janza kuti: “Nyamuka uzikwiimine akati.” Eelyo wakanyamuka akwiimina waawo mpaakaambilwa. 9 Mpoonya Jesu wakabaambila kuti: “Andimubuzye boobu nywebo nobaalumi, Ncinzi cizumizyidwe kucita mu Sabata, sena nkucita cintu cibotu naa cibi, ikufwutula buumi naa kujaya?”+ 10 Amane kubalanga boonse, wakaambila mwaalumi ooyo kuti: “Kovwungulula janza lyako.” Wakacita oobo, eelyo janza lyakwe lyakaba kabotu. 11 Pele bakakalala kapati, eelyo bakatalika kulivwiya-vwiya kujatikizya ncobakeelede kumucita Jesu. 12 Buzuba bumwi mumazuba aaya ngoonya, wakaunka kucilundu kuyoopaila,+ alimwi wakapaila kuli Leza busiku boonse.+ 13 Mpoonya nobwakaca, wakaita basikwiiya bakwe akusala akati kabo bali 12, aabo alimwi mbaakaita kuti baapostolo:+ 14 Simoni ooyo alimwi ngwaakapa zina lyakuti Petro, Andreya imunyina, Jakobo, Johane, Filipo,+ Bartolomayo, 15 Matayo, Tomasi,+ Jakobo mwana wa Alifayo, Simoni walo uutegwa “musungu,” 16 Judasi mwana wa Jakobo, alimwi a Judasi Isikariote, ooyo iwakamwaaba. 17 Mpoonya wakaselemuka ambabo akwiima abusena buyalene, eelyo kwakali nkamu mpati yabasikwiiya bakwe, amakamu-makamu aabantu bazwa mu Judaya a Jerusalemu akucooko cili kumbali aalwizi ca Turo a Sidoni, ibakaboola kumuswiilila alimwi akuponesyegwa malwazi aakabajisi. 18 Nobaba baabo ibakali kupenzyegwa amyuuya iisofweede bakaponesyegwa. 19 Alimwi bantu boonse munkamu bakali kuyanda kumuguma, nkaambo nobakali kucita boobo nguzu zyakali kuzwa mulinguwe+ akubaponya boonse munzila yamaleele. 20 Eelyo wakalanga basikwiiya bakwe akutalika kwaamba kuti: “Mulikkomene nywebo nobacete, nkaambo Bwami bwa Leza mbubwanu.+ 21 “Mulikkomene nywebo nomufwa nzala lino, nkaambo muyookkuta.+ “Mulikkomene nywebo nomulila lino, nkaambo muyooseka.+ 22 “Mulikkomene nywebo kufwumbwa leelyo bantu nobamusula,+ nobamutanda akati kabo,+ nobamusampaula akumwaamba* kuti muli babi akaambo ka Mwanaamuntu. 23 Amukakondwe akusekelela mubuzuba oobo, nkaambo amubone! Bulumbu bwanu mbupati kujulu, nkaambo eezyo nzyezintu bamausyi nzibakali kucita kubasinsimi.+ 24 “Pele maawe kulindinywe nobavwubi,+ nkaambo mubutambwida limwi bulumbu bwanu bukkwene.+ 25 “Maawe kulindinywe nomukkutide lino, nkaambo muyoofwa nzala. “Maawe, nywebo nomusekelela lino, nkaambo muyoolila akoomoka.+ 26 “Maawe kufwumbwa leelyo bantu boonse nobamulumbaizya,+ nkaambo oobu mbombubo mbobakacita bamausyi kubasinsimi bakubeja. 27 “Pele nywebo nomuswiilila ndimwaambila kuti: Amuzumanane kuyanda basinkondonyoko, kucita zibotu kulibaabo bamusulide,+ 28 kubaleleka aabo bamusinganya akubapailila aabo bamutukila.+ 29 Ooyo uukuuma lubayi kusaya limwi, komupa alimbi; ayooyo uukunyanga cisani caatala, utamukasyi acisani camukati.+ 30 Komupa kufwumbwa uukulomba,+ ayooyo uubweza zintu zyako utamusesi. 31 “Alimwi mbubonya mbomuyanda kuti bantu bamucitile, andinywe amubacitile mbubonya.+ 32 “Ikuti kamuyanda buyo baabo ibamuyanda, ino mbubotu nzi mbomujana? Nkaambo abalo basizibi balabayanda aabo babayanda.+ 33 Alimwi ikuti mwacita zibotu kuli baabo bamucitila zibotu, ino mbubotu nzi mbomujana? Abalo basizibi balacita mbubonya oobo. 34 Ikuti kamukweletesya* baabo mbomusyoma kuti bayoomujolela, ino mbubotu nzi mbomujana?+ Nobaba basizibi balakweletesya basizibi kutegwa bakatambule mbubonya. 35 Muciindi caboobo, amuzumanane kubayanda basinkondonyoko akucita zibotu akukweletesya kakunyina kulangila kujolelwa cili coonse;+ eelyo bulumbu bwanu buyooba bupati alimwi muyooba bana ba Mupatikampatila, nkaambo ngusiluzyalo kubantu batalumbi ababi.+ 36 Amube aluse lyoonse mbubonya Uso mbwali aluse.+ 37 “Alimwi amuleke kubeteka, eelyo andinywe tamukabetekwi;+ amuleke kupa bamwi mulandu, eelyo andinywe tamukapegwi mulandu. Amuzumanane kulekelela* bamwi zibi zyabo eelyo andinywe muyoolekelelwa* zibi zyanu.+ 38 Amube baabi, abalo bantu bayoomwaabila.+ Bayoomutilila munkomwe zyanu zyaacamba ceelelo cibotu cisindaidwe, cuumidwe-umidwe alimwi cizwide pamu. Nkaambo cipimyo ncomubelesya kupimina bamwi, ncobayoobelesya kumupimina andinywe.” 39 Mpoonya wakabaambila cikozyanyo kati: “Sena moofwu ulakonzya kusololela moofwunyina? Sena boonse bobilo tabakoowida mumulindi?+ 40 Sicikolo* taindi mwiiyi wakwe, pele kufwumbwa uuyiisyigwa kabotu uyooba mbuli mwiiyi wakwe. 41 Aboobo, ino nkaambo nzi ncolanga kakwa kali muliso lyamunyoko pele toboni tanda lili muliso lyako?+ 42 Ino mbuti mbonga waambila munyoko kuti, ‘Mukwesu, atubone ndikugusye kakwa kali muliso lyako,’ kakuli yebo omwini tolibwene tanda lili muliso lyako? Osikuupaupa ameso! Kosaanguna kugusya tanda muliso lyako, mpoonya ulabona kabotu mbonga wagusya kakwa kali muliso lyamunyoko. 43 “Nkaambo kunyina cisamu cibotu cizyala micelo iibolede, alimwi kunyina cisamu cibolede cizyala micelo mibotu.+ 44 Nkaambo cisamu cili coonse cilazyibwa kumicelo yancico.+ Mucikozyanyo, bantu tabaceli nkuyu kucisamu camamvwa pe, nokuba kucela misaansa kucitewo camamvwa. 45 Muntu mubotu ulagusya zintu zibotu ziyobwedwe mumoyo wakwe, pele muntu mubi ulagusya zintu zibi ziyobwedwe mumoyo wakwe mubi; nkaambo mulomo waamba zintu zizwide mumoyo.+ 46 “Ino mundiitila nzi kuti ‘Mwami! Mwami!’ pele tamuciti zintu nzyondaamba?+ 47 Umwi aumwi uuboola kulindime akuswiilila majwi aangu akwaacita, ndilamutondezya mbwabede:+ 48 Uli mbuli muntu ooyo naakali kuyaka ŋanda iwakasya mulindi mulamfwu akuyaka ntalisyo amwala. Lino mulonga nowakazula, maanzi akapaya akuuma kuŋanda eeyo, pele tanaakakonzya kwiizungaanya nkaambo yakayakidwe kabotu.+ 49 Pele ooyo uuswiilila buyo pele kataciti cili coonse,+ uli mbuli muntu wakayaka ŋanda kakunyina ntalisyo. Maanzi akauma kuŋanda eeyo, mpoonya yakawa, eelyo yakanyonyooka kapati.”\\n^ Naa “zinkwa zyacitondezyo.”\\n^ Naa “wakalebukide.”\\n^ Naa “uulebukide.”\\n^ Naa “akumutamikizya.”\\n^ Nkokuti, kakunyina kubbadela cinyonamucila.\\n^ Naa “kwaangununa.”\\n^ Naa “muyakwaangununwa.”\\n^ Naa “Sikwiiya.”","num_words":851,"character_repetition_ratio":0.043,"word_repetition_ratio":0.0,"special_characters_ratio":0.188,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Mulawo Leza Ngwaakapede Bana Israyeli Wakaliluleme?\\nNgazi Yamulindizi | September 2014\\nAMUBALE MU Afrikaans Albanian Amharic Arabic Armenian Aymara Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Dangme Danish Dutch Efik English Estonian Ewe Finnish French Ga Georgian German Greek Guarani Haitian Creole Hebrew Hiligaynon Hungarian Igbo Iloko Indonesian Italian Japanese Kazakh Kikaonde Kikongo Kikuyu Kiluba Kimbundu Kinyarwanda Kirghiz Kirundi Kongo Korean Kwangali Kwanyama Lingala Lithuanian Luganda Luo Macedonian Malagasy Maltese Maya Moore Myanmar Nepali Ngabere Norwegian Nyaneka Nzema Ossetian Otetela Papiamento (Aruba) Papiamento (Curaçao) Polish Portuguese Quechua (Bolivia) Romanian Russian Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tatar Thai Tigrinya Tshiluba Tsonga Turkish Twi Ukrainian Umbundu Venda Vietnamese Xhosa Yoruba Zulu\\nMYAKA minji yainda, nkuta imwi kumasi aabakuwa yakazumina bumboni butaluzi kujatikizya bamaalumi bobilo ibakapedwe mulandu wabujayi, eelyo bakapegwa cisubulo cakujaigwa. Ciindi nobakazyiba kuti bumboni mbobakazumina tiibwakaluzi, bamaloya bakabeleka canguzu cakuti umwi wabaabo bakaangidwe wakaangununwa. Pele bamaloya bacibwene aaba kunyina ncobakali kukonzya kucita kujatikizya mwaalumi uumbi nkaambo wakalijaidwe kale.\\nAkaambo kakuti bululami bulakonzya kunyonganizyigwa munkuta iili yoonse, Bbaibbele lyaamba kuti: “Bululami luzutu mbubuyandwa.” (Deuteronomo 16:20) Ciindi babetesi nobabeteka cabululami, bantu balagwasyigwa. Mulawo wa Leza wakagwasya bana Israyeli kuti kababeteka munzila iiluleme alimwi kakunyina kusalulula. Atuulange-lange Mulawo ooyo akubona naa ‘nzila zya Leza zyoonse zililuzi.’—Deuteronomo 32:4.\\nBABETESI “BASONGO, BACENJEDE, BALI AMAANU”\\nBantu balakkomana ikuti babetesi kababikkila maano, kabatasalululi alimwi kabataulwi makulo. Kweelana a Mulawo wa Leza kubana Israyeli, babetesi bali boobu bakali kuyandika kapati. Kumatalikilo aalweendo lwamunkanda, Musa wakaambilwa kuti ayandaule “bantu bacenjede bayoowa Leza, bantu basyomeka basulide masinkamulomo,” kutegwa babe babetesi. (Kulonga 18:21, 22) Kakwiindide myaka iili 40, wakakankaizya alimwi mbobayandika “bantu basongo, bacenjede, bali amaano” kutegwa kababeteka bantu.—Deuteronomo 1:13-17.\\nKakwiindide myaanda yamyaka, Mwami Jehosafati * waku Juda wakalailila babetesi kuti: “Amucenjele mbumucita, nkaambo teensi muntu buyo ngumubetekela, ngu-Jehova. Walo uli anywe mumakani aakubeteka. Lino amuyoowe Jehova. Amucenjele mbumucita, nkaambo kuli-Jehova Leza wanu taakwe bubetesi butaluleme nikuba kusalaula bantu nikuba kulya makulo.” (2 Makani 19:6, 7) Aboobo ,mwami wakabayeezya babetesi kuti, ikuti naa kusalulula naa busyaacivwulemwangu bwapa kuti kabatabeteki kabotu, Leza wakali kuyoobapa mulandu akaambo kazintu zibyaabi zyakali kuyoocitika.\\nCiindi babetesi bana Israyeli nobakali kuzitobela zyeelelo eezyo zisumpukide, bantu bakali kukwabililwa. Mulawo wa Leza alimwi wakali kupa njiisyo zimwi izyakali kugwasya babetesi kusala kabotu nomuba mutwaambo tukatazya. Ino ninjiisyo nzi zimwi eezyo?\\nNJIISYO IZYAKALI KUSOLOLELA KUKUBETEKA KABOTU\\nNokuba kuti babetesi ibakali kusalwa bakali basongo alimwi bacenjede, kunyina nobakali kubeteka kweelana abusongo bwabo. Jehova Leza wakabapa njiisyo naa malailile aakali kubagwasya kubeteka kabotu. Ngaaya malailile amwi aakali kupegwa kubabetesi bana Israyeli.\\nKuvwuntauzya cakulomya. Kwiinda muli Musa, Leza wakalailila babetesi bana Israyeli kuti: “Amubeteke milandu yababunyina akukosola kabotu makani.” (Deuteronomo 1:16) Babetesi balakonzya kwaakosola kabotu makani ikuti kabazyi twaambo toonse tujatikizyidwe. Nkakaambo kaako Leza wakalailila baabo ibakali kubeteka kuti: “Muleelede kulingula makani akubuzya-buzya kabotu kabotu.” Babetesi bakeelede kusinizya kuti mulandu iwaletwa munkuta ‘wabonwa kuti ngwamasimpe’ kabatanatalika kubeteka.—Deuteronomo 13:14; 17:4.\\nKuswiilila nzyobaamba bakamboni. Makani ngobakali kwaamba bakamboni akali kuyandika kapati mukuvwuntauzya. Mulawo wa Leza wakali kwaamba kuti: “Kamboni omwe alike takonzyi kupesya muntu mulandu mumakani ngaakabisya na mucintu mwaakasotoka mulao. Kumilomo yabakamboni bobile na botatwe makani alakonzya kusima.” (Deuteronomo 19:15) Kujatikizya bakamboni, Mulawo wa Leza wakali kwaamba kuti: “Utazibwezi zilengelelo zyabuyo. Utagwasyanyi amuntu sizibi sikulengelela kaambo.”—Kulonga 23:1.\\nAabo bapa bumboni bakeelede kwaamba masimpe. Cisubulo icakali kupegwa akaambo kakubeja munkuta cakali kucenjezya boonse ibakajatikizyidwe. Mulawo wakali kwaamba kuti: “Lino babetesi babuzisye loko, nkabela na kwabonwa kuti kamboni ngusikulengelela buyo uuamba cakubeja, muleelede kumucitila mbubonya mbwaakayanda kucitila mweenzyinyina. Aboobo, mulamanisya bubi akati kanu.” (Deuteronomo 19:18, 19) Aboobo, ikuti muntu wabeja munkuta kutegwa abweze caabilo camuntu uumwi, cisubulo cakali cakuti abbadele muulo weelene. Ikuti naa wabeja cakuti muntu uutajisi mulandu wajaigwa, awalo wakeelede kujaigwa. Malailile aaya akali kukulwaizya bantu kwaamba masimpe.\\nKubeteka cakutasalulula. Ikuti naa bajana bumboni boonse buyandika, babetesi lino bakali kwaakosola makani. Casika waawa, makani aayandika kapati mu Mulawo wa Leza akali kuyandika kubikkila maano, aakuti: “Mutalangi ciimo camucete nekuba kuyoowa basimpuo; ubeteke mweenzinyoko cakululama.” (Levitiko 19:15) Mumakani aali woonse, babetesi bakeelede kuukosola mulandu kweelana abumboni mbobakali kujana, ikutali akaambo kaciimo naa cuuno ncobajisi aabo bajatikizyidwe.\\nNjiisyo eezyi izyakalembwa kaindi mumulawo wa Leza kubana Israyeli, zilakonzya kubeleka munkuta zyamazuba aano. Ikuti naa zyatobelwa, nkokuti bulubizi alimwi amilandu iitabetekwi kabotu ilakonzya kumana.\\nKutabeteka kabotu inga kwamana ikuti naa njiisyo zyamu Mulawo wa Leza zyatobelwa\\nBANTU IBAKAGWASYIGWA AKAAMBO KALUBETA LULULEME\\nMusa wakababuzya boobu bana Israyeli: “Sa kuli musyobo umbi mupati uuli amilazyo ambeta ziluleme mbuli milao eyi yoonse njendamubikila buzuba obuno?” (Deuteronomo 4:8) Masimpe, kunyina cisi cimbi cakajisi zyoolwe eezyi. Mubweendelezi bwa Mwami Solomoni, walo ciindi naakacili mukubusi iwakali kutobela milawo ya Jehova, bantu “bakali kukala cakuliiba,” bakali kukkomana aluumuno alimwi bakazwidilila, “bakali kulya akunywa akusekelela.”—1 Bami 4:20, 25.\\nCuusisya ncakuti, bana Israyeli mukuya kwaciindi bakaikaka milawo ya Leza. Kwiinda mumusinsimi Jeremiya, Leza wakaamba kuti: “Ncobeni ijwi lya-Jehova balilikakide, lino mbusongonzi mbubajisi?” (Jeremiya 8:9) Icakatobela ncakuti, munzi wa Jerusalemu wakaba “munzi wabulowa” uuzwide “zisesemyo.” Kumamanino wakanyonyoonwa alimwi wakaba tongo kwamyaka iili 70.—Ezekiele 22:2; Jeremiya 25:11.\\nMusinsimi Isaya wakapona ciindi bana Israyeli nobakali mumapenzi. Naakayeeya izyakacitika musyule, wakakulwaizyigwa kulemba makani aamasimpe kujatikizya Jehova Leza alimwi a Mulawo wakwe, kuti: “Nkaambo imbeta zyako niziboneka ansi, bantu baluwa balaiya bululami.”—Isaya 26:9.\\nCikkomanisya ncakuti Isaya wakasololelwa amuuya kusinsima kujatikizya bulelo bwa Mwami wabu Mesiya, Jesu Kristo naakati: “Takooyoobeteka kukuyeeya zintu ziboneka kumeso buyo, nikuba kukosola makani cakuzuminina majwi ngaamvwa kumatwi buyo. Uyoobeteka bacete cakululama, akukosweda batengwana banyika makani aaelede.” (Isaya 11:3, 4) Eelo kaka balijisi bulangizi butaliboteli aabo boonse ibayooba balelwa ba Bwami bwabu Mesiya mu Bwami bwa Leza!—Matayo 6:10.\\n^ par. 6 Zina lyakuti Jehosafati lyaamba kuti “Jehova Mubetesi.”\\nSena Mulawo wa Leza Wakali Kuzumizya Kupilusya Cibi Kucibi?\\nMajwi aajanika mu Bbaibbele aakuti “liso kuliso, lino kulino,” apa bantu banji kuba amizeezo iisiyene-siyene. (Kulonga 21:24) Bantu bamwi bayeeya kuti majwi aaya atondezya kuti kupilusya cibi kucibi kulizumizyidwe a Leza. Pele kuyeeya kuli boobo takweendelani ambwaakaamba Leza naakati: “Utaliyi inkoto nekuba kuba simfundilizi kubana babantu bako.” (Levitiko 19:18) Aboobo, mbuti mbotweelede kwaateelela majwi aaya mubbuku lya Kulonga?\\nLugwalo lwa Kulonga 21:22 lwaamba kujatikizya bamaalumi bobilo ibakali kulwana, mpoonya umwi wakaumikizya mukaintu iwakalaada calo cakapa kuti atumbuke mazuba aakwe kaatanasika. Ikuti naa mukaintu ooyu amwanaakwe tiibafwa, nkokuti mulumaakwe tanaakazumizidwe kupilusya cibi kucibi. Nokuba boobo, mwaalumi iwacisa mukaintu wakeelede kuti “aliye mbubonya mbwaamba mulumi; aliye mbobakosola babetesi.” Munzila imwi babetesi munkuta bakali kumubbadelesya mwaalumi wacisa mukaintu kweelana ambwaamba mulumaakwe. Pele kuti mukaintu naa mwanaakwe wafwa akaambo kakuumikizyigwa, babetesi mbabonya bakali kukosola mulandu kuti mwaalumi ooyo waumikizya mukaintu awalo ajaigwe.\\nMubukkale oobu, babetesi, ikutali yooyo wafwidwa, mbebakali kubelesya majwi aakuti “buumi kubuumi, liso kuliso, lino kulino . . . ” (Kulonga 21:23, 24) Njiisyo eeyi yakali kuyeezya babetesi kuti cisubulo taceelede kwiindila naa kucesyegwa. Sikwiiya zyamu Bbaibbele Richard Elliott Friedman, waamba kuti: “Njiisyo iiyandika njakuti, cisubulo ceelede kweendelana amulandu alimwi taceelede kwiindila pe.”\\nIno ncinzi cakapa kuti bantu kabayeeya kuti Mulawo wa Leza wakali kuzumizya kupilusya cibi kucibi? Cilayandika kuzyiba kuti mulugwalo lwa Matayo 5:38, 39, tujana majwi aa Jesu aakuti: “Mwakamvwa mbokwakaambwa kuti: ‘Liso kuliso alinyo kulinyo.’ Pele ndimwaambila kuti: Utapilusyi cibi kumuntu mubi, pele kufwumbwa muntu wakuuma lubayi kusaya lyalulyo, umupe asaya limbi.” Kulibonya kuti mumazuba Jesu ngaakali kupona, basololi bazikombelo bamwi bakali kwaamba kuti mulawo uujanika mulugwalo lwa Kulonga 21:23, 24 wakali kuzumizya kupilusya cibi. Pele Jesu wakakasalazya kaambo kakuti njiisyo iili boobo kunyina noyakali kweendelana a Mulawo Leza ngwaakapa bana Israyeli.\\nJesu wakapandulula kaambo ncotuyandika busolozi alimwi anjiisyo zyobilo zyamu Bbaibbele ziyandika kapati.\\nMAKANI AAYEEME AMUTWE UULI ACIVWUMBYO Sena Bantu Bayakwiinyonyoona Nyika Eeyi Cakumaninina?\\nMAKANI AABUUMI Buumi Bwakubelekela Leza Buletela Zilongezyo\\nSyriac Peshitta​—Nzila Iitondezya Busanduluzi bwama Bbaibbele Aakusaanguna\\nMabala Amusale naa muyanda kukkopa zyakamwaigwa NGAZI YAMULINDIZI September 2014 | Sena Bantu Bayakwiinyonyoona Nyika Eeyi Cakumaninina?\\nSeptember 2014 | Sena Bantu Bayakwiinyonyoona Nyika Eeyi Cakumaninina?\\nNGAZI YAMULINDIZI September 2014 | Sena Bantu Bayakwiinyonyoona Nyika Eeyi Cakumaninina?","num_words":1223,"character_repetition_ratio":0.051,"word_repetition_ratio":0.0,"special_characters_ratio":0.168,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 15 IBBAIB63 - Amane makani ayo, ijwi - Bible Search\\nMatalikilo 14 Matalikilo 16\\nCizuminano Leza ncakatangana a-Abramu\\n1-Amane makani ayo, ijwi lya-Jehova lyakasika kuli-Abramu mucilengano, liti, Utayoowi, Abramu; ndime intobo yako, bulumbu bwako buyooba bupati loko. 2Pele Abramu wakati, O Mwami Jehova, uyoondipanzi? Nsijisi mwana, asikulya izina lyaŋanda yangu ngooyu Eliezere wakuDamasko. 3Alimwi Abramu wakati, Bona! Tondipede lunyungu, aboobo muzike wamuŋanda yangu nguuyoondilida izina. 4-Mpawo ijwi lya-Jehova lyakamusikila, liti, Oyu muntu takooyoolya izina lyako pe, mwanaako uuzyalwa mumaala aako nguuyoolya izina lyako. 5-Lino wakamutola anze, wati, Langa kujulu, ubale tunyenyeezi, na ulakonzya kutubala. Nkabela wakamwaambila kuti, Mbubonya obo mbuluyooba lunyungu lwako. 6-Mpawo wakasyoma Jehova, nkabela lusyomo lwakwe lwakeelezegwa mbuli bululami.\\n7-Lino wakamwaambila kuti, Ndime Jehova iwakakugwisya ku-Uri wamucisi caba-Kasidi, kuti nkupe nyika eyi, uivube. 8-Pele wakati, O Mwami Jehova, ndaziba buti kuti njooivuba. 9Wakamuvwiila kuti, Undiletele impwizi iili amyaka yotatwe, impongo iili amyaka yotatwe, mugutu uuli amyaka yotatwe, inziba ankwilimba. 10Elyo wakamuletela ezi zyoonse, wazyaandula akati, wabika cipanzi cimwi acimwi kucipanzinyina, pele bayuni takwakabaandula pe. 11Lino makubi naakaseluka kuzoolya nyama, Abramu wakaatanda.\\n12-Lino nekwakaba kumabbililo aazuba, ŋonzi zyakamujaya Abramu, alimwi wakawidwa mudima uusia mbi uuyoosya. 13-Elyo wakaambila Abramu kuti, Koziba calusinizyo kuti, basilunyungu lwako bayooba beenzu mucisi cimbi. Oko bayooba bazike, nkabela bayoobapenzya myaka iili myanda yone. 14-Pele oyo musyobo uubanjizya mubuzike njooubeteka, lino kusule lyaceeci bayoopola ambono zinji. 15-Ayebo, uyoosika kulibamauso caluumuno, uyoozikwa muboongozi bubotu. 16-Nkabela bayooboola okuno mumusela wane, nkaambo milandu yaba-Amori tiina kuzula,\\n17Lino izuba nelyakamana kubbila, kwakasia mbi, nkabela kwakaboneka mulilo uusuka alampi lyamulilo, zyakainda akatikati kazipanzi. 18-Mubuzuba obo Jehova wakatanga cizuminano a-Abramu, wati, Lunyungu lwako ndalupa nyika eyi, nkokuti nyika yoonse kuzwa kumulonga wa-Egepita kusikila kumulonga mupati, mulonga Firate, 19nyika yaba-Keni ayabaKenizi ayaba-Kadimoni, 20ayaba-Hiti, ayaba-Perizi, ayaba-Refaimu, 21ayaba-Amori, ayaba-Kanana, ayaba-Girigasi ayaba-Jebusi.","num_words":277,"character_repetition_ratio":0.051,"word_repetition_ratio":0.0,"special_characters_ratio":0.185,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bafilipi 4 | Bbaibbele Lili a Intaneti | Bbaibbele lya Busanduluzi Bwanyika Mpya\\n4 Aboobo, bakwesu nywebo mbondiyanda alimwi mbondizimbide, nolukkomano alimwi amusini wangu, amwiime nji munzila eeyi mu Mwami, nobayandwa bangu. 2 Yuwodiya ndamulomba, awalo Sintike ndamulomba, ku-ti babe amuzeezo omwe mu Mwami. 3 Inzya, ndakulomba anduwe osimilimoma mwini-mwini,* kuti uzumanane kubagwasya bamakaintu aaba ibali kubeleka canguzu andime kujatikizya makani mabotu antoomwe a Kilementi, alimwi abasimilimoma bamwi bacaala, ibali amazyina aalembedwe mubbuku lyabuumi. 4 Lyoonse amukondwe mu Mwami. Alimwi ndainduluka kuti, Amukondwe! 5 Kunyoneka kwanu akuzyibwe abantu boonse. Mwami ulaafwaafwi. 6 Mutalibiliki acintu niciba comwe, pele muzyintu zyoonse, kwiinda mumupailo akukombelezya antoomwe akulumba, amumuzyibye Leza nzyomukumbila; 7 eelyo luumuno lwa Leza oolo lwiinda kumvwisya koonse luyookwabilila myoyo yanu amizeezo yanu kwiinda muli Kilisito Jesu. 8 Makani aamamanino bakwesu ngakuti, kufwumbwa zyintu zyamasimpe, kufwumbwa zyintu zipegwa bulemu, kufwumbwa zyintu ziluleme, kufwumbwa zyintu zisalala, kufwumbwa zyintu ziyandika, kufwumbwa zyintu zili ampuwo mbotu, kufwumbwa zyintu zili kabotu, alimwi kufwumbwa zyintu zitembaulika, kamuzumanana kuziyeeyesya zyintu eezyi. 9 Izyintu nzyomwakaiya, anzyomwakazumina, anzyomwakamvwa alimwi akubona kulindime, kamuzumanana kuzicita; eelyo Leza waluumuno unooli andinywe. 10 Ndilikkomene kapati mu Mwami kuti lino mwatalika kundiyeeya alimwi. Nokuba kuti mwakali kundiyeeya, mwakanyina ciindi cibotu cakutondezya boobo. 11 Tandaambi boobu akaambo kakuti kuli ncondibulide pe, nkaambo ndakaiya kukkutila anzyondijisi kufwumbwa mubukkale mondibede. 12 Ndilizyi mbocibede kubulilwa zyakulya alimwi ambocibede kuba azyintu zinji. Muzyintu zyoonse alimwi amubukkale buli boonse ndaiya icikonzya kundigwasya nondikkutide anondifwide nzala, nondijisi zyintu zinji anondibulide. 13 Muzyintu zyoonse ndilijisi nguzu kwiinda muli yooyo uundipa nguzu. 14 Nokuba boobo, mwakacita kabotu kundigwasya mumapenzi aangu. 15 Masimpe, nywebo nobana Filipi, mulizyi andinywe kuti nimwakamana kwiiya makani mabotu ciindi cakusaanguna, eelyo nindakazwa ku Makedoniya, kunyina mbungano noiba yomwe yakandigwasya mumakani aakupa akutambula, ccita buyo ndinywe nyolikke; 16 nkaambo noliba leelyo nindakali mu Tesalonika, mwakanditumina lugwasyo ziindi zyobilo kundigwasya nzyondakabulide. 17 Takuli kuti ndiyanda kupegwa cipego cimwi pe, pele ncondiyanda mucelo uuyungizya buvwubi bwanu. 18 Nokuba boobo, ndilijisi zyintu zyoonse nzyondiyandika alimwi izinji. Kunyina ncondibulide, mbwaanga lino ndatambula kuzwa kuli Epafulodita zyintu nzyomwakatuma, ibweema bubotu, cipaizyo cizuminwa, alimwi cimukkomanisya Leza. 19 Awalo Leza wangu ulamupa mubunji zyoonse nzyomubulide kweelana abuvwubi bwakwe bulemu kwiinda muli Kilisito Jesu. 20 Lino aalemekwe Leza alimwi Taateesu lyoonse mane kukabe kutamani. Ameni. 21 Amundaanzyizye musalali woonse muli Kilisito Jesu. Ibakwesu mbotuli limwi bamwaanzya. 22 Basalali boonse, pele kapati aabo ibaŋanda ya Kaisala, bamwaanzya. 23 Iluzyalo lwa Mwami wesu Jesu Kilisito alube andinywe akaambo kamuuya ngomutondezya.\\n^ Naa, “sijokoma uusyomeka.”","num_words":376,"character_repetition_ratio":0.07,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"1 Batesalonika 3 | Bbaibbele Lili a Intaneti | Bbaibbele lya Busanduluzi Bwanyika Mpya\\n3 Aboobo, nocakatwaalila kuzumanana kuliyumya, twakati cili buyo kabotu kuzumanana kukkala tolikke mu Atene; 2 eelyo twakatuma Timoteyo, imukwesu alimwi mubelesi wa Leza mumakani mabotu aajatikizya Kilisito, kutegwa amuyumye-yumye akumuumbulizya mulusyomo lwanu, 3 kutegwa kutabi muntu naba omwe uuzungaanizyigwa amapenzi aaya. Nkaambo nywebo nobeni mulizyi kuti tatukonzyi kwaaleya mapenzi aaya. 4 Nkaambo noliba leelyo notwakali andinywe, twakali kumwaambilila limwi kuti tuyoocitikilwa mapenzi, alimwi eeco ncicacitika mbubonya mbomuzyi. 5 Nkakaambo kaako, nindakakakilwa kuzumanana kuliyumya, ndakamutuma kulindinywe kutegwa ndizyibe kusyomeka kwanu, nkaambo ambweni munzila imwi Sikusunka wakamusunka alimwi mulimo wesu wakaba wabuyo. 6 Pele Timoteyo wasika ino-ino aawa ikuzwa kulindinywe alimwi watwaambila makani mabotu kujatikizya kusyomeka kwanu aluyando ndomujisi, alimwi akuti mulatwiibaluka lyoonse caluyando, alimwi mulayandisisya kutubona mbubonya aswebo mbotuyandisisya kumubona nywebo. 7 Nkakaambo kaako bakwesu, mumause* amumapenzi eesu oonse twaumbulizyigwa akaambo kandinywe alimwi alusyomo ndomutondezya. 8 Akaambo kakuti muliimvwi nji mu Mwami, twayumya alimwi.* 9 Nkaambo ino inga twamulumba buti Leza twalanga mbotukondedwe kapati kumbele lya Leza wesu akaambo kandinywe? 10 Alimwi, masiku amasyikati tupaila mipailo yakukombelezya camoyo woonse kutegwa tukamubone cakaanzambwene akuyungizya zibulide kulusyomo lwanu. 11 Lino Leza wesu alimwi Taateesu lwakwe alimwi a Mwami wesu Jesu abatubambile nzila kutegwa tuboole kulindinywe. 12 Kunze lyaboobo, Mwami amupe kuyungizya, inzya, amupe kuyungizya luyando ndomujisi kuli umwi amweenzinyina akubantu boonse, mbubonya mbotucita kulindinywe; 13 ikutegwa ayumye myoyo yanu, kaitakwe kampenda mukusalala kumeso aa Leza wesu alimwi Taateesu kuciindi cakubako kwa Mwami wesu Jesu antoomwe abasalali bakwe boonse.\\n^ Naa, “mukubula.”\\n^ Mu Chigiliki, “tulapona.”","num_words":237,"character_repetition_ratio":0.055,"word_repetition_ratio":0.0,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kutondezya Luyando Abululami mu Mbungano ya Bunakristo | Ngazi Yamulindizi Yakwiiya\\nAMUBALE MU Acholi Afrikaans Aja Akha Albanian American Sign Language Amharic Amis Arabic Armenian Aymara Azerbaijani Azerbaijani (Cyrillic) Baoule Bashkir Bassa (Cameroon) Batak (Karo) Batak (Simalungun) Batak (Toba) Belize Kriol Biak Bicol Bislama Boulou Brazilian Sign Language Bulgarian Cambodian Catalan Cebuano Changana (Mozambique) Chavacano Chichewa Chin (Hakha) Chinese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuukese Cibemba Cinyanja Croatian Czech Damara Dangme Danish Digor Douala Drehu Dutch Edo Efik English Estonian Ewe Fijian Finnish Fon French Ga Garifuna Georgian German Greek Greenlandic Guadeloupean Creole Guarani Gun Haitian Creole Hausa Hebrew Herero Hiligaynon Hindi Hiri Motu Hmong (White) Hungarian Ibanag Icelandic Igbo Iloko Indonesian Italian Japanese Javanese Kabiye Kabuverdianu Kachin Kannada Karen (S'gaw) Kazakh Kazakh (Arabic) Kekchi Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kirundi Kisi Kisonge Kongo Korean Krio Kwangali Kwanyama Kyangonde Lahu Laotian Latvian Lhukonzo Lingala Lithuanian Lomwe Low German Luganda Lunda Luo Luvale Macua Makhuwa-Meetto Malagasy Malay Malayalam Maltese Mam Mambwe-Lungu Mapudungun Marathi Marshallese Mauritian Creole Mazatec (Huautla) Mbunda Mingrelian Mixtec (Guerrero) Mizo Mongolian Moore Myanmar Nahuatl (Central) Nahuatl (Guerrero) Ndau Ndebele Ndebele (Zimbabwe) Ndonga Nepali Ngabere Ngangela Nias Niuean Norwegian Nyaneka Nyungwe Okpe Oromo Ossetian Palauan Pangasinan Papiamento (Curaçao) Persian Polish Ponapean Portuguese Portuguese (Portugal) Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Rarotongan Romanian Romany (Macedonia) Romany (Macedonia) Cyrillic Romany (Serbia) Romany (Southern Greece) Ronga Runyankore Russian Russian Sign Language Rutoro Samoan Sangir Sango Sena Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Slovak Slovenian Solomon Islands Pidgin Spanish Sranantongo Sunda Swahili Swahili (Congo) Swati Swedish Tagalog Tahitian Tamil Tatar Telugu Tetun Dili Thai Tigrinya Tok Pisin Tongan Tshiluba Tshwa Tsonga Turkish Tuvaluan Twi Ukrainian Umbundu Urdu Urhobo Uruund Uzbek Venda Vietnamese Wallisian Waray-Waray Wayuunaiki Welsh Wolaita Xhosa Yapese Yoruba Zande Zulu\\nCIBALO CAKWIIYA 18\\n“Amuzumanane kunyamuzyanya mikuli iiminya, eelyo munoozuzikizya mulawo wa Kristo.”—GAL. 6:2.\\nLWIIMBO 12 O Jehova, Uli Leza Mupati\\n1. Ntwaambo nzi tobilo itutupa kusyoma kuti Jehova ulabayanda bakombi bakwe?\\nJEHOVA LEZA ulabayanda bakombi bakwe. Wali kucita oobo lyoonse, alimwi unoocita oobo lyoonse. Alimwi ulabuyanda bululami. (Int. 33:5) Aboobo tulakonzya kutusyoma twaambo tobilo ootu: (1) Cilamucisa kapati Jehova ciindi babelesi bakwe nobateendelezyegwi kabotu. (2) Uyooba masimpe kuti bululami bwacitwa. Mucibalo cakusaanguna mumulongo wazibalo eezyi, * twakaiya kuti Mulawo Leza ngwaakapa bana Israyeli kwiinda muli Musa wakayeeme aluyando. Wakali kusumpula bululami, nkokuti bululami kubantu boonse, kwaambisya aabo ibatakali kukonzya kulikwabilila. (Dt. 10:18) Mulawo ooyu utondezya mbwabikkila maano kapati Jehova kubakombi bakwe.\\n2. Mibuzyo nzi njotutiingule?\\n2 Mulawo wa Musa wakaleka kubeleka mu 33 C.E. ciindi mbungano ya Bunakristo noyakatalisyigwa. Sena Banakristo bakali kunookwabilidwe kakunyina mulawo uuyeeme aluyando alimwi uusumpula bululami? Peepe! Banakristo bakapegwa mulawo mupya, nkokuti mulawo wa Kristo. Mucibalo eeci tulasaanguna kubandika ncowaamba mulawo mupya ooyu. Mpoonya tulaingula mibuzyo yotatwe eeyi: Nkaambo nzi ncotukonzya kwaamba kuti mulawo ooyu uyeeme aluyando? Nkaambo nzi ncotukonzya kwaamba kuti usumpula bululami? Kwiinda mukutobela mulawo ooyu, mbuti aabo ibali mubweendelezi mbobeelede kubeendelezya bamwi?\\nINO “MULAWO WA KRISTO” NINZI?\\n3. Ino ncinzi cibikkilizyidwe ‘mumulawo wa Kristo’ iwaambidwe kulugwalo lwa Bagalatiya 6:2?\\n3 Amubale Bagalatiya 6:2. Banakristo batobela “mulawo wa Kristo.” Jesu kunyina naakabalembela mulongo wamilawo njobakeelede kuccilila basikumutobela, pele wakabapa malailile alimwi anjiisyo kutegwa kazibasololela. “Mulawo wa Kristo” ubikkilizya zintu zyoonse Jesu nzyaakayiisya. Mumincali iitobela, tulaiya zinji kujatikizya mulawo ooyu.\\n4-5. Ino Jesu wakali kuyiisya buti alimwi ndilili naakayiisya?\\n4 Ino Jesu wakali kuyiisya buti? Cakusaanguna, wakali kubayiisya bantu kwiinda muzintu nzyaakali kwaamba. Majwi aakwe akalaanguzu nkaambo akali kwaamba kasimpe kajatikizya Leza, akayiisya kujatikizya mpindu yabuumi, alimwi akatondezya kuti Bwami bwa Leza mbobukonzya kumanizya mapenzi aabantu oonse. (Lk. 24:19) Jesu alimwi wakali kuyiisya kwiinda mucikozyanyo. Kwiinda munzila njaakali kupona, wakayiisya basikumutobela kujatikizya mbobakeelede kupona abalo.—Joh. 13:15.\\n5 Ino ndilili Jesu naakayiisya? Wakayiisya ciindi naakali kubeleka mulimo wakwe anyika. (Mt. 4:23) Alimwi wakayiisya basikumutobela mbwaakamanina buyo kubusyigwa. Mucikozyanyo, wakalibonya kunkamu yabasikwiiya, ambweni ibainda ku 500 akubalailila ‘kuyiisya bantu.’ (Mt. 28:19, 20; 1Kor. 15:6) Mbwali mutwe wambungano, Jesu wakazumanana kubapa malailile basikwiiya bakwe naakajokela kujulu. Mucikozyanyo, cakuma 96 C.E., Kristo wakalailila mwaapostolo Johane kukulwaizya alimwi akupa lulayo ku Banakristo bananike.—Kol. 1:18; Ciy. 1:1.\\n6-7. (a) Ino njiisyo zya Jesu zilembedwe kuli? (b) Mbuti mbotutondezya kuti tulautobela mulawo wa Kristo?\\n6 Ino njiisyo zya Jesu zilembedwe kuli? Mabbuku aa Makani Mabotu one ajisi zintu zinji Jesu nzyaakaamba alimwi akucita anyika. Magwalo aa Banakristo aa Chigiriki aambi, alatugwasya kumvwisya mbwazibona zintu Jesu, nkaambo aabo ibakaalemba bakasololelwa amuuya uusalala alimwi bakajisi “mizeezo ya Kristo.”—1Kor. 2:16.\\n7 Nzyotwiiya: Njiisyo zya Jesu zilagwasya mumbazu zyoonse zyabuumi. Aboobo mulawo wa Kristo ulazijatikizya zintu zyoonse nzyotucita aŋanda, kumulimo naa kucikolo alimwi amumbungano. Tulawiiya mulawo ooyu kwiinda mukubala Magwalo aa Banakristo aa Chigiriki alimwi akuzinzibala kuyeeya kujatikizya ngayo. Tulautobela mulawo ooyu kwiinda mukupona kweelana amalailile, milawo alimwi anjiisyo zijanika mumabbuku aamu Bbaibbele aaya. Ciindi notuutobela mulawo wa Kristo, tumvwida Jehova Leza, uuli Ngokasensa kazintu zyoonse nzyaakayiisya Jesu.—Joh. 8:28.\\nMULAWO UUYEEME ALUYANDO\\n8. Ino mulawo wa Kristo uyeeme anzi?\\n8 Ŋanda iibambidwe kabotu alimwi iiyakidwe aantalisyo njumu, ipa kuti aabo bakkala mulinjiyo balimvwe kukwabililwa. Mbubwenya buyo, mulawo mubotu uuyeeme aantalisyo mbotu, upa kuti aabo bautobela balimvwe kukwabililwa. Mulawo wa Kristo uyeeme aantalisyo iinda kubota, nkokuti luyando. Nkaambo nzi ncotwaambila boobo?\\nCiindi notubeendelezya caluyando bamwi, tutobela “mulawo wa Kristo” (Amubone muncali 9-14) *\\n9-10. Nzikozyanyo nzi izitondezya kuti Jesu wakali kukulwaizyigwa aluyando alimwi ino mbuti mbotukonzya kumwiiya?\\n9 Cakusaanguna, Jesu wakali kukulwaizyigwa aluyando muzintu zyoonse nzyaakacita. Lweetelelo naa luzyalo, ncitondezyo caluyando. Akaambo kalweetelelo luli boobu, Jesu wakayiisya nkamu mpati yabantu, wakaponya baciswa, wakasanina bakafwide nzala alimwi wakabusya bafwide. (Mt. 14:14; 15:32-38; Mk. 6:34; Lk. 7:11-15) Nokuba kuti kucita zintu eezyi kwakamumanina ciindi cinji alimwi anguzu, cakulyaaba Jesu wakali kubikka nzyobayandika bamwi mubusena bwakusaanguna. Kwiinda zyoonse, wakatondezya luyando lupati kwiinda mukutuula buumi bwakwe akaambo kabamwi.—Joh. 15:13.\\n10 Nzyotwiiya: Tulakonzya kumwiiya Jesu kwiinda mukubikka nzyobayandika bamwi mubusena bwakusaanguna. Alimwi tulakonzya kumwiiya kwiinda mukutondezya luzyalo kubantu ibali mucilawo cesu. Ciindi luzyalo luli boobu nolutupa kukambauka alimwi akuyiisya makani mabotu, tutobela mulawo wa Kristo.\\n11-12. (a) Ncinzi citondezya kuti Jehova ulatubikkila maano kapati? (b) Mbuti mbotukonzya kulwiiya luyando lwa Jehova?\\n11 Cabili, Jesu wakayubununa luyando ndobajisi Bausyi. Mumulimo wakwe wakukambauka, Jesu wakatondezya mbwababikkila maano kapati Jehova bakombi bakwe. Wakatondezya oobo munzila zinji. Mucikozyanyo, wakayiisya kaambo aaka: Umwi aumwi wesu ulayandika kapati kuli Taateesu wakujulu. (Mt. 10:31) Jehova ulilibambilide kwiitambula mbelele iili yoonse iisweekede iyeempwa alimwi akupiluka kumbungano. (Lk. 15:7, 10) Jehova wakalutondezya luyando ndwajisi kulindiswe kwiinda mukupa Mwanaakwe kuti abe cinunuzyo cesu.—Joh. 3:16.\\n12 Nzyotwiiya: Mbuti mbotukonzya kulwiiya luyando lwa Jehova? (Ef. 5:1, 2) Mukwesu amucizyi umwi aumwi tweelede kumubona kuti ulayandika alimwi tweelede kwiitambula camaanza obilo “mbelele iisweekede” iili yoonse iipiluka kuli Jehova. (Int. 119:176) Tulatondezya kuti tulabayanda bakwesu abacizyi kwiinda mukubelesya ciindi anguzu zyesu kutegwa tubagwasye, kwaambisya ciindi nobayandika lugwasyo. (1Joh. 3:17) Ciindi notutondezya luyando kuli bamwi, tutobela mulawo wa Kristo.\\n13-14. (a) Kweelana alugwalo lwa Johane 13:34, 35, ino Jesu wakalailila basikumutobela kuti kabatondezya nzi alimwi nkaambo nzi ooyu ncouli mulawo mupya? (b) Mbuti mbotuutobela mulawo mupya?\\n13 Catatu, Jesu wakalailila basikumutobela kutondezya luyando lwakulyaaba. (Amubale Johane 13:34, 35.) Mulawo wa Jesu mupya, akaambo kakuti uyanda kuti katutondezya musyobo waluyando iwatakali kuyandika mu Mulawo Leza ngwaakapede bana Israyeli: Tweelede kubayanda bakwesu mbubonya mbuli Jesu mbwaakatuyanda. Kucita boobu kuyandika luyando lwakulyaaba. * Tweelede kubayanda kapati bakwesu alimwi abacizyi kwiinda mbotuliyanda tobeni. Tweelede kubayanda kapati cakuti tulakonzya kubafwida, mbubonya mbwaakacita Jesu.\\n14 Nzyotwiiya: Mbuti mbotuutobela mulawo mupya? Mubufwaafwi, nkwiinda mukulyaaba kugwasya bakwesu abacizyi. Tatulyaabi buyo kubacitila zintu zipati-pati, mbuli kubafwida, pele alimwi tulalyaaba kubacitila tuntu tusyoonto-syoonto. Mucikozyanyo, ciindi lyoonse notusolekesya kugwasya mukwesu naa mucizyi uucembeede kujanika kumiswaangano, naa ciindi notulisungula kwaaba cintu cimwi ncotuyanda kutegwa tukkomanisye muyandwa wesu, ambweni ciindi notubelesya mazuba eesu aakulyookezya kugwasyilizya nokwacitika ntenda zilicitikila, tutobela mulawo wa Kristo. Munzila eeyi, tugwasyilizya kubamba mbungano kuba busena mwalo muntu uuli woonse mwakonzya kulimvwa kukwabililwa.\\nMULAWO UUSUMPULA BULULAMI\\n15-17. (a) Mbuti zintu nzyaakali kucita Jesu mbozyakatondezya mbwaakali kububona bululami? (b) Mbuti mbotukonzya kumwiiya Jesu?\\n15 Kweelana ambolibelesyedwe mu Bbaibbele, ibbala lyakuti “bululami,” lyaamba kucita cintu Leza ncabona kuti cililuzi alimwi akucita boobo kakunyina lusalululo. Nkaambo nzi ncotukonzya kwaamba kuti mulawo wa Kristo usumpula bululami?\\nJesu wakali kubalemeka alimwi akubafwida luse bamakaintu, kubikkilizya abaabo bamwi mbobakali kubona kuti banyina mulimo (Amubone muncali 16) *\\n16 Cakusaanguna, amuyeeye kujatikizya nzyaakali kucita Jesu mbozyakatondezya mbwaakali kububona bululami. Mumazuba aakwe, basololi bacikombelo caba Juda tiibakali kubayanda aabo ibatakali ba Juda. Bakali kuyeeya kuti balo bakali kabotu kwiinda ba Juda ibatakaiya bukombi bwaba Juda alimwi tiibakali kubalemeka bamakaintu. Pele Jesu lyoonse wakali kubeendelezya kabotu bantu boonse alimwi cakutasalulula. Wakabatambula aabo ibatakali ba Juda ibakajisi lusyomo mulinguwe. (Mt. 8:5-10, 13) Cakutasalulula, wakabakambaukila boonse, bavwubi alimwi abacete. (Mt. 11:5; Lk. 19:2, 9) Kunyina naakali kubakalalila naa kubeendelezya calunya bamakaintu. Muciindi caboobo, wakali kubalemeka alimwi akubafwida luse, kubikkilizya abaabo ibamwi mbobakali kubona kuti banyina mulimo.—Lk. 7:37-39, 44-50.\\n17 Nzyotwiiya: Tulakonzya kumwiiya Jesu kwiinda mukutabeendelezya calusalululo bamwi alimwi akwiinda mukubakambaukila bantu boonse ibalibambilide kuswiilila, tacikwe makani mbavwubi naa mbacete, naa bazulilwa kucikombelo nzi. Baalumi Banakristo batobela cikozyanyo cakwe kwiinda mukubeendelezya cabulemu bamakaintu. Ciindi notucita zintu zili boobu, tutobela mulawo wa Kristo.\\n18-19. Ncinzi Jesu ncaakayiisya kujatikizya bululami alimwi nziiyo nzi nzyotwiiya kukuyiisya kwakwe?\\n18 Cabili, amulange ncaakayiisya Jesu kujatikizya bululami. Wakayiisya njiisyo izyakali kuyoobagwasya basikumutobela kutegwa kabeendelezya bamwi cakutasalulula. Mucikozyanyo, amuyeeye kujatikizya Mulawo Wabukkale Bubotu. (Mt. 7:12) Toonse tulayanda kweendelezyegwa cabululami. Aboobo tweelede kubeendelezya kabotu bamwi. Ikuti twacita oobo, abalo balakonzya kukulwaizyigwa kutweendelezya kabotu. Pele ino mbuti kuti naa tatweendelezyegwi cabululami? Jesu alimwi wakayiisya basikumutobela kuba alusyomo lwakuti Jehova ‘uyoobona kuti aabo ibamukwiilila isyikati amasiku bakoswedwa cabululami makani.’ (Lk. 18:6, 7) Munzila imwi, kaambo aaka ncisyomezyo cakuti Leza wesu sibululami ulaazyi masunko ngotujana mumazuba aaya aamamanino alimwi uyootukosweda cabululami makani muciindi cakwe ceelede.—2Tes. 1:6.\\n19 Nzyotwiiya: Ciindi notutobela njiisyo nzyaakayiisya Jesu, tuyakubeendelezya munzila yabululami bamwi. Alimwi ikuti naa twakeendelezyegwa cakutalulama munyika eeyi ya Saatani, tulaumbulizyigwa kuzyiba kuti Jehova uyoobona kuti twakoswedwa cabululami makani.\\nMBUTI AABO IBALI MUBWEENDELEZI MBOBEELEDE KUBEENDELEZYA BAMWI?\\n20-21. (a) Mbuti aabo ibali mubweendelezi mbobeelede kubeendelezya bamwi? (b) Mbuti mulumi mbwakonzya kutondezya luyando lwakulyaaba alimwi ino usyi weelede kubeendelezya buti bana bakwe?\\n20 Kweelana amulawo wa Kristo, mbuti aabo ibali mubweendelezi mbobeelede kubeendelezya bamwi? Mbwaanga mulawo ooyu uyeeme aluyando, aabo ibali mubweendelezi beelede kubalemeka aabo mbobalanganya alimwi akubeendelezya caluyando. Beelede kuyeeya kuti Kristo uyanda kuti katutondezya luyando muzintu zyoonse nzyotucita.\\n21 Mumukwasyi. Mulumi weelede kumuyanda mukaintu wakwe “mbubonya awalo Kristo mbwaakayanda mbungano.” (Ef. 5:25, 28, 29) Mulumi weelede kwiiya luyando lwa Kristo lwakulyaaba kwiinda mukubikka ziyandika zyamukaintu wakwe mubusena bwakusaanguna. Bamaalumi bamwi cilakonzya kubakatazya kutondezya luyando luli boobu, ambweni akaambo kakuti bakakomenena mumukwasyi mobatakali kukubikkila maano kweendelezya bamwi cabululami alimwi acaluyando. Cilakonzya kubayumina kuleka ziyanza zibyaabi, pele beelede kucinca kutegwa batobele mulawo wa Kristo. Mulumi uutondezya luyando lwakulyaaba ulalemekwa kumukaintu wakwe. Usyi uubayanda ncobeni bana bakwe takonzyi kubeendelezya calunya kwiinda muzintu nzyaamba naa kucita. (Ef. 4:31) Muciindi caboobo, ulatondezya kuti ulabayanda bana bakwe alimwi ulabakkomanina kutegwa kabalimvwa kukwabililwa. Usyi uuli boobu ulayandwa alimwi ulasyomwa abana bakwe.\\n22. Kweelana alugwalo lwa 1 Petro 5:1-3, ino “mbelele” nzizyani alimwi ino zyeelede kweendelezyegwa buti?\\n22 Mumbungano. Baalu beelede kuyeeya kuti “mbelele” tazili zyabo. (Joh. 10:16; amubale 1 Petro 5:1-3.) Majwi aakuti “butanga bwa Leza,” “kumbele lya Leza” alimwi aakuti ‘lukono lwa Leza’ ayeezya baalu kuti mbelele nzizya Jehova. Uyanda kuti mbelele zyakwe kazyeendelezyegwa caluyando alimwi camoyo mutete. (1Tes. 2:7, 8) Baalu ibatondezya luyando ciindi nobazuzikizya mikuli yabo yabweembezi balakkomaninwa a Jehova. Alimwi baalu ibali boobu balayandwa akulemekwa abakwesu alimwi abacizyi.\\n23-24. (a) Ino baalu bajisi mukuli nzi mukulanganya milandu iijatikizya zibi zipati? (b) Ncinzi baalu ncobeelede kuyeeya ciindi nobalanganya milandu iili boobo?\\n23 Ino baalu bajisi mukuli nzi mukulanganya milandu iijatikizya zibi zipati? Mukuli ngobajisi uliindene angobakajisi babetesi alimwi abaalu mu Mulawo Leza ngwaakapede bana Israyeli. Mu Mulawo ooyo, baalumi basalidwe tiibakali kulanganya buyo makani aajatikizya kukomba Jehova, pele alimwi bakali kulanganya amakani aatakali kujatikizya kukomba Jehova cacigaminina. Pele mu Mulawo wa Kristo, mukuli wabaalu ngwakulanganya buyo milandu iijatikizya kukomba Jehova. Balizyi kuti beendelezi bamfwulumende balizumizyidwe a Leza kulanganya milandu iitajatikizyi kukomba Jehova. Eeci cibikkilizya nguzu zyakupa cisubulo mbuli kubbadelesya naa kubikka muntu muntolongo.—Rom. 13:1-4.\\n24 Ino baalu bajisi mukuli nzi ciindi umwi mumbungano naacita cibi cipati? Babelesya Magwalo nobalanganya makani alimwi akukosola twaambo. Balayeeya lyoonse kuti luyando mpaayeeme mulawo wa Kristo. Luyando lukulwaizya baalu kulibuzya kuti: Ncinzi ceelede kucitwa kutegwa agwasyigwe muntu uuli woonse mumbungano iwacita cibi cipati? Kujatikizya muntu ooyo iwacita cibi, luyando lukulwaizya baalu kulibuzya kuti: Sena weempwa? Sena inga twamugwasya kubambulula cilongwe cakwe a Jehova?\\n25. Ino tuyoobandika nzi mucibalo citobela?\\n25 Eelo kaka tulalumba kapati akaambo kamulawo wa Kristo! Ciindi toonse notubeleka canguzu kuutobela, cipa kuti mbungano yesu ibe busena mwalo muntu uuli woonse mwakonzya kulimvwa kuyandwa alimwi akukwabililwa. Nokuba boobo, tupona munyika mwalo “bantu babyaabi” mobaindila “kubija akubijila limwi.” (2Tim. 3:13) Tweelede kuzumanana kupakamana. Ino mbuti mbungano ya Bunakristo mboikonzya kutondezya bululami bwa Leza ciindi noilanganya kutundululwa kwabana mumakani aakoonana? Tuyakuwiingula mubuzyo ooyu mucibalo citobela.\\nIno mulawo wa Kristo uyeeme anzi?\\nNcinzi citondezya kuti mulawo wa Kristo usumpula bululami?\\nIno aabo ibali mubweendelezi beelede kubeendelezya buti bamwi?\\nLWIIMBO 15 Atumutembaule Mwana wa Jehova Mutaanzi Kuzyalwa!\\n^ munc. 5 Cibalo eeci alimwi azitobela zyobilo zili akati kamulongo wazibalo izitondezya kaambo ncotukonzya kuba alusyomo lwakuti Jehova ngu Leza siluyando alimwi mululami. Uyanda kuti bantu bakwe kabacitilwa cabululami, alimwi ulabaumbulizya aabo ibateendelezyegwi cabululami munyika eeyi mbyaabi.\\n^ munc. 1 Amubone cibalo cakuti “Kutondezya Luyando Abululami mu Israyeli Yansiku” mu Ngazi Yamulindizi yamu February 2019.\\n^ munc. 13 BUPANDULUZI BWAMABALA: Luyando lwakulyaaba lutupa kubikka nzyobayandika bamwi mubusena bwakusaanguna. Tulalyaaba kuliimya zintu zimwi kutegwa tugwasye bamwi.\\n^ munc. 61 BUPANDULUZI BWACIFWANIKISO: Jesu wabona mukamufwu iwafwidwa mwanaakwe ngwajisi alikke. Akaambo kalweetelelo, Jesu wamubusya mulombwana.\\n^ munc. 63 BUPANDULUZI BWACIFWANIKISO: Jesu ulalya muŋanda yamu Farisi wazina lya Simoni. Mukaintu uuyeeyelwa kuti muvwuule, wasanzya maulu aa Jesu amisozi yakwe, waapukuta amasusu aakwe, mpoonya waananika mafwuta. Simoni tanaacikkomanina ncaacita mukaintu, pele Jesu wamwiiminina mukaintu ooyu.\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA May 2019\\nKutondezya Luyando Abululami mu Israyeli Yansiku","num_words":2197,"character_repetition_ratio":0.06,"word_repetition_ratio":0.001,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bana Beelede Kuzyiba Bubotu Bwakwiiya Zintu Kubapati\\nINO NGUNI WEELEDE KUYIISYA BANA?\\nBana bayandika bantu bapati mubuumi bwabo balo ibakonzya kubasololela alimwi akubapa lulayo. Mbuli muzyali, ndinywe mweelede kubasololela bana banu alimwi akubapa lulayo. Nokuba boobo, bapati bamwi balakonzya kubagwasya alimwi akubapa lulayo bana banu.\\nNKAAMBO NZI KWIIYA ZINTU KUBAPATI NCOKUYANDIKA KAPATI?\\nMumasena manji, bakubusi tabavwuli kujana ciindi cakubandika abantu bapati. Amubone twaambo ootu:\\nCiindi cinji bana bacimanina kucikolo, kwalo ikuli basicikolo banji kwiinda bamayi.\\nBakotoka kucikolo, bakubusi bamwi balijana balikke aŋanda akaambo kakuti bazyali inga bali kumilimo.\\nBuvwuntauzi bumwi bwakatondezya kuti ku United States, bana ibajisi myaka yakuzyalwa iili akati ka 8 alimwi a 12 batola mawoola aabalilwa ku 6 kweebelela TV, kuswiilila nyimbo alimwi akusobana zisobano zyaakkompyuta. *\\nBbuku litegwa Hold On to Your Kids lyaamba kuti: “Bakubusi banji mazuba aano balomba lugwasyo kubakubusinyina muciindi cakulomba kubazyali babo, kuli bamayi naa kubapati bambi.”\\nMBOMUKONZYA KUBAYIISYA ZINTU\\nAmujane ciindi cakuba abana banu.\\nNJIISYO YAMU BBAIBBELE: “Koyiisya mwana inzila njayelede kweendela; noliba leelyo aakukomena takazwi mulinjiyo pe.”—Tusimpi 22:6.\\nNcizyalwa buya kubana kuyanda busolozi bwabazyali babo. Mane buya, basyaazibwene baamba kuti, nociba ciindi mwana nasika aciindi cakukubuka, ulalubikkila maano lulayo lwabazyali bakwe kwiinda lwabakubusinyina. Mubbuku litegwa You and Your Adolescent, ba Dr. Laurence Steinberg bakalemba kuti: “Bazyali balazumanana kuba alubazu lupati lwakugwasya mwanaabo mbwayelede kulilemeka kuzwa kubukubusi mane kusikila wakomena.” Bakayungizya kwaamba kuti: “Bakubusi balayanda kuzyiba zintu nzyomuyeeya alimwi akuswiilila nzyomwaamba, nokuba kuti talili lyoonse nobazumina zyoonse nzyomwaamba.”\\nMbwaanga mwanaanu uyanda busolozi kulindinywe, amucite kufwumbwa ncomukonzya kutegwa mumugwasye. Amujane ciindi cakubandika abana banu alimwi akubaambila mbomulimvwa ambomuyeeya kujatikizya zintu ziindene-indene, zintu nzyomubikkila maano kapati alimwi azintu nzyomwaiya mubuumi.\\nAmujane muntu wakubagwasya.\\nNJIISYO YAMU BBAIBBELE: “Ooyo weenda abasongo ulaba musongo.”—Tusimpi 13:20.\\nSena kuli muntu mupati ngomuyeeya walo uukonzya kuba cikozyanyo cibotu kumwanaanu mukubusi? Sena inga tiimwapanga bubambe bwakuti muntu ooyo kaba aciindi cakubandika amwanaanu? Pele eeci tacaambi kuti muntu ooyo nguunoomweendelezya mwanaanu. Nokuba boobo, lulayo iluzwa kumuntu mupati ngomusyoma walo ngomuzyi kuti takonzyi kumunyonganya mwanaanu lulakonzya kugwasya alwalo. Bbaibbele lyaamba kuti, nociba ciindi Timoteyo naakakomena, wakagwasyigwa kapati kukuyanzana nkwaakajisi amwaapostolo Paulo alimwi awalo Paulo wakagwasyigwa acilongwe ncaakajisi a Timoteyo.—Bafilipi 2:20, 22.\\nMazuba aano, mikwasyi minji tiicikkali antoomwe muŋanda yomwe naa kukkala mucilawo comwe, ikanji-kanji bamakaapanyina, bamaisyanyina, bamanyina bambi alimwi abacibbululu bamwi bakkala mumasena aakule. Ikuti naa muli mubukkale oobu, amusole kupa bakubusi banu coolwe cakwiiya kubapati balo ibajisi bube mbomuyanda kuti babe ambubo bana banu.\\n^ munc. 9 Buvwuntauzi oobo bwakatondezya kuti bunji bwabakubusi batola mawoola aatandila ku 9 buzuba abuzuba kweebelela TV, kuswiilila nyimbo alimwi akusobana zisobano zyaakkompyuta. Myeelwe eeyi iitondezya mawoola bana alimwi abakubusi ngobabelesya, taibikkilizyi ciindi ncobatola kabali a Intaneti kucikolo naa kucita homuweki.\\nMwana uuyanda kwiiya zintu kubapati ulalangilwa kuba musongo alimwi akusima mumizeezo noliba leelyo aakukomena\\nSena ndili cikozyanyo cibotu kubana bangu?\\nSena bana bangu balabona kuti andime ndilaakulomba lugwasyo kuli bamwi balo ibajisi luzyibo kwiinda ndime?\\nSena ndilaakutondezya kuti bana bangu balayandika kapati kulindime kwiinda mukuba aciindi cakuba ambabo?\\nBa David bakaamba kuti: “Zimwi ziindi nondijisi bubi kapati, mwanaangu musimbi ulaakwaamba kuti uyanda kubandika andime. Lyoonse ndilamuswiilila, noliba leelyo nondeelede kumwaambila kuti alindile aasyoonto kutegwa ndicikonzye kumuswiilila kabotu. Mebo abakaintu bangu tulasolekesya kuba cikozyanyo cibotu kutegwa abone kuti tulazicita nzyotumuyiisya.”\\nBa Lisa bakaamba kuti: “Ciindi mwaneesu naakazyalwa, mebo abalumi bangu twakamvwana kuti ndileke kubeleka kutegwa kandikkala amwana aŋanda. Kunyina nonduusa akaambo kakusala ooku. Cilayandika kapati kuba antoomwe amwana ciindi coonse kutegwa tumuyiisye kabotu. Pele kwiinda zyoonse, kuba amwanaanu citondezya kuti mulamubikkila maano.”\\nKUJANA CIINDI CAKUBANDIKA ABANTU BAPATI\\nBa Maranda bakaamba kuti: “Bana bangu bakakomenena akati kabantu bapati ibajisi ziimo ziindene-indene alimwi ibakkomanina zintu zisiyene-siyene, aboobo eeci cakabagwasya kuzyiba buumi mbobubede kwiinda muzintu nzyobakali kubaambila bantu. Mucikozyanyo, bakagambwa kapati ciindi bakaapa bakaintu nobakabaambila kuti ciindi nobakacili baniini, mukwasyi wabo ngowakali wakusaanguna kuba amalaiti aŋanda. Bakabaambila kuti bantu ibakali kukkala mucilawo cili afwaafwi bakaboola kuŋanda yabo kuzoobona malaiti mbwaayasyigwa alimwi akuzimwa. Makani aaya akapa bana bangu kuzyiba buumi mbobwakabede kaindi. Kuzyiba makani aaya kuzwa kuli bakaapa bakaintu akwalo kwakabagwasya kubalemeka alimwi akulemeka bantu bapati. Ikuti bana kabajana ciindi cinji cakubandika abantu bapati mpoonya akucesya ciindi cakuba abakubusinyina, bayoocikonzya kuzyiba buumi mbobubede.”","num_words":641,"character_repetition_ratio":0.052,"word_repetition_ratio":0.0,"special_characters_ratio":0.148,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bafilipi 2 | Bbaibbele lili a Intaneti | Bbaibbele lya Busanduluzi Bwanyika Mpya\\nMatalikilo Kulonga Levitiko Myeelwe Deuteronomo Joshua Babetesi Rute 1 Samuele 2 Samuele 1 Bami 2 Bami 1 Makani 2 Makani Ezara Nehemiya Esita Jobu Intembauzyo Tusimpi Mukambausi Lwiimbo Lwa Solomoni Isaya Jeremiya Malilo Ezekieli Daniele Hosea Joeli Amosi Obadiya Jona Mika Nahumu Habakuku Zefaniya Hagai Zekariya Malaki Matayo Marko Luka Johane Milimo Baroma 1 Bakorinto 2 Bakorinto Bagalatiya Baefeso Bafilipi Bakolose 1 Batesalonika 2 Batesalonika 1 Timoteyo 2 Timoteyo Tito Filimoni Bahebrayo Jakobo 1 Petro 2 Petro 1 Johane 2 Johane 3 Johane Juda Ciyubunuzyo 1 2 3 4\\nKulicesya kwa Bunakristo (1-4)\\nKulicesya akusumpulwa kwa Kristo (5-11)\\nKamubelekela lufwutuko lwanu (12-18)\\nKumweka mbuli mimuni (15)\\nKutuma Timoteyo a Epafrodita (19-30)\\n2 Aboobo, ikuti naa kuli kuyumizyanya kuli koonse nkomujisi muli Kristo, naa kuumbulizyanya kuli koonse kwaluyando, naa kuyanzana kuli koonse kwakumuuya,* naa kuyandana kapati akufwidilana lubomba kuli koonse, 2 amuzulizye kukondwa kwangu. Amucite oobo kwiinda mukuba amuzeezo omwe alimwi aluyando lukozyenye, mukamantane amoyo woonse, akuyeeya cintu comwe.+ 3 Mutaciti cintu cili coonse amuuya wakuzwangana+ naa cakulisumpula,+ pele amucite zintu zyoonse cakulicesya akubona bamwi kuti balamwiinda.+ 4 Mutabikkili buyo maano kuzintu nzyomuyanda nywebo zilikke,+ pele akuzintu nzyobayanda bamwi.+ 5 Amube amuzeezo ooyu ngoonya iwakali muli Kristo Jesu,+ 6 walo ooyo, nokuba kuti wakali muciimo ca Leza,+ kunyina pe naakayeeya kubweza bweendelezi, nkokuti kutegwa kabeelene a Leza.+ 7 Pele wakasiya zintu zyoonse nzyaakajisi akubweza ciimo camuzike+ alimwi wakaba muntu.*+ 8 Kunze lyaboobo, naakaba muciimo camuntu,* wakalicesya akumvwida mane kusikila kulufwu,+ inzya, lufwu acisamu cakupenzyezya.*+ 9 Akaambo kaceeci, Leza wakamusumpula akumupa cuuno caatala+ azina liinda mazina oonse,+ 10 kutegwa muzina lya Jesu boonse bafwugame—aabo bali kujulu, anyika alimwi abaabo bali mubulongo+— 11 alimwi boonse beelede kuzumina caantangalala kuti Jesu Kristo Mwami+ kutegwa Leza Taata alemekwe. 12 Lino nobayandwa bangu, mbubonya mbomwali kuswiilila lyoonse ikutali buyo leelyo nondakali andinywe, pele ikapati lino nonditali andinywe, amuzumanane kubelekela lufwutuko lwanu cakuyoowa akukankama. 13 Nkaambo Leza ngonguwe uumupa nguzu, uumupa kuti kamukanza alimwi anguzu zyakucita zintu akaambo kaceeco cimubotela walo. 14 Amuzumanane kucita zintu zyoonse cakutatongooka+ akukazyanya,+ 15 kutegwa mube bantu banyina mulandu, ibanyina butongo, bana ba Leza+ banyina kampenda akati kazyalani lyabantu bampelenge alimwi bapilingene+ oomo momumweka mbuli mimuni munyika eeyi,+ 16 alimwi amujatisye jwi lyabuumi.+ Eelyo ndiyooba akaambo ikayoondipa kukondwa mubuzuba bwa Kristo, kandizyi kuti tiindakabalika cabuyo naa kubeleka canguzu cabuyo. 17 Pele nokuba kuti ndili mbuli cituuzyo cakunywa+ citilwa acipaizyo+ alimwi aamulimo uusetekene eezyo lusyomo lwanu nzyolwakamukulwaizya kucita, ndilasekelela alimwi ndilakondwa andinywe nyoonse. 18 Mbubonya oobo, andinywe mweelede kusekelela akukondwa andime. 19 Lino ndilangila kuti ikuti kakuli kuyanda kwa Mwami Jesu, ndilamutumina Timoteyo+ lino-lino, kutegwa ndikakulwaizyigwe ndaakumvwa makani aajatikizya ndinywe. 20 Nkaambo taakwe uumbi ngondikonzya kutuma uujisi moyo uuli mbuli wakwe uuyoozilanganya bweelede zintu zijatikizya ndinywe. 21 Nkaambo aaba bamwi boonse bayandaula zintu zyakuligwasya lwabo beni, ikutali zijatikizya Jesu Kristo pe. 22 Pele nywebo mulizyi cisinizyo ncaakapa lwakwe mwini, kuti mbuli mwana+ abausyi wakabeleka cabusungu andime mukutola ambele makani mabotu. 23 Aboobo ooyu ngondilangilwa kutuma mbonditiizyibile buyo mbozitiindeendele zintu. 24 Mubwini, ndili alusyomo mu Mwami kuti andime lwangu ndiyoosika lino-lino.+ 25 Pele calino ndibona kuti ncibotu kumutumina Epafrodita mukwesu, similimoma alimwi sikalumambama, ooyo ngomwakatuma kali mubelesi wanu kuti andigwasye mondibulide,+ 26 mbwaanga ulayandisisya kumubona nyoonse alimwi ulipengede kapati mumoyo akaambo kakuti mwakamvwa kuti wakalicisidwe. 27 Ncobeni wakaciswa cakuti kwakasyeede buyo asyoonto kuti afwe; pele Leza wakamufwida luse, mubwini ikutali buyo nguwe alikke, pele andime ikutegwa nditayungizyilwi kuusa atala lyakuusa nkondijisi kale. 28 Aboobo ndilamutuma cakufwambaana kapati, ikutegwa mwaakumubona mukakondwe alimwi akuti andime ndileke kulibilika kapati. 29 Aboobo amumutambule cakukondwa kapati mu Mwami mbubonya mbomucita lyoonse, alimwi kamubalemeka lyoonse bantu bali boobo,+ 30 nkaambo kwakasyeede buyo asyoonto kuti afwe akaambo kamulimo wa Kristo,* wakabikkide buumi bwakwe muntenda ikutegwa akaambo kakuti nywebo tamuko okuno, amunjilile mubusena kubeleka mulimo wakundigwasya mondakabulide.+\\n^ Mu Chigiriki, “kwaabana muuya kuli koonse.”\\n^ Mu Chigiriki, “wakaba mbubonya mbuli bantu.”\\n^ Mu Chigiriki, “naakajanwa kuti uli mucinkozya camuntu.”\\n^ Amubone Bupanduluzi Bwamabala.\\n^ Naa ambweni, “kamulimo wa Mwami.”","num_words":596,"character_repetition_ratio":0.036,"word_repetition_ratio":0.0,"special_characters_ratio":0.179,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bakomi Bakujulu: Michael a Margaretha Sattler Print\\nBakomi Bakujulu: Michael a Margaretha Sattler\\nMichael a Margaretha Sattler bakali bantu banyenzi. Bakali bantu bakali kukkomanina zintu zyabuyo akuusa mbuli bantu boonse, kabajisi bulangizi akuyoowa zintu zimwi mbweenya buyo mbuli bantu baansi aano. Pele, muciindi cakusunkwa kwalufu, balo bakasala kusyomeka kuli Yahuwah. Makakatilo aabo mukutundululwa ayoopedwa bulumbu buteeli Kujulu. Kobala kaano kabo kutegwa ayebo ukulaizyigwe kuti mbweenya Mwami Yahuwah mbwaakacitila bamwi, ayebo ulakonzya kukucitila mbweenya.\\n“Amulange cintu eeci. Tujisi bwato bwa Hurricane Grace buyaamba kutozya kunyika lyalwizi lwa Atlantiki. Ma! Cakomena ncobeni lino. . .ciyaabwiindila kuba cipati. Cabili, cili kunselelo lya nsumbu ya Sable kwini, cilaafwi kubboloka. Kobona eeci. Catatu yaboola mpeyo iiletezya kuzyila ku Canada. Pele bwato lino bulayaamba atalaa mayuwe aatungene mulongo . . . kabuzuunyene kutozya kulwizi lwa Atlantiki. Ino kuti bwato bwa Hurricane Grace bukalibbunte mukati kamuyoba ooyu inga kwaba nzi? Kusanganya kuli ceeco, oobu bwato buyaakweempauka kuzwa kunsumbu ya Sable, kabwiibauka kuyandaula nguzu zyakuyaamba. Lino bulaafwi kunjila mumuyoba uutontola kuuletezya kuzwa ku Canada . . . abwato bwa Hurricane Grace. Yebo inga waba syaazyibwene wabweende bwamazuba mubuumi bwako boonse . . . pele kunyina pe nookabonede cintu mbuli ceeci. Inga yaba ntenda ijatikizya zinjaanji. Inga yaba . . . muyoba uukkwene.”\\n~ Todd Gross, Syaazyibwene wa Bweende bwa Mazuba mu TV\\nKavwumbi kaniini 28, 1991: Munsaa mamaninno aaciindi camaguwo aamiyoba, kwakatalika muyoba mu Lwaanje lwa Atlantic, kujwe lyacisi ca Canada. Ooyo muyoba wakalaa muwo uubbubbula canguzu kuutozya “kunyika lyakujwe” alimwi wakavwuukila mumbalaa bwato bwa Hurricane Grace akuyungizya kuvwuuma kapati. Wakadyaaminina cooko cakumusanza coonse ooko nkowakaindila kuunga kusikila waba guwo lyuungisya kalizinguluka akupepaula zintu zinjaanji. Wakaba muyoba uula guwo uutanabwenwe mumusela wabantu cakuti wakaletelezya antenda yakajaya bantu bali 13, akunyonyoona zintu zidula mali aasika ku $200 zyuulunzuma. Wakaba: “ muyoba uukkwene.”\\nCifwanikiso citondezya Muyoba Mupati wamu '91, kumusanza lyaku Nova Scotia, mu Kavwumbi Kaniini 30, 1991.\\nAkataa mayoba aaguwo lyuungisya boobo, kwakali bwato bwaba sikuzuba nswi bwa Andrea Gail. Mweendelezi wabwato Frank “Billy” Tyne, Junior, antoomwe abasibwatonyina bosanwe, bakali kuzela nswi munsaa Nkomwe mpati ya Flemish Cap. Nokuba kuti bakateelela milumbe iicenjezya kuti kulasika muyoba uula guwo lipati, aaba balombwana bakasala kuti bazyokele kunkomwe nkaambo ciyobwedo cakutontozya nswi tiicakali kubeleka bweelede alimwi zyoonse nswi nzyobakajatide tiizyakali kunga zyakkalilila akuleka kubola. Aboobo, nibakali kuzyokela kunkomwe kumaanda, bakuunjila mpuulakati muyoba mupati.\\nMajwi aacaalizya ookwa Silutwe wabwato aalembedwe, akali aakuti: “Waboola, nobasankwa, waboola canguzu, amulibambile.” Madolomu aamungwimba, ciyumwido camungwimba, acisanza azimwi zintu zyabwato nzyezyakajanwa kazyiibauka zyakaceede kuzwa mubwato bwa Andrea Gail. Silutwe Tyne abalombwana bakwe bosanwe, bakali akataa bantu aabo bakanyikila mumuyoba ooyo wakapegwa zina lyakuti Muyoba Mupati wamu ’91.\\nKuti ooyo niwakali buyo muyoba wakuzuma akulabaula ndabo, aabo balombwana nibakanunuka. Kuti niwakali buyo guwo lyuungisya, nibakazelauka mumbali. Kuti muncini uutontozya nswi niwatakaleka kubeleka, balo nibakazumanana kuzela, akutanjila ntenda yalwizi. Pele muukusanganya buyo eezyo zyoonse antoomwe, eeco ncecaaletelezya kunyikizya bwato akukosozya buumi bwabantu boonse bakali mubwato oobo.\\nEeco cakali ciindi cibotu, cakali ciindi camanyongwe, cakali ciindi camusela wabusongo, cakali ciindi camusela wabafubafuba, cakali cintu cakusyoma zinjaanji, cakali ciindi cikankamika, cakali ciindi camusela wa Mumuni, alimwi aciindi camusela wa Musinze, cakali ciindi cakasensa kabulangizi, alimwi eeco cakali ciindi camupeyo wakubula bulangizi; Twakalaa zintu zinjaanji kumbele lyesu, pele kunyina cintu ncotwakajisi lwesu tobeni, toonse twakali kugama kuya Kujulu, toonse twakali kutozya nzila iimbi – mubufwaafwi, eeco ciindi cakalikonzyene aciindi camazubaano, cakuti bamwi basololi bamfulumende aabo bakalaa mpuwo kapati, bakasinikizya bantu kuti bacitambule, nobayanda nobatayandi, mukuyandisya buyo kuti cibe cintu cakulikankaizya.\\n“Muyoba mupati” : “nkusanganya antoomwe zyoonse zintu zicitika nokuba kuti kazyitalaa ntenda, pele kazizyicitika antoomwe munzila yakuletelezya manyongwe aanyonyoona zintu.”1 Kuleka mbuli miyoba iicitika lyoonse, muyoba mupati utalikila “munguzu zisangene zyazintu zicitikila antoomwe.”2 Miyoba mipati tiicitiki buyo lyoonse kufumbwa ciindi, pele lyoonse iletelezya lunyonyooko eelyo niicitika.\\nLusyomo nko Kukoma!\\nMusela wacisambomwe mucooko ca Bukuwa wakali musela wamuyoba mupati —musela wamizeezo minjaanji iikazyanya—akuzunduna. Mucisi ca France, kulwana mfulumende kwakali lutide. Mucisi ca Germany, Martin Luther wakali kusandulula Bbaibbele mumulaka uumvwugwa bantu banjaanji, akunyansya poopo mukukulwaizya muzeezo wakuti bantu balakonzya kufutulwa kwiinda mulusyomo lwalo kakunyina acimbi. Mucisi ca Italy, Giordano Bruno wakali kusendekezy kuti nyenyezi zyakali zibeelz zyazuba zili kulaale, kazyizingulukidwe nyenyezinyina azimwi kumwi Pietro Pomponazzi wakali kukazya muzeezo wakuti muzimo wamuntu tuukonzyi kufwa. Munyika Mpya, cisi ca Spain cakazunda Bulelo bwaba Aztec. Mucooko ca Bukuwa coonse, lumamba lwaba Mozilemu lwakali kusaala, kujaya akutola buzike kufumbwa muna Kristu ngobakaswaanganya munzila yabo.\\nCooko ca Bukuwa coonse cakali zwangene akuzandukana akataa Bakatolika a Basikutongooka. Muzeezo wa mulawo wazilengwa leza —wakuti bantu boonse balaa lwaanguluko alimwi baleelene —wakatalika kubaa mpuwo akusimya akataa bantu. Mizeezo mpiya yakaletelezya kuyeeyela zinjaanji, amakanze mapya mumyoyo yabantu batuba banjaanji aabo bakali kutundululwa eelyo nibakatalika kulwana mitelo mipati eeyo basimalelo babo njibakali kubakulaika kuti babbadele. Zyoonse eezyi zyakaleta “muyoba mupati”ooyo wakapa kuti kusike Musela wa Kusalazyilwa nikwakainda myaka iili 200. Mukupyopyongana koonse ooku kwakacinca zintu zinjaanji, umwi mukwasyi wakalukwete mulimo wakutobela kasimpe, kakwiina makani kufumbwa cinga cabacitikila. Ciinci cabo cakubelekela Mwami Yahuwah cakali ciindi cisyoonto buyo, cifwaafwi kapati — kulezya kusika myaka yobile— pele mpuwo yabo, antoomwe amukonzyanyo wabo wakusyomeka nokuba kuti bakapenzyegwa buti, ucizumanana kusikila buzuba buno.\\nMunsaa ciindi nceenya eeco Christopher Columbus naakali kusoleka kubungilila mali aakubelesya kuyandaula nzila mpya yakuya ku India kwiinda mukugamika kweenzya bwato kaya kumbo, kwakazyalwa mwana musankwa ku Stauffen, Germany. Tazili zinjaanji zintu zyizyibidwe zya buumi alwiiyo lwa mwana ooyo Michael Sattler, pele kulizyibidwe kuti walo wakanjila mu Ŋanda yabapaizi ku St. Peter munsaa ku Freiberg. Kusyomwa kuti walo mukuya kwaciindi, wakaba mweendelezi wa Ŋanda yabapaizi ya Benedictine, eeco caambilizya kuti, walo wakali muntu munkutwe mumulimo, uukonzya kweendelezya, alimwi akubaa ciimo cilondokede. Eelyo naakali mweendelezi, wakali mugwasyi wamusololi mumulimo wakwe. Eeco cuuno cakalaa nguzu akupegwa bulemu kapati. Eeco ncecintu cakapa kuti Michael abe umwi wabaabo balupatibapti bakasumpukide mumazubaayo.\\nNkaambo kakuti Michael wakali musongo alimwi muntu uusyomeka,walo wakali zuunyene muzintu nzyaakali kusyoma. Walo wakajatikene mukubambulula bapaizi ba Benedictine Bursfeld, akubukulusya moza ku St. Peter. Mbuli mbwaakali mweendelezi, walo wakali kunoonga wakali kweendelezya busena oobo. Pele kwakali kucinca zintu kwakali kuzyaa kuswena, mbweenya mbocicitika lyoonse kuli baabo basyomeka akubaa busongo ncobeni. Misela minjaanji niyakainda muleli wacisi ca Amelika Abraham Lincoln wakapa kaambo kakuti: “Eelyo muntu uulubide ncobeni kuti wakazwezya akukamvwa kasimpe, nkabela walo inga waleka kulubila nokuba kuleka kusyomeka.” Michael wakali kusyomeka.\\nMunzi wa St.Peter mu Freiburg, ku Germany, ooko Michael Sattler nkwaakasumpukila zyuuno zyamilimo.\\nAkataa myaka yakuma 1520, bantu batuba basikutongooka bakavwumpa munzi wa St. Peter. Bakatalika kutongooka kuti bayanda lwaanguluko kuzwa kukubbadela mitelo akutundululwa kubaleli babo. Kabajisi mizeezo minjaanji ya lwaanguluko akweelana kubantu babo, bakali kuyanda bululami alwaanguluko lwamulawo akataa basyomi boonse, mbuli bwaamba milazyo ya Mangwalo.\\nBamwi akati bantu aabo bakali ba Anabaptisti. “Anabaptisti” caambilizya kuti bakainduluka kubbizyigwa alimwi, nkaambo bakakaka lubbizyo lwabana bavwanda kuti talujanwi mu Mangwalo pe. “Mbubuti mwana muvwanda mbwanag wabaa muzeezo wakuliyeeyela kuti uyanda kubelekela Mwami Yahuwah?” Balo bakazumanana kukazya makani aayo.Tee kayi awlo Mufutuli Lwakwe taakabbizyigwa kusikilawaba mwaalumi mupati uukkwene maanu: “ Lino nibakabbapatizigwa bantu boonse, awalo Yahushua wakabbapatizigwa. Naakacili kukomba Yahushua, julu lyakajaluka, Muuya wa Yahuwah wakamuselukila muciimo cankwilimba, eelyo ijwi lyakamvwigwa kuzwa kujulu kaliti, “Nduwe Mwanaangu ngwenjandisya ndabotelelwa anduwe” (Luka 3:21-23, KJV)\\nCilakonzyeka, alimwi inga kacili masimpe kuti, aabo bantu bakaleta matongoosi aabo kuli Michael, ooyo wakali mweendelezi ciindi eeco. Nokuba kuti kunyina cilembedwe caambilizya mizeezo njaakabapa, pele kuli tusimpe totatwe tizyibidwe tujatikizya nguwe:\\nMichael Sattler wakali muntu uusyomeka musongo alimwi mwaalumi uuzyandamene mu buna Kristu. Aboobo, eelyo naakamvwa kasimpe nkaakatondezyegwa, walo taakalelema kukatambula akukazumina mubuumi bwakwe.\\nMichael wakaleka bweendelezi mubusena oobo akataa mwaka 1525.3\\nNaakayaamuka munzi wa St. Peter, Michael wakeenda musinzo kuya kubusena bwa Waldshut ooko nkobakazyila banjaanji aabo bakali kutongooka.\\nLino mbotwazyiba twaambo ootu, ncintu citakwe ntenda kukosozya makani kuti, Michael wakabafwida lweetelelo aabo bantu bakali kumutongookela akuyandisya, nokuba kusandulwa, kuya kulusyomo ndobakajisi. Ncobeni naakasika kuya ku Waldshut, walo wakalaa ciindi cibotu cakuti ayindizya kubala akuvwuntauzya zintuzyoonse nzyobakali kusyoma ba Anabaptisti.\\nMyezi misyoonto buyo niyakainda, mu Kavwumbi Kaniini 6 kusikila 8 bwamwezi ngweenya ooyo, Michael wakasangana kutongookela lubbizyo lwabana bavwanda ku Zurich, Switzerland. Kunooli walo wakaunka buyo kuti akaakuteetele makani wwonse aazwanganinwa muciiyo eeco. “Kusikila mu 1525 kubambulula lusyomo kwakasimpwa mumunzi wa Zurich.”4 Nokuba boobo, Basikutongooka bamumunzi wa Zurich tiibakaninga zyibisya ncowliiminina lwaanguluko lwabupaizi: lwaanguluko lwamuntu kuti akombe cakuliiba mbuli mbwaliyeeyela mumizeezo yakwe mwini. Basikutongooka bakali mufulumende bakaankakusubula akutundulula ba Anabaptisti, bakamwaanga Michael akumuwaalila muntolongo. Mpoonya walo wakaangululwa mu Kaanda Kaniini 18, 1525, naakasyomezya kuti ulayaamuka akuzwa mucooko eeco.\\nOoku kupenzyegwa kwakali kulabila buyo cintu cakatobela waawo.\\nBeleka nkaambo busiku bwasika . . .\\nCiimo cisyomeka cilayubununwa muzintu nzyotulisalila tobantu eelyo notuminidwe – mbweenya mbuli ciminya mbociindizya kusyaanikizya, acalo ciimo cilaindila kuyubunuka, azyalo zintu nzyasala muntu uula ciimo eeco zilatalika kulibonya masimpe mbuli mbozyibede ncobeni. ~ Robert McKee, Story\\nCifwanikiso ca oyilo ca Michael Sattler kakambauka musokwe.\\nCimwi ciindi cakataa myaka ya 1525 kuya ku 1526, Michael wakakwata mukaintu wakalaa zina lyakuti Margaretha ooyo wakali nabutema waku Beguine. Mbweenya mbuli Michael, Margaretha awalo wakali musongo akusyomeka alimwi wakasiya mulimo ngwaakali kubeleka nkaambo kazintu nzyaakatalika kusyoma kuti nkasimpe. Mubuzuba bwa Ganda Pati 1526, Michael wakabbizyigwa alimwi kali mwaalumi mupati. Eeci cakali cintu ncibakacita bobile kabalyaabide ncobeni, nkaambo kunooli awalo Margaretha wakainduluka kubbizyigwa.\\nBantu bataanzi bakabambulula lusyomo bakakwabilila lwaanguluko lwa mizeezo yamuntu kuti ndwaanguluko lupedwe kumuntu kuzwa ku Mwami Yahuwah. Nokuba boobo, mpoonya buyo bupaizi bwa Basikutongooka nibwakaba bupaizi bwacisi, oobo bupaizi bwakatalika kutundulula akupenzya bantu.\\nAaka nkasimpe kazyibidwe kabotu abalemi bazintu zyamisela bamazubaano kuti, kupenga kwa ba Anabaptisti kwakali kwiinda kucisa kupenga kwa bana Kristu bataanzi nkobaapengela mubulelo bwa Loma wamituni! Kupenzya kwakatalikila ku Zurich kaindi kasyoonto Bakwabonyina mulusyomo nibakamanizya kubamba mbungano. Kwakaba kusubula bantu muntolongo, zimwi ziindi kusubida muntu mumulindi uutakwe mumuni, mpoonya akujayigwa kakutobela aawo. Mukaindi kasyoonto basololi akataa Bakwabonyina mulusyomo bakasweekelwa maumi aabo kwiinda mukupenzyegwa.\\nBupaizi bwa Anabaptisti bwakaambwa kuti mulandu mupati. Kwabikkilwa myuulo yamali manjaanji yakujatya ba Anabaptisti. Akwalo kubapa cakulya nokuba zyuli lyakoona, wakaba mulandu. Musololi walumamba ku Bavaria, mu 1527, wakapa malailile aakubikka ba Anabaptisti muntolongo akuti bakaumpweacisamu cisimpidwe ansi — pele buyo kuti balilekelela, alimwi kuti bacita boobo, beelede kukosolwa mitwe.5\\nIntenda yakusiya cilubide mukytobelakasimpe nintenda ncobeni iiciliko mazubaano. Nokuba boobo, Michael a Margaretha bakali kuyandisya kasimpe. Kasimpe kakali kalungu kaamoyo kwiinda cintu cili coonse kuli mbabo. James Lane Allen wakalemba kuti: “Mapenzi taayaki ciimo camuntu, pele ayubununa ciimo eeco.” Alimwi nkakasimpe aako kajatikizya banabukwetene ba Sattler. Kupenzyegwa kwakayubununa ziimo zyabo zyakabambilwa mucikolo ca Kujulu, kazibekema akumwekamweka mumuni wa Mufutuli.\\nCiimo cokwa Michael a Margaretha cakayubununwa mucilongwe cabo eeco cakazumanana abaabo bakali kuzyanaya azintu nzyoabakali kusyoma. Kumamanino aamwaka wa 1526, Michael wakaunka ku Strasbourg ooko nkwaakakukkala a Wolfgang Capito, muntu mu German wakali kukwabilila lwaanguluko lwabantu alimwi wakali musololi akataa Basikutongooka. Eelyo naakali ku Strasbourg, Michael wakabonana awumwi Sikutongooka Martin Bucer. Capito a Bucer bakali kukazya Michael mutwaambo tunjaanji, kusanganya akaambo kaba Anabaptisti kakukaka kubbizya bana bavwanda. “Basikutongooka aciindi eeco bakali kusulaika ba Anabaptisti nkaambo kamizeezo yalusyomo lwabo, alimwi nkaambo bunji bwabo tiibakayiide alimwi tiibakali bampelenge. Michael, nokuba boobo, wakali kweendelana ambabo, aboobo bakatalika kumulemeka. Walo wakabakombelezya kuti baangulule ba Anabaptisti boonse mbubakawaalide muntolongo.”6 Nokuba kuti kwakali kwiimpana akata zintu nzyobakali kusyoma, Michael wakalaa lubomba alimwi wakalaa moyo uusangalala mbuli mbukwaalibonya eelyo walo naakaamba kuti Capito a Bucer bakali “basazinyina bazyandwa muli Leza.”\\nNokuba akataa basyomi bamazubaano, aabo batobela kasimpe lyoonse balasulaika akupa milandu minjaanji kuli baabo batatobeli mumuni mupya. Ncintu cuubauba kusulaika bantu akwaamba kuti balisweekede aabo bacilamatide kuzintu zilubide. Ciimo caluyando cokwa Michael, camoza mbuli wa Kristu kuli baabo batakali kumvwana anguwe, mbobumboni kumuntu uuli woonse uutobela kasimpe mazubaano. Kubaa lubomba, kubikkila bamwi maanu, kulemekezya ciimo camuntu omwe-omwe, ncecintu cibusya ciimo eeco mumoyo wamuntu umwi. Naakajayigwa Michael, ba Capito a Bucer bakali kumwaamba kuti wakali “mulongwe wabo uuyandwa muli Leza.” Eeco ncintu caambilizya zintu zinjaanji muciimo cokwa Michael Sattler mumusela ooyo bunji bwa Basikutongooka nibakazyibidwe kuti bakali kucisa akuumpa kufumbwa muntu ngubatakali kumvwana limwi.\\nCiindi ncaakali kubelekela Julu Michael cakali cisyoonto kapati, pele kwakamvwika mpuwo mpati mumulimo ngwaakacita kuzwa ciindi eeco iicimvwika asunu kusikila mazubaano. Mumwezi wa Mukazi Maziba kusikla mu Mulumi 1527, Michael wakabweza lweendo kuya ku Lahr, munzi wakali kunyika lya munzi wa Freiburg, kuti akaakwaabanye kasimpe kuli bamwi. Kumamanino aamwezi wa Mulumi, wakaunka kumunzi wa Schleitheim kuti akanjile muswaangano antoomwe abamwi ba Anabaptisti basyoma. Ooyo wakali muswaangano wakusisikizya buya. Zyakali ziindi zyantenda mpati eezyo. Aabo bakaimvwi kumbele mubusololi ciindi eeco, bakali kulangilwa buyo kupona myaka yobile. Michael wakalezya kupona kusika amyaka eeyo.\\nMichael wakakkala cuuno akusolweda muswaangano ooyo mu Mulumi 24, ooko ba Anabaptisti nkobaaswaanganina kuti bakaakumvwanane zintu nzyobasyoma. Eeco cakali ciindi cakubambulula lusyomo. Kunze lyakukaka kubbizya bana babvwanda, balo baakaka kukonkezya kabatambikide maanza atalaa Bbaibbele mbuli mbobacita munkuta, nkaambo eeco cakali kusampuzya majwi ookwa Yahushua; balo bakati kubbizya bana bavwanda cakali cintu caantangalala citondezya buyo kuti muntu uusyoma ulitondezya lusyomo lwakwe; alimwi, akuti cintu cigambya atalaa zyoonse ncakuti, bakakulwaizya kwaandaanya Cikombelo a Mfulumende!\\nNibakamanizya kumvwana mutwaambo tuli ciloba, Michael wakalemba Cikonkezyo ca Lusyomo lwabo mucibalo cilembedwe mutwe wakuti Schleitheim Confessioni. Eeci cibalo cicilaa nguzu zipati akataa zikombelo zyaba Amishi, Mennonite, aba Baptisti kusikila buzuba buno.\\nMunzi wa Schleitheim, kunyika lya munzi wa Zurich munsaa lukwakwa lwaku Germany.\\n“Eezi nzyeziindi zisunka myoyo yabantu . . .”\\nIme ndakaiya kuti kukkazyika camba takuli kubula bukandu, pele nkuzunda kuyoowa. Muntu uukkazyikide camba tali muntu uutayoowi, pele muntu uuzunda kuyoowa. ~ Nelson Mandela\\nKuli kukkomanina kwamoza mukucita cintu ncozyi kuti cililuleme. Kakwiina kudonaika, Michael a Margaretha Sattler bakalimvwide kukkomana kumwi kabalangila kasimpe eelyo nibakamanizya muswaangano ku Scheitheim. Tiilyakalampa, nokuba boobo. Petulo wakacenjezya kuti: “ Amulibatamike akupakamana, nkaambo sinkondonyoko Saatani uleendeenda mbuli syuumbwa wabutambo uuya buyandaula ngwatilume.” (1 Petulo 5:8, KJV)\\nKufumbwa kuti kasimpe kazwidilila akuzunda cibi, boonse aabo bakazya kasimpe inga basolekesya kulanwa kasimpe aako. Kaindi kasyoonto niwakainda muswaangano waku Schleitheim, Michael a Margaretha Sattler, antoomwe abamwi basyomi ba Anabaptisti, bakaangwa ku Horb nkaambo kamalailile ookwa Silumamba Joachim von Zollern, mutumwa wa Musololi walumamba Ferdinand waku Austria. Kuzwa mumwezi wa Miyoba 1527 nibakaangwa, bakatolwa kuntolongo yakali mungazi ku Binsdorf.\\nAaba bakali bantu banyama mbuli ndiswe toonse. Bakaangwa mumazuba masyoonto buyo niwakainda ooyo muswaangano wakazwidilila ku Schleitheim, bakasiya bunji bwabasyomi kabayoowede alimwi kabatunukide. Kunyina muntu uuyanda kupenzyegwa, kusubulwa, kutundululwa akujayigwa pe. Kuzwa muntolongo oomo mwaakabede, Michael wakalemba lugwalo kuli mbabo, kabakulwaizya kuti bayume akuzulila lusyomo.\\nIme ndimwaambila ncobeni kuti kwiinda muluzyalo lwa Mwami [Yahuwah], kuti, amusongwaale nywebo, amweende mbuli basaante bokwa [Yahuwah]. . . . Kutabi muntu uumuzyola kuzwa kumakanze eenu, mbuli mbucaacitikila bamwi kusikila ciindi cino; pele amweende kamukkazyikide camba, kakwiina kuzelauka, kuti mulikulike ciciingano ca Mufutuli [Yahuwah] eeco ncaakalazyika ali ndinywe, akucilazyika ansi kuti muleke kumulemekezya akumutembaula [Yahuwah], akutalika kusampaula akutyola milawo Yakwe iiteeli, yamasimpe alimwi iiletela buumi.\\nMutatyompokelwi, kuti mwakalalilwa a Mwami [Yahuwah] . . . nkaambo ooyo [Yahuwah] ngwayanda ulamulaya, mbweenya mbuli wisi mbwalaya mwanaakwe musankwa ngwayandisya. Nkuli nkomunga mwagama kuti mwatalika kutija Mwami [Yahuwah]? Ninzi cinga camugwasya kuti nywebo mwasulaika [Yahuwah]? Hena tali [Yahuwah] uuzuzya julu anyika?\\n. . . Alimwi kutabi muntu uumwaatula kuzwa atalaa amusemo ooyo uulazyikidwe mu Mangwalo aasetekene, alimwi waandidwe abulowa bwa Kristu abamwi bakamboni banjaanji bokwa [Yahushua]. . . . Amuzibeteke zyoonse nzyemulembela inywe; amubikke twaambo ootu nobasazima mumyoyo yenu , . . . kutegwa mukajanwe kamuli bana babombe myoyo, bazyala micelo alimwi bateelela Mwami [Yahuwah]. Nobayandwa banabokwesu, mutakankamani kuti ndabelesya majwi aalema kwaamba kaambo aaka: nkaambo ndacitila cintu eeco kucitila mulimo umwi. Basazima bamwi bakamwaambila kale kuti swebo tobamwi tuli kale muntolongo; alimwi kuzwa aciindi abalo basazima baku Horb nibakaangwa, bakatuleta ku Binzdorf. Muciindi cino tunjide mumapenzi aa basinkondoma manjaanji. Aciindi cimwi bakatukonga kutwaangilila; mpoonya akutuumpila mumulilo, alimwi akutuyasa acceba. Muntenda eeyi mebo ndalyaaba cakumaninina kuluyando lwa Mwami [Yahuwah], alimwi antoomwe abanabokwesu bamwi amukaintu wangu, twakalibambila kufwida bumboni Bwakwe, mpoonya Ime ndakayibaluka banabokwesu batasyomeki bamweelwe mupati, alimwi andinywe, nokuba kuti muli bangaye buyo, inywe nokabunga kasyoonto; alimwi, kuli babelesi basyomeka basyoonto mumuunda ookwa [Yahuwah] . . . aboobo Ime ndayeeya kuti ncinbotu kuti ndimusinsimune kumakani aaya, kuti mututobele swebo munkondo iino, kutegwa mutatyompokelwi nomulaigwa a Mwami [Yahuwah].7\\nZisyomyo Zipati Ziyandisi\\nMajwi ookwa Michael alisalede mbuli golide, kaatazimide mumisela milamfu. Lusyomo lwakwe muli Yahuwah, aluyando lwakasimpe ndwaakajisi, tiilwakali kuzungaanyigwa.\\nLubeta lwakacitika mu Kaanda Kaniini 17-18, 1527, ku Rottenburg. Michael wakaiminina basintolongo boonse, katondeka ku Mangwalo kuti nzyenguzu zilaatala aazyoonse mumakani aaciluleme acilubide.\\nMichael wakalizyi kuti kubaa moza ncintu ciyandika kwiinda buyo kwaamba kumulomo kuti muntu ulasyoma: ngo mulimo wamoyo wamuntu wini. Ngooyu mukonzyanyo, mukukwabilila beenzinyina ba Anabaptisti mukaambo ncibakali kukakila kubwezya zilwanyo, walo wakati:\\nKuti ba Turkii batuboolela kuzyootulwana, swebo inga tiitwabalesya pe; nkaambo cililembedwe kuti: Webo utajayi. Swebo tatweelede kulikwabilila katulwana aba Turk abamwi batupenzya, pele tweelede kukombelela [Yahuwah] mumipailo yakulyeetezya kutegwa tukonzye kusyomeka akubeeleba. Pele Ime ndaamwaambila kuti, kuti kulwana nkondo nicali cintu ciluleme, kupenzya, kwaanga akujaya bana Kristu batakwe kaambo, kuleka ba Turki, nikali kaambo kakucitila cintu eeco; pele inywe, nomuyanda kuba bana Kristu, alimwi nomuyanda kulikankaizya muli Kristu, ndinywe mupenzya bakamboni bana Kristu batakwe kaambo, akuba mbuli ba Turki mumyoyo yenu.8\\nCakatola kukulwaizyigwa kapati kuti aambe kaambo aako. Walo mukulikwabilila wakayungizya kaambo kamwi:\\nInywe nobasimilimo bokwa [Yahuwah], Ime ndamukulwaizya kuti muyeeye mulimo ooyo Mwami [Yahuwah] ngwaakamwiitila, kuti musubule babisyi, kukwabilila akukobelela batakwe milandu.\\n“Kakuli, swebo tiitwakabisyila Mwami [Yahuwah] a Mulumbe Mubotu, inga mwalibonena kuti Ime nokuba basazima abacizyi mbotuli limwi kuti tiitwakanyansya mujwi nokuba mukucita cintu cinyansya mfulumende iili yoonse pe. Aboobo, inywe nobasimilimo bokwa [Yah], kuti kamutaninga kumvwa nokuba kubala Jwi lyokwa [Yahuwah], amutumine bantu bayiide, akuyandaula mabbuku aasetekene aamu Bbaibbele, kufumbwa mumusyobo mwaalembedwe, alimwi amutukulwaizye swebo a Jwi lyokwa [Yahuwah]; alimwi kabakonzya kututondezya kuzwa mu Mangwalo Aasetekene, kuti swebo naa tulilubide, swebo inga twakkomana kweempwa akulilekelela alimwi akupenga cakuliyandila kufumbwa mulandu acisubulo ncotutipegwe notujaninwa mulandu; pele kuti kakwiina cilubide, Ime ndasyoma muli [Yahuwah], kuti inywe inga mwasanduka, alimwi akutambula malailile.\"\\nNaakali kwaamba boobo, babetesi bakagwagwamuka kuseka akuguntana mitwe yabo, mpoonya mulembi wadolopo lya Ensisheim wakati, \"Ma yebo ootakwe mpuwo, ocigwebenga camupaizi, hena inga twatalika kukazyana anduwe? Ooyo uusina bantu nguuti kakazyane anduwe, Ime ndakusyomya ncobeni.\"\\nMichael wakati, \"kuyanda kwa [Yahuwah] akucitwe boobo.\"9\\nNibakamanizya kuvwiya-vwiya muli cabo babetesi kwa woola lyomwe akwiinda akati woola lyomwe, bakapiluka kuti bazyoomupe mulandu:\\nMukaambo ka Muleli Mweendelezi Uulemekwa kabwekelana a Michael Sattler, lubeta lwakosozyegwa kuti, Michael Sattler weelede kutolwa kumujayi, ooyo uyoomutola kubusena nkwayoojayilwa, akumukosola mulaka wakwe; mpoonya akumuwaalila munkalaki, oomo mwatikavwalaulwe amubili acibulo cisubila kupya mulilo; mpoonya aakuletwa kumulyango, mpoonya kasyaanikizyigwe ziindi zyosanwe munzila njeenya eeyo.10\\nOoyo wakali mulandu uutaambiki, uusinganya ncobeni: kukosolwa mulaka wakwe akukwamaunwa cikanda caamubili azibulo zisubila kupya mulilo, mpoonya akuumpwa. Bamwi basintolongo bakalilekelela. Michael, nokuba boobo,wakaliyumyayumya. Mu Kaanda Kaniini 20, 1527, Michael wakatolwa akataa dolopo lya Rottenburg akutundululwa. Mumasunko woonse aayo, lusyomo lwakwe tiilwakazungaana. Nokuba kuti cibeela camulaka wakwe cakatendwa, walo wakazumanana kupaila, kaamba kuti:\\n“Singuzuzyoonse, O Mwami [Yahuwah], nduwe nzila akasimpe; nkaambo Ime nsyeejanwa kulubila, Ime buno buzuba kwiinda mulugwasyo lwako, ndilapa bumboni ku kasimpe akukonkezya abulowa bwangu.\" Mpoonya aawo wakatonkelwa mumulilo mupati. Eelyo ntambo nzyaakaangidwe nizyakamana kupya, Sattler wakapa citondezyo kunkamu yakali kumulangilizya kuti walo wakali kkazyikide moyo mukujayigwa yamusyobo ooyo alimwi wakapaila kuti, \"Taata, Ime ndabikka muya wangu mumaanza aako.\"11\\nMubuzuba bwa Kaanda Kaniini 20, 1527, Michael Sattler wakaangililwa kumalele naakamanizya kutundululwa, akutonkelwa mumulilo, akukonkezya bumboni bwakwe kwiinda mubulowa bwakwe. Wakali mu Anabaptisti kulezya buyo myaka yobile.\\nKusyomeka kusikila ku Lufu\\n“Kubaa camba kwini nkuzyiba kuti ulimyankutidwe kotaninga talika, pele yebo ulatalika nokuba boobo akwiinda muli zyoonse kakwiina kulilesya.”\\nKuli makani masyoonto buyo aazyibidwe ookwa Margaretha Sattler pele awalo wakatobela mwaalumi wakwe kaindi kasyoonto mulufu. Margaretha “wakali mukaintu muyumu mulusyomo alimwi ngumwi akataa bamakaintu bangaye bakanjide mulimo wa Kubambulula lusyomo. Bunji bwabamakaintu aabo mbaakaangidwe limwi bakali bamakaintu ba Bazangi, pele bunji bwabo bakaangululwa nkaambo tiibakasangene mumulimo ooyo alimwi bakalilekelela nibakaangidwe.”12\\nNguzu akubaa camba kwakwe kwakakankamika Muleli mukaintu waku Hechingen, mukaintu ookwa Silumamba Joachim von Zollern ooyo wakapede malailile aakuti ba Sattler baangwe, alimwi wakali mubetesi mupati nibakabetekwa. Ooyu mukaintu wakaswaya Margaretha muntolongo, akumukulwaizya kuti alilekelele akumusyomya busena bwakukkala mumunzi wakwe.\\nBwiinguzi bwa Margaretha kumukaintu ooyo butondezya nguzu zyalusyomo lwakwe. Eelyo mukaintu muleli ooyo naakasola kwaambila Margaretha kuti wakanjila ntolongo nkaambo buyo kakuti wakali mukaintu wabulemu uuteelela mwaalumi wakwe, Margaretha wakamwiingula kataleyileyi kuti: “Ime nsyetobeli zintu nzyesyoma nkaambo nzyasyoma awalo mulumi wangu. Ime nditobela mulumi wangu nkaambo kazintu nzyesyoma lwangu.”13\\nMazuba obile kuzwa naakaumpwa mulumi wakwe, Margaretha wakatolwa kumulonga wa Neckar akuyoonyikizyigwa muli Bwatatu, Kaanda Kaniini 22, 1527. Bakali kwetene, kusikila munsaa myaka yobile buyo; alimwi akuba basololi kusikila munsaa mwaka omwe.\\nCiibalusyo cokwa Michael a Margaretha Sattler caambilizya buyo kuti: “Bakafwida lusyomo lwabo.”\\n“Tulizingulukidwe akkumbi pati lyabakamboni . . .”\\nKubaa camba nkulilesya kuyoowa, kudyaaminina bukandu – kutali kuleka kuyoowa. ~ Mark Twain\\nMaumi aaba Michael a Margaretha Sattler akakosolwa, pele aabo bayoopona kusikila Mufutuli Yahushua akapiluke, aabo beelede kupona mumazuba aakujala musela wanyika, balemekezya Mwami Yahuwah, mbabaitwa kuti mumuni uumweka: eeco cisyomyo ncaakabacitila Mwami Yahuwah, Walo ulakonzya kukucitila ayebo.\\nStuart Hamblen wakali muntu uulikkomanisya kapati, uukkala buumi bwakupobola lyoonse, mwiimbi, uusobana zisobano, alimwi uutola milumbe muli sikapepele. Naakamanizya kulyaaba buumi bwakwe ku Mufutuli Yahushua, wakatalika mulimo wakubambulula buumi aciimo cakwe. Aayo makani akaduma ku Hollywood—kuleka buyo kuti akali kusesya—kuti ooyo muntu wakali sikupobola akulikuna makoko lino wakasanduka akuba muna Kristu. Bumwi buzuba masikati, Hamblen wakaswaangana amweenzinyina ngobasobana limwi John Wayne.\\n“Makani nzi ngeekamvwa aaya aajatikizya nduwe, Stuart?” Wayne wakabuzya.\\n“Tee kayi ulizyi kale mbweenya mbobaamba John,” Hamblen wakaingula. “Taali maseseke eeco cintu Leza ncanga wacita.”\\n“Eeco ncowaamba cimvwikaanga ndizina lyaciimbo,” Wayne wakamwetamweta kumwi kaambila mweenzinyina.\\nStuart Hamblen wakaunka kumunzi wakwe akuyoolemba ciimbo cilaa mutwe ooyo. Bumboni bwa Michael a Margaretha Sattler, nciiyo ncobayiisya buno buzuba; zyoonse nzintu zijanwa mulwiimbo lwakuti:\\nTaali maseseke eeco Mwami [Yahuwah] ncakonzya kucita.\\nNcaakacitila bamwi, Walo uyookucitila ayebo!\\nKatambikide maanza aakwe, Walo uyookulekelela.\\nTaali maseseke Mwami [Yahuwah] ncanga wacita.\\nBasyomi bamazubaano balaa ciindi cibotu ciimpene. Lino swebo tukkala mumazuba aamamanino aamusela wanyika. Ciindi camapenzi cili munsaa ndiswe. Eelyo myeembo yaakutalika kulila , kucinyina ciindi kucakulelema kusikila kumamanino. Kuzwa waawo, kupyopyongana kutaambiki kuyootobela atalaa nyika. Eelyo madaimona aakulibonya kaalipeekezya kuba zilengwa leza zizwa kunyika zili kulaale, akunyawita atalaa nyika yoonse, eelyo poopo aakusumpulwa kuti abe muntu wiiminina bantu boonse, eelyo kukomba kwalweeno kwaakusinikizyigwa bantu boonse kuti kabatayandi kufwa, hena yebo ulaa lusyomo lwakuti ukazumanane kuteelela akubamba mulawo ookwa Yahuwah? Eelyo Saatani nayooliyubununa kumwi kalicengeezya kuti walo ngo Yahushua Lwakwe , kataminina kuti wakacinca Nsabata yansiku akwiisandula kuba Nsondo yakkalenda lina Gregory, hena yebo uyoozumanana kuyaamina Mujwi lyokwa Yahuwah lilikke?\\nKuyeeyela buyo kupenzyegwa akufwa inga caba cintu cifundusya mpeyo acikanda akugwisya moyo kuli nduwe. Yebo inga wayeeya kuti tojisi camba mbuli baabo bakajailwa bumboni. Hena Ulizyi na? Abalo tiibakajisi camba pe! Ooko kubaa camba ncipego cipegwa kuzwa ku Mwami Yahuwah kubana Bakwe basyomeka, eelyo nociyandika cipego eeco.\\nYebo toyelede akulipenzya kuyoowa mazuba aacizya kumbele. Yebo toyelede kulipenzya kuyeeya kuti naa uyootama eelyo wakutalika kupenzyegwa. Yebo ulakonzya kusiila zintu zyoonse eezyo mumaanza ookwa Taata waluyando.\\nMuyoba uuyoosya ulazya! Inguzu zyamusinze zyabusofwaazi, zyamadaimona abantu banjidwe mizimo, ziyooswaangana antoomwe atalaa nyika kuzimaanya bantu boonse balemeka Mwami Yahuwah.\\nYebo mulimo wako, buno buzuba, ngwakumuzyiba kabotu Mwami Yahuwah cakuti, yebo ukakonzye kuyaamina kuli Nguwe, kuzisyomyo Zyakwe, akuluyando Lwakwe kutali kucintu cimbi kunze Lyakwe pe.\\nKosala. Obuno buzuba! “Maanza aakwe alikutambikide, Walo ulilibambide kukulekelela yebo.” Nkooko koya kuli Nguwe lino.\\nMuyoba uutaambiki ulazya. Kolibambila buno buzuba kuti eelyo waakukuumputa muyoba ooyo, yebo utakazungaani pe.\\n“Nguzu zyesu amayubilo ngu Yahuwah, ngomugwasyi uuliwo muciindi camapenzi oonse. Nikuba kuti nyika izungaane inga tiitwayoowa pe, inga tatuwi nikuba kuti zilundu ziwide akati kalwizi. Pe, tatuwi, nikuba kuti maanzi afufuma akuvwuuma, nikuba kuti zilundu zitenkaane akuvwuuma kwawo.” (Intembauzyo 46:1-3, KJV)","num_words":3668,"character_repetition_ratio":0.045,"word_repetition_ratio":0.0,"special_characters_ratio":0.155,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mulimo wa Basalali ku Mfulumende: Masimpe aa Baloma 13 Print\\nMulimo wa Basalali ku Mfulumende: Masimpe aa Baloma 13\\nKampango ka Baloma 13 nkakabelesyegwa kanjaanji kweena bana Kristu kuti batobele milawo iitaluleme akutabilila mfulumende zitundulula bantu. Busanduluzi bwamusyobo ooyu, mubwini bukazya Mangwalo. Kunyina pe Yahuwah naakalailila muntu uli woonse kuteelela milawo yabantu eeyo ityola mulawo wabulemu.\\nKakwiina kudonaika, William Shakespeare wakali umwi akataa balembi baluulwa kulemba twaano mumulaka wa Cikuwa. Walo wakalaa maambila mbali atwaambyo tunjaanji ooto ntwaakasanganya kumulaka wa Cikuwa kwiinda muntu naba ni musyule lyakwe nokuba kumbele lyakwe. Mumyaka iili myaanda yone kuzwa naakafwa, zyoonse nzyaakalemba zicilaa mpuwo cakuti mulaka waambaulwa mazubaano uzwide maambila mbali aakwe aayo bantu ngobainduluka kwaamba kabatakubwene.\\nKamwi kaambyo kokwa Shakespeare nkotumvwaamvwa nkakuti: “Dyabooli awalo ulakonzya kubandauka Mangwalo akukwabilila nzyacita.” Kuti Dyabooli ubandauka Mangwalo, eeyo njenzila ncobeni imwi njazwidilila mukucenga bantu kapati. Nguzu zyakucenga zilaa nguzu kapati mbuli nguzu zyakasimpe kasangene mukubeja ooko. Kuvwelenganya Mangwalo antoomwe atwaambo twakubeja, ninzila mpati imwi yiinda kucenga myoyo yabasyomeka.\\n“Dyabooli ulakonzya kubelesya Mangwalo kuti awonde mulimo wakwe. Muntu mubi uupa bumboni busetekene uli mbuli cigwebenga cimwetamweta mucelo uubolede akatikati. Ma kubota bulangika ciwa calweeno atala!”\\nEelyo dyabooli naakali kusunka Mufutuli mu cibanda, walo wakainduluka kwaamba cilembedwe mu Ntembauzyo 91:11-12. Yahushua taakacengwa pe, nkaambo eelyo dyabooli naakainduluka kwaamba cilembedwe mu Mangwalo, wakasiila ambali kaambo keni (Mateyo 4:68), aboobo akupindula ncokaamba cini kampango aako. Eeyi njenzila dyabooli mbwabandauka Mangwalo! Ulapindula nokuba kupandulula munzila yakupelengusya kutegwa cilubide cimvwikaanga nkasimpe.\\nNcintu ciyandika kapati kuti basalali basyomeka kabajulide meso aabo kunzila yalweeno eeyi nkaambo ilabelesyegwa abuzuba mumfulumende azikombelo zyamazubaano kuti zikulwaizye bantu kukwabilila akutobela ziyanza ziteendelani a Bbaibbele.\\nMangwalo atucenjezya mfulumende eeyo kumamanino aanyika iyoobelesya nguzu zyacaando camunyama atalaa bantu boonse. Kwaciindi cilamfu, basalali basyomeka, bakaliimvwi kabasinkilide kufumbwa ciletela busofwaazi. Aboobo, dyabooli wakapanda nzila iimbi yakubaungula maanu kutegwa kabaide kuumwine nokuba kuti balicibwene cilubide. Mpoonya aciindi aawa, walo utaminina kuumuna kwabo kuti nkuteelela Mwami Yahuwah. Walo wakalijanina nzila yiinda kuzwidilila yakugwalanyanga, kupindaula akusandulula munzila iilubide kampango ka Baloma 13;1-7:\\nMuntu uli woonse weelede kulemeka nguzu zyamfulumende. Nkaambo kunyina pe nguzu pele zyokwa Yahuwah: nguzu zyaansi azyalo zyakabikkwa anguwe Mwami Yahuwah.\\nAboobo kufumbwa uukaka nguzu eezyo nzyaakasimpa Yahuwah, ukaka mulawo ookwa Yahuwah: alimwi aabo bakaka bayoolitambwida kusinganyigwa.\\nBaleli tabayoosyi kuli baabo bacita zibotu pe, ccita kuli baabo bacita zibi. Sena ulayanda kukkala aluumuno mucisi? Mbubo, cita ziluleme, eelyo muleli uyookulumbaizya.\\nKayi awalo muleli mutwanga wa Leza uukucitila zibotu. Pele kuti kocita zibyaabi, uyoowe, walo nkaambo ulijisi nguzu zyakukusubula. Muleli mutwanga wa Leza uusubula bacita zibi mubusena bwa Leza.\\nNkaambo kaako muleelede kuswiilila baleli, kutali buyo mukuti kamuyoowa bukali bwa Yahuwah, pele nkaambo mulizi mumyoyo yanu nobeni kuti muleelede kucita boobo.\\nNcenciceeco ncomubaswiilila, nkaambo baleli babelekela Yahuwah nibacita mulimo ooyu.\\nEelyo amutele mitelo njomweelede kubaleli akubalemeka.\\n“Ndileelyo buyo milawo yamfulumende zyaansi noyeendelana amulawo wabulemu bwakujulu, nuuli mulimo wamuntu uusyomeka kutobela milawo eeyo.”\\nKakwiina kudonaika, Mwami wamulengalenga woonse ngo Mwami wa Bami alimwi ngo Simalelo wa Basimalelo. “Ulasandula ziindi aziindi zyamwaka, ulabikka bami azyuuno akubatanda.” (Daniele 2:21) Pele ngu Yahuwah uubeteka, ulafwiinsya umwi, wamana umwi wamusumpula.” (Intembauzyo 75:7) Aboobo, mfulumende zyaanyika zyoonse zyakazumizyigwa a Mwami Yahuwah. Nokuba boobo, eeci tacaambilizyi kuti mbatumwa ba Singuzuzyoonse pe, akuti beelede kuteelelwa mbokuli boobo pe. Bunji bwamfulumende zyaansi zyibelekela bulelo bwa Saatani, kutali bulelo bwa Mwami Yahuwah. Aboobo, ndileelyo buyo mumilawo yabo niiyendelana a mulawo wabulemu nuuli mulimo wamuntu uusyoma kuti abalemekezye akubateelela.\\nKusinikizya bantu kutobela milawo iinyongene, nkupandulula BaLoma 13 munzila iilubide. Mangwalo azwide mikonzyanyo eelyo bantu bokwa Yahuwah nibakabikkide maumi aabo muntenda kukaka mulawo wabantu kutegwa batonkomane kusyomeka kumulawo wabulemu.\\nEelyo mwami wamangwemba naakabumba cibumbwa cagolide mucibanda ca Dura akulailila bantu kuti boonse beelede kukotamina ansi akucikomba cibumbwa eeco, basalali botatwe bakabikka maumi aabo muntenda kutegwa bazumanane kusyomeka kuli Yahuwah. Bakakonkezya kwaamba kuti: “Akuzyibwe kuli nduwe O Mwami, kuti swebo tatukwe kukutaukila baleza bako, nokuba kukomba cibumbwa cagolide eeco ncookabumba akwiimikizya.” (Langa Daniel 3.)\\nDaniele mumulindi wa Basyuumbwa, Briton Rivière (1890)\\nMyaka yongaye yakatobela aakale, Daniele wakalijana kalangene antenda njeenya. Eelyo mulawo niwaabikkwa weendelezya bupaizi (Daniel 6 KJV), Daniele wakaunka mubuumuzi akuzumanana twakwe kakwiina kuleka ciyanza cakwe cakupaila abuzuba. Cintu cakatobela waawo, wakali mulandu uunyanyaazya masusu amutwe: “Bakamujata akumwaanga Daniele akumusowela mumulindi wabasyuumbwa.” (Daniele 6:16) Aciindi aawo mfulumende yakaindizya kubweza ntaamu yanguzu eelyo niyakaambilizya mulazyo wakuti kunyina muntu uukonzya kupailila leza umwi pele buyo kukomba mwami wacisi kwamwezi omwe. Daniele wakalizyi kuti eeco ncecakaambilizyigwa mumulawo wacisi. Aboobo, nokuba kuti wakali umwi walupatipati mu mfulumende, wakazumanana kusyomeka kumulawo wakujulu wabulemu kwiinda kutobela milawo yabantu baansi.\\nOoku kunyansya mulawo wamfulumende uupilingene, kwakamuletela cileleko Daniele kuzwa kujulu ku Mwami Yahuwah. Eelyo mwami naakajula mulindi wabasyuumbwa akupozomoka kubuzya kuti naa Daniele uciliko kacili muzumi, Daniele wakavwiila munzila iisimpa mulazyo kuti kuteelela mulawo wabulemu lyoonse ncintu cili kumbelaa kutobela mulawo wabantu. “O Mwami, kopona lyoonse! Elah wangu1 wakatumina mungele Wakwe kuzyoobbama milomo yabasyuumbwa, kutegwa batandilumi akundicisa, nkaambo Ime ndakajanwa nsyekwe mulandu kunembo Lyakwe; alimwi, O Mwami, Ime kunyina ncindaakucitila cibi pe.” (Daniele 6:21, 22)\\nElah wangu. Daniele wakali kwaamba kuti Elah wakwe wakali mupati akubaa nguzu kwiinda baleza bamwami ooyu alimwi, mbuli mbwali Elah waba ela boonse, kuteelela milawo Yakwe ncintu citaanzi atalaa milawo yabantu yoonse. Mulawo wabululami kuti mulawo ookwa Yahuwah tuuyelede kutyolwa mukutandila kutobela milawo yabantu pe.\\nKaano ka Petulo a Johane nibakaimvwi kunembo lyaba Sanihedulini, mukonzyanyo weelela ncobeni kutondezya kuti mulawo ookwa Yahuwah weelede kuba atalaa milazyo yaanyika. Ncobeni, eelyo milawo yabantu niilwana mulawo wabulemu ookwa Yahuwah, muntu weelede kusiilwa kumbali mpoonya Singuzuzyoonse nguuyelede kuteelelwa. Eelyo Petulo naakamanizya kuponya muntu wakalemene, bapaizi bakamwaanga antoomwe a Johane.\\nMpoonya nibakabaambila kuti bazwe mumuswaangano, bakalivwiyavwiya akati kabo, kabaamba kuti, “Tulabacita nzi balombwana aaba? Nkaambo ncobeni, bacita maleele aayebeka alimwi bantu boonse bakkede mu Jelusalema babona ncobeni, kwiina mbotukonzya kukaka maleele aaya. Pele kukakatila kulesya mpuwo kuti itamwaikili kulaale akataa bantu, atubakwabbaule, kutegwa kuzwa sunu bacileke kukambauka muzina lyamuntu ooyu.”\\nAboobo bakabaita kuti baboole alimwi akataa muswaangano akubalailila kuti batanikwaambi nokuba kuyiisya muzina lyokwa Yahushua. (Milimo 4:15-18)\\nMangwalo alisalazyide kuti: kutabikkila maanu nguzu zyamfulumende yaanyika ili yoonse, mulimo wini wamuntu uusyomeka ngwakuteelela Mwami Yahuwah. Swebo tatweelede kuteelela milawo yaansi iisampaula mulawo ookwa Yahuwah pe. “Swebo tweelede kuteelela Mwami Yahuwah kutali bantu.” (Milimo 5:2)\\nBasikwiiya bakavwiila mumajwi aazwide moza akutondezya kuti mulawo weelede kutobelwa abantu boonse eelyo nobalangana amilawo yabantu eeyo iikanzyanya amulawo wabulemu bwakujulu: “Pele Petulo a Johane bakaingula akwaamba kuli mbabo kuti, “Ino ncili ciluleme mumeso ookwa Eloah, kuteelela ndinywe kwiinda Yahuwah, inywe amulibeteke akukosozya kaambo. Nkaambo swebo tatukonzyi kumwaambila zintu zitwakalibonena akumvwa.” (Milimo 4:19, 20)\\nAaaka kaano kalakondelezya nkaambo: ninguzu zyabupaizi zyakali kusinikizya kuteelela milawo yabo. Mangwalo alisalazyide kuti: kunyina makani kufumbwa ninguzu zyamfulumende yabantu iili buti atalaa nyika, mulimo wamuntu uusyomeka ngwakutaanguna kuteelela Yahuwah. Ilikke milawo yaansi aano yeelede kutobelwa njiyeeyo iitakazyani amulawo wabulemu. Muciindii coonse, zyuulunzuma zyabasalali bakaaba maumi aabo kwiinda mukukaka kutobela nguzu zyamfulumende iitaluleme akwiima nji kabatobela akusyomeka kuli Yahuwah.\\nIBbaibbele lipya (NIV) ndi Bbaibbele libelesyegwa akanjaanji abaabo bayandisya kupindulula Mangwalo kuti ayendelane amakanze aabo. Eeco ncintu cuubauba kubona kuti muntu wabala Baloma 13:1-7.\\nMuntu woonse alitolaansi kuteelela mfulumende zilela, nkaambo kunyina mfulumende pele buyo yeeyo Yahuwah njaakasimpika. Kufumbwa nguzu ziliko zyakabikkwa akuzumizyigwa a Eloah lwakwe. Citobela ncakuti, kufumbwa muntu uuzangila akunyansya mfulumende eeyo uzangila mfulumende Mwami Yahuwah njaakabikka, alimwi aabo bacita boobo bayooliletela mulandu alubeta. . . . (Baloma 13:1-2)\\nEeco Bbaibbele lya KJV ncolisandulwide kuti “nguzu zyalupatipati” IBbaibbele lya NIV lisandulula kuti “mfulumende zyeendelezya.” Kuli bbala lisanduludwe kuti exousia (#1849). Nokuba kuti eeli bbala liiminina nguzu a mfulumende, lilaambilizya aciindi cibotu cipedwe, calwaanguluko, cabweendelezi, a kuliiba. Bantu bakalipedwe nguzu kuzwa ku Mulengi – nguzu zyakulisalila umwi awumwi ncayanda kucita. Eelyo bbala lyakuti “kuliiba” nolisekkwa mukampango aako, kumvwika cintu cipya caambilizya kampango aako:\\n“Bantu boonse beelede kuswiilila baleli bacisi. Nkaambo kunyina muntu uulaa lwaanguluko lutazwidi kuli Yahuwah. Baleli baliko, Yahuwah nguwakababikka. Nkaambo ooyo uutaswiilili baleli ukaka cakabikkwa a Yahuwah. Nkabela uucita boobo uyoosubulwa. Baleli tabayoosyi kuli baabo bacita zibotu pe, ccita kuli baabo bacita zibi. Sena ulayanda kukkala aluumuno mucisi? Mbubo cita ziluleme, eelyo muleli uyookulumbaizya. (BaLoma 13: 1-3)\\nNcintu ciyandika kapati kubasalali bamusela wamamanino kuti bamvwisye caambwa mu Baloma 13 nkaambo kakubelesya kampango aaka munzila iitasalali mbuli kucitwa mazubaano mukusinikizya kutobela milawo yaansi iidyaaminina bantu. Mumyaka iizya, aaka kampango nkeenya kayoobelesyegwa kubamba Nsabata yalweeno iitaluleme. Beembezi bapilingene bayoojata maanka kalikiliki kusungilizya basicikombelo babo kuti batobele mulawo ooyu uutyola milawo yokwa Yahuwah. Kutamvwisya kabotu kampango ka Baloma 13 nceciyoosolweda bantu baluulwa bokwa Yahuwah kuti bapangane cilongwe a milawo yabantu. Mukucita boobo, balo bayootambula caando camunyama ciyoosya.\\nNcintu cilubide alimwi citaluleme kubelesya kampango ka Baloma 13 kutabilila milawo ya mfulumende eeyo iikazyanya a mulawo wabulemu. Yahuwah taakapa muntu naba ni, mfulumende iili atalaa nyika nokuba kujulu, nguzu zyakuti ipindule mulawo Wakwe.\\nMartin Niemöller wakaluumvwisyide kabotu mulazyo wabululami ooyu. Walo wakali mweembezi muna kristu uutonkomene wakali kukkala akataa bulelo bwamfulumende yaba Nazi mucisi ca Germany. Aciindi eeco, bunji bwazikombelo zyabuna kristu zyakacengulukila kutobela mfulumende ya Nazi akutaminina kuti batobela caambwa mu Baloma 13. Niemöller, sicikolo wiiya buleza waba Lutherani, wakalimvwisyide ntenda yakubikka nguzu zyabantu atalaa nguzu zyabulemu bwakujulu. Walo wakayumya kukaka kusungilizya kwaba Nazi muzikombelo zya Basikukazya zyoonse alimwi wakali kubwentela milazyo yaba Nazi. Ooyu mulombwana ookwa Yahuwah wakaangwa akubikkwa muntolongo ziindene akataa myaka 1937 kusikila mu 1945.\\nWakalilauka aakale, nkaambo kakuti taakamba zinjaanji zyakali kunga zyagwasyilila baabo bakajaigwa mubulelo bwa Nazi, kaamba kuti:\\nBakataanguna kuboolela ba Socialisti, alimwi Ime kunyina nceekaamba—\\nNkaambo Ime nsyeekali mu Socialisti.\\nMpoonya bakaboolela baabo Balwanina Babelesi, alimwi Ime kunyina nceekaamba—\\nNkaambo Ime nsyeekali umwi wa Balwanina Babelesi.\\nMpoonya kuzwa aawo, bakaboolela ba Juuda, alimwi Ime kunyina nceekaamba—\\nNkaambo Ime nsyeekali mu Juuda.\\nNibakaminizya aawo bakaboolela ndime—mpoonya kwakanyina muntu wakuti andiiminine.\\nMangwalo taayiisyi kuti muntu kaile kutobela kufumbwa ncalaililwa amfulumende pe. Pele kunze lyaboobo, ayiisya kuti boonse bayandisya kasimpe akusetekana, balaa mulimo alimwi balayandika kukaka cilubide. Oobu mbobweelede ncobeni kuteelela Baloma 13 kuleka mbobasandulula bazikombelo zyaansi.\\nEdmund Burke wakali muntu wakaazyi kabotu makani aaya. Walo wakali mulembi, muntu wacisi, wamapolitikisi alimwi mwiyi. Kamwi kaambyo nkaakali kwaamba kakali kusalazya kwaamba kuti: “Cintu cilikke cikonzya kulekela busofwaazyi kuti buzwidilile nkuti bantu baluleme tiibabweza ntaamu yakulesya cintu eeco.”\\nMulimo wabulemu nkwiiminina kasimpe. Mulimo uusetekene kukaka cibyaabi kufumbwa musyobo ngocinga calibonya. Mfulumende, nguzu abweendelezi zyoonse zilaa nguzu nkaambo buyo kakuti Mwami Singuzuzyoonse nguuzumizya zyoonse. Nguzu zyabo zyakweendelezya, ninguzu nzyobapedwe. Aboobo, balo lwabo, balaa mulimo wakucitila Mulengi. Kufumbwa buyo nobatalika kupangilila akubamba milawo eeyo iikazyana a mulawo wabulemu, mpoonya aawo, batalika kunyansya nguzu zya mfulumende eeyo yakabapa bweendelezi, imfulumende ya Uupa Mulawo wa bulemu.\\nMukambausi 12:13 waambilizya mulimo wamuntu: “Lino mukuti zyoonse zyamvwigwa, mamanino aazintu zyoonse ngakuti, “Ulemeke Leza ubambe milawo yakwe, ooyu ngomulimo woonse uupedwe muntu..” (1599 Geneva Bible) Mulimo mutaanzi wamuntu uli ku Mulengi wakwe. Ooyu lyoonse ngomulimo wakwe. Mfulumende zyaansi zyeelede kutobelwa eelyo nozyeendelana a mulawo wabulemu. Ooyu ngomulimo woonse wa muntu.\\n“Lino mukuti zyoonse zyamvwigwa, mamanino aazintu zyoonse ngakuti,\\nUlemeke Elohimu ubambe milawo yakwe, ooyu ngomulimo woonse uupedwe muntu.”\\n-Mukambausi 12:13, RNKJV\\n1 Ibbala lya H426, 'el-aw' ( lyaci Chaldee); lyeendelana alya H433: Eloah","num_words":1720,"character_repetition_ratio":0.054,"word_repetition_ratio":0.014,"special_characters_ratio":0.156,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Mabungano Abakamboni Bakwe Yehova Alacitwa Buyani?\\nBeneklistu bakutaanguna bakalinga kwiimba nyimbo, kupaila, alimwi akubelenga Malembo akubandikishanya mumabungano abo. Tabakalinga kubikaamo shamilawo ya bantu nabi paniini sobwe. (1 Bene Kolinto 14:26) Aswebo mbotucita kumabungano esu.\\nNshetwiiya shilaswa muBaibo alimwi shilatucafwa. Pasondo, libungano lyomwi alyomwi balabungana kukutika kulikani lya Baibo lya mamineti ali 30. Likani ili lilaamba pa Malembo atucafwa mubuumi bwesu munshiku shino. Soonse tulayuminishikwa kukonkela mwaambi ndyatobelenga Baibo. Pesule lya likani, kulaba Ciiyo ca “Ngazi Yamulindizi,” cicitwa muliwoola lyomwi alimwi uli woonse wesa mukubungana inga wakumbulawo. Ciiyo ici cilatucafwa kukonkela Baibo nshoiisha mubukaalo bwesu. Tuleeya makani omwi pacishi coonse mumabungano aiinda ku 110,000.\\nTulacafwikwa kuba bantu bacishi kwiisha. Tulicite kubungana akumwi kweshi kubaako mukati kansondo kwiitwa ayi Buumi bwa Bwineklistu Alimwi Anciito Yesu, kusebensesha makani aswa muKabuku Kamabungano aBuumi bwa Bwineklistu Alimwi Anciito Yesu ka mweenshi amweenshi. Lubasu lwakutaanguna, Buboni Bucanika Mumaswi akwe Lesa, lulatucafwa kushiba kabotu makani atoocanika mumbasu shakubelenga Baibo shansondo iyo. Kuboolawo, ndubasu lwa Amwiiye Nsheenga Mwacita Muncito Yakushimikila. Lubasu ulu lulaba ashitondesho sha mbweenga twaiisha bamwi Baibo. Shikululika ulaamba nshabona ayi tulyeelete kusebenselawo kwaamba ayi tuye panembo mukubelenga alimwi akwiisha kabotu. (1 Timoti 4:13) Kumamanino, tulaba a lubasu lwa Buumi bwa Bwineklistu, lutucafwa kwiiya mbweenga twasebensesha njiisho shamu Baibo mubuumi bwesu bwa bushiku abushiku. Ici cilabikaawo alubasu lwa kwiipusha miipusho alimwi ashikumbulo lutucafwa kwinyumfwisha kabotu Baibo.\\nNa mukese kumabungano esu, mulaakwiiya shintu shibotu kuswa muBaibo sheshi shikamusangalashe.—Isaya 54:13.\\nIno mulaakwiiya nshi kumabungano a Bakamboni Bakwe Yehova?\\nNkubungana kuli nkweenga mwasuna kucanikaako pamabungano ngotwaambawo?\\nAmwiinduluke mumakani ngweshi tukeeye kumabungano atokonkaawo. Amubone nsheeshi mukeeye kuswa muBaibo sheenga shamucafwa mubuumi bwanu.\\nIno Mabungano a Bakamboni Bakwe Yehova Alacitwa Buyani?","num_words":258,"character_repetition_ratio":0.063,"word_repetition_ratio":0.0,"special_characters_ratio":0.154,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"ARTUZ TONGA UPDATES— Zipanzi zyobilo achimwi, zyayeta lupyopyongano kubabeleki bamfulume yaZimbabwe – ARTUZ\\nMutabi uyimikilila bayiisi we ARTUZ ulimukusola loko kupambanisigwa kulojuchitilwa babeleki bamfulumende kupa kuti baanzane. Babeleki bonse bamfulumende balikulanda kujatilwa imali yakuzopa basilumamba izyo zyapa kuti kube akwaanzana akati kababeleki bamfulumende.\\nTulizi kuti basilumamba boonse tabakozitambula ezyo akambo kakuti balizi kuti balokuyanda kujatwa kumeso amfulumende kuti bapapile benzinyina. Kufumbwa ulokuyendelezya inkani eyi, Oyo muntu ngaulokulwana abantu bonse ibali munyika kuswanizya babeleki boonse.\\nAkambo kakuti iswebo tuyanda inyika yesu njitwakazyalilwa izyakuti tatukozumina pe chintu chilibobo kuti chizochitike munyika. Alubo tuyanda kusungwazya mupati wanyika baMnangagwa kuti balangisisye loko mbubelede kuyiyendelezya eyi nyika.\\nBeARTUZ balokukumbila boonse bayimikilila babeleki kuti balembele mupati wenyika kuti alangisyise twambo otu.\\nIpenzi lilimunyika talimani akambo ka Garrison shop pe, pesi lilamana kuti katulokupanga izyintu zyesu zyakuuzya.\\nZimbabwe yelede kufambana kulungisya zintu zyayo zipa kuti nyika iyinkilile kunembo.\\nZyachitwa a mfulumende zilayosya bayendelezya zyamuteto muZimbabwe. Kugwisya mari kumuntu ufola tumali tunini kulokupa basilumamba abakapokola, chitondezyo chakukachilwa akubula maano kwamfulumende yesu. Tuzolwana loko kuti tupegwe imali intu loko amfulumende.\\nCheelelo chalwiiyo chilokudyamizigwa amfulumende kweenda mukutabbadala bayiisi imali iwula. Ezyi zyintu zyelede kuyimikila kazitana kujeya babeleki bamfulumende.\\nARTUZ tiikoyimikila kuwambulape kusikila mfulumende wanzwisisya nzibayanda babeleki bayo.\\nPrevious PostUnpacking the education Consensus.Next PostARTUZ Shona Updates—-Zvikamu zviviri zvinechiga kubva muzana zvakonzeresa nyonga nyonga muvashandi vehurumende yeZimbabwe.","num_words":204,"character_repetition_ratio":0.076,"word_repetition_ratio":0.0,"special_characters_ratio":0.127,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Muntu Wakali Mukabunga Kazigwebenga Lino Taceendi Antobolo | Ibbaibbele Lilakonzya Kubacinca Bantu\\nAMUBALE MU Afrikaans Albanian Amharic Arabic Armenian Aymara Azerbaijani Azerbaijani (Cyrillic) Bengali Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Dangme Danish Dutch Efik English Estonian Ewe Finnish French Ga Georgian German Greek Greenlandic Guarani Gujarati Haitian Creole Hebrew Hiligaynon Hindi Hungarian Igbo Iloko Indonesian Italian Japanese Kannada Kazakh Kikaonde Kikuyu Kiluba Kimbundu Kinyarwanda Kirghiz Kirundi Kongo Korean Lingala Lithuanian Luganda Luo Macedonian Malagasy Malay Malayalam Maltese Marathi Maya Myanmar Nepali Ngabere Norwegian Nyaneka Nzema Ossetian Otetela Papiamento (Aruba) Papiamento (Curaçao) Polish Portuguese Punjabi Quechua (Bolivia) Rarotongan Romanian Russian Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tamil Tatar Telugu Thai Tigrinya Tshiluba Tsonga Turkish Twi Ukrainian Umbundu Venda Vietnamese Xhosa Yoruba Zulu\\nLyoonse Ndakali Kweenda Antobolo Yangu\\nAkaluulwa aba Annunziato Lugarà\\nMWAKA WAKUZYALWA: 1958\\nKUCISI NKWAZWA: ITALY\\nMBWAAKABEDE KAINDI: WAMUKABUNGA KAZIGWEBENGA MUKALI\\nNdakazyalwa akukomenena mumakomponi aamu dolopo lya Roma, mubusena mukkala bantu batavwoli mali manji. Buumi bwakali kukatazya. Tiindakabazyi bamaama bakandizyala alimwi tiitwakali kumvwana abataata. Ndakakomenena mubusena mwalo buumi mobwakali kukatazya.\\nCiindi nondakajisi myaka iili 10 yakuzyalwa, ndakalitalikide kale kubba. Kandili amyaka iili 12, ndakatija aŋanda kwaciindi cakusaanguna. Ziindi zili mbozibede bataata bakali kundigwisya kuzwa kumaofesi mapati aabamapulisa akunditola kuŋanda. Ndakali kuzwangana abantu lyoonse alimwi ndakali mukali alimwi ndakali kubanyemena bantu boonse. Nondakajisi myaka iili 14, ndakazwa aŋanda kakunyina kujokela alimwi. Ndakatalika kunywa misamu iikola alimwi akukkala mumigwagwa. Mbwaanga tiindakajisi kwakoona ndakali kunjila mumootokala uutali wangu akoona mumo kusikila kubucedo. Mpoonya ndakali kulanga-langa kwakali kujanika maanzi kutegwa ndisambe.\\nMukuya kwaciindi ndakaba muntu uucibwene kubba mbuli kusompola bantu zintu, kubba masiku mumaanda aindene-indene. Mpuwo yangu yakazoobija alimwi kalitanalampa ndakatambwa kuti ndibe mukabunga kazigwebenga calo cakandipa kuti nditalike kubba mumabbanki. Akaambo kakuti ndakali mukali, ndakatalika kulemekwa mukabunga kazigwebenga aaka. Lyoonse ndakali kweenda antobolo alimwi buya ndakali koona anjiyo ansi aapilo yangu. Ndakazooba abuumi bwakulwana, kunywa misamu iikola, kubba, kutukila alimwi akucita bwaamu. Bapulisa lyoonse bakali kundiyandaula. Ndakaangwa ziindi zinji alimwi kwamyaaka minji ndakali kunjila alimwi akuzwa muntolongo.\\nBBAIBBELE MBOLYACINCA BUUMI BWANGU:\\nAciindi cimwi nondakazwa muntolongo, ndakaunka kuyooswaya bamaama basyoonto. Kakunyina kuzyiba, bamaama basyoonto, alimwi abanabokwesu bobilo bakaba Bakamboni ba Jehova. Bakanditamba kumiswaangano ya Bakamboni. Akaambo kakuyanda kuzyiba zintu zimwi, ndakabasangana. Notwakasika ku Ŋanda ya Bwami, ndakasala kukkala acuuno cakali afwaafwi amulyango kutegwa kandibabona bantu boonse bakali kunjila alimwi akuzwa. Mbuli cilengwa, ndakalijisi ntobolo.\\nMuswaangano ooyu wakacinca buumi bwangu. Ndakalimvwa mbuli kuti ndakali buyo kubusena bumbi ikutali anyika. Bantu bakandaanzya cakusangalizya alimwi calumwemwe. Ndiciyeeya Bakamboni mbobakali kundilanga caluzyalo alimwi acakundibikkila maano. Eeci cakaliindene kapati abantu mbondakali kupona aambabo!\\nNdakatalika kwiiya Bbaibbele a Bakamboni. Mbondakali kuyaabuzumanana kwiiya ndakabona kuti ndakeelede kucinca buumi bwangu cakumaninina. Ndakalutobela lulayo lulembedwe mulugwalo lwa Tusimpi 13:20: “Uuenda abasongo ulasongwaala, pele muzwalani wabafubafuba ulabisizigwa.” Ndakabona kuti ndakeelede kuzwa mukabunga kazigwebenga. Eeci tiicakali cuubauba, pele kwiinda mukugwasyigwa a Jehova, ndakazwidilila.\\nKwaciindi cakusaanguna mubuumi bwangu, ndakatalika kulikasya kucita zintu zitali kabotu\\nAlimwi ndakatalika kuba mulondo. Kwiinda mukubeleka canguzu ndakacileka kufweba alimwi akunywa misamu iikola. Ndakaagela masusu angu malamfwu, kugwisya masikkiyo alimwi akucileka kutukila. Kwaciindi cakusaanguna mubuumi bwangu, ndakatalika kulikasya kucita zintu zitali kabotu.\\nKubala alimwi akwiiya ncintu ncondatakali kukkomanina, aboobo tiicakali cuubauba kubikkila maano kubala akwiiya Bbaibbele. Nokuba boobo, nondakazumanana kubeleka canguzu, asyoonto-syoonto ndakatalika kumuyanda Jehova alimwi ndakatalika kucinca mumoyo wangu, manjezyeezya akatalika kundikatazya. Kanji-kanji ndakali kulimvwa kutyompwa, kumwi kanditasyomi kuti Jehova wakali kukonzya kundilekelela zibi zyoonse nzyondakacita. Muciindi ciliboobu ndakakulwaizyigwa kwiinda mukubala makani aamba zya Jehova mbwaakamulekelela Mwami Davida zibi zipati nzyaakacita.—2 Samuele 11: 1–12:13.\\nBuyumuyumu bumbi mbondakajisi bwakali kujatikizya kwaambila bamwi nzyondakali kusyoma mumulimo wakuŋanda aŋanda. (Matayo 28:19, 20) Ndakali kuyoowa kuti inga ndajana muntu ngondakabisizya kaindi. Pele asyoonto-syoonto ndakacikonzya kuzunda bukandu mbondakajisi. Ndakatalika kujana lukkomano lwini-lwini kwiinda mukugwasya bantu kwiiya kujatikizya Taateesu wakujulu mubotu walo uulekelela cakumaninina.\\nKwiiya kujatikizya Jehova kwakafwutula buumi bwangu! Bunji bwabeenzuma bakafwa naa kwaangwa muntolongo, pele mebo ndijisi buumi bukkomanisya alimwi ndilijisi bulangizi bwakumbele. Ndaiya kuba muntu uulicesya alimwi uumvwida alimwi akulikasya kuba mukali kapati. Akaambo kaceeci, ndilayanzana kabotu abantu. Ndakakwata mukaintu wakeebelwa nzoka mubwina Carmen, alimwi tulikkomene. Antoomwe, tulakkomana kugwasya bantu kwiiya Bbaibbele.\\nNdalilubide, lino ndicita mulimo uusyomeka—zimwi ziindi uubikkilizya kubelekela mumabbanki, pele muciindi cakubba, ndibeleka mulimo wakusalazya mumabbanki!\\nKondipa Buyo Mwaka Omwe Waluumuno Alukkomano","num_words":675,"character_repetition_ratio":0.05,"word_repetition_ratio":0.0,"special_characters_ratio":0.142,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"AMUBALE MU Afrikaans Albanian Amharic Arabic Armenian Aymara Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Danish Dutch Efik English Estonian Ewe Finnish French Ga Georgian German Greek Guarani Haitian Creole Hebrew Hiligaynon Hungarian Igbo Iloko Indonesian Italian Japanese Kazakh Kikaonde Kikuyu Kiluba Kimbundu Kinyarwanda Kirghiz Kirundi Kongo Korean Lingala Lithuanian Luganda Macedonian Malagasy Maltese Maya Myanmar Nepali Ngabere Norwegian Nzema Ossetian Otetela Papiamento (Aruba) Papiamento (Curaçao) Polish Portuguese Quechua (Bolivia) Romanian Russian Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tatar Thai Tigrinya Tshiluba Tsonga Turkish Twi Ukrainian Umbundu Vietnamese Xhosa Zulu\\nTimgad—Imunzi Wakanyonyoonwa Uyubununa Mbowakabede\\nSIKULINGULA masena umwi musongo wakagambwa kapati. Munkanda yaku Algeria, kwakali ŋanda yabana Roma iyakali kwiiminina luzundo lwabo yalo yakavwikkidwe amusenga. Ciindi ba James Bruce baku Scotland nobakaibona ŋanda eeyi mu 1765, tiibakazyiba kuti bakaimvwi amatongo aamunzi wabana Roma walo wakayakidwe mu Africa nkoili Kunyika, idolopo lyansiku lya Thamugadi, pele lino liitwa kuti Timgad.\\nNikwakainda mwaanda wamyaka, mu 1881, basikuvwukkula zyakaindi baku France bakatalika kuvwukkula zintu zyakayobwedwe kabotu mumatongo aamunzi wa Timgad. Nokuba kuti ciindi nobakabubona busena oobu tiibwakali kuboneka kabotu, bantu ibakali kukkala mumo bakali bukkede. Pele ino ncinzi cakapa kuti bana Roma bayake munzi uusumpukide boobu mubusena buli boobu? Alimwi nciiyo nzi ncotukonzya kwiiya kuzwa kumunzi ooyu wansiku alimwi abantu bakali kukkala mumo?\\nMUNZI IWAKAYAKWA AKAAMBO KATWAAMBO TWACISI\\nCiindi bana Roma nobakatalika kweendelezya zisi zili mu Africa nkoili Kunyika mumwaanda wamyaka wakusaanguna B.C.E., bakatalika kukazyigwa abasimutuntuli bamwi. Mbuti bana Roma mbobakali kukonzya kubamba luumuno abantu mbobakajana mubusena oobu? Cakusaanguna, basikalumamba ibakazwa munkamu iitwa kuti, Third Augustan Legion bakayaka minzi minji iikwabilidwe amabaya alimwi amasena aabasikugatela mumalundu alo mazuba aano aali kunyika kwacisi ca Algeria. Kumane, bakazooyaka dolopo lya Timgad, pele lino kabajisi makanze aaindene.\\nMubwini, bana Roma bakayaka dolopo lya Timgad kuti kalikkalwa abasikalumamba ibakacileka mulimo, pele dolopo eeli bakaliyaka kabajisi makanze aakoongelezya bantu mbobakajana mubusena oobu. Makanze aabo akazwidilila. Mukuya kwaciindi, buumi bubotu bwamudolopo lya Timgad, bwakatalika kubakkomanisya bantu bakubusena oobu balo ibakatalika kucita makwebo mudolopo eeli. Kabalombozya kukkala mudolopo lya Timgad imwakali kukkala buyo bana Roma balikke, bantu banji bakubusena oobu bakazumina kunjila mulimo wabusikalumamba munkamu yabana Roma kwamyaka iili 25 kutegwa balo amikwasyi yabo beelele kuba basicisi bana Roma.\\nAkaambo kakutakkutila kuba buyo basicisi bana Roma, bana Africa bamwi bakaba azyuuno zyaatala mudolopo lya Timgad alimwi amadolopo amwi aakali kweendelezyegwa abana Roma. Makanze aabucenjezu aabana Roma aakoongelezya bantu bakubusena oobu akazwidilila cakuti nokwakainda buyo cisela camwaanda wamyaka kuzwa nolyakayakwa dolopo lya Timgad, bantu banji ibakali kukkala mumo bakali bana Africa.\\nBANA ROMA MBOBAKOONGELEZYA BANTU\\nMisyika iyakajisi minsende alimwi amasena aazyuuno\\nMbuti bana Roma mbobakazwidilila koongelezya bantu bakubusena oobu cakufwambaana? Kaambo kamwi nkakuti, bakali kukulwaizya muzeezo wakuti basicisi beelede kweelana, eeyi ninjiisyo yakali kuyiisyigwa asitwaambo twacisi muna Roma wazina lya Cicero. Nyika yakaapaulwa bweelene akati kabasikalumba bakaleka milimo bana Roma alimwi abana Africa. Idolopo eeli lyakayakidwe kabotu amaanda aazitina, ŋanda imwi aimwi kaiyakidwe abusena bukkwana mamita aali 20 mumabazu oonse alimwi kwakali tuzila tusyoonto twakali kwaandaanya maanda. Kuyaka maanda munzila iili boobo kwakali kubakkomanisya kapati bantu ibakali kukkala mumo.\\nMbubwenya mbocakabede mumadolopo manji aabana Roma, bantu bakali kuswaangana mumabbuwa aakumusyika ikwakali bantu banji kutegwa bamvwe twaambo tupya alimwi akusobana zisobano. Bantu ibakali kukkala mucimpayuma munsi-munsi amalundu, cakutadooneka bakali kweezyeezya mbocakali kukkomanisya kweendeenda mutuzila twakajisi ziluli ciindi nokupya kapati naa kulikkomanisya mumasena aabuleya aakusambila ooko ikwakali kuvwuuma meenda. Ambweni bakali kweezeezya kuti balikkede mumabali-bali aameenda apooma kumwi kabaizya abeenzinyina. Kweelede kuti kulimbabo zintu zili boobu zyakali mbuli ziloto buyo.\\nCibumbwa cijisi baleza botatwe atala ciimikidwe acuumbwe\\nMabbuwa aakusobanina aalo akali kubelesyegwa koongelezya bantu. Eeli bbuwa lyakali kukkwana bantu basika ku 3,500, kubikkilizya abantu banji bazwa mudolopo lya Timgad alimwi amadolopo aakabazingulukide. Kabatanatalika kusobana, basizisobano bakali kubatondezya basikweebelela izilengwa zyabana Roma zyalo kanji-kanji izyakali kubikkilizya micito yakoonana naa nkondo.\\nBukombi bwabana Roma abwalo bwakalijisi lubazu lupati. Ansi alimwi akubwaanda bwamasena aakusambila kwakazekawidwe zintu zyeebeka izyakali kucitika lyansiku. Mbokunga kusamba cakali cilengwa ciyandika icakali kucitwa abuzuba, aasyoonto-syoonto bantu bakooko bakabuzyibila bukombi bwabana Roma alimwi abaleza babo. Makanze aabo aakucinca bana Africa kutalika zilengwa zyabana Roma akazwidilila kapati cakuti zibumbwa izyakali kubikkwa azyuumbwe zyakalijisi madeekko aabaleza botatwe babantu bakubusena oobu alimwi zyakalijisi abaleza babana Roma.\\nDOLOPO LYEEBEKA LYALOBA CAKUTAYEEYELA\\nKuzwa ciindi Mwami Trajan waku Roma naakatalisya dolopo eeli mu 100 C.E., bana Roma bakali kukulwaizya bantu bamu Africa nkoili Kunyika kulima maila, kupanga mafwuta aamaolifa alimwi awaini. Kakutanainda ciindi, mucooko eeci mumwakali kuzwa maila, mafwuta aamaolifa alimwi awaini. Zintu eezyi zyakali kuyandika mubulelo boonse bwabana Roma. Mbubwenya mbuli madolopo amwi, idolopo lya Timgad lyakazwidilila mubulelo bwabana Roma. Mukuya kwaciindi, bantu bakavwula kapati mu Timgad, alimwi idolopo lyakakomena akwiindilila mabaya aakali kukwabilila dolopo.\\nBantu ibakali kukkala mudolopo alimwi abamukamwini busena, bakazwidilila kapati akaambo kakucita makwebo abana Roma, pele balimi bakubusena oobo tiibakagwasyigwa kapati pe. Mumwaanda wamyaka watatu C.E., kweendelezyegwa calunya alimwi akuyaatala kwamitelo kwakapa kuti balimi basyoonto-syoonto bazange. Bamwi akati kabo ibakali kunjila cikombelo ca Katolika, bakatalika kunjila cikombelo ciitwa kuti Donatists, ikabunga kabantu ibakali kulyaamba kuba Banakristo bakalisungula kumana makulo mu Cikombelo ca Katolika.—Amubone kabbokesi kakuti, “ Bana Donatists—‘Cikombelo Cakubeja.’”\\nNokwakainda myaanda yamyaka kakuli manyongwe akati kazikombelo, nkondo zyamasi alimwi akulwanwa abantu bazwa kuzisi zimbi, bulelo bwabana Roma bwakabula nguzu zyakweendelezya zisi zyaku Africa nkoili Kunyika. Kuzoosika mumwaanda wamyaka wacisambomwe C.E., bana Arab bakubusena oobu bakalyuumpa dolopo lya Timgad, mukuya kwaciindi lyakalubwa cakumaninina kwamyaka iili 1,000.\\nMalembe aaci Latin aakalembedwe kuti: “Kuvwima, kusamba, kusobana, kuseka—oobu mbobuumi!”\\nBasikuvwukkula zyakaindi ibakajana busena aawo mpolyakabed dolopo lya Timgad, bakaseka nobakabona malembe aaci Latin ngobakajana. Malembe aaya akali kwaamba kuti: “Kuvwima, kusamba, kusobana, kuseka—oobu mbobuumi!” Kujatikizya malembe aaya, syaazibwene mumakani aakaindi uumwi waku France wakaamba kuti eeci “citondezya buumi ambweni butakwe makanze, pele bamwi mbobabona kuti mbobuumi bwini-bwini.”\\nMasimpe ngakuti, bana Roma bakali kupona buumi buli boobu kwaciindi cili mbocibede. Paulo, imwaapostolo Munakristo wamumwaanda wamyaka wakusaanguna, wakaamba kujatikizya buumi mbobakali kupona bwakuti “atulye akunywa, nkaambo kayi juunza tuyoofwa.” Nokuba kuti bakali kukomba, bana Roma bakali kuyandisya kulikkomanisya, tiibakali kubikkila maano kuzyiba cini ncobakali kuponena. Paulo wakacenjezya Banakristonyina kuti beelede kubacenjelela bantu bali boobu ciindi naakaamba kuti: “Muteenwi pe. Kuyanzana kubyaabi kunyonganya zilengwa zibotu.”—1 Bakolinto 15:32, 33.\\nNokuba kuti bantu bamudolopo lya Timgad bakapona myaka iili 1,500 yainda, bantu tabanacinca kujatikizya mbobabubona buumi. Bantu banji mazuba aano babikkila buyo maano kubuumi bwacecino ciindi. Kulimbabo, kupona mbuli mbobakali kupona bana Roma cilagwasya nokuba kuti eeco cilakonzya kubaletela mapenzi. Pele Bbaibbele lilatwaambila caantangalala makani aagwasya noliti: “Zintu zicitika munyika eeyi ziyaabucinca.” Aboobo litukulwaizya ‘kutaibelesya cakumaninina nyika.’—1 Bakolinto 7:31.\\nMatongo aadolopo lya Timgad apa bumboni kukaambo kakuti kujana lukkomano lwini-lwini mubuumi takuyeeme aakupona kweelana amalembe aalya aakavwikkilwa mumusenga wamu Africa nkoili Kunyika. Muciindi caboobo, kuyeeme aakupona kweelana aciyeekezyo camu Bbaibbele cakuti: “Inyika ilamana antoomwe azisusi zyanjiyo, pele ooyo uucita kuyanda kwa Leza unooliko lyoonse mane kukabe kutamani.”—1 Johane 2:17.\\nBana Donatists—‘Cikombelo Cakubeja’\\nBusena bwakubbapatizyila bwaku Timgad ncikono ca “Bunakristo” cadolopo eeli\\nKumbo aadolopo lya Timgad kuli tongo lyacikombelo ceebeka ilijisi busena bwakubbapatizyila. Tongo eeli nciyeekezyo cakuti mumwaanda wamyaka wane C.E., mudolopo eeli bantu banji bakali bacikombelo caba Donatists—kabunga “Kabanakristo” ikakalizandula kuzwa kucikombelo ca Katolika.\\nBana Donatists kunyina nobakali kuyanda kuti bulelo bwabana Roma kabunjilila mumakani aacikombelo. Bakali kulibona kuba ‘basicikombelo cakasimpe,’ icitali canyika. Cuusisya ncakuti micito yabo yakali kukazyanya ambobakali kulyaamba. Bana Donatists bakalijatikizyidwe mumanyongwe aabanamaleya, mutwaambo twacisi alimwi bakali kugwasilizya balimi basyoonto-syoonto kuzangila bamukamwini nyika alimwi abasimitelo bana Roma, calo cakapa kuti baleke kukkomaninwa abeendelezi. Nokuba kuti bakali kulitaminina kutaba banyika, bana Donatists bakaba ‘cikombelo cakubeja.’—Johane 15:19.\\nAmwiiye twaambo tobilo tukonzya kumupa kusyoma ncolyaamba Bbaibbele kujatikizya buumi bubotu bwakumbele.","num_words":1210,"character_repetition_ratio":0.065,"word_repetition_ratio":0.0,"special_characters_ratio":0.148,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ciindi Nokwacitika Ntenda\\nMUNTU uuli woonse ulakonzya kusikilwa ntenda. Eeci cilabikkilizya abantu balibonya kuti balivwubide.\\nIBBAIBBELE LYAAMBA KUTI:\\n“Teensi basiluno bazunda mukusiyana, teensi basintaze bazunda munkondo, teensi basongo bajana zyakulya, teensi bacenjede bavuba imbono, teensi basimaanu bafwidwa luzyalo, pe. Bantu boonse buyo balasikilwa ziindi zyalufu azyamapenzi.”—Mukambausi 9:11.\\nTacikwe makani naa muyoosikilwa ntenda naa pe, pele ciyandika nkuzyiba mbomuyoocita ciindi yaakucitika ntenda eeyo. Mucikozyanyo:\\nIno kuti mwasweekelwa zintu zyanu akaambo kantenda iilicitikila?\\nIno kuti mwajanwa kuti mulaabulwazi bujaya?\\nIno kuti mwafwidwa muyandwa wanu?\\nBakamboni ba Jehova, basikumwaya bamagazini eeyi, basyoma kuti Bbaibbele lilakonzya kumugwasya kuliyumya alimwi akumupa bulangizi bwini-bwini ciindi nomwasikilwa ntenda. (Baloma 15:4) Amulange-lange bukkale botatwe butondezya mboligwasya Bbaibbele.","num_words":100,"character_repetition_ratio":0.072,"word_repetition_ratio":0.0,"special_characters_ratio":0.155,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 15 | Bbaibbele lili a Intaneti | Bbaibbele lya Busanduluzi Bwanyika Mpya\\nCizuminano ca Leza a Abramu (1-21)\\nMyaka iili 400 yakupenzyegwa yaambilizyigwa (13)\\nCisyomezyo ca Leza kuli Abramu caambwa alimwi (18-21)\\n15 Nozyakainda zintu eezyi, ijwi lya Jehova lyakasikila Abramu mucilengaano kaliti: “Utayoowi+ Abramu. Ndili ntobo yako.+ Bulumbu bwako bunooli bupati kapati.”+ 2 Mpoonya Abramu wakati: “Mwami Singuzuzyoonse Jehova, ncinzi ncotiikandipe, mbwaanga mebo tandizyede alimwi ooyo uuyookona ŋanda yangu muntu waku Damasiko, Eliezere?”+ 3 Abramu wakayungizya kuti: “Tonoondipa lunyungu,+ alimwi lino muntu* wamuŋanda yangu nguutiibe simulyazina.” 4 Pele ijwi lya Jehova lyakamwiingula kuti, “Muntu ooyu takakulidi zina pe, pele mwanaako wakulizyalila* nguuyookulida zina.”+ 5 Mpoonya wakamutola anze akumwaambila kuti: “Kolanga kujulu akubala nyenyeezi, ikuti naa ulakonzya kucita oobo.” Kumane wakati kulinguwe: “Oobu mboluyooba lunyungu lwako.”+ 6 Aboobo wakasyoma Jehova,+ eelyo Leza wakamubona kuti mululami.+ 7 Kumane wakayungizya kuti: “Ndime Jehova, iwakakugwisya ku Uri wabana Kasidi kuti ndikupe nyika eeyi kuti ibe cikono cako.”+ 8 Eelyo wakaingula kuti: “Mwami Singuzuzyoonse Jehova, ino ndilazyiba buti kuti ndiyookona nyika eeyi?” 9 Mpoonya wakamwiingula kuti: “Kondiletela ŋombe mpwizi iili amyaka yotatwe iitanazyede, mpongo mpwizi iili amyaka yotatwe, mugutu uuli amyaka yotatwe, inziba alimwi akana kankwilimba.” 10 Aboobo wakazileta zyoonse eezyi akuzitenda akati muzibeela zyobilo zyeelene akubikka cibeela acimwi kulubazu lumwi lwacibeelanyina, pele tuyuni tanaakatutenda pe. 11 Mpoonya bayuni bakatalika kuboola kunyama eeyi, pele Abramu wakazumanana kubatanda. 12 Eelyo izuba nolyakali kuyanda kubbila, Abramu zyakamutola ŋonzi zyalufwu mpoonya kwakamuboolela mudima uuyoosya kapati. 13 Kumane Leza wakati kuli Abramu: “Kozyiba calusinizyo kuti, bantu balunyungu lwako bayookkala kabali bamuzwakule mucisi citali cabo, alimwi akuti bantu bakooko bayoobacita kuba bazike akubapenzya kwamyaka iili 400.+ 14 Pele ndiyoocibeteka cisi eeco ncobayoobelekela,+ mpoonya bayoozwa oomo azintu zinji.+ 15 Pele yebo uyoofwa muluumuno; uyoozikkwa musyule lyakupona myaka minji.+ 16 Pele balo bayoopiluka kuno+ muzyalani lyane, nkaambo ciindi cakubetekwa cabana Amori akaambo kazibi zyabo tacinasika pe.”+ 17 Izuba nolyakabbila alimwi nokwakasiya mbi, kwakalibonya bbibi lyamulilo lisuka busi, alimwi mulilo wakainda akati kazibeela zyanyama eezyi. 18 Buzuba oobo Jehova wakapanga cizuminano+ a Abramu, wakati: “Lunyungu lwako ndiyoolupa nyika eeyi,+ kuzwa kumulonga wa Egepita kusikila kumulonga mupati wa Firate:+ 19 nyika yabana Keni,+ bana Kenizi, bana Kadimoni, 20 bana Heti,+ bana Perizi,+ bana Refaimu,+ 21 bana Amori, bana Kanana, bana Girigasi alimwi abana Jebusi.”+\\n^ Mu Chihebrayo, “mwana musankwa.”\\n^ Mu Chihebrayo, “ooyo uuyoozwa mulinduwe.”","num_words":352,"character_repetition_ratio":0.043,"word_repetition_ratio":0.0,"special_characters_ratio":0.197,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"GRN Scripts in Tonga: Valley\\nLanguage: Tonga: Valley\\nMwapona beenzuma. Musike muswiilizye makani mabotu aya. Mulange mubbuku lyamikozyano muswiilizye kapati. Ciindiconse ncimunga mulamva muwuumina oyu (biipa, kwiimba, etc.), muyandule mukozyano utobela mubbuku lyamikozyano.\\nMukozyano 1: Kakutanaba malengelo\\nKumatalikilo kwaciindi Leza pesi ngwakaliko. Leza wakalenga nyika, akuita mumuni kuti umwinike nkaambo zyonse zyakali mumuddima. Mbuli mbumwabona mumukozyano wakutanguna, Leza wakanzania meenda akalansi, akali kujulu. Meenda aansi, milonga alwizhi, akujulu tibona mayoba. Leza wakanza zhuba kuti limunike isikati, amwezi kuti umunike masiku. Leza mubotu. Wakalenga zyonse akuba anguzu atala azyonse.\\nMukozyano 2: Leza ulaambula\\nBhuku lili muchikozyano eci litegwa Bhaibbeli. Ndijwi lyaLeza litibuzya azyaLeza anzila zyake. Leza ulayanda bantu boonse, kapati. Iswe Tiyanda kucita zintu zyesu munzila, njitiyanda lino zilatipambula kuli Leza. Bhaibbeli lilati tondezya, nzila imwi biyo pesi njitikonzya kusvaanizigwa akujatana aLeza. Kwiisigwa kwamansimpe oku, nkumutamung kuzva mu Bhaibbeli.\\nMukozyano 3: Malegelo\\nLeza, aijwi lyake, wakalenga zintu zyonse zibotu. Wakaanza nyika amilundu; alwizi amilonga (mpamunya). Lino, wakalenga zintu zyonse zizumi, basvi bamumaanzi, bayuni bauluka abanyama boonse. Leza wakabotelwa azyonse nzyakalenga, nkaambo zyonse nzibotu.\\nMukozyano 4: Adamu a Eva\\nLeza wakalenga muntu, wakutanguna Adamu, amwanakazi wakutanguna Eva. Wakabapa nguzu, atala azyonse nzyakalenga ano anyika. Bakali bagani baLeza, bakalikwaambuula awe mukuti mubakalikede. Leza wakabazumizya kulya misamu yoonse yakali mukuti eli, kunzu kwaUmwi biyo wakali akati kamuunda oyu. Mumukozyano wakucimwensi mulababona kabatyola mulau waLeza akulya mucelo ngubakalibindidwe. Bakabisya aboobo bugani bwabo aLeza bwakamana. Mukozyano wakululyo utondezya Adamu a Eva mbubakatandwa a Leza, elyo wakabatandanya mumulemba mubakalikede. Kuzva kuciindi eco bantu bakatalika kubeleka anguzu, kuti bajane zilyo zyakulya, aboobo bakatanguna kumvwa macise, macise akufwa.\\nMukozyano 5: Kaini a Abbelo\\nAdamu a Eva bakazyala bana basankwa babili Kaini a Abbelo. Kaini wakasululwa, akusula Abbelo, nkukumujeya bumwi buzuba. Leza wakatuka Kaini mbuli mbaakaita kuli Adamu a Eva. Tili bazhukululwa ba Adamu a Eva, aboobo toonse takabisya. Zibi zilatipambula a Leza. Tilajana mulandu wezibi zysu.\\nMukozyano 6: Bwaato bwa Noah\\nMyaka Minji yakayinda lubo kwakaba bazhukululwa banji ba Adamu. Aba bantu bakabisya abalabo, kukutaswiilila Leza. Zibi zyabantu zyakakomena, zyakuti Leza wakayeye kubanyonyona a Zambangulwe pati. Kwakali mwaalumi omwe wakali kuyanda, akulemeka Leza. Izhina lyake ngu Noah. Leza wakabuzya Noah kuti ayake bwaato bupati, ayoboke abana bakwe mubayofutukila. Noah wakakambaula azya buuya bwa-leza, myaka njakali kuyaka bwato. Bantu tibakamvwa pe malailile a Leza, kuti basanduke kuzwa kunzila zyabo zibi akuti bafutulwe kuzambangulwe.\\nMukozyano 7: Zambangulwe\\nNoah wakabika bayuni abanyama bamisyobo yonse mubwato mbuli mbwakabuzigwa aLeza kuti acite. Lino Noah abakaintu bake, abana bake baalumi botatwe amwanakazi wake bakanjila mubwato. Leza wakajala mulyango. Wakawisya mvula impati amenda maanji kuzwa kujulu akuzuzya nyika yonse. Ciindi cakale camana lino nkoku kuti ani afutulwe. Noah abana bakwe mukati kabwaato bakali keede kabotu aboobo bantu boonse bakali anze abwato bakafwa. Noah wakafutulwa nkaambo wakalikusyoma kuli Leza, akumu telela.\\nMukozyano 8: Abraham, Sara a Isaka\\nMyaka minji yakayinda, aMisyobo yaNoah yakavula kuba Misyobo minji-minji. Abraham u wakali mwaalumi wakali kusyoma Leza. Leza wakamulongezya, Abrahamu wakali abanakwe, Leza wakati luzubo lwaako luwe yoba bantu bapati.\\nAbrahamu a Sara tibakalabana pe, pele Abrahamu wakalikusyoma kuli Leza. Oyu mukozyano utondezya kuti bakazi bazoba amwana kabali bakome na mwana baka mulika kuti Isaac. Leza Jesu Kristu wakalonda kufutula nyika, wakazwa kuli Abrahamu a Isaac. Ndilamubuzya azya Jesu musule.\\nMukozyano 9: Mozesi amulau waleza\\nBasimukowa baAbramu bakaba Nyika mpati itegwa Israeli. Musa alakwe wakali simukowa wa Abrahamu. Musa wakali kusyoma akulumba Leza alike. Bumwi buzuba Leza wakaita musa muchilundu nkukumubuzya milau, yakuti akabuzye bantu. Oyu mukozyano musa kaseluka mulundu, amilau yakwe kailembedwe abbwe. Leza uyanda kuti muntu woonse atobele milau yakwe (Milau ili kumi).\\nMukozyano 10: Milau ilikumi\\nNjino Imwi yaMilau ilikumi Leza njaakapa Musa. Ilaiisya kuyanda akusyoma Leza omwe biyo wamasimpe. Kutanguna (amukozyano uliatala) kuluzende tilabona kuti tatuelede pe kusyoma Zibumbwa. Amikozyano yabanyama kufumbwa cimwi cintu.\\nTuleelede kusyoma Leza, (siku bamba). Umwi biyo wamasimpe. (Mumukozyano utobela) isi, baina abana balikukomba, Leza antomwe. Bantu boonse baleelede kuba abuzuba bumwi biyo ansondo bwakukkomba Leza. (Lubo) bana baleeledhe kuswilila bazyai babo. (Mumukozyano uli ansi kuluzende). Mulau waLeza uti tatieledepe kujana utobela bambi ba-leza. Tatieledepe kubweza muka muntu (kwiita bumambe) (lcikozyano cakumaninizya).\\nTatieledepe kubba, kufumbwa kubweza cintu citesi cesu. Leza ulatilailila kuti tilemeke milau yakwe.\\nMukozyano 11: Cabilo cazibi\\nElyo Mwaalumi, kufumbwa Muntu wabisya, uleelede kupa caabilo cambelele kuli Leza. Mbelele ilafwa kuti ibweze mvuta yasikubisya (simulandu). Mbelele eyi yakali cikozyano camwana mulombe waLeza, Leza Jeso Kristu, Leza wakamutola kukufusa cibe caabilo caLeza, kubantu bonse banyika. Wakafwa amvuta Yesu. \"Nimbelele yaLeza, Isalazya zibi zyanyika yoonse. Leza cakaba caabilo cazibi zyesu elyo nakafwa aciingano cacisamu. Tilumbe Jeso Kristu, sanduka akuzumina zibi zyako kuli nguwe, sanduka (Izwi kuzibi) aboobo Leza oti akulekelele.\\nMukozyano 12: Mungelo, Maria aJosefa\\nLino timve Jeso Kristu mbwakazyalwa. Ciindi Leza wakatisyomezya kutuma mufutuli (Muntu uza kukufutula kuzwa kuzibi). (,umukozyano ulikuluzende) mulabona Mungelo wakazwa kujulu kuza kumusimbi cuunga utegwa Maria. Maria wakalimusimbi nakalindu, wakalitangidwi kasuwa aMozesinkwa Josefa. Mungelo wakaambila Maria kuti Muuya waLeza uleza mulinguwe asikube abula (Idda). Mwana uzoteegwa Jesu Kristo. (Mbuli mbumubwene mumukozyano ulikululyo.) Mungelo wakalitondezya mbubona kuli Josefa muciloto. Wakati kuli Josefa \"utayowipe kubweza Maria mwanakazi wako, ulaabula Bwamuuya usalala. Izhina lyamwana uzoteegwa Kristu. (Kakulikuti Mufutuli) uza kuzofutula bantu bakwakwe muzibi zyabo.\" Josefa wakaswiilizya Leza. (Aboobo tibakaswaanana pe abulo aMaria kusikila mwana watumbukwa.\\nMukozyano 13: Kuzyalwa kwaJesu\\nJosefa aMaria bakali mulwendo lwakuya kuddolopo litegwa Bethlehema. Nkaambo iddolopo eli lyakalizudde bantu, tikwakali mvuta yakuti baone pe. Bakaya mucibaya canombe. Omo Maria wakazyala mwana Jeso. Maria wakacili nakalindu Jeso nakazyalwa. Masiku abuzuba obo Mungelo wakalitondeezya kuli bamwi baalumi (beembeli) bakalikulinda imbelele zyabo, kumacezyo wakababuzya azyakuzyalwa kwaJeso muBethlehema. Lino bangelo baanji bakaboneka mujulu kabaimba akulumbaizya Leza. Baalumi aba bakeenda mpawo kuyobona Mufutuli Jesu.\\nMukozyano 14: Jesu kali sikuyiisya\\nIcikozyano cili kumwensi tilabona Jeso kalimyaaka alikumi aabili (12) ulikwaambula azyaLeza, abayiisyi abatungamili baIsrael kaswiilila akubuzya mibusyo. Bakagamba aluzhibo lwake azyaLeza. Mukozyano wabili utondeezya Jesu naka zokomena kuba mwanalumi mupati kayiisya bantu azyaLeza. Bamwi bantu bakalikumuswiilila akumulemeka. Anu Bamwi bantu tebakamuswiilila pe, bakamukazya. Leza uyanda kuti tizumine (kumusyoma) akutobela Jeso.\\nMukozyano 15: Milimo igambya yaLeza\\nMikozyano eyi itondeezya nguzi zipati zyaLeza nzyakapa mwanaakwe Jeso, kuti acite zigambyo. Mumukozyano ulikuluzende Jeso wakaponia mwaalumi wakazyeedwe kalimoofu, nkukuti takalikubona pe. Mukozyano ulakati ulatitondezya kabusya mwana waka zoba muzumi lubo awo isi abaina mwana kabayimvwi kabalangilila. Kumaninizya tulibwene Jeso kalimukweenda atala ameenda. Ulikweenda atala ameenda kulibasikwiiya bake, abo balimubwato bwato mulwizhi. Leza Jeso wakaita zigambyo ziinji zilimbuli zezi, kuti tizhibe kuti mwanaaLeza. Nguzu zyaJeso zilakonzya kutigwasya aswe (mapenzi esu).\\nMukozyano 16: Mbwakapenzegwa\\nJeso wakacita zintu zinji zigambya aboobo bantu banji bakamutobela. Jeso wakala Buuya. Wakaponia baciswa akubaiisya zyaLeza. wakalonda kuzofutula basweekedde, abantu basizibi boonse. Basimucita zibi Jeso naakabamba kuti mbasizibi bakamuzonda. Batungamilili babantu bakamuzonda Jeso. Tebakali kusyoma pe kuti Jeso mwana waLeza. Bakamwaanga, akumupa milandu yama njaka pawo bakamuuma. Bakamuzvatika ngwani yamaamva mumutwe wake, bakamusvida mate akumucapa. Asi Jeso taakakaka pe. Wakalizi kuti zyeelede kucitika kuli nguwe zyeelede kucitika kulinguwe. Wakazumizya basimucita zibi kuti bamucise akumujaya. Wakafwa kuti abe cipaizvo zyabantu bakwe.\\nMukozyano 17: Jeso mbaakajegwa\\nJeso wakauminwa aciigano. (Ciingano cakulimvwi ansi pawo awa Jeso) wakauminwa wakafwa. Basimulandu bakauminwa antoomwi aJeso. Muciindi eco njiyakali nzila yakujaya a njiyo bajai. Anu Jeso taakwe mulandu ngwaakacita. Jeso wakaba cipaizyo cakaliya zibi zyabanyu boonse. Toonse tilibisizye tweelede kufwa nkaambo ka. Jesu wakabwezha cipubulo cesu ncitwaalede kupubulwa acico. Do talebulula kuti tilibasimucita zibi akusandu ka kuzvakuzibi zyesu, Leza, ulatilekelela akutisanzya zibi zyesu, Lumba umutobele, tambula mwami Jesi Kristu pawo ulafutulwa.\\nMukozyano 18: Kubuka\\nIbakalikumusula bakali kuyeya kuti bakamujeya, anu te zyakalibobope! Musule Jeso wakauminwa aciingano wakafa, beenzinyina bakamuvwikila mubili wake muchibunda. Bakajala mulyango wakucibunda abwe. Mazuba abili akainda muli bwatatu, Jeso wakabuka kubakofwa. Bamwi banakazi nibakakusika ku cuumbwe, bakajana bwe lyakungulusigwa Jeso kali wazwa. Ngilozi zibili zyakaliko zyakabambila kuti Jeso muumi. \"Tawo ano pe wabuka, \"bakamba Jeso naakabuka kubakafwa, wakatondezya kuti nguLeza. Jeso muumi sunu ngusinguzu kwiinda Satani alufu.\\nMukozyano 19: Tomasi ulasyoma\\nMusule mwakubuka kwaJeso, beenzinyina banji (bantu) bakamubona, bakaambula akulya anguwe. Tomasi umwi wabeenzinyina (baiyi) taakalumba pe kuti Jeso wabuka muzumi ambinya. Wakaamba kuti, \"Kusikila ndabona mabanga amukujata, tandi syomi pe.\" Tilikubona mumukozyanisyo Jeso katondezya Tomasi Zilonda izyakumininwa. Tomasi wakasyoma. Wakawida ansi ampela lyaJeso wamba kuti, \"Mwami wangu aLeza wangu.\"\\nJeso wakaamba kuti, \"Balaacoolwe abo basyoma nikuba kabatandibwene.\\nMukozyano 20: Kutanta kwaJeso kujulu\\nMazuba makumi abanda, Jeso naakabuka kubakafwa, wakalitondeezya kubantu zindi zinji. Bantu banji baka mubona kuti muumi. Lino Jeso wakalili bambilide kubweda kuli wisi kujulu. Wakamana mulimo ngwakazidilide kuzoucita. Jeso wakaambila basikwiya (baiyi) kuti babuzye muntu onse makani aya mabotu.\\nBasikwiya bakalangilila Jeso naakali kuya kujulu. Ngilozi zibili (Zyakali azvizvato zituba) zyakalitondeezya akwaamba kuti kubaiyi Jeso uzosika bumwi buzuba kazwa kujulu mbuli maboneno ngibamubona kaya kujulu.. Kusikila ciindi iciza, Jeso ulakomba kali kujulu. Uli kubambila bamusyoma abamutobela ndau yakukala. Lino, iwe utyeni? Unga ulalumba na akumutobela Jeso? Inga ulaba nguuswaanana anguwe na?\\nMukozyano 21: Ciingano\\nJeso wakafwidanz aciingano? Jeso wakafida kufutura basimucita zibi kuzva kucipubulo cazibi. Yeya, bulowa bwaJeso, mwana waLeza, bulati sanzya kuzva kuzibi zyonse zyesu. Jeso tabisizye pe, anu wakafa kuti agwisye cibi citipambula kuzva kuli Leza. Ciingano citiyeyesya Jeso utabisizye pe mbelele yaLeza yakapayililwa ndiswe. Ngatishome muli Jeso akusanduka (kusanduka) kuzva kuzibi, zibi zyesu zilalekelelwa aLEZA. Jeso ulaticita bana baLeza, (beenzinyina abazyalani). Mukozyano utobela ulatibuzya kuti timvisisye caamba muntu utobela Kristu, na-kuti imusyomi.\\nMukozyano 22: Nzila izibili\\nJeso wakasiya kuti kuli nzila izibili. Umwi aumwi ulimunzila yazibi iya kumapenzi kuzva kumazyalilo aakwe. Toonse yulazibi kubisya nkutwakatola kuli Adamu. Jeso uyanda kuti tinjile muka nzila kanini kaya kuliLeza kujulu. Namuntu mubuumi obu wasyoma muli Jeso akumutobela, watambula buumi butamani. Wazva mumugwa-gwa, wanjila mukanzila kaniini kaya kujulu. Takuko pe kutongwa kwacibi kulibabo bali munzila nini. Kusala: Do (icikombyo) usale kutobela Jeso, ulakonzya kwaamba kuli Leza (mumunyengetelo) mbuli bobu: \"Leza, ndiyanda kulebulula kuti ndilisimucita zibi. Ndilalumba kuti Jeso wakandifwida aciingano kubbadala zibi zyangu. Ndilekelele undisyanzye (myoyo wangu) akundicita umwi wantunduyako (wabwami). Ndiyanda kutobela Jeso nzira yako iluleme, ndazofwa ndikabone anduwe Kujulu. Talumba nduwe Leza.\"\\nDo walumba zyaconzyo akukomba (kwaamba kuliLeza) mbuli bobu, wanjila munzila niini yakukondwa alukule antomwe aLeza.\\nMukozyano 23: Bana baLeza\\nJeso ubonwa akutambula bantu kuzva kumayanzi amushobo amwamba umwi aumwi. Bakalumba mulinguwe akuba bana baLeza. Bali munzila niini iya kujulu. Bantu baLeza bali mbuli ntundu, boonse balijiseni antoomwe mumwami Jeso.\\nMukozyano 24: Kuzyalwa apiya\\nMasiku amwi, muisyi silutwe wakalikutegwa Nikodimasi, wakazha kuli nguwe Jeso kuzobuzya azyaLeza. Jeso wakamwambila kuti umwi aumwi uyanda kuba mubwami bwaLeza, (kuya kujulu) weelede kuba abuumi bupiya. Zili mbuli kuzyaligwa apiya. Tatikwe pe nguzu zyakuli sandula. Muuya usalala waLeza ulatipa buumi bupiya mukusyoma akutobela Jeso. Tilaba bantu bapiya, bantu (bana) baLeza.\\nMukozyano 25: Ikuza kwaMuuya Usalala\\nBalumi aba basikwiya baJeso. Jeso nakabwedezegwa kujulu, wakabaambila kuti uzobatumina Muuya Usalala. Mazuba kumi Jeso kali wabweda kujulu, baiyi aba bakali antomwe (andau imwibiyo). Pawo, Muuya Usalala wakazha akuzuzya boonse mbuli mbaakabambila. Bantu aba bakatambula nguzu zyakwukambauka malaka asiyene kwaambila bantu zigambyo zyacitwa aLeza. Muuya Usalala ulakala mumusyomi (maKristi) wamasimpe batobeli baJeso ulabapa nguzu zyakumuyanda akumuswiilizya Jeso.\\nMukozyano 26: Kweenda mumuni\\nMuntu muciindi caanga taanatanguna kusyoma muliJeso, inga uli mbuli muntu uli acikozyano cakulumwensi, weenda mumudima. Ulaligubbula akuwida mucibi akaambo kakuti takukwe mumwini pe umumwinikila. Muciindi nitibimba muMwami Jeso, inga baba mbuli muntu weenda munzila itwasanukide shikati! Jeso wakaamba kuti \"Ndili mumwini wanyika. Muntu unditobela, taendi mumudima.\" Leza wakapa muuya usalala kugwasya akuisya balumbi (maKristi) inzila yakwe ya buumi.\\nMukozyano 27: Kuswiilila ijwi lyaleza\\nMusyomi (muKristu, mutobeli) muli Jeso Kristu muntu mupiya, pawo ula swiiliya ijwi lyaLeza. Ulalumba kuti Leza wakamulekelela cibi cakwe. Mulumbi taavuuli pe; taalwani pe akuita nkanzi, taabbi pe nikuba kukomba zikozyano kana kuti bamwi ba Leza naa kuti mizimu. Muuya Usalala upa nguzu kumusyomi kuti asiye zintu zibi acite zibotu.\\nMukozyano 28: Ntunda yabuKristo\\nMulange ntundu eyi yeenda munzila yaLeza. Mwalumi uyanda mukaintu wakwe alakwe mukaintu ulalemeka mwalumi wake mbuli jwi lyaLeza mbulyaamba. Balagwasyana akuisya bana babo kuti bayande Leza, akwiiya ijwi lyake akuliswiilizya. Intundu yabuKristu(balumbi) ilakomba akubelekela antomwe Leza.\\nMukozyano 29: Yanda ibakusula\\nJeso wakaisya batobeli bakwe (baiyi) kuti bayande bantu boonse ababasulide. Tweelede kugwasya abali mumapenzi bamwi bamisyobo. Jeso wakamba kaambo kamwalumi akubbidwa abafumpi. Mwanalumi waumwi mushobo ulajana silweendo kalemede loko. Wakagwasya mulondola wakali mumapenzi. Nkaambo taakambo mubbadalo pe. Jeso wakamba kuti tilede kucita zintu zibotu mbuli zezi.\\nMukozyano 30: Jeso ngusi manguzu\\nBalumi aba bakalikumupa zikozyano kuti kube Leza wamasimpe. Bakasyoma muli zezi kabatana baba batobeli baKristu. Musyomi waciKristu weelede kusowa zintu zyose zyaSatani azya muuya mubi. Mwami Jeso ngu simanguzu kwiinda Satani, muuya mubi, mukozyano azikombwa (balozi abumanikizyi bwabo). Iswe toba syomi tatelede kuyowa Satani. Tuelede kwaambila Leza kuti atigwasye akuti londola.\\nMukozyano 31: Kugusya muuya mubi\\nMumakozyano oyu tilikubona mwalumi ula muuya mubi. Taakwe naakalikwangika pe antambo anceni nkaambo muuya mubi (madimoni) wakala anguzu. Jeso wakatanda muuya mubi (madimoni) kuti izve mumwalumi, pawo yakazva nkaambo yeelede kuswilila Jeso simanguzu kwiinda Satani amadimoni akwe. Mwalumi oyu wakangununwa kuzva kumuuya mubi pawo wakambila beenzinyina zyaakacitilwa a Jeso. Jeso ngusimanguzu kwiinda Satani amyuya yakwe mibi yoonse, pawo boonse ngabamuswiilile.\\nKuli Salila: Nawapambanisigwa amuuya mibi, buzya basyomi bamwi bakukombele. Buzya Jeso simanguzu autande. (Naula muuya minji iinda muumwi, buzya basyomi bakukombele muzhina lyaJeso itandwe myiuya mibi eyi akuitandanya kuti ileke kujoka.) Nateenda akuswiilila Jeso, ukala mulindiswe. Nguzu zyake zilatlondola, Satani tatipenzyi pe.\\nMukozyano 32: Tobela Jeso\\nMucikozyano eci cititondezya mulumbi (mu Kristu) ngaasunkwa kuleka kutobela Jeso. Satani uyanda ndiswe kuti tilube Leza akaambo kakuyeyesya mali, izyakuzwaata, tombwe, zyakunywa zikola azintu zyoonse zisiyenesiyene. Satani ulatibuzya kuti zintu ezi zilaticita kuti tibotelwe, asi anu nubeja kupela. Satani mubeji mpawo uleezya kutibejela akutimana. Anu Leza wamba kuti: \"Kaka Satani mpawo ulakucija.\" Leza nguTaata wesu uli kujulu. Ulizhi zibuligwa abana bake, utibimbya \"Kupa zintu zibotu kuli babo bamuyanda\". Nitubimba aLeza akuswiilila mwanaake Jeso, tilajana nguzu zyaLeza muciindi camasunkuzyo.\\nMukozyano 33: Natabisya\\nJeso wakaamba sitoli eyi: Mujaya wakazva amuunzi, wakeenda kulamfu mpawo wakacita zintu zibi ziinji. Wakasania mali yoonse njaakati wapegwa ataata wakwe, wakacita buvuule mpawo wakapona mubumi. Niyakama mali yakwe yoonse, mwakaba nzala mpati munyika omo mpawo mwanalumi oyu wakaba muumba akumva nzala mpati. Wakasita muciindi cakubona kuti wakabisya mpawo wakajokela kuli wisi. Akuyanda kujatilwa. Akaambo kakuti wisi wakali kumuyanda kapati, wakamutambula mumuunzi. Sitoli eyi ititondezya kuti naatabisya, teelede kumvwa mulandu, ngataambe cibi cesu kuli Leza akusanduka kuzva kuli cico. Kaambo Leza ulatiyanda kapati akutilekelela cibi cesu mpawo ulatitambula kuti tendezyane Anguwe ambinya.\\nMukozyano 34: Maciswe\\nMwanalumi amwanakazi ano, balangika kulibombya (kuliceteka) akambo kakuti bbululu wabo ulaciswa loko. Bantu baLeza bacita biyeni naabaciswa? Beelede kukomba ku Mwami akulumba kuti ula cita cibotu. Leza ulaponesya muntu uciswa nadonga kuli kuyanda kwake, naa kuti akumugwasya kuyanda musamu uli kabotu. Leza ulatiyanda mpawo ulatilondola ali zyoonse zicitika kubana bakwe. Leza ulabamba musyomi kuti ata penzegwi aSatani, iswe tateelede kumuyowa pe, anu ngatibimbe muli Jeso kuti atilondole. Jeso ulandiswe mukutipa luumuno muziindi zyamapenzi.\\nMukozyano 35: Lufu\\nTonse tilizhi kuti bumwi buzuba tilafwa. Pele niinzi cizocitika kuli ndiswe mushule mwakufa? Na-musyomi (muKristu) afwa muuya wake uleenda kuya kuba antamwi aMwami Jeso Kristu. Beenzinyina wabali asikufwa abayandikani bake tabeelede kuzundwa amakatazyo. Tateelede kuyowa lufu kaambo tilizhi kuti Leza ulatiyanda mpawo wakatinununa kuzva kucibi. Batasyomi taabakwe kulangilizya kugambya oku kwa buumi antomwe aLeza mushule mwakufa kwabo. Beenda kundau iyoosya. Uya kuli noyoofwa?\\nMukozyano 36: Mubili waKristu\\nAno tilikubona amwi mapaanzi asiyene - siyene amubili. Paanzi limwi alimwi lyamubili wesu lilamulimo walyo. Ilinso ndyakubonesya; kutwi kwakumvisya amulomo ngwakulisya akwaambula. Mapaanzi onse amubili abelekela antomwe. Na-limwi paanzi lyacisva kana kuti kulemaala, mubili onse ulashupeka. Leza ulamba kuti basyomi (maKristu) mapaanzi amubili umwi biyo (utegwana mbungano). Jeso mutwe wamubili oyo. Leza ula mulimo wamusyomi umwi aumwi wakucita, mbuli mukozyano: kukambauka, kuisya zintu zyaLeza, kwiimba nteembauzyo zyake, kulimina kusanina ntundu kana kuti kwiipekela kulya kwaayo.\\nUmwi aumwi weelede kubelekela mwami Jeso kugwasizya mubili onse waKristo kuti ube anguzu. Basyomi bonse beelede kuyandana akubelekela antomwe na kutii mubili wa Kristo ulapenzegwa.\\nMukozyano 37: Kubungana antoomwe\\nBasyomi bonse ngababungane antamwi ciindi coonse bakombe Leza. Teelede kwiiya kuzva muBbaibbili ijwi lyaLeza, imba nyimbo ukombe.\\nTeelede kweeta zipo zyamulimo waLeza. Mwami ulatambila kuti tiyeye lufu lwaMwami wesu Jeso. Ano tili kubona balumbi (bantu baLeza) ngabali kwaabana cingwa acakunywa (zyeeleni) antomwe. Cingwa citiyezya mubili waJeso wakajiilwa ndiswe acingano. Cakunywa citiyezya bulowa bwake bwakatikila kutisanzya zibi zyesu akuteeta afwifwi kuli Leza. Teelede kuyeya lufu lwake kuti timuyande camwoyo onse.\\nMukozyano 38: Jeso ulazha ambinya\\nKuli Leza muciindi cakwe ceelede, Jeso ulaza kazwa kujulu, mbuli mbwakatilayilila. Uzozha kuzotola basyoma bamasimpe (tundu yaLeza). Mwami Jeso uzobusya bonse bantu baLeza bafwide mpawo zibunda zyabo zizosyaala nkazitakwe citupe. Bantu baLeza bazumi ibalapona ano uyotanta ambabo. Balumbi bonse bayoswanana aMwami Jeso mujulu (mujoba) pawo bayo kala anguwe kutamani. Batalumbi baya kukusowegwa akusvaanana alubeta luyumu lwaLeza. Tatizhipe Jeso nasika, anu teelede kulibambila akwimikilila. Ulilibambilide na kusvaana amwami Jeso kuti asika sunu?\\nMukozyano 39: Kuba amucelo\\nMbuli mucelo mucikozyano eci ulacita mucelo, mulumbi (muKristo) ulacita mucelo waMuuya Usalala. Jeso wakamba kuti, \"Ndime musansa musamu. Inywe muli matabi. Do kamukala mulindime andime muli ndinywe, mulaba amicelo minji.\" Muuya Usalala waLeza ula kala akubeleka mumwoyo yesu (mulindisise). Kuba amucelo waLuyando, Kukondwa, Luumuno, Busicamba, Buuya, Bubotu, Lusyomo, Lubombo akulizyola mubuumi bwesu. Namatabi amusansa ngaataciti micelo, ala gokwa, alafa akumpwa. Batobeli baJeso beelede kuba amicelo minji - eci cintu cibotu citili kwaamba mbuli Luyando, eci cilasumpula a kulemeka Leza, muyandikani wesu Taata wakujulu.\\nMukozyano 40: Kwaambila bamwi bantu\\nJeso wakaambila bonse basyoma kuti beende bakaambile bamwi makani mabotu aJeso kuti bafutulwe kuzva kucibi akukomba lyamulilo. Cikozyano eci citondezya musyomi ngwaaswiilila bamwwi azyaJeso. Muuya Usalala waLeya ulatigwasya, ulapa inguzu kuti tukambauke Jeso Kristo. Mpawo ulungulwide beenzonyokwe abamwi nziwa-yiya kuzva mubbuku lyacikozyano eci.\\nSee different versions of this script in Afrikaans, Amarasi, Baikeno, Bareke, Bislama, Buhutu, Buru, Chinese Simplified, Chuwabo, Creole: Mauritius, Dhao, Dhimba, English, English: Southern Africa, French, Gao, German, Hausa, Helong, Ilwana, Japanese, Koli, Wadiyara, Kupang Malay, Lunda, Malagasy Merina, Marovo, Naro, Ndau, Ndebele, South, Ngonde, Nyungwe, Phu Thai: Renu, Pijin: Solomon Islands, Portuguese: Brazil, Portuguese: Mozambique, Romanian, Russian, Sena: Mozambique, Shimaore, Shona, Spanish, Taabua, Tewe, Thai, Tok Pisin: PNG, Umbundu, Urdu, Varisi, Yao: Malawi, Yao: Mozambique, Zambal, Cabangan.","num_words":2802,"character_repetition_ratio":0.039,"word_repetition_ratio":0.0,"special_characters_ratio":0.165,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kaini a Abelo​—Kunyema Kwakasololela Kukujaya Muntu | Ziiyo Zyabana Zyamu Bbaibbele\\nAMUBALE MU Acholi Afrikaans Albanian American Sign Language Amharic Arabic Argentinean Sign Language Armenian Azerbaijani Azerbaijani (Cyrillic) Baoule Bashkir Basque Bassa (Cameroon) Batak (Karo) Batak (Toba) Biak Bicol Bislama Boulou Brazilian Sign Language British Sign Language Bulgarian Catalan Cebuano Chichewa Chinese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chuabo Cibemba Colombian Sign Language Croatian Cuban Sign Language Czech Dangme Danish Dayak Ngaju Dutch Ecuadorian Sign Language Edo Efik English Estonian Ewe Fijian Finnish Fon French Ga Galician Garifuna Georgian German German Sign Language Greek Guarani Gun Haitian Creole Hausa Herero Hiligaynon Hindi Hmong (White) Hungarian Iban Ibinda Igbo Iloko Indonesian Irish Isoko Italian Italian Sign Language Jula Kabiye Kabuverdianu Kachin Kannada Karen (S'gaw) Kazakh Kekchi Kikaonde Kikongo Kikuyu Kimbundu Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji (Caucasus) Kwangali Kwanyama Latvian Lhukonzo Lingala Lithuanian Lomwe Low German Luganda Luo Luvale Macedonian Macua Malagasy Malay Malayalam Maltese Mam Marathi Marshallese Mauritian Creole Maya Mazatec (Huautla) Mexican Sign Language Miskito Mixe (North Central) Mixtec (Guerrero) Moore Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndau Ndebele Ndebele (Zimbabwe) Ndonga Ngabere Ngangela Nias Nigerian Pidgin Norwegian Nyaneka Nyungwe Nzema Okpe Oromo Ossetian Otetela Pangasinan Peruvian Sign Language Pidgin (Cameroon) Polish Ponapean Portuguese Portuguese (Portugal) Punjabi Quechua (Ancash) Quechua (Ayacucho) Quechua (Cuzco) Quiche Quichua (Chimborazo) Quichua (Imbabura) Romanian Romany (Macedonia) Cyrillic Russian Rutoro Samoan Sangir Sango Sena Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Sinhala Slovak Slovenian Spanish Spanish Sign Language Sranantongo Sunda Swahili Swati Swedish Tagalog Tahitian Tamil Tandroy Tankarana Tarascan Tatar Telugu Thai Tigrinya Tiv Tlapanec Tojolabal Tongan Totonac Tshwa Tsonga Turkish Twi Tzeltal Tzotzil Ukrainian Umbundu Urhobo Uruund Uzbek Valencian Venda Vezo Vietnamese Waray-Waray Wayuunaiki Wolaita Xhosa Yoruba Zande Zapotec (Isthmus) Zapotec (Lachiguiri) Zulu\\nNobakazwa mumuunda wa Edeni, ba Adamu a Eva bakazyala bana banji. Mwanaabo wakusaanguna Kaini wakaba mulimi, mpoonya wabili Abelo wakaba mweembezi.\\nBuzuba bumwi Kaini a Abelo bakapa zituuzyo kuli Jehova. Sena ulicizyi cituuzyo? Ncipengo caalubazu. Jehova wakacikkomanina cituuzyo ca Abelo, pele tanaakakkomana acituuzyo ca Kaini. Eeco cakapa kuti Kaini anyeme kapati. Jehova wakamucenjezya Kaini kuti bukali bwakwe inga bwamupa kuti acite cibi. Pele Kaini tanaakaswiilila pe.\\nMuciindi caboobo, Kaini wakaambila Abelo kuti: “Atweende musyokwe.” Kabali musyokwe, Kaini wakamuuma mwanookwabo akumujaya. Ino Jehova wakacita buti kujatikizya makani aaya? Jehova wakamusubula Kaini akumutandila kule amukwasyi wakwe. Kaini tanaakazumizyidwe kujoka alimwi pe.\\nSena kuli ciiyo ncotukonzya kwiiya? Inga twatalika kunyema ikuti zintu tiizyeenda mbotwali kuyanda. Ikuti twanyema—naa kuti bamwi batucenjezya akaambo kakuti babona kuti tulinyemede—tweelede kufwambaana kucinca mbotuyeeya, biyo-biyo inga twacita cintu cibi kapati.\\nAkaambo kakuti Abelo wakali kumuyanda kapati Jehova alimwi wakacita ziluleme, Jehova unoomuyeeya lyoonse. Leza uyoomubusya Abelo ciindi aakucinca nyika kuba paradaiso.\\n“Usaangune kumvwana amunyoko, mpoonya upiluke akutuula cipego cako.”—Matayo 5:24\\nMibuzyo: Ino bana ba Adamu a Eva bobilo bakusaanguna bakali bani? Ino Kaini wakamujaila nzi mwanookwabo?\\nMatalikilo 4:1-12; Bahebrayo 11:4; 1 Johane 3:11, 12\\nAbelo​—“Nokuba Kuti Wakafwa, Ucaambaula”\\nNcinzi ncotukonzya kwiiya kujatikizya Abelo alimwi alusyomo lwakwe nokuba kuti kuli buyo makani masyoonto aajatikizya nguwe mu Bbaibbele?","num_words":508,"character_repetition_ratio":0.057,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":0.985,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"1 Ndime Paulo, mutumwa wa Kilisito Jesu kwiinda mukuyanda kwa Leza ikweelana acisyomezyo cabuumi bujanwa kwiinda muli Kilisito Jesu, 2 nendalembela nduwe Timoteyo, omwanaangu uuyandwa kuti: Iluzyalo, luse alimwi aluumuno ikuzwa kuli Leza Taata akuli Kilisito Jesu Mwami wesu azibe anduwe. 3 Ndamulumba Leza, ooyo ngondibelekela mulimo uusetekene amanjezyeezya aasalala mbubonya mbobakacita bamatata, cakuti kunyina nondileka kukwiibaluka mumipailo yangu yakukombelezya, masiku amasyikati. 4 Ndilayandisisya kukubona, nondiibaluka misozi yako, ikutegwa ndikondwe kapati. 5 Nkaambo ndilalwiibaluka lusyomo ndojisi ilutali lwakuupaupa ameso, oolo cakusaanguna ilwakali muli bakaapanyoko ba Loisi amuli banyoko ba Yunisi, pele ndondisyoma kuti moluli amuli nduwe. 6 Akaambo kaceeci ndikwiibalusya kuti ucivwilimye mbuli mulilo cipego ca Leza cili mulinduwe ncowakapegwa nindakabikka maanza aangu alinduwe. 7 Nkaambo Leza tanaakatupa muuya wabukandu pe, pele wakatupa muuya wanguzu aluyando alimwi akuyeeya kabotu. 8 Aboobo utafwi nsoni kucitila bumboni kujatikizya Mwami wesu naa kujatikizya ndime, ndemwaange akaambo kanguwe, pele kolibambila kupengela makani mabotu kwiinda mukusyoma nguzu zya Leza. 9 Wakatufwutula akutwiita abwiite busalala, ikutali akaambo kamilimo yesu pe, pele akaambo kamakanze aakwe mwini alimwi aluzyalo lwakwe. Luzyalo oolu wakatupa muli Kilisito Jesu ikale-kale, 10 pele lino lwalibonya antangalala kwiinda mukuyubunuka kwa Mufwutuli wesu, Kilisito Jesu, ooyo iwamanizya lufwu akumunikila buumi akutabola kwiinda mumakani mabotu, 11 aayo ngondakasalilwa kuti ndibe mukambausi, mutumwa alimwi imwiiyi. 12 Nkakaambo kaako ncondipengela boobu alimwi, pele tandifwi nsoni pe. Nkaambo ndilimuzyi ngondisyoma, alimwi ndilisinizyide kuti ulakonzya kucibamba eeco ncendibikkide mumaanza aakwe mane kusikila kubuzuba oobo. 13 Kozumanana kukakatila kucitondezyo* camajwi mabotu alimwi meni-meni ngookamvwa kulindime icalusyomo aluyando lujanwa akaambo kakukamantana a Kilisito Jesu. 14 Kocibamba kabotu cintu eeci ciyandisi cibikkidwe mumaanza aako kwiinda mumuuya uusalala uuli mulindiswe. 15 Ulaazyi makani aaya aakuti bantu boonse mucooko ca Asiya bandimwaika akundisiya, kubikkilizya a Fugelo alimwi a Hemogene. 16 Mwami abafwide luse baŋanda ya Onesifolo, nkaambo ziindi zinji wakali kundikulwaizya, alimwi kunyina naakafwa nsoni pe akaambo kanketani zyangu. 17 Muciindi caboobo, naakali mu Loma, wakasungwaala kundiyandaula kusikila mane wandijana. 18 Mwami amupe kuti akafwidwe luse a Jehova mubuzuba oobo. Alimwi yebo uliizyi kabotu milimo yoonse njaakabeleka ku Efeso.\\n^ Naa, “kuceelelo, kububambe.”","num_words":320,"character_repetition_ratio":0.054,"word_repetition_ratio":0.0,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 21 IBBAIB63 - Lino nzeezi imbeta nzoelede - Bible Search\\nKulonga 20 Kulonga 22\\nImwi milao yabuzike ayamakani amwi\\n1-Lino nzeezi imbeta nzoelede kubabikila. 2-Na waula muzike muHebrayo, uleelede kukumanina milimo myaka iili musanu aumwi, pele mumwaka wamusanu aibili uleelede kwaangunuka, alyeendele. 3Na waletwa katakwete, ainke alike buyo; na waletwa kakwete, ainke amwanakazi wakwe. 4-Na simalelaakwe wamupa mwanakazi, alimwi wazyala bana balombe na basimbi, mwanakazi abana bayooba basimalelaakwe; ulainka buyo alike. 5-Pele oyo muzike aamba kuti, Ndayandisya simalelaangu amukaangu, abana bangu nsikonzyi kwaangunuka, 6-elyo simalelaakwe uleelede kumutola kuli-Leza, amuswenye kumulyango na kumunsende; lino simalelaakwe adonkole kutwi kwakwe ansunda, amubelekele milimo lyoonse.\\n7-Na muntu waulisya mwanaakwe musimbi kuti abe muzike, teelede kwaangunuka mbuli bazike baalumi. 8Na tali mubotu mumeso aasimalelaakwe iwakayandide kumukwata, anunuke. Takonzyi kumuuzya kubazwamasi, pe, nkaambo wamucitila calweeno. 9Na ulayanda kumukwatya kumwanaakwe, uleelede kumucitila mbuli mwanaakwe musimbi mbwacitilwa. 10-Na wakwata aumbi, teelede kucesa kulya kwakwe na zyakusama zyakwe na zyeelelo zyauukwetwe. 11Na wakaka kumupa zintu ezi zyotatwe, aangunuke buyo, ainke.\\n12-Kufumbwa muntu uuma mweenzinyina calufu, ncobeni uleelede kujayigwa. 13-Nekubaboobo na katakwe kucita caali, pele canunzuunzu, njoomupa kuntu nkwakonzya kucijila. 14-Pele na muntu ulalindila mweenzinyina caali akumujaya calweeno, amumugwisye kucipaililo cangu kuti afwe.\\n15Kufumbwa muntu uuma wisi na banyina, ncobeni uleelede kujayigwa. 16-Kufumbwa muntu uubba muntunyina, na wamuuzya na wajanwa buyo mumaanza aakwe, ncobeni uleelede kujayigwa.\\n17-Kufumbwa muntu uutukila wisi na banyina, ncobeni uleelede kujayigwa.\\n18Na bantu balwana na umwi wauma mweenzinyina abbwe na ntuku, nekubaboobo oyo muntu tafwi, waciswa buyo, 19-lino na wabuka akweenda amusako, oyo iwakamuuma ulalekwa buyo, pele ulamuliya ciindi ncaakamusowela akumusilisya kabotu.\\n20-Na muntu wauma muzike wakwe, naba mwaalumi naba mwanakazi, amusako, nkabela muzike oyo wafwida mumaanza aakwe, ncobeni uleelede kupegwa mulandu, 21-Pele na muzike ucipona buzuba bomwe na mazuba obile, atapegwi mulandu pe, nkaambo muzike ngemali aakwe.\\n22-Na bantu balwana akuumikizya mwanakazi uuminsi, alimwi mwanakazi wasowa pele taciswi, ncobeni oyo iwakamuuma ulapegwa mulandu, aliye mbubonya mbwaamba mulumi; aliye mbobakosola babetesi. 23Pele na waciswa, kulaliigwa buumi kubuumi, 24-liso kuliso, lino kulino, ijanza kujanza, cituta kucituta, 25kupya kukupya, luumo kuluumo, mubunda kumubunda.\\n26-Na muntu wauma liso lyamuzike wakwe naliso lyamuzike wakwe mwanakazi akulinyonyoona, uleelede kwaangununa muzike oyo nkaambo kali so lyakwe. 27Na wakulumbula lino lyamuzike wakwe, naba mwaalumi naba mwanakazi, uleelede kwaangununa oyo muzike nkaambo kalino lyakwe,\\n28-Na iŋombe yayasa muntu, naba mwaalumi naba mwanakazi, nkabela wafwa, ncobeni eyo iŋombe ileelede kufuswa mabwe, anyama yayo tiikooligwa, pele mwiniŋombe tapegwi mulandu. 29Pele iŋombe na yazibila kuyasa, alimwi muleeyo wakacenjezegwa kale nekubaboobo taibambi, eyo iŋombe na yajaya mwaalumi na mwanakazi, iŋombe ileelede kufuswa mabwe, alakwe muleeyo uleelede kujayigwa, 30-Na wabbadela buyo, ulanunuzya buumi bwakwe kufumbwa cintu ncabikilwa. 31Na yayasa mwana, naba mulombe naba musimbi, kuleelede kucitwa mbubonya mbuli mulao oyo. 32-Na yayasa muzike, naba mwaalumi naba mwanakazi, muleeyo uleelede kuliya simalelo wamuzike oyo mali aali makumi otatwe, ayalo iŋombe ileelede kufuswa mabwe,\\n33Na muntu wasya mulindi nanka cikala, pele tacivumbi, nkabela iŋombe na imbongolo yawida mumo, 34mwinimulindi uleelede kuliya; uleelede kupa mwali munyama mali, pele mutunta ulaba wakwe.\\n35Na iŋombe yamuntu yayasa iŋombe yamweenzinyina, nkabela yafwa, baleelede kuulisya iŋombe iicipona akwaabana mali, ayalo iifwide baiabane. 36Pele na kulizibidwe kuti eyo iŋombe ilizibide kuyasa, nekubaboobo muleeyo taibambi, ncobeni uleelede kuliya inembe kuŋombe, alimwi iifwide ilaba yakwe.","num_words":509,"character_repetition_ratio":0.079,"word_repetition_ratio":0.0,"special_characters_ratio":0.18,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jesu Walekelela Zibi zya Mukaintu Muvwuule | Buumi bwa Jesu\\nMUKAINTU SIZIBI WANANIKA JESU MAFWUTA KUMAULU\\nKULEKELELA ZIBI KWAPANDULULWA KWIINDA MUKUBELESYA CIKOZYANYO CASIKUKWELETA\\nKweelana amboibede myoyo yabo, bantu baliindene mbobacita nobamvwa nzyaamba alimwi akubona nzyacita Jesu. Eeci calibonya kuŋanda imwi mu Galilaya. Imu Farisi wazina lya Simoni waitila Jesu kucakulya, ambweni uyanda kumulangila afwaafwi muntu ooyu uucita milimo eeyi iigambya. Jesu wazumina kuunka, ambweni eeci wacibona kuba coolwe cakubakambaukila aabo baliko, mbubonya mbwaali kucita aziindi zimwi naali kuzumina kwiitilwa kucakulya kuli basimutelo alimwi abasizibi.\\nNokuba boobo, Jesu tanaatambulwa camaanza obilo, mbubonya mbuli cilengwa cakutambula beenzu. Mucisi ca Palestine, mumigwagwa imwi kuli lusuko alimwi kulapya ansi cakunga muntu naenda kasamide mpato maulu alapya kunsi alimwi alabija lusuko, aboobo kuli cilengwa cakusanzya mweenzu kumaulu ameenda aatontola. Pele oobu tabusyi mbwaacitilwa Jesu. Alimwi tanaamyontwa pe mbuli mbobavwula kucitwa beenzu. Cilengwa acimbi ncakumutila mafwuta mweenzu kumutwe kacili citondezyo cabulongwe akusamausya beenzu. Acalo eeci tiicacitwa kuli Jesu. Sena mwati watambulwa ncobeni?\\nBeenzu boonse ibakkede kutebulu batalika kulya. Nobali mukulya, mukaintu umwi iwataitwa wanjila muŋanda cakaumuumu. Mukaintu ooyu ‘ulizyibidwe mumunzi kuti ngusizibi.’ (Luka 7:37) Bantu boonse batalondokede mbaasizibi, pele mukaintu ooyu kuboneka kuti upona buumi bwakutalilemeka, ambweni muvwuule. Kweelede kuti wakamvwa makani ngaakali kuyiisya Jesu, kubikkilizya akutamba kwakwe kwakuti ‘boonse aabo balemenwa baboole kulinguwe kuti abakatalusye.’ (Matayo 11:28, 29) Kuboneka kuti akaambo kakukulwaizyigwa amajwi alimwi amilimo ya Jesu, waboola kuzyikumubona.\\nWaboola kusyule lya Jesu kutebulu akufwugama kumaulu aakwe. Misozi yakwe yeenda akulokela amaulu aa Jesu, mpoonya waipukuta amasusu aakwe. Waamyonta maulu aa Jesu akwaananika mafwuta aanunkilila ngaaletelezya. Simoni walanga cakutakkomana akutalika kulyaambauzya mumoyo wakwe kuti: “Ikuti muntu ooyu naali musinsimi naazyiba kuti nguni alimwi ambwabede mukaintu ooyu uumuguma, ikuti ngusizibi.”—Luka 7:39.\\nAkaambo kakuzyiba ncayeeya Simoni, Jesu wamwaambila kuti: “Simoni, kuli nceyanda kukwaambila.” Simoni wati: “Omwiiyi, kondaambila!” Mpoonya Jesu waamba kuti: “Kwakali bantu bobilo bakakweletede mali kumuntu umwi; umwi wakakweletede madinari aali 500, pele umwi aali 50. Nibakabula cintu cakubbadela cikwelete eeco, boonse bobilo wakabalekelela amoyo woonse. Aboobo nguni akati kabo uuyoomuyanda kapati?” Ambweni katabikkilide amaano, Simoni wavwiila kuti: “Ndasyoma ngooyo ngwaakalekelela mali manji.”—Luka 7:40-43.\\nJesu wati mbombubo. Kumane kalangide mukaintu ooyu, waambila Simoni kuti “Sena wamubona mukaintu ooyu? Ndanjila muŋanda yako pele tonoondipa maanzi aakusamba kumaulu aangu. Pele mukaintu ooyu watesya maulu aangu amisozi yakwe akwaapukuta amasusu aakwe. Yebo tonoondimyonta pe, pele mukaintu ooyu kuzwa ciindi ncaanjila tanaaleka kumyonta maulu aangu. Yebo tonoondinanika mafwuta kumutwe, pele mukaintu ooyu wandinanika kumaulu mafwuta aanunkilila.” Jesu wabona kuti mukaintu ooyu wapa bumboni bwakuti weempwa kuzwa ansi amoyo akuleka buumi bwakwe bwakutalilemeka. Aboobo Jesu wamanizya amajwi aakuti: “Ndikwaambila kuti zibi zyakwe zyalekelelwa nokuba kuti nzinji, nkaambo watondezya luyando lupati. Pele ooyo uulekelelwa kusyoonto utondezya luyando lusyoonto.”—Luka 7:44-47.\\nAawa Jesu tazumizyi buvwuule pe. Pele utondezya kuti ulabafwida lubomba akubeengelela bantu ibacita zibi zipati pele ibatondezya kuti beempwa akujokela kuli Kristo kuti abakatalusye. Eelo kaka mukaintu ooyu walimvwa kwaanguluka ciindi Jesu naamba kuti: “Zibi zyako zyalekelelwa. . . . Lusyomo lwako lwakufwutula; koya muluumuno.”—Luka 7:48, 50.\\nIno Jesu watambulwa buti kuli simeenzu wakwe, Simoni?\\nIno nkaambo nzi mukaintu umwi wamumunzi ncaaboola kuzyikubona Jesu?\\nNcikozyanyo nzi Jesu ncaapa, alimwi ino wacibelesya kupandulula nzi?","num_words":488,"character_repetition_ratio":0.05,"word_repetition_ratio":0.0,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Mulibwene Mbociyandika Kuyiisya Bamwi? | Yakwiiya\\nNgazi Yamulindizi—Yakwiiya | August 2016\\nAMUBALE MU Acholi Afrikaans Albanian American Sign Language Amharic Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Bengali Bicol Boulou Brazilian Sign Language British Sign Language Bulgarian Catalan Cebuano Chichewa Chilean Sign Language Chinese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitumbuka Chiyao Chuvash Cibemba Cinyanja Colombian Sign Language Croatian Czech Dangme Danish Dutch Ecuadorian Sign Language Efik English Estonian Ewe Fijian Finnish Finnish Sign Language Fon French Ga Georgian German German Sign Language Greek Guarani Gujarati Gun Hausa Hebrew Hiligaynon Hindi Hungarian Ibanag Icelandic Igbo Iloko Indonesian Isoko Italian Italian Sign Language Japanese Japanese Sign Language Kabiye Kannada Kikamba Kikaonde Kikuyu Kinyarwanda Kirghiz Kiribati Kirundi Korean Kurdish Kurmanji (Caucasus) Kurdish Kurmanji (Cyrillic) Kwangali Kwanyama Lamba Latvian Lhukonzo Lithuanian Luganda Lunda Luo Luvale Macedonian Malagasy Malay Malayalam Mambwe-Lungu Marathi Maya Mbunda Mexican Sign Language Mixe (North Central) Mongolian Moore Myanmar Ndebele Ndebele (Zimbabwe) Ndonga Nepali Nigerian Pidgin Norwegian Nzema Okpe Oromo Ossetian Pangasinan Papiamento (Curaçao) Paraguayan Sign Language Persian Peruvian Sign Language Pidgin (Cameroon) Polish Polish Sign Language Portuguese Punjabi Quechua (Bolivia) Romanian Runyankore Russian Russian Sign Language Samoan Sango Sepedi Serbian (Cyrillic) Serbian (Roman) Sesotho (Lesotho) Setswana Shona Sidama Silozi Sinhala Slovak Slovenian Solomon Islands Pidgin South African Sign Language Spanish Spanish Sign Language Sranantongo Swahili Swati Swedish Tagalog Taiwanese Sign Language Tajiki Tamil Tatar Telugu Tetun Dili Thai Tigrinya Tiv Tok Pisin Tsonga Turkish Turkmen Tuvaluan Twi Tzotzil Ukrainian Urdu Urhobo Uzbek Venda Venezuelan Sign Language Vietnamese Waray-Waray Welsh Wolaita Xhosa Yoruba Zande Zapotec (Isthmus) Zimbabwe Sign Language Zulu\\nSena Mulibwene Mbociyandika Kuyiisya Bamwi?\\n“Ndilamupa malailile mabotu.”—TUS. 4:2.\\nIno nkaambo nzi ncotweelede kubagwasya basikwiiya Bbaibbele kutegwa babe aluyandisisyo lwakwiiya Bbaibbele lwabo beni?\\nIno mbuti mbotukonzya kubagwasya bapya kwiiya mbobakonzya kubandika abamukamwini ŋanda alimwi abantu bambi?\\nNkaambo nzi ncociyandika kusolekesya kuyiisya baabo ibalangilwa kuyooba beembezi babutanga bwa Leza?\\n1, 2. Nkaambo nzi ncotweelede kubayiisya bamwi kutegwa beelele kupegwa mikuli mumbunga?\\nKUKAMBAUKA makani mabotu aa Bwami ngomulimo mupati Jesu ngwaakali kucita. Nokuba boobo, wakajana ciindi cakuyiisya bamwi kuba beembezi alimwi abamayi. (Mt. 10:5-7) Nokuba kuti Filipo wakajisi bubi mumulimo wabukambausi, cakutadooneka wakagwasya bana bakwe basimbi botatwe kuba bantu bacibwene mukukambaukila bamwi kasimpe kamu Magwalo. (Mil. 21:8, 9) Ino nkaambo nzi kuyiisya kuli boobo ncokuyandika kapati mazuba aano?\\n2 Mweelwe wabantu ibatambula makani mabotu nyika yoonse mboizulwa, uyaabuyaambele. Bapya ibatanabbapatizyigwa beelede kumvwisya kaambo ncociyandika kapati kuba aciiyo cabo beni ca Bbaibbele. Alimwi beelede kuyiisyigwa kukambaukila bamwi makani mabotu akubayiisya kasimpe bantu aabo. Mumbungano zyesu, bakwesu beelede kukulwaizyigwa kubeleka canguzu kutegwa beelele kubeleka kabali bakutausi alimwi abaalu. Kwiinda mukupa “malailile mabotu,” Banakristo basimide balakonzya kugwasya bapya kutegwa bayaambele kumuuya.—Tus. 4:2.\\nAMUBAGWASYE BAPYA KUJANA NGUZU ABUSONGO MU JWI LYA LEZA\\n3, 4. (a) Ino mbuti Paulo mbwaakatondezya kuti kubala Magwalo kuliswaangene akuba basungu mumulimo wakukambauka? (b) Katutanakulwaizya basikwiiya besu kwiiya Bbaibbele lwabo beni, ino ncinzi swebo lwesu kutugama ncotweelede kuti katucita?\\n3 Ino nkaambo nzi kwiiya Magwalo tobeni ncociyandika kapati? Bwiinguzi bulajanika mumajwi mwaapostolo Paulo ngaakalembela Banakristonyina baku Kolose. Wakalemba kuti: “Swebo tatuleki pe kumupailila akumulombela kuti muzuzyigwe luzyibo lwini-lwini lwamakanze aa [Leza] mubusongo boonse akumvwisya zintu zyakumuuya, kutegwa kamweenda mbwayanda Jehova akumukkomanisya cakumaninina, nomuzumanana kuzyala micelo mumilimo mibotu iili yoonse akuyungizya luzyibo lwini-lwini lwa Leza.” (Kol. 1:9, 10) Ikuba aluzyibo lwini-lwini luli boobo, kwakali kuyoogwasya Banakristo baku Kolose ‘kweenda mbwayanda Jehova akumukkomanisya cakumaninina.’ Eeci cakali kuyoobagwasya kuzumanana “kuzyala micelo mumilimo mibotu iili yoonse,” kwaambisya mumulimo wakukambauka makani mabotu. Kutegwa abeleke munzila yeelede, mukombi wa Jehova weelede kutobela bubambe busitikide bwaciiyo ca Bbaibbele. Tweelede kubagwasya basikwiiya Bbaibbele kukamvwisya kaambo aaka.\\n4 Katutanabatondezya bamwi mbocigwasya ciiyo ca Bbaibbele cabo beni, swebo lwesu kutugama tweelede kwiibona mpindu iiliko yakucitila boobo. Mubwini, swebo lwesu tobeni tweelede kuba abubambe bubotu bwakwiiya Bbaibbele. Aboobo mulakonzya kulibuzya kuti: ‘Ikuti naa bamukamwini ŋanda baamba muzeezo wiimpene ancaamba Magwalo naa ikubuzya mibuzyo miyumu, sena ndilakonzya kupa bwiinguzi buyeeme aa Bbaibbele? Ciindi nondibala kujatikizya Jesu, Paulo, alimwi abamwi mbobakazumanana kuba basungu mumulimo wakukambauka, sena ndilazinzibala kuyeeya kujatikizya busungu bwabo mbobukonzya kundigwasya kubelekela Jehova cabusungu?’ Toonse tuyandika luzyibo alimwi alulayo kuzwa mu Jwi lya Leza. Ikuti naa twabaambila bamwi kujatikizya mbotwagwasyigwa abubambe bwaciiyo ca Bbaibbele cesu tobeni, tulakonzya kubakulwaizya kuti abalo bajane mpindu izili boobo kwiinda mukuba basikwiiya basungu ba Magwalo.\\n5. Amupe muzeezo kujatikizya mbomukonzya kubagwasya bapya kuba abubambe busitikide bwaciiyo ca Bbaibbele cabo beni.\\n5 Mulakonzya kubuzya kuti, ‘Ino inga ndamuyiisya buti sikwiiya wangu ikwiiya Bbaibbele lyoonse?’ Cakusaanguna mulakonzya kucita oobo kwiinda mukumutondezya mbwayelede kulibambila ciiyo ncomwiiya anguwe. Mulakonzya kumwaambila kuti kabala zibeela zyamakani aayungizyidwe mubbuku lya Ino Ncinzi Cini Bbaibbele Ncoliyiisya? alimwi akubala magwalo aatazubulwidwe. Amumugwasye kulibambila miswaangano kajisi makanze aakutola lubazu. Amumukulwaizya kubala Ngazi Yamulindizi alimwi a Sinsimuka! mpya iimwi aimwi. Ikuti naa LAIBBULALI YAA INTANETI ya Watchtower nkoili mumwaambo wakwe, inga mwamutondezya mbwakonzya kwiibelesya kwiingula mibuzyo yamu Bbaibbele. Akaambo kakumugwasya munzila eeyo, kulalangilwa kuti sikwiiya Bbaibbele wanu unoocikkomanina ciiyo cakwe mwini ca Jwi lya Leza.\\n6. (a) Mbuti mbomukonzya kumugwasya sikwiiya wanu kuliyandisya Bbaibbele kuzwa ansi aamoyo? (b) Ino ncinzi sikwiiya Bbaibbele ncalangilwa kucita ikuti waayandisya Magwalo kuzwa ansi aamoyo?\\n6 Mubwini, tatweelede kusinikizya muntu uuli woonse kubala alimwi akwiiya Bbaibbele. Muciindi caboobo, atubelesye zibelesyo nzyotupedwe mumbunga ya Jehova kutegwa tubagwasye mbotwiiya limwi kuti bazumanane kuliyandisya Bbaibbele. Mukuya kwaciindi, sikwiiya uubikkila maano kapati ulakonzya kulimvwa mbwaakalimvwa sintembauzyo iwakaimba kuti: “Cilandibotela kuswena kuli Leza. Ndasala Mwami Singuzuzyoonse Jehova kuba mayubilo aangu.” (Int. 73:28) Muuya wa Jehova uyoomugwasya sikwiiya Bbaibbele ooyo imunkutwe alimwi uulumba.\\nAMUBAYIISYE BAPYA KUKAMBAUKA AKUYIISYA\\n7. Ino mbuti Jesu mbwaakabayiisya basikwaambilizya makani mabotu? (Amubone cifwanikiso icili kumatalikilo aacibalo.)\\n7 Mulugwalo lwa Matayo caandaano 10, tujana malailile Jesu ngaakapa baapostolo bakwe ibali 12. Muciindi cakwaambaamba buyo, wakapa twaambo tugaminide.  Baapostolo bakaswiilila ciindi Jesu naakali kubayiisya mbobakonzya kukambauka munzila iigwasya. Mpoonya nkamu eeyi yakaunka mubukambausi. Mbwaanga bakazibona nzila nzyaakali kubelesya Jesu, kalitanalampa abalo bakaba bamayi bacibwene ibakali kuyiisya kasimpe kamu Magwalo. (Mt. 11:1) Andiswe tulakonzya kubayiisya basikwiiya Bbaibbele besu kuba basikumwaya bamakani mabotu ibayiisya munzila iigwasya. Lino atulange-lange nzila zyobilo nzyotukonzya kubelesya kutegwa tubagwasye.\\n8, 9. (a) Ino mbuti Jesu mbwaakali kubasikila bantu mumulimo wakukambauka? (b) Ino mbuti mbotukonzya kubagwasya basikumwaya bapya kubandika abantu mbubwenya Jesu mbwaakali kucita?\\n8 Amubandike abantu. Kanji-kanji Jesu wakali kubandika abantu kujatikizya Bwami. Mucikozyanyo, wakajisi mubandi mubotu ciindi naakaambaula amukaintu amugoti wa Jakobo iwakali afwaafwi amunzi wa Sukari. (Joh. 4:5-30) Alimwi wakabandika a Matayo Levi, simutelo. Mabbuku aa Makani Mabotu aamba buyo makani masyoonto kujatikizya mubandi ooyo, pele Matayo wakakuzumina kutamba kwa Jesu kwakuti abe sikumutobela. Matayo alimwi abamwi bakamuswiilila Jesu kwaciindi cilamfwu naakali kwaambaula ciindi capobwe ilyakacitilwa muŋanda ya Matayo.—Mt. 9:9; Lk. 5:27-39.\\n9 Aciindi cimwi, Jesu wakabandika a Natanayeli munzila mbotu, nokuba kuti tanaakali kubabona munzila yeelede bantu ibakali kuzwa ku Nazareta. Nokuba boobo, Natanayeli wakagwasyigwa kucinca mbwaakali kuyeeya. Wakasala kwiiya zinji kujatikizya makani ngaakali kuyiisya Jesu, imwaalumi iwakali kuzwa ku Nazareta. (Joh. 1:46-51) Aboobo tulijisi twaambo tubotu ncotweelede kuyiisya basikumwaya bapya kubandika abantu munzila iili kabotu alimwi cakulikwaya.  Aabo mbotugwasya munzila eeyi banookkomana kubona bantu ibabombe myoyo mbobatambula makani mabotu akaambo kakubabikkila maano alimwi akubelesya majwi mabotu.\\n10-12. (a) Ino mbuti Jesu mbwaakagwasya baabo ibakali kutondezya luyandisisyo mumakani mabotu? (b) Mbuti mbotukonzya kubagwasya basikumwaya bapya kutegwa bayaambele muluzyibo kabali bamayi bakasimpe kamu Bbaibbele?\\n10 Amubabikkile maano bantu. Jesu wakajisi buyo ciindi cisyoonto cakubeleka mulimo wakwe. Nokuba boobo, wakajana ciindi cakubandika abantu ibakali kutondezya luyandisisyo mumakani mabotu. Mucikozyanyo, Jesu wakayiisya nkamu yabantu ciindi naakali mubwato. Aciindi eeco, camaleele wakapa kuti Petro ajate nswi zinji mpoonya wakamwaambila kuti: “Kuzwa lino unoozuba bantu baumi.” Ino majwi aa Jesu alimwi amilimo yakwe zyakabajatikizya buti bamwi? Petro abaabo mbaakali limwi, “bakatola mato aabo kucito akusiya zyoonse akumutobela [Jesu].”—Lk. 5:1-11.\\n11 Nikodemo, iwakali cibeela ca Nkuta Mpati Yaba Juda, wakakkomana azintu nzyaakali kuyiisya Jesu. Wakali kuyanda kwiiya zinji pele wakali kuyoowa bantu ncobakali kukonzya kwaamba ikuti bamubona kabandika a Jesu aabuleya. Jesu wakali muntu uunyoneka alimwi wakalilyaabide kubelesya ciindi cakwe kugwasya bamwi; wakaswaangana a Nikodemo masiku—bantu kabatababwene. (Joh. 3:1, 2) Ino nciiyo nzi ncotukonzya kwiiya kuzibalo eezyi? Mwana wa Leza wakali kujana ciindi cakuyumya lusyomo lwabamwi. Sena andiswe tatweelede kuba basungu kucita nyendo zyakupilukila alimwi akusololela ziiyo zya Bbaibbele kubantu ibajisi luyandisisyo?\\n12 Basikumwaya bapya balalangilwa kuyaambele muluzyibo kabali bamayi bakasimpe kamu Bbaibbele ikuti naa katubeleka ambabo mumulimo wamumuunda. Tulakonzya kubagwasya kuti kabababikkila maano nobaba baabo ibatondezya luyandisisyo noluceya. Tulakonzya kubatamba basikumwaya bapya kuti tubeleke limwi ciindi notucita nyendo zyakupilukila alimwi anotusololela ziiyo zya Bbaibbele zyaaŋanda. Kwiinda mukubayiisya akubakulwaizya munzila eeyi, cakutadooneka basikumwaya ibatanasima balakonzya kwiiya kubabikkila maano bamwi alimwi akusololela ziiyo zya Bbaibbele zibagame. Alimwi bayakwiiya kutafwambaana kutyompwa pele kuba bantu bakkazika moyo alimwi ibazumanana mumulimo.—Gal. 5:22; amubone kabbokesi kakuti “Kuzumanana Kulayandika Kapati.”\\nAMUBAYIISYE BAPYA KUGWASYA BASYOMINYINA\\n13, 14. (a) Ino inga mwaamba nzi kujatikizya zikozyanyo zyamu Bbaibbele zyabaabo ibakali kulyaaba kapati kugwasya bamwi? (b) Ino muunzila nzi motukonzya kuyiisya basikumwaya bapya alimwi abana basyoonto ikutondezya kuti balababikkila maano basyominyina?\\n13 Zibalo zyamu Bbaibbele zitondezya coolwe ncotujisi icakutondezya “luyando lwabunyina” alimwi akugwasyanya. (Amubale 1 Petro 1:22; Luka 22:24-27.) Mwana wa Leza wakapa zintu zyoonse, kubikkilizya abuumi bwakwe ikugwasya bamwi. (Mt. 20:28) Dorika “wakali kucitila bamwi milimo mibotu minji alimwi akupa zipego zyaluse.” (Mil. 9:36, 39) Mariya, imucizyi waku Roma, ‘wakabeleka canguzu’ kugwasya baabo ibakali mumbungano. (Rom. 16:6) Ino mbuti mbotukonzya kugwasya bapya kubona mbociyandika kugwasya basyominyina?\\nAmubayiisye bapya kutondezya luyando kubasyominyina (Amubone muncali 13 a 14)\\n14 Bakamboni basimide balakonzya kubatamba bapya kuti baunke limwi kuyoobona baciswa alimwi abaabo ibacembeede. Ikuti kaceelela, bazyali balakonzya kuunka abana babo ciindi nobaunka kuyooswaya bantu ibali boobo. Baalu balakonzya kubelekela antoomwe abamwi kubona kuti bacembeede balijisi zyakulya zyeelede akuti maanda aabo ali kabotu. Kwiinda mukucita boobo, bana basyoonto alimwi abapya mukasimpe balakonzya kwiiya kutondezya luzyalo kubantu bamwi. Ciindi naakali kukambauka, mwaalu umwi wakali kuleya kwakaindi kasyoonto kutegwa ababone Bakamboninyina ibakali kukkala mucilawo cakwe. Mukwesu umwi uucili mwana mwana kanji-kanji iwakali kubeleka amwaalu ooyu wakaiya kuti boonse ibali mumbungano beelede kulimvwa kuti balabikkilwa maano.—Rom. 12:10.\\n15. Ino nkaambo nzi ncociyandika kapati kuti baalu kababikkila maano kubona mbobayaambele bamaalumi mumbungano?\\n15 Mbwaanga Jehova ubelesya bamaalumi kuyiisya mumbungano, cilayandika kapati kuti bakwesu baiye kuba baambi ibacibwene. Nobaalu, sena inga mwamuswiilila mukutausi ciindi nalibambila makani aakwe? Kwiinda mukumugwasya, inga wacikonzya kuba mwiiyi wa Jwi lya Leza uucibwene.—Neh. 8:8. \\n16, 17. (a) Ino mbuti mwaapostolo Paulo mbwaakamubikkila maano Timoteyo kutegwa ayaambele kumuuya? (b) Mbuti baalu mbobakonzya kubayiisya kabotu aabo kumbele ibayooba beembezi mumbungano?\\n16 Kuyandika beembezi banji mumbungano ya Bunakristo, alimwi aabo ibayoobeleka mulimo ooyu kumbele beelede kuzumanana kuyiisyigwa. Paulo wakatondezya kuyiisya ooko mbokweelede kucitwa ciindi naakaambila Timoteyo kuti: “Yebo mwanaangu, kozumanana kujana nguzu muluzyalo lwa Leza luli muli Kristo Jesu; alimwi izintu nzyookamvwa kulindime izyakasinizyigwa abakamboni banji, zintu eezyi kozibikka mumaanza aabantu basyomeka, kutegwa abalo beelele ncobeni ikuyiisya bamwi.” (2Tim. 2:1, 2) Timoteyo wakaiya kwiinda mukubelekela antoomwe amwaapostolo, ooyo iwakali mwaalu. Mpoonya Timoteyo wakazitobela mumulimo wakwe alimwi amumbazu zimwi zyamulimo uusetekene nzila nzyaakali kubelesya Paulo.—2Tim. 3:10-12.\\n17 Paulo wakali kujana ciindi cakuyiisya Timoteyo. Wakali kweenda amukubusi ooyu. (Mil. 16:1-5) Baalu balakonzya kwiiya cikozyanyo ca Paulo kwiinda mukuunka antoomwe abakutausi ibeelela munyendo zyabweembezi ikuti kaceelela kucita oobo. Ciindi baalu nobacita boobo, bapa coolwe kubakwesu ibali boobo kutegwa balibonene baalu mbobayiisya, mbobatondezya lusyomo, mbobakkazika moyo, alimwi ambobatondezya luyando ndobeelede kuba andulo balangizi Banakristo. Nzila eeyi igwasya kuyiisya baabo kumbele ibayooba beembezi ‘babutanga bwa Leza.’—1Pet. 5:2.\\nNCOCIYANDIKA KAPATI KUYIISYA BAMWI\\n18. Nkaambo nzi kuyiisya bamwi mumulimo wa Jehova ncokuyandika kapati?\\n18 Kuyiisya bamwi kulayandika kapati akaambo kamulimo uuyaabukomena alimwi azyoolwe ziyaabuvwula izyakubelekela Jehova. Nzila zyakuyiisya nzyaakapa Jesu alimwi a Paulo zicibeleka noliba lino. Jehova uyanda kuti babelesi bakwe bamazuba aano bayiisyigwe kabotu kubeleka milimo yabo yakumuuya. Leza watupa coolwe cakugwasya baabo ibatanaba aluzyibo lunji kuti baiye mbobakonzya kubeleka milimo iiyandika mumbungano. Mbwaanga zintu ziyaabwiindila kubija munyika akuti zyoolwe zyakukambauka ziyaabuvwula, ikuyiisya ooko kulayandika kapati alimwi kulibindide kapati.\\n19. Ino nkaambo nzi ncotweelede kusinizya kuti kusoleka kwesu kwakuyiisya bamwi mumulimo wa Jehova kuyoozwidilila?\\n19 Bwini mbwakuti, kuyiisya bantu kutola ciindi alimwi kuyanda kubeleka canguzu. Pele Jehova a Mwanaakwe ngwayandisya banootugwasya alimwi akutupa busongo kutegwa tucikonzya kuyiisya bamwi. Tuyookkomana kubona kuti aabo mbotugwasya balazumanana ‘kubeleka canguzu akulitakata.’ (1Tim. 4:10) Andiswe lwesu kutugama atuzumanane kuyaambele kumuuya notubelekela Jehova mulimo uusetekene.\\n^  (muncali 7) Ntootu twaambo tumwi ntwaakaamba Jesu: (1) Amukambauke mulumbe weelede. (2) Amukkutile azintu Leza nzyapa. (3) Mutanookazyanyi abamukamwini ŋanda. (4) Amusyome Leza ikuti bamwi bamukazya. (5) Mutayoowi pe.\\n^  (muncali 9) Ibbuku lya Amugwasyigwe Alwiiyo Lujanwa mu Cikolo Camulimo Weendelezyegwa a Leza, mapeeji 62-64, lilijisi nzila zibotu zikonzya kutugwasya mbotukonzya kubandika kabotu abantu mumulimo wamumuunda.\\n^  (muncali 15) Ibbuku lya Amugwasyigwe Alwiiyo Lujanwa mu Cikolo Camulimo Weendelezyegwa a Leza, mapeeji 52-61, lilapandulula bube buyandika kutegwa tube baambi bakubuleya ibacibwene.\\nKuzumanana Kulayandika Kapati\\nCiindi nobakambauka mulumbe wa Bwami, basikumwaya bapya beelede kuzyiba kuti zimwi ziindi kuzumanana kulayandika kapati. Mukwesu umwi ku Ghana wakaabila mabbuku kumulombwana umwi ooyo mukuya kwaciindi iwakatalika kumuyuba kwansondo zili mbozibede. Kwiinda mukuzumanana kupilukila, Kamboni ooyo wakamujana mulombwana ooyu, pele wakasoleka kuutyokezya mubandi. Ciindi mukwesu naakamulomba kuti amutondezye mbocicitwa ciiyo ca Bbaibbele, mulombwana ooyu wakazumina. Kuzwa waawo, wakacileka kubayuba Bakamboni ba Jehova. Nokwakainda myezi iili mbwiibede, mulombwana ooyu wakabbapatizyigwa amuswaangano wabbazu.\\nMAKANI AABUUMI Mbondakajana Lukkomano Kwiinda Mukupa\\nCikwati​—Mbocakatalika Alimwi Amakanze Aancico\\nNcobeelede Kucita Banakristo Kutegwa Cikwati Cabo Cizwidilile\\nAmuyandaule Cintu Ciinda Kubota Kwiinda Ngolida\\nSena Mulibwene Mbociyandika Kuyaambele Kumuuya?\\nMAKANI EESU AAKAINDI “Ndili Mukuzyala Micelo Iipa Kuti Jehova Atembaulwe”\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA August 2016\\nNGAZI YAMULINDIZI—YAKWIIYA August 2016","num_words":2111,"character_repetition_ratio":0.063,"word_repetition_ratio":0.004,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"HENA A BUUMI BWANGU LEZA ULAAMAKANIAMBUBO?\\nAmwi mafumofumo, nyika ilangika mbuli Paladaisi (Paradise). Wabuka, waima a mpulungwido (window) a kukwela muya mumpemo ciindi cilamfu, alimwi walanga kumweka mweka kwa zuba kuli mbuli golide nolibala zuba a zisamu, tuvu a tuvu. ciimwi ciindi zyicita kuti buumi bube buyandisi (precious): busyu bwa mweenzinyoko uyandika nomwaambila kuti kocaala ndaunka, lwiimbo lulweela luzwide minjeya mibotu, kalweendelana akulimvwa kwako, mwana musyonto wakudebbuda luyando.\\nPele amwi mafumo-fumo, nyika ilangika kuba cilawo ciyoosya. Wabuka akujana mitwe ya twaambo mu muteende (newspaper) ubandika bazangi babbolohya mabbomba alo aalemeka mwana antela kumofwaazya, muntu ujaya bantu kakunyina kaambo kateeleleka (serial killer) wajaya umbi muntu waba wa kkumi, bwaambilizi bwanzala, antela kumwaya kwa meenda a muyoba, antela nkondo antela muzunzumina wa nyika (earthquake). Eecii nci ciindi zyintu nozyitateeleleki, kazyinyina munyinsu.\\nHena zyoonse ezyi zyaamba nzi? Hena inga twazabula kaambo kaya koo-Moonga ikakankamanisya alimwi kagambya? Nkaambo nzi ncotuli waano? Hena Leza ulaamakani a buumi bwangu antela ndili cintu nkumunya buyo cinyina munyinsu kuli nguwe?\\n1. LEZA WAKALENGA NYIKA ILONDOKEDE\\nLeza mulengi, waanzika alimwi mwaanzi wa zyintu zyoonse kuzyintu zyipati kampatila kusikila ku mababa a nkonkolekwa (butterfly).\\n\"Kwiinda mu jwi lya Mwami Leza majulu akabambwa - a mulalabungu kwiinda mukuyoya kwa mulomo wakwe...Nkaambo wakakanana, elyo zyakaba, wakaamba ca kukulwaizya elyo zyakaima nci.\" - Ntembauzyo 33:6-9.\\nMwami Leza ukanana buyo elyo zyilengwa zyakwe zyilacita kuyanda kwakwe.\\n2. MAZUBA CISAMBOMWI KULENGA NYIKA\\n\"Mu mazuba cisambomwi Mwami Leza wakalenga majulu alimwi a nyika, lwizyi, alimwi a zyoonse zyili muli nzyinzyo, pele wakalyookezya mu buzuba bwa ciloba (7). Aboobo Mwami waka buleleka buzuba bwa Nsabata a kubusetekanya.\" - Kulonga 20:11.\\nLeza upona kukabe kutamani, Mulengi ujisi nguzu zyoonse naakailenga nyika mukulaba kwa liso \"kwiinda mukuyoya kwa mulomo wakwe.\" Pele Leza wakasala kuti atole mazuba ali cisambomwi (6) kulenga nyika - Leza na kakonzya kwiilenga nyika alimwi a julu mu mamineti (minutes) aali cisambomwi antela minzunzumo (seconds) ili cisambomwi. Mpango mpati yakusaanguna mu Bbaibbele, Matalikilo 1, ila zubulula zyintu mwami Leza nzyaakalenga buzuba a buzuba mu mvwiki ya kulenga.\\nNcilengwa nzi cisumpukide alimwi cijisi mpuwo ncaakalenga Mwami Leza mu buzuba bwa cisambomwi?\\n\"Leza wakalenga muntu mucinkozya cakwe mwini, mu cinkozya cakwe Leza waka mulenga muntu; mulombwana - alimwi a mukaintu wakabalenga.\" - Matalikilo 1:27.\\nLeza wakasala kulenga bantu bakozyanya a nguwe bajisi mizeezo kulimvwa alimwi a kuyanda. Muntu oonse uli bambidwe mu \"cinkozya ca Leza.\"\\nKusika mu buzuba bwa cisambomwi, nyika yakazula zyisyango alimwi a banyama, elyo Mwami Leza wakazyi kulenga cintu ciyandisi alimwi ciinda zyoonse. Kweendelana a Matalikilo 2:7, Leza hinguzu zyoonse wakaubumba mubili wa Adamu kuzwa ku bulongo. Elyo Mwami Leza nakayoyela \"Muuya wa buumi\" mu mpemo zya muntu, wakaba \"muntu upona\" - oku nkokut, muntu wakaba abuumi. Leza wakamupa zyina muntu ngwakasaanguna kulenga mu cinkozya cakwe lya \"Adamu\" ilisandulula kuti \"mulombwana,\" elyo mukaintu wakusanguna, \"Eva\" ilisandulula kuti \"kupona\" (Matalikilo 2:20; 3:20). Mulengi uzwide luyando wakacibona kuti muntu weelede kuba a mulongwe wakwe.\\nNobakazwa mujanza lya Mulengi Leza, ba Adamu alimwi a Eva bakali kutondezya cinkozya ca Leza. Kuti Leza na kayanda, na kalenga muntu unyina mizeezo uli mbuli ci loboti (robot) ka ciingaila mu Muunda wa Edeni kacizulide a kwiimbila Leza nyimbo zya kumutembaula a kumulumbaizya.\\nPele Leza wakali kuyandisyisya kunji kwiinda buyo kulumbaizyigwa: Leza wakali kuyanda bulongwe buzulide. Ma loboti alakonzya ku mweta-mweta, kukanana, alimwi a kusanzya mbale, pele taakonzyi kuyanda.\\nLeza wakatulenga mu cinkozya cakwe, katujisi nguzu zya kuzukauzya alimwi a kusala, kuyeeya (remember), kuteelesyesya, alimwi a kuyanda. Ba Adamu alimwi a Eva bakali bana ba Leza, alimwi Leza wakali kubayanda citaambiki.\\nMVWIKI YA KULENGA\\nBUZUBA BWAKUTAANGUNA: Mumuni, kwaandanya mahikati alimwi a masiku Buzuba\\nBWABILI: Muwo, uuli atala a nyika\\nBUZUBA BWATATU: Nyika njumu alimwi a zyisyango\\nBUZUBA BWANE: Izuba alimwi a Mwezi zyalibonya\\nBUZUBA BWASANU: Bayuni alimwi a nswi\\nBUZUBA BWACISAMBOMWI: Banyama bakalaba anyika alimwi a muntu\\nBUZUBA BWACILOBA: Nsabata\\n3. CIBI CABOOLA KUNYIKA ILONDOKEDE\\nBa Adamu alimwi a Eva bakali jisi zyoonse zyakali kunga zyabapa kukkomana. Maumi abo akali zulide kabotu-kabotu kuzyizo alimwi a kuba a mizeezo mibotu, bakali kupona mu munzi wabo a muunda weebeka kapati mu nyika mwakanyina cakalubide (Matalikilo 2:8; 1:28-31). Leza wakabasyomezya kuba a bana a busongo bwa mizeezo ya kubamba, alimwi a kujana kukkuta ku milimo ya maanza abo (Matalikilo 1:28; 2:15). Bakali jisi bulongwe bwa kulya musalo a Mulengi wabo busyu a busyu. Kunyina kankwisyita ka kulipenzya, kuyoowa antela kuciswa kwaka nyonyoona mazuba a kupona kubotu.\\nHena nyika yakafwambaana buti kusanduka a kuba cilawo cizwide kupenga alimwi a ntenda? Mpango mpati ya bili a yatatu ya Matalikilo zyila-zubulula kaambo koonse mbuli cinyonyoono mbu cakanjila mu nyika. Uzyibale mpango ezyi zyobilo mu ciindi ca kulikwaya.\\nBukosozi bujanika mboobu. Nikwa kainda ciindi cili mbocibede kuzwa ciindi Leza naakabikka nyika ilondokede, Dyabooli wakaboola mu Muunda wa Edeni kuzyi kucenga Adamu alimwi a Eva kuti bamuzangile Mulengi wabo. Leza waka kufwinsya (limited) kuyambukizya kwa Dyabooli ku cisamu comwe ca mu muunda, \"cisamu cakuzyibya kubotu a kubyaabi.\" Elyo wakaba cenjezya bana bukwetene ba kutaanguna kuti batakasweni- sweni munsi acisamu eeci alimwi a kutalya mucelo waco, kuti balya baya kufwa.\\nPele bumwi buzuba Eva wakaingaila a kusika kucisamu ca kakasyigwa. Elyo kufwambaana Dyabooli wakafusa muzeezo wa kucenga. Dyabooli wakati, Leza waka mucenga Eva alimwi akuti nakuba kuti Eva walya mucelo waku cisamu tanaakali kukonzya kufwa, pele wakali kunga ulaba a busongo mbuli Leza lwakwe Mwini, kuzyiba kubotu a kubyaabi. Ca kugambya Eva, alimwi kumane awalo Adamu, ibakazyibide buyo kubotu, bakamuzumizya Dyabooli kuti a bacenge, bakalabila ku mucelo ngubakakahigwa - elyo bakatyola cizuminano cabo a Leza a kusyomana kwabo alimwi a kutamuteelela Leza.\\nLeza wakabikkide bwaanzike bwakuti ba Adamu a Eva \"bayiendelezye\" nyika yesu a kuyiishigwa milimo ya zyilengwa zya Mwami Leza (Matalikilo 1:26). Pele a kaambo kakuti bakacityola cisyomo cabo kuli Leza alimwi a kusala Dyabooli mbuli musololi wabo mupya, aba bana bukwetene baka sowekelwa coolwe ca bweendelezi. Sunu Dyabooli waamba kuti nyika njiyakwe alimwi ulasola a nguzu zyakwe zyoonse kubikka bantu bali munyika mubuzike.\\nNkozyili zyiindi zyinji notulijana kucita zyintu zya kuliyanda antela kujatikizya a kucita zyintu ca munyono kakuli ncotuyanda kucita ncimbi. Nkaambo nzi? Nkaambo kakuti hinkondo wesu uutalibonyi, Dyabooli, ula beleka a nguzu kucita kuti bantu batabi a zyiimo zyibotu.\\nMbubuli mbobala cipati ca Matalikilo 3, uya kuvwumbula masimpe a kuti cinyonyoono cakacita kuti ba Adamu a Eva bayoowe a kulisisa kuzwa mubusyu bwa Leza. Cinyonyoono cakayambukila zyilegwa zyoonse. Mamvwa akalibonya antoomwe a maluba-luba. Abwalo bulongo bwakapenga kuzwa ku ciyuma-yuma, akwalo kubeleka kwakaba kwa kukwelela antunda . Bulwazi bwakatalika kulwana cabuyamba a kutasala. Munyono, bukali, alimwi bulyato zyakaleta kupenga kutaambiki ku bantu. Elyo cisesemya kwiindilila atala a zyoonse, cinyonyoono cakaleta lufu!\\n4. NGUNI OYU DYABOOLI WAKA YAMBUKIZYA NYIKA YESU A CINYONYOONO?\\n\"Wakali MUJAYI kuzwa kumatalikilo,... kunyina masimpe muli nguwe. Nabeja, ulali zubulula mu mulaka wakwabo, nkaambo mubeji alimwi NGUUSYI WA KUBEJA koonse\" (Johane 8:44).\\nKweendelana a mbwaamba Jesu, Dyabooli ncecihiko ca cinyonyoono munyika a julu, \"ngo usyi\" wa cinyonyoono alimwi a bujayi a kubeja.\\nThomas Carlyle, hyaabupampu mumulaka wa cingisi (English Philosopher), lumwi lweendo wakabweza Ralph Waldo Emerson a ku mweenzyenzya mu migwagwa isofweede ya mu Landani (London) nkwali kumamanino lwa kujwe. Mbuubakali kuya bweenda, cakaumu umu kababona cisesemyo ca bubi bwakali kucitika kubazinguluka, kumamanino Carlyle waka buzya, \"Hena lino wakondwa kuti Dyabooli nkwali?\"\\n5.HENA LEZA WAKAMULENGA YABOOLI?\\nPeepe! Leza mubotu takonzyi kulenga Dyabooli. Nakuba boobo Bbaibbele lyaamba kuti Dyabooli, antoomwe a bangele mbaakacenga, bakasowekelwa cilawo cabo mujulu alimwi a kuboola kunyika yesu.\\n\"Elyo lwakaima LUMAMBA (NKONDO) MUKATI KAJULU. Mikaele a bangele bakwe bakalwana cinyama (dragon) acalo CHINYAMA A BANGELE BACO bakaima a kulwana. Pele tiibakajisi nguzu zyinji, elyo BAKA SOWEKELWA CILAWO CABO MU JULU. Cinyama cipati caka sowelwa ansi - uuli ngu muzoka mukulu-kulu utegwa Dyabooli antela Saatani, ucenga a kusowa nyika yoonse. Waka fuswa ansi ano antoomwe abangele bakwe.\" - Cizubuluzyo 12:7-9.\\nHena Dyabooli wakanjila buti kujulu kumatalikilo?\\n\"Wakananikwa mbuli MUNGELE WEEMBELA, nkaambo obo mbundaka kunanika. Wakali a cilundu ca Leza cisetekene, WAKANYINA KAMPENDA MUNZILA ZYAKO ZYOONSE kuzwa ku buzuba MBOOKALENGWA kusikila KUSOFWAALA NIKWAKAJANWA MULI NDIWE.\" - Ezekiele 28:17-15.\\nLeza tanaakalenga Dyabooli, wakalenga Lusifa (Lucifer) mungele ulondokede, uumwi wa basololi akati ka bangele, wakali kwiima munsi-munsi a cuuno ca Mwami Leza. Pele wakabisya - \"kusofwaala kwakajanika muli nguwe.\" Mbuli mbwakatandwa kuzwa kujulu, alimwi akulicengazya kuti mweenzinyina wa Adamu alimwi a Eva, wakaba hinkondonyina mubyaabi kapati a bantu.\\n6. NKAMBONZI LUSIFA OYU MUNGELE ULONDOKEDE, NCAAKABISYA?\\n\"MBUTI MBOOWA KUZWA KUJULU, o ntanda ya cifumo-fumo, o mwana wa kubucedo! WASOWELWA ANSI.... Wakati mu moyo wako, \"ndiya kusumpuka kuya kujulu; ndiya kukkwezyeka cuuno cangu ca bwami atala anyenyenzi zya Leza;... NDIYA KULIBAMBA NDIMWINI KUTI NDIBE MBULI YOOYO UUSUMPUKIDE KAPATI.\" - Isaya 14:12-14.\\nMulengwa wakaba Dyabooli kumatalikilo wakali kwiitwa kuti Lusifa (Lucifer) cisandulula kuti \"Nyenyenzi ya mahikati\" antela \"oyo umwekesya.\" Mu moyo wa mungele oyu, kulinaamuna (vanity) alimwi a kuyandisyisya (ambition) zyakabweza busena bwa kulyaaba kuli Leza. Nyungu ya kulisumpula yaka komena kusikila limwi wa nyonokela cuuno ca Leza.\\nLusifa (Lucifer) uyelede kuti wakabeleka ca nguzu a kusungilizya bangele kulubazu lwakwe. Ncuubauba kuzukauzya mbuli Saatani mbwakali kukazyanya kuti kulielede kuti kaciliko cimwi Leza ncaakali kusisa kuzwa kuli mbabo, alimwi akuti mu mulawo ulondokede kuli zyakali kukazyigwa kucita, alimwi akuti Leza Muleli tabikkili maano (uncaring sovereign). Waka bejelezya yooyo uli a ciimo cizubulula luyando mbuli mbolubede.\\nHena oku kuzwangana mukati kajulu kwakamanwa buti?\\n\"Moyo wako wakazula kulisumpula,… Aboobo ndaka kusowela ansi.\" - Ezekiele 28:17.\\nKulisumpula kwakasandula mupati wa bangele kuba Dyabooli antela Saatani. Elyo kutegwa luumuno alimwi a kukwelela antoomwe kukwabililwe mukati ka julu, Dyabooli antoomwe a cibela comwe kuzwa ku zyibeela zyotatwe zya bangele bakamusangana mukuzanga, bakatandwa (Cizubuluzyo 12:4, 7-9).\\n7. NGUNI WAKA CITALIKA CINYONYOONO?\\nNkaambo nzi Leza ncaatakalenga bantu batakonzyi kucita cinyonyoono? Kuti naaka kucita oku, nikwanyina mpenzi lya cibi mu nyika yesu. Pele Leza wakali kuyanda bantu bakonzya kuba abulogwe anguwe bwini-bwini. Aboobo \"Leza wakalenga muntu mucinkonzya cakwe\" (Matalikilo 1:27).\\nEci caamba kuti tulaangulukide alimwi tulijisi lubazu lwa kucita. Tulakonzya kusala kumuyanda Leza antela kumufutatila Leza. Leza wakapa bangele alimwi a bantu ba misela yoonse, ciwa ca mumoza alimwi a nguzu zya kukonzya kulisalila.\\n\"Amulisalile nobeni sunu oyo ngomuyanda kubelekela.\" - Joshuwa 24:15.\\nLeza ulaba tankanya (challenges) bantu mbaakalenga mucinkozya cakwe kusala kucita kubotu nkambo nguzu zyakuzukauzya (reasoning) a kuba ankuta ya mucamba zyila batondezya kuti \"Nzila ya Leza njiili kabotu.\"alimwi a kucifutatila cintu cilubide nkaambo kakuti nguzu zyakulibeteka omwini zyilakulaya akukutondezya bulumbu bujanwa mukuzanga alimwi a cinyonyoono.\\nZyalikke zyilengwa zyijisi nguzu zyakulibeteka mucamba (reasoning) alimwi a kulisalila zyezyikonzya kuba a kulimvwa kwa luyando lwini-lwini. Leza wakali kuyandisyisya kulenga bantu bakonzya kuteelesyesya alimwi a kukkomanina ciimo cakwe, baangulukidwe kuboola kuli nguwe muluyando, alimwi kabazwide luyando lwa kuyanda bamwi. Leza wakali kuyandisyisya kulwaabana luyando lwakwe boobo cakuti wakalisungula kubweza ntaamu mpati yakali kukonzya kulubila (enormous risk) yakulenga bangele alimwi a bantu bakajisi nguzu zya kulisalila. Leza wakalizyi kuti cakali kukonzyeka kuti bumwi buzuba umwi wazyilengwa zyakwe wakali kunga antela ulasala kukaka kubelekela Leza. Dyabooli wakali wakusaanguna akati ka zyilengwa mujulu a munyika kulisalila kuzanga a kukaka kubelekela Leza. Penzi lipati lya cinyonyoono lyaka talikwa a Dyabooli (Johane 8:44, 1 Johane 3:8).\\n8. CICIINGANO CAKONZYA KU CAANZIKA CINYONYOONO\\nNkaambo nzi ncaataka munyonyoona Lusifa (Lucifer) bulwazi bwa cinyonyoono kabutaninga yandilila? Lusifa waka buteteetezya (challenge\/Teteetete) bululami bwabukosozi bwa mfulumende ya Leza. Waka mubejelezya Leza. Kuti Leza naaka mujaya Lusifa cakufwambaana, bangele nibakatalika kumukomba Leza kwiinda muku muyoowa kutali kwiinda mu luyando. Eci nicakazunda muzeezo wa Leza wa kumatalikilo wakulenga zyilengwa zyijisi nguzu zya kulisalila.\\nMbuti umwi mbwakali kukozya kuzyiba ca lusiinizyo kuti nzila ya Leza nimbotu kwiinda zyoonse? Leza wakamupa Saatani ciindi (chance) cakutondezya mbuli nzila zyakwe mbozyakabede. Nkakaambo aka ncaakapedwa coolwe (opportunity) ca kusunka Adamu alimwi a Eva.\\nEyi nyika caba cilawo cakusunkila ciimo ca Saatani alimwi a bube bwa bulelo bwakwe a kuzikozyanisya a ciimo ca Leza a bube bwa bulelo bwakwe. Hena nguni ululeme? Kumamanino nguni ngotukonzya kusyoma? Bucengi bwa Lusifa bwakali boobo cakuti catola ciindi kuti zyilengwa zya mujulu a munyika zyilamwe (convinced) cakumaninina kuti nzila zya Saatani zyijisi cilijazyo cilibuti. Pele kumamanino omwe-omwe uya kulibonena kuti \"bulumbu bwa cinyonyoono ndufu\" alimwi akuti \"cipego ca Leza mbuumi butamani kwiinda mu Mwami wesu Jesu Klistu\" (Ba Roma 6:23).\\nCilengwa comwe-comwe mukati kajulu a nyika ciya kuzumina kuti:\\n\"Micito yako mipati alimwi ila kankamanisya, Mwami Leza singuzu zyoonse. Zyili luleme alimwi nzyakasimpe nzila zyako, o Mwami wa misela.... Masi oonse aya kuboola alimwi akukukomba, nkaambo micito yako ya bululami ya zubululwa .\" - Cizubuluzyo 15:3-4.\\nBoonse baakumana kuzyibisyisya cilijazyo cili mu cinyonyoono alimwi a bujayi bujanika mu muzeezo (philosophy) wa Saatani, Leza uya kumunyonyauna Saatani alimwi a cinyonyoono. Leza alimwi uya kunyonyauna baabo balukaka luse Lwakwe ca nkazi a kunamatila kunzila zya Saatani.\\nLeza awalo ulayandisyisya kuti alimane penzi lya cinyonyoono alimwi a kupenga mbubwena mbuli mbotuyandisyisya kuti acite. Pele Leza ulalindila ciindi ceelede kutegwa cinyonyoono aci nyonyaude limwi a kuti atupe bukwabilizi mukulisalila kwesu alimwi a kubikka ntaamo yakuti cinyonyoono citakalibonyi kabili alimwi pe.\\nLeza wasyomezya kucijaila-jaila limwi cinyonyoono kukabe kutamaini kwiinda mukulisalazya julu alimwi a nyika a mulilo. \"Kweendelana a cisyomyo cakwe\" tulakonzya kulangila kuciindi ciboola julu lipya alimwi a nyika mpya, munzi waba setekene\" (2 Petro 3:10, 13). Cinyonyoono tacika yambukizyi kabili julu a nyika. Bulumbu bubi bwa cinyonyoono buya kulibonya caantangalala boobo cakuti kuzangila Leza ciya kuba cisesemyo kukabe kutamani a kutamani.\\nNguni ucita kuti kumamanino Dyabooli alimwi a cinyonyoono zyika nyonyoonwe?\\n\"Nkaambo bana bajisi munyefu alimwi a bulowa, awalo Klistu waka bweza lubazu mubuntu bwabo kucita kuti kwiinda mulufu lwakwe akacikonzye kumunyonyoona oyo ujisilide ku nguzu zya lufwu - nkokuti Dyabooli - akuya kubaangulula abo bakali muntolongo ya buzike kumazuba a kupona kwabo nkaambo ka kuyoowa lufu.\" - Ba Hebulayo 2:14, 15.\\nAciciingano bangele alimwi a manyika atakawa bakamubona Saatani mbuli mbwabede ncobeni - mucengi, hikubeja alimwi a mujayi. Aciciingano waka zubulula ciimo cakwe mbuli mbocibede kwiinda muku sungilizya bantu kujaya Mwana a Leza wakanyina mulandu. Boonse bakkala mujulu alimwi a nyika bakalibonena lunya lwa cinyonyoono mbolutajisi munyinsu (senseless). Ciciingano cakakusya \"hyaama-nkwamu (unmasked) kuzwa ku busyu bwa Saatani a kuyandisyisya kwakwe, elyo Leza na mujaya Dyabooli abaabo banamatila ku cinyonyoono, boonse baya kuzumina kuti bukosozi bwa Leza buli luleme.\\nLufu lwa Jesu lwakauyubulula muzeezo wini-wini wa Saatani kumbele a zyilengwa zyoonse (Johane 12:31, 32). Acalo ciciingano caka muzubulula Klistu mbuli mbwabede - Munununi wa nyika. A gologota (Golgotha) nguzu zya luyando zyakaima nci alimwi a kuzundana a kuyandisyisya nguzu (love of power). Ciciingano cakabikka antangalala kakunyina a mubuzyo, kuti luyando ndolusungilizya Leza ciindi nalanga Saatani, cinyonyoono alimwi balombwana a bakaintu babisyi. Aciciingano Klistu wakalutondezya caantangalala luyando Leza ndwapa akubatalweelede amboluzunda Dyabooli. Nkondo mpoyiimvwi mpakuti nguni uti yendelezye nyika, Klistu antela Dyabooli. Elyo ciciingano cakabupa bukosozi kukabe kutamani. Ngu Jesu Klistu usumpukide atala a zyoonse!\\nHena walivwumbuda bulongwe a Munununi wakafwa kutegwa a zubulule luyando Lwakwe lunyina ceelekelo alimwi lutacinci? Nkulimvwa nzi nkojisi kuli yooyo wakaboola kunyika yesu muciimo ca buntu akufwa mubusena bwako kutegwa a kununune kuzwa kubulumbu bwa cinyonyoono? Hena ulakonzya kukotamika mutwe wako ndilyona lino alimwi akumulumba Jesu, akumulomba kweendelezya buumi bwako?","num_words":2344,"character_repetition_ratio":0.052,"word_repetition_ratio":0.0,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Johani 1, Cizuminano Cipya mu Chi Ila (CCI) | Chapter 1 | The Bible App | Bible.com\\nBible LanguageIlaChange Language\\nCCI Cizuminano Cipya mu Chi Ila\\nIzwi Lyaba Muntu wa Mubili\\n1Ku makancilo kakuli Izwi. Inzho Izwi kali antoomwi u Leza, ulimwi Izwi kali Leza. 2Izwi kali u Leza ku makancilo, 3shoonse shintu shakaba kwiita mwakwe, kuti naatakaakwiko nikwaaakwiin a cintu niciba comwi ciliko. 4Bumi kabuli mwakwe, ulimwi bumi kooli mumuni ku bantu boonse. 5Mumuni ulamunika u mushinze, pele mushinze wiina niwakazunda.\\n6 # Mat 3:1; Mk 1:4; Lk 3:1, 2 Kakuli muntu wakatumwa u Leza uutewa ati Johani. 7Johani wakeza kupa bumboni bwa mumuni wezu, kwaamba bantu boonse bashome kwiita mubumboni bwakwe. 8Johani walo ingwe wakaakuli Mumuni, pele wakeza kupa bumboni bwa Mumuni. 9Mumuni mwini mwini wezo uumunikila bantu boonse wakeza mu luundu.\\n10Izwi kali mu luundu, ulimwi luundu lwakalengwa kwiita mwakwe, nikuba bobo bantu bayina nibakamuzhiba. 11Wakeza ku bantu bakwe mwini, pele bantu bayina nibakamutambula pe. 12Pele bantu babo bakamutambula u kumushoma wakabapa insana shakuba banakwe Leza. 13Bayina nibakaba banakwe Leza kwiita mukuzhalwa kuhwa ku mubili, nikuba kuluzando lwa muntu, pele kunsana sha Leza.\\n14Inzho Izwi wakaba muntu, wakazhalwa ku mubili, wakeza kukala akati kesu, ulizwile luse u lushinizho. Uswe twakabubona bulemu bwakwe, bulemu bwashimuzhalwa ice kwa Ushi. 15Johani wakapa bumboni kwiita mumulumbe ngwaakakambauka ati, “Inguwe wezu ngundakaakwaamba ati, ‘Uuzhiza munshi lyangu ulambaala, nkaambo kaliko kale ume ncitana kuzhalwa!’”\\n16Ukaambo kabube bwakwe buzulile, uswe twakatambula luse lunji lunji. 17Nkaambo Leza wakapa Mulawo kwiita mwa Mozesi, pele luse u lushinizho lwakeza kwiita mwa Jeso Kilisito. 18Kwiina naaba womwi wakamubona Leza. Cita Leza ice nana, walo uuli afwaafwi U ushi, nguwakatuzubululila Ushi mbwaabele.\\nBumboni Bwaka Johani Mupapatizhi\\n(Matayo 3:1-12; Maako 1:1-8; Luka 3:1-18)\\n19Mbubobu bumboni mbwaakapa Johani kuba Juda, ciindi nibakatuma bapaizhi u Balevi kuhwa ku Jelusalemu, kwaamba bakamubuzhe ati, “No ndiweni?”\\n20Walo wiina naakakaka, wakabaingula cakushomeka ati, “Indime Kilisito Munanike waka Leza!”\\n21 # Mal 4:5; Ciz 18:15, 18 Ulimwi bakamubuzha ati, “No ndiweni? Sa ndiwe Elaija?” Walo wakaingula ati, “Pe pe indime.” Ulimwi bakamubuzha ati, “Sa uli Mushinshimi?” Ulimwi Johani wakaingula ati, “Pe pe!”\\n22Bakamubuzhisha ati, “Tushimwine, no ndiweni, kwaamba tukabashimwine batutuma.”\\n23 # Aiz 40:3 Johani wakaingula ati, “Ndime wezo ngwaakaamba mushinshimi Aizaya ati,\\n“Kuli uuwolobwezha mulukula ati,\\n‘Amululamike Inzhila ya Mwami!’”\\n24Inzho babo bantu bakatumwa kuba Falisi, 25bakamubuzha ulimwi ati, “No nkaamboonzhi ulapapatiza naa tuli Kilisito, ulimwi tuli Elaija naa Mushinshimi.”\\n26Johani wakabaingula ati, “Ume ndamupapatiza u meenzhi bulyo. Pele akati kenu ngaali ngumutezhi. 27Uzhiza munshi lyangu, walo ngunteelele kuba muzhice wakwaangulula twaanzho twa mpato shakwe.” 28Aza makani oonse akacitikila ku munzhi wa Betani, uuli amutala wa lweenje lwa Joodani, momo Johani mwaakaakupapatiza.\\nMwanaa Mbelele wa Leza\\n29Nibwakaca Johani wakoombona Jeso uleza kwakwe, ngoonaawo wakamwaambila ati, “Amubone Mwanaa Mbelele, uukusha shibi shaluundu! 30Inguwe ngundakaakwaamba ati, Uuzhiza munshi lyangu ulambaala, nkaambo kaliko kale ume ncitana kuzhalwa. 31Ume lwangu cintamwizhi, pele nciceco ncindakezhila kupapatiza u meenzhi kwaamba azubululwe kuba Izilaili.”\\n32Ulimwi Johani wakapa ubumwi bumboni bwakuti, “Ndakabona Moza Usalala uleza buseluka kuhwa kwizeulu ukoya inzhiba, weza wamukala. 33Ume lwangu ncitana kumuzhiba, pele Leza wezo wakantuma kupapatiza u meenzhi wakaŋambila ati, ‘Kufwumbwa muntu nguukabona ulaselukilwa ukukalwa u Moza wa Leza, ati inguwe wezo uupapatiza u Moza Usalala.’ 34Inzho ume ndimwini ndakalibonena, nciceco ncimpela bumboni bwakuti, wezu ngu Mwanakwe Leza.”\\nBa Shiciiya baka Jeso Bataanzhi\\n35Nibwakaca Johani wakaakuzhimine ulimwi u ba shiciiya bakwe bobile. 36Naakamubona Jeso ulaya bweenda wakaamba ati, “Amubone nguwelya Mwanaa Mbelele wa Leza!” 37Ba shiciiya babo bobile nibakaateelela azo makani bakamucilila Jeso. 38Jeso naakacebuka wakababona baleza bumucilila, amane wakababuzha ati, “No mulazandaanzhi?” Bakamwiingula ati, “Labi, anu ulakala kwi?” Labi, cilapandulula ati Mwiiyi. 39Jeso wakaamba ati, “Kamwiza mubone.” Kalili kale lyakumbo, bamane bakaya aze kuya kubona nkwaakaakukala. Bakalibizha koko nkukona nkaambo kalimanine kale izuba. 40Umwi wa babo bobile bakamuteelela Johani naakaakwaamba kali Andulu, munina Saimoni Pita. 41Ndilyona Andulu wakaya kumukapula munina Saimoni, wamwaambila ati, “Twamuyana Munanike waka Leza” leli izwi lilaamba Kilisito. 42Amane wakamutola Saimoni kwa Jeso. Jeso wakamutongomwena wakaamba ati, “Ndiwe Saimoni mwanakwe Johani, pele ulaakutewa ati Kefasi.” Ceci cilaamba ati Pita naa “Mwala.”\\nJeso Mbwaaketa Filipo u Natanyele\\n43Nibwakaca Jeso wakatelaika kuya ku Galilaya, koko nkwaakayana mulombwana uutewa ati Filipo amane wamwita ati, “Ncilila!” 44Filipo kali waku Betisaida koko nkubakaakukala ba Andulu u Pita. 45Filipo wakayana Natanyele, amane wakamwaambila ati, “Twamuyana muntu ngwaakalemba Mozesi mwibuka lya Mulawo. Inguwe nguulembelwe umu mabuka a bashinshimi, ngu Jeso waku Nanzaleta mwanakwe Jozefu.”\\n46Natanyele wakabuzha ati, “Sa amo mu Nanzaleta mulakonzha kuhwa cintu cibotu?” Filipo wakamwiingula ati, “Kweza ukalibonene umwini.”\\n47Inzho Jeso naakamubona Natanyele uleza nkwaabele, wakaamba ati, “Nguwezu muna Izilaili mwini mwini, uutacengi!” 48Natanyele wakoombuzha ati, “No wanzhiba buti?” Jeso wakaingula ati, “Ndaukubwene kale niwaakushite mucinhule ca bukuzu Filipo katana ukwita.”\\n49Ngoonaawo Natanyele wakamwaambila Jeso ati, “Mwiiyi, ndiwe Mwana Leza! Ndiwe Mwami wa Izilaili!”\\n50Jeso wakamwaambila ati, “Sa washoma bobo nkaambo ndakwaambila ati ndakubona niwaakushite mucinhule ca bukuzu? Ulakabona shintu shikando kubaala ali ceci!” 51#Mata 28:12Ulimwi Jeso wakaamba ati, “Cini cini ndamushimwina ati, mulakalibona izeulu liliyalukile u baanjelo baleza balaliza ukuseluka a Mwanaa Muntu.”","num_words":777,"character_repetition_ratio":0.052,"word_repetition_ratio":0.005,"special_characters_ratio":0.198,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 9 | Bbaibbele lili a Intaneti | Bbaibbele lya Busanduluzi Bwanyika Mpya\\nCipenzyo Casanu: zivwube zyafwa (1-7)\\nCipenzyo Cacisambomwe: zyuute kubantu akubanyama (8-12)\\nCipenzyo Caciloba: civwulamabwe (13-35)\\nFarao ulatondezyegwa nguzu zya Leza\\nIzina lya Jehova lyeelede kwaambilizyigwa (16)\\n9 Aboobo Jehova wakaambila Musa kuti: “Koya kuli Farao ukamwaambile kuti, ‘Mboobu mbwaamba Jehova Leza waba Hebrayo: “Leka bantu bangu baunke kutegwa bakandibelekele.+ 2 Pele kuti ukake kubazumizya kuti baunke akuzumanana kubasinkilila, 3 bona! janza lya Jehova+ liyooboola kuzivwubwa zyako zili musyokwe. Mabbiza, mbongolo, nkamela, ŋombe ambelele ziyoosikilwa cilwazi cipati kapati.+ 4 Alimwi masimpe Jehova uyakwaandaanya banyama babana Israyeli abanyama babana Egepita, alimwi kunyina munyama naba omwe wabana Israyeli utiikafwe.”’”+ 5 Kuyungizya waawo, Jehova wakabikka ciindi akwaamba kuti: “Juunza Jehova uyoocicita eeci.” 6 Lino Jehova wakacicita cintu eeci buzuba bwakatobela, alimwi zivwubwa zyamisyobo yoonse zyabana Egepita zyakatalika kufwa,+ pele kunyina munyama naba omwe wabana Israyeli iwakafwa. 7 Lino Farao naakabuzya, wakajana kuti kunyina munyama naba omwe wabana Israyeli iwakafwa. Nokuba boobo, Farao wakazumanana kuyumya moyo wakwe alimwi tanaakabazumizya bantu kuti baunke.+ 8 Eelyo Jehova wakaambila Musa a Aroni kuti: “Amuzuzye maanza aanu amumbwe wamuwondo,* mpoonya Musa awuululule mujulu kumbele lya Farao. 9 Eelyo ulaba lusuko mucisi coonse ca Egepita, alimwi akuba zyuute zibbwalauka amibili yabantu ayabanyama mucisi coonse ca Egepita.” 10 Aboobo bakabweza mumbwe muwondo akwiima kumbele lya Farao alimwi Musa wakawuululula mujulu, mpoonya wakaba zyuute zibbwalauka amibili yabantu ayabanyama. 11 Bapaizi basimasalamuzi tiibakali kukonzya kwiima kumbele lya Musa akaambo kazyuute, nkaambo zyuute zyakakkala amibili yabapaizi basimasalamuzi alimwi ayabana Egepita boonse.+ 12 Pele Jehova wakazumizya moyo wa Farao kuti uyume, alimwi tanaakabaswiilila ba Musa a Aroni mbubonya Jehova mbwaakaambide kuli Musa.+ 13 Mpoonya Jehova wakaambila Musa kuti: “Ubuke mafwumofwumo akuyakwiima kumbele lya Farao, ukamwaambile kuti, ‘Mboobu mbwaamba Jehova Leza waba Hebrayo: “Leka bantu bangu baunke kutegwa bakandibelekele. 14 Nkaambo aciindi eecino ndilatuma zipenzyo zyangu zyoonse kulinduwe, kubabelesi bako akubantu bako, kutegwa uzyibe kuti kunyina uumbi uuli mbuli ndime munyika yoonse.+ 15 Nkaambo kusikila lino nindalitandabikide kale janza lyangu akukuumya cilwazi, yebo abantu bako alimwi nimwalilobede kale anyika. 16 Pele kaambo ncondakulekela kuti kocipona nkakuti: ndikutondezye nguzu zyangu akuti izina lyangu lyaambilizyigwe munyika yoonse.+ 17 Sena ucili ankazi zyakukaka kubazumizya bantu bangu kuti baunke? 18 Lino juunza aciindi nciconya eecino ndizoowisya civwulamabwe cipati kapati, icitanawide mucisi ca Egepita kuzwa nocakaba kusikila lino. 19 Lino kotumya mulomo wakuti bantu balete zivwubwa zyako azintu zyako zyoonse zili musyokwe kuti zinjile muzyaanda. Kufwumbwa muntu naa munyama uutiikajanike musyokwe, uutakaletwi muŋanda, uyoofwa caakumuwida civwulamabwe.”’” 20 Muntu uuli woonse iwakayoowa jwi lya Jehova akati kababelesi ba Farao wakafwambaana kuyobolola babelesi bakwe azivwubwa zyakwe akuzinjizya mumaanda, 21 pele muntu uuli woonse iwatakayoowa jwi lya Jehova wakalekela babelesi bakwe azivwubwa zyakwe musyokwe. 22 Lino Jehova wakaambila Musa kuti: “Tambika janza lyako kujulu, kutegwa civwulamabwe ciwe anyika yoonse ya Egepita,+ ciwide bantu, banyama alimwi azimena ansi zyoonse zyamusyokwe mucisi ca Egepita.”+ 23 Aboobo Musa wakatondeka musako wakwe kujulu, eelyo Jehova wakaleta mizumo acivwulamabwe, amulilo* wakaloka anyika alimwi Jehova wakazumanana kuwisya civwulamabwe acisi ca Egepita. 24 Kwakali civwulamabwe alimwi kwakali mulilo uuvwelene acivwulamabwe. Cakali cipati kapati; taakwe nicakabwenwe cili boobu mucisi coonse ca Egepita kuzwa nocakaba cisi.+ 25 Civwulamabwe cakanyonyoona zintu zyoonse izyakali musyokwe mucisi coonse ca Egepita, kutalikila kumuntu kusikila kubanyama, alimwi cakanyonyoona azimena ansi zyoonse zyamusyokwe.+ 26 Pele buyo munyika ya Goseni imwakali bana Israyeli, momumo mocatakawa civwulamabwe.+ 27 Aboobo Farao wakatumya mulomo wakwiita Musa a Aroni akubaambila kuti: “Lino ndabisya. Jehova uliluleme, alimwi mebo abantu bangu tulilubizizye. 28 Amumukombelezye Jehova kutegwa alesye mizumo yakwe acivwulamabwe. Mpoonya ndilamuleka kuti muunke, tamukoozumanana kukkala kuno pe.” 29 Aboobo Musa wakati kulinguwe: “Ndazwa buyo mumunzi, ndilatambika maanza aangu kuli Jehova. Mizumo ilamana alimwi acalo civwulamabwe cilaleka kuwa, kutegwa uzyibe kuti nyika njiya Jehova.+ 30 Pele ndilizyi kale kuti noliba lino, yebo ababelesi bako tamukooyoowa Jehova Leza.” 31 Lino butonje abbaale zyakanyonyoonwa, nkaambo bbaale yakalisimide kale abwalo butonje bwakalitalikide kale kufwulula. 32 Pele wiiti amaila tiizyakanyonyoonwa pe, nkaambo zyakali kumuka kubizwa. 33 Lino Musa wakazwa kuli Farao akuzwa mumunzi akuyootambika maanza aakwe kuli Jehova. Aboobo mizumo acivwulamabwe zyakaleka, eelyo mvwula yakaleka kuwa anyika.+ 34 Mpoonya Farao naakabona kuti mvwula, civwulamabwe amizumo zyaleka, wakabisya alimwi akuyumya moyo wakwe,+ walo ababelesi bakwe. 35 Aboobo Farao wakazumanana kuyumya moyo wakwe, eelyo tanaakabaleka bana Israyeli kuti baunke, mbubonya mbwaakaambide Jehova kwiinda muli Musa.+\\n^ Bamwi baamba kuti “wamubuvwuni.”\\n^ Ambweni kwaamba ndabo ziyoosya.","num_words":671,"character_repetition_ratio":0.064,"word_repetition_ratio":0.018,"special_characters_ratio":0.174,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 33 IBBAIB63 - Elyo Jehova wakaambila Musa kuti, - Bible Search\\nKulonga 32 Kulonga 34\\nJehova mbwaakasi leke kusindikila bantu bakwe\\n1-Elyo Jehova wakaambila Musa kuti, Amuzwe okuno, yebo abantu mbowagwisya mucisi ca-Egepita, muye munyika njindakakonkezya Abrahamu a-Izaka a-Jakobo cakwaamba kuti, Njooipa lunyungu lwako. 2-Ndatuma angelo kumuzulwida, atande ba-Kanana aba-Amori aba-Hiti aba-Perizi aba-Hivi aba-Jebusi. 3-Kamuya kunyika iikunka malili abuci. Pele mebo nsikooinka akati kanu, pe, nkaambo muli bantu bayumu mumyoyo, Ambweni ngandaba nemujaya munzila.\\n4-Lino bantu nebakamvwa makani aya mabi, bakalila, nkabela katakwe muntu iwakacaala. 5-Nkaambo Jehova wakaambila Musa kuti, Ambila bana ba-Israyeli kuti, Muli bantu bayumu mumyoyo. Na ndeenda akati kanu kaindi kaniini buyo, inga ndamujaya. Lino amusamunune zyakucaula zyanu, nzibe na ndamucitilanzi. 6Nkaambo kako bana ba-Israyeli bakasamununa zyakucaula zyabo kuzwa kucilundu ca-Horebu akuya kunembo.\\n7-Lino Musa wakali kubweza itente akuliyaka anze lyamalabba kulekule, nkabela wakali kulyaamba kuti nditente lyambunganino. Nkabela kufumbwa muntu iwakali kuyandaula Jehova wakaya kutente lyambunganino oko kunze lyamalabba. 8-Lino Musa naakainka kuya kutente, bantu oonse bakali kunyampuka akwiimikila umwi aumwi kumulyango wacilao cakwe, nkabela bakali kulangilizya Musa mane wanjila mutente. 9-Lino Musa naakanjila mutente, musumpululu wajoba wakali kuseluka akwiimikila kumulyango watente, Elyo Jehova wakali kwaambaula a-Musa mpoonya awo. 10Nkabela bantu boonse nebakabona kuti musumpululu wajoba uliimvwi kumulyango watente, bantu boonse bakanyampuka, bakomba, umwi aumwi kumulyango wacilao cakwe. 11-Aboobo Jehova wakali kwaambaula a-Musa kubusyu abusyu mbubonya mbuli muntu mbwaambaula amweenzinyina, Elyo Musa naakapiluka kumalabba, mulanda wakwe mulombe Joshua mwana wa-Nuni, katazwi mutente.\\nMusa bwaakabona bulemu bwa-Leza\\n12-Lino Musa wakaambila Jehova kuti, Bona! Waamba kuti, Gwisya bantu aba, Nekubaboobo tona kundaambila na nguni ngotuya awe. Pele waamba kuti, Ndizi izina lyako, alimwi ulijene luzyalo mumeso aangu. 13-Na ncobeni ndijene luzyalo mumeso aako, kondizibya inzila zyako, nkakuzibe akujana luzyalo mumeso aako. Alimwi bona! Aba bantu musyobo wako. 14-Wakati, Tulaya anywebo, alimwi ndakupa kulyokezya. 15-Wakaamba kuti, na tatwiinki ayebo, utatugwisyi kuzwa ano. 16-Nkaambo kulazibwa buti kuti ndijene luzyalo kumeso aako, mebo abantu bako? Sa: takuli kuya aswe, kuti twaandaane, mebo abantu bako, kubantu boonse bali ansi.\\n17-Mpawo Jehova wakaambila Musa kuti, Cintu eco nciconya ncoamba ndacicita, nkaambo wajana luzyalo kumeso aangu, alimwi ndizi izina lyako. 18-Wakati, Unditondezye bulemu bwako. 19-Wakati, Ndainzya bubotu bwangu boonse kumeso aako, alyalo izina lyangu lya-Jehova ndaliyubulula mumatwi aako. Kufumbwa ngunjanda kweetelela njoomweetelela, akufumbwa ngonjanda kufwida luzyalo njoomufwida luzyalo. 20-Pele wakati, Tokonzyi kubona busyu bwangu pe, nkaambo taakwe muntu uukonzya kubona busyu bwangu akupona. 21Nkabela Jehova wakati, Bona! Busena nkobuli okuno nkombede. Ndakwiimika atala andomba. 22-Lino bulemu bwangu bwanooinda, ndakubika mulwaanzi lwandomba, ndakuvumba ajanza lyangu mane nkaindilile. 23-Ndamana kwiinda ndagwisya ijanza lyangu, aboobo ulabona isule lyangu, pele busyu bwangu tokoobubona pe.","num_words":415,"character_repetition_ratio":0.064,"word_repetition_ratio":0.0,"special_characters_ratio":0.18,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mateyo 1 | TONGA Bible | YouVersion\\nBasikale ba Jesu\\n1Jesu Kilisito buzyalwe bwakwe buzwa ku mwami Devedi a Abulahamu. 2Abulahamu wakazyala Izaka, Izaka wakazyala Jakobo, Jakobo wakazyala Juda, ababunyina. 3Juda wakazyala Pelezi a Zela kuli Tama, Pelezi wakazyala Heziloni, Heziloni wakazyala Lamu. 4Lamu wakazyala Aminadabu, Aminadabu wakazyala Nasyoni, Nasyoni wakazyala Salimoni. 5Salimoni wakazyala Bowazi kuli Lahabu, Bowazi wakazyala Obedi kuli Lute, Obedi wakazyala Jese.\\n6Jese wakazyala mwami Devedi. Lino Devedi wakazyala Solomoni kuli wakali muka Uliya. 7Solomoni wakazyala Lehobowamu, Lehobowamu wakazyala Abija, Abija wakazyala Asa. 8Asa wakazyala Jehosyafati, Jehosyafati wakazyala Jolamu, Jolamu wakazyala Uziya, 9Uziya wakazyala Jotamu, Jotamu wakazyala Ahazi, Ahazi wakazyala Hezekiya. 10Hezekiya wakazyala Manase, Manase wakazyala Amosi, Amosi wakazyala Josiya. 11Josiya wakazyala Jekoniya ababunyina kuciindi cakutolwa kwa Baisilayeli ku Babuloni.\\nBasikale ba Jesu kutalikila ciindi nibakagwisigwa mu bwaange ku Babuloni kusikila kuku zyalwa kwakwe\\n12Lino musule aakutolwa ku Babuloni, Jekoniya wakazyala Syiyalutiyeli, Syiyalutiyeli wakazyala Zelubabeli. 13Zelubabeli wakazyala Abiyudi. Abiyudi wakazyala Eliyakimu, Eliyakimu wakazyala Azo. 14Azo wakazyala Zadoki, Zadoki wakazyala Akimu, Akimu wakazyala Eliyudi. 15Eliyudi wakazyala Eliyazaa, Eliyazaa wakazyala Matani, Matani wakazyala Jakobo. 16Jakobo wakazyala Josefa mulumi wa Maliya, banyina Jesu uutegwa Munanike wa Leza. 17Aboobo mazyalani oonse kuzwa kuli Abulahamu kusikila kuli Devedi akali kkumi aane, alimwi kuli Devedi kusikila kuciindi cakutolwa ku Babuloni kwakali mazyalani aali kkumi aane, alimwi kuzoosika kukuzyalwa kwa Kilisito kwakali mazyalani aali kkumi aane.\\nKuzyalwa kwa Jesu Kilisito\\n18Lino mboobu mbwaakazyalwa Jesu Kilisito. Maliya banyina bakalikkalidwe kuli Josefa, lino kabatana swaangana, kwakajanika kuti Maliya wakalimitide kwiindila munguzu zya Muuya Uusalala. 19Mpawo Josefa mulumaakwe, nikuba kuti wakali muntu uululeme, alimwi mbwaatakali kuyanda kuti amuusye nsoni, wakayeeya kuti amuleke cacuumunizi. 20Nkabela naakacili kuyeeya ceeci, mungelo wa Mwami wakalibonya kuli nguwe muciloto wati, «Josefa, mwanaa Devedi, utayoowi kukwata mukaintu wako, nkaambo eeco ncamitide nca Muuya Uusalala. 21Uyoozyala mwana mulombe ngoti kaulike zina lya Jesu, nkaambo uyoofutula bantu bakwe kuzwa kuzinyonyoono.»\\n22Eezi zyoonse zyakacitika kuti zibe masimpe eezyo Mwami zyaakaamba kwiindila mumusinsimi kuti, 23«Ncobeni musimbi uutazi musankwa uyoomita, akuzyala mwana mulombe nkabela zina lyakwe liyootegwa Imanuweli,» nkokwaamba kuti Leza ulaandiswe.\\n24Ciindi Josefa naakasinsimuka wakacita mbubonya mbuli mungelo wa Mwami mbwaakamulailila, wakakwata mukaintu wakwe. 25Pele taakwe nibakaswaangana, mane kusikila mwana wakatumbukwa, eelyo wakamuulika zina lya Jesu.\\nLearn more about Bbaibele 1996","num_words":350,"character_repetition_ratio":0.092,"word_repetition_ratio":0.0,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 16 IBBAIB63 - Lino kuzwa ku-Elimu imbungano - Bible Search\\nKulonga 15 Kulonga 17\\nBa-Israyeli mbubakasaninwa Mana abakancele\\n1-Lino kuzwa ku-Elimu imbungano yoonse yabana ba-Israyeli yakalonga mane bakasika kunkanda ya-Sini iili akatikati ka-Elimu a-Sinai. Bakasika nkuko mubuzuba bwakumi amusanu bwamwezi wabili nebakamana kusia Egepita. 2-Lino imbungano yoonse yabana ba-Israyeli yakatongaukila Musa a-Aroni oko kunkanda. 3-Bana ba-Israyeli bakabaambila kuti, Necakabota netwakafwa kujanza lya-Jehova kunyika ya-Egepita, netwakali kukala kumbali lyazijikilo zyanyama akulya insima cakukuta, nkaambo watusisya okuno kunkanda kuti ujazye imbungano yoonse inzala.\\n4-Mpawo Jehova wakaambila Musa kuti, Amubone! ndamuwisizya zilyo kuzwa kujulu. Bantu banooya buzuba bumwi abumwi kukubweza caabilo cabuzuba obo, kuti mbasunke, nzibe na banooenda mumulao wangu na pe. 5-Nkabela mubuzuba bwamusanu abumwi, babambe ncibaleta; cilainda kuli ncibabweza mazuba amwi, cilaba camazuba obile. 6-Elyo ba-Musa a-Aroni bakaambila bantu boonse ba-Israyeli kuti, Igoko muyooziba kuti Jehova nguwakamupozya kuzwa kunyika ya-Egepita, 7-alimwi cifumofumo muyoobona bulemu bwa-Jehova, nkaambo wamvwa kutongauka kwanu nkomumutongaukila Jehova, Swebo tuli anzi nemututongaukila? 8-Musa wakati, Jehova ulamupa nyama yakulya kuciindi cagoko, akumukutya insima cifumo, nkaambo Jehova wamvwa kutongauka kwanu nkomututongaukila. Aswebo tuli anzi? Teensi ndiswe mbemutongaukila pe, ngu-Jehova,\\n9Lino Musa wakaambila Aroni kuti, Ambila imbungano yoonse yabana ba-Israyeli kuti, Amuswene afwiifwi kuli-Jehova, nkaambo wamvwa kutongauka kwanu. 10-Nkabela Aroni naakali kwaambila imbungano yoonse yabana ba-Israyeli, bakalanga kunkanda, babona bulemu bwa-Jehova bwaboneka mujoba. 11Lino Jehova wakaambila Musa, 12-wati, Ndamvwa kutongauka kwabana ba-Israyeli, Kobaambila kuti, Ciindi calundindiwana muyoolya nyama, alimwi cifumo muyookuta insima, muzibe kuti ndime Jehova Leza wanu.\\n13-Lino ciindi cagoko kwakasika bakaneele banji, bazuzya malao, alimwi cifumo kwakaboneka mume cakuzyunguluka malao. 14-Elyo mume nowakakunkumuka, kwakaboneka ansi, awo ankanda, tuntu tuniini-niini mbuli caandwa cituba. 15-Bana ba-Israyeli batubone buyo, bakabuzyanya kuti, Ino ntuntunzi otu? Nkaambo kabatezi na ninzi. Nkabela Musa wakavuwa kuti, Ncecilyo Jehova ncamupa kuti mulye. 16-Lino mbuboobu Leza mbwaalailila. Amucibweze, umwi aumwi mbwakonzya kulya. Umwi aumwi abwezele bantu bamuŋanda yakwe, ceelelo caomeri comwe kumuntu umwi aumwi. 17Elyo bana ba-Israyeli bakacita obo. Bamwi bakabweza tunji, bamwi bakabweza tuniini, 18-pele nebakapima aceelesyo, oyo iwakabwezede tunji katajisi twiindilila, ayooyo iwakabwezede tuniini taakwe ncaakabulila. Bakabweza umwi aumwi mbuli kulya kwakwe. 19Mpawo Musa wakabaambila kuti, Kutabi muntu uusi sie kusikila cifumo. 20Neku-baboobo teebakabika myoyo yabo kumajwi aa-Musa. Bantu bamwi bakasia twacifumo, Lino twakaba amvunyu, twanunka, Nkabela Musa wakabakalalila. 21Mazuba oonse bakali kubweza-bweza cifumo, umwi aumwi mbuli kulya kwakwe. Pele izuba nelyakakasaazya, twakeenzunuka.\\n22Lino mubuzuba bwamusanu abumwi bakabweza zipanzi zyobile, nkokuti zyeelelo zyobile kumuntu umwi aumwi. Nkabela basilutwe bambungano nebakasika kuzoolwiida Musa, 23-wakabaambila kuti, Ncencico Jehova ncaakalailila. Junza mbobuzuba bwakulyokezya, buzuba busalalisya bwa-Sabata bwa-Jehova, Kufumbwa ncemuyanda kuyoka, amuciyoke; kufumbwa ncimuyanda kujika amucijike; lino cisyeede amucibambe, cibe cacifumo. 24-Elyo bakacibamba, mbubonya mbuli Musa mbwaakaamba. Teecakabija nekuba kuba amvunyu, pe. 25-Lino Musa wakati, Amucilye sunu, nkaambo sunu mbobuzuba bwa-Sabata bwa-Jehova, Sunu tamukooyoocijana musokwe pe. 26-Mazuba aali musanu abumwi munoobweza, pele buzuba bwamusanu aabili mbobuzuba bwa-Sabata, Tamukoonoojana mubuzuba obo pe. 27Lino nebwakaca buzuba bwamusanu aabili, bamwi bantu bakainka kuti babweze, pele teebakajana pe. 28-Mpoonya awo Jehova wakaambila Musa kuti, Ino mulaleka lili kukaka ku bamba milao yangu ambeta zyangu? 29Amubone! Jehova wamupa buzuba bwa-Sabata. Nkaambo kako mubuzuba bwamusanu aumwi ulamupa zilyo zyamazuba obile. Muntu umwi aumwi akale mpoonya awo mpabede. Kutabi muntu uuzwa kubukalo bwakwe mubuzuba bwamusanu aabili. 30Aboobo bantu bakalyokezya mubuzuba bwamusanu aabili.\\n31-Lino luzubo lwa-Israyeli wakacuulika izina lya-Mana. Cakali mbuli imbuto zyamabele, alimwi cakali kutuba, amucanka waco wakali mbuli tubunge tuvwelene abuci. 32Elyo Musa wakati, Mbuboobu Jehova mbwa-lailila. Zuzya ceelekelo, cibambilwe mazyalani aanu aaciza, kuti babone cilyo ncendakamusanizya munkanda nendakamupozya munyika ya-Egepita. 33-Nkabela Musa wakaambila Aroni kuti, Bweza cilongo, ucizuzye ceelekelo comwe ca-Mana, ucibike kunembo lya-Jehova, cibambilwe mazyalani aanu aaciza. 34-Lino mbubonya mbuli Jehova mbwaakalailila Musa, Aroni wakacibika kunembo lyabbokesi lyacizuminino, cilondolwe. 35-Nkabela bana ba-Israyeli bakali kulya Mana myaka iili makumi one, mane bakasika kunyika iili abantu, Bakali kulya mana mane bakasika kumugaano wacisi ca-Kanana. 36(Ceelelo caomeri ncecipanzi cakumi caefa.)","num_words":612,"character_repetition_ratio":0.073,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ziiyo Zijatikizya Kusamausya Beenzu Alimwi Akupaila | Buumi bwa Jesu\\nZiiyo Zijatikizya Kusamausya Beenzu Alimwi Akupaila\\nJESU WASWAYA MARTA A MARIYA\\nKUZUMANANA KUPAILA KULAYANDIKA\\nKumungenyu wakujwe wa Cilundu ca Maolifa, ikulampa makkilomita aatandila kuli otatwe kuzwa ku Jerusalemu, kuli munzi wa Betaniya. (Johane 11:18) Jesu waunka ooko akunjila muŋanda yabanabunyina bobilo, Marta a Mariya. Balo alimwi amwanookwabo musankwa, Lazaro, mbalongwe ba Jesu, alimwi bamutambula amaanza obilo.\\nNcoolwe cipati kuswaigwa a Mesiya. Marta uliyandide kapati kumusamausya Jesu, aboobo watalika kubamba budodoodo. Ciindi Marta nakutauka, mwanookwabo, Mariya, walo ulikkede kumaulu aa Jesu akuswiilila nzyali mukwaamba. Kabe kaindi, Marta waambila Jesu kuti: “Mwami, sena tokwe makani kuti mwanookwesu wandilekelezya kucita zintu? Komwaambila aboole azoondigwasye.”—Luka 10:40.\\nMuciindi cakumutongooka Mariya, Jesu wapa Marta lulayo akaambo kakubikkila maano kapati kuzintu zyakumubili, ulaamba: “Marta, Marta, ulalibilika akunyonganizyigwa azintu zinji. Pele nzintu buyo zisyoonto ziyandika naa kuti ncomwe buyo. Mariya walo wasala cibeela cibotu, alimwi takanyangwi ncico pe.” (Luka 10:41, 42) Inzya, Jesu watondezya kuti taciyandiki kutola ciindi cinji kapati mukubamba zyakulya zinji. Zyakulya zisyoonto buyo inga zyazulila.\\nMarta ulaamakanze mabotu. Uyanda kusamausya mweenzu. Pele ikulibilika kapati akaambo kazyakulya kumupa kwiindwa malailile aayandika kapati aazwa ku Mwana wa Leza! Jesu wakankaizya kuti Mariya wasala cintu cibotu, calo citiimuletele mpindu iitamani walo, alimwi akutupa ciiyo swebo toonse ncotweelede kuyeeya.\\nAciindi cimbi, Jesu wayiisya ciiyo acimbi iciyandika mbuli ceeci. Sikwiiya umwi wamubuzya kuti: “Mwami, kotuyiisya kupaila mbubonya Johane awalo mbwaakayiisya basikwiiya bakwe.” (Luka 11:1) Jesu wakacita kale oobo imwaka omwe acisela wainda mu Mulumbe wakwe Waacilundu. (Matayo 6:9-13) Nokuba boobo, sikwiiya ooyu ambweni tanaakaliko aciindi eeco, aboobo Jesu wainduluka twaambo tupati-pati. Mpoonya wapa cikozyanyo kutegwa akankaizye mbociyandika kuzumanana kupaila.\\nWaamba kuti: “Atwaambe kuti umwi akati kanu kajisi mweenzinyina eelyo akati kamasiku waunka kulinguwe akumwaambila kuti, ‘Kondigwasya zinkwa zyotatwe musa, nkaambo lino aawa ndaswaigwa mweenzuma umwi uuli mulweendo, pele ndinyina cakumupa.’ Pele ooyo kali muŋanda wamwiingula kuti: ‘Koleka kundikatazya. Mulyango wajalwa kale, alimwi mebo abana bangu basyoonto toona kale. Tandikonzyi kubuka akukupa cintu cili coonse.’ Ndimwaambila kuti, masimpe ulabuka natayandi akumupa zyoonse nzyayanda ikutali akaambo kakuti mweenzinyina, pele akaambo kakuti wazumanana kumukombelezya.”—Luka 11:5-8.\\nAawa Jesu taambi kuti Jehova tayandi kuswiilila kulomba kwabantu, mbuli mweenzinyina wamuntu waambwa mucikozyanyo eeci. Pele utondezya kuti, ikuti mweenzinyina ooyu nokuba kuti tayandi, ulamupa mweenzinyina eeco ncaalomba akaambo kakuzumanana kwakwe, nkokuti masimpe kuti Taateesu wakujulu siluyando uyoobamvwa babelesi bakwe basyomeka nobamulomba camoyo woonse! Jesu wazumanana kuti: “Amuzumanane kulomba, eelyo muyoopegwa nzyomulomba; amuzumanane kuyandaula, eelyo muyoojana; amuzumanane kukonkomona, eelyo muyoojalwidwa. Nkaambo muntu uuli woonse uulomba ulatambula, ooyo uuyandaula ulajana, ayooyo uukonkomona ulajalwidwa.”—Luka 11:9, 10.\\nMpoonya Jesu wakatonkomeka kaambo kwiinda mukupa cikozyanyo causyi mwana, ulaamba: “Sena nkwali usyi akati kanu uunga ikuti mwanaakwe wamulomba nswi, ulamupa nzoka muciindi canswi? Naa ikuti walomba ji, sena ulamupa kabanze? Aboobo ikuti nywebo nokuba kuti muli babi, mulicizyi kubapa zipego zibotu bana banu, nkokuti Taata uuli kujulu uyakwiinda kubapa muuya uusalala aabo ibamulomba!” (Luka 11:11-13) Eelo kaka taciliboteli cisyomezyo eeci cakuti Taateesu uliyandide kutumvwa akutupa nzyotuyandika!\\nIno Marta a Mariya baindana buti muzintu nzyobabikkila maano, alimwi nciiyo nzi ncotwiiya kumakani aaya?\\nNkaambo nzi Jesu ncaainduluka malailile ngaakapa kujatikizya mupailo?\\nIno mbuti Jesu mbwaatondezya mbociyandika kuzumanana kupaila?\\nAmuzyibe kaambo mapenzi aanu ncaatali masyoonto kwaambila Leza.\\nMabala Amusale naa muyanda kukkopa zyakamwaigwa izyakalekkoodwa Jesu—Nenzila, Ngokasimpe, Mbobuumi","num_words":507,"character_repetition_ratio":0.042,"word_repetition_ratio":0.0,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Levitiko 2 IBBAIB63 - Na muntu waletela Jehova cituuzyo - Bible Search\\nMilao yazituuzyo zyabusu\\n1-Na muntu waletela Jehova cituuzyo cabusu, cituuzyo cakwe cibe cabusu bunante, Atile mafuta alincico akubika tununkilizyo twalibano. 2-Lino acilete kubapaizi, bana ba-Aroni; agwisye inkankamanza yabusu bunante amafuta, atununkilizyo toonse, kuti mupaizi azitente azipaililo, zibe ciibalusyo, cipaizyo citentwa cili abweema bubotu bwakubotezya Jehova. 3-Lino eco cisyeede ciyooba ca-Aroni acabana bakwe: ncecipanzi cisalalisya cazipaizyo zitentelwa Jehova.\\n4-Na waleta cituuzyo cabusu ciyokedwe muciko, cibe zinkwa zitakwe bumena zyabusu bunante buvwelene amafuta, na zibunge zitakwe bumena zinanikidwe mafuta. 5Alimwi na cituuzyo cako cabusu ciliyokedwe aciyokelo, cibe cabusu bunante buvwelene amafuta. 6Ucikwamaune akutila mafuta alincico, Ncecipaizyo cabusu. 7Alimwi na cituuzyo cako cabusu cilikangidwe mucikangilo, cibe cabusu bunante amafuta. 8Lino cituuzyo cabusu ncojika azintu ezi, ucilete kuli-Jehova, ucipe mupaizi, acilete kucipaililo. 9-Lino mupaizi agwisye mucituuzyo kapanzi kaciibalusyo, acitente acipaililo, cibe cipaizyo citentwa cili abweema bubotu bwakubotezya Jehova. 10-Lino coonse cisyeede cilaba ca-Aroni acabana bakwe; ncecipaizyo cisalalisya cazipaizyo zitentelwa Jehova.\\n11-Kutabi ne ciba comwe akati kazipaizyo zyabusu nzemuletela Jehova cicitidwe abumena, nkaambo tamweelede kutenta bumena nanka buci muzipaizyo zitentelwa Jehova. 12-Zintu ezi, mulakonzya kuzileta kuliJehova zibe cipaizyo cakabalwebalwe, pele kutenta acipaililo kuti kube bweema bubotezya, mutatenti pe. 13-Zipaizyo zyanu zyabusu zyoonse zilungwe munyo; kutabuliki munyo wacizuminano ca-Leza wanu muzipaizyo zyanu zyabusu; muzipaizyo zyanu zyoonse buyo amulunge munyo.\\n14-Na waletela Jehova cipaizyo cakabalwebalwe cabusu, eco cipaizyo cakabalwebalwe cibe camakunka matete aamumuunda aatwidwe aayokedwe mumulilo. 15Ubike mafuta alincico, atununkilizyo twalibano, Ncipaizyo cabusu. 16Lino mupaizi atente ciibalusyo ca co: tusu atufuta awoonse musamu walibano, Ncipaizyo citentelwa Jehova.","num_words":244,"character_repetition_ratio":0.084,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Paulo wamuzyibya Febi, imubelesi (1, 2)\\nKwaanzya Banakristo baku Roma (3-16)\\nKucenjezyegwa kujatikizya kwaandaana (17-20)\\nKwaanzya kuzwa kubabelesinyina a Paulo (21-24)\\nMaseseke aa Leza azyibwa lino (25-27)\\n16 Ndiyanda kumuzyibya zya Febi mucizyi wesu, uubelekela mumbungano iili mu Kenkreya,+ 2 kuti mumutambule kabotu mu Mwami munzila yeelede basalali, alimwi akuti mumugwasye mumakani aali woonse mwanga wayandika lugwasyo,+ nkaambo awalo wakagwasya bakwesu banji, kubikkilizya andime lwangu. 3 Amundaanzyile Purisika a Akula+ basimilimoma muli Kristo Jesu, 4 ibakalibambilide kukosolwa nsingo akaambo kandime,+ aabo ibalumbwa ikutali andime buyo pele ambungano zyoonse zyabamasi. 5 Alimwi amwaanzye mbungano iili muŋanda yabo.+ Amwaanzye muyandwa wangu Epeneto, ooyo uuli ngomucelo wakusaanguna wa Kristo mu Asiya. 6 Amumwaanzye Mariya, ooyo iwali kumubelekela canguzu. 7 Amumwaanzye Androniko a Juniya ibamukowa wangu+ alimwi baangema, ibaalumi bazyibidwe kapati abaapostolo alimwi ibali kutobela Kristo kwaciindi cilamfwu kwiinda ndime. 8 Amundaanzyile Ampiliyato, muyandwa wangu mu Mwami. 9 Amumwaanzye Uribano similimoma muli Kristo, amuyandwa wangu Sitaku. 10 Amumwaanzye Apele, uusyomeka muli Kristo. Amubaanzye aabo bamuŋanda ya Arisitobulo. 11 Amumwaanzye Herodiona wamukowa wangu. Amubaanzye basikwiiya ba Mwami bamuŋanda ya Narikiso. 12 Amubaanzye ba Turufena a Turufosa, bamakaintu ibabeleka canguzu mu Mwami. Amumwaanzye Pesisi imuyandwa wesu, nkaambo wakabeleka canguzu mu Mwami. 13 Amumwaanzye Rufo uusalidwe mu Mwami, alimwi abanyina ibali mbabamaama andime. 14 Amumwaanzye Asunikrito, Felego, Herme, Patroba, Herma abakwesu balaambabo. 15 Amumwaanzye Filologo a Juliya, Nerea amucizyi wakwe, a Olumpa, alimwi abasalali boonse bali ambabo. 16 Kamwaanzyanya akumyontana kusalala. Ibambungano zya Kristo boonse balamwaanzya. 17 Lino bakwesu ndimukulwaizya kuti mubacenjelele bantu aabo ibaleta kwaandaana azintu eezyo izinga zyalebya bamwi mukwiimpana anjiisyo nzyomwakaiya, alimwi amubatantamuke.+ 18 Nkaambo bantu bamusyobo ooyu tabali bazike ba Mwami wesu Kristo pe, pele mbazike bazisusi zyabo beni,* alimwi kwiinda mumajwi aalweeno alimwi aabumpelenge boongelezya myoyo yabantu batacenjede. 19 Kumvwida kwanu kwazyibwa abantu boonse, aboobo ndilakondwa akaambo kandinywe. Pele ndiyanda kuti mube bantu basongo kuzintu zibotu, pele ibanyina mulandu kuzintu zibi.+ 20 Eelyo Leza uupa luumuno ulapwayaula Saatani+ kunsi aamaulu aanu lino-lino. Iluzyalo lwa Mwami wesu Jesu alube andinywe. 21 Timoteyo, similimoma ulamwaanzya, abalo bamukowa wangu ba Lukiya, Jasoni alimwi a Sosipatero balamwaanzya.+ 22 Andime nde Tertio nendalemba lugwalo oolu ndamwaanzya mu Mwami. 23 Simeenzu wangu Gayo,+ mukamwini ŋanda oomo imuswaanganina mbungano yoonse, ulamwaanzya. Erasito sikuyobola mali* aamunzi ulamwaanzya, alimwi a Kwarito imwanookwabo. 24 *— 25 Lino kuli Leza uukonzya kumuyumya kweelana amakani mabotu ngondaambilizya amukukambaukwa kwa Jesu Kristo, kweelana aciyubunuzyo camaseseke aa Leza+ aakasisidwe kwaciindi cilamfwu, 26 pele lino aayubununwa akuzyibisyigwa kwiinda mu Magwalo aabusinsimi kuli bamasi boonse, kwiinda mukulailila kwa Leza uutamani kutegwa kube kumvwida kwiinda mulusyomo; 27 kuli Leza ooyu uuli ngomusongo alikke,+ akube bulemu kwiinda muli Jesu Kristo mane kukabe kutamani. Ameni.\\n^ Naa “bamada aabo beni.”\\n^ Naa “mubanzi.”","num_words":407,"character_repetition_ratio":0.054,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Myaambo mipya iiliko:Chin (Falam), Ejagham, Susu\\nBwatatu, October 20\\nJehova wakasyomezya kuti unoobalanganya babelesi bakwe basyomeka alimwi ulakkomana kucizuzikizya cisyomezyo eeci. (Int. 31:1-3) Kuyungizya waawo, Jehova ulizyi kuti swebo, mbwaanga tuli cibeela camukwasyi wakwe, tulakonzya kuusa alimwi akutyompwa ikuti katatulanganyi. Wakasyomezya kuti unootupa zintu nzyotuyandika kumubili akumuuya alimwi kunyina icikonzya kumulesya kuzuzikizya cisyomezyo eeco! (Mt. 6:30-33; 24:45) Ciindi notuyeeya twaambo itumupa kuzuzikizya zisyomezyo zyakwe Jehova, tulakonzya kuba alusyomo lwakuti uyootugwasya ciindi notujisi penzi lyakujana mali aayandika. Amubone cikozyanyo ca Banakristo bamumwaanda wamyaka wakusaanguna. Ciindi mbungano iyakali mu Jerusalemu noyakatalika kupenzyegwa kapati, ‘basikwiiya boonse bakamwaika, kwakasyaala buyo baapostolo.’ (Mil. 8:1) Amuyeeye buyo icakacitika akaambo kaceeci. Bukkale bwakayuma! Kweelede kuti Banakristo bakasweekelwa maanda aabo alimwi amakwebo. Nokuba boobo, Jehova kunyina naakabalekelezya; alimwi lukkomano lwabo kunyina nolwakamana. (Mil. 8:4; Heb. 13:5, 6; Jak. 1:2, 3) Jehova wakabagwasya Banakristo aaba basyomeka, andiswe uyootugwasya.—Int. 37:18, 19. w20.01 17-18 ¶14-15","num_words":130,"character_repetition_ratio":0.06,"word_repetition_ratio":0.0,"special_characters_ratio":0.204,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Ndililibambilide Kulikkalila? | Bakubusi Balabuzya\\nAMUBALE MU Afrikaans Albanian Amharic Arabic Armenian Azerbaijani Bislama Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch English Estonian Faroese Fijian Finnish Fon French Georgian German Greek Gun Haitian Creole Hausa Hebrew Hiligaynon Hmong (White) Hungarian Iban Icelandic Iloko Indonesian Isoko Italian Japanese Kazakh Kinyarwanda Kirghiz Kirundi Korean Lingala Lithuanian Macedonian Malay Malayalam Maltese Mambwe-Lungu Myanmar Ndebele (Zimbabwe) Nepali Norwegian Nzema Pangasinan Persian Polish Portuguese Portuguese (Portugal) Romanian Russian Serbian (Cyrillic) Serbian (Roman) Setswana Seychelles Creole Shona Sinhala Slovak Slovenian Spanish Swahili Swedish Tagalog Tatar Telugu Thai Turkish Twi Ukrainian Urhobo Uzbek Vietnamese Yoruba Zulu\\nMuzeezo wakuzwa aŋanda akutalika kulikkalila ulakkomanisya pele alimwi ulayoosya. Ino inga mwazyiba buti kuti mulilibambilide kulikkalila?\\nAmulange-lange twaambo ncomuyanda kulikkalila\\nAmulange-lange mali aayandika\\nMulakonzya kuba atwaambo tunji ncomuyanda kulikkalila, pele andiza twaambo tumbi tatuli kabotu. Mucikozyanyo, mwaalumi umwi uucili mwana wazina lyakuti Mario wakaamba kuti: “Ndakali kuyanda kulonga akaambo kakuti tiindakali kuyanda kubeleka milimo yaaŋanda.”\\nBwini mbwakuti, andiza tamukabi alwaanguluko lunji ikuti mwalonga. Musimbi uujisi myaka iili 18 wazina lyakuti Onya wakaamba kuti: “Ikuti watalika kulikkalila, weelede kulanganya busena mpokkala, kuliyandawida cakulya, kulibbadelela zyoonse ziyandika kakunyina kulangila bazyali kuti bakugwasye!”\\nMasimpe ngakuti: Kutegwa muzyibe naa mulilibambilide kulikkalila, mweelede kuzyiba kaambo ncomuyandila kuzwa.\\nJesu wakaamba kuti: “Nguni akati kanu uuyanda kuyaka ngazi uutasaanguni kukkala ansi akubona mali aayandika, kutegwa azyibe naa ulijisi mali aakkwana kuyasya alimwi akumanizya ngazi eeyo?” (Luka 14:28) Mbuti mbomukonzya ‘kwaabona mali aayandika’ kamutanalonga? Amulilingule mubone mbomucita mumbazu eezyi zitobela.\\nSENA MULACIKONZYA KWAABELESYA KABOTU MALI?\\nBbaibbele lyaamba kuti: ‘Mali alakwabilila.’​—Mukambausi 7:​12.\\nSena mulakatazyigwa kuyobola mali?\\nSena mubelesya mali manji kapati?\\nSena mulaazikwelete zinji?\\nIkuti naa mwaingula kuti inzya kumubuzyo nouba omwe buyo, nkokuti tamukacikonzyi kulikkalila, muyoojana buyo mapenzi!\\n“Mwanookwesu musankwa wakalonga naakakkwanya myaka iili 19. Mumwaka buyo omwe, mali oonse ngaakayobwede akamana, bakamunyanga mootokala, tanaakacili kukonzya kubbadelela zikwelete zyakwe alimwi wakali kukombelezya buya kujoka aŋanda.”​—Danielle.\\nNcomukonzya kucita lino: Amubabuzye bazyali banu naa mumwezi babelesya mali nzi. Ino nzintu nzi nzyobabbadelela? Mali nzi ngobayobola?\\nMasimpe ngakuti: Kuzyiba kwaabelesya kabotu mali lino kulakonzya kumugwasya kulibambila kuyooswaangana amapenzi aamali mwaakulikkalila.\\nSENA MWAAMBILWA BUYA ZYAKUCITA LYOONSE?\\nBbaibbele lyaamba kuti: “Umwi aumwi weelede kunyamuna mukuli wakwe uumugeme.”​—Bagalatiya 6:5.\\nSena mulasumpya kucita zintu?\\nSena bazyali banu beelede kumuyeezya buya kucita milimo yaaŋanda?\\nSena mulamuka kusika aŋanda?\\nIkuti naa mwaingula kuti inzya kumubuzyo nouba omwe buyo, nkokuti ciyoomukatazya kulicitila zintu mwaakulikkalila.\\n“Ciindi nooli olikke, kuli zintu nzyotakkomanini kucita, pele weelede buyo kuzijanina ciindi. Kunyina uuyakukwaambila kuti uzicite zintu eezyo, aboobo weelede kulicitila zintu akuba amulongo mubotu.”​—Jessica.\\nNcomukonzya kucita lino: Kwamwezi oonse, amusole kubeleka milimo minji njomukonzya yaaŋanda. Mucikozyanyo, amusalazye ŋanda, amuliwasyile zisani, amuule ziyandika, amujike cakulya cakumangolezya abuzuba, mpoonya amusanzye mbale mwamana kulya. Eeci ciyoomugwasya kuzyiba nzyomuyakujana mwaakulikkalila.\\nMasimpe ngakuti: Kulicitila zintu kakunyina kwaambilwa buya cilayandika kutegwa mukacikonzye kulikkalila.\\nKuzwa aŋanda kamutalibambilide cili mbuli kusotoka mundeke kamutacizyi kubelesya parashuti\\nBbaibbele lyaamba kuti: “Mweelede kuzigusya zyoonse eezyi kulindinywe: bukali, kunyema, bubi, majwi aakusampaula.”​—Bakolose 3:8.\\nSena mulamvwana abantu boonse?\\nSena muyanda kuti lyoonse bantu kabatobela nzyomuyanda?\\nIkuti naa mwaingula kuti inzya kumubuzyo nouba omwe buyo, nkokuti ciyoomukatazya kukkala amuntu umwi, mane buya andiza angomuyakukwatana limwi.\\n“Kukkala abantu bamwi kwakapa kuti ndibone mondilezya. Ndakaiya kuti kuba akabuko ciindi nondikatede takubakkomanisyi bamwi. Aboobo kuti ndakatala, ndeelede kuzyiba cakucita muciindi cakusyupa bamwi.”​—Helena.\\nNcomukonzya kucita lino: Kamutalikila limwi kumvwana abazyali banu alimwi abanabokwanu. Kayi, mbomubeendelezya lino bantu mbomukkala limwi citondezya mbomunikubeendelezya bantu mbomuyakukkala limwi.\\nMasimpe ngakuti: Kulikkalila kuyandika kulibambila, nkaambo mikuli inooliko lyoonse. Mulakonzya kubandika abantu ibazwidilila kukkala balikke. Amubabuzye naa kuli cintu ncobakaimpya ncobayeeya kuti nobakalizyi nobakacita zintu munzila iimpene. Eeci cilayandika kwaambisya kuti kuli kusala kupati nkomuyanda kucita!\\n“Bakubusi banji bayeeya kuti tacikatazyi kulibbadelela zintu ziyandika. Cilakatazya kujana busena bwakukkala mbokonzya kulibbadelela! Akaambo kakutazyiba twaambo ootu, ibanji balaalilwa kulikkalila mpoonya balajokela kuli bazyali.”​—Dapo.\\n“Kukkala abazyali kulakonzya kumugwasya mukubusi kuti akomene mumizeezo. Bamwi balakonzya kutalika kubeleka milimo minji yaaŋanda, naa kubbadelela zintu naa kujikila mukwasyi. Milimo eeyi misyoonto-syoonto ilakonzya kumugwasya kuti mulibambile kuyoolikkalila kumbele.”​—Ashley.\\nNomweelede Kujokela Kuŋanda","num_words":613,"character_repetition_ratio":0.052,"word_repetition_ratio":0.003,"special_characters_ratio":0.149,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Joshua 8 | Bbaibbele lili a Intaneti | Bbaibbele lya Busanduluzi Bwanyika Mpya\\nJoshua wayubilila Ai (1-13)\\nKuzunda Ai kwazwidilila (14-29)\\nMulawo wabalwa aa Cilundu ca Ebala (30-35)\\n8 Mpoonya Jehova wakaambila Joshua kuti: “Utayoowi nokuba kukankama.+ Bweza basikalumamba boonse akwiinka ku Ai. Bona! Ndaaba mwami wa Ai, bantu bakwe, munzi wakwe anyika yakwe mumaanza aako.+ 2 Weelede kucita munzi wa Ai amwami wawo mbubonya mbookacita munzi wa Jeriko amwami wawo,+ pele mulakonzya kubweza zisaalo abanyama bavwubwa. Amubikke baalumi kuti bauyubilile munzi nkouli kusyule.” 3 Aboobo Joshua abasikalumamba boonse bakanyamuka kuya ku Ai. Eelyo Joshua wakasala basikalumamba basinguzu bali 30,000 akubatuma masiku. 4 Mpoonya wakabalailila kuti: “Nywebo mweelede kuuyubilila munzi nkouli kusyule. Mutaunki kule amunzi pe alimwi nyoonse mweelede kuti kamulibambilide. 5 Mebo abaalumi boonse mbondili limwi tulaunka afwaafwi amunzi, eelyo baboola kuzootulwana mbuli mbobakacitide akusaanguna,+ tulabatija. 6 Baakututandaanya tuyoobasisya kule amunzi, nkaambo bayakwaamba kuti, ‘Batija alimwi mbubonya mbuli kumatalikilo.’+ Tuyootija kuzwa kulimbabo. 7 Mpoonya nywebo mukayubunuke, mukaubweze munzi; alimwi Jehova Leza wanu uyoowaaba mumaanza aanu. 8 Mbomuyakuubwezela buyo munzi, mukawuumpe amulilo.+ Mweelede kucita kweelana ambwaamba Jehova. Mucite mbondamulailila.” 9 Mpoonya Joshua wakabatuma, eelyo bakaunka kubusena bwakuyubila; bakaakuyuba akati ka Beteli a Ai kumbo lya Ai, kakuli masiku ngamunya aayo Joshua wakalikkede antoomwe abasikalumamba mbaakali limwi. 10 Lino Joshua naakabuka kakucili kooko akubunganya basikalumamba, walo antoomwe abaalu bana Israyeli bakasololela basikalumamba ku Ai. 11 Basikalumamba boonse+ mbaakali limwi bakaunka kutozya kumanjililo aamunzi. Bakakkala kumunzi wa Ai nkouli kunyika, alimwi akati kabo amunzi wa Ai kwakali kkuti. 12 Aciindi eeco wakabwezede baalumi basika ku 5,000 akubabikka kuti bayube+ akati ka Beteli+ a Ai kumbo lyamunzi. 13 Aboobo bantu bakabamba nkambi mpati iyakali nkouli kunyika munzi+ alimwi aimbi iyakali musyule kumbo lyamunzi,+ eelyo Joshua wakaunka masiku aayo akati kacibanda. 14 Lino mwami wa Ai naakabona boobo, buzuba bwakatobela walo abaalumi bamumunzi bakafwuma akuunka cakufwambaana kuyoolwana bana Israyeli kubusena bumwi kumbele lyacibanda camunkanda. Pele tanaakalizyi kuti kuli bakamuyubilide kusyule lyamunzi. 15 Lino baalumi ba Ai nobakaboola kulwana, Joshua abana Israyeli boonse bakatija munzila iitozya kunkanda.+ 16 Mpoonya baalumi boonse bamumunzi bakaitwa kuti babatandaanye; lino nobakali kutandaanya Joshua, munzi bakausiya kule. 17 Kunyina mwaalumi wakasyaala mu Ai amu Beteli iwatakaunka kukutandaanya bana Israyeli. Boonse bakaguumukila kuyootandaanya bana Israyeli cakuti munzi bakausiya bukwazi. 18 Lino Jehova wakaambila Joshua kuti: “Tondeka sumo lili mujanza lyako ku Ai,+ nkaambo munzi ooyu ndilawaaba mumaanza aako.”+ Aboobo Joshua wakatondeka sumo lyakali mujanza lyakwe kumunzi wa Ai. 19 Mbwaakatondekela buyo sumo, aabo bakayubide bakasokomoka akutalika kuzuza kunjila mumunzi akuusaala. Bamane cakufwambaana bakawuumpa munzi.+ 20 Lino baalumi bana Ai nibakacebuka, bakabona busi mumunzi kabuuntumuka mujulu alimwi bakabula nguzu zyakutijila kuli koonse. Eelyo bana Israyeli ibakali kutijila kunkanda bakapiluka kuli basikubatandaanya. 21 Mpoonya Joshua abana Israyeli boonse nobakabona kuti basikuyubilila bausaala munzi akubona busi bwamunzi kabuuntumuka, bakapiluka akulwana baalumi bana Ai. 22 Abalo bakali mumunzi bakaboola kubaswaana, cakuti baalumi bana Ai bakaba akati kabana Israyeli, bamwi kulubazu oolu abamwi kulubazu lumbi, eelyo bakabajaya alimwi kunyina wakasyaala naa kutija.+ 23 Pele mwami wa Ai bakamujata+ kacili muumi akumuleta kuli Joshua. 24 Bana Israyeli nobakamanizya kujaya bantu boonse bamu Ai kunkanda ooko nkobakaakusika nobakabatandaanya alimwi boonse nobakamaninina kujaigwa apanga, bana Israyeli boonse bakajokela ku Ai akuyoojaya baabo bakasyeede mulinguwo apanga. 25 Bantu boonse bamu Ai ibakajaigwa buzuba oobo, baalumi abamakaintu, bakasika ku 12,000. 26 Joshua taakwe naakaleka kutondeka sumo ilyakali mujanza lyakwe+ kusikila bana Ai boonse wabanyonyoona.+ 27 Nokuba boobo bana Israyeli bakabweza banyama bavwubwa azisaalo zyamumunzi, kweelana amalailile Jehova ngaakapa Joshua.+ 28 Mpoonya Joshua wakawuumpa munzi wa Ai akuunyonyweeda limwi mane caba citantaala,+ lyakaba tongo kusikila sunu. 29 Wakaanzika mwami wa Ai acisamu kusikila kumazuba, alimwi nolyakali afwaafwi kubbila zuba Joshua wakalailila kuti bakaubweze mutunta wakwe kuzwa acisamu.+ Mpoonya bakuusowela kumulyango wamunzi akulundika mulwi wamabwe atala lyanguwo, ooyu mulwi nkuucili kusikila sunu. 30 Lino aciindi eeco ndendilyo Joshua naakayakila Jehova Leza wa Israyeli cipaililo aa Cilundu ca Ebala,+ 31 mbubonya Musa imubelesi wa Jehova mbwaakalailila bana Israyeli alimwi akweelana ambokulembedwe mubbuku lya Mulawo+ wa Musa: “Cipaililo camabwe aakkwene, aatabezedwe acibulo cili coonse.”+ Alincico bakatuulila Jehova zituuzyo zyuumpwa azipaizyo zyalumvwano.+ 32 Mpoonya amabwe aayo wakalemba Mulawo+ ooyo Musa ngwaakalembede kubusyu bwabana Israyeli.+ 33 Bana Israyeli boonse, baalu babo, basilutwe babo alimwi ababetesi babo bakaliimvwi kumabazu obilo aa Bbokesi kumbele lyabapaizi, iba Levi bakanyamwide bbokesi lyacizuminano ca Jehova. Beenzu alimwi abasicisi bakaliko.+ Cisela cabo cimwi cakaimvwi kumbele lya Cilundu ca Gerizimu, eelyo cisela cimbi cakaimvwi kumbele lya Cilundu ca Ebala,+ (mbubonya Musa imubelesi wa Jehova mbwaakalailila),+ kuti aleleke bana Israyeli. 34 Kuzwa waawo wakabala cakupozya majwi oonse aa Mulawo,+ zilongezyo+ akusinganya,+ kweelana azintu zyoonse zilembedwe mubbuku lya Mulawo. 35 Akati kamajwi oonse Musa ngaakalailila, kunyina jwi noliba lyomwe Joshua ndyaatakabala cakupozya kumbele lyambungano yoonse yabana Israyeli,+ kubikkilizya abamakaintu abana alimwi abeenzu+ ibakali kukkala akati kabo.+","num_words":736,"character_repetition_ratio":0.061,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"4 Imuntu amana kutulingula atubone kuti tuli babelesi ba Kilisito alimwi ababanzi bamaseseke aa Leza. 2 Kunze lyaboobo, kujatikizya makani aaya, iciyandika mubabanzi ncakuti bakajanike kabasyomeka. 3 Lino kulindime tacikwe makani abuniini kuti ndeelede kulingulwa andinywe naa ankuta yabantu. Nondiba ndime tandililinguli ndemwini pe. 4 Nkaambo manjezyeezya aangu alisalede munzila zyoonse. Pele eeci tacindipi kululama pe, pele ooyo undilingula ngu Jehova. 5 Aboobo mutabeteki cintu cili coonse kacitanasika ciindi ceelede, kusikila Mwami akaboole. Walo uyooyubununa zyintu zyamaseseke zicitilwa mumudima akubikka antangalala makanze aamumyoyo yabantu, mpoonya umwi aumwi uyoolumbaizyigwa a Leza kweelana amilimo yakwe. 6 Lino bakwesu, ndaamba zyintu eezyi kujatikizya ndime alimwi a Apolo kububotu bwanu kutegwa kujatikizya ndiswe mwiiye mulawo ooyu wakuti: “Mutaindilili zyintu zilembedwe,” kutegwa mutalisumpuli akubona umwi kuti mubotu kwiinda umbi. 7 Nkaambo ino nguni uukupa kwiindana amuntu umbi? Mubwini, ino ncinzi ncojisi ncowatakapegwa buya? Lino ikuti naa mubwini wakapegwa buya, ino nkaambo nzi ncolidunda mbuli kuti tiiwakapegwa buya? 8 Sena nobaalumi nywebo mwakazijana kale zyoonse nzyomuyandika? Sena mwakavwuba kale? Sena mwakatalika kale kulela kamuli bami swebo katutako? Ncobeni ndiyeeya kuti nocali cibotu ikuti nomwalitalikide kale kulela kamuli bami, kutegwa andiswe tulele katuli bami andinywe. 9 Nkaambo kulindime cilibonya kuti Leza swebo tobatumwa watucita kuba bamamanino kuya acibumbili katuli bantu beelede kufwa, nkaambo twaba ceebezyo mubbuwa lyazisobano kunyika, kubangelo alimwi akubantu. 10 Tuli bafwubafwuba akaambo ka Kilisito, pele nywebo mulicenjede muli Kilisito; tatujisi nguzu, pele nywebo muli anguzu; nywebo mulalumbaizyigwa, pele swebo tulasampaulwa. 11 Nokuba kusikila kuciindi cino tulazumanana kufwa nzala, kufwa nyota, kubula zisani, kudinkaulwa, kutuntulika, 12 alimwi akubeleka milimo iiminya amaanza eesu. Ibantu batutukila, tulabaleleka; notupenzyegwa tulaliyumya cakukkazyika moyo; 13 ibatubejelezya tulabaingula amoyo mubombe; kusikila lino twaba mbuli mafwuse aanyika, mbuli tombe lyazyintu zyoonse. 14 Ndimulembela zyintu eezyi, ikutali kuti ndimuusye nsoni, pele kuti ndimulaye mbuli bana bangu bayandwa. 15 Nkaambo nokuba kuti mulakonzya kuba abasolozi* bali 10,000 muli Kilisito, mubwini tamujisi bamauso banji pe; nkaambo muli Kilisito Jesu ndaba uso kwiinda mumakani mabotu. 16 Aboobo ndimukombelezya kuti mwiiye ndime. 17 Nkakaambo kaako ndimutumina Timoteyo, mbwaanga mwanaangu uuyandwa alimwi uusyomeka mu Mwami; eelyo uyoomwiibalusya nzila zyangu kujatikizya Kilisito Jesu, mbubonya mbondili mukuyiisya mumasena oonse mumbungano imwi aimwi. 18 Bamwi akati kanu balalisumpula mbuli kuti tandikabooli kulindinywe. 19 Pele ikuti kakuli kuyanda kwa Jehova ndilaboola kulindinywe cakufwambaana, alimwi tandikabikkili maano kukuzyiba zyintu nzyobaamba aabo balisumpula, pele kukuzyiba nguzu zyabo. 20 Nkaambo mubuumi bwamuntu, Bwami bwa Leza tabutondezyegwi kwiinda muzyintu nzyaamba pe, pele nkwiinda mukuba anguzu zya Leza. 21 Ino ncinzi ncomuyanda? Sena ndikaboole amusako kulindinywe, naa aluyando alimwi amoyo mubombe?\\n^ Nkokuti, “bantu ibakali kulanganya naa kukwabilila bana.”","num_words":399,"character_repetition_ratio":0.042,"word_repetition_ratio":0.0,"special_characters_ratio":0.165,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amubagwasye Basikwiiya Bbaibbele Kutegwa Babbapatizyigwe — LAIBBULALI YAA INTANETI ya Watchower\\nw21 June map. 2-7\\nAMUMUGWASYE SIKWIIYA KUTI KAZIBELSYA ZINTU NZYAIYA\\nAMUBAZYIBYE BASIKWIIYA KUBAKOMBINYOKO\\nAMUMUGWASYE SIKWIIYA KUCILEKA KUYOOWA\\nCIBALO CAKWIIYA 22\\n“Umwi aumwi wanu abbapatizyigwe.”​—MIL. 2:38.\\nLWIIMBO 72 Kwaambilizya Kasimpe ka Bwami\\n1. Ino bantu ibakali munkamu mpati yamumwaanda wamyaka wakusaanguna bakaambilwa kucita nzi?\\nNKAMU mpati yabaalumi abamakaintu ibakali kuzwa mumasi manji ibakali kwaambaula myaambo iindene-indene yakalibungene. Obuya buzuba kwakacitika cintu cigambya kapati. Ba Juda bamwi cakutayeeyela bakatalika kwaambaula myaambo yabantu ibakazwa mumasi aaindene-indene. Nokuba kuti nkamu eeyi yakagambwa, pele cakabagambya kapati makani ngobakali kwaamba ba Juda aabo alimwi amwaapostolo Petro. Makani akali kubikkilizya mulumbe iwakali kukonzya kubafwutula kuti nobakatondezya lusyomo muli Jesu Kristo. Mulumbe wakabasika amoyo bantu ibakali munkamu. Bantu bakaukkomanina kapati cakuti bakabuzya kuti: “Ino tucite buti?” Mukwiingula, Petro wakabaambila kuti: “Umwi aumwi wanu abbapatizyigwe.”—Mil. 2:37, 38.\\nMukwesu amukaintu wakwe basololela ciiyo ca Bbaibbele kumwaalumi uucili mwana-mwana kubelesya bbuku lya Amupone Kukabe Kutamani! (Amubone muncali 2)\\n2. Ncinzi ncotutiilange-lange mucibalo eeci? (Amubone cifwanikiso icili aacivwumbyo.)\\n2 Cintu citobela icakacitika cilakkomanisya kapati. Bantu babalilwa ku 3,000 bakabbapatizyigwa mubuzuba oobo, akuba basikwiiya ba Kristo. Aaya ngaakali matalikilo aamulimo mupati Jesu ngwaakalailila basikwiiya bakwe kuti kabacita. Mane kusikila asunu basikwiiya bakwe balaucita mulimo ooyu. Mazuba aano, tatukonzyi kugwasya muntu kusika antaamu yakubbapatizyigwa mumaminiti masyoonto buyo. Cilakonzya kutola myezi, mwaka naa kwiinda waawo kutegwa sikwiiya asike ambaakani eeyi. Kuyandika kubeleka canguzu kutegwa muntu abe sikwiiya wa Kristo. Mucibalo eeci, tulalanga-langa ncomukonzya kucita kutegwa mugwasye basikwiiya Bbaibbele kubbapatizyigwa.\\n3. Kweelana alugwalo lwa Matayo 28:19, 20, ncinzi ncayelede kucita sikwiiya kutegwa ayelele kubbapatizyigwa?\\n3 Katanabbapatizyigwa, amumugwasye sikwiiya Bbaibbele kuzibelesya zintu nzyoliyiisya Bbaibbele. (Amubale Matayo 28:19, 20.) Ciindi sikwiiya nazibelesya nzyaiya, uba mbuli “muntu musongo” waambidwe mucikozyanyo ca Jesu iwakasya akuyaka ŋanda yakwe amwala. (Mt. 7:24, 25; Lk. 6:47, 48) Mbuti mbotukonzya kugwasya sikwiiya kubelesya zintu nzyaiya? Atulange-lange zintu zyotatwe nzyotukonzya kucita.\\n4. Mbuti mbotukonzya kugwasya sikwiiya kubelekela ambaakani yakubbapatizyigwa? (Amubone kabbokesi kakuti “Amumugwasye Sikwiiya Kulibikkila Mbaakani Akuzizuzikizya.”)\\n4 Amumugwasye sikwiiya kulibikkila mbaakani. Nkaambo nzi ncomweelede kucita boobu? Atulange-lange cikozyanyo eeci: Kuti kamuunka kubusena kulamfwu amootokala, inga kamuyaabwiima mumasena mabotu. Eeci inga camupa kubona musinzo kuti tauli mulamfwu. Mbubwenya buyo, ciindi sikwiiya Bbaibbele nalibikkila mbaakani zitakatazyi alimwi akuzizuzikizya, ulalangilwa kutalika kubona kuti ayalo mbaakani yakubbapatizyigwa ilakonzyeka. Amubelesye cibeela cakuti “Mbaakani” icili mubbuku lya Amupone Kukabe Kutamani! kugwasya sikwiiya kulibikkila mbaakani. Kumamanino aciiyo cimwi acimwi, amubandike asikwiiya kubona mbaakani njaalibikkila mboikonzya kumugwasya kuzibelesya nzyaaiya. Ikuti nywebo kamujisi mbaakani yiindene ayasikwiiya, amwiilembe acibeela cakuti “Mbaakani Zimbi.” Lyoonse kamucibelesya cibeela eeci kulingula mbaakani zipati-pati alimwi azeezyo zitakatazyi nzyaakalibikkila sikwiiya.\\nAmumugwasye Sikwiiya Kulibikkila Mbaakani Akuzizuzikizya\\n1. Amubandike anguwe mbaakani nzyakonzya kulibikkila\\n2. Amumutondezye ncakonzya kucita kutegwa azizuzikizye mbaakani zyakwe\\n3. Lyoonse amumulumbe akaambo kakuyaambele nkwacita\\n5. Kweelana alugwalo lwa Marko 10:17-22, ncinzi Jesu ncaakaambila mwaalumi muvwubi kucita, alimwi nkaambo nzi?\\n5 Amubagwasye basikwiiya kucinca bukkale bwabo. (Amubale Marko 10:17-22.) Jesu wakalizyi kuti cilakonzya kumuyumina mwaalumi muvwubi kusambala zintu zyakwe zyoonse. (Mk. 10:23) Pele wakaambila mwaalumi kuti acince bukkale bwakwe. Nkaambo nzi? Nkaambo wakali kumuyanda. Zimwi ziindi, tulakonzya kuwayawaya kukulwaizya sikwiiya kubelesya zintu nzyaiya akaambo kakuti swebo tuyeeya kuti talibambilide kucinca. Cilakonzya kutola ciindi kuti bantu basamunune buntu bwabo bwakaindi akusama bupya. (Kol. 3:9, 10) Pele kuti mwafwambaana kumwaambila sikwiiya kuti weelede kucinca bukkale bwakwe, ulakonzya kufwambaana kutalika kucinca. Kwiinda mukuba amibandi iili boobu, mutondezya kuti mulamubikkila maano sikwiiya.—Int. 141:5; Tus. 27:17.\\n6. Nkaambo nzi ncociyandika kubuzya mibuzyo iigwasya kuzyiba mbwayeeya sikwiiya?\\n6 Cilayandika kapati kubuzya sikwiiya mbwayeeya kujatikizya makani ngotubandika. Eeci ciyootugwasya kuzyiba makani ngazyi sikwiiya alimwi akusyoma. Kuti kamucita oobu lyoonse, kumbele ciyoomuubila kubandika makani aakonzya kumukatazya kusyoma sikwiiya. Mubbuku lyakuti Amupone Kukabe Kutamani! kuli mibuzyo minji iigwasya kuzyiba mbwayeeya sikwiiya. Mucikozyanyo, muciiyo 04 kuli mubuzyo wakuti: “Ino muyeeya kuti Jehova ulimvwa buti ciindi nomubelesya zina lyakwe?” Muciiyo 09 muli wakuti: “Nzintu nzi nzyomunga mwayanda kubikkilizya mumipailo yanu?” Ciindi cakusaanguna, cilakonzya kumuyumina sikwiiya kwiingula mibuzyo eeyi. Mulakonzya kumuyiisya sikwiiya kuyeeya magwalo alimwi azifwanikiso zili mubbuku.\\n7. Mbuti mbotukonzya kuzibelesya kabotu zyakuluula zyakacitika ncobeni?\\n7 Ciindi sikwiiya naacizyiba ncayelede kucita, mweelede kubelesya zyakuluula zyakacitika ncobeni kutegwa mumukulwaizye. Mucikozyanyo, kuti sikwiiya kacimuyumina kujanika kumiswaangano, mulakonzya kumutondezya vidiyo yakuti “Jehova Wakandilanganya” iijanika muciiyo 14 mucibeela cakuti “Amuzyibe Zinji.” Muziiyo zinji zyabbuku lyakuti Amupone Kukabe Kutamani!, muyoojana zyakuluula zili boobu mucibeela cakuti “Amwiiye Zinji” naa cakuti “Amuzyibe Zinji.”* Tamweelede kweezyanisya sikwiiya wanu amuntu uumbi kwiinda mukwaamba kuti, “Kuti naa walo wakacikonzya, nkokuti andinywe inga mwacikonzya.” Amuleke sikwiiya alisalile cakucita. Muciindi caboobo, amunomoone twaambo tugaminide itwakagwasya muntu uuli muvidiyo kubelesya ncoliyiisya Bbaibbele. Ambweni mulakonzya kwaamba kaambo komwe kamumagwalo naa cintu cacigaminina cakacitwa. Kuti kacikonzyeka, amukankaizye Jehova mbwaakamugwasya muntu uuli muvidiyo.\\n8. Mbuti mbomukonzya kugwasya sikwiiya kuyanda Jehova?\\n8 Amumugwasye sikwiiya kuyanda Jehova. Munzila nzi? Amujane ciindi cakugwasya sikwiiya wanu kwiiya zinji kujatikizya Jehova. Amumugwasye sikwiiya kubona Jehova kuti ngu Leza uukkomene walo uuyanda kugwasya baabo bamuyanda. (1Tim. 1:11; Heb. 11:6) Amumutondezye sikwiiya kuti ulakonzya kugwasyigwa kwiinda mukubelesya makani ngaiya alimwi akumupandulwida kuti kucita boobu kutondezya luyando ndwajisi kuli Jehova. (Is. 48:17, 18) Sikwiiya wanu uyookulwaizyigwa kucinca bukkale bwakwe ciindi luyando ndwajisi kuli Jehova noluyaabuyuma.—1Joh. 5:3.\\n9. Kweelana alugwalo lwa Marko 10:29, 30, mbuti mbomukonzya kugwasya muntu kwaaba zintu zimwi kutegwa ayelele kubbapatizyigwa?\\n9 Kutegwa ayelele kubbapatizyigwa, sikwiiya Bbaibbele weelede kulyaaba. Mbubwenya mbuli mwaalumi muvwubi waambwa kale, basikwiiya bamwi beelede kwaaba zintu zimwi zyakumubili. Kuti mulimo ngobabeleka taweendelani anjiisyo zyamu Bbaibbele, beelede kujana mulimo uumbi. Banji bakacileka kuyanzana abalongwe ibatamuyandi Jehova. Bamwi bakazondwa abanamukwasyi ibatabayandi Bakamboni ba Jehova. Jesu wakaamba kuti bantu bamwi cilakonzya kubayumina kulyaaba munzila iili boobu. Pele wakasyomezya kuti aabo bamutobela kunyina nobayootyompwa pe. Bayoojana bulumbu bwakuba abanamukwasyi bakumuuya ibajisi luyando. (Amubale Marko 10:29, 30.) Mbuti mbomukonzya kugwasya basikwiiya Bbaibbele kuti bagwasyigwe acipego cibotu eeci?\\n10. Ncinzi ncomwiiya kucakuluula camukwesu Manuel?\\n10 Amube acilongwe asikwiiya wanu. Cilayandika kapati kuti nywebo mumutondezye sikwiiya kuti mulamubikkila maano. Nkaambo nzi? Amubone ncaakaamba mukwesu Manuel, uukkala ku Mexico. Ulayeeya ciindi naakacili sikwiiya Bbaibbele, wakaamba kuti: “Lyoonse katutanaiya, bayi bangu bakali kundibuzya mbondakali kupona. Bakali kundigwasya kulimvwa kwaanguluka akupa kuti kandaanguluka kubaambila makani amwi buyo. Ndakali kulimvwa kuti bakali kundibikkila maano.”\\n11. Mbuti basikwiiya mbobakonzya kugwasyigwa kwiinda mukuyanzana andiswe?\\n11 Amujane ciindi cakuba asikwiiya wanu, mbubwenya Jesu mbwaakali kucita abasikwiiya bakwe. (Joh. 3:22) Kuti kacikonzyeka, amumutambe sikwiiya Bbaibbele uuyaambele kuŋanda yanu, kucakulya naa kuzikweebelela JW Broadcasting yamwezi umwi. Sikwiiya ulakonzya kukkomana kapati kuti mwamutamba, ciindi balongwe bakwe abanamukwasyi nobasekelela mapobwe aatali aamumagwalo kutegwa atalendelelwi. Mukwesu Kazibwe uukkala ku Uganda, wakaamba kuti: “Ndakaiya zintu zinji kujatikizya Jehova kuzwa kubayi bangu ciindi nindakali kuyanzana ambabo mbubwenya mbuli ciindi notwakali kwiiya. Ndakabona Jehova mbwabalanganya bantu bakwe alimwi ambobakkomene. Eeci ncindakali kuyanda mubuumi bwangu.”\\nCiindi nomuunka abasikumwaya baindene-indene kuciiyo ca Bbaibbele, sikwiiya ciyoomuubila kutalika kuswaangana (Amubone muncali 12)*\\n12. Nkaambo nzi ncociyandika kuunka abasikumwaya baindene-indene kuciiyo ca Bbaibbele?\\n12 Amutambe basikumwaya baindene-indene kuciiyo canu. Zimwi ziindi, tulakonzya kulimvwa kuti ncuuba-uba kuunka buyo tolikke kuciiyo naa kuunka buyo asikumwaya ngweena lyoonse. Nokuba kuti inga kacili cuuba-uba kucita boobo, pele sikwiiya Bbaibbele ulakonzya kugwasyigwa kapati, kuti zimwi ziindi katuunka abasikumwaya baindene-indene. Mukwesu Dmitrii uukkala ku Moldova, wakaamba kuti: “Sikumwaya uuli woonse iwakali kuboola abayi bangu kundiyiisya wakali kupandulula zintu munzila iindene. Eeci cakali kundigwasya kubona mbondakali kukonzya zibelesya nzyondakali kwiiya. Alimwi eeci cakandigwasya kutalisenda ciindi cakusaanguna nindakaunka kumuswaangano, kayi twakalibwenene kale abakwesu alimwi abacizyi banji.”\\n13. Nkaambo nzi ncotweelede kugwasya sikwiiya kuti atalike kujanika kumiswaangano?\\n13 Amumugwasye sikwiiya kujanika kumiswaangano yambungano. Nkaambo nzi? Nkaambo Jehova ulailila bakombi bakwe kuti kabaswaangana antoomwe, amana buya ncibeela cabukombi bwesu. (Heb. 10:24, 25) Kuyungizya waawo, bakwesu abacizyi mukwasyi wesu wakumuuya. Notuli antoomwe kumiswaangano, cili mbuli kuti tuli antoomwe aŋanda kwaabana cakulya cinona. Ciindi nomugwasya sikwiiya Bbaibbele kujanika kumiswaangano, mumugwasya kucita cintu ciyandika kapati kutegwa ayelele kubbapatizyigwa. Pele cilakonzya kumukatazya kutalika kujanika kumiswaangano. Mbuti bbuku lya Amupone Kukabe Kutamani! mbolikonzya kumugwasya sikwiiya kuzunda buyumu-yumu buli boonse ibumulesya kujanika kumiswaangano?\\n14. Mbuti mbotukonzya kukulwaizya sikwiiya kutalika kuswaangana?\\n14 Amubelesye ciiyo 10 cabbuku lya Amupone Kukabe Kutamani! kutegwa mukulwaizye sikwiiya wanu. Kalitanamwaigwa bbuku eeli, basikumwaya bacibwene bamwi bakalombwa kubelesya ciiyo eeci kuli basikwiiya babo. Bakaamba kuti cakagwasya kapati kukulwaizya basikwiiya kujanika kumiswaangano. Nokuba boobo, tamweelede kulindila kuti mane mukasike muciiyo 10 nomuya mumutambe kumiswaangano sikwiiya. Amufwambaane kumutamba alimwi akuzumanana kucita oobo. Basikwiiya Bbaibbele balajana mapenzi aaindene-indene. Aboobo amubikkile maano kuzintu nzyayandika sikwiiya wanu, akubona mbomukonzya kumugwasya. Mutatyompwi kuti catola ciindi kutegwa atalike kuswaangana. Amukkazike moyo akuzumanana kumutamba.\\n15. Mbuyoofwu nzi mbobakonzya kuba ambubo basikwiiya besu?\\n15 Sena mulayeeya mbomwakayoowede kuba umwi wa Bakamboni ba Jehova? Ambweni mwakali kuyeeya kuti inga tiimwacikonzya kukambauka kubuleya. Naa ambweni mwakali kuyoowa kuti balongwe naa banamukwasyi balakonzya kumukazya. Kuti mbomwakali kulimvwa oobo, mulakonzya kumumvwisya sikwiiya Bbaibbele wanu. Jesu wakaamba kuti bantu bamwi bakali kuyooba abuyoofwu buli boobu. Nokuba boobo, wakakulwaizya basikumutobela kuti tiibakeelede kulekela buyoofwu kubalesya kubelekela Jehova. (Mt. 10:16, 17, 27, 28) Mbuti Jesu mbwaakagwasya basikumutobela kuzunda buyoofwu bwabo? Alimwi mbuti mbomukonzya kutobela cikozyanyo cakwe?\\n16. Mbuti mbotukonzya kuyiisya sikwiiya kwaambila bamwi zintu nzyaiya?\\n16 Asyoonto-syoonto amumugwasye sikwiiya kutalika kwaambila bamwi nzyasyoma. Kweelede kuti basikwiiya ba Jesu bakali kulibilika ciindi naakabatuma kuyookambauka. Pele Jesu wakabagwasya kwiinda mukubaambila nkobakeelede kukambaukila alimwi amulumbe ngobakeelede kukambauka. (Mt. 10:5-7) Mbuti mbomukonzya kumwiiya Jesu? Amumugwasye sikwiiya kuzyiba nkwakonzya kukambaukila. Mucikozyanyo, amumubuzye naa kuli muntu ngwazyi uukonzya kugwasyigwa kuzyiba kasimpe kamwi kamu Bbaibbele. Mpoonya amumugwasye kulibambila mbwakonzya kwaamba kwiinda mukumutondezya nzila iitakatazyi yakwaambila bamwi kasimpe aako. Kuti kacikonzyeka, mulakonzya kucita citondezyo anguwe kubelesya nzila zyaambidwe ansi aakatwe kamakani kakuti “Bamwi Baamba Kuti” alimwi akakuti “Umwi Inga Wabuzya Kuti,” ituli mubbuku lya Amupone Kukabe Kutamani! Mwamana, amumugwasye sikwiiya kubona mbwakonzya kubelesya Bbaibbele kwiingula munzila nguba-uba acabupampu.\\n17. Mbuti mbotukonzya kubelesya lugwalo lwa Matayo 10:19, 20, 29-31 ciindi notugwasya basikwiiya kusyoma Jehova?\\n17 Amumugwasye sikwiiya kusyoma Jehova. Jesu wakaambila basikwiiya bakwe kuti Jehova wakali kuyoobagwasya nkaambo wakali kubayanda. (Amubale Matayo 10:19, 20, 29-31.) Amumwaambile sikwiiya wanu kuti Jehova uyoomugwasya awalo. Mulakonzya kumugwasya kusyoma Jehova kwiinda mukupaila anguwe kujatikizya mbaakani zyakwe. Mukwesu Franciszek uukkala ku Poland, wakaamba kuti: “Bayi bangu kanji-kanji bakali kuzibikkilizya mbaakani zyangu mumipailo. Nindakabona Jehova mbwaakali kwiingula mipailo yabo, cakufwambaana ndakatalika kupaila. Ndakabona Jehova mbwaakali kundigwasya lyoonse ciindi nondakali kulomba kuti mazuba amwi kanditabeleki kutegwa kandijanika kumiswaangano yambungano alimwi akumuswaangano wacooko.”\\n18. Ino Jehova ulimvwa buti kujatikizya mulimo ngobacita bamayi Banakristo?\\n18 Jehova ulababikkila maano kapati basikwiiya Bbaibbele. Ulalumba kubeleka canguzu nkobacita bamayi Banakristo ikugwasya bantu kuba acilongwe anguwe, alimwi ulabayanda kapati. (Is. 52:7) Kuti kamutajisi ciiyo ca Bbaibbele lino, mulakonzya kugwasya basikwiiya Bbaibbele kweelela kubbapatizyigwa kwiinda mukuunka abasikumwaya bambi kuziiyo zyabo.\\nMBUTI MBOMUKOZYA KUGWASYA SIKWIIYA BBAIBBELE . . .\\nkuzunda penzi lyakuyoowa?\\nLWIIMBO 60 Caamba Buumi Bwabo\\nMucibalo eeci tulalanga-langa Jesu mbwaakagwasya bantu kuba basikwiiya bakwe akubona mbotukonzya kumwiiya. Alimwi tulabandika zibeela zimwi zyabbuku lipya lyakuti Amupone Kukabe Kutamani! Bbuku eeli lyakabambilwa kugwasya basikwiiya Bbaibbele kuyaambele kutegwa babbapatizyigwe.\\nMulakonzya kujana zyakuluula zimbi (1) mu Bbuku Ligwasya Kuvwuntauzya lya Bakamboni ba Jehova ansi aamutwe wamakani wakuti “Bbaibbele,” kumane akatwe kakuti “Mboligwasya Bbaibbele,” mpoonya aamutwe wakuti “‘Ibbaibbele Lilakonzya Kubacinca Bantu’ (Zibalo zitobelene zyamu Ngazi Yamulindizi) ”naa (2) mu JW Library® mucibeela ca Media ansi akatwe kamakani kakuti “Kubuzya-buzya Azyakuluula.”\\nBUPANDULUZI BWACIFWANIKISO: Mukwesu ulaantoomwe amukaintu wakwe ciindi naiya amwaalumi uucili mwana-mwana. Aciindi cimbi, bakwesu baindene-indene bamusangana ciindi nasololela ciiyo.","num_words":1722,"character_repetition_ratio":0.079,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Myeelwe 19 IBBAIB63 - Lino Jehova wakaambila Musa - Bible Search\\nMyeelwe 18 Myeelwe 20\\nKusalazigwa kwamuntu uusofweede nkaambo kamufu\\n1Lino Jehova wakaambila Musa a-Aroni, wati, 2-Ngooyu mulao ngwabikide Jehova, ngwalailide. Wati, Ambila bana ba-Israyeli kuti bakuletele impwizi iisalala imbotu iitakwe kampenda, iitana kubopwa ijokwe. 3-Eyi impwizi amwiipe Eleazara mupaizi, itolwe anze lyamalabba, ijayigwe kubusyu bwakwe. 4-Lino Eleazara mupaizi akombole bulowa amunwe wakwe, asansaile bulowa kulubazu lwakunembo lyatente lyambunganino ziindi zili musanu azibili. 5-Lino impwizi itentwe kumeso aakwe; cikanda cayo anyama yayo abulowa bwayo acifusi cayo, zyoonse zitentwe. 6-Alimwi mupaizi abweze tusamu twakedari amusamu wahisopo atusani tusalala pyu, aziwaale mukati kamulilo nkwiipya impwizi. 7-Amane kucita obo, mupaizi asanzye zyakusama zyakwe akusamba amubili. Amana kusamba, anjile mumalabba, lino mupaizi ulasofwaala mane kusikila kumabbililo aazuba. 8Alakwe sikwiitenta uleelede kusanzya zyakusama zyakwe akusamba amubili, elyo ulasofwaala mane kusikila kumabbililo aazuba. 9-Lino umwi muntu uusalala akukule musizi wampwizi, ausowele mubusena busalala anze lyamalabba. Lino ulabambilwa imbungano yabana baIsrayeli, ube wamaanzi aabusofwi aakusalazya zibi. 10Nkabela oyo muntu uukukula musizi wampwizi, alakwe uleelede kusanzya zyakusama zyakwe akusofwaala mane kusikila kumabbililo aazuba. Ngumulao walyoonse kubana ba-Israyeli akumweenzu uukalakala akati kabo,\\n11-Kufumbwa muntu uuguma mutunta wamuntu ulasofwaala mazuba aali musanu aabili. 12-Uleelede kulisalazya mubuzuba bwatatu amubuzuba bwamusanu aabili, kuti asupuke, Na wabula kulisalazya mubuzuba bwatatu amubuzuba bwamusanu aabili, tasupuki pe. 13-Kufumbwa muntu uuguma mutunta wamuntu naba omwe uufwide, pele talisalazyi, oyo muntu wasofwaazya cikombelo ca-Jehova, lino oyo muntu ulatandwa kuzwa kuba-Israyeli. Takakasansailwa maanzi aakusalazya busofwi, aboobo ulisofweede; busofwi bwakwe mobucili mulinguwe.\\n14Ngooyu mulao wamuntu uufwa mucilao, Kufumbwa muntu uunjila mucilao eco, azintu zyoonse zili mulincico, zyoonse zilasofwaala mazuba aali musanu aabili, 15-Acibelesyo cimwi acimwi cijalukide, citakwe civunisyo, cilasofwaala. 16Kufumbwa muntu uuli musokwe uuguma muntu uujayidwe apanga, nanka mutunta, nanka cifuwa camuntu, nanka kabanda, oyo muntu ulasofwaala mazuba aali musanu aabili. 17Lino kumuntu uusofweede babweze itwe lyacipaizyo cazibi, batile maanzi aaenda mpoonya awo munongo; 18-lino umwi muntu uusalala abweze musamu wahisopo akuunika mumaanzi, asansaile cilao, azibelesyo zyaco zyoonse, abantu boonse ibakali mulincico, akuliyooyo iwakaguma cifuwa na uujayidwe na mutunta na kabanda. 19-Muntu uusalala asansaile muntu uusofweede mubuzuba bwatatu amubuzuba bwamusanu aabili. Lino mubuzuba bwamusanu aabili alisalazye, asanzye zyakusama zyakwe, asambe amubili, nkabela kumabbililo aazuba ulasalala.\\n20-Pele muntu uusofweede uutalisalazyi, oyo muntu ulatandwa kumbungano, nkaambo wasofwaazya cikombelo ca-Jehova; nkaambo takwakasansailwa maanzi aakusalazya busofwi, aboobo ulisofweede, 21Kuyooba mulao walyoonse kulimbabo. Kufumbwa muntu uusansaila maanzi aakusalazya busofwi uleelede kusanzya zyakusama zyakwe; ayooyo uuguma maanzi aakusalazya busofwi ulasofwaala mane kusikila kumabbililo aazuba. 22-Alimwi kufumbwa cintu ncaguma oyo muntu uusofweede, cilasofwaala acalo; amuntu uuciguma ulasofwaala mane kusikila kumabbililo aazuba.","num_words":405,"character_repetition_ratio":0.086,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bacheya basilisi kuchibbadela cha Kariyangwe | uMthunywa\\nBacheya basilisi kuchibbadela cha Kariyangwe\\n08 Oct, 2015 - 10:10 2015-10-08T10:20:48+00:00 2015-10-08T10:20:48+00:00 0 Views\\nIzakhamizi zeKariyangwe zikhuluma ngodubo lokuswelakala kwemigwaqo lamabholoho\\nBALOOKOMBA bantu bazwa kubinga atala azyabuumi bwabo nkambo mulange nchechi chibbadela cha Kariyangwe Mission Hospital tachikwe Dokotela pe alubo basilisi tabakwene pe chilookupa kuti abo bache baliwo bavulilwe amulimu wabalwazi.\\nIpempa lyaMuthunywa lyamvwa kuti kuli basilisi bakayiila mulimu kusika ajulu babili kupela pesi kusilikwa bantu bazwa mumawadi ali musanu alinchicho.\\nAnze akubulika kwabasilisi kulookutegwa minsamu nakuti mapilisi alookubulika muchibbadela echi. Ipempa lyaluundu lyaambuula amwalumi utegwa Michael Mweembe uzwa nkuko waamba kuti basilisi mbache loko achibbadela echi.\\n“Chibbadela chasu chizwide bagwasyi babasilisi, echo chilookupa kuti tujane buyumuyumu nitwachiswa amwi malwazi asisinkene, nkambo ngatabajisi luzibo lumaninide pe.”\\n“Echi chilookutusyupa loko mbuuli bakali bakookuno nkambo malwazi miingi anga azooyinzigwa kunembo alubo bamwi ngawazoofwa nkambo kusilikwa abantu bayeeyela bya kabotu kaluzibo luche” kabapandulula ndeende baMweembe.\\nWiinkilila kunembo kaamba kuti basilisi balaansi amutabi wazyabuponi bubotu bwabantu bavulilwa amulimu.\\n“Tujisi basilisi bobile byo balaansi lwamutabi wazyabuponi bubotu akubbasopwa kabotu kwabana achibbadela chasu echo chilookupa kuti bavulilwe mulimu aboobo ngabazoogwasigwa abagwasyi ma (nurse aid) batajisi luzibo lumaninide pe zipa kuti bantu kabapegwa mapilisi akutontobozya machise byo kakutalangwi akuti muntu unooli uchiswaanzi pe,’’ Kabapandulula baMweembe.\\nSimutola twaambo wayinkilila kunembo wambuula awumwi mukaintu utegwa Julia Muzamba kalookwamba kuti bajisi penzi pati loko akucheya kwabasilisi.\\n“Basilisi mbitulaabo tatubasoli pe, pesi tukumbila fulumende kuti ayungizye bambi basilisi kuchibbadela echi nkambo chibbadela chasu nchipati loko,’’ Kakupandulula baama baMuzamba.\\nKaambula abasimutola twaambo Seneta wabaami bamuchoobwe cha Matebeleland North, BaSimwami Siansali waamba kuti kuyandikana kuyungizigwa bambi basilisi kuchibbadela cha kariyangwe Mission.\\n“Kariyangwe Mission hospital tiijisi dokotela pe alubo basilisi mbache loko nkambo tujisi bantu biingi loko basilikwa mpawo bazwa kumawadi ayinda musanu. Chibbadela chasu chilijisi mawadi akulazika bantu bachiswa aboobo mulimu anga wabavulila basilisi mbitujisi. Nkenkaako nchitukumbila kuli fulumende kuti ayungizizye basilisi alubo atupe dokotela kuchitila kuti bantu bajane lugwasyo afwifwi,’’ kalaamba BaSimwami Siansali.","num_words":299,"character_repetition_ratio":0.078,"word_repetition_ratio":0.0,"special_characters_ratio":0.156,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Tobelezya Bululami aLuzyalo lwaJehova Leza | Ngaziyakulinda Yakwiiya\\nAmusale mulaka Chitonga (Zimbabwe) Njila\\nNgaziyakulinda—Yakwiiya | November 2017\\nBALA MU Acholi Aukan Baoule Batak (Karo) Batak (Simalungun) Batak (Toba) Biak Bislama Cambodian Chin (Hakha) Chitonga (Zimbabwe) Chokwe Chopi Chuabo Dayak Ngaju Drehu English Greenlandic Hmong (White) Iban Javanese Kachin Karen (S'gaw) Kazakh Kikongo Kimbundu Kisi Krio Laotian Lhukonzo Lomwe Macua Maltese Mapudungun Mauritian Creole Mizo Navajo Ndau Ngangela Nias Niuean Nyaneka Nyungwe Quechua (Ayacucho) Quechua (Cuzco) Quichua (Chimborazo) Quichua (Imbabura) Rarotongan Romany (Macedonia) Romany (Macedonia) Cyrillic Romany (Southern Greece) Runyankore Rutoro Sangir Saramaccan Sena Seychelles Creole Sunda Tahitian Tshwa Uighur (Cyrillic) Umbundu Urdu Uruund Wallisian Wayuunaiki Welsh\\nTobelezya Bululami aLuzyalo lwaJehova\\n‘Amubeteke mbeta chabululami bwachoonzyo. Amuchitile umwi awumwi mweenzinyina luse aluzyalo.’—ZEK. 7:9.\\nKUJANA WAPANDULULA BIYENI?\\nKujana twalutobelezya biyeni luzyalo lwaJehova chiindi bamwi nibatukumbila kuti tubalekelele?\\nKujana twatondeezya biyeni kuti tubona buumi mbuli mbabubona Jehova?\\nBaalu nga balabutobelezya biyeni bululami bwaJehova nibalanga-langa makani aamuntu wabisya?\\n1, 2. (a) Jesu wakali kuubona biyeni Mulawu waLeza? (b) Niinzi zyakali kutondeezya kuti balembi abaFarisi teebali kuumvwisisisya pe mulawu?\\nJESU wakali kuuyanda Mulawu waMusa. Eezi tazyeelede kutugambya nkaambo Mulawu ooyu wakazwa kuli Wisi, Jehova. Lugwalo lwaIntembauzyo 40: 8, lutondeezya Jesu mbaakali kuuyandisya Mulawu waLeza. Lwaamba kuti: “Ndakondwa kucita luyando lwako, O Leza wangu, mulao wako uli mumoyo wangu.” Jesu wakatondeezya kuti Mulawu waLeza, ulimaninide, ulagwasya akuti weelede kutobelezegwa kwiinda mumajwi amumichito.—Mt. 5:17-19.\\n2 Jesu taakabotelwa pe naakabona balembi abaFarisi nibakali kubelesya Mulawu waLeza munzila iitali kabotu. Wakabaambila kuti: ‘Mulapaizya cimanyakumi cazisyu zyacisyungwa abboonko ampububu.’ Eezi zyakali kutondeezya kuti bakali kubikkila maanu kapati kutuntu tuniini loko twaMulawu. Kwakali kubi na kuchita oobo? Wakazoobabuzya kuti: “Pele makani mapati aa-Mulawo mulaaleka, nkukuti lubeta [“bululami,” NW] aluzyalo alusyomo.” (Mt. 23:23) BaFarisi bakali kuyandisya kubikkila bantu milawu luzutu. Teebakali kuzimvwisisisya zyaambwa aMulawu alubo bakali kulisumpula. Pesi Jesu wakali kuzimvwisisisya zyakali kwaambwa aMulawu akuti Mulawu wakali kutondeezya mbabede Jehova.\\n3. Tuyoolanga-langaanzi muchiiyo eechi?\\n3 MaKristu tachili aansi aaMulawu waMusa. (Rom. 7:6) Pesi, nkamboonzi Jehova naakapa kuti Mulawu ooyu ulembwe muBbayibbele? Uyanda kuti tumvwisisisye akubelesya “makani mapati,” naa malayilile ajanika muMulawu. Muchikozyano, twiiyaanzi kumabambe amyuunzi yakuyubila? Muchiiyo chakiinda, twakajana zyiiyo kuzwa kuzintu nzyakeelede kuchita sikubisya. Pesi mabambe aamyuunzi yakuyubila atuyiisya zyiingi atala aJehova ambutukonzya kutobelezya bube bwakwe. Muchiiyo eechi, tuyoolanga-langa mibuzyo iitobela: Myuunzi yakuyubila itondeezya biyeni kuti Jehova uli aluzyalo? Itondeezya biyeni kuti buumi bulayandikana kuli Leza? Alubo, itondeezya biyeni kuti Jehova ubeteka chabululami? Twanoolanga-langa mibuzyo eeyi, bona mbukonzya kutobelezya Taateesu wakujulu.—Bala BaEfeso 5:1.\\n‘KUSALA MYUUNZI YAKUYUBILA’ KWAKALI KUTONDEEZYA KUTI LEZA ULI ALUZYALO\\n4, 5. (a) Ngaali mabambe akali kugwasya kuti kutakataazyi kuchijila kumyuunzi yakuyubila, alimwi nkamboonzi nikwakali oobo? (b) Eezi zituyiisyaanzi atala aJehova?\\n4 Myuunzi yakuyubila iili 6 yakali mubusena butakataazyi kuchijila. Jehova wakabuzya maIsrayeli kuti basale myuunzi iitatu kuti ibe mutala amulonga waJordani akuti imwi iitatu ibe mutaleeliya. Nkamboonzi naakabalayilila kuchita oobo? Kuchitila kuti sikubisya afwambaane kusika kuli umwi wamyuunzi eeyo. (My. 35:11-14) Migwagwa yakali kuya nkuko yakabambidwe kabotu. (Dt. 19:3) Kweendelana achiyanza chamaJuda, migwagwa eeyi yakali azitondeezyo zyakali kugwasya sikubisya kuti akonzye kusika kuli umwi wamyuunzi eeyo. Myuunzi yakuyubila yakali kugwasya muIsrayeli wakajeede muntu kuti atachijili kuli chimwi chisi nkaambo kuchita oobo kwakali kukonzya kupa kuti akakombe baleza bakubeja.\\n5 Amuyeeye atala ankani eeyi: Jehova wakalayilila kuti muntu wakajeede umwi wakeelede kujayigwa. Pesi wakaamba kuti muntu wajaya umwi katakanzide, wakeelede kufwidwa luzyalo akukwabililwa. Umwi sikupandulula makani amuBbayibbele wakati: “Makani ali atala amabambe aaya apandulwidwe munzila iili antanganana alubo iimvwisisika, eezi zitondeezya kuti Leza uli aluzyalo.” Jehova tasubuli bakombi bakwe munzila yalunya. Muchiindi chaboobo, ‘nguSibuuya.’—Ef. 2:4.\\n6. BaFarisi bakasiyene biyeni aLeza munkani yakufwida bamwi luzyalo?\\n6 BaFarisi teebakali kufwida bamwi luzyalo. Muchikozyano, kweendelana achiyanza chamaJuda, baFarisi teebakali kumulekelela pe muntu kuti wiindulula chibi chimwi, kwaziindi ziinda zitatu. Jesu wakatondeezya mbubakabede kwiinda mukubelesya chikozyano chamuFarisi wakali kukomba afwiifwi asimutelo. MuFarisi wakakomba kati: “Ndakulumba, O Leza, nkaambo nsili mbuli bantu bamwi,—ababbi abataluleme abasimamambi,—ambuli simutelo oyu.” Jesu wakali kwambaanzi? Wakali kutondeezya kuti baFarisi bakali ‘kusampawula bamwi’ alubo bakali kubabona mbuli kuti tabeeleli kufwidwa luzyalo.—Lk. 18:9-14.\\nKulabawubila na bamwi kuti bakukumbile kuti ubalekelele? Weelede kuba muntu uunjilika (Langa fuka 4-8)\\n7, 8. (a) Kujana wamutobelezya biyeni Jehova kuti umwi wakubisizya? (b) Nkamboonzi kulibombya nikuyandikana kuti tukonzye kulekelela bamwi?\\n7 Tobelezya chikozyano chaJehova kutali chabaFarisi. Fwida bamwi luzyalo. (Bala BaKolose 3:13.) Chita kuti zibawubile bamwi kuti bakukumbile kuti ubalekelele. (Lk. 17:3, 4) Libuzye kuti: ‘Takundikataazyi na kulekelela bamwi nikuba kuti bandibisizya kwaziindi zyiingi? Ndilafwambaana na kubweza ntaamu kuti ndibambulule kutamvwanana?’\\n8 Kulibombya kulayandikana kuti tukonzye kulekelela bamwi. Kulisumpula kwabaFarisi kwakapa kuti bakachilwe kulekelela bamwi. TumaKristu, tweelede kulibombya “akuyeeya kuti mweenzuma mubotu kwiinda ndime” alubo tweelede kubalekelela chakumaninina beenzuma. (Flp. 2:3) Libuzye kuti: ‘Kujana ndachita biyeni kuti nditobelezye chikozyano chaJehova kwiinda mukulibombya akulekelela bamwi?’ Ikuti katulibombya zilakonzya kubawubila bamwi kuti batukumbile kuti tubalekelele. Lekelela bamwi alubo utafwambaani kunyema.—Muk. 7:8, 9.\\nAMULEMEKE BUUMI KUTI “MUTABI AMULANDU WABULOWA”\\n9. Jehova wakabagwasya biyeni maIsrayeli kubona kuti buumi bulayandikana?\\n9 Myuunzi yakuyubila yakali kukwabilila maIsrayeli kuti batabi amulandu wabulowa. (Dt. 19:10) Buumi buyandikana loko kuli Jehova pesi taayandi pe ‘maanza aatila bulowa bwabaabo batakwe mulandu.’ (Tus. 6:16, 17) Mbukunga Leza uliluleme alubo ulasalala, kwakali kumuchisa kufwa kwamuntu uutakwe mulandu nikuba kuti sikumujaya wachita oobo katakanzide pe. Nkinkaako, wakabikka mabambe akuti muntu wajaya umwi katakanzide afwidwe luzyalo. Nikuba boobo, sikujaya wakeelede kubuzya baalu zyakachitika. Ikuti baalu babona kuti wakajaya umwi katakanzide chachoonzyo, sikujaya wakeelede kukkala kumuunzi wakuyubila kusikila mupayizi mupati afwe. Chimwi chiindi, sikujaya wakali kukonzya kukkala mumuunzi wakuyubila kwabuumi bwakwe boonse. Mabambe aaya akagwasya maIsrayeli kubona kuti buumi bulayandikana. Nkinkaako, bakeelede kutondeezya kuti balamulemeka Sikupa buumi kwiinda mukutachita zintu zikonzya kupa kuti umwi muntu afwe.\\n10. Kweendelana amajwi ngakaamba Jesu, balembi abaFarisi bakatondeezya biyeni kuti teebakali kububikkila maanu buumi bwabantu?\\n10 BaFarisi abalembi bakali siyene aJehova nkaambo teebakali kububikkila maanu buumi bwabamwi bantu. Bakali kuzitondeezya biyeni eezi? Jesu wakababuzya kuti: “Mwacitola cijuzyo caluzibo, tamukwe nomwanjila nobeni, abalo abali kunjila mwabakasya.” (Lk. 11:52) Balembi abaFarisi mbabo bakeelede kupandulwida bantu Jwi lyaLeza akubagwasya kuti bakajane buumi butamani. Nikuba boobo, bakali kukasya bantu kuti batobele Jesu, “Mwami wabuumi.” Bakali kuzulwida bantu kulunyonyooko. (Inc. 3:15) Alubo eezi zyakatondeezya kuti bakali kulisumpula akuti teebakali kububikkila maanu buumi bwabantu. Bakali basilunya batakwe luzyalo!\\n11. (a) Mwaapostolo Pawulu wakatondeezya biyeni kuti wakali kubona buumi mbuli mbabubona Jehova? (b) Niinzi chiyootugwasya kuti tusungwaale mumulimu wakukambawuka mbuli mbaakachita mwaapostolo Pawulu?\\n11 Kujana twachita biyeni kuti tutobelezye chikozyano chaJehova kutali chabalembi abaFarisi? Tulakonzya kuchita oobo kwiinda mukulemeka buumi. Mwaapostolo Pawulu wakachita oobo kwiinda mukusungwaala kukambawuka makani mabotu. Nkinkaako wakati: “Ndasalala kubulowa bwabantu boonse.” (Bala Incito 20:26, 27.) Mwaapostolo Pawulu taakali kukambawuka akaambo kakuyoowa kuba amulandu. Pesi wakachita oobo nkaambo wakali kubayanda bantu akuti wakali kubona kuti buumi bwabo bulayandikana. (1 Kor. 9:19-23) Andiswe tweelede kubona buumi mbuli mbabubona Jehova. Uyanda kuti “boonse bajane ciindi cakweempwa.” (2 Pet. 3:9) Tweelede kubayanda bamwi. Ikuti twabafwida luzyalo, ziyoopa kuti tusungwaale mumulimu wakukambawuka akupa kuti tuchite mulimu ooyu katubotelwa.\\n12. Nkamboonzi bakombi baLeza nibeelede kulikwabilila?\\n12 Ikuti tubone buumi mbuli mbabubona Jehova, tweelede kulikwabilila. Tweelede kulikwabilila chiindi nituli kweenda amota, nituli kumulimu, nikuba chiindi nituli kuyaka, kubambulula zimwi zintu anituya kuNg’anda yaBwaami. Tatweelede kubikkila maanu kuti tutabelesyi mali nyingi akuti tufwambaane kumaninsya mulimu pesi katutalikwabilili pe. Tuyanda kutobelezya Leza wesu nkaambo uchita zintu zili kabotu chiindi choonse. Baalu beelede kuzulwida kumakani akulikwabilila aakukwabilila bamwi. (Tus. 22:3) Ikuti mwaalu watuyeezya zimwi nzila zyakulikwabilila, tweelede kumuswiilila. (Gal. 6:1) Ikuti twabona buumi mbuli mbabubona Jehova, ‘tatukabi amulandu wabulowa.’\\n‘AMUBETEKE MBULI MILAO EEYI’\\n13, 14. Muchiindi chamaIsrayeli, baalu bakeelede kuchitaanzi kuti batobelezye bululami bwaJehova?\\n13 Chiindi chamaIsrayeli, Jehova wakalayilila baalu kuti bakeelede kutobelezya chikozyano chakwe chabululami nibakali kubeteka. Chakusaanguna, baalu bakeelede kulanga-langa makani woonse. Mpawo, bakeelede kulanga-langa michito yasikujaya, makanze aakwe anzyaakachita chiindi, kuti babone kuti uleelela na kufwidwa luzyalo. Baalu bakeelede kulangisisya kuti taakamujaya “calusulo” na, naa kuti ‘wakamuyubilila.’ (Bala Myeelwe 35:20-24.) Kwakali kuyandikana bakamboni babili, chiindi kaambo kasikujaya nikakali kulangwa-langwa.—My. 35:30.\\n14 Ikuti baziba zyoonse zyakachitika, baalu bakeelede kulanga-langa mbabede muntu ooyo, kutali mulandu wakwe luzutu. Baalu bakeelede kuba abusongo bwakali kuyoobagwasya kuti bamvwisisisye kaambo kakapa kuti achite oobo. Kwiinda zyoonse, bakeelede kugwasigwa amuuya uusalala uuzwa kuli Jehova kuti batobele chikozyano chakwe kwiinda mukumvwisisisya makani woonse, kuba aluzyalo akubeteka chabululami.—Kul. 34:6, 7.\\n15. Jesu wakasiyene biyeni abaFarisi kunzila njaakali kubabonaayo bantu?\\n15 BaFarisi bakali kubikkila maanu kuchibi chamuntu kutali kulanga mbabede muntu. BaFarisi nibakabona Jesu kali kupobwe, kumuunzi waMatayo, bakabuzya basikwiiya bakwe kuti: “Ino nkaambonzi mufundisi wanu ulalya abasimutelo abasizibi?” Jesu wakabasandula kati: “Teensi baponi bayanda musiliki pe, pele balwazi. Kamuya, mukaiye ncikaamba kapango aka kati, Ncinjanda nduse, teensi cipaizyo pe, nkaambo teensi baluleme mbenzidide kwiita, pele basizibi.” (Mt. 9:9-13) Jesu wakali kwaamba kuti zichitwa abasizibi zili kabotu na? Peepe, nkaambo wakali kubakambawukila kuti beempwe. (Mt. 4:17) Nikuba boobo, Jesu wakalibwene kuti bamwi ‘basimutelo abasizibi’ bakali kuyanda kuchincha. Teebakasika kung’anda yaMatayo kuti bazoolye luzutu “nkaambo bakali banji bakamucilila.” (Mk. 2:15) Chilawusisya kuti baFarisi teebakali kubona bantu mbuli mbakali kubabona Jesu. BaFarisi bakasiyene kule loko aJehova Leza uuli abululami aluzyalo nkaambo teebakali kusyoma kuti bantu balakonzya kuchincha pesi bakali kubabona mbuli basizibi batakwe bulangilizi.\\n16. Baalu bali mukabunga kakubeteka beelede kumvwisisisyaanzi?\\n16 Baalu beelede kutobelezya chikozyano chaJehova ‘uyandisya bululami.’ (Int. 37:28) Chakusaanguna, baalu beelede ‘kubuzya-buzya kabotu-kabotu,’ kuti bazibe kuti kuli chibi chachitwa na. Ikuti bajana kuti kaambo aako nkachoonzyo, beelede kutobelezya malayilile amuBbayibbele chiindi nibasala zyakuchita. (Dt. 13:12-14) Baalu bali mukabunga kakubeteka beelede kubona kuti sikubisya weempwa na chachoonzyo. Teekuuba pe kuchita oobo nkaambo beelede kuziba zili mumoyo wasikubisya akuziba mbachibona chibi nchaakachita. (Ciy. 3:3) Sikubisya weelede kweempwa kuchitila kuti afwidwe luzyalo. *\\n17, 18. Niinzi chikonzya kugwasya baalu kubona kuti muntu weempwa chachoonzyo? (Langa chifanikisyo chili kumatalikilo achiiyo.)\\n17 Jehova aJesu balabona kuti muntu weempwa chachoonzyo nkaambo balazibona zili mumoyo wamuntu. Pesi baalu tabakonzyi kubona zili mumoyo wamuntu. Ikuti kuli mwaalu, kujana wabona biyeni kuti sikubisya weempwa chachoonzyo? Chakusaanguna, weelede kukomba kukumbila busongo abupampu. (1 Bam. 3:9) Chabili, weelede kubelesya Bbayibbele amabbuku apupululwa amuzike uuchenjede alimwi uusyomekede, kuti ubone ‘buusu bwaansi’ ‘abuusu buzwa kwa-Leza,’ chaamba kweempwa amoyo woonse. (2 Kor. 7:10, 11) Alubo, weelede kubala atala azikozyano zili muBbayibbele zyabantu bakeempwa abatakeempwa akubona mbubakalimvwa, nzibakali kuyeeya anzibakachita.\\n18 Chatatu, weelede kuyeeya mbabede muntu, kutali chibi nchakachita. Libuzye kuti: Niinzi chapa kuti abe muchiimo eecho? Nkamboonzi naakasala, kuchita chintu eecho? Nziizili zintu nzyakonzya anzyatakonzyi kuchita? Bbayibbele lyakaambilizya mbayoobeteka Jesu silutwe wambungano yamaKristu. Lyakati: “Takooyoobeteka kukuyeeya zintu ziboneka kumeso buyo, nikuba kukosola makani cakuzuminina majwi ngaamvwa kumatwi buyo. Uyoobeteka bacete cakululama, akukosweda batengwana banyika makani aaelede.” (Is. 11:3, 4) Nibaalu, Jesu wakasala ndinywe kuti mulanganie mbungano yakwe alubo uyoomugwasya kuti mutondeezye bululami aluzyalo chiindi nimubeteka. (Mt. 18:18-20) Nchilongezyo chipati kuba abaalu batulangania! Batugwasya kuti tutondeezyanie luzyalo akuchitilana chabululami.\\n19. Nziizili zyiiyo nzuwajana kumabambe amyuunzi yakuyubila?\\n19 Mulawu waMusa utugwasya kuti tube “aluzibo alusinizyo.” Milawu eeyi ituyiisya atala aJehova amalayilile aakwe. (Rom. 2:20) Myuunzi yakuyubila iyiisya baalu mbubakonzya ‘kubeteka imbeta chabululami bwachoonzyo’ alubo ilatugwasya toonse kuti tube ‘aluse aluzyalo’ kuli umwi awumwi wesu. (Zek. 7:9) Nikuba kuti tatuchili aansi aMulawu pesi Jehova tachinchi pe. Uli aluzyalo alubo uchibeteka chabululami. Nchilongezyo chipati kukomba Leza uli boobu. Toonse tweelede kutobelezya bube bwakwe akuyubila kuli nguwe.\\n^ par 16 Langa chibalo chiti: “Mibuzyo Yabasikubala” mumagazini iitegwa The Watchtower, yamuSeptember 15, 2006, aapeji 30.\\nUlikuyubila Kuli Jehova Na?\\nTantamuka Muuya Wanyika\\nUtazumizyi Kufumbwa Chintu Kuti Chikukachizye Kuyoojana Bulumbu\\nText Sala naa uyanda kukkopa zyakamwayigwa zilekkodedwe NGAZIYAKULINDA—YAKWIIYA November 2017\\nNGAZIYAKULINDA—YAKWIIYA November 2017","num_words":1751,"character_repetition_ratio":0.055,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kukondwa Akaambo Kasizibi Iweempwa | Buumi bwa Jesu\\nKukondwa Akaambo Kasizibi Iweempwa\\nCIKOZYANYO CAMBELELE IISWEEKEDE ALIMWI ACAMALI AANSILIVA AASWEEKA\\nBANGELO KUJULU BALAKONDWA\\nAziindi ziindene-indene mumulimo wakwe, Jesu wali kukankaizya mbokuyandika kulicesya. (Luka 14:8-11) Uliyandide kapati kujana baalumi abamakaintu ibayanda kubelekela Leza cakulicesya. Kusikila ino, bamwi akati kabo ambweni bacili basizibi bakatazyide.\\nBa Farisi alimwi abalembi babona kuti bantu bali boobu—ibantu mbobabona kuti tabako mulimo—baboola kuli Jesu alimwi bayanda kumvwa mulumbe wakwe. Aboobo batongooka kuti: “Muntu ooyu ulabatambula basizibi akulya ambabo.” (Luka 15:2) Ba Farisi alimwi abalembi balimvwa kuti balisumpukide kapati alimwi babona bantu buyo mbuli kuti ndidooti lili kunsi aamaulu aabo. Ikutondezya mbobanyansya bantu bali boobu, basololi aaba babelesya bbala lya Chihebrayo lyakuti ‛am ha·’aʹrets, nkokuti “bantu baansi” ikwaamba mbabo.\\nIkwiindana ambabo, Jesu ulabalemeka bantu boonse alimwi ulabacitila kabotu akubafwida lubomba. Aboobo, ibunji bwabantu-bantu buyo, kubikkilizya abaabo bazyibidwe kuti mbaasizibi, baliyandide kapati kumuswiilila Jesu. Pele ino Jesu ulimvwa buti alimwi wacita buti nobamutongooka akaambo kakugwasya bantu-bantu buyo bali boobu?\\nIbwiinguzi bwalibonya ciindi naapa cikozyanyo cinjila mumoyo, icikozyenye aceeco ncaakapa musyule oomu ku Kapernauma. (Matayo 18:12-14) Jesu waamba mbuli kuti ba Farisi baliluleme alimwi baliliibide mubutanga bwa Leza. Mpoonya bantu-bantu buyo baambwa mbuli kuti balileyede alimwi balisweekede. Jesu wati:\\n“Muntu nzi akati kanu uujisi mbelele zili 100 uunga, ikuti wasweekelwa yomwe takonzyi kusiya zili 99 munkanda akwiinka kuyooyandaula yeeyo yasweeka kusikila mane aijane? Eelyo aijana ulaibikka amagwezyo akukondwa. Lino asika kuŋanda ulaita balongwe bakwe abasimukobonyina antoomwe akubaambila kuti, ‘Amusekelele andime, nkaambo ndaijana mbelele yangu yasweekede.’”—Luka 15:4-6.\\nIno Jesu wacibelesya buti cikozyanyo eeci? Wapandulula kuti: “Ndimwaambila kuti mbubonya buyo, kuyooba kukondwa kupati kujulu akaambo kasizibi omwe weempwa ikwiinda akaambo kabaluleme bali 99 batayandiki kweempwa.”—Luka 15:7.\\nMakani aakweempwa ngaamba Jesu ayelede kubapa kukkala ansi kuyeeya ba Farisi. Balibona kuti baliluleme, aboobo bayeeya kuti tabayandiki kweempwa. Bamwi akati kabo nobakamutongooka Jesu myaka yobilo yainda akaambo kakuti wakali kulya abasimutelo alimwi abasizibi, wakabaambila kuti: “Ndakaboolela kwiita basizibi ikutali bantu baluleme.” (Marko 2:15-17) Ba Farisi ibalibona kululama baalilwa kubona kuti bayandika kweempwa, aboobo tabapi kuti kube lukkomano kujulu. Pele basizibi nobeempwa ncobeni kulaba kukondwa kapati kujulu.\\nIkukankaizya kaambo nkaamba kakuti ikupilusyigwa kwabasizibi basweekede kupa kukondwa kapati kujulu, Jesu waamba cikozyanyo acimbi, calo cijatikizya bukkale bwaaŋanda, wati: “Mukaintu nzi uujisi mali aansiliva aali kkumi uunga, ikuti wasweekelwa yomwe takonzyi kuyasya lambe akukukula muŋanda yakwe akuyandaula kabotu-kabotu kusikila mane aijane nsiliva eeyo? Eelyo aijana, ulabaita beenzinyina abasimukobonyina antoomwe akubaambila kuti, ‘Amusekelele andime, nkaambo ndaijana nsiliva yandiziminide.’”—Luka 15:8, 9.\\nJesu wabelesya cikozyanyo eeci mbubonya mbwaabelesya cikozyanyo ncaapede cambelele iisweekede. Waamba kuti: “Mbubonya buyo, ndimwaambila kuti, kulaba kukondwa akati kabangelo ba Leza akaambo kasizibi omwe weempwa.”—Luka 15:10.\\nAmuyeeye buyo, bangelo ba Leza baliyandide kapati kubona basizibi basweekede ibapiluka kuli Leza! Makani aaya alagambya nkaambo basizibi aabo ibeempwa akuba abusena mu Bwami bwa Leza bwakujulu bayooba acuuno caatala kwiinda cabangelo mbamunya aabo! (1 Bakorinto 6:2, 3) Nokuba boobo, bangelo tabafwi munyono. Aboobo, ino swebo tweelede kulimvwa buti ikuti sizibi wapiluka kuli Leza keempedwe ncobeni?\\nNkaambo nzi Jesu ncayanzana abantu bazyibidwe kuti mbaasizibi?\\nIno ba Farisi bababona buti bantu-bantu buyo alimwi ino balimvwa buti kubona Jesu kayanzana abantu bali boobu?\\nNciiyo nzi Jesu ncayiisya muzikozyanyo zyobilo?\\nNaakali anyika, Jesu wakatondezya ncobuyoocita Bwami.","num_words":491,"character_repetition_ratio":0.053,"word_repetition_ratio":0.0,"special_characters_ratio":0.168,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 28 IBBAIB63 - Mpoonya awo Izaka wakaita - Bible Search\\nMatalikilo 27 Matalikilo 29\\nJakobo mbwaakatumwa ku-Padanaramu\\n1-Mpoonya awo Izaka wakaita Jakobo, wamulongezya, wamulailila kuti, Toelede kukwata mwanakazi wabana ba-Kanana pe. 2Buka, ukainke ku-Padanaramu, kuŋanda ya-Betueli wisi banyoko, ukakwate mwanakazi nkuko, umwi wabana basimbi ba-Labani mukulana wabanyoko. 3-Leza Singuzuzyoonse akupe coolwe, akuzyazye loko, akuvuzye, kuti ube mikowa minji. 4-Akupe lulongezyo lwa-Abrahamu, webo alunyungu lwako, ukavube nyika yabusimutuntuli bwako, Leza njaakapa Abrahamu. 5Mbuboobo Izaka mbwaakatuma Jakobo, nkabela wakainka ku-Padanaramu, kuli-Labani mwana wa-Betueli mu-Aramu, mukulana wa-Rebeka banyina Jakobo a-Esau,\\n6Lino Esau wakabona Izaka mbwaakalongezya Jakobo akumutuma kuPadanaramu kuti akwate mwanakazi wakooko, ambwaakamulailila mukulongezya kwakwe kuti, Toelede kukwata mwanakazi wabana basimbi ba-Kanana, 7alakwe Jakobo mbwaakaswiilila wisi abanyina akwiinka ku-Padanaramu. 8-Alimwi Esau naakabona kuti bana basimbi ba-Kanana mbabi mumeso aa-Izaka wisi, 9-Esau wakaya kuli-Ismayeli, waakukwata Mahalati mwana musimbi wa-Ismayeli mwana wa-Abrahamu, mucizi waNebayoti, waalikila banakazi mbaakakwete kale.\\nCiloto ca-Jakobo ncaakalota ku-Beteli\\n10-Lino Jakobo wakazwa ku-Beereseba, watola inzila yakuya ku-Harani. 11Asike kubusena bumwi, wakalala nkuko, nkaambo izuba lyakamubbilila. Nkabela wakabweza limwi lyamabwe aakooko, walisegezya kumutwe wakwe, woona nkukonya oko. 12-Elyo wakalota. Muciloto cakwe wakabona itantilo liimvwi ansi, ampela yalyo yakasika kujulu, nkabela baangelo ba-Leza bakali kuya butanta akuseluka alindilyo. 13-Alakwe Jehova wakaliimvwi atala alyo, nkabela wakati, Ndime Jehova, Leza wa-Abrahamu uso, a-Leza wa-Izaka. Nyika eyi mpolede alinjiyo, ndaipa nduwe alunyungu lwako. 14-Nkabela lunyungu lwako luyoovula mbuli bulongo bwaansi, luyoomwaala kumbo akujwe akunyika akumusanza, alimwi mulinduwe amulunyungu lwako inzubo zyoonse zyanyika moziyoojana coolwe. 15-Bona! Ndi ayebo, njookubamba koonse nkoya, alimwi njookuboozya kunyika eyi. Nsikooyookulekelezya pe mane lumwi nkacite ncenambide. 16-Mpawo Jakobo wakasinsimuka, wati, Ncobeni Jehova mpali mpoonya ano, pele mebo teendezi. 17Nkabela wakayoowa, wati, Ma! Bulayoosya busena obuno! Ncobeni njeŋanda ya-Leza, ngomulyango wakujulu.\\n18Nibwakaca, Jakobo wakafuma, wabweza ibbwe elyo ndyaakalisegamizizye, waliimika kuti libe malende, watila mafuta amutwe walyo. 19-Lino obo busena, wakabuulika izina lya-Beteli, pele kukutaanguna izina lyamunzi kauli Luzi. 20-Elyo Jakobo wakakonka cikonke, wati, Na Leza wazumina kuba ambebo aku ndi bamba mulweendo olu nduntolede, alimwi ulandipa insima yakulya azikobela zyakusama, 21-akundiboozya caluumuno kuŋanda yataata, elyo Jehova uyooba Leza wangu, 22-alyalo ibbwe eli ndinjiimikide kuti libe male nde liyooba iŋanda ya-Leza. Alimwi kufumbwa nzondipa, ncobeni njooboozya cipanzi cakumi cazyo kulinduwe.","num_words":345,"character_repetition_ratio":0.054,"word_repetition_ratio":0.0,"special_characters_ratio":0.179,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nkamu Iitegwa Bibelkring: “Nkamu ya Basikwiiya Bbaibbele”\\nKUMAMANINO kwama 1930, inkamu yabukombi mpya iitegwa Bibelkring (ibbala lyaci Dutch ilyaamba kuti “nkamu yabasikwiiya Bbaibbele”) yakatalika kufwaafwi acizyiba citegwa Lake Toba, ku North Sumatra. Nkamu eeyi yakatalika ciindi bamayi bamwi nobakatambula mabbuku kumupainiya iwakaswaide, uulangilwa kuti ooyu mukwesu Eric Ewins, walo iwakakambaukila mubusena bwa Lake Toba mumwaka wa 1936. Nzyobakabala bamayi aaba zyakabakulwaizya kuzwa mucikombelo ca Batak Protestant Church akutalisya tukamu twakwiiya Bbaibbele. Tukamu ooto twakakomena akumwaika kusikila mane aabo ibazulilwa mulintuto bakavwula kusika kumyaanda. *\\nBa Limeria Nadap-Dap ibakali munkamu ya Bibelkring lino mucizyi wesu Munakristo\\nKwiinda mukubelesya mabbuku aakamwaigwa amupainiya ooyu, bamunkamu ya Bibelkring ibakusaanguna bakazyiba kasimpe kamu Bbaibbele kujatikizya twaambo twiindene-indene. Ba Dame Simbolon, ibakali bankamu eeyi balo ibakatambula kasimpe mu 1972 bakaamba kuti: “Bakali kukaka kusalyuuta ndembela alimwi akusekelela Kkilisimasi amazuba aakuzyalwa. Mane buya bamwi akati kabo bakali kukambauka kuŋanda aŋanda.” Nokuba boobo, akaambo kakuti tiibakali kusololelwa ambunga ya Leza, tiilyakalampa pe, nkamu eeyi yakatalika kulanga zintu munzila yabuntu. Ba Limeria Nadap-Dap, abalo ibakali munkamu eeyi pele lino ibali mbacizyi besu kumuuya bakaamba kuti: “Bamakaintu tiibakali kuzumizyigwa kulipenta, kunana pauda, kusama masikkiyo atulungu, kusama zisani zyamazuba aano, nokuba kusama mabbusu. Alimwi bamunkamu eeyi bakali kukasyigwa kubweza cinyongole camutwe, imakani aakainyemya kapati mfwulumende.”\\nNkamu ya Bibelkring mukuya kwaciindi yakaandaana mutubunga-bunga tunji kumane yakamana. Ciindi bapainiya nobakajokela kubusena bwa Lake Toba, bantu banji ibakali munkamu ya Bibelkring bakakatambula kasimpe.\\n^ par. 1 Mabbuku amwi aamba kuti ciindi nkamu ya Bibelkring noyakadumide kapati, yakajisi bantu babalilwa kumasauzandi aali mbwaabede.","num_words":239,"character_repetition_ratio":0.079,"word_repetition_ratio":0.0,"special_characters_ratio":0.155,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani aamu Bbaibbele: Jesu Wazyalwa Muluba Lwaŋombe - Kkeyala yaa Intaneti ya Bakamboni ba Jehova\\nHENA ulimuzyi mwana muvwanda ooyu? Ngu Jesu. Lino aawa naatumbukwa muluba lwaŋombe. Luba mbusena boona ŋombe. Maliya walazika Jesu mucilido, icibikkila cakulya cambongolo azivwubwa zimwi kuti zilye. Pele ino nkaambo nzi Maliya a Josefa ncobali muluba muli ŋombe ambongolo? Oobu tabuli busena bwakutumbukila, hena tabusyi?\\nInzya tabusyi. Pele eeci cili boobu akaambo kakuti muleli waku Loma, Kaisala Augusto wakabamba mulawo wakuti muntu uuli woonse weelede kujokela kumunzi nkwaakazyalilwa kutegwa izina lyakwe likalembwe mubbuku. Aboobo Josefa wakazyalilwa kokuno ku Bbetelehemu. Pele Josefa a Maliya nibakasika tiibakajana busena bwakukkala. Aboobo bakaile kuboola momuno muluba lwaŋombe. Mubuzuba mbweena oobu Maliya wakamutumbuka Jesu. Pele kolanga, mwana uli buyo kabotu.\\nHena wababona beembezi baboola kubona Jesu? Kabali musyokwe masiku kweembela mbelele, mumuni uumweka kapati wakamunika ali mbabo. Wakali mungelo! Beembezi bakayoowa kapati! Pele mungelo wakati: ‘Mutayoowi! Ndamuletela makani mabotu. Sunu mu Bbetelehemu, Kristo Mwami wazyalwa. Uya kubafwutula bantu. Mulamujana kabbutaidwe mumulembo alimwi ulilede mucilido.’ Cakutayeeyelwa, bangelo banji basika akutalika kutembaula Leza. Cakutasowa ciindi beembezi aaba banyamuka kwaakulanga Jesu, eelyo bamujana.\\nHena ulicizyi Jesu ncayandikila kapati? Hena mubwini ulimuzyi kuti ngwani? Koyeeya kuti mumakani aakutaanguna aabbuku eeli, twaamba zya Mwana mutaanzi kuzyalwa wa Leza. Ooyu Mwana wakabeleka a Jehova mukubamba Julu anyika alimwi azimwi zyoonse. Eeci ncencico Jesu ncayandikila kapati.\\nEe, Jehova wakabweza buumi bwa Mwana wakwe kuzwa kujulu akububikka mwida lya Maliya. Mpeena aawo mwana wakatalika kukomena mwida mbuli bana bamwi mbobakomena mumada aabamatumbu. Pele mwana ooyu wakali mwana wa Leza. Jesu watumbukwa muno muluba lwaŋombe mu Bbetelehemu. Hena wakabona kaambo bangelo ncobakkomenyi kapati akukonzya kwaambila bantu kuti Jesu wazyalwa?\\nNgwani mwana muniini uuli acifwanikiso, alimwi mpaanzi Maliya mpaamulazika?\\nNkaambo nzi Jesu ncaakazyalilwa muluba?\\nMbabaani bantu bali acifwanikiso ibanjila muluba, alimwi ncinzi ncaabaambila mungelo?\\nNkaambo nzi Jesu ncayandika kapati?\\nNkaambo nzi Jesu ncakonzya kwaambwa kuti Mwana wa Leza?\\nMulimo nzi Kaisala Augusto ngwaakabeleka mukuzuzikizyigwa kwabusinsimi bwakuzyalwa kwa Jesu? (Lk. 2:1-4; Mik. 5:2)\\nMbuti muntu mbwanga waba akati kabantu aabo baambwa kuti “bantu mbakondelwa”? (Lk. 2:14; Mt. 16:24; Joh. 17:3; Inc. 3:19; Heb. 11:6)\\nIkuti naa beembezi baba Juda babombe bakalijisi kaambo kakali kubapa kukondwa kukuzyalwa kwa Mufwutuli, ino nkaambo nzi kapati kabapa kukondwa sunu babelesi ba Leza? (Lk. 2:10, 11; Ef. 3:8, 9; Ciy. 11:15; 14:6)\\nAmwiiye kaambo ncobasekelela Kkilisimasi mu December 25.","num_words":357,"character_repetition_ratio":0.051,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"17 Jesu naakamana kwaamba zyintu eezyi, wakalanga kujulu akwaamba kuti: “Taata, ciindi casika lino; komulemya mwanaako kuti awalo akulemeke, 2 ikutegwa mbubonya walo mbowamupa nguzu zyakweendelezya bantu boonse, akonzye kupa buumi butamani kumweelwe woonse wabaabo mbomupede. 3 Eeci caamba buumi butamani, ikuti bakuzyiba yebo O Leza mwini-mwini ooli olikke, ayooyo ngookatuma, Jesu Kilisito. 4 Ndakulemeka anyika, kwiinda mukumanizya mulimo ngookandipa kuti ndicite. 5 Aboobo Taata kondilemya lino kumbali lyako abulemu mbondakajisi nendakacili anduwe inyika kaitanaba. 6 “Ndabazyibya zyina lyako bantu mbookandipa munyika. Bakali bako, pele wakabapa kulindime alimwi balibamba jwi lyako. 7 Lino bazyiba kuti zyintu zyoonse nzyookandipa zyakazwa kulinduwe; 8 nkaambo ndabaambila majwi ngowakandipa, eelyo baatambula akusinizya kuti ndakaboola kandili mwiiminizi wako alimwi basyoma kuti nduwe wakandituma. 9 Ndalomba kujatikizya mbabo; tandilombi cili coonse kujatikizya nyika, pele kujatikizya buyo baabo mbondipede; nkaambo mbibako, 10 alimwi zyintu zyangu zyoonse nzizyako azyako nzizyangu, alimwi ndalemekwa akati kabo. 11 “Alimwi tandicili munyika, pele balo bali munyika, mebo ndiboola kulinduwe. Taata Oosalala, kobakwabilila akaambo kazyina lyako eelyo ndyookandipa, ikutegwa babe bamwi mbubonya mbotubede swebo. 12 Nendakali ambabo ndakali kubakwabilila akaambo kazyina lyako ndyookandipa; alimwi ndababamba eelyo kunyina umwi wabo wasweeka ccita buyo mwana walunyonyooko, ikutegwa lugwalo luzuzikizyigwe. 13 Pele lino ndiboola kulinduwe, alimwi ndaamba zyintu eezyi munyika kutegwa kukondwa kwangu kuzyulile muli mbabo. 14 Ndabapa jwi lyako, pele nyika yabasula, nkaambo tabali banyika mbubonya mebo mbonditali wanyika. 15 “Tandikulombi kuti ubagusye munyika, pele kuti ubakwabilile akaambo kamubi. 16 Tabali banyika mbubonya mebo mbonditali wanyika. 17 Kobasalazya akasimpe; ijwi lyako nkasimpe. 18 Mbubonya yebo mbowakandituma munyika, andime ndakabatuma munyika. 19 Alimwi ndazumanana kusalala akaambo kambabo, ikutegwa abalo basalazyigwe akasimpe. 20 “Tandilombeli baaba balikke pe, pele ndilabalombela abaabo bandisyoma kwiinda mumajwi aabo; 21 ikutegwa boonse babe bamwi mbubonya yebo Taata andime mbotukamantene, ikuti abalo kabakamantene andiswe, ikutegwa nyika isyome kuti nduwe wakandituma. 22 Alimwi ndabapa bulemu mbondipede, ikutegwa babe bamwi mbubonya swebo mbotuli bamwi. 23 Mebo ambabo tukamantane alimwi ayebo ukamantane andime, ikutegwa babe bamwi cakulondola, ikuti nyika izyibe kuti nduwe wakandituma akuti ulabayanda balo mbubonya mbowali kundiyanda mebo. 24 Taata, ndiyanda kuti aabo mbowandipa abalo bakabe andime ooko nkweyooba, ikutegwa bakabone bulemu mbowandipa, nkaambo wakandiyanda kaitanaba nyika. 25 Taata ooluleme, inyika ncobeni taikuzyi pe; pele mebo ndilikuzyi alimwi bantu aaba balizyi kuti nduwe wakandituma. 26 Alimwi ndabazyibya zyina lyako alimwi ndiyoolizyibya ikutegwa luyando ndookali kundiyanda andulo lube muli mbabo alimwi mebo ambabo tukamantane.”","num_words":363,"character_repetition_ratio":0.066,"word_repetition_ratio":0.0,"special_characters_ratio":0.168,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Leza Ulilibambilide Kumugwasya (Johane 6:44)\\nLeza Ulilibambilide Kumugwasya\\n“Kunyina muntu uukonzya kuboola kulindime ccita kuti wakwelwa a Taata wakandituma.”—JOHANE 6:44.\\nIKAAMBO BAMWI NCOBADOONEKA: Bantu banji ibamusyoma Leza balimvwa kuba kulamfwu anguwe. Ba Christina baku Ireland balo ibakali kuunka kucikombelo mvwiki amvwiki bakaamba kuti: “Ndakali kumubona buyo kuti ngu Leza wakalenga zintu zyoonse. Pele tiindakamuzyi. Taakwe nondakalimvwa kuba acilongwe anguwe.”\\nNCOLIYIISYA JWI LYA LEZA: Ciindi notulimvwa kusweeka, Jehova tatulekelezyi pe. Jesu wakapa cikozyanyo eeci kutondezya Leza mbwatulanganya: “Ino muyeeya buti? Ikuti muntu umwi kajisi mbelele zili mwaanda eelyo yomwe yasweeka, sena takoozisiya mumalundu eezyo zili makumi aali fwuka afwuka akuunka kuyooyandaula yeeyo yasweeka?” Ino eeci cituyiisya nzi? Cituyiisya kuti, “Mbubonya oobo, Taata uuli kujulu tayandi kuti umwi wabasyoonto aaba alobe.”—Matayo 18:12-14.\\nUmwi “aumwi wabasyoonto aaba ” ulayandika kapati kuli Leza. Ino mbuti Leza ‘mbwayandaula yeeyo yasweeka’? Mbubonya mbuli lugwalo lwazubululwa kumatalikilo aacibalo, Jehova ulakwela bantu kuli nguwe.\\nIno mbaani mazuba aano ibaswaya bantu mumaanda alimwi abanamaleya kutegwa babandike mulumbe wamu Bbaibbele uujatikizya Leza?\\nAmulange-lange buyo Leza mbwaakabweza ntaamu yakukwela bantu basyomeka kulinguwe. Mumwaanda wamyaka wakusaanguna C.E., Leza wakatuma sikwiiya Munakristo Filipo kuti akayaanye sinkuta waku Etiyopiya akubandika ncobwakali kwaamba businsimi bwamu Bbaibbele mbwaakali kubala sinkuta. (Milimo 8:26-39) Mukuya kwaciindi, Leza wakalailila mwaapostolo Petro kuti aunke kuŋanda yasilutwe wabasikalumamba muna Roma uutegwa Koneliyo, walo iwakali kupaila akusolekesya kukomba Leza. (Milimo 10:1-48) Alimwi Leza wakalailila mwaapostolo Paulo ababelesinyina kuti baunke kumulonga iwakali kunze amunzi wa Filipo. Ookuya bakajana “mukombi wa Leza” wazina lya Lidiya alimwi “Jehova wakajalula moyo wakwe cakumaninina kuti abikkile maano.”—Milimo 16:9-15.\\nMubukkale bumwi abumwi Jehova wakasinizya kuti bantu ibakali kumuyandaula bapegwa coolwe cakuti bamuzyibe. Ino mbaani mazuba aano baswaya bantu mumaanda alimwi abanamaleya kutegwa babandike mulumbe wamu Bbaibbele uujatikizya Leza? Banji balakonzya kwaamba kuti, “Bakamboni ba Jehova” mbabacita oobo. Aboobo amulibuzye kuti, ‘Sena Leza ubelesya mbabo kutegwa andigwasye?’ Tumukulwaizya kuti mupaile kuli Leza kutegwa amugwasye kuti mukutambule kusolekesya kwakwe kwakuti muswene kulinguwe. *\\n^ par. 8 Kutegwa muzyibe zinji, amweebelele vidiyo yakuti Nkaambo Nzi Ncomweelede Kwiiya Bbaibbele? a www.jw.org.","num_words":316,"character_repetition_ratio":0.041,"word_repetition_ratio":0.007,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Levitiko 19 | Bbaibbele lili a Intaneti | Bbaibbele lya Busanduluzi Bwanyika Mpya\\nMilawo yiindene-indene kujatikizya busalali (1-37)\\nMbokweelede kucitwa kutebula (9, 10)\\nMbobeelede kubikkilwa maano basinkematwi aboofwu (14)\\nKubejekezya bamwi (16)\\nUtabi aamfwundiilili (18)\\nMasalamuzi akukomba mizimo zyakasyigwa (26, 31)\\nKusimbwa kwakasyigwa (28)\\nKulemeka bacembeede (32)\\nMbobeelede kweendelezyegwa bazwamasi (33, 34)\\n19 Jehova wakaambila Musa kuti: 2 “Kwaambaula ambungano yabana Israyeli yoonse akubaambila kuti, ‘Mweelede kusalala nkaambo mebo nde Jehova Leza wanu ndilasalala.+ 3 “‘Umwi aumwi wanu weelede kulemeka* bausyi abanyina,+ alimwi mweelede kubamba masabata aangu.+ Ndime Jehova Leza wanu. 4 Mutataliki kukomba baleza babuyo+ naa kulipangila baleza bakufwula.+ Ndime Jehova Leza wanu. 5 “‘Ikuti naa mwatuula cipaizyo calumvwano kuli Jehova,+ mweelede kucituula munzila njakonzya kumukkomanina.+ 6 Mubuzuba mbocatuulwa cipaizyo alimwi abuzuba butobela ceelede kuligwa, pele icasyaala kusikila buzuba bwatatu ceelede kuumpwa mumulilo.+ 7 Ikuti naa cimwi caligwa mubuzuba bwatatu, ncisesemyo alimwi tacitambuliki pe. 8 Ooyo wacilya uyoolyaambilila cibi cakwe nkaambo wasofwaazya cintu cisalala ca Jehova, alimwi muntu ooyo weelede kujaigwa. 9 “‘Ciindi nomutebula, tamweelede kumaninizya muzyooko zyoonse zyamyuunda yanu, alimwi tamweelede kubwezelela zyasyaala.+ 10 Alimwi tamweelede kucela misaansa yasyaala mumyuunda yanu nokuba kubwezelela yeeyo yalokela ansi. Mweelede kwiisiila bacete*+ abeenzu. Ndime Jehova Leza wanu. 11 “‘Tamweelede kubba,+ kubeja,+ akucitilana calweeno umwi amweenzinyina. 12 Tamweelede kukonka cakubeja muzina lyangu+ akusofwaazya zina lya Leza wanu. Ndime Jehova. 13 Toyelede kuunina mweenzinyoko,+ alimwi toyelede kubba.+ Toyelede kuyobola zyakuvwola zyamubelesi wako busiku boonse kusikila mafwumofwumo.+ 14 “‘Utasinganyi musinkematwi naa kubikka cilebyo kumbele lyamoofwu,+ weelede kuyoowa Leza wako.+ Ndime Jehova. 15 “‘Mutaciti cakutalulama mukubeteka kwanu. Utasalululi mucete akuyanda buyo muvwubi.+ Weelede kubeteka mweenzinyoko cakululama. 16 “‘Toyelede kuzinguluka akati kabantu bako+ koyaabubejekezya bamwi. Utakanzi kunyonyoona buumi* bwamweenzinyoko.*+ Ndime Jehova. 17 “‘Utasulaiki munyoko mumoyo wako.+ Weelede kumusinsa mweenzinyoko+ kutegwa utamusangani mucibi cakwe. 18 “‘Utapilusizyi muntu cibi+ nokuba kuba amfwundiilili kubantu bako, alimwi weelede kuyanda mweenzinyoko mbubonya mbuli mboliyanda omwini.+ Ndime Jehova. 19 “‘Mweelede kubamba milawo yangu: Utasanduli zivwubwa zyako amusyobo umbi wazivwubwa. Utasyangi misyobo yobilo yambuto mumuunda wako,+ alimwi toyelede kusama cisani cisumidwe amilembo yamisyobo yobilo.+ 20 “‘Ikuti mwaalumi woonana amukaintu kakuli mukaintu ooyo mubelesi uusyomezyedwe kukwatwa kumwaalumi uumbi, pele tananununwa alimwi tanapegwa lwaanguluko, nkokuti beelede kusubulwa. Nokuba boobo, tabeelede kujaigwa pe, nkaambo mukaintu ooyo tanapegwa lwaanguluko. 21 Mwaalumi ooyo weelede kuleta mugutu wacituuzyo camilandu+ yakwe kuli Jehova kumulyango watente lyakuswaanganina. 22 Mupaizi uyoomanya milandu yamwaalumi ooyo akaambo kacibi ncaakacita, kwiinda mukutuula mugutu wacituuzyo camilandu kubusyu bwa Jehova, eelyo uyoolekelelwa cibi ncaakacita. 23 “‘Mwaakusika munyika eeyo njondamupa, akusyanga zisamu zyamicelo iiligwa, micelo yazisamu eezyo mweelede kwiibona kuti ilisofweede alimwi ilikasyidwe.* Kwamyaka yotatwe mulikasyidwe kwiilya.* Tayeelede kuligwa pe. 24 Pele mumwaka wane, micelo yazyo yoonse iyoosalala, mweelede kwiipa kuli Jehova apobwe lyakusekelela.+ 25 Mpoonya mumwaka wasanu, mulakonzya kulya micelo yazyo kutegwa butebuzi bwanu buyungizyigwe. Ndime Jehova Leza wanu. 26 “‘Tamweelede kulya cintu cili coonse cijisi bulowa.+ “‘Tamweelede kusonda naa kucita masalamuzi.+ 27 “‘Tamweelede kugela masusu aali mumabali aamitwe yanu naa kugela cilezu mocili mumabali.+ 28 “‘Tamweelede kulinengaula amibili yanu akaambo kamufwu+ naa kusimbwa pe. Ndime Jehova. 29 “‘Utasofwaazyi mwanaako musimbi kwiinda mukumucita kuba muvwuule,+ kutegwa nyika itaciti bwaamu akuzula kutalilemeka.+ 30 “‘Mweelede kubamba masabata aangu+ alimwi mweelede kulemeka* tente lyangu lisalala. Ndime Jehova. 31 “‘Mutaunki kubasondi+ nokuba kubuzya makani kubaŋanga+ kutegwa mutasofwaazyigwi ambabo. Ndime Jehova Leza wanu. 32 “‘Nyamuka kumbele lyabaabo bajisi mvwi+ akulemeka bapati,+ alimwi weelede kuyoowa Leza wako.+ Ndime Jehova. 33 “‘Kuti mweenzu kakkala akati kanu mucisi canu, tamweelede kumupenzya pe.+ 34 Mweenzu uukkala akati kanu mweelede kumubona mbuli sicisinyoko;+ alimwi mweelede kumuyanda mbubonya mbomuliyanda nobeni, nkaambo anywebo mwakali beenzu mucisi ca Egepita.+ Ndime Jehova Leza wanu. 35 “‘Tamweelede kubelesya zipimyo zyabumpelenge mukupima amukweeleka zintu zili zyoonse.+ 36 Mweelede kubelesya zipimyo zili kabotu, mabwe aakupimya aali kabotu, zyeelekelo zyaefa zili kabotu* ansazi zili kabotu.*+ Ndime Jehova Leza wanu iwakamugwisya mucisi ca Egepita. 37 Aboobo mweelede kubamba milawo yangu yoonse ambeta zyangu zyoonse, alimwi mweelede kuzicita.+ Ndime Jehova.’”\\n^ Naa “bapengede.”\\n^ Mu Chihebrayo, “bulowa.”\\n^ Naa ambweni, “Utalangi buyo kakunyina kubweza ntaamu ciindi buumi bwamweenzinyoko nobuli muntenda.”\\n^ Mu Chihebrayo, “ili mbuli lulomo.”\\n^ Mu Chihebrayo, “tainakupalwidwe.”","num_words":606,"character_repetition_ratio":0.085,"word_repetition_ratio":0.0,"special_characters_ratio":0.189,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani Aakuluula: Jehova Wakakulongezya Kusala Kwangu | Ba Charles Molohan\\nAMUBALE MU Afrikaans Albanian Altai Alur Amharic Amis Arabic Armenian Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Boulou Bulgarian Cakchiquel (Western) Catalan Cebuano Chichewa Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Croatian Czech Damara Dangme Danish Digor Douala Dutch Edo Efik English Esan Estonian Ewe Fijian Finnish Fon French Ga Garifuna Georgian German Greek Guadeloupean Creole Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hungarian Ibanag Icelandic Igbo Iloko Indonesian Isoko Italian Japanese Jula Kabiye Kabuverdianu Kannada Kekchi Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mingrelian Mixe (North Central) Mixtec (Guerrero) Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Norwegian Nzema Okpe Oromo Ossetian Otetela Pangasinan Papiamento (Curaçao) Persian Pidgin (West Africa) Polish Ponapean Portuguese Portuguese (Portugal) Punjabi Quechua (Ancash) Quechua (Bolivia) Romanian Russian Samoan Sango Sepedi Sepulana Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovenian Solomon Islands Pidgin South African Sign Language Spanish Sranantongo Swahili Swahili (Congo) Swati Swedish Tagalog Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Vietnamese Waray-Waray Wolaita Xhosa Yoruba Zande Zapotec (Isthmus) Zulu\\nJehova Wakakulongezya Kusala Kwangu\\nAkaluulwa aba CHARLES MOLOHAN\\nMwakali mumwaka wa 1939, notwakasiide malo eesu aakati kamasiku akweenzya myootokala kwaciindi ciinda kuwoola lyomwe, kuunka kudolopo lisyoonto lya Joplin, kumusanza lwaambo kwa Missouri, U.S.A. Lino kwakali kubucedo ciindi notwakali kumaninizya kubikka matulakiti kunsi aamilyango, mumaanda aamamanino mucilawo ncotwakapedwe. Mbotwakakotokela buyo, twakatanta mootokala akuunka kubusena nkotwakeelede kuyooswaangana abamwi, kwalo nkotwakatalika kubalindila kuti basike. Pele mulakonzya kulibuzya kaambo ncotwakaunkila mubukambausi kubucedo, kalitanapola zuba, mpoonya akuzwa mucilawo cakufwambaana. Ndilamwaambila aakale.\\nNDILIKKOMENE kapati kuti ndakakomezyegwa abazyali Banakristo, ba Fred aba Edna Molohan, balo ibakandiyiisya kuyanda Jehova. Bakali Basikwiiya Bbaibbele (Bakamboni ba Jehova) basungweede kwamyaka iili 20 ciindi nondakazyalwa mu 1934. Twakali kukkala ku Parsons, dolopo lisyoonto kumusanza lwaajwe kwa Kansas. Bunji bwabakwesu abacizyi ibakali mumbungano motwakabede, bakali Banakristo bananike. Mukwasyi wesu wakali kukkomana kujanika kumiswaangano yambungano alimwi akukambauka. Kanji-kanji mu Mujibelo kumazuba, twakali kucita bukambausi bwamumugwagwa, aano mazuba ibwiitwa kuti bukambausi bwakubuleya. Zimwi ziindi cakali kulemya, pele bataata bakali kutukatalusya kwiinda mukutuulila ice cream twakotoka.\\nMbungano yesu nsyoonto yakajisi cilawo cipati cakali kubikkilizya amadolopo manji masyoonto-syoonto alimwi amafaamu manji aakali munsi-munsi adolopo. Notwakali kukambaukila balimi, twakali kucincanya mabbuku eesu azisyumani, mayi, naa nkuku buya. Mbwaanga tiitwakajisi mali manji alimwi bataata bakali kupeda limwi mali aamabbuku, zyakulya eezyi zyakali kutugwasya kapati.\\nBazyali bangu bakaula cilimba camalekkoodi ncobakali kubelesya mubukambausi. Tiindakali kucibelesya akaambo kakuti ndakacili mwana, pele ndakali kukkomana kugwasya bamaama abataata ciindi nobakali kulizya makani aakalekkoodwa a Mukwesu Rutherford kuziiyo zya Bbaibbele amunyendo zyakupilukila.\\nKandili abazyali bangu kumbele lyamootokala wesu wamasipika\\nBataata bakabikka sipika mpati atala amootokala wesu iwakali kwiitwa kuti 1936 Ford. Mootokala ooyu wakagwasya kapati kumwaya mulumbe wa Bwami. Kanji-kanji, bakali kusaanguna kulizya nyimbo kutegwa bantu babikkile maano, mpoonya bakali kulizya makani aamu Bbaibbele aakalekkoodwa. Mpoonya twakali kwaabila mabbuku kubantu bakali aaluyandisisyo.\\nMudolopo lisyoonto liitwa kuti Cherryvale, ku Kansas, bamapulisa bakaambila bataata kuti mootokala ooyu tiiwakazumizyidwe mupaaki lyadolopo, mwalo bantu banji mobakali kulyookezyela mu Nsondo, pele kunze aapaaki yakalizumizyidwe. Aboobo kakunyina kukazya, bataata bakaugusya mootokala akuuimika mumugwagwa wakali munsi-munsi, pele bakaulanzya kupaaki kutegwa bantu bali mukati kabamvwa mulumbe noulizyigwa, alimwi bakazumanana apulogilamu yabo. Cakali kukkomanisya lyoonse kuba abataata alimwi amupati wangu, Jerry, muziindi zili boobu.\\nKumamanino aakuma 1930, twakatalika mulimo waalubazu wakukambauka kutegwa tufwambaane kumanizya muzilawo bantu mobakali kukazya kapati. Twakali kufwuma kubuka, kakucisiya (mbubwenya mbotwakacita ku Joplin, Missouri) akubikka matulakiti naa mabbuku kunsi aamilyango yabantu. Twamana, twakali kuswaangana kunze aamunzi kutegwa tubone naa kuli wajatwa akwaangwa abamapulisa.\\nMumyaka eeyo, kwakali cibeela cimwi cabukambausi icakali kukkomanisya ncotwakali kwiita kuti information march (kuyaabumwaya makani kumwi kamulifwoola). Kutegwa twaambilizye Bwami, twakali kusama zikwankwani akulifwoola mudolopo lyoonse. Ndilayeeya buzuba bumwi ciindi beenzuma nobakasama cikwankwani cakalembedwe kuti “Religion Is a Snare and a Racket” (“Cikombelo Nkakole alimwi Cilanyonganya.”) Bakeenda mudolopo makkilomita aasika ku 1.6 mpoonya akupiluka kuŋanda . Cikkomanisya ncakuti kunyina wakabakazya nobakali kweenda, alimwi bakajana bantu banji ibakajisi luyandisisyo.\\nMISWAANGANO YACOOKO YAKUSAANGUNA\\nZiindi zinji mukwasyi wesu wakali kuzwa ku Kansas kuya ku Texas kumiswaangano yacooko. Bataata bakali kubeleka mukkampani yazitima aboobo twakali kutanta citima kakunyina kubbadela kuunka kuyooswaya banamukwasyi akumiswaangano yacooko. Bapati babamaama, ba Fred Wismar, abakaintu babo, ba Eulalie, bakali kukkala ku Temple, Texas. Baacisya ba Fred bakaiya kasimpe nobakacili bakubusi kumatalikilo aakuma 1900, bakabbapatizyigwa, akukambaukila banabokwabo, kubikkilizya abamaama. Bakalizyibidwe kapati abakwesu bamu Texas, kwalo nkobakabeleka kabali mulangizi wabbazu. Bakali basiluzyalo, bakkomene, alimwi cakali kukkomanisya kuba ambabo. Bakali basungu mukasimpe, alimwi bakandigwasya kapati nindakali mukubusi.\\nMu 1941 mukwasyi wesu wakaunka kumuswaangano mupati acitima ku St. Louis, Missouri. Bakubusi boonse bakaambilwa kuti bakkale antoomwe kucibeela caalubazu kumuswaangano kutegwa baswiilile makani aa Mukwesu Rutherford aakuti, “Children of the King” (Bana ba Mwami.) Kumamanino aamakani aakwe, toonse mukabunga kesu twakakkomana kutambula bbuku lipya lyakuti, Children, (Bana) ndyaakatupa Mukwesu Rutherford abasikumugwasyilizya. Kwakali bana bainda ku 15,000 ibakacikkomanina cilongezyo cakumuuya eeci.\\nMu April 1943, twakajanika kumuswaangano musyoonto pele mubotu kapati wakuti “Call to Action” (Kukulwaizyigwa Kubweza Ntaamu,) ku Coffeyville, Kansas. Kwakatalisyigwa cikolo cipya ciitwa kuti Cikolo Camulimo Weendelezyegwa a Leza, calo icicitwa mumbungano zyoonse, alimwi kwakamwaigwa akabbuku kapya kajisi ziiyo zili 52 kabelesyegwa mucikolo. Mumwaka nguwenya ooyu, ndakapa makani ciindi cakusaanguna. Muswaangano ooyu wakali waalubazu kulindime akaambo kakuti, ndakabbapatizyigwa antoomwe abamwi mukaziba ikakali afaamu yakali afwaafwi.\\nMULIMO NGONDAKALI KUYANDA, NKUBELEKELA KU BETELI\\nNdakamanizya cikolo mu 1951 aboobo ndakeelede kusala ncondiyakucita mubuumi bwangu. Ndakali kuyandisya kapati kuyoobelekela ku Beteli, kwalo Jerry nkwaakali kubelekela kaindi, aboobo foomu yangu yakatumwa kuofesi yaku Brooklyn. Kusala ooku kwakandigwasya kapati kumuuya. Muciindi buyo cisyoonto, bakandizumina akundiita kuti ndikatalike kubeleka mu March 10, 1952.\\nNdakali kuyanda kuti ndikabelekele nkobasimba mabbuku kutegwa kanditola lubazu mukupanga mamagazini amabbuku. Pele bakandipa mulimo wakupa bantu cakulya, mane akubelekela muncikini calo cakandikkomanisya kapati kwiiya. Aboobo tiindakaba acoolwe cakubelekela nkobasimba mabbuku. Nokuba boobo, mulongo wamuncikini wakandigwasya nkaambo ndakali kuba aciindi masyikati cakucita ciiyo cangu ndemwini akwiibelesya cakumaninina laibbulali yaa Beteli. Eeci cakandipa kukomena kumuuya akuyumya lusyomo lwangu. Alimwi cakayumya makanze aangu aakubelekela Jehova a Beteli kufwumbwa buyo kuti kandicikonzya. Jerry wakazwa a Beteli mu 1949 akukwata ba Patricia, pesi bakali kukkala afwaafwi mumwenya mu Brooklyn. Bakandigwasya kapati akundikulwaizya mumyaka yakusaanguna a Beteli.\\nKalitanalampa kuzwa nondakasika a Beteli, bakwesu bakatalika kuyandaula bakwesu baa Beteli mbobakali kukonzya kuyungizya amulongo wabaabo ibakali kupa makani kubuleya kwiiminina mutabi. Bakwesu ibakabikkwa amulongo ooyu bakali kutumwa ziindi zinji mumwaka kuswaya mbungano ikwakali kulampa makkilomita aali 322 kuzwa ku Beteli pele mumwenya mu Brooklyn, kuyoopa makani aabuleya alimwi akubeleka ambungano mumulimo wabukambausi. Ndakaba acoolwe cabikkwa amulongo ooyu. Kandiyoowede, ndakapa makani aabuleya aakusaanguna, aciindi eeco akali kutola woola lyomwe. Kanji-kanji ndakali kuunka kumbungano zinji kubelesya citima. Ndilayeeya kabotu-kabotu mu 1954 buzuba bumwi mu Nsondo nokwakali kutontola. Ndakatanta citima kuunka ku New York alimwi ndakeelede kujoka ku Beteli mbubwenya buzuba oobo kumangolezya. Pele kwakaba guwo pati ilyakapa kuti kutontole kapati akuba caanda. Magesi aamucitima akaceya akubula nguzu. Aboobo twakasika ku New York City kuma 5 koloko mafwumofwumo mu Muhulo. Kuzwa waawo, ndakatanta citima cakali kwiinda kunsi aamugwagwa kuunka ku Brooklyn, kumane ndakalulama kuncito muncikini, ndakalimukide alimwi ndakalikatede akaambo kakweenda masiku. Pele kulimvwa boobu tiikwakali kutola ciindi akaambo kalukkomano ndondakali kujana kubelekela bakwesu akujana balongwe bapya kumamanino aansondo mubukambausi.\\nKulibambila kumwaya makani ku WBBR\\nMumyaka yakumatalikilo kandili a Beteli, ndakaitwa kuyoobelekela kulisikapepele yakali kwiitwa kuti WBBR. Eeco ciindi masitudyo akali aŋanda yabili aa 124 Columbia Heights. Mulimo wangu wakali wakwiiminina muntu umwi mupulogilamu yakwiiya Bbaibbele yakali kulizyigwa ansondo. Mukwesu A. H. Macmillan, iwakabeleka a Beteli kwaciindi cilamfwu, wakali kujanika apulogilamu eeyi lyoonse. Mukwesu Mac, kweelana ambobakali kumwiita, wakali cikozyanyo cibotu cakuliyumya mumulimo wa Jehova kulindiswe notwakali bana mumukwasyi wa Beteli.\\nTwakali kumwaya tupepa twa WBBR mumulimo wamuunda kupa bantu kuba aluyandisisyo\\nMu 1958 ndakatambwa kuyoobelekela kucibeela ca Cikolo ca Gileadi. Mulimo wangu wakali wakugwasya bakwesu abacizyi basungu bakamanizya cikolo kubweza ma visa akubapangila bubambe bwabweende. Kutanta ndeke kwakali kudula kapati mazuba aayo, aboobo mbasyoonto buyo bakali kweenda andeke. Ibanji ibakali kuunka ku Africa aku akuzisi zyakujwe bakali kutanta mato aanyamuna zintu. Nokwakainda myaka minji, muulo wakutanta ndeke wakayaansi, aboobo bunji bwabamisyinali bakatalika kuunka nkobakali kutumwa andeke.\\nKubamba ma diploma aaku Gileadi kaitanatalika pulogilamu yakumanizya cikolo\\nKUUNKA KUMISWAANGANO YACOOKO\\nMu 1960 mulimo wangu wakakomena akaambo kakuti wakali kubikkilizya kubamba bweende bwabaabo ibakali kuzwa ku United States kuunka ku Europe kumiswaangano yamasi mu 1961. Ndakatanta ndeke kuzwa ku New York kuya ku Hamburg ku Germany, kumuswaangano ooyu. Nowakamana muswaangano, mebo abakwesu bamwi botatwe baku Beteli twakalomba mootokala ngotwakabelesya kuzwa mu Germany kuunka ku Italy, kuyooswaya mutabi waku Rome. Kuzwa kooko, twakaunka ku France, kubelesya nzila yakali kwiinda Mumalundu aaku Pyrenees, mane twakaakusika aku Spain, kwalo mulimo wakukambauka nkowakakasyidwe. Twakabatolela mabbuku bakwesu baku Barcelona, alo ngotwakabikkide mbuli kuti nzipego kutegwa batazyibi bamfwulumende. Eelo kaka twakakkomana kapati kubonana abakwesu aaba! Mpoonya twakaunka ku Amsterdam, kwalo nkotwakaakutanta ndeke akupiluka ku New York.\\nNokwakainda mwaka omwe, mulimo wangu wakali kubikkilizya akubikka bubambe bwakuti basimuswaangano bamwi baunke kumiswaangano yamasi yaalubazu yanyika yoonse. Ooyu wakali muswaangano wakajisi mutwe wakuti “Everlasting Good News” (Makani Mabotu Aateeli) mu 1963. Bubambe bwakabikkwa bwakuti bantu bali 583 baunke kumiswaangano yakali ku Europe, Asia, South Pacific, mane buya akuyoosika ku Honolulu, Hawaii aku Pasadena, California. Lweendo oolu lwakali kubikkilizya akuswaya ku Lebanon aku Jordan kuyooiya makani aalubazu aajatikizya zisi zyaambidwe mu Bbaibbele. Kunze lyakubikka makani mumulongo aabweende akwakuyoosikila, dipatimenti yesu yakabweza ama visa aakali kuyandika kutegwa baswaye zisi zinji.\\nSIKWEENDA LIMWI MUPYA\\nMwaka wa 1963 wakali mubotu kapati kulindime akaambo kakaambo kamwi. Mu June 29, twakakwatana aba Lila Rogers baku Missouri, balo ibakatambwa ku Beteli 1960. Nokwakainda buyo nsondo yomwe kuzwa notwakakwatana, mebo aba Lila twakaunka kuyooswaya ku Greece, Egypt, aku Lebanon. Twakatanta ndeke kuzwa ku Beirut kuya ku Jordan. Akaambo kakuti mulimo wakukambauka wakalikasyidwe ku Jordan, alimwi twakaambilwa kuti Bakamboni ba Jehova tiibakali kupegwa ma visa aakunjila mucisi eeci, tiitwakazyi cakali kuyoocitika twasika okuya. Eelo kaka twakakkomana, notwakasika buyo twakajana kabunga kabakwesu abbuwa lyandeke ibakajisi cikwankwani cakalembedwe kuti “Mwatambulwa Nobakamboni ba Jehova”! Alimwi cakali kukkomanisya kulibonena zisi zyaambidwe mu Bbaibbele. Twakaswaya masena nkobakali kukkala bamasyaanene, nkwaakali kukambaukila Jesu abaapostolo bakwe, nkobwakatalikila kumwaika Bunakristo kusikila kumagolelo aanyika.—Mil. 13:47.\\nLino yakkwana myaka iili 55 ba Lila kabandigwasyilizya cakusyomeka mumulimo wangu. Twakali kuswaya ku Spain a Portugal ziindi zinji mulimo wesu kaukasyidwe mumasi aaya. Twakali kubakulwaizya bakwesu akubaletela mabbuku alimwi azintu zimwi nzyobakali kuyandika. Mane twakali kubaswaya abakwesu ibakaangidwe muŋanda iyakali yabasikalumamba ku Cádiz, Spain. Ndakakkomana kubayumya-yumya amakani aamu Magwalo ngondakapa.\\nAntoomwe aba Patricia aba Jerry Molohan notwakali kuunka kumuswaangano wamu 1969 wakuti “Peace on Earth” (Luumuno Anyika)\\nKuzwa mu 1963, ndakali acoolwe cakugwasyilizya kubikka bubambe bwakuti bamwi kabaunka kumiswaangano yamasi ku Africa, Australia, Central a South America, Europe, zisi zyakujwe, Hawaii, New Zealand, aku Puerto Rico. Mebo aba Lila twakajanika kumiswaangano iitalubiki, kubikkilizya awaku Warsaw, Poland, mu 1989. Bakwesu banji baku Russia abalo bakajanika kumuswaangano ooyu mupati, ciindi cakusaanguna. Bakwesu abacizyi banji mbotwakaswaanganya bakakkala myaka minji muntolongo zyaku Soviet akaambo kalusyomo lwabo.\\nKuswaya maofesi aamitabi nyika yoonse kuyumya-yumya bakwesu baa Beteli abamisyinali cakali coolwe cikkomanisya kapati. Mulweendo lwesu lwamamanino ku South Korea, twakaswaanganya bakwesu bali 50 ibali muntolongo ku Suwon. Bakwesu aaba boonse bakalikkomene alimwi bakali kulangila ciindi nobayakutalika kukambauka alimwi. Kuswaangana ambabo cakatukulwaizya kapati!—Rom. 1:11, 12.\\nKUVWULA KULETA LUKKOMANO\\nNdalibonena Jehova mbwaabalongezya bantu bakwe kwiinda mukubavwuzya, mweelwe wabasikumwaya ibabelekela Jehova watanta kuzwa ku 100,000 ciindi nondakabbila mu 1943 kusikila amweelwe wiinda ku 8,000,000 lino mumasi aali 240. Eeci cakonzyeka akaambo kamulimo ngobabeleka aabo banjila cikolo ca Gileadi. Eelo kaka cakali kukkomanisya kubeleka abamisyinali banji aaba akubagwasya kusika kumasena nkobakatumwa kuyoobelekela.\\nNdilikkomene kuti ndakasala kuyungizya mulimo wangu kwiinda mukulembela mulimo waa Beteli. Jehova wandilongezya kapati muzintu zyoonse. Kuyungizya azilongezyo zyakubelekela a Beteli, mebo aba Lila twakaba acoolwe cakubeleka ambungano ziindene-indene mu Brooklyn, mwalo motwakajana balongwe bali babotu.\\nNdazumanana kubelekela a Beteli kandigwasyilizyigwa aba Lila. Nokuba kuti lino ndijisi myaka yakuzyalwa iinda ku 84, ndazumanana kubeleka mulimo uukkomanisya wakutambula akutuma magwalo.\\nAntoomwe aba Lila mazuba aano\\nEelo kaka cilakkomanisya kuba cibeela cambunga ya Jehova akulibonena lwiindano lupati luliko akati kabantu babelekela Jehova abaabo batamubelekeli. Lino tulaamvwisya majwi aali kulugwalo lwa Malaki 3:18 aakuti: “Nywebo muyoolubona alimwi lwiindano luliko akati kamuntu mululami amubi, akati kayooyo uubelekela Leza ayooyo uutamubelekeli.” Buzuba abuzuba, tulalibonena nyika ya Saatani mboiyaabwiindila kubija, izwide bantu batajisi bulangizi alimwi batakkomene. Pele aabo ibamuyanda akumubelekela Jehova balikkomene alimwi balijisi bulangizi bwakumbele nomuba muziindi ezino zikatazya. Eelo kaka tulijisi coolwe cipati cakumwaya makani mabotu aa Bwami! (Mt. 24:14) Tulangila buzuba, ibulaafwaafwi kusika, ciindi Bwami bwa Leza nobuyooigwisya nyika eeyi akuleta nyika mpya azilongezyo zyoonse nzyotwakasyomezyegwa, kubikkilizya abuumi bubotu alimwi butamani. Eelyo, babelesi ba Jehova basyomeka aano anyika bayookkomana kukabe kutamani.\\nNdalongezyegwa Kubeleka Abaalumi Basimide Kumuuya\\nNdagwasyigwa Kwiinda Mukweenda Abasongo","num_words":2074,"character_repetition_ratio":0.041,"word_repetition_ratio":0.0,"special_characters_ratio":0.153,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Baroma 7 | Bbaibbele Lili a Intaneti | Bbaibbele lya Busanduluzi Bwanyika Mpya\\n7 Sena nkokuti bakwesu tamuzyi, (nkaambo ndaambila baabo ibazyi mulawo,) kuti Mulawo ngosimalelo wamuntu kufwumbwa kuti muntu ooyo kacipona? 2 Mucikozyanyo, kweelana amulawo, imukaintu uukwetwe ulaangidwe kumulumaakwe nacipona; pele ikuti naa mulumaakwe wafwa, ulaangununwa kumulawo wamulumaakwe. 3 Aboobo, ikuti wakwatwa kumwaalumi umbi mulumaakwe kacipona, inga waambwa kuti ngusimamambe. Pele ikuti mulumaakwe wafwa, ulaangunuka kumulawo wakwe, eelyo takategwi ngusimamambe ikuti wakwatwa kumwaalumi umbi. 4 Aboobo nobakwesu, andinywe mwakafwa kujatikizya Mulawo kwiinda mumubili wa Kilisito, kutegwa mube bamuntu uumbi, bayooyo wakabusyigwa kuzwa kubafwu, kutegwa tumuzyalile micelo Leza. 5 Nkaambo notwakacili kutobela zisusi zyanyama, zisusi eezyo izyakali kuyubunuka akaambo ka Mulawo zyakali kubeleka muzizyo zyesu kutegwa tuzyale micelo yalufwu. 6 Pele lino twaangununwa ku Mulawo ooyo, nkaambo twafwa kuli ceeco cakatwaangide, kutegwa tube bazike munzila mpya kwiinda mumuuya, ikutali munzila yakaindi kwiinda mumulawo uulembedwe. 7 Ino lino tulaamba nzi? Sena Mulawo ncibi? Peepe! Mubwini nindatakacizyiba cibi nowatakaliko Mulawo; alimwi mucikozyanyo, nindatakazyiba kuti kulikumbuzya nkubi ikuti Mulawo nowatakaamba ku-ti: “Utalikumbuzyi.” 8 Pele akaambo kamulawo, cibi cakajana nzila yakubusya kulikumbuzya kwamusyobo uuli woonse mulindime, nkaambo kayi eelyo nokwakanyina mulawo cibi cakalifwide. 9 Aciindi cimwi ndakali muumi eelyo nokwakanyina mulawo; pele mulawo nowakasika, cibi cakabukuluka, pele mebo ndakafwa. 10 Alimwi mulawo iwakeelede kunditola kubuumi, ndakajana kuti unditola kulufwu. 11 Nkaambo akaambo kamulawo nguwenya ooyu, cibi cakajana nzila yakundoongelezya akundijaya. 12 Aboobo, Mulawo kuugama ulasalala, awalo mulawo ooyu ulasalala, uliluleme alimwi mubotu. 13 Sena nkokuti cibotu cakapa kuti ndifwe? Peepe! Pele cibi ncicakacita boobo, kutegwa citondezyegwe kuti ncecindiletela lufwu kwiinda mucintu eeco cibotu; kutegwa cibi ciindile kubija akaambo kamulawo. 14 Nkaambo tulizyi kuti Mulawo ngwamuuya; pele mebo ndili wanyama, iwakasambalwa kuba muzike wacibi. 15 Lino tandizizyi pe nzyondicita. Nkaambo ncondilombozya, tandiciciti pe; pele ncondisulide ncondicita. 16 Pele ikuti nconditalombozyi ncondicita, ndazumina kuti Mulawo mubotu. 17 Pele tandicili ndime ndicicita pe, pele ncibi cikkede mulindime. 18 Nkaambo ndilizyi kuti mulindime, nkokuti mumubili wangu, munyina cibotu ciliko; nkaambo walo moyo ulapya, pele tandijisi nguzu zyakucita cibotu. 19 Nkaambo cibotu ncondilombozya tandiciciti pe, pele cibi nconditalombozyi ncondicita lyoonse. 20 Lino, ikuti eeco nconditalombozyi ncondicita, ooyo uucicita tandicili ndime pe, pele ncibi cikkede mulindime. 21 Lino, kulindime ndijana mulawo ooyu wakuti: ndayanda kucita cibotu, icibi cili andime. 22 Mumoyo wangu ndilabotelwa kapati amulawo wa Leza, 23 pele mumubili wangu ndibona mulawo uumbi uulwana mulawo uuli mumizeezo yangu, alimwi uundipa kuba mwaange wamulawo wacibi ooyo uuli muzizyo zyangu. 24 Maawe ndemucaangu! Ino nguni utiindivwune kumubili ooyu uunditola kulufwu oolu? 25 Aalumbwe Leza kaka iwandivwuna kwiinda muli Jesu Kilisito Mwami wesu! Aboobo, mumizeezo yangu mebo ndemwini ndili muzike kumulawo wa Leza, pele mumubili wangu ndili muzike kumulawo wacibi.","num_words":410,"character_repetition_ratio":0.056,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Niinzi Chindikachizya Kubbabbatizigwa? | Ngaziyakulinda Yakwiiya\\nNgaziyakulinda—Yakwiiya | March 2019\\nBALA MU Acholi Afrikaans Aja Akha Albanian Altai Alur American Sign Language Amharic Amis Angolan Sign Language Arabic Argentinean Sign Language Armenian Aukan Australian Sign Language Aymara Azerbaijani Azerbaijani (Cyrillic) Baoule Bashkir Bassa (Cameroon) Batak (Karo) Batak (Simalungun) Batak (Toba) Belize Kriol Bengali Biak Bicol Bislama Bolivian Sign Language Boulou Brazilian Sign Language British Sign Language Bulgarian Cakchiquel Cambodian Catalan Cebuano Changana (Mozambique) Chavacano Chichewa Chilean Sign Language Chin (Hakha) Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuukese Chuvash Cibemba Cinyanja Colombian Sign Language Congolese Sign Language Costa Rican Sign Language Croatian Cuban Sign Language Czech Czech Sign Language Dakota Dangme Danish Dayak Ngaju Digor Douala Drehu Dutch Ecuadorian Sign Language Edo Efik English Esan Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Gitonga Greek Greek Sign Language Greenlandic Guadeloupean Creole Guarani Guatemalan Sign Language Gujarati Gun Haitian Creole Hausa Hebrew Herero Hiligaynon Hindi Hiri Motu Hmong (White) Honduras Sign Language Hungarian Hungarian Sign Language Iban Ibanag Ibinda Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Javanese Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Kekchi Kenyan Sign Language Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisonge Kongo Korean Korean Sign Language Krio Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Lahu Laotian Latvian Lhukonzo Lingala Lithuanian Lomwe Low German Luganda Lunda Luo Luvale Macedonian Macua Makhuwa-Meetto Malagasy Malawi Sign Language Malay Malayalam Maltese Mam Mambwe-Lungu Mapudungun Marathi Marshallese Mauritian Creole Maya Mazatec (Huautla) Mbunda Mexican Sign Language Mingrelian Mixe Mixtec (Guerrero) Mizo Mongolian Moore Motu Mozambican Sign Language Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndau Ndebele Ndebele (Zimbabwe) Ndonga Nepali Ngabere Ngangela Nias Nicaraguan Sign Language Niuean Norwegian Nyaneka Nyungwe Nzema Okpe Oromo Ossetian Otetela Palauan Panamanian Sign Language Pangasinan Papiamento (Curaçao) Paraguayan Sign Language Persian Peruvian Sign Language Pidgin (West Africa) Polish Polish Sign Language Ponapean Poqomchi' Portuguese (Portugal) Portuguese Sign Language Punjabi Quebec Sign Language Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Rarotongan Romanian Romanian Sign Language Romany (Macedonia) Romany (Macedonia) Cyrillic Romany (Serbia) Romany (Southern Greece) Ronga Runyankore Russian Russian Sign Language Rutoro Salvadoran Sign Language Samoan Sangir Sango Saramaccan Sena Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Sunda Swahili Swahili (Congo) Swati Swedish Tagalog Tahitian Taiwanese Sign Language Tajiki Tamil Tarascan Tatar Telugu Tetun Dili Thai Thai Sign Language Tigrinya Tiv Tlapanec Tojolabal Tok Pisin Tongan Totonac Tshiluba Tshwa Tsonga Turkish Turkmen Tuvaluan Twi Tzeltal Tzotzil Uighur (Arabic) Uighur (Cyrillic) Ukrainian Umbundu Urdu Urhobo Uruund Uzbek Uzbek (Roman) Venda Venezuelan Sign Language Vietnamese Wallisian Waray-Waray Wayuunaiki Welsh Wolaita Xhosa Yapese Yoruba Zambian Sign Language Zande Zapotec (Isthmus) Zimbabwe Sign Language Zulu\\nNiinzi Chindikachizya Kubbabbatizigwa?\\n‘Bakaselukila mumaanzi boonse bobile, Filipi amuzibe, wamubbabbatizya.’—INC. 8:38.\\nLWIIMBO 52 Kulyaaba kwa Bunakristo\\n1. Adamu aEva bakasweekelwaanzi alubo zyakeeta mpinduunzi?\\nUBONAANGA ngwani weelede kutubikkila milawu iili atala akusala chibotu achibi? Chiindi Adamu aEva nibakalya muchelo wamunsamu wakuziba chibotu achibi, bakatondeezya kuti tabamusyomi pe Jehova amilawu yakwe. Bakasala kulibikkila milawu yabo iili atala achibotu achibi. (Matl. 3:22) Pesi yeeya nzibakasweekelwa. Bakasweekelwa bweenzinyina aJehova. Bakasweekelwa chilongezyo chakupona kukabe kutamani alubo bakatabukizya bana babo chibi alufu. (Rom. 5:12) Kusala kwaAdamu aEva kwakeeta mapenzi.\\nNaakatambula Jesu, mu-Itiyopiya muzibe wakayanda kubbabbatizigwa mpawaawo (Langa fuka 2-3)\\n2-3. (a) Mu-Itiyopiya muzibe wakachitaanzi chiindi Filipi naakamukambawukila? (b) Nziizili zilongezyo nzitujana akaambo kakubbabbatizigwa alubo njiili mibuzyo njitutalange-lange?\\n2 Bona kusiyana kuliwo kunzila Adamu aEva njibakachitaayo amu-Itiyopiya muzibe mbaakachita chiindi Filipi naakamukambawukila. Mu-Itiyopiya wakazilumba nzyaakachitilwa aJehova aJesu zyakuti chakufwambaana, wakabbabbatizigwa. (Inc. 8:34-38) Nitulipeda kuli Leza akubbabbatizigwa mbuuli zyakachitwa amu-Itiyopiya, tutondeezya kuti tulamusyoma Jehova amilawu yakwe. Tutondeezya kuti tulazilumba nzitwakachitilwa aJehova aJesu. Alubo, tutondeezya kuti tulamusyoma Jehova akubona kuti nguwe weelede kutubikkila milawu iili atala achibotu achibi.\\n3 Yeeya zilongezyo nzitujana akaambo kakukomba Jehova! Chimwi chilongezyo nchakuti, Jehova uyootupa zyoonse Adamu aEva nzibakasweekelwa, kuswaanizya kupona kukabe kutamani. Jehova ulatulekelela zibi zyesu akupa kuti moyo wesu utatupi mulandu nkaambo tuli alusyomo muli Jesu Kristu. (Mt. 20:28; Inc. 10:43) Alubo tuba aakati kampuli yaJehova iili abantu bamukomba kabali abulangilizi bubotu bwabuumi bwakunembo. (Joh. 10:14-16; Rom. 8:20, 21) Nikuba kuti tulangilila kujana zilongezyo eezyo, bamwi bakayiya atala aJehova, balalengwaana kutobelezya chikozyano chamu-Itiyopiya muzibe. Niinzi chibakachizya kubbabbatizigwa? Alubo kujana babuzunda biyeni buyumu-yumu oobo?\\nBUYUMU-YUMU BUKACHIZYA BAMWI KUTI BABBABBATIZIGWE\\nBuyumu-yumu bamwi mbubaswaana kabatanabbabbatizigwa\\nKutalisyoma (Langa fuka 4-5) *\\n4-5. Mbuubuli buyumu-yumu mbwaakalaabo Avery aHannah?\\n4 Kutalisyoma. Bazyali baAvery, Mbaakamboni baJehova. Wisi uyizulwida kabotu mpuli yakwe alubo mwaalu uuyiisya kabotu. Nikuba boobo, Avery taakali kuyanda pe kubbabbatizigwa. Nkamboonzi? Wakati: “Ndakali kuyeeya kuti tandizookonzyi pe kuba mbuuli Ndeende.” Alubo Avery wakali kubonaanga tazookonzyi pe kuchita milimu njaakali kuyoopegwa kunembo. Wakayungizya kuti: “Ndakali kukataazikana kuti ndizookonzya na kukomba aakati bantu, kupa nkani naakuti kuchitisya muswaangano wamulimu wakukambawuka.”\\n5 Musimbi uutegwa Hannah, uuli aminyaka iili 18, wakali apenzi lyakutalisyoma. Wakakomezegwa abazyali bakomba Jehova. Nikuba boobo, taakalikwe choonzyo pe kuti uzookonzya kupona kweendelana amilawu yaJehova. Nkamboonzi? Nkaambo Hannah taakali kulisyoma pe. Zimwi ziindi wakali kukataazikana zyakuti wakali kulichisa achaali pesi kuchita oobo kwakali kupa kuti penzi lyakwe likomene. Wakati: “Taakwe muntu ngundakabuzya, nikuba bazyali bangu alubo ndakali kuyeeya kuti Jehova tazooyandi pe kuti ndimukombe akaambo kazintu nzindakali kuchita.”\\nKweenwa aabeenzumaMbukonzya kubuzunda buyumu-yumu oobu (Langa fuka 6) *\\n6. Niinzi chakali kukachizya Vanessa kuti abbabbatizigwe?\\n6 Kweenwa aabeenzuma. Musimbi uutegwa Vanessa ulaaminyaka iili 22, wakati: “Ndakali aamweenzuma ngundakamvwananaawe kwaminyaka iiyanda kusika ku10.” Pesi mweenzinyina waVanessa taakali kumusungwaazya pe kuti abbabbatizigwe. Eezi zyakamuchisa Vanessa alubo wakati: “Kulandiyumina kujana beenzuma alubo ndakali kukataazikana kuti tandizoomujani lubo pe umwi mweenzuma, kuti ndaleka kumvwananaawe.”\\nKuyoowa kuzoobisya (Langa fuka 7) *\\n7. Makayla wakali kuyoowaanzi alubo nkamboonzi?\\n7 Kuyoowa kuzoobisya. Musimbi uutegwa Makayla wakali aminyaka iili 5, chiindi munyandumaakwe naakagwisigwa mumbungano. Naakali kuyabukomena, wakali kubona mbubakali kulimvwa bazyali bakwe akaambo kazintu zyakachitwa amunyaandumaakwe. Makayla wakati: “Ndakali kuyoowa kuti, kuti ndabbabbatizigwa mpawo ndazoobisya, ndizoogwisigwa mumbungano mpawo bazyali bangu bazoochisigwa moyo loko.”\\nKuyoowa kukazigwa (Langa fuka 8) *\\n8. Mulombe uutegwa Miles wakali kuyoowaanzi?\\n8 Kuyoowa kukazigwa. Wisi aMiles amukayintu wakazookwatana awisi, mbakombi baJehova pesi banyina teeKamboni pe. Miles wakati: “Ndakakkala abaama kwaminyaka iili 18 pesi ndakali kuyoowa kubabuzya kuti ndiyanda kubbabbatizigwa. Ndakali kubona mbubakali kuchita chiindi Ndeende naakaba Kamboni. Ndakali kuyoowa kuti bazoondipenzya.”\\nKUJANA WABUZUNDA BIYENI BUYUMU-YUMU MBUSWAANA?\\n9. Niinzi chiyoochitika kuti wayiya atala aJehova mbali aluyando amoyo mulamfu?\\n9 Adamu aEva bakasala kutakomba Jehova nkaambo teebakali kumuyanda amoyo woonse. Nikuba boobo, Jehova wakabalekela kuti bapone kusikila nibakaba abana akuti balibikkile milawu iili atala akukomezya bana babo. Mpindu zyakaba akaambo kakusala kuteendelezegwa aaJehova kwakachitwa aAdamu aEva, zyakatondeezya antanganana kuti bakasala chabufuba-fuba. Mwanaabo mutaanzi, wakajaya mwanikaakwe wakatalikwe mulandu alubo mukuya kwachiindi kulwana akuliyanda zyakavula mubantu. (Matl. 4:8; 6:11-13) Nikuba boobo, Jehova wakali aanzila yakukwabilila bana baAdamu aEva boonse bakali kuyanda kumukomba. (Joh. 6:38-40, 57, 58) Kwiiya atala aJehova mbali aluyando amoyo mulamfu, kuyoopa kuti kumuyanda kukomene. Tukoosala mbuuli Adamu aEva pesi uyoosala kulipeda kuli Jehova.\\n(Langa fuka 9-10) *\\n10. Nkamboonzi kuyeeyesesya majwi aali muli Intembauzyo 19:7, nikukonzya kukugwasya kuti ukombe Jehova?\\n10 Yinkilila kunembo kwiiya atala aJehova. Kwiinkilila kunembo kwiiya atala aJehova kuyoopa kuti usyome kuti uyoozwidilila kumukomba. Avery waambwa kumatalikilo wakati: “Ndakazunda kutalisyoma kwiinda mukubala akuyeeyesesya atala achisyomezyo chijanika muli Intembauzyo 19:7.” (Bala.) Avery naakabona Jehova mbaakali kuzuzikizya chisyomezyo eecho kulinguwe, zyakapa kuti amuyande. Luyando talutugwasyi kuti tutayoowi luzutu pesi lutugwasya kulangilila kuli Jehova akuchita nzyayanda. Hannah, waambwa kumatalikilo wakati: “Kubala Bbayibbele kandili andilikke akuyeeyesesya, kwakandigwasya kubona kuti chiindi nindilichisa achaali, ngandilikuchisa Jehova.” (1 Pet. 5:7) Hannah wakaba ‘sikuchita Jwi lyaLeza.’ (Jak. 1:22) Zyakeeta mpinduunzi? Wakati: “Kubona mbundakagwasigwa akaambo kakuswiilila Jehova, kwakapa kuti kumuyanda kukomene. Lino ndili achoonzyo chakuti Jehova unoolaandime chiindi nindiyanda kuti andigwasye.” Hannah wakalizunda penzi lyakulichisa achaali. Wakalipeda kuli Jehova mpawo wakazoobbabbatizigwa.\\n(Langa fuka 11) *\\n11. Vanessa wakachitaanzi kuti abe abeenzinyina bali kabotu alubo twiyaanzi kulinguwe?\\n11 Sala beenzinyokwe chabusongo. Vanessa waambwa kumatalikilo, wakazoobona kuti mweenzinyina wakali kupa kuti atakombi Jehova. Wakaleka kumvwananaawe. Mpawo wakachita zyiingi. Wakayanduula beenzinyina bapya mumbungano. Wakati chikozyano chaNowa ampuli yakwe chakamugwasya loko. Wakayungizya kuti: “Bakali kukkala aabantu batamuyandi pe Jehova pesi Nowa ampuli yakwe bakali kumvwanana.” Naakabbabbatizigwa, Vanessa wakasaanguna kupayona. Lino waamba kuti: “Kuchita oobo kundigwasya kuti ndibe abeenzuma bali kabotu, mumbungano yesu amuli zimwi mbungano.” Anduwe ulakonzya kuba abeenzinyokwe kuti wabeleka changuzu kuchita mulimu Jehova ngwatupede.—Mt. 24:14.\\n(Langa fuka 12-15) *\\n12. Nkuukuli kuyoowa Adamu aEva nkubakatalikwaako alubo niinzi zyakachitika?\\n12 Belekela kuba akuyoowa kuli kabotu. Kumwi kuyoowa kuli kabotu. Muchikozyano, tweelede kuyoowa kubisizya Jehova. (Int. 111:10, NW) Kaansinga Adamu aEva bakali akuyoowa kuli boobu, teebakali kunoomupapila pe Jehova. Pesi bakamupapila. Nibakachita oobo, meso aabo akajulika nkaambo bakazoobona kuti bakali babisya. Eezi zyakapa kuti batabukizye bana babo chibi alufu. Alubo bakamvwisisisya kuti bakali bakachilwa kuswiilila mulawu waLeza, nkinkaako bakaba aabweeme nkaambo bakali baziba kuti teebakazweete pe mpawo bakalivumba.—Matl. 3:7, 21.\\n13-14. (a) Kweendelana amajwi aali muli 1 Petro 3:21, nkamboonzi nituteelede kuluyoowa zyiindilide lufu? (b) Ntuutuli twaambo tupa kuti tuyande Jehova?\\n13 Nikuba kuti tweelede kuyoowa Jehova pesi tatweelede kuluyoowa zyiindilide lufu. Jehova wakachita mabambe aakuti tukajane buumi butamani. Kuti twabisya pesi twachincha amoyo woonse, Jehova ulatulekelela. Uyootulekelela akaambo kakuti tuli alusyomo muchinunuzyo chaMwanaakwe. Imwi nzila iiyandikana iitondeezya kuti tuli alusyomo, nkulipeda kuli Leza akubbabbatizigwa.—Bala 1 Petro 3:21.\\n14 Tuli atwaambo twiingi tupa kuti tuyande Jehova. Jehova tatupi zintu zibotu nzituyanda buzuba abuzuba luzutu pesi utuyiisya kasimpe kali atala anguwe amakanze aakwe. (Joh. 8:31, 32) Utupede mbungano yachiKristu iituzulwida akutugwasya. Ulatugwasya mumapenzi ngituswaana akupa kuti tube abulangilizi bwakuyoopona kukabe kutamani kunembo. (Int. 68:19; Ciy. 21:3, 4) Kuyeeyesesya zintu Jehova nzyaakatuchitila zitondeezya kuti ulatuyanda, kupa kuti tumuyande. Alubo kupa kuti tube akuyoowa kuli kabotu. Tulimvwa katuyoowa kubisizya Ooyo wakatutondeezya luyando lupati.\\n15. Makayla wakalizunda biyeni penzi lyakuyoowa kubisya?\\n15 Makayla waambwa kumatalikilo, wakalizunda penzi lyakuyoowa kubisya, naakamvwisisisya mbatulekelela Jehova. Wakati: “Ndakazoobona kuti toonse tuli achibi akuti tulabisya. Alubo ndakamvwisisisya kuti Jehova ulatuyanda akuti ulatulekelela kabelesya chinunuzyo.” Kuyanda Jehova kwakapa kuti Makayla alipede akubbabbatizigwa.\\n(Langa fuka 16) *\\n16. Miles wakagwasigwa biyeni kuti azunde kuyoowa kukazigwa?\\n16 Miles wakali kuyoowa kuti banyina balamukazya akaambo kakuti wakali kuyanda kubbabbatizigwa, wakakumbila kugwasigwa amulangizi wabbazu. Miles wakati: “Mulangizi wabbazu anguwe wakakomezegwa mumpuli mwakali muzyali uumwi wakali Kamboni. Wakandigwasya kuti ndiyeeye mbundikonzya kubuzya baama kuti bamvwisisisye kuti ndime ndakali kuyanda kubbabbatizigwa kutali kuti ndakali kusungilizigwa aaNdeende.” Banyina baMiles teebakabotelwa pe akusala kwakwe. Miles, wakazwa aang’anda aali banyina pesi taakachincha pe makanze aakwe. Wakati: “Kwiiya atala azintu zibotu Jehova nzyaakandichitila, kwakandisika aamoyo. Kuyeeyesesya atala achinunuzyo chaJesu, kwakandigwasya kubona mbandiyanda Jehova. Kumvwisisisya makani aaya kwakapa kuti ndilipede kuli Jehova akubbabbatizigwa.”\\nKAKATILA KUZINTU NZWAAKASALA\\nTulakonzya kutondeezya kuti tulazilumba zintu Leza nzyaakatuchitila (Langa fuka 17)\\n17. Nguuli mweenya ngutuli aawo?\\n17 Chiindi Eva naakalya muchelo wamunsamu wamumuunda waEdeni, wakatondeezya kupapila Wisi. Adamu naakaba kubbazu lyaEva, wakatondeezya kutalumba zintu zyoonse zibotu Jehova nzyaakamupede. Toonse tuli aamweenya wakutondeezya kuti tatukutobeli kusala kwaAdamu aEva. Tuyanda kutondeezya kuti tulazilumba zyoonse Jehova nzyaakatuchitila. Nitubbabbatizigwa, tutondeezya Jehova kuti nguwe uli aacheelelo chakutubikkila milawu iili atala achibotu achibi. Alubo tutondeezya kuti tulamuyanda Taateesu akuti tulamusyoma.\\n18. Niinzi chikonzya kukugwasya kuti uzwidilile kukomba Jehova?\\n18 Nitwabbabbatizigwa, tweelede kwiinkilila kunembo kupona kweendelana amilawu yaJehova kutali yesu. Mamiliyoni aabakombi baLeza balikuchita oobo munyaka amunyaka. Ulakonzya kuba mbuuli mbabo kwiinda mukuyungizya luzibo lwako atala aJwi lyaLeza, Bbayibbele, kuliswaanizya abakombinyokwe chiindi choonse akusungwaala kubuzya bamwi nzwaakayiya atala aTaateesu uuli aluyando. (Heb. 10:24, 25) Nusala zyakuchita, tobela malayilile Jehova ngakupa kabelesya Jwi lyakwe ambunga yakwe. (Is. 30:21) Mpawo uyoozwidilila muzintu zyoonse nzuchita.—Tus. 16:3, 20, NW.\\n19. Niinzi nchweelede kukkala kuyeeya alubo nkamboonzi?\\n19 Kwiinkilila kunembo kubona mbukukugwasya kutobela malayilile aaJehova, kupa kuti umuyande amalayilile aakwe. Alubo taakwe chintu Saatani nchakupa, chikonzya kupa kuti uleke kukomba Jehova. Yeeya kakuli kwiinda minyaka iili 1 000. Uyoobona kuti kusala nkwaakachita kuti ubbabbatizigwe, kwakali kusala kubotu loko!\\nNziizili zintu nzitujana akaambo kakubbabbatizigwa?\\nMbuubuli buyumu-yumu bamwi mbubaswaana?\\nNiinzi chikonzya kutugwasya kuti tuzwidilile kukomba Jehova?\\nLWIIMBO 28 Ikumvwana a Jehova\\n^ par 5 Kusala kupati nkweelede kuchita, nkwakuti uyoobbabbatizigwa na, naakuti pe. Nkamboonzi kusala ooku nikuyandikana? Muchiiyo eechi, tulalanga-langa nsandulo yamubuzyo ooyu. Alubo, chilagwasya aabo bayanda kubbabbatizigwa kuti bazunde buyumu-yumu bukonzya kubakachizya kubbabbatizigwa\\n^ par 56 BUPANDULUZI BWAZIFANIKISYO: Kutalisyoma: Mulombe ulikuyoowa kusandula nalikuswiilila wisi kali kusandula kumiswaangano yambungano.\\n^ par 58 BUPANDULUZI BWAZIFANIKISYO: Beenzuma: Kali amweenzinyina uutali kabotu, Kamboni uuchikula waba abweeme nabona bamwi Bakamboni.\\n^ par 60 BUPANDULUZI BWAZIFANIKISYO: Kubisya: Musimbi ulikukataazikana kuti uzoobisya nabona munyandumaakwe wakagwisigwa mumbungano kali kuzwa aang’anda.\\n^ par 62 BUPANDULUZI BWAZIFANIKISYO: Kukazigwa: Mulombe ulikuyoowa kukomba banyina batakombi nibamulangide. Mpawo wabapandulwida nzyasyoma katayoowi.\\n^ par 64 BUPANDULUZI BWAZIFANIKISYO: Kutalisyoma: Mulombe walipa chiindi chiingi chakuchita chiiyo chakwe alikke.\\n^ par 66 BUPANDULUZI BWAZIFANIKISYO: Beenzuma: Kamboni uuchikula wasaanguna kulitondeezya kuti nguKamboni.\\n^ par 68 BUPANDULUZI BWAZIFANIKISYO: Kubisya: Musimbi wasala kuti kasimpe kabe kakwe mpawo wabbabbatizigwa.\\n^ par 70 BUPANDULUZI BWAZIFANIKISYO: Kukazigwa: Mulombe ulikubapandulwida nzyasyoma banyina batakombi.\\nSwiilila Jwi lyaJehova\\nTondeezya Kuti Ulabeetelela Bamwi\\nTondeezya Kuba Aandaba Abamwi Mumulimu Wakukambawuka\\nBubotu—Kujana Wabutondeezya Biyeni?\\n“Ameni” Wako Ulayandikana Kuli Jehova\\nText Sala naa uyanda kukkopa zyakamwayigwa zilekkodedwe NGAZIYAKULINDA—YAKWIIYA March 2019\\nNGAZIYAKULINDA—YAKWIIYA March 2019","num_words":2061,"character_repetition_ratio":0.071,"word_repetition_ratio":0.0,"special_characters_ratio":0.165,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Tito 3 | Bbaibbele Lili a Intaneti | Bbaibbele lya Busanduluzi Bwanyika Mpya\\n3 Kozumanana kubayeezya kuti kabalibombya akuti kabazimvwida mfwulumende abaabo bajisi nguzu zyabweendelezi, kabali bantu balibambilide kucita mulimo mubotu uuli woonse, 2 batanoosampauli muntu uuli woonse, batabi basinkazi, pele kabanyoneka, kabatondezya kubomba moyo cakumaninina kubantu boonse. 3 Nkaambo notuba ndiswe aciindi cimwi twakali bafwubafwuba, bataswiilili, twakali kweenwa, twakali bazike bazisusi ziindene-indene akulikondelezya, twakali kucita zibi alimwi twakali amunyono, twakali kusesemya, alimwi twakali kusulana. 4 Nokuba boobo, iluzyalo lwa Mufwutuli wesu, Leza, alimwi aluyando ndwajisi kubantu nozyakatondezyegwa, 5 (ikutali akaambo kamilimo iiluleme njotwakacita, pele akaambo kaluse lwakwe mwini) wakatufwutula kwiinda mukusanzyigwa ooko ikwakatuleta kubuumi alimwi akwiinda mukutusandula kuba bantu bapya amuuya uusalala. 6 Wakatila muuya ooyu alindiswe camaanza obilo* kwiinda muli Jesu Kilisito Mufwutuli wesu, 7 ikutegwa twaakwaambwa kuti tuliluleme kwiinda muluzyalo lwayooyo, tukabe basikukona kweelana abulangizi bwabuumi butamani. 8 Majwi aaya alasyomeka, alimwi ndiyanda kuti lyoonse kosinizya kwaamba makani aaya, ikutegwa aabo ibamusyoma Leza babikkile maano kukuzumanana kucita milimo mibotu. Zyintu eezyi nzibotu alimwi zilabagwasya bantu. 9 Pele koikaka mibandi yakukazyanya yabufwubafwuba alimwi akuyandisya kuzyiba milongo yamazyalani akuzwangana alimwi akulwana kujatikizya Mulawo, nkaambo tazigwasyi alimwi nzyabuyo. 10 Alimwi kujatikizya muntu uukulwaizya njiisyo zyakubeja, komusosoloka wamana kumulaya ciindi comwe acabili; 11 mbwaanga ulizyi kuti muntu uuli boobo waleya munzila alimwi ulabisya, alimwi ulipa mulandu mwini. 12 Ndaakutuma Atema naa Tukiko kuboola kulinduwe, ukasoleke munzila iili yoonse kuboola kulindime ku Nikopoli, nkaambo nkundasala kuyookkala ciindi camupeyo. 13 Zena, walo ooyo uuzyi kabotu Mulawo, alimwi a Apolo ubabambile kabotu zyintu zyoonse nzyobayandika mulweendo lwabo. 14 Pele bantu besu abalo abaiye kuzumanana kucita milimo mibotu kuti kabajana nzyobabulide, kutegwa batabi bantu batazyali micelo. 15 Boonse mbotuli limwi balakwaanzya. Kondaanzyila boonse aabo ibatuyanda mulusyomo. Iluzyalo lwa Leza alube andinywe nyoonse.\\n^ Naa, “cabuuya, imunji.”","num_words":272,"character_repetition_ratio":0.048,"word_repetition_ratio":0.0,"special_characters_ratio":0.159,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kaambo Ncoiyandika Milimo Yaaŋanda\\nSinsimuka! | No. 3 2017\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bengali Bislama Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Cibemba Croatian Czech Danish Dutch Efik English Estonian Ewe Fijian Finnish French Georgian German Greek Greenlandic Gujarati Haitian Creole Hebrew Hiligaynon Hindi Hmong (White) Hungarian Icelandic Igbo Iloko Indonesian Italian Japanese Kannada Kazakh Kikaonde Kinyarwanda Kirghiz Kirundi Kongo Korean Latvian Lingala Lithuanian Luganda Luvale Macedonian Macua Malagasy Malayalam Maltese Marathi Myanmar Ndebele (Zimbabwe) Nepali Norwegian Oromo Otetela Pangasinan Papiamento (Aruba) Papiamento (Curaçao) Polish Portuguese Punjabi Romanian Russian Samoan Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Silozi Sinhala Slovak Slovenian Spanish Swahili Swahili (Congo) Swedish Tagalog Tajiki Tamil Tatar Telugu Tetun Dili Thai Tigrinya Tok Pisin Tshwa Tsonga Turkish Twi Ukrainian Vietnamese Waray-Waray Wolaita Xhosa Yoruba Zulu\\nLUGWASYO KUMUKWASYI | KUKOMEZYA BANA\\nMumikwasyi imwi, bana beelede kugwasyilizya kubeleka milimo yaaŋanda, alimwi balacita oobo kakunyina kutongooka. Mumikwasyi iimbi, bazyali babona kuti bana tabeelede kubeleka milimo minji, abalo bana balakkomana ciindi nobatapegwi milimo yakubeleka aŋanda aboobo bana tabaibeleki kabotu milimo yabo.\\nBasikuvwuntauzya bakubona kucinca ooku muzisi zinji, mwalo bana mobayanda buyo kulya kakunyina kubeleka. Umwi muzyali wazina lya Steven wakaamba kuti: “Mazuba aano, bana balekwa buyo kuti kabasobana zisobano zyaavidiyo, kubelesya Intaneti, alimwi akweebelela TV. Zisyoonto zintu nzyobalangilwa kuti balakonzya kubeleka.”\\nIno muyeeya buti? Sena milimo yaaŋanda iyandika ncobeni—ikutali buyo akaambo kakusalazya aŋanda pele alimwi kutegwa mwana akomene kabotu?\\nBazyali bambi balawayawaya kupa bana milimo yaaŋanda, kwaambisya ciindi mwana najisi bubi aziiyo zyakucikolo zyayelede kucitila kuŋanda alimwi-amilimo imwi yakucikolo iicitwa bakotoka. Nokuba boobo, amulange-lange bubotu buboola.\\nKubeleka milimo yaaŋanda kupa kuti mwana akomene kabotu. Bana babeleka milimo yaaŋanda balalangilwa kuti balakonzya kuzwidilila kucikolo alimwi eeci tacigambyi pe. Kubeleka milimo yaaŋanda kugwasya mwana kuba alusyomo muzintu nzyacita, kuba amaano, alimwi akulilemeka kabotu—zintu zyalo ziyandika mukwiiya.\\nKubeleka milimo yaaŋanda kugwasya bana kuba amuuya wakubelekela bamwi. Bantu bamwi bakabona kuti bana babeleka milimo yaaŋanda balakonzya kubeleka milimo yakugwasya mucilawo mobakkala baakukomena. Eeci tacigambyi, nkaambo milimo yaaŋanda ibapa kuti kababikka ziyandika zyabamwi mubusena bwakusaanguna. Kulubazu lumbi, ba Steven, ibaambwa kumatalikilo aacibalo, bakaamba kuti: “Ikuti bana kabatabeleki milimo iili yoonse, banakuyeeya kuti beelede kubelekelwa buyo, alimwi bayakukomena amizeezo iitali kabotu kujatikizya buumi bwakumbele bwamikuli alimwi akubeleka canguzu.”\\nKubeleka milimo yaaŋanda kupa kuti kube lukamantano mumukwasyi. Kwiinda mumilimo njobabeleka aaŋanda, bana balazyiba kuti balayandika mumukwasyi alimwi akuti bali amukuli mumukwasyi. Bana tabakonzyi kuba amizeezo iili boobu ikuti bazyali kababikkila kapati maano kumilimo yakucikolo iicitwa bakotoka kwiinda milimo yaaŋanda. Amulibuzye kuti, ‘Ino cigwasya buti kuti mwanaangu wabamba cilongwe ciyumu atiimu yabbola akucileka kumvwana amukwasyi?’\\nAmutalike bana kabacili baniini. Bamwi baamba kuti bazyali beelede kupa bana milimo yaaŋanda bakkwanya myaka yotatwe. Bamwi balombozya kuti kabajisi myaka yobilo naa kabatanasika aawo. Kaambo nkakuti, bana baniini balakkomana kubeleka abazyali babo alimwi akwiiya nzyobacita.—Njiisyo yamu Bbaibbele: Tusimpi 22:6.\\nAmubape milimo kweelana aciimo cabo. Mucikozyanyo, mwana uujisi myaka yotatwe ulakonzya kubwezelela zyakusobanya, kusalazya zintu zyatikilwa maanzi, naa kubamba zisani ziyanda kuwasyigwa. Bana ibakomena-komena balakonzya kusalazya muŋanda, kusanzya mootokala, alimwi akubamba cakulya. Amubeleke kweelana amilimo njakonzya kucita mwanaanu. Mulakonzya kugambwa kubona mwanaanu mbwakonzya kwiibeleka milimo yaaŋanda cabusungu.\\nAmubone milimo iiyandika kusaanguna kucita. Eeco cilakonzya kuyuma ciindi mwanaanu abuzuba najisi ziiyo zinji zyakucikolo nzyayelede kucitila aŋanda. Nokuba boobo, bbuku litegwa The Price of Privilege, lyaamba kuti: “Kucileka kupa bana milimo yaaŋanda akaambo kakuti bana bali mumagiledi mapati ncitondezyo cakuti tiimwalanga milimo iiyandika kusaanguna kucita.” Mbubonya mbokwaambwa kale kumatalikilo, kubeleka milimo yaaŋanda kugwasya bana kuba basicikolo bali kabotu. Alimwi kubeleka milimo yaaŋanda kubapa kulibambila ciindi baakuba amikwasyi yabo.—Njiisyo yamu Bbaibbele: Bafilipi 1:10.\\nAmubikkile maano kumakanze muciindi camulimo wabelekwa. Cilakonzya kutola ciindi kutegwa mwanaanu amanizye kuubeleka mulimo kwiinda mbomwali kuyanda. Alimwi mulakonzya kubona kuti mulimo tiiwabelekwa kabotu kweelana ambomwali kuyanda. Ikuti naa caba boobo, mutaubeleki ndinywe mulimo. Makanze aanu taali akuti mulimo ubelekwe mbuli mboukonzya kubelekwa amuntu mupati pele ngakugwasya mwanaanu kwiiya kuba amukuli alimwi akuzyiba lukkomano ndoukonzya kuleta mulimo.—Njiisyo yamu Bbaibbele: Mukambausi 3:22.\\nAmubikkile maano kububotu buboola. Bantu bamwi baamba kuti kubbadela mwana kutegwa acite mulimo waaŋanda kumuyiisya kuba amukuli. Bamwi baamba kuti cipa kuti bana babikkile buyo maano kuli ncobakonzya kujana kuzwa kumukwasyi kutali ncobakonzya kuucitila. Alimwi balacenjezya akuti mwana ulakonzya kukaka kubeleka milimo yaaŋanda ikuti kajisi mali—citondezya kuti bubotu bwamilimo yaaŋanda tabukalibonyi. Ino twiiya ciiyo nzi? Inga cabota kuti mali ngapegwa mwana kaatali akaambo kamilimo yaaŋanda.\\n“Koyiisya mwana inzila njayelede kweendela; noliba leelyo aakukomena takazwi mulinjiyo pe.”—Tusimpi 22:6.\\n“Musinizye zintu ziyandika kapati.”—Bafilipi 1:10.\\n“Taakwe cintu ciinda kubota kunze lyakuti muntu kakkomana mumilimo yakwe.”—Mukambausi 3:22.\\n“Milimo yaaŋanda ipa kulimvwa kuyanda kubelekela mukwasyi. Ciindi mukwasyi wesu nowamanizya kubeleka milimo yaaŋanda buzuba bumwi—ambweni milimo yaalubuwa naa muŋanda—tulimvwa kukamantana akumvwana. Umwi aumwi wabeleka, alimwi cipa kulimvwa kabotu.”—Ba Steven.\\n“Kupa bana besu basimbi milimo yaaŋanda kabacili baniini kwabagwasya kucikonzya kuliponena lwabo beni mbobayaabukomena. Tulasola kubaambila kuti mukwasyi uli mbuli kabunga kabelekela antoomwe. Ciindi swebo tobazyali notwiilanga kabotu milimo yaaŋanda, cilabagwasya abalo bana kucita mbubwenya oobo.”—Ba Stephanie.\\nMAKANI AAYEEME AMUTWE UULI ACIVWUMBYO Bbaibbele​—Sena Masimpe ‘Lyakasololelwa a Leza’?\\nMAKANI AAYEEME AMUTWE UULI ACIVWUMBYO Bbaibbele​—Lililuzi Mumbazu Zyoonse\\nLUGWASYO KUMIKWASYI Kaambo Ncoiyandika Milimo Yaaŋanda\\nSena Tulijisi “Bongo Bwabili”?\\nKUBUZYA-BUZYA Sikupanga Mapulogilamu Aamu Kkompyuta Ulapandulula Mbwaakatalika Kusyoma Muli Leza\\nNCOLYAAMBA BBAIBBELE Bangelo\\nSENA CAKALENGWA BUYA? Boya Bwakanyama Kategwa Sea Otter\\nIno Inga Bandipa Buti Lwaanguluko Lunji?\\nMabala Amusale naa muyanda kukkopa zyakamwaigwa SINSIMUKA! No. 3 2017 | Sena Bbaibbele Mubwini Lyakazwa Kuli Leza?\\nNo. 3 2017 | Sena Bbaibbele Mubwini Lyakazwa Kuli Leza?\\nSINSIMUKA! No. 3 2017 | Sena Bbaibbele Mubwini Lyakazwa Kuli Leza?\\nKuyiisya Bana Kumvwida\\nMbomukonzya Kuyiisya Bana Kulicesya","num_words":870,"character_repetition_ratio":0.073,"word_repetition_ratio":0.0,"special_characters_ratio":0.153,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 13 IBBAIB63 - Lino Abramu wakazwa - Bible Search\\nMatalikilo 12 Matalikilo 14\\nAbramu a-Loti mbubakaanzaana\\n1Lino Abramu wakazwa ku-Egepita, walo abanakwe aboonse mbaakali abo a-Loti, wasika ku-Negebi. 2-Nkabela Abramu kali muvubi loko, kajisi iŋombe ansiliva angolida. 3Lino wakali kweendeenda kuzwa kuNegebi mane wakasika ku-Beteli, oko nkukonya nkwaakataanguna kuyaka zilao zyakwe, akatikati ka-Beteli a-Ai, 4-nkucakabede cipaililo ncaakayaka akutaanguna. Oko Abramu wakakomba muzina lya-Jehova. 5Alakwe Loti iwakali kweenda a-Abramu kajisi imbelele aŋombe amatente. 6-Nkabela nyika yakaceya; teebakakonzya kukala antoomwe pe, nkaambo kabajisi imbono zinji, aboobo bakakacilwa kukala antoomwe. 7-Lino kwakabuka inkondo akati kabasikweembela iŋombe zya-Abramu abasikweembela iŋombe zya-Loti. Kuciindi eco ba-Kanana aba-Perizi kabacikede munyika.\\n8-Elyo Abramu wakaambila Loti kuti, Wence kutabi inkondo akati kesu, yebo ambebo, abeembeli bako abeembeli bangu, nkaambo tuli bamukowa omwe. 9-Sa nyika yoonse tiili kubusyu bwako na? Atupambukane ambebo, Na ulayanda kuya kucimwesi, mebo ndaya kululyo; na ulayanda kuya kululyo, mebo ndaya kucimwesi. 10-Mpawo Loti wakatambya meso aakwe, wabona nkwaalale yoonse ya-Jordano, wabona kuti, koonse koonse ili amaanzi. Kuciindi eco, Jehova natakalina kunyonyoona Sodoma a-Gomora, yakali mbubonya mbuli muunda wa-Jehova, mbuli nyika ya-Egepita noya ku-Zoari. 11Lino Loti wakalisalila inkwaalale yoonse ya-Jordano, watozya kujwe. Mbuboobo mbubakaanzaana amweenzinyina. 12-Abramu kakede munyika ya-Kanana; Loti kakede muminzi yankwaalale, kaya buyakayaka zilao zyakwe mane wakasika ku-Sodoma. 13-Pele bantu ba-Sodoma bakali basizibi, bakali babi loko kumeso aa-Jehova,\\n14-Lino Jehova wakaambila Abramu, naakamana kwaanzaana a-Loti, wati, Tambya meso aako, ubone koonse koonse kuzwa mpobede, kunyika akumusanza, kujwe akumbo, 15-nkaambo nyika yoonse njowabona, njoipa nduwe alunyungu lwako, mane kukabe kutamani. 16-Njoovuzya lunyungu lwako, lube mbuli lusuko lwaansi. Na muntu ulakonzya kubala lusuko lwaansi, lino lunyungu lwako alwalo luyoobalika. 17Buka, koya bweendeenda mubulumfu boonse bwanyika akubwaamba bwayo boonse, nkaambo njooipa nduwe. 18Mpawo Abramu wakalonzya itente lyakwe, wiinka, waakukala kumibanga ya-Mamre iili ku-Hebroni, nkabela wakayakila Jehova cipaililo mpoonya awo.","num_words":284,"character_repetition_ratio":0.048,"word_repetition_ratio":0.0,"special_characters_ratio":0.184,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amwiiye Lusyomo lwa Musa | Yakwiiya\\nNgazi Yamulindizi—Yakwiiya | April 2014\\nAMUBALE MU Afrikaans Albanian American Sign Language Amharic Arabic Argentinean Sign Language Armenian Aymara Azerbaijani Azerbaijani (Cyrillic) Bengali Bicol Bislama Brazilian Sign Language Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Colombian Sign Language Croatian Czech Dangme Danish Drehu Dutch Efik English Estonian Ewe Finnish French Ga Georgian German Greek Greenlandic Guarani Gujarati Gun Haitian Creole Hebrew Hiligaynon Hindi Hungarian Icelandic Igbo Iloko Indonesian Italian Italian Sign Language Japanese Japanese Sign Language Kannada Kazakh Kikaonde Kikuyu Kinyarwanda Kirghiz Kirundi Kisonge Kongo Korean Krio Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Malayalam Maltese Marathi Maya Mexican Sign Language Moore Ndebele Ndonga Nepali Ngabere Norwegian Nyaneka Nzema Oromo Ossetian Pangasinan Papiamento (Aruba) Papiamento (Curaçao) Persian Polish Portuguese Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Romanian Russian Russian Sign Language Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swahili (Congo) Swati Swedish Tagalog Tahitian Tamil Tatar Telugu Thai Tigrinya Tshiluba Tsonga Turkish Twi Tzotzil Ukrainian Umbundu Urdu Uzbek Venda Vietnamese Wallisian Waray-Waray Wayuunaiki Wolaita Xhosa Yoruba Zande Zulu\\nAmwiiye Lusyomo lwa Musa\\n“Akaambo kalusyomo, Musa naakakomena wakakaka kwiitwa kuti mwana wamwana musimbi wa Falawo.”—HEB. 11:24.\\nINO CIKOZYANYO CA MUSA CITUYIISYA NZI KUJATIKIZYA . . .\\nlwiindano luliko akati kalubono lwakumubili alubono lwakumuuya?\\nJehova mbwayatugwasya kutegwa tuzuzikizye milimo yesu yakumuuya?\\nkaambo ncotuyandika kugamika meso eesu kubulumbu?\\n1, 2. (a) Naakali amyaka yakuzyalwa iili 40, ncinzi Musa ncaakasala kucita? (Amubone cifwanikiso icili kumatalikilo aacibalo.) (b) Nkaambo nzi Musa ncaakasala kupenzyegwa antoomwe abantu ba Leza?\\nMUSA wakalizyi ncaakali kukonzya kujana mu Egepita. Wakabona maanda aabantu bakavwubide kapati. Wakali kuzulilwa mumukwasyi wamwami. “Wakayiisyigwa busongo boonse bwabana Egepita” ibwakali kubikkilizya azyakuzekaula, lwiiyo lwanyenyeezi azintu zimwi zyakujulu, namba, alimwi alwiiyo lumbi lwasayaansi. (Mil. 7:22) Akati kazintu nzyaakali kukonzya kujana kwakali buvwubi, bweendelezi, alimwi acoolwe calo muntu buyo muna Egepita ncaakali kukonzya buyo kuyeeyela.\\n2 Nokuba boobo, naakakkwanya myaka yakuzyalwa iili 40, Musa wakasala cintu cimwi calo ambweni cakatyompya mukwasyi wamwami wamu Egepita iwakali kumulela. Wakasala kupona buumi bwaansi kapati antoomwe abazike bwalo imuntu buyo muna Egepita mbwaatakali kupona. Ino nkaambo nzi? Musa wakalijisi lusyomo. (Amubale Bahebulayo 11:24-26.) Akaambo kalusyomo, Musa wakali kubona zintu munyika iyakamuzingulukide iziinda ali zyeezyo nzyaakali kukonzya kubona meso aakwe. Mbwaanga Musa wakali muntu iwakali kusololelwa amuuya, wakalijisi lusyomo muli “Ooyo uutalibonyi,” Jehova, alimwi amukuzuzikizyigwa kwazisyomezyo zya Leza.—Heb. 11:27.\\n3. Mibuzyo nzi yotatwe iitiingulwe mucibalo eeci?\\n3 Andiswe tweelede kubona zintu iziinda ali zyeezyo nzyaakonzya kubona meso eesu. Tweelede kuba bantu “ibajisi lusyomo oolo.” (Heb. 10:38, 39) Kutegwa tubone mbotukonzya kuyumya lusyomo lwesu, atulange-lange zilembedwe kujatikizya Musa mulugwalo lwa Bahebulayo 11:24-26. Notucita oobo, atujane bwiinguzi kumibuzyo eeyi: Mbuti lusyomo mbolwakamukulwaizya Musa kukazya zisusi zyanyama? Ciindi naakali kusampaulwa, ino lusyomo lwakamugwasya buti kulumba akaambo kacoolwe camilimo njaakapegwa? Alimwi nkaambo nzi Musa ‘ncaakagamikide meso aakwe kubulangizi bwakupegwa bulumbu’?\\nWAKAZIKAZYA ZISUSI ZYANYAMA\\n4. Ncinzi Musa ncaakazyi kujatikizya “kulikkomanisya acibi”?\\n4 Akaambo kalusyomo, Musa wakazyiba kuti “kulikkomanisya acibi” nkwakaindi buyo kasyoonto. Bamwi bakali kukonzya kwaamba kuti, nokuba kuti cisi ca Egepita cakazwide mituni alimwi akukomba mizimo, ncecisi cakali kweendelezya nyika yoonse ciindi bantu ba Jehova nobakali kupenga kabali bazike. Nokuba boobo, Musa wakalizyi kuti Leza ulakonzya kuzicinca zintu. Nokuba kuti bamwi ibakali kulikkomanisya zyakali kubeendela kabotu zintu mubuumi, Musa wakalijisi lusyomo lwakuti basizibi bayakunyonyoonwa. Eeci cakapa kuti ataongelezyegwi ‘kulikkomanisya acibi kwakaindi kaniini buyo.’\\n5. Ncinzi cikonzya kutugwasya kukazya ‘kulikkomanisya acibi kwakaindi kaniini buyo’?\\n5 Mbuti mbomukonzya kukukazya ‘kulikkomanisya acibi kwakaindi kaniini buyo’? Mutalubi kuti kulikondelezya acibi nkwakaindi buyo kaniini. Kwiinda mulusyomo, amubone kuti “inyika iyaabumana antoomwe azisusi zyayo.” (1 Jo. 2:15-17) Amuzinzibale kuyeeya kujatikizya ciyakubacitikila kumbele basizibi bateempwi. Bali “mumasena aatezemuka . . . ziyoosyo zilabamaninina.” (Int. 73:18, 19) Ciindi nomwasunkwa kucita cibi, amulibuzye kuti, ‘Ino ndiyanda kuyakuba abuumi buli buti kumbele?’\\n6. (a) Nkaambo nzi Musa ncaakakaka “kwiitwa kuti mwana wamwana musimbi wa Falawo”? (b) Nkaambo nzi ncomuyeeya kuti Musa wakasala kabotu?\\n6 Lusyomo lwa Musa lwakamugwasya kusala mulimo. “Akaambo kalusyomo, Musa naakakomena wakakaka kwiitwa kuti mwana wamwana musimbi wa Falawo.” (Heb. 11:24) Musa tanaakayeeya kuti ulakonzya kubelekela Leza kumwi kabeleka munkuta yamwami alimwi akubelesya lubono lwakwe alimwi acoolwe ncaakajisi kugwasya banabokwabo bana Israyeli. Muciindi caboobo, Musa wakalikanzide kuyanda Jehova amoyo wakwe woonse, muuya wakwe woonse, alimwi anguzu zyakwe zyoonse. (Dt. 6:5) Kusala kwakwe kwakamugwasya kuti atatyompwi. Lubono lunji lwabana Egepita ndwaakakaka lwakazikunyonyoonwa abana Israyeli kakutanainda ciindi cilamfwu. (Kul. 12:35, 36) Farao wakafwiinsigwa alimwi wakajaigwa. (Int. 136:15) Mukwiimpana, Musa wakafwutuka alimwi Leza wakamubelesya kusololela bana Israyeli kulufwutuko. Buumi bwakwe bwakali aampindu ncobeni.\\n7. (a) Kweelana alugwalo lwa Matayo 6:19-21, nkaambo nzi ncotweelede kulanga zintu izicili kumbele kutali izili afwaafwi? (b) Amwaambe cakuluula icitondezya kwiindana kuliko akati kalubono lwamunyika alimwi alubono lwakumuuya.\\n7 Ikuti naa muli mubelesi wa Jehova mukubusi, mbuti lusyomo mbolukonzya kumugwasya kusala mulimo? Inga caba cabusongo kuti mwalibambilida limwi zyakumbele. Pele sena lusyomo muzisyomezyo zya Leza luyakumupa kulibambila buumi bwakaindi kaniini naa buumi butamani bwakumbele? (Amubale Matayo 6:19-21.) Ooyu ngomubuzyo ngobakali kulibuzya ba Sophie, balo ibakacizyi kapati kuzyana. Bakapegwa coolwe cakwiiya kuzyana alimwi bakali kulombozya kupegwa zyuuno zyaatala mumakkampani aazyakuzyana mucisi coonse ca United States. Bakaamba kuti: “Cakali kukkomanisya kuyandwa kapati. Alimwi buya, ndakali kulimvwa kuti ndilabainda beenzuma. Pele tiindakakkomene pe.” Mpoonya ba Sophie bakeebelela vidiyo yakuti Young People Ask—What Will I Do With My Life? Bakaamba kuti: “Ndakazyikuzyiba kuti nyika yakandigwasya kuzwidilila mubuumi bwangu alimwi akuyandwa abeenzuma muciindi cakukomba Jehova camoyo woonse. Ndakapaila kuzwa ansi aamoyo. Mpoonya ndakacileka mulimo wangu wakuzyana.” Ino balimvwa buti kujatikizya kusala kwabo? Bakaamba kuti: “Tandibulombozyi buumi bwangu bwakaindi. Mazuba aano, ndilikkomene cakumaninina. Ndicita mulimo wabupainiya abalumi bangu. Tatujisi mpuwo, alimwi tujisi buyo zintu zisyoonto zyakumubili. Pele tulijisi Jehova, ziiyo zya Bbaibbele, alimwi ambaakani zyakumuuya. Alimwi tanduuside akaambo kakusala kwangu.”\\n8. Ndulayo nzi lwamu Bbaibbele lukonzya kugwasya mukubusi kusala mbwakonzya kububelesya buumi bwakwe?\\n8 Jehova ulizyizyi kabotu nzyotuyandika. Musa wakaamba kuti: “Ino Jehova Leza wanu uyanda nzi kulindinywe? Sena takuli kuyoowa Jehova Leza wanu akweenda munzila zyakwe zyoonse akumuyanda akumubelekela Jehova Leza wanu amoyo wanu woonse abuumi bwanu boonse, alimwi akubamba milawo ya Jehova njendimulailila sunu, kuti zyintu zimweendele kabotu?” (Dt. 10:12, 13) Ciindi nomucili mukubusi, amusale mulimo uuyakumupa kuti kamumuyanda Jehova alimwi akumubelekela “amoyo wanu woonse abuumi bwanu boonse.” Mulakonzya kuba masimpe kuti nzila iili boobo iyakumugwasya kuti “zyintu zimweendele kabotu.”\\nWAKALUMBA AKAAMBO KACOOLWE CAMILIMO NJAAKAPEGWA\\n9. Amupandulule ncocakali kukonzya kumuyumina Musa kuubeleka mulimo ngwaakapegwa.\\n9 Musa “wakabona kuti kusampaulwa akaambo kakuba Munanike lwakali lubono luyandika kapati kwiinda lubono loonse lwamu Egepita.” (Heb. 11:26) Musa wakatumwa kali “Kristo” naa “Munanike” nkaambo awalo wakasalwa aa Jehova kuti asololele bana Israyeli kuzwa mu Egepita. Musa wakalizyi kuti kucita mulimo ooyu tiicakali kuyakuba cuuba-uba alimwi cakali kuya kupa kuti ‘asampaulwe.’ Cakufwubaazya, muna Israyeli umwi wakaamba kuti: “Ma! Ngwani wakubika kuti ube silutwe wesu na mubetesi wesu?” (Kul. 2:13, 14) Kumane Musa wakabuzya Jehova kuti: “Ulandimvwa buti Farao?” (Kul. 6:12) Kutegwa alibambile alimwi akulwana kusampuka, Musa wakaambila Jehova zintu nzyaakali kuyoowa alimwi akulibilika. Mbuti Jehova mbwaakamugwasya Musa kuzuzikizya mulimo iwakali kukatazya?\\n10. Mbuti Jehova mbwaakamugwasya Musa kucita mulimo ngwaakapedwe?\\n10 Cakusaanguna, Jehova wakasyomezya Musa kuti: “Ncobeni ndaba ayebo.” (Kul. 3:12) Cabili, Jehova wakagwasya Musa kuba alusyomo kwiinda mukumwaambila ncolyaamba zina lyakwe kuti: “Ndiyooba Kufwumbwa Mbondasala Kuba.” * (Kul. 3:14. NW) Catatu, wakamupa nguzu zyakucita maleele zyalo zyakatondezya kuti Musa wakatumidwe a Leza. (Kul. 4:2-5) Cane, Jehova wakapa Musa sikumugwasyilizya alimwi mwaambilizi, Aaroni, kutegwa amugwasye kucita mulimo wakwe. (Kul. 4:14-16) Kuzikusika kumamanino aabuumi bwakwe, Musa wakasyoma kuti Leza ulabagwasya babelesi bakwe kuzuzikizya mulimo ngwaabapa cakuti cakusinizya wakaambila Joshua iwakali kuya kumulida busena kuti “Jehova nguumusololela alimwi uyoozumanana kuba andinywe. Takamusiyi nokuba kumulekelezya pe. Mutayoowi nokuba kukankama.”—Dt. 31:8.\\n11. Nkaambo nzi Musa ncaakaukkomanina kapati mulimo ngwaakapedwe?\\n11 Kwiinda mukugwasyigwa a Jehova, Musa wakaukkomanina kapati mulimo wakwe iwakali kuyoosya, akuubona kuba ‘mupati kwiinda lubono loonse lwamu Egepita.’ Kayi kubelekela Farao kwakanyina mpindu tweezyanisya akubelekela Leza Singuzuzyoonse. Mbulumbu nzi mbwaakali kuyakujana mukuba mwana aamwami tweezyanisya kukuba “Kristo,” naa munanike wa Jehova? Musa wakapegwa bulumbu akaambo kamuuya wakwe wakulumba. Wakali kukkomana kuba mulongwe wa Jehova, walo iwakamugwasya kucita “milimo mipati yoonse iigambya” ciindi naakali kusololela bana Israyeli kuya mu Nyika Yakasyomezyegwa.—Dt. 34:10-12.\\n12. Nzyoolwe nzi zizwa kuli Jehova nzyotweelede kulumba?\\n12 Andiswe tulijisi mulimo. Kwiinda mu Mwanaakwe, Jehova watupa mulimo mbubwenya mbwaakacita kumwaapostolo Paulo abamwi. (Amubale 1 Timoteyo 1:12-14.) Toonse tulijisi coolwe cakwaambilizya makani mabotu. (Mt. 24:14; 28:19, 20) Bamwi babeleka mulimo waciindi coonse. Bakwesu basimide babbapatizyidwe balabeleka mumbungano kabali bakutausi alimwi abaalu. Nokuba boobo, banamukwasyi batali Bakamboni alimwi abamwi balakonzya kudooneka mpindu iiliko kuzyoolwe eezyi naa kumufwubaazya akaambo kakulyaaba kwanu. (Mt. 10:34-37) Kuti bazwidilila kumutyompya, mulakonzya kutalika kudooneka naa kulyaaba kwanu kulijisi mpindu naa kutalika kulitenga kuti inga tamucikonzyi kuucita mulimo wanu. Kuti eeco camucitikila, mbuti lusyomo mbolukonzya kumugwasya kuliyumya?\\n13. Mbuti Jehova mbwatugwasya kutegwa tuzuzikizye milimo yakumuuya njatupa?\\n13 Calusyomo, amumulombe Jehova kuti amugwasye. Amumwaambile nzyomuyoowa anzyomulibilika. Kayi Jehova ngowakamutuma, aboobo uyakumugwasya kutegwa muzwidilile. Munzila nzi? Munzila njemunya njaakagwasya Musa. Cakusaanguna, Jehova umusyomezya kuti: “Njookuyumya, njookugwasya, ncobeni njookutabilila ajanza lyalulyo lyabululami bwangu.” (Is. 41:10) Cabili, kujatikizya zisyomezyo zyakwe zisyomeka umuyeezya kuti: “Ndaamba kale makani, lino njooazuzikizya. Ndikanzide, lino njoocita obo.” (Is. 46:11) Catatu, Jehova wamupa ‘nguzu zigambya iziinda zyabantu nzyomujisi’ kutegwa muzuzikizye mulimo wanu. (2 Ko. 4:7) Cane, kutegwa tuliyumye mumulimo wesu, Taateesu uulanganya watupa bunyina bwanyika yoonse bwabukombi bwakasimpe, bwalo ‘bwazumanana kutukulwaizya akuyakana umwi amweenzinyina.’ (1 Te. 5:11) Mbwayaabumugwasya Jehova kutegwa muzuzikizye milimo yanu, lusyomo lwanu mulinguwe luyakukomena alimwi muyakulumba akaambo kazyoolwe nzyaamupa mumulimo wakwe akuzibona kuti zintu zipati kwiinda lubono lwamunyika.\\n“WAKAGAMIKIDE MESO AAKWE KUBULANGIZI BWAKUPEGWA BULUMBU”\\n14. Nkaambo nzi Musa ncaakasinizyide kuti uyakutambula bulumbu?\\n14 Musa “wakagamikide meso aakwe kubulangizi bwakupegwa bulumbu.” (Heb. 11:26) Masimpe, Musa wakabelesya luzyibo lwakwe kujatikizya zyakumbele kuti lumugwasye kuzilanga kabotu zintu, nokuba kuti luzyibo oolo kuciindi eeco lwakali lusyoonto. Mbubwenya mbuli syaanyinakulu Abrahamu, Musa wakalijisi lusyomo lwakuti Jehova ulakonzya kubabusya bafwide. (Lk. 20:37, 38; Heb. 11:17-19) Bulangizi mbwaakajisi kujatikizya zilongezyo zyakumbele bwakagwasya Musa kubona myaka iili 40 kali simutuntuli alimwi amyaka iili 40 munkanda kuba ampindu. Nokuba kuti tanaakazyi makani oonse kujatikizya kuzuzikizyigwa kwazisyomezyo zya Leza, lusyomo lwakwe lwakali kukonzya kubona bulumbu butalibonyi.\\n15, 16. (a) Nkaambo nzi ncotweelede kubikkila maano kubulumbu bwesu? (b) Nzilongezyo nzi nzyomuyandisisya kapati mubweendelezi bwa Bwami?\\n15 Sena ‘mugamikide meso aanu kubulangizi bwakupegwa’ bulumbu? Mbubwenya mbuli Musa, andiswe tatunazyiba makani oonse aajatikizya zilongezyo zya Leza. Mucikozyanyo, ‘tatuzyi ciindi cibikkidwe naayoosika’ mapenzi mapati. (Mk. 13:32, 33) Nokuba boobo, nzinji nzyotuzyi kujatikizya Paradaiso yakumbele kwiinda Musa nzyaakazyi. Noliba leelyo notutazyi makani oonse, tulijis zisyomezyo kujatikizya buumi mubweendelezi bwa Bwami bwa Leza izyeelede kutupa ‘kugamika meso eesu’ kulimbubo. Ikweezyeezya nyika mpya mboiyakuba kuyakutugwasya kusaanguna kuyandaula Bwami oobo. Munzila nzi? Amweezyeezye mubuzyo ooyu: Sena inga mwaula ŋanda njomutazyi kabotu? Peepe! Mbubwenya buyo, andiswe tatukonzyi kubelesya buumi bwesu kuyandaula zintu zitajisi mpindu. Kwiinda mulusyomo, tweelede kweezyeezya mumizeezo mbobuyakuba buumi mubweendelezi bwa Bwami.\\nEelo kaka cinakukkomanisya kubandika ababelesi basyomeka mbuli Musa! (Amubone muncali 16)\\n16 Kutegwa Bwami bwa Leza buzumanane kuba mumizeezo yanu, ‘amugamike meso aanu’ kubuumi bwanu mu Paradaiso. Amweezyeezye. Mucikozyanyo, nomwiiya buumi bwabantu bakaindi Bunakristo kabutanatalika, amweezyeezye mibuzyo njomukonzya kubabuzya baakubusyigwa. Amweezyeezye mibuzyo njobakonzya kumubuzya kujatikizya buumi bwanu mumazuba aakumamanino. Amweezyeezye mbomuyakukkomana kubonana abasinsiku ibakaponede kaindi alimwi akubayiisya kujatikizya zintu zyoonse Leza nzyaabacitila. Amweezyeezye mbomuyakukkomana kwiiya kujatikizya banyama banji bamusyokwe kwiinda mukubalangilila mubusena bwaluumuno. Amuyeeye mbomuyakulimvwa kuba acilongwe ciyumu kapati a Jehova kusikila mukalondoke.\\n17. Ino kweezyeezya kujatikizya bulumbu bwesu ibutalibonyi inga kwatugwasya buti mazuba aano?\\n17 Ikweezyeezya bulumbu butalibonyi mumizeezo kulatugwasya kuzumanana kuba alukkomano alimwi akusala zintu zitugwasya kutegwa tukabe abuumi butamani kumbele. Paulo wakalembela Banakristo bananike kuti: “Ikuti katulangila cintu ncotutaboni, tulazumanana kucilindila cakuliyumya.” (Lom. 8:25) Kaambo aaka kalabajatikizya Banakristo boonse ibajisi bulangizi bwakupona kukabe kutamani. Nokuba kuti tatunatambula bulumbu, lusyomo lwesu nduyumu kapati cakuti tulazumanana kulindila cakukkazyika moyo kutegwa ‘tukapegwe bulumbu.’ Mbubwenya mbuli Musa, myaka yoonse njotwabeleka mumulimo wa Jehova twiibona kuba ampindu. Tulaalusyomo lwakuti “zyintu zilibonya nzyakaindi kaniini buyo, pele izyintu zitalibonyi tazimani pe.”—Amubale 2 Bakolinto 4:16-18.\\n18, 19. (a) Nkaambo nzi ncotweelede kuzyandamana kutegwa tuzumanane kuba alusyomo? (b) Ncinzi ncotuyakulanga-langa mucibalo citobela?\\n18 Lusyomo lutugwasya kuzyiba “bumboni busalede bwazyintu zini-zini zitanabonwa.” (Heb. 11:1) Muntu uusololelwa azisusi zyanyama taboni mpindu iiliko mukubelekela Jehova. Kumuntu uuli boobo, zintu zyakumuuya “nzyabufwubafwuba.” (1 Ko. 2:14) Nokuba boobo, andiswe tulangila kukkomana abuumi butamani alimwi akubona kubusyigwa kwabantu, izintu zitabonwi abantu bamunyika. Mbubwenya mbuli basyaabusongo bamumazuba aa Paulo ibakali kumwaamba kuti ngu “simalabali,” abalo bantu banji mazuba aano bayeeya kuti bulangizi mbotukambauka mbufwubafwuba.—Mil. 17:18.\\n19 Mbwaanga tulizingulukidwe abantu batajisi lusyomo, tweelede kuzyandamana kutegwa tuzumanane alusyomo lwesu. Amumukombelezye Jehova ‘kutegwa lusyomo lwanu lutamani.’ (Lk. 22:32) Lyoonse mweelede kuyeeya zintu zibyaabi ziboola akaambo kakucita cibi, ampindu mpati yakubelekela Jehova alimwi abulangizi bwabuumi butamani. Nokuba boobo, Lusyomo lwa Musa lwakamugwasya kubona zintu iziinda azintu eezyo. Mucibalo citobela, tuyakulanga-langa lusyomo mbolwakamugwasya Musa kubona “Ooyo uutalibonyi.”—Heb. 11:27.\\n^ par. 10 Kujatikizya majwi aa Leza aajanika mulugwalo lwa Kulonga 3:14, sikwiiya zyamu Bbaibbele umwi wakalemba kuti: ‘Taakwe cikonzya kumulesya kucita kuyanda kwakwe . . . Izina lyakuti Jehova lyakali kuyakuba ngazi yabana Israyeli, ciyobwedo cipati cabulangizi alimwi aluumbulizyo.’\\nSena Mulamubona “Ooyo Uutalibonyi”?\\nMAKANI AABUUMI Mulimo Waciindi Coonse​—Nkowandisololela\\nTaakwe Muntu Uukonzya Kubelekela Basimalelo Bobilo\\nAmube Basicamba​—Jehova Ngomugwasyi Wanu!\\nSena Mulamulumba Jehova Akaambo Kakumulanganya Cakubikkila Maano?\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA April 2014\\nNGAZI YAMULINDIZI—YAKWIIYA April 2014","num_words":2058,"character_repetition_ratio":0.048,"word_repetition_ratio":0.001,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Cikozyanyo ca Jesu ca Matalenta | Yakwiiya\\nAMUBALE MU Acholi Albanian American Sign Language Amharic Arabic Argentinean Sign Language Armenian Aymara Azerbaijani Azerbaijani (Cyrillic) Bengali Bicol Bislama Brazilian Sign Language Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chokwe Chuvash Cibemba Cinyanja Colombian Sign Language Croatian Czech Danish Drehu Dutch Efik English Estonian Finnish French Georgian German Greek Guarani Gujarati Gun Haitian Creole Hebrew Hiligaynon Hindi Hiri Motu Hungarian Iban Icelandic Igbo Iloko Indonesian Isoko Italian Italian Sign Language Japanese Japanese Sign Language Kannada Kazakh Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Krio Latvian Lithuanian Luganda Lunda Luo Luvale Macedonian Malagasy Malay Malayalam Mambwe-Lungu Marathi Mauritian Creole Maya Mexican Sign Language Mixe (North Central) Mongolian Moore Ndebele (Zimbabwe) Nepali Norwegian Nyaneka Oromo Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Punjabi Quechua (Bolivia) Quichua (Imbabura) Romanian Runyankore Russian Russian Sign Language Samoan Sango Serbian (Cyrillic) Serbian (Roman) Seychelles Creole Shona Sidama Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tajiki Tamil Tatar Telugu Tetun Dili Thai Tigrinya Tiv Tok Pisin Tshiluba Turkish Turkmen Turkmen (Cyrillic) Tuvaluan Tzotzil Ukrainian Urdu Uzbek Vietnamese Wallisian Waray-Waray Wayuunaiki Wolaita Yoruba Zande Zapotec (Isthmus)\\n“Wakusaanguna wakamupa matalenta aali musanu, wabili wakamupa obilo, watatu wakamupa lyomwe.”—MT. 25:15.\\nNkaambo nzi Jesu ncaakaambila cikozyanyo camatalenta?\\nNdilili Simalelo nayooboola kulingula?\\nNziiyo nzi nzyotwiiya kucikozyanyo eeci?\\n1, 2. Nkaambo nzi Jesu ncaakaambila cikozyanyo camatalenta?\\nMUCIKOZYANYO camatalenta, Jesu ulatondezya kabotu-kabotu mukuli ngobajisi basikumutobela bananike. Tweelede kumvwisya ncocaamba cikozyanyo eeci, nkaambo cilabajatikizya Banakristo boonse bakasimpe, kufwumbwa naa bajisi bulangizi bwakujulu naa bwaanyika.\\n2 Jesu wakapa cikozyanyo camatalenta kacili cibeela cabwiinguzi kumubuzyo wabasikwiiya bakwe kujatikizya “citondezyo cakubako [kwakwe] acamamanino aabweende bwazintu.” (Mt. 24:3) Aboobo cikozyanyo eeci cilazuzikizyigwa muciindi cesu alimwi ncibeela cacitondezyo citondezya kuti Jesu nkwali alimwi ulalela kali Mwami.\\n3. Nziiyo nzi zijanika muzikozyanyo zilembedwe mubbuku lya Matayo caandaano 24 alimwi a 25?\\n3 Cikozyanyo camatalenta ncimwi cazikozyanyo zikozyenye zyone izilembedwe ku Matayo 24:45 kusikila ku 25:46. Izimbi zyotatwe, nkokuti camuzike uusyomeka alimwi uucenjede, cabanakalindu bali kkumi, alimwi acambelele ampongo, azyalo nzibeela zyabwiinguzi bwa Jesu kumubuzyo uujatikizya citondezyo cakubako kwakwe. Muzikozyanyo zyoonse zyone, Jesu wakaamba bube ibwakali kuyakwaandaanya basikumutobela bakasimpe mumazuba aaya aamamanino. Cikozyanyo camuzike, cabanakalindu alimwi acamatalenta, zigamikidwe kuli basikumutobela bakwe bananike. Mucikozyanyo cijatikizya muzike uusyomeka, Jesu wakatondezya mbokayandika kusyomeka alimwi akucenjela kakamu kasyoonto kabananike ikapedwe mukuli wakusanina babelesi bamuŋanda yakwe mumazuba aaya aamamanino. Mucikozyanyo cabanakalindu, Jesu ukankaizya kuti basikumutobela boonse ibananike beelede kulibambila alimwi akulangila, mbobazyi kuti Jesu ulaboola pele mbwaanga tabazyi buzuba naa ciindi. Mucikozyanyo camatalenta, Jesu utondezya kuti bananike beelede kuba basungu mukubeleka milimo yabo ya Bunakristo. Jesu ugamika cikozyanyo cakwe camamanino, nkokuti cikozyanyo cambelele ampongo, kuli baabo ibajisi bulangizi bwaanyika. Ukankaizya kuti beelede kusyomeka alimwi akubagwasyilizya kapati banabokwabo Jesu ibananike ibali anyika. * Lino atubikkile maano kucikozyanyo camatalenta.\\nSIMALELO WAPA BAZIKE BAKWE LUBONO\\n4, 5. Nguni wiimininwa amuntu ooyo naa simalelo, alimwi talenta lyomwe ndubono lunji buti?\\n4 Amubale Matayo 25:14-30. Kuzwa kaindi mabbuku eesu apandulula kuti muntu ooyo, naa simalelo waambidwe mucikozyanyo ngu Jesu alimwi akuti wakaunka kucisi cimbi ciindi naakaunka kujulu mu 33 C.E. Mucikozyanyo icakaambwa musyule, Jesu uyubununa kuti ncaunkila kucisi cimbi nkuti “akapegwe bwami.” (Lk. 19:12.) Jesu tanaakapegwa Bwami mpoonya-mpoonya mbwaakapilukila buyo kujulu pe. * Pele ‘wakakkala kujanza lyalulyo lya Leza, kuzwa ciindi eeco wali kulindila kusikila basinkondonyina bakabikkwe kuba cilyatilo camaulu aakwe.’—Heb. 10:12, 13.\\n5 Muntu waambidwe mucikozyanyo wakajisi matalenta aali lusele, ilubono lunji kapati kuciindi eeco. * Katanaunka kucisi cimbi, wakabaabanya bazike bakwe matalenta, kalangila kuti balacita makwebo ciindi natako. Mbubwenya mbuli muntu ooyo, Jesu wakajisi cintu cimwi ciyandika kapati katanaunka kujulu. Ino cakali cintu nzi eeco? Bwiinguzi bujatikizya mulimo ngwaakali kucita mubuumi bwakwe.\\n6, 7. Ino matalenta aiminina nzi?\\n6 Jesu wakatondezya mbouyandika kapati mulimo wakwe wakukambauka akuyiisya. (Amubale Luka 4:43.) Kwiinda mumulimo ooyu, wakalima muunda iwakali kulangilwa kuleta mpindu kapati. Aciindi cimwi musyule, wakaambila basikwiiya bakwe kuti: “Amuwaale meso aanu mubone myuunda, nkaambo yayuma kale kuti itebulwe.” (Joh. 4:35-38) Jesu wakali kuyeeya kuyobololwa kwabantu banji ibabombe myoyo ibakali kuyooba basikwiiya bakwe. Mbubwenya mbuli mulimi mubotu, Jesu kunyina naakausiya buyo muunda iwakeelede kutebulwa kakunyina kuulanganya. Aboobo, nokwakainda ciindi cisyoonto buyo kuzwa ciindi naakabuka alimwi katanaunka kujulu, wakapa basikwiiya bakwe mulimo ooyu mupati naakati: “Aboobo kamuya mukayiisye bantu.” (Mt. 28:18-20) Aboobo, Jesu wakabapa cintu ciyandisi, nkokuti mulimo wa Bunakristo.—2Kor. 4:7.\\n7 Aboobo, ncinzi ncotukonzya kwaamba? Ciindi naakali kupa basikumutobela bakwe mulimo wakuyiisya bantu kuti babe basikwiiya, Jesu munzila imwi wakali kubapa “lubono lwakwe”—matalenta aakwe. (Mt. 25:14) Mubufwaafwi, matalenta caamba mukuli wakukambauka wakuyiisya bantu kuti babe basikwiiya.\\n8. Nokuba kuti muzike umwi aumwi wakatambula mweelwe wiindene wamatalenta, ncinzi simalelo ncaakali kulangila?\\n8 Cikozyanyo camatalenta citondezya kuti simalelo wakapa muzike wakusaanguna matalenta osanwe, wabili wakamupa obilo eelyo wamamanino wakamupa lyomwe buyo. (Mt. 25:15) Nokuba kuti muzike umwi aumwi wakatambula mweelwe wiindene, simalelo wakali kulangila kuti boonse balaba basungu mukubelesya matalenta, nkokuti, mukubeleka canguzu mbuli mbobakali kukonzya mumulimo. (Mt. 22:37; Kol. 3:23) Mumwaanda wamyaka wakusaanguna, kutalikila mu Pentekoste 33 C.E., basikutobela Kristo bakatalika kwaabelesya mumakwebo matalenta. Busungu bwabo mumulimo wakukambauka alimwi akuyiisya bantu kuti babe basikwiiya ulilembedwe kabotu mubbuku lyamu Bbaibbele lya Milimo. *—Mil. 6:7; 12:24; 19:20.\\nKUBELESYA MATALENTA MUMAKWEBO MUCIINDI CAMAMANINO\\n9. (a) Ncinzi bazike basyomeka bobilo ncobakacita amatalenta ngobakapegwa, alimwi eeci citondezya nzi? (b) Ino ‘bambelele zimbi’ bajisi mukuli nzi?\\n9 Muciindi camamanino, kwaambisya kuzwa mu 1919 kuya kumbele, bazike ba Kristo bananike ibasyomeka anyika bali kucita makwebo kubelesya matalenta aa Simalelo. Mbubwenya mbuli bazike bobilo bakusaanguna, ibananike bakwesu abacizyi babeleka kusikila aagolela nguzu zyabo kubelesya zintu nzyobajisi. Taciyandiki kutalika kuzumbauzya kujatikizya iwakatambula matalenta aali musanu alimwi ayooyo iwakatambula matalenta obilo. Mucikozyanyo eeci, muzike wakajisi osanwe wakayungizya aambi osanwe, mpoonya iwakajisi obilo wakayungizya aambi obilo, aboobo boonse buyo bakali basungu. Ino aabo bajisi bulangizi bwaanyika bajisi mukuli nzi? Bajisi mukuli uuyandika kapati! Cikozyanyo ca Jesu cambelele ampongo cituyiisya kuti aabo ibajisi bulangizi bwaanyika balijisi coolwe cakubagwasyilizya cakusyomeka banabokwabo Jesu bananike mumulimo wakukambauka akuyiisya bantu. Mumazuba aaya aamamanino aakatazya, nkamu eezyi zyobilo zibelekela antoomwe kazili “tanga lyomwe” mukubeleka cabusungu mulimo wakuyiisya bantu kuti babe basikwiiya.—Joh. 10:16.\\n10. Ncibeela nzi cilibedelede cacitondezyo cakubako kwa Jesu?\\n10 Cakweelela Simalelo uyanda kubona mpindu. Mbuli mbokwaambwa musyule, basikwiiya bakwe basyomeka mumwaanda wamyaka wakusaanguna bakaluyungizya lubono lwakwe. Mbuti kujatikizya ciindi eeci camamanino ciindi cikozyanyo camatalenta nocizuzikizyigwa? Babelesi ba Jesu ibasyomeka alimwi bankutwe baubeleka mulimo mupati uutanabwenwe wakukambauka alimwi akuyiisya bantu kuti babe basikwiiya. Ikubelekela antoomwe kwabo kupa kuti basikwiiya bapya banji kabayungizyigwa kumbunga yabasikwaambilizya Bwami mwaka amwaka, calo capa kuti mulimo wakukambauka akuyiisya bantu ube cibeela cilibonya kapati cacitondezyo cakubako kwa Jesu kali Mwami. Cakutadooneka Simalelo wabo weelede kuti ulikkomene!\\nKristo wapa babelesi bakwe mukuli mubotu kapati wakukambauka (Amubone muncali 10)\\n11. Ncinzi citupa kwaamba kuti Jesu uyoolingula kuciindi camapenzi mapati?\\n11 Jesu uyooboola kubalingula bazike bakwe afwaafwi amamanino aamapenzi mapati aali kumbele. Ncinzi citupa kwaamba boobu? Mubusinsimi bwakwe bulembedwe kuli Matayo caandaano 24 alimwi a 25, Jesu cakwiinduluka-induluka wakaamba zyakuboola kwakwe. Kaamba zyalubeta kuciindi camapenzi mapati, wakaamba kuti bantu “bayoobona Mwanaamuntu kaboola mumakumbi aakujulu.” Wakakulwaizya basikumutobela bakwe ibapona mumazuba aamamanino kuti kabalangila, wakati: “Tamuzyi buzuba Mwami wanu nayooboola” alimwi akuti “Mwanaamuntu ulaboola aciindi ncomutayeeyeli.” (Mt. 24:30, 42, 44) Aboobo ciindi Jesu naakaamba kuti “simalelaabo bazike aabo wakaboola akubalingula,” kulibonya kuti wakali kwaamba ciindi nayooboola kubeteka kumamanino aabweende bwazintu oobu. *—Mt. 25:19.\\n12, 13. (a) Ino simalelo wabaingula buti bazike bakusaanguna bobilo, alimwi nkaambo nzi? (b) Ndilili bananike nobatambula ciganto camamanino? (Amubone kabbokesi kakuti “ Kulyaambilila Ciindi Calufwu.”) (c) Ino mbulumbu nzi aabo ibali kulubazu lwambelele mbobayootambula?\\n12 Kweelana ambokwaambidwe mucikozyanyo, ciindi simalelo naaboola, wajana kuti bazike bakusaanguna bobilo—ooyo wakapegwa matalenta osanwe ayooyo wakapegwa obilo—basyomeka, iwakapegwa osanwe wakayungizya aambi osanwe, iwakapegwa obilo wakayungizya aambi obilo. Simalelo waamba majwi aakozyenye kubazike aaba bobilo aakuti: “Wacita kabotu, omuzike mubotu alimwi uusyomeka! Wakasyomeka muzintu zisyoonto. Ndiyookusala kuti kolanganya zintu zinji.” (Mt. 25:21, 23) Aboobo, ncinzi ncotukonzya kulangila ciindi Simalelo, nkokuti Jesu mubulemu bwakwe, aakuboola kubeteka kumbele?\\n13 Aabo ibaimininwa abazike bakusaanguna bobilo—basikwiiya bakwe bananike ibankutwe—banooli bakatambula kale ciganto camamanino mapenzi mapati kaatanatalika. (Ciy. 7:1-3) Kaitanatalika Amagedoni, Jesu uyoobapa bulumbu bwabo bwakujulu mbobakasyomezyegwa. Aabo ibajisi bulangizi bwaanyika ibakagwasyilizya banabokwabo Kristo mumulimo wakukambauka banooli babikkwa kale kulubazu lwambelele alimwi bayoopegwa coolwe cakupona munyika mubweendelezi bwa Bwami.—Mt. 25:34.\\nMUZIKE MUBI ALIMWI MUTOLO\\n14, 15. Sena Jesu wakali kutondezya kuti mweelwe mupati wabanabokwabo bananike bayooba babi alimwi batolo? Amupandulule.\\n14 Mucikozyanyo eeci, muzike watatu wakasisa talenta lyakwe ansi muciindi cakucita makwebo naa kulipa basimpindu. Muzike ooyo wakatondezya muuya mubi, nkaambo acaali wakacita cintu citeendelani amakanze aasimalelaakwe. Cakweelela simalelo wakamwaamba kuti “mubi alimwi mutolo.” Simalelo wakamunyanga talenta akulipa kuli yooyo iwakajisi aali kkumi. Mpoonya muzike mubi wakawaalwa “anze mumudima.” Ooko nkonkuko “nkwayoolilila akulumina ntwino.”—Mt. 25:24-30; Lk. 19:22, 23.\\n15 Omwe akati kabazike botatwe basimalelo wakasisa talenta lyakwe, aboobo sena aawa Jesu wakali kutondezya kuti cibeela catatu cabasikumutobela bakwe bananike bayooba bantu babi alimwi ibatolo? Peepe. Amulange-lange makani aazingulukide kaambo aaka. Mucikozyanyo camuzike uusyomeka alimwi uucenjede, Jesu wakaamba zyamuzike mubi iwakauma bazikenyina. Jesu tanaakali kusinsima kuti kuyoobuka ciinga camuzike mubi. Muciindi caboobo, wakali kucenjezya muzike uusyomeka kutaba abube bwamuzike mubi. Mbubwenya buyo, mucikozyanyo cabanakalindu bali kkumi, Jesu tanaakali kutondezya kuti cisela cabasikumutobela bananike bayooba mbuli banakalindu bafwubafwuba bosanwe. Muciindi caboobo, wakali kucenjezya banabokwabo bakumuuya kujatikizya ciyoobacitikila ikuti naa bacileka kulangila alimwi akuba bantu batalibambilide. * Mumakani aaya, cileelela kwaamba kuti mucikozyanyo camatalenta, Jesu tanaakali kwaamba kuti mweelwe mupati wabanabokwabo bananike mumazuba aamamanino bayooba babi alimwi batolo. Muciindi caboobo, Jesu wakali kucenjezya basikumutobela bananike kuti bazumanane kuba basungu ‘mukwaabelesya mumakwebo’ matalenta aabo alimwi akweeleba bube amicito yamuzike mubi.—Mt. 25:16.\\n16. (a) Nziiyo nzi nzyotwiiya kucikozyanyo camatalenta? (b) Mbuti cibalo eeci mbocasalazya kumvwisya kwesu kujatikizya cikozyanyo camatalenta? (Amubone kabbokesi kakuti “ Kumvwisya Cikozyanyo Camatalenta.”)\\n16 Nziiyo nzi zyobilo nzyotwiiya kucikozyanyo camatalenta? Cakusaanguna, Simalelo, Kristo wapa bazike bakwe ibananike cimwi cintu ncabona kuti cilayandika kapati—mulimo wakukambauka akuyiisya bantu kuti babe basikwiiya. Cabili, Kristo uyanda kuti swebo toonse tube basungu mumulimo wakukambauka. Ikuti twacita boobo, tulakonzya kuba masimpe kuti Simalelo uyootupa bulumbu akaambo kalusyomo lwesu, kuba bantu balangila alimwi ibasyomeka.—Mt. 25:21, 23, 34.\\n^ par. 3 Cibalo icitugwasya kumuzyiba muzike uusyomeka alimwi uucenjede cilajanika mu Ngazi Yamulindizi ya July 15, 2013, mapeeji 21-22, mincali 8-10. Cibalo cainda mumagazini eeyi cakatugwasya kuzyiba banakalindu. Cikozyanyo cambelele ampongo cilapandululwa mu Ngazi Yamulindizi yamu Chingisi ya October 15, 1995, mapeeji 23-28, alimwi amucibalo citobela ceeci mumagazini njiyona eeyi.\\n^ par. 4 Amubone kabbokesi kakuti “ Kukozyanya Kuliko Akati Kacikozyanyo Camatalenta Acamamaina.”\\n^ par. 5 Kuciindi ca Jesu, talenta lyakaleelene amadinari aasika ku 6,000. Kwiinda mukuvwola dinari abuzuba, mubelesi wakeelede kubeleka myaka iisika ku 20 kutegwa avwole talenta lyomwe.\\n^ par. 8 Nobakamana kufwa baapostolo, Saatani wakatalisya luleyo, ilwakayaambele kwamyaanda yamyaka minji. Kuciindi eeco, kwakanyina kubeleka cakusitikila mukuzuzikizya mulimo wakuyiisya bantu kuti babe basikwiiya beni-beni ba Kristo. Pele zyoonse eezyi zyakali kuyoocinca “ciindi cakutebula,” nkokuti, kumazuba aamamanino. (Mt. 13:24-30, 36-43) Amubone Ngazi Yamulindizi, ya July 15, 2013, mapeeji 9-12.\\n^ par. 11 Amubone Ngazi Yamulindizi, ya July 15, 2013, mapeeji 7-8, mincali 14-18.\\n^ par. 15 Amubone muncali 13 mucibalo cakuti “Sena Muyoozumanana ‘Kulangila’?” mumagazini eeyi.\\nKukozyanya Kuliko Akati Kacikozyanyo Camatalenta Acamamaina\\nCikozyanyo camatalenta alimwi acamamaina zilijisi zibeela zili mbozibede zikozyenye. Zyoonse zyaamba muntu uuli mubweendelezi walo iwaita bazike bakwe akubapa mali aakwe katanaunka mulweendo, akubalailila kujana mpindu kuzintu nzyajisi. Mpoonya ciindi muntu ooyo naapiluka, wabaita bazike bakwe kuti bapandulule mbobakaabelesya mali. (Mt. 25:14-30; Lk. 19:12-27) Muzikozyanyo zyoonse zyobilo, simalelo (1) wiiminina Jesu, alimwi bazike (2) baiminina basikwiiya bakwe ibananike. Mucibalo cimwi acimwi, simalelo wapa bazike bakwe mali (3), aayiminina coolwe cibotu kapati cakuyiisya bantu kuti babe basikwiiya. Alimwi zibalo zyoonse zyobilo zijisi kucenjezya kujatikizya cikonzya kucitika ikuti naa basikwiiya ba Kristo baba abube bwamuzike mubi.\\nKulyaambilila Ciindi Calufwu\\nKuzwa mumwaanda wamyaka wakusaanguna, basikwiiya bananike bali kutambula matalenta, alimwi beelede kuyoolyaambilila mbobauzuzikizya mulimo wakukambauka. Aabo ibafwa kaatanatalika mapenzi mapati balabikkwa ciganto camamanino ciindi nobafwa. Nokuba boobo, cikozyanyo ca Jesu camatalenta caamba kapati kulyaambilila kwamamanino nkobeelede kucita bananike aabo ibanooli baumi anyika ciindi camapenzi mapati.\\nKumvwisya Cikozyanyo Camatalenta\\nCiindi Simalelo Nalumbula Bazike Bakwe.\\nBupanduluzi bwakaindi: Mu 1919, Jesu wakabalumbula bazike bakwe bananike anyika kwiinda mukubapa mikuli iiyungizyidwe.\\nBupanduluzi bupya: Ciindi Kristo aakuboola kumbele, uyoobalumbula bazike bakwe bananike ibasyomeka kwiinda mukubabusya kubuumi bwakujulu.\\nMuzike Mubi alimwi Mutolo.\\nBupanduluzi bwakaindi: Muzike mubi alimwi mutolo caamba bananike kuciindi cakuma 1914 ibakakaka kutola lubazu mumulimo wakukambauka.\\nBupanduluzi bupya: Jesu tanaakali kusinsima kuti kakamu kabasikutobela bakwe bananike kayoopanga ciinga camuzike mubi. Muciindi caboobo, wakali kucenjezya basikumutobela cakali kuyoocitika ikuti naa batalika kuyeeya akucita zintu munzila yakali kuyoopa kuti ababone kuba bantu babi alimwi ibatolo.","num_words":1930,"character_repetition_ratio":0.07,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amubeleke Antoomwe a Jehova Abuzuba | Yakwiiya\\nNgazi Yamulindizi—Yakwiiya | August 2018\\nAMUBALE MU Afrikaans Albanian Altai Alur American Sign Language Amharic Amis Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Bolivian Sign Language Boulou Brazilian Sign Language British Sign Language Bulgarian Cakchiquel (Western) Catalan Cebuano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Colombian Sign Language Costa Rican Sign Language Croatian Cuban Sign Language Czech Czech Sign Language Damara Dangme Danish Digor Douala Dutch Ecuadorian Sign Language Edo Efik English Esan Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Greek Greek Sign Language Guarani Guatemalan Sign Language Gujarati Gun Haitian Creole Hausa Hebrew Herero Hiligaynon Hindi Hiri Motu Honduras Sign Language Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kabuverdianu Kannada Kekchi Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malawi Sign Language Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mexican Sign Language Mingrelian Mixe (North Central) Mixtec (Guerrero) Mongolian Moore Motu Mozambican Sign Language Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nicaraguan Sign Language Norwegian Nzema Okpe Oromo Ossetian Otetela Panamanian Sign Language Pangasinan Papiamento (Curaçao) Paraguayan Sign Language Persian Peruvian Sign Language Pidgin (West Africa) Polish Polish Sign Language Ponapean Portuguese Portuguese (Portugal) Portuguese Sign Language Punjabi Quebec Sign Language Quechua (Ancash) Quechua (Bolivia) Romanian Romanian Sign Language Russian Russian Sign Language Salvadoran Sign Language Samoan Sango Sepedi Sepulana Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Venezuelan Sign Language Vietnamese Waray-Waray Wolaita Xhosa Yoruba Zambian Sign Language Zande Zapotec (Isthmus) Zimbabwe Sign Language Zulu\\nAmubeleke Antoomwe a Jehova Abuzuba\\n“Tuli basimilimonyina a Leza.”—1KOR. 3:9.\\nNZYOOLWE NZI NZYOMUJISI ZYAKUBELEKA ANTOOMWE A JEHOVA . . .\\nkwiinda mukugwasya banamukwasyi alimwi abasyominyoko?\\nkwiinda mukusamausya bamwi?\\nkwiinda mukulyaaba akuyungizya mulimo wanu?\\n1. Munzila nzi motukonzya kubeleka a Jehova?\\nJEHOVA naakalenga bantu, wakali kuyanda kuti bakabe basimilimonyina anguwe. Nokuba kuti bantu tabalondokede lino, aabo basyomeka balakonzya kubeleka a Jehova abuzuba. Mucikozyanyo, tuba “basimilimonyina a Leza” kwiinda mukukambauka makani mabotu aa Bwami bwakwe alimwi akugwasya bantu kuba basikwiiya. (1Kor. 3:5-9) Amuciyeeyele buyo coolwe ncotujisi cakubeleka calukamantano a Mulengi singuzu zyoonse mumulimo uuyandika kapati! Nokuba boobo, kukambauka alimwi akugwasya bantu kuba basikwiiya tazili nzila zilikke motubeleka a Jehova. Mucibalo eeci tulabona anzila zimbi motukonzya kucita oobo, nkokuti kwiinda mukugwasya banamukwasyi alimwi abakombima, kwiinda mukusamausya bamwi, kwiinda mukulyaaba mumilimo ya Bunakristo, alimwi akwiinda mukuyungizya mulimo wesu uusetekene.—Kol. 3:23.\\n2. Nkaambo nzi ncocitakonzyi kuba cabusongo kweezyanisya nzyomucita kutegwa musumpule makanze a Jehova azicita bamwi?\\n2 Notulanga-langa cibalo eeci, muteezyanisyi nzyomukonzya kumucitila Jehova alimwi anzyobakonzya kumucitila bamwi. Amuyeeye kuti bantu baliindene ziimo, buumi, bukkale, alimwi anzyobakonzya kucita. Mwaapostolo Paulo, iwakasololelwa amuuya wakalemba kuti: “Pele umwi aumwi alingule nzyacita lwakwe mwini, mpoonya ulajana kaambo kamupa kukondwa lwakwe mwini, ikutali akaambo kakulyeezyanya amuntu uumbi.”—Gal. 6:4.\\nAMUBAGWASYE BANAMUKWASYI ALIMWI ABAKOMBINYOKO\\n3. Nkaambo nzi ncocikonzya kwaambwa kuti muntu uli woonse uulanganya mukwasyi wakwe ulabeleka antoomwe a Leza?\\n3 Jehova uyanda kuti babelesi bakwe kabailanganya mikwasyi yabo. Mucikozyanyo, mweelede kubeleka kutegwa mujane mali ngobayandika bayandwa banu. Bamatumbu banji balacaala aŋanda kutegwa balanganye bana bacili baniini. Alimwi bana ibakakomena bamwi beelede kulanganya bazyali babo ibaciswa. Milimo eeyi ilayandika. Ijwi lya Leza lyaamba kuti: “Ikuti muntu katababambi kabotu bamukwasyi wakwe, ikapati aabo bamuŋanda yakwe, nkokuti walukaka lusyomo alimwi mubi kapati kwiinda muntu uunyina lusyomo.” (1Tim. 5:8) Ikuti naa kamujisi mikuli iili boobu, inga tiimwacikonzya kujana ciindi cakucita milimo ya Bunakristo mbuli mbomuyanda. Pele mutatyompwi pe! Jehova ulakkomana ciindi nomuulanganya mukwasyi wanu.—1Kor. 10:31.\\n4. Mbuti bazyali mbobakonzya kubikka zintu zyakumuuya mubusena bwakusaanguna, alimwi ino ncinzi cikonzya kucitika?\\n4 Bazyali Banakristo balabeleka antoomwe a Jehova ciindi nobabikkila bana babo mbaakani zyakumuuya. Banji ibakacita oobo kumamanino bakabona bana babo basankwa alimwi abasimbi kababeleka milimo yaciindi coonse kule akumaanda aabo. Bamwi mbaamisyinali; bamwi bacita bupainiya kubusena bubulide basikumwaya; mpoonya bamwi babelekela ku Beteli. Ambweni bakwesu abacizyi aaba tabavwuli kubonana abanamukwasyi akaambo kakuti babelekela mumasena aali kulamfwu. Nokuba boobo, bazyali ibalyaabide balabakulwaizya bana babo kuzumanana mumilimo yabo. Ino nkaambo nzi ncobacitila boobo? Balajana lukkomano lunji alimwi akukkutila akaambo kakuzyiba kuti bana babo babikka ziyandika zya Bwami mubusena bwakusaanguna. (3Joh. 4) Ambweni bazyali banji aaba balimvwa mbuli mbwaakalimvwa Hana, walo iwakaamba kuti ‘wakapa’ mwanaakwe Samuele kuli Jehova. Kukamantana kuli boobo bazyali aaba bakubona kuti ncoolwe cipati. Inga tiibayanda kuti zintu zicince pe.—1Sam. 1:28.\\n5. Mbuti mbomukonzya kugwasyilizya bantu ibali mumbungano yanu? (Amubone cifwanikiso icili kumatalikilo aacibalo.)\\n5 Kuti naa tamujisi mikuli minji mumukwasyi wanu, sena inga mwabagwasyilizya bakombinyoko ibalanganya bamwi alimwi abaabo ibaciswa, bacembeede, naa aabo ibayandika lugwasyo? Mbuti kuti mwalanga-langa mumbungano yanu akubona baabo ibayandika lugwasyo? Ambweni mulakonzya kujana ciindi cakuba abazyali bacembeede bamucizyi Munakristo uubalanganya kumwi kalanganya amilimo iimbi. Naa ambweni mulakonzya kugwasya baabo bayandika lugwasyo kwiinda mukulyaaba kubatola kumiswaangano, kubasindikila kukuula zintu, kubaulila naa kubaletela ziyandika, naa kuunka ambabo kuyooswaya muntu umwi uuli mucibbadela. Kwiinda mukucita boobo, mulabeleka antoomwe a Jehova mukwiingula mupailo.—Amubale 1 Bakorinto 10:24.\\n6. Ino ncinzi cibikkilizyidwe mukusamausya bamwi?\\n6 Basimilimonyina a Leza balizyibidwe kuti balasamausya. Mu Chigiriki, ibbala lyakuti “kusamausya” lyaamba “kuyandisisya, naa luzyalo kubantu mbotutazyi.” (Heb. 13:2) Ijwi lya Leza lilijisi zikozyanyo izituyiisya mbotukonzya kuba bantu basamausya. (Matl. 18:1-5) Tulakonzya alimwi tweelede kujana ciindi cakugwasya bamwi lyoonse, tacikwe makani naa ‘mbaciinga cesu calusyomo’ naa pe.—Gal. 6:10.\\n7. Nkaambo nzi ncomweelede kwaalanga-langa makani aakusamausya babelesi baciindi coonse ibaswaya?\\n7 Sena mulakonzya kubeleka a Leza kwiinda mukusamausya babelesi baciindi coonse ibaswaya? (Amubale 3 Johane 5, 8.) Ziindi zili boobu zipa coolwe ‘cakuyumizyanya.’ (Rom. 1:11, 12) Amulange cakuluula caba Olaf. Balayeeya kuti mumyaka yamusyule, mumbungano yabo kunyina wakalyaaba kutambula mulangizi wabbazu, iwatakakwete. Ba Olaf aciindi eeco ibakacili bana bakalomba bazyali babo ibatakali Bakamboni kuti naa mulangizi wabbazu ulakonzya kusikila kuŋanda yabo. Bakazumina pele bakaamba kuti ba Olaf banikoona acuuno. Kucinca ooko kwakali kweelela. Ba Olaf bakaamba kuti, “Eelo kaka yakali nsondo iikkomanisya! Mebo amulangizi wabbazu twakali kufwuma kubuka abuzuba alimwi akubandika zibalo zikkomanisya katutanalya cakulya cakuseeni. Akaambo kakuti bakandikulwaizya, ndakatalika mulimo waciindi coonse.” Kwamyaka iinda ku 40, ba Olaf babeleka mulimo wabumisyinali mumasena aaindene-indene.\\n8. Ntwaambo nzi itutupa kusamausya bamwi nokuba kuti kumatalikilo inga kakulibonya mbuli kuti tiikwabikkilwa maano? Amupe cikozyanyo.\\n8 Mulakonzya kutondezya luyando munzila zinji nokuba kuti kusoleka kwanu kumatalikilo tiikwabikkilwa maano. Amubone cikozyanyo eeci. Naakali kusololela ciiyo ca Bbaibbele, sikumwaya umwi waku Spain wakabona kuti sikwiiya wakwe Yesica, uuzwa ku Ecuador, wakali kulila. Sikumwaya wakabuzya kaambo ikakali kumupa kulila. Ba Yesica bakaamba kuti kabatanalonga, bakali bacete cakuti bumwi buzuba bakanyina cakulya. Cilikke buyo ncobakali kukonzya kupa mwanaabo, maanzi. Bakasola kucita kufwumbwa ncobakali kukonzya kubutika mwanaabo kumwi kabapaila kulomba lugwasyo. Muciindi buyo cisyoonto, Bakamboni bobilo bakabaswaya, pele ba Yesica tiibakabatambula kabotu alimwi bakaizapula magazini njobakabapa bacizyi. Bakabuzya kuti “Sena eeci ncecakulya ncomuyanda kuti ndipe mwanaangu?” Bacizyi bakasola kubaumbulizya, pele eeci tiicakagwasya pe. Nokwakainda ciindi, bacizyi bakabasiila mutaanga wazyakulya amulyango. Ba Yesica bakakulwaizyigwa kapati akaambo kaluse ndobakatondezya bacizyi aaba alimwi bakalimvwa bubi ciindi nobakayeeya kuti tiibakabikkila maano ciindi Leza naakaingula mupailo wabo. Aboobo lino, bakalikanzide kubelekela Jehova. Eelo kaka bwaabi bwabacizyi aaba bwakagwasya kapati!—Muk. 11:1, 6.\\nAMUGWASYILIZYE MUMILIMO YA BUNAKRISTO\\n9, 10. (a) Ino muukkale buli buti bumwi kaindi imwakali kuyandika basikugwasyilizya akati kabantu ba Leza? (b) Ino zintu nzi zimwi ziyandika izilanganizyigwa abaalumi balyaabide mumbungano mazuba aano?\\n9 Kaindi, bana Israyeli bakalijisi zyoolwe zinji zyakulyaaba kugwasyilizya. (Kul. 36:2; 1Mak. 29:5; Neh. 11:2) Mazuba aano, andinywe mulijisi zyoolwe zinji zyakwaaba ciindi canu, lubono, alimwi mulijisi luzyibo lwakucita milimo imwi ndomukonzya kubelesya kugwasya bakwesu abacizyi. Alimwi muyookkomana kapati akutambula zilongezyo zinji akaambo kakulyaaba kugwasyilizya.\\n10 Ijwi lya Leza likulwaizya baalumi mumbungano kubeleka antoomwe a Jehova kwiinda mukusika azyeelelo zyamulimo akuba balangizi. (1Tim. 3:1, 8, 9; 1Pet. 5:2, 3) Aabo ibacita boobo bayanda kugwasya bamwi kumubili alimwi akumuuya. (Mil. 6:1-4) Sena baalu bakamubuzya kuti naa mulayanda kubeleka kamuli basikugwasyilizya naa kulanganya mabbuku, zilawo, kubamba masena aakukombela, naa milimo iimwi buyo? Aabo ibalanganya milimo iili boobu bayoomwambila kuti cilakkomanisya kapati kugwasya bamwi.\\nKulyaaba kugwasyilizya mumilimo ya Bunakristo kupa zyoolwe zinji zyakujana balongwe bapya (Amubone muncali 11)\\n11. Mbuti mucizyi umwi mbwaakagwasyigwa kuzwa kubalongwe mbaakajana ciindi naakali mumilimo yamayake?\\n11 Aabo balyaaba kugwasyilizya mumilimo ya Bunakristo kanji-kanji balajana balongwe bapya. Amubone cikozyanyo caba Margie, imucizyi wakabeleka mumilimo minji yakuyaka Maanda aa Bwami kwamyaka iili 18. Mumyaka eeyi, bakali kubayiisya milimo bacizyi banji ibacili bana. Bakajana kuti kucita boobo ninzila mbotu kapati yakukulwaizyanya kumuuya. (Rom. 1:12) Ciindi nobakajana buyumuyumu, ba Margie bakakulwaizyigwa abalongwe babo aabo mbobakajana nobakali mumulimo wakuyaka. Sena kuli nomwakagwasyilizyide kale mumulimo wakuyaka mbuli yooyu? Tacikwe makani naa mulijisi luzyibo mukuyaka naa pe, mulakonzya kulyaaba.\\n12. Mbuti mbomukonzya kugwasyilizya ciindi nokwacitika ntenda?\\n12 Ciindi nokwacitika ntenda, bantu ba Leza balijisi zyoolwe zyakubeleka a Leza kwiinda mukugwasya bakwesu kumubili. Mucikozyanyo, balabapa mali aabo bajatikizyidwe. (Joh. 13:34, 35; Mil. 11:27-30) Nzila iimbi mbotukonzya kubagwasya nkwiinda mukusalazya naa kuyakulula maanda aabo. Ba Gabriela, mucizyi waku Poland walo uuli aaŋanda yakanyonyooka amaanzi, wakakkomana kapati ciindi bakwesu ibazwa kumbungano zili aafwaafwi ankwakkala nobakaboola kumugwasya. Wakaamba kuti, “Tandiyandi kwaamba kujatikizya nzyondakasweekelwa, eezyo nzintu buyo zyakumubili. Muciindi caboobo, ndiyanda kumwaambila nzyondakajana. Eeci icakacitika cindipa kusinizya kuti kuba cibeela ca mbungano ya Bunakristo ncoolwe cilibedelede alimwi cilakkomanisya kapati.” Banji ibagwasyigwa noyamana kucitika ntenda abalo mbobalimvwa oobo. Alimwi aabo ibabeleka a Jehova kupa lugwasyo luli boobu balakkomana kapati alimwi akukkutila.—Amubale Milimo 20:35; 2 Bakorinto 9:6, 7.\\n13. Mbuti kulyaaba mbokukonzya kuyumya cilongwe cesu a Jehova? Amupe cikozyanyo.\\n13 Ba Stephanie, alimwi abasikumwaya bamwi bakakkomana kubeleka a Jehova kwiinda mukugwasyilizya Bakamboni ibakaboola ku United States kabali bazangalisi. Bakagwasyilizya kujana alimwi akubikka zintu mumaanda aamikwasyi eeyo iyakalonga kuzwa mumasena imwakali nkondo. Bakaamba kuti, “Twakajatikizyigwa kapati akaambo kalukkomano ndobakatondezya ciindi nobakabona luyando lwabunyina bwanyika yoonse.” Bakayungizya kuti, “Bakwesu aaba bayeeya kuti twakabagwasya, pele mubwini, balo mbobakatugwasya kwiinda. Luyando, lukamantano, lusyomo, alimwi akusyoma Jehova nkotwakalibonena, kwakayumya luyando lwesu kuli Jehova, alimwi eeci cakatupa kulumba kapati kuzintu zyoonse nzyotutambula kumbunga yakwe.”\\nAMUYUNGIZYE MULIMO WANU\\n14, 15. (a) Muuya nzi musinsimi Isaya ngwaakatondezya? (b) Mbuti bakambausi ba Bwami mazuba aano mbobakonzya kumwiiya Isaya?\\n14 Sena mulayanda kubeleka a Jehova kwiinda mukuyungizya mulimo wanu? Sena inga mwalyaaba kulonga kutegwa mukamubelekele kubusena kuyandika babelesi banji? Nokuba boobo, babelesi ba Leza tabayandiki kuti mane baunke kulamfwu buya kutegwa batondezye bwaabi. Pele bukkale bwabakwesu abacizyi bamwi bulabazumizya kulyaaba kuyoobeleka kumasena aali kulamfwu. Bube bwabo bulikozyene abwamusinsimi Isaya. Mukwiingula mubuzyo ngwaakabuzya Jehova wakuti, “Ino nguni ngonditiitume, alimwi ino nguni utiituunkile?” Isaya wakaingula kuti: “Ndime aano! Kondituma!” (Is. 6:8) Sena andinywe inga mwacikonzya alimwi akulyaaba kugwasyilizya mumbunga ya Jehova? Muunzila nzi zimwi momukonzya kucita oobo?\\n15 Kujatikizya mulimo wakukambauka alimwi akugwasya bantu kuba basikwiiya, Jesu wakaamba kuti: “Mulimo wakutebula mupati, pele babelesi mbasyoonto. Aboobo, amulombe Simalelo wabutebuzi kuti atume babelesi mumulimo wakwe wakutebula.” (Mt. 9:37, 38) Sena mulakonzya kubeleka kubusena bubulide, ambweni kamuli bapainiya? Naa sena inga mwagwasya bamwi kucita oobo? Bakwesu abacizyi banji balimvwa kuti nzila mbotu yakutondezya kuti tulamuyanda Leza alimwi abasimukoboma nkucita bupainiya mumasena naa muzilawo muyandika batebuzi bamulimo banji. Sena inga mwayeeya nzila zimbi momukonzya kuyungizya mulimo wanu? Lukkomano lunji lulaboola kwiinda mukucita boobo.\\n16, 17. Muunzila nzi zimbi momukonzya kuyungizya mulimo wanu kuli Jehova?\\n16 Sena inga mwayanda kubelekela ku Beteli naa kugwasyilizya mukuyaka masena akukombela, ambweni kamuli mubelesi uubeleka kwaciindi cisyoonto naa mubelesi weenda buya kuyoogwasyilizya? Kuyandika bantu banji ibalyaabide kubelekela Jehova kufwumbwa nkobakonzya kutumwa, nokuba kuti inga kabajisi luzyibo mumulimo uumbi. Nokuba boobo, Jehova ulaukkomanina muuya wakulyaaba uutondezyegwa abaabo ibazumina kubeleka kufwumbwa mulimo ngobapegwa.—Int. 110:3\\n17 Sena mulayanda kutambula lwiiyo luyungizyidwe kutegwa muubeleke kabotu mulimo wanu uusetekene? Kuti naa mulayanda, mulakonzya kweelela kunjila Cikolo Cabakambausi ba Bwami. Cikolo eeci cilayiisya baalumi alimwi abamakaintu babikkila maano kuzintu zyakumuuya ibabeleka mulimo waciindi coonse, kutegwa bayungizye mulimo wa Bunakristo. Aabo balembela kunjila cikolo eeci beelede kulibambila kuzumina mulimo uuli woonse bamanizya cikolo. Sena inga mwalyaaba kuyungizya mulimo wanu munzila eeyi?—1Kor. 9:23.\\n18. Mbubotu nzi mbomukonzya kujana kwiinda mukubeleka antoomwe a Jehova abuzuba?\\n18 Mbotuli bantu ba Jehova, tulakulwaizyigwa kuba baabi, icitondezyo cabubotu, luzyalo, alimwi aluyando, alimwi akugwasyilizya bamwi abuzuba. Kuti twacita oobo, tulakkomana, alimwi akuba aluumuno. (Gal. 5:22, 23) Kufwumbwa naa muli mubukkale buli buti, mulakonzya kujana lukkomano kwiinda mukwiiya bwaabi bwa Jehova alimwi mulakonzya kuzumanana kuba basimilimonyina ibayandwa!—Tus. 3:9, 10.\\nSena Mulijisi Makani Aamasimpe?\\nMutani Kubeteki Kweelana Ambwalibonya Muntu\\nMAKANI AABUUMI Ndakakanzide Kutalekela Maanza Aangu Kulebuka\\nBalikkomene Bantu Baabi\\nKukkazika Moyo​—Kuliyumya Katujisi Bulangizi\\nMAKANI EESU AAKAINDI Mbozyakasyangwa Mbuto zya Bwami Zyakusaanguna ku Portugal\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA August 2018\\nNGAZI YAMULINDIZI—YAKWIIYA August 2018","num_words":2086,"character_repetition_ratio":0.067,"word_repetition_ratio":0.0,"special_characters_ratio":0.165,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 18 IBBAIB63 - Lino Jehova wakalibonya - Bible Search\\nMatalikilo 17 Matalikilo 19\\nAbrahamu mbwaakaswayigwa beenzu botatwe\\n1-Lino Jehova wakalibonya kulinguwe kumibanga yaku-Mamre naakakede kumulyango wacilao cakwe akalangabwaseme. 2-Wakatambya meso aakwe, walanga, wabona baalumi botatwe baimvwi kunembo lyakwe. Elyo naakababona wakazuzaana kuzwa kumulyango wacilao kuyoobaswanaana akukotama ansi. 3Wakati, O mwami wangu, na ndijene coolwe mumeso aako, utaindilili kuzwa kumulanda wako. 4-Kuletwe twaanzi, mukasambe kuma ulu akulyokezya munsi lyamusamu, 5lino ndete tusima, kuti mukatalusye myoyo yanu, Mwamana buyo, mulaindilila, nkaambo mwainda kulindime ndemulanda wanu, Lino bakavuwa kuti, Mbubo, kocita mbubonya mboamba. 6Mpawo Abrahamu wakafwambaana kunjila mucilao mwakabede Sara, wati, Fwambaana, ubambe insangwa zyotatwe zyabusu bunante, ubukande, ujike zibunge. 7Alimwi Abrahamu wakazuzaanina kucimpati, wabweza cinyonkonyonko camoombe mubotu, wapa mulombe, nkabela wakafwambaana kucibamba. 8Elyo wakabweza mabisi amalili acinyonkonyonko camoombe ncaakabambide, wazibika kunembo lyabo, alimwi kaimvwi kumbali lyabo kunsi lyamusamu nibakali kulya.\\n9-Lino bakamubuzya kuti, Uli kuli Sara mwanakazi wako? Wakavuwa kuti, Mwali mucilao. 10-Wakaamba kuti, Ncobeni njooboola alimwi kulinduwe mbuli lino mwakali, lino Sara mukaako uyooba amwana. Nkabela Sara wakamvwa majwi aya kumulyango wacilao kusule lyakwe. 11-Lino Abrahamu­ a-Sara boonse bakalicembeede loko loko, alimwi Sara kalekede kuba mbuli banakazi. 12-Aboobo Sara wakaseka mumoyo wakwe, wati, Ma! Mebo ndazakala, alakwe mulumaangu wacembaala! Sa ndakonzya kuba acoolwe cili boobu? 13Mpawo Jehova wakaambila Abrahamu kuti, Ino nkaambonzi Sara waseka cakwaamba kuti, Sa ncobeni ndakonzya kuzyala mwana, mebo ndemucembele? 14-Sa kuli cintu niciba comwe ciyumu kuliJehova? Kuciindi ceelede njooboola alimwi kulinduwe, mbuli lino mwakali, lino Sara uyooba amwana. 15Mpawo Sara wakatama, wati, Nee! Teenda-seka pe. Nkaambo wakayoowa. Nkabela wakaamba kuti, Pe, ncobeni waseka.\\nAbrahamu mbwaakakombela Sodoma\\n16Lino abo bantu bakanyampuka akutozya munzila yakuya ku-Sodoma. Alakwe Abrahamu wakabasindikila. 17-Elyo Jehova wakati, Sa ndakonzya kusisila Abrahamu milimo njincita? 18-Nkaambo Abrahamu uyooba cisi cipati ciyumu, azisi zyoonse zyaansi ziyoojana coolwe mulinguwe. 19-Ndimusalide, kuti alailile bana bakwe abasiŋanda bakwe baciza, babambe inzila ya-Jehova akucita bululami ambeta, kuti Jehova aletele Abrahamu ncaakasyomezya aanguwe. 20-Mpawo Jehova wakati, Kulila kwa-Sodoma akwaGomora kulayoosya malaa, azyalo zibi zyabo nzipati loko. 21-Ndakati, Nkaseluke, nkabone na ncobeni balacita zyoonse zimvwigwa mukulila kusika kulindime. Na embo obo, njooziba.\\n22-Lino abo bantu bakacengulukila kuya ku-Sodoma, pele Abrahamu kaciimvwi kunembo lya-Jehova. 23-Mpawo Abrahamu wakaswena afwiifwi, wati, Sa ncobeni uyoomanisya baluleme antoomwe abasizibi? 24-Ambweni nkubali baluleme bali makumi osanwe mukati kamunzi. Sa ulabamanisya boonse? Sa tokonzyi kufwida munzi luzyalo nkaambo kabaluleme bali makumi osanwe bakede mulinguwo? 25-Ncobeni cilatondwa kulinduwe kucita obo, kujaya uululeme antoomwe asizibi, uululeme acitilwe mbubonya mbuli sizibi, Ncobeni cilatondwa kulinduwe, Sa oyo uubeteka nyika yoonse takooyoocita cakululama? 26-Jehova wakavuwa kuti, Na ndajana omo mumunzi wa-Sodoma baluleme bali makumi osanwe, njoofwida munzi woonse luzyalo nkaambo kambabo. 27-Lino Abrahamu wakaamba alimwi kuti, Bona! Ndalitakata kwaambaula a-Mwami wangu, mebo ndebulongo atwe buyo! 28Ambweni kulabula bantu bosanwe akati kabaluleme bali makumi osanwe. Sa ulanyonyoona munzi woonse nkaambo kakubula musanu? Wakati, Na ndajana mumo baluleme bali makumi one amusanu, mikooyoounyonyoona pe. 29-Mpawo wakamwaambila alimwi kuti, Ambweni kulajanwa makumi one. Wakati, Nsikooyoocita makani nkaambo kamakumi one. 30-Lino wakaamba wati, Wence, O Mwami wangu, utakalali. Dambe. Ambweni kulajanwa makumi otatwe, Wakati, Nsikooyoocita makani na ndajana makumi otatwe nkuko. 31-Mpawo wakati, Bona! Ndalitakata kwaambaula a-Mwami wangu, Ambweni kulajanwa makumi obile. Wakati, Nsikooyoonyonyoona munzi nkaambo kamakumi obile. 32-Lumwi wakati, Wence, O Mwami wangu, utakalali, Dambe komwe buyo, Ambweni kulajanwa ikumi, Wakati, Nsikooyoonyonyoona munzi nkaambo kabaluleme bali ikumi. 33Lino naakamana kwaambaula a-Abrahamu­, Jehova wakainka, alakwe Abrahamu wakapiluka kulinguwe.","num_words":539,"character_repetition_ratio":0.067,"word_repetition_ratio":0.0,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"KUNJILA MUBUMI BWABUNA KLISTU\\nNjeyi ng-wadi mbotu izwa kuli umwi wabaiminizi ba cikolo ca Bbaibbele mu Africa:\\n\"Myaka yosanwe yainda ndakatambula kulomba kuzwa kucikolo ca ijwi lya cisyinsyimi kuti nkaswaye sintolongo wakali mwana wacikolo wa Bbaibbele kwiinda muma ngwadi. Ndakapa kulomba oku kubapati bantolongo, balo bakandizumizya caluse. Nkaambo mwana wacikolo wakali kuyandisyisya kapati kwiiya Bbaibbele, ndakamuswaya ziindi zinji-zinji.\\nNo kwakainda myezi yosanwe a mwezi omwe kuzwa ninda kamuswaya ciindi ca kutanguna, wakalomba kubbizigwa akunjila mucikombelo. Bapati ba ntolongo bakazumina kuti abbizigwe muntolongo mumona. Balangi bantolongo antomwe aba sintolongo bamwi bakabungana kuti babe bakamboni kukubbila oku kwiininizya nkwi nda kacita.\"\\n\"Kwaciindi cisyoonto buyo, oyu mukwesu waka gusigwa muntolongo, nokuba kuti wakali jisi ciindi cilamfu cakwangwa. Ninda kabuzya kuti nkaambonzi ncalekelwa kufwambaana, ndakaambilwa kuti buumi bwakwe bwaka cinca munzila ikankamanisya, wakaba kamboni wa Mufutuli wakwe alukondo lwakwe, boobo cakuti cakabaalila kumu leka kali mu ntolongo mbuli sintolongo. Oyu muntu wakaswanganizigwa a mukwasyi wakwe, alimwi mazuba ano ngoumwi waba sololi kucikombelo cimwi cipati.\"\\n1.\\tKUBBIZIGWA CAAMBA NZI?\\nOoyu sintolongo nakaba mu Klistu abuumi bwakwe nobwaka sanduka cakumaninina, nkaambo nzi ncokwakayandika kapati kuti abbizigwe? Mumubandi ngwakajisi Jesu a Necodimus musololi wa nkamu wakaboola kuli Jesu ciindi ca masiku, Jesu wakasandulula ku bbizigwa ncocaamba alimwi anco kuyandikila kapati:\\n\"Kunyina ukonzya kubona bulelo bwa Mwami Leza ccita wazyalwa alimwi... cita wazyalwa a meenda a muuya usalala.\" - Johane 3:3, 5.\\nMbuli Jesu mbwaakaamba, tweelede kuzyalwa alimwi \"a meenda a Muuya usalala.\" \"Kuzyalwa a Muuya Usalala\" caamba kunjila mubuumi bupya alimwi akucinca mumizeezo a mu moyo. Nkaambo kunjila mu bwami bwa Mwami Leza camba kupona a buumi busandukide bupya kutali kubikka buyo zigamba a buumi bwakaindi. Eeci ciitwa kuti nkuzyalwa kupya. Kubbizigwa mumeenda ncitondezyo caatala ciminina kusanduka kuli mukati kwa moyo wa muntu. Mwiminizi wesu waka mubbizya sintolongo kutondezya ku lyaaba kwakwe kuli Klistu alimwi akutondezya mulimo wa Muuya usalala wakatalikide kubeleka mubuumi bwakwe.\\n2.\\tNKAAMBO NZI NCEELEDE KUBBIZIGWA?\\nLufutuko lwesu luli swaangene amilimo mipati yotatwe ya Klistu:\\n\"Klistu WAKAFWIDA zinyonyoono zyesu kweendelana amangwalo mbuli mbwaamba, WAKAZIKKWA,... alimwi WAKABUSIGWA mubuzuba bwatatu mbuli mangwalo mbwaamba.\" - Ba 1Kolinto 15:3, 4.\\nKlistu waka cita kuti lufutuko lukonzyeke kwiinda mu lufu lwakwe, a kuzikkwa, a bubuke bwakwe.\\n\"Hena tamuzyi kuti nyoonse nomwaka bbizigwa kwiinda muli Jesu Klistu MWAKA BBILA KWIINDA MULUFU LWAKWE? Aboobo TULI ZIKKIDWE ANGUWE KWIINDA MULUBBABBATIZYO lwa lufu lwakwe, kutegwa mbubona MBULI MBWAAKABUSIGWA KUZWA KULUFU kwiinda mubulemu bwa Usyi, ASWEBO MBUBONA TUPONE A BUUMI BUPYA.\" - Ba Roma 6:3, 4.\\nKlistu waka fwida zinyonyoono zyesu, wakazikkwa, alimwi waka buka kuzwa mu cuumbwe kutupa buumi bupya bwa bululami. Kwiinda mukubbizigwa aswebo tulatola lubazu mu lufu, mu kuzikkwa abubuke bwa Jesu. Kubbizigwa caamba kuti aswebo twafwa kucinyonyoono a Klistu, twabuzikka buumi bwa kaindi bwacinyonyoono a Klistu, alimwi twabuka kuti \"tupone buumi bupya\" muli Klistu. Lufu lwa Klistu a bubuke bwakwe, lwalo lwaba ndolufu lwesu abubuke bwesu,! Mwami Leza ulakonzya kutucita kuti tufwe ku cinyonyoono, mbuli kuti aswebo twakabambulwa acicingano. Ulakonzya kutucita kuti tupone ku zyintu zya Muuya usalala, mbuli kuti twakabusyigwa kuzwa kubafwide.\\nKubbizigwa ninzila itondezya caantangalala intaamu yakusanduka. Cakutaanguna, tulanjila mumeenda, twabbizigwa, cakumaninina, mbubona mbuli bantu bafwa mbobabikkwa mucuumbwe a humbilwa. Eeci caamba kuti tulilibambide kufwa a Klistu a kuzikka ziyanza zyesu zyakaindi. Kubbizigwa ndidilwe, nkulayana kwancobeni abuumi bwakazwide cinyonyoono. Elyo, twa yumunwa kuzwa mu meenda a muntu uubbizya, mbubona mbuli muntu mbwabusigwa kuzwa mu cuumbwe. Eeci caamba kuti \"tuli cilengwa cipya,\" calo cipedwe cakumaninina \"kubuumi bupya\" Mwami Leza mbwatupa.\\nKubbila mumeenda njenzila ilikke ikonzya kupandulula lufu - lwa kubbabatizigwa, akuzikkwa alimwi akuzyalwa kupya. \"Kubbizigwa\" kwakusansailwa meenda amutwe tacipandululi munzila iteleleka kuzyalwa kupya ncocaamba.\\nIno caambanzi kufwa a Klistu?\\n\"Nkaambo tulizyi kuti ibube bwesu bwa kaindi bwa kabambulwa a nguwe kutegwa mibili yesu yacinyonyoono imane, kutegwa tutabi limbi ba zike ba cinyonyoono.\" - Ba Roma 6:6.\\nKubbizigwa ncitondezyo caatala muntu mbwaelede kuba mukati: a mulyaabe cakumaninina kuli Klistu. Kuti naatwasisa milimo yesu kuzwa ku Mwami Leza wesu, eci caamba kuti tuya kucaala katuli \"bazike ba cinyonyoona.\" Na twalyaaba cakumaninina kuli Klistu, kuyandisyisya kwesu kwa cinyonyoono \"kula bula nguzu\" aboobo kusanduka kwesu kwabwini kulatalika.\\nNguni ujisi lubazu mukucinca kucitika?\\n\"Ndakabambulwa aciciingano antoomwe a Klistu alimwi nseponi lwangu ndemwini endikke, pesi KLISTU ULAPONA MULINDIME. Buumi mbwepona mumubili, NDAPONA KWIINDA MULUSYOMO MU MWANA A LEZA, waka ndiyanda akulyaaba lwakwe mwini akaambo kangu.\" - Ba Galatiya 2:20.\\nNdaliswaanganya aku bambulwa kwa Klistu kwiinda mu kubbila, ndaita nguzu zyipati mubuumi bwangu. \"Klistu ulapona mulindime.\"\\nKutegwa mubikke maumi eenu cakumaninina mumanza a Klistu, cakutanguna mulange kuli Klistu kafwa aci ciingano. Mutalangi ku cinyonyoono calo eeco cimuyoosya, mutalangi ku milimo yenu mibyabi yakaindi akulila; pesi amulange kuli Klistu. Kulanga kulufu lwa Klistu lwa luse a busicamba aci ciingano, ulakonzya kwaamba majwi aakuli swaanganya anguwe:\\n\"Kwiinda munguzu zya ci ciingano ndakonzya kwaamba kuti ndifwide kuziyanza zyiyabi zyakaindi pesi ndiliafwafwi a mwami Leza. Ndapa kuli salila a Klistu. Kuzwa ono ndikupona a lusyomo mu Mwanaa Leza, walo wakandiyanda a kwaaba buumi bwakwe a kaambo kandime.\" Mbuli mbotu jana nguzu mulufu abubuke bwa Klistu tula bona ciimo cakwe cibotu kacibweza cilawo ca tumpenda tweesu tubibi:\\n\"Na muntu uli MULI KLISTU, Mu LENGWA MUPYA; ZYAKAINDI zyamaninina zyoonse, kwaboola ZIPYA!\" - 2 Ba Kolinto 5:17.\\nKwiinda mukubbizigwa tula tondezya kuyandisyisya kwesu kuti tukamantane a Klistu alimwi tupone abuumi bupya alimwi bubotu \"muli Klistu.\" Jesu ulatucitila ezyo nzyotutakonzyi kulicitila lwesu tobeni. Tulabuka kuzwa mumeenda mbuli muntu mupya. Ula tupa nguzu kuti tupone a buumi \"bupya.\"\\n3.\\tNKAMBONZI JESU NCAKABBIZIGWA\\nMuciindi ca kutambula muuya, Petulo wakabaambila bakali kuyanda kulekelelwa zinyonyoono zyabo kuti \"basanduke alimwi babbizigwe\" kutegwa Klistu azilekelele \"zinyonyoono zyenu\" (Incito 2:38). Jesu kunyina nakacita cinyonyoono nociba comwe. Ino nkaambonzi ncaakalyaaba kuti abbabbatizigwe?\\n\"Lino JESU WAKAZWA ku-Galilaya, WAKASIKA KU - JORDANI kuti Johane a mubbizye... KUZUZIKIZYA BULULAMI BONSE.\" - Mateyo 3:13, 15.\\nJesu wakanyina cibi. Aboobo kunyina zinyonyoono nzyakeelede kulekelelwa. Kuli buyo kambi kaambo ncaakabbizigilwa: \"Kuzuzikizya bululami boonse.\" Kwiinda mukubbizigwa, Jesu wakapa citondezyo cibotu kuli ndiswe tobantu tobateteete alimwi notuzwide zinyonyoono. Jesu kunyina nayanda baccilili bakwe kuti bakainde mwalo omo walo mwatana indide pepe.\\nAboobo bakondwa babbizigwa mumeenda, baccilila muntamu mwakainda Mufutuli wabo.\\nNkaambo Jesu wakafwida zinyonyoono zyesu, aboobo ulakonzya kutupa bululami bwakwe.\\n\"Ooyo iwatakazi zibi Leza wakamucita kuti abe zibi nkaambo kandiswe kuti swebo tube bululami bwa – Leza mulinguwe.\" - 2 Ba Kolinto 5:21.\\nTwakasandulwa mu meso aMwami Leza kuzwa kuli ba sizibi kuba basaante. Tula komena \"mubululami,\" obu akupona abuumi bupya muli Klistu.\\n4.\\tNKAAMBO NZI NCENJELEDE KUBBIZIGWA?\\nJesu wakabbila mumeenda naaka bbabbatizigw; Taaka sansailwa buyo meenda amutwe. Johane waka mubbizya mumulonga wa Jordani, \"nkaambo kwakali MEENDA MANJI\" (Johane 3:23). Jesu nakakubbizigwa wakanjila mumeenda. \"Lino Jesu nakamana kubbizigwa mpawo wakazwa mumaanzi. Nkabela kujulu kwakajaluka, elyo wakabona Muuya wa Leza ulaseluka mbuli nziba, ulaza kulinguwe, Mateyo 3:16.\\nNa twateelelesya kabotu kubbizigwa ncocaamba, tatujisi buyumuyumu kubona nzila yalubbizyo iluleme. Ijwi lya kubbizya lizwa kumulaka wa ci Greek - liti \"Baptizo\" lyaamba kubbizya naakubikka kunsi a meenda.\\nCiindi John Wesley naka kuswaya ku America mu mwaka wa 1737, inkamu yaba belesi bali 34 bacikombelo, bakamubeteka kumulandu mweenzu wakukaka kubbabbatizya mwana wa ba Parker munzila imbi itali yakubbizya mumeenda. Eeci citondezyo caantangalala kuti munene wakatalisya cikombelo ca Methodist waaka kubbabbatizya anzila yakubbizya bantu mumeenda.\\nAwalo mubelesi wa cikombelo John Calvin wakamba kuti: \"cilimasimpe kuti kubbizya bantu mumeenda yakali njenzila ya ku bbabbatizya bantu cikombelo cakaindi njocakali kuccilila.\" - Institutes of the Christian Religion Bk. 4, chapter 15, sec. 19.\\nMakani aa cikombelo cakutanguna ala cisalazya kuti kubbizigwa caamba kubbila mumeenda. Awalo Bean Stanley waku cikombelo ca ku England waka lemba kuti,\\n\"myaka yakutanguna ili myanda kkumi a myanda yotatwe, inzila yakali kuccililwa muzikombelo zyoonse yakubbabbatizya njiyeyo ilembedwe mu cizuminano cipya, yakubbizya mumeenda. Alimwi bbala lyaku kubbizya ncolyaamba kuli baabo bakali kubbizigwa nkuti bakali kunyikizigwa buya kunsi ameenda.\" - Christian Institutions, P. 21.\\nTuzyiba twa meenda twa kubizizya bantu basanduka tula mu muzikombelo zinji zinji zyakali kuyakwa mu myaka ya fourth and fourteenth centuries kumanyika aba kuwa, ezyi zyikombelo zyilimbuli zyijanwa ku Pisa kucisi caba Ntaliana nociba cikombelo ca St. John's, cikombelo cipati kapati kwiinda zyoonse mu Rome.\\nKumuswaangano wakali ku Ravenna kumatakililo a fifteenth century cikombelo ca ku Roma cakatolika no cakazumina kuti kusansaila buyo meenda a mutwe akwalo nkubbabbatizya ceelene buyo mbuli kubbizigwa mu meenda. Mumibuzyo yazilengwa zya cikombelo, tatweleelede kuccilila ezyo ziyiisya Bantu pele Klistu aba siciiya bakwe nzi ba iisya.\\nBanji banji bana Klistu basyomeka bacilila nzila ya kubbabbatizya bana bamvwanda, kupa bana besu banini kuli Leza kuzwa kumatakililo nciyanza cibotu kapati. Pesi Bbaibbele, lila cisalazya kapati kuti muntu uleelede kuyiisigwa nzila yalufutuko katana kubbizigwa (Mateyo 28:19, 20), kuti muntu weelede kukondwa muli Jesu katana bbila, (Incito 8:35-38), kuti muntu weleede kusanduka a kuzumina akulekelelwa zinyonyoono zyakwe katana bbila (Incito 2:38). Mwana mumvwanda tacikonzyi kusyoma, kusanduka, akuzumina zyinyonyoono zyakwe, eezyi nzyezyelede kucitika muntu katana bbila.\\n5. NKAAMBO NZI KUBBABBATIZWA NCOKUYANDIKA KAPATI?\\nKwendelana a Jesu, kubbila cilayandika kapati kuli baabo bayanda kuya kunjila kujulu:\\n\"kunyina ukonzya kunjila mubuleko bwakujulu cita wazyalwa ku meenda a kuMuuya.\" - Johane 3:5.\\nJesu waka wiika ciindi comwe. Mubbi acicingano \"wakazyalwa ku Muuya,\" nakuba kuti cakali ciyumu kuti azwe aci ciingano aku kubbizigwa mumeenda mbuli citondezyo ca kusanduka kwa moyo wakwe. Alimwi Jesu waka musyomezya kuti uya kuba anguwe mubulelo bwa ku julu (Luka 23:42, 43).\\nKumubbi, \"kuzyalwa a meenda a Muuya\" cakali kwiiminina bulowa bwa Jesu bwakatika kumusanzya mubisyi kuzwa ku zinyonyoono zyakwe. Augustine wakabona kuti, \"kuli kaambo komwe kalembedwe, nkakusanduka kwa mubbi, kuti kutabi uutyompwa; alimwi omwe buyo, kuti kutabi uyeyela.\" Jesu lwakwe mwini wakapa kucenjezya ooku:\\n\"Oyo uti kasyome akubbizigwa uyoofutulwa, pele oyo utazumini [alimwi akutabbila] uyoozulwa.\" - Mako 16:16.\\nKwiinda mukutufwida aciciingano mucilawo cesu, Jesu wakatondezya caantangalala luyando ndwajisi andiswe. Tweelede kutondezya caantangalala, a kuzumina kakunyina akuusa nsoni luyando lwesu muli Klistu kwiinda ukubbizigwa.Henawatalika kale kupona buumi bupya muli Klistu? Hena waka kubbizigwa kale?Na toninga, nkaambo nzi ncotalibambili kubbizigwa kwa mazuba masyoonto buyo aali kumbele?\\n6.\\tKUBBIZIGWA MATALIKILO BUYO\\nKubbizigwa ciiminina kulyaaba kubuumi bwa kupona kwa bunaKlistu. Pesi kulyaaba kwesu ciindi notubbila takukkalilili mu maumi esu lyoonse.\\nMwana nazyalwa, kukkomana akutangala kuleelede. Pesi buzuba bwakuzyalwa bwainda aku tangala koonse kwamana, mwana uyanda kusaninwa mazuba oonse, aku musanzya mazuba oonse akubona kuti uli kabotu mazuba oonse. Aku kubbizigwa mbubona mbokubede. Paulu mbobu mbwaamba abuumi bwakwe: \"Ndafwa kucinyonyoono mazuba oonse.\" (1 Ba Kolinto 15:31). Na abuzuba abuzuba twa cenguluka kuzwa kukuliyanda, tulaba bantu bateelela Jesu cabwini.\\nCiyanza cakubbizigwa mbubona mbuli ciindi ca bwiinga, ncitondezyo caantangalala kuti kuswaangana kubotu alimwi kuyakumbele kwatalika. Kutegwa tukomene munzila mbotu, tweelede kulyaaba abuzuba lwesu tobeni kuli Klistu, lyoonse katu tambula bumi bupya kwinda mukupaila alimwi akwiiya Bbaibbele. Mazuba oonse tweelede kutambula buumi bupya kwiinda mukupaila a kubala Bbaibbele.\\n7.\\tCINTU CIPA KUTI TUKKOMANE\\nKubbizigwa kupa kukkomana kapati nkaambo abo babikka lusyomo lwabo muli Klistu balijisi masimpe abuumi butamani. \"Kufumbwa ooyo ukondwa alimwi wakubbizigwa uya kufutulwa\" (Mako 16:16). Twakubbizigwa, tuli mukazila kaya kujulu katusololela kukukkomana kutamani.\\nKubbizigwa cipa kukkomana muli Klistu. Ulasyomya cipego cinyina muulo ca Muuya Usalala kuli baabo baka kubbizigwa, (Ncito 2:38). A Muuya kulaboola \"micelo ya Muuya\" - \"luyando,\" lwalo luzuzya buumi \"akubikkilila, aluse, abubotu aku syomeka, aciimo cibotu akulijata\" (Ba-Galatiya 5:22, 23).\\nKubaa Jesu kapona mulindiswe kwiinda mu Muuya Usalala, citupa mizezo yaku tadonaika. Nkambo \"Muuya lwakwe mwini ngupa bumboni... kuti tuli bana ba Leza\" (Ba Roma 8:15, 16).\\nKuswaangana kwesu a Leza kwamasimpe kulatuletela bulumbu bunji pesi tabutusyomyi buumi bunyina mapenzi. Pele satani usola kuleta mapenzi mayumu kuli babo balipa kuli Klistu. Nokuba boobo, nituli mu maanza a Leza tulakonzya kuzyiba kuti Uya kubelesya kufumbwa cinga cacitika kulindiswe, cibotu alimwi a cibyabi, kutuyiisya alimwi akutugwasya kuti tukomene (Ba Roma 8:28).\\nMukaintu wakalisalila kupa buumi bwakwe kuli Klistu akuti abbabbatizigwe, nokuba kuti mulumi wakwe wakamwaambila kuti ula muleka. Mulumi taakali kuyanda akasyoonto lukondo lupya lwa mukaintu. Pesi walo wakakatila kuli Klistu alimwi akusola kuba mukaintu ula luyando kwiinda lyoonse. Kwaciindi cilimbocibede mulumi wakaziyumya zyintu mung’anda. Pesi kumamanino wakasanduka kwiinda muku kazyanya nkwatakali kukonzya kuvuwa: kusanduka kwa buumi bwa mukaintu wakwe. Oyu mulombwana wakapa buumi bwakwe kuli Klistu alimwi awalo waka kubbizigwa.\\nKujatilila kuli Klistu ziindi zyoonse, \"muziindi zya kuusa amuziindi zyakukkomana\" ciya kutucita kuti tubezibelesyo ziyumu mumaanza akwe. Tula konzya kupa maumi esu ku Mwami wesu kakunyina akutongooka, nkaambo walo wakapa kale kulyaaba kwamamanino kulindiswe naka bbadela muulo wazinyonyoono zyesu aci ciingano. Ncoolwe cibotu cilibuti ncotujisi kuti caantangalala tupe luyando akulemeka kwesu! Kuti koli tona kucita ooku, nkaambo nzi ncota pedi buumi bwako kuli Klistu ono. Umulombe kuti alengulule buumi bupya muli nduwe kwiinda mu Muuya Usalala, alimwi ubbizigwe kwiinda muli Klistu?","num_words":1937,"character_repetition_ratio":0.052,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mupailo wa Hana Ikulomba Mwana Musankwa Samuele | Ziiyo Zyabana Zyamu Bbaibbele\\nMwaalumi muna Israyeli wazina lya Elikana wakajisi bamakaintu bobilo, umwi wakali Hana mpoonya umwi wakali Penina, pele Hana wakali kuyandwa kapati. Penina wakali kumufwubaazya Hana lyoonse akaambo kakuti tanaakajisi bana, pele walo wakalijisi bana banji. Mwaka amwaka, Elikana wakali kuunka amukwasyi wakwe kuyookomba kutempele ku Silo. Ciindi cimwi kabali kutempele, wakabona kuti mukaintu ngwaakali kuyandisya Hana, wakaluuside kapati. Wakaamba kuti: ‘Koleka kulila Hana. Uli mukaintu wangu alimwi ndilakuyanda.’\\nNokwakainda ciindi, Hana wakaunka alikke kuyoopaila. Wakali kwiile kulila ciindi naakali kupaila kuli Jehova kuti amugwasye. Wakapaila kuli Jehova akumusyomezya kuti: ‘Jehova, ikuti wandipa mwana musankwa, ndiyoomupa kulinduwe, alimwi uyookubelekela buumi bwakwe boonse.’\\nMupaizi Mupati Eli wakamubona Hana kafwinkila, mpoonya wakayeeya kuti wakalikoledwe. Hana wakaingula kuti: ‘Peepe simalelaangu, nsikoledwe pe. Ndijisi penzi lipati, aboobo ndaambila Jehova penzi lyangu.’ Eli wakazyiba kuti wakalubizya mpoonya wakaambila Hana kuti: ‘Leza aakupe ncoyanda.’ Hana wakalimvwa kabotu eelyo wakaunka. Kautanamana mwaka, wakazyala mwana musankwa akumuulika zina lyakuti Samuele. Sena inga weezyeezya mbwaakakkomana Hana?\\nHana tanaakaciluba cisyomezyo ncaakasyomezya kuli Jehova. Mbwaakamulesyela buyo kunyonka Samuele, wakamutola kutempele. Wakaambila Eli kuti: ‘Ooyu ngomwana ngondakali kulomba. Ndamupa kuli Jehova kuti amubelekele mubuumi bwakwe boonse.’ Elikana a Hana bakali kumuswaya Samuele mwaka amwaka alimwi bakali kumuletela ajansi linyowana. Jehova wakapa Hana bana bambi basankwa botatwe alimwi abasimbi bobilo.\\n“Amuzumanane kulomba, eelyo muyoopegwa; amuzumanane kuyandaula, eelyo muyoojana.”—Matayo 7:7\\nMibuzyo: Ino nkaambo nzi Hana ncaakauside? Mbuti Jehova mbwaakamulongezya Hana?\\nAMWIIYE LUSYOMO LWABO\\nHana—Wakapaila Kuli Leza Camoyo Woonse\\nLusyomo lwa Hana muli Jehova lwakamugwasya kuliyumya mubukkale bwakali kulibonya mbuli kuti mbuyumu kapati.","num_words":249,"character_repetition_ratio":0.052,"word_repetition_ratio":0.0,"special_characters_ratio":0.158,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"KUPILUKA KWA JESU KULI AFWAAFWI BUTI?\\nBunji bwesu tulayanda kubona naa kuziba zili kumbele aamazuba. Tuyanda kuziba zili nkotutaboni. Pele kubona kwini kwazintu zili kumbele muziindi ziji cilatukakaila.\\nTulijisi mapenzi akuziba kuti ino cifumo buyakuca buti Hena kuya kuba mvula, naa mpeyo noliba zuba! Nkwali muntu, nkabela, ooyo walo zinsyinsyimi zyakwe zilacitika mbubona mbwaamba. Jesu Klistu, mumangwalo aakwe ulakonzya kutu tola kumbele aamazuba; musololi uusyomeka. Muciiyo eeci tulalanga ncaakaamba kujatikizya kuboola kwakwe kwabili. Ino nguni uunga wazyiba mamanino aanyika kunze aawakailenga kumatalikilo?\\n1.\\tZITONDEZYO KUTI KLISTU ULAPILUKA MUMAZUBA EESU\\nNaakamana kuba syomezya basiciiya Jesu kuti uyaku boola alimwi munyika lwabili, (Mateyo 23:39) mubuzyo nzi ngobakamubuzya?\\n\"Utwaambile ino makani aaya azooba lili, Alimwi ncinzi cizooba citondezyo cakuboola kwako acamamanino aciindi?\" - Mateyo 24:3.\\nJesu wakavuwa caantagalala. Mucipati 24 ca Mateyo acipati 21 ca Luka Jesu lwakwe wakapa zitondezyo naa bumboni bwakuti tuzibe kuti kuboola kwakwe kwaswena afwaafwi. Azimwi zinsyinsyimi mu Bbaibbele zilagwasya kuti aawa tubone kabotu zintu ziya kucitika katana sika Klistu. Mbuli mbotutibone eezi zilacitika mumeso eesu; citondezya kuti kupiluka kwa Klistu ncobeni kuli afwaafwi. Lino atulange ku zikwaankwani zili kkumi zili muBbaibbele munzila iiya kujulu, katuyaa kubuzya mbuli silweendo wa mazuba aano\\nCikwaankwani caku taanguna (Sign Post 1)\\nKuciswa! Kupenzegwa! akunyongana mizeezo!\\nMyaka iinda kucuulu amyaka iili myaanda iili fuka (1900) yainda Jesu wakapa kupandulula kwa buumi bwabantu mazuba aano mbuli kuti wali kubala ku mapepa aamba makani acitika.\\n\"Kuyooba zitondezyo kuzuba, akumwezi akunyenyenzi. ANSI AANO KUYOOBA MAPENZI KUZISI AKUKATAZIGWA NKAAMBO KAMIVUUMINO YA LWIZI AMAYUWE, ABANTU BAYOOMANA NGUZU NKAAMBO KAKUYOOWA AKULANGILA ZINTU ZICIZA ANSI, nkambo inguzu zya kujulu ziyozunganizigwa. Nkabela ELYO BAYOOBONA MWANA-A-MUNTU ULASELUKA mukumbi, anguzu abulemu, bupati. Pele zyatalika kucitika ezi zintu amulange kujulu mulungumike mitwe yanu nkaambo kunununwa kwanu kuli afwafwi.\" - Luka 21:25-28.\\nKunyina kulemba kwiinda waawa kwaamba mazuba aano kunze a kwaamba kuti: 'bantu bayoomana nguzu nkaambo kakuyoowa akulangila aziciza' Zilwanyo zyankondo zinji zikonzya kumwaya nyika kaindi kasyoonto ziliyobwedwe. Ino kuti umwi sikulipa buleli wa zijana? Jesu watupa bulangizi muziindi eezi zyamapenzi. Aaya mapenzi aakuciswa akupenga asinizya buyo kuti tuzibe kuti kuboola kwakwe kwaswena. Bantu mazuba aano mbobalila inga balati 'amulange nyika mboyaba sunu' pele ooyo wiiya zinsyinsyimi zya mu Bbaibbele ula konzya kwaamba cakuliiba kuti \"langa Nguni uboola ku nyika.\"\\nCikwaankwani Cabili (Sign Post 2)\\nMapenzi aamunyika Ino maleele aamapenzi anjila buti muzitondezyo zya mamanino aanyika?\\n\"Kuyooba mizuzumo mipati, anzala, azilwazi mumasena aandeene, alimwi kuyooba iziyoosya, azitondezyo zipati izizwa kujulu... Mbubonya obo mwabona ezi zintu kuti zilacitika amuzibe kuti Bwami Bwa-Leza buli afwaafwi.\" - Luka 21:11, 31.\\nYeeya mazala kaindi kasyoonto. Makani aabana bapati mada nkaambo kanzala lyoonse ntotwaambo. Hena tacigambyi kuti nyika iituma bantu kumwezi Taikonzyi kusanina bantu boonse? Jesu wakalizi kuti nzala iyakuba alimwi kuti kuliyanda kwabantu kuya kuzumanana kumamanino aanyika.\\nIno mizuzumo? Mu Bbuku lya World Almanac mu 1999, kwategwa mumyaka yabu Klistu iili mwaanda kwacitika mizuzumo minji kapati. Mwaanda wamyaka wa kumi alusele mizuzumo mipati yakali cisambomwe (6) Mwaanda wamyaka wa kumi afuka mizuzumo mipati yakali ciloba (7) Myaanda yamyaka ma kumi obile mizuzumo mipati yakali kwiinda a mwaanda (100) . Aboobo bumboni buyaa kuvula mbotuswena munsimunsi aa mazuba eesu.\\nEeyi myeelwe izuzikizya cinsyinsyimi ca Jesu. Mazala a mizuzumo zyasika eeni mpocibija. \"Bwami bwa-Leza buli afwaafwi\" Hena eeyi myaka iboola ilaleta iimbi mizuzumo naa Mwami wa bami?\\nCikwaankwani Catatu (Sign Post 3)\\nKubungika buvubi naa lubono.\\nIno caamba nzi kuti muvubi bunjila buyo mumaanza abasyoonto kakuli bunji bwabantu bali mubucete bwini?\\n\"... Mwalundika lubono kumazuba amamanino.\" - Jakobo 5:3.\\nNokuba kuti bantu baiye buti makani abuvubi, bavubi bacivuba alimwi, bacete nobacetaalila limwi. Malwi aamali aajisi bantu aalo atondezya kuti 'kuboola kwa Mwami kuli afwaafwi' V8\\nCikwaankwani Cane (Sign Post 4)\\nBukale Bwamazwanga (Civil unrest).\\nNkaambozi kutakutila akuzwangana mumilimo ncokwavula cakufwambaana?\\n\"Amulange! bulumbu bwabasimilimo bakamutebwida mumyuunda yanu mbumwabanyanzya calweeno, buloongolola, eno kulila kwabatebuzi (babelesi) kwanjila mumatwi aa Mwami wamakamu makamu.... Anywebo amukazike myoyo yanu amuliyumye nkaambo kuboola kwa Mwami kuli afwafwi.\" - Jakobo 5:4, 8.\\nNaakamana kwaamba kubungika kwabuvubi mumazuba eesu Jakobo wabona kutakutila akuzwangana kwa babelesi batakomene. Kutanvwana \"kuba jisi\" \"abatajisi\" kuyaambele. Acimwi cikwaankwani caamba kuti 'kuboola kwa Mwami kwaswena.\"\\nCikwaamkwani Casanu (Sign Post 5)\\nKubula ciimo akutalilemeka (Moral Decay).\\nNkaambo nzi bulemu mubuponi bwesu ncobuyaakumana?\\n\"Pele koziba kuti kumazuba amamanino kuyooba ziindi zikatazya. Nkaambo bantu bayooba basikuliyanda, basikuyanda mali, basimantumbwaambwa, basikakomokomo, basikasampusampu, batanvwi bamaawisi, batalumbi, batakombi, basikancimwa, basinfudiilili, abasiluuni lwakutaminizya, batalyeendeleli, basitunyetunyetu, batayandi bubotu, basikukazyanya, basikuunya, basikulisumpula, bayandisya misalo yaansi kwiinda Leza, balijisi ciwa cabukombi pele inguzu zyambubo balazikaka. .. Bantu babi basikulibeja balainda anka kubija banooena akweenwa.\" - 2 Timoti 3:1-5, 13.\\nHena kuli ciinda waawa kusandulula mazuba aasunu? Kufumbwa nkoolanga ubona buyo luyando lwa zintu naa buvubi. Kubona bana mboba penzegwa akutundululwa . Bana bakubusyi banyina aubalanga, mbabona baile kujaya bantu nyina. Zyoonse eezi zitondezya kuti kuboola kwa Jesu kwaswena.\\nCikwaankwani Cisambomwe (Sign Post 6)\\nTubunga Twabuizi bwa saatani na bwabuzangi twavula.\\nNkaambo nzi ncotwabona kuvula kwatubunga twabuzangi?\\n\"Nkaambo kaako kuzooba bakristo babeji abasyinsyimi babeji bazootondezya zitondezyo zipati amalelee, kuti kwakonzeka bakeene abalo basale.\" - Mateyo 24:24.\\nEezi zibalo zisyinsyima kuti ciindi camamanino ciyakuleta maleele azitondezyo ziindene indene akutondezya zeezyo zicenga bantu kuti zizwa kuli Leza. Balozi abasinkondo balaletwa kuti baambaule kubantu. Aabo baliita kuti mbaabuumi bwa sunu (new agers) bazula nyika yoonse kuulisya maleele abo amyuuya ya buzangi. Maleele azimwi zigabya zilajanwa koonse. Zyoonse zilatondezya mbubona mbwakaamba Jesu. Tupona mumazuba aa 'kuboola kwa Mwanaamuntu' (V27).\\nCikwaankwani Ciloba (Sign Post 7)\\nCaamba nzi kuti Africa, Masi aakujwe, Europe nkwali kujwe babuke ku twaambo twanyika?\\n\"Zisi zyoonse zibuke... amutole cigonsyo nkaambo maila aakutebula abizwa... nkaambo bubi bwabo mbupati. Ma! Avula makamu makamu mumumpata wakukosweda makani nkaambo buzuba bwa Jehova buliafwaafwi mumumpata.\" - Joeli 3:12-14.\\nSunu, mu Africa, Europe nkwali kujwe, masi aakali mu Soviet Union amasi aakujwe abuka kwiinda ziindi zyoonse zilembedwe nkaambo 'buzuba bwa Mwami bwaswena.\"\\nCikwaankwani Lusele (Sign Post 8)\\nMakanze aa luumuno akulibambila lumamba.\\nTupona munyika njenzu. Boonse balazumina kuti atusole kuba aluumuno. Twaambaula luumuno. Nkabela nfundiilili zimwi zya myaanda ya myaka asunu zicinvwika mutwaambo. Mika a Joeli, aaba basinsimi baka sinsima kuti, ciindi masi naali kwaambaula makani akulombozya luumuno, (Mika 4:1-3) kutasyomana mbuli basimukobo nyina cipa kuti kabalibambila lumamba (Joeli 3:9-13). Kaindi eelyo Bbaibbeli lyakabona mazuba eesu alumamba-aluumuno, akwaamba kuti, luumuno lwini luyakuboola Jesu waakupiluka.\\nCikwaankwani Fuka (Sign Post 9)\\nNkaambo nzi, kakwiindile myaanda yamyaka zyeendelo azyakukwabana mumajwi zyaleta nyika antoomwe obuya?\\n\"...Mane kusikila kumamanino aaciindi. Bantu banji bayootuntulika, aboobo luzibo luyooyungizigwa.\" - Daniele 12:4.\\nDaniele aawa waamba kuti luzibo lwa cisinsimi cakwe luyooyungizigwa mane kusikila kumamanino aaciindi'. Pele eeci cisinsimi kuboneka kuti citondeka musela wesu wama Komputa (computer). Luzibo lwa zintu zyoonse lwa vula mukulaba kwavula myaka eeyi misyoonto yainda. Kwaba kucinca mumyaka iili makumi osanwe yainda kwiinda mu myaka iili zyuulu zyobile.\\n'Bantu baya kutuntulika' ku yungizya luzibo. Kautana sika mwaka wa 1850 bantu bakali kweenda aama Bbiza mbubona mbobakali kweenda kuzwa kumatalikilo aaciindi. Mazuba aano tulasika koonse kubelesya ndeke zimwi zinyina aamuntu mukati. Kuvula kwa nyendo kuvula kwaluzibo myaka yainda eeyi itondezya kuti tupona 'kumamanino aciindi'.\\nCikwaankwani Kkumi (Sign Post 10)\\nMakani mabotu naa Mulumbe kunyika yoonse.\\nJesu wakasinsima kuti kaatana sika mulumbe uyakusika kubantu boonse munyika mboizulwa:\\n\"Nkabela aaya makani mabotu aa-Bwami azookambaukwa munyika yoonse kuti abe citondezyo kumisyobo yoonse. Eelyo mamanino azoosika.\" - Mateyoi 24:14.\\nKwamakumi aamyaka cisela canyika cakali kukala cilike cakubula ziindi zinji zyakwaambaula abantu bambi kabataazi makani mabotu. Pele mukaindi kasyoonto, Europe nkwalikujwe wakalekwa kuzwa ku communism, bwaanda bwaku Berlin bwakawa, Soviet Union wakaandaana. Eeci cisela ca nyika cakalibambila kutambula makani mabotu. Masimpe aaya makani mabotu aunka kunyika yoonse. Mulumbe ulakambaukwa kubelesya luzibo ndobajisi bantu mbuli ma Satellite kumasena manji ciindi comwe. Tulapona ngoona mazuba Jesu ngaakaamba kuti 'aaya makani mabotu aa-Bwami azookambaukwa munyika yoonse' mpoona 'mamanino azoosika'.\\n2.\\tUFWAMBAANA BUTI KUBOOLA JESU?\\nNaakamana kwaamba zintu ziyakucitika katana sika Jesu waka manizya kuti,\\n\"Ncobeni ndamwaambila kuti, izyalani elino talikooyoomana mane zintu zyoonse eezi zizoobe.\" - Mateyo 24:34.\\nAaya makani ali aatuba ooyu musela wa zikwaankwani uyakumubona Jesu kapiluka lwabili. Tacikooba ciindi katana boola kukukula cibi akupenga, kuti abike Bwami butamani. Jesu ulacenjezya, \"Taakwe muntu naba omwe uuzi... buzuba oobo naanka ciindi' (36).\\nAlimwI Jesu Ulazumanana:\\n\"Mbubona oobo anywebo amulibambe nkaambo kuciindi ncimutezi ncicona ncazoosika Mwana-a-Muntu.\" - Mateyo 24:44.\\n3. JESU, NKULANGILA KWANYIKA KULIKE BUYO\\nKlistu ngowamamanino, kulangila kwiinda kubota nkaambo nguukozya kulwana ceeco catumana-cibi. Jesu wakafwa a kalivali kuti bubi buzundwe akuti kufutula baabo bakatambula cipego cakwe calufutuko.\\n\"Oooyo uucita zibi nguwa Saatani, nkaambo Saatani wakabisya kuzwa kumatalikilo. Nkabela kaambo nkaakayubunwidwa Mwana a-Leza nkaaka,kuti ajaye milimo ya Saatani.\" - 1 Johane 3:8.\\nMufutuli wesu wakapanga nzila yakuti tuzwe munyika yakali kumwaika kwiinda mu kwaaba Mubili alimwi a Bulowa Bwakwe. Alimwi nguwena Jesu, ooyo bumwi buzuba uuya ponya malwazi oonse aanyika kwiinda mukujaya cibi, lino upa nduwe kuti agusye cibi mulinduwe. Utalindili kuboola kwabili kuti waanguluke kuzwa kucibi a ciimo cakulijaya. Jesu ulayanda kuti akupe luumuno lwakwe cino ciindi.\\nNaakali kumuswaangano wakupaila umwi mukaintu uucili mwana wakalinvwa kuti mulumbe wamunjila kabotu. Mbwaakali kuteelela mulumbe wa mufutuli uuza kuwambaana kwambwa, zyoonse zintu wakabona kuti zyakala kabotu mumizeezo yakwe. Eeci ciboneka kuti ncamaanu. Wakayeeya kuti walikuyandaula luyando, luumuno akukomana mumasena ataelede. Jesu wakali nkokwiingula. Buzuba bwakatobela muvangeli amugwasyi wakwe nobakaunka kuti bakamuswaye wakabaambila buumi bwakwe bwamapenzi mbobwakabele.\\nWakali kunywa mbuli cidakwa, alimwi wakali kupona mubwaamu. Naakamana kwaambaula wakalila kati \"Mwakalikwaambawila ndime masiku aainda\" Pele jwi lyasika kumoyo wakwe, ndijwi lya-Leza. Alimwi Wakali kwaambaula caluyando asyoontosyoonto. Wakasala kuti asiye zyoonse. Wakamutamba Kristo kuti anjile mumoyo wakwe mbuli mufutuli a Mwami wakwe, Waka jatilila mukulangila kuku boola kwa Kristi kwabili. Mazuba aakatobela, wakabona kuti mapenzi oonse ngaakali kumana akunywa akaile kumana nkaambo ciindi coonse wakatalika kwaambaula a Jesu. Jesu waka muvuna kuzwa ku mapenzi aakali kumukatazya lyoonse mubuumi bwakwe.\\nWakacita zintu zinji zyaakali kulisenda. Pele luse akulekeleka kwa Klistu kwakainda nguzu alizyoonse akulisenda nkozyakali kuleta. Makani aamubbi aciciinkano aakamukonda kapati. Mukusola kwa mamanino, wakalanga kumupenzi uunyina cibi akulomba kuti, \"Ukandiyeeye Mwami waakusika mu Bwami Bwako\" (Luka 23:42).\\nJesu wakaingula mpoona kusyomezya mubbi busena mu-Paradaiso. (V43). Nguwena Jesu wakalekelela mubbi uuya lino ukupa lufutuko, kulekelelwa zibi zyoonse a luumuno lwa mizeezo. Libonene omwini sunu.\\nAyebo inga opaila antoomwe amubbi kuti: 'Jesu ukandiyeeye Mwami waakusika mu Bwami Bwako.' Eelyo Jesu ulaingula kuti, 'Ndiyooboola alimwi, uyooba Andime mu-Paradaiso.'","num_words":1571,"character_repetition_ratio":0.041,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ciyambyo Cazenimutende | Sena Cakalengwa Buya?\\nAMUBALE MU Afrikaans Albanian Amharic Arabic Armenian Bislama Bulgarian Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch Efik English Estonian Ewe Fijian Finnish French Georgian German Greek Hebrew Hiligaynon Hungarian Icelandic Igbo Iloko Indonesian Italian Japanese Kinyarwanda Kirghiz Korean Latvian Lingala Lithuanian Malagasy Myanmar Norwegian Polish Portuguese Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Slovak Slovenian Spanish Swahili Swedish Tagalog Tahitian Thai Tigrinya Tsonga Turkish Twi Ukrainian Vietnamese Xhosa Zulu\\nZENIMUTENDE uusimide, mupati alimwi ulalema kwiinda bbaasi mpati. Nokuba boobo, muswi ooyu mupati ulakonzya kusotoka akunyona cakufwambaana. Mbuti muswi ooyu mbwakonzya kucita zyintu zyoonse eezyi cakufwambaana? Cimwi cimupa kucita boobu nkaambo kambozipangidwe ziyambyo zyakwe.\\nAmubone kaambo aaka: Bunji bwabazenimutende alimwi answi zimwi zijisi ziyambyo tazijisi magunyu-gunyu mumabali-bali. Nokuba boobo, zenimutende ooyu wiitwa kuti humpback whale uliindene answi zimbi. Walo ulijisi magunyu-gunyu mapati mumabali-bali aaziyambyo zyakwe (aaitwa kuti tubercles). Ciindi nayamba, meenda alainda atala aamagunyu-gunyu aakwe alimwi akupa kuti muswi ooyu acikonzye kweenda cakufwambaana. Magunyu-gunyu apa kuti meenda kaayenda alimwi akupa kuti kaayenda ceende-ende. Mbwaabeleka magunyu-gunyu mumeenda apa muswi ooyu kuti kauba-uba, kacikonzya kunyonauna ziyambyo zyakwe kwaciindi cilamfwu kakunyina kulyookezya. Kalinyonede, magunyu-gunyu aaya amupa kuti atanyikili, calo cigwasya ziyambyo zyakwe zilamfwu eezyi, izilampa cisela camubili wakwe.\\nBasikuvwuntauzya babelesya nzila njiyonya eeyi mukupanga nkasi zyamato, zipakapaka zyamincini yamumeenda iibelesyegwa kupanga magesi (water turbines), zipakapaka zyameenda (windmills), alimwi azipakapaka zyacipolopela.\\nIno Muyeeya Buti? Sena ciyambyo cazenimutende wiitwa kuti humpback whale cakaba akaambo kakusanduka kwazyintu? Naa cakalengwa buya?","num_words":241,"character_repetition_ratio":0.071,"word_repetition_ratio":0.0,"special_characters_ratio":0.145,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 40 IBBAIB63 - Kabe kaindi, sikukutaukila - Bible Search\\nMatalikilo 39 Matalikilo 41\\nJosefa mbwaakapandulwida balanda ba-Farao ziloto\\n1-Kabe kaindi, sikukutaukila mwami wa-Egepita amujiki wakwe bakabisizya simalelaabo mwami wa-Egepita. 2-Mpawo Farao wakakalalila abo balanda bakwe bobile, simutwe wabakutausi asimutwe wabajisi, 3-wabaanga muŋanda yamulangi wabatabilizi, muntolongo Josefa mwaakaangilidwe­. 4Lino mulangi wabatabilizi wakababika mumaanza aa-Josefa, kuti abakutaukile, nkabela bakakala mazuba manji muntolongo. 5Elyo oyo sikukutaukila mwami wa-Egepita amujisi wakwe bakaleta ziloto. Boonse bobile bakalota, umwi aumwi ciloto cakwe, mubusiku bomwe. Ciloto cimwi acimwi kacijisi kupandulula kwaco. 6Nkabela nebwakaca Josefa wakeza kulimbabo, wajana kuti baluusene. 7Lino wakabuzya abo basilutwe ba-Farao mbaakali abo balaangidwe muŋanda yasimalelaakwe kuti, Nkaambonzi masyu aanu abija sunu? 8-Bakamuvwiila kuti, Twalota ziloto, alimwi taakwe uukonzya kuzipandulula. Josefa wakabaambila kuti, Sa teensi Leza uukonzya kupandulula! Amundilwiide.\\n9Mpoonya awo silutwe wabakutausi wakalwiida Josefa ciloto cakwe. Wakati, Muciloto cangu ndakabona musaansa kunembo lyangu. 10Mumusaansa kamuli mitabi yotatwe, Usyuuke biyo, wafulula malubaluba, elyo masankinya aamasaansa akabizwa ndilyonya. 11Alimwi inkomeki ya-Farao yakali mujanza lyangu, nkabela ndakacela masaansa, ndakasinina munkomeki ya-Farao, ndapa mujanza lya-Farao. 12-Lino Josefa wakamwaambila kuti, Mbuboobo mbocipandululwa. Mitabi yotatwe nkokuti mazuba otatwe. 13-Amana mazuba otatwe Farao uyoobusya mutwe wako akukuboozya kumilimo yako, nkabela uyoopa inkomeki mujanza lyakwe mbubonya mbowakali kucita lyoonse nowakacili mukutausi wakwe. 14-Pele kwabota kulinguwe, wence kondiyeeya mebo akundifwida luzyalo, ukaambe makani aangu mumatwi aa-Farao akundigwisya omuno muŋanda. 15-Nkaambo ncobeni ndakabbigwa munyika yaba-Hebrayo, alimwi okuno taakwe ncendakabisya kuti bandi bike muntolongo.\\n16Elyo simutwe wabajisi, naakabona kuti ciloto cakapandululwa kabotu, wakaambila Josefa kuti, Ambebo ndalota, Muciloto cangu ndakali azisewe zyotatwe zyazibunge amutwe wangu. 17Mucisewe caatala kamuli zilyo zyamisyobo misyobo nzyajika mujisi, zyajikilwa Farao. Nkabela bayuni bakali kuzilida, mucisewe cakali atala amutwe wangu. 18Mpawo Josefa wakavuwa, wati, Mbuboobu mbucipandululwa. Zisewe zyotatwe nkukuti mazuba otatwe. 19Amana mazuba otatwe, Farao uyookosola mutwe wako akukwaanzika amusamu, elyo bayuni bayoolya nyama yamubili wako,\\n20-Lino buzuba bwatatu nibwakaca, bwakali buzuba bwakuzyalwa kwa-­Farao, nkabela wakacitila balanda bakwe boonse ipobwe. Mpawo wakabusya mutwe wamukutausi mupati amujisi mupati akati kabalanda bakwe. 21-Mukutausi mupati wakamuboozya mubukutausi bwakwe, aboobo wakapa inkomeki mujanza lya-Farao. 22-Pele mujisi mupati wakamwaanzika, mbubonya mbuli Josefa mbwaakapandulula. 23-Nekubaboobo mukutausi mupati takwakayeeya Josefa pe, wakamuluba buyo.","num_words":337,"character_repetition_ratio":0.057,"word_repetition_ratio":0.0,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Ncintu Cinyinzi Kulimvwa Boobu?​—Kusweekelwa Muyandwa Alimwi Akuba Mubuumba Kwaciindi Cilamfwu\\nIciindi Muntu Ngomuyanda Nafwa\\nAMUBALE MU Afrikaans Albanian Armenian Azerbaijani Azerbaijani (Cyrillic) Bashkir Bicol Brazilian Sign Language Cebuano Chichewa Chilean Sign Language Chinese (Traditional) Chinese Mandarin (Simplified) Chitonga Chitonga (Malawi) Cibemba Colombian Sign Language Croatian Czech Danish Dutch Ecuadorian Sign Language Efik English Estonian Ewe Fijian Finnish French Ga Georgian German German Sign Language Greek Greenlandic Guarani Haitian Creole Hebrew Hiligaynon Hungarian Icelandic Iloko Indonesian Italian Italian Sign Language Japanese Japanese Sign Language Kiluba Kinyarwanda Kirghiz Korean Kwanyama Laotian Latvian Luganda Mexican Sign Language Mixe (North Central) Myanmar Nepali New Zealand Sign Language Nicaraguan Sign Language Niuean Norwegian Nzema Oromo Ossetian Persian Polish Polish Sign Language Portuguese Portuguese Sign Language Quechua (Bolivia) Rarotongan Romanian Russian Russian Sign Language Serbian (Cyrillic) Serbian (Roman) Setswana Sidama Sinhala Slovak Slovenian Solomon Islands Pidgin Spanish Spanish Sign Language Swahili Swedish Tagalog Tahitian Tamil Tatar Thai Tigrinya Tiv Tongan Tsonga Turkish Urhobo Uzbek Uzbek (Roman) Vietnamese Wallisian Welsh Wolaita Xhosa Yoruba Zulu\\nSena Ncintu Cinyinzi Kulimvwa Boobu?\\nSIKUFWIDWA umwi ulalemba ategwa: “Kubwana mu-England, ndakayiisyigwa kutalitondezya mbuli mbwelimvwide mubuleya. Ndilabayeeya bataata, balo bakazwide mubusilumamba, kabati kuli ndime mujwi lyabukali, ‘Utalili yawe!’ iciindi nokwaba cimwi cindicisa. Nsekonzi kuyeeya kuti naa baama kuli nobakamyontede antela kujatilila umwi wesu tobana (twakali tone swebo). Ndakalaamyaka 56 ciindi nindakababona kufwa bataata. Ndakalimvwa kusweekelwa kupati. Pele, ikusaanguna, cakandikakila kulila.”\\nMumisyobo imwi, bantu balakutondezya kulimvwa kwabo caantangalala. Kuti naa baliboteledwe antela balyuuside, ibambi balaziba kuti balimvwide boobo. Pele mumasena amwi aanyika, kapati mu-Europe nkwiili kunyika amu-Britain, ibantu, kapati baalumi, balizibizidwe kusisikizya kulimvwa kwabo, akudyaaminina zili mumyoyo yabo, ikujata camba alimwi akutaba amoyo musyoonto. Pele ciindi mwazimininwa muyandwa wenu, sena kuli mbocilubide ikutondezya buumba bwenu? Ino Bbaibbele lyaambanzi?\\nAabo Bakalila mu-Bbaibbele\\nIbbaibbele lyakalembwa aba-Hebrayo bakucisi cakujwe cina-Mediterranean, balo bakali bantu balitondezya. Lijisi zikozyanyo zinji zyabantu bakatondezya buumba bwabo caantangalala. Mwami Davida wakamulila mwanaakwe Amnoni iwakajaigwa. Atwaambe kuti, ‘wakalila kulila kupati loko.’ (2 Samuele 13:28-39) Wakamulila naba mwana wakwe mumpelenge Abisalomu, ooyo walo wakasolede kunyanzya bwami. Imakani aali mu-Bbaibbele alatwaambila: “Mpawo mwami wakakankama, wakatanta kuŋanda yakujulu kumulyango, wakaya bulila, nkabela mbuboobo mbwaakaamba naakali kuya, wakati, Maawe mwanaangu Abisalomu! Mwanaangu! Abisalomu! Nindakafwa ndemwini mucibaka cako! Abisalomu mwanaangu! Mwanaangu!” (2 Samuele 18:33) Davida wakalila bunga bwalila usyi bana uuli oonse uuluzi. Alimwi nziindi zyongaye ibazyali nobalombozya kuti kubota bafwa mbabo mubusena bwamwana! Cilibonya kuba ceenzu boobo ikuti mwana wafwa muzyali katana.\\nIno Jesu wakalutambula buti lufu lwamulongwaakwe Lazaro? Wakalila naakavula munsi lyacuumbwe cakwe. (Johane 11:30-38) Nokwakainda ciindi, Mariya Magadalene wakalila naakavula munsi lyacuumbwe ca-Jesu. (Johane 20:11-16) Masimpe, Imunakristo uubuteelela bulangizi bwabubuke buli mu-Bbaibbele tausi cakutaumuzika, mbuli bucita bamwi balo batajisi ntalisyo yamu-Bbaibbele iisalala yalusyomo lwabo ikujatikizya bube bwabafu. Pele mbuli muntu uulimvwa bulimvwa muntu woonse uuluzi, Imunakristo wamasimpe, naba abulangizi bwabubuke, ulaba mubuumba alimwi ulaumbilwa bayandwa nobazimina.—1 Ba-Tesalonika 4:13, 14.\\nIkulila naa Kutalila\\nMbuti ino swebo mbotulutambula sunu? Sena mucijana kuba cintu cikatazya antela cijazya nsoni kulitondezya mbuli mbomulimvwide? Ino basikulaya bakulwaizya kutyani? Imizeezo yabo yamazubaano kanji kanji yiindulula buyo busongo bwaciindi buyoyeledwe bwa-Bbaibbele. Balati tweelede kubutondezya buumba bwesu, kutali kubudyaaminina. Eeci cituyeezya bamaalumi bensiku basyomeka mbuli Jobu, Davida, a-Jeremiya, aabo balo kulila kwabo kujanika mu-Bbaibbele. Tabakwe nobakakusinkila kulimvwa kwabo pe. Aboobo, tabuli busongo pe ikulizandula kuzwa kubantu. (Tusimpi 18:1) Aino, kulila kutondezegwa munzila ziindene mumisyobo yiindene, alimwi ciya mbuli bubede zisyomwa mukukomba kuzizilwe loko ooko. *\\nIno kuti mwalimvwa kuti muyandoolila? Ikulila ncibeela cabulengwaleza bwabuntu. Amwiibaluke Jesu alimwi ciindi calufu lwa-Lazaro kuti “moyo wakwe wakalenda, . . . Jesu wakalila.” (Johane 11:33, 35) Munzila eeyi wakatondezya kuti kulila nenzila iluzi iiletwa alufu lwamuyandwa.\\nSena kuumbilwa akulila ciindi lifwa muyandwa nzintu zinyinzi\\nEeci cilazuminana acakacitikila mutumbu, Anne, wakafwidilidwe mwana Rachel akaambo ka-SIDS (Sudden Infant Death Syndrome). Mulumaakwe wakaamba ategwa: “Icintu cigambya ncakuti kunyina mebo naba Anne nitwakalila kudilwe. Boonse bambi bakali kulengula.” Ooko Anne wakaingula wati: “Inzya, pesi mebo kulila nkwendalikulila kulatukkwana toonse tobile. Ndabona mebo ndakazoocimvwa bwini bwini kakwiindide nsondo zili mbozibede kuzwa lyantenda, nindakazooba endike muŋanda bumwi buzuba. Ndakalila buzuba boonse. Ndasyoma eeci cakandigwasya. Ndakalimvwaanga mbubo mbubo kuzwaawo. Ndakali kweelede kuti ndikulile kuzimina kwamwanaangu. Ndasyoma loko loko kuti mweelede kubalekela kulila aabo baumbilwa. Nokuba kuti kwiingula kunyinzi nkwakuti bambi bateeti, ‘Umuna,’ incobeni eeco tacigwasyi pe.”\\nIno bamwi bacitambula buti ciindi nobanyonganizigwa akuzimininwa muyandwa? Mucikozyanyo, amuyeeyele Juanita. Ulikuzi mbokulimvwisya kuzimininwa mwana. Ulisowede kale ziindi zyosanwe. Lino wakaliminsi alimwi. Aboobo ciindi ntenda yamootokala noyakamunjizya mucibbadela, mbuli mbomunga mwazumina wakayoowa. Nokwakainda nsondo zyobile wakanjila mukumyongwa—kiitanazyulila myezi. Mukaindiindi kakazyalwa nkaanga Vanessa—kakaindainda buyo amakilogramu aali 0.9 kulema. “Ndakabotelwa loko,” Juanita ulaibaluka. “Mpaawo limwi ndakaba mutumbu!”\\nPele kukondwa kwakwe kwakali kwakaindi kasyoonto. Nokwakainda mazuba one Vanessa wakafwa. Juanita ulaibaluka ategwa: “Ndakalimvwa kumaninwa loko. Ibutumbu bwangu ndakanyanzigwa. Ndakalimvwa kutazyulila. Cakalikucisa kupiluka kumunzi kukaanda ako nkindakamubambilide Vanessa akubona tubaki ntundakamuulilide. Myezi yobile yakatobela, ndabwiindulula mumizeezo buzuba mbwaakazyalwa. Nsikwe nindakayanda kuba acakucita amuntu woonse.”\\nSena nkwiindilizya buumba oku? Inga caba cintu ciyumu kubantu bambi kumvwisya, pele aabo, mbuli Juanita, ibaindide mulincico balapandulula kuti bakamulila mwanaabo mbubona mbobanga balila kufumbwa muntu uuponede ciindi cili mbocibede. Iciindi cilamfu kataninga zyalwa mwana ulayandwa abazyali bakwe, mbobaamba. Kuli kujatana kulibedelede abanyina. Iciindi afwa mwana ooyo, banyina balimvwa kuti muntu mwini wazimina. Alimwi eeci ncobeelede kumvwisya ibambi.\\nMbokunga Kwamucita Ikunyema Akulipa Mulandu\\nAumbi mutumbu ulapandulula mbuli mbwaakalimvwa naakaambilwa kuti mwanaakwe mulombe wamyaka iili cisambomwi wafwa akaambo kabulwazi bwamoyo bwakuzyalwa abwalo. “Ndakainda mukulimvwa kwiindene indene—ikufweluka, kukaka kusyoma, kulipa mulandu, akunyemena mulumaangu adokotela akaambo kakutabona mbuli mbubwakasinizizye bulwazi bwakwe.”\\nIkunyema kulakonzya kuba citondezyo cimbi cabuumba. Kulakonzya kuba kunyemena bamadokotela abamanesi, ikulimvwa kuti balikweelede kwiinda awo kusola kugwasya sikuzaya. Antela inga kwaba kunyemena balongwe abasimukowa balo babaanga baide kwaamba akucita zitaluzi. Bamwi balamunyemena sikwaazwa akaambo kakubucitila butaka buzumi bwakwe. Stella ulaibaluka ategwa: “Ndilaliyeeya kumunyemena mulumaangu nkaambo ndakalizi kuti nocatakasika waawa mpocakazootaana. Wakali cisidwe loko, pele wakacita muuzyamvwide kukucenjezya kwabamadokotela.” Zimwi ziindi ulanyemenwa sikwaazwa akaambo kaziminyo ziletwa alufu lwakwe kuli baabo basikucaala.\\nBamwi balalipa mulandu akaambo kakunyema—nkokwaamba kuti, balalisinganya akaambo kakuti balimvwa kunyema. Bamwi balalitamikizya alufu lwamuyandwa wabo. “Naatakafwa pe,” balalizula beni, “kuti nindakafwambaana kumusinikizya kuya kuli dokotela” antela “kumusinikizya kubona umbi dokotela” antela “kumusinikizya kububambilila buzumi bwakwe kwiinda bobuya.”\\nIkuzimina kwamwana manyongwe aayoosya—ilweetelelo lwini lwini ankumbu zilakonzya kubagwasya bazyali\\nKubambi kulipa mulandu kulaindilila awa, kapati kuti naa muyandwa wabo wafwa mpoona mpoona, cakutalangilwa. Balatalika kwiibaluka ziindi nobakamunyemena sikwaazwa antela nobakazwangana anguwe. Antela inga balimvwa kuti tabakwe nobakamulanga sikuzaya mbuli mbobakali kweelede.\\nInzila ndamfu yakuumbilwa kwabamatumbu yilacizuminizya eeco bahaazibwene banji ncobaamba, ikuti kuzimina kwamwana kusiya mwaako utamani mubuumi bwabazyali, kapati muli banyina.\\nIciindi Wasweekelwa Mukaako\\nIkuzimina kwamuntu ngomukwatene limwi musyobo umbi wamanyongwe, kapati kuti naa boonse bakakkede buumi bwamilimo-limo antoomwe. Cilakonzya kwaamba mamanino aanzila yabuumi buzyulide mbobapona limwi, bwakweenda, bwamilimo, bwazikondelezyo, akugwasyanya.\\nEunice ulapandulula cakacitika ciindi mulumaakwe naakafwa campoona-mpoona abulwazi bwamoyo. “Insondo yakusaanguna ndakali kufwelukide, mbuli kuti taakwe cakali kubeleka. Nsikwe nindakali kukonzya kulabila nokuba kununsya. Pele, maanu aangu akacaala kaalekene. Akaambo kakuti ndakali limwi amulumaangu ciindi nobakali kusola kumusitikizya kubelesya CPR alimwi amisamu, teendakainda mukukaka kusyoma okuya kufwini kuba. Nokubaboobo, ndakali kulimvwide kutyompokelwa loko, mbuli kuti ndakali kweebelela mootokala uuwida kunkomwe pele kakutakwe ancendakali kukonzya kucita.”\\nSena wakalila? “Aino ndakalila, ikapati nindakabala myaanda yamakaadi aalweetelo aayo ngendakatambwide. Ndakalila ali imwi aimwi. Cakandigwasya kwiinda muciindi cakaceede mubuzuba oobo. Pele kwiina cakakonzya kugwasya nindakali kubuzigwa ciindi aciindi mbuli mbundakalimvwide. Aino ndakalipengede we.”\\nNinzi cakamugwasya Eunice kwiinda mubuumba bwakwe? “Kakutakwe akuziba, ndakalisalila cakutayeeya ikuti ndiyaambele abuumi bwangu,” ulaamba. “Nokubaboobo, icintu cicindicisa kwiibaluka ncakuti mulumaangu, walo wakali kubuyanda loko buumi, ulabwiindwa lino mbwatawo.”\\n“Mutalekeli Bambi Kumusinikizya . . .”\\nIbalembi ba Leavetaking—When and How to Say Goodbye balalailila ategwa: “Mutalekeli bambi kumusinikizya mbuli mbomutilimvwe antela mbomuticite. Ibantu boonse balaumbilwa munzila ziindene. Ibambi inga bamwaambila mbobayeeya—kuti mwabwiindilizya buumba antela kuti mwabulezya. Amubalekelele akuciluba. Ikusola kulyaatikizya munkombole iibambidwe abambi naa abuleya boonse, mulalidyaaminina buyo kuti mutafwambaani kuzibila.”\\nAino, bantu baindene ibuumba bwabo babweenzya munzila ziindene. Tatusoli kupa muzeezo wakuti nzila imwi ilainda ali imbi kumuntu woonse. Nokubaboobo, ipenzi lilakonzya kuba ciindi muntu muumba nakkalilila muciimo comwe, iciindi nakakilwa kubusyoma bwini bwazeezyo zicitikide. Kwaba boobo ilugwasyo ndiza luyooyandika kuzwa kubalongwe basilweetelelo. Ibbaibbele lyaamba kuti: “Muzwalani ulayandisya kuziindi zyoonse, alimwi munyina wazyalilwa mapenzi.” Aboobo mutayoowi pe kuyandaula lugwasyo, kwaambaula, akulila.—Tusimpi 17:17.\\nIbuumba ninzila nyinzi yakutambula kuzimina, alimwi tacili cintu cilubide kuti buumba bwenu bwaba antangalala kubambi. Pele mibuzyo aimbi iyandika kwiingula: ‘Ino inga ndapona buti abuumba bwangu? Sena ncintu cinyinzi kulimvwa kubaamulandu akunyema? Mbubuti mbwenga ndakweendelezya kulimvwa ooku? Ninci cinga candigwasya kucikonzya kwiinda mukusweekelwa amubuumba?’ Icibeela citobela cilayiingula mibuzyo eeyi alimwi aimbi.\\n^ munc. 8 Mucikozyanyo, ibantu Bayoruba bana-Nigeria balaalusyomo lwabunsiyansiya mukuzyalululwa kwabuumi. Aboobo ciindi mutumbu nafwidwa mwana, kulaba buumba bupati pele kwakaindi kafwiifwi buyo. Nkaambo mbuli bwaamba kaimbo kamwi mu-Ciyoruba: “Imaanzi alike ngaatika. Inongo yalo tiipwaikede.” Mbuli bwaamba Bayoruba, eeci caamba kuti inongo iiyumwide maanzi, banyina, balakonzya kuzyala umbi mwana—ambweni kuzyalululwa kwayooyo ufwide. Bakamboni ba-Jehova tabatobeli tunsiya nsiya ooto tutalikila muzyaano zitawo zyalo zizwa amizeezo yakubeja yakutafwa kwabuumi alimwi akuzyalululwa yalo iitakwe ntalisyo mu-Bbaibbele.—Mukambausi 9:5, 10; Ezekiele 18:4, 20.\\nIno buumba bwabantu bamwi bweendelana buti amisyobo zyabo?\\nNzikozyanyonzi nzyotujisi mu-Bbaibbele zyabaabo bakaumbilwa caantangalala?\\nIno bamwi bakakutambula buti kuzimina kwamuyandwa wabo? Ino nywebo mwakacitambula buti ciimo cili boobu?\\nNinzi cipa lufu lwamukaako kuba musyobo umbi wabuumba?\\nIno nzila yakuumbilwa icicitika buti? Sena buumba ncintu cilubide?\\nNzintunzi zimwi zicitika muciindi cabuumba? (Amubone kabbokesi apeeji 9.)\\nNziimonzi zilibedelede izijatikizya bazyali alufu lwamwana muvwanda lwampoona mpoona? (Amubone kabbokesi apeeji 12.)\\nIno bamatumbu banji bajatikizigwa buti akusowa antela kwiindilila? (Amubone kabbokesi apeeji 10.)\\nIbbala lyakuti “inzila” talyaambi kuti buumba bulaamulongolongo antela programu iibikkidwe. Kulimvwa kwabuumba kulakonzya kuvwelanavwelana alimwi akutola ziindi ziindeneindene, kweelana aumwi umwi. Ooyu mulongo tauzyulide pe. Ikulimvwa kumbi kulakonzya kulibonya. Izitobelaawa nzitondezyo zimwi zyabuumba zinga zilamucitikila muntu.\\nIkulimvwa kutaanzi: Ikunyongana kwakusaanguna; kutaasyoma, kwaakaka; kufweluka kwakumoyo; kulipa mulandu; kunyema.\\nIbuumba bupati inga bwabikkilizya: Ikuliluba akubula ŋonzi; ikuminwa kupati; ikucincauzya mbwalimvwa muntu; ikulubizya kwakusala akwakuyeeya; ikulila; kucincauzya kwakuyanda kulya, akukotela naa kuneneya kuletwa; izitondezyo ziindene indene zyakunyongana kwabuzumi; ikuungumana; ikulengaana mumilimo; ikulota bulanga—ikuguma, kumvwa, kubona sikuzaya; mukuzimina kwamwana, ikusulaika kwamukaako kutakwe ampobuyeeme.\\nIciindi cakusitikila: Ibuusu bulaakulombozya; ikwiibaluka bubotu bwasikuzaya, kubikkilizya anotuba tusesya sesya.\\nIkusowa Akwiindilila—Bamatumbu Balalila\\nNokuba kuti wakalijisi kale bana bambi, Monna wakali kukulangila loko kuzyalwa kwamwanaakwe uutobela. Mane katana akuzyalwa, wakali kale mwana ngwakali “kusobanya, kwaambauzya, akulota.”\\nInzila yakukamantana akati kabanyina amwana uutana kuzyalwa yakalaanguzu. Ulayaambele akuti: “Rachel Anne wakali mwana wakali kutabula mabbuku ada lyangu nindakali kubala, wakali kundimanya ŋonzi masiku. Ndicikuyeeya kulyata kwakwe kwakusaanguna, mbuli tubayi bayi tuuba, twaluyando. Ciindi coonse aputauka, ndakali kunga ndazula luyando. Ndakamuziba loko cakuti ndakaziba ciindi naakaciswa, naakaba mulwazi.”\\nMonna uyaambele kuluula ategwa: “Dokotela takwe naakandisyoma limwi caakumana aciindi. Wakandaambila kuti ndileke kulibilika. Ndasyoma ndakamumvwa naakafwa. Wakaide kusanduka canguzu. Buzuba bwakatobela wakalifwide.”\\nIcakacitika kuli Monna tacili cintu cilibedelede. Ikweelana abwaamba balembi ba-Friedman a Gradstein, mubbuku lyabo Surviving Pregnancy Loss, bamakaintu batandila kumiliyoni yomwe mwaka amwaka mu-United States mulikke balainda mukumita kutazwidilili. Aino, mweelwe munyika yoonse ulainda loko awa.\\nKanji kanji bantu balakakilwa kubona kuti kusowa antela kwiindilila mause kumukaintu alimwi ncintu ncayeeya—ndiza buumi bwakwe boonse. Mucikozyanyo, Veronica, uutantide loko myaka lino, ulakuyeeya kusowa kwakwe alimwi kapati ulakuyeeya kwiindilila kwamwana ooyo walo wakalikupona kusikila mumwezi wasanu amyezi yone alimwi wakazyalwa kalema makilogramu aali cisambomwi. Wakalimuyumwide kafwide mukati lyakwe nsondo zyobile zyeelezya. Wakaamba ategwa: “Ikuzyala mwana uufwide ncintu ciyoosya kumutumbu.”\\nIkulimvwa kwabamatumbu aaba batyompedwe talili lyoonse nokuteelelwa pe, nokuba abamakaintu bambi. Mukaintu umwi walo wakazimininwa mwana kwiinda mukusowa wakalemba: “Ncendaiya munzila iicisa loko ncakuti nicatakalina kucitika kulindime eeci, mubwini bwini teendakajisi amuzeezo waceeco beenzuma ncobakali kupenga pe. Ndakali buyo mbubwena kubula lweetelo aluzibo kuli mbabo mbuli bambi mbwendibabona kuba kuli ndime lino.”\\nAlimbi penzi kumutumbu uumbilwa nguyooyo muzeezo wakuti mulumaakwe talimvwi mbuli mbwalimvwa kusweekelwa walo. Mukamuntu umwi wakacaamba boobu: “Ndakalityompedwe cakumaninina kumulumaangu kuciindeeco. Ikweelana ambuli mbwaakazibwene walo, kwiina anokwakabede da pe. Takwe naakali kunga ulaba mubuumba buya mwalo mwendakali kubede pe. Wakalaalweetelo kukuyoowa kwangu, pele kutali kubuumba bwangu.”\\nIkulimvwa boobu ndiza nkunyinzi kumulumi—takwe naba akujatana kwakumubili akumoyo amwana kwalo mukaintu wakwe umisi nkwacita. Nokubaboobo, ulaba akusweekelwa. Alimwi ncintu ciyandika loko kuti mulumi amukaintu bazibe kuti bapengede limwi, nokuba kuti muunzila ziindene. Beelede kubwaabana buumba bwabo. Ikuti mulumi wabusisikizya, mukaintu inga ulayeeya kuti takwe lweetelo. Aboobo amulile antoomwe, amubandike, amukumbatane. Amutondezyanye mbuli mbomuyaamene lino kwiinda musyule. Inzya, nobalumi amulutondezye lweetelelo lwenu.\\nIbulwazi Bwalufu Lwampoona Mpoona Mubavwanda —Ikwiinda Mubuumba Bwambubo\\nIlufu lwamwana lwampoona mpoona nintenda iinyonganya. Ibumwi buzuba imwana uulibonya kuba kabotu akuba muzumi wakakilwa kubuka. Eeci ncintu citalangilwi nokuceya pe, kayi nguni uunga ulayeeyela kuti muvwanda antela mwana uuli woonse uyoofwa bazyali bakwe kabatana? Imwana wali kubede cisiko caluyando lwabanyina lutagoli mpoonaawo waba ncecisiko cabuumba bwabo butagoli.\\nIkulimvwa kubaamulandu kulatalika kunjila. Ibazyali ndiza inga balalimvwa kuti mbabaluleta lufu oolo, mbuli kuti lwaletwa abutaka bumwi. Balalibuzya, ‘Ninzi ncotwali kunga tulacita kuti tulukasye?’ * Muziindi zimwi mulumi, kakutakwe akaambo, ndiza ulatamikizya mukaintu wakwe katalibwene obo. Iciindi naaya kumilimo, mwana wali muumi alimwi kali muzumi. Ciindi naasika amunzi, walifwide mukalo kakwe! Ino mukaintu wakwe wali kutyani? Wali kuli aciindeeco? Imibuzyo eeyi iipenzya ileelede kusalazigwa kutegwa itabikki ciminyo alukwatano.\\nIzintu zitalangilwi zitakwe bulangile nzizyaleta mause. Ibbaibbele lilaamba ategwa: “Acintu cimwi ncimbwene ansi ano nceeci. Teensi basiluno bazunda mukusiyana, teensi basintaze bazunda munkondo, teensi basongo bajana zyakulya, teensi bacenjede bavuba imbono, teensi basimaanu bafwidwa luzyalo, pe. Bantu boonse buyo balasikilwa ziindi zyalufu azyamapenzi.”—Mukambausi 9:11.\\nIno bambi inga bagwasya buti kuti mukwasyi wazimininwa mwana? Imutumbu sikufwidwa umwi wakaingula ategwa: “Mweenzuma umwi wakaboola akuzookukula ŋanda yangu katayandiki akwaamba noliba jwi lyomwe. Bamwi bakatubambila zilyo. Bamwi bakagwasya kwiinda mukwiide kundifunkatila—majwi pe, pele kufunkatila. Teendakali kuyanda kuzyaambaula. Teendakali kuyanda kuti nkeujisi kupandulula cakacitika ciindi aciindi. Teendakali kuyandika mibuzyo yalweeneeno, mbuli kuti ndakalikakilidwe kucita cimwi cintu. Ndime ndakali banyina; ndakali kunoocicita kufumbwa cakali kunga cilakonzyeka ikufutula mwanaangu.”\\n^ munc. 61 Ibulwazi Bwalufu Lwampoona Mpoona Mubavwanda (Sudden Infant Death Syndrome [SIDS]), bwalo bufwini kucitika kubavwanda balaamwezi omwe kusikila kumyezi cisambomwi, nkaambyo kabelesyegwa ciindi mwana muzumi nafwa campoona mpoona kakutakwe acaluleta cilaabupandulule. Muziindi zimwi cilayeeyelwa kuti kucitika kwaceeci inga kweelebwa kuti mwana walazikwa busaleme antela kalanzyide kumbali pesi katabbandeme. Nokubaboobo, kwiina nzila yakumulazika iinga yalesya kusika koonse kwa-SIDS.\\n“Taakonzyi Kuba Masimpe Aayo!”\\nIno Inga Ndakkala Buti Abuumba Bwangu?\\nMbubuti Bambi Mbobanga Bagwasya?\\nIbulangizi Bwini Bwabafu\\nMabala Amusale naa muyanda kukkopa zyakamwaigwa Iciindi Muntu Ngomuyanda Nafwa","num_words":2228,"character_repetition_ratio":0.036,"word_repetition_ratio":0.0,"special_characters_ratio":0.15,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 37 IBBAIB63 - Lino Jakobo kakede munyika - Bible Search\\nMatalikilo 36 Matalikilo 38\\nJosefa mbwaakaba muzike mucisi ca-Egepita\\n1-Lino Jakobo kakede munyika yabweenzu bwabamawisi, nkokuti munyika ya-Kanana. 2-Ngaaya makani aamazyalani aa-Jakobo, Josefa naakajisi myaka iili ikumi amusani aibili, wakali kweembela imbelele abakulana bakwe, Kali mulombe antoomwe abana ba-Biliha abana baZilipa banakazi bawisi, nkabela Josefa wakaletela wisi makani aabo mabi. 3-Israyeli kayandisya Josefa kwiinda bana bakwe boonse nkaambo kali mwana wabucembele bwakwe, nkabela wakamucitila ijansi lili amaboko. 4-Pele bakulana bakwe, nebakabona kuti wisi ulamuyandisya kwiinda beenzinyina, bakamusula, kabataamba caluumuno kulinguwe.\\n5Lino Josefa wakalota ciloto, walwiida bakulana bakwe, nkabela bakaindilila kumusula. 6Wakabaambila kuti, Amuswiilile eci ciloto ncindalota. 7-Ndakabona kuti twakali kwaanga misunta yamaila mukati kamuunda, elyo musunta wangu wakabuka, waimikila, amisunta yanu yakuuzyunguluka, yaukotamina. 8Mpawo bakulana bakwe bakamwaambila kuti, Ma! Sa uyooba mwami wesu? Sa uyootweendelezya swebo? Nkabela bakaindilila loko kumusula nkaambo kaziloto zyakwe amajwi aakwe. 9-Mpoonya awo wakalota ciloto acimwi, walwiida bakulana bakwe, wati, Amuswiilile! Ndalota cilota acimwi. Ndalota kuti izuba amwezi anyenyeezi zili ikumi aimwi zyoonse zyandikotamina. 10-Wakalwiida wisi abakulana bakwe, nkabela wisi wakamutapatila, wati, Ma! Ncilotonzi eci ncowalota? Sa ncobeni tuzoosika, mebo abanyoko abakulana bako, kukukotama ansi kunembo lyako? 11-Lino bakulana bakwe bakali kumufwida ibbivwe, pele wisi wakajata majwi mumoyo wakwe.\\n12Lino baku la na bakwe bakainka kuyooembela imbelele zyawisaabo ku-Sekemu. 13Nkabela Israyeli wakaambila Josefa kuti, Bona! Sa bakulana bako tabali mukweembela ku-Sekemu? Koza, nkutume kulimbabo. Wakavuwa kuti, Ndaya. 14-Wakamwaambila kuti, Mbubo, koya, ukabone bakulana bako na bali kabotu, azyalo imbelele na zili kabotu, uzoondaambile makani, Aboobo wakamutuma kuzwa kukuti lya-Hebroni, nkabela wakasika ku-Sekemu. 15Lino umwi muntu wakamujana ulaingaila musokwe, nkabela oyo muntu wakamubuzya kuti, Uyandaulanzi? 16-Wakavuwa kuti, Ndayandaula bakulana bangu, Wence undaambile na baleembelelai? 17-Wakati, Bazwa okuno, nkaambo ndakamvwa majwi aabo aakuti, Katuya ku-Dotani. Amvwe obo Josefa wakatobela bakulana bakwe, wabajana ku-Dotani. 18-Pele naakacili kule, bakamubona, nkabela naatakaina kusika, bakamuvwiya kuti bamujaye. 19Bakaambilana umwi aumwi kumweenzinyina kuti, Ngooyo siziloto wasika. 20-Atweende, tumujaye, tumuwaale muli limwi lyamalindi, lino tulaamba kuti, Cinyama cibi camujaya. Tulabona na ziloto zyakwe zilaba buti. 21-Pele Rubeni naakamvwa, wakamuvuna mumaanza aabo, wati, Tutamujayi pe. 22Rubeni wakabaambila kuti, Mutatili bulowa pe; amumutumpukisye omo mudindi elyo lyamubbuwa, pele mutamubikili maanza aanu, Wakaamba obo kuti amuvune kumaanza aabo akumupilusya kuliwisi. 23Elyo Josefa naakasika kufwaafwi kubakulana bakwe, bakamusamununa ijansi lyakwe, ijansi idamfu lili amaboko ndyaakasamide, 24elyo bakamujata, bamutumpukizya mudindi. Idindi lyakali maya, kamutakwe maanzi mulindilyo.\\n25-Lino bakakala kulya insima, nkabela nibakatambya meso aabo bakabona inkamu yabasinyenda ba-Ismayeli balazwa ku-Gileadi, bali ankamele zyabo ziyumwide zilisyo amisamu atununkilizyo, balaya kuzisambala ku-Egepita. 26-Mpawo Juda wakaambila beenzinyina kuti, Cilatugwasyanzi na twajaya mwanike wesu akuvumba bulowa bwakwe? 27-Atweende, tumusambale kuba-Ismayeli, pele tutamutambiki maanza esu, nkaambo ngumwanike wesu, ninyama yesu, Nkabela beenzinyina bakamuswiilila. 28-Elyo basambazi ba-Midyani nibakainda, bakagwisya Josefa kuzwa mudindi, bamuulisya kuba-Ismayeli mali aansiliva aali makumi obile, aboobo bakasisya Josefa ku-Egepita.\\n29-Mpawo Rubeni naakaboola kudindi akujana kuti Josefa tacimo, wakadeluula zyakusama zyakwe, 30-wapiluka kubeenzinyina, wati, Mwana taciwo. Lino mebo, njiinke kuli? 31Elyo bakabweza ijansi lya-Josefa, bajaya mujembwe wampongo, bajovweka ijansi mubulowa. 32-Nkabela bakatuma ijansi lili amaboko kuliwisaabo, bati, Twajana eci. Langa, ubone na ndendilyo ijansi lyamwanaako na pe. 33-Mpoonya awo wakaliziba, wati, Ndejansi lyamwanaangu. Cinyama cibi camulya. Ncobeni Josefa wadeIuulwa. 34-Lino Jakobo wakadeluula zyakusama zyakwe, wasama zisani zyamasaka mucikungu cakwe, walila mwanaakwe mazuba manji. 35-Nkabela bana bakwe balombe abana bakwe basimbi boonse bakabuka kuti bamuumbulizye, pele wakakaka kuumbulizigwa. Wakati, Ncobeni njooselukila mukabanda mwaabede mwanaangu cakulila. Mbuboobo wisi mbwaakamulila. 36-Pele ba-Midyani bakamuulisya mu-Egepita, Bakamuulisya kuli-Potifara, umwi wabasilutwe wa-Farao, sikulanga wabasikutabilila.","num_words":556,"character_repetition_ratio":0.059,"word_repetition_ratio":0.0,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ciyanza ca Kuzyibila Kulyoomba Cinswe Print\\nCiyanza ca Kuzyibila Kulyoomba Cinswe\\nMakanze aalufutuko apede nzila yakubambulula ciimo cabulemu mumoyo wamuntu. Taata Yahuwah ulasalala. Walo ulisetekene alimwi mulondo. Aabo bayookona antoomwe a Mufutuli Yahushua mubulelo bwa mumuni, banoolitondezya ciimo ca Yahuwah mbuli cimbonimboni mumaumi aabo.\\nMangwalo alisalazyide kuti balikke aabo basalala mbabayookona buumi butamani:\\nCilundu ca Mwami Leza nguni uukonzya kucitanta? Nguni uukonzya kwiima mubusena bwakwe busalala? Nguyooyo uucita zisalala uunyina kampenda mumoyo, uutakombi mituni, nikuba kukonka cakubeja. Ooyo nguuyoolelekwa a Mwami Yahuwah, ooyo nguuyoolulamikwa a Leza mufutuli wakwe. (Langa mu Ntembauzyo 24:3-5.)\\nMumulumbe wakwe atalaa mulundu, Yahushua wakakombelezya kuti: “Nkaako nywebo muleelede kuba bantu basalala mbubonya mbuli Uso wakujulu mbwali mulondo.” (Mateyo 5:48, KJV) Eeco cintu camusyobo ooyo, ncintu cikatazya kujana mumuntu wanyama ulaa cinyonyoono, inga caba cintu calunya kulangila muntu kuti alondoke boobo pele buyo kuti Taata Yahuwah kayandide kupa zyoonse ziyandika kuti bana bakwe banunudwe bakasike aciimo eeco.\\nNcintu cikatazya kuti mubisyi abe munkutwe mukukakatila kutobela nzila eeyo.\\n“Nguni uukonzya kwaamba kuti, 'Ndalibamba, moyo wangu ulilondokede, ndasalala ndinyina zinyonyoono?'” (Tusimpi 20:9, NKJV) Yahuwah ulizyi kuti kunyina muntu uunga walisalazya lwakwe mwini. Walo wakakonkezya kuti uyoosangila zinjaanji kuzwa Kujulu zigwasyilila muntu kulwana nkondo yakuzunda cibi mumoyo.\\nImwi nzila akataa zinjaanji Saatani mwasisikizya kusofwaazya muya akunyonyoona kusalala mumoyo, nja luunyaunya. Mamambe, kulyana nkwela, akulangilizya zifwanikiso zitondwa, nzintu zizibidwe kapati kuti zisofwaazya mizeezo akujulila masunko manjaanji ookwa Saatani. Nokuba boobo, kuli cibaka acimwi cinjizya muya wamuntu mubweendelezi bwa Saatani. Eeco tacaambaulwi antangalala nkaambo kakufwa nsoni akutalimvwa kabotu kwaambaula makani aamusyobo ooyo. Eeco ncinyonyoono ca kulyoomba zinswe.\\nMumisela yakainda nsiku, kulyoomba cinswe cakali ciyanza cakazyibidwe kuti cilapoizya akuungula maanu muciimo camuntu. Cakali kwaambilwa mumbalimbali kuti “ciyanza cakusisikisya” alimwi abalo basilisi bazibbadela bakalemba ntenda zinjaanji zijatikizya cilengwa cakulyoomba. Nkaambo kaako, cakatalika kwiitwa zina kuti “kulipenzya omwini.”\\nLino mbokuli luunyaunya kapati caantangalala mumusela wesu, kulyoomba cakaba cilengwa citambulika kuti muntu kayanda kweeleba ntenda amalwazi aajanwa mubuvwuule: kumita kotayandide, bulwazi bwa kalileke (AIDS), malwazi mbuli kanswende, dokaloka, azimwi zinjaanji. Abamwi bana-kristu lino bakulwaizya kuti kulyoomba ninzila iigwasyilila bakubusi abapati batakwetene kuti kabazumanana kubaa buumbulu.\\nNokuba boobo, busongo bwa muntu mbufubafuba ku Mwami Yahuwah. Kwiinduluka kutaminina kuti cintu cimwi cili kabotu, naa cilasalala, nanka kuti cilatambulika takuli kutondezya kuti eeco cintu cilasalala akutambulika mumeso aa Taata Yahuwah pe. Zilengwa zya misela yesu zilacincauka ziindi zinjaanji cakuti tazikonzyi kuba cipimyo ca kululama pe. Mangwalo alikke ncecintu citakwe kampenda cikonzya kutondezya ciluleme.\\nIBbaibbele taligaminide kubandika makani aakulyoomba pe. Bamwi bantu bayeeyela kuti Paulu wakalikwaamba kuti cili kabotu kulyoomba kwiinda “kufwida mucamba kubaa busa”, pele mubwini, kunyina Paulu naakaamba cintu camusyobo ooyo pe. Mulugwalo lwakwe lutaanzi ku Bakolinto, walo wakali kukulwaizya basyomi kuti cilainda kubota kuti muntu katakwete. Kulanga mapenzi akutundululwa nkubakanjide bana-kristu muciindi eeco, aaya akali malailile aalaa maanu. Yahuwah Lwakwe wakaambila Jelemiya kuti atakwati nkaambo uyoolibonena mukaintu wakwe abana bakwe kabafwa nzala eelyo munzi waakufumpwa baku Bbabbuloni.\\nMalailile ookwa Paulu akali aakuti cilainda kubota kuti muntu wakwata kwiinda “kufwida mucamba kubaa busa”, eeco ncecisendekezyegwa akuteelelwa mazubaano kuti caambilizya kulyoomba:\\nNkaambo ndalombozya kuti bantu boonse bapone mbuli buumi mbwepona ambe lwangu. . . . Pele Ime nditi kuli baabo batakwete abamukabafu, ndabaambila kuti ncibotu kulimbabo kuti bakkale buyo nkungulume, mbuli ndime. Pele kuti naa tabakonzyi kulijata, baleelede kukwata. Nkaambo ncibotu kukwata kwiinda kunyomenena. (1 Bakolinto 7:8 a 9, NKJV)\\nPenzi liliko lya kulyoomba, alimwi ndipenzi pati, ndyakuti, eeci cilengwa cikulwaizya kusofwaazya mizeezo, mpoonya eeco ncecipoizya muya wamuntu woonse. Boonse aabo balaa ciyanza cakulyoomba lyoonse bayeeyela muntu umwi munzila iitondwa akumufwida luunyaunya kutegwa balikkomanisye kusobanya cinswe kabayeeyela muntu ooyo aanga nkwali ncobeni aawo mpobacitila boobo akulikkutya busa bwakoonana. Mizeezo yakulyana nkwela ilakwelelezya akuungula maanu mukuya kwaciindi nkaambo muntu inga kayaa kuyandisya mizeezo yiindila kutondwa kutegwa imusisye aawo mpatalika kulyoomba akugozya busa bwakwe. Ooku kubula kulyeendelezya mumizeezo ncintu cikazya mukonzyanyo ngwaakatusiila Yahushua.\\n“Amube aamoyo mbuli ngwaakajisi Yahushua munanike.” (Langa Bafilipo 2:5.) Muzeezo ookwa Yahushua lyoonse wakali kusalala mbuli mbwaakali kwaaba mizeezo amicito yakwe yoonse kukuyanda kwa Taata Wakwe.\\nYahushua wakasalazya kuti kuyeeyela kucita zitondwa mumizeezo yamuntu cileelene acinyonyoono cakucita cintu cini eeco. Walo wakasinizya kuti:\\nTee mwakamvwa kabaambilwa basikale kuti, 'Utaciti mamambe.' Mbombubo, pele mebo ndamwaambila kuti kufumbwa uulanga mukaintu akumunyomenenwa walalika kale mumoyo wakwe. (Mateyo 5:27 a 28, NKJV)\\nKulyoomba kanjaanji ncintu citobela zinyonyoono zimwi, mbuli kulangilizya zipekupeku zinyomenezya akusungilizya busa bwa kulyana nkwela. Kulyoomba ncintu ceendelana akulangilizya zifwanikiso zyamantanda azitondwa, nkaambo busa bwa nkwela bulasinsimuka kwiinda mukulangilizya zifwanikiso zyamantanda azipekupeku zya cisaaza zitondwa akufwamba kulikkomanisya omwini.\\nKulyoomba akataa baabo bakwetene akwalo nkubaa buunyu kapati. Inga calibonya aanga nkuyanda kulikkomanisya munzila yakufwamba kulilemununa kwiinda kuti akulemunune mukaako, kumwi kolipeekezya kukkomanisya mukaako. Aboobo, zikwati zyabaabo bazyibide kulyoomba zinjila mapenzi, akuleta kuzingwa mizeezo, akucisa bamwi bali mumbali nkaambo cileelene akwaaba mukaako.\\nKoonana mucikwati ncipego cilibotela ncaakatupa Mulengi wesu uutuyanda. Wakatupeda kuti tweelede kucita cintu cibotu eeci mukaziziizi mucikwati. Cakali cintu citondezya luyando lwini akusyoma ngomukwetene limwi akumupa cintu cimukkomanisya. Kuti kacicitwa mulukwaka lwa cikwati cisetekene, koonana inga caba cintu ciswaanganya banabukwetene akubaleta munsimunsi umwi awumwi.\\nYahuwah wakalenga banalumi abamakaintu kuti babe bantu bayanda koonana pele Walo taakayandide kuti bantu babe bazike ba luunyaunya pe. Adamu a Eva bakalengwa kabeendelezya mibili yabo mubunkutwe. Bakali bantu bakali kweendelezya busa bwa nkwela muciimo cabo cabulemu. Kulyoomba ncilengwa cimanukizya ncobeni. Muntu uuzyibide cilengwa cakulyoomba inga wabamuntu uuzunda munguzu zya Munununi nanka kuyuminina kucita ciyanza eeci mukuya kwaciindi.\\nEelyo mwaalumi (naba mukaintu) nalyoomba, busa bwakulyoomba bulaindizya kumumanukizya kufumbwa ciindi nacita boobo. Mubili wakwe ulalibambila kucita cintu eeco nkaambo lino watalika kuzyibila ciyanza eeco. Muntu waatalikila muciyanza ca kulyoomba ziindi zyongaye mumwezi, mukuya kwa ciindi, busa bwakulyoomba bulaindila kumutolwaazya.\\nBamwi bantu bakasika ambaakani yakugagambila kucita luunyaunya cakuti kufumbwa muzeezo uuli mumutwe ugeme kucisaaza. Bantu bamusyobo ooyo mbazike ba Saatani ncobeni, ulabasobanya akubasungilizya kucita kufumbwa citondwa. Bulikke bulangizi mbwakonzya kujana mubisyi: mbwakulyaaba kuli Yahushua kuti amwaabile nguzu.\\nBoonse bayanda kuti Mufutuli Yahushua akkalilile mukati muli mbabo, beelede kulyaaba maumi aabo aaluunyaunya woonse ku Mufutuli. Kulyaaba zisusi zyako abusa bwako boonse kuli Yahuwah inga tiicakupa kuti ubaange mwana uutakwe busa bwa nkwela pe. “Elohimu wakalenga muntu mucinkonzya Cakwe cini, mucinkonzya cokwa Elohimu Walo wakamulenga; mwaalumi amukaintu Walo wakabalenga.” (Langa mu Matalikilo 1:27.)\\nYahuwah wakalenga bantu bobile baandeene bubambe. Aabo balyaaba busa bwa nkwela kuli Nguwe inga tiibasweekelwa ciimo cabubambe bwabo. Kunze lyaboobo, banalumi inga bazyandamana kubaa bulombwana, alimwi banakazi inga beebeka kubaa busimbi eelyo nobayaa kulyeendelezya kabotu kakwiina kulikkomanisya munzila yakulyoomba. Muntu wakali muzike wa busa bwa zitondwa ulakonzya kupiluka kuciimo cabulemu ciboola mulwaanguluko lwa kutobela mulawo wabulemu.\\nMucibeela cabuumi cili coonse oomo Saatani mwakakatila koongelezya muntu, Mufutuli Yahushua mbo bwiinguzi bwamuntu ooyo. “Akaambo kaako walo ulakonzya kubafutwida limwi aabo baswena aafwiifwi kuli Yahuwah kwiinda muli Nguwe, nkaambo ulapona lyoonse kuti abakombelezezye.” (Langa BaHebulayo 7:25.) Toonse tulazyalwa katuli bazike ba Saatani kwiinda muciimo cesu cabuntu cilaa cinyonyoono. Mbuli mbotuli bazike, ncintu cikatazya kuti munguzu zyesu tobeni tulyaangulule kuzwa mukakole ka Saatani. Tulakonzya kuzyiba cibotu acibi. Tulakonzya kulombozya kucita cibotu akweeleba cibi. Pele luzyibo lulikke oolo talukonzyi kutwaangulula kuti tucite ciluleme ncotulombozya kucita pe.\\nEeyi nkondo yakulwanina mukati kamoyo, nkondo akataa kuyandisya kucita ciluleme, kiilwana abusa bwakuyandisya cibi, yakapandululwa a Paulu naakalemba kuti:\\nTulizyi kuti Mulawo ngwazintu zyamuuya. Pele mebo ndimuntunsi, ndimuzike wazinyonyoono. Nsizi ncecitila zeezyo nzyecita. Nkaambo nsiciti zeezyo nzeyanda kuti ncite pe, pele eezyo zintu nzyesulaikide nzyezumanana kucita.\\nKuti naa nkepenzyegwa azinyonyoono eezyo nzyecita, caamba kuti Mulawo uliluleme. Endime eencita zibi nzyecita pe, pele zinyonyoono zili mulindime nzyezindicitya.\\nNdilizi kuti mulindime ndemuntunsi munyina cibotu pe. Nikuba kuti ndiyanda kucita zibotu, pele nsiziciti pe. Zibotu nzyeyanda kuti ncite, nsiciti. Pele zibi nzyetayandi kuti ncite, nzyecita.\\nNaa nkecita eezyo nzyetayandi kucita, nsilindime eenzicita, pele nzinyonyoono zili mulindime zindicitya. Aboobo ndijana kuti cicitika ncakuti, neyanda kucita zibotu inga azyalo zibi zili aandime. Ndabotelwa a Mulawo wa Yahuwah amoyo uumaninide. Pele ndilizi kuti mulindime muli moyo uumbi uulwana ayooyo uubotelwa a Mulawo wa Yahuwah. Moyo umwi ooyo uutobela nzila yazinyonyoono, nguwandicitya kuti ndibe muzike wazinyonyoono.\\nMaawe! Nde mucaangu! Nguni uutindivune kubukkale oobu bunditola kulufu? Cili bobuya: mebo lwangu njanda kutobela Mulawo wa Leza amoyo omwe, pele amubili wangu njanda kutobela nzila yazinyonyoono. (Langa BaLoma 7:14, 15, 17-25.)\\nOoku nkokulila kuli mumoyo wamuntu woonse wakatingaana munguzu zyakwe kukakatila kuzunda ziyanza zyakucita cinyonyoono. Kampango katobela waawo kajisi bwiinguzi bwakuti: “Aalumbwe Yahuwah wandivwuna muli Yahushua Munanike Simalelo wesu!” (Langa BaLoma 7:25.)\\nKuli zinyonyoono zinjaanji kapati. Kufumbwa cintu ncookazyibila kucita kuzwa nookazyalwa cikubuzya nguzu, kuli sunko lilibambide kukulwana kwiinda mucintu eeco akukusungilizya kucita cinyonyoono. Nokuba boobo, kwiina makani naa ncinyonyoono cili buti, pele kuli buyo bwiinguzi bomwe: nkwali Mufutuli. Walo nkwali ciindi coonse kuti akugwasye noli mupenzi. Walo uyoopa kukoma kufumbwa muntu uumulomba kuti azunde.\\nEelyo nonjilwa sunko lyakulyoomba:\\nMpoonya aawo kotijila ku Mufutuli, talika kupaila mumoyo wako kufumbwa nkobede.\\nKotantamuka kufumbwa cikuletela sunko eelyo. Kuti koli abulo, imikila. Kuti kosamba amubili, sama zyakusama akuzwa anze. Koyandaula cakucita kutegwa mizeezo yako ileke kuyeeya zitondwa.\\nUtalekeli mizeezo yako kuti izulile zipekupeku, zifwanikiso, amanjezyeezya aayungizya busa bwakuyanda cisaaza.\\nKolya zyakulya zitavweledwe, zitakwe mpilibili, nkaambo eezyo nzyezyiyungizya busa bwa cisaaza. Nyama amayi azyalo zilayungizya kuyandisya kulyana nkwela.\\nKolomya kubona kuti cinswe casalala alimwi kunyina tombe libungene kunsaa cikanda civwumbilila, kunyina nkasaalo azimwi zinjaanji zizwa mukati, nkaambo eezyo nzyezipa kumvwa cintu cibaba akutalika kulikwezya cinswe, kulijataata akuliponyongola.\\nKuzunda kulisyomezyedwe kufumbwa uutambula cipego eeco akubaa lusyomo mu Mufutuli.\\nLino taakwe mulandu kulibaabo basyoma muli Kilisito Yahushua Munanike. Aabo bateendi mukutobela zisusi zyanyama, pele basololelwa a Muuya Uusalala. Nkaambo mulawo wa Muya wa Buumi muli Yahushua Munanike, wandaangununa kuzwa kumulawo wa zinyonyoono a lufu.\\nIno twaambe buti amakani aaya? Naa Yahuwah kaalaa ndiswe, ino nguni uukonzya kutulwana? Yahuwah wakasanga Mwanaakwe mwini, nkabela wakamwaaba nkaambo kesu. Ino inga wakakilwa buti kutupa zintu zyoonse antoomwe a Nguwe?\\nNitupenga boobo, masimpe tulizundide kale nkaambo ka Kilisito uutuyanda. Nkaambo ndisinizizye kuti taakwe cintu cikonzya kutwaandaanya kuluyando lwa Yahuwah. Niluba lufu, nibuba buumi, nibaba bangelo, nibaba basimalelo, niziba zintu zyasunu naa ziciyooboneka, niziba zyanguzu zili buti, niziba zintu zyakujulu niziba zyaansi aano, niciba cilenge cili buti coonse, taakwe cintu niciba comwe cikonzya kutwaandaanya kuluyando lwa Yahuwah ndotujisi muli Yahushua Munanike, Simalelo wesu. (Langa mu BaLoma 8:1-2, 31-32, 37-39.)","num_words":1589,"character_repetition_ratio":0.041,"word_repetition_ratio":0.0,"special_characters_ratio":0.153,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 6 IBBAIB63 - Lino bantu nibakatalika kuvula - Bible Search\\nMatalikilo 5 Matalikilo 7\\nNowa mbwaakali mululami akati kabantu basizibi\\n1-Lino bantu nibakatalika kuvula ansi, alimwi nibakali kuzyala bana basimbi, 2-bana ba-Leza bakabona bana basimbi babantu kuti mbabotu, nkabela bakakwata kufumbwa mbobakali kuyanda akati kabo. 3-Mpawo Jehova wakaamba kuti, Muuya wangu tuukooyookazyanya lyoonse amuntu pe, nkaambo ninyama buyo. Mazuba aakwe ayooba myaka iili mwaanda amakumi obile. 4-Mumazuba alya kakuli babbabbani ansi. Nkabela kusule lyayaaya, bana ba-Leza nibakaswanana abana basimbi babantu, bakabazyalila bana, mbombabo bakaba basinguzu baciindi, bantu basimpuwo.\\n5-Lino Jehova wakabona kuti bubi bwabantu baansi bulayoosya, amiyeeyo yoonse bantu njibayeeya mumyoyo yabo mibi luzutu mazuba oonse, 6-aboobo­ Jehova wakausa nkaambo kakulenga muntu, wakapenga mumoyo wakwe. 7Nkabela Jehova wakaamba kuti, Bantu mbondakalenga, nzoobaziminganya ansi. Nzooziminganya bantu abanyama, bauka abayuni bakujulu boonse, nkaambo nda usa kuti ndakabalenga. 8-Pele Nowa wakafwidwa luzyalo mumeso aa-Jehova.\\n9-Njeeyi mizukulu ya-Nowa. Nowa kali muntu uululeme, katajisi kampenda, akati kabasaanyina. Nowa wakali kweenda a-Leza. 10Nkabela Nowa wakazyala bana botatwe, Semu, Hamu a-Jafeti.\\n11Lino nyika yakabija kumeso aa-Leza, alimwi nyika yakazula luuni. 12-Lino Leza wakabona kuti nyika yabija, nkaambo bantu boonse bakalibisizye inzila zyabo ansi, 13-nkabela Leza wakaambila Nowa kuti, Ndakanza kumanisya bantu boonse, nkaambo nyika ilizwide luuni nkaambo kabo. Ncobeni njoobanyonyoona anyika yoonse. 14Kolipangila bwaato bwazisamu zyagofa. Obu bwaato ubucite azimpetu, alimwi uleelede kubuziluluzya mukati aanze insakizi. 15Mbuboobu mboelede kubucita. Bulamfu bwabwaato buleelede kuba tukokola tuli myanda yotatwe, bwaamba bwabo bube tukokola tuli makumi osanwe, abwiime bwabo bube tukokola tuli makumi otatwe. 16Ucite impulunguzyo mubwaato, zibe kakokola komwe kuzwa kulululi, Awalo mulyango wabwaato uubike mulubazu lwabo. Alimwi yaka zimpetu zyaansi, azimwi zyabili zyakujulu, azimwi zyatatu kujulu lyazeezyo. 17-Lino mebo ndaleta izambangulwe lyamaanzi ansi lyakunyonyoozya nyama yoonse yabaumi baputa ansi, Boonse buyo bali munyika bayoozanga. 18Pele webo tuyootangana cizuminano ayebo, aboobo uyoonjila mubwaato, webo abana bako amukaako abamukabana bako. 19Alimwi akati kabanyama bamisyobo yoonse, uyoonjizya bobile bobile mubwaato kuti baponesegwe anduwe, Bayooba mweenze amuzyazi. 20Abalo bayuni bamisyobo misyobo, abanyama bamisyobo misyobo, abauka bamisyobo misyobo bayavula ansi bobile bobile baleelede kuba ayebo kuti baponesegwe. 21-Alimwi bweza zilyo zyamisyobo yoonse, kufumbwa ziligwa, ukazilondole, kuti zibe bulilu bwako abulilu bwabo. 22-Lino Nowa wakacita obo. Wakacita mbubonya mbuli Leza mbwakamulailila.","num_words":348,"character_repetition_ratio":0.051,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"9 Sena tandaangulukide? Sena tandili mutumwa? Sena tiindakamubona Jesu Mwami wesu? Sena nywebo tamuli mulimo wangu ngondakabeleka mu Mwami? 2 Nokuba kuti tandili mutumwa kuli bamwi, kulindinywe ndili mutumwa ncobeni, nkaambo muli ciganto cisinizya kuti ndili mutumwa wa Mwami. 3 Bwiinguzi bwangu kuli baabo bandibeteka mbwakuti: 4 Sena tatwaangulukide kulya akunywa? 5 Sena tatwaangulukide kweenda antoomwe amukaintu uusyoma munyendo zyesu, mbubonya mbobacita batumwa bamwi boonse abanabokwabo Mwami alimwi a Kefa? 6 Naa sena ngu Banaba buyo andime tolikke notweelede kubeleka mulimo wakumubili? 7 Nguni sikalumamba uulibbadelela mumulimo wakwe? Nguni uusyanga muunda wamisaansa uutalyi micelo yawo? Naa nguni weembela butanga uutanywi mukupa umwi wabutanga? 8 Sena ndaamba zyintu eezyi kweelana ambobazibona zyintu bantu? Sena awalo Mulawo tauzyaambi zyintu eezyi? 9 Nkaambo mu Mulawo wa Musa kulembedwe kuti: “Mutamwaangi kumulomo musune* nalyataula maila.” Sena mbasune mbabikkila maano Leza? 10 Naa sena mubwini waamba majwi aaya akaambo kandiswe? Mubwini akalembelwa ndiswe, nkaambo muntu uulima alimwi ayooyo uubuulula beelede kucita boobo kabajisi bulangizi bwakulya zyintu eezyo. 11 Ikuti twakasyanga zyintu zyakumuuya akati kanu, sena nkumuminya kutebula zyintu zyakumubili nzyotubula kulindinywe? 12 Ikuti bantu bamwi kabaangulukide kujana zyintu kulindinywe, sena swebo tatweelede kwiinda mbabo? Nokuba boobo, tiitwalubelesya pe lwaanguluko lwesu oolu, pele tulaliyumya muzyintu zyoonse, kutegwa munzila iili yoonse tutasinkilili makani mabotu aajatikizya Kilisito. 13 Sena tamuzyi kuti bantu babeleka milimo iisetekene balya zyintu zyamutempele, alimwi abaabo babeleka milimo lyoonse acipaililo balaabilwa zyakulya zyakucipaililo? 14 Mbubonya buyo, Mwami wakalailila kuti aabo baambilizya makani mabotu kabaponena mumakani mabotu. 15 Pele kunyina nindabelesya bubambe oobu buli boonse. Mubwini, tiindalemba zyintu eezyi kutegwa ndicitilwe boobo pe, nkaambo inga cainda kubota kuti ndifwe buyo, cimanine waawo ikwiinda kulekela muntu kundimanina twaambo tundipa kulilumbaizya! 16 Lino ikuti kandaambilizya makani mabotu, aaka takali kaambo nkondeelede kulilumbaizizya pe, nkaambo ngomukuli ngondakapegwa. Mubwini, maawe kulindime ikuti naa kanditaambilizyi makani mabotu! 17 Ikuti eeci kandicicita cakulisungula, ndilijisi bulumbu; pele ikuti ndilisinikizya buya, alyalo eelyo ndilijisi bubanzi mbondakapegwa. 18 Aboobo ino bulumbu bwangu ninzi? Mbwakuti nendaambilizya makani mabotu ndaabile makani mabotu aaya kakunyina kubbadelwa, ikutegwa nditabelesyi lwaanguluko lwangu mumakani mabotu munzila mbyaabi. 19 Nkaambo nokuba kuti ndilaangulukide kubantu boonse, ndalicita kuba muzike kuli boonse, kutegwa ndigwasye bantu banji. 20 Aboobo kuba Juda ndakaba mbuli mu Juda, kutegwa ndigwasye ba Juda; kuli baabo beendelezyegwa amulawo ndakaba mbuli muntu weendelezyegwa amulawo ikutegwa ndigwasye baabo beendelezyegwa amulawo, nokuba kuti mebo lwangu tandeendelezyegwi amulawo. 21 Kuli baabo batajisi mulawo ndakaba mbuli muntu uutajisi mulawo, nokuba kuti mebo ndilijisi mulawo kuli Leza pele ndeendelezyegwa amulawo wa Kilisito, ikutegwa ndigwasye baabo batajisi mulawo. 22 Kubantu batajisi nguzu ndakabula nguzu, kutegwa ndigwasye baabo batajisi nguzu. Ndaba zyintu zyoonse kubantu bamisyobo yoonse kutegwa ziyume zitete ndibafwutule bamwi. 23 Pele ndicita zyintu zyoonse akaambo kamakani mabotu, kutegwa ndaabile bamwi. 24 Sena tamuzyi kuti babalika mukusiyana boonse balabalika, pele ngumwi buyo uutambula bulumbu? Amubalike munzila iinga yamupa kuyoojana bulumbu. 25 Kunze lyaboobo, muntu woonse uutola lubazu mukuzundana ulalilesya muzyintu zyoonse. Lino balo bacita boobo kutegwa bajane musini uunyonyooka, pele swebo kutegwa tujane musini uutanyonyooki. 26 Aboobo, tandibaliki mbuli kuti tandikuzyi nkondiya pe; tandifwusi mfwaindi zyangu ikuuma buyo muwo pe; 27 pele ndidinkaula mubili wangu akuweendelezya mbuli muzike, ikutegwa ndamana kukambaukila bamwi, mebo lwangu nditajanwi abutongo bumwi.\\n^ Mu Chigiliki, “mupoho.”","num_words":497,"character_repetition_ratio":0.07,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Milimo 20 | Bbaibbele lili a Intaneti | Bbaibbele lya Busanduluzi Bwanyika Mpya\\nPaulo uli ku Makedoniya alimwi aku Girisi (1-6)\\nYutiko wabusyigwa ku Trowa (7-12)\\nKuzwa ku Trowa kuunka ku Melito (13-16)\\nPaulo waswaangana abaalu baku Efeso (17-38)\\nKuyiisya kuŋanda aŋanda (20)\\n“Kupa kulakkomanisya kapati” (35)\\n20 Lino lupyopyongano nolwakayozya-yozya, Paulo wakatuma mulomo kuti basikwiiya baboole, eelyo naakamana kubayumya-yumya akubalaya, wakatalika lweendo lwakwe kuya ku Makedoniya. 2 Naakainda muzyooko eezyo akuyumya-yumya basikwiiya bakali mumo amajwi manji, wakasika mu Girisi. 3 Wakakkala myezi yotatwe ooko, pele wakayeeya kuti apiluke kwiinda ku Makedoniya akaambo kakuti ba Juda+ bakakanzide kumujaya ciindi naakali kuyanda kutanta bwato kuunka ku Siriya. 4 Wakasindikilwa a Sopatero mwana wa Pulo waku Bereya, Arisitarko+ a Sekundu bana Tesalonika, Gayo waku Derbe a Timoteyo,+ alimwi kuzwa kucooko ca Asiya kwakali Tukiko+ a Turofimo.+ 5 Aaba bakatusolweda alimwi bakali kutulindila ku Trowa; 6 pele twakatanta bwato kuzwa ku Filipi naakamana mazuba aa Pobwe lya Zinkwa Zitajisi Bumena,+ eelyo mumazuba buyo osanwe twakasika ku Trowa nkobakabede, mpoonya ooko twakakkala mazuba aali ciloba. 7 Mubuzuba bwakusaanguna bwansondo notwakabungene antoomwe kuti tulye cakulya, Paulo wakatalika kubaambila makani, mbwaanga wakali kuyanda kuunka buzuba butobela; alimwi wakakanana kwaciindi cilamfwu kusikila akati kamasiku. 8 Aboobo kwakali malambe manji muŋanda yamujulu eeyo motwakabungene antoomwe. 9 Kakkede awindo, mulombwana umwi uutegwa Yutiko zyakamutola ŋonzi ciindi Paulo naakacili kwaambaula, mpoonya kali muŋonzi wakawa kuzwa muŋanda yatatu yamujulu, eelyo wakabwezyegwa kafwide. 10 Pele Paulo wakaseluka ansi, waakuliwaala alinguwe, wamufwukatila+ akwaamba kuti: “Amuumune, nkaambo muumi.”+ 11 Mpoonya wakapiluka mujulu, wakomauna cinkwa akutalika kulya. Wakazumanana kukanana kwaciindi cilamfwu mane bwaca, mpoonya wakanyamuka akuunka. 12 Aboobo bakamubweza mulombe ooyo kali muumi alimwi bakakkomana citaambiki. 13 Mpoonya twakasolola kuyootanta bwato akuunka ku Aso, nkotwakali kuyanda kuyoobweza Paulo mubwato, nkaambo naakamana kutupa malailile kujatikizya ceeci, walo wakali kuyanda kweenda amaulu kuya kooko. 14 Aboobo naakatujana ku Aso, twakamubweza mubwato akuunka ku Mitilene. 15 Mpoonya nobwakaca twakeenda abwato kuzwa kooko, twaakusika kubusena bulangene a Kiyo, pele buzuba bwakatobela twakaima asyoonto ku Samo, eelyo nobwakaca twakasika ku Melito. 16 Paulo wakakanzide kuti atakaimi ku Efeso,+ kutegwa atakasowi ciindi cili coonse mucooko ca Asiya, nkaambo wakali kubindila kuti, ikuti kacikonzyeka kanooli ku Jerusalemu+ buzuba bwa Pobwe lya Pentekoste. 17 Pele kacili ku Melito wakatuma mulomo ku Efeso ikwiita baalu bambungano. 18 Eelyo nobakasika kulinguwe wakati kulimbabo: “Nyoonse mulizyi kabotu mbondali kucita akati kanu kuzwa mubuzuba bwakusaanguna mbondakasika mucooko ca Asiya,+ 19 kandibelekela Mwami cakulicesya kapati+ amisozi, alimwi amapenzi aakandicitikila akaambo kaba Juda bakandikanzide, 20 alimwi tiindakamusisa, ndakamwaambila zintu zyoonse izigwasya* akumuyiisya mubuleya+ alimwi akuŋanda aŋanda.+ 21 Pele ndakabapa bumboni cakulomya ba Juda aba Giriki kuti beelede kweempwa+ akusandukila kuli Leza alimwi akusyoma Mwami wesu Jesu.+ 22 Lino amubone, munguzu zyamuuya* ndili mulweendo lwakuya ku Jerusalemu, nokuba kuti tandizyi iziyoondicitikila ookuya, 23 nokuba kuti mumunzi amunzi mondiinda muuya uusalala ulainduluka kundaambila kuti ntolongo amapenzi zilandilindila.+ 24 Nokuba boobo, ibuumi bwangu tandibuboni kuti ncintu ciyandika kapati kulindime,* ndiyandisya buyo kuti ndimanizye lweendo lwangu+ amulimo ooyu ngwaakandipa Mwami Jesu, iwakupa bumboni cakulomya kujatikizya makani mabotu aaluzyalo lwa Leza. 25 “Alimwi lino amubone, ndilizyi kuti nywebo nyoonse mbondakakambaukila makani aa Bwami tamukandiboni limbi pe. 26 Aboobo amube bakamboni buzuba obuno kuti ndinyina mulandu wabulowa bwabantu boonse,+ 27 nkaambo tiindakamusisa pe, pele ndakamwaambila zyoonse nzyayanda Leza.*+ 28 Kamulibikkila maano nobeni+ alimwi abutanga boonse, oobo muuya uusalala mbowakamubikka kuba balangizi+ bambubo, kuti mweembele mbungano ya Leza,+ eeyo njaakaula abulowa bwa Mwanaakwe mwini.+ 29 Ndilizyi kuti ndaakuunka baumpe babutambo bayoonjila akati kanu+ alimwi butanga tabakabulanganyi amoyo mutete, 30 alimwi naaba akati kanu nobeni kuyoobuka baalumi ibayooyiisya zintu zipilingene kutegwa balikwelele basikwiiya.+ 31 “Aboobo amupakamane lyoonse, alimwi kamuyeeya kuti kwamyaka yotatwe+ syikati amasiku tiindakaleka kulaya umwi aumwi wanu kumwi kandizwa misozi. 32 Aboobo lino ndamusiya mumaanza aa Leza amujwi lyaluzyalo lwakwe, ijwi eelyo likonzya kumuyaka akumupa lukono oolo ndwapa boonse basalidwe kuba basalali.+ 33 Kunyina nindakanyonokela nsiliva, ingolida naa cisani camuntu pe.+ 34 Nywebo nobeni mulizyi kuti ndakabeleka amaanza aangu aaya kujana nzyondakali kuyandika+ mebo alimwi abaabo mbotwakali limwi. 35 Ndakamutondezya muzintu zyoonse kuti kwiinda mukubeleka canguzu boobu,+ mweelede kubagwasya aabo batajisi nguzu, alimwi lyoonse mweelede kuyeeya majwi aa Mwami Jesu, eelyo lwakwe mwini naakaamba kuti: ‘Kupa kulakkomanisya kapati+ kwiinda kupegwa.’” 36 Lino naakamana kwaamba makani aaya, wakafwugama antoomwe ambabo boonse akupaila. 37 Lino boonse bakalila kapati, alimwi bakamukumbatila Paulo* akumumyonta caluyando, 38 nkaambo bakausa, ikapati kumajwi ngaakaamba aakuti tabakamuboni limbi pe.+ Mpoonya bakamusindikila kuya kubwato.\\n^ Naa “zyakumugwasya.”\\n^ Naa “kwiinda mukweendelezyegwa amuuya.”\\n^ Naa “tabukwe mpindu kapati kulindime.”\\n^ Naa “makanze oonse aa Leza.”\\n^ Mu Chigiriki, “bakawida ansingo ya Paulo.”","num_words":695,"character_repetition_ratio":0.038,"word_repetition_ratio":0.0,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amugamike Moyo Wanu Kumbono Zyakumuuya​—Luka 12:34 | Yakwiiya\\nNgazi Yamulindizi—Yakwiiya | June 2017\\nAMUBALE MU Afrikaans Albanian American Sign Language Amharic Amis Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Bengali Bicol Bolivian Sign Language Boulou Brazilian Sign Language British Sign Language Bulgarian Catalan Cebuano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitumbuka Chiyao Chol Chuvash Cibemba Cinyanja Colombian Sign Language Croatian Cuban Sign Language Czech Czech Sign Language Dangme Danish Digor Douala Dutch Ecuadorian Sign Language Edo Efik English Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Greek Greek Sign Language Guarani Gujarati Gun Haitian Creole Hausa Hebrew Hiligaynon Hindi Hiri Motu Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kannada Kenyan Sign Language Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malawi Sign Language Malay Malayalam Mam Mambwe-Lungu Marathi Maya Mazatec (Huautla) Mbunda Mexican Sign Language Mingrelian Mixe (North Central) Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nigerian Pidgin Norwegian Nzema Okpe Oromo Ossetian Otetela Pangasinan Papiamento (Curaçao) Paraguayan Sign Language Persian Peruvian Sign Language Pidgin (Cameroon) Polish Polish Sign Language Portuguese Portuguese Sign Language Punjabi Quebec Sign Language Quechua (Ancash) Quechua (Bolivia) Romanian Romanian Sign Language Russian Russian Sign Language Samoan Sango Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Venda Venezuelan Sign Language Vietnamese Waray-Waray Welsh Wolaita Xhosa Yoruba Zande Zapotec (Isthmus) Zimbabwe Sign Language Zulu\\nAmugamike Moyo Wanu Kumbono Zyakumuuya\\n“Ooko ikuli lubono lwanu, ayalo myoyo yanu nkwiinoobede.”—LK. 12:34.\\nIno ncinzi ncotuyookulwaizyigwa kucita ikuti naa katububikkila maano Bwami bwa Leza mumyoyo yesu?\\nIno ncinzi ncomukanzide kucita kutegwa mutondezye kuti mulaukkomanina mulimo wesu wakufwutula bantu?\\nIno mbuti mbotukonzya kuyobola kasimpe kayubunwidwe muciyobwedo cesu, alimwi nimpindu nzi zijanika kwiinda mukucita boobo?\\n1, 2. (a) Ino nimbono nzi zyakumuuya zyotatwe nzyaatupa Jehova? (b) Ncinzi ncotutiibandike mucibalo eeci?\\nJEHOVA nguwiinda kuvwuba mububumbo boonse. (1Mak. 29:11, 12) Mbwali Taata imwaabi, ulaabila mbono zyakumuuya cakutawayawaya kuli baabo ibabona mboziyandika kapati mbono eezyi. Elo kaka tulalumba kapati kuti Jehova watupa mbono zyakumuuya zyalo izibikkilizya (1) Bwami bwa Leza, (2) mulimo wesu uufwutula bantu, alimwi (3) akasimpe kayandisi ikajanika mu Jwi lyakwe! Nokuba boobo, ikuti naa tiitwacenjela tulakonzya kuleka kuzibikkila maano mbono eezyi, mane akuzisowa buya. Ikutegwa tuzijatisye amaanza obilo, tweelede kuzibelesya kabotu alimwi lyoonse tweelede kubukulusya luyando ndotujisi kulinzizyo. Jesu wakati: “Ooko ikuli lubono lwanu, ayalo myoyo yanu nkwiinoobede.”—Lk. 12:34.\\n2 Lino atulange-lange ncotukonzya kucita kutegwa tutalike kutondezya kuti zintu eezyi tulaziyanda, tulazibikkila maano kapati akuti tulalumba kujatikizya nzizyo, nkokuti Bwami, mulimo wakukambauka alimwi akasimpe. Ciindi notucita boobo, amuzinzibale kuyeeya nywebo lwanu kumugama mbomukonzya kuyungizya luyando lwanu kumbono eezyi zyakumuuya.\\nBWAMI BWA LEZA —BULI MBULI NGALE IIDULA KAPATI\\n3. Ino ncinzi musambazi wamucikozyanyo ca Jesu ncaakalibambilide kucita kutegwa ayuule ngale iyakali kudula kapati? (Amubone cifwanikiso icili kumatalikilo aacibalo.)\\n3 Amubale Matayo 13:45, 46. Jesu wakaamba kujatikizya cikozyanyo camusambazi iwakali kuyandaula ngale. Kuboneka kuti kwamyaka minji musambazi ooyu wakali kuula akusambala ngale zinji kapati. Pele lino wakajana ngale yomwe yeebeka citaambiki cakuti mbwaakaibonena buyo, wakakondwa kapati. Pele kutegwa ayuule, wakeelede kusambala zintu zyoonse nzyaakajisi. Sena inga mweezyeezya mboyakali kuyandika kapati ngale eeyi kulinguwe?\\n4. Ikuti tulabuyanda kapati Bwami bwa Leza mbubwenya mbuli musambazi mbwaakaiyanda kapati ngale yeebeka, ino tuyoocita nzi?\\n4 Ino nciiyo nzi ncotwiiya? Kasimpe ka Bwami bwa Leza kali mbuli ngale eeyo iidula kapati. Ikuti kasimpe tulakayanda kapati mbubwenya mbuli musambazi mbwaakaiyanda kapati ngale eeyo, nkokuti tuyooliimya zintu zimwi kutegwa tuzumanane kuba balelwa ba Bwami. (Amubale Marko 10:28-30.) Atulange-lange bantu bobilo ibakacita oobo.\\n5. Ino Zakeyo wakatondezya buti kuti wakali kubuyanda kapati Bwami bwa Leza?\\n5 Zakeyo wakali mupati wabasimutelo ooyo iwakavwuba kapati kwiinda mukubejelezya bamwi kutegwa ajane mali. (Lk. 19:1-9) Nokuba boobo, ciindi muntu ooyu uutaluleme naakamvwa Jesu kakambauka kujatikizya Bwami, wakabona mbwaakali kuyandika kapati makani aaya aboobo wakabweza ntaamu mpoonya-mpoonya. Aboobo wakati: “Bona! Cisela calubono lwangu, O Mwami, ndilacipa bacete, alimwi kufwumbwa ceeco ncindakanyanga muntu kwiinda mukumubejelezya, ndilamujolela akumuyungizyila ziindi zyone.” Cakutawayawaya, wakalupilusya lubono ndwaakajana munzila yabumpelenge akuleka micito yakwe yabusyaacivwulemwangu.\\n6. Ino nkucinca kuli buti nkwaakacita Rose kutegwa abe mulelwa wa Bwami bwa Leza, alimwi nkaambo nzi ncaakacitila boobo?\\n6 Myaka yainda musyule, ciindi muntu ngotulaite kuti Rose naakamvwa mulumbe wa Bwami, wakali mucilongwe cabamakaintu boonana mulicabo. Wakali mweendelezi wambunga iiminina bantu boonana mulicabo. Nokuba boobo, ciindi Rose naakali kuyaabwiiya Bbaibbele, wakabona mbokakali kayandisi kasimpe kajatikizya Bwami bwa Leza. Pele wakabona kuti wakeelede kupanga kucinca kupati kapati. (1Kor. 6:9, 10) Aboobo wakayeeya kuti acisiye cuuno ncaakajisi alimwi akucimana cilongwe ncaakajisi amukaintu umwi cakoonana mulicabo. Rose wakabbapatizyigwa mu 2009, mpoonya mwaka wakatobela wakatalika bupainiya bwaciindi coonse. Luyando ndwaakajisi kuli Jehova aku Bwami bwakwe lwakali luyumu kapati kwiinda mbolwakabede kuzisusi zyanyama.—Mk. 12:29, 30.\\n7. Ino mbuti mbotukonzya kuzumanana kutondezya kuti tulabuyanda kuzwa aansi aamoyo Bwami bwa Leza?\\n7 Mubwini, tobanabunji twakapanga kucinca kupati kapati kutegwa tube balelwa ba Bwami bwa Leza. (Rom. 12:2) Nokuba boobo, nkondo yesu tainamana pe. Tweelede kuzumanana kuzicenjelela zintu zibyaabi nzyotulombozya zyalo izibikkilizya kuyandisya zintu zyakumubili alimwi akulombozya koonana kutali kwamumulawo. (Tus. 4:23; Mt. 5:27-29) Kutegwa tuzumanane kubikkila maano kuyandisya Bwami bwa Leza kuzwa aansi aamoyo, Jehova watupa imbono aimbi iidula kapati.\\nMULIMO WESU WAKUFWUTULA BANTU\\n8. (a) Ino nkaambo nzi mwaapostolo Paulo ncaakaambila kuti mulimo wesu wakukambauka uli mbuli “lubono muziyobwedo zyabulongo”? (b) Mbuti Paulo mbwaakatondezya kuti wakali kuuyanda kapati mulimo wakukambauka?\\n8 Amuyeeye kuti Jesu wakatupa mulimo wakukambauka akuyiisya makani mabotu aa Bwami bwa Leza. (Mt. 28:19, 20) Mwaapostolo Paulo wakalizyi mbowakali kuyandika kapati mulimo wakukambauka. Wakaamba mulimo wacizuminano cipya kuti uli mbuli “lubono muziyobwedo zyabulongo.” (2Kor. 4:7; 1Tim. 1:12) Nokuba kuti tuli ziyobwedo zyabulongo zitalondokede, mulumbe ngotukambauka ulakonzya kutusololela kubuumi butamani antoomwe abaabo mbotukambaukila. Kakayeeyede kaambo aaka, Paulo wakabelesya nzila ziindene-indene mubukambausi akwaamba kuti: ‘Ndilazicita zintu zyoonse eezyi akaambo kamakani mabotu, kutegwa ndaabile bamwi.’ (1Kor. 9:23) Inzya, luyando Paulo ndwaakajisi kumulimo wakukambauka lwakamupa kuti abeleke canguzu kupanga basikwiiya. (Amubale Baroma 1:14, 15; 2 Timoteyo 4:2.) Eeco cakamupa kuti aliyumye kukupenzyegwa kutaambiki. (1Tes. 2:2) Mbuti mbotukonzya kutondezya luyando luli boobo kumulimo wakukambauka?\\n9. Ino ninzila nzi zimbi motukonzya kutondezya kuti tulalumba kapati kucoolwe ncotujisi cakukambauka?\\n9 Nzila imwi Paulo njaakatondezya kuti wakali kuuyanda kapati mulimo wakukambauka nkwiinda mukubandika abantu kufwumbwa naakali kuba acoolwe cakucita boobo. Mbubwenya mbuli baapostolo a Banakristo bakusaanguna, tulakambauka ciindi notwiizya, notuli mubuleya alimwi akuŋanda aŋanda. (Mil. 5:42; 20:20) Kuti bukkale bwesu kabuzumizya, tweelede kuyandaula nzila mbotukonzya kuyungizya mulimo wesu, ambweni kwiinda mukubeleka katuli bapainiya bagwasyilizya naa bapainiya baciindi coonse. Kuyungizya waawo, tulakonzya kwiiya mwaambo uumbi, kulongela kubusena bumbi mumwenya mucisi cesu, nokuba kulongela kucisi cimbi buya.—Mil. 16:9, 10.\\n10. Ino mbuti ba Irene mbobakalongezyegwa akaambo kakutola lubazu mumulimo wakukambauka makani mabotu?\\n10 Atulange-lange cikozyanyo caba Irene, imucizyi uutakwetwe kucisi ca United States. Mucizyi ooyu wakali kuyandisisya kuti akambaukile bantu ibakalongela ku United States balo ibakali kubelesya mwaambo waku Russia. Naakatalika kucita boobo mu 1993, kwakali buyo basikumwaya bali 20 mukabunga kabelesya mwaambo waku Russia mu New York City. Kwamyaka iili 20, ba Irene babeleka canguzu kubelesya mwaambo waku Russia. Ba Irene baamba kuti: “Noliba lino, tandinauzyiba kabotu mwaambo waku Russia.” Pele Jehova waulongezya muuya wabusungu ngobatondezya ba Irene alimwi abamwi ibacita mbuli mbabo. Mazuba aano, kuli mbungano zibelesya mwaambo waku Russia izili cisambomwe mu New York City. Bantu ibali 15 ibakaiya aba Irene bakabbapatizyigwa. Bamwi lino babelekela ku Beteli, bamwi mbapainiya mpoonya bamwi mbaalu. Ba Irene baamba kuti, “Ciindi nondiyeeya mbaakani zimbi nzyondakali kuyeeya kucita kaindi, tandisyomi kuti naa kuli mbaakani noiba yomwe iyakali kukonzya kundiletela lukkomano kwiinda alukkomano ndondijisi lino.” Inzya, balaukkomanina kapati mulimo wakukambauka!\\nSena mulimo wakukambauka muubona kuti nimbono alimwi sena mulatondezya oobo muzintu nzyomucita nsondo ansondo? (Amubone muncali 11 a 12)\\n11. Ino mbubotu nzi buboola akaambo kakuzumanana kukambauka nokuba kuti kuli kupenzyegwa?\\n11 Ikuti katuukkomanina mulimo wesu wakukambauka, tuyooba mbuli mwaapostolo Paulo walo iwakazumanana kukambauka nokuba kuti wakali kupenzyegwa. (Mil. 14:19-22) Mumyaka yakuma 1930 alimwi akumatalikilo kwamyaka yakuma 1940, bakwesu kucisi ca United States bakapenzyegwa citaambiki. Nokuba boobo, mbubwenya mbuli Paulo, tiibakazungaana pele bakazumanana kukambauka. Kutegwa bakwabilile lwaanguluko lwesu lwakucita boobo, ibakwesu bakalwana nkondo zinji zyamunkuta. Mu 1943, Mukwesu Nathan H. Knorr wakaamba boobu ciindi notwakazunda mu Nkuta Mpati yaku United States: “Twakazunda nkondo zyamunkuta akaambo kakuti mulabeleka canguzu. Ikuti basikumwaya nobatakazumanana kukambauka, nokwakanyina twaambo twakulwanina mu Nkuta Mpati; pele twakazunda nkaambo nywebo nobasikumwaya kubikkilizya abakwesu nyika yoonse, mwazumanana kukambauka akuti tamulibambilide kucileka akaambo kakupenzyegwa ikukonzya kuboola. Ikuzunda ooku kwabantu ba Mwami akaambo kakutazungaana nkokwapa kuti kube muzeezo ooyu.” Ikutazungaana kwabakwesu ikuli boobu muzisi zimbi kwapa kuti kube kuzunda munkuta. Masimpe, akaambo kakuti tulauyanda kapati mulimo wesu wakukambauka, tulazwidilila nokuba kuti kuli kupenzyegwa.\\n12. Ino mukanzide kucita nzi kujatikizya mulimo wakukambauka?\\n12 Ikuti mulimo wesu wakukambauka tuubona kuti nimbono iidula kapati kuzwa kuli Jehova, tatukabikkili maano “kukupanga buyo mawoola.” Muciindi caboobo, tuyoobeleka kusikila mpotugolela ikupa “bumboni cakulomya kujatikizya makani mabotu.” (Mil. 20:24; 2Tim. 4:5) Pele ino bantu tuyoobayiisya nzi? Amulange-lange mbono aimwi kuzwa kuli Leza.\\nCIYOBWEDO CESU CAKASIMPE KAYUBUNWIDWE\\n13, 14. Ino ‘nciyobwedo’ nzi ncaakali kwaamba Jesu kulugwalo lwa Matayo 13:52, alimwi mbuti mbotukonzya kucizuzya?\\n13 Mbono yesu yakumuuya yatatu, nciyobwedo cesu cakasimpe kayubunwidwe. Jehova ngu Leza wakasimpe. (2Sam. 7:28; Int. 31:5) Mbwaanga ngu Taata imwaabi, ulaabila kasimpe kajatikizya nguwe kuli baabo ibamuyoowa. Kuzwa ciindi notwakasaanguna kumvwa kasimpe, twalijisi coolwe cakuyobolola kasimpe kuzwa mu Jwi lyakwe, Bbaibbele, mabbuku eesu aa Bunakristo alimwi akuzwa kumiswaangano yesu yacooko, yabbazu alimwi amiswaangano iicitwa nsondo ansondo. Mukuya kwaciindi, tulaba aceeco Jesu ncaakapandulula kuti “ciyobwedo” cakasimpe kakaindi alimwi akapya. (Amubale Matayo 13:52) Jehova uyootugwasya kuyobolola kasimpe kayandisi kapya ‘muciyobwedo cesu’ ikuti naa katukayandaula kasimpe kali boobo mbuli mbotuyandaula lubono lusisidwe. (Amubale Tusimpi 2:4-7.) Mbuti mbotukonzya kucita oobo?\\n14 Tweelede kuba abubambe bubotu bwaciiyo cesu tobeni alimwi akuvwuntauzya cakulomya mu Jwi lya Leza amabbuku eesu. Eeci cilakonzya kutugwasya kujana kasimpe kalo ikakonzya kwaambwa kuti ‘nkapya’ mukuti tiitwakakazyi kaindi. (Jos. 1:8, 9; Int. 1:2, 3) Magazini yakusaanguna ya Ngazi Yamulindizi eeyi iyakamwaigwa mu July 1879 yakaamba kuti: “Mbubwenya mbuli kaluba kaniini ikali munkanda, kasimpe kazingulukidwe aansaku zitalivwulili zyabubeji. Kuti kamuyanda kukajana, mweelede kulangisisya kapati. . . . Kuti kamuyanda kubona bubotu bwankako mweelede kusintama kutegwa mukabweze. Mutakkutili akaluba komwe buyo kakasimpe. . . . Kamuujisi kubwezelela, kamuciyandaula.” Inzya, tweelede kuba amakanze aakuzuzya ciyobwedo cesu ambono zyakasimpe.\\n15. Ino nkaambo nzi ncotukonzya kwaamba kuti twaambo tumwi twakasimpe ‘ntwakaindi,’ alimwi ntwaambo nzi tumwi ntomuyandisya kapati?\\n15 Twakakazyiba kasimpe kayandika kapati ciindi notwakatalika kuyanzana abantu ba Leza. Kasimpe aaka inga kaambwa kuti ‘nkakaindi’ akaambo kakuti twakakazyiba kuzwa notwakatalika kupona buumi bwa Bunakristo. Ino kasimpe aaka ikayandika kapati kabikkilizya nzi? Twakaiya kuti Jehova ngo Mulengi wesu akuti ngo Sikutupa Buumi alimwi akuti kuli makanze ngajisi kujatikizya bantu. Alimwi twakaiya kuti caluyando Leza wakapa cinunuzyo ca Mwanaakwe kutegwa twaangululwe kucibi alufwu. Kuyungizya waawo, twakaiya kuti Bwami bwakwe buya kwaamana mapenzi oonse alimwi akuti tujisi bulangizi bwakupona kukabe kutamani muluumuno akukondwa mubulelo bwa Bwami oobo.—Joh. 3:16; Ciy. 4:11; 21:3, 4.\\n16. Ino ncinzi ncotweelede kucita ikuti kwaba kucinca kujatikizya mbotukamvwisya kasimpe?\\n16 Ciindi aciindi, kulakonzya kuba kucinca kujatikizya mbotubumvwisya businsimi bwamu Bbaibbele naa zibalo zimwi zyamu Magwalo. Ikuti caba boobo, tweelede kujana ciindi cakukaiya cakulomya kaambo ikacinca akuzinzibala kuyeeya kujatikizya nkako. (Mil. 17:11; 1Tim. 4:15) Tuyanda kumvwisya ikutali buyo kujatikizya kucinca kupati kolikke pe, pele akujatikizya kucinca kuniini alimwi alwiindano luliko akati kakasimpe kakaindi akapya. Kwiinda mukucita boobo, tulakonzya kuba masimpe kuti twabikka kasimpe kapya muciyobwedo cesu. Ino nkaambo nzi kusoleka kuli boobu ncokuyandika kapati?\\n17, 18. Ino mbuti muuya uusalala mboukonzya kutugwasya?\\n17 Jesu wakayiisya kuti muuya wa Leza ulakonzya kutuyeezya zintu nzyotwakaiya kale. (Joh. 14:25, 26) Ino mbuti eeci mbocikonzya kutugwasya mbotuli bamayi bakubuleya bamakani mabotu? Amumvwe cakuluula camukwesu wazina lya Peter. Mu 1970 wakali amyaka yakuzyalwa iili 19 alimwi wakazwide aakutalika kubelekela ku Beteli yaku Britain. Naakali kukambauka kuŋanda aŋanda, wakayaanya mwaalumi iwakajisi myaka yakuma 40 alimwi wakajisi cilezu cilamfwu. Mukwesu Peter wakamubuzya mwaalumi ooyu ikuti naa wakali kuyanda kulimvwisya Bbaibbele. Kagambidwe, mwaalumi ooyu wakamwiingula kuti, iino niŋanda mobakkala bamayi ba Juda. Lino kutegwa amusunke mukwesu Peter, mwiiyi ooyo wakamubuzya kuti, “Mulombwana, ino bbuku lya Daniele lyakalembwa mumwaambo nzi?” Peter wakaingula kuti, “Cibeela cimwi cabbuku lya Daniele cakalembwa mumwaambo wa Chiaramu.” Peter ulayeeya kuti: “Mwiiyi ooyu wakagambwa kuti ndakalibuzyi bwiinguzi pele mebo tiindakagambwa pe! Ino bwiinguzi ndakabuzyiba buti? Nondakaunka kuŋanda, ndakalanga mumamagazini aa Ngazi Yamulindizi alimwi a Sinsimuka! aamumyezi yainda, ndakajana cibalo icakali kupandulula kuti bbuku lya Daniele lyakalembwa mumwaambo wa Chiaramu.” (Dan. 2:4) Inzya, muuya uusalala ulakonzya kutuyeezya twaambo ntotwakabala kaindi ituyobwedwe muciyobwedo cesu.—Lk. 12:11, 12; 21:13-15.\\n18 Ikuti katubuyanda kapati busongo buzwa kuli Jehova, moyo wesu uyootukulwaizya kuzuzya ciyobwedo cesu akasimpe kapya alimwi akakaindi. Mbotuyaabuyaambele akaambo kabusongo alimwi akulumba kujatikizya busongo bwa Jehova, tuyooba bamayi bakubuleya bacibwene.\\nAMUZIKWABILILE MBONO ZYANU\\n19. Ino nkaambo nzi ncotweelede kukwabilila mbono zyesu zyakumuuya?\\n19 Saatani anyika yakwe baluujisi kusola kuzungaanya naa kunyonyoona mbono nzyotujisi zyakumuuya eezyi nzyotwabandika mucibalo eeci. Toonse tulakonzya kucegwa kutukole twa Saatani. Tulakonzya koongelezyegwa kuzumina mulimo waatala, kupona buumi bubotu kapati, naa azisusi zyameso amambonwa akaambo kazintu nzyajisi muntu. Mwaapostolo Johane utuyeezya kuti nyika ilamana antoomwe azisusi zyanjiyo. (1Joh. 2:15-17) Aboobo tweelede kubeleka canguzu kutegwa tukwabilile zintu nzyotuyandisya kapati alimwi aluyando ndotujisi kumbono zyakumuuya.\\n20. Ino ncinzi ncomukanzide kucita kutegwa mukwabilile mbono zyanu zyakumuuya?\\n20 Amulisungule kuleka zintu izikonzya kupa kuti muleke kububikkila maano Bwami bwa Leza amoyo wanu woonse. Amuzumanane kukambauka cabusungu, mutaleki kuukkomanina kapati mulimo wesu wakufwutula bantu. Cabusungu amuzumanane kuyandaula kasimpe kajatikizya Leza. Ciindi nomucita boobu, muyooliyobweda “lubono lutamani kujulu, ooko mubbi nkwatasiki afwaafwi alimwi kutakwe zyuuka zilya. Nkaambo ooko ikuli lubono lwanu, ayalo myoyo yanu nkwiinoobede.”—Lk. 12:33, 34.\\nJehova Ulatuumbulizya Mumapenzi Eesu Oonse\\nSena Inga Mwabona Bwini Mbwabede Muntu Kutali Kulanga Ciwa?\\nSena Mulaamana Mazwanga Kutegwa Kube Luumuno?\\n“Leza Akulongezye Akaambo Kabusongo Bwako!”\\nAmubikkile Maano Kumakani Aayandika Kapati\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA June 2017\\nNGAZI YAMULINDIZI—YAKWIIYA June 2017","num_words":2256,"character_repetition_ratio":0.066,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"MUFUTULI UULIKO LYOONSE\\nUmwi musankwa waku cisi ca Sikotilandi (Scotland) wakali aa zina lya Petro (Peter) naaka sweeka musokwe akati kamasiku, Leza waka mwiita a zyina lyakwe: \"Petro!\" Nolya kaita alimwi jwi kuzwa kujulu, Petro wakaima mpoona aawo, akulanga aansi, wakabona kuti kwakaceede asyoonto kuti awile mu dindi lyakali ku syigwa mabwe.\\nHena inga taci boti kuti toonse twamunvwa Leza kaita mazina eesu? Hena taciindili kubota naa waba mulongwe wesu uli a fwaafwi - kuti twakala anguwe katwaambaula mapenzi eesu akulota kwesu?\\n1. KUSIKA KULI JESU CA KU TAKASYIGWA\\nKozumina na ukake, tulakozya kuswena a fwaafwi a Jesu kwiinda mbotunga twaba naa wakala andiswe. Kukkala a Jesu mubuntu bwakwe akati kesu ncibotu kwinda, pesi amuyeye mabunga aabantu aanga kaamutobela koonse nkwabede kuti ba mubone.\\nIno ciindi cakubeleka milimo yakwe inga cazyila kuli? Coolwe cakwaambaula anguwe ndiza inga caba buyo comwe mubuumi bwamuntu. Klistu uyanda kuba a mukowa wacigaminina amuntu oonse. Aaka nkakaambo nkaakaunkila kujulu kusiya nyika eeyi kutegwa aswene afwaafwi kuli umwi aumwi wesu mazuba oonse. Nkaambo kakuti Jesu takede abusena bomwe mbuli naakali anyika aano, lino uli afwaafwi amuntu oonse kwiinda mu Muuya Uusalala, kuti asololele buumi bwa ooyo uyanda cacigaminina.\\nNkusyomezya nzi ikwa kuyumyayumya nkwaakapa Jesu katana unka kujulu?\\n\"NDABA AANDINYWE MAZUBA OONSE,nikuba kusikila kamamanino aaciindi.\" - Mateyo 28:20.\\nIno Kristu ucita nzi kujulu cipa kuti acikonzye \"kuba aandinywe lyoonse\"?\\nEno buya: \"TULIJISI MUPAIZI MUPATI nkokuti, JESU MWANA WA LEZA, uwakainka kujulu kwini, atujatisye lusymo lwesu. Nkaambo ooyo wesu tali Mupaizi Mupati uutakonzya kutweetelela mukulengauka kwesu, pele ngonguwe oyo uwakasunkwa mbubona mbuli ndiswe nekuba boobo taakwe naakabisya. Nkaambo kaako atuswene cakutayoowa kucuuno ca luzyalo, kuti tukatambule lweetelelo akujana luzyalo kutugwasya muciindi ncotubula.\" - Ba Hebulayo 4:14-16.\\nAmubone ku sinizya kwa ku ba a Jesu kuti ulatwiiminina kujulu:\\n\"Wakasunkwa munzila zyoonse, mbuli ndiswe\" \"Uleetelelwa bubombe bwesu.\" \"Kutugwasya muciindi ca kubula.\" A Jesu mbuli Mupaizi Mupati tatu ci kosokele kuzwa kujulu lili kule; Klistu ulakonzya kutu leta kubusyu bwa Leza. Nco twa ambilwa kuti \"tuboole kucuuno ca luse abusicamba.\"\\nIno Jesu uli a busena nzi kujulu?\\n\"Anu walo (Jesu) naakamana kutuulila zibi cipaizyo comwe citatamani, wakaakukala KULULYO LYA LEZA.\" - Ba Hebulayo 10:12.\\nKlistu uupona - ooyo waluse - nguutwiminina kucuuno \"kululyo lya Leza.\"\\nIno buumi bwa kwe Jesu bwaka mubamba buti kuti abe Mupaizi wesu Mupati?\\n\"Nkaambo kaako ncakaekelela muzyitu zyoonse kuti aelane a BANABAKWABO munzila zyoonse, kuti akabe Mupaizi Mupati uuli aaluzyalo, uusyomeka kuzintu zyoonse zya Leza, Nkambo walo wakapenga nakasunkwa, ULACIKONZYA KUGWASYA abo basunkwa.\" - Ba Hebulayo 2:17, 18.\\nWalo \"Mwanaakwesu\" muntu mbuli ndiswe ooyo \"wakasunkwa\" mbuli ndiswe, lino Mupaizi Mupati wesu kujanza lyalulyo lya Bawisi. \"Ulimbuli\" ndiwe, Ulizi buumi bwesu. Wakafwa nzala, waka fwa nyota, waksunkwa, alimwi wakakatala. Waka kuyanda kweetelelwa lubomba.\\nPele atala a koonse, Jesu uleele kuba Mupaizi Mupati nkaambo \"Waka tufwila kuti a gusye akulekelela zibi zyesu.\" Waka bbadela muulo wazibi aku fwila zibi zyesu mubu sena bwesu. Aaya ngamakani mabotu, Makani mabotu kubantu boonse koonse lyoonse.\\nUmwi Uyiisya Bbaibbele waamba bobuya: \"Mwana wesu musimbi kajisi myaka yotatwe, waka jatwa kanwe mucuuno caku vunga, cakuti cifuwa caanduka. Katu tiyanina kuya kumusilisi, wakalila cakuti myoyo yesu yaka zapauka. Awalo mupati wakwe wa myaka yosanwe caka mucisa munzila yaandeene. Tandikalubi majwi aakwe musilisi naakamana ku silika cicisa ca mu syoonto wakwe. Waka lila, Taata, ndali kulombozya kuti nowali munwe wangu!\"\\nBoonse bantu nobaka cisigwa a cibi akwaambwa beelele kufwa kukabe katamani, Jesu wakati, \"Oo, Taata, ndali kulombozya kuti nindali ndime.\" Wisi waka mupa Jesu kulombozya kwakwe aci ciinkano.\\nMufutuli wesu wakainda mumapenzi oonse ngotujisi akwiinda!\\n2. MAKANI MABOTU MUCIZUMINANO CAKALE\\nBana ba Isulaili (Israel) noba ka lyookezya acilundu ca Sinai, Leza wakaambila Mosi kuti ayake n'ganda yakupaila iibwezegwa \"mbuli cinkozya ncowakatondezegwa (Mosi) mucilundu\" (Kulonga 25:40). Nokwakainda myaka iili myaanda yosanwe (500), tempele lyakayakwa a Mwami Solomon lyakayakwa a busena bwa nganda iibwezegwa. Eeli tempele lyakayakwa a buyake mbubona bwakajisi libwezegwa.\\nLeza naakapa Mosi malailile akuyaka cikombelo, nkaambo nzi keni nkaaka jisi mumi zeezo?\\n\"Lino bandicitile cikombelo \"NKALE AKATI KABO.\" - Kulonga 25:8.\\nCibi cakaleta kwaandana kuusisya akati ka bantu a Mulengi wabo. Cikombelo yakali nzila Leza njaakayanda kuti akale abantu bakwe alimwi. Cikombelo eecim, lyakaba tempele kumbele aamazuba aakali mpaakati kabukombi bwabantu ba Leza mucipango cakale. Mafumofumo a mangolezya bantu bakali kuboola kuti baambaule a Leza wabo mukupaila ku cikombelo (Luka 1:9, 10), akulomba zisyomyo zya Leza: \"Nkotunoswaanana ayebo\" (Kulonga 30:6).\\nCipangano cakale ci yiisya makani mabotu mbubona mbuli cipangano cipya. Zyoonse ziyiisya Jesu katu fwila aku tu belekela mbuli Mupaizi Mupati mu ci kombelo caku julu.\\n3. MULIMO WA JESU WAZUBULULWA MUCIKOMBELO\\nCikombelo a milimo yaco zitondezya milimo Jesu njabeleka lino mu tempele lya kujulu, a milimo NjabelekA aansi kutusololela umwi a umwi mu buumi bwesu. Mbokunga cikombelo caansi cakayakwA kutobela mayake aacili kujulu, citutondezya cikombelo cakujulu Jesu nkwabelekela ono. Mu Kulonga 25 kusikila ku 40 milimo yamu cikombelo ilapandululwa kabotu kabotu.\\nZimwi zijanika mucIkombelo zilaambwa mucipangano cipya amwalo:\\n\"Icizuminano caka taanguna caka jisi milao yaku komba acikombelo caansi.... Mun'ganda yakutaanguna kwakali aakubikila lambe, tafule alimwi a cinkwa cisetekene; oobu mbusena bwakali kwiitwa kuti Busena Busetekene. Kunze aamulembo kwali busena bwakali kwiitwa kuti Busena Bwiinda Kusetekana, oomu mwakali Cipaililo ca Golide ca tununkilila (golden altar of incense) alimwi bwato bwacizuminano bwakajisi cuvinisyo ca golide (ark of the covenant). Oobu bwato bwakajisi... ibbwe lya cizuminano (Leza mpaakalemba milao iili kumi (Ditolonomi 10:1-5). Atala aa bwato kwakali bangele ba booneki kaba vumba civunisyo ca bwato (cuuno caluse)\" - Ba Hebulayo 9:1-5.\\nCikombelo cakajisi masena obile, Busena Busetekene a Busena Bwiinda Kusetekana. Lubuwa lwa liko kumbele kwacikombelo. Mulubuwa oomu kwakali cipaililo ca mukuba bapaizi mpobakali kujaila tubelele a mutiba wa meenda ngobakali kusamba. Tubelele tobakali ku jaya a cipaililo ca mukuba twiiminina Jesu, walo, kwiinda mu lufu Lwakwe a ci ciinkano wakaba \"Kabelele wa Leza, ubweza zibi zya nyika!\" (Johane 1:29).\\nMubisyi uusandukide naaka boola kucipaililo a cipego cakwe akweempa zibi zyakwe, waka tambula kulekelelwa aku salazyigwa. Munzila njiyona, mubisyi sunu ulajana kulekelelwa akusalala kwiinda mubulowa bwa Jesu (1Johane 1:9).\\nMubusena bwakutaanguna, naa Busetekene, cakubikila ma lambe cakajisi mitabi iili, ciloba (7 branches) cakali kuyaka coonse ciindi, kwiiminina Jesu ooyo uutaleli lyoonse kuba \"mumuni wa nyika\" (Johane 8:12). Tafule lyakajisi cinkwa lyakalikwiiminina mbwatupa kukuta ku nyota a nzala ya Muuya, \"Cinkwa ca buumi\" (Johane 6:35). Cipaililo ca golide ca tununkilila ciiminina mulimo wa Jesu waku pailila ndiswe kubusyu bwa Leza. (Cizubuluzyo 8:3, 4).\\nBusena bwabili, Bwiinda Kusetekana, bwakajisi bwato bwa ci zuminano acivunisyo ca golide. Ciiminina cuuno ca Leza. Civunisyo na cuuno ca luse cakali kwiiminina kwiimina kwa Jesu, Mupaizi Mupati wesu. Ulakombelezya mubusena bwa bantu ba sizibi bakatyola mulao wa Leza. Mabwe obile Leza mpaakalemba milao iili kumi aakali anselelo aacuuno caluse. Bangele ba setekene bulemu bakaliimvwi kumbali a bwato. Mumuni uumweka kapati wakali kuyaka akati kutondezya buleza a Leza bwakwe. I mulembo waka sisa Busena Busetekene kumeso aabantu ziindi mupaizi naakali ku beleka mulubuwa. I mulembo wabili kumbele aa Busena Bwiinda Kubota wakasisa busena oobu ku bapaizi bakali kubeleka mubusena bwakutaanguna Busetekene.\\nJesu naakafwa aci ciinkano ncinzi caka citika ku mulembo?\\n\"Aciindi aawo mulembo mutempele waka zapuka akuzwa ibili kuzwa atala kusika aansi\" - Mateyo 27:51.\\nJesu naakafwa Busena Bwiinda kusetekana bwaka caala aatuba. Naakamana kufwa Jesu kunyina mulembo uuboola akati ka Leza a muntu uusyoma amoyo wakwe oonse;Jesu Mupaizi wesu Mupati ulatuleta kubusyu bwa Leza (Ba Hebulayo 10:19-22). Tula konzya kusika kubusena bwa cuuno ca kujulu nkaambo ka Jesu Mupaizi wesu Mupati uuli kululyo kwa Leza. Jesu ulatuleta kubusyu bwa Leza-mumoyo wa Taata waluse. Aboobo \"atuswene munsi munsi.\"\\n4. KUYUBUNUNA KLISTU KWA KUTUFUTULA\\nMbubona mbuli cikombelo caansi mbocakali kukozyanya a tempele lya kujulu Jesu nkwa tubelekela ono, milimo ya cikombelo caansi yakali \"cinvule na cinkozyana a cili kujulu\" (Ba Hebulayo 8:5). Pele kulikwiimpana kuliko aawa. Bapaizi bakali mucikombel;o caansi balo inga tabalekeleli zibi, pele a ci ciinkano Jesu \"wakalipa lomwe kusikila kumamanino a misela kuti agusye zibi aku lyaaba mwini lwakwe\" (Ba Hebulayo 9:26).\\nBbuku lya Levitiko (Leviticus) mucizuminano cakale lilaamba milimo yakali kubelekwa mu cikombelo. Eeyi milimo yakali mu zi beela zyobile. Zimwi zyakali kucitwa abuzuba zimwi amwaka. ( Ciiyo ci tobela, 13, caambaula milimo ya a mwaka).\\nMilimo ya buzuba abuzuba bapaizi bakali kupa tubelele kwiiminina bantu alimwi ambunga yoonse. Naa muntu wabisya, ulaleta kanyama kanyina kampenda mbuli mulumbo wacibi. \"wabika maanza aakwe amutwe wa cipaizyo eeco cacibi akukajaya abusena bwa zipaizyo zitentwa\" (Ba Levi 4:29). Bubi bwa cibi bweelede kulonga kuzwa kuli mubisyi kuya akanyama a kweemp a akubika maanza. Eeci citondezya Klistu mbwaaka bweza zibi zyesu a kalivali; uunyina zibi wakaba \"cibi mubusena bwesu\" (2Ba Kolinto 5:21). Ikanyama keelele kufwa abulowa bwankako bu kune nkaambo citondeka kumbele Klistu naya kusiswa aci ciinkano.\\n5. NKAAMBO NZI BULOWA?\\n\"Takukwe kulekelelwa kakunyina kutila bulowa\" (Ba Hebulayo 9:22). Icakacitika mucizuminano cakaindi cakali ku tondeka kumbele ku mulimo wa Klistu wa ciindi comwe ca kufutula. Naakamana ku fwila zibi zyesu, waka njila mu Masena aasetekene \"eno wakaindilila akunjila komwe luzutu mu-Busena Busalalisya kwiinda aboobo waleta lununuko lutamani\" lwesu (Vesi 12). I bulowa bwa Jesu nobwakatika aci ciinkano, \"mulembo wa mu tempele(mu Jerusalema) waka zapuka muli ibili kuzwa mujulu kuza ansi\" (Mateyo 27:51). Nkaambo ka Jesu wakaabwa aci ciinkano, kupa tunyama kucinyina a mulimo.\\nJesu Naakatila bulowa aci ciinkano, Wakapa buumi bwakwe bwakali kutobela milao a kubula kampenda mubusena bwakukakilwa kwesu. Ciindi Taata Mwana nobakaandaana a kalivali, Taata Wakalanga kumbi muku nyema aku penga mumoyo, Mwana wakafwa amoyo uutyokele. Leza Mwana waka bweza ntaamu kuti zyoonse ziboola aa cibi zibe alinguwe aku tondezya mbo cibija kulubizya. Inga mpoona wakacikonzya kulekelela basizibi kakunyina kucuubula cibi. Klistu waka bamba \"luumono kwinda mubulowa, bwakatika a ciingano\" (Ba kolose 1:20).\\n6. KUYUBUNUNA JESU MBWA PONA KUTUFUTULA\\nIno Jesu uli aamulimo nzi buzuma abuzuba mu tempele lya kujulu?\\n\"Nkaambo kaako walo uli anguzu zitamani zyakubafutula abo baswena kuli Leza kujanza lyakwe, nkaambo LYOONSE BUYO MPALI, ULABAKOMBELEZYA\" - Ba Hebulayo 7:25.\\nJesu lino \"ulapona\" kupa bulowa, kulyaaba mubusena bwesu. Ujisi bubi kuvuna muntu oonse kuzwa kumapenzi aacibi. Bamwi mukulubizya bayeeya kuti, mbuli Mwiiminizi Jesu ulakombelezya Usyi kuti atulekelele. Masimpe, ngakuti Leza icakukomana nguutambula kwaabwa kwa Mwana wakwe mubusena bwesu.\\nMbuli Mupaizi Mupati Klistu ulakombelezya bantu. Ulabeleka kugwasya aabo baka lumbula kuti babe a ciindi cabili cakulanga ku luse, basizibi bayoowele kuti bajane kulangila mumakani mabotu aku gwasya basyoma kuti bajane buvubi bunji mu Majwi aa Leza anguzu muku paila. Jesu ulabumba maumi eesu kuti aelane kabotu a milao ya Leza akutugwasya kuba aa ciimo cikala mazuba oonse. Leza wakaaba buumi bwakwe ku muntu oonse wakapona anyika aano. Lino mbuli Mupaizi Mupati, \"Lyoonse Ulapona\" kusololela bantu kuti batambule lufu Lwakwe nkaambo ka zibi zyabo.\\nNokuba kuti wakaisimuna nyika yoonse yakali mu cinyoyoono a ci ciinkano, takonzyi kutufutula cita tutambule luzyalo Lwakwe. Bantu taba kasweeki nkaambo kakubisya pele nkaambo kakukaka kulekelelwa Jesu nkwapa. Cibi caka jaya mukowa Adamu a Eva ngoba jisi cimwi ciindi a Leza. Pesi Jesu, Kabelele ka Leza, wakafwa kwaangulula bantu boonse kuzwa kucibi aku pilusya cilongwe eeci. Hena mwamujana mbuli Mupaizi Mupati, ooyo uupona lyoonse kuti mukowa kauliko anguzu lyoonse?\\nLufu lwa Klistu lwa kulyaaba lunyina cikozyana. Mulimo wa Klistu Kujulu unyina ceezyo. Klistu alike nguuleta Leza munsi lyesu. Klistu alike nguuleta Muuya Uusalala kuti akale mumyoyo yesu. Wakalibulizya kuti swebo tuzule. Aswebo tueleelele kumuyanda mbubona. Atu Mutambule caku zulila mbuli Mufutuli a Mwami wa maumi eesu.","num_words":1773,"character_repetition_ratio":0.043,"word_repetition_ratio":0.0,"special_characters_ratio":0.184,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 25 IBBAIB63 - Lino Jehova wakaambila Musa kuti, - Bible Search\\nKulonga 24 Kulonga 26\\nBantu mbubakaambilwa kuleta zipo zyakuyasya cikombelo\\n1-Lino Jehova wakaambila Musa kuti, 2-Ambila bana ba-Israyeli kuti bandiletele mulumbo. Amutambule mulumbo kubantu boonse bazumina mumyoyo yabo. 3Ngooyu mulumbo ngumweelede kutambula kulimbabo: ingolida ansiliva amukuba, 4masani aanyanzabili amasani aakamwemvwe amasani aasalala pyu, amasani aatuba, aboya bwampongo, 5zikanda zyabagutu zisalazidwe, amatobo, azisamu zyamuunga, 6mafuta aamumalampi, misamu yamafuta aakunana, atununkilizyo twakutenta, 7-mabwe aaonukisi, amabwe aakusyomaika mucikombelo cabupaizi amukatobo kacamba. 8-Lino bandicitile cikombelo, nkale akati kabo. 9Cikombelo azibelesyo zyaco zyoonse, amuzicite mbubonya mbundamutondezya.\\n10-Alimwi bacite ibbokesi lyazisamu zyamuunga. Bulamfu bwalye bube tukokola tobile acisela, abwaamba bwalyo kakokola komwe acisela, abwiime bwalyo kakokola komwe acisela. 11Uliziluluzye ingolida iisalala, mukati aanze, alimwi ulibikile moombe wangolida cakuzinguluka. 12Alimwi ufule incoko zyone zyangolida, zibikwe kumaulu aalyo, incoko zyobile kulubazu lumwi ancoko zyobile kulubazu alumwi. 13Lino beza miziyo yamuunga akwiiziluluzya ingolida. 14Eyi miziyo ulaisyomeka muncoko zyakumabazu aabbokesi, mwiiyumuzye ibbokesi. 15-Miziyo ileelede kusyaala muncoko zyabbokesi, tazyeelede kugwisigwa pe. 16-Alimwi omo mubbokesi ubike milao njensi kupe. 17-Lino beza cuuno caluzyalo cangolida iisalala, Bulamfu bwaco bube tukokola tobile acisela, abwaamba bwaco kakokola komwe acisela. 18Alimwi cita baangelo bakerubi bobile bangolida, bacifula mubisi, kumpela zyobile zyacuuno caluzyalo. 19Ucite kerubi umwi kumpela imwi aimwi; bakerubi bacitwe antoomwe acuuno caluzyalo ampela zyaco zyobile. 20-Lino bakerubi balatandabika mababa aabo akuvumbilila cuuno caluzyalo; amasyu aabo alangane; masyu aabakerubi alange cuuno caluzyalo. 21-Lino bika cuuno caluzyalo atala lyabbokesi; alimwi mukati kabbokesi bika milao njensi kupe. 22-Nkukonya oko nkotuyooswanaanina. Njooambaula ayebo kuzwa kujulu lyacuuno caluzyalo akatikati kabakerubi bobile bali abbokesi lyacizuminano. Nkukonya oko nkonjookwaambila milao yoonse njoelede kulailila bana ba-Israyeli.\\nIntafule yazinkwa zyamabonwabonwa\\n23-Alimwi ukabeze intafule yamuunga. Bulamfu bwayo bube tukokola tobile, abwaamba bwayo kakokola komwe, abwiime bwayo kakokola komwe acisela. 24Uiziluluzye ingolida iisalala akwiicitila moombe uuzingulukide wangolida. 25Uicitile mubala uuzingulukide uuli abwaamba bwajanza, ayooyo mubalo ube amoongola wangolida koonse koonse. 26Alimwi uicitile ncoko zyone zyangolida akubika incoko kuzyooko zyone zyakumaulu aayo. 27Kufwaafwi kumubalo kuyooba incoko, zijate miziyo yakuyumuzya intafule. 28Amiziyo, ubeze miziyo yamuunga akwiiziluluzya ingolida, elyo intafule ilanyampuzigwa njiyo. 29-Alimwi ukacite mitiba, amyuungo, azilongo, amfulu zyakupaizya; zyoonse uzicite angolida iisalala. 30-Lino zinkwa zyamabonwabonwa uzibike antafule kubusyu bwangu ciindi coonse.\\n31-Alimwi cita ciimikilo calampi cangolida iisalala. Matako aaco amubili waco abe acifulamubisi; inkomeki zyaco atunkuli twaco amalubaluba aaco, zyoonse ziyoojatilila mulincico. 32-Nkabela mumabazu aaco muyoozwa mitabi iili musanu aumwi, mitabi yotatwe kulubazu lumwi lwaciimikilo, amitabi yotatwe kulubazu alumwi lwaciimikilo. 33Mutabi umwi aumwi ubezedwe ankomeki zyotatwe zili mbuli micelo yaalmondi, zili atunkuli amalubaluba; mitabi yoonse iili musanu aumwi iizwa kuciimikilo ibe mbubonya obo. 34Aalo aciimikilo cini abezwe inkomeki zyone zili mbuli micelo yaalmondi, zili atunkuli amalubaluba. 35Alimwi kube kankuli kunsi lyamitabi yobile, akamwi kunsi lyamitabi yobile, akamwi kunsi lyamitabi yobile, kumitabi yoonse iili musanu aumwi iizwa kuciimikilo. 36Tunkuli amitabi, zyoonse zilajatilila mulincico, coonse cacifulamubisi, ingolida iisalala. 37-Alimwi kocicitila malampi aali musanu aabili, ubike malampi kuti amunikile kunembo lyaco. 38Amano zyaco ankayi zyaco zyoonse zibe zyangolida iisalala. 39Cicitwe atalenta lyangolida iisalala, ciimikilo azibe Jesyo zyaco ezi zyoonse. 40-Uleelede kucicita mbubonya mbuli cinkozya ncowakatondezegwa­ mucilundu.","num_words":486,"character_repetition_ratio":0.065,"word_repetition_ratio":0.0,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kwaamba Kasimpe | Ngaziyakulinda Yakwiiya\\nNgaziyakulinda—Yakwiiya | October 2018\\n“Amwaambilane zyakasimpe umwi amweenzinyina.”​—ZEK. 8:16, NW.\\nSaatani ulikubeena biyeni bantu mazubaano?\\nNkamboonzi bantu nibabeja?\\nKujana twatondeezya biyeni kuti twaambilana zyakasimpe abeenzuma?\\n1, 2. Nchiichili chibelesyo chichisa chilikubelesegwa loko mazubaano alubo ngwani wakasaanguna kuchibelesya?\\nZIBELESYO zyamazubaano zili mbuuli mafooni, malayiti, moota amafiliji zilikugwasya bantu kuti bapone buumi bulikabotu. Kuli zimwi zintu zilikupangwa mazubaano zilikupa kuti bantu babe mumapenzi ziswaanizya ntobolo, tudandamiti, polya amabbomba. Pesi kuli chimwi chibelesyo chachiindi chichisa bantu chiinda zyoonse eezi. Nchiichili chibelesyo eecho? Nkubeja! Kubeja nkwaamba makani aatali aachoonzyo kuti weene muntu. Ngwani wakasaanguna kubeja? NguDyabbulosi alubo Jesu Kristu wakamwaamba kuti “ngowisi wababeja.” (Bala Johane 8:44.) Kubeja ooko kwakusaanguna wakakwaamba lili?\\n2 Wakakwaamba muminyaka myiingi yakiinda mumuunda waEdeni. Adamu aEva bakali kubotelwa mubuumi kabali muParadayizi Mulengi wabo njaakabapede. Kuzwa waawo, Dyabbulosi wakanjilila. Wakalizi kuti Leza wakalayilide Adamu aEva kuti batalyi “musamu wakuziba bubotu abubi” nkaambo bakali kuyoofwa kuti teebaswiilila. Pesi Saatani wakabelesya nzoka kwaambila Eva kuti: “Ne! Tamukonzyi kufwa pe [kubeja kwakusaanguna]. Nkaambo Leza ulizi kuti mubuzuba obo mbubonya mbomuyooulya, meso aanu ayoojuka, lino muyooba mbuli Leza, muyooziba bubotu abubi mbububede.”​—Matl. 2:15-17; 3:1-5.\\n3. Nkamboonzi majwi Saatani ngakaamba naakali mabi loko alubo nziizili mpindu zyakaba?\\n3 Majwi aakubeja Saatani ngakaamba akali mabi loko nkaambo wakalizi kuti Eva wakali kuyoofwa kuti wamusyoma. Eva aAdamu teebakaswiilila mulawu waJehova nkinkaako bakazoofwa. (Matl. 3:6; 5:5) Kwiinda muchibi, ‘lufu lwakanjila mubantu boonse.’ Alubo “lufu lwakali abwami . . . , nikuba kulibaabo batakaina kucita zibi zikozyenye alusotoko lwa-Adamu.” (Rom. 5:12, 14) Mazubaano, bantu tabakonzyi kupona buumi bumaninide Leza mbwaakakanzide nkaambo “myaka yabuumi bwesu ili makumi aali musanu aabili, na tuli basinguzu ambweni ilasika kumakumi aali musanu aatatu.” Alubo chuusisya nchakuti buumi oobo buzwide “makatazyo buyo amapenzi.” (Int. 90:10) Zyoonse eezi zilikuchitika akaambo kakubeja kwaSaatani!\\n4. (a) Njiili mibuzyo njitweelede kuziba nsandulo? (b) Kweendelana amajwi aajanika muli Intembauzyo 15:1, 2, mbaani beelela kuba beenzinyina baJehova?\\n4 Naakali kupandulula michito yaDyabbulosi, Jesu wakati: “Takede mubwini, nkaambo takukwe bwini mulinguwe.” Saatani uchibeja alubo “nguuena bantu boonse baansi.” (Ciy. 12:9) Tatuyandi kuti Dyabbulosi atweene. Atulange-lange nsandulo zyamibuzyo iitatu iitobela: Saatani ulikubeena biyeni bantu? Nkamboonzi bantu nibabeja? Alubo kujana twatondeezya biyeni kuti ‘twaamba masimpe’ chiindi choonse kuti tutasweekelwi abweenzuma mbutuli aabo aJehova mbuuli zyakachita Adamu aEva?​—Bala Intembauzyo 15:1, 2.\\nSAATANI ULIKUBEENA BIYENI BANTU?\\n5. Saatani ulikubeena biyeni bantu mazubaano?\\n5 Mwaapostolo Pawulu wakalizi kuti tatukonzyi ‘kuzundwa aSaatani, nkaambo tatuli bafuba-fuba batazi makanze aakwe mbaabede.’ (2 Kor. 2:11) Tulizi kuti nyika yoonse kuswaanizya abukombi bwakubeja, bazyatwaambo twanyika basilweeno abasimabbizinesi batangazu balikweendelezegwa aDyabbulosi. (1 Joh. 5:19) Tatugambi pe kuti Saatani amadimoni aakwe babelesya bantu bali ampuwo kuti baambe twaambo “twakubeja.” (1 Tim. 4:1, 2) Muchikozyano, bamwi basimabbizinesi baamba makani aakubeja niba-adivetayiza zintu zijaya nzibapanga achiindi nibabelesya nzila nzyabumpelenge kuti babbide bantu mali.\\n6, 7. (a) Nkamboonzi beendelezi bazikombelo babeja nibali amulandu? (b) Ngaali makani aakubeja aasumpulwa abeendelezi bazikombelo babeji ngwaakamvwa?\\n6 Mulandu ngubali aawo beendelezi bazikombelo babeja ngwakuti, balikweena bantu babaswiilila kuti batakajani zilongezyo zili kunembo. Kuti muntu wasyoma njiisyo zyabo zyakubeja akuchita michito Leza njatayandi, ziyoopa kuti atakajani buumi butamani. (Hos. 4:9) Jesu wakalizi kuti beendelezi bazikombelo bamuchiindi nchaakapona bakali amulandu wakweena bantu. Wakabaambila kuti: “Maawe inywe nubalembi aba-Farisi nubasikuupaupa ameso, nkaambo muleendeenda kulwizi amumanyika kuti musandule muntu omwe, nkabela asanduke buyo, mulamuchita mbuli muna-Gehena [kunyonyoonwa chakumaninina] kobile kwiinda ndinywe nobeni.” (Mt. 23:15) Jesu wakabapa lulayo lusimide beendelezi bazikombelo babeji. Nisimpe kuti bakali kuzwa kuli ‘wisi Dyabbulosi, mujayi.’​—Joh. 8:44.\\n7 Beendelezi bazikombelo mbiingi loko mazubaano alubo bayitwa amazina aali mbuuli aakuti pasta, mupayizi, mufundisi aamwi. Bachita mbuuli beenzinyina bamumwaanda wamunyaka wakusaanguna kwiinda ‘mukusinkila kasimpe’ kajanika muJwi lyaLeza alubo “bakaleka kasimpe ka Leza akutobela bubeji.” (Rom. 1:18, 25, NW) Basumpula njiisyo zyakubeja zili mbuuli kuti bantu bayoopya mumulilo, kuli chimwi chintu chisyaala kachipona kuti muntu wafwa, muntu wafwa ulakonzya kunjila muli umwi muntu akuti Leza ulakuyanda kukwatana akoonana kwabantu bakozyenie zizo.\\n8. Ngaali makani aakubeja ngitulangilila kuti ayoowambilizigwa abazyatwaambo twanyika lino-lino pesi tweelede kuchitaanzi?\\n8 Bazyatwaambo twanyika baamba twaambo twakubeja kuti beene bantu. Kumwi kubeja kupati kuzoochitika chiindi bantu nibayoowambilizya kuti “luumuno akuliiba!” “Mpoonya cakutayeeyela lunyonyooko luyoobasikila cakufwambaana.” Tutazumini kweenwa aakwaamba kwabo kupa kuti tutaboni kuti bweende bwazintu oobu bwaba afwiifwi kunyonyoonwa! Kwaamba simpe, ‘tulizi kuti buzuba bwaJehova buyoosika mbubonya mbasika mubbi masiku.’​—1 Tes. 5:1-4.\\n9, 10. (a) Nkamboonzi bantu nibabeja alubo kweeta mpinduunzi? (b) Tweelede kuyeeyaanzi atala aJehova?\\n9 Kuti chintu chipya chayandwa abantu biingi, ngachapangwa kachili chiingi. Akubeja mbukubede. Mazubaano bantu biingi bayandisya kubeja alubo bantu bali ampuwo teembabo pe abalikke babeja. Mbuuli mbukwaambidwe muchibalo chiti “Nkamboonzi Nitubeja” chakaluulwa aY. Bhattacharjee, “kubeja mbube buzibinkene alubo takuzoomani pe mubantu.” Chiindi chiingi, bantu balabeja kuchitila kuti balikwabilile naakuti balisumpule. Balabeja kuchitila kuti basise zibi amilandu njibakachita naakuti bajane mali. Chibalo eechi chakazumanana kwaamba kuti kuli bantu “babeja muzintu zipati aziniini kubantu mbibatazi, mbibabelekaabo, kubeenzinyina akubantu mbibakwetenaabo.”\\n10 Nimpinduunzi zijanika akaambo kakubeja kuli boobo? Zipa kuti bantu batasyomani akutamvwanana. Yeeya kuti zichisa biyeni kuti mukayintu wabejela mulumaakwe uusyomeka kachitila kuti asise kutalijata kabotu nkwaakachita. Naakuti mwaalumi uuli alunya kamujata chalunya mukayintu wakwe abana pesi kachitaanga ulabayanda nali aabantu. Nikuba boobo, tweelede kuyeeya kuti bantu bachita oobo tabakonzyi kusisa maponeno aabo kuli Jehova nkaambo “zyoonse zilivumbulwidwe, zili antangalala, kulinguwe.”​—Heb. 4:13.\\n11. Zyakachitwa aAnaniya aSafira zituyiisyaanzi? (Langa chifanikisyo chili kumatalikilo achiiyo.)\\n11 Muchikozyano, Bbayibbele lilatondeezya ‘Saatani mbaakazuzya’ zintu zibi mumyoyo yayimwi mpuli yamumwaanda wamunyaka wakusaanguna, kuti ibejele Leza. Ananiya aSafira bakakanza mumyoyo yabo kuti beene baapostolo. Bakawuzya zimwi zintu nzibakali aazyo pesi bakatola chipanzi chiche chamali kubaapostolo. Ananiya aSafira bakali kubonenenwa mumbungano kwiinda mukuchitaanga balapa alubo bakabuzya baapostolo kuti beeta mali yoonse yazintu nzibakawuzya. Pesi Jehova wakazibona nzibakachita alubo wakabapa chisubulo cheelede.​—Inc. 5:1-10.\\n12. Niinzi chiyoochitika kubantu babeja bateempwi alubo nkamboonzi?\\n12 Jehova ukubona biyeni kubeja? Saatani abantu babeja bateempwi batobelezya chikozyano chakwe, babambilidwe kunyonyoonwa “muziba lyamulilo.” (Ciy. 20:10; 21:8; Int. 5:6) Nkamboonzi? Nkaambo bantu babeja Jehova ubakozyanisya abantu “balaamicito iisesemya kuli Leza.”​—Ciy. 22:15, NW makani aamunsi.\\n13. Niinzi nzituzi atala aJehova alubo kuziba makani aaya kupa kuti tuchiteenzi?\\n13 Tulizi kuti Jehova “tali muntu, tabeji.” Alubo ‘tachikonzeki kuli Leza kuti abeje.’ (My. 23:19; Heb. 6:18) ‘Jehova taluyandi pe lulimi lwakubeja.’ (Tus. 6:16, 17) Kuti tuchite zintu zibotezya Leza, tweelede kupona kweendelana azyeelelo zyakwe zisumpukide zyakasimpe. Nzizyo zitupa kuti ‘tutaambilani chakubeja.’​—Kol. 3:9.\\n14. (a) Tusiyene biyeni abantu bali muzikombelo zyakubeja? (b) Pandulula nzyaawamba malayilile aajanika muli Luka 6:45.\\n14 Njiili imwi nzila iitondeezya kuti maKristu bakasimpe balisiyene abali muzikombelo zyakubeja? ‘Twaambilana zyamasimpe.’ (Bala Zekariya 8:16, 17.) Pawulu wakapandulula kuti: ‘Muzintu zyoonse tulatondeezya kuti tuli basimilimu beni-beni baLeza, . . . mumajwi aakasimpe.’ (2 Kor. 6:4, 7) Jesu wakaamba zichitwa abantu naakati: ‘Mulomo waamba zizwide mumoyo.’ (Lk. 6:45) Kuti muntu uuchita zilikabotu kaambuula kasimpe mumoyo wakwe, zipa kuti nzyaambuula mumulomo wakwe zibe zyakasimpe. Chiindi choonse unoowambuula kasimpe muzintu ziniini amuzintu zipati kubantu mbatazi, mbabelekaabo, kubeenzinyina akumuntu ngwakwetenaawe. Atulange-lange zimwi zikozyano ziyootugwasya kuti tubone mbutukonzya kusyomeka muzintu zyoonse.\\nNgaali maponeno aatali kabotu ngalaawo muchizi ooyu? (Langa fuka 15 a16)\\n15. (a) Nkamboonzi nituteelede kuchita zintu zibi kumwi katuchitaanga tukomba Jehova? (b) Niinzi chikonzya kugwasya bachikula kuti batantamuke michito mibi iichitwa abeenzinyina? (Langa makani aamunsi.)\\n15 Weelede kuchita biyeni kuti kuli mukubusi weenwa kuchita zichitwa abasela lyako? Toyelede kutobelezya nzibachita bamwi, bachita zintu zibi kumwi kabachitaanga bakomba Jehova amoyo woonse. Balakonzya kuchita zintu zilikabotu nibali abamumpuli amumbungano pesi kabachita zintu zibi nibali abantu batakombi anibabelesya nzila zyakwaambuuzyania zyamazubaano. Balakonzya kwaambuula majwi aatali kabotu, kuzwaata zigogo zitapi bulemu, kuswiilila nyimbo zili amajwi mabi, kukolwa, kuyandana amuntu chakusisikizya azimwi. Kuchita oobo banooli balikubeja kubazyali babo, kubakombinyina akuli Leza. (Int. 26:4, 5) Jehova ulabona chiindi ‘nitumulemeka amilomo yesu pesi myoyo yesu kiili kule anguwe.’ (Mk. 7:6) Tweelede kuchita kweendelana azyaambwa akasimpi kakuti: “Moyo wako utafwidi basizibi ibbivwe, pele kakatila kukuyoowa Jehova buzuba boonse.”​—Tus. 23:17. *\\n16. Nkamboonzi nitweelede kulemba makani aakasimpe chiindi nituzuzikizya mafoomu aakunjila mumulimu wachiindi choonse?\\n16 Amwi uyanda kuba payona naakuti kunjila mulimu wachiindi choonse mbuuli kubelekela kuBbeteli. Nuzuzikizya foomu, weelede kulemba nsandulo zyakasimpe kumibuzyo iili atala abuumi bwako, zyakulikondelezya nzusala ambulijata. (Heb. 13:18) Weelede kuchitaanzi kuti wakali wachita chimwi chintu chitondeezya kuti wakali walijata munzila iitali kabotu pesi teewakababuzya pe baalu? Weelede kukumbila kuti bakugwasye kuchitila kuti moyo wako utakupi mulandu.​—Rom. 9:1; Gal. 6:1.\\n17. Tweelede kuchita biyeni chiindi nitwaambuula abantu batupenzya bayanda kuziba zyiingi atala abakombima?\\n17 Muchikozyano, kujana wachita biyeni kuti balupati-pati bakasya mulimu wesu kubusena nkukkala mpawo bakubuzya mibuzyo iili atala abakombinyokwe? Weelede kubabuzya zyoonse nzuzi na? Jesu wakachita biyeni chiindi naakabuzigwa-buzigwa amweendelezi wamaRoma? Jesu wakabelesya malayilile aamuBbayibbele aati kuli “ciindi cakuumuna aciindi cakwaamba,” nkinkaako taakwe nchaakaamba pe! (Muk. 3:1, 7; Mt. 27:11-14) Kuti twaba muchiimo chili boobu, tweelede kubelesya busongo akubikkila maanu kuchitila kuti tutanjizyi bakombima mumapenzi.​—Tus. 10:19; 11:12.\\nKujana waziba biyeni chiindi nweelede kuumuna anweelede kwaamba kasimpe? (Langa fuka 17 a18)\\n18. Tweelede kuchita biyeni chiindi baalu nibatubuzya makani aali atala abakombima?\\n18 Weelede kuchita biyeni kuti kakuli muntu wakachita chibi chipati mumbungano, kuzi atala azyakachitika? Baalu balakonzya kukubuzya atala amakani aayo nkaambo bali amukuli wakubona kuti mbungano ikkale kiisalala. Kujana wachita biyeni kuti muntu ooyo kali mweenzinyokwe naakuti kali nzubo yako? Bbayibbele lyaamba kuti: “Uuamba cakusinizya nguutondezya bululami.” (Tus. 12:17; 21:28) Nkinkaako uli aamukuli wakubuzya baalu makani oonse aakasimpe alubo toyelede kwaamba makani aatali ngawo. Baalu bali acheelelo chakuziba makani oonse kuchitila kuti babone mbubakonzya kumugwasya muntu wabisya kuti akonzye kubambulula bweenzinyina mbwali aabo aJehova.​—Jak. 5:14, 15.\\n19. Tuyoolanga-langaanzi muchiiyo chitobela?\\n19 Sintembawuzyo Davida wakakomba kuli Jehova kati: “Ulayanda busyomeki bwamukati.” (Int. 51:6) Davida wakalizi kuti kusyomeka kwesu kutalikila mumoyo. Muzintu zyoonse nzibachita mubuumi, maKristu beelede ‘kwaambilana zyakasimpe kuli umwi amweenzinyina.’ Imwi nzila iitondeezya kuti tuli bakombi baLeza, nkuyiisya bantu kasimpe kali atala anguwe nitukambawuka. Muchiiyo chitobela, tuyoolanga-langa mbutukonzya kuchita oobo.\\n^ par 15 Langa mubuzyo 6 uuti, “Kujana Ndachita Biyeni Kuti Nditeenwi Abeenzuma?” mukabbuku kati Nsandulo Zyamibuzyo Iili 10 Iibuzigwa Abachikula achaandaano 16 chiti, “A Double Life—Who Has to Know?,” chijanika mubbuku litegwa Questions Young People Ask—Answers That Work, Volume 2.\\n1918—Minyaka Iili 100 Yakiinda\\nZYAKACHITIKA MUBUUMI Jehova Wakakulongezya Kusala Kwangu\\nAtusyome Muzulwidi Wesu—Kristu\\nKkala Kuli Aluumuno Mumoyo Nikuba Zyiimo Nizyachincha\\nText Sala naa uyanda kukkopa zyakamwayigwa zilekkodedwe NGAZIYAKULINDA—YAKWIIYA October 2018\\nNGAZIYAKULINDA—YAKWIIYA October 2018","num_words":1534,"character_repetition_ratio":0.044,"word_repetition_ratio":0.0,"special_characters_ratio":0.185,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 48 IBBAIB63 - Lino kusule lyayaaya Josefa - Bible Search\\nMatalikilo 47 Matalikilo 49\\nJakobo mbwaakalongezya bana ba-Josefa\\n1Lino kusule lyayaaya Josefa wakaambilwa kuti, Sa tobwene kuti uso waciswa? Mpawo wakatolelela bana bakwe bobile Manase a-Efrai­ mu. 2Elyo Jakobo wakalwiidwa kuti, Langa! Mwanaako Josefa wasika kuzookubona. Amvwe obo, Israyeli wakaliyumya-yumya, wanongomana abule. 3-Nkabela Jakobo wakaambila Josefa kuti, Leza Singuzuzyoonse wakalibonya kulindime ku-Luzi munyika ya-Kanana, wandilongezya, 4-wandaambila kuti, Ncobeni njookuzyazya loko, ube banji; njoocita kuti ube misyobo misyobo yabantu, alimwi nyika eyi njooipa lunyungu lwako, kuti lwiivube lyoonse alyoonse. 5-Lino aba bana bako bobile mbowakazyala munyika ya-Egepita, nkentanasika kulinduwe okuno ku-Egepita, mbibangu, Efraimu a-Manase mbibangu mbubonya mbuli Rubeni aSimeoni. 6Alunyungu lwako ndoyoozyala musule lyabo ndolwako. Bayooulikwa mbuli mazina aabakulana babo. 7-Nkaambo ciindi eco nindakazwa ku-Padani, ndakafwidwa Rakele munyika ya-Kanana, nitwakacili munzila, nikwakacisyeede kasinzo kusika ku-Efrata, nkabela ndakamuzika nkukonya oko munzila yakuya ku-Efrata (ngonguwo Betelehemu).\\n8Elyo Israyeli naakabona bana ba-Josefa, wakabuzya kuti, Ino mbani aba? 9-Nkabela Josefa wakavwiila wisi kuti, Mbombabo bana bangu Leza mbaakandipa okuno. Wakati, Wence balete kulindime, mbalongezye. 10-Nkabela meso aa-Israyeli akali agubi nkaambo kakucembaala, katakonzya kubona. Elyo Josefa wakabaswenya afwiifwi, nkabela wakabamyonta, wabakumbata. 11-Mpawo Israyeli wakaambila Josefa kuti, Teendakali kuyeeya kubona busyu bwako, pele Leza wandibonya alunyungu lwako. 12Lino Josefa wakabagwisya kumazwi aakwe, walikotamika ansi cakuvundama. 13Nkabela Josefa wakabeenzya boonse bobile, Efraimu mujanza lyakwe lyalulyo kuya kucimwensi cakwe ca-Israyeli, a-Manase mujanza lyakwe lyacimwensi kuya kululyo lwa-Israyeli, wabaswenya afwiifwi kulinguwe. 14Mpawo Israyeli wakatandabika ijanza lyakwe lyalulyo, wajata amutwe wa-Efraimu, ngonguwe mwanike, alyalo ijanza lyakwe lyacimwensi wakalijatya amutwe wa-Manase, aboobo wakapinganya maanza aakwe, nkaambo Manase kali mutaanzi, 15-Lino wakalongezya Josefa, wati,\\nLeza ngubakabelekela bamataata Abrahamu a-Izaka,\\nLeza iwakandeembela kuzwa kubwanike bwangu akusikila sunu,\\n16-Angelo iwakandivuna kububi boonse, alongezye balombe,\\nKuti izina lyangu azina lyamatata Abrahamu a-Izaka likalilile mulimbabo,\\nBavulisye mukati kanyika.\\n17-Lino Josefa naakabona kuti wisi wabika ijanza lyakwe lyalulyo amutwe wa-Efraimu, wakabijilwa, nkabela wakajata ijanza lyawisi kuti aligwisye amutwe wa-Efraimu akulitola amutwe wa-Manase, 18Josefa wakaambila wisi kuti, Takuli boobo, taata, Oyu ngumupati; bika ijanza lyako lyalulyo amutwe wakwe. 19-Pele wisi wakakaka, wati, Ndizi, mwanaangu. Ndizi. Alakwe uyooba musyobo, alakwe uyooba mupati, nekubaboobo mwanike wakwe uyooba mupati kwiinda nguwe, abazukulu bakwe bayooba misyobo minji. 20-Lino wakabalongezya buzuba obo mbubonya, wati, Ba-Israyeli bayoolongezya muzina lyako. Bayooamba kuti, Leza akucite kuti ube mbubonya mbuli Efraimu ambuli Manase. Nkabela wakabika Efraimu kunembo lya-Manase. 21-Lino Israyeli wakaambila Josefa kuti, Bona! Mebo ndaamba kufwa. Pele Leza uyooba anywebo, uyoomupilusya kunyika yabamausowanu. 22-Alimwi ndapa nduwe caabilo ncimwi kwiinda bananyokwe; ncencico ncindakanyanzya ba-Amori apanga lyangu abuta bwangu.","num_words":397,"character_repetition_ratio":0.062,"word_repetition_ratio":0.0,"special_characters_ratio":0.174,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino kuOfesi Yamusampi ya Bakamboni Bakwe Yehova Kulacitwa Ncito Nshi?\\nBamukwashi wa Betelo balasebensa mumadipatimenti apusenepusene, atanjilila ncito yakushimikila mucishi comwi na kwiindaawo. Balasebensela mutubunga twabeshikusansulula, kupulinta mamagazini amabuku, kuyoobolola mabuku, kupanga mavidyo aamba shamakani amuBaibo alimwi akulekoda, na incito shimwi shiyandika kumusena uko.\\nKomiti ya Musampi ilatanjilila ncito shapa Betelo. Likoto Litanjilila lyakapa Komiti Yamusampi incito yakutanjilila maofesi amusampi, mukomiti iyi mulaba bamanene bashikiteewo botatwe na kwiindaawo. Komiti ya Musampi ilashibisha bamu Likoto Litanjilila sha ncito mboyitokweenda mucishi mobasebensela alimwi amapensho ali oonse aliiko. Ici cilacafwa Likoto Litanjilila kushiba nsheenga balemba mumabuku eshi akalembwe kunembo, alimwi amakani akwiiya pamabungano ansondo ansondo alimwi amabungano anene. Beshikwiimikaninako Likoto Litanjilila, ciindi aciindi balafwakashila maofesi a musampi akucafwa bamuKomiti ya Musampi mbweenga basebensa ncito yabo. (Tushimpi 11:14) Shikwiimikanina likoto Litanjilila na wafwakashila musampi, kulaba kubungana kulibetele, pakubungana uku, shikwiimikanina maofesi anene ulaamba likani lyakuyuminisha bamucishi ico abamushishi shimwi batanjililwa aofesi yamusampi.\\nKucafwilisha Mabungano. Pamusampi pali bamakwesu bakapekwa ncito yakusuminisha ayi mabungano apya apangwe. Bamakwesu aba mbobabona pancito ya bapainiya, bamishonali, abamatanjilili balubasu basebensela mumusena utanjililwa amusampi. Mbobabamba mabungano anene akutanjilila ncito yakuyaka Maanda a Bwaami apya, alimwi akushinisha kwaamba ayi mabungano oonse atambula magazini alimwi amabuku amwi ayandika. Incito shoonse shicitwa paBetelo, shilalengesha ayi incito yakushimikila inokweenda kabotu.—1 Bene Kolinto 14:33, 40.\\nIno bamu Komiti ya Musampi balacafwa buyani Likoto Litanjilila?\\nBasuni kufwakasha balatambulwa akutolwa kwaamba ayi babone musena wamaofesi esu amusampi, kuswa pa Monday kushika pa Cisanu. Tutomwiita kwaamba ayi mukese. Na mulisuni kusa mukufwakasha, mulyeelete kufwala kabotu bweenka mbomufwala ndyemutooya kumabungano. Mulaakuyuminishikwa na mukabone musena ngotwiita ayi Betelo.","num_words":250,"character_repetition_ratio":0.084,"word_repetition_ratio":0.0,"special_characters_ratio":0.141,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Levitiko 26 IBBAIB63 - Mutalicitili zimpangaliko, - Bible Search\\n1-Mutalicitili zimpangaliko, nekuba kuliimikizizya zikozyano zibezedwe na minsemu, nekuba kubika ibbwe lili azifwanikisyo munyika yanu, kuti muzikotamine. Nkaambo ndime Jehova Leza wanu, 2Amubambe masabata aangu akulemeka cikombelo cangu. Ndime Jehova.\\n3-Na muleenda mumilao yangu akubamba imbeta zyangu akuzicita, 4-njoomuwisizya imvula kuzi indi zyeelede, aboobo nyika iyoozyala zilyo, amisamu iyoozyala micelo yayo. 5-Kupola maila aanu takukooyoomana mane kusikila ciindi cakucela masaansa, akucela kwanu kuyoosika kuciindi cakubyala, Muyoolya zilyo zyanu cakukuta, akukala munyika yanu caluumuno. 6-Njoomupa luumuno munyika yanu, nkabela muyoolala cakutayoowa cintu, Njoolesya banyama babi munyika yanu, alyalo ipanga lyankondo talikooyooboneka akati kanu. 7Muyootanda basinkondonyokwe, mane bakawe kupanga kunembo lyanu. 8Bantu bosanwe banu bayootanda mwanda, abantu bali mwanda bayootanda zyuulu zili ikumi. Basinkondonyokwe bayoowa kupanga kunembo lyanu. 9-Njoomweembela, njoocita kuti muzyalisye akuvula, alimwi njooyumya cizuminano ncetutangene anywebo, 10Muyoolya zilyo zyamatala makulukulu, akugwisya zilyo zyaciindi nkaambo kakuvula kwazilyo zipya. 11-Njoobika cikalilo cangu akati kanu, Moyo wangu tuukooyoomusesemwa pe. 12-Njooendeenda akati kanu, njooba Leza wanu, anywebo muyooba bantu bangu. 13-Ndime Jehova Leza wanu iwakamupozya munyika ya-Egepita, kuti mutacibi bazike babo, Ndakatyolaula zikeyi zyamajoko aanu akumucita kuti mweende cakululama.\\n14-Pele na mwakaka kundiswiilila akucita malailile aya oonse, 15-na mwakaka milumbe yangu, na myoyo yanu ilasesemwa imbeta zyangu, aboobo mwabula kucita malailile aangu oonse, mwatyola cizuminano cangu, 16-ncobeni mbuboobu mbunjoomucitila. Njoomubusizya ciyoosyo, lungwangwa antuntumaanzi, malwazi aamana meso akupenzya moyo, Muyoobyala imbuto zyanu cabuyo, nkaambo basinkondonyokwe mbebayoozilya. 17-Njoomulanga cankayikayi, nkabela muyoozundwa kulibasinkondonyokwe. Basikumusula mbebayoomweendelezya, nkabela muyoocija nekuba kuti taakwe uumutanda. 18-Lino kusule lyazintu ezi zyoonse, na mucikaka kuswiilila, njoomuuma alimwi ziindi zili musanu azibili nkaambo kazibi zyanu. 19-Njoomwaya inguzu zyanu nzemulikankaizizya. Nkabela njoocita kuti kujulu kumubede mbuli butale, ayalo nyika imubede mbuli mukuba. 20-Inguzu zyanu muyoozibelesya buyo, nkaambo nyika yanu tiikooyoozyala zilyo, amisamu yamunyika tiikooyoozyala micelo.\\n21Lino na muceenda cakutamvwa, na mucikaka kuswiilila, njoomuletela aamwi mapenzi aainda ziindi zili musanu azibili, mbubonya mbuli zibi zyanu. 22-Njoomutumina banyama bamusokwe, nkabela bayoomubbida bana banu akumunyonyweeda iŋombe zyanu, mane mukaceye, anzila zyanu zilasofwaala,\\n23-Lino zintu ezi zyoonse na zilabula kumweempya, na muceenda cakutamvwa, 24-ambebo njooenda cakutamumvwa, njoomuuma ziindi zili musanu azibili nkaambo kazibi zyanu. 25-Nkabela njoomuletela ipanga lyakuliila cizuminano inkoto. Na mwabungana mukati kaminzi yanu, njoomutumina malwazi, nkabela muyooabwa mumaanza aabasinkondonyoko. 26-Lino kuciindi eco nenjoomanisya malilu oonse aabuumi bwanu, banakazi bali ikumi bayoomujikila insima mucijikilo comwe, nkabela bayoomupimina zyakulya zyanu, Muyoolya, kukuta pe,\\n27Lino kusule lyazintu azeezi zyoonse, na mucikaka kuswiilila, na muceenda cakutamvwa, 28-njooenda ambebo cakutamumvwa acabukali, nkabela njoomuuma ziindi zili musanu azibili nkaambo kazibi zyanu. 29-Muyoolya nyama yabana banu balombe akulya nyama yabana banu basimbi. 30-Nkabela njoonyonyoona zikombelo zyanu zyakuzilundu akugonka zikozyano zyanu zyazuba. Njoosowa mitunta yanu atala lyamitunta yazikozyano zyanu, amoyo wangu uyoomusesemwa. 31-Njoosaala minzi yanu, njoocita zikombelo zyanu kuti zibe matongo, abweema bwatununkilizyo twanu nsikooyoobumvwa. 32-Njoosaala nyika yanu mane lumwi basinkondonyokwe bakede mulinjiyo bagambe, 33-Anywebo nobeni, njoomumwaisya akati kabamasi, nkabela njoomusomweda ipanga, Lino nyika yanu iyooba matongo, aminzi yanu iyoomwaika.\\n34-Lino nyika iyoobotelwa masabata aayo mazuba oonse aakunyonyooka kwayo, nywebo nemuyooba munyika yabasinkondonyokwe, Nyika iyoolyokezya akubotelwa masabata aayo. 35Mazuba oonse aakutakalwa kwayo iyoolyokezya, nkaambo yakabulide kulyokezya mumasabata aanu nemwakakede mulinjiyo. 36-Abaabo banu basyeede, njootuma luwizuko mumyoyo yabo munyika yabasinkondonyina mobabede, nkabela kupoota kwetu lipepuluka amuuwo kuyoobayoosya, mane bayoocija mbubonya mbuli kucijwa ipanga, akuwa bayoowa nekuba kuti taakwe uubatanda. 37-Bayoodadalika akulimbana mbubonya mbuli kucijwa ipanga, nekuba kuti taakwe uubatanda. Tamukooyooba anguzu zyakulitabilila kulibasinkondonyokwe pe. 38Muyoonyonyooka akati kabamasi, anyika yabasinkondonyokwe iyoomulida limwi. 39-Abaabo banu basyeede banooya bukotelakotela mumilandu yabo oko kunyika yabasinkondonyokwe, akaambo kamilandu yabamawisi banooya bukotelakotela.\\n40-Pele na balyaamba milandu yabo amilandu yabamawisi, lupapilo lwabo ndobandipapila, akweenda kwabo kwakutandimvwa, 41-nkonkuko kwakandicita kuti ambebo ndakeenda cakutabamvwa akubatola kunyika yabasinkondonyina, —na myoyo yabo iitapalwidwe yalibombya, alimwi batambula ceempyo camilandu yabo, 42-lino njooibaluka cizuminano cangu ncendakatangana a-Jakobo, acizuminano cangu kuli-Izaka, acizuminano cangu kuliAbrahamu, ayalo nyika njooiyeeya. 43Nyika bayooisia, nkabela iyoobotelwa masabata aayo ciindi cakusiigwa, Lino baleelede kutambula ceempyo camilandu yabo, nkaambo kakuti bakasampaula imbeta zyangu, amyoyo yabo yakakaka milumbe yangu. 44-Nekubaboobo nebanooyooli munyika yabasinkondonyina, nsikooyoobasowa nikuba kubasesemwa kukubanyonyweeda limwi akukujaya cizuminano cangu ncindakatangana abo, nkaambo ndime Jehova Leza wabo. 45-Njoobaibulukila cizuminano ncendakatangana abamawisi, abo mbendakapozya munyika ya-Egepita kumeso aabamasi, kuti mbe Leza wabo. Ndime Jehova.\\n46-Njeeyo milumbe ambeta amilao Jehova njaakabika kubana ba-Israyeli kucilundu ca-Sinai kujanza lya-Musa.","num_words":675,"character_repetition_ratio":0.066,"word_repetition_ratio":0.0,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Cikozyanyo ca Jesu ca Pobwe Lyabwiinga (Matayo 22) | Buumi bwa Jesu\\nMwami Waita Baabo Batambidwe Kupobwe Lyabwiinga\\nCIKOZYANYO CAPOBWE LYABWIINGA\\nMulimo wa Jesu mbouyaabusika kumamanino, wazumanana kubelesya zikozyanyo kutegwa ayubunune bubi bwabalembi alimwi abasilutwe babapaizi. Aboobo, bayanda kumujaya. (Luka 20:19) Pele Jesu tanamana kuyubununa bubi bwabo. Ulibajisi, aboobo waamba cikozyanyo acimbi eeci:\\n“Bwami bwakujulu inga bwakozyanisyigwa amwami iwakabamba pobwe lyabwiinga lyamwanaakwe musankwa. Mpoonya wakatuma bazike bakwe kuyakwiita baabo bakatambidwe kupobwe lyabwiinga, pele tiibakali kuyanda kuboola.” (Matayo 22:2, 3) Jesu watalika cikozyanyo cakwe kwiinda mukwaamba “Bwami bwakujulu.” Aboobo, cilisalede kuti “mwami” waambwa aawa ngu Jehova Leza. Ino mwana wamwami alimwi abaabo batambidwe kupobwe lyabwiinga mbaani? Tacikatazyi kuzyiba kuti mwana wamwami Mwana wa Jehova, ooyo ngomunya waamba cikozyanyo eeci, alimwi akuti aabo batambidwe mbabaabo ibayakuba a Mwana ooyo mu Bwami bwakujulu.\\nIno mbaani bakusaanguna kutambwa? Ino mbaani Jesu alimwi abaapostolo bakwe mbobali kukambaukila makani aa Bwami? Bali kukambaukila ba Juda. (Matayo 10:6, 7; 15:24) Cisi eeci cakazumina cizuminano ca Mulawo mu 1513 B.C.E., aboobo cakaba cakusaanguna kuba acoolwe cakuba “bwami bwabapaizi.” (Kulonga 19:5-8) Pele, ino ndilili mubwini nobakali kuyakwiitwa “kupobwe lyabwiinga”? Cilisalede kuti bwiite oobu bwakacitwa mu 29 C.E. ciindi Jesu naakatalika kukambauka makani aa Bwami bwakujulu.\\nIno bunji bwabana Israyeli bakabutambula buti bwiite oobu? Kweelana ambwaamba Jesu, “tiibakali kuyanda kuboola.” Ibunji bwabasololi babukombi alimwi abanamaleya tiibakamuzumina kuti ngo Mesiya akuti ngo Mwami uusalidwe aa Leza.\\nNokuba boobo, Jesu watondezya kuti ba Juda bakali kuyakupegwa coolwe acimbi, waamba kuti: “Alimwi [mwami] wakatuma bazike abambi akubaambila kuti, ‘Amubaambile aabo batambidwe kuti: “Amubone! Ndabamba cakulya camasyikati, kwajaigwa ŋombe abanyama bangu baneneede, alimwi zintu zyoonse zyabambwa kale. Amuboole kupobwe lyabwiinga.”’ Pele kakunyina kubikkila maano bakaunka kumbi, umwi kumuunda wakwe, umwi kumakwebo aakwe; aabo bakacaala, bakajata bazike bakwe akubasampaula kumane bakabajaya.” (Matayo 22:4-6) Eeci cileendelana acakali kuyakucitika ciindi mbungano ya Banakristo noyakali kuyootalisyigwa. Aciindi eeci, ba Juda bakacijisi coolwe cakuba mu Bwami, pele ibunji bwabo bakabukaka bwiite oobu, limwi bakasika mpobapenzya ‘bazike bamwami.’—Milimo 4:13-18; 7:54, 58.\\nIno eeci cakapa kuti cisi eeci cisikilwe nzi? Jesu waamba kuti: “Mwami wakakalala akutuma basikalumamba bakwe, eelyo bakabanyonyoona bajayi aabo akuumpa munzi wabo.” (Matayo 22:7) Eeci cakabacitikila ba Juda mu 70 C.E. ciindi ba Roma nobakanyonyoona “munzi wabo,” wa Jerusalemu.\\nSena caamba kuti akaambo kakuti bakakaka bwiite bwamwami, nkokuti taakwe umbi iwakali kuyootambwa? Kweelana acikozyanyo ca Jesu, tacili boobo pe. Wazumanana kwaamba kuti: “Mpoonya [mwami] wakaambila bazike bakwe kuti, ‘Pobwe lyabwiinga lyabambwa, pele aabo batambidwe tiibali kweelela pe. Aboobo kamuya kunzila zizwa mumunzi, mutambe kufwumbwa ngomuyoojana kuti aboole kupobwe lyabwiinga.’ Aboobo bazike aabo bakaunka mumigwagwa akubabunganya antoomwe boonse aabo mbobakajana, babi ababotu; eelyo ŋanda yabwiinga yakazula bantu aabo ibakali kulya.”—Matayo 22:8-10.\\nAboobo, kumbele mwaapostolo Petro wakali kuyootalika kugwasya Bamasi—nkokuti bantu batali ba Juda bazyalwe naa basandule—kuba Banakristo bakasimpe. Mu 36 C.E., silutwe wabasikalumamba muna Roma Korneliyo alimwi amukwasyi wakwe bakatambula muuya wa Leza akuba acoolwe cakuba mu Bwami bwakujulu mbwaakaamba Jesu.—Milimo 10:1, 34-48.\\nJesu watondezya kuti kumamanino tabali boonse baboola kupobwe ibayakweelela kutambulwa ‘amwami.’ Waamba kuti: “Ciindi mwami naakanjila kuti alingule beenzu, wakabona muntu umwi watakasamide cisani cabwiinga. Aboobo wakamubuzya kuti, ‘Ino musa wanjila buti omuno kotasamide cisani cabwiinga?’ Eelyo wakabula cakwaamba. Lino mwami wakaambila babelesi bakwe kuti, ‘Amumwaange kumaanza akumaulu mumusowele anze mumudima. Ooko nkwayoolilila akulumina ntwino.’ Mwami wakaita banji pele wakasala buyo basyoonto.”—Matayo 22:11-14.\\nAmbweni basololi babukombi ibamuswiilide Jesu tabazyi ncozyaamba naa mbozibajatikizya zintu zyoonse eezyi nzyaamba. Nokuba boobo, banyema alimwi baindila buya kuyanda kumujaya ooyo uubapa kufwa nsoni.\\nMucikozyanyo ca Jesu, ino nguni “mwami,” “mwanaakwe,” alimwi abaabo bakasaanguna kutambwa kupobwe lyabwiinga?\\nIno ndilili bwiite nobwakapegwa kuba Juda, alimwi ino mbaani kumbele ibakatambwa?\\nIno caamba nzi kuti ibakaitwa mbanji pele ibakasalwa mbasyoonto?","num_words":562,"character_repetition_ratio":0.06,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kukomba Jehova Kulabikkilizya Akugwasya Bamwi Kumubili | Bwami bwa Leza\\nBwami bwa Leza Bulalela!\\nAMUBALE MU Afrikaans Albanian Amharic Arabic Armenian Aymara Azerbaijani Azerbaijani (Cyrillic) Batak (Karo) Batak (Toba) Bicol Bislama Bulgarian Cambodian Catalan Cebuano Chichewa Chin (Hakha) Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitumbuka Cibemba Cinyanja Croatian Czech Dangme Danish Drehu Dutch Efik English Estonian Ewe Fijian Finnish Fon French Ga Georgian German Greek Guarani Gun Haitian Creole Hausa Hebrew Herero Hiligaynon Hindi Hungarian Icelandic Igbo Iloko Indonesian Isoko Italian Japanese Javanese Kabiye Kazakh Kikaonde Kikongo Kikuyu Kiluba Kimbundu Kinyarwanda Kirghiz Kiribati Kirundi Kisonge Kongo Korean Kwangali Kwanyama Laotian Latvian Lingala Lithuanian Lunda Luo Luvale Macedonian Macua Malagasy Malay Malayalam Maltese Mauritian Creole Maya Moore Myanmar Ndebele Ndebele (Zimbabwe) Ndonga Nepali Nias Norwegian Nyaneka Nzema Oromo Ossetian Otetela Pangasinan Papiamento (Aruba) Papiamento (Curaçao) Polish Portuguese Quechua (Ayacucho) Quechua (Bolivia) Quechua (Cuzco) Romanian Russian Samoan Sango Sena Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Seychelles Creole Shona Sinhala Slovak Slovenian Spanish Sranantongo Swahili Swahili (Congo) Swati Swedish Tagalog Tahitian Tamil Tatar Telugu Thai Tigrinya Tiv Totonac Tshiluba Tshwa Tsonga Turkish Turkmen Tuvaluan Twi Tzotzil Ukrainian Umbundu Venda Vietnamese Wallisian Waray-Waray Wolaita Xhosa Yoruba Zande Zapotec (Isthmus) Zulu\\nKukomba Jehova Kulabikkilizya Akugwasya Bamwi Kumubili\\nMAKANI AALI MUCIBALO\\nLuyando lwa Bunakristo lulalibonya ciindi nokwacitika ntenda\\n1, 2. (a) Mbuyumuyumu nzi mbobakajisi Banakristo mu Judaya? (b) Ino nduyando luli buti ndobakatondezyegwa Banakristo bamu Judaya?\\nMUUMWAKA wa 46 C.E., alimwi mu Judaya muli nzala mpati. Akaambo kakuceya kwazyakulya, myuulo yazyakulya yatanta kapati alimwi basikwiiya ba Kristo ba Juda tabakonzyi kuzyuula. Balifwide nzala kapati. Nokuba boobo, basikwiiya ba Kristo balaafwaafwi kukwabililwa a Jehova munzila njobatanabwene kuzwa kaindi. Ncinzi ciyanda kucitika?\\n2 Akaambo kakupenga kwa Banakristo ba Juda mu Jerusalemu alimwi amu Judaya, Banakristo ba Juda alimwi a Banakristo Bamasi mu Antiokeya, Suriya, basanga mali kutegwa bagwasye Basyominyina. Mpoonya basala bakwesu beelela bobilo akati kabo, Barnaba alimwi a Saulo, kuti batole zintu zyakumubili kubaalu bambungano ku Jerusalemu. (Amubale Milimo 11:27-30; 12:25.) Amuyeeye buyo mbobakakkomana Banakristo baku Judaya akaambo kaluyando oolu ndobakatondezya Banakristonyina baku Antiokeya!\\n3. (a) Ino muunzila nzi bantu ba Leza mazuba aano mobazumanana kutobela cikozyanyo ncobakasiya Banakristo baku Antiokeya? Amupe cikozyanyo. (Amubone akabbokesi kakuti “ Mulimo Wesu Mupati Wakusaanguna Wakugwasya Bamwi Iwakacitwa Mumazuba Eesu.”) (b) Ino mibuzyo nzi njotutiilange-lange mucibalo eeci?\\n3 Makani aaya, aakacitika musyule mumwaanda wamyaka wakusaanguna C.E., akali aakusaanguna kulembwa kujatikizya Banakristo ibakali kukkala kubusena bumwi kutuma zintu zyakumubili kutegwa bagwasye Banakristonyina ibakali kukkala kubusena bumbi. Mazuba aano, tutobela cikozyanyo ncobakatusiila bakwesu baku Antiokeya. Ciindi notwamvwa kuti bakwesu ibakkala kubusena bumwi bacitikilwa ntenda naa bali musunko, tulabagwasya. * Kutegwa tumvwisye lugwasyo lwesu lwakumubili mbolweendelana amilimo yesu iimbi yakumuuya, atulange-lange mibuzyo yotatwe iijatikizya mulimo wakugwasyilizya bamwi kumubili. Nkaambo nzi kugwasya bamwi kumubili ncotukubona kuti ncibeela cabukombi bwesu? Makanze nzi ngotujisi notubeleka mulimo ooyu wakugwasya bamwi kumubili? Ino tugwasyigwa buti amulimo ooyu wakugwasyilizya bamwi kumubili?\\nIkaambo Mulimo Wakugwasya Bamwi Kumubili Ncouli “Mulimo Uusetekene”\\n4. Ino Paulo wakabaambila nzi bana Korinto kujatikizya mulimo wa Bunakristo?\\n4 Mulugwalo lwakwe lwabili ndwaakalembela bana Korinto, Paulo wakapandulula kuti mulimo uusetekene ngobajisi Banakristo uli muzibeela zyobilo. Nokuba kuti lugwalo lwa Paulo lwakalembelwa Banakristo bananike, majwi aakwe alabeleka ‘akumbelele zimbi’ mazuba aano. (Joh. 10:16) Cibeela cimwi camulimo wesu cijatikizya “mulimo wakuyanzanya,” nkokuti, mulimo wesu wakukambauka akuyiisya. (2 Ko. 5:18-20; 1 Ti. 2:3-6) Cibeela cimwi cijatikizya mulimo ngotubelekela basyomima. Paulo wakawaamba cacigaminina kuti “mulimo wakugwasya.” (2 Ko. 8:4) Kujatikizya majwi aakuti “mulimo wakuyanzanya” alimwi aakuti “mulimo wakugwasya,” mumasena oonse obilo ibbala lyakuti “mulimo” lisandululwa kuzwa kubbala lya Chigiriki lyakuti di·a·ko·niʹa. Nkaambo nzi ncotweelede kukabikkila maano kaambo aaka?\\n5. Nkaambo nzi ncotweelede kukabikkila maano kaambo nkaakaamba Paulo kakuti mulimo wakugwasya bamwi mulimo uusetekene?\\n5 Kwiinda mukubelesya bbala lyomwe lyamu Chigiriki kwaamba milimo yoonse yobilo, Paulo wakatondezya kuti mulimo wakugwasya ulikozyenye amisyobo iimbi yamilimo iyakali kubelekwa a Banakristo mumbungano. Kumatalikilo wakaamba kuti: “Kuli milimo yiindene-indene, pele kuli buyo Mwami omwe; alimwi kuli nzila zyakubeleka ziindene-indene, . . . Pele milimo yoonse eeyi ilacitwa amuuya omwe nguwenya ooyu.” (1 Ko. 12:4-6, 11) Paulo wakatondezya kuti milimo yambungano iisiyene-siyene ileendelana a “mulimo uusetekene.” * (Lom. 12:1, 6-8) Nkakaambo kaako wakalimvwa kuti cakali kuyandika kulinguwe kwaaba ciindi cakwe kuti ‘akutaukile basalali’!—Lom. 15:25, 26.\\n6. (a) Kweelana ambwaakapandulula Paulo, nkaambo nzi mulimo wakugwasya bamwi ncouli cibeela cabukombi bwesu? (b) Amupandulule mulimo wesu wakugwasya bamwi ibacitikilwa ntenda mboweendelezyegwa nyika yoonse. (Amubone kabbokesi kakuti “ Ciindi Nokwacitika Ntenda!” peeji 214)\\n6 Paulo wakagwasya bana Korinto kubona ikaambo mulimo wakugwasya bamwi ncowakali cibeela camulimo wabo uusetekene alimwi acibeela cabukombi bwabo kuli Jehova. Amubone ncaakali kupandulula: Banakristo ibagwasya bamwi balacita oobo nkaambo ‘balalibombya kumakani mabotu aamba Kilisito.’ (2 Ko. 9:13) Aboobo, kwiinda mukukulwaizyigwa aluyandisisyo lwabo lwakubelesya njiisyo zya Kristo, Banakristo balabagwasya basyominyina. Paulo wakaamba kuti milimo mibotu njobabelekela Banakristonyina ‘nduzyalo lwa Leza lulibedelede.’ (2 Ko. 9:14; 1 Pe. 4:10) Aboobo, kujatikizya kugwasya bakwesu babulide, kwalo ikubikkilizya amulimo wakugwasyilizya kumubili, Ngazi Yamulindizi yamu Chingisi ya December 1, 1975, yakaamba kuti: “Tatweelede kudooneka kuti Jehova Leza alimwi a Mwanaakwe Jesu Kristo balaubikkila kapati maano mulimo uuli boobu.” Inzya, mulimo wakugwasyilizya bamwi kumubili ncibeela iciyandika kapati camulimo uusetekene.—Lom. 12:1, 7; 2 Ko. 8:7; Heb. 13:16.\\nMulimo Wakugwasya Bamwi Kumubili Ulijisi Twaambo Tumvwika Ncoucitilwa\\n7, 8. Ino nkaambo nzi kakusaanguna ncoucitilwa mulimo wesu wakugwasya bamwi nokwacitika ntenda? Amupandulule.\\n7 Ino mulimo wesu wakugwasyilizya bamwi kumubili ujisi twaambo nzi ncoucitilwa? Paulo wakaingula mubuzyo ooyu mulugwalo lwakwe lwabili ndwaakalembela bana Korinto. (Amubale 2 Bakolinto 9:11-15.) Mutupango ootu, Paulo wakakankaizya twaambo totatwe ncoucitilwa, ituzuzikizyigwa kwiinda mukutola lubazu ‘mumulimo ooyu wakugwasya bantu,’ nkokuti mulimo wakugwasyilizya bamwi kumubili. Atutulange-lange twaambo ootu kamwi akamwi.\\n8 Kaambo kakusaanguna, mulimo wesu wakugwasya bamwi kumubili ulemeka Jehova. Amubone kuti mutupango tosanwe tutazubuludwe Paulo wakainduluka-induluka kugwasya Banakristonyina kuti babikkile maano kuli Jehova Leza. Mwaapostolo wakabayeezya kujatikizya ‘bantu bamulumba Leza’ alimwi ‘abantu banji bamulumba Leza.’ (Kapango 11 a 12) Wakaamba mbuli mulimo wakugwasyilizya bamwi kumubili mbougwasya Banakristo ‘kulemeka Leza’ alimwi akutembaula ‘luzyalo lwa Leza lulibedelede.’ (Kapango 13 a 14) Paulo wakamanizya makani aakwe aajatikizya mulimo wakugwasyilizya bamwi kumubili kwiinda mukwaamba kuti: “Aalumbwe Leza.”—Kapango 15; 1 Pe. 4:11.\\n9. Ino mulimo wakugwasya bamwi inga wabacinca buti mbobayeeya bantu? Amupe cikozyanyo.\\n9 Mbubwenya mbuli Paulo, babelesi ba Leza mazuba ano babona mulimo wakugwasyilizya bamwi kumubili kuba coolwe cakulemeka Jehova alimwi akusumpula njiisyo zyakwe. (1 Ko. 10:31; Tit. 2:10) Masimpe ngakuti, mulimo wakugwasyilizya bamwi kumubili kanji-kanji ulagwasya kapati kugwisya mizeezo iilubide njobajisi bantu bamwi kujatikizya Jehova a Bakamboni bakwe. Mucikozyanyo, Mukaintu umwi uukkala mubusena imwakacitika ntenda akaambo kaguwo pati wakabikkide cikwankwani amulyango wakwe icakalembedwe kuti, “Tandiyandi Kuswaigwa a Bakamboni ba Jehova.” Mpoonya bumwi buzuba wakabona babelesi ibakali kubeleka mulimo wakugwasyilizya bamwi kuyakulula ŋanda yakanyonyooka mutala aamugwagwa kuzwa aŋanda yakwe. Kwamazuba aali mbwaabede, wakali kubona babelesi ibakakkomene kababeleka, mpoonya wakaunka nkobakabede kutegwa azyibe naa bakali bani. Naakazyiba kuti babelesi aaba ibakali kugwasya bamwi bakali Bakamboni ba Jehova, wakagambwa kapati akwaamba kuti: “Ndakali kumuyeeyela kuba bantu batali kabotu.” Ino ncinzi cakacitika? Wakacigwisya cikwankwani amulyango wakwe.\\n10, 11. (a) Nzikozyanyo nzi izitondezya kuti tuzuzikizya kaambo kabili ncoucitilwa mulimo wesu wakugwasya bamwi? (b) Nibroshuwa nzi iigwasya babelesi ibabeleka mulimo wakugwasya bamwi nokwacitika ntenda? (Amubone kabbokesi kakuti “ Cibelesyo Acimbi Icigwasya Babelesi Ibagwasya Nokwacitika Ntenda.”)\\n10 Kaambo kabili, ‘tupa zyintu zinji nzyobayandika’ basyomima. (2 Ko. 9:12a) Tulayandisisya kubapa nzyobayandika akugwasyilizya kucesya mapenzi aabakwesu abacizyi. Ino nkaambo nzi? Nkaambo zizyo zyambungano ya Bunakristo zipanga ‘mubili omwe,’ alimwi “ikuti naa cizyo cimwi capenga, zizyonyina zyoonse zipengela antoomwe ancico.” (1 Ko. 12:20, 26) Aboobo, luyando lwabunyina alweetelelo zikulwaizya bakwesu abacizyi banji mazuba aano kufwambaana kuleka milimo yabo kutegwa balibambile, akuunka kumasena ikwacitika ntenda kutegwa bakagwasye basyominyina. (Jak. 2:15, 16) Mucikozyanyo, muzuzumo wamulwizi uutegwa tsunami nowakamana kucitika mucisi ca Japan mu 2011, ofesi yamutabi yamucisi ca United States yakatuma magwalo ku makkomiti aakuyaka aacooko mucisi ca United States, ikulomba naa “bakwesu basyoonto beelela” inga bajanika kutegwa bakagwasye kuyakulula Maanda aa Bwami ku Japan. Ino bakacita buti? Nokwakainda buyo nsondo zili mbozibede, babelesi basikulisungula ibatandila ku 600 bakalilembya kuyakugwasyilizya—alimwi bakalibbadalela ndeke kuunka ku Japan! Ofesi yamutabi yamu United States yakaamba kuti: “Kulyaaba kwabakwesu kwatugambya kapati.” Ciindi mukwesu waku Japan naakabuzya icakapa mukwesu iwakazwa kucisi cimbi kuti azikugwasyilizye, wakaambilwa kuti: “Bakwesu baku Japan ncizyo ‘camubili wesu.’ Mapenzi aabo andiswe mapenzi eesu.” Akaambo kakuba a luyando lwakulyaaba, babelesi basikulisungula bakulwaizyigwa nokuba kubikka maumi aabo muntenda kutegwa bagwasye basyominyina. *—1 Joh. 3:16.\\nMULIMO WESU MUPATI WAKUSAANGUNA WAKUGWASYA BAMWI IWAKACITWA MUMAZUBA EESU\\nMu September 1945, nokwakainda buyo myezi misyoonto kuzwa ciindi Nkondo Yabili Yanyika Yoonse noyakamana mu Europe, Mukwesu Knorr wakaambilizya matalikilo aamulimo mupati wakutuma ‘zintu zyakumubili zyakugwasya bakwesu bakabulide mu central Europe.’\\nNokwakainda buyo nsondo zisyoonto kwaambilizya ooko nokwakapegwa, Bakamboni mu Canada, mu United States, alimwi amuzisi zimbi bakatalika kulibambila kutuma zisani azyakulya izyakasangwa. Kuzwa mu January 1946 kuya kumbele, zintu zyakatumwa kubakwesu ku Austria, Belgium, Bulgaria, China, Czechoslovakia, Denmark, England, Finland, France, Germany, Greece, Hungary, Italy, Netherlands, Norway, Philippines, Poland, alimwi aku Romania.\\nPulogilamu eeyi yakugwasya bamwi tiiyakacitwa buyo ciindi comwe pe. Zintu zyakupa bakwesu ibakali kuyandika lugwasyo zyakazumanana kutumwa kwamyaka yobilo acisela! Mukati kaciindi eeci bakwesu abacizyi ibainda ku 85,000 bakatuma zintu izyakali kulema makilogilamu aazyakulya aainda ku 300,000, makilogilamu aabalilwa ku 450,000 aazisani, alimwi amabbusu aainda ku 124,000 kutegwa bakwesu abacizyi ibakali kukkala mumasena imwakali nkondo bagwasyigwe. Kuzikusika mu August 1948, mulimo ooyu mupati wakugwasya bakwesu ibakali kuyandika lugwasyo wakamana. “Mu 1949 Ngazi Yamulindizi yakati: “Eeci ncobeni cali citondezyo caluyando kuli umwi amweenzyinyina.” Toonse tulizyi kuti bakwesu bakacita oobu kutegwa Mwami alemekwe, kabayeeyede kuti lugwasyo oolu lwakumubili luyoogwasya bamwi kuzumanana mubukombi bwabo bwakasimpe; aboobo bakacibona kuba coolwe cipati kubelekela Banakristonyina munzila eeyi.” Mulimo ooyu wakugwasya bamwi ibakali kuyandika lugwasyo wakapa kuti Jehova atembaulwe, wakagwasya basyomima, alimwi wakayumya luyando lwabakwesu nyika yoonse.\\n11 Bantu ibatali Bakamboni abalo balalumba kujatikizya mulimo wesu wakugwasyilizya bamwi ciindi nokwacitika ntenda. Mucikozyanyo, noyakamana kucitika ntenda mucooko ca Arkansas, mucisi ca U.S.A., mu 2013, muteende umwi wakaamba kujatikizya basikugwasyilizya Bakamboni mbobakagwasyilizya cakufwambaana, wakati: “Mbunga ya Bakamboni ba Jehova ibikkide bubambe bubotu kapati bwabasikugwasyilizya cakufwambaana ciindi nokwacitika ntenda.” Masimpe, kweelana ambwaakaamba mwaapostolo Paulo, ‘tupa zyintu zinji’ kubakwesu ibabulide.\\n12-14. (a) Nkaambo nzi ncociyandika kapati kuzuzikizya kaambo katatu ncoucitilwa mulimo wesu wakugwasya bamwi nokwacitika ntenda? (b) Majwi nzi aatondezya mbociyandika kuzumanana amilimo yakumuuya?\\n12 Kaambo katatu, tugwasya ibali mumapenzi kuti batalike alimwi kucita zintu zyakumuuya. Nkaambo nzi eeci ncociyandika kapati? Paulo wakaamba kuti akaambo kakuti batambula lugwasyo, aabo ‘bantu banji bayoolumba Leza.’ (2 Ko. 9:12b) Taakwe nzila iimbi iinda kubota kwiinda yeeyi yakuti bantu bali mumapenzi balumbe Jehova akaambo kakutalika alimwi kucita zintu zyakumuuya cakufwambaana. (Flp. 1:10) Mu 1945, Ngazi Yamulindizi yamu Chingisi yakaamba kuti: “Paulo wakazumizya . . . kuti kusangwe zintu nkaambo eeci cakali kugwasya . . . Banakristo ibakabulide kujana zintu zyakumubili nzyobakabulide kutegwa bakonzye kutola lubazu canguzu mumulimo wa Jehova wakukambauka.” Aaya acili ngamakanze eesu amazuba aano. Kwiinda mukutalika alimwi kubeleka mulimo wakukambauka, bakwesu balaliyumya alimwi balabayumya basimukobonyina.—Amubale 2 Bakolinto 1:3, 4.\\n13 Amubone nzyobakaamba bamwi babaabo ibakagwasyigwa aciindi nobakali kuyandika lugwasyo luliboobo, ibakatalika alimwi kutola lubazu mumulimo wakukambauka, alimwi ibakayumizyigwa kwiinda mukucita boobo. Mukwesu umwi wakati: “Mukwasyi wesu wakalongezyegwa akaambo kakutalika kukambauka. Kukambauka kwakatugwasya kuti twaalube mapenzi eesu kwaciindi cisyoonto ciindi notwakali kusola kuumbulizya bamwi.” Mucizyi umwi wakati: “Kubikkila maano milimo yakumuuya kwakapa kuti ndilube ntenda yakandicitikila. Kwakapa kuti ndiliibe.” Mucizyi umbi alimwi wakati: Nokuba kuti tiindakali kukonzya kuzicinca zintu zinji, mulimo wakukambauka wakapa kuti mukwasyi wangu kauzilanga kabotu zintu. Kubandika abamwi kujatikizya bulangizi bwesu bwanyika mpya kwakayumya lusyomo lwesu lwakuti zintu zyoonse ziyooba zipya.”\\n14 Kujanika kumiswaangano ncintu cimwi cakumuuya basyomima ncobeelede kutalika alimwi kucita cakufwambaana kweelana ambocikonzyeka. Amubone cakacitikila mucizyi Kiyoko, uujisi myaka yakuzyalwa iitandila ku 60. Ciindi muzuzumo uutegwa tsunami nowakapa kuti asweekelwe zintu zyoonse nzyaakajisi kunze buyo aazisani amabbusu ngaakasamide, taakwe naakazyi mbwaakali kukonzya kupona. Mpoonya mwaalu wakabatamba kuti kabacitila miswaangano ya Bunakristo mumootokala wakwe. Ba Kiyoko bakati: “Mwaalu amukaintu wakwe alimwi amucizyi uumbi andime twakakkala mumootokala. Muswaangano wakacitwa munzila iitakatazyi, cakali mbuli maleele, ndakaile kuluba kuti ndakacitikilwa ntenda. Ndakalimvwa kuba aluumuno lwamumizeezo. Muswaangano uulya wakandigwasya kubona kuti kuyanzana kwa Bunakristo kulagwasya ncobeni.” Kujatikizya kujanika kwakwe kumiswaangano iyakacitwa noyakainda ntenda, mucizyi uumbi wakaamba kuti: “Miswaangano yandigwasya kuliyumya!”—Lom. 1:11, 12; 12:12.\\nMulimo Wakugwasya Bamwi Uletela Zilongezyo Zitamani\\n15, 16. (a) Nimpindu nzi njobakali kukonzya kujana Banakristo baku Korinto akumasena aambi buyo kwiinda mukugwasya bamwi nokwacitika ntenda?(b) Ino tugwasyigwa buti mazuba aano andiswe kwiinda mumulimo wakugwasya bamwi nokwacitika ntenda?\\n15 Mumubandi wakwe uujatikizya mulimo wakugwasya bamwi, Paulo alimwi wakapandulwida bana Korinto bubotu mbobakali kuyoojana balo a Banakristo bamwi kwiinda mukutola lubazu mumulimo ooyu. Wakaamba kuti: “Nobamupailila mipailo yakukombelezya balamuyeeya [Banakristo ba Juda mu Jerusalemu ibakatambula lugwasyo] kapati akaambo kaluzyalo lwa Leza lulibedelede luli alindinywe.” (2 Ko. 9:14) Inzya, bwaabi bwabana Korinto bwakapa kuti Banakristo ba Juda bapailile Banakristonyina mu Korinto, kubikkilizya a Bamasi, alimwi bwakali kuyooyumya luyando lwabo kuli mbabo.\\n16 Kubelesya majwi aa Paulo aajatikizya mpindu zijanika akaambo kamulimo wakupa lugwasyo mazuba aano, Ngazi Yamulindizi yamu Chingisi ya December 1, 1945, yakati: “Ciindi bantu ba Leza ibakkala kubusena bumwi nobapa Banakristonyina ibakkala kubusena bumbi zintu nzyobayandika, eeci cilabakamantanya!” Oobu mbombubo mbobalimvwa babelesi ibabeleka mulimo wakugwasya bamwi mazuba aano. Mwaalu umwi iwakabeleka mulimo wakugwasya bamwi ciindi maanzi naakapaya, wakati: “Kubeleka mulimo wakugwasya bamwi kwakandipa kuti ndilimvwe kuba acilongwe ciyumu abakwesu kwiinda kaindi.” Mucizyi umwi iwakalumba akaambo kakugwasyigwa wakati: “Bunyina bwesu ncecintu ciyandika kapati ncotujisi kunze lya Paradaiso aanyika.”—Amubale Tusimpi 17:17.\\n17. (a) Ino majwi aajanika mulugwalo lwa Isaya 41:13 abeleka buti kumulimo wakugwasya bamwi nokwacitika ntenda? (b) Amwaambe zikozyanyo zimwi izitondezya kuti mulimo wakugwasya bamwi nokwacitika ntenda ulemeka Jehova alimwi uyumya bunyina bwesu. (Amubone akabbokesi kakuti “ Babelesi Ibalisungula Nyika Yoonse Bagwasya Ciindi Nokwacitika Ntenda.”)\\n17 Ciindi babelesi ibabeleka mulimo wakugwasyilizya nobasika kubusena ikwacitikila ntenda, munzila iilibedelede ibakwesu ibali mumapenzi balalibonena kuzuzikizyigwa kwacisyomezyo ca Leza cakuti: “Mebo nde Jehova njookujata kujanza lyalulyo . . . Utayoowi, ndime sikugwasya wako.” (Is. 41:13) Naakafwutuka ntenda, mucizyi umwi wakati: “Nondakabona zintu mbozyakanyonyooka ndakalimvwa kubula bulangizi, pele Jehova wakandigwasyilizya. Lugwasyo ndondakatambula kuzwa kubakwesu talwaambiki.” Ntenda noyakamana kucitika akunyonyoona zintu mubusena mobakali kukkala, baalu bobilo bakalemba kwiiminina mbungano mobakali kuzulilwa kuti: “Muzuzumo wakatuletela mapenzi mapati, pele twakagwasyigwa a Jehova kwiinda mubakwesu. Twakali kubala buyo kujatikizya mulimo wakugwasya bamwi, pele lino twalibonena kaucitika.”\\nMULIMO WAKUGWASYA BAMWI WAKACINCA BUUMI BWANGU\\nINO bana inga bajatikizyigwa buti nobatola lubazu mumulimo wakugwasyilizya bamwi ibayandika lugwasyo? Amubone cakacitika kuli ba Peter Johnson, ibakatola lubazu mumulimo ooyu ciindi cakusaanguna nobakajisi myaka yakuzyalwa iili 18. Bakaamba kuti: “kubona mbobakali kutondezya kulumba bakwesu alimwi alukkomano luboola akaambo kakupa cakandikulwaizya kapati. Cakapa kuti luyandisisyo lwangu lwakubelesya buumi bwangu kubelekela Leza lukomene kapati.” Mpoonya ba Peter bakatalika mulimo wabupainiya. Abalo bakabeleka ku Bbeteli mpoonya kumbele bakazikubeleka mu Kkomiti Yacooko Yamayake. Lino ba Peter baamba kuti: “Kubeleka mulimo wakugwasya bamwi ciindi cakusaanguna mu 1974 kwakacinca buumi bwangu.” Sena mucili Mwana? Sena inga mwatobela cikozyanyo caba Peter? Tamuzyi buyo mulimo wakugwasya bamwi ibacitikilwa ntenda mboukonzya kucinca buumi bwanu!\\nSena Mulakonzya Kutola Lubazu?\\n18. Nintaamu nzi nzyomukonzya kubweza ikuti kamuyanda kutola lubazu mumulimo wakugwasya bamwi ciindi nokwacitika ntenda? (Amubone kabbokesi kakuti “ Mulimo Wakugwasya Bamwi Wakacinca Buumi Bwangu.”)\\n18 Sena inga mwayanda kulibonena lukkomano luboola akaambo kakubeleka mulimo wakugwasya ciindi nokwacitika ntenda? Kuti kamuyanda, amuzyibe kuti babelesi ibabeleka mulimo wakugwasya ooyu kanji-kanji balasalwa kuzwa akati kabaabo ibabeleka mulimo wakuyaka Maanda aa Bwami. Aboobo, amubaambile baalu ibali mumbungano yanu kuti mulomba foomu kutegwa mulembele. Mwaalu uujisi luzyibo kapati mumulimo wakugwasya ciindi nokwacitika ntenda uyeezya kuti: “Amuunke kubusena ikwacitika ntenda lilikke buyo noyamutamba kuti muunke Kkomiti Iigwasya Nokwacitika Ntenda.” Munzila eeyi mulimo wesu wakugwasya uyakucitwa munzila yakutobela bubambe.\\n19. Ino muunzila nzi mpati basikugwasya nokwacitika ntenda mobatondezya kuti ncobeni tuli basikwiiya ba Kristo?\\n19 Masimpe, mulimo wakugwasya bamwi ibacitikilwa ntenda nenzila mbotu njotumvwida mulawo wa Kristo ‘wakuyandana.’ Kwiinda mukutondezya luyando luli boobu, tutondezya kuti tuli basikutobela Kristo beni-beni. (Joh. 13:34, 35) Eelo kaka ncilongezyo kulindiswe mazuba aano kuba ababelesi banji balisungwide ibalemeka Jehova ciindi nobagwasya baabo ibagwasyilizya Bwami bwa Leza cakusyomeka!\\n^ munc. 3 Cibalo eeci cilanga-langa lugwasyo lupegwa kubasyomima nokwacitika ntenda. Nokuba boobo, ziindi zinji, mulimo wesu wakugwasya bamwi ulagwasya abantu batali Bakamboni.—Gal. 6:10.\\n^ munc. 5 Paulo wakabelesya bbala lya di·aʹko·nos kupandulula “bakutausi.”—1 Ti. 3:12.\\n^ munc. 10 Amubone cibalo cakuti “Aiding Our Family of Believers in Bosnia” (Kugwasya Mukwasyi Wesu Wabasyomi mu Bosnia) mu Ngazi Yamulindizi yamu Chingisi ya November 1, 1994, mapeeji 23-27.\\nSena Bwami Mububona Kuba Bwancobeni?\\nIno tuzyi buti kuti mulimo wakugwasya bamwi ciindi nokwacitika ntenda ncibeela camulimo uusetekene ngotubelekela Jehova?\\nIno ntwaambo nzi totatwe ncotubelekela mulimo wakugwasya bamwi ciindi nokwacitika ntenda?\\nIno mulimo wakugwasya bamwi ujisi mpindu nzi zitamani?\\nIno mulimo wakugwasya bamwi nokwacitika ntenda weendelana buti amulawo wa Jesu uujanika mulugwalo lwa Johane 13:34?\\nBABELESI IBALISUNGULA NYIKA YOONSE BAGWASYA CIINDI NOKWACITIKA NTENDA\\nCENTRAL AFRICA ALIMWI A WEST AFRICA\\nMu 1994, bantu ibabalilwa ku 800,000 naa bainda waawo mucisi ca Rwanda bakajaigwa ciindi nokwakali kujayana kwamisyobo. Nokwakamana kujayana kwamisyobo, kulwana kwakatalika amuzisi zimbi zyamu Central Africa, calo cakapa kuti munkambi zyabazangalisi mube bantu banji kapati. Kutegwa bagwasye basyominyina ibakali mumapenzi, Bakamboni ba Jehova kucisi ca Belgium, France, alimwi a Switzerland bakatuma andeke zyakusama, misamu, matente, zyakulya azintu zimwi zyakubelesya antoomwe izyakali kulema makilogilamu aabalilwa ku 300,000. Nokwakainda buyo nsondo zili mbozibede, bakwesu ibakabulide bakazitambula zintu eezyo.\\nAlimwi mu Africa, kabunga kabamadokota Bakamboni ibali kkumi abamanesi kuzwa kucisi ca France bali kugwasyilizya bakwesu ibali kupenga akaambo kankondo, nzala, alimwi amalwazi. Mumyaka buyo yobilo yainda, kabunga aaka kakalanganya bantu ibaciswa ibainda ku 10,000. Mulimo wabo utembaula Jehova ambunga yakwe. Nesi umwi wakaamba kuti: “Ciindi notusika mubusena bumwi kutegwa tugwasye bakwesu abacizyi, bantu balaamba cabulemu kuti, ‘Aaba Mbaakamboni ba Jehova. Baboolela kugwasya Banakristonyina.’” Naakamana kutambula lugwasyo kuzwa kuli nesi, mucizyi umwi wakati: “Ndalumba mucizyi. Ndalumba Jehova”!\\nZiindi zimwi, mulimo wakugwasya bamwi inga wayandika ciindi nokwacitika ntenda mpati kapati. Mu 2012, kwakacitika ntenda yamumugwagwa mu Nigeria iyakajaya Bakamboni ibali 13, boonse ibakali kuzulilwa mumbungano yomwe nsyoonto, mpoonya bamwi ibali 54 bakalicisa kapati. Kkomiti iigwasyilizya bacitikilwa ntenda yakabikka bubambe bwakuti kube babalanganya boonse ibakali muntenda. Ciindi mulwazi umwi mucibbadela naakabona bakwesu abacizyi ibakalicisa mbobakali kubikkilwa maano abantu banji, wakatuma luwaile kuli pasita wakwe akwaamba kuti: “Taakwe naba omwe kuzwa kucikombelo cesu wakandiswaya. Amuboole kucibbadela mulibonene mbobayandana Bakamboni ba Jehova!”\\nNokuba kuti bakwesu mumbungano iilya nsyoonto bakasweekelwa kapati, bakaumbulizyigwa aluyando ndobakatondezya basyominyina. Kuyungizya waawo, nobakamana kubona mbobakali kubabikkila maano bakwesu ibakali muntenda, bakwesu abacizyi ibali mbobabede mumbungano iilya bakayungizya mulimo wabo wakukambauka. Kaitanacitika ntenda, mbungano yakajisi basikumwaya ibali 35. Mumwaka buyo omwe, mweelwe wabasikumwaya wakatanta kusika ku 60.\\nMu 2013, maanzi akapaya muzibeela zimwi zyankomwe ya Queensland calo cakapa kuti Bakamboni ibali 70 babule maanda. Ba Mark aba Rhonda amwanaabo musimbi bakatija kuzwa muŋanda yabo iyakazwide maanzi mpoonya bakaakulijana munkambi. Busena oobu bwakazwide bantu. Ba Rhonda bakaamba kuti: “Bantu bakali kwiimikila buyo.” Coongo cipati candeke izyakali kukkala akunyamuka cakapa kuti busena oobu bubije kapati kukkala. Akaambo kakupengana mumizeezo, bakabuzya balumi babo kuti, “Tulacita buti?” Ba Mark bakapaila kuli Jehova kuzwa ansi aamoyo, kulomba kuti abagwasye. Ba Rhonda bakati: “Nokwakainda maminiti aali 30, kwakasika mootokala kubusena nkotwakabede, mpoonya bakwesu botatwe bakaseluka. Notwakaswaangana ambabo bakati: “Tulaunka limwi andinywe. Mulakkala kuŋanda yamukwesu.’” Ba Rhonda bakayungizya kwaamba kuti: “Cilakatazya kupandulula mbotwakalimvwa aciindi eeciya akaambo kaluyando ilutondezyegwa ambunga ya Jehova.”\\nBasikulisungula ibainda ku 250 bakaunka cakufwambaana kubusena nkoyakacitikila ntenda kutegwa bagwasye Banakristonyina. Mukwesu umwi ucembeede wakati: “Kabunga ka Bakamboni kakasika cakutayeeyela akubeleka canguzu kusalazya ŋanda yangu. Mebo abakaintu bangu tatukalubi mbobakatugwasya.”\\nMu 2008, mankandya aakakolomoka kuzwa mumalundu alimwi akupaya kwamaanzi mucooko ca Santa Catarina kwakapa kuti bantu babalilwa ku 80,000 bazwe mumaanda aabo. Muntu umwi iwakali kukkala mubusena oobo wakati: ‘Kupaya kwamaanzi ooko kwakali mbuli tsumani yamankandya, alimwi azisamu.’ Bakwesu bamwi bakali kukkala mu Ŋanda Yakucitila Miswaangano Mipati. Ba Márcio ibakali kulanganya ŋanda yakuswaanganina bakaamba kuti: “Bakatija buyo azyakusama nzyobakasamide, zyoonse zyakajisi mankandya.” Mucizyi umwi wakati: “Ŋanda yesu yakawa. Cakali kucisa kapati kubona kainyonyooka kwakaindi kaniini buyo, pele tandikalubi bakwesu abacizyi mbobakatuumbulizya. Twakatondezyegwa luyando munzila zinji! Ntenda yakatucitikila yakandiyiisya mbocili cabusongo kubikkila maano kuzintu zyakumuuya.”\\nŊanda Yakucitila Miswaangano Mipati mu Santa Catarina, mu Brazil yakabelesyegwa kutambwida zintu izyakasangwa nokwakacitika ntenda mu 2009\\nMankandya aakakolomoka kuzwa mumalundu akanyonyoona minzi iili munselelo aamalundu afwaafwi adolopo lya Rio de Janeiro. Kutegwa kabacikonzya kugwasya kabotu ciindi nokwacitika ntenda zili boobu izivwula kucitika, bakwesu bakapanga Kkomiti Iigwasyilizya Nokwacitika Ntenda. Ciindi noilangilwa kucitika ntenda yamankandya aakolomoka mumalundu, bakwesu ibakkala mumasena aayo baambila kkomiti. Cakufwambaana, basikulisungula balasika mumyootokala iilembedwe kuti “Bakamboni ba Jehova���Kugwasya Bantu.” Boonse ibabeleka mulimo ooyu mbantu balibambilide alimwi balizyi nzyobeelede kucita. Babelesi basama tusani itubazyibya kabotu-kabotu kuti Mbaakamboni ba Jehova. Babelekela antoomwe abakwesu ibali muma Hospital Liaison Committees kugwasya bakwesu abacizyi ibalicisa. Babelesi ibagwasyilizya nokwacitika ntenda balaletelezya zyakulya, maanzi, misamu, alimwi azyakusama. Kugwisya mankandya mumaanda mulimo mupati. Noyakainda ntenda yakacitika ino-ino yamankandya aakakolomoka, basikulisungula ibainda ku 60 bakabeleka kugwisya mankandya aakazuzya myootokala yone iinyamuna katuundu!\\nKabunga Keendelezya kakalailila mitabi yoonse nyika yoonse mbwiizulwa kuti ipe malailile kubaalu bamumbungano alimwi akubalangizi beendeenda kujatikizya mbobeelede kulibambila ancobeelede kucita ikuti naa kwacitika ntenda. Mucikozyanyo, nociba ciindi kaitanacitika ntenda, baalu beelede kuti kabajisi manamba aamafooni ngobabelesya basikumwaya boonse bamumbungano.\\nCIINDI NOKWACITIKA NTENDA!\\nBaalu balabandika abasikumwaya boonse\\nBaalu bazyibya sicuuno wakabunga kabaalu\\nBasicuuno bazyibya balangizi beendeenda alimwi abakwesu beelela ibabandika aofesi yamutabi\\nCakulya, maanzi, busena bwakukkala, misamu, alimwi alugwasyo lwamumizeezo akumuuya lulapegwa cakufwambaana\\nOfesi yamutabi ituma lipooti ku Kkomiti Yabeendelezi ya Kabunga Keendelezya kujatikizya bukkale oobo alimwi azintu ziyandika\\nKkomitii Iigwasyilizya Nokwacitika Ntenda ilabikka bubambe alimwi ilazumanana kubagwasyilizya bakwesu abacizyi kutegwa bajane ziyandika\\nKkomiti Yabeendelezi ilalanga-langa ziyandika, alimwi ikuti kakuyandika, ilazumizya kutegwa basikugwasyilizya bamwi batumwe kuzwa muzisi zimbi\\nCIBELESYO ACIMBI ICIGWASYA BABELESI IBAGWASYA NOKWACITIKA NTENDA\\nMU June 2013, kabroshuwa kakuti Jehovah’s Witnesses and Disaster Relief kakamwaigwa. Kabroshuwa aaka kakabambilwa baabo ibabelekela mumaofesi aamfwulumende mucisi ca United States ibalanganya baabo ibapa lugwasyo nokwacitika ntenda. Kabroshuwa kalapandulula lugwasyo ndotwali kupa kuzwa mumyaka yamuma 1940. Alimwi kalijisi maapu iitondezya mpotusikide mukupa lugwasyo nyika yoonse. Mwaalu umwi uujatikizyidwe mukubikka bubambe bwakupa lugwasyo wakaamba kuti: “Kkomiti Iigwasyilizya Nokwacitika Ntenda ibelesya kabroshuwa aaka kutegwa kaibandika abaabo ibali mubweendelezi mumasena muvwula kucitika ntenda kakucili ciindi kaitanacitika ntenda. Ikuti beendelezi aabo bazyibila limwi mulimo wesu wakupa lugwasyo, cilaubauba kulomba kuzumizyigwa ambabo ciindi notuyanda kupa lugwasyo kubusena ooko ikwacitika ntenda.”\\nLugwalo Luzwa Ku Kabunga Keendelezya\\nCIBALO 1 “Abuboole Bwami Bwako”\\nCIBALO 2 Bwami Bwazyalwa Kujulu\\nCIBEELA 1 Kasimpe ka Bwami​—Kwaabila Cakulya Cakumuuya\\nCIBALO 3 Jehova Wayubununa Makanze Aakwe\\nCIBALO 4 Jehova Wasumpula Zina Lyakwe\\nCIBALO 5 Mwami Wabumunikila Bwami\\nCIBEELA 2 Mulimo Wakukambauka Bwami​—Kumwaya Makani Mabotu Nyika Yoonse Mbwiizulwa\\nCIBALO 6 Bantu Ibakambauka​—Babelesi Balyaaba Amoyo Woonse\\nCIBALO 7 Nzila Zyakukambaukila—Kubelesya Nzila Iili Yoonse Iikonzyeka Kukambaukila Bantu\\nCIBALO 8 Zibelesyo Zyakubelesya Mumulimo Wakukambauka​—Ikusimba Mabbuku Aakubelesya Munyika Yoonse\\nCIBALO 9 Zintu Izyacitika Akaambo Kakukambauka​—“Myuunda . . . Yayuma Kale Kuti Itebulwe”\\nCIBEELA 3 Zyeelelo zya Bwami​—Kuyandaula Bululami bwa Leza\\nCIBALO 10 Mwami Wabasalazya Kumuuya Bantu Bakwe\\nCIBALO 11 Kusalazyigwa Mukulilemeka​—Ikutondezya Busalali bwa Leza\\nCIBALO 12 Bakamantene Kubelekela “Leza Waluumuno”\\nCIBEELA 4 Kuzunda kwa Bwami​—Kusimpikizya Makani Mabotu Mumulawo\\nCIBALO 13 Bakambausi ba Bwami Balatola Milandu Yabo Kunkuta\\nCIBALO 14 Kugwasyilizya Mfwulumende ya Leza Ilikke Cakusyomeka\\nCIBALO 15 Kulwanina Lwaanguluko Lwakukomba\\nCIBEELA 5 Lwiiyo Kuzwa ku Bwami​—Kuyiisya Babelesi ba Mwami\\nCIBALO 16 Kuswaangana Antoomwe Kutegwa Tukombe\\nCIBALO 17 Kuyiisya Bakambausi ba Bwami\\nCIBEELA 6 Kugwasyilizya Bwami​—Kuyaka Masena Aakukombela Akupa Lugwasyo\\nCIBALO 18 Nkwaajanwa Mali Aakubelesya Mumilimo ya Bwami\\nCIBALO 19 Mulimo Wakuyaka Uulemeka Jehova\\nCIBALO 20 Kukomba Jehova Kulabikkilizya Akugwasya Bamwi Kumubili\\nCIBEELA 7 Zisyomezyo zya Bwami​—Kubambulula Zintu Zyoonse Kuti Zibe Zipya\\nCIBALO 21 Bwami bwa Leza Bwabagwisya Basinkondo ba Bwami\\nCIBALO 22 Bwami Bwazuzikizya Kuyanda kwa Leza Anyika\\nMabala Amusale naa muyanda kukkopa zyakamwaigwa Bwami bwa Leza Bulalela!","num_words":3603,"character_repetition_ratio":0.08,"word_repetition_ratio":0.0,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"1 Johane 5 | Bbaibbele Lili a Intaneti | Bbaibbele lya Busanduluzi Bwanyika Mpya\\n1 Johane 5:1-21\\n5 Muntu woonse uusyoma kuti Jesu ngu Kilisito uzyedwe kuli Leza, alimwi muntu woonse uuyanda yooyo wakapa kuti azyalwe ulamuyanda ooyo uuzyedwe kuli yooyo. 2 Oobu mbotuzyiba kuti tulabayanda bana ba Leza, notumuyanda Leza akucita ncoyaamba milawo yakwe. 3 Nkaambo kuyanda Leza caamba kuti katubamba milawo yakwe; alimwi buya milawo yakwe tiiminyi, 4 nkaambo muntu woonse* uuzyedwe kuli Leza ulaizunda nyika. Alimwi oolu ndoluzundo ilwazunda nyika, ilusyomo lwesu. 5 Ino nguni uunga wazunda nyika? Sena tali yooyo uujisi lusyomo lwakuti Jesu Mwana wa Leza? 6 Ooyu ngonguwe wakaboola kwiinda mumaanzi abulowa, Jesu Kilisito; ikutali amaanzi buyo pe, pele maanzi alimwi abulowa. Alimwi muuya nguupa bumboni, nkaambo muuya nkakasimpe. 7 Nkaambo kuli bakamboni botatwe, 8 imuuya, maanzi alimwi abulowa, alimwi eezyi zyotatwe zilazuminana. 9 Ikuti naa tulabuzumina bumboni bwabantu, ibumboni bwa Leza mbupati kapati. Nkaambo oobu mbobumboni mbwapa Leza, kuti wapa bumboni kujatikizya Mwanaakwe. 10 Muntu uuli alusyomo mu Mwana wa Leza ulijisi bumboni mulinguwe mwini. Imuntu uutajisi lusyomo muli Leza wapa kuti abe mubeji, nkaambo tanaasyoma bumboni mbwaapa Leza kujatikizya Mwanaakwe. 11 Lino oobu mbobumboni bwapegwa, kuti Leza wakatupa buumi butamani, alimwi ibuumi oobu buli mu Mwanaakwe. 12 Ooyo uujisi Mwana ulibujisi buumi oobu; ooyo uutajisi Mwana wa Leza tabujisi pe buumi oobu. 13 Ndimulembela zyintu eezyi kutegwa muzyibe kuti mujisi buumi butamani, nywebo nomujisi lusyomo muzyina lya Mwana wa Leza. 14 Alimwi oolu ndolusinizyo ndotujisi mulinguwe, kuti kufwumbwa cintu ncotumulomba ceendelana akuyanda kwakwe, ulatumvwa. 15 Kuyungizya waawo, ikuti katuzyi kuti ulatumvwa kujatikizya cintu cili coonse ncotulomba, tulizyi kuti tuyooba azyintu nzyotulomba mbwaanga twazilomba kulinguwe. 16 Ikuti umwi wabona munyina kacita cibi citaleteli lufwu, uyoolomba, alimwi Leza uyoopa buumi kuli yooyu, inzya kuli baabo bataciti cibi cikonzya kuletela lufwu. Kuli cibi ciletela lufwu. Eeci ncecibi ncenditamwaambili kuti amulombele. 17 Kutalulama koonse ncibi; nokuba boobo kuli cibi citaleteli lufwu. 18 Tulizyi kuti muntu woonse uuzyedwe kuli Leza tazumanani pe kucita cibi, pele Ooyo* uuzyedwe kuli Leza ulamulinda, alimwi ooyo mubi takonzyi kumujata pe. 19 Tulizyi kuti tuzwa kuli Leza, pele nyika yoonse ili mumaanza aamubi. 20 Pele tulizyi kuti Mwana wa Leza waboola, alimwi watupa maano kutegwa tukonzye kuba aluzyibo lwayooyo mwini-mwini. Alimwi tulikamantene ayooyo mwini-mwini kwiinda mu Mwanaakwe, Jesu Kilisito. Ooyu ngo Leza mwini-mwini alimwi mbobuumi butamani. 21 Nobana bangu bayandwa, amwiitantamuke mituni.\\n^ Mu Chigiliki, “cintu coonse.”\\n^ “Ooyo uuzyedwe kuli Leza,” nkokuti Jesu Kilisito Mwana wa Leza kweelana akapango 1.","num_words":380,"character_repetition_ratio":0.071,"word_repetition_ratio":0.0,"special_characters_ratio":0.186,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Baroma 14 | Bbaibbele lili a Intaneti | Bbaibbele lya Busanduluzi Bwanyika Mpya\\nAmuleke kubetekana (1-12)\\nMutalebyi bamwi (13-18)\\nAmubelekele luumuno alukamantano (19-23)\\n14 Amumutambule muntu ooyo uutanasima mulusyomo,+ pele mutamubeteki akaambo kakwiindana mizeezo.* 2 Umwi muntu ulijisi lusyomo lumupa kulya zintu zyoonse, pele uutanasima ulya buyo cisyumani. 3 Ooyo uulya atasampauli yooyo uutalyi, alimwi ooyo uutalyi atabeteki yooyo uulya,+ nkaambo Leza wamutambula awalo ooyo. 4 Ino nduwe ni yebo oobeteka mubelesi wamweenzinyoko?+ Mukuli wasimalelaakwe mwini kumubeteka naa uli kabotu naa pe.+ Ncobeni ulakonzya kukkomaninwa a Leza, nkaambo Jehova* ulakonzya kumugwasya. 5 Muntu umwi ubona buzuba bumwi kuti bulayandika kwiinda bumbi;+ uumbi ubona buzuba bumwi kuti buleelene amazuba ambi oonse;+ muntu umwi aumwi asinizye cakumaninina mumizeezo yakwe mwini. 6 Ooyo uubona buzuba bumwi kuti bulayandika, ububona boobo mukulemeka Jehova.* Alimwi ooyo uulya, ulalya mukulemeka Jehova* nkaambo ulamulumba Leza;+ alimwi ooyo uutalyi, talyi mukulemeka Jehova,* pele ulamulumba Leza.+ 7 Nkaambo mubwini kunyina muntu akati kesu uuliponena lwakwe mwini,+ alimwi kunyina uulifwida lwakwe mwini. 8 Nkaambo ikuti naa tulapona, tuponena Jehova,*+ alimwi ikuti naa twafwa, tufwida Jehova.* Aboobo kufwumbwa naa tulapona naa twafwa, tuli bantu ba Jehova.*+ 9 Nkaambo Kristo wakafwa akuba muumi alimwi, kutegwa abe Mwami wabafwide abaumi.+ 10 Pele ino nkaambo nzi yebo ncobeteka imunyoko?+ Naa ino nkaambo nzi alimwi ncomusampaula imunyoko? Nkaambo kayi toonse tuyoobetekwa kumbele lyacuuno calubeta ca Leza.+ 11 Nkaambo kulilembedwe kuti: “‘Masimpe mbubonya mbondili muumi,’+ mbwaamba Jehova,* ‘magondo oonse ayoondifwugamina, alimwi milaka yoonse iyoozumina caantangalala kuti ndime Leza.’”+ 12 Aboobo umwi aumwi wesu uyoolyaambilila mwini kuli Leza.+ 13 Aboobo, atuleke kubetekana,+ muciindi caboobo amukanze kutabikkila munyoko cilebyo naa cisinkilizyo.+ 14 Ndilizyi alimwi ndilisinizyide mu Mwami Jesu kuti kunyina cintu citasalali;+ ccita buyo cintu muntu ncabona kuti tacisalali, ncecitasalali kulinguwe. 15 Nkaambo ikuti munyoko ulacimwa akaambo kacakulya, nkokuti toceendi caluyando.+ Utanyonyooni muntu ooyo Kristo ngwaakafwida akaambo kacakulya cako.+ 16 Aboobo nywebo mutapi kuti bantu baambe cintu cibotu ncomucita kuti ncibi. 17 Nkaambo Bwami bwa Leza tabwaambi kulya akunywa pe,+ pele bwaamba bululami, luumuno akukondwa antoomwe amuuya uusalala. 18 Nkaambo kufwumbwa muntu ooyo uubelekela Kristo munzila eeyi ulatambulika kuli Leza alimwi ulayandwa abantu. 19 Aboobo atusungwaalile kucita zintu ziletela luumuno+ azintu iziyaka umwi aumwi.+ 20 Amuleke kumwaya mulimo wamaanza a Leza akaambo buyo kacakulya.+ Masimpe, zintu zyoonse zilasalala, pele tacili kabotu kuti muntu kalya akulebya bamwi.+ 21 Cilainda kubota kutalya nyama, naa kutanywa waini nokuba kutacita cintu cili coonse icilebya munyoko.+ 22 Lusyomo oolo ndojisi, alube akati kanduwe a Leza. Ulikkomene muntu ooyo uutalibeteki akaambo kazintu nzyasala kucita. 23 Pele imuntu uulya kumwi kadooneka, wabetekwa kale, nkaambo tanaalya kweelana alusyomo lwakwe. Ncobeni, icintu coonse cicitwa iciteendelani alusyomo ncibi.\\n^ Naa ambweni, “kazintu nzyayeeya mumoyo.”","num_words":406,"character_repetition_ratio":0.052,"word_repetition_ratio":0.0,"special_characters_ratio":0.19,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sinsimuka! | No. 2 2016\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bengali Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Danish Dutch Efik English Estonian Ewe Fijian Finnish French Georgian German Greek Gujarati Hebrew Hiligaynon Hindi Hungarian Icelandic Igbo Iloko Indonesian Italian Japanese Kannada Kazakh Kikaonde Kikuyu Kinyarwanda Kirghiz Kirundi Korean Lingala Lithuanian Luganda Luvale Macedonian Malagasy Malayalam Maltese Marathi Myanmar Nepali Norwegian Oromo Pangasinan Polish Portuguese Punjabi Quechua (Ayacucho) Quechua (Cuzco) Romanian Russian Samoan Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Swahili Swahili (Congo) Swedish Tagalog Tahitian Tamil Tatar Telugu Tetun Dili Thai Tigrinya Tok Pisin Tsonga Turkish Twi Ukrainian Vietnamese Xhosa Yoruba Zulu\\nKUBUZYA-BUZYA | YAN-DER HSUUW\\nSYAAZIBWENE Yan-Der Hsuuw ngwalupati-pati mumakani aakuvwuntauzya nsalalila ku Taiwan’s National Pingtung University of Science and Technology. Kaindi awalo wakali kusyoma munjiisyo yakusanduka kwazintu, pele naakaba syaazibwene mubuvwuntauzi bwasayaansi, wakacinca mbwaakali kuyeeya. Wakapandulula cakamupa kucita boobo kubalembi ba Sinsimuka!\\nNdakazyalwa mu 1966 alimwi ndakakomenena mu Taiwan. Bazyali bangu bakali kunjila cikombelo ca Tao alimwi acaci Buddha. Nokuba kuti twakali kukomba bamasyaanene alimwi akupaila kuzibumbwa, kunyina notwakali kusyoma kuti kuli Mulengi.\\nNkaambo nzi ncomwakasalila lwiiyo lwazilenge zipona (biology)?\\nKandicili mwana, ndakali kubabikkila maano banyama bavwubwa alimwi ndakali kuyanda kwiiya mbondikonzya kubasilika alimwi akusilika bantu. Kwaciindi cili mbocibede, ndakaiya busilisi bwabanyama mpoonya mukuya kwaciindi ndakaiya makani aajatikizya nsalalila—lwiiyo ndondakali kuyeeya kuti alwalo lulakonzya kundigwasya kuzyiba buumi mbobwakatalika.\\nAciindi eeco mwakali kusyoma munjiisyo yakusanduka kwazintu. Amutwaambile, ino nkaambo nzi?\\nBasyaazibwene kucikolo caku yunivesiti bakali kutuyiisya njiisyo yakusanduka, bakali kutwaambila kuti kuli bumboni buliko businizya makani aaya. Aboobo ndakabasyoma.\\nNcinzi cakapa kuti mutalike kubala Bbaibbele?\\nKuli zintu zyobilo zyakandipa kucita boobo. Cakusaanguna, ndakayeeya kuti akati kabaleza banji mbobakomba bantu, kweelede kuti kuli omwe mupati kwiinda boonse. Pele ino nguuli? Cabili, ndakalizyi kuti Bbaibbele ndibbuku lilemekwa kapati. Aboobo ndakatalika kuunka kumakkilasi aakwiiya Bbaibbele\\nCiindi nondakatalika kwiiya ku Belgium’s Catholic University of Leuven mu 1992, ndakaunka kucikombelo ca Katolika mpoonya ndakalomba mupaizi kuti andigwasye kumvwisya Bbaibbele, pele wakakaka.\\nAboobo ino mwakabujana buti bwiinguzi kumibuzyo yanu?\\nNokwakainda myaka yobilo, kandicili ku Belgium kucita buvwuntauzi bwasayaansi, ndakaswaanganya mukaintu uutegwa Ruth waku Poland, wakali umwi wa Bakamboni ba Jehova. Wakaiya mwaambo waci Chainizi kutegwa acikonzye kugwasya basicikolo baayunivesiti ibakali kuyanda kwiiya kujatikizya Leza. Ndakali kwaapailila makani aaya, aboobo ndakakkomana kapati kumuswaanganya.\\nBa Ruth bakanditondezya kuti Bbaibbele lileendelana asayaansi nokuba kuti talili bbuku lyasayaansi. Mucikozyanyo, mulembi wa Bbaibbele Davida wakaamba boobu kuli Leza mumupailo: “Meso aako akandibona nindakacili nsalalila; zizo zyangu zyoonse zyakalilembedwe mubbuku lyako, amazuba nozyakabambwa, kakutanaba cizo nociba comwe akati kazyo.” (Intembauzyo 139:16) Nokuba kuti Davida wakabelesya mwaambo wakweema, mubwini wakaliluzi! Noliba leelyo zizo zyamubili nozitanaba, malailile aajatikizya mbozyeelede kuba inga nkwaali kale oonse. Mboliluzi Bbaibbele mumakani aaya cakandigwasya kusyoma kuti ndi Jwi lya Leza. Alimwi ndakatalika kusyoma kuti kuli buyo Leza wakasimpe omwe, Jehova. 1\\nIno ncinzi cakamupa kusyoma kuti Leza nguwakalenga buumi?\\nMakanze aakucita buvwuntauzi bwasayaansi ngakuyanda kuzyiba masimpe kutali kuzumina mizeezo yakuyeeyela buyo. Buvwuntauzi bwangu bujatikizya mboitalika nsalalila bwakandipa kucinca mizeezo yangu, ndakazyiba kuti buumi bwakalengwa buya. Mucikozyanyo, basyaazibwene nobabamba muncini mupati balabamba zibeela ziindene-indene akubona masimpe kuti cibeela cimwi acimwi cabikkwa mpoceelede munzila iili kabotu. Eeci cilikozyenye amboikomena nsalalila pele yalo ilaabumpiyo-mpiyo bunji.\\nBuumi bulatalika aseelo lyomwe ilipangwa kwiinda mukuswaanganya seelo lizwa kumwaalumi amukaintu, tee kayi?\\nInzya. Mpoonya kaseelo aaka kasyoonto kapati kalalyaandaanya akutalika kupanga tumaseelo tunji. Kwaciindi cili mbocibede, mweelwe wamaseelo ulayungizyika mumawoola aali 12 kusika ku 24. Mpoonya maseelo aaitwa kuti Stem cells alatalika kupangika. 2 Maseelo aaya alakonzya kupanga misyobo yoonse yamaseelo aali akati kamaseelo aali 200 naa maseelo aaindene-indene aayandika mbuli maseelo aamubulowa, aamumafwuwa, aamunsinga (nerve), alimwi amaseelo aambi buyo kutegwa kupangwe mwana uuzulide.\\nBuvwuntauzi bwangu mumakani aamboikomena nsalalila bwakandipa kusyoma kuti buumi bwakalengwa buya\\nMaseelo aali kabotu alapangwa aciindi ceelede alimwi munzila yeelede. Cakusaanguna alalibunga-bunga kutegwa abe manji, kwamana boobo apanga zizo zyamubili. Sena kuli syaazibwene uukonzya kulemba malailile aajatikizya mbocicitika eeci? Taakwe uukonzya kucita oobo, pele malailile aayeendelezya mboikomena nsalalila alilembedwe kabotu-kabotu mu DNA. Nondilanga-langa bubotu boonse oobu, cindipa kusyoma ncobeni kuti Leza nguwakalenga buumi.\\nIno ncinzi cakapa kuti mube Bakamboni ba Jehova?\\nMubufwaafwi, nduyando. Jesu Kristo wakaamba kuti: “Eeci nceciyoozyibya bantu boonse kuti muli basikwiiya bangu, ikuti kamujisi luyando akati kanu.” (Johane 13:35) Luyando oolu talusalululi. Talukwe makani amuntu nkwazwa, zilengwa, naa mubala wakwe. Ndakalubona luyando oolu aboobo ndakatalika kuyanzana a Bakamboni.\\n^ 1. Intembauzyo 83:18; 1 Bakorinto 8:5, 6.\\n^ 2. Akaambo kamanjezyeezya aakwe aa Bunakristo, syaazibwene Yan-Der Hsuuw tabelekeli kudipatimenti ya human embryonic stem cells.\\nMAKANI AAYEEME AMUTWE UULI ACIVWUMBYO Sena Bbaibbele Ndibbuku Buyo Libotu?\\nLUGWASYO KUMIKWASYI Kugwasya Mwanaanu Kuzunda Ciimo Cakukubuka\\nKUBUZYA-BUZYA Syaazibwene Mulwiiyo Lwansalalila Ulapandulula Mbwaakatalika Kusyoma Muli Leza\\nNCOLYAAMBA BBAIBBELE Kulibilika\\nBayuni Beebeka Ibali Mbuli Bagwele Bategwa Macaw\\nZICITIKA MUNYIKA Kulanga-langa Makani Aajatikizya Zilongwe\\nBuumi Mbondakali Kupona Bwakandicima\\nNondakazwa Muntolongo Ndakajana Buumi Bulaampindu\\nMabala Amusale naa muyanda kukkopa zyakamwaigwa SINSIMUKA! No. 2 2016 | Sena Bbaibbele Ndibbuku Buyo Libotu?\\nNo. 2 2016 | Sena Bbaibbele Ndibbuku Buyo Libotu?\\nSINSIMUKA! No. 2 2016 | Sena Bbaibbele Ndibbuku Buyo Libotu?\\nIcakapa Mufwundisi Kusiya Cikombelo Cakwe","num_words":775,"character_repetition_ratio":0.049,"word_repetition_ratio":0.0,"special_characters_ratio":0.154,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kuti kuyanda kumuziba kabotu umwi muntu, weelede kuziba nzyaakachita abuyumu-yumu mbwaakazunda. Mbukubede akuli Leza, kuti kuyanda kumuziba kabotu, weelede kuziba zintu nzyaakachita. Kuti wachita oobo uyoobona mbuzikugwasya zintu nzyaakachita ambuziyookugwasya kunembo.\\nLEZA WAKALENGA ZINTU ZYOONSE KUTI ZITUGWASYE\\nJehova Leza Mulengi Mupati alubo “kuzwa kumalengelo aanyika makani aakwe atabonwi alaboneka kukumvwigwa kuncito zyakwe, nkukuti inguzu zyakwe abu-Leza bwakwe zitamani.” (BaRoma 1:20) “Nguwe iwakalenga nyika kunguzu zyakwe, iwabamba luwa mubusongo bwakwe, akutandabika majulu mumaanu aakwe.” (Jeremiya 10:12) Bubotu bwazintu zyakalengwa aaLeza butondeezya kuti ulatuyanda.\\nAtubone Jehova mbaakatondeezya kuti ulatuyanda kwiinda mukutulenga “mucinkozya cakwe.” (Matalikilo 1:27) Wakatulenga munzila yakuti tukonzye kutobelezya buntu bwakwe busumpukide nikuba kuti tatukonzyi kuchita oobo chakumaninina. Wakatulenga katuli achiyandisyo chakukomba naakuti kubona zintu mbuuli mbazibona akuziba milawu yakwe yakulijata. Kubona zintu mbuuli mbazibona akulijata kutugwasya kuti tubotelwe mubuumi. Kwiinda zyoonse wakapa kuti tukonzye kuba abweenzinyina bulikabotu anguwe.\\nZintu zituzyungulukide zyakalengwa aaLeza zitondeezya kuti ulatuyanda. Mwaapostolo Pawulu wakaamba kuti, Leza “takalekede kulilungulula walo, mbwaakachita kabotu akumupa imvula eziindi zyazilyo izizwa kujulu, wazuzya myoyo yanu kulya akubotelwa.” (Incito 14:17) Jehova utupede zintu zyiingi zitugwasya kuti tupone. Wakatupa zintu zisiyene-siyene kuchitila kuti tubotelwe mubuumi. Pesi zintu eezi nziche loko kuti twazikozyanisya azintu nzyaakali kuyanda kutupa.\\nJehova wakalenga nyika kuti ibe muunzi wabantu kukabe kutamani. Bbayibbele lyaamba kuti: “Nyika wakiiaba kubana babantu” alubo “teewakayilenga kuti ibe yalupilingano pe, wakaibumba kuti ikalwe bantu.” (Intembauzyo 115:16; Isaya 45:18) Mbantu bali biyeni batakakkale aanyika alubo bayookkala kwachiindi chilamfu biyeni? Bbayibbele liti: “Balulami bayookona nyika, bayookala alinjiyo lyoonse.”—Intembauzyo 37:29.\\nJehova wakalenga mwaalumi amwanakazi bakusaanguna Adamu aEva, akubabikka mumuunda waEdeni kuti ‘bawulime akuubamba.’ (Matalikilo 2:8, 15) Leza wakabapa milimu iibili iibotezya, wakati: “Amuzyalisye, muvule, muzuzye nyika akwiibombya.” (Matalikilo 1:28) Adamu aEva bakali achilongezyo chakupona kababotelwa kukabe kutamani aanyika. Zilawusisya kuti bakasala kutaswiilila Leza alubo zyakapa kuti batabi aakati ‘kabalulami bayookona nyika.’ Mbuuli mbutuyoobona, kubisya kwabo teekwakapa kuti makanze aaLeza atala abantu anyika atazuzikizigwi. Atusaangune kubona chimwi chintu nchaakachita Leza.\\nLEZA WAKATUPA JWI LYAKWE\\nBbayibbele ndiJwi lyaLeza. Nkamboonzi Leza naakatupa Bbayibbele? Chakusaanguna, uyanda kuti twiiye atala anguwe. (Tusimpi 2:1-5) Nisimpe, Bbayibbele talisanduli mibuzyo yoonse njitulaayo atala aLeza alubo taakwe limwi bbuku likonzya kusandula mibuzyo njitulaayo. (Mukambausi 3:11) Zintu zilembedwe muBbayibbele zitugwasya kuti tumuzibe Leza. Nzila njakabajataayo bantu bachiindi itugwasya kuziba buntu bwakwe. Bbayibbele litugwasya kubona zintu zipa kuti atuyande akuti atatuyandi. (Intembauzyo 15:1-5) Lituyiisya mbutweelede kumukomba, mbutweelede kulijata ambutweelede kububona bunoti. Tulakonzya kuziba buntu bwaLeza kwiinda muzintu nzyakaamba anzyaakachita Mwanaakwe Jesu Kristu.—Johane 14:9.\\nChintu chachibili chakapa kuti Jehova atupe Jwi lyakwe Bbayibbele nchakuti uyanda kuti tupone buumi bulikabotu butakwe mapenzi. Bbayibbele litugwasya kubona mbutukonzya kubotelwa mumpuli, kukkutisikana mubuumi ambutukonzya kulwana mapenzi. Alubo mbuuli mbutuyoobona muzyiiyo zilikunembo mumagazini eeyi, Bbayibbele litugwasya kujana nsandulo zyamibuzyo iikataazya iili mbuuli yakuti: Nkamboonzi munyika nikuvulide mapenzi? Mazuba aalikunembo anooli biyeni? Alubo Bbayibbele litondeezya zintu Leza nzyaakachita kuti makanze aakwe azuzikizigwe.\\nKuli zintu zyiingi zitondeezya kuti Bbayibbele lyakalembwa aaLeza. Lyakalembwa abaalumi bali 40 muminyaka iili 1 600 yakiinda pesi lyaambuula zintu zyeendelana, eezi zitondeezya kuti lyakalembwa aaLeza. (2 Timoteo 3:16) Kusiyana aamwi mabbuku aachiindi, taakwe nilyakachincha lichili mbuuli mbulyakalembedwe mumalembe aachiindi. Kuyungizya waawo, Bbayibbele lyakazwidilila kusandululwa nikuba kuti bamwi teebakali kuyanda. Mazubaano lilajanika mubantu biingi alubo lijanika mumilaka myiingi kwiinda aamwi mabbuku. Kufutuka kwaBbayibbele kusikila kuchiindi chesu mbumboni bwakuti “majwi aa-Leza ayoobedelela” naakuti anooliko lyoonse mane kukabe kutamani.—Isaya 40:8.\\nMAKANZE AALEZA AYOOZUZIKIZIGWA\\nChimwi chintu nchaakachita Leza nkutupa chipo chiyandikana chipa kuti tube achoonzyo chakuti makanze aakwe ayoozuzikizigwa. Mbuuli mbutwabona, Leza wakali kuyanda kuti bantu bapone kukabe kutamani aanyika. Chiindi Adamu aEva nibakasala kutaswiilila Leza, bakabisya alubo teebakachili kukonzya kupona kukabe kutamani kuswaanizya abana mbibakali kuyoozyala. Bbayibbele litii: “Mbuboobo cibi mbucakanjila munyika kumaanza aamuntu omwe buyo, alwalo lufu nkaambo kacibi, nkabela mbubonya obo lufu mbulwakazida bantu boonse, nkaambo kakuti boonse babisya.” (BaRoma 5:12) Kutaswiilila kwaAdamu kwakapa kuti kubonekaanga makanze aaLeza afwidilila. Jehova wakachita biyeni?\\nJehova wakabambulula nkani eeyi munzila yabululami. Wakapa Adamu aEva mulandu akaambo kakubisya nkubakachita pesi bana babo wakabapa bulangilizi. Jehova wakaamba mbaakali kuyooyibambulula nkani eeyi alubo wakabelesya busongo kuti ayibambulule. (Matalikilo 3:15) Leza wakali kuyoobelesya Mwanaakwe Jesu Kristu kuti atufutule kuchibi alufu. Eezi zyakali kuswaanizyaanzi?\\nKuti afutule bantu kuchibi alufu zyakeetwa aAdamu, Jehova wakatuma Jesu aanyika kuti ayiisye bantu mbubeelede kupona akuti kumamanino ‘ape buumi bwakwe bube chinunuzyo chabiingi.’ * (Matayo 20:28; Johane 14:6) Jesu wakali kukonzya kunununa bantu nkaambo taakalikwe chibi mbuuli Adamu. Kusiyana aAdamu, Jesu wakaswiilila kusikila kulufu. Mbukunga Jesu taakeelede kufwa, Jehova wakamubusya kuti akapone lubo kujulu. Jesu wakapa kuti bantu baswiilila bakajane buumi butamani bwakasowegwa aAdamu. Bbayibbele lyaamba kuti: “Nkaambo mbuuli kukutaswiilila kwamuntu omwe banji bakaba basizibi, mbubonya obo mukuswiilila kwamuntu omwe banji balaba baluleme.” (BaRoma 5:19) Nkinkaako, chisyomezyo chaLeza chakuti bantu bakapone kukabe kutamani aanyika chiyoozuzikizigwa kwiinda muchinunuzyo chaJesu.\\nNzila Jehova njakabambululaayo nkani yakutaswiilila kwaAdamu ituyiisya zyiingi atala anguwe. Taakwe chikonzya kukachizya Jehova kuti amaninsye mulimu ngwaakatalika, ijwi ndyaakamba ‘liyoochita makani ngaakalitumina.’ (Isaya 55:11) Jehova ulatuyanda. Bbayibbele lyaamba kuti: “Luyando lwa-Leza lwamulindiswe lwakaboneka boobu, nkaambo Leza wakatuma Mwanaakwe simuzyalwa-alike munyika, kuti tujane buumi kumaanza aakwe. Olu nduyando ncobeni. Teensi kwaamba kuti swebo twakayanda Leza, pe, pele walo nguwakatuyanda swebo akutuma Mwanaakwe kuti azoobe mulungo wazibi [naakuti chipayizyo chazibi] zyesu.”—1 Johane 4:9, 10.\\nTulaachoonzyo chakuti Leza ‘iwatakatukasya Mwanaakwe mwini, pele wakamwaabila ndiswe toonse uyootupa buyo antoomwe anguwe zintu zimwi zyoonse.’ (BaRoma 8:32) Leza wakatusyomezya kuti uyootuchitilaanzi kunembo? Bala chiiyo chitobela.\\n^ par 16 Kuti ujane zyiingi atala achinunuzyo, langa chaandaano 5 chabbuku litegwa IBbayibbele Nga Lilatuyiisyaanzi?, lyakapupululwa aBakamboni baJehova alubo lilajanika awebbusayiti iitegwa www.jw.org.\\nJehova wakalenga bantu kuti bakkale aanyika kukabe kutamani. Wakatupa Bbayibbele kuti tukonzye kwiiya atala anguwe. Kwiinda muchinunuzyo chaJesu Kristu, Jehova wakapa kuti makanze aakwe akazuzikizigwe\\nBuumi buyooba biyeni kwaakweendelezya mfulumende yaLeza iiluleme?","num_words":870,"character_repetition_ratio":0.058,"word_repetition_ratio":0.0,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"AMUBALE MU Acholi Afrikaans Albanian Amharic Arabic Armenian Aymara Azerbaijani Azerbaijani (Cyrillic) Batak (Toba) Bicol Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chokwe Chuvash Cibemba Cinyanja Croatian Czech Dangme Danish Dutch Efik English Estonian Ewe Finnish French Ga Garifuna Georgian German Greek Greenlandic Guarani Gun Haitian Creole Hausa Hebrew Hiligaynon Hiri Motu Hmong (White) Hungarian Iban Icelandic Igbo Iloko Indonesian Isoko Italian Japanese Karen (S'gaw) Kazakh Kikamba Kikaonde Kikongo Kikuyu Kiluba Kimbundu Kinyarwanda Kirghiz Kirundi Kisonge Kongo Korean Krio Latvian Lingala Lithuanian Luganda Lunda Luo Luvale Macedonian Malagasy Malay Maltese Mam Mambwe-Lungu Maya Mazatec (Huautla) Mixe (North Central) Moore Myanmar Nahuatl (Central) Nahuatl (Huasteca) Nahuatl (Northern Puebla) Ndebele (Zimbabwe) Nepali Ngabere Norwegian Nyaneka Nzema Oromo Ossetian Otetela Pangasinan Papiamento (Aruba) Papiamento (Curaçao) Polish Portuguese Quechua (Bolivia) Quichua (Imbabura) Rarotongan Romanian Runyankore Russian Sango Sepedi Serbian (Cyrillic) Serbian (Roman) Sesotho (Lesotho) Setswana Shona Sidama Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tahitian Tatar Thai Tigrinya Tiv Tlapanec Tok Pisin Totonac Tshiluba Tsonga Turkish Tuvaluan Twi Tzotzil Ukrainian Umbundu Urdu Vietnamese Wayuunaiki Wolaita Xhosa Yoruba Zande Zapotec (Isthmus) Zulu\\nMAKANI AAYEEME AMUTWE UULI ACIVWUMBYO SENA MULAYANDA KWIIYA BBAIBBELE?\\nNkaambo nzi bantu ncobapenga akufwa?\\nIno mbulangizi nzi buliko bwakumbele?\\nSena Leza ulandibikkila maano?\\nSena kuli nomwakalibuzyide kale mibuzyo iili boobu? Ikuti kacili boobo, tamuli nyolikke pe. Nyika yoonse mbwiizulwa, bantu balayeeya kujatikizya mibuzyo iiyandika kapati mubuumi. Sena inga mwabujana bwiinguzi?\\nMamiliyoni aabantu inga baamba kuti, “Inzya!” Nkaambo nzi? Nkaambo kakuti babujana bwiinguzi bukkazika moyo mu Bbaibbele. Sena mulayanda kuzyiba ncolyaamba Bbaibbele? Kuti naa mboobo, nkokuti mulakonzya kugwasyigwa abubambe bwaciiyo ca Bbaibbele ibucitwa a Bakamboni ba Jehova. *\\nMasimpe, caboola kumakani aakwiiya Bbaibbele, bantu bamwi baamba kuti: “Ndijisi bubi.” “Bbaibbele lilakatazya kumvwa.” “Ndili bbaatidwe.” Pele bamwi tabaziboni boobo zintu. Balazumina kwiiya ncolyaamba Bbaibbele. Amulange-lange zikozyanyo zisyoonto buyo:\\n“Ndakali kuunka kucikombelo ca Katolika aca Protestanti, kutempele lyaba Sikh, alimwi acikombelo caci Budda, alimwi ndakaiya makani aamba zyabukombi kucikolo cayunivesiti. Nokuba boobo, bunji bwamibuzyo njondakajisi kujatikizya Leza tiiyakaingulwa pe. Mpoonya umwi wa Bakamboni ba Jehova wakandiswaya kuŋanda yangu. Ndakakkomana kapati akaambo kabwiinguzi bwakwe ibwakazwa mu Bbaibbele, aboobo ndakazumina ciiyo ca Bbaibbele.”—Ba Gill, baku England.\\n“Ndakajisi mibuzyo minji kujatikizya buumi, pele bwiinguzi mbobakali kupa basololi bakucikombelo cesu tiibwakali kundikkazika moyo pe. Pele umwi wa Bakamboni ba Jehova wakayiingula mibuzyo yangu yoonse kwiinda mukubelesya Bbaibbele. Naakandibuzya naa inga ndayanda kwiiya zinji, ndakazumina cakutawayawaya.”—Ba Koffi, baku Benin.\\n“Ndakali kuyandisisya kuzyiba ciimo cabantu bafwide. Ndakali kusyoma kuti bafwide balakonzya kubacisa baumi, pele ndakali kuyanda kuzyiba ncolyaamba Bbaibbele. Aboobo ndakatalika kwiiya Bbaibbele amweenzuma iwakali Kamboni.”—Ba José, baku Brazil.\\n“Ndakasola kulibala Bbaibbele, pele tiindakali kulimvwisya pe. Mpoonya Bakamboni ba Jehova bakandiswaya akundipandulwida kabotu-kabotu businsimi bunji bwamu Bbaibbele. Ndakali kuyanda kubona acimbi ncondikonzya kwiiya.”—Ba Dennize, baku Mexico.\\n“Ndakali kudooneka naa Leza ulandibikkila maano ncobeni. Aboobo, ndakapaila kuli Leza mukamwini Bbaibbele. Buzuba bwakatobela Bakamboni bakasika aŋanda yangu, eelyo ndakazumina ciiyo ca Bbaibbele.”—Ba Anju, baku Nepal.\\nIzyakuluula eezyi zituyeezya majwi aa Jesu aakuti: “Balikkomene aabo bazyi kuti bayandika kusololelwa a Leza.” (Matayo 5:3) Masimpe, bantu bakalengwa kabajisi luyandisisyo lwakwiiya jwi lya Leza. Leza alikke nguukonzya kuzuzikizya luyandisisyo oolo, alimwi ulacita oobo kwiinda mu Jwi lyakwe Bbaibbele.\\nAboobo, ino ciiyo ca Bbaibbele cijatikizya nzi? Ino inga camugwasya buti? Mibuzyo eeyi ilaingulwa mucibalo citobela.\\n^ par. 8 Jehova ndezina lya Leza kweelana ambolyaamba Bbaibbele.\\nTWAAMBO TWAMASIMPE KUJATIKIZYA BBAIBBELE\\nZINA: Zina lya Bbaibbele lizwa kubbala lya Chigiriki lyakuti bi·bliʹa, ilyaamba “mabbuku masyoonto-syoonto”\\nIZILI MUKATI: Kuli mabbuku aali 39 aamu Chihebrayo (zibeela zimwi zyakalembwa mu Chiaramu) eelyo aali 27 ali mu Chigiriki\\nKULEMBWA: Lyakalembwa abalembi basika ku 40, mumyaka iinda ku 1,600 kutalikila mu 1513 B.C.E. kusikila mu 98 C.E. *\\nMYAAMBO: Lyakasandululwa mucibeela naa lyoonse likkwene, mumyaambo iinda ku 2,500\\nKUMWAIGWA: Kwamwaigwa mweelwe wama Bbaibbele aabalilwa ku 4 bbiliyoni calo capa kuti libe ndebbuku lyamwaigwa kapati munyika yoonse\\n^ par. 23 Mabala aalembedwe mubufwaafwi aakuti B.C.E. aamba kuti “Before the Common Era,” (Kacitanasika Ciindi Cesu) mpoonya aakuti C.E. aamba kuti “Common Era.” (Muciindi Cesu)","num_words":626,"character_repetition_ratio":0.054,"word_repetition_ratio":0.0,"special_characters_ratio":0.168,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amumwiiye Jesu Akuzumanana Kuba Muluumuno | Ngazi Yamulindizi Yakwiiya\\nNgazi Yamulindizi—Yakwiiya | April 2019\\nAMUBALE MU Abua Acholi Afrikaans Aja Akha Albanian Altai American Sign Language Amharic Amis Angolan Sign Language Arabic Armenian Aukan Australian Sign Language Aymara Azerbaijani Azerbaijani (Cyrillic) Baoule Bashkir Bassa (Cameroon) Batak (Karo) Batak (Simalungun) Batak (Toba) Belize Kriol Biak Bicol Bislama Bolivian Sign Language Boulou Brazilian Sign Language British Sign Language Bulgarian Cakchiquel (Western) Cambodian Catalan Cebuano Changana (Mozambique) Chavacano Chichewa Chin (Hakha) Chinese (Traditional) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuukese Chuvash Cibemba Cinyanja Colombian Sign Language Croatian Cuban Sign Language Czech Damara Dangme Danish Dayak Ngaju Digor Douala Drehu Dutch Ecuadorian Sign Language Edo Efik English Estonian Fijian Filipino Sign Language Finnish Finnish Sign Language Fon French Ga Garifuna Georgian German Gitonga Greek Greenlandic Guadeloupean Creole Guarani Gun Haitian Creole Hausa Hebrew Herero Hiligaynon Hindi Hiri Motu Hmong (White) Hungarian Hungarian Sign Language Ibinda Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Javanese Kabiye Kabuverdianu Kachin Kannada Karen (S'gaw) Kazakh Kazakh (Arabic) Kekchi Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisonge Kongo Korean Korean Sign Language Krio Kurdish Kurmanji Kwangali Kwanyama Kyangonde Lahu Laotian Latvian Lenje Lhukonzo Lingala Lithuanian Lomwe Low German Luganda Lunda Luo Luvale Macedonian Macua Makhuwa-Meetto Malagasy Malay Malayalam Maltese Mam Mambwe-Lungu Mapudungun Marathi Marshallese Mauritian Creole Maya Mazatec (Huautla) Mbunda Mingrelian Mixe (North Central) Mixtec (Guerrero) Mizo Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Ndau Ndebele Ndebele (Zimbabwe) Ndonga Nepali Ngabere Ngangela Nias Niuean Norwegian Nyaneka Nyungwe Nzema Okpe Oromo Ossetian Palauan Pangasinan Papiamento (Curaçao) Persian Pidgin (West Africa) Polish Ponapean Portuguese Portuguese (Portugal) Punjabi Quebec Sign Language Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Rarotongan Romanian Romanian Sign Language Romany (Macedonia) Romany (Macedonia) Cyrillic Romany (Serbia) Romany (Southern Greece) Ronga Runyankore Russian Russian Sign Language Rutoro Samoan Sangir Sango Saramaccan Sena Sepedi Sepulana Serbian (Cyrillic) Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Sranantongo Sunda Swahili Swahili (Congo) Swati Swedish Tagalog Tahitian Taiwanese Sign Language Tajiki Tamil Tatar Telugu Tetun Dili Thai Thai Sign Language Tigrinya Tiv Tlapanec Tojolabal Tok Pisin Tongan Totonac Tshiluba Tshwa Tsonga Turkish Tuvaluan Twi Tzeltal Tzotzil Uighur (Cyrillic) Ukrainian Umbundu Urdu Urhobo Uruund Uzbek Venda Vietnamese Wallisian Waray-Waray Wayuunaiki Welsh Wolaita Xhosa Yapese Yoruba Zande Zapotec (Isthmus) Zulu\\nCIBALO CAKWIIYA 15\\nAmumwiiye Jesu Akuzumanana Kuba Muluumuno\\n“Luumuno lwa Leza oolo lwiinda maano oonse luyookwabilila myoyo yanu.”—FLP. 4:7.\\nLWIIMBO 113 Luumuno Ndotujisi\\nIZILI MUCIBALO *\\n1-2. Nkaambo nzi Jesu ncaakatyompedwe kapati?\\nMUBUZUBA bwamamanino bwabuumi bwakwe kali muntu, Jesu wakalityompedwe kapati. Kakutanainda ciindi, wakali kuyoopenga kwiinda mukujaigwa calunya abantu babyaabi. Pele lufwu lwakwe taluli lulikke ilwakali kumupa kulimvwa boobo. Wakali kubayanda kapati Bausyi alimwi wakali kuyanda kubakkomanisya. Jesu wakalizyi kuti kwiinda mukuzumanana kusyomeka ciindi naakali kuyoosikilwa musunko uukatazya, wakali kuyoopa kuti zina lya Jehova lisumpulwe. Jesu alimwi wakali kubayanda bantu, wakalizyi kuti tulakonzya kuba abulangizi bwakupona buumi butamani lilikke kuti wazumanana kusyomeka kuli Jehova kusikila mane wafwa.\\n2 Nokuba kuti Jesu wakalityompedwe kapati, wakali muluumuno. Wakaambila baapostolo bakwe kuti, “Ndamupa luumuno lwangu.” (Joh. 14:27) Wakalijisi “luumuno lwa Leza,” kuliiba ikuboola akaambo kakuba acilongwe cibotu a Jehova. Luumuno luli boobu lwakamugwasya Jesu kutalibilika.—Flp. 4:6, 7.\\n3. Ncinzi ncotutiilange-lange mucibalo eeci?\\n3 Kunyina muntu uuli woonse uyoosikilwa masunko ngaakaliyumya Jesu, pele boonse ibatobela Jesu bayoojana masunko. (Mt. 16:24, 25; Joh. 15:20) Mbubwenya mbuli Jesu, andiswe tulatyompwa zimwi ziindi. Ino mbuti mbotukonzya kutalekela kulibilika kutumanina luumuno lwesu lwamumizeezo? Aboobo lino atulange-lange zintu zyotatwe Jesu nzyaakacita naakali kubeleka mulimo wakwe waanyika alimwi akubona mbotukonzya kumwiiya ciindi notujana masunko.\\nJESU WAKAZUMANANA KUPAILA\\nTulakonzya kuzumanana kuba muluumuno kwiinda mukupaila (Amubone muncali 4-7)\\n4. Kweelana alugwalo lwa 1 Batesalonika 5:17, amupe zikozyanyo izitondezya kuti Jesu wakapaila cakutaleka mubuzuba bwamamanino aabuumi bwakwe anyika?\\n4 Amubale 1 Batesalonika 5:17. Jesu wakapaila cakutaleka mubuzuba bwamamanino bwabuumi bwakwe anyika. Ciindi naakatalisya ciibalusyo calufwu lwakwe, wakaupailila mukamu alimwi awaini. (1Kor. 11:23-25) Kabatanazwa abusena mpobakali kucitila Pobwe Lyakwiindilila, wakapaila antoomwe abasikwiiya bakwe. (Joh. 17:1-26) Ciindi walo alimwi abasikwiiya bakwe nobakasika a Cilundu ca Maolifa mubusiku oobo, wakapaila cakwiinduluka-induluka. (Mt. 26:36-39, 42, 44) Alimwi majwi aamamanino Jesu ngaakaamba katanafwa wakali mupailo. (Lk. 23:46) Kwiinda mumupailo, Jesu wakamubikkilizya Jehova muzintu zipati-pati zyoonse izyakacitika mubuzuba buyandika kapati oobo.\\n5. Nkaambo nzi busicamba bwabaapostolo ncobwakamana?\\n5 Kaambo kamwi kakapa kuti Jesu akonzye kuliyumya kumasunko aakwe nkakuti wakali kusyoma Bausyi kwiinda mumupailo. Kulubazu lumwi, baapostolo bakaalilwa kuzumanana kupaila mubusiku oobo. Aboobo, busicamba bwabo bwakamana ciindi nobakasikilwa sunko. (Mt. 26:40, 41, 43, 45, 56) Ciindi notujana masunko, tuyoozumanana kusyomeka lilikke buyo kuti twatobela cikozyanyo ca Jesu alimwi ‘akupaila cakutaleka.’ Ino ncinzi ncotukonzya kulomba mumupailo?\\n6. Mbuti lusyomo mboluyootugwasya kuzumanana kuba aluumuno?\\n6 Tulakonzya kupaila kuli Jehova kutegwa ‘atuyungizyile lusyomo.’ (Lk. 17:5; Joh. 14:1) Tuyandika kuba alusyomo nkaambo Saatani uyoobasunka aabo boonse ibatobela Jesu. (Lk. 22:31) Ino lusyomo luyootugwasya buti kuzumanana kuba aluumuno nociba ciindi twaakusikilwa mapenzi aaccililana? Ikuti twacita kufwumbwa ncotukonzya kulwana masunko, lusyomo luyootupa kwaasiya mumaanza aa Jehova makani. Akaambo kakuti tulijisi lusyomo lwakuti ulakonzya kwaalanganya kabotu makani kwiinda ndiswe, tuyooba aluumuno lwamumizeezo amumoyo.—1Pet. 5:6, 7.\\n7. Ino mwiiya nzi kumajwi ngobakaamba ba Robert?\\n7 Mupailo ulatugwasya kuzumanana kuba aluumuno lwamumizeezo tacikwe makani amasunko ngotwajana. Amubone cikozyanyo caba Robert, ibaalu basyomeka ibajisi myaka yakuzyalwa iili kuma 80. Bakaamba kuti: “Lulayo luli kulugwalo lwa Bafilipi 4:6, 7 lwakandigwasya kuliyumya mumasunko manji mubuumi bwangu. Ndali kulwana penzi lyakubula mali. Alimwi kwaciindi cili mbocibede tiindakacili mwaalu.” Ncinzi cakabagwasya ba Robert kuzumanana kuba aluumuno lwamumizeezo? Bakaamba kuti: “Ndilapaila kufwumbwa ciindi ndatalika kulibilika. Ndilimvwa kuti kupaila lyoonse alimwi canguzu, kupa kuti ndibe aluumuno lunji.”\\nJESU WAKAKAMBAUKA CABUSUNGU\\nTulakonzya kuzumanana kuba muluumuno kwiinda mukukambauka (Amubone muncali 8-10)\\n8. Kweelana alugwalo lwa Johane 8:29, nkaambo nzi kambi ikakapa kuti Jesu kajisi luumuno lwamumizeezo?\\n8 Amubale Johane 8:29. Noliba leelyo naakali kupenzyegwa, Jesu wakalijisi luumuno lwamumizeezo akaambo kakuti wakalizyi kuti wakali kupa kuti Bausyi bakkomane kwiinda mukuliyumya cakusyomeka. Wakazumanana kumvwida ciindi nocakali kukatazya kucita boobo. Wakali kubayanda Bausyi alimwi kubelekela Jehova cakali cintu ciyandika kapati mubuumi bwakwe. Katanaboola anyika, wakali ‘mubelesi wa Leza uucibwene.’ (Tus. 8:30) Alimwi naakali anyika cabusungu wakayiisya bamwi kujatikizya Bausyi. (Mt. 6:9; Joh. 5:17) Mulimo ooyu wakapa kuti Jesu akkomane kapati.—Joh. 4:34-36.\\n9. Mbuti kubelesya ciindi cesu coonse mumulimo wakukambauka mbokutugwasya kuzumanana kuba aluumuno lwamumizeezo?\\n9 Tulakonzya kumwiiya Jesu kwiinda mukumvwida Jehova alimwi ‘lyoonse atube azintu zinji zyakucita mumulimo wa Mwami.’ (1Kor. 15:58) Ikuti ‘katubelesya ciindi cesu coonse’ mumulimo wakukambauka, tunakwaabona munzila yeelede mapenzi eesu. (Mil. 18:5) Mucikozyanyo, aabo mbotujana mumulimo wesu wakukambauka kanji-kanji balajana mapenzi manji kwiinda ndiswe. Pele ciindi nobaiya kuyanda Jehova alimwi akubelesya lulayo lwakwe, buumi bwabo bulabota alimwi balakkomana. Ciindi notuzibona zintu eezyi kazicitika, tulaba alusyomo lwakuti Jehova uyootulanganya. Lusyomo ndotuba andulo lulatugwasya kuzumanana kuba aluumuno lwamumizeezo. Mucizyi umwi iwakapenga abulwazi bwakutyompwa alimwi akulimvwa kubula mpindu mubuumi bwakwe boonse wakabona kuti makani aaya ngamasimpe. Wakaamba kuti: “Ciindi nondijisi bubi mumulimo wakukambauka, ndilimvwa kuba aluumuno mumizeezo alimwi akukkomana. Ndiyeeya kuti cili boobu akaambo kakuti ciindi nondili mumulimo wamumuunda, ndilimvwa kuba acilongwe ciyumu kapati a Jehova.”\\n10. Ino ncinzi ncomwaiya kumajwi ngobakaamba ba Brenda?\\n10 Alimwi amubone cikozyanyo caba Brenda. Balo alimwi amwanaabo baciswa bulwazi bwansinga amilambi (multiple sclerosis). Ba Brenda beendela akacinga kabalema alimwi tabajisi nguzu zinji. Balakambauka kuŋanda aŋanda ciindi nobacikonzya kucita oobo, pele kanji-kanji balakambauka kwiinda mukulemba magwalo. Bakaamba kuti: “Ciindi nondakazyiba akuzumina kuti bulwazi bwangu tabukonzyi kupona mubweende bwazintu obuno, ndakatalika kubikkila kapati maano kumulimo wangu wakukambauka. Mubwini, kukambauka kundipa kutabikkila maano kuzintu nzyondilibilika. Muciindi caboobo, ndibikkila maano kugwasya baabo mbondikambaukila mucilawo cambungano yesu. Alimwi kukambauka kundiyeezya bulangizi mbondijisi bwakumbele.\\nJESU WAKAZUMINA KUGWASYIGWA ABALONGWE BAKWE\\nTulakonzya kuzumanana kuba muluumuno kwiinda mukuyanzana abalongwe bali kabotu (Amubone muncali 11-15)\\n11-13. (a) Mbuti baapostolo alimwi abantu bamwi mbobakatondezya kuti bakali balongwe ba Jesu beni-beni? (b) Ino balongwe ba Jesu bakapa kuti alimvwe buti?\\n11 Ciindi coonse Jesu ncaakali kukambauka, baapostolo basyomeka bakali balongwe bakwe beni-beni. Bakali balongwe Bbaibbele mbolyaamba kuti: “Kuli mulongwe uukakatila kwiinda mwanookwanu.” (Tus. 18:24) Jesu wakali kubayanda kapati balongwe bali boobu. Ciindi naakali kubeleka mulimo wakwe wakukambauka, kunyina mwanookwabo iwakamusyoma. (Joh. 7:3-5) Alimwi buya aciindi cimwi, banamukwasyi bakayeeya kuti wasondoka. (Mk. 3:21) Mukwiimpana, baapostolo basyomeka bakali balongwe ba Jesu beni-beni cakuti busiku katanafwa wakabaambila kuti: “Nywebo ndinywe mwakakatila kulindime mumapenzi aangu.”—Lk. 22:28.\\n12 Zimwi ziindi baapostolo bakali kumutyompya Jesu, pele kunyina naakali kubikkila maano kukulubizya kwabo, muciindi caboobo wakali kubona kuti balijisi lusyomo mulinguwe. (Mt. 26:40; Mk. 10:13, 14; Joh. 6:66-69) Mubusiku bwamamanino kali antoomwe ambabo katanajaigwa, Jesu wakaamba majwi aaya kubaalumi aaba basyomeka kuti: “Ndimwaamba kuti muli beenzuma, nkaambo ndamuzyibya zintu zyoonse nzindakamvwa kuli Taata.” (Joh. 15:15) Cakutadooneka, balongwe ba Jesu bakali kumuyumya-yumya kapati. Lugwasyo ndobakamupa mumulimo wakwe lwakapa kuti Jesu akkomane kapati.—Lk. 10:17, 21.\\n13 Kunze lyabaapostolo, Jesu wakalijisi balongwe bambi, baalumi alimwi abamakaintu ibakamugwasyilizya mumbazu zimwi ciindi naakali kubeleka mulimo wakukambauka. Bamwi bakamutamba kumaanda aabo kuti akalye. (Lk. 10:38-42; Joh. 12:1, 2) Bamwi bakali kweenda anguwe alimwi akumupa zintu nzyobakajisi. (Lk. 8:3) Jesu wakalijisi balongwe bali kabotu nkaambo awalo wakali mulongwe mubotu kulimbabo. Wakabacitila zintu zibotu alimwi tanaakali kulangila kuti bacite zintu nzyobatakonzyi. Jesu wakalilondokede, pele wakatondezya kulumba kulugwasyo ndobakamupa balongwe bakwe batalondokede. Alimwi cakutadooneka bakamugwasya kuzumanana kuba alumuuno lwamumizeezo.\\n14-15. Mbuti mbotukonzya kujana balongwe bali kabotu, alimwi mbuti mbobakonzya kutugwasya?\\n14 Balongwe bali kabotu bayoopa kuti tuzumanane kusyomeka kuli Jehova. Alimwi nzila mbotu kapati yakujana balongwe bali kabotu nkuba mulongwe uuli kabotu. (Mt. 7:12) Mucikozyanyo, Bbaibbele litukulwaizya kubelesya ciindi alimwi anguzu zyesu mukugwasya bamwi, kwaambisya aabo ‘ibabulide.’ (Ef. 4:28) Sena kuli ngomuyeeya mumbungano yanu ngomukonzya kugwasya? Sena mulakonzya kumuulila zintu sikumwaya uutacikonzyi kweenda akaambo kakucembaala naa kuciswa? Sena mulakonzya kupa cakulya kumukwasyi uujisi penzi lyamali? Ikuti kamucizyi mboibelesyegwa webbusaiti ya jw.org® alimwi a JW Library® app, sena mulakonzya kubagwasya bamwi mumbungano yanu mbozibeleka? Ciindi notubikkila maano kugwasya bamwi, tulalangilwa kukkomana kapati.—Mil. 20:35.\\n15 Balongwe besu bayootugwasya ciindi twaakujana masunko, bayootugwasya kuzumanana kuba aluumuno lwamumizeezo. Mbubwenya mbuli Elihu mbwaakaswiilila ciindi Jobu naakali kwaamba kujatikizya masunko aakwe, balongwe besu balatugwasya kwiinda mukuswiilila cakukkazika moyo ciindi notubaambila mbotulimvwa. (Job. 32:4) Tatweelede kulangila kuti balongwe besu batusalile zyakucita, pele ncabusongo ikuti twaswiilila kululayo lwabo luzwa mu Bbaibbele. (Tus. 15:22) Alimwi mbubwenya mbuli Mwami Davida cakulicesya mbwaakatambula lugwasyo kuzwa kubalongwe bakwe, tatweelede kukaka kutambula lugwasyo ndobayootupa balongwe besu ciindi twaakuyandika kugwasyigwa. (2Sam. 17:27-29) Masimpe, balongwe bali kabotu boobu ncipego kuzwa kuli Jehova.—Jak. 1:17.\\nMBOTUKONZYA KUZUMANANA KUBA MULUUMUNO\\n16. Kweelana alugwalo lwa Bafilipi 4:6, 7, ninzila nzi ilikke iikonzya kutupa kuba aluumuno? Amupandulule.\\n16 Amubale Bafilipi 4:6, 7. Nkaambo nzi Jehova ncatwaambila kuti tulakonzya kuba aluumuno oolo ndwapa “kwiinda muli Kristo Jesu”? Akaambo kakuti tulakonzya kuba aluumuno lutamani mumizeezo yesu alimwi amumoyo lilikke buyo kuti katuumvwisya mulimo Jesu ngwazuzikizya alimwi akuba alusyomo mulinguwe. Mucikozyanyo, kwiinda mucipaizyo cacinunuzyo ca Kristo, zibi zyesu zyoonse zilakonzya kulekelelwa. (1Joh. 2:12) Eelo kaka alaumbulizya makani aaya! Mbwali Mwami wa Bwami bwa Leza, Jesu uyookumanizya kupenga koonse nkwatuletela Saatani alimwi abweende bwakwe. (Is. 65:17; 1Joh. 3:8; Ciy. 21:3, 4) Eelo kaka eeci citupa kuba abulangizi! Nokuba kuti Jesu wakatupa mulimo uukatazya, uli andiswe, ulatugwasyilizya mumazuba aamamanino aaya aabweende bwazintu. (Mt. 28:19, 20) Eeci citupa kuba basicamba kapati! Luumbulizyo, bulangizi alimwi abusicamba, nzintu ziyandika kapati izitupa kuba aluumuno lwamumizeezo.\\n17. (a) Mbuti Banakristo mbobakonzya kuzumanana kuba aluumuno lwamumizeezo? (b) Kweelana acisyomezyo icili kulugwalo lwa Johane 16:33, ncinzi ncotuyookonzya kucita?\\n17 Aboobo, ino mbuti mbomukonzya kuzumanana kuba aluumuno lwamumizeezo ciindi nomwajana masunko mapati? Mulakonzya kucita oobo kwiinda mukwiiya zintu Jesu nzyaakacita. Cakusaanguna, amupaile, alimwi amupaile cakutaleka. Cabili, amumumvwide Jehova alimwi akukambauka cabusungu nociba ciindi nocikatazya kucita boobo. Catatu, amulekele balongwe banu kuti bamugwasye. Mpoonya luumuno lwa Leza luyookwabilila mizeezo yanu alimwi amoyo wanu. Alimwi mbubwenya mbuli Jesu, muyakwaazunda masunko aali woonse.—Amubale Johane 16:33.\\nINO MULIMO NZI NGOZIJISI ZINTU EEZYI ZITOBELA MUKUPA KUTI LUUMUNO LWESU LUZUMANANE?\\nLWIIMBO 41 Komvwa Mupailo Wangu\\n^ munc. 5 Toonse tulalwana amapenzi aapa kuti tutabi aluumuno. Mucibalo eeci tulabandika zintu zyotatwe Jesu nzyaakacita alimwi nzyotukonzya kucita andiswe kutegwa tuzumanane kuba muluumuno nociba ciindi notuliyumya kumasunko aakatazya.\\nSena Mulauzuzikizya Cakumaninina Mulimo Wanu?\\nAmukakatile Kukasimpe Kajatikizya Lufwu\\nAmulutambule Lugwasyo lwa Jehova Kutegwa Mukake Myuuya Mibi\\nMAKANI AABUUMI Twakajana ‘Ngale Iiyandika Kapati’\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA April 2019\\nNGAZI YAMULINDIZI—YAKWIIYA April 2019","num_words":1917,"character_repetition_ratio":0.071,"word_repetition_ratio":0.0,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 2 TONGA - Mbombuboobu julu anyika, azintu - Bible Search\\nMatalikilo 1 Matalikilo 3\\n1Mbombuboobu julu anyika, azintu zyoonse zili mumo mbuzyakalengwa. 2Lino mubuzuba bwaciloba Leza wakalimanide mulimo wakwe ngwaakacita, mubuzuba oobo wakalyookezya kuzwa kumulimo wakwe woonse ngwaakacita. 3Lino Leza wakabuleleka buzuba bwaciloba akubusalazya, nkaambo muli mbubo Leza wakalyookezya kuzwa kumulimo wakwe woonse wakulenga ngwaakacita.\\nMuunda wa Edeni\\n4Mboobu nyika azintu zyoonse zili mujulu mbuzyakalengwa. Ciindi eciya Mwami Leza naakalenga julu anyika, 5zisyango zyoonse zyamusokwe tiizyakaliko anyika, aziteyo zyoonse tiizyakana mena, nkaambo Mwami Leza taakana wisya mvula anyika. Alimwi kwakanyina muntu uulima nyika. 6Nikuba kuti imvula tiiyakali kuwa, kwakali sikunku wakali kuzwa ansi akutesya nyika.\\n7Lino Mwami Leza wakasuna bulongo kuzwa kunyika, mpoonya wakabumba muntu abulongo oobo. Naakamana Mwami Leza wakayoyela muuya wabuumi mumpemo zyamuntu, nkabela muntu wakaba muumi.\\n8Eelyo Mwami Leza wakapanda muunda mu Edeni, kulubazu lwakujwe, oomo mwaakabikka muntu ooyo ngwaakalenga. 9Mumuunda ooyo Mwami Leza wakamenya misamu yeebeka yamisyobo yoonse yakali kuzyala micelo mibotu kulya. Nkabela akati kamuunda kwakali musamu uupa buumi, alimwi amusamu wakuzibya bubotu abubi.\\n10Kwakali mulonga wakali kukunka kuzwida munyika ya Edeni, nguwakali kwiida muunda, nkabela mulonga ooyo wakali andeene mumilonga yone. 11Izina lyamulonga wakusaanguna ngu Pisyoni, ooyu ulakunka kuzinguluka cisi coonse ca Havila. 12Mucisi eeco momujanwa ngolida mbotu kapati, alimwi momujanwa abulimbo bununkilila kabotu alimwi amabwe aalaamakwalala mbuli cibize. 13Izina lyamulonga wabili ngu Gihoni, ulakunka akuzinguluka cisi coonse ca Kusyi. 14Mulonga watatu ngu Taigilisi, uukunkila kujwe lyacisi ca Asiliya. Mulonga wane ngu Yufuletisi.\\n15Lino Mwami Leza wakatola muntu, waakumubikka mumuunda wa Edeni kuti aubambe akuulimina kabotu. 16Mwami Leza wakalailila muntu kuti, «Ulakonzya kulya micelo yamisamu yoonse iili mumuunda, 17pele ulikke buyo musamu wakuzibya bubotu abubi, utakalyi micelo yawo pe. Naa kuti ukalye, uyoofwa ncobeni.»\\n18Lino Mwami Leza wakalyaambila kuti, «Tacili cibotu kuti mwaalumi kakkede alikke. Njoomupangila mweenzinyina uumweelede kuti kamugwasya.» 19Lino kuzwa kubulongo Mwami Leza wakalengede kale banyama abayuni boonse, eelyo wakabaleta kumuntu kuti abaulike mazina. Kufumbwa zina ndaakaulika lyakaba ndendilyo. 20Nkaako muntu wakaulika banyama boonse bavubwa, bayuni abanyama bamusokwe, pele taakajana mweezinyina weelede kumugwasya.\\n21Lino Mwami Leza wakooneka muntu ŋonzi mpati, nkabela kacoona boobo, Leza wakagwisya kabambo komwe kuzwa kulinguwe, wakabweedezya nyama mubusena bwayo. 22Aboobo Mwami Leza wakapanga mukaintu kuzwa kukabambo nkaakagwisya kumwaalumi, wakamuleta mukaintu ooyo kulinguwe. 23Eelyo mwaalumi wakati,\\n«Iiyoobuya! Lino ambebo ndajana mweenzuma, muntu ooyu mubili wamubili wangu, ndifuwa lyazifuwa zyangu,\\nnyama yanyama yangu. Uyooitwa kuti ‹Mukaintu› nkaambo wagwisigwa kumwaalumi.»\\n24Nkakaambo aaka mwaalumi ncasiila wisi abanyina akukakatila kumukaintu wakwe eelyo aaba bobilo baba mubili omwe.\\n25Lino boonse aaba bobilo mwaalumi amukaintu wakwe, bakali aacintanda, pele tiibakali kufwa nsoni pe.","num_words":401,"character_repetition_ratio":0.064,"word_repetition_ratio":0.0,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Isaya 33 | Bbaibbele lili a Intaneti | Bbaibbele lya Busanduluzi Bwanyika Mpya\\nLubeta alimwi abulangizi bwabalulami (1-24)\\nJehova Mubetesi, ngo Sikupa Mulawo, alimwi Mwami (22)\\nTaakwe muntu uuyakwaamba kuti: “Ndaciswa” (24)\\n33 Maawe kulinduwe, yebo oonyonyoona pele ootananyonyoonwa;+Yebo sikwaaba bamwi pele ootanaabwa! Mboyoomanina buyo kunyonyoona, ayebo uyoonyonyoonwa.+ Mboyoomanina buyo kwaaba bamwi, ayebo uyakwaabwa. 2 O Jehova, kotufwida luzyalo.+ Swebo tulangila nduwe. Koba janza lyesu*+ lyoonse cifwumofwumo,Inzya, koba lufwutuko lwesu muciindi camapenzi.+ 3 Bantu balatija nobamvwa kundindima kwajwi. Imasi alamwaika yebo nonyamuka.+ 4 Zintu nzyomwasaala ziyoobungikwa mbubonya cikwikwi cinyonyoona mbocibungana;Bantu bayoocilundukila mbubonya mbuli cikwikwi. 5 Jehova uyoosumpuka,Nkaambo ukkede kujulu. Uyoozuzya Ziyoni alubeta luluzi alimwi abululami. 6 Walo nguusitikizya ziindi zyako;Kuvwula kwalufwutuko,+ busongo, luzyibo alimwi akuyoowa Jehova+ —Oolu ndolubono lwakwe. 7 Amubone! Bantu babo basicamba mbobasyoma balalila mumigwagwa;Batumwa baluumuno baloomba kulila. 8 Bantu baitija migwagwa mipati;Taakwe muntu uuciinda munzila. Sinkondo wacijaya cizuminano;Waikaka minzi;Kunyina muntu ngwalemeka.+ 9 Nyika ilalila* alimwi yanyana. Lebano wafwa nsoni;+ wabola. Saroni waba buyo mbuli cimpayuma,Alimwi masamu aaku Basani aku Karimeli akunkumuka matewo.+ 10 Jehova wati, “Lino ndilanyamuka,Ndilapa kuti ndisumpuke;+Ndilapa kuti ndilemekwe. 11 Nywebo mumita bwizu buyumu akutumbuka zisiko zyabwizu. Muuya wanu nobeni uyoomuumpa cakumaninina mbubonya mbuli mulilo.+ 12 Alimwi bantu bayooba mbuli mulambo* waumpwa. Mbubonya mbuli mamvwa aagonkedwe, bayakuumpwa amulilo.+ 13 Nywebo nomuli kule ooko, amuswiilile ncenditiicite! Anywebo nomuli afwaafwi, amuzyibe nguzu zyangu! 14 Basizibi bamu Ziyoni baliyoowede kapati;+Kukankama kulibajisi basiluleyo, baamba kuti: ‘Nguni akati kesu uukonzya kukkala ikuli mulilo uumpa cakumaninina?+ Nguni akati kesu uukonzya kukkala afwaafwi amabangabanga aamulilo aatamani?’ 15 Imuntu uuzumanana kweenda mubululami,+Iwaamba ciluleme,+Uukaka mpindu iijanwa cabumpelenge, kwiinda mukuunina bamwi,Uulesya maanza aakwe kutegwa atatambuli cisinkamulomo,+Uusinka matwi aakwe kutegwa ataswiilili makanze aakutila bulowa,Alimwi uufwinya kutegwa ataboni cintu cibi, 16 Ngonguwe uuyookkala mujulu;Mayubilo aakwe aakwabilidwe* ayooba mumampangala,Uyoopegwa cakulya cakwe,Alimwi maanzi aakwe taakamani pe.”+ 17 Meso aako ayoobona mwami mubweebesi bwakwe;Ayoobona nyika iili kule. 18 Mumoyo wako uyooyeeya* zintu ziyoosya akwaamba kuti: “Ino uli kuli mulembi? Uli kuli ooyo wakali kupima mali aamutelo?+ Uli kuli ooyo wakali kubala ngazi?” 19 Tokababoni limbi bantu basicinguni,Bantu baambaula mwaambo muyumu uukatazya kumvwa,Ibaambaula mulaka mweenzu ngotakonzyi kumvwa.+ 20 Kolanga Ziyoni! Imunzi motucitila mapobwe eesu!+ Meso aako ayoobona Jerusalemu busena bwakukkala cakuliiba,Itente litakooyooswenzyegwa.+ Nembe zyatente lyanguwo tazikasimpulwi pe,Alimwi kunyina ntambo zyanguwo iziyoodunsulwa. 21 Pele ooko Jehova, ooyo Mupati,Uyootubeda busena bwamilonga, bwamigelo yamaanzi mipati,Mulimbubo tamukaindi mato aakwasulwa ankasi zinji,Alimwi taakwe mato mapati aayakwiinda mumo. 22 Nkaambo Jehova ngo Mubetesi wesu,+Jehova ngo Sikutupa Mulawo,+Jehova ngo Mwami wesu;+Ngonguwe uuyootufwutula.+ 23 Ntambo zyako ziyootebela;Tazikonzyi kwiimika cisamu casaili lyabwato nokuba kutandabula saili lyabwato. Aciindi eeco zintu zinji zyakasaalwa ziyakwaabanwa;Nobaba balema bayoobweza zintu zinji zisaalwa.+ 24 Alimwi taakwe muntu naba omwe uukkala munyika uuyakwaamba kuti: “Ndaciswa.”+ Bantu bakkala munyika eeyo bayoolekelelwa zibi zyabo.+\\n^ Naa “nguzu zyesu.”\\n^ Naa ambweni, “yayuma.”\\n^ Bamwi baamba kuti “mutuba.”\\n^ Naa “Mayubilo aakwe aasumpukide.”\\n^ Naa “uyoozinzibala kuyeeya.”","num_words":422,"character_repetition_ratio":0.038,"word_repetition_ratio":0.0,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Luyando Lwini-lwini lwa Bunakristo Talumani | Ba Igor Ochigava aba Gizo Narmania\\nBa Igor: Toonse tobilo twakali kuzulilwa mukabunga ka Bakamboni iikakali mudolopo lya Tkvarcheli, ku Abkhazia. Mbwaanga mbungano nkokakali kuzulilwa kabunga kesu yakali kulamfwu makkilomita aabalilwa ku 85 mudolopo lya Jvari, ndakali kuunka ku Tkvarcheli mwezi amwezi kuyoobweza mabbuku aamba zyamu Bbaibbele aakabunga. Mu 1992, nobwakamana buyo bweendelezi bwa Soviet Union, mumasena bantu mobakalilela aamu Abkhazia bakayanda kwaandaana. Aboobo kwakaba nkondo akati kabasikwaandaana alimwi ampi yabana Georgia calo icakaleta mapenzi kapati.\\nBa Gizo Narmania aba Igor Ochigava\\nBakwesu aaba bobilo bakabeleka antoomwe kugwasya basyominyina ciindi cankondo mu Abkhazia.\\nBa Gizo: Ndakabbapatizyigwa nondakajisi myaka iili 21, kakucili buyo mwaka omwe kuti manyongwe atalike. Ciindi nkondo noyakatalika, bakwesu bakayoowa alimwi tiibakazyi cakucita kujatikizya mulimo wakukambauka. Pele ba Igor balo ibakali beembezi babotu lyoonse, bakatukulwaizya kwiinda mukwaamba kuti: “Ecino nceciindi bantu nobayandika luumbulizyo. Tulacikonzya kuzumanana kuyuma kumuuya lilikke buyo kuti twazumanana amulimo wesu wakukambauka.” Aboobo cabupampu, buzuba abuzuba twakazumanana kwaambila basimukoboma mulumbe uumbulizya uuli mu Jwi lya Leza.\\nBa Igor: Akaambo kamanyongwe, tiitwakali kukonzya kubelesya nzila njotwakazyibide kuunka ku Jvari kuyoobweza mabbuku eesu. Mbwaanga ndakakomenena mucooko eeci, ndakali kukonzya kujana nzila iimbi iili kabotu iyakali kwiinda mumyuunda mobalima masamba alimwi amumalundu. Pele kwakali ntenda aimwi yakuswaangana ankamu yabamaalumi bajisi ntobolo naa kulyata kadandamiti. Nokuba boobo, tiindakali kuyanda kubikka buumi bwabakwesu muntenda, aboobo ndakali kuunka endikke ciindi comwe amwezi. Kwiinda mukugwasyigwa a Jehova, lyoonse ndakali kucikonzya kubweza cakulya cakumuuya aciindi ceelede calo icakali kutugwasya kuzumanana kuyuma kumuuya.\\nNokuba kuti kwakanyina nkondo mu Tkvarcheli, zintu zyakali kukasyigwa kunjila mudolopo lyesu, calo icakapa kuti tutalike kujana mapenzi aaboola akaambo kankondo. Mbowakali kuyaabuswena mupeyo, cakulya cakali kuyaabumana alimwi toonse twakatalika kulibilika kujatikizya mbotwakali kunoopona. Eelo kaka twakakkomana kapati notwakamvwa kuti bakwesu baku Jvari bakapanga bubambe bwakutuma zintu nzyotwakali kuyandika!\\nBa Gizo: Bumwi buzuba, ba Igor bakalomba mukwasyi wesu kuti naa ŋanda yesu yakali kukonzya kubelesyegwa kunooyobweda zyakulya nzyobakatubambilide bakwesu. Bakali kuyanda kuyoozileta zyakulya eezyi ku Jvari. Twakalilibilikide kujatikizya mbobakali kuyakweenda nkaambo twakalizyi kuti bakali kuyakwiinda mumasena aakali kugatelwa aali mbwaabede alimwi bakali kukonzya kuswaangana abamaalumi bakajisi ntobolo alimwi ababbi.—Joh. 5:13.\\nEelo kaka twakakondwa kapati nobakapiluka ba Igor nokwakainda buyo mazuba masyoonto alimwi kabali buyo kabotu, kabayaabweenzya amootokala wakazwide zyakulya nzyotwakali kuyandika mumyezi yamupeyo yakatobela! Muziindi eezyi zikatazya, twakalibonena ameso kuti luyando lwini-lwini lwa Bunakristo talumani.—1Kor. 13:8.\\nCiindi nokwacitika ntenda, cakufwambaana tulapanga bubambe bwakugwasyilizya baabo bacitikilwa ntenda kumubili alimwi akumuuya. Munzila nzi?","num_words":382,"character_repetition_ratio":0.05,"word_repetition_ratio":0.0,"special_characters_ratio":0.145,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 4 | Bbaibbele lili a Intaneti | Bbaibbele lya Busanduluzi Bwanyika Mpya\\nKaini a Abelo (1-16)\\nLunyungu lwa Kaini (17-24)\\nSeti amwanaakwe Enosi (25, 26)\\n4 Lino Adamu wakaswaangana amukaintu wakwe Eva, kumane Eva wakamita.+ Naakatumbuka Kaini,+ wakati: “Ndazyala mwana musankwa kwiinda mulugwasyo lwa Jehova.” 2 Mukuya kwaciindi, wakazyala Abelo+ imunyina. Abelo wakaba mweembezi wambelele, pele Kaini wakaba mulimi. 3 Nokwakainda ciindi, Kaini wakaleta micelo njaakalima mumuunda kutegwa ape cituuzyo kuli Jehova. 4 Pele Abelo wakaleta bana bambelele bataanzi+ kubikkilizya amafwuta aabo. Lino Jehova wakamukkomanina Abelo acituuzyo cakwe,+ 5 pele tanaakamukkomanina Kaini acituuzyo cakwe pe. Aboobo Kaini wakanyema kapati alimwi wakatyompwa.* 6 Kumane Jehova wakamubuzya Kaini kuti: “Ino nkaambo nzi ncoonyemena boobu akutyompwa? 7 Ikuti naa wacinca akutalika kucita kabotu, sena tokakkomaninwi?* Pele kuti utacinci akucita kabotu, kozyiba kuti cibi cilikukkalilide amulyango, alimwi ciyanda kukweendelezya; pele sena uyoocizunda?” 8 Kumane boobo Kaini wakaambila Abelo munyina kuti: “Atweende musyokwe.” Aboobo nobakali musyokwe, Kaini wakamuumputa Abelo munyina akumujaya.+ 9 Kumane boobo, Jehova wakabuzya Kaini kuti: “Ino uli kuli Abelo munyoko?” Walo wakavwiila kuti: “Tandizyi pe. Sena ndime ndilela mwanookwesu?” 10 Mpoonya Leza wakamubuzya kuti: “Ino ncinzi ncoocita? Swiilila! Bulowa bwamunyoko bulandililila kuzwa munyika.+ 11 Lino wasinganizyigwa akutandwa munyika yalo iyaasamuna mulomo wayo kuti itambule bulowa bwamunyoko kuzwa mujanza lyako.+ 12 Wanoolima nyika, tainookupi butebuzi* bwayo. Uyooba sikwiingaila alimwi simutuntuli munyika. 13 Mpoonya Kaini wakaambila Jehova kuti: “Cisubulo cazibi zyangu cakomenesya cakuti tandikonzyi kucinyamuna pe. 14 Sunu wanditanda munyika alimwi ndiyoosiswa kubusyu bwako; eelyo ndiyooba sikwiingaila alimwi simutuntuli munyika, alimwi kufwumbwa uyoondijana masimpe uyoondijaya.” 15 Mpoonya Jehova wakamwaambila kuti: “Akaambo kaceeci, muntu uuli woonse utiikamujaye Kaini uyoopegwa cisubulo ziindi zili ciloba.” Aboobo Jehova wakabikkila Kaini citondezyo cakuti kufwumbwa uumujana atakamujayi. 16 Kumane Kaini wakazwa kubusyu bwa Jehova waakukkala munyika ya Bwiingaizi* kujwe lya Edeni.+ 17 Kumane boobo, Kaini wakaswaangana amukaintu wakwe+ mpoonya wakamita akuzyala Enoki. Mpoonya wakatalika kuyaka munzi mupati akuwuulika zina lyamwanaakwe musankwa Enoki. 18 Mpoonya Enoki wakazyala Iradi. Alimwi Iradi wakazyala Mehujaeli, Mehujaeli wakazyala Metusaeli, Metusaeli wakazyala Lameki. 19 Lameki wakakwata bamakaintu bobilo. Wakusaanguna wakali Ada, eelyo mukazinyina wakali Zila. 20 Nokwakainda ciindi Ada wakazyala Jabali. Jabali nguwakali wakusaanguna kukkala mumatente akuvwuba banyama. 21 Izina lyamunyina wakali Jubali. Nguwakali wakusaanguna akati kabantu boonse ibalizya kantimbwa alimwi anyeele. 22 Zila awalo wakazyala Tubala-kaini mufwuzi wazibelesyo zyamisyobo-misyobo zyamukuba abutale. Alimwi mucizyi wa Tubala-kaini wakali Naama. 23 Mpoonya Lameki wakeema majwi aaya kuli bamakaintu bakwe, Ada a Zila: “Amuswiilile jwi lyangu nywebo nobamakaintu ba Lameki;Amucenjeke matwi kuli nzyondaamba: Ndajaya muntu akaambo kakuti wandicisa,Inzya, ndamujaya mulombwana akaambo kakunduuma. 24 Ikuti muntu uuyoojaya Kaini uyoojolelwa ziindi zili ciloba,+Nkokuti uuyoojaya Lameki uyoojolelwa ziindi zili 77.” 25 Adamu alimwi wakaswaangana amukaintu wakwe, eelyo wakazyala mwana musankwa. Wakamuulika kuti Seti,*+ nkaambo wakaamba kuti: “Leza wandipa lunyungu lumbi mubusena bwa Abelo, ooyo ngwaakajaya Kaini.”+ 26 Seti awalo wakazyala mwana musankwa akumuulika kuti Enosi.+ Aciindi eeco bantu bakatalika kwiita zina lya Jehova.*\\n^ Mu Chihebrayo, “busyu bwakwe bwakawa.”\\n^ Naa “sena takukabi kusekelela?”\\n^ Mu Chihebrayo, “nguzu.”\\n^ Naa “munyika ya Nodi.”\\n^ Nkokwaamba kuti “Kusalwa; Kubikkwa.”\\n^ Naa “bantu bakatalika kusampaula zina lya Jehova.”","num_words":465,"character_repetition_ratio":0.053,"word_repetition_ratio":0.0,"special_characters_ratio":0.185,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Belekaamwi aJehova Buzuba Abuzuba | Ngaziyakulinda Yakwiiya\\n‘Tuli basimilimonyina aLeza.’—1 KOR. 3:9.\\nKUJANA WACHITA BIYENI KUTI UBELEKAAMWI AJEHOVA KWIINDA . . .\\nmukugwasya bamumpuli abakombinyokwe?\\nmukugwasilizya imwi milimu akuchita zyiingi mumbunga?\\n1. Nziizili nzila nzitukonzya kubelekaamwi aJehova?\\nMULENGI wakatondeezya kuti bantu bamaninide bakali kuyoobelekaamwi anguwe kuti bazuzikizye makanze aakwe. Nikuba kuti bantu balaachibi pesi bantu basyomeka balakonzya kubelekaamwi aJehova buzuba abuzuba. Muchikozyano, ‘tuba basimilimonyina aLeza’ chiindi nitukambawuka makani mabotu aaBwaami bwakwe akugwasya bantu kuti babe basikwiiya. (1 Kor. 3:5-9) Tuli achilongezyo chipati loko nkaambo Mulengi wesu singuzuzyoonse wakatusala kuti tubeleke mulimu uuyandikana loko! Pesi kukambawuka akugwasya bantu kuti babe basikwiiya teenzizyo pe azilikke zipa kuti tubelekaamwi aJehova. Muchiiyo eechi, tulayiya mbutukonzya kubelekaamwi aJehova kwiinda mukugwasya bamumpuli abakombima, mukutambula beenzu amukugwasilizya akuchita zyiingi mumbunga.—Kol. 3:23.\\n2. Nkamboonzi nituteelede kweezyanisya zintu nzituchita mubukombi azichitwa abamwi?\\n2 Twanoolanga-langa chiiyo eechi, utayezyanisyi zintu nzuchita mubukombi azichitwa abamwi. Weelede kuziba kuti bantu balisiyene akaambo kaminyaka, mbubasimide mumubili, zyiimo azintu nzibakonzya kuchita. Mwaapostolo Pawulu wakazulwidwa amuuya uusala kulemba kuti: “Pele muntu umwi aumwi alingule milimo yakwe mwini, aboobo ulajana cintu cakulikankaizizya mwini citali camweenzinyina.”—Gal. 6:4.\\nGWASYA BAMUMPULI ABAKOMBINYOKWE\\n3. Nkamboonzi nitukonzya kwaamba kuti bantu balangania mpuli zyabo babelekaamwi aLeza?\\n3 Jehova uyanda kuti bakombi bakwe balanganie mpuli zyabo. Muchikozyano, weelede kubeleka kuti ujane mali yakusanina mpuli yako. Bakayintu biingi basyaala ang’anda kuti balanganie bana. Bamwi bana bakakomena beelede kulangania bazyali babo bachiswa abachembeede. Kuchita milimu eeyi kulayandikana. Bbayibbele lyaamba kuti: ‘Na muntu katabambi basazinyina, kwaambisya bamung’anda yakwe, nkokuti walukaka lusyomo alubo mubi loko kwiinda muntu uutasyomi.’ (1 Tim. 5:8) Kuba amikuli iili boobu kulakonzya kupa kuti uyeeye kuti tukonzyi pe kuchita zyiingi mukubelekela Jehova. Pesi toyelede kumana manguzu pe! Jehova ulabotelwa chiindi nusanina mpuli yako.—1 Kor. 10:31.\\n4. Kujana bazyali bazibikka biyeni zintu zyabukombi mubusena bwakusaanguna alubo bajana mpinduunzi?\\n4 Bazyali bachiKristu babelekaamwi aJehova chiindi nibagwasya bana babo kuti balibikkile zipeekezyo mubukombi. Bazyali bakachita oobo bana babo bakazoonjila mumulimu wachiindi choonse. Bamwi mamishinali bamwi bapayona kumasena aayanda basikugwasilizya alubo bamwi babelekela kuBbeteli. Kukkala kule kupa kuti batajani chiindi chakubaamwi abazyali babo. Nikuba boobo, bazyali balipeda, basungwaazya bana babo kuti balisimye mumilimu yabo. Nkamboonzi? Nkaambo bajana kubotelwa kupati akukkutisikana akaambo kakuti bana babo bakabikka Bwaami mubusena bwakusaanguna. (3 Joh. 4) Kulakonzeka kuti bazyali biingi balimvwa mbuuli Hana ‘wakakweletesya’ Jehova kwiinda mukumupa Samiyele. Bazyali bachita oobo, bakubona kachili chilongezyo chipati loko kubelekaamwi aJehova munzila iili boobo.—1 Sam. 1:28.\\n5. Kujana twabagwasya biyeni bakombima mumbungano? (Langa chifanikisyo chili kumatalikilo achiiyo.)\\n5 Kuti kutakwe mikuli miingi mumpuli, kujana wabagwasya na bakombinyokwe bachiswa, bachembeede abamwi bayanda kugwasigwa? Mumbungano ulakonzya kuyanduula bantu bayanda kugwasigwa. Chimwi chiindi, ulakonzya kuswaya muchizi uulangania muzyali uchembeede mbukunga chiindi chiingi nguwe uuchita milimu myiingi. Alubo ulakonzya kugwasya bamwi kwiinda mukwiinka aabo kumiswaangano, mukubawulila zintu, naakuti kuswaya umwi kuchibbadela. Kuchita oobo kutondeezya kuti ubelekaamwi aJehova nkaambo Jehova unooli wasandula nkombyo zyabo.—Bala 1 BaKorinto 10:24.\\n6. Kujana twabatambula biyeni beenzu?\\n6 Bakombi baJehova bazibidwe akutambula beenzu. Mumagwalo aachiKristu aachiGirikki, bbala lyakasandululwa kuti ‘kusamawusya’ lyaamba “kuba aluyando kubeenzu.” (Heb. 13:2) MuJwi lyaLeza, muli zikozyano zituyiisya mbutweelede kubatondeezya luyando beenzu. (Matl. 18:1-5, NW) Tulakonzya kugwasya bamwi katutalangi kuti ‘mbachiinga chalusyomo lwesu’ na, naakuti pe.—Gal. 6:10.\\n7. Nkamboonzi nitweelede kutambula bakombima bali mumulimu wachiindi choonse?\\n7 Kujana wakonzya na kubelekaamwi aLeza kwiinda mukutambula bakombima bali mumulimu wachiindi choonse? (Bala 3 Johane 5, 8.) Kubatambula bakwesu abachizi aaba kupa kuti ‘tusimisyanie.’ (Rom. 1:11, 12) Atulange-lange chikozyano cha-Olaf. Olaf ulayeeya kachili muniini. Mumbungano yabo, biingi teebakali kumutambula pe mulangizi wabbazu wakatakwete. Olaf wakakumbila bazyali bakwe bakatali Bakamboni kuti mulangizi wabbazu asikile kulimbabo. Bazyali bakwe bakazumina mpawo bakaambila Olaf kuti unoolala asofa. Taakakaka pe. Olaf wakati: “Imviki eeyo yakali kunoneezya loko! Ime amulangizi wabbazu twakali kufwambaana kubuka mpawo twakali kwaambuula nkani zinoneezya nitwakali kulya chakulya chakuseeni. Mulangizi wabbazu wakandisungwaazya kuti ndiyande mulimu wachiindi choonse.” Lino kwayinda minyaka iili 40 Olaf kali mumishinali muzisi zisiyene-siyene.\\n8. Nkamboonzi nitweelede kuba aluzyalo kubantu nikuba kabatatutambuli kabotu? Amba chikozyano.\\n8 Tulakonzya kubatondeezya luzyalo beenzu munzila zisiyene-siyene nikuba kuti kumasaangunino teebatutambula kabotu. Atulange-lange chikozyano chitobela. Umwi sikupupulula wakuSpain wakabona kuti muntu ngwaakali kwiiyaawe Bbayibbele uutegwa Yesica uukkala kuEcuador, wakali kulila chiindi choonse. Sikupupulula wakabuzya chakalikupa kuti Yesica akkale kalila. Yesica wakati kachili kulimbabo, wakali kufwaba zyakuti taakali achakulya pe. Nchaakali kukonzya kupa mwanaakwe, maanzi luzutu. Yesica wakali kuumbulizya mwanaakwe kumwi kalikukomba kuti Leza amugwasye. Kuzwa waawo, Bakamboni babili bakamuswaya. Pesi Yesica taakabatambula kabotu alubo wakadelula mamagazini ngibakamupa. Mpawo wakababuzya kuti: “Nchinchakulya nchimwandeetela kuti ndipe mwanaangu na eechi?” Bachizi aaba bakeezya kumuumbulizya pesi taakaswiilila pe. Nikwakiinda chiindi, bakazoosiya chisewe chakali achakulya amulyango wakwe. Zyakachitwa abachizi aaba zyakamusika amoyo Yesica zyakuti wakalipa mulandu nkaambo taakabikkila maanu Leza mbaakamusandula. Kuzwa waawo, wakaba achiyandisyo chakukomba Jehova. Kupa nkubakatondeezya bachizi aabo kwakagwasya loko!—Muk. 11:1, 6.\\nLIPEDE MUMULIMU WAKUYAKA\\n9, 10. (a) Chiindi, nziizili zyiimo nikwakali kuyandikana kuti bakombi baLeza balipede? (b) Njiili milimu iichitwa abakwesu balipeda mumbungano?\\n9 Muchiindi chamaIsrayeli, bantu bakali kulipeda kuchita milimu iisiyene-siyene. (Kul. 36:2; 1 Mak. 29:5; Neh. 11:2) Nikuba mazubaano tuli achilongezyo chakubelesya chiindi chesu, zintu nzitulaazyo aluzibo ndutulaalo kuti tugwasye bakwesu abachizi. Kuchita oobu kupa kuti tubotelwe akuti tukajane zilongezyo zyiingi.\\n10 Jwi lyaLeza lisungwaazya bakwesu mumbungano kuti babelekaamwi aJehova kwiinda mukubeleka changuzu kuti babe azyeelelo zyakuba babelesi babelekela naakuti baalu. (1 Tim. 3:1, 8, 9; 1 Pet. 5:2, 3) Bakwesu bachita oobo bayanda kugwasya bamwi muzintu zyakumubili amubukombi. (Inc. 6:1-4) Baalu bakali bakukumbila na kuti ube mulindi, kupa bantu busena bwakukambawukila, kubamba mabbuku, kubambulula zyakafwa naakuti kuchita imwi milimu? Bakwesu bachita milimu eeyi baamba kuti kulababotezya kugwasya bamwi.\\nKulipeda kubeleka mulimu wakuyaka kupa kuti ujane beenzinyokwe bapya (Langa fuka 11)\\n11. Umwi muchizi wakagwasigwa biyeni abeenzinyina mbaakajana mumulimu wakuyaka?\\n11 Bantu balipeda kubeleka mulimu wakuyaka bajana beenzinyina bapya. Atulange-lange chikozyano chamuchizi uutegwa Margie uuli aminyaka iili 18 kali mumulimu wakuyaka Maanda aaBwaami. Muminyaka yoonse eeyi, wakali kuyiisya bachizi bachili baniini kubeleka mulimu ooyu. Mumulimu ooyu, ujana chiindi chakusimya bamwi mubukombi. (Rom. 1:12) Chiindi nakataazikene mubuumi, Margie usungwaazigwa abeenzinyina mbaakajana mumulimu wakuyaka. Wakali walipeda na kugwasilizya mumulimu wakuyaka? Kujana wagwasilizya na nikuba kuti tukwe luzibo lwiingi mumulimu ooyu?\\n12. Kujana wagwasilizya biyeni kuti kwaba mapenzi aalichitikila?\\n12 Nikwaba mapenzi aalichitikila, bakombi baLeza bali achilongezyo chakubelekaamwi aLeza kwiinda mukugwasya bakombinyina. Muchikozyano, basanga mali kuti bagwasilizye. (Joh. 13:34, 35; Inc. 11:27-30) Chimwi chiindi balagwasilizya kwiinda mukusalazya naakuti kuyakulula. Muchizi Gabriela wakuPoland, wakabotelwa loko bakombinyina bamumbungano iili afwiifwi nibakasika kuzoomugwasya ng’anda yakwe niyakadilika akaambo kamaanzi. Muchizi ooyu wakati: “Tandiyandi kwaambuula atala azintu zyakasweeka pesi ndiyanda kumubuzya mbundakagwasigwa. Nzibakandichitila bakwesu zitondeezya kuti, kuba mumbungano yachiKristu nchilongezyo chipati alubo kupa kuti ndibotelwe akutakataazikana mumizeezo.” Bakwesu bagwasigwa nikwaba mapenzi aalichitikila baamba zintu zibotu nzibachitilwa abakombinyina. Alubo bakwesu babelekaamwi aJehova balabotelwa nibagwasilizya bakombinyina.—Bala Incito 20:35, NW; 2 BaKorinto 9:6, 7.\\n13. Kulipeda kubusimya biyeni bweenzuma mbutulaabo aJehova? Amba chikozyano.\\n13 Stephanie abamwi basikupupulula bakabotelwa kubelekaamwi aLeza chiindi nibakagwasya Bakamboni bakachijila kuUnited States akaambo kankondo. Stephanie abasikupupulula aaba bakagwasya Bakamboni aabo kujana aakukkala azimwi zyamung’anda. Stephanie wakati: “Twakasungwaazigwa kubona mbubakali kubotelwa ambubakalumba nibakabona luyando lutondeezegwa abazyalwanyina bamunyika yoonse. Bakwesu aaba babonaanga twakabagwasya loko pesi andiswe twakagwasigwa. Luyando, kujatana, lusyomo akusyoma Jehova nkutwakabona, kwakasimya bweenzuma mbutulaabo aJehova akuti tulumbe zyoonse nzitujana kumbunga yaLeza.”\\n14, 15. (a) Ngaali maboneno musinsimi Isaya ngaakatondeezya? (b) Kujana basikupupulula baBwaami mazubaano baatobelezya biyeni maboneno aaIsaya?\\n14 Kujana wachita biyeni kuti uchite zyiingi mukubelekaamwi aJehova? Kujana wakonzya na kulongela kubusena buyanda basikugwasilizya? Nisimpe kuti bakombi baJehova tabayandiki kubelekela kumasena aali kule luzutu kuti babelekele Jehova. Pesi zyiimo zyabamwi bakwesu abachizi zilabazumizya kuti bakabelekele kule. Bali amaboneno akozyenie aamusinsimi Isaya. Jehova wakabuzya kuti: “Ino nguni ngunti tume? Nguni uukonzya kutwiinkila?” Mpawo Isaya wakasandula kuti: “Mpendi! Unditume mebo!” (Is. 6:8) Zyiimo zyako zilakuzumizya na kuti uchite mbuuli Isaya mukubelekela Jehova? Njiili milimu njukonzya kugwasilizya?\\n15 Kalikwaamba atala amulimu wakukambawuka akugwasya bantu kuti babe basikwiiya, Jesu wakati: ‘Kutebula kwavula pesi batebuzi mbache. Nkinkaako amukumbile Mwaami wamuunda kuti atume batebuzi kukutebula kwakwe.’ (Mt. 9:37, 38) Ulakonzya na kubeleka kuli payona kubusena buyanda basikupupulula biingi? Naakuti ulakonzya na kusungwaazya umwi kuti achite oobo? Bakwesu abachizi biingi bakabona kuti nzila mbotu yakutondeezya kuti tulamuyanda Leza abeenzuma, nkuba mapayona kubusena buyanda batebuzi biingi. Nziizili zimwi nzila zikonzya kupa kuti uchite zyiingi mumulimu ooyu? Kuchita oobo kupa kuti ubotelwe.\\n16, 17. Nziizili zimwi nzila zikonzya kupa kuti uchite zyiingi mukubelekela Jehova?\\n16 Zyiimo zyako zilakuzumizya na kuti ubelekele kuBbeteli naakuti mumulimu wakuyaka kwachiindi chifwiifwi naakuti kugwasilizya aamwi mazuba? Mumbunga yaJehova kuyandikana bantu balipedelede kuyoobelekela kufumbwa nkubapegwa alubo kufumbwa mulimu. Eezi zyaamba kuti balakonzya kukumbilwa kuti babeleke imwi milimu njibatakwe luzibo nikuba kabali aluzibo kuliimwi. Jehova ulabotelwa akulipeda nkubachita bakombi bakwe akaambo kakulipeda kubeleka kufumbwa mulimu.—Int. 110:3.\\n17 Ulaachiyandisyo na chakujana lwiiyo lukugwasya kuti uchite zyiingi? Kuti kakuli boobo, ulakonzya kunjila Chikolo Chabakambawusi baBwaami. Chikolo eechi chigwasya bakwesu abachizi basimide mubukombi bali mumulimu wachiindi choonse kuti bazwidilile mumulimu waLeza. Bakwesu balembela kunjila chikolo eechi beelede kulipeda kubeleka kufumbwa nkubakumbilwa nibamaninsya chikolo. Zyiimo zyako zilakuzumizya na kuti ukonzye kunjila chikolo eechi kuti ukonzye kubelekela Jehova munzila iili boobo?—1 Kor. 9:23.\\n18. Mbuubuli bubotu mbujana akaambo kakubelekaamwi aJehova buzuba abuzuba?\\n18 Mbutuli bakombi baJehova tulapa, tutondeezya bamwi luzyalo aluyando. Alubo tubabikkila maanu bamwi buzuba abuzuba. Kuchita oobo kupa kuti tubotelwe akuti tube aluumuno. (Gal. 5:22, 23) Kufumbwa zyiimo zyako, ulakonzya kubotelwa kwiinda mukutobelezya bube bwaJehova bwakupa akubelekaamwi anguwe!—Tus. 3:9, 10.","num_words":1426,"character_repetition_ratio":0.059,"word_repetition_ratio":0.0,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Elizabbeti Wakazooba Amwana | Zyiiyo Zyabana Zizwa muBbayibbele\\nKakwiindide minyaka iili 400 miduli yaJerusalemu niyakayakululwa, mupayizi Zakkariya amukayintu wakwe Elizabbeti, bakali kukkala afwiifwi amuunzi ooyu. Bakakwetene kwaminyaka miingi, pesi teebakalikwe mwana pe. Limwi zuba Zakkariya naakali kuumpa tununkilizyo mutempele, wakabona mungelo Gabriyeli. Zakkariya wakayoowa pesi Gabriyeli wakati: ‘Utayoowi. Ndakweetela makani mabotu azwa kuli Jehova. Mukayintu wako Elizabbeti uzookuzyalila mwana mulombe alimwi zina lyakwe uzootegwa nguJohane. Jehova wasala Johane kuti azoochite mulimu uyandikana.’ Zakkariya wakati: ‘Ndilakusyoma biyeni? Nkaambo ime amukayintu wangu twachembaala kuti tube amwana.’ Gabriyeli wakati: ‘Ndatumwa aLeza kuti ndizookubuzye makani aaya. Pesi teewaasyoma majwi angu nkinkaako uyooba chimuumu kusikila mwana akazyalwe.’\\nZakkariya wakakkala kwachiindi chilamfu mutempele. Naakazwa anze bantu bakali mulindide kabayanda kuziba zyakachitikide. Zakkariya taakachili kwaambuula. Wakali kutondeeka amaboko luzutu. Bantu bakaziba kuti Zakkariya watambula mulumbe uzwa kuli Leza.\\nMukuya kwachiindi, Elizabbeti wakaminta akuzyala mwana mulombe, mbuli mbakaambide mungelo. Beenzinyina anzubo zyabo bakaza kuzoobona mwana. Bakabotelwa loko. Elizabbeti wakati: ‘Zina lyakwe nguJohane.’ Bakati: ‘Taakwe bbululu wako utegwa Johane. Muuzike lyawisi, lyakuti Zakkariya.’ Pesi Zakkariya wakalemba kuti: ‘Zina lyakwe nguJohane.’ Mpawo Zakkariya wakasaanguna kwaambuula lubo. Bantu biingi bamuJudaya bakamvwa makani akuzyalwa kwamwana ooyu alimwi bakali kulibuzya kuti: ‘Uyooba mwana ulibiyeni ooyu?’\\nZakkariya wakazula muuya uusalala. Wakasinsima kuti: ‘Alumbwe Jehova. Wakasyomezya Abrahamu kuti uyootuma mufutuli, Mesiya kuti azootununune. Johane uyooba musinsimi alimwi uyoobambila Mesiya nzila.’\\nKuli chimwi chintu chigambya chakachitika kuli Mariya, nzubo yaElizabbeti. Tuyooyiya atala anchicho muchiiyo chitobela.\\n“Kubantu tacikonzeki, nekubaboobo zintu zyoonse zilakonzeka kuli-Leza.”—Matayo 19:26\\nMibuzyo: Gabriyeli wakamubuzyaanzi Zakkariya? Nguuli mulimu uyandikana ngwakali kuyoochita Johane?\\nMatayo 11:7-14; Luka 1:5-25, 57-79; Isaya 40:3; Malaki 3:1\\nNaakakomena Johane wakaba musinsimi. Wakayiisya bantu atala akusika kwaMesiya. Bantu bakawutambula biyeni mulumbe wakwe?","num_words":255,"character_repetition_ratio":0.066,"word_repetition_ratio":0.0,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbomukonzya Kulekelela | Lugwasyo Kumukwasyi\\nAMUBALE MU Afrikaans Albanian Amharic Arabic Armenian Bulgarian Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch Efik English Estonian Ewe Finnish French Georgian German Greek Hebrew Hiligaynon Hindi Hungarian Igbo Iloko Indonesian Italian Japanese Kinyarwanda Kirghiz Kirundi Korean Lingala Lithuanian Macedonian Malagasy Maltese Myanmar Norwegian Polish Portuguese Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Sinhala Slovak Slovenian Spanish Swahili Swedish Tagalog Thai Tigrinya Tsonga Turkish Twi Ukrainian Vietnamese Xhosa Zulu\\nLUGWASYO KUMUKWASYI | LUKWATANO\\nKuti nywebo angomukwetene limwi mwazwangana, kanji-kanji mwaamba twaambo twakainda kale, muleta matongoosi manji aakaindi aakeelede kubandikwa aciindi eeco. Ncinzi cipa kucita boobo? Ambweni umwi akati kanu naa nyoonse inga kamutacizyi kulekelela.\\nMulakonzya kwiiya kulekelela. Nokuba boobo, cakusaanguna, amulange-lange kaambo ncocikonzya kumuyumina mulumi naa mukaintu kulekelela mweenzinyina.\\nNguzu zyakweendelezya. Bamaalumi alimwi abamakaintu bamwi tabayandi kulekelela mweenzinyina kutegwa bazumanane kweendelezya ngobakwetene limwi. Aboobo, ciindi nobazwangana, baamba twaambo twakainda kale kutegwa ayendelezye ngobakwetene limwi.\\nKubikkilila. Twaambo twakaindi itwakamupa kuzwangana tulatola ciindi kutuluba. Ngomukwetene limwi ulakonzya kwaamba kuti ‘Ndamulekelela,’ pele kakuli wamubikkilila akaambo kacintu cacitika—ambweni buya kayanda kujolela.\\nKutyompwa. Bantu bamwi balanjila mulukwatano kabayeeya kuti buumi bwabo bunooli kabotu lyoonse. Aboobo ciindi nokwaba kutamvwana akati kabo, balakaka kucinca mizeezo yabo, kabayeeya kuti muntu ngobakali kweendelana kabotu-kabotu lino watalika kuzyibona bumbi zyintu. Kuyeeyela zyintu zitakonzyi kucitika kulakonzya kupa muntu kujanina mweenzinyina mulandu alimwi akwaalilwa kumulekelela.\\nKutamvwana mutwaambo. Banabukwetene banji balakaka kulekelela akaambo kakuti tabazyi cikonzya kucitika kuti naa bacita oobo. Mucikozyanyo bamwi balakonzya kwaamba kuti:\\nKuti naa ndamulekelela, nduubya-ubya penzi.\\nKuti naa ndamulekelela, ndeelede kuciluba cibi cakacitika.\\nKuti naa ndamulekelela, ndilapa kuti penzi liindile.\\nMasimpe ngakuti, kulekelela tacaambi cili coonse cazyintu zyaambidwe kale. Nokuba boobo, kulekelela kulakonzya kukatazya—ikapati kubanabukwetene.\\nAmuzyibe kulekelela ncokwaamba. Mu Bbaibbele, zimwi ziindi bbala lyakuti “kulekelela” lipandulula ‘kuleka buyo.’ Aboobo talili lyoonse kulekelela nikwaamba kuluba naa kuubya-ubya cibi cakacitika. Zimwi ziindi kuyandika kwaaleka buyo makani kutegwa kube luumuno mulukwatano lwanu.\\nAmuzyibe bubi buboola akaambo kakutalekelela. Basyaazibwene mulukwatano alimwi akubandika kwabanabukwetene baamba kuti kubikkilila kulakonzya kubikka muntu muntenda yakumubili amumizeezo, eeci cibikkilizya kutyompwa akuciswa bulwazi bwa BP—alimwi amapenzi amwi buyo aakonzya kuboola mulukwatano lwanu. Nkakaambo kaako, Bbaibbele ncolyaamba kuti: “Amufwidilane luzyalo, mube amoyo mutete walubomba, akulekelelana camoyo woonse.”—Baefeso 4:32.\\nAmuzyibe bubotu bwakulekelela. Muciindi cakubikkilila, muuya wakulekelela upa kuti nywebo angomukwetene limwi kamusyoma kuti mweenzinyoko kunyina naakajisi makanze mabi pe. Kucita boobo kulamugwasya kutabikkilila alimwi akukomezya luyando lwanu.—Mpoijanika njiisyo eeyi mu Bbaibbele: Bakolose 3:13.\\nAmuzibone munzila yeelede zyintu. Kuti ngomukwetene limwi mwamuzumina mbuli mbwabede kweelana akutalondoka kwakwe, ciyoomuubaubila kumulekelela. Bbuku lyakuti Fighting for Your Marriage lyaamba kuti: “Kuti mwabikkila maano kuzyintu nzyomutajisi, ncuuba-uba kuziluba zyoonse nzyomujisi. Nzyintu nzi nzyomuyanda kubikkila maano mubuumi aciindi cino?” Kamuyeeya kuti, kunyina uulondokede—kubikkilizya andinywe.—Mpoijanika njiisyo eeyi mu Bbaibbele: Jakobo 3:2.\\nAmunyoneke. Ciindi ciboola mwaakunyema ambweni akaambo kamajwi ngaamba naa ncintu ncaacita ngomukwetene limwi, amukalibuzye kuti: ‘Sena makani aaya mapati? Sena ndiyanda kuti ngotukwetene limwi alilekelele, naa ndeelede kwaaluba buyo makani aayo?’—Mpoijanika njiisyo eeyi mu Bbaibbele: 1 Petulo 4:8.\\nIkuti kakuyandika, amwaabandike makani aayo. Cakukkazyika moyo, amwaambe camunyemya alimwi akaambo ncicamupa kulimvwa boobo. Mutamutamikizyi kuba amakanze mabi naa kumupa mulandu ngomukwetene limwi, nkaambo eeci inga capa kuti mutalike kukazyanya. Muciindi caboobo, amwaambe buyo mbomwalimvwa akaambo kazyintu nzyaacita.\\n“Amuzumanane kweengelelana akulekelelana camoyo woonse nokuba kuti umwi kajisi kaambo kakutongooka mweenzinyina.”—Bakolose 3:13.\\n“Toonse tulalubizya ziindi zinji.”—Jakobo 3:2.\\n“Luyando lulavwumba zibi zinji kapati.”—1 Petulo 4:8.\\nNDILILI NOMWEELEDE KULILEKELELA?\\nKuti mwamunyemya ngomukwetene limwi munzila imwi, amulilekelele kuzwa ansi amoyo. Nokuba kuti timwazuminana mukaambo aako, amulombe kulekelelwa kuzyintu nzyomwacita izyapa kuti anyeme. Kuti mwasoleka canguzu kutaziinduluka zyintu nzyomwacita, muyoopa kuti ngomukwetene limwi alimvwe kuti mwalilekelela ncobeni.\\nZilongwe Luumuno alimwi alukkomano Kubandika Cikwati Alimwi Amukwasyi\\nMabala Amusale naa muyanda kukkopa zyakamwaigwa izyakalekkoodwa SINSIMUKA! September 2013 | Kuzyiba Kasimpe Kujatikizya Pobwe lya Halloween","num_words":583,"character_repetition_ratio":0.062,"word_repetition_ratio":0.0,"special_characters_ratio":0.148,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amushome Lesa kwaamba ayi musangalale mucikwati | Mukwashi Usangalalite\\nAmushome Lesa kwaamba ayi musangalale mucikwati\\n“Kumatalikilo Lesa wakabalenga musankwa amwanakashi.” —Mateyo 19:4\\nYehova * Lesa ngowakatalikisha cikwati. Baibo ilaamba ayi wakapanga mwanakashi “akumupa kumusankwa.” Adamu wakakondwa abuumbi akwaamba ayi: “Ono uyu ncecifuwa ca shifuwa shangu, munyefu wa munyefu wangu.” (Matalikilo 2:22, 23) Alimwi Yehova ucisuni ayi beebene kabasangalala.\\nBantu na beebana, balayeeya ayi shintu shoonse shinanobetebo kabotu. Sombi cancine ncakwaamba ayi, nabi musankwa amwanakashi basunene abuumbi balakonsha kuba amapensho. (1 Bene Kolinto 7:28) Mu buloshuwa iyi, muli malembo amu Baibo eenga amucafwa kuba alusangalalo mucikwati amumukwashi.—Kulumbaisha 19:8-11.\\n1 MUNOOCITA YEHOVA NSHAMWAAMBILA\\nBAIBO ILAAMBA AYI: Musankwa ngomutwi wamukwashi.—Bene Efeso5:23.\\nNobasankwa, Yehova ulalangila ayi munolama kabotu bakaanu. (1 Pita 3:7) Lesa wakamupa mwanakashi ayi anomucafwa, alimwi ulisuni ayi munomupa bulemu akumusuna. (Matalikilo 2:18) Mulyeelete kusuna bakaanu abuumbi akubikila maano kushintu nshebasuni kwiinda shaanu.—Bene Efeso 5:25-29.\\nNomweebetwe, Yehova ulisuni ayi kamulemeka beebaanu alimwi akubacafwa kwaamba ayi bakumanishe mulimo ngobakapekwa. (1 Bene Kolinto 11:3; Bene Efeso 5:33) Munocafwa beebaanu alimwi akubanyumfwila amoyo wanu woonse. (Bene Kolose 3:18) Na mwacita boobo, mulakusangalasha beebanu alimwi a Yehova.—1 Pita 3:1-6.\\nAmwipushe mbomweebenaabo nsheenga mwacita kwaamba ayi mube mwanakashi nabi musankwa uli kabotu. Amukutikishe nshatomwaambila, akucitawo comwi\\nAmukalike moyo. Cilaakutola ciindi kwaamba ayi noonse nobilo mushibe mbweenga mwasangalashanya\\n2 MUNOOBIKILA MAANO SHISUNI MBOMWEEBENAABO\\nBAIBO ILAAMBA AYI: Mulyeelete kubikila maano ku shintu shisuni mbomweebenaabo. (Bene Filipi 2:3, 4) Kamubabona kuba muntu usuniki mukwiinga Yehova ulisuni basebenshi bakwe kwaamba ayi banooba “ankuumbu ku bantu boonse.” (2 Timoti 2:24) “Maswi abiibi alayasa kumoyo anga ngumupeeni, sombi maswi aamba musongo alashilika.” Aboobo munosala maswi akwaamba. (Tushimpi 12:18) Mushimu wakwe Yehova ulaakumucafwa kuba ba luse alusuno.—Bene Galatiya 5:22, 23; Bene Kolose 4:6.\\nMunopaila akusenga lucafwo kwaamba ayi mucikonshe kubandika makani anene ambomweebenaabo\\nMunotaanguna mwayeeyawo kamutana kwaamba nshemusuni\\n3 AMUBE AMUYEEYO WOMWI\\nBAIBO ILAAMBA AYI: Na mweebana, mulaba “mubili womwi.” (Mateyo 19:5) Sombi nshemuyeeya anshemucita shilipusene. Aboobo mulyeelete kwiiya mbweenga mwacatana mumiyeeyo ambomulinyumfwa. (Bene Filipi 2:2) Lucatano lulayandika abuumbi ndyemutosala shakucita. Baibo ilaamba ayi: “Taanguna kwiipusha kootana kuyeeya cakucita.” (Tushimpi 20:18) Munokonkela njiisho sha mu Baibo ndyemutosala shakucita.—Tushimpi 8:32, 33.\\nMunokwaambilako mbomweebenaabo nshemusuni alimwi ambomutolinyumfwa\\nAmutaangune kwiipusha mbomweebenaabo kamutana kusala cakucita\\n^ par. 4 Kweelana amushobo wakutaanguna kulemba Baibo, Yehova ndiina lyakwe Lesa.\\nAMUSHILANGE KABOTU SHINTU AKUBA AMIYEEYO IBOTU\\nMutanoolangila mbomweebenaabo nabi nobene kucita shintu anga mulisalalite. (Kulumbaisha 103:14; Jemusi 3:2) Amubikile maano ku mibo ibotu ya mbomweebenaabo. Mulyeelete kushoma ayi njiisho sha mu Baibo shilaakumucafwa, aboobo amukalike moyo. (2 Timoti 3:16) Na mwatolelela kukonkela Yehova nshatomwaambila mulaakucana cilambu alimwi cikwati canu cinanooyuminakobo mwaka amwaka.—Bene Galatiya 6:9.\\nSa mukaangu nabi mwibaangu ulabona ayi ndamubikilako maano kwiinda mbondibikila maano nemwiine?\\nIno nciinshi ncondacita sunu catondesha ayi ndimusuni alimwi ndamulemeka mukaangu nabi mwibaangu?","num_words":395,"character_repetition_ratio":0.06,"word_repetition_ratio":0.0,"special_characters_ratio":0.189,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Johane 1 | Bbaibbele lili a Intaneti | Bbaibbele lya Busanduluzi Bwanyika Mpya\\nIjwi wakaba muntu (1-18)\\nBumboni mbwaakapa Johane Mubbapatizi (19-28)\\nJesu Mwanaambelele wa Leza (29-34)\\nBasikwiiya ba Jesu bakusaanguna (35-42)\\nFilipo a Natanayeli (43-51)\\n1 Kumatalikilo Ijwi+ wakaliko, alimwi Ijwi wakali a Leza,+ alimwi Ijwi wakali leza.*+ 2 Ooyu kumatalikilo wakali aa Leza. 3 Zintu zyoonse zyakaba kwiinda mulinguwe,+ alimwi kunyina cintu nociba comwe cakaba kakunyina nguwe. Eeco icakaba 4 kwiinda mulinguwe bwakali buumi, alimwi buumi bwakali mumuni wabantu.+ 5 Alimwi mumuni ulamunika mumudima,+ pele mudima tiiwauzunda mumuni pe. 6 Kwakali muntu wakatumwa kuba mwiiminizi wa Leza; izina lyakwe wakali Johane.+ 7 Ooyu muntu wakaboola kali kamboni, kuti azikupe bumboni bwamumuni,+ kutegwa bantu bamisyobo yoonse basyome kwiinda mulinguwe. 8 Tanaakali ngomumuni ooyo pe,+ pele wakaboola kuti ape bumboni kujatikizya mumuni ooyo. 9 Imumuni wini-wini uumunikila bantu bamisyobo yoonse wakali afwaafwi kusika munyika.+ 10 Wakaliko munyika,+ alimwi nyika yakaba kwiinda mulinguwe,+ pele nyika tiiyakamuzyiba. 11 Wakaboola kucisi cokwabo, pele bantu bokwabo tiibakamutambula pe. 12 Pele aabo boonse ibakamutambula wakabapa nguzu zyakuba bana ba Leza,+ nkaambo bakali kusyoma muzina lyakwe.+ 13 Alimwi bakazyalwa ikutali kwiinda mubulowa naa kwiinda mukuyanda kwabazyali naa kwiinda mukuyanda kwamwaalumi, pele mukuyanda kwa Leza.+ 14 Aboobo Ijwi wakaba muntu*+ akukkala akati kesu, alimwi twakabubona bulemu bwakwe, ibulemu bwasimuzyalwaalikke+ kuli bausyi; alimwi wakazwide luzyalo lwa Leza akasimpe. 15 (Johane wakapa bumboni kujatikizya nguwe, inzya, wakoompolola kati: “Ooyu ngonguwe ngondakali kwaamba nindakaamba kuti, ‘Ooyo uuboola musyule lyangu waunka kumbele lyangu, nkaambo wakaliko mebo kanditanaba.’”)+ 16 Nkaambo kuzwa kuli zyeezyo nzyajisi mubunji, toonse twakatambula luzyalo lwa Leza lulibedelede ilutamani. 17 Nkaambo Mulawo wakapegwa kwiinda muli Musa,+ luzyalo lwa Leza+ akasimpe zyakaba kwiinda muli Jesu Kristo.+ 18 Kunyina muntu wakamubona kale Leza nociba ciindi comwe pe;+ ccita leza simuzyalwaalikke+ ooyo uuli kumbali lya Usyi*+ ngonguwe wakamupandulula.+ 19 Oobu mbobumboni mbwaakapa Johane ciindi iba Juda nobakatuma bapaizi aba Levi kulinguwe kuzwa ku Jerusalemu kuyoomubuzya kuti: “Ino nduwe ni?”+ 20 Eelyo wakalyaambilila cakutasisa, wakazumina kuti: “Mebo tandili Kristo pe.” 21 Alimwi bakamubuzya kuti: “Ino nduwe ni? Sena nduwe Elija?”+ Wakavwiila kuti: “Tandili nguwe.” “Sena ndonduwe Musinsimi?”+ Wakavwiila kuti: “Peepe!” 22 Aboobo bakamubuzya kuti: “Ino nduwe ni? Kotwaambila kutegwa tukabape bwiinguzi aabo batutuma. Ino waamba kuti nduwe ni?” 23 Wakati: “Ndime jwi lyayooyo woongolola munkanda kuti, ‘Amululamike nzila ya Jehova,’*+ mbubonya bwakaamba musinsimi Isaya.”+ 24 Lino aabo ibakatumwa bakazwide kuba Farisi. 25 Aboobo bakamubuzya mubuzyo kabati: “Ino nkaambo nzi ncobbapatizya ikuti kotali Kristo naa Elija antela Musinsimi ooyo?” 26 Johane wakabavwiila kuti: “Mebo ndibbapatizya mumaanzi. Akati kanu kwiimvwi muntu ngomutazyi, 27 ooyo uuboola musyule lyangu, ngonditeeleli kwaangununa ntambo zyampato zyakwe.”+ 28 Eezyi zintu zyakacitikila ku Betaniya mutala lya Jordano, ooko Johane nkwaakali kubbapatizyila.+ 29 Buzuba bwakatobela wakabona Jesu kaboola kulinguwe, mpoonya wakaamba kuti: “Amubone, Mwanaambelele+ wa Leza ooyo uugusya cibi+ canyika!+ 30 Ooyu ngonguwe ngundakaamba kuti: ‘Musyule lyangu kuboola muntu waunka kumbele lyangu, nkaambo wakaliko mebo kanditanaba.’+ 31 Andime tiindakamuzyi pe, pele kaambo nkindakaboolela kandibbapatizya mumaanzi nkakuti ayubununwe kuba Israyeli.”+ 32 Johane awalo wakapa bumboni, kati: “Ndakabona muuya kuuseluka mbuli nziba kuzwa kujulu, alimwi wakakkala alinguwe.+ 33 Andime tiindakamuzyi, pele ngoonya Ooyo iwakandituma kuti kandibbapatizya mumaanzi wakandaambila kuti: ‘Ooyo ngoyoobona kuti muuya waseluka akukkala alinguwe,+ ooyu ngonguwe uubbapatizya mumuuya uusalala.’+ 34 Alimwi ndakalibonena, eelyo ndakapa bumboni bwakuti ooyu Mwana wa Leza.”+ 35 Buzuba bwakatobela, Johane wakaliimvwi abasikwiiya bakwe bobilo, 36 eelyo naakabona Jesu keenda, wakati: “Amubone, Mwanaambelele+ wa Leza!” 37 Lino basikwiiya bakwe aabo bobilo nobakamumvwa kaamba boobu, bakamutobela Jesu. 38 Mpoonya Jesu wakacenguluka, eelyo naakabona kuti balamutobela, wakababuzya kuti: “Ino muyandaula nzi?” Bakati kulinguwe: “Rabbi (izina ilyaamba kuti “Mwiiyi” lyasandululwa), ino ukkala kuli?” 39 Wakabaambila kuti: “Kamuboola mubone.” Aboobo bakaunka akubona nkwaakali kukkala, eelyo bakakkala anguwe buzuba oobo; alimwi ciindi cakali afwaafwi kusika awoola lyakkumi.* 40 Andreya+ munyina wa Simoni Petro ngumwi wabaabo bobilo ibakamvwa nzyaakaamba Johane akumutobela Jesu. 41 Wakasaanguna kujana munyina, Simoni, akumwaambila kuti: “Twamujana Mesiya”+ (izina ilyaamba kuti “Kristo” lyasandululwa), 42 eelyo wakamutola kuli Jesu. Lino Jesu naakamulanga wakati: “Nduwe Simoni+ mwana wa Johane; unakwiitwa kuti Kefasi” (izina lisandululwa kuti “Petro”).+ 43 Ibuzuba bwakatobela Jesu wakali kuyanda kuunka ku Galilaya. Mpoonya wakajana Filipo+ akumwaambila kuti: “Koba sikunditobela.” 44 Lino Filipo wakali kuzwa ku Betesaida, mumunzi mwakali kukkala Andreya a Petro. 45 Filipo wakajana Natanayeli+ akumwaambila kuti: “Twamujana ooyo ngwaakalemba Musa mu Mulawo uulembedwe amu Basinsimi: Jesu waku Nazareta, mwana wa Josefa.”+ 46 Pele Natanayeli wakati kulinguwe: “Sena kuli cibotu cinga cazwa mu Nazareta?” Filipo wakati kulinguwe: “Koboola ubone.” 47 Jesu wakabona Natanayeli kaboola kulinguwe eelyo wakamwaamba kuti: “Amubone, muna Israyeli ncobeni uunyina lweeno.”+ 48 Natanayeli wakamubuzya kuti: “Ino wakandizyibila kuli?” Jesu wakamwiingula kuti: “Katanakwiita Filipo, nowacili munsi lyamukuyu, ndalikubwene.” 49 Natanayeli wakavwiila kuti: “Rabbi, ncobeni uli Mwana wa Leza, uli Mwami wa Israyeli.”+ 50 Jesu wakamubuzya kuti: “Sena wasyoma nkaambo ndakwaambila kuti ndalikubwene munsi lyamukuyu? Uyoobona zintu zipati kwiinda zyeezyi.” 51 Mpoonya wakamwaambila kuti: “Ncobeni nobaalumi nywebo ndimwaambila masimpe kuti, muyoobona julu kalijalukide alimwi abangelo ba Leza kabatanta kuya nkuko akuseluka kuboola ku Mwanaamuntu.”+\\n^ Naa “mbuli Leza.”\\n^ Mu Chigiriki, “mubili wanyama”\\n^ Naa “kucamba ca Usyi.” Eeci caamba kuyandwa kapati.\\n^ Nkokuti, cakuma 4 koloko yakumazuba.","num_words":775,"character_repetition_ratio":0.054,"word_repetition_ratio":0.0,"special_characters_ratio":0.201,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino kutyompwa ninzi? | Ncolyaamba Bbaibbele\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bengali Bulgarian Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch Efik English Estonian Ewe Fijian Finnish French Georgian German Greek Gujarati Hebrew Hiligaynon Hindi Hungarian Icelandic Igbo Iloko Indonesian Italian Japanese Kannada Kinyarwanda Kirghiz Kirundi Korean Lithuanian Malagasy Malayalam Maltese Myanmar Nepali Norwegian Oromo Pangasinan Polish Portuguese Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Sinhala Slovak Slovenian Spanish Swahili Swedish Tagalog Tamil Thai Tigrinya Tsonga Turkish Twi Ukrainian Urdu Vietnamese Xhosa Zulu\\nIno kutyompwa ninzi?\\n“Ndoongomene, ndalemenwa loko, buzuba boonse nja bulila.”—Intembauzyo 38:6.\\nBantu boonse balatyompwa ciindi aciindi, pele kuti kutyompwa kwazumanana kulakonzya kupa muntu kulimvwa kukatala mumubili naa mumizeezo. Masimpe kuti tabali basyaazibwene boonse bazyi ncokwaamba kuusa buyo alimwi akutyompwa kwini. Aboobo, cileelela kwaamba kuti bamwi bantu balatyompwa kapati cakuti zimwi ziindi inga balimvwa kubula mpindu alimwi balalipa mulandu.\\nIbbaibbele lilaamba bamaalumi abamakaintu banji ibakatyompedwe mumizeezo. Mucikozyanyo, Hana ‘wakaciswa moyo’ icipandulula “kutyokamoyo” alimwi “akutyompwa kapati.” (1 Samuele 1:10) Aciindi cimwi musinsimi Eliya wakausa kapati cakuti wakapaila kuli Leza kuti afwe!—1 Bami 19:4.\\nBanakristo bamumwaanda wamyaka wakusaanguna bakalaililwa ‘kuumbulizya aabo ibatyompedwe mumoyo.’ (1 Batesalonika 5:14) Kweelana abuvwuntauzi bumwi, mabala aakuti “ibatyompedwe mumoyo” alakonzya kwaamba baabo “ibatyompwa kwaciindi cisyoonto buyo akaambo kamakataazyo aamubuumi.” Cilasalala kuti nobaba bamaalumi alimwi abamakaintu bakaindi zimwi ziindi bakali kutyompwa.\\nSena kutyompwa mbukkale bwakuliyandila buya?\\n“Zilenge zyoonse zilatongela lyoonse akuba amacise caantoomwe.”—Baloma 8:22.\\nIbbaibbele liyiisya kuti kuciswa ncikono kuzwa kubanabukwetene bakusaanguna basikuzanga. Mucikozyanyo, lugwalo lwa Intembauzyo 51:5 lwaamba kuti: ‘Ndakazyalwa mumilandu, amuzibi bama mobakandimita.’ Mpoonya lugwalo lwaba Baloma 5:12 lwaamba kuti: “Mbubonya cibi mbocakanjila munyika kwiinda mumuntu omwe [muntu wakusaanguna, Adamu] alufwu kwiinda mucibi, eelyo lufwu lwakasikila bantu boonse nkaambo boonse bakabisya.” Akaambo kakuti twakakona kutalondoka kuzwa kuli Adamu, toonse tulakonzya kuciswa mumizeezo alimwi akumubili. Akaambo kaceeci, Ibbaibbele lyaamba kuti: “Zilenge zyoonse zilatongela lyoonse akuba amacise caantoomwe.” (Baloma 8:22) Nokuba boobo, Ibbaibbele alimwi lilapa bulangizi butakonzyi kupegwa amusilisi uuli woonse—cisyomezyo ca Leza canyika mpya yaluumuno mwalo malwazi oonse alimwi akunyongana, kubikkilizya akutyompwa noziyoomana.—Ciyubunuzyo 21:4.\\nMbuti mbomukonzya kuliyumya kuti mwatyompwa?\\n“Jehova uli afwaafwi kubawizukide mumoyo, ulafutula batete myuuya.” —Intembauzyo 34:18.\\nTalili lyoonse nomukonzya kweendelezya bukkale bwanu, alimwi zimwi ziindi zyintu zibyaabi zilakonzya kumucitikila. (Mukambausi 9:11, 12) Nokuba boobo, kuli zyintu zimwi nzyomukonzya kucita kutegwa mutalekeli kutyompwa kweendelezya buumi bwanu.\\nIbbaibbele lyaamba kuti aabo baciswa bayandika musilisi. (Luka 5:31) Aboobo kuti kamujisi penzi lyakabuko, tacilubide pe kuyandaula busilisi. Ibbaibbele alimwi lilakulwaizya mbouyandika mupailo. Mucikozyanyo, lugwalo lwa Intembauzyo 55:22 lwaamba kuti: “Bikka makani aako oonse mumaanza aa-Jehova, lino ulakutabilila. Lyoonse takooyoozuminina baluleme kuwida mumapenzi.” Mupailo taili buyo nzila yakuti mulimvwe kabotu pe, pele nkwaambaula a Jehova Leza, walo “uli afwaafwi kubawizukide mumoyo.”—Intembauzyo 34:18.\\nMulakonzya kugwasyigwa kwiinda mukwaamba mbomulimvwa kumulongwe wanu. (Tusimpi 17:17) Daniela, Kamboni wa Jehova wakaamba kuti, “Musyomima wakandikombelezya kwaamba mbondilimvwa kujatikizya kutyompwa kwangu. Nokuba kuti tiindakali kwaamba mbondilimvwa kwamyaka minji, ndakabona kuti eeci ncindakali kuyandika kucita. Ndakagambwa mbondakaanguluka nindakamana kwaamba mbondilimvwa.”\\nNkaambo Nzi Bakubusi Ncobajisi Penzi Lyakutyompwa? Ino Inga Bagwasyigwa Buti?","num_words":469,"character_repetition_ratio":0.053,"word_repetition_ratio":0.0,"special_characters_ratio":0.165,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 30 IBBAIB63 - Alimwi ucite cipaililo - Bible Search\\nKulonga 29 Kulonga 31\\n1-Alimwi ucite cipaililo cakutentela tununkilizyo; cikacitwe amuunga. 2Bulamfu bwaco bube kakokola komwe, abwaamba bwaco bube kakokola komwe; cibe azyooko zyone zyeelene, abwiime bwaco bube tukokola tobile. Ameja aaco kaakumbetene. 3Uciziluluzye ingolida iisalala, atala akumabazu akumeja koonse, Alimwi ucicitile moombe wangolida koonse koonse, 4akunsi lyamoombe ucite incoko zyobile zyangolida kumabazu obile aalangene; mulinzizyo mulasomwa miziyo yakuciyumuzya. 5Alimwi ucite miziyo yamuunga akwiiziluluzya ingolida. 6Lino eco cipaililo ucibike kunembo lyacisitilizyo cili kubbokesi lyacizuminano, kunembo lyacuuno caluzyalo caatala lyabbokesi nkotunooswanaana ayebo. 7Nkabela Aroni unootenta misamu iinunka kabotu alincico. Cifumo cimwi acimwi, kuciindi cakubamba malampi, uleelede kwiitenta. 8Alimwi magolezya, naayasya malampi, Aroni uleelede kwiitenta, Ibe tununkilizyo twalyoonse kubusyu bwa-Jehova mumazyalani aanu oonse. 9-Tamweelede kupaizya awo misamu imbi, neciba cituuzyo citentwa neciba cipaizyo cabusu; azipaizyo zyakunywa tazyeelede kutilwa alincico. 10-Nkabela komwe mumwaka Aroni uleelede kumanya milandu ameja aaco; bulowa bwacituuzyo cazibi, mbombubo mbweelede kubelesya kukumanya milandu, komwe mumwaka mumazyalani aanu oonse. Cilasalalisya kumeso aa-Jehova.\\n11Lino Jehova wakaambila Musa kuti, 12-Ciindi cakubala mweelwe wabana ba-Israyeli, boonse baleelede kuletela Jehova umwi aumwi cinunuzyo cabuumi bwakwe, kuti kutabi bulwazi akati kabo kuciindi cakubalwa. 13-Umwi aumwi uubalwa, cipo nceelede kuleta nceeci: cisela casyekeli, nkokuti syekeli lyacikombelo (isyekeli lili amagera aali makumi obile). Alete cisela casyekeli, cibe mulumbo kuli-Jehova. 14Kufumbwa muntu uubalwa uuli amyaka iili makumi obile na kwiinda uleelede kuleta oyu mulumbo wa-Jehova. 15-Bavubi batakapi ciinda, abatengwana batakapi tuniini: boonse buyo bape cisela casyekeli ciindi cakuleta oyu mulumbo wa-Jehova wakununuzya maumi aabo. 16-Nkabela ayo mali aakumanya milandu ngemutambula kubana ba-Israyeli, muleelede kwaabelesya milimo yatente lyambunganino. Ayoobeda Jehova ciibalusyo cabana ba-Israyeli cakumanya milandu yanu.\\nCisambilo azibelesyo zimwi zyacikombelo\\n17Nkabela Jehova wakaambila Musa kuti, 18-Panga cisambilo camukuba atako lyaco lyamukuba, cakusambila, ucibike akati katente lyambunganino acipaililo, akubika maanzi mulincico, 19-kuti Aroni abana bakwe basambe kumaanza akumaulu. 20Kufumbwa ciindi nebanjila mutente lyambunganino, nanka kuswena afwaafwi kucipaililo kuzoopaizizya Jehova na kumutentela tununkilizyo, 21-sansi basambe kumaanza akumaulu kuti batafwi. Ngomulao walyoonse kulimbabo, kuli-Aroni akubana bakwe mumazyalani aabo oonse.\\n22-Alimwi Jehova wakaambila Musa kuti, 23-Bweza misamu mibotu: mungwimba wamuro uuli abulemu bwamasyekeli aali myanda yosanwe, amusamu uununka wakinamono uuli abulemu bwacisela, nkokuti masyekeli aali myanda yobile amakumi osanwe, amisale iili myanda yobile amakumi osanwe, 24-atununkilizyo twakasiya masyekeli aali myanda yosanwe (weeleke kusyekeli lyacikombelo), ansazi yamafuta aamaolifa. 25-Ezi zyoonse uzivwelanye, zibe mafuta aasalala aakunanika, mbubonya mbwacita simisamu. Abe mafuta aasalala aakunanika. 26-Unanike ngao itente lyambunganino, abbokesi lyacizuminano, 27antafule azibelesyo zyayo zyoonse, acikazikilo camalampi azibelesyo zyaco zyoonse, acipaililo catununkilizyo, 28acipaililo cazituuzyo azibelesyo zyaco zyoonse, acisambilo atako lyaco. 29Uzisalazye zyoonse kuti zisalalisye loko, Kufumbwa uuziguma ulasalazigwa. 30Alakwe Aroni abana bakwe, ubananike, ubasalazye, kuti bandimanine milimo yabupaizi. 31Lino ambila bana ba-Israyeli kuti, Oyu mungwimba uyooba mungwimba wangu uusalalisya wakunanika mumazyalani aanu oonse. 32Tuukooyootilwa amubili wamuntu buyo, pe, alimwi tamweelede kweenga umwi uukozyene anguwo. Ulasalalisya. Usalalisye kulindinywe. 33-Kufumbwa muntu uuenga umwi uuli mbubo, nanka kunanika mweenzu anguwo, ulatandwa muciinga cakwe.\\n34-Alimwi Jehova wakaambila Musa kuti, Bweza misamu iili abweema: natafi asekeleti akelebuna, antoomwe atununkilizyo tusalala twalibano. Myeelwe ielane. 35Lino ukacite tununkilizyo tuvwelene mbubonya mbwavwelanya simisamu. Tulungwe munyo mubotu uusalalisya. 36-Lino tumwi ututwe, ubike kunembo lyamagwalo aamilao mutente lyambunganino nkotunooswaninana ayebo. Tube cintu cisalalisya kulindinywe. 37Atwalo tununkilizyo ntomucita, mutalicitili tumwi tuli boobu, pe. Tulamubeda cintu cisalalisya ca-Jehova. 38Kufumbwa muntu uucita tumwi tuli boobu twakulinanika ulatandwa muciinga cakwe.","num_words":528,"character_repetition_ratio":0.06,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulibambila Kukkala Antoomwe a Yahuwah Print\\nKulibambila Kukkala Antoomwe a Yahuwah\\nBulumbu bwiinda zyoonse buyoopegwa bakomi takuli kuleka kufwa. Pele, nkuyoobaa ciindi cibotu cakukkala munsimunsi lya mpabede Yahuwah mubulelo Bwakwe buzya anyika. Eelyo nobelesya lusyomo lwako kutambula lufutuko, kumwi kolibambila kuyookkala antoomwe a Yahuwah, eeco cini ncecibalilwa kuli nduwe kuti mbululami.\\nCinyonyoono cilaandaanya muya wamuntu kuzwa ku Mulengi. Paulu wakapandulula kuti Yahuwah “Uulilelekedwe alimwi ngo Singuzuzyoonse alikke, Mwami wa Bami a Simalelo wa basimalelo, alikke nguutafwi, nguukkala mu mumuni uutasikwi munsimunsi, uutanabonwa nokuba uutaakonzyi kubonwa aamuntu; kuli nguwe akube bulemu anguzu ziteeli.” (1 Timoteo 6:15-16, KJV) Eelyo Mozesi, naakagambwa kubota ciwa cabulemu, wakakumbila kuti amubone Yahuwah busyu-abusyu, Yahuwah wakamupandulwida kuti, “Webo tokonzyi kundibona busyu Bwangu; nkaambo kunyina muntu uunga wandibona Ime, mpoonya kacipona.” (Kulonga 33:20, NKJV)\\nMuntu uuli boobu, uusumpukide citaambiki cakuti takonzyi akupandululwa bululami Bwakwe, uukkala mukati ka mumuni uutasikwi munsimunsi, tali muntu ngwanga mubisyi wakawida mucibi weendelana anguwe. Yahushua taakafwida buyo babisyi balikke pe: buumi bwakwe, kali muntu uukkwene buntu, wakayubununa Taata mbwaakali kunga waba kuti naali muntu wanyama.\\nYahushua naakatambula bamatumbu abana babo, wakayubununa Taata kalaa maanza aatambikide kutambula baabo kanjaanji baindwa kumbali akataa buleya.\\nYahushua naakaamba kuti, “Ambeyo nsyekupi mulandu; koya utakaciti kabili cibi,” eeco citutondezya Taata kamwetamweta akutondezya mbwabwene ciimo ca muntu, kalibambide alimwi kayandisyide kumulekelela zibi.\\nYahushua naakaponya baciswa akuumbulizya batyompedwe mumyoyo, wakatondezya Taata mbwakumbatila mukowa wabantu, akugwasyilila kufumbwa mpakonzya kugwasya.\\nMuukuyubununa ciimo ca Taata ca luyando luteeli ooku kubambila moyo wabuntu kuti ukatambule bulumbu oobo bulindila basalali:\\nAlimwi Ime ndakamvwa jwi pati kalizwa kujulu kalyaamba kuti, “Amulange, cikkalilo ca Yahuwah cili akataa bantu, alimwi Walo uyookkala ambabo, abalo bayooba bantu Bakwe. Yahuwah Lwakwe unooli akati kabo alimwi uyooba Leza wabo. Alimwi Yahuwah uyoosansamuna misyozyi yoonse kumeso aabo; takucikabi lufu, nokuba buumba, nokuba kulila. Takucikabi kucisa, nkaambo zintu zyakaindi zyakamana.” (Bala Ciyubunuzyo 21:3-4.)\\nKutegwa muntu akakkale munsimunsi lya Singuzuzyoonse; akulanga mubusyu butaambiki kusalala akubaa luyando luteeli … oobu mbobulumbu bwa baluleme. Makani mabotu ngakuti Yahushua wakaamba kuti, ooko kubambila muya wamuntu kusandula mubisyi kuti abe mwanaa Yahuwah, akukonzya kulanga mubusyu bwa Taata busyu-busyu, eeco ncecipego ca lweengelelo lwa bulemu. Eeci cipego cilipedwe ku muntu woonse, kunyina makani naa unjombede mucibi cili buti, pele kuti watambula cipego eeci a lusyomo.\\nKusanduka kwiinda mu kusyoma\\nBaLoma 3:10 (KJV) balaamba cakutaleyaleya kuti: “Kunyina uululeme, pe naba omwe peepe.” Bululami nkweendelana aamulawo wabulemu. Yebo tokonzyi kulisandula omwini kuzwa ku muzangi uugagambide cibi kuya kumuntu uululeme. Ambeyo nsyekonzyi pe. Pele Yahuwah ulakonzya kucita eeco. Coonse ncoyelede kucita nkulekela lusyomo lwako kuti lusiminine mu cisyomyo eeco, mpoonya cilazuzikwa mpeenya aawo!\\nPaulu, wakatola mulumbe mubotu ku masi, akubapandulwida kusanduka kwaaboolela bantu bakasyoma mumunzi wa Loma.\\nAtegwa ninzi caambwa mu Mangwalo? “Abulahamu wakasyoma Yahuwah, aboobo eeco cakabalilwa kuti mbululami kuli nguwe.” Lino kuli yooyo uubeleka, mali aakuvwola taabalwi kuti ndweengelelo pele ncikwelete.\\nPele kuli yooyo uutabeleki pele kasyoma muli Nguwe uululamika batazyi leza, lusyomo lwakwe lubalwa kuti mbululami, mbweenya mbuli Davida awalo mbwapandulula kulelekwa kwa muntu ooyo Yahuwah ngwapa bululami kutali nkaambo kamilimo njaacita: “Balelekwa aabo balekelelwa micito yabo yakusotoka mulawo, alimwi balaa zibi zyabo zyavwumbilwa; walelekwa ooyo muntu Yahuwah ngwatakapi mulandu wacibi.” (Langa BaLoma 4:3-8.)\\nMumajwi amwi ooku nkwaamba kuti, eelyo webo notambika janza lyako mulusyomo kuti utambule lufutuko, oolo lusyomo lwako lwini ndolubalilwa kuli nduwe kuti mbululami!\\nAcikkalilile mucamba eeci kwakaindi kasyoonto: mucito wini wakutambula lufutuko kwiinda mukusyoma ncecibalilwa kuli nduwe kuti mbululami.\\nYebo kunyina ncoyelede kucita kutegwa waabilwe bululami oobo. Mubwini, kunyina yebo nconga wacita kutegwa upegwe bululami oobo. Coonse ncoyelede kucita nkuzumina a lusyomo. Mpoonya oolo lusyomo lwini ndobelesya kutambula cipego eeco alwalo ncipego cakwaabilwa buya!\\n“Ime ndaamba kuti, kwiinda mu lweengelelo ndweekapegwa, kuli omwe-omwe akati kenu, atalipeekezyi kuti ulisumpukide kwiinda mbwayelede kuyeeyela, pele abaa mizeezo iikkalikide, mbweenya mbuli Yahuwah mbwapede muntu omwe-omwe cisela ca lusyomo.” (Langa mu Baloma 12:3.)\\nKulengululwa mucinkonzya ca Yahuwah\\nMpeenya buyo mboobelesya lusyomo oolo ndopedwe akutambula cipego cokwa Yahuwah ca bululami bwa Yahushua, Yahuwah ulakulengulula mucinkonzya Cakwe mwini. Alimwi, eeci tacili cintu nconga walicitila omwini pe. Ooyu mulimo Wakwe Yahuwah alikke kumugama.\\nMpoonya njoosansaila meenda ali ndinywe, nkabela muyoosalazyigwa; Ime njoomusalazya kuzwa kubusofwaazi bwenu boonse amituni yenu yoonse. Ime njoomupa moyo mupya akubikka muya mupya mukati muli ndinywe; Ime njoogwisya moyo muyumu aanga ndibbwe kuzwa muli ndinywe akumupa moyo wabuntu. Ime njoobikka Muya Wangu mukati muli ndinywe akumweenzya mu milazyo Yangu, nkabela nywebo muyoobamba mbeta Zyangu akuzicita. Mpoonya inywe muyookkala munyika eeyo njindaapa bamauso; muyooba bantu Bangu, Ambeyo ndiyooba Leza wenu. Ime njoomuvwuna kuzwa kubusofwaazi bwenu boonse. (Ezekiya 36:25-29, NKJV)\\nYahuwah wakakubambila kale zyoonse nzyoyanda kutegwa ukafutulwe.\\nCili kuli nduwe kuti usale\\nKumamanino, cili mumaanza aamuntu kuti asale, aboobo kunyina muntu uumbi uunga wakusalila pe. Ikuti yebo wasala, inga yebo waakukkala ncobeni munsimunsi lya Yahuwah uupa kukkomana koonse, lyoonse kukabe kutamani. Alimwi, kutali mbuli Mozesi Munkanda, yebo ulaaciindi cibotu cakulangana busyu-abusyu a Taata.\\n“Nkaambo lino tubwene buyo mbuli mucimbonimboni; pele eelyo tuyoobonana busyu abusyu; lino ndizyi buyo aasyoonto; pele eelyo ndiyoomuzyiba mbuli mbwezyibidwe.” (1 Bakolinto 13:12, KJV)\\nCili kuli nduwe: kosala kutambula cipego Yahuwah ncakwaabila. Taata ulindila nduwe akulangila kutapanduluki kuti akwaabile bululami bwa Messiah. Eelyo notambula cipego eeci, Walo kukkomana kwakwe takweeli. Walo uyookkomana kapati cakuti, kukkomana Kwakwe kuyoomvwika mulwiimbo lwakuti:\\nYahuwah wakagwisya kubetekwa kwenu,\\nWalo wakatanda sinkondonyoko.\\nMwami wa Isilayeli, Yahuwah, ulaakati kenu;\\nKucinyina ntenda iiyoomusikila kabili.\\nYahuwah Elohimu wenu ulaakati kenu,\\nUyoookkomanina ndinywe alukondo,\\nWalo uyoomuyanda aluyando Lwakwe mukaziziizi,Walo uyookkomanina ndinywe akwiimba.” (Bala Zephaniya 3:15 a17.)\\nKotambula cipego eeci nkabela uyakwiimikila kunembo lya Yahuwah kolondokede kwiinda muli Yahushua. Yahuwah uyookkomaama akumwiimbilila.","num_words":857,"character_repetition_ratio":0.044,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ciindi Nokwaba Mapenzi | Kubotelwa Mumpuli\\nCiindi Nokwaba Mapenzi\\n“Mulasekelela loko, nekuba kuti kuciindi ecino kweelede kuti mube abuusu kukaindi kaniini nkaambo kamasukusyo aamisyobo misyobo.”—1 Petro 1:6\\nNikuba kuti uleezya anzila zyoonse kuti kube kubotelwa mulukwatano amumpuli yanu, zintu zicitika kazitalangililidwe zilakonzya kumupa kutabotelwa. (Mukambausi 9:11) Caluyando, Leza ulatugwasya ciindi notuswanana aabuyumuyumu. Ikuti wabelesya malayilile aatobela aazwa muBbaibbele, iwe ampuli yako muyookonzya kulanganaa ziindi zikatazya loko.\\n1 SYOMA JEHOVA\\nNZILYAAMBA BBAIBBELE: “Makataazyo aanu oonse amwaasowele kumaanza aakwe, nkaambo nguumucebuka lyoonse.” (1 Petro 5:7) Ciindi coonse koyeeya kuti Leza teelede kupegwa mulandu akaambo kamapenzi nguswaanya. (Jakobo 1:13) Mbuli mboyoobusweenaa fwiifwi kuli nguwe, uyookugwasya munzila iiyinda zyoonse. (Isaya 41:10) “Amutule myoyo yanu kulinguwe.”—Intembauzyo 62:8.\\nUyoojana kuumbulizigwa ciindi nobala Bbaibbele buzubaa buzuba. Uyoobona nzila Jehova ‘njatuumbulizyaayo mumapenzi esu oonse.’ (2 BaKorinto 1:3, 4; BaRoma 15:4) Leza usyomezya kukupa ‘luumuno lwakwe lwiinda miyeeyo yoonse yabantu.’—BaFilipi 4:6, 7, 13.\\nKomba kuli Jehova kuti ujane lugwasyo lwakuti ukkale kubateme akuti uyeeye kabotu\\nLangisisya nzila nzuyanda kubelesya alimwi usale nzila iili kabotu kwiinda zyoonse\\n2 LIBIKKILE MAANU ALIMWI ULANGANYE MPULI YAKO\\nNZILYAAMBA BBAIBBELE: “Moyo uucenjede ulalijanina luzibo, akutwi kwamusongo kulayandaula luzibo.” (Tusimpi 18:15) Ziba twaambo toonse alimwi ziba ziyandwaa umwi awumwi mumpuli yako. Wambulaabo alimwi ubaswiilile.—Tusimpi 20:5.\\nAni kuti umwi wafwa mumpuli? Utayoowi pe kutondezya mbolimvwa. Utalubi kuti nikuba “Jesu wakalila.” (Johane 11:35; Mukambausi 3:4) Kujana ciindi cakulyokezya ceelede aciindi cakoona ceelede kulayandikana loko. (Marko 6:31) Eezi ziyoopa kuti cibe cuuba kuti ulanganaa zintu zikatazya.\\nKakutanacitika mapenzi, cita kuti cibe cilengwa kwaambuzyanyaa mpuli yako. Ciindi nikwaba mapenzi, bayoolimvwa kabaangunukide kwaambulaa nduwe\\nAmbulaa bamwi bakasweenenaa mapenzi aliboobo\\n3 YANDUULA LUGWASYO NDUYANDA\\nNZILYAAMBA BBAIBBELE: “Muzwalani ulayandisya kuziindi zyoonse, alimwi munyina wazyalilwa mapenzi.” (Tusimpi 17:17) Beenzinyokwe balaaciyandisyo cakukugwasya, pesi cimwi ciindi ngatabazizi pe nzyobeelede kucita. Utaleki pe kubabuzya cili ncinco ncuyanda. (Tusimpi 12:25) Alubo yanduula lugwasyo kuzwa kubantu bamvwisisya Bbaibbele. Malayilile ngibakonzya kukupa aazwa muBbaibbele alakonzya kukugwasya loko.—Jakobo 5:14.\\nUyoojana lugwasyo nduyanda kuti wakkala kuliswaanizyaa bantu balaalusyomo muli Leza abasyoma kuzisyomezyo zyakwe. Alubo uyoowumbulizigwa loko ciindi nuwanogwasya aabo bayanda kusungwaazigwa. Babuzye nzyusyoma azisyomezyo zyaJehova. Sungwaala kugwasya aabo bayanda lugwasyo, alimwi utalipambukanyi kubantu bakuyanda abakulanganya.—Tusimpi 18:1; 1 BaKorinto 15:58.\\nWambuulaa mweenzinyokwe nguyandisya loko kuti akugwasye\\nZwiidaa ntanganana kuzintu nzyuyanda\\nBONA ZINTU ZIBOTU IKUTALI MAPENZI AAKO LUZUTU\\nNikuba kuti walimvwa kukatazikene, bikka mizeezo yako kuli Leza. Ciindi naakali mumapenzi, Jobu wakati: “Kalumbwa Jehova.” (Jobu 1:21, 22) Mbuli Jobu, bikka zina lyaJehova akuyanda kwakwe mubusena bwakusaanguna kwiinda mapenzi aako. Ikuti zintu zyeenda munzila njiwatalikulangilila, utaleki pe kubaa bulangilizi. Syoma Leza camoyo woonse. “‘Nkaambo ndizi miyeeyo yangu njinjeya andinywe,’ mbwaamba Jehova, ‘njemiyeeyo yakuleta coolwe, teensi miyeeyo yamapenzi pe. Njanda kumupa bubotu mbumukonzya kulangila kumamanino.’”—Jeremiya 29:11.\\nNdilamusyoma na Jehova camoyo woonse nikuba muzintu ziniini?\\nNtuutuli twaambo tundipa kulumba Jehova mazuba woonse akaambo kabubotu bwakwe?\\nBubi bwakatalika biyeni, alimwi nkamboonzi Leza ncalikubuzumizya kusikila lino? Mapenzi azoomana na?","num_words":416,"character_repetition_ratio":0.038,"word_repetition_ratio":0.0,"special_characters_ratio":0.18,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kali wabaa fwiifwi kuya kukufwa, Jesu wakaambilizya kuti: ‘Aaya makani mabotu aaBwaami ayookambawukwa munyika yoonse kuti bukabe bumboni kumasi oonse mpoonya mamanino ayoosika.’ (Matayo 24:14) Mulimu ooyu wakukambawuka munyika yoonse wakali kuzoozuzikizigwa biyeni? Kwiinda mukutobelezya cikozyano caJesu ncaakatusiila kacili aanyika.—Luka 8:1.\\nTweezya kwiinkila bantu kumaanda aabo. Jesu wakayiisya basikwiiya bakwe kukambawuka makani mabotu kun’anda an’anda. (Matayo 10:11-13; Incito 5:42; 20:20) Bakambuwusi bamumwaanda wakusanguna bakapegwa busena mbubakeelede kukambawukila. (Matayo 10:5, 6; 2 baKorinto 10:13) Mbuli mbutucita mazuba aano, mulimu wesu wakukambawuka weendelezegwa kabotu, alimwi imbungano imwi ayimwi ilapegwa ndawu yakubelekela. Eezi zipa kuti tuzuzikizye malayilile aaJesu ‘aakukambawukila bantu akupa bumboni cakulomya.’—Incito 10:42.\\nTuleezya canguzu kuyanduula bantu kufumbwa nkubajanika. Jesu wakatondeezya cikozyano cibotu aawo naakali kukambawukila kujanika bantu biingi, mbuli kumbali aalwizi naa kuzikala nkubakali kutekela maanzi. (Marko 4:1; Johane 4:5-15) Andiswe tulaambuuzyania abantu Bbaibbele aawo mputukkwanisizya mbuli mumigwagwa, mumasena aakuzizya, mumasena aakulyookezezya, naa kwiinda mufooni. Tulakambawuka lubo kuli basimayakilane, mbitubelekaabo, mbitwiiyaabo, alimwi abazibbululu kuti katulaacindi cakucita oobo. Kubelekela aamwi ooku, kwakapa kuti mamiliyoni aabantu munyika yoonse bamvwe ‘makani mabotu aalufutuko.’—Intembauzyo 96:2.\\nKuli mbuyanda kuzoobuzya makani mabotu aaBwaami bwaLeza na, akuti aambaanzi mubuumi bwabo? Utaleki mulumbe wabulangilizi mulinduwe, pesi utayumini pe ambuuzyania ambabo cakufwambaana mbuli mbukonzya!\\nNgaali “makani mabotu” ayelede kukambawukwa?\\nBakamboni baJehova baliikucitobelezya biyeni cikozyano caJesu cakukambawuka?\\nKumbila uukuyiisya Bbaibbele akutondeezye mbunga ulakonzya kwaabila bamwi nzwaakayiiya kuzwa muBbaibbele.","num_words":201,"character_repetition_ratio":0.069,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"HENA INGA NDACIJANA CIKOMBELO\\nCA LEZA SUNU?\\nLeza muzyiindi zyinji wapa milumbe iiyandika mumisela yoonse: Wakapa kuli Adamu a Eva imulumbe wakubagwasya iciindi cinyonyoono nocaka boola aku nyonyoona nyika, mulumbe wakapegwa kunyika izambangulwe kiitaninga boola, milumbe kubana ba Israeli yakapegwa ibulelo bwa Assyria naa ibwa Babuloni kabutana ba saala. Jesu awalo wakaboola munyika a mulumbe wakali kuyandika kubantu bakali kupona ciindi eciya,;alimwi Leza watuma mulumbe kulindiswe notupona mazuba aano. Mu Bbuku lya Cizubuluzyo, cipati ca 12 aca 14, tulajana mulumbe Leza ngwaapa iwa mazuba aano. Mu ciiyo eeci, amu ciiyo citobela, tula bona ooyu mulumbe mboubede.\\n1.\\tICIKOMBELO CAKA IMIKWA A JESU\\nIbuumi bwa Jesu aku yiisya kwakwe kwakaleta lukamantano a kweendelana mucikombelo caba ma Apostolo Jesu ncaa kaimika. Bama Apostolo bakali kweendelana mu buumi bwabo a Jesu. Imu Postolo Paulu waka elanya ibuumi obu mbuli lukwatanom wati:\\n\"Ndakamusyomezya ku mwaalumi omwe, ooyu uli ngu Klistu, ikutegwa ndikamupe eeci cikombelo kacili mu ciimo ca nakalind.\" - 2 Ba-Kolinto 11:2.\\nMu muzeezo wa Paulu, icikombelo cabana Klistu, ciitwa kuti mukaintu ulikabotu, nabwiinga wa Klistu. Ooyu mukozyano uleelela cikombelo ca Klistu ciyandika.\\nMu cizuminano cakaindi, ooyu mukozyano wa cikombelo ikuti cili mbuli nabwiinga, ulabelesyegwa kwaamba Israeli, ibasale ba Leza. Leza wakaamba kuti kuli Israeli: \"mbuli nabwiinga wakandiyanda\" (Jeremiya 2:2); \"ndime mulumaako\" (Jeremiya 3:14). I Bbuku lya Cizubuluzyo alyalo lilaamba cikombelo kuti cili mbuli mukaintu: Ategwa \"Icilengaano cipati cikankamanisya cakaboneka mujulu: imukaintu kasamide zuba, a mwezi kunsi kwa maulu akwe, a musyini wa nyenyezi izili kumi azibili ku mutwe wakwe.\" - Cizubuluzyo 12:1.\\n(1) MUKAINTU ULI \"SAMIDE IZUBA.\" Eeci ciiminina kumweka kwa cikombelo mbuli zuba, akaambo ka kumweka kwa bulemu bwa Klistu uuli mu cikombelo cakwe. Jesu, \"uuli ngo mumuni wa nyika\" (Johane 8:12), ulamweka ikwiinda mu bantu bakwe bamu cikombelo, alimwi abalo balaba \"imumuni wanyika\" (Matayo 5:14).\\n(2) MUKAINTU \"ULILYATIDE MAULU AKWE A MWEZI.\" Imwezi uyiminina mulumbe wakali kupegwa abantu ba Leza mu mazuba aakaindi ikwiinda mumiyasilo a ziyanza zyamu Cizuminano cakaindi. Imwezi kuba \"kunsi kwa maulu aamukaintu\" ciiminina kuti mulumbe iwakalikupegwa kwiinda mu cizuminano cakaindi wakatolelwa busena a mulumbe wa Klistu mu cizuminano cipya.\\n(3) MUKAINTU ULISAMIDE KUMUTWE \"imusyini uujisi nyenyezi izyili kumi a zyobile.\" Inyenyezi zyiiminina bama Apostolo ibali kumi a bobile, ibalombwana bapa bukamboni bwa Jesu kunyika ikusikila mazuba aano.\\nTwabona lino kuti mubu panduluzi oobu ibwa pegwa ibwaamba mukaintu, Johane usola kutondezya ikucinca kwacitika ikuzwa ku bantu ba Leza, Israeli, mumazuba acizuminano cakaindi, ikusikila ku ciindi ca cikombelo cabana Klistu Jesu ncaakaimika kwiinda mu cizuminano cipya. Izuba, Imwezi a Nyenyezi zitondezya mulimo wa cikombelo caba Klistu mukupa mumuni wa makani imabotu kunyika.\\n2.\\tMBWAAKAKOMWA SAATANI\\nMakani aa mukaintu alakondelezya, ayandika kuti twaalangisyisye a kwaateelelesya:\\n\"Wakali mitide, alimwi wakatalika kulila kwakumyongwa kaambo wakali kuyanda kutumbuka. Lino a cimwi cibonisyo cakalibonya mujulu: Icinyama cipati icamubala uusubila mbuli bulowa, cijisi mitwe iili ciloba, ameja ali kumi, a misyini iili ciloba kumitwe yaco. Imucila wa cinyama eeci waka kukula mweelwe musyoonto iwa nyenyezi kuzwa mujulu a kuzisowela ansi kunyika. Eeci cinyama cakaimikila kumbele aa mukaintu ooyu wakalikuyanda kutumbuka, kutegwa cimulye mwana mbwatiitumbukilwe buyo. Mukaintu wakatumbuka mwana musankwa, uyakulela mikowa yabantu yoonse munyika aka sako ka bwami. Naakamana buyo kuzyalwa mwana ooyu, wakabwezegwa akutolwa kujulu kuli Leza kwalo ikuli cuuno cakwe cabwami.\" - Cizubuluzyo 12:2-5.\\nMumakani aaya kuli mbazu zyotatwe izitola lubazu:\\n(1) MUKAINTU, oyo ngotwazyiba kale kuti ncikombelo ca Leza.\\n(2) MWANA MUSANKWA iwakazyalwa ku mukaintu, \"wabwezwa akuya kujulu kuli Leza ikuli cuuno cakwe ca bwami\" alimwi bumwi buzuba \"uyakuba muleli wa mikowa ya nyika yoonse.\" Jesu alike ngu mwana iwakazyalwa omuno munyika, amane watolwa kujulu kuli Leza, alimwi bumwi buzuba uya kuba muleli wa mikowa ya nyika yoonse.\\n(3) ICINYAMA, ciiminina Dyabooli naa Satani.\\n\"Eelyo kwakali nkondo kujulu. Mikaeli abangele bakwe bakalwana, acalo cinyama aba ngele bancico cakazyola kulwana. Pesi cinyama cakakomwa aba ngele bancico, eelyo bakasowekelwa cilawo cabo kujulu. Eeci CINYAMA CIPATI cakasowelwa ansi - iiya nzoka yakalekale, ITEGWA DYABOOLI NAA SATANI, usololela nyika yoonse mukubisya. Waka waalwa ku nyika antoomwe aba ngele bakwe.\" - Cizubuluzyo 12:7-9.\\nMakani aambwa aaya inga atusalalila kuti naa twazyiba imikozyano iipegwa.\\nDyabooli aba ngele bakwe \"nobakasowekelwa ibusena bwabo kujulu,\" baka \"waalwa kunyika.\" Jesu nakazyalwa omuno munyika, Dyabooli wakasola kumujaya Jesu. Pesi waka kakilwa, Jesu wakabwezegwa kuya kujulu ku cuuno cabwami ca Leza. Eelyo Satani wakaba aamakanze akujaya cikombelo caba Klistu calo Jesu ncaakaimika.\\nImu Postolo Johane iwakalemba Bbuku lya Cizubuluzyo, wakatondezyegwa mucilengaano ooku kulwana kupati ikuliko akati ka Klistu a Satani omuno munyika. Eelyo ikulwana ooku nokwakasika eeni 'asuka busi' ku ciindi Klistu naakagagailwa aci ciingano, Johane wakateelela ijwi kalyoompolola kuzwa kujulu akuti:\\n\"Lino lwasika lwaanguluko, a nguzu, a bulelo bwa Leza wesu, a nguzu zyabuleli bwa Klistu. Kaambo ooyo utamikizya bakwesu, ubatamikizya kumbele aabusyu bwa Leza wesu, masikati a masiku, wa waalwa ansi.\" - Cizubuluzyo 12:10. (Koyelanya a cibalo ca Johane 12:31 a Luka 10:18).\\nJesu wakamuzunda caku maninina Satani aci ciingano. Eeci cakacita kuti imuzeezo wa \"lufutuko\" uzwidilile, akutupa \"nguzu\" izyakuzunda mu cengi Satani. \"Ibulelo bwa Leza\" bwakagusigwa nguzu zyamubi, eelyo nguzu zya Jesu mbuli mu nununi wesu a mwiiminizi wesu mupati zyakabikwa.\" Lino lwaanguluko lwasika\" cazuzikizyigwa icakaambwa. Kuzyalwa kwa Klistu imu nununi wa nyika kwacitika (cisyoonto ca 5). Nakuba kuti satani waka musunka masunko makali, Jesu wakakonzya kupona buumi ibwa kutabisya. Wakafwa akubuka, wazunda icibi a lufu (cisyoonto ca 10). Satani wakomwa cakumaninina (cisyoonto ca 7-9). Inguzu zipati izili muci ciingano zyatondezegwa caantangalala. Imoompo-ompo wakuti, \"lino ilufutuko lwasika,\" taukomanisyi buyo Johane pe, pesi inyika yoonse:\\n\"Aboobo amukomane, no majulu anywebo no mukala muli ngayo! Pele maawe ku nyika a lwizi, kaambo Dyabooli wa unka ansi kuli ndinywe! Ulizude bukali, kaambo ulizi kuti iciindi cakwe ncisyoonto.\" - Cizubuluzyo 12:12.\\nIjulu lyoonse lyakakomanina kuzunda kwa Jesu. Klistu waka mujalilila limwi Satani kujulu, tacijisi busena pe, alimwi satani wakasowekelwa bulelo bwa nyika eeyi mbwaakali kuyanda kutola, kaambo waka komwa.\\n3.\\tCIKOMBELO CA BANA KLISTU CILI MUKULWANA A SATANI\\nJesu kataninga unka kujulu, wakaimika cikombelo ca bana Klistu (Cikozyanizigwa mukaintu). Ilufu lwakwe aci ciingano lwakapa nguzu ku cikombelo izyaku zunda Satani.\\n\"Abalo (ba cikombelo ca bana Klistu) baka muzunda (Satani) kwiinda mubulowa bwa mwanaambelele alimwi kwiinda mubukamboni bwabo mujwi; Tiibakayanda buumi bwabo icakuti inga bayoowa lufu.\" - Cizubuluzyo 12:11.\\nKlistu lino ulakonzya kupa nguzu zyakwe, ku cikombelo, oobo mbobulumbu bwa kuzunda kwakwe. Jesu wakamuzunda Satani cakumaninina aci ciingano, alimwi lino ulazumanana kumukoma Satani kwinda mu cikombelo cakwe. Kuli zintu zyotatwe zituzyibya cikombelo eeco icizunda mumisela yoonse yabana Klistu:\\n(1) \"BAKAMUZUNDA (SATANI) KWIINDA MUBULOWA BWAMWANAAMBELELE.\" Jesu wakatolwa mujulu kucuuno cabulemu ca wisi, ikutegwa nguzu zyabulowa bwakwe zibeleke aku zwidilila mumaumi aba cilili bakwe. Ulakonzya kugusya zinyonyoono zyesu, akutunununa kwiinda mu bulowa bwakwe bwaka tika (1 Johane 1:7), alimwi ulatupa nguzu zyakupona buumi ibuli kabotu bwa bu Klistu, buzuba a buzuba.\\n(2) \"TIIBAKAYANDA BUUMI BWABO KUTI INGA BA YOOWA LUFU.\" \"Bulowa bwa mwanaambelele\" bwakabacita kuti bakonzye kuluzumina lufu akaambo kakwe Klistu; \"Tiibakaluyoowa lufu.\" Leza wakapenga kapati, abalo ibakalipa cakumaninina kuli Klistu baka kutambula kupenga a lufu loonse. Abalo bana basyoonto bakalyaaba cakumaninina. Tulaambilwa imakani aa mukaintu umwi mu Klistu iwaka waalwa kuli ba syuumbwa mu busena mobakali kusobanina ibaku cisi ca Rooma, akaambo kakuti wakasala kutobela imalailile a buumi bwa bu Klistu kuleka aa bulelo bwa munyika. Awalo mwana wakwe musimbi, mucilawo cakuti a yoowe cakali kucitika kuli banyina, wakalimvwa mulinguwe inguzu zyakulyaaba kuli Klistu. Ba syuumbwa nobakabaluma banyina, ooyu mwana musimbi wakayumuka akoompolola kati, \"ambebo ndili mu Klistu.\" Babelesi ba bulelo bwaci Rooma baka mujata ulya musimbi akumuwaalila kuli ba syuumbwa.\\n(3) \"BAKA MUZUNDA (SATANI)... KWIINDA MU BUKAMBONI BWABO MUJWI.\" Kutaasi majwi, pesi ijwi lyabukamboni mu maumi aabo, ibukamboni bwa buumi bwabo kwiinda mu nguzu zya Jesu a mulumbe wakwe. Ku mazuba aalya akali mabi kapati ku bana Klistu, ba sikalumamba ba mwami ba kalipa cakumaninina kuli Klistu, baka bwiiminina ncobeni bukamboni bwa Klistu akutola mulimo wakwe kumbele, aboobo baka mukoma Satani kwiinda mu bukamboni bwa Jesu mu maumi abo.\\nMu Cizubuluzyo 12:11 tulatondezegwa cikombelo icizunda, calo cizude bantu bakazunda: Bama Apostolo; abaabo ibakajaigwa mukupa bukamboni bwa Jesu, abaabo ibaka zubulula aku mwaya mulumbe uululeme; abamwi ba Klistu bakajisi lusyomo lupati. Iluse lwabo, ilusyomo lwabo, ibusicamba bwabo, aku zunda kwabo, kwakayambukizya aku kwelelezya bantu banji kuli Leza mu misela minji minji, yakainda, Akaambo kakuti Satani wakakakilwa ku mujaya aku mu maninzyila limwi Jesu naakali munyika, lino Satani uyandaula nzila ya ku mujaya Klistu walo uupona mu cikombelo cakwe.\\n\"Icinyama nocakabona kuti ca waalwa mu nyika, cakayanda kulwana mukaintu iwakatumbuka mwana musankwa. Imukaintu walo wakapegwa mababa obile aa simusika ikutegwa a uluke a kuunka ku cilawo ncaaka bambilwa mu lukula, kuya kukala kalangwa kwa ciindi comwe a ziindi zyobile a cisela ca ciindi kusiswa ku nzoka. Eelyo yalo nzoka yaka luka meenda aali mbuli kalonga ikakunka kutegwa mukaintu anyikile akumujata. Pele nyika yaka mugwasya mukaintu, yakajaluka akumena kalonga ka meenda kakaswidwe a cinyama kuzwa kumulomo wa ncico.\" - Cizubuluzyo 12:13-16.\\nMbubona mbo cakaambidwe, mu mazuba aa musinze wa mapenzi ku bana Klistu, satani wakatuma \"kalonga\" ka mpenzyo kutegwa cikombelo \"cikukulwe a mayuwe,\" cifwe. Satani uyanda ku gusya kuyambukizya kwa Klistu kwiinda muku mwaya cikombelo cakwe - ooku ulakucita munzila zyaandeene. Icinyama ciiminina kapati Satani. Pesi atuyeeye kuti satani ulabeleka kwiinda mu bantu nacita mulimo wakwe ngwategwa cinyama muku lwana bantu ba Leza. Waka sebenzesya mwami waci Rooma, Herodi naa kali kuyanda kujaya Jesu ciindi naa kazyalwa.\\nAlimwi waka belesya basololi ibamwi ba cikombelo caba majuuda muku mubendelela aku mupenzya mufutuli, kusikila limwi wajaigwa aci ciingano. Ooku kuboneka kubaanga nkukoma kwa satani, pesi kwakaba kuzunda kupati kwa Klistu.\\nAkaambo kakuti wakakomwa aci ciingano, satani wakatola ku nyema kwakwe ku cikombelo eeco Jesu ncaakaimika. Nikwakainda makumi makumi aa myaka kuzwa ciindi Jesu naka gagailwa aci ciingano, izyuulu zyuulu zyaba Klistu bakajaigwa abulelo bwa ci Rooma ku zilawo zyaandeene. Kumatalikilo, ibasololi batakondwi mbabakali kupenzya ba Klistu. Pesi ciindi bama Apostolo nobakamana kufwa, ipenzi eeli lyakaboola aasyoonto aasyoonto mukati mu cikombelo. Ibanji banji mu cikombelo bakatalika kuubyaubya a kucinca mulumbe wakasimpe Jesu abama Apostolo bakwe ngobakali kuyiisya. Bamwi basololi mu cikombelo, ibakazanga,bakatalika kupenzya ba Klistu aabo bakazumanana kutobela lukondo lululeme lweendelana cizuminano cipya.\\nKwaambigwa kuti izyuulu zyuulu zyaba kondwa muli Jesu bakajaigwa. Mukusola kulesya cikombelo kubeleka mulimo wa ncico aku cimwayaula, Dyabooli wakatuma \"kalonga\" ikampenzyo kutegwa \"akukulwe mukaintu (cikombelo) a mayuwe.\" \"Pesi nyika yakamugwasya mukaintu... ya kakamena kalonga ikampenzyo a kuyiisya koonse kwa kubeja.\\nMuciindi eeci ca mpenzyo, icikombelo cakajisi kasimpe, cakabasiya basololi bakazanga a kuya kuyuba mu \"lukula, icilawo Leza ncaaka cibambila kuti cikakake a kulangwa kwa ciindi cili cuulu a myaanda yobile a makumi aali cisambomwi (1260 mazuba) (cisyoonto 6). Eeci cisyinsyimi cakazuzyika mu ciindi ca myaka iili cuulu a myaanda yobile a makumi aali cisambomwi (1260) aaku penzyegwa ba Klistu, kuzwa mu AD 538 kusikila mu 1798 (muziindi zinji ibuzuba buyiminina mwaka mu cisyinsyimi, (Zakaliya 4:6).\\nMu myaanda ya myaka eeyi yaku penzegwa, ba Klistu bakajisi lusyomo bakayuba muzilawo kufumbwa nzibakali kukonzya kujana; mu mpangali ya zilundu ku Waldensiani mucisi ca Itali, kwali kumbo' a mucisi caku Fransi, kulubazu lwa kujwe; a muzikombelo moonse kucisi caku Briteni.\\n4. CIKOMBELO CA LEZA MUMAZUBA ESU\\nLino twaboola ku mazuba aano esu - ku cikombelo cini ca Klistu kuzwa ku mwaka wa 1798. Mbubona buyo, Icinyama cicinyemede kunyemena bantu ba Leza. Inkondo mpati iitaboneki ameso ici zumenene. Ikwaambisya, Satani ubweza ntaamu yaku cilwana kapati cikombelo muciindi Jesu nali afwaafwi kuboola.\\n\"Eelyo cinyama (Dyabooli) caka tondezya kunyema kunyemena mukaintu (cikombelo ca Leza) a kuunka kuya kucita nkondo ku lunyungu lwa mukaintu - aabo batobela milawo ya Leza alimwi balijisi abukamboni bwa Jesu.\" - Cizubuluzyo 12:17.\\nEeci cisyinsyimi caamba mazuba eesu ano. Satani uli nyemede; ula cita nkondo ku \"lunyungu loonse lwa mukaintu\" - bantu ba Leza ibama zuba aano. Lino caando cabo nceeci:\\n(1) AABA BAKONDWA MAZUBA AANO AA MAMANINO \"bajatilide ku nbukamboni bwa Jesu mulukondo lwabo.\" Bala syoma caku maninina mu lwiiyo luli kabotu ilwa jwi lya Leza, ba lapa bukamboni bwa Jesu kwiinda mu maumi aabo.\\n(2) AABA BA KLISTU BA MAZUBA AANO AMAMANINO, BALASYOMA MUZISYINSYIMI. \"Kwiinda mukutambula bukamboni bwa Jesu\" Johane wakacikonzya kulemba Bbuku lya Cizubuluzyo (Cizubuluzyo 1:1-3). Ayalo nkamu ncaalizi ya bakondwa ilatambula cipego eeci. Oobu bukamboni bulapegwa a mutume waansi ano ikuzwa kuli Leza. Izi syinsyimi eezi zyambaula makani aa mulimo wa nkamu eeyi ncaalizi alu futuko lwabo.\\n(3) AABA BA KLISTU BA MAZUBA AANO AA MAMANINO ALIMWI BALAZYIBWA KWIINDA MU \"KUBAMBA MILAWO YA LEZA.\"\\nTabaambi buyo ibubotu bwa milawo ili kumi, pele balaibamba abalo. Luyando lwa mwami Leza mu myoyo yabo lubacita kuyanda kwiibamba milawo kabakomene (Ba Roma 5:5; 13:8-10). Aaba ba Klistu ba nkamu ncaalizi, batobela Klistu alimwi a cikombelo caku matalikilo muku bamba milawo ya Leza. Eeci cicita kuti Imunyama - Dyabooli anyeme kapati, akucita nkondo \"kuli boonse\" iba \"lunyungu lwa mukaintu\" a kaambo ka kuti bapa bukamboni bwa luyando lwa Leza lwalo lucita kuti bantu babe ba cilili ba Jesu. Mbuli Jesu mbwaakaamba:\\n\"Kuti kamundiyanda, muya kucita ncondaamba.\" - Johane 14:15.\\nIbuumi bwa nkamu eeyi ncaalizi yaba Klistu bula tondezya kuti cilakonzyeka ikuyanda Leza a myoyo yesu iimaninide, alimwi akuyanda ibantuma mbubona mbotuliyanda a lwesu tobeni. Mbuli Jesu mbwaakaamba, oobu buumi ibwa kuyanda Leza, akuyanda bantuma, ncoyaamba, mubufwafwi, yoonse milawo ya Leza ili kumi (Mateyo 22:35-40).\\nMulawo wane akati ka milawo iili kumi itwaambila kubamba satade, buzuba bwa musanu abili mu mvwiki, mbuli Nsabata. Akaambo kakuti iluyando lwa Jesu ndobajisi lwasyanga milawo yoonse ili kumi mu myoyo yabo, aaba ba Klistu ba mazuba aa mamanino mbantu iba bamba Nsabata.\\nMulumbe wa Leza ooyu uuli ngowa kucaalizya ku bantu bakwe uujanwa mu Cizubuluzyo, cipati ca 12 aca 14:6-15, ulaambisya kapati a makani a Nsabata. Mwami Leza ulabapa koonse ooko nkobayandika mu buumi bwabo aaba iba nkamu ncaalizi baambwa muzibalo zyaambwa waawa. Mufutuli walo upona ngobeenda limwi lyoonse, awalo moza uusalala uubeleka muli mbabo ula bapa nguzu izya ku \"bayumya mu buumi bwabo bwa bu Klistu.\"\\nCisyomyo nca masimpe. Baya kumukoma Satani \"kwiinda\\nmu bulowa bwa mwanaa mbelele, alimwi a mujwi lya bukamboni bwabo\" (Cizubuluzyo 12:11). Hena ulayanda kuba uumwi waba Klistu ba mazuba aano amamanino, aabo iba \"tobela milawo ya Leza\" alimwi ibazumenene \"mukupa bukamboni bwa Jesu?\" Ino tosalilinzi ikusala kuli boobu lino?","num_words":2219,"character_repetition_ratio":0.054,"word_repetition_ratio":0.0,"special_characters_ratio":0.185,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Johane 10 | Bbaibbele Lili a Intaneti | Bbaibbele lya Busanduluzi Bwanyika Mpya\\nMatayo Marko Luka Johane Milimo Baroma 1 Bakorinto 2 Bakorinto Bagalatiya Baefeso Bafilipi Bakolose 1 Batesalonika 2 Batesalonika 1 Timoteyo 2 Timoteyo Tito Filimoni Bahebrayo Jakobo 1 Petro 2 Petro 1 Johane 2 Johane 3 Johane Juda Ciyubunuzyo 1 2 3 4 5 6 7 8 9 10 11 12 13 14 15 16 17 18 19 20 21\\n10 “Ncobeni ndimwaambila kuti, Ooyo uutanjili mucaanda cambelele kwiinda kumulyango, pele uutanta akunjilila kumbi, muntu ooyo mubbi alimwi ngusikusaala. 2 Pele ooyo uunjilila kumulyango ngomweembezi wambelele. 3 Imulindizi wamulyango ulamujalwida, eelyo imbelele zilaliswiilila jwi lyakwe alimwi wiita mbelele zyakwe mazyina akuzisolweda kuya anze. 4 Naagusya mbelele zyakwe zyoonse, ulazisolweda, eelyo zilamutobela nkaambo zililizyi jwi lyakwe. 5 Imweenzu kunyina nozimutobela naaceya, pele zilamutija nkaambo tazilizyi ijwi lyabeenzu.” 6 Jesu wakabaambila maambilambali aaya; pele tiibakazyiba ncozyakali kwaamba zyintu eezyi nzyaakali kubaambila. 7 Aboobo Jesu wakaamba alimwi kuti: “Ncobeni ndimwaambila kuti, Ndili mulyango wambelele. 8 Boonse ibakaboola mubusena bwangu kabalyaamba kuti ndime, mbabbi alimwi mbaasikusaala; pele mbelele tiizyakabaswiilila. 9 Ndili mulyango; kufwumbwa uunjila kwiinda mulindime uyoofwutulwa, alimwi unoonjila akuzwa akujana macelelo. 10 Mubbi tabooli buyo, pele uboolela kubba, kujaya akunyonyoona. Ndakaboolela kuti zibe abuumi akupona buumi butamani. 11 Ndili mweembezi mubotu; mweembezi mubotu utuulila mbelele buumi bwakwe. 12 Imubelesi sikuvwozyegwa buyo mali, uutali mweembezi alimwi uutali mukamwini mbelele, abona umpe kaboola ulazisiya mbelele akutija—eelyo umpe ulaziluma akuzimwaya— 13 nkaambo mubelesi sikuvwozyegwa buyo mali alimwi takwe makani ambelele. 14 Ndili mweembezi mubotu alimwi mbelele zyangu ndilizizyi alimwi azyalo zilindizyi, 15 mbubonya Taata mbwandizyi andime mbondimuzyi Taata; alimwi ndituulila mbelele buumi bwangu. 16 “Alimwi ndilijisi mbelele zimbi izitali zyamucaanda ecino; azyalo eezyo ndeelede kuzileta alimwi ziyooswiilila jwi lyangu, eelyo ziyooba itanga lyomwe alimwi zinooli amweembezi omwe. 17 Eeci ncandiyandila Taata, nkaambo ndituula buumi bwangu kutegwa ndikabutambule alimwi. 18 Kunyina muntu wandinyanga mbubo, pele ndime ndemwini ndalisungula kubutuula. Ndilijisi nguzu zyakubutuula anguzu zyakubutambula alimwi. Malailile aaya ndakaatambula kuli Taata.” 19 Kwakaba kwaandaana alimwi akati kaba Juda akaambo kamajwi aaya. 20 Bunji bwabo bakali kwaamba kuti: “Unjidwe daimona alimwi ulisondokede. Nkaambo nzi ncomumuswiilila?” 21 Bamwi bakali kwaamba kuti: “Aaya taali majwi aamuntu uunjidwe daimona. Sena daimona lilakonzya kujalula meso aabantu boofwu?” 22 Aciindi eeco pobwe lyakwaaba tempele lyakacitika mu Jelusalemu. Cakali ciindi camupeyo, 23 alimwi Jesu wakali kweenda mutempele mukkoce lya Solomoni. 24 Aboobo ba Juda bakamuzinguluka akutalika kumwaambila kuti: “Ino ulatupa kuzumbauzya kwaciindi cilamfwu buti? Ikuti koli ndonduwe Kilisito, kotwaambila cakutainda mumbali.” 25 Jesu wakabaingula kuti: “Ndamwaambila kale, pele tamusyomi pe. Imilimo njondicita muzyina lya Taata, njiipa bumboni kujatikizya ndime. 26 Pele tamusyomi pe nkaambo tamuli mbelele zyangu. 27 Imbelele zyangu zilaliswiilila ijwi lyangu, ndilizizyi alimwi zilanditobela. 28 Ndizipa buumi butamani, aboobo kunyina noziyoonyonyoonwa limbi, alimwi kunyina uuyoozikwempa mujanza lyangu. 29 Ncaandipa Taata ncintu cipati kwiinda zyintu zyoonse, alimwi kunyina uunga wazikwempa mujanza lya Taata. 30 Mebo a Taata tuli bamwi.” 31 Iba Juda bakabweza mabwe alimwi kuti bamupwaye. 32 Jesu wakati kuli mbabo: “Ndakamutondezya milimo mibotu minji iizwa kuli Taata. Mulimo nzi akati kayeeyi ngomuyanda kundipwayila mabwe?” 33 Iba Juda bakamwiingula kuti: “Tuyanda kukupwaya mabwe ikutali akaambo kamulimo mubotu, pele akaambo kakutukila Leza, nkaambo yebo nokuba kuti uli muntu uulya maila, ulibikka kuba leza.” 34 Jesu wakabaingula kuti: “Sena takulembedwe mu Mulawo wanu kuti, ‘Ndakaamba kuti: “Muli baleza”’? 35 Ikuti aabo jwi lya Leza mbolyakapa mulandu wakabaita kuti ‘baleza,’ alimwi Magwalo taakonzyi kuba aabuyo, 36 sena mebo nendakasalazyigwa akutumwa a Taata munyika mundaambila kuti, ‘Utukila Leza,’ akaambo kakuti ndaamba kuti, Ndili Mwana wa Leza? 37 Ikuti tandiciti milimo ya Taata, mutandisyomi pe. 38 Pele ikuti kandicita njiyo, nokuba kuti tamundisyomi, amusyome milimo kutegwa muzyibe akuzumanana kuzyiba kuti mebo a Taata tulikamantene.” 39 Aboobo bakasola kumujata alimwi; pele wakatijila nkobatakali kukonzya kusika. 40 Aboobo wakaunka alimwi mutala lya Jodano kubusena nkwaakali kubbapatizyila Johane kusaanguna, akuyookkala ooko. 41 Alimwi bantu banji bakaunka kulinguwe akutalika kwaamba kuti: “Johane masimpe kunyina naakacita citondezyo nociba comwe, pele zyintu zyoonse nzyaakaamba Johane kujatikizya muntu ooyu zyakali zyamasimpe.” 42 Alimwi ooko banji bakamusyoma.","num_words":586,"character_repetition_ratio":0.045,"word_repetition_ratio":0.0,"special_characters_ratio":0.187,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nzyobacita Bantu Kusoleka Kuzunda Lufwu: Mbotukonzya Kuzunda Lufwu\\nNzyobacita Bantu Kusoleka Kuzunda Lufwu\\nMWAMI QIN SHI HUANG\\nSIKULINGULA MASENA PONCE DE LEÓN\\nLufwu ngusinkondoma uuyoosya kapati. Tulasola kululwana anguzu zyesu zyoonse. Cilatukatazya kuzumina ciindi notwafwidwa muntu ngotuyanda. Ambweni ciindi notuli bakubusi inga tulaanguzu kapati cakuti tatuyeeyi akuti sinkondoma ooyu ulakonzya kutusikila, muzeezo uli boobu inga katuujisi kwaciindi cilamfwu.\\nKunze lyaba Farao bakaindi, kwakali buyo bantu basyoonto ibakali kuyeeya kujatikizya buumi butafwi. Mubuumi bwabo boonse kubikkilizya abuumi bwabantu banji, bakali kusoleka kucita zyintu zimwi kutegwa kabatafwi. Zyuumbwe zipati nzyobakali kuyaka zilatondezya makanze ngobakajisi alimwi mbumboni bwakuti bakaalilwa.\\nBami baku China abalo bakajisi muzeezo nguwenya ooyo wakuyandaula buumi butafwi, pele balo bakabelesya nzila iimbi—kunywa musamu ngobakali kuyeeyela kuti inga wabapa kupona kukabe kutamani. Mwami Qin Shi Huang wakaambila basyaazibwene bakwe kuti bajane musamu wamasalamuzi uukonzya kupa kuti bantu kabatafwi. Pele misamu minji njobakali kuvwelenganya yakajisi mercury iikola, alimwi kulangilwa kuti umwi akati kamisamu eeyi ngowakamujaya.\\nKuluulwa kuti mumwaka wa 1513 C.E., sikulingula masena wazyina lya Juan Ponce de León, wakeenda mulweendo lwamulwizi kuya ku Puerto Rico kuyooyandaula musamu wakutacembaala. Mulweendo ndulonya oolo wakazyiba masena mbuli Florida, U.S.A., pele wakafwa nokwakainda buyo myaka misyoonto kuzwa naakalwana abana America bakubusena ooko. Kuzwa leelyo kunyina musamu wakutacembaala wakajanwa.\\nBama Farao, bamami, alimwi abasikulingula masena boonse bakali kuyanda kuzunda lufwu. Nguni akati kesu uunga waamba kuti tauyandi muzeezo ngobakajisi, nokuba kuti bakali kubelesya nzila nzyotutakkomanini? Kuzwa ansi aamoyo, toonse tulayanda kuzumanana kupona.\\nSENA INGA TWALUZUNDA LUFWU?\\nIno nkaambo nzi ncotutaluyandi lufwu? Ibbaibbele lilakapandulula kaambo. Kujatikizya Mulengi wesu, Jehova Leza, * lyaamba kuti: “Wacita kuti zintu zyoonse zibote kuziindi zyazyo zyeelede. Wabika bulangizi bwabuumi buteeli mumyoyo yabo.” (Mukambausi 3:11) Tuyanda kuzumanana kukkomana azyintu zibotu zyamunyika, ikutali kwamyaka iili 80 buyo naa kwiinda waawo. (Intembauzyo 90:10) Eeci ncouyanda moyo wesu.\\nIno nkaambo nzi Leza ncaakabikkila “bulangizi bwabuumi buteeli” mumyoyo yesu? Sena wakali kuyanda kututyompya buyo? Peepe. Leza utusyomezya kuti uyooluzunda lufwu. Cakwiinduluka-induluka Bbaibbele lilaamba kujatikizya kugwisyigwa kwalufwu alimwi acisyomezyo ca Leza cabuumi butamani.—Amubone kabbokesi kakuti, “Kuzunda Lufwu.”\\nJesu Kristo wakaamba kuti: “Eeci caamba buumi butamani, ikuti bakuzyiba yebo O Leza mwini-mwini ooli olikke, ayooyo ngookatuma, Jesu Kilisito.” (Johane 17:3) Aboobo, nkondo yakuzunda lufwu taili yabuyo pe. Jesu wakaamba kuti Leza alikke nguukonzya kutulwanina nkondo eeyi akuzunda.\\n^ par. 9 Jehova ndezyina lya Leza kweelana ambolyaamba Bbaibbele.\\n“Lufu walumenenena mane kukabe kutamani. Mwami Jehova uyoosindula misozi kumasyu oonse.”—Isaya 25:8.\\n“Ooku nkokuyanda kwa Taata, kuti woonse uumuzyi Mwana akumusyoma akabe abuumi butamani.”—Johane 6:40.\\n“Sinkondo wamamanino uuyoonyonyoonwa, ndufwu.”—1 Bakolinto 15:26.\\n“[Tulijisi] bulangizi bwabuumi butamani oobo Leza uutakonzyi kubeja, mbwaakasyomezya kale-kale.”—Tito 1:2.\\n“Uyoosindula misozi yoonse kumeso aabo, alimwi lufwu talukooyoobako limbi.”—Ciyubunuzyo 21:4.\\nNkaambo nzi Jesu ncaakakozyanisya lufwu kukoona? Ncinzi ncotukonzya kwiiya kuzwa kuzibalo zyamu Bbaibbele zyaamba bubuke?","num_words":419,"character_repetition_ratio":0.048,"word_repetition_ratio":0.0,"special_characters_ratio":0.168,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mateyo 23 TONGA - Kumane aawo Jesu wakati kumakamu - Bible Search\\nMateyo 22 Mateyo 24\\nJesu mbwaakacenjezya bantu zyabamayi ba Mulawo a Bafalisi\\n(Maako 12.38-39; Luka 11.43, 46; 20.45-46)\\n1Kumane aawo Jesu wakati kumakamu aabantu akuli basikwiiya bakwe,\\n2«Bamayi ba Mulawo a Bafalisi balapandulula milawo ya Mozesi. 3Aboobo amucite akujatisya eezyo nzyobamwaambila. Pele kutali nzyobacita, nkaambo bakambauka buyo, pele tabaziciti pe. 4Balaanga mikuli milemu iiminya kubweza, akwiibikka aamakuko aabantu, pele lwabo beni balakaka kugwasya kubweza naaceya. 5Balacita milimo yabo yoonse kuti babonwe abantu. Balalyaanga tukomo tupati-pati akulampya maaya aazisani zyabo. 6Balayandisya kukkala azyuuno zyabulemu muzikombelo akuyanda busena bwabulemu mumapobwe. 7Balayanda kujuzigwa akulemekwa muzisambalilo akwiitwa kuti mwiiyi kubantu. 8Pele nywebo mutaitwi kuti mwiiyi, nkaambo mulijisi mwiiyi omwe, nywebo nyoonse muli babunyina. 9Alimwi mutaiti muntu naba omwe ansi aano kuti Taata, nkaambo mujisi Uso omwe, ooyo uuli kujulu. 10Alimwi mutaitwi kuti basololi, nkaambo mujisi musololi omwe, ooyo uuli ngo Munanike wa Leza. 11Ooyo mupati aakati kanu abe mubelesi wanu, 12kufumbwa uulisumpula uyoobombezegwa, nkabela kufumbwa uulibombya uyoosumpulwa.\\nJesu mbwaakakalalila bamayi ba Mulawo a Bafalisi\\n(Maako 12.40; Luka 11.39-42, 44, 52; 20.47)\\n13«Pele maawe kulindinywe nobamayi ba Mulawo a Bafalisi basikuupaupa aameso! Mujalila bwami bwakujulu kubantu. Nkaambo nywebo tamubujisi alimwi mulakasya aabo bayanda kunjila. [ 14Maawe kulindinywe nobamayi ba Mulawo a Bafalisi basikuupaupa aameso! Nkaambo mulalya lubono lwabamukabafu alimwi mulweeno mulalampya mipailo yanu. Nkaako muyoojana mulandu mupati.]\\n15«Maawe kulindinywe nobamayi ba Mulawo a Bafalisi basikuupaupa aameso nkaambo muleenda nyendo mulwizi aanyika kuti musandule muntu omwe, kwamana muntu ooyo weelede cisubulo cipati camulilo uutamani kwiinda ndinywe.\\n16«Maawe kulindinywe nobasololi boofu, nimwaamba kuti, ‹Kuti naa umwi wakonkezya aŋanda ya Leza, ukonka cabuyo, pele kuti naa umwi wakonkezya angolida yaŋanda ya Leza ooyo abambe cikonke cakwe.› 17Nywebo nobasololi boofu bafuba-fuba! Ino ncicili cipati, ngolida naa ŋanda ya Leza eeyo iisalazya ngolida? 18Alimwi mulaamba kuti, ‹Kuti naa umwi wakonkezya acipaililo, ukonka cabuyo pele kuti naa wakonkezya acipego eeco cili acipaililo abambe cikonke cakwe.› 19Nyweho nobantu boofu! Ino ncicili cipati, cipego naa cipaililo eeco cisalazya cipego? 20Aboobo ooyo uukonka acipaililo ulakonkezya azeezyo zili mpawo. 21Ayooyo uukonka aŋanda ya Leza ulakonkezya azili mumo. 22Ayooyo uukonka kujulu wakonkezya a Leza acuuno cakwe.\\n23«Maawe kulindinywe nobamayi ba Mulawo a Bafalisi, nobasikuupaupa aameso nkaambo mulapa cakkumi catununkilizyo acakulunga cakulya, pele mulaubausya makani mapati aa Milawo ya Leza, mbuli kubeteka akuba aaluse akusyomeka. Eezi muleelede kuzicita kaatakwe cakuubausya zimwi. 24Nywebo nobasololi boofu, mulaibula kazinini pele mulamena nkamela!\\n25«Maawe kulindinywe nobamayi ba Mulawo a Bafalisi, nobasikuupaupa aameso! Nkaambo mulasanzya nkomeki amutiba mpozili anze, kakuli kuti mukati kanu muzwide buyo bunyangi abulyato. 26Nywebo no Bafalisi boofu, amusaangune kusanzya nkomeki moili mukati amutiba kuti anze aalo asalale.\\n27«Maawe kulindinywe nobamayi ba Mulawo a Bafalisi, nobasikuupaupa aameso! Nkaambo muli mbuli zyuumbwe zibikkidwe mulambo zinga kuzilangila aanze nzibotu kapati, pele anikuti mukati zizwide zifuwa zyabantu bakafwa akutasalala koonse. 28Mbubonya oobo anywebo mbomulangika mbuli bantu baluleme kubantu, pele mulindinywe muzwide kuupaupa aameso abusofwaazi.\\n29«Maawe kulindinywe nobamayi ba Mulawo a Bafalisi nobasikuupaupa ameso! Nkaambo mulayaka zyuumbwe zyabasinsimi akubotya zibumbwa zyabaluleme 30mulati, ‹Kuti nitwakaliwo mumazuba aamatata nitwatakabagwasya kujaya basinsimi.› 31Mbuboobo mbomulipa mulandu, nkaambo mulati muli bana babaabo bakajaya basinsimi. 32Ncibotu, amumanizye mulimo wakatalika bamauso. 33Nywebo nonzoka, nywebo nobacipile, ino muyoocileya buti cisubulo camulilo uutamani? 34Nkaako ndamutumina basinsimi abantu basongo abamayi, bamwi babo muyoobajaya akubakankamina aaciingano. Bamwi muyoobauma muzikombelo zyanu akubapenzya kuzwa mu munzi amunzi. 35Aboobo cisubulo ciyoomusikila akaambo kabantu baluleme boonse bakajaigwa kutalikila kuli Abela mululami, kusikila kuli Zekaliya mwanaa Balakiya, ooyo ngomwakajaya mucikombelo aakati kabusena busalalisya acipaililo. 36Ncobeni, ndamwaambila kuti, cisubulo cazyoonse eezi ciyoosikila bantu basunu.\\nJesu mbwaakali kuyandisya munzi wa Jelusalemu\\n37«Akaka Jelusalemu, Jelusalemu, oojaya basinsimi akubauma mabwe aabo Leza mbatuma kulinduwe! Kanji-kanji ndalikuyanda kubunganya bantu bako antoomwe, mbubonya mbuli nkuku mbwiifukatila bana bayo mumababa pele yebo wakakaka! 38Ncobeni ŋanda njomukombela Leza lyaba tongo. 39Nkaambo ndamwaambila kuti, tamuciyoondiboni alimwi pe, mane mukaambe kuti, ‹Ulilelekedwe uuboola muzina lya Mwami Leza.› »","num_words":602,"character_repetition_ratio":0.099,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nkaambo Nzi Zintu Zibyaabi Ncozibacitikila Bantu Bali Kabotu?\\nAMUBALE MU Afrikaans Albanian Amharic Arabic Armenian Aymara Azerbaijani Azerbaijani (Cyrillic) Bengali Bicol Bislama Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Dangme Danish Dutch Efik English Estonian Ewe Finnish French Ga Georgian German Greek Guarani Gujarati Haitian Creole Hebrew Hiligaynon Hindi Hungarian Igbo Iloko Indonesian Italian Japanese Kannada Kazakh Kikaonde Kikuyu Kiluba Kimbundu Kinyarwanda Kirghiz Kirundi Kisonge Kongo Korean Krio Lingala Lithuanian Luganda Luo Macedonian Malagasy Malay Malayalam Maltese Marathi Maya Mazatec (Huautla) Moore Myanmar Nepali Ngabere Norwegian Nyaneka Nzema Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Quechua (Bolivia) Rarotongan Romanian Russian Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tahitian Tamil Tatar Telugu Thai Tigrinya Tshiluba Tsonga Turkish Twi Ukrainian Umbundu Urdu Vietnamese Wayuunaiki Xhosa Yoruba Zande Zulu\\nMAKANI AAYEEME AMUTWE UULI ACIVWUMBYO | NKAAMBO NZI ZINTU ZIBYAABI NCOZIBACITIKILA BANTU BALI KABOTU\\nMbwaanga Jehova Leza * ngo Mulengi wazintu zyoonse alimwi ngusinguzuzyoonse, bantu banji balakonzya kumupa mulandu akaambo kazintu zyoonse zicitika munyika kubikkilizya azintu zibyaabi zyoonse. Pele amubone Bbaibbele ncolyaamba kujatikizya Leza mwini-mwini:\\n“Jehova uliluleme munzila zyakwe zyoonse.”—Intembauzyo 145:17.\\n“Nzila zyakwe [Leza] zyoonse zililuzi. Ngu Leza uusyomeka uutakwe cibi; uliluleme, uliluzi.”—Deuteronomo 32:4.\\n“Jehova uli alubomba kapati aluse.”—James 5:11.\\nLeza tali nguwe uupa kuti zintu zibyaabi kazicitika. Pele sena nguubakulwaizya bantu kucita zintu zibyaabi? Peepe. Magwalo aamba kuti, “Eelyo nasukusyigwa, kutabi muntu waamba kuti: ‘Ndili mukusunkwa a Leza.’” Ino nkaambo nzi? “Nkaambo kunyina muntu uunga wasunka Leza azyintu zibyaabi alimwi walo tasunki muntu uuli woonse azyintu zibyaabi.” (Jakobo 1:13) Leza tasunki muntu uuli woonse kwiinda mukumukulwaizya kutalilemeka. Alimwi Leza tali nguwe uupa kuti zintu zibyaabi kazicitika nokuba kukulwaizya bantu kuzicita. Aboobo, ino ncinzi naa nguni weelede kupegwa mulandu ciindi zintu zibyaabi nozyacitika?\\nIKUBA MUBUSENA BUTALI KABOTU ACIINDI CITALI KABOTU\\nIkwaamba kaambo kamwi kapa kuti bantu kabapenga, Bbaibbele lyaamba kuti: “Bantu boonse buyo balasikilwa ziindi zyalufu azyamapenzi.” (Mukambausi 9:11) Ciindi nokwacitika zintu zyatali kuyeeyelwa naa ntenda, nokuba kuti muntu wajatikizigwa naa pe, ciyeeme buyo muntu nkwabede aaciindi nocacitika. Myaka iitandila ku 2,000 yainda, Jesu Kristo wakaamba kujatikizya ntenda yakacitika iyakajaya bantu bali 18 ciindi ngazi noyakabalimba. (Luka 13:1-5) Tiibakafwa akaambo kabuumi mbobakali kupona kaindi; nkuti buyo bakali munsi aangazi ciindi noyakawa. Caino-ino, muzuzumo mupati wanyika wakacitika ku Haiti mu January 2010; mfwulumende yaku Haiti yakaamba kuti bantu bainda ku 300,000 bakafwa. Bantu boonse aaba bakafwa kakunyina makani naa mbaani. Malwazi aalo alakonzya kujaya muntu uuli woonse aciindi cili coonse.\\nNkaambo nzi Leza ncatabakwabilili bantu bali kabotu kuntenda?\\nBamwi balakonzya kubuzya kuti: ‘Sena Leza takonzyi kulesya zintu zibyaabi boobu kucitika? Sena inga taabakwabilila bantu bali kabotu kuzintu zili boobu? Ikuti Leza wanjilila muzintu zili boobu, inga caamba kuti uzyibila limwi zintu zibyaabi kazitanacitika. Nokuba kuti ulakonzya kuzyibila limwi zintu zyakumbele, mubuzyo ngotweelede kulanga-langa ngwakuti: Sena Leza ulazibelesya nguzu zyakwe kuzyibila limwi zintu zibyaabi ziyoocitika kumbele?—Isaya 42:9.\\nMagwalo aamba kuti: “Leza . . . uli kujulu. Kufwumbwa ncayanda ulacicita.” (Intembauzyo 115:3) Jehova ulacita eeco ncabona kuti cileelela kucitwa —ikutali zyoonse nzyakonzya kucita. Eeci cilabikkilizya azintu nzyasala kuzyibila limwi. Mucikozyanyo, ciindi bubi nobwakavwula muminzi yansiku ya Sodoma a Gomora, Leza wakaambila Abrahamu kuti: “Nkaseluke, nkabone na ncobeni balacita zyoonse zimvwigwa mukulila kusika kulindime. Na embo obo, njooziba.” (Matalikilo 18:20, 21) Kwaciindi cili mbocibede, Jehova wakasala kutazyiba bubi mbobwakavwulide muminzi eeyo. Mbubwenya buyo, Jehova ulakonzya kusala kutazyibila limwi zintu zyoonse. (Matalikilo 22:12) Pele eeci tacaambi kuti kuli kutalondoka naa kukompama kulubazu lwakwe. Mbwaanga “inzila zyakwe zyoonse zililuzi,” Leza ulazibelesya nguzu zyakwe zyakuzyibila limwi zintu zyakumbele kweelana amakanze aakwe; kunyina nasinikizya bantu kutobela bukkale bumwi. * (Deuteronomo 32:4) Aboobo, ino ncinzi ncotunga twaamba? Inga twaamba kuti: Leza ulasala mbwabelesya nguzu zyakwe zyakuzyibila limwi zintu alimwi ulacita oobo cabusongo.\\nNkaambo nzi Leza ncatabakwabilili bantu bali kabotu kubugwebenga?\\nSENA BANTU MBABEELEDE KUPEGWA MULANDU?\\nZintu zimwi zibyaabi mbantu bapa kuti kazicitika. Amubone Bbaibbele mbolipandulula cintu cikonzya kusololela kumicito mibi, lyaamba kuti: “Umwi aumwi ulasunkwa kwiinda mukoongelezyegwa akucegwa azisusi zyakwe mwini. Lino zisusi eezyo zyamita, zizyala cibi; mpoonya cibi eeco cacitwa, cileta lufwu.” (Jakobo 1:14, 15) Ciindi bantu nobacita zintu zibyaabi naa kulombozya zintu zibyaabi, balakonzya kujana mapenzi. (Baloma 7:21-23) Mbuli makani aakaindi mbwaatondezya, bantu bacita zintu zigambya kapati akuleta mapenzi aataambiki. Kunze lyaboobo, bantu ibacita zintu zibyaabi balakonzya kuyunga bamwi kuti bacite zibi, aboobo bapa kuti kube bubi.—Tusimpi 1:10-16.\\nBantu balacita zintu zibyaabi kapati akuleta mapenzi aataambiki\\nSena Leza weelede kunjilila kuti akwabilile bantu kukucita zibyaabi? Atulange-lange muntu mbwaakalengwa. Magwalo aamba kuti Leza wakapanga muntu mucinkozya cakwe, nkokuti mbubonya mbuli Leza. Aboobo bantu balakonzya kutondezya bube bwa Leza. (Matalikilo 1:26) Bantu bakapegwa nguzu zyakulisalila alimwi balakonzya kusala kumuyanda Leza akukakatila kulinguwe kwiinda mukucita ziluleme mumeso aakwe. (Deuteronomo 30:19, 20) Ikuti Leza naakali kusinikizya bantu kutobela bukkale bumwi, sena inga twaamba kuti ulitupede nguzu zyakulisalila? Kucita boobo inga capa kuti bantu babe mbuli mincini, iicita buyo ceeco ncoyakapangilwa. Eeci inga caba camasimpe ikuti nguzu zyakweendelezya zintu zyoonse zicitika naa Kismet, nzezyeendelezya zintu nzyotucita alimwi azintu zyoonse zitucitikila. Eelo kaka tulikkomene kuti Leza ulatulemeka kwiinda mukutuzumizya kuti katulisalila kucita nzyotuyanda! Pele eeci tacaambi kuti mapenzi ngobatalisya bantu akaambo kakulubizya kwabo alimwi akusala kutali kabotu anoobapenzya lyoonse.\\nSENA KARMA NJIIPA BANTU KUPENGA?\\nBantu banji ibakakomenena mucikombelo caci Hindu naa caci Buddha basyoma munjiisyo yakuzyalululwa alimwi a Karma. Ino Karma ninzi? Karma ninjiisyo yakuti micito muntu njaakacita kaindi njiipa kuti muntu apone mbwapona lino. Aboobo ikuti mwabuzya muntu wacikombelo caci Hindu naa caci Buddha mubuzyo uuli acivwumbyo camagazini eeyi, ambweni mulakonzya kumvwa bwiinguzi oobu: “Zintu zibyaabi zilabacitikila bantu bali kabotu akaambo ka Karma. Eezyi zilabacitikila akaambo kazintu nzyobakacita kaindi.” *\\nKujatikizya njiisyo ya Karma, cilagwasya kuzyiba ncolyaamba Bbaibbele kujatikizya lufwu. Mumuunda wa Edeni, mobakatalikila bantu, Mulengi wakaambila muntu wakusaanguna Adamu kuti: “Misamu yoonse yamumuunda ncobeni uyooilya, cita musamu wakuziba bubotu abubi. Toelede kulya kulinguwo pe, nkaambo mubuzuba obo mboyoolya kulinguwo ncobeni uyoofwa.” (Matalikilo 2:16, 17) Ikuti Adamu naatakabisya kwiinda mukutamvwida Leza, naakapona kukabe kutamani. Lufwu lwakaboola akaambo kakutamvwida mulawo wa Leza. Mpoonya bana nobakazyalwa, “lufwu lwakasikila bantu boonse.” (Baloma 5:12) Aboobo inga caambwa kuti “cakuvwola ncocipa cibi ndufwu.” (Baloma 6:23) Alimwi Bbaibbele lipandulula kuti: “Muntu wafwa waangununwa kucibi cakwe.” (Baloma 6:7) Munzila iimbi, muntu afwa milandu yakwe yazibi ilamana.\\nBantu banji mazuba aano bapandulula kuti kupenga kwabantu kulabikkilizya a Karma. Kanji-kanji muntu uusyoma njiisyo ya Karma ulakuzumina kupenga kwakwe alimwi akwabamwi kakunyina kunyonganizyigwa kapati ankuko. Pele masimpe ngakuti, njiisyo eeyi taijisi bulangizi bwakuti zintu zibyaabi inga zyalesyegwa. Basyoma kuti cilikke cikonzya kugwasya muntu nkuzyalululwa kwiinda mukulilemeka kabotu alimwi akuba aluzyibo lulibedelede. Mizeezo eeyi, mubwini iliindene kapati ancolyaamba Bbaibbele. *\\nUUPA KUTI KAKULI BUBI!\\nSena mulizyi kuti mwini-mwini uuleta mapenzi “mweendelezi wanyika”—Saatani Diabolosi?—Johane 14:30\\nTabali bantu bapa kuti kakuli bubi, pe. Saatani Diabolosi, mungelo iwakali kusyomeka kuli Leza kumatalikilo, “kunyina naakakakatila mukasimpe” aboobo wakaleta cibi munyika. (Johane 8:44) Wakatalisya buzangi mumuunda wa Edeni. (Matalikilo 3:1-5) Jesu Kristo wakaamba Saatani kuti ‘mubi’ alimwi akuti “mweendelezi wanyika.” (Matayo 6:13; Johane 14:30) Bantu banji bamutobela Saatani kwiinda mukutazibikkila maano nzila zibotu zya Jehova. (1 Johane 2:15, 16) Lugwalo lwa 1 Johane 5:19 lwaamba kuti: “Nyika yoonse ili mumaanza aamubi.” Kuli azilenge zimbi zyamuuya izyakazanga akumusangana Saatani. Ibbaibbele lyaamba kuti Saatani alimwi amadaimona aakwe ‘beena nyika yoonse,’ akupa kuti kube mapenzi ‘anyika.’ (Ciyubunuzyo 12:9, 12) Aboobo, iweelede kupegwa mulandu akaambo kabubi ngu Saatani Diabolosi.\\nMasimpe, Leza tali nguwe uupa kuti zintu zibyaabi kazibacitikila bantu; alimwi tali nguwe uubapa kupenga. Mukwiimpana, walo wasyomezya kugwisya bubi, kweelana ambocitiitondezye cibalo citobela.\\n^ par. 3 Jehova ndezina lya Leza kweelana ambolyaamba Bbaibbele.\\n^ par. 11 Kutegwa muzyibe kaambo Leza ncaalekela kuti bubi buzumanane, amubone cibalo 11 cabbuku lyakuti Ino Ncinzi Cini Bbaibbele Ncoliyiisya? ilyakamwaigwa a Bakamboni ba Jehova.\\n^ par. 16 Kutegwa muzyibe kujatikizya mulawo wa Karma mbowakatalika, amubone peeji 8-12 mubroshuwa yakuti Ncinzi Cicitika Kulindiswe Twafwa? iyakamwaigwa a Bakamboni ba Jehova.\\n^ par. 18 Kutegwa muzyibe ncoliyiisya Bbaibbele kujatikizya ciimo cabantu bafwide alimwi abulangizi bwabantu bafwide, amubone cibalo 6 a 7 cabbuku lyakuti Ino Ncinzi Cini Bbaibbele Ncoliyiisya?","num_words":1241,"character_repetition_ratio":0.057,"word_repetition_ratio":0.0,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matayo 18 | Bbaibbele Lili a Intaneti | Bbaibbele lya Busanduluzi Bwanyika Mpya\\n18 Aciindi eeco basikwiiya bakaboola afwaafwi a Jesu akumubuzya kuti: “Ino nguni mupati kwiinda boonse mu Bwami bwakujulu?” 2 Mpoonya wakaita mwana musyoonto akumwiimika akati kabo 3 akuti: “Ncobeni ndimwaambila kuti: Ccita kuti mwasanduka akuba mbuli bana basyoonto, tamukanjili pe mu Bwami bwakujulu. 4 Aboobo kufwumbwa uulicesya mbuli mwana musyoonto ooyu, ngomupati kwiinda boonse mu Bwami bwakujulu, 5 alimwi kufwumbwa uutambula mwana musyoonto mbuli yooyu muzyina lyangu, wanditambula andime. 6 Pele kufwumbwa uutyompya umwi wabasyoonto aaba basyoma mulindime, ncibotu kuti aangililwe ziyo munsingo mbuli leelyo lizingulusyigwa ambongolo akumunyikizya mulwizi lupati. 7 “Maawe kunyika akaambo kazilebyo! Inzya, zilebyo zileelede kuti ziboole, pele maawe kumuntu ooyo uubelesyegwa kuba cilebyo! 8 Lino ikuti janza naa kuulu kwako kulakulebya, kukosole akukusowa; nkaambo ncibotu kuti ukanjile mubuumi kokosokede naa kolemene kwiinda kuti ukasowelwe mumulilo uutamani kojisi maanza naa maulu obilo. 9 Alimwi ikuti liso lyako kalikulebya, kolinonkola akulisowa; ncibotu kuti ukafwutuke koli sicimbolyo kwiinda kuti ukasowelwe mu Gehena muyaka mulilo kojisi meso obilo. 10 Amubone kuti tamusampauli umwi wabasyoonto aaba, nkaambo ndimwaambila kuti bangelo babo kujulu lyoonse balabubona busyu bwa Taata uuli kujulu. 11 * —— 12 “Ino muyeeya buti? Ikuti muntu umwi kajisi mbelele zili mwaanda eelyo yomwe yasweeka, sena takoozisiya mumalundu eezyo zili makumi aali fwuka afwuka akuunka kuyooyandaula yeeyo yasweeka? 13 Ncobeni ndimwaambila kuti, ikuti waijana ulakondwa kapati akaambo kanjiyo kwiinda zyeezyo zili makumi aali fwuka afwuka zyatasweekede. 14 Mbubonya oobo, Taata uuli kujulu tayandi kuti umwi wabasyoonto aaba alobe. 15 “Alimwi ikuti munyoko wakubisizya, koya ukamwaambile mpaalubizya kamuli nyobilo. Ikuti wakuswiilila, nkokuti wamupilusya munyoko. 16 Pele kuti takuswiilili, utolelezye muntu omwe naa bobilo kutegwa makani oonse akasinizyigwe kumilomo yabakamboni bobilo naa botatwe. 17 Ikuti naa tabaswiilili, ambila mbungano. Ikuti naa taiswiilili noiba mbungano, aabe kulinduwe mbubonya mbuli muntu wamasi alimwi ambuli simutelo. 18 “Ncobeni ndimwaambila kuti: Kufwumbwa zyintu nzyo-muyooanga anyika, zinooli zyakaangwa kale kujulu alimwi kufwumbwa zyintu nzyomuyooangununa anyika, zinooli zyakaangununwa kale kujulu. 19 Alimwi ncobeni ndimwaambila kuti: Ikuti bobilo akati kanu bazuminana anyika aano kulomba kufwumbwa ciyandika, Taata uuli kujulu uyoobacitila eeco. 20 Nkaambo ooko nkobabungene antoomwe bantu bobilo naa botatwe muzyina lyangu, nkondili andime akati kabo.” 21 Mpoonya Petulo wakaboola kulinguwe akwaamba kuti: “Mwami, ino mukwesu weelede kundibisyila ziindi zyongaye kandimulekelela? Sena nkusikila ziindi zili ciloba? 22 Jesu wakamwiingula kuti: “Nsikwaambili kuti ziindi zili ciloba pe, pele kusikila ziindi zili makumi aali ciloba aciloba. 23 “Nkakaambo kaako Bwami bwakujulu bwaba mbuli muntu imwami, iwakali kuyanda kuti bazike bakwe bapilusye zikwelete kulinguwe. 24 Naakatalika kubasesa, mwaalumi umwi wakaletwa iwakamukweletela matalenta aali 10,000.* 25 Pele akaambo kakuti tanaakajisi cakumujolela, simalelo wakwe wakalailila kuti walo, amukaintu wakwe, abana bakwe azyintu zyoonse nzyaakajisi zisambalwe akujola cikwelete. 26 Aboobo muzike wakafwugama akutalika kumukombelezya ulaamba, ‘Kondeengelela, ndiyookupilusizya zyoonse.’ 27 Aboobo mwami wamuzike ooyo wakeetela, mpoonya wakamuleka akumulekelela cikwelete. 28 Pele muzike ooyo wakaunka eelyo wakajana umwi wabazikenyina wakakweletede madinali aali mwaanda kulinguwe, aboobo naakamujata wakatalika kumusina akwaamba kuti, ‘Bbadela cikwelete coonse ncojisi kulindime.’ 29 Aboobo muzikenyina wakafwugama akutalika kumukombelezya ulaamba, ‘Kondeengelela, ndiyookupilusizya mali aako.’ 30 Pele walo wakakaka, amane wakaunka akupa kuti aangwe muntolongo kusikila akajole cikwelete ncaakakweleta. 31 Lino bazikenyina nobakabona cakacitika bakausa kapati, aboobo bakaunka akuyoomwaambila simalelo wabo zyintu zyoonse zyakacitika. 32 Mpoonya simalelo wakwe wakamwiita akumwaambila kuti: ‘Omuzike mubi, ndakakulekelela cikwelete coonse eeciya nookandikombelezya. 33 Sena ayebo tonooyelede kumufwida luse muzikenyoko mbubonya mbundakakufwida luse?’ 34 Aboobo simalelo wakwe, kakalede, wakamutola kuli basintolongo kusikila akajole cikwelete coonse. 35 Mbubonya buyo Taata uuli kujulu awalo mbwayoomucitila kuti umwi aumwi wanu katalekeleli munyina camoyo woonse.”\\n^ Matalenta aansiliva aali 10,000 akaleelene amadinali aali 60,000,000.","num_words":548,"character_repetition_ratio":0.055,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbuti Banakristo Mbobakonzya Kuzumanana Kusalala Mukulilemeka? | Yakwiiya\\n“Amusanzye maanza aanu, . . . akusalazya myoyo yanu.’ —JAK. 4:8.\\nMBUTI MAGWALO AAYA AATOBELA MBWAATUGWASYA KUZUMANANA KUSALALA MUKULILEMEKA?\\n1. Ino bantu munyika bakubona buti kusalala mukulilemeka?\\nKUSALALA mukulilemeka tabuli bukkale budumide kapati, kwaambisya muciindi cino ncotupona. Mumasena manji, koonana kwabantu bakozyenye zizo alimwi akwabantu ibatakwetene zibonwa kuti zili buyo kabotu. Bukkale oobu bulasumpulwa kapati abasimakwebo alimwi amuzintu zyakulikondelezya. (Int. 12:8) Kutalilemeka kuyaabwiindila cakuti inga mwalibuzya kuti: ‘Sena cilakonzyeka kusalala mukulilemeka?’ Inzya, cilakonzyeka. Kwiinda mukugwasyigwa a Jehova, Banakristo balakonzya kuzumanana kusalala mukulilemeka.—Amubale 1 Batesalonika 4:3-5.\\n2, 3. (a) Nkaambo nzi ncociyandika kulwana mizeezo iitasalali? (b) Ncinzi ncotutiilange-lange mucibalo eeci?\\n2 Cakusaanguna, tweelede kuzyiba kuti ikutegwa katusalala mukulilemeka, tuyandika kukaka mizeezo yakutalilemeka. Mbubwenya mbuli inswi mboikonzya koongelezyegwa acakulya icili kukalobyo, ayalo mizeezo yakutalilemeka ilakonzya kumoongelezya Munakristo ikuti naa taaikazya mpoonya-mpoonya. Ilakonzya koongelezya mubili wesu wanyama akutunjizya mumicito yakutalilemeka. Mukuya kwaciindi, koongelezya kwacibi kulakonzya kukomena kapati kusikila limwi muntu camukatazya kwiilwana mizeezo iitasalali. Ikuti casika waawo, naba mubelesi wa Jehova ulakonzya kucita izili mumizeezo yakwe ikuti wajanika mubukkale bukonzya kumupa kucita boobo. Inzya, “zisusi . . . zizyala cibi.”—Amubale Jakobo 1:14, 15.\\n3 Cilausisya kuzyiba kuti kulombozya kwakaindi kaniini buyo kulakonzya kupa muntu kucita cibi cipati. Pele cilakulwaizya kuzyiba kuti, ikuti naa twaikaka mizeezo iitasalali, tatukonzyi kujatikizyigwa mubukkale bwakutalilemeka, eeci ciyoopa kuti tweelebe mapenzi aakonzya kutobela. (Gal. 5:16) Atulange-lange zintu zyotatwe zikonzya kutugwasya kulwana kulombozya kubyaabi: cilongwe cesu a Jehova, lulayo lujanika mu Jwi lyakwe, alimwi alugwasyo kuzwa ku Banakristo basimide.\\n“AMUSWENE KULI LEZA”\\n4. Nkaambo nzi ncociyandika kuswena kuli Jehova?\\n4 Kujatikizya baabo ibayanda ‘kuswena kuli Leza,’ Bbaibbele lyaamba kuti: “Amusanzye maanza aanu . . . akusalazya myoyo yanu.” (Jak. 4:8) Ciindi notucibikkila kapati maano cilongwe cesu a Jehova, tulasolekesya kucita zintu zimukkomanisya mumbazu zyoonse zyabuumi bwesu, kubikkilizya azintu nzyotuyeeya. Tulayanda kuba ‘amoyo uusalala’ kwiinda mukuyeeya zintu zisalala, zintu zitambulika alimwi azibotu. (Int. 24:3, 4; 51:6; Flp. 4:8) Jehova ulizyi kuti tatulondokede. Ulizyi kuti tulakonzya kulombozya zintu zitali kabotu. Pele tulizyi kuti ulausa ciindi notulekela mizeezo iitaluzi kukomena muciindi cakusolekesya canguzu kwiikaka. (Matl. 6:5, 6) Kuzinzibala kuyeeya kujatikizya kaambo aaka kulakonzya kutupa kuba amakanze aakuzumanana kusalala mumizeezo.\\n5, 6. Mbuti mupailo mboukonzya kutugwasya kulwana mizeezo yakutalilemeka?\\n5 Nzila iiyandika kapati mbotukonzya kutondezya kuti tulamusyoma Jehova cakumaninina mukulwana mizeezo iitali kabotu nkwiinda mukupaila. Ciindi notuswena kuli Jehova mumupailo, awalo ulaswena kulindiswe. Ulatupa muuya wakwe uusalala, walo uukonzya kutuyumya mukukazya mizeezo yakutalilemeka mpoonya akuzumanana kusalala mukulilemeka. Aboobo, atumwaambile Leza kuti tuyanda kunooyeeya zintu zimukkomanisya mumyoyo yesu. (Int. 19:14) Sena tulamulomba kuti atulingule kutegwa abone ‘nzila mbyaabi,’ kulombozya zintu zibyaabi kuli koonse ikukonzya kutupa kucita cibi? (Int. 139:23, 24) Sena tulazumanana lyoonse kumulomba kuti atugwasye kuzumanana kusyomeka ciindi notusunkwa?—Mt. 6:13.\\n6 Mbotwakakomezyegwa naa mbotwakali kulilemeka musyule kulakonzya kupa kuti katuyanda kucita zintu Jehova nzyatayandi. Nokuba kuti cili boobo, ulakonzya kutugwasya kucinca kutegwa tuzumanane kumubelekela munzila iitambulika. Mwami Davida wakazyiba kuti Leza ulakonzya kutugwasya. Naakacita bumambe a Bati-seba, wakalomba Jehova kuti: “Kondipa kuba amoyo uusalala, . . . alimwi kobikka muuya mupya, uukkalikene mulindime.” (Int. 51:10, 12) Mubili wesu wanyama ulakonzya kubukkomanina bukkale bubyaabi, pele Jehova ulakonzya kutupa muuya uulisungwide kumumvwida. Nokuba kuti mizeezo iitali kabotu yatukatazya kapati akutupa kucileka kusalala mumizeezo, Jehova ulakonzya kutusololela kutegwa tutobele milawo yakwe akuzwidilila kupona kweelana anjiyo. Ulakonzya kulesya cintu cibyaabi cili coonse kutweendelezya.—Int. 119:133.\\nIkuti kulombozya kubyaabi kwakaindi kaniini kwatalika alimwi akukomena mumoyo wesu, tweelede kukugwisya (Amubone muncali 6)\\n“AMUBE BASIKUCITA CAAMBA JWI LYA LEZA”\\n7. Mbuti Jwi lya Leza mbolikonzya kutugwasya kukazya mizeezo iitasalali?\\n7 Jehova ulakonzya kwiingula mipailo yesu kwiinda mukutugwasya a Jwi lyakwe Bbaibbele. Busongo ibuli mu Jwi lya Leza “ikusaanguna bulasalala.” (Jak. 3:17) Kubala Bbaibbele buzuba abuzuba alimwi akuzinzibala kuyeeya nzyotubala kulakonzya kutugwasya kukwabilila mizeezo yesu kukuyeeya zintu zitali kabotu. (Int. 19:7, 11; 119:9, 11) Kuyungizya waawo, Bbaibbele lilijisi zikozyanyo alimwi alulayo lwacigaminina izikonzya kutugwasya kukazya mizeezo iitasalali.\\n8, 9. (a) Ncinzi icakapa kuti mulombwana umwi acite bwaamu amukaintu uutalilemeki? (b) Mbukkale buli buti mazuba aano ibukonzya kuyanda kuti tubelesye lulayo lujanika mulugwalo lwa Tusimpi caandaano 7?\\n8 Lugwalo lwa Tusimpi 5:8 lwaamba kuti: “Komutantamuka mukaintu ooyo [mukaintu uutalilemeki]; utasweni afwaafwi amulyango waŋanda yakwe.” Ntenda iiliko mukuunduluzya lulayo oolu ilitondezyedwe mulugwalo lwa Tusimpi caandaano 7, mwalo mwaambidwe mulombwana umwi iwakainda munsi-munsi aaŋanda yamukaintu uutalilemeki. Kwakali kumangolezya. Mpoonya wakaswaangana amukaintu ooyu alimwi kuboneka kuti tanaakasamide kabotu. Wakajata mulombwana ooyu akumumyonta. Wakamoongelezya mulombwana ooyu amajwi aabucenjezu akupa kuti abe aamuzeezo wakoonana calo icakapa kuti aalilwe kukazya sunko eeli. Mpoonya bakacita bwaamu. Kuboneka kuti mulombwana ooyu taakwe naakajisi makanze aakucita bwaamu. Taakacenjede alimwi tanaakali mupampu. Nokuba boobo, wakeelede kupenga akaambo kacintu ncaakacita. Nicakabota naatakasola kuswena afwaafwi amukaintu ooyu!—Tus. 7:6-27.\\n9 Sena andiswe inga twayanda kuba bafwubafwuba mbuli mulombwana wamucikozyanyo, ambweni kwiinda mukulibikka mubukkale bubyaabi ibukonzya kutupa kuba amizeezo yakucita bwaamu? Mucikozyanyo, masiku, basikweendelezya mapulogilamu aa TV balakonzya kutondezya zintu zitali kabotu. Pele mbuti kuti tujisi cilengwa cakulangaula mapulogilamu aa TV? Ambweni tulakonzya kutalika kutobela makkeyala aa Intaneti pesi mubwini kakunyina ancotulangaula, makkeyala alo aakonzya kututola kumakkeyala aatondezya zintu ziletela muzeezo wakoonana. Mubukkale buli boobu, sena zintu eezyo inga tiizyatupa kuba aamizeezo iitali kabotu alimwi akutupa kuti tucileke kusalala mukulilemeka?\\n10. Nkaambo nzi ncocili cibi kupa umwi muzeezo wakuti mulamuyanda kakuli tamujisi makanze aakukwatana anguwe? (Amubone cifwanikiso icili kumatalikilo aacibalo.)\\n10 Nzila aimwi Bbaibbele mbolitugwasya nkwiinda mukutupa lulayo lujatikizya mbotweelede kubabona bantu mbotwiindene zizo. (Amubale 1 Timoteyo 5:2.) Lulayo luli boobu cakutainda mumbali lulakasya kupa muntu umwi muzeezo wakuti mulamuyanda kakuli tamujisi makanze aakukwatana anguwe. Bamwi bayeeya kuti kwaambaula naa kulanga muntu munzila iitondezya kuti mulamunyomenena tacilubide pe akaambo kakuti takujatikizyi kujatana amubili. Pele kucita boobo kulakonzya kupa umwi kutalika kuyeeya zintu zitali kabotu zyalo zikonzya kupa kuti bacite cibi cipati cabwaamu. Eeci cakacitika kale alimwi cilakonzya kucitika.\\n11. Ncikozyanyo nzi cibotu ncaakatusiila Josefa?\\n11 Josefa wakacita cabusongo mumakani aaya. Ciindi mukaintu wasimalelaakwe, Potifara, naakasola kumoongelezya, Josefa wakakaka koongelezyegwa anguwe. Pele mukaintu ooyu wakazumanana kumoongelezya. Buzuba abuzuba wakali kumoongelezya kuti bakkale kabali bobilo. (Matl. 39:7, 8, 10) Sikwiiya zyamu Bbaibbele umwi wakaamba kuti, munzila imwi mukaintu wa Potifara wakali kwaamba kuti: “‘Atukkale tolikke kwakaindi kaniini buyo,’ kayeeya kuti [Josefa] ulabweza ntaamu eeyi yakusaanguna.” Nokuba boobo, Josefa wakalikanzide kutalekela mukaintu ooyu kumoongelezya amajwi aakwe aabucenjezu. Wakakaka kucita cintu cili coonse icakali kukonzya kumukulwaizya mukaintu ooyu kuzumanana amuzeezo wakwe, eeci cakamugwasya kutaba amuzeezo wakuyanda koonana anguwe. Ciindi naakamusinikizya kuti boonane, Josefa tanaakawayawaya kubweza ntaamu. “Wakasiya cisani cakwe mumaanza aakwe akutijila anze.”—Matl. 39:12.\\n12. Ino tuzyi buti kuti zintu nzyotubona zilakonzya kuujatikizya moyo wesu?\\n12 Bbaibbele alimwi lilatucenjezya kujatikizya kulekela meso eesu kutweendelezya akutweena. Kulangisisya zintu zimwi kulakonzya kupa kuti umwi abe aamizeezo yakoonana naa kupa kuti mizeezo iili boobo yiindile. Jesu wakacenjezya kuti “kufwumbwa muntu uulangisisya mukaintu cakumunyomenena, wacita kale bumambe anguwe mumoyo wakwe.” (Mt. 5:28) Amuyeeye icakacitikila Mwami Davida. “Kali atala aaciluli [Davida] wakabona mukaintu umwi kasamba.” (2Sam. 11:2) Wakaalilwa kulanga kumbi akuti atalike kuyeeya buyo zintu zimbi. Eeci cakapa kuti amunyomenene mukaintu iwakali mukamuntu mpoonya akulangaula nzila yakucita bumambe anguwe.\\n13. Nkaambo nzi ncotweelede ‘kupanga cizuminano ameso eesu,’ alimwi ino eeci cibikkilizya nzi?\\n13 Kutegwa tulwane mizeezo yakutalilemeka, tweelede ‘kupanga cizuminano ameso eesu,’ mbuli mbwaakacita Jobu. (Job. 31:1, 7, 9) Tweelede kusala kweendelezya meso eesu cakumaninina alimwi akutazumizya kuti tulange muntu umwi akulombozya koonana anguwe. Eeci cilabikkilizya akulikasya kweebelela zintu zikonzya kutupa kuba aamuzeezo wakoonana, zibe akkompyuta, acikwankwani, acivwumbyo cabbuku, naa ali woonse.\\n14. Mbuti mbotukozya kugwasyigwa alulayo lwakuzumanana kusalala mukulilemeka?\\n14 Ikuti naa mwajana kuti mumakani ngotwabandika kale kuli mpomuyandika kubelekela mukulwana mizeezo iitali kabotu, amubweze ntaamu cakufwambaana. Amulisungule kutobela lulayo lujanika mu Jwi lya Leza, lwalo ilukonzya kumugwasya kweeleba kucita cibi akuzumanana kusalala mukulilemeka.—Amubale Jakobo 1:21-25.\\n15. Ikuti naa tulwana mizeezo iitasalali, nkaambo nzi ncociyandika kulomba lugwasyo?\\n15 Ikuti naa tulwana mizeezo yakoonana iitali kabotu, Banakristoma abalo balakonzya kutugwasya. Masimpe, cilakatazya kwaambila muntu makani aali boobu. Pele cabusicamba kuzumina lugwasyo kuzwa ku Munakristo uusimide kulakonzya kutugwasya kutaubya-ubya mizeezo iili yoonse iitali kabotu. (Tus. 18:1; Heb. 3:12, 13) Kumwaambila kulezya kwesu Munakristo uusimide kumuuya, kulakonzya kutugwasya kubona mbazu zimwi nzyotwatali kubona. Eeci cilakonzya kutugwasya kucinca mpotweelede kutegwa tuzumanane kukkala muluyando lwa Jehova.\\n16, 17. (a) Mbuti baalu mbobakonzya kugwasya baabo ibalwana penzi lyamizeezo iitasalali? Amupe cikozyanyo. (b) Nkaambo nzi ncociyandika kuti aabo ibalangilila zintu ziletela muzeezo wakoonana balombe lugwasyo cakufwambaana?\\n16 Baalu Banakristo mbabeelela kapati kumugwasya. (Amubale Jakobo 5:13-15.) Mukubusi umwi ku Brazil wakali kulwana penzi lyamizeezo iitali kabotu kwamyaka minji. Wakaamba kuti: “Ndakalizyi kuti nzyondakali kuyeeya tiizyakali kumukkomanisya Jehova, pele ndakali kufwa nsoni kapati kwaambila bamwi mbondakali kulimvwa.” Mucoolwe, mwaalu uubikkila maano mumbungano yakwe wakamusikila akumukulwaizya kulomba lugwasyo. Mukubusi ooyu wakaamba kuti: “Ndakagambwa kubona baalu mbobakali kutondezya luzyalo kulindime, kutondezya luzyalo kapati alimwi akundimvwisya kapati kwiinda mbondakali kuyeeya. Bakaswiilila cakubikkila maano kumapenzi aangu. Bakabelesya Bbaibbele kutondezya kuti Jehova wakacili kundiyanda, alimwi bakapaila antoomwe andime. Eeci cakapa kuti cinduubile kutobela lulayo lwamu Bbaibbele ndobakandipa.” Nokwakainda myaka iili mbwiibede, wakaunka ambele kumuuya, mpoonya wakaamba kuti: “Lino ndacibona mbociyandika kulomba lugwasyo muciindi cakusola kunyamuna mukuli ndelikke.”\\n17 Kulomba lugwasyo cilayandika kapati ikuti icipa kuti kamujisi mizeezo yakutalilemeka ncilengwa cisofweede cakweebelela zintu ziletela muzeezo wakoonana. Ikuti kamuwayawaya kulomba lugwasyo, kuyeeya zintu zitali kabotu kulakonzya kukomena kusikila ‘zyamita akuzyala cibi’ cikonzya kutyompya bamwi akuleta masampu kuzina lya Jehova. Kuyandisya kukkomanisya Jehova alimwi akuyandisya kuzumanana kuba mumbungano ya Bunakristo kwapa kuti babelesi bakwe banji balutambule lugwasyo ndobapegwa caluyando.—Jak. 1:15; Int. 141:5; Heb. 12:5, 6.\\nAMUBE AMAKANZE AAKUZUMANANA KUSALALA MUKULILEMEKA!\\n18. Ino mukanzide kucita nzi?\\n18 Eelo kaka Jehova ulakkomana kapati kubona babelesi bakwe balyaabide kabasolekesya canguzu kusalala mumizeezo alimwi akusumpula zyeelelo zyakwe zisumpukide izyakulilemeka munyika eeyi ya Saatani mwalo zyeelelo zyakulilemeka moziyaabuya ansi! Aboobo, umwi aumwi wesu aabe amakanze aakuzumanana kuswena kuli Jehova alimwi akutambula busolozi mbwapa kwiinda mu Jwi lyakwe alimwi amumbungano ya Bunakristo. Kuzumanana kusalala mukulilemeka kupa kukkutila alimwi aluumuno lwamumizeezo lino. (Int. 119:5, 6) Kumbele, Saatani aakugwisyigwa, tuyooba acoolwe cakupona kukabe kutamani munyika iisalazyidwe kakunyina kuyungwa kucita cibi.","num_words":1520,"character_repetition_ratio":0.072,"word_repetition_ratio":0.0,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Bbaibbele Lyaamba Nzi Kujatikizya Kunyema?\\nAMUBALE MU Afrikaans Albanian American Sign Language Amharic Arabic Armenian Azerbaijani Bislama Brazilian Sign Language Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Danish Dutch Efik English Estonian Faroese Fijian Finnish Fon French Georgian German Greek Gun Hebrew Hiligaynon Hungarian Iban Iloko Indonesian Italian Japanese Kikaonde Kinyarwanda Kirghiz Kiribati Kirundi Korean Kwanyama Lingala Lithuanian Luganda Malagasy Malay Malayalam Mambwe-Lungu Moore Myanmar Ndebele (Zimbabwe) Nepali Norwegian Nzema Ossetian Pennsylvania German Persian Polish Portuguese Romanian Sango Serbian (Cyrillic) Serbian (Roman) Setswana Seychelles Creole Shona Sidama Sinhala Slovak Slovenian Spanish Sunda Swahili Swedish Tagalog Tatar Telugu Tetun Dili Thai Tigrinya Tsonga Turkish Twi Ukrainian Urhobo Uruund Uzbek Valencian Venda Vietnamese Welsh Yoruba\\nBbaibbele lyaamba kuti kunyema cakutalijata nkubi, kuli sikunyema alimwi akuli baabo mbali limwi. (Tusimpi 29:22) Nokuba kuti zimwi ziindi kunyema takulubide, Bbaibbele lyaamba kuti aabo bazumanana “kunyema” tabakafwutuki pe. (Bagalatiya 5:​19-​21) Bbaibbele lijisi njiisyo zikonzya kugwasya muntu kukweendelezya kunyema.\\nSena kunyema kulilubide lyoonse?\\nIno ndilili kunyema nokulubide?\\nIno mbuti mbomweelede kukweendelezya kunyema?\\nTupango twamu Bbaibbele tujatikizya kunyema\\nPeepe. Kunyema zimwi ziindi takulubide. Mucikozyanyo, mwaalumi uusyomeka Nehemiya ‘wakanyema kapati’ naakamvwa kuti bakombinyina bakali kupenzyegwa.​—Nehemiya 5:6.\\nZimwi ziindi Leza ulanyema. Mucikozyanyo, kaindi bantu bakwe nobakatyola cizuminano cakukomba nguwe alikke akutalika kukomba baleza bakubeja, ‘bukali bwa Jehova bwakababukila.’ (Babetesi 2:​13, 14) Nokuba boobo, kunyema tabuli mbobube bupati bwa Jehova Leza. Lyoonse ulijisi twaambo tumupa kunyema alimwi ulakweendelezya kunyema kwakwe.​—Kulonga 34:6; Isaya 48:9.\\nKunyema kulalubila ikuti tiitwalijata naa kuti kakunyina kaambo kapati katupa kunyema, kanji-kanji eeci icicitwa abantu batalondokede. Mucikozyanyo:\\nKaini “wakanyema kapati” ciindi Leza naakakaka cipego cakwe. Kaini wakanyema kapati mane wakasika mpajaya munyina.​—Matalikilo 4:​3-8.\\nMusinsimi Jona “wakanyema kapati” ciindi Leza naakabafwida luse bana Nineve. Leza wakamululamika Jona akumwaambila kuti ‘tiicakali kabotu kunyema boobo’ akuti wakeelede kubafwida luzyalo basizibi abaya ibakeempwa.​—Jona 3:⁠10–​4:​1, 4, 11. *\\nZikozyanyo eezyi zitondezya kuti kubantu batalondokede, “bukali bwamuntu tabuleti bululami bwa Leza.”​—Jakobo 1:​20.\\nAmuzyibe ntenda iiliko mukunyema cakutalijata. Bamwi inga bayeeya kuti kunyema ncitondezyo cakuba anguzu. Pele masimpe ngakuti, muntu uutalijati caboola kukunyema ujisi penzi pati. “Mbuli munzi wapwaigwa, uutajisi bwaanda, mbwabede muntu uutakonzyi kulijata kuti wanyema.” (Tusimpi 25:28; 29:11) Kulubazu lumwi, kuti katucikonzya kukweendelezya kunyema, tutondezya kuti tuli basinguzu ncobeni akuti tuli basongo. (Tusimpi 14:29) Bbaibbele lyaamba kuti: “Muntu uumuka kunyema uli kabotu kwiinda muntu singuzu.”​—Tusimpi 16:32.\\nAmuleke kunyema nomutanacita cintu cikonzya kumupa kuusa. Intembauzyo 37:8 yaamba kuti “Koleka kunyema abukali; utacimwi akutalika kucita cibi.” Amubone kuti ciindi notwanyema, tulakonzya kusala, nkokuti kusala kuti tuleke kunyema ‘katutanacita cibi.’ Lugwalo lwa Baefeso 4:​26 lwaamba kuti, “amunyeme, pele mutabisyi pe.”\\nKuti kacikonzyeka, amuzwe abusena mbomwalimvwida buyo kuti mwatalika kunyema. Bbaibbele lyaamba kuti: “Kutalisya nkondo kuli mbuli kujalwida maanzi manji; kubwesyanya kakutanatalika, kozwa buyo aawo.” (Tusimpi 17:14) Nokuba kuti cilayandika kapati kubamba twaambo cakufwambaana, nywebo alimwi ayooyo ngomwalubizyanya mweelede kukkazika moyo kamutanaabandika makani aayo.\\nAmutuzyibe twaambo twamasimpe. Lugwalo lwa Tusimpi 19:11 lwaamba kuti: “Bupampu bwamuntu bulamulesya kufwambaana kunyema.” Ncabusongo kusaanguna kuzyiba twaambo toonse twamasimpe kamutanabweza ntaamu. Ciindi notuswiilila cakubikkila maano kujatikizya kaambo kamwi, tatukanyemi.​—Jakobo 1:​19.\\nAmupailile luumuno lwamumizeezo. Mupailo ulakonzya kumugwasya kuba ‘aluumuno lwa Leza oolo lwiinda maano oonse.’ (Bafilipi 4:7) Mupailo ninzila imwi motutambula muuya uusalala wa Leza, walo uukonzya kuzyala micelo mbuli luumuno, kukkazika moyo alimwi akulilesya mulindiswe.​—Luka 11:13; Bagalatiya 5:​22, 23.\\nAmusale kabotu balongwe. Kanji-kanji tuba mbuli bantu mbotuyanzana limwi. (Tusimpi 13:20; 1 Bakorinto 15:33) Bbaibbele litucenjezya kuti: “Utanoomvwani amuntu mukali alimwi utanikweendi amuntu uunyema-nyema buyo.” Nkaambo nzi? “Kutegwa utaiyi nzila zyakwe akulinjizya mukakole.”​—Tusimpi 22:24, 25.\\nTusimpi 16:32: “Muntu uumuka kunyema uli kabotu kwiinda muntu singuzu.”\\nCaambwa: Kulijata ciindi nomwanyema ncitondezyo cakuba anguzu.\\nTusimpi 17:14: “Kutalisya nkondo kuli mbuli kujalwida maanzi manji; kubwesyanya kakutanatalika, kozwa buyo aawo.”\\nCaambwa: Kuti muntu wanyema kapati, amuzwe aawo.\\nTusimpi 19:11: “Bupampu bwamuntu bulamulesya kufwambaana kunyema.”\\nCaambwa: Inga twakweeleba kunyema kwiinda mukulanga-langa twaambo toonse tujatikizyidwe mukaambo kamwi muciindi cakunyema katutanazyiba twaambo toonse twamasimpe.\\nTusimpi 22:24, 25: “Utanoomvwani amuntu mukali alimwi utanikweendi amuntu uunyema-nyema buyo, kutegwa utaiyi nzila zyakwe akulinjizya mukakole.”\\nCaambwa: Kuti katuyanzana abantu bajisi cilengwa cakunyema-nyema andiswe tulakonzya kuba mbuli mbabo.\\nTusimpi 29:11: “Mufwubafwuba ulatondezya bukali boonse buli mumoyo wakwe.”\\nCaambwa: Ncabusongo kuyeendelezya mizeezo yesu muciindi cakuti yalo kaitweendelezya.\\nBagalatiya 5:​22, 23: “Mucelo wamuuya ngooyu: luyando, lukkomano, luumuno, kukkazika moyo, luzyalo, bubotu, lusyomo, kubomba moyo, kulilesya.”\\nCaambwa: Muuya uusalala, naa nguzu nzyabelesya Leza, ulakonzya kutupa kuba abube bukonzya kutugwasya kuzunda kunyema.\\nBaefeso 4:​26: “Amunyeme, pele mutabisyi pe.”\\nCaambwa: Talili lyoonse notukonzya kukweeleba kunyema, pele tulakonzya kukweendelezya.\\nJakobo 1:​19: “Muntu woonse weelede kufwambaana kuswiilila, kumuka kwaambaula, kumuka kukalala.”\\nCaambwa: Tulakonzya kucesya kunyema kwiinda mukuba baswiilizi babotu.\\n^ munc. 14 Cikkomanisya ncakuti, Jona wakakuzumina kululamikwa aboobo wakacileka kunyema, mane buya Leza wakamubelesya kulemba bbuku limwi lyamu Bbaibbele liitwa azina lyakwe.\\n“Bupampu Bwamuntu Bulamulesya Kufwambaana Kunyema”\\nIcakacitika mubuumi bwa Davida, mwami wabana Israyeli, cilakonzya kumugwasya kweendelezya mbomulimvwa ciindi muntu umwi naamunyemya.\\nMbomukonzya Kukweendelezya Kunyema Kwanu\\nNdakali Mubi Moyo Alimwi Sinkondo","num_words":726,"character_repetition_ratio":0.053,"word_repetition_ratio":0.006,"special_characters_ratio":0.184,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matayo 16 | Bbaibbele Lili a Intaneti | Bbaibbele lya Busanduluzi Bwanyika Mpya\\n16 Lino ba Falisi aba Saduki bakaboola kulinguwe, aboobo kutegwa bamusunke, bakamwaambila kuti abatondezye citondezyo kuzwa kujulu. 2 Mpoonya wakabaingula kuti: “[[Kwaba kumangolezya mulizyibide kwaamba kuti, ‘Buyooca kabotu, nkaambo kujulu kwasubila,’ 3 alimwi mafwumofwumo mulaamba kuti ‘Sunu kunooli mpeyo amvwula nkaambo kujulu kwasubila pele kuli makumbi aasiya.’ Mulizyi kupandulula mbokulibonya kujulu, pele tamukonzyi kupandulula zitondezyo zyaziindi eezyi.]]* 4 Izyalani libi alimwi lyabumambe liyandisya kupegwa citondezyo, pele kunyina citondezyo ncoliyoopegwa ccita buyo citondezyo ca Jona.” Mpoonya wakaunka wabasiya. 5 Lino basikwiiya bakazabukila mutala eliya, alimwi bakaluba kubwezelezya zinkwa. 6 Jesu wakabaambila kuti: “Amulangisye alimwi amucenjele abumena bwaba Falisi aba Saduki.” 7 Aboobo bakatalika kwaambilana kuti: “Tiitwabwezelezya cinkwa nociba comwe.” 8 Naakazyiba boobo, Jesu wakati: “Sena nkaambo kakuti tamujisi zinkwa ncomwaambilana boobu nywebo nobasilusyomo luniini? 9 Sena tamunakabona kaambo, naa sena mwaluba zinkwa zyosanwe nzibakalya bantu bali 5,000 alimwi amweelwe wamitaanga yabufwefwelenga njomwakabweza? 10 Naa sena mwaluba zinkwa zili ciloba nzibakalya bantu bali 4,000 alimwi amweelwe wamitaanga mipati yabufwefwelenga njomwakabweza? 11 Ino nkaambo nzi tiimwazyiba kuti tiindali kumwaambila makani aazinkwa? Pele amucenjele abumena bwaba Falisi aba Saduki.” 12 Mpoonya bakazyiba kuti wakali kwaamba kuti bacenjelele njiisyo zyaba Falisi aba Saduki kutali bumena bwazinkwa. 13 Lino naakasika mucooko ca Kaisaleya Filipi, Jesu wakabuzya basikwiiya bakwe kuti: “Ino bantu baamba kuti Mwana wamuntu nguni?” 14 Bakaingula kuti: “Bamwi baamba kuti Johane Mubbapatizi, bamwi balati Elija, pele ibamwi baamba kuti Jelemiya naa umwi wabasinsimi.” 15 Eelyo wakababuzya kuti: “Ino nywebo mwaamba kuti ndime ni?” 16 Simoni Petulo wakaingula kuti: “Nduwe Kilisito, Mwana wa Leza muumi.” 17 Mpoonya Jesu wakamwaambila kuti: “Ulilelekedwe Simoni omwana wa Jona, nkaambo tali muntu uulya maila pe wakuyubunwida, pele ngu Taata uuli kujulu. 18 Andime ndikwaambila kuti: Nduwe Petulo, aboobo amwala ooyu mpondiyooyakila mbungano yangu alimwi taikazundwi amilyango ya Cikkalilo Cabafwu.* 19 Ndiyookupa makkii aa Bwami bwakujulu, eelyo kufwumbwa ncoyooanga anyika cinooli cakaangwa kale kujulu, alimwi kufwumbwa ncoyooangulula anyika cinooli cakaangululwa kale kujulu. 20 Mpoonya wakalomya kulailila basikwiiya kuti bataambili muntu uuli woonse kuti ngo Kilisito. 21 Kuzwa ciindi eeco, Jesu Kilisito wakatalika kutondezya basikwiiya bakwe kuti weelede kuunka ku Jelusalemu akuyoopenzyegwa kapati abapati, basilutwe babapaizi abalembi mane akujaigwa, mpoonya akuyoobusyigwa mubuzuba bwatatu. 22 Lino Petulo wakamutola ambali akutalika kumukalalila kati: “Kolyeengelela Mwami; eeci tacikakucitikili pe.” 23 Pele Jesu wakamufwutatila Petulo akumwaambila kuti: “Koya kusyule lyangu, Saatani! Uli cilebyo kulindime nkaambo uli amizeezo yabantu ikutali ya Leza.” 24 Mpoonya Jesu wakaambila basikwiiya bakwe kuti: “Ikuti umwi kayanda kunditobela, aliimye akunyamuna cisamu cakwe cakupenzyezya akuzumanana kunditobela. 25 Nkaambo kufwumbwa uuyanda kufwutula buumi bwakwe uyoobusweekelwa, pele kufwumbwa uusweekelwa buumi bwakwe akaambo kandime uyoobujana. 26 Nkaambo nimpindu nzi muntu njajana ikuti wavwuba nyika yoonse pele wasweekelwa buumi bwakwe? Naa, ncinzi muntu ncayoopa kuti anunune buumi bwakwe? 27 Nkaambo Mwana wamuntu uyooboola abangelo bakwe mubulemu bwa Bausyi, mpoonya uyoopilusyizya umwi aumwi kweelana amilimo yakwe. 28 Ncobeni ndimwaambila kuti nkobali bamwi ibaimvwi aano batakafwi kusikila bakasaangune kubona Mwana wamuntu kaboola mu Bwami bwakwe.”\\n^ Makoma atondezya majwi aatamo mumabbuku amwi aakaindi pele aajanika muli amwi.\\n^ Amubone Makani Aayungizyidwe 8.","num_words":471,"character_repetition_ratio":0.06,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Munyama Uuzwa Mulwizi: Cikombelo ca Katolika caku Loma mu Ciyubunuzyo Print\\nMunyama Uuzwa Mulwizi: Cikombelo ca Katolika caku Loma mu Ciyubunuzyo\\nIbbuku lya Ciyubunuzyo lipa mulumbe wa zintu ziboola kumbelaa mazuba zijatikizya muntu woonse uukkala anyika. Ooyu mulumbe upedwe mumikonzyanyo. Kubelesya mikonzyanyo eeyi, Ijulu licenjezya kuti kuyooba nguzu ziyoopenzyesya baluleme bokwa Yahuwah.\\nKwamyaka 1,000, Cikombelo ca Katolika cakali cibelesyo camulimo wakupenzya bantu, aabo bakali kuyanda kukomba Yahuwah kweendelanya abululami mbubakamvwisyide mumizeezo yabo.\\nCiyubunuzyo 13 cijisi cishinshimi citaaluka kuzwa nsiku kusikila kumazuba aazya kumbele eelyo eezi nguzu zyakalaa mpuwo noziyookakatila kuwaya milawo iikobelela baluleme bokwa Yahuwah:\\n“Lino ndakabona munyama kazwa mulwizi. Wakalijisi meja aali kkumi amitwe iili ciloba, kulwija lomwe-lomwe kwakali musini, alimwi amutwe omwe-omwe kwakali zina lisampaula Yahuwah. Munyama ooyo ngondakabona wakali kulangika mbuli siluwe. Maulu aakwe akali mbuli aabbeya, awalo mulomo wakwe wakali mbuli wasyuumbwa. Nkabela tosi lyakapa munyama ooyu nguzu zyalyo, cuuno, abulelo bwalyo bupati. Umwi wamitwe yamunyama ooyu wakali kulangika mbuli kuti ujisi dondamwaka, pele dondamwaka eelyo lyakapona. Bantu boonse ibakatobela munyama ooyu, bakagambwa kapati. 4Eelyo bantu bakakomba tosi, nkaambo kakuti lyakapa nguzu zyalyo kumunyama. Bamane bakakomba munyama, bakati, “Lino nguni uuli mbuli munyama ooyu? Nguni uukonzya kumulwana?” Munyama wakazumizigwa kuti aambe majwi aakusampaula Yahuwah, akuzumizigwa kuti abe aanguzu mane kusikila myezi iili makumi one aibili imane. Mpawo wakatalika kusampaula zina lya Yahuwah aŋanda yakwe aabo boonse bakkala kujulu. Munyama ooyu wakazumizigwa kulwana basalali akubazunda. Alimwi wakapegwa nguzu zyakulela misyobo yoonse, zisi zyoonse, milaka yoonse, alimwi amasi oonse. Bantu boonse bakkala munyika bayoomukomba, boonse aabo batakalembwa nyika kiitanalengwa mubbuku lyabuumi lya Mwanaa mbelele wakajaigwa. (Ciyubunuzyo 13:1-8, KJV)\\nMu Cishinshimi, “banyama” bayiminina mfuluende zyaanyika zipenzya bantu bokwa Yahuwah. Johane wakabona munyama ooyu kayimpuka kuzwa mu “lwizi”. Mu Bbaibbele, lwizi mukonzyanyo wa cooko canyika cikkedwe bantu banji:\\n“Meenda . . . mbantu, amakunga aabantu, amasi, amilaka.” (Ciyubunuzyo 17:15, KJV)\\nEeci ncecintu citaanzi citondezya ciimo ca munyama wa Ciyubunuzyo 13 citondezya kuti Ncikombelo ca Katolika caku Loma: cakapompa “Munyika yansiku” – mubusena bwakalaa bantu banji alimwi nkonkuko ooko nkocakali kubelesya kapati nguzu zyaco.\\nOoyo munyama uuzwa mu lwizi ngwaakabona Johane wakalaa mubili wa siluwe azituta zya malama amulomo wa syuumbwa. Eeci ncintu ciyandika kumvwisyisya nkaambo aabo banyama bakaambilizyigwa amwalo mubbuku lya Daniyeli kwiiminina mfulumende zyaanyika zyotatwe zyakali kupenzya bantu bokwa Yahuwah kabutaninga libonya bulelo bwa Loma. Munyama wa Johane wakali munyama uuswaangene kubanyama aabo, kusanganya aziimo zya mfulumende zyakaindi.\\nCikombelo ca Katolika caku Loma, eeco cakakona bulelo bwa Loma uukukomba mituni, mbuli mbocili mfulumende iipenzya baluleme alimwi cijisi ciimo camuntu abulelo bwa Greece (siluwe), cisumpula Nsondo yakazwa kubulelo bwa Medo-Persia (malama) akupaila kacibelesya kkalenda lilaa mvwiki zyizinguluka kakwiina kulekezya , zyakazyila ku Bbabbiloni (syuumbwa).\\nMangwalo aamba kuti munyama uuzyila mulwizi utambula nguzu zyakwe kuzwa kuli simwaaba, ooyo ngo mukonzyanyo wa kukomba mituni aSaatani lwakwe:\\n“Simwaaba mupati wakawaalilwa anze, ooyo muzoka wansiku wiitwa akuti Dyabooli a Saatani, uucenga nyika yoonse . . . .” (Ciyubunuzyo 12:9, KJV)\\nKusikila aciga cimwi, Kukomba mituni kwaku Loma kwakalijanina nguzu kuzwa kubupaizi bwa kukomba zibumbwa. Kwiinda mukutobela akutambula ziyanza zyakukomba zibumbwa mu Cikombelo, Bukatolika bwakabaa nguzu akubaa mpuwo, akuyambukila nyika yoonse.\\nPoopo Gregory XIII uuzyibidwe kuti nguwaazumizya akuulikwa kkalenda lina Gregory licitambudwe kuti ndekkalenda lyaanyika mazubaano\\nKunyina cintu cimwi citondezya masimpe aayo mbuli kkalenda lyamazubaano, eelyo lyakabambilwa akuulikwa zina lya Poopo Gregory XIII. Inyika yoonse iliswaangene mukubelesya kkalenda lyalweeno eeli amazuba aakukomba mituni ngolipedwe.\\nBakatolika balidunda kuti eeli kkalenda ncitondezyo ca nguzu zyabo nkaambo bakacinca Nsabata kuti ibe Nsondo.\\n“Nguni ngotulemekezya Notupaila kuti Katubamba Nsondo akwiisetekanya? Kuzwa muli ceeci tuteelela bupati bwanguzu zya cikombelo mukusansulula milawo yokwa Leza – ninguzu zizyibidwe akataa bunakristu, nokuba mutubungabunga twa bupaizi tubelesya Mangwalo alikke mulusyomo, nkaambo atwalo tubunga ooto tubamba buzuba bwa kulyookezya kutali mubuzuba bwa ciloba bulailidwe mu Bbaibbele, pele mubutaanzi. Oobo tulizyi kale kuti bweelede kusetekanyigwa, nkaambo buyo kakuti nciyanza aciiyo ca Cikombelo ca Katolika.” (Henry Gibson, Catechism Made Easy, #2, 9th edition, vol. 1, pp. 341-342.)\\nKumuswaangano waku Nicæa, ikkalenda lya Bbaibbele lyakasulaikilwa limwi mpoonya mucibaka calyo kwakatambulwa kkalenda lina Juliyasi lyakukomba zibumbwa kuti libe kkalenda lyakujanya ziindi amazuba aakupaila.\\nMasimpe kuti aaya makani alitondezyedwe mucinkonzya ca munyama cilaa mitwe iili ciloba, eeco cisyuukide meja aali kkumi. Cikombelo caku Loma casulaika kkalenda lyansiku litobela mwezi- azuba akutambula mvwiki yuulikidwe mazina aamituni aali ciloba, imvwiki zitobelana kakwiina kulekezya.\\n“Kutegwa ukamantanye Bakomba zibumbwa antoomwe aBanakristu, munzi wa Loma wakazumanana mulimo ooyu kwiinda mukuswaanganya mapobwe aamituni amapobwe aabuna kristu, akupelengusya kucinculula kkalenda; eeco tiiwakali mulimo uukatazya, kuswaanganya Kukomba zibumbwa antoomwe a BunaKristu – bwalo aciindi eeco bwakanjombede kale mukupaila zibumbwa . . . kuti bajatane mumaanza.” (Alexander Hislop, The Two Babylons, p. 105.)\\nOoku kuswaanganya antoomwe Bunakristu abakomba mituni , kwakaambilizyigwa amu Ciyubunuzyo 17:5 kuti: “MASESEKE, BBABBULONI, SIMAMAMBE, NYINA WABASIBWAAMU AZITONDWA ZYAANYIKA.”\\nMu Mangwalo, mukaintu mukonzyanyo wiiminina cikombelo. Aboobo “sibwaamu, muvwuule a simamambe,” wiiminina cikombelo cisofweede..\\nCikombelo ca Katolika ngo “nyina” wa zikombelo nkaambo zikombelo zyoonse zyabupaizi, kutali buyo zya Bunakristu, zibelesya kkalenda lyakaanzwa a Cikombelo ca Katolika kuti zibalile mazuba aakupaila.\\n“Nsondo mucito wa BuKatolika alimwi kubamba Nsondo kuyeeme buyo mu milazyo ya Katolika ...Kuzwa kumatalikilo kusikila kumamanino aa Mangwalo, kunyina kampango nokaba komwe kazumizya kucinca buzuba bwakukomba mumvwiki kuzwa kubucaalizya bwa ciloba kuya kubutaanzi.” (Catholic Press, Sydney, Australia, August, 1900.)\\nPele munyama mubbuku lya Johane wakatambula “cicisa calufu.” Eeco cakacitika mu 1798 eelyo mfulumende ya Cikombelo ca Katolika niyaagwisyigwa mubweende bwa zintu. Mumwezi wa Mulumi 1798, eeyo muflumende yakali kukankamya bami baanyika, yakabbontelwa ansi a Silutwe Wamalumba waba French Louis-Alexandre Berthier, Huguenot, naakatumwa a Napoleon Bonaparte kuti aange Poopo Pius VI akumubikka muntolongo.\\nKakwiindide myezi yobile, mu Mukubwekaangala 3, mfulumende yaba Frenchi yakasungilizya boonse kubelesya kkalenda lyayo, lijisi mazuba aa kkumi mumvwiki yomwe.\\nOoku kucinculula kkalenda kwakaatula buzuba bwakupaila bwa poopo. Kwiinda mukugwisya Nsondo mumvwiki, bazimaanya citondezyo ncataminina kubaa nguzu poopo: kucinca buzuba bwa kupaila kuzwa ku Nsabata yamu Bbaibbele kuya ku Nsondo. Eeci cakali “cicisa calufu,” ncaakatambula poopo.\\nZyoonse eezi zintu zyakacitika kweendelanya acishinshimi eeco cakaambilizya kuti “wakapegwa nguzu kwa myezi makumi one ayibili.”\\nMucishinshimi, buzuba bomwe bwiiminina mwaka omwe alimwi mwezi omwe lyoonse ulaa mazuba 30 bunji bwaziindi. “Ime ndakupa buzuba bomwe kuti bwiiminine mwaka.” (Ezekiya 4:6, KJV) Ooyu mulazyo wamu Bbaibbele ujatikizya ziindi zyoonse zili mu cishinshimi camazuba aali 2300, eeco ncishinshimi ciinda kulampa mu Bbaibbele. Kuzuzika cishinshimi eeci kwakaleta matalikilo aa “ciindi ca mamanino”. Mulazyo wakuti buzuba bomwe bwiiminina mwaka omwe tuukonzyi kubelesyegwa muzishinshimi zicitika mukati ka “ciindi camamanino”. Nkaambo “ciindi camamanino” ncifwaafwi kapati kuti ceendelane a mulazyo ooyu.\\nEeci ciindi cakatalika mu A.D. 538 eelyo Silutwe walumamba Belasarius, kayiminina bulelo bwa Byzantine, bwa Justinian, wakaangulula munzi wa Loma kuzwa kunguzu zyaba Arian Ostrogothi nibaafumpide munzi ooyo kwa mwaka omwe amazuba aali fuka.\\nNokuba kuti nguzu zyaba Ostrogothi ba kunyika lya Italy tiizyakaleka kubeleka mpeenya aawo, pele Belasarius wakatambulwa a Poopo Silverius mpoonya akubambila nzila yakwaangulula munzi wa Loma kuzwa mubweendelezi bwaba Ostrogothi akubambila Cikombelo ca Katolika caku Loma kuti cisungilizye boonse kutobela lusyomo lwa kukomba mituni abaleza botatwe, oolo lusyomo banakristu bazyandamene ba Ostrogothi ndubaakakila limwi.\\nAboobo oobu bweendelezi bwakudyaaminina boonse bwakatola myaka 1,260 oomo banakristu batonkomene nibaajayilwa nkaambo ka lusyomo lwabo. Bwakamana muciindi ceelede, mu 1798, eelyo poopo naakaangwa a Nsondo niyaagwisyigwa kuti mbuzuba busetekene, eeyo yakali citondezyo ca nguzu cokwa poopo.\\nEeci cishinshimi tiicakamanina waawo, nokuba boobo. Yahuwah uyubununa kuti eeyi mfulumende iipenzya basalali iyootalika alimwi kubelesya nguzu zyoonse atalaa nyika. Johane waamba kuti:\\n“Cisisa cakwe calufu cakapona: alimwi nyika yoonse yakaankamana akwiingaila kutobela munyama.” (Ciyubunuzyo 13:3, KJV)\\nEeci cakacitika ncobeni nkaambo mazubaano nyika yoonse ibalila mazuba aakubeleka milimo akupaila kubelesya kkalenda lyaabambwa a Cikombelo ca Katolika caku Loma. Kuzwa muciindi ca Nkondo Yanyika II, nyika yoonse iliswaangene kubelesya kkalenda lya Poopo Gregory XIII\\nCikombelo ca Katolika caku Loma tiicakasangane mubweende bwanyika kuzwa nicaatambwide cicisa ca lufu, pele jwi lyacishinshimi licenjezya kuti:\\nMunyama ooyu wakazumizyigwa kulwana basalali akubazunda. Alimwi wakapegwa nguzu zyakulela atalaa misyobo yoonse, mikowa yoonse, milaka yoonse alimwi amasi woonse. Bantu boonse bakkala munyika bayoomukomba; boonse batakalembwa mubbuku lya buumi lya Mwanaambele wakajaigwa kiitanalengwa nyika. (Ciyubunuzyo 13:7, 8, KJV)\\n• Zibalo zyakkalenda lya Yahuwah: Tyanka Aawa.\\n• Zipekupeku zya Kkalenda lya Yahuwah: Tyanka Aawa.\\nBoonse bakakatila kulemekezya Mulengi wabo kwiinda mukujokela kukukomba mubuzuba bwaciloba bwa Nsabata bwansiku bwa kkalenda lyamu Bbaibbele, bayooliletela bukali bwa simwaaba a munyama. Pele meso ookwa Yahuwah alangide aabantu Bakwe alimwi matwi Aakwe alijulidwe kusiwiilila kulilauka kwabo.\\nAaka kampango kamanina mucisyomyo kuli baabo basyomeka:\\n“Ooyo uutola mubuzike alakwe uyootolwa buzike: ooyo uujaya acceba alakwe uyoojayigwa aacceba. Nkooku kubikkilila kwa basaante.” (Ciyubunuzyo 13:10)\\nZyoonse mfulumende zipenzya baluleme, kumamanino ziyoobetekwa abululami. Nkooku kubikkilila alusyomo lwa basalali, eeco ncisyomyo cibapa nguzu zya kwiimikila akataa bantu nokuba kuti balapenzyegwa – eeco ciciboola kumbelaa mazuba!\\nUtalipenzyi kunyomenenwa basofweede, utanyonokeli bacita zibi utababedi aabbivwe.\\nBalafwambaana kupusama mbuli bwizu, balanyana-nyana mbuli mweevwe.\\nKosyoma mu Mwami Yahuwah noticite zibotu, notikonzye kukkala munyika cakuliiba.\\nMu Mwami Yahuwah kobotelwa, ziyanda moyo wako uyookupa.\\nKu Mwami Yahuwah ulipe, uyookucitila zibotu oosyoma muli Nguwe. (Bala Intembauzyo 37.)","num_words":1375,"character_repetition_ratio":0.063,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 3 IBBAIB63 - Lino Musa wakali kweembela - Bible Search\\nKulonga 2 Kulonga 4\\nLeza mbwaakalibonya kuli-Musa ku-Horebu\\n1-Lino Musa wakali kweembela imbelele zya-Jetero syanyinazyala, mupaizi wa-Midyani, nkabela wakasisya imbelele zyakwe kumbo lyankanda, wasika ku-Horebu, cilundu ca-Leza. 2-Nkabela angelo waJehova wakalibonya kulinguwe mumabangabanga aamulilo muciteo. Lino wakabona kuti citeo kaciyaka amulilo, nekubaboobo citeo kacitapyi. 3-Mpawo Musa wakati, Njiinke kuyoobona malweza aya mapati. Nkaambonzi citeo tacipyi, 4-Elyo Jehova naakabona ulainka kuyoobona, Leza wakamwiita kuzwa mukati kaciteo, wati, Musa, Musa, Wakati, Mpondi. 5-Wakati, Utasweni afwiifwi okuno pe, Samununa insangu zyakumaulu aako, nkaambo antu awa mpoimvwi mbusena busalalisya. 6-Alimwi wakati, Ndime Leza wabamauso, Leza wa-Abrahamu a-Leza wa-Isaka, a-Leza wa-Jakobo. Mpawo Musa wakalivumba kumeso, nkaambo wakayoowa kulanga Leza.\\n7-Lino Jehova wakaamba kuti, Ncobeni ndibwene mapenzi aabantu bangu bali mu-Egepita. Ndimvwide mbubalila nkaambo kabaabo bababelesya. Ndizi buusu bwabo mbobubede, 8-lino ndaseluka kuzoobavuna mumaanza aaba-Egepita akubapozya munyika eyo, mbatole kunyika imbotu iikwazeme, kunyika iikunka malili abuci, nkobabede ba-Kanana aba-Hiti aba-Amori aba-Perizi aba-Hivi aba-Jebusi. 9-Lino bona! Kulila kwabana ba-Israyeli kwasika kulindime, alimwi ndibwene mafwabi ngebabafwabya ba-Egepita. 10-Lino koya. Ndakutuma kuli-Farao, ukapozye bantu bangu ba-Israyeli kuzwa ku-Egepira, 11-Pele Musa wakaambila Leza kuti, Ma! Mebo inga ndainka buti kuli-Farao? Ingandapozya buti bana ba-Israyeli kuzwa ku-Egepita? 12-Wakati, Ncobeni ndaba ayebo. Lino nceeci citondezyo cakuti ndime ndakutuma. Wapozya bantu kuzwa ku-Egepita, muzoobelekela Leza milimo mpoonya ano acilundu ecino.\\n13-Lino Musa wakaambila Leza kuti, Nenjoosika kubana ba-Israyeli akubaambila kuti, Leza wabamausowanu wandituma kulindinywe, ambweni bakandibuzye kuti, Ngwani izina lyakwe? Nkabavwiile buti? 14-Mpawo Leza wakaambila Musa kuti, NDIME UULIWO LYOONSE. Wakati, Mbuboobu mboelede kwaambila bana ba-Israyeli, NDIME ngowakandituma kulindinywe. 15-Alimwi Leza wakaambila Musa kuti, Mbuboobu mboelede kwaambila bana ba-Israyeli, Jehova Leza wabamausowanu, Leza wa-Abrahamu, Leza wa-Izaka, Leza wa-Jakobo, wandituma kulindinywe, Ndendilyo izina lyangu lyoonse; mbuboobo mbunjeelede kwiibalukwa mumazyalani amazyalani. 16-Koya, ukabunganye bapati baba-Israyeli, ukabaambile kuti, Jehova Leza wabamausowanu wandibonekela, Leza waAbrahamu a-Izaka a-Jakobo, wati, Ncobeni ndimubwene mbomucitilwa mu-Egepita. 17-Lino ndaamba kumugwisya mumapenzi aaku-Egepita, ndimutole kunyika yaba-Kanana ayaba-Hiti ayaba-Amori ayaba-Perizi ayaba-Hivi ayaba-Jebusi, kunyika iikunka malili abuci. 18-Lino bayooswiilila ijwi lyako, nkabela mukaye kumwami wa-Egepita, yebo abapati ba-Israyeli, mukamwaambile kuti, Jehova Leza waba-Hebrayo waswanaana aswe. Lino twakumbila kuti utuleke, tutole lweendo lwamazuba otatwe kuya munkanda, tukapailile Jehova Leza wesu. 19Ndizi kuti mwami waEgepita takooyoomuzuminina kuya, pe, cita asinikizigwe ajanza ijumu. 20-Aboobo njootandabika ijanza lyangu akuuma ba-Egepita amalweza aangu oonse ngenti cite akati kabo. Musule lyayaayo uyoomuzumizya kuya. 21-Lino njoocita kuti aba bantu bafwidwe luzyalo mumeso aaba-Egepita, nkabela mukwiinka kwanu tamukooyooinka acinkwamaanza pe. 22-Mwanakazi uyookumbila kumweenzinyina akuliyooyo uukala-kala muŋanda yakwe kuti amupe zibelesyo zyansiliva, azibelesyo zyangolida, azyakusama; elyo muyoozisamika bana banu balombe abasimbi, aboobo muyoosaala ba-Egepita.","num_words":412,"character_repetition_ratio":0.061,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kujanika Kumiswaangano Ncokwaamba Kujatikizya Ndiswe | Ngazi Yamulindizi Yakwiiya\\n‘Amuzumanane kwaambilizya lufwu lwa Mwami, kusikila akaboole.’—1KOR. 11:26.\\nLWIIMBO 18 Kulumba Akaambo ka Cinunuzyo\\n1-2. (a) Ino ncinzi Jehova ncabona ciindi mamiliyoni aabantu nobaswaangana ku Mulalilo wa Mwami? (Amubone cifwanikiso icili acivwumbyo) (b) Ino ncinzi ncotutiilange-lange mucibalo eeci?\\nAMUYEEYELE Jehova ncabona ciindi mamiliyoni aabantu munyika yoonse nobabungana antoomwe ku Mulalilo wa Mwami. Talangi buyo mweelwe wabantu mbouli mupati; pepe ulalanga muntu umwi aumwi uujanika. Mucikozyanyo, ulababona aabo ibajanika cakusyomeka mwaka amwaka. Akati kabo inga kakuli bantu ibajanika nokuba kuti balapenzyegwa kapati. Bamwi tabasiki-siki kumiswaangano imwi, pesi babona kuti kujanika ku Ciibalusyo ncintu ciyandika kapati ncobeelede kucita. Jehova alimwi ulababona aabo ibajanika ku Ciibalusyo ciindi cakusaanguna, ambweni akaambo kakuti bayanda kuzyiba mbocicitwa.\\n2 Masimpe, Jehova ulakkomana kubona kuti bantu banji balajanika ku Ciibalusyo. (Lk. 22:19) Nokuba boobo, Jehova tabikkili kapati maano kumweelwe wabantu bajanika. Ubikkila kapati maano kukaambo kabapa kuti bajanike; kaambo kapa kuti bajanike kalayandika kapati kulinguwe. Mucibalo eeci, tulabandika mubuzyo uuyandika kapati: Ino nkaambo nzi ncotujanika ikutali buyo ku Ciibalusyo cicitwa amwaka ciindi comwe pele akumiswaangano yansondo ansondo yalo Jehova njabambilide baabo ibamuyanda?\\n(Amubone muncali 1-2) *\\nKULICESYA KUTUPA KUJANIKA\\n3-4. (a) Nkaambo nzi ncotujanika kumiswaangano? (b) Ino kujanika kwesu kumiswaangano kwaamba nzi kujatikizya ndiswe? (c) Kweelana ancolwaamba lugwalo lwa 1 Bakorinto 11:23-26, nkaambo nzi ncotweelede kujanika ku Ciibalusyo?\\n3 Ikaambo kapati ikatupa kujanika kumiswaangano yambungano nkakuti ncibeela cabukombi bwesu. Alimwi tulajanika akaambo kakuti tulayiisyigwa a Jehova lyamiswaangano. Bantu balisumpula tabasyomi kuti beelede kuyiisyigwa cintu cili coonse. (3Joh. 9) Mukwiimpana, tulayandisisya kapati kulaililwa a Jehova alimwi ambunga yakwe njabelesya.—Is. 30:20; Joh. 6:45.\\n4 Kujanika kwesu kumiswaangano kutondezya kuti tulalicesya alimwi tulilibambilide kuyiisyigwa. Mubusiku bwa Ciibalusyo calufwu lwa Jesu, tulajanika kumuswaangano ooyu uuyandika kapati ikutali buyo akaambo kakuti tulimvwa kuti mukuli pele alimwi akaambo kakuti cakulicesya tutobela malailile aa Jesu aakuti: “Kamucita oobu lyoonse kutegwa kamundiyeeya.” (Amubale 1 Bakorinto 11:23-26.) Muswaangano ooyu uyumya bulangizi bwesu bwakumbele alimwi ulatuyeezya mbwatuyanda kapati Jehova. Nokuba boobo, Jehova ulizyi kuti tuyandika kukulwaizyigwa alimwi akuyumizyigwa ikutali buyo ciindi comwe amwaka. Nkakaambo kaako ulatubambila miswaangano nsondo ansondo alimwi utukulwaizya kuti katujanika. Kulicesya kutupa kumvwida. Tulabelesya mawoola manji nsondo ansondo kulibambila alimwi akujanika kumiswaangano eeyo.\\n5. Nkaambo nzi bantu balicesya ncobazumina kutambwa a Jehova?\\n5 Mwaka amwaka, bantu banji ibalicesya balazumina kutambwa a Jehova kutegwa bayiisyigwe anguwe. (Is. 50:4) Balakkomana kujanika ku Ciibalusyo, alimwi balatalika kujanika kumiswaangano imwi. (Zek. 8:20-23) Antoomwe ambabo, tulakkomana kuyiisyigwa alimwi akusololelwa a Jehova, “mugwasyi [wesu] amuvwuni [wesu].” (Int. 40:17) Sena ncobeni kuli cintu cili coonse icikkomanisya naa ciyandika kapati kwiinda kuzumina kutambwa kuyiisyigwa a Jehova alimwi a Jesu, Mwana ngwayandisisya kapati?—Mt. 17:5; 18:20; 28:20.\\n6. Mbuti kulicesya mbokwakamugwasya mwaalumi umwi kujanika ku Ciibalusyo?\\n6 Mwaka amwaka, tulasolekesya kutamba bantu banji kusikila mpotugolela kutegwa bajanike ku Ciibalusyo calufwu lwa Jesu. Bantu banji balicesya bagwasyigwa kwiinda mukuzumina ciindi notubatamba. Amulange cikozyanyo eeci. Myaka minji yainda, mwaalumi umwi wakatambula kapepa kakutamba bantu ku Ciibalusyo, pesi wakaambila mukwesu iwakamutamba kuti takacikonzyi kujanika. Nokuba boobo, mubusiku bwa Ciibalusyo, mukwesu wakagambwa kubona mwaalumi ooyo kanjila mu Ŋanda ya Bwami. Mwaalumi ooyu wakakkomana kapati akaambo kambobakamusamausya cakuti wakatalika kujanika kumiswaangano yansondo ansondo. Mubwini, wakaindwa buyo miswaangano yotatwe mwaka woonse wakatobela. Ncinzi cakamugwasya kutalika kujanika kumiswaangano yoonse? Wakali kulicesya kapati calo icakapa kuti acince mbwaakali kuyeeya. Mukwesu wakamutambide nokwakainda ciindi wakaamba kuti: “Mwaalumi uulicesya kapati.” Cakutadooneka Jehova wakamukwela mwaalumi ooyu kutegwa kamukomba, alimwi lino mukwesu uubbapatizyidwe.—2Sam. 22:28; Joh. 6:44.\\n7. Ino mbuti nzyotwiiya kumiswaangano alimwi anzyotubala mu Bbaibbele mbozikonzya kutugwasya kulicesya?\\n7 Nzyotuyiisyigwa kumiswaangano alimwi anzyotubala mu Bbaibbele zilakonzya kutugwasya kulicesya. Insondo zisyoonto kacitanacitika Ciibalusyo, miswaangano yesu kanji-kanji ibikkila kapati maano kucikozyanyo ca Jesu alimwi akulicesya nkwaakatondezya mukwaaba buumi bwakwe kacili cinunuzyo. Alimwi mumazuba masyoonto kacitanacitika ciibalusyo, tulakulwaizyigwa kubala zibalo zyamu Bbaibbele zijatikizya zintu zyakasololela kulufwu lwa Jesu alimwi abubuke. Nzyotwiiya kumiswaangano iili boobu alimwi anzyotubala muzibalo zyamu Bbaibbele eezyi zitupa kulumba kapati kukulyaaba kwa Jesu akaambo kandiswe. Tulakulwaizyigwa kwiiya bube bwakwe bwakulicesya alimwi akucita kuyanda kwa Jehova, nociba ciindi nocitukatazya kucita boobo.—Lk. 22:41, 42.\\nBUSICAMBA BULATUGWASYA KUJANIKA\\n8. Ino mbuti Jesu mbwaakatondezya busicamba?\\n8 Tulasoleka alimwi kwiiya Jesu mukutondezya busicamba. Amuyeeye buyo busicamba mbwaakatondezya kalaafwaafwi kufwa. Wakalizyi kabotu-kabotu kuti kakutanainda ciindi cilamfwu basinkondonyina bakali kuyoomusampaula, kumukwibbaula alimwi akumujaya. (Mt. 20:17-19) Nomuba mubukkale buli boobu, wakalilyaabide kufwa. Nocakasika ciindi, wakaambila baapostolo bakwe basyomeka aabo mbaakali limwi ku Getesemane kuti: “Amunyamuke, atweende. Amubone! Sikundaaba wasika afwaafwi.” (Mt. 26:36, 46) Ciindi nkamu yabantu ibakanyamwide zilwanyo nobakasika kutegwa bamwaange, wakabacinga, akuliyubununa, mpoonya wakaambila basikalumamba kuti babaleke baapostolo bakwe. (Joh. 18:3-8) Eelo kaka Jesu wakatondezya busicamba bulibedelede! Mazuba aano, Banakristo bananike alimwi abambelele zimbi balasolekesya kwiiya Jesu mukutondezya busicamba. Mubuti?\\nBusicamba mbomutondezya kwiinda mukujanika kumiswaangano ya Bunakristo bulabayumya bamwi (Amubone muncali 9) *\\n9. (a) Nkaambo nzi ncotuyandika busicamba kutegwa katujanika kumiswaangano lyoonse? (b) Mbuti cikozyanyo cesu mbocikonzya kubagwasya bakwesu baangidwe akaambo kalusyomo lwabo?\\n9 Kutegwa katujanika kumiswaangano lyoonse, tuyandika kutondezya busicamba ciindi notulijana mubukkale bukatazya. Bakwesu abacizyi bamwi balajanika kumiswaangano nokuba kuti bali mubuumba, balatyompwa naa kuciswa-ciswa. Bamwi cabusicamba balajanika kumiswaangano nociba ciindi nobakazyigwa kapati abanamukwasyi naa beendelezi bamfwulumende. Amuzinzibale kuyeeya kwaciindi cisyoonto kujatikizya cikozyanyo cesu mbocibajatikizya bakwesu ibali muntolongo akaambo kakwiiminina lusyomo lwabo. (Heb. 13:3) Ciindi nobamvwa kuti tulazumanana kubelekela Jehova nokuba kuti tulasunkwa, balakulwaizyigwa kuzumanana kusyomeka alimwi akuba basicamba. Mwaapostolo Paulo wakali mubukkale bukozyene. Naakali muntolongo yaku Roma, wakali kukkomana kapati kumvwa kuti bakwesu bakali kubelekela Leza cakusyomeka. (Flp. 1:3-5, 12-14) Kakusyeede ciindi cisyoonto kuti aangununwe naa naakaangununwa, Paulo wakalembela bana Hebrayo lugwalo. Mulugwalo oolu wakakulwaizya Banakristo basyomeka aabo kuti ‘luyando lwabo lwabunyina luzumanane’ alimwi akutaleka kuswaangana antoomwe.—Heb. 10:24, 25; 13:1.\\n10-11. (a) Mbaani mbotweelede kutamba ku Ciibalusyo? (b) Nkaambo nzi ikajanika kulugwalo lwa Baefeso 1:7 ikatupa kucita boobo?\\n10 Tulatondezya busicamba ciindi notutamba banamukwasyi, babelesima alimwi abasimukoboma ku Ciibalusyo. Nkaambo nzi ncotubatamba bantu bali boobo? Tulikkomene kapati akaambo kancaakatucitila Jehova alimwi a Jesu cakuti tulaaluyandisisyo lwakutamba bamwi kutegwa bakajanike ku Ciibalusyo. Tuyanda kuti abalo baiye kujatikizya mbobakonzya kugwasyigwa “aluzyalo” lwa Jehova kwiinda mucinunuzyo.—Amubale Baefeso 1:7; Ciy. 22:17.\\n11 Ciindi notutondezya busicamba kwiinda mukuswaangana antoomwe, tulatondezya abube bumwi ibuyandika, oobo Leza alimwi a Mwanaakwe mbobatondezya munzila zilibedelede.\\nLUYANDO LUTUKULWAIZYA KUJANIKA\\n12. (a) Ino mbuti miswaangano yesu mboiyumya luyando ndotujisi kuli Jehova alimwi a Jesu? (b) Ino lugwalo lwa 2 Bakorinto 5:14, 15 lutugwasya kucita nzi mukwiiya Jesu?\\n12 Luyando ndotujisi kuli Jehova a Jesu lutukulwaizya kujanika kumiswaangano. Mpoonya nzyotwiiya kumiswaangano ziyoopa kuti luyando oolo lukomene kapati. Kumiswaangano yesu tulayeezyegwa lyoonse nzyobakatucitila. (Rom. 5:8) Kwaambisya Ciibalusyo cituyeezya mboluli lupati kapati luyando ndobajisi, nokuba kuli baabo batanazyiba mbociyandika cinunuzyo. Akaambo kakulumba kapati, tulasola kumwiiya Jesu kweelana ambotupona buzuba abuzuba. (Amubale 2 Bakorinto 5:14, 15.) Kuyungizya waawo, moyo wesu ulatukulwaizya kumutembaula Jehova akaambo kakutupa cinunuzyo. Imwi nzila mbotukonzya kumutembaula Leza nkwiinda mukupa bwiinguzi buzwa ansi amoyo ciindi camiswaangano.\\n13. Mbuti mbotukonzya kutondezya mboluli lupati luyando ndotujisi kuli Jehova alimwi aku Mwanaakwe? Amupandulule.\\n13 Tulakonzya kutondezya mbolubede luyando ndotujisi kuli Jehova alimwi aku Mwanaakwe kwiinda mukulyaaba kubacitila cili coonse. Kanji-kanji, tweelede kwaaba zintu ziindene-indene kutegwa tujanike kumiswaangano yesu. Mbungano zinji zilacita muswaangano umwi kumazuba mukati kansondo ciindi kanji-kanji notukatede kapati akaambo kamilimo yacitwa mubuzuba oobo. Mpoonya muswaangano uumbi ulacitwa kumamanino aansondo ciindi bantu bamwi nobalyookezya. Sena Jehova ulabona kuti tulajanika kumiswaangano nokuba kuti tulikatede? Masimpe ulabona! Mubwini, ciindi notusolekesya kujanika kumiswaangano, Jehova ulalumba kapati akaambo kaluyando ndotutondezya kulinguwe.—Mk. 12:41-44.\\n14. Mbuti Jesu mbwaakasiya cikozyanyo mukutondezya luyando lwakulyaaba?\\n14 Jesu wakasiya cikozyanyo kulindiswe kwiinda mukutondezya luyando lwakulyaaba. Wakalilisungwide kufwida basikwiiya bakwe alimwi buzuba abuzuba wakali kupona munzila iyakali kutondezya kuti wakali kubikka nzyobayandika bamwi mubusena bwakusaanguna. Mucikozyanyo, wakali kuba abasikumutobela bakwe nociba ciindi naakakatede kapati naa kunyongana mumizeezo. (Lk. 22:39-46) Alimwi wakabikkila maano kuzintu nzyaakali kukonzya kucitila bamwi, ikutali nzyobakali kukonzya kumucitila. (Mt. 20:28) Ciindi luyando lwesu kuli Jehova alimwi akubakwesu nolukomena, tuyoocita zyoonse nzyotukonzya kutegwa tukajanike ku Mulalilo wa Mwami alimwi akumiswaangano iimbi yoonse yambungano.\\n15. Ino mbaani mbotubikkila kapati maano kugwasya?\\n15 Tuzulilwa akati kabunyina bwa Bunakristo bwakasimpe, alimwi tulakkomana kubelesya ciindi cinji kutamba bapya kutegwa batusangane. Nokuba boobo, tubikkila kapati maano kugwasya baabo “ibaciinga cesu calusyomo” pele ibatacisungweede. (Gal. 6:10) Tulatondezya luyando ndotujisi kulimbabo kwiinda mukubakulwaizya kujanika kumiswaangano yesu, kwaambisya ku Ciibalusyo. Mbubwenya mbuli Jehova alimwi a Jesu, tulakkomana kapati ciindi muntu uutacisungweede napiluka kuli Jehova, Taateesu siluyando alimwi Mweembezi.—Mt. 18:14.\\nMakani aabuleya aalubazu aanoojisi mutwe wakuti “Amusoleke Kujana Buumi Bwini-bwini!” ayoopegwa munsondo ya April 8, 2019. Aabo batiikajanike bayoozyiba bwiinguzi bwamibuzyo eeyi iyandika kapati: Ino buumi bwini-bwini ninzi? Mbuti mbomunga mwajatisya buumi bwini-bwini? Ambweni aabo ibayooswiilila kumakani aalubazu aayo bayookulwaizyigwa kujanika ku Ciibalusyo. Tulijisi lusyomo lwakuti akati kabaabo ibayoojanika bamwi banooli baabo ‘ibalibambilide kutambula buumi butamani.’—Mil. 13:48.\\n16. (a) Mbuti mbotukonzya kukulwaizyanya umwi amweenzinyina, alimwi ino miswaangano yesu itugwasya buti? (b) Nkaambo nzi eeci ncocili ciindi cibotu camwaka ikuyeeya majwi aa Jesu aajanika kulugwalo lwa Johane 3:16?\\n16 Munsondo ziboola, amukatambe bantu banji kusikila mpomugolela, kujanika ku Ciibalusyo muli Bwasanu kumangolezya, mu April 19, 2019. (Amubone kabbokesi kakuti “ Sena Muyoobatamba?”) Atuzumanane kucita kufwumbwa nzyotukonzya kukulwaizyanya umwi amweenzinyina kwiinda mukujanika lyoonse kumiswaangano yoonse Jehova njatubambila. Mbwaayaabuswena mamanino aabweende bwazintu oobu, miswaangano yesu iyootugwasya kuzumanana kuba bantu balicesya, basicamba alimwi basiluyando. (1Tes. 5:8-11) Amoyo wesu woonse, atutondezye mbotulimvwa akaambo kaluyando lupati ndwaakatutondezya Jehova alimwi a Mwanaakwe!—Amubale Johane 3:16.\\nINO MBUTI KUJANIKA KWESU KUMISWAANGANO YAMBUNGANO MBOKUTONDEZYA . . .\\nLWIIMBO 126 Amupakamane, Mwiime Nji Akuyuma\\n^ munc. 5 Ciibalusyo calufwu lwa Kristo iciyoocitwa muli Bwasanu kumangolezya, mu April 19, 2019, unooli muswaangano uuyandika kapati mumwaka woonse. Ncinzi citupa kujanika kumuswaangano ooyu? Cakutadooneka, nkaambo kakuti tuyanda kukkomanisya Jehova. Mucibalo eeci, tulalanga-langa ncokwaamba kujanika kwesu ku Ciibalusyo alimwi akumiswaangano yesu yansondo ansondo.\\n^ munc. 50 CIFWANIKISO ICILI AACIVWUMBYO: Mamiliyoni aabantu munyika yoonse balatambulwa ku Mulalilo wa Mwami\\n^ munc. 52 BUPANDULUZI BWAZIFWANIKISO: Mukwesu uuli muntolongo akaambo kalusyomo lwakwe wakulwaizyigwa alugwalo ilwazwa kuŋanda. Kuzyiba kuti talubidwe pe, wakkomana kapati akaambo kakutambula mulumbe wakuti bamukwasyi wakwe abalo balazumanana kusyomeka kuli Jehova alimwi tabalekeli mazwanga aabasimapolitikisi aali kubusena nkobakkala kubalesya.","num_words":1525,"character_repetition_ratio":0.081,"word_repetition_ratio":0.0,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Lwendo lwaWatson mulizyamatongelo anyika – Keeping You posted\\nMukwindila kutelanisigwa kwabalumi abanakazi akulangilwa ansi kwabanakazi mubukale bwesu, ibechanakazi bali muli zyamatongelo anyika baswana ikulangisisigwa kapati. pele ujisi cuuno cepalamende kubukale bwe Bulawayo central wembungano ye MDC Alliance, Nicola Watson wakalipeda kujala mabhanga alengwa akwetalanisyigwa mukwindila mulubala lwamuntu antomwe akuba mwalumi kana mwanakazi.\\nIkuyowa akulilangila ansi kulenga ikuti ibanakazi baleke ikunjila muli zyakutonga inyika. ezi zilenga ikuti balumi bajane mweenya yakutola zyuuno zyakutonga. ezi zyakalenga kuti kubikwe zyuuno zyabanakazi mupalamende ikuti bajane babiiminina abalabo.\\nkusyede banakazi baace bayanda ikuciincha ciimo chanyika mulizyamatongelo, nkaambo kakuti ibanginji tabalipede ikulangana akutakalika kabotu kwanyika. mubache basyede, nkabunga kanini kabanakazi batali basiya ibali muli zyakutonga nyika.\\nmukwiindila mukwiizya aWatson, waamba ikuti ikunjila kwakwe mulizyakutonga inyika talangililide ikwiimina ibanakazi mupalamende kupela, pesi ikuti bajane ibwiminini buzwide mukutonga inyika.\\nwaamba ikuti, milawu yanyika ipa i50-50 kubanakazi akubalumi, mbacee ibakayintu babwezede izyuuno mupalamende, mumakhansili antomwe akubelekela fulumende mulizimwi inyika.\\nZyendelene ezyambo zya Watson, ipalamende mumazuba ayinda yakamba kuti 31.8% yabakayintu njiyo kupela yakanjila muli zyamatongelo anyika.\\n“zyinji zyelede kuciitwa kuti banakazi balipede kunjila mulizyakutonga inyika mbuli muzyambwa mumulawo wanyika. akuciita ikuti ibakaintu babeleke ikabotu mulifulumende”.\\nMulungaano lwakwe mulizyamatongelo anyika, Watson waamba ikuti biiminini ibanginji balikukacilwa ikwimina bantu mupalamende amukhasili.\\n“Mulimo uliwo mupati loko, amajwi esu amwi taalikumvwigwa abapati, tweelede kulwida ikuti inyika isumpuke katubelesya ipalamende amakhansili”.\\nWatson wakasalwa mumunyaka wa2013 ikuti akale mupalamende kayimina ibakayintu, alimwi, mu2018 wakasalwa kuyimina bantu be Bulawayo central mupalamende. Watson wamba ikuti, ikusalwa kwabakaintu ikuti bakakale pesi mupalamende kwelede ikuyimikwa.\\nWamba ikuti, tazikwe lugwasyo pe kuti muntu asalilwe ikukala kupela mupalamende, katakwe milimo njalikukuciita, pele, nciibotu kuti muntu asalilwe kubelekela bantu.\\nFulumende waZimbabwe mumunyaka wa 2013 wakalenga zyuuno zyabakaintu mupalamende, ikuti tubunga tulimumatongelo anyika tusale ibanakazi batakale mupalamende, ikucitila ikuti banakazi bajane biiminini mupalamende akujala kutiimininwa kuzwide kwabakaintu mupalamede.\\n“twelede kulangilila ikapati basalidwe nkambo mbabo belede kwiimina ibantu, ikukomena antomwe akuzwidilila mubukaale bwabo”.mwaamba Watson katondezya ikulemeka mulimo wakwe.\\nKitanajala ipalamende ikwamunyaka wakamana, Watson wakabuzya minister we Home affairs ikuti mapolisa anyika alikucitayi etala akubhigwa kwetuwayile twamagesi amatransformer.\\nwakayungizya kati imapolisa mudolobha lyaBulawayo balikulemenwa amilimo nkambo tabakwe zibelesyo zikwene.\\n“Etala akubula manzi, iBulawayo ijisi penzi lyakujalilwa magesi etala akubhigwa kwamawaya antomwe akufwa kwamichina ku ZESA, zilenga ikuti magesi aceeye.” mwaamba Watson\\nWatson wakambiila pepa eli ikuti akuvula kwa Lithium, iZimbabwe yelede kuleka kupeka magesi kibelesya meenda amalasha. zitatondezye ikuti balimumatongelo anyika balangililide lusumpuko.\\nWakambiila palamende ikuti wakazanga, Dumiso Dabengwa wakali wajana ma investor akalemali isika $5million, bakalikuyanda kujula mabhizimusi muZimbabwe, zyakakaciila etala akuyanda kubhadalwa.\\n“Etala aObert mpofu takwe lufutuko lwakabawo, basimabhizimisi bakasibeleke aZimbabwe bakabweda kunyika zyabo. imulimo oyu wakelede kusumpula nyika akuulungisya mabattery muminyaka yakiinda” nzyaamba Watson.\\nUyungizya kaati, bali mulizyakutonga inyika kiinji bayanda kubhadalwa kuti bazumizye basimabhizimusi kuti basumpule ciisi ceesu. ezi zilenga kuti inyika ibwede musule mulusumpuko.\\nEtala akwiimina bantu mupalamende, Watson ubeleka atubunga tunginji mukugwasya ibabula abafwaba.\\nWakakonzya kugwasya baleleka ibana bakafwidwa muBulawayo central, wakabayandwida imali antomwe akubaswanya abasinsondo abasimayakilane ikuti babelekele antoomwe.\\n”Mulimo wangu ngwakuyiisya bantu amabelekelo acitwa abiiminini mupalamende amukhansili. pesi bajisi zyuuno zyakwimiina bantu belede kwiisigwa kubelekela bantu. bakasalwa kwiimina bantu belede kuziba mulandu wabo kubantu”.\\n“kanginji tubona basicuuno kabakacilwa kwambula abantu, kubwedezya zyambo zyakazwida kupalamende kubantu, akubuzya kubantu kutiniinzi zibayanda. Makhansila akaciilwa kuti bantu bajane meenda akuti kubwezwe madoti” ulamba Watson.\\nCiikumbilo caangu kulifulumende akukhansili yakuBulawayo ncakuti balangisisye migwagwa yamumalokitshi, amigelo yamanzi, amagodi mumigwagwa. nkaambo imwi migwagwa tichiindiki etala emvula ilikuwa. alimwi, zimwi ndawo nga zyazula manzi etala akubula migelo ikonzya ikusowa meenda.\\nWatson waamba kuti iZimbabwe ilangene amapenzi miingi, alimwi manginji mapenzi ayelede kulangisisigwa kaalangene eBulawayo.\\niBulawayo njiimwi yamadolobha mapati muZimbabwe, kitobela iHarare, alimwi njiyo yakali amabhizimusi miingi muzimbabwe, ikwelino mabhizimusi eminchina zisika 90% zilifwide, tazicibeleki, ezi zyalenga kuti bantu banginji baye ku south Africa koyandula milimo.\\niComfederation of Zimbabwe Industry (CZI) yaamba ikuti kuzwida munyaka wa 2000 takwe ma investor bazwida kulizimwi nyika bayanda kugwasya kusumpula ciisi.alimwi iZimbabwe isyede musule mulusumpuko etala akukacilwa kwenzya kabotu mabambe akutonga inyika antomwe akuwa kwa economy.\\n“Twakaba abukale bwabanyama enzovu zituba mumakale akali kweta lusumpuko, milimo emali muciisi. zyonse ezi zilengwa akutabamba kabotu zyakutonga inyika.\\nTulangeene mafwabe ikunembo nkaambo mabhizimisi akali kweta mali muciisi akajalwa.\\n“ikwiisigwa afulumende kulizimwi nyika takulikugwasya ciintu kubantu, nkaambo takwe mali, minchina antomwe amabhizimusi akubelekela muzimbabwe, ezi zilenga kuti bantu banginji baakuzye mumbali emigwagwa” nzyaamba Watson.\\nZilikucitika kuSouth Africa azimwi nyika zitondezya ikuti izimbabwe yakasowekelwa bantu banginji, amabhizimusi manginji alikujana penzi lyakujana bantu akambo kakuti bakasyala balikucita mabhizimusi abo akuuzya mumigwagwa.\\nKanginji nga tumvwa kuti bantu bamuzimbabwe balikubisya kapati kulizimwi nyika, echi citondezyo cakuti buumi tabulikabotu kulizimwi nyika. alimwi mapolisa amasoja balikujanika amilandu yakutolela bantu impasha zyabo, zitondezya kuti zintu taziimvwi kabotu muzimbabwe amali alikupegwa babeleka taalikukwana pe.\\nZyuuno izyakutonga inyika afulumende zicizwide balumi, bantu abasimabhizimusi balangililide kuti tutobelezye mulawo wenyika wamba ikuti twelede kuba e 50-50 mukwiimininwa kwabakayintu abalumi mulifulumende waciisi caZimbabwe.\\nPrevious Uhambo Luka Watson Kwezombusazwe\\nNext Ukhetho lwama By-elections Luyafunakala, Lusemthethweni Kodwa Kalulancedo","num_words":758,"character_repetition_ratio":0.063,"word_repetition_ratio":0.0,"special_characters_ratio":0.138,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 16 IBBAIB63 - Lino Sarai muka-Abramu - Bible Search\\nMatalikilo 15 Matalikilo 17\\nMakani aa-Sarai a-Hagare\\n1-Lino Sarai muka-Abramu katazyede mwana, nkabela kajisi mulanda musimbi mu-Egepita, izina lyakwe kali Hagare, 2-Lino Sarai wakaa­ mbila Abramu kuti, Bona! Jehova wandikasya kuzyala bana, Wence swanana amulanda wangu; ambweni kulinguwe nkonjoopegwa bana. Mpawo Abramu wakaswiilila ijwi lya-Sarai. 3Aboobo Sarai muka-Abramu wakabweza Hagare mu-Egepita, mulanda wakwe musimbi, Abramu naakamana kukala myaka iili ikumi munyika ya-Kanana, wamupa Abramu mulumaakwe kuti amukwate. 4-Elyo wakaswanana a-Hagare, nkabela wakaminta, Abone buyo kuti waminta, bamalelo aakwe bakasampaulwa mumeso aakwe. 5-Lino Sarai wakaambila Abramu kuti, Ma! Wandibisizya, Ndakakupa mulanda wangu musimbi kuti mukumbatane, lino naakabona kuti waminta, ndakasampaulwa mumeso aakwe. Jehova abeteke makani esu, yebo ambebe. 6Abramu wakavwiila Sarai kuti, Musimbi wako uli mumaanza aako. Komucitila kufumbwa cibotu mumeso aako, Lino Sarai wakamufwabya, mane lumwi wakacija kuzwa kulinguwe,\\n7-Lino angelo wa-Jehova wakamujana kumbali akasensa kamaanzi munkanda, kasensa kali munzila yakuya ku-Suri. 8Wakati, Hagare, mulanda musimbi wa-Sarai, wazwida kuli? Uya kuli? Wakavuwa kuti, Ndacija kuzwa kuli-Sarai namalelo wangu. 9-Mpoonya awo angelo wa-Jehova wakamwaambila kuti, Pilu ka kulinamalelo aako, ukalibombye mumaanza aakwe. 10-Alimwi angelo wa-Jehova wakamwaambila kuti, Ncobeni njoovuzya lunyungu lwako; luyoovula cakutabalika. 11-Alimwi angelo waJehova wakamwaambila kuti, Bona! Ulimisi. Uyoozyala mwana mulombe. Lino uleelede kumuulika izina lya-Ismayeli, nkaambo Jehova ulimvwide mapenzi aako. 12-Uyooba bwizu bwesaka. Uyooba intimbwamisako uulwanisigwa kubantu boonse. Uyookala cabusinkazi akati kabeenzinyina boonse.\\n13-Elyo Hagare wakaulika izina lya-Jehova iwakali kwaambaula awe kuti Nduwe-Leza-oondibwene, nkaambo wakaamba kuti, Sa ncobeni ndibwene Leza, nekubaboobo ncipona? 14Nciceeco cikala eco ncecaambilwa kuti Cikala ca-Lahai-roi, Cili akatikati ka-Kadesi a-Beredi.\\n15-Lino Hagare wakazyalila Abramu mwana mulombe, nkabela Abramu wakaulika eyo mwana Hagare ngwaakazyala izina lya-Ismayeli. 16Abramu kajisi myaka iili makumi aali musanu aatatu amusanu aumwi kuciindi eco Hagare naakazyala Ismayeli.","num_words":275,"character_repetition_ratio":0.064,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Buumi a Lufu: Kasimpe kamu Bbaibbele Print\\nBuumi a Lufu: Kasimpe kamu Bbaibbele\\nMakamumakamu aa bana Kristu mazubaano bayaakusabaila kubolyonga sokwe mukutobela lusyomo lwakuti muuya wamuntu tuufwi, akusyoma kuti bafwide bacilimvwide bulanga eelyo nobafwide kale. Oolu lusyomo lwamusyobo ooyu, lulaampuwo akucenga kapati alimwi lulaantenda citaambiki, nkaambo kakuti lubambila zyuulunzuma zyabantu zyitabaligwi kuti batambule akulamatila kucenga kwa Saatani ooko kucizya kumbelaa mazuba, ooko kucenga kumwi nkwa kulibonyabonya kwazyeelo zyabadyabooli akulipeekezya kuba bantu bakafwa kutegwa ziyumye lusyomo muli baabo batasyomi zyili mumangwalo. Tweelede kusimpa matende eesu lino mujwi litacinci lyokwa Yahuwah- kutegwa eelyo woola lyaakusika, tutakazungaani mpotwiimvwi kutobela masalamuzi aalweeno aayo ngayooleta akucita mumeso eesu mubyaabi usofweede. Mbotwaamba boobo, Mangwalo alisalazyide cakumaninina kuti: Bafwide kunyina pe ancobazyi. Kufumbwa cintu cilipeezya akulibonya aanga muntu wakafwa kale kuti ucilanga, mulimo wa Saatani.\\n“Mpoonya Yahuwah Elohimu wakabamba muntu kuzwa kubulongo bwaansi, akuyoyela mumpemo zyakwe muuya wabuumi; mpoonya muntu wakaba muzumi.” -Matalikilo 2:7\\nAmubikkile maanu: Kuyoyelwa\/Muuya ookwaYahuwah + mubili ( uubambidwe abulongo) = \" Muntu muzumi Uupona\"\\n5Nkaambo bacipona balizyi kuti bayoofwa; Pele bafwide kunyina pe ncobazyi, Alimwi tabacikwe bulumbu, Nkaambo mizeezo yabo ililubidwe. 6Alimwi luyando lwabo, akucimwa kwabo, akunyonokelwa kwabo lino kulilobede; Kucinyina pe anobayootola cibeela mucintu nociba buti cicitwa kunsi lya zuba.\\n(Bikkila maanu aawa: Ibbaibbele kwiinda ziindi zyili makumi osanwe lyaamba kuti lufu“nkoona”.)\\n10Kufumbwa ncokonzya kucita amaanza aako, kocicita anguzu zyako zyoonse;.nkaambo kunyina mulimo uucitwa nokuba cakucita, nanka luzyibo nanka busongo, mucuumbwe ooko nkogama webo.\\n7Mpoonya bulongo buyoojokela munyika mbweenya mbubwaabede kutaanguna, Alimwi muuya uyoopiluka kuli Elohimu ooyo wakuupede kumuntu.\\nBikkila maanu aawa: Aawa, twabona kuti eelyo notwafwa, mubili upiluka kubulongo, awalo muuya\/muya wabuumi ulapiluka kuli Yahuwah. Eezyi zyobile nzyezyiswaangene kubamba “muntu muzumi uupona” kweendelanya a Matalikilo 2:7 (1- muya ookwa Yahuwah; 2- mubili) zyilaandaana aciindi cakufwa. Citobela ncakuti kucinyina kulimvwa bulanga mulufu\\nKoibaluka kuti: Muya ookwa Yahuwah + mubili (uubambidwe abulongo) = \"Muntu muzumi uupona\" (Kolanga Matalikilo 2:7, atalaa peeji eeli .)\\n20 Boonse balabweeda kubusena bomwe: boonse bazwa kubulongo, alimwi balapiluka kubulongo.\\n6 nokuba kuti wapona zyuulu zyamyaka zyobile...Hena boonse tabayi kumuya banji?\\n5Nkaambo mulufu kunyina pe kwiibaluka Nduwe; Nguni uunga wakupa kulumbaizya uuli mucuumbwe?\\nBikkila maanu aawa: Aaka kampango nokatali kaambo kamaanu kuti basyomeka bokwa Yahuwah nibali kutolwa Kujulu mpeenya bamanizya kufwa biyo, nkaambo boonse bali Kujulu balamutembaula Yahuwah! Mbweenya mbuli Davida, awalo Mwami Hezekiya wakalimvwisyide makani aaya kuti kunyina pe kulimvwa bulanga mucuumbwe; ncenciceeci ncaakali kukombelezya Yahuwah kuti amulekele buumi bwakwe - Izaya 38.\\n15Pele ime, njoobubona busyu Bwako mubululami; Ime njookkomana ndaakusinsimuka mucinkonzya Cako.\\nBikkila maanu aawa: Aawa Davida, ulangila buzuba oobo walo nayoosinsimunwa [kuzwa kukoona mulufu] kali mucinkonzya cokwa Elohimu aciindi ca Kuboola kwa Yahushua Kwabili (the Second Coming of Yahushua. - \" Nobayandwa, cino ciindi tuli bana bokwa Elohimu, alimwi tacininga libonya ciimo mbotuyooba: pele tulizyi kuti, eelyo Walo aakulibonya, tunooli mbuli Nguwe; nkaambo tuyoomubona Walo mbuli mbwabede bwini.\" (1 Johani 3:2)\\n9Ino kuli mpindu nzi mubulowa bwangu, Eelyo kuti ime ndagama mumulindi [mucuumbwe]? Hena bulongo buyookutembaula webo? Hena buyakoompolola kasimpe kako?\\nBikkila maanu aawa: Aawa Mwiimbi alimwi ulazumina kuti kunyina pe kulimvwa bulanga mulufu. Aciindi cakufwa, muuya wesu ulapiluka kuli Yahuwah alimwi mibili yesu ijokela kubulongo. Basyomeka bokwa Yahuwah bacinikoona (kabatalimvwide bulanga) kusikila aKuboola Kwabili kwa Yahushua. Basofweede abateempwi abalo bacinikoona (kabatalimvwide bulanga) kusikila bakabusyigwe akunjila mulufu lwabili ( the \"second death\" ) caakwiinda cuulu camyaka (the millennium.)\\n15Elohimu uyoonununa muuya wangu kuzwa kunguzu zyacuumbwe, Nkaambo Walo uyoonditambula ime.\\n20Webo, ookanditondezya mapenzi mapati manjaanji, Uyoondibukulusya alimwi ime, alimwi akundileta kuzwa kunsaa nyika.\\n10Hena Webo ulabacitila maleele bafwide?\\nHena bafwide inga baimikila akukutembaula Webo na?\\n11Hena luyando Lwako lwaluzyalo inga loompololwa mucuumbwe na?\\nNanka bululami Bwako mubusena bwakudilimuna?\\n12Hena Maleele Aako inga azyibwa mumudima?\\nNanka bululami Bwako munyika yakulubaluba?\\n29Webo nosisa busyu Bwako mpoonya balo banjila mumapenzi;\\nWebo ulatola muuya wabo, mpoonya balo balafwa akujokela kubulongo.\\n30Webo notumina Muuya Wako, mpoonya balo balalengwa;\\nAlimwi ulayakulula bupya nyika yoonse.\\n3Utabikki lusyomo lwako mubana babami, nanka mumwanaa muntu,oomo mutakwe lugwasyo.\\n4Muuya wakwe ulayaamuka, alimwi ulapiluka kubulongo; mubuzuba mbweenya oobo mizeezo yakwe yoonse ilaloba.\\n(Kweezyekanya a: Matalikilo 2:7… Mukambausi. 12:7… Joobo 27:3…)\\n17Bafwide tabatembauli Yahuwah, Nokuba uli woonse uunjila ansi muluumuno.\\n12Mbombubo muntu mbwaona alimwi taimikili.\\nKusikila majulu atakabi kabili,Tabakabuki pe\\nNokuba kubusyigwa kuzwa mukoona kwabo pe.\\nBikkila maannu aawa: Majulu ayooyaamuka aciindi cakuboola kwa Yahushua mubuzuba bwalubeta.\" (Langa 2 Petulo 3:7.) Ndendilyo eelyo Basyomeka bokwa Yahuwah nobayoobusyigwa kuzwa kubafu (kubusyigwa kuzwa kukoona kwalufu).\\n17Hena muntu uukonzya kufwa inga wabaa bululami kwiinda Eloah na? ...\\nBikkila maanu aawa: Muntu ulakonzya kufwa. Yahuwah alikke, nguutakonzyi kufwa. \"[Yahuwah]…walo alikke nguutakonzyi kufwa, kakkede mumumuni uutasikwi munsimunsi, ooyo uutanabwenwe amuntu alimwi uutakonzyi kubonwaa muntu, kuli nguwe kuleelede bulemu anguzu ziteeli. Akube boobo.\" (1 Timoteo 6:15-16)\\n4Amulange, yoonse miiya Njiyangu;\\nMuuya wa wisi antoomwe a muuya wamwana musankwa Nguwangu; Muuya uucita cibi nguuyoofwa.\\nBikkila maanu aawa: Kubeja kutaanzi kwa Saatani nkwaakacenga mukowa wabantu kwakali kwakuti “Webo tokafwi ncobeni.” – Matalikilo. 3:4.\\n2Alimwi bunji bwabaabo boona mubulongo bwaanyika bayoobuka,\\nBamwi kubukila kubuumi butamani, Bamwi kubukila buumi bwansoni a kusingwa kuteeli.\\n13“Pele webo, koya munzila yako njogama kusikila kumamanino; nkaambo webo uyoolyookezya, alimwi uyoolyookezya akubukila kukona kwako kumamanino aamazuba.”\\nBikkila maanu aawa: Daniele wakaambilwa kuti walo “uyoobukila” kukona kwakwe “kumamanino aamazuba.” Taakaambilwa kuti uyootambula kukona eelyo aakufwa pe.\\nBasyomeka bokwa Yahuwah bayootambula “kukona” aciindi ca Kuboola Kwabili kwa Yahushua: “Walelekwa Elohimu Wisi wa Simalelo wesu Yahushua Uunanikidwe, ooyo kweendelanya aluzyalo lwakwe lunji wakatuzyalulula kuti tunjile mubulangizi bwakupona alimwi kwiinda mukubuka kuzwa kubafu kokwa Yahushua Uunanikidwe, kuti tukabukile kukona kutakwe kampenda , kutasofweede, alimwi kutayabaili, ooko kuyobwedwa nduwe kujulu, Kubambililwa a nguzu zyokwa Yahuwah kwiinda mulusyomo bwa lufutuko oolo luyoocitika ciindi cicaalizya...aakulibonya Yahushua Uunanikidwe(1 Petulo 1:3-5, 7)\\n19Bafu benu bayoopona alimwi; Antoomwe amubili wangu uufwide bayoobuka.\\nKosinsimuka akwiimba, webo ookkede mubulongo…Alimwi nyika iyoobulula bafwide bali mumamvwu.\\nBikkila maanu aawa: Bulangizi bwa Izaya mushinshimi bwakali mukubuka kuzwa kubafu kwabaluleme kumamanino aamazuba.\\n18Nkaambo Shilo [cuumbwe] tacikonzyi kukulumba Webo pe, Lufu alwalo talukonzyi kukutembaula Webo pe.\\nBoonse banjila mumulindi [mucuumbwe] tabakonzyi kulangila kasimpe Kako.\\n19 Muntu muzumi uucipona, walo ulakonzya kukulumbaizya Webo, Mbuli mbwecita Ime buno buzuba;\\nWisi weelede kuzyibya kasimpe Kako kubana bakwe.\\nBikkila maanu aawa: Mushinshimi Izaya, Mbweenya mbuli Mwami Solomoni, aMwami Davida, abamwi boonse balembi ba Bbaibbele bakayoyelwa Moza, bakali kwiinduluka lyoonse kuzumina kuti kunyina pe kulimvwa bulanga mulufu. Balikke bazumi bacipona mbabakonzya kutembaula .Eelyo muntu nafwa...“muuya wakwe ulayaamuka, mpoonya walo ulapiluka kubulongo; Mubuzuba bwini oobo mbwafwa mizeezo yakwe ilaloba.\" (Intembauzyo 146:4)\\n13Kunyina pe wakaimpuka kuya kujulu pele buyo Ooyo wakazyila kujulu, nkokuti Mwanaa muntu...\\n25Ndamusyomezya masimpe, Ime ndaamwaambila kuti, lilazya woola, alimwi lyasika kale, eelyo bafwide nobayoomvwa jwi lya Mwaana Yahuwah; alimwi boonse aabo bayoolimvwa bayoopona. 26Nkaambo mbuli Taata mbwalaa buumi muli Lwakwe mwini,Walo wakapa Mwana awalo kuti abaa buumi mulilwakwe Mwini, 27alimwi wakamupa nguzu zyakubeteka azyalo, nkaambo Walo Mwanaa Muntu.28Mutanyandwi kumakani aaya; nkaambo woola lilazya oomo boonse aabo bali muzyuumbwe nobayoolimvwa jwi Lyakwe 29aakuyumuka kuzwa muzyuumbwe—aabo bakacita zyibotu, kubukila kubuumi, alimwi aabo bakacita zisofweede, kubukila kusinganyigwa.\\nBikkila maanu aawa: Aawa majwi ookwa Yahushua alainda kusalazya. Bulangizi bwabasyomeka buli “mukubuka kuzwa kubafu kubukila kubuumi” kumamanino aamazuba. Eeci cibalo nicatali kunga caba camaanu kuti basyomeka bokwa Yahuwah nibali kale Kujulu kakutaninga sika Kuboola Kwakwe Kwabili.\\n11Eezyi zyintu Wakazyaamba, mpoonya Walo wakabaambila kuti, “Mulongwe wesu Lazalosi uloona, pele Ime ndaunka kuti ndikamubusye.” 12Mpoonya basikwiiya bakati, Simalelo wesu, kuti kaona inga ulaba kabotu.” 13Nokuba boobo, Yahushua wakali kwaamba lufu lwakwe, pele balo bakali kuti Wakali kwaamba kuti uloona akulyookezya.\\n24Maata wakati kuli Nguwe, “Ime ndilizyi kuti uyoobuka alimwi akubuka kuzwa kubafu mubuzuba bucaalizi.”\\nBikkila maanu aawa: Maata wakalizyi kabotu kuti bulangizi bwesu buli “mukubuka kuzwa kubafu mubuzuba bucaalizi.\" Cilisalede kapati kuti taakali kusyoma naaba asyoonto pe kuti Lazalosi wakaya Kujulu naakafwa.\\n1 Myoyo yenu itapengi: inywe amusyome muli Elohimu, kamundisyoma ambeyo. 2Muŋanda ya Taata kuli makkalilo manjaanji: kuti nikwatali boobo , Ime nindamwaambila. 3Alimwi kuti Ime ndaunka akuyoomubambila busena, Ime njooboola alimwi, akuzyoomutambula inywe kuli ndime lwangu; kutegwa ooko nkwebede Ime, anywebo kamunooli nkukwenya ooko.\\nBikkila maanu aawa: Yahushua wuumbuluzya basikwiiya bakwe aawa acisyomyo ca Kuzyokela Kwakwe.Walo ubaambila kuti Uyoopilukila kuzyoobweza mbabo, kutegwa ooko nkwabede, abalo bakabe nkuko. Aawa ncintu ceelede kumvwisyigwa kuti Yahushua taumbulizyi basikwiiya mukwaamba kuti banooli aaNguwe mpeenya buyo baakufwa.\\n29“Nobalombwana anobasazima, amundileke ime ndikanane cakwaanguluka makanaa Taata Davida, mbwafwide alimwi ulizikkidwe, alimwi cuumbwe cakwe cilaakati kesu kusikila buzuba buno.34“Nkaambo Davida taakatanta kuya kumajulu pe…\\n1 Bakolinto 15:6\\n6Kuzwa waawo Walo wakabonwa abanjaanji bainda myaanda yosanwe aciindi comwe, bamwi banjaanji nkobacili kusikila ino, pele bamwi bakoona kale[bakafwa] .\\n1 Bakolinto 15:20, 23\\n20Pele lino Kristu wakabuka kuzwa kubafu alimwi wakaba micelo mitaanzi yabaabo bakoona.23Pele umwi awumwi aciindi cakwe cimweelede: Kristu ngo micelo mitaanzi, mpoonya kutobela aabo bokwa Kristu akuboola Kwakwe.\\nBikkila maanu aawa: Alimwi, bulangizi bwesu buli mukubuka kwabaluleme aKuboola kwa Yahushua Kwabili.\\n1 Batesalonika 4:13-18\\n13 Kunze lyaboobo bakwesu, tatuyandi kuti mube bantu batazyi makani aajatikizya baabo boona mulufu; kutegwa mutabi abuumba mbuli bamwi boonse batajisi bulangizi. 14Ikuti katusyoma kuti Yahushua wakafwa alimwi wakabuka, abalo aabo boona mulufu kwiinda muli Yahushua, Yahuwah uyoobabusya kutegwa bakabe anguwe.15Nkaambo kweelanya ajwi lyokwa Yahuwah tumwaambila kuti, aabo basyaalizi akati kesu ibanoopona kuciindi cakubako kwa Mwami kunyina pe nobayoosaangunina baabo iboona mulufwu; 16 nkaambo Mwami lwakwe uyooseluka kuzwa kujulu akwaambilizya ajwi lyanguzu, ijwi lyasilutwe wabangelo alimwi amweembo wa Yahuwah, eelyo aabo bafwide bakamantene a Kristu bayoosaanguna kubuka. 17 Kuzwa waawo swebo tobasyaalizi notunoopona, antoomwe ambabo, tuyookwempelwa mumakumbi kuyoocingana a Mwami mujulu; aboobo tuyookkalaa Mwami lyoonse.18 Aboobo amuzumanane kuumbulizyanya amajwi aaya.\\nWebo kweezyekanya: Johani 5:25-29.\\nBikkila maanu aawa:Malailile ookwa Paulu aayo aakayoyelwa Moza kuli ndiswe aakuti katuumbulizyana eelyo notwasweekelwa muyandwa, taali kwaamba kuti muyandwa uufwide waunka Kujulu cino ciindi pe. Pele, Paulu ulailila ndiswe kuti katuumbulizyana acisyomyo cilelekedwe eeci cakubuka kwa basaante aKuboola Kwabili kwa Yahushua. Ncintu cilaantenda kubona bantu mbobauntuluzyila malailile aaya...akwiindilizya kwaamba lucengo lwa Sinkondoma lwakuti...'tiibakafwa ncobeni.' (Matalikilo 3:4) Bali Kujulu cino ciindi.\\n[Yahuwah]…16alikke nguutakonzyi kufwa, kakkede mumumuni uutaswenwi afwaafwi, uutanabwenwe amuntu alimwi uutakonzyi kubonwa amuntu, kuli Nguwe akube bulemu anguzu ziteeli. Akube boobo.\\nBikkila maanu aawa: Yahuwah, alikke nguutakonzyi kufwa. Muntu ulakonzya kufwa. \"Hena muntu uukonzya kufwa inga wainda Eloah kubaa bululami na?\" (Job 4:17)\\n8 Kumaninizya, kuli mushini wabululami uuyobwedwe ndime, ooyo Simalelo, Mubetesi wabululami, ngwayoondipa mebo mubuzuba oobo, pele kutali ndime endikke buyo pele abaabo boonse bayandisya kulibonya Kwakwe.\\nBikkila maanu aawa: Paulu taakali kusyoma buyo kuti uyootambula bulumbu bwakwe mpeenya aakumanizya buyo kufwa pe. Pele, wakali kulangila kuyoobusyigwa eelyo Yahushua aakulibonya mubuzuba bucaalizi.\\n5Pele bamwi boonse bakafwide [basofweede] tiibakapona alimwi kusikila cuulu camyaka nicakainda. Ooku nkokubuka kuzwa kubafu kutaanzi..\\n12Alimwi, amulange, Ime ndaboola cakufwambaana; alimwi bulumbu bwangu bulaa Ndime, bwakupa umwi aumwi kutobelanya amulimo wakwe mbuunoobede.\\nBikkila maanu aawa: Yahushua uyooletelezya bulumbu Anguwe eelyo Walo nayoozyokela. Muntu kunyina pe natambula bulumbu (buumi butamani) mpoonya buyo mbwaamanina kufwa.\\nKunyina pe kulimvwa bulanga kalwiindide lufu. Boonse Baluleme a Basofweede baya “koona” kusikila bakaitwe kuzwa muzyuumbwe zyabo, baluleme aciindi ca “kubuka kuzwa kubafu kutaanzi” (\"1st Resurrection,\") alimwi basofweede aciindi cakubuka kuzwa kubafu cabili.\" (Kutegwa uzyibe zinjaanji, kolanga cilembedwe ca (\"The Two Resurrections.\")\\n“Sinkondoma ucaalizya ooyo uyoonyonyoonwa ndufu.” -1 Bakolinto 15:26\\nKutamvwisya kabotu ooko kujanika ziindi zinjaanji:\\nBanjaanji batondeka kulibonya kwa Mozesi a Elija amulundu wa Kusandulwa muli Mateyo 17:3 (Matthew 17:3) kuti mbobumboni bwakuti basaante batolwa Kujulu mpeenya mbobamanina kufwa. Tweelede kwiibaluka, nokuba boobo kuti, kunyina pe Elija naakafwa .Walo wakatolwa Kujulu cigamaninina mu 2 Bami 2 (2 Kings 2). Mozesi, nokuba kuti wakafwa mu Ciibalusyo 34:7 (Deut. 34:7), pele wakabusyigwa, nkaambo kwakaba kuzwangana a Saatani, kuzwanganina “mubili” wakwe muli Juda 1:9 (Jude:1:9).","num_words":1751,"character_repetition_ratio":0.057,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kubamba nkuku zyivwubwa muminzi | Access Agriculture\\nKubamba nkuku zyivwubwa muminzi\\nAmubambe bulo bwazyisamu nokuba bwizu bwakayuma kutegwa nkuku mpozyitulila mai kaali kabotu. Eeci cigwasyilizya kucesya mudumu alimwi atuuka. Pele tuuka tusyoonto tatuli ngemapenzi alikke pe. Mvwiki yakukonkonwa yomwe, tukuku tulajalilwa kutegwa tutalumwi nokuba kusoweka. Eezyi nenzila zyuuba-uba zyomunga mwabelesya kukomezya nkuku zyanu, kusanina mukwasyi wanu alimwi akubaa mali.","num_words":56,"character_repetition_ratio":0.089,"word_repetition_ratio":0.0,"special_characters_ratio":0.143,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Basikubukila Bukombi Tiibakabalesya Bakamboni ba Jehova\\nKubanyonyweeda zintu zyabo tiikwakapa kuti bakwesu abacizyi baleke kubelekela Jehova\\nBakwesu abacizyi tiibakayoowa, alimwi bakazumanana kuswaangana antoomwe. Baalu bakabikka bubambe kutegwa bakwabilile basikumwaya. Mukwesu André Carbonneau, loya wakucisi ca Canada iwakakwabilila bakwesu mumyaka eeyo wakati: “Kanji-kanji mukwesu wakali kwaambilwa kwiima afwaafwi abusena bwakuswaanganina kajisi fooni. Kuti wabona nkamu yabasimanyongwe, cakufwambaana wakali kucenjezya baalu kujatikizya ntenda iyakali kulangilwa.”\\nBasikuumpa bakainyonyoona acaali ŋanda yamukwasyi waba Shamoya (kulumwensyi) alimwi abusena bwakutambwida mabbuku (kululyo)\\nKufwumbwa ciindi basimanyongwe nobakali kubanyonganya, baiminizi bobilo bazwa kuofesi yamutabi bakali kuswaya bakwesu kutegwa babayumye-yumye. Ba André bakati: “Cakali kugambya kuti baiminizi bamutabi kanji-kanji bakali kujana kuti busena bwakuswaanganina buzwide bakwesu abacizyi bakkomene alimwi bamweta-mweta.”\\nBakwesu bakapenzyegwa nobakali mukati alimwi aanze aankuta\\nAabo batakajatikizyigwa cacigaminina amanyongwe aayo, kubikkilizya abasikwiiya Bbaibbele, abalo bakali kutondezya makanze aali boobu. Ba André balayeeya mbobakabandika amukaintu umwi iwakali afwaafwi kuba sikumwaya uutanabbapatizyigwa. Mukaintu ooyo wakabaambila kuti: “Ciindi nondakabona a TV mbobakali kuumwa, ndakabona kwiindana kuliko akati ka Banakristo bakasimpe abakubeja, alimwi ndiyanda kuti ndibe Munakristo wakasimpe.”\\nCabusicamba Bakakwabilila Basyominyina\\nMumyaka eeyo iikatazya, basikumwaya bakatondezya lusyomo luyumu abusicamba kwiinda mukuzumanana mumulimo wakukambauka. Aabo ibakali kwiiminina basyominyina munkuta abalo bakatondezya lusyomo luli boobu.\\nKanji-kanji Bakamboni bakali kubejelezyegwa abasikapepele kuti mbantu ibanyonganya mikwasyi, ibatayandi busilisi, alimwi akuti babukila mfwulumende. Aabo ibakali kubaiminina bakali kubikka mpuwo yabo alimwi amulimo wabo muntenda.\\nBakwesu basicamba bamu Dipatimenti ya Milawo ibakazwa kucisi ca United States bakaiminina basyominyina munkuta\\nBa John Burns, baloya ibakazwa kumutabi wakucisi ca Canada ibakali kugwasya bakwesu bakucisi ca Georgia mumyaka eeyo, balayeeya kuti: “Bakwesu abacizyi banyenzi ibakali kubeleka mulimo wabuloya bakalisungula kuti bagwasye. Nokuba kuti mulimo wabo wakali kukonzya kuba muntenda, tiibakali kuyoowa kuunka kunkuta akulizyibya kuti Mbaakamboni ba Jehova.” Bakamboni aaba basicamba bakagwasyilizya ‘kukwabilila akusitikizya makani mabotu mumulawo.’—Flp. 1:7.\\nBantu Bamucisi ca Georgia Batongooka Kujatikizya Kupenzyegwa kwa Bakamboni\\nAciindi eeci kupenzya Bakamboni kwakazumanana. Aboobo kutalikila mu January 8, 2001, Bakamboni bakatondezya bantu bamucisi eeci cipepa icakali kutondezya kulomba kwabo kunkuta kuti bakwabililwe kubantu ibakali kubalwana akuti bapegwe mulandu bantu aabo ibakali kunyonganya basicisi basiluumuno.\\nMukwesu Burns iwakapandulula makanze aakulomba ooku kunkuta, wakati: “Makanze eesu akali akuti tutondezye kuti bantu banji bamucisi ca Georgia bakali kubijilwa akulwanwa nkobakali kulwanwa Bakamboni ba Jehova akuti kabunga buyo kasyoonto kabantu basikubukila bukombi mbabakali kucita boobo.”\\nMunsondo buyo zyobilo, bantu bapati-pati ibali 133,375 kuzwa muzyooko zyoonse zyacisi ca Georgia—alimwi bunji bwabo ibakali kuzulilwa mucikombelo ca Orthodox, bakalisaina pepa eeli. Nokuba kuti Pulezidenti Shevardnadze, wakapegwa pepa eeli lisainidwe, kupenzya Bakamboni kwakazumanana. Basikubukila bukombi bakazumanana kulwana Bakamboni acaali.\\nZyuulu-zyuulu zyabantu bamucisi ca Georgia bakasaina pepa ilyakali kukazya kucitila Bakamboni lunya\\nAciindi eeci, Jehova wakazumanana kubalongezya bantu bakwe. Ciindi basikubukila bukombi nobakali kupenzya bantu ba Leza, Jehova wakali kwiita bantu banji babombe myoyo kuzwa mubukombi bwakubeja.\\nKwaangununwa Kubukombi Bwakubeja\\nKwamyaka minji yabuumi bwabo, ba Babilina Kharatishvili bakalilyaabide kucikombelo ca Georgian Orthodox. Nobakajisi myaka yakuma 30, bakali kuswaya madolopo aminzi iindene-indene, kabayiisya bantu kujatikizya buumi mbobakali kupona basaante.\\nPele ba Babilina bakali kuyanda kuzyiba zinji kujatikizya Leza. Aboobo bakayeeya kuti bakajanike kucikolo cacikombelo ca Georgian Orthodox. Ciindi cimwi, mupati wacikombelo wakabatondezya baswiilizi bakwe bbuku litegwa Luzyibo Lusololela Kubuumi Butamani alimwi wakabakulwaizya kuti bakajane bbuku eelyo kuli Bakamboni ba Jehova. Wakabaambila kuti: “Bbuku eeli lilakonzya kumuyiisya zinji kujatikizya Bbaibbele.”\\nBa Babilina bakagambwa kapati. Lyoonse tiibakali kuyanda kubandika a Bakamboni, pele lino mupati wacikombelo wakali kukulwaizya kubala mabbuku aabo! Bakalyaambauzya mumoyo kuti: ‘Kuti kandiyandika kwiiya kujatikizya Leza kuli Bakamboni ba Jehova, ino ncinzi ncondicita ookuno?’ Cakufwambaana bakabayandaula Bakamboni mudolopo litegwa Poti mpoonya bakatalika kwiiya Bbaibbele.\\nBa Babilina nobakali kuyaabwiiya zinji zyamu Bbaibbele, bakacinca kapati mubuumi bwabo. Cimwi ciindi bakaamba kuti: “Ciindi nondakalibalila kuti Bbaibbele lyaamba kuti ncibi kukomba zikozyanyo, ndakaleka kukomba misyobo yoonse yamituni. Ndakalisinizyide ncobeni kuti ncecakali cintu ciluzi kucita.” Aciindi eeco nobakajisi myaka yakuma 70, bakasala kuti babe umwi wa Bakamboni ba Jehova.\\nBa Babilina bakayiisya muzyukulu wabo Izabela, kasimpe kamu Bbaibbele\\nCuusisya ncakuti, mu 2001, ba Babilina bakaciswa akufwa kabatanabbapatizyigwa. Pele muzyukulu wabo musimbi, Izabela, wakazoobbapatizyigwa alimwi lino ubelekela Jehova cakusyomeka.\\nBakali Kuyanda Kuba Siite\\nBa Eliso Dzidzishvili bakajisi myaka iili 28 ciindi nobakayanda kuba siite. Akaambo kakuti kwakanyina cikolo cakuyiisya bamasiite afwaafwi adolopo lya Tkibuli mobakali kukkala, bakalongela ku Tbilisi mu 2001. Nobakacili kulindila kwiitwa kucikolo cabasiite, bakatalika kubeleka mulimo wakuyiisya uutabelekwi mawoola manji. Umwi wabasicikolo mbobakali kuyiisya wakali mwana wamucizyi uutegwa Nunu.\\nBa Eliso bakati: “Kanji-kanji twakali kubandika makani aamu Bbaibbele. Cabukali ndakali kwiiminina cikombelo ca Orthodox, kakuli ba Nunu cakukkazika moyo bakali kunditondezya kapango kamwi akamwi. Bumwi buzuba, bakandibalila broshuwa yakuti Ncinzi Leza Ncayanda Kulindiswe? Notwakali kuyaabubala mincali akubala magwalo mu Bbaibbele, ndakazyiba kuti kukomba zikozyanyo kulakazyanya amulawo wa Leza.”\\nMukuya kwaciindi, ba Eliso bakaunka kucikombelo cakubusena oobo akubuzya mupati wacikombelo mibuzyo imwi. Kwiinda mubwiinguzi bwakwe cakalibonya kuti njiisyo zyacikombelo tiizyakali kweendelana ancolyaamba Bbaibbele. (Mk. 7:7, 8) Kabasinizyide kuti bakajana kasimpe, cakufwambaana bakatalika kwiiya Bbaibbele a Bakamboni ba Jehova, mpoonya tiilyakalampa bakabbapatizyigwa.\\nBa Eliso Dzidzishvili (kulumwensyi), ibakali kuyanda kuba siite, aba Nunu Kopaliani (kululyo)\\nKuyaka Maanda aa Bwami Nokuba Kuti Bakali Kukazyigwa\\nKuzikusika mu 2001, mbungano zinji zyakali kuyandika masena aali kabotu mwakuswaanganina kukomba Leza. Kweelana abuvwuntauzi bumwi, Maanda aa Bwami aali 70 akali kuyandika. Aboobo, bubambe bwakuyaka Maanda aa Bwami bwakatalisyigwa nokuba kuti kwakali kukazyigwa mucisi.—Ezr. 3:3.\\nCakufwambaana kakamu kabasikuyaka kakatalika kubambulula ŋanda iyakali kubelesyegwa ambungano zili mbozibede mu Tbilisi. Mpoonya Maanda aa Bwami obilo akazikuyakwa—yomwe mu Tbilisi imwi mu Chiatura, cisi ca Georgia nkocili kumbo.\\nŊanda ya Bwami mu Tbilisi, kulumwensyi yakaindi, kululyo mpya\\nMukwesu Tamazi Khutsishvili, iwakatola lubazu mumayake aaku Chiatura, wakaamba kuti: “Swebo notuli 15 twakali kubelekela abusena bwamayake buzuba abuzuba. Tiilyakalampa bantu boonse mudolopo bakazyiba kuti twakali kuyaka Ŋanda ya Bwami mpya. Zimwi ziindi twakalikumvwa maŋunuŋunu aakuti basikutukazya bakali kuyanda kusika kutegwa banyonyoone Ŋanda ya Bwami.”\\nIno mulimo wakuyaka wakali kuyoozwidilila buti akukazyigwa kuli boobu? Ba Tamazi bakaamba kuti: “Twakazumanana kuubeleka mulimo wesu akumanizya kuyaka Ŋanda ya Bwami mumyezi yotatwe. Nokuba kuti twakali kukongwa, kunyina basikukazya bakaboola.” *\\nLugwasyo Ilwakali Kulindilwa Kwaciindi Cilamfwu Lwasika\\nBamukabunga ka Orthodox kabasikubukila bukombi amusololi wabo, Vasili Mkalavishvili, balaangidwe\\nMu October 2003, mayake akatalika mudolopo lya Samtredia. Basikubukila bukombi alimwi bakatalika kubakonga bakwesu banyenzi. Bwaanda bwa Ŋanda ya Bwami bwakazwide aakuyakwa alimwi daka lyakacili litete ciindi basikukazya nobakasika akwiimwaya ŋanda.\\nNokuba boobo, mu November 2003, zintu zipya izyakacitika mucisi ca Georgia zyakapa kuti bakwesu abacizyi bakatalukwe. Kucinca kwamfwulumende iyakali kulela kwakapa kuti kube lwaanguluko lwabukombi lunji. Akaambo kaceeci, bantu banji bakaangwa ibakali kuzulilwa mukabunga ka Orthodox kabasikubukila bukombi ibakali kuuma Bakamboni ba Jehova.\\nBantu ba Leza Balongezyegwa\\nKupenzyegwa mbokwakamanina buyo, bantu ba Jehova mucisi ca Georgia bakatambula zilongezyo zinji zyakumuuya. Lyamuswaangano wacooko mu 2004, Bbaibbele lya Busanduluzi Bwanyika Mpya bwa Magwalo aa Banakristo aa Chigiriki lyamumwaambo waci Georgian, lyakamwaigwa.\\nMpoonya lya Muswaangano Wacooko mu 2006 wakuti “Lufwutuko Luli Afwaafwi!,” kwakacitika acimbi cintu icitakalubwi. Basimuswaangano bakakkomana kapati ciindi nobakamvwa kuti mukwesu Geoffrey Jackson, wamu Kabunga Keendelezya, wakali kuyoopa makani kubaswiilizi. Alimwi cakakkomanisya kapati ciindi Mukwesu Jackson naakaambilizya kumwaigwa kwa Bbaibbele lya Busanduluzi Bwanyika Mpya lyoonse mbolizulwa mumwaambo waci Georgian!\\nKumwaigwa kwa Bbaibbele lya Busanduluzi Bwanyika Mpya mumwaambo waci Georgian mu 2006\\nYakabeenda misozi banji ibakajanika kumuswaangano akaambo kakukkomana. Mucizyi umwi wakati: “Tandikonzyi kulupandulula lukkomano ndondakajisi ciindi notwakatambula Bbaibbele lyoonse mbolizulwa. . . . Ncobeni cakali cintu citakalubwi.” Bantu bainda ku 17,000 bakakkomana apobwe eeli lyakumuuya ilitakalubwi mumakani aakaindi aajatikizya bantu ba Jehova mucisi ca Georgia.\\n^ munc. 29 Kuzwa mu 2001 kusikila mu 2003, Maanda aa Bwami aali ciloba akayakwa mucisi ca Georgia.\\nBunji bwesu tulayeeya kabotu-kabotu malipooti aayoosya aakali kuzwa kucisi ca Georgia mumwaka wa 1999 kusikila mu 2003. Munyika yoonse, bakwesu abacizyi bakucisi ca Georgia bakali kupaililwa ziindi zinji. (Jak. 5:16) Eelo kaka bakwesu bakakkomana kapati ciindi nobakaleka kupenzyegwa kumamanino aamwaka wa 2003! Kuzwa ciindi eeco, mulimo wesu mucisi eeci ulacitwa cakwaanguluka. Bakwesu abacizyi bakucisi ca Georgia balalumba kapati akaambo kaluyando alimwi akubikkila maano nkobakatondezya babunyina.—1Pet. 2:17","num_words":1207,"character_repetition_ratio":0.064,"word_repetition_ratio":0.0,"special_characters_ratio":0.152,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mweembezi alimwi azyaanda zyambelele (1-21)\\nJesu mweembezi mubotu (11-15)\\n“Ndilijisi mbelele zimbi” (16)\\nBa Juda bamusikila Jesu ku Pobwe Lyakwaaba Tempele (22-39)\\nBa Juda banji bakaka kusyoma (24-26)\\n“Imbelele zyangu zilaliswiilila ijwi lyangu” (27)\\nMwana ulikamantene a Taata (30, 38)\\nBantu banji mutala lya Jordano basyoma (40-42)\\n10 “Ncobeni ndimwaambila masimpe kuti, ooyo uutanjili mucaanda cambelele kwiinda kumulyango, pele uutanta akunjilila kumbi, muntu ooyo mubbi alimwi ngusikusaala.+ 2 Pele ooyo uunjilila kumulyango ngomweembezi wambelele.+ 3 Imulindizi wamulyango ulamujalwida,+ eelyo imbelele zilaliswiilila jwi lyakwe.+ Ulaziita mbelele zyakwe amazina aanzizyo akuzisolweda kuya anze. 4 Amana kuzigusya mbelele zyakwe zyoonse, ulazisolweda, eelyo zilamutobela nkaambo zililizyi jwi lyakwe. 5 Imweenzu kunyina nozimutobela naaceya, pele zilamutija nkaambo tazilizyi ijwi lyabeenzu.” 6 Jesu wakabaambila maambilambali aaya, pele tiibakamvwisya ncaakali kubaambila. 7 Aboobo Jesu wakaamba alimwi kuti: “Ncobeni ndimwaambila masimpe kuti, Ndili mulyango wambelele.+ 8 Boonse ibakaboola mubusena bwangu kabalyaamba kuti ndime, mbabbi alimwi mbaasikusaala; pele mbelele tiizyakabaswiilila. 9 Ndili mulyango; kufwumbwa uunjila kwiinda mulindime uyoofwutulwa, alimwi unoonjila akuzwa akujana macelelo.+ 10 Mubbi tabooli buyo, pele uboolela kubba, kujaya akunyonyoona.+ Ndakaboolela kuti zibe abuumi akupona buumi butamani. 11 Ndili mweembezi mubotu;+ mweembezi mubotu utuulila mbelele buumi bwakwe.+ 12 Imubelesi sikuvwozyegwa buyo mali, uutali mweembezi alimwi uutali mukamwini mbelele, abona umpe kaboola ulazisiya mbelele akutija—eelyo umpe ulaziluma akuzimwaya— 13 nkaambo mubelesi buyo uuvwola mali alimwi takwe makani ambelele. 14 Ndili mweembezi mubotu. Mbelele zyangu ndilizizyi alimwi azyalo zilindizyi,+ 15 mbubonya Taata mbwandizyi andime mbondimuzyi Taata;+ alimwi ndituulila mbelele buumi bwangu.+ 16 “Alimwi ndilijisi mbelele zimbi izitali zyamucaanda eeci;+ azyalo eezyo ndeelede kuzileta alimwi ziyooswiilila jwi lyangu, eelyo ziyooba tanga lyomwe alimwi zinooli amweembezi omwe.+ 17 Eeci ncandiyandila Taata,+ nkaambo ndituula buumi bwangu+ kutegwa ndikabutambule alimwi. 18 Kunyina muntu wandinyanga mbubo, pele ndime ndemwini ndalisungula kubutuula. Ndilijisi nguzu zyakubutuula anguzu zyakubutambula alimwi.+ Malailile aaya ndakaatambula kuli Taata.” 19 Kwakaba kwaandaana alimwi akati kaba Juda+ akaambo kamajwi aaya. 20 Bunji bwabo bakali kwaamba kuti: “Unjidwe daimona alimwi ulisondokede. Nkaambo nzi ncomumuswiilila?” 21 Bamwi bakaamba kuti: “Aaya taali majwi aamuntu uunjidwe daimona. Sena daimona lilakonzya kujalula meso aabantu boofwu?” 22 Aciindi eeco Pobwe Lyakwaaba Tempele lyakacitika mu Jerusalemu. Cakali ciindi camupeyo, 23 alimwi Jesu wakali kweenda mutempele mukkoce lya Solomoni.+ 24 Mpoonya ba Juda bakamuzinguluka akutalika kumwaambila kuti: “Ino ulatupa kuzumbauzya kwaciindi cilamfwu buti? Ikuti koli ndonduwe Kristo, kotwaambila cakutainda mumbali.” 25 Jesu wakabaingula kuti: “Ndamwaambila kale, pele tamusyomi pe. Imilimo njondicita muzina lya Taata njiipa bumboni kujatikizya ndime.+ 26 Pele tamusyomi pe nkaambo tamuli mbelele zyangu.+ 27 Imbelele zyangu zilaliswiilila ijwi lyangu, ndilizizyi alimwi zilanditobela.+ 28 Ndizipa buumi butamani,+ aboobo kunyina noziyoonyonyoonwa limbi, alimwi kunyina uuyoozikwempa mujanza lyangu.+ 29 Ncaandipa Taata ncintu cipati kwiinda zintu zyoonse, alimwi kunyina uunga wazikwempa mujanza lya Taata.+ 30 Mebo a Taata tuli bamwi.”*+ 31 Iba Juda bakabweza mabwe alimwi kuti bamupwaye. 32 Jesu wakabaambila kuti: “Ndakamutondezya milimo mibotu minji iizwa kuli Taata. Mulimo nzi akati kayeeyi ngomuyanda kundipwayila mabwe?” 33 Iba Juda bakamwiingula kuti: “Tuyanda kukupwaya mabwe ikutali akaambo kamulimo mubotu, pele akaambo kakutukila Leza;+ nkaambo yebo nokuba kuti uli muntu buyo, ulibikka kuba leza.” 34 Jesu wakabaingula kuti: “Sena takulembedwe mu Mulawo wanu kuti, ‘Ndakaamba kuti: “Muli baleza”’?*+ 35 Ikuti aabo jwi lya Leza mbolyakapa mulandu wakabaita kuti ‘baleza,’+—alimwi lugwalo talukonzyi kuba lwabuyo— 36 sena mebo nendakasalazyigwa akutumwa a Taata munyika mundaambila kuti, ‘Utukila Leza,’ akaambo kakuti ndaamba kuti, ‘Ndili Mwana wa Leza’?+ 37 Ikuti tandiciti milimo ya Taata, mutandisyomi pe. 38 Pele ikuti kandiicita, nokuba kuti tamundisyomi,+ amusyome milimo kutegwa muzyibe akuzumanana kuzyiba kuti mebo a Taata tulikamantene.”+ 39 Aboobo bakasola kumujata alimwi, pele wakatijila nkobatakali kukonzya kusika. 40 Mpoonya wakaunka alimwi mutala lya Jordano kubusena nkwaakali kubbapatizyila Johane kusaanguna,+ akuyookkala ooko. 41 Alimwi bantu banji bakaunka kulinguwe akutalika kwaamba kuti: “Johane kunyina naakacita citondezyo nociba comwe, pele zintu zyoonse nzyaakaamba Johane kujatikizya muntu ooyu zyakali zyamasimpe.”+ 42 Alimwi ooko banji bakamusyoma.\\n^ Naa “tulikamantene.”\\n^ Naa “Muli mbuli Leza.”","num_words":586,"character_repetition_ratio":0.047,"word_repetition_ratio":0.0,"special_characters_ratio":0.192,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Levitiko 16 IBBAIB63 - Lino kusule lyalufu lwabana - Bible Search\\nBuzuba bupati bwakumanya milandu\\n1-Lino kusule lyalufu lwabana bobile ba-Aroni, ciindi eco nebakaswena kuli-Jehova akufwa, Jehova wakaambaula a-Musa, 2-Jehova wakaa­ mbila Musa kuti, Ambila munyoko Aroni kuti atanoonjili ziindi zyoonse mubusena busalalisya loko mukati kacisitilizyo, kunembo lyacuuno caluzyalo atala lyabbokesi lya-Leza, kuti atafwi, nkaambo noolibonya mujoba atala lyacuuno caluzyalo. 3-Pele mbuboobu Aroni mbweelede kunjila mubusena busalala. Aletelele kacende kabe cipaizyo cazibi, amugutu abe cipaizyo cakutenta. 4-Asame cibaki cisalalisya cituba, akabbudula katuba mucikungu, alukumba lwasani lituba, acitambala casani lituba amutwe. Nzeezyo zyakusama zisalalisya. Asambe amubili, azisame, 5-Alimwi kumbungano yabana ba-Israyeli atambule basijembwe bobile, babe cipaizyo cazibi, amugutu omwe abe cipaizyo cakutenta.\\n6-Lino Aroni alete kacende kacipaizyo cazibi zyakwe alike, amanye milandu yakwe amilandu yabasiŋanda bakwe, 7Amana obo, alete basijembwe bobile akubaimika kubusyu bwa-Jehova kumulyango watente lyambunganino. 8Nkabela Aroni uleelede kuwaalila basijembwe zisolo, cimwi cibe ca-Jehova acimwi cibe ca-Azazeli. 9-Lino Aroni alete oyo sijembwe iwakawidwa cisolo ca-Jehova, amutuule, abe cipaizyo cazibi, 10-pele sijembwe iwakawidwa cisolo ca-Azazeli aletwe ucili mumbulu kuli-Jehova, kuti kwaambawidwe milandu alinguwe, atandilwe musokwe kuli-Azazeli.\\n11Lino Aroni alete kacende kacipaizyo cazibi cakwe alike, amanye milandu yakwe amilandu yabasiŋanda bakwe, Ajaye ako kacende, kabe cipaizyo cazibi zyakwe mwini. 12-Lino abweze lukaye luzwide makala aamulilo kuzwa kucipaililo cili kubusyu bwa-Jehova, abweze amaanza aakwe aazwide tununkilizyo tubotu tuziidwe kabotu, azinjizye mukati kacisitilizyo. 13-Lino abike tununkilizyo amulilo kubusyu bwa-Jehova, kuti busi bwatununkilizyo buvumbe cuuno caluzyalo cili abbokesi lyacizuminano, kuti atafwi. 14-Alimwi akombole bulowa bwakacende, asansaile amunwe wakwe kunembo lyacuuno caluzyalo kujwe, akwalo kunembo lyacuuno caluzyalo asansaile amunwe wakwe ziindi zili musanu azibili.\\n15-Amana obo ajaye sijembwe wacipaizyo cazibi cabantu, anjizye bulowa bwakwe mukati kacisitilizyo, acitile bulowa obo mbubonya mbwaakacitila bulowa bwakacende, abusansaile acuuno caluzyalo akunembo lyacuuno caluzyalo. 16-Aboobo ulamanya milandu yacikombelo, nkaambo kabusofwi bwabana ba-Israyeli amilandu yabo azibi zyabo zyoonse. Alyalo itente lyambunganino ulalicitila mbubonya, nkaambo lilikede abo mukati kabusofwi bwabo. 17-Nkabela takweelede kuba muntu naba omwe mutente lyambunganine naniila kukumanya milandu mubusena busalala, mane azwe, amana kumanya milandu yakwe ayabasiŋanda bakwe ayambungano yoonse yabaIsrayeli. 18-Amana obo ainke kucipaililo cili kunembo lya-Jehova, amanye milandu yaco, Akombole bulowa bwakacende abulowa bwasijembwe, abulambe ameja aacipaililo. 19-Asansaile bulowa amunwe wakwe ziindi zili musanu azibili alincico, kuti acisalazye akucisupuzya kubusofwi bwabana ba-Israyeli.\\n20-Lino amana kumanya milandu yabusena busalala ayatente lyambunganino ayacipaililo, alete sijembwe muumi. 21-Elyo Aroni abike maanza aakwe oonse obile amutwe wasijembwe muumi, alyaambe alinguwe milandu yoonse yabana ba-Israyeli ansotoko zyabo zyoonse azibi zyabo zyoonse, azibike amutwe wasijembwe, amutandile musokwe kujanza lyamuntu uulibambide. 22-Aboobo sijembwe ulatolelela milandu yabo yoonse kuntantaanwa. Lino amuleke sijembwe ainke musokwe.\\n23-Mpawo Aroni anjile mutente lyambunganino, asamunune zyakusama zyamasani aatuba nzyaakasamide ciindi cakunjila mubusena busalalisya, azisie nkukonya oko. 24Asambe amubili omo mubusena busalala akusama zyakusama zyakwe. Amana obo azwe kukutuula cipaizyo cakwe cakutenta acipaizyo cabantu, kuti amanye milandu yakwe amilandu yabantu. 25-Amafuta aacipaizyo cazibi aatente acipaililo. 26-Amuntu oyo uutola sijembwe kuli-Azazeli, alakwe asanzye zyakusama zyakwe akusamba amubili, elyo anjile mumunzi. 27-Alimwi kacende kacipaizyo cazibi asijembwe wacipaizyo cazibi, bali abulowa ibwakaletwa kukumanya milandu yabusena busalala, batolwe anze lyamunzi, Zikanda zyabo anyama yabo azifusi zyabo zyoonse zitentwe mumulilo. 28Ayooyo uuzitenta uleelede kusanzya zyakusama zyakwe akusamba amubili, elyo anjile mumunzi.\\n29-Uyooba mulao walyoonse kulindinywe. Mumwezi wamusanu aibili, mubuzuba bwakumi bwamumwezi, muleelede kubombya myoyo yanu, Mutaciti milimo niiba imwi, nebaba bazyalemucisi nebaba beenzu bakalakala akati kanu. 30-Nkaambo buzuba obo mbobuzuba bwakumanya milandu yanu abwakumusalazya kuzibi zyanu, kuti musalale mumeso aa-Jehova. 31-Mbobuzuba bwa-Sabata, buzuba busalalisya bwakulyokezya abwakubombya myoyo yanu; ngumulao walyoonse. 32-Mupaizi uunanikwa, uusalazigwa kuti abe mupaizi mucibaka cawisi, ngonguwe uuelede kumanya milandu, Nguuelede kusuma zyakusama zyamasani aatuba, zyakusama zisalalisya, 33kuti amanye milandu yabusena busalala, amilandu yatente lyambunganino ayacipaililo, amilandu yabapaizi ayabantu boonse bambungano. 34-Oyu mulao ulaba mulao walyoonse kulindinywe, kuti milandu yabana ba-Israyeli imanisigwe komwe mumwaka nkaambo kazibi zyabo. Nkabela Musa wakacita mbubonya mbuli Jehova mbwaakamulailila.","num_words":609,"character_repetition_ratio":0.088,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Myuuya Nkwiili—Sena Kuli Noyakaponede Akufwa Anyika?\\nAMUBALE MU Abbey Afrikaans American Sign Language Amharic Argentinean Sign Language Armenian Attié Baoule Bété Cebuano Chichewa Chitonga Chitonga (Malawi) Chopi Chuabo Cibemba Costa Rican Sign Language Croatian Drehu Dutch Ecuadorian Sign Language Efik English Estonian Fijian Finnish French Ga German Gitonga Greek Greenlandic Guatemalan Sign Language Hiligaynon Hmong (White) Hungarian Icelandic Iloko Indonesian Isoko Italian Japanese Japanese Sign Language Kikaonde Kiluba Kinyarwanda Korean Kurdish Kurmanji (Caucasus) Kwangali Kwanyama Laotian Lingala Luganda Lunda Luo Luvale Macedonian Mahorian (Roman) Malagasy Malay Mapudungun Maya Mexican Sign Language Miskito Navajo Ndebele (Zimbabwe) Niuean Norwegian Nzema Oromo Panamanian Sign Language Persian Polish Portuguese Quechua (Bolivia) Rarotongan Russian Russian Sign Language Saramaccan Senoufo (Cebaara) Serbian (Cyrillic) Serbian (Roman) Setswana Shona Sidama Spanish Swahili Swedish Tagalog Tahitian Tajiki Tetun Dili Thai Tigrinya Tiv Tongan Tsonga Turkmen Tuvaluan Twi Urhobo Uruund Uzbek Venda Wayuunaiki Wolaita Xhosa Yacouba Yoruba Zulu\\nMyuuya kwiili! Mukati kanyika yamuuya iitabonwi, kuli myuuya mibotu alimwi amibi. Sena mbantu bakaponede akufwa anyika?\\nPeepe, tabali mbabo. Ciindi muntu nafwa, inga tainki kunyika yamyuuya, mbubonya mbuli mbobayeeya bantu banji. Ino inga twaziba buti eci? Nkaambo Bbaibbele mbolyaamba obo. Ibbaibbele ndibbuku lyabwini lyalo lizwa kuli Leza alike wamasimpe, uulazina lya-Jehova. Jehova wakalenga bantu; ulizi kabotu cicitika kuli mbabo ciindi nobafwa.—Intembauzyo 83:18; 2 Timoteo 3:16.\\nAdamu wakazwa kunyika, wakapiluka kunyika\\nIbbaibbele lyaamba kuti Leza wakabumba Adamu, muntu mutaanzi, “wakamubumbya bulongo bwaansi.” (Matalikilo 2:7) Leza wakamubika mu-Paradaiso, muunda wa-Edeni. Ikuti Adamu naakamvwida mulao wa-Jehova, naatakafwa; asunu naaciliwo anyika. Pele ciindi Adamu naakatyola mulao wa-Leza acaali, Leza wakati kuli nguwe: “[Uyoopiluka] kunyika, nkaambo mulinjiyo mowakagwisigwa, nkaambo uli bulongo buyo, akooko kubulongo nkoelede kupiluka.”—Matalikilo 3:19.\\nIno eci caambanzi? Ncibotu, ino Adamu wakali kuli Jehova katanamulenga kuzwa kunyika? Tanaakaliwo. Tanaakali muuya uutanazyalwa mujulu. Kwakanyina. Aboobo ciindi Jehova nakaamba kuti Adamu “[uyoopiluka] kunyika,” wakapandulula kuti Adamu uyoofwa. Tanaakalandukila kunyika yamyuuya. Alufu, Adamu alimwi wakaba unyina buumi, uutawo. Lufu nkubula buumi.\\nPele ino mbuti zyabamwi bafwide? Sena abalo tabaciwo? Ibbaibbele liingula kuti:\\n“Boonse [bantu abanyama] balaya kubusena bomwe. Bakazwa kubulongo, alimwi balapiluka kubulongo.”—Mukambausi 3:20.\\n“Bafwide tabezi cintu niciba comwe.”—Mukambausi 9:5.\\n“Luyando lwabo alusulo lwabo abbivwe lyabo, zyoonse zyafwidilila.”—Mukambausi 9:6.\\n“Taakwe milimo niiba miyeeyo neluba luzibo nebuba busongo mukabanda [mucuumbwe] moyoonjila.”—Mukambausi 9:10.\\n“[Muntu] ulabweeda kubulongo; mubuzuba obo mbubonya makanze aakwe oonse alamana.”—Intembauzyo 146:4.\\nBalike bapona mbabakonzya kucita zintu ezi\\nSena mujana buyumuyumu kuzumina magwalo aya? Ikuti na mboobo, amuyeeye ceeci: Mumikwasyi minji, musankwa ujana mali akubamba mukwasyi wakwe. Ciindi musankwa nafwa, mukwasyi wakwe ujana buyumuyumu. Cimwi ciindi mukaintu wakwe abana inga tabajisi mali manji aakuula zyakulya. Ndiza balwani bamusankwa uya inga babakatazya. Lino amulibuzye nobamukamwini: ‘Ikuti na musankwa oyo ulapona kunyika yamyuuya, ino nkaambonzi ncatatoleleli kubamba mukwasyi wakwe? Ino nkaambonzi ncatakwabilili mukwasyi wakwe kuzwa kubantu babi?’ Nkaambo kakuti magwalo ali masimpe. Musankwa uuya tajisi buumi, takonzyi kucita cintu nociba comwe.—Intembauzyo 115:17.\\nBafwide tabakonzyi kugwasya basinzala naba kukwabilila basikupenzyegwa\\nSena eci caamba kuti bafwide tabakabooli kubuumi alimwi? Peepe, tabuli mbubo. Tulakanana zyabubuke kumbele. Pele caamba kuti bafwide tabezi ncomucita. Tabakonzyi kumubona, kumumvwa, naba kukanana andinywe. Tamweelede kubayoowa. Tabakonzyi kumugwasya, alimwi tabakonzyi kumucisa.—Mukambausi 9:4; Isaya 26:14.\\nMabala Amusale naa muyanda kukkopa zyakamwaigwa Myuuya Yabafwide​—Sena Inga Yamugwasya Naba Kumucisa? Sena Ncobeni Kwiili?","num_words":499,"character_repetition_ratio":0.058,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"MUBISYI NCAELEDE KUYANDA KLISTU\\nMuntu wakali pedwe nguzu zisumpukide a muzeezo uyelene.Wakali londokede mubuntu bwakwe, alimwi wakali kuteelelana a Leza. Mizeezo yakwe yakali kusalala, makanze aakwe akali setekene. Pesi mu kutateelela nguzu zyakwe zyakasandulwa, kuliyanda kwakavula mucilawo caluyando. Nguzu zyakwe zyakateteeta kapati akaambo kakubisya alimwi tanaakali kukonzya kuzunda mu cinyonyoono mu nguzu zyakwe mwini. Wakaba muzike wa Satani, natakali Leza wakabika janza lyakwe munzila iyelede yaluse naa kakala mu buumi oobu kutamani akutamani. Wakali mulimo wa musunki kukazya muzeezo mupati mu kulengwa kwa muntu, nyika yakazula kuusa a lufu. Koonse ooku Satani waa kutondeka kuti mbulumbu bwa Leza mu mulimo wakwe wakulenga muntu. KLMNP 9.1\\nMuciimo cinyina cibi, muntu wakali jisi kuswaangana kukomanisya a Leza “mulinguwe muzisisidwe imboni zyoonse zyamaanu a luzyibo.” Ba Kolose 2:3. Pesi naakabisya tanaa kajana limbi ku komana mu bululami, wakayeeya kulisisa kuzwa kuli Leza. Cilengwa ciliboobo mpocili asunu kumoyo utana lengululwa bupya. Moyo unyina ku komana mu kuswaangana a nguwe. Mubisyi tajani ku komana mu busyu bwa Leza, ulayoowa ku swaangana a balengwa basetekene. Naa ka zumizigwa kunjila mujulu, julu nilyataka mu komanina. Muya wa luyando wa kutaliyanda ngulela mujulu moyo omwe omwe uyingula ku moyo wa luyando lupati nowata kaingula ku muya wakwe. Mizeezo yakwe, ku komana kwakwe, a ku liteelela kwakwe, nikwa kalela kusika kuli baabo bakali mu munzi batabisyi. Naakaba mupenzyi mu munzi wa kujulu. I Julu nilyakaba cintu cijisi kucisa. Naakayoowa kuli yooyo mwini wakusalala mujulu, musemu wa kukomana kwa julu,naakaba muntu wacileya kubayimbi a kuswaangana ikubotu kwa mujulu. Tauli mulawo wa Leza kukasya babyaabi kujulu; pesi akaambo ka kutateelela kwabo balalikasya beni. Bulemu bwa Leza nibwakaba mbuli mulilo uumpa. Niba katambula ku jayigwa, Kuti bayube kuzwa ku busyu bwa yooyo waka bafwida ikuti bafutulwe. KLMNP 9.2\\nNkuyumu lwesu tobeni kulizwisya kuzwamu mulindi wacinyonyoono motubede. Myoyo yesu mibyaabi tatukonzyi kwiisandula. “Nguni sena ukonzya kuzwisya cintu cisalala kuzwa kucintu citasalali? Kunyina naba omwe.” “Muzeezo wanyama ulijisi munyono a kulwana Leza: Nkaambo taukonzyi kulitola ansi ku mulawo wa Leza, taukonzyi cini-cini.” Jobu 14:4, Ba Roma 8:7. Busongo, a kuyiisigwa, a kuyanda kwa nguzu zya muntu, zyoonse zilijisi mulimo wazyo, pesi omu zinyina nguzu. Zila konzya kupa kulilemeka kwaatala, pesi tazikonzyi kusandula moyo, tazikonzyi kusalazya tusensa tya buumi. Ku leelede kuti kube nguzu zisebenza mukati, mu buumi bupya buzwa kujulu, muntu natana sanduka kuzwa mu cinyonyoono kuya mu kusetekana. Eezyo nguzu ngu Klistu. Luse lwakwe ndolukonzya kupilusya nguzu ku muntu ufwide ku moza a kusollela kuli Leza, ku bululami. KLMNP 9.3\\nMufutuli wakati, “cita muntu wazyalululwa kuzwa kujulu.” Alimwi a kutambula moyo mupya a kuyanda kupya, ambaakani a kuliteelela, kusololela ku buumi bupya, “taka buboni bulelo bwa Leza.” Johani 3:3. Muzeezo wakuyeeya kuti muntu ulakonzya ikulilulamika mu bubotu buli muli nguwe kwiindila mbuli mbaakalengwa, ngwalufu, muntu buyo takatambuli zintu zya muya zya Leza: Nkaambo ziboneka ikuti nzya bufubafuba kuli nguwe: Takonzyi kuzihiba pe, zihibwa buyo amuntu uula moza, nkaambo zipegwa a moza.” KLMNP 10.1\\n“Mutakankamani kuli ceeci ncindaamba kulindinywe, muleelede muzyalululwe alimwi.” Ba 1 Kolonika 2:14. Kwa Klistu kulilembedwe, “Mulinguwe kwakali buumi, buumi obu wakali mumuni wabantu bantu,” “Izyina lilike kunsi kwa julu lyakapegwa ku bantu ndyotweelede kufutusyigwa.” Johani 1:4. KLMNP 10.2\\nTakuzulide kutambula buyo luyando lwa lweengelelo lwa Leza, a kubona luyando, a lweengelelo lwa ciimo cabuzyali. Takuzulide kuteelela buyo busongo bwa mulawo wakwe, kubona kuti zilijisi mumulawo utamani wa luyando. Paulu wakazibona zyoonse eezi naaka kanana, “Ndazumina ku mulawo kuti mubotu.” Mulawo ulisetekene, Milawo ilisetekene, ililuleme, mibotu.” Pesi akayungizya alimwi mukati kakulila kwa muya wakwe a kubula lusyomo, “Ndiwanyama, ndimuzike wacinyonyoono.” Ba Looma 7:16, 12, 14. Wakali kuyanda Kusalala, a bululami, walo mbwa takali kukonzya kujana lwakwe mwini, wakalila, “Maawe! ndimuuntu uusampukide ncobeni! ino ngum uukonzya kundivuna kumubili oyu walufu? Ba Looma 7:24. Kulila kuli boobu nkokuunka mujulu kuzwa ku myoyo ilemedwe mu manyika oonse mu zyuulu zyuulu zya myaka yakainda yoonse. Kuli kwiingula komwe kubantu boonse. “Kolanga kabelele wa Leza, utola cinyonyoono canyika.” Johani 1:29. KLMNP 10.3\\nNkulailila kunji kunji muya wa Leza nkuwasola kutondeezya kasimpe, aku kacita kuli kaubeube kubantu boonse bakali kuyanda kuti baangululwe kuzwa ku mukuli wakwaangililwa a cinyonyoono. Jakobe mukucenga Isau wakatija kuzwa kumunzi wa usyi, mu zeezo wakuba a mulandu wakali mulemenede. Katontwedwe alike buyo. waka lyandaanya kuzwa kuli zyoonse zyakali kunga zilacita kuli buumi bwakwe buyandike. muzeezo omwe wakainda mizeezo yoonse njaakajisi mukuyeeya. oyo wakaleta kulibilika kumoyo wakwe, wakali wakuyoowa ikuti icinyonyoono caakwe camusukula kuzwa kuli Leza icakuti ijulu lyamutakata. Mukuusa wakoona ansi kulyookezya, munsi lyakwe kwaazingulukide buyo malundu, kujulu kwakali inyenyeezi zyakali kumweka mweka. Naa kacili koona imumuni uukankamanisya wakaboneka muciloto cakwe, wakabona kuzwa anyika mpakalede matantilo malamfu aakali kube asika kumilyango ya kujulu, atala angawo bangele ba Leza bakali kuseluka akutanta, eelyo mukati kajulu lisetekene mu bulemu ijwi lisetekene lyakateelelwa lijisi mulumbe wakukomanisya a lusyomo. Ooku kwakacitwa kuli Jakobe kuti ajane kukomana kwakali kulilila moyo wakwe kwakali kwakuyanda Mufutuli. Muluyando, kukomana a luse wakazubulula inzila kuli Jakobe, kuti walo mubisyi aswaanganizigwe a Leza. Matantilo asetekene agambya a kali ku kozyanisya Jesu, njenzila yomwe yolike yakuswaangana kwa Leza a muntu. Aaya ngamakani Jesu ngaakali kwaamba ciindi nobakali kubandika a Nasaniele, nakaamba kuti “Muya kubona julu lyajaluka bangele ba Leza kabatanta a kuseluka atala a Mwanaa muntu.” Johani 1:51. Mukati mu mulawo muntu wakalyandaanya kuzwa kuli Leza; nyika yakandaanizigwa kuzwa kujulu. Akati ka munyinza ooyu uuli akati kandiswe kwakali kunobula nzila yakuswaangana a Leza. Pele kwiinda muli Klistu. nyika alimwi yaka swaanganizigwa a julu. Abulemu bwakwe Klistu waka swaanganya cisena cakapangwa a cinyonyoono kuti bangele beendeenda baswaangane a muntu. Klistu ulaswaanganya muntu wakawa mu buteteete bwakwe. a kubula nguzu kwiindila mu nguzu zyakwe zisumpukide. KLMNP 10.4\\nPesi ikulota kwa muntu nkwa buyo mu kusoleka kusumpuka, mu buyo mu nguzu zyoonse nzyasoleka, ikuti akale ibuumi bumukomanisya, nkaambo wasiya kasensa ka nguzu a lugwasyo ku mukowa uuwide. “Zipego zyoonse zibotu zilondokede” zizwa kuli Leza. Jakobe 1:17. Kunyina ciimo cakasimpe cisetekene kakwiina nguzu kuzwa kuli nguwe. Nzila iya kwa Leza ilike ngu Klistu. Klistu waamba kuti, “Ndime nzila, ndime kasimpe, ndime buumi. Kunyina muntu uuboola kuli Taata alike, cita wainda muli ndime.” Johani 14:6. KLMNP 11.1\\nMoyo wa Leza ulapengaana ku bana bakwe baansi a luyando lupati lwiinda lufu. Mukupa Mwanaakwe, wakalipa julu lyoonse kuli ndiswe mu cipego comwe. Buumi bwa Mufutuli a lufu a kutwiiminina kuli wishi, a mulimo wa bangele. aku kombelelela kwa moza, ooku nkubeleka kwa taata mu millimo yoonse eeyi a kwiinda muzintu zyoonse eezi, a kukomana kwa zintu zya mujulu zyoonse, zyoonse zililembedwe a kaambo kalufutuko lwa muntu. KLMNP 11.2\\nOo, toonse a tuyeeye muyasilo ukankamanisya wakacitwa akambo kandiswe! A tusoleke ikulumba ku mulimo anguzu julu nzyolipa kufutula bakazimina, kubaleta alimwi ku N’ganda ya Usyi. Mizeezo yanguzu, izibelesyo zya nguzu, zyoonse eezi tazikonzyi ikubelesegwa; ibulumbu ibupati bwakucita cibotu, ikukomana kwakuya kujulu, kwendela akati kambunga yabangeli kuswaangana anguwe a luyando lwakwe Leza a mwana aakwe, ikusumpulwa aku komezegwa kwa nguzu zyesu mu misela yoonse kukabe kutamani-sena eezi zyoonse tazili zishomyo zikankamanisya icakuti tweelede kuti tupe luyando lwa myoyo yesu mu kusebenzela mu nununi alimwi mulengi wesu? KLMNP 12.1\\nAlimwi kulubazu lumwi Leza ulatwaambila ilubeta lwakwe ku cinyonyoono, icisubulo icitakwe wakutuhuna, a kuya ansi kwa ciimo cesu, a kujayigwa kwamamanino, kulatondeezegwa mujwi lyakwe Leza a kutukasya mu milimo ya Satani. KLMNP 12.2\\nSena inga tatulutambuli luse lwa Leza? Sena ncinzi alimwi icimbi ncanga wacita? Atulibike lwesu tobeni mu kuswaangana kweelede muli nguwe wakatuyanda a luyando lukankamanisya. Atube bankutwe muzintu nzyotwapegwa kuti tusandulwe kuba mu mukozyano wakwe tubukulusigwe akuti tubelekele antoomwe akuswaangana a bangele mu bukambausi, tukamantane a kweendelana a Leza Taata amwana. KLMNP 12.3","num_words":1211,"character_repetition_ratio":0.041,"word_repetition_ratio":0.0,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ikkalenda lya Mulengi Print\\nIkkalenda lya Mulengi\\nKoibaluka buzuba bwa Nsabata, kuti ubusetekanye. Mazuba aali cisambomwe weelede kubeleka, akucita milimo yako yoonse: Pele Buzuba bwa Ciloba ni Nsabata... (Kulonga 20:8)\\nKubantu bayanda kutobela milawo ya Bbaibbele mubuzyo ngwakuti,“Mbubuli buzuba butaanzi?” Kufumbwa buzuba mpootalikila kubala bulasikila kubala aciloba pele ino mpali aatalikilwa kubala? Mbuti mbonga wazyiba Buzuba bwa Ciloba bwamasimpe? Mulengi walo wakabamba mvwiki ngweenya nguwaabamba mwezi oomo mwaakaibikka mvwiki eeyo.\\nIkkalenda lyaku Malengelo litalikila a Buzuba bwa Mwezi Mupya, butobelwa a mvwiki zyone zikkwene. Imwi aimwi mvwiki ijisi mazuba aakubeleka aali cisambomwe aBuzuba bwa Nsabata bwa kulyookezya.\\nKumatalikilo, Mulengi wakabamba zuba lyalo mubweende bwalyo antoomwe amwezi kalipima ciindi.\\n“Akube mimuni mumulengalenga wajulu kuti yaandaanye buzuba kuzwa kubusiku; alimwi ayibe zitondezyo, zyambungano [zyabupaizi], ya mazuba, amyaka:...Mimuni yobile [yakabikkwa]... Mumulengalenga wajulu... kuti yeendelezye buzuba abusiku.” (Matalikilo 1:14, 16-18)\\nCiindi cikonzya biyo kupimwa kwiinda mubweende bwazintu. Kweenda kwazuba nkokupima buzuba. Mumazuba aali myaanda yotatwe, izuba anyika zilapiluka mpuzyaatalikila kweenda. Ooyu ngo Mwezi omwe wa Bweende bwa Zuba. Mazuba aali makumi obile afuka aakweenda kwa mwezi ngaapima mwezi, aawo mpaatalikilwa kubala mwezi. Myezi ili kkumi ayibili akwiinda akati omwe ilaa ciindi cilamfu mbuli ca mwaka omwe uutobezya zuba.\\nKuli nzila zyakubala myezi zyotatwe zitobezya zuba amwezi:\\nKutobezya Zuba: kupima ciindi kutobezya bweende bwazuba anyika.\\nKkalenda litobezya zuba libelesya zuba lyalikke mukupima bulamfu bwamwaka. Myezi yiimpene bulamfu tiiyendelani azilengwe. Akkalenda lina Gregory litobezya Zuba, mvwiki zilatobelana cakutasotoka. Nobuba buzuba buyungizigwa ,mumyaka yone, tabunyonganyi kutobelana kwa mvwiki zyakkalenda eeli.\\nKutobezya Mwezi: Kupima ciindi kutobezya kuzinguluka kwa mwezi.\\nMakkalenda atobezya Mwezi ajatilide akuzinguluka kwa mwezi. Myezi, iitalikila eeliya mwezi mupya walibonya mbuli kapapa, ilatobelana cakutasotoka akutabikkila maanu ku Mwaka utobezya zuba. Nkaambo kakuti myezi ili kkumi ayibili ilalezya kweelana a Mwaka uutobezya zuba kwamazuba aali kkumi abumwi, Myezi itobezya mwezi ilaselelaselela muzibeela zyamwaka.\\nKutobezya Mwezi aZuba: Myezi iitobezya mwezi ilijatene aMwaka uutobezya Zuba.\\nIzuba amwezi kazibelekela antoomwe nzyezipima kkalenda litobezya Mwezi aZuba. Myezi ilabambululwa kuti yeelane a Mwaka wa Zuba kwiinda mukuyungizya mwezi wakkumi ayitatu ziindi zili ciloba mumyaka ili kkumi afuka. Mulongo wamvwiki ulainduluka kutalika a Mwezi Mupya uli oonse. Mwezi umwi aumwi ujisi mvwiki zikkwene zyone.\\nKklalenda lyakabikkwa ku Malengelo ndikkalenda litobezya Mwezi aZuba. Ndekkalenda liinda kulondoka mukubamba akupima ciindi atalaa nzila zyoonse zyakubamba ciindi.\\nMu Mangwalo, mwezi uli oonse utalikila abuzuba bwakusekelela akukomba: Buzuba bwa Mwezi Mupya. Nkaambo kakuti oobo buzuba, mbuzuba bwakukomba, tabweelede kubalilwa akataa mazuba aakubeleka aali cisambomwe mumvwiki yamwezi yakutaanguna. Buzuba bwa Mwezi Mupya bulasika mafumofumo mataanzi kutobela mwezi azuba kaziimpene kale. Mazuba aali cisambomwe asolweda Buzuba bwa Ciloba bwa Nsabata, muli bwalusele mumwezi ooyo. Mvwiki zyotatwe zilatobela akumanina muli bwa makumi obile afuka. Kwiinda mukupima akubala mazuba aasikila kuli bwa makumi obile afuka, ciindi liimpana zuba amwezi inga cazyibigwa kutegwa muntu akonzye kuzyiba kuti ooyo mwezi ulaa mazuba aali makumi obile afuka naa makumi otatwe. Taakwe mwezi ulaa mazuba aainda amakumi otatwe.\\nIkkalenda lyamwezi azuba lyamasimpe ndiubauba kubelesya kapati cakuti nabani inga wakonzya kulibelesya.\\nMazuba aamvwiki lyoonse awida mumazuba ngeenya aamwezi. Lyoonse nokwaambwa Buzuba bwa Nsabata muli bwa Ciloba mu Mangwalo, Busikila muli bwa Lusele, bwa kkumi awosanwe, bwa makumi obile awobile, amuli bwa makumi obile afuka bwa mwezi.\\nMangwalo aamba kuti mwezi wakalengelwa cigaminina kupimya ziindi zyakukomba .\\n“Wakabikka [wakalenga] mwezi kuti utondezye ziindi zyakukomba.” Intembauzyo 104:19\\nMvwiki ya Malengelo yakamanina mukulyookezya mu Buzuba bwa Nsabata . Mu Kulonga 31 twaambilwa kuti Nsabata yeelede kubambwa mumisela yoonse.\\n“Ncobeni Nsabata Zyangu mweelede kuzibamba: nkaambo ncitondezyo akataa Ndime andinywe mumisela yenu yoonse; kutegwa muzyibe kuti Ndime … [Mulengi] uumusetekanya.” Kulonga 31:13\\nBuzuba bwa Nsabata Mulengi waabubambila kuti bube citondezyo cakusyomeka akataa Nguwe abantu Bakwe. Sinkondo, Lusifa, wakacinca kkalenda lya mfulumende a akubba bukombi bweelela Mulengi. Kwiinda muzilengwa zyabantu amanjezyeezya, Lusifa wakabunganya nyika antoomwe mukubelesya kkalenda litobela zuba lilikke lilaa mvwiki zitobelana cakutasotoka. Buzuba nakomba muntu nceciyubununa kuti nguni ngwakomba. Boonse babelesya kkalenda litobela zuba lilikke biyo mukupima mazuba aakukomba tabakubwene kuti bapa kukomba akusyomezya kwabo kuli Silweeno mupati.\\nAabo bayanda kutondezya kusyomeka kwabo ku Mulengi, bakomba Nguwe mubuzuba Mbwaakabikka. Kuti kujanwe buzuba bwini bwakukomba, Kkalenda litobela Mwezi- azuba antoomwe lyaabikkwa ku Malengeleo lyeelede kubelesyegwa.\\nMangwalo ayubununa kuti kkalenda liyoobelesyegwa mubukombi lyoonse akutamani linoyeeme a Mwezi Mupya:\\n“Alimwi ciyoocitika kuti, kuzwa ku Mwezi Mupya akusikila kuli umwi, kuzwa ku Nsabata yomwe kusikila kuli imwi, nyama zyoonse ziyooboola kuzyookomba kunembo Lyangu...” Izaya 66:23\\nIno nguni ngokomba? Nguni ngopeda kulemekezya kwako? Ikkalenda ndyobelesya kupima ciindi cakukomba ndeliyubununa leza ngokomba.","num_words":694,"character_repetition_ratio":0.066,"word_repetition_ratio":0.0,"special_characters_ratio":0.158,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Tobelezya Jesu Kuti Ukkale Kuli Aaluumuno | Ngaziyakulinda Yakwiiya\\nBALA MU Abua Acholi Afrikaans Aja Akha Albanian Altai Alur American Sign Language Amharic Amis Angolan Sign Language Arabic Argentinean Sign Language Armenian Aukan Australian Sign Language Aymara Azerbaijani Azerbaijani (Cyrillic) Baoule Bashkir Bassa (Cameroon) Batak (Karo) Batak (Simalungun) Batak (Toba) Belize Kriol Bengali Biak Bicol Bislama Bolivian Sign Language Boulou Brazilian Sign Language British Sign Language Bulgarian Cakchiquel Cambodian Catalan Cebuano Changana (Mozambique) Chavacano Chichewa Chilean Sign Language Chin (Hakha) Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuukese Chuvash Cibemba Cinyanja Colombian Sign Language Costa Rican Sign Language Croatian Croatian Sign Language Cuban Sign Language Czech Czech Sign Language Dakota Dangme Danish Dayak Ngaju Digor Douala Drehu Dutch Ecuadorian Sign Language Edo Efik English Esan Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Gitonga Greek Greek Sign Language Greenlandic Guadeloupean Creole Guarani Guatemalan Sign Language Gujarati Gun Haitian Creole Hausa Hebrew Herero Hiligaynon Hindi Hiri Motu Hmong (White) Honduras Sign Language Hungarian Hungarian Sign Language Iban Ibanag Ibinda Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Javanese Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Kekchi Kenyan Sign Language Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisonge Kongo Korean Korean Sign Language Krio Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Lahu Laotian Latvian Lenje Lhukonzo Lingala Lithuanian Lomwe Low German Luganda Lunda Luo Luvale Macedonian Macua Makhuwa-Meetto Malagasy Malawi Sign Language Malay Malayalam Maltese Mam Mambwe-Lungu Mapudungun Marathi Marshallese Mauritian Creole Maya Mazatec (Huautla) Mbunda Mexican Sign Language Mingrelian Mixe Mixtec (Guerrero) Mizo Mongolian Moore Motu Mozambican Sign Language Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndau Ndebele Ndebele (Zimbabwe) Ndonga Nepali Ngabere Ngangela Nias Nicaraguan Sign Language Niuean Norwegian Nyaneka Nyungwe Nzema Okpe Oromo Ossetian Otetela Palauan Panamanian Sign Language Pangasinan Papiamento (Curaçao) Paraguayan Sign Language Persian Peruvian Sign Language Pidgin (West Africa) Polish Polish Sign Language Ponapean Poqomchi' Portuguese (Portugal) Portuguese Sign Language Punjabi Quebec Sign Language Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Rarotongan Romanian Romanian Sign Language Romany (Macedonia) Romany (Macedonia) Cyrillic Romany (Serbia) Romany (Southern Greece) Ronga Runyankore Russian Russian Sign Language Rutoro Salvadoran Sign Language Samoan Sangir Sango Saramaccan Sena Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Sunda Swahili Swahili (Congo) Swati Swedish Tagalog Tahitian Taiwanese Sign Language Tajiki Tamil Tarascan Tatar Telugu Tetun Dili Thai Thai Sign Language Tigrinya Tiv Tlapanec Tojolabal Tok Pisin Tongan Totonac Tshiluba Tshwa Tsonga Turkish Turkmen Tuvaluan Twi Tzeltal Tzotzil Uighur (Arabic) Uighur (Cyrillic) Ukrainian Umbundu Urdu Urhobo Uruund Uzbek Uzbek (Roman) Venda Venezuelan Sign Language Vietnamese Wallisian Waray-Waray Wayuunaiki Welsh Wolaita Xhosa Yapese Yoruba Zambian Sign Language Zande Zapotec (Isthmus) Zimbabwe Sign Language Zulu\\n1-2. Nkamboonzi Jesu naakakataazikene?\\nMUBUZUBA bwakwe bwamamanino kali aanyika, Jesu wakalikataazikene. Wakali kuyoojayigwa abantu bachita zibi. Pesi Jesu taakali kukataazikana akaambo kakuti chiindi chakuti ajayigwe chakali chaba aafwiifwi. Wakali kumuyanda Wisi alubo wakali kuyanda kumubotezya. Jesu wakalizi kuti kukkala kasyomeka nikuba kubuyumu-yumu mbwaakali kuyooswaana, kwakali kuyoopa kuti agwasilizye mukusalazigwa kwazina lyaJehova. Jesu wakali kubayanda bantu alubo wakalizi kuti bantu bakali kuyooba abulangilizi bwakupona kukabe kutamani kuti wayinkilila kunembo kasyomeka kuli Jehova kusikila kulufu.\\n2 Nikuba kuti Jesu wakalikataazikene pesi wakali aaluumuno. Wakabuzya baapostolo bakwe kuti: “Ndamupa luumuno lwangu.” (Joh. 14:27) Jesu wakali ‘aaluumuno lwaLeza,’ chaamba kulyiiba nkwabaako muntu akaambo kakuba abweenzinyina buli aafwiifwi aJehova. Luumuno Jesu ndwaakalaalo, lwakapa kuti atakataazikani zyiindilide.—Flp. 4:6, 7.\\n3. Tulalanga-langaanzi muchiiyo eechi?\\n3 Nisimpe kuti tatukaswaani mapenzi aali mbuuli aaJesu pesi batobeli bakwe boonse bayooswaana buyumu-yumu. (Mt. 16:24, 25; Joh. 15:20) Alubo zimwi ziindi tunookataazikana mbuuli Jesu. Kujana twachita biyeni kuti kukataazikana kutatukachizyi kuba aaluumuno mumizeezo? Atulange-lange zintu zitatu Jesu nzyaakachita kali aanyika, ambutukonzya kumutobelezya nituswaana buyumu-yumu.\\nJESU WAKALI KUKOMBA KWAZIINDI ZYIINGI\\nTulakonzya kukkala katuli aaluumuno kwiinda mukukomba (Langa fuka 4-7)\\n4. Nziizili zikozyano zitondeezya kuti Jesu wakakomba twiingi mubuzuba katanafwa alubo ngaali malayilile maKristu ngibakazoolembelwa muli 1 Batesalonika 5:17?\\n4 Bala 1 Batesalonika 5:17. Mubuzuba bwamamanino kali aanyika, Jesu wakakomba kwaziindi zyiingi. Naakatondeezya basikwiiya bakwe mbubeelede kumuyeeya, Jesu wakakombela chinkwa awayini. (1 Kor. 11:23-25) Katanazwa aabusena mbubakali kuchitila Pasika, Jesu wakakomba kali abasikwiiya bakwe. (Joh. 17:1-26) Chiindi naakasika kuChilundu chama-Olifa abasikwiiya bakwe mansiku, wakakomba kwaziindi zyiingi. (Mt. 26:36-39, 42, 44) Alubo majwi akumaninsizya Jesu ngakaamba katanafwa, yakali nkombyo. (Lk. 23:46) Jesu wakakomba kuli Jehova muzintu zyoonse zyakachitika mubuzuba bwamamanino kali aanyika.\\n5. Nkamboonzi baapostolo nibakayoowa?\\n5 Kamwi kaambo kakagwasya Jesu kuti alisimye naakali mubuyumu-yumu nkakuti, wakali kusyoma Wisi nkaambo wakakomba kwaziindi zyiingi. Pesi baapostolo bakakachilwa kukakatila munkombyo mubusiku oobo. Eezi zyakapa kuti bayoowe nibakasunkwa. (Mt. 26:40, 41, 43, 45, 56) Andiswe twazooswaana buyumu-yumu, tuzookonzya kukkala katusyomeka kuti twatobelezya chikozyano chaJesu ‘akukomba chakutaleka.’ Niinzi nzitukonzya kukombela?\\n6. Lusyomo lutugwasya biyeni kuti tukkale katuli aaluumuno?\\n6 Tulakonzya kukomba kuli Jehova katukumbila kuti ‘atuyungizizye lusyomo.’ (Lk. 17:5; Joh. 14:1) Tweelede kuba alusyomo nkaambo Saatani uyoobasunka batobeli baJesu boonse. (Lk. 22:31) Lusyomo luyootugwasya biyeni kuti tube aaluumuno nikuba kuti chimwi chiindi tuswaana mapenzi miingi? Kuti twachita zyoonse nzitukonzya kuti tulwane aasunko, lusyomo luyoopa kuti tusiye zintu mumaboko aaJehova. Kusyoma kuti ulizizi nzyayelede kuchita, kupa kuti tube aaluumuno mumizeezo amumoyo.—1 Pet. 5:6, 7.\\n7. Wayiyaanzi kumakani aakaambwa aaRobert?\\n7 Kukomba kutugwasya kuti tukkale katuli aaluumuno mumizeezo nikuba nituswaana masunko mapati. Atulange-lange zyakachitika kuli Robert, mwaalu uusyomeka waba aaminyaka yakuma80. Wakati: “Malayilile aali muli Bafilipi 4:6, 7, andigwasya kuti ndilwane buyumu-yumu mbundiswaana mubuumi. Ndakali apenzi lyamali. Aali chimwi chiindi ndakasweekelwa chilongezyo chakuba mwaalu.” Niinzi chakagwasya Robert kuti akkale kali aaluumuno lwamumoyo? Wakati: “Kuti ndasaanguna kukataazikana ngandakomba. Nindikomba kwaziindi zyiingi, ndilimvwa kandili aaluumuno.”\\nJESU WAKALI KUKAMBAWUKA CHABUSUNGU\\nTulakonzya kukkala katuli aaluumuno kwiinda mukukambawuka (Langa fuka 8-10)\\n8. Nkaakali kamwi kaambo kalembedwe muli Johane 8:29, kakapa kuti Jesu abe aaluumuno?\\n8 Bala Johane 8:29. Jesu wakali aaluumuno mumizeezo nikuba naakali kusunkwa nkaambo wakalizi kuti uchita zintu zibotezya Wisi. Wakali kuswiilila chiindi choonse, nikuba nikwakali kuyumu kuchita oobo. Wakali kumuyanda Wisi alubo kukomba Jehova chakali chintu chiyandikana loko mubuumi bwakwe. Katanaza aanyika, Jesu wakali ‘mubelesi uuli aluzibo.’ (Tus. 8:30) Alubo naakali aanyika, wakali musungu kubuzya bamwi atala aWisi. (Mt. 6:9; Joh. 5:17) Mulimu ooyu wakapa kuti Jesu abotelwe loko.—Joh. 4:34-36.\\n9. Nkamboonzi nitukonzya kukkala katuli aaluumuno mumizeezo kuti katujisikini mumulimu wakukambawuka?\\n9 Tulakonzya kutobelezya Jesu kwiinda mukuswiilila Jehova ‘akuba azintu zyiingi zyakuchita mumulimu waMwaami chiindi choonse.’ (1 Kor. 15:58) ‘Kubelesya chiindi chesu choonse’ mumulimu wakukambawuka, kupa kuti tube aamaboneno aalikabotu atala amapenzi ngituswaana. (Mil. 18:5) Muchikozyano, bantu mbitukambawukila, baswaana mapenzi aayinda eesu. Nikuba boobo, kuti bayiya kuyanda Jehova akubelesya malayilile aakwe, balachincha maponeno aabo akubotelwa. Eezi zitugwasya kubona kuti Jehova uuli aandaba andiswe. Lusyomo luli boobo, lupa kuti tukkale katuli aaluumuno mumizeezo. Muchizi uuchiswa bulwazi bwadepression alubo kalimvwa katagwasyi, wakabona kuti makani aaya ngachoonzyo. Wakati: “Kukkala kandili mumulimu wakukambawuka, kundigwasya kuti ndikonzye kulwana aamizeezo yangu akuti ndibotelwe. Ndibonaanga ndilimvwa oobo nkaambo nindili mumulimu wakukambawuka, ndilimvwa kandili aafwiifwi aJehova.”\\n10. Wayiyaanzi kumakani akaambwa aaBrenda?\\n10 Atulange-lange chikozyano chamuchizi uutegwa Brenda. Muchizi ooyu amwanaakwe musimbi, bali abulwazi bukataazya. Muchizi Brenda weenda awheelchair alubo uli amanguzu mache. Nga wakambawuka kung’anda ang’anda kuti kazikonzeka pesi chiindi chiingi, ukambawuka kwiinda mukulembela bantu magwalo. Wakati: “Nindakabona kuti bulwazi bwangu tabusilikiki pe munyika eeyi, ndakasaanguna kubikkila maanu mumulimu wakukambawuka. Kwaamba choonzyo, kukambawuka kupa kuti nditayeeyi atala amapenzi aangu. Kundigwasya kuti ndibikkile maanu kukugwasya bantu mbitukambawukila muchilawu chesu. Alubo kundiyeezya atala abulangilizi mbundili aabo atala alyajuunza.”\\nJESU WAKALI KUZUMINA KUGWASIGWA ABEENZINYINA\\nTulakonzya kukkala katuli aaluumuno kwiinda mukuba aabeenzuma bali kabotu (Langa fuka 11-15)\\n11-13. (a) Baapostolo abamwi bantu bakatondeezya biyeni kuti bakali beenzinyina baJesu bachoonzyo? (b) Beenzinyina baJesu bakapa kuti alimvwe biyeni?\\n11 Muchiindi choonse Jesu nchaakakambawuka, baapostolo bakwe basyomeka bakali beenzinyina bachoonzyo. Bakali mbuuli mweenzinyina waambwa mukasimpi kati, ‘kuli mweenzinyina uukakatila kwiinda mwanookwanu.’ (Tus. 18:24) Jesu wakali kubayanda beenzinyina aabo. Naakali kukambawuka aanyika, taakwe naba umwi wabanike bakwe, wakamusyoma. (Joh. 7:3-5) Aali chimwi chiindi, zibbululu zyakwe zyakayeeya kuti wapenga. (Mk. 3:21) Baapostolo baJesu bakali siyene ambabo nkaambo mubusiku katanafwa, Jesu wakaamba makani aatobela atala ambabo: “Nywebo ndinywe mwakakatila kulindime mumapenzi aangu.”—Lk. 22:28.\\n12 Chimwi chiindi, baapostolo bakali kuchita zintu zyakali kunyemya Jesu pesi taakali kulangisisya zibi nzibakali kuchita alubo wakabona kuti bakali kumusyoma. (Mt. 26:40; Mk. 10:13, 14; Joh. 6:66-69) Mubusiku bwamamanino Jesu kali abaalumi aaba basyomeka, wakababuzya kuti: ‘Ndimwaamba kuti muli beenzuma, nkaambo ndamuzibya zintu zyoonse nzindakamvwa kuli Taata.’ (Joh. 15:15) Nisimpe kuti beenzinyina bakali kumusungwaazya. Kumugwasya nkubakali kuchita mumulimu wakukambawuka kwakapa kuti Jesu abotelwe.—Lk. 10:17, 21.\\n13 Kuyungizya kubaapostolo, Jesu wakali abamwi beenzinyina bachaalumi abachanakazi, bakali kumugwasya mumulimu wakukambawuka amuli zimwi nzila. Bamwi bakali kumutamba kumaanda aabo kuti bazoolyaamwi. (Lk. 10:38-42; Joh. 12:1, 2) Bamwi bakali kweendaawe akumugwasya kababelesya zintu zyabo. (Lk. 8:3) Jesu wakali abeenzinyina bali kabotu nkaambo wakali mweenzinyina uuli kabotu. Wakali kubachitila zintu zibotu alubo taakali kulangilila zyiingi kwiinda nzibakonzya. Jesu wakalimaninide pesi wakali kulutambula lugwasyo lwabeenzinyina bakali aachibi. Tulakonzya kuba aachoonzyo chakuti bakali kumugwasya kuti abe aaluumuno mumizeezo.\\n14-15. Kujana twachita biyeni kuti tujane beenzuma bali kabotu alubo kujana batugwasya biyeni?\\n14 Beenzuma bali kabotu batugwasya kuti tukkale katusyomeka kuli Jehova. Kuti tube aabeenzuma bali kabotu, tweelede kuba beenzinyina bali kabotu. (Mt. 7:12) Muchikozyano, Bbayibbele litusungwaazya kuti tulipede kugwasya bamwi, kapati ‘babulide.’ (Ef. 4:28) Kuli ngukonzya kugwasya na mumbungano yanu? Kuli sikupupulula uutakonzyi kweenda na akaambo kakuchembaala naakuti kuchiswa, ngukonzya kugwasya? Kuli mpuli iilikukataazikana apenzi lyamali na njukonzya kupa chakulya? Kuti kukonzya kubelesya webbusayiti iitegwa jw.org® a JW Library® app, kujana wabagwasya na bamwi mumbungano? Kugwasya bamwi, kupa kuti tubotelwe.—Mil. 20:35.\\n15 Beenzuma bayootugwasya chiindi nituswaana mapenzi akutugwasya kuti tube aaluumuno mumizeezo. Mbuuli Elihu mbaakaswiilila chiindi Jobu naakali kwaamba mapenzi aakwe, abeenzuma balatuswiilila amoyo woonse chiindi nitubabuzya zitukataazya. (Job. 32:4) Tatweelede kulangilila kuti batusalile zyakuchita pesi tweelede kuswiilila chiindi nibatubuzya malayilile aazwa muBbayibbele. (Tus. 15:22) Mbuuli Mwaami Davida mbaakalibombya akuzumina kugwasigwa abeenzinyina, andiswe tweelede kulibombya akuzumina kugwasigwa abeenzuma chiindi nituyanda lugwasyo. (2 Sam. 17:27-29) Nisimpe, beenzuma bali boobo, nzipo zizwa kuli Jehova.—Jak. 1:17.\\nMBUTUKONZYA KUKKALA KATULI AALUUMUNO\\n16. Kweendelana amajwi aali muli Bafilipi 4:6, 7, njiili nzila ayilikke iipa kuti tujane luumuno? Pandulula.\\n16 Bala Bafilipi 4:6, 7. Nkamboonzi Jehova natubuzya kuti tujana luumuno “kwiinda muli Kristo Jesu”? Nkaambo tujana luumuno lutamani mumizeezo ambutulimvwa kuti twamvwisisisya mulimu waJesu mumakanze aaLeza akuba alusyomo mulinguwe. Muchikozyano, zibi zyesu zyoonse zilakonzya kulekelelwa kwiinda muchinunuzyo chaJesu. (1 Joh. 2:12) Kuyeeya makani aaya kulawumbulizya kaka! Mbukunga Jesu Mwaami waBwaami bwaLeza, uyoogwisya mapenzi woonse ayeetwa aaSaatani abweende bwanyika eeyi. (Is. 65:17; 1 Joh. 3:8; Ciy. 21:3, 4) Eezi zipa kuti tube abulangilizi! Alubo nikuba kuti Jesu utupede mulimu muyumu pesi unooli andiswe, katugwasya mumazubaano aakumamanino. (Mt. 28:19, 20) Eezi zipa kuti tube achibindi! Luumbulizyo, bulangilizi aachibindi, nzintu ziyandikana kuti tube aaluumuno.\\n17. (a) Kujana muKristu wachita biyeni kuti abe aaluumuno mumizeezo? (b) Mbuuli mbukusyomezedwe muli Johane 16:33, tuyookonzya kuchitaanzi?\\n17 Kujana wachita biyeni kuti ube aaluumuno mumizeezo kuti waswaana masunko aasiyene-siyene mubuumi? Ulakonzya kuchita oobo kwiinda mukuchita zintu Jesu nzyaakachita. Chakusaanguna, komba chakutaleka. Chabili, swiilila Jehova alubo ukambawuke chabusungu nikuba kakuli kuyumu kuchita oobo. Alubo chachitatu, zumina kuti beenzinyokwe bakugwasye chiindi nuli mumapenzi. Kuti wachita oobo, luumuno lwaLeza luyookwabilila moyo wako amizeezo. Alubo mbuuli Jesu uyoozunda buyumu-yumu boonse mbuswaana.—Bala Johane 16:33.\\nZINTU ZITOBELA ZITUGWASYA BIYENI KUTI TUBE AALUUMUNO MUMIZEEZO?\\n^ par 5 Toonse tuswaana buyumu-yumu bupa kuti kutuyumine kuba aaluumuno. Muchiiyo eechi, tulalanga-langa zintu zitatu Jesu nzyaakachita, andiswe nzitukonzya kuchita kuti tukkale katuli aaluumuno nikuba nituswaana buyumu-yumu bupati.","num_words":1826,"character_repetition_ratio":0.076,"word_repetition_ratio":0.0,"special_characters_ratio":0.179,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bakamboni BaJehova Bayijana Kuli Mali Yakweendelezya Mulimu Wabo Munyika Yoonse?\\nMunyaka amunyaka imbunga yesu ilalemba akutumizya mamiliyoni amaBbaibbele aamwi mabbuku kiitabbadalisyi pe.Tulayaka akuyakulula Maanda aaBwaami amawofesi amitabi. Alubo tulangania zyuulu izya mpuli yaBbeteli amamishinali, akupa lugwasyo kumasena aacitikilwa ntenda. Ciimwi ciindi ulakonzya kugamba kuti ‘Imali eeyi izwa kuli?’\\nTatutoli cakkumi pe, takwe babbadalisigwa, nikuba kweendelezya ndido. Nikuba kuti mali iyandika kugwasilizya mulimu wesu wabukambawusi ninyingi loko, tatukumbili lugwasyo lwamali pe. Mumwanda waminyaka wakiinda, imagazini yaNgaziyakulinda yacibili yakaamba kuti tusyoma Jehova kuti ulatugwasya alimwi akuti “taakwe nituyookumbila mali naa lugwasyo lwabantu” alimwi taakwe nituyoocita oobo pe!​—Matayo 10:8.\\nMulimu wesu ugwasilizigwa azipo zyakuliyandila. Bantu biingi balawuyandisya mulimu wesu wakuyisya Bbaibbele, mpawo balasanga zipo zyakuliyandila mumulimu ooyu. Bakamboni abalabo cakubotelwa, balasanga ciindi cabo, nguzu zyabo, mali zyabo, alimwi azimwi zintu mukucita kuyanda kwaLeza munyika yoonse. (1 Makani 29:9) MuN’anda yaBwaami alimwi akumiswaangano yalubazu ayabbooma, kuli tubbokesi twakupa zipo kufumbwa aabo bayanda kupa balakonzya kucita oobo. Alubo, bantu balakonzya kusanga kababelesya webbusayiti yesu iitegwa jw.org. Mbuli muka mufu mucete Jesu ngwakaamba kuti wakacita kabotu, wakabikka mapeni aabili muciyobweedo camali mutempele. Aswebo ciindi ciingi mali iijanwa, izwa kuli aabo batakwe lubono pe. (Luka 21:1-4) Umwi awumwi ciindi coonse ulakonzya ‘kuliyobweda cimwi cintu aambali’ kuti ape “mbuli mbwayanda mumoyo wakwe.”​—1 baKorinto 16:2; 2 baKorinto 9:7.\\nTulakasimpe kakuti Jehova uleendelela kunembo kakwela myoyo yababo ibayanda ‘kumulemeka alubono lwabo’ mukugwasilizya mulimu waBwaami, ikuti kuyanda kwakwe kuzuzikizigwe.​—Tusimpi 3:9.\\nNiinzi cipa kuti imbunga yesu isiyane azimwi zikombelo?\\nZipo zyakuliyandila zibelesegwa biyeni?\\nKkopa mamagazini aategwa INgayamulindizi aSinsimuka!","num_words":234,"character_repetition_ratio":0.051,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbuti Kuti Bazyali Bangu Baciswa? | Bakubusi Balabuzya\\nAMUBALE MU Afrikaans Albanian American Sign Language Amharic Arabic Armenian Azerbaijani Azerbaijani (Cyrillic) Bulgarian Cebuano Chichewa Chinese (Traditional) Chinese Mandarin (Simplified) Chitonga Cibemba Croatian Czech Danish Dutch English Estonian Ewe Fijian Finnish Fon French Georgian German Greek Haitian Creole Hausa Hebrew Hiligaynon Hindi Hungarian Icelandic Igbo Iloko Indonesian Italian Japanese Kazakh Kikamba Kinyarwanda Kirghiz Kirundi Korean Lingala Lithuanian Macedonian Malagasy Malay Malayalam Maltese Myanmar Nepali Norwegian Nzema Pangasinan Persian Polish Portuguese Portuguese (Portugal) Romanian Russian Sepedi Serbian (Cyrillic) Serbian (Roman) Shona Sinhala Slovak Slovenian Spanish Swahili Swedish Tagalog Tatar Telugu Thai Tigrinya Tiv Turkish Turkmen Ukrainian Vietnamese Xhosa Yoruba Zulu\\nBakubusi banji tabalibiliki kujatikizya kulanganya bazyali babo. Kayi, inga kucili myaka kuti bazyali babo basike mpobatalika kuciswa-ciswa.\\nPele ino mbuti kuti bauso naa banyoko baciswa kamutanakomena? Amulange-lange bakubusi bobilo ibakajisi buyumuyumu.\\nCakuluula ca Emmaline\\nCakuluula ca Emily\\nBamaama baciswa bulwazi bwa Ehlers-Danlos syndrome (EDS), mbuwazi ibutola ciindi cilamfwu alimwi ibucisa bwalo ibulwana manungo, lukanda alimwi ansinga zyabulowa.\\nBulwazi oobu tabusilikiki, alimwi buumi bwabamaama bwaindila kunyongana mumyaka iili 10 yainda. Mubwini, ziindi zimwi kudunta kwamoyo kwali kuunka ansi kapati cakuti buumi bwabo bwakali kuba muntenda alimwi zimwi ziindi bakali kumvwa kucisa kapati cakuti tiibakacili kuyanda kuzumanana kupona.\\nMebo amukwasyi wangu tuli Bakamboni ba Jehova, alimwi mbungano yesu ilatuumbulizya toonse! Mucikozyanyo, caino-ino musimbi umwi wamusela wangu wakatuma kkaadi kumukwasyi wesu kutwaambila mbwatuyanda alimwi akutusyomezya kuti tulakonzya kulangila lugwasyo lwakwe. Ncibotu kapati kuba amulongwe mbuli yooyu!\\nBbaibbele lyandigwasya kapati. Mucikozyanyo, lugwalo lumwi ndondiyandisya ndugwalo lwa Intembauzyo 34:18 ilwaamba kuti: “Jehova ulaafwaafwi abaabo batyompedwe mumoyo.” Alumbi, ndugwalo lwa Bahebrayo 13:⁠6, ilwaamba kuti: “Jehova ngomugwasyi wangu; tandikooyoowa pe.”\\nLugwalo oolu lwamamanino lulandigwasya kapati. Ncondilibilika kapati ncakuti bamaama bayakufwa. Ndilabayanda kapati, alimwi ndilalumba kapati akaambo kakuba ambabo buzuba bumwi abumwi. Kapango aako kamu Bbaibbele kandigwasya kuzyiba kuti ndilakonzya kuyuma akaambo kazintu ziboola kumbele, kunyina makani naa zintu nzi.\\nPele alimwi kuli cimbi ncondilibilika. Mbocibede, bulwazi bwa EDS mbwamubulowa. Bamaama bakabujana kuli bakaapa, pele mebo ndakabujana kuli bamaama. Mbombubo​—Andime ndilibujisi bulwazi bwa EDS. Pele lugwalo lwa Bahebrayo 13:6 lundisyomezya kuti Jehova unooli “mugwasyi wangu” mulubazu oolu alwalo.\\nCalino, ndilalumba nzyondijisi lino alimwi akutabikkila maano zyamusyule​—naa kulibilika kujatikizya zyakumbele. Ndilakonzya kutyompwa kapati ikuti ndatalika kweezyanisya nzyobatakonzyi kucita bamaama azyeezyo nzyobakali kukonzya kucita kaindi. Bbaibbele lyaamba kuti masunko ngotujana “ngakaindi buyo kaniini alimwi mauba-uba” tweezyanisya abulangizi bwabuumi butamani nokunoonyina kuciswa.​—2 Bakorinto 4:​17; Ciyubunuzyo 21:​1-4.\\nNcomweelede kuyeeya: Ncinzi cimugwasya Emmaline kuzilanga kabotu zintu? Mbuti mbomukonzya kuzumanana kuzilanga kabotu zintu ciindi nomujisi mapenzi?\\nCiindi nindakacili kucikolo, bataata bakaciswa bulwazi bwakutyompwa. Cakali mbuli kuti bataata bakaunka kumbi ple ndikkala amuntu uumbi buyo. Kuzwa leelyo, bataata baluuside, balayoowa, alimwi akulibilika. Bali mubukkale oobu kwamyaka iili 15 lino. Akaka cilacisa kapati kuusa, nokuba kuti balizyi kuti kunyina kaambo kaya koomoonga kabapa kulimvwa boobo!\\nTuli Bakamboni ba Jehova, alimwi bantu mbotuswaangana limwi mumbungano batugwasya kapati. Bakombima balatweetelela alimwi balatumvwisya, alimwi kunyina uupa bataata kulimvwa kuti tabajisi mulimo mumbungano. Kubona bataata mbobaliyumya musunko eeli cindipa kubayanda kapati kwiinda lyoonse.\\nNdilabayeeya bataata bakaindi, balo ibatakali kulibilika, batakali kupenga, pele bakakkomene. Ndilimvwa bubi kuti buzuba abuzuba balalwana mumizeezo asinkondo ngobataboni.\\nNokuba boobo, bataata balasolekesya kuzibona kabotu zintu. Aciindi cimwi nobakatyompedwe kapati, bataata bakali kusoleka canguzu kulibala Bbaibbele abuzuba, nokuba kuti twakali tupango buyo tusyoonto. Eeci cakabayumya kapati. Pulogilamu eeyi nsyoonto njobakajisi yakabafwutula. Aciindi eeci cakali kuusisya kapati, ndakabayanda kapati bataata.\\nNdilaluyanda lugwalo lwa Nehemiya 8:​10, ilwaamba kuti: “Lukkomano lwa Jehova ndolumuyumya.” Aaya masimpe. Ciindi nondili kumiswaangano, akutola lubazu cabusungu, ndilakkomana kapati muciindi cakuusa. Ilukkomano oolu lupa kuti buzuba boonse kandilimvwa kabotu. Cikozyanyo cabataata candiyiisya kuti kufwumbwa buyo mapenzi ngondikonzya kujana, Jehova unoondigwasya lyoonse.\\nNcomweelede kuyeeya: Ino Emily wakabagwasya buti bausyi ciindi nobakali kuciswa? Ino inga mwamugwasya buti muntu uujisi bulwazi bwakutyompwa?\\nCiindi Muzyali Naaciswa\\nNcomweelede Kuzyiba Kujatikizya Malwazi Aakunyongana Mumizeezo\\nNzila zili fwuka zilakonzya kumugwasya kulwana bulwazi bwakunyongana mumizeezo.\\nBbaibbele lyaamba kuti Leza takuyandi kutalulama alimwi ulababikkila maano bantu. Ino eeci inga camugwasya buti?\\nNcinzi Bbaibbele Ncolyaamba Kujatikizya Kutyompwa?","num_words":618,"character_repetition_ratio":0.045,"word_repetition_ratio":0.0,"special_characters_ratio":0.15,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 27 IBBAIB63 - Lino Izaka naakacemaala, - Bible Search\\nMatalikilo 26 Matalikilo 28\\nRebeka a-Jakobo mbubakabbida Esau kulongezegwa kwakwe\\n1-Lino Izaka naakacemaala, alimwi meso aakwe akaba agubi, wakaita Esau mwanaakwe mupati, wati, Mwanaangu, Wakavuwa kuti, Mpondi. 2-Wakati, Bona! Ndacemaala, Nsizi buzuba bwalufu lwangu na buyooba lili. 3-Lino bweza zivwimyo zyako, inkomo yako abuta bwako, uinke musokwe, undijayile nyama, 4-undijikile nyama iili amunse mbubonya mbunjandisya, akwiileta kulindime, kuti ndye, nkakulongezye nencipona.\\n5Lino Rebeka wakali kuswiilila, ciindi eco Izaka naakali kwaambila mwanaakwe Esau, nkabela Esau naakainka musokwe kuyoovwima nyama akwiileta, 6Rebeka wakaambila Jakobo mwanaakwe kuti, Swiilila! Ndamvwa uso ulaambila mupati wako Esau, wati, 7Kondijayila nyama, undijikile nyama iili amunse, ndye, kuti nkulongezye muzina lya-Jehova nentana kufwa. 8-Mbubo, mwanaangu, swiilila ijwi lyangu akucita mbubonya mbunsi kulailile. 9Koya kutanga, ulete tupongo tobile tubotu, nkajikile uso nyama yamunse mbuli mbwayanda. 10-Lino uleelede kwiitola kuli uso, alye, akulongezye naatana kufwa. 11-Mpawo Jakobo wakaambila banyina Rebeka kuti, Bona! Mupati wangu Esau ngusimavwele, mebo ndinkwizinge. 12-Ambweni taata ulandaampa-ampa, lino njooba mbuli sikweena mumeso aakwe, aboobo njooliletela loombololo, nsikooyooliletela lukondezyo pe. 13-Banyina bakamwaambila kuti, Loombololo lwako lube alindime, mwanaangu. Koswiilila buyo ijwi lyangu; koya, ukazilete. 14-Mpawo wakainka, wazibweza, wazileta kulibanyina, nkabela banyina bakajika nyama yamunse mbubonya mbuli wisi mbwaakali kuyandisya. 15-Lino Rebeka wakabweza zyakusama zibotu zya-Esau mwanaakwe mupati, nzyaakajisi muŋanda, wazisamika Jakobo mwanaakwe muniini. 16Azyalo zikutu zyatupongo, wakazisamika kumaanza aakwe, akunsingo yakwe nkwaakali nkwizinge, 17elyo nyama yamunse ansima njaakajikide wakazibika mumaanza aaJakobo mwanaakwe.\\n18Lino wakanjila mwaakabede wisi, wati, Taata! Wakavuwa kuti, Mpondi.\\nNduweni, mwanaangu? 19-Nkabela Jakobo wakaambila wisi kuti, Ndime Esau, mwanaako mutaanzi, Ndacita mbubonya mbowandaambila. Buka, ukale, ulye nyama yangu, undilongezye. 20-Elyo Izaka wakaambila mwanaakwe kuti, Ino wafwambaana buti kwiijana, mwanaangu? Wakavuwa kuti, Nkaambo kakuti Jehova Leza wako wandipa coolwe. 21-Lino Izaka wakaambila Jakobo kuti, Swena afwiifwi, kuti nkwaampa-ampe, mwanaangu, nzibe na ncobeni nduwe mwanaangu Esau na pe. 22Mpawo Jakobo wakaswena afwaafwi kuli-Izaka wisi, nkabela wakamwaampa-ampa. Lino wakati, Ijwi ndijwi lya-Jakobo, pele maanza ngaa-Esau. 23-Takwakamuziba pe, nkaambo maanza aakwe akali mbuli maanza aa-Esau mukulana wakwe, akali aboya, aboobo wakamulongezya. 24-Wakamubuzya kuti, Sa ncobeni nduwe mwanaangu Esau? Wakati, Ndime. 25Elyo wakati, Swena kufwaafwi, kuti ndye nyama yamwanaangu, nkulongezye. Mpawo wakaswena kufwaafwi kulinguwe, nkabela wakalya. Alimwi wakamuletela waini, nkabela wanywa, 26Elyo Izaka wisi wakamwaambila kuti, Swena afwaafwi, undimyonte, mwanaangu. 27-Lino wakaswena afwaafwi, wamumyonta. Mpawo wakamvwa bweema bwazyakusama zyakwe, nkabela wakamulongezya, wati,\\nBona bweema bwamwanaangu mbububede!\\nBuli mbuli bweema bwamuunda Jehova ngwaalongezya,\\n28-Leza akupe mume wakujulu,\\nAzintu zilweela zyaansi,\\nAmaila manji awaini.\\n29-Misyobo yabantu ikumanine milimo,\\nAmasi oonse akukotamine.\\nKoba mwami akati kamukowa wako,\\nAbalo bana babanyoko bakukotamine.\\nAbe alutuko kufumbwa uukutuka.\\nAbe acoolwe kufumbwa uukupa coolwe.\\n30Lino Izaka naakamana kulongezya Jakobo, Jakobo naakazwa buyo kuli­ Izaka wisi, mpoonya awo wakaboola Esau mukulana wakwe kuzwa mukuvwima. 31-Lino wakajika nyama yamunse alakwe, waletela wisi, waambila wisi kuti, Abuke taata, alye nyama yamwanaakwe, kuti undilongezye. 32Mpawo Izaka wisi wakamubuzya kuti, Ino nduweni? Wakavuwa kuti, Ndime mwanaako mupati, Esau. 33-Amvwe obo, Izaka wakakankama kukankama kupati loko. Wakabuzya kuti, Maawe! Ngwani oyo iwakajaya nyama akwiileta kulindime? Ndalya yoonse kotana sika, alimwi ndamulongezya, aboobo ngonguwe uuli acoolwe. 34-Elyo Esau, naakamvwa majwi aawisi, wakalila acililo cipati ciyoosya loko, waambila wisi kuti, Undilongezye, undilongezye ambebo, taata. 35-Wakati, Munyoko wakeza calweeno, wakubbida lulongezyo lwako. 36-Wakati, Ma! Ncobeni izina lyakwe lya-Jakobo lyamweelela, nkaambo wandilya kobile, Wakatola bupati bwangu, lino sunu watola lulongezyo lwangu. Sa tokwe nowandisyaazizya lulongezyo ambebo? 37-Izaka wakavwiila Esau kuti, Bona! Ndamubika kuti abe mwami wako, abasikamukowanyina boonse ndamupa mbabo kuti babe balanda bakwe, alimwi ndamusanizya maila awaini. Lino webo, mwanaangu, nkucitilenzi? 38-Esau wakaambila wisi kuti, Sa ulijisi lulongezyo lomwe buyo, taata? Undilongezye ambebo, taata, Nkabela Esau wakakwiila, walila. 39--Mpawo Izaka wisi wakamuvwiila kuti,\\nNcobeni cikalilo cako ciyooba akati kazintu zilweela zyanyika,\\n40-Uyoopona kupanga lyako,\\nNkabela uyoomanina munyoko milimo,\\nPele caakuba ciindi uyooangunuka,\\nElyo uyoopwaya ijoko lyakwe ansingo yako.\\n41-Lino Esau wakali kusula Jakobo nkaambo kalulongezyo wisi ndwaakamulongezya, nkabela Esau wakaamba mumoyo wakwe kuti, Mazuba aakulila taata aswena afwaafwi, lino njoojaya Jakobo. 42-Nkabela Rebeka wakalwiidwa majwi ngaakaamba Esau mwanaakwe mupati, lino wakaita jakebo mwanaakwe muniini, wamwaambila kuti, Swiilila! Mukulana wako Esau ulakanza kukujaya. 43-Nkaambo kako mwanaangu, swiilila ijwi lyangu, Nyampuka, ucijile kuli-Labani munyinandumi wangu ku-Harani, 44ukakale kulinguwe mazuba mace, mane lumwi munyoko aleke bukali bwakwe. 45Naazooleka bukali bwakwe akuluba ncowamucitila, njootuma akukuboozya kuzwa nkuko, Sa cilabota na ndamulobelwa nyoonse nyobile mubuzuba bo mwe.\\n46-Lino Rebeka wakaambila Izaka kuti, Bandikataazya bana basimbi ba-Heti. Na Jakobo wakwata umwi wabana basimbi ba-Heti bali mbuli aba, umwi wabana basimbi bakookuno, buumi bwangu buyooba amilimonzi kulindime?","num_words":705,"character_repetition_ratio":0.055,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kutambula Bululami bwa Yahuwah Print\\nKutambula Bululami bwa Yahuwah\\nMumulumbe Wakwe naakali kulaya, Yahushua wakalailila basikwiiya Bakwe kuti “kamuya munyika yoonse mukakambauke mulumbe mubotu kubantu boonse. Kufumbwa uyoosyoma akubbizyigwa uyoofutulwa; pele ooyo uutasyomi uyoosinganyigwa.” (Maako 16:15)\\nIno mulumbe nzi ooyo wakeelede kukambaukwa kucilengwa leza cili coonse?\\nPaulu, umwi wabasikwiiya Bakwe wakatumwa kuyookambauka mulumbe ooyu, wakalomya kwaamba kuti mulumbe ookwa Yahushua “ninguzu zyokwa Yahuwah zya kufutula kufumbwa uusyoma .” (BaLoma 1:16)\\nMbubuti mulumbe ookwa Yahushua mbowaambilizya nguzu zya Yahuwah zyakufutula boonse?\\nPaulu uyubununa maseseke aaya kuti: “Nkaambo mu [mulumbe] bululami bwa Yahuwah buliyubunudwe kuzwa kulusyomo kuya kulusyomo; mbweenya mbokulembedwe kuti 'Baluleme bayoopona kwiinda mukusyoma.’ ” (BaLoma 1:17) Aabo basyoma mulumbe ooyu bayoofutulwa. Aabo batasyomi mulumbe mubotu ooyu, bayoosinganyigwa.\\nYahushua wakakulwaizya ndiswe tobantu kuti, “Amuyandaule bulelo bwa Yahuwah abululami Bwakwe, mpoonya zyoonse zintu eezi muyooyungizyilwa.” (Mateyo 6:33) Mulumbe mubotu uyubununa nzila yakutambula bululami bwa Yahuwah, mpoonya eelyo notulaa bululami Bwakwe, kunyina ncotunoobulide!\\n“Koteelela Ndime webo, webo oozyi bululami, inywe nobantu nomulaa myoyo oomo muli Mulawo Wangu: Mutayoowi kufubaazyigwa aabantu, nokuba kuyoowa matusi aabo.” (Izaya 51:7)\\n\"Nceeci cizuminano nceyoopangana ambabo aakwiinda mazubaayo, mbwaamba Yahuwah: Ime njoobikka milawo Yangu mumyoyo yabo, akwiilemba mumizeezo yabo . . . Zibi zyabo amicito iitakwe mulawo nsyekiiyibaluki kabili.\" (BaHebulayo 10:16-17)\\nBululami bwa Yahuwah’buyooyubununwa mu Mulawo Wakwe. Aabo banooluleme banoolaa Mulawo Wakwe mumyoyo yabo, aboobo banikweenda mubululami kunembo Lyakwe.\\nIno mbubuti mbotukonzya kucita milimo yokwa Yahuwah? Inga twabujana buti bululami Bwakwe?\\nKwiinda mukusyoma mu Mwanaakwe.\\n\"Mpoonya bakati kuli Nguwe, 'Ninzi ncotunga twacita, kutegwa tubeleke milimo yokwa Yahuwah?' Yahushua wakabaingula akubaambila kuti, 'Ooyu ngomulimo ookwa Yahuwah, wakuti inywe musyome muli Yooyo ngwaakatuma.'\" (Johane 6:28-29)\\nKwiinda mukusyoma nzila ya lufutuko yokwa Yahuwah iiyeeme mu Mwanaakwe, swebo inga twajana nguzu ziyandika kubeleka milimo Yakwe. Mumajwi amwi ooku nkwaamba kuti, iswe tulajana nguzu zya kubamba Mulawo Wakwe.\\nHena kuli notunga twabaa bululami kunembo Lyakwe kwiinda mumilimo yesu tobeni?\\nPe, nokuba asyoonto pe.\\n“Balulami [baluleme] bayoopona kwiinda mulusyomo.” (BaLoma 1:17)\\nIkuti twayeeyela kuti milimo yesu ilaa mpindu mukutambula bululami bwa Yahuwah, nkokuti inga twatalika kuyungizya atalaa mulumbe mubotu Wakwe. Alimwi tulicenjezyedwe cakusinizya kuti tatweelede kuyungizya ku jwi Lyakwe.\\n“Utayungizyi kumajwi Aakwe, Nkaambo inga Walo wakukalalila, alimwi wajatwa kuti ulimubeji.” (Tusimpi 30:6)\\nCoonse ncayanda Yahuwah kuti alonzye bululami Bwakwe muli ndiswe, nkusyoma buyo mumulumbe ookwa Yahushua. Bululami Bwakwe bulikke mbobutupa kubamba Mulawo Wakwe. Kunyina cibeela ncotunga twabikka milimo yamaanza eesu mumulumbe mubotu Wakwe.\\n\"Pele toonse swebo tuli mbuli cintu citasalali, alimwi bululami bwesu boonse buli mbuli magamba aanunka tombe; toonse tulayuminina mbuli tuvwu, alimwi zibi zyesu, mbuli muwo, zilapepauka (Izaya 64:6)\\nNkaambo nzi ba World's Last Chance ncobazuunyene kusumpula Nsabata iitobezya mwezi-azuba aziiyo zijatikizya ciimo cabafwide, cuulu ca myaka azimwi zinjaanji …?\\nKubamba akuteelela ziiyo zya Bbaibbele eezi, ncintu ciimvwi mucintu comwe buyo: bululami bwa Yahuwah bukkalilila mukati, oobo bukonzya buyo kujanwa kwiinda mu kusyoma mulumbe walufutuko ookwa Yahushua.\\n\"Nkaambo Walo wakabamba Nguwe watakazyi cibi kuti atubede cibi mucibaka cesu, kutegwa swebo tukakonzye kubaa bululami bwa Yahuwah kwiinda mbuli Nguwe.\" (2 Bakolinto 5:21)\\nKufumbwa mulumbe uukambauka kuti lufutuko lulajanwa kwiinda mukusanganya zintu zimwi antoomwe alusyomo, ooyo mulumbe walweeno.\\nMakani aayinda kubota aakonzya koompololwa mumazuba aakujala musela wa Nyika ngakuti bululami bwa Yahuwah bulaabidwe kakwiina muulo ku muntu woonse KUFUMBWA uusyoma kuti Yahushua, mbuli mbwali Mufutuli wesu, ulakonzya kutupa nguzu zyakubamba Mulawo Wakwe CIINDI COONSE, kuti twalyaaba cakumaninina maumi eesu kuli Nguwe.\\nTatubambi Mulawo kutegwa tukafutulwe pe; pele tubamba Mulawo nkaambo twakafutulwa! HalleluYAH!\\nEelyo notubamba mulawo ookwa Yahuwah kwiinda muluzyalo Lwakwe lutugwasyilila, tulanganyigwa kuti tuli balulami, nkaambo Mulawo Wakwe ncimbonimboni ca bululami Bwakwe. Ncecaambwa eeci mumulumbe mubotu, aayo nga makani aayinda kubota aapedwe nyika iiyaa kuloba mumazuba aamamanino aanoo.\\nTacigambyi kuti Paulu wakamwantauka kumwi kaambilizya kuti:\\n\"Mebo nsyuusi nsoni a Makani Mabotu aa Yahushua, nkaambo ninguzu zya Yahuwah zyakufutula baabo basyoma boonse, . . . Nkaambo Makani aaya ngaatuyubunwida Yahuwah mbwatondezya bululami. Nzila eeyi njalusyomo kuzwa kumatalikilo kusikila kumamanino. Mbuli mbokulembedwe kuti, “Ooyo uululeme kwiinda mukusyoma uyooba aabuumi.' \" (BaLoma 1:16-17)","num_words":602,"character_repetition_ratio":0.078,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nkaamboonzi Nikuli Mapenzi Miingi Oobu? — LAYIBBULALI IJANIKA A-INTANETI yaWatchtower\\nLAYIBBULALI IJANIKA A-INTANETI yaWatchtower\\nLAYIBBULALI IJANIKA A-INTANETI\\nbhs chaand. 11 map. 116-123\\nNkaamboonzi Nikuli Mapenzi Miingi Oobu?\\nvidiyo njulikuyanda tijaniki pe\\nutulekelele kulizyachika vidiyo niyalikuyanda kujula\\nNKAAMBOONZI NIKULI MAPENZI OOBU?\\nKAAMBO JEHOVA NCHAZUMIZYA MAPENZI\\nNKAAMBOONZI JEHOVA NAALINDILA KWACHIINDI CHILAMFU OOBO?\\nUYOOCHIBELESYA BIYENI CHIPO CHAKULISALILA?\\nMakanzeenzi Leza Ngalaawo Atala Abantu?IBbayibbele Nga Lilatuyiisyaanzi?\\n1, 2. Bantu biingi bakataazikanaa talaanzi?\\nTSUNAMI (maanzi aazwa mulwizi ayeetwaa guwo lilaanguzu.) idilisya myuunzi. Chigwebenga chijisi ntobolo chadubula muchikombelo, chachisa akujeya bantu biingi. Bulwazi bwakkensa bwajaya mwanakazi alimwi wasiya bana bakwe bali musanu.\\n2 Chiindi mapenzi azintu zibi zili boobu nizichitika, bantu biingi zilabakataazya kuti, “Nkaamboonzi?” Biingi balakataazikana kuti nkaamboonzi nyika niizwiide kusulayikana amapenzi. Ani webo kuli nizyakakukataazizye na zintu zili boobu?\\n3, 4. (a) Mibuzyoonzi Habakuku njaakabuzya? (b) Jehova wakamusandula biyeni?\\n3 MuBbayibbele, twiiya atala abaalumi baakalaa lusyomo lusimide muli Leza kuti abalabo bakali kubuzya mibuzyo iili boobo. Muchikozyano, musinsimi Habakuku wakabuzya Jehova kuti: “Ino nkaambo nzi ncondipa kubona zintu zibi? Alimwi nkaambo nzi ncolekela mapenzi kuti kacitika? Nkaambo nzi ncokuli lunyonyooko abugwebenga kumbele lyangu? Alimwi nkaambo nzi mazwanga akulwana ncozivwulide?”​—Habakuku 1:3, NW.\\n4 Mulugwalo lwaHabakuku 2:2, 3 tubala nsandulo zyaLeza zyamibuzyo yaHabakuku achisyomezyo chakwe chakubambulula chiimo chazintu. Jehova ulaaluyando kubantu. Alimwi iBbayibbele lyaamba kuti: “Nguumucebuka lyoonse.” (1 Petro 5:7) Nichoonzyo kuti, Leza takumubotezyi pe kubona mapenzi kwiinda mbutwaabona. (Isaya 55:8, 9) Kwalino atwaambuule atalaa mubuzyo wakuti: Nkaamboonzi nikuli mapenzi miingi loko munyika?\\n5. Bayiisi bazikombelo biingi batyeni atala amapenzi? Niinzi Bbayibbele nziliyiisya?\\n5 Bafundisi naa bayiisi bazikombelo chiindi chiingi baamba kuti nkuyanda kwaLeza kuti bantu kabafwaba. Bamwi baamba kuti zyoonse zichitikila muntu kuswaanizya amapenzi aali chitikila, nguLeza wakazibamba akuti tatukonzyi pe kuzimvwisisisya kuti nkaamboonzi nizili boobo. Bamwi nga baamba kuti bantu bachipati abana baniini, balafwa kuchitila kuti bakakkale aamwi aLeza kujulu. Aaya teemasimpe pe. Jehova taakwe nachita kuti zintu zibi zichitike pe. IBbayibbele lyaamba kuti: “Kacili kule a-Leza kuti acite bubi, akuli Singuzuzyoonse kuti alubizye!”​—Jobu 34:10.\\n6. Nkaamboonzi bantu biingi nibasola Leza akaambo kamapenzi aali munyika?\\n6 Bantu biingi basola Leza akaambo kamapenzi aali munyika nkaambo bayeeya kuti nguLeza weendelezya nyika. Pesi mbuli mbutwakayiiya muchaandano 3, mweendelezi wanyika eeyi nguSaatani Diabolosi.\\n7, 8. Nkaamboonzi nikuli mapenzi miingi munyika?\\n7 IBbayibbele litubuzya kuti “nyika yoonse ili mumaanza amubi” (1 Johane 5:19, NW ). Mweendelezi wanyika eeyi Saatani Diabolosi, ngusinkondo alimwi ulaalunya. Nguwe “uuena bantu boonse baansi.” (Ciyubunuzyo 12:9) Bantu biingi baliikumwiiya. Nkikaamwi kaambo nchikuvulide kubeja, kusulayikana, alimwi alunya.\\n8 Kuli tumwi twaambo tupede kuti mapenzi avule munyika. Kuzwa chiindi baAdamu aEva nibakapapila, bakayinzilizya chibi kubana babo boonse. Alimwi akaambo kachibi eechi, bantu bapa kuti bantunyina babe mumapenzi. Bayanda kuti baboneke kabayandikana kwiinda bamwi. Mukuchita oobo, balalwana, baliinka kunkondo, alimwi badyaamizya bamwi. (Mukambausi 4:1; 8:9) Chimwi chiindi bantu balafwaba akaambo “kakusikilwa ziindi zyalufu amapenzi.” (Mukambausi 9:11) Chiindi nibali aabusena butali kabotu alimwi aachiindi chiteelede, mapenzi azimwi zintu zibi zilakonzya kubachitikila.\\n9. Nkamboonzi nitulachoonzyo chakuti Jehova ujisi twaambo tubotu twakuzumizya mapenzi kuti ayinkilile kunembo?\\n9 Jehova taakwe nayeta mapenzi. Tayelede kusolwa pe nkaambo kankondo, milandu, akudyaamizya. Leza taakwe nachita kuti kube mapenzi aali mbuli mizuzumo yanyika, guwo pati, akufusuka kwamilonga. Chimwi chiindi ulakonzya kuyeeya kuti, ‘Ikuti kakuli Jehova nguulamanguzu miingi kuzintu zyoonse, nkaamboonzi natalesyi kuti zintu zyoonse zibi zitachitiki?’ Tuzi kuti Leza ulandaba loko andiswe, nkikaako ujisi twaambo tuli kabotu tupa kuti azumizye mapenzi kuti ayinkilile kunembo.​—1 Johane 4:8.\\n10. Saatani wakamukazya biyeni Jehova?\\n10 Mumuunda waEdeni, Diabolosi wakeena Adamu aEva. Saatani wakatamikizya Leza kuti Mweendelezi mubi. Wakaamba kuti kuli chimwi chintu chibotu Leza nchaakasisila Adamu aEva. Saatani wakayanda kuti bamusyome kuti wakali kunooba mweendelezi uuli kabotu kwiinda Jehova akuti teebakali kuyanda bweendelezi bwaLeza pe.—Matalikilo 3:2-5; langa Makani Aakumamanino 27.\\n11. Nguuli mubuzyo ngutweelede kusandula?\\n11 Adamu aEva taakwe nibakamuswiilila pe Jehova alimwi bakamupapila. Bakali kuyeeya kuti bakalaa cheelelo chakulisalila kuchita zibotu naa zitali kabotu kabatakwe bweendelezi bwaJehova. Jehova wakatondeezya biyeni kuti basikupapila aaba bakabisya, akuti ulizizi zintu zibotu nzituyanda?\\n12, 13. (a) Nkaamboonzi Jehova naakatabanyonyoona chakufwambaana basikupapila? (b) Nkaamboonzi Jehova naakazumizya Saatani kuba mweendelezi wanyika eeyi akuti bantu balyeendelezye?\\n12 Jehova taakabanyonyoona pe mpawaawo baAdamu aEva nibakabisya. Pesi wakabazumizya kuti babe aabana. Kuzwaawo Jehova wakapa kuti bana baAdamu aEva bakonzye kulisalila ngubakali kuyanda kuti abe mweendelezi wabo. Makanze aaJehova akali akuti nyika izule bantu bamaninide, alimwi eezi nzizyo zyakali kunoochitika nikuba kuti Diabolosi wakali kunooyeezya biyeni.​—Matalikilo 1:28; Isaya 55:10, 11.\\n13 Saatani wakakazya Jehova kunembo kwamamiliyoni aabangelo. (Jobu 38:7; Daniele 7:10) Aboobo, Jehova wakapa Saatani chiindi chakutondeezya kuti kwaamba kwakwe kwakali kwakubeja. Alubo Jehova wakapa bantu chiindi chakulibikkila mfulumende zyabo kazyeendelezegwaa Saatani, kuchitila kuti kuboneke kuti bakali kunookonzya na kuzwidilila kabatakwe lugwasyo lwaLeza.\\n14. Kulampa kwachiindi kwatondeezyaanzi?\\n14 Kwaminyaka iili zyuulu, bantu beezya kulyeendelezya pesi bakachilwa. Eezi zyatondeezya kuti Saatani mubeji. Bantu bayanda lugwasyo lwaLeza. Musinsimi Jeremiya wakali kwaambisya aawo naakati: “O Jehova, ndizi kuti muntu waansi tezi kubamba kabotu inzila zyakwe. Muntu ulaya bweenda, pele tabwene kweenzya intaamu zyakwe.”​—Jeremiya 10:23.\\n15, 16. (a) Nkaamboonzi Jehova naakazumizya mapenzi kuti ayinkilile kwachiindi chilamfu? (b) Nkaamboonzi Jehova naalekelede mapenzi akeetwaa Saatani?\\n15 Nkaamboonzi Jehova naakazumizya mapenzi kuti achitike kwachiindi chilamfu oobo? Nkaamboonzi natalesyi zintu zibi kuti zitachitiki? Kwatola chiindi chilamfu chitondeezya kuti bweendelezi bwaSaatani bwakachilwa. Bantu beezya kusala mfulumende zisiyene-siyene pesi tazizwidilili pe. Nikuba kuti baliikuzwidilila muli zyasayensi azyabusongo bwasunu, pesi kuchizwide kutalulamisya, kufwaba, milandu alimwi ankondo zyiingi kwiinda chiindi. Tatukonzyi pe kuzwidilila kulyeendelezya kuti Leza taanjilila.\\n16 Nikuba boobo, Jehova taakwe naagwisya pe mapenzi aakachitwaa Saatani nkaambo eezi zyakali kunootondeezya kuti Jehova ulabusumpula bweendelezi bwaSaatani, alimwi taakwe naazoozichita pe eezi. Alubo, bantu bakali kunoosyoma kuti balakonzya kulyeendelezya kabazwidilila. Pesi ooku nkubeja, alimwi Jehova taakwe naali kunoozizumizya pe, nkaambo tabeji pe.​—BaHebrayo 6:18.\\n17, 18. Jehova uyoochitaanzi atala azintu zyoonse Saatani nzyaakanyonyoona?\\n17 Kujana wazibambulula na Jehova zintu zyoonse zyakanyonyooka akaambo kakupapila kwaSaatani abantu? Iiyi. Kuli Leza zintu zyoonse zilakonzeka. Jehova ulichizi chiindi chili kabotu chakupa nsandulo kukutamikizya kwaSaatani. Mpawo uyoochita kuti nyika ikabe paradayizi, mbuli mbuyakeelede kuba. Boonse ‘bayeeyegwa bali muzyuumbwe’ bayoobusigwa. (Johane 5:28, 29) Bantu taakwe nibayoochiswa nikuba kufwa lubo pe. Jesu uyoobambulula zintu zyoonse zyakanyonyooka akaambo kaSaatani. Jehova uyoobelesya Jesu “kuti ajaye milimo ya-Saatani [Diabolosi].” (1 Johane 3:8) Tulalumba kuti Jehova wakatulansizya moyo nkaambo lino twakamuziba alimwi twakasala kuti abe Mweendelezi wesu. (Bala 2 Petro 3:9, 10.) Nikuba chiindi nituba mumapenzi, ulatugwasya kuti tukakatile mumapenzi eesu oonse.​—Johane 4:23; bala 1 BaKorinto 10:13.\\n18 Jehova tatusungilizyi kuti tumusale kuba Mweendelezi wesu. Wakapa bantu chipo chakulisalila. Kwalino atulange-lange chipo eechi chiyandikana nchichaamba kuli ndiswe.\\n19. Nchipoonzi chibotu Jehova nchaakatupa? Nkaamboonzi nitweelede kuchilumba chipo eechi?\\n19 Chipo chakulisalila chizwa kuli Jehova chipa kuti tusiyane abanyama. Nkaambo banyama babelesya busongo bwakulengwaabo, pesi iswe tulakonzya kulisalila nzila njituyanda kuponaayo alubo akulisalila kuti tuyanda kuboteezya Jehova na. (Tusimpi 30:24) Alubo, tatuli mbuli minchina pe, iichita nziyakapangilwa kuchita luzutu. Tulalwaangunuko lwakulisalila kuti tuyanda kuba bantu bali biyeni, mbaani mbituyanda kuti babe beenzuma, alimwi akuti niinzi nzituyanda kuchita mubuumi bwesu. Jehova uyanda kuti tubotelwe mubuumi.\\n20, 21. Nkusalaanzi kuli kabotu nkunga ulachita kuzwa lino?\\n20 Jehova uyanda kuti tumuyande. (2 BaKorinto 9:7) Uli mbuli ndeende uubotelwa kumvwa mwanaakwe kaamba zizwa mumoyo wakwe kuti “Ndilakuyanda,” kakutali kuti wasungilizigwa biya pe. Jehova wakatupa lwaangunuko lwakulisalila kuti tulayanda na kumubelekela naa pe. Saatani, Adamu, aEva bakasala kukaka Jehova. Uyoochibelesya biyeni chipo chako chakulisalila?\\n21 Belesya lwaangunuko lwako lwakulisalila kuti ubelekele Jehova. Kuli mamiliyoni aabamwi bakasala kubelekela Leza akukaka Saatani. (Tusimpi 27:11) Kuzwa lino uyoochitaanzi kutegwa ukajanike munyika mpya yaLeza aawo nayoogwisya mapenzi oonse? Chibalo chitobela chiyoowusandula mubuzyo ooyu?\\nKASIMPE 1: JEHOVA TAKWE NAYETA MAPENZI PE\\n“Kacili kule a-Leza kuti acite bubi, akuli-Singuzuzyoonse kuti alubizye!”​—Job 34:10\\nNkaamboonzi nikuli mapenzi miingi loko munyika?\\nMweendelezi wanyika eeyi nguSaatani Diabolosi.\\nBantu bapa kuti bamwi bafwabe.\\nChimwi chiindi bantu balafwaba akaambo kakuba aabusena butali kabotu achiindi chitalinchincho.\\nJehova ulaaluyando lupati kubantu. Takumubotezyi pe kubabona kabafwaba.\\nKASIMPE 2: SAATANI WAKABUKAZYA BWEENDELEZI BWAJEHOVA\\n‘Nkaambo Leza ulizi kuti . . . meso aanu ayoojulika, lino muyoba mbuli Leza, muyooziba bubotu abubi mbububede.’​—Matalikilo 3:5\\nNkaamboonzi Jehova naataka kuunduluzya kukazya kwaSaatani?\\nSaatani wakaambilizya Leza kuti mweendelezi mubi. Alubo wakayanda kuti bantu basyome kuti bakalaa cheelelo chakulisalila kuchita chibi naa chibotu.\\nSaatani wakakazya Jehova kunembo lyamamiliyoni aabangelo.\\nKASIMPE 3: KUKAZYA KWASAATANI KWAKAKACHILA\\n“Ndizi kuti muntu waansi tezi kubamba kabotu inzila yakwe.”​—Jeremiya 10:23\\nNkaamboonzi kufwaba kwabantu nikwatola chiindi chilamfu oobu?\\nBantu beezya kubaa mfulumende zisiyene-siyene, pesi tazikonzyi pe kweendelezya kazizwidilila kuti Leza taanjilila.\\nJehova ulaamoyo mulamfu alimwi watupa chiindi kutegwa tumuzibe akuti tumusale kuti abe Mweendelezi wesu.\\nJehova uyoobelesya Jesu kutegwa akabambulule nzyaakanyonyoona Saatani.\\nKASIMPE 4: BELESYA CHIPO CHAKO CHAKULISALILA KUTEGWA UBELEKELE JEHOVA\\n“Songwaala, mwanaangu, . . . kuti mbe aluvwiilo kuliyooyo uundisampaula.”​—Tusimpi 27:11\\nNkaamboonzi Jehova natatusungilizyi kuti tumukombe?\\nBanyama babelesya busongo bwakulengwaabo, pesi iswe Jehova utupede chipo chakulisalila. Tulakonzya kusala kumukomba naa kuti pe.\\nJehova uyanda kuti tumukombe nkaambo tulamuyanda.\\nMabbuku Ajanika MuChitonga (Zimbabwe) (2013-2019)","num_words":1312,"character_repetition_ratio":0.056,"word_repetition_ratio":0.0,"special_characters_ratio":0.174,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nehemiya 5 | Bbaibbele lili a Intaneti | Bbaibbele lya Busanduluzi Bwanyika Mpya\\nNehemiya wakulesya kudyaaminina (1-13)\\nNehemiya tanaakali syaacivwulemwangu (14-19)\\n5 Lino kwakali kulila kupati kuzwa kuba Juda baalumi abamakaintu babo kabatongooka banabokwabo ba Juda.+ 2 Bamwi bakali kwaamba kuti: “Tuli banji swebo abana besu basankwa abasimbi. Tweelede kupegwa maila aakulya kutegwa tupone.” 3 Bamwi bakali kwaamba kuti: “Tulapa myuunda yesu, myuunda yamisaansa amaanda eesu kuti zibe zijatilizyo kutegwa tupegwe maila ciindi canzala.” 4 Eelyo bamwi bakali kwaamba kuti: “Twakakweleta mali kutegwa tutele mutelo wamyuunda yesu amyuunda yamisaansa kumwami.+ 5 Lino swebo tuli mbuli banabokwabo,* alimwi bana besu bali mbuli bana babo; pesi bana besu basankwa abasimbi twabalekela kuba bazike alimwi bana besu bamwi basimbi bali kale mubuzike.+ Pele kunyina ncotukonzya kucita nkaambo myuunda yesu amyuunda yesu yamisaansa yaba yabantu bambi.” 6 Lino nindakaamvwa matoongoosi aabo alimwi amajwi aaya ndakanyema kapati. 7 Aboobo ndakaayeeya makani aaya mumoyo wangu, alimwi ndakabajanina mulandu bantu balemekwa abaleli babili, eelyo ndakabaambila kuti: “Umwi aumwi wanu uyanda cinyonamucila kumwanookwabo.”+ Alimwi ndakabapangila muswaangano mupati. 8 Mpoonya ndakati kulimbabo: “Twakacita mbuli mbotukonzya kunununa banabokwesu ba Juda ibakasambalidwe kuli bamasi; pele sena nywebo lino muyanda kusambala banabokwanu,+ alimwi sena beelede kusambalwa kulindiswe?” Bamvwe boobo bakaumuna wi, alimwi bakabula acakwaamba. 9 Kumane ndakati: “Eeci ncomucita tacili kabotu pe. Sena tamweelede kweenda cakuyoowa Leza wesu+ kutegwa basinkondoma bamasi batatusampauli? 10 Alimwi mebo, banabokwesu ababelesi bangu tulakweletesya mali alimwi amaila kubanabokwesu. Ndakomba, atucileke kubbadelesya cinyonamucila.+ 11 Aboobo ndilyonya sunu amubapilusizye myuunda yabo,+ myuunda yabo yamisaansa, myuunda yabo yamaolifa, maanda aabo, cipaanzi camwaanda* camali, camaila, cawaini mupya acamafwuta eezyo nzyomubabbadelesya kazili cinyonamucila.” 12 Eelyo bakati: “Tulabapilusizya alimwi tatukooyanda cintu cili coonse kuzwa kulimbabo. Tulacita mbubonya mbowaamba.” Aboobo ndakabaita bapaizi, eelyo ndakapa baalumi aaba kuti bakonke kuti bacite mbubonya mbuli mbobakasyomezya. 13 Alimwi ndakadikimuna nkomo yacisani cangu yaacamba* akwaamba kuti: “Mbubonya oobu, Leza mwini-mwini amudikimune kuzwa muŋanda yakwe amulukono lwakwe muntu uuli woonse uutaciti kweelana acisyomezyo eeci, alimwi mbubonya oobo muntu ooyo adikimunwe akubula cintu.” Mpoonya boonse mumbungano bakati: “Ameni!”* Eelyo bakatembaula Jehova alimwi bantu bakacita kweelana ambobakasyomezya. 14 Kuyungizya waawo kuzwa buzuba mbwaakandibikka kuba mweendelezi wabo+ munyika ya Juda, kuzwa mumwaka wa 20+ kusikila mumwaka wa 32+ wabulelo bwa Mwami Aritasasita,+ nkokuti mumyaka iili 12, mebo abanabokwesu tatunalide cakulya ceelede mweendelezi.+ 15 Pele beendelezi ibakandisaangunina bakabaminya bantu alimwi bakali kubweza masyekeli* aansiliva aali 40 kuzwa kulimbabo aazyakulya awaini buzuba abuzuba. Alimwi babelesi babo bakali kudyaaminina bantu. Pele mebo tiindakacita oobo+ akaambo kakuyoowa Leza.+ 16 Kuyungizya waawo, ndakatola lubazu mumulimo wakuyaka bwaanda oobu, alimwi tiitwakabweza muunda uuli woonse;+ abalo babelesi bangu boonse bakabungana ooko kuti babeleke mulimo. 17 Kwakali ba Juda abaleli babili bali 150 ibakali kulida atebulu lyangu kubikkilizya abaabo bakaboola kulindiswe kuzwa kumasi. 18 Buzuba abuzuba ndakali kubambilwa* mupoho omwe, mbelele zibotu zili cisambomwe abayuni, alimwi kwainda mazuba aali 10 bakali kutubambila waini munji uusiyene-siyene. Nokuba boobo, tiindakabaambila kuti bandipe cakulya ceelede mweendelezi nkaambo mulimo ngubakali kubeleka bantu aaba, wakali muyumu kale. 19 Kondiyeeya O Leza wangu, undicitile zibotu* akaambo kazintu zyoonse nzyondacitila bantu aaba.+\\n^ Mu Chihebrayo, “nyama yesu ili mbubonya mbuli nyama yabanabokwesu.”\\n^ Naa “1 pesenti,” nkokuti, mwezi amwezi.\\n^ Mu Chihebrayo, “ndakadikimuna camba cangu.”\\n^ Naa “Buzuba abuzuba kwiinda mukubelesya mali aangu ndakali kubambilwa.”\\n^ Naa “kondiyeeya munzila mbotu.”","num_words":497,"character_repetition_ratio":0.051,"word_repetition_ratio":0.0,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Kwaamba Majwi Mabyaabi Makani Masyoonto? | Bakubusi Balabuzya\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bulgarian Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch English Estonian Ewe Finnish French Georgian German Greek Gun Hebrew Hiligaynon Hungarian Igbo Iloko Indonesian Isoko Italian Japanese Kazakh Kinyarwanda Kirghiz Kirundi Korean Lingala Lithuanian Malagasy Malayalam Maltese Myanmar Norwegian Papiamento (Aruba) Papiamento (Curaçao) Polish Portuguese Punjabi Romanian Russian Sepedi Serbian (Cyrillic) Serbian (Roman) Setswana Shona Sinhala Slovak Slovenian Spanish Swahili Swedish Tagalog Tatar Telugu Thai Tsonga Turkish Ukrainian Vietnamese Xhosa Yoruba Zulu\\n“Ndakazyibila kumvwa bantu kabatukila cakuti kunyina mbondilimvwa. Ndakazyibila.”​—Christopher, 17.\\n“Nindakali mwana ndakali aacilengwa cakwaamba majwi mabyaabi. Cakali kunduubila kucicita, pesi alimwi cakali ciyumu kuleka.”​—Rebecca, 19.\\nIkaambo ncocili boobo\\nIno mulimvwa buti ciindi nomumvwa bantu kabaamba majwi mabyaabi kuli bamwi?\\nKunyina ambondilimvwa​—kayi ndakazyibila.\\nCilandikatazya​—pesi nduumuna buyo.\\nIno nziindi zinji buti nzyomwaamba majwi mabyaabi kuli bamwi?\\nTandaambi majwi mabyaabi\\nKweelana ambomuyeeya, ino mapati buti makani aajatikizya ŋambawido mbyaabi?\\nSena kwaamba majwi mabyaabi kuli bamwi mucibona kuba makani mapati? Mulakonzya kwaamba kuti ‘taali makani mapati. Kayi, kuli zintu buya zyeelede kutulibilisya. Alimwi buya, bantu boonse balaamba majwi mabyaabi!’ Sena masimpe aaya?\\nKufwumbwa mbocibede, nkobali bantu batabelesyi majwi mabi. Alimwi balijisi twaambo tubotu ncobatacitili boobo. Mucikozyanyo:\\nKwaamba majwi mabyaabi takujatikizyi buyo majwi. Ŋambawido yanu itondezya buyo zili mumoyo wanu. Aboobo, kubelesya majwi mabi citondezya kuti tamubikkili maano mbobalimvwa bamwi. Sena oobo mbomubede ncobeni?\\nIbbaibbele lyaamba kuti: “Kufwumbwa zintu zizwa mukanwa zizwa mumoyo.”​—Matayo 15:18.\\nMajwi mabyaabi alasofwaazya. Mutalisofwaazi alimwi abamwi\\nKwaamba majwi mabyaabi kulakonzya kupa bamwi kumubona munzila iitali kabotu. Ibbuku lyakuti Cuss Control lyaamba kuti: “Mbotwaambaula kulakonzya kuyubununa balongwe mbotunoojisi, naa babelesima abanamukwasyi banootulemeka, zilongwe nzyotunoojisi, mbotunoobajatikizya bamwi, naa tuyoojana mulimo naa kusumpulwa, alimwi buya ambobanootweendelezya bantu mbotutazyi.” Alimwi lyaamba kuti: “Amulilingule akubona naa zilongwe zyanu inga zyayuma, nomwatalikukonka.”\\nIbbaibbele lyaamba kuti: ‘Amwaasowe. . . majwi aakusampaula.”​—Baefeso 4:⁠31.\\nKukonka takumupi kuba mbuli mbomuyeeya. Ba Dr. Alex Packer mubbuku ndyobakalemba ilyakuti How Rude! bakaamba kuti: “Bantu bakazyibila kukonka balacima kuswiilizya.” Bakayungizya kuti, “Majwi mabi taapi muntu kwaamba cabusongo, camaano, naa kuba alweetelelo. Ikuti nzyomwaambaula kazitakkomanisyi, ayalo mizeezo yanu ilanyongana.”\\nIbbaibbele lyaamba kuti: “Kutazwi jwi libolede neliba lyomwe mukanwa lyanu.”​—Baefeso 4:​29.\\nAmulibikkile mbaakani. Amusole kutaamba majwi mabyaabi mumwezi omwe naa kwansondo zisyoonto. Inga mwabona mpomweendela kwiinda mukubelesya ccaati naa kkalenda. Kutegwa mwiizuzikizye mbaakani yanu, mweelede kucita zintu zimwi. Mucikozyanyo:\\nAmuzitantamuke zyakulikondelezya izimupa kuyeeya majwi mabyaabi. Ibbaibbele lyaamba kuti: “Kumvwana abantu babyaabi kupa kuti muntu aleke kulilemeka kabotu.” (1 Bakorinto 15:33, bupanduluzi buyungizyidwe) Eeci cilabikkilizya azyakulikondelezya, mafilimu, mavidiyo geemu, alimwi anyimbo nzyomuswiilila. Kenneth uujisi myaka iili 17 waamba kuti: “Ncuuba-uba kwiimba lwiimbo ndokkomanina akaambo buyo kakuti lulila kabotu akutabikkila maano kuti lujisi majwi mabyaabi.”\\nAmulitondezye kuti mulisimide. Bantu bamwi babelesya majwi mabyaabi kutegwa balimvwisye kuti mbapati. Mubwini, tabusyi mbocibede oobo. Bbaibbele lyaamba kuti bantu basimide “balaamaano aayiisyidwe kwaandaanya ciluzi acitaluzi kwiinda mukwaabelesya.” (Bahebrayo 5:​14) Tababelesyi majwi mabyaabi kuyanda buyo kukkomanisya bamwi.\\nMubwini, ŋambawido mbyaabi inyonganya mizeezo mibotu. Bantu bakanyongana kale mumizeezo bavwula kapati munyika! Ibbuku lyakuti Cuss Control, lyaamba kuti “Mutabasangani. Pele amusolekesye kutabelesya majwi mabyaabi. Muyookkomana alimwi bantu bamwi bayookkomana kuyanzana andinywe.”\\n“Ŋambawido mbyaabi taimupi kuba ampuwo mbotu. Ikuti tamukonzyi kwaambaula kakunyina kubelesya majwi mabyaabi, citondezya buyo kuti tamucizyi kwaambaula.”​—Jared.\\n“Bantu balijisi lwaanguluko lwakusala mabala aakubelesya. Talili lyoonse nocili cuuba-uba, pele tweelede kusaanguna kuyeeya katutanaamba cili coonse. Kwaamba majwi mabyaabi ncilengwa ncotukonzya kuleka.”​—Jennifer.\\nZilengwa Luumuno alimwi alukkomano Bakubusi Balabuzya Bakubusi\\nKuyungwa kulakonzya kupa bantu bali kabotu kucita zyintu zibyaabi. Ncinzi ncomweelede kuzyiba kujatikizya kuyungwa alimwi mbuti mbomukonzya kukukaka?","num_words":543,"character_repetition_ratio":0.081,"word_repetition_ratio":0.0,"special_characters_ratio":0.158,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bakubusi​—Nzila Zyosanwe Mbomukonzya Kulijata Ikuti Mwanyema | Lugwasyo Kumukwasyi\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bengali Bulgarian Cebuano Chichewa Chinese (Traditional) Chinese Mandarin (Simplified) Chitonga Cibemba Croatian Czech Danish Dutch Efik English Estonian Ewe Fijian Finnish French Georgian German Greek Gujarati Hebrew Hiligaynon Hindi Hungarian Icelandic Igbo Iloko Indonesian Italian Japanese Kannada Kikaonde Kikuyu Kinyarwanda Kirghiz Kirundi Korean Latvian Lingala Lithuanian Luvale Macedonian Malagasy Malayalam Maltese Marathi Myanmar Nepali Norwegian Oromo Polish Portuguese Punjabi Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Swahili Swahili (Congo) Swedish Tagalog Tahitian Tamil Telugu Thai Tigrinya Tok Pisin Tsonga Turkish Twi Ukrainian Vietnamese Xhosa Yoruba Zulu\\nMbomukonzya Kulijata Ikuti Mwanyema\\n“Ndakamunyemena mwanookwesu musimbi akucijalula cijazyo cabukali cakuti kabulo kakali kusyule kwacijazyo kakapanga cipulo kubwaanda. Cipulo eeci lyoonse cakali kundiyeezya mbondakacita zintu cabwana.”—Diane . *\\n“Ndakaambila bataata kuti, ‘Tamulomene!’ mpoonya akucijala cijazyo. Pele kacitanajala, ndakabona mbobakausa bataata, mpoonya ndakalimvwa bubi.”—Lauren.\\nSena andinywe cakamucitikila kale eeci cakacitikila Lauren alimwi a Diane? Ikuti kacili boobo, nkokuti cibalo eeci cilakonzya kumugwasya.\\nBukali bupa kuti ube ampuwo mbyaabi. Briana uujisi myaka iili 21 wakaamba kuti: “Ndakali kuyeeya kuti bantu bakeelede kundizyibila kuti ndili mukali. Pele ndakatalika kubona kuti bantu batalijati nobanyemede balafwubaala, aboobo ndakabona kuti andime mbobakali kundibona bantu bamwi!”\\nBbaibbele lyaamba kuti: “Ooyo uufwambaana kunyema ulacita cintu cabufwubafwuba.”—Tusimpi 14:17.\\nBantu balatija kuti malundu atalika kuzwa mulilo, mbubwenya buyo bantu balamutantamuka muntu mukali kapati\\nBukali bulakonzya kupa kuti bantu kabakutantamuka. Daniel, uujisi myaka iili 18 wakaamba kuti: “Kuti wanyema, cipa kuti bantu kabatakulemeki.” Awalo Elaine uujisi myaka iili 18 wakaamba kuti: “Muntu mukali takwelelezyi. Cipa buyo kuti bantu kabakuyoowa.”\\nBbaibbele lyaamba kuti: “Utanoomvwani amuntu mukali alimwi utanikweendi amuntu uunyema-nyema buyo.”—Tusimpi 22:24.\\nUlakonzya kucita kabotu. Sara uujisi myaka iili 15 wakaamba kuti: “Talili lyoonse nokonzya kweendelezya zintu zicitika, pele ulakonzya kweendelezya mbolimvwa. Toyelede kukalala buya.”\\nBbaibbele lyaamba kuti: “Muntu uumuka kunyema uli kabotu kwiinda muntu singuzu, alimwi ooyo uujata moyo wakwe uli kabotu kwiinda yooyo uuzunda munzi.”—Tusimpi 16:32.\\nKolibikkila mbaakani. Muciindi cakwaamba kuti, “Mbondibede oobu,” kosolekesya kucinca mbobede muciindi cigaminide, ambweni mumyezi iili cisambomwe. Muciindi eeci, kolemba kucinca nkoocita. Lyoonse wanyema, kolemba (1) cacitika, (2) mbowacita, alimwi (3) ambooyelede kucita kabotu zintu alimwi akaambo ncooyelede kucitila boobo. Mpoonya weelede kusola kuyoocita mbubwenya waakunyema alimwi. Muzeezo: Kozyiba kuzwidilila nkoocita! Kolemba bubotu mboojana akaambo kakulilesya.—Njiisyo yamu Bbaibbele: Bakolose 3:8.\\nKojata moyo. Ikuti muntu wakunyemya, utaambi cintu casaanguna kuboola mumizeezo yako. Muciindi caboobo, kolijata. Kuti kacikonzyeka, koswa ciya. Erik uujisi myaka iili 15 wakaamba kuti: “Ciindi nondiswa ciya, cindipa ciindi cakuyeeya kanditanacita cintu naa kwaamba cintu cimwi cikonzya kundipa kuusa kumamanino.”—Njiisyo yamu Bbaibbele: Tusimpi 21:23.\\nKolanga-langa mbazu zinji. Ziindi zimwi inga wanyema akaambo kakubona mbazu yomwe mukaambo—mbazu iijatikizya nduwe. Kosola kulanga-langa mbobakonzya kulimvwa bamwi. Jessica mukaintu mwana-mwana wakaamba kuti: “Noliba leelyo bantu nobali bakali, kanji-kanji inga kuli kaambo kakonzya kundigwasya kubamvwisya.”—Njiisyo yamu Bbaibbele: Tusimpi 19:11.\\nIkuti kacikonzyeka, kozwa abusena aawo. Bbaibbele lyaamba kuti: “Kubwesyanya kakutanatalika, kozwa buyo aawo.” (Tusimpi 17:14) Mbubwenya mbolutondezya lugwalo oolu, zimwi ziindi cilayandika kuzwa abusena aawo. Mpoonya muciindi cakuzumanana kuyeeya cacitika akupa kuti kunyema kwiindile, kocita zintu zimwi. Danielle mukaintu mwana-mwana wakaamba kuti: “Ndajana kuti kunyanyaasya mubili kulandigwasya kukkazika moyo akulijata kuti nditanyemi.”\\nKoiya kutabikkilila. Bbaibbele lyaamba kuti: “Amukopane, pele mutabisyi pe. Amulyaambauzye mumyoyo yanu, . . . akuumuna.” (Intembauzyo 4:4) Amubone kuti kukopana takulubide pe. Mubuzyo ngwakuti, ino ncinzi citiitobele? Richard mwaalumi mwana-mwana wakaamba kuti: “Ikuti wazumizya bamwi kukunyemya, cipa kuti babe anguzu. Inga cainda kugwasya kutababikkilila.” Kuti wacita boobo, unooyendelezya bukali bwako kutali kulekela bukali kukweendelezya.\\n“Mweelede kuzigusya zyoonse eezyi kulindinywe: bukali, kunyema, bubi, majwi aakusampaula.”—Bakolose 3:8.\\n“Ooyo uubamba mulomo wakwe akujata mulaka wakwe ulitantamuna kumapenzi.”—Tusimpi 21:23.\\n“Bupampu bwamuntu bulamulesya kufwambaana kunyema.”—Tusimpi 19:11.\\n“Kamulya zyakulya zijisi busani alimwi akunywa maanzi manji. Ndakabona kuti kuli kweendelana kuliko akati kambondicita zintu alimwi azyakulya nzyondisala kulya.”\\n“Kwiiya kulijata kuti utanyemi ncibeela cakukomena akusiya bwana. Bana balayanda kukazyanya, pele bapati balizyi mbokubandikwa muluumuno.”\\nMabala Amusale naa muyanda kukkopa zyakamwaigwa SINSIMUKA! January 2015 | Ino Buumi Bwakatalika Buti?","num_words":618,"character_repetition_ratio":0.061,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Marko 6 | Bbaibbele lili a Intaneti | Bbaibbele lya Busanduluzi Bwanyika Mpya\\nJesu wakakwa mumunzi okwabo (1-6)\\nBali Kkumi Ababili bapegwa malailile aakukambauka (7-13)\\nLufwu lwa Johane Mubbapatizi (14-29)\\nJesu wasanina bantu bali 5,000 (30-44)\\nJesu weenda atala aamaanzi (45-52)\\nKuponya bantu ku Genesarete (53-56)\\n6 Mpoonya wakazwa ooko abasikwiiya bakwe akuboola kumunzi okwabo.+ 2 Mu Sabata, wakatalika kuyiisya mucikombelo, lino ibunji bwabaabo ibakali kumuswiilila bakagambwa akubuzya kuti: “Ino muntu ooyu wakazijana kuli zintu eezyi?+ Alimwi nkaambo nzi busongo oobu ncobwakapegwa kulinguwe, alimwi amilimo mipati eeyi nciicitilwa amuntu ooyu?+ 3 Sena ooyu tali sikubeza mapulanga,+ imwana wa Mariya+ alimwi imunyina Jakobo,+ Josefa, Judasi alimwi a Simoni?+ Alimwi sena bacizyi bakwe tatuli limwi aano?” Aboobo bakamukaka. 4 Pele Jesu wakabaambila kuti: “Musinsimi ulalemekwa koonse ccita buyo mumunzi okwabo, kuli bamukowa alimwi akuli bamuŋanda yakwe.”+ 5 Aboobo tanaakali kukonzya kucita mulimo mupati uuli woonse ooko, ccita buyo kubikka maanza aakwe abalwazi basyoonto akubaponya. 6 Masimpe, kubula lusyomo kwabo kwakamugambya. Eelyo wakaunka akwiinda muminzi yoonse iizingulukide, kayaabuyiisya.+ 7 Mpoonya wakaita bali Kkumi Ababili akutalika kubatuma bobilo-bobilo,+ alimwi wakabapa nguzu zyakutanda myuuya iisofweede.+ 8 Alimwi wakabalailila kuti kutabi cintu ncobatolelezya mulweendo lwabo ccita buyo nkoli—tiibakeelede kutolelezya cakulya, nkomo yakubikkila cakulya, naaba mali* muzikwama zyabo+— 9 pele bakeelede buyo kusama mpato alimwi tiibakeelede kusama zisani zyobilo.* 10 Kumane wakabaambila kuti: “Kufwumbwa nkomunjila muŋanda, amukkale oomo kusikila mukazwe kubusena oobo.+ 11 Alimwi kufwumbwa kubusena nkobatakamutambuli naa kumuswiilila, mwaakuzwa ooko amukakunkumune lusuko kumaulu aanu kuti bukabe bumboni kulimbabo.”+ 12 Mpoonya bakaunka akutalika kukambauka kuti bantu beempwe,+ 13 alimwi bakatanda madaimona manji+ akunanika balwazi banji mafwuta alimwi akubaponya. 14 Lino Mwami Heroda wakamvwa cakali kucitika, nkaambo izina lya Jesu lyakamwaika koonse, alimwi bantu bakali kwaamba kuti: “Johane Mubbapatizi wabusyigwa kubafwu, nkakaambo kaako ncakonzya kucita milimo mipati.”+ 15 Pele bamwi bakali kwaamba kuti: “Ngu Elija.” Alimwi bamwi bakali kwaamba kuti: “Musinsimi mbuli umwi wabasinsimi bakaindi.”+ 16 Pele Heroda naakamvwa makani aaya, wakaamba kuti: “Ooyu ngu Johane ngundakakosola mutwe, wabusyigwa.” 17 Nkaambo Heroda kumugama nguwakatuma bantu kuyoojata Johane akumwaanga muntolongo akaambo ka Herodiya imukaintu wa Filipo imunyina, akaambo kakuti Heroda wakalimukwete.+ 18 Nkaambo Johane wakali kwaambila Heroda kuti: “Tacizumizyidwe pe kukwata mukamunyoko.”+ 19 Aboobo Herodiya wakalimubikkililide Johane alimwi wakali kuyanda kuti amujaye, pele tanaakali kukonzya. 20 Nkaambo Heroda wakali kumuyoowa Johane, wakamuzyi kuti muntu uululeme alimwi uusalala,+ alimwi wakali kumubamba kabotu. Naakali kumuswiilila wakali kubula cakucita, pele lyoonse cakali kumukonda kumvwa nzyaakali kwaamba. 21 Pele bwakasika ibuzuba bweelede Heroda naakaba apobwe mubuzuba bwakuzyalwa+ kwakwe ndyaakabambila balupati-pati bakwe abeendelezi babasikalumamba, alimwi ankumekume zyaku Galilaya.+ 22 Lino mwana musimbi wa Herodiya wakaboola akuzyana cakuti Heroda wakakondwa abaabo mbaakali kulya limwi.* Mwami wakaambila musimbi ooyu kuti: “Kondaambila kufwumbwa ncoyanda, ndilakupa.” 23 Aboobo, wakamukonkezya kuti: “Kufwumbwa ncotiindilombe, ndilakupa, kusikila kucisela cabwami bwangu.” 24 Aboobo wakaunka anze kuyoobuzya banyina kuti: “Ncinzi nconditiilombe?” Bakaingula kuti: “Mutwe wa Johane Mubbapatizi.” 25 Ndilyonya wakanjila kabalika kuya kumwami akumulomba kuti: “Ndiyanda kuti mundipe lino aawa mutwe wa Johane Mubbapatizi mumutiba.”+ 26 Nokuba kuti eeci cakamupa kuusa kapati, mwami tanaakali kukonzya kumukakila, akaambo kakuti wakakonka alimwi akaambo kabeenzu bakwe.* 27 Aboobo ndilyonya eelyo mwami wakatuma sikumulindilila akumulailila kuti amuletele mutwe wa Johane. Eelyo wakaunka akumukosola mutwe Johane muntolongo 28 akuuleta mutwe mumutiba. Wakaupa musimbi, awalo musimbi wakaupa banyina. 29 Basikwiiya bakwe nibakaamvwa makani aaya, bakaboola akubweza mubili wakwe baakuuzikka mucuumbwe. 30 Lino baapostolo bakabungana kuli Jesu akumwaambila zintu zyoonse nzibakacita anzibakayiisya.+ 31 Mpoonya wakabaambila kuti: “Atweende tukkalile kubusena bunyina bantu mulyookezye aniini.”+ Nkaambo mbanji bantu ibakali kuboola akuunka, cakunga bakabula aciindi cakupumuna kuti balye. 32 Aboobo bakatanta bwato akuunka kubusena bunyina bantu kutegwa bakabe buyo balikke.+ 33 Pele bantu bakababona kabaunka, alimwi banji bakazyiba, eelyo bakayoboloka kuzwa muminzi yoonse akubalika amaulu, baakusaanguna mbabo kusika kubusena ooko. 34 Lino naakaseluka wakabona nkamu mpati yabantu, aboobo wakabeetelela+ nkaambo bakali mbuli mbelele zitakwe mweembezi.+ Mpoonya wakatalika kubayiisya zintu zinji.+ 35 Kumabbililo aazuba, basikwiiya bakwe bakaboola kulinguwe akumwaambila kuti: “Okuno nkuusyokwe, alimwi ciindi caunka kale.+ 36 Kobaambila bamwaikizyanye, kutegwa baunke mutunzi amuminzi yeengelede kuti bakalyuulile zyakulya.”+ 37 Wakabaingula kuti: “Amubape zyakulya.” Balo bakamubuzya kuti: “Sena tuunke tukaakuule zinkwa zyuulwa madinari* aali 200 akubapa bantu kuti balye?”+ 38 Wakababuzya kuti: “Ino mujisi zinkwa zyongaye? Kamuya mukalange!” Nibakalanga, bakati: “Zyosanwe answi zyobilo.”+ 39 Mpoonya wakaambila bantu boonse kuti bakkale mutubunga-bunga aamweemvwe.+ 40 Aboobo bakakkala mutubunga mumwi kabali 100 mumwi kabali 50. 41 Lino naakabweza zinkwa zyosanwe answi zyobilo wakalanga kujulu akulumba Leza.+ Amane wakakomauna zinkwa akuzipa basikwiiya bakwe kutegwa babape bantu, azyalo nswi eezyi zyobilo wakazyaabanya akati kabo boonse. 42 Aboobo boonse bakalya akukkuta, 43 alimwi bakabweza zisuwo zili 12 izyakazwide bufwefwelenga, kutabikkilizya answi.+ 44 Aabo ibakalya zinkwa bakali baalumi bali 5,000. 45 Mpoonya kakunyina kusowa ciindi, wakaambila basikwiiya bakwe kuti batante mubwato basolole kuya mutala ku Betesaida, walo naakacili kumwaya nkamu yabantu.+ 46 Naakamana kubalaya, wakaunka kucilundu kuyoopaila.+ 47 Lino nikwakaba kumangolezya, bwato bwakali akati kalwizi pele walo wakacili mutala alikke.+ 48 Mpoonya naakabona kuti cabakatazya kukwasula, nkaambo guwo lyakali kubbubbula kuletezya nkobakali kuya, kubucedo* wakaboola kulimbabo, keenda atala aamaanzi mulwizi; pele wakali kuyanda kubaindilila. 49 Mbobakamubonena buyo keenda atala aamaanzi mulwizi bakati: “Ncilengaano!” Eelyo bakakwiila. 50 Nkaambo boonse bakamubona alimwi bakayoowa. Pele ndilyonya eelyo wakaambaula ambabo akubaambila kuti: “Amukkazike myoyo! Ndime; mutayoowi pe.”+ 51 Mpoonya wakatanta mubwato mobakabede, aboobo guwo lyakaleka. Eeci cakabagambya kapati, 52 nkaambo tiibakamvwisya ncozyakali kwaamba zinkwa, alimwi mumyoyo cakacili cintu ciyumu kulimbabo ikumvwisya. 53 Lino nibakazabuka mutala bakasika ku Genesarete alimwi bakaimika bwato acito munsi akooko.+ 54 Pele mbobakazwida buyo mubwato, bantu bakamuzyiba. 55 Mpoonya bakabilingana mucooko eeco coonse akutalika kuleta bantu ibakali kuciswa, bakali kubanyamuda amacila akubaleta ooko nkobakamvwide kuti nkwabede. 56 Alimwi kufwumbwa naakali kunjila muminzi naa muminzi mipati naa mutunzi, bakali kuleta balwazi mumisika akumulomba kuti bajate buyo maaya aacisani cakwe caatala.+ Eelyo boonse aabo ibakaajata bakapona.\\n^ Mu Chigiriki, “mukuba.”\\n^ Naa “mbaakakkede limwi kutebulu.”\\n^ Naa “baabo bakakkede kutebulu.”\\n^ Nkokuti, cakuma 3 koloko yamasiku kusikila kumapaswido aazuba cakuma 6 koloko.","num_words":890,"character_repetition_ratio":0.045,"word_repetition_ratio":0.0,"special_characters_ratio":0.184,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"11 Lusyomo mbulangizi businizyidwe bwaceeco cilangilwa, mbumboni busalede bwazyintu zini-zini zitanabonwa. 2 Nkaambo kwiinda mulusyomo oolu ibantu bakaindi bakapegwa bumboni bwakuti bakakkomanisya Leza. 3 Akaambo kalusyomo tulizyi kuti bweende bwazyintu bwiindene-indene bwakabikkwa kabotu ajwi lya Leza, cakuti izyintu eezyo zilibonya zyakabako kuzwa kuzyintu zitalibonyi. 4 Akaambo kalusyomo Abelo wakatuulila Leza cipaizyo cili ampindu kapati kwiinda Kaini, alimwi kwiinda mulusyomo oolo wakacitilwa bumboni bwakuti wakali mululami, nkaambo Leza wakapa bumboni kwiinda mukuzumina zipego zyakwe; alimwi nokuba kuti wakafwa, ucaambaula kwiinda mulusyomo lwakwe. 5 Akaambo kalusyomo Enoki wakalonzyegwa ikutegwa ataluboni lufwu, alimwi tanaakajanwa kuli koonse pe akaambo kakuti Leza wakalimulonzyede; pele katanalonzyegwa wakacitilwa bumboni bwakuti wakakkomanisya Leza. 6 Kunze lyaboobo, ikuti kakunyina lusyomo tacikonzyeki pe kumukkomanisya Leza, nkaambo ooyo uuswena afwaafwi kulinguwe weelede kusyoma kuti nkwali ncobeni akuti uba sikupa bulumbu kuli baabo bamuyandaula cabusungu. 7 Akaambo kalusyomo, No-wa naakacenjezyegwa a Leza kujatikizya zyintu zyatakaningalibonya, wakatondezya kuti ulamuyoowa Leza, eelyo wakayaka bwato bwakufwutwida bamuŋanda yakwe; alimwi kwiinda mulusyomo oolu wakaipa mulandu nyika, eelyo wakaba sikukona bululami bujanwa akaambo kalusyomo. 8 Akaambo kalusyomo, Abulahamu naakaitwa wakaswiilila kwiinda mukuunka kubusena mbwaakali kuyootambula kabuli lukono; eelyo wakasiya cisi cakwe akuunka, nokuba kuti tanaakazyi nkwaakali kuunka. 9 Akaambo kalusyomo wakakkala kali mweenzu munyika yakasyomezyegwa mbuli mucisi citali cokwabo, alimwi wakali kukkala mumatente antoomwe a Izaka a Jakobo, basikukonanyina bacisyomezyo eeci nciconya. 10 Nkaambo wakali kulindila munzi uujisi ntalisyo zini-zini, imunzi ooyo wakaanzwa akuyakwa a Leza. 11 Akaambo kalusyomo awalo Sala wakatambula nguzu zyakumita lunyungu, nokuba kuti wakaliindide aciimo cakuzyala bana, nkaambo wakabona yooyo wakasyomezya kuti ulasyomeka. 12 Akaambo kaceeci, ikuzwa kumuntu omwe, ooyo iwakali buyo mbuli muntu uufwide, kwakazyalwa bana banji mbuli nyenyeezi zyakujulu, alimwi batabaliki mbuli musenga wakunkomwe yalwizi. 13 Boonse aaba bakafwa kabajisi lusyomo, nokuba kuti tiibakabona kuzuzikizyigwa kwazisyomezyo eezyo, pele bakazibona kulaale akuzitambula alimwi akwaambilizya caantangalala kuti bakali beenzu alimwi bamuzwakule batakkalilili munyika iilya. 14 Nkaambo aabo ibaambaula munzila eeyi bapa bumboni bwakuti balisungweede kuyandaula busena bwabo beni. 15 Nokuba boobo, ikuti ncobeni nobakazumanana kuyeeya busena ooko nkobakazwide, nobakajana coolwe cakupilukila nkuko. 16 Pele lino bayandisya busena bwiinda kubota, nkokuti bwakujulu. Aboobo Leza tafwi nsoni ambabo pe nobamwiita kuti ngu Leza wabo, nkaambo wababambila kale munzi. 17 Akaambo kalusyomo, Abulahamu naakasunkwa kwakasyeede buyo asyoonto kuti amutuule Izaka; imuntu ooyo iwakatambula zisyomezyo calukkomano wakatalika kutuula mwanaakwe simuzyalwaalikke, 18 nokuba kuti wakaambilidwe kuti: “Iluyootegwa ‘ndunyungu lwako’ luyoozwa muli Izaka.” 19 Pele wakasyomede kuti Leza wakali kukonzya kumubusya nokuba kuzwa kubafwu; eelyo wakamutambula ncobeni kuzwa kulufwu munzila yacikozyanyo. 20 Akaambo kalusyomo Izaka awalo wakaleleka Jakobo a Esau kujatikizya zyintu zyakali kulangilwa kumbele. 21 Akaambo kalusyomo, Jakobo naakali afwaafwi kufwa, wakaleleka umwi aumwi wabana basankwa ba Josefa akukomba kayeeme atala ankoli yakwe. 22 Akaambo kalusyomo, Josefa naakali afwaafwi kufwa, wakaamba makani aakulonga kwabana Isilayeli; alimwi wakapa malailile kujatikizya kuzikkwa* kwakwe. 23 Akaambo kalusyomo Mu-sa naakazyalwa wakasiswa abazyali bakwe kwamyezi yotatwe, nkaambo bakabona kuti mwana ooyu wakali mubotu, eelyo tiibakayoowa mulawo wamwami pe. 24 Akaambo kalusyomo, Musa naakakomena wakakaka kwiitwa kuti mwana wamwana musimbi wa Falawo, 25 wakasala kupenzyegwa antoomwe abantu ba Leza muciindi cakulikkomanisya acibi muzyakulikondelezya zyakaindi kaniini buyo, 26 nkaambo wakabona kuti kusampaulwa akaambo kakuba Munanike* lwakali lubono luyandika kapati kwiinda lubono loonse lwamu Egepita; nkaambo wakagamikide meso aakwe kubulangizi bwakupegwa bulumbu. 27 Akaambo kalusyomo wakazwa mu Egepita, ikutali kuti wakali kuyoowa bukali bwamwami, nkaambo wakazumanana kuzyandamana mbuli kuti wakali mubwene Ooyo uutalibonyi. 28 Akaambo kalusyomo wakacita Pobwe lya Kwiindilila akusansaila bulowa, kutegwa sikunyonyoona atabajayi* bana babo bataanzi kuzyalwa. 29 Akaambo kalusyomo bakainda mu Lwizi Lusalala mbuli kuti bakali kwiinda anyika njumu, pele bana Egepita abalo nobakasola kwiinda aawo, lwizi lwakabamena. 30 Akaambo kalusyomo, bwaanda bwa Jeliko bwakakolomoka nobakamana kubuzinguluka kwamazuba aali ciloba. 31 Akaambo kalusyomo, Lahabu imukaintu muvwuule tanaakanyonyooka pe antoomwe abaabo batakaswiilila, nkaambo basikutwela wakabatambula caluumuno. 32 Ino makani nzi aambi ngondinga ndaamba? Nkaambo ciindi cilandimanina ikuti ndizumanane kuluula makani aajatikizya Gidiyoni, Balaki, Samusoni, Jefita, Davida alimwi a Samuyele abasinsimi bambi. 33 Akaambo kalusyomo bakazunda mami, bakacita ziluleme, bakatambula zisyomezyo, bakamuma milomo yabasyuumbwa, 34 bakazunda nguzu zyamulilo, bakafwutuka kululomo lwapanga, bakanyina nguzu pele bakapegwa nguzu, bakayuma munkondo, bakazunda mpi zyabasikalumamba izyakali kubalwana. 35 Bamakaintu bakatambula bafwide babo mububuke; pele bantu bamwi bakatundululwa nkaambo tiibakazumina kunununwa acinunuzyo cimwi, ikutegwa bakajane bubuke bwiinda kubota. 36 Inzya, bamwi bakasukusyigwa kwiinda mukusampaulwa akukwibbaulwa, alimwi ncobeni bakapenzyegwa kwiinda waawo, bakaangwa nketani akubikkwa muntolongo. 37 Bakapwaigwa mabwe, bakasunkwa, bakakosaulwa muzibeela zyobilo amasaha, bakajaigwa apanga, bakali kutuntulika muzisalu zyambelele, muzisalu zyampongo, nobakabulide, nobakali mumapenzi, anobakali kutundululwa; 38 alimwi nyika tiiyakabeelede pe. Bakali kuyaabutuntulika mucimpayuma amumalundu amumampangala alimwi amumalindi aanyika eeyi. 39 Pele aaba boonse, nokuba kuti bakacitilwa bumboni bubotu akaambo kalusyomo lwabo, tiibakalibonena kuzuzikizyigwa kwacisyomezyo, 40 nkaambo Leza kuli cintu iciinda kubota ncaakabonenalyo kujatikizya ndiswe, ikutegwa batalondolwi pe swebo katutako.\\n^ Mu Chigiliki, “mafwuwa aakwe.”\\n^ Mu Chigiliki, “Kilisito.”\\n^ Mu Chigiliki, “atabagumi.”","num_words":739,"character_repetition_ratio":0.075,"word_repetition_ratio":0.0,"special_characters_ratio":0.156,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Na twacana Mwaana Ndyetutoshimikila\\nNa Mwaana Ngowakumbula\\nNa mwaana ngowakumbula, tulyeelete kumwiipusha na bashali bakwe mpobali. Ici cilatondesha bulemu mukwiinga ngomutwi. (Tusi. 6:20) Na mwaana watulwiita ayi amunjile, tulyeelete kukaka. Na bashali bakwe tabapo, tulyeelete kusaako ciindi cimwi.\\nNa mwaana ngumunene, mpashi ucite myaaka mbuli 16 kushika ku 19, inga caba kabotu kutaanguna kusenga bashali bakwe. Na tabapo, inga twamwiipusha na bashali bakwe balamusuminisha kulisalila shakubelenga. Na balamusuminisha, inga twamupa cakwaabila alimwi akumutondesha jw.org na kacikonsheka.\\nNa twaboolelaako kumwanike wakatondesha ayi ulisuni kwiiya, tulyeelete kubonana abashali bakwe. Ici inga catucafwa kubasansulwita mulandu ngotwesita akubatondesha makani abotu alimwi ashomeka acanika muBaibo eenga acafwa mikwashi. (Kulu. 119:86, 138) Kutondesha bulemu alimwi akubabikila maano bashali shilaakupa bumboni bubotu bweenga bwatucafwa kubashimikila makani abotu abalo.—1 Pita 2:12.","num_words":113,"character_repetition_ratio":0.091,"word_repetition_ratio":0.0,"special_characters_ratio":0.174,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Bakamboni ba Jehova ma Zionists? | FAQ\\nAMUBALE MU Afrikaans Albanian Amharic Arabic Armenian Armenian (West) Assamese Azerbaijani Azerbaijani (Cyrillic) Bashkir Basque Bassa (Cameroon) Batak (Toba) Bengali Bicol Bislama Boulou Bulgarian Catalan Cebuano Chavacano Chichewa Chin (Hakha) Chinese (Traditional) Chinese Mandarin (Simplified) Chitonga Chuvash Croatian Czech Damara Dangme Danish Digor Drehu Dutch Edo Efik English Esan Estonian Ewe Fante Faroese Finnish French Ga Galician German Greek Haitian Creole Hausa Hiligaynon Hungarian Icelandic Igbo Indonesian Isoko Italian Itsekiri Japanese Kabiye Kabyle Kannada Kinyarwanda Kirundi Kisi Kongo Korean Krio Kwanyama Latvian Lingala Lithuanian Low German Macedonian Malagasy Malay Malayalam Mam Mapudungun Mauritian Creole Maya Mende Myanmar Nahuatl (Central) Nahuatl (Huasteca) Ndebele Ngangela Norwegian Nzema Oromo Ossetian Persian Polish Portuguese Portuguese (Portugal) Punjabi Rarotongan Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Sinhala Slovak Slovenian Solomon Islands Pidgin Spanish Sunda Swahili Swati Swedish Tagalog Tahitian Tajiki Tankarana Tarascan Tatar Telugu Tetun Dili Tigrinya Tiv Tlapanec Tok Pisin Totonac Tsonga Turkish Tzeltal Tzotzil Ukrainian Urhobo Valencian Venda Vezo Vietnamese Wallisian Welsh Xhosa Yoruba Zapotec (Isthmus) Zulu\\nSena Bakamboni ba Jehova ma Zionists?\\nPeepe, tabali ma Zionists. Bakamboni ba Jehova Mbanakristo ibasyoma ncaamba Magwalo. Nokuba kuti zikombelo zimwi ziyiisya kuti lwaanguluko lwaba Juda lwakuba aacisi cabo ku Palestine luyeeme aabusinsimi bwamu Magwalo, pele Bakamboni ba Jehova tabuli mbobatubona twaambo oobo. Tabasyomi kuti eezyi izyakacitika mutwaambo twacisi zyakasinsimwa cacigaminina mu Magwalo. Masimpe ngakuti, Magwalo taasumpuli mfwulumende yabantu imwi aatala amfwulumende zimbi naa kusumpula musyobo umwi wabantu kwiinda misyobo iimbi. Magazini ya Ngazi Yamulindizi ya Bakamboni ba Jehova yakaamba boobu cakutainda mumbali: “Magwalo kunyina naasumpula musemu wa Zionism.”\\nBbuku litegwa The Encyclopædia Britannica lipandulula Zionism kuti “nkabunga ka Bajuda kakajisi makanze aakutalisya cisi ca Bajuda ku Palestine akuzumanana kucigwasyilizya.” Ntalisyo yankako iyeeme abukombi alimwi amutwaambo twacisi. Bakamboni ba Jehova tabasumpuli Zionism kuba njiisyo yabukombi, alimwi tabatoli lubazu naaceya mutwaambo twacisi tujatikizya Zionism.\\nMbunga ya Bakamboni ba Jehova njabukombi alimwi taisumpuli imbunga yatwaambo twacisi iiliyoonse, kubikkilizya a Zionism. Kutatola lubazu kwa Bakamboni ba Jehova mutwaambo twacisi kulizyibidwe kabotu, alimwi muzisi zimwi Bakamboni balapenzyegwa calunya akaambo kakutatola lubazu mutwaambo twacisi. Tulisinizyide kuti bulikke Bwami bwa Leza mbobuyooleta luumuno lutamani anyika, kunyina kabunga noiba mfwulumende yabantu iikonzya kucita oobo.\\nKaambo kapati kujatikizya njiisyo zyabukombi nzyobasyoma Bakamboni ba Jehova, kufwumbwa nkobakkala, nkakutobela milawo yamfwulumende. Tababukili mfwulumende zyabantu alimwi tabatoli lubazu munkondo.\\nSena Kuli Notuyooba Amfwulumende Yomwe Yeendelezya Nyika Yoonse?\\nSena Bakamboni ba Jehova Balabalemeka Bazikombelo Zimbi?","num_words":389,"character_repetition_ratio":0.084,"word_repetition_ratio":0.0,"special_characters_ratio":0.144,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"2 Samuele 23 | Bbaibbele lili a Intaneti | Bbaibbele lya Busanduluzi Bwanyika Mpya\\nMajwi aa Davida aamamanino (1-7)\\nBasikalumamba basinguzu iba Davida (8-39)\\n23 Aaya ngamajwi aamamanino aa Davida:+ “Ijwi lya Davida mwana wa Jese,+Alimwi ajwi lyamwaalumi wakasumpulwa,+Imunanike+ wa Leza wa Jakobo,Mwiimbi uuyandwa wanyimbo*+ zyamu Israyeli. 2 Muuya wa Jehova wakaamba kwiinda mulindime;+Ijwi lyakwe lyakali amulaka wangu.+ 3 Leza wa Israyeli wakaamba;Ndomba ya Israyeli+ yakandaambila kuti: ‘Ikuti ooyo weendelezya bantu kali mululami,+Keendelezya cakuyoowa Leza,+ 4 Bweendelezi bwakwe buli mbuli mumuni wamafwumofwumo ciindi zuba nolibala,+ Mafwumofwumo nokutakwe makumbi. Buli mbuli mumuni nikwamana kuwa mvwula,Iipa kuti bwizu bumene kuzwa munyika.’+ 5 Sena oobo tabuli mboibede ŋanda yangu kuli Leza? Nkaambo wapanga cizuminano citamani andime,+Cilibambidwe kabotu mumbazu zyoonse alimwi cilikwabilidwe. Nkaambo caamba lufwutuko alukkomano lwangu loonse,Sena aaka takali nkakaambo ncaapa kuti cizwidilile?+ 6 Pele bantu boonse babuyo balasoogwa+ mbuli zitewo zyamamvwa, Nkaambo tabakonzyi kubwezyegwa amaanza pe. 7 Kuti naa muntu wazijata zitewo eezyi,Weelede kuti kajisi cibelesyo cabutale asumo, Alimwi zyeelede kuumpwa cakumaninina mubusena mozibede.” 8 Ngaaya mazina aabasikalumamba basinguzu ba Davida:+ Josebu-basebete muna Tekemoni, silutwe wabapati botatwe.+ Wakabweza sumo lyakwe akujaya bantu bainda ku 800 aciindi comwe. 9 Iwakali kumutobela, nkokuti Eleazara+ mwana wa Dodo+ imwana wa Ahohi wakali umwi wabasikalumamba basinguzu botatwe ibakali a Davida ciindi nibakasampaula ba Filisiti. Bakabungana ooko kuti balwane nkondo alimwi ciindi bana Israyeli nobakatija, 10 walo wakasyaala akuzumanana kujaya ba Filisiti kusikila janza lyakwe lyakatala alimwi janza lyakwe lyakaangatila kupanga.+ Aboobo Jehova wakaleta luzundo* lupati buzuba oobo;+ alimwi bantu bakamutobela musyule kuyoosaala zintu zyabaabo bakajaigwa. 11 Iwakali kumutobela wakali Sama mwana wa Age muna Harari. Lino ba Filisiti bakalibunga-bunga ku Lehi, ooko ikwakali muunda wakazwide nyabo; eelyo bantu bakatija akaambo kaba Filisiti. 12 Pele walo wakaima akati kamuunda akuukwabilila alimwi wakazumanana kubajaya ba Filisiti, aboobo Jehova wakabafwutula aluzundo* lupati.+ 13 Botatwe akati kabasilutwe bali 30 bakaunka kuli Davida ciindi cakutebula kumpangala ya Adulamu,+ alimwi ba Filisiti bakayakide nkambi yamatente* mu Kkuti* lya Refaimu.+ 14 Aciindi eeco Davida wakali mumpangala,+ alimwi nkambi yabasikalumamba yaba Filisiti yakali mu Betelehemu. 15 Kumane Davida wakaamba ncaakali kulombozya naakati: “Eelo kaka inga cabota kuti ndanywa maanzi aamumukalo waku Betelehemu uuli kumulyango wamunzi!” 16 Mpoonya aawo basikalumamba botatwe basinguzu bakanjila canguzu munkambi yaba Filisiti akuteka maanzi mumukalo waku Betelehemu iwakali kumulyango wamunzi akwaatola kuli Davida; pele wakakaka kwaanywa, eelyo wakaatila ansi kuli Jehova.+ 17 Wakati: “Cilatondwa kulindime, O Jehova, kuti ndicite boobu! Sena ndeelede kunywa bulowa+ bwabaalumi aaba ibabikka buumi bwabo muntenda?” Aboobo wakakaka kwaanywa. Eezyi nzyezintu nzyobakacita basikalumamba bakwe basinguzu botatwe. 18 Abisai+ mwanookwabo a Joabu imwana wa Zeruya+ wakali silutwe wabaalumi bambi botatwe; wakabelesya sumo lyakwe kujaya bantu bainda ku 300, alimwi wakali ampuwo mbuli babaya botatwe.+ 19 Nokuba kuti wakali kulemekwa kapati kwiinda abaabo bambi botatwe alimwi wakali silutwe wabo, tanaakeelana abaabo botatwe bakusaanguna. 20 Benaya+ mwana wa Jehoyada wakali mwaalumi sicamba* iwakacita milimo minji mu Kabizeeli.+ Wakajaya bana basankwa bobilo ba Arieli waku Moabu, alimwi wakaselemukila mucilindi akujaya syuumbwa+ mubuzuba bwacaanda. 21 Alimwi wakajaya mwaalumi muna Egepita mubbabbani. Nokuba kuti muna Egepita ooyo wakajisi sumo mujanza lyakwe, Benaya wakamuunkila ankoli akumunyanga sumo muna Egepita akumujaya asumo lyakwe. 22 Eezyi nzyezintu Benaya mwana wa Jehoyada nzyaakacita, alimwi wakaba ampuwo mbubonya mbuli yabasikalumamba basinguzu botatwe. 23 Nokuba kuti wakali kulemekwa kapati kwiinda baabo bali makumi otatwe, tanaakeelana abotatwe bakusaanguna. Nokuba boobo Davida wakamusala kuba silutwe wabalindizi bakwe. 24 Asaheli+ mwanookwabo a Joabu wakali akati kabali makumi otatwe: Elihanani mwana wa Dodo waku Betelehemu,+ 25 Sama muna Harodi, Elika muna Harodi, 26 Helezi+ muna Paliti, Ira+ mwana wa Ikesi muna Tekowa, 27 Abiezeri+ muna Anatoti,+ Mebunai muna Husati, 28 Zalimoni muna Ahohi, Maharai+ muna Netofati, 29 Helebi mwana wa Baana muna Netofati, Itai mwana wa Ribai waku Gibea umwi wabana Benjamini, 30 Benaya+ muna Piratoni, Hidai wakutulonga* twaku Gaasi,+ 31 Abialiboni muna Aribati, Azimaveti muna Bartuimi, 32 Eliaba muna Syaaliboni, bana ba Jaseni, Jonatani, 33 Sama muna Harari, Ahiamu mwana wa Sarari muna Harari, 34 Elifeleti mwana wa Ahasibai imwana wamuna Maakati, Eliamu mwana wa Ahitofeli+ muna Gilo, 35 Heziro muna Karimeli, Paarari muna Arabiya, 36 Igali mwana wa Natani waku Zoba, Bani muna Gadi, 37 Zeleki muna Amoni, Naharai muna Beeroti, sikunyamuna zilwanyo wa Joabu mwana wa Zeruya, 38 Ira muna Itiri, Garebi muna Itiri,+ 39 a Uriya+ muna Heti—antoomwe bakali 37.\\n^ Naa “Lwiimbo lubotu akati kanyimbo.”\\n^ Naa “lufwutuko.”\\n^ Naa “alufwutuko.”\\n^ Naa “munzi wamatente.”\\n^ Mu Chihebrayo, “mwanaamuntu sicamba.”","num_words":670,"character_repetition_ratio":0.053,"word_repetition_ratio":0.0,"special_characters_ratio":0.189,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani Aakuluula: Mbondakajana Lukkomano Kwiinda Mukupa | Ba Ronald Parkin\\nAMUBALE MU Acholi Afrikaans Albanian Amharic Angolan Sign Language Arabic Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Bengali Bicol Boulou Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chuvash Cibemba Cinyanja Croatian Czech Dangme Danish Dutch Efik English Estonian Ewe Fijian Finnish Fon French Ga Georgian German Greek Guarani Gujarati Gun Hausa Hebrew Hiligaynon Hindi Hungarian Ibanag Icelandic Igbo Iloko Indonesian Isoko Italian Japanese Kabiye Kannada Kikamba Kikaonde Kikuyu Kinyarwanda Kirghiz Kiribati Kirundi Korean Kurdish Kurmanji (Caucasus) Kurdish Kurmanji (Cyrillic) Kwangali Kwanyama Lamba Latvian Lhukonzo Lithuanian Luganda Lunda Luo Luvale Macedonian Malagasy Malay Malayalam Mambwe-Lungu Marathi Maya Mbunda Mixe (North Central) Mongolian Moore Myanmar Ndebele Ndebele (Zimbabwe) Ndonga Nepali Nigerian Pidgin Norwegian Nzema Okpe Oromo Ossetian Pangasinan Papiamento (Curaçao) Persian Pidgin (Cameroon) Polish Portuguese Punjabi Quechua (Bolivia) Romanian Runyankore Russian Samoan Sango Sepedi Serbian (Cyrillic) Serbian (Roman) Sesotho (Lesotho) Setswana Shona Sidama Silozi Sinhala Slovak Slovenian Solomon Islands Pidgin South African Sign Language Spanish Sranantongo Swahili Swati Swedish Tagalog Tajiki Tamil Tatar Telugu Tetun Dili Thai Tigrinya Tiv Tok Pisin Tsonga Turkish Turkmen Tuvaluan Twi Tzotzil Ukrainian Urdu Urhobo Uzbek Venda Vietnamese Waray-Waray Welsh Wolaita Xhosa Yoruba Zande Zapotec (Isthmus) Zulu\\nMbondakajana Lukkomano Kwiinda Mukupa\\nAkaluulwa aba Ronald J. Parkin\\nCIINDI nondakali amyaka yakuzyalwa iili 12, ndakazyiba kuti ndakajisi cintu ciyandika kapati ncondakali kukonzya kupa bamwi. Lyamuswaangano wabbazu, mukwesu wakandibuzya naa ndakali kuyanda kukambauka. Nokuba kuti kunyina nondakakambaukide kale, ndakati “inzya.” Twakaunka kucilawo, mpoonya wakandipa tubbuku itwakali kwaamba zya Bwami bwa Leza. Wakaamba kuti: “Ukambaukile bantu ibali kulubazu ooluya lwamugwagwa mpoonya mebo ndilakambaukila bantu ibali kulubazu ooluno.” Kandiyoowede, ndakatalika kukambauka kuŋanda aŋanda, alimwi icakandigambya ncakuti ndakatwaabila tubbuku toonse ntondakajisi. Cakutadooneka, bantu banji bakatukkomanina tubbuku ntondakali kwaabila.\\nNdakazyalwa mu 1923 mu Chatham, Kent, ku England, alimwi ciindi nondakali kukomena, nyika yakazwide bantu batyompedwe. Nkondo Yakusaanguna Yanyika Yoonse tiiyakazuzikizya cisyomezyo cakuleta luumuno munyika. Bazyali bangu abalo bakalityompedwe akaambo kabasololi bacikombelo ca Baptist ibakali kubikkila buyo maano kukusumpuka kwabo beni. Nondakali amyaka iili 9, bamaama bakatalika kuunka kuŋanda yakuswaanganina yaba International Bible Students Association, ooko nkobakali kuswaanganina bantu ibakatalika kwiitwa kuti Bakamboni ba Jehova. Mucizyi umwi wakali kutuyiisya swebo tobana ziiyo zyamu Bbaibbele kubelesya Bbaibbele alimwi abbuku lyakuti The Harp of God. Ndakali kuzikkomanina nzyondakali kwiiya.\\nKWIIYA KUBAKWESU BAPATI\\nNondakali mukubusi, cakali kundikkomanisya kupa bantu bulangizi buzwa mu Jwi lya Leza. Nokuba kuti kanji-kanji ndakali kukambauka kuŋanda aŋanda ndelikke, kukambauka abamwi akwalo kwakandigwasya. Mucikozyanyo, buzuba bumwi mebo amukwesu umwi mupati notwakali kuccovwa macinga kuunka kucilawo nkotwakali kuyookambaukila, twakabona musololi wacikombelo mpoonya ndakati: “Njiilya mpongo.” Mukwesu ngotwakali limwi wakaimika ncinga yakwe akundilomba kuti tukkale ansi. Mpoonya wakati: “Ino nguni wakakupa nguzu zyakubeteka bantu kuti nimpongo? Atukkomane buyo akupa bantu makani mabotu akulekela Jehova kuti akababeteke.” Mumyaka eeyo yakumatalikilo, ndakaiya zinji kujatikizya lukkomano luboola kwiinda mukupa.—Mt. 25:31-33; Mil. 20:35.\\nMukwesu uumbi mupati wakandiyiisya kuti kutegwa tujane lukkomano mukupa, zimwi ziindi tweelede kuliyumya cakukkazika moyo. Mukaintu wakwe tanaakali kubayanda Bakamboni ba Jehova. Bumwi buzuba mukwesu ooyu wakanditamba kuŋanda yakwe kutegwa tukanwe tii. Bakaintu bakwe bakalinyemede kapati akaambo kakuti mukwesu ooyu wakainkide kuyookambauka mpoonya bakatalika kutufwusa masamba. Muciindi cakubanyemena bakaintu bakwe, wakabwezelela buyo masamba kumwi kaseka-seka akwaapilusya mwaakabede. Nokwakainda myaka iili mbwiibede, kukkazika moyo kwakwe kwakalumbulwa ciindi mukaintu wakwe naakabbapatizyigwa kuba Kamboni wa Jehova.\\nLuyandisisyo lwangu lwakupa bantu bulangizi bwakumbele lwakazumanana kukomena, mpoonya mebo abamaama twakabbapatizyigwa ku Dover mu March 1940. Britain yakatalika kulwana cisi ca Germany mu September 1939 nondakajisi myaka iili 16. Mu June 1940, ndakalangilila kandiimvwi amulyango kumbele lyaŋanda yesu ciindi basikalumamba banji ibakali kweetezya nobakali kwiinda muzyoota zipati. Mbabakafwutuka mu Nkondo Yaku Dunkirk. Nondakabalanga, bakali kulibonya kuti tiibakajisi bulangizi, aboobo ndakali kuyanda kubaambila zya Bwami bwa Leza. Kumamanino aamwaka nguwenya uulya, bana German bakatalika kufwusa mabbomba mu Britain. Busiku bumwi abumwi, ndakali kulangilila ciindi ndeke zyankondo zyabasikalumamba bana German nozyakali kwiinda mubusena motwakali kukkala. Mabbomba akali kulila alimwi twakali kwaamvwa kaaloka, eeci cakali kutupa kuyoowa kapati. Twabuka buzuba butobela, twakali kujana kuti maanda manji anyonyoonwa. Ndakazumanana kuyeeya kuti Bwami bulikke mbobwakali kukonzya kundipa bulangizi bwakumbele.\\nMBONDAKATALIKA KUPONA BUUMI BWAKUPA\\nMwakali mu 1941 nondakatalika buumi ibwandipa kuba muntu uukkomene kapati. Ndakali kubeleka nkobakali kupanga mato mu Chatham kutegwa kumwi kandiiya mulimo ooyu, walo bantu banji ngobakali kunyomenena alimwi wakali kuvwolwa mali manji. Kwaciindi cilamfwu, babelesi ba Jehova bakalizyi kuti Banakristo tabeelede kulwanina cisi cimwi naa kulwana cisi cimbi. Kuzoosika mu 1941 twakatalika kuzyiba kuti tatweelede kubeleka mulimo uujatikizya kupanga zilwanyo zyankondo. (Joh. 18:36) Mbwaanga kkampani iyakali kupanga mato nkondakali kubeleka yakali kupanga mato aankondo, ndakasala kuti nduuleke mulimo ooyu ngondakali kubeleka kutegwa nditalike mulimo waciindi coonse. Kusaanguna ndakaambilwa kuyoobelekela ku Cirencester, idolopo libotu kapati ilili mumalundu.\\nNondakaba amyaka iili 18 ndakaangwa kwamyezi iili 9 akaambo kakuti ndakakaka mulimo wabusikalumamba. Ndakayoowa kapati ciindi nobakandijalila ndelikke mukaanda kamuntolongo. Pele tiilyakalampa, basikugatela alimwi abasintolongo bakatalika kundibuzya ikaambo ncondakaangilwa, aboobo ndakakkomana kubapandulwida kujatikizya lusyomo lwangu.\\nNondakaangununwa, ndakaambilwa kunoobeleka amukwesu Leonard Smith * kutegwa katukambaukila mumadolopo aaindene-indene aakali mucooko motwakali kukkala ku Kent. Kutalikila mu 1944, ndeke zyankondo ziteenzyegwi abantu iziinda ku 1000 izyakanyamwide mabbomba zyakali kuwida mu Kent. Twakali kukkala mwini mozyakali kwiinda ndeke akati kabusena bwaku Europe mbobakali kweendelezya basikalumamba bana Nazi alimwi a London. Mabbomba aayo aakali kuuluka akali kwiitwa kuti ma doodlebugs. Yakali nzila yakuyoosya bantu, nkaambo kuti wamvwa buyo kuti ndeke yacileka kulila, mbuli mbocakali kucitika kanji-kanji, twakali kuzyiba kuti kwainda buyo ciindi cisyoonto ndeke ilawa akubboloka. Twakali kusololela ciiyo ca Bbaibbele kumukwasyi umwi wabantu bosanwe. Zimwi ziindi, twakali kukkala munsi aatebulu lyalubulo ilyakabambilidwe kubakwabilila ikuti naa ŋanda yawa. Boonse mumukwasyi ooyu mukuya kwaciindi bakabbapatizyigwa.\\nKUKAMBAUKA MAKANI MABOTU KUZISI ZIMBI\\nKutamba bantu kumuswaangano wacooko nondakatalika mulimo wabupainiya ku Ireland (aansi aawa)\\nNoyakamana nkondo, ndakacita bupainiya kwamyaka yobilo kucooko ca Ireland nkocili kumusanza. Tiitwakazyi kuti cisi ca Ireland cakaliindene kapati aca England. Twakali kuunka kuŋanda aŋanda katuyaabulomba kwakoona, twakali kwaamba kuti tuli bamisyinali, alimwi twakali kwaabila mamagazini mumigwagwa. Kucita boobu bwakali “bufwuba-fwuba” nkaambo mubusena oobu bantu banji bakali kuzulilwa kucikombelo ca Katolika. Ciindi muntu umwi naakali kuyanda kutuuma, ndakatongookela mupulisa walo iwakandaambila kuti: “Ino mebo ndicite buti?” Tiitwakazyi pe kuti bapaizi bacikombelo mbebakajisi nguzu kapati. Bakali kutanda bantu milimo kuti naa baatambula mabbuku eesu, alimwi bakali kupa kuti tutandwe mumaanda motwakali koona.\\nKalitanalampa twakazyiba kuti ciindi notwasika mucilawo cipya, cakali kabotu kuccovwa macinga akuyookambaukila kubusena ibuli kule abusena nkotwakali kukkala, ooko bantu nkobakajisi mupaizi uumbi. Kumamanino, twakali kukambaukila bantu ibakali afwaafwi. Ku Kilkenny, twakali kwiiya amusankwa umwi ziindi zyotatwe mumvwiki nokuba kuti bantu bakali kuyoowa mabbomba. Ndakali kukukkomanina kuyiisya kasimpe kamu Bbaibbele cakuti ndakasala kulembela kuyooyiisyigwa mulimo wabumisyinali kucikolo ca Watchtower Bible School of Gilead.\\nBwato ibwakali kwiitwa kuti Sibia bwakali ŋanda yesu yabamisyinali kuzwa mu 1948 kusikila mu 1953 (kululyo)\\nNotwakamana kwiiya kwamyezi yosanwe mu New York, swebo tone twakatumwa kuyoobelekela kunsumbu zisyoonto-syoonto zyamu Caribbean Sea. Mu November 1948, twakazwa mu New York akutanta bwato ibwakali kulampa mamita aali 18 ibutegwa Sibia. Cakali ciindi cakusaanguna mebo kweenda mulwizi, aboobo ndakalikkomene kapati. Umwi akati kesu, ba Gust Maki bakali bakapitawo bacibwene bamato mulwizi. Bakatuyiisya zintu zimwi ziyandika izijatikizya mbwaayenzyegwa mato mulwizi, mbuli kunyamuna masaili alimwi akwaaleta ansi, mboibelesyegwa kkampasi, ambokucitwa kuti kwaba guwo. Ba Gust bakabelesya luzyibo lwabo kweenzya bwato muguwo pati liyoosya kwamazuba aali 30 mane kusikila twakasika ku Bahamas.\\n“AMULYAAMBILIZYE AKATI KANSUMBU”\\nNotwakamana kukambauka kwamyezi misyoonto munsumbu zisyoonto-syoonto zyamu Bahamas, twakatanta bwato kuunka kunsumbu zyaku Leeward azyaku Windward, nsumbu eezyi zitalikila ku Virgin Islands kufwaafwi a Puerto Rico kusikila kufwaafwi a Trinidad makkilomita aabalilwa ku 800. Kwamyaka yosanwe, kanji-kanji twakali kukambaukila munsumbu izyakali kulamfwu ooko ikwakanyina Bakamboni. Zimwi ziindi twakali kukkala kwansondo zili mbozibede katutakonzyi kutuma naa kutambula magwalo. Pele cakali kutukkomanisya kapati kwaambilizya Jwi lya Jehova akati kansumbu!—Jer. 31:10.\\nBamisyinali batantide bwato ibwakali kwiitwa kuti Sibia (kuzwa kulumwesyi kuya kululyo): Ba Ron Parkin, ba Dick Ryde, ba Gust Maki, alimwi aba Stanley Carter\\nKufwumbwa notwakali kwiima acito, bantu bamumunzi bakali kukkomana kapati akubungana acito kutegwa babone naa ndiswe bani. Bamwi bantu cakali ciindi cakusaanguna kubona bwato mbotwakali kweendela naa kubona mukuwa. Bantu ibakali kukkala munsumbu eezyi bakali bantu babotu myoyo ibakali kuyandisya makani aabukombi alimwi bakalilizyi kabotu Bbaibbele. Kanji-kanji bakali kutupa nswi zitete, makkotapela alimwi anyemu. Bwato bwesu busyoonto bwakajisi busena busyoonto bwakoona, bwakujikila, naa bwakuwasyila zisani pele twakali kukonzya kucita zintu eezyi.\\nTwakali kuzwa mubwato akuunka kumulundu akuswaya bantu buzuba boonse. Twakali kubaambila kuti kulaba makani aa Bbaibbele. Mpoonya kumangolezya twakali kulizya mulangu wamubwato. Cakali kukkomanisya kubona bantu bamumunzi kabasika. Malambe aabo akali kuboneka mbuli nyenyezi zimweka-mweka kunsi aamulundu. Zimwi ziindi bantu ibali 100 bakali kusika, alimwi bakali kukkala mane kusikila kwasiya kababuzya mibuzyo. Bakali kukukkomanina kwiimba, aboobo twakali kutaipa nyimbo zya Bwami zimwi akubapa. Swebo tone twakali kusolekesya kusikila mpotugolela kwiimba nyimbo eezyi, bantu bakali kutusangana, bakali kwiimba munzila iimvwika kabotu kapati. Eelo kaka eezyi zyakali ziindi zikkomanisya!\\nTwamana kweendelezya ciiyo ca Bbaibbele, mbotwakali kwiiya limwi bamwi bakali kutuccilila kumukwasyi uutobela kutegwa bakajanike kuciiyo eeco alimwi. Nokuba kuti twakali kulonga akuunka kumbi kwainda mvwiki zili mbozibede, kanji-kanji twakali kulomba baabo ibakajisi luyandisisyo kapati kuti bazumanane kwiiya abeenzinyina kusikila twaakupiluka alimwi. Cakali kukkomanisya kapati kubona bamwi mbobakali kuubikkila maano mukuli wakwiiya abeenzinyina.\\nMazuba aano, bunji bwansumbu eezyi masena aayebeka alimwi aakkomanisya ngobaswaya bantu banji, pele kaindi munsumbu eezyi kwakanyina zintu zinji izyakali kucitika, akali buyo masena aakajisi zizyiba, museenga kunkomwe yalwizi alimwi azisamu zyamakunka. Kanji-kanji twakali kweenda abwato masiku kuzwa kunsumbu iimwi kuya kunsumbu iimbi. Inswi zitegwa Dolphin zyakali kusobana kazitobelezya bwato, alimwi ncotwakali kukonzya kumvwa buyo, maanzi ciindi bwato nobwakali kweenda. Mumuni wamwezi mulwizi lutakwe mayuwe wakali kupa kuti lwizi kaluŋaima.\\nNokwakainda myaka yosanwe katukambauka munsumbu eezyi, twakaunka ku Puerto Rico kutegwa tukacincanye bwato bwesu abwato bwakajisi mainjini. Notwakasika ku Puerto Rico, ndakaswaangana a Maxine Boyd, mucizyi mumisyinali weebeka, mpoonya ndakamuyanda. Wakali mukambausi musungu wamakani mabotu kuzwa kubwana. Mukuya kwaciindi, wakabeleka kali misyinali ku Dominican Republic kusikila ciindi naakatandwa mucisi eeci amfwulumende yaba Katolika mu 1950. Akaambo kakuti ndakali sikweenzya bwato, ndakajisi cipepa icakali kundizumizya kukkala mucisi ca Puerto Rico kwamwezi omwe buyo. Kakutanainda ciindi ndakeelede kuunka kunsumbu akuyookkala ooko kwamyaka iili mbwiibede. Aboobo ndakalyaambauzya mumoyo kuti: ‘Ronald, ikuti komuyanda musimbi ooyu weelede kubweza ntaamu cakufwambaana.’ Nokwakainda nsondo zyotatwe, ndakamusyaba, mpoonya nokwakainda nsondo zili cisambomwe twakakwatana. Mebo aba Maxine twakaambilwa kubelekela mu Puerto Rico katuli bamisyinali, aboobo taakwe nondakabutanta bwato bupya.\\nMu 1956 twakatalika kuswaya mbungano mumulimo wabbazu. Bakwesu banji bakali bacete, pele twakali kukkomana kubaswaya. Mucikozyanyo, mumunzi wa Potala Pastillo, mwakali mikwasyi yobilo ya Bakamboni abana banji, alimwi ndakali kubalizizya muntolilo. Ndakabuzya musimbi umwi muniini utegwa Hilda ikuti naa wakali kuyanda kuunka kuyookambauka antoomwe andiswe. Wakati: “Ndilayanda, pele tandikonzyi kuunka nkaambo tandijisi mabbusu.” Twakamuulila mabbusu mpoonya wakatusangana kuyookambauka. Nokwakainda myaka iili mbwiibede, nkokuti mu 1972, ciindi mebo aba Maxine notwakali kuswaya Bbeteli yaku Brooklyn, mucizyi iwakazwide akumanizya Cikolo ca Gileadi wakatusikila. Wakali afwaafwi kunyamuka kuunka kucisi ca Ecuador nkwaakatumwa kuyoobelekela, wakati: “Sena mwandizyiba? Ndendime musimbi muniini iwakali kukkala ku Pastillo iwatakajisi mabbusu.” Wakali Hilda! Twakakkomana kapati cakuti yakatweenda misozi!\\nMu 1960 twakaambilwa kuyoobelekela kumutabi waku Puerto Rico, maofesi akali muŋanda nsyoonto iyakajisi midadaada yobilo kuyamujulu mu Santurce, San Juan. Kumatalikilo, ba Lennart Johnson andime ndiswe twakali kubeleka milimo minji. Balo abakaintu babo mbebakali Bakamboni ba Jehova bakusaanguna mu Dominican Republic, alimwi bakasika mu Puerto Rico mu 1957. Mukuya kwaciindi, ba Maxine bakali kubeleka mulimo wakutuma mamagazini kubantu ibakalembela kuti kabatambula—mvwiki amvwiki bakali kubelekela amamagazini aainda ku 1000. Bakali kuukkomanina mulimo ooyu nkaambo bakali kuyeeya bantu boonse aabo ibakali kutambula cakulya cakumuuya.\\nNdilaukkomanina kapati mulimo waku Bbeteli, nkaambo mulimo ooyu uujatikizya kupa bamwi. Nokuba boobo, ulijisi buyumuyumu. Mucikozyanyo, lyamuswaangano wamasi wakusaanguna mu Puerto Rico mu 1967, ndakalimvwa kuti mulimo wakandikkomenena kapati. Mukwesu Nathan Knorr, iwakali kusololela akati ka Bakamboni ba Jehova aciindi eeco, wakasika ku Puerto Rico. Wakayeeya kuti tiindakabikkide bubambe bwazyakweendela zyabamisyinali nokuba kuti bubambe oobo bwakaliko. Mpoonya wakandinyemena kapati akaambo kakuti wakandiyeeyela kuti tiindakali kuzyeendelezya kabotu zintu alimwi wakaamba kuti ndakamutyompya kapati. Tiindakayanda kukazyanya anguwe pe, pesi ndakalimvwa kuti taakwe naakandeendelezya kabotu, aboobo eeci cakandicisa kwaciindi cili mbocibede. Nokuba boobo, ciindi cakatobela mebo aba Maxine notwakamubona Mukwesu Knorr, wakatutamba kuŋanda yakwe akutujikila cakulya.\\nNotwakazwa ku Puerto Rico, twakali kuvwula kubaswaya bamukwasyi wangu ku England. Bataata taakwe nobakakatambula kasimpe ciindi mebo abamaama notwakaiya kasimpe. Pele ciindi baambi ibakali kuzwa ku Bbeteli nobakali kuswaya, bamaama kanji-kanji bakali kubatambula muŋanda yesu. Bataata bakabona mbobakali kulicesya balangizi aaba ibakali kuzwa ku Bbeteli mukwiimpana abasololi bazikombelo ibakali kubasuluzya myaka yainda musyule. Mpoonya mu 1962, bataata bakabbapatizyigwa kuba Kamboni wa Jehova.\\nKatuli aba Maxine mu Puerto Rico kakwiindide buyo ciindi cisyoonto kuzwa notwakakwatana alimwi notwakali kusekelela mwaka wanamba 50 mucikwati cesu mu 2003\\nBakaintu bangu mbondakali kuyandisya, ba Maxine, bakafwa mu 2011. Ndilangila kumbele kuyoobabona alimwi baakubusyigwa. Eelo kaka oobu mbulangizi bukkomanisya! Mumyaka iili 58 njotwakakkala antoomwe, mebo abakaintu bangu twakabona mweelwe wabantu ba Jehova mbowakali kuyaabuyungizyika mu Puerto Rico kuzwa kuli Bakamboni bali 650 kusikila ku 26,000! Mpoonya, mu 2013 mutabi waku Puerto Rico wakatalika kweendelezyegwa amutabi waku United States, mpoonya ndakaambilwa kuyoobelekela ku Wallkill, New York. Nondakakkala myaka iili 60 ansumbu, ndakalimvwa kuba muna Puerto Rico mbuli ka coquí, kacula kasyoonto ikazyibidwe kapati ku Puerto Rico ikakkala muzisamu ikalila kuti kko-kki, kko-kki kumangolezya. Pele cakasika ciindi cakuti ndizwe kubusena oobu.\\n“LEZA UYANDA MUNTU UUPA KUMWI KAKKOMENE”\\nNdicikukkomanina kubelekela Leza a Bbeteli. Lino ndijisi myaka yakuzyalwa iinda ku 90, alimwi mbondili mweembezi wakumuuya, mulimo wangu ngwakuyumyayumya bamukwasyi wa Bbeteli. Ndakaambilwa kuti ndakaswaya kale bakwesu abacizyi ibainda ku 600 kuzwa ciindi nondakasika ku Wallkill. Bamwi ibaboola kundibona inga bayanda kubandika twaambo tubajatikizya naa mapenzi aamukwasyi. Bamwi inga balomba lulayo lujatikizya mbobakonzya kuzwidilila mumulimo wabo waa Bbeteli. Mpoonya bamwi ibakakwatana caino-ino inga balomba lulayo lukonzya kubagwasya kuzwidilila mucikwati cabo. Bamwi bakaambilwa kuyoobelekela kumasena aambi. Inga ndilabaswiilila boonse ibaboola kubandika andime, alimwi nokuyandika ndibaambila kuti: “‘Leza uyanda muntu uupa kumwi kakkomene.’ Aboobo, amuukkomanine mulimo wanu. Nkaambo mubelekela Jehova.”—2Kor. 9:7.\\nNcomweelede kucita ikuti kamuyanda kukkomana a Bbeteli, ncencico ncomweelede kucita nomuli kubusena bumbi buyo: Mweelede kubikkila maano kuzyiba ikaambo ncouyandika kapati mulimo ngomubeleka. Milimo yoonse njotubeleka ku Bbeteli milimo iisetekene. Milimo eeyi igwasyilizya “muzike uusyomeka alimwi uucenjede” kuti kapa cakulya cakumuuya kubakwesu abacizyi munyika yoonse. (Mt. 24:45) Kufwumbwa nkotumubelekela Jehova, tulijisi coolwe cakumutembaula. Atuukkomanine mulimo ngwatupede kuti tubeleke, nkaambo “Leza uyanda muntu uupa kumwi kakkomene.”\\n^ par. 13 Makani aakuluula aaba Leonard Smith akamwaigwa mu Ngazi Yamulindizi yamu April 15, 2012.\\nBuumi Bwakubelekela Leza Buletela Zilongezyo","num_words":2277,"character_repetition_ratio":0.046,"word_repetition_ratio":0.0,"special_characters_ratio":0.153,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amwiiye Luyando, Luzyalo, Alimwi a Busongo bwa Leza | Yakwiiya\\nNgazi Yamulindizi—Yakwiiya | May 2015\\nAMUBALE MU Acholi Albanian American Sign Language Amharic Arabic Argentinean Sign Language Armenian Aymara Azerbaijani Azerbaijani (Cyrillic) Batak (Toba) Bengali Bicol Bislama Brazilian Sign Language Bulgarian Catalan Cebuano Chichewa Chilean Sign Language Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chokwe Chuvash Cibemba Cinyanja Colombian Sign Language Croatian Czech Danish Drehu Dutch Efik English Estonian Fijian Finnish French Georgian German Greek Guarani Gujarati Gun Haitian Creole Hausa Hebrew Hiligaynon Hindi Hiri Motu Hungarian Icelandic Igbo Iloko Indonesian Isoko Italian Italian Sign Language Japanese Japanese Sign Language Kannada Karen (S'gaw) Kazakh Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Krio Latvian Lithuanian Luganda Lunda Luo Luvale Macedonian Malagasy Malay Malayalam Mambwe-Lungu Marathi Mauritian Creole Maya Mexican Sign Language Mixe (North Central) Mongolian Moore Ndebele (Zimbabwe) Nepali Norwegian Oromo Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Punjabi Quechua (Bolivia) Quichua (Imbabura) Romanian Runyankore Russian Russian Sign Language Samoan Sango Serbian (Cyrillic) Serbian (Roman) Seychelles Creole Shona Sidama Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tajiki Tamil Tatar Telugu Thai Tigrinya Tiv Tshiluba Turkish Turkmen Turkmen (Cyrillic) Tuvaluan Tzotzil Ukrainian Urdu Uzbek Vietnamese Wallisian Waray-Waray Wayuunaiki Wolaita Yoruba Zande Zapotec (Isthmus)\\nAmwiiye Yooyo Uusyomezya Buumi Butamani\\n“Amwiiye Leza, mbomuli bana bayandwa.”—EF. 5:1.\\nSENA INGA MWAPANDULULA?\\nMuunzila nzi Jesu mwaakabutondezya bube bwa Jehova?\\nMbuti mbotukonzya kwiiya bube bwa Leza, mbuli luyando lwakwe?\\nNkaambo nzi ncotweelede kucenjela kujatikizya zintu nzyotuyeeya?\\n1. Ino mbube nzi bukonzya kutugwasya kubwiiya bube bwa Leza?\\nJEHOVA wakatupa nguzu zyakucikonzya kulibikka mubukkale bwabamwi akumvwisya mbobalimvwa. Munzila imwi, tulakonzya kubumvwisya bukkale bumwi nokuba kuti tatunabede mubukkale oobo. (Amubale Baefeso 5:1, 2.) Mbuti mbotukonzya kucibelesya kabotu cipego eeci ncaakatupa Leza? Nkaambo nzi ncotweelede kucenjela ambotucibelesya cipego eeci?\\n2. Mbuti mapenzi eesu mbwaamujatikizya Jehova?\\n2 Cakutadooneka, tulikkomene kuti Leza wasyomezya bananike ibasyomeka buumi butafwi kujulu alimwi abuumi butamani anyika ‘kumbelele zimbi’ zya Jesu izisyomeka. (Joh. 10:16; 17:3; 1Kor. 15:53) Masimpe, buumi butafwi kujulu alimwi abuumi butamani anyika tazikanyonganizyigwi amapenzi aadumide sunu. Jehova ulaamvwisya mapenzi ngotujisi, mbubwenya mbuli mbwaakali kumvwisya mbobakali kupenga bana Israyeli ciindi nobakali bazike mu Egepita. Inzya, “mumapenzi aabo oonse wakali kupenga mumoyo awalo.” (Is. 63:9) Nokwakainda myaanda yamyaka, ba Juda bakayoowa akaambo kakukazyigwa abasinkondonyina mumulimo wakuyakulula tempele, pele Leza wakati: “Kufwumbwa uumuguma nywebo uguma mboni yaliso lyangu.” (Zek. 2:8.) Mbubwenya mbuli mutumbu mbwajisi lweetelelo kumwanaakwe, Jehova ulabweza ntaamu caluyando kugwasya bantu bakwe. (Is. 49:15) Aboobo, inga twaamba kuti Jehova ulakonzya kulibikka mubukkale bwabamwi, alimwi wakatupa nguzu zyakucita boobo.—Int. 103:13, 14.\\nJESU MBWAAKALUTONDEZYA LUYANDO LWA LEZA\\n3. Ncinzi citondezya kuti Jesu wakali silweetelelo?\\n3 Jesu wakaamvwisya mapenzi aabamwi, nobaba baabo ibakali mubukkale oobo ibwatakalina buzuba bwamucitikila. Mucikozyanyo, ibantu-bantu buyo lyoonse bakali kubayoowa basololi bazikombelo, aabo ibakali kubeena akubaminya amilawo minji iyakapangwa abantu. (Mt. 23:4; Mk. 7:1-5; Joh. 7:13) Jesu kunyina naakakongwa naa kweenwa, pele wakali kukonzya kubumvwisya bukkale oobo mbwaatakalina buzuba wapona. Aboobo “naakabona makamu aabantu, wakabeetelela nkaambo bakali kupenzyegwa alimwi bakalimwaikide mbuli mbelele zitakwe mweembezi.” (Mt. 9:36) Mbubwenya mbuli Bausyi, Jesu wakali siluyando alimwi silweetelelo.—Int. 103:8.\\n4. Ino kubona mapenzi aabantu bamwi kwakamujatikizya buti Jesu?\\n4 Ciindi Jesu naakabona bantu ibakali mumapenzi, wakakulwaizyigwa kubatondezya luyando. Aboobo, Jesu wakalutondezya luyando lwa Bausyi munzila iilondokede. Aciindi cimwi nobakamana kukambauka kwaciindi cilamfwu, Jesu abaapostolo bakwe bakali kuyanda kuunka kubusena bwakanyina bantu kutegwa bakalyookezye. Pele akaambo kakuti wakayeetelela nkamu iyakali kumulindila, Jesu wakajana ciindi ‘cakubayiisya zintu zinji.’—Mk. 6:30, 31, 34.\\nMBOTUKONZYA KWIIYA LUYANDO LWA JEHOVA\\n5, 6. Kutegwa twiiye luyando lwa Leza, mbuti mbotweelede kubeendelezya basimukoboma? Amupe cikozyanyo. (Amubone cifwanikiso icili kumatalikilo aacibalo.)\\n5 Tulakonzya kwiiya luyando lwa Leza kwiinda munzila mbotubeendelezya basimukoboma. Mucikozyanyo: Atwaambe kuti mukubusi Munakristo, ngotulaite kuti Alan, uyeeya mukwesu uucembeede uujisi penzi lyakubala akaambo kakuti taboni kabotu. Alimwi cilamuyumina kweenda kuŋanda aŋanda mumulimo wakukambauka. Alan wayeeya majwi aa Jesu aakuti: “Mbubonya mbomuyanda kuti bantu bamucitile, andinywe amubacitile mbubonya.” (Lk. 6:31.) Aboobo, Alan walibuzya kuti: ‘Ncinzi ncondiyanda kuti bantu bandicitile?’ Bwiinguzi bwakwe mbwakuti: ‘Ndiyanda kuti kabauma bbola andime!’ Pele mukwesu uucembeede inga taacikonzya kuuma bbola. Majwi aa Jesu atondezya kuti tweelede kulibuzya kuti: ‘Ncinzi ncondinga ndayanda kuti basimukoboma bandicitile ikuti nondali mubukkale bwabo?’\\n6 Alan tacembeede pe, pele ulacikonzya kuzimvwisya zintu zitana buzuba zyamucitikila. Wamulangisisya mukwesu uucembeede alimwi akumuswiilila cakubikkila maano. Buce-buce, Alan wamvwisya mbocibede kumuntu uucembeede iwaalilwa kubala Bbaibbele naa kweenda kuŋanda aŋanda. Ciindi Alan naamvwisya buyumuyumu mbwajisi mukwesu uucembeede, wazyiba mbwakonzya kumugwasya, alimwi ulayandisisya kumugwasya. Andiswe tulakonzya kucita mbubwenya. Kutegwa twiiye luyando lwa Leza, tweelede kulibikka mubukkale bwabakwesu.—1Kor. 12:26.\\nAmumwiiye Jehova kwiinda mukutondezya luyando (Amubone muncali 7)\\n7. Mbuti mbotukonzya kubamvwisya bantu ibali mumapenzi?\\n7 Talili lyoonse nocili cuubauba kwaamvwisya mapenzi ngobajisi bamwi. Ibantu banji bajisi mapenzi aatana buzuba atucitikila. Bamwi bajisi buyumuyumu bwakumubili akaambo kakulicisa, kuciswa, naa kucembaala. Ibambi balapenga mumizeezo akaambo kakutyompwa, kutakkalikana mumizeezo, naa buyumuyumu buboola akaambo kakutundululwa. Mpoonya bamwi bazulilwa mumikwasyi mobaindene bukombi naa imuli muzyali omwe. Umwi aumwi ulijisi mapenzi amwi, alimwi kanji-kanji inga mapenzi aatana buzuba atucitikila. Mubukkale buli boobu, mbuti mbotukonzya kulwiiya luyando lwa Leza? Kwiinda mukuswiililisya akumvwisya mbwalimvwa muntu ooyo kusikila mpotugolela. Eeci ciyootukulwaizya kwiiya luyando lwa Jehova kwiinda mukucita kweelana azintu ziyandika. Zintu ziyandika ziliindene kumuntu umwi aumwi, pele tulakonzya kubayumyayumya kumuuya alimwi akubapa lugwasyo lumwi luyandika.—Amubale Baroma 12:15; 1 Petro 3:8.\\nAMWIIYE LUZYALO LWA JEHOVA\\n8. Ncinzi cakamugwasya Jesu kutondezya luzyalo?\\n8 Mwana wa Leza wakati: “Mupatikampatila . . . ngusiluzyalo kubantu batalumbi ababi.” (Lk. 6:35.) Mubwini, Jesu wakaiya luzyalo lwa Leza. Ncinzi cakamugwasya Jesu kucita boobo? Bantu wakali kubeendelezya caluzyalo kwiinda mukuyeeyela limwi mbozyakali kukonzya kubajatikizya bamwi zintu nzyaakali kuyanda kwaamba alimwi akuyanda kucita. Mucikozyanyo, imukaintu umwi wakazyibidwe kuti ngusizibi wakamusikila, akutalika kulila alimwi akutesya maulu aa Jesu amisozi yakwe. Jesu wakabona kuti mukaintu ooyu weempwa, alimwi wakalizyi mbwaakali kunga watyompwa mumoyo ikuti naakamutanda calunya. Muciindi caboobo, Jesu wakamulumbaizya mukaintu ooyu akumulekelela. Ciindi mu Farisi naakatongooka kujatikizya cakacitika, Jesu wakaambaula anguwe caluzyalo.—Lk. 7:36-48.\\n9. Ncinzi cikonzya kutugwasya kwiiya luzyalo lwa Leza? Amupe cikozyanyo.\\n9 Mbuti mbotukonzya kwiiya luzyalo lwa Leza? Mwaapostolo Paulo wakalemba kuti: “Muzike wa Mwami teelede kulwana pe, pele weelede kuba amoyo mutete [naa, “kuba mupampu,” bupanduluzi buyungizyidwe] kubantu boonse.” (2Tim. 2:24) Bantu bapampu balizyi ncobeelede kucita mubukkale bukatazya kutegwa batatyompyi bamwi. Amuyeeye mbotweelede kutondezya luzyalo mubukkale oobu: Kumulimo, mupati wamulimo tabeleki mulimo wakwe bweelede. Ncinzi ncotukonzya kucita? Mukwesu iwatali kujanika kumiswaangano kwamyezi iili mbwiibede waboola kuswaangana. Ncinzi ncotuyakwaamba kulinguwe? Mumulimo wamumuunda, mukamwini ŋanda waamba kuti, “Ndijisi bubi inga tiitwabandika aciindi cino.” Sena tuyootondezya kuti tulamubikkila maano? Kuŋanda, ngotukwetene limwi watubuzya kuti, “Nkaambo nzi tiimwakandaambila zintu nzyomwakali kuyanda kucita mu Mujibelo?” Sena tuyakwiingula caluzyalo? Kwiinda mukulibikka mubukkale bwabamwi alimwi akusoleka kuyeeyela limwi mbozikonzya kubajatikizya nzyotuyanda kwaamba, tulakonzya kuzyiba mbotweelede kwaamba alimwi akucita munzila iitondezya kuti twiiya luzyalo lwa Jehova.—Amubale Tusimpi 15:28.\\nAMWIIYE BUSONGO BWA LEZA\\n10, 11. Ncinzi cikonzya kutugwasya kwiiya busongo bwa Leza? Amupe cikozyanyo.\\n10 Ikumvwisya bukkale ibutana buzuba bwatucitikila kulakonzya kutugwasya alimwi kwiiya busongo bwa Jehova akuzibonena limwi zintu zikonzya kucitika akaambo kazintu nzyotukonzya kucita. Busongo buli akati kabube bupati bwa Jehova, alimwi ikuti naa wayanda, ulakonzya kuzibonena limwi zyoonse zikonzya kucitika akaambo kakucita zintu zimwi. Swebo tatujisi nguzu zili boobo zyakubonena limwi zyakumbele, pele tulakonzya kucita kabotu kuyeeya cikonzya kucitika akaambo kacintu ncotuyanda kucita. Bana Israyeli bakaalilwa kubikkila maano kuzintu zyakali kukonzya kubacitikila akaambo kakutamvwida Leza. Nokuba kuti Leza wakabacitila zintu zinji zibotu, Musa wakalizyi kuti bakali kuyoocita zintu zibyaabi mumeso aa Jehova. Kaimvwide mbungano yabana Israyeli yoonse, wakaimba lwiimbo lujisi majwi aaya aakuti: “Israyeli musyobo uutakwe maano, alimwi taakwe kumvwisya akati kabo. Eelo kaka nobali basongo! Nibazinzibala kuyeeya makani aaya. Nibayeeya mamanino aabo mbwaayakuba.”—Dt. 31:29, 30; 32:28, 29.\\n11 Kutegwa twiiye busogo bwa Leza, tulakonzya kucita kabotu kuyeeya naa kweezyeezya zintu zikonzya kucitika akaambo kazintu nzyotuyanda kucita. Mucikozyanyo, ikuti naa katweebana, tweelede kuzyiba kuti kulombozya koonana kulijisi nguzu kapati. Inga tiitwaba amakanze naa kucita cintu cili coonse cikonzya kubikka cilongwe cesu cibotu a Jehova muntenda! Muciindi caboobo, tweelede kucita kweelana amajwi aaya aakasololelwa amuuya aakuti: “Muntu uucenjede abona mapenzi ulayuba, pele aabo batakwe maano balaunka nkukonya ooko, aboobo balapenga.”—Tus. 22:3.\\nAMULEKE KUZINZIBALA KUYEEYA ZINTU ZIBI\\n12. Mbuti kuzinzibala kuyeeya mbokukonzya kutuletela ntenda?\\n12 Muntu uucenjede ulizyi kuti kuzinzibala kuyeeya kulakonzya kuba mbuli mulilo. Ikuti naa mulilo wabelesyegwa kabotu, ulakonzya kugwasya, mbuli ciindi notujika cakulya. Pele ikuti naa mulilo tiiwabelesyegwa kabotu ulajaya cakuti ulakonzya kuumpa ŋanda akujaya bali mumo. Mbubwenya buyo, kuzinzibala kuyeeya kulagwasya ciindi notwiiya Jehova. Pele, kulakonzya kuleta ntenda ciindi nokupa kulombozya zintu zibyaabi. Mucikozyanyo, ikuti naa twaba acilengwa cakuyeeya zintu zibyaabi, eeci cilakonzya kutupa kuzicita zintu eezyo nzyotuyeeya. Inzya, kuzinzibala kuyeeya zintu zibyaabi kulakonzya kumunyonyoona muntu kumuuya!—Amubale Jakobo 1:14, 15.\\n13. Ino mbuumi buli buti bulangilwa kuti mbwaakali kweezyeezya Eva mumizeezo yakwe?\\n13 Amubone mukaintu wakusaanguna, Eva, mbwaakatalika kulombozya mucelo wakakasyidwe ‘kucisamu cakuzyiba bubotu abubi.’ (Matl. 2:16, 17) Inzoka yakamwaambila kuti: “Tamukonzyi kufwa pe. Nkaambo Leza ulizyi kuti buzuba mbomuyoolya kulincico, meso aanu ayoojaluka alimwi muyooba mbuli Leza, muyoozyiba bubotu abubi.” Eva “wakabona kuti cisamu cakali cibotu kulya akuti cakali kunyomenezya.” Ncinzi cakatobela? “Wakacela micelo kulincico akulya. Kumane nobakaba antoomwe amulumaakwe, wakamupa eelyo awalo wakalya.” (Matl. 3:1-6) Kuli Eva, kulibonya kuti kwakali cimwi cintu cikondelezya mukaambo nkaakaamba Saatani. Muciindi cakwaambilwa cibotu acibi, mukaintu ooyu wakali kuyoolisalila mwini. Kuzinzibala kuyeeya kuli boobo kwakamunjizya muntenda. Kwiinda mumulumi wakwe iwakabisya, Adamu, ‘cibi mbocakanjila munyika alufwu kwiinda mucibi.’—Rom. 5:12.\\n14. Mbuti Bbaibbele mbolitugwasya kweeleba kutalilemeka?\\n14 Cibi ncaakacita Eva mumuunda wa Edeni tiicakali kujatikizya bwaamu. Nokuba boobo, Jesu wakacenjezya kuti tatweelede kweezyeezya zintu zijatikizya makani aakutalilemeka. Wakati: “Kufwumbwa muntu uulangisisya mukaintu cakumunyomenena, wacita kale bumambe anguwe mumoyo wakwe.” (Mt. 5:28) Kuyungizya waawo, Paulo wakacenjezya kuti: “Mutanookanzi kuzuzikizya zisusi zyanyama.”—Rom. 13:14.\\n15. Ino ndubono luli buti ndotweelede kuyobola kujulu, alimwi nkaambo nzi?\\n15 Kweezyeezya kumbi kubi nkweezyeezya kuba muntu uuvwubide kapati kumwi katutabikkili maano kuli Leza. Alimwi buya, lubono lwamuvwubi “mukuyeeya kwakwe luli mbuli bwaanda bumukwabilila.” (Tus. 18:11) Jesu wakaluula caano kutegwa atondezye bukkale buusisya bwamuntu “uuliyobweda lubono pele katali muvwubi kuli Leza.” (Lk. 12:16-21) Jehova ulakkomana ciindi notucita zintu izimukkomanisya. (Tus. 27:11) Eelo kaka tulabotelwa ciindi notukkomaninwa anguwe akaambo kakuti tuyobwede “lubono kujulu”! (Mt. 6:20) Alimwi cakutadooneka cilongwe cibotu a Jehova ncecintu ciinda kubota ncotukonzya kuba ancico.\\n16. Ninzila nzi imwi iikonzya kutugwasya kutalibilika kapati?\\n16 Amweezyeezye buyo kulibilika nkotukonzya kuba ankuko ikuti naa lyoonse katubikkila buyo maano kukuliyobweda “lubono anyika.” (Mt. 6:19) Jesu wakabelesya cikozyanyo kutegwa atondezye kuti “kulibilika kwamubweende bwazintu obuno akoongelezya kwalubono” zilakonzya kusyaanikizya jwi lya Bwami. (Mt. 13:18, 19, 22) Kufwumbwa naa balalibilika kujatikizya mali naa pe, bamwi bantu lyoonse beezyeezya buyo zintu zyoonse zibyaabi zikonzya kucitika. Nokuba boobo, kulibilika kapati kulakonzya kutuletela ntenda kumubili alimwi akumuuya. Aboobo atusyome Jehova alimwi akuyeeya kuti “zintu nzyalibilika muntu nzyezipa kuti moyo wakwe utyompwe, pele jwi libotu ndelipa kuti ukkomane.” (Tus. 12:25) Majwi mabotu aakulwaizya kuzwa kumuntu uutumvwisya kabotu alakonzya kupa kuti tukkomane. Kwaambila bamwi twaambo tuli mumoyo mbuli bazyali besu, ngotukwetene limwi, naa mulongwe uusyomeka uubona zintu mbubwenya mbwazibona Leza kulakonzya kugwasya kucesya kulibilika.\\n17. Mbuti Jehova mbwatugwasya kulwana kulibilika?\\n17 Kunyina umbi uukumvwisya kabotu kulibilika kwesu kunze lya Jehova. Paulo wakalemba kuti: “Mutalibiliki acintu nociba comwe, pele muzintu zyoonse, kwiinda mumupailo akukombelezya antoomwe akulumba, amumuzyibye Leza nzyomulomba; eelyo luumuno lwa Leza oolo lwiinda maano oonse luyookwabilila myoyo yanu amizeezo yanu kwiinda muli Kristo Jesu.” (Flp. 4:6, 7) Amuyeeye bantu aabo ibagwasya kuti tukwabililwe kuntenda yakumuuya—basyomima, baalu, muzike uusyomeka, bangelo, Jesu alimwi a Jehova kumugama.\\n18. Ino kuzinzibala kuyeeya inga kwatugwasya buti?\\n18 Mbubwenya mbotwabona, kuzinzibala kuyeeya kulakonzya kutugwasya kwiiya bube bwa Leza, mbuli luyando. (1Tim. 1:11; 1Joh. 4:8) Tuyakukkomana ikuti naa katutondezya luyando lwini-lwini, kubikkila maano kuzintu zikonzya kucitika akaambo kazintu nzyotuyanda kucita, alimwi akuleka kulibilika kwalo ikukonzya kutupa kubula lukkomano. Aboobo, atuzibelesye kabotu nguzu nzyaakatupa Leza kweezyeezya bulangizi buli kumbele alimwi akwiiya luyando lwa Jehova, luzyalo, busongo alimwi alukkomano.—Rom. 12:12.\\nMAKANI AABUUMI Kuyeeya Luyando Ndondakajisi Kumatalikilo Kwandigwasya Kuliyumya\\nAmupakamane—Saatani Uyanda Kuti Amumene Buumbulu!\\nMulakonzya Kumulwana Saatani—Akuzunda!\\n“Bakazibona” Zintu Izyakasyomezyegwa\\nMAKANI EESU AAKAINDI Wakabona Kuti Luyando Ndolwakali Kweendelezya Mukafiteliya\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA May 2015\\nNGAZI YAMULINDIZI—YAKWIIYA May 2015","num_words":1875,"character_repetition_ratio":0.056,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ciyubunuzyo 18 | Bbaibbele Lili a Intaneti | Bbaibbele lya Busanduluzi Bwanyika Mpya\\n18 Nozyakamana zyintu eezyi ndakabona mungelo aumwi kaseluka kuzwa kujulu anguzu zinji; mpoonya nyika yakamweka abulemu bwakwe. 2 Eelyo wakoongolola ajwi lyanguzu ulaamba: “Wawa! Babuloni Mupati wawa, alimwi waba busena bukkala madaimona abwina bwamuuya uuli woonse uusofweede alimwi amayubilo aabayuni boonse basofweede alimwi basulaikidwe! 3 Nkaambo akaambo kawaini waluunyaunya lwabwaamu bwakwe, masi oonse acegwa, alimwi bami bamunyika bakacita bwaamu anguwe, alimwi basambazi* bakavwuba kwiinda munguzu zyalubono lwakwe lunji ndwatakaanya cakutalisenda.” 4 Mpoonya ndakamvwa jwi alimbi kuzwa kujulu kalyaamba kuti: “Amuzwe mulinguwe, nobantu bangu, ikuti kamutayandi kujatikizyigwa azibi zyakwe, alimwi ikuti kamutayandi kusikilwa zipenzyo zyakwe zimwi. 5 Nkaambo zibi zyakwe zyalundana kusikila kujulu alimwi Leza waiyeeya micito yakwe iitaluleme. 6 Amumucitile mbubonya mbwaakabacitila bamwi, inzya, amuyungizye ziindi zyobilo kumucitila zyintu eezyo nzyaakacita walo; munkomeki oomo mwaabikkide zyakunywa zyamuvwele-vwele, amumuyungizizye ziindi zyobilo kumubikkila zyakunywa zyamuvwele-vwele. 7 Mbubonya buyo mbwaali kulipa bulemu alimwi akutakaanya lubono lwakwe lunji cakutalisenda, mbubonya oobo mbomweelede kumupenzya akumulizya. Nkaambo mumoyo wakwe uzumanana kwaamba kuti, ‘Ndilikkede aano ndemwami mukaintu, tandili mukamufwu alimwi kunyina pe nondiya koomoka kulila.’ 8 Nkakaambo kaako mubuzuba bomwe buyo mapenzi aakwe ayoomusikila, lufwu, koomoka kulila alimwi anzala, alimwi uyooumpwa amulilo mane akalote, nkaambo Jehova Leza iwakamubeteka, uli anguzu. 9 “Lino bami bamunyika ibakacita bwaamu anguwe akutakaanya lubono lunji cakutalisenda bayoomulila akulyuuma acamba akaambo kakuusa, baakubona busi bwakupya kwakwe ibuuntumuka. 10 Bayooimina alaale akaambo kakuyoowa kupenzyegwa kwakwe akwaamba kuti, ‘Maawe, maawe, omunzi mupati, Babuloni omunzi muyumu, nkaambo muwoola lyomwe buyo lubeta lwako lwasika!’ 11 “Abalo basambazi bamunyika balamulila akoomoka nkaambo kunyina uucuula makwebo aabo oonse, 12 makwebo oonse aangolida, aansiliva, aamabwe mayandisi, aangale, aazisani zibotu zyuuba-uba, zyacisombo, zyandeketela alimwi azisalala pyu; alimwi azyintu zyoonse zipangwa kuzwa kuzisamu zinunkila amisyobo iili yoonse yazyintu zipangwa aminyanga yabazovwu alimwi amisyobo iili yoonse yazyintu zipangwa kuzwa kuzisamu zidula kapati alimwi akuzwa kumukuba, butale alimwi abbweluuma lyeebeka; 13 alimwi asinamoni, amomo,* tununkilizyo, mafwuta aanunkila, tununkilizyo twalibano, waini, mafwuta aaolifa, busu busetede, maila, ŋombe ambelele, alimwi amabbiza, ŋola, bazike alimwi abuumi bwabantu. 14 Inzya, micelo mibotu njowakali kulombozya yazwa kulinduwe, alimwi zyintu zyoonse zibotu kapati alimwi zyeebeka zyakumanina do, tazikajanwi limbi pe. 15 “Basambazi ibakali kusambala zyintu eezyi, ibakavwuba akaambo kanguwe, bayooimina alaale akaambo kakuyoowa kupenzyegwa kwakwe alimwi bayoolila akoomoka, 16 kabaamba kuti, ‘Maawe, maawe—omunzi mupati, iwakali kusama zisani zibotu zyuuba-uba, zyacisombo alimwi azisalala pyu, alimwi akulibotya kapati azyintu zyakapangwa angolida, mabwe mayandisi alimwi angale, 17 nkaambo muwoola lyomwe buyo oluya lubono lutalivwulili lwanyonyoonwa!’ “Alimwi mupati wabasikweenzya mato uuli woonse amuntu uuli woonse weendeenda alwizi, alimwi abasimato abaabo boonse baponena alwizi, bakaima alaale 18 akoongolola nobakali kulanga busi bwakupya kwakwe ibwakali kuuntumuka akwaamba kuti, ‘Ino munzi nzi uuli mbuli munzi mupati ooyu?’ 19 Mpoonya bakalitila vwu amitwe yabo akoongolola, kabalila akoomoka balaamba, ‘Maawe, maawe—omunzi mupati, oomo mobakavwubila boonse aabo ibakajisi mato mulwizi akaambo kalubono lwakwe, nkaambo muwoola lyomwe buyo wanyonyoonwa!’ 20 “Amusekelele akaambo kaceeco cacitika kulinguwe nojulu, alimwi andinywe nobasalali, nobatumwa alimwi anobasinsimi, nkaambo Leza wamubetekela akumupeda cisubulo kulinguwe!” 21 Mpoonya mungelo singuzu wakanyamuna bbwe lili mbuli ziyo pati akuliwaala mulwizi, ulaamba: “Oobu mbombubo Babuloni imunzi mupati mbuuyoowaalwa ansi mukulaba kwaliso, alimwi kunyina limbi nuuyoojanwa. 22 Alimwi mulinduwe kunyina limbi nokuyoomvwugwa jwi lyabaimbi baimba kumwi kabalizya tulumbu twabo naa lyabaimbi bambi buyo naa basimintolilo nobaba basimyeembo. Alimwi mulinduwe tamukajanwi limbi basyaabupampu mumulimo uuli woonse, alimwi takukamvwugwi limbi kuziya kwaziyo mulinduwe. 23 Alimwi kunyina limbi nuuyoomunika mulinduwe mumuni walambe, alimwi takukamvwugwi limbi jwi lyasibwiinga alyanabwiinga mulinduwe. Nkaambo basambazi bako mbambabo bakali basizyuuno zyaatala bamunyika, mbwaanga kwiinda mumicito yako yakusyoma mizimo masi oonse akeenwa. 24 Inzya, mulinguwe mwakajanwa bulowa bwabasinsimi abwabasalali alimwi abwabantu boonse buyo ibakajaigwa anyika.”\\n^ Naa “basambazi beendeenda.”\\n^ Naa, “tununkilizyo twaku India tulungwa mucakulya.”","num_words":578,"character_repetition_ratio":0.047,"word_repetition_ratio":0.0,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ciyubunuzyo 12 | Bbaibbele lili a Intaneti | Bbaibbele lya Busanduluzi Bwanyika Mpya\\nMukaintu, mwana musankwa, asimwaaba (1-6)\\nMikayeli walwana simwaaba (7-12)\\nSimwaaba wawaalwa anyika (9)\\nDiabolosi ulizyi kuti ujisi buyo kaindi kaniini (12)\\nSimwaaba wapenzya mukaintu (13-17)\\n12 Mpoonya kwakalibonya citondezyo cipati kujulu: Imukaintu+ wakasamide zuba, kunsi aamaulu aakwe kwakali mwezi, kumutwe wakwe kwakali musini wanyenyeezi izili 12, 2 alimwi wakalimitide. Lino wakali kulila kapati akaambo kakumyongwa alimwi akupenga naakali kuyanda kutumbuka. 3 Alimwi kwakalibonya citondezyo acimbi kujulu. Amubone! Kwakali simwaaba mupati uusalala pyu mbuli mulilo,+ uujisi mitwe iili ciloba ameja aali kkumi eelyo kumitwe yakwe kwakali misini iili ciloba; 4 alimwi mucila wakwe wakali kukwelelezya cibeela catatu canyenyeezi+ zyakujulu, eelyo wakaziwaala ansi, anyika.+ Mpoonya simwaaba ooyo wakazumanana kumwiimina kumbele mukaintu+ ooyo iwakali afwaafwi kutumbuka, ikutegwa mbwatiitumbukile buyo, amumene buumbulu mwanaakwe. 5 Lino mukaintu ooyo wakatumbuka mwana musankwa,+ imulombe, ooyo uuyakweembela masi oonse ankoli yabutale.+ Mpoonya mwanaakwe ooyo wakakwempelwa kuli Leza akucuuno cakwe cabwami. 6 Lino mukaintu ooyo wakatijila munkanda, ooko nkwajisi busena mbwaakamubambila Leza, eelyo ooko bakali kuyoomusanina kwamazuba aali 1,260.+ 7 Lino kwakabuka nkondo kujulu: Mikayeli*+ abangelo bakwe bakalwana simwaaba, awalo simwaaba abangelo bakwe wakalwana 8 pele tiibakazunda pe,* alimwi tiibakacijisi busena kujulu. 9 Aboobo wakawaalwa ansi simwaaba ooyo mupati,+ imuzoka ooyo wakaindi,+ uutegwa Diabolosi+ a Saatani,+ ooyo weena nyika yoonse;+ wakawaalwa ansi, anyika,+ abalo bangelo bakwe bakawaalwa ansi antoomwe anguwe. 10 Ndakamvwa jwi pati kujulu kalyaamba kuti: “Lino kwaba lufwutuko,+ nguzu, Bwami bwa Leza wesu+ alimwi abweendelezi bwa Kristo wakwe, nkaambo sikutamikizya bakwesu twaambo wawaalwa ansi, ooyo uubatamikizya twaambo isyikati amasiku kumbele lya Leza wesu!+ 11 Lino bakamuzunda+ akaambo kabulowa bwa Mwanaambelele+ alimwi akaambo kajwi ndibakali kucitila bumboni,+ alimwi tiibakayandisya buumi bwabo+ noliba leelyo nobakali kulangana alufwu. 12 Akaambo kaceeci amusekelele, nywebo nomajulu andinywe nomukkala mulingawo! Maawe kunyika alimwi akulwizi,+ nkaambo Diabolosi wamuselukila abukali bupati, mbwaanga ulizyi kuti ujisi buyo kaindi kaniini.”+ 13 Lino simwaaba naakabona kuti wawaalwa ansi, anyika,+ wakapenzya mukaintu+ iwakatumbuka mwana musankwa. 14 Pele mukaintu ooyo wakapegwa mababa obilo aasikwaze mupati,+ ikutegwa aulukile kunkanda kubusena bwakwe, ooko nkwayelede kuyoosaninwa kwaciindi comwe aziindi zyobilo acisela+ kali kule amuzoka.+ 15 Mpoonya muzoka wakaluka maanzi manji mbuli mulonga kumukaintu ooyo, ikutegwa mukaintu anywide mumulonga ooyo. 16 Pele nyika yakaboola kuti ivwune mukaintu ooyo, eelyo yakaasamuna mulomo wanjiyo akumena mulonga ooyo ngwaakaluka simwaaba. 17 Mpoonya simwaaba wakaindila kuba abukali kumukaintu ooyo, eelyo wakaunka kuyoolwana basyeede balunyungu lwamukaintu,+ aabo ibabamba milawo ya Leza alimwi ibajisi mulimo wakupa bumboni kujatikizya Jesu.+\\n^ Nkokwaamba kuti “Nguni Uuli Mbuli Leza?”\\n^ Naa ambweni, “pele wakazundwa [nkokuti, simwaaba].”","num_words":387,"character_repetition_ratio":0.059,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ikuti kamuyanda kuzyiba muntu umwi, cintu cakusaanguna ncomulangilwa kucita nkumubuzya kuti, “Ino ndinywe bani zina?” Ikuti Leza mwamubuzya mubuzyo ngweena ooyu, ino inga waingula buti?\\n“Ndime Jehova. Eeli ndezina lyangu.”—Isaya 42:8.\\nSena zina eeli ndipya kulindinywe? Ambweni ndipya nkaambo basanduluzi banji ba Bbaibbele tabavwuli naa tabasoleli limwi buya kulibelesya zina lya Leza. Kanji-kanji babelesya zina lyabulemu lyakuti “MWAMI” mubusena bwazina lya Leza. Nokuba boobo, zina lya Leza lilajanika ziindi zibalilwa ku 7,000 mumwaambo wakusaanguna wamalembe aa Bbaibbele. Zina eeli lijisi mabala one aa Chihebrayo aalembwa kuti YHWH naa JHVH, alimwi kuzwa kaindi, lyali kulembwa kuti “Jehova” mu Chitonga.\\nZina lya Leza lilajanika mumalembe oonse aa Chihebrayo alimwi lilajanika amubusanduluzi bumbi bunji\\nDead Sea Psalms Scroll First century C.E., mu CHIHEBRAYO\\nTyndale’s translation 1530, mu CHINGISI\\nReina-Valera version 1602, muci SPANISH\\nUnion Version 1919, muci CHINESE\\nIKAAMBO NCOLIYANDIKA KAPATI ZINA LYA LEZA\\nEeli zina lilayandika kapati kuli Leza lwakwe kumugama. Kunyina wakamuulika zina eeli Leza; wakalisalila buya lwakwe mwini. Jehova wakaambilizya kuti: “Eeli ndezina lyangu lyoonse alyoonse, alimwi oobu mbombubo mbondiyooyeeyegwa kuzyalani azyalani.” (Kulonga 3:15) Mu Bbaibbele, zina lya Leza limugeme lilajanika ziindi zinji kwiinda zina lyakwe lili lyoonse lyabulemu, mbuli lyakuti Singuzuzyoonse, Taata, Mwami naa Leza. Alimwi lilajanika ziindi zinji kwiinda zina lili lyoonse lyamuntu mbuli lyakuti Abrahamu, Musa, Davida naa Jesu. Kuyungizya waawo, Jehova uyanda kuti zina lyakwe lizyibwe. Bbaibbele lyaamba kuti: “Bantu abazyibe kuti yebo, oojisi zina lyakuti Jehova, yebo olikke ndonduwe Mupatikampatila atala aanyika yoonse.”—Intembauzyo 83:18.\\nZina eeli lilayandika kapati kuli Jesu. Mumupailo iwiitwa kuti Taateesu naa Mupailo wa Mwami, Jesu wakayiisya basikumutobela kupaila kuli Leza kwiinda mukubelesya majwi aakuti: “Alisalazyigwe zina lyako.” (Matayo 6:9) Jesu lwakwe wakapaila boobu kuli Leza: “Taata, kopa kuti zina lyako lilemekwe.” (Johane 12:28) Jesu wakabikkila kapati maano kulemeka zina lya Leza mubuumi bwakwe, aboobo akaambo kaceeci wakali kukonzya kwaamba boobu mumupailo: “Ndabazyibya zina lyako alimwi ndiyoolizyibya.”—Johane 17:26.\\nZina eeli lilayandika kapati kuli baabo bamuzyi Leza. Bantu ba Leza bakaindi bakalizyi kuti lukwabililo lwabo alufwutuko zyakayeeme akuzyiba zina lya Leza alimwi akulilemeka. Bbaibbele lyaamba kuti: “Zina lya Jehova ningazi njumu. Mululami ulatijila mulinjiyo eelyo ulakwabililwa.” (Tusimpi 18:10) Alimwi lyaamba kuti: “Muntu woonse wiita zina lya Jehova uyoofwutulwa.” (Joeli 2:32) Bbaibbele litondezya kuti zina lya Leza lyakali kuyoobaandaanya aabo bamubelekela. Lyaamba kuti: “Nkaambo misyobo yoonse yabantu iyakweenda umwi aumwi muzina lyaleza wanguwo, pele swebo tunakweenda muzina lya Jehova Leza wesu lyoonse alyoonse mane kukabe kutamani.”—Mika 4:5; Milimo 15:14.\\nNCOLIYUBUNUNA ZINA EELI\\nZina eeli litondezya kuti Leza ulilibedelede. Basyaazibwene banji baamba kuti zina lyakuti Jehova lyaamba kuti “Upa Kuti Kube.” Jehova Leza wakapa muzeezo wancolyaamba zina lyakwe ciindi naakalyaamba lwakwe kwiinda mukubelesya majwi aaya kuli Musa naakati: “Ndiyooba Kufwumbwa Mbondasala Kuba.” (Kulonga 3:14) Aboobo zina lya Leza talyaambi buyo kaambo kamasimpe kakuti ngo Mulengi wazintu zyoonse. Zina lyakwe litondezya nguzu nzyajisi zyakupa kuti walo lwakwe kubikkilizya azilenge zyakwe zibe kufwumbwa ciyandika kutegwa azuzikizye makanze aakwe. Nokuba kuti mazina aabulemu alakonzya kwaamba cuuno ncajisi, bweendelezi bwakwe naa nguzu nzyajisi, pele lilikke zina lyakwe lyakuti Jehova, ndelyaamba bwini mbwabede alimwi ambwakonzya kuba.\\nZina eeli litondezya kuti Leza ulatubikkila maano. Bupanduluzi bwazina lya Leza butondezya kuti ulazibikkila maano zilenge zyakwe, kubikkilizya andiswe. Kuyungizya waawo, mbwaanga Leza wakalizyibya zina lyakwe, eeci citondezya kuti uyanda kuti tumuzyibe. Mane buya, Jehova wakaliyubununa zina lyakwe kaindi, swebo katutanalengwa naa kuyeeya kujatikizya ndilyo. Aboobo cilisalede kuti, Leza uyanda kuti katumubona kuti Muntu ngotukonzya kuba acilongwe anguwe, ikutali leza wakuyeeyela buyo.—Intembauzyo 73:28.\\nKubelesya zina lya Leza kutondezya kuti tulamuyanda. Mucikozyanyo, mulakonzya kwaambila muntu umwi ngomuyanda kuti abe mulongwe wanu kuti kamwiita kubelesya zina lyanu limugeme. Ino inga mwalimvwa buti kuti muntu ooyo wazumanana kubelesya mazina aambi buyo kutali zina lyanu limugeme? Mukuya kwaciindi ambweni inga mwatalika kudooneka naa muntu ooyo wakali kuyanda ncobeni kuti abe mulongwe wanu. Oobo mbocibede akuli Leza. Jehova wakabaambila bantu zina lyakwe alimwi utukulwaizya kuti katulibelesya. Ikuti twacita oobo, tutondezya Jehova kuti tuyanda kuba balongwe bakwe. Alimwi buya ulababona ‘aabo bazinzibala kuyeeya [naa, “bayandisya,” bupanduluzi buyungizyidwe] zina lyakwe.”—Malaki 3:16.\\nKuzyiba zina lya Leza nintaamu yakusaanguna iiyandika kapati kutegwa tube balongwe bakwe. Pele tatweelede kugolela buyo waawo. Tweelede kumuzyiba mukamwini zina eeli alimwi akuzyiba bube mbwajisi.\\nINO LEZA NGUNI ZINA? Zina lya Leza ngu Jehova. Zina eeli litondezya kuti Leza ulakonzya kwaazuzikizya makanze aakwe\\nINO LEZA WAKAZWA KULI?\\nOoyu ngomubuzyo bantu banji ngobabuzya. Ambweni andinywe inga mulaubuzya. Alimwi tulakonzya kuubuzya boobu: Ikuti bubumbo azintu zyoonse izili mumo zyakalengwa a Leza, ino walo Leza wakazwa kuli?\\nBasayaansi banji balazumina kuti bubumbo bulijisi matalikilo. Kweelana amajwi aaya, kapango kakusaanguna kamu Bbaibbele kaamba kuti: “Kumatalikilo, Leza wakalenga julu anyika.”—Matalikilo 1:1.\\nBubumbo boonse kunyina nobwakalitalikila buyo bulikke. Kutegwa cintu cimwi cibeko, kweelede kuti kakuli muntu umwi wakacipanga. Aboobo kuti mulengi naataliko, zintu zyoonse nzyotubona nozyataliko pe, kubikkilizya andiswe. Masimpe, cintu tacikonzyi kubako ikuti naa kakunyina sikucitalisya. Aboobo, mulengi nkwali! Alimwi ulaanguzu kapati, zina lyakwe ngu Jehova.—Johane 4:24.\\nBbaibbele lyaamba boobu kujatikizya Leza: “Malundu kaatanazyalwa alimwi kotanalenga nyika alimwi ansi mbotu, kuzwa lili alili mane kukabe kutamani nduwe Leza.” (Intembauzyo 90:2) Aboobo, Leza waliko lyoonse. Mpoonya, “kumatalikilo” wakalenga zintu zyoonse.—Ciyubunuzyo 4:11.\\nIno mbube nzi bwa Leza ibulibedelede kapati?\\nLeza ulijisi mazina aabulemu manji, kubikkilizya aakuti Singuzuzyoonse, Mulengi, alimwi a Mwami. Pele zina lya Leza limugeme lilajanika mu Bbaibbele ziindi ziinda ku 7,000.","num_words":820,"character_repetition_ratio":0.067,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Lufutuko Ndwakutambula Buyo Kutali Kuvwola Pe Print\\nLufutuko Ndwakutambula Buyo Kutali Kuvwola Pe\\nBanakristu boonse balazuminana kuti lufutuko ncipego cakupegwa muluzyalo. Pele, nokuba kuumbulizyigwa kuli boobu, banakristu banji, bacitingaana kabatakubwene kwiindilana kulijanina lufutuko mumilimo yanguzu zyabo, eeco citeendelani alusyomo lwabo.\\nKobala umvwe Mangwalo mbwaambilizya cipego calufutuko, acibeela ncoyelede kucita mucipego eeco.\\nHudson Taylor, umwi mukambausi wakatumidwe ku China mumusela wa 19th , aciindi cimwi wakalemba kuti:\\nKumubisyi omwe-omwe, uuminidwe mukuli uulaa cikkelo, [Yahushua] umwaambila kuti, “Koboola kuli ndime kuno ulyookezye.” Pele nkobacili bantu bamwi bajisi lusyomo pele bacidadanyana kuminwa mikuli. Abalo balitambidwe mumajwi ngeenya aayo. Amumvwisisye majwi ookwa [Yahushua] aamba kuti, ikuti mulimo wako wakuminya, utayimpyi kulidadanyika kubeleka mulimo pe. Malailile Aakwe taali aakuti, “Koya ukabeleke. Utaleki kusikila umanizye,” mbuli muntu umwi mbwanga wasendekezya pe. Pele mukwiimpanya waawo, malailile Aakwe ngakuti, “Koyima kace, tula mulimo ansi, koboola kulindime kuno ulyookezye.” Kunyina pe noliba lyomwe Kristu naakasukuma muntu uukatede kuti azumanane kubeleka pe; kunyina pe naakatuma muntu uufwide nzala, uubulide nguzu, uucisidwe nokuba muntu wuuside kuti aye kuyoobeleka mulimo pe. Kubantu bali boobo, IBbaibbele lyaamba buyo kuti, “Koboola, koboola, koboola.”\\nKulisungula abuzuba, kuzunda zinyonyoono zikukopede, akukkala buumi bululeme zyoonse micelo buyo iboola aalufutuko.\\nBanakristu balisyomezyedwe kwa ciindi aciindi kuti lufutuko ncipego cakupegwa buyo citakwe muulo. Pele nokuba boobo, kucili muzeezo wakusendekezya kuti, muntu uusyoma weelede kucita cibeela camulimo cimwi kutegwa azumanane kufwidwa luzyalo akufutulwa. Lufutuko ncipego cakupegwa buyo citakwe muulo. Eeco muntu uusyoma awalo ncintu ncazumina, pele tee kayi mulimo wakwe ngwakulisungula akuteelela abuzuba, kulya zintu zisalala, kuliimya, kuzunda masunko azinyonyoono zimukopede, azimwi zinjaanji. Ede kuti taacita boobo, kulangilwa kuti inga wanyangwa cipego citawulwi ca lufutuko.\\nUmwi sikutongooka wansiku, Martin Luther, waakaka muzeezo wakusendekezya boobu. Walo wakabuzya mubuzyo wakuti: “Hena taali makani mabotu aakusyoma kuti lufutuko taluzyili muli ndiswe?”\\nKulyaaba abuzuba, kuzunda masunko aazinyonyoono zizinga muntu, akupona buumi bweendelana a Mwami Yahuwah, zyoonse eezyo micelo buyo iilibonya mucipego ca lufutuko. Aboobo eeyo micelo, tiikonzyi, alimwi kunyina pe niinga yaba milimo yabululami iiyandika kutegwa muntu azumanane kubaa cipego cakupegwa buyo ca lufutuko.\\nLufutuko lyoonse ndwakutambula buyo; kuleka kuvwozyegwa pe.\\nTiili milimo ya bululami\\nNkaambo aswebo kaindi twakali bafuba-fuba, bataswiilili, basweekede, bayandisya kucita zitondwa. Twakali bazike bazisusi zyaandeene-andeene. Twakali kukkala muzibi mbuli bbivwe. Bantu bakali kutucimwa aswebo twakali kucimana.\\nPele ciindi bubotu aluyando lwa Yahushua Mufutuli wesu nizyakayubununwa, wakatufutula. Taakatufutula akaambo kamilimo iiluleme njitwakacita pe, pele akaambo kalweengelelo Lwakwe. Wakatufutula akutusanzya akutupa kuzyalululwa kupya abuumi bupya kwiinda mu Muuya Uusalala. Muli Yahushua Kristu Mufutuli wesu, Yahuwah wakatupa Muuya Uusalala camaanza obilo. Wakacita eezyi kuti tululamikwe muluse Lwakwe akuti tukakone buumi butamani oobo mbotulangila.(Taitas 3:3-7, NKJV)\\nPaulu ulizuunyene awalo kwaamba kuti: lufutuko taluli milimo imwi ya bululami muntu njaakabeleka amaanza aakwe pe. Pele, lufutuko nkweengelelwa buyo akuyandwa kuzwa kuli Taata. Kuyungizya waawo, tuuli mulimo wabasyomi kulisalazya mumoza pe. Kunze lyaboobo, eeco cijisi mulimo wakuzyalulula a “kusanzya muntu kuti ayakululwe” acalo ncipego cakupegwa buyo: Muya wa Yahuwah Lwakwe, nguutuminwa ku basyomi boonse basyoma kuti beengelelwe kwiinda mubulowa bwa Yahushua.\\nLufutuko, lyoonse kuzwa lili, ncipego cakupegwa buyo.\\nLyoonse alimwi kwiinda mu lusyomo\\nLino Yahuwah watuyubunwida bululami Bwakwe munzila njalulamika bantu, nzila eeyi tiili yakubamba Mulawo pe. Naba Mozesi abasinsimi balazuminana kuti nzila yokwa Yahuwah njalulamikila bantu boonse, nkusyoma Yahushua Kristu kuli boonse basyoma.\\nTaakwe lusalululo pe; nkaambo boonse bakabisya, bakalezya kuba aabulemu mbuli bwa Yahuwah. Pele nkaambo kaluse lwakwe Yahuwah ulabalulamika. Eeci ncipego buyo caluzyalo kwiinda muli Yahushua Kristu wakabanununa. Yahuwah wakapa kuti mulufu lwakwe abe nzila yakulekelela zinyonyoono zyabantu bamusyoma. Eeci ncitondezyo cabululami bwa Yahuwah. Kale-kale Mwami Leza Yahuwah wakali kuleka buyo zinyonyoono zyabantu nkaambo kalweengelelo lwakwe. Pele ono wapa Yahushua kutondezya bululami bwakwe, kutegwa bantu bazyibe kuti Walo uliluleme alimwi nguululamika yooyo uusyoma muli Yahushua.\\nSena muntu inga kalisumpula amakani aalufutuko? Peepe, takonzyi. Nkaambo kamulawo nzi? Naa milimo nzi? Peepe, pele nkaambo cintu cipati kuli Yahuwah tiili milimo, pele mulawo wa lusyomo. Aboobo tulakosozya kuti muntu ulalulamikwa kwiinda mulusyomo, kutali mukubamba Mulawo (BaLoma 3:21-28)\\nKululamikwa ndibbala lipati ncobeni lyaamba buyo kuti lino muntu walanganyigwa kuti uliluleme. Eelyo muntu nalulamikwa, Yahuwah ubikka bululami bwa buumi bwa Yahushua butakwe cinyonyoono alufu lutakwe mulandu mucibaka ca muntu uusyoma. Lino nasamikidwe bululami bwa Kristu, muntu ulaimikila kunembo lya Yahuwah kabee kunyina naakacitide cinyonyoono pe.\\nEeci ncipego cipati cabulemu, pele ncipego cizumanana kuleta zileleko ku muntu. Tacili cipego cakupegwa ciindi comwe buyo kwamana, pe. Webo tolulamikwi nootalika buumi bwa Bunakristu, mpoonya kociyandika kuzumanana kululamikwa kwiinda mubuumi bwakuliimya kulya akupona kotaciti cinyonyoono, peepe, nkaambo kuzunda cinyonyoono acalo ncipego cakupegwa buyo.\\nOoyo mulimo ookwa Yahuwah\\nPele Yahuwah ulivwubide alweengelelo lunji, alimwi wakatuyanda kapati kwiindilila. Nikuba kuti twakalifwide akaambo kazibi zyesu, wakatupa buumi abusena bwabulemu antoomwe a Kristu kujulu, kutegwa mumisela iicizya Walo akatondezye buvwubi bwa luzyalo Lwakwe bwiindilila zyoonse mukutufwida nkumbu kwiinda muli Kristu Yahushua. Nkaambo inywe mwakafutulwa aluse lwa Yahuwah kwiinda mukusyoma. Tiimwakafutulwa nkaambo kazeezyo nzimwakacita pe. Pele eeco ncipego ca Yahuwah, kutali camilimo yanu, aboobo muntu atalikankaizyi pe. Yahuwah nguwakatulenga. Twakalengwa muli Kristu Yahushua kuti tubeleke milimo mibotu, eeyo Yahuwah njaakatubambila kale-kale kuti twiicite akweendela muli njiyo. (BaEfeso 2:4-10)\\nLufutuko kwiinda mu lusyomo ncecitozya muntu kukubaa lufutuko, kutali milimo webo njocita nocengulula meso aako kuzwa kuli Kristu akutalika kusumpula micito yamaanza aako. Inga muntu watalika akulidunda kuti ulikkutide eelyo naliimya kulya maccokoleti ngayandisya kapati, cakwaayanda ncobeni, pele nkaambo walo uyeeya kuti ajisi musamu uugwitinganya mubili, aboobo aliimya kulya nkaambo ooyo musamu ulaa ntenda kuli nguwe. Kunyina nonga walimvwa kusumpuka eelyo nobona Banakristu bamwi bacita cintu nceenya ayebo ncosisikizya kucita, pele nkaambo “munakristu wamasimpe teelede kucita \/ nokuba kulya \/ nokuba kunywa \/ akulangilizya cintu eeco,” ayebo ulaliimya akulilesya zintu eezyo caantangalala.\\nMuntu uulimvwa kusumpuka mumoza kwiinda bamwi, utondezya buyo mbwalaa penzi lyakuyandisya lufutuko kwiinda mumilimo yamaanza aakwe. Mukwiimpanya boobo, Paulu waamba kuti, ngu Yahuwah “wakatubamba kuti tupone antoomwe aKristu.” Aboobo mulimo wesu ngwa kusyoma nguzu zya cipego eeco ncaakatwaabila: “Ikuti yebo walilekelela zibi zyako amulomo wako, kuti Simalelo wesu ngu Yahushua, akusyoma mumoyo wako kuti Yahuwah wakamubusya kuzwa kubafu, yebo uyoofutulwa.” (BaLoma 10:9)\\nMulengi wesu Nguutulengulula\\nAboobo kuti naa muntu umwi kali muli Kristu, walengululwa bupya. Zintu zikulu-kulu zyamana; amulange zyoonse zyaba zipya. Ooyo wacita eezi ngu Yahuwah, walo wakayanzana andiswe kwiinda muli Kristu. Eelyo wakatupa mulimo wakukambauka luyanzano oolu. Lino tukambauka kuti muli Kristu, Yahuwah ulayanzanya bamunyika anguwe, tabalauki zibi zyabo. Aboobo watupa makani aaluyanzano oolu. (2 Bakolinto 5:17-19)\\nMulimo wa nzila ya lufutuko ujatikizya zintu zinjaanji kuleka buyo kuyandisya kuvwuna babisyi kuzwa ku lufu luteeli pe. Magolelo eeni ngakubaleta kuti beendelane antoomwe batalike alimwi kumvwana cilongwe ciyumu nta a Mulengi wabo. Ooyu ngo mulimo uukonzya buyo kucitwa a Mulengi wesu Lwakwe alikke. Walo nguutulengulula mu cinkonzya Cakwe, akuyakulula mumoyo wabuntu oobo busalali mbutwakasweekelwa eelyo Adamu naakawida mu cibi.\\nLino muntu uusyoma nasalazyidwe, utalika kuba “omwe” a Taata. Lino muciindi cakuti kalipenzya kuliimya zintu zibotu, eelyo ooyo muntu uusyoma natalika kucita kuyanda kwa Yahuwah, mubwini unoocita zintu nzyayandisya ncobeni.\\nEeci ncipego citakwe muulo! Lino muntu uusyoma nasalazyidwe, utalika kuba “omwe” a Taata. Lino muciindi cakuti kalipenzya kuliimya zintu zibotu, ooyo muntu uusyoma natalika kucita kuyanda kwa Yahuwah, mubwini unoocita zintu nzyayandisya ncobeni. Ncenciceeci kuteelela ncokutakonzyi kukuvwuna muntu kuti ooko kuteelela kakuli kwakucita buyo ziluleme kuzyila mumoyo wako omwini. Kulikke kuteelela kuzyila mumoyo uusalala nkokutobela kutambulika ku Mwami Yahuwah, alimwi ooko kusalala boobo kujanwa buyo mucipego cakupegwa kuzwa kuli Nguwe.\\nKusala nkukwako buno buzuba\\nMuuya Uusalala anabwiinga balati, “Boola!” Ayooyo uumvwa makani aaya aambe kuti, “Boola!” Kufumbwa uufwide nyota aboole anywe cabuyo maanzi aapa buumi. (Ciyubunuzyo 22:17)\\nAugustine waku Hippo, muna kritsu mutaanzi, sicikolo walwiiyo lwa buleza, aciindi cimwi wakaamba kuti: “Ooyo wakatulenga kakwiina uumugwasya takonzyi kutuvwuna kuti tiitwamuzumizya kutuvwuna.” Lufutuko, kutaanguna alimwi lyoonse kusikila kumamanino, ncipego cakupegwa buyo. Pele cili kuli nduwe kuti naa ulayanda kusala cipego eeco naa pe. Kukosozya ncaakaamba Augustine: Ooyo wakatulenga kakwiina lugwasyo luzwa kuli ndiswe, alimwi kakwiina uumuzumizya, ulatulengulula swebo mbweenya buyo kakwiina lugwasyo luzwa kuli ndiswe.\\nAciindi cino, lufutuko ndulwako mukwesu, Kunyina cintu nconga wacita kuti uvwozyegwe cipego citakwe muulo cili boobo pe, kunyina milimo nokuba kuteelela nkokonzya kucita kuti uzumanane kupegwa cipego eeco pe. Lufutuko lulakuletela zyoonse nzyobulide kuti uyakululwe ube mucinkonzya ca bulemu bwa kujulu, alimwi eeco kusanganya antoomwe akuteelela kuzyila mu moyo uusalala akulitolaansi.\\nYebo tokonzyi pe kuwina lufutuko. Nokuba boobo, yebo ulakonzya kutambula cipego eeco. “ Mbombubo kuli kulyookezya kubantu ba Yahuwah mbubuli mbwaakalyookezya Yahuwah mubuzuba bwaciloba. Nkaambo kufumbwa ooyo uunjila mukulyookezya kwa Yahuwah walyookezya kuzwa kumilimo yakwe, mbuli Yahuwah.” (BaHebulayo 4:9-10)\\nKosala buno buzuba! Kotambula cipego ca Yahuwah ca lufutuko, mpoonya ayebo ulakonzya kulyookezya muli Nguwe.\\n“Kufumbwa muntu wazyalululwa muli Yahuwah wakoma nyika. Nkooku kuzunda kukoma nyika yoonse – lusyomo lwesu.”\\n(Bala muli 1 Johane 5:4.","num_words":1361,"character_repetition_ratio":0.05,"word_repetition_ratio":0.013,"special_characters_ratio":0.159,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ciyubunuzyo 15 | Bbaibbele Lili a Intaneti | Bbaibbele lya Busanduluzi Bwanyika Mpya\\n15 Mpoonya ndakabona citondezyo acimbi kujulu, cipati alimwi cigambya, ibangelo bali ciloba kabajisi zipenzyo zili ciloba. Eezyi nzyamamanino nkaambo kwiinda mulinzizyo ibukali bwa Leza bulamanizyigwa. 2 Alimwi ndakabona icakali kulibonya mbuli lwizi luŋaima mbuli gilazi iluvwelene amulilo, alimwi abaabo ibazunda munyama, cikozyanyo cakwe alimwi anamba yazyina lyakwe. Bakaliimvwi mumbali aalwizi luŋaima mbuli gilazi, kabajisi tulumbu twa Leza. 3 Alimwi baimba lwiimbo lwa Musa imuzike wa Leza alwiimbo lwa Mwanaambelele, kuti: “Milimo yako mipati alimwi ilagambya, Jehova Leza, Singuzuzyoonse. Inzila zyako zililuleme alimwi nzyamasimpe, O Mwami walyoonse alyoonse. 4 Ino mubwini nguni uutakookuyoowa O Jehova akulemeka zyina lyako, nkaambo nduwe olikke uusyomeka? Imasi oonse ayooboola akukomba kumbele lyako, nkaambo milawo yako iiluleme yalibonya.” 5 Nozyakamana zyintu eezyi ndakalanga, eelyo ndakabona busena busalala bwatente lyabumboni bwakajalulwa kujulu, 6 mpoonya bangelo bali ciloba ibajisi zipenzyo zili ciloba bakazwa mubusena busalala bwatempele, kabasamide zisani zyuuba-uba zitakwe tombe, iziŋaima, alimwi kuzyamba zyabo bakalyaangide ntambo zyangolida. 7 Mpoonya cimwi cazilenge zyuumi zyone cakapa bangelo bali ciloba mitiba yangolida iili ciloba iyakazwide bukali bwa Leza, ooyo uupona lyoonse mane kukabe kutamani. 8 Lino busena busalala bwatempele bwakazula busi akaambo kabulemu bwa Leza alimwi akaambo kanguzu zyakwe, eelyo kunyina wakali kukonzya kunjila mubusena busalala bwatempele kusikila mane nizyakamanizyigwa zipenzyo zili ciloba zyabangelo bali ciloba.","num_words":208,"character_repetition_ratio":0.084,"word_repetition_ratio":0.0,"special_characters_ratio":0.158,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"CINZI ALIMWI CILIKULI CISUBWIDO\\nUmwi sicikolo mbabukila nkubweza ntobolo watalika kudubula cakutasalaula akujaya bamwi basicikilo mbakali kwiiya aabo. Umwi muntu nakatandwa ancito, mpakali kubeleka kutondezya kutabotelwa mukutandwa ncito, wakabweza ntobolo akudubula mupati wa ncito akumujaya mpoona. Umwi mukaintu waka bika bana bakwe bobilo mucimbayambaya cakwe akucitonkela mulwizi akujaya bana.\\nMumasi ataleli ku abili munyika muno, kuli kujayana kutola cilawo, nkaambo kakwandaana misyobo na ziinga. Kwimpana kwa myaka minji akati ka misyobo nkekaambo nke balwanina. Balombwana, bakaintu, bakubusi alimwi abana bavwanda balajaigwa calunya akucitwa azimwi zintu ziteelede kucitwa kumuntu.\\nKupa cisubulo calufu kubantu basilunya mbuli baaba, bantu banji baamba kuti cililubide. Kuli bantu baamba cantangalala kuti, kujaya muntu mujayi cililubide alimwi ndunya \"Ntu nsiya-nsiya twabatakondwi.\" Balabuzyanya kuti, sena bajayi mbuli baaba tabakonzyi kufutulwa?\\nNinzilanzi iluleme yakujaya zigwebenga? Bamwi baamba kuti kubelesya cuuno camalaiti (electric chair) na indonga ya ncefu (poison). Bamwi baamba kuti kwaanzikwa (hanging) muntu ulafwambaana kufwa.\\nPele kukukazyanya kwa kumvwida luse kucisubulo ca lufu, kulinzila yomwe banji njobatalanganyi. Taakwe uupa muzeezo wakuti zigwebenga ezi zijaya, ezyo zi kosola maumi aabenzinyina, kaba abbadelela kwinda muku penzegwa aku tundululwa kusika ku lufu. Kunyina naaba omwe, waamba kuti zigwebenga ezi kazi umpwa mumulilo kusikila kulufu.\\nBunji bwaba syoma muli Klistu bayeyela kuti Taata wesu wa kujulu uya kupa cisubulo cicisa kwiinda ceeci.\\nBasizibi, baamba kuti, kabapezyegwa kutegwa babbadelele zibi zyabo. Bamana baamba kuti cisubulo ca mwami Leza taceeli. na nkupya mulilo caamba kuti muntu uya kupya mulilo utazimi kukabe kutamani. Ncizi cicitika kubabisyi? Hena bulumbu bwabo bunjilana buti aluyando lwa Leza, mubetesi siluse? Atulange bwinguzi bwa Bbaibbele.\\n1.\\tKUTYOMPOKEZEGWA KWA JESU KWAMAMANINO\\nKwamyaka yainda ili zyuulu zyosanwe a cuulu comwe (6000 years) Leza ulakombelezya balombwana a bakaintu:\\n\"Mbubonya mbundi muumi, mbwaamba MWAMI, Nsiyandi abuniini kuti sizibi afwe pe, ndayanda kuti aleke bubi bwanzila zyakwe akulijanina buumi.\" - Ezekieli 33:11.\\nCicinkano citutondezya Leza mbwayanda kufutula sizibi. Ciindi Jesu nakalila acicingano, \"Taata, ubajatile, nkaambo tabezi ncobacita,\" Wakatondezya makanze aakucisa kwa moyo wakwe (Luka 23:34). Muciindi buyo cisyoonto Jesu wakakosoka alimwi, bamwi bakasyoma kuti, wakafwa akambo kakutyompwa (Johane 19:30, 34).\\nNokuba kuti luyando lupati lwa Leza lwakatondezegwa, bantu banji takabooli kuli Jesu.\\nKuti cinyonyono cizumanane kulela munyika, mapenzi a muntu ana kuya kuvula. Cinyonyono cileelede kujaigwa.\\nIno Leza ujisi muzeezo nzi wakugusya cinyonyoono munyika?\\n\"Buzuba bwa Jehova bulasika... ijulu liyooindilila acamuzuzumina mupati; azintu zyoonse ziyaku jaigwa amulilo, ayalo NYIKA AZINTU ZYOONSE ZILI MULINJIYO ZIYOOPYA.\" - 2 Pita 3:10.\\nLeza kumamanino uya ku isalazya nyika kuzwa ku bubi aku manizya cinyonyono. Kuli baabo bazumanana kujatilila ku cinyonyoono baya kufwidilila ciindi Mwami akujaya cinyonyoono a mulilo. Mulilo wakabambilwa Diabulosi (Devil), abangele bakwe, a cinyonyoono, munyika yesu. Nkuusa kupati buti ciindi Jesu nabona bantu mbaakafwida aciciinkano kabapya mulilo.\\n2.\\tNKULI ALIMWI NDILILI CISUBWIDO CABASIZIBI NO CIYA KUPYA?\\nKwimpana amizeezo ya Bantu banji, Leza tajisi cilawo camulilo uuyaka citegwa \"gehena\" ooko babisyi nko baunka ni bafwa. Cisubwido cabasizibi ciya kuba anyika aano ciindi inyika neyiyakusandulwa kuba iziba lya mulilo. Leza ucilindila kuti ape cisubulo kuli basizibi kusika kulubeta lwamamanino myaka ili cuulu comwe (1000 years) yakumana (Cizubuluzyo 20:9-15).\\n\"Leza ulizi kuvuna bamukomba kumasunko, akulindila ciindi cakusubula basizibi KUBUZUBA BWALUBETA.\" - 2 Pita 2:9.\\nAlimwi uya kwisalazya nyika eyi amulilo.\\n\"Eno ijulu anyika zyayobwedwa mulilo, ZILINDILILA BUZUBA BWA LUBETA, aku nyonyoonwa kwa bantu batakondwi.\" - 2 Pita 3:7.\\nTabuli bubambe bwa Leza kuti muntu akajaigwe a mulilo. Pesi nakuti bantu bakakilwa kuli tantamuna kuzwa kuli satani kwiinda mukujatilila kuzinyonyoono zyabo, baya kutambula cisubulo nkaambo kakulisalila kwabo.\\n\"Lino uzoo ambila abo bali kulumwensi cakwe kuti, \"Amuzwe kulindime, inywe nomutukidwe, munjile mumulilo uutamani WAKABAMBILWA DIABOLOSI A BANGELO BAKWE.\" - Mateyo 25:41.\\nKwendelana a Jesu, ndilili gehena noyiya kupya?\\n\"Mbuli insaku mbuzibungwa akutentwa mumulilo, mbubonya obo mbukuzooba KUMAMANINO ACIINDI. Mwana a-muntu uzootuma baangelo bakwe, kuti bazoobunge zintu zyoonse zyamu - Bwami bwakwe zilebya, abalo bacita ziteelede, NKABELA BA ZOOBASOWELA MUBBIBI LYA MULILO, OKO KUZOOBA KULILA AKULUMA TWINO\" - MATEYO 13:40-42.\\nInsaku, basimucita zibi, taba umpwi mumulilo kusikila kumamanino a nyika.\\nEci cisubulo kacitana pegwa, nyika yonse ilelede ku syomezegwa kuti Leza ulapa bulumbu bweelede kumuntu oonse. Mbuli mnbo ca pandululwa muciiyo 22, mukulwana kupati kuliko akati ka Klistu a Satani, Satani wali kusola kutondezya kuti inzila ya cinyoonyono ne nzila mbotu; Klistu wali kutondezya kuti inzila ya kuteelela nje nzila iipa bunkutwe mubuumi.\\nKumamanino a myaka iili cuulu comwe, ooku kutondezegwa kuya kumana mukusubulwa kwa Satani, bangele bakwe, alimwi aba sizibi. Mabbuku aabumboni akujulwa ayo aatondezya milimo yamuntu omwe-omwe njaakacita, Leza uya kuwala Satani, lufu, alimwi a cuumbwe, ababo boonse abo mazina abo \"aatakajanika mubbuku lya buumi... mumulilo\" (Cizubuluzyo 20:14-15). Kwendelana a vesi iitobela, Cizubuluzyo 21:1, Leza akumana kusalazya nyika ya cinyonyoono amulilo, Uyo lenga \"julu lipya a nyika mpya.\"\\n3. CISUBWIDO CABASIZI CIYA KUPYA CIINDI CILAMFU BUTI?\\nBunji bwabakondwa balazumina busanduluzi bwaamba kuti cisubwido cabasizibi ciya kupya kukabe kutamani eeci caamba kuti bayakusubulwa kukabe kutamani. Atualangisisye mangwalo asandulula Leza mbwaya kweendelezya cinyonyoono a sicinyonyoono.\\n\"Nkabela uyoosubula aabo batamuzi Leza akutaswiilila makani Mabotu aa-Mwami wesu Jesu. Aba BAYOOBETEKELWA LUNYONYOOKO LUTAMANI kuzwa kubusyu bwa-mwami akubulemu bwanguzu zyakwe.\" - 2 Ba Tesalonika 1:8, 9.\\nAtubone kwamba kuti: \"Kujaigwa kutamani\" taceelene a \"Kutundululwa kutamani\" caamba lufu lutamani. Bulumbu ndufu lutamani. Petro wakaamba buzuba bwalubeta alimwi \"akujaigwa kwabasizibi\" (2 Pita 3:7).\\nMumajwi a Jesu, \"Muuya alimwi a mubili\" ziyoojailwa mu Gehena (Matayo 10:28). Mumulumbe wakwe atala a cilundu, Jesu wakaamba akumanikila kwa mulyango \"utola ku buumi,\" alimwi nzila impati iitola kukunyonyooka\" (Mateyo 7:13, 14).\\nMuli Johane 3:16 Jesu usandulula Leza \"mbwakapa mwanaakwe simuzyalwa alike,\" kuti kuli baabo basyoma mulinguwe, \"batafwidilili pele babe abuumi butamani.\" Jesu ulapa kwaandaanya kwa bulumbu bobilo: buumi butamani na kunyonyooka - kutali kupya kutamani. Atumanizye akwaamba kuti gehena uyakumana; ciindi basizibi bakumaniina kufwa boonse.\\nCantangalala mangwalo alatwambila kuti basizibi baya kufwa. \"Basizibi bayonyonyooka\" (Intembauzyo 37:28). \"Bayakufwidilila\" (2 Petro 2:12), \"Bayomana mbuli busi\" (Intembauzyo 37:20). Mulilo uyoobacita mulota (Malaki 4:1-3). \"Nkaambo cakuvola cazibi ndufu,\" kutali buumi buteeli mu cisubwido camulilo; \"pele caabilo ca Leza mbuumi butamani\" (Ba-Roma 6:23).\\nKaambo kenikeni kacisubulo camamanino mu cisubwido camulilo, nkugusya cinyonyoono munyika yoonse, kutali ku kwabilila cibi kukabe kutamani.\\nTacili cubauba kuyeeya kuti Klistu siluse wakalila ciindi nakalanga munzi wa Jerusalemu mbuwakali kuzoonyonyaulwa, wakalekela bantu bakamujaya kakunyina a mulandu. Inga ulacikonzya kulangilizya basizibi kabapengana mucisubwido kukabe kutamani.\\nBwini bwini cisubwido cabasizibi cilaamamanino. Kumamanino amyaka icuulu comwe (1000 years), Leza uya kwaangula mulilo kuzwa kujulu mbuli imvula kuzoojaya Diabulosi, bangele bakwe, alimwi abasizibi bajatilide kuzinyonyoono zyabo. \"Mulilo\" wakaseluka \"kuzwa kujulu,\" wakabaumpa (Cizubuluzyo 20:9).\\nMumajwi a Jesu, ooyu mulilo \"tuuzimiki\" (Mateyo 3:12). Taaku nobaba bantu bakaiisigwa kuzima mulilo baya kukonzya kuzima mulilo ooyu, kusikila ukamanizye kuumpa zyoonse zyelede kupya. Leza usyomenzya kuti, mulilo ooyu wakumana kuumpa akusalazya, nceciindi naya kulenga \"Nyika Impya,\" mwalo omo \"mapenzi mwaya kulubwa;\" alimwi \"amajwi akulila na akupenga takamvugwi limbi\" (Isaya 65:16-19).\\nBuyakuba buzuba bulibuti sena! Kufumbwa ceeco cileta kupenga mumoyo ciyomana. Leza naya kugusya zilonda zya cinyonyoono mumoyo omwe - omwe, alimwi lukomano lwesu luno maninide.\\n4. \"KUTAMANI\" MU MANGWALO\\nMuli Mateyo 25:41 Jesu waamba \"Mumulilo uutamani ngwa bambilide Diabolosi abaangelo bakwe.\" Sena \"uutamani na uuteeli\" caamba kuti mulilo wamu cisubwido uya kuumpa lyoonse lyoonse?\\nJuda 7 Sodoma a-Gomora yakabikwa kuti ibe \"citondezyo cakupenga kwa baabo bati kasubulwe mulilo uutamani.\" Bwini bwini tulizi kuti minzi eeyi taicipyi. Pesi mulilo WAKALI uutamani nkambo wakajaya cakumanizya.\\nMuli 2 Petro 2:6 amwalo tulabala a mulilo uutamani. Pesi mangwalo aalo alasandulula kuti Leza \"wakasinganya minzi ya Sodoma a Gomora akwiumpa kusika lyaba itwe, akwiicita kuti cibe citondezyo kuli baabo batakondwi.\"Batakondwi ba mu Sodoma a Gomora tabacimvwi kucisa; nkaambo boonse lyakaba itwe. Pesi mulilo waka baumpa waambwa kuti mulilo \"uutamani\" bulumbu- abujayi bumanide. Kutamani camba cisubulo citamani, kutali kusubulwa kutamani.\\nNkambo bbuku lya cizubuluzyo libelesya canguzu, mulaka wa zitondezyo, tumwi tu mpango tatuteelelwi. Mbuli, cipati ca Cizubuluzyo 14:11 caamba abasweekede kuti, \"Lino busi bwamapenzi aabo bulasuka lyoonse kukabe kutamani.\" Eci cimvwika aabe nkupenga kutamani. Ono atulange mangwalo mbwaamba.\\nMu Kulonga 21:6 mutwanga ujisi kutwi kudonkwedwe caamba kuti mutwanga ooyu uuyo sebenzela simatwanga aakwe kukabe \"kutamani.\" Mukambo aka \"kutamani\" kupandulula kuti mutwanga ooyu uuyo sebenzela simatwanga akwe nacipona.\\nJona, wakakala mwida lya zenimutende (inswi) kwa mazuba otatwe (Mateyo 12:40), waamba kuti wakali mwida lyanswi \"kutamani\" (forever) (Jona 2:6). Cakutadonaika mazuba otatwe aa musinze akalibonya nga nkutamani.\\nTulangisye notubala mangwalo kuti cimwi ciindi mangwalo abelesya mabala na twaambyo tujisi busanduluzi busisidwe. Busi busuka kuzwa mu bbibi lya mulilo ncitondezyo ca lunyonyooko lutamani. Cizubuluzyo 21:8 caamba kuti Bbibi liyaka mulilo \"ndufu lwa bili.\" Gehena ili amamanino. Basizibi bamaninina kupya; bajaigwa.\\n5. NKAAMBO NZI NCOKULI CILAWO CACISUBWIDO?\\nKumatalikilo Leza wakalenga inyika iisalala. Kumane kwakanjila cinyonyoono munyika icakaleta kupyopyongana, kusumpwa alimwi alufu. Atwaambe wali mukweendeenda eelyo nojoka mukweendeenda wajana babbi babba banyonyoona lubono lwako mung'anda akusiya zintu zyaalabene buyo ng'anda yoonse. Sena ayebo ola ng'anda ingaulazileka buyo zintu kazyalabene buyo? Peepe inga tonocita boobo. Ulatalika kubambulula kuti zintu zilulame, kulila zyabbigwa, kubambulula zyatyolaulwa, kugusya akusowa nzyotakonzyi kubambulula,kukukula nganda kuti ibe mbuli mboyakabede.\\nAwalo Leza mbwanga wacita oobo. Ulabambulula zyoonse zyanyonyoonwa akugusya cinyonyoono munyika, akulenga inyika impya.\\nMuzeezo wa Leza wakusalazya nyika amulilo nkubamb nzila yanyika isalala kuti basalala ba kakale. Pesi Leza ulaapenzi lipati nkambo cibi taci nyonganyi buyo bube bwa nyika cakayambukila a Bantu.\\nCinyonyoono cakaleta buyumu yumu akati ka Leza a bantu alimwi akati ka muntu a muntunyina. Muntu wazumanana kuba apenzi lya kupenzegwa kwa bana, kujayana, mamambe, aamwi malwazi aa mumuuya. Leza uleelede bumwi buzuba kujaya cibi, nkambo cibi cijaya Bantu. Ipenzi lya Leza ndeli: Mbwanga ula mana bulwazi bwa cibi kuzwa munyika pesi katajayi Bantu boonse bakayambukilwa ancico. Inzila buyo yakali nkulibika cibi amubili Wakwe; Waka zumizya bulwazi bwa cibi kuti bumu jaye acicingano. Nkambo kaako:\\n\"Kuti twalyaamba zibi zyesu, walo ulasyomeka akululama, ulatulekelela zibi zyesu AKUTUSALAZIZYA ZITALULEME ZYOONSE.\" - 1 Johane 1:9\\nLeza watamba muntu oonse uuyanda kuti aboole ajane lufutuko kuzwa kucinyonyoono. Pesi cityompya buyo nkuti bunji bwa bantu bacijatilide kubulwazi bwa cinyonyoono. Alimwi Leza tasinikizyi bantu kuti basale nzila yabuumi buteeli.\\nKuli baabo bakaka nzila yakwe yalufutuko, kumamanino baya kuligwa abulwazi. Kaambo kenikeni ka cisubwido cabasizibi nkaaka:\\n\"Nindakaita mwakabula kuvuwa, nindakaamba mwakakaka kuswiilila. Mwakacita zintu zibi mumeso aangu akusala zintu zitandibotezyi.\" - Isaya 65:12.\\nKwiinda mukulisalila basizibi baya kulijana kulubazu lwa lufu lutamani.\\n6.\\tMUULO NZI WAKUSOWEKELWA BUUMI?\\nNokuba kuti mangwalo taatuyiisyi kuti mulilo wa mucisubwido cabasizibi\\nuleta penzi litamani, pesi tulijisi luzibo lusyoonto akusowekelwa buumi ncintu cibyaabi. Basizibi baya kusowekelwa buumi butamani. Baya kusowekelwa coolwe cakuba a Leza kwa ciindi citeeli. Taaku nobaya kuziba bubotu bwa kuyandwa akuyandana kukabe kutamani.\\nCiindi Klistu naakaanzikidwe aaciingano nkaambo kazinyonyoono zyanyika wakatantamunwa kuli Leza nkaambo kazinyonyoono, wakabona bubi bwa kwandanyizigwa a cinyonyoono. Ciyakuba buti kuli basizibi nkaambo balo tabajisi bulangizi bumbi, pele buyo kujaigwa alufu luteeli.\\nBaya kufwa alufu lunyina bubuke bwabili. Baya kwibaluka ziindi nibakakaka lwiito lwa Klistu lwa luyando. Kumamanino baya kufugama a mazwi akwaamba kuti Leza mubetesi siluse alimwi aluyando, (Ba-Filipo 2:10, 11).\\nCalibonya ncobeni balembi ba mangwalo ncobatusinikizizya kuti tusale nzila ya Klistu. \"Tulamukumbila, kuti luzyalo lwa-Leza ndumutambwide lutabi lwabuyo. Nkaambo wati:\\n\"kuciindi ceelede ndakakuswiilila, akubuzuba bwalufutuko ndakakugwasya.\" Ndamwaambila, ONO nci ciindi caluse lwa Leza, ONO mbuzuba bwa lufutuko.\" - 2 Ba-Kolinto 6:1-2.\\nTaaku kusowekelwa kwiinda, kwa muntu usala nzila itola kulufu. Kusala kulikumbele a muntu oonse nkooku: Lufu luteeli - caamba kutantamunwa kubusyu bwa Leza, na bweenzinyina buteeli a Klistu eeci cikutya kulaka laka kwa muntu uyanda lufutuko. Sena kusala kwako kulaali? Cilibuti kulindiwe, na wasala kuba a Klistu?","num_words":1745,"character_repetition_ratio":0.042,"word_repetition_ratio":0.0,"special_characters_ratio":0.18,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"MALANDUKILO KUBUUMI BUKUTIZYA\\nBakajana mafuwa akwaa munsimunsi acidumba cakali akasumbu akatikati ka lwenje lwa Atlantic. Muntu umwi wakali kukala kumulonga nguwakazubulula makani aya. Akacitika mumuteende ngakalemba mumyezi yone yakali kwaamba cakacitika kukansumbu aka. Oyu mulombwana wakabikwa kukansumbu aka abantu baku Holland mu 1725 akaambo kakuti wakacita mulandu walo nguba takazubulula pe. Oyu mulombwana wakaba cakolwa wakali kunwa bulowa bwabanyama bakali kukala mulweenje kuti amane nyota njaakajisi. Aboobo bukale bwakwe tibwakali kabotu pe, nkaambo wakaciswa kapati alimwi wakajanwa amulandu.\\nakalemba majwi aakupenga mbuli yaaya: \"Ncinzyi cicitika kubantu batakondwi basiya nzila zyabululami bamana bakomanina kunyonyoonwa.\" Oyu mulombwana wakumulonga kaakala alikke mukansumbu wakabona kuti walo wakaandaanizyigwa a mwami Leza.\\nEci cakaboneka kuti cakatazya kumamanino. Bantu balikulipenzya amakani aakwaandana kwa moyo kuzwa ciindi ba Adam a Eva \"nibakayuba kubusyu bwa mwami, Leza muzyisamu omuya mumuunda\" nibakamana kulya mucelo ngubakakasigwa. (Matalikilo 3:8). Cintu ceenzu cinyenaazya kujanwa mulandu akuyoowa kwacita kuti mukwashi wakutaanguna utije mwami Leza naakaita. Oku kulimvwa kuli boobu kulajanika amulindiswe cino ciindi.\\nCinzyi cileta kwaandana akati kesu a mwami Leza?\\n\"Pele milandu yanu njeyamwaandaanya a Leza wanu, azibi zyanu nzezyamusisila busyu bwakwe, aboobo taswiilili.\" - Isaya 59:2.\\nOoku kwaandana kugusha bantu bacita zyinyonyoono ku Mwami Leza taasyi kuyanda kwa Mwami Leza pe. Mwami Leza tanaakatija kuli Adam a Eva pele balo mbibakatija kuzwa ku Mwami Leza.\\n1. KUMANA NZALA ISISIDWE ULINDISWE\\nCinyonyoono kacitana nyonganya cifwanikiso, Adam a Eva bakalikukomana kuswaangana a mwami Leza mulengi mumuunda wa munzi wakalikweebeka wa Edeni. Mukubula coolwe, bakaula kuceengwa kuli satani kuti inga bacenjela mbuli mwami Leza aboobo bakatyola kuswaangana na kushomeka kwakali akati kabo a mwami Leza (Matalikilo 3).\\nNibakamana kutandwa kuzwa mumuunda wa Edeni, Adam a Eva buumi bwakabayumina kunze a muunda wa Edeni. Kuzyala bana, kulima bulongo zyoonse zyakaboola abulowa ankasaalo, alimwi amisozi. Kuswaangana kwabo a mwami Leza kwakamana, bakalijana kuti ono kuyandisyisya kwabo tikwakali kumana pepe. Elyo bakajanika mubuumba bwa cinyonyoono.\\nKuzwa ciindi ba Adam a Eva nibakazanga ciindi cakutaanguna, \"bonse\" (bantu na mukowa wabantu) wakawa mucinyonyoono comwe. \"Aboobo, mbweena cinyonyoono mbucakanjila munyika kwiinda mumuntu omwe, alufu kwiinda mucinyonyoono, elyo munzila eeyi njeena LUFU LWAKABOOLA KU BANTU BOONSE, KAAMBO KAKUTI BOONSE BAKABISHYA\" (ba Roma 5:12).\\nToonse tulayandisya mukati kamyoyo yesu kujana ceeco ncotwakasowekelwa, kuyandisisya kukwabilila kwalo kujanwa buyo mu mwami Leza nkaambo nguupa. Zyiindi zyinji tulasola kulikomanishya kusola kumana nzala kwiinda mukuula akunywa, akulya zyintu zyinji; na kusumpulwa a mulimo na kunywa bukoko, akufweba lubanje, a bwamu.\\nPele kuyandisisya kwesu koonse zyitondezyo zya buumba bwa kubula mwami Leza. Aboobo kunyina musamu pele kupiluka buyo kuluyando lwa mwami Leza mu buumi bwesu.\\n\"Wandizyibya inzila yabuumi, kubusyu bwako kulizwide kukondwa' kujanza lyako lyalulyo kulabotezya lyoonse.\" - Intembauzyo 16:11.\\nKukuta kwinikwini kujanika buyo kuti okuya kwaandaana kuli akati kesu a mwami Leza kwamana alimwi kutengwa tweende antomwe anguwe.\\n2. KUSWAANGANYA LWAANZI LWACINYONYOONO A LUFU\\nBantu tabashi buyo balike bakala mu buumba bwa cinyonyoono. Moyo wa Mwami Leza awalo waakkala mubuumba ciindi Adam a Eva nibakamufutaila. Asunu uluuside akaambo kamapenzi abantu. Mwami Leza ulayandisya kutukomanisya mukuyanda kwesu kusisidwe alimwi akutusilika muzilonda zyesu zyakuyeeya. Tanakomana aku bonesya buumba bwa lwaanzi lwalo lwakatwaandaanya akaambo kacinyonyoono a lufu.\\n\"Kaambo obuya Leza mbwaakayandisya nyika wakapa mwanaakwe simuzyalwa alike, kuti umwi umwi uumushoma atafwidilili, pele abe abuumi ubutamani. Kaambo Leza taakwe naakatuma mwanaakwe munyika kuti akkibeteke nyika, pele kuti nyika ikafutulwe nguwe.\" - Johane 3:16-17.\\nMwami Leza wakapa mwana, ono Jesu walo wakapa buumi bwakwe kuba muyasilo wa cinyonyoono. Buumi bwakwe, lufu alimwi abubuke bwakwe bwakacita kuti Atulekelele alimwi akufutula basizyibi alimwi wakatondezya nyika yoonse ciimo cakwe Jesu a ciimo ca Satana. Bwaalo na bbiliki lya mubili wa Jesu wakatyokooka, mubili wakazwa bulowa weeta bantu kuti bazwe mukooye kacinyonyoono. Luyando luleta bantu boonse akubabika mulusomo lwa Jesu mwami alimwi mufutuli wa buumi butamani.\\n3. TWAAMBO TULI CILOBA (7) NTOWELEEDE KUZYIBA\\nOotu twaambo tujatikizya buuyo Jesu alike:\\n(1) JESU WAKABOOLA KUZWA KUJULU KUBOOLA ANSI ANO\\nIno Jesu waamba kuti wapona ciindi cilibuti?\\n\"Abraham katana zyalwa, Mebo mpendi!\" - Johane 8:58).\\nJesu wakazyibya nyika kuti lyoonse: Mebo Mpendi!\" Nakuba kuti wakazyalwa mubuntu kuli banyina (Mateyo 1:22, 23), Walo ngu Leza.\\nAlimwi ngu Leza munyama ya buntu. Dwight L. Moody, wali mbuli Billy Graham wa mu 19th century cimwi ciindi wakamba kujatizizya kusanduka kwa Jesu kuzwa mubu Leza akuba muntu. \"Nikwakaba kulyaaba kupati kuli Jesu nakaboola akuvumbwa mubulo bwa siliva, akulangwa a bangele, akusaninwa a mungo wagolide. Pele mulengi wajulu a nyika wakabweza mubili wabuntu, wakazyalilwa muciba ca Ng'ombe kuba zyali ba ceete abusena busofwede.\"\\nMugeli wakaambila Josefa ciindi Jesu na kazyalwa:\\n\"Bakati Mary uyakuzyala mwana musankwa elyo muyakumuulika kuti ngu Jesu kaambo kakuti UYA KUNUNUNA BANTU KUZWA KUCINYONYOONO.\" - Mateyo 1:21.\\n\"Jesu, mulengi wanyika wakaboola munyika kuzyi kutunununa kuzwa ku cinyonyoono a lufu.\" - Johane 1:1-3, 14.\\n(2) JESU WAKAPONA BUUMI BUNYINA CINYONYOONO\\n\"Jesu mwana a Leza, wakasunkwa munzila zyoonse, mbubweena mbuli mbotusunkwa - pele tanakabisya.\" - Ba Hebulayo 4:14, 15.\\nLeza wakasoleka icanguzu kutuguzya ku mubumi bwacinyonyoono kuya ku buumi bu botu. Kubona kwakwe mubuntu, Jesu wakacita kuti ikkupona buumi butakwe cinyonyoono bulombozyegwe kwiinda mulumbe onse unga wakambaukwa.\\nSatani, mulwani wa Jesu, wakasola kuti ajane cibi muli Jesu kwiinda mukumusunka pele Jesu kunyina anakabisya pepe. Mulukula Dyaboli wakalwana ciimo ca Jesu canguzu. (Mateyo 4:1-11). Mumuunda wa Gethsemane katana gagayilwa acicingano masunko akuvula limwi Jesu wakatalika kuzwa nkasaalo ya bulowa (Luka 22:44).\\nPele Jesu wakaima mukasimpe \"kakucina cibi.\" Aboobo Jesu wakabona mapenzi amuntu aakusunkwa, ula teelela kulila kwesu walo \"uuletela buteteete bwesu\" (Hebulayo 4:15).\\nKaambo nzi Jesu ncakeelede kupona kakunyina cinyonyoono?\\n\"Leza wakamubamba Jesu, wakanyina cibi, kuti abe cibi mucilawo cesu kuti tubambululwe muli nguwe.\" - Ba 2 Kolinto 5:21, mubufwafwi.\\nJesu wakazunda masunko akupona buumi bucina cibi ukuti atupe buumi bupya mucilawo ca buumi bwakaiindi bwacinyonyoono.\\n(3) JESU WAKAFWA KUTI AKUSYE CINYONYOONO\\nBongaye bantu bakabisya?\\n\"Boonse bakabisya akulela kubulemu bwa Leza.\" - Ba Roma 3:23.\\nIna bulumbu bwa cinyonyoono cinzyi?\\n\"Bulumbu bwa cinyonyoono ndufu; pele cipego ca Leza mbuumi butamani muli Jesu Kilisito mwami wesu.\" - Ba Roma 6:23.\\nIna Jesu wakafwida nzyi?\\n\"Langa, kabelele wa Leza, uugusya cinyonyoono munyika!\" (Johane 1:29).\\nToonse twakabisya aboobo tweelede kufwa, pele Jesu wakafwa mucilawo cesu. Wakaba \"cinyonyoono akaambo kandiswe.\" Wakatu badelele bulumbu bwalufu. Lufu lwakwe cipego, alimwi \"Cipego ca Leza mbuumi butamani muli Jesu Klistu mwami wesu\" (Ba Roma 6:23).\\nJesu wakatula buumi mwakwe busalala mbuli cipego ca luyando kulindiswe. Luyando mbuli loolu tatukonzyi kulutelela. Akaambo kalufu lwakwe \"tulijisi luumuno a Leza\" (Ba Roma 5:1).\\n(4)\\tJESU WAKABUKA KUZWA KUBAFU\\nKufwa kwa Jesu aciciingano tanakali ngamamanino a buumi bwakwe. tanakali kukonzya kuti afwidilile amana abe mufutuli wesu pepe.\\n\"Pele anoli Klistu tabukide, elyo musyomo lwamu ndwabuy; mucilimukati ka zibi zyanu. Alimwi abo bafwide muli Klistu balifwidilide.\" - 1 Kolinto 15:17-18.\\nMohammed a Buddha bakapa twaambo tubotu munyika. Bakakwelelezya bantu banji mumaumi abo, pele banyina nguzu zyabu Leza yakupa buumi aboobo cino ciindi bacilli muzyuumbwe zyabo.\\nOno akambo kakuti Jesu wakabuka kulufu buzuba bwatatu, ina utupa cisyomyo nzyi swebo?\\n\"Akaambo kakuti mebo ndapona, anwebo mulapona.\" - Johane 14:19.\\nJesu ulapona! akaambo kakuti ulaanguzu kwiinda lufu, walo ulatusomezya kuti ulatunununa kuwza kulufu alimwi ulatupa ibuumi bunji alimwi bwamoongole. Uya kupona mumyoyo yesu na twamulomba kuti anjile. Jesu wa kabuka kwaali ikutupa zyezyo zye tubulide.\\n\"Masimpe ndili a ndinywe lyoonse, kusika kumamanino aciindi.\" - Mateyo 28:20.\\nBalombwana a bamakaintu cuundu coonse baambilana imakani mbuli Klistu bwabanununa kuzwa muziyanza zya buubi amuku penga kwabo konse.\\nUmwi wa basicikolo wakalemba majwi aya aakulumba acipepa cakwingula misunko: \"Ndakali cakolwa. Bumwi buzuba kandi koledwe, ndaka bone cipepa ca kalikwambilizya ziyo zya Bbaibbele. Ndakacibweza, akulemba, alimwi nda katambula luzibo lwa Klistu. Ciindi cisyonto buyo nindakamana kwiiya Bbaibbele, ndakapa moyo wangu kkuli Leza alimwi ndakasowekelwa bubotu bwa bukoko.\"\\nJesus naka njila mubuumi bwa musankwa oyu, inguzu zipya zyakamupa ikuzunda bucakolwa. Kaambo Jesus wakabuka, ulakonzya kugwasya bonse baboola kuli nguwe.\\n(5) JESU WAKAUNKA KU JULU\\nKatana unka kuli baUshi ciindi nakabuka (Ncito 1:9), Jesu wakasyomezya kuli basiciiya bakwe kuiti:\\n\"Mutapengi mumyoyo yanu. Amusome muli Leza; mushome amulindime, mung'anda mwataata kwaali maanda manji;... Ndaunka kuya kumubambila masena. Elyo… ndiyakuboola alimwi ndizyikumubwezye kuti kondiya kuba... anwebo mukabe nkuko.\" - Johane 14:1-3.\\n(6)\\tJESU ULATWIIMININA MBULI MUPAIZI WAKUJULU\\n\"Jesu ciindi coonse ulatubambila kuti tube a busena mukati kajulu. Akaambo kakuti walo wakasunkwa ciindi naakali ansi ano, walo ulacikonzya kutugwasya abaabo basunkwa.\" - Ba Hebulayo 2:17-18.\\nJesu wakaboola kuti \"atile bulowa bwakwe akaambo ka zinyonyoono zyabantu aku tunununa kuzwa kubuzike.\" Jesu mbuli mupaizyi wesu mupati wakengwa mbuli \"mukwesu munzila zyoonse.\" Elyo ono ciindi coonse ulatwiiminina kumbele lya Taata. Ngweena Jesu wakaleleka bana wakagwasha mukaintu wakali mubumambe alimwi wakalekelela mubbi aciciingano, ulabeleka cino cindi mukati kajulu, \"kutwiiminina mumasunko eesu.\"\\n(7)\\tJESU UYA KUBOOLA\\nJesu Kaatana Unka Kujulu Ncisyomyonzi Cakasyomezya?\\n\"Na ndaunka kuyomubambila masena, NDIYOBOOLA ALIMWI ndikamubweze ikutu oko kwebede andiwe mukabe nkuko.\" - Johane 14:3.\\nJesu akuboola, uya kutufutula kuzwa kucinyonyoono, kukuciswa, mukulila, muntenda amapenzi manji ali mukati kanyika ino. Aboobo uya kututambula munyikampya yakukkomana kutamani abuumi butamani.\\n4. LUYANDO LUTAKAKILWI\\nU Long waku Taiwani wakakwata musimbi utegwa \"Golden Flower.\" Elyo nibwakamana bwiinga, U Long wakavumbula mukaintu wakwe kumeso, pele wakajana kuti tanakali kabotu, wakali antomba kumeso. Mukaintu wakwe wakasola munzila zyoose kumukomanisya, wakali kubeleka anguzu kung'anda, kalangila kuti mulumi wakwe inga wamutambula alimwi.\\nElyo kuzwa ciindi eci tanakamuyanda mukaintu wakwe. Kwiinde myaka ili kumi amyaka yobilo U Long wakaciswa meso. Elyo musilisi wakamwaambila kuti ulabaya cita kuti ajane cibeela cimwi ca liso.\\nOku kupandulwa kwakalikuyandika mali manji alimwi wakali Bantu manji wakalikulindila kuti bapandulwe. Ono mukaintu wakwe, Golden Flower, wakabeleka canguzu kuluka heete izya malala kuti ajane mali akusilisya mulumi wakwe.\\nBumwi buzuba U Long waakambilwa kuti cibeela caliso cajalika kuzwa kumuntu uumwi wakajanika muntenda. Wakalundukila kucibadela kuti akaakupandulwe. Na kapona, wakayandisyisya kumubona mukaintu wakwe kuti akaakumulumbe kaambo kamali ngakayandaula. U Long nakacengulula mutwe wamukaintu wakwe kuti alange, U Long icakweetela wakalifusa ansi kumatende aamukaintu wakwe akutalika kulila. Alimwi ciindi cakusaanguna wakapetekezya izina lyamukaintu wakwe wati: Golden Flower.\\nJesu ulalombozya ikwaampana ababo bamusulaikide kwa mwaka minji. Ulayanda kupetekezya zyina lyakwe kuti walo munununi wesu.\\nWalo wakaba kutali buyo liso pele mubili wakwe oonse kutondezya luyando lutakakilwi. Luyando lwakwe lulaanguzu cakuti Klistu \"wakabola munyika kuzyi kunununa Bantu kuzwa ku zyinyonyoono\" (1 Timoti 1:15).\\nIkulyaaba kupati kwa Jesu kwakaswanganya kuteendelana kwesu. Hena kukugama wajana kuti Uyanda kukukwelela kumanza akwe? Hena inga wazumina kupaila kuti Jesu ndakuyanda, boola mumoyo wangu undifutule ono cakumaninina alimwi kukabe kutamani? Jesu wakaboola mubuntu, wakapona buumi bunyina cinyonyoono, wakafinda zyinyonyoono zyesu, wakabuka kuti atununune kuzwa kulufu, wakaunka kujulu kuya kutubambila masena ulatwiiminina buzuba abuzuba mbuli mupaizyi wesu mupati. Elyo ulaboola kufwambana kututola nkwabende tukapone lyoonse.\\nWAKABOOLA mbuli Leza mubili wa muntu.\\nWAKAPONA buumi munyina ciibi abusena bwesu.\\nWAKAFWIDA zyiibi zyesu.\\nWAKABUKA kubafu, kutunununa kuzwa kulufu.\\nWAKAUNKA kujulu kutubambila munzi","num_words":1638,"character_repetition_ratio":0.043,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Levitiko 10 IBBAIB63 - Lino Nadabu a-Abihu, bana - Bible Search\\nNadabu a-Abihu mbubakabisya\\n1-Lino Nadabu a-Abihu, bana ba-Aroni bakabweza umwi aumwi citentelo cakwe, bayokolola mulilo, babika tununkilizyo, bapaizizya Jehova mulilo umbi ngwatakalailila. 2-Mpawo kwakazwa mulilo kubusyu bwa-Jehova akubatenta, nkabela bakafwa nkukonya oko kubusyu bwaJehova. 3-Elyo Musa wakaambila Aroni kuti, Mbuboobu mbwaamba Jehova, Njoosalazigwa kuliboonse baswena kulindime akulemekwa kumeso aabantu boonse. Lino Aroni wakaumuna buyo.\\n4-Mpawo Musa wakaita Misayeli a-Elizafana, bana ba-Uzieli simizyaabo Aroni, wabaambila kuti, Amuboole, mubweze bana bakwanu, mubagwisye kunembo lyabusena busalalisya akubatola anze lyamalabba. 5Nkabela bakaswena afwaafwi akubabweza azibaki zyabo, babatola anze lyamalabba, mbubonya mbuli Musa mbwaakalailila. 6-Mpawo Musa wakaambila Aroni abana bakwe Eleazara a-Itamara kuti, Mutatebezyi masusu aanu nekuba kudeluula zyakusama zyanu, kuti mutafwi, kuti bukali butasikili imbungano yoonse yabantu, Pele bana bakwanu, luzubo loonse lwa-Israyeli, balile nkaambo kakutenta Jehova nkwacita. 7-Alimwi mutazwi kumulyango watente lyambunganino, kuti mutafwi, nkaambo mafuta aakunanika aa-Jehova mpaali alindinywe. Nkabela bakacita mbubonya mbuli Musa mbwaakalailila,\\nBapaizi mbubakakasigwa kunywa zikola\\n8Lino Jehova wakaambila Aroni kuti, 9-Utanywi waini neciba cikola cimwi, yebo abana bako, ciindi cakunjila mutente lyambunganino, kuti mutafwi, Ngumulao walyoonse mumazyalani aanu oonse. 10-Muleelede kupambukanya zintu zisalalisya azintu zyabuyo, zintu zisofweede azintu zisalala. 11-Alimwi muleelede kwiisya bana ba-Israyeli milao yoonse Jehova njaakabaambila kumulomo wa-Musa,\\nZipanzi zyazipaizyo ziligwa bapaizi\\n12-Lino Musa wakaambila Aroni abana bakwe basyeede, Eleazara aItamara, kuti, Amubweze cipaizyo cabusu cisyaala akati kazipaizyo zitentelwa Jehova, mucilye kacitakwe bumena kumbali lyacipaililo, nkaambo ncintu cisalalisya. 13Muleelede kucilida mubusena busalalisya, nkaambo ncecaabilo cako acaabilo cabana bako akati kazipaizyo zitentelwa Jehova, Nkaambo mbuboobo mbundakalaililwa. 14-Akalo katiti kakuvukuzya, amweendo wacikungu uutuulwa, muleelede kuzilya mubusena busalalisya, yebo abana bako balombe abasimbi boonse, nkaambo nzenzizyo nzimwapegwa, zibe caabilo cako acaabilo cabana bako, akati kazipaizyo zyakutontozya zya bana ba-Israyeli, 15Mweendo wacikungu uutuulwa akatiti kakuvukuzya, bazilete antoomwe azipaizyo zyamafuta zyakutenta, akuzivukauzya kunembo lyaJehova, zibe cipaizyo cakuvukauzya, Cilaba caabilo cako acaabilo cabana bako: ngumulao walyoonse, mbubonya mbuli Jehova mbwaakalailila.\\n16-Lino Musa wakabuzisya makani aamugutu wacipaizyo cazibi, wajana kuti katentedwe. Mpawo wakakalalila Eleazara a-Itamara, bana ba-Aroni ibakasyeede, wati, 17-Ino nkaambonzi tamulyi cipaizyo cazibi mubu sena busalalisya? Nkaambo ncecintu cisalala loko, Mwacipegwa kuti mutole zibi zyambungano akumanya milandu yabo kubusyu bwa-Jehova. 18-Amubone! Bulowa bwaco teebwakaletwa mubu sena busalalisya bwamukati, Ncobeni mwaleelede kucilya mubusena busalala, mbubonya mbundakalailila. 19-Nkabela Aroni wakaambila Musa kuti, Bona! Sunu batuula cipaizyo cabo cazibi acipaizyo cabo citentwa kubusyu bwa-Jehova, nekubaboobo makani aali boobo andisikila, Nebakalya cipaizyo cabo cazibi buzuba obuno, sa necakabota mumeso aa-Jehova? 20Amvwe obo, Musa wakakuta.","num_words":388,"character_repetition_ratio":0.068,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matayo Marko Luka Johane Milimo Baroma 1 Bakorinto 2 Bakorinto Bagalatiya Baefeso Bafilipi Bakolose 1 Batesalonika 2 Batesalonika 1 Timoteyo 2 Timoteyo Tito Filimoni Bahebrayo Jakobo 1 Petro 2 Petro 1 Johane 2 Johane 3 Johane Juda Ciyubunuzyo 1 2 3 4 5 6 7 8 9 10 11 12 13 14 15 16 17 18 19 20 21 22 23 24\\n4 Mpoonya Jesu kazwide muuya uusalala wakazwa ku Jodano, eelyo wakasololelwa amuuya munkanda 2 kwamazuba aali makumi one kumwi kasunkwa a Diabolosi. Alimwi kuciindi coonse eeco kunyina ncaakalya, aboobo mazuba aayo naakamana wakafwa nzala. 3 Aboobo Diabolosi wakamwaambila kuti: “Ikuti naa uli mwana wa Leza, ambila bbwe eeli kuti libe cinkwa.” 4 Pele Jesu wakamwiingula kuti: “Kulilembedwe kuti: ‘Muntu teelede kupona acinkwa calo pe.’” 5 Eelyo wakamutola atala acilundu akumutondezya mami oonse aamunyika mukaindi kaniini buyo. 6 Mpoonya Diabolosi wakati kulinguwe: “Ndilakupa bweendelezi boonse oobu abulemu bwangawo nkaambo ndakapegwa mbubo, alimwi kufwumbwa ngwendiyanda kupa, ndilamupa mbubo. 7 Aboobo ikuti wandikomba, boonse bulaba bwako.” 8 Mukumwiingula Jesu wakamwaambila kuti: “Kulilembedwe kuti: ‘Ngu Jehova Leza wako ngoelede kukomba, alimwi ngonguwe alikke ngoelede kubelekela mulimo uusetekene.’” 9 Kunze lyaboobo wakamutola ku Jelusalemu akumwiimika atala abwaanda bwakazingulukide tempele akumwaambila kuti: “Ikuti naa uli mwana wa Leza, koliwaala ansi kuzwa waano, 10 nkaambo kulilembedwe kuti: ‘Uyoolailila bangelo bakwe kutegwa bakakukwabilile, 11 alimwi bayookutemba amaanza aabo kutegwa utakabi nolinontola kubbwe.’” 12 Mukumwiingula Jesu wakamwaambila kuti: “Kwaambidwe kuti: ‘Utasunki Jehova Leza wako.’” 13 Aboobo Diabolosi naakamanizya misunko yakwe yoonse, wakamuleka kusikila aciindi cimbi ceelede. 14 Lino Jesu munguzu zyamuuya wakapiluka ku Galilaya. Eelyo mpuwo yakwe mbotu yakamwaika mucisi coonse. 15 Alimwi wakatalika kuyiisya muzikombelo zyabo alimwi wakalemekwa abantu boonse. 16 Eelyo wakaboola ku Nazaleta nkwaakakomenena, alimwi kweelana acilengwa cakwe mubuzuba bwa Sabata, wakanjila mucikombelo mpoonya wakanyamuka kutegwa abale. 17 Aboobo wakapegwa bbuku lyamusinsimi Izaya, eelyo wakalivwungulula akujana aakalembedwe kuti: 18 “Muuya wa Jehova uli alindime nkaambo wakandinanika kuti ndaambile bacete makani mabotu; wakandituma kuti ndaambilizye kwaangununwa kubaange akupona kuboofwu, ikwaangununa badyaaminidwe, 19 kukambauka mwaka mubotu wa Jehova.” 20 Eelyo wakalivwunga bbuku, walipilusya kumugwasyi, akukkala ansi, lino boonse bakali mucikombelo bakamulangisisya. 21 Mpoonya wakatalika kubaambila kuti: “Sunu oolu lugwalo ndomwamvwa lwazuzikizyigwa.” 22 Lino boonse bakatalika kumulumbaizya akugambwa akaambo kamajwi mabotu ngaakali kubaambila, eelyo bakatalika kubuzya kuti: “Sena ooyu tali mwana wa Josefa?” 23 Mpoonya wakabaambila kuti: “Cakutadooneka muyoondaambila kaambyo aaka kakuti: ‘Omusilisi, kolisilika omwini; zyintu nzitwakamvwa kazicitika ku Kapenauma, kozicita amomuno mumunzi wakwanu.’” 24 Pele wakati: “Ncobeni ndimwaambila kuti kunyina musinsimi uutambulwa mumunzi wakwabo. 25 Mucikozyanyo, ndimwaambila camasimpe kuti: Kwakali bamukabafwu banji mu Isilayeli kumazuba aa Elija imvwula noyatakali kuwa kwamyaka yotatwe amyezi iili cisambomwi, cakuti kwakaba nzala mpati munyika yoonse. 26 Pele Elija kunyina naakatumwa kuli umwi wabanakazi aabo, pele buyo kuli mukamufwu mu Zalefati mucisi ca Sidoni. 27 Alimwi kwakali basicinsenda banji mu Isilayeli kuciindi camusinsimi Elisha; pele kunyina naba omwe wabo wakasalazyigwa ccita buyo Naamani mwaalumi waku Siliya.” 28 Lino boonse ibakali kumvwa zyintu eezyi mucikombelo bakakalala kapati, 29 aboobo bakanyamuka akumutola cakufwambaana anze amunzi, eelyo bakaunka anguwe atala acilundu aawo aakayakidwe munzi wabo, kuti bakamutonkele mujeleele. 30 Pele walo wakaandulula akati kabo ngooyo waunka. 31 Lino wakaselemukila ku Kapenauma, munzi waku Galilaya. Eelyo wakali kubayiisya mu Sabata; 32 alimwi bakagambwa kapati ambwaakali kuyiisya nkaambo majwi aakwe akali anguzu. 33 Lino mucikombelo mwakali muntu wakanjidwe daimona, imuuya uusofweede, eelyo wakoompolola ajwi pati kati: 34 “Aa! Ino tujisi kaambo nzi anduwe Jesu omuna Nazaleta? Sena walonda kuti utunyonyoone? Ndilikuzyi kabotu kuti uli Musalali wa Leza.” 35 Pele Jesu wakalikalalila kati: “Umuna, kozwa mumuntu ooyu.” Eelyo nolyakamuwisyila ansi muntu ooyo kabalangilila, daimona eelyo lyakazwa mulinguwe kakunyina kumucisa. 36 Babone boobo bantu boonse bakakankamana akutalika kulyaambauzya akati kabo kabati: “Ino majwi aali buti aaya, nkaambo cabweendelezi acanguzu ulalailila myuuya iisofweede, eelyo ilazwa?” 37 Aboobo mpuwo yakwe yakamwaika koonse-koonse mucisi eeco. 38 Naakazwa mucikombelo, wakaakunjila muŋanda ya Simoni. Lino banyinazyala Simoni bakalicisidwe, bakali kupya mubili kapati, aboobo bantu bakamulomba kuti abagwasye. 39 Aboobo wakaima aawo mpobakalede akutapatila bulwazi kuti buzwe, eelyo bwakazwa. Ndilyonya bakanyamuka akutalika kubakutaukila. 40 Pele nolyakali kubbila zuba, boonse aabo ibakali abantu baciswa malwazi aaindene-indene bakabaleta kulinguwe. Kwiinda mukubikka maanza aali umwi aumwi wabo wakabaponya. 41 Alimwi madaimona akali kuzwa mubantu banji, kaaongolola akwaamba kuti: “Uli Mwana wa Leza.” Pele wakali kwaakalalila, tanaakali kwaazumizya kwaambaula, nkaambo akalimuzyi kuti ngu Kilisito. 42 Pele nobwakaca, wakazwa akuya kubusena bunyina bantu. Pele makamu aabantu akatalika kumuyandaula mane aakusika ooko nkwaakabede, eelyo bakasoleka kumukasya kuti atabasiyi. 43 Pele wakati kuli mbabo: “Akuminzi imbi ndileelede kwaambilizya makani mabotu aa Bwami bwa Leza, nkaambo eeci ncindakatuminwa.” 44 Aboobo wakaunka kayaabukambauka muzikombelo zyamu Judaya.","num_words":675,"character_repetition_ratio":0.047,"word_repetition_ratio":0.0,"special_characters_ratio":0.184,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Magozwe - Storybooks Zambia\\nBilingual PDF (ChiTonga-English, landscape)\\nBilingual PDF (ChiTonga-Bemba, landscape)\\nBilingual imageless PDF (ChiTonga-English, landscape)\\nBilingual imageless PDF (ChiTonga-Bemba, landscape)\\nBilingual booklet PDF (ChiTonga-English)\\nBilingual booklet PDF (ChiTonga-Bemba)\\nBilingual imageless booklet (ChiTonga-English)\\nBilingual imageless booklet (ChiTonga-Bemba)\\nMudolopo lya Nairobi, kulamfu aminzi kwakali kabunga kabana basankwa balo ibatakajisi nkobazulilwa. Bakapona buumi bwabo mbubona mbuli mazuba mbwaakali kutobelana. Bumwi buzuba mafumofumo bakalongela miseme yabo nibakazwa kubuka mumigelo yamuloodi aawo aakali mpeyo kapati. Bakalikunga bayasya makwiisyilili kutegwa batande mpeyo. Akati kabasankwa aaba kwakali kujanika umwi ooyo wiitwa kuti Magozwe. Ooyu nguwakali mwana alimbabo boonse.\\nIciindi bazyali ba Magozwe nibakafwa wakali biyo amyaka yosanwe. Aboobo wakaunka kuyakukkala abaacisyanyina ibakali kumutundulula. Kunyina nibakamubikkila maanu Magozwe. Acibe cakulya nyaanya, kwiina nibakali kumupa pesi kakuli bakalikumubelesya ncito zilema mbuli mbubakalikuyanda.\\nMagozwe kunyina naakalikuzumizigwa kuti ape butongoosi nokuba kubuzya mubuzyo uuli woonse. Kwalikunga kuti naa wabuzya, baacisyanyina nkumuuma. Wakalikunga ababuzya kujatikizya makani akuya kucikolo bamwaambila kuti, “buyanga bwakaindilila mulinduwe tokozi kwiiya.” Nikwakainda myaka yotatwe yakulelwa mukupenga, Magozwe wakatija, wakazwa ang’anda alibaacisyanyina akutalika kukkala mumazila.\\nBuumi bwakukkala mumazila bwakalikukatazya. Bana basankwa banji-banji cakaliciyumu-yumu kujana cakulya. Nkaambo kakuzoompola zintu zyabantu kumaanza kutegwa ujane cakulya bamwi bakali kwaangwa mpoonya bamwi bakalikuumwa. Iciindi umwi naajanika muciimo cakuciswa, kujana cakulya nokuba muntu wakugwasililizya cakali cintu nciyumu. Mali ngubakali kuyaa kulombelela alimwi akuulisya tupulasitiki ngongayo ngubakali kulisiminina kuti kabaligwasya.\\nBumwi buzuba Magozwe naakali kumvunyungula mumadooti, muzingungulu, wakabona kabbuku kamanide-manide. Wakakabweza akukabikka musaka lyakwe. Abuzuba wakalikunga ulakabweza akulanga-langa zifwanikiso mbokuli taakacizyi akubala noliba bbala lyomwe.\\nEezi zifwanikiso zyakalikutondezya caano camwana musankwa wakaba simweenzya ndeke. Magozwe wakakozya kuliyeeyela kuba simweezya ndeke. Zimwi ziindi wakalikulimvwa kuti ngonguwe ngobakanana mukati mubbuku.\\nBumwi buzuba Kwakali kutontola nkabela Magozwe wakaimikila munzila kalombelela. Eelyo umwi mudaala wakaswena munsi lyakwe. “Kwaamba, mebo ndime Tomaasi. Ndibeleka biyo munsi-munsi awaano kwalo oko nkokozya kujana cakuti inga walya,” wakakanana mudaala kumwi katondeka kung’anda yamusyobo wa mungunga waji iijisi alimwi aciluli cacikambwe. “Ndasyoma inga waunka okuya ukabweze cakulya.” Magozwe wakamulamga mudaalo ooyu, wailanga ng’anda. “Ndiza,” wakamvwiila Magozwe kumwi keenda akweenda akuzwa wazwa ngooyo waunka.\\nMbuli myezi mbuli mbuyakali kuya akwiinda kaitobelena, banabasankwa aaba limwi bakaya kkoyabazyibilina alimwi aba Tomaasi. Tomaasi wakalimuntu uyandisisya kwaambaula abantu, kapati aabo batakajisi kwakukkala kunze biyo amumazila. Tomaasii muntu wakateelela bube bwabuumi bwabantu bakkala mumaanda alimwi amumazila.\\nMagozwe wakali kkede mumbembelekwa a loodi kalanga cifwanikiso mukabbuku kakwe ciindi eeco Tomaasi naakasika akukkala munsi lyakwe. “Mbuti? Ino kaambanzi kabbuku aaka?” wakabuzya Tomaasii. “Cibalo caamba umwi musankwa weenzya ndeke, “ wakamvwiila Magozwe. “Nguni zina musankwa oyo?” wakabuzya Tomaasii. “Chita, tandicizi kubala,” wakamvwiila Magozwe.\\nNibakaswangaana, Magozwe wakamwaambila Tomaasii caano cabuumi bwake. Wakamwaambila mbuli mbwaakatija kuzwa kuli baacisyanyina. Tomaasii kunyina zinji zyaakaumbaula alimwi kunyina ncaakatodeya Magozwe kuti acite pele wakamupa kuteelela kweelede. Zimwi ziindi bakakanana kabalya cakulya mung’nda yamasenke acikambwe.\\nEelyo Magozwe naakaceede biyo asyoonto kuti akkwanye myaka iilikkumi, Tomaasii wakamupa kambi kabbuku. Aaka kabbuku kapandulula musankwa umwi wakumunzi mbuli mbwaakaba ampuwo yamusobano wabbola. Tomaasi wakamubalila caano eeci ziindi zinji kusikila limwi bumwi buzuba wakati, “Ndilombozya kuti uunke kucikolo kutegwa ukaiye kubala bumwi buzuba.” Tomaasi wakapandulwida Magozwe kuti kulibusena bumwi ooko kwalo bana nkobaiya.\\nWakeezyeezya makani aaya abusena oobo alimwi akubikkilizya amakani akuya kucikolo. Ino kuti naa kacili ncamasimpe kuti baacisyanyina bakaliluleme nibakalikumwaambila kuti wakali cikopo kapati cakuti takozyi akwiiya. Ino kuti bakamuume kubusena bwaceenzu ooko. Ndiza cilainda Kubota kuti ndacaala biyo nkweena okuno.\\nWakazumuna kulya musalo antoomwe a Tomaasi aboobo kakunyina akusowa ciindi wakaunka.\\nKumane waawo Magozwe wakatalika kukkala mung’nda oomu. Wakalikoona abeenzinyina bobilo. Antoomwe bana bakalikukkala moomu mung’anda bakali kkumi antoomwe aba Cissy alimwi abalumi babo, babwa botatwe, kakkiti alimwi, kaaze alimwi ampongo yomwe ncembele.\\nMagozwe wakatalika kwiiya cikolo akujana buyumuyumu. Zinji zyakalikuyandika kuti akozye kweelana abenzinyina. Zimwi ziindi wakali kulimvwa kutyompokelwa alimwi akuyanda kucileka. Pele wakaayeeyela makani ngaakajana mubbuku lyakwe mumakwiisyilili.\\nMagozwe wakalikkede anze ang’anda iilaaciluli canyanzabili, kabala kabbuku. Tomaasi wakasika alimwi akukkala munsi lyakwe. “Kaambanzi kabbuku aaka?” wakabuzya Tomaasi. “Kabbuku kaambaula musankwa wakaba mwiiyi,” wakamvwiila Magozwe. “Ino nguni zina lyakwe?” wakabuzya Tomaasi. “Izina lyakwe ngu Magozwe,” wakamvwiila Magozwe kumwi kamwetula-mwetula.","num_words":624,"character_repetition_ratio":0.062,"word_repetition_ratio":0.0,"special_characters_ratio":0.146,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Intembauzyo 119 | Bbaibbele lili a Intaneti | Bbaibbele lya Busanduluzi Bwanyika Mpya\\nKulumba akaambo kajwi lya Leza liyandika kapati\\nL3‘Ino bakubusi inga baisalazya buti nzila yabo?’ (9)\\n“Ndilaziyanda kapati ziyeekezyo zyako” (24)\\n“Ndisyoma jwi lyako” (74, 81, 114)\\n“Eelo kaka ndilauyanda mulawo wako!” (97)\\n“Ndilaamaano kwiinda bamayi bangu boonse” (99)\\n“Ijwi lyako ndilambe kumaulu aangu” (105)\\n“Ijwi lyako lyoonse mbolibede nkasimpe” (160)\\nAabo bayanda mulawo wa Leza balijisi luumuno (165)\\nא [Aleph] 119 Balikkomene aabo batakwe kampenda* mubuumi bwabo,Ibeenda mumulawo wa Jehova.+ 2 Balikkomene aabo batobela ziyeekezyo zyakwe,+Ibamuyandaula camoyo woonse.+ 3 Tabaciti zitaluleme;Beenda munzila zyakwe.+ 4 Yebo walailila kutiMilazyo yako kaitobelwa cakulomya.+ 5 Eelo kaka inga cainda kubota ikuti ndazumanana kusyomeka*+Kutegwa kanditobela malailile aako! 6 Nocali boobo nokunga tandilisendi pe+Nondiyeeya milawo yako yoonse. 7 Ndinookutembaula amoyo uululemeNondiiya mbeta zyako ziluleme. 8 Ndinootobela malailile aako. Akaka utandisiili limwi pe. ב [Beth] 9 Ino mulombwana inga waisalazya buti nzila yakwe? Nkwiinda mukulikwabilila kweelana ajwi lyako.+ 10 Ndilakuyandaula camoyo woonse.tandilekeli kuleya kumilawo yako.+ 11 Ndaayobola majwi aako mumoyo wangu+Kutegwa nditakubisizyi.+ 12 Kotembaulwa, O Jehova;Kondiyiisya malailile aako. 13 Amilomo yangu ndaambilizyaMbeta zyoonse zizwa kumulomo wako. 14 Ndilazikkomanina ziyeekezyo zyako+Kwiinda zintu zimbi zyoonse ziyandisi.+ 15 Ndilakkala ansi kuyeeya* milazyo yako+Akulangisya nzila zyako.+ 16 Ndilaakkomanina malailile aako. Tandikooliluba jwi lyako.+ ג [Gimel] 17 Kondicitila kabotu ndemubelesi wako,Kutegwa kandipona akutobela jwi lyako.+ 18 Kojalula meso aangu kutegwa ndizibone bwini mbozibedeZintu zibotu kapati zili mumulawo wako. 19 Ndili muzwakule buyo mucisi.+ Utandisisi milawo yako. 20 Cakuyandisisya ndilangilaMbeta zyako ciindi coonse. 21 Yebo ulabakalalila basikulisumpula,Bantu basinganizyidwe ibaleya kumilawo yako.+ 22 Kondigusya masampu alunyansyo,Nkaambo ndazitobela ziyeekezyo zyako. 23 Noliba leelyo basilutwe nobakkala antoomwe akundaamba zibi,Mebo ndemubelesi wako ndilakkala ansi kuyeeya* malailile aako. 24 Ndilaziyanda kapati ziyeekezyo zyako;+Zili mbuli bantu bandipa maano.+ ד [Daleth] 25 Ndoona mulusuko.+ Kondibamba kuti ndizumanane kuba muumi kweelana ajwi lyako.+ 26 Ndakakwaambila nzila zyangu, eelyo yebo wakandivwiila;Kondiyiisya malailile aako.+ 27 Kondipa kumvwisya caamba* milazyo yako,Kutegwa ndikkale ansi kuyeeya* milimo yako iigambya.+ 28 Ndaba acilabila akaambo kakuusa. Kondiyumya kweelana ajwi lyako. 29 Nzila yabumpelenge koigusya kulindime,+Alimwi kondifwida luzyalo kwiinda mukundiyiisya mulawo wako. 30 Ndasala kweenda cakusyomeka.+ Ndilizyi kuti mbeta zyako zililuzi. 31 Ndilakakatila kuziyeekezyo zyako.+ O Jehova, utandilekeli kuti ndityompwe.*+ 32 Caluyandisisyo ndinootobela* nzila yamilawo yakoNkaambo yebo waibambila busena mumoyo wangu.* ה [He] 33 Kondiyiisya, O Jehova,+ kweenda munzila yamalailile aako,Eelyo ndilaitobela kusikila kumamanino.+ 34 Kondipa maano,Kutegwa nditobele mulawo wakoAkuti nduubambe camoyo woonse. 35 Kondisololela* munzila yamilawo yako,+Nkaambo nzila eeyi ndilaikkomanina. 36 Kopa kuti moyo wangu uyandisye ziyeekezyo zyako,Ikutali kujana mpindu cabumpelenge.+ 37 Kogwisya meso aangu kukulangilila cintu cabuyo;+Kondibamba kuti ndizumanane kupona munzila yako. 38 Kozuzikizya cisyomezyo cako* kumubelesi wakoKutegwa yebo koyoowegwa.* 39 Koagwisya masampu aandiyoosya,Nkaambo mbeta zyako nzibotu.+ 40 Bona mbondiiyandisya milazyo yako. Mubululami bwako kondibamba kuti ndizumanane kupona. ו [Waw] 41 Konditondezya luyando lwako lutamani, O Jehova,+Lufwutuko lwako kweelana acisyomezyo cako;*+ 42 Aboobo ndiyoomuvwiila ooyo uundisampaula,Nkaambo ndisyoma jwi lyako. 43 Utaligusyi jwi lyakasimpe lili kumulomo wangu,Nkaambo ndisyoma* mbeta yako. 44 Ndinakuutobela mulawo wako ciindi coonse,Inzya, lyoonse alyoonse mane kukabe kutamani.+ 45 Alimwi ndinakweendeenda mubusena bukwabilidwe,*+Nkaambo ndiyandaula milazyo yako. 46 Ndiyakwaamba ziyeekezyo zyako kumbele lyabami,Alimwi tandikafwi nsoni pe.+ 47 Ndilaikkomanina milawo yako,Inzya, ndilaiyanda kapati.+ 48 Ndiyoonyamuna maanza aangu mujulu kumilawo yako njondiyandisya,+Alimwi ndiyookkala ansi kuyeeya* malailile aako.+ ז [Zayin] 49 Koyeeya ijwi* ndyookaambila mubelesi wako,Eelyo ndyobelesya kundipa bulangizi.* 50 Eeci ncecinduumbulizya mumapenzi aangu,+Nkaambo majwi aako andipa kuzumanana kupona. 51 Basikulisumpula bandifwubaazya citaambiki,Pele tandileyi pe kumulawo wako.+ 52 Ndilaziyeeya mbeta zyako iziliko kuzwa kaindi,+ O Jehova,Eelyo zilanduumbulizya.+ 53 Ndilinyemede kapati akaambo kababi,Ibasotoka mulawo wako.+ 54 Malailile aako andibeda nyimboKufwumbwa nkondikkala.* 55 Masiku ndilayeeya zina lyako, O Jehova,+Kutegwa kandibamba mulawo wako. 56 Eeci ncindali kucitaNkaambo ndaitobela milazyo yako. ח [Heth] 57 Jehova ncaabilo cangu;+Ndasyomezya kutobela majwi aako.+ 58 Ndakukombelezya* camoyo woonse;+Kondifwida luzyalo+ kweelana ambowakasyomezya.* 59 Ndalingula nzila zyangu,Kutegwa ndijole maulu aangu kukutobela ziyeekezyo zyako.+ 60 Ndilafwambaana alimwi tandimuki peKutobela milawo yako.+ 61 Ntambo zyababi zyandizambaila,Pele tandilubi mulawo wako pe.+ 62 Akati kamasiku ndilabuka akukulumba+Akaambo kambeta zyako ziluleme. 63 Ndimweenzinyina wabaabo boonse ibakuyoowaAwabaabo batobela milazyo yako.+ 64 O Jehova, luyando lwako lutamani lulizwide munyika;+Kondiyiisya malailile aako. ט [Teth] 65 Wamweendelezya kabotu mubelesi wako,O Jehova, kweelana ajwi lyako. 66 Kondiyiisya maano mabotu aluzyibo,+Nkaambo ndasyoma milawo yako. 67 Kaatanandisikila mapenzi ndakali kusweeka,*Pele lino ndaatobela majwi aako.+ 68 Uli mubotu+ alimwi milimo yako mibotu. Kondiyiisya malailile aako.+ 69 Basikulisumpula banditamikizya twaambo tunji twakubeja,Pele mebo nditobela milazyo yako camoyo woonse. 70 Myoyo yabo miyumu,*+Pele mebo ndilauyanda kapati mulawo wako.+ 71 Cili buyo kabotu kuti ndapenzyegwa,+Kutegwa ndiiye malailile aako. 72 Mulawo ngowaambilizya wandibotela,+Kwiinda zyuulu-zyuulu zyangolida ansiliva.+ י [Yod] 73 Maanza aako akandibumba akundipanga. Kondipa maano,Kutegwa ndikonzye kwiiya milawo yako.+ 74 Aabo ibakuyoowa balakondwa nebandibona,Nkaambo ndisyoma jwi lyako.*+ 75 O Jehova, ndilizyi kuti mbeta zyako zililuleme+Akuti wandipenzya akaambo kakusyomeka kwako.+ 76 Ndakomba luyando lwako lutamani+ alunduumbulizye,Kweelana ambowakamusyomezya* mubelesi wako. 77 Kondifwida luse kutegwa ndizumanane kupona,+Nkaambo ndilauyanda kapati mulawo wako.+ 78 Abausyigwe nsoni basikulisumpula,Nkaambo bandibisizya kakunyina kaambo.* Pele mebo ndinookkala ansi kuyeeya* milazyo yako.+ 79 Aabo bakuyoowa abajokele kulindime,Aabo bazizyi ziyeekezyo zyako. 80 Kondigwasya kutobela malailile aako amoyo uutakwe kampenda,+Kutegwa nditafwi nsoni.+ כ [Kaph] 81 Ndilombozya lufwutuko luzwa kulinduwe,+Nkaambo ndisyoma jwi lyako.* 82 Meso aangu alangila kubona majwi aako,+Ciindi nendaamba kuti: “Ino yebo uyoondigwasya lili?”+ 83 Nkaambo ndaba mbuli nkomo yacikutu yayuminina mubusi,Pele malailile aako tandaalubi pe.+ 84 Ino mubelesi wako weelede kulindila kwamazuba ongaye? Ino aabo bandipenzya uyoobabeteka lili?+ 85 Basikulisumpula bandisyida zilindi,Aabo ibanyansya mulawo wako. 86 Milawo yako yoonse ilasyomeka. Bantu balandipenzya kakunyina kaambo; akaka kondigwasya!+ 87 Kwaaceede buyo asyoonto kuti bandinyonyoone munyika,Pele tiindakaleka kutobela milazyo yako. 88 Kopa kuti ndizumanane kupona akaambo kaluyando lwako lutamani,Kutegwa kanditobela ziyeekezyo nzyoamba. ל [Lamed] 89 Mane kukabe kutamani, O Jehova,Ijwi lyako linooliko kujulu.+ 90 Kusyomeka kwako kunooliko mumazyalani oonse.+ Waikkazikizya nyika kutegwa kayiimvwi nji lyoonse.+ 91 Nkozili kusikila sunu akaambo kambeta zyako,Nkaambo zyoonse* buyo zilakubelekela. 92 Ikuti nindatali kuukkomanina mulawo wako,Nindalifwide kale mumapenzi aangu.+ 93 Ziyume zitete tandikailubi milazyo yako,Nkaambo kwiinda mulinjiyo undipa kuzumanana kupona.+ 94 Ndili wako; kondifwutula,+Nkaambo ndayandaula milazyo yako.+ 95 Babi balindila kundijaya,Pele mebo ndilazibikkila maano kapati ziyeekezyo zyako. 96 Ndalibonena mamanino aazintu zyoonse zilondokede,Pele mulawo wako taujisi mamanino.* מ [Mem] 97 Eelo kaka ndilauyanda mulawo wako!+ Ndilakkala ansi kuuyeeya* buzuba boonse.+ 98 Mulawo wako undipa kuba musongo kwiinda basinkondoma,+Nkaambo ulaandime lyoonse mane kukabe kutamani. 99 Ndilaamaano kwiinda bamayi bangu boonse,+Nkaambo ndilakkala ansi kuyeeya* ziyeekezyo zyako. 100 Ndicita zintu cabusongo kwiinda bamanene,Nkaambo nditobela milazyo yako. 101 Ndilakaka kweenda munzila iili yoonse mbyaabi,+Kutegwa nditobele jwi lyako. 102 Tandileyi pe kumbeta zyako,Nkaambo yebo nduwe wandiyiisya. 103 Eelo kaka majwi aako manono,Mukanwa lyangu alalweela kwiinda buci!+ 104 Ndicita zintu cabusongo akaambo kamilazyo yako.+ Mkakaambo kaako ndilizisulide nzila zyoonse zitaluzi.+ נ [Nun] 105 Ijwi lyako ndilambe kumaulu aangu,Alimwi mumuni uumunikila nzila yangu.+ 106 Ndakonka, eelyo ndilazuzikizya cikonke cangu,Kuti ndibambe mbeta zyako ziluleme. 107 Ndapenzyegwa citaambiki.+ O Jehova, kondipa kuzumanana kupona kweelana ajwi lyako.+ 108 Akaka kozikkomanina zituuzyo zyangu zyakukutembaula,*+ O Jehova,Alimwi kondiyiisya mbeta zyako.+ 109 Buumi bwangu buli muntenda* ciindi coonse,Pele tiindauluba mulawo wako pe.+ 110 Babi banditeya kakole,Pele mebo tiindaleya pe kumilazyo yako.+ 111 Ziyeekezyo zyako zyaba lukono lwangu lyoonse alyoonse,*Nkaambo zipa moyo wangu kubotelwa.+ 112 Mumoyo wangu ndikanzide* kutobela malailile aakoCiindi coonse, kusikila kumamanino. ס [Samekh] 113 Ndilibasulide bantu bajisi myoyo iitamaninide,*+Pele mulawo wako ndilauyanda.+ 114 Yebo uli mayusilo aangu alimwi antobo yangu,+Nkaambo ndisyoma jwi lyako.*+ 115 Amunditantamuke, nywebo nobasimucita zibi,+Kutegwa nditobele milawo ya Leza wangu. 116 Kondigwasya kweelana ambowakasyomezya,*+Kutegwa ndizumanane kupona;Utalekeli kuti ncondilangila cindityompye.*+ 117 Kondigwasya kutegwa ndifwutuke;+Eelyo ndinakwaabikkila maano lyoonse malailile aako.+ 118 Yebo ulabakaka boonse aabo baleka kutobela malailile aako,+Nkaambo mbabeji alimwi mbampelenge. 119 Yebo ulabasowa babi boonse baanyika mbuli tombe litakwe mulimo.+ Nkakaambo kaako mebo ndilaziyanda ziyeekezyo zyako. 120 Mubili wangu wakankama akaambo kakukuyoowa;Ndilaziyoowa mbeta zyako. ע [Ayin] 121 Ndacita cintu ciluzi alimwi ciluleme. Utandilekelezyi mumaanza aabaabo bandipenzya! 122 Kosyomezya kuti mubelesi wako ulapona buumi bubotu;Basikulisumpula batandipenzyi pe. 123 Meso aangu alema kulangila lufwutuko lwako+Alimwi acisyomezyo* cako ciluleme.+ 124 Komutondezya luyando lutamani mubelesi wako,+Alimwi kondiyiisya malailile aako.+ 125 Mebo ndilimubelesi wako; kondipa maano,+Kutegwa ndizyibe ziyeekezyo zyako. 126 Casika ciindi cakuti Jehova abweze ntaamu,+Nkaambo bautyola mulawo wako. 127 Ncencico ncondiiyandila kapati milawo yakoKwiinda ngolida, inzya kwiinda ngolida mbotu kapati.*+ 128 Aboobo malailile* oonse aazwa kulinduwe ndaabona kuti aliluzi;+Ndilizisulide nzila zyoonse zitaluzi.+ פ [Pe] 129 Ziyeekezyo zyako nzibotu kapati. Nkakaambo kaako ndilazitobela. 130 Ikuyubununwa kwamajwi aako kulamunikila,+Kupa kuti aabo batakwe luzyibo bamvwisye.+ 131 Ndaasamuna mulomo wangu akuswa ciya,Nkaambo ndiyandisya milawo yako.+ 132 Kondicebuka undifwide luzyalo,+Kweelana ambeta nzyopa baabo bayanda zina lyako.+ 133 Kondisololela amajwi aako kuti ndeende kabotu;Kutabi cintu cibyaabi cili coonse cindeendelezya.+ 134 Kondivwuna kubantu basilunya,Eelyo ndinootobela milazyo yako. 135 Komwesya busyu bwako* kumubelesi wako,+Alimwi kondiyiisya malailile aako. 136 Misozi yeenda kumeso aanguNkaambo bantu tabatobeli mulawo wako.+ צ [Tsade] 137 Yebo O Jehova uliluleme,+Azyalo mbeta zyako zililuleme.+ 138 Ziyeekezyo zyako zililulemeAlimwi zilakonzya kusyomwa cakumaninina. 139 Busungu bwangu bwandilya cakumaninina,+Nkaambo basinkondoma baaluba majwi aako. 140 Majwi aako alisalazyidwe kapati,+Alimwi mubelesi wako ulaayanda kapati.+ 141 Bantu bandibona kuti ndinyina mulimo alimwi balandinyansya;+Nokuba boobo, tiindailuba milazyo yako. 142 Bululami bwako mbululami butamani,+Alimwi mulawo wako ngwakasimpe.+ 143 Nokuba kuti mapenzi amakatazyo alandisikila,Mebo ndilazumanana kwiiyanda milawo yako. 144 Ziyeekezyo zyako zinooluleme lyoonse mane kukabe kutamani. Kondipa maano+ kutegwa ndizumanane kupona. ק [Qoph] 145 Ndakukwiilila camoyo woonse. Kondivwiila, O Jehova. Ndinakutobela malailile aako. 146 Ndakwiita; akaka kondifwutula! Ndilatobela ziyeekezyo zyako. 147 Ndafwuma kubuka kakucili kooko* kuti ndikwiilile lugwasyo,+Nkaambo ndisyoma majwi aako.* 148 Meso aangu alajaluka kazitanainda ziindi zyakulinda masiku,Kutegwa ndizinzibale kuyeeya* majwi aako.+ 149 Komvwa jwi lyangu akaambo kaluyando lwako lutamani.+ O Jehova, kopa kuti ndizumanane kupona kweelana abululami bwako. 150 Aabo bacita zintu zisesemya* baswena afwaafwi;Bali kule kapati amulawo wako. 151 Yebo ulaafwaafwi, O Jehova,+Alimwi milawo yako yoonse njakasimpe.+ 152 Kaindi ndakaiya ziyeekezyo zyako,Kuti wakazibikka kuti kaziliko lyoonse mane kukabe kutamani.+ ר [Resh] 153 Bona mapenzi aangu, undivwune,+Nkaambo tiindauluba mulawo wako. 154 Kondiiminina* undivwune;+Kopa kuti ndizumanane kupona kweelana ambowakasyomezya.* 155 Lufwutuko luli kulamfwu kapati abantu babi,Nkaambo tiibayandaula malailile aako.+ 156 Luse lwako ndupati, O Jehova.+ Kopa kuti ndizumanane kupona kweelana abululami bwako. 157 Basikundipenzya abasinkondoma mbanji;+Pele mebo tiindaleya kuziyeekezyo zyako. 158 Bantu bampelenge balandisesemya nendibalanga,Nkaambo tabatobeli majwi aako.+ 159 Akaka bona mbondiyandisya milazyo yako! O Jehova, kopa kuti ndizumanane kupona akaambo kaluyando lwako lutamani.+ 160 Ijwi lyako lyoonse mbolibede nkasimpe,+Alimwi zyoonse mbeta zyako ziluleme zinooliko lyoonse mane kukabe kutamani. ש [Sin] naa [Shin] 161 Basilutwe balandipenzya+ kakunyina kaambo,Pele moyo wangu uyoowa majwi aako.+ 162 Ndasekelela akaambo kamajwi aako+Mbubonya mbwacita muntu najana lubono lunji. 163 Ndilabusulaika bubeji—bulandisesemya+—Ndilauyanda kapati mulawo wako.+ 164 Yebo ndilakutembaula ziindi zili ciloba abuzubaAkaambo kambeta zyako ziluleme. 165 Aabo bayanda mulawo wako balijisi luumuno lunji;+Kunyina cintu cikonzya kubaleba pe.* 166 Ndilangila milimo yako yalufwutuko, O Jehova,Alimwi nditobela milawo yako. 167 Ndilazitobela ziyeekezyo zyako,Alimwi ndilaziyanda kapati.+ 168 Ndilaitobela milazyo yako alimwi aziyeekezyo zyako,Nkaambo yebo ulizizyi zyoonse nzyondicita.+ ת [Taw] 169 Kukwiila kwangu kwakuti undigwasye akusike kulinduwe, O Jehova.+ Kweelana ajwi lyako, kondipa maano.+ 170 Kulomba kwangu kwakuti undifwide luzyalo akusike kulinduwe. Kondifwutula kweelana ambowakasyomezya.* 171 Milomo yangu aikutembaule kapati,+Nkaambo yebo undiyiisya malailile aako. 172 Mulaka wangu awiimbe kujatikizya majwi aako,+Nkaambo milawo yako yoonse ililuleme. 173 Ijanza lyako alibe afwaafwi kuti lindigwasye,+Nkaambo ndasala kutobela milazyo yako.+ 174 Ndilombozya lufwutuko lwako, O Jehova,Nlimwi ndilauyanda kapati mulawo wako.+ 175 Andizumanane kupona kutegwa ndikutembaule;+Mbeta zyako azindigwasye. 176 Ndaingaila mbuli mbelele iisweekede.+ Kondiyandaula ndemubelesi wako,Nkaambo tiindailuba milawo yako pe.+\\n^ Naa “basyomeka.”\\n^ Mu Chihebrayo, “Eelo kaka inga cainda kubota ikuti nindalisitikide munzila zyangu.”\\n^ Naa “kwiiya.”\\n^ Mu Chihebrayo, “nzila ya.”\\n^ Naa “nduusyigwe nsoni.”\\n^ Mu Chihebrayo, “ndinoobalikila munzila.”\\n^ Naa ambweni, “yebo undipa kuba alusyomo mumoyo wangu.”\\n^ Naa “Kondeenzya.”\\n^ Naa “majwi aako.”\\n^ Naa ambweni, “Ncobakasyomezyegwa aabo bakuyoowa.”\\n^ Naa “amajwi aako.”\\n^ Naa “ndilindila.”\\n^ Naa “mubusena bukwakwabukide.”\\n^ Naa “cisyomezyo.”\\n^ Naa “ndyookandipa kuti kandilindila.”\\n^ Naa “Muŋanda mondikkala kandili muzwakule.”\\n^ Naa “Ndatontozya (ndiyandaula lumwemwe lwa) busyu bwako.”\\n^ Naa “ndakali kubisya cakutazyiba.”\\n^ Mu Chihebrayo, “taimvwi cili coonse mbubonya mbuli mafwuta.”\\n^ Naa “ndilindila jwi lyako.”\\n^ Naa “amajwi aako ku.��\\n^ Naa ambweni, “abubeji.”\\n^ Nkokuti, zintu zyoonse nzyaakalenga.\\n^ Mu Chihebrayo, “mupati kapati.”\\n^ Mu Chihebrayo, “zituuzyo zyakuliyandila zizwa kumulomo wangu.”\\n^ Naa “buli mujanza lyangu lyoonse.”\\n^ Naa “cikono cangu citamani.”\\n^ Mu Chihebrayo, “Ndagamika moyo wangu.”\\n^ Naa “bantu bajisi myoyo yobilo.”\\n^ Naa “kweelana amajwi aako.”\\n^ Naa “cindipe kufwa nsoni.”\\n^ Naa “amajwi.”\\n^ Naa “iisalazyidwe.”\\n^ Naa “milazyo.”\\n^ Naa “Komumwetela.”\\n^ Naa “kubucedo.”\\n^ Naa “ndilindila majwi aako.”\\n^ Naa “zisapi.”\\n^ Naa “Kobeteka kaambo kangu.”\\n^ Naa “Kulimbabo kunyina cilebyo pe.”","num_words":1797,"character_repetition_ratio":0.088,"word_repetition_ratio":0.0,"special_characters_ratio":0.199,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Leza Uyanda Bantu Basalala | Luyando LwaLeza\\nLeza Uyanda Bantu Basalala\\n“Kumuntu uusalala ulalibonya mbuli uusalala.”—INTEMBAUZYO 18:26.\\n1-3. (a) Nkamboonzi mwanakazi nayanda kubaa choonzyo chakuti mwanaakwe mulombe wasamba alimwi uzweete kabotu? (b) Nkamboonzi Jehova nayanda kuti babelesi bakwe bakkale kabasalala, alimwi niinzi chipa kuti tukkale katusalala?\\nMWANAKAZI uliikuzwatika mwanaakwe mulombe uyanda kuya kuli bumwi busena. Ulaachoonzyo chakuti wasamba alimwi wazwaata munzila iili kabotu. Ulizi kuti busanambi bulayandikana mubuumi bwamwanaakwe. Alimwi ulizi kuti nzila mwanaakwe njabonekaayo iitondeezya mbubabede bazyali bakwe.\\n2 Jehova, Ndeende wesu wakujulu uyanda kuti babelesi bakwe kabasalala. Jwi lyakwe lyaamba kuti: “Kumuntu uusalala ulalibonya mbuli uusalala.” * (Intembauzyo 18:26) Jehova ulatuyanda alimwi ulizi kuti kukkala katusalala kugwasya ndiswe. Alubo, mbutuli Bakamboni bakwe uyanda kuti tuchite zintu zikonzya kupa kuti bantu bamulemeke. Masimpe, nzila njitubonekaayo ambotulijata zilakonzya kupa bulemu kuli Jehova, kutali kumusampawula akusampawulwa kwazina lyakwe lisalala.—Ezekiele 36:22; bala 1 Petro 2:12.\\n3 Kuziba kuti Leza uyanda bantu basalala kupa kuti tukkale katusalala. Tuyanda kuti nzila njituponaayo ipe bulemu kuli nguwe nkaambo tulamuyanda. Alubo, tuyanda kukkala katuli muluyando lwakwe. Lino atulange-lange kuti nkamboonzi nitweelede kukkala katusalala, kukkala katusalala kuswaanizyaanzi akuti tweelede kuchitaanzi kuti tukkale katusalala. Kulanga-langa eezi kuyootugwasya kuziba mpotweelede kubelekela.\\nNKAMBOONZI NITWEELEDE KUKKALA KATUSALALA?\\n4, 5. (a) Nkaakali kaambo kapati kapa kuti tukkale katusalala? (b) Kusalala kwaJehova kuboneka biyeni muzilenge zyakwe?\\n4 Imwi nzila Jehova njatusololelaayo nkwiinda mukutupa chikozyano. Jwi lyakwe litusungwaazya kuti tube “basikwiiya ba-Leza.” (BaEfeso 5:1) Kaambo kapati kapa kuti tukkale katusalala nkakuti, Jehova Leza ngutukomba ulasalala muzintu zyoonse.—Bala Levitiko 11:44, 45.\\n5 Tulakonzya kubona kusalala kwaJehova, bube, anzila zyakwe muzintu nzyaakalenga. (BaRoma 1:20) Nyika yakalengelwa kuti ibe muunzi wabantu uusalala. Jehova wakalenga zyuuka zisalazya muuya ngutuyoya amaanzi ngitubelesya. Tumwi tuuka tusalazya nyika munzila iigambya. Basayensi babelesya tuuka ootu kukusalazya mafuta aatika azimwi zintu zisofwaazya muuya zichitwaa bantu baliyanda abatangala. Chilaantanganana kuti kusalala kulayandikana kuli yooyo “iwakalenga nyika.” (Jeremiya 10:12) Andiswe tweelede kukubona kakuyandikana.\\n6, 7. Mulawu waMusa wakatondeezya biyeni kuti kusalala kwakali kuyandikana kuli baabo bakali kukomba Jehova?\\n6 Kamwi kaambo kapa kuti tukkale katusalala nkakuti, Jehova, Mwaami wanyika yoonse, uyanda kuti bakombi bakwe kabasalala. Mumulawu ngwakapede maIsrayeli, kusalala kwakali kuswaanizigwa mubukombi. Alubo, Mulawu wakali kwaamba kuti muBuzuba Bwakumaninsya Milandu, Mupayizi mupati wakeelede kusamba tubili kutali kamwi pe. (Levitiko 16:4, 23, 24) Bapayizi bakali kuchita milimu, bakeelede kusamba kumaboko akumawulu kabatanatuula zipayizyo kuli Jehova. (Kulonga 30:17-21; 2 Makani 4:6) Mulawu wakatondeezya zintu zili 70, zyakali kukonzya kusofwaazya mubili wamuntu naa michito yakali kukonzya kupa kuti abe muntu usofweede. Ikuti muIsrayeli kasofweede, takeelede kutola lubazu muzintu zyabukombi alimwi kuti waleka kuswiilila wakali kukonzya kujayigwa. (Levitiko 15:31) Kufumbwa muntu wakali kukaka kulisalazya naa kusamba mubili wakwe, wakali ‘kutandwa mumbungano.’—Myeelwe 19:17-20.\\n7 Nikuba kuti tatweendelezegwaa Mulawu waMusa, pesi mulawu ooyu ulatugwasya kuti tubone mbwazibona zintu Leza. Chilaantanganana kuti kusalala kwakali kuyandikana kuli baabo bakali kukomba Leza. Jehova tanachincha pe. (Malaki 3:6) Bukombi bwesu bulakonzya kutambulika kuli Leza ikuti ‘kabusalala alimwi kabutakwe kampenda.’ (Jakobo 1:27) Nkinkaako, tweelede kuziba nchalangilila kuli ndiswe atalaa kaambo aaka.\\nKUSALALA MUMESO AALEZA KUSWANIZYAANZI?\\n8. Ntuutuli twaambo Jehova mwalangilila kuti tube bantu basalala?\\n8 MuBbayibbele, kusalala takwaambi kusalala kwakumubili luzutu pesi kuswaanizya zintu zyoonse nzituchita mubuumi bwesu. Jehova ulangilila kuti tube bantu basalala mutwaambo ootu tune, mubukombi, kukulijata, mumiyeeyo akumubili. Atulange-lange kuti twaambo ootu tuswaanizyaanzi.\\n9, 10. Kusalala mubukombi kwambaanzi, alimwi maKristu aachoonzyo atantamukaanzi?\\n9 Kusalala mubukombi. Kusalala mubukombi kwaamba kutaswaanizya bukombi bwakasimpe abwakubeja. Chiindi maIsrayeli naakazwa kuBabuloni kali kubweda kuJerusalemu, akeelede kuswiilila nchenjezyo eeyi yakuti: “Muzwe okuno. Mutaampi cintu niciba cimwi cisofweede . . . Musalale.” (Isaya 52:11) MaIsrayeli akabweeda kumuunzi akaambo kakuti akali kuyanda kubusilizya bukombi bwaJehova. Bukombi oobu bwakeelede kusalala, kabutaswaanizyi njiisyo zitapi bulemu kuli Leza, michito, atunsiya-nsiya twabukombi bwakuBabuloni.\\n10 Mazubaano, mbotuli maKristu aachoonzyo tweelede kuchenjela kuti tutasofwaazigwi abukombi bwakubeja. (Bala 1 BaKorinto 10:21.) Kuchenjela kulayandikana mukaambo aaka, nkaambo bukombi bwakubeja bulajanika munyika yoonse. Ziyanza zisiyene-siyene, milimu, atunsiya-nsiya munyika zyiingi, zilajatikizigwa munjiisyo zyabukombi bwakubeja, mbuli njiisyo yakuti kuli chintu chisyala kachipona kuti muntu wafwa. (Mukambausi 9:5, 6, 10) MaKristu aachoonzyo taajatikizigwi pe muziyanza ziswaanizigwa mubukombi bwakubeja. * Tatuzumini kwenwaa bamwi bantu kuti tutyole zyeelelo zizwa muBbayibbele atalaa bukombi bwakasimpe.—Incito 5:29.\\n11. Kusalala kukulijata kuswaanizyaanzi, alimwi nkamboonzi nikuyandikana kuti tukkale katusalala mukaambo aaka?\\n11 Kusalala kukulijata. Kukkala katusalala kukulijata kuswaanizya kutachita bwaamu. (Bala BaEfeso 5:5.) Kukkala katusalala munzila njitulijataayo kulayandikana. Mbuli mbotutakabone muchaandano chitobela chili mubbuku eeli, kuti tukkale katuli muluyando lwaLeza tweelede ‘kuchija bwaamu.’ Aabo bateempwi akaambo kakuchita bwaamu “tabakoyoovuba Bwami bwaLeza.” (1 BaKorinto 6:9, 10, 18) Mumeso aaLeza bantu bali boobo balabikkilizigwa akati ‘kabasesemyi.’ Ikuti bakachilwa kulijata kabotu “lukono lwabo . . . ndolufu lwabili.”—Ciyubunuzyo 21:8.\\n12, 13. Nkuukuli kweendelana kuliwo akati kazintu nzituyeeya anzituchita, alimwi kujana twakkala biyeni katuyeeya zintu zili kabotu?\\n12 Kusalala mumiyeeyo. Nzituyeeya nzizyo nzituchita. Ikuti miyeeyo mibi yakkalilila mumiyeeyo yesu, tulakonzya kuchita zintu zibi. (Matayo 5:28; 15:18-20) Pesi kuti twakkala katuyeeya zintu zili kabotu, tulakonzya kuchita zintu zili kabotu chiindi choonse. (Bala BaFilipi 4:8.) Kujana twakkala biyeni katusalala mumiyeeyo? Kwiinda mukutantamuka kufumbwa zyakulikondelezya zikonzya kunyongania miyeeyo yesu. * Kuyungizya waawo, tulakonzya kubaa miyeeyo iili kabotu kwiinda mukubala Jwi lyaLeza chiindi choonse.—Intembauzyo 19:8, 9.\\n13 Ikuti tukkale katuli muluyando lwaLeza, kulayandikana kuti tukkale katusalala mubukombi, mukulijata amumiyeeyo. Zimwi zyaandano zili mubbuku eeli zyaambuula zyiingi atalaa twaambo ootu twakusalala. Lino atulange-lange kaambo kane, kusalala kumubili.\\nKUJANA TWAKKALA BIYENI KATUSALALA KUMUBILI?\\n14. Nkamboonzi kusalala kumubili nokutali nkani yakulisalila?\\n14 Kusalala kumubili kuswaanizya kusamba mibili yesu akusalazya mpotukkala. Muntu weelede kulisalila na kuti uyanda kukkala kasalala munzila eeyi? Peepe, takweelede kuba oobo kubakombi baJehova. Mbuli mbukwaambwa kale, Jehova uyanda kuti katusalala kumubili kutali kuti kugwasye ndiswe luzutu pesi kuti kupe bulemu kulinguwe. Yeeya atalaa chikozyano chaambwa kumatalikilo aachaandano eechi. Ikuti kubona mwana kalaa doti chiindi choonse, zipa kuti ulibuzye kuti bazyali bakwe bali biyeni choonzyo. Tatuyandi kufumbwa chintu chilaatalaa mbotuboneka naa mbotupona kuti chisampawule Ndeende wesu wakujulu naa kuti chuubaansye mulumbe ngotukambawuka. Jwi lyaLeza lyaamba kuti: “Swebo tatubiki imfumpu niiba yomwe munzila yamuntu, kuti milimo yesu itasampauki, pele muzintu zyoonse tulatondezya kuti tuli basimilimo benibeni ba-Leza.” (2 BaKorinto 6:3, 4) Nkinkaako, kujana twakkala biyeni katusalala kumubili?\\n15, 16. Busanambi buswaanizyaanzi, alimwi zigogo zyesu zyeelede kuba biyeni?\\n15 Busanambi bwesu ambotuboneka. Nikuba kuti ziyanza abukkale zilasiyana munyika imwi ayimwi, tulakonzya kujana maanzi ansipa zyakuti tusambe akuti bana besu bakkale kababoneka kabotu. Busanambi buswaanizya kusamba kumaboko katubelesya nsipa chiindi nituyanda kulya naa kujata chakulya, nitwazwaa kubelesya chimbuzi, nitwazwaa kuchincha mwana tebela naa kusanzya mwana. Kusamba maboko katubelesya maanzi ansipa kulakonzya kutukwabilila kumalwazi alimwi kulakonzya kubamba buumi bwesu. Alubo, zilakonzya kutukwabilila kuti tutatabukilwi tuzunda naa tuuka tweeta malwazi amwida. Munyika kuli maanda atakwe zimbuzi, doti lilakonzya kusyidilwa munyika mbuli mbukwakali kuchitwa kuchiindi chamaIsrayeli.—Deuteronomo 23:12, 13.\\n16 Tweelede kukkala katuwacha zigogo zyesu kuti ziboneke munzila iilikabotu. Tazyaambi kuti maKristu ayelede kuzwaata zigogo zidula naa zili mufashoni, pesi zyeelede kuboneka kabotu, kazitakwe doti alimwi kazilaa bulemu. (Bala 1 Timoteo 2:9, 10.) Kufumbwa nkotubede tuyanda kuti nzila njotubonekaayo ‘ilemeke muziyaanza zyoonse lwiisyo lwaLeza Mufutuli wesu.’—Tito 2:10.\\n17. Nkamboonzi myuunzi yesu azintu nzitubelesya nozyeelede kusalala akuboneka kabotu?\\n17 Muunzi wesu azintu nzitulaazyo. Muunzi wesu ulakonzya kuti tugambyi pe, pesi weelede kukkala kuusalala alimwi kuboneka kabotu kweendelanaa zyiimo zyesu. Nchimwi biyo, ikuti katwendaa moota kumiswaangano naa kukukambawuka, tweelede kuchita nzitukonzya kuti moota yesu iikkale kiisalala mukati aanze. Tutalubi kuti muunzi wesu azintu nzitubelesya zipa bukamboni atalaa Leza ngotukomba. Tuyiisya bantu kuti Jehova nguLeza uusalala alimwi kuti “uyoonyonyoona aabo banyonyoona nyika,” akuti lino-lino Bwaami bwakwe buyoochincha nyika yesu kuti ibe paradayizi. (Ciyubunuzyo 11:18; Luka 23:43) Chachoonzyo, tuyanda kuti myuunzi yesu azintu nzitubelesya ziboneke kuli bamwi kuti tubelekela kusalala kweendelanaa nyika mpya iibola.\\nKusalala kumubili kuswaanizya kusamba mibili yesu akusalazya mpotukkala\\n18. Kujana twatondeezya biyeni kuti tuliilemeka Ng’anda yaBwaami?\\n18 Busena bwesu bwakukombela. Kuyanda Jehova kupa kuti tulemeke Ng’anda yaBwaami, nkotukombela Leza wakasimpe. Tuyanda kuti bantu basika kuNg’anda yaBwaami babotelelwaa busena bwesu bwakukombela. Kwiisalazya akwiibamba kabotu kulayandikana kuti ikkale kiiboneka kabotu. Tutondeezya kulemeka Ng’anda yaBwaami kwiinda mukuchita zyoonse nzyotukonzya kuti ikkale kiili muchiimo chili kabotu. Nchoolwe kulisungula kuti tugwasye kusalazya, ‘kumamika akuyumya’ aawo mpotukombela. (2 Makani 34:10) Tweelede kuchita oobo akumasena ngituchitila miswaangano mipati.\\nKULISALAZYA KUMICHITO IISOFWAAZYA\\n19. Niinzi nzitweelede kutantamuka kuti tukkale katusalala kumubili, alimwi Bbayibbele litugwasya biyeni mukaambo aaka?\\n19 Kuti tukkale katusalala kumumibili tweelede kutantamuka michito iili mbuli kufwepa, kukolwa amisamu iikola naa inyongania mizeezo. Bbayibbele talikwe mundando wamichito yoonse isesemya iliwo mazubaano, pesi lilamalayilile atondeezya mbwalimvwa Jehova atalaa michito eeyi. Akaambo kakuti tulizi kuti Leza ulimvwa biyeni kujatikizya zintu eezi, kumuyanda kuyopa kuti tuchite zintu zimubotezya. Atulange-lange njiisyo zili musanu zizwa mumagwalo.\\n20, 21. Njiili michito mibi Jehova njayanda kuti twiitantamuke, alimwi nkaakali kaambo kapa kuti tuchite oobo?\\n20 “Mbuli mbutujisi zisyomezyo ezi, atulisonzole busofwaazi boonse nibuba bwamubili nibuba bwamoyo, atulondole busalazi bwesu cakuyooowa Leza.” (2 BaKorinto 7:1) Jehova uyanda kuti tutantamuke michito iikonzya kusofwaazya mibili yesu, myoyo yesu na miyeeyo yesu. Tweelede kutantamuka ziyanza zyakubelesya misamu iikola iikonzya kunyongania buumi bwesu amiyeeyo yesu.\\n21 Bbayibbele litwaambila kaambo kapati kapa kuti ‘tulisonzole kubusofwaazi boonse.’ Bona kuti lugwalo lwa 2 BaKorinto 7:1 lutalikaa majwi aakuti: “Mbuli mbutujisi zisyomezyo ezi.” Nziizili zisyomezyo eezyo? Mbuli mbukwaambwa mumavesi alaajulu, Jehova usyomezya kuti: “Nenzoomutambula, nzomubeda mbuli Usowanu.” (2 BaKorinto 6:17, 18) Kochiyeeya buyo: Jehova usyomezya kukukwabilila akukuyanda mbuli mbwachita wisi kumwanaakwe. Pesi Jehova uyoozuzikizya zisyomezyo eezi kuti watantamuka zintu zikonzya kusofwaazya ‘mubili nikuba moyo.’ Mbufuba-fuba kuzumizya michito iisesemya kuti imane buzolwani buyandikana mbotulabo aJehova!\\n22-25. Ngaali malayilile aazwa muBbayibbele aakonzya kutugwasya kuti tutantamuke michito mibi?\\n22 “Yanda Leza Jehova wako amoyo wako woonse, amoya wako woonse, amumiyeeyo yako yoonse.” (Matayo 22:37) Jesu wakaamba kuti ooyu ngunguwo mulawu mupati kwiinda yoonse. (Matayo 22:38) Nchachoonzyo kuti tweelede kumuyanda munzila iili boobu Jehova. Kuti tumuyande amoyo wesu woonse, amoya wesu woonse amiyeeyo yesu yoonse, tweelede kutantamuka michito ikonzya kufwinsya buumi bwesu naa ikonzya kupa kuti tutayeeyi kabotu.\\n23 “Nkaambo [Jehova] ngonguwe mwini nguubapa boonse buumi, amuuya, azintu zyoonse.” (Incito 17:24, 25) Buumi nchipo chizwa kuli Leza. Tulamuyanda Sikutupa chipo eecho, nkinkaako tweelede kuchilemeka. Tutantamuka kufwumbwa ziyanza zikonzya kusofwaazya mibili yesu akaambo kakuti tulizi kuti michito iili boobu itondeezya kutalemeka chipo chabuumi.—Intembauzyo 36:9.\\n24 “Yanda mweenzinyoko mbuli mboliyanda omwini.” (Matayo 22:39) Chiindi chiingi, michito mibi tiinyonganyi sikwiiichita luzutu pesi abaabo balaa fwiifwi anguwe. Muchikozyano, busi bugwisigwaa sikufwepa bulakonzya kuchisya batafwepi. Muntu uuchisya bantu balaa fwiifwi anguwe utyola mulawu waLeza wakuyanda mweenzinyina. Alubo unooli ulikubeja kuti kati ulamuyanda Leza.—1 Johane 4:20, 21.\\n25 “Kobayeezya kuti kabanga kabalitesya kubabetesi akubami, kabacita coonse ncobaambilwa kulimbabo.” (Tito 3:1) Munyika zyiingi, kubaa misamu iikola naa kwiibelesya nkutyola mulawu. Mbutuli maKristu aachoonzyo, tatukwe alimwi tatubelesi misamu iikola iitazumizigwi amulawu.—BaRoma 13:1.\\n26. (a) Niinzi nzitweelede kuchita kuti tukkale katuli muluyando lwaLeza? (b) Nkamboonzi kukkala katusalala mumeso aaLeza nikuyandikana loko mubuumi?\\n26 Kuti tukkale katuli muluyando lwaLeza, tweelede kukkala katusalala kutali muchintu chimwi pesi muzintu zyoonse nzituchita. Tachili chuuba pe kukaka naa kuleka michito mibi iisofwaazya pesi chilakonzeka. * Masimpe, Jehova utuyiisya nzila mbotu loko iikonzya kutugwasya chiindi choonse. (Bala Isaya 48:17.) Chintu chipati nchakuti, ikuti twakkala katusalala tulakonzya kubotelwa kuziba kuti tupa bulemu kuli Leza ngutuyanda akuti tuyookkala katuli muluyando lwakwe.\\n^ par 2 Bbala lyachiHebrayo litii “kusalala” chimwi chiindi lyaamba kusalala kumubili pesi kapati kusalala kukulijata naa kubukombi.\\n^ par 10 Kuti ujane bupanduluzi kujatikizya mapobwe atunsiya-nsiya tweelede kutantamukwaa maKristu aachoonzyo, langa Chaandano 13 chabbuku eeli.\\n^ par 12 Chaandano 6 chabbuku eeli chaambuula atalaa mbotukonzya kusala zyakulikondelezya zili kabotu.\\n^ par 26 Langa kabbokesi kati “ Ndileezya Na Amanguzu Aangu Woonse Kuchita Zintu Zibotu?” alimwi akabbokesi kalaajulu katii “ Zintu Zyoonse Zilakonzeka Kuli Leza.”\\nNDILEEZYA NA AMANGUZU AANGU WOONSE KUCHITA ZINTU ZIBOTU?\\nNjiisyo: “Ndaumisya loko mubili wangu, ube muzike wangu, kutabi kuti, ndamana kukambaukila bamwi, ime ndemwini ndaba musowe.”—1 BaKorinto 9:27.\\nChiindi nindiyanda kuchita zintu zisesemya, ndilakomba na kandikumbila muuya uusalala kuti undigwasye kutantamuka zintu eezyo?—Matayo 6:13.\\nIno beenzuma, zisobano nzindeebela anyimbo nzindiswiilizya zindipa kuti nditantamuke michito mibi na?—1 Petro 4:3, 4.\\nNkamboonzi kuchita zintu zili kabotu nchokutaambi kuti tatukonzyi kuchita zintu zibi?—Matayo 23:25-28.\\nNkamboonzi nondizumina kupenzegwa mbuli mbwaakapenzegwa Jesu akaambo kakuchita kuyanda kwaLeza?—1 Petro 2:21; 4:1.\\nKujana ndamupandulwida biyeni muntu kuti nkamboonzi nondikaka kufwepa?—BaRoma 12:1, 2.\\nNdilabona na kuti kutazwidilila kuleka imwi michito mibi, takwaambi kuti ndakachililwa limwi?—BaRoma 7:21-25.\\n“ZINTU ZYOONSE ZILAKONZEKA KULI LEZA”\\nHelen, * wakaamba kuti: “Nindakalaa minyaka iili 15 ndakali kufwepa polya buzuba abuzuba, alimwi kumamanino aamviki ndakali kunywa bukande abeenzuma. Mukuya kwachiindi, ndakabaa bana batatu pesi kanditakwetwe alimwi ndakabaa chiyanza chakubelesya musamu uukola uutegwa crack cocaine. Buumi bwangu bwakazwide mapenzi. Nikuba boobo, ndakatalika kwiiya Bbayibbele, alimwi kwiinda mukugwasigwaa Jehova, ndakasalazya buumi bwangu akuleka ziyanza zibi. Tiichakali chuuba pe, kapati kuleka kubelesya cocaine. Ndiyeeya kuti teendakali kuyookonzya pe kuleka michito eeyi kakutakwe lugwasyo luzwa kuli Jehova. Pesi lino, akaambo kazintu zyakachitika mubuumi bwangu ndakabona kuti majwi aaJesu ngachoonzyo aakuti: ‘Zintu zyoonse zilakonzeka kuli Leza.’”—Matayo 19:26.\\n^ par 67 Zina lyakachinchwa.","num_words":1933,"character_repetition_ratio":0.059,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"26 Lino Jesu naakamanizya kwaamba zyintu zyoonse eezyi, wakaambila basikwiiya bakwe kuti: 2 “Mulizyi kuti kwainda mazuba obilo kuzwa sunu kuyooba Pobwe lya Kwiindilila, alimwi Mwana wamuntu uyooabwa kutegwa akagagailwe acisamu.” 3 Mpoonya basilutwe babapaizi abapati babantu bakabungana antoomwe mulubuwa lwamupaizi mupati wakali kwiitwa kuti Kayafa 4 alimwi boonse bakamvwana kuti bamujate Jesu cabucenjezu akumujaya. 5 Pele bakazumanana kwaamba kuti: “Ikutali ciindi capobwe kutegwa kutakabi manyongwe aakonzya kubuka akati kabantu.” 6 Lino Jesu naakali ku Betaniya muŋanda ya Simoni sicinsenda, 7 imukaintu umwi wakajisi nsazi yamafwuta aanunkila aadula, wakaboola kulinguwe akutalika kumutila mafwuta amutwe naakakkede kutebulu. 8 Lino nobakabona boobu, basikwiiya bakanyema akwaamba kuti: “Ino nkaambo nzi ncaanyonyoonwa mafwuta aaya? 9 Nkaambo mafwuta aaya naasambalwa mali manji eelyo mali aayo naapegwa kubantu bacete.” 10 Kazyi nzyobakali kwaamba, Jesu wakati kuli mbabo: “Ino nkaambo nzi ncomumukatazya mukaintu ooyu? Wandibelekela mulimo mubotu. 11 Nywebo muli limwi abacete lyoonse, pele tamunooli andime lyoonse pe. 12 Imukaintu ooyu naatila mafwuta aaya amubili wangu, wacita oobo kutegwa ndilibambile kuzikkwa. 13 Ncobeni ndimwaambila kuti: Kufwumbwa makani mabotu aaya nkwaayookambaukwa munyika yoonse, ncaacita mukaintu ooyu acalo ciyooambwa mukwiibaluka nguwe.” 14 Mpoonya umwi wabali kkumi ababili, uutegwa Judasi Isikaliyote, wakaunka kuli basilutwe babapaizi 15 akwaamba kuti: “Ino mulandipa nzi ndamwaaba kulindinywe?” Bakamusyomezya kumupa mali aansiliva aali makumi otatwe. 16 Aboobo kuzwa leelyo, wakatalika kuyandaula ciindi cibotu cakumwaaba. 17 Mubuzuba bwakusaanguna bwamikamu iitakwe bumena, basikwiiya bakaboola kuli Jesu akumwaambila kuti: “Ino nkuli nkoyanda kuti tukubambile kutegwa ukalide nkuko Pobwe lya Kwiindilila?” 18 Wakati: “Kamuya mumunzi kuli Ndaba mukamwaambile kuti, ‘Mwiiyi waamba kuti: “Ciindi cangu cibikkidwe cili afwaafwi; ndilacita Pobwe lya Kwiindilila abasikwiiya bangu muŋanda yako.”’” 19 Mpoonya basikwiiya bakacita mbwaakabalailila Jesu, eelyo bakabamba zyintu zyoonse zya Pobwe lya Kwiindilila. 20 Lino nikwakaba kumangolezya, wakalikkede kutebulu abasikwiiya bakwe bali kkumi ababili. 21 Nobakali kulya, wakati: “Ncobeni ndimwaambila kuti: Umwi akati kanu ulandaaba.” 22 Mbwaanga akabapa kuusa makani aaya, aumwi wabo wakatalika kumubuzya kuti: “Mwami, sena ndime?” 23 Lino mukwiingula wakati: “Ooyo ngotusunsa limwi mumutiba omwe ngonguwe utiindaabe. 24 Masimpe, Mwana wamuntu ulamusiya nyoonse mbubonya mbokulembedwe kujatikizya nguwe, pele maawe kumuntu ooyo waaba Mwana wamuntu! Nicakainda kubota ikuti muntu ooyo naatakazyalwa buyo.” 25 Lino Judasi ooyo wakali kuyanda kumwaaba wakaingula kuti: “Labbi, sena ndime?” Wakati kulinguwe: “Yebo omwini walyaambilila.” 26 Lino nobakacili kulya, Jesu wakabweza mukamu, eelyo naakamana kulumba wakaukomoona akuupa basikwiiya bakwe kati: “Amubweze mulye. Eeci ciiminina mubili wangu.” 27 Alimwi wakabweza nkomeki, amane kulumba, wakabapa kati: “Amunywe mulinjiyo nyoonse, 28 nkaambo eeci ciiminina ‘bulowa bwangu bwacizuminano,’ ibuyootilwa akaambo kabanji kutegwa zibi zilekelelwe. 29 Pele ndimwaambila kuti: Tandikanywi kabili cakunywa cili coonse cizwa kumusaansa kuzwa lino kusikila buzuba oobo mbondiyoonywa waini mupya antoomwe andinywe mu Bwami bwa Taata.” 30 Mpoonya nobakamana kwiimba nyimbo zyakutembaula Leza, bakaunka ku Cilundu ca Maolifa. 31 Lino Jesu wakati kuli mbabo: “Nywebo nyoonse mulalebwa masiku aano akaambo kandime, nkaambo kulilembedwe kuti: ‘Ndiyoojaya mweembezi eelyo mbelele mutanga ziyoomwaika.’ 32 Pele ndaakubusyigwa, ndiyoosika ku Galilaya nywebo kamutanasika.” 33 Pele mukwiingula Petulo wakati kulinguwe: “Nokuba kuti boonse aaba balebwa akaambo kanduwe, mebo tandikoolebwa pe!” 34 Jesu wakati kulinguwe: “Ncobeni ndikwaambila kuti: Sunu masiku, mukombwe katanalila, ulandikaka ziindi zyotatwe.” 35 Petulo wakati kulinguwe: “Nokuba kuti caamba kufwida antoomwe anduwe, kunyina nenditiikukake pe.” Basikwiiya boonse abalo bakaamba mbubonya. 36 Mpoonya Jesu wakasika abasikwiiya bakwe kubusena butegwa Getesemane eelyo wakabaambila kuti: “Amukkale aano, ndaya waalya kuyoopaila.” 37 Lino wakabwezelezya Petulo abana ba Zebedayo bobilo, eelyo wakausa akupenga kapati mumoyo. 38 Mpoonya wakabaambila kuti: “Ndapenga kapati mumoyo cakuti inga ndafwa. Amukkale aano, mulinde antoomwe andime.” 39 Alimwi naakeenda aniini kuya kumbele, wakafwugama, wakotama akupaila kati: “Taata, ikuti naa cilakonzyeka, nkomeki eeyi aizwe kulindime. Pele ikutali kweelana akuyanda kwangu pe, pele kweelana akuyanda kwako.” 40 Mpoonya wakaboola kuli basikwiiya akubajana baloona, mpoonya wakabuzya Petulo kuti: “Sena nywebo nobaalumi tiimwali kukonzya kulinda kwawoola lyomwe antoomwe andime? 41 Amulinde akuzumanana kupaila kutegwa mutanjili mumusunko. Moyo ncobeni ulapya pele mubili unyina nguzu.” 42 Alimwi lwabili wakaunka kuyoopaila kati: “Taata, ikuti kacitakonzyeki kuti eeci ciinde ccita kuti mane ndicinywe, akucitike kuyanda kwako.” 43 Wakaboola alimwi akubajana baloona nkaambo meso aabo akalilemede. 44 Aboobo wakabasiya, wakaunka alimwi kuyoopaila lwatatu, akwaamba kaambo nkeena. 45 Mpoonya wakaboola kuli basikwiiya akubaambila kuti: “Aciindi mbuli ceeci muloona akulyookezya! Amulange! Ciindi caswena cakuti Mwana wamuntu aabwe mumaanza aabasizibi. 46 Amunyamuke; atweende. Amubone! Sikundaaba wasika afwaafwi.” 47 Lino naakacili kwaambaula, amulange! Judasi umwi wabali kkumi ababili wakaboola ankamu mpati yabantu kabajisi mapanga ankoli kuzwa kuli basilutwe babapaizi abapati babantu. 48 Lino sikumwaaba wakalibapede citondezyo, wakati: “Kufwumbwa ngondiyoomyonta, ngonguwe ooyo; amukamujate.” 49 Aboobo wakamugama Jesu akwaamba kuti: “Wabonwa, Labbi!” Mpoonya wakamumyonta. 50 Pele Jesu wakati kulinguwe: “Ino musa walonda nzi?” Mpoonya bakaboola bamujata Jesu akumwaanga. 51 Pele umwi wabaabo mbaakali limwi Jesu wakasomona panga lyakwe akuuma muzike wamupaizi mupati akumukwezyula kutwi kwakwe. 52 Mpoonya Jesu wakamwaambila kuti: “Pilusya panga lyako muciyobwedo calyo, nkaambo boonse aabo babweza panga bayoofwa kupanga. 53 Naa, sena uyeeya kuti tandikonzyi kulomba Taata kunditumina ndilyonya lino makamu-makamu aabangelo? 54 Kwaba boobu, ino Magwalo alazuzikizyigwa buti aamba kuti ceelede kucitika munzila eeyi?” 55 Aciindi eeco Jesu wakati kumakamu aabantu: “Nkaambo nzi ncimwaboola kuti mundijate amapanga alimwi ankoli mbuli kuti muboolela kujata mubbi? Abuzuba ndakali kukkala mutempele kuyiisya, pele tiimwakandijata pe. 56 Pele zyintu zyoonse eezyi zyacitika kutegwa nzyobakalemba basinsimi zizuzikizyigwe.” Mpoonya basikwiiya boonse bakamusiya akutija. 57 Aabo bakamujata Jesu bakamutola kuli Kayafa mupaizi mupati, ooko balembi abapati nkobakabungene antoomwe. 58 Pele Petulo wakazumanana kumutobela kulaale kusikila mulubuwa lwamupaizi mupati, alimwi naakanjila mukati wakalikkede ababelesi bamuŋanda kuti abone citiicitike. 59 Aciindi aawa, basilutwe babapaizi a Nkuta Mpati Yaba Juda yoonse bakali kuyandaula bakamboni ibakali kukonzya kumubejelezya Jesu kutegwa bamujaye, 60 pele kunyina kaambo nkobakajana nokuba kuti kwakali bakamboni bakubeja banji. Mukuya kwaciindi bobilo bakaboola 61 akwaamba kuti: “Muntu ooyu wakati, ‘Ndilakonzya kulimwaya tempele lya Leza akuliyakulula mumazuba otatwe.’” 62 Mpoonya mupaizi mupati wakanyamuka akumwaambila kuti: “Sena unyina bwiinguzi? Ino ncinzi aaba ncobakutamikizya?” 63 Pele Jesu wakaluumwine. Aboobo mupaizi mupati wakati kulinguwe: “Ndikwaambila kuti ukonke kuli Leza uupona kuti ulaamba masimpe akutwaambila naa nduwe Kilisito Mwana wa Leza!” 64 Jesu wakati kulinguwe: “Yebo omwini waamba. Pele nywebo nobaalumi ndimwaambila kuti: Kuzwa sunu muyoobona Mwana wamuntu kakkede kujanza lyalulyo lya Singuzuzyoonse alimwi kaboola mumakumbi aakujulu.” 65 Mpoonya mupaizi mupati wakazapaula zisani zyakwe zyaatala akwaamba kuti: “Wasampaula Leza! Ino tuciyandila nzi bakamboni bambi? Amulange! Lino mwalimvwida kasampaula Leza. 66 Ino muyeeya buti?” Bakamwiingula kuti: “Weelede kufwa.” 67 Mpoonya bakamuswida mate kubusyu akumuuma amfwaindi. Bamwi bakamuuma mbayi kubusyu, 68 kabati: “Yebo Kilisito, ikuti koli musinsimi kotwaambila wakuuma.” 69 Lino Petulo wakalikkede anze mulubuwa, eelyo mubelesi umwi musimbi wakaboola kulinguwe kati: “Ayebo mwakali limwi a Jesu waku Galilaya!” 70 Pele wakakaka boonse kabamvwide kati: “Tandicizyi ncoamba.” 71 Naakazwa akuya kukaanda kali kumulyango, aumwi musimbi wakamuzyiba akwaambila baabo bakali kooko kuti: “Muntu ooyu wakali limwi a Jesu muna Nazaleta.” 72 Alimwi lwabili wakakazya cakukonka buya kuti: “Tandimuzyi muntu ooyo!” 73 Nokwakainda kaindi kaniini, aabo bakaimvwi mumbali bakaboola akwaambila Petulo kuti: “Masimpe ayebo uli umwi wabo, nkaambo mwaambo wako ulakuyubununa.” 74 Pele wakatalika kulisinganya akukonka kuti: “Tandimuzyi pe muntu ooyo!” Mpoonya aawo mukombwe wakalila. 75 Aboobo Petulo wakaayeeya majwi ngaakaamba Jesu aakuti: “Mukombwe katanalila, ulandikaka ziindi zyotatwe.” Eelyo wakaya anze akulila kapati.","num_words":1097,"character_repetition_ratio":0.06,"word_repetition_ratio":0.0,"special_characters_ratio":0.179,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"AMUBALE MU Afrikaans Albanian Amharic Arabic Armenian Bulgarian Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch Efik English Estonian Ewe Finnish French Georgian German Greek Hiligaynon Hungarian Igbo Iloko Indonesian Italian Japanese Kinyarwanda Kirghiz Korean Lingala Lithuanian Malagasy Myanmar Norwegian Oromo Polish Portuguese Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Sinhala Slovak Slovenian Spanish Swahili Swedish Tagalog Tahitian Thai Tigrinya Tsonga Turkish Twi Ukrainian Vietnamese Xhosa Zulu\\n“Ikuti naa kwasiya, beenzuma bakali kundisindikila amaulu kuya kuŋanda. Pele bumwi busiku ndakalikatede kapati cakuti ndakabbukiŋa buyo takisi.\\n“Namutekenya kunyina naakanditola kuŋanda pe. Muciindi caboobo, wakanditola musyokwe, mwalo mwaakasola kuti andijate. Ndakakwiila canguzu, mpoonya wakandilekezya. Ciindi naakatiindijate alimwi, ndakakwiila akutija.\\n“Kaindi ndakali kulibuzya kuti, ‘Mbuti kukwiila mbokukonzya kugwasya?’ Pele lino ndakazyiba kuti kulagwasya!”—Oobu mbwakaamba KARIN. *\\nMUZISI zinji bugwebenga bulidumide kapati. Mucikozyanyo, mubetesi wamucisi cimwi wakaamba kuti: “Cuusisya ncakuti muntu uuli woonse uyoojatikizyigwa.” Mumasena aamwi, bugwebenga inga kabutadumide pe. Nokuba boobo, tacigwasyi pe kuliiba, nkaambo kucita boobo kulakonzya kumubikka muntenda.\\nKufwumbwa naa mukkala mubusena bugwebenga mobudumide naa pe, mbuti mbomukonzya kulikwabilila amukwasyi wanu? Nzila imwi iinga yamugwasya nkutobela lulayo lwamu Bbaibbele lwakuti: “Muntu uucenjede, abona mapenzi, ulayuba, pele bataiyide balaindilila aboobo balapenga.” (Tusimpi 22:3) Basilikani balabakulwaizya bantu kujanina limwi nzila zyakulikwabilila kutegwa batakanjili muntenda.\\nKulicisa alimwi akusweekelwa zyintu taali ngamapenzi buyo aaboola akaambo kabugwebenga. Bantu banji bacitikilwa ntenda eezyi balaciswa bulwazi bwamumizeezo alimwi akutyompwa kapati. Aboobo, cilayandika kapati kubona ncotukonzya kucita kutegwa tulikwabilile. Kujatikizya kaambo aaka, atulange-lange mbotukonzya kulikwabilila kubugwebenga bone oobu mbuli: kubba munzila yabugwebenga, kutundulula bamakaintu, kubba kwiinda mukubelesya Intaneti, kubba kwiinda mukubelesya mapepa aakubeja.\\nKUBBA MUNZILA YABUGWEBENGA\\nIno ncinzi? Ooku nkubelesya nguzu naa kulwana buya kutegwa muntu abbe.\\nMbuti mbokubajatikizya bantu? Nibakamana kubbidwa bantu banji ku Britain, mubetesi umwi wakajana kuti nokuba kuti aabo bakabbidwa tiibakalicisa, pele bakapenga kapati mumizeezo. Wakaamba kuti: “Banabunji baamba kuti bajisi penzi lyakulibilika akuba aacilabila, alimwi akuti milimo yabo yabuzuba abuzuba ilijatikizyidwe kapati akaambo kapenzi ndilyonya eeli.”\\nNcinzi ncomukonzya kucita?\\nIbabbi balicenjede, aboobo amucenjele kujatikizya zyintu zimuzingulikide\\nAmucenjele. Ibabbi balicenjede. Balayandisya kubba aciindi ncomutayeeyeli. Aboobo amubikkile maano kubantu bamulangilila, amuzizyibe zyintu zimuzingulukide, alimwi mweelede kupakamana kapati naa kubikkila maano kwiinda mukutabelesya misamu iikola naa kutaciindizya kunywa bukoko. Encyclopedia yaamba zyanseba yakati: “Ciindi muntu nanywa bukoko naa kubelesya misamu iikola,” cilamuyumina “kuyeeya kabotu alimwi akubona zyintu zikonzya kuleta ntenda.”\\nAmuzikwabilile zyintu zyanu. Amuukkiye mootokala wanu alimwi amuzikkiye zijazyo amawindo aaŋanda yanu. Mutanoonjizyi muntu ngomutazyi kabotu muŋanda yanu. Mutanoobikki zyintu antangalala. Lugwalo lwa Tusimpi 11:2 lwaamba kuti: “Babombumyoyo mbebajisi busongo.” Babbi, balo babikkilizya abana basikwiingaila, bayandisya kubba mafooni, makkompyuta aadula alimwi akubbida bantu basama ninga zidula.\\nAmwaatobele malailile. “Inzila yamufubafuba ililuleme mumeso aakwe mwini, pele oyo uuswiilila lulayo musongo.” (Tusimpi 12:15) Kuti kamuli mulweendo, amwaatobele malailile aabantu bazyi mbokubede kubusena ooko. Balakonzya kumwaambila masena ngomweelede kweeleba alimwi ambomukonzya kulikwabilila.\\nIno ncinzi? Takuli buyo kujata bamakaintu, pele kulabikkilizya akujatauka bamakaintu, akubasinikizya koonana ambabo kwiinda mukubakonga.\\nMbuti mbokubajatikizya bantu? Muntu umwi wakajatwa kale upandulula kuti: “Cuusisya ncakuti tacicisizyi buyo moyo ciindi notundululwa, pele cilakkalilila mumizeezo kwaciindi cilamfwu alimwi cilakonzya kukupa kutyompwa mubuumi. Alimwi cilakonzya kubanyonganya banamukwasyi.” Masimpe ngakuti, sikutundululwa tali nguwe uuli aamulandu. Pele sikutundulula nguuli aamulandu.\\nMutanooakazyi manjezeezya aanu. Bamucibeela cabasilikani ku North Carolina, U.S.A bacenjezya kuti: “Ikuti kamutalimvwi kwaanguluka naa kuti kumoyo kwanu kakusiya ciindi nomuli amuntu umwi naa abusena bumwi, cili kabotu kuzwa. Mutalekeli muntu uuli woonse kumusinikizya kuzumanana kucita cintu ncaatamuzumizyi manjeezyeezya aanu.”\\nAmubikkile maano; amube basicamba. Basikutundulula bamakaintu bayandaula ciindi cibotu ncobakonzya kucita oobo. Aboobo, amubikkile maano alimwi amupakamane.\\nAmubweze ntaamu cakufwambaana. Amukwiile. (Deuteronomo 22:25-27) Amutije naa kubweza ntaamu iili yoonse. Ikuti kacikonzyeka, amutijile kubusena nkomukonzya kujana lugwasyo alimwi akutumina basilikani luwaile. *\\nKUBBA KWIINDA MUKUBELESYA INTANETI\\nIno ncinzi? Ooku nkubba kucitilwa aa Intaneti. Kubikkilizya kutatela mitelo, kubelesya tukkaadi twakubbanki tutali twabo, kubweza mali aabantu kakunyina kutuma zyintu nzyobasambala, alimwi akutambula mali ngobatabelekela. Alimwi cilabikkilizya akucita makwebo munzila yabumpelenge alimwi akucengeezya kusambala zyintu aa Intaneti.\\nMbuti mbokubajatikizya bantu? Kupa kuti aabo babbidwa alimwi abantu boonse mucisi basweekelwe mali manji kapati. Amubone cikozyanyo eeci. Ba Sandra bakatambula kagwalo a Intaneti nkobakali kuyeeyela kuti kakazwa kubbanki kubalomba kuti balembe makani aamwi aajatikizya akkaunti yabo. Nikwakainda buyo maminiti masyoonto kuzwa nibakaatuma makani aayo, bakagambwa kubona kuti mali aasika ku $4,000 (U.S.) akalonzyegwa kuzwa muakkaunti yabo kuya muakkaunti yakubbanki iitazizilwe. Mpoonya ba Sandra bakazyiba kuti babbidwa.\\nAmucenjele! Muteenwi ama Website aalibonya mbuli kuti alakonzya kumugwasya, alimwi amuzyibe kuti bakubbanki nkomujisi akkauti tabakonzyi kumulomba kuti mubalembele a Intaneti makani aamaseseke aajatikizya ndinywe. Kamutanaula zyintu naa kucita makwebo aa Intaneti, mweelede kusaanguna kwiizyiba kabotu kkampani eeyo. Lugwalo lwa Tusimpi 14:15, lwaamba kuti: “Uuongelezeka ulazuminina makani oonse, pele muntu uucenjede ulayeeya kabotu kweenda kwakwe.” Alimwi mweelede kwaacenjelela makkampani aali muzisi zimbi. Nkaambo kuti kwabbuka penzi, cilakonzya kumukatazya kulimana.\\nMweelede kwiilanga-langa kkampani alimwi amilimo yanjiyo. Amulibuzye kuti: ‘Ino kkampani eeyi ijanika kuli? Sena fooni namba yakkampani eeyi njamasimpe? Sena ikuti naa ndaula zyintu, ndilabbadela amali aayungizyidwe amuulo wazyintu eezyo? Ino zyintu nzindaula ziyootumwa lili? Ikuti naa tiindazikkomanina, sena inga bazumina kuti ndizipilusye?’\\nAmucenjele kuti naa zyintu nzyobamusyomezya ziboneka kabotu kapati kwiinda mbomuyeeyela. Balyato alimwi abaabo bayandisya kujana mpindu muzyintu nzyobatakabelekela mbambabo babbidwa kapati aa Intaneti. Kakole kalakonzya kubikkilizya kusyomezyegwa mali manji kumulimo uutayi koomoonga, akumukweletesya mali nokuba kuti tamujisi bulangizi bwakuti mulakonzya kwaabbadela. Bamukabunga ka U.S. Federal Trade Commission, (FTC) bakaamba kuti: “Mweelede kusaanguna kulanga-langa mulawo ncowaamba kujatikizya makwebo aayo ngomuyanda kutalika. Kuti naa mpindu njobamwaambila kuti mulakonzya kujana kailibonya kukomena kapati kwiinda mboyeelede kuba, ntenda yakubbidwa nimpati. Tamweelede kulekela basimakwebo kumusinikizya kutalika makwebo kamutanaizyiba kabotu milawo iijatikizya makwebo aayo.”\\nKUBELESYA ZYINA LYAMUNTU UUMBI\\nIno ncinzi? Eeci cibikkilizya kucita bumpelenge kwiinda mukubelesya zyina lyamuntu uumbi.\\nMbuti mbokubajatikizya bantu? Babbi balakonzya kubelesya zyina lyanu kutegwa bapegwe tukkaadi twakubbanki naa zikwelete naa kujalula maakkaunti mapya. Balakonzya kukweleta mali muzyina lyanu. Nokuba kuti mwacibbadela cikwelete eeco, zyina lyanu kubbanki lilakonzya kubija. Umwi muntu wakabbidwa kale wakaamba kuti: “Kubija zyina akaambo kacikwelete kulakonzya kunyonganya zyintu zyoonse, eeci cilainda kubija kwiinda kubbidwa mali.”\\nAmwaasise makani aanu aamaseseke. Kuti naa kamuyobweda mali kubbanki naa kuula zyintu a Intaneti, kamucinca-cinca password njomubelesya, kwaambisya kuti kamubelesya makkompyuta aabelesyegwa abantu banji. Mbubwenya mbokwaambwa kale, amwaacenjelele magwalo aa Intaneti aamulomba kuti mutume makani aanu aamaseseke.\\nBabbi tababelesyi buyo makkompyuta. Balakonzya kusola nzila iili yoonse njobakonzya kutegwa baabone mapepa aanu aajisi makani aamaseseke, mbuli malisiiti aakubbanki, tukkaadi twakubbanki, kabbuku kamaccekki, alimwi amapepa amwi aajisi manamba aamaseseke. Aboobo, amwaabambe kabotu mapepa aaya, alimwi mweelede kwaazapaula kamutanaasowa. Alimwi kuti mwajana kuti pepa lyanu lyasweeka, cakufwambaana mweelede kuzyibya basilikani.\\nAmwaazyibe mali ngomubikka angomugwisya muakkaunti yanu. Bamukabunga ka FTC bakaamba kuti: “Kucenjezyegwa kujatikizya bantu babba kwiinda mukubelesya makani aatali aabo kulagwasya kapati.” Alimwi bakayungizya kuti: “Kufwambaana kumuzyiba muntu uubba munzila iili boobu kulakonzya kugwasya kapati.” Aboobo, lyoonse kamwaalanga-langa maakkaunti aanu, alimwi akubona naa kuli mali aakagwisyigwa ngomutazyi kabotu. Kuti kacikonzyeka, inga mwabweza lipooti yaakkaunti, akubona bweende bwamali.\\nMasimpe ngakuti, munyika mazuba aano bantu boonse balakonzya kubbidwa. Nobaba baabo balibonya kuti tabakonzyi kubbidwa, abalo balabbidwa. Akaambo kaceeci, lyoonse tweelede kumvwa alimwi akubutobela busongo bwamu Bbaibbele. “Utabusowi, lino buyookubamba; kobuyandisya, lino buyookutabilila.” (Tusimpi 4:6) Cikkomanisya ncakuti, Bbaibbele lisyomezya kuti bugwebenga buyoomana.\\nLino-lino, Bugwebenga Buyoomana\\nNkaambo nzi ncotukonzya kuba masimpe kuti Leza uyoobumana bugwebenga? Amulange-lange twaambo ootu tutobela:\\nLeza ulayanda kubumana bugwebenga. “Mebo nde-Jehova ndayandisya lubeta lubotu, ndasula kubba abubi.”—Isaya 61:8.\\nUlijisi nguzu zyakumana bugwebenga. “Ulimaninide munguzu, uliluleme mukubeteka.”—Jobu 37:23.\\nWasyomezya kunyonyoona basizibi alimwi akukwabilila balulami. “Nkaambo basizibi balanyonyooka.” “Balulami bayookona nyika, bayookala alinjiyo lyoonse.”—Intembauzyo 37:9, 29.\\nWasyomezya nyika mpya yaluumuno kubantu bakwe basyomeka. “Babombemyoyo bayoovuba nyika, bayookondwa muluumuno lunji.”—Intembauzyo 37:11.\\nSena majwi aaya alamukkomanisya? Kuti kacili boobu, amujane ciindi cakubala Bbaibbele kutegwa mwiiye makanze aa Leza kujatikizya bantu. Kunyina bbuku limbi lijisi majwi aabusongo bugwasya boobu. Alimwi kunyina bbuku limbi likonzya kutupa bulangizi bwini-bwini bwakuti bugwebenga buyoomana. *\\nLeza usyomezya nyika mpya, mwalo mutakabi bugwebenga\\n^ munc. 5 Mazyina acincwa.\\n^ munc. 22 Bantu banji bakajatwa kale, bakajatwa abantu mbobazyi. Kuti kamuyanda makani aayungizyidwe amubone mubbuku lya Questions Young People Ask—Answers That Work, Volume 1 apeeji 228, amutwe wakuti “How Can I Protect Myself From Sexual Predators?” Eeli bbuku lilajanika a Website ya www.jw.org.\\n^ munc. 44 Kuti kamuyanda makani aambi aajatikizya njiisyo zyamu Bbaibbele mulakonzya kwaajana mubbuku lyakuti Ino Ncinzi Cini Bbaibbele Ncoliyiisya? Bakamboni ba Jehova balakonzya kumupa bbuku eeli kakunyina kumubbadelesya alimwi mulakonzya kulibala a Web site ya www.jw.org.","num_words":1304,"character_repetition_ratio":0.049,"word_repetition_ratio":0.0,"special_characters_ratio":0.153,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amubulemeke Bubambe Bwa Leza Bwalukwatano​—Marko 10:9 | Yakwiiya\\nAMUBALE MU Afrikaans Albanian Altai Alur American Sign Language Amharic Amis Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Bolivian Sign Language Boulou Brazilian Sign Language British Sign Language Bulgarian Cakchiquel (Western) Catalan Cebuano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Colombian Sign Language Costa Rican Sign Language Croatian Cuban Sign Language Czech Czech Sign Language Damara Dangme Danish Digor Douala Dutch Ecuadorian Sign Language Edo Efik English Esan Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Greek Greek Sign Language Guadeloupean Creole Guarani Guatemalan Sign Language Gujarati Gun Haitian Creole Hausa Hebrew Herero Hiligaynon Hindi Hiri Motu Honduras Sign Language Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kabuverdianu Kannada Kekchi Kenyan Sign Language Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Latvian Lingala Lithuanian Low German Luganda Lunda Luo Luvale Macedonian Malagasy Malawi Sign Language Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mexican Sign Language Mingrelian Mixe (North Central) Mixtec (Guerrero) Mongolian Moore Motu Mozambican Sign Language Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nicaraguan Sign Language Norwegian Nzema Okpe Oromo Ossetian Otetela Panamanian Sign Language Pangasinan Papiamento (Curaçao) Paraguayan Sign Language Persian Peruvian Sign Language Pidgin (West Africa) Polish Polish Sign Language Ponapean Portuguese Portuguese (Portugal) Portuguese Sign Language Punjabi Quebec Sign Language Quechua (Ancash) Quechua (Bolivia) Romanian Romanian Sign Language Russian Russian Sign Language Salvadoran Sign Language Samoan Sango Sepedi Sepulana Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Venezuelan Sign Language Vietnamese Waray-Waray Wolaita Xhosa Yoruba Zambian Sign Language Zande Zapotec (Isthmus) Zimbabwe Sign Language Zulu\\n“Aabo Leza mbaaswaanganya, kutabi muntu uubaandaanya.” —MK. 10:9.\\nNYIMBO: 131, 132\\nIno Jehova alimwi a Jesu balubona buti lukwatano?\\nNkaambo nzi komwe kamu Magwalo ikazumizya kulekana, pele ino nkaambo nzi bamwi ncobakonzya kuyeeya kuti batalekani?\\nNdulayo nzi ndwayelede kulanga-langa muntu uuyanda kuti baandaane angobakwetene limwi?\\n1, 2. Ino lugwalo lwa Bahebrayo 13:4 lweelede kutukulwaizya kucita nzi?\\nSENA mulakkomana kumulemeka Jehova? Tacidoonekwi buya kuti mulakkomana! Uleelela kulemekwa alimwi usyomezya kuti uyoomulemeka andinywe. (1Sam. 2:30; Tus. 3:9; Ciy. 4:11) Alimwi uyanda kuti kamubalemeka abantu, mbuli beendelezi bamfwulumende. (Rom. 12:10; 13:7) Pele kuli cintu cimwi ncomweelede kulemeka kapati. Cintu eeco, ndukwatano.\\n2 Mwaapostolo Paulo wakalemba kuti: “Cikwati acilemekwe abantu boonse, alimwi bulo bwacikwati butasofwaazyigwi pe.” (Heb. 13:4) Paulo tanaakaamba majwi aaya cakwiinzya buyo mulawo. Muciindi caboobo, majwi aaya akaligaminide, inzya, wakali kwaambila Banakristo kubagama kuti kabalemeka lukwatano, kabalubona kuti ncintu ciyandika kapati. Sena andinywe mbomulubona lukwatano oobo, kwaambisya kuti mulikwete naa kukwatwa?\\n3. Ino ndulayo nzi luyandika kapati ndwaakapa Jesu kujatikizya lukwatano? (Amubone cifwanikiso icili kumatalikilo aacibalo.)\\n3 Ikuti naa lukwatano mulubona kuba cintu ciyandika kapati, nkokuti mutobela cikozyanyo cibotu kapati. Jesu wakali kululemeka lukwatano. Ciindi ba Farisi nobakamubuzya Jesu kujatikizya makani aakulekana, wakazubulula majwi ngaakaamba Leza naakatalisya lukwatano lwakusaanguna: “Akaambo kaceeci mwaalumi uyoosiya bausyi abanyina, eelyo aaba bobilo bayooba mubili omwe.” Jesu wakayungizya ulaamba: “Aabo Leza mbaaswaanganya kutabi muntu uubaandaanya.”—Amubale Marko 10:2-12; Matl. 2:24.\\n4. Ino mbubambe nzi bwalukwatano mbwaakatalisya Jehova?\\n4 Aboobo Jesu wakazumina kuti Leza ngowakatalisya lukwatano alimwi wakakankaizya kuti kulekana takweelede. Leza tanaakaambila ba Adamu a Eva kuti lukwatano lulakonzya kumana kwiinda mukulekana. Bubambe bwalukwatano ibwakatalisyigwa mu Edeni bwakali bwakukwata buyo mukaintu omwe, nkokuti kuswaanganya bantu “bobilo” mane kukabe kutamani.\\nZINTU ZYAKACINCA LUKWATANO\\n5. Ino lufwu lulujatikizya buti lukwatano?\\n5 Nokuba boobo, mbubwenya mbomuzyi, cibi ca Adamu cakapa kuti kube kucinca. Kucinca kumwi ndufwu, lwalo ilwakali kuyoolujatikizya lukwatano. Tulakonzya kucibona eeci kuzwa kumajwi ngaakalemba mwaapostolo Paulo ciindi naakali kupandulula kuti Banakristo tabali ansi aa Mulawo wa Musa. Wakaamba kuti lufwu lulamana lukwatano alimwi akuti ooyo wasyaala ulakonzya kukwata naa kukwatwa.—Rom. 7:1-3.\\n6. Mbuti Mulawo wa Musa mboutondezya mbwalubona lukwatano Leza?\\n6 Mulawo Leza ngwaakapa cisi cabana Israyeli wakapa malailile aajatikizya lukwatano. Wakali kuzumizya maali, cilengwa eeco icakaliko nociba ciindi Leza katanapa bana Israyeli Mulawo. Nokuba boobo, kwakali milawo yakabikkidwe kujatikizya maali, iyakali kukasya kupenzya bamakaintu. Mucikozyanyo, ikuti naa muna Israyeli wakwata muzike mpoonya kumbele wamwaalikila, tanaakeelede kuleka kumupa zyakulya, zyakusama alimwi azyeelede zyamulukwatano mukaintu wakusaanguna. Leza wakalailila kuti wakeelede kuzumanana kumukwabilila alimwi akumulanganya mukaintu ooyo. (Kul. 21:9, 10) Nokuba kuti tatuli ansi aa Mulawo, tulakonzya kubona mbwalubikkila maano lukwatano Jehova. Sena eeci tacimupi kulubikkila maano lukwatano?\\n7, 8. (a) Kweelana alugwalo kwa Deuteronomo 24:1, Mulawo wakali kwaamba nzi kujatikizya kulekana? (b) Ino Jehova ukubona buti kulekana?\\n7 Ino Mulawo waamba nzi kujatikizya kulekana? Nokuba kuti Jehova tanaakali kuyanda kuti mulumi amukaintu kabalekana, Mulawo wakali kuzumizya mulumi muna Israyeli kumuleka mukaintu wakwe ikuti “wajana cintu cuusya nsoni mulinguwe.” (Amubale Deuteronomo 24:1.) Mulawo kunyina nowakaamba icakali kukonzya kwaambwa kuti ‘ncintu cuusya nsoni.’ Nokuba boobo, cakeelede kuba cintu cipati, ikutali buyo cibi cisyoonto. (Dt. 23:14) Cuusisya ncakuti, kuzikusika mumazuba aa Jesu, bama Juda banji bakali kulekana “akaambo kakaambo kali koonse.” (Mt. 19:3) Cakutadooneka, inga tiitwayanda kuba mbuli mbabo.\\n8 Musinsimi Malaki wakaamba kujatikizya mbwakubona Leza kulekana. Eeci cakali ciindi nocakadumide kumwaalumi kuleka ‘mukaintu wakwe wakubukubusi’ cabumpelenge, ambweni kutegwa akwate mukaintu uucili mwana-mwana walo uutakombi Leza. Kujatikizya mbwaakali kucibona eeci Leza, Malaki wakalemba kuti: “Ndilikusulide kulekana.” (Mal. 2:14-16) Eeci cakali kweendelana ancolyaamba Jwi lya Leza kujatikizya lukwatano lwakusaanguna kuti: ‘Mwaalumi uyookakatila kumukaintu wakwe, alimwi bayooba mubili omwe.’ (Matl. 2:24) Jesu wakabikkila maano kujatikizya mbobalubona lukwatano Bausyi, wakaamba kuti: “Aabo Leza mbaaswaanganya kutabi muntu uubaandaanya.”—Mt. 19:6.\\nNcaakacita Leza Kubwaamu bwa Israyeli\\nIsrayeli alimwi a Juda tiibakasyomeka kuli Jehova. Bakapanga cilongwe amasi aatakali kukomba Leza alimwi aakajisi bukombi bwakubeja. Leza wakabakaka akaambo ‘kakucita bumambe amabwe alimwi azisamu.’ (Jer. 2:13, 20; 3:1-3, 9; amweezyanisye a Ezekieli 16:28; Jakobo 4:4.) Ciindi nobatakacinca akuzumanana mbubonya mbuli “mukaintu muvwuule,” Leza wakasala cakucita. Wakaamba kuti: “Ndibone boobo, ndakamutanda Israyeli uutasyomeki akumupa lugwalo lwakumulekela limwi akaambo kabumambe bwakwe.”—Jer. 3:6-8.\\nKAAMBO KOMWE BUYO IKAZUMIZYA KULEKANA\\n9. Ino majwi aa Jesu aali kulugwalo lwa Marko 10:11, 12 apandulula nzi?\\n9 Muntu umwi ulakonzya kubuzya kuti, ‘Sena kuli kaambo kali koonse ikazumizya Munakristo kulekana alimwi akukwata naa kukwatwa kumbi? Amubone ncaakaamba Jesu kujatikizya mbwakubona kulekana: “Kufwumbwa uuleka mukaintu wakwe akukwata umbi wacita bumambe alimwi wabisizya mukaintu wakwe mutaanzi, alimwi ikuti mukaintu wazwa kumulumaakwe akukwatwa kuluumbi, wacita bumambe.” (Mk. 10:11, 12; Lk. 16:18) Aboobo cilasalala kuti Jesu wakalulemeka lukwatano alimwi wakali kuyanda kuti abamwi kabacita oobo. Mwaalumi iwakali kuleka mukaintu wakwe uusyomeka (naa mukaintu, kuleka mwaalumi wakwe uusyomeka) akaambo katwaambo twabumpelenge akukwata naa kukwatwa kumbi wakali kucita bumambe. Kaambo aaka nkamasimpe nkaambo kwiile kuleka mweenzinyoko wamulukwatano tacaambi kuti lukwatano lwamana. Mumeso aa Leza, bantu aabo bobilo bacili “mubili omwe.” Kuyungizya waawo, Jesu wakaamba kuti mwaalumi uuleka mukaintu wakwe uusyomeka ulakonzya kumubikka muntenda yakucita bumambe. Mubuti? Muciindi camusyule, mukaintu iwakalekwa wakali kukonzya kulimvwa kuti uleelede kukwatwa kumbi kutegwa kajana mali aakuligwasyilizya. Lukwatano luli boobo ncimwi buyo akucita bumambe.\\nKaambo Kalikke Kamu Magwalo Ikazumizya Kulekana\\nZiindi zyobilo, Jesu wakatondezya kuti kaambo kalikke ikazumizya kulekana ikakonzya kwaangununa yooyo iwabisyilwa kukwatana amuntu uumbi ngu por·neiʹa. Ino bbala lya Chigiliki eeli lyaamba nzi? Ibbala lyakuti Por·neiʹa lyaamba koonana ikutali kwamumulawo kwabantu batakwetene kweelana a Magwalo. Eeci cibikkilizya bumambe, buvwuule, koonana kwabantu batakwetene, kubikka cinswe caumwi kumulomo naa kumatako alimwi akusobanya naa kusyoba cinswe camuntu ngomutakwetene limwi.—Amubone Ngazi Yamulindizi yamu Chingisi yamu July 15, 2006, mucibalo cakuti “Mibuzyo Yabasikubala.”\\n10. Ino nkaambo nzi kakonzya kupa kuti Munakristo alekane angobakwetene limwi alimwi akwaanguluka kukwata naa kukwatwa kumbi?\\n10 Jesu wakaamba kaambo ikakonzya kupa kuti lukwatano lumane naakati: “Ndimwaambila kuti kufwumbwa uuleka mukaintu wakwe ikutali akaambo kabwaamu [mu Chigiliki, por·neiʹa], akukwata umbi, wacita bumambe.” (Mt. 19:9) Wakali kaambide kaambo nkoonya aaka amu Mulumbe waa Cilundu. (Mt. 5:31, 32) Mubukkale oobo boonse bobilo, Jesu wakaamba kujatikizya “bwaamu.” Ibbala eeli libikkilizya zintu zinji zijatikizya koonana ikutali kwamulukwatano: bumambe, buvwuule, koonana kwabantu batakwetene, koonana kwabantu bajisi zizo zikozyenye alimwi akoonana abanyama. Mucikozyanyo, ikuti naa mwaalumi uukwete wacita bwaamu, mukaintu wakwe ulakonzya kusala kulekana anguwe naa pe. Ikuti mukaintu wasala kulekana anguwe, nkokuti lukwatano lulamana mumeso aa Leza.\\n11. Nkaambo nzi Munakristo ncakonzya kusala kutalekana angobakwetene limwi nokuba kuti kuli kaambo kamu Magwalo kazumizya kucita boobo?\\n11 Amubone kuti Jesu tanaakaamba kuti, ikuti umwi wabanabukwetene wacita bwaamu (por·neiʹa) nkokuti beelede kulekana. Mucikozyanyo, mukaintu ulakonzya kusala kuzumanana kukkala mulukwatano nokuba kuti mulumi wakwe wacita bwaamu. Inga kacimuyanda mulumi wakwe; ambweni ulilibambilide kumulekelela alimwi akubelekela antoomwe kutegwa babambulule lukwatano lwabo. Mubwini, kuti wasala kulekana akutakwatwa alimwi, ulakonzya kujana buyumuyumu. Mbuti kujatikizya zintu nzyayandika kumubili alimwi akoonana? Ino mbuti kujatikizya kulendelelwa? Sena kuli bana beelede kulanganizyigwa? Sena kulekana inga kwapa kuti cikatazye kubakomezya mukasimpe? (1Kor. 7:14) Cakutadooneka, ooyo uusyomeka iwalekana angobakakwetene limwi ulakonzya kujana mapenzi.\\n12, 13. (a) Ncinzi cakacitika kulukwatano lwa Hosea? (b) Ncinzi cakapa kuti Hosea amujole Gomeri, alimwi ncinzi ncotukonzya kwiiya kuzwa kuliceeci kujatikizya lukwatano mazuba aano?\\n12 Cakacitikila musinsimi Hosea cituyiisya kubona mbwalubona lukwatano Leza. Leza wakaambila Hosea kukwata mukaintu wazyina lya Gomeri, walo iwakali kuyooba “mukaintu muvwuule” alimwi iwakali kuyooba “abana bamubuvwuule.” Gomeri alimwi a Hosea bakazyala mwana musankwa. (Hos. 1:2, 3) Mukuya kwaciindi, Gomeri wakazyala mwana musimbi alimwi amusankwa, boonse bobilo kulibonya kuti bakali bamusyokwe. Nokuba kuti Gomeri wakacita bumambe cakwiinduluka-induluka, Hosea tanaakamuleka pe. Kumamanino, Gomeri wakamusiya Hosea akuba muzike. Nokuba boobo, Hosea wakamupilusya. (Hos. 3:1, 2) Jehova wakabelesya Hosea kutondezya mbuli mbwaakalekelela Israyeli cakwiinduluka-induluka akaambo kakutasyomeka kulinguwe akukomba baleza bambi. Ncinzi ncotukonzya kwiiya kuzwa kulukwatano lwa Hosea?\\n13 Ikuti umwi wabanabukwetene Munakristo wacita bwaamu, ooyo uusyomeka weelede kusala cakucita. Jesu wakaamba kuti ooyo uusyomeka ulijisi kaambo kalimvwisya kakulekana angobakwetene limwi alimwi akwaanguluka kukwata naa kukwatwa kumbi. Kulubazu lumbi, ooyo uusyomeka ulakonzya kumulekelela ngobakwetene limwi. Kucita boobo takuli kulubizya. Hosea wakamujola Gomeri. Ciindi Gomeri naakajokela kuli Hosea, tanaakeelede koonana amwaalumi uumbi uuli woonse. Hosea kunyina ‘naakali koonana’ a Gomeri kwaciindi cili mbocibede. (Hos. 3:3, bupanduluzi buyungizidwe.) Pele mukuya kwaciindi, kweelede kuti Hosea wakatalika alimwi koonana anguwe, eeci citondezya mbwaakalibambilide Leza kubatambula alimwi bantu bakwe alimwi akuzumanana kuba acilongwe ambabo. (Hos. 1:11; 3:3-5) Ino eeci cituyiisya nzi kujatikizya lukwatano mazuba aano? Ikuti ooyo uusyomeka watalika alimwi koonana angobakwetene limwi uutasyomeki, eeco citondezya kuti ooyo uusyomeka wamulekelela ngobakwetene limwi. (1Kor. 7:3, 5) Mpoonya kucinoonyina kaambo kalimvwisya ikeelede kubapa kulekana. Kuzwa waawo, banabukwetene beelede kubeleka canguzu kulubona mbwalubona Leza lukwatano.\\nAMULULEMEKE LUKWATANO NOKUBA KUTI LULI MUMAPENZI\\n14. Kweelana alugwalo lwa 1 Bakorinto 7:10, 11, ncinzi cikonzya kucitika mulukwatano?\\n14 Banakristo boonse beelede kusolekesya kululemeka lukwatano, mbubwenya buyo Jesu alimwi a Jehova mbobacita. Nokuba boobo, bamwi balaalilwa kucita boobo, akaambo kakuti bantu tabalondokede. (Rom. 7:18-23) Aboobo, taceelede kutugambya kuti Banakristo bamwi mumwaanda wamyaka wakusaanguna lukwatano lwabo lwakali mumapenzi. Paulo wakalemba kuti “mukaintu teelede kwaandaana amulumaakwe”; pele zimwi ziindi eeci cakali kucitika.—Amubale 1 Bakorinto 7:10, 11.\\nNcinzi cikonzya kucitwa kutegwa lukwatano luli mumapenzi luzumanane? (Amubone muncali 15)\\n15, 16. (a) Nokuba kuti lukwatano lujisi mapenzi, makanze nzi ngobeelede kuba angawo banabukwetene, alimwi nkaambo nzi? (b) Mbuti eeci mbocikonzya kubeleka ikuti umwi wabanabukwetene katali mubelesi wa Jehova?\\n15 Paulo kunyina naakapandulula icakali kupa kuti banabukwetene kabaandaana. Mucikozyanyo, penzi tiilyakali akaambo kakuti mulumi wakacita bwaamu, calo cakali kukonzya kupa mukaintu kaambo kalimvwisya kuti balekane alimwi akukwatwa kumbi. Paulo wakalemba kuti mukaintu iwakaandaana amulumi wakwe wakeelede ‘kutakwatwa, ikuti kakutali boobo apilukile akuyanzana amulumaakwe.’ Aboobo mumeso aa Leza, bantu aaba bacikwetene. Paulo wakakulwaizya kuti tacikwe makani amapenzi ngobakonzya kujana banabukwetene, ikuti naa kunyina wacita bwaamu, makanze aabo ayelede kuba akuyanzana alimwi. Beelede kulomba lugwasyo kubaalu bambungano. Nokuba kuti baalu tabalemeneni kubbazu lyomwe, balakonzya kupa lulayo lwamu Magwalo ilugwasya.\\n16 Kulakonzya kuba buyumu-yumu kapati ikuti umwi wabanabukwetene katali mubelesi wa Jehova. Kuti kwaba mapenzi mulukwatano lwabo, sena kwaandaana nenzila iikonzya kumana mapenzi? Kweelana ambotwabona, Magwalo aamba kuti bwaamu nkakaambo kalikke kazumizya banabukwetene kulekana, pele taambi twaambo tukonzya kupa banabukwetene kwaandaana. Paulo wakaamba kuti: “Ikuti mukaintu kajisi mulumi uutasyomi, pele kalisungwide kukkala anguwe, atamusiyi pe mulumaakwe.” (1Kor. 7:12, 13) Majwi aaya alabeleka amazuba aano.\\n17, 18. Nkaambo nzi Banakristo bamwi ncobazumanana kukkala antoomwe nokuba kuti mulukwatano lwabo kuli mapenzi?\\n17 Nokuba boobo, kulaba ziindi zimwi “mulumi uutasyomi” natondezya kuti ‘talisungwide kukkala anguwe.’ Ambweni ulamuuma, cakuti ulimvwa kuti buumi bwakwe bwaba muntenda. Ambweni ulakaka kumulanganya alimwi amukwasyi naa kumukasya kucita zintu zyakumuuya. Mubukkale buli boobu, Banakristo bamwi basala kuti, tacikwe makani ancakonzya kwaamba ngobakwetene limwi, walo ‘talisungwide kukkala anguwe’ alimwi akuti cileelela kwaandaana. Pele Banakristo bamwi nokuba kuti bali mubukkale bukatazya kapati tiibacita oobo; baliyumya alimwi basolekesya kubeleka canguzu kubambulula zintu. Nkaambo nzi ncobacitila boobo?\\n18 Mubukkale oobu nokuba kuti banabukwetene baandaana, bacikwetene. Alimwi boonse bobilo balajana buyumuyumu, kweelana ambotwabona kale. Mwaapostolo Paulo wakapa kaambo akambi ikeelede kupa banabukwetene kuzumanana kukkala antoomwe. Wakalemba kuti: “Mulumi uutasyomi ulasalazyigwa akaambo kamukaintu wakwe, awalo mukaintu uutasyomi ulasalazyigwa akaambo kamukwesu; nikwatali boobo bana banu nobasofweede, pele lino balasalala.” (1Kor. 7:14) Banakristo basyomeka banji bazumanana kukkala angobakwetene limwi uutasyomi nomuba mubukkale bukatazya. Balikkomene akaambo kakuti kwiinda mukucita boobo mukuya kwaciindi ngobakwetene limwi wakatalika kubelekela Jehova.—Amubale 1 Bakorinto 7:16; 1Pet. 3:1, 2.\\n19. Nkaambo nzi ncokuli banabukwetene banji ibazwidilila mumbungano ya Bunakristo?\\n19 Jesu kuli ncaakaamba kujatikizya kulekana, alimwi awalo mwaapostolo Paulo wakapa lulayo ilwakasololelwa amuuya kujatikizya kwaandaana. Boonse bobilo bakali kuyanda kuti babelesi ba Leza kabalulemeka lukwatano. Munyika yoonse mazuba aano, kuli banabukwetene banji mumbungano ya Bunakristo ibazwidilila mulukwatano lwabo. Ambweni mulakonzya kubajana banji mumbungano momuzulilwa. Lukwatano lwabo lubambidwe abakwesu basyomeka balo ibabayanda bamakaintu babo ibalyaabide alimwi ibatondezya luyando mulukwatano, boonse balatondezya kuti lukwatano lweelede kulemekwa. Tulakonzya kukkomana kuti bantu banji balatondezya mbwaali aamasimpe majwi a Leza aakuti: “Akaambo kaceeci mwaalumi uyoosiya bausyi abanyina akukakatila kumukaintu wakwe, eelyo aaba bobilo bayooba mubili omwe.”—Ef. 5:31, 33.\\nMabala Amusale naa muyanda kukkopa zyakamwaigwa izyakalekkoodwa NGAZI YAMULINDIZI—YAKWIIYA December 2018","num_words":2237,"character_repetition_ratio":0.076,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Luka 1 MMJL - Kuli ulemekwa Teyofilasi, nikuba ati - Bible Search\\n1Kuli ulemekwa Teyofilasi, nikuba ati bantu banji banji bakasoleka kulemba makani aashintu shesho shakacitika akati kesu, 2bakalemba kwiingainya umbutwakashimwinwa ubakamboni bakabona shintu shesho kuhwa kumakancilo, ulimwi bakaakukambauka wezo Mulumbe. 3Inzho uulemekwa Teyofilasi, shintu shoonse sheshi ndakashibuzhabuzha kabotu kabotu mbuli mbushilungene lungene kuhwa ciindi nishakakanka kucitika, ubobo ndazanda ati nshilembe. 4Ndacita bobo kwaamba uzhibe lushinizho mutwaambo toonse ntuwakayiishiwa.\\nKuzhalwa kwa Johani kwaambilizhiwa\\n5Kuciindi mwami Heloda naakaakulela cishi ca Judaya, kakuli mupaizhi wakaakutewa ati Zakaliya, kali wa mukabunga kabapaizhi kana Abija. Zakaliya katwele mukaintu uutewa ati Lizabeti wamukowa waka Aloni. 6Boonse bobile kabali bantu bateelela Leza, kabeenda mumalailile ukucilila Milawo ya Leza yoonse. 7Pele kabaina mwana, nkaambo Lizabeti katazhali ulimwi boonse bobile kabali bacembele.\\n8Bumwi buzuba, Zakaliya kali muŋanda ya Leza kucita mulimo wakwe wabupaizhi, nkaambo kabuli bulizhi bwankamu yakwe. 9Inzho kwiingainya uciyanza ca bapaizhi, bakasala Zakaliya kwaamba abe nguuya muŋanda ya Leza kutenta tununcilizho mubusena busalala. 10Inkamu ya bantu keesheele ansengwe ilakomba ciindi Zakaliya naakaakutenta tununcilizho. 11Ngoonaawo Zakaliya wakabona anjelo wa Mwami, ulizhimine kuluya lwacilyo lwa cipaililo aakaakutentelwa tununcilizho. 12Ceci cakamuzhinga Zakaliya, ulimwi wakatiya cini cini. 13Pele anjelo wakamwaambila ati, “Utatiyi Zakaliya! Leza wateelela kukomba kwako, mwinako Lizabeti ulakakuzhalila mwana mweembezhi wezo nguukaaulika ati Johani. 14Kulakaba kubotelwa ukutangala cini cini, ubantu banji banji balakabotelwa ukaambo kakuzhalwa kwakwe! 15Wezu mwana ulakaba mulemu kubushu bwa Leza, ulimwi takanwi waini pe, nishiba shimwi shikola, ulakakwata insana sha Moza Usalala kacili mwifwu lyakabaina. 16Wezu muntu ulakacita kwaamba ba Izilaili banji banji bazhoce ku Mwami Leza wabo. 17Inzho Johani nguukaasololela Mwami Jeso, ulimwi ulakaakukwete insana sha Moza shili ukoya shaakaakukwete mushinshimi Elija. Ulakaleta kuteelezhanya akati kabana ubamaushabo, ulakalulamika bantu bataluleme kwaamba babe umizeezo mibotu, ulakacita bantu ba Mwami kwaamba balibambile.” 18Zakaliya wakamubuzha anjelo ati, “No ndazhiba buti ati nciwaamba cilakacitika? Nkaambo ndakomena, aze mwinangu mucembele.”\\n19Anjelo wakamwiingula ati, “Ndime Gabuliyele! Mutwanga wa Leza uuzhima kubushu bwakwe ciindi coonse. Wantuma kwaamba nzhize nkwaambile aza makani. 20Inzho ulaba shicintaamba, ubobo tuukwaamba kushicila sheshi shintu shikacitice nkaambo wiina kwaashoma mazwi angu aza akaacitika kuciindi ceelele.”\\n21Kuciindi ceco bantu kabamulindila Zakaliya, bakakanka kubuzhanya ati, “No nkaambonzhi wamuka kuhwa muŋanda ya Leza?” 22Naakamuhwa, wakakacilwa kwaamba, wakakanka kutambaika matashi cakutaamba linji, ubobo bantu bakashimpicila kuzhiba ati wabona cilengaano muŋanda ya Leza.\\n23Bulizhi bwakwe bwakusebeza muŋanda ya Leza nibwakamana, Zakaliya wakaya kwakwe. 24Inzho nikwakaita mazuba, Lizabeti wakamita, amane wakaliseseka kubantu kwa myezhi yosanwe, 25ulaamba ati, “Inzho Mwami wamfwila luse nkaambo wantaba, wankusha insoni kubantu!”\\nAnjelo Gabuliyele waamba Kuzhalwa kwa Jeso\\n26Nikwakaita mwezhi iili cisambomwi yakumita kwa Lizabeti, Leza wakatuma anjelo Gabuliyele kuya ku Nazaleta mucishi ca Galilaya. 27Wakamutuma kunakalindu wakaakuseselwe kumulombwana uutewa ati Jasefwa waluhubo lwa Devidi, izhina lyanakalindu wezo kali Maliya. 28Anjelo wakeza kwakwe wamwaambila ati, “Uwe umulonjezhe, Mwami Leza abe aze.” 29Maliya naakaateelela aza mazwi wakazhingwa cinicini, wakalibuzha umonzo wakwe ati, “Anu nkwaanzha kuli buti koku?” 30Inzho anjelo wakamwaambila ati, “Utatiyi Maliya, Mwami Leza wakufwila luse. 31Bona, ulakamita ukuzhala mwana mweembezhi, ulakamuulika izhina lya Jeso. 32Ulakaba mulemu, ulakaakutewa ati mwanakwe Namakungwe Mutalabala. Mwami Leza ulakamupa bwami buli ukoya mbwaakaakubele Devidi ushi, 33ulakaba muleli wamushobo wa Izilaili shikwense uushikwense, bulelo bwakwe tabukamana!”\\n35Anjelo wakamwiingula ati, “Moza Usalala ulakeza alyuuwe, iinsana sha Leza wamwizeulu shilakakuhumba. Wezo nguukaazhala Uusalala ulakaakutewa ati Mwanakwe Leza. 36Sa ulamuzhibaluka Lizabeti musazhinoko welya ngubakaakwaamba ati tazhali? Inzho ulimishi mwana mweembezhi umbucembele bwakwe. Mwezhi weno ngwacisambomwi. 37Nkaambo kwiina cikaka kwa Leza.”\\n38Maliya wakaamba ati, “Ume ndimuzhice wa Mwami, acibe kwangu mbubona mbuwaamba.” Ngoonaawo anjelo wakamushiya.\\n39Kwiite mazuba mashoonto, Maliya wakabweza lweendo cakubindaana kuya kumunzhi uuli mumapili mucishi ca Judaya. 40Wakaya kunjila muŋanda yaka Zakaliya, wakamwaanzha Lizabeti. 41Inzho Lizabeti nakateelela kwaanzha kwa Maliya, mwana wakaakuli mwifwu lyakwe, wakasamba cakubotelwa. Ngoonaawo Lizabeti wakeendelezhewa uMoza Usalala, 42wakapozomoka ati, “Ulikwete coolwe uwe akati kabakaintu boonse, umwana ngukaazhala ulikwete coolwe! 43Anu ndime ni iinkonzha kuswayiwa kwa baina Mwami wangu? 44Mbuwaŋanzhizha bulyo, aze mwana uuli mwifwu wasamba cakubotelwa. 45Ulikwete coolwe nkaambo wakashoma ati, makani aLeza nguwakaambilwa alishinizhe alakacitika.”\\n“Ndakulumba Mwami mumonzo wangu.\\n47Moza wabotelwa cini cini nkaambo ka Leza mufwutuli wangu,\\n48ukuti wazhibaluka kulicesha kwangu, ume ndimuzhice wakwe.\\nInzho mazhalane oonse alakenta ati, uuli coolwe,\\n50Wakatondezha luse kubantu boonse bamulemeka, kukancila kwizhalane limwi kushicila kuli limwi.\\n51Wakacita shintu shizoosha iitashi lyakwe, ukwaandaanya bantu bakwete mizeezo yamatunta mumyonzo yabo.\\n52Wabakusha baleli bashinsana mushuuna shabo ukusumpula balibonzha.\\n54Wacibamba cishomezho ncaakashomezha kuli bashaakale besu,\\n55Wazhibaluka kuba shiluse kwa shaakale wesu Abulahamu\\nukulunungu lwakwe luzhiza shikwense ushikwense.”\\n56Maliya wakakala uLizabeti kwamyezhi iitiikabe yotatwe, amane wakapiluka kwakwe.\\n57Ciindi nicakashika caka Lizabeti cakutumbuka, wakazhala mwana mweembezhi. 58Bashimukobonina ubasazhiina nibakateelela Mwami mbwaakatondezha luse kwa Lizabeti, boonse bakasecelela antoomwi.\\n59Inzho mwana naakakwanya mazuba aali lusele, bakeza kwaamba bamupalule. Kabazanda kumuulika izhina lya ushi, ati ngu Zakaliya. 60Pele baina wakaamba ati, “Peepe! Izhina lyakwe ngu Johani.”\\n63Ngoonaawo Zakaliya wakalomba shakulembela kwiita mukutambaika matashi amane walemba ati, izhina lyakwe ngu Johani. Awo bantu boonse bakazhingwa. 64Mbwaakamanina bulyo kulemba, Zakaliya wakakanka kwaamba ulimwi ukutembaula Leza. 65Beenzhiina boonse bakatiya cini cini, umakani aza akayeempuwo mucishi coonse ca maapili aa Judaya. 66Boonse babo bakateelela sheshi shintu bakashibika kumyonzo yabo, bakaabuzhanya ati, “Anu wezu mwana ulakaba muntu uuli buti?” Nkaambo cakalibonya kwaamba ati, insana sha Leza kashili aze.\\nKushinshima kwa Zakaliya\\n67Zakaliya ushi Johani, wakeendelezhewa uMoza Usalala, wakashinshima ati,\\n69Wakatupa mufwutuli shinsana kwiza kutufwutula, wakahwa mulunungu lwaka Devidi.\\n70Umbona mbwaakaamba kwiita mubashinshimi bakwe bakalekale basalala.\\n71Wakaamba ati, ulakatufwutula kuhwa mumatashi aabashinkondonokwesu, ubabo batuswile.\\n72Wakaamba ati ulakabacitila luse baushesu bakalekale, ulimwi takaluba cihuminano cakwe cisalala.\\n73Ncakapinga kumuzhali wesu Abulahamu, ukutushomezha ati,\\n74ulaatuhuna kumatashi aabashinkondonokwesu kwaamba tukamusebezele cakubula bukandu,\\n75ukweenda cabusalazhi ubululami, kwaamba tube basalazhi ubalulami kumazuba oonse aabumi bwesu.\\n76Uwe umwanangu ulakatewa ati, mushinshimi wa Namakungwe Mutalabala, ulakasololela Mwami kumululamicile inzhila yakwe.\\n77Ulakazhibya bantu bakwe kwaamba balakafwutulwa ukulecelelwa shibi shabo.\\n79ulakamunicila bantu boonse bashite mumushinze umucinhule ca lufwu, ukutusololela muluumuno.”\\n80Inzho Johani wakakomena kumubili uku Moza. Wakaakukala mulukula kushicila kubuzuba naakakanka milimo yakwe kubanabuleya mu Izilaili.","num_words":915,"character_repetition_ratio":0.043,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nkaambo Nzi Bakamboni ba Jehova Ncobaibaluka Lufwu lwa Jesu? | Mubandi\\nNgazi Yamulindizi | April 2015\\nAMUBALE MU Afrikaans Albanian Amharic Arabic Armenian Aymara Azerbaijani Azerbaijani (Cyrillic) Batak (Toba) Bicol Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chokwe Cibemba Croatian Czech Danish Dutch Efik English Estonian Ewe Finnish French Ga Garifuna Georgian German Greek Greenlandic Guarani Gun Haitian Creole Hausa Hebrew Hiligaynon Hiri Motu Hungarian Icelandic Igbo Iloko Indonesian Isoko Italian Japanese Kazakh Kikamba Kikaonde Kikongo Kikuyu Kiluba Kimbundu Kinyarwanda Kirghiz Kirundi Kisonge Kongo Korean Krio Kwangali Kwanyama Lingala Lithuanian Luganda Luo Luvale Macedonian Malagasy Mam Maya Mazatec (Huautla) Mixe (North Central) Myanmar Nahuatl (Central) Nahuatl (Huasteca) Nahuatl (Northern Puebla) Ndebele Ndonga Nepali Ngabere Norwegian Nyaneka Nzema Oromo Ossetian Otetela Pangasinan Papiamento (Aruba) Papiamento (Curaçao) Polish Portuguese Quechua (Bolivia) Quichua (Imbabura) Romanian Russian Sango Sepedi Serbian (Cyrillic) Serbian (Roman) Sesotho (Lesotho) Setswana Shona Sidama Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tahitian Tatar Thai Tigrinya Tiv Tlapanec Tok Pisin Totonac Tshiluba Tsonga Turkish Tuvaluan Twi Tzotzil Ukrainian Umbundu Venda Vietnamese Waray-Waray Xhosa Yoruba Zapotec (Isthmus) Zulu\\nNkaambo nzi Lufwu lwa Jesu Ncolweelede Kwiibalukwa?\\nMubandi uutobela utondezya Bakamboni ba Jehova mbobakonzya kubandika abasimukobonyina. Atweezyeezye kuti Kamboni uutegwa Mariya waunka kuŋanda yamukaintu wazina lya Mutinta.\\n“KAMUCITA OOBU LYOONSE KUTEGWA KAMUNDIYEEYA”\\nMariya: Mwabonwa ba Mutinta. Twakakkomana kumubona kumuswaangano wa Kwiibaluka lufwu lwa Jesu nsondo yainda. * Ino mwakalimvwa buti kujatikizya muswaangano ooyu?\\nMutinta: Ndakakkomana kujanika kumuswaangano ooyu, lino kwaamba masimpe tiindakazimvwisya zyoonse izyakali kwaambwa. Inga ndilamvwa bantu nobasekelela kuzyalwa kwa Jesu mubuzuba bwa Kkilisimasi alimwi akubuka kwakwe mubuzuba bwa Isita, pele tandinamvwide muntu wiibaluka lufwu lwakwe.\\nMariya: Masimpe kuti Kkilisimasi alimwi a Isita mapobwe aadumide kapati munyika yoonse. Pele Bakamboni ba Jehova balimvwa kuti cilayandika kapati kwiibaluka lufwu lwa Jesu. Ikuti kamujisi ciindi, inga ndakkomana kuti tubandike kaambo ncobacitila boobo.\\nMutinta: Cili buyo kabotu, inga twabandika.\\nMariya: Bakamboni ba Jehova balaibaluka lufwu lwa Jesu nkaambo wakalailila basikumutobela kuti kabacita oobo. Atulange-lange cakacitika masiku katanafwa Jesu. Sena mulayeeya kuti wakabamba cakulya caalubazu ncaakalya antoomwe abasikumutobela basyomeka?\\nMutinta: Sena mwaamba Mulalilo wa Mwami?\\nMariya: Inzya, ngondaamba. Aciindi ca Mulalilo wa Mwami, Jesu wakapa basikumutobela malailile aasalede. Ndamulomba kuti mubale majwi aali mulugwalo lwa Luka 22:19.\\nMutinta: Oowo. Lwaamba kuti “Alimwi wakabweza mukamu, wakalumba, wakaukomauna akubapa, ulaamba: ‘Eeci ciiminina mubili wangu uupegwa akaambo kandinywe. Kamucita oobu lyoonse kutegwa kamundiyeeya.’”\\nMariya: Ndalumba. Amubone malailile aa Jesu kumamanino aakapango aaka: “Kamucita oobu lyoonse kutegwa kamundiyeeya.” Katanapa malailile aakumuyeeya kuli basikumutobela, Jesu wakacisalazya ncobakeelede kuyeeya kujatikizya nguwe. Wakaamba kuti buumi bwakwe bwakali kuyakwaabwa akaambo kabasikumutobela. Jesu wakawaamba muzeezo uukozyene ayooyu uulembedwe mulugwalo lwa Matayo 20:28. Lugwalo oolu lwaamba kuti: “Mbubonya Mwanaamuntu mbwaakaboola, ikutali kuzoobelekelwa, pele kuzoobeleka akupa buumi bwakwe kuti bube cinunuzyo cakununuzya banji.” Mubufwaafwi, aaka nkakaambo Bakamboni ba Jehova ncobabunganina mwaka amwaka mubuzuba mbwaakafwa Jesu—ikuyeeya cipaizyo cacinunuzyo ncaakapa Jesu. Lufwu lwakwe inga lwabafwutula boonse bamumvwida.\\nNKAAMBO NZI CINUNUZYO NCOCAKALI KUYANDIKA?\\nMutinta: Inga ndilamvwa bantu nobaamba kuti Jesu wakafwa kutegwa tube abuumi. Pele kwaamba masimpe, cilandikatazya kucimvwisya eeci.\\nMariya: Tamuli nyolikke nomulimvwa boobo ba Mutinta. Makani aamba zyacinunuzyo ca Jesu ajatikizya zinji. Pele ali akati kamakani mabotu aakasimpe aali mu Jwi lya Leza. Ndalilubide, sena mucijisi ciindi cakuti tuzumanane kubandika?\\nMutinta: Inzya, nkocicili asyoonto.\\nMariya: Cabota. Caino-ino ndakali kubala makani aamba zyacinunuzyo, ndilasola kwaapandulula munzila nguba-uba.\\nMutinta: Oowo, amuzumanane.\\nMariya: Kutegwa tucimvwisye cinunuzyo, cakusaanguna tweelede kuzyiba bukkale mbobwakazooba ciindi ba Adamu a Eva nobakabisya mumuunda wa Edeni. Lino kutegwa tutumvwisye twaambo tujatikizyidwe, atubale lugwalo lwa Baroma 6:23. Ndalomba kuti mulubale.\\nMutinta: Oowo. Lwaamba kuti: “Cakuvwola cacibi ndufwu, pele cipego ncapa Leza mbuumi butamani kwiinda muli Kristo Jesu Mwami wesu.”\\nMariya: Ndalumba. Atwaalange-lange majwi aaya. Cakusaanguna, amubone kapango mbokatalika: “cakuvwola cacibi ndufwu.” Ooyu mulawo uutakatazyi, Leza ngwakaambila muntu kuzwa kumatalikilo, nkokuti cakuvwola, naa cisubulo cacibi ndufwu. Bwini mbwakuti, kumatalikilo taakwe muntu wakali sizibi. Ba Adamu a Eva bakalengwa kabalondokede, alimwi abalo bana babo nokunga bakazyalwa kabalondokede. Aboobo nokwali kunga kunyina kaambo muntu ncayelede kufwida. Ba Adamu a Eva antoomwe abana babo boonse bakajisi bulangizi bwakupona kukabe kutamani kabakkomene. Pele mbubwenya mbotuzyi, zintu tiizyakacitika boobo pe.\\nMutinta: Inzya. Ba Adamu a Eva bakalya mucelo wakakasyidwe.\\nMariya: Mbombubo. Aboobo nobakacita oobo—nkokuti ciindi nobakasala kutamvwida Leza—bakabisya. Munzila imwi inga twaamba kuti, bakasala kutalondoka, kuba basizibi. Kusala ooko kwakali kuyooleta mapenzi aataambiki, kutali buyo kuli ba Adamu a Eva balikke, pele akubana babo boonse.\\nMutinta: Oowo, ino muubuti?\\nMariya: Andiza amuleke ndibelesye cikozyanyo. Sena mulacikkomanina kupanga zinkwa?\\nMutinta: Inzya! Ndilacikkomanina kapati.\\nMariya: Atwaambe kuti mwakaula mpani mbotu yakupangila zinkwa. Kamutanaibelesya nociba ciindi comwe, mpani eeyo kwajanika kuti yaloka ansi kumane yapoonkana kapati. Ino muyeeya kuti ncinzi cikonzya kucitika kuzinkwa nzyomwapangila mumpani eeyo? Sena azyalo zinkwa eezyo tazikonzyi kubbookela naa?\\nMutinta: Inga zyabbookela.\\nMariya: Mbubwenya buyo, ciindi ba Adamu a Eva nobakasala kutamvwida Leza, “bakabbookela” naa kuba akampenda kacibi alimwi akutalondoka. Alimwi akaambo kakuti bakaba basizibi kabatanazyalwa bana babo, nkokuti bana babo boonse abalo bakali kuyoozyalwa “kababbookede.” Boonse bakali kuyoozyalwa kabali mucibi. Mu Bbaibbele, ibbala lyakuti “cibi” talyaambi buyo mucito, pele alimwi lyaamba kuba muciimo ncotwakakona. Aboobo cakacitika ncakuti nokuba kuti nywebo andime taakwe cibi cili coonse ncotwakacita—alimwi tiitwakaningazyalwa ciindi ba Adamu a Eva nobakabisya—bakatusowela mumapenzi kubikkilizya alunyungu lwabo loonse alimwi alunyungu lwesu kubuumi bwakutalondoka alimwi acibi calo cisololela kulufwu. Mbubwenya mbotubala mulugwalo lwa Baroma 6:23, cakuvwola cacibi ndufwu.\\nMutinta: Kuboneka kuti eeci taciluleme pe. Ino nkaambo nzi bantu boonse ncobeelede kupenga kukabe kutamani akaambo kacibi caba Adamu a Eva?\\nMariya: Mwaamba kabotu—masimpe taciboneki kululama pe. Pele kuli twaambo atumbi kunze lyakaaka. Mubululami bwakwe bulondokede, Leza wakasala kuti ba Adamu a Eva bafwe akaambo kazibi zyabo, pele swebo tobana babo twakapegwa bulangizi. Leza wakatupa nzila yakuti tunununwe kubukkale oobu bukatazya. Lino aawa mpampawo cinunuzyo ca Jesu mpociboolela. Amubone alimwi lugwalo lwa Baroma 6:23 ncolwaamba. Nolwamana kwaamba kuti “cakuvwola cacibi ndufwu,” kapango kalazumanana kwaamba kuti: “Pele cipego ncapa Leza mbuumi butamani kwiinda muli Kristo Jesu Mwami wesu.” Aboobo lufwu lwa Jesu ndolujalula nzila yakuti twaangununwe kucibi alufwu. *\\nCINUNUZYO—CIPEGO CA LEZA CIPATI KWIINDA ZYOONSE\\nMariya: Kuli kaambo akamwi mukapango aaka nkondiyanda kumutondezya.\\nMutinta: Oowo, ino nkaakali?\\nMariya: Amubone kuti kapango kaamba kuti: “Cipego ncapa Leza mbuumi butamani kwiinda muli Kristo Jesu Mwami wesu.” Ikuti naa Jesu nguwakapenga akutufwida, ikwaaba buumi bwakwe kutegwa tufwutulwe, nkaambo nzi kapango ncokaamba kuti cinunuzyo ‘ncipego ncapa Leza.’? Nkaambo nzi ncokataambi kuti “cipego ncapa Jesu”? *\\nMutinta: Mm. Aawo tandizyi.\\nMariya: Oowo, ncotweelede kuyeeya ncakuti, Leza wakalenga Adamu a Eva, alimwi ngu Leza ngobakabisyila ciindi nobatakamvwida mumuunda wa Edeni. Kweelede kuti cakamucisa kapati ciindi bana bakwe bobilo bakusaanguna nobakamuzangila. Pele cakutasowa ciindi Jehova wakaamba nzila yakali kuyoogwasya. * Wakasyomezya kuti cimwi akati kazilenge zyakwe zyamuuya, cizoopona anyika mbuli muntu uulondekede mpoonya akwaaba buumi bwakwe kacili cinunuzyo. Aboobo inga twaamba kuti bubambe bwacinunuzyo ncipego cizwa kuli Leza. Kuli nzila aimwi iitondezya kuti cinunuzyo ncipego ca Leza. Sena kuli nomwakayeeyede kale Leza mbwaakalimvwa ciindi Jesu naakajaigwa?\\nMutinta: Peepe, tandinayeeyede oobo pe.\\nMariya: Kuli tudooli ntondabona mulubuwa lwanu. Kweelede kuti mulijisi bana.\\nMutinta: Inzya, ndilijisi bobilo—musankwa amusimbi.\\nMariya: Mbomuli bazyali, amuciyeeyele buyo Bausyi Jesu bakujulu, nkokuti Jehova Leza mbwaakalimvwa buzuba Jesu mbwaakafwa. Ino muyeeya kuti Leza wakalimvwa buti naakali kulangilila kuzwa kujulu mwanaakwe ngwayandisya naakaangwa, kufwubaazyigwa, alimwi akuumwa? Alimwi ino Bausyi bakalimvwa buti ciindi Mwanaabo naakagagailwa kucisamu akusiigwa kuti afwe lufwu lucisa kapati?\\nMutinta: Tandinayeeyede oobo pe! Kweelede kuti cakamucisa kapati.\\nMariya: Bwini mbwakuti, tatukonzyi kwaamba bwini mbwaakalimvwa Leza buzuba obuya. Pele tulizyi kuti kuli mbwalimvwa, alimwi tulizyi kaambo ncaakazumizya kuti zyoonse eezyi zicitike. Kaambo kalapandululwa cakusalazya mulugwalo luzyibidwe kapati lwa Johane 3:16. Sena inga mwalubala lugwalo oolu?\\nMutinta: Inzya. Lwaamba kuti: “Leza wakaiyanda kapati nyika cakuti wakapa Mwanaakwe simuzyalwaalikke, kutegwa muntu uuli woonse uumusyoma atanyonyoonwi, pele abe abuumi butamani.”\\nCinunuzyo ncecipego caluyando ciinda zyoonse\\nMariya: Ndalumba. Amulange alimwi majwi aali kumatalikilo aakapango. Aamba kuti: “Leza wakaiyanda nyika.” Aaka nkakaambo kapati—luyando. Luyando lwakapa kuti Leza atume mwanaakwe anyika kuti azootufwide. Masimpe, cinunuzyo ncecipego caluyando ciinda zyoonse. Aboobo eeco ncencico Bakamboni ba Jehova ncobaswaanganina mwaka amwaka mubuzuba oobo kwiibaluka lufwu lwa Jesu. Sena mubandi ooyu kuli mbowamugwasya?\\nMutinta: Inzya, mubandi wandigwasya. Ndalumba kuti twabandika makani aaya antoomwe.\\nSena kuli mubuzyo wamu Bbaibbele ngomwakalibuzya kale? Sena mulayandisisya kuzyiba njiisyo zimwi nzyobasyoma naa mbobakomba Bakamboni ba Jehova? Ikuti kacili boobo, mutakawayiwayi kubabuzya Bakamboni ba Jehova ciindi mwaakubabona. Bayookkomana kubandika andinywe kujatikizya makani aaya\\n^ par. 5 Ciindi comwe amwaka, Bakamboni ba Jehova balaswaangana buzuba mbwaakafwa Jesu kutegwa baibaluke cinunuzyo ncaakapa. Mwaka uno, buzuba oobo bwakali mu, April 3.\\n^ par. 32 Cibalo iciyooboola kumbele cazibalo eezyi zitobelene ciyoolanga-langa cinunuzyo ca Jesu mbocitwaangulula kucibi, alimwi ancotukonzya kucita kutegwa tukagwasyigwe acinunuzyo.\\n^ par. 36 Kweelana ambolyaamba Bbaibbele, Leza alimwi a Jesu baliindene. Kutegwa mujane twaambo atumwi, amubone cibalo 4 cabbuku lyakuti Ino Ncinzi Cini Bbaibbele Ncoliyiisya? ilyakamwaigwa a Bakamboni ba Jehova.\\n^ par. 38 Amubone Matalikilo 3:15.\\nBantu banji baliizyi njiisyo yakuti Jesu wakafwa kutegwa tube abuumi. Pele ino mbuti lufwu lwakwe mbolutugwasya?\\nMAKANI AAYEEME AMUTWE UULI ACIVWUMBYO Nkaambo nzi Ncomweelede Kwiiya Bbaibbele?\\nBubambe Bwakwiiya Bbaibbele Bwabantu Boonse\\nIBBAIBBELE LILAKONZYA KUBACINCA BANTU Mibuzyo Yotatwe Yakacinca Buumi Bwangu\\nCintu Ciyandisi Cajanwa Mumafwuse\\nMUBANDI AMUKAMWINI ŊANDA Nkaambo nzi Lufwu lwa Jesu Ncolweelede Kwiibalukwa?\\nMabala Amusale naa muyanda kukkopa zyakamwaigwa NGAZI YAMULINDIZI April 2015 | Sena Mulayanda Kwiiya Bbaibbele?\\nApril 2015 | Sena Mulayanda Kwiiya Bbaibbele?\\nNGAZI YAMULINDIZI April 2015 | Sena Mulayanda Kwiiya Bbaibbele?\\nNkaambo nzi Ncotweelede Kulilingaula Bbaibbele?\\nSena Bakamboni ba Jehova balasyoma muli Jesu?","num_words":1459,"character_repetition_ratio":0.059,"word_repetition_ratio":0.005,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"“Amuswiilile Eci Ciloto”​—Makani Aamba zya Josefa Abanabokwabo | Amwiiye Lusyomo Lwabo\\nAMUBALE MU Afrikaans Albanian Amharic Arabic Armenian Aymara Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Danish Dutch Efik English Estonian Ewe Finnish French Ga Georgian German Greek Guarani Gun Haitian Creole Hebrew Hiligaynon Hungarian Icelandic Igbo Iloko Indonesian Italian Japanese Kazakh Kikaonde Kikuyu Kiluba Kimbundu Kinyarwanda Kirghiz Kirundi Kongo Korean Krio Lingala Lithuanian Luganda Luo Macedonian Malagasy Maltese Maya Myanmar Nepali Ngabere Norwegian Nyaneka Nzema Ossetian Otetela Papiamento (Aruba) Papiamento (Curaçao) Persian Polish Portuguese Punjabi Quechua (Bolivia) Romanian Russian Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tatar Thai Tigrinya Tshiluba Tsonga Turkish Twi Ukrainian Umbundu Urdu Vietnamese Xhosa Yoruba Zapotec (Isthmus) Zulu\\nAMWIIYE LUSYOMO LWABO | JOSEFA\\n“Amuswiilile eci Ciloto”\\nJOSEFA wakalanga kujwe, kumwi kalombozya kubatija bantu mbaakali limwi. Kubusena ibwakali kunze aamalundu nkokwakali Horebu, munzi ookwabo. Bausyi ba Jakobo, bakali kuyoopiluka kuŋanda kumangolezya kabatazyi cacitika kumwanaabo ngobayandisisya. Pele Josefa kunyina naakali kuyoobabona lino; nkaambo ncaakazyi buyo musankwa ooyu ncakuti kunyina naakali kuyoobabona alimwi bausyi. Basambazi bakamulanga kumwi kabacaila nkamela mumugwagwa watakali kabotu iwakali kutozya kumbo. Bakalimvwa kuti lino Josefa wakali muntu wabo alimwi kunyina nobakali kuyoomuleka kuti abatije. Kulimbabo, musankwa ooyu wakali mbuli cintu ciyandisi cijisi zintu zinunkilila alimwi amafuta, nkokuti cintu cakusambala cidula icakali kuyoobapa mpindu ku Egepita.\\nJosefa ulangilwa kuti myaka yakwe yakuzyalwa tiiyakali kwiinda ku 17. Inga mweezeezya kalanga mujulu ooko zuba nkolyakali kubbilila kulubazu lwa Lwizi Lupati, kumwi kayeeya zintu mbozyakamucincila. Cakamukatazya kusyoma kuti banabokwabo bakatiimujaye alimwi akuti bakamusambala kuti abe muzike. Kweelede kuti cakamwaalila kuliyumya kuti atalili. Tanaakali kukonzya kuzyiba zintu mbozyakali kuyooba kumbele.\\nNokuba kuti Josefa tanaakajisi lwaanguluko pele wakali aalusyomo\\nIno mbuti Josefa mbwaakalijana mubukkale oobu bukatazya? Alimwi ncinzi ncotukonzya kwiiya kulusyomo lwamulombwana ooyu wakakakwa abanabokwabo?\\nJosefa wakazyalilwa mumukwasyi mupati, pele tiikwakali lukkomano alukamantano. Bbaibbele ncolyaamba kujatikizya mukwasyi wa Jakobo mbumboni busalede bwamapenzi aaboola akaambo kakukwata maali, nkokuti cilengwa Leza ncaakalekela akati kabantu bakwe kusikila ciindi mwanaakwe naakacitalisya alimwi cilengwa cakukwata mwanakazi omwe. (Matayo 19:4-6) Jakobo wakajisi bana babalilwa ku 14 kuzwa kubamakaintu bone, nkokuti bakaintu bakwe bobilo, Leya a Rakele alimwi ababelesi babo basimbi ba Zilipa a Biliha. Kuzwa kumatalikilo Jakobo wakali kumuyanda kapati mukaintu wakwe mubotu, Rakele. Tiicakali boobu kuli Leya, mupati wa Rakele walo ngwaakakwata kwiinda mukucengwa. Kutamvwana akati kabamakaintu aaba kwakazumanana, alimwi amunyono wakazumanana akati kabana babo.—Matalikilo 29:16-35; 30:1, 8, 19, 20; 37:35.\\nRakele tanaakali kuzyala kwaciindi cilamfwu, pele ciindi naakazyala Josefa, Jakobo wakali kumuyanda kapati mwanaakwe wakubucembele bwakwe. Mucikozyanyo, ciindi banamukwasyi nobakali kuunka kuyooswaangana amwanookwabo Jakobo, silunya Esau, Jakobo wakasinizya kuti Rakele a Josefa ooyo iwakacili mwana, balikwabilidwe kusyule. Kweelede kuti izyakacitika mubuzuba oobu bwakakatazyide zyakali kuyoomujatikizya Josefa lyoonse. Amweezeezye buyo mbwaakalimvwa buzuba oobo naakali kulibuzya kumwi kapwatude meso cakugambwa ikaambo bausyi bakacembeede pele ibakajisi nguzu lino ncobakali kusunkuta. Kweelede kuti cakamugambya naakazyiba ikaambo: Bausyi bakali kutingana amungelo singuzu masiku aakaindide! Ino nkaambo nzi? Nkaambo kakuti Jakobo wakali kuyanda cilongezyo kuzwa kuli Jehova Leza. Bulumbu mbwaakapegwa Jakobo, nkucincwa kwazina lyakwe kuba Israyeli. Cisi coonse cakali kuyakwiitwa azina lyakwe! (Matalikilo 32:22-31) Kumbele, Josefa wakazyiba kuti bana ba Israyeli mbebakali kuyooba bamatata ba cisi coonse eeci!\\nMukuya kwaciindi Josefa wakacitikilwa zintu zibyaabi kacili mulombe ciindi muntu ngwaakali kuyandisisya naakamusiya mukaindi buyo kasyoonto. Banyina bakafwa ciindi nobakali kutumbuka musyoonto wakwe, Benjamini. Bausyi bakausa kapati kujatikizya kusweekelwa ooku. Amweezeezye buyo mubuteteete Jakobo kasindula misozi ya Josefa kumwi kamuumbulizya kwiinda mukumwaambila bulangizi ibwakaumbulizya syaanene wakwe Abrahamu. Kweelede kuti Josefa cakamukulwaizya kuzyiba kuti Jehova wakali kuyoobabusya banyina bumwi buzuba! Alimwi buya ambweni Josefa wakaba aluyando lupati kujatikizya mbwali mwaabi “Leza . . wabaumi.” (Luka 20:38; Bahebulayo 11:17-19) Kuzwa ciindi naakafwa mukaintu wakwe, Jakobo lyoonse wakali kubayanda bana bakwe bobilo, mbaakazyala kuli Rakele.—Matalikilo 35:18-20; 37:3; 44:27-29.\\nBana banji balakonzya kupoila akaambo kakuyandwa kapati kuli boobu, pele Josefa wakaiya bube bunji mbobakajisi bazyali bakwe, alimwi wakaba alusyomo luyumu alimwi akuzyiba ciluzi alimwi acitaluzi. Kajisi myaka iili 17, wakali kubeleka mulimo wabweembezi, alimwi wakali kubagwasya banabokwabo bamwi ciindi nobakali kulubizya. Sena wakali kuumuna buyo kutegwa kababotelwa anguwe? Kufwumbwa naa cakali buti, wakali kucita ciluzi. Wakali kubaambila bausyi. (Matalikilo 37:2) Ambweni eeci ncaakacita ncecakapa kuti bausyi kabamuyanda kapati. Eelo kaka eeci ncikozyanyo cibotu bakubusi Banakristo ncobeelede kulanga-langa! Ciindi nobasunkwa kusisa cibi cipati ncaacita muntu, ambweni camwanookwabo naa camweenzinyina, ncamaano kumwiiya Josefa kwiinda mukubazyibya aabo ibakonzya kumugwasya ooyo wacita cibi.—Levitiko 5:1.\\nKuli azimwi nzyotukonzya kwiiya kujatikizya buumi mbwaakali kupona Josefa mumukwasyi. Nokuba kuti Banakristo mazubaano tabakwati naa kukwatwa mumaali, pele kuli mikwasyi iijisi bana bakujana. Boonse balakonzya kwiiya kumukwasyi wa Jakobo kuti kusalulula takukamantanyi mukwasyi pe. Bazyali basongo ibali mumukwasyi muli bana bakujana, balacita zyoonse nzyobakonzya kutegwa batondezye bana babo alimwi abaabo bakujana kuti balamuyanda umwi aumwi akuti aumwi ulijisi cileleko caalubazu ncakonzya kubelesya kupa kuti mumukwasyi kube lukkomano.—Baloma 2:11.\\nJakobo wakali kumuyanda Josefa akaambo kakuti wakali aalusyomo alimwi wakali mululami\\nAmbweni akaambo kakuti Josefa wakali sicamba mukucita zintu ziluzi, Jakobo wakamulemeka mwanaakwe musankwa. Wakamupangila jansi lyaalubazu mwanaakwe. (Matalikilo 37:3) Jansi eeli bamwi baliita kuti jansi lyamyeengo-myeengo naa jansi lyamabala-mabala, pele taakwe bumboni bunji butondezya busanduluzi buli boobu. Kweelede kuti lyakali lilamfwu alimwi lyeebeka lisika kumagolelo aamaanza alimwi aamaulu. Kuboneka kuti jansi eeli lyakali leelyo lisamwa abami naa bantu balemekwa.\\nMasimpe kuti Jakobo wakacita oobo kajisi makanze mabotu alimwi kweelede kuti Josefa wakabotelwa kutondezyegwa luyando luli boobu abausyi. Pele jansi eeli lyakali kuyoomuletelela. Amuyeeye kuti mulombwana ooyu wakali kubeleka mulimo wabweembezi. Eeci caamba kuti wakali kubeleka mulimo uukatazya azisani zitasumbuli. Lino amweezeezye buyo musankwa ooyu kasamide cisani cabwami eeci kumwi kayaabwiinda mubwizu bulamfwu, katanta mumabwe mapati, naa kugwisya kabelele kacegwa mumamvwa. Kuyungizya waawo, mbuti cisani eeci icakali kutondezya Jakobo mbwaakali kumuyanda mwanaakwe mbocakali kuyoojatikizya cilongwe cakwe abanabokwabo?\\nBbaibbele liingula kuti: “Pele bakulana bakwe, nebakabona kuti wisi ulamuyandisya kwiinda beenzinyina, bakamusula, kabataamba caluumuno kulinguwe.” * (Matalikilo 37:4) Tulakonzya kumvwisya kaambo ncobakamufwida munyono, pele tiicakali camaano kubanabokwabo Josefa kuba abube bubi buli boobu. (Tusimpi 14:30; 27:4) Sena kuli nomwakaba kale amunyono akaambo kakuti umwi wabikkilwa kapati maano naa kupegwa bulemu mbomwali kuyanda? Amuyeeye banabokwabo Josefa. Cikozyanyo cabo ciyiisya Banakristo boonse kuti ncamaano ‘Kukondwa abaabo bakondwa.’—Baloma 12:15.\\nJosefa wakabona kuti banabokwabo tiibakali kumuyanda. Pele sena wakalisisa jansi lyakwe lyeebeka ciindi banabokwabo nobakali afwaafwi? Kweelede kuti wakasunkwa kucita boobo. Amuyeeye kuti Jakobo wakali kuyanda kuti jansi libe citondezyo cakuti wakali kumuyanda. Josefa wakali kuyanda kuti acite zintu kweelana ambobakali kumusyoma bausyi, aboobo cakusyomeka wakalisama jansi. Cikozyanyo cakwe cilatugwasya andiswe. Nokuba kuti Taateesu wakujulu kunyina nasalulula, zimwi ziindi ulapa babelesi bakwe bamwi basyomeka zyoolwe zimwi. Kunze lyaboobo, ubakulwaizya kuti kabaindene anyika eeyi iitali kabotu iizwide kutalilemeka. Mbubwenya mbuli jansi lya Josefa lyaalubazu, kulilemeka kabotu kwa Banakristo bakasimpe kupa kuti kabaindene abantu bamwi. Kulilemeka ooku kupa bamwi kubijilwa andiswe. (1 Petulo 4:4) Sena Munakristo weelede kulisisa kuti mubelesi wa Leza? Peepe—mbubonya Josefa mbwaatakaleka kusama jansi lyakwe.—Luka 11:33.\\nZILOTO ZYA JOSEFA\\nKakutanainda ciindi cilamfwu, Josefa wakalota ziloto zyobilo zigambya. Muciloto cakusaanguna, Josefa wakalibona mwini alimwi abanabokwabo, umwi aumwi kaanga musunta wamaila. Pele musunta wa Josefa wakaliimvwi mpoonya misunta yabanabokwabo yakauzinguluka musunta wakwe akuukotamina. Muciloto cabili, zuba, mwezi alimwi anyenyezi zili 11 zyakali kumukotamina Josefa. (Matalikilo 37:6, 7, 9) Ino ncinzi Josefa ncaakali kuyoocita kujatikizya ziloto eezyi zigambya alimwi zisalede?\\nZiloto eezyi zyakazwa kuli Jehova Leza. Zyakali muciimo cabusinsimi alimwi makanze aa Leza akali aakuti Josefa aambile bamwi mulumbe wakali muziloto eezyi. Munzila imwi, Josefa wakali kweelede kucita eeco ncobakacita basinsimi bamwi ciindi nobakaambilizya mulumbe walubeta lwa Leza kubantu ba Leza bakazangide.\\nCabupampu, Josefa wakabaambila boobu banabokwabo: “Amuswiilile eci ciloto ncindalota.” Banabokwabo bakacimvwisya ciloto eeci pele tiibakacikkomanina naaceya. Mukwiingula bakaamba kuti: “Ma! Sa uyooba mwami wesu? Sa uyootweendelezya swebo?” Alimwi mucibalo tubala kuti: “Nkabela bakaindilila loko kumusula nkaamba kaziloto zyakwe amajwi aakwe.” Ciindi Josefa naakaamba ciloto cakwe cabili kuli bausyi alimwi abanabokwabo, tiibakabotelwa pe. Tubala kuti: “Ma! Ncilotonzi eci ncowalota? Sa ncobeni tuzoosika, mebo abanyoko abakulana bako, kukukotama ansi kunembo lyako?” Nokuba boobo, Jakobo wakazumanana kwaayeeyesya makani aaya. Wakalibuzya naa Jehova wakali kubandika amwana ooyu.—Matalikilo 37:6, 8, 10, 11.\\nJosefa tanaakali mubelesi wa Jehova wakusaanguna naa wamamanino kuluula mulumbe wabusinsimi watakali kuyootambulwa kabotu abantu alimwi iwakali kuyoosololela kukupenzyegwa. Jesu ngowakali mupati kwiinda mukuluula mulumbe uuli boobu alimwi wakaambila basikwiiya bakwe kuti: “Ikuti bakandipenzya mebo, bayoomupenzya andinywe.” (Johane 15:20) Banakristo bamisela iindene-indene balakonzya kwiiya zinji kulusyomo alimwi abusicamba bwamukubusi Josefa.\\nKakutanainda ciindi cilamfwu kuzwa nozyakacitika eezyi, Jakobo wakatuma Josefa. Banabokwabo bapati bakali kweembela matanga kubusena bwakali kunyika afwaafwi a Sekemu, ooko nkobakazwanganide. Mbwaanga Jakobo wakali kubabikkila maano bana bakwe, wakatuma Josefa kuti akabone mbobabede. Sena inga mweezeezya mbwaakali kulimvwa Josefa? Wakalizyi kuti bana bokwabo bakali kumusulide kapati kwiinda kaindi! Ino mbuti mbobakali kuyookkomana kubona kuti Jakobo watuma Josefa kuba sikumwiiminina? Nokuba boobo, Josefa wakaunka mulweendo oolu.—Matalikilo 34:25-30; 37:12-14.\\nLwakali lweendo lulamfwu—lwakali kutola mazuba one naa osanwe amaulu. Kuzwa ku Hebroni nkoili kunyika kuya ku Sekemu, kwakali makkilomita aasika ku 80. Pele Josefa naakasika ku Sekemu, wakazooziba kuti banabokwabo bakali ku Dotani, nkokuti makkilomita aali 22 kuya kunyika. Lino Josefa naakasika ku Dotani, banabokwabo bakamubona kaboola kacili alamfwu. Mpoonya mpoonya lusulo lwabo lwakakomena kapati. Mucibalo tubala kuti: “Ngooyo siziloto wasika. Atweende, tumujaye, tumuwaale mulilimwi lyamalindi, lino tulaamba kuti, Cinyama cibi camujaya. Tulabona na ziloto zyakwe zilaba buti.” Nokuba boobo Rubeni wakacikonzya kubakombelezya banabokwabo kuti bamuwaale buyo mucilindi kali muumi.—Matalikilo 37:19-22.\\nKakunyina kuzyiba makanze aabo, Josefa wakasika kuli mbabo kumwi kazyi buyo kuti zintu zili buyo kabotu. Muciindi caboobo, banabokwabo bakamujata! Mpoonya calunya, bakamusamununa jansi lyakwe lyaalubazu akumukwelela kucilindi catakajisi maanzi akumuwaala mumo. Josefa wakawida mumo! Naakalimvwa kabotu wakasolekesya kuzwa mucilindi, pele cakaile kubaaba buyo. Wakali kubona buyo kabeela kasyonto kamakumbi kumwi kamvwa majwi aabanabokwabo. Wakalila kapati, akubakombelezya, pele tiibakamubikkila maano. Kabazwide lunya, bakakkala abusena bwakali afwaafwi akulya. Ciindi Rubeni naatakali ambabo, bakayanda kuti bamujaye musankwa ooyu, pele Juda wakabakombelezya kuti bamusambale kubasambazi muciindi cakumujaya. Munzi wa Dotani wakali afwaafwi anzila yakali kutozya ku Egepita njobakali kubelesya basimakwebo alimwi kalitanalampa bana Ismayeli abana Midyani bakasika. Katanapiluka Rubeni, bakamusambala mwanookwabo mubuzike amuulo wamasyekeli aali 20. *—Matalikilo 37:23-28; 42:21.\\nJosefa wakacita ciluzi pele banabokwabo tiibakali kumuyanda naaceya\\nLino atupiluke kubukkale bwaambwa kumatalikilo aacibalo eeci. Ciindi Josefa naakali kutolwa kumbo munzila iitozya ku Egepita, wakalibonya kuti kunyina cakwe lino. Wakalimvwa kusweeka! Myaka minji yakali kuyakwiinda kakunyina kuzyiba naa mukwasyi wakwe uli buti, nkokuti, kuzyiba naa Rubeni naakapiluka wakalimvwa buti kujana kuti Josefa tako; kuzyiba Jakobo mbwaakali kuyakuusa kucengwa kuti mwanaakwe ngwayandisya Josefa wakafwa; kuzyiba naa syaanene wakwe Isaka wakali buti, ooyo iwakacili kupona; alimwi akuzyiba naa musyoonto wakwe Benjamini wakali buti, walo ngwaakali kunooyeeya kapati. Pele sena Josefa wakacaala buyo cinkwa maanza?—Matalikilo 37:29-35.\\nKuli cintu Josefa ncaakajisi calo banabokwabo ncobatali kukonzya kumunyanga: lusyomo. Wakalizyi zinji kujatikizya Leza wakwe Jehova, alimwi nokuba kuti tanaakacili kuŋanda, wakali mubuyumuyumu bwakutolwa mubuzike alimwi akweenda lweendo lulamfwu lwakuya ku Egepita alimwi akufwa nsoni akaambo kakusambalwa kali muzike kumuntu wakavwubide kapati muna Egepita, Potifara, kunyina wakali kuyoomunyanga lusyomo lwakwe. (Matalikilo 37:36) Lusyomo lwa Josefa alimwi amakanze aakwe aakuzumanana kuswena kuli Leza wakwe zyakali kuyaabukomena mumapenzi aali boobu. Muzibalo ziyoolembwa kumbele, tuyoobona lusyomo lwa Josefa mbolwakapa kuti Jehova azumanane kumubelesya alimwi akugwasya mukwasyi wakwe. Eelo kaka cilakonzya kutugwasya kwiiya lusyomo lwa Josefa!\\n^ par. 15 Basikuvwuntauzya bamwi baamba kuti banabokwabo Josefa bakabona kuti ncobakamupeda jansi bausyi nkaambo kakuti bakali kuyanda kuti abe acoolwe cakuba mutaanzi kuzyalwa. Bakalizyi kuti Josefa ngowakali mutaanzi kuzyalwa kumukaintu ngwaakali kuyanda kukwata mubusena bwakusaanguna. Kuyungizya waawo, mwana mutaanzi kuzyalwa wa Jakobo, Rubeni, wakacita citondwa amukaintu wabausyi waambali, calo catakabakkomanisya bausyi alimwi cakapa kuti atabi acoolwe cakuba mutaanzi kuzyalwa.—Matalikilo 35:22; 49:3, 4.\\n^ par. 25 Nomuba mumakani masyoonto mbuli bwayaaya, Bbaibbele lililuzi kapati. Malembe aamuciindi eeci atondezya kuti masyekeli aali 20 kanji-kanji ngowakali muulo wamuzike mu Egepita.\\n“Ino Inga Ndacitila Nzi Cibi Cipati Cili Boobu?”\\nMbuti Josefa mbwaakacikonzya kweeleba kusolekesya kwamuka Potifara kuti amoongelezye?","num_words":1853,"character_repetition_ratio":0.055,"word_repetition_ratio":0.0,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Timoteo Wakali Kuyanda Kugwasya Bantu | Amubayiisye Bana Banu\\nTimoteo wakali mukubusi iwakali kubotelwa kugwasya bantu. Wakeenda mumasena manji kuyoogwasya bantu. Akaambo kakucita boobo, wakajisi buumi bubotu. Sena ulayanda kuzyiba mbocakabede?—\\nBanyina Timoteo alimwi abakaapanyina bakamuyiisya kujatikizya Jehova\\nTimoteo wakakomenena mudolopo litegwa Lustra. Naakacili mwana, bakaapanyina ba Loidi abanyina ba Eunike, bakatalika kumuyiisya kujatikizya Jehova. Naakali kukomena Timoteo, wakayanda kugwasya bamwi kwiiya kujatikizya Jehova.\\nTimoteo naakacili mukubusi, Paulo wakamulomba kuti baunke limwi kuyookambauka kumasena amwi. Timoteo wakazumina. Wakalilibambilide kuunka akuyoogwasya bamwi.\\nTimoteo wakaunka a Paulo kumunzi waku Makedoniya uutegwa Tesalonika. Kutegwa basike ooko, bakeelede kweenda musinzo mulamfwu mpoonya akutanta bwato. Nobakasika ooko, bakagwasya bantu banji kwiiya kujatikizya Jehova. Pele bamwi bantu bakanyema akuyanda kubacisa. Aboobo Paulo a Timoteo bakazwa ooko akuunka kuyookambaukila kumasena aambi.\\nTimoteo wakajisi buumi bukkomanisya\\nNokwakainda myezi iili mbwiibede, Paulo wakaambila Timoteo kuti ajokele ku Tesalonika kuyoobona mbobakabede bakwesu. Cakali kuyandika busicamba kujokela kumunzi ooyu wakali kuyoosya! Pele Timoteo wakaunka akaambo kakuti wakali kulibilika kujatikizya bakwesu bakooko. Wakapiluka kuli Paulo kajisi makani mabotu. Bakwesu baku Tesalonika zyakali kubeendela kabotu zintu!\\nTimoteo wakabeleka a Paulo kwamyaka minji. Aciindi cimwi Paulo wakalemba kuti Timoteo wakali muntu wakali kweelela ngwaakali kukonzya kutuma kugwasya mbungano. Timoteo wakali kumuyanda Jehova alimwi akuyanda bantu.\\nSena ulabayanda bantu akuyanda kubagwasya kwiiya kujatikizya Jehova?— Ikuti kobayanda, uyooba abuumi bukkomanisya mbubwenya mbuli Timoteo!\\nIno Timoteo wakakomenena kuli?\\nSena Timoteo wakali kuyanda kuunka a Paulo? Ino nkaambo nzi?\\nNkaambo nzi Timoteo ncaakajokela ku Tesalonika?\\nMbuti mbokonzya kuba abuumi bukkomanisya, mbuli bwa Timoteo?","num_words":231,"character_repetition_ratio":0.096,"word_repetition_ratio":0.0,"special_characters_ratio":0.143,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ndyaakalinga pafwaafwi akufwa, Yesu wakaamba ayi: ‘Lyalo makani abotu aya aamba sha Bwaami bwa kwiculu, alaakushimikilwa mucishi coonse kwaamba ayi akabe mbobukamboni kubantu boonse, kuswawaawo mamanino alaakushika.’ (Mateyo 24:14) Ino ncito iyi yakalinga kusa mukukumanishikwa buyani? Kwiinda mukukonkela cakubonenaako cakwe Yesu ncakatushiila ndyaakalinga pacishi.—Luka 8:1.\\nTulaya mumaanda abo. Yesu wakaiisha bashikwiiya bakwe kushimikila makani abotu kuŋanda aŋanda. (Mateyo 10:11-13; Milimo ya Batumwi 5:42; 20:20) Beneklistu bakutaanguna bakapekwa musena wakushimikilaako. (Mateyo 10:5, 6; 2 Kolinto 10:13) Mbocibete amunshiku shino, libungano lili lyoonse lilicite musena wakushimikilaako. Ici cilatucafwa kushimikila bantu baanji kwaamba ayi tukumanishe mulawo wakwe Yesu “wakushimikila makani abotu kubantu.”—Milimo ya Batumwi 10:42.\\nTulashimikila bantu kulikoonse nkobacanika. Cakubonenaako cimwi Yesu ncakatupa nkushimikila mumisena mwakalinga kucanika bantu baanji, mbuli kulubasu lwa Lweenge na kumikalo nkobakalinga kuteka maanshi. (Maako 4:1; Joni 4:5-15) Bweenka mbuli Yesu, aswebo tulashimikila makani amuBaibo kulikoonse kucanika bantu—munshila, mumisena ya makwebo na pafooni. Na twaba acoolwe tulashimikila akubantu mbotubambenaabo, mbotusebensaabo, mbotwiiyabo alimwi abeshikamukowa. Nshila ishi shapa coolwe bantu baanji pacishi coonse kwaamba ayi banyumfwe ‘makani abotu alupulusho.’—Kulumbaisha 96:2.\\nSa kuliko muntu ngweenga mwasuna kulwiitaako makani abotu aBwaami bwakwe Lesa alimwi ansheshi bukacite? Amulwiiteeko bamwi makani abulindilishi, cakufwambaana!\\nIno ngamakani abotu ali ngotweelete kushimikila?\\nIno Bakamboni Bakwe Yehova balakonkela buyani cikoshanyo cakwe Yesu pamakani akushimikila?\\nAmwiipushe beshikumwiisha Baibo kwaamba ayi bamutondeshe nsheenga mwacita kwaamba ayi mushimikileeko bamwi nshemwiiya muBaibo.","num_words":203,"character_repetition_ratio":0.084,"word_repetition_ratio":0.0,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 17 IBBAIB63 - Lino kuzwa kunkanda ya-Sini - Bible Search\\nKulonga 16 Kulonga 18\\nMaanzi mbwaakajanwa mundomba\\n1-Lino kuzwa kunkanda ya-Sini imbungano yoonse yabana ba-Israyeli yakali kuya bulonga-longa, mbubonya mbuli Jehova mbwaakalailila, mane lumwi bakasika ku-Refidimu, bakayaka zilao zyabo nkuko. Pele oko kakutakwe maanzi aakunywa. 2-Mpoonya awo bantu bakatalika kwaambana a-Musa, bati, Kotupa maanzi aakunywa. Nkabela Musa wakababuzya kuti, Ino nkaambonzi mwaambwida ndime? Nkaambonzi nomusunka Jehova? 3-Pele bantu bakakolwa nyota, aboobo bantu bakatongaukila Musa, bati, Wakatugwisizyanzi mu-Egepita, kuti utujazye nyota, swebo abana besu aŋombe zyesu? 4-Mpawo Musa wakakwiilila Jehova, wati, Mbacitilenzi aba bantu? Baamba kundifusa mabwe, 5-Elyo Jehova wakaambila Musa kuti, Inda kunembo lyabantu, utolelele bamwi babapati ba-Israyeli. Awalo musako wako ngowakaumya lwizi uutole mujanza lyako, uende. 6-Bona! Ndaima kubusyu bwako agale oko ku-Horebi, lino ukaume igale; mulindilyo maanzi alazwa, abantu balanywa, Elyo Musa wakacita mbubonya obo kumeso aabapati ba-Israyeli. 7-Nkabela oko kuntu wakakuulika izina lyaMasa, a-Meriba, nkaambo kakwaambana kwabana ba-Israyeli, akaambo kakuti bakasunka Jehova cakwaamba kuti, Sa Jehova mpali akati kesu na pe.\\nBa-Israyeli mbubakalwana aba-Amaleki\\n8-Mpawo ba-Amaleki bakasika kuzoolwisya ba-Israyeli ku-Refidimu. 9-Nkabela Musa wakaambila Joshua kuti, Kotusalila bantu, uinke, ukalwanye ba-Amaleki. Junza njooima atala lyacilundu, amusako wa-Leza mujanza lyangu. 10Elyo Joshua wakacita mbubonya mbwaakamulailila Musa, waakulwisya ba-Amaleki, Nkabela ba-Musa a-Aroni a-Huri bakatanta atala lyacilundu. 11-Lino kufumbwa ciindi Musa naakasumpula ijanza lyakwe, ba-Israyeli bakali kuzunda, pele kufumbwa ciindi naakaleka kusumpula ijanza lyakwe, ba-Amaleki bakali kuzunda. 12Pele maanza aa-Musa akalema; nkaambo kako bakabweza ibbwe, balibika munsi lyakwe, wakala mpawo, nkabela ba-Aroni a-Huri bakatabilila maanza aakwe, umwi kulubazu oko aumwi kulubazu oko, aboobo maanza aakwe akaliimvwi nji mane kusikila kumabbililo aazuba. 13Lino Joshua wakawisya Amaleki abantu bakwe kupanga.\\n14-Mpawo Jehova wakaambila Musa kuti, Lemba aya makani mubbuku, kube ciibalusyo, alimwi amba mumatwi aa-Joshua. Ncobeni njooziminganya ciibalusyo coonse ca-Amaleki ansi ano. 15-Elyo Musa wakayaka cipaililo, wacuulika izina lya-Jehova-nisi, 16nkaambo wakati, Jehova wakonkezya kuti ulaba sinkondonyina Amaleki mumazyalani oonse.","num_words":297,"character_repetition_ratio":0.054,"word_repetition_ratio":0.0,"special_characters_ratio":0.182,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bantu biingi bayeya kuti Bakamboni baJehova ndizina lyacikombelo cipya. Pesi kwaminyaka iinda ku 2 700 yakiinda, babelesi baLeza wakasimpe mbimbabo bakali kutegwa “bakamboni” bakwe. (Isaya 43:10-12) Kuzoosika mu 1931, twakali kutegwa Mbayiiyi baBbaibbele. Nkaambo nzi nitubelesya izina lyakuti Bakamboni baJehova?\\nLizibya izina lyaLeza wesu. Kweelana amabbuku eciindi izina lyaLeza liti Jehova, lyakali kujanika ziindi ziinji muBbaibbele. Busanduluzi bwamaBbaibbele miingi, bwakancinca izina eeli akulemba mazina aakulemeka aakuti Leza naa Mwaami. Pesi Leza wakasimpe wakalyaamba izina lyakwe kuli Musa, Jehova wakati: “Ndendilyo izina lyangu lyoonse.” (Kulonga 3:15) Munzila eeyi, wakalisiyanisya abaleza boonse bakubeja. Tulapakala kwiitwa azina eeli lisalala lyaLeza.\\nLipandulula mulimu wesu. Mulongo wabantu baciindi, kutalika amwaalumi uululeme Abelo, bakapa bukamboni atala alusyomo lwabo muli Jehova. Pesi mukweenda kwaciindi, Nowa, Abrahamu, Sara, Musa, Davida, alimwi abamwi bakanjilila “kumakamu makamu aabakamboni.” (baHebrayo 11:4–12:1) Mbubwenya mbuli muntu mbwakonzya kupa bukamboni munkuta, kayimikilila muntu uutakwe mulandu. Andiswe tweelede kuzibisya kasimpe kali atala aLeza wesu.\\nTutobelezya cikozyano caJesu. IBbaibbele limwaamba kuti ‘ngukamboni uusyomeka alimwi wamasimpe.’ (Ciyubunuzyo 3:14) Jesu lwakwe wakaamba kuti ‘wakazibya izina lyaLeza’ alimwi ‘wakali kupa bukamboni bwakasimpe’ atala aLeza. (Johane 17:26; 18:37) Batobeli baJesu beelede kwiitwa azina lyaJehova, akulizibisya zina eeli. Eezi nzezizyo iziliikucitwa aBakamboni baJehova.\\nNkaambo nzi Bayiiyi baBbaibbele nibakasala kubelesya zina lyakuti Bakamboni baJehova?\\nJehova wakabaa Bakamboni aanyika kwaciindi cilamfu biyeni?\\nNgwani Kamboni waJehova mupati?\\nWaakujana bamwi besu nkukkala, ukeezye kubaziba kabotu. Mpawo uyookonzya kubabuzya kuti: “Nkaambo nzi nimwakaba Bakamboni baJehova?”","num_words":213,"character_repetition_ratio":0.074,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kamuzwa Muli Nguwe, Nobantu Bangu! | Cibeela Citaanzi Print\\nKamuzwa Muli Nguwe, Nobantu Bangu! | Cibeela Citaanzi\\nLwiito lwa Kujulu Lucaalizya\\n“Boola kuno usame jansi kuti kotayandi kuti nkunonkole mutwe wako!”\\nIme ndakalakama, nkelangide bawisi mweenzuma. Ndakayoowa Ime. Kunyina neekamvwide muzyali kaambila mwana mujwi lyamusyobo ooyo. Mweezuma wakanyampuka, walundukila mukati akuyoosama jansi, akupiluka anze kuzyoosobana mbuli kuti kwiina cakacitika pe. Ime ndakagambwa kuti wakacili mukkede moyo nokuba zyoonse eezi.\\nIme kunyina neekabamvwide baama kabaamba cintu mujwi likalalide. Balo bakakomezya bana babo mukutobela malailile, aboobo kunyina nicaali kuyandika kwaamba cintu mujwi likalede pe. Kusikila buzuba bumwi . . .\\nKumunzi nkutwaali kukkala akataa zilengwa leza bwakali busena bwiinda kubotu kukomemena nkuko anyika yoonse. Kwakali zintu zinjaanji zikkomanisya kucita! Masena manjaanji aakubolyonga! Ime amwanookwesu, twakabafwida kweetela balongwe besu aabo bakali kukkala mudolopo.\\nNdakali kuyaa kumwantauka mukazila kaali kuzyila ku Butala Bupati, Ime nsyeekali kulanga ansi mpeekali kuyaabulyata kusikila ndakamvwa cintu ncetanamvwide pe. Baama – bakakwiila.\\nNdakateelela akwiima nji mpoonya aawo. Kukosola nzila kunembo lyangu, aawo amatende aangu mpeekati sotokele, kwakalandabede nzoka ikoya cisasa, itikaanya mucila mbuli nsakalala, ndamfu mbuli mabako obile.\\nBaama bakandikwiilila, pele bakandivwuna ime. Tacikwe makani nokuba kuti jwi lyabo nsyeekaninga limvwa mumusyobo ooyo. Ime ndakamvwa kuyoowa aluyando kuli ndime mukati kajwi eelyo. Balo bakandivwuna nkaambo bakali kundiyanda Ime, alimwi lino ndakabayanda baama kwiinda kale.\\nKuti Luyando lwabona ntenda, Luyando lulapa kucenjezya. Luyando luloompolola. Luyando lulakwiila. Luyando lulacita kufumbwa ceelede kucitwa kutegwa lukuvwune.\\nMazubaano, nyika alaafwi kunjila mukupyopyongana kutaambiki kupati loko. Banalumi abanakazi balaamizeezo muzisi zyoonse zyaanyika balalangilizya zintu zicitika mukati aakati ka masi. Balizyi kuti kuli cintu cilaa nguzu ciyanda kucitika. Ciindi camusela wanyika ciyanda kusika acilungulungu akuletelezya bulwani butayaamuki anyika yoonse.\\nMuwoola lya ntenda mpati lino, Taata wa Kujulu utumina lwiito lwa kufwambaana kubana Bakwe anyika. Mbubwenya mbuli muzyali uli oonse anyika, kweelanya abupati bwa ntenda, awaloTaata wa Kujulu uloompolwesya mujwi pati. Ijwi Lyakwe litusyomya kuti: “Ncobeni . . . [Adonai Yahuwah] kunyina ncanga wacita, pele ulayubunwida maseseke aakwe kubatwanga bakwe bashinshimi.” (Amosi 3:7, KJV)\\nLwiito lwankumbu lwamamanino oolo ndwaakapa mukowa wabantu luli mubbuku licaalizya mu Bbaibbele. Oolu lwiito, nkucenjezya nyika ciindi cicaalizya, ciindi camamanino aanyika. Takukabi ciindi cimbi alimwi pe, aboobo ncitu ciyandikisya kuti boonse bazumi bateelele akutobela kucenjezya ooku.\\n“Nozyakamana zyintu eezyi ndakabona mungelo aumwi kaseluka kuzwa kujulu anguzu zinji; mpoonya nyika yakamweka abulemu bwakwe. Eelyo wakoongolola ajwi lyanguzu ulaamba: “Wawa! Bbabbuloni Mupati wawa, alimwi waba busena bukkala madaimona abwina bwamuuya uuli woonse uusofweede alimwi amayubilo aabayuni boonse basofweede alimwi basulaikidwe!Mpoonya ndakamvwa jwi alimbi kuzwa kujulu kalyaamba kuti: “Amuzwe mulinguwe, nobantu bangu, ikuti kamutayandi kujatikizyigwa azibi zyakwe, alimwi kuti kamutayandi kusikilwa zisubulo zyakwe zimwi. Nkaambo zibi zyakwe zyalundana kusikila kujulu alimwi [Yahuwah] waiyeeya micito yakwe iitaluleme. Amumucitile mbubonya mbwaakabacitila bamwi, inzya, amuyungizye ziindi zyobilo kumucitila zintu eezyo nzyaakacita walo; munkomeki oomo mwabikkide zyakunywa zyamuvwele-vwele, amumuyungizizye ziindi zyobilo kumubikkila zyakunywa zyamuvwele-vwele. (Ciyubunuzyo 18:1, 2, 4-6, KJV)\\n“Bbabbuloni” mukonzyanyo uupegwa kanjikanji mu Mangwalo. Kuli kusandulula kunjaanji kupegwa ali caamba mukonzyanyo ooyu. Bamwi basyoma kuti Bbabbuloni Ncikombelo ca Katolika. Alimwi bamwi basyoma kuti nimbunga ya United Nations kakuli bamwi nobasyoma kuti ncisi ca Amelika.\\nBbabbuloni ujatikizya zyoonse eezi alimwi azinji kwiinda waawo. Mu Bbaibbele, “ Bbabbuloni” mukonzyanyo wakupyopyongana, nkaambo nkuuganda damfu lya Bbabbelo ooko Yahuwah nkwaakakopa milaka yabantu bazangi, aabo bakali kuyaka ganda eelyo. Mumulaka wansiku Akkadiya, ibbala lyakuti 'Bbabbuloni' (BAB.ILI) lyakali kwiiminina kuti “Mulyango wa baleza.”\\nBbabbuloni ncintu cipati kwiinda cintu comwe buyo. Bbabbuloni nku “nyongana” alimwi ngo “Mulyango wa baleza.” Bbabbuloni mukonzyanyo walweeno abubeji bwa Saatani mbwayakide. Ujatikizya kulubila koonse kuli munkamu zyabupaizi oobo buvwelene akulubila munzila ziindene.\\nKucenjezya kwa Julu kutikamuzwa mu Bbabbuloni kujatikizya zinjaanji. Kuzwa muzilembedwe mu Bbaibbele, ooku kucenjezya kulasika kaindi kasyoonto Bbabbuloni kayanda kuwa, kaindi kasyoonto akuloba kwanyika yoonse mumapenzi aali ciloba acaalizya. Boonse aabo bayanda kuyooyusa mubuzuba bwabukali oobo, beelede kukwabililwa munzila yaandeene ya Yooyo Mupati Kampatila. Balikke aabo bateelela lwiito lwakuti bazwe mu Bbabbuloni, mbabatanooli muntenda kuciindi eeco.\\nBoonse aabo bateelela kucenjezya ooku bayookwabililwa a Yahuwah.\\nSaatani ulizyi kuti boonse bateelela lwiito oolo bayoovwuna amaleele ateeli kuzwa kuntenda yalweeno lwakwe. Aboobo, makanze aakwe ngakulesya bantu kuti batateeleli kulaililwa kuti bazwe mu Bbabbuloni. Walo wakacita eeci munzila yiinda kweena, eeyo iicede bana Kristu bamasimpe abalo mukakole.\\nKweena kwadyabolosi kumaninide nkooku: “Lwiito lwakuzwa mu Bbabbuloni taluli lwangu nkaambo Ime nsyeli mu Bbabbuloni pe!”\\nMukusolweda bantu kuti bakake kucenjezya, eelyo nobaamba kuti oolu lwiito talwiiti ndime, Saatani wakasinkila bantu banji kumeso aabo bakali kunga bavwunwa kuti nibakateelela.\\nKuli twaambo tunjaanji tupedwe twakukakila lwiito lwa Kujulu lulaa nkumbu. Saatani ulapa muntu uli oonse, kulijatizya muziindi zinjaanji alimwi ziindene mubuumi bwakwe. Kuli bamwi, lwiito lwakuzwa mu Bbabbuloni lulakakwa nkaambo Mbaasikukazya. Tabali ba Katolika, aboobo basyoma kuti ooyu mulumbe tuuli wabo nkaambo balanganya bukatolika kuti ngo Bbabbuloni.\\nKuli bamwi, ooku kucenjezya kulakakwa nkaambo bapaila Mujibelo. Nkaambo tabakombi mu Nsondo eeco ncecibapa bumboni bwakuti tabali mu Bbabbuloni. Aboobo, ooyu mulumbe tuuli wabo pe mbo bayeeya nkaambo balanganya kukomba munsondo kuti ngo Bbabbuloni.\\nKweena kwa Saatani kulizwidilide nkaambo kuyeeme a kulisumpula mumuuya. Boonse aabo bakaka lwiito oolu, bakonkezya kuti oolu lwiito taluli lwabo nkaambo tabali mu Bbabbuloni. Umwi aumwi ujisi cibeela ca kasimpe eeco ncayeeya kuti ncecimwaandaanya kuli bamwi boonse. Aako kasimpe nkasyoma nkakaambo kamupa kulisumpula mumuuya. Aboobo, uyeeya kuti ooyu mulumbe tuumujatikizyi walo pe.\\nOoku koofwaala mumuuya kupati boobu, nkweena kwa Saatani kumwi kwiinda kuzwidilila mulweeno lwakwe lwamamanino. Musela wamamanino ulilelekedwe alubono lunji lwakasimpe akuteelela- lwiinda lubono lwa misela yakainda. Kajatide maanka, Saatani wakapindaula cileleko caluzyibo lwakasimpe eeci mukutozya mizeezo yabantu kuti bayeeye kuti nkaambo balijisi kale kasimpe, kucinyina akasimpe kamwi nkobaciyandika kuzyiba aako kabatola kulufutuko. Aboobo, kufumbwa mumuni uupegwa, ulakakwa akulanganyigwa kuti tuululeme.\\nBantu banji balakaka lwiito lwakutija Bbabbuloni nkaambo basyoma kuti balo tabali mu Bbabbuloni.\\nMoyo ookwa Yahuwah waluyando lupati wakabona ntenda eeyi kiilindila musela wamamanino. Mangwalo acenjezya boonse kuti kulisumpula mumoza akoofwaala kutobela waawo nje ntenda mpati iilangene amusela wamamanino.\\n“Kumungelo wambungano iili mu Laodisiya, lemba kuti: Eezyi nzyezyintu nzyaamba\\nAmeni, kamboni uusyomeka alimwi wamasimpe, imatalikilo aazilenge zya Yahuwah. ‘Ndiliizyi\\nmilimo yako, kuti totontoli alimwi topyi pe. Nicali cibotu kuti nowali kutontola naa kupya. Aboobo, akaambo kakuti ukasaala buyo alimwi topyi naa kutontola, ndilakuswida kuzwa mukanwa lyangu. Nkaambo waamba kuti: “Ndilivwubide alimwi ndalijanina lubono lunji alimwi kunyina cintu ncondibulide,” pele tozyi kuti ulipengede, uleetezya, uli mucete, uli moofwu alimwi uli amantanda. (Ciyubunuzyo 3:14- 17, NKJV)\\nOoyu mulumbe waambwa kuti “Mulumbe wa Laodisiya.” Mbuli kuvwula tusimpe ntwazyi muntu akusyoma, mbweenya ayalo ntenda yakulisumpula akoofwaala mumoza ilaindila kuvwula.\\nBantu bamwi balazumina akuti mbantu ba “Laodisiya” . . . pele nkaambo biyo kakuti baamba majwi aayo aakuti mbaa “Laodisiya”, basyoma kuti ooyu mulumbe tuucijatikizyi mbabo pe. Balalisumpula mukaambo kakuti balitolaansi akulyaamba kuti bali “muciimo ca Laodisiya” akupa ciimo eeci kuti mbumboni bwakuti ooyu mulumbe tuucijatikizyi mbabo pe. Aboobo, balazumanana mukoofwaala kwamuuya, kababulide zyoonse, pele kabataminina kuti kunyina ncobabulide.\\nOoku nkweenwa kulaa lufu, alimwi njenzila imwi ya Saatani iinda kuzwidilila mukuca miiya yabantu. Bulangizyi bulikke umwi mbwanga wabaa mbubo mbwakulekezya lweeno oolu lukondelezya ciimo ciwide, nkuzumina kwiinda mulusyomo kuti uli muciimo ca Laodisiya nkaambo ijwi lya Yahuwah lyakasimpe mbolyaamba oobo. Lilikke eelyo ooyu mulumbe nuutambulwa kwiinda mulusyomo kuti webo ulasyomeka ncobeni kwaamba kuti ooyu mulumbe ujatikizya nduwe lwako, ndendilyo kuponyegwa kwabulemu nokunga wacitilwa webo.\\n“Ime ndikulailila kuti uule kulindime ngolida yakasalazyigwa amulilo ikutegwa uvwube, alimwi azisani zyaatala zituba ikutegwa usame, akuti utausi nsoni mantanda aako abonwa abamwi, alimwi uule amusamu wamumeso wakulambika mumeso aako ikutegwa ubone”. ( Ciyubunuzyo 3:18, NKJV)\\nGolida yakasalazyigwa mumulilo ndusyomo aluyando lwamuntu: lusyomo lubelekaa luyando akusalazya muuya. Zikobela zituba mbululami bwa Yahushua, oobo butambulwa mulusyomo kwiinda mukweengelelwa a Nguwe. Musamu wameso, uutambulwa mulusyomo, nkuteelela akuzyiba zintu zya moza. Balikke aabo batambula mulumbe ooyu kwiinda mulusyomo, mbabali muciimo cakuyanda kutambula kuponyegwa. Balo balilibambide kuzumina kwiinda mulusyomo kuti lwiito lwakuti bazwe mu Bbabbuloni, lujatikizya mbabo abalo.\\nLwiito lwakuzwa mu Bbabbuloni mulumbe uugeme bantu ba Yahuwah. Kunyina cikombelo ciindidwe ambali kulwiito oolu.\\nBantu ba Laodisiya balafwamba kwaambila kufumbwa uutatobeli mizeezo yalusyomo lwabo kuti azwe mukati ka Bbabbuloni. Ooku nkoofwaala kuboola nkaambo kakulisumpula mumoza. Nokuba boobo, lwiito lwakutija kuzwa mu Bbabbuloni luboolela bantu boonse ba Yahuwah! Kutamba kwabulemu kuboolela boonse aabo Taata mbaita kuti “mbantu Bangu.”\\nNokuba kuti boonse bateelela lwiito oolu bayootambulwa, ooyu mulumbe ugaminina bantu ba Yahuwah beni! Taakwe nzila imbi yalusyomo yiindwa ambali pe. Kunyina cikombelo ciindidwe ambali kulwiito oolu. Boonse aabo balyaamba kuti mbana ba Yahuwah, beelede, aboobo, kubikkila maanu kukucenjezya ooku nkaambo kugamide mbabo, kakunyina akubikkila maanu mbobayeeya kuti bazyi kasimpe kanji buti. Boonse aabo Yahuwah mbaita kuti “ mbantu Bangu” balisangene abalo mulwiito lwakuzwa mu Bbabbuloni.\\nHena webo uli umwi wabantu ba Yahuwah na? Webo weelede kubikkila maanu kuteelela. Ooyu mulumbe ugeme nduwe.\\nCizuminano Cakale cilayungizya mukwaamba kucenjezya musela wamamanino kuti:\\n“Ompololwesya, utaleki; Impula jwi lyako mbuli mweembo; Baambile bantu bangu kulubizya kwabo, Aŋanda ya Jakobo zinyonyoono zyabo.” (Izaya 58:1, NKJV)\\nAlimwi aawa, mbabaabo Yahuwah mbaita muluyando kuti “mbantu Bangu”, aabo mbabacenjezyegwa kuti bataciti zinyonyoono. Pele, kuya kumbele kubala aawa ciyubununa kuti baloofweede kubona zinyonyoono zyabo!\\nYahuwah wiita bantu bakwe basyomeka kuti beempwe cinyonyoono eeco balo ncobatakubwene kuti balacicita!\\n“Balandiyandaula Ime buzuba abuzuba, akuyandisya kuzyiba mizeezo Yangu, mbuli kuti [balo] ncisi cabululami, alimwi mbuli kuti [balo] tibaakaka mulazyo wa . . .[Elohimu].” (Izaya 58:2, NKJV)\\nOoyu mulumbe tuupedwe kubantu bazangide bajatikene muli zyanyika. Bantu bacenjezyegwa zinyonyoono zyabo mbantu aabo bafumina kumipailo. Balamuyandaula Yahuwah abuzuba. Balakkomanina kuzyiba mizeezo Yakwe. Mbuli mbocigambya cintu eeci, Yahuwah waambila bantu Bakwe kuti beempwe zinyonyoono eezyo nzyobatakubwene naa nzyobatazyi.\\nOoku kucenjezya kumanina mukuyubununa mulazyo ooyo waakakwa akubaita kuti boonse bajokele kukuteelela mulawo ooyo cakutonkomana.\\n“Kuti unyone matende aako mu Nsabata, ulilesye kucita mboliyandila mubuzuba Bwangu busetekene, akwiita Nsabata kuti ncintu cikondelezya, buzuba busetekene bwa Yahuwah uulemekwa, akumulemeka Walo, mukutacita zintu nzyoliyandila, nanka kulikkomanisya, nanka kwaambaula majwi aako omwini, mpawo uyookkomana lwako webo muli Yahuwah . . . .” (amulange Izaya 58:13, NKJV)\\nYahuwah usyomezya kuti mumazuba aaya aamamanino kuyooba mulimo wa kujokolosya Nsabata, ooyo uucitwa amusela wamamanino:\\n“Aabo bazwa akati kenu bayooyakulula matongo; Inywe muyooyaka musemo wamisela minji; Alimwi inywe muyooitwa kuti Mubambululi wa ceeco Cakasofwaazyigwa, ooyo Uubambulula Migwagwa eeyo Yakweendela. (Izaya 58:12, NKJV)\\nBbabbuloni, mbuli mbwali “Mulyango wabaleza,” uvwelene kukomba kunyongene: kukomba Lusifa, sinkondonyina a Yahuwah. Aboobo, lwiito lwakuzwa mu Bbabbuloni lujatikizya kubambulula bukombi bwabululami.\\nCikatazya ncakuti, bantu banjombede mu Bbabbuloni tabazyi alimwi tabalibwene mpobabede. Boofu bwa mumuuya ncecibasolweda kuti balisumpule mutusimpe ntobazyi kale akukaka mumuni uumbi wiinda waawo kuti ulilubide. Aboobo bakaka kucenjezya kucaalizya kwa Julu kuti takuli kwabo pe.\\nBbabbuloni tali buyo United Nations nokuba cisi ca Amelika pe.\\nBbabbuloni tali buyo bukombi bwamituni anyika pe.\\nBbabbuloni tali buyo bukombi bwa Izilamu nokuba bwaba Juuda pe.\\nBbabbuloni tali buyo ba Katolika nokuba zikombelo ziyanzene ambabo pe.\\nBbabbuloni tali buyo zikombelo zibamba Nsondo pe.\\nBbabbuloni tali buyo zikombelo zibamba Mujibelo pe.\\nKufumbwa cilubide eeco ncecipa kuti muntu kacili mu Bbabbuloni.\\nBbabbuloni nkusanyanga bupaizi boonse ambunga zyabukombi zyoonse zibelesya kkalenda lya bupoopo, eelyo lizyila kukkalenda lya bukombi bwa mituni, kuti bajane buzuba bukombwa: Mulibwasanu, Mujibelo, naa Munsondo. Kwiina makani kuti cikombelo citaminina kubaa kasimpe kanji buti, nokuba mbwasyomeka mushinshimi wabo, nokuba kuyoyelwa moza kuli muzilengwa zyabo, pele kuti kabasanganyide azilubide mubukombi abupaizi bwabo, bacili mu Bbabbuloni.\\nKamwiibaluka kuti lwiito lwakutija Bbabbuloni luboolela bantu ba Yahuwah. Mbokuli boobo, bantu aabo tabali mukulubila cakuliyandila pe, pele balimukulubila nkobatakubwene. Nokuba boobo, kufumbwa cilubide cili mulusyomo lwabo ciyubununa kuti bacili mu Bbabbuloni.\\n“Alimwi nkumvwana kuli buti nkolijisi tempele lya Yahuwah amituni? Nkaambo tuli tempele lya\\nElohimu muzumi; mbubonya Yahuwah mbwaakaamba kuti: “Ndiyookkala akati kabo akweendeenda akati kabo, ndiyooba Elohimu wabo abalo bayooba bantu Bangu.” “‘Aboobo amuzwe akati kabo, akulyaandaanya,’ mbwaamba Yahuwah, ‘alimwi amuleke kuguma cintu cisofweede’”; “‘eelyo ndiyoomutambula.’ ” “‘Alimwi ndiyooba bauso, eelyo nywebo muyooba bana basankwa abasimbi Bangu,’ mbwaamba Elohimu Singuzuzyoonse.” (2 Bakolinto 6:16-18.)\\nKululama muzibeela zyili fuka pele kakuli kulubila mucibeela cakkumi, takulesyi kulubila ooko kuti kuleke kulubila pe. Kasimpe akalo kali muzibeela zili fuka eezyo kapa buyo kuti kulubila ooko kwiindile kweena.\\nKufumbwa kuti koli muna Katolika naa wacikombelo cizyila kubukatolika; nokuba kuti uli muna SDA, naa Seventh Day Baptist nokuba Cikombelo Ca Leza Nyika Yoonse;; nokuba wa zikombelo eezi Methodist, Presbyterian, Lutheran, Nazarene, Episcopalian nokuba cili coonse, kuti mbunga yacikombelo mocibede webo kiicikomba muli Bwasanu, Mujibelo nokuba Munsondo, ooku kucenjezya kuboolela nduwe.\\nKuzwa mu Bbabbuloni ncintu cisandula buumi. Ciyoojatikizya cibaka cabuumi bwako cili coonse.\\nMakanze aamilimo njoyanda kucita\\nZiindi zibotu zyakwiiya\\nBalongwe bako abantu mboyanzana limwi\\nEelyo muntu nalisalila kuzwa mu Bbabbuloni, cijatikizya kampango kabuumi bwakwe boonse.\\nBbabbuloni ncibumbwa ca Saatani cabubeji, lweeno lwakwe nzintu zyoongelezya zyanyika.\\nKuzwa mu Bbabbuloni, kuyandika kuleka zintu zyanyika azintu zyayo zitolela maanu. Eezi zintu ziliindene kumuntu amuntu. Kuli bamwi, nkujatikana mumakwebo: kusumpulwa mumilimo yaanyika; kuluulwa akataa balongwenyina. Kuli bamwi, nkuyanzana abantu bamukwasyi wacikombelo comwe: ciimo ncobapedwe nkaambo kakuba muna Kristu uusyomeka, wamoyo uululeme, uusyomeka kulusyomo lwa cikombelo.\\nKuli bamwi, nkuyandisya maanda aabo, myootokala, milimo njobayandisya kuyoocita kumpelaa mazuba, bukkale mbobakkala, zyakulikkomanisya akujatikana mubuumi bwamudolopo eezyo balo nzyobatakubwene kuti zibasimpide mu Bbabbuloni. Kuli boonse, mizeezo njobajisi bantu bamwi ncecibapa kuti kabacaangilidwe kuli Bbabbuloni. Eeci ncintu cikonzya kwiinda kukatazya kuleka akwaamba kuti, “Kutali kuyanda kwangu, pele kwa Yahushua.”\\nBweende akataa bayandwa bali munsimunsi, ncecintu cipinduka kuti muntu wasala kuzwa mu Bbabbuloni, oomo balo bayandwa bakwe mobacaala kabacikkede. Nokuba boobo, kuti waya kumbele kukkala mu Bbabbuloni inga uyoosweekelwa buumi butamani. Kuli kaano katondezya cintu eeci mukaambo aaka:\\nMwanalumi wakwe wakali muntu uuyandisya kutambula bantunyina, aboobo walo ooyu mukaintu wakazyibila kutambula beenzu batatambidwe kukulya cilalilo. Walo wakaiya bwakufwamba kubamba cakulya cuubauba kuti cibe cakulya cilimyontwa tunwe cabeenzu. Banalumi bobile aabo mbaakaleta amunzi mulumaakwe, tiibakali kulibonya kuti mbeenzu baandeene pe. Pele zintu zyakatalika kuzinga.\\n“Inywe mweelede kuzwa mumunzi ooyu aano masiku,” aaba beenzu mbubakaamba. “Ooyu munzi uyanda kujaigwa.”\\nBanooli baali kusobana buyo aaba bantu! Nguni wakamvwide munzi oonse kuujaigwa kakwiina kaambo? Tiibakali kulwana nkondo. Alimwi, munzi wabo tiiwakali kwiinda kusofwaala aminzi yaali mumbali lyabo. Pele aaba banalumi bakasinizya ncibaali kwaamba. Akukonkezya.\\nMwanalumi wakwe wakafwamba kuya mumunzi kuyoolangaula bana bakwe bakwete mumunzi ooyo. Wakapiluka alikke. Katyompedwe mumoyo. Kazundidwe. Kunyina wakamuteelela. Boonse bakazyokela kuya kukoona, kabagwagwamuka kuseka kuti wazeluka maanu mudaala ooyu.\\nWalo mukaintu ooyo wakadonaika. Zintu zyakatalika kucitika cakufwamba. Ncobeni inga zyoonse eezi zicitika tazili zyamasimpe. Nkaambo nzi ncibakeelede kuyaamuka munzi ooyu akataa masiku? Tiibakali kukonzya kubweza musinzo, nkaambo inga ciyootola ciindi kuuzya ŋanda; alimwi inga ciyootola ciindi kuti balonge; kuyoojana kwakukkala, kulongela akulonzya zintu zyabo. Cakali cintu citakonzyeki kwiide kunyamuka kabatalibambide akubweza musinzo. Cakali kwaambilizya kuti beelede kusiya zyoonse!\\nBanalumi beenzu bakabindaanya kubasinikizya. Umwi aumwi wakajata janza lya mwanalumi, mwanakazi abana basimbi bobile. Bakatalika kubakankaizya kuzwa mumunzi ooyu, aaba banalumi kumwi kaboompolola kuti, “Kamutija buumi bwenu buli muntenda! Kamufwambaana! Alimwi mutacebauki pe!\\nBaakankamana, kabatasyomede, alimwi kabazingidwe, akutalika kulunduka! Kamufwambaana! Kamufwambaana! Mutacebi kusyule! Buyoofu bwakabalundusya.\\nNikwaba Kubucedo, kuzuma kuyoosya kwakamvwika nokucitontola kakwiina ceendeenda. Mabwe aamulimo akaloka mbuli mvwula kuzwa kujulu, kuwida mumunzi mwaali ŋanda yabo, munzi wabo . . . mwaali bana babo!\\nTibakali kulangila cakatobela aawa. Bana bakwe mukaintu ooyu, abazyukulu bakwe bakacili mumunzi oomo muvwilima mulilo! Baakaka kuti bayumuke eelyo bawisi nibakabacenjezya. Mbuti mbwaakali kunga wasiya bana bakwe mukaintu ooyu?\\nWakaima. Wakacenguluka. Wakaba cilwi camunyo. Bana bakwe bakacili mu Sodoma. Ooko nkokwaali moyo wakwe, aboobo muka Loti wakafwidilizya mukujaigwa kwakaboolela minzi yamucibanda, nokuba kuti wakali kulaale aminzi eeyi musyokwe. (Matalikilo 19.)\\nKunooli muka Loti taakali mukaintu usofweede. Wakali mumama. Wakali kubayanda bana nakwe. Wakalanga musyule nkaambo taakali kuyanda kubasiya bana bakwe. Mukwiingula mipailo yokwa Abrahamu (amulange Matalikilo 18:17-33), Julu lyakatumina bangele bobile kuti bavwune buumi bwakwe amaumi aabaabo boonse bakonzya kusyoma mulumbe wabo. Pele luyando lwakwe kubana bwakwe lwakali kwiinda luyando ku Mufutuli wakwe, eeci ncecaamutola kulufu mukujailwa antoomwe abaabo bakaceede musyule. Lufutuko lwaapedwe tiilwakali kumweelela.\\nAdamu wakawa nakayandisya mukaintu wakwe kwiinda Mulengi wakwe. Mbangaye asunu bacicita boobu?\\nKunyina muntu uukkomanina kuvwiyigwa nokuba kusekwa.\\nKubikkwa ambali nkuba waandeene. Bantu banji tabayandi kuba baandeene. Ncintu citamvwiki kabotu kuli mbabo, nokuba cibausya nsoni. Ncintu citamvwiki kabotu kutamvwugwa abantu bamwi, kuvwiyigwa, akusekwa. Banji bayoosweekelwa buumi butamani nkaambo kabukandu bwakusekwa . . .nokuba kaambo kabalumi babo abana babo bakaka lwiito lwakusiya Bbabbuloni. . . nokuba bamapasita babo babaambila kuti oolu lwiito taluli lwabo nkaambo balo tabali mu Bbabbuloni.\\nMuntu uli oonse ulaa kujatikana kwiindene mubweende bwakwe anyika oobo bumupa kuti walo kacikkede mu Bbabbuloni. Eezyi zyoonse zyilamudyaaminina kapati. Saatani uyoosunka boonse bamvwa lwiito lwakutija Bbabbuloni kuti oolo lwiito taluguminizyi mbabo pe.\\nKaindi kasyoonto kataninga kwaabwa mu Getisemani, Yahushua wakasyomezya kuti Walo uyootumina Muya Usalala.\\n“Eelyo mugwasyi ooyo aakusika uyoopa bumboni buzwide kunyika kujatikizya cinyonyoono, abululami alimwi alubeta; Pele mugwasyi ooyo aakuboola, nkokuti Moza wakasimpe, uyoomugwasya kumvwisya kasimpe koonse, nkaambo tuukaambi zyanguwo wini pe, pele uyokwaamba zyintu nzyoumvwa, alimwi uyoomwaambila zyintu ziciboola.” (Johane 16:8,13, KJV)\\nMuya Usalala uyoomupa kuteelelesya muntu uli oonse kuti ninzi ncacita “Bbabbuloni” mubuumi bwamuntu ooyo. Uyoomutondezya cintu cimwaangila muntu ooyo kuli Bbabbuloni. Ncintu ciyandika kapati kuti zintu zyaambwa aMuya wa Yahuwah zyateelelwa mpeenya cakufwamba kakunyina kulelema. Balikke aabo bayanda Sikabumba wabo kwiinda cili coonse mbabayoosiya zyoonse akulyaaba, kababweza ciciingano cakutobela nguwe, akutobela Mufutuli wabo nobazwa mu Bbabbuloni.\\nBamakaintu balabayanda bana babo “kwiinda buumi bweni.” Pele bonse bayandisya Sikabumba aMufutuli wabo, kutali mbobayanda buumi, pele kwiinda bana, kwiinda milimo njobayandisya, kwiinda zintu zyoonse nzyobalotela akuyandisya alimwi kwiinda makanze aabuntu bwabo, kwiinda kuyungana abeenzinyina, nokuba ciimo cabo nokuba ngobakwetene limwi.\\nYahushua Lwakwe wakasalazya kwaamba muulo wa lufutuko:\\nOoyo uuyanda bausyi naa banyina kwiinda ndime teelede kuba wangu, ayooyo uuyanda mwanaakwe musankwa naa musimbi kwiinda ndime teelede kuba wangu. Alimwi kufwumbwa uutazumini kunyamuna cisamu cakwe cakupenzyezya akunditobela, teelede kuba wangu. (Mateyo 10:37, 38, KJV)\\nKuteelela lwiito lwakusiya Bbabbuloni kuyandika kuzumina kuti ulisofwaade mumoza kusikila aciindi eeco. Ncintu cakulitolaansi. Kuyaamuka Bbabbuloni kweelede kubaa kuyandisya kutobela kasimpe kufumbwa muulo uunga waba.\\nHena webo wateelela kucenjezya ooku? Kuti kotajisi lusyomo luyumu lwakwiimikila olikke, kuti kotajisi luyando lwakasimpe, nokuba nguzu zyakulizandula kuzwa ku Bbabbuloni, kolomba nguzu eezyo! Zyoonse nzyoyanda mulufutuko lwako zyakasyomezyegwa kale kuti uyoopegwa eelyo waakulomba. “Zintu zyoonse zilakonzyeka kumutu ooyo uusyoma. “ (Maako 9:23, NKJV)\\nHena wabweza ciciingano cako akutobela Mufutuli wako?\\nHena webo uyoozwida anze lya Bbabbuloni?","num_words":2791,"character_repetition_ratio":0.049,"word_repetition_ratio":0.0,"special_characters_ratio":0.157,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Azerbaijan | Cisi Alimwi Abantu\\nAMUBALE MU Afrikaans Albanian Amharic Arabic Azerbaijani Azerbaijani (Cyrillic) Bulgarian Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch English Estonian Ewe Finnish French Georgian German Greek Hiligaynon Hungarian Iloko Indonesian Italian Japanese Kinyarwanda Kirghiz Korean Lithuanian Malagasy Myanmar Norwegian Polish Portuguese Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Sinhala Slovak Slovenian Spanish Swahili Swedish Tagalog Thai Tigrinya Tsonga Turkish Twi Ukrainian Xhosa Zulu\\nKuswaya ku Azerbaijan\\nCISI ca Azerbaijan ncecipati akati kazisi zyotatwe izili kubusena butegwa Southern Caucasus. Myaka iibalilwa ku 1,000 yainda, bantu banji bamusyobo waci Turkic bakatalika kuboola kuzookkala mucilawo eeci. Bantu aaba bakatalika kwiiya zilengwa zyabantu mbobakajana, mpoonya abalo bantu bamucisi eeci bakatalika kwiiya zilengwa zyabeenzu aaba. Aboobo, tacigambyi pe kuti mwaambo waci Azerbaijani ulikozyenye kapati amwaambo waci Turkish alimwi aci Turkmen.\\nBana Azerbaijani balasamausya kapati. Mikwasyi ilikamantene, alimwi banamukwasyi balagwasyanya kapati muziindi zyamapenzi.\\nBana Azerbaijani balayandisya kwiimba alimwi akweema. Musyobo wanyimbo umwi iwiitwa kuti mugam, mwiimbi ulaamba kujatikizya kweema kwabana Azerbaijani, kumwi zilimba kazilila. Mwiimbi wiimba lwiimbo lwa mugam weelede kuti kajisi luzyibo kujatikizya musyobo wanyimbo eezyi alimwi akucikonzya kwaanza nyimbo.\\nBana Azerbaijani balauyanda kapati tii\\nBana Azerbaijani balauyanda kapati tii. Banywida mututambula alimwi babelesya zikoto zyasyuga zipati, mpoonya banywisya maalmondi, misaansa alimwi atwakulya tumwi. Maanda mobanywida tii alajanika nomuba muminzi.\\nCisi nkocili kujwe, kuli Lwizi lwa Caspian, mwalo mujanika nswi ziitwa kuti sturgeon. Inswi iitwa kuti beluga sturgeon ilakonzya kupona myaka iinda ku 100. Muswi wiinda kukomena iwakajatwa wakali kulema makkilogilamu aali 1,297, mpoonya wakali kulampa mamita aali 8.5. Muswi ooyu ulayandika kapati akaambo kamayi aakwe alo aaligwa aitwa kuti black caviar.\\nBana Azerbaijani mbakombi ibayandisya kwaamba zya Leza. Bantu banji bakkala mucisi eeci mba Mozilemu. Alimwi muli azikombelo zimbi zyalo zibikkilizya a Bakamboni ba Jehova ibainda ku 1,000 alimwi bunji bwabo mbana Azerbaijani.\\nBaimbi bana Azerbaijani\\nBakamboni ba Jehova balaiya Bbaibbele abantu banji munyika yoonse, kubelesya bbuku lyakuti Ino Ncinzi Cini Bbaibbele Ncoliyiisya? Lilajanika mumyaambo iinda ku 250, kubikkilizya aci Azerbaijani.\\nMweelwe wabantu: 9,000,000\\nDolopo lipati: Baku\\nZyintu zisambalwa kunze aacisi: Mungwimba","num_words":319,"character_repetition_ratio":0.071,"word_repetition_ratio":0.0,"special_characters_ratio":0.157,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bakalyaaba Amoyo Woonse Kuyakubelekela​—ku Micronesia | Yakwiiya\\nAMUBALE MU Afrikaans Albanian Amharic Arabic Armenian Aymara Azerbaijani Azerbaijani (Cyrillic) Bengali Bicol Bislama Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Cinyanja Croatian Czech Danish Drehu Dutch Efik English Estonian Ewe Fijian Finnish French Ga Georgian German Greek Greenlandic Guarani Gujarati Gun Haitian Creole Hebrew Hiligaynon Hindi Hungarian Icelandic Igbo Iloko Indonesian Italian Japanese Kannada Kazakh Kikaonde Kikuyu Kiluba Kinyarwanda Kirghiz Kirundi Kongo Korean Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Malayalam Maltese Marathi Maya Ndebele Ndonga Nepali Ngabere Norwegian Nyaneka Nzema Oromo Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Punjabi Quechua (Ancash) Quechua (Ayacucho) Quechua (Bolivia) Romanian Russian Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swahili (Congo) Swati Swedish Tagalog Tahitian Tamil Tatar Telugu Thai Tigrinya Tshiluba Tshwa Tsonga Turkish Tuvaluan Twi Tzotzil Ukrainian Umbundu Urdu Uzbek Venda Vietnamese Wallisian Waray-Waray Wolaita Xhosa Yoruba Zulu\\nBakalyaaba Amoyo Woonse Kuyakubelekela—ku Micronesia\\nBA Katherine bakakomenena mucisi ca United States alimwi bakabbapatizyigwa akuba Kamboni wa Jehova nobakajisi myaka yakuzyalwa iili 16. Bakali kuubikkila kapati maano mulimo wakukambauka pele bantu bamubusena mobakali kukambaukila tiibakali kubikkila maano kumulumbe wa Bwami. Bakaamba kuti: “Ndilabala zyakuluula zijatikizya bantu bakapaila kuli Leza kumulomba kuti abatumine muntu uukonzya kubagwasyilizya kuzyiba Leza. Ndakali kulombozya kujana muntu uuli boobo, pele tiicakacitika pe.”\\nNokwakainda myaka iili mbwiibede kabakambauka mubusena oobo mbubwenya, ba Katherine bakatalika kuyeeya kuunka kubusena bantu nkobakali kukonzya kuutambula mulumbe wa Bwami. Bakali kulibilika ikuti naa inga bacikonzya kucita oobo. Taakwe nobakazwide kale aŋanda kwaciindi cilamfwu mubuumi bwabo pele buyo kwansondo zyobilo, alimwi noliba leelyo, bakali kukuyeeya kapati kuŋanda buzuba abuzuba. Nkakaambo kaako luyandisisyo lwabo lwakuyanda kujana lukkomano luboola mukugwasya baabo ibayandaula Jehova lwakazyikumana. Nobakalanga-langa akubona busena nkobakali kukonzya kuunka, bakalembela mutabi waku Guam mpoonya bakatambula makani aayandika kujatikizya busena oobo. Mu July 2007, kabajisi myaka yakuzyalwa iili 26, ba Katherine bakalongela ku Saipan, nsumbu iili mu Pacific Ocean, kwalo kulampa makkilomita aali 10,000 kuzwa nkobazwa. Ino zintu zyakabeendela buti?\\nBWIINGUZI KUMIPAILO YOBILO\\nMbobakasikila buyo kumbungano eeyo mpya, tiilyakalampa pe, ba Katherine bakaswaanganya ba Doris, ibakaintu ibakajisi myaka yakuzyalwa iili kuma 40, balo ibakazumina kwiiya Bbaibbele. Nobakamana kwiiya zibalo zyotatwe mubbuku lya Bbaibbele Ncoliyiisya, ba Katherine bakatalika kukopana mumoyo. Bakaamba kuti: “Ba Doris bakali basikwiiya bali kabotu, tiindakali kuyanda kubanyonganya pe. Taakwe mubuumi bwangu nondakasolololede kale ciiyo ca Bbaibbele cisitikide, ba Doris bakali kuyandika mucizyi uucibwene kuyiisya, ambweni wamusela wabo.” Ba Katherine bakapaila kuli Jehova kuti abagwasye kujana mucizyi weelela walo ngobakali kukonzya kupa ciiyo ca Bbaibbele eeci. Mpoonya bakasala kubazyibya ba Doris kucinca kujatikizya muntu wakali kunakubayiisya.\\nBa Katherine bakaamba kuti: “Kanditanaamba ncondakali kuyanda kwaamba, ba Doris bakandaambila kuti kuli penzi ndyobayanda kundaambila. Nondakamana kumvwa penzi lyabo, ndakabaambila Jehova mbwaakandigwasya kulwana penzi lyamusyobo ooyo mubuumi bwangu. Mpoonya bakandilumba.” Kumane, ba Doris bakaambila ba Katherine kuti: “Jehova ubelesya ndinywe kundigwasya. Buzuba bwakusaanguna nomwakasika aano, ndakali kubala Bbaibbele kwamawoola manji. Ndakali kulila, kulomba Leza kuti anditumine muntu uukonzya kundigwasya kumvwisya Bbaibbele. Mpoonya mwakakonkomona amulyango. Jehova wakawiingula mupailo wangu!” Yakabeenda misozi ba Katherine ciindi nobakali kwaamba makani aaya. Bakaamba kuti: “Majwi aaba Doris bwakali bwiinguzi kumupailo wangu. Jehova wakanditondezya kuti ndakeelede kuzumanana kwiiya ambabo.”\\nBa Doris bakabbapatizyigwa mu 2010 alimwi lino balasololela ziiyo zya Bbaibbele zili mbozibede. Ba Katherine bakaamba kuti: “Eelo kaka ndilikkomene kujana kuti luyandisisyo lwangu lwakugwasya muntu umwi kuba mubelesi wa Jehova lwakazuzikizyigwa!” Mazuba aano, ba Katherine mbapainiya baalubazu munsumbu yamu Pacific ya Kosrae.\\nKULWANA BUYUMUYUMU BOTATWE\\nBakwesu abacizyi bainda ku 100 (ibajisi myaka yakuzyalwa iili akati ka 19 a 79) balabeleka kubusena bubulide ku Micronesia. Mbobalimvwa basimilimo aaba basungu kulitondezyedwe amajwi aakaamba mucizyi wazina lyakuti Erica, walo iwakalongela ku Guam mu 2006 naakajisi myaka yakuzyalwa iili 19. Wakaamba kuti: “Cilakkomanisya kucita bupainiya mucilawo bantu mobajisi nyota yakasimpe. Ndilalumba akaambo kakuti Jehova wakandigwasya kutalika mulimo ooyu. Nenzila yiinda kubota mubuumi!” Mazuba aano, ba Erica balikkomene kubeleka kabali bapainiya baalubazu ku Ebeye busena ibuli mu Marshall Islands. Masimpe ngakuti, kuli buyumuyumu bujanika kubelekela kubusena bwakunze aacisi. Atulange-lange buyumuyumu botatwe akubona mbobabulwana aabo ibakalongela ku Micronesia.\\nBukkale. Nobakasika kunsumbu ya Palau mu 2007, ba Simon, balo ibakajisi myaka yakuzyalwa iili 22, bakajana kuti bakali kukonzya buyo kuvwolwa mali masyoonto kapati kweezyanisya angobakali kuvwola kucisi cabo ku England. Bakaamba kuti: “Ndakeelede kwiiya kutaula kufwumbwa cintu ncondakali kuyanda. Lino, ndilasala kabotu cakulya ncondiyanda kuula, alimwi ndilalanga-langa muzintoolo ziindene-indene kutegwa ndijane zintu zijisi muulo uuli kabotu. Ikuti cintu cimwi canyonyooka, ndilasoleka kulangaula cibeela cakabeleka kale akulangaula muntu umwi uukonzya kundigwasya kucibamba.” Ino kuyanda kuba abuumi buuba-uba kwakabajatikizya buti? Ba Simon bakaamba kuti: “Candigwasya kuzyiba cini ciyandika mubuumi alimwi ambondikonzya kupona azintu zisyoonto buyo. Jehova wali kundigwasya ziindi zinji. Mumyaka iili ciloba njondabeleka kuno, lyoonse ndalijisi cakulya alimwi aakoona.” Masimpe, Jehova ulabagwasya aabo ibapona buumi buuba-uba akaambo kakuti bayanda kubikka Bwami mubusena bwakusaanguna.—Mt. 6:32, 33.\\nKuyeeya kuŋanda. Ba Erica bakaamba kuti: “Tulamvwana kapati mumukwasyi, aboobo ndakali kulibilika kuti kuyeeya kuŋanda kuyakuunyonganya mulimo wangu wakukambauka.” Ino bakacita nzi kutegwa balibambile? Bakaamba kuti: “Kanditanaunka, ndakabala zibalo zyamu Ngazi Yamulindizi izyaamba kujatikizya kuyeeya kuŋanda. Eeci cakapa kuti ndilibambile kulwana buyumuyumu oobu. Mucibalo cimwi, muzyali mukaintu umwi wakaumbulizya mwanaakwe musimbi kwiinda mukumwaambila Jehova mbwalanganya, wakati ‘Jehova ulakonzya kukulanganya kwiinda mbondikonzya kukulanganya.’ Kukulwaizya ooku kwakandiyumya-yumya.” Ba Hannah abalumi babo ba Patrick, babelekela ku Majuro mu Marshall Islands. Ba Hannah balabulwana buyumuyumu bwakuyeeya kuŋanda kwiinda mukubikkila maano bakwesu abacizyi bamumbungano mobazulilwa. Bakaamba kuti: “Ndilamulumba Jehova lyoonse akaambo kabunyina bwanyika yoonse nkaambo abalo mukwasyi wangu. Kakunyina kugwasyigwa ambabo munzila yaluyando, tiindali kunga ndacikonzya kubelekela kubusena kubulide basikumwaya.”\\nKuzyibila akujana balongwe. Ba Simon bakaamba kuti: “Ciindi nowasika kucisi cimbi, zintu zyoonse inga zyeenzu. Zimwi ziindi inga ndilombozya kwaamba masesya alimwi akuti bamwi kabandimvwisya.” Ba Erica bakaamba kuti: “Kumatalikilo, tiindakajisi balongwe, pele eeci cakandigwasya kuzyiba ncondakaunkila kubusena oobo. Ndakaunka kutali kuti ndijane zintu zikonzya kundigwasya pele kubelekela Jehova.” Bakayungizya kwaamba kuti: “Mukuya kwaciindi, ndakaba abalongwe babotu, balo mbondiyandisya kapati.” Ba Simon bakasoleka canguzu kwiiya mwaambo waci Palauan, calo cakabagwasya ‘kujalula moyo wabo’ kubakwesu abacizyi bamumbungano eeyo. (2 Ko. 6:13) Kusoleka kwabo kwiiya mwaambo ooyu kwakapa kuti bayandwe abakwesu. Masimpe, ikuti basikumwaya aaba beenzu babeleka antoomwe abakwesu bamumbungano mbobajana, boonse balagwasyigwa kwiinda mukuba aabalongwe bakkomanisya mumbungano. Mbulumbu nzi bumbi mbobatambula aabo ibalyaaba camoyo woonse kuyakubelekela kubusena kubulide basikumwaya?\\nMwaapostolo Paulo wakaamba kuti: “Ooyo uusyanga aapati uyootebula zinji.” (2 Ko. 9:6) Njiisyo iili mumajwi aaya mubwini yaamba baabo ibakomezya mulimo wabo wakukambauka. Ino micelo nzi ‘minji njobatebula’ ku Micronesia?\\nBa Patrick aba Hannah\\nKu Micronesia, kucili zyoolwe zinji zyakutalisya ziiyo zya Bbaibbele alimwi akubona bantu aabo ibaiya alimwi akukatobela kasimpe kajanika mu Jwi lya Leza kabayaambele kumuuya. Ba Patrick aba Hannah bakabeleka ku Angaur, kansumbu kaniini ikajisi bantu basika ku 320. Nobakakambauka kwamyezi yobilo, bakayaanya muzyali mukaintu uuli alikke. Mpoonya-mpoonya wakazumina kwiiya Bbaibbele, wakaiya kasimpe, akucinca kapati mubuumi bwakwe. Ba Hannah bakaamba kuti: “Twamana kwiiya, twakali kuceba akulangana ciindi notwatanta macinga eesu kuzwa aŋanda akwaamba kuti: ‘Twalumba Jehova.’” Bakayungizya kwaamba kuti: “Ndilizyi kuti Jehova wakali kukonzya kumukwela mukaintu ooyu munzila imwi, pele akaambo kakubelekela kubusena kubulide basikumwaya, twakacikonzya kumujana akumugwasya mukaintu ooyu uuli mbuli mbelele kumuzyiba Jehova. Cintu eeci cakacitika mbulumbu bumwi bwiinda kubota mubuumi bwesu. Mbubwenya mbobakaamba ba Erica, “ikuti wagwasya muntu umwi kuzyiba Jehova, uyakukkomana citaambiki!”\\nMuzisi zinji, kuciyandika basikumwaya ba Bwami banji. Sena inga mwaba akati kabaabo ibaunka kuyakubelekela kubusena kubulide basikumwaya? Amumulombe Jehova mumupailo kutegwa ayumye luyandisisyo lwanu lwakuyungizya mulimo wanu wakukambauka. Amwaabandike makani aaya abaalu bamumbungano yanu, mulangizi wabbazu, naa aabo ibakabelekela kale kubusena kubulide basikumwaya. Mwatalika kubikka bubambe bwakuunka, amubalembele bakumutabi ibamucisi nkomuyanda kuunka kuyakubeleka akubalomba makani aayandika kujatikizya busena oobo. * Ambweni andinywe inga mwabasangana bakwesu abacizyi banji kapati—ibacili bakubusi alimwi abapati, bakwete naa bakwetwe, batakwete naa batakwetwe—ibalyaaba amoyo woonse akulabila lukkomano lujanika ‘mukutebula zinji.’\\n^ par. 17 Amubone cibalo cakuti “Sena Inga ‘Mwazabukila ku Makedoniya’?” mu Mulimo Wesu wa Bwami wa August 2011.\\nMbomukonzya Kuyiisya Bamwi\\nAKATI kabaabo ibaunka kuyakubelekela kunze aacisi kuli baalu Banakristo ibabeleka myaka minji mumulimo wakulanganya butanga. Mbuti bakwesu aaba mbobakonzya kuyiisya bamwi mumbungano?\\nBa Richard aba Joel\\nBa Richard ibajisi myaka yakuzyalwa iili 65, bakalongela ku Guam kuzwa kucisi ca United States mu 2010. Bakaamba kuti ikulumbaizya muntu umwi ninzila imwi yiinda kubota yakuyiisya bamwi. Ba Richard bakaamba kuti: “Nzila mbotu yakuyiisya bamwi nkubeleka antoomwe ambabo mumulimo wakukambauka. Mukwesu ulakonzya kubona akumvwa mbomuyiisya bamwi kujatikizya Jehova. Kuyungizya waawo, kubeleka antoomwe kupa kuti kube kumvwana kapati akukamantana.”\\nBa Byron aba Greg\\nBa Greg, ibajisi myaka yakuzyalwa iili 60, bali kukkala mu Saipan kuzwa mumwaka wa 2010. Bakaamba kuti: “Bakwesu ibalongela kokuno balamubikkila maano mukwesu umwi aumwi wamumbungano. Twayumya cilongwe ambabo alimwi akusyomeka kuli umwi aumwi akupana bulemu.” Bakayungizya kuti: “Tabayiisyi buyo munzila yomwe pe. Tulijisi zinji zyakwiiya kuzwa kubakwesu bamumbungano.”\\nBa Mike aba Alice\\nBa Mike, ibajisi myaka yakuzyalwa iili 60, balo abakaintu babo ba Alice, bakabeleka muzyooko zyaku Pacific myaka yiinda ku 20. Mbuti mbobakayiisya bamwi? Bakaamba kuti: “Kwiinda mukuba cikozyanyo cibotu mukutobela busolozi buzwa kumbunga ya Jehova. Ndakali kuba masimpe kuti aabo mbondakali kuyiisya bakali kubumvwisya busolozi. Ndakali kusola kucita eeco ncondakali kuyiisya, kukkazika moyo, alimwi akulumbaizya bamwi caluzyalo.” Ba Mike alimwi bakaamba kuti: “Ikuti mwalongela kubusena bumwi, inga cainda kugwasya kuzyiba kuti kuli nzila zinji zyakucita cintu comwe.”\\nIno bakwesu baku Micronesia balimvwa buti kujatikizya lwiiyo ndobatambula? Ba Joel ibajisi myaka yakuzyalwa iili 21, balo ibakkala ku Guam, bakaamba kuti: “Baalu balatondezya kuti balandisyoma kwiinda mukundipa milimo indene-indene. Eeci candigwasya kubona kuti ndilijisi cintu cimwi cibotu ncondikonzya kupa mumulimo wa Jehova.” Ba Byron ibajisi myaka yakuzyalwa iili 31 ibakkala ku Saipan, bakaamba kuti: “Akaambo kabusungu bwabo mumulimo wakukambauka alimwi aluyando ndobajisi kumbelele, baalu bandigwasya kubikkila maano kuzintu zyakumuuya muciindi cakuyandisya kuvwuba.” Bakayungizya kwaamba kuti: “Twalongezyegwa kuba abakwesu aaba ibajisi luzyibo akati kesu.”\\nIno ncikolo nzi caalubazu ncobanjila bapainiya aabo baaba ciindi cabo cinji kumulimo wakukambauka Bwami?","num_words":1559,"character_repetition_ratio":0.069,"word_repetition_ratio":0.0,"special_characters_ratio":0.157,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ndakalibonena Ameso Aangu Bbaibbele Ncolyaamba! | Ba Pepo Devidze\\nBa Pepo Devidze\\nBUUMI BWABO MUBUFWAAFWI Bakakomenena mucikombelo ca Georgian Orthodox alimwi bakali kuzitobela kabotu-kabotu njiisyo zyacikombelo eeci. Nobakamana kwiiya kasimpe kamu Bbaibbele, bakabelekela ku Bbeteli antoomwe abalumi babo. Lino balabeleka kabali bapainiya baalubazu.\\nNDAKAMVWA kujatikizya Bakamboni ciindi cakusaanguna nondakali kukkoleji kudolopo lya Kutaisi. Simukoboma umwi wakandaambila kuti Bakamboni tababelesyi zibumbwa mubukombi bwabo alimwi tabasyomi kuti Jesu ngu Leza Singuzuzyoonse. Njiisyo eezyi tiizyakeendelana anjiisyo nzyondakali kuyanda kapati nzyondakaiya mucikombelo ca Orthodox.\\nNondakapiluka kudolopo nkondakali kukkala ku Tsageri, lyacilimo mumwaka wa 1992, ndakazyiba kuti Bakamboni bakaliko amudolopo eeli. Bamaama bakamvwa zintu zibotu zinji kujatikizya Bakamboni. Pele akaambo kakuti mebo ndakacili kubabona munzila iitali kabotu, bamaama bakandaambila kuti: “Koya ukalimvwide nzyobayiisya.”\\nBakwesu bobilo bapainiya, ba Pavle aba Paata, lyoonse bakali kuboola kuswaya kuli basimukoboma. Basimukoboma banji bakali kuunka kuswiilila alimwi akubuzya mibuzyo. Aboobo andime ndakayeeya kuti ndijanike kumibandi eeyi. Ciindi coonse nondakali kubuzya mubuzyo, bakwesu aaba bakali kujalula Bbaibbele akundaambila kuti ndibale. Eeci cakandikkomanisya kapati—ndakalibonena ameso aangu Bbaibbele ncolyaamba!\\nTiilyakalampa, ndakasangana kakamu nkobakali kuyiisya Bbaibbele bakwesu aaba. Cilimo icakatobela, notuli 10 twakabbapatizyigwa. Mukuya kwaciindi, abalo bamaama bakaba Bakamboni ba Jehova.\\nKulanga musyule, ndilalumba kapati kuti bakwesu bakayiingula mibuzyo yangu yoonse kwiinda mukundipa kuti ndibale bwiinguzi mu Bbaibbele. Eeci cakandigwasya kuti ndileke kukatazyigwa mumizeezo nkaambo ndakabona kuti nzyondakali kusyoma tiizyakaluzi pe. Kuyeeya mbondakagwasyigwa kwiinda mukubala bwiinguzi kuzwa mu Bbaibbele kuligama, andime ndilaibelesya nzila eeyi kugwasya bamwi kutambula kasimpe!","num_words":224,"character_repetition_ratio":0.061,"word_repetition_ratio":0.0,"special_characters_ratio":0.139,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Lusyomo lwa Marta Lwakalongezyegwa | Lusyomo Lwini-lwini\\n1. Amupandulule mbwaakauside Marta alimwi acakamupa kuusa.\\nMARTA wakali kukonzya kucibona mumizeezo yakwe—cuumbwe camwanookwabo, mpangala yakajalidwe abbwe kumulyango. Wakali mubuumba bupati. Cakamukatazya kusyoma kuti Lazaro muyandwa wakwe wakalifwide. Mazuba one aakaindide kuzwa buzuba naakafwa bakali kulila, akutambula beenzu, alimwi akuumbulizyigwa.\\n2, 3. (a) Mbuti Marta mbwaakajatikizyigwa naakabona Jesu? (b) Majwi aa Marta aayandika kapati atondezya nzi kujatikizya nguwe?\\n2 Lino munsi lya Marta kwakaimvwi muntu ngobakali kuvwana kapati a Lazaro. Marta naakamubona Jesu wakatalika kulila alimwi, nkaambo wakalizyi kuti ngomuntu alikke wakali kukonzya kufwutula mwanookwabo kulufwu. Nokuba boobo, Marta wakaumbulizyigwa kuba a Jesu mumunzi ookwabo mu Betaniya. Muciindi buyo cisyoonto ncaakali a Jesu, Marta wakayumizyigwa akaambo kalubomba alweetelelo ndwaakatondezya Jesu. Wakamubuzya mibuzyo yalo yakamugwasya kulubikkila maano lusyomo lwakwe anzyaakali kusyoma kujatikizya bubuke. Mubandi ooyu wakapa kuti Marta aambe kaambo kayandika kapati nkaatakalinaambide kakuti: “Ndasyoma kuti nduwe Kilisito Mwana wa Leza, Ooyo weelede kuboola munyika.”—Joh. 11:27.\\n3 Marta wakali mukaintu wakajisi lusyomo kapati. Twaambo tusyoonto buyo Bbaibbele ntolitwaambila kujatikizya Marta tulakonzya kutugwasya kuyumya lusyomo lwesu. Kutegwa tubone mbotukonzya kugwasyigwa, atubone cibalo cakusaanguna mu Bbaibbele cijatikizya Marta.\\n4. Muunzila nzi mukwasyi wa Marta mowakalilibedelede, alimwi bakali kwiitana buti a Jesu?\\n4 Kwakaindide buyo myezi misyoonto. Lazaro wakali kupona alimwi wakali kabotu. Munzi wakwe mu Betaniya wakalaafwaafwi kutambula umwi wabeenzu balemekwa kapati, Jesu Kristo. Lazaro, Marta alimwi a Mariya bakali kukkala antoomwe nokuba kuti bakali bapati. Basikuvwuntauzya bamwi baamba kuti kuboneka kuti Marta ngowakali mupati akati kabo botatwe akaambo kakuti ngowakali kusamausya beenzu alimwi zimwi ziindi nguusaanguna kwaambwa. (Joh. 11:5) Kunyina ambotukonzya kuzyiba kuti naa bantu aaba botatwe kuli nobakakwetwe naa kukwata. Kufwumbwa naa cakali buti, bakaba balongwe ba Jesu. Ciindi naakali kukambauka mu Judaya ooko kwalo nkwakakazyigwa kapati akupenzyegwa, Jesu wakali kukkala kuŋanda yabantu aaba botatwe. Cakutadooneka, wakalumba kapati kulugwasyo aluumuno lwabo.\\n5, 6. (a) Nkaambo nzi Marta ncaakajisi bubi ciindi Jesu naakabaswaide? (b) Ncinzi Mariya ncaakacita ciindi Jesu naakabaswaide?\\n5 Marta wakajisi mulimo mupati wakubamba ŋanda yabo akusamausya beenzu. Wakali muntu similimo iwakajisi zyintu zyakucita ciindi coonse. Cakali mbubonya oobo ciindi Jesu naakabaswaide. Wakamujikila zyakulya zinji zibotu mweenzu wakwe abasilweendonyina. Kaindi, kusamausya beenzu cakali cintu ciyandika kapati. Mweenzu asika, wakali kumyontwa, kusamununwa mpato zyakwe, kusanzyigwa zituta, alimwi akunanikwa mafwuta kumutwe aakatalusya aanunkila kutondezya kuti watambulwa. (Amubale Luka 7:44-47.) Cakali cilengwa buya kubona kuti mweenzu wapegwa aakoona acakulya.\\n6 Marta a Mariya bakajisi zyintu zinji zyakucita kubambila mweenzu wabo uulibedelede. Mariya, walo zimwi ziindi iwaambwa kuti ngowakali kubikkila maano kapati, wakamugwasya kubeleka kumatalikilo mwanookwabo. Pele Jesu naakasika, zyintu zyakacinca. Jesu wakacibona kuti eeci nceciindi cakuyiisya, aboobo wakabayiisya. Jesu wakaliindene abasololi bazikombelo bamuciindi eeco nkaambo wakali kubalemeka bamakaintu alimwi wakali kubayiisya kujatikizya Bwami bwa Leza, walo iwakali mutwe wamakani wamulimo wakwe. Mariya wakacikkomanina ciindi eeci aboobo wakakkala ansi akuswiilila zyoonse nzyaakali kwaamba Jesu.\\n7, 8. Nkaambo nzi Marta wakali kulibilika mumoyo wakwe, alimwi mbuti mbwaakacitondezya eeci?\\n7 Amuciyeeyele buyo mbwaakanyema Marta mumoyo. Akaambo kakuti kwakali zyakulya zinji nzyaakeelede kujikila beenzu bakwe, cakamupa kulibilika akunyonganizyigwa kapati. Naakali kukutauka milimo yakwe akubona mwanookwabo kakkede buyo, sena wakalitondezya kuti ulinyemede? Tacigambyi kuti naa wakanyema. Tanaakali kukonzya kuucita mulimo ooyu woonse alikke!\\n8 Marta cakamwaalila kulijata. Wakamunjila mukanwa Jesu akwaamba kuti: “Mwami, sena tokwe makani kuti mwanaakwesu wandilekelezya endikke kucita zyintu? Aboobo komwaambila andigwasye.” (Lk. 10:40) Majwi aaya akali aabukali. Kumane wakalomba Jesu kuti amwaambile Mariya kuti apiluke kumulimo.\\n9, 10. (a) Mbuti Jesu mbwaakamwiingula Marta? (b) Ino tuzyi buti kuti Jesu tanaakali kululamika Marta akaambo kakubeleka canguzu kubamba cakulya cibotu?\\n9 Bwiinguzi bwa Jesu bweelede kuti bwakamugambya Marta mbuli mbobubagambya basikubala Bbaibbele banji. Jesu wakaingula kuti: “Maata, Maata, ulalibilika akunyonganizyigwa azyintu zinji. Pele nzyintu buyo zisyoonto ziyandika naa comwe buyo. Maliya walo wasala cibeela cibotu, alimwi takanyangwi ncico pe.” (Lk. 10:41, 42) Ino Jesu wakali kupandulula nzi? Sena wakali kwaamba kuti Marta wakali kubikkila maano kapati kuzyintu zyakumubili? Sena tanaakali kuuyanda mulimo ngwaakali kucita wakujika zyakulya zibotu?\\nNokuba kuti wakali ‘kulibilika akunyonganizyigwa azyintu zinji,’ Marta wakazumina kululamikwa\\n10 Peepe. Jesu wakabona kuti makanze aa Marta akali mabotu alimwi aaluyando. Jesu kunyina naakalimvwa kuti kusamausya ooku kwakalilubide. Cimwi ciindi musyule, wakajanika ‘kupobwe pati lyakumutambula’ ndyaakamubambilide Matayo. (Lk. 5:29) Cakulya ncaakabamba Marta taali ngaakali makani mapati pe; pele makani akali kuzyintu nzyaakeelede kusaanguna kubikkila maano. Akaambo kakubikkila kapati maano kukubamba cakulya cibotu, eeci cakapa kuti atabikkili maano kucintu ciyandika kapati. Ino ncintu nzi eeco?\\nJesu wakamulumba Marta akaambo kakusamausya kwakwe, alimwi wakalizyi kuti wakajisi makanze mabotu\\n11, 12. Mbuti Jesu mbwaakamululamika Marta caluzyalo?\\n11 Simuzyalwaalikke, Jesu Mwana wa Jehova Leza, wakali muŋanda ya Marta kuyiisya kasimpe. Kunyina cintu cakali kuyandika kapati kwiinda kuswiilila kasimpe nokuba kubamba cakulya cibotu. Cakutadooneka, Jesu wakausa kuti Marta tanaakacibikkila maano coolwe cilibedelede kutegwa ayumye lusyomo lwakwe, nokuba boobo wakamuleka kuti alisalile. * Pele Marta tanaakeelede kumusalila Mariya kuti awalo cimwiinde coolwe eeci.\\n12 Aboobo, caluzyalo Jesu wakamululamika Marta kwiinda mukubelesya zyina lyakwe cakwiinduluka-induluka kutegwa amukkazike moyo, mpoonya wakamusyomezya kuti tanaakeelede ‘kulibilika akunyonganizyigwa azyintu zinji.’ Cakulya buyo cisyoonto ncecakali kuyandika nkaambo kwakali pobwe lyakumuuya. Aboobo, Jesu tanaakali kulangilwa kumunyanga Mariya “cibeela cibotu” ncaakasala cakwiiya kulinguwe.\\n13. Ncinzi ncotukonzya kwiiya kuli Jesu mbwaakamululamika Marta?\\n13 Eeci cibalo icipandulula icakacitika kuŋanda ya Marta cilijisi ziiyo zibotu kuli basikutobela Kristo mazuba aano. Tatweelede kuzumizya cintu cili coonse kutulesya kucita “zyintu zyakumuuya.” (Mt. 5:3) Nokuba kuti tuyanda kwiiya muuya wabwaabi akubeleka canguzu mbuli Marta, tatweelede ‘kulibilika akunyonganizyigwa’ kapati azyintu zyakusamausya beenzu cakuti twaindwa kuzyintu ziyandika kapati. Kaambo kapati katupa kuyanzana abasyomima nkuyumizyanya alimwi akupana zipego zyakumuuya, kutali buyo kuyanda kubapa naa kutambula zyakulya zibotu. (Amubale Baloma 1:11, 12.) Muziindi zyakuyumizyanya zili boobu, inga kwayandika buyo cakulya cisyoonto.\\n14. Nkaambo nzi ncotukonzya kuba masimpe kuti Marta wakapa cikozyanyo cibotu caboola kukutambula lulayo?\\n14 Sena Marta wakaluzumina lulayo ndwaakapegwa kuli Jesu akwiiya ciiyo? Inzya. Mwaapostolo Johane naakatalika kwaamba cibalo cikkomanisya kujatikizya mwanookwabo a Marta, wakaamba kuti: “Lino Jesu wakali kumuyanda Maata amwanaakwabo musimbi a Lazalo.” (Joh. 11:5) Kwakaliindide myezi kuzwa ciindi Jesu naakaswaide ku Betaniya mbuli mbokwaambwa kale. Marta kunyina naakanyema naa kubikkilila Jesu akaambo kalulayo ndwaakamupa caluyando. Wakamvwa kulaigwa. Mukaambo aaka alimwi, utupa cikozyanyo cibotu calusyomo nkaambo toonse tuyandika kululamikwa zimwi ziindi.\\n15, 16. (a) Ncinzi ncaakacita Marta ciindi mwanookwabo musankwa naakatalika kuciswa? (b) Nkaambo nzi Marta a Mariya ncobakabula bulangizi?\\n15 Ciindi mwanookwabo musankwa naakaciswa, Marta wakajisi bubi kumulanganya. Wakasolekesya kucita ncaakali kukonzya kucita kutegwa mwanookwabo apone. Nokuba boobo, Lazaro wakali kuyaabwiindila buya kuciswa. Bacizyi bakwe bakali munsi-munsi ciindi coonse kutegwa kabamulanganya. Marta wakali kumulanga mwanookwabo mbwaakali kweetezya akuyeeya myaka minji njobakali kukkomana antoomwe alimwi amapenzi ngobakali kupenga limwi.\\n16 Ciindi Marta a Mariya nobakabona kuti Lazaro waindila kuciswa, bakatuma mulumbe kuli Jesu. Wakali kukambaukila kubusena bwakali kutola lweendo lwamazuba obilo kuzwa nkwaakali kukkala Lazaro. Bakaamba buyo majwi masyoonto, bakati: “Mwami, bona! Ooyo ngoyandisya ulaciswa.” (Joh. 11:1, 3) Bakalizyi kuti Jesu wakali kumuyanda mwanookwabo alimwi bakali alusyomo kuti wakali kukonzya kucita kufwumbwa ncakonzya kugwasya mweenzinyina. Sena bakajisi lusyomo lwakuti Jesu ulasika cakufwambaana? Kuti naa cakali boobo, bakatyompwa kapati nkaambo Lazaro wakafwa.\\n17. Ncinzi cakamugambya Marta, alimwi ncinzi ncaakacita ciindi naakamvwa kuti Jesu wakali afwaafwi amunzi wabo?\\n17 Marta a Mariya bakamulila mwanookwabo akutalika kulibambila mbobakali kukonzya kumuzikka alimwi akutambula beenzu bamu Betaniya abaabo ibakali kuzwa muminzi yamunsi-munsi. Nokuba boobo, Jesu tanaakalinasika. Nocakali kuyaabuya ciindi, kweelede kuti Marta wakanyongana. Nokwakainda mazuba one Lazaro kafwide, Marta wakamvwa kuti Jesu wakali afwaafwi amunzi wabo. Akaambo kakuti lyoonse wakali mukaintu similimo, nokuba ciindi naakali mubuumba, Marta wakanyamuka kuyoocinga Jesu kakunyina kumwaambila Mariya.—Amubale Johane 11:18-20.\\n18, 19. Mbulangizi nzi mbwaakatondezya Marta, alimwi nkaambo nzi lusyomo lwakwe ncolwakalilibedelede?\\n18 Marta naakamubona Simalelaakwe, wakamwaambila icakali kumupenzya mumizeezo walo alimwi a Mariya kwamazuba aali mbwaabede naakati: “Mwami, ikuti nowakaliko kuno, mukwesu naatakafwa.” Nokuba boobo, Marta wakacijisi bulangizi alusyomo lwakuti Jesu ulakonzya kucita cimwi cintu. Wakayungizya akuti: “Nokuba boobo, ndilizyi noliba lino kuti nozivwula buti zyintu nzyolomba Leza, Leza ulakupa.” Mpoonya-mpoonya Jesu wakaamba cintu cimwi cakali kukonzya kuyumya bulangizi bwa Marta naakati: “Imunyoko ulabuka.”—Joh. 11:21-23.\\n19 Marta wakali kuyeeya kuti Jesu wakali kwaamba bubuke bwakumbele, aboobo wakati: “Ndilizyi kuti uyoobuka mububuke mubuzuba bwamamanino.” (Joh. 11:24) Lusyomo lwakwe munjiisyo eeyi lwakali luyumu. Basololi bazikombelo bamwi bama Juda, ibakali kwiitwa kuti ba Saduki, bakali kukazya kuti kuyakuba bubuke nokuba kuti njiisyo eeyi yakalisalazyidwe mu Magwalo aakasololelwa amuuya. (Dan. 12:13; Mk. 12:18) Pele Marta wakalizyi kuti Jesu wakali kuyiisya bulangizi bwabubuke alimwi wakalibusyide bamwi ibakafwide—nokuba kuti taakwe akati kabo wakafwide kwaciindi cilamfwu mbuli Lazaro. Tanaakazyi cakali kuyanda kucitika.\\n20. Amwaambe ncaamba majwi aa Jesu aatakalubwi aalembedwe mulugwalo lwa Johane 11:25-27 alimwi abwiinguzi bwa Marta.\\n20 Mpoonya Jesu wakaamba kaambo katalubiki naakati: “Mebo ndendime bubuke alimwi abuumi.” Masimpe, Jehova Leza wakapa Mwanaakwe nguzu zyakubusya bantu kumbele munyika yoonse. Jesu wakabuzya Marta kuti: “Sena ulaasyoma makani aaya?” Mpoonya wakapa bwiinguzi ibwaambwa kale kumatalikilo aacibalo eeci. Wakalijisi lusyomo kuti Jesu ngu Kristo naa Mesiya akuti wakali Mwana wa Jehova Leza alimwi akuti basinsimi bakalaambide kuti uyakuboola munyika.—Joh. 5:28, 29; amubale Johane 11:25-27.\\n21, 22. (a) Mbuti Jesu mbwaakatondezya mbwalimvwa kujatikizya bantu balila? (b) Amupandulule Lazaro mbwaakabusyigwa.\\n21 Sena Jehova Leza a Mwanaakwe Jesu Kristo balalukkomanina lusyomo luli mbuli lwa Marta? Izyakacitika Marta kalangilila zipa bwiinguzi bulimvwisya. Cakufwambaana wakaunka kuyakwiita Mariya mwanookwabo. Marta wakabona kuti Jesu wakaluuside ciindi naakali kwaambaula a Mariya abasidilwe. Wakaibona misozi kayeenda kubusyu bwa Jesu kutondezya mbocicisa kufwidwa. Wakamumvwa Jesu kaamba kuti baligwisye bbwe acuumbwe campangala mwakabikkidwe mwanookwabo.—Joh. 11:28-39.\\n22 Marta wakakasya kayeeya kuti mubili lino wakali kununka nkaambo kwakaindide mazuba one kafwide. Jesu wakamuyeezya kuti: “Sena tiindakwaambila kuti, ikuti naa wasyoma ulabona bulemu bwa Leza?” Wakasyoma, alimwi wakabubona bulemu bwa Jehova Leza. Mpoonya aawo Leza wakamupa nguzu Mwanaakwe zyakubusya Lazaro. Amuyeeye buyo cakali mumizeezo ya Marta mubuumi bwakwe boonse: Jesu naakoompolola ajwi ipati kuti, “Lazalo, kozwa oomo!”; wakalimvwisya Lazaro kuputauka mumpangala oomo mwaakabede naakali kubuka kacizambaidwe muzisani nzyobakali kubelesya kuzambaila mibili, wakaboola kumulyango wampangala kumane Jesu wakaamba kuti “amumuzambulule mumuleke ayende”; alimwi kuti basinizye, Marta a Mariya bakamulundukila mwanookwabo akumukumbatila. (Amubale Johane 11:40-44.) Buumba mbwaakajisi Marta bwakamana.\\nLusyomo lwa Marta muli Jesu lwakalongezyegwa ciindi walo alimwi a Mariya nobakabona mwanookwabo naakabusyigwa\\n23. Ncinzi Jehova alimwi a Jesu ncobayanda kumucitila, alimwi ino mweelede kucita nzi?\\n23 Cibalo eeci citondezya kuti bubuke bwabantu bafwide tacili cintu cakuyeeyela buyo; ninjiisyo yamu Bbaibbele iikkomanisya alimwi cakacitika muciindi camusyule. (Job. 14:14, 15) Jehova a Mwanaakwe balabalongezya aabo balaalusyomo mbuli mbobakacita kuli Marta, Mariya, alimwi a Lazaro. Izilongezyo eezyi zilamulindila andinywe kuti naa mwabaalusyomo luyumu.\\n“Maata Wakali Kubakutaukila”\\n24. Makani nzi aamamanino Bbaibbele ngolyaamba kujatikizya Marta?\\n24 Ibbaibbele lilamwaamba alimwi Marta kumatalikilo aansondo yamamanino yabuumi bwa Jesu anyika. Kazyi mapenzi aakali kuyakumucitikila kumbele, Jesu alimwi wakasala kuyakukkalila ku Betaniya. Kuzwa kooko wakali kweenda makkilomita otatwe kuya ku Jerusalemu. Mu Betaniya, Jesu a Lazaro bakali kulya cakulya kuŋanda ya Simoni sicisenda alimwi aawa mpotujana kaambo kamamanino kaamba Marta kakuti: “Maata wakali kubakutaukila.”—Joh. 12:2.\\n25. Nkaambo nzi mbungano mazuba aano ncozilongezyedwe kuba abamakaintu bali mbuli Marta?\\n25 Eelo kaka eeci ncikozyanyo cibotu camukaintu similimo! Ciindi cakusaanguna notwakamubala mu Bbaibbele, wakali kubeleka, alimwi cibalo camamanino icaamba nguwe citondezya kuti wakacili kubeleka, kulanganya baabo mbaakali limwi. Mazuba aano mbungano zyabasikutobela Kristo zililongezyedwe kuba abamakaintu batondezya lusyomo lwabo lyoonse kwiinda mumilimo yabo mbuli Marta—sicamba alimwi mwaabi. Sena Marta wakazumanana kucita boobo? Kuboneka kuti wakacita oobo. Ikuti naa wakali kucita oobu, wakali kucita kabotu nkaambo kwakali mapenzi amwi aakali kuboola.\\n26. Ino lusyomo lwa Marta lwakamugwasya kucita nzi?\\n26 Mumazuba buyo masyoonto, Marta wakeelede kuliyumya kulufwu lubi lwa Simalelaakwe ngwaakali kuyanda, Jesu. Kuyungizya waawo, mbamunya bajayi basikuupa-upa ameso ibakajaya Jesu bakali kuyanda kumujaya Lazaro awalo nkaambo bubuke bwakwe bwakapa kuti banji babe alusyomo. (Amubale Johane 12:9-11.) Masimpe ngakuti, mukuya kwaciindi ilufwu lwakaandaanya Marta abanabokwabo. Tatuzyi mbocakacitika alimwi anocakacitika, pele ncotukonzya kwaamba ncakuti: Lusyomo ndwaakajisi Marta lwakamugwasya kuliyumya kusikila kumamanino. Nkakaambo kaako Banakristo mazuba aano beleede kwiiya cikozyanyo ca Marta.\\n^ munc. 11 Mumwaanda wamyaka wakusaanguna, bamakaintu ba Juda tiibakali kuzumizyigwa kutola lubazu mumakani aalwiiyo. Lwiiyo lwabo lwakali kujatikizya buyo milimo yaaŋanda. Aboobo, kweelede kuti Marta wakacibona kuti tiicakeelede kumukaintu kukkala kumaulu aamwiiyi kutegwa ayiisyigwe.\\nNcinzi ncotukonzya kwiiya kululayo Jesu ndwaakapa Marta?\\nMuunzila nzi Marta mwaakatondezya muuya wabwaabi alimwi awakubeleka canguzu?\\nMbuti Marta mbwaakatondezya kuti wakajisi lusyomo lulibedelede?\\nMuunzila nzi momuyanda kwiiya lusyomo lwa Marta?","num_words":1904,"character_repetition_ratio":0.051,"word_repetition_ratio":0.0,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amubelekele Jehova Camoyo Woonse! | Yakwiiya\\nNgazi Yamulindizi—Yakwiiya | March 2017\\nAsa, Jehosafati, Hezekiya, Josiya\\nAmubelekele Jehova Camoyo Woonse!\\n“O Jehova, koyeeya mbondali kweenda kumbele lyako cakusyomeka acamoyo woonse.”—2BAM. 20:3.\\nIno caamba nzi kubelekela Jehova camoyo woonse?\\nIno ncinzi cimukkomanisya kujatikizya mbwaakali kubakkomanina Leza bami bone ba Juda?\\nAkati kabami bone aaba, ino mwami nzi ngomuyanda kwiiya, alimwi nkaambo nzi?\\n1-3. Ino ncinzi cijatikizyidwe mukubelekela Jehova “camoyo woonse”? Amupandulule.\\nAKAAMBO kakuti tatulondokede, tulabisya. Nokuba boobo, tulalumba akaambo kakuti Jehova tatucitili “kweelana azibi zyesu.” Muciindi caboobo, watupa cinunuzyo alimwi ulilibambilide kutulekelela ikuti tweempwa cakumaninina. (Int. 103:10) Aboobo, mbubwenya mbuli Davida mbwaakaambila Solomoni, kutegwa bukombi bwesu butambulike kuli Jehova, tweelede ‘kumubelekela camoyo woonse.’ (1Mak. 28:9) Pele ino mbuti swebo tobantu batalondokede mbotukonzya kucita oobo?\\n2 Kutegwa tugwasyigwe mumakani aaya, tulakonzya kweezyanisya buumi bwa Mwami Asa abwa Mwami Amaziya. Boonse bami aaba bobilo ba Juda bakacita zintu ziluleme mumeso aa Jehova, pele Asa wakacita oobo camoyo woonse. (2Mak. 15:16, 17; 25:1, 2; Tus. 17:3) Bami boonse bobilo aaba tiibakalondokede alimwi bakali kulubizya. Nokuba boobo, Asa kunyina naakaleya munzila zya Leza, akaambo kakuti moyo wakwe ‘wakalilyaabide cakumaninina kuli Leza.’ (1Mak. 28:9.) Kulubazu lumwi, Amaziya tanaakalilyaabide cakumaninina kuli Jehova. Naakamana kuzunda basinkondonyina a Leza, wakaleta baleza bakubeja akutalika kubakomba.—2Mak. 25:11-16.\\n3 Kubelekela Leza “camoyo woonse” kubikkilizya kulyaaba kwini-kwini. Mu Bbaibbele, ibbala lyakuti “moyo” lyaamba muntu wamukati. Libikkilizya zintu nzyalombozya, nzyayeeya, nzyacita, mbwazibona zintu, alimwi ambaakani zyakwe. Aboobo muntu uubelekela Jehova amoyo wakwe woonse tali sikuupaupa ameso. Takombi Jehova cakwiinzya buyo mulawo. Ino mbuti kujatikizya ndiswe? Nokuba kuti tuli bantu batalondokede, ikuzumanana kubelekela Leza cakulyaaba, kuyootupa kumubelekela camoyo woonse.—2Mak. 19:9.\\n4. Ino ncinzi ncotutiilange-lange lino?\\n4 Kutegwa tumvwisye ncocaamba kubelekela Leza camoyo woonse, atulange-lange buumi bwa Asa alimwi abuumi bwabami ba Juda bamwi ibakabelekela Leza camoyo woonse—Jehosafati, Hezekiya alimwi a Josiya. Boonse aaba bone aciindi cimwi bakalubizya, nokuba boobo Jehova wakazumanana kubakkomanina. Ino nkaambo nzi Leza ncaakababona kuti bakamubelekela camoyo woonse, alimwi mbuti mbotukonzya kubaiya?\\nMOYO WA ASA “WAKALIMANINIDE KULI JEHOVA”\\n5. Ino nintaamu nzi zigaminide nzyaakabweza Asa?\\n5 Asa wakali mwami watatu wa Juda kuzwa ciindi bwami bwakunyika bwamisyobo iili kkumi bwa Israyeli nobwakaandaana. Wakakugwisya kukomba mituni alimwi abasankwa bakali kucita buvwuule kutempele mubulelo bwakwe. Nobaba bakaapanyina ba Maaka wakabanyanga cuuno cakuba “banyina mwami, nkaambo bakapangide mutuni uusesemya.” (1Bam. 15:11-13) Kuyungizya waawo, Asa wakakulwaizya bantu bakwe ‘kuyandaula Jehova . . . akutobela Mulawo akuubamba.’ Inzya, wakasumpula bukombi bwakasimpe.—2Mak. 14:4.\\n6. Ino ncinzi ncaakacita Asa ciindi bana Etiopiya nobakali kuyanda kuulwana munzi?\\n6 Jehova wakaulongezya munzi wa Juda aluumuno kwamyaka iili kkumi yakusaanguna yabulelo bwa Asa. Mpoonya Zera muna Etiopiya wakaboola kuzoolwana Juda abaalumi bali 1,000,000 alimwi ankalaki zili 300. (2Mak. 14:1, 6, 9, 10) Ino ncinzi ncaakacita Asa mumapenzi aaya? Wakatondezya lusyomo luyumu muli Jehova. (Amubale 2 Makani 14:11.) Mukwiingula mupailo wa Asa ngwaakapaila kuzwa ansi amoyo, Leza wakapa kuti azunde akwiinyonyoona mpi yabana Etiopiya. (2Mak. 14:12, 13) Noliba leelyo bami nobatakali kusyomeka kulinguwe, Jehova wakali kupa kuti kababazunda basinkondonyina akaambo kazina lyakwe. (1Bam. 20:13, 26-30) Asa wakasyoma Jehova Leza, aboobo wakayiingula mipailo yakwe. Nokuba boobo, aciindi cimwi Asa tanaakacita zintu cabusongo. Mucikozyanyo, wakalomba lugwasyo kumwami wa Siriya muciindi cakulomba kuli Jehova. (1Bam. 15:16-22) Nokuba boobo, Leza wakabona kuti moyo wa Asa “wakalimaninide kuli Jehova mubuumi bwakwe boonse.” Ino mbuti mbotukonzya kumwiiya Asa mukucita zibotu?—1Bam. 15:14.\\n7, 8. Mbuti mbomukonzya kwiiya Asa ciindi nomubelekela Jehova?\\n7 Umwi aumwi wesu weelede kuulingula moyo wakwe akubona naa ulilyaabide cakumaninina kuli Leza. Amulibuzye kuti, ‘Sena ndilikanzide kukkomanisya Jehova, kwiiminina bukombi bwakasimpe alimwi akukwabilila bantu bakwe kuzwa kukuyunga kubyaabi?’ Amuyeeye buyo busicamba mbwaakabelesya Asa kutegwa agwisye ba Maaka ibakali acuuno ‘cabanyina mwami’ mubulelo bwakwe! Ambweni kunyina ngomuzyi uucita zintu mbuli mbobakali kucita ba Maaka, pele kulakonzya kuba bukkale bumbi mbomukonzya kwiiya busungu bwa Asa. Mucikozyanyo, ino mbuti kuti umwi wamukwasyi wanu naa mweenzinyoko wacita cibi, alimwi akugwisyigwa mumbungano? Sena mulakonzya kucileka kuyanzana amuntu ooyo? Ino moyo wanu inga wamukulwaizya kucita nzi?\\n8 Mbubwenya mbuli Asa, mulakonzya kutondezya kuti moyo wanu ulimaninide kuli Leza kwiinda mukumusyoma cakumaninina ciindi nomwasikilwa mapenzi naaba yaayo aalibonya kuti mapati kapati. Mulakonzya kufwubaazyigwa kucikolo akaambo kakuti muli Bakamboni ba Jehova. Mbomubeleka limwi kumulimo balakonzya kumusampaula akaambo kakubweza mazuba aakulyookezya kutegwa mucite zintu zyakumuuya naa akaambo kakutabeleka maovataimu kutegwa mujane mali manji. Mubukkale buli boobo, amupaile kuli Leza, mbubwenya Asa mbwaakacita. Cabusicamba amusyome Jehova alimwi akukakatila kuli ceeco ncomuzyi kuti cili kabotu alimwi akuti ncabusongo. Amuyeeye kuti Leza wakamuyumya-yumya alimwi akumugwasya Asa, andinywe uyoomuyumya-yumya.\\n9. Ciindi notukambauka, mbuti mbotukonzya kutondezya kuti myoyo yesu ilimaninide kuli Jehova?\\n9 Babelesi ba Leza tabalibikkili buyo maano lwabo beni. Asa wakasumpula bukombi bwakasimpe. Andiswe tweelede kugwasya bantu ‘kuyandaula Jehova.’ Cilamukkomanisya kapati Jehova nabona kuti twaambila bantu kujatikizya nguwe, katucita oobo akaambo kakuti tulamuyanda alimwi akaambo kakuti tulabubikkila maano bukkale bwabantu bamwi.\\nJEHOSAFATI WAKAYANDAULA JEHOVA\\n10, 11. Ino mbuti mbomukonzya kumwiiya Jehosafati?\\n10 Mwana wa Asa Jehosafati “wakazumanana kweenda munzila zya Asa usyi.” (2Mak. 20:31, 32) Ino mbuti mbwaakacita oobo? Mbubwenya mbuli bausyi, Jehosafati wakakulwaizya bantu kuyandaula Jehova. Wakacita oobo kwiinda mukubikka bubambe bwakuyiisya “bbuku lya Mulawo wa Jehova.” (2Mak. 17:7-10) Wakaunka akucilawo cakunyika cabwami bwa Israyeli, kucibeela camalundu a Efraimu, “ikuti abapilusye kuli Jehova.” (2Mak. 19:4) Jehosafati wakali mwami “iwakayandaula Jehova camoyo woonse.”—2Mak. 22:9.\\n11 Toonse tulakonzya kutola lubazu mumulimo wakuyiisya mupati Jehova ngwaazumizya kuti ucitwe mazuba aano. Sena nimbaakani yanu amwezi kuyiisya bamwi Jwi lya Leza, akusola kubapa kuti myoyo yabo ibelekele Leza? Kwiinda mukusolekesya alimwi akugwasyigwa a Leza, mulakonzya kutalisya ciiyo ca Bbaibbele. Sena eeyo nembaakani njomupailila? Sena mulilibambilide kutola lubazu mumulimo ooyu, nokuba kwaaba ciindi canu cakulyookezya? Alimwi mbubwenya Jehosafati mbwaakaunka kucilawo ca Efraimu kutegwa agwasye bantu kupiluka kubukombi bwakasimpe, andiswe tulakonzya kubagwasya aabo batacisungweede. Kuyungizya waawo, baalu bamumbungano balabamba bubambe bwakuswaya baabo ibakagusyigwa mumbungano ibakaleka zibi nzyobakali kucita akubagwasya.\\n12, 13. (a) Ciindi Jehosafati naakaba mubukkale buyoosya, ino wakacita buti? (b) Ino nkaambo nzi ncotweelede kumwiiya Jehosafati mukuzumina kulezya kwesu?\\n12 Mbubwenya mbuli bausyi ba Asa, Jehosafati wakazumanana kulyaaba kuli Leza noliba leelyo naakakongwa ampi yabasikalumamba iiyoosya. (Amubale 2 Makani 20:2-4.) Jehosafati wakayoowa! Nokuba boobo, “wakakanza kuyandaula Jehova.” Mumupailo cakulicesya wakazumina kuti bantu bakwe ‘banyina nguzu zyakuzunda nkamu eeyi mpati’ alimwi akuti walo abantu bakwe tiibakazyi cakucita. Wakasyoma Jehova cakumaninina kwiinda mukwaamba kuti: “Meso eesu ali kulinduwe.”—2Mak. 20:12.\\n13 Zimwi ziindi, andiswe mbubwenya mbuli Jehosafati, inga katutazyi cakucita, naa kuyoowa buya. (2Kor. 4:8, 9) Pele mutalubi kuti Jehosafati wakalyaambilila mumupailo waabuleya kujatikizya mbwaakali kulimvwa kubula nguzu alimwi ambobakali kulimvwa bantu bakwe. (2Mak. 20:5) Aabo ibasololela kumuuya mumukwasyi inga baiya Jehosafati kwiinda mukulomba Jehova kuti abasololele alimwi akubapa nguzu kutegwa bacikonzye kuliyumya kumapenzi aabasikila. Tamweelede kufwa nsoni kuti bamukwasyi wanu baimvwe mipailo yakukombelezya iili boobu. Bayoobona kuti mulamusyoma Jehova. Leza wakamugwasya Jehosafati, andinywe uyoomugwasya.\\nHEZEKIYA WAKAZUMANANA KUCITA ZILULEME\\n14, 15. Mbuti Hezekiya mbwaakatondezya kuti wakali kumusyoma Leza cakumaninina?\\n14 Kutegwa azyibwe kuti wakali mwami ooyo “wakakakatila kuli Jehova,” Hezekiya, kwiindana a Jehosafati, walo wakeelede kuzunda penzi lyakutobela cikozyanyo cibyaabi cabausyi ibakali kukomba mituni. Hezekiya “wakagwisya masena aakukombela akupwayaula misemu yamabwe yakukomba, kugonka musemu wacisamu wakukomba. Alimwi wakapwayaula nzoka yamukuba njaakapangide Musa,” eeyo aciindi eeco yakali kubelesyegwa munzila iiteelede kwiinda mukwiikomba. Wakalilyaabide camoyo woonse kuli Jehova, nkaambo “wakazumanana kubamba milawo eeyo Jehova njaakapa Musa.”—2Bam. 18:1-6.\\n15 Nociba ciindi bana Asuri, aabo aciindi eeco ibakali kweendelezya nyika yoonse, nobakali kuyanda kulwana Juda alimwi akunyonyoona Jerusalemu, camoyo woonse Hezekiya wakasyoma Jehova. Mwami wa Asuri Sanakeribu wakasampaula Jehova akusola kukonga Hezekiya kutegwa alibombye kulinguwe. Nokuba boobo, mumupailo Hezekiya wakatondezya kuti wakali kusyoma cakumaninina munguzu zya Jehova zyakufwutula. (Amubale Isaya 37:15-20.) Leza wakawiingula mupailo wakwe kwiinda mukutuma mungelo kuti ajaye bana Asuri ibali 185,000.—Is. 37:36, 37.\\n16, 17. Ino mbuti mbomukonzya kumwiiya Hezekiya ciindi nomubelekela Leza?\\n16 Mukuya kwaciindi, Hezekiya wakaciswa cakuti wakali kuyanda kufwa. Wakakombelezya Jehova kuti ayeeye mbwaakali kweenda cakusyomeka kumbele lyakwe. (Amubale 2 Bami 20:1-3.) Jehova wakawiingula mupailo wakwe kwiinda mukumuponya. Tulizyi kabotu kuzwa mu Magwalo kuti tupona muciindi ncotutakonzyi kulanga kuli Leza kuti inga watuponya naa kuyungizya buumi bwesu camaleele. Nokuba boobo, mbubwenya mbwaakacita Hezekiya, umwi aumwi wesu ulakonzya kwaambila Jehova mumupailo kuti: ‘Ndakali kweenda kumbele lyako cakusyomeka acamoyo woonse.’ Sena mulasyoma kuti Jehova ulakonzya alimwi ulilyaabide kumulanganya abulo bwanu ciindi nomucisidwe?—Int. 41:3.\\n17 Ciindi notuzinzibala kuyeeya cikozyanyo ca Hezekiya, inga twayandika kuleka kucita cintu cimwi icinyonganya cilongwe cesu a Leza naa citupa kutabikkila maano kubukombi bwakasimpe. Cilisalede kuti, tatuyandi kwiiya bantu bamunyika eeyi, balo kwiinda mukubelesya intaneti ibabona bantu bamwi mbuli kuti ntuleza. Masimpe, Banakristo bamwi balakukkomanina kubandika abanamukwasyi naa balongwe mbobamvwana limwi kwiinda mukubelesya intaneti. Pele banji munyika balaciindizya kubelesya intaneti akukkomanina bamaalumi naa bamakaintu aabo mbobatazyi naaceya. Bamwi balasowa ciindi cinji kweebelela zifwoto naa kubala makani aajatikizya bantu aabo. Kuli ntenda iiliko kwiinda mukubikkila maano kapati kuzintu zyabuyo. Munakristo ulakonzya kutalika kulisumpula akaambo kabantu banji bakkomanina nzyabikka a intaneti, nokuba kunyema buya ikuti naa bantu baleka kuzikkomanina eezyo nzyabikka. Amuciyeeyele buyo kuti mwaapostolo Paulo naa Akula a Purisila nobaliko, sena inga kabasowa ciindi cabo abuzuba kutuma zifwoto a intaneti naa kutobelezya umwi muntu uutali Munakristo? Tubala kuti Paulo ‘wakali kubelesya ciindi cakwe coonse kukambauka jwi.’ Alimwi Purisila a Akula bakali kubelesya ciindi cabo ‘kupandulula bwini mboibede nzila ya Leza’ kubantu. (Mil. 18:4, 5, 26) Tulakonzya kulibuzya kuti, ‘Sena ndilakweeleba kukomba bantu naa kubelesya ciindi cinji ciyandika kutwaambo tutayandiki?’—Amubale Baefeso 5:15, 16.\\nJOSIYA WAKAZUMANANA KWIIBAMBA MILAWO YA JEHOVA\\n18, 19. Munzila nzi momuyanda kuba mbuli Josiya?\\n18 Muzyukululwa wa Hezekiya, Mwami Josiya awalo wakaibamba milawo ya Jehova “amoyo wakwe woonse.” (2Mak. 34:31) Naakacili mukubusi, “wakatalika kuyandaula Leza wa Davida,” alimwi ciindi naakakkwanya myaka iili 20 wakatalika kusalazya Juda kwiinda mukugwisya mituni. (Amubale 2 Makani 34:1-3.) Josiya wakali musungu mukucita zintu izyakali kukkomanisya Leza kwiinda bami banji ba Juda. Nokuba boobo, ciindi malembe aa Mulawo aayeeyelwa kuti ngangayo eni-eni aakalembwa a Musa naakajanika akutalika kwaabala kuli Josiya, wakabona mbocakali kuyandika kucita kuyanda kwa Leza cakumaninina. Wakakulwaizya bamwi kubelekela Jehova. Akaambo kaceeci, mubuumi bwakwe boonse bantu “tiibakaleya akuleka kutobela Jehova.”—2Mak. 34:27, 33.\\n19 Mbubwenya mbuli Josiya, bana-bana beelede kutalika kuyandaula Jehova kabacili baniini. Kweelede kuti Mwami Manase iwakeempwa wakamuyiisya Josiya kujatikizya luse lwa Leza. Nobana, amube acilongwe abantu bapati basyomeka mumukwasyi wanu alimwi amumbungano akubona Jehova mbwaabacitila zintu zibotu. Alimwi kamuyeeya kuti, kubala Magwalo kwakamusika amoyo Josiya alimwi kwakapa kuti abweze ntaamu. Kubala Jwi lya Leza kuyakumupa kubweza ntaamu iziyakupa kuti muyungizye lukkomano lwanu alimwi akuyumya cilongwe canu a Leza alimwi akukulwaizya bamwi kuyandaula Leza. (Amubale 2 Makani 34:18, 19.) Kubala Bbaibbele akwalo kulakonzya kumugwasya kuzyiba mpomukonzya kubambulula mumulimo wanu ngomubelekela Leza. Ikuti naa mwaazyiba mpomweelede kubambulula, amucite mbubwenya mbwaakacita Josiya.\\n20, 21. (a) Ino bami bone mbotwalanga-langa boonse bakacita nzi? (b) Ino tuyoolanga-langa nzi mucibalo citobela?\\n20 Sena kuli bubotu mbomwabona kwiinda mukulanga-langa bami bone ba Juda mbobakabelekela Jehova camoyo woonse? Bakali basungu alimwi bakalilyaabide cakumaninina mukucita kuyanda kwa Leza. Bakazumanana kucita kuyanda kwa Leza. Bakacita oobo noliba leelyo nobakayaanya buyumu-yumu. Ciinda kubota ncakuti, bakali kubelekela Jehova akaambo kakuti bakali kumuyanda ncobeni.\\n21 Mbubwenya mbotuyoobona mucibalo citobela, bami aaba boonse bone mbotwalanga-langa bakalubizya aciindi cimwi. Nokuba boobo, Sikulingula myoyo naakabalanga-langa, wakajana kuti myoyo yabo yakalimaninide kulinguwe. Andiswe tatulondokede pe. Jehova natulingula, sena ujana kuti tulamubelekela camoyo woonse? Tuyakwaalanga-langa makani aaya mucibalo citobela.\\nMAKANI AABUUMI Ndagwasyigwa Kwiinda Mukweenda Abasongo\\nAmubalemeke Aabo Ibeelede Kulemekwa\\nAmutondezye Lusyomo—Amusale Cabusongo!\\nSena Muyoobikkila Maano Kuzintu Zilembedwe?\\nKuba Mulongwe Ciindi Cilongwe Nocili Muntenda\\nIzina Lyamu Bbaibbele Anongo Yakaindi\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA March 2017\\nNGAZI YAMULINDIZI—YAKWIIYA March 2017","num_words":1756,"character_repetition_ratio":0.058,"word_repetition_ratio":0.0,"special_characters_ratio":0.18,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Luka 1 | Bbaibbele lili a Intaneti | Bbaibbele lya Busanduluzi Bwanyika Mpya\\nMakani kuli Teyofilo (1-4)\\nKuzyalwa kwa Johane Mubbapatizi kwasinsimwa a Gabriyeli (5-25)\\nKuzyalwa kwa Jesu kwasinsimwa a Gabriyeli (26-38)\\nMariya waswaya Elizabeta (39-45)\\nMariya watembaula Jehova (46-56)\\nJohane wazyalwa akuulikwa zina (57-66)\\nBusinsimi bwa Zekariya (67-80)\\n1 Oolemekwa kapati Teyofilo, mbwaanga ibanji bakasoleka kujana akulemba makani ngotusyoma cakumaninina,+ 2 kweelana ambobakatwaambila makani aaya aabo ibakalibonena ameso kuzwa kumatalikilo+ alimwi ibakaambilizya mulumbe wangawo,+ 3 ndakabona kuti ncibotu kuti andime ndikulembele makani aayo mbwaabede nkaambo ndakaziccililizya cakulomya zintu zyoonse kuzwa kumatalikilo,+ 4 ikutegwa usinizye kuti zintu nzyookayiisyigwa mulomo mpande nzyamasimpe.+ 5 Kumazuba aa Heroda,*+ mwami wa Judaya, kwakali mupaizi umwi uutegwa Zekariya, umwi wankamu yabapaizi balunyungu lwa Abija.+ Mukaintu wakwe wakali umwi wabana basimbi ba Aroni, izina lyakwe wakali Elizabeta. 6 Boonse bobilo bakaliluleme kuli Leza, bakali kweenda kabanyina kampenda kweelana amilawo yoonse alimwi amalailile oonse aa Jehova.* 7 Pele bakanyina mwana, nkaambo Elizabeta tanaakali kuzyala, alimwi boonse bobilo bakalicembeede. 8 Lino naakali kubeleka mulimo wabupaizi kuli Leza munkamu mwaakabede,+ 9 kweelana acilengwa cakaliko cabupaizi, cakali ciindi cakwe cakutuula tununkilizyo+ naakanjila mutempele lya Jehova.*+ 10 Bantu boonse bakali kupaila anze muwoola lyakutuula tununkilizyo. 11 Wakabona mungelo wa Jehova* kaimvwi kululyo lwacipaililo catununkilizyo. 12 Naakabona boobo, Zekariya wakanyongana alimwi wakayoowa kapati. 13 Pele mungelo wakamwaambila kuti: “Utayoowi Zekariya, nkaambo kulomba kwako kwamvwugwa, aboobo mukaintu wako, Elizabeta, uyookuzyalila mwana musankwa, eelyo ukamuulike zina lyakuti Johane.+ 14 Yebo uyookondwa akusekelela kapati, alimwi bantu banji bayookondwa akaambo kakuzyalwa kwakwe,+ 15 nkaambo unooli mupati mumeso aa Jehova.*+ Pele teelede kunywa waini naa bukoko buli boonse pe,+ alimwi unoozwide muuya uusalala nociba ciindi katanazyalwa,*+ 16 alimwi uyoopilusya ibunji bwabana ba Israyeli kuli Jehova* Leza wabo.+ 17 Alimwi uyakuunka kumbele lya Leza kajisi muuya anguzu mbuli zya Elija+ kuti apilusye myoyo yabamatata kubana+ alimwi aabo bataswiilili uyoobapilusya kubusongo bugwasya bwabalulami ikutegwa akabambile Jehova* bantu balibambilide.”+ 18 Zekariya wakabuzya mungelo kuti: “Mbuti mbondikonzya kwaasyoma makani aaya? Nkaambo ndacembaala, alimwi awalo mukaintu wangu myaka yakwe yakwelenkana.” 19 Mungelo wakamwiingula kuti: “Ndime Gabriyeli,+ ooyo wiima kubusyu bwa Leza,+ alimwi ndatumwa kuti ndikanane anduwe akukwaambila makani aaya mabotu. 20 Pele bona! Ulaba syaataambi alimwi tokoocikonzya kwaambaula kusikila buzuba zintu eezyi noziyoocitika nkaambo tonoosyoma majwi aangu aayo aayoozuzikizyigwa aciindi cibikkidwe.” 21 Aciindi eeco bantu bakali kumulindila Zekariya, eelyo bakalibilika nkaambo wakamuka kapati kuzwa mutempele. 22 Naakazwa, tanaakali kukonzya kwaambaula ambabo, mpoonya bakazyiba kuti wabona cilengaano mutempele. Wakali kwiile kutambaika maanza kulimbabo pele kataambauli. 23 Lino mazuba aayo aamulimo wakwe uusetekene* naakamana, wakaunka kuŋanda yakwe. 24 Nikwakainda mazuba aali mbwaabede, Elizabeta imukaintu wakwe wakamita, alimwi kwamyezi yosanwe tanaakali kuzwa muŋanda, kati: 25 “Oobu mbwaandicitila Jehova* mazuba aano. Wandicebuka akundigusya masampu akati kabantu.”+ 26 Naakakkwanya myezi iili cisambomwe kamitide, Leza wakatuma mungelo Gabriyeli+ kumunzi waku Galilaya uutegwa Nazareta, 27 kuli nakalindu+ wakasinkilidwe kumwaalumi uutegwa Josefa wamuŋanda ya Davida, izina lyanakalindu ooyu wakali Mariya.+ 28 Aboobo mungelo wakanjila akwaambila Mariya kuti: “Wapona yebo ooyandwa kapati, Jehova* ulaanduwe.” 29 Pele wakanyongana kapati akaambo kamajwi aaya ngaakaamba, eelyo wakali kuyanda kuzyiba ncowaamba mooni ooyu. 30 Aboobo mungelo wakamwaambila kuti: “Utayoowi Mariya, nkaambo Leza wakukkomanina. 31 Alimwi bona! Uyoomita akuzyala mwana musankwa,+ ngoyakuulika zina lyakuti Jesu.+ 32 Ooyu unooli mupati+ alimwi uyootegwa Mwana wa Mupatikampatila,+ alimwi Jehova* Leza uyoomupa cuuno cabwami ca Davida usyi,+ 33 eelyo unooli Mwami uuyoolela muŋanda ya Jakobo kukabe kutamani, alimwi Bwami bwakwe tabukamani.”+ 34 Pele Mariya wakamubuzya mungelo kuti: “Ino eeci ciyookonzyeka buti mbwaanga mebo tandinalede amusankwa?”+ 35 Mukwiingula imungelo wakamwaambila kuti: “Muuya uusalala uyookusikila+ alimwi nguzu zya Mupatikampatila ziyooba alinduwe. Aboobo ooyo uyoozyalwa uyakwaambwa kuti uusalala,+ Mwana wa Leza.+ 36 Alimwi bona! Elizabeta wamukowaako awalo wakamita mwana musankwa kubucembele, eelyo lino wakkwanya myezi iili cisambomwe, ooyo wakali kutegwa mukaintu uutazyali; 37 nkaambo kunyina cintu caambwa a Leza citakonzyi kucitika.”+ 38 Mpoonya Mariya wakati: “Bona, mebo ndili muzike wa Jehova!* Akube mbubonya mbowaamba.” Kumane mungelo wakaunka. 39 Aboobo mumazuba ngoonya aayo Mariya wakanyamuka akuunka cakufwambaana kucisi camalundu, kumunzi wa Juda, 40 mpoonya wakanjila muŋanda ya Zekariya akumwaanzya Elizabeta. 41 Eelyo Elizabeta amvwe buyo kwaanzya kwa Mariya, mwana mwida lyakwe wakaputauka, mpoonya Elizabeta wakazula muuya uusalala 42 akoongolola kuti: “Yebo ulilelekedwe akati kabamakaintu boonse, alimwi ulilelekedwe mwana uuli mwida lyako! 43 Ino ndaba buti acoolwe cili boobu kuti banyina Mwami wangu baboole kulindime? 44 Nkaambo bona! Mbondamvwida ijwi lyakwaanzya kwako mumatwi aangu, imwana uuli mwida lyangu waputauka akaambo kakukondwa kapati. 45 Ulikkomene awalo ooyo mukaintu iwakasyoma nkaambo ziyoocitika zyoonse nzyaakaambilwa a Jehova.”* 46 Mpoonya Mariya wakati: “Moyo wangu ulamulemeka Jehova*+ 47 amuuya wangu ulikondedwe kapati akaambo ka Leza Mufwutuli wangu,+ 48 nkaambo wayeeya bucete bwamuzike wakwe.+ Lino bona! Kuzwa sunu, mazyalani oonse ayoondaamba kuti ndililelekedwe,+ 49 nkaambo Singuzu wandicitila milimo mipati alimwi zina lyakwe lilasalala,+ 50 alimwi kumazyalani amazyalani, aabo bamuyoowa ulabafwida luzyalo.+ 51 Wacita milimo mipati ajanza lyakwe; wabamwaya aabo ibalisumpula mumakanze aamyoyo yabo.+ 52 Wabawisya baalumi basinguzu muzyuuno zyabo+ akusumpula bacete;+ 53 wabapa zintu zyoonse zibotu aabo bafwide nzala,+ pele bavwubi wabatanda acinkwamaanza. 54 Wamugwasya Israyeli mubelesi wakwe, akuyeeya luzyalo lwakwe,+ 55 mbubonya mbwaakaambila bamataateesu, nkokuti Abrahamu alunyungu lwakwe+ mane kukabe kutamani.” 56 Mariya wakakkala anguwe kwamyezi yotatwe, mpoonya wakajokela kuŋanda yakwe. 57 Lino cakasika ciindi cakuti Elizabeta atumbuke, aboobo wakatumbuka mwana musankwa. 58 Mpoonya basimukobonyina abasazinyina bakamvwa kuti Jehova* wamufwida luzyalo, aboobo bakasekelela anguwe.+ 59 Mubuzuba bwalusele bakaboola kuti bamupalule mwana,+ alimwi bakali kuyanda kuti bamuulike zina lyausyi, Zekariya. 60 Pele banyina bakaamba kuti: “Peepe! Ulaulikwa lyakuti Johane.” 61 Balo bakamwaambila kuti: “Taakwe wamukowa wako wiitwa azina eeli.” 62 Kumane bakabuzya usyi kwiinda mukutambaika maanza kutegwa abaambile zina ndyaakali kuyanda kuti mwana aulikwe. 63 Aboobo wakalomba cakulembela akulemba kuti: “Izina lyakwe ngu Johane.”+ Eeci cakabagambya boonse. 64 Ndilyonya eelyo, mulomo wakwe wakajaluka, alimwi mulaka wakwe wakaangululwa eelyo wakatalika kwaambaula,+ katembaula Leza. 65 Mpoonya boonse aabo bakkala mucilawo cabo bakayoowa, alimwi zintu eezyi zyoonse izyakacitika zyakaba ngamakani aakali kwaambaulwa mucooko camalundu coonse ca Judaya. 66 Alimwi boonse aabo ibakaamvwa bakaayobola mumyoyo yabo akulibuzya kuti: “Ino uyooba mwana uuli buti ooyu?” Nkaambo janza lya Jehova* masimpe lyakali anguwe. 67 Mpoonya Zekariya, usyi, wakazula muuya uusalala, aboobo wakasinsima kati: 68 “Aatembaulwe Jehova* Leza wa Israyeli,+ nkaambo wabacebuka bantu bakwe akubafwutula.+ 69 Alimwi watubusizya lwija lwalufwutuko*+ muŋanda ya Davida mubelesi wakwe,+ 70 mbubonya mbwaakaamba kwiinda mubasinsimi bakwe basalala bansiku+ 71 kuti uyootuvwuna kuli basinkondoma akumaanza aabaabo boonse batusulide;+ 72 kutufwida luzyalo akaambo kabamataateesu akuyeeya cizuminano cakwe cisalala,+ 73 cikonke ncaakakonka kuli Abrahamu taateesu,+ 74 twaakuvwunwa kumaanza aabasinkondoma uyootupa coolwe cakumubelekela mulimo uusetekene cakutayoowa, 75 cakusyomeka alimwi amubululami kumbele lyakwe mazuba aabuumi bwesu boonse. 76 Pele yebo, omwana uyakwiitwa kuti musinsimi wa Mupatikampatila, nkaambo uyakuunka kumbele lya Jehova* kutegwa ukamubambile nzila,+ 77 akuzyibya bantu bakwe kuti uyoobafwutula kwiinda mukubalekelela zibi zyabo,+ 78 akaambo kamoyo waluzyalo lwa Leza wesu. Akaambo kaluzyalo oolu, tuyoobona mumuni uuzwa kujulu uumunika mbuli nolipasula zuba, 79 kubamunikila aabo bakkede mumudima amucimvwule calufwu,+ akwaasololela maulu eesu munzila yaluumuno.” 80 Eelyo mwana ooyo wakakomena akuyuma kumuuya, alimwi wakali kukkala mucimpayuma kusikila buzuba mbwaakalitondezya caantangalala kubana Israyeli.\\n^ Naa “kacili mwida lyabanyina.”\\n^ Naa “aamulimo wakwe wabuleya.”\\n^ Naa “mufwutuli singuzu.” Amubone Bupanduluzi Bwamabala, “Lwija.”","num_words":1068,"character_repetition_ratio":0.039,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Levitiko 8 IBBAIB63 - Lino Jehova wakaambila Musa kuti, - Bible Search\\nAroni abana bakwe mbubakabikwa mumilimo yabupaizi\\n1Lino Jehova wakaambila Musa kuti, 2-Tola Aroni abana bakwe, azyakusama, amafuta aakunanika, amucende wacipaizyo cazibi, abagutu bobile, acinzuma cazinkwa zitakwe bumena, 3alimwi yobolola imbungano yoonse kumulyango watente lyambunganino, 4Mpawo Musa wakacita mbubonya obo mbuli Jehova mbwaakamulailila, nkabela imbungano yoonse yakayoboloka kumulyango watente lyambunganino.\\n5Lino Musa wakaambila imbungano yabantu kuti, Mbuboobu Jehova mbwaakalailila kuti kucitwe. 6-Elyo Musa wakaleta Aroni abana bakwe, wabasanzya amaanzi. 7-Lino wakamusamika cibaki, wamwaanzya lukumba, wamusamika cikobela, wamubikila efodi, wamubikila lutambo lwebeka lwaefodi akucaanzya ndulo alinguwe. 8-Alimwi wamubikila isani lyakaango, amoomo musani lyakaango wakabika Urimu a-Tumimu. 9-Lino wakamusamika citambala amutwe, nkabela atala lyacitambala kunkumu wakabika impande yangolida, musini uusalalisya, mbubonya mbuli Jehova mbwaakalailila­ Musa.\\n10-Lino Musa wakabweza mafuta aakunanika, wananika cikombelo azintu zyoonse izyakali mulincico, wazisalazya. 11Alimwi wakasansaila amwi acipaililo ziindi zili musanu azibili, wananika cipaililo azibelesyo zyaco zyoonse, acisambilo atako lyaco, kuti acisalazye. 12-Aamwi mafuta aakunanika wakaatila amutwe wa-Aroni, wamunanika, wamusalazya. 13-Abalo bana ba-Aroni, Musa wakabaleta, wabasamika zibaki, wabaanzya inkumba, wabasamika insulumani, mbubonya mbuli Jehova mbwaakalailila.\\n14-Amane obo wakaleta mucende wacipaizyo cazibi. Lino Aroni abana bakwe bakabika maanza aabo amutwe wamucende wacipaizyo cazibi. 15-Nkabela Musa wakamujaya, wabweza bulowa, wabulamba ameja aacipaililo koonse koonse amunwe wakwe, kuti asalazye cipaililo. Abulowa boonse ibwakasyeede wakabutila kutako lyacipaililo, wacisalazya, wamanya milandu yaco. 16-Elyo wakabweza lufuko loonse, alulyaŋanga lwamuni, ansa zyobile amafuta aazyo, nkabela ezi zyoonse Musa wakazitenta acipaililo. 17-Pele mucende atobo lyakwe, anyama yakwe, abufumba bwakwe, zyoonse wakazitenta anze lyamalabba, mbubonya mbuli Jehova mbwaakalailila.\\n18-Amane obo wakaleta mugutu wakupaizya. Nkabela Aroni abana bakwe bakabika maanza aabo amutwe wamugutu. 19Lino Musa wakamujaya, wasansaila bulowa acipaililo koonse koonse. 20Alimwi mugutu naakamana kutendaulwa, Musa wakatenta mutwe azituli amafuta. 21-Elyo mala amyeendo wakazisanzya amaanzi. Amane obo, Musa wakatenta mugutu woonse acipaililo, cipaizyo icakali abweema bubotu icakatentelwa Jehova, mbubonya mbuli Jehova mbwaakalailila Musa.\\n22-Amane obo, wakaleta mugutu wabili, mugutu wakusalazya, nkabela Aroni abana bakwe bakabika maanza aabo amutwe wamugutu. 23-Lino Musa wakamujaya, wakombola bulowa bwakwe, walamba impela yakutwi kwalulyo kwa-Aroni acaala cajanza lyakwe lyalulyo acaala cacituta cakwe calulyo. 24-Abalo bana ba-Aroni bakaletwa, nkabela Musa wakalambya bulowa kumpela zyamatwi aabo aalulyo, akuzyaala zyamaanza aabo aalulyo, akuzyaala zyazituta zyabo zyalulyo. Alimwi Musa wakasansaila bulowa koonse koonse cakuzyunguluka cipaililo. 25-Elyo wakabweza mafuta, amucila, alufuko loonse, alulyaŋanga lwamuni, ansa zyobile amafuta aazyo, amweendo wacikungu walulyo. 26-Nkabela mucinzuma cazinkwa zitakwe bumena icakali kubusyu bwa-Jehova wakagwisya cinkwa comwe citakwe bumena, acinkwa comwe cili amafuta, acibunge comwe, wazibika atala lyamafuta amweendo wacikungu walulyo. 27-Ezi zyoonse wakazibika mumaanza aa-Aroni amumaanza aabana bakwe, wazivukuzya mbuli cipaizyo cakuvukuzya kubusyu bwa-Jehova. 28-Mpawo Musa wakazitambula kuzwa kumaanza aabo, wazitenta acipaililo antoomwe acipaizyo citentwa, zyaba cipaizyo cakusalazya, icakali abweema bubotu, icakatentelwa Jehova. 29-Alimwi Musa wakabweza katiti, wakavukuzya mbuli cipaizyo cakuvukuzya kubusyu bwa-Jehova. Kalo kakaba caabilo ca-Musa camugutu wakusalazya, mbubonya mbuli Jehova mbwaakalailila Musa.\\n30-Mpawo Musa wakabweza mafuta aakunanika abulowa bwakucipaililo, wasansaila Aroni azyakusama zyakwe, abana bakwe azyakusama zyabana bakwe zyoonse, aboobo wakasalazya Aroni azyakusama zyakwe abana bakwe azyakusama zyabana bakwe zyoonse. 31-Lino Musa wakaambila Aroni abana bakwe kuti, Amujike nyama kumulyango watente lyambunganino, mukailye nkukonya oko, antoomwe azinkwa zili mucinzuma cazipaizyo zyakusalazya, mbubonya mbuli mbondalailila cakwaamba kuti, Aroni abana bakwe bailye. 32-Lino na kwasyaala nyama nanka zinkwa, muleelede kuzitenta mumulilo. 33-Alimwi mutazwi kumulyango watente lyambunganino mazuba aali musanu aabili, mane mazuba aakusalazigwa kwanu azuzikizigwe, nkaambo mazuba aakumusalazya ali musanu aabili. 34-Cintu cacitwa sunu ncencico Jehova ncaakalailila kukumanya milandu yanu. 35-Muleelede kukala kumulyango watente lyambunganino mazuba aali musanu aabili, isikati amasiku, akubamba imbeta zya-Jehova, kuti mutafwi. Nkaambo mbuboobo mbundakalaililwa. 36Nkabela Aroni abana bakwe bakacita zintu zyoonse Jehova nzyaakalailila kujanza lya-Musa.","num_words":577,"character_repetition_ratio":0.083,"word_repetition_ratio":0.011,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"1 Bakorinto 14 | Bbaibbele lili a Intaneti | Bbaibbele lya Busanduluzi Bwanyika Mpya\\n1 Bakorinto 14:1-40\\nZipego zyakusinsima akwaambaula mumilaka (1-25)\\nKucita miswaangano ya Bunakristo munzila iili kabotu (26-40)\\nLubazu ndobajisi bamakaintu mumbungano (34, 35)\\n14 Amusoleke canguzu kuba aluyando, kumwi amuyandaule zipego zyamuuya cabusungu, pele ikwaambisya kutegwa musinsime.+ 2 Nkaambo ooyo waambaula mumwaambo uutazyibidwe taambili bantu pe, pele waambila Leza, nkaambo kunyina naba omwe uumvwa,+ pele muuya umupa kwaamba maseseke aa Leza.+ 3 Pele ooyo uusinsima, ibantu ulabayaka, ulabayumya-yumya alimwi ulabatontozya kwiinda mumakani ngaamba. 4 Ooyo waambaula mumwaambo uutazyibidwe ulaliyaka lwakwe mwini, pele ooyo uusinsima uyaka mbungano. 5 Lino inga ndayanda kuti nyoonse kamwaambaula mumyaambo,+ pele ncondiyandisya ncakuti kamusinsima.+ Masimpe, ooyo uusinsima ulayandika kapati kwiinda yooyo waambaula mumyaambo, ccita kuti kasandulula ikutegwa mbungano iyakwe. 6 Pele aciindi ecino, nobakwesu, ikuti ndaboola kulindinywe kandaambaula mumyaambo, ino ciyoomugwasya nzi ndatamuyubunwida cintu cimwi,+ naa kumupa luzyibo+ lumwi, naa businsimi bumwi naa njiisyo imwi? 7 Ncimwi buyo azintu zitaponi eezyo zilila, ube muntolilo naa kantimbwa. Ccita kuti kulila kwanzizyo kakwiindana, ino ciimbwa amuntolilo naa akantimbwa inga cazyibwa buti? 8 Nkaambo ikuti naa kulila kwamweembo kakutazyibidwe ncokwaamba, nguni uunga ulalibambila nkondo? 9 Mbubonya buyo andinywe, ikuti nomwaambaula amulaka wanu kamwaamba zintu zikatazya kumvwa, ino muntu umwi inga wacizyiba buti icaambwa? Mubwini, munakwaambila buyo muwo. 10 Inga kakuli myaambo minji yaambaulwa munyika, pele kunyina mwaambo uunyina ncowaamba pe. 11 Nkaambo ikuti kanditacimvwi caambwa mumwaambo ooyo, ndinooli mweenzu kuli yooyo waambaula, alimwi ooyo waambaula unooli mweenzu kulindime. 12 Aboobo andinywe, mbwaanga mulaziyandisya zipego zyamuuya, amusoleke kuba azipego zinji izikonzya kuyaka mbungano.+ 13 Aboobo ooyo waambaula mwaambo uutazyibidwe apaile kutegwa acikonzye kuusandulula.+ 14 Nkaambo ikuti kandipaila mumwaambo uutazyibidwe, ncipego cangu camuuya icipaila, pele mizeezo yangu tiigwasyi pe. 15 Ino ncinzi ncondeelede kucita lino? Ndilapaila acipego camuuya, pele ndilapaila mumoyo wangu amwalo. Ndilaimba ntembauzyo acipego camuuya, pele ndilaimba ntembauzyo mumoyo wangu amwalo. 16 Kwataba boobo, ikuti koimba ntembauzyo acipego camuuya, ino muntu buyo uuli akati kanu ulaamba buti kuti “Ameni” kumajwi aakulumba kwako, mbwaanga tazizyi pe nzyoamba? 17 Masimpe, yebo ulalumba munzila iili kabotu, pele ooyo muntu umbi tayakwi pe. 18 Ndilamulumba Leza kuti ndaambaula myaambo iitazyibidwe minji kwiinda nyoonse. 19 Pele mumbungano inga ndayandisya kwaamba majwi aali musanu aamvwika, kutegwa ndiyiisye bamwi, kwiinda kuti ndaambe majwi aali 10,000 mumwaambo uutazyibidwe.+ 20 Bakwesu, mutabi bana basyoonto mukumvwisya zintu,+ pele amube bana basyoonto caboola kucibi;+ nokuba boobo amube bantu bapati mukumvwisya zintu.+ 21 Mu Mulawo kulembedwe kuti: “‘Ndiyakwaambaula abantu aaba mumyaambo yabazwamasi alimwi amilomo yabeenzu, pele noliba leelyo tabakandiswiilili pe,’ mbwaamba Jehova.”*+ 22 Aboobo myaambo taili citondezyo cabasyomi pe, pele ncabaabo batasyomi,+ abwalo businsimi tabuli bwabaabo batasyomi pe, pele mbwabasyomi. 23 Lino, ikuti mbungano yoonse yabungana abusena bomwe alimwi boonse batalika kwaambaula mumyaambo, kwamana kwanjila bantu buyo naa bantu batasyomi, sena tabakaambi kuti mwasondoka? 24 Pele ikuti nyoonse kamusinsima eelyo muntu uutasyomi naa muntu buyo wanjila, uyoosinswa akulingulwa ambabo boonse. 25 Mpoonya izisisidwe mumoyo wakwe zilayubununwa, cakuti ulavwundama ansi akukomba Leza, kumwi kaamba kuti: “Ncobeni Leza mpali akati kanu.”+ 26 Aboobo, ino ncinzi ceelede kucitwa nobakwesu? Nomuswaangana antoomwe, umwi inga ujisi ntembauzyo, umwi njiisyo, umwi ciyubunuzyo, umbi cipego cakukanana mwaambo uutazyibidwe aumbi cipego cakusandulula.+ Zintu zyoonse azicitilwe kuyakana. 27 Alimwi ikuti kakuli umwi waambaula mumwaambo uutazyibidwe, akube buyo bobilo naa bataindi ali botatwe, alimwi abapane ziindi, mpoonya umwi weelede kusandulula.+ 28 Pele ikuti kakunyina sikusandulula, uleelede kuumuna mumbungano akwaambauda mumoyo wakwe alimwi akuli Leza. 29 Akwaambaule basinsimi bobilo naa botatwe,+ mpoonya bamwi abazyibe akupandulula caambwa. 30 Pele ikuti umwi uukkede ooko wayubunwidwa makani amwi, wakusaanguna weelede kuumuna. 31 Nkaambo nyoonse mulakonzya kusinsima omwe-omwe, ikutegwa boonse baiye alimwi bayumizyigwe.+ 32 Alimwi izipego zyamuuya zyabasinsimi zyeelede kweendelezyegwa abasinsimi. 33 Nkaambo Leza tali Leza wamanyongwe pe, pele ngwaluumuno.+ Mbubonya mbocibede mumbungano zyoonse zyabasalali, 34 bamakaintu kabaumuna mumbungano, nkaambo tabazumizyidwe pe kwaambaula.+ Pele abalibombye+ mbubonya mbowaamba awalo Mulawo. 35 Ikuti naa kuli ncobayanda kwiiya, ababuzye balumi babo kuŋanda, nkaambo cuusya nsoni kumukaintu kwaambaula mumbungano. 36 Sena jwi lya Leza lyakazwida kulindinywe, naa sena lyakayiila buyo kulindinywe? 37 Ikuti naa umwi kayeeya kuti musinsimi naa kuti ujisi cipego camuuya, weelede kuzumina kuti zintu eezyi nzyondamulembela milawo ya Mwami. 38 Pele ikuti muntu umwi kataatambuli makani aaya, awalo takatambulwi pe.* 39 Aboobo bakwesu, cabusungu amuzumanane kuyandaula cipego cakusinsima,+ pele mutakukasyi pe ikwaambaula mumyaambo.+ 40 Pele zintu zyoonse azicitwe kabotu-kabotu alimwi kweelana abubambe.*+\\n^ Naa ambweni, “ikuti muntu umwi kataamvwisyi makani aaya, ulazumanana kutaamvwisya.”\\n^ Naa “kweelana amaccililanwa.”\\n1 Bakorinto 14","num_words":672,"character_repetition_ratio":0.064,"word_repetition_ratio":0.0,"special_characters_ratio":0.18,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mamanino Aa Bukombi Bwakubeja Ali Afwaafwi! — LAIBBULALI YAA INTANETI ya Watchower\\nkn37 map. 1-3\\nMamanino Aa Bukombi Bwakubeja Ali Afwaafwi!\\nBukombi Bwakubeja . . .\\nBukombi Bwakasimpe . . .\\nSena Leza Ulazizumina Zikombelo Zyoonse?Sena Mwakaijana Kale Inzila Iisololela Kubuumi Butamani?\\nMakani aa Bwami No. 37\\n▪ Ino bukombi bwakubeja ninzi?\\n▪ Ino buyoomana buti?\\n▪ Ino muyoojatikizigwa buti?\\nIno bukombi bwakubeja ninzi?\\nSena mulakatazigwa akaambo kamilandu iicitwa abukombi? Sena inkondo, micito yazigwebenga abumpelenge bucitwa abaabo balyaamba kuti babelekela Leza zimucisya moyo? Ino nkaambo nzi bukombi ncobulibonya kuti mbobutalisya mapenzi manji? Teensi bukombi boonse bujisi penzi pe, pele mbukombi bwakubeja. Imuntu uulemekwa mubukombi nyika yoonse, Jesu Kristo, wakatondezya kuti ibukombi bwakubeja bupa kuti bantu kabacita zintu zibyaabi, mbubwenya ‘musamu mubi mbuuzyala micelo mibi.’ (Matayo 7:15-17) Ino mmicelo iili buti njibuzyala bukombi bwakubeja?\\n▪ BULAJATIKIZIGWA MUNKONDO AMUTWAAMBO TWACISI: Imuteende uutegwa Asiaweek wakati: “Mu Asia alimwi amasena aambi, cakusampaula baleli ibalwanina kuba abweendelezi bupati, beendelezya mizeezo yabasizikombelo munzila mbyaabi kutegwa baligwasye beni.” Akaambo kaceeci, imuteende ucenjezya kuti: “Nyika yoonse ilangilwa kuba amanyongwe mapati cini-cini.” Imusololi wacikombelo uuli ampuwo mucisi ca United States wakati: “Mweelede kuzijaya zigwebenga kutegwa milandu yakujaya imane.” Ino ninzila nzi njaakasala? Wakati: “Amuzijaye zyoonse muzina lya Mwami.” Mukwiimpana, Ibbaibbele lyaamba kuti: “Na muntu wati, Ndamuyanda Leza, nekubaboobo ulasula mweenzinyina, oyo mubeji.” (1 Johane 4:20) Jesu mane wakati: “Amuyande basinkondonyoko.” (Matayo 5:44) Nzikombelo zyongaye nzyomuzi zijisi basicikombelo batola lubazu munkondo?\\n▪ BUYIISYA NJIISYO ZYAKUBEJA: Izikombelo zinabunji ziyiisya kuti kuli cibeela citalibonyi citafwi muntu afwa. Kwiinda mukubelesya njiisyo eeyi, izikombelo zinji zibalida masuku amutwe basizikombelo, kwiinda mukubabbadelesya mali kutegwa bafwide kabapaililwa. Pele Bbaibbele liyiisya njiisyo yiimpene. Liti: “Baumi balizi kuti balafwa, pele bafwide tabezi cintu niciba comwe.” (Mukambausi 9:5) Jesu wakayiisya kuti bafwide bayoobusigwa—imulimo watali kuyooyandika ikuti bantu nobatali kufwa ncobeni. (Johane 11:11-25) Sena cikombelo canu ciyiisya kuti kuli cibeela camuntu citafwi?\\n▪ BULEKELA BWAAMU: Mumasi manji zikombelo zipa zyuuno zyabweendelezi kubantu boonana ambobeelene zizo akusungilizya mfwulumende kuzumizya zikwati zili boobu. Noziba zikombelo zitazumizyi kutalilemeka zyalekela basololi bazikombelo ibatundulula bana mumakani aakoonana ikuzumanana kabali basololi. Pele ino ncinzi Bbaibbele ncoliyiisya kujatikizya makani aaya? Cakutainda mumbali lyaamba kuti: “Mutalyeeni pe. Nibaba basibwaamu nibaba basikukomba mituni nibaba basimamambe nibaba batete kuzibi nibaba baalumi boona baaluminyina . . . tabakooyoovuba Bwami bwa-Leza.” (1 Ba-Korinto 6:9, 10) Sena kuli zikombelo nzyomuzi zilekela bwaamu?\\nIno ncinzi cilangilwa kuyoocitikila zikombelo zizyala micelo iibolede? Jesu wakacenjezya kuti: “Musamu umwi aumwi uutazyali micelo mibotu ulatemwa akusowelwa mumulilo.” (Matayo 7:19) Masimpe, ibukombi bwakubeja buyootemwa akunyonyoonwa! Pele ino eeci ciyoocitika buti, alimwi ndilili? Icilengaano cabusinsimi icilembedwe mubbuku lyamu Bbaibbele lya Ciyubunuzyo, zyaandaano 17 alimwi a 18 cilapa bwiinguzi.\\nIno bukombi bwakubeja buyoomana buti?\\nAmweezeezye eeci. Mwanakazi muvwuule utantide acinyama ciyoosya kapati. Icinyama cijisi mitwe iili ciloba ameja aali kkumi. (Ciyubunuzyo 17:1-4) Ino mwanakazi muvwuule wiiminina ni? Ulabeendelezya “bami baansi.” Usamide zyakusama zyadowalowa, ubelesya tununkilizyo alimwi ulivwubide kapati. Kunze lyaboobo, kwiinda mumicito yakwe iijatikizya mizimo, ‘masi oonse aleenwa.’ (Ciyubunuzyo 17:18; 18:12, 13, 23) Ibbaibbele lilatugwasya kuziba kuti mukaintu muvwuule ooyu nimbunga yabukombi yanyika yoonse. Taiminini cikombelo comwe buyo pe, pele wiiminina zikombelo zyoonse izizyala micelo iibolede.\\nIcinyama ncatantide mwanakazi muvwuule ciiminina mfwulumende zyamunyika.* (Ciyubunuzyo 17:10-13) Bukombi bwakubeja butantide cinyama eeci catwaambo twacisi, kusola kuciyunga muzyakusala amubweendelezi bwancico.\\nPele lino-lino kuyoocitika cintu cigambya. “Meja aali ikumi ngowabona kucinyama, aba balamusula mwanakazi sikuvuula, balamusyaazya alike, balamusamununa, balalya mubili wakwe akumuumpa amulilo.” (Ciyubunuzyo 17:16) Campoona-mpoona, munzila iitalangilwi alimwi iigambya, imfwulumende zyamunyika ziyoolwana bukombi bwakubeja akubunyonyweeda limwi! Ino ncinzi ciyoopa kubweza ntaamu eeyi? Ibbuku lyamu Bbaibbele lya Ciyubunuzyo liingula kuti: “Leza wakabika mumyoyo yabo oyu muyeeyo wakulomya bukanze bwakwe.” (Ciyubunuzyo 17:17) Inzya, ibukombi bwakubeja Leza uyoobupa mulandu wamicito iisesemya yoonse njobwacita muzina lyakwe. Kwiinda mukubelesya bululami bulondokede, uyoobelesya basitwaambo twacisi mbobali kubeleka limwi kubunyonyoona.\\nIno ncinzi ncomweelede kucita kutegwa mutakanyonyweedwi aamwi abukombi bwakubeja? Mutumwa wa Leza ukulwaizya kuti: “Kamuzwa mulinguwe nobantu bangu.” (Ciyubunuzyo 18:4) Ee, ecino nceciindi cakuzwa mubukombi bwakubeja! Pele sena eeci caamba kucilekela limwi kusyoma muli Leza? Peepe, nkaambo batasyomi muli Leza abalo bayoonyonyoonwa. (2 Ba-Tesalonika 1:6-9) Kulikke kwakuunka akuyubila nkuubukombi bwakasimpe. Ino inga mwabuziba buti bukombi bwakasimpe?\\nMbomunga mwabuziba bukombi bwakasimpe\\nIno mmicelo nzi mibotu njobweelede kuzyala bukombi bwakasimpe?—Matayo 7:17.\\n▪ BULAZIBWA ALUYANDO: Bakombi bakasimpe “tabali banyika,” tabaandeene akaambo kamusyobo naa zilengwa, alimwi balatondezya ‘luyando akati kabo.’ (Johane 13:35; 17:16; Incito 10:34, 35) Muciindi cakujayana, balilisungwide kufwida beenzinyina.—1 Johane 3:16.\\n▪ BULALISYOMA BBAIBBELE: Muciindi cakuyiisya ‘zilengwa’ alimwi a “zifundo zyamilao yabantu,” injiisyo zyabukombi bwakasimpe ziyeeme aa Jwi lya Leza, Ibbaibbele. (Matayo 15:6-9) Nkaambo nzi? Nkaambo “Magwalo aya oonse akazwa kuli-Leza, alikondede kukufundisya akukulaya, akukuolola.”—2 Timoteo 3:16.\\n▪ BUYUMYA MIKWASYI AKUKAKATILA KUZYEELELO ZYABUKKALE ZISUMPUKIDE: Bukombi bwakasimpe buyiisya balumi “kuyanda banakazi babo mbuli mibili yabo beni,” bugwasya bamakaintu ‘kulemeka balumi babo,’ alimwi buyiisya banike ‘kulemeka bazyali babo.’ (Ba-Efeso 5:28, 33; 6:1) Kunze lyaboobo, aabo bapedwe mikuli beelede kuba zikozyanyo zibotu mukulilemeka. —1 Timoteo 3:1-10.\\nSena kuli cikombelo citobela zyeelelo eezi? Ibbuku litegwa Holocaust Politics ilyakamwaigwa mu 2001 lyaamba kuti: “Ikuti bantu banji nobali kutobela nzyobayiisya akucita Bakamboni ba Jehova, Cijaye-jaye camu Nkondo Yanyika Yabili ku Germany nocatakacitika alimwi nozyatali kucitika zijaye-jaye zimbi munyika.”\\nMasimpe, mumasi aali 235, Bakamboni ba Jehova tabazikambauki buyo zyeelelo zyabukkale zili mu Bbaibbele—pele balazitobela mubukkale bwabo. Tumukulwaizya kuti mwaambile Bakamboni ba Jehova kuti bamugwasye kwiiya eezyo Leza nzyayanda kuti mucite kutegwa mumukombe munzila njakkomanina. Mweelede kucita oobo lino. Mutamuki pe. Imamanino aabukombi bwakubeja ali afwaafwi!—Zefaniya 2:2, 3.\\nIkuti kamuyanda makani aambi kujatikizya mulumbe uuyeeme aa Bbaibbele ngobakambauka Bakamboni ba Jehova, amubalembele kukkeyala iili ansi aawa.\\n□ Kakunyina kubbadela, ndilomba broshuwa lya Amulangile Lyoonse!\\n□ Amundilembele kujatikizya ciiyo ca Bbaibbele caaŋanda citabbadelelwi.\\nKutegwa mujane bupanduluzi buyungizidwe bwamakani aaya, amubone broshuwa lyakuti, Amulangile Lyoonse! ilyakamwaigwa a Bakamboni ba Jehova amapeeji 12 a 13.\\n[Majwi aakwelelezya sikubala aali apeeji 3]\\n“Kamuzwa mulinguwe nobantu bangu”\\nBukombi bwakubeja bulabeendelezya “bami baansi”\\nIzyakamwaigwa mu Chitonga (1991-2018)","num_words":870,"character_repetition_ratio":0.061,"word_repetition_ratio":0.0,"special_characters_ratio":0.182,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Luyando lwaLeza Talumani Pe\\nBALA MU Afrikaans Alur Amharic Aymara Azerbaijani Azerbaijani (Cyrillic) Bassa (Cameroon) Batak (Karo) Belize Kriol Biak Bicol Boulou Cebuano Chichewa Chin (Hakha) Chin (Tiddim) Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Zimbabwe) Chitumbuka Chiyao Chokwe Cibemba Cinyanja Colombian Sign Language Cuban Sign Language Danish Douala Dutch English Ewe Fijian Filipino Sign Language Fon French Ga German Greek Guarani Gun Haitian Creole Herero Hiligaynon Hindi Hungarian Iloko Indian Sign Language Indonesian Irish Isoko Javanese Jula Kabiye Kabuverdianu Karen (S'gaw) Kazakh Kikaonde Kikuyu Kiluba Kinyarwanda Kirghiz Kiribati Kirundi Kisi Kongo Korean Krio Kurdish Kurmanji (Caucasus) Kurdish Kurmanji (Cyrillic) Kwanyama Kyangonde Lahu Lhukonzo Lingala Lomwe Luganda Luvale Malay Malayalam Mambwe-Lungu Mbunda Mixtec (Guerrero) Mongolian Moore Myanmar Ndebele Ndebele (Zimbabwe) Nepali Ngangela Nias Norwegian Nyaneka Okpe Otetela Pangasinan Poqomchi' Portuguese (Portugal) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Romany (Southern Greece) Russian Samoan Sango Sena Sepedi Sesotho (South Africa) Seychelles Creole Shona Sidama Silozi Sinhala Spanish Spanish Sign Language Sunda Swahili Swahili (Congo) Swedish Tagalog Tamil Tetun Dili Thai Tigrinya Tok Pisin Tongan Tshiluba Tuvaluan Ukrainian Urhobo Uruund Valencian Vietnamese Wayuunaiki Wolaita Zande\\n“Oku nkokuyanda Leza, kuti twabamba milazyo yakwe, alimwi milazyo yakwe tiili miyumu.”—1 JOHANE 5:3.\\n1, 2. Niinzi chipa kuti tuyande Jehova Leza?\\nULAMUYANDA na Leza? Ulakonzya kutondeezya kuti ulamuyanda kwiinda mukulipeda kulinguwe. Leza ulakonzya kuba Mweenzinyokwe nguyandisya. Pesi Jehova wakasaanguna kukuyanda kutanamuziba. MuBbayibbele tubala kuti: “Swebo tulamuyanda nkaambo nguwakasaanguna kuyanda ndiswe.”—1 Johane 4:19.\\n2 Yeeya atala azintu zitondeezya kuti Jehova ulatuyanda. Wakatupa nyika mbotu kuti tukkale azintu zilimumo kuti tubotelwe mubuumi. (Matayo 5:43-48; Ciyubunuzyo 4:11) Jehova uyanda kuti tube abweenzinyina bulikabotu anguwe akuti tukonzye kwiiya atala anguwe. Tuswiilila Jehova chiindi nitubala Bbayibbele. Alubo ulaswiilila chiindi nitukomba. (Intembauzyo 65:2) Ubelesya muuya uusalala kuti atuzulwide akutusimya. (Luka 11:13) Wakatuma Mwanaakwe ngwayandisya aanyika kuti azootununune kuchibi alufu.—Bala Johane 3:16; BaRoma 5:8.\\n3. Kujana twachita biyeni kuti tube abweenzuma bulikabotu aJehova?\\n3 Yeeya atala amweenzinyokwe nguyandisya, uukugwasya muzyiimo zisiyene-siyene. Weelede kubeleka changuzu kuti bweenzinyokwe amuntu ooyo busime. Mbububede bweenzuma mbutuli aabo aJehova, nkaambo Mweenzuma ngutuyandisya. Bweenzuma mbutulaabo anguwe tabumani pe. Nkinkaako, Bbayibbele litubuzya kuti: ‘Amukkale kamuli muluyando lwa-Leza.’ (Juda 21) Kujana twazichita biyeni? Bbayibbele lyaamba kuti: “Oku nkokuyanda Leza, kuti twabamba milazyo yakwe, alimwi milazyo yakwe tiili miyumu.”—1 Johane 5:3.\\n“OKU NKOKUYANDA LEZA”\\n4, 5. (a) ‘Kuyanda Leza’ chambaanzi? (b) Wakatalika biyeni kuyanda Jehova?\\n4 Kweendelana azyaambwa aBbayibbele, ‘kuyanda Leza’ chambaanzi? Tachaambi kuti Leza nguwe utuyanda pesi chaamba kuti ndiswe tuyanda Leza. Uchiyeeyede na nwaakasaanguna kuyanda Leza?\\nChiindi nulipeda kuli Jehova akubbabbatizigwa, utondeezya kuti ulamuyanda akuti uyanda kumuswiilila kukabe kutamani\\n5 Yeeya mbwaakalimvwa chiindi nwaakasaanguna kwiiya kuti Jehova uyanda kuti ukakkale munyika mpya kukabe kutamani. Wakiiya atala amabambe Jehova ngaakachita kuti eechi chikonzeke alubo wakayiya kuti Jehova wakatupa chipo chipati kwiinda mukutuma Mwanaakwe aanyika. (Matayo 20:28; Johane 8:29; BaRoma 5:12, 18) Nwaakaziba kuti Jehova ulakuyanda, zyakapa kuti umuyande loko.—Bala 1 Johane 4:9, 10.\\n6. Kuyanda umwi muntu kuswaanizyaanzi? Kuyanda Leza kwakapa kuti uchiteenzi?\\n6 Pesi kuyanda Leza akali matalikilo biyo. Muchikozyano, muntu ngutumvwananaawe tumuchitila zyiingi kutali kumubuzya kuti “ndilakuyanda” luzutu. Kumuyanda kupa kuti tuchite zintu zimubotezya. Alubo kuyanda Jehova kwakapa kuti upone munzila iimubotezya. Luyando oolo nilwakasima, lwakapa kuti ulipede kulinguwe akuti ubbabbatizigwe. Kwiinda mukuchita oobo, wakasyomezya Jehova kuti uyoomubelekela kukabe kutamani. (Bala BaRoma 14:7, 8.) Kujana wachizuzikizya biyeni chisyomezyo eechi?\\n“TWABAMBA MILAZYO YAKWE”\\n7. Kuyanda Jehova kupa kuti tuchiteenzi? Milawu yakwe imwi ityeni?\\n7 Kuyanda Jehova kupa kuti ‘tubambe milazyo yakwe.’ Tuzichita biyeni eezi? Kwiinda mukumuswiilila. MuBbayibbele, Jehova utuyiisya mbutweelede kupona. Muchikozyano, utubuzya kuti kukolwa, kubba, kubeja, koonana amuntu ngutakwetenaawe, kukomba muntu naakuti chimwi chintu kutali Jehova, nkubisya.—1 BaKorinto 5:11; 6:18; 10:14; BaEfeso 4:28; BaKolose 3:9.\\n8, 9. Kujana twaziziba biyeni zintu Jehova nzyayanda kuti tuchite muzyiimo mututabikkilidwe milawu ilaantanganana? Pa chikozyano.\\n8 Pesi kuti tubotezye Jehova, tweelede kuchita zyiingi kutali kubamba milawu yakwe luzutu. Jehova tatubikkilide mulongo wamilawu muzintu zyoonse. Muli zimwi zyiimo, Bbayibbele talitubikkilide milawu ilaantanganana itondeezya mbutweelede kuchita. Niinzi chikonzya kutugwasya kuti tusale kabotu? (BaEfeso 5:17) MuBbayibbele, muli njiisyo akasimpe zitugwasya kubona Jehova mbazibona zintu. Kubala Bbayibbele kutugwasya kuti tubone Jehova mbuuli Muntu wachoonzyo. Tuziba mbayeeya, zintu nzyayanda anzyatayandi.—Bala Intembauzyo 97:10; Tusimpi 6:16-19; langa Makani Aakumamanino 1.\\n9 Muchikozyano, tuchita biyeni chiindi nituyanda kweebela TV naakuti chiindi nituyanda kubelesya Intaneti? Jehova tatubuzyi chaantanganana nzitweelede kuchita. Pesi malayilile ngatupa atugwasya kuti tusale kabotu. Mazubaano, zyakulikondelezya zyiingi zisungwaazya kulwana akoonana. MuBbayibbele, Jehova utubuzya kuti, “moyo wakwe ulisulide basikufumpa” akuti “uyoobabeteka baamu abasimalale.” (Intembauzyo 11:5; BaHebrayo 13:4) Malayilile aaya kujana atugwasya biyeni kuti tusale kabotu? Kuziba zintu Jehova nzyatayandi anzyabona kuti nkutalilemeka, kuyoopa kuti tuzitantamuke.\\n10, 11. Nkamboonzi nituswiilila Jehova?\\n10 Nkamboonzi nituswiilila Jehova? Tatuchiti oobo akaambo kakuyoowa kupegwa chisubulo naakuti mapenzi ngitukonzya kujana kuti teetwasala kabotu. (BaGalatiya 6:7) Pesi tuswiilila Jehova nkaambo tulamuyanda. Tuyanda kubotezya Taateesu wakujulu, mbuuli bana mbubabotezya wisi. Nichoonzyo, kuziba kuti Jehova ulabotelwa muzintu nzituchita kulabotezya!—Intembauzyo 5:12; Tusimpi 12:2; langa Makani Aakumamanino 2.\\n11 Tatuswiilili Jehova chiindi zintu nizilikutweendela kabotu luzutu naakuti nitwabula zyakuchita. Alubo tatusali kuti njiili milawu azyeelelo nzitweelede kutobela anjituteelede kutobela. (Deuteronomo 12:32) Pesi tulamuswiilila amoyo woonse mbuuli sintembawuzyo mbakaamba naakati: “Ilandikondezya milazyo yako, njenjandisya.” (Intembauzyo 119:47; BaRoma 6:17) Tuyanda kuba mbuuli Nowa wakatondeezya kuti ulamuyanda Jehova kwiinda mukuchita zyoonse nzyaakabuzigwa. Bbayibbele lyaamba kuti Nowa “wakacita obo.” (Matalikilo 6:22) Tuyandi na kuti Jehova azoowambe oobo kuli nduwe?\\n12. Kujana twachita biyeni kuti Jehova abotelwe?\\n12 Jehova umvwa biyeni chiindi nitumuswiilila? ‘Moyo wakwe ulakondwa.’ (Tusimpi 11:20; 27:11) Yeeyesesya atala amakani aaya! Tupa kuti Mulengi wazintu zyoonse abotelwe chiindi nitumuswiilila. Nikuba boobo, Jehova tatusinikizyi biya pe. Pesi wakatupa lwaangunuko lwakulisalila. Eezi zyaamba kuti tulakonzya kulisalila kuchita chibi naakuti chibotu. Kuyanda Jehova kupa kuti tusale kabotu akuti tupone buumi buli kabotu.—Deuteronomo 30:15, 16, 19, 20; langa Makani Aakumamanino 3.\\n“MILAZYO YAKWE TIILI MIYUMU”\\n13, 14. Tuzi biyeni kuti milawu yaJehova teemiyumu pe? Pa chikozyano.\\n13 Kujana twaamba kuti milawu yaJehova miyumu na kwiitobela naakuti ipa kuti tutabotelwi? Bbayibbele lipandulula kuti: “Milazyo yakwe tiili miyumu.” (1 Johane 5:3) Bbala lyachiGrikki liti “miyumu,” lyaamba “kulema.” Mumagwalo amwi, bbala eeli lipandulula milawu iitamvwisisiki, bantu bayanda kweendelezya naakuti bayanda kumizya bamwi. (Matayo 23:4; Incito 20:29, 30) Bbayibbele litegwa New English Translation, lyaamba kuti: “Milawu yakwe tiiminyi.” Milawu yaJehova “tayilemi” alubo tulakonzya kwiiswiilila. Zintu nzyatubuzya kuti tuchite zitondeezya kuti ulatuyanda.\\n14 Muchikozyano, atuteedi ulikugwasya mweenzinyokwe ulikulongela kubusena bumwi. Wamujana walongela kale zintu zyakwe mumabbokesi. Mabbokesi amwi mawuba kaabwezeka, pesi amwi malemu zyakuti ayanda bantu babili kuti baabweze. Zilachita na kuti mweenzinyokwe akubuzye kuti ubweze aalya malemu awulikke? Tazichiti pe. Nkamboonzi? Nkaambo tayandi pe kuti uminwe. Jehova uli mbuuli mweenzinyokwe uulya, nkaambo tatubuzyi kuti tuchite zintu nzitutakonzyi. (Deuteronomo 30:11-14) Jehova ulizi mbutubede, “nkaambo ulizi mbububede buntu bwesu, ulaibulukwa kuti tuli bulongo buyo.”—Intembauzyo 103:14.\\n15. Nkamboonzi nitusyoma kuti milawu yaJehova ilatugwasya?\\n15 Musa wakabuzya maIsrayeli kuti milawu yaJehova yakali kuyoobagwasya kuti “bakale kabotu” akuti kuswiilila kwakali kuyoopa kuti ‘bapone.’ (Deuteronomo 5:28-33; 6:24) Mbukubede nikuba mazubaano. Zintu zyoonse Jehova nzyatubuzya kuti tuchite zigwasya ndiswe. (Bala Isaya 48:17.) Taateesu Jehova, ulizizi nzituyanda. (BaRoma 11:33) Bbayibbele litubuzya kuti: “Leza nduluyando.” (1 Johane 4:8) Eezi zyaamba kuti zintu zyoonse Jehova nzyaamba akuchita uzichita chaluyando.\\n16. Tuzi biyeni kuti tulakonzya kuswiilila Leza nikuba kuti tatumaninide akuti tukkede munyika yeendelezegwa aDyabbulosi?\\n16 Chimwi chiindi kuswiilila Leza kulatuyumina. Nkaambo tukkede munyika yeendelezegwa aDyabbulosi. Dyabbulosi usungwaazya bantu kuti bachite zibi. (1 Johane 5:19) Alubo, tulwana akutamaninina mumizeezo amumubili, zipa kuti kutuyumine kuswiilila Leza. (BaRoma 7:21-25) Pesi kuyanda Jehova nkuko kutupa manguzu aakuti tuchite zilikabotu. Jehova ulakubona kweezya nkutuchita kuti tumuswiilile alubo ulatugwasya kwiinda mukutupa muuya uusalala. (1 Samuele 15:22, 23; Incito 5:32) Muuya uusalala upa kuti tube abube butugwasya kuti chituubile kuswiilila Leza.—BaGalatiya 5:22, 23.\\n17, 18. (a) Tuyooyiyaanzi mubbuku eeli? (b) Tuyooyiyaanzi muchaandaano chitobela?\\n17 Mubbuku eeli, tuyooyiya mbutukonzya kupona munzila iibotezya Jehova. Tuyooyiya mbutweelede kupona kweendelana amalayilile aakwe azyeelelo zyakulijata mubuumi bwesu. Tweelede kuziba kuti Jehova tatusinikizyi biya pe kuti tumuswiilile. Ikuti twasala kuswiilila Leza, tulapona buumi bulikabotu lino alubo tuyoojana zilongezyo zyiingi kunembo. Kwiinda zyoonse, kuswiilila Leza kutondeezya kuti tulamuyanda.—Langa Makani Aakumamanino 4.\\n18 Jehova wakatupa manjezeezya kuti tukonzye kuziba chibotu achibi. Kuti manjezeezya eesu twaayiisya kabotu, ziyoopa kuti ‘tubambe milazyo yakwe.’ Manjezeezya niinzi? Alubo kujana twaayiisya biyeni? Atubone.\\n1 LEZA ULAKUYANDA\\n‘Amukkale kamuli muluyando lwaLeza . . . lutola kubuumi butamani.’—Juda 21\\nNiinzi chitondeezya kuti Leza ulakuyanda?\\nJohane 3:16; 1 Johane 4:8-10; Ciyubunuzyo 4:11\\nJehova wakatupa nyika kuti tukkale azintu zili mumo kuti tubotelwe mubuumi. Makanze aLeza taakachincha pe chiindi Adamu aEva nibakabisya. Wakapa Mwanaakwe kuti abe chinunuzyo kuti bantu bakajane buumi butamani.\\nIntembauzyo 65:2; Incito 5:32\\nJehova ubelesya Bbayibbele, muuya uusalala ankombyo kuti atugwasye mubuumi. Ulatuswiilila chiindi nitukomba.\\n2 KUSWIILILA JEHOVA KULATUGWASYA\\n“Ndime Jehova Leza wako. Ndime uukwiiyisya kuti ugwasigwe.”—Isaya 48:17\\nKuswiilila Jehova kukugwasya biyeni?\\nDeuteronomo 5:28-33; 6:24\\nJehova ulazibona zyoonse nzituchita kuti tumuswiilile. Kumuswiilila kupa kuti tupone buumi bulikabotu lino akuti tukajane zilongezyo kunembo.\\n3 KUJANA WATONDEEZYA BIYENI KUTI ULAMUYANDA JEHOVA?\\n“Oku nkokuyanda Leza, kuti twabamba milazyo yakwe, alimwi milazyo yakwe tiili miyumu.”—1 Johane 5:3\\nKulakonzeka na kuswiilila Leza?\\nDeuteronomo 30:11; Intembauzyo 103:14\\nJehova ulizi kuti tatumaninide. Nkinkaako, tatubuzyi kuti tuchite zintu nzitutakonzyi.\\nTusimpi 27:11; BaRoma 7:21-25\\nKuyanda Jehova kupa kuti tumuswiilile nikuba chiindi nituli mubuyumu-yumu.\\nTusimpi 6:16-19; BaEfeso 5:17\\nNjiisyo zizwa muBbayibbele zitugwasya kuziba kuti Leza uzibona biyeni zintu. Njiisyo eezi zipa kuti tube amizeezo iili kabotu akuti tuyande Jehova amoyo woonse. Alubo zitugwasya kuti tusale kabotu nikuba muzyiimo Bbayibbele mulitatubikkilide milawu ilaantanganana.","num_words":1408,"character_repetition_ratio":0.057,"word_repetition_ratio":0.006,"special_characters_ratio":0.191,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Yahushua: Buumi Bwakwe mucibaka ca Buumi Bwangu Print\\nYahushua: Buumi Bwakwe mucibaka ca Buumi Bwangu\\nMulengalenga woonse wakafundilila akuleka kuyoya. Eeyo yakali ntenda mpati iitaambiki yatakali kuyeeyelwa nokuba kasyoonto pe. Kwakalibonya aanga inga kwaba kusweekelwa kupati ncobeni. Kunyina pe nikwakali ntenda iikonzya kuletelezya cintu cipati boobu. Ninzi Yahuwah ncaakali kunga wacita? Ninzi Yahuwah ncaakeelede kucita?\\nEelyo Saatani naakasolweda ba Adamu a Eva kuti banjile mucinyonyoonyo, tiikwakali kucita caali ooko pe. Bwakali bugwebenga mbwaakapelengusya ncobeni mubumpelenge bwakwe kutegwa mfulumende yabulemu bwa Kujulu icegwe mukooze yaalilwe kulipasununa. Cintu cini ncaakapingilide kulwana Saatani, wakali mulawo wabulemu, aawo kukkomana kwa zilengwe zyoonse mpukwakayimvwi. Mulawo wabulemu ncecimbonimboni ca ciimo ca bulemu. Cinyonyoono cakaletelezya kudonaika ciimo cokwa Yahuwah eeco lyoonse cakali ciimo ca LUYANDO: “Luyando luzyila kuli Yahuwah; alimwi kufumbwa uujisi luyando wakazyalwa kuzwa kuli Yahuwah, . . . nkaambo Yahuwah ngo luyando.” (Bala muli Johane 4:7-8.)\\nSaatani wakasyomede kuti lino naakacita mangwemba aali boobo, Yahuwah wanjomba mukooze nkatakonzyi kulipasununa. Mulawo wabulemu wakali kwaamba ncobeni kuti lufu ncecipego ca kusotoka mulawo. Kuti ba Adamu a Eva eelyo nibakacita cinyonyoono mpoonya nibakalya mucelo wa Musamu wa Buumi, Saatani naakawina nkaambo naakalijanina babisyi batakonzyi kufwa, mpoonya aawo akutondezya kuti Yahuwah ulabeja. Kujanza limwi, kuti Yahuwah naakabapa cisubulo cakufwa lufu, Saatani naakamutamikizya kuti ngu Leza uuyandizya kujokezya naacitilwa cibi alimwi talekeleli zinyonyoono. Pele, kuti Yahuwah naakabalekelela kakwiina kubapa cisubulo, alimwi Saatani naakataminina kuti Yahuwah wakali mubeji – nkaambo wakacinca mulawo Wakwe kutegwa alekelele mubisyi.\\nMuntenda iilema yamusyobo ooyu, Yahuwah wakalitondezya busongo Bwakwe mbwaakajisi oobo bwakagambya Saatani nkaambo taakazyi kusikila ciindi eeco kuti ciimo ca bulemu inga kacili boobu. Yahuwah wakeengelela ba Adamu a Eva. Eeci cintu cakamukopa akumuzilula maanu Saatani. Walo taakamvwisyide bwini mbolubede lweengelelo lwa bulemu.\\nLuzyalo “nkweengelela akufwida luse aluyando lwakupegwa buyo [kuli yooyo uuteeleli kutambula luzyalo oolo] luzwa kuli Leza . . . .” (Noah Webster, American Dictionary of the English Language, 1828) Kunyina muntu wakacitide cinyonyoono kusikila aciindi eeco, aboobo kunyina wakeelede kufwidwa luzyalo kusikila ciindi eeco. Aboobo luzyalo lwakali cintu catakazyibidwe kusikila ciindi eeco pe.\\nLino Yahuwah naakalangene a ntenda yakavwumbu yakaboola kwiinda mucinyonyoono, Yahuwah wakatambika mukowa wabantu luzyalo ndubatakeelede kupegwa, akubalekelela, pele aciindi aawo Walo wakakonkezya kusungula buumi bwa Mwanaakwe kuti afwe mucibaka ca muntu uulaa milandu. “Nkaambo bulumbu bwa cinyonyoono ndufu, pele cipego ca Yahuwah mbuumi butamani kwiinda muli Yahushua Messiah Simalelo wesu.” (BaLoma 6:23, Mangwalo Aakalembululwa Mazina)\\nMukupandulula mulimo wabulemu ooyu kuli Nicodemasi, Mufutuli wakapandulula kuti: “Nkaambo mboobuya Yahuwah mbwaakiiyandisya nyika cakuti wakiipa Mwanaakwe Simuzyalwaalikke, kutegwa kufumbwa uusyoma muli Nguwe atafwidilili pele abaa buumi butamani. Nkaambo Yahuwah taakatumina Mwanaakwe munyika kuzyoosinganya nyika pe, pele kutegwa nyika kwiinda muli Nguwe ikavwunwe.” (Bala muli Johane 3:16-17.)\\nKwiinda mukusungula buumi bwa Mwanaakwe, Yahuwah wakakonzya “kutondezya . . . bululami Bwakwe, kutegwa abe mululami, uululamika yooyo uusyoma muli Yahushua.” (Bala Baloma 3:26.) Mulawo, ooyo watakali kukonzya kucincwa nkaambo “ulisetekene, alimwi mulawo, ulaabulemu, alimwi mubotu” (Baloma 7:12), wakaciliko pele babisyi bakapegwa ciindi cabili kuti basale kuteelela akubaa buumi, nokuba kuzanga alufu. Bakazumizyigwa ciindi cabili cakusala kutegwa eeco ciyandika mumulawo cizuzikwe kwiinda mulufu lwa Messiah.\\nPaulu wakalimvwisyide bwini ncolwiiminina oolu luzyalo walo naakalemba kuti:\\n“Muli Nguwe wakatunununa nkaambo kabulowa bwa Mwanaakwe, alimwi wakalekelela zibi zyesu, muluse lwakwe lunji 8ndwaakatutondezya. Muluzibo abusongo bwakwe Walo wakatuyubunwida makanze aakwe aakasisidwe ngaakakanzide kucita muli Messiah. Eeco ncaakayanda kuti acite muciindi ceelede ncakuti aswaanganye muli Kilisito zintu zyoonse zyakujulu azyaansi.” (BaEfeso 1:7-10, NKJV)\\nMasimpe kuti boonse balakonzya kuzumina kuti Yahuwah wakalaa luyando eelyo naakeengelela babisyi, akuti wakalaa luse naakabalekelela zinyonyoono. Pele Paulu ncaamba ncakuti, wakalaa busongo abunkutwe! Cimvwikaanga nkusendekezya buyo kwaamba kuti Yahuwah wakalaa busongo abunkutwe eelyo naakasala kulekelela zinyonyoono.\\nBunkutwe caambilizya kubambilila akubikkila maanu kabotu-kabotu akutobelanya zintu zyoonse mumundando kutegwa mulimo ucitigwe, kubelesya busongo bwakulangisya akusalaula. Bunkutwe buliimpene kuzwa kubusongo nkaambo, bunkutwe bujatikizya kubambilila kabotu-kabotu kwiinda busongo, nokuba kuti bunkutwe bulabelesyegwa kanjaanji mukubona cibi amukuleya cibi, akujana nzila mbotu yakucibambulula. (Noah Webster, American Dictionary of the English Language, 1828)\\nPaulu wakakonzya kwaamba kuti Yahuwah wakali musongo amunkutwe nkaambo wakamvwisyisya nzila ya lufutuko eeyo yakatondezya kuti mulawo wabulemu ulisetekene alimwi tuukacinci lyoonse kukabe kutamani, kumwi kuunununa akubambulula mukowa wabantu bakasweekede. Eeyi nzila iijatikizya zinjaanji yakali kuyandika kubaa Mufutuli wa Bantu kuti abe Munununi Mweeninyina Mupati wa bana bokwa Adamu. “Nkaambo ooyo ngwaakazyi kale wakamusala kuti ayendelane aciimo ca Mwanaakwe kutegwa abe mutaanzi kuzyalwa akataa bana bokwabo.” (Baloma 8:29, KJV)\\nYahushua ngo Munununi nkaambo kakuti lufu Lwakwe lwakazumizya Yahuwah kuba mululami mpoonya akululamika babisyi. Ootu tusimpe tweelede kukambaukwa lyoonse kufumbwa kukkede basyomi. Cintu citamvwugwi kapati ncakuti ooyo Mweendelezi wa Lufutuko lwesu ngweenya ngo Mwanookwesu Mupati.\\nLino mbwali Mupati wesu, Yahushua wakatupa mukonzyanyo wakukkala buumi butakwe cinyonyoono. Aaka nkasimpe kapati Saatani nkaakasola kuvwunikila kunsaa kubeja kunjaanji. Kumwi kubeja kulaa mpuwo nkwakuti Yahushua wakalisamika ciimo ca Adamu kataninga wida mucibi. Ipenzi liliko mukaambo aaka ndyakuti, ciimo ca Adamu kataninga njila mucibi, cakaliimpene aciimo ncaakajisi naakawa mucibi. Kuti Yahushua naakalisamika ciimo cokwa Adamu kataninga wida mucibi, nkokuti inga taaba Mupati wesu ncobeni akuba mukonzyanyo wesu nkaambo inga kalaa nzila ngubauba kwiinda ndiswe. Eeci inga cagwasyilila Saatani mukutamauka kutaanzi nkwaakatamikizya Yahuwah kuti takwe luyando alimwi ulaa lusalaula.\\nYahushua wakali muntu mbuli ndiswe. Kufumbwa cipenzya muntu awalo cakamupenzya. Paulu wakazumanana mumakani aaya kuti nkakaambo keni kakubedaa lusyomo muli Nguwe kuti Mufutuli wesu!\\n“Lino atujatisye lusyomo ndotuzumina. Nkaambo tulijisi Mupaizi Mupati kwiindilila, walo wakainka akuyoosika kujulu kwini-kwini. Ooyo ngu Yahushua, Mwanaa Yahuwah. Tatujisi Mupaizi Mupati uutakonzyi kutufwida lubomba mubuteteete bwesu. Mupaizi wesu wakasunkwa munzila zyoonse, mbubuli mbotusunkwa swebo. Pele taakwe naakabisya pe. Lino atube aacamba swebo, tuswene kucuuno caluse. Ooko tuyootambula lweengelelo akujana luse lwakutugwasya ciindi notubulide.” (Bala BaHebulayo 4:14-16.)\\nIkuti Mufutuli naatakalaa ciimo ncotujisi aswebo, nkokuti tali mukonzyanyo wesu uutweelede. Kuyungizya waawo, yoonse nzila ya lufutuko niyaanyonyooka kuti Yahushua naakasamikwa ciimo ca Adamu katana wida mucibi nkaambo kunyina muntu wakafwa kumwi kalaa ciimo cabulemu citakwe cinyonyoono.\\nMasimpe kuti Yahushua wakatempaulwa “muzintu zyoonse mbweenya mbuli ndiswe, kakwiina kucita cinyonyoono”; eeco ceelede kutukulwaizya toonse kuti tulakonzya kuzwidilila akuzunda mbweenya mbwaakacita Mufutuli. Maseseke ookwa Yahushua aakukoma nkondo yacibi a Saatani lyoonse akali mu kuyaamina munguzu zya Taata. Walo wakasalazya kwaamba kuti: “Ime muli Lwangu ndemwini kunyina ncenga ndacita.” (Johane 5:30, KJV) Kwiinda mukusungula zyoonse kuli Taata wakujulu, Yahushua wakapegwa nguzu zya kupona kataciti cinyonyoono akuzunda mukutempaulwa mbuli mbobakonzya kucita boonse. Kuti nokuba aasyoonto buyo munzila imwi Yahushua naakalaa ciimo cibotu kwiinda ncotujisi, mpoonya Saatani naakatamikizya Yahwah kuti teengeleli akulibonyaanga waamba masimpe.\\nMangwalo alisalazyide kuti Yahuwah ulaa luse alimwi uliluleme.\\nMboobu mbwaamba Yahuwah:\\n“Muntu musongo atanoolisumpuli nkaambo kabusongo bwakwe,\\nMuntu uulaa nguzu atanoolidundi mu nguzu zyakwe,\\nMuntu uuvwubide atanooliyandi nkaambo kabuvwubi bwakwe;\\nPele ooyo uulikankaizya alikankaizye muli ceeci,\\nKuti ulanditeelela akundizyiba Ime,\\nKuti ndime Yahuwah, uulaa luyando aluse, uubeteka, alimwi uulaa bululami munyika.\\nNkaambo muli zyeezyi Ime ndikkomene,” mbwaamba Yahuwah. (Bala Jelemiya 9:23, 24.)\\nInga tiicaba cintu ciluleme kulangila bantu kuti bainde kululama kwiinda mbwaakeelede kululama mwanaakwe Yahuwah. Alimwi inga tiilwaba luzyalo kusubula babisyi nkaambo kakwaalilwa kusika aciga cabululami pele buyo kuti boonse bapegwa lufutuko kakwiina muulo. Inzila ya lufutuko njiiwumuzya Saatani kutamikizya mfulumende ya Kujulu. Ciciingano cakaleta Bululami a Luzyalo antoomwe mucintu comwe citakonzyi kumwaigwa. “Ncobeni lufutuko lwakwe luli munsaa baabo bamuyoowa . . . Luzyalo a kasimpe zyiliswaangene antoomwe; bululami aluumuno zyakamyontana.” (Intembauzyo 85:9 & 10, KJV)\\nBanaKristu banji sunu basyoma kuti banoocita cinyonyoono kusikila a Kuboola Kwabili. Ooku nkweenwa aa dyabooli. Ibbuku licaalizya mu Bbaibbele lilaa kucenjezya kupati ooko boonse nkobeelede kuteelela: “Amulange, Ime ndafwamba kuboola, alimwi njooletelezya bulumbu bwangu, bwakupa muntu omwe-omwe kweendelanya amulimo ngwaakacita mbuubede.” (Ciyubunuzyo 22:12, KJV) Takukabi ciindi cabili kuzwa aciindi ca Kuboola Kwabili pe. Eelyo Walo aakuboola, uyooletelezya bulumbu Bwakwe Anguwe. Ecino nceciindi cakululamika buumi bwako. Lino, luzyalo nolicipedwe, nceciindi cakulyaaba kuli Yahuwah akutambike lugwasyo Lwakwe kuti uzunde kufumbwa cibi ncotingaana limwi. Lwiito Lwakwe lwa luyando lucitambikidwe: “Kwataba boobo aboole kuli Ndime azyookwabililwe. Inzya aboole tuyanzane.” (Izaya 27:5, NKJV)\\nYahuwah ulizyi kale kufumbwa makani aajatikizya nduwe: ulizyi bulangizi bwako, maloto aako, masunko aako, zintu zikwaalila kucita, zinyonyoono zyako zyamaseseke zyitazyibidwe amuntu waansi – pele Walo ulakuyanda nokuba boobo. “Kunyina cilengwe cisisidwe kuzwa kubusyu Bwakwe, pele zyoonse zintu zilaa mantanda alimwi zilaantangalala mumeso aYooyo ngotuyoolungulwida zyoonse.” (BaHebulayo 4:13, NKJV)\\nYahuwah nduyando; Yahuwah mbwali Taata wakujulu uululeme alimwi ulaa luzyalo, talangili cintu ncobatakonzyi kucita bana Bakwe baanyika. Walo ulizyi kuti yebo tokwe nguzu muli lwako zyakuzunda cibi ncookakona ncoyandisya kucita. Mpampawo aawa banji mpobaalilwa. Eelyo nobataanguna kuba Banakristu, balatambulwa kwiinda mu kusyoma kuti, Yahuwah wabalekelela zinyonyoono zyakaindi. Pele balaalilwa kupona kuya kumbele kabazunda abuzuba eelyo nobatalika kukkala aanga kuzunda cibi kuyeeme munguzu zyabo beni. Teesyi mbwaabede makani oobo pe. Kwaalilwa kuzunda cibi kuboolela mukuyaamina munguzu zyako kuti uzunde cinyonyoono.\\nMaseseke aakuzunda cinyonyoono aliyubunudwe muli Bafilipo 4:13: “Ime ndakonzya kucita zintu zyoonse kwiinda muli Yahushua ooyo uundipa nguzu.” Kwiinda mukukkala buumi bulondo kumwi kajisi ciimo ca Adamu naakawide mucibi, Yahushua wakasinganya cinyonyoono mumubili wabuntu, aboobo akusyomya lufutuko kuli boonse, aabo kwiinda mukusyoma, balikankaizya mu kuzunda Kwakwe mucibaka cabo.\\nNkaambo cakali cintu ceelela Nguwe, Walo wakalenga akukwabilila zintu zyoonse, kuti abikke Yahushua kuti alete bana bakwe banji kuzooba aanguwe mubulemu. Wakacita oobo kutondezya kuti ngo Musololi uulondokede nkaambo kakupenga kwakwe. Ooyo uusalazya bantu kuzwa ku zinyonyoono, abaabo basalazigwa kuzinyonyoono, bajisi Wisi omwe boonse. Nkakaambo aako ncatausi nsoni kubaita kuti bana bokwesu.\\nLino mbokuli kuti bana aabo mbantu banyama abulowa, Walo lwakwe wakaba muntu mbuli mbabo. Wakacita oobo kuti kwiindila mulufu Lwakwe akamunyonyoone ooyo uujisi nguzu zyalufu, uuli ngu Saatani. Aboobo wakabaangununa aabo boonse bakali bazike mubuumi bwabo nkaambo kakuyoowa lufu. . . . Eeci caamba kuti wakaba mbuli babunyina munzila zyoonse, mukuti abe Mupaizi Mupati uusyomeka silweengelelo mukumanina Leza milimo kutegwa zinyonyoono zyabantu zilekelelwe. Aboobo lino ulakonzya kugwasya aabo basunkwa, nkaambo Walo lwakwe wakasunkwa akupenga.” (BaHebulayo 2:10, 11, 14-18, NKJV)\\nLugwasyo lukkwene lulipedwe kale kuli baabo basyomya zyoonse ku Mulengi a Munununi Wabo. Jelemiya ujisi cisyomyo cibotu kuli boonse aabo, kwiinda mulusyomo lwabo, bataminina kuzunda cinyonyoono kwa Yahushua: “Lino nceeci cizuminano ncetipange abantu ba Isilayeli, mazuba aaza, mbwaamba Mwami Yahuwah: Ime njoobikka mulawo Wangu mumizeezo yabo. Njoowulemba mumyoyo yabo, njooba Leza wabo, abalo bayooba bantu bangu.” (Bala Jelemiya 31:33.)\\nKosyoma Jwi Yahuwah ndyakwaambila; kosala kutambula lufutuko buno buzuba, oolo Walo ndwakwaabila. “Ikuti yebo kokonzya kusyoma, zintu zyoonse zilakonzya kucitika kuli yooyo uusyoma.” (Maako 9:23, NKJV)","num_words":1592,"character_repetition_ratio":0.046,"word_repetition_ratio":0.0,"special_characters_ratio":0.159,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 13 IBBAIB63 - Lino Jehova wakaambila Musa kuti, - Bible Search\\nKulonga 12 Kulonga 14\\nImwi milao yabana bataanzi ayazinkwa zitakwe bumena\\n1Lino Jehova wakaambila Musa kuti, 2-Undisalazizye mwana umwi aumwi mutaanzi uujalula mulyango wazyalilo akati kabana ba-Israyeli, naba muntu naba munyama. Boonse buyo babe bangu.\\n3-Nkabela Musa wakaambila bantu kuti, Amwiingasile buzuba obuno nemwazwa mu-Egepita kuzwa muŋanda yabuzike, nkaambo kunguzu zyajanza lyakwe Jehova wamupozya mucisi eci. Kutaligwi zinkwa zili abumena. 4-Buzuba obuno bwamumwezi wa-Abibi mwazwa. 5Lino Jehova naayoomusisya kunyika yaba-Kanana ayaba-Hiti ayaba-Amori ayabaHivi ayaba-Jebusi, nyika njindakasyomezya kulibamauso kumupa, nyika iikunka malili abuci, muleelede kubamba milimo eyi mumwezi uno. 6-Mazuba aali musanu aabili muleelede kulya zinkwa zitakwe bumena, lino mubuzuba bwamusanu aabili kuyooba ipobwe lya-Jehova. 7Zinkwa zitakwe bumena nzezyeelede kuligwa mazuba aali musanu aabili; takweelede kubonwa zinkwa zili abumena akati kanu; takweelede kubonwa bumena mucisi canu coonse. 8-Elyo mubuzuba obo uleelede kupandulwida mwana wako kuti, Nkaambo kaceeco Jehova ncaakandicitila nendakazwa ku-Egepita. 9-Ciyoomubeda mbuli citondezyo cakujanza lyako na mbuli ciibalusyo akati kameso aako, kuti mulao wa-Jehova ube mukanwa lyako, nkaambo Jehova wakamupozya kuzwa ku-Egepita ajanza ijumu. 10Nkaambo kako uleelede kubamba ciyanza eci kuciindi ceelede myaka yoonse.\\n11-Alimwi Jehova naayoomusisya kunyika yaba-Kanana mbubonya mbwaakasyomezya kulibamauso, akwiipa nduwe, 12-uleelede kulondweda Jehova kufumbwa uujalula izyalilo. Boonse bataanzi kuzyalwa baŋombe zyako, nkokuti bapoho, bayooba ba-Jehova. 13-Amutaanzi umwi aumwi wambongolo uleelede kumununuzya kabelele; watamununuzya uleelede kutyola insingo yakwe. Abalo bataanzi babana bako balombe uleelede kubanununa. 14-Lino kuciindi ciboola, mwanaako aakubuzya kuti, Nkutyeni eci? uleelede kumwaambila kuti, Kunguzu zyajanza lyakwe Jehova wakatupozya kuzwa ku-Egepita kuŋanda yabuzike. 15Nkaambo Farao naakaliyumya kukutukasya kuya, Jehova wakajaya bana bataanzi boonse bamucisi ca-Egepita, bana bataanzi babantu abana bataanzi baŋombe. Nkaambo kako ndapaizizya Jehova boonse baalumi bajalula izyalilo, pele boonse bataanzi akati kabana bangu ndabanununa. 16-Eci ciyanza cibe mbuli citondezyo cakujanza lyako na mbuli ciibalusyo akati kameso aako, nkaambo kunguzu zyajanza lyakwe Jehova wakatupozya kuzwa ku-Egepita.\\nLeza mbwaakapozya ba-Israyeli kuzwa ku-Egepita\\n17-Lino Farao naakaleka bantu kuti baye, Leza takwakabeenzya kunzila yakwiinda kucisi caba-Filisti, nekuba kuti yakali kukosola, nkaambo Leza wakati, Na bantu babona inkondo, ambweni balatama akupiluka ku-Egepita. 18-Leza wakeenzya bantu munzila iizyunguluka kunkanda ku-Lwizi Lusalala, Nkabela bana ba-Israyeli bakazwa kunyika ya-Egepita balilibambide kunkondo. 19-Alimwi Musa wakatolelela zifuwa zya-Josefa, nkaambo Josefa wakakonkezya loko bana ba-Israyeli, wati, Ncobeni Leza uyoomuswaya; lino muleelede kutolelela zifuwa zyangu kuzwa okuno. 20-Elyo bakalonga kuzwa ku-Sukoti, baakukala-kala ku-Etamu kumagolelo nankanda. 21-Nkabela Jehova wakali kubazulwida isikati amusumpululu wajoba kuti abatondezye inzila, amasiku amusumpululu wamulilo kuti abamunikile, kuti kabeenda amasiku asikati. 22-Taakwe naakabanyanzya musumpululu wajoba wasikati nuuba musumpululu wamulilo wamasiku.","num_words":399,"character_repetition_ratio":0.068,"word_repetition_ratio":0.005,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"“Aboobo, Kamuya Mukayiisye Bantu” — LAIBBULALI YAA INTANETI ya Watchower\\nw20 January map. 2-32\\n“Aboobo, Kamuya Mukayiisye Bantu”\\nNgazi Yamulindizi Yaambilizya Bwami bwa Jehova (Yakwiiya)—2020\\nINO MULAWO WAKAPEGWA KULI BANI?\\nAMUSOLEKESYE KUBASIKA AMOYO BASIKWIIYA\\nAMUMUGWASYE SIKWIIYA KUYAAMBELE KUMUUYA\\nSENA NDEELEDE KUCILEKA KWIIYA AMUNTU OOYU?\\nAmubagwasye Basikwiiya Bbaibbele Kutegwa Babbapatizyigwe\\nNgazi Yamulindizi Yaambilizya Bwami bwa Jehova (Yakwiiya)—2021\\nMbotukonzya Kugwasya Basikwiiya Bbaibbele Kutegwa Beelele Kubbapatizyigwa​—Cibeela 1\\nMbotukonzya Kugwasya Basikwiiya Bbaibbele Kutegwa Beelele Kubbapatizyigwa—Cibeela 2\\nToonse Tulakonzya Kugwasyilizya Baskwiiya Bbaibbele Kubbapatizyigwa\\nCIBALO CAKWIIYA 1\\nLUGWALO LWESU LWA MWAKA WA 2020: “Aboobo kamuya mukayiisye bantu . . . kuti babe basikwiiya, akubabbapatizya.”​—MT. 28:19.\\nLWIIMBO 79 Amubayiisye Kwiima Nji\\n1-2. Ino ncinzi mungelo ncaakaambila bamakaintu kucuumbwe ca Jesu, alimwi malailile nzi Jesu lwakwe ngaakabapa?\\nAKALI mafwumofwumo, mu Nisani 16, 33 C.E. Bamakaintu bayoowa Leza, kalibalekede kapati bakaunka kucuumbwe nkwaakazikkilidwe Mwami Jesu Kristo, lino kwakaindide mazuba obilo kuzwa ciindi naakazikkwa. Ciindi nobakasika munsi-munsi aacuumbwe, kabajisi makanze aakubikka tununkilizyo akuunanika mafwuta aanunkilila mubili, bakagambwa kapati kujana kuti mubili tiiwakaliko mucuumbwe! Mungelo wakaambila bamakaintu aaba kuti Jesu wabusyigwa kuzwa kubafwu, alimwi wakayungizya kuti: “Wamusolweda kuya ku Galilaya. Muyoomubona okuya.”—Mt. 28:1-7; Lk. 23:56; 24:10.\\n2 Bamakaintu nobakazwa kucuumbwe, Jesu lwakwe wakabayaanya akubaambila kuti: “Kamuya, mukabaambile bakwesu kuti baunke ku Galilaya, eelyo ooko bayoondibona.” (Mt. 28:10) Kweelede kuti Jesu wakajisi malailile aayandika kapati ngaakali kuyanda kwaambila basikwiiya bakwe, nkaambo ooyu ngomuswaangano wakusaanguna ngwaakapanga naakabusyigwa!\\nCiindi Jesu naakaswaangana abaapostolo bakwe alimwi abamwi mu Galilaya kuzwa ciindi naakabusyigwa, wakabalailila kuti “kamuya mukayiisye bantu” (Amubone muncali 3-4)\\n3-4. Nkaambo nzi ncotukonzya kwaamba kuti malailile aali kulugwalo lwa Matayo 28:19, 20 tanaakapegwa buyo kubaapostolo balikke? (Amubone cifwanikiso icili aacivwumbyo.)\\n3 Amubale Matayo 28:16-20. Amuswaangano ooyo Jesu ngwaakapanga, wakaamba mulimo uuyandika kapati basikwiiya ngobakeelede kubeleka mumwaanda wamyaka wakusaanguna nkokuti, mulimo nguwenya ngotuli mukuzuzikizya mazuba aano. Jesu wakati: “Aboobo kamuya mukayiisye bantu bazisi zyoonse kuti babe basikwiiya, . . . mukabayiisye kutobela zintu zyoonse nzyondakamulailila.”\\n4 Jesu uyanda kuti basikumutobela boonse kabakambauka. Malailile aaya tanaakaapa buyo kubaapostolo bakwe bali 11 ibasyomeka. Ino tuzyi buti oobo? Ciindi Jesu naakapa mulawo ooyu wakuyiisya bantu kuba basikwiiya, kwakali bantu banji kunze buyo lyabaapostolo acilundu mu Galilaya. Ino tuzyi buti oobo? Amuyeeye kuti mungelo wakaambila bamakaintu kuti: “Muyoomubona [ku Galilaya].” Aboobo kweelede kuti bamakaintu basyomeka aaba abalo bakaliko amuswaangano ooyo. Pele tabali buyo mbabo balikke ibakaliko. Mwaapostolo Paulo wakaamba kuti Jesu “wakalibonya kubakwesu bainda ku 500 aciindi comwe.” (1Kor. 15:6) Ikuli?\\n5. Ncinzi citupa kusyoma kuti lugwalo lwa 1 Bakorinto 15:6 lwaamba muswaangano waku Galilaya iwaambidwe ku Matayo caandaano 28?\\n5 Tulijisi twaambo tubotu itutupa kusyoma kuti Paulo wakali kuyeeya muswaangano nguwenya ooyo waku Galilaya iwaambidwe kulugwalo lwa Matayo caandaano 28. Ino ntwaambo nzi ooto? Kakusaanguna, basikwiiya ba Jesu banji bakali bana Galilaya. Aboobo cakali cuuba-uba kuba amuswaangano abantu banji kucilundu ku Galilaya ikutali muŋanda yamuntu ku Jerusalemu. Kabili, Jesu iwakabusyigwa wakaliswaangene kale abaapostolo bakwe ibali 11 muŋanda ku Jerusalemu. Ikuti Jesu naakali kuyanda kupa malailile aajatikizya kukambauka alimwi akugwasya bantu kuba basikwiiya kubaapostolo balikke, naakacita oobo ku Jerusalemu muciindi cakubalomba balo, bamakaintu aabo alimwi abantu bambi buyo kuti bakaswaangane anguwe ku Galilaya.—Lk. 24:33, 36.\\n6. Mbuti lugwalo lwa Matayo 28:20 mbolutondezya kuti mulawo wakugwasya bantu kuba basikwiiya ulabeleka amazuba aano, alimwi ino bantu bautobela buti?\\n6 Amubone kaambo katatu ikayandika kapati. Mulawo wa Jesu wakugwasya bantu kuba basikwiiya tiiwakapegwa buyo ku Banakristo ibakali kupona mumwaanda wamyaka wakusaanguna. Ino tuzyi buti oobo? Jesu wakamanizya kupa malailile kuli basikumutobela kwiinda mukwaamba majwi aakuti: “Ndilaandinywe mazuba oonse mane kusikila kumamanino aabweende bwazintu.” (Mt. 28:20) Mbubwenya mbwaakaamba Jesu, bantu banji mazuba aano bali mukutola lubazu mumulimo wakugwasya bantu kuba basikwiiya. Amuciyeeyele buyo! Bantu batandila ku 300,000 mwaka amwaka balabbapatizyigwa kuba Bakamboni ba Jehova alimwi akuba basikwiiya ba Jesu Kristo.\\nTuyanda kubagwasya mbotwiiya limwi kuti babe basikwiiya ba Kristo\\nNcinzi ciyootugwasya kutegwa tuyaambele mumulimo wesu wakugwasya bantu kuba basikwiiya?\\n7. Ncinzi ncotutiibandike lino alimwi nkaambo nzi?\\n7 Basikwiiya Bbaibbele banji balaunka ambele akubbapatizyigwa. Nokuba boobo, bamwi kuboneka kuti balawaya-waya kuba basikwiiya. Balazikkomanina nzyobaiya, pele tabaunki ambele kutegwa babbapatizyigwe. Ikuti naa kamusololela ciiyo ca Bbaibbele, tuli masimpe kuti mulayanda kumugwasya ngomwiiya limwi kuzitobela nzyaiya alimwi akuti abe sikwiiya wa Kristo. Mucibalo eeci tulabandika mbotukonzya kumusika amoyo sikwiiya alimwi ambotukonzya kumugwasya kuyaambele kumuuya. Nkaambo nzi ncotweelede kukabandika kaambo aaka? Akaambo kakuti aciindi cimwi inga twayandika kusala naa tweelede kuzumanana aciiyo eeco naa pe.\\n8. Nkaambo nzi ncocikonzya kukatazya kubasika amoyo basikwiiya?\\n8 Jehova uyanda kuti bantu kabamubelekela akaambo kakuti balamuyanda. Aboobo makanze eesu ngakugwasya basikwiiya besu kumvwisya kuti Jehova ulabalanganya alimwi akuti ulabayanda kapati. Tuyanda kubagwasya kuzyiba kuti Jehova ngu “usyi wabamucaala alimwi mukwabilizi wabamukabafwu.” (Int. 68:5) Ciindi basikwiiya Bbaibbele banu baakubona kuti Leza ulabayanda kapati, ambweni abalo bayootalika kumuyanda. Basikwiiya Bbaibbele bamwi cilakonzya kubayumina kubona Jehova kuba Usyi siluyando akaambo kakuti kunyina nobakatondezyegwa luyando abamausyi. (2Tim. 3:1, 3) Aboobo ciindi nomusololela ciiyo, amukankaizye kujatikizya bube bubotu mbwajisi Jehova. Amubagwasye basikwiiya banu kumvwisya kuti Leza wesu siluyando uyanda kuti bakajane buumi butamani, alimwi ulilibambilide kubagwasya kutegwa bakacikonzye kucita oobo. Ncinzi acimbi ncotweelede kucita?\\n9-10. Ino mabbuku nzi ngotweelede kubelesya ciindi notusololela ziiyo zya Bbaibbele, alimwi nkaambo nzi ncotweelede kwaabelesya mabbuku aayo?\\n9 Amubelesye bbuku lyakuti “Ncinzi Bbaibbele Ncolituyiisya?” alimwi alyakuti “Mbomukonzya Kukkala Muluyando lwa Leza.” Mabbuku aaya akalembelwa kutugwasya kubasika amoyo basikwiiya besu. Mucikozyanyo, cibalo 1 cabbuku lya Bbaibbele Ncolituyiisya cilapa bwiinguzi kumibuzyo eeyi yakuti: Sena Leza ulatubikkila maano naa ngusilunya? Ino Leza ulimvwa buti ciindi bantu nobapenga? alimwi awakuti Sena mulakonzya kuba mulongwe wa Jehova? Mbuti kujatikizya bbuku lya Luyando lwa Leza? Bbuku eeli liyoomugwasya sikwiiya kumvwisya kuti kutobela njiisyo zyamu Bbaibbele kulakonzya kumupa kuba abuumi bubotu alimwi akuba acilongwe ciyumu a Jehova. Nokuba kuti mwakaayiya kale mabbuku aaya abasikwiiya bamwi, amulibambile kabotu ciiyo cimwi acimwi alimwi akuziyeeya zintu zigaminide nzyayandika lugwasyo sikwiiya.\\n10 Pele ino ncinzi ncomweelede kucita ikuti naa sikwiiya wanu kuli kaambo kambi nkayandisya kuzyiba, pele bbuku libandika kaambo aako taliko mucibeela ca Zibelesyo Nzyotubelesya Kapati Mukuyiisya? Ambweni mulakonzya kumukulwaizya kulibalila mubbuku eelyo kutegwa muzumanane kusololela ciiyo mumabbuku ngotwakapegwa kuti katubelesya notusololela ciiyo ca Bbaibbele.\\nAmutalike ciiyo kwiinda mukupaila (Amubone muncali 11)\\n11. Ndiilili notweelede kutalika ciiyo amupailo akujala amupailo, alimwi nkaambo nzi ncociyandika kupandulula mbouyandika mupailo?\\n11 Amutalike ciiyo amupailo. Mubwini, cilagwasya kapati kutalika ciiyo alimwi akujala amupailo kakutanainda ciindi cilamfwu kuzwa nomwatalisya ciiyo. Kanji-kanji, mweelede kucita oobo nsondo zisyoonto buyo kuzwa nomwatalisya ciiyo ca Bbaibbele cisitikide. Tweelede kumugwasya sikwiiya kuzyiba kuti tulakonzya kulimvwisya Jwi lya Leza lilikke buyo kuti twagwasyigwa amuuya wa Leza. Basikuyiisya Bbaibbele bamwi balapandulula mbokuyandika kupaila aciiyo kwiinda mukubala lugwalo lwa Jakobo 1:5, ilwaamba kuti: “Ikuti muntu umwi akati kanu kabulizyide busongo, azumanane kumulomba Leza.” Mpoonya balamubuzya sikwiiya kuti, “Mbuti mbotukonzya kumulomba busongo Leza?” Sikwiiya ulakonzya kwiingula kuti, nkwiinda mukupaila kuli Leza.\\n12. Mbuti mbomukonzya kulubelesya lugwalo lwa Intembauzyo 139:2-4 kugwasya sikwiiya kubona mbwakonzya kupaila mipailo iimvwika?\\n12 Amumuyiisye sikwiiya wanu mbwayelede kupaila. Amumupandulwide kuti Jehova ulayanda kuuswiilila mupailo wakwe uuzwa ansi aamoyo. Amumupandulwide kuti mumipailo yesu yakaumuumu, tulakonzya kumwaambila Jehova zyoonse izili mumoyo, nkokuti kumwaambila mbotulimvwa calo ncotutakonzyi kwaambila muntu uuli woonse. Alimwi buya, Jehova uliizyi kale mizeezo yesu iili ansi aamoyo. (Amubale Intembauzyo 139:2-4.) Alimwi tulakonzya kumukulwaizya sikwiiya wesu kulomba lugwasyo lwa Leza kutegwa acikonzye kucinca mizeezo mibyaabi alimwi akuzunda zilengwa zibyaabi. Mucikozyanyo, amweezyeezye kuti muntu umwi iwali kwiiya kwaciindi cilamfwu uyandisya buzuba bwakulyookezya bumwi ibwakatalisyigwa abantu batakombi Leza. Ulizyi kuti eeci cililubide, pele ucizikkomanina zintu zimwi ziswaangene abuzuba bwakulyookezya oobo. Amumukulwaizye kumwaambila Jehova bwini mbwalimvwa alimwi akulomba lugwasyo kutegwa kayanda buyo eezyo Leza nzyayanda.—Int. 97:10.\\nAmumutambe sikwiiya wanu kujanika kumiswaangano (Amubone muncali 13)\\n13. (a) Nkaambo nzi ncotweelede kufwambaana kubatamba kumiswaangano basikwiiya besu? (b) Mbuti mbotukonzya kupa kuti sikwiiya alimvwe kwaanguluka ku Ŋanda ya Bwami?\\n13 Cakufwambaana amumutambe sikwiiya wanu kumiswaangano. Nzyakonzya kumvwa alimwi akubona sikwiiya kumiswaangano ya Bunakristo zilakonzya kumusika amoyo alimwi akumugwasya kuyaambele. Amumutondezye kavidiyo kakuti Ino Ncinzi Cicitika ku Ŋanda ya Bwami? alimwi akumutamba kuti akamusangane. Ikuti kacikonzyeka, mulakonzya kumugwasya kujana cakweendela kuunka kumiswaangano. Cilagwasya kapati kulomba basikumwaya baindene-indene kuti kabamusangana nomuunka kuyoosololela ciiyo. Kwiinda mukucita boobo, sikwiiya wanu uyoobazyiba bamwi mumbungano alimwi cakutadooneka uyoolimvwa kwaanguluka ciindi najanika kumiswaangano yesu.\\n14. Ino ncinzi cikonzya kumukulwaizya sikwiiya kuyaambele kumuuya?\\n14 Makanze eesu ngakugwasya sikwiiya Bbaibbele wesu kuyaambele kumuuya. (Ef. 4:13) Ciindi umwi nazumina kwiiya Bbaibbele, ulakonzya kuyandisya kuzyiba mbwayoogwasyigwa kwiinda mukwiiya Bbaibbele. Mboluyaabukomena luyando lwakwe kuli Jehova, ulakonzya kutalika kuyeeya kuti weelede kugwasya bamwi, kubikkilizya abaabo ibali kale cibeela cambungano. (Mt. 22:37-39) Ikuti kacikonzyeka, amumwaambile coolwe cakugwasyilizya mulimo wa Bwami kwiinda mukusanga.\\nAmumuyiisye sikwiiya wanu ncayelede kucita ciindi najana mapenzi (Amubone muncali 15)\\n15. Mbuti mbotukonzya kumugwasya sikwiiya wesu kucita ciluzi ciindi najana mapenzi?\\n15 Amumuyiisye sikwiiya wanu ncakonzya kucita ciindi najana mapenzi. Mucikozyanyo, amweezyeezye kuti sikwiiya wanu, walo uuli ngusikumwaya uutanabbapatizyigwa, wamwaambila kuti kuli muntu umwi iwakamutyompya mumbungano. Mutamwaambili uuluzi alimwi ayooyo uulubizyide akati kabo, pele amumupandulwide ncayelede kucita kweelana ancolyaamba Bbaibbele. Ulakonzya kusala kumulekelela Munakristonyina naa ikuti katakonzyi kwaaluba buyo makani, ulakonzya kumusikila muntu ooyo caluzyalo alimwi caluyando kajisi makanze ‘aakumupilusya munyina.’ (Amweezyanisye Matayo 18:15.) Amumugwasye sikwiiya wanu ikulibambila nzyayakwaamba. Amumutondezye mbwakonzya kubelesya JW Library® app, Bbuku Ligwasya Kuvwuntauzya lya Bakamboni ba Jehova alimwi a jw.org® kutegwa aiye nzila zigwasya mbwakonzya kucita ciindi najana mapenzi. Ikuti naa waiya mbwakonzya kwaamana mapenzi ngajana abantu katanabbapatizyigwa, cakutadooneka uyoocikonzya kweendelana abantu mumbungano noliba leelyo aakubbapatizyigwa.\\n16. Mbubotu nzi buliko kwiinda mukutamba basikumwaya bamwi kuciiyo cesu?\\n16 Amubatambe bamwi mumbungano kuciiyo alimwi amulangizi wabbazu ciindi naswaya mbungano. Nkaambo nzi? Kuyungizya atwaambo twaambwa kale, basikumwaya bamwi balakonzya kumugwasya sikwiiya munzila njomutakonzyi nywebo. Mucikozyanyo, sikwiiya ulakonzya kuti walikusolekesya kwaziindi zinji kuti aleke cilengwa cakufweba, pele waalilwa kucileka. Aboobo, amutambe Kamboni umwi iwakazunda cilengwa eeci naakamana kusolekesya kwaziindi zinji pele kaalilwa kucileka, kuti amusangane kuciiyo. Kamboninyoko ooyu ulakonzya kumugwasya sikwiiya mumbazu zigaminide kujatikizya cilengwa eeci. Ikuti naa tamulimvwi kwaanguluka kusololela ciiyo nomuli aamukwesu uusimide, amumulombe kuti asololele nguwe mubukkale oobo. Ciindi nomutamba bamwi kuciiyo, sikwiiya wanu ulakonzya kugwasyigwa kuzwa kulimbabo. Amuyeeye kuti, makanze eesu ngakugwasya sikwiiya kuyaambele kumuuya.\\n17-18. Ino ncinzi ncomweelede kulanga-langa ciindi nomuyanda kusala ikuti naa mweelede kucileka kwiiya amuntu naa pe?\\n17 Ikuti naa sikwiiya Bbaibbele wanu kataunki ambele kumuuya, aciindi cimwi inga mwayandika kulibuzya kuti, ‘Sena ndeelede kucileka kwiiya amuntu ooyu?’ Kamutanasala ncomweelede kucita, mweelede kubulanga-langa bukkale bwamuntu ooyo. Bantu bamwi cilabatolela ciindi kutegwa bayaambele kwiinda bambi. Amulibuzye kuti: ‘Sena sikwiiya wangu uyaambele munzila yeelede kweelana abukkale bwakwe?’ ‘Sena wakatalika ‘kuzitobela,’ naa kuzibelesya zintu nzyaiya?’ (Mt. 28:20) Cilakonzya kutola ciindi kutegwa muntu umwi abe sikwiiya wa Kristo. Pele mukuya kwaciindi weelede kucinca.\\n18 Pele ino mbuti kuti naa muntu umwi iwali kwiiya kwaciindi cili mbocibede tatondezyi kuti ciiyo cilayandika kapati kulinguwe? Amubone bukkale oobu: Sikwiiya wanu wakalimanizya kuliiya bbuku lyakuti Bbaibbele Ncolituyiisya, alimwi ambweni wakatalika bbuku lyakuti Luyando lwa Leza, pele tanabuzuba wajanika kumiswaangano yambungano, nokuba ku Ciibalusyo! Alimwi kanji-kanji ulasotaukila kwiiya akaambo katwaambo tutayi koomoonga. Mubukkale buli boobo, mweelede kubandika anguwe cakutamwiinda mumbali.*\\n19. Ino ncinzi ncomukonzya kumubuzya sikwiiya uulibonya kuti talumbi kujatikizya ciiyo ca Bbaibbele, alimwi ncinzi ncomweelede kubikkila maano?\\n19 Inga mwatalika kwiinda mukubuzya sikwiiya kuti, ‘Ino muyeeya kuti ncinzi ciyoomukatazya kuba umwi wa Bakamboni ba Jehova?’ Sikwiiya ulakonzya kwiingula kuti, ‘Ndilayanda kwiiya Bbaibbele, pele kunyina nondiyooba umwi wa Bakamboni ba Jehova!’ Ikuti naa ngamakanze aakwe aaya naamana kwiiya kwaciindi cili mbocibede, sena inga tiimwacileka kwiiya amuntu uuli boobu? Nokuba boobo, sikwiiya wanu ulakonzya kumwaambila kwaciindi cakusaanguna icimupa kutayaambele. Mucikozyanyo, ulakonzya kulimvwa kuti takacikonzyi kukambauka kuŋanda aŋanda. Aboobo ciindi nomuzyiba mbwalimvwa, inga camugwasya kubona mbomukonzya kumugwasya.\\nMutasowi ciindi kusololela ciiyo icitaunki ambele (Amubone muncali 20)\\n20. Mbuti kulumvwisya lugwalo lwa Milimo 13:48 mbokukonzya kutugwasya kubona naa tweelede kuzumanana kusololela ciiyo naa pe?\\n20 Cuusisya ncakuti, basikwiiya bamwi bali mbuli bana Israyeli bakuciindi ca Ezekieli. Kujatikizya bantu aaba, Jehova wakaambila Ezekieli kuti: “Bona! Yebo uli mbuli muntu wiimba nyimbo zibotu zyaluyando, iwiimba ajwi libotu alimwi uucibwene kulizya kantimbwa. Bayoomvwa majwi aako, pele kunyina naba omwe uuyakwaacita.” (Ezk. 33:32) Cilakonzya kutukatazya kwaambila muntu umwi kuti tulacileka kwiiya anguwe. Nokuba boobo, “ciindi casyaala caceya.” (1Kor. 7:29) Muciindi cakusowa ciindi cinji kusololela ciiyo ca Bbaibbele citaunki ambele, tweelede kujana muntu uutondezya kuti ‘ulilibambilide kutambula buumi butamani.’—Amubale Milimo 13:48.\\nInga kakuli bamwi mucilawo canu ibapaila kulomba lugwasyo (Amubone muncali 20)\\n21. Ino ndugwalo nzi lwamwaka wa 2020, alimwi nkaambo nzi ncolweelela?\\n21 Mumwaka wa 2020, lugwalo lwesu lwamwaka luyootugwasya kubikkila maano kapati kujatikizya mbotukonzya kuyaambele mumulimo wesu wakugwasya bantu kuba basikwiiya. Lujisi majwi aamwi ngaakaamba Jesu kumuswaangano uuyandika kapati acilundu ku Galilaya aakuti: “Aboobo kamuya mukayiisye bantu . . . kuti babe basikwiiya, akubabbapatizya.”—Mt. 28:19.\\nAabe makanze eesu kubikkila maano kukuyaambele mumulimo wesu wakugwasya bantu kuba basikwiiya alimwi akugwasya basikwiiya besu kutegwa babbapatizyigwe (Amubone muncali 21)\\nNkaambo nzi ncociyandika kapati kubasika amoyo basikwiiya Bbaibbele, alimwi ino mbuti mbotukonzya kucita boobo?\\nMbuti mbotukonzya kubagwasya basikwiiya besu kutegwa bayaambele kumuuya?\\nTwaambo nzi ntotweelede kubikkila maano ciindi notuyanda kusala naa tweelede kucileka kusololela ciiyo naa pe?\\nLWIIMBO 70 Amuyandaule Bantu Beelela\\nLugwalo lwesu lwamwaka wa 2020 lutukulwaizya ‘kuyiisya bantu kuti babe basikwiiya.’ Mulawo ooyu ulabeleka kubabelesi ba Jehova boonse. Ino mbuti mbotukonzya kubasika amoyo basikwiiya Bbaibbele besu kutegwa babe basikwiiya ba Kristo? Cibalo eeci cilatondezya mbotukonzya kubagwasya basikwiiya Bbaibbele besu kuba acilongwe a Jehova. Alimwi tulalanga-langa mbotukonzya kusala naa tweelede kuzumanana kwiiya amuntu naa kucileka.\\nAmweebelele kavidiyo kakuti Kuleka Kwiiya Bbaibbele Abasikwiiya Batayi Ambele a JW Broadcasting®.","num_words":2052,"character_repetition_ratio":0.075,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ategwa baTonga bakasolwedwe aSiambese bakali baitola Chivunduka kakuli mbobulumbu bwabo mukugwasya baGove (Gobi) munkondo yabo yakazwidilila maningi mukulwana abaNsangwe chiindi nebakali bayanda mutelo wabo akuyanda kuzibwa. &shyp; Mwami wabaTonga oyu Siambese wakatola Chivunduka oyu mutala a Lwizi akuyombubikka muchimumbwa chazilyo kwabusiku buyo. Kubuchedo Chivunduka wakaloboka kulila kwake kwakamvwikkwa kubbazu lyamulonga. BaTonga bakabweza masumo abo akumutobela Chivunduka. Nebakamweenzya kunkomwe yamulonga bakamuyasa kayabukunkulika. Bulowa amalili akazwa muzilonda zya Chivunduka pesi lwakwe wakakunkulukila mumaanzi akuchija. Wakayamba akuyozwida akwiinka amulonga, ume kayabusunkuta azilonda zyakwe kaswini ,ngu, ngu, ngu', chakaba chitondeezyo kubaNsangwe kuti bakazundwa kunkondo. Chivunduka wakabulika chiindi chaLobengula aboobo tachimvwikki kuzwida eelyo.","num_words":98,"character_repetition_ratio":0.053,"word_repetition_ratio":0.0,"special_characters_ratio":0.132,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jona 4 | Bbaibbele lili a Intaneti | Bbaibbele lya Busanduluzi Bwanyika Mpya\\nJona wanyema eelyo uyanda buyo kufwa (1-3)\\nJehova wayiisya Jona luse (4-11)\\n“Sena cili kabotu kunyema boobo mboonyema?” (4)\\nCiiyo kuzwa kucisyango cili mbuli ceeco cizyala myuungu (6-10)\\n4 Pele Jona wakabijilwa kapati, alimwi wakanyema kapati akaambo kamakani aaya. 2 Aboobo wakapaila kuli Jehova kuti: “Akaka, O Jehova, sena eeci tacisyi ncondakali kulibilika ciindi nondakali mucisi cangu? Nkakaambo kaako ndakasola kutijila ku Tarisi+ ciindi cakusaanguna; nkaambo ndakalizyi kuti yebo nduwe Leza silweetelelo* alimwi siluse, uumuka kukalala alimwi siluyando lupati ilutamani,+ uucinca mizeezo kuti utaleti mapenzi. 3 Aboobo lino, O Jehova, kondinyanga buyo buumi, nkaambo cilainda kubota kuti ndafwa buyo kwiinda kuti kandipona.”+ 4 Mpoonya Jehova wakamubuzya kuti: “Sena cili kabotu kunyema boobo mboonyema?” 5 Kumane Jona wakazwa mumunzi akuyookkala kujwe lyamunzi. Ooko wakayaka kavwuka akukkala mucimvwule cankako kutegwa abone citiicitikile munzi.+ 6 Mpoonya Jehova Leza wakapa kuti cisyango cili mbuli ceeco cizyala myuungu* cimene akukomena atala lya Jona, kutegwa cimubede cimvwule atala aamutwe wakwe, akuti cimuvwune kupenzi lyakwe. Aboobo Jona wakakondwa kapati akaambo kacisyango eeco. 7 Pele kubucedo ibuzuba bwakatobela Leza mwini-mwini wakatuma syaanyungwa, ooyo wakaluma cisyango eeco, kumane cakayuma. 8 Lino zuba nolyakatalika kubala, Leza wakatuma muwo wakujwe uupya kapati, alyalo zuba lyakamubala amutwe Jona cakuti wakanetuka. Wakali kwiile kulomba kuti afwe buyo, alimwi cakwiinduluka-induluka wakali kwaamba kuti, “Cilainda kubota kuti ndafwa buyo kwiinda kuti kandipona.”+ 9 Mpoonya Leza wakabuzya Jona kuti: “Sena cili kabotu kunyema boobo mboonyema akaambo kacisyango eeci?”+ Eelyo walo wakati: “Ndileelede kunyema, alimwi ndilinyemede kapati cakuti ncondiyanda buyo nkufwa.” 10 Pele Jehova wakati: “Yebo wausa akaambo kacisyango eeci, ncootakabelekela nokuba kukomezya; cakakomena mubusiku bomwe akufwa mubusiku bomwe. 11 Sena mebo tandeelede kuufwida lubomba munzi mupati wa Nineve,+ oomo imuli bantu bainda ku 120,000 ibatacizyi nokuba kwiindanya cibi acibotu, antoomwe abanyama babo banji?”+\\n^ Naa ambweni, “ibbonobono.”","num_words":284,"character_repetition_ratio":0.062,"word_repetition_ratio":0.0,"special_characters_ratio":0.188,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"MASESEKE AA KUKOMENA KWIINDA\\nKumatalikilo a myaka ya ma 1960, mukwesu Andileya uuzwa ku Holand, wakabba mukuli wa ma bbaibbele mumootokala wakwe wa VW, wainda amunyinza wa Romania ngooyo wainda ba malonda. Wakalyookezya muhotela mwaakakupailila kuti Leza amutondezye nkamu zya bakondwa bakonzya kubelesya kabotu mabuku a malembe.\\nKumamanino amvwiki Andileya wakabuzya mulembi wamuhotela naa kwakali nkwaakali kukozya kujana cikombelo. Mulembi wakamulangisisya kapati akuvwiila, \"tatujisi zyinji zyazyezyo zyozyi. Kwamana boobo tokateeleli mulaka pe\".\\n\"Hena tozyi\", wakaingula Andileya, \"baKlistu bakanana mulaka uunvwugwa nyika yoonse?\" \"Oh, ninzi eeco?\"\\n\"Ciitwa kuti Agape.\"\\nMulembi takaningaba abuzuba wamvwa bbala eeli, pesi Andileya waka mushomezya kuti \"ngomulaka wiinda kubota munyika.\"\\nAndileya wakacikonzya kujana zyikombelo zyinji zyaandeene andeene mubusena akucikonzya kuti babe amuswaangano a mulembi alimwi amusololi wa nsangano imwi. Mukubula coolwe nokuba kuti Andileya abasankwa aba bakalizyi milaka iimbi yabukuwa, bakabula mulaka omwe ngubakalikukonzya kumvwana kabotu pe. Mpoona bakakkala kabalangana buyo.\\nAndileya wakasakana bubi amukuli wakwe muyandisi, pele taakakonzya kuzyiba naa aba bantu bakali bakondwa benibeni naa bakali batifwi-tifwi ba mfulumende. Kumamanino wakabona Bbaibbele lyaci Romania a tebule mu ofesi. Andileya wakanjila munkomwe wafumuna Bbaibbele lya muci Dutch wajalula kuba 1 baKolinto 16:20 akuli nyamuna mujulu Bbaibbele, katondeka alembedwe izina lyabbuku, ndibakazyiba. Mpoona bakagweemuka kumeso. Bakafwambaana akuyandaula cisyoonto eeci mumabbuku aabo amuci Romania akulibalila: \"Boonse bana bakwenu kuno bamwaanzya, Amumyontane nomwaanzyanya umwi-aumwi mukusetekana.\"\\nBalombwana bakamulanga awalo Andileya, Mpoona umwi wambabo wakalanga mu Bbaibbele lyakwe akujana Tusimpi 25:25. Andileya wakajana cisyoonto eeci akucibala: \"mbuli meenda aatontola kumuntu uukatede mbwaabede makani aazwa kucisi cakule.\"\\nAaba balombwana bakaambaula akuyiisyanya malembe kwacisela ca woola. Bakakondwa kapati mumubandi wabo wakanyina zyakusalaulana mibala cakuti bakaseka amisozi kayeenda kumeso. Andileya wakazyiba kuti wajana bana bokwabo. Naakabatondezya mukuli wakwe wama Bbaibbele, bana Romania aaba bakakkomana kapati cakufukatilana limwi.\\nMangolezya alya ku hotela, mulembi wakaboola kuli Andileya kati, \"kwaamba, ndakaliyandaula eeli bbala 'Agape' mubbuku lipandulula mabala, ndakajana kunyina mulaka uutegwa Agape pe. Eli ndibbala buyo lyamuci Gilikki lyaamba luyando.\"\\nAndileya wakaingula \"mbombubo, mangolezya alya oonse ndakalikubelesya mulaka ooyu waluyando\". Mwati waubona buya mulaka mubotu ooyu? Muciiyo eeci, muyakwiiya Leza mbwakonzya kutuleta muntambo yaluyando lwakwe lupati\\n1. CIKOMBELO CAKALENGELWAKUTI NKWAKUBUNGANINA\\nJesu wakatalisya mbungano kuti akomenzye akusanina zintu ziyandika mubantu. Toonse tulaanzyotuyanda. Eeyi njencito yacikombelo. Ncotubunganina akugwasyanya. Malembe atondezya mbungano yabatumwa bazyandamene bakaleta bantu mulukkomano lwakaakusika akuli Leza singuzu:\\n\"Twamuletela akumwaambila ncitwabona akuteelela, kutegwa andinywe MUBUNGANE ANTOOMWE ANDISWE. \"KUBUNGANA KWESU KULI SANGANIDWE A TAATA ALIMWI A MWANAAKWE, Jesu Klistu. Twalemba EECI KUMANIINZYA LUKKOMANO LWESU.\" - 1 Johane 1:3, 4.\\nKujatana kwamyoyo yaangidwe kwiinda muli Jesu ya umwi-aumwi, ijanya \"LUKKOMANO\" lumaniinide! Zyoonse zyaamba mulaka comwe, mulaka wa luyando.\\nBakondwa babamumukwasyi mupati. Baba babunyina muli Klistu nkaambo boonse mba mukowa omwe. Mboziya bukomena nguzu zyalukamantano lwabakondwa, akujatana antoomwe kwabana Klistu mbo kukomena.\\nBantu bambungano zyakatalikwa abatumwa ba Jesu zyakajatana antoomwe anguzu zya lusyomo lukonzyanya, luyando lwa Leza wabo alimwi a makanze abo aakumunyonena akutola luse lwakwe munyika. Ooku kujatana kuyumu kwakaba kamwi katwaambo twaacita kuti aba bantu banyina nguzu basikupenzegwa bongaye buyo basandamune nyika yoonse.\\n2.\\tIMBUNGANO JESU NJAAKATALIKA\\nHena Jesu ulaambungano, naa muzeezo oonse wakulibungabunga mulukondo nkwa mumizeezo buyo ya muntu uulya maila? Jesu ulaingula:\\n\"Awa ABBWE ndiya kuyaka mbungano yabantu bangu amilyango yabasikufwa tiikoozoomuzunda.\" - Mateyo 16:18.\\nJesu ndebbwe lyakuzyamya, bbwe lyakukaswi kacikombelo cakwe. Ninkamunzi iibamba lubazu lwa ntalisyo?\\n\"Yakaba antalisyo yaba tumwa a basinsimi, Jesu lwakwe kali ndebbwe lyakukaswi.\" - Ba Efeso 2:20.\\nMbulumbu nzi Leza mbwaakajana mulumbe niwaka kambaukwa?\\n\"Elyo Leza wakayungizya ku MBUNGANO lyoonse aabo beelede kufutuka.\" - Incito 2:47, K.J.V.\\nJesu naakatalika mbungano, wakasyomezya kuti \"Milyango yabasikufwa tiikabazundi\" (Mateyo 16:18), alimwi mbungano yabakondwa iicizumanana. Yalwanwa abasinkondo basinguzu - baci Roma alimwi aba silunya bakumasi aakujwe - pesi bulowa bwabasikufwida lusyomo lwalo bwagwasya kukomezya mbungano canguzu. Uukondwa omwe-omwe naakaumpwa kalanga naa kuwaalilwa mubalavu, abamwi bakaliwaalila kubweza masena aabasikujaigwa. Basinkondo bakabeleka anguzu mbobakonzya kujaya mbungano yabakondwa. Pesi kasimpe ka ciKlistu kayabuzundana cabulondo kwiinda lyoonse akale. mubupampupampu amubukkale buyo.\\nImwi nkondo mpati yacikombelo yakaba mbucakamanina kutambulwa kuti ninkamu yalusangano kuzwa kubulelo bwa ci-Roma. Imbungano yaka komena kapati-mane yakanyonyoonwa mubumpelenge yakalibonya kufwa mumuya ciindi ca mazuba aamusinze.\\nPele Leza wakasimpide nkanka zyabasicamba bakondwa basyomeka, bakamweka mbuli nyenyenzi mumudima muziindi zyamakatazyo amapenzi.\\nPaulu weelanya kuswaangana kwa Jesu acikombelo mbuli mwaalumi mbwacingilila caluyando mukaintu wakwe (Ba Efeso 5:23-25). Imbungano mukwasyi, muntu omwe-omwe wamukwasyi kapa akuleta lukamantano alimwi a buumi bubotu kumuntu omwe-omwe mumukwasyi (Ba Efeso 2:19).\\nPaulu ucileta antangalala kuti cikombelo mubili uupona, Jesu walo kali ngomutwe (Ba Kolose 1:18). Netubbizigwa tulalyaambila kulusyomo lwesu akuba zyizo \"zyamubili,\" imbungano.\\n\"Nkaambo TWAKABBIZYIGWA a Muuya omwe \"MUMUBILI OMWE.\" - 1 Bakolinto 12:13.\\nIbbuku lya Cizubuluzyo litondezya Jesu ubukide kaenda akati kazikombelo, katondezya kuti ulaziko belela (Cizubuluzyo 1:20, 12, 13). Klistu takwe nayootakata cikombelo cakwe alimwi tanacitakatide pe.\\n3.\\tIMBUNGANO IIJISI CAKUCITA\\nKunjila cikombelo ncintu ciyandika kumuntu uukondwa. Tulayanda kuyumizyigwa kuzwa kuli bamwi kutegwa lusyomo lwesu lupone alimwi lukomene.\\nImbungano ilijisi zyintu zyotatwe izyimbi nzyoicita:\\n(1) Imbungano ilakwabilila kasimpe. Mbuli \"musemo a matalisyo aakasimpe\" (1 Timoti 3:15), imbungano ilasumpula akukwabilila kasimpe ka Leza kumbele a nyika. Tuyanda busongo bwabakondwa abambi kutugwasya kulanga kasimpe kamangwalo aayandika.\\n(2) Imbungano ncitondezyo ca luse lwa Leza mbolukonzya kubeleka kubabisyi. Kucinca cinca Jesu nkwaakacita mumaumi aabakondwa aaleta mpuwo kuli Leza wakatuleta \"mumumuni wakwe uukankamanisya\" (1 Pita 2:9).\\n(3) Bantu ba Leza mbabakamboni kunyika eeyi incete. Katana jokela kujulu, Jesu wakasyomezya basiciiya bakwe:\\n\"Pele muya kutambula nguzu muuya usalala waakumuselukila; mpoona muya kuba bakamboni bangu mu Jerusalemu, amu Judea moonse, amu Samalia, akumamanino aanyika.\" - Incito 1:8.\\nNcoolwe cipati kapati kucikombelo kutola mulumbe waluyando lupati kunyika yoonse.\\n4.\\tKUBUNGANYIZYILWA KUTI CIBE ANGUZU\\nImbungano Jesu njaakatalika yakalijisi inkamu iiliko ncobeni. Umwi inga wasanganizigwa naa kuzwisyigwa munkamu (Mateyo 18:15-18). Imbungano ya Leza yakasala basololi alimwi yakalijisi ofesi lipati munyika yoonse alimwi kaijisi amwakukombela mutukamu tukamu tuniini munyika yoonse (Incito 8:14; 14:23; 15:2; 1 Timoti 3:1-13). Nobakabbizigwa, bakondwa bakasangana nkamu zyakaliko kale (Incito 2:41, 47).\\nImbungano imvwi akuyumyayumizyanya umwi aumwi.\\n\"Atulange mbotukonzya kucita kuti umwi aumwi abone luyando abubotu. Tutaleki kubungana antoomwe, mbuli cilengwa cabamwi, pesi ATUKULWAIZYANYE - kwiindilila buya mbuli mbotubona buzuba bwa \"kuboola kwa Klistu\" kabulondelela.\" - Ba Hebulayo 10:24, 25.\\nEeci, mukukosaula buyo, imbungano iipona ncoyeelede kucita. Bantu bayo balayakana mu lusyomo, balakulwaizyanya. Leza waka bunganya inkamu yakwe kuti ba yumyeyumye bantu bakwe akubelekela nyika. Tulakonzya kucita mulimo mupati kuti twabeleka mbuli nkamu mubunji kwiinda mbotukonzya kucita umwi aumwi alikke. Bweza buyo cikozyanyo: imbungano iilangila kuboola kwa Jesu (S.D.A.) Church. Kuli mulimo mupati wabasilisi ngotujisi nyika yoonse – kuzwa mumadolopo atwaanda tusyoonto kusikila kutubbadela tuniini kutunsumbu tuli kule kumusanza a lwizyi lwa Pacific. Izikolo zyesu zyayisya malele bana banji kubuumi bubotu muli Jesu kuzwa ku cikolo cipati ca Loma Linda. Mbabakasaanguna kuzwisya moyo wamuntu akuubikka mumuntu uumbi - kusikila ku tukolo twacikombelo kwiinda mu Africa yoonse mpoili akati kwiinda munkamu ya ADRA tulabona bantu balicisa muntenda abanyonyookelwa mpasya azyakulya akaambo kamakatazyo amwi. Zikombelo zilasamika akubasanina bacete ababula zilawo zyakukkala oomo mumasena manji moba swaanganina mumaleya maleya. Mpoona tubunga bunga twabakondwa ba Nsabata batola mulumbe walufutuko kumasi aasotoka kumyaanda yobile. Balikke buyo aabo bakondwa bajatene munyika eeyi mbabakonzya kubaanguzu mbuli zyeezi munyika yoonse.\\nKlistu alimwi abatumwa bakeelanya imbungano mbuli mubili, alimwi akuti zyizo zyoonse zyamubili zilayandika (1 BaKolinto 12:21-28). Izyizo zyamubili tazyikonzyene zyoonse, nokuba boobu zyoonse zilayandika kapati alimwi zyeelede kubelekela antoomwe. Kuti liso lyazwisigwa kumubili talikonzyi kubona. Janza lyakosolwa taliciko amulimo pe. Tube liso, janza, naa kanwe buyo, tatukonzyi kuba anguzu zya kubelekela klistu kuti twaba tolikke buyo. Kuba lubazu lwa nkamu alimwi akuswaangana antoomwe abamwi, cilatupa nguzu mbuli ba kondwa.\\n5.\\tLUTANGALO LWAKUKOMBA\\nMukati aamyoyo yesu kuli kuyandisisya kukomba Leza, mpoona ooku kuyanda inga kwayabaila ccita buyo kuti kwateelelwa. Ino mwiimbi wakalimvwa buti naakayeeya kuya kubusena bwa kukombela?\\n\"NDAKAKONDWA nibakandaambila kuti, atweende kung’anda yako JEHOVA.\" - Intembauzyo 122:1.\\nIno inyimbo zijisi mulimo nzi mukukomba kwaantangalala?\\n\"Komukomba Mwami a lukkomano; koboola kulinguwe anyimbo zyalutangalo\" - Intembauzyo 100:2.\\nIbbaibbele lilatwaambila kuti kupa milumbo cilayandika kapati ciindi notukomba Leza.\\n\"Amupe Jehova bulemu bweelede izina lyakwe, amulete cipaizyo, munjile aco mumbuwa zyakwe. Amukotamine JEHOVA mubweebesi busalalisya. Amukankamane kubusyu bwakwe, o nyika yoonse.\" - Intembauzyo 96:8, 9.\\nMupailo awalo ulayandika kapati ciindi notukomba Mwami Leza.\\n\"Amuboole, tumukotamine tukombe, atufugame kubusyu bwa Jehova iwakatulenga.\" - Intembauzyo 95:6.\\nKwiiya Bbaibbele akukambauka zili aakati-kati buyo mu bukombi bwa mucizuminano cipya. Kutalikila amulumbe wa Petulo mubuzuba bwakaseluka muuya, bujanwa mu Incito 2, alimwi kuzwa muciindi ncobakakazyanya a ba Roma kusikila sunu, kukubulusigwa kupati kwa nsangano kwiimvwi a bukambausi bwa mu Bbaibbele. Nkaambonzi? Nkaambo \"ijwi lya Leza lilaabuumi, lili anguzu, lilabosya kwiinda iceba ilijisi mabemba obile\" (Ba Hebulayo 4:12, 13).\\n6.\\tNCINZI CILULEME AMBUNGANO?\\nBamwi bala toongooka akuti imbungano izwide buyo abantu batasalade. Henry Ward Beecher ncaakamba ncamasimpe \"Cikombelo taasyi meebelo akutondezya ba Klistu basalala ngwaa, pele ncikolo ciiyisyilwa bantu batasalali pe.\"\\nMbokuli kunyina naba omwe wesu uulondokede, acalo cikombelo tacikooyo londoka pe. Mumaambila mbali akwe amwi Jesu wakatuyeeyezya kuti nsaku zyikomenene antoomwe a maila (Mateyo 13:24-30). Twabala magwalo amucizuminano cipya aaka Paulu, tujana kuti inkamu yabatumwa yakali amapenzi mapati. Asunu cikombelo cicijisi tumpenda tupati-pati ciindi aciindi. Pesi atuyeeye ikuti taaku inkamu imbisyi iikonzya kunyonyoona nokuba kunyonganya Bbwe lipati lyakukaswi kacikombelo – Jesu Klistu lwakwe mwini. Mbweena mu mbungano zitasalade tweelede kulangisya kuli Jesu uutukutaukila. Nokuba kuti kuli kutasalala cikombelo cicili cakwe, nkabela atulange kuli Klistu.\\n\"KLISTU MBWAAKAYANDA IMBUNGANO AKULYAABA NKAAMBO KANJIYO KUTI AYISALAZYE akusanzya amaanzi kunguzu zyajwi lyakwe, kuti imubede imbungano indemu iitakwe impu naanka kaimba naanka kantu kamwi kali boobo, isalale akutaba akampenda nikaba komwe.\" - Ba Efeso 5:25-27.\\nImbungano ilayandika kapati kuli Jesu \"cakuti wakaifwida\" naaka tufwida swebo umwi-aumwi alimwi a mbungano yoonse mboizulwa. Mbweena abasicikombelo beelede kuti kabali bantu mboyandisisya kapati. Hena uli cizo camubili wa Jesu?\\n7.\\tKUJANA IMBUNGANO\\nLuli longaye lusyomo lwamasimpe Jesu ndwajisi munyika?\\n\"Kuli mubili omwe buyo, amuuya omwe,... Mwami omwe, ALUSYOMO NDUMWI alubbapatizyo ndumwi.\" - Ba Efeso 4:4, 5.\\nNkaambo Jesu ulaa \"lusyomo lomwe buyo\" inga twaziba buti kuti nduli? Jesu ula tupandulwida:\\n\"Kwanooli muntu uuyanda kucita luyando lwakwe, ulazyiba kuyiisya kuti naa kuzwa kuli Leza naa ndilalyaambila buyo ndemwini.\" - Johane 7:17 (Johane 8:31, 32).\\nNotulyaaba kuti tubelekele Leza, uyakutugwasya kuzyiba hena njiisyo izwa kuli Leza naa izwa buyo kutunsiya nsiya twamuntu. Kaambo kapati kagwasya kuti usale kuyanda kuti ulange njiisyo zilemenezya akusumpula Leza. Kuswaangana kwini kulaletwa a malembe, Kutali buyo amukambausi uulaampuwo naanka insangano mpati. Kociyaabwiiya munzila eezi, enda mumumuni ngwakupa Leza kuzwa mu Bbaibbele, uya kukuzubuluda antangalala muzeezo wakwe kuli ndiwe. Uukondwa uukomena nguulya muntu ujalula moyo wakwe, amizeezo yakwe akuti atambule kasimpe Leza mbwaya bukavumbulula.","num_words":1583,"character_repetition_ratio":0.037,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbomukonzya kuba Mulumi Uuli Kabotu​—Ncolyaamba Bbaibbele\\nNgazi Yamulindizi | January 2015\\nAMUBALE MU Afrikaans Albanian Amharic Arabic Armenian Aymara Azerbaijani Azerbaijani (Cyrillic) Bicol Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Cibemba Cinyanja Croatian Czech Dangme Danish Dutch Efik English Estonian Ewe Finnish French Ga Georgian German Greek Greenlandic Guarani Gun Haitian Creole Hausa Hebrew Hiligaynon Hungarian Iban Igbo Iloko Indonesian Isoko Italian Japanese Karen (S'gaw) Kazakh Kikamba Kikaonde Kikongo Kikuyu Kimbundu Kinyarwanda Kirghiz Kirundi Kongo Korean Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Maya Mixe (North Central) Mongolian Moore Myanmar Nahuatl (Northern Puebla) Ndebele Ndonga Nepali Ngabere Ngangela Norwegian Nyaneka Nzema Oromo Ossetian Otetela Pangasinan Papiamento (Aruba) Papiamento (Curaçao) Polish Portuguese Quechua (Bolivia) Rarotongan Romanian Russian Sango Sepedi Serbian (Cyrillic) Serbian (Roman) Sesotho (Lesotho) Setswana Shona Sidama Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tahitian Tajiki Tatar Thai Tigrinya Tiv Tok Pisin Totonac Tshiluba Tsonga Turkish Tuvaluan Twi Tzotzil Ukrainian Umbundu Urdu Venda Vietnamese Wolaita Xhosa Yoruba Zapotec (Isthmus) Zulu\\nNobalumi—Amubagwasye Kuliiba Bamakaintu Banu\\nINO ndugwasyo luli buti mulumi ndwayelede kupa mukaintu wakwe? Bantu banji basyoma kuti mulimo mupati wamwaalumi ngwakugwasya mukwasyi wakwe kuba amali manji. Nokuba boobo, bamakaintu bamwi ibajisi zintu zinji zyakumubili tabaliibide mumizeezo—mane bamwi balimvwa kuyoowa. Mucikozyanyo, ba Rosa baku Spain bakaamba boobu kujatikizya balumi babo, “Kubantu bambi bakali kabotu, pele mumukwasyi bakalaalunya.” Ba Joy baku Nigeria baamba kuti, “Ikuti tiindazuminana abalumi bangu, bakali kundaambila kuti, ‘Weelede kucita zyoonse nzyondaamba nkaambo ndili mulumaako.’”\\nIno mbuti mulumi mbwanga wazuzikizya mukuli wakwe munzila yaluyando? Ino ncinzi ciyandika kumulumi kutegwa ape lugwasyo luyandika kumukwasyi wakwe, nkokuti “busena bwakulyookezyela” bwamukaintu wakwe?—Rute 1:9, bupanduluzi buyungizidwe.\\nNCOLYAAMBA BBAIBBELE KUJATIKIZYA BWEENDELEZI BWA MULUMI\\nNokuba kuti mulumi amukaintu baleelene mumeso aa Jehova, Ibbaibbele lyaamba kuti umwi aumwi wabo ulijisi mukuli uugaminide mumukwasyi. Lugwalo lwa Baroma 7:2 lwaamba kuti mukaintu uukwetwe ulaangidwe “kumulawo wamulumaakwe.” Mbubwenya mbuli mbunga zinji mbozibikka basikulanganya zintu, awalo Leza wabikka mulumi kuba mutwe wamukaintu wakwe. (1 Bakorinto 11:3) Balumi beelede kusololela mumikwasyi yabo.\\nNobalumi, ino mbuti mbomukonzya kuzibelesya nguzu zyabweendelezi nzyaakamupa Leza? Ibbaibbele lyaamba kuti, “amuzumanane kubayanda bakaintu banu, mbubonya awalo Kristo mbwaakayanda mbungano.” (Baefeso 5:25) Nokuba kuti Jesu Kristo tanaakakwete, cikozyanyo cakwe inga camugwasya kuba mulumi uuli kabotu. Atubone mbwaakacita.\\nBUUMI BWA JESU—NCIKOZYANYO CIBOTU KUBALUMI\\nJesu wakali kubakatalusya bamwi alimwi akubagwasya. Jesu wakabasyomezya boonse ibakadyaaminidwe amapenzi aabo kuti: “Amuboole kulindime, . . . eelyo ndilamukatalusya.” (Matayo 11:28, 29) Kanji-kanji wakali kubalemununa kumapenzi aabo aakumubili alimwi akubagwasya kuba aacilongwe aa Leza. Tacigambyi kuti bantu banji bakakwelelezyegwa kuli Jesu, nkaambo bakalisyomede kuti ulabalemununa mikuli yabo.\\nBalumi mbobakonzya kumwiiya Jesu. Amujane nzila mbomukonzya kubalemununa milimo imwi bakaintu banu. Bamakaintu bamwi balimvwa mbuli mbobakalimvwa ba Rosa balo ibakatongooka kuti: “Ndakali mbuli mubelesi waaŋanda kubalumi bangu.” Mukwiimpana, mwaalumi wazina lya Kweku, uukkomene mucikwati waamba kuti: “Lyoonse ndilamubuzya mukaintu wangu naa kuli mbondinga ndamugwasya. Akaambo kakuti ndilamuyanda, lyoonse ndilabweza ntaamu yakumugwasya kucita milimo yaaŋanda.”\\nJesu wakali kubikkila maano alimwi akweetelela. Mukaintu umwi mucete wakaciswa bulwazi bucisa kapati kwamyaka iili 12. Naakamvwa kujatikizya maleele ngaakali kucita Jesu, “wakali kulyaambauzya kuti: ‘Kuti ndijate buyo cisani cakwe caatala ndilapona.’” Ncaakaamba cakali camasimpe! Wakasika afwaafwi a Jesu akuguma maaya aacisani cakwe, eelyo wakapona mpoonya-mpoonya. Nokuba kuti basikulangilila bamwi ambweni bakayeeya kuti mukaintu ooyu wakacita citeelede, Jesu wakazyiba kuti wakalipengede kapati. * Calubomba wakamwaambila kuti: “Mwanaangu, . . . utakaciswi kabili kubulwazi oobu ibwali kukupenzya.” Mbwaanga wakalibuzyi kabotu bulwazi bwakwe, tanaakayanda kumujazya nsoni naa kumunyemena pe. Aboobo wakatondezya bwini mbwaakabede��ikuti wakali mwaalumi silweetelelo.—Marko 5:25-34.\\nBalumi mbobakonzya kumwiiya Jesu. Ciindi mukaintu wanu natalimvwide kabotu, amutondezye kuti mulamubikkila maano kapati alimwi amumukkazikile moyo. Amusoleke kubona zintu mbuli mbwazibona alimwi akumvwisya bukkale bwakwe. Mucikozyanyo ba Ricardo bapandulula kuti, “Ikuti ndabona kuti mukaintu wangu ulicimidwe, ndilasolekesya kutaamba majwi aakonzya kumupa kwiindila kucimwa.”\\nJesu wakali kubandika abasikwiiya bakwe. Jesu wakali kubandika kapati abeenzinyina. Wakaamba kuti, “Ndamuzyibya zintu zyoonse nzindakamvwa kuli Taata.” (Johane 15:15) Masimpe kuti zimwi ziindi Jesu wakali kuyanda kuba alikke alimwi akuba aciindi cakupaila. Pele kanji-kanji wakali kubaambila basikwiiya bakwe bwini mbwaakali kulimvwa. Masiku aakuti juunza ulajaigwa mbuli kuti ncigwebenga, wakabaambila caantangalala kuti ‘wakalipengede kapati mumoyo’ akaambo kamapenzi aakali afwaafwi kumucitikila. (Matayo 26:38) Nokuba kuti zimwi ziindi nzyobakali kucita zyakali kumutyompya, Jesu tanaakaleka kubaambauzya beenzinyina.—Mateyo 26:40, 41.\\nIkwiiya cikozyanyo ca Jesu kulakonzya kugwasya mwaalumi kuba mulumi alimwi ausyi uuli kabotu\\nBalumi mbobakonzya kumwiiya Jesu. Amubandike—kuzwa ansi aamoyo—amukaintu wanu. Mukaintu inga watongooka kuti mulumaakwe tajisi penzi kwaambaula abantu mubuleya, pele aŋanda taambauli pe. Kulubazu lumbi, amubone mbobalimvwa ba Ana ciindi balumi babo nobabandika ambabo cakulikwaya, “Ndilazyiba kuti balandiyanda ncobeni alimwi ndilimvwa kuti mbalongwe bangu.”\\nAmucitantamuke cilengwa cakusubula bakaintu banu kwiinda mukutaambaula ambabo. Mukaintu umwi wakaamba boobu, “Ikuti ndacita cintu cimwi capa kuti balumi bangu banyeme, bakali kuleka kundaambauzya kwamazuba aali mbwaabede. Bakali kundipa kulimvwa kuba amulandu alimwi akusulaikwa.” Pele ba Edwin, balasoleka kwiiya cikozyanyo ca Jesu. Baamba kuti: “Ikuti ndanyema, tandaambauli mpoonya-mpoonya, pele ndilalindila kuti kwiinde ciindi cili mbocibede kutegwa twaabandike makani.”\\nBa Joy ibaambwa kumatalikilo aacibalo eeci, babona kucinca kupati mubalumi babo kuzwa nobakatalika kwiiya Bbaibbele a Bakamboni ba Jehova. Ba Joy baamba kuti, “Balumi babo bacinca kapati alimwi balasolekesya kutondezya luyando kwiinda mukwiiya Jesu.” Mamiliyoni aabanabukwetene balagwasyigwa kwiinda mukutobela malailile aaya aamu Bbaibbele. Sena mulayanda kuba mbuli mbabo? Mulakonzya kulomba umwi wa Bakamboni ba Jehova kutegwa mube aaciiyo ca Bbaibbele citabbadelwi.\\n^ par. 10 Kweelana a Mulawo wa Musa, bulwazi bwamukaintu ooyu bwakamupa kusofwaala, alimwi kufwumbwa ngwaakaguma wakali kubonwa kuti awalo ulisofweede.—Levitiko 15:19, 25.\\nCikwati Cikwati Alimwi Amukwasyi\\nJehova, Leza uukkomene uyanda kuti kakuli lukkomano mumikwasyi. Amujane lulayo lwamu Bbaibbele ilukonzya kugwasya bamaalumi, bamakaintu, bazyali alimwi abana.\\nMAKANI AAYEEME AMUTWE UULI ACIVWUMBYO Bubi Buliko Mumakulo Aacitika Mumfwulumende\\nMAKANI AAYEEME AMUTWE UULI ACIVWUMBYO Bwami bwa Leza​—Mfwulumende Iitaciti Makulo\\nIBBAIBBELE LILAKONZYA KUBACINCA BANTU Kasimpe Kamu Bbaibbele Kakandigwasya Kujana Bwiinguzi Buzulide\\nNobalumi​—Amubagwasye Kuliiba Bamakaintu Banu\\nSena Tweelede Kupaila Kuli Jesu?\\nMabala Amusale naa muyanda kukkopa zyakamwaigwa NGAZI YAMULINDIZI January 2015 | Mfwulumende Iitaciti Makulo\\nJanuary 2015 | Mfwulumende Iitaciti Makulo\\nNGAZI YAMULINDIZI January 2015 | Mfwulumende Iitaciti Makulo\\nMbomukonzya Kuba Muzyali Uuli Kabotu","num_words":935,"character_repetition_ratio":0.043,"word_repetition_ratio":0.0,"special_characters_ratio":0.159,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kumamanino Twakajanana—Makani Aakacitika Ncobeni | Ba Linda aba Sally Ong\\nAkaluulwa aba Linda aba Sally Ong\\nBa Linda: Nindakajisi myaka yakuzyalwa iili 12, bamaama bakandaambila kuti ndakajisi musyoonto wangu musimbi ngobakapa bantu bambi kuti bamulele. Ndakali kulibuzya naa musyoonto wangu ooyo awalo wakazyalwa kali musinkematwi mbuli ndime. Pele ndakakomena kanditamuzyi pe.\\nBa Sally: Tiindakazyi kuti ndakapegwa kubantu bambi kuti bandilele mbabo. Bakaintu ibakandikomezya bakali kunduuma calunya alimwi bakali kundilela mbuli muzike, aboobo ndakakomena kandili muntu uutakkomene alimwi kandilendeledwe—zyalo iziyungizya mapenzi kumuntu wakazyalwa kali musinkematwi. Mpoonya ndakayaanya Bakamboni ba Jehova akutalika kwiiya Bbaibbele ambabo. Ciindi bakaintu aabo ibakandikomezya nobakazyiba, bakandikwibbaula abbeluti akucinca maloko aacijazyo, alimwi bakatalika kundikkiila muŋanda. Nindakajisi myaka yakuzyalwa iili 20, ndakabbalika aŋanda mpoonya Bakamboni bakatalika kundilela. Kumatalikilo kwamwaka wa 2012, ndakabbapatizyigwa.\\nBa Linda: Nindakajisi myaka yakuzyalwa iili 20, ndakatalika kwiiya Bbaibbele a Bakamboni ba Jehova. Kumbele, ndakatalika kujanika kumiswaangano yacooko ku Jakarta, ooko pulogilamu yamuswaangano nkoyakali kusanduludwa basinkematwi. Kandili kooko ndakaswaangana abasinkematwi bambi banji, kubikkilizya a Sally, imusimbi Kamboni iwakali kukkala ku North Sumatra. Kuli bumwi mbotwakeendelana, pele eeci tiindakacibikkila maano.\\nBa Sally: Linda andime twakatalika kumvwana kapati. Ndakabona kuti kuli mbotwakakozyenye, pele tiindakaubikkila kapati maano muzeezo ooyu.\\nBa Linda: Mu August 2012, buzuba bwakuti cifwumo ndilabbapatizyigwa, mumoyo ndakalombozya kuti kubota ndamujana musyoonto wangu ngondatakazyi nkwaakabede. Ndakamukombelezya Jehova kuti: “Aakaka ndigwasye kumujana musyoonto wangu kutegwa ndimwaambile kujatikizya nduwe.” Tiilyakalampa, bamaama bakatambula kagwalo kaafooni cakutayeeyelwa kuzwa kumuntu umwi iwakaazyi makani aajatikizya musyoonto wangu. Eeci cakasololela kuzintu izyakapa kuti tujanane a Sally.\\nBa Sally: Ciindi Linda naakapandulula kuti ndakali musyoonto wakwe ngwaatakazyi nkwabede, cakufwambaana ndakaunka ku Jakarta andeke kuyooswaangana anguwe. Nindakainda aawo bamapulisa bakubbuwa lyandeke mpobalanga-langa bantu bazwa mundeke, ndakamubona Linda, kali abataata, bamaama alimwi amupati wangu umbi musimbi, kabalindila kunditambula. Ndakali kubimba akaambo kakukondwa. Twakakumbatana akumyontana, pele balo bamaama bakandikumbata kwaciindi cilamfwu. Toonse twakali kulila. Ciindi bamaama abataata nobakalilekelela kumwi kabalila akaambo kakuti bakandipa kuti ndilelwe abantu bambi, twakatalika alimwi kulila akukumbatana.\\nBa Linda: Akaambo kakuti twakakomezyegwa munzila ziindene, tulasoleka kwiiya mbotukonzya kukkala kabotu antoomwe mbwaanga tuliindene bube alimwi ambotucita zintu. Nokuba boobo, tulayandana kapati.\\nBa Sally: Lino Linda andime tukkala antoomwe alimwi tuli mumbungano yomwe iibelesya mwaambo wakutambaika mu Jakarta.\\nBa Linda: Sally andime twakalaandeene kwamyaka yiinda ku 20. Tulamulumba Jehova kuti kumamanino twakajanana!","num_words":349,"character_repetition_ratio":0.063,"word_repetition_ratio":0.0,"special_characters_ratio":0.145,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Johane 11 | Bbaibbele Lili a Intaneti | Bbaibbele lya Busanduluzi Bwanyika Mpya\\n11 Lino kwakali mwaalumi umwi wakacisidwe, Lazalo waku Betaniya, wamumunzi muzwa Maliya amwanaakwabo musimbi Maata. 2 Mubwini, Maliya uulya wakananika Mwami mafwuta aanunkila akumupukuta kumaulu amasusu aakwe nguwakajisi munyinandumi Lazalo ooyo wakacisidwe. 3 Aboobo bacizyi bakwe bakamutumina mulomo balaamba: “Mwami, bona! Ooyo ngoyandisya ulaciswa.” 4 Pele Jesu naakamvwa boobo wakati: “Bulwazi oobu tabuli bwalufwu pe, pele mbwabulemu bwa Leza ikutegwa Mwana wa Leza alemekwe kwiinda muli mbubo.” 5 Lino Jesu wakali kumuyanda Maata amwanaakwabo musimbi a Lazalo. 6 Nokuba boobo, naakamvwa kuti wakali kuciswa, wakakkala mazuba ambi obilo kubusena ooko nkwaakabede. 7 Mpoonya wakaambila basikwiiya bakwe kuti: “Atuunke mu Judaya alimwi.” 8 Basikwiiya bakwe bakamwaambila kuti: “Labbi, caino-ino aawa bana Judaya bakali kuyanda kukupwaya mabwe, aboobo sena nkoyanda kuunka alimwi?” 9 Jesu wakaingula kuti: “Sena buzuba tabujisi mawoola aali kkumi mwaabili aamumuni? Ikuti muntu keenda mumumuni, talinontoli kucintu cili coonse nkaambo ubwene mumuni wanyika eeyi. 10 Pele ikuti muntu keenda masiku, ulalinontola kucintu cimwi nkaambo mumuni tuuko mulinguwe.” 11 Naakamana kwaamba zyintu eezyi, wakayungizya kuti: “Lazalo mulongwe wesu uloona, pele ndilaunka kuyoomubusya.” 12 Aboobo basikwiiya bakwe bakati kulinguwe: “Mwami, ikuti naa uloona, ulapona.” 13 Nokuba boobo Jesu wakali kwaamba zyalufwu lwakwe. Pele balo bakali kuyeeya kuti wakali kwaamba koona kwaŋonzi. 14 Aboobo aciindi eeco, cakutainda mumbali Jesu wakabaambila kuti: “Lazalo wafwa, 15 alimwi ndakondwa akaambo kandinywe kuti tiindaliko, ikutegwa musyome. Pele atuunke kulinguwe.” 16 Aboobo Tomasi, iwakali kwiitwa kuti Wamaanga, wakaambila basikwiiyanyina kuti: “Atuunke andiswe, ikutegwa tukafwe anguwe.” 17 Lino Jesu naakasika, wakajana kwakaindide kale mazuba one kali mucuumbwe. 18 Lino ku Betaniya kwakali kufwaafwi aku Jelusalemu, wakali buyo musinzo wamakkilomita aatandila kuli otatwe. 19 Aboobo ba Juda banji bakaliboolede kukuumbulizya Maata a Maliya ibakafwidwa munyinandumi. 20 Eelyo Maata naakamvwa kuti Jesu wakali kuboola, wakamucingauzya; pele Maliya walo wakalikkede aŋanda. 21 Aboobo Maata wakati kuli Jesu: “Mwami, ikuti nowakaliko kuno, mukwesu naatakafwa. 22 Nokuba boobo, ndilizyi noliba lino kuti nozivwula buti zyintu nzyolomba Leza, Leza ulakupa.” 23 Jesu wakati kulinguwe: “Imunyoko ulabuka.” 24 Maata wakati kulinguwe: “Ndilizyi kuti uyoobuka mububuke mubuzuba bwamamanino.” 25 Jesu wakati kulinguwe: “Mebo ndendime bubuke alimwi abuumi. Ooyo uundisyoma, nokuba kuti wafwa uyooba muumi alimwi; 26 alimwi woonse uupona akundisyoma kunyina nayoofwa. Sena ulaasyoma makani aaya?” 27 Wakati kulinguwe: “Inzya Mwami; Ndasyoma kuti nduwe Kilisito Mwana wa Leza, Ooyo weelede kuboola munyika.” 28 Naakamana kwaamba majwi aaya, wakaunka akuyooita Maliya mucizyi wakwe, wakamwaambila kumbali ulaamba: “Mwiiyi wasika ulakwiita.” 29 Maliya naakamvwa boobu, wakanyamuka cakufwambaana akuunka kuyoomucinga. 30 Mubwini Jesu tanaakaninga kunjila mumunzi, pele wakacili kubusena nkwaakamujanide Maata. 31 Mpoonya ba Juda mbocakali limwi muŋanda alimwi ibakali kumuumbulizya bakabona Maliya kanyamuka cakufwambaana akuzwa. Bakamutobela kabayeeya kuti wakali kuunka kucuumbwe kuyoolilila nkuko. 32 Maliya naakasika ooko nkwaakabede Jesu akumubona, wakawida kumaulu aakwe akumwaambila kuti: “Mwami, ikuti nowakaliko kuno, mukwesu naatakafwa.” 33 Aboobo Jesu naakabona Maliya kalila aba Juda ibakaboola anguwe kabalila, wakanyongana kapati mumoyo alimwi wakapenga; 34 mpoonya wakati: “Ino mwakamuzikkila kuli?” Bakamwaambila kuti: “Mwami, koboola ubone.” 35 Jesu yakamweenda misozi. 36 Aboobo ba Juda bakatalika kwaamba kuti: “Amubone, eelyo kaka wakali kumuyanda!” 37 Pele bamwi akati kabo bakati: “Sena muntu ooyu iwakajalula meso aamoofwu tanaakali kukonzya kumulesya kufwa mwaalumi ooyu?” 38 Aboobo Jesu naakanyongana alimwi mumoyo, wakasika kucuumbwe. Cuumbwe eeco yakali mpangala alimwi kumulyango kwakajalidwe bbwe. 39 Jesu wakati: “Amuligusye bbwe.” Maata, imucizyi wasikwaazwa wakamwaambila kuti: “O Mwami, lino weelede kuti ulanunka nkaambo kwainda mazuba one.” 40 Jesu wakati kulinguwe: “Sena tiindakwaambila kuti, ikuti naa wasyoma ulabona bulemu bwa Leza?” 41 Aboobo bakaligusya bbwe. Mpoonya Jesu wakalanga kujulu akwaamba kuti: “Taata, ndakulumba nkaambo wandimvwa. 42 Masimpe, ndalizyi kuti lyoonse ulandimvwa; pele akaambo kankamu eeyi iindizingulukide ndaamba boobu, ikutegwa basyome kuti wakandituma.” 43 Eelyo naakamana kwaamba majwi aaya, wakoompolola ajwi ipati kuti: “Lazalo, kozwa oomo!” 44 Imuntu ooyo wakafwide wakazwa kazambaidwe zisani kumaulu akumaanza alimwi kavwumbidwe cisani kubusyu bwakwe. Jesu wakati kuli mbabo: “Amumuzambulule mumuleke ayende.” 45 Aboobo ba Juda banji ibakaboolede kuli Maliya, alimwi ibakabona ncaakacita Jesu bakamusyoma; 46 pele bamwi bakaunka kuba Falisi akuyoobaambila zyintu nzyaakacita Jesu. 47 Aboobo basilutwe babapaizi aba Falisi bakabungana mu Nkuta Mpati Yaba Juda akutalika kwaamba kuti: “Ino tulacita nzi, nkaambo muntu ooyu ucita zitondezyo zinji? 48 Ikuti tumuleke buyo boobu, boonse balamusyoma eelyo bana Loma balaboola akubweza busena bwesu acisi cesu.” 49 Pele umwi akati kabo, Kayafa, iwakali mupaizi mupati mwaka ooyo wakati kuli mbabo: “Kunyina ncomuzyi pe, 50 alimwi tamubwene kuti ndinywe ngocigwasya ikuti muntu omwe afwide bantu muciindi cakuti cisi coonse cinyonyoonwe.” 51 Eeci tanaakacaamba mukuyanda kwakwe mwini pe; pele akaambo kakuti wakali mupaizi mupati mwaka ooyo, wakasinsima kuti Jesu wakali kuyoofwida cisi cabo, 52 alimwi ikutali cisi cabo cilikke, pele akuti ababunganye antoomwe bana ba Leza bamwaikide. 53 Aboobo kuzwa buzuba oobo bakamvwana kuti bamujaye. 54 Eelyo Jesu tanaakacili kweenda antangalala akati kaba Juda, pele wakazwa ooko akuunka kubusena bwakali afwaafwi ankanda mumunzi uutegwa Efulemu, nkwaakaakukkala abasikwiiya bakwe. 55 Lino Pobwe lya Kwiindilila lyaba Juda lyakali afwaafwi, alimwi bantu banji bamunyika eeyo bakatanta kuya ku Jelusalemu kutegwa bakalisalazye kweelana acilengwa cabo kalitanatalika Pobwe lya Kwiindilila. 56 Lino bakatalika kumuyandaula Jesu alimwi nobakali kwiima-ima mutempele bakali kubuzyanya kuti: “Ino muyeeya buti? Sena muyeeya kuti takooboolela limwi kupobwe?” 57 Pele basilutwe babapaizi aba Falisi bakapede malailile aakuti kufwumbwa muntu uuzyiba nkwaakabede, wakeelede kubaambila ikutegwa bamujate.","num_words":809,"character_repetition_ratio":0.052,"word_repetition_ratio":0.0,"special_characters_ratio":0.184,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 45 IBBAIB63 - Mpoonya awo Josefa wakakacilwa - Bible Search\\nMatalikilo 44 Matalikilo 46\\nJosefa mbwaakalilubulula kubananyina\\n1-Mpoonya awo Josefa wakakacilwa kulisimya-simya kumeso aabakwabo ibakaimvwi awe, nkabela wakapolopota kuti, Amubagwisye bantu bonse kulindime. Aboobo katakwe muntu naba omwe ngwaakaimvwi awe Josefa naakalilubulula kulibabunyina, 2Elyo wakalila loko, mane ba-Egepita bakamvwa, abalo basiŋanda ba-Farao bakamvwa. 3-Josefa wakaambila bananyina kuti, Ndime Josefa. Sa taata ucipona? Nkabela babunyina bakakacilwa kumuvwiila, nkaambo bakali kukankama kubusyu bwakwe.\\n4-Mpawo Josefa wakaambila babunyina kuti, Amuze kufwafwi kulindime. Bakaswena afwaafwi. Lino wakati, Ndime Josefa mwanike wanu ngomwakasambala kuti atolwe ku-Egepita. 5-Lino mutapengi nekuba kulikalalila nkaambo kakundisambazya okuno, nkaambo Leza ngowakandituma kunembo lyanu kuti aponye bantu. 6Myaka yobile inzala yakataazya munyika, alimwi myaka yosanwe iciza iitakooyooba akulima nanka kutebula. 7Leza nguwakandituma kunembo lyanu kuti amusiile lunyungu akumuyobweda bafutusi banji. 8-Teensi ndinywe mwakandituma okuno pe, nguLeza. Wandibika kuti mbe wisi Farao amwami waŋanda yakwe yoonse amweendelezi wanyika yoonse ya-Egepita. 9-Amufwambaane kwiinka kulitaata, mumwaambile kuti, Mbuboobu mbwaamba mwanaako Josefa, Leza wandibika kuti mbe mwami wacisi coonse ca-Egepita. Boola kulindime. Utaneeleli pe. 10-Uzookala mucisi ca-Goseni aboobo uzooba kufwaafwi kulindime yebo abana bako abazukulu bako anibelele zyako aŋombe zyako azyoonse nzojisi. 11-Lino njookulela nkuko oko, nkaambo kuciza myaka yosanwe yanzala, kuti utalobi yebo abasiŋanda bako azyoonse nzojisi, 12-Amulange! Meso aanu alabona, aalo meso aamwanike wangu Benjamini alabona, kuti ncobeni mulomo wangu nguuambaula anywe. 13-Muleelede kulwiida taata makani aabulemu bwangu bwaku-Egepita amakani oonse ngemubwene. Amufwambaane kuleta taata okuno. 14Mpawo wakawida ansingo yamwanike wakwe Benjamini, walila, alakwe Benjamini wakalila ansingo yakwe. 15Abalo bakulana bakwe boonse wakabamyonta akulila alimbabo. Amane obo, bakulana bakwe bakaambaula awe.\\n16Lino impuo neyakamvwigwa kuŋanda ya-Farao, yakuti, Babuuyina Josefa basika, makani akabotela Farao abalanda bakwe. 17Nkabela Farao wakaambila Josefa kuti, Ambila bakulana bako kuti, Kamucita obu. Amubope imbongolo zyanu, mwiinke kunyika ya-Kanana. 18-Mwasika, amulete usowanu abamaanda aanu boonse, muboole kulindime. Njoomupa bubotu bwanyika ya-Egepita, mulye bunono bwanyika. 19Alimwi kobalailila kuti, Mbuboobu mbumweelede kucita. Amutole iŋola kuzwa kucisi ca-Egepita zibe zyakubwezela bacece banu abanakazi banu, alimwi amunyampule usowanu, muboole. 20Mutalikataazyi ambono zyanu pe, nkaambo bubotu bwanyika yoonse ya-Egepita buyooba bwanu.\\n21Lino bana ba-Israyeli bakacita obo. Josefa wakabapa ŋola, mbubonya mbwaakaamba Farao, abulilu boonse wabapa. 22Alimwi boonse buyo wakabapa umwi aumwi zyakuzwaata, a-Benjamini mwanike wakwe wakamupa mali aansiliva aali myanda yotatwe azyakuzwaata zyosanwe. 23Alakwe wisi, nzeezi nzyaakamutumina: imbongolo zili ikumi ziyumwide zintu zibotu zyaku-Egepita, ambongolo inzyazi zili ikumi ziyumwide maila azilyo abulilu bwawisi. 24Elyo wakatuma babunyina, bainka. Nkabela wakabaambila kuti, Mutakalazyanyi munzila. 25Mpawo bakazwa kucisi caEgepita, basika kucisi ca-Kanana nkwaakabede Jakobo wisaabo. 26-Nkabela bakamwaambila kuti, Josefa ucipona, alimwi ngonguwe uuendelezya mucisi coonse ca-Egepita, Amvwe obo, moyo wakwe wakalebuluka, nkaambo takwakazumina. 27Pele nebakamulwiida majwi oonse aa-Josefa ngaakamwaambila, alimwi naakabona ŋola Josefa nzyaakatuma kukumubweza, moyo wa-Jakobo wisaabo wakabukuluka, 28Israyeli wakati, Mbubo, mwanaangu Josefa ucipona, Njiinke kuyoomubona nkentanafwa.","num_words":441,"character_repetition_ratio":0.045,"word_repetition_ratio":0.0,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 10 IBBAIB63 - Lino Jehova wakaambila Musa kuti, - Bible Search\\nKulonga 9 Kulonga 11\\nCisozi mbucakabavumba ba-Egepita\\n1-Lino Jehova wakaambila Musa kuti, Koya kuli-Farao, nkaambo ndayumya moyo wakwe amyoyo yabalanda bakwe, kuti nkacite aya malele aangu akati kabo, 2-mukaluule mumatwi aabana banu amumizukulu yanu makani aayoosya ngendacitila ba-Egepita azitondezyo zyangu nzindakabika akati kabo, aboobo muyooziba kuti ndime Jehova.\\n3-Elyo ba-Musa a-Aroni bakasika kuli-Farao, bamwaambila kuti, Mbuboobu mbwaamba Jehova Leza waba-Hebrayo, Ino ulaleka lili kukaka kulibombya kumeso aangu? Leka bantu bangu, baye, bandikombe. 4-Nkaambo na wakaka kuleka bantu bangu kuti baye, ncobeni junza ndaleta cisozi mucisi cako. 5-Cisozi ciyoovumba busyu bwanyika, aboobo nyika tiikooyooboneka, alimwi ciyoolya zilyo zyoonse izyakasyaala izyakatanyonyoonwa kucivulamabwe. Ciyoolya masamu aanu oonse aamena mumyuunda. 6-Maanda aako ayoozula ncico, amaanda aabalanda bako boonse, amaanda aaba-Egepita boonse. Bamausowanu abasyanyokulu boonse tababwene cisozi cili boobu kuzwa kuciindi nebakatalika kuba ansi kusikila kubuzuba obuno. Amane kwaamba obo, wakafutamuka, wazwa kuli-Farao.\\n7-Elyo balanda ba-Farao bakaamwaambila kuti, Ino oyu muntu ulaleka lili kutubeda kakole? Leka bantu, baye, bakamanine Jehova Leza wabo milimo. Sa tozi kuti cisi ca-Egepita canyonyooka? 8Aboobo ba-Musa a-Aroni bakaitwa kuli-Farao, nkabela wakabaambila kuti, Kamuya, mukakombe Jehova Leza wanu. Pele mbani basi inke? 9-Musa wakavuwa kuti, Tulainka abana besu abacembele besu; tulainka abana besu balombe abasimbi, aŋombe zyesu ambelele zyesu, nkaambo tuleelede kucitila Jehova ipobwe. 10Wakabaambila kuti, Ma! Jehova abe anywebo. Nsikonzyi kumuleka kuti muye atwana twanu pe, Ncobeni mulayeeya bubi. 11Nee! Kamuya nobaalumi, mukakombe Jehova, nkaambo ncencico ncemusukeme. Mpoonya awo bakatandwa kuzwa kubusyu bwa-Farao.\\n12-Lino Jehova wakaambila Musa kuti, Tandabika ijanza lyako atala lyanyika ya-Egepita kuti cisozi ciboole munyika ya-Egepita, cilye mani oonse aanyika, oonse ngecakasia civulamabwe. 13Mpawo Musa wakatandabika musako wakwe atala lyacisi ca-Egepita, nkabela Jehova wakaungya muuwo wakujwe munyika buzuba obo boonse isikati amasiku, Lino nebwakaca, oyo muuwo wakujwe wakaleta cisozi. 14-Cisozi cakasika mucisi coonse ca-Egepita, akukala munyika yoonse ya-Egepita. Eco cisozi cakayoosya loko. Taakwe nikwakabede cisozi cili boobu, pe, alimwi takukooyooba cimbi cili boobu. 15-Nkaambo cakavumba nyika yoonse, aboobo nyika yakasizigwa, nkabela cakalya mani oonse aanyika amicelo yoonse yamisamu civulamabwe njicakasia. Teekwakasyaala cintu citete neciba comwe, nemuba mumisamu nemuba mumani aamusokwe, munyika yoonse yaEgepita. 16-Mpawo Farao wakafwamba kwiita ba-Musa a-Aroni, wati, Ndabisizya Jehova Leza wanu, anywebo ndamubisizya. 17-Lino amundilekelele bubi bwangu ciindi ecino luzutu, mundikumbilile Jehova Leza wanu kuti andigwisizye lufu olu, 18-Elyo wakazwa kuli-Farao, waakukumbila kuli-Jehova. 19-Nkabela Jehova wakabusya luuwo luungisya lwakumbo ilwakapepulula cisozi akuciwaala mu-Lwizi Lusalala, Teekwakasyaala cisozi ne ciba comwe mucisi coonse ca-Egepita. 20-Pele Jehova wakayumya moyo wa-Farao, aboobo takwakaleka bana ba-Israyeli kuti baye,\\nBa-Egepita mbubapenzegwa mudima uusia mbi\\n21-Lino Jehova wakaambila Musa kuti, Tondeka ijanza lyako kujulu, kuti kube mudima mucisi ca-Egepita, mudima uuampaampwa. 22-Aboobo Musa wakatondeka ijanza lyakwe kujulu, nkabela kwakaba mudima uusia mbi munyika yoonse ya-Egepita mazuba otatwe. 23-Teebakali kubonana umwi aumwi amweenzinyina, alimwi teebakabuka umwi aumwi mpaakabede mazuba otatwe, Pele bana boonse ba-Israyeli kabajisi mumuni mumakalilo aabo. 24-Mpawo Farao wakaita Musa, wati, Kamuya, mukakombe Jehova. Imbelele zyanu aŋombe zyanu zilike zisyaale. Bacece banu abalo kamuya aabo. 25Pele Musa wakavuwa kuti, Uleelede kupa mumaanza esu zipaizyo azituuzyo, tuzibambile Jehova Leza wesu. 26Azyalo iŋombe zyesu tuleelede kuya azyo; takukooyoosyaala insumba niiba yomwe, nkaambo mulinzizyo motweelede kugwisya zyakupaizya Leza wesu, Tatuzi ncitweelede kupaizya Jehova mane tukasike oko. 27-Pele Jehova wakayumya moyo wa-Farao, aboobo wakakaka kuleka bantu kuti baye. 28Mpawo Farao wakamwaambila kuti, Zwa kulindime. Cenjela kuti utaboni busyu bwangu limbi, nkaambo mubuzuba obo mboyoobona busyu bwangu uyoofwa. 29-Musa wakati, Waamba kabotu. Nsikooyoobona busyu bwako limbi.","num_words":551,"character_repetition_ratio":0.063,"word_repetition_ratio":0.0,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Munyama Uujisi Mitwe Iili Ciloba Waambwa mu Ciyubunuzyo 13 Wiiminina Nzi? | Mibuzyo Yamu Bbaibbele\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bulgarian Cebuano Chichewa Chinese (Traditional) Chinese Mandarin (Simplified) Chitonga Cibemba Croatian Czech Danish Dutch English Estonian Ewe Fijian Finnish French Ga Georgian German Greek Gun Hausa Hebrew Hiligaynon Hungarian Igbo Iloko Indonesian Italian Japanese Kikaonde Kinyarwanda Kirghiz Kirundi Kongo Korean Lingala Lithuanian Luo Malagasy Malay Malayalam Maltese Myanmar Norwegian Nzema Polish Portuguese Romanian Russian Samoan Sepedi Serbian (Cyrillic) Serbian (Roman) Sesotho (Lesotho) Setswana Shona Sinhala Slovak Slovenian Spanish Swahili Swedish Tagalog Tatar Telugu Thai Tsonga Turkish Turkmen Tzotzil Ukrainian Venda Vietnamese Xhosa Yoruba Zulu\\nIno Munyama Uujisi Mitwe Iili Ciloba Waambwa mu Ciyubunuzyo Caandaano 13 Wiiminina Nzi?\\nMunyama uujisi mitwe iili ciloba waambwa mu Ciyubunuzyo 13:1 wiiminina bweende bwatwaambo twacisi munyika yoonse.\\nMunyama ooyu ulaabweendelezi, nguzu alimwi acuuno cabwami, calo icitondezya kuti wiiminina bweende bwatwaambo twacisi.​—Ciyubunuzyo 13:2.\\nUleendelezya “misyobo yoonse amikowa yoonse amyaambo yoonse amasi oonse,” aboobo ulijisi nguzu kwiinda mfwulumende yacisi comwe.​—Ciyubunuzyo 13:7.\\nMunyama ooyu ulijisi bube bwazinyama izyaambwa mubusinsimi bulembedwe mubbuku lya Daniele 7:​2-8, kubikkilizya ambwalibonya siluwe, zituta zyanengo, mulomo wamulavu alimwi ameja aali kkumi. Banyama bamubusinsimi bwa Daniele bazyibidwe kuti baiminina bami bagaminide, naa mami aatwaambo twacisi, aayendelezya cakutobelana aamami aambi. (Daniele 7:​17, 23) Aboobo munyama waambwa mu Ciyubunuzyo caandaano 13 wiiminina bweende boonse bwatwaambo twacisi.\\nMunyama ooyu ‘uzwa mulwizi.’ Eeci caamba kuti mfwulumende zyabantu zizwa kubantu balo ibakazya Leza alimwi taziko miyanda.​—Ciyubunuzyo 13:1; Isaya 17:12, 13.\\nBbaibbele lyaamba kuti namba, naa zina lya munyama yakuti​—666​—“ninamba yamuntu.” (Ciyubunuzyo 13:17, 18) Majwi aaya atondezya kuti munyama waambwa mu Ciyubunuzyo 13 wiiminina bulelo bwabantu ikutali muuya naa bulelo bwamadaimona.\\nNokuba kuti zisi zilakonzya kumvwana muzintu zimwi, zilakamantana mumakanze ngozijisi aakuzumanana kuba anguzu zyakweendelezya muciindi cakulibombya kubweendelezi bwa Bwami bwa Leza. (Intembauzyo 2:2) Alimwi ziyootola lubazu mukulwana mpi zya Leza iziyoosololelwa a Jesu Kristo lya Armageddon, pele nkondo eeyi iyoonyonyoona zisi.​—Ciyubunuzyo 16:14, 16; 19:19, 20.\\n“Meja aali kkumi amitwe iili ciloba”\\nMu Bbaibbele, manamba aamwi alabelesyegwa munzila yacikozyanyo. Mucikozyanyo, 10 alimwi a 7 aiminina kuzulila. Cikonzya kutugwasya kapati kuzyiba ncaamba “meja aali kkumi amitwe iili ciloba” yamunyama waambwa mu Ciyubunuzyo 13, nkuzyiba “cikozyanyo camunyama” iwaambwa alimwi mu Ciyubunuzyo​—munyama uusalala pyu uujisi mitwe iili ciloba ameja aali kkumi. (Ciyubunuzyo 13:1, 14, 15; 17:3) Bbaibbele lyaamba kuti mitwe iili ciloba yamunyama ooyu uusalala pyu yiiminina “bami bali ciloba,” naa mfwulumende.​—Ciyubunuzyo 17:​9, 10.\\nMbubwenya buyo, mitwe iili ciloba yamunyama waambwa mu Ciyubunuzyo 13:1 yiiminina mfwulumende zili ciloba: nkokuti bweendelezi bwanguzu ibwali kweendelezya kuzwa kaindi alimwi bwali kupenzya bantu ba Leza​—Egepita, Asuri, Babuloni, Mediya a Persia, Greece, Roma alimwi a Anglo-America. Kuti makani twaakosola kuti meja aali kkumi aiminina zisi zyoonse izilyeendelezya, ziniini alimwi azipati, nkokuti musini uuli alwija lumwi alumwi utondezya kuti cisi cimwi acimwi cilalyeendelezya aciindi bweendelezi bujisi nguzu kapati nobweendelezya.\\nIno Wiiminina Nzi Munyama Uusalala Pyu Waambwa mu Ciyubunuzyo Caandaano 17?","num_words":436,"character_repetition_ratio":0.094,"word_repetition_ratio":0.0,"special_characters_ratio":0.184,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Milimo 13 | Bbaibbele Lili a Intaneti | Bbaibbele lya Busanduluzi Bwanyika Mpya\\n13 Lino mumbungano yaku Antiyokeya kwakali basinsimi abamayi aaba: Banaba, Simoni uutegwa Nigeli nkokuti Uusiya, Lukiya waku Kulene, Manayeni iwakali kwiiya acikolo comwe a Heloda mweendelezi wacibeela cacooko, alimwi a Saulo. 2 Nobakali kukutaukila Jehova mulimo wakugwasya banamaleya akuliimya kulya, imuuya uusalala wakati: “Lino amundizandwide Banaba a Saulo kutegwa babeleke mulimo ngondabaitila.” 3 Mpoonya bakaliimya kulya, bakapaila akubabikka maanza eelyo bakabaleka baunka. 4 Eelyo baalumi aaba ibakatumwa amuuya uusalala bakaselemuka kuya ku Selukiya, mpoonya kuzwa kooko bakatanta bwato akuunka ku Kupulo. 5 Alimwi nobakasika ku Salami bakatalika kukambauka jwi lya Leza muzikombelo zyaba Juda. Awalo Johane wakali ambabo kali mugwasyilizyi. 6 Nobakainda munsumbu yoonse mane akuyoosika ku Pafo, bakayaanya mwaalumi umwi mu Juda wiitwa kuti Bajesu iwakali simabibo alimwi musinsimi mubeji. 7 Wakali amweendelezi wacooko Segiyo Paulo, imwaalumi uucenjede. Wakaita Banaba a Saulo nkaambo wakali kuyandisya kumvwa jwi lya Leza. 8 Pele Elima, simabibo (oobo mbolisandululwa zyina lyakwe) wakatalika kubakazya, kayanda kuti mweendelezi wacooko ooyu atamvwi majwi aalusyomo. 9 Saulo, ooyo uuli ngo Paulo, naakazula muuya uusalala wakamulangisisya 10 akwaamba kuti: “Omuntu uuzwide musyobo uuli woonse waluuni amusyobo uuli woonse wabubi, yebo omwana wa Diabolosi, yebo sinkondo wazyintu ziluleme zyoonse, sena tokooleka kunyonganya nzila zibotu zya Jehova? 11 Lino bona! Janza lya Jehova lili alinduwe alimwi uloofwaala, kotaboni mumuni wazuba kwaciindi cili mbocibede.” Ndilyonya eelyo wakawidwa sikunku amudima, mpoonya wakatalika kweendeenda kayandaula bantu bakumujatilila kujanza akumweenzya. 12 Mpoonya mweendelezi wacooko naakabona cakacitika, wakaba musyomi nkaambo zyakamugambya njiisyo zya Jehova. 13 Ibaalumi aabo antoomwe a Paulo bakatanta bwato ku Pafo akuya ku Pege mu Pamfiliya. Pele Johane wakabaloboka akupiluka ku Jelusalemu. 14 Pele balo bakazumanana lweendo lwabo kuzwa ku Pege akuboola ku Antiyokeya mu Pisidiya. Mpoonya nobakanjila mucikombelo mubuzuba bwa Sabata, bakakkala. 15 Nokwakamana kubalwa Mulawo alimwi a Basinsimi kubuleya, beendelezi bacikombelo bakabatumina mulomo, balaamba: “Nobaalumi, bakwesu, ikuti kakuli majwi aali oonse aakuyumya bantu ngomujisi, amwaambe.” 16 Aboobo Paulo wakanyamuka alimwi katambika ajanza lyakwe wakati: “Nobaalumi, nobana Isilayeli anobamwi nomuyoowa Leza, amundiswiilile. 17 Leza wabantu aaba ba Isilayeli wakasala bamatateesu, alimwi wakabasumpula bantu aaba ciindi nobakali beenzu mucisi ca Egepita akubagusya oomo ajanza lisumpukide. 18 Alimwi kwaciindi citandila kumyaka iili makumi one wakali kubakkazyikila moyo munkanda. 19 Naakanyonyoona zisi zili ciloba munyika ya Kanana, wakabaabanya nyika eeyo kwiinda mukuuma cisolo: 20 zyoonse eezyi zyakatola myaka iitandila ku 450. “Kuzwa waawo wakabapa babetesi kusikila kuciindi ca Samuyele musinsimi. 21 Pele kuzwa kuciindi eeco bakali kuyanda mwami, eelyo Leza wakabapa Saulo mwana wa Kisi, imwaalumi wamukowa wa Benjamini, wakabalela kwamyaka iili makumi one. 22 Eelyo naakamugusya ooyu, wakabusya Davida kuti abe mwami wabo, ooyo ngwaakacitila bumboni akwaamba kuti, ‘Ndamujana Davida mwana wa Jese, imwaalumi weendelana amoyo wangu, ooyo uyoocita zyintu zyoonse nzyondiyanda.’ 23 Kweelana acisyomezyo cakwe, Leza waletela ba Isilayeli mufwutuli, Jesu, ikuzwa mulunyungu lwamuntu ooyu. 24 Katanaboola Ooyu, Johane wakakambaukide kale caantangalala kubantu boonse bamu Isilayeli zyalubbapatizyo lwakali citondezyo cakweempwa. 25 Pele Johane naakali kuyaabumanizya lweendo lwakwe, wakali kwaamba kuti, ‘Ino muyeeya kuti ndime ni? Tandili nguwe pe. Pele amubone! Umwi ulaboola munsi lyangu ooyo ngonditeeleli kwaangununa mpato zyakumaulu aakwe.’ 26 “Nobaalumi, bakwesu, nywebo nobana baluzubo lwa Abulahamu abamwi bali akati kanu ibayoowa Leza, ijwi lyalufwutuko oolu lyatuminwa ndiswe. 27 Nkaambo bakkala mu Jelusalemu abeendelezi babo tiibakamuzyiba Ooyu, pele nobakalibikka mubusena bwababetesi, bakazuzikizya zyintu zyakaambwa abasinsimi, zyalo eezyo zibalwa cakupozya mu Sabata imwi aimwi. 28 Mpoonya nokuba kuti kunyina nobakamujanina kaambo keelede lufwu, bakalomba kuli Pilato kuti ajaigwe. 29 Lino nobakazuzikizya zyintu zyoonse zilembedwe kujatikizya nguwe, bakamwaangula acisamu akumulazika mucuumbwe. 30 Pele Leza wakamubusya kubafwu; 31 alimwi kwamazuba manji wakali kuboneka kuli baabo mbaakatanta limwi kuzwa ku Galilaya kuya ku Jelusalemu. Aabo lino mbabakamboni bakwe kubantu. 32 “Aboobo swebo tumwaambila makani mabotu aacisyomezyo ncobakapegwa bamatata. 33 Leza wacizuzikizya coonse kulindiswe tobana babo kwiinda mukubusya Jesu; mbubonya mbokulembedwe muntembauzyo yabili kuti, ‘Uli mwanaangu, ndaba Bauso buzuba obuno.’ 34 Alimwi kaambo aako kakuti wakamubusya kubafwu kakunyina kulangilwa kupilukila kukubola, wakakaamba munzila eeyi yakuti, ‘Nywebo nobantu ndiyoomutondezya luzyalo lutamani ilusyomeka oolo ndundakasyomezya Davida.’ 35 Nkakaambo kaako ulaamba alimwi akuntembauzyo imbi kuti, ‘Tokalekeli uusyomeka wako kuti abole.’ 36 Davida, awalo wakabelekela Leza muzyalani lyakwe mwini, wakoona mulufwu, wakalazikwa antoomwe abamausyi alimwi wakabola. 37 Pele ooyo Leza ngwaakabusya tanaakabola pe. 38 “Aboobo amuzyibe nobakwesu kuti, swebo tumwaambila zyakulekelelwa kwazibi kwiinda muli Yooyu; 39 alimwi akuti muzyintu zyoonse nzyomwatakali kukonzya kululamikwa kwiinda mumulawo wa Musa, kufwumbwa uusyoma ulalulamikwa kuli nzizyo kwiinda muli Jesu. 40 Aboobo amucenjele kuti zitamucitikili eezyi zyakaambwa a Basinsimi kuti, 41 ‘Amulange eeci, nywebo nobasikusampaula, amugambwe, amulobe, nkaambo ndicita mulimo kumazuba aanu, imulimo ooyo ngomutakonzyi kusyoma naaceya nokuba kuti muntu umbi wamulungulwida.’” 42 Lino nobakali kuzwa, bantu bakatalika kubakombelezya kuti bakabaambile makani aaya alimwi Sabata iitobela. 43 Aboobo muswaangano wamucikombelo nowakamana, ba Juda abasandule banji ibakali kukomba Leza bakamutobela Paulo a Banaba. Eelyo aaba nobakali kwaambaula ambabo bakali kubakulwaizya kuti bazumanane kweenda muluzyalo lwa Leza. 44 Mu Sabata yakatobela munzi woonse wakatiimaninine kuboola kukuswiilila jwi lya Jehova. 45 Ba Juda nobakabona makamu aabantu, bakazula bbivwe alimwi cakusampaula bakatalika kukazya zyintu nzyaakali kwaamba Paulo. 46 Mpoonya cabusicamba ba Paulo a Banaba bakabaambila kuti: “Kwakaleelede kuti jwi lya Leza lisaangune kwaambwa kulindinywe. Lino mbwaanga mwalikaka alimwi mutondezya kuti tamweeleli buumi butamani, mbubo, tulamusiya tuye kuli bamasi. 47 Nkaambo Jehova watulailila amajwi aaya aakuti, ‘Ndakubikka kuti ube mumuni wabamasi, kuti ube lufwutuko kusikila kumamanino aanyika.’” 48 Nobakamvwa boobo bamasi aabo, bakakondwa akulemeka jwi lya Jehova, alimwi boonse aabo bakali amyoyo mibotu, ibakalibambilide kutambula buumi butamani bakaba basyomi. 49 Kunze lyaboobo, ijwi lya Jehova lyakali kuyaabumwaigwa koonse-koonse mucisi eeco. 50 Pele ba Juda bakanyonganya bamakaintu balaampuwo ibakali kukomba Leza abaalumi balupati-pati mumunzi, eelyo aabo bakatalika kupenzya Paulo a Banaba akubatanda mucisi cabo. 51 Aboobo Paulo a Banaba bakabakunkumwida lusuko lwakali kumaulu aabo akuunka ku Ikoniyo. 52 Alimwi basikwiiya bakazumanana kuzula muuya uusalala akukondwa.","num_words":901,"character_repetition_ratio":0.039,"word_repetition_ratio":0.0,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Zyakachitika Mubuumi: Jehova Wakali Kundigwasya Chiindi Choonse! | Erika Nöhrer Bright\\nBALA MU Afrikaans Albanian Alur Amharic Amis Arabic Armenian Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Boulou Bulgarian Cakchiquel Catalan Cebuano Chichewa Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Croatian Czech Dakota Dangme Danish Douala Dutch Edo Efik English Esan Estonian Ewe Fijian Finnish Fon French Ga Garifuna Georgian German Greek Guarani Gujarati Gun Haitian Creole Hausa Hebrew Hiligaynon Hindi Hiri Motu Hungarian Ibanag Icelandic Igbo Iloko Indonesian Isoko Italian Japanese Jula Kabiye Kabuverdianu Kannada Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mingrelian Mixe Mixtec (Guerrero) Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nigerian Pidgin Norwegian Nzema Okpe Oromo Ossetian Otetela Pangasinan Papiamento (Curaçao) Persian Pidgin (Cameroon) Polish Ponapean Poqomchi' Portuguese (Portugal) Punjabi Quechua (Ancash) Quechua (Bolivia) Romanian Russian Samoan Sango Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovenian Solomon Islands Pidgin South African Sign Language Spanish Sranantongo Swahili Swahili (Congo) Swati Swedish Tagalog Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Vietnamese Waray-Waray Wolaita Xhosa Yoruba Zande Zapotec (Isthmus) Zulu\\nJehova Wakali Kundigwasya Chiindi Choonse!\\nAkaluulwa aa Erika Nöhrer Bright\\nNdakali akati katusimbi tone twakasalwa kuti tukape Adolf Hitler maluba naakazwa kwaambuula kumuswaangano wazyatwaambo twanyika. Nkamboonzi nindakasalwa? Ndeende wakali kuziyandisya zintu zyakali kuchitwa amaNazi alubo chiindi chiingi wakali kweenda amuzulwidi wakabunga kakumuunzi. Baama bakali muKkatolika usungweete alubo bakali kuyanda kuti ndibe musiite. Nikuba boobo, teendakazumina kugwasilizya maNazi naakuti kuba musiite. Amuleke ndimubuzye kuti nkamboonzi.\\nNDAKAKOMENENA kudolopo litegwa Graz, lili kuAustria. Nindakaba aminyaka iili 7, bakanditola kuchikolo chiyisya zyachikombelo. Nindakali nkuko, ndakali kubona bafundisi amasiite kabali kuchita bwaamu. Eezi zyakapa kuti baama bandibuzye kuti ndileke kuyiila kuchikolo eecho kakutanaba munyaka.\\nMpuli yesu aNdeende kazweete yunifomu yabusilumamba\\nMukuya kwachiindi, ndakachincha chikolo, alubo ndakali kukkala mpundakali kwiiya. Limwi zuba mansiku, Ndeende wakazoondibweza nkaambo kuGraz kuli bantu bakali kuwaala mabbomba. Twakachija mpawo twakakuyubila mudolopo lyakuSchladming. Nitwakazubuka, bbilichi lyakadilika. Bantu bakali mundeke zyakali kuulukila munsi-munsi bakatudubula abanene nitwakali amuunzi. Niyakamana nkondo twakabona kuti chikombelo amfulumende zyakakachilwa kutugwasya.\\nTWAKAJANA NKUTUKONZYA KUGWASIGWA\\nMumunyaka wa1950, umwi Kamboni waJehova wakatalika kwiiya Bbayibbele abaama. Ndakali kuswiilila nibakali kwiiya alubo chimwi chiindi, ndakali kwiinka abaama kumiswaangano yambungano. Nibakabona kuti nzibakali kwiiya aBakamboni baJehova nzyakasimpe, bakabbabbatizigwa mu1952.\\nMuchiindi eecho, ndakali kubona mbungano yaBakamboni mbuuli kuti njamamaama luzutu. Nikwakayinda chiindi, twakaswaya imwi mbungano alubo twakabona bachikula biingi. Nitwakabweeda kuGraz, ndakatalika kunjila miswaangano yoonse alubo ndakabona kuti ndakali kwiiya kasimpe. Ndakayiya kuti Jehova Leza ulabagwasya bakombi bakwe. Ulatugwasya nikuba katuli mumapenzi ngitubonaanga tatukonzyi kwaazunda.—Int. 3:5, 6.\\nNdakali kuyanda kuyiisya bamwi kasimpe. Ndakatalika kwiiya abamumpuli yesu. Bakulana bangu bane, bakali baba bayiisi, nkinkaako teetwakachili kukkala aamwi. Nikuba boobo, ndakali kuswaya umwi awumwi wabo alubo ndakabasungwaazya kuti bayiye Bbayibbele. Mukuya kwachiindi, boonse mumpuli bakaba Bakamboni baJehova.\\nMumviki yachibili kandili mumulimu wakukambawuka kung’anda ang’anda, ndakabonana awumwi mukayintu wakali aminyaka iili kuma30 alubo ndakatalika kwiiya Bbayibbele anguwe. Wakazumanana kwiiya kusika wabbabbatizigwa alubo mulumaakwe abana bakwe balombe babili abalabo bakazoobbabbatizigwa. Mukayintu ooyu wakapa kuti lusyomo lwangu lusime. Nkamboonzi? Nkaambo taakwe muntu wakayiya kasimpe andime munzila iibambikene. Nkinkaako, ndakeelede kulibambila kabotu nindakali kwiiya anguwe. Eezi zyakandigwasya kuti ndiliyiisye kuti ndikonzye kumuyiisya. Alubo zyakapa kuti ndikamvwisisisye kasimpe. MuApril 1954, ndakatondeezya kulipeda kwiinda mukubbabbatizigwa mumaanzi.\\n‘TULAPENZEGWA, PESI TATULEKELEZEGWI PE’\\nMu1955, ndakanjila miswaangano yazisi kuGermany, France akuEngland. Nindakali kuLondon, ndakabonana amukwesu Albert Schroeder. Wakali muyiisi kuchikolo chakuGiliyadi, mpawo wakabeleka muKabunga Keendelezya. Nitwakaswaya ku-Museum yakuBritain, Mukwesu Schroeder wakatutondeezya amwi malembe aachiindi aamuBbayibbele, aakali kutondeezya zina lyaLeza mumabbi achiHebbrayo alubo Mukwesu Schroeder, wakapandulula mbayandikana. Nzyakaamba zyakandisika aamoyo alubo zyakapa kuti ndiyande Jehova akuyiisya bamwi kasimpe kazwa muBbayibbele.\\nKandili amuchizi ngundakali kupayonaawe (uli kuchilisyo) katuli mapayona aayandikana kudolopo lyakuMistelbach, lili kuAustria\\nNdakatalika kubeleka kandili payona wachiindi choonse mu1 January 1956. Nikwakayinda myeezi iine, ndakatambwa kuti ndikabeleke kandili payona uuyandikana kuAustria. Muchiindi eecho, taakwe Kamboni wakaliwo kudolopo lyakuMistelbach nkundakali kupayona. Pesi ndakaswaana buyumu-yumu. Twakali abube busiyene amuchizi ngundakali kupayonaawe. Ndakali aminyaka iili 18, alubo ndakakomenena mudolopo, we wakali aminyaka iili 25, alubo wakakomenena kumuunzi. Ndakali kunonoka kubuka pesi we wakali kufwambaana. Goko ndakali kuyanda kwiizya, pesi we wakali kufwambaana koona. Nikuba boobo, kubelesya malayilile aazwa muBbayibbele kwakatugwasya nikuba kuti twakalisiyene alubo kwakapa kuti tubotelwe mumulimu wakupayona.\\nTwakaswaana buyumu-yumu busiyene-siyene. Twakali kupenzegwa pesi ‘teetwakalekelezegwa’ pe. (2 Kor. 4:7-9) Limwi zuba nitwakali kukukambawuka kumyuunzi, bantu bakalekela bankala babo kulindiswe. Mukulaba kwaliso, bankala bapati bakatuzyunguluka, kabali kukuwa. Twakajatana kumaboko mpawo ndakakomba kanditi: “Jehova, nibasika bankala aaba, abatulume mpawo tufwe!” Nibakasika afwiifwi andiswe, bakatalika kumiza michila, mpawo bakabweeda. Twakabona kuti Jehova watuvuna. Kuzwa waawo, twakakambawuka muchilawu eechi. Chibotezya nchakuti, bantu biingi bakatuswiilila. Amwi bakaswiilila akaambo kakuti bankala taakwe nibakatuluma naakuti bakabona kuti teetwakaleka pe kukambawuka. Bamwi bakazooba Bakamboni.\\nKuli chimwi chintu chakachitika chakatuyoosya. Bumwi buzuba, mwining’anda nkutwakali kukkala, wakaza kung’anda kakoledwe kayanda kutujaya, akwaamba kuti twakali kuchelezya bantu bamuchilawu. Mukayintu wakwe wakeezya kumukombelezya pesi taakwe naakaswiilila pe. Twakalizimvwide zyoonse eezi katuli mung’anda yesu yamujulu. Twakalimbika zyuuno kukkoma, mpawo twakasaanguna kulongela zintu zyesu. Nitwakajula kkoma, mwining’anda wakiimvwi kumulyaango kajisi kafulo. Nkinkaako, twakabweza zintu zyesu zyoonse akuchija katubelesya mulyango wakusule alubo taakwe nitwakazooboola pe.\\nTwakakukkala kuhotela kwamunyaka alubo kukkala kubusena oobu kwakatugwasya kuzumanana mumulimu wakukambawuka. Munzilaanzi? Hotela eeyi yakali akati kadolopo alubo bamwi bantu mbitwakali kwiiyaabo Bbayibbele, bakali kusika kung’anda kuti twiiyaabo. Muchiindi chifwiifwi, twakasaanguna kuchita chiiyo chabbuku aChiiyo chaNgaziyakulinda mviki amviki mung’anda yesu. Alubo kwakali kusika bantu basika ku15.\\nTwakakkala kuMistelbach kwachiindi chiinda amunyaka. Mpawo ndakazoopayona kuFeldbach, kudolopo lili kumusaanza wakuGraz. Ndakazookkala awumwi muchizi katupayona pesi nkutwakabede teekwakalikwe mbungano pe. Twakali kukkala mukaanda kachibili mung’anda yamujulu yakayakidwe amapulanga. Luuwo lwakali kunjila mumabanga, nkinkaako twakali kusinka amapepa. Alubo twakali kuteka maanzi kuchikala. Nikuba boobo, twakajana zilongezyo nkaambo kwakaba kabunga muchiindi chifwiifwi. Mukuya kwachiindi, bantu bali 30 mbitwakayiyaabo Bbayibbele, bamumpuli imwi bakaba Bakamboni!\\nZintu zyakachitika mubuumi bwangu zyakandigwasya kubona kuti Jehova ulabagwasya bantu babikka Bwaami mubusena bwakusaanguna. Nikuba kuti bantu bakachilwa kutugwasya pesi Jehova unootugwasya chiindi choonse.—Int. 121:1-3.\\nKUKWABILILWA ‘AJANZA LYALEZA LYALULYO LYABULULAMI’\\nMu1958, kwakachitwa muswaangano wazisi kudolopo lyakuNew York, kuYankee Stadium akuPolo Grounds. Ndakalembela kuti ndikakunjile muswaangano ooyu, mpawo bakwesu bakumutabi wakuAustria bakandibuzya kuti ndakali kuyanda na kunjila chikolo chakuGiliyadi kkilasi yachi32. Teendakachikaka pe chilongezyo eecho. Ndakazumina chakufwambaana.\\nNindakali kuchikolo chakuGiliyadi ndakali kukkala afwiifwi amukwesu Martin Poetzinger. Mukwesu ooyu wakalisimya kumapenzi ngaakali kuswaana naakali muntolongo yamaNazi. Mukuya kwachiindi, wakazoobeleka muKabunga Keendelezya. Chimwi chiindi, mukwesu Martin wakali kuvwiya-vwiya kabuzya kuti, “Erika, zyambaanzi eezi muchiGerman?”\\nKatutanamaninsya chikolo, mukwesu Nathan Knorr wakaamba nkutwakali kuyoobelekela. Ndakali kuyoobelekela kuParaguay. Mbukunga ndakachili muniini, ndakeelede kuzumizigwa aNdeende kuti ndiinke. Naakandizumizya Ndeende, ndakayinka kuParaguay alubo ndakasika muMarch 1959. Twakali kukkala kung’anda yamamishinali yakali kuAsunción awumwi muchizi ngundakali kupayonaawe.\\nMuchiindi chifwiifwi, ndakabonana amukwesu Walter Bright wakali mumishinali alubo wakanjila kkilasi yachi30 kuchikolo chaGiliyadi. Mukuya kwachiindi twakachada alubo twakali kuswaana mapenzi katuli aamwi. Chiindi choonse, nitwakali kuswaana mapenzi, twakali kuumbulizigwa amajwi aali muli Isaya 41:10 aakuti: “Utayoowi, nkaambo ndili ayebo. Utakankami, nkaambo ndime Leza wako. Njookuyumya.” Twakabona kuti Jehova unootugwasya chiindi choonse kuti twazumanana kusyomeka kuli nguwe akubikka Bwaami bwakwe mubusena bwakusaanguna.\\nMukuya kwachiindi, twakabuzigwa kuti tukabelekele kumugaano wakuBrazil. Nitwakali nkuko, beendelezi bazikombelo bakabuzya bamwi bachikula kuti batulule ng’anda njitwakali kukkala nikuba kuti kuli zimwi zyakali kuyanda kubambululwa. Mulumaangu, wakasaanguna kwiiya Bbayibbele amupati wamapulisa. Mupulisa ooyu wakali kutukwabilila chiindi choonse alubo bantu teebakachili kutupenzya pe. Muchiindi chifwiifwi, twakalongela kuBrazil kwakali maanda aalikabotu. Eezi zyakagwasya loko nkaambo twakali kukonzya kuchitisya miswaangano kuParaguay akuBrazil. Nitwakazwa kubusena oobu, twakasiya kwaba mbungano zibili.\\nKandili amulumaangu Walter, nitwakali kubeleka katuli mamishinali kudolopo lyakuAsunción, lili kuParaguay\\nJEHOVA WAZUMANANA KUNDIGWASYA\\nKumasaangunino, madokotela bakaambide kuti teendakali kukonzya kuba abana, pesi mu1962 ndakaba ada. Twakakukkala kudolopo lyakuHollywood, kuFlorida, afwiifwi ankwazwa mulumaangu. Kwakayinda minyaka myiingi katutapayoni pe amulumaangu. Twakeelede kulangania mpuli. Nikuba boobo, twakazumanana kubikka Bwaami mubusena bwakusaanguna.​—Mt. 6:33.\\nNitwakasika kuFlorida muNovember 1962, twakagamba nitwakamvwa kuti bantu bakali kukkala kuchilawu eechi teebakali kuyanda kuti makuwa abantu basiya bachitaamwi miswaangano naakuti kukambawuka kubusena bumwi. Nikuba boobo, Jehova tasalululi pe, alubo mukuya kwachiindi kusalulana ooku kwakamana. Jehova wakanjilila mumabambe aaya nkaambo lino kuli mbungano zyiingi muchilawu eechi.\\nChilawusisya kuti mulumaangu wakafwa abulwazi bwakkensa yaboongo mu2015. Twakali aminyaka iili 55 katukwetene, wakali kundibikkila maanu, wakali kuyanda Jehova alubo wakali achiyandisyo chakugwasya bakwesu. Ndilangilila kuzoomubona aakubusigwa kali wamaninina munyika mpya.​—Inc. 24:15.\\nNdilabotelwa kuti ndakali mumulimu wachiindi choonse kwaminyaka iili 40 alubo ndakajana zilongezyo zyiingi. Muchikozyano, ime amulumaangu twakabona bantu mbitwakayiyaabo Bbayibbele bali 136 kabali kubbabbatizigwa. Nikuba boobo, twakali kuswaana buyumu-yumu chimwi chiindi. Eezi teezyakatulesya kukomba Leza pesi zyakapa kuti tuswene afwiifwi anguwe katusyoma kuti ulatugwasya muchiindi cheelede. Eezi nzyakasimpe.​—2 Tim. 4:16, 17.\\nNdilamuyeeya mulumaangu pesi kupayona kundigwasya kuti ndilisimye. Chimwi chindigwasya, nkubuzya bamwi atala abulangilizi bwakuti bafwide bayoobusigwa. Jehova wazumanana kundigwasya munzila zyiingi. Ndakabona chisyomezyo chaJehova kachizuzikizigwa kulindime nkaambo wakandisimya, wakandikwabilila alubo wakandijata “ajanza lyalulyo lyabululami.”​—Is. 41:10.","num_words":1447,"character_repetition_ratio":0.05,"word_repetition_ratio":0.0,"special_characters_ratio":0.148,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbomukonzya Kupa Kuti Kubala Bbaibbele Kwanu Kakugwasya Alimwi Akukkomanisya\\nNgazi Yamulindizi—Yakwiiya | July 2018\\nAMUBALE MU Afrikaans Albanian Alur Amharic Amis Arabic Armenian Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Boulou Bulgarian Cakchiquel (Western) Catalan Cebuano Chichewa Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Croatian Czech Damara Dangme Danish Digor Douala Dutch Edo Efik English Esan Estonian Ewe Fijian Finnish Fon French Ga Garifuna Georgian German Greek Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hungarian Ibanag Icelandic Igbo Iloko Indonesian Isoko Italian Japanese Jula Kabiye Kabuverdianu Kannada Kekchi Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mingrelian Mixe (North Central) Mixtec (Guerrero) Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Norwegian Nzema Okpe Oromo Ossetian Otetela Pangasinan Papiamento (Curaçao) Persian Pidgin (West Africa) Polish Ponapean Portuguese Portuguese (Portugal) Punjabi Quechua (Ancash) Quechua (Bolivia) Romanian Russian Samoan Sango Sepedi Sepulana Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovenian Solomon Islands Pidgin South African Sign Language Spanish Sranantongo Swahili Swahili (Congo) Swati Swedish Tagalog Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Vietnamese Waray-Waray Wolaita Xhosa Yoruba Zande Zapotec (Isthmus) Zulu\\nJOSHUA wakeelede kusololela bana Israyeli kunjila mu Nyika Yakasyomezyedwe. Eeci cakali kunookatazya kapati. Nokuba boobo, Jehova wakamuyumya-yumya kwiinda mukumwaambila kuti: ‘Koyuma akuba sicamba. Kotobela Mulawo wangu. Koubala syikati amasiku, kutegwa ubikkile maano kutobela makani oonse aalembedwe mulinguwo. Nkaambo wacita oobo uyoozwidilila alimwi unoocita zintu cabusongo.’—Jos. 1:7, 8.\\n‘Muziindi zikatazya ncobeni’ eezyi, andiswe tulajana buyumu-yumu bukatazya kapati. (2Tim. 3:1) Mbubwenya mbuli Joshua, andiswe tulakonzya kuzwidilila kwiinda mukutobela busolozi Jehova mbwaakamupa. Tulakonzya kubala Bbaibbele buzuba abuzuba alimwi akuzibelesya njiisyo ciindi notwasunkwa.\\nNokuba boobo, bunji bwesu tulakonzya kuzumina kuti tatuli babali babotu alimwi akuti cilatukatazya kubala. Pele mbwaanga kubala Bbaibbele kulayandika kapati, amulange-lange kabbokesi kakuti “ Amusole Nzila Eezyi” kutegwa mujane nzila zibotu zikonzya kupa kuti kubala Bbaibbele kwanu kakugwasya alimwi akukkomanisya.\\nSintembauzyo wakaimba kuti, “Kondisololela munzila yamilawo yako, nkaambo nzila eeyi ndilaikkomanina.” (Int. 119:35) Mulakonzya kujana lukkomano lunji kwiinda mukubala Jwi lya Leza. Muyoojana twaambo tunji tubotu nomuzumanana kubala Bbaibbele.\\nNokuba kuti tamusololeli cisi mbuli Joshua mbwaakacita, kuli buyumu-yumu mbomujisi andinywe. Aboobo mbubwenya mbuli Joshua, kamubala akutobela zilembedwe kutegwa mugwasyigwe. Kuti mwacita oobo, muyoozwidilila alimwi munoocita zintu cabusongo.\\nAMUSOLE NZILA EEZYI\\nAmupaile kamutanatalika kubala. Ibbaibbele lijisi mizeezo ya Leza singuzu zyoonse iyakalembelwa kumugwasya. Aboobo ciindi nomubala Bbaibbele, amulombe lugwasyo lwakwe kutegwa mwiimvwisye, kwiiyeeya, alimwi akwiibelesya mubuumi bwanu.—Ezr. 7:10.\\nAmulibuzye mibuzyo ciindi nomubala Bbaibbele naa mabbuku aamba zyamu Bbaibbele: ‘Ino cibalo eeci cindiyiisya nzi kujatikizya Jehova? Ino eeci ceendelana buti amulumbe mupati wamu Jwi lyakwe? Mbuti mbondikonzya kwiibelesya mizeezo eeyi kugwasya bamwi?’\\nAmuzinzibale kuyeeya kujatikizya nzyomubala. Amwiime kubala akuyeeya: ‘Ino makani aaya andipa kulimvwa buti? Nkaambo nzi ncondilimvwa boobu? Ino ayendelana buti azintu zyakandicitikila kaindi, bukkale bwangu lino, naa azintu zilangilwa kucitika kumbele? Mbuti mbondikonzya kuzibelesya njiisyo zyamu Bbaibbele eezyi alimwi alulayo oolu mubuumi bwangu?’ (Job. 23:5; Int. 49:3) Amubone naa inga mwacikonzya kupandulula kaambo Jehova ncaambila bantu bakwe kweeleba micito imwi naa zintu zikonzya kucitika kuti mwatobela nzila iimbi.—Dt. 32:28, 29.\\nAmweezyeezye ciindi nomubala zibalo izipandulula makani amwi. Mucikozyanyo, sena inga mweezyeezya bukkale ciindi banabokwabo Josefa nobali mukumusambala kubana Isimayeli? (Matl. 37:18-28) Ncinzi ncomubwene, kumvwa naa kununkizya? Amulibikke muciimo cabantu aaba. Ino bayeeya nzi alimwi ino balimvwide buti? Kweezyeezya kuli boobu kuyoopa kuti mugwasyigwe kapati mukubala kwanu.\\nAmubelesye zibelesyo zigwasya kwiiya izyakamwaigwa kutegwa zimugwasye nomuvwuntauzya. Amuzizyibe kabotu zibelesyo iziliko mumwaambo wanu, izili aa intaneti alimwi azisimbidwe. Mutawayiwayi pe kulomba lugwasyo kuli bamwi kutegwa mwiiye mbomukonzya kuzibelesya kabotu zibelesyo eezyi. Mucikozyanyo, bbuku litegwa Watch Tower Publications Index naa Bbuku Ligwasya Kuvwuntauzya Lya Bakamboni ba Jehova alakonzya kumugwasya kujana twaambo tunji itwakalembwa alimwi abupanduluzi bwatupango tunji twamu Bbaibbele. Amubelesye bupanduluzi buyungizyidwe mu Bbaibbele lya Busanduluzi Bwanyika Mpya ikuti naa kaliliko mumwaambo ngomuzyi. Bulakonzya kumugwasya kujana makani aagwasya kujatikizya masena, mbozyakali kutobelana kucitika zintu, zipimyo azyeelesyo alimwi amakani aambi.\\nAmutwiinduluke mubufwaafwi twaambo tupati-pati ituli mucibalo kutegwa mutazilubi nzyomwali kubala. Alimwi cimbi cikonzya kugwasya, nkwaambila bamwi nzyomwali kubala. Sena kuli twaambo tumwi ntomukonzya kubelesya mumulimo wanu wamumuunda? Kwiinda mukucita boobu, tamukatuyeeyi buyo twaambo tupati-pati, pele alimwi muyootubelesya kugwasya bamwi.\\nBAKALYAABA AMOYO WOONSE Bakalyaaba Amoyo Woonse—ku Myanmar\\nIno Mbulemu Bwani Mbomuyandaula?\\nSena Meso Aanu Alazumanana Kulanga Kuli Jehova?\\n“Nguni Uuli Kulubazu lwa Jehova?”\\nTuli Bantu ba Jehova\\nAmube Alweetelelo ‘Kubantu Boonse’\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA July 2018\\nNGAZI YAMULINDIZI—YAKWIIYA July 2018","num_words":774,"character_repetition_ratio":0.044,"word_repetition_ratio":0.0,"special_characters_ratio":0.158,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 2 IBBAIB63 - Lino umwi mwaalumi waluzubo - Bible Search\\nKulonga 1 Kulonga 3\\n1-Lino umwi mwaalumi waluzubo lwa-Levi wakaakukwata mwana musimbi wa-Levi. 2-Nkabela oyo mwanakazi wakaminta, wazyala mwana mulombe. Abone kuti mubotu, wakamusisa myezi yotatwe 3Elyo naatakacili kukonzya kumusisa, wakabweza cinzuma camatete, wacisyungulula abulongo abunzuka, wabika mwana mulincico, wacibika akati kamatete kunkomwe yalwizi. 4-Nkabela mucizi wakwe kaimvwi kulekule kuti abone cisi citike kulinguwe. 5-Elyo mwana musimbi wa-Farao wakeza kuzoosamba kulwizi, abalanda bakwe basimbi bakali kweenda kumbali lyalwizi. Lino wakabona cinzuma akati kamatete, watuma mulanda wakwe musimbi, wacibweza. 6Elyo naakacivununa, wakabona mwana, nkabela mulombe wakali kulila. Mpoonya awo wakamufwida luzyalo, wati, Nguumwi wabana baba-Hebrayo. 7Lino mucizi wakwe wakaambila mwana wa-Farao kuti, Sa njiinke kuyookuyandawida sikumulela akati kabanakazi ba-hebrayo, kuti akulelele mwana? 8Mwana wa-Farao wakamuvwiila kuti, Koya. Mpawo musimbi wakaya, waita banyina mwana. 9Nkabela mwana wa-Farao wakamwaambila kuti, Bweza oyu mwana, undilelele; nookuvozya mali, Lino mwanakazi wakabweza mwana, waakumulela. 10-Aboobo mwana wakakula, nkabela wakamubweedezya kumwana wa-Farao. Wakaba mwana wakwe. Nkabela wakamuulika izina lya-Musa, nkaambo wakati, Ndakamununa mumaanzi.\\nMusa mbwaakacijila ku-Midyani\\n11--Lino kuciindi eco, Musa naakakomena, wakainka kuli basimukowanyina, wabona milimo yabo miyumu. Nkabela wakabona muntu mu-Egepita ulauma mu-Hebrayo, umwi wabasikamukowanyina. 12Elyo wakalanga koonse koonse. Abene kuti taakwe muntu, wakajaya mu-Egepita, wamusisa mumusec. 13Lino nebwakaca, wakali kuya bweenda alimwi, wabona bantu bobile ba-Hebrayo balalwana, wabuzya sikubisya kuti, Ino nkaambonzi nouma munyoko? 14Wakati, Ma! Ngwani wakubika kuti ube silutwe wesu na mubetesi wesu? Sa ulayanda kundijaya mbubonya mbowakajaya mu-Egepita? Amvwe obo, Musa wakayoowa, wati, Ncobeni aya makani alizibidwe. 15-Alakwe Farao wakamvwa makani, elyo wakali kuyanda kujaya Musa,\\nPele Musa wakaloboka kuzwa kuli-Farao, waakukala munyika ya-Midyani. Lino wakakala kumbali lyacikala. 16-Nkabela mupaizi waku-Midyani kajisi bana basimbi bali musanu ababili. Abo basimbi bakeza, bateka maanzi, bazuzya zinywido kuti banywisye imbelele zyawisaabo. 17Elyo beembeli bakasika, babatanda, pele Musa wakanyampuka, wabavuna, wabanywisizya imbelele. 18-Basike buyo kuli-Reueli wisaabo, wakababuzya kuti, Ino nkaambonzi mwafwambaana sunu? 19Bakavuwa kuti, Umwi muntu mu-Egepita watuvuna mumaanza aabeembeli, alimwi watutekela maanzi akutunywisizya imbelele. 20-Wakabuzya bana bakwe basimbi kuti, Uli kuli muntu? mwamusiilanzi? Amukamwiite, azoolye insima. 21Lino Musa wakazumina kukala amuntu oyo, nkabela wakapa Musa mwanaakwe musimbi Zipora. 22-Oyo wakazyala mwana mulombe, nkabela wakamuulika izina lya-Gerisomu, nkaambo wakati, Ndali mweenzu munyika imbi.\\n23-Lino abe mazuba manji mwami wa-Egepita wakafwa. Abalo bana ba-Israyeli bakali kunyontauka nkaambo kabuzike bwabo, elyo bakalila, nkabela kukwiila kwabo kwamubuzike bwabo kwakamvwigwa kuli-Leza, 24-Leza wakamvwa kunyontauka kwabo, elyo Leza wakaibalukwa cizuminano cakwe ncaakatangene a-Abrahamu a-Izaka a-Jakobo, 25-Leza wakabona bana ba-Israyeli. Leza waka ziba makani aabo.","num_words":394,"character_repetition_ratio":0.047,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nkombyo yaHana Yakuti Abe Amwana Mulombe Samiyele | Zyiiyo Zyabana Zizwa muBbayibbele\\nUmwi mwaalumi wachiIsrayeli wakali kutegwa Elikkana wakakwete bakayintu babili, umwi wakali kutegwa Hana, umwi kategwa Penina pesi wakali kuyandisya Hana. Penina wakali kupenzya Hana chiindi choonse nkaambo Hana taakalikwe bana pe. Munyaka amunyaka, Elikkana wakali kwiinka kutente lyakukombela ampuli yakwe kuShilo. Chimwi chiindi nibakali kuShilo, Elikkana wakabona kuti mukayintu wakwe ngwaakali kuyandisya Hana wakaluuside. Mpawo Elikkana wakati: ‘Utanoolili Hana. Tandikuboteli na? Ndilakuyanda.’\\nNikwakaba chiindi, Hana wakaya kukukomba alikke. Chiindi naakali kukomba kuli Jehova kuti amugwasye, wakali kulila. Wakasyomezya Jehova kuti: ‘Jehova ikuti wandipa mwana mulombe, ndiyoomupa kuli nduwe kuti akakubelekele buumi bwakwe boonse.’\\nMupayizi Mupati Eli wakabona Hana kalila alimwi wakayeeya kuti Hana ulikoledwe. Hana wakati: ‘Peepe mwami, tandikoledwe pe. Ndilaapenzi pati nkinkaako, ndalikubuzya Jehova.’ Eli wakabona kuti nzyakaamba tazili kabotu, nkikaako, wakati: ‘Leza akupe nchukumbila.’ Naakamana kukomba, Hana wakamvwa kabotu mpawo wakeenda. Kawutanamana munyaka, Hana wakatumbuka mwana mulombe alimwi wakamuuzika kuti Samiyele. Ubonaanga Hana wakamvwa biyeni?\\nHana taakachiluba pe chisyomezyo nchaakasyomezya Jehova. Naakaleka kunyonka Samiyele, wakamutola kutente lyakukombela kuti akabeleke nkuko. Mpawo Hana wakabuzya Eli kuti: ‘Ngomwana ngundakali kukombela, ndiyanda kumupa Jehova kuti amubelekele buumi bwakwe boonse.’ Munyaka amunyaka, Hana aElikkana bakali kuswaya Samiyele alimwi bakali kumweetela jansi. Kuzwa waawo, Jehova wakachita kuti Hana abe abana balombe batatu abasimbi babili.\\n“Amukumbile, mulapegwa. Amuyandaule, mulajana.”—Matayo 7:7\\nMibuzyo: Nkamboonzi Hana naakawuside? Jehova wakamulongezya biyeni Hana?","num_words":219,"character_repetition_ratio":0.058,"word_repetition_ratio":0.0,"special_characters_ratio":0.159,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Nkuukuli Nkobabede Bamatata Besu?\\nSena Mwakaijana Kale Inzila Iisololela Kubuumi Butamani?\\nAMUBALE MU Abbey Acholi Afrikaans Amharic Ateso Attié Aukan Baoule Bassa (Cameroon) Batak (Karo) Bissau Guinean Creole Boulou Bété Chichewa Chitonga Cibemba Damara Douala Edo English French Ga Haitian Creole Igbo Indonesian Italian Jula Kiluba Kinyarwanda Kisonge Kwanyama Lhukonzo Lingala Luganda Luo Medumba Ngangela Nyungwe Nzema Oromo Portuguese Rutoro Shona Sidama Spanish Swahili Tigrinya Tiv Twi Urhobo Venda Wolaita Xhosa Yacouba Yoruba\\n1, 2. Ino ncinzi bantu banji ncobasyoma kujatikizya baabo ibafwide?\\nITUULUNZUMA twabantu mu Afulika basyoma kuti lufwu taali ngamamanino abuumi pe, pele nkucinca buyo naa ninzila yakwiinda kuya kukuponena kubusena bumbi. Ibanji bayeeya kuti bamawisi bafwide bakalonga kuzwa munyika iilibonya akuya kunyika iitalibonyi, kuzwa munyika yabantu akuya kunyika yamyuuya.\\n2 Aaba bamatateesu naa mizimo yabamatateesu, isyomwa kuti mbabafwutula alimwi akugwasya mikwasyi yabo kuti izwidilile anyika. Kweelanaa muzeezo ooyu, mizimo yabamatateesu mbalongwe basinguzu ibakonzya kupa butebuzi bubotu, kusumpula bukkale bubotu alimwi akutukwabilila kumapenzi. Ikuti naa mizimo eeyi tiiyabikkilwa maano naa yabisyilwa, kwaambwa kuti ilakonzya kuleta mapenzi—kuciswa, bucete alimwi antenda.\\n3. Muunzila nzi bantu bamwi mobakomba mizimo yabamawisi?\\n3 Ibantu bapona balacita milimo imwi yakulemeka zilengwa zyabo alimwi akubamba cilongwe cibotu amizimo. Eezi zilengwa zilalibonya ikapati mumadilwe mubuzuba bwakuzikka, balaa kubucesya pungwe alimwi amubuzuba bwamweesyo. Alimwi ikukomba bamatateesu kulalibonya munzila zimbi. Mucikozyanyo, bamwi bantu kabatanatalika kunywa bukoko, basaanguna kutila naa kupiila tukoko tusyoonto ansi ikutilila bamawisi bakafwa. Alimwi, icakulya nocajikwa, cimwi cakulya cilasiigwa mucibiya kutegwa mizimo yamawisi yasika icijane cakulya.\\n4. Ino ncinzi bantu banji ncobasyoma kujatikizya buumi?\\n4 Bamwi basyoma kuti bantu baumi balijisi muuya uutafwi uuzumanana kupona mubili wafwa. Ikuti muntu kapona bukkale bubotu, muuya wakwe waambwa kuti wiinka kujulu naa kuparadaiso, pele kuti muntu kapona bukkale bubyaabi, muuya weelede kuyoopenzegwa muhelo. Ibantu kanjikanji balakabikka kaambo aaka antoomwe kuzilegwa zyansiku zisyomwa. Mucikozyanyo, zimwi ziindi mumilumbe yamause iijanika mumuteende mwalo mokwaambilizigwa madilwe mbwaaya kweendelezyegwa azikombelo, kulaambwa kuti muntu “wazabuka” naa “waya kuli bamawisi.” Lusyoma oolu loonse luyeeme akaambo kakuti buumi naa muuya ulazumanana kupona mubili wafwa. Ino ncinzi Bbaibbele ncolyaamba kujatikizya makani aaya?\\nBuumi Alimwi a Muuya\\n5, 6. Ino ibbala lyakuti buumi lyaamba nzi kweelanaa Bbaibbele mbolyaamba?\\n5 Ibbaibbele litondezya kuti buumi tacili cintu cimwi icili mukati kamuntu pe; muntu mwini kumugama muumi. Mucikozyanyo, Leza naakamulenga Adamu, “wakaba muumi.” (Matalikilo 2:7) Adamu tanaakapegwa cintu cimwi cuumi pe; walo ngowakali muumi nkokuti imuntu uupona.\\n6 Aboobo, tubala kuti zintu zyuumi zilazyalwa. (Matalikilo 46:18) Zilalya alimwi zilakonzya kuliimya kulya. (Levitiko 7:20; Intembauzyo 35:13) Zilalila alimwi akuwizuka. (Jeremiya 13:17; Jona 2:7) Zintu zyuumi zilakonzya kubbigwa, kutobezyegwa alimwi akwaangwa nsimbi. (Deuteronomo 24:7; Intembauzyo 7:5; 105:18) Amwi ma Bbaibbele asandulula bbala eeli mumwaambo wakusaanguna kuti “buumi” mutupango ooto, kakuli ambi abelesya mabala aakuti “cintu,” “cilenge” naa “muntu.” Oonse aamba buyo cintu comwe.\\n7. Ino tupango nzi ituli mu Bbaibbele tutondezya kuti buumi bulakonzya kufwa?\\n7 Mbwaanga buumi caamba muntu, ciindi muntu naafwa, buumi bulafwa. Ibbuku lya Ezekieli 18:4 lyaamba kuti: “Muntu uubisya, ngonguwe uuyoofwa.” Alimwi, Incito 3:23 yaamba kuti: “Muntu woonse uutakooyooswiilila musinsimi oyo uyoofwidilila, takoonoociliko kubantu.” Aboobo buumi tacili cintu cimwi cizumanana kupona mubili wafwa pe.\\n8. Ino muuya uuli mubantu ninzi?\\n8 Imuuya tacikozyanyi abuumi pe. Mubantu, muuya ninguzu zyabuumi zibagwasilizya kubeleka milimo iiyandika kutegwa kabapona. Muuya uuli mbuli magesi. Imagesi alakonzya kupa nguzu ziyandika zyakukonzya kuzingulusya faani muŋanda naa ikupa kuti filiji kaibeleka, pele faani taikonzyi kufwunta muya ilikke alimwi ayalo filiji tiikonzyi kutontozya zintu ilikke pe. Ncimwi buyo, muuya wesu utugwasya kubona, kumvwa alimwi akuyeeya. Pele muuya lwawo kuugama tuukonzyi kucita neciba comwe akati kazintu eezyo kakunyina meso, matwi alimwi abongo. Nkakaambo kaako, Ibbaibbele ncolyaambila boobu kumuntu: “Muuya wakwe wazwa, ulabweeda kubulongo; mubuzuba obo mbubonya makanze aakwe oonse alamana.”—Intembauzyo 146:4.\\n9. Ncinzi buumi alimwi amuuya ncozitaciti?\\n9 Aboobo kweelanaa Bbaibbele, buumi alimwi amuuya tazizwi mumubili ciindi muntu nafwa akuzumanana kupona mubusena bwamyuuya pe.\\nCiimo Cabantu Bafwide\\n10. Ino ncinzi Bbaibbele ncolyaamba kujatikizya ciimo cabantu bafwide?\\n10 Aboobo ino bafwide bali muciimo nzi? Mbwaanga Jehova ngonguwe wakalenga bantu, ulizi cicitika kulindiswe twafwa. Ijwi lyakwe liyiisya kuti bafwide tabaponi, tabakonzyi kumvwa, kubona, kukanana naa kuyeeya kufwumbwa cintu. Ibbaibbele lyaamba kuti:\\n“Bafwide tabezi cintu niciba comwe”—Mukambausi 9:5.\\n“Taakwe milimo niiba miyeeyo neluba luzibo nebuba busongo mukabanda moyoonjila.”—Mukambausi 9:10.\\n11. Ino ncinzi Jehova ncaakamwaambila Adamu naakabisya?\\n11 Amuyeeye Bbaibbele ncolyaamba kujatikizya muzyali wesu mutaanzi, Adamu. Jehova wakabumba Adamu kuzwa “[ku]bulongo bwaansi.” (Matalikilo 2:7) Ikuti Adamu naakatobela mulawo wa Jehova, naakakkala kukabe kutamani anyika mulukkomano. Pele, Adamu wakatyola mulawo wa Jehova, eelyo cisubulo lwakali lufwu. Nkuukuli Adamu nkwaakaunka naakafwa? Leza wakamwaambila kuti: ‘Uyoopiluka kunyika, nkaambo mulinjiyo mowakagwisigwa, nkaambo uli bulongo buyo, akooko kubulongo nkoelede kupilukila.’—Matalikilo 3:19.\\n12. Ino ncinzi cakacitika kuli Adamu naakafwa?\\n12 Nkuukuli Adamu nkwaakabede Jehova katanamubumba kuzwa kubulongo? Tanaakaliko pe. Tanaakali kupona. Aboobo Jehova naakaamba kuti Adamu wakali ‘kuyoopiluka kubulongo,’ Wakali kupandulula kuti Adamu alimwi wakali kuyooba cintu citaponi, mbubonya mbuli bulongo. Adamu taakwe naakapona munyika yamyuuya. Taakwe ‘naakazubukila’ kubusena bwamyuuya yabamawisi. Taakwe nakaunka kujulu naa kuhelo pe. Wakapilukila kuciimo cakutapona; wakaleka kubako.\\n13. Ino ncinzi cicitika kubantu alimwi akubanyama nobafwa?\\n13 Sena bantu boonse cilabacitikila mbubwenya oobo? Inzya. Ibbaibbele lipandulula kuti: “[Bantu alimwi abanyama] boonse balaya kubusena bomwe. Bakazwa kubulongo, alimwi balapiluka kubulongo.”—Mukambausi 3:19, 20.\\n14. Mbulangizi nzi mbobajisi bantu bafwide?\\n14 Ibbaibbele lisyomezya kuti Leza uyoobusya bantu bafwide boonse kubuumi muparadaiso anyika. (Johane 5:28, 29; Incito 24:15) Pele ciindi eeco cicili kumbele. Kwaciindi cino, balifwide. (Johane 11:11-14) Mbwaanga tabakonzyi kutugwasya naa kutucisa, tatweelede kubayoowa naa kubakomba pe.\\n15, 16. Mbuti Saatani mbwasola kucenga bantu kutegwa basyome kuti bafwide tabafwide ncobeni?\\n15 Imuzeezo wakuti tatufwi ncobeni nkubeja buyo kuli mukumwaigwa a Saatani. Ikutegwa abazule bantu abubeji oobu, walo alimwi amadaimona aakwe basola kupa bantu muzeezo wakuti, kuciswa alimwi amapenzi aamwi ziletwaa myuuya yabantu bafwide. Masimpe kuti mapenzi amwi aletwaa madaimona kwaagama buya. Alimwi cili masimpe kuti amwi mapenzi taaletwi amadaimona pe. Pele, taali masimpe kuti mapenzi alakonzya kuboola kuzwa kulibaabo bafwide.\\n16 Alimwi kuliimbi nzila madaimona mbwaasola kupa bantu kuyeeya kuti eeco Bbaibbele ncolyaamba kujatikizya lufwu cililubide. Alasola kweena bantu kuyeeya kuti bakababona bantu bafwide alimwi akwaambaula ambabo. Madaimona alacita oobo kwiinda muzilengaano, ziloto, mubasondi naa munzila zimbi. Nokuba boobo, bantu mbobakanana limwi tabali baabo bafwide pe, pele madaimona alo alicengeezya kuba bantu aabo bakafwa. Nkakaambo kaako Jehova ulabasinganya kapati basondi alimwi abaabo babuzya makani kubafwu.—Deuteronomo 18:10-12; Zekariya 10:2.\\nIbafwide Tabakonzyi Kutugwasya\\nImwami wakali ampuwo kapati ku West Africa wakafwa mu 1990. Wakajisi bamakaintu bosanwe alimwi abana banji. Wakalijisi makwebo obilo aakali kumuletela mali manji kapati.\\nNaakafwa mwami, ibanamukwasyi bakazitobela kabotu zilengwa nzyobakali kusyoma kuti ziyakulemeka muuya wakwe. Bamakaintu bakwe bakasama zisani zyisiya, bakapulunganya masusu aabo, bakali kulya buyo asyoonto alimwi tiibakali kusamba. Bakalila alimwi bakoomoka kwamazuba aali ciloba nobakamana kuzikka. Kuzwa waawo, kweelanaa zilengwa zyakubusena ooko, banamukwasyi boonse antoomwe abasazinyina bakabungana kupobwe lyakaandaano—ipobwe kwalo kujanika zyakulya, zyakunywa alimwi akuzyana.\\nMasimpe, ikuti mwami naakali kukonzya kucita boobo, naakakonzya kukwabilila alimwi akuuleleka mukwasyi wakwe ngwaakali kuyandisya! Pele eeco taakwe nocakacitika pe. Makwebo kunyina naakacili kucita kabotu. Banamukwasyi bakali kuzwangana amakani aakukona, aboobo mukuya kwaciindi bakaandaana. Aboobo mpulazi mpati yamwami yakazwide bantu banji, lino kusyeede buyo bantu basyoonto.\\nIbafwide Tabakonzyi Kutucisa Pe\\nMumunzi umwi ku Nigeria, imwaalumi wakafwa alimwi akuzikkwa. Mpoonya, imukaintu wamwaalumi ooyu wakasyoma ciloto cakuti mulumaakwe wakali kwiiyanda nkoloko yakwe. Aboobo mukaintu ooyu wakabweza nkoloko akuya kwiivwukkila munsi-munsi acuumbwe cakwe.\\nCakusisikizya, imulombwana wazina lya Dunikan wakaivwumbulula nkoloko eeyi alimwi wakaibelesya kwamyaaka iili mbwiibede kusikila limwi yafwa. Taakwe cintu cibyaabi cakamucitikila pe. Ikuti sikwaazwa naakalijisi nguzu zyakulwana bantu baumi, masimpe naakamusubula wakabba nkoloko yakwe kucuumbwe cakwe!\\nKabbokesi: Ino nzyakuluula nzi zitondezya kuti bantu bafwide tabakonzyi kutugwasya naa kutupenzya?\\nCIIYO 1 Sena Zikombelo Zyoonse Ziyiisya Kasimpe?\\nCIIYO 2 Mbuti Mbomunga Mwaiya Kasimpe Kujatikizya Leza?\\nCIIYO 3 Mbaani Bakkala Mubusena Bwamyuuya?\\nCIIYO 4 Ino Nkuukuli Nkobabede Bamatata Besu?\\nCIIYO 5 Ikasimpe Kujatikizya Masalamuzi Alimwi Abulozi\\nCIIYO 6 Sena Leza Ulazizumina Zikombelo Zyoonse?\\nCIIYO 7 Mbaani Bakomba Cakasimpe?\\nCIIYO 8 Amucikake Cikombelo Cakubeja; Akutobela Cikombelo Cakasimpe\\nCIIYO 9 Mulakonzya Kugwasyigwa Acikombelo Cakasimpe Kukabe Kutamani!\\nMabala Amusale naa muyanda kukkopa zyakamwaigwa Sena Mwakaijana Kale Inzila Iisololela Kubuumi Butamani?\\nIno Soul Ninzi?\\nIno Ncinzi Cicitika Nomwafwa?","num_words":1236,"character_repetition_ratio":0.044,"word_repetition_ratio":0.0,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kucita Naa Kwaamba Zyintu Zileta Muzeezo Wakoonana —Mbondikonzya Kucita | Bakubusi Balabuzya\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Brazilian Sign Language Bulgarian Cebuano Chichewa Chinese (Traditional) Chinese Mandarin (Simplified) Chitonga Cibemba Croatian Czech Danish Dutch Efik English Estonian Ewe Fijian Finnish French Georgian German Greek Haitian Creole Hausa Hebrew Hiligaynon Hungarian Iban Icelandic Igbo Iloko Indonesian Isoko Italian Japanese Kikuyu Kinyarwanda Kirghiz Kirundi Korean Latvian Lithuanian Macedonian Malagasy Malay Malayalam Maltese Myanmar Norwegian Nzema Ossetian Papiamento (Curaçao) Polish Portuguese Quiche Romanian Russian Samoan Sepedi Serbian (Cyrillic) Serbian (Roman) Sesotho (Lesotho) Setswana Shona Sinhala Slovak Slovenian Spanish Swahili Swedish Tagalog Telugu Thai Tsonga Turkish Turkmen Ukrainian Umbundu Vietnamese Xhosa Yoruba Zulu\\nIno kucitwa naa kwaambilwa zyintu zileta muzeezo wakoonana caamba nzi?\\nNcinzi ncondikonzya kucita kuti kandili mubukkale buli boobu?\\nCibikkilizya kucitwa micito njotayandi naa kwaambilwa makani aabusya muzeezo wakoonana. Pele zimwi ziindi cilakonzya kukatazya kubona lwiindano luliko akati kakufwubaazyigwa, kutondezyegwa mbuli kuti ulayandwa, akucitwa naa kwaambilwa zyintu zileta muzeezo wakoonana.\\nSena mulizyi kwiindana kuliko akati kamicito eeyi? Amwiingule mibuzyo iijatikizya kucitwa naa kwaambilwa zyintu zileta muzeezo wakoonana kutegwa muzyibe!\\nCuusisya ncakuti, mulakonzya kunookucitwa naa kwaambilwa zyintu zileta muzeezo wakoonana nociba ciindi mwamanizya cikolo. Nokuba boobo, kuti nomucili kucikolo mwayiya mbomukonzya kucita ciindi nomucitwa naa kwaambilwa zyintu zileta muzeezo wakoonana muyookonzya kuzunda ciindi mwaakutalika kubeleka. Alimwi mulakonzya kupa kuti muntu uucita micito eeyi acileke!\\n“Mweelede kusyoma ncobeni kuti mulijisi nguzu zyakulesya bukkale buli boobu kumucitikila. Kanji-kanji bantu tabaileki micito iili boobu ccita kuti mwabaambila kaambo kamvwika. Amwaambe buyo kuti, ‘Tandiyandi!’ Ikuti naa eeci tiicabeleka, amwaambile muntu umwi kuti amugwasye!”\\n“Mutanooseki masesya aajatikizya koonana naa kubandika twaambo tutaluzi tujatikizya koonana. Ikuti mwacita oobo, naa kuyanzana abantu bayandisya kubikkilwa kapati maano kubantu mbobaindenelimwi zizo, bamwi bayooyeeya kuti andinywe ncomuyanda.”\\nKucitwa naa kwaambilwa zyintu zileta muzeezo wakoonana kulakonzya kumana kuti kamuzyi mbokubede alimwi akuzyiba ncomweelede kucita! Amubone bukkale botatwe alimwi ambomukonzya kucita mubukkale bumwi abumwi.\\n“ Kumulimo, bamwi basankwa ibakali bapati alindime lyoonse bakali kundaambila kuti ndili mubotu alimwi bakali kulombozya kuti nobakacili basyoonto amyaka iili 30. Mane umwi wambabo wakaboola kusyule lyangu akununkizya masusu aangu! ”—Tabitha, 20.\\nTabitha wakali kukonzya kuyeeya kuti: ‘Ikuti naa tiindazibikkila maano alimwi akuliyumya mubukkale oobu bukatazya, ambweni uyakuleka.’\\nIkaambo eeci ncocitakonzyi kugwasya: Basyaabupampu baamba kuti ciindi basikucitwa naa kwaambilwa zyintu zileta muzeezo wakoonana nobaumuna buyo, kanji-kanji penzi eeli lilazumanana alimwi akwiindila.\\nMuciindi caboobo amusole nzila eeyi: Amumwaambile muntu ooyo kuti tamwiiyandi ŋambawido yakwe naa micito yakwe pele munzila iilimvwisya alimwi cakukkazyika moyo. Umwi musimbi uutegwa Taryn uujisi myaka yakuzyalwa iili 22 wakaamba kuti: “ Ikuti umwi wandijata munzila iiteelede, ndakali kumulanga akumwaambila kuti utakasoli kundijata alimwi. Kanji-kanji eeci cakali kumugambya musankwa. ” Ikuti naa muntu ooyo wazumanana, amuzumanane kukaka alimwi mutatyompwi pe. Caboola kumakani aakutobela zyeelelo zisumpukide zyakulilemeka, lulayo lwamu Bbaibbele ndwakuti: ‘ Amwiime kamuzulide alimwi kamusinizyide cakumaninina. ’—Bakolose 4: 12.\\nMbuti kuti muntu ooyo uumusyupa umukonga kumucisa? Ikuti kacili oobo, mutamulwani. Amutije cakufwambaana, alimwi akulomba lugwasyo kumuntu mupati ngomusyoma.\\n“ Nindakali mugiledi 6, basimbi bobilo bakandijata kucikolo nondakali kuyaabweenda. Umwi wakali aaciyanza cakoonana abasimbinyina, aboobo wakali kuyanda kuti toonane. Nokuba kuti ndakakaka, bakazumanana kundisinikizya buzuba abuzuba kucikolo. Cimwi ciindi, mane bakanditonkela kubwaanda! ”—Victoria, 18.\\nVictoria wakali kukonzya kuyeeya kuti: ‘Ikuti ndaambila umwi kujatikizya makani aaya, bamwi inga bandiyeeyela kuti ndilikompeme, alimwi ambweni kunyina uukonzya kundisyoma.’\\nIkaambo eeci ncocitakonzyi kugwasya: Ikuti tiimwaambila umwi, muntu ooyo uumusyupa ulakonzya kuzumanana alimwi akupenzya bamwi. —Mukambausi 8: 11.\\nMuciindi caboobo amusole nzila eeyi: Amujane lugwasyo. Bazyali abamayi balakonzya kumugwasya kutegwa muntu ooyo uumusyupa aleke. Pele ino kuti bantu mbomwaambila tabalibonyi kubikkila maano? Amusole nzila eeyi: Amulembe twaambo tupati-pati kufwumbwa ciindi nomucitwa naa kwaambilwa zyintu zileta muzeezo wakoonana. Amubikkilizye deeti, ciindi, alimwi abusena nkocacitikila, alimwi anzyaamba muntu ooyo. Mpoonya amubape pepa lyomwe bazyali banu naa bayi banu. Bantu banji balabikkila maano kutongoosi lilembedwe kwiinda lyakwaamba buyo.\\n“ Ndakali kumuyoowa kapati musankwa umwi iwakali mukabunga kacisobano ca rugby. Wakali kutandila kumamita obilo kulampa, alimwi wakali kulema makkilogilamu aatandila ku 135! Wakalisinizyide kuti uyakoonana andime. Wakali kundisyupa buzuba abuzuba kwamwaka woonse. Bumwi buzuba, twakali buyo tolikke mukkilasi mpoonya wakatalika kuswena munsi lyangu. Ndakasotoka akutijila anze. ”—Julieta, 18.\\nJulieta wakali kukonzya kuyeeya kuti: ‘Mbobabede oobu basankwa.’\\nIkaambo eeci ncocitakonzyi kugwasya: Sikumucita naa kumwaambila zyintu zileta muzeezo wakoonana talangilwi kucinca ikuti bantu boonse kabayeeya kuti zyacita zili kabotu.\\nMuciindi caboobo amusole nzila eeyi: Amukake sunko kwiinda mukutaseka-seka. Muciindi caboobo, amube masimpe kuti tamuyandi —kubikilizya mbomulibonya abusyu—amumwaambile sikumusyupa zyintu nzyomuyanda alimwi anzyomutayandi.\\nMAKANI AAKACITIKA NCOBENI 1:\\n“ Tandiyandi kuba muntu uulanciki kubantu. Aboobo, nokuba kuti basankwa bakali kuzumanana kundisyupa, ndakali kubaambila kuti baleke—pele tiindakali kwaamba canguzu, alimwi kanji-kanji ndakali kuseka-seka nindakali kubaambila. Bakali kuyeeya kuti ndakali kubayanda. ” —Tabitha.\\nIkuti nomwakali Tabitha, ino nimwakabacita buti basikumusyupa aabo? Nkaambo nzi?\\nNcinzi cikonzya kupa sikumusyupa kuyeeya kuti mulamuyanda?\\nMAKANI AAKACITIKA NCOBENI 2:\\n“ Zyakatalika ciindi basankwa bamwi mbotwakali kwiiya limwi nobakaamba majwi masyoonto aateelede notwakali mukkilasi yazisobano. Kwansondo zisyoonto, ndakasola kutazibikkila maano nzyobakali kwaamba akucita, pele cakaindila. Mpoonya basankwa bakatalika kukkala munsi lyangu akundikumbata. Ndakabatonta, pele bakazumanana. Kumane, umwi wabasankwa aaba wakandipa kapepa kakalembedwe majwi mabyaabi. Mpoonya ndakakapa bayi bangu. Musankwa ooyu bakamulesya cikolo kwaciindi cisyoonto. Ndakabona kuti ndakeelede kubaambila bayi bangu kuzwa kumatalikilo! ”—Sabina.\\nIno muyeeya kuti nkaambo nzi Sabina ncaatakaunkila kubayi bakwe cakufwambaana? Sena muyeeya kuti ooyu wakali muzeezo mubotu? Nkaambo nzi ncomwaambila boobo?\\nMAKANI AAKACITIKA NCOBENI 3:\\n“ Musankwa umwi wakanjilila mwanookwesu musankwa, Greg, mucisambilo. Musankwa ooyu wakamusika munsi Greg akumwaambila kuti ‘Kondikkisa.’ Greg wakakaka pele musankwa ooyu taakaunka. Mane Greg wakamutonta buya musankwa ooyu.” —Suzanne.\\nSena muyeeya kuti Greg wakali kucitwa naa kwaambilwa zyintu zileta muzeezo wakoonana? Nkaambo nzi ncomwaambila boobo?\\nNkaambo nzi ncomuyeeya kuti basankwa bamwi cilabakatazya kwaamba ciindi basankwanyina nobabacita naa kubaambila zyintu zileta muzeezo wakoonana?\\nSena mulazumina kuti Greg wakazyeendelezya kabotu zyintu? Ino nywebo nimwakacita buti?\\nKubuzyigwa mibuzyo iijatikizya kucitwa naa kwaambilwa zyintu zileta muzeezo wakoonana\\n“Kandicili kucikolo casekondali, basankwa bakali kundikwela kabbodi mpoonya akundaambila majwi aatali kabotu—mbuli aakuti ndilakonzya kulimvwa kabotu kuti ndoonana ambabo.”— Coretta.\\nSena muyeeya kuti basankwa aaba bakali\\nA Kumusobanya buyo?\\nB Kucengeezya kumuyanda?\\nC Kumucita naa kumwaambila zyintu zileta muzeezo wakoonana?\\n“Mubbaasi, umwi musankwa wakatalika kundaambila majwi mabi akundikwela-kwela. Ndakalitapula janza lyakwe akumwaambila kuti azwe munsi lyangu. Wakandilanga mbuli kuti tandikkwene.”— Candice.\\nIno muyeeya kuti musankwa ooyu wakali kucita nzi kuli Candice?\\n“Mwaka wamana, umwi musankwa wakali kundaambila kuti ulandiyanda alimwi wakali kuyanda kuti tusyabane nokuba kuti ndakazumanana kukaka. Zimwi ziindi wakali kujata-jata janza lyangu. Ndakamwaambila kuti acileke, pele wakazumanana. Mpoonya, nindali kusola kusama mabbusu, wakanduuma kumatako.”— Bethany.\\nMukuyeeya kwanu, sena musankwa ooyu wakali:\\nA Kucengeezya kumuyanda?\\nB Kumusobanya buyo?\\nIbwiinguzi buluzi kumibuzyo eeyi yoonse yotatwe ngu C.\\nNcinzi cipa kuti kucita naa kwaamba zyintu zileta muzeezo wakoonana kwiindane akucengeezya kumuyanda muntu naa kumusobanya buyo? Musimbi umwi uutegwa Eve wakaamba kuti: “ Kucita naa kwaamba zyintu zileta muzeezo wakoonana kukkomanisya buyo ooyo uuzicita. Ulazumanana nokuba kuti wamwaambila kuti aleke .” Kucita naa kwaamba zyintu zileta muzeezo wakoonana tacili cintu cakusobanya pe. Takunyonganyi buyo mbocita kucikolo alimwi abuumi, pele alimwi kulakonzya kusololela kukusinikizyigwa koonana.\\nAmwiiye zinji: Amubone cibalo 32 cijisi mutwe wakuti, “How Can I Protect Myself From Sexual Predators?”\\nNzyobaamba Bakubusi Kujatikizya Kucitwa naa Kwaambilwa Zyintu Zileta Muzeezo Wakoonana","num_words":1110,"character_repetition_ratio":0.094,"word_repetition_ratio":0.0,"special_characters_ratio":0.152,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kumbele Kukondezya Kakunyina Saatani a Madaimona Aakwe\\nIno-ino Saatani amadaimona aakwe bayoobula nguzu\\nSaatani amadaimona aakwe tabakatoleleli kweena bantu kwaciindi cilamfu. Jehova wabatanda kale kuzwa kujulu. (Ciyubunuzyo 12:9) Eneeno, Leza uyoobweza ntamu alimwi akati ka-Saatani amadaimona akwe. Mucilengaano cizwa kuli Leza, muapostolo Johane wakati: “Lino ndakabona angelo uuza buseluka kujulu, ulijisi cijuzyo camulindi uutagoli. Mujanza lyakwe mwakali inketani impati, nkabela wakajata Simwaaba, eyo inzoka yaciindi iitegwa Diabolosi a-Saatani, akumwaanga myaaka iili cuulu. Wakamusowela mumulindi uutagoli, wakamujalila akusinka kujulu, kuti ateeni limbi masi mane do yamana eyo myaaka iili cuulu.” (Ciyubunuzyo 20:1-3) Kumana wawo, Diabolosi amadaimona aakwe bayoonyonyweedwa limwi.—Ciyubunuzyo 20:10.\\nBantu babi anyika abalo bayoogwisigwa.—Intembauzyo 37:9, 10; Luka 13:5.\\nBafwide bayoobusyigwa kubuumi anyika\\nSaatani amadaimona aakwe bagwisigwa munzila, Jehova uyooleta zilongezyo zinji kubantu. Muyoyeeya kuti bafwide tabakwe buumi, tabawo. Jesu waakozyanisya lufu kuŋonzi—ŋonzi zinji zinyina maloto. (Johane 11:11-14) Waacita obo nkaambo wakalizi kuti ciindi ciyoosika cakuti abo boona mulufu nobati kabusigwe kubuumi. Wakati: “Ciindi ciyoosika . . . boonse abali muzyuumbwe, bayoozwa mpoonya.”—Johane 5:28, 29; amweelanye a-Incito 24:15.\\nBayooboozegwa kubuumi ano anyika. Muciindi camilumbe yakuti bantu bafwa, kwaambilizya kukomanisya kuyootondezya zyabaabo bayoboozegwa kubuumi! Nkutangala kuli buti mbokuyooba kutambula bayandwa bafwide kuzwa kuzyuumbwe!","num_words":175,"character_repetition_ratio":0.076,"word_repetition_ratio":0.0,"special_characters_ratio":0.186,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Zyakachitika Mubuumi: Twakajana ‘Ngale Iiyandika Kapati’ | Winston aPamela Payne\\nNgaziyakulinda—Yakwiiya | April 2019\\nBALA MU Abua Acholi Afrikaans Aja Akha Albanian Altai Alur American Sign Language Amharic Amis Angolan Sign Language Arabic Armenian Aukan Aymara Azerbaijani Azerbaijani (Cyrillic) Baoule Bashkir Bassa (Cameroon) Batak (Karo) Batak (Simalungun) Batak (Toba) Belize Kriol Bengali Biak Bicol Bislama Boulou Bulgarian Cakchiquel Cambodian Catalan Cebuano Changana (Mozambique) Chavacano Chichewa Chin (Hakha) Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuukese Chuvash Cibemba Cinyanja Colombian Sign Language Croatian Czech Dakota Dangme Danish Dayak Ngaju Digor Douala Drehu Dutch Ecuadorian Sign Language Edo Efik English Esan Estonian Ewe Fijian Finnish Fon French Ga Garifuna Georgian German Gitonga Greek Greenlandic Guadeloupean Creole Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hmong (White) Hungarian Iban Ibanag Ibinda Icelandic Igbo Iloko Indonesian Isoko Italian Japanese Javanese Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Kekchi Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisonge Kongo Korean Krio Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Lahu Laotian Latvian Lenje Lhukonzo Lingala Lithuanian Lomwe Low German Luganda Lunda Luo Luvale Macedonian Macua Makhuwa-Meetto Malagasy Malay Malayalam Maltese Mam Mambwe-Lungu Mapudungun Marathi Marshallese Mauritian Creole Maya Mazatec (Huautla) Mbunda Mexican Sign Language Mingrelian Mixe Mixtec (Guerrero) Mizo Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndau Ndebele Ndebele (Zimbabwe) Ndonga Nepali Ngabere Ngangela Nias Niuean Norwegian Nyaneka Nyungwe Nzema Okpe Oromo Ossetian Otetela Palauan Panamanian Sign Language Pangasinan Papiamento (Curaçao) Persian Pidgin (West Africa) Polish Polish Sign Language Ponapean Poqomchi' Portuguese (Portugal) Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Rarotongan Romanian Romany (Macedonia) Romany (Macedonia) Cyrillic Romany (Serbia) Romany (Southern Greece) Ronga Runyankore Russian Rutoro Samoan Sangir Sango Saramaccan Sena Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Slovak Slovenian Solomon Islands Pidgin South African Sign Language Spanish Spanish Sign Language Sranantongo Sunda Swahili Swahili (Congo) Swati Swedish Tagalog Tahitian Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tshwa Tsonga Turkish Turkmen Tuvaluan Twi Tzeltal Tzotzil Uighur (Arabic) Uighur (Cyrillic) Ukrainian Umbundu Urdu Urhobo Uruund Uzbek Uzbek (Roman) Venda Venezuelan Sign Language Vietnamese Wallisian Waray-Waray Wayuunaiki Welsh Wolaita Xhosa Yapese Yoruba Zande Zapotec (Isthmus) Zulu\\nTwakajana ‘Ngale Iiyandika Kapati’\\nAkaluulwa aa Winston aPamela Payne\\nWINSTON aPamela (Pam) Payne babelekela kuwofesi yamutabi yakuAustralasia. Nikuba kuti balabotelwa mubuumi pesi bakaswaana buyumu-yumu busiyene-siyene buswaanizya kwiiya ziyanza zisiyene-siyene akulisimya kukufwidwa amwana wakatalinazyalwa. Nikuba kuti bakaswaana zyoonse eezi, balikutondeezya kuti balamuyanda Jehova abantu bakwe alubo balabotelwa mumulimu wakukambawuka. Mumbuzisisyo iitobela, twakabakumbila kuti batubuzye zyakabachitikila.\\nWinston, tukumbila utubuzye atala ambuwakamuyanduula Leza.\\nNdakakomenena kupulazi lyakali kule akukkala bamwi, lili kuQueensland, kuAustralia. Mpuli yesu teeyakalikwe ndaba azyabukombi. Bantu biingi teendakabazi pe nkaambo twakali kukkala kule abamwi. Kuzwa nindakaba aminyaka iili 12, ndakasaanguna kuyanduula Leza. Ndakakomba kulinguwe, kandikumbila kuti ndizibe kasimpe kali atala anguwe. Mukuya kwachiindi, ndakajana mulimu kuAdelaide, kuSouth Australia mpawo ndakazwa kupulazi. Nindakali aminyaka iili 21, ndakabonana aPam kandiswayide kuSydney mpawo wakandibuzya atala abukombi bwamaBritish amaIsrayeli. Bukombi oobu bwaamba kuti bantu bakuBritain bakazwa kumisyobo yakasweeka yamaIsrayeli. Alubo bwaamba kuti misyobo eeyo, izwa kumisyobo iili kkumi yabwaami bwakunyika yakaba mubuzike mumwaanda wamunyaka wachi8 B.C.E. Nindakabweeda kuAdelaide, ndakabuzya umwi ngundakali kubelekaawe atala ankani eeyi, wakali wasaanguna kwiiya Bbayibbele aBakamboni baJehova. Nindakaambuulaawe kwama-awa mache atala anzibasyoma Bakamboni, ndakabona kuti nkombyo njindakakomba kandichili muniini, yasandulwa. Ndakasaanguna kwiiya kasimpe kali atala aMulengi wangu aBwaami bwakwe! Ndakiijana ‘ngale iiyandika kapati.’—Mt. 13:45, 46.\\nPam, anduwe wakasaanguna kuyanduula ngale kuchili muniini. Wakayijana biyeni?\\nNdakakomenena mumpuli yakali kuyanda zyabukombi mudolopo litegwa Coffs Harbour, kuNew South Wales. Bazyali bangu asyaanene abanene bazyala baama, bakali kusyoma njiisyo zyabukombi bwamaBritish amaIsrayeli. Ime, munyandumaangu, mukulana wangu, ama-cousin bangu biingi twakakomezegwa katusyoma kuti Leza uyandisya bantu bali amasyaanyinakulu maBritish. Teendakali kuzisyoma pe njiisyo eezyo alubo teendakali kulimvwa kandili aafwiifwi aLeza. Nindakali aaminyaka iili 14, ndakaswaya zikombelo zisiyene-siyene ziswaanizya chaAnglican, chaBaptist, achaSeventh-day Adventist. Pesi taakwe nizyakandigwasya kuti ndizibe Leza.\\nMukuya kwachiindi, twakalongela kuSydney nkundakaakubonana aWinston naakaswayide nkuko. Mbuuli mbaawamba, kwaambuuzyania nkutwakachita atala azyabukombi, kwakapa kuti ayiye Bbayibbele aBakamboni. Kuzwa waawo, magwalo ngaakali kundilembela nitwakali kuyandana, akazwide mavesi! Kwaamba choonzyo, kumasaangunino ndakali kukataazikana alubo chimwi chiindi zyakali kundinyemya. Pesi mukuya kwachiindi ndakazoobona kuti nzyaakali kundilembela kakali kasimpe kali atala aLeza.\\nMu1962, ndakaya kuAdelaide kuti ndikakkale aafwiifwi aWinston. Winston wakachitide mabambe aakuti ndikakkale aThomas Sloman amukayintu wakwe Janice, bakali kubeleka kabali mamishinali kuPapua New Guinea. Achiindi eecho, ndakali aminyaka iili 18 alubo bakandigwasya kuti ndizibe zyiingi atala aJehova. Ndakasaanguna kwiiya Jwi lyaLeza alubo ndakabona kuti nzindakali kwiiya kakali kasimpe. Ime aWinston nitwakachada, twakasaanguna buumi bubotezya bwakubelekela Jehova katuli aamwi, bwakatugwasya kuti tubone mbiiyandikana ngale njitwakajene nikuba kuti twakali kuswaana masunko.\\nWinston, tubuzye mbuwakasaanguna kubelekela Jehova.\\nA. Mepu iitondeezya nyendo zyesu nitwakali mumulimu wabbazu\\nB. Zitampa zyakutusuwa tumwi. Kasuwa kaKiribati akaTuvalu chiindi twakali kutegwa Gilbert aEllice\\nC. Kasuwa kabotu kakuFunafuti muTuvalu. Twakali kuswaya mukasuwa aaka mamishinali kabatanasika\\nNitwakali aachiindi chifwiifwi katukwetene, Jehova wakatujulila mulyango wakusaanguna wakumubelekela aakati ‘kamilyango mipati’ njitwakajana. (1 Kor. 16:9) Mulyango wakusaanguna twakawubuzigwa aaMukwesu Jack Porter wakali kuswaya mbungano yesu yakali niini, kali mulangizi wabbazu. (Lino tubelekaamwi muKkomiti yaMutabi wakuAustralasia.) Jack amukayintu wakwe Roslyn, bakatusungwaazya kuti tube mapayona bachiindi choonse. Alubo twakapayona kwaminyaka iili 5. Nindakali aaminyaka iili 29, ime aPam twakakumbilwa kuti tubeleke katuli mumulimu wabbazu kuTusuwa twakuSouth Pacific twakali aansi aamutabi wakuFiji. Tusuwa ootu twakali kuswaanizya American Samoa, Samoa, Kiribati, Nauru, Niue, Tokelau, Tonga, Tuvalu aVanuatu.\\nMuchiindi eecho, bantu bamutusuwa ootu, bakali kuyeeyela Bakamboni baJehova kuti bachita zintu zitali kabotu, nkinkaako, twakeelede kuchenjelela zintu zyakali kuchitika. (Mt. 10:16) Mbungano zyakali ziniini alubo bamwi teebakali kukonzya pe kutupa aakoona. Nkinkaako, twakali kukumbila bamwi bamuchilawu kuti tukkale aalimbabo alubo chiindi chiingi bakali kututambula.\\nWinston, ulawuyandisya mulimu wabusanduluzi. Niinzi chakapa kuti uuyande?\\nKuSamoa, kandilikuchitisya chikolo chabaalu\\nMuchiindi eecho, bakwesu bamutusuwa twakuTonga, bakali aatubbuku atupepa tuche mumulaka wachiTonga, waambulwa aabantu bakuPolynesia. Mumulimu wakukambawuka, bakali kubelesya bbuku lyachikuwa litegwa The Truth That Leads to Eternal Life, nibakali kwiiya aabantu. Nikwakali kuchitwa chikolo chabaalu chamviki zine, baalu batatu bakachizi mbichaani chikuwa, bakazumina kusandulula bbuku litegwa The Truth muchiTonga chakuPolynesia. Pam nguwe wakali kutayipa, kuzwa waawo, twakalitumizya kumutabi wakuUnited States kuti likapulintwe. Kusandulula bbuku eeli kwakatutolela mviki zili 8. Nikuba kuti busanduluzi bwabbuku eeli teebwakanembene kabotu pesi lyakagwasya bantu baambuula chiTonga kuti bayiye kasimpe. Ime aPam tatweensi basanduluzi pe pesi kuchita mulimu ooyu kwakapa kuti tuuyande loko.\\nPam, buumi bwamutusuwa bwakasiyene biyeni abwakuAustralia?\\nBbaasi njitwakali kubelesya kayili ng’anda nitwakali mumulimu wabbazu\\nBwakasiyene kule loko! Muli zimwi ndawu, kwakali mansenya miingi, kwakali kupya, kwakali makoswe, twakali kuchiswa alubo chimwi chiindi twakali kubula chakulya. Kubbazu limwi, kumamanino aabuzuba abuzuba, twakali kulyookezya katuli mu-fale, chaamba zina lyachiSamoa lyamaanda aachiPolynesia aakavumbidwe aabwizu pesi aatakwe miduli. Amwi mazuba mweezi niwakali kubala loko, twakali kubona tukunka alubo mweezi wakali kubala mulwizi. Ziindi eezyo zibotu, zyakali kutupa mweenya wakuyeeyesesya, kukomba akuyeeya zintu zibotu kutali zibi.\\nTwakali kubayanda bana alubo bakali kuyanda kuziba zyiingi nibakali kubona makuwa bazwa kuli zimwi zisi mbuuli ndiswe. Nitwakaswayide kuNiue, umwi mwana mulombe wakasaanguna kubukusa maboko aWinston aakazwide boya mpawo wakati, “Ndilayiyanda milimba yako.” Taakwe naakali wabona bantu bali amaboko aali aaboya alubo taakali kukonzya kuti ulapandulula biyeni!\\nZyakali kutuchisa kubona mbubakali kufwaba ambubakali kupona bantu bakubusena oobu. Bakali aabusena bubotu pesi teebakalikwe zibbadela alubo bakali amaanzi mache. Pesi bakombima aaba teebakali kukataazikana pe. Bakali babuzibila buumi buli boobo. Bakali kubotelwa nkaambo bakali kukkala ampuli zyabo, bakali aabusena bwakukombela akuti bakali aachilongezyo chakutembawula Jehova. Chikozyano chabo chakatugwasya kuti tubikkile maanu kuzintu ziyandikana akupona buumi buuba.\\nPam, chimwi chiindi wakeelede kuyanduula maanzi akujika muzyiimo zipya. Wakali kuzichita biyeni?\\nKuTonga, Pam kalikuwacha zigogo zyesu\\nNdilamulumba ndeende nkaambo wakandiyiisya. Wakandiyiisya zintu zyiingi zigwasya mbuuli kukutula mulilo akujikila aamulilo akupona kutakwe zintu zyiingi. Chimwi chiindi katuswayide kuKiribati, twakali kukkala mukaanda kaniini kabwizu, kakali a-floor iipangidwe aatufuwa twabanyama amiduli ya-bamboo. Kuti ndijike, ndakasya kkomba mung’anda kuti ndipange chikko akubelesya makwa aama-coconut kuti zibe nkuni. Kuti tujane maanzi, ndakali kwiinka kuchikala abamwi bachikayintu. Kukuteka maanzi, bakali kubelesya kasamu kakali kulampa mamita aali 2, mpawo kakuli ntambo kunembo mbuuli kalobyo. Muchiindi chakuti babikke kalabwi, bakali kwaangilila kagomo. Bakali kuchinchaana kuteka maanzi kwiinda mukuwaala kasamu kali aakagomo mumaanzi mpawo bakali kudonsa ntambo yakagomo nikasika mumaanzi. Kagomo nikasendeka, kakali kuzula maanzi. Ndakali kuyeeya kuti nkuuba pesi ndakazoolibonena nichakasika chiindi changu. Ndakawaala ntambo pesi kagomo kakali kuuma aamaanzi akwiibuka luzutu! Nibakakatala kundiseka, umwi mwanakazi wakazoondigwasya. Bantu aaba bakali abuuya, kabatugwasya.\\nMoonse mwakazoosaanguna kuuyandisya mulimu wanu kamuli mutusuwa. Amutubuzye zimwi zinoneezya nzimwakaswaana.\\nWinston: Twakatola chiindi kuti tuzibe zimwi ziyanza zyankuko. Muchikozyano, chiindi bakombima nibakali kutupa chakulya, bakali kutupa choonse nchibakali aacho mubuzuba oobo. Kumasaangunino, teetwakazi pe kuti twakeelede kubasiila. Twakali kuchimaninsya choonse nchibakali kutupa! Pesi nitwakazoochiziba chiyanza chabo, teetwakali kuchimaninsya pe. Bakombima bakali kumvwisisisya nikuba kuti chimwi chiindi twakali kuchita zintu zitali nzizyo. Alubo bakali kubotelwa kutubona nikwayinda myeezi iili 6, nitwakali kubaswaya katuli mumulimu wabbazu. Bakwesu abachizi bamutusuwa taakwe bambi pe Bakamboni mbibakali kubona kunze kwandiswe.\\nKukasuwa kakuNiue, katuya kukukambawuka abamwi\\nKubaswaya nkutwakali kuchita kwakali kupa bumboni kubantu bamuzilawu eezi. Bantu biingi bakali kuyeeya kuti bakwesu bakalitalisizya chikombelo. Bakali kugamba nibakali kubona mukuwa amukayintu wakwe bakali kuzwa kuli chimwi chisi, kabaswayide bakombinyina.\\nPam: Chimwi chintu chakachitika nchinditalubi, chindiyeezya zyakachitika nitwakali kuKiribati, kwakali mbungano yakali aabakwesu abachizi bache. Kwakali mwaalu uumwi biyo, mukwesu Itinikai Matera, wakali kubeleka changuzu kuti atugwasye. Limwi zuba, wakaza achisewe chakali aaji limwi. Wakati, “Ndilyanu.” Kuchiindi eecho, ji lyankuku twakali kuliyanda loko nkaambo twakali twaba aachiindi katutalilyi. Chipo eechi chiniini chakatusika aamoyo.\\nNikwakayinda minyaka miche yakatobela, Pam, wakafwidwa mwana, katanazyalwa. Niinzi chakakugwasya kuti ulisimye?\\nMu1973, ndakabaada, katuli kuSouth Pacific. Twakasala kubweeda kuAustralia mpawo nikwakayinda myeezi iili 4, mwaneesu wakafwa katanatumbukwa. Nikuba Winston kwakamuchisa kufwa kwamwaneesu. Kuchisigwa moyo nkundakali kumvwa, kwakali kuyabumana pesi teekwakamaninina pe kusikila nitwakabala Ngaziyakulinda (Chitonga) yamuApril 15, 2009. Chipanzi chitegwa Mibuzyo Yabasikubala, chakali aamubuzyo uuti: “Ikuti mwana wafwa kacili mwida, sena ujisi bulangizi bwabubuke?” Chiiyo eechi chakati, Jehova nguwe uuyoosala zyakuchita akuti uchita zintu zili kabotu chiindi choonse. Uyoogwisya machise oonse ngituswaana munyika eeyi mbi akuzumizya Mwanaakwe kuti ‘anyonyoone milimu yaSaatani.’ (1 Joh. 3:8) Alubo chiiyo eechi chakatugwasya kuti twiibone kayiyandikana loko “ngale” njitulaayo, mbutuli bakombi baJehova. Kuziba nzibuyootuchitila Bwaami, kupa kuti tube aabulangilizi.\\nMwaneesu naakafwa, twakasaanguna lubo mulimu wachiindi choonse. Twakabeleka kwamyeezi miche kuBbeteli yakuAustralia mpawo twakazoonjila lubo mumulimu wabbazu. Mu1981, katuli twaba aminyaka iili 4, katubelekela mumyuunzi iili kuNew South Wales akuSydney, twakatambwa kuti tukabelekele kumutabi wakuAustralia, mbuuli mbwaakali kwiitwa chiindi. Alubo twali nkuko kuzwa chiindi eecho.\\nWinston, kubelekela kutusuwa twakuSouth Pacific kulikukugwasya na, mbukunga lino ulimuKkomiti yaMutabi kuAustralasia?\\nIiyi, kulikundigwasya munzila zyiingi. Chakusaanguna, mutabi wakuAustralia wakakumbilwa kuti ulanganie American Samoa aSamoa. Mutabi wakuNew Zealand wakaswaanizigwa awakuAustralia mpawo wakazootegwa mutabi waAustralasia. Mazubaano, masena aalanganisigwa aamutabi waAustralasia aswaanizya Australia, American Samoa aSamoa, Cook Islands, New Zealand, Niue, Timor-Leste, Tokelau aTonga. Alubo masena aaya miingi ndakaba aachilongezyo chakwaaswaya kandili mwiiminini wamutabi. Kubelekaamwi abakwesu abachizi basyomeka bamutusuwa ootu, kwakandigwasya loko mbukunga lino ndibelekaabo kandili kuwofesi yamutabi.\\nWinston aPam kabali kumutabi waAustralasia\\nKamamanino, ndiyanda kwaamba kuti, kwaminyaka myiingi, ime aPam, twakabona kuti teebapati luzutu bayanduula Leza. Twakayiya makani aaya kuzintu zyakachitika kulindiswe. Nikuba bachikula balayiyanda ‘ngale iiyandika kapati’ nikuba kuti bamwi bamumpuli teebaba aachiyandisyo. (2 Bam. 5:2, 3; 2 Mak. 34:1-3) Kwaamba choonzyo, Jehova nguLeza uuli aaluyando uuyanda kuti boonse bakajane buumi, kuswaanizya bapati abaniini!\\nIme aPam nitwakasaanguna kuyanduula Leza muminyaka iili 50 yayinda, teetwakazi pe kuti kuyanduula ooku kuzootusisya kuli. Nisimpe, kasimpe kaBwaami, ningale iiyandikana loko! Tukanzide kwiijatisisya ngale eeyo iiyandikana amanguzu eesu woonse!\\nUlikuubeleka Chakumaninina Na Mulimu waLeza?\\nTobelezya Jesu Kuti Ukkale Kuli Aaluumuno\\nSumpula Kasimpe Kali Atala Alufu\\nGwasigwa aaJehova Kuti Utantamuke Myuuya Mibi\\nZYAKACHITIKA MUBUUMI Twakajana ‘Ngale Iiyandika Kapati’\\nText Sala naa uyanda kukkopa zyakamwayigwa zilekkodedwe NGAZIYAKULINDA—YAKWIIYA April 2019\\nNGAZIYAKULINDA—YAKWIIYA April 2019","num_words":1870,"character_repetition_ratio":0.043,"word_repetition_ratio":0.0,"special_characters_ratio":0.151,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Myeelwe 17 IBBAIB63 - Lino Jehova wakaambila Musa, - Bible Search\\nMyeelwe 16 Myeelwe 18\\nMusako wa-Aroni mbuwakasyuuka\\n1Lino Jehova wakaambila Musa, wati, 2Ambila bana ba-Israyeli kuti bakupe misako; musyobo umwi aumwi ukupe musako; basilutwe boonse bamisyobo balete misako, ibe ikumi aibili. Lino ulembe izina lyamuntu umwi aumwi amusako wakwe, 3akulemba izina lya-Aroni amusako wa-Levi. Nkaambo kulaba musako omwe kulisilutwe wamusyobo umwi aumwi. 4-Lino uleelede kwiituula mutente lyambunganino kunembo lyabbokesi lyamulao, nkukonya oko nkutuswaninana. 5-Nkabela oyo muntu ngonsala, musako wakwe ulasyuuka, aboobo njoolesya kutongauka kwabana ba-Israyeli nkobanditongauka. 6Mpoonya Musa wakaambila bana baIsrayeli, nkabela basilutwe boonse bakamupa misako, musako omwe kulisilutwe wamusyobo umwi aumwi, nkokuti misako iili ikumi aibili; awalo musako wa-Aroni wakali akati kamisako yabo. 7-Nkabela Aroni wakatuula misako kubusyu bwa-Jehova mutente lyambunganino.\\n8-Lino nibwakaca, Musa naakanjila mutente lyacizuminano, wakajana kuti musako wa-Aroni mu-Levi wasyuuka, waba ampumpu, wafulula maluba, wazyala maalmondi aabizwa. 9Mpawo Musa wakagwisya misako yoonse, waileta kubantu ba-Israyeli, nkabela bakalanga akulibwezela umwi aumwi musako wakwe. 10-Lino Jehova wakaambila Musa kuti, Pilusya musako wa-Aroni kunembo lyabbokesi lyamulao, ube citondezyo kumeso aabasikupapila­, ubalesye kunditongauka, kuti batafwi. 11Nkabela Musa wakacita obo, Wakacita mbubonya mbuli Jehova mbwaakamulailila.\\n12Elyo bana ba-Israyeli bakaambila Musa kuti, Ncobeni tulafwa, tulanyonyooka, tulanyonyooka toonse. 13-Kufumbwa muntu uuswena kufwaafwi kucikombelo ca-Jehova ulafwa, Sa ncibotu kuti tunyonyooke toonse?","num_words":199,"character_repetition_ratio":0.082,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"“Mululami Uyookondwa Muli Jehova”​—Intembauzyo 64:10\\nAMUBALE MU Afrikaans Albanian Altai Alur Amharic Amis Arabic Armenian Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Boulou Bulgarian Cakchiquel (Western) Catalan Cebuano Chichewa Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Croatian Czech Damara Dangme Danish Digor Douala Dutch Edo Efik English Esan Estonian Ewe Fijian Finnish Fon French Ga Garifuna Georgian German Greek Guadeloupean Creole Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hungarian Ibanag Icelandic Igbo Iloko Indonesian Isoko Italian Japanese Jula Kabiye Kabuverdianu Kannada Kekchi Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Latvian Lingala Lithuanian Low German Luganda Lunda Luo Luvale Macedonian Malagasy Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mingrelian Mixe (North Central) Mixtec (Guerrero) Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Norwegian Nzema Okpe Oromo Ossetian Otetela Pangasinan Papiamento (Curaçao) Persian Pidgin (West Africa) Polish Ponapean Portuguese Portuguese (Portugal) Punjabi Quechua (Ancash) Quechua (Bolivia) Romanian Russian Samoan Sango Sepedi Sepulana Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovenian Solomon Islands Pidgin Spanish Sranantongo Swahili Swahili (Congo) Swati Swedish Tagalog Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Vietnamese Waray-Waray Wolaita Xhosa Yoruba Zande Zapotec (Isthmus) Zulu\\nBA DIANA bajisi myaka yakuzyalwa iinda ku 80. Balumi babo bakali kuciswa bulwazi bwakuluba (Alzheimer) alimwi bakakkala muŋanda mobalanganya bacembeede kwamyaka iili mbwiibede kabatanafwa. Kunze lyaboobo, bakali mubuumba akaambo kalufwu lwabana babo basankwa bobilo alimwi bakaliyumya kubulwazi bwakkansa yakunkolo mbobakajisi. Nokuba boobo, ciindi bantu bamumbungano yaba Diana nobakali kubabona ku Ŋanda ya Bwami naa mumulimo wamumuunda, bakali kubona kuti balikkomene lyoonse.\\nBa John bakali balangizi beendeenda kwamyaka iinda ku 43. Bakali kuuyandisya kapati mulimo wabo, bwakali mbobuumi bwabo! Nokuba boobo, bakacileka kubeleka mulimo wabo wakweendeenda kutegwa balanganye munamukwasyi uuciswa, alimwi lino balabeleka mumbungano iili nkobakkala. Ciindi bantu ibakabazyi kaindi ba John nobaswaangana ambabo kumuswaangano wabbazu naa wacooko, balibonya kuti kunyina nobakacinca bube bwabo. Bacili alukkomano.\\nNkaambo nzi ba Diana aba John ncobacijisi lukkomano? Mbuti muntu umwi uupengede mumizeezo alimwi akumubili mbwakonzya kuba alukkomano? Alimwi mbuti muntu uutacibeleki mulimo ngwayandisya kapati mbwakonzya kuzumanana kukkomana? Bbaibbele lilatwaambila mbocikonzyeka, lyaamba kuti: “Mululami uyookondwa muli Jehova.” (Int. 64:10) Tulakonzya kukamvwisya kaambo aaka kamasimpe kayandika kapati ikuti naa twacizyiba cipa kuba alukkomano alimwi acipa kutaba alukkomano.\\nLUKKOMANO LWAKAINDI BUYO KASYOONTO\\nCakutadooneka mulizyi kuti zintu zimwi zilaleta lukkomano lyoonse. Amuyeeye buyo kujatikizya musankwa amusimbi ibayandana kapati nobakwatana. Naa mbuti ikuba muzyali naa kutambula mikuli mumbunga? Zintu zili boobu ziletela lukkomano alimwi cakweelela, zintu zyamubuumi zili boobu zizwa kuli Jehova. Ngowakatalisya lukwatano, nguupa kuti kacikonzyeka kuzyalana alimwi nguupa mikuli kwiinda mumbungano ya Bunakristo.—Matl. 2:18, 22; Int. 127:3; 1Tim. 3:1.\\nNokuba boobo, zintu zimwi iziletela lukkomano zilakonzya kuba zyakaindi buyo kasyoonto. Cuusisya ncakuti, umwi mulukwatano ulakonzya kuleka kusyomeka naa ulakonzya kufwa. (Ezk. 24:18; Hos. 3:1) Bana bamwi tabamvwidi bazyali alimwi a Leza, ambweni buya balakonzya kugusyigwa mumbungano. Bana ba Samuele tiibakamubelekela munzila iitambulika Jehova alimwi micito ya Davida yakamuletela mapenzi muŋanda yakwe mwini. (1Sam. 8:1-3; 2Sam. 12:11) Zintu zili boobu zileta buumba alimwi amapenzi. Masimpe tazituleteli lukkomano pe.\\nMbubwenya buyo, mikuli yamulimo akati kabantu ba Leza ilakonzya kumana, ambweni akaambo kakuciswa-ciswa, mikuli yamukwasyi, naa kucinca kucitika mumbunga. Bunji bwabaabo ibali mubukkale oobu balazumina kuti balaluyeeya lukkomano oolo milimo yabo ndolwakali kubaletela.\\nTulakonzya kubona caantangalala kuti lukkomano iluboola akaambo kazintu eezyo lulakonzya kuba lwakaindi buyo kasyoonto. Aboobo, sena kuli lukkomano lumwi, oolo ilutamani noliba leelyo bukkale nobwacinca? Inzya nkoluli, nkaambo Samuele, Davida alimwi abamwi bakazumanana kuba alukkomano luli mbolubede ciindi nobakali mumasunko.\\nJesu wakalizyi bwini mbolubede lukkomano. Katanaba muntunsi kali kujulu, ciindi bukkale nobwakali kabotu, wakali “kukkomana kapati kumbele [lya Jehova] ciindi coonse.” (Tus. 8:30) Nokuba boobo, kali anyika zimwi ziindi wakali kuyaanya mapenzi manji. Pele, Jesu wakali kukkomana kucita kuyanda kwa Bausyi. (Joh. 4:34) Ino mbuti kujatikizya ciindi cikatazya kapati naakali afwaafwi kufwa? Tubala kuti: “Nkaambo akaambo kalukkomano ndwaakabikkilidwe kumbele wakaliyumya acisamu cakupenzyezya.” (Heb. 12:2) Aboobo tulijisi kaambo kabotu ncotweelede kutulanga-langa twaambo tobilo akati katwaambo ntwaakaamba Jesu kujatikizya lukkomano lwini-lwini.\\nCiindi cimwi, basikwiiya ibali 70 bakapiluka kuli Jesu nobakamanizya mulimo wakukambauka. Bakalikkomene kapati akaambo kakuti bakacita milimo mipati, nokuba kutanda madaimona. Mpoonya Jesu wakabaambila kuti: “Mutakkomani akaambo kakuti myuuya ilamumvwida, pele amukkomane akaambo kakuti mazina aanu alembwa kujulu.” (Lk. 10:1-9, 17, 20) Masimpe, icakali kuyandika kapati kwiinda kukkomana akaambo kamukuli waalubazu umwi kwakali kukkomaninwa a Jehova. Wakali kuyoobayeeya basikwiiya aaba basyomeka, calo icakeelede kubapa kukkomana kapati.\\nMubukkale bumwi alimwi, Jesu wakali kwaambaula kunkamu yabantu. Mukaintu umwi mu Juda wakaamba kuti banyina mwiiyi mubotu ooyu, Jesu, beelede kuti bakalikkomene kapati. Pele Jesu wakamululamika kwiinda mukumwaambila kuti: “Peepe, ibakkomene mbaabo baswiilila jwi lya Leza akucita ncolyaamba!” (Lk. 11:27, 28) Ikuba muzyali uukkomene ncintu cibotu kapati; nokuba boobo, kuba acilongwe a Jehova akaambo kakumumvwida nkaambo kapati ikapa kukkomana.\\nMasimpe, ikuzyiba kuti Jehova ulatukkomanina nkakaambo kapati ikapa kukkomana mumoyo. Masunko, nokuba kuti taakkomanisyi, taakonzyi kucinca mbokali kamasimpe kaambo aaka. Muciindi caboobo, ikuliyumya cakusyomeka mumasunko nkuzunda kwalo ikupa kuba alukkomano mumoyo. (Rom. 5:3-5) Kuyungizya waawo, Jehova ulapa muuya wakwe kuli baabo ibamusyoma alimwi lukkomano ncibeela camucelo wamuuya. (Gal. 5:22) Eeci citugwasya kumvwisya kaambo lugwalo lwa Intembauzyo 64:10 cakweelela ncolwaambila kuti: “Mululami uyookondwa muli Jehova.”\\nIno ncinzi cakagwasya ba John kuzumanana kukkomana kapati?\\nEeci ncecapa kuti ba Diana aba John, ibaambwa musyule oomu, bacikonzye kuba alukkomano lutamani ciindi nobalwana bukkale bukatazya. Ba Diana bakaamba kuti: “Jehova ndamucita kuba mayubilo aangu, mbubwenya mwana mbwacita kubazyali bakwe.” Mbuti mbobabona kuti Leza ulabakkomanina? Bakayungizya kuti, “Ndilimvwa kuti wandilongezya kwiinda mukundipa nguzu zyakucikonzya kuzumanana kukambauka lyoonse kandikkomene.” Ba John, ibakazumanana kabali basungu mumulimo wakukambauka ciindi nowakamana mulimo wabo ngobakali kuyandisya kapati wakweendeenda, bakapandulula icakabagwasya kapati: “Kuzwa mu 1998 ciindi nondakapegwa mulimo wakuyiisya ku Cikolo Cakwiiya Mulimo, ndacita ciiyo cangu ndemwini ziindi zinji kwiinda lyoonse.” Kabalyaambila lwabo alimwi akwiiminina bakaintu babo, bakayungizya kuti: “Mbotwali kukubona kubelekela Jehova kwamyaka minji mubukkale buli boonse mbotwakali kukonzya, kwakapa kuti kucinca ooku kuube-ube kulindiswe. Twacita kweelana akucinca kakunyina kuusa pe.”\\nAbambi banji bakalibonena mboluli lwamasimpe lugwalo lwa Intembauzyo 64:10. Mucikozyanyo, amulange banabukwetene ibakabeleka kwamyaka iili 30 ku Beteli ku United States. Mpoonya bakatumwa kuyoobeleka kabali bapainiya baalubazu. Cakutasisa, bakazumina kuti: “Mbocibede buya kulaba kuusa wasweekelwa cintu ncoyandisisya.” Pele bakayungizya kuti: “Tokonzyi kuzumanana kuusa mane kukabe kutamani.” Cakufwambaana bakatalika kubeleka mumulimo wabukambausi antoomwe ambungano. Banabukwetene aaba alimwi bakaamba kuti: “Twakali kupaila kujatikizya zintu zimwi zigaminide. Mpoonya kubona mipailo yesu mboyakali kwiingulwa cakatukulwaizya alimwi akutupa kukkomana. Nokwakainda buyo ciindi cisyoonto kuzwa notwakasika, bamwi mumbungano bakatalika bupainiya alimwi twakalongezyegwa aziiyo zya Bbaibbele zyobilo iziyaambele.”\\n“KUKONDWA MANE KUKABE KUTAMANI”\\nMasimpe, talili lyoonse nocili cuubauba kuba alukkomano, alimwi kulaba ziindi zintu noziteendi kabotu. Pele Jehova wakasololela kwiinda mumuuya kuti majwi aapa bulangizi aali kulugwalo lwa Intembauzyo 64:10 alembwe. Nociba ciindi notutyompedwe, tulakonzya kuba alusyomo lwakuti aabo ibatondezya kuti ‘mbalulami’ kwiinda muzumanana kusyomeka nokuba kuti kwaba kucinca kujatikizya bukkale bwabo ‘bayookondwa muli Jehova.’ Kuyungizya waawo, tulakonzya kulangila kuciindi cisyomezyo ca Jehova ‘camajulu mapya anyika mpya’ nociyoozuzikizyigwa. Mpoonya kutalondoka kuyoogusyigwa cakumaninina. Bantu ba Leza boonse ‘bayoosekelela akukondwa mane kukabe kutamani’ kuzintu nzyayoolenga alimwi akubapa.—Is. 65:17, 18.\\nAmuciyeeyele buyo ncociyakwaamba eeci: kukkomana abuumi bubotu alimwi akutalika buzuba buli boonse kamujisi nguzu zinji. Kufwumbwa naa akali buti mapenzi aakali kutupenzya mumizeezo kaindi, taacinooyeeyegwi limbi. Tulijisi lusyomo lwakuti “zintu zyakaindi tazikaibalukwi limbi pe, nokuba kuyeeyegwa mumoyo.” Maleele aakubusyigwa kwabafwu ayoobakamantanya alimwi bantu abayandwa babo. Bantu banji kapati bayoolimvwa mbobakalimvwa bazyali balo mwanaabo musimbi iwakajisi myaka iili 12 naakabusyigwa a Jesu: “Bakakkomana kapati.” (Mk. 5:42) Kumamanino, bantu boonse munyika bayooba ‘balulami’ ncobeni alimwi ‘bayookondwa muli Jehova’ mane kukabe kutamani.","num_words":1246,"character_repetition_ratio":0.047,"word_repetition_ratio":0.0,"special_characters_ratio":0.165,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Leza Waita Samuele | Ziiyo Zyabana Zyamu Bbaibbele\\nMupaizi Mupati Eli wakajisi bana basankwa bobilo ibakali kubelekela kutente lyakukombela kabali bapaizi. Mazina aabo bakali ba Hofeni a Finehasi. Tiibakali kwiitobela milawo ya Jehova alimwi tiibakali kubeendelezya kabotu bantu. Ciindi bana Israyeli nobakali kuleta zipaizyo kuli Jehova, ba Hofeni a Finehasi bakali kubweza nyama mbotu kapati. Eli wakamvwa ncobakali kucita bana bakwe pele tanaakabweza ntaamu iiyandika. Sena Jehova wakacilekela eeci kuti cizumanane kucitika?\\nNokuba kuti Samuele wakali muniini kuli Hofeni a Finehasi, kunyina naakatobela nzyobakali kucita. Jehova wakamukkomanina Samuele. Busiku bumwi naakali koona, Samuele wakamvwa muntu uumwiita. Wakabuka akuunka kuli Eli akumwaambila kuti: ‘Ndime aano!’ Pele Eli wakati: ‘Tiindakwiita pe. Koya ukoone.’ Samuele wakapiluka kukoona. Eeci cakacitika alimwi. Samuele naakamvwa muntu uumwiita ciindi catatu, Eli wakazyiba kuti ngu Jehova iwakali kwiita Samuele. Wakaambila Samuele kuti, ikuti amvwe muntu uumwiita alimwi, weelede kwaamba kuti: ‘Kondaambila, Jehova. Ndemubelesi wako ndiliswiilide.’\\nSamuele wakapiluka nkwaakali koona. Mpoonya wakamvwa kuti: ‘Samuele! Samuele!’ wakaingula kuti: ‘Kondaambila, ndemubelesi wako ndiliswiilide.’ Jehova wakamwaambila kuti: ‘Umwaambile Eli kuti ndilamusubula walo amukwasyi wakwe. Ulizyi kuti bana bakwe basankwa bacita zintu zibi mutente lyangu, pele tabwezi ntaamu iili yoonse.’ Mafwumofwumo buzuba bwakatobela, Samuele wakajalula milyango yatente mbubwenya mbwaakali kucita lyoonse. Pele wakayoowa kwaambila mupaizi mupati makani ngaakamwaambila Jehova. Nokuba boobo, Eli wakamwiita akumubuzya kuti: ‘Mwanaangu, ncinzi ncaakwaambila Jehova? Kondaambila zyoonse.’ Aboobo Samuele wakamwaambila Eli zyoonse.\\nSamuele naakali kuyaabukomena, Jehova wakazumanana kuba anguwe. Cisi coonse mobakali kukkala bana Israyeli, bakazyiba kuti Jehova wakasala Samuele kuti abe musinsimi amubetesi.\\n“Koyeeya Mulengi wako Mupati mumazuba aabukubusi bwako.”—Mukambausi 12:1\\nMibuzyo: Ino Samuele wakaindene buti a Hofeni a Finehasi? Ino mulumbe nzi Jehova ngwaakaambila Samuele?\\nIno inga wamwiiya buti Samuele akucita zintu zili kabotu nokuba kuti bantu bamwi bacita zintu zibi?\\nSamuele Wasala Kubelekela Jehova\\nSamuele wakabona bantu bali mubweendelezi kabacita zintu zibyaabi atempele. Ncinzi cakamugwasya kusala kubelekela Jehova nokuba kuti bamwi bakasala kucita zintu zibyaabi?\\nSamuele—‘Wakazumanana Kukomena Mumeso aa Jehova’\\nIno mbwaakakomezyegwa Samuele kwiindene buti ambobakomezyegwa bana banji? Ncinzi cakamugwasya kuyumya lusyomo lwakwe ciindi naakali atente?","num_words":318,"character_repetition_ratio":0.071,"word_repetition_ratio":0.0,"special_characters_ratio":0.157,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bulumbu Bupati Mbondakajana Mubuumi Bwangu—Sikusobana Cisobano Catenesi Uucibwene\\nIbbaibbele Lilakonzya Kubacinca Bantu\\nAMUBALE MU Abua Afrikaans Albanian Amharic Arabic Armenian Azerbaijani Baoule Belize Kriol Bicol Bislama Boulou Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch Efik English Estonian Ewe Faroese Fijian Finnish Fon French Georgian German Greek Gun Haitian Creole Hausa Hebrew Hiligaynon Hindi Hungarian Iloko Indonesian Isoko Italian Japanese Kannada Kikamba Kikaonde Kikuyu Kiluba Kinyarwanda Kirghiz Kirundi Korean Latvian Lingala Lithuanian Macedonian Malagasy Malay Malayalam Maltese Mambwe-Lungu Mongolian Moore Myanmar Ndebele (Zimbabwe) Nepali Norwegian Nzema Oromo Ossetian Pangasinan Persian Polish Portuguese Portuguese (Portugal) Punjabi Quechua (Cuzco) Rarotongan Romanian Russian Sango Sepedi Serbian (Cyrillic) Serbian (Roman) Setswana Seychelles Creole Shona Sidama Sinhala Slovak Slovenian Solomon Islands Pidgin Spanish Sunda Swahili Swedish Tagalog Tamil Tarascan Tatar Telugu Thai Tigrinya Tojolabal Tsonga Turkish Twi Tzotzil Uighur (Cyrillic) Ukrainian Urdu Uzbek Vietnamese Waray-Waray Welsh Yoruba Zapotec (Isthmus) Zulu\\nBulumbu Bupati Mbondakajana Mubuumi Bwangu\\nAkaluulwa aba Veli Paloheimo\\nMWAKA WAKUZYALWA 1967\\nCISI NKOBAKAZWA FINLAND\\nMBOBAKABEDE KAINDI SIKUSOBANA CISOBANO CATENESI UUCIBWENE\\nNdakakomenena mudolopo lya Tampere, ku Finland. Bamukwasyi wangu tiibakali kwaabikkila maano kapati makani aabukombi, pesi lwiiyo lwakumubili alimwi akulilemeka kabotu bakali kuzibikkila maano. Bamaama bazwa ku Germany, alimwi ciindi nindakali mwana, ndakali kuswaya ku West Germany, nkobakali kukkala bakaapa.\\nKuzwa kubwana ndakali kuzikkomanina zisobano. Kumatalikilo ndakali kusobana misyobo iili yoonse yazisobano, pele nindakakkwanya myaka iili 14 ndakasala kubikkila maano kutenesi. Nindakakkwanya myaka iili 16, ndakali kutilena ziindi zyobilo naa zyotatwe abuzuba. Masyikati ndakali kutilena ziindi zyobilo abakkoocci mpoonya masiku ndakali kucita oobo endikke. Zyakali kundikkomanisya zibeela ziindene-indene zyacisobano eeci; kuuma tenesi kwakali kundigwasya kulisunka mumizeezo alimwi akumubili naa ndakali muyumu buti. Nokuba kuti ndakali kuyanzana abeenzuma akunywa tukoko zimwi ziindi, tiindakalijana mumapenzi aaboola akaambo kakubelesya misamu iikola naa bukoko. Kuuma tenesi ncecintu ncondakali kubikkila kapati maano mubuumi bwangu.\\nNindakakkwanya myaka iili 17, ndakatalika kuuma mumatonamenti aaitwa kuti ATP. * Nindakazunda mumatonamenti aali mbwaabede, ndakaba ampuwo mucisi coonse. Kandili amyaka iili 22, ndakali akati kabasikusobana tenesi bali 50 ibainda munyika yoonse.\\nKwamyaka minji, ndaizinguluka nyika yoonse kuyaabuuma tenesi. Ndakabona masena mabotu, pele alimwi ndakabona mapenzi manji ngobajana bantu munyika mbuli bugwebenga, kubelesya misamu iikola, alimwi akusofwaazyigwa kwanyika. Mucikozyanyo, nitwakali ku United States, twakaambilwa kuti tatweelede kuunka kumasena aambi akaambo kabugwebenga. Zyoonse eezyi zyakali kundikopa. Aboobo, nokuba kuti ndakali kucita zintu nzyondikkomanina, kumamanino aabuzuba, tiindakali kulimvwa kukkutila.\\nMusimbi ngondakasyabide, Sanna, wakatalikide kwiiya Bbaibbele a Bakamboni ba Jehova. Wakandigambya kuti wakali kwaakkomanina makani aabukombi, pesi tiindakamukasya kwiiya. Mu 1990 twakakwatana, mpoonya mwaka wakatobela wakabbapatizyigwa akuba umwi wa Bakamboni ba Jehova. Pele mebo, tiindakali kwaabikkila maano makani aabukombi, nokuba kuti ndakali kusyoma kuti Leza nkwali. Ndakazooyeeya kuti bakaapa baku Germany bakali kulibala kapati Bbaibbele, alimwi bakalindiyiisyide akupaila.\\nBuzuba bumwi, mebo aba Sanna notwakaunka kuyooswaya banabukwetene bamwi Bakamboni, balumi, ba Kari bakanditondezya businsimi bwamu Bbaibbele bwaamba “mazuba aamamanino.” (2 Timoteyo 3:​1-5) Akandinjila kapati mumoyo makani aaya, nkaambo ndakazyiba ikaambo ncokuli zintu zibyaabi munyika. Buzuba oobo tiitwakasakana kubandika makani aabukombi. Pele kuzwa waawo, twakatalika kubandika zyamu Bbaibbele aba Kari, alimwi zyoonse nzyondakaiya zyakali kumvwika. Akaambo kakuti ndakajisi bubi alimwi ndakali kweenda kapati, tiitwakali kusitikila kwiiya, pele ba Kari tiibakatyompwa pe. Bakali kundilembela lugwalo buya kwiingula mibuzyo njondakabuzya notwakali kwiiya. Yoonse mibuzyo mipati iijatikizya buumi yakaingulwa kubelesya Bbaibbele, eelyo asyoonto-syoonto ndakatalika kubona mutwe wamakani wa Bbaibbele, wakuti Bwami bwa Leza buyoopa kuti makanze aakwe azuzikizyigwe. Kuzyiba zina lya Leza, Jehova, akubona zintu nzyaatucitila kwakandikkomanisya kapati. (Intembauzyo 83:18) Icakandinjila kapati mumoyo mbubambe bwacituuzyo cacinunuzyo ncaakatupa, tiibwakali buyo bubambe bwakalicitikila naa kwiinzya buyo mulawo pele cakatondezya luyando lwa Leza. (Johane 3:​16) Alimwi ndakaiya kuti ndakajisi coolwe cakuba mulongwe wa Leza akuyoopona kukabe kutamani muparadaiso yaluumuno. (Jakobo 4:8) Ndakatalika kulibuzya kuti: “Ino inga ndatondezya buti kulumba?”\\nNdakakkala ansi kuyeeya buumi mbondakali kupona. Ndakaiya mu Bbaibbele kuti lukkomano lunji luboola akaambo kakupa, aboobo ndakabona kuti ndakeelede kutalika kwaambila bamwi nzyondisyoma. (Milimo 20:35) Mbwaanga kuuma tenesi wakali mulimo buya, ndakali kujanika kumatonamenti mazuba aabalilwa ku 200 mumwaka, aboobo tiindakali kujanika aŋanda mazuba aayo. Boonse mumukwasyi bakali kulangila ndime kutegwa ndibalanganye. Ndakabona kuti ndakeelede kubambulula buumi bwangu.\\nNdakalizyi kuti kucileka mulimo ooyu waatala akaambo kabukombi kwakali kuyoopa kuti banji batandimvwisyi. Pele coolwe cakuzyiba Jehova akuba abuumi butamani cakali cibotu kapati kwiinda bulumbu buli boonse mbondakali kuyoopegwa akaambo kakuuma tenesi, aboobo tiicakandikatazya kusala cakucita. Ndakakanza kutabikkila maano kuzintu nzyobakali kukonzya kwaamba bantu, nkaambo ooku kwakali kusala kwangu. Lugwalo lwakandigwasya kulizunda sunko eeli ndugwalo lwa Intembauzyo 118:8, ilwaamba kuti: “Jehova uli kulubazu lwangu; tandikooyoowa pe. Ino muntu inga wandityani?”\\nAciindi aawa, kwakasika bantu ibakali kuyanda kundipa mulimo iwakajisi mali manji, ngondakali kukonzya kubelesya kwamyaka minji. Nokuba boobo, ndakalisalide kale cakucita, aboobo ndakakaka, alimwi mukuya kwaciindi ndakacileka kuuma mumatonamenti aa ATP. Ndakazumanana kwiiya Bbaibbele, aboobo mu July 2, 1994, ndakabbapatizyigwa akuba umwi wa Bakamboni ba Jehova.\\nMukwiimpana abamwi, mebo tiindakacitikilwa ntenda buya kutegwa ndiyeeye kuti kuli Leza. Alimwi takuli kuti ndakali kukayandaula buya kasimpe. Ndakali kulimvwa kuti buumi bwangu bwakali buyo kabotu akuti tiindakali kuyandika zintu azimwi. Nokuba boobo, mbuli kuti kasimpe kamu Bbaibbele kakali kulindila kuti ndikajane, cakutayeeyela, ndakajana kuti buumi bulaampindu, alimwi buumi bwangu bwasumpuka kapati kwiinda mbondakali kukonzya kweezyeezya. Mukwasyi wesu wayuma alimwi wakamantana kapati. Alimwi ndilikkomene kapati kuti bana bangu boonse botatwe batobela mikondo yangu, kutali kuba basizisobano, pele Banakristo.\\nNdicikukkomanina kuuma tenesi. Mumyaka yainda, ndali kubeleka tulimo-limo tujatikizya tenesi kutegwa ndilanganye mukwasyi wangu. Mucikozyanyo, cimwi ciindi ndakali kkoocci alimwi a manager wabasikusobana tenesi. Pele buumi bwangu tabuciyeeme azisobano. Kumatalikilo, ndakali kutirena mawoola manji nsondo ansondo kutegwa ndibe sikuuma tenesi uucibwene, akuti kandizunda. Lino, ndili mukambausi waciindi coonse alimwi ndilikkomene kubelesya ciindi cangu kugwasya bamwi kwiiya akutobela njiisyo zyamu Bbaibbele izyakacinca buumi bwangu. Ndijana lukkomano kwiinda mukubikkila maano kucilongwe cangu a Jehova Leza alimwi akwaambila bamwi bulangizi bwangu bwakumbele.​—1 Timoteyo 6:​19.\\n^ munc. 10 Mabala aakuti ATP aiminina Association of Tennis Professionals. Nkekabunga keendelezya baalumi basobana tenesi iisumpukide. Tonamenti njobaita kuti ATP Tour ilabikkilizya amatonamenti manji mobapa mali naa bulumbu bumwi buyo kuli basikuzunda. Mweelwe wamapointi muntu ngapanga mumatonamenti agwasya kuzyiba mpayelede kubikkwa sikusobana ooyo amulongo wanyika yoonse.\\nIbbaibbele Lilakonzya Kubacinca Bantu Luumuno alimwi alukkomano\\nNdakali Kulibonya Mbuli Kuti Ndakalijisi Zyoonse Nzyondakali Kuyanda\\nNdakali Kuciyandisya Kapati Cisobano ca Baseball Kwiinda Cintu Cili Coonse!","num_words":973,"character_repetition_ratio":0.05,"word_repetition_ratio":0.0,"special_characters_ratio":0.151,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Munyama Uuzwa Munyika: Amelika Mucishinshimi Print\\nMunyama Uuzwa Munyika: Amelika Mucishinshimi\\nIbbuku lya Ciyubunuzyo ncipego cabulemu cizwa kujulu. Mulindilyo, Yahuwah wakatwaabila mulumbe uuyandika kubantu bakwe mumazuba aacizya kumbele.\\nMukubelesya mikonzyano, Ijulu lyakayubununa nguzu eezyo ziyoolwana nkondo a Yahuwah muciimo cabasaante Bakwe kakutana sika Kuboola Kwabili kokwa Yahushua.\\nCishinshimi caambilizya kuti cisi cimwi eeco ciyooba anguzu zipati atalaa nyika cinooli cisi ca Amelika. Cilipandulwidwe mu Ciyubunuzyo 13:\\nMpoonya ndakabona munyama aumwi kabbuka kuzwa munyika, alimwi wakalaa meja obile mbuli mwanaambelele alimwi wakali kwaambaula mbuli simwaaba. Ulabelesya nguzu zyoonse zyamunyama mutaanzi munsi lyakwe, akucita kuti nyika abaabo boonse bakkede mulinjiyo bakombe munyama mutaanzi, ooyo wakayasidwe cicisa calufu pele wakapona. (Ciyubunuzyo 13:11, 12, NKJV)\\nKutegwa ziteelelwe zikonzyano zili mucishinshim eeci ambozyeelela cisi ca Amelika, ncintu ciyandika kulekela Mangwalo kuti atupandulwide zikonzyano eezi. Mu Bbaibbele, “banyama” baimina mfulumende zya mapolitikisi anyika. Daniele wakatondezyegwa banyama bone kabaimpuka kuzwa mulwizi:\\nDaniele cakamukopa cilengaano. Taakamvwisisya mikonzyano yaabelesyegwa mulincico pe.\\n“Ime nde Daniele, ndakapenzyegwa mumoyo mukati kamubili wangu, alimwi zilengaano zyamumutwe wangu zyakandipenzya ime. Ndakaswena munsimunsi lyaumwi wabaabo bakaimvwi afwaafwi, alimwi ndakamubuzya masimpe aazintu zyoonse eezi. Aboobo wakandaambila ime alimwi wakandizyibya busanduluzi bwazintu eezi: 'Aabo banyama bapati, bone, mbami bone kababbuka kuzwa munyika'. (Daniele 7:15-17)\\nAboobo, banyama baiminina nguzu zya mfulumende zyaanyika. Nokuba kuti kwakali malelo manjaanji aakalaa nguzu zyakatii yendelezye nyika mumisela, Mangwalo antonkomene anguzu eezyo zilwana nkondo abulemu bwa Kujulu.\\n“Ime ndakabona munyama uumwi kabbuka kuzwa munyika . . . .” (Ciyubunuzyo 13:11)\\nMunyama mutaanzi ooyo Johani ngwaakabona mu Ciyubunuzyo 13 wiiminina bupoopo. Cishinshimi cakaambilizya kuti munyama , bupoopo buyootambula cicisa calufu:\\n“Alimwi ime ndakabona umwi wamitwe yakwe wakayasidwe calufu . . . .” (Ciyubunuzyo 13:3, KJV)\\nOoku kuyasa bupoopo cilonda kwakamanina muzintu zinjaanji zyaacitika mu 1798, aciindi mpeenya aawo munyama naakapompa kuzwa munyika, cisi ca Amelika, nicaatalika kubaa nguzu.\\nMunyama wabili ooyo Johani ngwaakabona mu Ciyubunuzyo 13 wakaliimpene kuzwa kuli bamwi boonse nkaambo wakapompa kabbuka kuzwa munyika.\\nMpoonya Johani wakaambilwa kuti: “Aayo meenda ngookabona. . .mbantu, makunga aabantu, masi amilaka.” (Ciyubunuzyo17:15) Aboobo, ooyo munyama wakazyila munyika wakali nguzu zya mfulumende eeyo yakatalikila akataa cooko canyika citakwe bantu banji.\\nBanyama aabo Daniele mbaakabona, amunyama mutaanzi Johani ngwaakabona mu Ciyubunuzyo 13, bakazyila mulwizi luvwundaukide. Zisi zipya kanjikanji zilatalikwa kwiinda mukutapula mfulumende yacisi cimwi, akubweza cibaka caco. Nokuba boobo, kwakanyina cisi cakutapula kutegwa kutalikwe cisi ca Amelika. Mbombubo mboceelela cisi eeci kuti cibe cikonzyano camunyama uubbuka kuzwa munyika.\\nIbbala lya “kuboola” eelyo lijanwa mukaambo ka Mangwalo aaka, mumalembe aaci Giliki mataanzi, lyakali ἀνaßaίνω ( anabainō), eelyo lyalo antoomwe amabala nkolizwa muci Giliki, liiminina kuti – kusyuuka asyoontosyoonto...kukomena cabuumuzi alimwi mbuli (kasamu). Alimwi eeci ncintu ceelela.\\nG.A Townsend, eelyo naakali kupandulula kukomena kwacisi ca Amelika, wakaamba “maseseke aacisi eeci kuzwa aanyina cintu,” alimwi wakati, “Mbuli nseke yuumwine twakakomena kuba bulelo.” The New World Compared with the Old, pp.462, 635, G.A. Townsend) Limwi pepa lyakalembwa kubukuwa, The Dublin Nation, mu 1850 lyakaamba cisi ca Amelika kuti mbulelo bulibotela, oobo bwakali “kupampanuka,” alimwi “akataa buumuzi bwanyika eeci cisi cakali kuliyungizyila nguzu abweebezi”.\\n“Wakalaa meja obile mbuli mwanaambelele alimwi wakali kwaambaula mbuli simwaaba . . . .” (Ciyubunuzyo 13:11)\\nMunyama ooyo wakazyila munyika upandululwa kuti wakalaa meja obile, mbuli mwanaambelele. Ooyu tali munyama uukonzya mwanaambelele pe. Pele meja aakwe alaalweeno. Ucili munyama uulya banyamanyina, pele meja aakwe alibonya kuceya, kubula luciso alimwi akubaa luse mbuli mwanaambelele mubombe.\\nKwamisela yobile, cisi ca Amelika, kacicili cisi cipya, cakazyila kukubula nguzu kukutalika kubaa nguzu, nceceelela bupanduluzi oobu. Tiicakazunda masi amwi alimwi cakajulila milyango yaco kuli akuvwuna baabo boonse bakali kutija kupenzyegwa mumasi aabo.\\nMbuli Uulemekwa J.A Bingham mbwaakacipandulula, makunga aabantu akalongela ku amelika akuyandisya kubamba “Eeco catakangina bonwa munyika yoonse kwamisela minjaanji; nkokuti., cikombelo citakwe poopo, alimwi cisi citakwe muleli.”\\n“Ulacita maleele mapati, cakuti ulakonzya akulosya mulilo kuzwa kujulu anyika mumeso aabantu.” (Ciyubunuzyo 13:13)\\nAkataa zisi zyoonse zyanyika, cisi ca Amelika ncecaabaa nguzu, mpuwo abuvwubi cakufwambaana.\\nBusongo bwakubamba zintu bwakaya kumbele alimwi lwiiyo lwampindu amakwebo oolo lwakakunka kuzwa kucisi eeci, lwakajatikizya munzila imwi, buumi bwamuntu uuli woonse atalaa nyika.\\nKujaya minzi ya Hiroshima a Nagasaki azibelesyo zyamusela wamazubaano kwakapandululwa a Johani naakati: “Ulalosya mulilo kuzwa kujulu. . .mumeso aabantu.”\\nMaseseke eeni aaciimo cacisi ca Amelika akutambula zileleko zyakujulu ngakuti milawo yaco yakali kwaandaanya Cikombelo a Mfulumende, akucita kuti lwaanguluko lwabuntu alwabukombi lube ko- nokuba akataa bantu aabo balangwa kuti tabakwe mulimo.\\nMunyama wameja obile taakali kukonzya kuba Cikombelo ca Katolika nkaambo Bukatolika bwacikombelo eeco nkuswaangana antoomwe Cikombelo a Mfulumende. Aboobo eeci ciyanza ca Cikombelo alusyomo lwaco kwiinda munguzu zya mfulumende zilakazyana a amilazyo eeyo njicaayasyigwa cisi ca Amelika.\\nKuleka mbuli mikonzyano yabanyama imwi, ooyo munyama wakapompa kuzwa munyika wakali kulibonya bwiindene nkaambo taakajisi musyini, eeci ciiminina cisi citakwe mfulumende yaanyika.\\n“Musyini mukonzyano wamfulumende yabuleli bwamwami nokuba mufumpi, alimwi kuti kakutakwe misyini, mbuli mbokwaambwa aawa, inga caambilizya mfulumende iitakwe muleli, pele yeendelezyegwa mumaanza aabantu” U. Smith, Daniel and the Revelation, p. 581)\\nCisi ca United States naa Amelika cakali cisi citaanzi kuzwa ciindi ca Loma eeco cakalaa musyobo wamfulumende iitakwe muleli omwe luzutu pele lwaanguluko loonse lwacisi abupaizi kaluli mumaanza aabantu.\\nJohani wakalangilizya cilengaano, nokuba boobo, cakatalika kucinca muciwa caco. Munyama wakalaa meja obile wakatalika kwaambaula mbuli simwaaba, aawa mikonzyano yobile yiiminina bukombi bwa zilengwa leza a Saatani lwakwe.\\n“Ubelesya nguzu zyoonse zyamunyama mutaanzi . . .akucita [kusinikizya] kuti aabo bakkede mulinjiyo bakombe munyama mutaanzi.” (Ciyubunuzyo 13:12)\\nKuleka kuba cooko calwaanguluko mubupaizi cakaceede anyika, munyama wameja obile wakalipeekezya kubaa nguzu atalaa nyika yoonse eezyo zitamweelede. Ooku nkusinikizya, ngomulazyo wamfulumende yokwa Saatani, ooyo uubelesyegwa kukomba munyama uumbi, ooyo wiiminina Bukatolika.\\n“Ulacita maleele cakuti ulalosya mulilo kuzwa kujulu kuzya anyika mumeso aabantu. Alimwi uleena aabo boonse bakkede anyika kwiinda muzintu eezyo nzyaakalekelwa kuti acite kunembo lya munyama, kaambila baabo bakkede anyika kuti babambe cinkonzya camunyama ooyo wakayasidwe calufu acceba alimwi wakapona. Wakapegwa nguzu zyakupa muuya kucinkonzya camunyama, kuti cinkonzya camunyama caambaule akucita kuti boonse aabo batakombi cinkonzya camunyama bajayigwe. Ulasinikizya boonse, basyoonto abapati, bavwubi abacete, baangulukide abazike, kuti batambule caando camunyama mujanza lyalulyo nokuba munkumo zyabo, alimwi kuti kutabi naba omwe wuula nokuba kuulisya pele buyo ooyo uulaa caando nanka zina lyamunyama, nokuba mweelwe wazina lyakwe.” (Ciyubunuzyo 13:13-17, NKJV)\\nMasimpe ngakuti eezi nguzu zyaatamininwa acisi ca Amelika tizyaazumizyigwa abulemu bwakujulu pe nokuba kulelekwa mbuli bulembedwe Mumangwalo kujatikizya ncacita munyama ooyu:\\nWalo uleena aabo bakkede anyika\\nWalo ulasinikizya bantu banyika kuti bayake cibumbwa camunyama mutaanzi ooyo wakayasidwe cicisa calufu.\\nWalo ulaa nguzu zyakujaya baabo batakombi munyama mutaanzi.\\nWalo ulasinikizya boonse kuti batambule caando mujanza lyabo lyalulyo nokuba ankumo zyabo.\\nWalo ulasinikizya kulesya makwebo kuli baabo boonse batajisi caando, izina lyamunyama nokuba mweelwe wazina lyakwe.\\nEeci ciimo cabulwani ciliindene kapati amilazyo yalwaanguluko ya Bulelo Bwakujulu.\\nMangwalo alisalazyide kuti nkondo yamamanino akataa Yahuwah a Saatani inooyimvwi amakanaa kukomba- kapati, ciindi cakukomba. Yahuwah kunyina nasinikizya bantu kuti bamukombe Nguwe alimwi Saatani kunyina pe nasinikizya bantu kuti bakombe Yahuwah mu Nsabata Yakwe yakasimpe.\\nKutobela boobo, kukomba ooko kusikikizyigwa acisi ca Amelika kunooli kukomba mubuzuba buteelede- Munsondo, akuzumizya baabo bakomba mu Mujibelo nokuba baabo bakomba muli Bwasanu kuti baye ku Mosiki kuti bakapaile, zyoonse eezyi kazyeendelana akkalenda lina Gregory eelyo libelesyegwa munyika yoonse iiyabaila kutobela munyama.\\nCintu citakazumizyigwi ndwaanguluko lwakukomba kweendelana amizeezo yamuntu mwini lwakwe.\\nCintu ciyootobela ncakuti, boonse bakaka kuteelela lusyomo oolu, lwakasinikizyigwa acisi ca Amelika (nokuba mfulumende iimwi) banokweelede kujayigwa. Kwiina ncobazumizyidwe aabo bakomba MuNsabata yakasimpe yamu Bbaibbele, eeyo iibalwa akujnwa kubelesya kkalenda litaanzi lyamwezi-azuba lyaku Malengelo.\\nBulikke bulangizi bwamuntu, nkulyaaba cakumaninina kuluyando lokwa Yahuwah Elohimu. Mubusyu bwamunyama uuvwuluma, bantu Bakwe Yahuwah bayoofutulwa.\\nBoonse aabo bateelela Yahuwah atalaa milawo azilengwa zyabantu, bayoofutulwa muciindi camapenzi ciboola.\\nKuciindi eeco, Mikayeli mungele mupati uukwabilila bantu bako, uyooimikila. Kuyooba ciindi camapenzi aayoosya aatanabwenwe kuzwa kuciindi kakutanaba masi pe, kusikila ciindi eeco. Pele ciindi eeco bantu bako, boonse bali aamazina aalembedwe mubbuku bayoofutulwa. Nkabela bantu banji balede mubulongo bwaansi, bayoobuka, bamwi bayoobukila buumi butamani, bamwi bayoobukila nsoni amasampu aatakamani pe. Aabo basongo bayoobala mbuli bubekema julu, aabo baleta bantu kubululami, bayoobala mbuli nyenyezi kwalyoonse alyoonse. (Daniele 12:1-3)\\nIzisyomyo zya Mangwalo zijulila Singuzyoonse kuli baabo boonse balemeka Mulengi wabo kwiinda mukubamba mulawo Wakwe, kukomba mu Nsabata Yakwe iisetekene eeyo iikonzya buyo kujanwa kubelesya nzila yakakubamba ciindi njaakabikka: kkalenda lya mwezi-azuba antoomwe.\\nNkaambo wakabamba jwi lyakubikkilila lyangu, Ambebo ndiyookubamba muwoola lyamasunko, eelyo liboolela anyika yoonse, kuzyoosoleka baabo bakkede anyika.\\nAmulange, Ndaboola cakufwambaana: kojatilide eeco ncojisi kale, kutegwa kutabi muntu uutikubwezele musyini wako. (Ciyubunuzyo 3:10, 11, KJV)","num_words":1284,"character_repetition_ratio":0.058,"word_repetition_ratio":0.0,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amukukake Kuyeeya Kwabantu Bamunyika | Yakwiiya\\n‘Amucenjele kuti kutabi muntu uumoongelezya kuti mucegwe kwiinda mubusongo bwabantu alweeno . . . lwamunyika eeyi.’​—KOL. 2:8.\\nIno ndulayo nzi lwaluyando mwaapostolo Paulo ndwaakapa kujatikizya kuyeeya kwabantu bamunyika?\\nIno ncikozyanyo nzi cakuyeeya kwabantu bamunyika, alimwi ino mbuti mbotukonzya kucikaka?\\nIno makani aali mucibalo eeci amugwasya buti?\\n1. Ino ndulayo nzi mwaapostolo Paulo ndwaakalembela Banakristonyina? (Amubone cifwanikiso icili kumatalikilo aacibalo.)\\nMWAAPOSTOLO PAULO wakalemba lugwalo lwakwe ku Banakristo baku Kolose kumamanino akwaangwa kwakwe kwakusaanguna mu Roma, naa mumyaka yakuma 60-61 C.E. Wakabaambila kaambo ncocakali kuyandika “kumvwisya zintu zyakumuuya.” (Kol. 1:9) Paulo wakayungizya kuti: “Ndaamba boobu kutegwa kutabi muntu uuli woonse uumweena amakani aakoongelezya. Amucenjele kuti kutabi muntu uumoongelezya kuti mucegwe kwiinda mubusongo bwabantu alweeno, kweelana atunsiyansiya twabantu alimwi azintu zyantalisyo zyamunyika eeyi ikutali kweelana a Kristo.” (Kol. 2:4, 8) Paulo wakazumanana kupandulula kaambo mizeezo imwi iyakadumide ncoyatakaluzi alimwi akaambo kuyeeya kwabantu bamunyika ncokukonzya kubakwelelezya bantu batalondokede. Mucikozyanyo, kulakonzya kupa kuti muntu alimvwe kuba musongo alimwi akuti ulabainda bamwi. Makanze aalugwalo akali aakugwasya bakwesu kukaka kuyeeya kwabantu bamunyika azilengwa zibyaabi.—Kol. 2:16, 17, 23.\\n2. Ino nkaambo nzi ncotutiilange-lange zikozyanyo izijatikizya kuyeeya kwabantu bamunyika?\\n2 Kuyeeya kwabantu bamunyika takubikkili maano naa kulaanyansya malailile aa Jehova, alimwi asyoonto-syoonto kulakonzya kupa kuti lusyomo lwesu luceye. Mazuba aano, toonse tulizingulukidwe akuyeeya kwabantu bamunyika. Kulakulwaizyigwa a TV, a Intaneti, kumulimo naa kucikolo. Mucibalo eeci, tulalanga-langa ncotukonzya kucita kutegwa kuyeeya kuli boobo kutanyonganyi mizeezo yesu. Tulalanga-langa zikozyanyo zyosanwe izijatikizya kuyeeya kwabantu bamunyika alimwi akubandika mbotukonzya kwiikaka mizeezo eeyo.\\nSENA TUYANDIKA KUSYOMA MULI LEZA?\\n3. Ino nkuyeeya kuli buti nkobabikkila maano bantu banji, alimwi nkaambo nzi?\\n3 “Ndilakonzya kuba muntu uuli kabotu nokuba kuti tandisyomi muli Leza.” Mumasi manji, tacigambyi kumvwa bantu baamba kuti tabasyomi muli Leza, balibona kuti tabali bakombi. Ambweni kunyina nobabikkila maano kumakani aakuti Leza nkwali, babikkila buyo maano kumuzeezo wakuba alwaanguluko lwakucita zintu nzyobayanda. (Amubale Intembauzyo 10:4.) Bamwi balakonzya kulimvwa kuba abusongo bwamunyika ciindi nobaamba kuti, “Ndilakonzya kuba azyeelelo zisumpukide nokuba kuti tandisyomi muli Leza.”\\n4. Ino mbuti mbotukonzya kugwasya muntu iwaamba kuti kunyina Mulengi?\\n4 Sena ncobaamba bantu batasyomi kuti kunyina Mulengi ciyeeme atwaambo tumvwika? Ciindi muntu nabikkila maano kusayaansi kutegwa azyibe naa buumi bwakalengwa buya, ulakonzya kusweeka akaambo kamakani manji aindene-indene. Pele mubwini bwiinguzi tabukatazyi. Ikuti naa ŋanda iyandika muntu umwi kutegwa iyakwe, sena inga tiicainda aawo kujatikizya zintu zipona? Mubwini, maseelo aapona imasyoonto kapati anyika alijisi bumpiyompiyo kapati kwiinda ŋanda iili yoonse nkaambo alakonzya kucita ncoitakonzyi kucita ŋanda nkokuti kupanga maseelo aambi kuzwa kuseelo lyomwe. Aboobo maseelo aaya alakonzya kuyobola akukkopolola makani aayandika kutegwa apange maseelo aambi kuzwa kulingawo. Ino bupange bwamaseelo aapona bwakazwa kuli? Bbaibbele liingula kuti: “Iŋanda iili yoonse kuli wakaiyaka, pele ooyo wakapanga zintu zyoonse ngu Leza.”—Heb. 3:4.\\n5. Ino ncinzi ncotukonzya kwaamba kujatikizya muzeezo wakuti muntu umwi ulakonzya kuzyiba cibotu kakunyina kusyoma muli Leza?\\n5 Ino ncinzi ncotukonzya kwaamba kujatikizya muzeezo wakuti muntu ulakonzya kuzyiba cibotu kakunyina kusyoma muli Leza? Ijwi lya Leza lilaamba kuti bantu batasyomi inga kabajisi zyeelelo zimwi zili kabotu. (Rom. 2:14, 15) Mucikozyanyo, inga kababalemeka akubayanda bazyali babo. Pele ino inga zyasyomwa buti zyeelelo zyakulilemeka zyamuntu uukaka kuzumina Mulengi wesu siluyando kuti ngonguwe uubikka zyeelelo zyakuzyiba cibotu acibi? (Is. 33:22) Mazuba aano bantu banji ibasongo balazumina kuti ibukkale bwaindila kubija aano anyika businizya kuti bantu bayandika lugwasyo lwa Leza. (Amubale Jeremiya 10:23.) Aboobo tatweelede kusunkwa kuyeeya kuti muntu umwi ulakonzya kuzyiba cibotu kakunyina kusyoma muli Leza alimwi akutobela zyeelelo zyakwe.—Int. 146:3.\\nSENA TUYANDIKA BUKOMBI?\\n6. Ino bantu banji babubona buti bukombi?\\n6 “Mulakonzya kukkomana nokuba kuti kunyina bukombi.” Cikozyanyo eeci cakuyeeya kwabantu bamunyika cilabakkomanisya bantu banji akaambo kakuti babona bukombi kuti tabukondelezyi alimwi tabugwasyi. Kuyungizya waawo, zikombelo zinji zipa kuti bantu bazwe kuli Leza kwiinda mukuyiisya mulilo wahelo, kubwezelela mulumbo, naa kukambauka twaambo twacisi. Nkakaambo kaako ncouyaabukomena mweelwe wabantu ibalimvwa kuti balakonzya kukkomana kakunyina bukombi! Bantu ibali boobo balakonzya kwaamba kuti, “Makani aakumuuya ndilaayanda, pele tandinjili mumbunga zyabukombi.”\\n7. Ino mbuti bukombi bwakasimpe mbobupa lukkomano?\\n7 Sena masimpe kuti muntu ulakonzya kukkomana kakunyina bukombi? Bwini mbwakuti umwi ulakonzya kukkomana kakunyina bukombi bwakubeja, pele muntu takonzyi kuba alukkomano lwini-lwini ccita kuti kajisi cilongwe a Jehova, walo waambwa kuti ngu “Leza uukkomene.” (1Tim. 1:11) Zyoonse nzyacita Leza zilabagwasya bamwi. Babelesi bakwe balikkomene nkaambo babikkila maano kugwasya bamwi. (Mil. 20:35) Mucikozyanyo, atulange mbuli bukombi bwakasimpe mbobupa kuti kube lukkomano mumukwasyi. Bukombi bwakasimpe bulatuyiisya kubapa bulemu mbotukwetene limwi, kubona zikonke zyamucikwati kuti zilisetekene, kutantamuka bumambe, kukomezya bana bajisi bulemu, alimwi akutondezyanya luyando lwini-lwini. Aboobo, bukombi buli boobu bulabakamantanya bantu mumbungano zikkomene alimwi akuba alukkomano lwabunyina bwanyika yoonse.—Amubale Isaya 65:13, 14.\\n8. Ino mbuti mbotukonzya kulubelesya lugwalo lwa Matayo 5:3 kubandika mubuzyo wakuti, Ino ncinzi cipa kuti bantu kabakkomana?\\n8 Mbuti mbotukonzya kuulanga-langa muzeezo wakuti muntu ulakonzya kukkomana kakunyina kubelekela Leza? Amuyeeye mubuzyo ooyu, Ino ncinzi cipa kuti bantu kabakkomana? Bamwi balakkutila amulimo ngobajisi, cisobano naa cintu ncobayandisya kucita. Bambi balakkutila kwiinda mukulanganya mukwasyi naa balongwe. Zintu zyoonse eezyi zilakonzya kuleta lukkomano, pele buumi bwesu bulijisi makanze mapati alo aaleta lukkomano lutamani. Mukwiimpana abanyama, tulakonzya kumuzyiba Mulengi wesu akumubelekela cakusyomeka. Twakalengwa munzila yakuti katujana lukkomano kwiinda mukucita boobo. (Amubale Matayo 5:3.) Mucikozyanyo, bakombi bakasimpe balakkomana akukulwaizyigwa kapati kwiinda mukuswaangana antoomwe kutegwa bamukombe Jehova. (Int. 133:1) Kunze lyaboobo balakkomana alukamantano lwabunyina, kupona buumi buli kabotu alimwi akuba abulangizi.\\nSENA TUYANDIKA ZYEELELO ZYAKULILEMEKA?\\n9. (a) Ino muzeezo nzi uudumide munyika kujatikizya koonana? (b) Ino nkaambo nzi Jwi lya Leza ncolikasya koonana kutali kwamu mulawo?\\n9 “Ino nkaambo nzi koonana kutali kwamu mulawo ncokukasyigwa?” Bantu balakonzya kutwaambila kuti: “Tweelede kulikkomanisya mubuumi. Ino nkaambo nzi koonana kutali kwamu mulawo ncokukasyigwa?” Muzeezo wakuti Munakristo weelede kubona koonana kutali kwamu mulawo kuti kuli kabotu tauluzi. Ino nkaambo nzi? Nkaambo kakuti Jwi lya Leza lilakasya bwaamu. * (Amubale 1 Batesalonika 4:3-8.) Jehova ulijisi nguzu zyakutupa milawo nkaambo ngonguwe wakatulenga. Leza waamba kuti mwaalumi amwanakazi ibakwetene balikke mbabazumizyidwe koonana. Leza ulatupa milawo akaambo kakuti ulatuyanda. Milawo njatupa ilatugwasya. Mikwasyi iitobela milawo ilaba aluyando, bulemu alimwi alukwabililo. Leza ulabasubula aabo ibasotoka milawo yakwe acaali.—Heb. 13:4.\\n10. Ino mbuti Munakristo mbwakonzya kutantamuka bwaamu?\\n10 Ijwi lya Leza lilatuyiisya mbotukonzya kubutantamuka bwaamu. Nzila imwi iiyandika kutegwa tucite oobo nkwiinda mukweendelezya zintu nzyotubona. Jesu wakaamba kuti: “Kufwumbwa muntu uulangisisya mukaintu cakumunyomenena, wacita kale bumambe anguwe mumoyo wakwe. Lino ikuti liso lyako lyalulyo kalikulebya, kolinonkola akulisowa.” (Mt. 5:28, 29) Aboobo, Munakristo ulatantamuka kweebelela zintu ziletela muzeezo wakoonana, naa kuswiilila nyimbo izijisi majwi aacisapi. Mwaapostolo Paulo wakalembela Banakristonyina kuti: “Amujaye zizo zyamubili wanu eezyo zili anyika kujatikizya zisusi mbuli bwaamu.” (Kol. 3:5) Kuyungizya waawo, tweelede kweendelezya mizeezo yesu alimwi azintu nzyotwaamba.—Ef. 5:3-5.\\nSENA TWEELEDE KUJANA MULIMO UUVWOLWA MALI MANJI?\\n11. Ino nkaambo nzi kujana mulimo uuvwolwa mali manji ncokunga kwalibonya kuti nkubotu?\\n11 “Kujana mulimo uuvwolwa mali manji ncecintu cipati ciletela lukkomano.” Bantu banji batukulwaizya kuba amakanze aakujana mulimo uuvwolwa mali manji. Mulimo uli boobo ulakonzya kutupa kuba aampuwo, kuba acuuno caatala, alimwi akuba alubono lunji. Akaambo kakuti banji babona kuti kujana mulimo uuvwolwa mali manji ncecintu ciyandika mubuumi, Munakristo ulakonzya kutalika kuyeeya boobo awalo.\\n12. Sena kuzwidilila mukujana mulimo uuvwolwa mali manji ncecintu cipati ciletela lukkomano?\\n12 Sena masimpe kuti kuzwidilila mukujana mulimo uuvwolwa mali manji uupa kuba acuuno caatala alimwi ampuwo kuletela lukkomano lutamani? Peepe. Amuyeeye kuti kuyandisya kweendelezya bamwi alimwi amambonwa nzyezisusi zyakapa kuti Saatani acegwe, pele takkomene, ulinyemede kapati. (Mt. 4:8, 9; Ciy. 12:12) Tweezyanisya alukkomano lutamani luboola kwiinda mukupa kuti bantu bagwasyigwe abusongo buzwa kuli Leza kutegwa bakajane buumi butamani, mulimo uuvwolwa mali manji uleta buyo kukkutila kusyoonto. Kuyungizya waawo, muuya wanyika eeyi ukulwaizya kuzundana kapati. Upa kuti bantu kabazundana, kababa amunyono, mpoonya kumamanino cilalibonya kuti “nkutandaanya buyo muwo.”—Muk. 4:4.\\n13. (a) Ino tweelede kuubona buti mulimo wakumubili? (b) Kweelana alugwalo Paulo ndwaakalembela bana Tesalonika, ino ncinzi cakamupa kukondwa kapati?\\n13 Masimpe, tweelede kubeleka kutegwa tujane ziyandika mubuumi, alimwi kunyina cilubide kusala mulimo ngotukkomanina. Pele mulimo wakumubili taweelede kuba ncecintu ciyandika kapati mubuumi bwesu. Jesu wakaamba kuti: “Taakwe uukonzya kubelekela basimalelo bobilo; nkaambo uyoosula umwi akuyanda umbi, naa uyoosyomeka kuli umwi akusampula umbi. Tamukonzyi kubelekela Leza alimwi a Lubono.” (Mt. 6:24) Ciindi notusaanguna kubikkila maano kukubelekela Jehova akuyiisya bamwi Jwi lyakwe, tulajana lukkomano lutaambiki. Eeci ncecakamucitikila mwaapostolo Paulo ciindi cimwi. Kumatalikilo mubuumi bwakwe, wakatalikide mulimo waatala kapati mubukombi bwaba Juda, pele wakajana lukkomano lwini-lwini ciindi naakatalika kugwasya bantu kuba basikwiiya alimwi akulibonena bantu mbobakautambula mulumbe wa Leza ambowakacinca buumi bwabo. (Amubale 1 Batesalonika 2:13, 19, 20.) Kunyina mulimo uumbi uupa kukkutila mbuli yooyu.\\nLukkomano lutamani lulaboola kwiinda mukupa kuti bantu bagwasyigwe abusongo buzwa kuli Leza (Amubone muncali 12 a 13)\\nSENA TULAKONZYA KWAAMANA MAPENZI AABANTU?\\n14. Ino nkaambo nzi muzeezo wakuti bantu balakonzya kwaamana mapenzi aabo ncoulimvwisya kuba mubotu?\\n14 “Bantu balakonzya kwaamana mapenzi aabo.” Muzeezo ooyu wabantu bamunyika ulakonzya kulibonya kuba mubotu kubantu banji. Ino nkaambo nzi? Kuti niwali wamasimpe muzeezo ooyu, inga caamba kuti bantu tabayandiki kusololelwa a Leza alimwi akuti bantu balakonzya kucita kufwumbwa ncobayanda. Alimwi, muzeezo wakuti bantu balakonzya kwaamana mapenzi aabo ulakonzya kulimvwisya kuba wamasimpe akaambo kakuti—kweelana abuvwuntauzi bumwi—nkondo, milandu, malwazi alimwi abucete ziyaabuceya. Lipooti imwi yakaamba kuti: “Ikaambo kapa kuti buumi bwabantu kabuyaabuba kabotu nkakuti bantu batalika kubamba nyika kuba busena bubotu.” Sena kaambo kali mbuli kaako katondezya kuti bantu batalika kucikonzya kwaamana mapenzi aali kubapenzya kwaciindi cilamfwu? Kutegwa tujane bwiinguzi, atwaalange-lange mapenzi aayo.\\n15. Ino mbumboni nzi butondezya mbwaali mapati mapenzi aabantu?\\n15 Nkondo: Lyankondo yakusaanguna yanyika yoonse ayabili bantu babalilwa ku 60 miliyoni naa kwiinda aawo bakafwa. Kuzwa noyakamana Nkondo Yabili Yanyika Yoonse, bantu kunyina nobacikonzya kulesya nkondo. Kuzikusika mu 2015, mweelwe wabantu ibakasiya maanda aabo akaambo kankondo naa kupenzyegwa wakasika ku 65 miliyoni. Mulikke mu 2015, mweelwe wabantu uubalilwa ku 12.4 miliyoni bakasiya maanda aabo. Milandu: Nokuba kuti misyobo yamilandu imwi yaceya mumasena aamwi, imisyobo imwi mbuli milandu iicitilwa a intaneti (cybercrime), kulwana mumukwasyi, abugwebenga ziyaabwiindilila kapati. Kuyungizya waawo, bantu banji basyoma kuti makulo munyika yoonse ayindilila kapati. Bantu tiibacikonzya kwiimana milandu. Malwazi: Malwazi aamwi ajaninwa misamu. Pele lipooti yakamwaigwa mu 2013 yakatondezya kuti amwaka mweelwe uutalikomeneni wabantu basika ku 9 miliyoni ibajisi myaka yakuzyalwa iitasiki ku 60 balafwa abulwazi bwamoyo, kulebuka mubili, kkansa, bulwazi bwamucamba, alimwi abulwazi bwasyuga. Bucete: Kweelana aba World Bank, mweelwe wabantu bapengede kapati akaambo kabucete mu Africa molikke wayaatala kuzwa ku 280 miliyoni mu 1990 kusika ku 330 miliyoni mu 2012.\\n16. (a) Ino nkaambo nzi Bwami bwa Leza bolikke ncobukonzya kumanizya mapenzi aabantu? (b) Ino nzilongezyo nzi izyakaambilwa limwi a Isaya alimwi a sintembauzyo?\\n16 Makwebo aamunyika alimwi amapolitikisi zyeendelezyegwa abeendelezi ibaliyanda. Cakutadooneka, beendelezi aaba tabakonzyi kumanizya nkondo, milandu, malwazi, alimwi abucete—bolikke Bwami bwa Leza mbobukonzya kuzimanizya. Atulange Jehova ncayoocitila bantu. Nkondo: Bwami bwa Leza buyoozimanizya zintu zyoonse izyali kupa kuti kakuba nkondo kuzwa kaindi mbuli kuliyanda, makulo, kuyandisya cisi, bukombi bwakubeja, alimwi a Saatani kumugama. (Int. 46:8, 9) Milandu: Bwami bwa Leza buluujisi lino kuyiisya mamiliyoni aabantu kuyandana alimwi akusyoma umwi amweenzinyina calo citakonzyi kucitwa amfwulumende iili yoonse. (Is. 11:9) Malwazi: Jehova uyoobalongezya bantu bakwe kwiinda mukubapa buumi bulondokede. (Is. 35:5, 6) Bucete: Jehova uyoobumana bucete alimwi uyoopa kuti bantu bakwe bazwidilile kumuuya akumubili, izintu ziyandika kapati kwiinda buvwubi.—Int. 72:12, 13.\\n‘AMUZYIBE MBOMWEELEDE KWIINGULA’\\n17. Ino mbuti mbomukonzya kukukaka kuyeeya kwabantu bamunyika?\\n17 Ikuti mwamvwa muzeezo wabantu bamunyika uulibonya mbuli kuti usunka lusyomo lwanu, amuvwuntauzye ncolyaamba Jwi lya Leza kujatikizya muzeezo ooyo mpoonya amubandike amusyominyoko uusimide. Amulange-lange ikaambo kapa kuti muzeezo ooyo kaulimvwisya mbuli kuti uli kabotu, kaambo kuyeeya kuli boobo ncokutaluzi, alimwi ambomukonzya kuukaka. Masimpe, toonse tulakonzya kulikwabilila kukuyeeya kwabantu bamunyika kwiinda mukutobela lulayo Paulo ndwaakapa mbungano yaku Kolose lwakuti: ‘Amuzumanane kweenda cabusongo akati kabantu bakunze . . . Amuzyibe mbomweelede kumwiingula muntu umwi aumwi.’—Kol. 4:5, 6.\\n^ munc. 9 Bantu banji tabazyi kuti cibalo cijanika muma Bbaibbele amwi kulugwalo lwa Johane 7:53–8:11 ncibeela icakayungizyigwa calo icitali cibeela camalembe aakusaanguna aakasololelwa amuuya. Kwiinda mukulanga cibeela eeci, bamwi bakali kwaamba kuti muntu uunyina cibi alikke nguwakali kukonzya kwaamba kuti muntu umwi wakacita bumambe. Pele mulawo wa Leza ngwaakapa cisi ca Israyeli wakali kwaamba kuti: “Ikuti mwaalumi wajatwa bumambe amukamuntu, boonse bobilo beelede kufwa.”—Dt. 22:22.","num_words":1861,"character_repetition_ratio":0.066,"word_repetition_ratio":0.001,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bbaibbele​—Sena Masimpe ‘Lyakasololelwa a Leza’?\\nMAKANI AAYEEME AMUTWE UULI ACIVWUMBYO | SENA BBAIBBELE MUBWINI LYAKAZWA KULI LEZA?\\nBbaibbele—Sena Masimpe ‘Lyakasololelwa a Leza’?\\nSENA mulasyoma kuti Bbaibbele lyakazwa kuli Leza? Naa sena muyeeya kuti ndibbuku lijisi buyo mizeezo yabantu?\\nNobaba baabo balyaamba kuti Mbanakristo bazumanana kukazyanya kujatikizya makani aaya. Mucikozyanyo, mu 2014 buvwuntauzi ibwakacitwa ku United States bwakatondezya kuti bunji bwabaabo balyaamba kuti Mbanakristo bakazumina kuti “Bbaibbele kuli mboliswaangene a Leza munzila imwi.” Kulubazu lumwi, akati kabantu bosanwe ibakabuzyigwa-buzyigwa muntu omwe wakaamba kuti Bbaibbele ulibona kuti ndibbuku “lyatwaano twansiku, lyamakani aakaindi, alimwi amilawo yakalembwa abantu.” Eeci citondezya kuti bantu banji balikatazyidwe kujatikizya nkolyakazwa Bbaibbele nokuba kuti Bbaibbele lyaamba kuti “Magwalo oonse akasololelwa a Leza.” Aboobo, cakusaanguna atuzyibe ncaapandulula majwi aakuti “magwalo oonse akasololelwa a Leza.”—2 Timoteyo 3:16.\\n“MAGWALO OONSE AKASOLOLELWA A LEZA”—INO MAJWI AAYA APANDULULA NZI?\\nBbaibbele lijisi mabbuku masyoonto-syoonto aali 66, alo aakalembwa abalembi babalilwa ku 40 kwamyaka iinda ku 1,600. Pele kuti naa Bbaibbele lyakalembwa aabantu, ino mbuti mbolikonzya ‘kusololelwa a Leza’? Mubufwaafwi, majwi aakuti “akasololelwa a Leza” apandulula kuti mulumbe uuli mu Bbaibbele wakazwa kuli Leza. Bbaibbele lyaamba kuti: “Bantu bakaambaula zyakazwa kuli Leza kwiinda mukusololelwa amuuya uusalala.” (2 Petro 1:21) Munzila imwi, Leza wakabelesya nguzu zyakwe zitalibonyi, muuya uusalala, kubaambila mulumbe wakwe balembi bamabbuku aamu Bbaibbele. Eeci cilakonzya kukozyanisyigwa amuntu simakwebo iwaambila mulembi wakwe majwi ngayelede kulemba mulugwalo. Mulembi walugwalo tali yooyo uulemba, pele nguyooyo iwaamba majwi aayelede kulembwa.\\nBamwi balembi ba Bbaibbele bakali kwaambilwa buya mulumbe wa Leza cacigaminina kwiinda mumungelo. Bamwi bakali kubona zilengaano kuzwa kuli Leza. Ziindi zimwi, Leza wakali kubaambila mulumbe wakwe kwiinda muziloto. Zimwi ziindi Leza wakali kubazumizya balembi ba Bbaibbele kubelesya majwi aabo ikulemba mulumbe wakwe, nokuba boobo zimwi ziindi wakali kubaambila majwi aagaminide. Munzila zyoonse eezyi, balembi bakalemba mizeezo ya Leza kutali mizeezo yabo.\\nIno inga twasinizya buti kuti Leza nguwakali kubasololela balembi ba Bbaibbele? Amulange-lange bumboni botatwe ibusinizya kuti Leza nguwakalemba Bbaibbele.","num_words":298,"character_repetition_ratio":0.085,"word_repetition_ratio":0.0,"special_characters_ratio":0.165,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mubili wa Jesu Wabambwa Akuzikkwa | Buumi bwa Jesu\\nMubili wa Jesu Wabambwa Akuzikkwa\\nMATAYO 27:57–28:2 MARKO 15:42–16:4 LUKA 23:50–24:3 JOHANE 19:31–20:1\\nMUBILI WA JESU WAGUSYIGWA AACISAMU\\nMUBILI WABAMBWA KUTI UZIKKWE\\nBAMAKAINTU BAJANA TAAKU CILIKO MUCUUMBWE\\nLino zuba lyuunka kumabbililo muli Bwasanu, Nisani 14. Lyabbila zuba, Sabata yamu Nisani 15 ilatalika. Jesu wafwa kale, pele babbi bobilo ibalaanguwe bacili baumi. Kweelana a Mulawo, mitunta ‘tayeelede kuba acisamu masiku oonse pe,’ pele yeelede kuzikkwa “buzuba mbubonya oobo.”—Deuteronomo 21:22, 23.\\nKuyungizya waawo, ciindi cakumazuba muli Bwasanu ciitwa kuti nciindi ca Kulibambila nkaambo bantu balabamba zyakulya akumanizya milimo iili yoonse iitakonzyi kulindila kuti ikacitwe yainda Sabata. Lyabbila zuba, ibuzuba bwa Sabata “bupati” bulatalika. (Johane 19:31) Cili boobu akaambo kakuti buzuba bwa Nisani 15 mbuzuba bwakusaanguna bwamazuba aali ciloba aa Pobwe lya Zinkwa Zitajisi Bumena, alimwi lyoonse buzuba bwakusaanguna bwapobwe eeli inga ni Sabata. (Levitiko 23:5, 6) Aciindi eeci buzuba oobu bwakusaanguna bwawida mubuzuba bwa Sabata yaamvwiki, nkokuti buzuba bwaciloba.\\nAboobo ba Juda bamulomba Pilato kuti abinzyaanisye lufwu lwa Jesu ababbi bobilo mbocili limwi. Kwiinda mukucita buti? Kwiinda mukutyola maulu aabo. Eeci cilapa kuti batacikonzyi kubelesya maulu aabo kunyamuna camba kuti bayoye. Basikalumamba baboola akutyola maulu aababbi bobilo. Pele Jesu ulibonya kuti wafwa kale, aboobo tiibamutyola maulu. Eeci cazuzikizya lugwalo lwa Intembauzyo 34:20 ilwaamba kuti: “Ulalinda mafwuwa oonse aamuntu ooyu; kunyina noliba lyomwe lyatyolwa.”\\nKutegwa kutabi kuzumbauzya kuli koonse kwakuti Jesu wafwa ncobeni, sikalumamba umwi wamuyasa sumo mumabambo, kumbali ikuli moyo. ‘Mpoonya aawo kwazwa bulowa amaanzi.’ (Johane 19:34) Eeci cazuzikizya lugwalo alumbi ilwaamba kuti: “Bayoolanga kuli yooyo ngobakayasa.”—Zekariya 12:10.\\nJosefa uuzwa kumunzi wa Aremateya, “muntu umwi muvwubi” alimwi uulemekwa wamu Nkuta Mpati Yaba Juda, nkwali awalo aabusena mpaajailwa Jesu. (Matayo 27:57) Waambwa kuti “mwaalumi mubotu alimwi uululeme,” ooyo ‘uulindila Bwami bwa Leza.’ Mubwini, ooyu “sikwiiya wa Jesu iwakali kulisisa akaambo kakuyoowa ba Juda,” tanaazuminizya nkuta mboyaakosola makani aajatikizya Jesu. (Luka 23:50; Marko 15:43; Johane 19:38) Cabusicamba Josefa waunka kuli Pilato waakulomba mubili wa Jesu. Pilato waita silutwe wabasikalumamba uulanganya makani aaya walo iwaamba kuti ncobeni Jesu wafwa kale. Mpoonya Pilato wamuzumizya Josefa kubweza mubili.\\nJosefa waula mulembo mubotu uunyina tombe akwaangula mubili wa Jesu kuzwa aacisamu. Wauzambaila mumulembo kulibambila kuzikka. Nikodemo, ooyo “wakaswaya Jesu masiku ciindi cakusaanguna,” awalo wagwasyilizya mukubamba mubili. (Johane 19:39) Waleta cibbudu icilema makkilogilamu aatandila ku 33 catununkilizyo tudula kapati twamuro alimwi aaloye tuvweledwe. Mubili wa Jesu wazambailwa mumilembo antoomwe atununkilizyo, kweelana acilengwa ncobacita ba Juda nobazikka.\\nJosefa ulijisi cuumbwe icakasyigwa mumwala uuli munsi-munsi eeco citanabuzuba cazikkilwa muntu, oomo mowazikkwa mubili wa Jesu. Mpoonya bakunkulisya bbwe lipati akusinka kumulyango wacuumbwe. Eeci bacicita cakufwambaana kaitanatalika Sabata. Kuboneka kuti Mariya Magadalene alimwi a Mariya banyina Jakobo Muniini bali kugwasyilizya mukubamba mubili wa Jesu. Lino baunka kuŋanda cakufwambaana “kuyoobamba tununkilizyo amafwuta aanunkilila” kuti bazyikuubambe alimwi mubili wa Jesu yainda Sabata.—Luka 23:56.\\nIbuzuba butobela, mu Sabata, basilutwe babapaizi alimwi aba Farisi baunka kuli Pilato akwaamba kuti: “Twayeeya kuti silweeno ulya kacili muumi wakaamba kuti, ‘Kwainda mazuba otatwe ndiyoobusyigwa.’ Aboobo kolailila kuti cuumbwe cilindwe kusikila mubuzuba bwatatu, kutegwa basikwiiya bakwe bataunki kuyoomubba akwaambila bantu kuti, ‘Wabusyigwa kubafwu!’ Eelyo lweeno lwamamanino oolu luyoobija kwiinda lwakusaanguna.” Pilato wabaambila kuti: “Mulakonzya kubikka balindizi. Aboobo kamuya mukacilinde kabotu kweelana ambomuzyi.”—Matayo 27:63-65.\\nMafwumofwumo mu Nsondo, Mariya Magadalene, Mariya banyina Jakobo, alimwi abamakaintu bambi baleta tununkilizyo kucuumbwe kuzyikunanika mubili wa Jesu. Babuzyanya kuti: “Nguni uutiitukunkulisyile bbwe lili kumulyango wacuumbwe?” (Marko 16:3) Pele bajana kuti kwacitikide muzuzumo wanyika. Kuyungizya waawo, mungelo wa Leza walikunkulisya bbwe, balindizi baunka tabako, alimwi mucuumbwe taaku cilimo!\\nNkaambo nzi buzuba bwamuli Bwasanu ncobutegwa mbuzuba bwa Kulibambila, alimwi nkaambo nzi buzuba oobu ncobuli buzuba “bupati” bwa Sabata?\\nIno Josefa a Nikodemo bacita nzi kumakani aakuzikkwa kwa Jesu, alimwi ino bazyibene buti a Jesu?\\nNcinzi bapaizi ncibayanda kuti cicitwe, pele ino ncinzi cacitika mafwumofwumo mu Nsondo?","num_words":579,"character_repetition_ratio":0.052,"word_repetition_ratio":0.0,"special_characters_ratio":0.185,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"“Kosyoma Jehova Akucita Zintu Zibotu”—Intembauzyo 37:3 | Yakwiiya\\n“Kosyoma Jehova akucita zintu zibotu . . . alimwi kosyomeka mumilimo yako.”—INT. 37:3.\\nNYIMBO: 133, 63\\nINO NCINZI NCOTUKONZYA KWIIYA KUJATIKIZYA KUSYOMA JEHOVA KUZWA KULI . . .\\nbabelesi ba Jehova bambi basyomeka?\\n1. Ino ninguzu nzi zigambya Jehova nzyaakabalenga anzizyo bantu?\\nJEHOVA wakalenga bantu akubapa nguzu zyakucita zintu zinji zigambya. Wakatupa nguzu zyakuyeeya kutegwa katumana mapenzi alimwi akuyeeya nzyotuyoocita kumbele. (Tus. 2:11) Wakatupa nguzu zyakucita zintu nzyotuyeeya kucita, eeci citupa kucikonzya kuzuzikizya mbaakani zyesu. (Flp. 2:13) Alimwi wakatulenga amanjezyeezya—inguzu zyakuzyalwa anzizyo zyakuzyiba cibi acibotu—alo aakonzya kutugwasya kutantamuka kucita zibi alimwi akubambulula zibi zyesu ikuti twalubizya.—Rom. 2:15.\\n2. Mbuti Jehova mbwayanda kuti katuzibelesya nguzu nzyaakatupa?\\n2 Jehova uyanda kuti katuzibelesya kabotu nguzu nzyaakatupa. Nkaambo nzi? Nkaambo ulatuyanda, alimwi ulizyi kuti citupa kukkutila ikuti naa twazibelesya kabotu zipego eezyi. Kwiinda mu Jwi lyakwe, cakwiinduluka-induluka, Jehova utukulwaizya kubelesya nguzu zyesu kucita zintu zili kabotu. Mucikozyanyo mu Magwalo aa Chihebrayo tubala kuti: “Makanze aabankutwe masimpe apa kuzwidilila”; alimwi “kufwumbwa mulimo maanza aako ngaajana, koubeleka anguzu zyako zyoonse.” (Tus. 21:5; Muk. 9:10) Mu Magwalo aa Banakristo aa Chigiriki, twaambilwa kuti: “Kufwumbwa leelyo notujisi coolwe, atucitile bantu boonse milimo mibotu”; alimwi “kweelana acipego umwi aumwi ncaakatambula, amucibelesye mukubelekelana.” (Gal. 6:10; 1Pet. 4:10) Cakutadooneka, Jehova uyanda kuti tugwasyigwe alimwi akugwasya bambi.\\n3. Nkulezya kuli buti bantu nkobajisi?\\n3 Nokuba boobo, Jehova ulizyi kuti bantu kuli mpobagolela. Swebo lwesu kutugama, tatukonzyi kumana kutalondoka, cibi, alimwi alufwu; nokuba kweendelezya bantu bamwi, nkaambo boonse balijisi lwaanguluko lwakulisalila. (1Bam. 8:46) Kufwumbwa naa tulakonzya kuba aluzyibo luli buti, lyoonse tunooli mbuli bana twakozyanisyigwa a Jehova.—Is. 55:9\\nCiindi nomujisi buyumuyumu, ‘kamusyoma Jehova akucita zintu zibotu’\\n4. Ino ncinzi ncotutiilange-lange mucibalo eeci?\\n4 Mubukkale buli boonse, tweelede kusyoma Jehova kuti atusololele, kusyoma mulinguwe kuti atugwasye alimwi akutucitila zintu nzyotutakonzyi kulicitila. Aciindi ncomunya, tweelede kucita nzyotukonzya, nkokuti ikubweza ntaamu zyeelede kutegwa tumane mapenzi alimwi akugwasya bantu bamwi. (Amubale Intembauzyo 37:3.) Mubufwaafwi, tweelede kucita zintu zyoonse zyobilo ‘kusyoma Jehova akucita zintu zibotu’; alimwi tweelede ‘kusyomeka kumilimo yesu.’ Mumbazu eeyi, atulange-lange ncotukonzya kwiiya kuzikozyanyo zya Nowa, Davida alimwi ababelesi ba Jehova bamwi basyomeka ibakasyoma Jehova alimwi akubweza ntaamu zyakali kuyandika. Mbubwenya mbotutiibone, eeci cakali kubikkilizya kuzyiba nzyobakali kukonzya kucita alimwi anzyobatakali kukonzya kucita, mpoonya akubweza ntaamu yeelede.\\nCIINDI NOTUZINGULUKIDWE ABANTU BACITA ZIBI\\n5. Amupandulule bukkale mbobwakabede muciindi ca Nowa.\\n5 Nowa wakali kukkala munyika ‘yakazwide bubi’ alimwi akutalilemeka. (Matl. 6:4, 9-13) Wakalizyi kuti Jehova mukuya kwaciindi uyakwiinyonyoona nyika mbyaabi eeyo. Nokuba boobo, kweelede kuti Nowa wakalikopene akaambo kabukkale bubyaabi bwakaliko. Mubukkale oobo, Nowa wakalizyi kuti kwakali zintu nzyaatakali kukonzya kucita alimwi anzyaakali kukonzya kucita.\\nKukazyigwa kwamulimo wesu (Amubone muncali 6-9)\\n6, 7. (a) Nzintu nzi Nowa nzyaatakali kukonzya kucita? (b) Mbuti mbotuli mubukkale ibukozyenye amubukkale mwaakabede Nowa?\\n6 Zintu Nowa nzyaatakali kukonzya kucita: Nokuba kuti cakusyomeka Nowa wakakambauka mulumbe wa Jehova wakucenjezya, tanaakali kukonzya kubasinikizya bantu babi bakamuzingulukide ikutambula mulumbe ooyo, naa kupa kuti Zambangulwe ifwambaane kuboola. Nowa wakeelede buyo kusyoma Jehova kuti uyoocizuzikizya cisyomezyo cakwe cakumana bubi aciindi ceelede.—Matl. 6:17.\\n7 Andiswe mazuba aano tupona munyika iizwide bubi, yalo njasyomezya kuti Jehova uyakwiinyonyoona. (1Joh. 2:17) Kwacecino ciindi, tatukonzyi kubasinikizya bantu kuti baazumine “makani mabotu aa Bwami.” Alimwi taakwe ncotukonzya kucita kutegwa “mapenzi mapati” afwambaane kuboola. (Mt. 24:14, 21) Mbubwenya mbuli Nowa, tweelede kuba alusyomo luyumu, kusyoma kuti Jehova lino-lino ulabweza ntaamu. (Int. 37:10, 11) Tulisinizyide kuti Jehova takaizumizyi nyika eeyi mbyaabi kuti izumanane kubako nobuba buzuba bomwe buyo kwiindilila aciindi ncabikkide kuti azuzikizye makanze aakwe.—Hab. 2:3.\\n8. Mbuti Nowa mbwaakabikkila buyo maano kuzintu nzyaakali kukonzya kucita? (Amubone cifwanikiso icili kumatalikilo aacibalo.)\\n8 Zintu Nowa nzyaakali kukonzya kucita: Muciindi cakutyompwa akaambo kazintu nzyaatakali kukonzya kucita, Nowa wakabikkila buyo maano kuzintu nzyaakali kukonzya kucita. Mbwaakali “imukambausi wabululami,” Nowa cakusyomeka wakaambilizya mulumbe wakucenjezya ngwaakaambilwa kuti aambilizye. (2Pet. 2:5) Cakutadooneka, kucita boobo kwakamugwasya Nowa kuzumanana kuba alusyomo luyumu. Kunze aamulimo wakukambauka, Nowa wakabelesya nguzu zyakwe alimwi amaano aakwe kutegwa azuzikizye mulimo ngwaakapegwa a Leza iwakuyaka bwato.—Amubale Bahebrayo 11:7.\\n9. Mbuti mbotukonzya kwiiya cikozyanyo ca Nowa?\\n9 Mbubwenya mbuli Nowa, tulasolekesya kuba “azintu zinji zyakucita mumulimo wa Mwami.” (1Kor. 15:58) Milimo eeyo ilakonzya kubikkilizya kuyaka alimwi akubamba masena aakukombela, kulyaaba kugwasilizya kubeleka kumiswaangano mipati, naa kubelekela kuofesi yamutabi naa kuofesi yabasanduluzi. Kwiinda zyoonse, tulalitakata mumulimo wakukambauka, katuzyi kuti mulimo ooyu uyumya bulangizi bwesu bwakumbele. Mucizyi uumwi uusyomeka wakaamba kuti: “Ciindi nomwaambila bamwi kujatikizya zilongezyo zya Bwami bwa Leza, muyoobona kuti baswiilizi banu tabajisi bulangizi naaceya alimwi babona mapenzi aabo kuti anooliko lyoonse.” Masimpe, kutola lubazu mumulimo wakukambauka kuyumya bulangizi bwesu bwakumbele alimwi akutaleka kutola lubazu mumuzundano wakubalika wabuumi.—1Kor. 9:24.\\n10. Amupandulule bukkale mwaakabede Davida.\\n10 Jehova wakaamba Mwami Davida kuti, ‘mwaalumi weendelana amoyo wakwe.’ (Mil. 13:22) Buumi bwa Davida boonse bwakali bwabululami. Nokuba boobo, ciindi cimwi wakacita cibi cipati. Wakacita bumambe a Bati-seba. Kuyungizya waawo, wakasola kucisisa cibi eeco kwiinda mukubikka bubambe bwakuti mulumi wa Bati-seba, Uriya, ajaigwe munkondo. Mane buya Davida wakapa Uriya kumugama lugwalo ilwakali kwaamba kuti ajaigwe! (2Sam. 11:1-21) Cakutadooneka, zibi zya Davida zyakayubunuka. (Mk. 4:22) Eeci nocakacitika, ncinzi Davida ncaakacita?\\nZibi nzyotwakacita kaindi (Amubone muncali 11-14)\\n11, 12. (a) Ciindi naakabisya Davida, zintu nzi nzyaatakali kukonzya kucita? (b) Ikuti naa tweempwa ciindi notwacita cibi cipati, ncinzi ncotweelede kusyoma kuti Jehova uyootucitila?\\n11 Zintu Davida nzyaatakali kukonzya kucita: Davida tanaakali kukonzya kuzijokolola zintu nzyaakacita. Alimwi tanaakali kukonzya kwaatija mapenzi akali kuyooboola akaambo kakulubizya kwakwe. Mubwini, mapenzi aamwi akali kuyoozumanana kumulwana Davida mubuumi bwakwe boonse. (2Sam. 12:10-12, 14) Aboobo, wakali kuyandika lusyomo. Wakeelede kusyoma kuti ikuti naa weempwa ncobeni, Jehova wakali kuyoomulekelela akumugwasya kuti aliyumye mumapenzi aakali kuyooboola akaambo kamicito yakwe.\\n12 Akaambo kakuti tatulondokede, toonse buyo tulabisya. Zibi zimwi zipati kwiinda zimbi. Mubukkale bumwi, inga tiitwacikonzya kujokolola kulubizya nkotwakacita. Tulakonzya kupona amapenzi aboola akaambo kakubisya. (Gal. 6:7) Pele tusyoma majwi aa Leza, kusyoma kuti ikuti naa tweempwa, Jehova uyootugwasya muziindi zyamapenzi—nokuba kuti mapenzi aayo ndiswe twakaaleta.—Amubale Isaya 1:18, 19; Milimo 3:19.\\n13. Ino mbuti Davida mbwaakacibambulula cilongwe cakwe a Jehova?\\n13 Zintu nzyaakali kukonzya kucita Davida: Davida wakazumizya Jehova kuti amugwasye kupona kumuuya. Nzila iimwi mbwaakacita oobo nkwiinda mukuzumina lulayo kuzwa kumwiiminizi wa Jehova, musinsimi Natani. (2Sam. 12:13) Alimwi Davida wakapaila kuli Jehova, kulyaambilila zibi zyakwe alimwi akutondezya kuti wakali kuyandisisya kubukulusya cilongwe cakwe a Jehova. (Int. 51:1-17) Muciindi cakuti atyompwe akaambo kakulipa mulandu, Davida wakaiya kuzibi zyakwe. Masimpe, tanaakainduluka kucita zibi zipati eezyo. Mukuya kwaciindi, wakafwa kasyomeka, kusyomeka kwakwe kwakazumanana kuyeeyegwa a Jehova.—Heb. 11:32-34.\\n14. Ncinzi ncotukonzya kwiiya kucikozyanyo ca Davida?\\n14 Ncinzi ncotukonzya kwiiya kuzwa kucikozyanyo ca Davida? Ikuti naa twacita cibi cipati, tweelede kweempwa kuzwa ansi aamoyo akulomba Jehova kuti atulekelele. Tweelede kulyaambilila zibi zyesu kulinguwe. (1Joh. 1:9) Alimwi tweelede kubona baalu, balo bakonzya kutugwasya kumuuya. (Amubale Jakobo 5:14-16.) Kwiinda mukutobela bubambe bwa Jehova, tutondezya kuti tulasyoma mucisyomezyo cakwe cakutuponya alimwi akutulekelela. Kuyungizya waawo, tweelede kwiiya kuzwa kuzibi zyesu, tweelede kuzumanana mumulimo wa Jehova, alimwi akulangila izili kumbele katujisi lusyomo.—Heb. 12:12, 13.\\nKuciswa-ciswa (Amubone muncali 15\\n15. Ino ncinzi ncotwiiya kucikozyanyo ca Hana?\\n15 Ambweni mulakonzya kuyeeya kujatikizya babelesi basyomeka bakaindi bambi ibakasyoma muli Jehova akubweza ntaamu ziyandika. Mucikozyanyo, Hana tanaakali kukonzya kulimana penzi lyakutazyala munguzu zyakwe mwini. Pele wakasyoma Jehova kuti ulamuumbulizya, aboobo wakazumanana kukomba kutempele alimwi akupaila camoyo woonse. (1Sam. 1:9-11) Sena eeci tacili cikozyanyo cibotu kulindiswe? Ikuti naa katujisi penzi lyakuciswa-ciswa naa buyumuyumu bumwi buyo mbotutakonzyi kumana, tweelede kuwaala makatazyo eesu oonse kuli Jehova, katusyomede kuti ulatubikkila maano. (1Pet. 5:6, 7) Alimwi tweelede kucita zintu nzyotukonzya kutegwa katugwasyigwa amiswaangano ya Bunakristo alimwi azyakulya zimwi zyakumuuya.—Heb. 10:24, 25.\\nBana bazangi (Amubone muncali 16)\\n16. Ncinzi bazyali ncobakonzya kwiiya kumudaala Samuele?\\n16 Ino mbuti kujatikizya bazyali basyomeka ibajisi bana bakazanga? Mudaala Samuele tanaakali kukonzya kubasinikizya bana bakwe basankwa bapati kuti bazumanane kusyomeka kuzyeelelo ziluleme nzyaakabayiisya. (1Sam. 8:1-3) Makani wakeelede kwaasiya mumaanza aa Jehova. Nokuba boobo, Samuele wakali kukonzya kuzumanana kusyomeka alimwi akukkomanisya Jehova, Usyi wakwe wakujulu. (Tus. 27:11) Mazuba aano, bazyali banji Banakristo balijana mubukkale bukonzyenye aboobu. Basyoma kuti mbubwenya mbuli usyi wamucikozyanyo camwana mutaka, Jehova lyoonse ulabikkila maano kubatambula basizibi ibeempwa. (Lk. 15:20) Aciindi ncomunya eeci, bazyali bali boobo balabeleka canguzu kuzumanana kusyomeka kuli Jehova, kabalombozya kuti cikozyanyo cabo cibotu inga capa kuti bana babo bapiluke kubutanga.\\nPenzi lyakubula mali (Amubone muncali 17)\\n17. Nkaambo nzi cikozyanyo camukamufwu mucete ncocikulwaizya?\\n17 Alimwi, amuyeeye buyo kujatikizya mukamufwu mucete wamuciindi ca Jesu. (Amubale Luka 21:1-4.) Tanaakali kukonzya kucita cintu cili coonse kujatikizya zintu zibi zyakali kucitwa kutempele. (Mt. 21:12, 13) Alimwi kweelede kuti zisyoonto zintu nzyaakali kukonzya kucita kutegwa alwane penzi lyakubula mali. Pele cakuliyandila wakasanga “tukkobili tobilo,” twalo ‘ntwaakali kuponena.’ Mukaintu ooyu uusyomeka wakatondezya lusyomo muli Jehova cakumaninina kazyi kuti, ikuti naa wabikka zintu zyakumuuya mubusena bwakusaanguna, Jehova ulakonzya kumupa zintu nzyayandika. Lusyomo lwamukamufwu lwakamupa kuti atobele bubambe bwakaliko bwabukombi bwakasimpe. Mbubwenya buyo, andiswe tulasyoma kuti, ikuti naa twasaanguna kuyandaula Bwami, Jehova uyoobona masimpe kuti tulijisi zintu nzyotuyandika.—Mt. 6:33.\\n18. Amupe cikozyanyo camazuba aano camubelesi wakali kuzilanga kabotu zintu.\\n18 Bunji bwabasyomima mazuba aano abalo batondezya lusyomo muli Jehova alimwi akubweza ntaamu ziyandika. Atulange-lange mukwesu wazina lyakuti Malcolm, walo iwakazumanana kusyomeka kusikila naakafwa mu 2015. Kwamyaka minji walo alimwi abakaintu bakwe njobakabelekela Jehova, zimwi ziindi bakali kujana buyumuyumu. Mukwesu ooyu wakaamba kuti: “Mazuba ngunamasandu, alimwi zintu mubuumi zilakatazya. Pele Jehova ulabalongezya aabo bamusyoma.” Ino ncinzi mukwesu Malcolm ncaakakulwaizya? Wakati: “Kamupaila kulomba kuti mube basungu mumulimo wa Jehova kusikila mpomugolela. Amubikkile maano kuzintu nzyomukonzya kucita ikutali nzyomutakonzyi kucita.” *\\n19. (a) Nkaambo nzi lugwalo lwesu lwamwaka wa 2017 ncolweelela? (b) Ino muyoolubelesya buti lugwalo lwamwaka wa 2017 mubuumi bwanu?\\n19 Bweende bwazintu obuno ‘mbobuyaabubijila limwi,’ tulakonzya kulangila mapenzi aakatazya kapati. (2Tim. 3:1, 13) Aboobo cilayandika kapati kutazumizya mapenzi aayo kuti atutyompye. Muciindi caboobo, tweelede kuba alusyomo luyumu muli Jehova akubweza ntaamu ziyandika zili zyoonse nzyotukonzya. Eelo kaka luleelela lugwalo lwesu lwamwaka wa 2017 lwakuti: “Kosyoma Jehova akucita zintu zibotu”!—Int. 37:3.\\nLugwalo lwesu lwamwaka wa 2017: “Kosyoma Jehova Akucita Zintu Zibotu”—Intembauzyo 37:3\\n^ munc. 18 Amubone Ngazi Yamulindizi, yamu October 15, 2013, mapeeji 17-20.","num_words":1517,"character_repetition_ratio":0.067,"word_repetition_ratio":0.0,"special_characters_ratio":0.188,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 2 IBBAIB63 - Lino ijulu anyika zyakamana, - Bible Search\\nLeza mbwaakalyokezya buzuba bwamusanu aabili\\n1Lino ijulu anyika zyakamana, azyoonse zili mumo. 2-Nkabela mubuzuba bwamusanu aabili Leza wakaleka milimo yakwe njaakacitide. Mubuzuba obo bwamusanu aabili wakalyokezya kuzwa kumilimo yakwe yoonse njaakacita. 3-Aboobo Leza wakakondezya buzuba bwamusanu aabili akubusalazya, nkaambo mulimbubo wakalyokezya kuzwa kumilimo yakwe yoonse Leza njaakalenga akucita.\\n4Ngaaya makani aajulu anyika mbuzyakatalika nizyakalengwa, Mubuzuba obuya Jehova Leza naakacita nyika ajulu, 5-ziziki zyamusokwe zyoonse nizyatakalina kuboneka munyika, amisamu yamusokwe niyatakalina kumena, (nkaambo Jehova Leza katana kuwisya imvula anyika, alimwi katakwe muntu wakupanda nyika, 6pele mwakazwa izambangulwe munyika, lyakali kutetya nyika yoonse), 7-Jehova Leza wakabumba muntu, Wakamubumbya bulongo bwaansi, wamufulida mumpemu zyakwe muuya wabuumi, nkabela mpawo muntu wakaba muumi. 8-Lino Jehova Leza wakalima muunda kujwe ku-Edeni, nkabela mpempawo mpaakabika oyo muntu ngwaakabumba. 9-Elyo Jehova Leza wakameneka mpoonya awo anyika misamu yoonse iiebeka kumeso amisamu mibotu yakulya. Awalo musamu wabuumi wakaumeneka akati kamuunda, amusamu wakuziba bubotu abubi.\\n10-Nkabela mumonya mu-Edeni mwakazwa mulonga wakuteteesya muunda, elyo wakapambukanya, waba zipanzi zyone. 11-Izina lyacitaanzi ngu-Pisoni, ncencico cizyunguluka nyika yoonse ya-Havila, ingolida nkwiibede. 12Ingolida yanyika eyo nimbotu, alimwi nkukonya oko kuli mundaalila amabwe mayandisi aaonukisi. 13Azina lyamulonga wabili ngu-Gihoni, ngonguwo uuzyunguluka nyika yoonse ya-Kusi. 14-Azina lyamulonga watatu ngu-Hidekeli, ngonguwo uutola kujwe ku-Asuri. Amulonga wane ngu-Firate. 15Lino Jehova Leza wakabweza oyo muntu, wamubika mumuunda wa-Edeni kuti aulime akuubamba. 16Nkabela Jehova Leza wakalailila muntu kuti, Misamu yoonse yamumuunda ncobeni uyooilya, 17cita musamu wakuziba bubotu abubi. Toelede kulya kulinguwo pe, nkaambo mubuzuba obo mboyoolya kulinguwo ncobeni uyoofwa.\\n18Lino Jehova Leza wakati, Tacili cibotu kuti muntu akale alike pe, Atumucitile sikumugwasya uumweelede. 19-Mpawo Jehova Leza wakabumba bulongo, wacita banyama boonse bamusokwe, abayuni boonse bakujulu, wabaleta kumuntu, abone na ulabaulika buti. Nkabela banyama boonse, kufumbwa mazina muntu ngaakabaulika, bakaulikwa mbubonya. 20Aboobo muntu wakaulika iŋombe zyoonse abayuni bakujulu abanyama boonse bamusokwe mazina. Nekubaboobo teekwakajaninwa muntu sikugwasya uumweelede. 21-Elyo Jehova Leza wakaoneka muntu iŋonzi impati, Nkabela naakacili mukoona, wakabweza kamwi katumpango twakwe, wasinka cipulo cako. 22-Lino ako kampango nkaakagwisya mumuntu, Jehova Leza wakakabumbya mwanakazi, wamuleta kumuntu. 23-Mpawo muntu wakaamba kuti, Ma! Ncobeni oyu ulijisi zifuwa mbubonya mbuli zifuwa zyangu anyama mbubonya mbuli nyama yangu. Uleelede kuulikwa mukaintu, nkaambo wazwa mumuntu. 24-Nkaambo kako mwaalumi uleelede kusia wisi abanyina akukakatila kumwanakazi wakwe, babe nyama yomwe buyo. 25-Nkabela boonse bobile bakali basizinswe, mwaalumi abanakwe, pele kabatakwe insoni.","num_words":374,"character_repetition_ratio":0.073,"word_repetition_ratio":0.0,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 12 | Bbaibbele lili a Intaneti | Bbaibbele lya Busanduluzi Bwanyika Mpya\\nPobwe Lyakwiindilila lyatalisyigwa (1-28)\\nKusansa bulowa kuminsende (7)\\nCipenzyo cakkumi: bataanzi kuzyalwa bajaigwa (29-32)\\nKulonga kwatalika (33-42)\\nMalailile aakutola lubazu mu Pobwe Lyakwiindilila (40, 41)\\nMamanino aamyaka iili 430 (43-51)\\n12 Lino Jehova wakaambila Musa a Aroni mucisi ca Egepita kuti: 2 “Mwezi ooyu uyoomubeda mwezi wakusaanguna. Uyooba mwezi wakusaanguna mumwaka kulindinywe.+ 3 Amwaambile mbungano yoonse ya Israyeli kuti, ‘Mubuzuba bwa 10 bwamwezi uuno, luzubo lumwi alumwi lweelede kubweza mbelele yomwe,+ mukwasyi umwi aumwi ubweze mbelele yomwe. 4 Pele ikuti naa mukwasyi kuuli musyoonto cakuti tuukonzyi kwiilya yoonse mbelele, nkokuti ooyo mukwasyi uswaangane amukwasyi ngobabambene limwi akuyaabana muŋanda yamukwasyi ooyo kweelana amweelwe wabantu. Nomubalila mweelede kubona naa muntu umwi aumwi inga walya cibeela cipati buti. 5 Mbelele yanu eeyo yeelede kuba mugutu wamwaka omwe alimwi tayeelede kuba akampenda.+ Mulakonzya kubweza akati kabana bambelele naa mpongo. 6 Mweelede kwiibamba kusikila buzuba bwa 14 bwamwezi uuno,+ mpoonya mbungano yoonse yabana Israyeli ileelede kwiijaya kumangolezya.+ 7 Beelede kubweza bulowa bumwi akubusansaila aminsende yobilo yamilyango alimwi aatala aamilyango yamaanda oomo mobayakwiilida.+ 8 “‘Beelede kulya nyama sunu masiku.+ Beelede kwiiyoka buya akwiilya antoomwe azinkwa zitajisi bumena+ azisyu zilula.+ 9 Tamweelede kwiilya bubisi naa kwiijika mumaanzi, pele mweelede kwiiyoka buya, antoomwe amutwe, myeendo alimwi azyamukati. 10 Tamweelede kusiya nyama iili yoonse kusikila mafwumofwumo, pele kufwumbwa yasyaala kusikila mafwumofwumo mweelede kuyuumpa mumulilo.+ 11 Alimwi mboobu mbomweelede kwiilya, mweelede kuti kamulyaangide lutambo mucibuno, kamusamide mpato zyanu kumaulu alimwi kamujisi amusako wanu mujanza; alimwi mweelede kwiilya cakubindaana. Ndi Pobwe Lyakwiindilila lya Jehova. 12 Nkaambo sunu masiku ndilainda mucisi ca Egepita akujaya mwana mutaanzi uuli woonse mucisi ca Egepita, kutalikila kumuntu kusikila kumunyama;+ alimwi abaleza boonse bamu Egepita+ ndilababeteka. Ndime Jehova. 13 Bulowa bulaba citondezyo canu amaanda momubede; alimwi ndabona bulowa ndilamwiindilila, aboobo cipenzyo tacikoomusikila ndanyonyoona mucisi ca Egepita.+ 14 “‘Buzuba oobu bweelede kuba ciibalusyo kulindinywe, alimwi mweelede kubusekelela kabuli pobwe lya Jehova mumazyalani aanu oonse. Mulawo ooyu wakusekelela buzuba oobu mweelede kuutobela lyoonse alyoonse. 15 Mweelede kulya zinkwa zitajisi bumena+ mazuba aali ciloba. Inzya, mubuzuba bwakusaanguna mweelede kugwisya bumena mumaanda aanu nkaambo kufwumbwa uulya cintu cijisi bumena, kuzwa mubuzuba bwakusaanguna kusikila mubuzuba bwaciloba, imuntu ooyo weelede kujaigwa kutegwa azwe akati kabana Israyeli. 16 Mubuzuba bwakusaanguna muyooba amuswaangano uusalala, alimwi buzuba bwaciloba mbuzuba bwamuswaangano uumbi uusalala. Kunyina mulimo weelede kubelekwa mumazuba aaya.+ Ccita buyo kubamba cakulya muntu umwi aumwi ncayelede kulya. 17 “‘Mweelede kuzumanana kucita Pobwe lya Zinkwa Zitajisi Bumena,+ nkaambo mubuzuba mbubonya oobu, ndiyoogwisya makamu aanu mucisi ca Egepita. Alimwi mweelede kububamba buzuba oobu mumazyalani aanu oonse kauli mulawo walyoonse alyoonse. 18 Mumwezi wakusaanguna, mubuzuba bwa 14 bwamwezi, kumangolezya mweelede kulya zinkwa zitajisi bumena kusikila kumangolezya+ mubuzuba bwa 21 bwamwezi ngoonya ooyo. 19 Kunyina fulaulu uukandidwe uujisi bumena iweelede kujanwa mumaanda aanu kwamazuba aali ciloba, nkaambo kufwumbwa uulya cintu cijisi bumena, kufwumbwa naa mweenzu naa muna Israyeli,+ muntu ooyo weelede kujaigwa kutegwa azwe mumbungano yabana Israyeli.+ 20 Tamweelede kulya cintu cili coonse cijisi bumena. Mweelede kulya zinkwa zitajisi bumena mumaanda aanu oonse.’” 21 Cakufwambaana Musa wakaita baalu babana Israyeli+ boonse akubaambila kuti: “Amuunke mukasale mpongo naa mbelele yamukwasyi wanu umwi aumwi akwiijaya kuti ibe cipaizyo ca Pobwe Lyakwiindilila. 22 Mpoonya mweelede kubweza cikama cahisopo akucinyika mubulowa ibuli mumutiba, mpoonya musansaile bulowa bumwi buli mumutiba atala aamulyango aaminsende yobilo yamulyango; eelyo kunyina naba omwe akati kanu iweelede kuzwa muŋanda yakwe kusikila mafwumofwumo. 23 Lino Jehova ainda kutegwa ajaye bana Egepita ulabona bulowa buli atala aamulyango aaminsende yobilo yamulyango, eelyo masimpe Jehova ulawiindilila mulyango ooyo, alimwi takoolekela kuti lunyonyooko lunjile mumaanda aanu akumujaya.+ 24 “Mweelede kucita cilengwa eeci nywebo abana banu lyoonse alyoonse.+ 25 Alimwi mwaakusika munyika Jehova njayoomupa, mbubonya mbwaakaamba, mweelede kuyoozumanana kucita cilengwa eeci.+ 26 Lino bana banu baakumubuzya kuti, ‘Ino cilengwa eeci caamba nzi kulindinywe?’+ 27 mweelede kubaambila kuti, ‘Ncipaizyo ca Pobwe Lyakwiindilila lya Jehova, iwakaindilila maanda aabana Israyeli mu Egepita ciindi naakajaya bana Egepita, pele wakakwabilila maanda eesu.’” Mpoonya bantu bakakotama akuvwuntama ansi. 28 Aboobo bana Israyeli bakaunka akucita mbubonya Jehova mbwaakalailila Musa a Aroni.+ Bakacita mbubonya oobo. 29 Eelyo akati kamasiku Jehova wakajaya bana bataanzi boonse mucisi ca Egepita,+ kutalikila kumwana mutaanzi wa Farao uukkede acuuno cabwami kusikila kumwana mutaanzi wamwaange iwakali muntolongo, alimwi amwana mutaanzi kuzyalwa wamunyama uuli woonse.+ 30 Mpoonya masiku Farao wakabuka ababelesi bakwe boonse alimwi abana Egepita boonse, eelyo kwakaba kulila kupati akati kabana Egepita, nkaambo taakwe ŋanda imwatakafwa muntu.+ 31 Mpoonya aawo wakaita Musa a Aroni+ masiku akubaambila kuti: “Amunyamuke, muzwe akati kabantu bangu, nywebo abana Israyeli boonse. Kamuya mukabelekele Jehova mbubonya mbomwaamba.+ 32 Alimwi amubweze mbelele aŋombe zyanu, mbuli mbomwakaamba,+ muunke. Pele ambebo mweelede kundilongezya.” 33 Aboobo bana Egepita bakatalika kubakombelezya bantu kutegwa bazwe cakufwambaana+ mucisi kabati, “nkaambo toonse tuli buyo mbuli bantu bafwide kale!”+ 34 Mpoonya bantu bakabweza fulaulu wabo uukandidwe kautanabikkwa bumena, azibelesyo zyabo zyakukandila fulaulu kazyaangilidwe muzisani zyabo akuzinyamuna agwezyo. 35 Bana Israyeli bakacita mbubonya mbwaakabaambila Musa, bakalomba bana Egepita zintu zyansiliva, zyangolida azisani.+ 36 Jehova wakapa kuti bafwidwe luzyalo kubana Egepita, eelyo bakabapa nzyobakalomba, aboobo bakabweza mbono zyabana Egepita.+ 37 Kumane bana Israyeli bakanyamuka kuzwa ku Ramese+ kuya ku Sukoti,+ ibaalumi bakali kusika ku 600,000 ibeenda amaulu, kutabalilizya abana.+ 38 Alimwi nkamu mpati yabantu bamisyobo-misyobo*+ ayalo yakaunka ambabo, antoomwe ambelele alimwi aŋombe, itanga lipati lyabanyama. 39 Mpoonya fulaulu uukandidwe ngobakaletelezya kuzwa ku Egepita bakatalika kuupanga zinkwa zibulungene zitajisi bumena. Tiiwakabikkidwe bumena nkaambo bakatandwa buya kuzwa ku Egepita cakuti tiibakajisi ciindi cakulibambila zyakulya zyamulweendo.+ 40 Lino myaka bana Israyeli njobakakkala, aabo ibakakkala mu Egepita+ yakali 430.+ 41 Noyakamana myaka iili 430, mubuzuba mbubonya oobu makamu oonse aa Jehova akazwa mucisi ca Egepita. 42 Oobu mbusiku mbobeelede kusekelela kuli Jehova akaambo kakuti wakabagwisya mucisi ca Egepita. Mbusiku bana Israyeli boonse mbobeelede kusekelela kuti balemeke Jehova mumazyalani aabo oonse.+ 43 Mpoonya Jehova wakati kuli Musa a Aroni, “Ngooyu mulawo wa Pobwe Lyakwiindilila: Kunyina muzwakule weelede kulya cipaizyo capobwe eeli.+ 44 Pele kuti umwi kajisi muzike ngwaakaula amali, mweelede kumupalula.+ Acita boobo ndendilyo nakonzya kulya. 45 Imweenzu alimwi amubelesi tabeelede kulya. 46 Cipaizyo ceelede kulidwa muŋanda yomwe. Tamweelede kugwisya nyama imwi anze, alimwi tamweelede kupwaya cifwuwa cili coonse pe.+ 47 Mbungano yoonse yabana Israyeli yeelede kusekelela pobwe eeli. 48 Ikuti kakuli mweenzu uukkala akati kanu alimwi kayanda kusekelela Pobwe Lyakwiindilila lya Jehova, baalumi bakwe boonse beelede kusaanguna kupalulwa. Ndendilyo nakonzya kusekelela pobwe eeli, alimwi weelede kuba mbuli muna Israyeli. Pele kunyina mwaalumi uutapalwidwe weelede kulya pe.+ 49 Kweelede kuba mulawo omwe buyo kumuna Israyeli akumweenzu uukkala akati kanu.”+ 50 Aboobo bana Israyeli boonse bakacita mbubonya Jehova mbwaakalailila Musa a Aroni. Bakacita mbubonya oobo. 51 Mubuzuba mbubonya oobu Jehova wakagwisya bana Israyeli antoomwe amakamu aabo kuzwa mucisi ca Egepita.\\n^ Nkokuti, nkamu yabantu batali bana Israyeli kubikkilizya abana Egepita.","num_words":1031,"character_repetition_ratio":0.079,"word_repetition_ratio":0.0,"special_characters_ratio":0.174,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nyimbo ya Sakima - Storybooks Zambia\\nNyimbo ya Sakima Sakima's song Ulwimbo lwakwa Sakima\\nTapiwa k. Sibanda\\nSakima wakali kukkala a bazyali bakwe a munyina musimbi wakali a myaka ili yone. Bakali kukkala munyika yamuvwubi. Nganda yabo yabwizyu yakali kumamanino a zyisamu.\\nNaakali a myaka yotatwe, Sakima wakaciswa akuleka kubona. Sikama wakali musakwa wakajisi cipego.\\nSakima wakalikucita zyintu zyinji, balo beenzyina zyobakali kwaalilwa kucita. Mbuli kukkala abapati-pati bamumizyi akulanganya twaambo atumbi twaambo twabapati.\\nBazyali ba Sakima bakali kubeleka mu nganda yamuvwubi. Bakali kufyuma kuzwa a nganda a kupiluka kumangolezya manigi. Sakima waksli kucaala a nganda a musyooto waakwe musimbi.\\nSakima wakali, kukuyanda kwiimba nyimbo. Buzuba bumwi banyina bakamubuzya ati, “hene uzyiila kuli nyimbo ezyi, Sakima?”\\nSakima wakaingula, “ndizyi buyo baama. Ndizyinvwa buyo mumutwe, kwamana ndatalika kwiimba”.\\nSakima wakali kuyanda kwiimbila musyoonto wakwe musimbi, kapati kuti kanvwide nzala. Musyoonto wakwe wakali kuswiilila kaimba lwiimbo ndwaa kali kuyandisya. Wakali kuvwa kabotu lwiimbo.\\n“Koimba alimwi, Sakima” musyoonto wakwe musimbi wakali kulomba Sakima wakali kuzumina Sakima wakali kuzumina akwiinduluka kwiimda.\\nMzngolezya aamwi bazyali bakwe noba kapiluka kunganda bakali kumwinye maningi. Sakima wakazyiba kuti kuli cilubide.\\n“Ino ncizi calubila baama a bataata?” wakabuzya Sakima. Sakima wakazyiba kuti kuti mwaana wamuvwubi wakasweeka. Aboobo muvwubi wakalendelelwa akuusa.\\n“Inga ndamwiimbila mebo. Ndiza inga wakomana alimwi,”Sakima wakabaambila bazyali bakwe. Pesi bazyali bakwe bakamukasya. “ulya ulivubinde aboobo yebo ulimusakwa ubayinde. Uyeea kuti nyimbo zyako inga zyangwasya zi kulinguwe?”\\nNokuba boobo, Sakima taakaleka pe. Musyoonto wakwe wakamugwasilizya. Wakati, “nyimbo zyaSakima zyilauumbulizya kuti ndila anzala. Aboobo amuvwibi zyilakonzya kumuumbuli.\\nBuzuba bwakatobela, Sakima wakaambila musyoonto wakwe kuti amusindikile kunganda ya muvwubi.\\nWakaima ansi ampulungwido akutalika kwiimba lwiimbo ndwaakali kuyandisya. Asyooto-soonto, mutwe wamuvwubi wakatalika kulibonya a mpulungwido.\\nBamabelesyi bakaleka zyobakali kucita. Bakatalika kuswiilila lwiimbo lwa Sakima lubotu. Umwi musakwa wakati, “kunyina waakonzya kumuumbulizya uutulela. Ino mwana ooyu uubayide uyeeya kuti inga wacikonzya?”\\nSakima wakamanizya kwiimba nyimbo yakwe akunyo na kuti aunke. Pesi muvwubi wakabalikila anze akwaaamba kuti “ndakomba, koyimba alimwi”.\\nAcindi nchemunya ciya, kwakayinda basankwa bobilo kabanyamwunde muntu. Bakamunjana mwana wamuvwubi kulumwesyi kwanzila kaumidwe.\\nMuvwubi wakakomana kubona bwana wakwe musankwa. Wakalumbula Sakima nkambo wakamuumbulizya. Wakabwezya mwana wakwe musankwa alimwi a Sakima, akuunka kuciibbadela, kuya unziba na Sakima inga waboona alimwi.\\nTranslated by: Tapiwa k. Sibanda\\nImbuto Ishonto: Kaano ka Wangari Maathai Nozibele a Masusu Otatwe. Nkuku, Joongola Mbongolo Anansi a Busongo Buzuba Mbondakaunka Kudolopo Nseke a Sikube","num_words":360,"character_repetition_ratio":0.07,"word_repetition_ratio":0.0,"special_characters_ratio":0.158,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Marko 4 | Bbaibbele lili a Intaneti | Bbaibbele lya Busanduluzi Bwanyika Mpya\\nZIKOZYANYO ZYA BWAMI (1-34)\\nIkaambo Jesu ncaakali kubelesya zikozyanyo (10-12)\\nCikozyanyo casikuminza capandululwa (13-20)\\nLambe talivwumbwi cisuwo (21-23)\\nCipimyo ncomubelesya (24, 25)\\nSikuminza woona (26-29)\\nNseke yamusitada (30-32)\\nKubelesya zikozyanyo (33, 34)\\nJesu waumuzya guwo (35-41)\\n4 Alimwi wakatalika kuyiisya kumbali aalwizi, eelyo kwakamubunganina nkamu mpati yabantu. Aboobo wakatanta akukkala mubwato akuzwa kunkomwe, pele nkamu yoonse yakali mumbali, kunkomwe yalwizi.+ 2 Mpoonya wakatalika kubayiisya zintu zinji kwiinda muzikozyanyo,+ eelyo naakali kubayiisya, wakabaambila kuti:+ 3 “Amuswiilile. Amubone! Sikuminza umwi wakaunka kuyoominza.+ 4 Naakali kuminza, mbuto zimwi zyakawida mumbali aanzila, mpoonya bayuni bakaboola akuzilya. 5 Zimwi zyakawida anyika yamabwe aawo aatakali bulongo bunji, eelyo zyakamena cakufwambaana akaambo kakuti bulongo tiibwakali bunji.+ 6 Pele izuba nolyakabala, zyakaneta alimwi zyakayuma akaambo kakutasimpa miyanda. 7 Mbuto zimbi zyakawida mumamvwa, mpoonya mamvwa akakomena akuzisyaanikizya, aboobo tiizyakazyala micelo.+ 8 Pele zimwi zyakawida mubulongo bubotu, eelyo nozyakamena akukomena, zyakatalika kuzyala micelo iiyungizyidwe ziindi izili 30, izili 60 alimwi azili 100.”+ 9 Mpoonya wakayungizya kuti: “Ooyo uujisi matwi aamvwa, aamvwe.”+ 10 Lino naakaba alikke, aabo mbaakali limwi antoomwe abali Kkumi Ababili bakatalika kumubuzya kujatikizya zikozyanyo.+ 11 Eelyo wakabaambila kuti: “Nywebo mulaamvwisya maseseke+ aa Bwami bwa Leza, pele kuli baabo ibali kunze zintu zyoonse zili muzikozyanyo,+ 12 kutegwa nokuba kuti kulanga balakonzya kulanga pele tabakonzyi kubona, nokuba kuti kumvwa balakonzya kumvwa, pele tabamvwisyi caambwa; alimwi kunyina nobayoosanduka kutegwa balekelelwe.”+ 13 Alimwi wakabaambila kuti: “Tamucizyi cikozyanyo eeci, aboobo ino mbuti mbomukonzya kuzimvwisya zikozyanyo zimwi zyoonse? 14 “Sikuminza uminza jwi.+ 15 Aboobo, aaba nembuto zyakaminzigwa mumbali aanzila ooko jwi nkolyakaminzwa; pele mbobalitambwida buyo, Saatani ulaboola+ akulibweza jwi liminzidwe mulimbabo.+ 16 Mbubonya buyo aaba nembuto zyakaminzigwa anyika yamabwe; mbobalimvwida buyo jwi, balalitambula calukkomano.+ 17 Nokuba boobo, tabajisi miyanda, pele balazumanana kwakaindi kaniini; mpoonya mbwaasikila buyo mapenzi akupenzyegwa akaambo kajwi, balatyompwa. 18 Alimwi nkozili azimwi mbuto zyakaminzigwa mumamvwa. Eezyi mbaabo ibakalimvwa jwi,+ 19 pele kulibilika+ kwamubweende bwazintu obuno* akoongelezya kwalubono+ akuyandisya+ zintu zimwi zyoonse kulabweza busena akusyaanikizya jwi, mpoonya talicizyali micelo. 20 Mpoonya mbuto zyakaminzigwa mubulongo bubotu mbaabo ibaswiilila jwi akulitambula camaanza obilo akuzyala micelo iiyungizyidwe ziindi izili 30, izili 60 alimwi azili 100.”+ 21 Alimwi wakabaambila kuti: “Sena lambe noliyasyigwa lilavwumbwa cisuwo* naa kubikkwa mujungusi lyabulo? Sena talibikkwi acibikkilo calambe?+ 22 Nkaambo kunyina cintu cisisidwe citakayubununwi; kunyina cintu civwumbidwe kabotu-kabotu citakabi antangalala.+ 23 Kufwumbwa uujisi matwi aamvwa, aamvwe.”+ 24 Kumane wakabaambila kuti: “Amubikkile maano kuli zyeezyo nzyomutiimvwe.+ Cipimyo ncimupimya, andinywe ncomuyoopimizyigwa, inzya muyooyungizyilwa. 25 Nkaambo kufwumbwa muntu uujisi uyoopegwa azimwi,+ pele kufwumbwa muntu uutajisi, noziba zyeezyo nzyajisi uyoonyangwa.”+ 26 Aboobo wakazumanana kwaamba kuti: “Munzila eeyi Bwami bwa Leza buli mbuli muntu nasyanga mbuto mubulongo. 27 Uloona masiku akubuka bwaca, azyalo mbuto zilamena akukomena—pele tazyibi bwini mbozikomena. 28 Bulongo kubugama bulazyala micelo buce-buce, kusaanguna busonga mpoonya makunka, kumamanino kulaba nseke kumakunka. 29 Pele mbwaatubila buyo maila, ulatalika kwaacesa asikela, nkaambo ciindi cakutebula casika.” 30 Alimwi wakaamba kuti: “Ino inga twabukozyanisya anzi Bwami bwa Leza, naa ncikozyanyo nzi ncotukonzya kubelesya kubupandulula? 31 Buli mbuli nseke yamusitada, yalo aciindi noyasyangwa mubulongo inga nenseke nsyoonto kunseke zyoonse zili anyika.+ 32 Pele yasyangwa, ilamena akukomena kapati kwiinda zisyango zyoonse akuba amitabi mipati cakuti bayuni bauluka mujulu balajana aakukkala mucimvwule canjiyo.” 33 Wakabaambila jwi lya Leza kwiinda muzikozyanyo zinji+ zyamusyobo ooyu, kufwumbwa buyo kuti kabakonzya kumvwa. 34 Masimpe, taakwe naakali kwaambaula ambabo kakunyina kubelesya cikozyanyo, pele kumbali wakali kubapandulwida basikwiiya bakwe zintu zyoonse.+ 35 Alimwi mubuzuba oobo, nokwakaba kumangolezya, wakabaambila kuti: “Atuzabukile mutala eliya.”+ 36 Eelyo nobakaambila nkamu yabantu kuti baunke, bakamukkwezyeka mubwato alimwi kwakali mato aambi.+ 37 Lino kwakaba guwo pati, amayuwe akali kuuma kubwato, aboobo maanzi akatalika kunjila mubwato cakunga bwakatiibbile.+ 38 Pele walo wakalilede kusyule lyabwato, kabikkide mutwe acilitulisyo. Aboobo bakamubusya akumubuzya kuti: “Mwiiyi, sena unyina makani kuti tuyanda kufwa?” 39 Eelyo wakanyamuka akukalalila guwo akwaambila lwizi kuti: “Umuna! Batama!”+ Mpoonya guwo lyakaleka, alimwi kwakaumuna wi. 40 Aboobo wakababuzya kuti: “Nkaambo nzi ncomuyoowede boobu? Sena tamunaba alusyomo?” 41 Pele bakayoowa kapati, alimwi bakalibuzya kuti: “Ino mubwini nguni ooyu? Noliba guwo alimwi alwizi zilamumvwida.”+\\n^ Naa “kwamuciindi ecino.” Amubone Bupanduluzi Bwamabala.","num_words":605,"character_repetition_ratio":0.053,"word_repetition_ratio":0.0,"special_characters_ratio":0.189,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jesu Wasalazya Tempele Alimwi | Buumi bwa Jesu\\nTempele Lyasalazyigwa Alimwi\\nMATAYO 21:12, 13, 18, 19 MARKO 11:12-18 LUKA 19:45-48 JOHANE 12:20-27\\nJESU WASINGANYA MUKUYU AKUSALAZYA TEMPELE\\nKUTEGWA APE BANTU BANJI BUUMI, JESU WEELEDE KUFWA\\nJesu abasikwiiya bakwe boona ku Betaniya kwamazuba otatwe kuzwa ciindi nibakaboola kuzwa ku Jeriko. Lino mafwumofwumo mu Muhulo, mu Nisani 10, baunka ku Jerusalemu. Jesu ufwide nzala. Aboobo naabona mukuyu, waunka kulinguwo. Sena mukuyu ooyo ulaankuyu?\\nLino nkuumamanino aamwezi wa March, alimwi ciindi cankuyu citalika mumwezi wa June. Pele mukuyu ooyo ulaamatuvwu, wafwambaana kusyuuka. Aboobo, Jesu uyeeya kuti kweelede kuti kakuli nkuyu zyakusaanguna. Pele wajana kuti taakwe ziliko. Matuvwu aayo aile kupa kuti cisamu eeco ciboneke mbuli kuti kuli ncecijisi, anu taaku. Mpoonya Jesu waamba kuti: “Kutabi muntu uuyoolya mucelo kulinduwe mane kukabe kutamani.” (Marko 11:14) Mpoonya-mpoonya, mukuyu ooyo watalika kuyuma, eelyo ncaamba Jesu ciyakuzyibwa juunza mafwumofwumo.\\nKabe kaindi, Jesu abasikwiiya bakwe basika ku Jerusalemu. Waunka kutempele, ndyaakalingula jilo kumazuba. Pele sunu tanaalilingula buyo pe; wabweza ntaamu mbuli njaakabweza myaka yotatwe yainda ciindi ca Pobwe Lyakwiindilila lyamu 30 C.E. (Johane 2:14-16) Aciindi eeci, Jesu wabatandila anze ‘aabo ibasambala akuula mutempele.’ Alimwi watingamuna ‘matebulu aabasikucinca mali azyuuno zyabaabo ibasambala nkwilimba.’ (Marko 11:15) Kunze lyaboobo, kunyina muntu ngwaazumizya kudabula akwiinzya cintu mulubuwa lwatempele kuzwa kulubazu lumwi lwamunzi kuya kuli lumbi.\\nNkaambo nzi Jesu ncaabweza ntaamu cakutawayawaya kujatikizya basikucinca mali alimwi abaabo basambala banyama mutempele? Waamba kuti: “Sena takulembedwe kuti: ‘Ŋanda yangu inakwiitwa kuti niŋanda yakukombela yazisi zyoonse’? Pele nywebo mwaicita kuba ciyubilo cababbi.” (Marko 11:17) Baalumi aaba wabaamba kuti mbabbi nkaambo babbida bantu ibayanda kuula banyama bakupaizya kwiinda mukubasambala amuulo mupati kapati. Micito yabo Jesu wiibona kuti mbugwebenga, naa kuti mbubbi.\\nMasimpe, basilutwe babapaizi, balembi alimwi abalupati-pati akati kabantu bamvwa ncaacita Jesu, eelyo baindila kuyandaula nzila yakuti bamujaye. Pele bajisi buyumuyumu. Tabazyi mbobatiicite kutegwa bamujaye Jesu, nkaambo kayi bantu banji baboola kulinguwe kuti bamuswiilile.\\nBantu ibaboola ku Pobwe Lyakwiindilila tabali buyo ba Juda bazyalwe balikke pe, pele kuli abasandule, nkokuti bantu ibakasandulwa kunjila cikombelo caba Juda. Akati kabo kuli ba Giriki bamwi ibaboola kuzyikukomba kupobwe. Aaba basikila Filipo, ambweni akaambo kakubona kuti zina lyakwe ndya Chigiriki, akumulomba kuti babonane a Jesu. Kuboneka kuti Filipo tali masimpe ikuti naa inga cabota kubazumizya kubonana anguwe, aboobo waambila Andreya kuti amubuule maano. Aaba bobilo batola makani aaya kuli Jesu, walo uulangilwa kuti ucili kutempele.\\nJesu ulizyi kuti ulafwa mumazuba buyo masyoonto, aboobo ecino tacili ciindi cakuyanda kukkomanisya buyo bantu naa kusola kulijanina mpuwo. Waingula baapostolo aabo bobilo kwiinda mukubaambila cikozyanyo, ulaamba: “Casika ciindi cakuti Mwanaamuntu alemekwe. Ncobeni ndimwaambila masimpe kuti, ikuti nseke yawiiti yatawida mubulongo akufwa, inooli buyo yomwe; pele ikuti yafwa, ilazyala micelo minji.”—Johane 12:23, 24.\\nNseke yawiiti yomwe inga yaboneka mbuli kuti tiijisi maningi mulimo. Pele ikuti yasyangwa mubulongo “akufwa,” ilakonzya kumena mpoonya mukuya kwaciindi ilakonzya kuba cikuba cijisi nseke zinji. Mbubonya buyo, Jesu muntu omwe uulondokede. Nokuba boobo, kwiinda mukusyomeka kuli Leza kusikila kulufwu, uyoobapa buumi butamani bantu banji ibajisi muuya mbuli wakwe wakulyaaba. Aboobo, Jesu waamba kuti: “Kufwumbwa ooyo uuyandisya buumi bwakwe ulabunyonyoona, pele kufwumbwa ooyo uusulaika buumi bwakwe munyika eeyi ubuyobweda buumi butamani.”—Johane 12:25.\\nAawa Jesu taambi buyo kujatikizya nguwe alikke, nkaambo waamba kuti: “Ikuti muntu kayanda kundibelekela anditobele, alimwi ooko nkondibede nkwanoobede awalo mubelesi wangu. Ikuti muntu kayanda kundibelekela, Taata uyoomulemeka.” (Johane 12:26) Eelo tabuliboteli kaka bulumbu oobu! Aabo balemekwa a Taata bayooba basikulelanyina a Kristo mu Bwami.\\nKaayeeyede mapenzi mapati aatiimusikile alimwi alufwu lucisa lumulindila, Jesu waamba kuti: “Lino moyo wangu wapenga kapati, eelyo ino ndilaamba nzi? Taata kondifwutula kuciindi eeci.” Pele takuli kuti Jesu uyanda kutija kucita kuyanda kwa Leza. Wayungizya kwaamba kuti: “Nokuba boobo, aaka nkekaambo ncondasikila kuciindi eeci.” (Johane 12:27) Jesu ulilisungwide kucita zyoonse nzyayanda Leza, kubikkilizya akufwa lufwu lwakupa cipaizyo.\\nNkaambo nzi Jesu ncalangila kujana nkuyu nokuba kuti tacinasika ciindi cankuyu?\\nNkaambo nzi ncoceelela kuti Jesu waamba baabo basambala mutempele kuti ‘mbabbi’?\\nNkaambo nzi Jesu ncakonzya kukozyanisyigwa kunseke yawiiti, alimwi ino ulimvwa buti kujatikizya mapenzi alimwi alufwu lumulindila?\\nJesu Watondezya Busungu Kujatikizya Bukombi Bwakasimpe","num_words":621,"character_repetition_ratio":0.045,"word_repetition_ratio":0.0,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"2 Timoteyo 4 | Bbaibbele Lili a Intaneti | Bbaibbele lya Busanduluzi Bwanyika Mpya\\n4 Ndakulailila canguzu kumbele lya Leza a Kilisito Jesu, ooyo uuyoobeteka baumi abafwu kwiinda mukuyubunuka kwakwe amu Bwami bwakwe, 2 kuti kokambauka makani, koajatisya lyoonse muciindi cili kabotu amuciindi camapenzi, kosinsa, kokalalila, alimwi kokulwaizya cakukkazyika moyo kapati aluzyibo mukuyiisya. 3 Nkaambo ciindi ciyoosika nobayooleka kutobela njiisyo mbotu, pele akaambo kakutobela zisusi zyabo beni, bayooliyobolweda bamayi ibakubatekunya kumatwi.* 4 Bayooleka kuswiilila kasimpe akutalika kubikkila maano kutwaano twakubeja. 5 Pele yebo, kobateme muzyintu zyoonse, koliyumya mumapenzi, kocita mulimo wamukambausi,* uuzuzikizye cakumaninina mulimo wako. 6 Nkaambo ndatalika kale kutilwa mbuli cituuzyo cinyugwa acipaililo, alimwi ciindi cakuti ndaangununwe caswena afwaafwi. 7 Ndalwana nkondo mbotu, ndabalika mukusiyana mane kumamanino, ndalubamba lusyomo. 8 Kuzwa lino ndibambilidwe musini wabululami, ooyo Mwami, mubetesi uululeme, ngwayoondipa kabuli bulumbu mubuzuba oobo, nokuba boobo takapi buyo ndime ndelikke pe, pele alimwi uyoopa abaabo boonse ibali kuyanda kuyubunuka kwakwe. 9 Soleka kusikila mpogolela kuboola kokuno nkondibede lino-lino. 10 Nkaambo Dema wandilekelezya akaambo kakuyandisya bweende bwazyintu oobu, alimwi wakaunka ku Tesalonika; Kilesiko wakaunka ku Galatiya, alimwi Tito wakaunka ku Dalimatiya. 11 Luka alikke nguuli andime. Waboola umuletelezye a Maako, nkaambo ulandigwasya mumulimo. 12 Pele Tukiko ndakamutuma ku Efeso. 13 Waboola, uletelezye ajansi lyampeyo ndindakasiya ku Tulowa kuli Kapo, uletelezye amabbuku aakuvwunga, ikapati aalya aazisalu. 14 Alekizanda mufwuzi wamukuba wakandicitila zyintu zibyaabi zinji. Jehova uyoomupilusizya kweelana amicito yakwe. 15 Ayebo weelede kumucenjelela, nkaambo wakaukazya canguzu kapati mulumbe wesu. 16 Nindakali kulikwabilila mumulawo ciindi cakusaanguna kunyina wakandiiminina pe, pele boonse bakandilekelezya—lino Leza atabapi mulandu pe. 17 Pele Mwami wakali andime lyoonse alimwi wakandipa nguzu, kutegwa kwiinda mulindime mulimo wakukambauka uzuzikizyigwe cakumaninina akuti bamasi boonse baumvwe; alimwi ndakavwunwa kumulomo wasyuumbwa. 18 Mwami wangu uyoondivwuna kumulimo mubi uuli woonse alimwi uyoondifwutula, akanditole mu Bwami bwakwe bwakujulu. Kulinguwe akube bulemu lyoonse mane kukabe kutamani. Ameni. 19 Undaanzyizye Pulisika a Akula alimwi abamuŋanda ya Onesifolo. 20 Elasito wakasyaala ku Kolinto, pele Tulofimo ndakamusiya kacisidwe ku Melito. 21 Soleka kusikila mpogolela kusika okuno mupeyo kautanatalika. Ebolo wakwaanzya, awalo Pude, Lino, Kulodiya alimwi abakwesu boonse bakwaanzya. 22 Mwami abe anduwe akaambo kamuuya ngotondezya. Luzyalo lwakwe alube andinywe.\\n^ Naa, “ibabaambila nzyobayanda kumvwa.”\\n^ Naa, “kozumanana kukambauka makani mabotu.”","num_words":333,"character_repetition_ratio":0.04,"word_repetition_ratio":0.0,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bumambi bwa Saatani Munyika | Amelika waba Munyama Uuluma Print\\nBumambi bwa Saatani Munyika | Amelika waba Munyama Uuluma\\nCiyubunuzyo ncipego cokwa Yahuwah kumusela wamamanino atalaa nyika. Nkulangila kulaale zikonzyanyo, azintu zyoonse ziyoocaalizya kucitika kumamanino aanyika. Cimwi cibalo, citucenjezya musyobo wanguzu eezyo ziyookomena akutalika akweendelezya nyika yoonse:\\nCiyubunuzyo ncipego ca Mwami Yahuwah kuzyalane lyamamanino. Ncitondezyo cizwide mikonzyanyi yazintu ziyoocaalizya kucitika kumamanino aanyika.\\nAlimwi Ime ndakabona aumwi munyama kabbuka kuzwa munyika; alimwi walo wakalaa meja obile mbuli mwanaa mbelele, alimwi wakali kwaambaula mbuli simwaaba.\\nAlimwi walo wakabelesya nguzu zyoonse zya munyama mutaanzi ooyo wakamusolweda kumbele lyakwe, alimwi wakasinikizya nyika yoonse abaabo bakkede muli njiyo kuti bakombe munyama mutaanzi, ooyo wakalaa cilonda calufu cakaponyegwa.\\nAlimwi walo ulacita maleele, cakuti ulakonzya kulosya mulilo kuzwa kujulu kusikila anyika kumbelaa meso aabantu,\\nAlimwi ucenga baabo bakkede atalaa nyika kwiinda mumaleele aayo ngaakalaa nguzu kuti akonzye kwaacita mubusyu bwa munyama; kaamba kuli baabo bakkede anyika kuti, beelede kubamba cinkonzya ca munyama, munyama ooyo wakayasidwe cceba, alimwi wakapona.\\nAlimwi walo wakalaa nguzu zyakupa buumi kucinkonzya camunyama kuti cikonzye kwaambaula, akucita kuti boonse batayandi kukomba munyama bajayigwe.\\nAlimwi walo usinikizya boonse, baniini abapati, bavwubide abacete, baangulukide abaangidwe, kuti batambule caando mujanza lyabo lyalulyo, nanka munkumo zyabo:\\nAlimwi kuti kunyina muntu weelede kuula nokuba kuulisya, pele buyo ooyo uulaa caando, nokuba zina lya munyama, nakuba mweelwe wazina lyakwe. (Ciyubunuzyo 13:11-17, KJV)\\nKwiinda mukubala zikonzyanyo zipedwe, ncintu cikonzyeka kuganta kucenjezya ooko Julu nkolisola kutupa. Mu Mangwalo, “munyama” lyoonse mukonzyanyo wa nguzu zyamapolitikisi munyika yoonse. Eelyo Daniele nakapegwa cilengaano cijatikizya banyama, mungele wakamulailila kuti, “Aaba banyama bapati, bone, mbami bali bone, aabo bayoobbuka kuzwa munyika. Pele basalali ba Singuzu-zyoonse bayookona bulelo, alimwi bayookona bulelo kukabe kutamani, lyoonse alyoonse.” (Daniele 7:17-18) Cintu cigaminina banyama aaba ncakuti, bayiminina nguzu eezyo zilwana bantu bokwa Yahuwah munzila imwi.\\nBusanduluzi bwa munyama wa Ciyubunuzyo 13, butondezya kuti eeco ncishinshimi ca cisi ca Amelika.\\nOoyo munyama ulabbuka kuzwa ansi “munyika”. Mumangwalo, “lwizi” a “meenda” ziiminina “bantu, makunga aabantu, masi, amilaka minjaanji.” (Langa Ciyubunuzyo 17:15.) Munyama uubbuka kuzwa munyika, aboobo, inga waiminina nguzu eezyo zyakatalikila mucooko canyika catakakkedwe bantu banji. Kuli buyo “nguzu zipati zyomwe” ziciceede atalaa nyika mazubaano alimwi, kuleka mbuli masi amwi aali kumbele mukucita zintu anyika, eeco cisi cakatalikilwa mucooko canyika catakakkedwe bantu banji.\\nBunji bwazisi zilakonzya kutobelezya misela yazyo nkuzyakazyila zyuulu zyamyaka kuya musyule. Cilikke cisi ca Amelika, ncecisi cipya cakalibonya atalaa nyika, akutalikila “munyika mpya”; alimwi cakaba buyo cisi kwamyaka iitandila kumyaanda yobile.\\nCisi ca Amelika cilizyibidwe kwaciindi cilamfu nkaambo kazitondezyo zyobile: bupaizi bwa Basikutongooka a Basicisi ( aaba tabeelede kweezyekwa amapolitikisi aalaa zina ndeenya eelyo pe). Eeci ncecaandaanya cisi ca Amelika kuti cibe ciimpene kuzisi zyoonse. Cakali cisi cataakwe mwami alimwi cakalaa cikombelo cakasimpe citakwe poopo. Aboobo, cakalaa lwaanguluko lwakulilela mumizeezo oolo lwatakabwenwe kuli koonse atalaa nyika yoonse.\\nEezi zikonzyanyo zyobile nzyezitondezyegwa “ameja obile aamwanaambelele” ngajisi munyama ooyu; Ncobeni, aaya meja obile akaliimpene cakuti ngalaa bupanduluzi bupedwe bwamunyama ooyu. Mu Mangwalo, aaya meja ngaayiminina nguzu, alimwi muulwaanguluko oolo lwakapedwe kumfulumende ya Butongoosi aBusicisi, oomo cisi ca Amelika mucakajanina nguzu zipati.\\nPele eeci cishinshimi ciya kumbele kuyubununa ntenda yamalweza. Aayo “meja” ngalucengo nkaambo ooyu munyama natalika kwaambaula, “waambaula mbuli simwaaba.” Cizuminano cipya cilaa mabala obile aayimpene aasanduludwe mubbala lyomwe lya Cikuwa kuti “munyama.” Bbala litaanzi, litondezya banyama babungene mumbalaa cuuno cabulemu bwa kujulu (langa Ciyubunuzyo 4:6-11), kalyaambilizya amunyama uukonzya kuvwubwa, uutalumi. Ibbala lyabili lyaambilizya bulelo bwanyika, bwalo ngo munyama uuyoosya, uuluma akulya banyamanyina! Eelyo bbala libelesyegwa kwaamba “munyama” mu Ciyubunuzyo 13 ndebbala lyabili. Ooyu tali munyama mubombe, uukoya mwanaambelele pe. Ooyu munyama, uuyoosya alimwi ulaambaula, akukwamauna zyoonse zyili munzila lyakwe.\\nCili masimpe kuti Yahuwah wakali cilelekede cisi ca Amelika kufumbwa buyo kuti muntu sicisi uuli woonse naakali kapona buumi bwakwe kweendelanya amilazyo yakasimpe abululami mubuumi bwakwe boonse. Cisi ca Amelika cakaba ciyubilo cabaabo bakali kutundululwa akupenzyegwa mumasi mobaazyalilwa. Nokuba boobo, Saatani wakalaa makanze kucisi cipya eeci acalo. Kumatalikilo kwini, cisi ca Amelika, cakatalika kulitondezya ciimo ciimpene aceeco cameja aa mwanaambelele mubombe.\\nMunzi wa Washington D.C. awalo uliimpene aminzi yacisi eeci nkaambo wakayakwa kwiinda mumilawo yacisi kuti ube munzi mupati wacisi cipya. George Washington, muleli mutaanzi, kuzwa ciindi cankondo, wakali umwi mupati wambungano yaba Freemasoni kalaa busena bwa 33° mumbungano eeyo, walo wakasala mweenzinyina, Pierre Charles L’Enfant waku France, kuti amweengele mayake aamunzi wa Washington D.C.\\nKuleka kuba munzi uukatazya kubolyonga nkaambo kamusyobo mbuuyakidwe, pele ngumwi akataa minzi yamunyika uukatazya kuzinguluka nkaambo wakabambilwa kusisa malweza aabulozi aali mumigwagwa iikosaula munzi, mumisena, amumayake aali mukati kamunzi ooyo!\\nŊanda ya Muleli (Ganda Lituba), ncitondezyo ca mfulumende yacisi ca Amelika, kiikkede atalaa nyenyeezi yeengedwe amigwagwa yamumunzi ooyo. Bbokesi lyeengedwe a cipimyo, nzitondezyo zyankamu ya Bafreemasoni, zilazwa ku Ganda Lituba kusikila kuganda lya Capitolo. Cimwi caayakwa mumyaka misyoonto yakainda, cakali busena bwaku Amelika bwiinda kuba bupati mulumamba bwa Pentagoni, kabuyakidwe akataa nyenyeezi yeengedwe amigwagwa yamunzi ooyu.1\\nMubunji bwa musela wakainda, eeci cisi cakaluukwete kukwakwamuna lukwakwa lwacisi kusikila nicakaba cisi cilaa busena bwatatu kubaa nyika mpati anyika. Kusikila mumusela uuno, ciyobwedo camali munyika yoonse cakabambilwa mumunzi oomu mu mwezi wa Nalupale 23, 1913, akusyomya kubambila bantu baku Amelika buumi bubotu, alimwi azisi zimwi kuti “kazikweleta” zikwelete zyamali kucisi ca Amelika.\\nVon Braun mu Kaanda kaniini 1964 kajisi zikonzyanyo zya ndeke ziitwa kuti Saturn eezyo zyakayungizya lubilo lwakwiindilana kuyoosika ku mwezi.\\nNkondo Yanyika Yoonse Yabili yakali nkondo yakalaa mpindu kumfulumende ya Amelika. Kumamanino aankondo, cisi ca Amelika acisi ca Russia, “zyakaabana kufumbwa cakakwempwa munkondo” kuzwa kulusumpuko lwacisi ca Germany, akubba maseseke aalumamba aazibelesyo zisumpukide kapati, anzila zyamakwebo zisumpukide. Mumulimo wakupelenga wakuti Paperklipu, bunji bwabasyaazyibwene basongo baku Germany, aabo bakali balupatipati mulumamba lwaku Germany, bakatolwa kucisi ca Amelika akutalisya nkamu iiliko mazubaano ya CIA aya NASA.2 Werhner von Braun, umwi walupatipati, wakabelekela mbungano ya NASA mbuli mweendelezi wa Kuulusya Ndeke Zyalumamba, akupegwa Cikwankwani cabulumbu mu Lwiiyo lwa Zilengwa Leza mu 1975. Imwi ndeke iiyoosya yaku Amelika, yiitwa kuti, Stealthi Bbomba, yakabambwa kutobezya bwakabambidwe mukonzyanyo wandeke yamu 1944 yaku Germany.\\nNkondo Iitontola eeyo yakatobela Nkondo Yanyika Yabili, yakapa cisi ca Amelika kaambo kakwiinganina mumakani aanyika amunkondo zyamasi amwi akulipeekezya kulesya mapolitikisi aamusyobo wa “Comyunizimu.” Kuzwa ku Korea, ku Vietinamu, kusikila kunkondo Ntaanzi ya kulwizi lwa Galufu, musela wakainda wakazwide kukalala ooko kwakali kuyaa bwiindila munyika kwacisi ca Amelika. Abalo basololi bamasi aali kulaale, tiibakaindidwe kumbali kujailwa basololi babo kufumbwa buyo kuti mapolitikisi aabasololi aabo kaateendelani ayaayo aacisi ca Amelika.\\nKumamanino aa Nkondo Iitontola, lumamba lwaku Amelika lwakali kuyanda sinkondo mupya wakulwana limwi kuti lubaa nguzu atalaa boonse. Aayo maseseke aazyibidwe kale akataa bantu boonse baku Amelika kuti, aayo manyongwe aakacitilwa bantu baku Amelika mumwezi wa Vvwivwi 11, 2001, akalengelezyegwa amfulumende ya Amelika lwayo kwiigaminina mukuyanda buyo kutamikizya uumwi munyika kuti nguwacita mulandu wakujaya ooyo.3 Zifwanikiso zyaba Mozilemu kabasekelela zintu zyaacitika buzuba oobo mafumofumo, ncintu ciyubununa kuti nyika yoonse tiiyakakubwene kuti ooyu mulandu waacitilwa kuti cisi ca Amelika abamambi baco baku UN balijanine kaambo kakunjilauka zisi zili kulaale.\\nMumyaka yakainda, kunjilauka zisi zili kulaale kwakali kulengelezya nkondo. Mazubaano, mukutaminina muzeezo wa “Kulwana Zigwebenga Nkondo ya Kavwumbu”, kufumbwa cisi eeco mfulumende yaku Amelika nciiyanda kukoma, inga caambwa buyo kuti ncisi “cisunga” nokuba “kugwasyilila” zigwebenga eezyo zicita manyongwe, mpoonya cisi ca Amelika abamambi baco nkutalika mpeenya aawo kulwana cisi eeco nkondo yakavwumbu. Myeelwe myeelwe ya banamaleya baku Afghanistan aku Iraq kucooko ca Akataa Kujwe, bakanyonyoonwa amunyama ooyu ulaa busa bwanguzu kapati waku Amelika. Bamwi bakajaigwa akusansailwa misamu iikola kapati; ooyo mulandu uugaminina kutyola mulawo ncobeni wakujaya bantu.4 Eeco tiicakajatikizya buyo basikalumamba baku Amelika, pele amikwasyi yabo yakacengelelwa akwaambilwa kuti banakwabo balwanina cisi cabo.5\\nLumamba lwaku Amelika lubelesya zibulo zyuuluka kakwiina muntu weenzya mukati, akusisikizya kulangilizya bantu atalaa masi manjaanji anyika. Zimwi zibulo eezyo zyuulukila atalaa basinkondonyina akucesya kusweekelwa myeelwe yabuumi bujayigwa munkondo mulumamba lwaku Amelika. Bantu baku Amelika abalo balalangilizyigwa cakusisikizya kubelesya zibulo eezyo. Aaka nkaambo kazyibidwe kapati kuti masimpe, nokuba kuti kwakali kwaambwa kuti inga ooyo kuuli muzeezo buyo wakuti kuli uulangilizya bantu ciindi coonse kuzyila mujulu.6 Kucinyina muntu uulaa maseseke nkaambo eeyo njenzila eeci cisi mboceendelezya bantu baco. Zimwi zibulo zibamba zipekupeku zyakulangilizya bantu kakuli zimwi zibulo ziswiilila mibandi yoonse iituminwa muluwaile atalaa nyika amumilumbe iituminwa muluwo yoonse.\\nAmelika, ooyo wakali cisi “ca lwaanguluko lulweela”, lino wakaba munyama uuluma akataa bantu baku Amelika abantu bakkala kulaale mbweenya buyo. Milawo minjaanji yakabikkwa akupa kuti muntu mutuba abe similandu katakubwene. Eelyo bantu baku Amelika nobalamatide lusyomo lwakuti cisi cabo nceciinda kubaa lwaanguluko munyika yoonse, masimpe eeni ngakuti, eeci cisi nceciinda kubaa basintolongo munyika yoonse. “Kutilimuna akukonga kujaigwa” njenzila akataa zimwi iicitwa alumamba lwaku Amelika mumadolopo aacisi, akusuwa lumamba lwacisi kuti lulibambile kulwanina akataa bantu bacisi kuti naa banzangila mfulumende!7\\nMfulumende yacisi ca Amelika icibweza ntaamu yakulwana bantu bacisi, kuzwa mukusaala mpindu zyabantu ampulasi zyabo, kunyanga akudilimuna makwebo akujala makwebo aakuuzya zyakulya, nzyenzila zyimwi mboyilwana mfulumende eeyi.8 Aciindi mpeenya aawa, makwebo aabamba misamu yakusilisya bantu, ayaa kuba makwebo alaa nguzu kapati, mukati ka Amelika aanze lyacisi, akukasya kubelesya micelo yamusokwe iibeleka kabotu kakwiina kutoneka mubili nokuba kuulwa mali manji mumyuulo iidulisya; kumwi eezyi mpindu nzyeenya, zilawulisya amisamu iikola, misamu iizilaisya akuzilula maanu aamuntu. Cisi ca Amelika cibelesya makwebo aamisamu eeyo kuti cibaa nguzu atalaa nyika yoonse. Kwakamvwugwa kale kuti bulwazi bwa AIDS mu Afulika bwakanjizyigwa akataa bantu kwiinda munyeleti zyakupegwa buyo kakwiina muulo eezyo zyakapegwa abasilisi baku Amelika. Lilikke twaakusika kutamani kuteeli notuyoozyiba mpuwo yamunyama ooyu munyika yoonse. Kuleka buyo bantu baku Amelika, pele azyalo zyuulunzuma zyabantu munyika, bacifwa kumisamu iibikkwa yakulweezya akuyobozya cakulya pele eeyo misamu ilajaya alimwi ilisumpwidwe acisi ca Amelika kubelesyegwa nkaambo ciyandisya kubaa nguzu. Nokuba zyakulya mbuli micelo azisyu mani, azyalo zilaumpwa amulilo uusofwaazya, kazyuumpilwa mukati cakuti kucinyina abusani buciceede muli cakulya eeco. “Kukokoola” banamaleya ngomulimo uuciya kumbele kwiinda mukusansaila misamu iikola atalaa zisi zisangene mbungano ya NATO.\\nKusanduka kwacisi ca Amelika kuzwa kukuba cisi ciyandisya lwaanguluko kuya kukuba munyama wacishinsimi waambaula, kwakasikila mpokweelela kwiinda mumilawo ya musololi wacisi. Eeyo milazyo iitajanwi mukkunga lyamilawo yacisi, niitalika kuba milawo kakwiina kuzumizyigwa ankamu yeendelezya mfulumende. Muleli wacisi mumyaka misyoonto yakainda, wakazumizya kunyanga bantu buvwubi akufusila bantu muntolongo kakwiina kaambo alimwi kakwiina ciindi cipimidwe cakukkala muntolongo nokuba kutolwa kunkuta. Ooku kutundulula bantu munzila eeyo kulakonzya kucitilwa kufumbwa muntu, muna Amelika nokuba muna masi; Musololi wacisi ca Amelika inga watondeka kufumbwa muntu kuti “ooyu ngu sinkondoma” alimwi aboobo sinkondonyina uuli woonse weelede kujaigwa.\\nMuleli Obama isaina mulawo munguzu zyabuleli.\\nBunji bwabantu baku Amelika tabakubwene mbuyaacinca mfulumende yabo. Nkamu zimwaya milumbe azyalo zyaambilizya buyo milumbe eeyo iizumizyidwe amfulumende yabo. Aabo bantu bazyi masimpe eeni ncobeni, balikkede kabalibilikide akuyoowa nkaambo kanguzu zipati eezi zisikila kuzinguluka nyika yoonse.\\nCishinshimi ca Ciyubunuzyo ciyubununa kuti kuyooba kucinca kumaninide eelyo cisi ca Amelika caakuzumizya kutambula “caando camunyama” akukomba kwalweeno kuti muntu katayandi kujayigwa. Eezi nguzu zyacisi, ziyoocenga…\\nbaabo bakkede atalaa nyika kwiinda mumaleele aayo ngocilaa nguzu zyakucita kunembo lya munyama, akubaambila aabo bakkede atalaa nyika kuti, beelede kubamba cinkonzya camunyama . . .\\nAlimwi walo wakalaa nguzu zyakupa buumi kucinkonzya camunyama, kuti eeco cinkonzya cikonzye kwaambaula, akusinikizya banjaanji aabo batakombi cinkonzya camunyama kuti bajaigwe.\\nAlimwi ulasinikizya boonse, baniini abapati, bavwubide abacete, baangulukide abaangidwe, kuti batambule caando mujanza lyabo lyalulyo, nanka munkumo zyabo:\\nAlimwi kuti kunyina muntu uunga waula nokuba kuulisya, pele ooyo ulaa caando, nokuba yooyo ulaa zina lyamunyama, nokuba mweelwe wazina lyakwe. (Ciyubunuzyo 13:14-17).\\nMunyama “ulaambaula” eelyo nabikka milawo yamfulumende. “Ulasinikizya” eelyo nabikka malailile aadyaaminina bantu boonse kutobela mulawo uubikkidwe. Eeci cibalo ciyubununa kuti kulesyegwa makwebo ncecintu cimwi ciyoocitilwa kufumbwa muntu ooyo uutatobeli akukomba cinkonzya camunyama. Kusinikizya kwamamanino kuyooba kukongwa kujayigwa. Saatani ulaa bamambi ncobeni munyika yoonse amucisi cabusilikani ca Amelika; eeci cisi nzyenguzu zilikke munyika zilaa lumamba lukonzya kusinikizya kutobela milawo yacisi munyika yoonse.\\nBoonse aabo bacinootobela Mwami Yahuwah, beelede kwiimikila nji kunembo lyanguzu zyabudyabooli eezi zitundulula muntu uuli woonse.\\nKuti kube cinkonzya camunyama, kweelede kuba cintu citaanzi. Munyama mutaanzi ooyo uukonzyanyigwa kumamanino aaciindi, nimbungano ya Cikombelo ca Katolika, ninguzu zya keja kasyoonto. Mbungano yabo yabupaizi iisangene amapolitikisi, yakajaya bantu bakakkede muminzi kulaale kufumbwa cintu ncibaacita cakali kwaambwa kuti ncinyonyoono acikombelo eeci mu Misela ya Musinze. Linolino ciyooba mbweenya oobo alimwi eelyo nguzu zya Simukazya-kristu zyaakusumpulwa akutabililwa acisi ca Amelika.\\nMuluzyalo lwakwe, Mwami Yahuwah wakatutondezya kale mumazuba aazya kumbele; mazuba aayo ayoojatikizya muntu uli woonse uucipona atalaa nyika. Lino nceciindi cakuvwiila lwiito lwako. Lino nceciindi cakupangana luumuno a Mulengi wako kuti Walo akusandule muya wako. Kozyibila kusyoma Mufutuli cino ciindi kutegwa, eelyo caakusika ciindi camasunko eeco, webo ukakonzye kwiimikila kosyomeka nokuba kuti buumi bwako bukabe muntenda yakujayigwa.\\nKolibbakamuna kusala buno buzuba kuti wiiminine kasimpe kufumbwa muulo uunga waba mukucita boobo.\\n“Kobaa nguzu akukkazyika camba! Utayoowi nokuba kulibilika, nkaambo Yahuwah Eloah wako ulaa nduwe kufumbwa nkogama.”\\n(Joshuwa 1:9, Mangwalo aalaa Mazina Aakajokezyegwa)\\n1 Langa http:\/\/www.jesus-is-savior.com\/False%20Religions\/Illuminati\/dc.htm.\\n2 Langa Mulimo wa Paperclipu: Kusyule lya Mwezi Kutalibonyi\\n3 Langa http:\/\/theintelhub.com\/2012\/09\/11\/911-the-ultimate-inside-job-and-false-flag-operation\/.\\n4 Langa http:\/\/www.globalresearch.ca\/death-made-in-america-impacts-of-depleted-uranium-contamination-on-afghanistan-s-children\/2412 a http:\/\/thewe.cc\/weplanet\/news\/depleted_uranium_iraq_afghanistan_balkans.html.\\n5 Langa http:\/\/www.cuttingedge.org\/News\/n2063.cfm.\\n6 Langa http:\/\/www.latimes.com\/news\/nationworld\/nation\/la-na-domestic-drones-20130216,0,3374671.story.\\n7 Langa http:\/\/www.infowars.com\/report-realistic-urban-training-is-dhs-and-dod-conducting-desensitizing-exercises\/.\\n8 Langa http:\/\/grist.org\/article\/food-five-tips-for-surviving-a-raid-on-your-farm-or-food-club\/full\/.","num_words":2020,"character_repetition_ratio":0.054,"word_repetition_ratio":0.01,"special_characters_ratio":0.157,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Luka 11 | Bbaibbele lili a Intaneti | Bbaibbele lya Busanduluzi Bwanyika Mpya\\nMbomweelede kupaila (1-13)\\nMupailo wacikozyanyo (2-4)\\nMadaimona atandwa amunwe wa Leza (14-23)\\nMuuya uusofweede noupiluka (24-26)\\nLukkomano lwini-lwini (27, 28)\\nCitondezyo ca Jona (29-32)\\nLambe lyamubili (33-36)\\nMaawe kuli basizikombelo baupaupa ameso (37-54)\\n11 Lino wakali kupaila kubusena bumwi, eelyo naakamanizya, umwi wabasikwiiya bakwe wakamwaambila kuti: “Mwami, kotuyiisya kupaila mbubonya Johane awalo mbwaakayiisya basikwiiya bakwe.” 2 Aboobo wakabaambila kuti: “Nomupaila, amwaambe kuti: ‘Taata, alisalazyigwe zina lyako.+ Abuboole Bwami bwako.+ 3 Abuzuba kotupa cakulya cesu kweelana anzyotuyandika buzuba abuzuba.+ 4 Alimwi kotulekelela zibi zyesu,+ nkaambo andiswe tulabalekelela boonse ibajisi milandu kulindiswe;+ alimwi utatunjizyi mumasunko.’”+ 5 Mpoonya wakabaambila kuti: “Atwaambe kuti umwi akati kanu kajisi mweenzinyina eelyo akati kamasiku waunka kulinguwe akumwaambila kuti, ‘Kondigwasya* zinkwa zyotatwe musa, 6 nkaambo lino aawa ndaswaigwa mweenzuma umwi uuli mulweendo, pele ndinyina cakumupa.’ 7 Pele ooyo kali muŋanda wamwiingula kuti: ‘Koleka kundikatazya. Mulyango wajalwa kale, alimwi mebo abana bangu basyoonto toona kale. Tandikonzyi kubuka akukupa cintu cili coonse.’ 8 Ndimwaambila kuti, masimpe ulabuka natayandi akumupa zyoonse nzyayanda ikutali akaambo kakuti mweenzinyina, pele akaambo kakuti wazumanana kumukombelezya.+ 9 Aboobo ndimwaambila kuti, amuzumanane kulomba,+ eelyo muyoopegwa nzyomulomba; amuzumanane kuyandaula, eelyo muyoojana; amuzumanane kukonkomona, eelyo muyoojalwidwa.+ 10 Nkaambo muntu uuli woonse uulomba ulatambula,+ ooyo uuyandaula ulajana, ayooyo uukonkomona ulajalwidwa. 11 Nkaambo sena nkwali usyi akati kanu uunga ikuti mwanaakwe wamulomba nswi, ulamupa nzoka muciindi canswi?+ 12 Naa ikuti walomba ji, sena ulamupa kabanze? 13 Aboobo ikuti nywebo nokuba kuti muli babi, mulicizyi kubapa zipego zibotu bana banu, nkokuti Taata uuli kujulu uyakwiinda kubapa muuya uusalala aabo ibamulomba!”+ 14 Aciindi cimwi wakatanda daimona ilyakali kulesya muntu kwaambaula.+ Nolyakazwa daimona, muntu ooyo syaataambi wakaambaula, eelyo makamu aabantu akagambwa.+ 15 Pele bamwi akati kabo bakati: “Utanda madaimona kwiinda munguzu zya Belezebule* imweendelezi wamadaimona.”+ 16 Mpoonya bamwi kabayanda kumusunka bakatalika kumwaambila kuti abape citondezyo+ kuzwa kujulu. 17 Mbwaanga wakalizyi ncibakali kuyeeya,+ wakabaambila kuti: “Bwami buli boonse bwaandeene bulanyonyooka, aŋanda yaandeene ilawa. 18 Mbubonya buyo, ikuti awalo Saatani waandaana mwini, ino bwami bwakwe bulaima buti? Nkaambo kayi mwaamba kuti nditanda madaimona munguzu zya Belezebule. 19 Ikuti mebo nditanda madaimona munguzu zya Belezebule, ino bana banu baatanda munguzu zyani? Nkakaambo kaako bayoomubeteka. 20 Pele ikuti munwe wa Leza+ ngonditandya madaimona, nkokuti Bwami bwa Leza ncobeni bwamusikila kamutabuyeeyeli.+ 21 Muntu singuzu uujisi zilwanyo zikkwene nalindilila ŋanda yakwe, lubono lwakwe lunookwabilidwe kabotu. 22 Pele ikuti umwi uujisi nguzu kumwiinda wamulwana akumuzunda, nkokuti ulamunyanga zilwanyo zyakwe zyoonse eezyo nzyaakali kusyoma, akwaabanya bamwi zintu nzyaabweza kulinguwe. 23 Kufwumbwa ooyo uutali kulubazu lwangu mulwani wangu, alimwi kufwumbwa ooyo uutabunganyi antoomwe andime ulamwaya.+ 24 “Ciindi muuya uusofweede nouzwa mumuntu, ulainda mumasena aatakwe maanzi kuyandaula busena bwakulyookezyela, alimwi watabujana busena waamba kuti, ‘Ndilapiluka kuŋanda yangu nkondakazwa.’+ 25 Eelyo wasika ulajana ŋanda eeyo ilikukwidwe akubambwa kabotu. 26 Lino ulainka kuyooleta myuuya iimbi iili ciloba mibi kwiinda nguwo, eelyo yanjila mukati ilakkala mumonya oomo. Aboobo bukkale bwamamanino bwamuntu ooyo bulabija kapati kwiinda bwakusaanguna.” 27 Lino naakacili kwaamba majwi aaya, mukaintu umwi munkamu yabantu wakoompolola akumwaambila kuti: “Ulikkomene mutumbu wakakuyumwide mwida lyakwe akukunyonsya!”+ 28 Pele Jesu wakati: “Peepe, ibakkomene mbaabo baswiilila jwi lya Leza akucita ncolyaamba!”+ 29 Lino makamu aabantu naakali kubungana antoomwe, wakatalika kwaamba kuti: “Izyalani eeli ndibi; liyanda kupegwa citondezyo, pele kunyina citondezyo ncoliyoopegwa ccita buyo citondezyo ca Jona.+ 30 Nkaambo mbubonya Jona+ mbwaakaba citondezyo kubantu bamu Nineve, awalo Mwanaamuntu uyooba citondezyo kuzyalani eeli. 31 Mwami mukaintu wakumusanza+ uyoobusyigwa mubuzuba bwalubeta antoomwe abantu bamuzyalani eeli, eelyo uyoobapa mulandu, nkaambo walo wakaboola kuzwa kumagolelo aanyika kutegwa azoomvwe busongo bwa Solomoni. Pele amubone! Imupati kwiinda Solomoni mpali aano.+ 32 Bantu bamu Nineve bayoobusyigwa mubuzuba bwalubeta antoomwe azyalani eeli, eelyo bayoolipa mulandu, nkaambo bakeempwa kumajwi ngaakakambauka Jona.+ Pele amubone! Imupati kwiinda Jona mpali aano. 33 Amana kuyasya lambe, muntu talisisi naa kulivwunika cisuwo,* pele ulalibikka acibikkilo calambe,+ kutegwa aabo banjila bamunikilwe. 34 Liso ndelambe lyamubili. Ikuti liso lyako kalilangide buyo acintu comwe,* mubili wako woonse ulaba mumumuni* awalo; pele ikuti liso lyako kalilaamunyono,* mubili wako ulaba mumudima awalo.+ 35 Aboobo, cenjela kutegwa mumuni uuli mulinduwe utabi mudima. 36 Eelyo ikuti mubili wako woonse kaumweka, kautajisi cibeela cili coonse camudima, mubili ooyo woonse unoomweka mbubonya mbuli lambe likumunikila.” 37 Naakamana kwaamba majwi aaya, mu Farisi umwi wakamulomba kuti akalye anguwe. Aboobo wakanjila akukkala kuti balye. 38 Pele mu Farisi ooyo wakagambwa kubona kuti wakaile kulya katasambide kumaanza.*+ 39 Pele Mwami wakamwaambila kuti: “Lino nywebo noba Farisi, musanzya buyo kunze aankapu amutiba pele mumyoyo yanu muzwide buyo busyaacivwulemwangu abubi.+ 40 Nywebo nobafwubafwuba! Sena ooyo wakapanga anze tali ngonguwe wakapanga amukati? 41 Pele, amupe zintu zili mumyoyo yanu kazili zipego zyaluse,* eelyo zintu zyanu zyoonse ziyoosalala. 42 Pele maawe kulindinywe noba Farisi, nkaambo mulapa cakkumi cazisyu zyaluyuni azisyu zimwi zyoonse,+ pele tamubikkili maano kubululami aluyando lwa Leza! Eezyi zintu mwakaleelede kuzicita, pele eezyo zintu zimwi tiimwakeelede kuzisotoka azyalo.+ 43 Maawe kulindinywe noba Farisi, nkaambo muyanda zyuuno zyakumbele* muzikombelo akwaanzyigwa mumisika!+ 44 Maawe kulindinywe, nkaambo muli mbuli zyuumbwe eezyo zitalibonyi+ cakuti bantu baleenda alinzizyo kabatazyi!” 45 Mukwiingula, umwi wabaabo bazyi Mulawo wakamwaambila kuti: “Omwiiyi, mukwaamba boobo nkokuti watutukila andiswe.” 46 Mpoonya wakati: “Maawe akulindinywe nomuzyi Mulawo nkaambo mutukka bantu mikuli iiminya kunyamuna, kakuli nywebo nobeni tamusoli kwiiguma mikuli eeyo nokuba akanwe buyo!+ 47 “Maawe kulindinywe nkaambo muyaka zyuumbwe zyabasinsimi kakuli bamauso mbabakabajaya!+ 48 Ncobeni muliizyi micito yabamauso alimwi mulaizuminizya, nkaambo balo bakajaya basinsimi+ pele nywebo muyaka zyuumbwe zyabo. 49 Nkakaambo kaako busongo bwa Leza abwalo bwakati: ‘Ndiyoobatumina basinsimi abaapostolo, eelyo bamwi bayoobajaya akubapenzya, 50 aboobo zyalani eeli liyooseswa bulowa bwabasinsimi boonse bakajaigwa kuzwa kumalengelo aanyika,*+ 51 kuzwa kubulowa bwa Abelo+ kusikila kubulowa bwa Zekariya ooyo iwakajaigwa akati kacipaililo aŋanda.’*+ Inzya, ndimwaambila kuti, izyalani eeli liyooseswa bulowa oobo. 52 “Maawe kulindinywe nomuzyi Mulawo, nkaambo mwakanyanga bantu kkii yaluzyibo. Nywebo nobeni tiimwakanjila alimwi aabo bayanda kunjila mulabalesya!”+ 53 Lino naakazwa ooko, balembi aba Farisi bakatalika kumubumba canguzu akumubuzya mibuzyo aimbi minji, 54 kabamuteyede kutegwa bamujanine mulandu mumajwi aakwe.+\\n^ Mu Chigiriki, “Kondikweletesya.”\\n^ Izina libelesyegwa kwaamba Saatani.\\n^ Mu Chigiriki “kalitali kabotu; ndibi.”\\n^ Naa “zibotu kapati.”\\n^ Amubone bupanduluzi buyungizyidwe kuli Mt 25:34.\\n^ Naa “atempele.”","num_words":926,"character_repetition_ratio":0.047,"word_repetition_ratio":0.0,"special_characters_ratio":0.184,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ncayoocita Leza​—Mbwayootugwasya Leza\\nAMUBALE MU Afrikaans Albanian Amharic Arabic Armenian Aymara Azerbaijani Bengali Bicol Bislama Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Dangme Danish Dutch Efik English Estonian Ewe Finnish French Ga Georgian German Greek Guarani Gujarati Haitian Creole Hebrew Hiligaynon Hindi Hungarian Igbo Iloko Indonesian Italian Japanese Kannada Kazakh Kikaonde Kikuyu Kiluba Kimbundu Kinyarwanda Kirghiz Kirundi Kisonge Kongo Korean Krio Lingala Lithuanian Luganda Luo Macedonian Malagasy Malay Malayalam Maltese Marathi Maya Mazatec (Huautla) Moore Myanmar Nepali Ngabere Norwegian Nyaneka Nzema Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Quechua (Bolivia) Rarotongan Romanian Russian Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tahitian Tamil Tatar Telugu Thai Tigrinya Tshiluba Tsonga Turkish Twi Ukrainian Umbundu Urdu Vietnamese Wayuunaiki Xhosa Yoruba Zande Zulu\\nIbbaibbele lilatwaambila cakusalazya ncayoocita Jehova alimwi a Mwanaakwe, Jesu Kristo kujatikizya kupenga nkwaaleta Saatani Diabolosi. Ibbaibbele lyaamba kuti: “Nkakaambo kaako Mwana wa Leza [Jesu] ncaakayubunwidwa ikutegwa anyonyoone milimo ya Diabolosi.” (1 Johane 3:8) Bweende bwazintu oobu ibuzwide bulyato, kusulaikana, alimwi amilimo mibi buyoomana. Pele kujatikizya “mweendelezi wanyika eeyi”—Saatani Diabolosi—Jesu usyomezya kuti ‘uyoomutanda.’ (Johane 12:31) Kakunyina kuyungwa a Saatani, kuyooba nyika mpya iiluleme, alimwi nyika eeyi buyooba busena bwaluumuno.—2 Petro 3:13.\\nIno mbuti kujatikizya baabo ibakaka kucinca nzila zyabo alimwi akuzumanana kucita zintu zibyaabi? Amuyeeye cisyomezyo eeci citaindi mumbali: “Baluleme bayookala munyika; baololokede mbebayoosyaala mulinjiyo; pele basizibi bayoonyonyoonwa munyika, abasilweeno bayoogwisigwa.” (Tusimpi 2:21, 22) Kuyunga kwabantu babyaabi takucinooliko pe. Kabali mubukkale oobu bwaluumuno, bantu bamvwida mukuya kwaciindi bayakwaangununwa kukutalondoka nkobakakona.—Baloma 6:17, 18; 8:21.\\nMunyika eeyo mpya, ino Leza uyoobugwisya buti bubi? Takabugwisyi kwiinda mukudyaaminina nguzu zyakulisalila alimwi akupanga bantu kuba mbuli malobboti. Muciindi caboobo, uyoobayiisya bantu bamvwida nzila zyakwe, akubagwasya kuleka kuba amizeezo alimwi amicito iitali kabotu.\\nLeza uyoozigwisya zintu zyoonse izileta mapenzi\\nIno ncinzi ncayoocita Leza kujatikizya ntenda zitayeeyelwi? Wasyomezya kuti mfwulumende ya Bwami bwakwe iyootalika kweendelezya nyika ino-ino. Mwami wa Bwami oobu iwakasalwa a Leza ngu Jesu Kristo, walo uujisi nguzu zyakuponya baciswa. (Matayo 14:14) Jesu alimwi ulijisi nguzu zyakweendelezya nguzu zyazilengwaleza. (Maako 4:35-41) Aboobo, ikupenga kuboola akaambo ‘kakusikilwa ziindi zyalufu azyamapenzi’ kuyoomana. (Mukambausi 9:11) Mubweendelezi bwa Kristo, kunyina mapenzi aanoobasikila bantu.—Tusimpi 1:33.\\nIno mbuti kujatikizya mamiliyoni aabantu batakwe mulandu ibafwa akaambo kantenda? Naakamana kubusya Lazaro imulongwe wakwe, Jesu wakaamba kuti: “Mebo ndendime bubuke alimwi abuumi.” (Johane 11:25) Masimpe, Jesu ulijisi nguzu zyakubusya, naa kubapa buumi alimwi, aabo bakafwa!\\nIkuti naa makani aakukkala munyika mwalo bantu bali kabotu mobatanoocitikilwi zintu zibyaabi alamukkomanisya, amube aamakanze aakuzyiba zinji kujatikizya Leza mwini-mwini alimwi amakanze aakwe kwiinda mukwiiya Bbaibbele. Bakamboni ba Jehova ibakubusena nkomukkala bayookkomana kumugwasya kuti mube aluzyibo oolu. Tumukulwaizya kuti mubalembele naa kulembela basikumwaya magazini eeyi.","num_words":429,"character_repetition_ratio":0.04,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ziloto zyaFaro Zyapandululwa | Zyiiyo Zyabana Zizwa muBbayibbele\\nChiindi Josefa kachili muntolongo, mwaami wakuEgepita Faro, wakalota ziloto zyakakachila bantu kuzipandulula. Umwi mubelesi waFaro wakamubuzya kuti Josefa ulakonzya kumupandulwida nchizyaamba. Kuzwa waawo, Faro wakalayilila kuti Josefa ayitwe.\\nFaro wakabuzya Josefa kuti: ‘Ulakonzya na kupandulula nzindalota?’ Josefa wakabuzya Faro kuti: ‘MuEgepita munooli chakulya chiingi kwaminyaka iili 7 pesi kwaminyaka iili 7 iitobela, kuzooba nzala. Nkinkaako, sala muntu ulaabusongo utayobolole zilyo kuchitila kuti bantu bako batafwi anzala.’ Faro wakasandula kati: ‘Ndasala nduwe! Uyooba wachibili mubweendelezi muEgepita!’ Niinzi chakapa kuti Josefa akonzye kupandulula ziloto zyaFaro? Nkaambo Josefa wakagwasigwa aJehova.\\nKwaminyaka iili 7 yakatobela, Josefa wakabungika zilyo. Mpawo kwakazooba nzala munyika yoonse mbuli mbakaambide Josefa. Bantu bazwa kumasena asiyene-siyene bakali kusika kuli Josefa kuzowula zilyo. Jakkobo wisi waJosefa, wakamvwa kuti kuEgepita kuli zilyo, nkinkaako, wakatuma bana bakwe bali 10 kuti bakawule zilyo.\\nBana baJakkobo bakiinka kuli Josefa, mpawo Josefa wakafwambaana kubaziba. Pesi bakulana bakwe teebakaziba pe kuti nguJosefa. Bakamukotamina mbuli mbaakalotede kachili muniini. Josefa wakali kuyanda kuziba kuti bakulana bakwe bakachili alunya na. Nkinkaako, wakababuzya kuti: ‘Muli basikulanga-langa nyika. Muza kulanga nyika yesu mbuyibeede.’ Bakati: ‘Peepe! Tuzyedwe katuli 12 alimwi tuzwa kuKkenani. Umwi mwanike wesu wakafwa alimwi muniini wakasyala andeende.’ Josefa wakababuzya kuti: ‘Amukeete mwanike wanu nkukuti ndimusyome.’ Nkinkaako, bakabweeda kulimbabo.\\nNizyakamana zilyo zyabo, Jakkobo wakabatuma lubo bana bakwe kuti bakasunze kuEgepita. Kulweendo oolu, bakiinka aBbenjamini mwanike wabo. Josefa wakasunka bakulana bakwe kwiinda mukusisa nkomesi yakwe yansiliva musaka lyaBbenjamini lyazilyo mpawo wakababuzya kuti biibba. Babelesi baJosefa nibakiijana musaka lyaBbenjamini bakulana bakwe bakayoowa. Bakakumbila kuti Josefa asubule mbabo kutali Bbenjamini.\\nChiindi eechi Josefa wakaziba kuti bakulana bakwe bakali bachincha. Josefa takachili kukonzya pe kuumuna. Wakalila akwaamba kuti: ‘Ndime Josefa mwanike wanu. Ndeende uchipona na?’ Bakulana bakwe bakagamba loko. Wakababuzya kuti: ‘Mutalikataazyi akaambo kazintu nzimwakandichitila. Leza nguwe wakandituma kuchitila kuti nzomufutule. Amufwambaane mukamweete okuno ndeende.’\\nBakabweeda kulimbabo akubuzya wisi makani aaya mabotu, mpawo wisi bakamweeta kuEgepita. Josefa wakazoobonana lubo awisi kakwiindide minyaka miingi loko.\\n“Mwatalekelela bantu milandu yabo, alakwe Usowanu takooyoomulekelela milandu yanu pe.”—Matayo 6:15\\nMibuzyo: Jehova wakamugwasya biyeni Josefa? Josefa wakatondeezya biyeni kuti wakabalekelela bakulana bakwe?\\nMatalikilo 40:1–45:28; 46:1-7, 26-34; Intembauzyo 105:17-19; Incito 7:9-15","num_words":327,"character_repetition_ratio":0.076,"word_repetition_ratio":0.0,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 44 IBBAIB63 - Lino wakalailila mupati - Bible Search\\nMatalikilo 43 Matalikilo 45\\nJosefa mbwaakasunka bananyina\\n1Lino wakalailila mupati waŋanda yakwe kuti, Zuzya masaka aabantu zilyo, mbubonya mbobakonzya kunyampula, alimwi bika mali aamuntu umwi aumwi mumulomo wasaka lyakwe. 2Ayalo inkomeki yangu, inkomeki yansiliva koibika mumulomo wasaka lyamuniini, antoomwe amali aakwe aazilyo. Nkabela wakacita mbubonya mbuli Josefa mbwaakalailila­. 3Buce biyo, bantu bakasungulwa kuti beende balo ambongolo zyabo. 4Lino kabatana kuya kule kuzwa kumunzi Josefa wakaambila mupati waŋanda yakwe kuti, Nyamuka, ubatobele bantu. Wabeenzya, uleelede kubaambila kuti, Ino nkaambonzi mwandiboozezya bubi mucimanga cabubotu? Nkaambonzi mwabba inkomeki yangu yansiliva? 5Sa teensi njiyo mwami wangu mwaanywida? Sa teensi njiyo njasondya? Mwabisya kukucita obo.\\n6Wabeenzya, wabaambila majwi ayo. 7Lino bakamubuzya kuti, Ino nkaambonzi mwami wesu ulaamba majwi aya? Swebo tobalanda bako cilatondwa kulindiswe kucita obo. 8-Mwabona kuti mali ayo ngetwakajana mumilomo yankomo zyesu twakaaboozya kulinduwe kuzwa kunyika ya-­Kanana, Ino inga twabba buti insiliva na ingolida muŋanda yamwami wako? 9-Kufumbwa muntu akati kesu tobalanda bako uujanwa kuti uli ankomeki, afwe, Aswebo toonse tulaba bazike bamwami wesu. 10Wakavuwa kuti, Kube mbubonya obo mboamba. Kufumbwa uujanwa kuti uli ankomeki abe mulanda wangu, pele bamwi banu tabakooyooba amulandu. 11Mpoonya awo bakafwambaana kwaangununa umwi aumwi isaka lyakwe, batula ansi, bajalula umwi aumwi isaka lyakwe. 12Nkabela wakayandaula moonse moonse, watalikila kumupati, wasyaalizya kumuniini, nkabela inkomeki yakajanwa munkomo ya-Benjamini. 13-Mpawo bakadelaula zyakusama zyabo, babopa umwi aumwi imbongolo zyakwe, bapilukila kumunzi.\\n14-Lino Juda abeenzinyina nebakasika kuŋanda ya-Josefa, bajana kuti mpacili, nkabela bakamuvundamina ansi. 15Elyo Josefa wakabaambila kuti, Ino ncinzi eco neemwacita? Sa tamuzi kuti muntu uuli mbuli ndime ncobeni ulikuzi kusonda? 16-Mpawo Juda wakati, Twaambenzi kumwami wangu? Twaambenzi? Tulilulamike buti? Leza ngowajana milandu yesu tobalanda bako, Toonse tuli bazike bamwami wangu, aswebo ayooyo moyajanwa inkomeki mujanza lyakwe. 17-Pele wakati, Nee! Kulindime cilatondwa kucita obo, Muntu wajanwa kuti uli ankomeki mujanza lyakwe, ngonguwe alike uuelede kuba muzike wangu. Pele inywe nobamwi kamuya aluumuno kuli usowanu,\\n18-Mpawo Juda wakaswena afwaafwi kulinguwe, wati, Wence simalelaangu, ndemulanda wako Ŋambe ijwi mumatwi aasimalelaangu. Bukali bwako butabukili mulanda wako, nkaambo uli mbubonya mbuli Farao. 19Simalelaangu wakatubuzya swebo tobalanda bakwe kuti, Sa mulijisi uso na munyoko? 20-Nkabela twakaambila simalelo wesu kuti, Tulijisi wiseesu munene, amwanike wesu mwana wabucembele bwakwe, Mukulana wakwe wakafwa, lino kwakasyaala nguwe alike mulibanyina, nkabela wisi ulamuyandisya. 21-Lino yebo wakatwaambila tobalanda bako kuti, Amumulete kulindime, nkamu bone. 22Twakaambila mwami wesu kuti, Musankwa takonzyi kusia wisi pe. Asia wisi, wisi ulafwa. 23-Pele yebo wakatwaambila tobalanda bako kuti, Na mwanike wanu tasiki anywebo, tamukooyoobona limbi busyu bwangu. 24Aboobo netwakapiluka kuliwiseesu mulanda wako, twakamulwiida majwi aamwami wangu. 25-Nkabela tateesu naakaamba kuti, Amupiluke, mukatuulile tulyo, 26twakati, Tatukonzyi kuya pe, cita mwanike wesu alakwe kali wo, lino tulaya, nkaambo tatukonzyi kubona busyu bwamuntu oyo na mwanike wesu tawo. 27-Amvwe obo, wiseesu mulanda wako wakatwaambila kuti, Mulizi kuti mwanakazi wangu wakandizyalila bana bobile. 28-Umwi wakandisia, Ndakati, Ncobeni ulikwamwiidwe, Nsimubwene limbi mane kusikila sunu. 29-Lino na mwatola oyu alakwe kuzwa kulindime, alimwi bubi bwamujana, muyooselusya imvwi zyangu abuusu mukabanda. 30-Lino na ndasika kulitaata mulanda wako, alimwi musankwa tawo, —moyo wakwe ulisukeme musankwa, 31aboobo naayoobona kuti musankwa tawo, uyoofwa, Tobalanda bako tuyooselusya imvwi zyatateesu mulanda wako cabuusu mukabanda. 32-Nkaambo mebo ndemulanda wako ndimususi musankwa kuti aye kulitaata. Ndakati, Na ndabula kumuboozya kulinduwe, njooba amulandu kulitaata mazuba oonse. 33-Wence nsyaale, mebo ndemulanda wako, mucibaka camulombe, mbe muzike wamwami wangu, lino musankwa ainke abeenzinyina. 34Nkaambo nsikonzyi kupiluka kulitaata na mulombe tawo. Ndayoowa kubona bubi buti sikile taata.","num_words":551,"character_repetition_ratio":0.056,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nyika Ilibandalele: Kasimpe kamu Bbaibbele Munyika Iipilingene Print\\nNyika Ilibandalele: Kasimpe kamu Bbaibbele Munyika Iipilingene\\n“Ulainda kubaa busongo ooyo uulizyi kabotu Bbaibbele lyakwe, alimwi kuti kapona kweendelanya ancoliyiisya. Kuli lwiiyo lwazilengwa leza lujanwa mu Bbaibbele, kapati mubbuku lya Matalikilo, Joobo, Intembauzyo, Tusimpi, Mukambausi, Izaya amubbuku lyokwa Ezekiya, kwiinda muciiyo cili coonse cinga cajanwa mu Zikolo zipati amu Maganda muyiilwa zilengwa leza anyika iino. Kuli tubeela twakasimpe tupati tusyangidwe mu Bbaibbele, pele tweelede kusanyangulwa mumuuya wabulemu, nkaambo “[Yahuwah] ulabakazya boonse aabo balisumpula pele upa luzyalo kuli baabo balicesya” - Jakobo 4: 6. [Simalelo] wesu wakati- “ Ndakulumba webo, O Taata, [Simalelo] wajulu anyika, nkaambo Webo wakabasisa zintu eezi basongo abacenjede, akuziyubunwida bana bavwanda mbuli boobu. Inzya Taata nkaambo oobo mbookayanda”- Mateyo 11:26, 26.” (Terra Firma: Earth Not a Planet, Proved from Scripture, Reason, and Fact, David Wardlow Scott, p.166)\\nAnsi aawa, tulatondezya twaambo tumwi ooto twakapa kuti nkamu ya WLC ikumbatile masimpe aakuti “Nyika Ilibandalele naa ililandabele.” Ootu twaambo tatuli twaambo tulikke pe ntotukonzya kupeda bumboni bwa mbaakani eeyo mpotwiimvwi swebo pe. Pele eeci, ceelede kukosozya makani akaambo akukulwaizya muntu uli woonse kuti alitalikile lwakwe mwini kuvwuntauzya ciiyo ciyandika eeci alimwi cikopa maanu kapati, mumuuya wakusyomeka.\\nTacili cintu cuubauba kusukumina ambali zintu zyoonse nzyookazyibide kucengwa mulwiiyo lwaanyika, pele kwiinda muluzyalo lwa Taata, cilakonzyeka kucitika eeci. Mupailo wesu ngwakuti webo ubikke ambali mizeezo njojisi kale amanjezyeezya aako anze acibuye camulyango kotana njila mukati kuti utalike kuvwuntauzya masimpe, kutegwa ubaa muzeezo uusalala amuuya wamoyo uusyomeka.\\n“Kasimpe kunyina nokayoowa kuvwuntauzyigwa kumaninide pe” (David Wardlow Scott)\\nKanjikanji notuswaanganya muzeezo ooyu: Muzeezo wakuti Nyika ilibandalele inga umvwikaanga ulisondokede. Ncencico ncobeni aswebo eeci ncitwaataangunide kuyeeya eelyo notwaajuzyigwa kuciiyo eeci. Katutayandide kukaka cintu cili coonse, alimwi katutanaa vwuntauzya kapati makani aaya, twakanjila mumipailo yakusanyangula kaambo aaka, akukonkezya kuti tuyoosyomeka kubumboni mbotuyoojana, akutobela kufumbwa nkobututozya bumboni oobo. Nikwakainda mvwiki amyezi minjaanji yakulilangaula mumyoyo yesu, akusanyangulisya kabotu kabotu, lino kukonkezya kwesu nkwakuti “muzeezo wakuti nyika ili bundumene mbuli bbola” nguusondokede.\\n“Ooyo uuwviila kaambo nkataninga teelela, nkufubaala abweemya kuli nguwe.”\\n(Tusimpi 18:13, KJV)\\nBumboni bwa Bbaibbele bugwasyilizya masimpe aakuti Nyika iliimvwi nji Kiibandalele:\\nInyika Iliimvwi nji mucibaka comwe:\\nAmuyoowe munsi Lyakwe, nyoonse nomuli munyika: nyika ayalo iliimvwi nji, cakuti tiikonzyi kuzungaanyigwa. (1 Makani 16:30, KJV)\\nYahuwah nguulela,Ulisamide bulemu; Yahuwah usamide nguzu, eezyo Walo nzyalisamikide Lwakwe: Nyika ayalo ilisimpidwe, cakuti tiikonzyi kuzungaanyigwa. (Amulange Ntembauzyo 93:1.)\\nKobaambila aabo batamuzyi Yahuwah kuti nguulela: nyika ayalo ilisimpidwe cakuti tiikonzyi kuzungaanyigwa: Walo nguyoobeteka bantu mubululami. (Amulange Intembauzyo 96:10.)\\nKomutembaula Yahuwah, O muuya wangu. O Yahuwah Elohimu wangu, webo uli mupati kapati; webo usamide bulemu akubekabeka. . . . Nduwe Ookalazyika musemo wanyika, kuti utakazwisyigwi lyoonse kutamani. (Amulange Intembauzyo 104:1, 5.)\\nInyika azilengwe zyajulu zyikobeledwe aa mulengalenga:\\nMpoonya Elohimu wakati, Akube mulengalenga akataa meenda, kuti waandaanye meenda kuzwa kumeenda. Nkabela Yahuwah wakabamba mulengalenga, akwaandaanya meenda aakali kunsaa mulengalenga kuzwa kumeenda aakali atalaa mulengalenga: nkabela cakacitika oobo. Mpoonya Elohimu wakaita mulengalenga kuli ndi Julu.Eelyo igoko acifumofumo bwakali buzuba bwabili. (Amulange Matalikilo 1:6-8.)\\nAawa tujana kuti Yahuwah wakalenga lukwakwa lwajulu kwiinda mukwaandaanya “meenda aayo aakali kunsaa mulengalenga kuzwa kumeenda aakali atalaa mulengalenga.” Kwiina abumbi mbocinga cainda kusalala kwiinda waawa pe; kuli meenda ncobeni kunsaa mulengalenga aatala lya mulengalenga.\\nAmumutembaule walo, inywe nomajulu aamajulu, alimwi inywe nomeenda aali atalaa majulu. (Intembauzyo 148:4, KJV)\\nKweendelanya bwaamba Matalikilo 1:6-8, caamba kuti kuli meenda kunsaa mulengalenga aatala lya mulengalenga.\\nIbbala lyakasandulwa kuti “mulengalenga” aawa ngu H7549:\\nNcoliiminina kweendelanya a BDB:\\n1) cibaka cipapalele (ciyumu), cibanda, mulengalenga\\n1a) cibanda (cipapalele mbuli tabule, kutabilila)\\n1b) mulengalenga (ciyumwido cajulu citabilila meenda atala lyaco)\\n1b1) cakali kuteelelwa aba Hebulayo kuti nciyumu alimwi cikwabilide 'meenda' atalaa ncico\\nBDB ulanganya mulengalenga kuti wiiminina “ciyumwido cajulu citabilide meenda atala lyaco,” alimwi ulayungizya akuti cakali “kulangwa aba Hebulayo kuti cakali cintu ciyumu ciyumwide 'meenda' atala lyaco.”\\nMuyanda wabbala H7549 ( râqîya') ngu H7554 ( râqa ') eelyo lyaambwa mubbuku lya Strong kuti:\\n“muyanda wabbala lyakaindi; kutwa nyika (citondezyo kuyandisya amoyo woonse); kukwakwamuna (mbuli kubelesya nsando); kuvwumbilila (alubulo mbuli masenke): - kufula, kukwazamuna (atala, kukwakwamuna mbuli masenke), kuganta, koolola” - Strong's Concordance\\nMulengalenga ooyo uuyumwide meenda atala lyawo kulangika kuti ngomuyanda wabbala lyakuti ciyumu, mbuli cintu cakwakwamunwa ansando kuti cibe mbuli senke nokuba cikwankwani cipapalele.\\nMangwalo aya kumbele kwaamba kuti zilengwa leza zyamulengalenga zyakabikkwa mukati ka mulengalenga ooyu.\\nMpoonya Elohimu wakati, Akube mimuni mumulengalenga wakujulu kuti yaandaanye buzuba kuzwa kubusiku; alimwi ibe zitondezyo, zyaziindi zyamwaka, amazuba, amyaka: Alimwi ibe mimuni mumulengalenga wakujulu kuti ipe mumuni atalaa nyika: nkabela kwakaba oobo. Mpoonya Elohimu wakabamba mimuni mipati yobile; mumuni mupati kuti kuuyendelezya buzuba, alimwi amumuni musyoonto kuti kuuyendelezya busiku: walo wakabamba anyenyezi azyalo. Alimwi Elohimu wakiianzika mumulengalenga wakujulu kuti ipe mumuni atalaa nyika, Alimwi akweendelezya buzuba abusiku, alimwi akwaandaanya mumuni kuzwa kumusinze: alimwi Elohimu wakabona kuti cakali cibotu. (Amulange Matalikilo 1:14-18.)\\nMangwalo alaamba mumulaka muubauba kuti:\\n(1) Kwakali meenda kunsaa mulengalenga alimwi aatalaa mulengalenga. (Amulange Matalikilo 1:6-8)\\n(2) Zilengwa leza zyakujulu zyakabikkwa mukati kamulengalenga. (Amulange Matalikilo 1:14-18.)\\nMulengalenga ncintu ciyumu ciimvwi akataa zilengwa leza:\\nMucibalo citobela aawa, Elihu mumubandi wakwe a Joobo wakayumya kwaamba ceeco ncotwaiya kale kuzwa Kumalengelo mubbuku lya Matalikilo, kuti mulengalenga waandaanya meenda alimwi uutabilide zilengwa leza zyakujulu muyumu akwiima nji. Amubikkile maanu kuti Elihu nabelesya bbala lya H7554 ( râqa '), imuyanda wabbala lya mulengalenga, eelyo liiminina kuti “kukwakwamuna (kwiinda mukubelesya nsando); kuvwumbilila (amasenke naa cikwankwani calubulo): - kufula, kukwakwamuna, kuladamuna (atala, koolola, muzikwankwani), kugantaganta, kuladamuna.”\\nHena webo anguwe wakaanzika [H7554 ( râqa ')] mulengalenga, muyumu nta, alimwi uuli mbuli cimbonimboni? (Joobo 37:18, KJV)\\nLino, atusanyangule kampango aako kaambwa ziindi zinjaanji kuti katabilila muzeezo wakuti nyika nimbumbulu alimwi ilibundumene mbuli bbola:\\nNgonguwe uukkede atalaa kuzinguluka [H2329- chûg ] nyika, alimwi bantu bayo bali mbuli nsozi; ooyo wakaanzika majulu mbuli ndembela, akulandabika ngawo mbuli civwuka cakukkalila. (Izaya 40:22, KJV)\\nIbbala libelesyegwa waawa lyaamba “ kuzinguluka” ngu H2329] ( chûg). Lyaamba cigaminina kuti kuzinguluka, nzila yakuzingulukila, alimwi inga lyaambilizya akuti mulengalenga wakujulu. Kunyina pe nolyaamba kuti “bbola” nokuba “cinkuli”.\\n1) kuzinguluka, nzila yakuzinguluka, kucingilila\\n2) (BDB) mulengalenga (wamajulu)\\nIbbala lya H2329 ( chûg) kunyina nolyaambilizya cintu cili mbuli bbola naa cinkuli. Mushinshimi Izaya, keendelezyegwa a Moza usalala, wakasala mabala aayebeka aawa; walo taakabulide bbala lyakuti “bbola” pe, mbuli mbomunga mwabona mukampango katobela:\\nWalo uyookuwaala ncobeni webo mbuli bbola [H1754- dûr] munyika ili kulaale . . . (Izaya 22:18, KJV)\\nIzaya, eelyo naakali kwaamba bbola wakalemba bbala lyakuti H1754 ( dûr) kutali lya H2329 ( chûg). Ootu ntwaambo twaandeene.\\nCintu ciyandika kubikkila maanu aawa ncakubona kuti bbala lya H2329 ( chûg) inga lyaambilizya akuti “mulengalenga wamajulu”, eeco ncecintu cilibonya kabotu kuti ncoliiminina mbulyaabelesyegwa mukampango aaka.Atulange bbala eeli alimwi:\\nNgonguwe uukkede atalaa kuzinguluka [H2329] - chûg] nyika, alimwi bakkede mulinjiyo bali mbuli nsozi; nguuyalide majulu [8064 – shâmayim] mbuli mulembo, alimwi ngowaalandabika mbuli civwuka cakukkalila. (Izaya 40:22, KJV)\\nAaka kampango katwaambila kuti Yahuwah ulikkede atalaa mulengalenga wamajulu atalaa Nyika1 alimwi kuzwa kulubazu Lwakwe ooko, bantu bakkede aNyika balibonya mbuli nsozi. Yahuwah, ncobeni, nkwali koonse koonse alimwi tacaambi kuti inga watyankila meso Aakwe kuti ababone kabotu bantu bakkede a Nyika pe, pele cifwanikiso eeco Izaya mushinshimi ncatondezya cilamvwika munzila iisalede.\\nEeci cibalo citwaambila kuti Yahuwah nguulandabika majulu [H8064 - shâmayim] mbuli “mulembo” alimwi ulaanzika majulu mbuli “civwuka”. Ibbala libelesyegwa kwaamba “majulu” aawa ndibbala ndeenya lyaambwa ku Matalikilo liiminina mulengalenga:\\nAlimwi Elohimu wakaita mulengalenga [H7549 - râqîya' ] kuti Ijulu [shâmayim]. Nkabela igoko naa mangolezya acifumofumo bwakali buzuba bwabili. (Amulange Matalikilo 1:8.)\\nMushinshimi Izaya ncasoleka kwaamba aawa ncakuti Taata Yahuwah ukkede atalaa mulengalenga ooyo waanzikidwe atalaa Nyika mbuli civwuka. (Lyoonse Mangwalo alainduluka kwaamba kuti Yahuwah nguulandabika majulu, naa shâmayim : Intembauzyo 104:2, Joobo 9:8, Izaya:40:22; 42:5; 44:24; 45:12; 51:13, Jelemiya. 10:12; 51:15, Zakaliya. 12:1)\\nMushinshimi Izaya utwaambila kuti Taata Yahuwah ukkede atalaa mulengalenga ooyo ngwalandabika atalaa Nyika mbuli “mulembo” naa “civwuka”. (Amulange Izaya 40:22.) Aaka kampango inga tiikamvwugwa munzila yamusyobo ooyu kuti nyika niyali muciimo cambumbulu, bbola nokuba cinkuli.\\nElifazi, mubbuku lya Joobo, ulazumina akusandulula ooku, nkaambo walo waamba kuti Yahuwah uleendeenda atalaa chûg(H2329]), ibbala ndeenya ndyaakabelesya alakwe Izaya naakali kwaamba mulengalenga wajulu:\\nJ.P Green mbwainduluka kwaamba Joobo 22:14- “a mulengalenga  – majulu  – Walo uleendeenda”\\nMakumbi aasisinkene ncecilivwumbyo cakwe, kutegwa atabonwi; alimwi uleendeenda kuzinguluka [H2329] - chûg] wa kujulu [H8064 – shâmayim]. (Joobo 22:14, KJV)\\nElifazi wakali kusyoma ncobeni kuti Yahuwah wakakkede [ukkede] atala lya mulengalenga.\\n“Hena Eli tali mubulamfu bwa kujulu[H8064 – shâmayim]? Alimwi amulange bulamfu bwa nyenyenzi, mbozili kulaale!” (Amulange Joobo 22:12.)\\nSolomoni, mubupanduluzi bwakwe mwapandulula makani aa Malengelo, uyumya kwaamba ncitwaiya kale kusikila waawa kuzwa muli zyeezyo zyakalembwa a Mozesi, Izaya amulembi wabbuku lya Joobo:\\n“Eelyo naakasimpika majulu [H8064 – shâmayim], Ime ndakaliko: eelyo naakabikka mubalo [H2329 – chûg] atalaa lyamaanzi malamfu: Eelyo walo naakabikka makumbi kujulu: naakayumya musemo watusensa twa meenda malamfu: Eelyo walo naakabikkila lwizi migaano yalo, kuti meenda atasotoki mulawo wakwe: eelyo walo naakabikka musemo watusensa twanyika.”(Tusimpi 8:27-29,KJV)\\nAawa alimwi, tulajana bbala ndyeenya lyakabelesyegwa mukwaamba mulengalenga, nokuba majulu , ibbala lyakuti: chûg H2329\\n“Amulumbaizye Nguwe, inywe nozuba amwezi: amulumbaizye Nguwe, inywe nonyenyezi zyamumuni. Amulumbaizye Nguwe, inywe nomajulu aamajulu, andinywe nomeenda aali atalaa majulu. . . .nkaambo zina Lyakwe lilikke ndelyeebeka; bulemu Bwakwe bulaatala lya nyika ajulu.” (Intembauzyo 148:3-4, 13.)\\nSolomoni mukampango kalaatala aawa, wiinduluka kwaamba mumajwi amwi eeco Yahuwah ncaakacita mumvwiki ya Malengelo (Amulange Matalikilo 1:2.) Mubwini, kulangikaanga Solomoni wakali kwaamba waawo mulengalenga mpuusimpidwe mumeenda malamfu, nkaambo walo ulasalazya kwaamba namanizya kwaamba kubamba majulu [H8064 – shâmayim] kuti chûg H2329 lyakaanzikwa “atalaa bulamfu bwameenda.” Bupanduluzi abumwi buteeleleka mbwakuti Solomoni aawa, waamba mulenga wacaanda ooyo ngwaakabamba Yahuwah kutegwa akungilile lwizi loonse antoomwe, nkaambo uya kumbele kusalazya kwaamba kuti:\\nWakapa lwizi mulazyo wakwe, kuti meenda atasotoki mulazyo wakwe: eelyo naakabikka musemo wanyika (Tusimpi 8:29, KJV)\\nKutabikkila maanu aawo ayeeme bupanduluzi buli boonse mpayaamide muntu, kuli cintu comwe buyo camasimpe: kunyina pe nyika mpoyaambwa kuti ili muciimo cambumbulu, bbola nokuba kubundumana mbuli cinkuli pe. Zyoonse zyaambwa muBbaibbele kusikila waawa zilatondezya cakutamamanya kuti nyika ilipapalede alimwi ilikobeledwe a lukwakwa lwa mulengalenga wakujulu.\\nLino atuvwuntauzye cilengaano ceebeka cimwi eeco ncaakalemba mushinshimi Ezekiya:\\n“Lino cakacitika kuti mumwaka wamakumi otatwe, mumwezi wane, mubuzuba bwasanu bwamwezi ooyo, eelyo Ime neekakkede akataa bazike kumbalaa mulonga wa Cheba, majulu [H8064 – shâmayim] akajulwa, mpoonya mebo ndakabona zilengaano zya Elohimu. . . . Alimwi ndakalanga, akubona kapepele kakazwa kuzyila kunyika, akkumbi nanka joba lipati, amulilo kuuvwumbilidwe mukati, akusalazya kapati mumbali lyawo, alimwi mukati kawo kwakali musyobo uulibonya mbuli kusubila , kuuzwa mukati kamulilo.Alimwi kuzwa akata kamulilo ooyo kwakalibonya zilengwe zipona zyone. . . .Ajulu amitwe yabanyama kwakali mweenya [H7549 - râqı̂ya‛] uutandabede, wakali kubalangala mbuli bbwe litakwe musyobo libalangala, wakalitandabede ajulu amitwe yabo. Lino kunsi lyamweenya [H7549 - râqı̂ya‛] ooyo, mababa aabo akalitandabede cakululama, limwi alimwi lyakaliswaneene abbabanyina, alimwi umwi aumwi kajisi mababa obile aakulivwumbya mubili wakwe. Nkabela nibakali kweenda, ndakamvwa cikwala camababa aabo mbuli cikwala camaanzi aavwuuma, mbuli ijwi lya Singuzyoonse, cikwala cakubandika mbuli cikwala camakamu makamu aabasilumamba. Lino baime buyo, bakavwunga mababa aabo. Mpawo kwakamvwigwa ijwi lizwa kumweenya [H7549 - râqı̂ya‛] uuli atala lyamitwe yabo, nibakaimvwi akuvwunga mababa aabo. Alimwi kujulu lyamweenya [H7549 - râqı̂ya‛] ooyo wakali atalaa lyamitwe yabo kwakaboneka cili mbuli cuuno cabwami, cakali mbuli ibbwe lya-Safiro, nkabela atala acintu eco cakali mbuli cuuno akakede mbuli muntu. Lino ndakabona mbuli mundalila uusalalisya mbuli mulilo uuli mukati kansaka nanka mucikko. Kuzwa mucikungu cakwe kuya mujulu, alimwi kuzwa mucikungu cakwe kuya ansi, ndakabona mbuli mulilo. Alimwi kakuli mumuni uumuzyungulukide. Mbubonya mbuli fulicongo uuboneka mujoba nanka mumakumbi ciindi camvula, mbuwakabede mumuni wakazyungulukide. Mbuboobo mbucakabede cilengano cabulemu bwa Yahuwah. Lino nindakacibona, ndakavundama ansi, nkabela ndakamvwa ijwi lyasikwaamba. (Amulange Ezekieli 1:1, 4, 5, 22-28.)\\nAawa Ezekieli utwaambila kuti:\\n1.Majulu [8064 – shâmayim] akajulwa. (Amulange Ezekieli 1:1.)\\n2.Kapepele, ikkumbi pati amulilo zyakaboola kuzwa kunyika.(Amulange Ezekieli 1:4.) “Kunyika” mucibalo eeci , cilangikaanga caamba kuti aciluli camajulu, eeci cakajulilwa kuli nguwe. Joobo awalo ulazumina bupanduluzi oobu: “Wakalandabika kunyika atalaa busena butakwe cintu . . .” (Amulange Joobo 26:7)\\n3.Kuzwa mukati kakapepele kamulilo aaka kwakalibonya zilengwe zizumi zyone. (Amulange Ezekieli 1:5)\\n4.Nizyaamanizya kulibonya zilengwe zyone eezyo, Ezekieli wakabona mweenya [H7549 – râqîya'] “kuuvwumbilide atalaa mitwe yazilengwe” Ezekieli weelanya mulengalenga naa mweenya kuti “ kkulusitolo utaambiki.” (Amulange Ezekieli 1:22.) Ibbala lisanduludwe kuti “kkulusitolo” aawa ndyakuti H7140 (qerach) eeco ciiminina “caanda.”Eeci caambilizya kuti meenda aali atala lya mulengalenga aliyumide mbuli caanda (nokuba kulangika mbuli caanda). Eeci cilangika kuti ncencico Mwaapositolo Johani ncaakabona mucilengaano cakwe: “Munsi lya cuuno cabulemu kwakali lwizi luŋaima mbuli cimbonimboni, nokuba mbuli bbwe libalangala. Akataa cuuno cabwami, amumbali lya cuuno cabwami, kwakali zilengwe zyone zipona kazyizwide meso kunembo akusyule. “(Ciyubunuzyo 4:6) Ibbala lyaci Giliki lisanduludwe kuti “Kkulusitolo” aawa ndibbala lyakuti Krustallos (G2930), eelyo libelesyegwa “muzilembedwe zyaci Giliki kwiiminina caanda.” (Vincent's Word Studies) Zinjaanji inga zyaambwa kujatikizya kaambo aaka, pele tuuli muzeezo waciiyo eeci kuti tugamike kusanyangula kwesu kutozya kooko.\\n5.Ijwi lyakaita zilengwe zipona kuzwa mumulengalenga [H7549 – râqîya']. (Amulange Ezekieli 1:25.)\\n6.Ezekieli wakabona Yahuwah kakkede acuuno Cakwe cabwami atalaa mulengalenga [H7549 – râqîya']. (Amulange Ezekieli 1:26-28.\\nAawa Ezekieli, ututondezya cifwanikiso cisalala cokwa Yahuwah kakkede mubulemu Bwakwe acuuno cabwami atalaa mulengalenga, ooyo ulangikaanga ncaanda ciŋaima.\\nMushinshimi ulayumya kutwaambila cifwanikiso eeci mucilengaano cimwi:\\nMpoonya ndakalanga, alimwi, amubone, mulengalenga [H7549 - râqîya'] kuti wakali atalaa mutwe wama Gelebbemu aayo aakalibonya atalaa mbabo mbuli bbwe lya Safaya, lilangika musyobo mbuli cuuno cabwami. Ezekieli 10:1)\\nIzaya, Elifazi, Elihu, a Ezekieli boonse balazumina kuti Yahuwah ukkede acuuno cabulemu cabwami atalaa mulengalenga muyumu. Kulibonyaanga Inyika mukaambo aaka ngamalyatililo ncobeni ookwa Yahuwah:\\n“Mboobu mbwaamba Yahuwah, Ijulu [8064 - shâmayim] ncecuuno cangu, alimwi inyika ngamalyatililo aangu: ili kuli ŋanda njimwandiyakila mebo? Alimwi mbuli busena bwangu bwakulyookezyela? (Amulange Izaya 66:1.)\\nMubbuku lya Joobo, tulajana mubandi umwi uukondelezya alimwi uuzwide kukulwaizya oomo mwaakali kulyaambauzya Joobo. Mucipati ca 38, Yahuwah wakalibonya kuli Joobo akutalika kumubuzya. Umwi mubuzyo mupati mucibalo eeci ngwakuti:\\n“Hena webo wakabona bukwazeme [H7338 – rachab ] nyika? Kondaambila kuti naa ulizyi coonse eeci. (Joobo 38:18, KJV)\\nIbbala lyakuti, bukwazeme, aawa ndibbala lya rachab ( H7338), eelyo lyaamba kuti “ bukwazame, kukwakwamuka naa cibanda cipati.” (BDB Lexicon) Ooyu ulibonya kuti inga waba mubuzyo uululeme kuti koimvwi atalaa Nyika iibandalele. Pele ncintu citakwe maanu kuti nyika niyali muciimo cambumbulu mbuli bbola nokuba cinkuli.\\nMubbuku lya Daniele, zintu zilembedwe zyaciloto cabushinshimi cokwa Nebbukadinezala zitondezya kuti Nyika ilibandalele naa ilipapalele:\\nEezi nzyezilengaano zyamutwe wangu eelyo neekalede abulo bwangu: Ime ndakalikulanga, ndakabona, Cisamu kaciimvwi akataa nyika, Alimwi bulamfu bwaco bwakali bupati. Eeco cisamu cakakomena akubaa nguzu; Bulamfu bwaco bwakasika kujulu, Alimwi cakali kukonzya kubonwa kumagolelo aanyika kuli koonse. (Daniele 4:10-11, KJV)\\nNebbukadinezala wakaamba kuti wakalota cisamu eeco cakakomena akulampa cakuti cakali kukonzya “kubonwa kumagolelo aanyika yoonse.” Nokuba kuti eeci cakali ciloto buyo, pele cilatondezya kuti caamba Nyika iibandalele naa iipapalede, nkaambo nyika iipapalede ilikke njiikonzya kubaa magolelo. Ooyu muzeezo tuukonzyi kuba atalaa nyika iili muciimo cambumbulu nokuba iili mbuli cinkuli.\\nLino atulange bupanduluzi bwakuzyokela kwa Mufutuli wesu waluyando mubulemu Bwakwe:\\n“Lino ndakabona eelyo naakanamatula cinamatizyo cacisambomwi, mpoonya kwakaba kuzungaana kupati kwanyika; alimwi zuba lyakasiya mbi mbuli cisani caboya cisiya, imwezi woonse wakasalala mbuli bulowa, inyenyeezi zya-kujulu zyakalokela anyika, mbubonya mukuyu wazungaanizyigwa aguwo pati mboumbulumusya nkuyu zyawo zikwange ansi. Mpoonya ijulu lyakavwungailwa mbuli bbuku lyakuvwunga nolivwungidwe antoomwe, alimwi zilundu zyoonse ansumbu zyoonse zyakaatulwa mumasena aazyo. Mpoonya bami bamunyika, basizyuuno zyaatala, beendelezi babasikalumamba, ibavwubi,bantu bayumu, ibazike boonse alimwi abantu boonse baangulukide bakayuba mumpangala amumyala yamalundu. Eelyo bakazumanana kwaambila zilundu amyala kuti: “Amutulimbe akutusisa kubusyu bwa Yooyo uukkede acuuno cabwami akubukali bwa Mwanaambelele, nkaambo bwasika buzuba bupati bwabukali bwabo, eelyo ino nguni uukonzya kwiima?” (Ciyubunuzyo 6:12-17, KJV)\\nAmubone! Ulaboola amakumbi, eelyo meso oonse ayoomubona, antoomwe abaabo bakamuyasa; alimwi bantu bamisyobo yoonse anyika bayoolyuuma acamba akulila akaambo kanguwe. Akube boobo. (Ciyubunuzyo 1:7, KJV)\\nKweendelanya abwaamba Johani Muyubunuzi:\\n1.Inyenyezi ziyooloka aNyika. (Amulange Ciyubunuzyo 6:13.) Johani mbuli bashinshimi bamwi, uya kumbele kupandulula makani aaya, alimwi taakali kusyoma kuti nyenyezi zyakali zipati (kwiinda nyika kukomena) nokuba kuba kulaale zyuulunzuma zyabamaile pe. Kuti eeci nicali ncobeni, mbuli bwaamba basyaazyibwene bazilengwa leza mazubaano, inyenyezi yomwe niyali kunga yamwaya Nyika yoonse kuguntana buyo aciindi comwe. Amubikkile maanu kuti Johani waamba kuti nyenyezi “zyakalokela” aNyika; taambi kuti nyenyezi zyakali kufuuma kugama Nyika pe.\\n2.Majulu ayoovwungaika mbuli bbuku livwungwa. (Amulange Ciyubunuzyo 6:14.) Aaka nkaambo keendelana abwaamba Mangwalo kuti majulu aliyalidwe mbuli mulembo nokuba kwaanzikwa mbuli civwuka. Oobu bupanduluzi inga bwabula maanu kuti Nyika niyali muciimo cabbola naa cinkuli.\\n3.Bantu boonse aNyika bayoomubona kaboola mubulemu. (Amulange Ciyubunuzyo 1:7.) Eeci ncintu cilaa maanu alimwi cikonzyeka kucitika atalaa Nyika iibandalele naa iipapalede, pele tacili cintu cinga cakonzyeka atalaa Nyika ili muciimo cabbola nokuba cinkuli.\\n4.Basofweede abateempwi bayoosoleka kulisisa kuzwa “kubukali bwa Mwanaambelele” a “kubusyu bwa yooyo uukkede acuuno cabulemu.” (Amulange Ciyubunuzyo 6:15-16.) Eelyo majulu naavwungailwa mbuli “bbuku livwungailwa,” basofweede bayoobona busyu Bwakwe ooyo uukkede acuuno cabulemu (atalaa mulengalenga naa mweenya wakujulu, naa mweenya uuvwundumene “kuzinguluka [H2329 – chûg] nyika” Izaya 40:33, alimwi bayoosoleka kulisisa lwabo.\\nMangwalo aamba kuti aciindi ca Kuboola Kwabili ( Second Coming )kwa Yahushua, majulu ayakuyaamuka “ mbuli bbuku livwungailwa eelyo nolivwungailwa antoomwe,” alimwi kuti “liso lili lyoonse liyoomubona Walo.” (Amulange Ciyubunuzyo 1:7; 6:12-17.) Inga kwayandika zinjaanji zyakwaamba akupelengusya kuti aaya makani ayendelane anyika ili muciimo cabbola nokuba cinkuli. Eelyo julu lyaakuvwungailwa, basofweede bayoomubona Yahuwah acuuno Cakwe cabulemu, alimwi bayoosoleka kulisisa lwabo kuzwa mpabede aawo aali bulemu.\\nNzilengwe zili mujulu zyendeenda, kutali Nyika pe.\\nMpoonya Joshuwa wakati kuli Yahuwah mubuzuba oobo Yahuwah naakalekela ba Amolaiti kuti bazundwe abana aba Isilayeli, alimwi wakati mumeso aabana ba Isilayeli, Zuba, koima nji atalaa Gibbiyoni; alimwi webo, Omwezi, mumusena wa Ajaloni.\\nMpoonya zuba lyakaima nji, awalo mwezi wakaima, kusikila bantu nibakamanizya kujokezya ncibaacitilwa abasinkondonyina. Hena tacilembedwe eeci mubbuku lya Jasha? Mbombubo oobu zuba mbolyakaima kuti nji akataa julu, alimwi tiilyakabindaana kuya kukubbila buzuba boonse oobo (Amulange Joshua 10:12-13.)\\nEeci cibalo inga tiicainda kusalala kwiinda waawa: “Izuba lyakaima nji akataa julu.” Joshua wakalailila zuba amwezi kuti ziimikile mujulu. Walo taakaambila Nyika kuti iimikile ileke kupindauka pe. Mbuli basicikolo ba Bbaibbele basyomeka, tweelede kuzumina kusalazyilwa ooku nkotujana mukampango aaka. Yahuwah ulakasya kupindaula Mangwalo kutegwa ayendelane amizeezo yabantu yalwiiyo lwa zilengwa leza eeyo iiyeeme azuba, eeyo iikazyanya aBbaibbele kuzwa ku Matalikilo. Lwiiyo lwamasimpe lwa zilengwa leza (lwakasunkwa akulangilizyigwa kiilibonya ameso) lulazuminana amasimpe aakuti Nyika iliimvwi nji: Experiments and Alleged Coriolis Effect.\\nMubbuku lya Izaya, tulajana cilembedwe caayoyelwa moza eeco citwaambila Yahuwah mbwaakalijosya musyule zuba lyakali mujulu, akupa kuti cinzimweemwe cankoloko cibweedele musyule.\\n“Amulange, Ime ndajokezya cimvwiide musyule, eeco ceendede munkoloko yokwa Ahazi, tunzumina tuli kkumi. Aboobo izuba lyakabweeda tunzumina tuli kkumi, ooto ntolyakeendede kale kuya kukubbila. (Izaya 38:8, KJV)\\nMushinshimi Izaya ulatwaambila mumulaka muubauba kuti “izuba lyakabweedela kubala tunzumina tuli kkumi” Kunyina mubuzyo acintu eeci: Izaya wakali kusyoma kuti lyakali zuba lyakali kweendeenda, kutali Nyika pe.\\nYahuwah ulakasya kuti tupe bumboni bwabashinshimi kunsaa mizeezo yabantu balubide alimwi balaalweeno.\\nMwami Davida awalo wakali kusyoma kuti lyakali zuba lyakali kweendeenda:\\n“Majulu atondezya bulemu bwa Eli; alimwi mulengalenga utondezya milimo yamaanza aakwe. Buzuba abuzuba bulaamba mwaambo, busiku abusiku butondezya luzyibo. Kunyina pe mubandi nokuba mulaka, oomo ijwi lyazyo molitamvwugwi pe. Mundando wazyo ulaunka munyika yoonse, alimwi majwi aazyo alaunka kumagolelo aanyika. Muli nzizyo eezi walo wakasimpa civwuka cakwe nkaambo izuba, lyalo nde Sibwiinga uuzwa mucivwuka cakwe, akukkomana mbuli mulombwana uulaanguzu kuti abalike musinzo. Nzila yalyo izwida kugolela julu, alimwi nzila yakuzinguluka yalyo isikila kumagolelo aajulu: alimwi kunyina cisisidwe kuzwa kukuumpa kwalyo. (Amulange Intembauzyo 19:1-6.)\\nBumboni Bugwasyilizya kuti Nyika Ilibandalele naa Ilipapalele:\\nAnsi aawa, twasoleka kutondezya asyoonto bumboni bumwi butabilila kwaamba kuti Nyika ilibandalele nokuba kupapalala. Eeci tacaambi kuti mbobumboni bulikke oobu pe. Taali makanze eesu aawa kuti tunjile mumakani manjaanji mutwaambo ootu, mbokuli kuli kale milwi milwi yabumboni muluwo iijatikizya makani aaya iikonzya kujanwa amuntu kufumbwa uusyomeka kuyandaula kasimpe.\\nKubula ciimo cakuvwukumana: Kuti Nyika niyali bbola lisika kukwazama bamaile bali zyuulu zyili makumi obile awosanwe mbuli bankamu ya NASA mbobataminina, nkokuti meenda aalo ayelede kuvwukumana lyoonse muli bamaile bali lusele akuyungizya bulamfu bwamusinzo. Eeci inga ceelana mbuli kulangilizya bwiimpukide cintu cili kulaale. Misunko minjaanji yakasoleka kucitwa kusunka cintu eeci, pele yoonse misunko eeyi yakaalilwa kutondezya kuti meenda nokuba nyika kuti zyilivwukumene. Meenda lyoonse alilandabede mubukkwene. Kunyina pe naavwungumana. (Mikonzyano misyoonto)\\nMasimpe kuti basyaazyibwene bamayake tababikkili maanu kuvwukumana kwa Nyika nokuba kuli buti eelyo nobapima nzila zyabuyaki mumilimo yabo. (Nokuba kuti bamwi balataminina asyoonto kuti zyizabukilo zimwi zyakayakwa kweendelanya akuvwukumana kwanyika, pele ooyu muzeezo ulalibonya kuli ngwabufubafuba nkaambo kunyina pe meenda aayinda mujungusi lyacizabukilo naatobela mbocivwukumene cizabukilo cili coonse pe. Meenda lyoonse alilandabede: kunyina pe naavwukumene.)\\nBeenzya ndeke kunyina pe nobacengamika mutwe wandeke ziindi zyoonse kutegwa lyoonse kabaulukila abulamfu bweelede akuti bataulukili mumulengalenga (eeco nicali cintu ciyandika kuti nibali kuuluka myaanda myaanda yabamaile atalaa nyika iili muciimo cabbola)\\nNkaambo kamasimpe aakuti milonga ilatobezya kukunkulikila mumasena munyina cintu cisinkilila, pele ilajanwa kapati mumasena manjaanji kiikunkulika kuya mutala, eeco ncecintu cinga caba mamaile manjaanji aakuvwukumana. (Mukonzyano: Mulonga wa Mississippi ulaselemuka bamaile bali kkumi awomwi kuutaninga swaanganya lwizi ku Nkomwe yaku Mexico.)\\nNokuba kuti aciindi cimwi kwakali kuyeeyegwa kuti kuvwukumana kwa Nyika (nokuba meenda) ooko kwakali kupa kuti syule lya bwato libbilile kulibonya kumuntu uulangilizya, pele lino tulizyi kuti eeci cilacitika nkaambo buyo “kamulazyo wakulibonya kwazintu” awaawo aaimvwi yooyo muntu uulangilizya.” Mato manjaanji aabbilide kumeso aalangilizya inga alibonya alimwi kuti alangwa acibelesyo cakulanga zintu zili kulaale loko, nokuba kukomezya cintu cilangwa mukubelesya gilazi likomezya cintu ncolanga.\\nMulazyo wakuti cintu cilaa nyika kuti cafusilwa mujulu cilapiluka anyika alimwi tuunasunkwa mubwini pe; inga watambulwa buyo mulusyomo kuti nyika niyali muciimo cabbola. Ooyu mulazyo ncintu ncotwatakabikkila maanu pele twakuutambula kuti nkasimpe kuzwa nitwakacili bana (nkaambo “zikolo” nkotwakayiila zyakatulida masuku atalaa mutwe), pele mubwini, ooyu mulazyo tuukwe maanu pe. Hena tweelede kuteelela kuti kuli nguzu zyamaleele zyiitwa kuti “gravity” zyikonzya kudyaaminina milwi milwi meenda aamulwizi ansi Anyika, pele eezi nguzu tazyikonzyi kukwelela ansi nokaba kakumbi kabusi nokaba kauka kainda kuceya kalaa mapepe? Hena tweelede ncobeni kusyoma kuti kuli nguzu zyamusyobo ooyu zyikonzya kuleta mvwula kuti kiiwa kuzwa ansi kuya mujulu nokuba kukomezya mweemvwe kuya mumbali?....zyoonse eezyi kazyicitika katutakubwene swebo? (Aabo batabilila muzeezo wanguzu eezi mbeenya mbabaamba kuti Nyika ilacenguluka cuulu cabamaile muwoola lyomwe (1000mph) noizinguluka zuba zyuulu zyabamaile zyili makumi cisambomwe aciloba muwoola lyomwe(67,000mph), akubalika mumulengalenga zyuulu zyabamaile zyili myaanda yone amakumi obile mu woola lyomwe (420,000mph). Pele zyoonse eezi nozicitika kunyina pe nokuba kuzuzuma asyoonto webo nkonga mwamvwa nokkede kobala cibalo eeci kunembo lya kkomputa yako. Cilamanukizya cintu eeci!) Lwiiyo lwazilengwa leza lwamazubaano lwaamba kuti “Kobikka ambali ma Bbaibbele aako, bikka ambali maanu ako, mizeezo yako, zyoonse nzyokonzya kwiibaluka akubona ...kotobela ncolikwaambila bbuku lyakucikolo.” Beendelezi banyika balizyi kabotu kuti, “Kuti watalika kubeja alimwi koya kumbele kwiinduluka kubeja, inga watalika kusyomwa.” (Adolf Hitler) Webo kosongoka,Utalubili aawa pe; Dyabooli ulaa mulimo ngwayanda kucita munzila zyacikolo. (kapekupeku kasyoonto: Gravity or Density?)\\nMagolelo aanyika alaimpuka lyoonse kuti kolanga ameso buyo( nokuba kuti uli mundeke yuuluka mafiiti zyuulu zyili makumi otatwe mujulu atalaa nyika). Kunyina pe abusena mponga wabonena magolelo aavwungumene aanyika iili muciimo cabbola.\\nMagolelo aanyika lyoonse alibonya kulandabala naa kupapalala ncobeni.\\nAmubone mulaka wanzoka ulaa mpanda mucifwanikiso ca NASA.\\nBunji bwa basilutwe beenzya mato balakatazyigwa eelyo nobeenzya mato aabo Kumusanza wa Nyika eelyo nobeezyeezya kuti Nyika ili muciimo cabbola. Kuti Nyika niyali muciimo cabbola, myeengwe iizwa kujwe kuya kumbo niyali kunga ilasinsinkana kutozya kumusanza. Nokuba boobo, atalaa Nyika Iibandalele, myeengwe eeyi iizwa kujwe kuya kumbo ilatantaana kuzwa Kunyika kuya Kumusanza.\\nBantu bakali kweendeenda mumisela yamyaka 1700 a1800, bakali kweezyeezya kuti bakeenda zyuulu zyabamaile zyili makumi osanwe (50000 miles) kusoleka kubanda nsumbu ya caanda Kumusanza lyanyika, yalo mubwini eeyo ninsumbu iili kumagolelo aa Nyika Iibandalele (mbuli James Cook, James Clark Ross, amusinzo wakeendwa a British “Challenger”) Amubikkile maanu kuti mbunga ya NASA yaamba kuti nyika iili muciimo cabbola ilaa bamaile bali zyuulu makumi obile azyosanwe (25,000) kwiizinguluka.\\nMisinzo yabufubafuba yuulukwa andeke zyinyamwide bantu (kapekupeku kasyoonto: Down South)\\nMasimpe aakuti zintu zili kulaale, nokuba kuti zyilibonya aanga zyili kunzaa magolelo aanyika kumeso, pele tazyiboneki kucengamina kunze lyamagolelo aanyika kumuntu uulangilizya pe ( eeco nceceelede kuba cintu cicitika kuti muntu kali abusena Nyika mpiivwungumene) Atalaa Nyika iivwungumene nguzu zya “gravity” eezyo zyikwela cintu kufumbwa caimpuka kuzwa atalaa nyika kuya mujulu akucibweedezya ansi, mabbola aazwide muya ukasaala ayelede kulibonya kuyanda kukkala ansi eelyo naaimpuka kuya mumakumbi kulaale amuntu uulangilizya.\\nMakani aakuti Polaris (Nyenyezi ya Kunyika) ilalibonya kumusanza lya Nyika, pele Nyenyezi ya Kumusanza (Sigma Octantis) tiibonwi ataala Nyika nokuba abusena bwaakatikati kanyika ( azimwi zyilwi zyanyenyezi)\\nBweende bwamwaka bulamvwika camaanu atalaa Nyika Iibandalele: Azimunthal Equidistant Map ( Amutyanke a “earth” ansi lyakululyo lwenu mbuli butondezyedwe kutegwa mujane cakulisalila kulanga.) Eeyi nje maapu iibelesyegwa ambunga ya United Nations mucifwanikiso cayo.\\nMasimpe ngakuti nkamu ya NASA (nkamu yalumamba yamaseseke) tiinapede cifwanikiso ca Nyika, alimwi acisolekesya kweena bantu...\\nCifwanikiso ca Robert Simmon kunembo lya “Mbumbulu Yacijulujulu.” Credit: NASA\/W. Hrybyk\\nMbunga ya NASA ilalizuminina kuti zifwanikiso zyayo zyakabambwa amakkomputa, kutali kuti nzifwanikiso zyanyika ncobeni pe. Eelyo Robert Simmon waku NASA Syaazyibwene wa Zifwanikiso alimwi Uubamba zifwanikiso naakabuzyigwa kuti, “Ncintu nzi ncookacita ciinda kubotelezya mumulimo wako ku Goddard?” wakavwiila kuti:\\n“Ciindi cicaalizya muntu uli woonse naakabwezede cifwanikiso kuzwa atalaa Nyika eeco cakali kutondezya mweenya woonse (kubbazu lyomwe), cakali ciindi camu 1972 niyaali kuuluka ndeke ya Apollo 17. Mincini ya NASA Yakulangilizya Nyika yakabambidwe kutobezya buumi bwaanyika. Kusikila mu 2002, twakabaa makani manji aakuti tukonzye kubamba cifwanikiso ca Nyika yoonse. Nkabela twakacita oobo. Cintu cakali kukatazya kapati cakali cakubamba lubuwa lwa Nyika mbolulibonya mumyezi yone mumincini. Reto Stockli, lino uuli ku Swiss Federal Office ooko nkobalangilizya bweende anyika, nguwaacita mulimo ooyu kapati. Mpoonya twakazingaila cifwanikiso ca Nyika atalaa bbola. Mulimo wangu wakali wakuswaanganya cifwanikiso eeci, makumbi, alwizi kutegwa cilibonye mbuli bantu mbobaali kuyeeya kuti Nyika mbwiilangika kwiilangila mumulengalenga. Eelyo bbola lyakabaa mpuwo yakuba Mbumbulu yamusyobo Wacijulu-julu. Ime ndakakondwa acintu eeci pele nsyeekalaa muzeezo wakuti inga mpuwo eeyi yamwaika boobo.Tiitwakali kuyeeya kuti inga caba cintu ciluulwa. Ime ncobeni kunyina neekali kuyeeya kuti inga ndaba “Mr Blue Marble” (“Bamisita Bbola Lyacijulu-julu”). Twakaya kumbele kusikila ino kubambulula cifwanikiso eeco, alimwi kuzwa mu 2004 twakatalika kusimba zifwanikiso mwezi amwezi.” (http:\/\/www.nasa.gov\/centers\/goddard\/about\/people\/RSimmon.html)\\nMbubuti cifwanikiso Canyika “camusyobo wacijulujulu” mbucaalengwa? Kweendelanya bwaamba baku NASA, “ cifwanikiso cilandabele” cakalengwa kuzwa muzibeelabeela zyazifwanikiso eezyo zyakabwezwa amincini yuuluka mujulu mpoonya akuzingailwa “kuzinguluka bbola.” Mpoonya eeci cifwanikiso cakabambililwa kuti ceendelane akulibonya mbuli bantu mbobaali kulangila kuti inga yalibonya Nyika kuzwa mumulengalenga.”\\nMaawe kuli baabo bayandaula kuti bayube kuzwa kumalaile ookwa Yahuwah, alimwi milimo yabo ili mumusinze, aabo baamba kuti, Nguni uutubwene swebo? Nokuba kuti nguni utuzyi swebo? Ncobeni kupindamuna zintu nkomucita kuyoozyibwa mbuli bulongo bwamubumbi: nkaambo hena mulimo weelede kwaambila muntu wuucita kuti, Taakandibumba mebo pe? Nokuba cintu cilengedwe hena inga caambila yooyo waacibumba kuti, Takwe maanu pe? (Amulange Izaya 29:15-16.)\\nNguni ngosyoma webo? Bashinshimi bokwa Yahuwah naa nkamu yamaseseke yalumamba ya NASA?\\nMboobu mbwaamba Yahuwah;Ulitukidwe ooyo uusyoma muntu, akubamba nyama kuti libe janza lyakwe, alimwi ooyo ulaa moyo waandeene a Yahuwah. Nkaambo uyooba mbuli cibuye munkanda, alimwi takaciboni cintu cibotu nociswenena; pele uyookkalila mumasena aanyina cintu musyokwe, munyika yamunyo iitakkedwe cintu.\\nWalelekwa ooyo muntu uusyoma muli Yahuwah, bulangizi bwakwe ngu Yahuwah. Nkaambo uyooba mbuli cisamu cisyangidwe munsaa meenda, eeco cilandabika miyanda yaco munsaa mulonga, alimwi takamvwi kupya, pele matuvwu aaco ayooba aanyanzabili; alimwi takabuli cintu mumwaka wacimpayuma, nokuba kuleka kuzyala micelo. (Amulange Jelemiya 17:5-8.)\\n1 Nokuba kuti mbobupanduluzi mbobajisi bantu banji basandulula Bbaibbele, beezyeezya kuti “kuzinguluka nyika” nkwaakali kwaamba mushinshimi Izaya (Isa. 40:22) kuti kwakali kwaamba ciimo ca Nyika kuba mbuli cinkuli. Aaka nkaambo katayi koo Moonga pe. Cintu cini mushinshimi ncaatakali kwaamba ncakusendekezya kuti Nyika ili muciimo ca bbola naa cinkuli.","num_words":4198,"character_repetition_ratio":0.048,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ooyo usisa zinyonyoono zyakwe takayi kumbele pesi uzizumina a kuzisiya uya kujana luse.” Tusimpi 28:13. KLMNP 22.1\\nNzila zya kujana luse lwa Leza nzyubauba zililuleme zilasalala. Mwami tatulombi kuti tucite cintu ciyumu kuti tulekelelwe zinyonyoono zyesu. Tatweelede kweenda musinzo mulamfu ukatazya, nokuba kupanika mubili. kuucisa kuteegwa tujane lulekelelo kuli Leza wa kujulu, nokuba kululamika zinyonyoono zyesu, pele uzumina a kuzisiya zinyonyoono zyakwe uyakujana luse. KLMNP 22.2\\nMupositolo waamba kuti, “Mulekelelane milandu yanu kuli omwe aumwi, mupaililane, kutegwa musilikwe.” Jakobo 5:16. Amulilekelele, akuzumina zinyonyoono zyanu kuli Leza, walo ukonzya kuzilekelela, akulekelela milandu yanu kuli omwe aumwi. Naakuti koli wakabisizya mweenzinyoko naba simunzi nyoko, uleelede uzumine kulubizya kwako, eelyo mulimo wakwe nkukulekelela. Eelyo uleelede kuyandaula lulekelelo kuzwa akuli Leza, nkaambo munyoko ngolubizizya ndubono lwa Leza, mukumucisa wabisizya Mulengi Munununi wakwe. Mulandu ulaletwa kumbele a Mwiiminizi wakasimpe, Mukambausi wesu usumpukide, walo “wakasunkwa munzila zyoonse mbuli ndiswe, pesi tanaakabisya,” walo akuli teelela kwa buteteete bwesu.” Ba Hebulayo 4:15. Alimwi ukonzya kutusalazya kuzwa ku kabala kali koonse ka cinyonyoono. KLMNP 22.3\\nAabo batatoli myoza yabo. kumpela a Leza a kuzumina kulubizya kwabo, tabana jana nzila yakutaanguna ya kutambulwa. Naakuti katutana lubona lusanduko lwakutapiluka munsi, a kutaba a kusinizya kwa kulitola ansi kwa muya a kutyokauka kwa moza wakulisenda akucimwa zinyonyoono zyesu akusulaika cinyonyoono cesu, caamba kuti tatuna yandaula kulekelelwa kwa kasimpe; eelyo kuti katuli tatuna yandaula kulekelelwa cinyonyoono cakasimpe, nkokuti tatuna lujana luumuno lwa Leza. Kaambo kalike ncotutana jana kulekelelwa kwa zinyonyoono zyakainda nkaambo ka kutazumina kutola myoyo yesu ansi a kuzumina inzila zyajwi lya kasimpe. Kulailila kusalala kulapegwa kumakani aaya. Kuzumina cinyonyoono, nomuba mubunji nokuba kumbali, kuleelede kuteelelwe mu moyo, a kwaamba cakwaanguluka. Takweelede kuti mubisyi asinikizigwe kwaamba cinyonyoono cakwe. Kulilekelela cinyonyoono takweelede kwaambwa kufwambaana a bubaya, nakuba kusinikizigwa kuzwa kuli baabo batana kuhiba akusofwaala kwa ciimo ca cinyonyoono. Kulilekelela kuzwa mu muntu cakumaninina kulajana nzila iya kuli Leza siluse lupati. Mwiimbi waamba kuti, “Mwami ulafwaafwi kuli baabo balaa myoyo ityokede, a kubafutula aabo bala a muya uuside.” Intembauzyo 34:18. KLMNP 22.4\\nKulilekelela kwa kasimpe lyoonse nciimo cibotu, akulilekelela zinyonyoono zyandeene. Zilakonzya kuba zinyonyoono zyeelede kuleta kuli Leza alike, noziba zinyonyoono zyeeledwe kulekelelwa kuli omwe aumwi walubizigwa, eezyozyaabunji, zileelede kulilekelela aabunji, eelyo cileelede kwaambwa cakasimpe. Pesi kulilekelela koonse kululame alimwi kakuli kasimpe, a kuzumina zinyonyoono nzyookabisya. KLMNP 23.1\\nMuma zuba a Samuyeli, bana ba Israeli bakazwa kuli Leza. Bakali kupenzegwaabulumbu bwa cinyonyoono cabo, nkaambo bakabula lusyomo muli Leza, bakasowekelwa lushomo mu nguzu a busongo bwakwe bwa kulela cisi, bakasowekelwa lusyomo lwakubona nguzu zyakwe zya kukwabilila akwiimika muzeezo wakwe. Bakazwa ku Muleli mupati wa kujulu, bakayanda kulelwa mbuli mikowa yakali munsi lyabo. Nobatakaninga jana luumuno, bakacita lulilekelelo lwa kasimpe. “Twayungizya cimbi cinyonyoono kuzinyonyoono zyesu, mukulomba Mwami.” 1 Samuyeli 12:19. Cinyonyoono ncobakalubizya ncicona ncobayelede kulilekelela. Kutalumba kwabo kwakapenzya buumi bwabo, a kubandaanya kuzwa kuli Leza. KLMNP 23.2\\nKulilekelela takukatambulwi kuli Leza kakunyina lusanduko lupati a kulengululwa. Kuleelede kube kusanduka kwinikwini mu buumi, zyoonse zibyaabi kuli Leza zileelede zisowegwe. Eelyo ooku kuyakuba mbo bulumbu bwini bwa cinyonyoono. Mulimo ngotweelede kucita mulubazu lwesu uli kumbele lyesu: “Amusambe nywebo, mulisalazye nobeni, musiye milimo yanu mibyaabi kuzwa kumeso aangu, muleke kucita cibi. mwiiye kucita zibotu, muyandaule lubeta, mwaangulule bapenzegwa, muleke kubeteka banyina bamausyi, mukombelele bamukabafu.” Ayizaya 1:16, 17. Naakuti mubisyi kayenda mu milawo yakupona, kakunyina kubisya, kasimpe uyakupona, takafwi pe.” Ezekiele 33:15. Paulu waamba kuti, kukanana mulimo ujatikizya kusanduka. “Mwakali kulilila moza wa buleza, kwakaleta ku cenjela muli ndinywe, inzya nkusalala kuli buti nywebo, inzya nkuzonda cinyonyoono kuli buti, inzya, nkuyowa nzi, inzya nkuyandisisya kuli buti, inzya mbunkutwe buli buti nkujosya cibi nzi nkomujisi! Muzintu zyoonse mwalibona lwanu nobeni kuti mulasalala mu makani aya.” Ba 2 Korinto. 7:11. KLMNP 23.3\\nKuti cinyonyoono cadyaaminina kulailila kululeme, mubisyi taboni kubija kwa ciimo cakwe, nakuba kuyeeya bupati bwa cinyonyoono ncacita, cita walipa kunguzu zisandula zya Muya usetekene, uya kukala mucinyonyoono lyoonse. Kuzumina kwakwe takuli kwa kasimpe alimwi takuli kwa kulemeka. Ku kulilekelela koonse kwa cinyonyoono cakwe ulabika a kulitamizya akulihuna kucibi ncaacita, a kwaamba kuti nikwatali zintu zyaleta cili boobu, natacicita cibi eeci ncaazulwa. KLMNP 23.4\\nAdamu a Eva nibakamana kulya musamu wakali kukasigwa bakazula kuusa a kuyoowa. Muzeezo wabo ngobakajisi kutaanguna wakali wakulitamizya cinyonyoono cabo, kuti bazwe ku mulawo walufu. Mwami nakabuzya cinyonyoono cabo, Adamu wakaingula, lumwi lubazu wakabika mulandu ali Leza lumwi lubazu wakabika a mweenzinyina. “Mukaintu ngo wakandipa kuti a kale andime, nguwa ndipa musamu. ndaulya.” Mukaintu wakabika mulandu a nzoka, wakati, “Inzoka yandicenga, ndalya.” Kulonga 3:12, 13. Nkaambonzi ncokalenga nzoka? Nkaambonzi ncokaileka kuti iboole mu Edeni? Eeyi nje mibuzyo njakapa Eva mukulitamizya kwa kulubizya kwakwe, aboobo Leza wakababikila mulandu mukubisya kwabo. Luwo lwakulisalazya lwakatalikila muli ushi wakubeja, lulatondeezegwa kubana basankwa a kubana basimbi boonse ba Adamu. Kulilekelela kuli boobu takuletwi a muya usalala pe, alimwi takukatambulwi kuli Leza. Kusanduka kwa kasimpe kuya kusololela muntu kuti abweze cinyonyoono cakwe mwini, a kucizumina kakunyina kucenga nokuba kuupaupa a meso. Mbuli wa masi mucete kakunyina a kusumpula meso aakwe kapati mujulu, wakalila, “Leza koba a luse kuli ndime ndemubisyi,” aabo bakuzumina kulubizya kwabo baya kusalazyigwa, nkaambo Jesu uya kupa bulowa bwakwe kuli yooyo wasanduka. KLMNP 24.1\\nZitondeezyo mujwi lya Leza zyakusanduka kwini kwini a kulitolaansi kuzubulula moza a kuzumina kunyina kulitamizya kwa cinyonyoono, nakuba kulisalazya kwako omwini. Paulu taakayanda kuli tabilila lwakwe mwini, ulacikanana cibi cakwe mbuli mbo cibede, ta soli kupa kuti mulandu wakwe uceye. Wwamba kuti. “Banji banji basetekene ndakabajalila mu ntolongo, ndakali pedwe nguzu kuzwa ku mukambausi mupati, nibakali ku jayigwa, ambebo ndakali kuzumina kuli bajayigwe. Ndakabapenzya mu zikombelo lyoonse, ndakabasinikizya kuti basampaule Leza, abukali bunji kapati, ndakaba penzya a muminzi yamasi.” Ncito26:10, 11. Paulu walo talisendi kwaamba kuti, “Jesu Klistu wakaboola munyika kufutula babisyi, lino ndi musololi wababishi” 1 Timoti 1:15. KLMNP 24.2\\nAabo batete bala myoyo ityokede, akambo ka kusanduka kwa kasimpe, baya kulukomanina luyando lwa Leza a muulo wa Kalivali, mbuli mwana mbali lekelela kuli wishi waluyando, awalo muntu upengede mbwaya kuzizumina zinyonyoono zyakwe kumpela a Leza. Cililembedwe kuti, “Kuti twazizumina zinyonyoono zyesu, uliluleme alimwi ulashomeka kuti inga watulekelela zinyonyoono zyesu. a kutusalazya kuzwa ku kutalulama kwesu.” 1 Johani 1:19. KLMNP 24.3","num_words":967,"character_repetition_ratio":0.069,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bana Beelede Kwiiya Mbociyandika Kuzyiba Zyeelelo Zyakulilemeka\\nAMUBALE MU Afrikaans Albanian American Sign Language Amharic Arabic Armenian Azerbaijani Azerbaijani (Cyrillic) Baoule Bassa (Cameroon) Bislama Boulou Bulgarian Catalan Cebuano Changana (Mozambique) Chichewa Chinese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Croatian Czech Danish Douala Drehu Dutch Efik English Estonian Fijian Finnish French Georgian German Greek Greenlandic Gun Haitian Creole Hebrew Hiligaynon Hindi Hiri Motu Hmong (White) Hungarian Icelandic Iloko Indonesian Italian Japanese Kannada Kazakh Kekchi Kiluba Kinyarwanda Kirghiz Kiribati Kongo Korean Latvian Lingala Lithuanian Lomwe Low German Luganda Malagasy Malay Malayalam Mam Mambwe-Lungu Mapudungun Marathi Mauritian Creole Mbunda Mongolian Myanmar Nahuatl (Central) Nahuatl (Guerrero) Ndebele (Zimbabwe) Nepali Ngangela Norwegian Nyaneka Nyungwe Pangasinan Persian Polish Portuguese Portuguese (Portugal) Quechua (Bolivia) Quichua (Imbabura) Romanian Russian Samoan Sango Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Seychelles Creole Shona Silozi Sinhala Slovak Slovenian Spanish Sunda Swahili Swedish Tagalog Tamil Tarascan Tatar Telugu Tetun Dili Thai Tigrinya Tshwa Turkish Twi Ukrainian Uzbek Vietnamese Wallisian Wayuunaiki Welsh Wolaita Xhosa Yoruba\\nINO ZYEELELO ZYAKULILEMEKA NINZI?\\nBantu ibatobela zyeelelo zisumpukide zyakulilemeka balicizyi kabotu cintu ciluzi alimwi acitaluzi. Zyeelelo zyabo zyakulilemeka taziyeeme ambobalimvwa aciindi eeco. Muciindi caboobo, ziyeeme anjiisyo zyalo zibasololela mukulilemeka kwabo, noliba leelyo nobali balikke.\\nNKAAMBO NZI ZYEELELO ZYAKULILEMEKA NCOZIYANDIKA KAPATI?\\nBana balaambilwa makani manji aakubeja kujatikizya cintu ciluzi alimwi acitaluzi, kufwumbwa naa nkuzwa kuli basicikolonyina, munyimbo nzyobaswiilila naa mumafilimu alimwi amumapulogilamu aa TV ngobeebelela. Zintu eezyi zilakonzya kupa kuti batalike kuzidooneka zintu nzyobakayiisyigwa kujatikizya ciluzi alimwi acitaluzi.\\nEeli ndipenzi lipati kubakubusi. Bbuku litegwa Beyond the Big Talk, lyaamba kuti, aciindi eeci “bakubusi beelede kuzyiba kuti bantu banji bayoobasinikizya kulilemeka munzila iimwi kutegwa bamwi babayande, aboobo beelede kwiiya kusala zintu kweelana azyeelelo zyabo zyakulilemeka, noliba leelyo ciindi balongwe babo nobatazikkomanini zintu nzyobasala.” Cilasalala kuti, bazyali beelede kubayiisya bana babo zintu eezyi nobatanaba bakubusi.\\nMBOMUKONZYA KUMUYIISYA ZYEELELO ZYAKULILEMEKA\\nAmumuyiisye ciluzi alimwi acitaluzi.\\nNJIISYO YAMU BBAIBBELE: “Bantu basimide . . . balaamaano aayiisyidwe kwaandaanya ciluzi acitaluzi kwiinda mukwaabelesya.”—Bahebrayo 5:14.\\nAmubelesye majwi aatondezya ciluzi alimwi acitaluzi. Amwaambe bukkale bwabuzuba abuzuba mpoonya akutondezya kwiindana kuliko kwiinda mukwaamba kuti: “Ooku nkokusyomeka; ookuya takuli kusyomeka.” “Ooku nkokuba aluzyalo; ookuya takuli kuba aluzyalo.” Mukuya kwaciindi, mwanaanu uyakwiiya zintu zibotu nzyayelede kucita alimwi azintu zitali kabotu nzyateelede kucita.\\nAmupandulule kaambo cintu cimwi ncociluzi naa ncocitaluzi. Mucikozyanyo, amumubuzye mibuzyo mbuli yakuti: Nkaambo nzi kusyomeka ncokuyandika? Ino kubeja inga kwazinyonganya buti zilongwe? Nkaambo nzi kubba ncokuli kubi? Amutupandulule twaambo munzila iimvwika calo cikonzya kumugwasya mwanaanu kuzyiba ciluzi alimwi acitaluzi.\\nAmukankaizye kaambo ncocili cibotu kuba azyeelelo zibotu zyakulilemeka. Mulakonzya kumwaambila kuti: “Ikuti kosyomeka, bantu bamwi banookusyoma,” naa “Ikuti kobeendelezya kabotu bantu nkokuti, banoolimvwa kwaanguluka kuba munsi-munsi anduwe.”\\nAmube masimpe kuti mukwasyi wanu uzyibidwe kuti ulapona kweelana azyeelelo zibotu.\\nNJIISYO YAMU BBAIBBELE: “Amuzumanane kulilingula kutegwa mubone bwini mbomubede.”—2 Bakorinto 13:5.\\nKulilemeka kabotu kweelede kuba cibeela camukwasyi wanu, kutegwa kamucikonzya kwaamba cakusyomeka kuti:\\n“Mumukwasyi wesu tatubeji pe.”\\n“Kunyina notubalwana bamwi naa kubabwentela.”\\n“Kunyina notwaambaula cabukali naa kutukila bamwi.”\\nMwanaanu uyoobona kuti zyeelelo zyakulilemeka taili buyo milawo yakutobela pele cipa kuti mukwasyi wanu ube ampuwo mbotu.\\nCiindi aciindi mweelede kubandika amwanaanu kujatikizya zyeelelo zyakulilemeka zyamukwasyi wanu. Amubelesye zintu zicitika buzuba abuzuba kuyiisya mwanaanu. Mulakonzya kweezyanisya zyeelelo zyanu zyakulilemeka azeezyo zitondezyegwa a TV naa kucikolo. Amumubuzye mwanaanu mibuzyo mbuli yakuti: “Ikuti nowali nduwe, ino nowacita buti?” “Ino uyeeya kuti mukwasyi wesu nowacita buti mubukkale oobu?”\\nAmumukulwaizye kucita ciluzi.\\nNJIISYO YAMU BBAIBBELE: “Amuzumanane kuba amanjezyeezya mabotu.”—1 Petro 3:16.\\nAmumulumbaizye ciindi naalilemeka kabotu. Kufwumbwa ciindi mwanaanu naacita zintu munzila iiluzi, amumwaambile kuti wacita kabotu alimwi akaambo ncomwaambila boobo. Mucikozyanyo, mulakonzya kwaamba kuti: “Wasyomeka. Ndilakuyanda kapati.” Ikuti mwanaanu walyaambilila kuti wacita cintu cimwi citaluzi, amumulumbaizye kuzwa ansi aamoyo akaambo kakusyomeka kwakwe kamutanamupa lulayo.\\nAmululamike bukkale butali kabotu. Amubagwasye bana banu kuzumina kupegwa mulandu akaambo kazintu nzyobacita. Bana beelede kuzyiba cintu ncobalubizya alimwi akuti bukkale oobo buliindene amboucita zintu mukwasyi wabo. Bazyali bamwi tababaambili bana babo ciindi nobacita cintu citaluzi nkaambo tabayandi kubapa ‘kulimvwa bubi,’ pele ciindi bazyali nobabapandulwida bana babo kaambo ncocili cibi cintu ncobacita, cilakonzya kuyiisya manjezyeezya aabo alimwi akubagwasya kutacita cintu citaluzi kumbele.\\nIkuti bana babona kuti bazyali babo balasyomeka, eeci inga cabagwasya kusyomeka abalo noliba leelyo nobali balikke.\\nSena bana bangu balabona kuti ndilapona kweelana azyeelelo zyakulilemeka zyamukwasyi wesu kwiinda mumicito alimwi amumajwi aangu?\\nSena mebo angotukwetene limwi tulazitobela zyeelelo eezyi?\\nSena zimwi ziindi ndilaakwaamba naa kuyeeya kuti mulawo ooyu ngwabana bangu buyo, taubeleki kuli ndime?\\nBa Nicole bakaamba kuti: “Twakali kubaambila bana besu kujatikizya zilongezyo nzyobakajana bantu bamwi akaambo kakucita ciluzi. Alimwi twakali kubaambila kujatikizya zintu zibi izyakabacitikila aabo ibatakasala cabusongo. Ciindi bana besu nobakatwaambila kujatikizya mukubusi umwi iwatakasala cintu cili kabotu, twakabandika ambabo kujatikizya cintu eeco kutegwa abalo batakaciti mbubo.”\\nBa Yolanda bakaamba kuti: “Ciindi mwaneesu musimbi naakacili muniini kapati, twakali kumwaambila kuti kwakali zintu zyobilo nzyaakali kukonzya kusala, nkokuti cibi naa cibotu alimwi twakali kumupandulwida zintu izyakali kukonzya kucitika akaambo kakusala kumwi akumwi. Kwiinda mukucita boobu, wakaiya kulisalila zyakucita. Eeci cakali ciiyo cibotu kapati mbwaanga toonse tuyandika kusala zyakucita mubuumi, kufwumbwa naa tuli bapati buti.”\\nKuyiisya Mwanaanu Kujatikizya Makani Aakoonana\\nIkuti Mwanaanu Wabeja","num_words":796,"character_repetition_ratio":0.055,"word_repetition_ratio":0.0,"special_characters_ratio":0.147,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Babetesi 13 | Bbaibbele lili a Intaneti | Bbaibbele lya Busanduluzi Bwanyika Mpya\\nMungelo waswaya Manowa amukaintu wakwe (1-23)\\nKuzyalwa kwa Samusoni (24, 25)\\n13 Bana Israyeli alimwi bakacita bubi mumeso aa Jehova,+ eelyo Jehova wakabaaba mumaanza aaba Filisiti+ myaka iili 40. 2 Lino kwakali mwaalumi umwi muna Zora+ iwakali wamukwasyi wabana Dani,+ izina lyakwe wakali Manowa.+ Mukaintu wakwe tanaakali kuzyala, aboobo tanaakajisi mwana pe.+ 3 Mukuya kwaciindi mungelo wa Jehova wakalibonya kumukaintu ooyu akumwaambila kuti: “Bona, tozyali alimwi tojisi mwana. Pele uyoomita akuzyala mwana musankwa.+ 4 Lino weelede kucenjela, kuti utanywi waini naa zyakunywa zimbi zikola+ alimwi toyelede kulya cintu cili coonse cisofweede.+ 5 Bona! Uyoomita akuzyala mwana musankwa, alimwi teelede kugelwa mumutwe+ nkaambo mwana ooyo uuyooba mu Naziri wa Leza mbwatiikazyalilwe buyo,* alimwi ngonguwe uyooba kumbele mukuvwuna bana Israyeli kuzwa kumaanza aaba Filisiti.”+ 6 Mpoonya mukaintu wakaunka akuyakwaambila mulumaakwe kuti: “Kuli muntu wa Leza mwini-wini waboolede kulindime, alimwi wali kulibonya mbuli kuti mungelo wa Leza mwini-mwini, wali kuyoosya kapati. Tiindamubuzya ankwaazwa, alimwi kunyina naandaambila zina lyakwe.+ 7 Pele wandaambila kuti, ‘Bona! Uyoomita akuzyala mwana musankwa. Lino toyelede kunywa waini naa zyakunywa zimbi zikola alimwi toyelede kulya cintu cili coonse cisofweede nkaambo mwana ooyo uyooba mu Naziri wa Leza mbwatiikazyalilwe buyo* mane kusikila buzuba mbwayoofwa.’” 8 Eelyo Manowa wakakombelezya Jehova akwaamba kuti: “Akaka Jehova, ndalomba kuti muntu wa Leza mwini-mwini ngootumide aboole alimwi kuti azootuyiisye ncotweelede kucita kujatikizya mwana ooyo uuyoozyalwa.” 9 Aboobo Leza mwini-mwini wakaswiilila jwi lya Manowa, eelyo mungelo wa Leza mwini-mwini wakaboola alimwi kumukaintu naakakkede mumuunda; mulumaakwe Manowa tanaakaliko. 10 Eelyo cakufwambaana mukaintu wakazuza kuyakwaambila mulumaakwe kuti: “Bona! Mwaalumi uulya iwakaboolede buzuba obuya waboola alimwi.”+ 11 Kumane Manowa wakanyamuka akuunka amukaintu wakwe kumwaalumi ooyo akumubuzya kuti: “Sena ndonduwe mwaalumi wakaambaula amukaintu wangu?” Eelyo wakati: “Inzya, ndendime.” 12 Mpoonya Manowa wakati: “Acikacitike ncobeni ncookaamba! Ino mbuti mbwayelede kukomezyegwa mwana, alimwi ino ncinzi ncayoocita?”+ 13 Aboobo mungelo wa Jehova wakati kuli Manowa: “Mukaintu wako weelede kuzitantamuka zyoonse nzyondakamwaambila.+ 14 Tayelede kulya cintu cili coonse cizwa kumisaansa alimwi tayelede kunywa waini naa zyakunywa zili zyoonse zikola+ alimwi tayelede kulya cintu cili coonse cisofweede.+ Zyoonse nzyondakamulailila, weelede kuzicita.” 15 Lino Manowa wakati kumungelo wa Jehova: “Akaka kolindila asyoonto, tukujaile kana kampongo.”+ 16 Pele mungelo wa Jehova wakati kuli Manowa: “Nokuba kuti ndalindila, tandikoolya cakulya canu pe; pele kuti naa muyanda kutuulila Jehova cituuzyo cuumpwa, mulakonzya kucita oobo.” Nkaambo Manowa tanaakazyi kuti wakali mungelo wa Jehova. 17 Kumane Manowa wakati kumungelo wa Jehova: “Ino nduwe ni zina,+ kutegwa aakucitika majwi ngowaamba tukakulemeke?” 18 Pele mungelo wa Jehova wakamwaambila kuti: “Nkaambo nzi ncobuzya zina lyangu, mbwaanga lilagambya?” 19 Mpoonya Manowa wakabweza kana kampongo acituuzyo camaila akuzituula abbwe kuli Jehova. Leza wakali kucita cintu cigambya, Manowa amukaintu wakwe kabalangilila. 20 Lino mulilo nowakali kuya mujulu kuzwa acipaililo, mungelo wa Jehova wakaunkilila mujulu amulilo waacipaililo Manowa amukaintu wakwe kabalangilila. Nobakabona boobo, bakavwuntama ansi. 21 Mungelo wa Jehova tanaakalibonya limbi pe kuli Manowa amukaintu wakwe. Eelyo Manowa wakazyiba kuti wakali mungelo wa Jehova.+ 22 Mpoonya Manowa wakaambila mukaintu wakwe kuti: “Masimpe tulafwa, nkaambo ngu Leza ngotwabona.”+ 23 Pele mukaintu wakwe wakamwaambila kuti: “Ikuti Jehova naali kuyanda kutujaya, naatatambula cituuzyo cuumpwa+ acituuzyo camaila kuzwa kulindiswe, alimwi naatatutondezya zintu eezyi zyoonse akutwaambila nociba cimwi cazintu eezyi.” 24 Nikwakainda ciindi, mukaintu ooyo wakatumbuka mwana musankwa akumuulika zina lya Samusoni;+ alimwi mulombe ooyo naakali kuyaabukomena, Jehova wakazumanana kumulongezya. 25 Mukuya kwaciindi muuya wa Jehova wakatalika kubeleka alinguwe+ ku Mahane-dani,+ akati ka Zora a Esitaoli.+\\n^ Mu Chihebrayo, “mbwayakuzwida buyo mwida.”","num_words":538,"character_repetition_ratio":0.084,"word_repetition_ratio":0.011,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Zisyomezyo Zya Bwami—Kubambulula Zintu Zyoonse Kuti Zibe Zipya | Bwami bwa Leza\\nSena mulalombozya kukubona kuzuzikizyigwa kwazisyomezyo zya Bwami?\\nZisyomezyo zya Bwami—Kubambulula Zintu Zyoonse Kuti Zibe Zipya\\nAMWEEZYEEZYE kuti mwacela apele lipati libizidwe kabotu kuzwa kucisamu. Kamutanalibikka mumutaanga mwalinunkizya alimwi mwamvwa kuti linunkila kabotu. Mwali kubeleka kwamawoola manji, pele mulimvwa buyo kabotu alimwi mulilibambilide kuzumanana kubeleka. Banyoko bali munsi aacisamu icili afwaafwi, balikkomene alimwi balabandika abanamukwasyi bamwi abalongwe ibabagwasya kutebula. Balibonya kuti bacili bana—mbubwenya mbobakabede kuti mwayeeya ciindi eeco nomwakacili mwana. Tamukonzyi kusyoma kuti mwakababona kabacembaala munyika iilya iyakamana. Mwakababona kabaciswa, mwakababona nobakali kufwa, alimwi mwakalila nomwakali kubazikka mucuumbwe. Nokuba boobo, mbaaba lino muli antoomwe, balapona alimwi bajisi buumi bubotu antoomwe abantu bamwi banji!\\nTulizyi kuti ciindi cili boobo ciyoosika. Tulizyi oobo nkaambo zisyomezyo zya Leza zilazuzikizyigwa lyoonse. Mucibeela eeci tulalanga-langa mboziyakuzuzikizyigwa ino-ino zisyomezyo zya Bwami zimwi, calo iciyakusololela ku Amagedoni. Alimwi tulalanga-langa zisyomezyo zya Bwami zimwi iziyakuzuzikizyigwa yaakwiinda Amagedoni. Eelo kaka tuyookkomana kubona ciindi Bwami bwa Leza nobuyoolela nyika yoonse mbwiizulwa, kubambulula zintu zyoonse kuti zibe zipya!\\nBwami bwa Leza Bwabagwisya Basinkondo ba Bwami\\nMulakonzya kulibambila lino nkondo ya Amagedoni.\\nBwami Bwazuzikizya Kuyanda kwa Leza Anyika\\nMbuti mbomukonzya kuba masimpe kuti zisyomezyo zya Jehova ziyakuzuzikizyigwa ncobeni?","num_words":188,"character_repetition_ratio":0.087,"word_repetition_ratio":0.0,"special_characters_ratio":0.137,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"4 Pele ijwi lyakasololelwa amuuya wa Leza lilacisalazya kwaamba kuti kuciindi cakumbele bantu bamwi bayoowa kulusyomo, bayoobikkila maano kumajwi aakweena aalimvwisya mbuli kuti akasololelwa amuuya wa Leza alimwi akunjiisyo zyamadaimona, 2 kwiinda mukuupaupa ameso kwabantu baamba zyakubeja, ibajisi manjezyeezya aafwide mbuli kuti akaumpwa nsimbi iipya. 3 Bayookasya kukwatana akulailila bantu kulilesya kuzyakulya nzyaakalenga Leza kuti kaziligwa cakulumba abaabo ibajisi lusyomo alimwi bakazyi bwini-bwini kasimpe. 4 Nkaambo kayi zilenge zya Leza zyoonse nzibotu, alimwi kunyina ceelede kukakwa ikuti naa catambulwa cakulumba, 5 nkaambo cilasalazyigwa kwiinda mujwi lya Leza amupailo uupailwa kujatikizya ncico. 6 Kwiinda mukupa lulayo oolu kubakwesu, unooli mubelesi mubotu wa Kilisito Jesu, ooyo uulisanina amajwi aalusyomo alimwi aanjiisyo zibotu nzyowali kutobela cakulomya. 7 Pele kotukaka twaano twakubeja itusofweede, mbuli tooto itwaanwa abamacembele. Muciindi caboobo, koliyiisya omwini kojisi makanze aakubelekela Leza cakulyaaba. 8 Nkaambo kunyanyaasya mubili kugwasya buyo asyoonto; pele kubelekela Leza cakulyaaba kulagwasya muzyintu zyoonse, nkaambo kujisi cisyomezyo cabuumi bwalino aboobo bulangilwa kumbele. 9 Majwi aaya ngamasimpe alimwi ayelede kutambulwa cakumaninina. 10 Nkakaambo kaako tubeleka canguzu akulitakata, nkaambo tubikkide bulangizi bwesu muli Leza uupona, ooyo uuli ngo Mufwutuli wabantu boonse, ikapati wabaabo basyomeka. 11 Kozumanana kupa malailile aaya akwaayiisya. 12 Kutabi muntu naba omwe uubaula bukubusi bwako. Muciindi caboobo, koba cikozyanyo kubantu basyomeka mukwaambaula, mukulilemeka, muluyando, mulusyomo, mubukkale busalala. 13 Kusikila ndikaboole ooko, kozumanana kulitakata kubala kubuleya, ikulaya, akuyiisya. 14 Utaubausyi cipego ncojisi ncowakapegwa kwiinda mubusinsimi eelyo bamukabunga kabaalu nobakabikka maanza aabo alinduwe. 15 Kozinzibala kuziyeeya zyintu eezyi; litakate kuli nzizyo amoyo wako woonse, kutegwa kuyaambele kwako kubonwe abantu boonse. 16 Kolibamba lyoonse omwini akubikkila maano kapati kukuyiisya kwako. Kakatila kuzyintu eezyi, nkaambo kwiinda mukucita boobo uyoolifwutula omwini alimwi abaabo bakuswiilila.","num_words":256,"character_repetition_ratio":0.045,"word_repetition_ratio":0.0,"special_characters_ratio":0.154,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kuzinzibala Kuyeeya | Ncolyaamba Bbaibbele\\nAMUBALE MU Afrikaans Albanian Amharic Arabic Armenian Bengali Bulgarian Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch Efik English Estonian Finnish French German Greek Gujarati Hebrew Hiligaynon Hindi Hungarian Icelandic Igbo Iloko Indonesian Italian Japanese Kannada Kinyarwanda Kirghiz Kirundi Korean Latvian Lingala Lithuanian Macedonian Malagasy Malayalam Maltese Myanmar Nepali Norwegian Oromo Polish Portuguese Punjabi Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Silozi Sinhala Slovak Slovenian Spanish Swahili Swedish Tagalog Tamil Thai Tigrinya Tsonga Turkish Twi Ukrainian Vietnamese Xhosa Zulu\\nIno kuzinzibala kuyeeya ninzi?\\n“Mbike moyo wangu kuncito zyako zyoonse, akuyeeya-yeeya milimo yako.”—Intembauzyo 77:12.\\nKuzinzibala kuyeeya kulakonzya kwaamba nzila zisiyene-siyene, inzila zimwi zyakatalisyigwa azikombelo zya Kujwe. Mulembi umwi wakaamba kuti: “Kutegwa muntu acikonzye kucita boobu, weelede kuti kanyina ncayeeya.” Majwi aakwe atondezya kuti kutayeeya cilicoonse ciindi nobikkila maano kucintu cimwi naa zintu kulakonzya kuleta luumuno lwamumizeezo.\\nIbbaibbele lilaamba mbokuyandika kapati kuzinzibala kuyeeya. (1 Timoteyo 4:15) Nokuba boobo, kuzinzibala kuyeeya nkolikulwaizya Bbaibbele takuli kubula cakuyeeya, kwiinduluka bbala naa mabala amwi kwalo zimwi ziindi kwaambwa kuti nkupeta. Muciindi caboobo, kuzinzibala kuyeeya nkolyaamba Bbaibbele kubikkilizya kubikkila maano kutwaambo mbuli, bube bwa Leza, nzila zyakwe, alimwi azilenge zyakwe. Mwaalumi uusyomeka kuli Leza wakapaila kuti: “Ndatweluka milimo yamaanza aako.” (Intembauzyo 143:5) Alimwi wakayungizya akwaamba kuti: “Nenkwiibaluka abulo bwangu, akukuyeeya muziindi zyamasiku.”—Intembauzyo 63:6.\\nIno mbuti kuzinzibala kuyeeya mbokumugwasya?\\n“Moyo wamululami ulayeeya kabotu mbweelede kuvuwa.”—Tusimpi 15:28.\\nKuzinzibala kuyeeya kutupa kuliiba mumizeezo, kuba aacamba, alimwi akuba anguzu zyakulilemeka kabotu, calo cibikkilizya akuba abusongo akumvwisya zintu nzyotwaamba alimwi akucita. (Tusimpi 16:23) Aboobo, kuzinzibala kuyeeya kuli boobu kutupa kukkomana alimwi akupona buumi bulaampindu. Kujatikizya muntu wakali kuzinzibala kuyeeya kujatikizya Leza kwaziindi zinji, lugwalo lwa Intembauzyo 1:3 lwaamba kuti: “Uyooba mbubonya mbuli musamu uuzikidwe kumbali atulonga twamaanzi, uuzyala micelo yawo kuciindi ceelede, uujisi matu aatayumi; zyoonse nzyacita ziyooba acoolwe.”\\nKuzinzibala kuyeeya alimwi kulatugwasya kumvwisya zintu alimwi akufwambaana kwiibaluka zintu. Mucikozyanyo, ciindi notwaiya cibeela cimwi cakulenga naa kaambo kamwi kamu Bbaibbele, tulaiya twaambo tunji tukkomanisya. Pele ciindi notuzinzibala kuyeeya twaambo ooto, tulabona mbotukozyanya amakani aamwi alo ngotwakayiide musyule. Aboobo mbubwenya mbuli sikubeza mbwapanga cintu cimwi cikkomanisya kuzwa kuzisamu, akwalo kuzinzibala kuyeeya kulatugwasya “kuyobolola” twaambo tumwi akupanga muzeezo omwe.\\nSena kuzinzibala kuyeeya inga kweendelezyegwa?\\n“Moyo wamuntu uleena kwiinda zintu zyoonse, ulijisi bulwazi bukaka kupona, taakwe uukonzya kuzibisya mbuubede?”—Jeremiya 17:9.\\n“Mukati, mumoyo wamuntu, momuzwa mizeezo mibi, bwaamu, bubbi, bujayi, bumambe, kulikumbuzya, bubi, lweeno, bukkale busesemya, ibbivwe, kusampaula, . . . alimwi abufwubafwuba.” (Maako 7:21, 22) Inzya, mbubwenya mbuli mulilo, kuzinzibala kuyeeya kweelede kweendelezyegwa. Ikuti naa tiitwacita oobo, mizeezo mibi ilakonzya kubusya kulombozya kubyaabi calo cikonzya kutupa kwaalilwa kulyeendelezya akucita micito mibyaabi.—Jakobo 1:14, 15.\\nIbbaibbele litukulwaizya kuzinzibala kuyeeya ‘zintu ziluleme, zisalala, ziyandika, zili ampuwo mbotu, alimwi zitembaulika.’ (Bafilipi 4:8, 9) Ikuti naa twabikka zintu zibotu zili boobu alimwi akuzisyanga mumizeezo yesu, tuyootebula bube bubotu, kwaambaula kabotu, alimwi akuba azilongwe zibotu abamwi.—Bakolose 4:6.\\nIno Ncinzi Bbaibbele Ncolyaamba Kujatikizya Kuzinzibala Kuyeeya?\\nNcolyaamba Bbaibbele Kujatikizya Zina lya Leza\\nNcolyaamba Bbaibbele Kujatikizya Nkondo\\nNcolyaamba Bbaibbele Kujatikizya Masunko\\nBbaibbele Ncolyaamba Kujatikizya Bangelo","num_words":461,"character_repetition_ratio":0.092,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Labeka Wakalinga kusuni Kusangalasha Yehova | Amuyiishe Bana Banu\\nLabeka wakalinga mwanakashi wakalinga kusuni Yehova. Ibaye wakalinga ngu Isaki. Alakwe wakalinga kusuni Yehova. Ino Labeka a Isaki bakashibana buyani? Ino wakabonesha buyani ayi wakalinga kusuni kusangalasha Yehova? Atwiiye shiinji pali nguwe.\\nBashali bakwe Isaki bakalinga ngu Abulaamu a Saala. Bakalinga kukala mucishi ca Kenani, umo bantu mobatakalinga kulambila Yehova. Sombi Abulaamu wakalinga kusuni ayi mwanaakwe eebe mwanakashi wakalinga kulambila Yehova. Aboobo wakatuma musebenshi wakwe Elyasa, ayi aye mukuyandweeta Isaki mwanakashi kumusena wakalinga kwiitwa ayi Alani, uko kwakalinga kukala beshikamukowa bakwe Abulaamu.\\nLabeka wakalinga kulibambite kusebensa cankusu kuteka maanshi akunwisha ngamela\\nElyasa wakaya pantu pomwi abasebenshi bamwi bakwe Abulaamu. Wakalinga ngu mushinso ulaamfu abuumbi. Bakalinga kuyumwiite shakulya ashipo pa ngamela shili likumi. Ino Elyasa wakashiba buyani mwanakashi wakusalila Isaki? Elyasa abasebenshinyina ndyebakashika ku Alani, bakeemikana pamukalo mukwiinga Elyasa wakalinga kucishi ayi inga tapeendiwo ciindi cilaamfu bantu kusa mukuteka maanshi. Mpeeke wakapaila kuli Yehova ayi: ‘Na mwanakashi ngweshi nsenge maanshi ampe alimwi akupa ngamela shangu ayi shinwe, ntoshiba ayi ngomwasala kweebwa kuli Isaki.’\\nLyalo Labeka wakesa kumukalo. Baibo ilaamba ayi wakalinga mubotu abuumbi. Elyasa ndyaakamusenga maanshi akunwa, Labeka wakaamba ayi: ‘Anaaya nkambo. Ntomupa maanshi ayi munwe alimwi angamela shanu ayi shinwe.’ Ono uciyeeyelebo! Ngamela shifwite nyotwa shilanwa maanshi aanji, aboobo Labeka wakabolelako shiindi shiinji kumukalo mukuteka maanshi. Sa wamubona Labeka papikica ubo mbwakalinga kusebensa cankusu?— Elyasa wakakankamana ubo Yehova mbwakakumbula mupailo wakwe.\\nElyasa wakapa Labeka shipo shiinji shibotu abuumbi. Lyalo Labeka wakabwesa Elyasa abasebenshi bamwi ayi baye anguwe kuŋanda. Ndyebakashika, Elyasa wakabaambila Abulaamu ncaakamutuma alimwi a Yehova mbwakakumbula mupailo wakwe. Beshikamukowa bakwe Labeka bakakondwa ayi eebwe kuli Isaki.\\nLabeka wakaya ku Kenani a Elyasa alimwi wakeebwa kuli Isakii\\nOno sa utoyeeya ayi Labeka wakalinga kusuni kweebwa kuli Isaki?— Labeka wakashiba ayi Elyasa wakatumwa a Yehova. Ono beshikamukowa bakwe Labeka ndyebakamwiipusha na wakalinga kusuni kuya ku Kenani akweebwa kuli Isaki, Labeka wakakumbula ayi: ‘Ee, ndisuni kuya.’ Peenkapo, Labeka wakaya a Elyasa. Ndyebakashika ku Kenani, wakeebwa kuli Isaki.\\nYehova wakapa coolwe Labeka, mukwiinga wakacita ncaakalinga kusuni Yehova. Ndyepakeenda myaaka iinji, Yesu wakashalilwa mumukowa wakwe Labeka! Bweenka mbuli Labeka, awebo Yehova ulaakukupa coolwe na koocita nshaasuni.\\nIno Labeka wakalinga ngaani?\\nIno ncinshi Abulaamu ncaatakalinga kusunini ayi Isaki eebe mwanakashi waku Kenani?\\nIno Elyasa wakashiba buyani ayi Labeka ngomwanakashi wakalinga kweelete kweebwa kuli Isaki?\\nIno ncinshi ncotweelete kucita kwaamba ayi tube anga ngu Labeka?","num_words":374,"character_repetition_ratio":0.109,"word_repetition_ratio":0.0,"special_characters_ratio":0.152,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani: Mapefyuumu, Ponto Pilato, Kusama Citambala | Yakwiiya\\nAMUBALE MU Albanian Amharic Arabic Armenian Aymara Azerbaijani Azerbaijani (Cyrillic) Bengali Bicol Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chuvash Cibemba Cinyanja Croatian Czech Danish Dutch Efik English Estonian Fijian Finnish French Georgian German Greek Guarani Gujarati Gun Haitian Creole Hausa Hebrew Hiligaynon Hindi Hiri Motu Hungarian Icelandic Igbo Iloko Indonesian Isoko Italian Japanese Kannada Kazakh Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Krio Latvian Lithuanian Luganda Lunda Luo Luvale Macedonian Malagasy Malay Malayalam Mambwe-Lungu Marathi Mauritian Creole Maya Mongolian Ndebele (Zimbabwe) Nepali Norwegian Oromo Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Punjabi Quechua (Bolivia) Quichua (Imbabura) Romanian Russian Samoan Sango Serbian (Cyrillic) Serbian (Roman) Seychelles Creole Shona Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tajiki Tamil Tatar Telugu Tetun Dili Thai Tigrinya Tiv Tok Pisin Tshiluba Turkish Turkmen Turkmen (Cyrillic) Tuvaluan Tzotzil Ukrainian Urdu Uzbek Vietnamese Waray-Waray Wolaita Yoruba Zande Zapotec (Isthmus)\\nNcinzi ncotukonzya kucita kugwasya bakwesu abacizyi baciswa akaambo kamapefyuumu?\\nBantu baciswa akaambo kamapefyuumu balijisi buyumuyumu bukatazya kapati. Masimpe, taakwe mbobakonzya kucita kutegwa bataciswi nkaambo buzuba abuzuba balayaana abantu mbobatazyi ibabelesya mapefyuumu. Nokuba boobo, bamwi balabuzya naa inga cakonzyeka kulomba bakwesu abacizyi kulilesya kubelesya mapefyuumu kwaambisya lyamiswaangano yambungano, miswaangano yabbazu, alimwi alyamiswaangano yacooko.\\nMasimpe, taakwe Munakristo uunga wacita caali kutegwa bantu bamwi cibayumine kujanika kumiswaangano ya Bunakristo. Toonse tulayanda kukulwaizyigwa amiswaangano yesu. (Heb. 10:24, 25) Aboobo, aabo ibaciswa akaambo kamapefyuumu cakuti tabacikonzyi kujanika kumiswaangano, balakonzya kwaabandika makani aaya abaalu. Nokuba kuti tacili camu Magwalo alimwi akuti taceeleli kubikka milawo iijatikizya kubelesya mapefyuumu kubantu bajanika kumiswaangano, baalu balakonzya kwaambila mbungano kutegwa izyibe buyumuyumu mbobajisi bamwi. Kweelana abukkale mbobubede, baalu balakonzya kusala makani aajatikizya kaambo aaka aakamwaigwa musyule oomu akwaabandika ciindi ca Muswaangano Wamulimo mucibeela caziyandika mumbungano, naa balakonzya kusala kwaambilizya cabupampu kujatikizya makani aaya. * Nokuba boobo, baalu tabakonzyi kwaambilizya lyoonse kujatikizya makani aaya. Kumiswaangano yesu kulaba bantu bapya baboola cindi aciindi balo ibatazyi kujatikizya penzi eeli, aboobo tuyanda kuti bantu bali boobo kabalimvwa kuti batambulwa. Taakwe muntu weelede kulimvwa bubi akaambo kakubelesya buyo asyoonto mafwuta aanunkilila kapati.\\nIkuti penzi eeli kaliliko alimwi kweelana aziyandika kubusena ooko, cilakonzyeka kuti kabunga kabaalu kabikka bubambe bwakuti aabo ibaciswa akaambo kamapefyuumu kabakkala balikke mubusena bumwi bwa Ŋanda ya Bwami. Mucikozyanyo, balakonzya kukkala muluumu ya Ŋanda ya Bwami yakucitila miswaangano naa muluumu yakubikkila mabbuku kutegwa abalo bagwasyigwe amiswaangano. Ikuti naa inga tiicakonzyeka kucita boobo alimwi nokuba kuti cakonzyeka kumane bamwi baciciswa, mbungano ilakonzya kulekkooda miswaangano naa kubikka bubambe bwakuti kabaswiilila afooni kabali kuŋanda yabo, mbubwenya mbuli bamwi ibatabukili bulo.\\nMyaka misyoonto yainda, Mulimo Wesu wa Bwami wali kukulwaizya bakwesu abacizyi kutondezya kuti balababikkila maano bamwi mukaambo aaka ciindi nobali kumiswaangano yacooko. Basimuswaangano bali kulombwa kucesya kubelesya mapefyuuumu muziindi eezyi. Kwaambisya ciindi camiswaangano yacooko, nkaambo tacikonzyeki kujana busena butakonzyi kujanika bantu babelesya mapefyuumu. Nokuba boobo, kaambo aaka tamweelede kukabweza kuti koonse mboceelede kuba oobo lyamiswaangano yambungano, alimwi taakwe weelede kwaamba boobo.\\nTupona mubweende bwazintu oobu, toonse tulapenga akaambo kakuti twakazyalwa katutalondokede. Eelo kaka tulabalumba aabo ibasoleka kucita cili coonse kutegwa tutaciswi kapati! Kuli baabo ibabelesya mapefyuumu, inga kwaba kulyaaba kucileka kubelesya mapefyuumu kutegwa bakwesu abacizyi baciswa cibaubile kujanika kumiswaangano ya Bunakristo. Nokuba boobo, luyando ndolukonzya kutukulwaizya kucita boobo.\\nSena mabbuku aakunyika alatondezya kuti Ponto Pilato wakaliko?\\nIbbwe eeli lyakalembedwe izina lya Pilato mu Chilatini\\nBasikubala Bbaibbele balimuzyi Ponto Pilato akaambo kakuti wakajatikizyigwa mukubeteka akujaigwa kwa Jesu. (Mt. 27:1, 2, 24-26) Nokuba boobo, izina lyakwe lilajanika mumabbuku aambi aakaindi. Kweelana abbuku litegwa The Anchor Bible Dictionary, kuli mapepa aamabbuku aakunyika manji “aamba kujatikizya nguwe kwiinda beendelezi bana Roma boonse ibakeendelezya Judaya.”\\nIzina lya Pilato lilajanika kanji-kanji mumalembe aasikulemba zyakaindi mu Juda uutegwa Josephus, walo iwakalemba zintu zyakacitika zyotatwe zitondezya buyumuyumu mbwaakajana Pilato ciindi naakali kweendelezya Judaya. Mpoonya cintu cimwi cane cakalembwa asikulemba makani aakaindi mu Juda uutegwa Philo. Mulembi muna Roma uutegwa Tacitus, walo iwakalemba makani aakaindi aajatikizya beendelezi bana Roma, wakaamba kuti Ponto Pilato wakalailila kuti Jesu ajaigwe ciindi cabulelo bwa Tiberiyo.\\nMumwaka wa 1961, basikuvwuntauzya makani aakaindi ibakali kubelekela abusena mpolyakabede bbuwa lyabana Roma lyakucitila misobano mu Kaisareya, Israel, bakajana ibbwe aakalembedwe izina lya Pilato mu Chilatini. Bulembo (butondezyedwe aawa) bwakali mutubeela-beela pele buyeeyelwa kuti bwakalembedwe kuti: “Kubaleza balemekwa (ŋanda eeyi iitegwa) Tiberieum, Ponto Pilato, Mweendelezi wa Judaya, wayaaba.” Ŋanda iyakali kwaambwa aawa kuboneka kuti yakali tempele mukulemeka Tiberiyo, Mweendelezi muna Roma.\\nSena sikumwaya mucizyi weelede kusama citambala nasololela ciiyo ciindi nabeleka asikumwaya mukwesu?\\nCibalo ca “Mibuzyo Yabasikubala” icakamwaigwa mu Ngazi Yamulindizi yamu Chingisi yamu July 15, 2002, cakaamba kuti mucizyi weelede kusama citambala nasololela ciiyo ca Bbaibbele ciindi nabeleka asikumwaya mukwesu uubbapatizyidwe naa uutabbapatizyidwe. Kulanga-langa makani aaya alimwi kutondezya kuti kuyandika kucinca asyoonto kujatikizya malailile aakapegwa mu Ngazi Yamulindizi.\\nIkuti sikumwaya mukwesu iwabeleka amucizyi kabbapatizyidwe, mucizyi weelede kusama citambala ciindi nasololela ciiyo ca Bbaibbele. Kucita boobo kutondezya kuti ulabulemeka bubambe bwa Jehova bwabusilutwe mumbungano ya Bunakristo nkaambo kakuti wabeleka mulimo weelede kubelekwa amukwesu. (1Kor. 11:5, 6, 10) Nzila imwi, mucizyi ulakonzya kulomba mukwesu kuti asololele ciiyo ikuti naa mukwesu keelela alimwi kakonzya kucita boobo.\\nKulubazu lumwi, ikuti mucizyi wabeleka asikumwaya mukwesu uutabbapatizyidwe uutali mulumi wakwe, inga tayandiki buya kusama citambala kweelana a Magwalo ciindi nasololela ciiyo ca Bbaibbele. Nokuba boobo, bacizyi bamwi manjezyeezya aabo alakonzya kubaambila kusama citambala nomuba mubukkale buli boobu.\\n^ par. 4 Kujatikizya makani aaya, inga mwabona cibalo cakuti “Helping Those With MCS,” mu Sinsimuka! yamu Chingisi yamu August 8, 2000, mapeeji 8-10.\\nMibuzyo Yabasikubala—February 2015","num_words":867,"character_repetition_ratio":0.063,"word_repetition_ratio":0.0,"special_characters_ratio":0.15,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bwabili, November 30\\nMagwalo oonse akasololelwa a Leza.—2Tim. 3:16.\\nIbbala lya Chigiriki lyakasandululwa kuti ‘kusololelwa a Leza’ lyaamba kuti ‘kuyoyelwa a Leza.’ Leza wakabelesya muuya wakwe uusalala ‘kuyoya’ mizeezo yakwe mubalembi ba Bbaibbele. Ciindi notubala Bbaibbele alimwi akuzinzibala kuyeeya nzyotubala, malailile aa Leza alanjila mumizeezo alimwi amumoyo wesu. Malailile aayo aakasololelwa amuuya atupa kucinca bukkale bwesu kutegwa kabweendelana akuyanda kwa Leza. (Heb. 4:12) Pele kutegwa tugwasyigwe kapati amuuya uusalala, tweelede kujana ciindi cakubala Bbaibbele abuzuba alimwi akuzinzibala kuyeeya nzyotubala. Ikuti twacita oobo, Ijwi lya Leza linootweendelezya muzintu zyoonse nzyotwaamba alimwi akucita. Alimwi, tweelede kumukomba Leza antoomwe. (Int. 22:22) Muuya wa Jehova ulajanika kumiswaangano. (Ciy. 2:29) Ciindi notuswaangana a Banakristoma kutegwa tukombe Leza, tulapaila kulomba muuya uusalala, tulaimba nyimbo zya Bwami iziyeeme aa Jwi lya Leza alimwi tulaswiilila malailile aazwa mu Bbaibbele aapegwa abakwesu ibakasalwa amuuya uusalala. Kutegwa tugwasyigwe kapati amuuya uusalala, tweelede kulibambila kupa bwiinguzi kumiswaangano. w19.11 11 ¶13-14\\nBwatatu, December 1\\nKuli ciindi cakuumuna.—Muk. 3:1, 7.\\nIkuti katwaalilwa kulijata mukwaambaula, cilakonzya kuleta mapenzi manji. Mucikozyanyo, ikuti mwaswaangana amuntu umwi uukkala mucisi oomo mulimo wesu moulesyedwe, sena inga mwasunkwa kumubuzya kutegwa amwaambile makani woonse aajatikizya mboubelekwa mulimo wesu kucisi eeco? Mubwini, makanze aanu ali buyo kabotu. Kayi tulabayanda bakwesu alimwi tulabikkila maano kuzintu zibacitikila. Alimwi tuyanda kuti katwaamba cacigaminina ciindi notubapailila. Nokuba boobo, eeci nceciindi notweelede kuumuna. Ikuti twasinikizya muntu kwaamba makani aamaseseke, tatutondezyi luyando kumuntu ooyo alimwi akubakwesu abacizyi ibajisi lusyomo lwakuti kunyina nayakwaambila bamwi kujatikizya milimo yabo. Kwaamba masimpe, kunyina umwi wesu uunga wayanda kubayungizyila mapenzi bakwesu abacizyi ibakkala muzisi oomo mulimo wesu moulesyedwe. Mubwenya buyo, kunyina mukwesu naa mucizyi wakucisi eeco uunga wayanda kuyubununa makani aajatikizya Bakamboni bakubusena oobo mbobacita mulimo wabo wakukambauka, miswaangano ya Bunakristo naa zintu zimwi buyo izijatikizya bukombi bwabo. w20.03 21 ¶11-12\\nBwane, December 2\\nTamukonzyi kufwa pe.​—Matl. 3:4.\\nLeza tanaakali kuyanda kuti bantu kabafwa. Pele kutegwa bapone mane kukabe kutamani, ba Adamu a Eva bakeelede kumumvwida Jehova, walo iwakabapa mulawo uutakatazyi kutobela wakuti: “Cisamu cakuzyiba bubotu abubi, toyelede kulya kulincico pe, nkaambo mubuzuba mboyoolya kulincico, ncobeni uyoofwa.” (Matl. 2:16, 17) Mpoonya kwakaboola Saatani iwakatalisya mapenzi. Kaambaula kwiinda munzoka, wakaambila Eva majwi aali mulugwalo lwabuzuba bwasunu. Cuusisya ncakuti, wakaasyoma makani aaya aakubeja akulya mucelo. Mpoonya, awalo mulumi wakwe wakaulya mucelo. (Matl. 3:6) Aboobo, cibi alimwi alufwu zyakanjila mumukwasyi wabantu. (Rom. 5:12) Kweelana ambwaakaambide Leza, ba Adamu a Eva bakafwa. Pele Saatani tanaaleka kwaamba zyakubeja kujatikizya lufwu. Mukuya kwaciindi, wakatalika kwaamba makani aambi akubeja. Bubeji bumwi ninjiisyo yakuti mubili ulafwa pele cibeela cimwi camuntu cilazumanana kupona, ambweni kacili muuya. Bubeji bumwi bukozyene aboobu bwapa kuti bantu banji bazumanane kweenwa kusikila sunu.—1Tim. 4:1. w19.04 14-15 ¶3-4","num_words":411,"character_repetition_ratio":0.047,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"3 Akaambo kaceeci, mebo nde Paulo, imwaange wa Kilisito Jesu akaambo kandinywe, nobantu bamasi— 2 ikuti naa mubwini mwakamvwa makani aabubanzi bwaluzyalo lwa Leza mbondakapegwa akaambo kandinywe, 3 kuti kwiinda muciyubunuzyo ndakazyibisyigwa maseseke aa Leza, mbubonya mbundakamulembela musyule mubufwaafwi buyo. 4 Aboobo nomubala makani aaya, mulakonzya kubona mbundaamvwisya maseseke aa Kilisito. 5 Mumazyalani aambi, maseseke aaya tanaakayubununwa kubantu mbuli mbwaayubununwa lino kwiinda mumuuya kubatumwa alimwi akubasinsimi bakwe ibasalala, 6 ikuti kwiinda mukukamantana a Kilisito Jesu alimwi akwiinda mumakani mabotu bantu bamasi beelede kuba basikukonanyina azizyonyina zyamubili omwe alimwi ibajatikizyidwe antoomwe andiswe mucisyomezyo. 7 Ndakaba mubelesi waceeci kweelana acipego cabuyo caluzyalo lwa Leza ncondakapegwa kwiinda mumulimo uucitwa anguzu zyakwe. 8 Mebo ndemuntu muniini ikwiinda musyoonto akati kabasalali boonse, ndime ndakapegwa luzyalo lwa Leza oolu kuti ndaambilizye makani mabotu aajatikizya lubono lwa Kilisito luteeli kuli bamasi, 9 alimwi akugwasya bantu kubona mbwaaendelezyegwa maseseke aa Leza aayo kuzwa lili alili aakasisidwe muli Leza, ooyo wakalenga zyintu zyoonse. 10 Eeci cakaba boobo kutegwa lino mfwulumende abeendelezi bali mumasena aakujulu bakonzye kuzyiba kwiinda mumbungano busongo bwa Leza bwamisyobo-misyobo, 11 ikweelana amakanze aatamani aayo ngaakabamba kwiinda muli Kilisito Jesu Mwami wesu. 12 Kwiinda mulinguwe tulijisi coolwe eeci cakwaamba cakutayoowa akumusikila cakwaanguluka akaambo kalusyomo ndotujisi mulinguwe. 13 Aboobo ndimulomba kuti mutatyompwi pe akaambo kamapenzi ngondipengela ndinywe, nkaambo mapenzi aaya mbulemu kulindinywe. 14 Akaambo kaceeci ndafwugama kuli Taata, 15 kuli yooyo mukwasyi uuli woonse kujulu alimwi aanyika, nkowakatambula zyina lyanguwo, 16 alimwi ndipaila kuti kwiinda mubulemu bwakwe butalikomeneni, amupe kuba anguzu mumyoyo yanu kwiinda munguzu zyamuuya wakwe, 17 alimwi akuti kwiinda mulusyomo lwanu Kilisito akkale mumyoyo yanu muluyando; kuti musimpe miyanda alimwi muzyate antalisyo, 18 kutegwa antoomwe abasalali boonse mukonzye kubuzyiba cakumaninina bwaamba, bulamfwu, bulamfwu bwakuya mujulu alimwi abulamfwu bwakuya ansi bwakasimpe, 19 alimwi akuzyiba luyando lwa Kilisito lupati kwiinda luzyibo, kutegwa mukonzye kuzuzyigwa azyintu zyoonse zikkwene nzyapa Leza. 20 Lino kuli yooyo uukonzya kucita zyintu zinji kapati kwiinda aali zyeezyo nzyotumulomba naa nzyotuyeeyela, kweelana anguzu zyakwe zibeleka mulindiswe, 21 kulinguwe akube bulemu kwiinda mumbungano alimwi akwiinda muli Kilisito Jesu kumazyalani oonse mane kukabe kutamani. Ameni.","num_words":317,"character_repetition_ratio":0.069,"word_repetition_ratio":0.0,"special_characters_ratio":0.154,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"BALA MU Afrikaans Albanian American Sign Language Amharic Arabic Argentinean Sign Language Armenian Aymara Azerbaijani Azerbaijani (Cyrillic) Baoule Bassa (Cameroon) Bengali Bislama Boulou Brazilian Sign Language Bulgarian Cambodian Catalan Cebuano Chichewa Chilean Sign Language Chinese (Traditional) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Cibemba Cinyanja Colombian Sign Language Croatian Czech Danish Drehu Dutch Efik English Estonian Ewe Fijian Finnish Finnish Sign Language French Garifuna Georgian German German Sign Language Greek Greenlandic Gujarati Gun Haitian Creole Hebrew Hiligaynon Hindi Hiri Motu Hmong (White) Hungarian Hungarian Sign Language Ibanag Icelandic Igbo Iloko Indonesian Italian Italian Sign Language Japanese Japanese Sign Language Kannada Kazakh Kikaonde Kiluba Kinyarwanda Kirghiz Kiribati Kirundi Kongo Korean Korean Sign Language Kurdish Kurmanji (Caucasus) Kurdish Kurmanji (Cyrillic) Latvian Lingala Lithuanian Lomwe Luganda Macedonian Macua Malagasy Malay Malayalam Maltese Mambwe-Lungu Marathi Mauritian Creole Mbunda Mexican Sign Language Mongolian Myanmar Navajo Ndebele (Zimbabwe) Nepali Norwegian Otetela Pangasinan Papiamento (Aruba) Papiamento (Curaçao) Persian Polish Polish Sign Language Poqomchi' Portuguese (Portugal) Punjabi Quebec Sign Language Quechua (Bolivia) Quichua (Chimborazo) Quichua (Imbabura) Romanian Russian Russian Sign Language Samoan Sango Sena Sepedi Serbian Serbian (Roman) Sesotho (Lesotho) Sesotho (South Africa) Setswana Seychelles Creole Shona Silozi Sinhala Slovak Slovenian Solomon Islands Pidgin Spanish Spanish Sign Language Swahili Swahili (Congo) Swedish Tagalog Tamil Tatar Telugu Tetun Dili Thai Tigrinya Tok Pisin Tshiluba Tsonga Turkish Tuvaluan Twi Ukrainian Urdu Uzbek Venezuelan Sign Language Vietnamese Wallisian Waray-Waray Wayuunaiki Welsh Wolaita Xhosa Yoruba Zulu\\nNikuba kuti basikulanga-langa makani baamba kuti kulila kweetwa akaambo kakufwidwa kuli muzipanzi zisiyene-siyene pesi umwi awumwi ulila munzila iisiyene. Kulila munzila iisiyene kwaamba kuti bamwi takubachisi na kufwidwa naakuti “balilila mukati,” kabatabbusyi mbubalimvwa? Teembukubede pe. Kuzumina kuti muntu wafwidwa akutondeezya mbalimvwa kulagwasya pesi nzila yakutondeezya kulila “teeyimwi” pe. Bantu balila busiyene akaambo kaziyanza, mbubabede, nzibakaswaana mubuumi naakuti kweendelana ambaafwa muntu ooyo.\\nZINOOKUCHISA KUSIKA AALI?\\nChimwi chiindi bantu ngatabazi pe kuti bazoolimvwa biyeni nibazoofwidwa. Pesi kuli bumwi buyumu-yumu mbubakonzya kuswaana alubo balakonzya kulimvwa munzila njibalimvwaayo bamwi bantu nibafwidwa. Atulange-lange zitobela.\\nKulilya mumoyo. Kulila, kuyeeya muntu wakafwa akulimvwa busiyene, nzintu zikonzya kuchitika muntu naafwidwa. Kukataazikana kulakonzya kwiindilila akaambo kakuyeeya muntu ooyo naakuti kumulota. Kumasaangunino muntu naafwidwa zilakonzya kumugwisya moyo akutazisyoma zyachitika. Tiina uchiyeeyede mbaakalimvwa mulumaakwe naakafwa katayeeyeli pe. Wakati: “Nizyakachitika ndakamana manguzu. Kumasaangunino ndakakachilwa kulila. Ndakayoowa zyakuti chimwi chiindi ndakali kukachilwa kuyoya. Teendakali kusyoma pe kuti wafwa choonzyo.”\\nKukataazikana, kunyema akulipa mulandu. Ivan wakati: “Kufwa kwamwaneesu Eric wakali aminyaka iili 24, kwakali kupa kuti ime amukayintu wangu Yolanda tunyeme chimwi chiindi. Eezi zyakatugambya nkaambo kuzwa chiindi teetwakazi pe kuti tuli bantu banyema. Twakali kulipa mulandu chiindi nitwakali kuyeeya kuti nikuli twakachita zyiingi kuti tugwasye mwaneesu kuti apone.” Alejandro wakafwidwa amukayintu wakali waba achiindi chilamfu kachiswa, wakati: “Kumatalikilo ndakali kuyeeya kuti Leza ulikundilekela kuti ndibe mumapenzi aali boobu nkaambo ndili sizibi. Mpawo ndakazoolipa mulandu wakuti ndilikusola Leza akaambo kazintu zyakachitika.” Alubo Kostas waambwa muchiiyo chayinda wakati: “Chimwi chiindi ndakali kunyemena kuti mukayintu wangu Sophia wakafwidaanzi. Mpawo ndakazoolipa mulandu akaambo kakulimvwa munzila iili boobu. Kumamanino ndakazoobona kuti wamukayintu wangu taakaliyandila pe kufwa.”\\nKuyeeya zintu zipa kukataazikana. Mizeezo yamuntu wafwidwa chimwi chiindi ilakonzya kutabeleka kabotu. Muchikozyano, muntu wafwidwa ulakonzya kuyeeya kuti muntu wakafwa ulakonzya kumumvwa, kumubona naakuti kumuguma. Alubo kulakonzya kumuyumina kubikkila maanu akuyeeya zimwi zintu. Tiina wakaamba kuti: “Chimwi chiindi nindakali kuzuwa abamwi, mizeezo yangu yakali kuba kule! Ndakali kuyeeya zintu zyakapa kuti Timo afwe. Kulimvwa munzila eeyi, kwakali kupa kuti ndikataazikane.”\\nKutayanda kuliswaanizya abamwi. Muntu wafwidwa ulakonzya kutaangunuka nali abamwi. Kostas wakati: “Ndakali kulendelelwa nindakali akati kabantu bakwetene. Alubo ndakali kulimvwa kanditeeleli pe kukkala abantu batakwete.” Mukayintu waIvan uutegwa Yolanda, uchiyeeyede mbaakali kulimvwa. Wakati: “Teezyakali kundijata kabotu pe chiindi bamwi nibakali kwaambuula atala abuyumu-yumu bubaanga mbuniini kuti twabukozyanisya ambutwakaswaana. Alubo bamwi bakali kutubuzya atala abana babo. Ndakali kuziyanda nzibakali kwaambuula pesi chimwi chiindi, kwakali kundiyumina kubaswiilila. Ime amulumaangu twakali kubona kuti buumi mbububede pesi teetwakali kutondeezya moyo mulamfu.”\\nKuchiswa. Muntu naafwidwa, kumoyo kulakonzya kusiya alubo ulakonzya kukotela akuba achilabila. Aaron uchiyeeyede zyakachitika kakwiindide munyaka, wisi naakafwa. Wakati: “Ndakali kuba achilabila. Mazuba woonse ndakali kubuka mansiku achiindi chikozyenie, kandiyeeya kufwa kwandeende.”\\nAlejandro uchiyeeyede naakali kuchiswa-chiswa zitamvwisisiki. Wakati: “Ndakalangwa-langwa adokotela kwaziindi zyiingi pesi wakati teendakalikwe bulwazi pe. Ndakali kuyeeyela kuti kukataazikana nkuko kwakali kupa kuti ndibonekaanga ndilachiswa.” Zintu eezi zyakazoomana. Nikuba boobo, Alejandro wakachita kabotu nkaambo wakayeeya kuyoobona dokotela. Kukataazikana akaambo kakufwidwa, chimwi chiindi kupa kuti mubili utabeleki kabotu, bulwazi mbulaabo bwiindilile naakuti ube abumwi bulwazi.\\nKukachilwa kuchita imwi milimu iiyandikana. Ivan wakati: “Mwanaangu Eric naakafwa, twakeelede kubuzya bamwi, kuswaanizya muntu ngwaakali kubelekela ankwaakali kukkala, kutali nzubo abeenzinyina luzutu. Alubo twakeelede kuzuzikizya mafoomu aasiyene-siyene akali kuyandwa amulawu. Kuyungizya waawo, twakeelede kulangania zintu Eric nzyaakalaazyo. Zyoonse eezi zyakali kuyanda kuti tube bantu babikkila maanu nikuba kuti twakali kukataazikana mumizeezo, mumubili ambutwakali kulimvwa.”\\nBamwi balakonzya kuba abuyumu-yumu nikwayandikana kuti bachite imwi milimu yakali kuchitwa amuntu wafwa. Nzizyo zyakachitika kuli Tiina. Wakati: “Mulumaangu Timo nguwe wakali kulangana amakani aakubbenki abbizinesi. Pesi naakafwa, wakali waba mukuli wangu alubo zyakapa kuti ndikataazikane zyiindilide. Ndakali kulibuzya kuti ndizookonzya na kuchita zyoonse eezi kakutakwe nzindikachilwa?”\\nBuyumu-yumu bweetwa akaambo kakukataazikana mumizeezo, mbulimvwa akumubili bwaambwa ajulu, butondeezya kuti nkuyumu kulwana abuumba bwakufwidwa. Simpe ndyakuti, kufwidwa kulachisa pesi kuziba zikonzya kuchitika kakuchili chiindi, kulakonzya kubagwasya bantu bakafwidwa lino-lino. Tweelede kuziba kuti bantu bafwidwa tabaswaani buyumu-yumu boonse bweetwa akaambo kakufwidwa. Alubo bantu bafwidwa balakonzya kuumbulizigwa kuti baziba kuti kukataazikana akaambo kakufwidwa teekubi pe.\\nKULI NINDIZOOBOTELWA LUBO NA?\\nNzitukonzya kulangilila: Kukataazikana akaambo kakufwidwa teekwalyoonse pe, kunooyabucheya mukuya chiindi. Pesi eezi tazyaambi kuti muntu ulakonzya kulimvwa kuti “waba kabotu” naakuti kutachimuyeeya muntu wakafwa. Kuchiswa moyo akaambo kakufwidwa kunooyabucheya mbichaani-mbichaani. Chimwi chiindi, ulakonzya kuumbaala akaambo kakumuyeeya naakuti akaambo kazintu zichitika mbuuli buzuba bwamuchado naakuti bwakufwa. Pesi nikwayinda chiindi, bantu biingi ngabazibila akusaanguna kuchita milimu yamazuba woonse. Eezi zilakonzeka kuti muntu wafwidwa wagwasigwa abamumpuli naakuti abeenzinyina akuchita zintu zipa kuti alwane abuyumu-yumu oobo.\\nKuzootola chiindi chilamfu biyeni? Bamwi balakonzya kukataazikana kwamyeezi miche. Kuli bamwi kulakonzya kumana nikwayinda munyaka uumwi naakuti iibili. Pesi bamwi bayanda chiindi chiindaawo. * Alejandro wakati: “Ime zyakanditolela minyaka iitatu kuti kukataazikana kumane.”\\nBaamoyo mulamfu. Utalikataazyi alyajuunza, chita kweendelana ambukonzya alubo ziba kuti kukataazikana akaambo kakufwidwa teekwalyoonse pe. Nkinkaako, kuli zintu nzukonzya kuchita na zipa kuti utakataazikani lino akuti utakkali kukataazikene kwachiindi choonse?\\nKukataazikana akaambo kakufwidwa teekubi pe\\n^ par 17 Pesi bamwi kukataazikana kulakonzya kwiindilila akuba “kupati” naakuti “kutamani.” Bantu bali boobu balakonzya kuyanduula lugwasyo kuli basyaabusongo babona zyabusilisi.\\nBantu biingi bakagwasigwa kuti balwane penzi lyabuumba bweetwa akaambo kakufwidwa kwiinda mukuchita zimwi zintu zigwasya.","num_words":1036,"character_repetition_ratio":0.076,"word_repetition_ratio":0.0,"special_characters_ratio":0.144,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"3 Johane 1 | Bbaibbele Lili a Intaneti | Bbaibbele lya Busanduluzi Bwanyika Mpya\\nMatayo Marko Luka Johane Milimo Baroma 1 Bakorinto 2 Bakorinto Bagalatiya Baefeso Bafilipi Bakolose 1 Batesalonika 2 Batesalonika 1 Timoteyo 2 Timoteyo Tito Filimoni Bahebrayo Jakobo 1 Petro 2 Petro 1 Johane 2 Johane 3 Johane Juda Ciyubunuzyo 1\\n1 Mebo ndemunene ndilembela Gayo, imuyandwa, ooyo ngondiyanda ncobeni. 2 Ooyandwa, ndipailila kuti zyintu zyoonse kazikweendela kabotu akuti kopona kabotu lyoonse, mbubonya mbosumpuka mubuumi bwako. 3 Nkaambo ndakakondwa kapati ibakwesu nobakaboola akupa bumboni bwakuti ulikajisi amaanza obilo kasimpe, mbubonya mboenda mukasimpe. 4 Kunyina cintu cindipa kulumba kapati kunze lyaceeci, kuti kandimvwa kuti bana bangu balazumanana kweenda mukasimpe. 5 Ooyandwa, ulasyomeka mu-mulimo ngobelekela bakwesu, nokuba kuti mbeenzu mbotazyi. 6 Aaba bapa bumboni kumbele lyambungano kujatikizya luyando ndojisi. Ndalomba kuti ubasindikile mulweendo lwabo munzila njakkomanina Leza. 7 Nkaambo bantu aaba bakatalika lweendo lwabo akaambo kazyina lyakwe, tiibakabweza cintu cili coonse kuli bamasi. 8 Aboobo, swebo tweelede kubasamausya bantu bali boobu, kutegwa tube basimilimonyina mukasimpe. 9 Imbungano ndakailembela makani amwi, pele Diyotulefe, ooyo uuyanda kuba mutaanzi akati kabo, tatambuli cabulemu cintu cili coonse cizwa kulindiswe. 10 Nkakaambo kaako, ikuti naa ndikaboole, ndiyoopa kuti ilangwe-langwe milimo eeyo njacita, natwaamba majwi mabi aabufwubafwuba. Alimwi, tagoleli buyo waawo pe, tabatambuli cabulemu bakwesu, alimwi aabo ibayanda kubatambula inga usoleka kubasinkila akubatandila kunze aambungano. 11 Ooyandwa, utatobeli zyintu zibi pe, pele kotobela zyintu zibotu. Ooyo uucita zyintu zibotu uzwa kuli Leza. Ooyo uucita zyintu zibi tanamubona Leza. 12 Demetiliyo ulalumbaizyigwa aboonse alimwi akasimpe keni. Mubwini, andiswe tobeni tupa bumboni kujatikizya nguwe, alimwi yebo ulizyi kuti bumboni mbotupa mbwamasimpe. 13 Ndajisi zyintu zinji zyakukulembela, nokuba boobo tandiyandi pe kuzumanana kukulembela abboopeni alimwi ainki. 14 Pele ndilombozya kukubona lino-lino, eelyo tuyooambaula cakaanzambwene. Luumuno alube anduwe. Ibeenzuma balakwaanzya. Undaanzyizye beenzuma umwi aumwi kumugama.","num_words":265,"character_repetition_ratio":0.048,"word_repetition_ratio":0.0,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani Aachoonzyo Alubo Aasyomeka | Kubala Akuyiisya\\nMakani Aachoonzyo Alubo Aasyomeka\\nCHIFWIINSYO: Belesya bumboni busyomeka kuti baswiilizi bamvwisisisye makani ngulikwaamba.\\nBelesya mabbuku aasyomeka. Makani ngwaamba ayelede kuzwa muJwi lyaLeza alubo kuti kazikonzeka, abale kuzwa muBbayibbele. Kuti kuli kwaamba makani aazyasayensi, zyakazwa munyuzi, zyakachitika mubuumi naakuti amwi makani, baachoonzyo chakuti makani ngwaamba ngakasimpe akuti ayendelana aachiindi.\\nAbelesye kabotu mabbuku. Pandulula lugwalo kweendelana amakani aaluzyungulukide, mulumbe wamuBbayibbele amabbuku aapupululwa ‘amuzike musyomesi uuchenjede.’ (Mt. 24:45) Kuti wabelesya makani aali mumabbuku aatapupululwi aambunga, utaachinchi pe naakuti kwaamba zisiyene amakanze aamulembi.\\nUtayindilizyi twaambo naakuti myeelwe yazintu. Bona kuti “bamwi bantu” batabi “bantu biingi,” “chimwi chiindi” chitabi “chiindi choonse” akuti “kulakonzeka” atabi “mbukubede.”\\nGwasya baswiilizi bakamvwisisisye kaambo. Nwaamana kubala lugwalo naakuti kwaamba amwi makani, buzya mubuzyo naakuti kwaamba chikozyano chigwasya baswiilizi kuti bamvwisisisye nzulikwaamba.\\nNulibambila kuya kukukambawuka, yeeyela mibuzyo njukonzya kuswaana akuyanduulisisya mbukonzya kusandula. Kuti muntu wakubuzya mubuzyo pesi kutayizi pe nsandulo, mubuzye kuti uyanda kuyoowayanduulisiya makani aayo mpawo uzoomusandule.\\nKubala Akuyiisya​—Makani Aachoonzyo Alubo Aasyomeka","num_words":149,"character_repetition_ratio":0.076,"word_repetition_ratio":0.0,"special_characters_ratio":0.146,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Leza Nkwali? | Mibuzyo yamu Bbaibbele\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bislama Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Danish Dutch English Estonian Ewe Fijian Finnish French Ga Georgian German Greek Haitian Creole Hebrew Hiligaynon Hindi Hungarian Igbo Iloko Indonesian Italian Japanese Kikaonde Kinyarwanda Kirghiz Kirundi Korean Lingala Lithuanian Macedonian Malagasy Malay Malayalam Maltese Myanmar Nepali Norwegian Pangasinan Papiamento (Aruba) Papiamento (Curaçao) Persian Polish Portuguese Romanian Russian Sepedi Serbian (Cyrillic) Serbian (Roman) Setswana Shona Sinhala Slovak Slovenian Spanish Swahili Swedish Tagalog Taiwanese Sign Language Tamil Tatar Telugu Thai Tsonga Turkish Turkmen Twi Ukrainian Vietnamese Waray-Waray Xhosa Yoruba Zulu\\nSena Leza Nkwali?\\nInzya, Ibbaibbele lilapa bumboni bwakuti Leza nkwali. Litukulwaizya kuba alusyomo muli Leza, “kwiinda mukubelesya maano,” ikutali kwiile kusyoma zintu nzyobaamba basizikombelo. (Baroma 12:1; 1 Johane 5:​20) Amulange-lange twaambo ootu tumvwika ituyeeme aa Bbaibbele:\\nIkubako kwabubumbo bupangidwe kabotu alimwi ibujisi buumi citondezya kuti kuli Mulengi. Bbaibbele lyaamba kuti: “Ncobeni, iŋanda iili yoonse kuli wakaiyaka, pele ooyo wakapanga zintu zyoonse ngu Leza.” (Bahebrayo 3:4) Bantu banji bayiide babona kaambo aaka kuti nkapati, nokuba kuti takakatazyi kumvwisya. *\\nNcilengwa buya kulindiswe tobantu kuyanda kuzyiba ikaambo ncotuponena, alimwi luyandisisyo oolu talumani nokuba kuti twajana zyoonse nzyotuyandika kumubili. Mu Bbaibbele luyandisisyo oolu lwaamba kuyanda “kusololelwa a Leza,” calo icibikkilizya kuyanda kumuzyiba akumukomba. (Matayo 5:3; Ciyubunuzyo 4:​11) Kuyanda kusololelwa a Leza ooku takutupi buyo bumboni bwakuti Leza nkwali, pele alimwi kutondezya kuti Mulengi siluyando uuyanda kuti tusololelwe anguwe.​—Matayo 4:4.\\nBusinsimi bwamu Bbaibbele ibwakalembwa kakucili myaka minji bwakazuzikizyigwa kweelana ambobwakasinsimwa. Kuzuzikizyigwa kwabusinsimi munzila iiluzi mbumboni bupati bwakuti buzwa kumuntu musongo kwiinda.​—2 Petro 1:​21.\\nBasikulemba Bbaibbele bakajisi luzyibo lwasayaansi ndobatakali kumvwisya bantu bakapona ciindi ncobakali kupona. Mucikozyanyo, kaindi bantu banji bakali kusyoma kuti nyika yakakkede amunyama, munyama mbuli muzovwu, ngulube, naa musune. Mukwiimpana, Bbaibbele lyaamba kuti Leza “waanzika nyika aatakwe cintu.” (Jobu 26:7) Alimwi Bbaibbele lilaamba mboipangidwe nyika kuti ili mbuli “mubalo.” (Isaya 40:22) Bantu banji balimvwa kuti bupanduluzi bumvwika kujatikizya makani aaya mbwakuti basikulemba Bbaibbele bakatambula makani kuzwa kuli Leza.\\nBbaibbele lilaingula mibuzyo minji iikatazya, mibuzyo iikonzya kupa muntu kutasyoma kuti Leza nkwali ikuti tanaaingulwa kabotu. Mucikozyanyo, Ikuti naa Leza ngusiluyando alimwi singuzuzyoonse, nkaambo nzi ncokuli kupenga abubi munyika? Nkaambo nzi bukombi kanji-kanji ncobupa bantu kucita zintu zibi ikutali zibotu?​—Tito 1:​16.\\n^ munc. 4 Mucikozyanyo, sikwaazwa Allan Sandage, syaabusongo mumakani aabubumbo wakaamba boobu kujatikizya bubumbo: “Cilandikatazya kuzumina kuti mbobupangidwe kabotu bubumbo cakalicitikila buyo. Kweelede kuti kwakali cintu cakali kupanga. Cilandikatazya kumvwisya kubako kwa Leza, pele kubako kwakwe ncecintu icipa kuti tumvwisye ikaambo ncokuli zintu nzyotubona.”\\nSena Leza Nkwali? Sena Kuli Mbocigwasya Kuzyiba Kuti Nkwali?\\nSena mubuzyo bantu banji ngobabona kuti taujisi bwiinguzi ulayandika ncobeni?\\nBa Frédéric Dumoulin bakacimwa kapati abukombi calo cakabapa kuti bacileke kusyoma muli Leza. Mbuti kwiiya Bbaibbele alimwi ambozipangidwe zintu zipona mbozyakabapa kusyoma kuti kuli Mulengi?\\nIno Buumi Bujisi Mpindu Nzi?","num_words":448,"character_repetition_ratio":0.046,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Niinzi Chichitika Kuti Twafwa? Kuli Buumi Bumbi Na Kuti Muntu Wafwa?\\nBALA MU Abbey Abkhaz Abui Acholi Afrikaans Aja Akha Altai Alur American Sign Language Amharic Angolan Sign Language Arabic Argentinean Sign Language Armenian Armenian (West) Ateso Attié Aymara Azerbaijani Azerbaijani (Cyrillic) Bashkir Bassa (Cameroon) Bassa (Liberia) Batak (Karo) Batak (Simalungun) Batak (Toba) Belize Kriol Biak Bicol Bislama Bolivian Sign Language Boulou Bété Cambodian Cebuano Changana (Mozambique) Changana (Zimbabwe) Chavacano Chichewa Chiga Chin (Hakha) Chin (Tiddim) Chin (Zotung) Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuvash Cibemba Cinamwanga Cinyanja Colombian Sign Language Cuban Sign Language Dakota Dangme Danish Dayak Ngaju Douala Drehu Dusun Dutch Edo Efik Emberá (Catío) English Estonian Ewe Fante Fijian Finnish Finnish Sign Language Fon French Futuna (East) Ga German Gitonga Gokana Greek Guadeloupean Creole Guarani Guarani (Bolivia) Guerze Guianese Creole Gun Guéré Haitian Creole Hausa Herero Hiligaynon Hindi Hungarian Hunsrik Iban Ibanag Ibinda Igbo Iloko Indian Sign Language Indonesian Indonesian Sign Language Irish Isoko Italian Italian Sign Language Ivorian Sign Language Japanese Javanese Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Khana Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisii Kisonge Kituba Kongo Korean Kpelle Krio Kurdish Kurmanji Kwangali Kwanyama Kyangonde Lahu Lamba Lambya Lari Lhukonzo Lingala Lithuanian Lomwe Luganda Lugbara Lunda Luo Luvale Macua Malagasy Malay Malayalam Malaysian Sign Language Maltese Mam Mambwe-Lungu Mapudungun Marathi Mauritian Creole Maya Mazahua Mbunda Mende Meru Mexican Sign Language Mizo Mongolian Moore Myanmar Myanmar Sign Language Nahuatl (Central) Navajo Ndau Ndebele Ndebele (Zimbabwe) Ndonga Nengone Nepali Nepali Sign Language Ngabere Ngangela Nias Nigerian Pidgin Niuean Norwegian Nsenga Nyaneka Nyungwe Nzema Odia Okpe Oromo Ossetian Otetela Pangasinan Pidgin (Cameroon) Pidgin (West Africa) Polish Polish Sign Language Ponapean Poqomchi' Portuguese (Portugal) Portuguese Sign Language Punjabi (Shahmukhi) Quebec Sign Language Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Quichua (Pastaza) Quichua (Santiago del Estero) Quichua (Tena) Rarotongan Romanian Romanian Sign Language Romany (Eastern Slovakia) Romany (Macedonia) Romany (Macedonia) Cyrillic Romany (Northern Greece) Romany (Serbia) Romany (Southern Greece) Ronga Runyankore Russian Rutoro Réunion Creole Samoan Sangir Sango Sena Sepedi Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Solomon Islands Pidgin Spanish Spanish Sign Language Sranantongo Sunda Swahili Swahili (Congo) Swati Swedish Tagalog Tahitian Tajiki Talian Tamil Tandroy Tankarana Tatar Tetun Dili Thai Thai Sign Language Tigrinya Tiv Tojolabal Tok Pisin Tongan Tshiluba Tshwa Tsonga Turkish Tuvaluan Twi Uighur (Cyrillic) Ukrainian Umbundu Urdu Urhobo Uruund Uzbek Uzbek (Roman) Vezo Vietnamese Vietnamese Sign Language Wallisian Waray-Waray Welsh Wichi Wolaita Yacouba Zande Zulu\\nNkuukuli Nkutuya Kuti Twafwa?\\n1-3. Mibuzyoonzi bantu njibabuzya atala akufwa, alimwi zimwi zikombelo ziyiisyaanzi?\\nIBBAYIBBELE litusyomezya kuti bumwi buzuba “takukooyooba limbi lufu.” (Ciyubunuzyo 21:4) Muchaandano 5, twakayiiya kuti chinunuzyo chakachita kuti chikonzeke kuli ndiswe kujana buumi butamani. Pesi nikuba boobo, bantu balafwa. (Mukambausi 9:5) Eezi zipa kuti tubuzye mubuzyo uuyandikana wakuti, Niinzi chichitika kuli ndiswe kuti twafwa?\\n2 Insandulo yamubuzyo ooyu iyandikana loko, ikapati kuti kwafwa chibbululu chesu. Tulakonzya kulibuzya kuti: ‘Niinzi chachitika kuli nguwe? Ulitubwene na? kujana wakonzya na kutugwasya? Kuli nituyoomubona lubo na?’\\n3 Zikombelo zisandula mibuzyo eeyi munzila zisiyene-siyene. Zimwi ziyiisya kuti, ikuti kuli muntu uuli kabotu uya kujulu, alimwi kuti kuli muntu uuchita zibi uyaakupya mubbibi lyamulilo. Zimwi ziyiisya kuti, ikuti wafwa ngawaba muuya alimwi ngawaakukkala abazibbululu zyako zyakafwa chiindi. Alubo zimwi ziyiisya kuti, ikuti wafwa nga uya kukubetekwa, wazwaa kubetekwa nga wapona lubo pesi kuli aamubili uumbi, chimwi chiindi uba chimwi chintu naa kuti umwi muntu.\\n4. Zikombelo ziyiisya kali kaambo atala alufu?\\n4 Zikombelo zibonekaanga ziyiisya zintu zisiyene loko. Pesi zyoonse ziboneka kaziyiisya kaambo kamwi biyo. Ziyiisya kuti, chiindi muntu naafwa kuli chimwi chintu chisyaala kachipona. Ndisimpe na eelyo?\\n5, 6. Niinzi chichitika kuti twafwa?\\n5 Jehova ulizi zichitika kuli ndiswe chiindi nitufwa, alimwi wakatubuzya kuti chiindi muntu naafwa, buumi bwakwe bulamana. Lufu nkutapona. Aboobo chiindi muntu nafwa, kulimvwa kwakwe akuyeeya taakwe nizisyaala pe kazipona kuli bumwi busena. * Ikuti twafwa tatukonzyi pe kubona, kumvwa, alubo ngatatuchikonzyi pe kuyeeya.\\n6 Mwaami Solomoni wakalemba kuti “pele bafwide tabezi cintu niciba comwe.” Bafwide tabakonzyi kuyanda nikuba kusulayika, alubo “taakwe milimo niiba miyeeyo neluba luzibo nebuba busongo mukabanda.” (Bala Mukambausi 9:5, 6, 10.) Alimwi muli Intembauzyo 146:4 iBbayibbele litubuzya kuti chiindi muntu naafwa, “makanze aakwe oonse” aalawo alamana.\\nJESU NZYAKAAMBA ATALA ALUFU\\nJehova wakalengede bantu kuti bapone akutamani munyika\\n7. Jesu wakaambaanzi atalaa lufu?\\n7 Chiindi Lazaro mweenzinyina waJesu naakafwa, Jesu wakati kuli basikwiiya bakwe: “Mulongweesu Lazaro uloona.” Pesi Jesu taakali kwaamba kuti Lazaro uliikulyookezya. Jesu wakali kwaamba kuti: “Lazaro wazaya [wafwa].” (Johane 11:11-14) Eezi zyaamba kuti Jesu wakali kukozyanisya kufwa mbuli koona. Taakali kwaamba kuti Lazaro wakali kujulu naa kuti wakali kkede abazibbululu bakwe bakafwa chiindi. Alubo taakwe nakaamba kuti Lazaro wakali kupya mumulilo naa kuzyalwa lubo kali uumbi muntu naa kuti munyama. Peepe, Lazaro wakali mbuli kuti uliikoona mung’onzi. Amwi magwalo akozyanisya lufu mbuli koona ng’onzi. IBbayibbele lyaamba kuti Davida wakakombelezya Jehova kati: “Bonya meso aangu, kuti ntaoni mulufu.” (Intembauzyo 13:3) Alimwi Daniele wakalemba kuti “bantu banji baona mubulongo bwaansi bayoobuka.”—Daniele 12:2.\\n8. Tuzi biyeni kuti Leza taakwe naakalenga bantu kuti kabafwa?\\n8 Ani Leza wakalenga Adamu aEva kuti mukuya kwachiindi bazoofwe na? Peepe! Jehova wakabalengela kuti babotelwe buumi bumaninide butamani. Chiindi Jehova naakalenga bantu, wakabapede chiyandisyo chakupona kutamani. (Mukambausi 3:11) Mbuli bazyali mbubatabotelwi kubona bana babo kabachembala akufwa, alakwe Jehova mbalimvwa notuchembala akufwa. Ikuti Jehova wakatulengela kuti tupone kukabe kutamani, nkaamboonzi nitufwa?\\n9. Nkaamboonzi mulawu Jehova ngwaakapa Adamu aEva niwakatali muyumu kuutobela?\\n9 Mumuunda waEdeni, Jehova wakabuzya Adamu aEva kuti: “Misamu yoonse yamumuunda ncobeni uyooilya, cita musamu wakuziba bubotu abubi. Toelede kulya kulinguwo pe, nkaambo mubuzuba obo mboyoolya kulinguwo ncobeni uyoofwa.” (Matalikilo 2:9, 16, 17) Mulawu ooyu tewakali muyumu kuuswiilila, alubo Jehova wakalaa cheelelo chakubabuzya chintu chibotu achibi. Kwiinda mukuswiilila Jehova, bakali kunotondeezya kuti balemeka bweendelezi bwakwe. Alubo bakali kunotondeezya kuti balalumba kuzintu zyoonse nzyaakabachitila.\\n10, 11. (a) Saatani wakabeena biyeni baAdamu a Eva? (b) Nkaamboonzi baAdamu nibatakwe chitamizyo kuli zezyo nzibakachita?\\n10 Chiwusisya nchakuti, Adamu aEva bakasala kutaswiilila Jehova. Saatani wakati kuli Eva: “Sa ncobeni Leza wakaamba kuti, tamweelede kulya misamu yoonse yamumuunda?” Elyo mwanakazi wakaambila nzoka kuti, “Micelo yamisamu yamumuunda tulailya, pele micelo yamisamu oyo uuli mukati kamuunda, Leza waamba kuti, ‘tamweelede kulya njiyo pe, alimwi tamweelede kwiiguma, kuti mutafwi.’”—Matalikilo 3:1-3.\\n11 Mpawo Saatani wakati: “Ne! tamukonzyi kufwa pe. Nkaambo Leza ulizi kuti mubuzuba obo mbubonya mbomuyooulya, meso anu ayoojuka [julika], lino muyooba mbuli Leza, muyooziba bubotu abubi mbububede.” (Matalikilo 3:4, 5) Saatani wakali kuyanda kuti Eva alisalile chibotu a chibi. Muchiindi eecho, Saatani wakabeja zyakali kuyoochitika aawo Eva naakali kuzooleka kuswiilila Leza. Saatani wakati Eva taakali kuzoofwa pe, aboobo Eva wakalya imwi yamichelo mpo wasikupa mulumaakwe. Adamu a Eva bakalizi kuti Jehova wakali wabaambila kuti batalyi muchelo. Nibakalya, bakasala kutaswiilila mulawu wakali muuba. Kwiinda mukulya, bakatondeezliya kutalemeka Wisi wabo wakujulu. Taakwe chakutamizya atala anzibakachita!\\n12. Nkaamboonzi nizichisa kuziba kuti Adamu aEva bakatondeezya kutaswiilila Jehova?\\n12 Yeeya kuti zyakamunyeemya biyeni Mulengi wabo azezyo bazyali besu bakusaanguna nzibakachita! Wali kunoomvwa biyeni chiindi nubeleka changuzu kukukomezya mwana musimbi amulombe, mpawo bakupapila akuchita zisiyene kulizezyo nzwaakababuzya kuti kabachita? Teezyakali kunookuchisya moyo na?\\nAdamu wakazwa kubulongo, alimwi wakabweeda kubulongo\\n13. Jehova wakali kwaambaanzi naakati “kubulongo nkoelede kupiluka”?\\n13 Chiindi baAdamu nibakataswiilila Jehova, bakasweekelwa choolwe chakupona kutamani. Jehova wakabuzya Adamu kuti: “Nkaambo uli bulongo buyo akooko kubulongo nkoelede kupiluka.” (Bala Matalikilo 3:19.) Eezi zyaamba kuti Adamu wakali kuzooba bulongo lubo, mbuli kuti taakwe naakalengedwe pe. (Matalikilo 2:7) Kuzwa naakabisya Adamu, wakafwa alimwi taakwe naakapona lubo pe.\\n14. Nkaamboonzi nitufwa?\\n14 Kaansinga Adamu a Eva bakamuswiilila Leza, nikunga bachipona ambuli sunu. Pesi chiindi nibakatamuswiilila, bakabisya, mpawo bakazoofwa. Chibi chili mbuli bulwazi bubi loko mbutwakakona kuzwa kubazyali besu bakusaanguna. Toonse tulazyalwa katulaa chibi, alimwi nkikaambo nchitufwa. (BaRoma 5:12) Pesi aaya tee ngimakanze pe Leza ngalaawo kubantu. Leza taakwe naakayandide kuti bantu kabafwa, alimwi nchichicho iBbayibbele nchilyaamba lufu kuti ngu “sinkondonyina.”—1 BaKorinto 15:26.\\n15. Kasimpe kali atala lufu katwaangununa biyeni?\\n15 Kasimpe kali atala alufu kalatwaangununa kutwaambo twakubeja. IBbayibbele lituyiisya kuti bafwide tabamvwi kuchisa nikuba kuumbaala. Tatukonzyi pe kwaambuula ambabo, alubo tabakonzyi pe kwaambuula andiswe. Tatukonzyi pe kugwasya bafwide, alubo abalabo bafwide tabakonzyi pe kutugwasya. Tabakonzyi pe kutuchisa, nkikaako tatweelede kubayoowa pe. Aboobo, zikombelo zyiingi ziyiisya kuti, bafwide balapona kuli bumwi busena akuti tulakonzya kubagwasya kuti twabbadala mali kubapayizi bazikombelo naa kuli babo baambwa kuti mbasalali. Pesi kuti twaziba kasimpe atala alufu, taakwe nituyooyenwa pe akubeja kuli boobo.\\n16. Nkuukuli kubeja zikombelo zyiingi nkuziyiisya atala abakafwa?\\n16 Saatani ubelesya zikombelo zyakubeja kukutubejela akutuchitya kuti tuyeeye aanga bafwide bachipona. Muchikozyano, zikombelo zimwi ziyiisya kuti, chiindi nitufwa chimwi chibeela chamubili wesu chilasyaala kachipona kuli bumwi busena. Chikombelo chako chiyiisya oobo na? naa kuti chikuyiisya eezyo iBbayibbele nzilyaamba atala abakafwa? Mbuli mbaakachita kuli Eva, ambuli sunu Saatani uchibelesya kubeja kutegwa apambule bantu kuzwa kuli Jehova.\\n17. Nkaamboonzi ikaambo kakuumpa bantu mubbibi lyamulilo nikali kakusampuula Jehova?\\n17 Zikombelo zyiingi nchiziyiisya zilayoosya. Muchikozyano, zimwi ziyiisya kuti bantu batali kabotu bayaakupya mubbibi lyamulilo uutamani. Ooku nkutukila Jehova. Taakwe nanga ulazumina kuti bantu bapenzegwe munzila iili boobu! (Bala 1 Johane 4:8.) Umvwa biyeni atala amuntu uupenzya mwana kwiinda mukumuumpa maboko mumulilo? Nisimpe kuti ulamusulayika muntu uuli boobo. Taakwe niwali kunooyanda kumvwa azyamuntu ooyo. Eezi nzinzizyo loko Saatani nzyayanda kuti tumvwe atala aJehova!\\n18. Nkaamboonzi nituteelede kuyoowa bafwide?\\n18 Zimwi zikombelo ziyiisya kuti chiindi bantu nibafwa baba myuuya. Zikombelo zili bobo ziyiisya kuti tweelede kulemeka alimwi akuyoowa myuuya eeyo, nkaambo ilakonzya kuba beenzuma balaanguzu nikuba kuti basinkondoma bayoosya. Bantu biingi balakusyoma kubeja ooku. Balabayoowa bafwide, nkikaako balabakomba mubusena bwakukomba Jehova. Yeeya kuti bantu bafwide tabakonzyi kumvwa, aboobo tatweelede kubayoowa. Jehova Mulengi wesu. NguLeza wakasimpe, nguwe alikke ngutweelede kukomba luzutu.—Ciyubunuzyo 4:11.\\n19. Kuziba kasimpe atala alufu kutugwasyaanzi?\\n19 Ikuti twakaziba kasimpe atala abafwide tulaangununwa kuzwa kutwaambo twakubeja twazikombelo. Alimwi kasimpe aaka katugwasya kuti tumvwisisisye izisyomezyo zigambya eezyo Jehova nzyaakatuchitila atala abuumi bwesu abwajuunza.\\n20. Tuyooyiiyaanzi muchaandano chitobela?\\n20 Kwaminyaka miingi loko yakiinda mubelesi waLeza wazina lyaJobu wakabuzya kuti: “Ikuti naa muntu wafwa, sena inga wapona alimwi?” (Jobu 14:14, NW) Zilakonzeka na choonzyo kuti muntu wafwa ulakonzya kupona lubo? Eezyo Leza nzyatubuzya muBbayibbele zilabotezya. Tuyoobona kuti nkaamboonzi nichili boobo muchaandano chitobela.\\n^ par 5 Bamwi basyoma kuti muuya ulasyaala kawupona chiindi umwi muntu naafwa. Kuti ujane makani miingi, langa Makani Aakumamanino 17 a 18.\\nKASIMPE 1: KUTI MUNTU WAFWA BUUMI BWAKWE BULAMANA\\n“Bafwide tabezi cintu niciba comwe.”—Mukambausi 9:5\\nNiinzi chichitika kulindiswe ikuti twafwa?\\nIntembauzyo 146:3, 4; Mukambausi 9:6, 10\\nIkuti twafwa tatukonzyi pe kubona, kumvwa, nikuba kuyeeya.\\nJesu wakakozyanisya lufu mbuli koona ng’onzi.\\nKASIMPE 2: JEHOVA TAAKWE NAAKAYANDIDE KUTI BANTU KABAFWA\\n“Cita musamu wakuziba bubotu abubi toelede kulya kulinguwo pe, nkaambo mubuzuba obo mboyoolya kulinguwo ncobeni uyoofwa.”—Matalikilo 2:17\\nSaatani wakabejela Eva zyakali kuyomuchitikila nkaambo kakutaswiilila mulawu waLeza. Chiindi Adamu aEva nibakataswiilila Jehova, bakabisya alimwi bakafwa.\\nKuzwa chiindi naakafwa Adamu, taakwe naakazoopona lubo pe.\\nChibi chili mbuli bulwazi bubi mbutwakajana kuzwa kubazyali besu bakusaanguna. Toonse tuzyalwa katuli basizibi, nchinchicho nchitufwa.\\nIBbayibbele liita lufu kuti ngusinkondoma.\\nKASIMPE 3: KASIMPE KALI ATALAA LUFU KALATWANGUNUNA\\n“Ikuti naa muntu wafwa, sena inga wapona alimwi? Ndinoolindila . . . kusikila cikasike ciindi nendiyoolemununwa.”—Jobu 14:14, NW.\\nIkuziba kasimpe atala alufu kutwaangununa biyeni kuzwa kutwaambo tutali ntuto?\\nInjiisyo yakuti bantu bayaakupya mumulilo nkutukila Jehova. Takwe nanga ulazumizya kuti bantu basubulwe munzila eeyo.\\nBantu biingi bayoowa bafwide, aboobo balabayoowa akubakomba muchiindi chakuti bakombe Jehova. Pesi Jehova nguLeza wakasimpe, alimwi tweelede kukomba nguwe luzutu.","num_words":1789,"character_repetition_ratio":0.052,"word_repetition_ratio":0.006,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Lulayo​—Ncitondezyo Caluyando lwa Leza | Yakwiiya\\nAMUBALE MU Afrikaans Albanian Altai Alur American Sign Language Amharic Amis Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Bolivian Sign Language Boulou Brazilian Sign Language British Sign Language Bulgarian Cakchiquel (Western) Catalan Cebuano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Colombian Sign Language Costa Rican Sign Language Croatian Cuban Sign Language Czech Czech Sign Language Damara Dangme Danish Digor Douala Dutch Ecuadorian Sign Language Edo Efik English Esan Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Greek Greek Sign Language Guarani Guatemalan Sign Language Gujarati Gun Haitian Creole Hausa Hebrew Hiligaynon Hindi Hiri Motu Honduras Sign Language Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kabuverdianu Kannada Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malawi Sign Language Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mexican Sign Language Mingrelian Mixe (North Central) Mixtec (Guerrero) Mongolian Moore Motu Mozambican Sign Language Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nicaraguan Sign Language Nigerian Pidgin Norwegian Nzema Okpe Oromo Ossetian Otetela Panamanian Sign Language Pangasinan Papiamento (Curaçao) Paraguayan Sign Language Persian Peruvian Sign Language Pidgin (Cameroon) Polish Polish Sign Language Ponapean Portuguese Portuguese (Portugal) Portuguese Sign Language Punjabi Quebec Sign Language Quechua (Ancash) Quechua (Bolivia) Romanian Romanian Sign Language Russian Russian Sign Language Salvadoran Sign Language Samoan Sango Sepedi Sepulana Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Venezuelan Sign Language Vietnamese Waray-Waray Wolaita Xhosa Yoruba Zambian Sign Language Zande Zapotec (Isthmus) Zimbabwe Sign Language Zulu\\n“Aabo mbayanda Jehova ulabalaya.”—HEB. 12:6.\\nIno icakacitikila Sebina camuyiisya nzi kujatikizya lulayo lwa Leza?\\nCiindi notupa lulayo, ino mbuti mbotukonzya kumwiiya Jehova a Mwanaakwe?\\nIno lulayo lutugwasya kulibambila nzi?\\n1. Ino lulayo mu Bbaibbele kanji-kanji lwaambwa buti?\\nCIINDI nomumvwa bbala lyakuti “lulayo,” ino ncinzi ciboola mumizeezo yanu? Ambweni musaanguna kuyeeya cisubulo, pele nzinji zijatikizyidwe. Mu Bbaibbele, lulayo kanji-kanji lulaambwa munzila iikulwaizya, zimwi ziindi antoomwe aluzyibo, busongo, luyando alimwi abuumi. (Tus. 1:2-7; 4:11-13) Cili boobo akaambo kakuti lulayo lwa Leza ncitondezyo caluyando ndwajisi kulindiswe alimwi akuyandisisya kwakwe kwakuti tukajane buumi butamani. (Heb. 12:6) Nokuba kuti lulayo lwakwe lulakonzya kubikkilizya akusubula, lulayo kunyina nolupegwa calunya naa caluciso. Mubwini, ibbala lyakuti “lulayo” kanji-kanji lyaamba kuyiisya, mbuli kooko kucitwa mukukomezya mwana uuyandwa.\\n2, 3. Ino mbuti lulayo mbolubikkilizya kuyiisya alimwi acisubulo? (Amubone cifwanikiso icili kumatalikilo aacibalo.)\\n2 Amubone cikozyanyo eeci: Mwana musankwa musyoonto wazina lya Johnny usobanya bbola muŋanda. Banyina bamwaambila kuti: “Yebo Johnny, ulizyi kuti toyelede kusobanya bbola muŋanda! Ulakonzya kupwaya cintu cimwi.” Pele kakunyina akubikkila maano kumalailile aabanyina, wazumanana kusobanya bbola mpoonya cakutayeeyelwa wapwaya nongo yajisi maluba. Ino mbuti banyina mbobalaamupe lulayo? Lulayo lwabo lulakonzya kubikkilizya kuyiisya alimwi acisubulo. Mukumuyiisya, balakonzya kumuyeezya Johnny kaambo ncocilubide ncaacita. Bayanda kumutondezya ncocili cabusongo kumvwida bazyali bakwe, kumupandulwida kuti milawo yabo ilayandika alimwi ileelede. Mpoonya kutegwa batondezye kuti nzyobamwaambila zilayandika, balakonzya kumupa cisubulo ceelede. Mucikozyanyo, ambweni balakonzya kumunyanga bbola Johnny kwaciindi cili mbocibede. Eeci cilakonzya kupa kuti abone kuti kutamvwida kulaletelela.\\n3 Mbwaanga tuzulilwa kumbungano ya Bunakristo, tuli cibeela caŋanda ya Leza. (1Tim. 3:15) Aboobo tulazilemeka nguzu zya Jehova zyoonse zyobilo zyakubikka zyeelelo alimwi akupa lulayo caluyando ciindi notwatazitobela. Kuyungizya waawo, ikuti micito yesu yapa kuti kucitike zintu zitali kabotu, lulayo lwakwe lulakonzya kutuyeezya kujatikizya mbociyandika kumuswiilila Taateesu wakujulu. (Gal. 6:7) Leza ulatubikkila maano kapati alimwi uyanda kuti katukkomene.—1Pet. 5:6, 7.\\n4. (a) Ino ndwiiyo lwamusyobo nzi ndwalongezya Jehova? (b) Ino ncinzi ncotutiilange-lange mucibalo eeci?\\n4 Kwiinda mukupa lulayo lwamu Magwalo, tulakonzya kumugwasya mwaneesu naa sikwiiya Bbaibbele kuti asike ambaakani yakuba sikutobela Kristo. Ijwi lya Leza, icibelesyo cipati ncotubelesya mukuyiisya, lilatugwasya “mukulaya cabululami.” Aboobo mwaneesu naa sikwiiya Bbaibbele ulakonzya kugwasyigwa kutegwa amvwisye alimwi ‘akutobela zintu zyoonse Jesu nzyaakalailila.’ (2Tim. 3:16; Mt. 28:19, 20) Jehova ulakulongezya kuyiisya kuli boobo, ikubagwasya basikwiiya kuti abalo bagwasye banji kuba basikwiiya ba Kristo. (Amubale Tito 2:11-14.) Lino atulange-lange bwiinguzi kumibuzyo eeyi yotatwe iiyandika kapati: (1) Ino mbuti lulayo lwa Leza mbolutondezya luyando ndwajisi kulindiswe? (2) Ino ncinzi ncotukonzya kwiiya kuli baabo Leza mbaakapa lulayo kaindi? (3) Ciindi notupa lulayo, mbuti mbotukonzya kumwiiya Jehova a Mwanaakwe?\\nLEZA ULALAYA MUNZILA YALUYANDO\\n5. Ino muunzila nzi lulayo lwa Jehova mbolutondezya luyando ndwajisi kulindiswe?\\n5 Kwiinda mukukulwaizyigwa aluyando, Jehova ulalulamika alimwi ulatuyiisya kutegwa tuzumanane kukkala muluyando lwakwe alimwi amunzila iitola kubuumi. (1Joh. 4:16) Kunyina natusampaula naa kutwaambila majwi mabi, kutupa kulimvwa kubula mpindu. (Tus. 12:18) Muciindi caboobo, Jehova ulatulemeka, ulabukkomanina bubotu buli mumoyo wesu alimwi ulalulemeka lwaanguluko lwesu lwakulisalila. Sena mbomulubona oobo lulayo lwa Leza, tacikwe makani naa luzwa mu Jwi lyakwe, mumabbuku aamba zyamu Bbaibbele, kubazyali Banakristo, naa kubaalu bamumbungano? Masimpe, baalu ibasola kutululamika munzila yabubombe alimwi yaluyando ciindi ‘notwaleya,’ ambweni cakutazyiba, batondezya luyando ndwajisi Jehova kulindiswe.—Gal. 6:1.\\n6. Ciindi lulayo nolubikkilizya kulesyegwa zintu zimwi, ino mbuti eeci mbocitondezya luyando lwa Leza?\\n6 Nokuba boobo, zimwi ziindi lulayo lulakonzya kubikkilizya zinji ikutali buyo kululamika muntu kwiinda mumajwi. Ikuti kakuli zibi zipati zijatikizyidwe, lulakonzya kubikkilizya kusweekelwa mikuli mumbungano. Noliba leelyo nocili boobo, lulayo oolo lutondezya luyando lwa Leza kulindiswe. Mucikozyanyo, kusweekelwa mikuli kulakonzya kumugwasya muntu kubona mbociyandika kulinguwe kubikkila maano kapati kuciiyo cakwe ca Bbaibbele, kuzinzibala kuyeeya alimwi akupaila. Aboobo ulakonzya kuyumizyigwa kumuuya. (Int. 19:7) Mukuya kwaciindi, mikuli ilakonzya kupegwa kulinguwe alimwi. Nokuba kugusya muntu mumbungano kutondezya luyando lwa Jehova, nkaambo kukwabilila mbungano kubukkale bubyaabi. (1Kor. 5:6, 7, 11) Alimwi nokuba kuti Leza ulalulamika cansaizi, kugusya sizibi kulakonzya kumugwasya kubona mbocili cibyaabi kapati cintu ncaakacita alimwi cilakonzya kumukulwaizya kweempwa.—Mil. 3:19.\\nWAKAGWASYIGWA ALULAYO LWA JEHOVA\\n7. Ino Sebina wakali ni, alimwi ino nkampenda nzi nkaakaba ankako kumbele?\\n7 Kutegwa tukankaizye mboluyandika lulayo, atulange-lange bantu bobilo Jehova mbaakalulamika: Sebina, walo iwakali kupona mumazuba aa Mwami Hezekiya, alimwi aba Graham, imukwesu wamumazuba eesu. Mbwaakali mubanzi “uulanganya ŋanda”—yalo iilangilwa kuba ya Hezekiya—Sebina wakajisi bweendelezi buli mbobubede. (Is. 22:15) Nokuba boobo, cuusisya ncakuti wakatalika kulisumpula, kuliyandawida bulemu. Mane buya wakalisyida cuumbwe cidula kapati, alimwi wakali kutanta “nkalaki zyabulemu”!—Is. 22:16-18.\\nKutalika kuzyibona munzila yeelede zintu cakulicesya kusololela kuzilongezyo zya Leza (Amubone muncali 8-10)\\n8. Ino mbuti Jehova mbwaakamupa lulayo Sebina, alimwi ino ncinzi cakacitika?\\n8 Akaambo kakuti Sebina wakali kuliyandawida bulemu, Leza ‘wakamutanda amulimo wakwe wabulemu’ akubikka Eliyakimu. (Is. 22:19-21) Kucinca ooku kwakaba iciindi Mwami wa Asuri Sanakeribu naakali kukanza kulwana Jerusalemu. Nokwakainda ciindi, mwami ooyu wakatuma balupati-pati ku Jerusalemu, antoomwe abasikalumamba banji, kutegwa bakanyonganye ba Juda akukonga Hezekiya kuti alibombye. (2Bam. 18:17-25) Eliyakimu wakatumwa kutegwa akaambaule abalupati-pati, pele tanaakali alikke pe. Wakaunka abambi bobilo, umwi wabo wakali Sebina, iwakali kubeleka kali mulembi. Sena eeci tiicakali kukonzya kwaamba kuti Sebina tanaakanyema pele muciindi caboobo wakautambula mukuli wakwe waansi kapati? Ikuti kacili boobo, ino nziiyo nzi nzyotukonzya kwiiya kuzwa kucibalo eeci? Atulange-lange ziiyo zyotatwe.\\n9-11. (a) Ino nziiyo nzi ziyandika kapati nzyotukonzya kwiiya kuli ceeco cakamucitikila Sebina? (b) Ino mwakulwaizyigwa buti kujatikizya Jehova mbwaakamweendelezya Sebina?\\n9 Cakusaanguna, Sebina wakasweekelwa mukuli wakwe. Icakamucitikila citondezya kucenjezya ooku kwakuti, “kulisumpula kusololela kulunyonyooko, alimwi muuya wakulitukumuna nguupa kuwa.” (Tus. 16:18) Ikuti kamujisi mikuli mumbungano, ambweni kamujisi ampuwo imwi, sena muyoosolekesya kuzumanana kulibona munzila iitondezya kulibombya? Sena muyoogamika bulemu kuli Jehova kuzipego zili zyoonse nzyomujisi naa zintu nzyomwakacita? (1Kor. 4:7) Mwaapostolo Paulo wakalemba kuti: “Ndaambila nyoonse ooko kuti mutayeeyi kuti mulayandika kapati kwiinda bwini mbomubede, pele kamuyeeya kabotu.”—Rom. 12:3.\\n10 Cabili, kwiinda mukumusinsa kapati Sebina, Jehova ulakonzya wakali kutondezya kuti Sebina tanaakali kumubona kuti muntu uutakonzyi kugwasyigwa. (Tus. 3:11, 12) Eelo kaka eeci nciiyo cibotu kuli baabo ibasweekelwa mikuli yamulimo mumbungano ya Leza mazuba aano! Muciindi cakunyema alimwi akucimwa, abazumanane kubelekela Leza kusikila aagolela nguzu zyabo mubukkale bwabo bupya, akubona lulayo kuba citondezyo caluyando lwa Jehova. Amuyeeye kuti, Taateesu takatuboni kuti tuli baabo ibatakonzyi kugwasyigwa ikuti naa twalicesya kulinguwe. (Amubale 1 Petro 5:6, 7.) Lulayo lwaluyando lulakonzya kuba nzila Leza njakonzya kutubumba, aboobo atuzumanane kuba bateteete mumaanza aakwe.\\n11 Catatu, Jehova mbwaakamweendelezya Sebina cipa ciiyo ciyandika kapati kuli baabo ibapedwe nguzu zyakupa lulayo, mbuli bazyali abalangizi Banakristo. Ino nciiyo nzi? Nokuba kuti lulayo lwa Jehova lulakonzya kutondezya mbwacisulide kapati cibi, alimwi lulakonzya kutondezya mbwamubikkila maano muntu ooyo iwakabisya. Ikuti naa mbuli muzyali naa mulangizi muyandika kupa lulayo, sena muyakumwiiya Jehova, kusulaika cibi kumwi kamuyandaula bubotu mumwanaanu naa mumusyominyoko?—Jud. 22, 23.\\n12-14. (a) Ino muunzila nzi bamwi mbobalutambula lulayo luzwa kuli Leza? (b) Ino mbuti Jwi lya Leza mbolyakagwasya mukwesu umwi kucinca mbwaakali kuzibona zintu, alimwi ncinzi cakacitika?\\n12 Cuusisya ncakuti, bamana kupegwa lulayo, bamwi cilabacisa kapati cakuti balatantamuka kuli Leza alimwi akubantu bakwe. (Heb. 3:12, 13) Pele sena eeci caamba kuti bantu ibali boobo tabakonzyi kugwasyigwa? Amubone ba Graham, balo ibakagusyigwa mumbungano, mukuya kwaciindi bakapilusyigwa, mpoonya alimwi bakaleka kusungwaala kumuuya. Nokwakainda myaka, bakalomba mwaalu iwakapangide cilongwe ambabo kuti batalike kwiiya Bbaibbele.\\n13 Mwaalu ooyo wakaamba kuti: “Ba Graham bakajisi penzi lyakulisumpula. Bakalibasulide baalu ibakeendelezya makani aakugusyigwa kwabo mumbungano. Aboobo ziiyo zisyoonto izyakatobela twakabandika magwalo aamba kulisumpula alimwi abubi bwambubo. Ba Graham bakatalika kulibona bwini mbobakabede mucimbonimboni ca Jwi lya Leza, alimwi ncobakabona tiibakacikkomanina! Eelo kaka bakagwasyigwa kapati! Nobakamana kuzumina kuti ‘tanda’ lyakulisumpula ndelyakali kubapa kuti bataboni alimwi akuti muuya wakusulaika lyakali penzi lyabo, bakatalika kucinca cakufwambaana kutegwa bacite kabotu. Bakatalika kujanika kumiswaangano lyoonse, kwiiya Jwi lya Leza cabusungu, alimwi akuba acilengwa cakupaila abuzuba. Kuyungizya waawo, bakaizumina mikuli yabo yakumuuya kabali silutwe wamukwasyi calo icakabakkomanisya bakaintu babo alimwi abana babo.”—Lk. 6:41, 42; Jak. 1:23-25.\\n14 Mwaalu wakazumanana kati: “Bumwi buzuba, ba Graham bakandaambila cintu cimwi icakandinjila mumoyo. Bakaamba kuti ‘Kasimpe ndakakazyiba kaindi alimwi buya ndakali kubeleka kandili mupainiya. Pele lino aawa ndendilyo nondikonzya kwaamba camasimpe kuti ndilamuyanda Jehova.’ Kakutanainda ciindi cilamfwu, bakalombwa kuti kabanoopa bantu maikkulofoni ku Ŋanda ya Bwami—coolwe ncobakali kulumba kapati. Cikozyanyo cabo cakandiyiisya kuti ciindi muntu nalicesya kuli Leza kwiinda mukutambula lulayo, zilongezyo inga ziile kupoomoka!”\\nCIINDI NOMUPA LULAYO, AMWIIYE LEZA A KRISTO\\n15. Ikuti katuyanda kuti lulayo lwesu kalusika amoyo, ino ncinzi ncotweelede kucita?\\n15 Kutegwa tube bamayi babotu, tweelede kusaanguna kuba basikwiiya babotu. (1Tim. 4:15, 16) Mbubwenya buyo, aabo ibazumizyidwe a Leza kupa lulayo, lwabo beni beelede kuzumanana kutobela busolozi bwa Jehova cakuliyandila. Kutobela busolozi cakulicesya kuli boobu kupa kuti balemekwe alimwi kupa kuti kabaamba cakwaanguluka ciindi nobayiisya naa nobalulamika bamwi. Atulange-lange cikozyanyo ca Jesu.\\n16. Ino nziiyo nzi zimwi kujatikizya lulayo lweelela alimwi akuyiisya kubotu nzyotukonzya kwiiya kuli Jesu?\\n16 Jesu wakali kubaswiilila akubamvwida Bausyi lyoonse, noliba leelyo nocakali ciyumu kapati kucita boobo. (Mt. 26:39) Alimwi wakali kulemeka Bausyi kwiinda munjiisyo zyakwe alimwi abusongo. (Joh. 5:19, 30) Kulicesya kwa Jesu alimwi akumvwida kwakwe kwakakwelelezya bantu babombe myoyo kulinguwe alimwi kwakamugwasya kuba mwiiyi uujisi lweetelelo alimwi uuli kabotu. (Amubale Luka 4:22.) Majwi aakwe mabotu akabasika amoyo aabo ibakali mbuli tete lipwayikide naa kalambe kasuka busi ikayanda kuzima. (Mt. 12:20) Noliba leelyo kukkazika moyo kwakwe nokwakali kusunkwa, Jesu wakali kutondezya luzyalo alimwi aluyando. Eeci cakalibonya ciindi naakalulamika baapostolo bakwe akaambo kakutondezya muuya wakuliyanda, kulisumpula.—Mk. 9:33-37; Lk. 22:24-27.\\n17. Ino mbube nzi bubotu buyoogwasya baalu kuba beembezi babotu bambelele zya Leza?\\n17 Boonse aabo ibazumizyidwe kupa lulayo lwamu Magwalo balaba basongo ciindi nobaiya cikozyanyo ca Kristo. Masimpe, kucita boobo kutondezya luyandisisyo lwabo lwakuyanda kubumbwa a Leza a Mwanaakwe. Mwaapostolo Petro wakalemba kuti: “Amweembele butanga bwa Leza ibuli mumaanza aanu, amubeleke mbomuli balangizi, ikutali cakusinikizyigwa buya pe, pele cakuliyandila kumbele lya Leza; ikutali akaambo kakuyanda kujana mpindu cabumpelenge, pele caluyandisisyo; ikutali kuba mbuli basimalelo kuli baabo ibali ndukono lwa Leza, pele mube zikozyanyo kubutanga.” (1Pet. 5:2-4) Masimpe ngakuti, balangizi batobela Leza alimwi a Kristo cakukondwa, mutwe wambungano, balaligwasya lwabo beni abaabo mbobalanganya.—Is. 32:1, 2, 17, 18.\\n18. (a) Ino ncinzi Jehova ncayanda kubazyali? (b) Ino mbuti Leza mbwabagwasya bazyali kuzuzikizya mikuli yabo?\\n18 Njiisyo nzyemunya zilabeleka mumukwasyi. Basilutwe bamikwasyi baambilwa kuti: “Anywebo nomausyi, mutanoobanyemyi bana banu pe, pele amuzumanane kubalela mululayo alwiiyo lwa Jehova.” (Ef. 6:4) Ino mapati buti makani aaya? Lugwalo lwa Tusimpi 19:18 lwaamba kuti: “Kolaya mwanaako nokucili bulangizi, alimwi utabi nduwe uumupa kuti afwe.” Masimpe, Jehova ulabapa mulandu bazyali Banakristo ikuti baalilwa kupa lulayo luyandika kumwana! (1Sam. 3:12-14) Nokuba boobo, Jehova ulabapa busongo anguzu nzyobayandika bazyali ciindi nobamulomba cakulicesya mumupailo alimwi anobasyoma Jwi lyakwe amuuya uusalala kutegwa ubasololele.—Amubale Jakobo 1:5.\\nKWIIYA MBOTUKONZYA KUPONA MULUUMUNO KUKABE KUTAMANI\\n19, 20. (a) Ino nzilongezyo nzi ziboola kwiinda mukutambula lulayo lwa Leza? (b) Ino ncinzi ncotuyoolanga-langa mucibalo citobela?\\n19 Cilakonzya kuba ciyumu kuzibala zilongezyo zyoonse ziboola akaambo kakutambula lulayo alimwi akwiiya Jehova a Jesu ciindi notupa bamwi lulayo. Cakutadooneka, mikwasyi alimwi ambungano buba busena bwaluumuno. Abalo bantu umwi aumwi kumugama balimvwa kuyandwa ncobeni, kuba ampindu alimwi akukwabililwa—kulabila zilongezyo ziboola kumbele. (Int. 72:7) Masimpe, takuli kuciindizya kwaamba kuti lulayo lwa Jehova lutuyiisya mbotukonzya kupona antoomwe muluumuno kukabe kutamani akweendelana katuli mukwasyi uulanganizyigwa anguwe. (Amubale Isaya 11:9.) Ciindi notulubona munzila eeyi lulayo lwa Leza, cilalangilwa kuti tuyoolulumba kapati akaambo kabwini mbolubede: citondezyo cibotu caluyando lupati ndwajisi Leza kulindiswe.\\n20 Mucibalo citobela, tuyoobandika kapati kujatikizya nzila zyakupa lulayo mumukwasyi alimwi amumbungano. Alimwi tuyoolanga-langa makani aakulilesya alimwi acintu cimwi cikonzya kubija kapati kwiinda kucisa kwaciindi cisyoonto kuboola akaambo kalulayo.","num_words":2159,"character_repetition_ratio":0.061,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nebbukkadinezari Wakalota Atala Abaami Abwaami | Zyiiyo Zyabana Zizwa muBbayibbele\\nBumwi busiku, Mwaami Nebbukkadinezari wakalota chiloto chiyoosya. Chakamukataazya zyakuti wakakachilwa koona. Wakayita basondi mpawo wakababuzya kuti: ‘Amundipandulwide nzindalota.’ Pesi bakati: ‘O mwami, tubuzye nzwaalota.’ Pesi Nebbukkadinezari wakababuzya kuti: ‘Peepe! Amundibuzye nzindalota, nkaambo mwakachilwa ndilamujaya.’ Pesi bakamubuzya kuti: ‘Tubuzye nzwaalota mpawo tuyookupandulwida kuti zyambaanzi.’ Mpawo wakababuzya kuti: ‘Moonse muyanda kundeena. Amundibuzye nzindalota.’ Bakabuzya mwaami kuti: ‘Taakwe muntu ukonzya kuzichita eezyo. Chintu nchulikukumbila nchiyumu.’\\nNebbukkadinezari wakanyema loko zyakuti wakalayilila kuti basondi abaalumi basongo boonse bamuBbabbuloni bajayigwe. Eezi zyakali kwaamba kuti Daniyele, Shadirekki, Mishekki aAbbedinego abalabo bakeelede kujayigwa. Mpawo Daniyele wakakumbila mwaami kuti amupe chiindi. Kuzwa waawo, kalaamwi abeenzinyina bakakomba kuli Jehova kuti abagwasye. Jehova wakachita biyeni?\\nJehova wakatondeezya Daniyele chilengaano chachiloto chaNebbukkadinezari ambuchakali kwaamba. Buzuba bwakatobela, Daniyele wakabuzya mubelesi wamwaami kuti: ‘Utabajayi pe baalumi aaba. Ndilakonzya kupandulula chiloto chamwaami.’ Mubelesi wakatola Daniyele kuli Nebbukkadizari. Mpawo Daniyele wakabuzya mwaami kuti: ‘Leza wakutondeezya zintu zitakachitike kunembo. Nzezi nzwaakalota: Wakabona chibumbwa chipati kachili amutwe wangolida, kaango amaboko zyakali zyansiliva, bula azibelo zyakali zyabutale (copper), mawulu akali ansimbi azituta zyakali zyansimbi iswaanisidwe abulongo. Kuzwa waawo, kwakakolomonwa bbwe kuchilundu mpawo lyakawuma zituta zyachibumbwa. Mpawo chibumbwa chakanyonyoonwa akuba buungu alimwi bwakatolwa aluuwo. Kuzwa waawo, bbwe eelyo lyakaba chilundu chipati alimwi lyakazuzya nyika yoonse.’\\nDaniyele wakati: ‘Nzezi zyaambwa achiloto chako: Bwaami bwako mbubo bwiimininwa amutwe wangolida. Nsiliva mbwaami buyookutobela. Mpawo kuyootobela bwabutale alimwi oobu buyooyendelezya nyika yoonse. Bwaami butobela bunoosimide mbuli nsimbi. Kumamanino, kuyooba bwaami buyoowanzaana aakati alimwi chimwi chipaanzi chinoosimide mbuli nsimbi, pesi chimwi tachinoosimide mbuli bulongo. Alubo, bbwe lyakaba chilundu, Mbwaami bwaLeza. Buyoonyonyoona mfulumende zyoonse alimwi buyookkala kukabe kutamani.’\\nNebbukkadinezari wakavundama akukotamina Daniyele. Wakati: ‘Leza wako nguwe wakutondeezya nzindakalota. NguLeza wabaleza.’ Muchiindi chakuti Nebbukkadinezari ajaye Daniyele, pesi wakapa kuti Daniyele abe mupati wabaalumi basongo boonse akuti abe mweendelezi muBbabbiloni. Wakubona na kuti Jehova wakayisandula biyeni nkombyo yaDaniyele?\\n“Bakababungika antoomwe mubusena butegwa muci-Hebrayo Harmagedoni.”—Ciyubunuzyo 16:16\\nMibuzyo: Niinzi chakapa kuti Daniyele akonzye kupandulula chiloto chaNebbukkadinezari? Chiloto eecho chakali kwambaanzi?\\nChiloto chaNebbukkadinezari chakali kwaamba zyakali kuyoomuchitikila kunembo.","num_words":318,"character_repetition_ratio":0.075,"word_repetition_ratio":0.0,"special_characters_ratio":0.144,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Buumi bupya kwiinda mukubbapatizyigwa muli Kristo (1-11)\\nMutalekeli cibi kweendelezya mumibili yanu (12-14)\\nKuleka kuba bazike bacibi, kuba bazike ba Leza (15-23)\\nCakuvwola cacibi—ndufwu; Cipego ca Leza—mbuumi (23)\\n6 Aboobo ino twaambe nzi? Sena tuzumanane kubisya ikutegwa luzyalo lwa Leza luvwule? 2 Peepe! Mbwaanga twakafwa kucibi,+ ino mbuti mbotukonzya kuzumanana kupona mucibi?+ 3 Naa sena tamuzyi kuti swebo toonse notwakabbapatizyigwa muli Kristo Jesu+ twakabbapatizyigwa mulufwu lwakwe?+ 4 Aboobo twakazikkwa anguwe kwiinda mulubbapatizyo lwesu mulufwu lwakwe,+ kutegwa mbuli Kristo mbwaakabusyigwa kuzwa kubafwu kubulemu bwa Usyi, mbubonya oobo andiswe tweelede kupona buumi bupya.+ 5 Nkaambo ikuti naa twakamantana anguwe mulufwu luli mbuli lwakwe,+ nkokuti masimpe tuyookamantana alimwi anguwe mububuke buli mbuli bwakwe.+ 6 Nkaambo tulizyi kuti buntu bwesu bwakaindi bwakagagailwa anguwe acisamu,+ ikutegwa mubili wesu mubi kautacikwe nguzu+ alindiswe akuti tutazumanani kuba bazike bacibi.+ 7 Nkaambo muntu ooyo iwafwa waangununwa kucibi* cakwe. 8 Kunze lyaboobo, ikuti katufwide a Kristo, tusyoma kuti tuyoopona alimwi anguwe. 9 Nkaambo lino tulizyi kuti mbwaanga Kristo wakabusyigwa kubafwu,+ takonzyi kufwa alimwi pe;+ lufwu talucikwe nguzu kulinguwe pe. 10 Nkaambo lufwu ndwaakafwa, wakafwa buyo ciindi comwe kukabe kutamani kuti agusye cibi,+ pele buumi mbwapona, uponena Leza. 11 Mbubonya buyo andinywe, amulibone kuti mulifwide kucibi, pele kuti mulapona kuli Leza kwiinda muli Kristo Jesu.+ 12 Aboobo, mutalekeli cibi kuzumanana kweendelezya mbuli mwami mumibili yanu iifwa+ ikutegwa kamutobela zisusi zyanjiyo. 13 Alimwi mutazumanani kwaaba mibili yanu* kucibi kaili zilwanyo zyakutalulama, pele amulyaabe kuli Leza mbuli bantu baumi ibakabusyigwa kuzwa kubafwu, alimwi amwaabe mibili yanu* kuli Leza kaili zilwanyo zyabululami.+ 14 Mutalekeli cibi kuba simalelaanu mbwaanga tamweendelezyegwi amulawo pe,+ pele mweendelezyegwa aluzyalo lwa Leza.+ 15 Ino twaambe nzi? Sena tweelede kubisya akaambo kakuti tatweendelezyegwi amulawo pele tweendelezyegwa aluzyalo lwa Leza?+ Peepe! 16 Sena tamuzyi kuti, ikuti naa kamulyaaba kumuntu umwi mbuli bazike bamvwida, nkokuti muli bazike bamuntu ooyo ngomuswiilila?+ Aboobo ikuti kamuli bazike bacibi+ muyootambula lufwu,+ pele ikuti kamuli bazike bakuswiilila muyootambula bululami. 17 Pele aalumbwe Leza kuti nokuba kuti mwakali bazike bacibi, mwakaziswiilila kuzwa ansi aamoyo injiisyo eezyo nzyomwakapegwa. 18 Inzya, mbwaanga mwakaangununwa kucibi,+ mwakaba bazike babululami.+ 19 Akaambo kakubula nguzu kwamibili yanu, ndibelesya majwi ngobazyi kabotu bantu; nkaambo mbubonya ciindi cimwi mbomwakaaba zizo zyanu cakumaninina kuti mube bazike kubusofwaazi akububi kutegwa mucite buyo bubi, lino amwaabe zizo zyanu cakumaninina kamuli bazike kubululami kutegwa mube bantu basalala.+ 20 Nkaambo nomwakali bazike bacibi, mwakalaangulukide kucita zintu zitaluleme. 21 Ino micelo nzi njomwakali kuzyala kuciindi eeco? Nzintu eezyo lino izimuusya nsoni. Nkaambo mamanino aazintu eezyo ndufwu.+ 22 Pele lino akaambo kakuti mwakaangununwa kucibi akuba bazike ba Leza, imicelo njomuzyala mbusalali,+ eelyo kumamanino mbuumi butamani.+ 23 Nkaambo cakuvwola cacibi ndufwu,+ pele cipego ncapa Leza mbuumi butamani+ kwiinda muli Kristo Jesu Mwami wesu.+\\n^ Naa “wajatilwa cibi; walekelelwa cibi.”\\n^ Mu Chigiriki, “zizo zyanu.”","num_words":422,"character_repetition_ratio":0.063,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 24 IBBAIB63 - Abrahamu wakacembaala, kali - Bible Search\\nMatalikilo 23 Matalikilo 25\\nIzaka mbwaakakwata Rebeka\\n1-Abrahamu wakacembaala, kali amyaka minji, nkabela Jehova kapede Abrahamu coolwe muzintu zyoonse. 2-Lino Abrahamu wakaambila mulanda wakwe, mupati wabasiŋanda bakwe, iwakali kulanga imbono zyakwe zyoonse, kuti, Bika ijanza lyako kunsi lyacibelo cangu; 3-lino ndakucita kuti ukonkezye muzina lya-Jehova Leza wakujulu a-Leza waansi kuti tokooyookwatya mwanaangu umwi wabana basimbi baba-Kanana mbenkede akati kabo. 4-Uleelede kuya kucisi cangu akuluzubo lwangu, ukajanine mwanaangu Izaka mukazi nkukonya oko. 5Lino mulanda wakamwaambila kuti, Ambweni mwanakazi takonzyi kuzumina kunditobela kuza okuno kunyika ino, Sa ndeelede kupilusya mwanaako kucisi eco nkowakazwa, 6-Abrahamu wakamuvwiila kuti, Ne! Toelede kupilusya mwanaangu oko abuniini. 7-Jehova Leza wakujulu, iwakandigwisya munanda yataata amu nyika yabuzyalwe bwangu, iwakandaambila akukonka kuti, Njoopa lunyungu lwako nyika eyi, ulatuma angelo wakwe kunembo lyako, nkabela uyoobwezela mwanaangu mukazi kuzwa oko. 8-Pele na mwanakazi tazumini kukutobela, yooangunuka kuzwa kucikonke cangu. Toelede kupilusya mwanaangu oko pe. 9Mpawo mulanda wakabika ijanza lyakwe kunsi acibelo-ca-Abrahamu simalelaakwe, wakonkezya mumakani aya.\\n10-Lino mulanda wakatolelelaikumi lyankamele zyasimalelaakwe, wainka, waya azintu zibotu zyoonse zyasimalelaakwe mujanza lyakwe. Wakanyamuka, waya ku-Mesopotamiya kumunzi wa-Nahori. 11-Nkabela wakafugamya inkamele anze amunzi kumbali kucikala camaanzi Kuciindi camangolezya, banakazi nibakali kuteka maanzi. 12-Nkabela wakaamba kuti, O Jehova, Leza wasimalelaangu Abrahamu, undipe coolwe buzuba obuno akucitila simalelaangu Abrahamu caluzyalo. 13Bona! Ndiimvwi kumbali akasensa kamaanzi, abana basimbi babantu bamunzi baleza kukuteka maanzi. 14-Lino na ndaambila musimbi kuti, Wence sendeka inongo yako, nywe alimwi oyo musimbi ulaamba kuti, Nywa, nkabela njootekela inkamele zyako azyaloabe ngonguwe ngosalilide mulanda wako Izaka. Mbuboobo mbunjooziba kuti wacitila simalelaangu luzyalo.\\n15-Lino naakatalina kumana kwaamba, kwakasika Rebeka, ngonguwe iwakazyalilwa Betueli mwana wa-Milika muka-Nahori muzyalwanyina Abrahamu. Wakeza anongo yakwe akuko lyakwe. 16-Oyo musimbi keebeka loko, alimwi kali nakalindu, katana kweebwa mwaalumi, Nkabela naakasika kukasensa, wakazuzya nongo yakwe, wazwa. 17-Mpawo mulanda wakazuzaana kuyoomuswana, wati, Wence undinywisye twaanzi munongo yako. 18-Wakavuwa kuti, Nywa, mwami. Nkabela wakafwambaana kusendeka nongo yakwe mujanza lyakwe, wamunywisya. 19Amane kumunywisya, wakati, Ndatekela inkamele zyako azyalo, mane zimane kunywa zyoonse. 20Mpawo wakafwambaana kutulida nongo yakwe mucinywido, wazuzaanina kucikala kukuteka alimwi. Nkabela wakatekela inkamele zyoonse. 21-Lino muntu wakali kumulangisya cakuumuna, wali kulindila kuziba na Jehova wabotezya lweendo lwakwe na pe,\\n22-Lino inkamele nizyakamana kunywa, muntu wakabweza kasi ta kangolida ikakali abulemu bwacisela casyekeli, ankaya zyobile zyakusamika maboko aakwe izyakali abulemu bwamasyekeli aali ikumi. 23Nkabela wakabuzya kuti, Wence undaambile na uli mwana wani? Sa tulakonzya kujana busena bwakoona kuliuso? 24Wakavuwa kuti, Ndime mwana musimbi waBetueli, mwana wa-Milika ngwaakazyalila Nahori. 25-Alimwi wakati, Bwizu nkubuli kulindiswe, azilyo zinji, abusena bwakoona. 26-Mpawo muntu wakakotama, wakomba Jehova, 27-wati, Alumbwe Jehova Leza wasimalelaangu Abrahamu! Tana kuleka buuya bwakwe alusyomo lwakwe kulisimalelaangu. Lino mebo, Jehova wandeenzya munzila, wandisisya kuŋanda yamunyina simalelaangu.\\n28Lino musimbi wakazuzaana, walwiida basiŋanda babanyina aya makani. 29-Nkabela Rebeka kajisi munyinandumi, izina lyakwe kali Labani. Oyo Labani wakazuzaanina kucikala muntu nkwaakabede. 30Abone buyo kasita ankaya zyakumaboko aamucizi wakwe, alimwi naakamvwa majwi aa-Rebeka mucizi wakwe aakuti, Mbuboobu muntu mbwaandaambila, wakainka oko muntu nkwaakabede. Wakamujana uliimvwi kunembo lyankamele kukasensa. 31-Mpawo wakati, Njila, webo opedwe coolwe kuliJehova! Nkaambonzi noima anze? Ndabamba iŋanda abusena bwankamele. 32-Elyo muntu wakanjila waangununa inkamele, Nkabela wakaleta bwizu abulilu bwankamele, amaanzi kuti asambe kumaulu, walo abantu mbaakeza abo. 33-Mpawo wakabambilwa zyakulya, pele wakati, Nsikoolya, cita ntaangune kwaamba makani aangu, Wakati, Amba.\\n34Lino wakaamba kuti, Ndime mulanda wa-Abrahamu. 35-Jehova ulipede. Simalelaangu coolwe cipati abulemu. Ulimupede imbelele aŋombe, insiliva angolida, balanda baalumi abanakazi, ankamele ambongolo. 36-Lino Sara mukazi wasimalelaangu wakazyalila simalelaangu mwana mulombe naakacembaala, nkabela zyoonse nzyaajisi wazipa oyo mwana. 37-Lino simalelaangu wakandisungilizya kukonkezya kuti, Toelede kukwatya mwanaangu mwanakazi wabana basimbi baba-Kanana mbendikede abo munyika ino, pe. 38Uleelede kuya kunaada yataata akuluzubo lwangu, ukaselele mwanaangu nkuko, 39Mpoonya awo ndakaambila simalelaangu kuti, Ambweni mwanakazi tayandi kunditobela. 40-Pele wakati, Jehova ngunjenda awe ulatuma angelo wakwe kubusyu bwako kuti abotye lweendo lwako, mane ukajanine mwanaangu mukazi kuzwa kuluzubo lwangu akuŋanda yataata. 41-Wamana kucita obo waangunuka kucikonke cangu, Pele wasika kuluzubo lwangu, na tabakupi, mbubo, waangunuka kuzwa kucikonke cangu. 42-Lino sunu, nindasika kukasensa, ndaamba kuti, O Jehova Leza wasimalelaangu Abrahamu, na wabotya lweendo lwangu ndundatola, 43-bona! Ndiimvwi kumbali lyakasensa kamaanzi. Na kwasika kamwale kuzooteka maanzi, alimwi na ndamwaambila kuti, Kondinywisya twaanzi twamunongo yako, 44-na ulandaambila kuti, Nywa, nkabela ndatekela inkamele zyako azyalo—oyo abe mwanakazi Jehova ngwasalilide mwana wasimalelaangu. 45-Lino nindacili kwaamba mumoyo wangu, kwasika Rebeka, weza anongo yakwe akuko lyakwe, waya kukasensa kuti ateke, Mpawo ndamwaambila kuti, Wence undinywisye. 46Nkabela wafwambaana kusendeka nongo yakwe, wati, Nywa, nkabela ndatekela inkamele zyako azyalo. Aboobo ndanywa, azyalo inkamele zyanywa. 47-Mpawo ndamubuzya kuti, Ino uli mwana wani? Wavuwa kuti, Ndime mwana waBetueli mwana wa-Nahori, ngwaakamuzyalila Milika. Elyo ndamusamika kasita mumpemu yakwe ankaya amaboko aakwe. 48-Mpawo ndakotama, ndakomba Jehova, ndalumba Jehova Leza wasimalelaangu Abrahamu iwakandeenzya munzila iiluleme kuti nkwatye mwana wasimalelaangu mwana musimbi wamunyina. 49-Lino amundaambile. Sa mulacitila simalelaangu caluzyalo acakusyomeka? Na mwazumina na mwakaka, amundaambile, nkazibe inzila njinjeelede kutola, niiba yalulyo niiba yalumwensi.\\n50-Mpawo Labani a-Betueli bakavuwa kuti, Makani azwa kuli-Jehova: swebo tatukonzyi kwaamba cintu niciba comwe, niciba cibotu niciba cibi. 51-Bona! Ngooyu Rebeka. Komutola, akwiinka awe, abe mukazi wamwana wasimalelaako, mbubonya mbuli Jehova mbwaamba,\\n52Lino mulanda wa-Abrahamu, naakamvwa majwi aabo, wakavundama ansi, wakomba Jehova. 53-Nkabela mulanda wakagwisya zintu zyansiliva azintu zyangolida azyakusama, wapa Rebeka. Alakwe munyinandumi wakwe, abanyina, wakabapa zintu ziyandisi. 54-Lino bakalya akunywa, walo abantu mbaakali abo, nkabela bakoona nkukonya oko. Nibwakaca, bakabuka, elyo wakati, Amundisungule kuya kulisimalelaangu, 55Pele munyinandumi wakwe abanyina bakati, Musimbi kacikede kulindiswe mazuba mace nanka ikumi, Amana, ulaya. 56-Wakabaambila kuti, Mutandicelezyi, nkaambo Jehova wandipa coolwe mulweendo lwangu. Amundisungule, njiinke kulisimalelaangu. 57Bakati, Atwiite musimbi, tuswiilile mbwaamba mwini. 58Mpawo bakaita Rebeka, bamubuzya kuti, Sa ulayanda kwiinka amuntu oyo? Wakavuwa kuti, Ndainka. 59-Aboobo bakasungula Rebeka mucizi wabo asikumulela wakwe amulanda wa-Abrahamu abantu bakwe. 60-Nkabela bakalongezya Rebeka, bati, O mucizi wesu, koba banyina bazyuulu zyazyuulu zyabantu, alunyungu lwako luvube mulyango wabaabo balusulide. 61Mpawo Rebeka wakanyampuka abasimbi bakwe, batanta ankamele, batobela muntu oyo. Mbuboobo mulanda mbwaakatola Rebeka akwiinka awe.\\n62-Lino Izaka kalongede kuzwa ku-Cikala ca-Lahai-roi, kakede munyika ya-Negebi. 63-Nkabela Izaka wakali kuya bweendeenda musokwe ciindi cagoko; elyo naakatambya meso aakwe wakabona inkamele zileza. 64-Alakwe Rebeka wakatambya meso aakwe, wabona Izaka, elyo wakaseluka kuzwa kunkamele yakwe, 65-wabuzya mulanda kuti, Ino nguni oyu mwaalumi uuza bweendeenda musokwe kuzootuswanaanya? Mulanda wakati, Ngonguwe simalelaangu, Mpawo wakabweza kaputi, walivumba kumeso. 66Lino mulanda wakalwiida Izaka zintu zyoonse nzyaakacitide. 67Nkabela Izaka wakanjizya Rebeka mutente lya-Sara banyina. Wakatola Rebeka, abe mukazi wakwe, nkabela wakamuyandisya. Aboobo lzaka wakaumbulizigwa.","num_words":1025,"character_repetition_ratio":0.06,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani aamu Bbaibbele: Abbulahamu—Mulongwe wa Leza - Kkeyala yaa Intaneti ya Bakamboni ba Jehova\\nKUBUSENA abumwi bantu nkobakaunka kwaakukkala niyakamana Zambangulwe kwakali ku Uli. Wakaba munzi mupati wakajisi maanda mabotu mukati. Pele bantu okuya bakali kukomba baleza bakubeja. Oobu mbobakali kucita aku Bbabbelo. Bantu baku Uli abaku Bbabbelo tiibakali mbuli Nowa amwana wakwe Semu, ibakazumanana kubelekela Jehova.\\nKwiinde myaka iili 350 kuzwa ciindi ca Zambangulwe, Nowa iwakali kusyomeka wakafwa. Kwakainda buyo myaka yobilo muntu ooyu ngobwenyi acifwanikiso wakazyalwa. Wakali muntu uuyandwa kapati kuli Leza. Izina lyakwe ngu Abbulahamu. Wakakkala amukwasyi wakwe mumunzi wa Uli.\\nBuzuba bumwi Jehova wakaambila Abbulahamu kuti: ‘Siya munzi wa Uli abamukowa wako, uunke kucisi ncendilaakutondezye.’ Hena Abbulahamu wakamuswiilila Leza akusiya bubotu boonse bwakali mu Uli? Inzya wakamuswiilila. Alimwi akaambo kakuti lyoonse Abbulahamu wakali kumuswiilila Leza, cakapa kuti abe mulongwe wa Leza.\\nBamwi bamukwasyi wa Abbulahamu bakaunka limwi naakazwa mu Uli. Abalo bawisi ba Tela bakamuccilila. Awalo Loti mwana wamunyina wakaccilila. Mukaintu wakwe Sala bakaunka limwi. Nikwakainda mazuba, bakasika kubusena bwiitwa kuti Halani kwalo ba Tela nkobakazyi kufwida. Aciindi aawa bakalisakenyi kapati aku Uli.\\nKwiinde mazuba, Abbulahamu abamukwasyi wakwe bakazwa mu Halani akuboola kunyika iitwa kuti Kenani. Ooko Jehova nkwaakati: ‘Eeyi njenyika njindiya kupa bana bako.’ Abbulahamu wakakkala ku Kenani mumatente.\\nLeza wakatalika kumugwasya Abbulahamu cakunga wakazyikuba ambelele zinji aŋombe azimwi zivwubwa alimwi amyaanda-myaanda yababelesi. Pele Abbulahamu a Sala tiibakalijisi bana bakulizyalila.\\nAbbulahamu naakaba amyaka iili 99, Jehova wakati: ‘Ndakusyomezya kuti uya kuba wisi wamikowa minji yabantu.’ Pele ino mbuti eeci mbocakali kukonzya kucitika mbwaanga Abbulahamu a Sala bakali cembade kapati?\\nMatalikilo 11:27-32; 12:1-7; 17:1-8, 15-17; 18:9-19.\\nMbantu bali buti bakali kukkala mumunzi wa Uli?\\nNgwani muntu uuli acifwanikiso, ino wakazyalwa lili, alimwi wakali kukkala kuli?\\nNcinzi Leza ncaakamwaambila Abbulahamu kuti acite?\\nNkaambo nzi Abbulahamu ncaakali kwiitwa kuti mulongwe wa Leza?\\nMbabaani bakaunka a Abbulahamu naakazwa munyika ya Uli?\\nNcinzi Leza ncaakamwaambila Abbulahamu naakasika kunyika ya Kenani?\\nNcisyomezyo nzi Leza ncaakasyomezya Abbulahamu naakaba amyaka iili 99?\\nBala Matalikilo 11:27-32.\\nIno Abbulahamu a Loti bakacitenyi buti? (Matl. 11:27)\\nNokuba kuti Tela wakalumbaizyigwa kukulonga amukwasyi wakwe kuya ku Kenani, mbuti mbotuzyi kuti ngu Abbulahamu wakatalisya lweendo oolu? Alimwi nkaambo nzi ncaakacitila boobu? (Matl. 11:31; Inc. 7:2-4)\\nBala Matalikilo 12:1-7.\\nMbuti cilongwe ca Abbulahamu a Jehova mbocakakomena Abbulahamu naakasika munyika ya Kenani? (Matl. 12:7)\\nBala Matalikilo 17:1-8, 15-17.\\nNkucinca kuli kwazina lya Abbulamu kwaakazyikucinca naakaba amyaka iili 99, alimwi nkaambo nzi? (Matl. 17:5)\\nNzilongezyo nzi Jehova nzyaakamusyomezya Sala? (Matl. 17:15, 16)\\nBala Matalikilo 18:9-19.\\nIno mikuli nzi bamawisi njobapedwe ku Matalikilo 18:19? (Dt. 6:6, 7; Ef. 6:4)\\nNcinzi cakacitikila Sala icitondezya kuti taku ncotukonzya kumusisa Jehova? (Matl. 18:12, 15; Int. 44:21)","num_words":388,"character_repetition_ratio":0.08,"word_repetition_ratio":0.0,"special_characters_ratio":0.204,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani aamu Bbaibbele: Kunununwa mu Ijipiti Kusikila ku Mwami Mutaanzi wa Isilayeli - Kkeyala yaa Intaneti ya Bakamboni ba Jehova\\nMusa wakabasololela bana Isilayeli kuzwa mubuzike mu Ijipiti kuya kucilundu ca Sinai ooko Leza nkwaakabapeda milawo yakwe. Kumane, Musa wakatuma basikutwela bali 12 kwaakulanga-langa nyika ya Kenani. Pele bali 10 bakaleta makani mabi. Bakapa kuti bantu batalike kuyeeya kujokela ku Ijipiti. Akaambo kakubula lusyomo, Leza wakabasubula bana Isilayeli kwiinda mukubapa kuti kabaile kwiingaila kwamyaka iili 40 munkanda.\\nKumamanino, Josyuwa wakasalwa kusololela bana Isilayeli akubanjizya munyika ya Kenani. Kutegwa bakonzye kubweza nyika eeyo, Jehova wakacita maleele. Wakapa kuti Mulonga wa Jodano uleke kweenda, bwaanda bwa Jeliko buwe, akwiima kwazuba buzuba boonse. Nikwakainda myaka iili cisambomwe, bana Kenani bakanyangwa nyika.\\nIkutalikila kuli Josyuwa, cisi ca Isilayeli cakalelwa kwamyaka iili 356 ababetesi. Mbanji bantu mbotulaaiye kubikkilizya a Bbalaki, Gidiyoni, Jefita, Samisoni a Samuyele. Alimwi tulabala bamakaintu mbuli Lahabu, Debola, Jaeli, Naomi a Delila. Antoomwe, Cibeela CATATU cilaamba zintu zyakacitika mumyaka iili 396.","num_words":150,"character_repetition_ratio":0.073,"word_repetition_ratio":0.0,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Milimo 12 | Bbaibbele lili a Intaneti | Bbaibbele lya Busanduluzi Bwanyika Mpya\\nJakobo wajaigwa; Petro waangwa (1-5)\\nPetro waangununwa camaleele (6-19)\\nMungelo wajaya Heroda (20-25)\\n12 Kuciindi nciconya eeco mwami Heroda wakatalika kupenzya basimbungano bamwi.+ 2 Wakajaya Jakobo munyina Johane+ apanga.+ 3 Naakabona kuti cakababotela ba Juda, wakamujata Petro awalo. (Eeci cakacitika kumazuba aa Pobwe lya Zinkwa Zitajisi Bumena.)+ 4 Wakamujata akumubikka muntolongo,+ oomo mwaakali kulindilwa ankamu zyabasikalumamba zyone izyakali kupana bulizyi, inkamu aimwi kaijisi basikalumamba bone, wakali kuyanda kumugusya* kumbele lyabantu lyamana Pobwe Lyakwiindilila. 5 Aboobo Petro wakali muntolongo, pele mbungano yakali kumupailila kuli Leza camoyo woonse.+ 6 Lino Heroda naakali kuyanda kuti amugusye anze, imasiku aayo Petro wakali koona kaangidwe nketani zyobilo akati kabasikalumamba bobilo, alimwi kumulyango kwakali balindizi ibakali kulindila ntolongo. 7 Pele amubone, imungelo wa Jehova* wakaima ambali,+ alimwi kwakamweka mumuni mucitolokesi. Mungelo wakajata Petro kumabambo akumubusya ulaamba: “Fwambaana buka!” Mpoonya nketani zyakaloka kumaanza aakwe.+ 8 Mungelo wakamwaambila kuti: “Kobamba kabotu cisani cako,* usame ampato zyako.” Wakacita oobo. Mpoonya mungelo wakamwaambila kuti: “Kosama cisani cako caatala unditobele.” 9 Eelyo Petro wakazwa anze akumutobela, pele tanaakazyiba kuti ncaakali kucita mungelo cakali cini-cini. Mubwini wakali kuyeeya kuti wakali kubona cilengaano. 10 Nobakainda aakali nkamu yabalindizi yakusaanguna ayabili, bakasika kucijazyo cabutale camulyango uusololela kumunzi, eelyo eeci cakalijalukila cilikke kutegwa bainde. Nobakazwa bakaselemuka munzila imwi, eelyo ndilyonya mungelo wakamusiya. 11 Lino Petro naakazyiba cakali kucitika, wakati: “Lino ndazyiba ncobeni kuti Jehova* watumide mungelo wakwe akundivwuna kumaanza aa Heroda akuzintu zyoonse nzyobali kulangila ba Juda.”+ 12 Naakamana kuyeeya kaambo aaka, wakaunka kuŋanda ya Mariya banyina Johane ooyo uutegwa Marko,+ ooko kwakabungene bantu banji kabapaila. 13 Naakakonkomona acijazyo camulyango waanze, musimbi mubelesi uutegwa Roda wakamvwa akuunka kumulyango. 14 Eelyo naakalizyiba jwi lya Petro, wakakondwa kapati cakuti tanaakajalula mulyango, pele wakabalikila muŋanda akuyakwaamba kuti Petro wakaliimvwi kumulyango. 15 Bakati kulinguwe: “Wasondoka yebo.” Pele wakazumanana kwaamba cakusinizya kuti akali masimpe. Bakatalika kwaamba kuti: “Nkokuti mungelo wakwe.” 16 Pele Petro wakazumanana kukonkomona. Nobakajalula kumulyango, bakamubona eelyo bakagambwa kapati. 17 Pele wakatambika janza lyakwe kuti baumune, mpoonya wakabapandulwida Jehova* mbwaakamugusya muntolongo, kumane wakati: “Zintu eezyi mwaambile Jakobo+ abakwesu.” Mpoonya wakazwa akuunka kubusena bumbi. 18 Lino nobwakaca basikalumamba bakanyongana kapati kujatikizya nkwaakaunka Petro. 19 Heroda wakamuyandaula koonse-koonse, naatakamujana wakababuzisisya balindizi akulailila kuti batolwe kuyoosubulwa;+ mpoonya wakazwa ku Judaya akuselemukila ku Kaisareya nkwaakaakukkala kwaciindi cili mbocibede. 20 Lino Heroda wakalinyemede kapati kujatikizya* bantu baku Turo aku Sidoni. Aboobo kabajisi muzeezo omwe bakaboola kulinguwe, eelyo nobakamana kukombelezya Blasito, imubanzi mupati wamuŋanda yamwami, bakatalika kulomba kuti babe muluumuno anguwe nkaambo cisi cabo cakali kujana cakulya kucisi camwami. 21 Mubuzuba bumwi bwaalubazu, Heroda wakasama cisani cakwe cabwami akukkala acuuno calubeta, mpoonya wakatalika kukanana kulimbabo. 22 Mpoonya bantu ibakabungene bakatalika koompolola kuti: “Ndijwi lyaleza, talili lyamuntu pe!” 23 Ndilyonya eelyo mungelo wa Jehova* wakamuuma nkaambo tanaakapa bulemu kuli Leza, mpoonya wakaligwa mvwunyu eelyo wakafwa. 24 Lyalo ijwi lya Jehova* lyakazumanana kuyaambele akumwaika.+ 25 Pele Barnaba+ a Saulo nobakamanizya kucita mulimo woonse wakupa lugwasyo mu Jerusalemu,+ bakapiluka alimwi bakatolelezya Johane+ uutegwa Marko.\\n^ Naa “kumuleta kuti abetekwe.”\\n^ Naa “Kolibambila.”\\n^ Naa “wakalibakanzide kapati.”","num_words":468,"character_repetition_ratio":0.05,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Basikwiiya ba Jesu Batambula Muuya Uusalala | Ziiyo Zyabana Zyamu Bbaibbele\\nNokwakainda mazuba aali 10 kuzwa ciindi Jesu naakapiluka kujulu, basikwiiya bakwe bakatambula muuya uusalala. Mwakali mu Pentekoste 33 C.E., ciindi bantu nobakaboola ku Jerusalemu kuzwa mumasena manji aaindene-indene kuzoosekelela pobwe. Kwakali basikwiiya ba Jesu ibali 120 ibakabungene muŋanda yamujulu. Cakutayeeyela kwakacitika cintu cimwi cigambya kapati. Kwakali cintu icakali kulibonya mbuli kuti mulilo amutwe wasikwiiya umwi aumwi, mpoonya boonse bakatalika kwaambaula myaambo iindene-indene. Muŋanda mobakabede mwakali kumvwika mbuli kuti kuli guwo lipati.\\nBeenzu ibakaboolede ku Jerusalemu kuzwa kumasena aambi bakalimvwa guwo eelyo aboobo bakazuzila kuŋanda eeyo kutegwa babone icakali kucitika. Bakagambwa nobakamvwa basikwiiya kabaambaula myaambo eeyi. Bakati: ‘Bantu aaba bazwa ku Galilaya. Pele ino bacikonzya buti kwaambaula mumyaambo yesu?’\\nMpoonya Petro abaapostolo bambi bakaimikila kumbele lyankamu yabantu. Petro wakaambila bantu kujatikizya Jesu mbwaakajaigwa alimwi a Jehova mbwaakamubusya kuzwa kubafwu. Kumane wakati: ‘Lino Jesu uli kujulu kujanza lyalulyo lya Leza, alimwi watila muuya uusalala ngwaakasyomezya. Nkakaambo kaako ncomwabona akumvwa kujatikizya maleele aaya.’\\nBantu akabanjila mumoyo majwi ngaakaamba Petro, aboobo bakabuzya kuti: “Ino tucite buti?” Wakabaambila kuti: ‘Amuleke zibi zyanu akubbapatizyigwa muzina lya Jesu. Alimwi mulatambula cipego camuuya uusalala.’ Mubuzuba oobo, bantu ibasika ku 3,000 bakabbapatizyigwa. Kuzwa ciindi eeco, basikwiiya bakatalika kuvwula cakufwambaana mu Jerusalemu. Kwiinda mukugwasyigwa amuuya uusalala, baapostolo bakatalisya mbungano zinji kutegwa kabayiisya basikutobela zintu zyoonse Jesu nzyaakabalailila.\\n“Ikuti kamwaambilizya caantangalala amulomo wanu, kuti Jesu ngo Mwami, akusyoma mumyoyo yanu kuti Leza wakamubusya kuzwa kubafwu, muyoofwutulwa.”—Baroma 10:9\\nMibuzyo: Ncinzi cakacitika lya Pentekoste 33 C.E.? Nkaambo nzi bantu banji ncobakabbapatizyigwa?\\nMilimo 1:15; 2:1-42; 4:4; Johane 15:26\\nIno Muuya Uusalala Ninzi?","num_words":242,"character_repetition_ratio":0.057,"word_repetition_ratio":0.0,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Zisyomezyo zyaLeza Zili Atala Abantu\\nIBbayibbele Nga Lilatuyiisyaanzi?\\nBALA MU Abbey Abkhaz Abui Acholi Afrikaans Aja Akha Altai Alur American Sign Language Amharic Angolan Sign Language Arabic Argentinean Sign Language Armenian Armenian (West) Ateso Attié Aymara Azerbaijani Azerbaijani (Cyrillic) Bashkir Bassa (Cameroon) Bassa (Liberia) Batak (Karo) Batak (Simalungun) Batak (Toba) Belize Kriol Biak Bicol Bislama Bolivian Sign Language Boulou Bété Cambodian Cebuano Changana (Zimbabwe) Chavacano Chichewa Chiga Chin (Hakha) Chin (Tiddim) Chin (Zotung) Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuvash Cibemba Cinamwanga Cinyanja Colombian Sign Language Cuban Sign Language Dakota Dangme Danish Dayak Ngaju Douala Drehu Dusun Dutch Edo Efik Emberá (Catío) English Estonian Ewe Fante Fijian Finnish Finnish Sign Language Fon French Futuna (East) Ga German Gitonga Gokana Greek Guadeloupean Creole Guarani Guarani (Bolivia) Guerze Guianese Creole Gun Guéré Haitian Creole Hausa Herero Hiligaynon Hindi Hungarian Hunsrik Iban Ibanag Ibinda Igbo Iloko Indian Sign Language Indonesian Indonesian Sign Language Irish Isoko Italian Italian Sign Language Ivorian Sign Language Japanese Javanese Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Khana Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisii Kisonge Kituba Kongo Korean Kpelle Krio Kurdish Kurmanji Kwangali Kwanyama Kyangonde Lahu Lamba Lambya Lari Lhukonzo Lingala Lithuanian Lomwe Luganda Lugbara Lunda Luo Luvale Macua Malagasy Malay Malayalam Malaysian Sign Language Maltese Mam Mambwe-Lungu Mapudungun Marathi Mauritian Creole Maya Mazahua Mbunda Mende Meru Mexican Sign Language Mizo Mongolian Moore Myanmar Myanmar Sign Language Nahuatl (Central) Navajo Ndau Ndebele Ndebele (Zimbabwe) Ndonga Nengone Nepali Nepali Sign Language Ngabere Ngangela Nias Nigerian Pidgin Niuean Norwegian Nsenga Nyaneka Nyungwe Nzema Odia Okpe Oromo Ossetian Otetela Pangasinan Pidgin (Cameroon) Pidgin (West Africa) Polish Polish Sign Language Ponapean Poqomchi' Portuguese (Portugal) Portuguese Sign Language Punjabi (Shahmukhi) Quebec Sign Language Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Quichua (Pastaza) Quichua (Santiago del Estero) Quichua (Tena) Rapa Nui Rarotongan Romanian Romanian Sign Language Romany (Bulgaria) Romany (Eastern Slovakia) Romany (Macedonia) Romany (Macedonia) Cyrillic Romany (Northern Greece) Romany (Serbia) Romany (Southern Greece) Ronga Runyankore Russian Rutoro Réunion Creole Samoan Sangir Sango Sena Sepedi Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Solomon Islands Pidgin Spanish Spanish Sign Language Sranantongo Sunda Swahili Swahili (Congo) Swati Swedish Tagalog Tahitian Tajiki Talian Tamil Tandroy Tankarana Tarahumara Tatar Tetun Dili Thai Thai Sign Language Tigrinya Tiv Toba Tojolabal Tok Pisin Tongan Tshiluba Tshwa Tsonga Turkish Tuvaluan Twi Uighur (Cyrillic) Ukrainian Umbundu Urdu Urhobo Uruund Uzbek Vezo Vietnamese Vietnamese Sign Language Wallisian Waray-Waray Welsh Wichi Wolaita Yacouba Zande Zulu\\nMakanzeenzi Leza Ngalaawo Atala Abantu?\\n1. Makanzeenzi Leza ngalaawo atala abantu?\\nLEZA ulaamakanze mabotu loko atala abantu. Wakalenga mwaalumi amwanakazi bakusaanguna, Adamu aEva, kuti bakkale mumuunda mubotu. Makanze aakwe akali aakuti babe aabana, kuchitila kuti nyika yoonse ibe paradayizi, alimwi akuti beendelezye banyama.—Matalikilo 1:28; 2:8, 9, 15; langa Makani Aakumamanino 6.\\n2. (a) Tuzi biyeni kuti Leza uyoochita eezyo nzyaakasyomezya? (b) IBbayibbele lyaambaanzi atala akupona kutamani?\\n2 Uyeeya kuti kuli nituyookkala na munyika iili paradayizi? Jehova utubuzya kuti “Ndikanzide, lino njocita obo.” (Isaya 46:9-11; 55:11) Nichoonzyo, uyoochita nchaakakanza, alubo taakwe chiyoomukachizya kuchita oobo. Jehova waamba kuti kuli nchaakayilengela nyika. ‘Tewakailenga kuti ibe yabuyo pe.’ (Isaya 45:18) Uyanda kuti bantu bakkale munyika yoonse bayizuzye. Leza uyanda kuti kukkale bantu bali biyeni aano aanyika, alimwi kuyoosika lili? IBbayibbele lyaamba kuti “Balulami bayookona nyika, bayookala alinjiyo lyoonse.”—Intembauzyo 37:29; Ciyubunuzyo 21:3, 4.\\n3. Mbwaanga bantu nga bachiswa akufwa, niinzi nchunga ulabuzya?\\n3 Pesi mazuba aano bantu baliikuchiswa akufwa. Muli zimwi ndawo balalwana akujeyana. Nisimpe kuti eezi teenzizyo pe Leza nzyakakanzide. Animpo niinzi chakachitika, alimwi nkaamboonzi? IBbayibbele ndilyo alilikke linga lilatupandulwida.\\n4, 5. (a) Ngwani wakali kwaambuula aEva kabelesya nzoka mumuunda waEdeni? (b) Kujana muntu uusyomeka waba mubbi biyeni?\\n4 IBbayibbele litubuzya kuti Leza ulaasinkondonyina ooyo “uutegwa Diabolosi a-Saatani.” Saatani wakabelesya nzoka kukwaambuula aEva mumuunda waEdeni. (Ciyubunuzyo 12:9; Matalikilo 3:1) Wakachita mbuli kuti inzoka njiyo yakali kwaambuula.—Langa Makani Aakumamanino 7.\\n5 Leza nguwe wakalenga Saatani Diabolosi na? Peepe! Mungelo ooyu, wakali kukkala kujulu chiindi Leza naakali kulenga nyika kabambila Adamu aEva, wakali chincha akulichita kuba Diabolosi. (Jobu 38:4, 7) Ani eezyo zyakachitika biyeni? Kabotu, ani muntu uusyomeka nga ulaba mubbi biyeni? Taakazyalwa kali mubbi pe. Pesi ulalombozya naa kuyanda chimwi chintu chitali chakwe pe. Akutalisya kuyeeya atala anchicho, mpawo chiyandisyo chakwe chilakomena. Aawo naajana mweenya, ulachibba. Kuzwaawo ulalichincha akuba mubbi.—Bala Jakobo 1:13-15; langa Makani Aakumamanino 8.\\n6. Zyakeenda biyeni kuti mungelo abe sinkondonyina waLeza?\\n6 Eechi nchicho chakachitika kumungelo ooyu. Jehova naakazwaa kulenga Adamu aEva, wakababuzya kuti babe abana ‘akuzuzya nyika.’ (Matalikilo 1:27, 28) Amwi mungelo ooyo wakayeeya kuti, ‘bantu boonse aabo balakonzya kukomba ndime kutali Jehova!’ Naakali kuyeesesya atala amakani aaya, chiyandisyo chakwe chakakomena chakuyanda kubweza kulemekwa kweelede kupegwa Jehova. Mungelo uulya wakayanda kuti bantu bamukombe. Kuzwaawo wakabeja kuli Eva akumweena. (Bala Matalikilo 3:1-5) Kwiinda mukuchita oobo, wakali chincha akuba Diabolosi sinkondonyina waLeza.\\n7. (a) Nkaamboonzi Adamu aEva nibakafwa? (b) Nkaamboonzi nitucheembaala akufwa?\\n7 Adamu aEva bakaswiilila Saatani, ikutali Leza pe. (Matalikilo 2:17; 3:6) Kutaswiilila, kwakali kubisizya Jehova alimwi mukweenda kwachiindi bakazoofwa, mbuli mbaakambide Jehova. (Matalikilo 3:17-19) Bana baAdamu aEva bakali basizibi abalabo nchibakazofwa. (Bala BaRoma 5:12.) Kuti tugwasigwe kumvwisisisya kaambo Adamu aEva kubikilizya abana babo nchibakaba basizibi, atulange chikozyano eechi. Yeeyela kulii kubbekka chinkwa mumpani ibbobede. Chinkwa achilacho chinoobbobede mbuli mpani mbuyibede. Chiindi Adamu nakataswiilila Leza, wakaba sizibi. Akaambo kakuti tulibana baAdamu, toonse “tulibbobede” mbuli Adamu, alimwi tulabisya. Akaambo kakuti toonse tulibasizibi, tulacheembaala akufwa.—BaRoma 3:23; langa Makani Aakumamanino 9.\\n8, 9. (a) Saatani wakali kuyanda kuti Adamu aEva baswiilileenzi? (b) Nkaamboonzi nakatabajeya mpawaawo chiindi nibakapapila?\\n8 Saatani wakatalisya kupapila Jehova chiindi nakeena Adamu aEva kuti bataswiili Leza. Wakayanda kuti Adamu aEva basyome kuti Jehova mubeji, akuti mweendelezi mubi wakatali kuyanda kuti batabi azintu zibotu. Saatani wakali kwaamba kuti bantu tabayandiki kuti Leza ababuzye zyakuchita, alimwi Adamu aEva bakeelede kulisalila abalikke zili kabotu azibi. Aboobo, Jehova wakali kunoochita biyeni? Wakali kukonzya kubajaya aabo bakamupapila kamaninsya kupapila koonse. Pesi eezi zyakali kunoobutondeezya na bumboni bwakuti Saatani mubeji? Peepe, teezyakali kunootondeezya pe.\\n9 Nchichicho Jehova nchakatabajaya chakufwambaana aabo bakapapila. Muchiindi chaboobo, wakazumizya bantu kuti balyeendelezye kwachiindi biyo. Eezi zyakali kubikka antanganana kuti Saatani mubeji alimwi akuti Jehova ulizi zili kabotu kubantu. Tuyooyiiya zyiingi atala amakani aaya muchaandano 11. Pesi uyeeyaanzi atala akusala kwaAdamu aEva? Zyakali kabotu na kulimbabo kusyoma Saatani akutaswiilila Leza? Jehova wakapede Adamu aEva zintu zyoonse zyakali kuyandikana. Wakabapa buumi bumaninide, abusena bubotu bwakukkala, alimwi amulimu ngubakali kubotelwa anguwo. Pesi Saatani taakwe naakabachitilide chintu chibotu pe. Kaansinga wakaliwo chiindi eecho, wakali kunoochita biyeni?\\n10. Umwi awumwi wesu ujisi cheeleloonzi chakusala chiyandikana?\\n10 Mazuba aano, umwi awumwi wesu ulacheelelo chakulisalila mbuli baAdamu, alimwi buumi bwesu buyeeme akulisalila kwesu. Tulakonzya kusala kuswiilila Jehova kuba mweendelezi wesu alimwi akumugwasizya kupa bumboni bwakuti Saatani mubeji. Naa kuti tulakonzya kusala Saatani kuba mweendelezi wesu. (Intembauzyo 73:28; Bala Tusimpi 27:11.) Munyika oomuno mbache loko bantu baswiilila Leza. Nichoonzyo kuti teenguwe pe uliikutonga nyika. Pesi ikuti kakutali Leza, ani mpo ngwani?\\nNGWANI ULIIKWEENDELEZYA NYIKA?\\nKaansinga maami oonse taakali aaSaatani, wakali kunookonzya na kwaapa Jesu?\\n11, 12. (a) Twiiyaanzi atala achisyomezyo chaSaatani kuli Jesu? (b) Ngaali magwalo aatondeezya kuti Saatani, nguwe weendelezya nyika yoonse?\\n11 Jesu wakamuzi loko ulikweendelezya nyika. Muli chiimwi chindi, Saatani “wakamutondezya zisi zyoonse zyanyika abulemu bwazyo.” Mponya Saatani wakasyomezya Jesu kuti: “Ezi zyoonse ndakupa, kuti wafugama akundikomba.” (Matayo 4:8, 9; Luka 4:5, 6) Libuzye kuti, ‘Kaansinga bwaami oobu teebwakali bwaSaatani, wakali kunookonzya na kubupa Jesu?’ Peepe. Imfulumende zyoonse nzizya Saatani.\\n12 Ulakonzya kugamba kuti: ‘Saatani nga ulaba biyeni mwaami wanyika eeyi? Tee Jehova Leza Singuzuzyoonse na wakalenga zintu zyoonse?’ (Ciyubunuzyo 4:11) Nisimpe kuti nguwe, pesi Jesu wakakubika antanganana kuti Saatani “mwami wenyika ino.” (Johane 12:31; 14:30; 16:11) Mwaapostolo Paulo wakaamba Saatani Diabolosi kuti “leza wabweende bwazintu obuno.” (2 BaKorinto 4:3, 4, NW) Alimwi mwaapostolo Johane wakalemba kuti “nyika yoonse ili mumaanza aamubi.”—1 Johane 5:19, NW.\\nINYIKA YASAATANI IYOONYONYOONWA BIYENI?\\n13. Nkaamboonzi nituyanda nyika mpya?\\n13 Nyika eeyi yamena menyo. Tuliikubona nkondo, kutalulamisya, kulidunda, alimwi akutilwa kwabulowa. Bantu tabakonzyi kumana mapenzi aaya nikuba kuti beezya biyeni. Pesi lino-lino Leza uyoogwisya bubi aanyika munkondo yakwe yaAmagedoni, akubweedezya nyika mpya ilaabululami.—Ciyubunuzyo 16:14-16; langa Makani Aakumamanino 10.\\n14. Ngwani Leza ngwaakasala kuti abe Mwaami waBwaami bwakwe? IBbayibbele lyakaambilizyaanzi atala aJesu?\\n14 Jehova wakasala Jesu Kristu kuba Mwaami wamfulumende Yakwe yakujulu, naa Bwaami. Minyaka miingi yakiinda chiindi, iBbayibbele lyakaambilizya kuti Jesu uyoolela kali “Mwami waluumuno” akuti imfulumende yakwe tiikamani pe. (Isaya 9:6, 7) Jesu wakayiisya basikumutobela kuti bakombele mfulumende eeyi aawo naakati: “Abuze Bwami bwako. Alucitwe luyando lwako, ansi ano mbubonya mbuli kujulu.” (Matayo 6:10) Muchaandano 8, tuyooyiiya nzila mbayoogwisya mfulumende zyanyika. (Bala Daniele 2:44.) Mpawo Bwaami bwaLeza buyoochincha nyika kuba Paradayizi mbotu loko.—Langa Makani Aakumamanino 11.\\nNYIKA MPYA YABAAFWIIFWI!\\n15. “Nyika mpya” niinzi?\\n15 IBbayibbele lisyomezya kuti: “Swebo tulangila ijulu ipya anyika mpya,” alimwi “mulinzizyo momukala bululami.” (2 Petro 3:13; Isaya 65:17) Chimwi chiindi ikuti iBbayibbele kalyaamba atala “anyika,” nga lyaambuula atala abantu bakkala munyika. (Matalikilo 11:1) Baluleme naa kuti “nyika mpya” zyaamba bantu boonse baswiilila Leza alimwi bakalongezegwa anguwe.\\n16. Nchipegoonzi chigambya Leza nchayoopa aabo bayookkala munyika yakwe mpya, alimwi niinzi nchitweelede kuchita kuti tukajane chipego eechi?\\n16 Jesu wakasyomezya kuti aabo bayookkala munyika mpya yaLeza bayoopegwa “buumi butamani.” (Marko 10:30) Tweelede kuchitaanzi kuti tukajane chipo eechi? Bala muli Johane 3:16 a 17:3 kuti ujane nsandulo. Lino atulange Bbayibbele nzilyaamba atala abuumi mbubunobede muParadayizi aanyika.\\n17, 18. Tuzi biyeni kuti kunooli luumuno koonse-koonse munyika akuti tuyoolimvwa katukwabilidwe?\\n17 Bubi, nkondo, milandu, alimwi akutilwa kwabulowa tazichikabiwo pe. Takukabi lubo pe basizibi aanyika. (Intembauzyo 37:10, 11) Leza uyoomaninsya “nkondo mane kusikila kumamanino aanyika.” (Intembauzyo 46:9; Isaya 2:4) Nyika iyoozula bantu bayanda Leza alimwi bamuswiilila. Kuyooba luumuno kukabe kutamani.—Intembauzyo 72:7.\\n18 Bantu baJehova bayoolimvwa kabakwabalilidwe. Muchiindi chaBbayibbele, maIsrayeli nibakali kuswiilila Leza, bakakkede kabotu nkaambo wakali kubakwabilila. (Levitiko 25:18, 19) Muparadayizi, taakwe chintu chiyootuyoosya pe. Tuyoolimvwa katukwabilidwe!—Bala Isaya 32:18; Mika 4:4.\\n19. Nkaamboonzi nitulaachoonzyo kuti kunooli chakulya chiingi munyika mpya yaLeza?\\n19 Kuyooba mawunda-mawunda aazyakulya. ‘Maila avule ansi, Ayoome atala lyazilundu.’(Intembauzyo 72:16) Unooli Jehova, “Leza wesu, watulongezya,” alimwi “nyika yapa micelo yayo.”—Intembauzyo 67:6.\\n20. Tuzi biyeni kuti nyika izooba paradayizi?\\n20 Inyika yoonse iyooba paradayizi. Bantu bayoobaa maanda mabotu amyuunda. (Bala Isaya 65:21-24; Ciyubunuzyo 11:18.) Nyika yoonse inooli mbotu mbuli muunda waEdeni mbuwaakabede. Jehova uyootupa zyoonse nzituyanda. IBbayibbele limwaamba kuti: “Ulafumbatula ijanza lyako, ulakutya kusukama kwabaumi boonse.��—Intembauzyo 145:16.\\n21. Tuzi biyeni kuti kunooli luumuno aakati kabantu abanyama?\\n21 Kunooli luumuno aakati kabantu abanyama. Banyama tabachikalumi naa kuti kuyoosya bantu lubo pe. Bana baniini bayoolimvwa kabakwabilidwe, nikuba kubaa fwiifwi abanyama bayoosya mazuba aano.—Bala Isaya 11:6-9; 65:25.\\n22. Jesu uyoobachitilaanzi aabo bachiswa?\\n22 Taakwe uuchiyoochiswa pe. Chiindi Jesu naakali aanyika, wakaponia bantu biingi. (Matayo 9:35; Marko 1:40-42; Johane 5:5-9) Mbuli Mwaami waBwaami bwaLeza, Jesu uyooponia bantu boonse. Taakwe uutakaambe kuti: “Ndaciswa.”—Isaya 33:24; 35:5, 6.\\n23. Leza uyoobachitilaanzi aabo bakafwa?\\n23 Bakafwa bayoopona lubo. Leza usyomezya kuti uyoobusya mamiliyoni aabantu bakafwa akuti bakapone kukabe kutamani. “Kulaba kubuka kwabafu, akwabaluleme akwabataluleme.”—Bala Johane 5:28,29; Incito 24:15.\\n24. Ulimvwa biyeni kuyookkala munyika yaparadayizi?\\n24 Toonse tuli aacheelelo chakusala. Tulakonzya kusala kwiiya atala aJehova akumubelekela, naa kuti tulakonzya kuchita kufumbwa nzituyanda. Ikuti twasala kubelekela Jehova, tulakonzya kubaa buumi bubotu kunembo. Atwiiye zyiingi atala aJesu Kristu anzila mbayoopa kuti zisyomezyo zibotu zyaLeza zizuzikizigwe.\\nKASIMPE 1: LEZA WAKATULENGA KALAA MAKANZE\\n“Balulami bayookona nyika, bayookala alinjiyo lyoonse.”—Intembauzyo 37:29\\nLeza ulaamakanzeenzi atala abantu?\\nLeza wakali kuyanda kuti mpuli zichite kuti nyika ibe paradayizi akuti zilanganie banyama.\\nIsaya 46:9-11; 55:11\\nLeza uyoochita nzyaakasyoomezya alimwi taakwe chiyoomulesya pe.\\nKASIMPE 2: TWAAMBO TUPEDE KUTI BUUMI BUYUME\\n‘Nyoonse ili mumaanza aamubi.’—1 Johane 5:19\\nNgwani uulikweendelezya nyika?\\nJesu wakaamba kuti Saatani nguumweendelezi wanyika.\\nSaatani wakayanda zintu zyakatali zyakwe.\\nMatalikilo 2:17; 3:1-6\\nSaatani wakeena Eva, mpawo Adamu aEva bakaleka kuswiilila Leza mukuya kwachiindi zyakapa kuti bafwe.\\nBaRoma 3:23; 5:12\\nTulafwa nkaambo twakakona chibi kuzwa kuli Adamu.\\n2 BaKorinto 4:3,4\\nSaatani nguulikweena bantu.\\nKASIMPE 3: BWAAMI BWALEZA BUYOOMANINSYA MAPENZI\\n“Abuze Bwami bwako. Alucitwe luyando lwako ansi ano.”—Matayo 6:10\\nBwaami bwaLeza buyoogwisya mfulumende zyanyika zyoonse.\\nLeza uyoonyonyoona nyika eeyi mbi lyaArmagedoni.\\nJehova wakasala Jesu kuba Mwaami wamfulumende Yakwe yakujulu. Alubo Jesu uyooyendelezya nyika yoonse.\\nKASIMPE 4: BWAAMI BWALEZA BUYOOCHITA KUTI NYIKA IKABE PARADAYIZI\\n“Ulafumbatula ijanza lyako, ulakutya kusukama kwabaumi boonse.”—Intembauzyo 145:16\\nBwaami bwaLeza buyootuchitilaanzi?\\nNkondo, milandu, azyakulwana zyoonse ziyoomana.\\nIsaya 32:18; 65:21-24\\nMunyika mpya, bantu boonse bayoobaa maanda amyuunda mibotu alimwi bayoopona muluumuno.\\nKuyooba zyakulya zyiingi.\\nKuyooba luumuno aakati kabantu abanyama.\\nIsaya 33:24; Incito 24:15\\nTaakwe utakachiswe, alimwi bakafwa bayoopona lubo.\\nMakanzeenzi Leza Ngalaawo Atala Andiswe?\\nCHAANDANO 1 Leza Ngwani?\\nCHAANDANO 2 IBbayibbele​—Ndibbuku Lizwa Kuli Leza\\nCHAANDANO 3 Makanzeenzi Leza Ngalaawo Atala Abantu?\\nCHAANDANO 4 Jesu Kristu Ngwani?\\nCHAANDANO 5 Chinunuzyo​—Chipo Chipati Chizwa Kuli Leza\\nCHAANDANO 6 Nkuukuli Nkutuya Kuti Twafwa?\\nCHAANDANO 7 Kuyooba Kubusigwa!\\nCHAANDANO 8 Bwaami bwaLeza Niinzi?\\nCHAANDANO 9 Mamanino Aanyika Abaafwiifwi Na?\\nCHAANDANO 10 Kasimpe Atala Abangelo\\nCHAANDANO 11 Nkaamboonzi Nikuli Mapenzi Miingi Oobu?\\nCHAANDANO 12 Nga Ulachita Biyeni Kuti Ube Mweenzinyina WaLeza?\\nCHAANDANO 13 Lemeka Chipo Chabuumi\\nCHAANDANO 14 Impuli Yanu Ilakonzya Kubotelwa\\nCHAANDANO 15 Inzila Iili Njiyo Yakukomba Leza\\nCHAANDANO 16 Sala Kukomba Leza\\nCHAANDANO 17 Nkombyo Nchilongezyo\\nCHAANDANO 18 Ndeelede Kupeda Buumi Bwangu Na Kuli Leza Kwiinda Mukubbabbatizigwa?\\nCHAANDANO 19 Kkala Kuli Aafwiifwi AJehova\\nText Sala naa uyanda kukkopa zyakamwayigwa zilekkodedwe IBbayibbele Nga Lilatuyiisyaanzi?\\nAudio Sala naa uyanda kukkopa zyakuswiilizya zyakalekkodwa IBbayibbele Nga Lilatuyiisyaanzi?","num_words":1992,"character_repetition_ratio":0.053,"word_repetition_ratio":0.0,"special_characters_ratio":0.191,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"2 Samuele 12 | Bbaibbele lili a Intaneti | Bbaibbele lya Busanduluzi Bwanyika Mpya\\nMatalikilo Kulonga Levitiko Myeelwe Deuteronomo Joshua Babetesi Rute 1 Samuele 2 Samuele 1 Bami 2 Bami 1 Makani 2 Makani Ezara Nehemiya Esita Jobu Intembauzyo Tusimpi Mukambausi Lwiimbo Lwa Solomoni Isaya Jeremiya Malilo Ezekieli Daniele Hosea Joeli Amosi Obadiya Jona Mika Nahumu Habakuku Zefaniya Hagai Zekariya Malaki Matayo Marko Luka Johane Milimo Baroma 1 Bakorinto 2 Bakorinto Bagalatiya Baefeso Bafilipi Bakolose 1 Batesalonika 2 Batesalonika 1 Timoteyo 2 Timoteyo Tito Filimoni Bahebrayo Jakobo 1 Petro 2 Petro 1 Johane 2 Johane 3 Johane Juda Ciyubunuzyo 1 2 3 4 5 6 7 8 9 10 11 12 13 14 15 16 17 18 19 20 21 22 23 24\\n2 Samuele 12:1-31\\nNatani wasinsa Davida (1-15a)\\nMwana wa Bati-seba wafwa (15b-23)\\nBati-seba wazyala Solomoni (24, 25)\\nMunzi wabana Amoni wa Raba wazundwa (26-31)\\n12 Aboobo Jehova wakatuma Natani+ kuli Davida. Eelyo wakaunka kulinguwe+ akumwaambila kuti: “Kwakali baalumi bobilo ibakali kukkala mumunzi omwe, umwi wakali muvwubi, eelyo umwi wakali mucete. 2 Ooyu muvwubi wakalijisi mbelele aŋombe zinji;+ 3 pele ooyo mucete wakajisi buyo kabelele komwe kapwizi nkaakaulide.+ Wakali kukabamba alimwi kakali kukomenena antoomwe abana bakwe. Cakulya cisyoonto ncaakajisi akalo kakali kulya akunywida munkapu yakwe alimwi kakali kulala mumaanza aakwe. Kakaba mbuli mwanaakwe musimbi. 4 Kumane ooyo muvwubi wakaswaigwa mweenzu, pele tanaakabweza niiba yomwe yambelele naa ŋombe zyakwe kuti ajaile mweenzu wakwe. Muciindi caboobo wakabweza kabelele kamucete akukajaila mweenzu wakwe.”+ 5 Amvwe boobu Davida wakanyema kapati kujatikizya mwaalumi ooyo, eelyo wakaambila Natani kuti: “Masimpe mbubonya Jehova mbwali muumi,+ mwaalumi ooyo iwakacita boobo weelede kujaigwa! 6 Akaambo kakuti wakacita boobu alimwi tanaakatondezya lubomba, weelede kubbadela mbelele zyone+ akaambo kakabelele aako kapwizi.” 7 Mpoonya Natani wakati kuli Davida: “Yebo ndonduwe mwaalumi ooyo! Lino mboobu mbwaamba Jehova Leza wa Israyeli: ‘Mebo ndakakunanika kuba mwami wa Israyeli+ alimwi ndakakuvwuna kujanza lya Saulo.+ 8 Ndakakupa ŋanda yasimalelaako+ alimwi bamakaintu bakwe+ ndakababikka mumaanza aako alimwi ndakakupa ŋanda ya Israyeli aya Juda.+ Ikuti naa eezyo zyakuceela, ndalilibambilide kukuyungizizya azimbi.+ 9 Ino nkaambo nzi ncowakanyansya jwi lya Jehova kwiinda mukucita cintu cibi mumeso aakwe? Wakamujaya Uriya muna Heti apanga!+ Mpoonya wakabweza mukaintu wakwe kuti abe mukaintu wako+ nookamana kumujaya apanga lyabana Amoni.+ 10 Lino panga talikooyoozwa muŋanda yako,+ nkaambo wakandisampaula kwiinda mukubweza mukaintu wa Uriya muna Heti kuti abe mukaintu wako.’ 11 Mboobu mbwaamba Jehova: ‘Ndilakuletela mapenzi kuzwa muŋanda yako omwini;+ alimwi ndiyoobweza bamakaintu bako kolangilila, ndiyoobapa kumwaalumi uumbi,*+ eelyo uyakoona abamakaintu bako zuba kalibala.*+ 12 Nokuba kuti yebo wakacita cintu eeci cakusisikizya,+ mebo cintu ncenditiicite ndilacicita kumbele lyabana Israyeli boonse zuba kalibala.’”* 13 Mpoonya Davida wakati kuli Natani: “Ndamubisizya Jehova.”+ Natani wakaingula Davida kuti: “Awalo Jehova wakulekelela cibi cako.*+ Tokoofwa pe.+ 14 Nokuba boobo, akaambo kakuti wasampaula Jehova kwiinda mukucita cintu eeci, mwana uuyoozyalwa uyoofwa.” 15 Kumane Natani wakaunka kuŋanda yakwe. Lino Jehova wakapa kuti mwana ooyo mukaintu wa Uriya ngwaakazyala kuli Davida aciswe. 16 Davida wakatalika kukombelezya Leza mwini-mwini kujatikizya mwana mulombe ooyo. Mpoonya Davida wakaliimya kulya alimwi wakanjila muŋanda yakwe akoona ansi busiku boonse.+ 17 Aboobo baalu bamuŋanda yakwe bakaboola mpaakalede akusoleka kuti bamunyamune kuzwa ansi, pele wakakaka alimwi tanaakalya cakulya ambabo. 18 Lino mubuzuba bwaciloba mwana wakafwa, pele babelesi ba Davida bakayoowa kumwaambila kuti mwana wafwa. Bakati: “Mwana naakacili muumi twakali kwaambaula anguwe, pele tanaakatuswiilila pe. Aboobo ino inga twamwaambila buti kuti mwana wafwa? Ambweni inga wacita cintu cibi.” 19 Lino Davida naakabona babelesi bakwe kabavwiya-vwiya, wakazyiba kuti mwana wafwa. Aboobo wakababuzya babelesi bakwe kuti: “Sena mwana wafwa?” Mpoonya bakati: “Inzya wafwa.” 20 Aboobo Davida wakabuka ansi. Wakasamba akunana mafwuta,+ amane wakasama zisani zimbi akuunka kuŋanda+ ya Jehova kuyookomba. Naakamana, wakaunka kuŋanda* yakwe akulomba kuti aletelwe cakulya, eelyo bakamubikkila cakulya kumane wakalya. 21 Mpoonya babelesi bakwe bakamubuzya kuti: “Ino nkaambo nzi ncoocitila boobu? Mwana naakacili kupona wakali kuliimya kulya alimwi wakali kulila lyoonse; pele mbwaafwida buyo wabuka akutalika kulya.” 22 Davida wakaingula kuti: “Naakacili kupona mwana, ncobeni ndakali kuliimya kulya+ alimwi ndakali kulila lyoonse, nkaambo ndakali kuti, ‘Ambweni Jehova ulandifwida luzyalo akuti mwana ulapona.’+ 23 Lino mbwaanga wafwa, ino nkaambo nzi ncondeelede kuliimya kulya? Sena inga ndakonzya kumubusya?+ Ndiyakuunka kucuumbwe nkwabede,+ pele walo takapiluki kulindime pe.”+ 24 Mpoonya Davida wakaumbulizya Bati-seba+ mukaintu wakwe. Kumane wakoona anguwe. Mukuya kwaciindi wakazyala mwana musankwa eelyo wakaulikwa zina lyakuti Solomoni.*+ Lino Jehova wakali kumuyanda,+ 25 alimwi wakatumya jwi kwiinda mumusinsimi Natani+ kuti akamuulike zina lyakuti Jedidaya,* nkaambo Jehova wakali kumuyanda. 26 Lino Joabu wakazumanana kulwana Raba,+ munzi wabana Amoni+ akuubweza munzi wabwami.+ 27 Aboobo Joabu wakatuma batumwa kuli Davida kuyoomwaambila kuti: “Ndaulwana munzi wa Raba+ alimwi ndaubweza munzi wamaanzi.* 28 Lino bunganya basikalumamba basyeede akuulwana munzi ooyu, muubweze. Ikuti naa kutabi boobo, ndime nditiiubweze munzi ooyu, eelyo ulaulikwa zina lyangu.”* 29 Aboobo Davida wakabunganya basikalumamba boonse akuunka ku Raba, eelyo bakaulwana munzi ooyu akuubweza. 30 Mpoonya wakabweza musini iwakali kumutwe wa Malikamu. Musini ooyu wakali kulema talenta* lyangolida lyomwe, alimwi wakalijisi amabwe mayandisi, eelyo Davida wakasamikwa musini ooyo kumutwe. Alimwi wakabweza zisaalo zinji kapati+ kuzwa mumunzi ooyu.+ 31 Bantu ibakali kukkala mumunzi ooyu wakabatola akubabikka kuti babe basikubeza mabwe, basikubelesya zibelesyo zibosya zyabutale, basikubelesya tweembe twabutale alimwi akuba basikuuma zitina. Oobu mbwaakacita kuminzi yoonse yabana Amoni. Kumane Davida abasikalumamba boonse bakapiluka ku Jerusalemu.\\n^ Naa “kumweenzinyoko.”\\n^ Mu Chihebrayo, “mumeso aazuba eeli.”\\n^ Mu Chihebrayo, “kumbele aazuba.”\\n^ Naa “walekela cibi cako kuti ciinde.”\\n^ Naa “kuŋanda yabwami.”\\n^ Kuzwa kubbala lya Chihebrayo lyaamba kuti “Luumuno.”\\n^ Nkokwaamba kuti “Uuyandwa a Jehova.”\\n^ Ambweni caamba masena nkwaakali kuzwa maanzi aamumunzi ooyu.\\n^ Mu Chihebrayo, “eelyo zina lyangu linakwiitwa alinguwo.”","num_words":822,"character_repetition_ratio":0.046,"word_repetition_ratio":0.0,"special_characters_ratio":0.193,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Johane 14 | Bbaibbele lili a Intaneti | Bbaibbele lya Busanduluzi Bwanyika Mpya\\nJesu nenzila ilikke yakusikila Taata (1-14)\\n“Ndime nzila, kasimpe alimwi abuumi” (6)\\nJesu wasyomezya kutuma muuya uusalala (15-31)\\n‘“Taata mupati kwiinda ndime” (28)\\n14 “Myoyo yanu itapengi.+ Amusyome Leza;+ amundisyome andime. 2 Muŋanda ya Taata muli makkalilo* manji. Nikwatali boobo, nindamwaambila nkaambo nduunka kuyoomubambila busena.+ 3 Alimwi ikuti nduunke kuyoomubambila busena, ndiyooboola alimwi eelyo ndiyoomutolelezya kuŋanda yangu, kutegwa ooko nkondinoobede andinywe mukabe nkuko.+ 4 Eelyo ooko nkonduunka muliizyi nzila.” 5 Tomasi+ wakati kulinguwe: “O Mwami, tatukuzyi pe nkoya. Ino inga twaizyiba buti nzila?” 6 Jesu wakati kulinguwe: “Ndime nzila,+ kasimpe+ alimwi abuumi.+ Kunyina uuboola kuli Taata ccita kuti wainda mulindime.+ 7 Ikuti nobaalumi nywebo nomwalindizyi kabotu, nomwalimuzyi awalo Taata; kuzwa lino mulimuzyi alimwi mwamubona.”+ 8 Filipo wakati kulinguwe: “O Mwami, kotutondezya Bauso, eelyo tulasalalilwa.” 9 Jesu wakati kulinguwe: “Nobaalumi nywebo, ikulampa ciindi ncondakkala andinywe, pele Filipo sena tonandizyiba? Kufwumbwa ooyo wandibona wamubona awalo Taata.+ Ino nkaambo nzi ncoamba kuti, ‘Kotutondezya Bauso’? 10 Sena tosyomi kuti mebo a Taata tulikamantene?+ Zintu nzyendimwaambila nywebo nobaalumi tandizyaambi mukuyanda kwangu ndemwini pe,+ pele Taata ngotukamantene limwi lyoonse nguucita milimo yakwe. 11 Amundisyome ikuti mebo a Taata tulikamantene; kwataba boobo, amusyome akaambo kamilimo iini.+ 12 Ncobeni ndimwaambila masimpe kuti, kufwumbwa uundisyoma awalo uyoocita milimo njondicita; alimwi uyoocita milimo mipati kwiinda yeeyi,+ nkaambo mebo nduunka kuli Taata.+ 13 Alimwi kufwumbwa ncomulomba muzina lyangu, ndiyoocicita cintu eeco, ikutegwa Taata akalemekwe kwiinda mu Mwana.+ 14 Ikuti mwalomba cili coonse muzina lyangu, ndiyoocicita. 15 “Ikuti kamundiyanda ncobeni, munootobela milawo yangu.+ 16 Alimwi ndiyoomulomba Taata, eelyo uyoomupa mugwasyi* uumbi ngomunooli limwi kukabe kutamani,+ 17 nkokuti muuya wakasimpe,+ ooyo ngoitakonzyi kutambula nyika, nkaambo tayuubwene alimwi tayuuzyi pe.+ Nywebo muluuzyi, nkaambo ulaandinywe lyoonse alimwi uli mulindinywe. 18 Tandikamusiyi mubuumba.* Ndilaboola kulindinywe.+ 19 Muciindi cisyoonto inyika tiikandiboni limbi pe, pele nywebo muyoondibona+ nkaambo ndilapona anywebo muyoopona. 20 Ibuzuba oobo muyoozyiba kuti ndilikamantene a Taata alimwi akuti nywebo andime tulikamantene.+ 21 Kufwumbwa ooyo uutambula milawo yangu akwiitobela nguundiyanda. Alimwi kufwumbwa ooyo uundiyanda uyooyandwa a Taata, eelyo ambebo ndiyoomuyanda akulitondezya caantangalala kulinguwe.” 22 Judasi,+ ikutali Isikariote, wakati kulinguwe: “O Mwami, nkaambo nzi ncoyanda kulitondezya caantangalala kulindiswe pele ikutali kunyika?” 23 Jesu wakamwiingula kuti: “Ikuti muntu kandiyanda, unoobamba majwi aangu,+ eelyo Taata uyoomuyanda alimwi tuyooboola kulinguwe akukkala anguwe.+ 24 Kufwumbwa ooyo uutandiyandi tabambi majwi aangu. Majwi aaya ngomumvwa taali majwi aangu, pele nga Taata iwakandituma.+ 25 “Ndamwaambila zintu eezyi nendicili andinywe. 26 Pele mugwasyi, nkokuti muuya uusalala, ooyo ngwayootuma Taata muzina lyangu, uyoomuyiisya zintu zyoonse alimwi akumwiibalusya zintu zyoonse nzindakamwaambila.+ 27 Ndamusiila luumuno; ndamupa luumuno lwangu.+ Tandimupi luumuno oolu kweelana amboipa nyika. Myoyo yanu itapengi alimwi itayoowi pe. 28 Mwalimvwide nindamwaambila kuti, ‘ndilaunka pele ndiyoopiluka alimwi kulindinywe.’ Ikuti nimwali kundiyanda, nimwakondwa kuti nduunka kuli Taata, nkaambo Taata mupati kwiinda ndime.+ 29 Aboobo lino ndamwaambila kacitanacitika eeci, ikutegwa cacitika musyome.+ 30 Tandikokwaamba zinji kulindinywe, nkaambo mweendelezi wanyika+ ulaboola, lino tajisi nguzu zyakundizunda.*+ 31 Pele ikutegwa nyika izyibe kuti ndilamuyanda Taata, ndilacita mbubonya Taata mbwaakandilailila kuti ndicite.+ Amunyamuke, tuzwe aano.\\n^ Naa “masena aakukkala.”\\n^ Naa “sikuumbulizya.”\\n^ Naa “mbuli bamucaala.”\\n^ Naa “takwe nguzu zyakundeendelezya.”","num_words":469,"character_repetition_ratio":0.055,"word_repetition_ratio":0.0,"special_characters_ratio":0.189,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amutondezye Lusyomo—Amusale Cabusongo! | Yakwiiya\\n“Azumanane kulomba mulusyomo, ikutali kudooneka naaceya pe.”—JAK. 1:6.\\nIno nkaambo nzi ncotweelede kuzumina kuti kupanga zyakusala ncibeela cabuumi?\\nIno nkaambo nzi bamwi ncobateelede kutusalila zyakucita?\\nIno nkaambo nzi zimwi ziindi ncotweelede kucinca kusala nkotwapanga kale?\\n1. Ino ncinzi cakapa kuti Kaini atasali cabusongo, alimwi ncinzi cakacitika?\\nKAINI wakali kukonzya kusala: Kuteendelezyegwa amizeezo yakwe mibi, naa kuzumizya mizeezo yakwe kuti yeendelezye nzyaakali kucita. Kufwumbwa mbwaakali kukonzya kusala, kwakali kuyooba zintu izyakali kukonzya kucitika zyalo izyakali kuyoojatikizya buumi bwakwe boonse. Mulizyi Kaini mbwaakasala; tanaakasala kabotu. Kusala kwakwe alimwi amicito yakwe yakapa kuti munyina mululami Abelo afwe. Alimwi kusala kwa Kaini kwakanyonganya cilongwe cakwe a Mulengi wakwe.—Matl. 4:3-16.\\n2. Ino mbuti mbwaayandika maano eesu aakusala cabusongo?\\n2 Andiswe tulijisi zyakusala. Tazili zyakusala zyoonse izisololela kubuumi naa kulufwu. Nokuba boobo, bunji bwazintu nzyotusala, zilakonzya kutujatikizya kapati. Aboobo maano aapa kuti katusala kabotu alakonzya kutugwasya kupona buumi buli kabotu, bwaluumuno ikutali bwamanyongwe, bwamazwanga alimwi abwakutyompwa.—Tus. 14:8.\\n3. (a) Kutegwa tusale cabusongo, ino tweelede kuba alusyomo munzi? (b) Ino mibuzyo nzi njotutiilange-lange mucibalo eeci?\\n3 Ino ncinzi ciyootugwasya kusala cabusongo? Tuyandika lusyomo muli Leza, katutadooneki kuti ulilyaabide alimwi ulakonzya kutugwasya kutegwa tube basongo. Alimwi tweelede kuba alusyomo mu Jwi lya Jehova alimwi amunzila zyakwe zyakucita zintu, kusyoma mululayo lwa Leza lwakasololelwa amuuya. (Amubale Jakobo 1:5-8.) Mbotuyaabuswena kulinguwe alimwi akuliyandisya Jwi lyakwe, tulakonzya kusyoma mbwazicita zintu. Aboobo, tuyooba acilengwa cakuvwuntauzya mu Jwi lya Leza katutanasala cakucita. Pele ino mbuti mbotukonzya kuyaambele mukusala kwesu? Alimwi sena kuyanda kusala cakucita caamba kuti ziyume zitete tweelede kukakatila kulizyeezyo nzyotwasala kale? Mibuzyo eeyi tulailanga-langa mucibalo eeci?\\nMUBUUMI TWEELEDE KUSALA\\n4. Ino nkusala kuli buti nkwaakeelede kupanga Adamu, alimwi ncinzi cakacitika?\\n4 Kuzwa kumatalikilo, bantu bakeelede kusala zintu ziyandika kapati. Adamu wakeelede kusala kumvwida Mulengi wakwe naa Eva. Wakalilibambilide kusala cakucita, pele ino muyeeya buti kujatikizya ceeco ncaakasala? Mukaintu wakwe iwakeenwa wakamuyunga kuti atasali kabotu alimwi cakusala eeco cakapa kuti asweekelwe buumi mu Paradaiso, mpoonya mukuya kwaciindi wakafwa. Aayo akali buyo matalikilo aamapenzi. Tucipenga akaambo kakusala kutali kabotu nkwaakacita Adamu.\\n5. Mbuti mbotweelede kukubona kusala zyakucita?\\n5 Bamwi bantu bayeeya kuti buumi nobwali kukkomanisya kapati ikuti notwatali kusala zyakucita. Sena andinywe mbomulimvwa oobo? Mutalubi kuti Jehova tanaakalenga bantu kuba malobboti, aatacikonzyi kuyeeya alimwi akusala zyakucita. Mubwini Bbaibbele lilatuyiisya mbotweelede kusala cabusongo. Nokuba kuti Jehova uyanda kuti katusala zyakucita, eeci tacaambi kuti uyanda kuti katupenga. Atulange-lange bumboni butondezya oobo.\\n6, 7. Ncinzi ncobakeelede kusala bana Israyeli bansiku, alimwi nkaambo nzi ncocakali kukatazya kusala cabusongo? (Amubone cifwanikiso icili kumatalikilo aacibalo.)\\n6 Nobakanjila buyo mu Nyika Yakasyomezyedwe, bana Israyeli bansiku bakeelede kusala kujatikizya kaambo kamwi ikakali kuyandika kapati: Kukomba Jehova naa kukomba baleza bambi. (Amubale Joshua 24:15.) Ambweni eeco cakali kulibonya kuti ncakusala citakatazyi kapati. Nokuba boobo, kusala kwabo kwakali kuyoobujatikizya buumi bwabo. Cakwiinduluka-induluka kuciindi ca Babetesi, bana Israyeli tiibakali kusala cabusongo. Bakali kumuzangila Jehova alimwi akukomba baleza bakubeja. (Bab. 2:3, 11-23) Alimwi amuyeeye ciindi cimwi kumbele bantu ba Leza nobakeelede kusala. Musinsimi Elija wakabaambila cakusalazya cakusala ncobakeelede kucita: Kukomba Jehova naa kukomba leza wakubeja Baala. (1Bam. 18:21) Elija wakabakalalila bantu akaambo kakuba amyoyo yobilo. Mulakonzya kuyeeya kuti eeci cakali cakusala citakatazyi nkaambo lyoonse ncabusongo alimwi cilagwasya kukomba Jehova. Alimwi buya, kunyina muntu uuyeeya kabotu iwakeelede kunyomenene kukomba Baala. Nokuba boobo, bana Israyeli aabo bakali ‘kudooneka.’ Cabusongo, Elija wakabakulwaizya kusala bukombi busumpukide, nkokuti kukomba Jehova.\\n7 Nkaambo nzi ncocakali kukatazya kapati kubana Israyeli kusala cabusongo? Cakusaanguna, bakacileka kusyoma Jehova alimwi bakakaka kuswiilila jwi lyakwe. Tiibakajisi luzyibo lwini-lwini lusitikide naa busongo bwabunaleza; alimwi kunyina nobakasyoma Jehova. Kucita zintu kweelana aluzyibo lwini-lwini nokwakabagwasya kusala cabusongo. (Int. 25:12) Kuyungizya waawo, bakalekela bantu bamwi kubayunga mane buya akubalekela kuti babasalile zyakucita. Bantu bamucisi ibatakali bakombi ba Jehova bakoongelezya mizeezo yabana Israyeli, akubapa kutobela nkamu eeyo yabantu batakali kukomba Leza. Jehova wakalibacenjezyede kaindi kuti cintu cili boobo cakali kuyoocitika.—Kul. 23:2.\\nSENA BANTU BAMWI BEELEDE KUTUSALILA ZYAKUCITA?\\n8. Ino nciiyo nzi ciyandika cijatikizya kusala ncotwiiya kubana Israyeli?\\n8 Izikozyanyo zyaambwa kale zituyiisya ciiyo cibotu kapati. Cili kuli umwi aumwi wesu kusala zyakucita, alimwi zyakusala zyabusongo, ziyeeme aluzyibo lwamu Magwalo. Lugwalo lwa Bagalatiya 6:5 lutuyeezya kuti: “Umwi aumwi weelede kunyamuna mukuli wakwe uumugeme.” Tatweelede kulekela bamwi kutusalila zyakucita. Muciindi caboobo, tweelede kuzyiba cintu cibotu mumeso aa Leza akusala kucita ncico.\\n9. Nkaambo nzi ncoikonzya kuba ntenda kulekela bamwi kutusalila zyakucita?\\n9 Mbuti mbotukonzya kunjila muntenda yakulekela bamwi kutusalila zyakucita? Bantu bamwi balakonzya kutuyunga kutasala kabotu. (Tus. 1:10, 15) Pele, nokuba kuti twayungwa buti, mukuli wesu ikutobela ncaamba manjezyeezya eesu aayiisyidwe Bbaibbele. Ziindi zinji, ikuti twalekela bamwi kutusalila zyakucita, nkokuti tusala ‘kubatobela.’ Akwalo ooku nkusala, pele nkusala kuletela ntenda.\\n10. Ncinzi Paulo ncaakacenjezya bana Galatiya?\\n10 Mwaapostolo Paulo wakabacenjezya kabotu-kabotu bana Galatiya ntenda iyakaliko mukulekela bamwi kuti kababasalila zyakucita. (Amubale Bagalatiya 4:17.) Ibamwi mumbungano bakali kuyanda kusalila bamwi zyakucita kutegwa babazandule kuzwa kubaapostolo. Ncinzi ncobakali kucitila boobo? Bantu aabo ibakali kulisumpula bakali kuyanda kuba ampuwo. Bakasotoka munyinza weelede alimwi tiibakatondezya bulemu kumukuli ngobakajisi Banakristonyina wakulisalila zintu zyakucita lwabo beni.\\n11. Ino mbuti mbotukonzya kubagwasya bamwi ciindi nobasala zyakucita?\\n11 Paulo wakasiya cikozyanyo cibotu kapati cakulemeka lwaanguluko ndobakajisi banyina lwakulisalila zyakucita. (Amubale 2 Bakorinto 1:24.) Mazuba aano, ciindi baalu nobapa lulayo lujatikizya makani aakulisalila, beelede kutobela cikozyanyo ncomunya eeci. Balakkomana kubandika twaambo tuzwa mu Bbaibbele abutanga. Nokuba boobo, baalu beelede kubikkila maano akulekela bakwesu abacizyi kulipangila zyakusala zyabo beni. Eeci cileelela akaambo kakuti bakwesu abacizyi aabo balijisi mukuli kujatikizya zintu ziyakucitika akaambo kakusala ooku. Nceeci ciiyo ciyandika kapati: Tulakonzya kuba aaluyandisisyo lwakugwasya bamwi alimwi akubatondezya njiisyo zyamu Magwalo naa lulayo. Nokuba boobo, balijisi lwaanguluko alimwi amukuli wakulisalila lwabo beni. Ciindi nobasala cabusongo, balagwasyigwa. Aboobo, tweelede kutantamuka cilengwa cakuyeeya kuti tulizumizyidwe kusalila bamwi zyakucita.\\nBaalu ibajisi luyando balabagwasya bamwi kulisalila zyakucita lwabo beni (Amubone muncali 11)\\nMUTATOBELI MOYO WANU CIINDI NOMUSALA ZYAKUCITA\\n12, 13. Ino nkaambo nzi ncocitali kabotu kutobela moyo wesu ncowaamba ikuti naa tulinyemede naa kutyompwa?\\n12 Kuli kaambyo kadumide kuti: Cita moyo wako ncouyanda. Pele ikucita boobo kulakonzya kutunjizya muntenda. Alimwi buya kucita boobo tacili camumagwalo. Bbaibbele litucenjezya kutalekela moyo wesu uutalondokede naa twaambo buyo ntotumvwa kweendelezya kusala kwesu. (Tus. 28:26) Alimwi zibalo zyamu Bbaibbele zilatondezya zintu zibi zyuusisya izicitika akaambo kakutobela moyo ncowaamba. Penzi liliko mubantu batalondokede ndyakuti, “moyo uleena kwiinda cintu cimbi cili coonse alimwi ulapenzya kapati.” (Jer. 3:17; 13:10; 17:9; 1Bam. 11:9) Aboobo, ino ncinzi cikonzya kucitika ikuti twaile kutobela buyo moyo wesu?\\n13 Moyo wa Munakristo ulayandika kapati, akaambo kakuti twaambilwa kuyanda Jehova amoyo wesu woonse alimwi akuyanda basimukoboma mbuli mbotuliyanda tobeni. (Mt. 22:37-39) Pele Magwalo aatondezyedwe mumuncali wainda atondezya ntenda iiliko mukulekela moyo wesu kweendelezya mbotuyeeya alimwi anzyotucita. Mucikozyanyo, ncinzi cikonzya kucitika ikuti twasala kucita cintu cimwi ciindi notunyemede? Ikuti naa twakalicitide kale oobu, bwiinguzi tulibuzyi kale. (Tus. 14:17; 29:22) Naa sena inga twasala kabotu ciindi notutyompedwe? (My. 32:6-12; Tus. 24:10) Amuyeeye kuti Jwi lya Leza lilatondezya busongo bwakuba “muzike kumulawo wa Leza.” (Rom. 7:25) Masimpe, tulakonzya kweenwa amoyo wesu ikuti naa twalekela mbotulimvwa kuti kutweendelezye ciindi notusala zintu ziyandika kapati.\\nCIINDI NOMWEELEDE KUCINCA KUSALA KWANU\\n14. Ino tuzyi buti kuti cileelela zimwi ziindi kucinca cintu ncaasala kale muntu?\\n14 Tweelede kusala cabusongo. Nokuba boobo, eeci tacaambi kuti tweelede kukaka kucinca ncotwasala ikuti naa twasala kale. Kuli ziindi zimwi notukonzya kucita kabotu kwiinda mukucilanga-langa alimwi ncotwakasala ambweni akucicinca buya. Amubone cikozyanyo ca Jehova kubana Nineve kuciindi ca Jona. “Lino Leza mwini-mwini naakabona ncobakacita, mbobakaleka nzila zyabo zibi, wakacinca mizeezo kujatikizya mapenzi ngaakaambide kuti ulabaletela, aboobo tanaakaaleta pe.” (Jon. 3:10) Ciindi naakabona kuti bana Nineve beempwa, Jehova wakacinca ncaakasalide kubacitila. Mukucita boobu, wakatondezya kunyoneka, kulicesya alimwi alubomba. Kuyungizya waawo, Leza tasali cakucita kufwumbwa buyo aanyema pe, ikunyema ooko bantu banji nkobatondezya mazuba aano.\\n15. Ino ncinzi cikonzya kupa kuti tucince kusala kwesu?\\n15 Ziindi zimwi cili kabotu kuzilanga-langa alimwi zyakusala zyesu. Ambweni ciindi bukkale nobwacinca. Jehova wakali kucinca kusala kwakwe zimwi ziindi ikuti naa bukkale bwacinca. (1Bam. 21:20, 21, 27-29; 2Bam. 20:1-5) Naa makani aambi mapya alakonzya kupa kuti tucince kusala kwesu. Mwami Davida wakaambilwa makani aakubeja kujatikizya muzyukulu wa Saulo, Mefiboseti. Ciindi Davida naakaambilwa makani aamasimpe, wakacinca kusala kwakwe. (2Sam. 16:3, 4; 19:24-29) Zimwi ziindi, inga caba cabusongo kulindiswe kucita mbubwenya oobo.\\n16. (a) Ino malailile nzi aagwasya aaliko aakonzya kutugwasya kusala cabusongo? (b) Ino nkaambo nzi ncotweelede kuzilanga-langa alimwi zyakusala nzyotwakasala kaindi alimwi mbuti mbotunga twacita oobo?\\n16 Ijwi lya Leza litulaya kutaingana ciindi notuyanda kusala cintu ciyandika kapati. (Tus. 21:5) Ikuti twatola ciindi kulanga-langa zintu zyoonse izijatikizyidwe kucakusala cimwi, tulangilwa kuyoozwiidilila. (1Tes. 5:21) Katanasala cakucita, silutwe wamukwasyi weelede kuvwuntauzya ncaamba Magwalo alimwi amabbuku aa Bunakristo, mpoonya akuswiilila mizeezo yabamwi mumukwasyi wakwe. Amuyeeye kuti Leza wakaambila Abrahamu kumvwida ncaakaamba mukaintu wakwe. (Matl. 21:9-12) Baalu abalo beelede kutola ciindi kuvwuntauzya. Alimwi ikuti kabali bantu banyoneka, balibombya, tabakayoowi kusweekelwa bulemu ikuti kwaboola makani mapya, ayanda kuti bacince ceeco ncobakasalide kale. Beelede kulibambila kucinca mizeezo yabo alimwi anzyobakasala ikuti kakuyandika kucita boobo, alimwi toonse tweelede kutobela cikozyanyo cabo cibotu. Eeci cilakonzya kupa kuti kube luumuno alimwi akuti zintu kazicitwa bweelede mumbungano.—Mil. 6:1-4.\\nAMUCITE CEECO NCOMWASALA KUCITA\\n17. Mbuti mbotukonzya kuzwidilila kapati mumakani aakusala zintu zyakucita?\\n17 Zyakusala zimwi nzipati kwiinda zimwi. Zyakusala zipati ziyandika kukkalila ansi kuyeeya alimwi akupailila, calo cikonzya kutola ciindi. Banakristo bamwi bayandika kusala naa beelede kukwata naa kukwatwa alimwi angobeelede kukwatana limwi. Cakusala cipati acimbi icikonzya kuleta zilongezyo zinji cijatikizya mbomukonzya kunjila mumulimo waciindi coonse alimwi aciindi nomweelede kucita boobo. Muzyakusala eezyo, cilayandika kumusyoma kapati Jehova kuti ulakonzya kupa busolozi bwabusongo alimwi akuti ulacita oobo. (Tus. 1:5) Aboobo, cilayandika kulingula Bbaibbele mbwaanga ndelijisi lulayo lubotu kapati alimwi akulomba busolozi bwa Jehova kwiinda mumupailo. Alimwi mutalubi kuti Jehova ulakonzya kutupa bube buyandika kutegwa tusale zintu izyeendelana akuyanda kwakwe. Ciindi nomuyanda kusala zintu zipati mubuumi, amube acilengwa cakulibuzya kuti: ‘Sena cintu eeci ncondiyanda kusala ciyoopa bumboni bwakuti ndilamuyanda Jehova? Sena ciyooleta lukkomano alimwi aluumuno mumukwasyi wangu? Alimwi sena ciyootondezya kuti ndilakkazika moyo alimwi ndili siluzyalo?’\\n18. Nkaambo nzi Jehova ncayandila kuti katulisalila zyakucita?\\n18 Jehova kunyina natusinikizya kuti katumuyanda alimwi akumubelekela. Ooko nkusala kwesu. Kweelana acipego calwaanguluko lwakulisalila ncaakatupa, ulaulemeka mukuli wesu alimwi alwaanguluko lwesu ‘lwakulisalila tobeni’ naa tuyanda kumubelekela. (Jos. 24:15; Muk. 5:4) Pele ulangila kuti katutobela zintu nzyotusala iziyeeme abusolozi bwakwe. Kuba alusyomo munzila ya Jehova yambwacita zintu alimwi anjiisyo nzyapa caluzyalo, tulakonzya kusala cabusongo alimwi akutondezya kuti tulikkalikene munzila zyesu zyoonse.—Jak. 1:5-8; 4:8.","num_words":1598,"character_repetition_ratio":0.059,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kocenjela! Nyika Iyootataulwa Kukabule Cicaala! Print\\nKocenjela! Nyika Iyootataulwa Kukabule Cicaala!\\nBanaKristu basendekezya kuti kuboola kwa Messiah takukabi kabacipona. Pele, bayeeyela kuti buumi buno bunoozumanana mbweenya mbobubede. Nokuba boobo, mulongo wazintu zicitika uyoocincila limwi buumi mbotuzyibide munyika . . . kwalyoonse alyoonse.\\nNsyeyeeyede bwini cintu eeco pe. Ndakacilaa myaka yobile buyo yakuzyalwa, pele ndakaambilwa kuti baama baakalalila bataata. Mpoonya Bataata bakandigwisyila anze banditola kuyoopeeluka akuzumbaana, kakuli baama bakali kweenkela akumamanya kabayeeyela kuti ndicili muvwanda kuti ndizumbaane acimpweelwa. Eelyo nitwakamanizya kuzumbaana, bataata bakajokela kuli baama kabajisi ndime ndemucece nkekwiila, bakatifwe bweemya nkobakali kuuntuluzya bantu bantu balangisya nkweekali kooloma, kumwi baama kabaide kucenka ameso ambalimbali kabayoowede. Mumizeezo, mwana wa myaka yobile wakacili muvwanda kapati kumutola kuyoozumbaana.\\nMpoonya bataata bakapandulula kuti: Ime ndakali kulilila nkaambo kakuti ndakakkomanina kapati kuzumbaana cakuti, nsyeekali kuyanda kuti ndiseluke!\\nBantu bamwi balayandisya bukandu; bamwi pe, alimwi nokuba kuti lwiiyo lwa ziimo zyabantu talujisi makani eeni aapandulula bantu ncobaimpane zintu nzyobayoowa, bamwi basyaazyibwene bakasendekezya kuti cintu ciimpene cili mumakani aa mbobaimpana kugwitila mucamba bantu nobaswaanganya ntenda. Ngooyu mukonzyanyo; muntu uuyandisya zipekupeku ziyoosya ulimvwa kabotu akunyanyaala mubili natilimuka akwiimikila masusu amutwe, kakuli umwi ulayoowa kulangilizya zipekupeku zyamusyobo ooyo nkaambo zilamutilimuna cakuti moyo uyanda kubbubba.\\nCasika kumakani aacishinshimi, Banakristu abalo balibonyaanga balaandeene munkamu zyobile. Mbasyoonto bali mukakamu kakkazyikide moyo kuti Yahuwah uyoobakwabilila muciindi ca mapenzi cakuti balikondedwe nobabona maleele aamusyobo ooyo nkwaacitika. Bunji bwa banakristu, nokuba boobo, baliyoowede muzeezo buyo wakuti banookkede munyika eelyo bukali bwa Yahuwah bwaakulekelwa atalaa nyika. Lucengo lwa kutolwa camaseseke kujulu mukulaba kwa liso eelyo nokutegwa basyaalizi bwasalidwe baakukwempulwa akutolwa Kujulu munsaa mapenzi aali ciloba atalaa nyika, oolu lweeno lwakaanzilwa buyo kuumbulizya baabo bayoowa ciindi eeco kuti batayoowi kuyoonjila ciindi ca mapenzi..\\nNokuba kuti ooyo muzeezo woongelezya, pele mpeenya aawo mpuugolela buyo, aayo manjezyeezya buyo. Mangwalo alisalazyide kuti Yahuwah unoolaa bantu basyaalizi bayoozumanana kusyomeka kuli Nguwe kumwi kabacinoopona muciindi camapenzi aali ciloba alimwi Walo uyoobakwabililila. Mumazuba aazya kumbele, mbweenya mbuli mbwaakali kucita lyoonse, luyando lwa Yahuwah luyoolibonya kuti talweeli alimwi maleele aatakwe magolelo.\\nIzaya 24 ncipego cokwa Yahuwah cimwi kubana Bakwe. Ciyubununa zintu eezyo ziyoocitika mumbeta zyobile zyabulemu. Mbeta ntaanzi ilipanduludwe mu Ciyubunuzyo 8 a 9 mucinkonzya ca myeembo iili ciloba Mbeta yabili eeyo iizyibidwe kuti mapenzi aali ciloba ilipanduludwe mu Ciyubunuzyo 16. Cintu cipati caandeene akataa zyobile eezi ncakuti, eezyo zintu zitola busena mumyeembo zitamba bantu kuti beempwe. Aboobo, eezi nimbeta zivweledwe aluzyalo. Mukwiimpanya, mbeta zili ciloba “zyamacaalizyo” tazivweledwe luzyalo pe, nkaambo “muli nzizyo momuzwide bukali bwa Yahuwah.” (Ciyubunuzyo 15:1, NKJV1)\\nIzaya utweetela zintu ziyoocitika kwiinda mukutaanguna kupandulula mamanino mbwaayooba : nyika iitakwe cintu.\\nAmulange, Mwami Yahuwah uyoonyonyoona nyika,\\nuyooimwayaula, akumwaisya bantu bakkala mulinjiyo.\\nCiyoobasikila boonse ncimwi,\\nciyoocitika kumupaizi akubantu mbubonya,\\nkuli simalelo akumuzike,\\nkuli mukasimalelo akumusimbi mubelesi,\\nkuli uuuzya akuli sikuula,\\nkuli sikukweleta akuli sikukweletesya,\\nkuli simpindu akuli sicikoloto.\\nNyika iyoonyonyweedwa limwi, akusaalilwa limwi.\\nNkaambo Mwami Yahuwah nguwaamba majwi aaya. (Izaya 24:1-3)\\nBoonse banooliko eelyo mapenzi naayocitika linolino.\\nInsi yayuma yaangana, nyika yoonse iluuside\\nyaangana bulemu bwanyika bwapusama.\\nIzaya uyubununa kuti nkondo yamamanino iyoobeda atalaa makani aakupaila.\\nAaba bantu bayo tabaswiilili milawo\\nbasotoka mbeta akutyola cizuminano citamani.\\nNkaako nyika yamana akaambo kakusinganyizigwa,\\nbantu bamumo bapenga akaambo kamulandu wabo.\\nBantu bakkala munyika bamana,\\nmbace buyo basyeede. (Izaya 24:4-6)\\nBoonse basyomeka kuli Yahuwah banoomulemekezya kwiinda mukupaila kuli Nguwe mu Nsabata Yakwe iisetekene, iibalilwa akujanwa kubelesya kkalenda lya mwezi-azuba l ndyaakabikka ku Malengelo. Eeci ncecaambwa mu Ciyubunuzyo 14 eelyo Johane nabona bangele botatwe kabatumwa kuzwa Kujulu kabajisi milumbe yakubambila nyika kukuboola kwa Yahushua. Mumulaka weendelana a mulawo wane, mungele mutaanzi woompolala kuti: “Amumuyoowe Yahuwah akupa bulemu kuli Nguwe, nkaambo woola lyalubeta Lwakwe lyasika; amumukombe Ooyo wakabamba julu anyika, alwizi atusensa twameenda.” (Ciyubunuzyo 14:7)\\nPele tabali boonse bayooteelela kucenjezya kwabulemu kwaluyando ooku, aboobo: “Munzi walupyopyongano woolalulwa waba matongo … Munzi amilyango yawo watataulwa.” (Izaya 24:10, 12) Mu Mangwalo, “madolopo” nzikonzyanyo zya zikombelo. Bbabbiloni wiiminina misyobo yabupaizi bwakubeja yoonse, ncenciceeco ncokupedwe malailile aakuti: “Kamuzwa muli nguwe, nobantu Bangu, mutalisanganyi muzinyonyoono zyakwe, kutegwa mutanjili mumapenzi aakwe: Nkaambo zibi zyakwe zyalundana kusikila Kujulu, aboobo Yahuwah waibaluka zibi zyakwe .” (Bala Ciyubunuzyo 18:4-5, 1599 Bbaibbele lyaku Geneva.)\\nBoonse aabo balyaaba camumaninina kuli Yahuwah akutambula cipego Cakwe ca bululami mbabayookonzya kukkazyika camba akusyoma muli Nguwe mumanyongwe aazya kumbele.\\nBalapozomoka, balaimbisya cakukondwa kuzwa kumbo\\nbatembaula bulemu bwa Mwami Yahuwah.\\nNkaako nywebo nobakujwe amulemeke Mwami Yahuwah, Leza wa Isilayeli.\\nAmumulemeke nywebo nomuli munsumbu zyalwizi.\\nKuzwa kumagolelo aanyika tumvwide nyimbo yakuti,\\n“Aalemekwe ooyo Uululeme.” (Izaya 24:14-16)\\nMuziindi zyobile zya manyongwe aabulemu eezi kuyooba mizuzumo yanyika minjaanji. Muzuzumo wamamanino, penzi lya ciloba, liyoodibaula nyika yoonse kusikila ikabe mbuyaabede kakutaninga ba Kumalengelo.\\nMasimpilo aanyika alazungaana\\nMpulungwido zyakujulu zilijulidwe,\\nntalisyo zyanyika zilazungaana.\\nNyika izeeleka mbuli mukolwi ….\\ntiikayimi limbi pe.\\nMubuzuba oobo Mwami Yahuwah uyoosubula basinguzu bakujulu mujulu\\nabami ansi kunsi. (Izaya 24:18-21)\\nKuzwa waawo, Yahushua uyoojokela alimwi Yahuwah uyooyaka bulelo Bwakwe bupya anyika.\\nzuba liyoowusigwa nsoni,\\nnkaambo Mwami Yahuwah Singuzuzyoonse nguuyoolela\\nacilundu ca Ziyoni mu Jelusalemu.\\nUyoolela cabulemu kumbele lyabapati bawo. (Izaya 24:23)\\nBuumi butamani bwakukkala antoomwe a Mulengi munyika mpya bulindizya baabo batambula cipego Cakwe ca lufutuko.\\n1 Toonse tumpango twakazyila mu Bbaibbele Lipya lya ciindi ca Mwami James pele buyo kuti kwaambwa bumbi","num_words":766,"character_repetition_ratio":0.038,"word_repetition_ratio":0.0,"special_characters_ratio":0.155,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Bbaibbele Lyaamba Nzi Kujatikizya Bwaabi? Tupango Twamu Bbaibbele Tujatikizya Kwaabila\\nAMUBALE MU Afrikaans Albanian Amharic Arabic Armenian Azerbaijani Bislama Brazilian Sign Language Catalan Cebuano Chichewa Chin (Hakha) Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Danish Dutch Efik English Estonian Fijian Finnish Fon French Ga Georgian German Greek Gun Hebrew Hiligaynon Hungarian Iban Icelandic Iloko Indonesian Italian Japanese Kinyarwanda Kirghiz Kiribati Kirundi Korean Lingala Lithuanian Luganda Macedonian Malagasy Malay Malayalam Maltese Myanmar Ndebele (Zimbabwe) Nepali Norwegian Nzema Ossetian Pangasinan Persian Polish Portuguese Romanian Sango Serbian (Cyrillic) Serbian (Roman) Seychelles Creole Shona Sinhala Slovak Slovenian Spanish Sunda Swahili Swedish Tagalog Telugu Thai Tigrinya Tsonga Turkish Twi Ukrainian Urhobo Uruund Uzbek Valencian Venda Vietnamese Welsh Yoruba\\nIno Bbaibbele Lyaamba Nzi Kujatikizya Bwaabi?\\nBbaibbele likulwaizya bwaabi ibucitwa cakuliyandila alimwi kakuli makanze mabotu. Litondezya kuti bwaabi buli boobu bulakonzya kumugwasya sikupa alimwi asikupegwa. (Tusimpi 11:25; Luka 6:​38) Jesu wakati: “Kupa kulakkomanisya kapati kwiinda kupegwa.”​—Milimo 20:35.\\nIno ndilili kwaabila nokumukkomanisya Leza?\\nIno ndilili kwaabila nokutamukkomanisyi Leza?\\nTupango twamu Bbaibbele tujatikizya kwaabila\\nKwaabila kulakkomanisya ciindi nokucitwa cakuliyandila. Bbaibbele lyaamba kuti: “Umwi aumwi acite mbuli mbwaasala mumoyo wakwe, ikutali kupa cakuwayawaya naa cakusinikizyigwa buya, nkaambo Leza uyanda muntu uupa kumwi kakkomene.”​—2 Bakorinto 9:7, bupanduluzi buyungizyidwe.\\nIkupa kuzwa aansi aamoyo ncibeela ‘cabukombi’ mbwakkomanina Leza. (Jakobo 1:​27) Imuntu uugwasya bapengede cabwaabi ulamukkomanisya Leza, walo uubona bwaabi buli boobo kuti ncikwelete kulinguwe. (Tusimpi 19:17) Bbaibbele liyiisya kuti Leza nguyoolumbula sikupa.​—Luka 14:12-​14.\\nIkuti kwacitwa amakanze mabi. Eeci cibikkilizya:\\nKuyanda kutembaulwa abantu.​—Matayo 6:2.\\nKuyanda kuti bamupilusizye.​—Luka 14:12-14.\\nKusola kuula buumi butamani.​—Intembauzyo 49:6, 7.\\nIkuti kusumpula micito naa zintu Leza nzyatayandi. Mucikozyanyo, taciluzi kupa muntu umwi mali kutegwa akaume njuka naa kuula misamu iikola naa bukoko. (1 Bakorinto 6:​9, 10; 2 Bakorinto 7:1) Mbubwenya buyo, tacili kabotu kupa mali kumuntu uutayandi kubeleka.​—2 Batesalonika 3:​10.\\nIkuti kakupa kuti muntu acileke kulanganya mukwasyi wakwe. Bbaibbele liyiisya kuti silutwe wamukwasyi weelede kubalanganya bamukwasyi wakwe. (1 Timoteyo 5:8) Inga kwaba kulubizya kuti kalyaaba cakuciindizya kuli bamwi cakuti mukwasyi wakwe watalika kupenga. Mbubwenya buyo, Jesu wakabapa mulandu aabo ibakali kukaka kulanganya bazyali babo bacembeede kwiinda mukwaamba kuti lubono lwabo loonse lwakali “cipego caabidwe kuli Leza.”​—Marko 7:​9-​13.\\nTusimpi 11:25: “Mwaabi uyoozwidilila, alimwi kufwumbwa uukatalusya bamwi alakwe uyookatalusyigwa.”\\nNcokapandulula: Kwaabila takugwasyi buyo sikupegwa pele asikupa.\\nTusimpi 19:17: “Ooyo uufwida luzyalo muntu uupengede ukweletesya Jehova, eelyo walo uyoomupa bulumbu akaambo kazintu eezyo nzyacita.”\\nNcokapandulula: Leza ubona kuti ulaacikwelete kulibaabo bagwasya bapengede alimwi usyomezya kubalumbula kubwaabi bwabo.\\nMatayo 6:2: “Ciindi nomupa zipego zyaluse, mutanoolizyi mweembo kumbele lyanu mbubonya basikuupaupa ameso mbobacita . . kutegwa batembaulwe abantu.”\\nNcokapandulula: Tatweelede kwaabila akaambo buyo kakuyanda kubonwa.\\nMilimo 20:35: “Kupa kulakkomanisya kapati kwiinda kupegwa.”\\nNcokapandulula: Kwaabila kuzwa aansi aamoyo kuletela lukkomano.\\n2 Bakorinto 9:7: “Umwi aumwi acite mbuli mbwaasala mumoyo wakwe, ikutali kupa kumoyo kakusiya naa cakusinikizyigwa buya, nkaambo Leza uyanda muntu uupa kumwi kakkomene.”\\nNcokapandulula: Bwaabi bucitwa cakuliyandila bulamukkomanisya Leza.\\nBukkale Bwanu Alimwi Ambomulilemeka Lusyomo Abukombi Mibuzyo Yamu Bbaibbele Yaingulwa\\nKupa kuleta bubotu kulindinywe akuli bamwi. Kukulwaizya bulongwe alimwi alukamantano. Ino mbuti mbomukonzya kuba muntu uupa kumwi kakkomene?\\nMbomukonzya Kujana Lukkomano​—Kukkutila Akuba Baabi\\nKuyandaula Cipego Cibotu Kwiinda","num_words":457,"character_repetition_ratio":0.054,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mboyelede Kwaambaula Abazyali Bako\\nIno Ndeelede Kwaambaula Buti Abazyali Bangu?\\nKuti kamweendelana abazyali bako buumi tabukakuyumini.\\nKoezyeezya bukkale oobu: Muuli Bwatatu mangolezya. Geoff, uulaamyaka yakuzyalwa iili 17 wamana kubeleka milimo yoonse njaajisi, lino casika ciindi cakulyookezya! Wayasya TV akukkala mucuuno ncayandisisya.\\nMbwaakkalila buyo, wabona bausyi amulyango, alimwi baboneka kuti tabakkomene.\\nBati: “Geoffrey! Nkaambo nzi nconyonyoona ciindi kweebelela TV, kozyi buya kuti weelede kugwasya musyoonto wako kulemba homuweki? Tomvwi kuti naa ndakutuma!”\\nGeoff waamba cakutakkomana kuti: “Mwatalika kale anywebo.”\\nBausyi booka. Mpoonya bati: “Wati nzi yebo?”\\nGeoff wavwiila ulaamba: “Kunyina taata,” kumwi kaswa ciya akubilaula meso.\\nLino bausyi baindila buya kunyema. Bamwaambila cabukali kuti: “Utanikuvwiili boobo noambaula andime, ulimvwide!”\\nIkuti nooli nduwe Geoff, noocita buti kuti cintu camusyobo ooyu citacitiki?\\nKwaambaula abazyali bako kuli mbuli kweenzya mootokala. Ikuti wajana kuti nzila njobelesya ilisinkidwe, ulakonzya kuyandaula imbi.\\nMusimbi umwi wazina lyakuti Leah wakaamba kuti: “Cilandikatazya kubandika abataata. Zimwi ziindi ndanikwaambaula ambabo, balandibuzya kuti, ‘sena waambaula andime?’”\\nKULI ZINTU ZYOTATWE LEAH NZYAKONZYA KUSALA KUCITA.\\nLeah wakwiila ategwa, “Kamumvwa, makani ngondimwaambila alayandika kapati!”\\nKucileka kubaambauzya bausyi.\\nLeah ulakonzya kutakata akucileka kubaambila penzi lyakwe bausyi.\\nKulindila kuti casika ciindi cibotu, aabusye makani alimwi.\\nKwainda ciindi cili mbocibede, Leah inga wabandika abausyi mulomo mpande, naa ulakonzya kubalembela kagwalo kujatikizya penzi lyakwe.\\nIno ninzila iili akati kazyeezi njokonzya kumukulwaizya kubelesya Leah?\\nNCOYELEDE KUZYIBA NCAKUTI: Kuli makani aambi ngobayeeya bausyi Leah—tabazyi kuti Leah ulicimidwe. Aboobo kuti Leah wasala kubelesya Nzila ya A, bausyi tabakoozyiba camupa kuti ababwentele. Takulangilwi kuti bausyi balaakkomanina majwi aakwe, alimwi kucita boobo kutondezya kubula bulemu. (Baefeso 6:2) Mubwini, kunyina uukonzya kugwasyigwa ikuti wabelesya nzila eeyi.\\nMbubonya mboteelede kulekela nzila iisinkidwe kuti ikupe kuyeeya kuti kunyina kwakwiinda, ulakonzya kujana nzila imbi yakubelesya kutegwa mweendelane abazyali bako\\nNokuba kuti Nzila ya B, ilibonya kuti nenzila ngubauba kutobela, tiili yabusongo pe. Nkaambo nzi? Nkaambo kakuti, penzi lya Leah likonzya buyo kumana kuti waambila bausyi; abalo bausyi kutegwa bamugwasye, beelede kuzyiba cicitika mubuumi bwakwe. Aboobo kuumuna buyo takubagwasyi boonse bobilo.\\nKwiinda mukubelesya Nzila ya C, Leah tanaalimvwa kuti kunyina nkocimutola akaambo buyo kakuti waalilwa kubandika abausyi ciindi cakusaanguna. Aboobo, ulasola kwaabandika makani aaya aciindi cimbi. Alimwi ikuti wasala kulembela bausyi kagwalo, Leah ulakonzya kumvwa kabotu mpoonya-mpoonya.\\nKulemba kagwalo inga kwamugwasya kwaamba zini izili mumoyo. Bamana kukabala kagwalo, bausyi Leah balazyiba zyoonse nzyaali kusola kubaambila, calo icikonzya kubagwasya kulimvwisya penzi lyakwe. Aboobo, Nzila ya C ilabagwasya boonse, nkokuti Leah alimwi abausyi. Taakwe makani naa baambaula mulomo mpande naa nkwiinda mukagwalo, nzila eeyi itobela njiisyo yamu Bbaibbele iitukulwazya ‘kusungwaalila kucita zintu ziletela luumuno azintu iziyaka umwi aumwi.’—Baroma 14:19.\\nIno ninzila nzi zimwi Leah nzyakonzya kubelesya?\\nAtubone naa inga yebo wayeeya nzila yomwe. Mpoonya koyeeya nzila eeyo nkoikonzya kukutola.\\nLULAYO LUGWASYA KUZWA MU BBAIBBELE\\n“Lemeka bauso abanyoko.”—Baefeso 6:2.\\n“Majwi aanu kaakondelezya lyoonse.”—Bakolose 4:6.\\n“Weelede kufwambaana kuswiilila, kumuka kwaambaula, kumuka kukalala.”—Jakobo 1:19\\nKoyeeya kuti ncowaambide alimwi ancobayeeya bazyali bako kuti ncosola kupandulula tazyeedelani lyoonse pe.\\nAtwaambe kuti bazyali bako bakubuzya ikaambo ncolibonya kutakkomana. Mpoonya yebo wavwiila kuti, “Tandiyandi kwaabandika makani aaya.”\\nPele balo bazyali bako bamvwa mbuli kuti ubaambila kuti: “Mebo tandimusyomi, aboobo inga tiindamwaambila zili mumoyo wangu. Ndiyakwaambila beenzuma penzi lyangu ikutali ndinywe.”\\nKoezyeezya kuti ujisi penzi ilyakukatazya, kumane bazyali bako bayanda kukugwasya. Pele wabaambila kuti: “Mutapengi. Ndilazyiba cakucita ndemwini.”\\nIno bazyali bako inga bamvwa kuti waamba nzi?\\nIno mbwiinguzi nzi bubotu mbokonzya kwaamba?\\nCiindi citobela ndaakulimvwa kuti tandiyandi kubandika abazyali bangu, ino ndiyoocita buti?\\nIkuti bazyali bangu bandisungilizya kubandika makani ngonditayandi kubandika, ino inga ndacita buti?","num_words":526,"character_repetition_ratio":0.05,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"“Leza Wakazizumina” Zipego Zyabo zya Bukombi—Bahebrayo 11:4\\n“Leza Wakazizumina” Zipego Zyabo\\nMAKANI AALI MUCIBALO: Makani aabubambe bwa Jehova kujatikizya bukombi busalala\\n1-3. (a) Ino mibuzyo nzi njotutiilange-lange? (b) Ino ntwaambo nzi tone twabukombi busalala ntotutiibandike? (Amubone cifwanikiso icili kumatalikilo aacibalo.)\\nABELO wakali kulanga-langa butanga bwakwe cakulomya. Nguwakali kweembela banyama aaba caluyando kuzwa nobakazyalwa. Lino, wakasala banyama bamwi, wakabajaya, akubapa kacili cipego kuli Leza. Sena kupa cintu eeci icitondezya bukombi, icakapegwa amuntu uutalondokede, cakali kukonzya kutambulwa a Jehova?\\n2 Kujatikizya Abelo, mwaapostolo Paulo wakasololelwa kulemba kuti: “Leza wakazizumina zipego zyakwe.” Nokuba boobo, Jehova wakacikaka cituuzyo ca Kaini. (Amubale Bahebrayo 11:4.) Kaambo aaka kaleta mibuzyo njotweelede kulanga-langa. Ino nkaambo nzi Leza ncaakabutambula bukombi bwa Abelo pele ikutali bwa Kaini? Ino ncinzi ncotukonzya kwiiya kucikozyanyo ca Kaini aca Abelo kubikkilizya azikozyanyo zyabamwi ibaambidwe mulugwalo lwa Bahebrayo caandaano 11? Ibwiinguzi bulatugwasya kuzimvwisya kabotu izijatikizyidwe mubukombi busalala.\\n3 Ciindi notubandika mubufwaafwi zintu izyakacitika kuzwa kuciindi ca Abelo kusika kumazuba aa Ezekieli, amubikkile maano kutwaambo tone antoomwe itupa kuti bukombi butambulwe kuli Leza: Sikutambula weelede kuba Jehova, ibube bweelede kuba cintu ciinda kubota, nzila mbobupegwa yeelede kuzuminwa a Leza, alimwi makanze aamukombi ayelede kusalala.\\nIno Nkaambo Nzi Bukombi bwa Kaini Ncobwakakakwa?\\n4, 5. Ino ncinzi cakapa Kaini kuyeeya kuti sikutambula cipego cakwe wakeelede kuba Jehova?\\n4 Amubale Matalikilo 4:2-5. Kaini wakilizyi kuti sikutambula cipego cakwe ngu Jehova. Kaini wakalijisi ciindi cinji alimwi acoolwe cakwiiya kujatikizya Jehova. Walo amunyina Abelo beelede kuti bakali amyaka iitandila ku 100 yakuzyalwa ciindi nobakapa zipego zyabo. * Basankwa bobilo aaba bakakomena kabauzyi muunda wa Edeni, ambweni bakali kukonzya kuubona kabali alaale muunda ooyu iwakajisi mbolezi. Alimwi buya bakali kukonzya kubabona bakerubi ibakasinkide nzila yamuunda ooyu. (Matl. 3:24) Cakutadooneka bazyali babana aaba bakabaambila kuti Jehova nguwakalenga zintu zyuumi zyoonse, alimwi akuti makanze aakwe aakumatalikilo kujatikizya bantu akaliindene abuumi mbobakali kupona aciindi eeco, bakaba zyuumbwe zyeenda. (Matl. 1:24-28) Kuzyiba zintu eezyi ambweni nkokwakapa kuti Kaini ayeeye kuti weelede kupa cipego cakwe kuli Leza.\\n5 Ino ncinzi acimbi cilangilwa kuti ncecakapa kuti Kaini ape cituuzyo cakwe? Jehova wakalaambide kuti “lunyungu” lwakali kuyoobuka, imuntu umwi iwakali kuyoopwayaula mutwe ‘wanzoka’ yalo iyakoongelezya Eva kuti atasali camaano. (Matl. 3:4-6, 14, 15) Mbwaanga Kaini ngowakali mutaanzi kuzyalwa, ambweni wakali kuyeeya kuti ngowakali “lunyungu” ilwakasyomezyegwa. (Matl. 4:1) Kuyungizya waawo, Jehova tanaakalekela limwi kubandika abantu basizibi; noliba leelyo Adamu naakabisya, Leza wakaambaula anguwe, kulangilwa kuti kwiinda mukubelesya mungelo. (Matl. 3:8-10) Alimwi Jehova wakabandika a Kaini naakamana kutuula cipaizyo cakwe. (Matl. 4:6) Cakutadooneka, Kaini wakalizyi kuti Jehova uleelela kukombwa.\\n6, 7. Sena kuli cimwi cakalubide abube naa nzila yakabelesyegwa kupa cituuzyo ca Kaini? Amupandulule.\\n6 Aboobo ino nkaambo nzi Jehova ncaatakacikkomanina cituuzyo ca Kaini? Sena kuli cakalubide abube bwacipego eeco? Bbaibbele talyaambi pe. Pele lyaamba buyo kuti Kaini wakaleta “micelo njaakalima mumuunda.” Kumbele Jehova wakatondezya mu Mulawo ngwaakapa Musa kuti musyobo wacituuzyo cili boobu wakali kutambulika. (My. 15:8, 9) Kuyungizya waawo, amulange bukkale mbobwakabede. Aciindi eeco, bantu bakali kulya buyo zisyango. (Matl. 1:29) Alimwi mbwaanga nyika iyakali kunze aa Edeni yakasinganizyigwa a Leza, Kaini wakazwa nkasaalo kutegwa ajane cituuzyo cakwe. (Matl. 3:17-19) Wakatuula cakulya eeco cakali kukonzya kumupa buumi alimwi ncaakabelekela canguzu! Nokuba boobo, Jehova tanaakacizumina cituuzyo ca Kaini.\\n7 Aboobo sena kuli cimwi cakalubide kujatikizya nzila mbocakapegwa cipego eeco? Sena Kaini wakaalilwa kucituula munzila iitambulika? Eeco cilibonya kuti tacilangilwi pe. Nkaambo nzi ncocili boobo? Akaambo kakuti ciindi Jehova naakacikaka cituuzyo ca Kaini, kunyina naakaitongooka nzila mbocakapegwa. Alimwi buya, kunyina aalembedwe kujatikizya nzila Kaini naa Abelo njobakabelesya kupa zituuzyo zyabo. Aboobo ino mpaali aakali penzi?\\nKaini tanaakajisi makanze mabotu (Amubone muncali 8 a 9)\\n8, 9. (a) Ino nkaambo nzi Jehova ncaatakamukkomanina Kaini alimwi acituuzyo cakwe? (b) Ino ncinzi icimukkomanisya kujatikizya makani aalembedwe mu Bbaibbele kujatikizya Kaini a Abelo?\\n8 Majwi aa Paulo aakasololelwa amuuya ngaakalembela bana Hebrayo atondezya kuti makanze aa Kaini aakupa cituuzyo tanaakali kabotu. Kaini wakanyina lusyomo. (Heb. 11:4; 1Joh. 3:11, 12) Nkekaambo kaako Jehova ncaatakamukkomanina Kaini kumugama, kutali buyo cituuzyo cakwe. (Matl. 4:5-8) Jehova ngu Taata siluyando, aboobo caluzyalo wakasola kumululamika mwanaakwe. Pele Kaini, wakalukaka lugwasyo lwa Jehova. Moyo wacikozyanyo wa Kaini wakazwide zisusi zyanyama, “businkondo, kuzwangana, munyono.” (Gal. 5:19, 20) Kubija kwamoyo wa Kaini kwakapa kuti zibeela zimbi zibotu zyoonse zyabukombi bwakwe zibule mulimo. Cikozyanyo cakwe cituyiisya kuti bukombi busalala buyanda zintu zinji kutali buyo kutondezya kulyaaba kuli Jehova kutegwa tubonwe.\\n9 Makani aamu Bbaibbele alatwaambila zintu zinji kujatikizya Kaini alimwi alatwaambila kuti Jehova wakabandika anguwe, tulabala bwiinguzi bwa Kaini alimwi buya tulabala mazina aabana bakwe alimwi azintu zimwi nzyobakacita. (Matl. 4:17-24) Lino kujatikizya Abelo, kunyina mpotubala kuti wakalijisi bana alimwi kunyina ncaakaamba icakalembwa mu Bbaibbele. Nokuba boobo, milimo ya Abelo icaambaula kulindiswe mazuba aano. Munzila nzi?\\nAbelo Wakasiya Cikozyanyo Cibotu Kujatikizya Bukombi Busalala\\n10. Ino mbuti Abelo mbwaakasiya cikozyanyo cibotu kujatikizya bukombi busalala?\\n10 Abelo wakapa cipaizyo cakwe kuli Jehova, kazyi kuti alikke ngonguwe sikutambula weelela. Ibube bwacipego bwakali bubotu kapati, Abelo wakasala “bana bambelele bataanzi.” Nokuba kuti takulembedwe kuti naa wakabatuula acipaililo naa pe, cakutadooneka nzila mbwaakacipa cipego cakwe yakali kutambulika. Pele iciyandika kapati kujatikizya cipego ca Abelo, icikozyanyo ncotucitobela andiswe nokuba kuti kwainda zyuulu zili cisambomwe zyamyaka, makanze ngaakajisi naakali kucipa. Abelo wakakulwaizyigwa alusyomo muli Leza alimwi aluyando ndwaakajisi kuzyeelelo zya Jehova ziluleme. Ino tuzyi buti oobo?\\nAbelo wakatondezya mbazu zyone ziyandika kubukombi busalala (Amubone muncali 10)\\n11. Ino nkaambo nzi Jesu ncaakapandulula Abelo kuti muntu mululami?\\n11 Cakusaanguna, amubone Jesu ncaakaamba kujatikizya Abelo, imwaalumi ngwaakazyi kabotu. Jesu wakaliko kujulu ciindi Abelo naakali kupona anyika. Jesu wakalibikkilide maano kapati kumwana ooyu wa Adamu. (Tus. 8:22, 30, 31; Joh. 8:58; Kol. 1:15, 16) Aboobo Jesu wakali kupa bumboni mbwaakalibonena ameso ciindi naakapandulula Abelo kuti mwaalumi mululami. (Mt. 23:35) Muntu mululami nguyooyo uuzumina kuti Jehova ngonguwe iweelede kubikka zyeelelo zyazintu ziluleme azitaluleme. Pele tagoleli buyo waawo pe, ulasinizya kwiinda mumajwi amumilimo yakwe kuti ulazizumina zyeelelo eezyo. (Amweezyanisye a Luka 1:5, 6.) Citola ciindi kutegwa muntu umwi abe ampuwo yakuti mululami. Aboobo noliba leelyo katanapa cipaizyo cakwe kuli Leza, Abelo weelede kuti wakazyibidwe kale kuti wakali kupona kweelana azyeelelo zya Jehova. Eeci ceelede kuti cakali kukatazya. Mwanookwabo weelede kuti tanaakali cikozyanyo cibotu, moyo wa Kaini wakabija. (1Joh. 3:12) Banyina Abelo tiibakautobela mulawo uugaminide kuzwa kuli Leza, alimwi bausyi bakamuzangila Jehova, bakayanda kunoolisalila cibotu acibi. (Matl. 2:16, 17; 3:6) Eelo kaka Abelo wakatondezya busicamba kwiinda mukusala bukkale bwiindene aboobo bamukwasyi wakwe mbobakasala!\\n12. Ino nkwiindana nzi kupati ikwakaliko akati ka Kaini a Abelo?\\n12 Cabili, amubone mwaapostolo Paulo mbwaakabuswaanganya bube bwalusyomo abululami. Paulo wakalemba kuti, “Akaambo kalusyomo Abelo wakatuulila Leza cipaizyo cilaampindu kapati kwiinda ca Kaini, alimwi kwiinda mulusyomo oolo wakacitilwa bumboni bwakuti wakali mululami.” (Heb. 11:4) Majwi aa Paulo atondezya kuti mukwiimpana a Kaini, Abelo wakali kukulwaizyigwa alusyomo iluzwa aansi amoyo ndwaakajisi muli Jehova alimwi ambwaakali kucita zintu Leza.\\n13. Ino cikozyanyo ca Abelo cituyiisya nzi?\\n13 Cikozyanyo ca Abelo cituyiisya kuti bukombi busalala bulakonzya kuzwa buyo mumoyo uujisi makanze aasalala, moyo uuzwide lusyomo muli Jehova alimwi iweendelana azyeelelo zyakwe ziluleme. Kuyungizya waawo, twiiya kuti bukombi busalala tabugoleli buyo aakucita cintu comwe citondezya kulyaaba. Bulabujatikizya buumi bwesu boonse, bukkale bwesu boonse.\\nBantu Bakaindi Ibakatobela Cikozyanyo Cibotu\\n14. Ino nkaambo nzi Jehova ncaakazitambwida zipego izyakapegwa a Nowa, Abrahamu, a Jakobo?\\n14 Abelo ngomuntu iwakali wakusaanguna kupa Jehova bukombi busalala, pele tanaakali wamamanino pe. Mwaapostolo Paulo wakaamba abamwi ibakali kukomba Jehova munzila iitambulika, mbuli Nowa, Abrahamu, alimwi a Jakobo. (Amubale Bahebrayo 11:7, 8, 17-21.) Aciindi cimwi mubuumi bwabo, umwi aumwi wabo bantu aaba bakaindi wakapa Jehova cipaizyo, mpoonya Leza wakazitambula zipego zyabo. Ino nkaambo nzi? Akaambo kakuti aaba bamaalumi tiibakacita milimo yakulyaaba cakwiinzya buyo mulawo, umwi aumwi wabo wakazuzikizya mbazu zyoonse iziyandika kapati mubukombi busalala. Amulange-lange zikozyanyo zyabo.\\nZituuzyo zya Nowa zyakatondezya caantangalala kuti Jehova alikke nguweelela kukombwa (Amubone muncali 15 a 16)\\n15, 16. Ino mbuti Nowa mbwaakazuzikizya mbazu zyone ziyandika kapati mubukombi busalala?\\n15 Nowa wakazyalwa nokwakainda buyo myaka iili 126 kuzwa Adamu naakafwa; nokuba boobo, wakakomenena munyika iyakazwide bukombi bwakubeja. * (Matl. 6:11) Akati kamikwasyi yoonse iyakali kupona kalitanacitika Zambangulwe, alikke Nowa amukwasyi wakwe mbabakali kubelekela Jehova munzila iitambulika. (2Pet. 2:5) Naakafwutuka lya Zambangulwe, Nowa wakakulwaizyigwa kuyaka cipaililo, eeco caambidwe cacigaminina kwaciindi cakusaanguna mu Bbaibbele alimwi akutuula zituuzyo kuli Jehova. Kwiinda mucintu eeci ncaakacita kuzwa aansi amoyo, Nowa wakatondezya caantangalala kumukwasyi wakwe alimwi akubantu boonse ibakali kuyoozwa mulunyungu lwakwe kuti, Jehova alikke nguweelela kuba sikutambula bukombi. Akati kabanyama boonse mbaakajisi kutegwa ape cituuzyo, Nowa wakasala “banyama bamwi basalala azilenge zimwi zyuuluka.” (Matl. 8:20) Kujatikizya bube bwazituuzyo eezyi, zyakali zibotu kapati nkaambo Jehova kumugama wakazyaamba kuti zyakali kusalala.—Matl. 7:2.\\n16 Nowa wakatuula zituuzyo zyuumpwa eezyi acipaililo ncaakayaka. Sena nzila eeyi yakukomba yakatambulwa? Inzya. Cibalo caamba kuti Jehova wakamvwa bweema kuzwa kuzituuzyo ibununkilila mpoonya wakalongezya Nowa abana bakwe. (Matl. 8:21; 9:1) Nokuba boobo, ikaambo kapati Jehova ncaakacitambwida cituuzyo, makanze ngaakajisi Nowa mukucipa. Zituuzyo cakali cibeela cimwi citondezya lusyomo luyumu Nowa ndwaakajisi muli Jehova alimwi ambwaakali kucita zintu Leza. Akaambo kakuti Nowa lyoonse wakali kumumvwida Jehova alimwi akusumpula zyeelelo zyakwe, Bbaibbele lyaamba kuti “wakali kweenda a Leza mwini-mwini.” Aboobo, Nowa wakajana mpuwo iitamani yakuti wakali mululami.—Matl. 6:9; Ezk. 14:14; Heb. 11:7.\\n17, 18. Ino mbuti Abrahamu mbwaakazuzikizya mbazu zyone ziyandika kapati mubukombi busalala?\\n17 Abrahamu wakazingulukidwe abukombi bwakubeja. Mumunzi wa Uri, mwalo mwaakali kukkala Abrahamu, mwakali tempele lyalo ilyakadumide ilyakali kulemeka Nana leza wamwezi. * Nobaba bausyi Abrahamu aciindi cimwi bakali kukomba baleza bakubeja. (Jos. 24:2) Pele Abrahamu wakasala kukomba Jehova. Kulangilwa kuti wakaiya kujatikizya Leza wakasimpe kuzwa kuli sinsiku Semu, umwi wabana ba Nowa. Bakapona antoomwe kwamyaka iibalilwa ku 150.\\n18 Mubuumi bwakwe boonse, Abrahamu wakatuula zituuzyo zinji. Pele milimo yabukombi eeyi lyoonse yakali kugamikwa kuli sikutambula weelela alikke, Jehova. (Matl. 12:8; 13:18; 15:8-10) Sena Abrahamu wakalilibambilide kupa Jehova cituuzyo cijisi bube bubotu kapati? Mubuzyo ooyo wakaingulwa cakutadooneka ciindi Abrahamu naakatondezya mbwaakalisungwide kutuula mwanaakwe uyandwa kapati, Izaka. Aciindi eeco, Jehova wakaambila Abrahamu cakusalazya nzila njaakeelede kubelesya kupa cituuzyo. (Matl. 22:1, 2) Alimwi Abrahamu wakalilisungwide kutobela malailile oonse. Ngu Jehova iwakalesya Abrahamu kuti atamujayi ncobeni mwanaakwe. (Matl. 22:9-12) Jehova wakaitambula milimo ya Abrahamu yabukombi akaambo kakuti yakacitwa amuntu iwakajisi makanze mabotu. Paulo wakalemba kuti, “Abrahamu wakasyoma Jehova, eelyo wakabonwa kuti mululami.”—Rom. 4:3.\\nJakobo wakapa cikozyanyo cibotu kumukwasyi wakwe (Amubone muncali 19 a 20)\\n19, 20. Ino mbuti Jakobo mbwaakazuzikizya mbazu zyone ziyandika kapati mubukombi busalala?\\n19 Jakobo wakakkala kwamyaka minji yabuumi bwakwe mu Kanana, inyika Jehova njaakasyomezya Abrahamu alunyungu lwakwe. (Matl. 17:1, 8) Bwakali busena bantu mobakajatikizyidwe mubukombi busofweede cakuti Jehova wakaamba kuti “bayootandwa kuti bazwe munyika.” (Lev. 18:24, 25) Naakali amyaka iili 77, Jakobo wakausiya munzi wa Kanana, wakakwata, alimwi mukuya kwaciindi wakajokela ku Kanana amukwasyi mupati. (Matl. 28:1, 2; 33:18) Pele, ibamukwasyi wakwe bambi bakayungwa abukombi bwakubeja. Nokuba boobo, ciindi Jehova naakaambila Jakobo kuya ku Beteli akuya kuyaka cipaililo, Jakobo wakacita oobo cakutawayawaya. Cakusaanguna wakaambila bamukwasyi wakwe kuti: “Amusowe baleza boonse bakubeja bali akati kanu alimwi amulisalazye.” Mpoonya cakusyomeka wakaatobela malailile ngaakapegwa.—Matl. 35:1-7.\\n20 Jakobo wakayaka zipaililo zinji mu Nyika Yakasyomezyedwe, pele sikutambula bukombi bwakwe lyoonse wakali Jehova. (Matl. 35:14; 46:1) Ibube bwazituuzyo zyakwe, nzila mbwaakali kumukomba Leza, alimwi amakanze aakukomba akali mabotu cakuti Bbaibbele lyaamba Jakobo kuti wakali muntu “uutakwe kampenda,” imajwi aapandulula baabo ibazuminwa a Leza. (Matl. 25:27) Mubuumi bwakwe boonse, Jakobo wakasiya cikozyanyo cibotu kubana Israyeli ibakali kuyooboola musyule lyakwe.—Matl. 35:9-12.\\n21. Ino ncinzi ncotukonzya kwiiya kujatikizya bukombi busalala kuzikozyanyo zyabantu bakaindi?\\n21 Ino ncinzi ncotukonzya kwiiya kujatikizya bukombi busalala kuzikozyanyo zyabantu bakaindi? Mbubwenya mbuli mbabo, tuzingulukidwe abantu, ambweni bamukwasyi buya, ibakonzya kutunyonganya kutegwa tutamukombi Jehova cakumaninina. Ikutegwa tutanyonganizyigwi munzila iili boobo, tweelede kuba alusyomo luyumu muli Jehova alimwi katusinizyide kuti zilikke zyeelelo zyakwe ziluleme nzezyeelelo zibotu kapati. Tulatondezya lusyomo luli boobo kwiinda mukumumvwida Jehova alimwi akwaaba ciindi cesu, nguzu azintu nzyotujisi kutegwa tumubelekele. (Mt. 22:37-40; 1Kor. 10:31) Eelo kaka cilakulwaizya kuzyiba kuti ciindi notumubelekela Jehova kweelana anguzu zyesu, munzila njayanda alimwi katujisi makanze mabotu, utubona kuti tuliluleme!—Amubale Jakobo 2:18-24.\\nCisi Icakalyaabide Kubukombi Busalala\\n22-24. Ino mbuti Mulawo mbowakakankaizya mbocakali kuyandika kubikkila maano kuli sikutambula zituuzyo, bube bwazituuzyo alimwi anzila mbozyakali kupegwa zituuzyo zyabana Israyeli?\\n22 Jehova wakapa balunyungu lwa Jakobo Mulawo, kubasalazyila kujatikizya ncaakali kuyanda kuli mbabo. Ikuti nobakamumvwida Jehova, bakali kuyooba ‘bantu bakwe bayandisi’ alimwi “acisi cisalala.” (Kul. 19:5, 6) Amubone Mulawo mbowakakankaizya mbazu zyone ziyandika kapati mubukombi busalala.\\n23 Cakusalazya Jehova wakatondezya iwakeelede kuba sikutambula bukombi bwabana Israyeli. Jehova wakaamba kuti: “Utabi abaleza bambi kunze lyangu.” (Kul. 20:3-5) Zituuzyo nzyobakeelede kutuula kulinguwe zyakeelede kuba abube bwiinda kubota. Mucikozyanyo, zituuzyo zyabanyama tiizyakeelede kuba akampenda. (Lev. 1:3; Dt. 15:21; amweezyanisye a Malaki 1:6-8.) Ba Levi bakali kugwasyigwa azipego izyakali kupegwa kuli Jehova, pele abalo bakali kupa zituuzyo zyabo. Nzyobakali kupa zyakeelede kuzwa ‘kuzipego zyoonse iziinda kubota izyakali kupegwa’ kuli mbabo. (My. 18:29) Kujatikizya nzila njobakali kubelesya kukomba, bana Israyeli bakalipedwe malailile aacigaminina kujatikizya ncobakeelede kupa, nkobakeelede kucipeda, alimwi ambobakeelede kucipa kuli Jehova. Antoomwe bakapegwa milawo iinda ku 600 kutegwa ibasololele mubukkale bwabo, alimwi bakaambilwa kuti: “Mweelede kucenjela kuti mucite mbubonya Jehova Leza wanu mbwaamulailila. Tamweelede kuleya kululyo naa kulumwensyi.”—Dt. 5:32.\\n24 Sena akali makani mapati kujatikizya busena nkobakeelede kutuulila zituuzyo zyabo bana Israyeli? Inzya. Jehova wakalailila bantu bakwe kuyaka tente lyakubunganina, alimwi lyakaba mbobusena ikwakali kucitilwa bukombi busalala. (Kul. 40:1-3, 29, 34) Kuciindi eeco, ikuti bana Israyeli bayanda kuti zipaizyo zyabo zitambulwe kuli Leza, bakeelede kuzileta kutente lyakubunganina. *—Dt. 12:17, 18.\\n25. Kujatikizya zituuzyo, ino ncinzi icakali kuyandika kapati? Amupandulule.\\n25 Nokuba boobo, acimbi cakali kuyandika kapati kwiinda waawo, makanze ngaakajisi muna Israyeli aakupeda cipego cakwe! Wakeelede kukulwaizyigwa aluyando luzwa ansi aamoyo ndwaakajisi kuli Jehova akuzyeelelo zyakwe. (Amubale Deuteronomo 6:4-6.) Ciindi bana Israyeli nobakali kucita bukombi busalala cakwiinzya buyo mulawo, Jehova wakazikaka zituuzyo zyabo. (Is. 1:10-13) Kwiinda mumusinsimi Isaya, Jehova wakaamba kuti tacengwi pe akukombwa kwamambonwa ciindi naakaamba kuti: “Bantu aaba . . . balandilemeka amilomo yabo buyo, pele myoyo yabo iili kule andime.”—Is. 29:13.\\n26. Kumatalikilo, ino mulimo nzi ngolyakajisi tempele ilyakayakwa a Solomoni caboola kubukombi busalala?\\n26 Myaanda yamyaka kuzwa bana Israyeli nobakakkala mu Nyika Yakasyomezyedwe, Mwami Solomoni wakayaka ŋanda ikwakali kucitilwa bukombi busalala yalo iyakali mbotu kapati kwiinda tente lyakubunganina. (1Bam. 7:51; 2Mak. 3:1, 6, 7) Kumatalikilo, Jehova alikke ngowakali sikutambula zituuzyo izyakali kutuulwa atempele eeli. Solomoni abalelwa bakwe bakatuula zituuzyo zinji izyakajisi bube bubotu kapati munzila iyakalembedwe mu Mulawo wa Leza. (1Bam. 8:63) Nokuba boobo, mweelwe wamali aakabelesyegwa kuyaka ŋanda amweelwe wazituuzyo tazili nzyezintu izyakapa kuti bukombi atempele butambulike kuli Jehova. Icakali kuyandika kapati makanze aabaabo ibakali kupa zipego. Solomoni wakakakankaizya kaambo aaka ciindi tempele nolyakali kwaabwa. Wakaamba kuti: “Myoyo yanu aimaninine kuli Jehova Leza wesu kwiinda mukutobela malailile aakwe akubamba milawo yakwe mbubonya mbomucita sunu.”—1Bam. 8:57-61.\\n27. Ino ncinzi ncobakacita bami bamu Israyeli alimwi abalelwa babo, alimwi ino Jehova wakacita buti?\\n27 Mukubula coolwe, bana Israyeli tiibakazumanana kutobela lulayo lwabusongo lwamwami. Bakaalilwa kuzuzikizya mbazu yomwe naa kwiinda waawo akati kambazu ziyandika kapati mubukombi busalala. Bami bamu Israyeli alimwi abalelwa babo bakazumizya myoyo yabo ikunyonganizyigwa, bakacileka kusyoma muli Jehova, alimwi bakacileka kutobela zyeelelo zyakwe ziluleme. Ciindi aciindi, caluyando Jehova wakali kutuma basinsimi kutegwa babalulamike alimwi akubacenjezya kujatikizya zintu zibyaabi izyakali kukonzya kutobela akaambo kamicito yabo. (Jer. 7:13-15, 23-26) Musinsimi umwi ulaampuwo akati kabasinsimi aabo wakali mwaalumi uusyomeka Ezekieli. Wakapona aciindi cikatazya kapati mumakani aabukombi busalala.\\nEzekieli Wakabona Bukombi Busalala Kabusofwaazyigwa\\n28, 29. Ino ncinzi ncotuzyi kujatikizya Ezekieli? (Amubone kabbokesi kakuti “Ezekieli, Buumi Bwakwe Aciindi Ncaakapona.”)\\n28 Ezekieli wakalibuzyi kabotu bukombi ibwakali kucitwa aatempele lyakayakwa a Solomoni. Bausyi bakali bapaizi alimwi beelede kuti bakali kubeleka aatempele cakasika ciindi cabulizyi bwabo. (Ezk. 1:3) Weelede kuti Ezekieli wakalikkomene kubwana. Cakutadooneka bausyi bakamuyiisya kujatikizya Jehova alimwi a Mulawo. Alimwi buya, kuciindi Ezekieli naakazyalwa, “bbuku lya Mulawo” lyakajanwa mutempele. * Mwami iwakali kulela aciindi eeco, Mwami mubotu Josiya, wakakulwaizyigwa kapati anzyaakamvwa cakuti wakazumanana kubeleka canguzu kusumpula bukombi busalala.—2Bam. 22:8-13.\\nCakutadooneka bausyi Ezekieli bakamuyiisya kujatikizya Jehova alimwi a Mulawo (Amubone muncali 28)\\nTUBBOKESI TWAKUYIISYA 2B: Makani Mubufwaafwi Aali Mubbuku lya Ezekieli\\n29 Mbubwenya mbuli baalumi basyomeka ibakamusaangunina, Ezekieli wakazizuzikizya mbazu zyoonse zyone ziyandika mubukombi busalala. Ciindi notulanga-langa bbuku lya Ezekieli, twiiya kuti wakamubelekela Jehova cakumaninina, wakazumanana kumupa iziinda kubota, alimwi wakamvwida kwiinda mukucita ncaakaambilwa kuli Jehova alimwi munzila njaakali kuyanda Leza. Ezekieli wakazicita eezyi zyoonse akaambo kakuti wakakulwaizyigwa alusyomo luzwa aansi amoyo. Tiicakali boobo kujatikizya bantu banji mbaakali kupona limwi. Ezekieli naakali kukomena wakali kuswiilila kubusinsimi bwa Jeremiya, walo iwakatalika mulimo wakwe mu 647 B.C.E. alimwi iwakaambilizya mulumbe wakucenjezya cabusungu kujatikizya lubeta lwa Jehova ilwakali kulangilwa.\\nTUBBOKESI TWAKUYIISYA 2A: Kumvwisya Businsimi bwa Ezekieli\\n30. (a) Ino businsimi mbwaakalemba Ezekieli buyubununa nzi? (b) Ino businsimi ninzi, alimwi ino mbuti oobo bwakaambwa a Ezekieli mbotukonzya kubumvwisya? (Amubone kabbokesi kakuti “Kumvwisya Businsimi bwa Ezekieli.”)\\n30 Nzyaakalemba Ezekieli izyakasololelwa amuuya zyakatondezya bantu ba Leza mbobakaleka kumubelekela. (Amubale Ezekieli 8:6.) Ciindi Jehova naakatalika kusubula cisi ca Juda, Ezekieli wakali akati kabaabo ibakatolwa mubuzike ku Babuloni. (2Bam. 24:11-17) Nokuba kuti wakatolwa kali mwaange, Ezekieli kunyina naakali kusubulwa buya. Jehova wakajisi mulimo wakuti akabeleke akati kabantu bakwe baange. Izilengaano zigambya alimwi abusinsimi mbwaakalemba Ezekieli butondezya mbobwakali kuyoobukulusyigwa bukombi busalala mu Jerusalemu. Pele alimwi zilatondezya zinji kwiinda waawo, zilatugwasya kuzyiba bukombi busalala mukuya kwaciindi mbobuyoobukulusyigwa cakumaninina kuli baabo boonse bamuyanda Jehova.\\n31. Ino bbuku eeli lilatugwasya kucita nzi?\\n31 Muzibeela zitobela izili mubbuku eeli, tuyooba acoolwe cakuzyiba asyoonto buyo kujulu nkwakkala Jehova, tuyoobona bukombi busalala mbobwakasofwaazyigwa cakumaninina, tuya kwiiya Jehova mbwabukulusya bantu bakwe akubakwabilila, alimwi tuyoobona zili kumbele ciindi muntu woonse uupona nayookomba Jehova. Mucibalo citobela, tuyoolanga-langa cilengaano cakusaanguna Ezekieli ncaakalemba. Ciyootugwasya kweezyeezya kujatikizya Jehova ambocilibonya cibeela cambunga yakwe yakujulu, akukankaizya ikaambo walo alikke ncayelela kukombwa, kupegwa bukombi busalala.\\n^ munc. 4 Kulibonya kuti Abelo wakazyalwa nokwakainda buyo ciindi cisyoonto kuzwa Adamu alimwi a Eva nobakatandwa mu Edeni. (Matl. 4:1, 2) Lugwalo lwa Matalikilo 4:25 lwaamba kuti Leza wakapa Seti “mubusena bwa Abelo.” Adamu wakajisi myaka yakuzyalwa iili 130 ciindi naakazyala Seti, walo uulibonya kuti wakazyalwa kuzwa Abelo naakajaigwa. (Matl. 5:3) Aboobo Abelo weelede kuti wakajisi myaka iisika ku 100 ciindi naakajaigwa a Kaini.\\n^ munc. 15 Lugwalo lwa Matalikilo 4:26 lwaamba kuti kuciindi naakali kupona Enosi, muzyukulu wa Adamu, “bantu bakatalika kwiita zina lya Jehova.” Nokuba boobo, beelede kuti bakali kucita boobo munzila iitali yabulemu, ambweni bakali kuswaanganya zina lya Jehova kumituni.\\n^ munc. 17 Leza mwaalumi uutegwa Nana alimwi wakazyibidwe azina lyakuti Sini. Nokuba kuti bantu ibakali kukkala mumunzi wa Uri bakali kukomba baleza banji, matempele alimwi azipaililo izyakali mumunzi ooyo zyakaabidwe kapati kulinguwe.\\n^ munc. 24 Bbokesi lyacizuminano lisalala nolyakagusyigwa mutente lyakukombela, kuboneka kuti Jehova wakali kuzitambula zipaizyo izyakali kupegwa mumasena aambi kunze azyeezyo izyakali kutuulwa atente lyakubunganina.—1Sam. 4:3, 11; 7:7-9; 10:8; 11:14, 15; 16:4, 5; 1Mak. 21:26-30.\\n^ munc. 28 Kuboneka kuti Ezekieli wakali amyaka iili 30 naakatalika kusinsima mumwaka wa 613 B.C.E. Aboobo, kweelede kuti wakazyalwa mumwaka wakuma 643 B.C.E. (Ezk. 1:1) Josiya wakatalika kweendelezya mu 659 B.C.E., mpoonya bbuku lya Mulawo, kuboneka kuti lyakusaanguna, lyakajanwa ambweni afwaafwi amwaka wanamba 18 wabulelo bwakwe, naa andiza mumwaka wa 642-641 B.C.E.\\nIno nkaambo nzi Jehova ncaakabukaka bukombi bwa Kaini akuzumina bwa Abelo?\\nIno ncinzi ncomwaiya kujatikizya bukombi busalala kuzikozyanyo zyabantu bakaindi?\\nIno ncibeela nzi cabbuku eeli ncomuyanda kapati kuyakwiiya?","num_words":2900,"character_repetition_ratio":0.062,"word_repetition_ratio":0.0,"special_characters_ratio":0.184,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ncinzi Ncondeelede Kuzyiba Kujatikizya Kutuma Tugwalo Afooni? | Bakubusi Balabuzya\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bislama Bulgarian Cambodian Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Danish Dutch Efik English Estonian Ewe Fijian Finnish French Ga Georgian German Greek Gun Haitian Creole Hausa Hebrew Hiligaynon Hindi Hungarian Icelandic Igbo Iloko Indonesian Isoko Italian Japanese Kazakh Kikamba Kinyarwanda Kirghiz Kirundi Korean Latvian Lingala Lithuanian Luganda Macedonian Malagasy Malay Malayalam Maltese Mongolian Myanmar Nepali Norwegian Nzema Oromo Ossetian Pangasinan Papiamento (Aruba) Papiamento (Curaçao) Persian Polish Portuguese Quechua (Bolivia) Romanian Russian Samoan Sepedi Serbian (Cyrillic) Serbian (Roman) Sesotho (Lesotho) Setswana Shona Sinhala Slovak Slovenian Spanish Swahili Swedish Tagalog Tamil Tatar Telugu Thai Tsonga Turkish Turkmen Ukrainian Urdu Urhobo Vietnamese Xhosa Yoruba Zulu\\nNcinzi Ncondeelede Kuzyiba Kujatikizya Kutuma Tugwalo Afooni?\\n:-) Kuti naa kutuma tugwalo afooni kwabelesyegwa kabotu, kulakonzya kugwasya kuzyiba mbobabede beenzyinyoko.\\n:-( Kuti naa tiikwabelesyegwa kabotu, kulakonzya kunyonganya zilongwe zyanu​—alimwi ampuwo yanu.\\nCibalo eeci cilamwaambila nzyomweelede kuzyiba kujatikizya\\nMuntu ngomutumina tugwalo\\nCiindi nomweelede kulemba kagwalo afooni\\nAzimwi zili mucibalo eeci:\\nTwaambo tukonzya kumugwasya kutegwa kamulemba kabotu tugwalo afooni\\nMibuzyo iijatikizya kutuma tugwalo afooni\\nMuntu ngomutumina tugwalo afooni\\nBakubusi banji bayeeya kuti tacikonzyeki kubandika abamwi kakunyina kutuma tugwalo afooni. Kutuma tugwalo afooni kupa kuti muzyibe mbobapona bantu boonse ibajisi manamba aali mufooni yanu​—ccita kuti bazyali banu bamukasya.\\n“Bataata tabayandi kuti mebo amucizyi wangu katubandika abasankwa afooni. Kuti naa tuyanda kubandika, tweelede kubelesya fooni yantambo, muŋanda yakwiizizya, alimwi kweelede kuti kakuli bantu baliko.”​—Lenore.\\nNcomweelede kuzyiba: Kuti kamupa namba yanu yafooni kumuntu uuliwoonse, muyoonjila mupenzi.\\n“Kuti kamutabikkili maano kujatikizya bantu baizyi namba yanu, mulalangilwa kutambula tugwalo naa zifwanikiso nzyomutayandi.”​—Scott.\\n“Kuti ciindi aciindi kamutuma tugwalo kumuntu ngomwiindene zizo, cakufwambaana mulatalika kumuyanda muntu ooyo.”​—Steven.\\nIbbaibbele lyaamba kuti: “ Muntu uucenjede, abona mapenzi, ulayuba. ” (Tusimpi 22:⁠3) Kwiinda mukubweza ntaamu zigwasya, mulakonzya kulikwabilila kumapenzi.\\nMakani aakacitika ncobeni: “ Mebo amusankwa umwi twakali balongwe, alimwi twakali kutuminana tugwalo afooni ziindi zinji. Ndakali kuyeeya kuti twakali kumvwana buyo. Tiindakayeeya kuti lyakali penzi kusikila ciindi naakandaambila kuti wakali kundiyanda. Ndayeeya izyakacitika musyule, ndabona kuti tiindakeelede kuzyibilana anguwe​—alimwi akumutumina tugwalo​—ziindi zinji mbuli mbundakali kucita. ”​—Melinda.\\nAmuyeeye kaambo aaka: Ino muyeeya kuti cilongwe ca Melinda amusankwa ooyo cakali kunoojatikizyigwa buti ciindi musankwa ooyu naakaliyubununa mbwabede?\\nAmulembulule kaambo aaka! Ncinzi ciindene ncaakeelede kucita Melinda kutegwa walo amusankwa uulya bazumanane kuba balongwe buyo?\\nTugwalo twaafooni tatukatazyi kutuma​—alimwi tulakondelezya kututambula​—akuti ncuuba-uba kuluba kuti bantu balakonzya kuzipandulula bumbi nzyomwakalemba.\\nNcomweelede kuzyiba: Majwi atumwa kwiinda mukutuma kagwalo afooni alakonzya kupandululwa bumbi.\\n“Kwiinda mukutuma tugwalo twaafooni, tokonzyi kuzyiba mbwalimvwa muntu alimwi ajwi lyakwe mbolilimvwisya​—noziba zitondezyo zibelesyegwa mutugwalo izitondezya mbwalimvwa muntu. Cilakonzya kupa kuti bamwi bazimvwe munzila iilubide.”​—Briana.\\n“Ndilibazyi basimbi bakanyonyoona mpuwo yabo alimwi bazizyilwe kubantu bayanda kusobana abasankwa akaambo kazyintu nzyobalemba mutugwalo ntobatumina basankwa.”​—Laura.\\nIbbaibbele lyaamba kuti: “ Moyo wamululami ulayeeya kabotu mbweelede kuvuwa. ” (Tusimpi 15:​28) Ino lugwalo oolu lutuyiisya nzi? Kamukabalulula kagwalo kaafooni kamutanatyanka aalembedwe kuti “Send”!\\nCiindi nomweelede kulemba\\nKwiinda mukubelesya maano, mulakonzya kulibikkila milawo iijatikizya kulemba tugwalo afooni.\\nNcomweelede kuzyiba: Kuti naa tiimwabikkila maano kutugwalo ntomulemba, tugwalo tunoolimvwisya mbuli kuti mujisi nciki calo cikonzya kupa kuti balongwe bamutantamuke muciindi cakumuswena munsi.\\n“Ncuuba-uba kuluba milawo njowakalibikkila kujatikizya kulemba tugwalo twaafooni. Ciindi nondibandika amuntu umwi naa ciindi nondilya, kujanika kuti ndilemba kagwalo afooni.”​—Allison.\\n“Ciletela ntenda kulemba kagwalo afooni kumwi kamweenzya mootokala. Kuti naa mwaleka kulanga nkomuya, mulalangilwa kuba muntenda.”​—Anne.\\nIbbaibbele lyaamba kuti: “ Zintu zyoonse zilijisi ciindi cazyo, . . . ciindi cakuumuna aciindi cakwaamba. ” (Mukambausi 3:​1, 7) Eeci cilabeleka akukutuma tugwalo afooni mbubwenya mbocibeleka kukwaambaula!\\n;-) Amutobele malailile aabazyali banu.—Bakolose 3:⁠20.\\n;-) Kamusala bantu mbomupa namba yanu yafooni. Ciindi nomukaka cabulemu kupa muntu twaambo tumujatikizya​—kubikkilizya anamba yanu yafooni​—mulaba aluzyibo luyoomugwasya mwaakukomena.\\n;-) Mutaciindizyi kuzyibilana abantu kwiinda mukutuma tugwalo tupa muzeezo wakuti mulamuyanda muntu ooyo. Kuti naa mwatalika kumuyanda muntu ooyo, ciyoomupa buyo kutyompwa akujana mapenzi.\\n“Ndijisi mpuwo mbotu kubazyali bangu kujatikizya mbondibelesya fooni yangu yakumaanza, aboobo balandisyoma kuti ndisala cabusongo kujatikizya manamba aabantu ngondibikka mufooni yangu.”​—Briana.\\n;-) Kamutanatalika kulemba kagwalo afooni, amulibuzye kuti, ‘Sena kutuma kagwalo afooni njenzila mbotu yakubandika mubukkale buli boobu?’ Inga cabota kutuma fooni naa kulindila kutegwa mubandike amuntu ooyo mulomompande.\\n;-) Mutalembi cintu cilicoonse ncomutakonzyi kwaamba kuti kamuli anguwe muntu ooyo. Sarah uujisi myaka yakuzyalwa iili 23 wakaamba kuti: “ Kuti naa taceelede kwaambwa cakupozya, nkokuti taceelede kutumwa kwiinda mukutuma kagwalo kaafooni. ”\\n“Kuti naa umwi wamutumina zifwanikiso zileta muzeezo wakoonana, amubaambile bazyali banu. Ciyoomukwabilila alimwi bazyali banu banoomusyoma.”​—Sirvan.\\n;-) Amusalile limwi ciindi nomuteelede kubelesya fooni. Musimbi wiitwa kuti Olivia wakaamba kuti: “ Tandibwezi fooni yangu yakumaanza ciindi nondilya naa ciindi nondibala. Ndilaizima ciindi nondili kumiswaangano ya Bunakristo kutegwa nditanooilangi. ”\\n;-) Kamubabikkila maano bamwi. (Bafilipi 2:⁠4) Mutalembi kagwalo afooni ciindi nomubandika amuntu mulomompande.\\n“Ndakalibikkila milawo, mbuli yakuti tandeelede kutumina bantu tugwalo afooni ciindi nondili mukabunga kabantu ccita kuti kwayandika kucita boobo. Alimwi tandipi namba yangu kubantu mbonditanazibila.”​—Janelly.\\nMwali kweebana kwamyezi iili cisambomwe, pele lino mwazyiba kuti muntu ooyo tamweeleli pe. Ino inga mwamulembela buti muntu ooyo?\\n“Cisyabo cesu camana.”\\n“Tweelede kujana ciindi cakubandika. Ino ndilili notukonzya kuswaangana?”\\nBwiinguzi buluzi: B. Ccita kuti kaciteeleli kucita boobo akaambo kabukkale, ncibotu kapati kubandika mulomompande kaambo kapati ikajatikizya kumana cisyabo.​—Luka 6:⁠31.\\nMwatambula kagwalo kaafooni kajisi cifwanikiso casicikolonyoko cileta muzeezo wakoonana. Ino inga mwacita buti?\\nKucidiliita cifwanikiso cakufwambaana.\\nKucitumina beenzinyoko boonse.\\nBwiinguzi buluzi: A Kutuma zifwanikiso zileta muzeezo wakoonana cisampaula baabo boonse bajatikizyidwe. Amukake kutola lubazu luli loonse!​—Baefeso 5:⁠3, 4.\\nMuyanda kutalika kulya antoomwe abamukwasyi wanu mpoonya kwalila kanyimbo kamuzyibya kuti mwatambula kagwalo. Ino inga mwacita buti?\\nKukalanga kagwalo ikasika akuyeeya kuti bamukwasyi wanu kunyina ncobatiicite.\\nKulindila mane mwamana kulya nkokukalanga kagwalo.\\nBwiinguzi buluzi: B. Kagwalo kalakonzya kulindila. Amuubikke kumbele mukwasyi.​—Bafilipi 1:⁠10.\\nZilongwe Luumuno alimwi alukkomano Bakubusi Balabuzya Bakubusi\\nNzyobaamba Beenzinyoko Kujatikizya Mafooni","num_words":865,"character_repetition_ratio":0.062,"word_repetition_ratio":0.0,"special_characters_ratio":0.156,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Muchelo Wamuuya Lusyomo\\nNgaziyakulinda—Yakwiiya | August 2019\\nBALA MU Abua Acholi Afrikaans Aja Akha Albanian Altai Alur American Sign Language Amharic Amis Arabic Armenian Aukan Aymara Azerbaijani Azerbaijani (Cyrillic) Baoule Bashkir Bassa (Cameroon) Batak (Karo) Batak (Simalungun) Batak (Toba) Belize Kriol Bengali Biak Bicol Bislama Boulou Bulgarian Cakchiquel Cambodian Catalan Cebuano Changana (Mozambique) Chavacano Chichewa Chin (Hakha) Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuukese Chuvash Cibemba Cinyanja Colombian Sign Language Croatian Cuban Sign Language Czech Dangme Danish Digor Douala Drehu Dutch Ecuadorian Sign Language Edo Efik English Esan Estonian Ewe Fijian Finnish Fon French Ga Garifuna Georgian German Greek Greenlandic Guadeloupean Creole Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hmong (White) Hungarian Iban Ibanag Ibinda Icelandic Idoma Igbo Igede Iloko Indonesian Italian Italian Sign Language Japanese Javanese Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Kekchi Khana Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisonge Kongo Korean Krio Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Lahu Laotian Latvian Lenje Lhukonzo Lingala Lithuanian Lomwe Low German Luganda Lunda Luo Luvale Macedonian Macua Makhuwa-Meetto Malagasy Malay Malayalam Maltese Mam Mambwe-Lungu Mapudungun Marathi Marshallese Mauritian Creole Maya Mazatec (Huautla) Mbunda Mexican Sign Language Mingrelian Mixe Mixtec (Guerrero) Mizo Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Navajo Ndau Ndebele Ndebele (Zimbabwe) Ndonga Nepali Ngabere Ngangela Nias Niuean Norwegian Nyaneka Nyungwe Nzema Okpe Oromo Ossetian Otetela Palauan Pangasinan Papiamento (Curaçao) Persian Pidgin (West Africa) Polish Ponapean Poqomchi' Portuguese (Portugal) Punjabi Quebec Sign Language Quechua (Ancash) Quechua (Ayacucho) Quechua (Bolivia) Quechua (Cuzco) Quiche Quichua (Chimborazo) Quichua (Imbabura) Rarotongan Romanian Romany (Macedonia) Romany (Macedonia) Cyrillic Romany (Serbia) Romany (Southern Greece) Ronga Runyankore Russian Rutoro Samoan Sangir Sango Saramaccan Sena Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Slovak Slovenian Solomon Islands Pidgin South African Sign Language Spanish Spanish Sign Language Sranantongo Sunda Swahili Swahili (Congo) Swati Swedish Tagalog Tahitian Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Tuvaluan Twi Tzeltal Tzotzil Uighur (Arabic) Uighur (Cyrillic) Ukrainian Umbundu Urdu Urhobo Uruund Uzbek Uzbek (Roman) Venda Venezuelan Sign Language Vietnamese Wallisian Waray-Waray Wayuunaiki Welsh Wolaita Xhosa Yapese Yoruba Zande Zapotec (Isthmus) Zulu\\nLusyomo Lupa Kuti Tube Aachibindi\\nLUSYOMO lupa kuti tutayoowi. Muchikozyano, Saatani uyanda kumana bweenzuma mbutuli aabo aJehova pesi lusyomo lupa kuti tukonzye “kuzima mivwi yoonse iiyaka mulilo iifwuswa amubi.” (Ef. 6:16) Alubo kuti katuli aalusyomo tuyookonzya kulisimya kumapenzi mayumu nta. Jesu wakabuzya basikwiiya bakwe kuti: “Ikuti kamujisi lusyomo luli mbuli inseke yamusitada, muyakwaambila mulundu ooyu kuti, ‘Kozwa aawa uunke waalya,’ eelyo uyoozwa.” (Mt. 17:20) Atulange-lange mibuzyo iitobela: Lusyomo niinzi? Kuziba kasimpe kutugwasya biyeni kuti tube alusyomo? Nga tulalusimya biyeni lusyomo lwesu? Alubo ngwani ngutweelede kusyoma? Kujana nsandulo zyamibuzyo eeyi kulatugwasya nkaambo lusyomo lupa kuti tusime mubukombi.—Rom. 4:3.\\nLusyomo luswaanizya zintu zyiingi kutali kuziba akuzumina kasimpe luzutu nkaambo nikuba “madaimona alasyoma oobo [kuti Leza mpali] alimwi alakankama.” (Jak. 2:19) Ani mpo lusyomo niinzi?\\nMbuuli mbutulaachoonzyo chakuti lyoonse kunooli sikati amansiku, tulaachoonzyo chakuti nzyakaamba Leza zizoozuzikizigwa\\nBbayibbele lipandulula lusyomo munzila zibili. Yakusaanguna, “lusyomo mbulangizi businizyidwe bwaceeco cilangilwa.” (Heb. 11:1a) Kuti kuli alusyomo ulazumina kuti zintu zyoonse zyaambwa aJehova nzyachoonzyo akuti zizoozuzikizigwa. Muchikozyano, Jehova wakabuzya maIsrayeli kuti: “Ikuti naa nywebo mulakonzya kujaya cizuminano cangu casyikati alimwi acizuminano cangu camasiku, kutegwa syikati amasiku zitabiko aciindi canzizyo ceelede, nkokuti acalo cizuminano cangu a Davida mubelesi wangu inga cajaigwa.” (Jer. 33:20, 21) Kuli nwaakali wayoowa na kuti zuba talikoozwa naakuti talikoobbila, zitape kuti kutabi sikati amansiku? Kuti kulaachoonzyo chakuti kuli milawu iipa kuti kakuba sikati amansiku, toyelede kuzumbuuzya kuti Mulengi wamilawo eeyi uyoozuzikizya majwi aakwe ngaakaamba.—Is. 55:10, 11; Mt. 5:18.\\nYachibili, lusyomo “mbumboni busalede bwazintu zini-zini zitanabonwa” pesi kazili zyachoonzyo. (Heb. 11:1b; makani aamunsi.) Atubone chikozyano chitugwasya kumvwisisisya makani aaya. Atuteedi, mwanaako wakubuzya kuti ‘Uzizi biyeni kuti moya mpuuli?’ Nikuba kuti taakwe nwaakali wawubona moya pesi ulakonzya kumubuzya bumboni butondeezya kuti mpuuli, mbuuli kuyoya, zichitwa aluuwo azimwi. Kuti mwanaako wabumvwisisisya bumboni oobo, ulakonzya kusyoma kuti moya mpuuli nikuba kuti takonzyi pe kuubona. Andulo lusyomo luyeeme aabumboni.—Rom. 1:20.\\nKUZIBA KASIMPE KUTUGWASYA KUBA ALUSYOMO\\nMbukunga twabona kuti lusyomo luyeeme aabumboni nkinkaako, kuti tube alusyomo tweelede kuba “aluzyibo lwini-lwini lwakasimpe.” (1 Tim. 2:4) Pesi tatweelede kugolela aawo luzutu nkaambo mwaapostolo Pawulu wakati: “Muntu utondezya lusyomo ndwajisi mumoyo.” (Rom. 10:10) Tatweelede kukasyoma luzutu kasimpe pesi tweelede kukabona kakayandikana. Kuti twakabona kakayandikana, ziyoopa kuti tutondeezye lusyomo akupona kweendelana ankako. (Jak. 2:20) Muntu uutakwe ndaba akasimpe ulakonzya kukakaka nikuba kuti kuli bumboni buli aantanganana alubo ulakonzya kusala kuchita nzyayanda. (2 Pet. 3:3, 4; Jud. 18) Eezi nzizyo zyakapa kuti bamwi bantu bakapona muchiindi chaBbayibbele batabi alusyomo nikuba kuti bakazibona zigambyo. (My. 14:11; Joh. 12:37) Muuya uusalala waLeza ugwasya bantu bayanda kasimpe luzutu kuti babe alusyomo.—Gal. 5:22; 2 Tes. 2:10, 11.\\nDAVIDA WAKALUSIMYA BIYENI LUSYOMO LWAKWE?\\nUmwi muntu wakali alusyomo lusimide, Mwaami Davida. (Heb. 11:32, 33) Pesi bamwi bamumpuli yakwe teebakalikwe lusyomo luli mbuuli lwakwe. Muchikozyano, ali chimwi chiindi mukulanaakwe Eliyabbu wakatondeezya kuti taakwe lusyomo chiindi naakambwida Davida akaambo kakuti wakali kuyanda kulwana aGoliyati. (1 Sam. 17:26-28) Eezi zitondeezya kuti taakwe muntu uuzyalwa kali alusyomo akuti takulichitikili pe. Davida wakaba alusyomo nkaambo wakali abweenzinyina bulikabotu aLeza.\\nMuli Intembauzyo 27, Davida wakapandulula zyakamugwasya kuti abe alusyomo lusimide. (Vesi 1) Davida wakayeeyesesya atala azintu nzyaakachitilwa aJehova ambaakamulwanina basinkondonyina. (Vesi 2,3) Wakali kukuyanda kukomba Jehova. (Vesi 4) Wakali kukomba Leza kalaamwi abakombinyina mutente lyakukombela. (Vesi 6) Wakali kubuzya Jehova zili mumoyo wakwe kwiinda munkombyo. (Vesi 7, 8) Alubo Davida wakali kuyanda kuyiisigwa nzila zyaLeza. (Vesi 11) Akaambo kakuti kuba alusyomo kwakali kuyandikana kuli Davida, wakalibuzya kuti: “Ino nindali kuli ikuti nindatalijisi lusyomo?”—Vesi 13.\\nMBUKONZYA KUSIMYA LUSYOMO LWAKO\\nAnduwe ulakonzya kuba alusyomo lusimide mbuuli kwakabede Davida kuti watobelezya zyaambidwe muli Intembauzyo 27. Twabona kuti weelede kuba aluzibo kuti ube alusyomo. Kukkala kubala Jwi lyaLeza amabbuku apandulula Bbayibbele kuyoopa kuti ube abuntu oobu. (Int. 1:2, 3) Yeeyesesya atala azintu nzubala. Kuyeeyesesya kupa kuti umuyande loko Jehova. Alubo kuti wamuyanda Jehova uyootondeezya kuti ulaalusyomo kwiinda mukukambawuka akuliswaanizya abamwi kumiswaangano yambungano. (Heb. 10:23-25) Alubo tutondeezya kuti tuli alusyomo kwiinda ‘mukupaila lyoonse akutaleka.’ (Lk. 18:1-8) Bbayibbele liti, “amupaile cakutaleka” kuli Jehova kamuli achoonzyo chakuti “ulamubikkila maano.” (1 Tes. 5:17; 1 Pet. 5:7) Lusyomo lupa kuti tuchite milimu mibotu alubo milimu eeyo isimya lusyomo lwesu.—Jak. 2:22.\\nKatanafwa Jesu wakabuzya basikwiiya bakwe kuti: “Amusyome Leza; amundisyome andime.” (Joh. 14:1) Zilaantanganana kuti tatweelede kusyoma Jehova luzutu pesi tweelede kusyoma aJesu. Nga tulamusyoma biyeni Jesu? Atubone nzila zitatu.\\nKusyoma Jesu chambaanzi?\\nYakusaanguna, weelede kusyoma kuti chinunuzyo nchipo nchwaakapegwa aLeza. Mwaapostolo Pawulu wakati: “Ndilapona akaambo kalusyomo ndondijisi mu Mwana wa Leza, iwakandiyanda akulyaaba akaambo kandime.” (Gal. 2:20) Kusyoma Jesu kuswaanizya kuzumina kuti chinunuzyo chilabeleka mulinduwe, chipa kuti ulekelelwe zibi, chipa kuti ube abulangilizi bwakupona kukabe kutamani akuti ninzila mpati iitondeezya kuti Leza ulakuyanda. (Rom. 8:32, 38, 39; Ef. 1:7) Kusyoma kuti chinunuzyo chilakugwasya kupa kuti utalisoli akaambo kazibi nzwaakachita chiindi akuti utanoolilangili aansi.—2 Tes. 2:16, 17.\\nYachibili, komba kuli Jehova kwiinda muchinunuzyo chaJesu. Chinunuzyo chipa kuti tukonzye kukomba kuli Jehova “akwaambaula cakutayoowa, kutegwa tukajane luse aluzyalo lwa Leza zyakutugwasya aciindi ceelede.” (Heb. 4:15, 16; 10:19-22) Alubo kukomba kutugwasya kuti tube amanguzu aakulwana masunko.—Lk. 22:40.\\nYachitatu, swiilila Jesu. Mwaapostolo Johane wakalemba kuti: “Ooyo uumusyoma Mwana ulaabuumi butamani; ooyo uutamuswiilili Mwana takabuboni buumi pe, pele bukali bwa Leza bulakkalilila aalinguwe.” (Joh. 3:36) Muvesi eeyi Johane wakatondeezya musiyano uliwo aakati kakuba alusyomo akutaswiilila. Nkinkaako, tutondeezya kuti tulamusyoma Jesu kwiinda mukumuswiilila. Alubo tutondeezya kuti tulamuswiilila Jesu kwiinda mukuswiilila “mulawo wa Kristo,” chaamba kutobelezya zintu zyoonse nzyaakayiisya anzyakalayilila. (Gal. 6:2) Imwi nzila mbututondeezya kuti tulamuswiilila Jesu, nkutobelezya malayilile “muzike uusyomeka alimwi uucenjede” ngatupa. (Mt. 24:45) Kuti waswiilila Jesu, uyoolisimya kumapenzi mayumu nta.—Lk. 6:47, 48.\\nUmwi mwaalumi wakoompolola kuli Jesu kati: “Ndijisi lusyomo! Kondigwasya kuba alusyomo luyumu!” (Mk. 9:24) Mwaalumi ooyu wakali alusyomo pesi kulibombya kwakapa kuti alibone kuti weelede kuba alusyomo lusimide. Andiswe tulakonzya kuswaana zyiimo ziyanda kuti tube alusyomo lusimide. Nkinkaako atubeleke changuzu kuti tusimye lusyomo lwesu lino. Twabona kuti lusyomo lwesu lulasima kwiinda mukubala Jwi lyaLeza akuyeeyesesya atala anzitubala akuti kuchita oobo kupa kuti tumuyande loko Jehova. Alubo lusyomo lwesu lulasima nitukambawukila bamwi, nituliswaanizya abakombima kumiswaangano yambungano akukomba chakutaleka. Kuyungizya waawo, kuti twasimya lusyomo lwesu tujana mpindu mpati. Nkaambo Jwi lyaLeza litwaambila kuti: “Nobayandwa, amuliyake nobeni aantalisyo yalusyomo lwanu lusalalisya . . . ikutegwa muzumanane kukkala muluyando lwa Leza.”—Jud. 20, 21.\\nLuyando Lwanu Aluvule\\nAabo “Bakuswiilila” Bayoofutuka\\nMbutukonzya Kuzibila Nitwachincha Mulimu Mumbunga\\nJohane Mubbabbatizi Nchikozyano Chibotu Chakubotelwa\\nText Sala naa uyanda kukkopa zyakamwayigwa zilekkodedwe NGAZIYAKULINDA—YAKWIIYA August 2019\\nNGAZIYAKULINDA—YAKWIIYA August 2019","num_words":1340,"character_repetition_ratio":0.05,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mucelo Wamuuya​—Kukkazika Moyo\\nAMUBALE MU Afrikaans Albanian Altai Alur Amharic Amis Arabic Armenian Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Boulou Bulgarian Cakchiquel (Western) Catalan Cebuano Chichewa Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Croatian Czech Damara Dangme Danish Digor Douala Dutch Edo Efik English Esan Estonian Ewe Fijian Finnish Fon French Ga Garifuna Georgian German Greek Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hungarian Ibanag Icelandic Igbo Iloko Indonesian Isoko Italian Japanese Jula Kabiye Kabuverdianu Kannada Kekchi Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mingrelian Mixe (North Central) Mixtec (Guerrero) Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Norwegian Nzema Okpe Oromo Ossetian Otetela Pangasinan Papiamento (Curaçao) Persian Pidgin (West Africa) Polish Ponapean Portuguese Portuguese (Portugal) Punjabi Quechua (Ancash) Quechua (Bolivia) Romanian Russian Samoan Sango Sepedi Sepulana Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovenian Solomon Islands Pidgin South African Sign Language Spanish Sranantongo Swahili Swahili (Congo) Swati Swedish Tagalog Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Vietnamese Waray-Waray Wolaita Xhosa Yoruba Zande Zapotec (Isthmus) Zulu\\nAKAAMBO kakuti buumi buyaabuyumina limwi “kumazuba aamamanino” aano, bantu ba Jehova bayandika kuba abube bwakukkazika moyo kwiinda kaindi. (2Tim. 3:1-5) Tuzingulukidwe anyika mwalo bantu kanji-kanji mobali basikuliyanda, batanyoneki, alimwi batalilesyi. Bantu batondezya micito iili boobu tabajisi bube bwakukkazika moyo. Aboobo, Munakristo uuli woonse weelede kulibuzya kuti: ‘Sena ndatalika kuba muntu uutakkaziki moyo mbuli bantu bandizingulukide? Ino kukkazika moyo kwini-kwini caamba nzi? Alimwi ino ncinzi ncondikonzya kucita kutegwa bube oobu bwa Bunakristo ibuyandika kapati bube cibeela cabube bwangu bwalyoonse?\\nNCOCAAMBA KUKKAZIKA MOYO\\nKweelana a Bbaibbele, kukkazika moyo tacaambi buyo kuliyumya mubukkale busunka. Muntu uujisi bube bwakukkazika moyo ulaliyumya kajisi bulangizi. Tabikkili buyo maano kujatikizya mbwalimvwa walo, pele ulabikkila maano kubukkale bwayooyo wapa kuti kube kutamvwana. Akaambo kaceeci, ciindi muntu uukkazika moyo nobamubisizya naa kumunyemya bamwi, ulazumanana kuba abulangizi bwakuti cilongwe cabo cilaba kabotu alimwi. Aboobo, tacigambyi kuti Bbaibbele lyaamba “kukkazika moyo” kuti mbube bwakusaanguna akati kabube bunji bubotu ibuzwa kuluyando. * (1Kor. 13:4) Alimwi “kukkazika moyo” ncibeela ‘camucelo wamuuya.’ (Gal. 5:22, 23) Aboobo, ino ncinzi ciyandika kulindiswe kutegwa tube abube oobu bwabunaleza?\\nMBOTUKONZYA KUBA ABUBE BWAKUKKAZIKA MOYO\\nKutegwa tuba abube bwakukkazika moyo, tweelede kupailila lugwasyo lwamuuya wa Jehova, walo ngwapa kuli baabo bamusyoma. (Lk. 11:13) Nokuba kuti muuya wa Leza ulaanguzu, andiswe tweelede kucita lubazu lwesu alimwi akucita kweelana amipailo yesu. (Int. 86:10, 11) Eeci caamba kuti tweelede kubeleka canguzu kutondezya bube bwakukkazika moyo abuzuba kutegwa bukonzye kusimpa miyanda mumoyo wesu. Nokuba boobo, tweelede kuzumanana kubeleka canguzu kutegwa kukkazika moyo bube cibeela cabube bwesu bwalyoonse. Ino ncinzi cimbi cikonzya kutugwasya?\\nTulakonzya kuba abube bwakukkazika moyo kwiinda mukulanga-langa alimwi akwiiya cikozyanyo ca Jesu cilondokede. Kweelana acikozyanyo eeco, mwaapostolo Paulo, kwiinda mukusololelwa amuuya wakapandulula “buntu bupya” bwalo bubikkilizya “kukkazika moyo,” mpoonya wakatukulwaizya kuti ‘tulekele luumuno lwa Kristo kuti lweendelezye mumyoyo yesu.’ (Kol. 3:10, 12, 15) Tulakonzya kupa luumuno oolo kuti “lweendelezye” mumyoyo yesu kwiinda mukwiiya lusyomo lwa Jesu lutazungaani, aciindi ncasalide mwini, Leza uyoozibamba zintu eezyo zitukatazya. Ciindi notutobela cikozyanyo ca Jesu, kunyina notuyoonyema cakuti mane buya twaalilwa kukkazika moyo, tacikwe makani azintu zikonzya kucitika aawo mpotubede.—Joh. 14:27; 16:33.\\nNokuba kuti tuliyandide kubona nyika mpya njaakatusyomezya Leza, tulaiya kukkazika moyo ciindi notuzinzibala kuyeeya mbwatukkazikila moyo Jehova. Magwalo atusyomezya kuti: “Jehova tamukide pe kujatikizya cisyomezyo cakwe kweelana ambobayeeya bamwi kuti wamuka, pele umukkazikila moyo nkaambo tayandi kuti muntu uuli woonse anyonyoonwe, pele uyanda kuti boonse bakonzye kweempwa.” (2Pet. 3:9) Ciindi notuyeeya kujatikizya mbwatukkazikila moyo Jehova, sena eeci tacitukulwaizyi kubakkazikila moyo bamwi? (Rom. 2:4) Katukayeeyede kaambo aako, muubukkale buli buti momuyandika kukkazika moyo?\\nBUKKALE MOMUYANDIKA KUKKAZIKA MOYO\\nKuli bukkale bunji mubuumi bwesu bwabuzuba abuzuba motuyandika kukkazika moyo. Mucikozyanyo, ikuti kamulimvwa kuti mujisi cintu ciyandika kapati ncomweelede kwaamba, inga mwayandika kutondezya kukkazika moyo kutegwa mutabanjili mukanwa bamwi. (Jak. 1:19) Alimwi inga mwayandika kutondezya kukkazika moyo ciindi nomuyanzana abakombinyoko ibacita zintu izimunyemya. Muciindi cakuciindizya kunyema akaambo kazintu eezyo, inga mwacita cabusongo kuyeeya kujatikizya Jehova alimwi a Jesu mbobacita mukulezya kwesu. Tababikkili maano kutuntu tuniini-niini ntotulubizya. Muciindi caboobo, babona bube bubotu mbotujisi alimwi cakukkazika moyo, balatupa ciindi cakucinca.—1Tim. 1:16; 1Pet. 3:12.\\nBukkale bumbi motuyandika kukkazika moyo nciindi muntu umwi naatutamikizya kwaamba naa kucita cintu citaluzi. Kanji-kanji, ambweni tulafwambaana kunyema alimwi akupa twaambo twakulitamizya. Nokuba boobo, Ijwi lya Leza lyaamba kucita zintu munzila iimbi. Lyaamba kuti: “Kukkazika moyo nkubotu kwiinda kuba amuuya wakulisumpula. Utafwambaani kunyema pe, nkaambo kunyema-nyema kukkala mucamba cabafwubafwuba.” (Muk. 7:8, 9) Aboobo, nokuba kuti nzyobatwaamba nzyakubeja, tweelede kukkazika moyo alimwi akuyeeya katutanabweza ntaamu. Jesu wakaitobela njiisyo eeyo ciindi bamwi nobakamutamikizya kucita cintu citaluzi.—Mt. 11:19.\\nKwaambisya bazyali beelede kutondezya bube bwakukkazika moyo ciindi nobayanda kugwasya bana babo kubambulula bube butali kabotu, naa nzyobalombozya. Amubone cikozyanyo caba Mattias, ibabelekela ku Beteli yaku Scandinavia. Kabacili bakubusi, ba Mattias bakaliyumya kukusampaulwa kucikolo akaambo kazintu nzyobakali kusyoma. Kumatalikilo, bazyali babo kunyina ncobakazyi. Nokuba boobo, bakali kulwana penzi lyakaboola akaambo kakukazyigwa kwamwanaabo, walo iwakatalika kudooneka naa wakali mukasimpe. Ba Gillis, bausyi baba Mattias, bakaamba kuti: “Bukkale oobu bwakali kuyandika kukkazika moyo.” Ba Mattias bakali kubuzya kuti: “Ino Leza nguni? Mbuti kuti Bbaibbele talili Jwi lya Leza? Ino tuzyi buti kuti Leza nguuyanda ceeci naa eeci kulindiswe?” Alimwi bakali kubabuzya bausyi kuti: “Nkaambo nzi ncondeelede kubetekwa ikuti kanditalimvwi alimwi akusyoma nzyomusyoma?”\\nBa Gillis bakaamba kuti, “Zimwi ziindi mibuzyo yamwaaneesu yakali kubuzyigwa cakunyema, kutali kunyemena ndime naa banyina pe, pele kujatikizya kasimpe, kalo nkaakali kulimvwa kuti nkakakali kumuyumizyila buumi.” Mbuti ba Gillis mbobakabweendelezya bukkale oobu? Bakaamba kuti, “Mebo amwanaangu twakali kukkala kubandika kwaciindi cilamfwu. Ziindi zinji ndakali kuswiilila alimwi akubuzya mibuzyo kutegwa ndizyibe mbwaakali kulimvwa alimwi ambwaakali kuyeeya mwanaangu. Zimwi ziindi ndakali kumupa bupanduluzi ibwakali kumugwasya kuyeeya buzuba boonse naa kwiinda aawo katutanazumanana amubandi wesu. Zimwi ziindi, ndakali kumwaambila kuti andipe mazuba masyoonto kutegwa ndiyeeye kujatikizya makani ngaamba. Kwiinda mumibandi eeyi iyakakkalikene, aasyoonto-syoonto Mattias wakayaambele kumvwisya alimwi akuzizumina njiisyo yacinunuzyo, bweendelezi bwa Leza, alimwi aluyando lwa Jehova. Cakatola ciindi, alimwi ziindi zinji cakali ciyumu, pele aasyoonto-syoonto, luyando lwakwe kuli Jehova lwakakomena. Mebo abakaintu bangu tulikkomene kapati kuti kusolekesya kwesu kukkazika moyo kutegwa tugwasye mwaneesu mumyaka yakwe yabukubusi kwagwasya kapati alimwi kwakamusika amoyo.”\\nBa Gillis alimwi abakaintu babo bakasyoma lugwasyo lwa Jehova ciindi nobakali kugwasya mwanaabo cakukkazika moyo. Nobalanga musyule, ba Gillis bakaamba kuti: “Lyoonse ndakali kumwaambila Mattias kuti luyando ndotujisi kulinguwe lwakapa kuti mebo abanyina katupaila cakutaleka kuti Jehova amugwasye walo kumvwisya kasimpe.” Eelo kaka balikkomene bazyali aaba akaambo kakutondezya bube buyandika kapati bwakukkazika moyo!\\nKuyungizya alugwasyo lwakumuuya, Banakristo bakasimpe beelede kuba abube bwakukkazika moyo ciindi nobalanganya munamukwasyi naa mulongwe uuciswa bulwazi butasilikiki. Amubone cikozyanyo caba Ellen, * abalo ibakkala ku Scandinavia.\\nKwamyaka iili lusele yainda, balumi baba Ellen bakaciswa bulwazi bwakanyonyoona bongo bwabo. Akaambo kaceeci, bakaleka kuba aluzyalo, lukkomano, naa kuusa. Bukkale oobu buli bayuminide kapati ba Ellen. Bakaamba kuti: “Kuyandika kukkazika moyo alimwi amipailo minji.” Bakayungizya kuti: “Lugwalo ndondiyandisya kapati alimwi lunduumbulizya ndugwalo lwa Bafilipi 4:13, ilwaamba kuti: ‘Muzintu zyoonse ndilijisi nguzu kwiinda muli yooyo uundipa nguzu.’” Akaambo kanguzu eezyo, ba Ellen balaliyumya cakukkazika moyo kabajisi lusyomo mulugwasyo lwa Jehova.—Int 62:5, 6.\\nAMWIIYE BUBE BWA JEHOVA BWAKUKKAZIKA MOYO\\nNokuba boobo, caboola kumakani aakukkazika moyo, Jehova ncikozyanyo cibotu ncotukonzya kutobela. (2Pet. 3:15) Kuli zibalo zinji mu Jwi lya Leza izitondezya ziindi Jehova naakatondezya kukkazika moyo. (Neh. 9:30; Is. 30:18) Mucikozyanyo, ino Jehova wakacita buti ciindi Abrahamu naakamubuzya mibuzyo minji kujatikizya makanze aakwe aakunyonyoona Sodoma? Cakusaanguna, Jehova kunyina naakamunjila mukanwa Abrahamu ciindi naakali kubandika. Muciindi caboobo, Jehova wakali kuswiilila cakukkazika moyo kumubuzyo wa Abrahamu uuli woonse alimwi anzyaakali kulibilika. Mpoonya, Jehova wakatondezya kuti wakali kuswiilila kwiinda mukuziinduluka zintu nzyakali kulibilika Abrahamu alimwi akumusyomezya kuti takonzyi kuunyonyoona Sodoma nokuba kuti kwajanika balulami ibali buyo 10 mumunzi ooyu. (Matl. 18:22-33) Eelo kaka Jehova ncikozyanyo cibotu mukuswiilila cakukkazika moyo alimwi akutaciindizya kunyema!\\nKukkazika moyo ncibeela ciyandika kapati cabuntu bupya calo Banakristo boonse ncobeelede kulisamika. Kuti twabeleka canguzu kuba abube oobu buyandika kapati, tuyoolemeka Taateesu wakujulu uulanganya alimwi akukkazika moyo, alimwi tuyoobalilwa kuli “baabo kwiinda mulusyomo akukkazika moyo ibayookona zyakasyomezyegwa.”—Heb. 6:10-12.\\n^ munc. 4 Bube bwaluyando bwakabandikwa mucibalo cakusaanguna cazibeela eezyi zili fwuka zyamucelo wamuuya wa Leza uusalala.\\n^ munc. 15 Zina lyacincwa.","num_words":1364,"character_repetition_ratio":0.064,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Evangeli a Bulelo bwa Yahuwah Print\\nEvangeli a Bulelo bwa Yahuwah\\nEeci cibalo tacili ca-WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga mwazilanganya kuti nzya nkamu ya WLC. Twakalelekwa kapati kumilimo yabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo\/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, mpawo akukavwuntauzya kufumbwa nkokakonzya kujanwa.\\nKakuli bulelo bwa Yahuwah wakali ngomutwe wa bukambausi mu Cizuminano Cipya, pele eeco cakauntuluzyigwa abakambausi bamazubaano. Ooku kugwisya Mulumbe wa Bulelo mubukambausi kwakapyopyonganya cikombelo ca Kumbo cakuti limwi cakasikila mpoceela. Kunze lyaboobo mulumbe wa bu syaacivwulemangu waku Amelika, ooyo uulaa mukondo uuzyila kumyaka ya Amelika wansiku, wakatola busena bwa mulumbe wa Yahuwah, “mulumbe wabulelo.” Ooku kubula mulumbe mubotu kwakaindila cakuti bunji bwa bakambausi abamayi bazikolo zipati inga baide kuluma-luma buyo nobapandulula “mulumbe wa bulelo” (Mateyo. 24:14; Maako 1:14). Aboobo cintu citobela waawo Mulumbe wuubukide uutakonzyi kusandula buumi bwa bantu.\\nKaambo Ka Kukambaukila Mulumbe wa Bulelo\\nEelyo Johane Mubbizyi naakaboola kazyaa kukambauka kuti, “Amweempwe, nkaambo bulelo bwa Yahuwah bwasika!” (Mateyo 3:2), Aabo bakali kumuswiilizya bakalimvwisyide kuti wakali kwaambilizya musela wakwiiya lufu akulubazu nkobugama buumi ooyo wakaambilizyidwe abashinshimi ba Cizuminano Cakale, eeco nciindi Yahuwah nayootumina mwami Messiah kuti azyikoozyeke basinkondonyina ba cisi ca Isilayeli akujuzya musela mupya waluumuno mumulengalenga woonse. Johane wakaita bantu kuti baleke kucita zintu zyaalikuyandika kaindi kutegwa bakanjile mu Bulelo akutija lubeta luboola.\\nNaakaangwa Johane, “Yahushua wakeza kakambauka mulumbe wabulelo akwaambilizya kuti, ‘Cazuzikwa lino ciindi, bulelo bwa Yahuwah bwasika’” (Maako 1:14-15). Luuka utwaambila kuti eelyo Yahushua naakaimikila mu sinagogwe kabala kuzwa mucibeela caambilizya Messiah ncaakalemba mushinshimi Izaya, walo wakajala mulumbe kuti, “Buno buzuba aaya mangwalo azuzikwa kamumvwide ntongola matwi.” Aakale nibaamubuzya kuti naa ngonguwe Messiah wakasyomezyedwe, Yahushua wakaingula wakati “Ndendime”(Maako 14:26) Ciindi cakulindila cakagola. Bulelo bwakasikila muli Messiah. Tiibwakacili bulangizi bwakulangila kulaale, pele lino bwakabaa zina abusyu bujatene aa Mulumbe ooyo.2\\nLino mbuwakaindila buyo Mulumbe ooyo mu sinagogwe, Yahushua wakaambila bantu kuti, “Ime ndeelede kukambauka bulelo bwa Yahuwah kuminzi imwi ayalo, nkaambo ngomulimo ooyu ngweekatumwa” (Luuka 4:43). Kufumbwa nkwaakaunka wakaambilizya “makani aakkomanisya aabulelo bwa Yahuwah” (Luuka 8:1). Baapositolo bali 12 abalo bakali kweendeenda aanguwe.\\nHena tacigambyi ono kuti’ naakabatuma, wakabalailila “kukambauka mulumbe wa Bulelo” (Luuka 9:1- 2)? Mulumbe wa Maako weendelana amakani aaya ulembedwe kuti, “Aboobo bakaunka kabayaa kukambaukila bantu kuti beempwe” (Maako 6:12), kutondezya mboziswaangene Bulelo amulimo wa kulyeempa. Mpoonya Yahushua wakasala abamwi bali 70 kuti ba “bakaponye baciswa akubaambila kuti, ‘Bulelo bwa Yahuwah bwaswena kuli ndinywe’” (Luuka 10:1, 9).\\nCiindi cakulindila cakagola. Bulelo bwakasikila muli Yahushua. Tiibwakacili bulangizi bwakulangila kulaale, pele lino bwakabaa zina abusyu bujatene ambubo.\\nMusyule lya kutanta kuya kujulu, mwami wakakkala mazuba 40 antoomwe abasikwiiya “kakanana zintu zijatikizya bulelo bwa Yahuwah” (Milimo 1:3). Mbombubo, mbwaakamanizya mulimo wakwe waanyika mbweenya mbwaakautalika — kaambilizya Mulumbe Mubotu wa Bulelo!\\nAmulundu, Naakamana kusyomya basikwiiya bakwe kuti kucinooli Bulelo buyoolibonya mumazuba aaboola, wakabaambila kuti kuzwa ciindi eeco balo beelede kuba bakamboni bakwe (Milimo 1:8). Abalo basikwiiya bakwe Bali 12 bakali kweendeenda aanguwe. Aboobo, hena tacigambyi kubajana kabakambauka “zintu zijatikizya bulelo bwa Yahuwah alimwi muzina lya Yahushua” (Luuka 9:1-2)? Mwaapositolo Paulu, mbweenya awalo, wakayiisya “zintu zyaambilizya bulelo bwa Yahuwah” (Milimo 19:8). Wakabayeekezya Balupatipati ku Efeso kuti wakatola myaka yotatwe “kakambauka bulelo bwa Yahuwah” (Milimo 20:25, 31). Naakaangidwe amunzi wakwe mu Roma, “Bantu banji bakaboola kuli nguwe nkwaakali kukkala, mpoonya wakabapandulwida akukonkezya makani aabulelo bwa Yahuwah” (Milimo 28:23). Ibbuku lya Milimo lijala mulumbe, munzila yakusindinganya, mumajwi aaya, “Mpoonya Paulu wakakkala myaka iimaninide yobile muŋanda yakwe njaakali kubbadela alimwi katambula kufumbwa bakaboolede kuli nguwe, kakambauka bulelo bwa Yahuwah akuyiisya zintu zyaambilizya Simalelo Yahushua Messiah kakkazyikide camba, kakwiina muntu uumusinkila (Milimo 28:30-31). Inga kakuli kudonaika aasyoonto buyo kuti Mulumbe Mubotu wa Bulelo nguwakali mutwe wa kukambauka kwa mumusela mutaanzi. Citobela ncakuti, eeco kuli ndiswe ceelede kuba makanze eesu aswebo.\\nCiimo ca Mulumbe wa Bulelo\\nMulumbe Mubotu takuli kutambwa kuti “utambule Messiah mumyoyo wako,” nokuba kuti’ Muya Wakwe kuukkalilila mumusyomi uuli woonse. Aboobo Mulumbe Mubotu tuutunginizyi kwaamba buumi butamani bulindila basyomeka lwaakwiinda lufu, nokuba kuti kufumbwa sikwiiya wa Kristu uufwa inga kanooli wuunka kuyooba aa Mwami.3 Mbangaye buyo, ikuti kakuli baliko mu Cizuminano Cipya bakambauka kuguminizya julu. Kunze lyaboobo, bageme kukambauka Bulelo ancociiminina kuzulilwa mumo. Kerygma naa [Mulumbe Mubotu] wamu Cizuminano Cipya waambilizya mulimo ngwaakoonda Yahuwah kwiinda muli Yahushua akutamba baabo baswiilizya kuti batole cibeela mumakanze mapati aamisela ookwa Yahuwah. Ugaminide Yahuwah lwakwe, kutali ndiswe pe.\\nKuyungizya waawo, Mulumbe Mubotu uguminizya misela minjaanji, tuuli mulumbe wabuumi bwaanyika buyo pe. Kwiinda mubashinshimi ba Cizuminano Cakale, Yahuwah wakaambilizya kuti uyootumina Munununi singuzu kuti akabambe cizuminano aba Isilayeli akootobeka zintu zyoonse kuti zyeendele muli Nguwe. Woonse malelo aayo bantu ngobapeda bulemu, mumoza amuzintu zyaansi, ayoonyonyoonwa. Yahushua wakaambilizya kuti Bulelo bwa Yahuwah bwakasika [bwakali afwaafwi], alimwi mpoonya wakaita bantu kuti balitole ansi akulibatamika ku nguzu zyabuleli bwakwe. Aciciingano wakazunda Saatani, wakaaba buumi bwakwe kuba cituuzyo ca cinyonyoono, akunununa bweendelezi atalaa zilengwa leza zyokwa Yahuwah eezyo Adamu nzyaakanyanzidwe naakawa. A Kalivali Yahuwah wakapwayila limwi calufu buleli bwa Saatani, nguzu zya cinyonyoono a lumoole lwa lufu, zyakaba “cintu cakuweeluzya buyo akataa misela yabantu.”\\nNaakabuka kuzwa kulufu, Kristu wakabbuka kuzwa munkondo yamulengalenga kazundide, akutondezya kuti Yahuwah, kutali bazangi, ngo mweendelezi wa zyoonse. Tede, ikuti Yahushua kali wakanjila akataa lubuwa lwaba sinkondonyina kakwiina uumukoma, nkokuti mazuba aabasindonyina alibalidwe!\\nNaakabuka kuzwa kulufu, Kristu wakabbuka kuzwa munkondo yamulengalenga woonse kazundide, akutondezya kuti Yahuwah, kutali bazangi, ngo mweendelezi wa zyoonse.\\nLino kakkede kujanza lyalulyo lyokwa Yahuwah, Messiah ulalela acuuno cakwe kusikila basinkondonyina bakabe ndyatilo kumaulu aakwe (Milimo 2:35; 1 Bakolinto 15:23-24). Kunooli nguzu zyamubi zicibeleka, pele kulembedwe kuti nguzu zyamubi zyeendelezyegwa kunsaa bweendelezi bwa Kristu (Bakolose. 2:15; 1:15-16; 1 Bakolinto. 2:6-8). Mbuli bwakaamba mwiyi wabuleza umwi ategwa, “Malelo woonse ayendelezyegwa aa Simalelo wa boonse.”\\nOno mbwali Simalelo singuzuzyoonse, Kristu lino ngoweendelezya bweende bwa musela kusikila kumamanino aamazundilo woonse, mumajwi amwi kusikila bwaakuletwa Bulelo bwakwe anyika mumazuba aazya kumbele akubeteka masi woonse, eeco ciyootola busena aciindi cakuboola kwakwe.\\nMukumaninizya, Mulumbe ujatikizya zintu zyoonse amuntu omwe-omwe kumugama. Lino Bulelo bwiimvwi mucikombelo. Kuba muntu uuzulilwa mu Bulelo oobo takukonzyi kucitwa abusena aatakwe cintu, mbubwenya mbuli muntu muzwakule mbwatakonzyi kuzulilwa mucisi ca Amelika kakwiina kucubilana abantu bakkala nkuko. Kuli cibeela cabantu boonse beelede kuba bantu babulelo. Eeco cijatikizya milimo azyaabilo zitakonzyi kujanwa kuti kokkede katungu. Mbweenya buyo, taceeleli kwaamba kuti umwi muntu inga waakunjila mubuleli bwa Messiah kwamana kacisyite anze lya cikombelo. Icikombelo, ciyungizya Mulumbe Mubotu wa Bulelo kunyika yoonse akwiita mukowa wabantu kuti ulibatamike kubuleli bwa Yahuwah muli Messiah akukkalilila abasyomeka bali mu Bulelo bwakwe. Kufumbwa ciindi alimwi kufumbwa busena kwaambilizyigwa kuzunda kwa Messiah akuteelelwa, Saatani weelede kubwaatuka busena oobo. Eelyo buleli bwa Yahuwah nobuyaa kukwakwamuka, bwa Saatani buyaa kuceya.\\nAboobo cilayandika kuti tuvwunyungule makani ngotukambauka. Hena tukambauka “mulumbe mubotu wabulelo” mbuli ngwaakakambauka Yahushua a baapositolo?\\nKutegwa mumvwe makani manjaanji aaciiyo cipati eeci, mukaswaye ku WLC Content Directory:... Yahuwah's Eternal Earthly Kingdom.\\n1[Mutwe aaciiyo kuzwa kuciiyo citaanzi] http:\/\/empoweringkingdomgrowth.org\/ekg.asp?page=11 2 wakabelesyegwa akuzumizyigwa aba Baptist Press.\\n2Cakali mbweenya mbokucili kumbelaa mazuba Kuboola Kwabili kupati — ed.\\n3Tuyooba “aa Mwami” lilikke buyo twaakutolwa kujulu\/kubuka kuzwa kulufu (1 Batesalonika. 4:16-17) — ed.\\nEeci cibalo citali ca WLC cakalembwa aba Peter Barfoot.\\nEeci cibalo citali ca WLC cakalembwa aba R. Alan Streett, Mufundisi mupati wa ivangeli.\\nTwakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo, twakajokolosya mutumpango ntotulembulude mazina aa Taata a Mwana mbuli mbwaakali kulembwa kutaanguna abalembi ba Bbaibbele bakayoyelwa Moza. -Nkamu ya WLC","num_words":1201,"character_repetition_ratio":0.057,"word_repetition_ratio":0.002,"special_characters_ratio":0.168,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amusale-Zyakulikondelezya Zibotu | Luyando lwa Leza\\nMbomukonzya Kusala Zyakulikondelezya Zibotu\\n“Amucite zintu zyoonse kutegwa Leza alemekwe.”—1 BAKORINTO 10:31.\\n1, 2. Ino ncinzi ncotweelede kusala caboola kumakani aakulikondelezya?\\nAMWEEZYEEZYE kuti muyanda kulya mucelo uunona kapati kumane mwabona kuti cibeela cimwi camucelo ooyo cilibolede. Ino inga mwacita buti? Ambweni mulakonzya kuulya mucelo woonse kubikkilizya acibeela cibolede; naa mulakonzya kuusowa mucelo woonse, kubikkilizya acibeela cibolede; naa mulakonzya kutenda akucisowa cibeela cibolede akulya buyo cibeela cili kabotu. Ino ncinzi ncomukonzya kusala kucita?\\n2 Munzila imwi, kulikondelezya kuli mbuli mucelo ooyo. Zimwi ziindi, inga muyanda kulikatalusya, pele mulizyi kuti ibunji bwazintu zyakulikondelezya mazuba aano nzibi, zilisofweede mbubonya mbuli mucelo uubolede. Aboobo, ino inga mwacita buti? Mbubonya mbuli muntu uulya mucelo woonse kubikkilizya acibeela cibolede, bamwi balakonzya kulikondelezya azintu zyoonse zyamunyika kufwumbwa naa nzibi naa nzibotu. Bamwi balakonzya kuzikaka zyakulikondelezya zyoonse kutegwa balikwabilile kucintu cibi cili coonse icikonzya kubanyonganya. Alimwi bambi balakonzya kusala kutalikondelezya azintu zitali kabotu pele zimwi ziindi balakonzya kuba aciindi cakulikondelezya kuli kabotu. Ino ncinzi ncomweelede kusala kucita kutegwa muzumanane kukkala muluyando lwa Leza?\\n3. Ncinzi ncotulaalange-lange lino?\\n3 Bunji bwesu inga twasala nzila yatatu. Tulizyi kuti zimwi ziindi cilayandika kulikatalusya, pele tuyanda kulikondelezya buyo azintu zili kabotu. Aboobo, tweelede kulanga-langa mbotukonzya kuzyiba kulikondelezya kuli kabotu akutali kabotu. Pele cakusaanguna atubandike zintu nzyotusala mumakani aakulikondelezya mbozikonzya kubujatikizya bukombi bwesu kuli Jehova.\\n“AMUCITE ZINTU ZYOONSE KUTEGWA LEZA ALEMEKWE”\\n4. Ino mbuti kulyaaba kwesu mbokweelede kutugwasya notusala zyakulikondelezya?\\n4 Imyaka iili mboibede yainda, Kamboni umwi uucembeede iwakabbapatizyigwa mu 1946 wakati: “Lyoonse inga ndilajanika naabandikwa makani aalubbapatizyo alimwi ndilaswiililisya mbuli kuti ndime ndibbapatizyigwa.” Nkaambo nzi? Wakati: “Kuyeeya ciindi nindakalyaaba kundigwasya kuzumanana kusyomeka.” Masimpe, andinywe mulakonzya kwaazuminizya makani aaya. Ikuyeeya kuti mwakasyomezya Jehova kuti muyakumubelekela mubuumi bwanu boonse kumugwasya kuliyumya. (Amubale Mukambausi 5:4.) Mubwini, ikukkala ansi kuyeeya kulyaaba kwanu kulakonzya kumugwasya kuubona kabotu mulimo wa Bunakristo azintu zimwi zyoonse nzyomucita kubikkilizya akulikondelezya. Imwaapostolo Paulo wakakasalazya kaambo aaka naakalembela Banakristonyina kuti: “Kufwumbwa naa mulalya naa mulanywa nokuba kucita cintu cimbi cili coonse, amucite zintu zyoonse kutegwa Leza alemekwe.”—1 Bakorinto 10:31.\\n5. Ino lugwalo lwa Levitiko 22:18-20 lutugwasya buti kubona kucenjezya kuli mulugwalo lwa Baroma 12:1?\\n5 Zintu zyoonse nzyomucita mubuumi ziliswaangene abukombi bwanu kuli Jehova. Mulugwalo ndwaakalembela ba Roma, Paulo wakabelesya mabala aajisi bupanduluzi buyandika kapati kutegwa akankaizye kaambo aaka kubasyominyina. Wakabakulwaizya kuti: “Mutuule mibili yanu kaili cipaizyo cuumi, cisalala, cizuminwa a Leza, nkokuti imulimo uusetekene ngomubeleka kwiinda mukubelesya maano.” (Baroma 12:1) Mubili wanu ubikkilizya mizeezo yanu, moyo wanu alimwi anguzu zyanu. Eezyi zyoonse mulazibelesya nomubelekela Leza. (Marko 12:30) Paulo waamba kuti ikubelekela Leza munzila eeyi camoyo woonse, ncipaizyo. Mukaambo aaka kuli kucenjezya. Mu Mulawo wa Musa, cipaizyo icakajisi kampenda tiicakali kutambulwa kuli Leza pe. (Levitiko 22:18-20) Ncimwi buyo, ikuti Munakristo wapa cipaizyo cakumuuya citali kabotu, Leza takonzyi kucitambula pe. Pele, ino eeci inga cacitika buti?\\n6, 7. Ino mbuti Munakristo mbwakonzya kusofwaazya mubili wakwe, alimwi ino ncinzi cikonzya kumucitikila akaambo kakucita boobo?\\n6 Paulo wakalailila Banakristo baku Roma kuti: “Mutazumanani kwaaba mibili yanu [“zizo zyanu,” bupanduluzi buyungizyidwe] kucibi.” Alimwi Paulo wakabaambila kuti ‘bajaye micito yamubili.’ (Baroma 6:12-14; 8:13) Kumatalikilo aalugwalo lwakwe, wakabapa zikozyanyo zimwi zya “micito yamubili.” Kujatikizya basizibi, tubala kuti: “Mukanwa lyabo muzwide kusinganya.” “Maulu aabo abalikila kukutila bulowa.” “Mumeso aabo kunyina cintu cibapa kuyoowa Leza.” (Baroma 3:13-18) Munakristo ulakonzya kusofwaazya mubili wakwe ikuti wabelesya “zizo” zyamubili wakwe ikucita micito mibi iili boobu. Mucikozyanyo, mazuba aano ikuti Munakristo kali acilengwa cakweebelela zintu zisofweede mbuli zyeezyo ziletela muzeezo wakoonana naa kweebelela nkondo abugwebenga, nkokuti ‘waaba meso aakwe kucibi,’ aboobo usofwaazya mubil wakwe woonse. Zintu zyoonse nzyacita mubukombi bwakwe zilakonzya kuba cipaizyo cisofweede alimwi citatambuliki kuli Leza. (Deuteronomo 15:21; 1 Petro 1:14-16; 2 Petro 3:11) Masimpe, ikusala kulikondelezya kubi kuletela mapenzi!\\n7 Cilisalede kuti ncasala Munakristo mukulikondelezya cilakonzya kumuletela mapenzi. Aboobo, tweelede kusala kulikondelezya kukonzya kupa kuti cipaizyo cesu kuli Leza cibote muciindi cakuba akampenda. Lino atulange-lange mbotukonzya kuzyiba kulikondelezya kubotu akubi.\\n“AMUSESEMWE ACINTU CIBI”\\n8, 9. (a) Ino kulikondelezya kulakonzya kubikkwa muzibeela nzi zyobilo? (b) Nkulikondelezya kuli buti nkotukaka, alimwi ino nkaambo nzi?\\n8 Kulikondelezya kulakonzya kubikkwa muzibeela zyobilo. Cibeela cakusaanguna cijatikizya kulikondelezya nkobeelede kutantamuka Banakristo; cibeela cabili cijatikizya kulikondelezya nkobakonzya kulisalila kuba ankuko naa pe. Atusaangune kulanga-langa cibeela cakusaanguna—kulikondelezya nkobeelede kutantamuka Banakristo.\\n9 Mbuli mbokwaambwa mu Cibalo 1, kulikondelezya kumwi kujatikizya micito iyaambwa kuti mibi mu Bbaibbele. Mucikozyanyo, amuyeeye zintu zitondezyegwa aa Intaneti alimwi amafilimu, mavidiyo, mapulogilamu aamucipekupeku, inyimbo zikulwaizya lunya naa zitondezya micito yamadaimona naa zintu ziletela muzeezo wakoonana naa zikulwaizya micito iisesemya akutalilemeka. Mbwaanga kulikondelezya ooku kutondezya kuti ili kabotu micito eeyi iisofweede alimwi iiteendelani anjiisyo naa milawo yamu Bbaibbele, Banakristo bakasimpe beelede kukutantamuka. (Milimo 15:28, 29; 1 Bakorinto 6:9, 10; Ciyubunuzyo 21:8) Kwiinda mukukaka kulikondelezya kuli boobu kubi, mutondezya Jehova kuti ncobeni ‘mulasesemwa acintu cibi’ akuti lyoonse ‘mufwutatila zintu zibi.’ Munzila eeyi, mutondezya kuti mujisi “lusyomo lwini-lwini lutali lwakuupaupa ameso.”—Baroma 12:9; Intembauzyo 34:14; 1 Timoteyo 1:5.\\n10. Caboola kumakani aakulikondelezya, ino nkuyeeya kuli buti ikubi, alimwi nkaambo nzi?\\n10 Ibamwi bayeeya kuti kulikondelezya azintu zitondezya antangalala micito yabantu batalilemeki taaku mbokubede. Baamba kuti, ‘Ndilakonzya kubeebelela bantu aabo mumafilimu, mavidiyo naa mucipekupeku, pele mebo tandikonzyi kuzicita zintu eezyo nzyobacita.’ Ikuyeeya kuli boobu nkulyeena alimwi kulajazya. (Amubale Jeremiya 17:9.) Ikuti naa katulikondelezya azintu Jehova nzyaamba kuti nzibi, sena masimpe inga twaamba kuti ‘tulasesemwa acintu cibi’? Ikuzumanana kulangilila zintu zibi kulakonzya kupa kuti mukuya kwaciindi manjezyeezya eesu afwe. (Intembauzyo 119:70; 1 Timoteyo 4:1, 2) Ikuba acilengwa cili boobu kulakonzya kucinca mbotulilemeka naa mbotuzibona zibi nzyobacita bamwi.\\n11. Ncinzi citondezya kuti kaambo kali ku Bagalatiya 6:7 nkamasimpe caboola kumakani aakulikondelezya?\\n11 Masimpe ngakuti oobu mbobacita bamwi. Banakristo bamwi bakacita micito mibi akaambo kakuti bakayungwa azintu zibi zyakulikondelezya nzyobakali kweebelela lyoonse. Aboobo, bakazyiba kwiinda mukusubuka kuti “kufwumbwa cintu muntu ncasyanga, ncencico eeco ncayootebula.” (Bagalatiya 6:7) Nokuba boobo, mulakonzya kwaaleya mapenzi aali boobo. Ikuti naa mwabikkila maano kukusyanga zintu zibotu, muyakutebula zintu zibotu alimwi muyakukkomana.—Amubone kabbokesi kakuti “ Ino Nzyakulikondelezya Zili Buti Nzyondeelede Kusala?”\\nINO NZYAKULIKONDELEZYA ZILI BUTI NZYONDEELEDE KUSALA?\\nNjiisyo: “Amusesemwe acintu cibi, amukakatile kucibotu.”—Baroma 12:9.\\nSena Leza inga wakkomana ikuti . . .\\nmajwi aali munyimbo nzyondiswiilila kaapa kuti cindikatazye kuyeeya zintu zisalala?—1 Bakorinto 6:9, 10.\\nkandaamba akucita zintu zitali kabotu mbubonya mbobacita bantu mbondeebelela mumafilimu naa mavidiyo?—Luka 6:40.\\nkandisobana mavidiyo geemu akulibikka muciimo camuntu uuma bamwi naa uutalilemeki?—Intembauzyo 11:5, 7.\\nzyeelelo nzyondiyiisya bamwi nondikambauka kazitali nzizyo nzyonditobela ciindi nondisala zyakulikondelezya?—Baroma 2:21.\\nKULISALILA KWEELANA ANJIISYO ZYAMU BBAIBBELE\\n12. Ino lugwalo lwa Bagalatiya 6:5 luswaangene buti amakani aakulikondelezya, alimwi mbusolozi nzi mbotujisi ibukonzya kutugwasya kulisalila tobamukamwini?\\n12 Lino atubandike cibeela cabili—kulikondelezya azintu zitakasyidwe naa zitazumizyidwe cacigaminina mu Jwi lya Leza. Nokuyandika kusala zyakulikondelezya eezyi, Munakristo umwi aumwi weelede kulisalila ncabona kuti cili kabotu. (Amubale Bagalatiya 6:5.) Nokuba boobo, notuyandika kusala mumakani aaya, tulijisi busolozi. Bbaibbele lilijisi twaambo twakasimpe tugwasya, naa njiisyo, izikonzya kutugwasya kubona mbwazilanga zintu Jehova. Kwiinda mukuzibikkila maano njiisyo zili boobo, tulakonzya kuzyiba “ncayanda Jehova” muzintu zyoonse kubikkilizya akulikondelezya nkotusala.—Baefeso 5:17.\\n13. Ino ncinzi cikonzya kutupa kutantamuka zyakulikondelezya zikonzya kumunyemya Jehova?\\n13 Masimpe, Banakristo baliindene mbobasimide kumuuya ambobakonzya kwaabona makani aakulilemeka. (Bafilipi 1:9) Kunze lyaboobo, caboola kumakani aakulikondelezya, Banakristo balizyi kuti baliindene muzintu nzyobayanda. Aboobo, tatukonzyi kulangila kuti Banakristo boonse inga basala cintu cikozyenyi. Nokuba boobo, kwiinda mukuzumizya njiisyo zya Leza kweendelezya mizeezo amyoyo yesu, tulakonzya kutantamuka zyakulikondelezya zili zyoonse izikonzya kumunyemya Jehova.—Intembauzyo 119:11, 129; 1 Petro 2:16.\\n14. (a) Ino ncintu nzi ncotweelede kubikkila maano ciindi notusala zyakulikondelezya? (b) Ino mbuti mbotukonzya kubikka zintu zya Bwami mubusena bwakusaanguna mubuumi bwesu?\\n14 Nomusala zyakulikondelezya, kuli cintu acimwi ciyandika kapati ncomweelede kubikkila maano: ciindi ncomubelesya. Nokuba kuti zyakulikondelezya nzyomusala zitondezya zintu nzyomubona kuti zili kabotu, iciindi ncomutola mukulikondelezya ooko citondezya ncomubona kuti nceciyandika kapati mubuumi. Masimpe ngakuti, ku Banakristo, izintu zyakumuuya nzyeziyandika kapati. (Amubale Matayo 6:33.) Aboobo, ino ncinzi ncomukonzya kucita kutegwa muzumanane kubikka zintu zya Bwami mubusena bwakusaanguna mubuumi bwanu? Imwaapostolo Paulo wakaamba kuti: “Amucenjele kapati, mutanikweendi mbuli bafwubafwuba pe, pele mbuli bantu basongo, kamucibelesya kabotu ciindi coonse ncomujisi.” (Baefeso 5:15, 16) Masimpe, kubikkila limwi ciindi cakulikondelezya kulakonzya kumugwasya kuba aciindi cakucita “zintu ziyandika kapati,” nkokuti imilimo iikonzya kumugwasya kumuuya.—Bafilipi 1:10.\\n15. Nkaambo nzi ncotweelede kucenjela ciindi notusala zyakulikondelezya?\\n15 Alimwi tweelede kucenjela kutegwa tutacegwi mutukole notusala zyakulikondelezya. Ino eeci caamba nzi? Amuciyeeye alimwi cikozyanyo camucelo. Kutegwa mutalidilizyi acibeela camucelo cibolede, tamutendululi buyo kabeela kabolede ikalo pele mulatendelezya acibeela icili kabotu. Mbubonya buyo, tweelede kucenjela kutegwa tutacegwi mutukole notusala zyakulikondelezya. Munakristo musongo tatantamuki buyo zyakulikondelezya ziteendelani anjiisyo zyamu Bbaibbele pele alimwi ulakutantamuka kulikondelezya kuli koonse kujisi zibeela zibi zibikkidwe munzila yabucenjezu naa ikulibonya kuti kubikkilizya zibeela zinyonganya kumuuya. (Tusimpi 4:25-27) Ikuzumanana kutobela lulayo luli mu Jwi lya Leza kulakonzya kumugwasya kucita boobo.\\n“KUFWUMBWA ZINTU ZISALALA”\\nKutobela lulayo lwabunaleza ciindi notusala zyakulikondelezya kulatukwabilila kumuuya\\n16. (a) Ino mbuti mbotukonzya kutondezya kuti zintu tuzilanga mbwazilanga Jehova caboola kumakani aakulilemeka? (b) Ino mbuti mbomukonzya kutobela njiisyo zyamu Bbaibbele mubuumi bwanu boonse?\\n16 Nobasala zyakulikondelezya, Banakristo bakasimpe basaanguna kukkala ansi akubona mbwazilanga zintu Jehova. Bbaibbele litondezya mbwalimvwa Jehova alimwi azyeelelo zyakwe. Mucikozyanyo, Mwami Solomoni wakaamba zintu zili mbozibede nzyasulide Jehova mbuli “mulaka waamba zyakubeja, maanza aatila bulowa bwabantu banyina mulandu, moyo uukanza zintu zibi, maulu aafwambaana kulundukila kububi.” (Tusimpi 6:16-19) Ncinzi ncomweelede kucita mwayeeya mbwazilanga zintu Jehova? Sintembauzyo ukulwaizya kuti: “Nywebo nomuyandisya Jehova, amusulaike bubi.” (Intembauzyo 97:10) Zyakulikondelezya nzyomusala zyeelede kutondezya kuti masimpe mulizisulide nzyasulide Jehova. (Bagalatiya 5:19-21) Alimwi ncomweelede kuzyiba ncakuti zintu nzyomucita nomuli nyolikke nzyezitondezya bwini mbomubede. (Intembauzyo 11:4; 16:4) Aboobo, ikuti camoyo woonse kamuyanda kutondezya mbwalimvwa Jehova mumakani aakulilemeka muzintu zyoonse nzyomucita mubuumi bwanu, nkokuti lyoonse muyakusala zintu kweelana anjiisyo zyamu Bbaibbele. Oobu mbomuna kupona lyoonse.—2 Bakorinto 3:18.\\n17. Katutanasala zyakulikondelezya, mibuzyo nzi njotweelede kulibuzya?\\n17 Ncinzi acimbi ncomukonzya kucita kutegwa musale zyakulikondelezya kweelana ambwazilanga zintu Jehova? Amulibuzye kuti, ‘Ino eeci cilandipa kuba muntu uuli buti alimwi ino Leza ulandibona buti?’ Mucikozyanyo, kamutanasala kweebelela filimu naa vidiyo imwi, amulibuzye kuti, ‘Ino izili mufilimu naa vidiyo eeyi zilapa kuti manjezyeezya aangu abe buti?’ Lino atulange-lange njiisyo zikonzya kutugwasya mumakani aaya.\\n18, 19. (a) Ino mbuti njiisyo iili ku Bafilipi 4:8 mboikonzya kutugwasya kuzyiba naa kulikondelezya kwesu nkubotu? (b) Ino ninjiisyo nzi azimbi zikonzya kumugwasya kusala zyakulikondelezya zili kabotu? (Amubone bupanduluzi buyungizyidwe.)\\n18 Injiisyo iiyandika kapati ijanika kulugwalo lwa Bafilipi 4:8, ilwaamba kuti: “Kufwumbwa zintu zyamasimpe, kufwumbwa zintu ziyandika kapati, kufwumbwa zintu ziluleme, kufwumbwa zintu zisalala, kufwumbwa zintu ziyandwa, kufwumbwa zintu zilaampuwo mbotu, kufwumbwa zintu zili kabotu, alimwi kufwumbwa zintu zyeelela kutembaulwa, kamuzumanana kuziyeeyesya zintu eezyi.” Ncobeni, Paulo tanaakali kwaamba makani aakulikondelezya, pele wakali kwaamba zintu nzyotuyeeya mumoyo, izyeelede kumukkomanisya Leza. (Intembauzyo 19:14) Nokuba boobo, majwi ngaakaamba Paulo alakonzya kutupa njiisyo iikonzya kutugwasya mumakani aakulikondelezya. Munzila nzi?\\n19 Amulibuzye kuti, ‘Sena mafilimu, mavidiyo geemu, nyimbo naa zintu zimwi zyakulikondelezya nzyondisala zipa kuti kandiyeeya “zintu zisalala”?’ Mucikozyanyo, mwamana kweebelela filimu naa vidiyo imwi, ino ncinzi cicaala mumizeezo yanu? Ikuti zintu zicaala mumizeezo yanu zilakkomanisya, zilasalala alimwi zilakatalusya, nkokuti zyakulikondelezya zyanu zili kabotu. Pele, ikuti filimu naa vidiyo njimwali kweebelela imupa kuyeeya zintu zitasalali, nkokuti kulikondelezya ooko takuli kabotu, kuletela mapenzi. (Matayo 12:33; Marko 7:20-23) Nkaambo nzi? Nkaambo ikuyeeya zintu zitasalali kulakonzya kupa kuti mutalike kukatazyigwa mumizeezo, kujaya manjezyeezya aanu aakayiisyigwa Bbaibbele alimwi akumana cilongwe canu a Leza. (Baefeso 5:5; 1 Timoteyo 1:5, 19) Aboobo, mbwaanga kulikondelezya kuli boobo kumuletela mapenzi, nkokuti mweelede kukutantamuka. * (Baroma 12:2) Amube mbuli sintembauzyo iwakapaila kuli Jehova kuti: “Kogwisya meso aangu kukulangilila cintu cabuyo.”—Intembauzyo 119:37.\\nKabatanasala zyakulikondelezya zili zyoonse, Banakristo balibuzya kuti\\nIno zilapa kuti cilongwe cangu a Leza cibe buti?\\nIno zilandipa kuba muntu uuli buti?\\nIno bamwi bayakulimvwa buti?\\nAMUBIKKILE MAANO KUZINTU ZIKONZYA KUGWASYA BAMWI\\n20, 21. Ino lugwalo lwa 1 Bakorinto 10:23, 24 lugwasya buti mumakani aakusala zyakulikondelezya zili kabotu?\\n20 Paulo wakaamba njiisyo yamu Bbaibbele iiyandika kapati njotweelede kubikkila maano ciindi notusala zintu zijatikizya ndiswe kutugama. Wakaamba kuti: “Zintu zyoonse zilizumizyidwe, pele tazili zyoonse iziyaka. Umwi aumwi kayandisya kugwasya bamwi ikutali buyo kuligwasya lwakwe mwini.” (1 Bakorinto 10:23, 24) Ino mbuti njiisyo eeyi mboikonzya kutugwasya mumakani aakusala zyakulikondelezya zili kabotu? Mweelede kulibuzya kuti, ‘Ino kulikondelezya nkondisala inga kwabapa kulimvwa buti bamwi?’\\n21 Manjezyeezya aanu alakonzya kumuzumizya kulikondelezya munzila imwi njomubona kuti ‘ilizumizyidwe’ naa nimbotu. Pele, ikuti mwabona kuti basyominyoko bamwi balakatazyigwa mumizeezo akaambo kakulikondelezya kumwi, inga cainda kubota kukuleka kulikondelezya ooko. Nkaambo nzi? Nkaambo kakuti tamuyandi ‘kubisyila ibanyoko’—naa kweelana ambwaakaamba Paulo ‘kubisizya Kristo’—kwiinda mukubapa kuti cibakatazye kuzumanana kusyomeka kuli Leza. Muyanda kutobela lulayo lwakuti: “Amuleke kuba zilebyo.” (1 Bakorinto 8:12; 10:32) Banakristo bakasimpe mazuba aano balalutobela lulayo lwa Paulo lugwasya kwiinda mukukaka kulikondelezya azintu ‘zizumizyidwe’ pele ‘zitayaki.’—Baroma 14:1; 15:1.\\n22. Nkaambo nzi Banakristo ncobatabasinikizyi bamwi caboola kumakani aazintu nzyakonzya kulisalila muntu?\\n22 Nokuba boobo, kuli kaambo kamwi nkotweelede kuyeeya caboola kumakani aakubikkila maano kuzintu zikonzya kugwasya bamwi. Munakristo uukatazyigwa mumizeezo teelede kusinikizya Banakristo boonse mumbungano kuti kabatobela buyo ncayeeya walo kuti nceciluzi caboola kumakani aakusala zyakulikondelezya zili kabotu. Ikuti wacita boobo, ulakonzya kuba mbuli namutekenya uuyanda kuti banamutekenya boonse beendela mumugwagwa mwabede kababalisya myootokala yabo mbuli nguwe. Ikuyeeya kuli boobo takugwasyi. Akaambo kakuti ulabayanda Banakristonyina, muntu uukatazyigwa mumizeezo weelede kubalemeka basyominyina ibatayeeyi mbwayeeya mumakani aakulikondelezya kufwumbwa kuti kabatobela njiisyo zya Bunakristo. Kwiinda mukucita boobo, upa kuti ‘bantu boonse bazyibe kuti ulanyoneka.’—Bafilipi 4:5; Mukambausi 7:16.\\n23. Ino mbuti mbomukonzya kusala zyakulikondelezya izili kabotu?\\n23 Mubufwaafwi, ino mbuti mbomukonzya kusala zyakulikondelezya izili kabotu? Amuzikake zyakulikondelezya zili zyoonse zitondezya antangalala micito mibi alimwi iisesemya iikasyidwe mu Jwi lya Leza. Amutobele njiisyo zyamu Bbaibbele caboola kumakani aakusala zyakulikondelezya zitakasyidwe cacigaminina mu Bbaibbele. Mutanikulikondelezyi azintu zikonzya kupa kuti manjezyeezya aanu acileke kubeleka alimwi akupa kuti ibamwi bakatazyigwe mumizeezo, ikapati basyominyoko. Kwiinda mukucita boobo mulakonzya kupa kuti Leza alemekwe akupa kuti nywebo abamukwasyi wanu muzumanane kukkala muluyando lwakwe.\\n^ munc. 19 Njiisyo azimwi izikonzya kumugwasya mumakani aakulikondelezya zijanika ku Tusimpi 3:31; 13:20; Baefeso 5:3, 4; a Bakolose 3:5, 8, 20.","num_words":2095,"character_repetition_ratio":0.093,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mutalekeli Cintu Cili Coonse Kumulesya Kujana Zilongezyo zya Leza | Yakwiiya\\nAMUBALE MU Afrikaans Albanian Alur American Sign Language Amharic Amis Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Bengali Bicol Bolivian Sign Language Boulou Brazilian Sign Language British Sign Language Bulgarian Catalan Cebuano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitumbuka Chiyao Chol Chuvash Cibemba Cinyanja Colombian Sign Language Croatian Cuban Sign Language Czech Czech Sign Language Dangme Danish Digor Douala Dutch Ecuadorian Sign Language Edo Efik English Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Greek Greek Sign Language Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kannada Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malawi Sign Language Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mexican Sign Language Mingrelian Mixe (North Central) Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nigerian Pidgin Norwegian Nzema Okpe Oromo Ossetian Otetela Pangasinan Papiamento (Curaçao) Paraguayan Sign Language Persian Peruvian Sign Language Pidgin (Cameroon) Polish Polish Sign Language Ponapean Portuguese Portuguese Sign Language Punjabi Quebec Sign Language Quechua (Ancash) Quechua (Bolivia) Romanian Romanian Sign Language Russian Russian Sign Language Samoan Sango Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Venda Venezuelan Sign Language Vietnamese Waray-Waray Wolaita Xhosa Yoruba Zande Zapotec (Isthmus) Zimbabwe Sign Language Zulu\\n“Kutabi muntu naba omwe uumunyanga bulumbu bwanu.”—KOL. 2:18.\\nIno mbuti mbotukonzya kulikwabilila kukoongelezyegwa azisusi zyakutalilemeka?\\nIno mbuti luyando aluzyalo mbozikonzya kutukwabilila kutegwa tujane bulumbu?\\nIno mbuti mbotukonzya kujana bulumbu mbuli mukwasyi?\\n1, 2. (a) Ino babelesi ba Leza balangila bulumbu nzi? (b) Ino ncinzi citugwasya kulangisisya kubulumbu? (Amubone cifwanikiso icili kumatalikilo aacibalo.)\\nMBUBWENYA mbuli mwaapostolo Paulo, Banakristo bananikidwe amuuya mazuba aano balijisi coolwe citaliboteli cakutambula ‘bulumbu bwakujulu mbwabaitila Leza.’ (Flp. 3:14) Balangila kuyoobelekela antoomwe a Jesu Kristo mu Bwami bwakwe kujulu alimwi akugwasya bantu kuti bakalondoke. (Ciy. 20:6) Eelo kaka eeyo nimbaakani mbotu njobaitilwa a Leza kuti baijane! Ibambelele zimbi bajisi bulangizi bwiindene. Balangila kuyoojana bulumbu bwabuumi butamani anyika—eelo kaka oobo mbulangizi bukkomanisya!—2Pet. 3:13.\\n2 Kutegwa agwasye Banakristonyina bananike kuti bazumanane kusyomeka akujana bulumbu, Paulo wakabakulwaizya kuti: “Amuzumanane kubikkila maano zintu zyakujulu.” (Kol. 3:2) Lyoonse bakeelede kuyeeya bulangizi butaliboteli bwakutambula cikono cabo cakujulu. (Kol. 1:4, 5) Masimpe, kuyeeya zilongezyo Jehova nzyapa bantu bakwe kugwasya babelesi bakwe boonse kulangisisya kubulumbu, taakwe makani naa bulumbu bwabo mbwakujulu naa mbwaanyika.—1Kor. 9:24.\\n3. Ino Paulo wakagwasya Banakristonyina kuti bapakamane kuntenda nzi?\\n3 Paulo alimwi wakagwasya Banakristonyina kupakamana kujatikizya ntenda izyakali kukonzya kubalesya kujana bulumbu. Mucikozyanyo, wakalembela mbungano yaku Kolose kujatikizya Banakristo bakubeja ibakali kuyanda kukkomaninwa a Leza kwiinda mumilimo ya Mulawo muciindi cakucita boobo kwiinda mulusyomo muli Kristo. (Kol. 2:16-18) Paulo alimwi wakabandika ntenda iziliko amazuba aano alimwi izikonzya kutulesya kujana bulumbu. Mucikozyanyo, wakapandulula mbotukonzya kukaka zisusi zyakutalilemeka, kulanganya mapenzi abasyomima, alimwi akulwana buyumuyumu mumukwasyi. Lulayo lwakwe mumakani aaya lulabeleka akulindiswe mazuba aano. Aboobo, atulange-lange kucenjezya kwaluyando kumwi kwa Paulo ikujanika mulugwalo ndwaakalembela bana Kolose.\\nAMUJAYE ZISUSI ZYAKUTALILEMEKA\\n4. Ino nkaambo nzi zisusi zyakutalilemeka ncozikonzya kutulesya kujana bulumbu?\\n4 Naakamana kuyeezya Banakristonyina kujatikizya bulangizi bwabo bubotu, Paulo wakalemba kuti: “Amujaye zizo zyamubili wanu eezyo zili anyika kujatikizya zisusi mbuli bwaamu, busofwaazi, luunyaunya, kunyomenena zintu zibi, alimwi abusyaacivwulemwangu.” (Kol. 3:5) Zisusi zyakutalilemeka zilakonzya kuba anguzu kapati alimwi zilakonzya kutulesya kubikkila maano kumbono zyakumuuya. Mukwesu umwi iwakazundwa azisusi zyakutalilemeka naakajokela mumbungano wakaamba kuti, “Ndakoongelezyegwa canguzu kapati cakuti ndakaalilwa kulilesya mane limwi ndakacita cibi.”\\n5. Ino mbuti mbotukonzya kulikwabilila mubukkale ibukonzya kutunjizya muntenda?\\n5 Cilayandika kapati kupakamana ciindi notuli mubukkale ibukonzya kutusunka kutyola zyeelelo zya Jehova zyakulilemeka. Mucikozyanyo, ncabusongo kubantu bayanda kukwatana kucisalazya kumatalikilo kwini mbobatalikila buyo kweebana, kujatikizya zyeelelo zigaminide nzyobeelede kutobela mumakani aakujatana, kumyontana, naa bukkale mobeelede kuba balikke. (Tus. 22:3) Kuyungizya waawo, bukkale ibukonzya kubikka muntu muntenda bulakonzya kuba ciindi Munakristo naunka kuyoobelekela kubusena bumbi naa ciindi Munakristo nabeleka amuntu ngobaindene zizo. (Tus. 2:10-12, 16) Ikuti naa mwajanika mubukkale buli boobo, amulizyibye kuti muli umwi wa Bakamboni ba Jehova, amubalemeke aabo mbomuyanzana limwi alimwi amuyeeye kuti kusobanya bantu mbomutakwetene limwi kulakonzya kumunjizya muntenda. Alimwi tulakonzya kuba muntenda kapati ciindi notutyompedwe. Muziindi zili boobo, tulakonzya kulombozya kuba amuntu uukonzya kutupa kulimvwa kuti tulayandwa kapati. Alimwi buya tulakonzya katuyandide kapati kuba amuntu uukonzya kutubikkila maano cakuti inga twazumina kufwumbwa muntu uukonzya kujanika. Ikuti naa camucitikila cili boobu, amulombe lugwasyo kuli Jehova alimwi akubantu bakwe kutegwa mutalekeli cintu cili coonse kumulesya kujana bulumbu.—Amubale Intembauzyo 34:18; Tusimpi 13:20.\\n6. Caboola kumakani aakusala zyakulikondelezya, ino ncinzi ncotweelede kuyeeya lyoonse?\\n6 Kutegwa tujaye zisusi zyakutalilemeka, tweelede kuzikaka zyakulikondelezya zitali kabotu. Ibunji bwabasikubamba zyakulikondelezya mazuba aano bajisi muuya iwakali mu Sodoma a Gomora. (Jud. 7) Beendelezi bambunga zibamba zyakulikondelezya basumpula mizeezo yabo kwiinda mukutondezya kuti kutalilemeka mumakani akoonana cili buyo kabotu alimwi kunyina ntenda zikonzya kutobela. Tatweelede kuliiba akuleka kulikwabilila, ikwiile kuzumina kufwumbwa zyakulikondelezya zyaboola. Tweelede kusala zyakulikondelezya iziyoopa kuti tuzumanane kugamika meso eesu kubulumbu bwabuumi.—Tus. 4:23.\\n“AMULISAMIKE” LUYANDO ALUZYALO\\n7. Ino mapenzi nzi ngotukonzya kujana mumbungano ya Bunakristo?\\n7 Toonse tulazumina kuti kuba cibeela cambungano ya Bunakristo ncilongezyo cipati. Kwiiya Jwi lya Leza kumiswaangano yesu alimwi ambotugwasyanya umwi amweenzinyina munzila yaluyando alimwi yaluzyalo kulatugwasya kuzumanana kugamika meso eesu kubulumbu. Nokuba boobo, zimwi ziindi kutamvwana kulakonzya kuleta mapenzi akati kabakwesu abacizyi mumbungano. Ikuti naa twaalilwa kwaamana mapenzi aali boobo, alakonzya kupa kuti bantu batalike kubikkililana.—Amubale 1 Petro 3:8, 9.\\n8, 9. (a) Ino mbube nzi mbotweelede kuba ambubo ibuyootugwasya kujana bulumbu? (b) Ino ncinzi cikonzya kutugwasya kubamba luumuno ciindi Munakristoma naatunyemya?\\n8 Ino mbuti mbotukonzya kutalekela kubikkilila kutulesya kujana bulumbu? Paulo wakakulwaizya bana Kolose kuti: “Mbomuli bantu ba Leza basalidwe, basalala alimwi bayandwa, amulisamike luyando lwamoyo walubomba, luzyalo, kulicesya, kubomba moyo alimwi akukkazika moyo. Amuzumanane kweengelelana akulekelelana camoyo woonse nokuba kuti umwi kajisi kaambo kakutongooka mweenzinyina. Mbubonya Jehova mbwaakamulekelela camoyo woonse, andinywe mweelede kucita mbubonya oobo. Pele kunze lyazintu zyoonse eezyi, amulisamike luyando, nkaambo ncecaanzyo calukamantano cilondokede.”—Kol. 3:12-14.\\n9 Luyando aluzyalo zilakonzya kutugwasya kutegwa katulekelelana. Mucikozyanyo, ikuti twalimvwa bubi akaambo kamajwi naa ncaacita Munakristoma, tweelede kuyeeya kujatikizya ziindi zimwi notwakaamba naa notwakacita zintu zimwi calunya. Sena tatulumbi kuluyando aluzyalo ndobakatondezya bakwesu abacizyi nobakatulekelela ciindi notwakalubizya? (Amubale Mukambausi 7:21, 22.) Tulamulumba kapati Kristo akaambo kaluzyalo lwakwe ndwaakatondezya kwiinda mukuyobolola bakombi bakasimpe akubakamantanya. (Kol. 3:15) Toonse tuyanda Leza omwe, tukambauka mulumbe omwe, alimwi tuyaanya buyumuyumu bukozyene. Kwiinda mukulekelelana caluzyalo alimwi caluyando, tupa kuti kube lukamantano lwa Bunakristo alimwi akuzumanana kugamika meso eesu kubulumbu bwabuumi.\\n10, 11. (a) Ino nkaambo nzi bbivwe ncolitayandiki? (b) Ncinzi ncotukonzya kucita kutegwa tutalekeli bbivwe kutulesya kuyoojana bulumbu bwesu?\\n10 Zikozyanyo zitucenjezya izili mu Bbaibbele zituyeezya kuti kuba abbivwe kulakonzya kutulesya kujana bulumbu. Mucikozyanyo, Kaini wakaba abbivwe kumwanookwabo Abelo aboobo wakamujaya. Kora, Datani a Abiramu bakaba abbivwe kuli Musa alimwi bakatalika kumukazya. Kuyungizya waawo, Mwami Saulo wakaba abbivwe akaambo kakuzwidilila kwa Davida aboobo wakasola kuti amujaye. Aanu nkakaambo kaako Jwi lya Leza ncolyaamba kuti: “Kufwumbwa ooko ikuli munyono akukazyanya, alimwi kunooli manyongwe acintu cibi cili coonse.”—Jak. 3:16.\\n11 Ikuti naa twaba aluyando aluzyalo mumoyo wesu, tatukafwambaani kuba abbivwe. Ijwi lya Leza lyaamba kuti: “Luyando lulakkazika moyo alimwi lulaaluzyalo.” (1Kor. 13:4) Kutegwa tutalekeli moyo wesu kuba abbivwe, tweelede kusolekesya kubona zintu mbubonya mbwazibona Leza, nkokuti kubona bakwesu abacizyi kuti ncibeela camubili omwe wa Bunakristo. Eeci ciyootugwasya kuba alweetelelo kweelana ambolutondezya lulayo oolu lwakasololelwa amuuya lwakuti: “Ikuti cizo cimwi calemekwa, zizonyina zyoonse zilakkomana ancico.” (1Kor. 12:16-18, 26) Aboobo muciindi cakuba abbivwe, tuyookkomana ciindi bamwi nobalongezyegwa. Amulange-lange cikozyanyo ca Jonatani, imwana wa Mwami Saulo. Kunyina naakaba abbivwe ciindi Davida naakasalwa kuyookkala acuuno cabwami. Muciindi caboobo, wakamuyumya-yumya Davida. (1Sam. 23:16-18) Sena andiswe tatweelede kutondezya luyando alimwi aluzyalo mbubonya mbwaakacita Jonatani?\\nAMUJANE BULUMBU MBULI MUKWASYI\\n12. Ino nkutobela lulayo luli lwamu Magwalo kuyootugwasya kujana bulumbu mbuli mukwasyi?\\n12 Kutobela njiisyo zyamu Bbaibbele kulakonzya kuleta lukkomano akukondwa kumukwasyi alimwi kulaugwasya mukwasyi kujana bulumbu. Ino ndulayo nzi lwamu Magwalo Paulo ndwaakapa mikwasyi ya Bunakristo ku Kolose? Wakaamba kuti: “Nywebo nobakaintu, amulibombye kubalumi banu, mbwaanga eeci ncibotu mu Mwami. Nywebo nobalumi, amuzumanane kubayanda bakaintu banu alimwi mutanoobanyemeni cakuzwa munzila. Nywebo nobana, amubamvwide bazyali banu muzintu zyoonse, nkaambo eeci cilakkomanisya mu Mwami. Nywebo nomausyi, mutanoobanyemyi bana banu, kutegwa batatyompwi.” (Kol. 3:18-21) Cakutadooneka muyoozumina kuti kutobela lulayo lwakasololelwa amuuya lwa Paulo kuyoobagwasya bamalumi, bamakaintu, alimwi abana.\\n13. Mbuti mucizyi Munakristo mbwakonzya kumukwelelezya kukasimpe mulumi wakwe uutasyomi?\\n13 Ino mbuti kuti naa kamuli mukaintu eelyo mulimvwa kuti mulumi wanu uutasyomi tamulanganyi kabotu? Sena zintu zilakonzya kuba kabotu ikuti naa kamukazyanya kujatikizya mbwalilemeka? Nokuba kuti mwazwidilila mukupa kuti kacita nzyomuyanda, sena muyoomukwelelezya kukasimpe? Eeco tacilangilwi pe. Pele ikuti naa mwatondezya bulemu kubusilutwe bwamulumi wanu, mulakonzya kupa kuti kube luumuno mumukwasyi, muyootembaula Jehova alimwi buya mulakonzya kumukwelelezya mulumi wanu kwiiya kasimpe; aboobo nyoonse mulakonzya kujana bulumbu.—Amubale 1 Petro 3:1, 2.\\n14. Ino ncinzi ncayelede kucita mulumi Munakristo ikuti mukaintu wakwe katamulemeki?\\n14 Ino mbuti kuti naa kamuli mulumi eelyo mulimvwa kuti mukaintu wanu uutasyomi tamupi bulemu? Sena muyoopa kuti atalike kumulemeka ikuti kamumubwentela kutegwa mumutondezye kuti ndendinywe mupati? Peepe! Leza uyanda kuti busilutwe bwanu kamubucita caluyando, ikwiiya Jesu. (Ef. 5:23) Jesu ulabutondezya busilutwe bwakwe kumbungano cakukkazika moyo. (Lk. 9:46-48) Kwiinda mukwiiya cikozyanyo ca Jesu, mulumi ulakonzya kumukwelelezya mukaintu wakwe kubukombi bwakasimpe.\\n15. Mbuti mwaalumi Munakristo mbwatondezya luyando kumukaintu wakwe?\\n15 Balumi baambilwa kuti: “Amuzumanane kubayanda bakaintu banu alimwi mutanoobanyemeni cakuzwa munzila.” (Kol. 3:19) Mulumi siluyando ulamulemeka mukaintu wakwe kwiinda mukuswiilila mizeezo yakwe alimwi akumusyomezya kuti ulazibikkila maano zintu nzyaamba. (1Pet. 3:7) Nokuba kuti talili lyoonse nakonzya kucita zyoonse nzyalomba mukaintu wakwe, kanji-kanji ulasala cabusongo kwiinda mukumubuzya kuti aambe mizeezo njajisi mumakani aamwi. (Tus. 15:22) Mulumi siluyando ulasoleka kupa kuti mukaintu wakwe kamulemeka kwiinda muzintu zibotu nzyacita ikutali kumusinikizya buya pe. Mulumi uumuyanda mukaintu wakwe alimwi abana bakwe ulalangilwa kuba amukwasyi uubelekela Jehova calukkomano alimwi akujana bulumbu bwabuumi.\\nIno mbuti mbotukonzya kutalekela buyumuyumu bwamumukwasyi kutulesya kujana bulumbu? (Amubone muncali 13-15)\\nNOBAKUBUSI—MUTALEKELI CINTU CILI COONSE KUMULESYA KUJANA BULUMBU!\\n16, 17. Mbomuli bakubusi, mbuti mbomukonzya kutantamuka kutyompwa kapati akaambo kabazyali banu?\\n16 Mbuti kuti muli bakubusi alimwi mulimvwa kuti bazyali banu Banakristo tabamumvwisyi alimwi tabamupi lwaanguluko lwakucita zintu? Kutyompwa mane kulakonzya kumupa kudooneka akubona mbuli kuti kubelekela Jehova tacigwasyi. Pele ikuti mwalekela kutyompwa kuti kumupe kucileka kubelekela Jehova, kalitanalampa mulakonzya kujana kuti kunyina muntu uumubikkila maano kapati kwiinda bazyali banu ibayoowa Leza alimwi ambungano yanu.\\n17 Ikuti naa bazyali banu nobatakali kumululamika, sena nomwatali kulibuzya kuti naa balamubikkila maano ncobeni? (Heb. 12:8) Pele ambweni ninzila njobabelesya bazyali banu kumulaya iimupa kunyema. Muciindi cakubikkila maano mbuli mbobamulaya, amusole kubona ambweni kuli kaambo ncobacitila boobo. Aboobo amukkazike moyo alimwi mutanoonyemi kapati ikuti bamwaambila majwi aatali kabotu. Ijwi lya Leza lyaamba kuti: “Muntu uujisi luzyibo ulalijata kwaambaula, alimwi muntu uulaamaano ulazumanana kukkazika moyo.” (Tus. 17:27) Amulibikkile mbaakani yakuba muntu uusimide uukonzya kutambula lulayo cakukkazika moyo, akugwasyigwa alulayo oolo kakunyina kubikkila kapati maano kujatikizya mbolwakapegwa. (Tus. 1:8) Ncilongezyo ikuba abazyali basyoma ibamuyanda ncobeni Jehova. Cakutadooneka inga bayanda kumugwasya kutegwa mukajane bulumbu bwabuumi.\\n18. Ino nkaambo nzi ncomukanzide kuzumanana kugamika meso aanu kubulumbu?\\n18 Bulumbu mbotulangila—mbubotu kapati kubuyeeya—tacikwe makani naa mbwabuumi butafwi kujulu naa mbwabuumi butamani aanyika muparadaiso. Mbulangizi businizyide, ibuyeeme acisyomezyo ca Mulengi kumugama. Kujatikizya Paradaiso aanyika, Leza waamba kuti: “Nyika iyoozula luzyibo lwa Jehova.” (Is. 11:9) Kuciindi eeco boonse ibanoopona anyika bayooyiisyigwa a Leza. Masimpe oobu mbulumbu mbotweelede kulwanina kubujana. Aboobo amuzumanane kuyeeya zisyomezyo zya Jehova, alimwi mutalekeli cintu cili coonse kumulesya kujana bulumbu!","num_words":1916,"character_repetition_ratio":0.069,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ciyubunuzyo 17: Cishinshimi ca Bami bali Ciloba-Mwami wa Lusele Wazyibwa! Print\\nCiyubunuzyo 17: Cishinshimi ca Bami bali Ciloba-Mwami wa Lusele Wazyibwa!\\nLino tupona mubuleli bwa “mwami” walusele, poopo ucaalizya.\\nTuyanda kulitola ansi mumuuya wakusinizya ncobeni, akwaabilana andinywe makani aakubbuka akuzuzika cishinshimi kwa “mwami walusele,” poopo ucaalizya, alimwi akaambo mwami walusele ncali Poopo Francis, kutali JPII mbuli mbutwakali kuyeeya kutaanguna, alimwi mbuli mbotwakalubizyide mukuteelela makani aaCiyubunuzyo 17. Mupailo wesu ngwakuti, okuno kunkamu ya WLC, kuti aabo bavwuntauzya kasimpe ncobeni bayootulekelela kukulubila ooku, mbuli mbotwalipa bupya kumulimo Wakwe kunembo Lyakwe Yahuwah, kuti kunyina pe notuyooimina naaba asyoonto muciimo citaluleme, nkaambo tuyandisya masimpe kubula mulandu kunembo Lyakwe, kakunyina kulubila mulusyomo lwesu. Ijwi Lyakwe talikwe kampenda; bupanduluzi bwesu nokuba boobo, bulaa tumpenda nkaambo kakuti tuli bantu. Pele aabo bavwuntauzya Jwi Lyakwe mukusololelwa aMoza Wakwe bayoosololelwa kuti bateelele Jwi Lyakwe lya Cishinshimi, muciindi Cakwe ncaakabikka.\\nAtutalike kusanyangula kusyoonto aawa akumwaabila twaambo ncotusyomena kuti Benedict XVI wakali mwami waciloba ncobeni wa Ciyubunuzyo 17:\\nBami bali ciloba ba Ciyubunuzyo 17 ciiminina malelo nokuba bami. Kunyina acimwi cintu catatu ncocinga caiminina pe. Caandaano ca Ciyubunuzyo 17 coonse caamba makanaa Cikombelo ca Loma. Kusanganya bami ba Ciyubunuzyo 17 mumalelo inga tiicaba cintu camaanu pe, pele kuti twabbataika bami kumalelo, taakwe musyobo wakuswaanganya malelo abami uunga wasika abupanduluzi bupedwe bwabami aabo, kapati kutobelanya mbocaamba mubuleli bwa mwami wa ciloba, oobo bwakaambwa kuti buyooba buyo kaindi kasyoonto. Kunyina bulelo mazubaano bukonzya kweelela kutola buyo kaindi kasyoonto alimwi bunga bwatalikila aciindi cili munsaa kutalika bulelo bwa mwami walusele.\\n”Munkanda” mukampango katatu ncintu ciyandika kuti tubikkile maanu aciindi eelyo bupoopo nibwaanjila “munkanda” mubweende bwa cikombelo. Eeci cakacitika muciindi eelyo bupoopo nibwaayaswa cicisa calufu mu 1798, eelyo Napoleon naakatanda Poopo Pius VI kuti aye ku Valence ku France. Musyule lya 1798, bupoopo bwakali atalaa bami munguzu, baleli, abana babami kunyika yabukuwa. Alimwi mu 1929 bupoopo bwakali kondedwe kubona kuti bamapoopo bakalikulela buyo mbuli bami mukabeela kanyika kali buyo mahekele ali mwaanda mu Loma. (Kusikila mu 1860, bulelo bwaba poopo bwakali kusikila cibeela catatu cacisi ca Italy. Kubalwa kwabami ba Ciyubunuzyo kwaatalikilwa ali Pius XI.\\nMulongo waba poopo kuzwa kuli poopo Pius XI kusikila kuli Benedict XVI uleelela mubupanduluzi bwacishinshimi bupedwe mu Ciyubunuzyo 17 munzila zyobile: mubuleli bwamwami\/poopo wacisambomwe (JPII), ooyo wakalela buleli bulamfu kapati ali boonse bami bali ciloba, alimwi ngopoopo uyakwiibalukwa kapati amusela ucaalizya. Ooyu mulongo wakayumya kutondezyegwa mukulekezya mulimo kwa Benedict XVI, ooko kwataali kulangilwa alimwi kwaanyandya nyika akuzungaanya Cikombelo ca Katolika.\\nKuti mwami waciloba naakali Benedict ncobeni, aboobo citobela ncakuti poopo uutobela nguwe inga kanooli walusele. Ciyubunuzyo 17 tacizumizyi busena akataa bami nokuba akataa mwami waciloba awalusele. Nkaambo nzi JPII ncaatakalibonya kumamanino aabuleli bwa Benedict XVI? Hena kuno kunkamu ya WLC twakalubizya kutama citondezyo camwami walusele? Iiyi twakalubizya, alimwi nkaambo kaboobu, twalitola ansi katuyandaula kulekelelwa kuzwa kuli Yahuwah, Taata wesu wakujulu, alimwi akuli Yahushua Mufutuli wesu. Tulomba kulekelelwa kuzwa kuli sicikolo wa Cishinshimi ca Bbaibbele uli oonse, ooyo wakazuminide andiswe kuti JPII aakucengeezyegwa kuba muntu kuti uyooba “mwami” walusele.\\nIno mbubuti mbotwaalubila mukuyeeya kuti mwami walusele\/poopo inga uyoolicengezya kuba JPII? Mboobu:\\n“Mulindi uutagoli” ulaambwa cakutadonaika mu Bbaibbele kuti ncikkalilo camadaimona. Nkaambo kakuti mwami walusele\/poopo wakali kuyandika kuzwa “mumulindi uutagoli,” twakalubila kweezyeezya kuti unooli umwi wabangele bakawa a Sataani kalicengeezya kuba umwi waba poopo bali ciloba. Twakasikila waawa nkaambo kakaambo aaka “alimwi munyama wakaliko,lino uutako, ngowalusele, alimwi ngumwi wabali ciloba” (kampango 11). Akataa bami bali ciloba JPII nguulibonya kuba aampuwo mpati alimwi uuzyibidwe kapati amusela uuno wamamanino. Aboobo ncintu cabuntu kweezyeezya kuti ikuti walusele kali daimona, uyoolipeekezya kuba JPII. Kaambo ka “mulindi uutagoli,” nokuba boobo, kalakonzya kwaamba kuti mwami walusele\/poopo unikweendelezyegwa kapati a Saatani abangele bakwe bakawa munzila yataabwenwe muli bapoopo bali ciloba bakainda. Lino eeci calangika kuti mbobupanduluzi bululeme bwa mulindi uutagoli wa Ciyubunuzyo 17.\\nKujatikizya kaambo kakuti “umwi nkwali” (kampango 10), twakabona zinjaanji zyatakeelede kuba moomo. Eelyo Johani naakapegwa cilengaano, wakatolwa kuciindi ca JPII. Cakali cintu cabuntu kuli Johani kutolwa kubulelo bwamwami mupati ali boonse bali ciloba. Kutola Johani kubulelo bwamwami walusele cakayumya kuti bami bali ciloba bakali bama poopo bali ciloba ncobeni, alimwi wacisambomwe wakasalwa nkaambo bulelo bwakwe bwakali bulamfu kwiinda boonse bapoopo bali ciloba, alimwi cimwi cintu cipati ncakuti wakali wiibalukwa, uuyandwa kapati kwiinda poopo uli oonse wamazubaano.\\n“Munyama wakaliko [kusikila mu 1798], alimwi uutako, [aciindi cabulelo bwamwami wacisambomwe, nkaambo nguzu zyabunyama zyakacili munkanda] ngumwi wabali lusele [pele mubulelo bwalusele, nguzu zyabunyama ziyoojokezyegwa kubupoopo], alimwi ngumwi wabali ciloba, [walusele, nokuba boobo nenguzu zyamunyama, pele ucili mwami mbweenya mbuli bali ciloba bakawa kale], alimwi nguuya mukunyonyoonwa [Walusele takayi kumbele, uyoonyonyoonwa akupenzyegwa calunya abami bali kkumi, eelyo nobayooibaluka ciimo camunyama usofweede]. (kampango. 11).\\nNcili ciindi cikonzya kubelekela makanze aaSaatani kapati aakulibambila nkondo mpati: kuleta mwami wa lusele\/poopo mbuli JPII (mbuli mbutwaali kusyoma kutaanguna), nokuba Francis I? Tulasyoma lino kwiinda kale kakwiina kudonaika kuti mukwaamba Francis I kuti nguubelekela Saatani, silucengo mupati, mbobupanduluzi nkaambo kazyitobela ansaawa:\\nEelyo basicikolo bacishinshimi nibaali kulangila kubbuka kwa JPII, Saatani wakaleta mwami\/poopo walusele cakusisikizya, alimwi akumutambula nyika yoonse. Bunji bwesu notwakabikkide kulangila kwesu akupeekezyegwa kuba JPII twakatyompwa kuti bulangizi bwesu tiibwakazwidilila, alimwi [cuusisya] ncakuti bamwi balangilwa kuleka kusyoma zishinshimi zya Bbaibbele. Twabalomba aabo basunkwa kuti balekezye bulangizi kuti batalekeli Saatani kuti abazunde akubakoma.\\nKucengeezyegwa kwa JPII nikwaapa kasimpe bulemu oobo Saatani mbwayoowa kapati. Aboobo, cakali cintu ciyandika kuli Saatani kuti abambe nzila yakujuzya mwami walusele\/poopo eeyo iitakonzyi kugwasyilizya mulimo wabatobeli ba Yahuwah, alimwi eeco cinga casolweda banji kuti bulangizi bwabo bwakupeekezyegwa kwa JPII tikwaazwidilila. Ooku kutyompwa nkuzunda kwa Saatani, alimwi wakalomya kuti kulibonya kwamwami\/poopo walusele kukabe kaambo katyompya bantu banji batobela Yahuwah.\\nMukutatumina umwi wabangele bakwe bawide aciindi eeci kuti azyoolipeekezye kuba JPII, Saatani wakazwidilila mukweeleba nkondo abana Kristu aabo bakali kunga bakaka kulibonya kwa JPII kuti nkubuka kuzwa kubafu kwalucengo, akwiibalusya nyika kuti bafwide bacinoo fwide kusikila kubuka kuzwa kubafu, alimwi kuti kulibonya kwamuntu uufwide ncintu cicitwa amadaimona. Ooku kukaka kwabana Kristu balaa maanu inga nikwaaletelezya kunyongana ooko kwaali kunga, kwanyonganya mulimo ooyo Saatani ngwayanda kuti mwami\/ poopo walusele amanizye kucita mukaindi kasyoonto nkajisi. Tweelede kulomya kumwaambila lino kuti kulipeekezya akulibonya kwabafwide mumazuba aazya kuciyoocitika alimwi inga kuyoojatikizya kulibonya kwa JPII abamwi bantu bamu Bbaibbele kusikila Saatani lwakwe akalipeekezye kuba Yahushua- kaindide mweembo Maawe Mutaanzi eelyo nyika niicinoo cengedwe kuti isyome kuti mwami\/ poopo walusele ooyo ngowakalesya madaimona aalwana nyika. Caakwiinda eeci, nyika inoozyibide kusyoma kufumbwa caambwa amwami\/ poopo – Francis I.\\nSaatani wakabona kuti kuubauka kwamali oonse kuyoozambaila nyika yoonse munkondo icaalizya kaindi kasyoonto aKuboola Kwabili kwa Yahushua, kuyooletwa abujayi bwakwe mbwalekela anyika yesu. Aboobo, wakakanza kucita kuti mwami\/ poopo akabe umwi uuzyibidwe akuyandwa akataa bantu bacete mucisi mwaakazyalilwa. Kajisi nguzu mukuyandisyigwa ooku, mwami\/ poopo uyoobelesya ncico eeci kuti abaa batobeli banjaanji muzyisi zinjaanji zilaa bacete anyika; uyookulwaizya bacete kuti basinikizye baleli banyika kuti bakabikke milawo amilazyo iilesya kuliiba mubupaizi oobo buli muzyisi zinjaanji mazubaano. Mbuli mweelwe wabacete mbuyaa kukomena atalaa nyika yoonse, nkaambo kakwiindila kubula mali aziyandika zimwi, bacete bayooba anguzu, akuba bajayi, akuba zibelesyo ziyoosya mumaanza aamwami\/ poopo walusele kalwana bami baanyika.\\nNguni uunga waleta kucisa akujaya bantu banji kwiinda Poopo waba Jesuit? Poopo Francis ngo poopo mutaanzi mumusela wa Cikombelo ca Katolika uuzyila kumbunga yaba Jesuit. Saatani wakali kubambila mwami\/ poopo walusele kwamyaka minjaanji, alimwi taakajana weelela kucita mulimo wamwami walusele pele buyo poopo uuzyila munkamu yaba Jesuit. Tacili cintu cigambya kuli ndiswe kweezyeezya ceeco basyomeka banjaanji abaabo batakwe mweelwe ncobayoojailwa mumyaka iizya kwiinda mukulailila kwa mwami walusele!\\nBuleli bwa mwami\/ poopo walusele buyootola myaka yotatwe akwiinda mwaka omwe akati, muciindi eeco batobeli ba Yahuwah basyomeka bayooshinshima kabasamide masaka (Ciyubunuzyo 11:3). Amusanganye kumyaka yotatwe akwiinda akati omwe mwaka ciindi ncobayootola bangele kulizya myeembo mitaanzi yone (Ciyubunuzyo 8), kusanganya mweembo wasanu walo uyootola myezi yosanwe (Ciyubunuzyo 9:1-5). Aboobo, tulakonzya kukosola kaambo kuti bulelo bwamwami walusele buyooba bufwaafwi kapati kwiinda bulelo bwamwami\/ poopo waciloba. Aboobo kucembaala kwa mwami\/ poopo walusele lino tacili cintu cinga casinkila zitola busena , mbokuli ulaa myaka ili makumi ciloba acisambomwe. Mwami walusele ulyaamba kuti mbwacembeede ncintu cilikabotu nkaambo ncitondezyo ca luzyibo abusongo ndwaakabungilila. Kuleka buuyo bulamfu bwakulela kwa Francis I mbwayoolela, ncintu camasimpe kuti ngo poopo ucaalizya munsaa Kuboola Kwabili kwa Simalelo Mufutuli wesu, Yahushua Uunanikidwe.\\nMakani mabotu lino ngotuyanda kumusomba ngakuti lino tupona mubulelo bwa “mwami” walusele alimwi tuli buyo kwamyaka misyoonto kulaale a Kuboola Kwabili kwa Yahushua mubulemu, akutamani. Nokuba boobo akataa lino a Kuboola Kwabili, tweelede kwiinda muli nyina wakupenzyegwa amasunko. Kuli mulimo munji weelede kucitwa mumyoyo amuziimo zyesu, alimwi mulimo munji weelede kucitwa mukucenjezya nyika ali ceeco ciyanda kutola busena. Hena tuli libambide kukkala buumi mubulelo bwa “mwami” walusele, poopo ucaalizya waku Loma? Tulapaila kuti boonse balibambile kuzekelwa kwesu umwi aumwi nokutana jalilwa limwi.","num_words":1370,"character_repetition_ratio":0.056,"word_repetition_ratio":0.0,"special_characters_ratio":0.154,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Lufu Luzoomana Biyeni? Jesu Wakazunda Lufu\\nBALA MU Acholi Afrikaans Albanian American Sign Language Amharic Arabic Armenian Aukan Aymara Azerbaijani Azerbaijani (Cyrillic) Baoule Bashkir Bassa (Cameroon) Batak (Karo) Batak (Toba) Belize Kriol Biak Bicol Bislama Boulou Brazilian Sign Language Bulgarian Catalan Cebuano Chichewa Chin (Hakha) Chinese (Traditional) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chuukese Cibemba Cinyanja Croatian Cuban Sign Language Czech Dangme Danish Douala Drehu Dutch Efik English Estonian Ewe Fijian Filipino Sign Language Finnish Fon French Ga Garifuna Georgian German Greek Greenlandic Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hmong (White) Hungarian Iban Ibanag Icelandic Igbo Iloko Indian Sign Language Indonesian Isoko Italian Italian Sign Language Japanese Javanese Kabiye Kannada Karen (S'gaw) Kazakh Kekchi Kikaonde Kikongo Kikuyu Kiluba Kimbundu Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lhukonzo Lingala Lithuanian Low German Luganda Lunda Luo Luvale Macedonian Malagasy Malay Malayalam Maltese Mam Mambwe-Lungu Marathi Marshallese Mauritian Creole Maya Mbunda Mexican Sign Language Mizo Mongolian Moore Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndau Ndebele Ndebele (Zimbabwe) Ndonga Nepali Ngangela Nias Niuean Norwegian Nyaneka Nzema Oromo Ossetian Pangasinan Papiamento (Aruba) Papiamento (Curaçao) Persian Polish Ponapean Poqomchi' Portuguese (Portugal) Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Rarotongan Romanian Runyankore Russian Russian Sign Language Rutoro Samoan Sango Saramaccan Sepedi Serbian Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Slovak Slovenian Solomon Islands Pidgin Spanish Spanish Sign Language Sranantongo Swahili Swahili (Congo) Swati Swedish Tagalog Tahitian Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshwa Tsonga Turkish Tuvaluan Twi Tzeltal Tzotzil Ukrainian Urhobo Uruund Uzbek Uzbek (Roman) Vietnamese Wallisian Waray-Waray Wayuunaiki Welsh Wolaita Xhosa Yapese Yoruba Zande Zapotec (Isthmus) Zapotec (Lachiguiri) Zulu\\nNIKUBA kuti kutaswiilila kwabazyali besu bakusaanguna Adamu aEva kwakeeta chibi alufu kubantu boonse pesi Leza taakachincha pe makanze aakwe. Mujwi lyakwe Bbayibbele muli mavesi miingi aatondeezya kuti Leza tachinchide pe makanze aakwe.\\n“Uyoolumena lufwu mane kukabe kutamani, alimwi Mwami Singuzuzyoonse Jehova uyoosindula misozi kumasyu oonse.”​—Isaya 25:8.\\n“Sinkondo wamamanino uuyoonyonyoonwa, ndufwu.”​—1 Bakorinto 15:26.\\n“Lufwu talukabi limbi, akwalo koomoka, kulila nokuba kucisa takukabi limbi pe.”​—Ciyubunuzyo 21:4.\\nLeza “uyoolumena” biyeni lufu naakuti kulumaninsya? Mbuuli mbutwabona Bbayibbele liti, “balulami bayookona nyika, alimwi bayookkala alinjiyo lyoonse mane kukabe kutamani.” Alubo lyaamba kuti, taakwe “muntu mululami munyika uucita buyo zibotu lyoonse kakunyina kubisya.” (Mukambausi 7:20) Eezi zyaamba kuti milawu yaLeza tichikabeleki na kachitila kuti basizibi bakajane buumi butamani? Inoobeleka nkaambo ‘Leza tabeji pe.’ (Tito 1:2) Animpo Leza uyoolumana biyeni lufu?\\nLEZA “UYOOLUMENA LUFWU MANE KUKABE KUTAMANI.”​—ISAYA 25:8\\nLEZA UYOOBELESYA CHINUNUZYO KUMANINSYA LUFU\\nJehova Leza wakatondeezya luyando kwiinda mukupa chinunuzyo kuti avune bantu kulufu. Chinunuzyo nimbadalo weendelana azintu zyakasweeka naakuti zyakapambanika. Akaambo kakuti bantu boonse balaachibi, Bbayibbele lyaamba kuti:“Kunyina naba omwe wabo uukonzya kunununa mwanookwabo nokuba kupa Leza cinunuzyo cakwe, (muulo wakunununa buumi bwabo ngwaatala kapati cakuti lyoonse tabaukonzyi pe).”​—Intembauzyo 49:7, 8\\nKuti muntu ulaachibi wafwa, ngawabbadala zibi zyakwe luzutu, takonzyi pe kunununa bamwi nikuba kulinununa lwakwe. (Baroma 6:7) Twakali kuyanda muntu uutakwe chibi pe kuti chiindi naafwa atabbadali zibi zyakwe pesi abbaddale zibi zyesu.​—Bahebrayo 10:1-4.\\nEezi nzizyo nzyaakachita Leza. Wakatuma Mwanaakwe Jesu kuti aze aanyika. Jesu wakazyalwa katakwe chibi. (1 Petro 2:22) Jesu wakaamba kuti wakaza aanyika kuti azoope “buumi bwakwe kuti bube cinunuzyo cakununuzya banji.” (Marko 10:45) Wakafwa kuti abbadale zibi zyesu kuchitila kuti tukonzye kunununwa kuzwa kulufu.​—Johane 3:16.\\nLUFU LUZOOMANA LILI?\\nBupolofita bwamuBbayibbele bwakuti “kuyooba ziindi zikatazya ncobeni” bulikuzuzikizigwa mazubaano, zitondeezya kuti tulikupona “kumazuba aamamanino.” (2 Timoteyo 3:1) Mazuba aakumamanino ayoomana “mubuzuba bwalubeta abwalunyonyooko lwabantu basampaula Leza.” (2 Petro 3:3, 7) Pesi bantu baswiilila Leza bayoofutuka akujana “buumi butamani.”​—Matayo 25:46.\\nJesu wakaza aanyika kuti azoope “buumi bwakwe kuti bube cinunuzyo cakununuzya banji.”​—Marko 10:45\\nKuyungizya waawo, kuli amwi mamiliyoni aabantu bakafwa bayoobusigwa kuti bajane buumi butamani. Jesu wakachita chigambyo chakubusya muntu uufwide chiindi naakaswaayide muunzi waNayini. Mwana wamukamufu naakafwa, Jesu “wakamufwida luzyalo” mpawo wakamubusya. (Luka 7:11-15) Mwaapostolo Pawulu wakaamba kuti: “Ndilijisi bulangizi kuli Leza . . . bwakuti kuyooba bubuke bwabantu baluleme abataluleme.” Bulangilizi oobu butondeezya kuti Leza ulabayanda bantu.​—Milimo 24:15.\\nMabbiliyoni aabantu balangilila kuzoopona kukabe kutamani. Bbayibbele lyaamba kuti: “Balulami bayookona nyika, alimwi bayookkala alinjiyo lyoonse mane kukabe kutamani.” (Intembauzyo 37:29) Muchiindi eecho bayoobona kuzuzikizigwa amajwi aabotezya kawumbulizya akaambwa amwaapostolo Pawulu muminyaka iili 2 000 yayinda aakuti: “O lufwu, ino luli kuli luzundo lwako? O lufwu, ino luli kuli lumoola lwako?” (1 Bakorinto 15:55) Lufu sinkondonyina wabantu unooli wamaninsigwa!\\nKuli “nzila” njweelede kutobela kuti ujane buumi Leza mbwali kubambila bantu bamuyanda.\\nBala kuti Jesu wakafwidaanzi, cinunuzyo niinzi, alimwi akuti ulokucitaanzi lino.","num_words":735,"character_repetition_ratio":0.045,"word_repetition_ratio":0.006,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Milimo 19 | Bbaibbele Lili a Intaneti | Bbaibbele lya Busanduluzi Bwanyika Mpya\\n19 Lino Apolo naakacili ku Kolinto, Paulo wakainda muzyooko zyamalundu akuselemukila ku Efeso nkwaakajana basikwiiya bamwi; 2 eelyo wakati kuli mbabo: “Sena mwakatambula muuya uusalala nomwakaba basyomi?” Bakati kulinguwe: “Swebo tatunamvwide akuti kuli muuya uusalala.” 3 Alimwi wakabuzya kuti: “Ino mwakabbapatizyigwa alubbapatizyo luli?” Bakati: “Alubbapatizyo lwa Johane.” 4 Mpoonya Paulo wakati: “Johane wakabbapatizya alubbapatizyo lwacitondezyo cakweempwa, kaambila bantu kuti basyome yooyo iwakali kuboola musyule lyakwe, nkokuti muli Jesu.” 5 Nobakamvwa boobo, bakabbapatizyigwa muzyina lya Mwami Jesu. 6 Eelyo Paulo naakabikka maanza aali mbabo, bakatambula muuya uusalala, aboobo bakatalika kwaambaula mumyaambo imbi akusinsima. 7 Boonse antoomwe, kwakali baalumi batandila kukkumi ababili. 8 Kwamyezi yotatwe wakali kuboola kucikombelo akukanana cabusicamba. Wakali kubandika makani akupandulula cakusalazya kujatikizya Bwami bwa Leza. 9 Pele bamwi nobakayumya myoyo yabo akutasyoma, alimwi nobakasampaula Nzila Eeyi kumbele lyamakamu aabantu, wakabasiya akutolelezya basikwiiya. Buzuba abuzuba wakali kubandika makani muŋanda mpati yakuswaanganina yakali acikolo ku Tulano. 10 Wakali kucita oobo kwamyaka yobilo, cakuti aabo boonse bakali kukkala mucooko ca Asiya bakalimvwa jwi lya Mwami, iba Juda alimwi aba Giliki. 11 Alimwi Leza wakazumanana kucita milimo mipati yanguzu kwiinda muli Paulo, 12 cakuti notuba tutambala twakwe alimwi atusani ntwaakali kulikwabilizya kutombe twakali kutolwa kubantu baciswa, eelyo bantu bakali kupona kumalwazi aabo alimwi myuuya mibi yakali kuzwa. 13 Pele bamwi akati kaba Juda ibakali kweendeenda kabayaabutanda madaimona abalo bakasoleka kubelesya zyina lya Mwami Jesu kuli baabo bakajisi myuuya mibi; bakali kwaamba kuti: “Ndamulailila muli Jesu ooyo Paulo ngwakambauka kuti muzwe.” 14 Lino ibakali kucita boobo bakali bana basankwa basilutwe wabapaizi mu Juda umwi uutegwa Sikeva ibali ciloba. 15 Pele mukwiingula muuya mubi umwi wakati kuli mbabo: “Ndilimuzyi kabotu Jesu alimwi awalo Paulo ndilimuzyi; pele ino nywebo ndinywe bani?” 16 Mpoonya mwaalumi ooyo wakanjidwe muuya mubi wakamusotokela umwi aumwi akubazunda boonse, cakuti bakatija amantanda kabaliciside kuzwa muŋanda eeyo. 17 Makani aaya akazyibwa abantu boonse, iba Juda aba Giliki ibakali kukkala mu Efeso; alimwi boonse bakayoowa kapati, eelyo izyina lya Mwami Jesu lyakazumanana kulemekwa. 18 Alimwi banji akati kabaabo bakaba basyomi bakali kuboola kulyaambilila zibi akulungulula micito yabo caantangalala. 19 Kunze lyaboobo, bantu banji akati kabasimasalamuzi bakabungika mabbuku aabo akwaaumpa bantu boonse kabalangilila. Alimwi bakasanganya muulo woonse wamabbuku aayo, eelyo bakajana kuti akali kuulwa mali aansiliva aali 50,000. 20 Aboobo canguzu ijwi lya Jehova lyakazumanana kuyakumbele akuzunda. 21 Lino zyintu eezyi nozyakamana, Paulo wakakanza mumoyo wakwe kuti aakumana kwiinda ku Makedoniya aku Akaya, wakali kuyoounka ku Jelusalemu. Wakati: “Ndaakuzwa kooko ndeelede kuyookubona aku Loma.” 22 Aboobo wakatuma bobilo akati kabaabo bakali kumukutaukila kuya ku Makedoniya, nkokuti Timoteyo a Elasito, pele walo wakacilikkede kwaciindi cili mbocibede mucooko ca Asiya. 23 Aciindi eeco nciconya kwakaba lupyopyongano lupati kujatikizya Nzila Eeyi. 24 Nkaambo mwaalumi umwi uutegwa Demetiliyo, imufwuzi wansiliva, kwiinda mukupanga tukombelo twansiliva twa Atemi wakali kubapa kujana mpindu mpati basyaabupampu mukupanga zyintu; 25 eelyo wakababunganya antoomwe abamwi ibakali kupanga zyintu zili boobo akubaambila kuti: “Nobaalumi, mulizyi kabotu kuti buvwubi bwesu buzwa kumulimo ooyu. 26 Alimwi mulibwene akumvwa ooyu Paulo mbwaaongelezya nkamu yabantu mpati akubapa lusyomo lumbi ikutali buyo muno mu Efeso, pele alimwi uli afwaafwi kucita boobo amucooko coonse ca Asiya, kaamba kuti aaba baleza bapangwa amaanza aabantu tabali baleza beni-beni pe. 27 Kunze lyaboobo, cintu cimbi cibi ncakuti taali buyo makwebo eesu aaya aatiisampaulwe, pele alyalo tempele lyaleza mukaintu mupati Atemi lilabonwa kuti ndyabuyo, alimwi bulemu bwakwe ibukombwa mucooko coonse ca Asiya amunyika yoonse buli afwaafwi kumana.” 28 Nobakamvwa boobu bakanyema kapati, mpoonya baalumi aaba bakatalika koompolola kuti: “Atemi waba Efeso ngomupati!” 29 Aboobo kwakaba lupyopyongano mumunzi woonse alimwi caantoomwe bantu boonse bakaguumukila mubbuwa lyazisobano kabayaabukwelaanya Gayo a Alisitako, ibana Makedoniya bakali kweenda a Paulo. 30 Paulo walo wakalilisungwide kunjila mukati mwakali bantu, pele basikwiiya bakamukasya. 31 Nobaba beendelezi bamapobwe azisobano bamwi ibakali beenzinyina bakamutumina mulomo ikumukombelezya kuti atalibikki muntenda kwiinda mukunjila mubbuwa lyazisobano. 32 Mubwini, bamwi bakali koompolola cintu cimwi kakuli bambi bakali kwaamba cimbi; nkaambo nkamu yabantu yakali kwiide kwiilingana alimwi bunji bwabo tiibakakazyi kaambo ncobakabunganina antoomwe. 33 Aboobo bakagwisya Alekizanda munkamu alimwi ba Juda bakamutonkela kumbele; mpoonya Alekizanda wakatambika ajanza lyakwe alimwi wakali kuyanda kulyaambilila kubantu kuti unyina mulandu. 34 Pele nobakazyiba kuti wakali mu Juda, boonse bakatalika koongolola ajwi lyomwe kwamawoola aatandila kuli obilo kuti: “Atemi waba Efeso ngomupati!” 35 Lino kumamanino mupati wamunzi naakaumuzya nkamu yabantu wakati: “Nobaalumi bamu Efeso, nguni mubwini akati kabantu uutazyi kuti munzi wabana Efeso nguulanganya tempele lya Atemi mupati acikozyanyo cakawa kuzwa kujulu? 36 Aboobo mbwaanga makani aaya taakonzyi kukazyigwa, nywebo mweelede kukkalikana ikutali kucita zyintu cakwiintila. 37 Nkaambo mwaleta baalumi aaba kuno ibatali bafwumpi bamatempele naa basikusampaula leza wesu mukaintu. 38 Aboobo ikuti Demetiliyo abasyaabupampu mukupanga zyintu mbocili limwi bali akaambo amuntu umwi, imazuba aakubeteka milandu nkwaali, abeendelezi bacooko nkobali; abatolane kunkuta. 39 Pele ikuti kamuyandaula cimwi ciinda waawo, ceelede kukosolwa ambungano iizumizyidwe amulawo. 40 Nkaambo mubwini tuli muntenda yakupegwa mulandu wakutalisya manyongwe akaambo kaceeci cacitika sunu, mbwaanga tunyina kaambo kabotu kali koonse kakulitamizya kujatikizya nkamu yabantu aaba baide kwiilingana.” 41 Naakamana kwaamba zyintu eezyi, wakaambila bantu bakabungene kuti bamwaike.","num_words":784,"character_repetition_ratio":0.039,"word_repetition_ratio":0.0,"special_characters_ratio":0.165,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 29 IBBAIB63 - Mpoonya awo Jakobo wakatola - Bible Search\\nMatalikilo 28 Matalikilo 30\\nJakobo mbwaakasika kuli-Labani. Mbwaakakwata Leya a-Rakele\\n1-Mpoonya awo Jakobo wakatola lweendo lwakwe, wasika kunyika yabana bakujwe. 2Lino naakali kulanga, wakabona cikala musokwe, nkabela kakuli matanga otatwe aambelele, zyakalilede kumbali aco, nkaambo kucikala eco nkobakali kunywisya imbelele. Ibbwe lyakujazya mulomo wacikala lyakali ipati. 3Matanga oonse naakabungene nkuko, bakali kukunkulisya ibbwe kuzwa kumulomo wacikala akunywisya imbelele. Bamane kuzinywisya, bakali kuboozya ibbwe kubusena bwalyo amulomo wacikala,\\n4Lino Jakobo wakababuzya kuti, Ino mwazwa kuli, bakwesu? Bakati, Twazwa ku-Harani. 5Wakababuzya kuti, Sa mulizi Labani mwana wa-­Nahori? Bakavuwa kuti, Tulimuzi. 6-Wakati, Sa uli kabotu? Bakati, Uli kabotu, Bona! Ngooyo mwanaakwe musimbi Rakele uleza ambelele. 7Lino wakabaambila kuti, Langa! Izuba mpolicili; talina kubbila, Ciindi cakubunganya imbelele tacina kusika. Amunywisye imbelele, mwiinke, mukazicezye. 8Bakati, Tatukonzyi, mane matanga oonse ataangune kuyoboloka; lino balakunkulisya ibbwe kuzwa kumulomo wacikala, aboobo tulanywisya imbelele.\\n9-Lino naakacili kwaambaula ambabo, wakasika Rakele, weza ambelele zyawisi, nkaambo nguwakali kuzyeembela. 10-Mpoonya awo Jakobo, naakabona Rakele mwana musimbi wa-Labani mukulana wabanyina ambelele zya-Labani mukulana wabanyina, Jakobo wakaakukunkulisya ibbwe kuzwa kumulomo wacikala, wanywisya imbelele zya-Labani mukulana wabanyina. 11-Elyo Jakobo wakamyonta Rakele, wakwiila ajwi lyakwe, walila. 12-Nkabela Jakobo wakalwiida Rakele kuti, Ndime mujwa wauso, mwana wa-Rebeka. Amvwe obo, wakazuzaana kuyoolwiida wisi.\\n13-Lino Labani, naakamvwa makani aa-Jakobo mwana wamucizi wakwe, wakazuzaana kuyooswanaana awe, wamukumbata, wamumyonta, wamuleta kuŋanda, Elyo Jakobo wakalwiida Labani makani aya oonse. 14-Nkabela Labani wakamwaambila kuti, Ncobeni uli zifuwa zyangu anyama yangu. Lino wakakala kulinguwe mwezi woonse.\\n15Lino Labani wakaambila Jakobo kuti, Uli mukwesu, pele sa nkukwaamba kuti uleelede kundibelekela buyo cakutavola? Kondaambila mbunjeelede kukuvozya. 16Lino Labani kali abana basimbi bobile; izina lyamupati kali Leya, izina lyamwanike kali Rakele. 17Meso aa-Leya akalipuputide, pele Rakele kali aciwa cibotu, keebeka loko. 18-Nkabela Jakobo wakali kuyandisya Rakele. Lino wakaamba kuti, Njookubelekela milimo myaka iili musanu aibili kuti nkapegwe Rakele mwanaako muniini. 19Mpawo Labani wakavuwa kuti, Na ndamupa nduwe, ncibotu kwiinda kumupa muntu umbi. Mbubo, kala ambebo. 20-Aboobo Jakobo wakabelekela Rakele myaka iili musanu aibili, pele mumeso aakwe myaka eyi yakali mbuli mazuba mace buyo nkaambo kaluyando ndwaakamuyandisya.\\n21-Lino Jakobo wakaambila Labani kuti, Mazuba aangu amana. Kondipa banangu, mulete muŋanda. 22-Mpawo Labani wakabunganya bantu boonse bakooko, wacita ipobwe. 23Lino kuciindi cagoko wakatola mwanaakwe Leya, wamusisya kulinguwe, nkabela wakamunjizya muŋanda. 24(Nkabela Labani wakapa mwanaakwe Leya mulanda wakwe musimbi Zilipa kuti abe mulanda wakwe.) 25Lino nibwakaca, wakabona kuti ngu-Leya. Mpawo wakaambila Labani kuti, Ninzi eci ncowandicitila? Sa teensi Rakele ngundakabelekela kulinduwe? Ino wandeenenanzi? 26Labani wakati, Okuno kulindiswe tacicitwi obo. Mwanike teelede kukwatwa na mupati katana kukwatwa. 27-Manisya imviki yamweenzinyina alakwe. Tuyookupa alakwe na wandimanina milimo myaka aimwi iili musanu aibili. 28Elyo Jakobo wakacita obo, Wakamanisya imviki yamweenzinyina, nkabela Labani wakamupa mwanaakwe Rakele kuti amukwate alakwe. 29(Nkabela Labani wakapa mwanaakwe Rakele mulanda wakwe musimbi Biliha kuti abe mulanda wakwe.) 30-Lino Jakobo wakaleta Rakele alakwe muŋanda, nkabela wakali kuyandisya Rakele kwiinda Leya, Elyo wakacili kumubelekela milimo myaka aimwi iili musanu aibili.\\nBana ba-Jakobo mbubakazyalwa\\n31-Lino Jehova naakabona kuti Leya ulisulidwe, wakajula izyalilo lyakwe, pele Rakele kali musundi. 32-Nkabela Leya wakaminta, wazyala mwana mulombe, wamuulika izina lya-Rubeni, nkaambo wakati, Jehova ulibwene mapenzi aangu; ncobeni mulumaangu ulandiyanda lino. 33Elyo wakaminta alimwi, wazyala mwana mulombe, wati, Jehova ulimvwide kuti ndisulidwe, aboobo wandipa mwana oyu alakwe, Wakamuulika izina lyaSimeoni. 34Lino wakaminta alimwi, wazyala mwana mulombe, wati, Lino ncobeni mulumaangu ulandinamatila, nkaambo ndamuzyalila bana balombe botatwe. Aboobo wakamuulika izina lya-Levi. 35Lino wakaminta alimwi, wazyala mwana mulombe, wati, Lino ndatembaula Jehova. Aboobo wakamuulika izina lya-Juda. Elyo wakaleka kuzyala.","num_words":556,"character_repetition_ratio":0.065,"word_repetition_ratio":0.0,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mulimo Wakukambauka Wabikkwa Mubusena Bwakusaanguna\\nMULI Bwatatu, September 23, 2015, Kabunga Keendelezya kakazyibya bamukwasyi wa Bbeteli munyika yoonse kujatikizya kucinca ikuli mbokubede ikwakali kucitwa kutegwa mali aasangwa kaabelesegwa kabotu. Mpoonya mu Mujibelo, mu October 3, 2015, cakwaambilizya kuzwa ku Kabunga Keendelezya cakaamba kuti: “Mulugwalo lwa Bafilipi 1:10, twaambilwa kuti ‘tusinizye zintu ziyandika kapati.’ Kweelana alulayo oolu lwabusongo, swebo [ba Kabunga Keendelezya] tuyanda kubikka mubusena bwakusaanguna milimo eeyo iigwasya kapati bantu ba Leza kumuuya akutola ambele mulimo wakukambauka uucitwa munyika yoonse.”\\nBa Stephen Lett bamu Kabunga Keendelezya bakapandulula mu pulogilamu yaa JW Broadcasting kuti: “Kabunga Keendelezya kalabikkila maano kapati kutola ambele ziyandika zya Bwami mumulimo wakukambauka cakuti twakalanga-langa nzila mbotukonzya kucesya mali aabelesyegwa mumitabi yoonse kutegwa mali aayo kaabelesyegwa kumulimo wakukambauka. Mucikozyanyo, zintu zinji alimwi amilimo minji iyali kucitwa mu Bbeteli kwaciindi cilamfwu ilacesyegwa naa kulekela limwi kwiicita. Kucita boobu kuyoopa kuti kuyandike buyo bantu basyoonto bamukwasyi wa Bbeteli.”\\nAboobo, kutalikila mu September 2015, bamukwasyi wa Bbeteli ibabalilwa ku 5,500 nyika yoonse bakazwa amutabi. Nokuba kuti kucinca ooku kwakapa kuti kuyandike kucinca muzintu zinji, zilongezyo zya Jehova zyalibonya, alimwi kucinca ooku kwautola ambele mulimo wakukambauka.\\nBanabukwetene bamwi ku Sri Lanka ibakaambilwa kuzwa a Bbeteli bakabona kuti kuzwa a Bbeteli cakali coolwe cakuti batondezye lusyomo lwabo muli Jehova alimwi amumbunga yakwe. Bakalemba kuti: “Tiitwakazyi zintu mbozyakali kuyooba kumbele. Pele twakali masimpe kuti Jehova takatulekelezyi pe. Aboobo, twakapaila kuti: ‘Akaka Jehova, kufwumbwa bukkale mbotukonzya kuyaanya, twalomba kuti utugwasye kucinca bukkale bwesu kutegwa toonse tucikonzye kubeleka katuli bapainiya baciindi coonse.’ Mumwezi wakusaanguna, twakajisi zintu zisyoonto kapati zyakuligwasya kumubili. Nokuba boobo, twakalimvwa kuti Jehova wakali kutuyanda akutulanganya, alimwi lino tulacikonzya kujana mali aakuligwasya mwezi amwezi. Tulijisi zinji zyakucita mbuli kubeleka milimo yaaŋanda, mulimo wakumubili alimwi abupainiya. Pele tulakonzya kucibelesya kabotu ciindi ncotujisi akaambo kazintu nzyotwakaiya ku Bbeteli. Kunyina cintu cikkomanisya kapati kwiinda kugwasya bantu kuzyiba kasimpe, alimwi tulikkomene kapati kuti tulakonzya kucita oobu katuli bapainiya.”\\nBamukwasyi wa Bbeteli bamwi ibakaambilwa kuzwa a Bbeteli ku Colombia bakaiya mwaambo mupya alimwi bakalongela kumasena aakulamfwu kutegwa bakakambaukile bantu bali nkuko mulumbe wa Bwami. Bakwesu abacizyi aaba bagwasya kapati kumbungano zipya nkobakaunka. Kujatikizya banabukwetene bamwi ibakaunka kuyoobelekela kumbungano imwi, mulangizi wabbazu umwi wakalemba kuti: “Bakwesu abacizyi mumbungano balalumba kapati kugwasyigwa ambabo. Mbungano yayaambele mumulimo wakukambauka, alimwi bakwesu banyenzi balayiisyigwa kubeleka milimo iindene-indene mumbungano.” Banji ibakali bamukwasyi wa Bbeteli balyaaba kunakuunka kuyoobeleka ku Bbeteli buzuba bomwe naa kwiinda waawo nsondo ansondo.\\nMukwesu iwakali kubelekela a Bbeteli yaku Japan kwamyaka iili 31 wakaambilwa kuyoobelekela kumbungano ikwakali buyo baalu bobilo. Mbwaanga mbungano yakeelede kubambulula Ŋanda ya Bwami, wakasala kuti atabeleki mulimo uuli woonse wakumubili kwansondo zyobilo. Pele kabatanatalika mulimo wakubambulula, kwakacitika muzuzumo wanyika uusika ku 7.0 magnitude mudolopo lya Kumamoto, moyakabede mbungano mwaakali kuzulilwa. Akaambo kakuti wakabikkide bubambe bwakuti atabeleki mulimo wakumubili, wakacikonzya kusololela mumulimo wakugwasyilizya baabo ibakacitikilwa ntenda alimwi akucita nyendo zyabweembezi ciindi muzuzumo nowakacitika. Wakati: “Nondiyeeya cakacitika, inga ndaamba kuti Jehova wakandibikka kuti ndibelekele kubusena bumwi kubulide kapati.”\\nBa Phil aba Sugar, ibakali kubelekela amutabi waku Australasia, bakapandulula kuti: “Ciindi notwakaambilwa kuzwa a Bbeteli, twakasala kuzumanana kunoopona buumi buubauba. Twakapaila kuli Jehova kuti atusololele kutegwa tukacikonzye kusala kabotu akuti akakulongezye kusala kwesu kuli koonse nkotwakali kuyoocita. Ncotwakali kuyanda buyo nkulisungula kubeleka mulimo wakukambauka mumbungano iili kucisi cimbi. Jehova watulongezya ncobeni akaambo kakusala nkotwakacita alimwi watugwasya kutegwa tucikonzye kumubelekela camoyo woonse!” Lino babelekela mumbungano ya Chingisi a Samal Island, Davao, Philippines, iijisi basikumwaya ibali 34 abapainiya baciindi coonse ibali 9. Lino balijisi makkeyala aali 120 aabantu bajisi luyandisisyo mbobeelede kuswaya. “Kuli mulimo mupati uukkomanisya iweelede kucitwa. Tulikkomene kuti twakasyoma Jehova cakumaninina. Kucita boobu mubwini kwapa kuti lusyomo aluyando lwesu kulinguwe luyungizyike!”\\nMucizyi uutakwetwe ku Russia iwakaambilwa kuzwa amutabi kuti akabeleke kali mupainiya waalubazu wakati: “Mulimo wabupainiya undipa coolwe cakutola lubazu mumulimo uuyandika kapati cakumaninina, uutakaindulukwi wakukambauka kujatikizya Bwami bwa Leza. Cilandikkomanisya kapati kubelesyegwa a Jehova.” Calino ulasololela ziiyo zya Bbaibbele izili cisambomwi. Ziiyo zyakwe zibikkilizya bantu ibazwa ku Iraq, Nigeria, Sri Lanka, Syria, alimwi a Zambia.\\nZambia: Ibakazwa a Bbeteli batambulwa ambungano yabo mpya\\nBamukwasyi wa Bbeteli banji mu Zambia bakaambilwa kuzwa amutabi kabali bapainiya baciindi coonse. Balikkomene kutola lubazu mumulimo wakukambauka. Ba Andrew ibapainiya baciindi coonse antoomwe abakaintu babo bakaamba kuti: “Muciindi buyo cisyoonto kuzwa notwakazwa a Bbeteli, twakagwasya bantu bobilo ibatakali kubala akulemba kutegwa bazyibe kubala akulemba.” Ciiyo cesu cimwi, musankwa uujisi myaka iili 10, ino-ino uyoopa makani aakwe aakusaanguna mumuswaangano uucitwa mukati kansondo. Banabukwetene bamwi mbotwakakambaukila bakajanika ku Ciibalusyo alimwi kusikila lino balajanika kumiswaangano yambungano lyoonse. Bayaambele mukwiiya Bbaibbele. Tuyeeya kuti zyoonse eezyi nozyatakonzyeka notwatakabutobela busolozi bwa Jehova, kumulomba kuti atugwasye alimwi akulongezyegwa anguwe.”\\nBa Edson aba Artness, abalo ibakkala mu Zambia, bakakwetene buyo kwamyezi misyoonto ciindi nobakaambilwa kuzwa a Bbeteli. Ba Artness bakaamba kuti: “Nzyotwakaiya ku Bbeteli zyatugwasya kunoobelesya kabotu mali akuzumanana katukkomene alimwi katutajisi zikwelete. Tatulipi mulandu kuti twakasala kuyoobelekela ku Bbeteli. Twaiya mbotukonzya kucinca mbaakani zyakumuuya akuzizuzikizya kwiinda mukugwasyigwa a Jehova. Lusyomo lwesu muli Jehova lwayumizyigwa, alimwi tulikanzide kuzumanana kusyomeka kulinguwe.”","num_words":782,"character_repetition_ratio":0.065,"word_repetition_ratio":0.0,"special_characters_ratio":0.147,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"1 Samuele 9 | Bbaibbele lili a Intaneti | Bbaibbele lya Busanduluzi Bwanyika Mpya\\nMatalikilo Kulonga Levitiko Myeelwe Deuteronomo Joshua Babetesi Rute 1 Samuele 2 Samuele 1 Bami 2 Bami 1 Makani 2 Makani Ezara Nehemiya Esita Jobu Intembauzyo Tusimpi Mukambausi Lwiimbo Lwa Solomoni Isaya Jeremiya Malilo Ezekieli Daniele Hosea Joeli Amosi Obadiya Jona Mika Nahumu Habakuku Zefaniya Hagai Zekariya Malaki Matayo Marko Luka Johane Milimo Baroma 1 Bakorinto 2 Bakorinto Bagalatiya Baefeso Bafilipi Bakolose 1 Batesalonika 2 Batesalonika 1 Timoteyo 2 Timoteyo Tito Filimoni Bahebrayo Jakobo 1 Petro 2 Petro 1 Johane 2 Johane 3 Johane Juda Ciyubunuzyo 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31\\nSamuele waswaanganya Saulo (1-27)\\n9 Lino kwakali mwaalumi umwi wamusyobo wa Benjamini wazina lyakuti Kisi,+ mwana wa Abiyeli, imwana wa Zerori, imwana wa Bekorati,+ imwana wa Afiya muna Benjamini alimwi iwakavwubide kapati. 2 Wakalijisi mwana mulombe uutegwa Saulo,+ mwana ooyu wakali mubotu kapati–kunyina mwaalumi akati kabana Israyeli iwakali kumwiinda kubota–kuzwa amagwezyo wakali mulamfwu kwiinda bantu boonse. 3 Lino mbongolo* zya Kisi, usyi Saulo nozyakasweeka, Kisi wakaambila mwanaakwe Saulo kuti: “Bweza umwi wababelesi, uunke mukayandaule mbongolo.” 4 Lino bakainda mumalundu aa Efraimu akwiinda munyika ya Salisa, pele tiibakazijana. Mpoonya bakainda munyika ya Saalimu, amwalo tiibakazijana mbongolo pe. Kumane bakainda munyika ya Benjamini, amwalo tiibakazijana pe. 5 Mpoonya bakasika munyika ya Zufi, eelyo Saulo wakaambila mubelesi wakwe ngwaakali limwi kuti: “Koboola, atupiluke buyo kutegwa bataata batataliki kulibilika ndiswe muciindi cambongolo.”+ 6 Pele mubelesi wakati: “Swiilila! Kuli muntu wa Leza mumunzi ooyu, alimwi muntu ooyo ulalemekwa kapati. Kufwumbwa ncaamba cilacitika.+ Atuunke kulinguwe lino. Ambweni inga watwaambila nzila njotweelede kutola.” 7 Amvwe boobo Saulo wakaambila mubelesi wakwe kuti: “Ikuti naa tuunke, ino tulamutolela nzi? Tatujisi zyakulya muzibbeeke zyesu; kunyina cipego ncotujisi cakumutolela muntu wa Leza mwini-mwini. Ino tujisi nzi?” 8 Mpoonya mubelesi wakavwiila Saulo alimwi kuti: “Bona! Ndilijisi cipaanzi cane casyekeli* lyansiliva mujanza lyangu. Ndilamupa muntu wa Leza mwini-mwini, eelyo ulatwaambila nzila njotweelede kutola.” 9 (Kaindi mu Israyeli, mboobu mbwaakali kwaamba muntu naa uyanda kubuzya makani kuli Leza: “Amuboole tuunke kumuntu uubona zyakumbele.”+ Nkaambo muntu uutegwa musinsimi mazuba aano, kaindi wakali kwiitwa kuti muntu uubona zyakumbele.) 10 Mpoonya Saulo wakaambila mubelesi wakwe kuti: “Waamba kabotu. Atuunke.” Eelyo bakaunka kumunzi ooko muntu wa Leza mwini-mwini nkwaakabede. 11 Lino nibakali kutanta kumatantilo aamunzi, bakajana basimbi ibakali kuunka kuyooteka maanzi. Aboobo bakababuzya kuti: “Sena muntu uubona zyakumbele+ nkwali mubusena obuno?” 12 Bakabavwiila kuti: “Inzya nkwali. Amubone, uli buyo ambele lyanu. Lino amufwambaane, wasika sunu mumunzi nkaambo bantu sunu batuula+ cipaizyo kucilundu.+ 13 Lino mbomutiisikile buyo mumunzi, mulamujana katanaunka kucilundu kuyoolya. Bantu tabakoolya katanasika nkaambo ngonguwe weelede kulongezya cipaizyo. Amana kucita boobo, aabo batambidwe nobatiilye. Aboobo amuunke lino aawa, eelyo mulamujana.” 14 Aboobo bakaunka kumunzi. Lino nibakali afwaafwi kusika akati kamunzi, Samuele wakaboola kubacinga kutegwa baunke kucilundu. 15 Lino buzuba bwakuti juunza Saulo ulaboola, Jehova wakaambila* Samuele kuti: 16 “Juunza aciindi ecino ndiyootuma kulinduwe mwaalumi uuzwa kucisi ca Benjamini.+ Weelede kumunanika kuti abe musololi wabantu bangu bana Israyeli,+ alimwi uyoovwuna bantu bangu kujanza lyaba Filisiti. Nkaambo ndaabona mapenzi aabantu bangu, alimwi kulila kwabo kwandisikila.”+ 17 Lino Samuele naakamubona Saulo, Jehova wakamwaambila kuti: “Ooyu ngomuntu ngundakakwaambila kuti, ‘Ngonguwe uuyakweendelezya bantu bangu.’”*+ 18 Mpoonya Saulo wakaunka kuli Samuele akati kamulyango wamunzi akumubuzya kuti: “Kondaambila kaka, ino ili kuli ŋanda yamuntu uubona zyakumbele?” 19 Samuele wakavwiila Saulo kuti: “Ndendime muntu uubona zyakumbele. Kosolola tuye kucilundu, alimwi tulalidaamwi sunu.+ Eelyo mafwumofwumo ndiyookuleka kuti ukaunke alimwi ndiyookwaambila zyoonse nzyoyanda kuzyiba.* 20 Lino kujatikizya mbongolo zyanu izyakasweeka mazuba otatwe aainda,+ utalibiliki nkaambo zyajanika. Alimwi ino zintu zyoonse ziyandisi zyamu Israyeli nzizyani? Sena tazili zyako aboonse bamuŋanda yauso?”+ 21 Amvwe boobo Saulo wakati: “Sena tandili muna Benjamini, imusyobo muniini kapati akati kamisyobo ya Israyeli,+ alimwi mukwasyi wangu unyina ampuwo akati kamikwasyi yoonse yamusyobo wa Benjamini? Aboobo ino nkaambo nzi ncoondaambila makani aali boobu?” 22 Lino Samuele wakatola Saulo amubelesi wakwe kuŋanda yakulida akubabikka abusena bulemekwa akati kabaabo bakatambidwe; antoomwe kwakali baalumi basika ku 30. 23 Kumane Samuele wakaambila sikujika kuti: “Kondiletela nyama iilya njindakupede akukwaambila kuti, ‘Koibikka ambali.’” 24 Eelyo sikujika wakabweza mweendo akuubikka kumbele lya Saulo. Mpoonya Samuele wakati: “Eeyi njenyama yayobwedwe iyabikkwa kumbele lyako. Kolya, nkaambo yayobwedwe nduwe kuti ulye aciindi ecino. Nkaambo ndabaambila kuti, ‘Ndakatamba beenzu.’” Aboobo Saulo wakalya antoomwe a Samuele buzuba oobo. 25 Kumane bakaselemuka kuzwa kucilundu akuunka kumunzi,+ eelyo Samuele wakazumanana kwaambaula a Saulo atala aaciluli caŋanda. 26 Mpoonya bakabuka kakucili kooko, eelyo mbolyakapaswida buyo zuba, Samuele wakaita Saulo kuzwa atala aaciluli caŋanda kati: “Kolibambila kutegwa uunke.” Aboobo Saulo wakalibambila, eelyo walo a Samuele bakazwa anze. 27 Lino nobakali kuselemuka nkuumanina munzi, Samuele wakaambila Saulo kuti: “Komwaambila mubelesi wako+ kuti asolole kumbele lyesu,” kumane wakasolola. “Pele yebo koima kutegwa ndikwaambile jwi lya Leza.”\\n^ Mu Chihebrayo, “mbongolo zizyazi.”\\n^ Syekeli lyomwe lyakali kulema magilamu aali 11.4. Amubone Makani Aayungizyidwe B14.\\n^ Mu Chihebrayo, “wakasinkula kutwi kwa.”\\n^ Naa “uuyakubona kuti bantu bangu bali mukati kaminyinza.”\\n^ Mu Chihebrayo, “zyoonse izili mumoyo wako.”","num_words":746,"character_repetition_ratio":0.057,"word_repetition_ratio":0.0,"special_characters_ratio":0.193,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Masimpe Aagambya kuti Nguni Mufutuli Wini! Print\\nMasimpe Aagambya kuti Nguni Mufutuli Wini!\\nInyimbo zyizwide zyiimbo zilumbaizya Jeesu mbuli zyakuti “Away in a Manger” (Kulaale mu cimpati) kusikila kuli cakuti “Jeesu Ulaboola Alimwi,” Banakristu baimba nyimbo zya Yahushua. Baimba zyiimbo zya kuzyalwa Kwakwe, milimo, bulowa, lufu Lwakwe a Kuboola Kwakwe. Nzisyoonto buyo nyimbo zitembaula Taata alimwi akataa zyeezyo, zigeme buyo bulemu Bwakwe, kumweka abukali Bwakwe.\\nOoku kugamika mizeezo kuli Yahushua acituuzyo cakutaliyanda ncaakatupa, kanjaanji ciinda kumbali kasimpe ka Mangwalo kakuti: Nguni Mufutuli wini.\\nNguni Mufutuli wini?\\nMufutuli wa babisyi kwiina awumbi pele ngu Yahuwah Lwakwe.\\nMuli bakamboni Bangu, mbwaamba Mwami Yahuwah.\\n“Alimwi Mutwanga Wangu ngwindakasala.\\nKutegwa muzyibe akusyoma muli Ndime,\\nAkumvwisisya kuti Ime Ndime Nguwe.\\nkuti taakwe uumbi kunze lya Ndime.\\nIme Ndime Mwami Yahuwah endikke,\\nkunze Lyangu taakwe uumbi mufutuli.” (Bala muli Izaya 43:10-11.)\\nOoyo Uupa-Buumi nguwaabamba nzila ya kunununa bantu. Ncobeni, Yahushua nguuyelede kupegwa luyando lwesu akulumbaizyigwa, pele Saatani wakasisa kasimpe kainda bulemu kuti Yahuwah Lwakwe ngo Mufutuli wesu wini. Muciindi cakuti luyando lukwelele miya yabantu kuli Yahuwah akulanganya cipego Cakwe cipati kuli ndiswe, Saatani wakazuzya mizeezo yabantu abukandu bwakuyoowa Taata cakuti bakagamika luyando akukomba kuli Yahushua — pele Yahushua lyoonse wakali kutozya kulumbaizya kuli Taata.\\nBumwi buzuba umwi mukubusi wakavwubide wakabuzya Yahushua kuti, “Omwiyi mubotu, ninzi nceelede kucita Ime kutegwa ndikatambule buumi butamani?” Yahushua wakamwiingula mpeenya aawo kuti: “Nkaambo nzi ncondiitila kuti omubotu? Kunyina mubotu pele AlikkeYahuwah.” (Bala Mateyo 19:16-17.)\\nMulimo wa Mufutuli ngwa kuvwuna! Mumangwalo woonse, Yahuwah wakaimikizya bafutuli banjaanji. Ncobeni, makani aayinduluka kumvwika lyoonse mumusela wabana ba Isilayeli nga kuzanga mumoza akuzundwa abasinkondonyina, alimwi kabajokela kukukomba Yahuwah, alimwi Yahuwah kabasalila mufutuli wakubavwuna ciindi aciindi.\\nKumane bantu bako bakakuzangila akutakuswiilila,\\nbakafutatila milawo Yako.\\nBakajaya basinsimi aabo bakali kubacenjezya,\\naabo bakali kubaambila kuti bajokele kulinduwe.\\nBakali kukusampaula ciindi aciindi.\\nNkaako wakalekela basinkondonyina kuti babazunde akubalela,\\nmumapenzi aabo bakakulilila, wakabavwuwa kuzwa kujulu.\\nMulweengelelo lwako lupati wakabatumina basololi,\\naabo bakabavwuna kuzwa kuli basinkondonyina. (Nehemiya 9:26-27, NKJV)\\nBana Isilayeli bansiku bakalizyi kabotu kuti Yahuwah wakali Mufutuli wabo ncobeni, ooyo wakabambilwa kuvwuna Isilayeli. “Ime, Ime ncobeni, ndime Yahuwah, alimwi kunyina Mufutuli uumbi kunze lya Ndime.” (Bala Izaya 43:11.)\\nLufutuko lwa Yahuwah\\nYahushua, mbweenya mbuli Joshua wakaliko kumbele lyakwe, wakali mufutuli, wakakomezyegwa aa Yahuwah, kuti asolwede bantu bokwa Yahuwah kuya ku Nyika ya Cisyomyo. Mungele wakaambila Josefa kuti: “Webo uyoomwiitta zina lyakwe kuti ngu Yahushua, nkaambo walo uyoovwuna bantu bakwe kuzwa kuzinyonyoono zyabo.” (Mateyo 1:21, NKJV) Izina lya “Yahushua” liiminina kuti “lufutuko lwa Yahuwah.” Nkokuti Yahushua ngonguwe; ncobeni lufutuko lwa Yahuwah.\\nPele mulimo wa Yahushua wakali mupati kwiinda buyo kuvwuna bana ba Isilayeli kuzwa kuli baLoma bakabatolede buzike. Yahushua wakatuminwa kuzyoonununa nyika iizwide babisyi!\\nEelyo Johane Mubbizyi naakazyalwa, wisi wakwe, Zacharias, wakakkomana kumwi kaamba kuti:\\n“Atumulumbaizye Mwami,Yahuwah wa Isilayeli!\\nWaboolela kugwasya bantu bakwe wabanununa.\\nWatupa Mufutuli Singuzu,\\nuuzwa kulunyungu lwamuntu wakwe Devedi.\\nMbubonya mbuli mbwaakaamba nsiku, kwiinda mubasinsimi bakwe basalala.\\nKuti uyootufutula kuzwa kuli basinkondoma,\\nAkutuvwuna kuzwa mumaanzaa abaabo batusulide.\\nWakaamba kuti uyootubeda aaluzyalo mbuli mbwaakabeda bamatata aaciindi,\\nalimwi uyoobamba cizuminano Cakwe cisalala.\\nAcikonkezyo cipati wakasyomezya kuli taata Abulahamu,\\nwakasyomezya kuti uyootuvwuna kuzwa kuli basinkondoma,\\nkutegwa tukamubelekele cakutayoowa,\\nakweenda cabusalali abululami kunembo Lyakwe,\\nmazuba aabuumi bwesu boonse. (Bala Luuka 1:68-75.)\\nNdakanununwa nceyandisya koompolola makani aayo!\\nSinkondonyina mupati wa muntu tali yooyo ngobakkede limwi munsimunsi uunyemede pe, nokuba muzyali (naa mukaakwe) uumupenzya, nokuba cisi ciyandisya kuvwundula nkondo pe. Ngu Saatani, sinkondonyina wa miya yesu. Yahuwah wakatupa Yahushua kuti atuvwune kuzwa ku cibi. “Nkaambo Ooyo watakazyi cibi wakatubeda cibi cesu, kutegwa tukonzye kubaa bululami bwa Yahuwah muli nguwe.” (Bala 2 Bakolinto 5:21.)\\nOobu bululami bulipedwe kufumbwa muntu uubutambula kwiinda mukusyoma. Aboobo, nguzu zya bulowa bwa Yahushua zilavwuna aabo basyoma kuzwa kuzyibi zyabo, kakuli bubotu bwa buumi bwakwe butakwe cibi bubalilwa mucibaka cesu!\\nBunji bwa bana Isilayeli mumazuba aa Messiah bakali kulangila Messiah kuti abavwune kuzwa kuli basinkondonyina ba mapolitikisi. Basyoonto buyo bakamvwisyide bupati bwa mulimo wakwe. Umwi akataa basyoonto aabo wakali Simeoni.\\nOoyu mwaalumi wakali mululami, uutonkomene wakali kulindizya Kuumbulizyigwa kwa cisi ca Isilayeli, aboobo Muya Uusalala wakali ali nguwe. Wakayubunwidwa aMuya Uusalala kuti takooyoofwa kusikila akamubone Messiah ookwa Yahuwah. Aboobo wakaboola ku tempele keenzyegwa aa Moza. Mpoonya bazyali nibakeeta Mwana Yahushua, kuti acitilwe mbuli ciyanza ca mulawo, walo wakamubweza mumaanza aakwe akulumbaizya Yahuwah akwaamba kuti:\\n“Mwami, ncobeni wabamba cisyomezyo cako, lino ndileke ndemubelesi wako mfwe muluumuno. Nkaambo lwangu ndemwini ndali bonena lufutuko lwako, lwalo ndoobambila bantu boonse kababwene. Ooyu ngomumuni uuyubununa luyando lwako kuli bamasi, nguuleta bulemu Bwako kubantu bako” (Bala Luuka 2:25-32.)\\nNaakamanizya kupona buumi butakwe cibi, Yahushua wakatufwida mucibaka cesu. Mpoonya Yahuwah wakamubusya mubuzuba bwatatu akumusumpula kweendelanya abulumbu bwa cituuzyo ncaakatupa. “Pele Yahuwah wakamusumpula akumukkazika kululyo lwakwe. Wakamucita kuti abe Musololi a Mufutuli, kuti bantu ba Isilayeli beempwe akutambula kulekelelwa kwamilandu yabo.” (Bala Milimo 5:31.) Mbombuboobo Yahuwah mbwakuyanda yebo!\\nMbweenya buyo Yahuwah mbwaakakomezya bafutuli muciindi cakale kuti bavwune bantu bakwe kuzwa kuli basinkondonyina baanyika, mbweenya mbwaakakomezya Yahushua kuti anunune bantu Bakwe kuzwa kuzibi zyabo. “Nkaambo obuya Yahuwah mbwaakiiyanda nyika cakuti wakiipa Mwanaakwe Simuzyalwaalikke, kutegwa kufumbwa uusyoma muli Nguwe atakafwidilili pele akabaa buumi butamani. Nkaambo Yahuwah taakatumina Mwanaakwe munyika kuti azyoosinganye nyika pe, pele kutegwa nyika kwiinda muli Nguwe ikakonzye kufutulwa.” (Bala Johane 3:16-17.)\\nCaabilo ca lufutuko cicipedwe. Boonse balipedwe kakwiina muulo aabo bacengulukila kuli Yahuwah Mufutuli wesu akutambula cipego Cakwe cipati kwiinda mulusyomo, nkaambo “Lufutuko ndulwa Yahuwah.” (Bala Jona 2:9.)","num_words":811,"character_repetition_ratio":0.053,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"1 Bakorinto 6 | Bbaibbele Lili a Intaneti | Bbaibbele lya Busanduluzi Bwanyika Mpya\\n6 Umwi akati kanu najisi kaambo kumweenzinyina, nkaambo nzi ncaunka kunkuta kubantu bataluleme, muciindi cakuunka kubasalali? 2 Naa sena tamuzyi kuti basalali bayooibeteka nyika? Alimwi ikuti naa nywebo muyooibeteka nyika, sena tamweeleli kubeteka tukani tuniini kapati? 3 Sena tamuzyi kuti tuyoobeteka bangelo? Aboobo sena tatweeleli kubeteka makani aamubuumi oobu? 4 Aboobo ikuti kamujisi makani aamubuumi oobu aaelede kubetekwa, sena mbantu basampaulwa mumbungano mbomubikka kuba babetesi? 5 Ndili mukwaamba boobu kutegwa ndimuusye nsoni. Sena masimpe kuti kunyina musongo naba omwe akati kanu uukonzya kubeteka makani akati kababunyina? 6 Muciindi caboobo, mukwesu utola munyina kunkuta, kubantu ibatasyomi! 7 Masimpe, ikutolana kunkuta nkomucita akati kanu kwaamba kuti mwazundwa kale cakumaninina. Nkaambo nzi muciindi caboobo ncomutalekeli buyo kuti mubisizyigwe ndinywe? Nkaambo nzi muciindi caboobo ncomutalekeli kuti nywebo lwanu muuninwe? 8 Pele muciindi caboobo, mulabisya akuunina, alimwi mbomucitila boobo mbanabokwanu. 9 Sena tamuzyi kuti bataluleme tabakabukoni Bwami bwa Leza? Mutalyeeni pe. Nobaba basibwaamu, nobaba basikukomba mituni, nobaba basimamambe, nobaba baalumi boonwa abaaluminyina, nobaba baalumi boona baaluminyina, 10 nobaba babbi, nobaba basyaacivwulemwangu, nobaba bakolwi, nobaba basimatusi, nobaba bafwumpi, tabakabukoni Bwami bwa Leza. 11 Lino oobo mbobakabede bamwi akati kanu. Pele mwakasanzyigwa, mwakasalazyigwa, akwaambwa kuti muli balulami muzyina lya Mwami wesu Jesu Kilisito amumuuya wa Leza wesu. 12 Zyintu zyoonse zilizumizyidwe kulindime; pele tazili zyintu zyoonse zili ampindu. Zyintu zyoonse zilizumizyidwe kulindime; pele tandikalekeli cintu cili coonse kundeendelezya. 13 Izyakulya zyakapangilwa da, alimwi da lyakapangilwa zyakulya; pele Leza uyoonyonyoona zyoonse zyobilo ida azyakulya. Lino mubili tauli wabwaamu pe, pele ngwa Mwami; alimwi Mwami ngomukamwini mubili. 14 Pele Leza wakamubusya Mwami alimwi andiswe uyootubusya kuzwa kulufwu kwiinda munguzu zyakwe. 15 Sena tamuzyi kuti mibili yanu nzizyo zya Kilisito? Aboobo sena ndibweze zizyo zya Kilisito akuziswaanganya kumukaintu muvwuule? Peepe! 16 Sena tamuzyi kuti ooyo uuliswaanganya kumukaintu muvwuule uba mubili omwe anguwe? Nkaambo Leza waamba kuti, “Aaba bobilo bayooba mubili omwe.” 17 Pele ooyo uuliswaanganya ku Mwami uba muuya omwe anguwe. 18 Amubutije bwaamu. Cibi cimbi cili coonse muntu ncanga wacita cili kunze aamubili wakwe, pele ooyo uucita bwaamu ubisizya mubili wakwe mwini. 19 Sena tamuzyi kuti mubili wanu nditempele lyamuuya uusalala ngomujisi kuzwa kuli Leza? Alimwi buumi mbomujisi tabuli bwanu nobeni pe, 20 nkaambo mwakaulwa acintu cidula. Aboobo ziyume zitete, amumulemeke Leza mumibili yanu nywebo nobantu.","num_words":357,"character_repetition_ratio":0.069,"word_repetition_ratio":0.0,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Inzila Mwana Njacincaayo Buumi Bwanu Alukwatano Lwanu | Kubotelwa Mumpuli\\nInzila Bana Njibacincaayo Lukwatano\\n“Bana ndukono luzwa kuli Jehova.”—Intembauzyo 127:3\\nKuzyalwa kwamwana kulakonzya kubotezya akuminya bantu bakwetene. Mbuli bazyali bapya, mulakonzya kugamba kuti ciindi cenu ciingi amanguzu eenu mwaabuzibelesezya kukulanganya mwaneenu. Kutoona kabotu mansiku akucinca kwanzila njomulimvwaayo kulakonzya kweeta buyumuyumu mulukwatano lwanu. Iwe ayooyo ngokwetenaawe mweelede kucinca zimwi zintu kuti mukonzye kulanganya mwaneenu akuti mukonzye kukwabilila lukwatano lwanu. Ino malayilile aazwa muBbaibbele alamugwasya biyeni kuti mulwanaa buyumuyumu oobu?\\n1 AMUMVWISISYE NZILA MWANA NJABUCINCAAYO BUUMI BWENU\\nNZILYAAMBA BBAIBBELE: ‘Luyando lulakazika moyo akufwa luzyalo.’ Luyando “talulilangilili cintu, talufwambi kujata bukali.” (1 BaKorinto 13:4, 5) Mbuli mbutalisya kuba baama, ulalimvwa kuyanda kubikkila maanu kapati kumwanaako. Akambo kaako, mulumaako ulakonzya kulimvwa kalendeleledwe, nkinkaako utalubi kuti uciyanda kuti umubikkile maanu. Ulakonzya kumugwasya camoyo mulamfu acaluzyalo kuti alimvwe kayandikana alimwi kajatikizidwe mukulanganya mwaneenu.\\n“Nobalumi . . . amukale kabotu abakazi banu.” (1 Petro 3:7) Mvwisisya kuti mwanakazi wako uyoobelesya ciindi ciingi kumwaneenu. Mwanakazi wako wabaa milimu mipya yakucita alubo ulakonzya kukatazikana, kukatala, naa kuyuminwa. Cimwi ciindi, mwanakazi wako ulakonzya kukunyemena pesi yezya kubatama, nkaambo ooyo “uumuka kukalala mubotu kwiinda mulemu.” (Tusimpi 16:32) Tondezya bupampu, alimwi umugwasilizye aawo mpayanda kugwasigwa.—Tusimpi 14:29.\\nNomataata: Amugwasye banakazi banu kukulanganya mwana, nikuba mansiku. Amucesye ciindi ncomubelesya kucita zimwi zintu kuti mukonzye kujana ciindi ciingi cakubaa banakazi banu amwaneenu\\nNomamaama: Ciindi balumi banu nobamugwasya kukulanganya mwana, amulutambule lugwasyo lwabo. Ikuti kabaliikucita umwi mulimu munzila iitali kabotu, mutabatukili pe, pesi amubatondezye mbukucitwa munzila yaluzyalo\\n2 AMUSIMYE BUZOLWANI BWANU\\nNZILYAAMBA BBAIBBELE: “Babe nyama yomwe buyo.” (Matalikilo 2:24) Nikuba kuti kwazyalwa mwana mumpuli, utalubi kuti iwe ayooyo ngokwetenaawe mucili “nyama yomwe.” Cita kufumbwa nzyokonzya kuti buzolwani bwanu bukkale kabusimide.\\nNibanakazi, amutondezye kulumba kulugwasyo ndomupegwa abaalumi benu. Majwi aako aakulumba alakonzya “kuponya.” (Tusimpi 12:18) Nibaalumi, amubuzye banakazi banu kuti mulabayanda akuti mulababikkila maanu. Amubalumbayizye banakazi benu kunzila njibalanganyaayo mpuli.—Tusimpi 31:10, 28.\\n“Muntu teelede kuyandaula kuligwasya mwini buyo, umwi aumwi uleelede kuyandaula kugwasya mweenzinyina.” (1 BaKorinto 10:24) Ciindi coonse, cita zintu zimubotezya ooyo ngokwetenaawe. Mbuli bantu bakwetene, amubaa ciindi cakuzuwa, cakulumbayizyanya, alimwi cakuswiililana. Utaciti zintu ziyandwaa nduwe luzutu kumakani akoonana, pesi bikkila maanu kuzintu ziyandwaa yooyo ngokwetenaawe. IBbaibbele lyaamba kuti: “Mutawondonganyi, cita muzuminane kucita oobo.” (1 BaKorinto 7:3-5) Nkinkaako, amwaambule atalaa makani aaya kamuli babili cakusyomeka. Kukkazika moyo akumvwisisya kwenu kuyoosimya buzolwani bwenu.\\nUtalubi kubaa ciindi cakubaamwi ayooyo ngokwetenaawe kamuli babili\\nCita zintu ziniini zipa kuti ooyo ngokwetenaawe alimvwe kayandwa, zili mbuuli kumulembela kagwalo naa kumupa cipo niciceya\\n3 MBOMUKONZYA KUYIISYA MWANEENU\\nNZILYAAMBA BBAIBBELE: “Kuzwa kuciindi niwakacili mwana ulyeezi magwalo aasalala aakonzya kukusongwaazya mukufutulwa.” (2 Timoteo 3:15) Amucite mabambe akuti muyomuyiisya biyeni mwaneenu. Ulaamanguzu agambya loko akwiiya zintu nikuba kacili mwida. Kacili mwida, mwaneenu ulakonzya kumvwa jwi lyanu akumvwa mbomulimvwa. Ciindi mwaneenu nacili mutete, amumubalile. Nikuba kuti kataliikuzimvwisisya nzyomulikumubalila, eezi zilakonzya kumugwasya kuti abaa ciyandisyo cakubala ciindi naakomena.\\nMutabonaanga mwaneenu ucili muniini loko kuti amumvwe kamuliikwaambula atalaa Leza. Weelede kumumvwa kamuliikukomba kuli Jehova. (Deuteronomo 11:19) Nikuba ciindi nomulisenyaamwi, amwaambule atalaa zintu zyakalengwaa Leza. (Intembauzyo 78:3, 4) Nayoobukomena mwaneenu, uyoobona mbomumuyanda Jehova alakwe uyooyiiya kuyanda Jehova.\\nKomba kuti ujane busongo bwakuyiisya mwanaako\\nYindulula majwi azintu ziyandikana nzyoyanda kuti mwanaako azizibe ikuti atalisye kwiiya kacili munini\\nMWANA ULAKONZYA KUPA KUTI LUKWATANO LUBOTEZYE\\nMukuya kwaciindi, iwe ayooyo ngokwetenaawe muyoolyiiba alimwi muyoobotelwa mbuli bazyali. Kukomezya mwana kulakonzya kupa kuti muyungizye kubaa luyando, kukkazika moyo, akubaa buuya. Kubaa mwana kuyoocita kuti buzolwani bwenu busime, ikuti mwabelekelaamwi alimwi kamugwasyanya. Majwi aIntembauzyo 127:3 ayoozuzikizigwa kuli ndinywe aakuti: “Micelo yabuntu mbulumbu bwakwe.”\\nMviki yakiinda, niinzi ncindakacita citondezya kuti ndilazilumba eezyo mulumaangu naa mwanakazaangu nzyacitila mpuli?\\nNdiilili nindakajinka kwaambula atalaa ndiswe ikutali kwaambula atalaa azyamwaneesu luzutu?","num_words":544,"character_repetition_ratio":0.057,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jeremiya 20 | Bbaibbele lili a Intaneti | Bbaibbele lya Busanduluzi Bwanyika Mpya\\nPasuri wauma Jeremiya (1-6)\\nJeremiya takonzyi kuleka kukambauka pe (7-13)\\nMulumbe wa Leza uli mbuli mulilo uuyaka (9)\\nJehova uli mbuli sikalumamba uuyoosya (11)\\nTongoosi lya Jeremiya (14-18)\\n20 Lino Pasuri mwana wa Imeri, imupaizi, alimwi iwakali mulangizi mupati muŋanda ya Jehova, wakali kuswiilila ciindi Jeremiya naakali kusinsima zintu eezyi. 2 Mpoonya Pasuri wakauma Jeremiya musinsimi akumubikka muziliba+ zyakali ku Mulyango wa Benjamini Waatala, ooyo wakali muŋanda ya Jehova. 3 Pele buzuba bwakatobela Pasuri naakamugwisya Jeremiya muziliba, Jeremiya wakamwaambila kuti: “Jehova taciiti zina lyako kuti Pasuri pe, pele kuti nduwe Kuyoowa Koonse-koonse.+ 4 Nkaambo mboobu mbwaamba Jehova, ‘Bona, ndilakucita kuba cintu cikuyoosya yebo alimwi abalongwe bako boonse, eelyo yebo kolangilila ameso aako+ balo bayoojaigwa apanga lyabasinkondonyina; alimwi bantu bamu Juda boonse ndiyoobaaba mujanza lyamwami wa Babuloni, mpoonya walo uyoobatola mubuzike ku Babuloni akubajaya apanga.+ 5 Alimwi buvwubi boonse bwamumunzi ooyu, ilubono lwanguwo loonse, zintu zyanguwo zyoonse ziyandisi alimwi alubono loonse lwabami ba Juda, zyoonse buyo ndiyoozibikka mumaanza aabasinkondonyina.+ Eelyo balo bayoozisaala, bayoozibweza akuzitola ku Babuloni.+ 6 Lino yebo Pasuri, alimwi abantu boonse bakkala muŋanda yako, muyootolwa mubuzike. Uyakuunka ku Babuloni eelyo ooko nkoyakufwida akuzikkilwa antoomwe abalongwe bako boonse, nkaambo wabasinsimina zyakubeja.’”+ 7 Wandicenga, O Jehova, cakuti ndafwubaala. Wakabelesya nguzu zyako kulindime, cakuti wakandizunda.+ Ndaile kuba cintu cisekwa buzuba boonse;Bantu boonse balandifwubaazya.+ 8 Nkaambo kufwumbwa ciindi nendaambaula, ndeelede koompolola akwaambilizya kuti,“Maawe nkondo alunyonyooko!” Nkaambo jwi lya Jehova lyandipa kutukilwa akuweelwa buzuba boonse.+ 9 Aboobo ndakati: “Tandikaambi limbi makani aajatikizya nguwe,Alimwi tandikaambi limbi muzina lyakwe.”+ Pele mumoyo wangu jwi lyakwe lyakali mbuli mulilo uuvwilima wajalilwa mumafwuwa aangu,Ndakakatala kufwida mumoyo;Ndakaalilwa kuliyumya.+ 10 Nkaambo ndakamvwa makani manji mabyaabi;Kuyoowa kwakalindizingulukide.+ “Amumwaambe zibi; atumwaambe zibi!” Muntu woonse uuyanda kuti ndibe muluumuno wakali kulindila buyo kuti ndiwe,+ kaamba kuti: “Ambweni ulacita cintu cimwi cabufwubafwuba,Eelyo tulakonzya kumuzunda akumujolela cibi.” 11 Pele Jehova wakali andime mbuli sikalumamba uuyoosya.+ Nkakaambo kaako aabo bandipenzya bayakuwa alimwi tabakazundi pe.+ Bayakuusyigwa nsoni kapati, nkaambo tabakazwidilili pe. Masampu aabo aatamani taakalubwi pe.+ 12 Pele yebo, O Jehova wamakamu, ulamulingula muntu uululeme;Ulabona mizeezo yamukati mwini* alimwi amoyo.+ Akaka andilibonene mbotiibasubule,+Nkaambo kaambo kangu ndakabikka mumaanza aako.+ 13 Amumwiimbile Jehova! Amumutembaule Jehova! Nkaambo wavwuna muntu mucete* mumaanza aabasimucita zibi. 14 Abusinganizyigwe buzuba mbondakazyalwa! Butalelekwi pe buzuba mbobakanditumbuka baama!+ 15 Aasinganizyigwe muntu ooyo wakaleta makani mabotu kuli bataata, kaamba kuti: “Wazyalilwa mwana musankwa!” Akubapa kukondwa kapati. 16 Muntu ooyo aabe mbuli minzi njaakanyonyoona Jehova kakunyina kwiifwida lubomba. Aamvwe kulila mafwumofwumo alimwi akoompolola kwakucenjezya masyikati. 17 Nkaambo nzi ncaatakandijaila buyo mwida,Kutegwa baama kabali cuumbwe canguAkuti kabamitide ciindi coonse?+ 18 Nkaambo nzi ncondakazwida mwidaKuzoobona buyo mapenzi amause,Akuti mazuba aabuumi bwangu amanine buyo mumasampu?+\\n^ Naa “mbwalimvwa muntu mukati mwini.” Mu Chihebrayo, “insa.”\\n^ Naa “buumi bwamuntu mucete.”","num_words":422,"character_repetition_ratio":0.036,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"TWAAMBO TULI 10 yebo ntoyelede kuzyiba twaba Jesuiti! Print\\nTWAAMBO TULI 10 yebo ntoyelede kuzyiba twaba Jesuiti!\\nMusololi Mupati wambungano ya Jeesu ngosilutwe mweendelezi mupati mubupaizi bwa Katolika bwaku Loma, bwaba Jesuiti. Walo kanjaanji wiitwa kuti ngo Wisi Mupati. Zimwi ziindi mutwe wacuuno eeco wiitwa zina lyamasampu kuti Poopo Uusiya. Musololi Mupati mazubaano ngu Wisi Mweembezi Adolfo Nicolás.\\nBAJESUITI – MUTWAAMBO TULI 10\\n“Amubacenjelele bashinshimi babeji, aabo bamuboolela kabasamide zikobela zyaboya bwambelele, pele mumyoyo yabo mbaawumpe babutambo” – Yahushua muli Mateyo 7:15 (NKJV)\\n“Twakasika muciimo ca bana bambelele pele tunoolela mbuli bawumpe” - Francesco Borgia, Silutwe Mupati Watatu waba Jesuiti.\\nImbungano ya Jeesu, kanjaanji yaambwa kuti nimbungano yaba Jesuiti, ninkamu yalumamba ya Cikombelo ca Katolika caku Loma iijisi zilwanyo. Eeyi mbungano yakatalisyigwa mu 1540 a Poopo Paulu III mumankanze aakuzunda Basikutongooka akulela nyika yoonse kwiinda muli Poopo. Kutegwa aayo makanze mapati amanizye kucitika, bakatalika kubelesya nzila zyakubambulula lwiiyo lwazikolo, milimo iivwolwa mali, akunjilauka kufumbwa cibeela camfulumende aakataa bantu, akucita kufumbwa musyobo wacintu cisofweede ncibakali kukonzya kucita. Tacili cintu ncotunga twaindilizya kwaamba kuti, balo bakazwidilila muzintu zinjaanji mumakanze aabo, kusikila muli poopo uuliko wamazubaano, Poopo Francis, Poopo wa Lusele alimwi wamamanino mu Ciyubunuzyo 17, ooyo wakakkede zyuuno zyamilimo mipati ku Argentina, kusanganya amulimo wa Silutwe Mupati wa Cooko ca Mbungano ya Jeesu alimwi amulimo wa Bbishopo ku Buenos Aires. Walo wakabikkwa mulimo wabu kkadinalo a Poopo John Paul II.\\nMazubaano bunji bwanyika tiikubwene nzila yini ba Jesuiti mbobasisikizya kubeleka milimo yabo yabugwebenga. Lino kwiinda kaindi, nkamu ya World’s Last Chance, isyoma kuti ncintu ciyandika kapati kuleta antangalala ootu twaambo twamisela yakainda twambungano yabugwebenga iisofweede boobu , akubbununa malweza aali mumbungano yaba Jesuiti.\\nPoopo Clement XIV wakamwaya nkamu ya baJesuiti mu 1773:\\nTiilyakalampa kuzwa musela wa 18th niwakainda eelyo masi aakali kutobela Bukatolika naakacimwa akutanda ba Jesuiti aabo bakali kwiingana kulinjizya mumfulumende akupilinganya bweende bwacisi. Balo bakakalalila baJesuiti cakuti bakasyaanikizya Cikombelo ca Katolika caku Loma kuti cimwayile limwi mbungano eeyo. Kusisikizya bumpelenge mumapolitikisi kwakamusikila awalo Poopo Clement XIII. Nokuba boobo, walo wakafwa kataninga bambulula cintu cili coonse. Aboobo, imulimo wa kumwayaula Mbungano ya Jeesu wakawida mumaanza ayooyo wakamutobela, Clement XIV. Eelyo Clement XIV naakasaina mulawo wakumwaya Mbungano yabaJesuiti, walo wakati, “Ime mubwini ndasaina mulawo walufu lwangu,…” Mumyaka iili buyo fuka yakatobela waawo, awalo wakafwa. [Bantu banjaanji bayeeyela kuti wakabikkilwa musamu, alimwi batamikizya baJesuiti kuti mbibakacita cintu eeco].\\nKunyina nkamu iimbi atalaa Nyika eeyo yakatandwa akudyaamininwa a Bukatolika amasi aatali aaBukatolika mbuli ya baJesuiti:\\nMasimpe kuti baJesuiti tiibakatandwa kuzwa muzisi zinjaanji (nokuba zisi zitobela Bukatolika) nkaambo kamilimo yazikolo akugwasyilila bacete pe. Bakatandilwa kwiingana akunjilauka mumapolitikisi akuyandisya kucengelela bantu kuti batonkele makanze aabo kumbele.\\n\"Akataa myaka 1555 a 1931 iMbungano ya Jeesu [ nkamu ya ba Jesuiti] yakatandwa kuzwa mumasi aasika 83, amumadolopo nkaambo kakulisanganya mumapolitikisi akunyonganya buleli bwa Cisi, kweendelanya abulembedwe mumalembe aa mupaizi waba Jesuiti uuzyibidwe [ Thomas J. Campbell]. Bunji bwatwaambo twakutandilwa muzisi eezyo, twakali twaambo twakunyonganya mapolitikisi, kulisanganya mumapolitikisi, kuvwundausya manyongwe mumfulumende amumapolitikisi, akusungilizya bantu kwaatula mfulumende iilela.\"\\nBaJesuiti balizyibidwe kapati nkaambo kabumpelenge wakunyengelela akweena, kusisikizya kubendelela akubbida bantu, bujayi, akudilimuna mfulumende zyamasi. Bakalisimpa akataa mapolitikisi mumasi aanyika woonse.\\nEelyo nobatandwa baJesuiti kuzwa mucisi cimwi, baide kucinca buyo micito yabo akuzyokela mucisi oomo mubakatandwa kabalaa ciimo ciimpene cakulisisikizya. Eezi zitobela nzyenzila zimwi nzyobabelesya:\\n“Swebo twakaboola muciimo ca bana bambelele alimwi tunoolela mbuli bawumpe. Tuyootandwa mbuli babwa pele tuyoozyokela mbuli basikwaze.”\\nHitler wakabamba lumamba lwakwe lwa SS lwakali kuyoogwa kuti lukonzyene aambungano ya baJesuiti a Cikombelo ca Katolika caku Loma:\\n\"…inkamu ya SS yakabambidwe munzila njeenya mbuli milazyo yambungano ya baJesuiti.\"\\nWalter Schellenberg, ooyo wakali silutwe uujata bantu basisikizya kutola milumbe bankamu yamapolitikisi ya Nazi, wakaamba kaambo aaka: \"Imbungano ya S.S. Yakabambwa aba Himmler [Heinrich Himmler, basololi bambungano ya nkamu yamapolitikisi ya Nazi] kweendelanya amilazyo ya Nkamu ya baJesuiti. Milazyo a Ziyanza zyabo zyakunjilwa basangu amizimo, azyalo zyakaanzwa a Ignatius waku Loyola alimwi zyakali zilengwa eezyo Himmler nzyaakasoleka kuvwelenganya mumicito yakwe iini. Acalo cuuno camulimo cokwa Himmler kuti ngosilutwe walumamba lwa S.S., ooyo wakali mutwe wacuuno weelene ayooyo wa Silutwe wa baJesuiti alimwi mbungano yoonse yakali konzyanyidwe abweendelezi bwa Cikombelo ca Katolika.\" \"The Secret History of the Jesuits,\" by Edmond Paris, p. 164\\nAtalaa zyoonse eezyo, Ime ndakaiya kuzwa kuli baJesuiti. Alimwi awalo Lenin wakaiya kuli mbabo, \"kusikila mbuli mbwenga ndaibaluka. Inyika tiinazyiba cintu ciinda kweebeka mbuli Cikombelo ca Katolika pe. Eezyi nzyezintu zisyoonto buyo nzyenga ndaamba kuti ndakaziiya kuli baJesuiti mumulimo wa Nkamu yabo yamapolitikisi.\\n\"Ime ndakaiya zinjaanji kuzwa munkamu ya baJesuiti”, mbwakaamba Hitler... \"Kusikila ciindi cino, kunyina cintu ciinda kulongosoka, atalaa nyika, kwiinda bubambe bwambungano ya Cikombelo ca Katolika. Ime ndakanjizya bweendelezi bunji bwambungano eeyi mu nkamu yamapolitikisi yangu ... Ime njanda kumwaambila maseseke ... Ime njanda kubamba Mbungano ... Mumitabi ya Mbungano yangu, swebo tuyookomezya bakubusi aabo bayootilimuna nyika yoonse ... mpoonya Hitler wakaima, akwaamba kuti inga takonzyi kwaamba zinjaanji kwiinda waawo ..\\nMupaizi Pacelli (mpoonya aakale wakaba Poopo Pius XII) usaina cizuminano. Kuutaninga sika 1933 walo wakaba Mulembi wabulelo bwa Vatican. Iwabili kuzwa kulumwesyi ngu Franz von Papen, wankamu ya Nazi alimwi Mukatolika waku Loma ooyo wakali mulongwenyina a Hitler alimwi wakali mutumwa waku Vatican kuti agwasyilizye Hitler kubaa nguzu. Kululyo kulaale kulibonya umwi silutwe waku Vatican, Montini ooyo wakaba Poopo Paul VI.\\n\"Ooyo musololi wakabaa nguzu akukkala cuuno cabweendelezi, nkulumba buyo ba Katolika ba Zentrum [Nkamu Yaakatikati eeyo yakali kweendelezyegwa a muJesuiti Ludwig Kaas] yakamusala kuti anjile mulimo, mumyaka iili buyo yosanwe yakaindide mu 1933; pele bunji bwamakanze aayo aakalembedwe mumilazyo yankamu Mein Kampf, akatalikide kale kuzuzikwa; eeli bbuku . . . lyakalembwa a Mupaizi wa baJesuiti Bernhardt Stempfle akusainwa a Hitler. Nkaambo . . . yakali Mbungano ya Jeesu yakalondola mulimo wakusandaula cisi ca Germany mbuli mbokulembedwe mubbuku eelyo, alimwi Musololi wankamu Fuhrer wakazumizya bbuku eelyo.\"\\nFranz von Papen, awumwi muntu wakanjide nkamu yalumamba lwa nkamu yamapolitikisi ya Nazi, ooyo wakali kumbele kuswaanganya cisi ca Germany amunzi wa Vatican, wakalaa majwi akwaamba kuti: \"Bulelo Bwatatu bwa Reich nzyenguzu zitaanzi munyika kuleka buyo kuzuminizya pele akubelesya milazyo yabupoopo munkamu yamapolitikisi.\"\\nMumyaka iili 400 ba Jesuiti bakazwidilila kuyaka zikolo zibana basyoonto azikolo zipati kwiinda nkamu iili yoonse munyika.\\nEezi zikolo zisumpukide kapati zyakayiisya bantu baluulwa busongo atalaa nyika banjaanji. Aboobo, ba Jesuiti bakacengulula akupindaula mizeezo yabasololi baanyika banji balaa mpuwo, aabo bakali kweengelela Cikombelo ca Katolika caku Loma, antoomwe amakanze aaco aabupaizi.\\nImukambausi uzyibidwe kapati waku Bukuwa, Charles Haddon Spurgeon, aciindi cimwi wakapa kucenjezya kuti aabo bapaizi bapaside kuyiisyilwa muzikolo zipati eezyo “… basinkila cibeela cimwi camulumbe mubotu … mbwaanga bakayiila muzikolo zya dyabooli zyaba Jesuiti.”\\nBamambi baba Jesuiti mbabajaya baleli bazisi zinjaanji mumisela minji yakainda:\\nBaleli bazisi bakajayigwa aba Jesuiti, kufumbwa buyo nibakasola kulesya baJesuiti kunjila mumapolitikisi aacisi akudyaaminina mpuwo yabo mucisi. Mbaaba akataa basololi bamwi bakajayigwa aba Jesuiti: William waku Orange, Mwami Henry III a Henry IV waku France, Baleli ba Alexander I a Alexander II waku Russia, Musololi Abraham Lincoln a John F. Kennedy, alimwi a Musololi waku Mexico Benito Pablo Juarez.\\nAbraham Lincoln wakalibazyi cakumaninina ciimo cabo cabujayi ba Jesuiti. Walo wakati, “... Ime nsyelwani buyo bantu bakumusanza lya Amelika balikke buyo pe. Ndigaminide kulwana Poopo waku Loma, ba Jesuiti bakwe balaa bumpelenge abazike babo boofweede kubaa nyota yabulowa kutegwa swebo tulikwabilile.”\\n“Inga kwalibonyaanga wakali muzeezo waba Jesuiti, kuzwa kumatalikilo aankondo [yacisi ku Amelika yamu 1861-1865], kuti balijanine ciindi cakwaatula [nkokuti., akusisikizya kujaya] ba [Abraham] Lincoln.”\\n“Mulazyo ngobayandisya ba Jesuiti [ngwa] kusisikizya kujaya.”\\n“Oolu ndusyomo lwakuti Poopo ulaa mulimo wakunyanga bulelo bami bazangila nguwe akuzangila lusyomo lwacikombelo. Ibami aabo Poopo mbaakatapaula akunyanga malelo batamikizyigwa kuti nzigwebenga zitaambiki zyeelede kujayigwa amuntu kufumbwa wasaanguna kumubona.\\n“Ikuti bantu tiibagwasyilila kujaya muntu mugwebenga, cili mumulawo kujaya mugwebenga'\\nooyo kufumbwa wataanguna kusika aawo mpabede.”\\n[Defensio Didei, Jesuit Suarez, Bbuku VI. C 4, Nos. 13, 14]\\n[Donald] Freed wiibaluka musalo umwi akataa balombwana ba [William] Colby a [Ray] Cline eelyo nibakaswaangana antoomwe cimwi ciindi. “Ncintu ceenzu ncobeni tee kayi” mbwaakaamba Freed, “nkaambo mutwe wamusalo ngubakasala wakali wakuti, ‘Ndilili eelyo nocili cintu citambulika kusisikizya kujaya musololi wacisi?’ Colby wakalungulula ncaakali kuyeeyela kuti wakali muzeezo weendelana alwiiyo lwabupaizi abusongo. Wakati, “Icikombelo ca Katolika, cicitingaana amubuzyo ooyu kwaciindi cikubwene alimwi ncintu citambulika,” ooyo ngomuzeezo ngwaakaliyeeyela mumaanu aakwe Colby: “Cilatambulika,” walo mbwaakazumanana kwaamba, “kusisikizya kujaya muntu uudyaaminina bantunyina.\" [Donald Freed mulongwenyina amulembi wamabbuku, Mark Lane. Walo wakabunganya muswaangano wabasongo balumamba lwaku Amelika kucikolo ca USC kuti baswaangane abantu aabo babafubaazya. Mukati kamuswaangano ooyo kwakali Lane, Ellsberg a John Gerassi, boonse aabo bakali kulwana lumamba. Kulubazu lumwi kwakali William Colby, aciindi cimwi wakali Mweendelezi wa Busongo mu Lumamba (DCI) kuzwa mu Vwivwi 1973 kusikila mu Mukazi Maziba 1976), David Atlee Phillips, a Ray Cline, ooyo wakali kugwasyilila Mweendelezi wa DCI.]\\n[Mubbuku lilaa mutwe wakuti Plausible Denial, Mark Lane, 1991, p. 85]\\nMuleli John F. Kennedy wakalijana muntenda yakujayigwa mubusofwaazi bwaba Jesuiti. Aciindi cimwi wakalizakamuna akulyaandaanya caantangalala kuzwa kumakanze ookwa Poopo akutabilila mizeezo iikwabilila lwaanguluko lwa bantu; aboobo nkaambo kamizeezo yakwe eeyo, balo bakamuzonda akumusinganya kweendelanya amilazyo yabo kuti, imuntu muzangi, waaba munzi wa Vaticani, alimwi “muntu uudyaaminina bantunyina” weelela kufwa.\\nEeci ncibeela camakani aalembedwe mubbuku lya “Vatican Assassins” aba Eric Jon Phelps:\\nLino nibakabona kuti Musololi Kennedy taakali kuyanda kuzumanana kulwana nkondo yaku Vietnam, Imbungano ya Busongo mu lumamba lwa baJesuiti yakatalika kumubendelela kuti imujaye. . . . Cardinal Spellman [Francis Spellman, Bbishopo mupati ku New York kuzwa mu 1939-1967], kwiinda muli ba FDR, bakasisikizya kuti baangulule mugwebenga wakali muntolongo “Lucky” Luciano . . . Lino bbishopo wakali kuyanda muntu wakumugwasya. Kuti nikwaabula uumugwasya, Spellman naakabelesya nkamu yalumba yoonse eeyo njaakagwasyilila kubunganya, kuti imugwasye kugwempula kufumbwa uumukazya. Kuti naakazumizyigwa, nikwakajulwa masena mapya aakuumina njuka, kapati mudolopo lya Atlantic. Kwakalibonya kuti, ikuti Muleli [JFK] wanonkolwa kuzwa acuuno cabuleli, boonse inga balijanina nguzu abuvwubi bunjaanji, ayalo mbungano yabusongo mulumamba inga yabulila limwi nguzu, nkabela Bbishopo inga wayungizya kulemekwa abalongwenyina baku Loma.\\nAakale, mu 1964, kwaciindi citaanzi mumisela yoonse, Poopo waku Loma wakalinjizya muswaangano wa Kubambulula Milawo yaku Amelika wa 14th. Mupaizi Spellman wakapelengusya zintu munzila yeebeka cakuti wakaswayigwa a Simalelo wakwe, Silumamba wankondo yanyika yoonse alimwi Uuteya tooze twakujatya basololi, Mupaizi Montini, lino aciindi eeco ooyo wakali Poopo Paul VI. Pele kwakacili akamwi kaambo kakugwisya Muleli Kennedy. Walo wakali kuyanda kutola zilwanyo mucisi ca Isilayeli. Loftus wakalemba makani aakuti:\\n“Mu Vwivwi 1962 Kennedy wakakanza kuti ape cisi ca Isilayeli zilwanyo zyakulwanina ansi kulwana ndeke zyuuluka, pele zitakonzyi kulwana zilwanyo zyaku Egypt. Aayo akali makwebo mataanzi aamfulumende yaku Amelika ku cisi ca Isilayeli.... Kennedy wakasyomya ba Isilayeli kuti mbociyakwiindila buyo ciindi cakusala muleli mu 1964, walo uyoodilimuna nkamu ya CIA ‘muzibeela zili cuulu akwiipupulwida muluwo’.... Lino naakafwide Kennedy mu Vwumbi Pati 1963, cisi ca Isilayeli cakasweekelwa mulongwenyina ngucakali kuyandisya kapati mu Ganda lyabulelo lya White House kuzwa muciindi naakaleka kulela Truman.” Source: The Secret War Against The Jews, John Loftus, 1994]\\nIno nkaambo nzi ba Jesuiti baku Vaticani ncobatakali kuyandila kuti cisi ca Isilayeli cuuzyigwe zilwanyo aciindi eeco? Nkaambo nzi Muleli Johnson ooyo wakali kweendelezyegwa abaJesuiti ncaakauntuluzya eelyo lumamba lwa Egypt nilwakapompa munkanda ya Sinai kiilibambila kulwana cisi ca Isilayeli mu 1967? Nkaambo kulwana cisi ca Isilayeli kwakeelede kutalisyigwa munzila imwi. Aboobo ooyo mulimo wakutalisya nkondo wakacitwa aba Mbungano Yabusongo yaba Jesuiti Munyika kwiinda mucisi ca Egypt nicakali kuyeeyela kuti cisi ca Isilayeli cilibulide nguzu nkaambo tacicijisi lugwasyo luzwa ku Bulelo bwa Amelika. Inkondo yakatola mazuba aali cisambomwe, yakeendelezyegwa a Silumamba waku Malta James Angleton, walo wakakanzide cintu comwe buyo: kugwampa munzi wa Jelusalema antoomwe a Mulundu wa Tempele. Nkaambo kakuti cisi ca Isilayeli tiicakajisi luzyibo lusumpukide muzilwanyo, eeco ncecaapa cisi ca Egypt kulengelezya nkondo yakulwana cisi ca Isilayeli. Aboobo, cisi ca Isilayeli cakaingula akulwana, mpoonya mumazuba aali cisambomwe, munzi uusetekene wakatolwa mumaanza aamfulumende yaba Zioni baku Loma.\\nIkuti Kennedy naakapa zilwanyo kucisi ca Isilayeli, bantu baku Egypt nibakaalilwa kutalika nkondo. Kakwiina uulengelezya nkondo, nikwaabula uulwana cisi ca Isilayeli. Kakwiina nkondo iitalikidwe, Jelusalema naatakawida akutolwa mumaanza aaba Zioni, akweendelezyegwa aba Jesuiti ba Mossad. Lino Jelusalema mbuwakaba mumaanza aaba Arabu, ba Zioni tiibakali kukonzya kuyakulula Tempele lyokwa Solomoni—eeco tiibakabwene kuti ncicakali kunzaa nkondo eeyo—njaakatalisya Poopo waba Jesuiti “uutakwe kampenda”,\\n“Ooyo uuzangide akulisumpula atalaa boonse baitwa kuti Leza, nokuba uukombwa; aboobo walo ngu Leza uukkede mu tempele lyokwa Leza [Tempele liyakuludwe lyokwa Solomoni], kalitondezya kuti walo lwakwe ngo Leza.” -[II Batesalonika 2:4]\\nNcintu citakwe ntenda kwaamba kuti Mweendelezi Mupati wa BaJesuiti, wakabelesya Poopo a Bbishopo wakwe wiinda kubaa nguzu, [kusisikizya kujaya Musololi Kennedy].\\nCakazyila mu: http:\/\/www.bibliotecapleyades.net\/vatican\/esp_vatican03.htm#THE JESUITS — 1945-1990\\nMuntu umwi inga weezyeezya kuti eeci cifwanikiso cakalambaikwa inga kacaanzikidwe kubusena kulaale mbuli ku Dallas, Texas nokuba muganda lyakuyobweda zintu zyakaindi lya Smithsonian. Pele ooyo muntu inga kalubide mukuyeeyela kwakwe koonse ooko. Eeci cifwanikisi ca Muleli John F. Kennedy naakajayigwa calunya, cakabambwa aba Mark Balma, alimwi cilaanzikidwe mumunzi wa Cikombelo caku Vaticani ku St. Paul. Eeci cifwanikiso cipedwe mutwe wakuti “Pietà” kutobela mbuli cibumbwa cilaa mpuwo cokwa Michelangelo citondezya Maliya kajisi mubili wa Kristu uugagaidwe mumaanza aakwe, acalo cilaanzikidwe mumunzi wa Vatican. Hena ono eeco tiili nzila iikopa maanu ya “kusekelela” buumi bwa Muleli waku Amelika ooyo wakali kuyandwa kapati? Nanka kuti takuli kusekelela kuzwidilila makanze aaba Jesuiti, kacicenjezya akwiibalusya kufumbwa muntu uunga wasoleka kubacokacoka mbobanga bamucita?\\nBaJesuiti bamazubaano mbabeendelezya kufumbwa kabunga kabumpelenge kamaseseke aako katola cibeela kubamba Mulazyo wa Nyika Mupya\\n“Mumweelwe watubungabunga tweendelezyegwa abaJesuiti mazubaano kuli tubunga twaba: Freemasoni, Basikalumamba baku Malta, nkamu ya Bilderberg, abamwi balupatipati Basikalumamba baku Columbus, basumpukide baku Opus Dei – atumwi tubunga tuli kunsaa mbungano zilaanguzu eezi.”\\n\"Kucili . . .[banalumi abamakaintu] bakkede mucisi, aabo banga bakwaambila, makani malemu aakuti, kuti yebo wasoleka kutobelezya mindando yankamu yaba Masoni, mumitabi yankamu eeyo, inga waakusika atalaa eeni, amutwe wankamu yaba Masoni, mpoonya yebo inga wabbukizyakuti ooyo muntu uuyoogwa antoomwe aSilutwe wa Mbungano ya Jeesu, muntu omwe ngweenya!\"\\nIkuti ooyu mukonzyanyo wapegwa atalaa aawa kkuli masimpe, nkokuti anselelo aawa inga kwaba muswaangano wabantu bainda kubaa nguzu munyika bobile! Silutwe waba Jesuiti a Poopo, awalo mu Jesuiti.\\nWisi Walumamba Nicolás [Silutwe wa Mbungano ya Jeesu\/ yaba Jesuiti] waswaangana a Poopo Francis akulemba mbuwakabede muswaangano wabo.\\n“Ime neekatambwa a Poopo Francis ndakaunka ku Ganda lya Santa Marta . . . Walo wakaliimvwi amulyango, mpoonya wakanditambula mbweenya mbotukumbatana akati kesu mubuJesuiti. Twakatola zifwanikiso zyongaye, mbuli mbwaakakumbila, alimwi wakandikumbila kuti Ime ndimulanganye munzila njeenya mbuli umwi waba Jesuiti kutalikwiindizya waawo, kuti ndimubikke aciimo ca “Tu”, kutegwa nditanoolikatazi kumwiita kuti “Oosetekene,”nanka kuti “Taata Uusetekene.” Ime ndakamusomba zyoonse zintu zyakumugwasya mumbungano yesu yabaJesuiti nkaambo eeco cuuno cipya ncaakatalika kweendelezya cinooyandika kubaa kulaigwa, kuyeeya kapati, kuswaangana abantu baindene, azimwi zinjaanji. Wakalitondezya kulumba kukusombwa lugwasyo oolo alimwi nitwakamutamba kuti tukaakususule cakulya antoomwe ku Curia walo wakazumina. Twakeendelana muzintu zinjaanji eezyo nzitwakayooma buzuba oobo alimwi Ime ndasyomakuti tunoobelekela antoomwe mulukamantano kubeleka mulimo wa Cikombelo …\\nTwakaluumwine,alimwi twakazuminana akuteelelana muzintu zyakacitika kaindi, zicitika mazubaano alimwi ziciyoocitika kumbelaa mazuba. Neekayaamuka munzi wa Casa de Santa Marta ndakalisyomede ncobeni kuti Poopo unookkomene kutusanganya akubelekela antoomwe andiswe mumuunda wa Simalelo. Kumamanino wakandigwasya kusama jansi lyangu akundisindikila kumulyango kuya anze. Mpoonya bakalibatamika Bagatela munzi ba Swiss aabo bakaliko aawo. Alimwi wakandikumbatila kabili munzila yabu Jesuiti, eeco nceciyanza cabo cakwaanzya akusindikizya mulongwaako.”\\nBa Jesuiti mbabalaa mulandu wakutalisya nkondo zyobile zyanyika yoonse akusingilizya nkondo yaku Vietnam nibaamanizya kujaya Muleli Kennedy:\\n“Buleya tabukubwene mulimo nguwaacita munzi wa Vatican abaJesuiti mukusungilizya nkondo zyanyika yoonse zyobile – eeco ncintu cikonzya kusandululwa nkaambo kamali manjaanji aayo aakali mumaanza aamunzi wa Vatican abaJesuiti, eeci ncecaabapa kubaa nguzu zipati munzila zinjaanji, kapati munkondo yakacaalizya kulwanwa.”\\nNdeeli bbuku ndyokonzya kulibalila - http:\/\/www.spirituallysmart.com\/Paris-The_Secret_History_of_Jesuits_1975.pdf\\nEeyo milandu njibaacita baJesuiti, kapati eelyo nibakali kweendelezyegwa aba Ustachi (naa Ustaše) milandu iivwundausya kumoyo, iinyonganya mizeezo alimwi iikankamya kapati nkaambo nkozyicili asunu zifwanikiso zyabusofwaazi buli boobo. Eezi zintu tizyakacitika myaanda yamyaka yakainda pe. Zyakacitigwa muma 1940! Kucili azimwi zijatikizya zintu eezi zilibonya kuti nzyakukomba Saatani munzila eeyo ba Ustachi kabatobela Ante Pavelić, musololi wa Katolika waku Croatia, mbubakakobaula makunga aabantu mucisi ca Yugoslavia eeco cakali cibeela ca Italy a Nazi Germany, akutobela malailile ookwa Poopo. Kubantu banjaanji mucisi ca Yugoslavia, bakacaazya buyo kusala kusandukila ku Bukatolika nanka kusubulwa munzila iicisa yalunya akujayigwa.\\n(Cifwanikiso cili kulumwesyi - Pavelić ulangene aa Kkadinalo Stepinac ooyo wakaangilwa milandu yakuleta Nkondo akutolwa mujele akufwa kaangidwe amunzi pele wakalelekwa aPoopo JPII mu 1998 kuti aambwe kuba musaante.)\\n(Cifwanikiso cili kululyo – Babbishopo ba Katolika baanzya Hitler mbuli nkamu ya Nazi; Amubone kulaale kululyo: Joseph Goebbels alimwi wabili kululyo: Wilhelm Frick)\\n(Cifwanikiso cilaanselelo – Caando ca Ustachi)\\nNaakaangulwa Poopo Pius VII akuzyokela kuzwa kubuzike mu 1814, malailile aakwe mataanzi mumakwebo naakasika mumunzi wa Loma, akali aakubunganya nkamu yaba Jesuiti\\nMutwe wabu poopo wakasumpauka cinicini mumaanza ookwa Napoleon. Aboobo, mbwaakazundulwa buyo Napoleon mu 1814, Poopo Pius VII wakaangululwa kuzwa muntolongo akujosyegwa kumunzi wa Loma. Kubambulula lumamba lwaba Jesuit wakaba mulimo wakavwumbu. Munzi wa Loma tiiwakali kuyanda alimwi kunyangwa lugwasyo lwaba Jesuiti, nokuba kuti bakali mukuli uulema buti ku Cikombelo ca Loma, antoomwe abalongwenyina.\\n“Mucizuminano cakuvwuna munzi wa Loma [nkokuti., bulelo bwa Cikombelo ca Katolika caku Loma] kuti batasweekeli bweendelezi atalaa nyika kuli Basikutongooka, akubajosyela bupaizi abusololi oobo bamapoopo 'mbubaakwempede' Mumisela Yaakatikati, lino munzi wa Loma 'wakauzya' Cikombelo [ca Katolika caku Loma] ku Mbungano ya Jeesu [kuli ba Jesuiti]; aboobo bamapoopo bakalibatamika akulilekela mumaanza aaba Jesuiti.”\\nImbungano yaba Jesuiti yakabweza Mulimo wa Kubuzyilila mukaindi kasyoonto buyo niwaatalika mulimo ooyo alimwi eeco ncecaapa kujayigwa zyuulunzuma zyabasaante\\nMu 1254 Poopo Alexander IV wakaanza Mulimo wa Kuvwuntauzya aKubuzyilila. Mubetesi mutaanzi mumulimo ooyo wakali Dominic, ooyo wakabamba nkamu yabapaizi ba Dominicani.\\nNokuba boobo, kaindi kasyoonto buyo kuzwa Poopo Paul III naakabambulula Mbungano ya Jeesu, ooyu Mulimo wa Kubuzyilila awalo wakatalika alimwi, mpoonya Poopo wakabapa lwaanguluko ba Jesuiti lwakucitamulimo ooyu, abalo Basilumamba babetesi bakapegwa nguzu ziindene zyakudadaula kufumbwa “uunyansya bupaizi bwa Katolika.” Eeci ncecaapa kunyonyoona maumi aazyuulunzuma zya basaante.\\nEezi zilembuludwe anselelo aawa zitondezya caacitika eelyo baJesuiti nibaatalika kweendelezya Mulimo wa Kubuzyilila:\\n“Ime njanda kumwaambila makani aankondo yakatola myaka iili makumi otatwe mu Germany, eeyo njibaasungilizya kulwanwa ba Jesuiti, kutegwa balesye Basikutongooka lwaanguluko lwa kupaila, oolo ndubaapedwe mucizuminano caku Augsburg? Nokuba kuzangila mfulumende mu yaku Ireland, kukankaula calunya zyuulunzuma zili kkumi azyosanwe zyaba mweenye bakkala Kumusanza lya Amelika, Mexico aku Cuba, kwaacitwa abapoopo ba Spanishi? Mubufwaafwi, aaya makani aakabalululwa akulembwa abalembi bamisela, kuti munzi wabapoopo wa Loma wakatila bulowa bwabantu bali zyuulunzuma makumi cisambomwe alusele mukuyanda buyokuti bataminine kuti mbabalaa bweendelezi mubupaizi.” Source: Dr. Brownlee’s “Popery an enemy to civil liberty”, p. 105\\n“Ooyu wakali musela wankondo zyabupaizi bwa “BunaKristu,” Myaka Makumi Otatwe mucisi ca Germany, eezyo nkondo zyakatalisyigwa aba Jesuiti, kusikila bantu batalika kulya bantunyina, akucesya mweelwe wabantu baku Bohemia kuzwa a 4,000,000 kusikila a 780,000, alimwi mucisi ca Germany kuzwa a 20,000,000 kusikila a 7,000,000, akusiya cookoca Musanza wa Germany cabaanga muunkanda muli cimpayuma, ...”\\nNaakali kulemba makani aaba Jesuiti, [John] Lord wakati\\n“Balo mbalaa mulandu wakumwaya Mulawo waku Nantes,-- ooyo mulandu mupati akataa milandu yamusela uuno, ooyo wakapa kuti Basikutongooka bali zyuulu myaanda yonebatandwe kuzwa mucisi ca France, akukosoola bali zyuulu zyili myaanda yone atalaa baabo.”\\n“Ku Bohemia, kusikila mumwaka 1600, akataa bantu bali 4,000,000, bali 3,200, 000 bakali Basikutongooka. Eelyo ba Hapsburgs abaJesuiti nibakamanizya mulimo wabo, kwakacaazya buyo bantu basika 800,000, boonse kabali Bakatolika.”\\nBa Jesuiti bakazwidilila mumakanze aabujayi bwabo kwiinda mukusungilizya bantu kulyeempa zibi zyabo kubapaizi kufumbwa nkobakabede\\n“BaJesuiti bakabankamu iili kumbele kupa (bapaizi baswiilizya nkobalyeempa zinyonyoono) bami abana babami aabo bakali kulela. Mbulibwaamba bbuku lipya lya New Catholic Encyclopedia, \"bakaba babetesi baswiilizya zinyonyoono ku bami baku France wa misela yobile, kuzwa kuli Henry III kusikila kuli Louis XV; akubelelo boonse baku German kumatalikilo aamusela wa 17th ; kuli Balupatipati baku Bavaria niwakainda mwaka wa 1579; akubaleli banjaanji baku Poland aku Portugal; kumikwasyi yabasololi banyika zya Bukuwa.\\n“Eelyo nibakaba balailila bami, bakatalika akusendekezya makanze aabo mumapolitikisi. Mubetesi wabupaizi taakali kulelema kwaambila mwami kuti wakeelede kubamba zizuminano eezyo zyakali kunga zyagwasyilizya Cikombelo. Umwi mubetesi Le Tellier, waba Jesuiti kuli Louis XIV, mumyaka ya 1680 wakasungilizya muleli kuti azimaanye Mulawo wa Nantes, ooyo wakali kupa bantu lwaanguluko mubupaizi kuli Basikutongooka.”\\nBaJesuiti bakatalika akuswiilizya zinyonyoono zya poopo. “Mubetesi wa Poopo, weelede kuba mupaizi wa baJesuiti: weelede kuswaya munzi wa Vatican ciindi comwe cigantidwe mvwiki-amvwiki, alimwi walo alikke nguukonzya kusalazya Poopo kuzwa kuzinyonyoono zyakwe absolve the Pope of his sins.”\\nIgnatius Loyola, Wakatalisya baJesuiti\\ncifwanikiso caba Francis Zurbaran\\nLino mbotwazyiba twaambo twamisela twa BaJesuiti, ncintu citakonzyi kusyomwa alimwi cikankamusya kubona batola milumbe munyika abasololi bamapolitikisi nkobalyataukana kwiindilana kuti batambule akutembaula Poopo Francis. Swebo tatujisi amakni aakwaamba kujatikizya nyika yoonse mbwiilubidezintu znyaakacita Loma abJesuiti bakwe.\\nKucenjezya kwa Silumamba Sherman kuleelede kumvwugwa mazubaano kuti:\\n“Ime njanda kumwiibalusya bbuku lya Webster mbolisandulula mu Jesuiti: muntu uulengelezya, uukopa mizeezo. Ikuti Cikombelo ca Loma nicakazwidilila, Poopo naakaba Mwami wa nyika yoonse . . . Ba Jesuiti bakaboolela buyo kulengelezya, kusisikizya, alimwi kuti kacikonzyeka, kutunyanga lwaanguluko lwesu lwacisi alwaanguluko lwa bupaizi. Milazyo yabaJesuiti ilazumizya kubba, kunyonokela, kubejelezya, kweena akubejela, kulijaya akujaya bazyali bako abamukowa wako bamwi. Milandu mipati yaanyika yakacitigwa aba Jesuiti . . . Kufumbwa nkobajanwa baJesuiti balijisi mulilo wakuumpa, icceba lyakuyasya, akuvwuntauzya kuti bakutundulule. Balo mbaasinkondonyina a BanaKristu [basyoma Bbaibbele]. Buumi bwabo babuponena buyo kulwana, kubaa lubono akutembaulwa.”\\nMulimo wesu mbuli basikwiita ba Taata Yahuwah kuti tubbunune munzi wa Loma abaJesuiti bakwe, akupailila kuti banyonyoonwe abusofwaazi bwabo butweena. Mupailo ncecilwanyo cilikke cakulwanya sinkondoma ooyu uulisisikizya ngotulanganlimwi buno buzuba. Munzi wa Loma abaJesuiti bakwengo sinkondoma mupati kwiinda boonse uulwana Mulumbe Mubotu akulwana mukowa wabantu. Nokuba boobo, swebo tulisyomezyedwe mu Jwi Lyakwe lyacishinshimi kuti tabakoongoli pe. Sibwaamu uyoonyonyweedwa limwi kacitaninga sika ciindi ca Kuboola Kwabili kwa Mufutuli Yahushua:\\n“Nkabela aayo meja aali kkumi webo ngookabona atalaa mutwe wamunyama, ayoocimwa akusulaika sibwaamu, ayoomusaala mukusiya kalaa mantanda, akumulya nyama yakwe, akumuumpa mumulilo.” Ciyubunuzyo 17:16.\\nAlitembaulwe zina Lyakwe lyoonse kukabe kutamani!!","num_words":3364,"character_repetition_ratio":0.051,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amubayeeye Aabo Ibabeleka Mulimo Waciindi Coonse | Yakwiiya\\nAMUBALE MU Afrikaans Albanian American Sign Language Amharic Arabic Argentinean Sign Language Armenian Aymara Azerbaijani Azerbaijani (Cyrillic) Bengali Bicol Bislama Brazilian Sign Language Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Cibemba Cinyanja Colombian Sign Language Croatian Czech Dangme Danish Drehu Dutch Efik English Estonian Ewe Fijian Finnish French Ga Georgian German Greek Greenlandic Guarani Gujarati Gun Haitian Creole Hebrew Hiligaynon Hindi Hungarian Icelandic Igbo Iloko Indonesian Italian Italian Sign Language Japanese Japanese Sign Language Kannada Kazakh Kikaonde Kikuyu Kiluba Kinyarwanda Kirghiz Kirundi Kisi Kisonge Kongo Korean Krio Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Malayalam Maltese Marathi Mauritian Creole Maya Mexican Sign Language Mixe (North Central) Mongolian Moore Ndebele Ndonga Nepali Ngabere Norwegian Nzema Oromo Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Romanian Russian Russian Sign Language Sango Sepedi Serbian (Cyrillic) Serbian (Roman) Sesotho (Lesotho) Setswana Seychelles Creole Shona Silozi Sinhala Slovak Slovenian Spanish Sranantongo Swahili Swahili (Congo) Swati Swedish Tagalog Tajiki Tamil Tatar Telugu Thai Tigrinya Tshiluba Tsonga Turkish Turkmen Turkmen (Cyrillic) Tuvaluan Twi Tzotzil Ukrainian Umbundu Urdu Uzbek Venda Vietnamese Wallisian Waray-Waray Wayuunaiki Wolaita Xhosa Yoruba Zande Zulu\\n“Tatuleki kuyeeya mulimo wanu walusyomo akubeleka kwanu kwaluyando.”—1 TE. 1:3.\\nIno nimbazu nzi zimwi zyamulimo izyakaliko mumwaanda wamyaka wakusaanguna, alimwi ino aabo ibakali kubelekela mumbazu eezyi bakali kugwasyigwa buti mumakani aamali?\\nNimbazu nzi zyamulimo waciindi coonse zyamazuba aano nzyomukkomanina?\\nMbuti mbomukonzya kubagwasya aabo ibali mumulimo waciindi coonse?\\n1. Ino Paulo wakalimvwa buti kujatikizya baabo ibabelekela Jehova cakulyaaba?\\nMWAAPOSTOLO Paulo wakali kubayeeya aabo ibakali kubeleka canguzu kukambauka makani mabotu. Paulo wakalemba kuti: “Tatuleki kuyeeya mulimo wanu walusyomo akubeleka kwanu kwaluyando alimwi akuliyumya kwanu akaambo kabulangizi mbomujisi mu Mwami wesu Jesu Kilisito kumbele lya Leza wesu alimwi Taateesu.” (1 Te. 1:3) Masimpe, Jehova ulaiyeeya milimo yaluyando yabaabo ibamubelekela cakusyomeka, taakwe makani naa bukkale bwabo bulabazumizya kucita zinji naa pe.—Heb. 6:10.\\n2. Ncinzi ncotutiilange-lange mucibalo eeci?\\n2 Babelesima—bakaindi alimwi abamazuba aano—balyaaba kubelekela Jehova mumulimo waciindi coonse. Atulange-lange bantu bamwi bamumwaanda wamyaka wakusaanguna mbobakali kubeleka. Alimwi tulalanga-langa milimo iisiyene-siyene yamumulimo waciindi coonse mazuba aano alimwi akubona mbotukonzya kutondezya kuti tulabayeeya aabo ibalyaaba amoyo woonse kubeleka munzila zyaalubazu.\\nBANAKRISTO BAMUMWAANDA WAMYAKA WAKUSAANGUNA\\n3, 4. (a) Mbuti bamwi mbobakali kubeleka mumwaanda wamyaka wakusaanguna? (b) Ino bakali kuzijana buti nzyobakali kuyandika kumubili?\\n3 Kakutanainda ciindi cilamfwu kuzwa naakabbapatizyigwa, Jesu wakatalisya mulimo mupati iwakali kuyakucitwa munyika yoonse. (Lk. 3:21-23; 4:14, 15, 43) Naakafwa, baapostolo bakwe mbabakali kusololela mukukomezya mulimo wakukambauka. (Mil. 5:42; 6:7) Banakristo bamwi mbuli Filipo bakali kubeleka kabali bakambausi alimwi bamwi bakali bamisyinali mu Palestine. (Mil. 8:5, 40; 21:8) Paulo alimwi abamwi bakali kusika mumasena aakali kulamfwu kapati. (Mil. 13:2-4; 14:26; 2 Ko. 1:19) Mucikozyanyo, bamwi mbuli Silvano, Marko, alimwi a Luka, abalo bakali kubeleka mulimo wakukkopolola naa wakulemba. (1 Pe. 5:12) Bacizyi Banakristo bakali kubelekela antoomwe abakwesu aaba ibakali kusyomeka. (Mil. 18:26; Lom. 16:1, 2) Zikozyanyo zyabo zibotu zipa kuti Magwalo aa Banakristo aa Chigiliki kaakondelezya kubala, alimwi zitondezya kuti Jehova ulabayeeya babelesi bakwe cakusyomeka.\\n4 Mbuti babelesi baciindi coonse bakusaanguna mbobakali kugwasilizyigwa kumubili? Zimwi ziindi, bakali kulanganizyigwa abamwi alimwi akutambula lugwasyo munzila zimbi kuzwa ku Banakristonyina, pele tiibakali kulomba buya kuti bapegwe lugwasyo. (1 Ko. 9:11-15) Bantu bamwi alimwi ambungano zyakali kubagwasyilizya cakuliyandila. (Amubale Milimo 16:14, 15; Bafilipi 4:15-18.) Paulo abeenzinyina alimwi bakali kubeleka mulimo wakumubili kwaciindi cisyoonto kutegwa bajane mali aayandika.\\nBABELESI BACIINDI COONSE BAMAZUBA AANO\\n5. Ino banabukwetene bamwi bakalimvwa buti kujatikizya mulimo waciindi coonse?\\n5 Mazuba aano aalo, banji balalitakata mumbazu zisiyene-siyene zyamulimo waciindi coonse. (Amubone kabbokesi kakuti “ Mbazu Zisiyene-siyene Zyamulimo Waciindi Coonse.”) Ino balimvwa buti kujatikizya mulimo wabo? Ooyu ngomubuzyo ngomukonzya kubabuzya, ikuti mwacita oobo muyakugwasyigwa kapati. Amubone cikozyanyo eeci: Mukwesu iwakabeleka mulimo wabupainiya bwaciindi coonse, bupainiya bwaalubazu, mulimo wabumisyinali, alimwi amulimo wa Bbeteli kunze aacisi, wakaamba kuti: “Ndilimvwa kuti kunjila mulimo waciindi coonse nkokusala kumwi kubotu kapati nkondakacita. Nondakajisi myaka yakuzyalwa iili 18, ndakajisi buyumuyumu bwakusala akati kakuunka kuyunivesiti, kunjila mulimo wakumubili, alimwi akucita bupainiya. Izyandicitikila zyandigwasya kubona kuti Jehova talubi kulyaaba muntu nkwacita kutegwa amubelekele mulimo waciindi coonse. Ndacikonzya kubelesya luzyibo Jehova ndwaakandipa munzila izyatakali kunga zyakonzyeka ikuti nondakasala mulimo wakumubili.” Mukaakwe wakaamba kuti: “Mulimo uuli woonse wandigwasya kukomena. Twabona Jehova mbwakwabilila alimwi ambwasololela munzila nzyotwatakali kukonzya kubona ikuti notwakasala kucita buyo zintu zitukkomanisya. Ndilamulumba Jehova abuzuba akaambo kamulimo waciindi coonse.” Sena andinywe inga mwayanda kulimvwa boobu?\\n6. Ndusinizyo luli buti ndotweelede kuba aandulo toonse kujatikizya mbwalimvwa Jehova?\\n6 Cakutadooneka, bamwi bali mubukkale butakonzyi kubazumizya kunjila mulimo waciindi coonse aali cecino ciindi. Tulakonzya kuba masimpe kuti Jehova ulakukkomanina kusoleka kwabo akwalo. Amuyeeye kujatikizya baabo Paulo mbakaamba mulugwalo lwa Filimoni 1-3, kubikkilizya abaabo boonse ibakali mumbungano yaku Kolose. (Amubale.) Paulo wakabalumba, awalo Jehova wakabalumba. Mbubwenya buyo, Taateesu wakujulu ulalumba mulimo ngomucita. Nokuba boobo, mbuti mbomukonzya kubagwasya aabo ibabeleka mulimo waciindi coonse?\\n7, 8. Ino mulimo wabupainiya ujatikizya nzi, alimwi mbuti bamwi mumbungano mbobakonzya kubagwasya bapainiya?\\n7 Mbubwenya mbuli bakambausi bamumwaanda wamyaka wakusaanguna, bapainiya balazigwasya kapati mbungano. Bunji bwabo balasoleka kubeleka mawoola aali 70 mumulimo wakukambauka amwezi. Mbuti mbomukonzya kubagwasya?\\n8 Mucizyi umwi mupainiya uutegwa Shari wakaamba boobu: “Bapainiya balibonya kuba bayumu, balaunka mumulimo wakukambauka buzuba abuzuba. Nokuba boobo, bayandika kukulwaizya.” (Lom. 1:11, 12) Mucizyi umbi iwakali mupainiya kwamyaka iili mbwiibede wakaamba boobu kujatikizya bapainiya mumbungano yakwe, wakati: “Balabeleka canguzu kapati. Ikuti umwi wabelesya mootokala wakwe kubatola mumulimo wakukambauka, kubatamba kucakulya, kubaulila mungwimba wamumootokala naa kubapa buyo mali, balalumba kapati. Kucita boobu kutondezya kuti mulababikkila ncobeni maano.”\\n9, 10. Ncinzi bamwi ncobacita kutegwa bagwasye bapainiya bamumbungano yabo?\\n9 Muunzila nzi momukonzya kubagwasya bapainiya mumulimo wakukambauka? Mucizyi mupainiya umwi uutegwa Bobbi wakaamba kuti: “Tulayandika bakubeleka limwi kwaambisya mukati kansondo.” Mupainiyanyina umwi wamumbungano njemunya wakayungizya kuti: “Nciyumu kujana wakubeleka limwi kumazuba.” Kujatikizya mulimo wakwe wabupainiya, mucizyi umwi walo lino uubelekela aa Bbeteli ku Brooklyn wakaamba boobu: “Mucizyi umwi iwakajisi mootokala wakandaambila kuti, ‘Kufwumbwa ciindi wabula muntu wakubeleka limwi, inga wandizyibya kutegwa tuunke limwi mumulimo wakukambauka.’ Wakandigwasya ncobeni mumulimo wangu wabupainiya.” Ba Shari bakaamba kuti: “Bakotoka kuzwa kukukambauka, bapainiya batakwete naa batakwetwe kanji-kanji inga bali balikke. Mulakonzya kubatamba kukukomba kwanu mumukwasyi ciindi aciindi. Kucita zintu zimwi ambabo inga cabagwasya kuti bazumanane kuba bayumu.”\\n10 Kayeeya kujatikizya mulimo wakwe wabupainiya abacizyi bamwi batakwetwe, mucizyi umwi walo iwabeleka myaka iitandila ku 50 mumulimo waciindi coonse wakaamba kuti: “Baalu bakali kutuswaya ciindi aciindi. Bakali kutubuzya kujatikizya mbotwakali kupona alimwi amulimo wakumubili alimwi akuyanda kuzyiba naa kuli zintu nzyotulibilika. Bakali kubikkila ncobeni maano. Bakali kutuswaya mumaanda eesu kutegwa bazyibe lugwasyo ndotwakali kuyandika.” Eeci inga camuyeezya kulumba Paulo nkwaakatondezya ciindi naakalanganizyigwa amwaalumi umwi waku Efeso iwakajisi mukwasyi.—2 Ti. 1:18.\\n11. Ino kubeleka mulimo wabupainiya bwaalubazu kubikkilizya nzi?\\n11 Mbungano zimwi zilijisi coolwe cakuba abapainiya baalubazu. Bunji bwabakwesu abacizyi aaba balasolekesya kubeleka mawoola aasika ku 130 mumulimo wakukambauka mwezi amwezi. Akaambo kakuti ciindi cinji bacibelesya kukambauka alimwi akugwasya munzila zimwi, babelesya buyo ciindi cisyoonto kumulimo wakumubili naa kusala kutabelekela limwi mulimo wakumubili. Ofesi yamutabi ilabapa mali masyoonto aakubelesya mwezi amwezi kutegwa bazumanane kubikkila maano kumulimo wakukambauka.\\n12. Mbuti baalu alimwi abamwi mbobakonzya kugwasya bapainiya baalubazu?\\n12 Mbuti mbotukonzya kugwasya bapainiya baalubazu? Mukwesu umwi uubelekela amutabi uubandika abapainiya baalubazu bamwi, wakaamba kuti: “Baalu beelede kubandika ambabo, kutegwa bazyibe bukkale mobabede alimwi akuzyiba mbobakonzya kubagwasyilizya. Bakamboni bamwi bayeeya kuti mali aakubelesya ngobapegwa bapainiya baalubazu alizulide, nokuba boobo bakwesu bakubusena ooko balakonzya kubagwasya munzila zinji.” Mbubwenya mbuli bapainiya baciindi coonse, bapainiya baalubazu balakkomana kuba aamuntu wakubeleka limwi mumulimo wakukambauka. Sena inga mwabeleka ambabo?\\nKUGWASYA BALANGIZI BEENDEENDA\\n13, 14. (a) Ncinzi ncotuteelede kuluba kujatikizya balangizi bamabazu? (b) Ncinzi ncomuyeeya kuti mulakonzya kucita kutegwa mugwasye baabo ibabeleka mulimo wakweendeenda?\\n13 Balangizi bamabazu alimwi abamakaintu babo mbantu bayumu kumuuya alimwi ibaliyumya kapati. Nokuba boobo, abalo bayandika kukulwaizya, kubeleka ambabo mumulimo wakukambauka, alimwi akulikondelezya antoomwe ambabo munzila iili kabotu. Ino mbuti kuti baciswa mpoonya bajatwa kucibbadela kumane ambweni bayandika kwaandulwa naa busilisi bumwi? Balakatalukwa kapati ciindi bakwesu abacizyi nobabagwasya zintu nzyobayandika alimwi aciindi nobatondezya kuti balabikkila maano kutali zintu zyabo beni. Tulakonzya kuyeeya “musilisi uuyandwa” Luka, mulembi wabbuku lya Milimo, ncaakacitila Paulo alimwi abeenzinyina mbobakali kubeleka limwi mulimo wakweendeenda.—Kol. 4:14; Mil. 20:5–21:18.\\n14 Balangizi beendeenda alimwi bamakaintu babo balayandisya kuba abalongwe. Mulangizi wabbazu umwi wakalemba kuti: “Beenzuma inga balazyiba ciindi nondiyandika kukulwaizya. Balabuzya mibuzyo iibapa kuti bazyibe ncondiyandika, alimwi eeci cilandigwasya kuti ndaanguluke kubaambila zintu izindilibilisya. Bandigwasya kapati akaambo kakuti balaswiilila cakubikkila maano.” Balangizi bamabazu abamakaintu babo balalumba kapati ciindi bakwesu abacizyi nobababikkila maano.\\nKUGWASYA BAMUKWASYI WA BBETELI\\n15, 16. Milimo nzi njobacita ibamukwasyi wa Bbeteli alimwi abaabo babelekela mu Maanda Aakucitila Miswaangano Mipati, alimwi mbuti mbotukonzya kubagwasya?\\n15 Nyika yoonse mbwiizulwa, aabo ibabelekela a Bbeteli alimwi amu Maanda Mapati Aakucitila Miswaangano, balagwasya kapati mumulimo wa Bwami mumasena aalanganizyigwa aofesi yamutabi yakubusena oobo. Ikuti mbungano naa bbazu lyanu kalijisi babelekela a Bbeteli, mbuti mbomukonzya kutondezya kuti mulabayeeya?\\n16 Ciindi nobasika-sika a Bbeteli, balakonzya kukuyeeya kapati kuŋanda, akaambo kakuti bakasiya banamukwasyi alimwi abalongwe. Eelo kaka balalumba ciindi babelesinyina a Bbeteli nobasola kubamba zilongwe ambabo! (Mk. 10:29, 30) Mulimo wabo ulabazumizya kuunka kumiswaangano yambungano alimwi akutola lubazu mumulimo wakukambauka nsondo ansondo. Nokuba boobo, babelekela a Bbeteli ciindi aciindi balapegwa milimo imwi iiyungizyidwe. Ciindi mbungano noitondezya kuti ilamvwisya bukkale mobabede alimwi akutondezya kuti balabalumba kapati babelekela a Bbeteli alimwi amulimo ngobacita, boonse balagwasyigwa.—Amubale 1 Batesalonika 2:9.\\nKUGWASYA BABELESI BACIINDI COONSE IBABELEKELA KUNZE AACISI\\n17, 18. Milimo nzi iijatikizyidwe mumulimo wakubelekela kunze aacisi?\\n17 Aabo ibazumina mulimo wakuyakubelekela kucisi cimbi balakonzya kujana buyumuyumu kujatikizya zyakulya, mwaambo, zilengwa alimwi ambokubede kubusena ooko. Nkaambo nzi ncobazumina kuyaanya buyumuyumu buli boobu?\\n18 Bamwi mbaamisyinali, balo kanji-kanji ibakambaukila mumasena bantu mobakonzya kugwasyigwa alwiiyo lwabo lwaalubazu. Ofesi yamutabi ilabapa bamisyinali mali aakubelesya kuula nzyobayandika. Bamwi ibapegwa mulimo wakuyakubelekela kunze aacisi balapegwa mulimo mumaofesi aamitabi naa kugwasyilizya mumulimo wakuyaka maanda aamitabi, kuyaka maofesi aabasanduluzi, Maanda Aakucitila Miswaangano Mipati naa kuyaka Maanda aa Bwami. Balapegwa zyakulya, aakoona alimwi alugwasyo lumwi. Mbubwenya mbuli bamukwasyi wa Bbeteli, balajanika lyoonse kumiswaangano alimwi akutola lubazu mumulimo wakukambauka kubusena ooko, aboobo inga twaamba kuti ncilongezyo munzila zinji.\\n19. Ncinzi ncotweelede kuzyiba kujatikizya bakwesu abacizyi ibabelekela kunze aacisi?\\n19 Mbuti mbomukonzya kubayeeya babelesi baciindi coonse bali boobu? Mutalubi kuti kumatalikilo cilakonzya kubayumina kuzyibila zyakulya zyakubusena ooko. Mwayanda kubatamba kucakulya, mulakonzya kubabuzya cakulya ncobakonzya kukkomanina naa cakulya ncobakonzya kusola kulya. Amukkazike moyo ciindi nobaiya mwaambo azilengwa zyakubusena ooko. Cilakonzya kutola ciindi cili mbocibede kuti bamvwe zintu zyoonse nzyomwaamba, pele caluyando mulakonzya kubagwasya mbomwaamba zintu mumwaambo wanu. Balayanda kwiiya!\\n20. Muunzila nzi mbotu motukonzya kubayeeya babelesi baciindi coonse abazyali babo?\\n20 Babelesi baciindi coonse balacembaala, abalo bazyali babo balacembaala. Ikuti bazyali kabali Bakamboni, cakutadooneka inga bayanda kuti bana babo bazumanane mumulimo wabo. (3 Jo. 4) Cakutadooneka, babelesi baciindi coonse bayakucita kufwumbwa ncobakonzya ikuti bazyali babo kabayandika lugwasyo alimwi banakubagwasya kweelana ambobakonzya. Nokuba boobo, aabo ibakkala afwaafwi abazyali balakonzya kubagwasya aabo ibali mumulimo waciindi coonse kwiinda mukuba bantu balibambide kugwasya ikuti bazyali bacembeede kabayandika lugwasyo. Mutalubi kuti babelesi baciindi coonse bajisi mikuli milemu mumulimo uuyandika kapati uutanabwenwe. (Mt. 28:19, 20) Sena nywebo naa mbungano yanu ilakonzya kubagwasya bazyali bababelesi baciindi coonse ikuti bayandika kugwasya?\\n21. Ino aabo ibali mumulimo waciindi coonse balimvwa buti kujatikizya lugwayo akukulwaizya kwabamwi?\\n21 Aabo ibanjila mulimo waciindi coonse balacita oobo kutali akaambo kakuyanda kuvwuba pe, pele balacita oobo akaambo kakuti bayanda kubelekela Jehova abamwi. Balalumba kapati kulugwasyo luli loonse ndomukonzya kubapa. Mucizyi umwi uubelekela kunze aacisi wakaamba mbobalimvwa banabunji, wakati: “Nokaba kagwalo kakulumba kalatondezya kuti bamwi balakuyeeya alimwi akuti balikkomene amulimo ngocita.”\\n22. Ino mulimvwa buti kujatikizya mulimo waciindi coonse?\\n22 Kubelekela Jehova mumulimo waciindi coonse ninzila mbotu kapati. Nenzila mbotu mubuumi. Alimwi nenzila mbotu yakulibambila lukkomano lutakamani ndobalangila babelesi basyomeka ba Jehova mubweendelezi bwa Bwami bwa Leza. Aboobo, toonse ‘tutaleki kuyeeya mulimo wabo walusyomo akubeleka kwabo kwaluyando alimwi akuliyumya’ kwababelesi baciindi coonse.—1 Te. 1:3.\\nMbazu Ziisyene-siyene Zyamulimo Waciindi Coonse\\nBapainiya baciindi coonse kanji-kanji balabeleka mawoola aali 70 mumulimo wakukambauka mwezi amwezi mumbungano yabo naa kubusena bubulide basikumwaya.\\nBapainiya baalubazu kanji-kanji balabeleka mawoola aali 130 mumulimo wakukambauka mwezi amwezi, bunji bwaziindi inga babelekela mumasena aabulide basikumwaya.\\nBalangizi bamabazu balaswaya mbungano naa mabbazu aali mbwaabede, kusololela mumulimo wakukambauka alimwi akugwasya mbungano amabbazu munzila zimwi.\\nBamukwasyi wa Bbeteli babelekela mumaofesi aamutabi naa mumaofesi aabasanduluzi kugwasya mumulimo wakutuma mabbuku naa kweendelezya mumulimo uuli mukucitwa mucilawo cilanganizyigwa amutabi wakubusena ooko.\\nBamisyinali kanji-kanji balatumwa kuyakubelekela kunze aacisi. Bamisyinali banji balabeleka mawoola aali 130 mumulimo wakukambauka mwezi amwezi.\\nBabelesi babelekela kumasi aambi balaunka mumasena aaindene-indene kugwasya mumulimo wakuyaka maofesi aamitabi, Maanda Aakucitila Miswaangano Mipati, alimwi a Maanda aa Bwami.\\nBabelesi bayaka Maanda aa Bwami bakayiisyigwa kuyaka Maanda aa Bwami alimwi balagwasya mumilimo iimbi yakuyaka iiyandika mucisi cabo.\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA September 2014","num_words":1973,"character_repetition_ratio":0.083,"word_repetition_ratio":0.0,"special_characters_ratio":0.159,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 21 | Bbaibbele lili a Intaneti | Bbaibbele lya Busanduluzi Bwanyika Mpya\\nBana Israyeli bapegwa milawo (1-36)\\nKujatikizya bazike ba Hebrayo (2-11)\\nKujatikizya muntu wacisa mweenzinyina (12-27)\\nKujatikizya banyama (28-36)\\n21 “Lino njeeyi milawo njoyelede kubapa:+ 2 “Ikuti naa waula muzike mu Hebrayo,+ ooyo muzike weelede kubeleka myaka iili cisambomwe, pele mumwaka waciloba weelede kwaangununwa kakunyina kubbadela cili coonse.+ 3 Ikuti naa wakaboola alikke, uyakuunka alikke. Ikuti naa kakwete, weelede kuunka amukaintu wakwe. 4 Ikuti naa simalelaakwe wamupa mukaintu, eelyo mukaintu ooyo wamuzyalila bana basankwa naa basimbi, imukaintu abana bakwe bayooba basimalelaakwe, pele walo alikke nguuyakuunka.+ 5 Pele ikuti naa muzike ooyo wazumanana kwaamba kuti, ‘Ndilamuyanda kapati simalelaangu, mukaintu wangu abana bangu; tandiyandi kwaangununwa pe,’+ 6 simalelaakwe weelede kumutola kumbele lya Leza mwini-mwini. Mpoonya uyoomuleta kumulyango naa kumunsende wamulyango, eelyo simalelaakwe uyoomudonkola kutwi akabulo kakudonkozya, mpoonya uyooba muzike wakwe buumi bwakwe boonse. 7 “Ikuti muntu wauzya mwanaakwe musimbi mubuzike, takaangununwi mbuli mbobaangununwa bazike baalumi. 8 Ikuti naa simalelaakwe tanaamukkomanina alimwi tanaamusala kuba mukaintu wakwe, pele wamuuzya kumuntu uumbi, takazumizyigwi kumuuzya kuli bamuzwakule, nkaambo wamucitila calweeno. 9 Ikuti naa wamupa kumwanaakwe musankwa, nkokuti weelede kumulanganya mbuli mwanaakwe musimbi. 10 Ikuti naa mwana musankwa ooyo waalika, mukaintu wakusaanguna weelede kuzumanana kumupa zyakulya, zyakusama alimwi azyeelede zyamulukwatano.*+ 11 Ikuti katamucitili zintu eezyi zyotatwe, nkokuti weelede kwaangununwa kakunyina kubbadela mali aali woonse. 12 “Kufwumbwa uuma mweenzinyina akumujaya, weelede kujaigwa awalo.+ 13 Pele ikuti tanaacita acaali, alimwi Leza mwini-mwini wazumizya kuti cicitike, ndiyookutondezya busena nkwayelede kutijila.+ 14 Ikuti naa muntu wakalazyanya amweenzinyina eelyo wamujaya acaali,+ muntu ooyo weelede kujaigwa, nokuba kuti watijila kucipaililo cangu weelede kugwisyigwa ooko.+ 15 Muntu uuma bausyi naa banyina weelede kujaigwa.+ 16 “Ikuti muntu wabba muntunyina+ akumusambala, naa wajatwa kamujisi,+ weelede kujaigwa.+ 17 “Muntu uuli woonse uusinganya bausyi naa banyina weelede kujaigwa.+ 18 “Mboobu mbomweelede kucita ikuti naa baalumi bazwangana, eelyo umwi wapwaya mweenzinyina bbwe naa kumuuma mfwaindi* kumane tanaafwa, pele walala mubulo: 19 Ikuti kacikonzya kubuka akweendeenda anze ankoli yakwe, nkokuti ooyo wakamupwaya takasubulwi pe. Uyoobbadela buyo akaambo kakumusowela ciindi kumulimo wakwe ciindi naali kuciswa kusikila wapona. 20 “Ikuti muntu wauma muzike wakwe musankwa naa musimbi amusako kumane muzike ooyo wafwida mumaanza aakwe, muntu ooyo weelede kusubulwa.+ 21 Pele ikuti naa kwainda buzuba bomwe naa obilo katafwi, muntu ooyo tayelede kusubulwa pe, nkaambo muzike ooyo wakamuula amali aakwe. 22 “Ikuti baalumi balwana akucisa mukaintu uulaada kumane watumbuka mazuba aakwe kaatanasika,+ pele kunyina ntenda yacitika, ooyo uulaamukaintu weelede kulungilwa kufwumbwa mbwaamba; alimwi ooyo wacisa mukaintu weelede kulunga kwiinda mubabetesi.+ 23 Pele ikuti naa kwacitika ntenda, nkokuti uyoolunga buumi kubuumi,+ 24 liso kuliso, lino kulino, janza kujanza, cituta kucituta,+ 25 kuumpa mulilo kukuumpa mulilo, cilonda kucilonda, mibunda kumibunda. 26 “Ikuti muntu wauma liso lyamuzike wakwe musankwa naa liso lyamuzike wakwe musimbi akulidonkola, weelede kumwaangununa ikubbadela liso lyakwe.+ 27 Alimwi ikuti naa wagwisya lino lyamuzike wakwe musankwa naa muzike wakwe musimbi, weelede kumwaangununa ikubbadela lino lyakwe. 28 “Ikuti naa ŋombe yayasa mwaalumi naa mukaintu akumujaya, ŋombe eeyo yeelede kupwaigwa mabwe kusikila yafwa+ alimwi nyama yanjiyo tayeelede kuligwa pe; mukamwini ŋombe tayelede kusubulwa. 29 Pele ikuti naa ŋombe eeyo ijisi cilengwa cakuyasa bantu alimwi mukamwini wakacenjezyegwa pele taibambi kabotu, alimwi yajaya mwaalumi naa mukaintu, ŋombe eeyo yeelede kupwaigwa mabwe kusikila yafwa alimwi awalo mukamwini weelede kujaigwa. 30 Ikuti naa waambilwa kubbadela cinunuzyo, weelede kubbadela kufwumbwa mbwaambilwa kutegwa anunune buumi bwakwe. 31 Kufwumbwa naa yakayasa mwana musankwa naa musimbi, mukamwini ŋombe weelede kucitilwa kweelana amulawo ooyu. 32 Ikuti naa ŋombe yayasa muzike musankwa naa muzike musimbi, mukamwini ŋombe uyoobbadela mukamwini muzike masyekeli* aali 30, alimwi ŋombe eeyo yeelede kupwaigwa mabwe kusikila yafwa. 33 “Ikuti naa muntu wasiya mulindi bukwazi naa wasya mulindi akutauvwumba, eelyo ŋombe naa mbongolo yawida mumo, 34 mukamwini mulindi weelede kubbadela.+ Weelede kumubbadela mukamwini ŋombe, eelyo nyama eeyo iyooba yakwe. 35 Ikuti naa ŋombe yamuntu yayasa ŋombe yeenzinyina akwiijaya, beelede kwiisambala ŋombe eeyo iipona akwaabana mali ngobaisambala; alimwi beelede kwaabana nyama yaŋombe eeyo yafwa. 36 Ikuti naa ŋombe eeyo yakajisi cilengwa cakuyasa zyeenzinyina pele mukamwini tanaakali kwiibamba, weelede kubbadela ŋombe, eelyo ŋombe eeyo iyafwa ilaba yakwe.\\n^ Nkokuti, koonana.\\n^ Naa ambweni, “acibelesyo.”","num_words":626,"character_repetition_ratio":0.079,"word_repetition_ratio":0.0,"special_characters_ratio":0.179,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matayo Marko Luka Johane Milimo Baroma 1 Bakorinto 2 Bakorinto Bagalatiya Baefeso Bafilipi Bakolose 1 Batesalonika 2 Batesalonika 1 Timoteyo 2 Timoteyo Tito Filimoni Bahebrayo Jakobo 1 Petro 2 Petro 1 Johane 2 Johane 3 Johane Juda Ciyubunuzyo 1 2 3\\n3 Nobayandwa, oolu lino ndugwalo lwabili ndondimulembela, oomo mbubonya mbuli mulugwalo lwangu lwakusaanguna, mondisensemuna mizeezo yanu mibotu kwiinda mukumuyeezya, 2 ikutegwa mwiibaluke majwi aakaambwa musyule abasinsimi basalala alimwi amulawo wa Mwami alimwi Mufwutuli wesu kwiinda mubatumwa banu. 3 Cakusaanguna, amuzyibe kuti kumazuba aamamanino kuyooboola basikasampusampu akusampaula kwabo, ibayootobela zisusi zyabo beni 4 kabaamba kuti: “Ino nkuli ikubako kwakwe ooko kwakasyomezyegwa? Kayi, kuzwa buzuba bamatata nobakoona mulufwu, izyintu zyoonse zilazumanana mbubonya mbozyakabede kuzwa kumatalikilo aazilenge.” 5 Nkaambo acaali tabakabikkili maano kaambo kakuti kwiinda mujwi lya Leza, ikaindi kwakali majulu alimwi anyika njumu yakasumpwidwe atala amaanzi alimwi yakazingulukidwe amaanzi; 6 alimwi kwiinda muzyintu eezyi inyika yakuciindi eciya yakanyonyoonwa noyakapaizyigwa maanzi aazambangulwe. 7 Pele kujwi ndimunya eelyo majulu alimwi anyika ziliko lino zyabambilwa mulilo alimwi zyayobolwa kusikila mubuzuba bwalubeta abwalunyonyooko lwabantu basampaula Leza. 8 Nokuba boobo nobayandwa, mutakalubi kaambo aaka kakuti, buzuba bomwe kuli Jehova buli mbuli myaka iili cuulu alimwi myaka iili cuulu ili mbuli buzuba bomwe. 9 Jehova tamukide pe kujatikizya cisyomezyo cakwe kweelana ambobayeeya bamwi kuti wamuka, pele umukkazyikila moyo nkaambo tayandi kuti muntu uuli woonse anyonyoonwe, pele uyanda kuti boonse bakonzye kweempwa. 10 Nokuba boobo, buzuba bwa Jehova buyoosika mbuli mubbi, eelyo majulu naayooloba amuzuzumo mupati mukulaba kwaliso, pele zyintu zyakujulu mbwaanga ziyoopya kapati, ziyooenzemuka alimwi nyika amilimo iili mumo ziyoobikkwa antangalala. 11 Mbwaanga zyintu eezyi zyoonse ziyooenzemuka boobu, amuyeeye buyo naa mweelede kuba bantu bali buti mubukkale busalala alimwi amilimo yakubelekela Leza cakulyaaba, 12 nomulindila akuyeeyesya kubako kwabuzuba bwa Jehova, eelyo majulu naayoonyonyoonwa mumulilo uuvwilima alimwi zyintu zyakujulu ziyoonyenguluka akupya kutaambiki! 13 Pele kuli majulu mapya anyika mpya nzyotulindila swebo kweelana acisyomezyo cakwe, alimwi muli zyeezyi muyooba bululami. 14 Aboobo, nobayandwa, mbwaanga nywebo mulindila zyintu eezyi, amusoleke kusikila mpomugolela kuti kumamanino akamujane kamutajisi kabala nokaba kampenda alimwi kamuli muluumuno. 15 Kuyungizya waawo, amubone kukkazyika moyo kwa Mwami wesu kuti ndufwutuko, mbubonya awalo mukwesu uuyandwa Paulo mbwaakamulembela kweelana abusongo mbwaakapegwa, 16 kaamba zyintu eezyi mbubonya mbwacita mumagwalo aakwe oonse. Nokuba boobo, mulingawo kuli zyintu zimwi zikatazya kumvwa, alimwi zyintu eezyi nzyobapilinganya ibantu aabo batakwe luzyibo alimwi batakkalikene mbubonya mbobacita Magwalo aambi, cakuti balalinyonyoona beni. 17 Aboobo nywebo nobayandwa, mbomujisi kale luzyibo oolu, amucenjele kutegwa mutaleyi antoomwe ambabo kwiinda mukulubizya kwabantu babi alimwi akusweekelwa kuzyandamana kwanu. 18 Citabi boobo pe, pele amuzumanane kukomena muluzyalo lwa Leza amuluzyibo lwa Mwami a Mufwutuli wesu Jesu Kilisito. Kulinguwe akube bulemu lino alimwi mane kukabe kutamani.","num_words":402,"character_repetition_ratio":0.048,"word_repetition_ratio":0.0,"special_characters_ratio":0.157,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kuzungaana Nyika Yoonse | Kwaambilizya Myeembo ili Ciloba Print\\nKuzungaana Nyika Yoonse | Kwaambilizya Myeembo ili Ciloba\\nNkamu ya World's Last Chance isyoma kuti nyika ilaa njeeleela yakunjila Myeembo ili Ciloba ya Ciyubunuzyo. Myeembo eeyo iyoosika akucitika kiitobelana cakufwamba.\\nMweembo Wasanu uyootola busena kwamazuba aali mwaanda amakumi osanwe naa 150, alimwi kuciindi eeco bantu anyika banoozyibide kusyoma kuti baaletwa kumamanino anyika amwami walusele (Poopo Francis I), ooyo wiimpuka kuzwa mumulindi uutagoli. (“Kuzwa mumulindi uutagoli” - caamba kuti Saatani uyoomweendelezya munzila yataanabwene “mubami” bakainda bali ciloba.)\\nBuleli bwa mwami waciloba, Benedict XVI, bwakasikila kumamanino kalelede buyo kaindi kasyoonto, mbuli bwakaambilizyigwa mucishinshimi. Ijwi Lyakwe talilezyi kwaamba cicitika. Cishinshimi cakaambilizya kuti bulelo bwamwami waciloba buyooba kwakaindi kasyoonto kweelanya abwabami bakainda bali cisambomwe.\\nMwami walusele uyooba poopo wamamanino, nkaambo bulelo bwakwe buyoomanina a Kuboola Kwabili kwa Yahushua. Twamutamba kaka kuti mulangilizye zipekupeku zya Ciyubunuzyo 17 azya Myeembo ya Ciyubunuzyo iili Ciloba. (Mulakonzya kubona cilembedwe aawa.)\\nKufumbwa buzuba bwainda buli boonse, tuyaakuswena munsaa kulizyigwa kwa Myeembo eeyo. Johani Mushinshimi, keendelezyegwa mubulemu bwa Moza, wakatulembela iswe eezyo zintu zicitika kaindi kasyoonto akulizyigwa kwa Myeembo.\\n“Alimwi mungele wakabweza cuumpilizyo, akucizuzya mulilo kuzwa kucipaililo, akuciwaalila anyika: kwakamvwika majwi, amizuzumo, akulaba, akuzungaana kwa nyika.” (Ciyubunuzyo 8:5)\\nEelyo mungele nawaala cuumpilizyo a Nyika, kuzungaana kwa nyika yoonse kuyoomvwika kubantu boonse, antoomwe akuzuzuma akulaba ndabo. Eeci cintu cigwalanganya nyika ciyakwaambilizya kumukowa wabantu balaa Nyika kuti Myeembo ili Ciloba ilaafwi koompolola.\\nKuli zitondezyo zitakonzyi kudonaikwa eezyo zicitika mumbali lyesu zitondezya kuti Kuboola Kwabili kwa Yahushua kulaafwaafwi. Cuusisya ncakuti, bunji bwabantu balakaka kumvwa boobu, nokuba kunonga kasimpe aaka. Yahuwah, mulubomba Lwakwe lupati alimwi mbwabwene cizya kumbele, wakabikka nzila yakoongelezya muntu uupona uli oonse kuti ape kwiingula kukusombwa buumi butamani Kwakwe.\\nWalo uyoobelesya Myeembo eeyi kuti alete manyongwe aatalangilwi, kutegwa akaimike muntu uli oonse kuti ayingule lwiito lwa Kujulu kuti atambule cipego ca buumi butamani. Mbombubo oobo “mulumbe wa bulelo mbuyookambaukwa munyika yoonse” (Mateyo 24:14); Uyoojata maanu aamukowa wabantu boonse kwiinda mu Myeembo ya Ciyubunuzyo. Kunyina cimbi cinga cacita boobo.\\nEelyo Yahuwah nanyongana maumi aamuntu uli ooonse uupona a Nyika kwiinda muzintu zicitika eezyo ziletelezya ntenda amanyongwe, mizeezo yaboonse iyoojulwa kuti iteelele mulumbe uutamani kwaciindi cini camamanino. Ooku kuzungaana kwa nyika, kuyoosika kaindi kasyoonto kumbelaa kulila Myeembo ili Ciloba, akumvwikisya kumuntu uli oonse uupona anyika eeyi. Ciyooba citondezyo citadoneekwi kubantu boonse kuti Julu liyanda kujata mizeezo yamukowa wabantu.\\n“Amucite oobo nkaambo mulicizyi mbocibede ciindi ncotupona, lino nceciindi cakusinsimuka kuzwa kuŋonzi: mbwaanga lufwutuko lwesu lino luli afwaafwi kapati kwiinda leelyo notwakaba basyomi. Busiku bwaumbuluka; buyanda kuca. Aboobo atusamunune milimo yamudima akusama zilwanyo zyamumuni. Atweende bweelede mbuli bantu beenda sikati, ikutali mumapobwe aateendelezyegwi amubukolwi, ikutali mukoonana kutondwa amubukkale busesemya, ikutali mukuzwangana amubbivwe. Pele atulisamike Yahushua, alimwi tutani kukanzi kuzuzikizya zisusi zyanyama, kuti tucite luunyaunya lwayo.” (Ba Loma 13:11-14)","num_words":433,"character_repetition_ratio":0.059,"word_repetition_ratio":0.0,"special_characters_ratio":0.154,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 33 IBBAIB63 - Lino Jakobo wakatambya meso - Bible Search\\nMatalikilo 32 Matalikilo 34\\nJakobo mbwaakaswanaana a-Esau\\n1-Lino Jakobo wakatambya meso aakwe, wabona kuti Esau uleza abantu bali myanda yone. Abone obo, wakapambukanya bana a-Leya a-Rakele abalanda basimbi bobile. 2Nkabela balanda basimbi abana babo wakababika kunembo, musule lyabo wakabika Leya abana bakwe, musule lyabaabo wakabika Rakele a-Josefa. 3-Lino walo mwini wakainda kunembo, wakali kuya bukotama ansi ziindi zili musanu azibili mane wakasika kumukulana wakwe.\\n4-Pele Esau wakazuzaana kukumuswanganya, wamukumbata, wawida ansingo yakwe, wamumyonta. Nkabela balila. 5-Lino Esau naakatambya meso aakwe, wakabona banakazi abana, nkabela wakabuzya kuti, Ino mbobani aba mboli abo? Wakavuwa kuti, Mbaaba bana Leza siluzyalo mbaakapa mulanda wako. 6Mpawo balanda basimbi abana babo bakaswena afwaafwi, bakotama. 7Alakwe Leya wakaswena abana bakwe, bakotama. Kumanizya, bakaswena Josefa a-Rakele, bakotama. 8-Elyo Esau wakabuzya kuti, Nkokutyeni aya makamu makamu ngendakaswana? Wakavuwa kuti, Nkokujana buuya mumeso aamwami wangu. 9Esau wakuti, Ndijisi kale zinji, mwanike; kolibambila nzojisi. 10-Pele Jakobo wakati, Akaka! Na ndijene luzyalo mumeso aako, wence tambula cipo cizwa kumaanza aangu, nkaambo kubona busyu bwako kuli mbubonya mbuli kubona busyu bwa-Leza. Wanditambula kabotu. 11-Wence tambula cilumbyo cangu ncowaletelwa, nkaambo Leza wandifwida luzyalo, alimwi ndijisi zinji. Aboobo wakamukombelezya mane wakatambula.\\n12Mpawo Esau wakati, Atweende, ndakuzulwida. 13Pele wakamuvwiila kuti, Mwami wangu ulizi kuti bana mbaniini, alimwi ndijisi imbelele atjombe zinyonsya, Na bazibingisya buzuba bomwe, imbelele zyoonse zilafwa. 14-Mwami wangu aye kunembo lyamulanda wakwe, Mebo nooza bweenda kabotu kabotu, mbuli mbuzikonzya kweenda iŋombe, ambuli mbubakonzya kweenda bana, mane nkasike kumwami wangu ku-Seiri.\\n15-Lino Esau wakati, Nkusiile bamwi babantu mbondi abo, Pele wakati, Nkaambonzi? Nkajane buuya mumeso aasimalelaangu. 16Mpawo Esau wakanyampuka mubuzuba obo mbubonya kuti apiluke ku-Seiri. 17-Pele Jakobo wakaya ku-Sukoti, waakuliyakila iŋanda. Azyalo iŋombe zyakwe wakaziyakila zibaya. Nciceeco oku kuntu ncikuulikidwe izina lya-Sukoti.\\n18-Nkabela Jakobo wakasika kabotu kumunzi wa-Sekemu munyika yaKanana, naakazwa ku-Padanaramu. Wakayaka zilao zyakwe kunembo lyamunzi. 19-Nkabela cipanzi canyika mpaakayakide zilao zyakwe wakacuula kubana ba-Hamori wisi Sekemu. Wakaula amali aakesita aali mwanda. 20-Elyo wakayaka cipaililo mpoonya awo, wacuulika izina lyaElelohe-Israyeli.","num_words":316,"character_repetition_ratio":0.052,"word_repetition_ratio":0.0,"special_characters_ratio":0.182,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sara: Leza Wakamwaamba Kuti “Namalelo”\\nNgazi Yamulindizi | No. 5 2017\\nAMUBALE MU Afrikaans Albanian Amharic Arabic Armenian Aymara Azerbaijani Azerbaijani (Cyrillic) Baoule Bashkir Batak (Karo) Batak (Toba) Bengali Biak Bicol Bislama Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chokwe Chuvash Cibemba Cinyanja Croatian Czech Dangme Danish Drehu Dutch Efik English Estonian Ewe Fijian Finnish Fon French Ga Georgian German Greek Guarani Gun Haitian Creole Hausa Hebrew Hiligaynon Hindi Hmong (White) Hungarian Iban Ibanag Icelandic Igbo Iloko Indonesian Isoko Italian Japanese Javanese Kabiye Kazakh Kikamba Kikaonde Kikongo Kikuyu Kiluba Kimbundu Kinyarwanda Kirghiz Kiribati Kirundi Kisonge Kongo Korean Kurdish Kurmanji (Caucasus) Kurdish Kurmanji (Cyrillic) Kwangali Kwanyama Lingala Lithuanian Luganda Lunda Luo Luvale Macedonian Malagasy Malay Malayalam Maltese Mam Mambwe-Lungu Mauritian Creole Maya Mbunda Mizo Moore Myanmar Nahuatl (Northern Puebla) Ndebele Ndebele (Zimbabwe) Ndonga Nepali Ngangela Nias Niuean Norwegian Nyaneka Nzema Oromo Ossetian Otetela Pangasinan Papiamento (Aruba) Papiamento (Curaçao) Persian Polish Ponapean Portuguese Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Rarotongan Romanian Russian Samoan Sango Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Seychelles Creole Shona Silozi Sinhala Slovak Slovenian Solomon Islands Pidgin Spanish Sranantongo Swahili Swahili (Congo) Swati Swedish Tagalog Tahitian Tamil Tatar Tetun Dili Thai Tigrinya Tiv Tojolabal Tok Pisin Tongan Tshiluba Tsonga Turkish Twi Tzotzil Ukrainian Umbundu Urhobo Venda Vietnamese Wallisian Waray-Waray Wayuunaiki Xhosa Yoruba Zande Zulu\\nAMWIIYE LUSYOMO LWABO | SARA\\nSARA wakaleka mulimo ngwaakali kucita akuwaala meso aakwe kulaale. Kwiinda mukutobela malailile aakwe, babelesi bakwe bakajisi bubi kubeleka kumwi kabakkomene. Awalo Sara wakaluujisi kubeleka mulimo wakwe. Amweezeezye kuti ulibuwa-buwa mumaanza kumwi kawolola tunwe ambweni akaambo kakuti wali kusuma cigamba mpolyakayaukide tente mobakali kukkala. Cipaya campongo ncabelesya cilijujukide akaambo kakubalwa zuba akuugwa mvwula, calo iciyeezya Sara kuvwula kwamyaka njobapona kabali basimutuntuli. Zuba lyakali kufwambaana kweenda cakuti lino lyakasikide waalya mpolilomba moombe. Wakamubona Abrahamu * mafwumofwumo ciindi naakali kuunka, pele lino wakali kulanga kunzila njaakatozya. Naakamvwa mulumaakwe kaselemuka, wakatalika kumweta-mweta.\\nKwakaindide myaka iili kkumi kuzwa ciindi Abrahamu amukwasyi wakwe mupati nobakazabuka Mulonga wa Firate kuya mucisi ca Kanana. Cakulisungula Sara wakamugwasyilizya mulumaakwe mulweendo oolu lulamfwu lwakuunka kubusena nkobatakazyi kabotu, nkaambo wakalizyi kuti mulumaakwe wakali kuyandika kucita cintu cimwi ciyandika kapati kutegwa makanze aa Jehova azuzikizyigwe aakuti abe alunyungu amusyobo uuyandwa kapati. Pele ino walo Sara wakajisi lubazu nzi mumakani aaya? Tanaakali kuzyala pe, alimwi aciindi eeci wakajisi myaka iili 75. Ambweni wakali kulibuzya kuti, ‘Mbuti cisyomezyo ca Jehova mbocikonzya kuzuzikizyigwa kuti mebo kandicili mukaintu wa Abrahamu?’ Tacigambyi kuti naa wakali kulibilika kujatikizya makani aaya nokuba kwaalilwa kujata moyo.\\nAndiswe zimwi ziindi tulakonzya kulibuzya naa zisyomezyo zya Leza ziyoozuzikizyigwa lili. Kanji-kanji cilatukatazya kukkazika moyo, kwaambisya ciindi notulindila kuzuzikizyigwa kwacintu ncotuyandisya kapati. Ino ncinzi ncotukonzya kwiiya kulusyomo lwamukaintu ooyu uulibedelede?\\n“JEHOVA TANDIPEDE LUZYALO”\\nMukwasyi wakazwide aakulonga kuzwa ku Egepita. (Matalikilo 13:1-4) Bakakkede mubusena bwamalundu kujwe kwa Beteli, naa Luzi, kweelana ambobakali kubwiita bana Kanana. Kuzwa mumalundu aaya malamfwu, Sara wakali kukonzya kwiibona Nyika Yakasyomezyedwe. Kwakali minzi yabana Kanana alimwi amigwagwa yakali kusololela basilweendo kumasena aali kulamfwu kapati. Nokuba kuti Sara wakali kuzibona zintu eezyi, tiizyakeelene akubusena nkwaakali kuzwa. Wakakomenena mumunzi wa Uri, idolopo lyamu Mesopotamiya ilyakali kweendwa makkilomita aali 1,900. Ookuya wakasiya bacibbululu banji, zintu izyakali kukkomanisya mudolopo ilyakajisi misika azintoolo, alimwi aŋanda yakwe mbotu kapati iyakajisi ciluli abwaanda, ambweni buya amaanzi mabotu! Pele kuti Sara tumuyeeyela kuti ulangide kujwe, kayeeya zintu zibotu nzyaakasiya kwabo, nkokuti tatumuzyi kabotu mukaintu ooyu uuyoowa Leza.\\nAmubone mwaapostolo Paulo ncaakasololelwa kulemba myaka iibalilwa ku 2,000 kuzwa ciindi eeco. Kaamba zyalusyomo lwa Sara a Abrahamu, wakaamba kuti: “Ikuti nobakazumanana kuyeeya busena ooko nkobakazwide, nobakajana coolwe cakupilukila nkuko.” (Bahebrayo 11:8, 11, 15) Sara a Abrahamu kunyina nobakali kuziyeeya kapati zintu nzyobakajisi kaindi. Ikuti nobakabikkila maano kumizeezo eeyi, nobakapiluka kwabo. Pele kuti nobakazumanana kukkala ku Uri, nobakaindwa coolwe caalubazu ncaakabasyomezyede Jehova. Alimwi tacidoonekwi kuti nobakalubwa abantu muciindi cakuba zikozyanyo zibotu zyalusyomo zyalo izyabagwasya kapati bantu banji.\\nMuciindi cakubikkila maano kuzintu nzyaakasiya musyule, Sara wakabikkila maano kuzintu zyakumbele. Aboobo wakazumanana kugwasyilizya mulumaakwe noliba leelyo nobakali kulonga-longa, ikugwasya kuvwunga matente, kweenda azivwubwa alimwi akuvwungulula matente kupanga munzi alimwi. Wakazumanana kuliyumya mubuyumuyumu alimwi aciindi bukkale nobwakali kucinca. Jehova wakaciinduluka cisyomezyo cakwe kuli Abrahamu—pele kunyina ncaakaamba kujatikizya Sara.—Matalikilo 13:14-17; 15:5-7.\\nLino cakasika ciindi cakuti Sara amwaambile Abrahamu kujatikizya muzeezo ngwaakajisi. Amweezyeezye kuti uboneka kukopana kumeso ciindi naamba kuti: “Jehova tandipede luzyalo.” Mpoonya wakalomba mulumaakwe kuti amuzyalile bana kwiinda mumubelesi wakwe, Hagare. Amuyeeye buyo Sara mbwaakakopene kusika antaamu yakulomba mulumaakwe cintu cili boobu! Kulomba cintu cili boobo inga kwatugambya mazuba aano, pele mumazuba aayo cakali buyo kabotu kumwaalumi kukwata mukaintu wabili, naa kuba amwanakasuwa kutegwa azyale simulyazina. * Sena Sara wakali kuyeeya kuti kwiinda mukucita boobu makanze aa Leza aakuba acisi calunyungu lwa Abrahamu akali kuyoozuzikizyigwa? Kufwumbwa naa cakali buti, wakalilyaabide kucita cintu eeci cikatazya kapati. Ino Abrahamu wakacita buti? Tubala kuti “wakaswiilila ncaakaamba [Sara].”—Matalikilo 16:1-3.\\nSena magwalo atondezya kuti Jehova nguwakakulwaizya Sara kulyaaba kucita cintu cili boobu? Peepe. Muciindi caboobo, muzeezo ngwaakapa utondezya mbobazilanga zintu bantu. Wakali kuyeeya kuti Leza nguwakapa kuti apenge boobu, alimwi kunyina naakali kuyeeya kuti wakajisi muzeezo uumbi wakumana penzi eeli. Nzila njaakali kuyanda kubelesya Sara yakali kukonzya kumuletela macise alimwi amapenzi. Nokuba boobo, muzeezo ngwaakapa wakatondezya kuti wakajisi bube bubotu bwakutaliyanda. Munyika eeyi bantu banji mobabikkila buyo maano kuyanda kuba kumbele lyabamwi, sena bube bwakutaliyanda mbwaakatondezya Sara tabugambyi? Ikuti twalyaaba kubikka makanze aa Leza kumbele muciindi cazintu nzyotuyandisya, nkokuti tuyoolwiiya lusyomo lwa Sara.\\nTiilyakalampa, Hagare wakamita kuli Abrahamu. Ambweni wakali kuyeeya kuti kumita kwakwe kwakapa kuti alimvwe kuti ulayandika kapati kwiinda Sara, Hagare wakatalika kusampaula namalelo wakwe. Eelo kaka eeci cakamutyompya kapati Sara walo iwatakali kuzyala! Kwiinda mukulaililwa a Leza alimwi akuzumizyigwa a Abrahamu, Sara munzila iitaambidwe kabotu wakamutanda Hagare. Hagare wakazyala mwana musankwa wazina lya Isimayeli, mpoonya kwakainda myaka iili mbwiibede. (Matalikilo 16:4-9, 16) Lweendo lwakatobela nobakatambula mulumbe kuzwa kuli Jehova, Sara wakajisi myaka iili 89 mpoonya mulumaakwe wakajisi myaka iili 99. Eelo kaka wakali mulumbe uugambya ngobakatambula!\\nAlimwi Jehova wakasyomezya mulongwe wakwe Abrahamu kuti uyoomuyungizizya lunyungu lwakwe. Kuyungizya waawo, Leza wakalicinca zina lyamwaalumi ooyu. Kusikila aciindi eeci, wakali kwiitwa kuti Abramu. Pele Jehova wakamucinca zina akumuulika kuti Abrahamu, lyalo lyaamba kuti, “Usyi wa Makamu.” Aciindi eeci, Jehova wakatondezya lino lubazu ndwaakajisi Sara mumakani aaya. Wakalicinca zina lyakuti Sarai, lyalo ambweni ilyakali kwaamba “Mazwanga,” akumuulika kuti Sara, izina ndyotuzyibide kapati toonse. Ino zina lyakuti Sara lyaamba nzi? Lyaamba kuti, “Namalelo”! Jehova wakapandulula ikaambo ncaakasalila zina eeli lyamukaintu ooyu uuyandwa kapati naakati: “Ndiyoomulongezya alimwi ndiyookupa mwana musankwa kwiinda mulinguwe; ndiyoomulongezya alimwi uyooba misyobo minji; bami bamisyobo bayoozwa mulinguwe.”—Matalikilo 17:5, 15, 16.\\nCizuminano ca Jehova cakuba alunyungu ilwakali kuyoolongezya misyobo yoonse cakali kuyoozuzikizyigwa kwiinda mumwana wa Sara! Zina Leza ndyaakasala kupa mwana musankwa, lyakuti Izaka, lyaamba “Kuseka.” Ciindi Abrahamu naakamvwa makanze aa Jehova aakulongezya Sara kuti abe amwana wakwe uumugeme, “wakavwuntama ansi akutalika kuseka.” (Matalikilo 17:17) Wakagambwa akukkomana kapati. (Baroma 4:19, 20) Ino mbuti walo Sara mbwaakalimvwa?\\nTiilyakalampa, baalumi botatwe batazyibidwe kabotu bakaboola kutente lya Abrahamu. Cakali ciindi camasyikati kalibala zuba, pele banabukwetene aaba bacembeede bakaunka kuyoobatambula beenzu cakufwambaana. Abrahamu wakaambila Sara kuti: “Fwambaana! Leta zipimyo zyotatwe zyafulaulu, uukande akupanga zinkwa.” Kaindi, kusamausya beenzu wakali mulimo mupati. Abrahamu taakwe naakalekela kuti mukaintu wakwe abeleke milimo yoonse alikke; aboobo wakaunka kuyoojaya mupoho uucili mwana alimwi akujika zyakulya zimbi akubamba zyakunywa. (Matalikilo 18:1-8) “Baalumi” aaba bakali bangelo ba Jehova! Kulangilwa kuti mwaapostolo Paulo wakali kuyeeya kaambo aaka ciindi naakalemba kuti: “Mutalubi kusamausya beenzu, nkaambo bamwi kwiinda mukucita boobo, cakutazyiba bakatambula bangelo.” (Bahebrayo 13:2) Sena inga tiimwaiya cikozyanyo cibotu cakusamausya beenzu ncobakatondezya ba Abrahamu a Sara?\\nSara wakali kukukkomanina kusamausya beenzu\\nCiindi mungelo umwi naakainduluka kwaamba cisyomezyo ca Leza kuli Abrahamu icijatikizya Sara kuti uyoozyala mwana musankwa, walo tanaakaliko aawo, wakali mutente lyakwe kaswiilila nzyobakali kwaamba. Naakamvwa makani aakuti wakali kuyoozyala mwana aciimo cakwe cakamugambya kapati cakuti wakaalilwa kulijata aboobo wakaile kulisekela akwaamba kuti: “Oobu mbundacembaala alimwi awalo simalelaangu mbwaaba mudaala, sena masimpe inga kwaba cindikonda cili boobu?” Mungelo wakamululamika Sara kwiinda mukubelesya mubuzyo wakuti, “Sena kuli cintu cikonzya kumwaalila kucita Jehova?” Ncaakacita Sara tacigambyi pe. Wakoompolola kuti: “Kunyina nindaseka pe!” Mpoonya mungelo wakaamba kuti: “Inzya! Waseka.”—Matalikilo 18:9-15.\\nSena kuseka kwa Sara bwakali bumboni bwakuti wakanyina lusyomo? Peepe. Bbaibbele lyaamba kuti: “Akaambo kalusyomo awalo Sara wakatambula nguzu zyakumita lunyungu, nokuba kuti wakaliindide aciimo cakuzyala bana, nkaambo wakabona yooyo wakasyomezya kuti ulasyomeka.” (Bahebrayo 11:11) Sara wakalimuzyi Jehova; wakalizyi kuti ulakonzya kuzuzikizya cisyomezyo cili coonse ncaakasyomezya. Ino nguni akati kesu uutayandi kuba alusyomo luli boobu? Cilayandika kumuzyiba kabotu Leza mukamwini Bbaibbele. Mbotuyaabucita boobo, tulakonzya kubona kuti Sara wakaliluzi kuba alusyomo oolo ndwaakajisi. Masimpe Jehova ulasyomeka alimwi ulazuzikizya cisyomezyo cakwe cili coonse, zimwi ziindi ulakonzya kucita oobo munzila ikonzya kutugambya naa munzila njotutakonzyi kusyoma!\\nJehova wakamulongezya Sara akaambo kakusyomeka kwakwe\\nKajisi myaka iili 90, Sara lino wakakkomana kuba acintu ncaakali kulangila mubuumi bwakwe. Sara wakamuzyalila mwana musankwa mulumaakwe, aciindi eeci iwakajisi myaka iili 100. Abrahamu wakamuulika zina mwana lyakuti Izaka naa “Kuseka” kweelana a Leza mbwaakaambide. Tulakonzya kweezeezya Sara kalemede pele kumwi kakkomene ciindi naakali kwaamba kuti: “Leza wandipa kuseka; kufwumbwa uuyakwaamvwa makani aaya awalo uyooseka.” (Matalikilo 21:6) Tacidoonekwi kuti cipego eeci camaleele icakazwa kuli Jehova cakamuletela kukkomana mane kusikila naakafwa. Nokuba boobo, cipego eeci alimwi cakamuletela mukuli mupati.\\nCiindi Izaka naakajisi myaka yosanwe, mukwasyi wakaba apobwe lyakulesyegwa kunyonka kwamwana ooyu. Pele zintu tiizyakeenda kabotu pe. Tubala kuti Sara “wakali kubona” bukkale butali kabotu. Isimayeli, mwana wa Hagare iwakajisi myaka iili 19 wakali kufwubaazya mwana musyoonto Izaka. Kufwubaazya ooku tiikwakali kwakusobana buyo. Mukuya kwaciindi, mwaapostolo Paulo wakasololelwa amuuya kwaamba bukkale bubyaabi bwa Isimayeli. Sara wakabona kufwubaazya ooku ncokwakali kupandulula: yakali ntenda mpati kubuumi bwamwanaakwe. Sara wakalizyi kabotu-kabotu kuti Izaka tanaakali mwana-mwana buyo; wakajisi mukuli mupati mukuzuzikizyigwa kwamakanze aa Jehova. Aboobo cabusicamba wakamwaambila Abrahamu cakutainda mumbali. Aboobo Sara wakalomba Abrahamu kuti atande Hagare alimwi a Isimayeli.—Matalikilo 21:8-10; Bagalatiya 4:22, 23, 29.\\nIno Abrahamu wakacita buti? Tubala kuti: “Makani aaya ngaakaamba kujatikizya mwana akamubijila kapati Abrahamu.” Wakali kumuyanda kapati Isimayeli, aboobo tanaakalibikkila maano penzi lyakaliko. Nokuba boobo, Jehova wakabona bwini mbwaakabede makani, aboobo wakaanjilila. Tubala kuti: “Mpoonya Leza wakati kuli Abrahamu: ‘Utanyemi pe kumakani ngaakwaambila Sara kujatikizya mwana mulombe amubelesi wako musimbi. Komuswiilila, nkaambo iluyootegwa ndunyungu lwako luyoozwa muli Izaka.’” Jehova wakasyomezya Abrahamu kuti Hagare alimwi amwana bakali kuyoolanganizyigwa. Mwaalumi usyomeka Abrahamu wakamvwida.—Matalikilo 21:11-14.\\nSara wakali mukaintu wini-wini wa Abrahamu, imugwasyi ncobeni. Mulumaakwe tanaakali kumwaambila buyo kufwumbwa tuntu tutayi koomoonga. Ciindi naakabona penzi, lyalo ilyakali kuujatikizya mukwasyi alimwi abuumi bwabo bwakumbele, wakamwaambila mulumaakwe cakutainda mumbali. Ikwaamba kwakwe cakutainda mumbali takukonzyi kwaambwa kuti wakanyina bulemu. Mubwini, mwaapostolo Petro, walo iwakakwete, mukuya kwaciindi wakaamba cikozyanyo cibotu ca Sara cakuba mukaintu iwakali kumulemeka kapati mulumaakwe. (1 Bakorinto 9:5; 1 Petro 3:5, 6) Cakutadooneka, ikuti Sara naakaumuna buyo kujatikizya makani aaya, naakaalilwa kumulemeka Abrahamu nkaambo walo alimwi amukwasyi woonse nobakasweekelwa cintu cipati kapati. Caluyando, Sara wakazyaamba izyakeelede kwaambwa.\\nBamakaintu banji balacikkomanina cikozyanyo ca Sara. Kuzwa kulinguwe balaiya mbobakonzya kubandika abamalumi babo cakwaanguluka alimwi acabulemu. Zimwi ziindi, bamakaintu bamwi balakonzya kulombozya kuti Jehova anjilile mumakani aamwi mbubwenya mbuli mbwaakacita kuli Sara. Nokuba boobo, balalwiiya lusyomo lwa Sara lulibedelede, luyando, alimwi akukkazika moyo kwakwe.\\nJehova wakaita Sara kuti “Namalelo,” pele tanaakali kulangila kuti ulakonzya kulanganizyigwa mbuli mwana wamumukwasyi wamwami\\nNokuba kuti mukaintu ooyu uuyandwa wakaulikwa kuti “Namalelo” a Jehova lwakwe, tanaakali kulangila kuti ulakonzya kulanganizyigwa mbuli mwana wamumukwasyi wamwami. Aboobo tacigambyi kuti ciindi naakafwa kajisi myaka iili 127, Abrahamu, “wakoomoka akumulila Sara.” * (Matalikilo 23:1, 2) Wakamuzimba kapati “Namalelo” wakwe uuyandwa. Cakutadooneka, Jehova Leza awalo ulimuzimbide kapati mukaintu ooyu uusyomeka—alimwi ukanzide kuyoomubusya muparadaiso anyika. Buumi butamani alimwi bukkomanisya bulamulindila Sara—antoomwe abaabo boonse ibaiya lusyomo lwakwe.—Johane 5:28, 29.\\n^ munc. 3 Banabukwetene aaba kaindi bakali kwiitwa kuti Abramu alimwi a Sarai kusikila ciindi Leza naakaacinca mazina aabo, pele kutegwa cituubile-ubile, tulabelesya mazina aazyibidwe kapati.\\n^ munc. 10 Kuciindi eeco, Jehova wakali kukuzumizya kukwata maali alimwi akuba abamwanakasuwa, pele mukuya kwaciindi wakalailila Jesu Kristo kuti aayinduluke makanze aa Leza aakusaanguna aacikwati ngaakatalisya mumuunda wa Edeni aakukwata buyo mukaintu omwe.—Matalikilo 2:24; Matayo 19:3-9.\\n^ munc. 25 Sara ngomukaintu alikke uulaamyaka yaambidwe mu Bbaibbele ciindi naakafwa.\\nAbrahamu​—“Usyi Wabaabo Boonse Bajisi Lusyomo”\\nMbuti Abrahamu mbwaakatondezya lusyomo? Muunzila nzi momuyanda kwiiya lusyomo lwa Abrahamu?\\nMAKANI AAYEEME AMUTWE UULI ACIVWUMBYO Bangelo​—Sena Kuli Mbobakonzya Kubujatikizya Buumi Bwanu?\\nMAKANI AAYEEME AMUTWE UULI ACIVWUMBYO Makani Aamasimpe Kujatikizya Bangelo\\nMAKANI AAYEEME AMUTWE UULI ACIVWUMBYO Sena Mulijisi Mungelo Uumukwabilila?\\nMAKANI AAYEEME AMUTWE UULI ACIVWUMBYO Sena Kuli Bangelo Babi?\\nMAKANI AAYEEME AMUTWE UULI ACIVWUMBYO Mbobakonzya Kumugwasya Bangelo\\nIBBAIBBELE LILAKONZYA KUBACINCA BANTU Ndakali Kusyoma Kuti Leza Tako\\nAMWIIYE LUSYOMO LWABO Leza Wakamwaamba Kuti “Namalelo”\\nMabala Amusale naa muyanda kukkopa zyakamwaigwa NGAZI YAMULINDIZI No. 5 2017 | Bangelo​—Sena Nkobali Ncobeni? Ino Batujatikizya Buti?\\nNo. 5 2017 | Bangelo​—Sena Nkobali Ncobeni? Ino Batujatikizya Buti?\\nNGAZI YAMULINDIZI No. 5 2017 | Bangelo​—Sena Nkobali Ncobeni? Ino Batujatikizya Buti?","num_words":1997,"character_repetition_ratio":0.047,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ndili Muntu Uuli Biyeni?\\nKuliziba mbubede akuziba nzuyanda kuyookugwasya kuti usale chabusongo chiindi beenzinyokwe nibayanda kukweena.\\nYeeya eezi: Bubotu kali amaminiti mache biyo kali kupaati wamvwa jwi lyamuntu ngwazi kaliti:\\nBubotu wacheba mpawo wabona Twabotelwa kajisi mabbodela aabili ajulidwe. Bubotu waziba kuti mbukande. Twabotelwa watambikizya Bubotu bbodela limwi, mpawo wamubuzya kuti, “Twakomena, nchichiindi chakuti tubotelwe.”\\nBubotu wayeeya kukaka pesi tayandi pe kunyemya mweenzinyina. Alubo Twabotelwa uchita zintu zilikabotu. Pesi kuti we kanywa chaamba kuti taakwe chibi pe. Bubotu walibuzya kuti ‘nkulikondelezya luzutu alubo kunywa bukande kulisiyene akubelesya madrugs.’\\nKaansinga nduwe Bubotu, walikunoochita biyeni?\\nKuti ukonzye kusala chabusongo muchiimo chili boobu, weelede kuliziba mbubede. Kuliziba mbubede chaamba kuziba zili mumoyo wako akuziba zintu nzusyoma. Kuti waliziba mbubede, ziyookugwasya kuti ulisalile zyakuchita kutali kusalilwa aabamwi.—1 BaKorinto 9:26, 27.\\nNiinzi chikonzya kukugwasya kuti ulisimye? Kusandula mibuzyo iitobela kulakonzya kukugwasya.\\nNZIIZILI ZINTU NZINDIKONZYA KUCHITA?\\nKuziba bube bwako azintu nzukonzya kuchita kuyookugwasya kuti ukakatile kuzintu nzusyoma.\\nCHIKOZYANO CHILI MUBBAYIBBELE: Mwaapostolo Pawulu wakalemba kuti: ‘Nikuba kuti tandikonzyi kwaambuula, pesi ndilaaluzibo.’ (2 BaKorinto 11:6) Akaambo kakuti wakali kwaamvwisisisya Magwalo, Pawulu wakakatila kuzintu nzyaakali kusyoma nikuba chiindi bantu nibakali kumusunka. Taakazumizya masunko kuti anyonganie lusyomo lwakwe.—2 BaKorinto 10:10; 11:5.\\nLILANGE-LANGE: Mumyeenya iili aansi aawa, lemba chipo nchulaacho naakuti zintu nzukonzya kuchita.\\nLemba bube mbuli aabo. (Muchikozyano, ubabikkila maanu na bamwi? ulabagwasya na bamwi? ulasyomeka na? naakuti ulachibamba na chiindi?)\\n2 NZIIZILI ZINTU NZINDITACHITI KABOTU?\\nMbukunga kapanzi kamwi kancheni katasimide kapa kuti yoonse itasimi, mbukubede akulindiswe, kukkala katuyeeya zintu nzitutakonzyi kuchita kulakonzya kunyongania bube bwesu azintu nzituchita.\\nCHIKOZYANO CHILI MUBBAYIBBELE: Pawulu wakalizizi zintu nzyaakatali kuchita kabotu. Wakaamba kuti: “Nkaambo ndakondelwa Mulao wa-Leza mukati kamoyo wangu, pele ndabona mulao umbi muzizo zyangu, uulwisya mulao wamoyo wangu, nkabela ndaba mwaange wamulao wazibi uuli muzizo zyangu.”—BaRoma 7:22, 23.\\nLILANGE-LANGE: Nziizili zintu nzuyelede kubambulula?\\n3 NZIIZILI ZIPEEKEZYO ZYANGU?\\nKujana wahaya taxi na mpawo wabuzya sikwiiyenzya kuti kalikuzyunguluka ng’anda kusikila moota imane mafuta? Oobu mbufuba-fuba akusaanisya mali!\\nChiiyo: Zipeekezyo zipa kuti uzibe nzuyanda kuchita mubuumi bwako kutali kuzyunguluka andawu iimwi. Alubo zikugwasya kuti ubambe nzuyanda kuchita akuzizuzikizya.\\nCHIKOZYANO CHILI MUBBAYIBBELE: Pawulu wakalemba kuti: ‘Nsichijaani mbuuli kuti nsikuzi nkundiya.’ (1 BaKorinto 9:26) Pawulu wakalibikkila zipeekezyo alubo wakapona kweendelana anzizyo, eezi zyakapa kuti ateenwi abeenzinyina.—BaFilipi 3:12-14.\\nLILANGE-LANGE: Mumyeenya ili aansi aawa, lemba zipeekezyo zitatu nzuyanda kuzuzikizya munyaka kutanamana.\\n4 NZIIZILI ZINTU NZINDISYOMA?\\nKuti waliziba chachoonzyo, uyooba mbuli munsamu ulamiyanda iinikide utakonzyi kuwa nikuba kuti kwaba guwo pati\\nKuti kutakwe zintu nzusyoma kulakuyumina kusala. Ulakonzya kuba mbuuli chamuntambwe, unoochincha-chincha kweendelana abantu mbulaabo, eezi zitondeezya kuti tulizi pe mbubede.\\nKuti wapona kweendelana azintu nzusyoma, uyookakatila kulinzizyo nikuba bamwi kabali kuchita zintu nzibayanda.\\nCHIKOZYANO CHILI MUBBAYIBBELE: Naakali mukubusi, Daniyele “wakalibeteka mumoyo wakwe” kuti atobele milawu yaLeza nikuba kuti wakali kule abamumpuli yakwe. (Daniele 1:8) Eezi zyakamugwasya kuti akakatile kuzintu nzyaakazi. Daniyele wakali kupona kweendelana azintu nzyaakali kusyoma.\\nLILANGE-LANGE: Nziizili zintu nzusyoma? Muchikozyano: Ulasyoma na kuti Leza mpali? Kuti kakuli boobo, nkamboonzi? Mbuubuli bumboni bukupa kuti usyome kuti mpali choonzyo?\\nUlasyoma na kuti zyeelelo zyaLeza zigwasya nduwe? Kuti kakuli boobo, nkamboonzi?\\nUyanda kuba muntu uuli biyeni, uli mbuuli tu linga liyobupupululwa luzutu kuti kwaba kawuwo na, naakuti uyooba mbuli munsamu uli amiyanda iinikide utawisigwi aguwo pati? Kuti waliziba kabotu, ulakonzya kuba mbuuli munsamu ooyu. Alubo eezi zilakonzya kukugwasya kuti usandule mubuzyo wakuti, Ndili muntu uuli biyeni?\\nLanga zipeekezyo nzwaalemba aamubuzyo wachi 3. Aachipeekezyo chimwi achimwi lemba nchuyanda kuchita mumweezi uuno.","num_words":511,"character_repetition_ratio":0.061,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 24 IBBAIB63 - Lino wakaambila Musa kuti, - Bible Search\\nKulonga 23 Kulonga 25\\nMusa abapati mbubakatanta cilundu ca-Leza\\n1-Lino wakaambila Musa kuti, Amutante nkwabede Jehova, yebo a-Aroni a-Nadabu a-Abihu abapati ba-Israyeli bali makumi aali musanu aabili, mukombe kulaale. 2Musa alike nguelede kuswena afwaafwi kuli-Jehova. Bamwi batasweni afwiifwi pe, abalo bantu tabeelede kumusindikila.\\n3Mpawo Musa wakaakulwiida bantu majwi oonse aa-Jehova, ambeta zyoonse, nkabela bantu boonse bakavuwa ajwi lyomwe, bati, Makani oonse Jehova ngaamba tulaacita. 4-Lino Musa wakalemba majwi oonse aa-Jehova. Nkabela nebwakaca, wakafumina kuyooyaka cipaililo munsi acilundu, amisumpululu iili ikumi aibili mbubonya mbuli mweelwe wamisyobo yabana ba-Israyeli. 5Lino wakatuma bamwi balombe babana ba-Israyeli kuyoopaizya zipaizyo, nkabela bakatuulila Jehova iŋombe, zibe zipaizyo azituuzyo zyakutontozya. 6-Lino cisela cabulowa, Musa wakacibweza akucibika mumutiba, acimwi cisela wakacisansaila acipaililo. 7Mpawo wakabweza ibbuku lyacizuminano akulibala mumatwi aabantu, Nkabela bakaamba kuti, Coonse Jehova ncaamba, tulacicita, tulaswiilila. 8-Elyo Musa wakabweza bulowa, wabusansaila abantu, wati, Amubone! Mboobu bulowa bwacizuminano Jehova ncatangene anywebo mbuli majwi aya oonse.\\n9Mpawo Musa a-Aroni, Nadabu a-Abihu, abapati bali makumi aali musanu aabili babana ba-Israyeli, bakatanta, 10-nkabela bakabona Leza wa-Israyeli. Kunsi lyamaulu aakwe kwakabonwa mbuli cibuye camabwe casafiri, cisalala mbuli kujulu kwini. 11-Takwakabika maanza aakwe kubapati abo baba-Israyeli pe. Bakabona Leza, alimwi bakaiya akunywa.\\n12-Mpawo Jehova wakaambila Musa kuti, Tanta kulindime kucilundu, nkakupe zilembelo zyamabwe, amulao amilazyo njendembede kukubaiisya. 13-Elyo Musa wakanyamuka a-Joshua similimo wakwe, nkabela Musa wakatanta kucilundu kuli-Leza. 14Wakaambila bapati kuti, Amutulindile okuno mane tuboole kulindinywe. Amubone! Aroni a-Huri mpobali; uujisi makani aatole kulimbabo.\\n15-Mpawo Musa wakatanta acilundu, nkabela ijoba lyakavumba cilundu. 16-Bulemu bwa-Jehova bwakalikede acilundu ca-Sinai, ajoba lyakalicivumbide mazuba aali musanu abumwi, elyo mubuzuba bwamusanu aabili wakaita Musa mujoba. 17-Nkabela bulemu bwa-Jehova atala acilundu bwakaboneka mumeso aabana ba-Israyeli mbuli mulilo uuyakisya. 18-Elyo Musa wakanjila mujoba. Wakatanta acilundu, nkabela Musa wakakala awo acilundu mazuba aali makumi one isikati amasiku.","num_words":286,"character_repetition_ratio":0.068,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mulindi Wantolongo Wakayiisigwa Kasimpe aPawulu aSila | Zyiiyo Zyabana Zizwa muBbayibbele\\nKuFilipi, kwakali umwi musimbi muzike wakali adimoni. Musimbi ooyo wakali kubelesegwa adimoni lyakusonda alimwi mbaakali kubelekela bakali kujana mali nyingi kwiinda muli nguwe. Kwamazuba miingi, wakali kutobela Pawulu aSila, nibakasika kuFilipi. Dimoni eelyo lyakapa kuti awompolole kati: “Aba bantu mbazike ba-Leza, Sijulu lyamajulu.” Kumamanino, Pawulu wakabuzya dimoni eelyo kuti: ‘Muzina lyaJesu kozwa mulinguwe!’ Mpawo dimoni lyakazwa kumisimbi ooyo.\\nMbaakali kubelekela musimbi ooyo, bakanyema nibakabona kuti tabachijani mali kwiinda mulinguwe. Bakatola Pawulu aSila kubabetesi akubuzya babetesi kuti: ‘Bantu aba balikutyola mulawu akunyongania muunzi woonse!’ Babetesi bakalayilila kuti Pawulu aSila bawumwe akuti babikkwe muntolongo. Mulindi wantolongo wakababikka muntolongo yamukati yakali amudima uuyoosya alimwi wakabaangilila zisamu zibili zilemu.\\nBamwi basungwa bakali kuswiilila chiindi Pawulu aSila nibakali kwiimba kabatembawula Jehova. Akati kamansiku, kwakaba muzuzumo wanyika mupati wakazungania ntolongo kuzwa aansi kusika kujulu. Milyango yantolongo yakajulika alimwi nkentani zyabasungwa zyakaangunuka. Mulindi wantolongo wakachijaana kaya kuntolongo alimwi wakajana milyango ilijulidwe. Kayeeya kuti basungwa boonse bachija, wakabweza panga kuti alijaye.\\nKuchiindi nchicheecho, Pawulu wakoompolola kati: ‘Utalichisi pe! Mputuli!’ Mulindi wantolongo wakachijaana akuyoofugamina Pawulu aSila. Wakabuzya kuti: “Ino ndicitenzi kuti ndifutulwe?” Bakamubuzya kuti: ‘Iwe abamung’anda yako mweelede kusyoma muli Jesu.’ Kuzwa waawo, Pawulu aSila bakamuyiisya makani ali atala aJehova, mpawo mulindi wantolongo abamumpuli yakwe boonse bakabbabbatizigwa.\\n“Bayoomujata amaanza aabo, bamupenzye, bamwaabe kuzikombelo akumatolongo, bamusisya kubami akubeendelezi nkaambo kazina lyangu. Kuyooba bukamboni kulindinywe.”—Luka 21:12, 13\\nMibuzyo: Nkamboonzi Pawulu aSila nibakabikkwa muntolongo?\\nMulindi wantolongo wakakayiya biyeni kasimpe?","num_words":229,"character_repetition_ratio":0.08,"word_repetition_ratio":0.0,"special_characters_ratio":0.151,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bakamboni ba Jehova Muzisi Zyaku Asia Alimwi Azyaku Middle East\\nMWEELWE WABANTU 4,464,374,770\\nZIIYO ZYA BBAIBBELE 771,272\\nKwiinda Mukubandika Amuntu Omwe Banji Bakazumina Kwiiya\\nMucisi ca Philippines, ba Jonathan bakali kulindila kuti babonane adokota kweelana ambobakapangana. Ciindi mukaintu uutambula beenzu naakabona mbobakali kulibonya kabotu ba Jonathan, wabakamubuzya naa bakali baiminizi bakkampani ya insyuwalansi. Ba Jonathan bakamwaambila kuti bakali umwi wa Bakamboni ba Jehova alimwi akuti bakaunkide kuyoogwasya Kamboni umwi iwakacisidwe. Ba Laila, imukaintu iwakali kutambula beenzu, wakaambila ba Jonathan kuti, bausyi balo ibakafwa caino-ino, bakali kwaabala mamagazini aa Ngazi Yamulindizi lyoonse. Ba Jonathan bakabalila mukaintu ooyu lugwalo lwa Johane 5:28, 29 akumupa katulakiti kakuti Ino Bayandwa Bafwide Bajisi Bulangizinzi?\\nPhilippines: Ba Jonathan bakakambaukila mukaintu uutambula beenzu\\nMazuba ngobakali kuunka kucibbadela, bakali kubatolela ba Laila mabbuku alimwi bakabatondezya mucizyi walo iwakatalika kubayiisya Bbaibbele. Tiilyakalampa, bantu boonse mbobakali kukkala limwi aba Laila nkokuti balumi babo, mwanookwabo musimbi, alimwi abanyina, boonse bakatalika kwiiya Bbaibbele abalo.\\nBa Rose, simukobonyina aba Laila, bakaboola kuli ba Laila kubuzya kaambo ncobakali kutambula beenzu banji kapati aŋanda yabo. Ba Laila bakapandulula kuti bakali kwiiya Bbaibbele a Bakamboni ba Jehova. Icakacitika ncakuti, abalo ba Rose bakatalika kwiiya Bbaibbele, alimwi ciindi nobakaswaya musyoonto wabo musimbi mucooko cokwabo, calukkomano bakaambila musyoonto wabo kujatikizya zintu nzyobakali kwiiya. Musyoonto wabo musimbi wazina lya Abigail, wakaliyandide kapati kuzyiba zintu nzyaakamvwa aboobo, wakalomba ciiyo ca Bbaibbele. Banyina baba Rose abalo bakazumina kwiiya Bbaibbele.\\nBa Laila bakabbapatizyigwa lyamuswaangano wacooko wainda. Abalo banyina bakabbapatizyigwa. Basimukobonyina ba Rose, alimwi amusyoonto waba Rose musimbi bakabbapatizyigwa mwaka wamana. Banyina baba Rose lino balajanika kumiswaangano lyoonse. Alimwi abamukwasyi waba Laila bamwi bazumanana kwiiya Bbaibbele. Zyoonse eezyi zyakacitika kwiinda mukubandika amuntu omwe kucibbadela!\\nKubelesya Mincini Iisumpukide Kusikila Bantu Basinke Matwi\\nCilawo cibelesya mwaambo wakutambaika ku Sri Lanka lino ciyaabukomena. Mumwaka wa 2015, Bakamboni bakajisi buyo makkeyala aabantu basinke matwi aatasiki ku 80, alimwi makkeyala aayo akalembedwe atupepa. Kuzwa leelyo, mbungano yakusaanguna iibelesya mwaambo wakutambaika waku Sri Lanka yakapangwa alimwi bakabikka mazina aabantu bali 420 basinke matwi mukkompyuta alimwi amakkeyala aatondezya mumasena mobakkala (GPS). Bakwesu bacikonzya kubandika cacigaminina naa kubelesya video chat naa kubatumina tugwalo kubelesya tuncini abantu aabo batandila ku 80 pesenti. Bamisyinali banabukwetene, bakati: “Lino tulakonzya kubapa zilawo mobakonzya kubelekela basikumwaya basinke matwi. Zintu kazitanaba boobu, bakali kukonzya buyo kuswaya bantu basinke matwi mbobakazyi.”\\nKulumbwa Awalupati-pati Wamfwulumende\\nBakwesu ku Mongolia balatola lubazu cabusungu mumulimo waalubazu wakukambauka kubuleya noliba leelyo nokutontola kapati kusika a -30°C. Walupati-pati wamfwulumende umwi wakabweza mabbuku ali kakubikkila mabbuku kakukuba mpoonya wakazikulemba kagwalo kakulumba. Wakalemba kuti: “Mebo ndili mu Bbuda. Pele ndakalanga-langa amakani aajatikizya zikombelo zimwi, nkaambo ndisyoma njiisyo yakuti tatweelede buyo kutobela nzila yomwe pele tuleelede kulanga-langa azimbi. Nondakamana kubala mabbuku aamwi ngomwakamwaya, ndayeeya kuti ndilembe lugwalo kutondezya mbondilimvwa. Ndabona masimpe kuti mwakatola ciindi cilamfwu alimwi mwakabeleka canguzu kapati kutegwa mulembe mulumbe uugwasya. Kaambo kamwi nkondakaiya kuzwa mumabbuku aanu nkakuti Bbaibbele ndibbuku lyeelede kubalwa amuntu uuli woonse. Bbuku eeli lijisi kasimpe. Bbaibbele lilatupa busolozi bwini-bwini mubuumi bwesu. Aboobo ndilabalumba aabo boonse babeleka canguzu kusandulula mabbuku muci Mongolian. Alimwi ndilabalumba abalo aabo baabila mabbuku kubantu kutegwa bagwasyigwe noliba leelyo nokutontola kapati naa nokupya kapati.”\\nMongolia: Kukambauka kubuleya ciindi nokutontola\\nMupailo Wabo Wakaingulwa\\nKu Hong Kong, mukwesu mupainiya wazina lya Brett wakaswaanganya mwaalumi uujisi myaka iitandila ku 30 alimwi akumwaabila katulakiti kakuti Ncinzi Cikonzya Kupa Kuti Kube Lukkomano Mumukwasyi? Naakakabona katulakiti aaka, mwaalumi ooyu yakamweenda misozi. Wakapandulula kuti wakakomenena mukasimpe, pele naakajisi myaka iili 16, wakazwa aŋanda. Mumyaka yosanwe yakatobela, wakali kukkala mumigwagwa alimwi wakaba acilengwa cakubelesya misamu iikola kusikila ciindi naakajanwa alimwi akugwasyigwa akabunga kamwi kapa lugwasyo.\\nWakazumanana kwaamba kuti mafwumofwumo aayo ngaakaswaanganya mukwesu ooyu, wakapailide kuti: “Ikuti naa cikombelo ncondakali kunjila kandicili mwana ncakasimpe, ndalomba undipe citondezyo sunu.” Wakalimvwa kuti mupailo wakwe waingulwa. Boonse bobilo bakaunka kucintoolo nkobasambala kkofi kwalo nkobakalanga-langa makani aali mubroshuwa yakuti Amupilukile Kuli Jehova. Akaambo kakuti mwaalumi ooyo wakeelede kupiluka ku France mubuzuba mbubwenya oobo kumangolezya, bakapedana manamba aamafooni. Mukuya kwaciindi, mwaalumi ooyo wakalembela ba Brett kuti: “Mukwesu, Jehova wayiingula mipailo yangu. Mu Nsondo ndiyakuunka ku Ŋanda ya Bwami iili afwaafwi.” Wakabandika a Bakamboni ku France alimwi wakatalika kwiiya Bbaibbele akujanika kumiswaangano.","num_words":645,"character_repetition_ratio":0.052,"word_repetition_ratio":0.0,"special_characters_ratio":0.149,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mwaami Hezekkiya Wakakwabililwa Amungelo waLeza | Zyiiyo Zyabana Zizwa muBbayibbele\\nBanaAsuri bakali kweendelezya misyobo iili kkumi yabwaami bwaIsrayeli. Nkinkaako, mwaami wabanaAsuri, Senakkeribbu, wakali kuyanda kubweza misyobo iibili yabwaami bwaJuda. Wakasaanguna kubweza imwi myuunzi yaJuda. Pesi wakali kuyanda kubweza muunzi waJerusalemu. Senakkeribbu taakazi pe kuti Jehova wakali kuukwabilila muunzi waJerusalemu.\\nMwaami wamaJuda, Hezekkiya wakapa Senakkeribbu mali nyingi loko kachitila kuti Senakkeribbu atabwezi muunzi waJerusalemu. Nikuba kuti Senakkeribbu wakapegwa mali, pesi wakatuma basilumamba bakwe balaamanguzu kuti bakalwane muunzi waJerusalemu. Bantu bamuJerusalemu bakali kuyoowa, nkaambo basilumamba babanaAsuri bakali kuza buswena afwiifwi. Mpawo Hezekkiya wakababuzya kuti: ‘Mutayoowi pe. Nikuba kuti banaAsuri balaamanguzu, pesi Jehova uyoopa kuti tube amanguzu kwiinda mbabo.’\\nSenakkeribbu wakatuma mutumwa wakwe, Rabbisakke kuJerusalemu kuti akasampawule bantu bankuko. Rabbisakke wakiimikila aanze amuunzi alimwi wakoompolola kati: ‘Jehova takonzyi kumuvuna. Mutazumini kuti Hezekkiya amweene. Taakwe leza ukonzya kumuvuna mumaanza aangu.’\\nHezekkiya wakakumbila Jehova kuti amugwasye. Jehova wakati: ‘Mutayoowi nkaambo kamajwi aambwa aRabbisakke. Muunzi waJerusalemu tukooyoowabwa mumaanza aSenakkeribbu.’ Kuzwa waawo, Hezekkiya wakapegwa magwalo akali kuzwa kuli Senakkeribbu. Magwalo aayo akali kwaamba kuti: ‘Ndipe muunzi ooyu ube wangu. Nkaambo Jehova takonzyi kumuvuna.’ Hezekkiya wakakomba kati: ‘Jehova kotuvuna, kuchitila kuti bantu boonse bazibe kuti nduwe awulikke Leza wakasimpe.’ Mpawo Jehova wakamubuzya kuti: ‘Mwaami wabanaAsuri takooyonjila mumuunzi waJerusalemu. Ndiyoowuvuna.’\\nSenakkeribbu wakali achoonzyo chakuti wakali kuyoowubweza muunzi waJerusalemu. Pesi mubusiku mbuboobo, Jehova wakatuma mungelo wakwe kuti ayinke kubusena kwakali basilumamba babanaAsuri. Mpawo mungelo wakajaya basilumamba bali 185 000! Basilumamba bamwaami Senakkeribbu bakasimide bakafwa. Nkinkaako, wakabweeda kumuunzi wakwe, nkaambo wakali wazundwa. Jehova wakakwabilila Hezekkiya amuunzi waJerusalemu, mbuli mbakaambide. Kaansinga wakaliwo kuJerusalemu muchiindi eecho, wakali kuyoosyoma Jehova na?\\n“Baangelo ba-Jehova balibazyungulukide bamuyoowa, kuti babavune.”—Intembauzyo 34:7\\nMibuzyo: Jehova wakawukwabilila biyeni muunzi waJerusalemu? Ubonaanga Jehova uyookukwabilila na?\\n2 Bami 17:1-6; 18:13-37; 19:1-37; 2 Makani 32:1-23","num_words":266,"character_repetition_ratio":0.113,"word_repetition_ratio":0.0,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Leza Ulamulanganya (Jobu 34:21)\\n“Meso aa-Leza ali kumuntu; Ulalanga ntaamo zyakwe zyoonse.”—JOBU 34:21.\\nIkuti mwana kacili muniini nkokuti nceciindi ncayandika kubikkilwa maano abazyali bakwe\\nIKAAMBO BAMWI NCOBADOONEKA: Kweelana abuvwuntauzi bwakacitwa caino-ino, mulalabungu ulakonzya kuba amapulaneti asika ku bbiliyoni yomwe. Kubona mbobuli bupati bubumbo, bantu banji cibapa kubuzya kuti, ‘Nkaambo nzi mulengi singuzuzyoonse ncakonzya kubikkila maano kuzintu nzyobacita bantu bali muciimo caansi ibali apulaneti nsyoonto kapati?’\\nNCOLIYIISYA JWI LYA LEZA: Leza tanaakatupa buyo Bbaibbele mpoonya akuleka kutulanganya. Muciindi caboobo, Jehova utusyomezya kuti: “Njookweenzya kukubika liso lyangu alinduwe.”—Intembauzyo 32:8.\\nAmuyeeye buyo kujatikizya Hagare mukaintu muna Egepita wamumwaanda wamyaka wa 20 B.C.E. Hagare tanaakali kumupa bulemu Sarai sikumunjizya mulimo. Aboobo Sarai wakamutanda mpoonya Hagare wakatija kutozya munkanda. Mbwaanga Hagare wakalubizya, sena Leza wakaleka kumulanganya? Bbaibbele lyaamba kuti: “Angelo wa-Jehova wakamujana.” Mungelo ooyu wakamuumbulizya Hagare amajwi aakuti: “Jehova ulimvwide mapenzi aako.” Mpoonya Hagare wakati kuli Jehova: “Nduwe-Leza-oondibwene.”—Matalikilo 16:4-13.\\n‘Leza uubona’ ulamulanganya andinywe. Mucikozyanyo: Muzyali mukaintu inga ulabalanganya bana bakwe bacili baniini, ikuti mwana kacili muniini nkokuti nceciindi nayandika kubikkilwa maano abazyali wakwe. Mbubwenya buyo, Leza ulatulanganya, kwaambisya ciindi notutyompedwe anotuli mubukkale bukatazya. Jehova waamba kuti: “Ndikede mubusena busalalisya busumpwidwe, pele mubombumoyo uupengede alakwe ndikede awe. Ndime uubusya muuya wamuntu uubombede akukatalusya moyo wayooyo uupengede.”—Isaya 57:15.\\nNokuba boobo, mulakonzya kulibuzya kuti: ‘Mbuti Leza mbwandilanganya? Sena ulacita oobo kwiinda mukulanga mbondiboneka, naa ulalangisisya twaambo toonse alimwi akuzyiba bwini mbondibede?’","num_words":215,"character_repetition_ratio":0.049,"word_repetition_ratio":0.0,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nobakubusi, Sena Mulabikkila Maano Kumbaakani Zyakumuuya? | Yakwiiya\\n“Kobikka milimo yako yoonse mumaanza aa Jehova, eelyo makanze aako ayoozwidilila.”—TUS. 16:3.\\nIno mbuti bakubusi mbobakonzya kugwasyigwa kwiinda mukutobela majwi aali ku Tusimpi 16:3?\\nIno nimbaakani nzi nzyobakonzya kulibikkila bakubusi?\\nIno ncinzi ciyoogwasya bakubusi kutegwa batanyonganizyigwi?\\n1-3. (a) Ino mbuyumu-yumu nzi mbobajana bakubusi boonse, alimwi ino ncikozyanyo nzi ncomukonzya kupa? (Amubone cifwanikiso icili kumatalikilo aacibalo.) (b) Ino mbuti bakubusi Banakristo mbobakonzya kuzwidilila mukuzunda buyumu-yumu oobu?\\nAMWEEZYEEZYE kuti muyanda kuunka kudolopo limwi ilili kulamfwu kutegwa mukajanike kumuswaangano uuyandika kapati. Kutegwa mukasike okuya kuyandika kweenda musinzo mulamfwu kubelesya bbaasi. Kucitisyini camabbaasi, mwanyongana kubona bantu banji basilweendo alimwi amabbaasi manji. Eelo kaka inga cabota kubikkila maano kapati kumbaakani yanu—kujana bbaasi yuunka nkomuya! Kutanta bbaasi yuunka kumbi inga caamba kuti mulaunka kubusena ikutali nkomuya.\\n2 Bakubusi mazuba aano balakonzya kukozyanisyigwa kuli basilweendo aabo. Bakubusi bajisi lweendo lulamfwu, kutali kubelesya bbaasi, pele mubuumi. Ziindi zimwi balakonzya kulimvwa kunyongana akaambo kazyoolwe nzyobajana alimwi akusala nkobeelede kucita. Nobakubusi, mulakonzya kupa kuti cimuuba-ubile ikuti kamuzyi kabotu nkomuyanda kuunka mubuumi bwanu. Ino nkuli nkomweelede kuunka?\\n3 Cibalo eeci cilawiingula mubuzyo ooyo kwiinda mukukulwaizya bakubusi kubikkila maano kumakanze aabo aakuyanda kukkomanisya Jehova. Eeci caamba kumubikkilizya Jehova mumbazu zyoonse zyabuumi—lwiiyo, mulimo, mikuli yamumukwasyi alimwi ambazu zimbi buyo. Alimwi caamba kuzuzikizya mbaakani zyakumuuya. Bakubusi ibabikkila maano kukubelekela Jehova balakonzya kuba masimpe kuti zilongezyo zyakwe ziyoobagwasya kuzwidilila mubuumi.—Amubale Tusimpi 16:3.\\nINO NKAAMBO NZI NCOMWEELEDE KULIBIKKILA MBAAKANI ZYAKUMUUYA?\\n4 Kulibikkila mbaakani zyakumuuya muntu kacili muniini ncintu cibotu kapati. Ino nkaambo nzi? Tulalanga-langa twaambo totatwe. Twaambo tobilo twakusaanguna tutondezya kuti ikulibikkila mbaakani zyakumuuya akuzizukizya kulaciyumya cilongwe ncajisi muntu a Jehova; kaambo katatu kaamba ibubotu buliko mukulibikkila mbaakani zyakumuuya muntu kacili muniini.\\n5. Ino nkaambo nzi kapati ncotweelede kulibikkila mbaakani zyakumuuya?\\n5 Ikaambo kapati ncotweelede kulibikkila mbaakani zyakumuuya nkakuti tutondezye Jehova mbokuli kupati kulumba kwesu kuluyando lwakwe alimwi azintu nzyaakatucitila. Sintembauzyo wakaamba kuti: “Ncibotu kukulumba, O Jehova . . . Wapa kuti ndikondwe, O Jehova, akaambo kazintu nzyoocita; akaambo kamilimo yamaanza aako ndiloongolola cakukondwa.” (Int. 92:1, 4) Mbomuli mukubusi, amuyeeye zintu zyoonse nzyomweelede kumupa Jehova. Buumi bwanu, lusyomo lwanu, Bbaibbele, mbungano alimwi abulangizi butaliboteli bwakumbele. Kusaanguna kubikkila maano kuzintu zyakumuuya ninzila imwi iitondezya kulumba kuli Leza akaambo kazilongezyo eezyi, alimwi eeci cimupa kuti muswene kulinguwe.\\n6. (a) Ino mbaakani zyakumuuya zicijatikizya buti cilongwe cesu a Jehova? (b) Ino nimbaakani nzi bana bacili baniini nzyobakonzya kulibikkila?\\n6 Kaambo kabili nkakuti ikuti naa mwatalika kulibikkila mbaakani zyakumuuya, mulatalika kulibambila mpuwo yamilimo mibotu kuli Jehova. Alimwi buya eeci cipa kuti muswene afwaafwi kapati kulinguwe. Mwaapostolo Paulo wakasyomezya kuti: “Leza tali Leza uutaluleme pe uunga waluba milimo yanu alimwi aluyando ndomwakatondezya kuzina lyakwe.” (Heb. 6:10) Kunyina myaka iigaminide nomweelede kulibikkila mbaakani. Christine wakajisi myaka yakuzyalwa iili kkumi ciindi naakatalika kubala lyoonse zibalo zyamakani aakuluula aa Bakamboni basyomeka. Kali amyaka yakuzyalwa iili 12, Toby wakalibikkila mbaakani yakubala Bbaibbele lyoonse mbolibede katanabbapatizyigwa. Maxim wakajisi myaka yakuzyalwa iili 11 alimwi imucizyi wakwe Noemi wakali amyaka 10 ciindi nobakabbapatizyigwa. Mpoonya boonse bobilo bakatalika kulibikkila mbaakani yakubelekela ku Beteli. Kutegwa bazumanane kubikkila maano kumbaakani yabo, bakabikka pepa lyakulembela mulimo waku Beteli mujulu kubwaanda bwaŋanda yabo. Sena inga tiimwalanga-langa kujatikizya mbaakani ziyandika kapati kulindinywe mpoonya akutalika kubelekela mpawo kutegwa muzizuzikizye?—Amubale Bafilipi 1:10, 11.\\n7, 8. (a) Ino mbuti kulibikkila mbaakani mbokukonzya kupa kuti cuube-ube kusala zyakucita? (b) Ino nkaambo nzi mukubusi umwi ncaakasala kutaunka kuyunivesiti?\\n7 Ikaambo katatu kakulibikkila mbaakani muntu kacili muniini kajatikizya zyakusala nzyayelede kucita. Bakubusi beelede kusala kujatikizya lwiiyo, mulimo alimwi amakani aambi. Kusala zyakucita kuli mbuli kusala nzila njomweelede kutozya ciindi nomwasika aabusena migwagwa mpoiswaanganina. Kufwumbwa buyo kuti kamwiizyi nzila iitozya nkomuunka, kusala nzila iiluzi takukonzyi kumubeda penzi pe. Mbubwenya buyo, ikuti kamuzizyi mbaakani zyanu, kusala kabotu inga cilauba-uba. Lugwalo lwa Tusimpi 21:5 lwaamba kuti: “Makanze aabankutwe masimpe apa kuzwidilila.” Ikuti naa mwafwambaana kuba amakanze kwiinda mukulibikkila mbaakani zibotu, tacikamutoleli ciindi kuti muzwidilile. Eeco ncobakacita ba Damaris nobakacili bakubusi ciindi nobakeelede kusala kujatikizya cimwi cintu cipati.\\n8 Ba Damaris bakapasa kabotu kapati ciindi nobakamanizya cikolo cakusekondali. Ikuti nobakayanda, nobakazumina kubbadelelwa kuunka kuyakwiiya mulawo kuyunivesiti, pele bakasala kubeleka mulimo uutavwolwi mali manji. Ino nkaambo nzi? “Ndakasalila limwi mumizeezo kakucili kooko kuba mupainiya. Eeci cakali kwaamba kubeleka buyo kwaciindi cisyoonto. Ikuti nindakaba adigili yakuyunivesiti yamulawo, nindakali kuvwola mali manji, pele nondakaba aciindi cisyoonto cakubeleka buyo kwaciindi cisyoonto.” Ba Damaris lino babeleka kabali bapainiya kwamyaka iili 20. Sena balimvwa kuti bakalibikkila mbaakani iili kabotu alimwi akuti bakasala kabotu kabacili bakubusi? “Kucibeela nkondibelekela, ndilabandika abamaloya banji. Babeleka mulimo ngondali kunoobeleka ikuti nondakaiya mulawo. Nokuba boobo, ibanji tabakkomene pe amilimo yabo. Kusala kwangu kwakucita mulimo wabupainiya kwakandigwasya kweeleba kutyompwa ikujanika mumulimo wakumubili alimwi kwakajalula nzila kumyaka minji yalukkomano mumulimo wa Jehova.”\\n9. Ino nkaambo nzi bakubusi besu ncobeelede kulumbaizyigwa camoyo woonse?\\n9 Bakubusi banji ibali mumbungano nyika yoonse beelede kulumbaizyigwa kapati. Balalyaaba kubelekela Jehova alimwi babikkila maano kumbaakani zyakumuuya. Bakubusi ibali boobo balakkomana kapati mubuumi alimwi kulubazu lumwi balaiya kutobela busolozi bwa Jehova muzintu zyoonse nzyobacita. Eezyi zilabikkilizya alwiiyo, mulimo alimwi abuumi bwamumukwasyi. Solomoni wakalemba kuti: “Kosyoma Jehova amoyo wako woonse. . . Munzila zyako zyoonse kolanga kulinguwe, eelyo walo ulalulamika nzila zyako.” (Tus. 3:5, 6) Bakubusi mumbungano ya Bunakristo balayandika kuli Jehova, walo uubayanda kapati akubakwabilila, kubasololela alimwi akubalongezya.\\nAMULIBAMBILE KABOTU KUTEGWA MUPE BUMBONI\\n10. (a) Ino nkaambo nzi mulimo wakukambauka ncoweelede kuba mubusena bwakusaanguna mumulongo wesu wazintu ziyandika kapati nzyotweelede kucita? (b) Ino mbuti mbotukonzya kusungwaala mumulimo wakukambauka?\\n10 Mukubusi uubikkila maano mubuumi bwakwe kukuyandisya kukkomanisya Jehova ulaubikkila maano kapati mulimo wakukambauka. Jesu Kristo wakakankaizya kuti “makani mabotu aleelede kukambaukwa cakusaanguna.” (Mk. 13:10) Mbwaanga mulimo wakukambauka ulayandika kapati, weelede kuba mubusena bwakusaanguna mumulongo wesu wazintu ziyandika kapati nzyotweelede kucita. Sena inga mwalibikkila mbaakani yakuti kamutola lubazu mumulimo wakukambauka ziindi zinji? Sena inga mwacita bupainiya? Pele ino mbuti kuti kamutajani lukkomano lunji kapati mumulimo wakukambauka? Alimwi mbuti mbomukonzya kuyaambele mukupa bumboni? Kuli nzila zyobilo ziyandika izikonzya kugwasya: Amulibambile kabotu, alimwi mutaleki kwaambila bamwi nzyomuzyi. Cilakonzya kumugambya kubona mbomukonzya kukkomana kapati ciindi nomukambauka.\\nIno mulibambila buti kutegwa mupe bumboni? (Amubone muncali 11, 12)\\n11, 12. (a) Ino ncinzi bakubusi ncobakonzya kucita kutegwa bape bumboni? (b) Ino mbuti mukubusi umwi mbwaakacibelesya coolwe cakupa bumboni kucikolo?\\n11 Mulakonzya kutalika kwiinda mukujana bwiinguzu kumubuzyo ngobavwula kubuzya basicikolonyoko, mbuli wakuti, “Sena Leza Ulakubikkila Maano Kupenga Kwesu?” Webbusaiti yesu ya jw.org ilijisi zibalo zyakabambilwa kugwasya bakubusi kulijanina bwiinguzi mbobakonzya kupa kumubuzyo ooyo. Amubone aalembedwe kuti NJIISYO ZYAMU BBAIBBELE > ZIBELESYO IZIGWASYA KWIIYA BBAIBBELE > Ino Ninjiisyo Nzi Zyakasimpe Ziliko Kujatikizya Leza? (cibeela 1). Muyoojana pepa lyakulembela lijisi mutwe wakuti “Sena Leza Ulakubikkila Maano Kupenga Kwesu?” Cibalo cigwasya kwiiya ciyoomusololela kulibambila bwiinguzi bwanu. Cilijisi magwalo otatwe ngomukonzya kubelesya ciindi nomupandulula nzyomusyoma—Jakobo 1:13, Matalikilo 6:5, 6, 1 Johane 4:8. Kwiinda mukubelesya zibalo zigwasya kwiiya, mulakonzya kulibambila bwiinguzi bwamibuzyo iindene-indene.—Amubale 1 Petro 3:15.\\n12 Ciindi nomwajana coolwe, amubakulwaizye basicikolonyoko kulanga awebbusaiti ya jw.org beni. Eeco ncencico Luca ncaakacita. Mukkilasi bakali kubandika zikombelo ziindene-indene, mpoonya Luca wakabona kuti bbuku lyacikolo lyakajisi makani amwi aataluzi kujatikizya Bakamboni ba Jehova. Nokuba kuti wakali kuyoowa-yoowa, wakalomba kuti alulamike makani aayo aakubeja, mpoonya bayi bakazumina. Luca tanaakagolela buyo aakupandulula nzyasyoma pele alimwi wakabatondezya boonse mukkilasi webbusaiti yesu. Aboobo bayi bakapa basicikolo boonse homuweki yakweebelela kavidiyo ikatondezya zyakudulowiŋa abboodi kakuti Amumuume Sikumupenzya Kakunyina Kumulwana. Luca wakakkomana kapati kuti wakacikonzya kupa bumboni.\\n13. Ino nkaambo nzi ncotuteelede kutyompwa nokwaba buyumu-yumu?\\n13 Mutatyompwi pe, nokuba kuti nzila momweendela zimwi ziindi ilakonzya kuba amabbaampu. (2Tim. 4:2) Ciindi nokwaba buyumu-yumu, amukakatile kumbaakani zyanu. Ba Katharina bakajisi myaka yakuzyalwa iili 17 ciindi nobakalibikkila mbaakani yakukambauka kumubelesinyina umwi aumwi kumulimo. Umwi muntu wakali kubasampaula ziindi zinji, pele bakakaka kukongwa. Ikulilemeka kwabo kubotu mubuyumu-yumu oobo, kwakamukkomanisya kapati mubelesi uumbi ngobakali kubeleka limwi wazina lya Hans. Akaambo kaceeco, wakatalika kubala mabbuku eesu, kwiiya Bbaibbele mpoonya wakabbapatizyigwa. Ba Katharina bakalilongede aboobo tiibakazyiba zyoonse eezyi izyakali kucitika. Amweezyeezye buyo mbobakakkomana nokwakainda myaka iili 13 kabakkede mu Ŋanda ya Bwami amukwasyi wabo eelyo ba Hans nobakaitwa kabali mwaambi uuswaya! Eelo kaka bakacita kabotu ba Katharina kutatyompwa ambaakani yabo yakukambaukila babelesinyina!\\n14, 15. (a) Ino ncinzi ncobeelede kuyeeya bakubusi ciindi nobali mubukkale bukatazya? (b) Ino mbuti bakubusi mbobakonzya kuzunda kuyungwa abeenzinyina?\\n14 Kusika waawa cibalo eeci camukulwaizya kuliyeeya kutegwa mubikkile maano kukubelekela Jehova mubuumi bwanu. Eeci caamba kubikkila maano kumbaakani zyakumuuya mubuumi bwanu. Bakubusi bamwi ibamusela wanu ambweni babikkila maano kukulikondelezya, alimwi kulangilwa kuti bayoomutamba kutegwa mubasangane. Kalitanalampa naa mukuya kwaciindi muyooyandika kubatondezya mbomukanzide kukakatila kukusala nkomwakacita. Tamweelede kunyonganizyigwa kwiinda mukuyungwa abeenzinyoko. Kayi, kuti mwayeeya alimwi kujatikizya cikozyanyo cabbaasi, mubwini inga tiimwatanta bbaasi lyuunka kumbi akaambo buyo kakuti basilweendo ibali mubbaasi eelyo baboneka kuti balalikondelezya.\\n15 Kuli nzila zinji zyakuzunda kuyungwa abeenzinyoko. Mucikozyanyo, amubutantamuke bukkale ibuzyibidwe kuti bulakonzya kumubikka musunko. (Tus. 22:3) Alimwi amuyeeye mbocicisa kucitikilwa zintu zibyaabi iziboola akaambo kakusangana bamwi mumicito mibi. (Gal. 6:7) Acimbi cikonzya kumugwasya nkuzumina kuti muyandika lulayo. Kulicesya kuyoomugwasya kutambula mizeezo kuzwa kubazyali banu alimwi abantu basimide kumuuya ibali mumbungano.—Amubale 1 Petro 5:5, 6.\\n16. Amwaambe cakuluula icitondezya bubotu bwakulicesya.\\n16 Kulicesya kwakapa kuti Christoph alutambule lulayo. Nokwakainda buyo ciindi cisyoonto kuzwa naakabbapatizyigwa, wakatalika kujanika lyoonse kubusena nkobakali kunyanyaasya mubili. Bakubusi bambi ibakali kujanika kubusena oobo bakamukulwaizya kubasangana mutubunga twabo. Christoph wakaabandika makani aaya amwaalu umwi, ooyo iwakamwaambila kuyeeya ntenda zimwi katanasala cakucita, ntenda mbuli kuba amuuya wakuzundana. Nokuba boobo, Christoph wakanjila mukabunga. Pele mukuya kwaciindi, wakabona kuti musobano ooyo wakali kubikkilizya ankondo, mane buya wakali kukonzya kuleta ntenda. Alimwi wakabandika abaalu banji, aabo boonse ibakamupa lulayo lwamu Magwalo. Christoph wakaamba kuti: “Jehova wakanditumina basikupa lulayo ibabotu, alimwi ndakabaswiilila nokuba kuti cakatola ciindi cili mbocibede.” Sena mulalicesya kutegwa mulutambule lulayo?\\n17, 18. (a) Ino Jehova uyanda nzi kubakubusi mazuba aano? (b) Ino mbukkale nzi buusisya ibukonzya kuboola kubupati, alimwi mbuti eeco mbocikonzya kweelebwa? Amupe cikozyanyo.\\n17 “Kokondwa, mulombwana nocili mwana [naa musimbi], alimwi moyo wako aukkomane mumazuba aabukubusi bwako.” (Muk. 11:9) Masimpe, Jehova uyanda kuti nywebo mbomuli bakubusi mube amoyo uukkomene. Cibalo eeci catondezya nzila imwi eeco mbocikonzya kucitika. Amuzumanane kubikkila maano kumbaakani zyakumuuya, akumubikkilizya Jehova mumakanze aanu oonse. Ikuti mwafwambaana kucita boobo kamucili baniini, muyoofwambaana kubona busolozi bwa Jehova, lukwabililo alimwi azilongezyo zyakwe. Amuyeeye buyo lulayo lugwasya loonse ndomujana mu Jwi lya Leza, alimwi aamuluyobole mumoyo lulayo lwakuti: “Koyeeya Mulengi wako Mupati mumazuba aabukubusi bwako.”—Muk. 12:1.\\n18 Taakwe uuzumanana kuba mwana. Kalitanalampa bakubusi balakomena akuba bapati. Cuusisya ncakuti, bapati banji balausa kuti bakabikkila maano kumbaakani izitali kabotu ciindi nobakacili bana naa kutyompwa akaambo kakutalibikkila mbaakani noiba yomwe. Pele bakubusi mazuba aano ibabikkila maano kumbaakani zyakumuuya bayoolimvwa kukkutila kapati noliba leelyo baakukomena akaambo kakusala nkobakacita. Oobo mbocakabede kuli ba Mirjana, ibakacibwene kapati muzisobano nobakacili bakubusi. Bakalombwa kuti bakatole lubazu mumisobano yakuzundana akati kamasi manji pele muciindi caboobo bakasala kucita mulimo waciindi coonse. Kakwiindide myaka iili 30, ba Mirjana bacili mumulimo waciindi coonse, antoomwe abalumi babo. Bakapandulula kuti: “Mpuwo, bulemu, nguzu alubono zilamana alimwi nimbaakani zyaansi mubuumi. Kubelekela Leza alimwi akusola nokuceya kugwasyilizya bantu kumuuya, mubwini nembaakani zibotu alimwi zikkalilila.”\\n19. Amwaambe mubufwaafwi mpindu zijanika kwiinda mukubikkila maano kumbaakani zyakumuuya muntu nacili mwana.\\n19 Bakubusi mumbungano beelede kulumbaizyigwa kapati akaambo kanzila mbobaalwana mapenzi aaya alimwi ambobakanzide kubikkila maano mubuumi bwabo kukubelekela Jehova. Bakubusi balacita oobu kwiinda mukuzuzikizya mbaakani zyakumuuya alimwi akubikka mulimo wakukambauka mubusena bwakusaanguna. Kuyungizya waawo, balikanzide mumoyo kutanyonganizyigwa anyika eeyi. Bakubusi balakonzya kuba masimpe kuti mulimo wabo ngobabeleka canguzu tauli wabuyo pe. Bakwesu abacizyi balakonzya kubagwasya alimwi ikuti balyaaba kuli Jehova, makanze aabo mubuumi ayoozwidilila.","num_words":1778,"character_repetition_ratio":0.069,"word_repetition_ratio":0.001,"special_characters_ratio":0.156,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Lukamantano, lukkomano, mizeezo iili kabotu (1-9)\\nMutalibiliki acintu nociba comwe (6, 7)\\nKulumba akaambo kazipego zizwa kubana Filipi (10-20)\\nKwaanzya kwamamanino (21-23)\\n4 Aboobo, bakwesu nywebo mbondiyanda alimwi mbondizimbide, nolukkomano alimwi amusini wangu,+ amwiime nji+ munzila eeyi mu Mwami, nobayandwa bangu. 2 Yuwodiya ndamulomba, awalo Sintike ndamulomba, kuti babe amuzeezo omwe mu Mwami.+ 3 Inzya, ndakulomba anduwe osimilimoma mwini-mwini,* kuti uzumanane kubagwasya bamakaintu aaba ibali kubeleka canguzu andime kujatikizya makani mabotu antoomwe a Kilementi, alimwi abasimilimoma bamwi bacaala, ibali amazina aalembedwe mubbuku lyabuumi.+ 4 Lyoonse amukondwe mu Mwami. Alimwi ndainduluka kuti, Amukondwe!+ 5 Bantu boonse abazyibe kuti mulanyoneka.+ Mwami ulaafwaafwi. 6 Mutalibiliki acintu nociba comwe,+ pele muzintu zyoonse, kwiinda mumupailo akukombelezya antoomwe akulumba, amumuzyibye Leza nzyomulomba;+ 7 eelyo luumuno+ lwa Leza oolo lwiinda maano oonse luyookwabilila myoyo yanu+ amizeezo yanu kwiinda muli Kristo Jesu. 8 Makani aamamanino bakwesu ngakuti, kufwumbwa zintu zyamasimpe, kufwumbwa zintu ziyandika kapati, kufwumbwa zintu ziluleme, kufwumbwa zintu zisalala, kufwumbwa zintu ziyandwa, kufwumbwa zintu zilaampuwo mbotu, kufwumbwa zintu zili kabotu, alimwi kufwumbwa zintu zyeelela kutembaulwa, kamuzumanana kuziyeeyesya zintu eezyi.+ 9 Izintu nzyomwakaiya, anzyomwakazumina, anzyomwakamvwa alimwi akubona kulindime, kamuzumanana kuzicita,+ eelyo Leza waluumuno unoolaandinywe. 10 Ndilikkomene kapati mu Mwami kuti lino mwatalika kundiyeeya alimwi.+ Nokuba kuti mwakali kundiyeeya, mwakanyina ciindi cibotu cakutondezya boobo. 11 Tandaambi boobu akaambo kakuti kuli ncondibulide pe, nkaambo ndakaiya kukkutila anzyondijisi kufwumbwa mubukkale mondibede.+ 12 Ndilizyi mbocibede kubulilwa zyakulya+ alimwi ambocibede kuba azintu zinji. Muzintu zyoonse alimwi amubukkale buli boonse ndaiya icikonzya kundigwasya nondikkutide anondifwide nzala, nondijisi zintu zinji anondibulide. 13 Muzintu zyoonse ndilijisi nguzu kwiinda muli yooyo uundipa nguzu.+ 14 Nokuba boobo, mwakacita kabotu kundigwasya mumapenzi aangu. 15 Masimpe, nywebo nobana Filipi, mulizyi andinywe kuti nimwakamana kwiiya makani mabotu ciindi cakusaanguna, eelyo nindakazwa ku Makedoniya, kunyina mbungano noiba yomwe yakandigwasya mumakani aakupa akutambula, ccita buyo ndinywe nyolikke;+ 16 nkaambo noliba leelyo nindakali mu Tesalonika, mwakanditumina lugwasyo kutali buyo ciindi comwe pele ziindi zyobilo. 17 Takuli kuti ndiyanda kupegwa cipego cimwi pe, pele ncondiyanda mucelo uuyungizya buvwubi bwanu. 18 Nokuba boobo, ndilijisi zintu zyoonse nzyondiyandika alimwi izinji. Kunyina ncondibulide, mbwaanga lino ndatambula kuzwa kuli Epafrodita+ zintu nzyomwakatuma, ibweema bubotu,+ cipaizyo cizuminwa, alimwi cimukkomanisya Leza. 19 Awalo Leza wangu ulamupa mubunji zyoonse nzyomubulide+ kweelana abuvwubi bwakwe bulemu kwiinda muli Kristo Jesu. 20 Lino aalemekwe Leza alimwi Taateesu lyoonse mane kukabe kutamani. Ameni. 21 Amundaanzyile musalali woonse muli Kristo Jesu. Ibakwesu mbotuli limwi bamwaanzya. 22 Basalali boonse, pele kapati aabo ibaŋanda ya Kaisara,+ bamwaanzya. 23 Iluzyalo lwa Mwami wesu Jesu Kristo alube andinywe akaambo kamuuya ngomutondezya.\\n^ Mu Chigiriki, “sijokoma uusyomeka.”","num_words":387,"character_repetition_ratio":0.064,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matayo 28 | Bbaibbele lili a Intaneti | Bbaibbele lya Busanduluzi Bwanyika Mpya\\nJesu wabusyigwa (1-10)\\nBasikalumamba bapegwa mali kutegwa babeje (11-15)\\nMulimo wakuyiisya bantu kuba basikwiiya (16-20)\\n28 Noyakainda Sabata, nokwakali kuumbuluka mubuzuba bwakusaanguna bwansondo eeyo, Mariya Magadalene a Mariya umbi bakaboola kuti babone cuumbwe.+ 2 Eelyo amubone! Kwakacitikide muzuzumo wanyika mupati, nkaambo mungelo wa Jehova* wakaseluka kuzwa kujulu alimwi wakasika akukunkulisya bbwe, mpoonya wakalikkede alindilyo.+ 3 Lino wakali kulibonya mbuli lulabo, alimwi zisani zyakwe zyakali kutuba buu mbuli caanda.+ 4 Inzya, akaambo kakumuyoowa balindizi bakakankama akuba mbuli bantu bafwide. 5 Pele mungelo wakaambila bamakaintu aaba kuti: “Mutayoowi pe, nkaambo ndilizyi kuti muyandaula Jesu iwakajaigwa aacisamu.+ 6 Tako muno pe, nkaambo wabusyigwa kweelana ambwaakaamba.+ Amuboole mubone busena mpaakalede. 7 Lino kamuya cakufwambaana mukaambile basikwiiya bakwe kuti wabusyigwa kubafwu, amubone! Wamusolweda kuya ku Galilaya.+ Muyoomubona okuya. Amubone! Ooyu ngomulumbe wangu kulindinywe.”+ 8 Aboobo cakufwambaana bakazwa kucuumbwe, kabayoowede alimwi akukkomana kapati, bakabalika kuyakwaambila basikwiiya bakwe.+ 9 Lino, amubone! Jesu wakabayaanya akwaamba kuti: “Mwapona!” Bakaboola kulinguwe akumujata kumaulu akumufwugamina.* 10 Mpoonya Jesu wakati kulimbabo: “Mutayoowi! Kamuya, mukabaambile bakwesu kuti baunke ku Galilaya, eelyo ooko bayoondibona.” 11 Lino nobakali munzila, balindizi bamwi+ bakanjila mumunzi akwaambila basilutwe babapaizi zintu zyoonse zyakacitika. 12 Mpoonya aaba nobakamana kubungana abaalu akupangana, bakapa basikalumamba mali aansiliva aali mbwaabede 13 akwaamba kuti: “Amukaambe kuti, ‘Basikwiiya bakwe bakaboola masiku akumubba notwakali koona.’+ 14 Alimwi ikuti naa eeci akacimvwe mweendelezi tuyoomupandulwida makani mbwaabede,* aboobo nywebo tamweelede kulibilika.” 15 Aboobo bakabweza mali aansiliva akucita mbuli mbobakalaililwa, alimwi makani aaya amwaigwa koonse-koonse akati kaba Juda kusikila sunu. 16 Pele basikwiiya ibali 11 bakaya ku Galilaya+ kucilundu ooko Jesu nkwaakabalailide kuti bakaswaangane.+ 17 Nobakamubona, bakamufwugamina,* pele bamwi bakadooneka. 18 Jesu wakaboola akubaambila kuti: “Ndapegwa nguzu zyoonse kujulu alimwi aanyika.+ 19 Aboobo kamuya mukayiisye bantu bazisi zyoonse+ kuti babe basikwiiya, akubabbapatizya+ muzina lya Taata alya Mwana alya muuya uusalala, 20 mukabayiisye kutobela zintu zyoonse nzyondakamulailila.+ Alimwi amubone! Ndilaandinywe mazuba oonse mane kusikila kumamanino aabweende bwazintu.”*+\\n^ Naa “akumukotamina.”\\n^ Mu Chigiriki, “tuyoomukombelezya.”\\n^ Naa “bakamukotamina.”\\n^ Naa “aaciindi.” Amubone Bupanduluzi Bwamabala.","num_words":305,"character_repetition_ratio":0.047,"word_repetition_ratio":0.0,"special_characters_ratio":0.185,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Luka 2 | Bbaibbele lili a Intaneti | Bbaibbele lya Busanduluzi Bwanyika Mpya\\nKuzyalwa kwa Jesu (1-7)\\nBangelo balibonya kubeembezi (8-20)\\nKupalulwa akusalazyigwa (21-24)\\nSimeoni wabona Kristo (25-35)\\nAna waamba kujatikizya mwana (36-38)\\nKupilukila ku Nazareta (39, 40)\\nJesu uli kutempele kali amyaka iili 12 (41-52)\\n2 Lino mumazuba aayo, Kaisara Augusito wakabikka mulawo munyika yoonse wakuti bantu boonse bakalilembye. 2 (Kulilembya kwakusaanguna ooku kwakacitika ciindi Kureniyo naakali mweendelezi wa Siriya.) 3 Eelyo bantu boonse bakaunka kuyoolembwa, umwi aumwi kumunzi okwabo. 4 Awalo Josefa+ wakazwa ku Galilaya, mumunzi wa Nazareta akuya ku Judaya, mumunzi wa Davida uutegwa Betelehemu,+ mbwaanga wakali wamuŋanda alimwi wamumukwasyi wa Davida. 5 Wakaunka kutegwa bakalilembye a Mariya walo aciindi eeco iwakali kale mukaintu wakwe,+ alimwi iwakali afwaafwi kutumbuka.+ 6 Nobakacili kooko, cakasika ciindi cakuti atumbuke. 7 Aboobo wakatumbuka mwana musankwa, mutaanzi kuzyalwa,+ wakamuvwungaila muzisani akumulazika mucilido cabanyama+ nkaambo tiibakajana busena muŋanda yabeenzu. 8 Alimwi mucooko nciconya eeco kwakali beembezi ibakali musyokwe kabeembela butanga bwabo masiku. 9 Kabatayeeyeli, mungelo wa Jehova* wakaima kumbele lyabo, eelyo kwakaba mumuni mpobakabede kutondezya bulemu bwa Jehova,* aboobo bakayoowa kapati. 10 Pele mungelo wakabaambila kuti: “Mutayoowi, amubone! Ndamuletela makani mabotu aayoobakkomanisya kapati bantu boonse. 11 Nkaambo sunu mumunzi wa Davida,+ mwazyalilwa mufwutuli,+ nkokuti Kristo Mwami.+ 12 Lino mboobu mbomuyoomuzyiba: Muyoojana mwana muvwanda kavwungaidwe muzisani alimwi kalede mucilido cabanyama.” 13 Ndilyonya kwakalibonya makamu-makamu aakujulu+ aayo aakaba antoomwe amungelo ooyu kabatembaula Leza kuti: 14 “Aalemekwe Leza kujulu lyamajulu alimwi anyika akube luumuno kubantu mbakkomanina.” 15 Aboobo bangelo nibakabasiya akujokela kujulu, beembezi bakatalika kwaambilana kuti: “Katuya ku Betelehemu lino aawa tukabone cintu eeci cacitika, eeco Jehova* ncaatuzyibya.” 16 Mpoonya bakaunka cakufwambaana eelyo bakamujana Mariya a Josefa amwana muvwanda kalede mucilido cabanyama. 17 Nobakabona boobo, bakaluula makani ngobakaambilwa kujatikizya mwana ooyu. 18 Alimwi boonse ibakamvwa bakagambwa kumakani ngobakabaambila beembezi, 19 pele Mariya wakaayobola makani aaya mumoyo wakwe, kayeeya ncaakali kwaamba.+ 20 Kumane beembezi bakajokela kabatembaula akulemeka Leza akaambo kazintu zyoonse nzyobakamvwa akubona, kazili mbubonya mbobakaambilwa. 21 Nikwakainda mazuba aali lusele, nicakasika ciindi cakuti apalulwe,+ wakaulikwa zina lyakuti Jesu, izina mungelo ndyaakaamba katanamitwa.+ 22 Alimwi nicakasika ciindi cakuti basalazyigwe kweelana a Mulawo wa Musa,+ bakaunka anguwe ku Jerusalemu kutegwa bakamwaabe kuli Jehova,* 23 kweelana ambokulembedwe mu Mulawo wa Jehova* kuti: “Mwana musankwa mutaanzi kuzyalwa weelede kwaabwa kuli Jehova.”*+ 24 Mpoonya bakatuula cipaizyo kweelana acaambwa mu Mulawo wa Jehova* kuti: “Inziba zyobilo naa bana bankwilimba bobilo.”+ 25 Lino amubone! Kwakali muntu mu Jerusalemu iwakali kutegwa Simeoni, ooyu muntu wakali mululami alimwi mukombi, iwakali kulindila kuumbulizyigwa kwa Israyeli+ alimwi wakalijisi muuya uusalala. 26 Alimwi Leza wakamuzyibya kwiinda mumuuya uusalala kuti, kunyina naakali kuyoofwa katanamubona Kristo wa Jehova.* 27 Kasololelwa amuuya, wakanjila mutempele, eelyo bazyali nobakaleta muvwanda Jesu kutegwa bamucitile kweelana aciyanza cilembedwe mu Mulawo,+ 28 walo mwini wakamubweza mwana mumaanza akutembaula Leza akuti: 29 “O Mwami Singuzuzyoonse, komuleka lino muzike wako afwe muluumuno+ kweelana amajwi aako, 30 nkaambo meso aangu alibonena nzila yako yalufwutuko+ 31 njookabamba kale iiboneka kubantu boonse,+ 32 mumuni+ uumunika mumudima uuvwumbide bamasi+ alimwi uumunikila bantu bako ba Israyeli.” 33 Bausyi abanyina bakazumanana kugambwa kuzintu zyakali kwaambwa kujatikizya mwana. 34 Alimwi Simeoni wakabaleleka akwaambila Mariya banyina mwana kuti: “Bona! Ooyu mwana usalidwe kupa kuti bantu banji mu Israyeli bakawe+ akubuka,+ alimwi akuba citondezyo cakusampaula+ 35 (inzya, yebo uyooyaswa panga lilamfwu),+ kutegwa nzyobayeeya mumyoyo bantu banji zikayubununwe.” 36 Lino kwakali Ana musinsimi mukaintu, mwana wa Fanuele, wamukowa wa Aseri. Ooyu mukaintu wakalicembeede alimwi wakakkala amulumi wakwe kwamyaka iili ciloba kuzwa nibakakwatana,* 37 kuzwa waawo wakaba mukamufwu, lino wakajisi myaka iili 84. Kunyina naakali kulovwa kutempele, wakali kubeleka mulimo uusetekene syikati amasiku, kuliimya kulya alimwi akupaila mipailo yakukombelezya. 38 Aciindi nciconya eeco wakaboola afwaafwi akutalika kulumba Leza, akwaamba zyamwana ooyu kuli boonse aabo ibakali kulindila lufwutuko lwa Jerusalemu.+ 39 Aboobo nobakamanizya kucita zyoonse zyakali kuyandika mu Mulawo wa Jehova,*+ bakapiluka ku Galilaya kumunzi okwabo wa Nazareta.+ 40 Eelyo mwana wakali kuyaabukomena akuba anguzu, busongo kabuyaabuvwula alimwi luse lwa Leza lwakazumanana alinguwe.+ 41 Lino bazyali bakwe bakajisi cilengwa cakuunka ku Jerusalemu mwaka amwaka ku Pobwe Lyakwiindilila.+ 42 Mpoonya naakaba amyaka iili 12, bakaunka kweelana acilengwa capobwe.+ 43 Naakamana mazuba aapobwe eelyo nobakali kupiluka, mulombe Jesu wakacaala ku Jerusalemu pele bazyali bakwe tiibakazyiba kuti wacaala. 44 Kabayeeya kuti bakali kweenda limwi munkamu, bakeenda musinzo uutola buzuba boonse mpoonya bakatalika kumuyandaula akati kabasazinyina abeenzinyina. 45 Pele nobatakamujana, bakapiluka ku Jerusalemu akuyoomuyandaula cakulomya. 46 Kwiinde mazuba otatwe, bakamujana mutempele kakkede akati kabamayi kaswiilila akubabuzya mibuzyo. 47 Pele boonse aabo ibakali kumuswiilila bakali kwiile kulijata kumulomo akaambo kabusongo mbwaakajisi alimwi ambwaakali kwiingula.+ 48 Lino bazyali bakwe nobakamubona bakagambwa kapati, eelyo banyina bakamubuzya kuti: “Mwanaangu, nkaambo nzi ncootucitila boobu? Mebo abauso twapenga kukuyandaula.” 49 Pele walo wakabaingula kuti: “Ino mwali kundiyandawida nzi? Sena tiimwalizyi kuti ndeelede kuba muŋanda ya Taata?”+ 50 Pele tiibakamvwisya ncaakali kubaambila. 51 Mpoonya wakaunka ambabo akupiluka ku Nazareta, eelyo wakazumanana kubamvwida.+ Alimwi banyina bakaayobola makani oonse aaya mumoyo wabo.+ 52 Eelyo Jesu wakali kuyaabukomena mubusongo aciimo, kayandwa kapati a Leza alimwi abantu.\\n^ Mu Chigiriki, “kuzwa kubunakalindu bwakwe.”","num_words":751,"character_repetition_ratio":0.041,"word_repetition_ratio":0.0,"special_characters_ratio":0.182,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kwaambuuzyania ndibbilichi limugwasya kuti muzibe mbubalimvwa bana banu\\nKwaambuuzyania munzila yaluyando kuchitika chiindi iwe numuzyali abana bako nimwaambuula twaambo kamulikuswiilizyania akumvwa nzimuyeeya ambumulimvwa.\\nKwaambuuzyania abachikula kulakonzya kukuyumina. Kabachili baniini bakali kukubuzya zyoonse nzibayeeya ambubalimvwa. Pesi nibakomena ngatabachikonzyi kuchita oobo alubo tuzizi pe nzibayeeya ambubalimvwa. Eezi zili mbuuli kuti muli mumabazu aasiyene aamulonga mupati. Nikuba kuti achiindi eechi bachikula tabakonzyi kwaambuula mbuuli nibakachili baniini pesi achiindi eechi nikuyandikana loko kwaambuulaabo.\\nAmwaambuuzyanie chiindi mwanaanu naangunukide. Ulakonzya kwaambuula abana bako nikuba kusikila kwabamansiku.\\n“Ulakonzya kuyeeya kumubuzya kuti, ‘Lino wayanda na kwaambuula? Twalaamwi buzuba boonse!’ Tweelede kusola na kuti bana bayanda kwaamba mbubalimvwa? Nzizyo kabi bazyali nzibalangilila kubana kuti baambe nzibayanda.”—Lisa.\\n“Nikuba kuti ndiyandisya kufwambaana koona pesi chimwi chiindi ndilayizya abana bangu kusikila kwabamansiku.”—Herbert.\\nNZILYAAMBA BBAYIBBELE: “Muntu teelede kuyandaula kuligwasya mwini buyo. Umwi aumwi uleelede kuyandaula kugwasya mweenzinyina.”—1 BaKorinto 10:24.\\nLeka kuchita zimwi zintu. Umwi mwaalumi wakazumina kuti: “Chimwi chiindi ngandilikuyeeya zimwi zintu bana bangu nibali kwaambuula andime. Alubo ngabazibona kuti tandizimvwide pe nzibalikwambuula.”\\nKuti mwanaako kayanda kwaamba chimwi chintu, zima TV naakuti ubikke aansi fooni. Swiilizya chiindi mwanaako nalikwaambuula nikuba kuti nzyalikwaamba uzibona kazili ziniini.\\n“Tweelede kuziba mbubalimvwa bana besu. Kuti bana babona kuti tatukwe ndaba ambubalimvwa, balaleka kutubuzya mbubalimvwa alubo balakonzya kuyanduula kugwasigwa abamwi bantu.”—Maranda.\\n“Toyelede kunyema pe nikuba kuti mwanaako kalikuyeeya zintu zitali nzizyo.”—Anthony.\\nNZILYAAMBA BBAYIBBELE: “Amucenjele mbomumvwa.”—Luka 8:18.\\nAmubelesye chiindi nimulikuchita zimwi. Bana balimvwa kabaangunukide kwaambuula kuti kabatalangene abazyali babo nibakkede.\\n“Twaambuula abana besu nitukkede mumoota nkaambo ngatatulangene pe alubo kuchita oobo kupa kuti twaambuuzyanie kabotu.”—Nicole.\\nChiindi chakulya chipa kuti mukonzye kwaambuula abana banu.\\n“Achiindi nitulikulya goko, umwi awumwi waamba zyachitika buzuba oobo. Kuchita oobo kupa kuti tujatane akuti tugwasyanie mubuyumu-yumu mbutuswaana.”—Robin.\\nNZILYAAMBA BBAYIBBELE: ‘Amube amutwe muuba munonoke kwaambuula.’—Jakobo 1:19.","num_words":263,"character_repetition_ratio":0.07,"word_repetition_ratio":0.0,"special_characters_ratio":0.15,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"2 Bakorinto 12 | Bbaibbele lili a Intaneti | Bbaibbele lya Busanduluzi Bwanyika Mpya\\n2 Bakorinto 12:1-21\\nZilengaano zya Paulo (1-7a)\\n“Mumvwa mumubili” wa Paulo (7b-10)\\nTabamwiindi baapostolo bacibwene kwiinda (11-13)\\nPaulo ulababikkila maano bana Korinto (14-21)\\n12 Ndileelede kulidunda. Tacigwasyi pe, pele lino ndilabandika zilengaano zigambya+ alimwi aziyubunuzyo zya Mwami.+ 2 Kuli muntu umwi uukamantene a Kristo ngondizyi, ooyo myaka iili 14 yainda wakakwempelwa kujulu lyatatu. Lino tandizyi naa wakakwempwa kali amubili wanyama naa pe; Leza alikke nguuzyi. 3 Inzya, muntu uuli boobo ndilimuzyi, pele tandizyi naa wakali amubili wanyama naa wakalaandeene amubili; Leza nguuzyi. 4 Ncondizyi ncakuti wakakwempelwa muparadaiso akumvwa majwi aataambiki alimwi aatazumizyidwe kwaambwa amuntu. 5 Ndilalidunda kujatikizya muntu ooyo, pele lwangu ndemwini tandikonzyi kulidunda pe, ccita buyo kujatikizya kubula nguzu kwangu. 6 Nkaambo nokuba kuti ndayanda kulidunda, tandikooba mufwubafwuba pe, nkaambo ndilaamba zyakasimpe. Pele ndalikasya kucita boobo, ikutegwa kutabi muntu naba omwe uundilumbaizya kapati kwiinda zintu nzyabona kandicita naa nzyamvwa kandaambaula, 7 akaambo buyo kakutambula ziyubunuzyo eezyo zigambya. Ikutegwa nditalisumpuli cakwiindilila, ndakayaswa mumvwa mumubili,+ imungelo wa Saatani kuti kanduuma lyoonse, ikutegwa nditalisumpuli cakwiindilila. 8 Ziindi zyotatwe ndakakombelezya Mwami akaambo kaceeci, kuti cindileke. 9 Pele walo wakandaambila kuti: “Luzyalo lwangu lulizulide kulinduwe, nkaambo nguzu zyangu zilalondolwa mukubula nguzu kwako.”+ Aboobo cakukondwa, ndilalidunda kujatikizya kubula nguzu kwangu, ikutegwa nguzu zya Kristo zizumanane kundivwumba mbuli tente. 10 Aboobo ndilabotelwa eelyo nonditajisi nguzu, nonditukilwa, nondibula ziyandika, nondipenzyegwa akucitikilwa mapenzi aambi akaambo ka Kristo. Nkaambo eelyo nonditajisi nguzu, ndendilyo nondijisi nguzu kapati.+ 11 Ndaba mufwubafwuba. Ndinywe mwakandipa kuba boobo, nkaambo mwakeelede kundilumbaizya. Nkaambo nokuba kuti tandibalwi pe, kunyina cintu nociba comwe ncobakandiinda baapostolo banu bacibwene kwiinda boonse.+ 12 Mubwini, izitondezyo zyamwaapostolo zyakatondezyegwa akati kanu akuliyumya kupati,+ alimwi akwiinda muzitondezyo azintu zigambya alimwi amilimo mipati.+ 13 Nkaambo ino mbungano zimwi zyoonse zyakajisi coolwe nzi ncomwatakajisi nywebo kunze lyakuti tiindakaba mukuli uuminya kulindinywe?+ Ndalomba mundilekelele cibi eeci. 14 Amubone! Eeci nciindi catatu kandilibambilide kuboola kulindinywe, pele tandikooba mukuli uuminya pe. Nkaambo tandiyandi lubono lwanu pe,+ pele ncondiyanda ndinywe; nkaambo bana+ tabalangilwi kuyobweda bazyali babo lubono pe, pele bazyali mbabalangilwa kuyobweda bana babo. 15 Mebo cilandibotela kapati kusowa zintu zyangu zyoonse akulitakata cakumaninina lwangu ndemwini akaambo kabuumi bwanu.+ Ikuti mebo kandimuyanda kapati, sena nywebo mweelede kundiyanda asyoonto? 16 Pele kufwumbwa mbozibede zintu, cipati ncakuti tiindamuminya pe.+ Nokuba boobo, mwaamba kuti, ndakabelesya “lweeno” alimwi ndakamucitila “cabucenjezu.” 17 Akati kabaabo mbondakatuma kulindinywe, sena kuli nindakamuunina kwiinda mulimbabo? 18 Ndakalomba Tito kuti aboole kulindinywe alimwi ndime ndakamutuma imukwesu ooyo ngobali limwi. Sena Tito wakamuunina? Peepe, kunyina naakasola abuniini.+ Sena tiitwakakamantene mumizeezo anguwe? Sena tiitwakali kweenda mumukondo omwe anguwe? 19 Sena ciindi coonse mwali kuyeeya kuti twali kusola kulilulamika kulindinywe? Nkuumbele lya Leza nkotwaambila katukamantene a Kristo. Pele, nobayandwa, zintu zyoonse nzyotucita nzyakumuyaka. 20 Nkaambo ndiliyoowede kuti ambweni ndaakuboola, tandikamujani mbuli mbondali kuyanda alimwi andime ambweni tandinooli mbuli mbomwali kuyanda, pele muciindi caboobo, ndiyoojana kuti kuli kulwana, munyono, bukali, mazwanga, kutamikizyanya, kuvwiyana, kulisumpula alimwi amanyongwe. 21 Ambweni ndaakuboola alimwi, Leza wangu uyoonduusya nsoni kumbele lyanu, eelyo inga ndaakulila bantu banji aabo bakabisya musyule, pele bataneempwa kubusofwaazi, bwaamu* alimwi abukkale bwabo busesemya* mbobakapona.\\n^ Naa “abukkale bwabo bwakutalisenda.” Mu Chigiriki, a·selʹgei·a. Amubone Bupanduluzi Bwamabala.\\n2 Bakorinto 12","num_words":484,"character_repetition_ratio":0.039,"word_repetition_ratio":0.0,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbomunga Mwamubikkila Milawo Mwanaanu Mukubusi | Lugwasyo Kumukwasyi\\nSinsimuka! | March 2013\\nAMUBALE MU Afrikaans Albanian Amharic Arabic Armenian Bislama Bulgarian Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch Efik English Estonian Ewe Finnish French Georgian German Greek Hiligaynon Hindi Hungarian Icelandic Igbo Iloko Indonesian Italian Japanese Kinyarwanda Kirghiz Korean Lingala Lithuanian Macedonian Malagasy Myanmar Norwegian Oromo Polish Portuguese Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Slovak Slovenian Spanish Swahili Swedish Tagalog Tahitian Thai Tigrinya Tsonga Turkish Twi Ukrainian Xhosa Zulu\\nMbomunga Mwamubikkila Milawo Mwanaanu Mukubusi\\nMwanaanu mukubusi ulakonzya kwaamba kuti mulaziyumya kapati zyintu. Mbwaanga kuyanda kukwabilila bana banu mukuli wanu, mulakonzya kuyeeya kuti, ‘ikuti ndiyuubye-ubye milawo, mwanaangu inga wanjila mumapenzi.’\\nMweelede kubikka milawo yeelede njakonzya kutobela mwanaanu. Nokuba boobo, cakusaanguna mweelede kuzyiba cipa mwanaanu kutaikkomanina milawo njomwabikka.\\nICIPA KUTI KUBE BUYUMUYUMU\\nKaambo Kakubeja: Bakubusi boonse balakaka kutobela milawo; nkaambo ncilengwa buya nobali muciimo eeci cakukubuka.\\nKaambo Kamasimpe: Kuti bazyali babikka milawo yeelede akwiibandika anguwe, mukubusi inga tiicamwaalila kwiitobela.\\nNokuba kuti twaambo tunji tulakonzya kujatikizyigwa mukuzanga kwamwana, bazyali cakutazyiba inga bapa kuti bana bazange kuti kabaiyumya milawo alimwi naa kuti kaitaceeleli kweelana aciimo. Amubone twaambo ootu tutobela:\\nKuyumya milawo. Kuti bazyali babikka milawo kakunyina kubandika amwanaabo, milawo eeyo ulakonzya kwiibona kuti imuyumizyila buyo buumi muciindi cakumukwabilila. Akaambo kaceeci, ulakonzya kunoosisikizya kucita zyintu nzyobakamukasya bazyali.\\nTaiceeleli kweelana aciimo. Kuti mwana wabuzya kaambo milawo ncoili boobo, bazyali balakonzya kwaamba buyo kuti, “Kocita buyo mbondakwaambila,” kutondezya mwana kuti bazyali mbabajisi nguzu zyakubikka milawo. Pele mukubusi walo, uyanda kuti bamwaambile kaambo keni. Kayi ino-ino buyo mukubusi uyootalika kulikkalila akutalika kulisalila zyakucita. Lino cilakonzya kugwasya kuti watalikilalimwi kucizyiba kusala zyakucita ciindi nomucikkala anguwe.\\nPele ino inga mwacita buti kuti kacilibonya kuti lyoonse mwanaanu mukubusi ilamunyemya milawo yanu?\\nCakusaanguna, amuzyibe kuti bakubusi balayanda kuzyiba zyintu nzyobazumizyidwe anzyobatazumizyidwe kucita alimwi balayanda kuba amilawo iili boobu nokuba kuti tabakonzyi kwaamba. Aboobo, amubikke milawo alimwi amubone kuti mwanaanu mukubusi ulaimvwisya. Bbuku lyakuti Letting Go With Love and Confidence lyaamba kuti: “Kuti bakubusi babikkilwa milawo iimvwika alimwi kabalangila kuti bazyali banoobeendelezya kabotu, tabakalinjizyi mubukkale bulibilisya.” Mukwiimpana, bazyali ibayeeya kuti kubikka milawo tacigwasyi, bapa bana babo kuyeeya kuti tabababikkili maano. Eeci ncecipa kuti bana kabazanga.—Mpoijanika njiisyo eeyi mu Bbaibbele: Tusimpi 29:15.\\nMbuti lino mbomukonzya kutondezya kunyoneka? Amumuzumizye mwanaanu mukubusi kwaamba mbwalimvwa kujatikizya milawo yamumukwasyi. Mucikozyanyo, kuti wamulomba kuti mucince ciindi ncayelede kusika aŋanda, amumuswiilile ciindi naambaula. Kuti kamumuswiilila mwanaanu, ulalangilwa kuulemeka alimwi akuutobela mulawo ngomwabikka—nokuba kuti taukkomanini.—Mpoijanika njiisyo eeyi mu Bbaibbele: Jakobo 1:19.\\nKamutanabikka mulawo, mweelede kuyeeya kuti: Bakubusi bayanda lwaanguluko lunji kwiinda loolo lubeelede, kakuli bazyali bapa bana babo lwaanguluko lusyoonto buyo kwiinda loolo ndobeelede kupegwa. Aboobo, amubikkile maano kuzyintu nzyalomba mwanaanu. Sena ulibonya kuti inga wacikonzya kulicitila zyintu? Sena bukkale inga bwayanda kuti munyoneke? Amulibambile kucinca alimwi akunyoneka kuti kwayandika kucita boobo.—Mpoijanika njiisyo eeyi mu Bbaibbele: Matalikilo 19:17-22.\\nKunze buyo lyakuswiilila naamba mbwalimvwa mwanaanu, amubone kuti awalo wazyiba zyintu nzyomulibilika. Kwiinda mukucita boobo, muyoomuyiisya mwanaanu kutabikkila buyo maano kuzyintu nzyayanda walo, pele ambobalimvwa bamwi.—Mpoijanika njiisyo eeyi mu Bbaibbele: 1 Bakolinto 10:24.\\nMpoonya, amubikke mulawo alimwi akupandulula ncomwaubikkila. Nokuba kuti mwanaanu taukkomanini mulawo ooyo, ulakonzya kukkomana kuba abazyali bamuswiilila alimwi ibayanda kuzyiba mbwalimvwa. Amuzyibe kuti, mumuyiisya kucita zyintu mbuli muntu mupati. Kwiinda mukubikka milawo iitobeleka alimwi akwiibandika amwanaanu, aakukomena uyooba muntu uubikkila maano.—Mpoijanika njiisyo eeyi mu Bbaibbele: Tusimpi 22:6.\\n“Kunyoneka kwanu akuzyibwe abantu boonse.”—Bafilipi 4:5.\\n“Mutanoobanyemyi bana banu, kutegwa batatyompwi.”—Bakolose 3:21.\\n“Amweezyeezye kuti muntu ujisi cikwelete kubbanki. Kuti kabbadela cakusyomeka, bakubbanki bayootalika kumusyoma alimwi balangilwa kuyoomukweletesya kumbele. Oobo mbocibede aaŋanda. Mujisi cikwelete cakumvwida bazyali banu. Kuti kamusyomeka—nomuba mutuntu tusyoonto—bazyali banu banoomusyoma. Masimpe ngakuti, kuti mwabatyompya bazyali banu, bayooleka kumusyoma.”—Oobu mbolyaamba bbuku lya Questions Young People Ask—Answers That Work, Volume 2, lyakamwaigwa a Bakamboni ba Jehova.\\nKukomezya Bakubusi Cikwati Alimwi Amukwasyi\\nMbomukonzya Kumuyiisya Mwanaanu\\nKupa lulayo takubikkilizyi buyo kupa milawo alimwi akusubula.\\nMAKANI AAYEEME AMUTWE UULI ACIVWUMBYO Mbomukonzya Kuba Muzyali Uuli Kabotu\\nMunyama Wamusyokwe Uugambya Kapati Uutegwa Moose\\nNCOLYAAMBA BBAIBBELE Zyintu Ziletela Muzeezo Wakoonana\\nLUGWASYO KUMIKWASYI Mbomunga Mwamubikkila Milawo Mwanaanu Mukubusi\\nMAKANI AAJATIKIZYA BANTU BAKAINDI Ba Robert Boyle\\nSENA CAKALENGWA BUYA? Meso Aasiluubilili Aataboni Kabotu\\nMbuti Mbondikonzya Kuleka Kusumpya Kucita Zyintu?\\nMabala Amusale naa muyanda kukkopa zyakamwaigwa SINSIMUKA! March 2013 | Mbomukonzya Kuba Muzyali Uuli Kabotu\\nMarch 2013 | Mbomukonzya Kuba Muzyali Uuli Kabotu\\nSINSIMUKA! March 2013 | Mbomukonzya Kuba Muzyali Uuli Kabotu\\nMbomukonzya Kuyiisya Bana Kulikwabilila Ciindi Nobabelesya Intaneti","num_words":673,"character_repetition_ratio":0.06,"word_repetition_ratio":0.0,"special_characters_ratio":0.15,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Myeelwe 6 IBBAIB63 - Lino Jehova wakaambila Musa kuti, - Bible Search\\nMyeelwe 5 Myeelwe 7\\n1-Lino Jehova wakaambila Musa kuti, 2-Ambila bana ba-Israyeli kuti, Kufumbwa muntu, naba mwaalumi naba mwanakazi, uucita cikonke cakasimpe, cikonke cabu-Naziri, nkokuti cakulisalazizya Jehova, 3-uleelede kuliimya waini azyakunywa zyoonse zikola, Teelede kunywa cilula cawaini na cazyakunywa zimwi zikola, teelede kunywa musinza wamasaansa abuniini, alimwi teelede kulya masaansa naaba matete naaba aayanikidwe. 4Mazuba oonse aabu-Naziri bwakwe teelede kulya cintu niciba comwe cizwa kumusaansa, niziba ŋoogo niciba cikanda.\\n5-Mazuba oonse aacikonke cakwe cabu-Naziri, takweelede kwiinda lunyoolo amutwe wakwe. Ulasalala mane akazuzikizigwe mazuba ngaakalisalazizya Jehova. Masusu aakumutwe wakwe aalekelele, akule.\\n6-Alimwi mazuba oonse ngaakalisalazizya Jehova teelede kuswena afwaafwi kumutunta. 7-Na wafwidwa wisi na banyina, munyina na mucizi wakwe, teelede kulisofwaazya cakulila mbabo, pe, nkaambo cikonke cakulisalazizya Leza wakwe mpocili alinguwe. 8Mazuba oonse aabu-Naziri bwakwe ulasalalila Jehova.\\n9-Na muntu waanzamuka kukufwa kumbali lyakwe, aboobo ulasofwaazya mutwe wabu-Naziri bwakwe, uleelede kunyoola mutwe wakwe mubuzuba bwakulisalazya; anyoole mubuzuba bwamusanu aabili. 10-Lino mubuzuba bwamusanu aatatu alete inziba zyobile na bana bobile bankwilimba, alete kumupaizi kumulyango watente lyambunganino. 11Lino mupaizi apaizye yomwe, ibe cipaizyo cazibi, aimwi ibe cipaizyo cakutenta, aboobo ulamumanina mulandu wakwe ngwaakabisya mumakani aamutunta. Lino asalazye mutwe wakwe mubuzuba obo mbubonya, 12alisalazizye Jehova mazuba aabu-Naziri bwakwe. Nkabela uleelede kuleta kabelele kajisi mwaka omwe wakuzyalwa kabe cipaizyo camilandu. Pele mazuba aainda alalekwa, nkaambo kakuti bu-Naziri bwakwe bwakasofwaazigwa.\\n13-Lino ngooyu mulao wamu-Naziri, mazuba aakulipambula kwakwe naayoozulila. Uleelede kuletwa kumulyango watente lyambunganino, 14-nkabela uleelede kupaizizya Jehova cipaizyo cakwe, kabelele komwe kali amwaka omwe katakwe kampenda, kabe cipaizyo cakutenta, kabelele komwe kapwizi kali amwaka omwe katakwe kampenda, kabe cipaizyo cazibi, amugutu omwe uutakwe kampenda, abe cipaizyo cakutontozya, 15-acinzuma cazinkwa zitakwe bumena, zibunge zyabusu bunante zikandidwe amafuta, atubunge tutakwe bumena tunanikidwe mafuta, azipaizyo zyazyo zyabusu, azipaizyo zyazyo zyakunywa. 16Lino mupaizi azilete kubusyu bwa-Jehova, atuule cipaizyo cakwe cazibi acipaizyo cakwe cakutenta. 17Alimwi atuule mugutu, abe cipaizyo cakutontozya Jehova, antoomwe acinzuma cazinkwa zitakwe bumena. Acalo cipaizyo cakwe cabusu, acipaizyo cakwe cakunywa, mupaizi azituule zyoonse. 18-Lino mu-Naziri anyoole mutwe wabuNaziri bwakwe kumulyango watente lyambunganino, amasusu aamutwe wabu-Naziri bwakwe, aabweze akwaatenta mumulilo uuli kunsi lyacipaizyo cakwe cakutontozya. 19-Lino mupaizi abweze kuulu kwakaango kwamugutu, kwamana kujikwa, acibunge comwe citakwe bumena kuzwa mucinzuma, akabunge komwe katakwe bumena, azibike mumaanza aamu-Naziri, uumanide kunyoola mutwe wakulisalazya kwakwe. 20-Nkabela mupaizi uleelede kuziyumba, zibe cipaizyo cakuyumba, kubusyu bwa-Jehova, Ezi zilaba caabilo cisalalisya camupaizi, antoomwe akatiti kakuyumba acibelo cakupaizya. Bamana kucita obo, mu-Naziri ulakonzya kunywa waini,\\n21Mbuubede mulao wamu-Naziri uucita cikonke, Aletele Jehova cipaizyo ceelede cabu-Naziri bwakwe, kutaamba cintu cimwi ncakonzya kujana, Mbuli mbwaakacita cikonke, uleelede kucita mbubonya mbuli mulao wabu-Naziri bwakwe,\\nBapaizi mbubeelede kulongezya bantu\\n22Lino Jehova wakaambila Musa kuti, 23-Ambila Aroni abana bakwe kuti, Mbuboobu mbumweelede kulongezya bana ba-Israyeli. Amubaambile kuti.\\n24-Jehova akulongezye akukubamba.\\n25-Jehova akumunikile abusyu bwakwe akukufwida luzyalo.\\n26-Jehova akubusizye busyu bwakwe akukupa luumuno.\\n27-Mbuboobo mbubayoobikila bamu ba-Israyeli izina lyangu, nkabela njoobalongezya.","num_words":452,"character_repetition_ratio":0.083,"word_repetition_ratio":0.0,"special_characters_ratio":0.165,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Musa Achiteyo Chiyaka | Zyiiyo Zyabana Zizwa muBbayibbele\\nMusa wakakkala kuMidiyani kwaminyaka iili 40. Wakakwata nkuko akuba abana. Limwi zuba kali kweembela mbelele afwiifwi akuChilundu chaSinayi, wakabona chintu chigambya. Wakabona chiteyo chamumvwa kachili kuyaka, pesi kachitapyi pe! Chiindi Musa nakaswena afwiifwi, wakamvwa jwi lyakali kuzwa muchiteyo kaliti: ‘Musa! Utasweni afwiifwi pe. Gwisya nsangu zyako, nkaambo wiimvwi abusena busalalisya.’ NguJehova wakali kwaambuula kabelesya mungelo.\\nMusa wakayoowa, mpawo wakalivumba kumeso. Jwi eelyo lyakati: ‘Ndilikubwene kupenzegwa kwamaIsrayeli. Ndiyoobagwisya munyika yaEgepita akubatola kunyika mbotu. Ndasala nduwe kuti ukagwisye bantu bangu kuEgepita.’ Ubonaanga Musa taakayoowa na?\\nMusa wakabuzya kuti: ‘Ndiyootyeni bantu bakundibuzya kuti ngwani wandituma?’ Leza wakamusandula kati: ‘Ukababuzye kuti Jehova, Leza waAbrahamu, Leza waIzaka aLeza waJakkobo nguwe wandituma.’ Mpawo Musa wakati: ‘Ani kuti bakakake kundiswiilila?’ Jehova wakatondeezya Musa chitondeezyo chakuti wakali kuyoogwasya Musa. Wakabuzya Musa kuti awaale nkoli yakwe aansi. Mpawo nkoli yakwe yakaba nzoka! Chiindi Musa naakajata muchila wanzoka, yakachincha akuba nkoli lubo. Mpawo Jehova wakati: ‘Wakuchita chitondeezyo eechi, bayooziba kuti ndime ndakutuma.’\\nMusa wakati: ‘Tandikonzyi pe kwaambuula kabotu.’ Pesi Jehova wakamusyomezya kuti: ‘Ndiyookubuzya nzweelede kwaamba alimwi ndiyoobuzya mwanike wako Aroni kuti akugwasye.’ Chiindi Musa naakaziba kuti Jehova wakali kuyoomugwasya, wakabweeda kuEgepita kali amukayintu wakwe abana bakwe.\\n“Mutalibiliki kuti, nkaambe buti? Nkaambenzi? Nkaambo eco ncimweelede kwaamba muyoocipegwa kuciindi nciconya.”—Matayo 10:19\\nMibuzyo: Niinzi Musa nchaakabona chiindi naakali kweembela mbelele? Jehova wakali kuyanda kuti Musa achiteenzi?\\nKulonga 3:1–4:20; Incito 7:30-36","num_words":214,"character_repetition_ratio":0.062,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Baroma 16 | Bbaibbele Lili a Intaneti | Bbaibbele lya Busanduluzi Bwanyika Mpya\\n16 Ndiyanda kumuzyibya zya Febe mucizyi wesu, uubelekela mumbungano iili mu Kenkileya, 2 kuti mumutambule kabotu mu Mwami munzila yeelede basalali, alimwi akuti mumugwasye mumakani aali woonse mwanga wayandika lugwasyo, nkaambo awalo wakagwasya bakwesu banji, kubikkilizya andime lwangu. 3 Amundaanzyizye Pulisika a Akula basimilimoma muli Kilisito Jesu, 4 ibakalibambilide kukosolwa nsingo kutegwa kandili muumi, aabo ibalumbwa ikutali andime buyo pele ambungano zyoonse zyabamasi. 5 Alimwi amwaanzye mbungano iili muŋanda yabo. Amwaanzye muyandwa wangu Epeneto, ooyo uuli njemicelo yakusaanguna ya Kilisito mu Asiya. 6 Amumwaanzye Maliya, ooyo iwamubelekela milimo minji. 7 Amumwaanzye Anduloniko a Juniya ibamukowa wangu alimwi baangema, ibaalumi bazyibidwe kapati abatumwa alimwi ibali kutobela Kilisito kwaciindi cilamfwu kwiinda ndime. 8 Amundaanzyizye Ampiliyato muyandwa wangu mu Mwami. 9 Amumwaanzye Ubano similimoma muli Kilisito, amuyandwa wangu Sitaku. 10 Amumwaanzye Apele, uusyomeka muli Kilisito. Amubaanzye aabo bamuŋanda ya Alisitobulo. 11 Amumwaanzye Helodiyona wamukowa wangu. Amubaanzye basikwiiya ba Mwami bamuŋanda ya Nakiso. 12 Amubaanzye ba Tulufena a Tulufosa, bamakaintu ibabeleka canguzu mu Mwami. Amumwaanzye Pesida imuyandwa wesu, nkaambo wakabeleka milimo minji mu Mwami. 13 Amumwaanzye Lufo imusale mu Mwami, alimwi abanyina ibali mbabamaama andime. 14 Amumwaanzye Asunikilito, Felego, Heme, Patuloba, Hema abakwesu bali ambabo. 15 Amumwaanzye Filologo a Juliya, Neleya amucizyi wakwe, a Olumpa, alimwi abasalali boonse bali ambabo. 16 Kamwaanzyanya akumyontana kusalala. Ibambungano zya Kilisito boonse balamwaanzya. 17 Lino bakwesu ndimukulwaizya kuti mubacenjelele bantu aabo ibaleta kwaandaana azyintu eezyo izinga zyatyompya bamwi mukwiimpana anjiisyo nzyomwakaiya, alimwi amubatantamuke. 18 Nkaambo bantu bamusyobo ooyu tabali bazike ba Mwami wesu Kilisito pe, pele mbazike bazisusi* zyabo beni; alimwi kwiinda mumajwi aalweeno alimwi aabumpelenge boongelezya myoyo yabantu batakwe luuni. 19 Kumvwida kwanu kwazyibwa abantu boonse, aboobo ndilakondwa akaambo kandinywe. Pele ndiyanda kuti mube bantu basongo kuzyintu zibotu, pele ibanyina mulandu kuzyintu zibi. 20 Eelyo Leza uupa luumuno ulapwayaula Saatani kunsi aamaulu aanu lino-lino. Iluzyalo lwa Mwami wesu Jesu alube andinywe. 21 Timoteyo similimoma ulamwaanzya, abalo bamukowa wangu ba Lukiya, Jasoni alimwi a Sosipata balamwaanzya. 22 Andime nde Tetiyo, nendalemba lugwalo oolu, ndamwaanzya mu Mwami. 23 Simeenzu wangu Gayo, mukamwini ŋanda oomo imuswaanganina mbungano yoonse, ulamwaanzya. Elasito imuyobozi wamali aamunzi ulamwaanzya, alimwi a Kwato imwanookwabo. 24 —— 25 Lino kuli Leza uukonzya kumuyumya kweelana amakani mabotu ngondaambilizya amukukambaukwa kwa Jesu Kilisito, kweelana aciyubunuzyo camaseseke aa Leza aakasisidwe kwaciindi cilamfwu 26 pele lino aayubununwa akuzyibisyigwa kwiinda mumagwalo aabusinsimi kuli bamasi boonse kwiinda mukulailila kwa Leza uutamani kutegwa kube kumvwida kwiinda mulusyomo; 27 kuli Leza ooyu uuli ngomusongo alikke, akube bulemu kwiinda muli Jesu Kilisito mane kukabe kutamani. Ameni.\\n^ Naa, “mada.”","num_words":394,"character_repetition_ratio":0.059,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Basikulanga-langa Nyika Bali 12 Kuswaanizya Joshuwa aKkalebbu | Zyiiyo zyaBana Zizwa muBbayibbele\\nBMaIsrayeli nibakazwa kuChilundu chaSinayi bakaakukkala kuKkedesi iili munkanda yaParana. Nibakali nkukooko, Jehova wakabuzya Musa kuti: ‘Tuma baalumi bali 12 bazwa kumisyobo yoonse kuti bakalange-lange nyika yaKkenani njindiyanda kupa maIsrayeli.’ Mpawo Musa wakasala baalumi bali 12 akubabuzya kuti: ‘Amwiinke kunyika yaKkenani mukalange kuti ilaasele bbotu na lyakulima zilyo. Mukalange kuti bantu bankuko bali simide na naa kuti tabakwe manguzu akuti bakkala mumyuunzi na naa kuti mumatente.’ Basikulanga-langa nyika bali 12 kuswaanizya Joshuwa aKkalebbu, bakayinka kunyika yaKkenani.\\nNikwakiinda mazuba ali 40, basikulanga-langa nyika bakaboola kabali ankuyu, mapomegraneti amisaansa. Basikulanga-langa nyika bakaamba kuti: ‘Nyika twayibona nimbotu, pesi bantu bankuko balisimide alimwi myuunzi yabo ilamiduli yakukwabilila milamfu.’ Pesi Kkalebbu wakati: ‘Tulakonzya kubazunda. Atweende lino!’ Ulizi na kuti nkamboonzi Kkalebbu naakaamba oobu? Nkaambo Kkalebbu aJoshuwa bakali kusyoma Jehova. Pesi bamwi bakali 10 bakati: ‘Peepe. Bantu bankuko mbapati alimwi mabbabbani. Twalimbuli nsozi muunsi lyabo.’\\nMaIsrayeli bakayoowa. Bakasaanguna kusyoloka akwaamba kuti: ‘Atusale muzulwidi uumbi utatutole kuEgepita. Nkaambo kuti twayinka kunyika eeyi bayootujaya.’ Joshuwa aKkalebbu bakati: ‘Amuswiilile Jehova alimwi mutayoowi. Nkaambo Jehova uyootukwabilila.’ Pesi maIsrayeli taakaswiilila pe. Bakayeeya kujaya Joshuwa aKkalebbu.\\nJehova wakachita biyeni? Wakabuzya Musa kuti: ‘MaIsrayeli ndakabachitila zintu zyiingi, pesi tabandiswiilili pe. Nkinkaako, bayookkala munkanda kwaminyaka iili 40 alimwi bayoofwida mumo. Pesi bana babo, Joshuwa aKkalebbu bayoosika kunyika njindakabasyomezya kubapa.’\\n‘Nywebo nobasilusyomo luniini, nkamboonzi nimuyoowa?’—Matayo 8:26\\nMibuzyo: Niinzi chakachitika chiindi basikulanga-langa nyika bali 12 nibakasika kuzwa kuKkenani? Joshuwa aKkalebbu bakatondeezya biyeni kuti basyoma Jehova?","num_words":225,"character_repetition_ratio":0.089,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"MASESEKE ABUPONI BUBOTU\\nBayandauzyi banji baindene basola kulemba kasimpe ako kalembedwe kusanguna mubbaibbele:\\nBantu boonse bali pangidwe kabotu. Lino zibela zyamubili, maano amuuya kumuntu zili swangene alimwi kunyina mbotunga twa ziandanya. Munzila imwi, kufumbwa cinyonganya mizeezo, cinyonganya mubili. Bube bwesu bwa muuya bulajatikizya bube bwesu bwa mubili. Elyo tuli bantu bakwene Citondenzyo ncakuti, basyaabupampu mubuyandauzyi bakajana lwiiyo lugwasya kuti kukomana, aa kutangalala mukati mukukala kwa muntu, kucita kuti mubili ucikonze kulilwanina malwazi ulike. Elyo muntu inga waligwasya mumubili wakwe mukulwana malwazi mukukomana! Nkabela olu lwiiyo lulagwasya kutondezya mbuli mizeezo a mubili mbo ziswangene a kubelekela antoomwe.\\nLino cuulu camyaka yaiinda, ijwi lya Leza lilazubula kuswangana kuliko akati ka maano amubili oko kwaatambulwa munkamu zyakulenga misamu:\\n\"Moyo uukomana musamu mubotu, pele Muuya uutyokede ulayuminizya mubili.\" - Tusimpi 17:22.\\nElyo kwendelana a Johani sikwiya wa Jesu, utwaambila nzi amakani akuswangana kwa mano amubili kubube bwesu mumuuya?\\n\"Nobayandwa, ndakomba kuti MUPONE BUUMI BUBOTU alimwi zintu zyoonse zimuendele kabotu, mbubonya mbuuenda kabotu muuya wako.\" - 3 Johane 2.\\nNkabela mulengi wesu uyanda kuti swebo tube \"AMAUMI MABOTU.\" alimwi ijwi lya Leza lilabeleka mbuli kasensa ka buumi bubotu, alimwi mbuli kasensa ka buumi bu tamani. Mbubonya mbuli mubili amaano abube bwesu mumuuya zilaendelana antomwe. Aboobo Paulo utulomba kuti:\\n\"Nkaambo kaako kufumbwa zintu nzimucita, nikuba kulya, nikuba kunywa niciba cimwi, amuzyicite zyoonse cakuti kube bulemu bwa Leza.\" - I ba Korinto 10:31.\\nLino maakani mabotu a kristu alaswanganya antomwe kulengululwa kwa mubili alimwi akwa muuya. Elyo ikupona buumi bubotu inga kwatugwasya kuti tube abukale bubotu bwabuna Kristu. Njeyi milawo iili lusele (8) yelede kutobelwa kuti na uyanda kuba abuumi bubotu abukale bulampindu:\\n1. MUWO UUSALALA\\nMuwo mubotu ulayandika ku buumi bubotu. Muciindi ca sikati alimwi anoona masiku, manda esu, busena bwakubelekela, aleelede kuyakwa kabotu kajisi atusena kuti muuya kawiinda kutegwa bulowa bwabweza muuya muzibeela zyoonse zyamubili woonse. Elyo muciindi ca cifumofumo tweelede kweenda munzila kuti tujane muwo mubotu kumubili wesu. Nkabela musyobo wa muwo, ngotuyoya ncintu cipati. Amucenjele kuti mutabi muzilawo mujanika myuwo isofwede. Kufweba kulasofwazya muwo alimwi ncecintu cimwi ca jaya bantu banji mazuba ano. Bahabupampu bakajana kuti kuswaangana kuliwo akati katombwe akunsa, emhysema, bulwazi bwa moyo. Elyo mubili wakazibila kufweba ula komwa kucilengwa eci akukatazigwa kuleka. Aboobo kufweba kuya kujaya makamu abantu asika ku mwelwe wa 12 million munyika kusika kumwaka wa 2020, kuti na cilengwa eci ci zumanane.\\n2. MUMUNI WAZUBA\\n\"bulumbu mbotujana ku mumuni wa zuba mbunji:\\n1. Ciindi cisyonto abuzuba tweelede kukala azuba cifumofumo asikati elyo tuyakujana Vitamini D oyo uunga watupa cilyo cibotu ca lukanda. Nkabeela mavitamini D alagwasya bulowa kuleta busani bubotu buyo aku mafuwa azibela zimwi mumubili.\\n2. Mumuni wazuba ubeleka mbuli musamu uulalwana akuzunda tuuka mumubili.\\n3. Izuba lilapa inguzu kumasamu kuti acince muuya ameenda kuti abe busani buyaka. Kuti kakunyina eeci banyama abantu iinga bafwa.\\n4. Awalo mumuni wazuba ulagwasya kwanguluka kwa kubeleka masiku akugusya kutyompwa mazuba ampeyo asika.\\n\"Ijwi licejezya: Mumuni wazuba inga awalo waba unyonyona. Kuti na calampa ciindi cakukala azuba, nyama ilaumpwa kuleta bulwazi bwa kansa kumubili, kukosola kwa buponi akunyonyona meso, akuleta bulwazi bwa meso.\" (Otu tubeela twamu ciiyo eci tuzwa mumalembo ategwa, Kolanga Mujulu alimwi Upone (Look Up and Live): Ezi ziiyo zyabuumi bubotu aziiyo zyabapati mukota yakusanguna mu 1993, (Nampa, Idoho: wa Pacific Press Publishing Association).\\nMubili weleede kuba akulyokezya kuti uli bambulule. Tweelede kuba aciindi ca kulikomanisya (recreation) akulyokezya kweelede kuzwa kumilimo ayeeyo imwi iguma mukwasyi. Kuti kakunyina kulyookezya kweleede, bantu bala katala mumizeezo, kutakomana a kunyema. Kukatala kwa mizeezo kwammusyobo oyu kulakozya kuletela kuciswa, eci cilapa kuciswa akupa kuti tulyokezye kweendalana amubili mbuyandisya kuti ulyokezye. Kucina ci kozya kubweza musena wacindi cakoona kubotu kwa masiku. Nkabela kubukulusyigwa mumuuya buzuba a buzuba akwalo kulayandika kapati mumaumi esu. Ciindi camuna Kristu ca kuyeeya, kuyiiya mangwalo, a kupaila kuponya mubili a muuya. Tweleede kulyokezya kuzwa kumilimo, buzuba bumwi a mwviki, a mumumwaka na akati kamwaka.\\nKunyanyaala kubotu kubuponi bwesu:\\n1. Kunyanyala kulagwasya bulowa kuti bweende munzila imbotu.\\n2. Kunyanyala kulagwasya ku bulowa bunji kuti buunke kuzibela zyoonse mumubili, akupa kukasaala kwelede.\\n3. Kunyanyala kulagusya nguzu abukali, kugwasya kuliswilila kabotu mumakani abuumi. Kunyanyala ncintu cigwasya kupona kuzwa kumizeezo aku katala.\\n4. Kunyanyala kulapa inguzu zipati kuboongo ansinga mumubili. Calo cigwaasya mubili kulwana malwazi. Kuti kunyanyala kubotu kumubili kwajanika, kulaba kuyeeya kubotu akucita ceelede.\\n5. Inga cagwasya kuba a lukanda lubotu a kuba a mubili mubotu.\\n6. Kunyanyala kulapa kuti muntu abe anguzu zini, eci cilamusya kukatala kwa mubili a mizeezo.\\n7. Cilagwasya bongo kubamba mucelo uupa buumi bubotu akuyuungizya inguzu zyakutamvwa Kucisa.\\nKuti naa tonyanyali, kotalika asyonto mane uyungizye kusika ciindi notikacikozye. Elyo cilabota kuti wabuzya musilisi kotana talika oobo. Imbakani ibe yakuti kukunyanyala kwako kube kwelane kweenda musinzo ukwana mailo omwe mu ciindi ca cisela lya cisela ca oola (15 mintues) kwazindi zyo ne akwindilila mumviiki yomwe.\\nNkaambo meenda ayandika kusilika zyoonse mumubili. Elyo tweelede kunywa meenda manji.\\n1.\\t70 percent kulema kwamubili, meenda.\\n2. Mubili uyanda meenda manji aasika ku ka gumbuli komwe kuti ubeleke mulimo wayo. Umwi mulimo nkugwasya bulowa kuti bweende kabotu, kukugwiisya tombe, akwenzya cakulya cabusani bubotu akugaya zyakulya.\\n3. Elyo kubika antomwe muntu ulijisi isinga zinji kapati kuboongo. Akamwi kalilijisi 70-80 percent wameenda. Lino meenda alayandika mukugwasya kusalazya mizeezo akuti kotatyompwi aku nyema.\\n4. Taakuli buyo kunywa meenda kuyandika. Pele kusamba meenda aakasala cilagwasya nsinga kwenda kabotu, kupa nguzu kumubili amizeezo. Kusamba kupa kukatuluka kwa nsinga, oko kunga kulapa malwazi mumubili. Aboobo kusamba akwalo kulapa kuti tombe lizwe amubili akulesya mubili kupya.\\n6. KULYA KWELEEDE\\nKumatalikilo, Leza wakaambila Adamu a Eva kulya nyemu, nsangu, a micelo (Matalikilo 1:29). Elyo Adam a Eva nibakabisya, cisyumani caka sanganyizyigwa kuzilyo zyabo (Matalikilo 3:18). Niwakamana muyoba, nkabela Leza wakayungizya banyama \"basalala\" kizilyo zyabokuti inga (Matalikilo 7:2-3, 9:1-6). Nkabela nyama yabanyama ilijisi mafuta, malwazi a moyo, kutijana kwa bulowa, kulebuka, kansa, kunenesya, syuka, amalwazi amwi. Ano mazuba basilisi balailila kuti abo balya nyama inyina mafuta , answii zijikwa kabotu, akuta zilya lyonse-lyonse.\\nNkaambo abo balya busani bwa zisyu amisasa bapona buumi bubotu kapati akupona ciindi cilamfu. Elyo basikulanga makani abusani bubotu abuponi, baamba kuti kojekela kuli zyakulya Leza zyakaanza kumatalikilo (zisyu misasa).\\nLino na koyanda kutalika zyisyu mani amisasa, weelede kuziba cakusanguna zilyo zilulide mucilawo ca nyama. Weelede kulya zyakulya zyandene micelo, nyemu, nsangu, misyobo yoonse yazimbwali azisyu. Zisyu zisiya a zisalala, ma lemoni a ma orange zilayandika. amisasa nkambo zyilayandika kapati. Alimwi ubelesye fulaulo, rice itatubi acilawo ca utuba.\\nZyakulya zipa nguzu mumubili zyeelede kuligwa ziindi zili cisambomwi abuzuba. Nkabela mucilawo ca mafuta aanyama ubelesye mafuta azwa kuzisyu. Lino busani obu bulayandika kapati kakunyina zintu zizwa munyama. Aboobo kuli babo bayanda kulya nyama mbuli cakulya cabo, beleede kulya buyo nyama \"isalala,\" mbuli Bbaibbele mbolyaamba obu. Leza nakazumizya kulya nyama niwakamana muyoba (Matalikilo 7:2-3, Ba Levi 11:47), wakapandulula banyama basalala, alimwi abatakali kusalala -batelede kuligwa.\\nKobala ba Levi 11 alimwi a Ditolonomi 14 kulibayuni, banyama , inswi, Leza mwini wamba kuti zilatondwa. Kwendelana ampango ezi, banyama basalala balelede kwandanya, nsumba alimwi aku selula. Inswi zisalala zilelede kuba amamba atuyambyo. Bayuni balya zintu zi sofwede tabelede kuligwa pepe.\\nAkati kabanyama batasalali, ingulube ayalo ilatondwa (Ditolonomi 14:8). Mibili minji yabantu iipasulwa ijanika abulwazi bwa tuzoka (trichinae). Otu tuzoka tula janika kubantu balya ngulube ijisi bulwazi obu. Basyibusongo mazuba ano nci bazumanana kuzubulula Leza ncakambila kuti bamwi banyama bali sofwede. Kaambo kamwi nkuti bubi bwamalwazi, mbuli tuzoka twa ngulube. Alimwi kaambo nka buyumuyumu mukugaya cakulya cila mafuta mumubili wamuntu.\\n7. KULEKA ZINTU ZILETA NTENDA\\nKucenjenzya kuli buti mangwalo nkwapa amakani a bukoko?\\n\"Bukoko bulasampaula, zyakulya zikola zilapilinganya; Kufumbwa unywa kulinzizyo tali musongo.\" - Tusimpi 20:1.\\n\"Nibaba babbi nababa basikulikumbuzya nibaba BAKOLWI nibaba basimatusi nibaba basilunyasyo tabako yookona bwami bwa Leza.\" - 1 Ba Kolinto 6:10.\\nBukoko ncobucita kuzizo zyamubili wamuntu nzyezi:\\n1. Bukoko bulapa zibela zyamubili kutabeleka kabotu mukulwana malwazi\\nmunzila yeelede,abobo akupa kuti muntu kakonzya kuba maalwazi ali\\nmbuli kasinga mucaamba, kukola (T.B.), amisyobo ya madonda mwaka\\n2. kunyongana kwa mubili wa bukaintu! Kunywa buyo mabbodela obilo\\naabukoko abuzuba cilapa madda kuzwa, bana baindilila akuzyala\\n3. Kweenda kwa bulowa-kunywa bukoko kuleta bulwazi bwa moyo,\\nkucesya syuka mubulowa, kuvuzya mafuuta mubulowa aku yungizya\\nkubalika kwa bulowa, eco cipa kuti moyo utabeleki kabotu.\\n4. Bweende bwacakulya mumubili- bulanyonganya mwida, zipa kuba\\nazilonda mwida... cilengwa ca kunywa bukoko cileta malwazi a muni.\\nBukoko bupa kuti Bantu banji kabalisina, lufu lwa ntenda zya myota, malwazi, kusofwazya bana, a kulwana mumaanda.\\n8. KUSYOMA MUNGUZU ZYA LEZA\\nMuntu upenzegwa abukandu a kuli senda ulaba a buyumu-yumkujana bulumbu bumaninide kucilila malailile a buponi bubotu ngotwapadulula omu. Pele muntu usyoma cakukomana muli Leza uya kujana intalisyo ya buumi mubotu.\\n\"Omuuya wangu kolumba Leza akutaluba bubotu bwakwe... watujatila bubi boonse aakuponya malwazi oonse, alimwi watufutula kuzwa kuciindi camapenzi.\" - Intembauzyo 103:2-4.\\nDavid Larson, mulaizi wa cikolo ca bube bubotu bwa bongo ku Amerika (National Institute Of Mental Health) waka iiya a kuyandaula maakani aku swaangana kuliko akati a kukomba a buumi bubotu. Mu lwiiyo lwakwe, wakajana kuti kuli ku swangana kubunkutwe mubuKlistu a kupona buumi bubotu.\\nWakagambwa kujana kuti: Bantu ba komba bala pona myaka minji kwinda ba ta kombi. Bunji bwa Bantu bakomba tabaciswi malwazi a myoyo, kusinka kwa nsinga zya moyo, kubalika kwa bulowa, amalwazi ambi. Abo basyoma muli Leza balapona buumi bulampindu nkambo zindi zinji tabatyompwi, kuba bacakolwa, Bantu baindululwa kwangwa, nanka kuba mulukwato lunyina kukomana. Kusyoma munguzu zyabuLeza nce cintu cipati cabube bubotu alimwi abuponi bwakukomana.\\nMunsi munsi wa mwelwe wabantu usika ku zyuulu makumi osanwe aa Bantu bana Nsabata bakali ku langilizigwa kwamyaka iinda ku makumi otatwe (30 years) mu dolopo lya Kalifoniya. Mukulangilizya ooku cakajanika kuti balombwana bana Nsabata balapona kusika ku myaka isika 8.9 kwiinda batali bana Nsabata kakuli bamakaintu bana Nsabata balakonzya kukala myaka 7.5 kwiinda bamakaintu batali bana Nsabata. Kulangilizigwa ooku kwa banaNsabata kwaka citwa a mu Holland, Norway aku Polland kwaka janika kuti ncimwi buyo. Aboobo aba bayandauzi bakajana kuti cipa bana Nsabata kuti kabapona myaka minji nku cilila imwi ya milawo eeyi na yoonse nji twajana mu ciiyo eeci. Abo batobela lulayo olu, tabakali buyo myaka minji, pesi alimwi balapona maumi ali kabotu.\\nKu cilila Bbaibbele nci lyaamba mubukale bwesu cipa kwaandana mu nzila zyoonse mubukale bwesu, eci citondezya kuti lukondo lwa ci klistu lulike, ndo lukondo lulondokede munyila yoonse. Lula sandula Bantu - kuyeeya kwabo alimwi a micito yabo - alimwi cila lenga buumi bupya. Nkaambo ka kuswaangana kuliko akati ka mubili, amaano, abube bwamumuuya, banakristo bapona amalailile ajwi lya Leza balayanda kutobela milawo yabuponi bubotu ciindi nobalibambila kuti bakaswangane a Jesu naya kubola alimwi (1 Johani 3:1-3).\\nKlistu tayandi buyo kuti tuli bambile kuswaangana Anguwe aakuboola lwabili, pesi uyanda kusumpula bube bwa maumi ngo tupona lino. Inga twaswangana anguwe mukutobela milawo ya Leza yabuponi bubotu. Jesu Klistu wasyomezya kutunununa kuzwa kutumpenda tunyonyoona toonse kwiinda \"munguzu Zyakwe zibeleka mukati muli ndiswe\" (Ba Efeso 3:20). Na kosola kuleka kukkoma tumpenda - tu nyonyoona mubili mbuli kufweba tombwe, kunywa makoko, kusola kwako konse kulaba kwa buyo. Pesi kwinda muku jana nguzu mujwi lya Leza ezyo \"zibeleka muli ndiwe,\" Leza ulakonzya kukupa nguzu kuti uzunde. Ijwi lya Leza lisyomezya kuti: \"Inga ndacita zintu zyoonse kwiinda muli Kristo undipa nguzu\" (Ba Filipi 4:13).","num_words":1730,"character_repetition_ratio":0.034,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"1 Ndime Juda, muzike wa Jesu Kilisito pele imunyina Jakobo, nendilembela baabo bakaitwa ibayandwa a Leza Taata alimwi ibabambilidwe Jesu Kilisito kuti: 2 Amuyungizyilwe luse, luumuno alimwi aluyando. 3 Nobayandwa, nokuba kuti ndakali kusoleka kusikila mpondigolela kuti ndimulembele makani aalufwutuko ndotujisi toonse, ndakabona kuti ndeelede kumulembela makani aakumukulwaizya kuti muyume kulwanina lusyomo ilwakapegwa ciindi comwe buyo kubasalali. 4 Ndacita boobo nkaambo kuli bantu bamwi ibali kunjila akati kanu cakusobelela, aabo kuzwa kaindi ibasalidwe a Magwalo kuti babe alubeta oolu—ibantu basampaula Leza, ibasandula luzyalo lwa Leza kuba cilitamizyo cakuba abukkale busesemya, alimwi batasyomeki kuli yooyo Mukamwini alimwi Mwami wesu uuli alikke, Jesu Kilisito. 5 Nokuba kuti mulizizyi kabotu zyintu zyoonse eezyi, ndiyanda kumuyeezya kuti Jehova wakabafwutula bantu bamwi kuzwa munyika ya Egepita, pele kumbele wakabanyonyoona aabo ibatakali kutondezya lusyomo. 6 Alimwi ibangelo batakazumanana mubusena bwabo bwakusaanguna pele ibakasiya busena bwabo bwakukkala bubeelede ulibayobwede kabaangidwe nketani lyoonse mumudima uusiya mbi kusikila nobayoobetekwa mubuzuba bupati. 7 Mbubonya buyo, Sodoma a Gomola alimwi aminzi yakali munsi-munsi, ayalo yakacita bwaamu butaambiki akutobela zisusi zyanyama zitondwa. Eeyi ibikkidwe kumbele lyesu kuti cibe cikozyanyo cakutucenjezya kwiinda mukwiibeteka akwiipa cisubulo camulilo uutamani. 8 Nokuba boobo, bantu aaba abalo mbaasikulota, basofwaazya mubili, banyansya beendelezi alimwi basampaula baabo balemekwa. 9 Pele Mikayeli silutwe wabangelo naakaimpana a Diabolosi alimwi naakali kukazyanya anguwe kujatikizya mubili wa Musa, kunyina naakasola kumubeteka cakumusampaula pe, pele wakati: “Jehova akukalalile.” 10 Nokuba boobo, bantu aaba basampaula zyintu zyoonse nzyobatamvwisyi ncobeni. Alimwi zyintu zyoonse nzyobamvwisya kweelana aluzyibo ndobakalengwa andulo mbubonya mbuli banyama batayeeyi, nzyobazumanana kulisofwaazya anzizyo. 11 Maawe kuli mbabo, nkaambo batobela nzila ya Kaini, alimwi babalikila munzila iilubide ya Balamu kutegwa bajane bulumbu, alimwi banyonyooka muŋambawido yabuzangi ya Kola! 12 Aaba bantu mabwe aatalibonyi mumaanzi mumapobwe aanu aaluyando ciindi nobalya andinywe, mbeembezi balisanina beni cakutayoowa; makumbi aatakwe maanzi aapepululwa amuwo ooku akooku; masamu aatazyede micelo kuciindi cangawo,* aafwide ziindi zyobilo, aazyulidwe; 13 mayuwe aamulwizi aayoosya aagusya ccovwu lyawo lyazyintu zyuusya nsoni; ninyenyeezi zitakwe nzila ini-ini moziinda, iziyobwedwe mudima uusiya mbi mane kukabe kutamani. 14 Inzya, Enoki, imuntu waciloba mumulongo kuzwa kuli Adamu awalo wakasinsima kujatikizya mbabo, naakati: “Amubone! Jehova wakaboola amakumi-makumi aazyuulu zyabangelo bakwe basalala, 15 kuti abeteke bantu boonse, akubazula boonse basampaula Leza mumicito yabo iisampaula Leza njobakacita munzila iisampaula Leza, alimwi akujatikizya zyintu zyoonse ziyumya mate nzyobakali kumwaamba basizibi basampaula Leza.” 16 Aaba bantu mbaasikuŋuŋuna, lyoonse balatongooka kujatikizya bukkale bwabo, batobela zisusi zyabo beni, alimwi milomo yabo yaamba majwi aakulidunda, kulubazu lumwi balumbaizya bantu kutegwa baligwasye lwabo beni. 17 Pele nywebo nobayandwa, amuyeeye majwi aakaambwa musyule abatumwa ba Mwami wesu Jesu Kilisito, 18 mbobakali kumwaambila kuti: “Kuciindi camamanino kuyooba basikasampusampu, ibayootobela zisusi zyabo beni kutegwa bacite zyintu zisampaula Leza.” 19 Aaba mbabantu baandaanya bamwi, ibajisi zilengwa zyabunyama, ibatabikkili maano kuzyintu zyakumuuya.* 20 Pele nywebo, nobayandwa, amuliyake nobeni antalisyo yalusyomo lwanu lusalalisya alimwi kamupaila amuuya uusalala 21 ikutegwa muzumanane kukkala muluyando lwa Leza, eelyo nomulindila luse lwa Mwami wesu Jesu Kilisito ilusololela kubuumi butamani. 22 Kunze lyaboobo, amuzumanane kubafwida luse aabo bamwi ibadooneka; 23 amubafwutule kwiinda mukubakwempa kuzwa mumulilo. Pele amuzumanane kubafwida luse bamwi, kamucita boobo cakuyoowa, kumwi kamusulaika nociba cisani cabisyigwa amubili wanyama. 24 Lino kuli yooyo uukonzya kumukwabilila kutegwa mutalebwi alimwi akumupa kwiima nji cakukondwa kapati kamutakwe kampenda kumbele lyabulemu bwakwe, 25 kuli Leza omwe buyo Mufwutuli wesu kwiinda muli Jesu Kilisito Mwami wesu, akube bulemu, bupati, nguzu alimwi abweendelezi kuzwa lili alili asunu alimwi alyoonse mane kukabe kutamani. Ameni.\\n^ Mu Chigiliki, “kumamanino aaciindi (citegwa) lituba maila.”\\n^ Mu Chigiliki, “ibatajisi muuya.”","num_words":543,"character_repetition_ratio":0.049,"word_repetition_ratio":0.0,"special_characters_ratio":0.159,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Nguni Weendelezya Mizeezo Yanu? | Yakwiiya\\nNgazi Yamulindizi—Yakwiiya | November 2018\\nAMUBALE MU Afrikaans Albanian Altai Alur American Sign Language Amharic Amis Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Bolivian Sign Language Boulou Brazilian Sign Language British Sign Language Bulgarian Cakchiquel (Western) Catalan Cebuano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Colombian Sign Language Costa Rican Sign Language Croatian Cuban Sign Language Czech Czech Sign Language Damara Dangme Danish Digor Douala Dutch Ecuadorian Sign Language Edo Efik English Esan Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Greek Greek Sign Language Guadeloupean Creole Guarani Guatemalan Sign Language Gujarati Gun Haitian Creole Hausa Hebrew Herero Hiligaynon Hindi Hiri Motu Honduras Sign Language Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kabuverdianu Kannada Kekchi Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Latvian Lingala Lithuanian Low German Luganda Lunda Luo Luvale Macedonian Malagasy Malawi Sign Language Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mexican Sign Language Mingrelian Mixe (North Central) Mixtec (Guerrero) Mongolian Moore Motu Mozambican Sign Language Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nicaraguan Sign Language Norwegian Nzema Okpe Oromo Ossetian Otetela Panamanian Sign Language Pangasinan Papiamento (Curaçao) Paraguayan Sign Language Persian Peruvian Sign Language Pidgin (West Africa) Polish Polish Sign Language Ponapean Portuguese Portuguese (Portugal) Portuguese Sign Language Punjabi Quebec Sign Language Quechua (Ancash) Quechua (Bolivia) Romanian Romanian Sign Language Russian Russian Sign Language Salvadoran Sign Language Samoan Sango Sepedi Sepulana Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Venezuelan Sign Language Vietnamese Waray-Waray Wolaita Xhosa Yoruba Zambian Sign Language Zande Zapotec (Isthmus) Zimbabwe Sign Language Zulu\\nIno Nguni Weendelezya Mizeezo Yanu?\\n“Amuleke kutobela ziyanza zyabweende bwazintu obuno.”—ROM. 12:2.\\nNYIMBO: 88, 45\\nSENA INGA MWAINGULA?\\nNkaambo nzi mizeezo ya Jehova ncoitugwasya?\\nNkaambo nzi mizeezo ya Jehova ncoisumpukide kwiinda mizeezo yamunyika eeyi?\\nIno ncinzi ncotweelede kucita kutegwa tutantamuke kutobela ziyanza zyabweende bwazintu obuno?\\n1, 2. (a) Ino Jesu wakaingula buti kululayo lwa Petro lwakuti alyeengelele? (Amubone cifwanikiso icili kumatalikilo aacibalo.) (b) Nkaambo nzi Jesu ncaakaingula boobo?\\nBASIKWIIYA ba Jesu tiibakacisyoma ncobakamvwa. Jesu, walo ngobakali kulangila kuti nguuyoobukulusya bwami bwa Israyeli, wakabaambila kuti muciindi buyo cisyoonto, wakali kuyoopenga akufwa. Mwaapostolo Petro ngowakasaanguna kwiingula kwiinda mukwaamba kuti: “Kolyeengelela Mwami; eeci tacikakucitikili pe.” Mpoonya Jesu wakamwiingula kuti: “Koya kusyule lyangu, Saatani! Uli cilebyo kulindime, nkaambo ulaamizeezo yabantu ikutali ya Leza.”—Mt. 16:21-23; Mil. 1:6.\\n2 Kweelana amajwi aaya, Jesu wakatondezya kwiindana kuliko akati kamizeezo ya Leza alimwi amizeezo iili munyika eeyi yeendelezyegwa a Saatani. (1Joh. 5:19) Petro wakatondezya muuya wakuliyanda uuli munyika. Pele Jesu wakalizyi kuti mizeezo ya Bausyi yakaliindene. Wakalizyi kuti Leza wakali kuyanda kuti alibambile kujatikizya kupenga alimwi alufwu izyakali kumulindila. Mubwiinguzi bwakwe kuli Petro, Jesu wakaikaka caantangalala mizeezo yamunyika akuzumina mizeezo ya Jehova.\\n3. Nkaambo nzi ncocitali cuubauba kukaka mizeezo yamunyika akuzumina mizeezo ya Jehova?\\n3 Mbuti kujatikizya ndiswe? Sena tujisi mizeezo ya Leza naa yamunyika? Masimpe, kweelede kuti tulabeleka canguzu kupona kweelana akuyanda kwa Leza. Pele ino mbuti kujatikizya mizeezo yesu? Sena mizeezo yesu alimwi ambotuzibona zintu kuleendelana ambwacita Jehova? Kucita boobo kuyanda kubeleka canguzu. Pele mukwiimpana, mizeezo yamunyika taiyandiki kubeleka canguzu. Cili boobu akaambo kakuti tuzingulukidwe amuuya wanyika. (Ef. 2:2) Kuyungizya waawo, akaambo kakuti kanji-kanji ikulwaizya kuliyanda, mizeezo yamunyika ilakonzya kulibonya kuba kabotu. Masimpe, tacili cuubauba kuba amizeezo ya Jehova pele ncuubauba kuba amizeezo yamunyika.\\n4. (a) Ncinzi ciyoocitika kuti twalekela nyika kweendelezya mizeezo yesu? (b) Ino cibalo eeci cilatugwasya buti?\\n4 Nokuba boobo, ikuti naa twalekela nyika kweendelezya mizeezo yesu, kanji-kanji tunootondezya muuya wakuliyanda alimwi akutayanda kweendelezyegwa. (Mk. 7:21, 22) Aboobo cilayandika kapati kuba ‘amizeezo ya Leza’ ikutali “mizeezo yabantu.” Cibalo eeci cilatugwasya. Cilalanga-langa ikaambo kweendelanya mizeezo yesu aya Jehova ncocigwasya akuti tacili cintu ciminya. Alimwi cilatutondezya mbotukonzya kukutantamuka kweendelezyegwa amizeezo yanyika. Mucibalo citobela tuyoolanga-langa mbotukonzya kuba amizeezo ya Jehova mumakani aayindene-indene alimwi akuyeeya mbuli mbwayeeya Jehova.\\nMIZEEZO YA JEHOVA ILAGWASYA ALIMWI MIBOTU\\n5. Nkaambo nzi bantu bamwi ncobakaka kweendelezyegwa amuntu uuli woonse?\\n5 Bantu bamwi balakaka kweendelezyegwa amuntu uuli woonse. Baamba kuti, “Ndilaliyeeyela ndemwini.” Nobaamba boobu, ambweni inga bapandulula kuti balalisalila zyakucita alimwi akuti cileelela kucita boobu. Tabayandi kweendelezyegwa alimwi tabayandi kucita zintu mbuli bucita bamwi. *\\n6. (a) Ino ndwaanguluko nzi ndwatupede Jehova? (b) Sena ooku nkwaanguluka cakumanina?\\n6 Nokuba boobo, masimpe ngakuti, kuba amizeezo yeendelana aya Jehova tacaambi kuti tucinyina lwaanguluko luli loonse. Kweelana alugwalo lwa 2 Bakorinto 3:17, “kuli muuya wa Jehova, kuli lwaanguluko.” Tulaangulukide kuba abube mbotuyanda. Tulakonzya kucita zintu kweelana ambotuyanda alimwi akusala zintu nzyotukkomanina. Masimpe, oobu mbombubo mbwaakatulenga Jehova. Nokuba boobo, lwaanguluko lwesu kuli mpolugolela. (Amubale 1 Petro 2:16.) Caboola kumakani aakusala kucita ciluzi acitaluzi, Jehova uyanda kuti katusololelwa amizeezo yakwe kweelana ambolitondezya Jwi lyakwe. Sena kucita boobu kutondezya kuti Jehova ulaciindizya naa kuti uyanda kutugwasya?\\n7, 8. Sena nkuciindizya kubona zintu mbuli mbwazibona Jehova? Amupe cikozyanyo.\\n7 Atulange-lange cikozyanyo eeci. Bazyali balayandisya kuyiisya bana babo milawo iili kabotu. Balakonzya kubayiisya kuba bantu basyomeka, bankutwe alimwi ibabikkila maano kuli bamwi. Ooku takuli kuciindizya. Muciindi caboobo, bazyali bagwasyilizya bana babo kuti bazwidilile mubuumi. Ciindi bana baakukomena akuzwa aŋanda, banoojisi lwaanguluko lwakulisalila. Ikuti bazitobela nzyobabayiisya bazyali babo, balalangilwa kunoosala cabusongo. Aboobo, bayoocikonzya kweeleba mapenzi aakonzya kuboola akaambo kakutasala cabusongo.\\n8 Mbubwenya mbuli muzyali mubotu, Jehova uyanda kuti bana bakwe kabajisi buumi bulaampindu. (Is. 48:17, 18) Aboobo, ulapa njiisyo zijatikizya kulilemeka alimwi ambotweelede kubeendelezya bamwi. Ulatuyiisya kubona zintu mbuli mbwazibona walo alimwi akupona kweelana amalailile aakwe. Kucita boobo takuli kuciindizya, muciindi caboobo, kutugwasya kucita zintu munzila iiluzi. (Int. 92:5; Tus. 2:1-5; Is. 55:9) Eeci citugwasya kusala cabusongo calo icisololela kulukkomano alimwi akuzwidilila. (Int. 1:2, 3) Masimpe, kuyeeya mbwayeeya Jehova kulagwasya alimwi nkubotu!\\nMIZEEZO YA JEHOVA ILISUMPUKIDE\\n9, 10. Mbuti mizeezo ya Jehova mboisumpukide kwiinda yeeyo yamunyika?\\n9 Kaambo akamwi ikapa kuti bakombi ba Jehova kabayanda kuba amizeezo ya Leza nkakuti mizeezo yakwe ilisumpukide kapati kwiinda yeeyo yamunyika eeyi. Nyika ilapa lulayo lujatikizya kulilemeka, kukkala kabotu mumikwasyi, bwakujana mulimo uuli kabotu, alimwi ambazu zimwi zyabuumi. Pele bunji bwalulayo oolu talweendelani amizeezo ya Jehova. Mucikozyanyo, kanji-kanji nyika ikulwaizya muuya wakulisumpula. Alimwi ikulwaizya bantu kubona kuti cili buyo kabotu kucita bwaamu. Mizeezo yanyika yaamba kuti banabukwetene balakonzya kujana lukkomano lunji ikuti naa baandaana alimwi akulekana. Lulayo luli boobu lulakazyanya ancaamba Magwalo. Pele sena lulayo lumwi lwamunyika lulagwasya?\\n10 Jesu wakaamba kuti: “Busongo bulabonwa kuti buliluleme kwiinda mumilimo yambubo.” (Mt. 11:19) Nyika yayaambele muzyakupanga-panga; nokuba boobo, tiiyacikonzya kwaamana mapenzi mapati aapa kuti kakunyina lukkomano, mbuli nkondo, kusalana mubala, alimwi abugwebenga. Alimwi ino mbuti kujatikizya mboikubona kutalilemeka mumakani aakoonana? Bantu banji balazumina kuti kutalilemeka kuli boobu kwaleta kwaandaana mumikwasyi, malwazi, alimwi amapenzi aamwi. Mukwiimpana, Banakristo ibabona zintu mbuli mbwazibona Leza balijisi lukkomano mumikwasyi, buumi bubotu akaambo kakusalala mukulilemeka, alimwi aluumuno abasyominyina nyika yoonse mboizulwa. (Is. 2:4; Mil. 10:34, 35; 1Kor. 6:9-11) Sena eeci tacitondezyi kuti mizeezo ya Jehova ilisumpukide kwiinda yeeyo yamunyika?\\n11. Ino mbusolozi bwani ibwakagwasya Musa, alimwi ino ncinzi cakacitika?\\n11 Bakombi bakasimpe ibakaindi bakalizyi kuti mizeezo ya Jehova ilisumpukide. Mucikozyanyo, nokuba kuti Musa wakayiisyigwa “busongo boonse bwabana Egepita,” wakasyoma Leza kutegwa abe “amoyo wabusongo.” (Mil. 7:22; Int. 90:12) Alimwi wakalomba Jehova kuti: “Kondizyibya nzila zyako.” (Kul. 33:13) Akaambo kakusololelwa a Jehova, Musa wakabelesyegwa kapati mukuzuzikizya makanze aa Jehova alimwi wakapegwa bulemu kwiinda mukumwaamba kuti mwaalumi iwakajisi lusyomo.—Heb. 11:24-27.\\n12. Ino mwaapostolo Paulo wakali kusololelwa aanzi?\\n12 Mwaapostolo Paulo wakali mwaalumi musongo, iwakayiide kapati alimwi iwakazyi mwaambo wa Chihebrayo alimwi a Chigiliki. (Mil. 5:34; 21:37, 39; 22:2, 3) Nokuba boobo, kujatikizya makani aanjiisyo, wakabukaka busongo bwamunyika. Muciindi caboobo, wakali kucita zintu kweelana ancaamba Magwalo. (Amubale Milimo 17:2; 1 Bakorinto 2:6, 7, 13.) Akaambo kaceeci, Paulo wakazwidilila mumulimo alimwi akulangila bulumbu ibwatakali kukonzya kumana.—2Tim. 4:8.\\n13. Ino nguni uujisi mukuli wakweendelezya mizeezo yesu kutegwa kayeendelana aya Jehova?\\n13 Cakutadooneka, mizeezo ya Leza ilisumpukide kwiinda yeeyo yanyika. Kupona kweelana azyeelelo zyakwe kuyootupa kukkomana kapati alimwi akuzwidilila. Pele Jehova kunyina natusinikizya kuba amizeezo mbuli yakwe. “Muzike uusyomeka” kunyina nayendelezya mizeezo yamuntu umwi aumwi, abalo baalu tabaciti oobo pe. (Mt. 24:45; 2Kor. 1:24) Muciindi caboobo, Munakristo umwi aumwi mukuli wakwe kuba amizeezo iili mbuli ya Leza. Ino mbuti mbotukonzya kucita boobo?\\nAMUKUTANTAMUKE KUTOBELA ZIYANZA ZYABWEENDE OBUNO\\n14, 15. (a) Kutegwa katuyeeya mbuli mbwayeeya Jehova, nzintu nzi nzyotweelede kuzinzibala kuyeeya? (b) Kweelana alugwalo lwa Baroma 12:2, nkaambo nzi ncotweelede kuleka kutobela ziyanza zyamunyika? Amupe cikozyanyo.\\n14 Kulugwalo lwa Baroma 12:2, twaambilwa kuti: “Amuleke kutobela ziyanza zyabweende bwazintu obuno, pele amusandulwe kwiinda mukucinca mizeezo yanu, kutegwa muzyibe kuyanda kwa Leza, ikubotu, kutambulika alimwi kulondokede.” Majwi aaya aakasololelwa amuuya atondezya kuti tacikwe makani acakali kweendelezya mizeezo yesu katutanaiya kasimpe, tulakonzya kucinca mbotuzibona zintu akutalika kuzibona mbuli mbwazibona Leza. Nokuba kuti mizeezo yesu yakanyongana akaambo kamikwasyi motwakakomenena alimwi azintu izyakatucitikila mubuumi, tulakonzya kucinca. Kucinca kuli boobu kuyoolibonya kwiinda muzintu nzyotuzumizya mumizeezo yesu alimwi akuzinzibala kuyeeya alinzizyo. Kwiinda mukuzinzibala kuyeeya kujatikizya mbwazibona zintu Jehova, tutondezya kuti mizeezo yakwe ililuzi. Mpoonya tunooyanda kubona zintu mbuli mbwazibona walo.\\n15 Nokuba boobo, amubone kuti, kutegwa tucince mizeezo yesu akuyeeya mbwayeeya Jehova, tweelede ‘kuleka kutobela ziyanza zyabweende bwazintu obuno.’ Eeci caamba kuti tweelede kuleka kweebelela, kubala alimwi akuswiilila cintu cili coonse icisumpula mizeezo iiteendelani akuyeeya kwa Leza. Kucinca ooku ikuyandika kapati kulakonzya kukozyanisyigwa acakulya. Muntu ulakonzya kuba abusani mumubili kwiinda mukulya zyakulya izijisi busani. Pele ino inga camugwasya buti ikuti ciindi aciindi kalya zyakulya zibolede? Mbubwenya buyo, kusoleka kwesu kwiiya mizeezo ya Jehova kuyooba kwabuyo ikuti twazumizya mizeezo yanyika kutweendelezya.\\n16. Ino tweelede kulikwabilila kunzi?\\n16 Sena cilakonzyeka kutantamuka mizeezo yoonse yamunyika? Peepe, nkaambo tatukonzyi kuzwa munyika eeyi cacigaminina. Kuli zintu zimwi zyamunyika nzyotutakonzyi kutantamuka. (1Kor. 5:9, 10) Mulimo wakukambauka utupa kuswaangana abantu bajisi mizeezo iilubide alimwi ibasyoma zintu zyakubeja. Pele nokuba kuti tacikonzyeki kwiitantamukila limwi mizeezo iitaluzi, tatweelede kuzumanana kwiiyeeya naa kwiizumina. Mbubwenya mbuli Jesu, cakufwambaana tweelede kwiikaka mizeezo ya Saatani. Kuyungizya waawo, tulakonzya kulikwabilila kumizeezo mibyaabi yamunyika.—Amubale Tusimpi 4:23.\\n17. Muunzila nzi motukonzya kutantamuka mizeezo yanyika?\\n17 Mucikozyanyo, tweelede kucenjela ciindi notusala balongwe. Ibbaibbele licenjezya kuti, ikuti katuyanzana abantu batakombi Jehova, tuyootalika kuyeeya mbuli mbobayeeya. (Tus. 13:20; 1Kor. 15:12, 32, 33) Alimwi tweelede kubikkila maano ciindi notusala zyakulikondelezya. Kwiinda mukukaka zyakulikondelezya izisumpula njiisyo yakusanduka, nkondo naa kutalilemeka, tukwabilila kunyonganya mizeezo yesu kuzintu ‘zikazyanya aluzyibo lwa Leza.’—2Kor. 10:5.\\nSena tulabagwasya bana besu kukaka zyakulikondelezya zibyaabi? (Amubone muncali 18 a 19)\\n18, 19. (a) Nkaambo nzi ncotweelede kulikwabilila kumizeezo yamunyika, alimwi ino zikozyanyo nzi ziliko? (b) Mibuzyo nzi njotweelede kulibuzya, alimwi nkaambo nzi?\\n18 Tweelede kwiizyiba alimwi akwiikaka mizeezo yanyika ciindi noiboola munzila yabucenjezu. Mucikozyanyo, makani aamwi alakonzya kwaambilizyigwa munzila iitondezya kuti basikulemba bali kulubazu lwambunga yabasitwaambo twacisi imwi. Makani aamwi asumpula makanze alimwi akuzuzikizya zintu nzyoiyanda nyika. Mafilimu aamwi alimwi amabbuku asumpula makani aakubeja aakuti “ndime ndeelede kusaanguna” alimwi akuti “mukwasyi wangu nguweelede kusaanguna,” akwaapa kulibonya mbuli kuti alayandika, alikabotu, alimwi akuti aliluzi. Kuyeeya kuli boobu takweendelani ancaamba Magwalo kuti mikwasyi yesu naa swebo lwesu kutugama tuyookkomana lilikke buyo kuti katumuyanda Jehova kwiinda cintu cili coonse. (Mt. 22:36-39) Alimwi twaano twabana, nokuba kuti kanji-kanji tulibonya kuti tuli kabotu, cakutayeeyela tulakonzya kupa bana kuzumina zintu zitaluzi.\\n19 Eeci tacaambi kuti cililubide kulikondelezya munzila iili kabotu. Nokuba boobo, inga twacita kabotu kulibuzya mibuzyo eeyi: ‘Sena tulazizyiba njiisyo zyamunyika eeyi nociba ciindi noziboola munzila yabucenjezu? Sena tulabakwabilila bana besu alimwi andiswe lwesu, kumapulogilamu aamwi naa kuzintu nzyotubala? Sena tulaindanya mizeezo yanyika njobamvwa naa kubona bana kweelana ambwazibona zintu Jehova?’ Kwiinda mukuzyiba kwiindana kuliko akati kamizeezo ya Leza alimwi ayeeyo yanyika, tulakonzya kutantamuka “kutobela ziyanza zyabweende bwazintu obuno.”\\nNGUNI UUMWEENDELEZYA LINO?\\n20. Ncinzi ciyootondezya kuti tweendelezyegwa amizeezo ya Leza naa mizeezo yanyika?\\n20 Tweelede kuyeeya kuti, kuli nzila zyobilo nkotukonzya kujana makani, nkokuti kuli Jehova alimwi akunyika iyeendelezyegwa a Saatani. Ino mizeezo yani iitweendelezya? Bwiinguzi mbwakuti, mizeezo yayooyo nkotujana makani. Ikuti katutobela mizeezo yanyika, iyootweendelezya, akutupa kuyeeya alimwi akulilemeka munzila iitaluzi. Nkakaambo kaako cilayandika kubikkila maano kujatikizya zintu nzyotweebelela, nzyotubala, nzyotuswiilila alimwi anzyotuyeeya.\\n21. Ncinzi ncotuyakwiiya mucibalo citobela?\\n21 Mbubwenya mbokwaambwa kale mucibalo eeci, kutegwa katubona zintu mbuli mbwazibona Jehova, tweelede kubeleka canguzu ikutali buyo kutantamuka zintu izitaluzi. Tweelede kuzinzibala kuyeeya mizeezo ya Jehova kutegwa katuyeeya mbuli mbwayeeya walo. Mucibalo citobela, tuyakwiiya kujatikizya mbotukonzya kucita boobo.\\n^ munc. 5 Bwini mbwakuti, nobaba baabo bayeeya kuti mizeezo yabo tiikonzyi kweendelezyegwa amuntu uuli woonse, tabakonzyi kukweeleba kuyungwa. Kufwumbwa naa balanga-langa makani mapati mbuli mbobwakatalika buumi naa basala buyo nzyobeelede kusama, bantu balajatikizyigwa munzila imwi amizeezo yabamwi. Nokuba boobo, tulakonzya kulisalila ooyo ngotuyanda kulekela kuti atweendelezye.\\n“Koula Kasimpe Utakasambali Pe”\\n“Mebo Ndinakweenda Mukasimpe Kako”\\nAmusyome Jehova Kutegwa Mupone!\\nSena Muyeeya Mbuli Mbwayeeya Jehova?\\nLuzyalo​—Ibube Butondezyegwa Mumajwi Alimwi Amumilimo\\nIno Ncipego nzi Ncotukonzya Kumupa Jehova?\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA November 2018\\nNGAZI YAMULINDIZI—YAKWIIYA November 2018","num_words":2097,"character_repetition_ratio":0.079,"word_repetition_ratio":0.0,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kuyungizya Luzyibo Lwesu Mumulimo Wakukambauka​—Kuleka Kwiiya Bbaibbele Abasikwiiya Batayi Ambele\\nIKAAMBO NCOCIYANDIKA: Bantu beelede kwiita zina lya Jehova kutegwa bakafwutuke. (Rom. 10:13, 14) Nokuba boobo, tabali boonse ibazumina kwiiya Bbaibbele ibayanda kupona kweelana azyeelelo zya Jehova. Tweelede kucibelesya kabotu ciindi cesu mumulimo wakukambauka kwiinda mukugwasya baabo ibalibambilide kucinca kutegwa bakkomanisye Jehova. Ikuti sikwiiya Bbaibbele katayi ambele noliba leelyo nokwainda ciindi cili mbocibede, inga cabota kucileka kwiiya anguwe mpoonya akubikkila maano kugwasya baabo Jehova mbakwela kulinguwe alimwi akumbunga yakwe. (Joh. 6:44) Nokuba boobo, ikuti mukuya kwaciindi muntu ooyo watondezya kuti ‘ulilibambilide kutambula buumi butamani,’ tulakonzya kutalika alimwi kwiiya Bbaibbele anguwe.—Mil. 13:48.\\nAmumulumbaizye sikwiiya akaambo kakuyanda kuba aluzyibo lwini-lwini.—1Tim. 2:4\\nAmukankaizye mbociyandika kutobela zintu nzyaiya.—Lk. 6:46-49\\nCakukkazika moyo, amubandike anguwe cikozyanyo ca Jesu casikuminza, mpoonya akumukulwaizya kuti azinzibale kuyeeya twaambo tumulesya kuyaambele.—Mt. 13:18-23\\nCabupampu, amumupandulwide kaambo ncomuyanda kuleka kwiiya anguwe\\nAmumwaambile kuti zimwi ziindi munoomuswaya kutegwa kamumukulwaizya alimwi akuti inga mwaakuzumanana kwiiya anguwe ikuti watondezya kuti watalika kuyaambele\\nAMWEEBELELE KAVIDIYO, MWAMANA MWIINGULE MIBUZYO IITOBELA:\\nNcinzi ncomwaiya mumubandi calo icatondezya kuti sikwiiya tanaali kuyaambele kumuuya?\\nMbuti sikumwaya mbwaamugwasya sikwiiya kuzyiba kuti weelede kucinca?\\nMbuti sikumwaya mbwaatondezya kuti ulilibambilide kutalika kwiiya alimwi asikwiiya mukuya kwaciindi?\\nKamutanaleka kwiiya Bbaibbele asikwiiya, amulombe busolozi bwa Jehova kwiinda mumupailo. Kamubikkilide maano kuciimo casikwiiya naa kulezya kwakwe, amulange-lange zintu zitondezya kuti ulimukuyaambele.\\nSena sikwiiya ulajanika mumazuba ngomwakamvwana kwiiya?\\nSena ulalibambila ciiyo?\\nSena ulajanika kumiswaangano yambungano?\\nSena ulasola kupona kweelana anjiisyo zyamu Bbaibbele?\\nSena ulabaambila bamwi kujatikizya zintu nzyaiya?\\nSena ulatondezya kuti uyaabucileka kuyanzana abukombi bwakubeja?","num_words":226,"character_repetition_ratio":0.077,"word_repetition_ratio":0.0,"special_characters_ratio":0.153,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani aamu Bbaibbele: Ikaambo Davida Nceelede Kuccijila - Kkeyala yaa Intaneti ya Bakamboni ba Jehova\\nDAVIDA amane kujaya Golyati, mupati wabasikalumamba wabana Isilayeli wazina lya Abina wamuleta kuli Saulu. Saulu wakkomana kapati akaambo kacintu Davida ncaacita. Wamubikka kuba mupati wabasikalumamba alimwi wamutola kwaakukkala anguwe kuŋanda yakwe yabwami.\\nKwiinde mazuba, basikalumamba bajoke kukulwana ba Filisiti, bamakaintu baimba lwiimbo kabati: ‘Saulu wajaya bantu bali zyuulu, pele Davida wajaya makumi aazyuulu.’ Eeci Saulu camupa kuba amunyono nkaambo Davida wainda kupegwa bulemu kwiinda nguwe. Pele walo Jonatani mwana wakwe tanaaba amunyono. Ulamuyanda Davida kapati, awalo Davida ulamuyanda Jonatani. Aboobo aaba bobilo bapangana kuti banakuli balongwe lyoonse.\\nDavida ulicizyi kapati kuuma kalumbu, alimwi Saulu ulazyiyanda ziimbo nzyauma. Pele buzuba bumwi Saulu akaambo kamunyono wakwe, cakamupa kucita cintu cuusisya. Davida kauma kalumbu, Saulu wabweza sumo akuliwaala wati: ‘Ndilamuyasilizya Davida kubwaanda!’ Pele Davida walileya sumo, aboobo lyainda. Kwamazuba masyoonto alimwi Saulu wamwiinzya Davida sumo. Aboobo lino Davida wazyiba kuti weelede kucenjela kapati.\\nHena ulayeeya cisyomezyo ncaakaamba Saulu? Wakati uya kupa mwana wakwe musimbi kuti akwate muntu ooyo uuya kujaya Golyati. Kumamanino Saulu waambila Davida kuti ulakonzya kukwata Mikala mwana wakwe, pele cakutaanguna weelede kujaya ba Filisiti basikalumamba bali 100. Ma! koyeeya buyo eeco. Saulu usyoma kuti masimpe ba Filisiti balamujaya Davida. Pele tiibamujaya pe, aboobo Saulu wapa mwana wakwe musimbi kuti abe mukaintu wa Davida.\\nBuzuba bumwi Saulu waambila Jonatani ababelesi bakwe boonse kuti uyanda kumujaya Davida. Pele Jonatani waambila bausyi kuti: ‘Mutamujayi Davida. Taku cibi ncaakacita kuli ndinywe. Aboobo, zyoonse nzyaakacita zyakali kumugwasya kapati nywebo. Wakabikka buumi bwakwe muntenda kujaya Golyati, eelyo nimwakabona boobo mwakakkomana.’\\nSaulu wamvwa caamba mwana wakwe, aboobo wasyomezya kuti tako kumujaya Davida. Davida wajolwa alimwi akutalika kubelekela Saulu mbuli mbwaakali kucita kaindi. Nokuba boobo, buzuba bumwi Davida kauma kalumbu, alimwi Saulu wakamufwusa Davida sumo. Davida wakalileya sumo lyakaile kuyasa kubwaanda. Eeci nciindi catatu! Davida lino wakazyiba kuti ano amunzi taakkalwi.\\nNgeena masiku aayo Davida waunka kuŋanda yakwe. Pele Saulu watuma bantu kuti bamujaye. Mikala wazyiba bausyi ncobayanda kucita. Aboobo Mikala wati kumulumi wakwe: ‘Ikuti utazwi masiku aano, cifwumo uya kujaigwa.’ Ngeena masiku aayo Mikala wamuzwisya Davida ampulungwido waccija. Kwamyaka iitandila kuciloba, Davida wali kuyuba mumasena aindenyi-indenyi kutegwa Saulu atamuboni.\\n1 Samuyele 18:1-30; 19:1-18.\\nNkaambo nzi Saulu ncajisi munyono kuli Davida, pele mbuti walo Jonatani mwana wa Saulu mbwaindenyi abaswaabo?\\nNcinzi cakacitika buzuba bumwi Davida kaumina Saulu kalumbu?\\nNcinzi Saulu ncaambila Davida kuti acite katanamubweza Mikala kuba mukaintu wakwe, alimwi nkaambo nzi Saulu ncaambila boobo?\\nDavida naakali kuumina Saulu kalumbu, ncinzi cakacitika kuciindi catatu kweelana acifwanikiso mbocitondezya?\\nMbuti Mikala mbwaakapa kuti Davida afwutuke, alimwi ncinzi Davida nceelede kucita kwamyaka iili ciloba?\\nBala 1 Samuyele 18:1-30.\\nMbuti cilongwe cabo ciyumu caba Jonatani a Davida mbocitondezya cilongwe cili akati kaba “mbelele zimwi” alimwi a “katanga kaniini”? (1 Sam. 18:1; Joh. 10:16; Lk. 12:32; Zek. 8:23)\\nNokuba kuti Jonatani nguwakeelede kuba simulyazina wa Saulu, mbuti 1 Samuyele 18:4 mbwatondezya kulibombya kwa Jonatani kuli yooyo wakasalwa kuba mwami?\\nMbuti cikozyanyo ca Saulu mbocitondezya kuti kuba amunyono kulakonzya kutola kulufwu, alimwi ino eeci citucenjezya nzi? (1 Sam. 18:7-9, 25; Jak. 3:14-16)\\nBala 1 Samuyele 19:1-17.\\nMbuti Jonatani mbwaakalibikka muntenda naakasikila Saulo? (1 Sam. 19:1, 4-6; Tus. 16:14)","num_words":482,"character_repetition_ratio":0.054,"word_repetition_ratio":0.0,"special_characters_ratio":0.185,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nkaambo nzi bantu aaba nibaboteledwe? Bali kuli umwi wamiswaangano yesu mipati. Mbuli babelesi baLeza baciindi, bakalayililwa kuti kababungana tutatu mumunyaka. Toonse tulangilila kubungana katuli nkamu mpati. (Deuteronomo 16:16) Munyaka amunyaka, tulaa miswaangano iitatu, iibili miswaangano yabbazu yabuzuba bumwi, alimwi amuswaangano wabbooma wamazuba aatatu. Tugwasigwa biyeni kumiswaangano eeyi?\\nIsimya buzyalwama bwesu bwabunaKristu. Tulabotelwa andiswe kumukomba antoomwe muziindi zibotu mbuli maIsrayeli mbubakasekelela kulumbayizya Jehova “akati kambungano.” (Intembauzyo 26:12; 111:1) Miswaangano eeyi itupa ciindi cakuliswaanizya abamwi Bakamboni bazwa mumbungano zisiyene-siyene naa kuli zimwi nyika. Isikati tubotelwa kulya antoomwe kumiswaangano, eezi zipa kuti kube muuya waluyando. (Incito 2:42) Kumiswaangano eeyi tujana luyando lutuswaanizya ‘aciinga coonse cabakwesu cilimunyika yoonse.’​—1 Petro 2:17.\\nItugwasya kwiinkilila kunembo kumuuya. MaIsrayeli bakagwasigwa kwiinda “mukumvwisya majwi” aaMagwalo ngibakapandulidwa. (Nehemiya 8:8, 12) Andiswe tulatambula malayilile aamuBbaibbele ngitujana kumiswaangano mipati. Ipulogilamu imwi ayimwi iyeeme aamutwe uuzwa muMagwalo, kwiinda munkani zinoneezya, makani aakusiilana, alimwi azitondeezyo. Twiiya kucita kuyanda kwaLeza mubuumi bwesu. Tulasungwaazigwa nitumvwa izyakuluula zyabaabo ibakazwidilila akulisimya mubuyumu-yumu mbubakaswaana, aakaambo kakuba maKristu muziindi eezino zikataazya. Kumiswaangano yabbooma, zisobano zisaanwa kabazweete mbuli baciindi, zipa kuti izili muBbaibbele zibe zyacoonzyo kuli ndiswe akuti tuzisyome.Kumiswaangano yoonse, nga kwaba kubbabbatizigwa. kwabaabo bayanda kutondeezya kulipeda kwabo kuli Leza\\nNkaambo nzi ziindi zyamiswaangano nizili ziindi zibotezya?\\nKujana twagwasigwa biyeni mukunjila miswaangano mipati?\\nIkuti kuyanda kuziba kabotu buzyalwama bwesu, tulakukumbila kuti uzoojanike kumuswaangano wesu mupati uutobela. Uukuyiisya Bbaibbele ulakonzya kukutondeezya pulogilamu iilembendwe makani atakaambuulwe. Yenga aakkalenda yako kuti ndiilili alimwi nkuukuli kuzoocitilwa miswaangano mipati iitobela, mpawo uzoojanike ikuti kukonzya.","num_words":227,"character_repetition_ratio":0.067,"word_repetition_ratio":0.0,"special_characters_ratio":0.151,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Kuupaupa Ameso Ninzi? Sena Kuli Nokuyoomana?\\nAMUBALE MU Acholi Afrikaans Albanian Amharic Arabic Armenian Aymara Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Chokwe Cibemba Cinyanja Croatian Czech Danish Dutch Efik English Estonian Ewe Fijian Finnish French Ga Georgian German Greek Guarani Haitian Creole Hausa Hebrew Hiligaynon Hmong (White) Hungarian Igbo Iloko Indonesian Isoko Italian Japanese Kazakh Kikamba Kikaonde Kikongo Kikuyu Kimbundu Kinyarwanda Kirghiz Kiribati Kirundi Kisi Kongo Korean Krio Lhukonzo Lingala Lithuanian Luganda Lunda Luo Luvale Macedonian Malagasy Maltese Mambwe-Lungu Maya Myanmar Ndebele (Zimbabwe) Ngabere Norwegian Nyaneka Nzema Ossetian Otetela Papiamento (Aruba) Papiamento (Curaçao) Persian Polish Portuguese Quechua (Bolivia) Quechua (Cuzco) Romanian Runyankore Russian Samoan Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Solomon Islands Pidgin Spanish Sranantongo Swahili Swahili (Congo) Swedish Tagalog Tajiki Tatar Tetun Dili Thai Tigrinya Tiv Tok Pisin Totonac Tshiluba Tsonga Turkish Tuvaluan Twi Tzotzil Ukrainian Umbundu Urdu Vietnamese Wolaita Xhosa Yoruba Zande Zapotec (Isthmus) Zulu\\nBAPANAYIOTA bakakomenena ansumbu imwi ku Mediterranean. Kabacili bakubusi, bakali kwaayandisya mapolitikisi. Mukuya kwaciindi bakaba balembi mucipani camapolitikisi mumunzi mobakali kukkala. Mane bakali kuunka kuŋanda aŋanda kuyaabulombelela mali aacipani mobakabede. Nokuba boobo, nokwakainda ciindi, ba Panayiota bakatyompwa. Nokuba kuti bantu bamucipani bakali kwiitana mazina aabulongwe, kwakali lusalululo, kuyandisya zyuuno zyaatala, mazwanga, alimwi amunyono akati kabo.\\nBa Daniel bakakomenena ku Ireland mumukwasyi iwakali kubikkila kapati maano kubukombi. Nokuba boobo, ncobayeeyede ncakuti, bapaizi mucikombelo bakali basikuupaupa ameso balo ibakali kuciindizya kunywa bukoko, kuuma njuka, alimwi akubba mali aakali kubikkwa mumbale zyamulumbo. Kunze lyaboobo, bunji bwaziindi ba Daniel bakali kukambaukilwa akwaambilwa kuti bayoopya mumulilo wahelo ikuti babisya.\\nBa Jeffery bakali kubelekela makkampani aaku United Kingdom alimwi aaku United States kucita makwebo aakusambala mato mapati kumasi aambi. Balayeeya kuti ziindi zinji basikuula alimwi abamwi ibakali kucita makwebo ngoona bakali kucita makulo ciindi nobakali kubandika abapati-pati bamumfwulumende. Cakuupaupa ameso, bakalilisungwide kwaamba cili coonse kutegwa cizuminano cabo citanyonganizyigwi.\\nCuusisya ncakuti, makani aali boobu alidumide kapati. Mazuba aano kuupaupa ameso kulajanika muzintu zyoonse nzyobacita bantu—mumapolitikisi, mubukombi, alimwi amumakwebo. Mumyaambo imwi, ibbala lyakuti “sikuupaupa ameso” lizwa kubbala lya Chigiriki lyakuti hypokrites ilyaamba mwaambi naa sikusobana waacibumbili, kanji-kanji uusama syaamankwamu. Mukuya kwaciindi, ibbala eeli lyakazootalika kupandulula muntu uuli woonse iwakali kulicengeezya kuba muciimo cimwi kutegwa acenge bamwi naa kusumpula mizeezo yakwe mwini.\\nKuupaupa ameso kulakonzya kubanyemya aabo bacitilwa calweeno, eeci inga cabikkilizya akunyema, kukalala alimwi akubikkilila. Akaambo kakucimwa, aabo bacitilwa calweeno balakonzya kwaamba kuti: “Kuupaupa ameso! Sena kuli nokuyoomana?” Cikkomanisya ncakuti, Ijwi lya Leza lilapa twaambo tutupa kusyoma kuti kuyoomana.\\nLEZA AMWANAAKWE MBOBAKUBONA KUUPAUPA AMESO\\nKweelana ambolyaamba Bbaibbele, kuupaupa ameso tiikwakatalisyigwa abantu pe, pele kwakatalisyigwa acilenge camuuya citalibonyi. Kumatalikilo ciindi bantu nobakalengwa, Saatani Diabolosi wakabelesya nzoka kuba syaamankwamu alimwi wakalitondezya kuba muntu uugwasya kutegwa acenge mukaintu wakusaanguna Eva. (Matalikilo 3:1-5) Kuzwa ciindi eeco, bantu banji abalo balibikka muciimo citabeeleli alimwi balacita oobo kutegwa bacenge bamwi akuzuzikizya makanze aabo mabi.\\nCiindi bana Israyeli nobakanjila mukakole kabukombi bwakubeja alimwi akuupaupa ameso munzila yakumuuya, Leza wakabacenjezya cakwiinduluka-induluka kujatikizya ntenda yakaliko. Kwiinda mumusinsimi Isaya, Jehova Leza wakaamba kuti: “Bantu aaba balandisikila amulomo wabo buyo alimwi balandilemeka amilomo yabo buyo, pele myoyo yabo iili kule andime.” (Isaya 29:13) Ciindi bana Israyeli nobakaalilwa kweempwa, Leza wakazumizya zisi zimbi kuti zinyonyoone busena bwabo bwakukombela bupati, nkokuti Jerusalemu atempele lyawo. Bana Babuloni mbebakasaanguna kuunyonyoona mu 607 B.C.E. mpoonya wakanyonyoonwa cakumaninina ampi zyabana Roma mu 70 C.E. Cilisalede kuti, Leza takonzyi kulekela kuupaupa ameso kuzumanana lyoonse.\\nKulubazu lumwi, Leza alimwi a Mwanaakwe, Jesu balabayanda kapati bantu basyomeka. Mucikozyanyo, kumatalikilo aamulimo wa Jesu, mwaalumi wazina lya Natanayeli wakaboola kulinguwe. Jesu mbwaakamubonena buyo, wakati: “Amubone, muna Israyeli ncobeni uunyina lweeno.” (Johane 1:47) Natanayeli, alimwi iwakali kwiitwa kuti Bartolomayo, wakaba umwi wabaapostolo ba Jesu bali 12.—Luka 6:13-16.\\nJesu wakali kuba aciindi cakubandika abasikumutobela, alimwi wakali kubayiisya kubona zintu mbuli mbwazibona Leza. Aboobo kuupaupa ameso tiikwakeelede kujanika akati kabo. Jesu wakacenjezya cakutainda mumbali kujatikizya kuupaupa ameso nkobakali kucita basololi bazikombelo bakuciindi eeciya. Amubone zintu zimwi nzyobakali kucita.\\nBakali kucita “bululami” kutegwa babonwe abantu. Jesu wakaambila baswiilizi bakwe kuti: “Amucenjele kuti mutaciti bululami bwanu kumbele lyabantu kutegwa bamubone . . . mbubonya basikuupaupa ameso mbobacita.” Alimwi wakabaambila kuti ciindi nobapa zipego, izipego zyabo tiizyakeelede ‘kubonwa’ abantu. Bakeelede kupaila, pele kutali kupaila kutegwa babonwe abantu. Kuti bacita oobo, bukombi bwabo bwakali kuyooba bukombi bwini-bwini, ibutambulika kuli Usyi.—Matayo 6:1-6.\\nBakali kufwambaana kubeteka bamwi. Jesu wakaamba kuti: “Osikuupaupa ameso! Kosaanguna kugusya tanda muliso lyako, mpoonya ulabona kabotu mbonga wagusya kakwa kali muliso lyamunyoko.” (Matayo 7:5) Ikuti muntu kafwambaana kubona kulubizya kwabamwi kakuli awalo ulalubizya kapati, nkokuti muntu uuli boobo ulibikka muciimo cakuti walo tabisyi. Pesi bwini mbwakuti, “boonse balibisyide alimwi balalezya kubulemu bwa Leza.”—Baroma 3:23.\\nBakali amakanze mabi. Aciindi cimwi, basikwiiya baba Farisi alimwi abasikutobela kakamu ka Heroda bakamusikila Jesu akumubuzya mubuzyo wakali kujatikizya mutelo. Kabaamba cakufwubaazya, bakaambila Jesu kuti: “Omwiiyi, tulizyi kuti lyoonse waamba masimpe alimwi uyiisya nzila ya Leza mukasimpe.” Mpoonya bakamuteya kwiinda mukumubuzya kuti: “Sena cilizumizyidwe kutela mutelo kuli Kaisara naa pe?” Jesu wakaingula kuti: “Ino mundisunkila nzi, nywebo nobasikuupaupa ameso?” Cakweelela Jesu wakabaamba kuti mbaasikuupaupa ameso akaambo kakuti tiibakali kuyanda bwiinguzi kumubuzyo wabo pele bakali kusola kuti “bamujanine kaambo kumajwi aakwe.”—Matayo 22:15-22.\\nBanakristo bakasimpe balatondezya “luyando luzwa mumoyo uutuba amanjezyeezya mabotu alimwi alusyomo lwini-lwini lutali lwakuupaupa ameso.”—1 TIMOTEYO 1:5\\nMbungano ya Bunakristo noyakatalisyigwa lya Pentekoste 33 C.E., bantu bakali kuyakwiiya kwaamba masimpe alimwi akusyomeka. Banakristo bakasimpe bakabeleka canguzu kugwisya tumpenda twakuupaupa ameso mumizeezo yabo. Mucikozyanyo, Petro, umwi wabaapostolo bali 12, wakakulwaizya Banakristonyina kuti ‘kabaswiilila kasimpe alimwi akuba aluyando lwabunyina ilutali lwakuupaupa ameso.’ (1 Petro 1:22) Mwaapostolo Paulo wakakulwaizya babelesinyina kuti ‘babe aluyando luzwa mumoyo uutuba amanjezyeezya mabotu alimwi alusyomo lwini-lwini lutali lwakuupaupa ameso.’—1 Timoteyo 1:5.\\nNGUZU ZYA JWI LYA LEZA\\nNjiisyo zya Jesu azyabaapostolo nzyotujana mu Bbaibbele zicilaanguzu mazuba aano mbubonya mbozyakabede mumwaanda wamyaka wakusaanguna. Kujatikizya makani aaya, mwaapostolo wakalemba boobu: “Jwi lya Leza lilaabuumi alimwi lilaanguzu alimwi lilabosya kwiinda panga lili lyoonse likwengedwe koonse-koonse alimwi lilayasa mane kukwaandaanya buumi amuuya, akukwaandaanya manungo aazifwuwa kumooma, alimwi lilakonzya kuzyiba mizeezo amakanze aamumoyo.” (Bahebrayo 4:12) Kwiiya njiisyo zyamu Bbaibbele akusolekesya kupona kweelana anzizyo kwabagwasya bantu banji kucileka kuupaupa ameso akuba bantu basyomeka. Amubone zyakuluula zyabantu botatwe ibaambwa kumatalikilo.\\n“Ndakabona luyando lwini-lwini alimwi akubikkilana maano ncobeni.”—BA PANAYIOTA\\nBa Panayiota bakacinca ciindi nobakazumina kutambwa kujanika kumiswaangano ku Ŋanda ya Bwami ya Bakamboni ba Jehova. Kunyina nobakabona muntu uuli woonse iwakali kulitondezya kululama kutegwa bamubone bamwi. Bakaamba kuti: “Ndakabona luyando lwini-lwini alimwi akubikkilana maano ncobeni, icintu nconditanabwene mumyaka yoonse njondakali mumapolitikisi.”\\nBa Panayiota bakatalika kwiiya Bbaibbele kusikila babbapatizyigwa. Lino kwainda myaka iili 30. Lino baamba kuti: “Ndakazyiba cini ncondiponena, ikutali ciindi eeciya nondakali kuunka kuŋanda aŋanda kusumpula mapolitikisi, pele ciindi nondakatalika kukambauka kujatikizya Bwami bwa Leza—nzila ilikke iikonzya kutugwasya kuba anyika iili kabotu.”\\n“Tiindakali kuyanda kuti Banakristoma kabandibona mbuli kuti ndili muntu uusyomeka kakuli tiindakali kusyomeka pe.”—BA DANIEL\\nBa Daniel bakayaambele kapati mumbungano ya Bunakristo eelyo bakapegwa mikuli imwi. Nokwakainda buyo myaka misyoonto, kuli ncobakalubizya, mpoonya manjezyeezya aabo akatalika kubakatazya. Bakaamba kuti: “Nondakayeeya kuupaupa ameso nkondakabona muzikombelo myaka yainda, ndakalimvwa kuti ndeelede kucileka kubeleka milimo njondakapedwe mumbungano. Tiindakali kuyanda kuti Banakristoma kabandibona mbuli kuti ndili muntu uusyomeka kakuli tiindakali kusyomeka pe.”\\nCikkomanisya ncakuti, nokwakainda ciindi cili mbocibede, ba Daniel bakatalika alimwi kubeleka milimo njobakalekede lino kabajisi manjezyeezya aasalala, eelyo bakaizumina alimwi mikuli njobakajisi mumbungano. Cikozyanyo eeci cakusyomeka citondezya cicitika kuli baabo ibayanda kubelekela Leza kakunyina kuupaupa ameso. Balaiya “kugusya tanda” muliso lyabo kabatanalisungula ‘kugusya kakwa’ ikali muliso lyamunyina.\\n“Ndakeelede kucileka kuba muntu mumpelenge, simakwebo uucibwene kunyengelela. . . . Magwalo akandinjila kapati mumoyo.”—BA JEFFERY\\nBa Jeffery, balo ibakali basimakwebo bakaamba kuti: “Nondakali kuyaabulimvwisya Bbaibbele, ndakabona kuti ndakeelede kucileka kuba muntu mumpelenge, simakwebo uucibwene kunyengelela iwakalibambilide kwaamba cili coonse kutegwa ndipegwe mulimo. Magwalo aamu Bbaibbele mbuli lwa Tusimpi 11:1 lwakandinjila kapati mumoyo, lwalo ilwaamba kuti ‘cikkelo cabumpelenge ncisesemyo kuli Jehova.’” Inzya, mukwiimpana abaabo ibakabuzya Jesu kujatikizya mutelo, ba Jeffery bakaiya kucita zintu kakunyina kuba amakanze mabi ciindi nobacita zintu a Banakristonyina alimwi abantu bamwi batasyomi.\\nMamiliyoni aa Bakamboni ba Jehova nyika yoonse mboizulwa balasoleka kutobela nzyobaiya mu Bbaibbele. Balabeleka canguzu kutegwa ‘basame buntu bupya ibwakalengwa kweelana akuyanda kwa Leza mubululami bwini-bwini alimwi amukusyomeka.’ (Baefeso 4:24) Tumulomba kuti mwiiye zinji kujatikizya Bakamboni ba Jehova, nzyobasyoma, alimwi ambobakonzya kumugwasya kwiiya kujatikizya cisyomezyo ca Leza canyika mpya. Munyika eeyo “muyooba bululami” alimwi takukabi limbi kuupaupa ameso.—2 Petro 3:13.","num_words":1309,"character_repetition_ratio":0.049,"word_repetition_ratio":0.009,"special_characters_ratio":0.155,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"‘Jwi lya Leza Lilaanguzu’​—Bahebrayo 4:12 | Yakwiiya\\nNgazi Yamulindizi—Yakwiiya | September 2017\\nAMUBALE MU Afrikaans Albanian American Sign Language Amharic Amis Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Bengali Bicol Bolivian Sign Language Boulou Brazilian Sign Language British Sign Language Bulgarian Catalan Cebuano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitumbuka Chiyao Chol Chuvash Cibemba Cinyanja Colombian Sign Language Croatian Cuban Sign Language Czech Czech Sign Language Dangme Danish Digor Douala Dutch Ecuadorian Sign Language Edo Efik English Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Greek Greek Sign Language Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kannada Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malawi Sign Language Malay Malayalam Mam Mambwe-Lungu Marathi Maya Mazatec (Huautla) Mbunda Mexican Sign Language Mingrelian Mixe (North Central) Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nigerian Pidgin Norwegian Nzema Okpe Oromo Ossetian Otetela Pangasinan Papiamento (Curaçao) Paraguayan Sign Language Persian Peruvian Sign Language Pidgin (Cameroon) Polish Polish Sign Language Ponapean Portuguese Portuguese Sign Language Punjabi Quebec Sign Language Quechua (Ancash) Quechua (Bolivia) Romanian Romanian Sign Language Russian Russian Sign Language Samoan Sango Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Venda Venezuelan Sign Language Vietnamese Waray-Waray Wolaita Xhosa Yoruba Zande Zapotec (Isthmus) Zimbabwe Sign Language Zulu\\n“Jwi lya Leza . . . Lilaanguzu”\\n“Jwi lya Leza lilaabuumi alimwi lilaanguzu.”—HEB. 4:12.\\nNYIMBO: 96, 94\\nMBUTI MBOMUKONZYA KULEKELA NGUZU ZYA JWI LYA LEZA KUBELEKA . . .\\nciindi nomuyiisya kucibumbili?\\n1. Nkaambo nzi ncotutakonzyi kudooneka kuti Jwi lya Leza lilaanguzu? (Amubone cifwanikiso icili kumatalikilo aacibalo.)\\nMBOTULI bantu ba Jehova, tatudooneki kuti jwi lya Leza, nkokuti mulumbe wakwe kubantu, “lilaabuumi alimwi lilaanguzu.” (Heb. 4:12) Bunji bwesu tulapa bumboni butondezya nguzu nzyolijisi Bbaibbele zyakucinca bantu. Bakwesu abacizyi bamwi kaindi bakali babbi, bakali kubelesya misamu iikola, naa kucita bwaamu. Bamwi bakalivwubide mubweende bwazintu oobu pele bakalimvwa kuti kuli cintu cimwi icakabulide mubuumi bwabo. (Muk. 2:3-11) Ciindi aciindi, bantu ibakali kulibonya kuti balisweekede akubula bulangizi bakaijana nzila yakubuumi kwiinda munguzu zyakucinca bantu nzyolijisi Bbaibbele. Mulalangilwa kuti mwakazibala kale akuzikkomanina kapati zyakuluula eezyi izili mbozibede izimwaigwa mu Ngazi Yamulindizi mucibeela cakuti “Ibbaibbele Lilakonzya Kubacinca Bantu.” Alimwi mwabona kuti noliba leelyo nobamana kutambula kasimpe, Banakristo balazumanana kuyaambele kumuuya kwiinda mukugwasyigwa a Magwalo.\\n2. Mbuti Jwi lya Leza mbolyakalaanguzu mumwaanda wamyaka wakusaanguna?\\n2 Sena tweelede kugambwa kuti banji mazuba aano bacinca bukkale bwabo akaambo kakwiiya Jwi lya Leza? Peepe! Zyakuluula eezyi zituyeezya zyakacitikila bakwesu abacizyi bamumwaanda wamyaka wakusaanguna, ibakajisi bulangizi bwakujulu. (Amubale 1 Bakorinto 6:9-11.) Naakamana kwaamba mulongo wabantu baindene-indene ibatakanjili mu Bwami bwa Leza, mwaapostolo Paulo wakayungizya kuti: “Mbobakabede bamwi akati kanu.” Pele bakacinca kwiinda mukugwasyigwa a Magwalo alimwi amuuya uusalala wa Leza. Noliba leelyo nobakamana kutambula kasimpe, bamwi bakali kusikilwa mapenzi mapati aakumuuya. Bbaibbele lilaamba kujatikizya Munakristo munanike umwi wamumwaanda wamyaka wakusaanguna iwakagusyigwa mumbungano; alimwi wakazoopilusyigwa. (1Kor. 5:1-5; 2Kor. 2:5-8) Sena tacikulwaizyi kulanga-langa mapenzi ngobakajana basyomima alimwi ambobakaazunda kwiinda mu Jwi lya Leza?\\n3. Ino ncinzi ncotutiilange-lange mucibalo eeci?\\n3 Akaambo kakuti Jwi lya Leza ncibelesyo cilaanguzu alimwi tulicijisi, tweelede kucibelesya kabotu. (2Tim. 2:15) Aboobo mucibalo eeci, tulalanga-langa mbotukonzya kulekela nguzu zya Jwi lya Leza kubeleka (1) mubuumi bwesu, (2) ciindi notuli mubukambausi alimwi (3) anotuyiisya kucibumbili. Ziyeekezyo eezyi ziyootugwasya kutondezya luyando lwesu alimwi akulumba kuli Taateesu siluyando wakujulu uutuyiisya kutegwa tugwasyigwe.—Is. 48:17.\\n4. (a) Ncinzi iciyandika kutegwa Jwi lya Leza libeleke mulindiswe? (b) Ino mucijana buti ciindi cakubala Bbaibbele?\\n4 Ikutegwa Jwi lya Leza libeleke mulindiswe, tweelede kulibala lyoonse—abuzuba kuti kacikonzyeka. (Jos. 1:8) Nokuba boobo, bunji bwesu tujisi bubi mubuumi. Mbubwenya buyo, tatweelede kulekela cintu icili coonse—noiba milimo iiyandika—kunyonganya bubambe bwesu bwakubala Bbaibbele. (Amubale Baefeso 5:15, 16.) Bantu ba Jehova banji bakabikka bubambe ibubapa kuba aciindi cakubala Bbaibbele abuzuba, ambweni mafwumofwumo naa masiku naa ciindi cimbi buyo. Balimvwa mbuli sintembauzyo iwakalemba kuti: “Eelo kaka ndilauyanda mulawo wako! Ndilakkala ansi kuuyeeya buzuba boonse.”—Int. 119:97.\\n5, 6. (a) Nkaambo nzi kuzinzibala kuyeeya ncokuyandika kapati? (b) Mbuti mbotukonzya kuzinzibala kuyeeya munzila iigwasya kapati? (c) Ino mwagwasyigwa buti lwanu kumugama kwiinda mukubala Jwi lya Leza alimwi akuzinzibala kuyeeya aalindilyo?\\n5 Kunze lyakubala Bbaibbele, cilayandika kapati kuti katuzinzibala kuyeeya nzyotubala. (Int. 1:1-3) Lilikke buyo twacita boobo ndendilyo notukonzya kugwasyigwa kapati abusongo buteeli ibujanika mulindilyo. Kufwumbwa naa tubala Jwi lya Leza lisimbidwe buya naa kubelesya tuncini, makanze ngotweelede kuba angayo ngakuti litusike amoyo.\\n6 Mbuti mbotukonzya kuzinzibala kuyeeya munzila iigwasya kapati? Ibanji cilabagwasya kwiima aniini bamana kubala cibeela cimwi mu Magwalo mpoonya akulibuzya mibuzyo yakuti: ‘Ino cibalo eeci cindiyiisya nzi kujatikizya Jehova? Ino muunzila nzi mondali kwiitobela mubuumi bwangu njiisyo iili mucibeela eeci ca Jwi lya Leza? Muumbazu zili mondiyandika kubambulula?’ Mbotuzumanana kupaila alimwi akuzinzibala kuyeeya Jwi lya Leza, tuyookulwaizyigwa kapati kuyaambele kulubelesya lulayo ilujanika mulindilyo. Inzya, tuyoozibelesya kapati nguzu nzyolijisi mubuumi bwesu kutugama.—2Kor. 10:4, 5.\\n7. Mbuti mbotukonzya kulibelesya kabotu Jwi lya Leza mumulimo wesu wakukambauka?\\n7 Ino ncinzi cikonzya kutugwasya kutegwa tulibelesye kabotu Jwi lya Leza mumulimo wesu wakukambauka? Nzila yakusaanguna nkulibelesya cakwaanguluka ciindi notukambauka akuyiisya. Mukwesu umwi wakaamba boobu kujatikizya makani aaya, “Ikuti koli a Jehova lwakwe kumugama nokambauka kuŋanda aŋanda, sena nduwe ukonzya kwaamba zyoonse naa inga wamulekela kuti walo aambe?” Ncaakali kupandulula ncakuti: Ciindi notubala mu Jwi lya Leza mubukambausi, tulekela Jehova kuti aambe kuli mukamwiniŋanda. Lugwalo ilwasalwa kabotu lulalangilwa kugwasya kapati kwiinda cintu cili coonse ncotukonzya kwaamba. (1Tes. 2:13) Amulibuzye kuti, ‘Sena ndilabikkila maano kucoolwe cili coonse ncondijana kutegwa ndibabalile cibeela cimwi camu Jwi lya Leza aabo mbonditolela makani mabotu?’\\n8. Ino nkaambo nzi ncotuteelede kugolela buyo aakubala magwalo ciindi notukambauka?\\n8 Inzya, nzinji ziyandika kunze buyo aakubabalila magwalo aamu Bbaibbele aabo mbotubandika limwi. Nkaambo nzi? Akaambo kakuti bantu banji balimvwisya buyo asyoonto naa kutalimvwisya buya naaceya Bbaibbele. Oobo mbocakabede mumwaanda wamyaka wakusaanguna alimwi oobu mbocibede amazuba aano. (Rom. 10:2) Aboobo tatweelede kwiile kuyeeyela buyo kuti muntu ulakonzya kukamvwisya kapango kamwi kamu Bbaibbele akaambo buyo kakuti twakakabala. Tweelede kutola ciindi ikunomoona twaambo tujanika mukapango —ambweni kwiinda mukwaabala alimwi majwi aayandika kapati—mpoonya akupandulula ncaamba. Ikucita boobo kulakonzya kugwasya kapati mukupa kuti mulumbe wa Jwi lya Leza ubasike aamoyo baswiilizi besu.—Amubale Luka 24:32.\\n9. Ino mbuti mbotukonzya kusala majwi aantalisyo aayelela aatondezya kuti tulalilemeka kapati Bbaibbele? Amupe cikozyanyo.\\n9 Alimwi cilayandika kusala majwi aantalisyo aayelela kutegwa twaambe Magwalo munzila iitondezya kuti tulalilemeka kapati Bbaibbele. Mucikozyanyo, tulakonzya kwaamba kuti, “Atubone Mulengi wesu ncaamba mukaambo aaka.” Ciindi notwaambaula amuntu umwi uutali Munakristo, inga twaamba kuti, “Atubone Malembe Aasalala ncaatwaambila.” Ambweni naa tukambaukila muntu umwi uutakombi, inga twabuzya kuti, “Sena kuli nomwakakamvwide kale kaambyo aaka?” Inzya, tweelede kulanganya muntu umwi-aumwi mbwabede alimwi akucinca mubandi wesu kweelana anzyayandika muntu ngotwajana.—1Kor. 9:22, 23.\\n10. (a) Amwaambe cakuluula icakacitikila mukwesu umwi. (b) Mbuti mbomwakalibonena mbozibeleka nguzu zya Jwi lya Leza mumulimo wanu wakukambauka?\\n10 Bantu banji bajana kuti kubelesya Jwi lya Leza mubukambausi kulakonzya kubagwasya kapati aabo mbotukambaukila. Atulange-lange cikozyanyo. Mukwesu umwi wakapanga nyendo yakupilukila kumwaalumi iwakali kubala mamagazini eesu kwamyaka iili mbwiibede. Muciindi buyo cakumupa magazini ya Ngazi Yamulindizi mpya, mukwesu wakasala kubala lugwalo lujanika mumagazini eeyo. Wakabala lugwalo lwa 2 Bakorinto 1:3, 4, ilwaamba kuti: ‘Taata siluse a Leza siluumbulizyo loonse, ulatuumbulizya mumapenzi eesu oonse.’ Mukamwiniŋanda wakakulwaizyigwa kapati amajwi aayo cakuti wakalomba mukwesu kuti alubale alimwi lugwalo oolu. Mwaalumi ooyo wakaamba mbwaakali kuyanda luumbulizyo antoomwe amukaintu wakwe, alimwi wakatondezya luyandisisyo mumulumbe wamu Bbaibbele. Sena inga tiimwazumina kuti Jwi lya Leza lilaanguzu mumulimo wesu wakukambauka?—Mil. 19:20.\\nCIINDI NOTUYIISYA KUCIBUMBILI\\n11. Ino bakwesu bayiisya kucibumbili bajisi mukuli nzi?\\n11 Toonse tulakkomana ikujanika kumiswaangano yesu ya Bunakristo akumiswaangano yabbazu alimwi ayacooko. Cipati ncotuunkila, nkuyookomba Jehova. Alimwi tulagwasyigwa kapati kumalailile aakumuuya ngotutambula. Bakwesu ibapa makani kucibumbili amiswaangano eeyi balacikkomanina coolwe eeci. Pele alimwi beelede kuzyiba kuti bajisi mukuli mupati kapati. (Jak. 3:1) Lyoonse beelede kuba masimpe kuti nzyobayiisya ziyeeme aa Jwi lya Leza. Ikuti mwapegwa mukuli wakuyiisya kucibumbili, mbuti mbomukonzya kulekela nguzu zya Bbaibbele kumusololela mumakani aanu?\\n12. Mbuti mwaambi mbwakonzya kusinizya kuti makani aakwe ayeeme aa Magwalo?\\n12 Amusinizye kuti makani aanu ayeeme aa Magwalo. (Joh. 7:16) Ino eeci cibikkilizya nzi? Kaambo kamwi nkakuti, amucenjele kuti kunyina—zyakuluula, zikozyanyo, naa mbomupa makani—izyeelede kusinkila kaambo ikali mukapango kamu Bbaibbele nkomwabelesya. Alimwi, amuyeeye kuti ikwiile kubala magwalo manji tacaambi kuti nkokuyiisya kuzwa mu Bbaibbele. Mubwini, kubelesya magwalo manji kulakonzya kupa kuti kubule noluba lomwe ndobakonzya kuyeeya baswiilizi banu. Aboobo amusale magwalo aayelede, alimwi amube aciindi cakwaabala, kwaapandulula, kupa zikozyanyo alimwi akutondezya mbwaakonzya kubelesyegwa. (Neh. 8:8) Kuti makani kaayeeme apepa lyamakani ilyakapegwa ambunga, amulibale pepa eelyo alimwi amagwalo aabelesyedwe. Amusole kumvwisya kweendelana kuliko akati katwaambo tuli mupepa lyamakani alimwi amagwalo aabikkidwe. Mpoonya amubelesye magwalo aasalidwe kutegwa mupandulule twaambo ituli mupepa lyamakani. (Mulakonzya kujana nzila zigwasya muzibalo 21 kusikila ku 23 mubbuku lya Amugwasyigwe Alwiiyo Lujanwa mu Cikolo Camulimo Weendelezyegwa a Leza.) Kwiinda zyoonse, amupaile kulomba Jehova kuti amugwasye kwaambila bamwi mizeezo iiyandika kapati iili mu Jwi lyakwe.—Amubale Ezra 7:10; Tusimpi 3:13, 14.\\n13. (a) Mbuti mucizyi umwi mbwaakagwasyigwa kweelana ambwaakabelesyegwa magwalo kumuswaangano wa Bunakristo? (b) Mbuti nywebo mbomwagwasyigwa alwiiyo lwamu Magwalo ilupegwa kumiswaangano yesu?\\n13 Mucizyi umwi ku Australia wakakulwaizyigwa kapati kweelana ambwaakabelesyegwa magwalo kumuswaangano wa Bunakristo. Nokuba kuti wakainda mubukkale bukatazya kapati mubuumi bwakwe, wakautambula mulumbe wamu Bbaibbele alimwi wakaaba buumi bwakwe kuli Jehova. Nokuba boobo, cakali kumuyumina kuzumina kuti wakali kuyandwa a Jehova. Pele mukuya kwaciindi, wakasinizya kuti wakali kuyandwa a Leza. Ino ncinzi cakamugwasya kutegwa alimvwe boobo? Wakacinca mbwaakali kulimvwa ciindi naakazinzibala kuyeeya kujatikizya lugwalo ilwakabelesyegwa amuswaangano wesu umwi mpoonya alimwi wakeendelanya tupango tumwi twamu Bbaibbele. * Sena andinywe mwakagwasyigwa kweelana ambolyakabelesyegwa Jwi lya Leza kumiswaangano yambungano, yabbazu, alimwi ayacooko?—Neh. 8:12.\\n14. Mbuti mbotukonzya kutondezya kulumba kwesu ku Jwi lya Jehova?\\n14 Sena tatumulumbi Jehova akaambo ka Jwi lyakwe lilembedwe, Ibbaibbele? Caluyando, tanaakapa buyo bantu Jwi lyakwe pele alimwi wakazuzikizya cisyomezyo cakwe kuti linooliko. (1Pet. 1:24, 25) Aboobo inga cabota kuti katulibala lyoonse Jwi lya Leza, kulibelesya mubuumi bwesu alimwi akulibelesya mukugwasya bamwi. Kwiinda mukucita boobo, tutondezya luyando lwesu alimwi akulumba kutali buyo akaambo kacipego eeci cizwa kuli Leza pele ikapati kuli Sikulyaanza, Jehova Leza.\\n^ munc. 13 Amubone kabbokesi kakuti “ Mbondakacinca.”\\nAMULEKELE NGUZU ZYA JWI LYA LEZA KUBELEKA\\nAmuzinzibale kuyeeya alindilyo\\nAmwaabelesye kabotu Magwalo\\nAmunomoone alimwi akupandulula twaambo tuyandika mulugwalo\\nAmwaambe Magwalo munzila iitondezya kuti mulalilemeka kapati Jwi lya Leza\\nAmusinizye kuti makani aanu ayeeme aa Magwalo\\nMutalekeli zyakuluula, zikozyanyo, naa mbomupa makani ikusinkila kaambo ikali mu Bbaibbele\\nAmube aciindi cakupandulula, kupa zikozyanyo alimwi akutondezya mbotukonzya kubelesyegwa tupango ntomubala\\nKwamyaka minji kuzwa ciindi nobakaiya kasimpe, ba Victoria cakali kubayumina kuzumina kuti Leza ulakonzya kubayanda. Ino mbuti mbobakagwasyigwa kutegwa batalike kulimvwa ncobeni kuti balayandwa a Leza? Ba Victoria bakaamba kuti:\\n“Zintu zyakatalika kucinca nokwakainda myaka iitandila ku 15 kuzwa ciindi nondakabbapatizyigwa. Ciindi mwaambi naakali kupa makani mu Ŋanda ya Bwami . . . , wakaamba lugwalo lwa Jakobo 1:23, 24. Tupango ootu tukozyanisya Jwi lya Leza kucimbonimboni oomo motukonzya kulibona mbubwenya mbwatubona Jehova. Ndakatalika kweezyeezya ikuti naa kwakali kwiindana mbondakali kulibona alimwi ambwaakali kundibona Jehova. Kumatalikilo, ndakaukazya muzeezo mupya ooyu. Ndakacili kulimvwa kuti kuyandwa a Jehova ncintu ncondatakeelede akulangila buya kuzwa kulinguwe.\\nNokwakainda mazuba masyoonto, ndakabala lugwalo ilwakacinca buumi bwangu. Lugwalo ndondakabala ngu Isaya 1:18, kwalo ikuzubululwa majwi aa Jehova naakali kwaamba kuti: ‘Amuboole lino nywebo nobantu kuti tubambe twaambo akati kesu. . . . Nokuba kuti zibi zyanu nywebo nobantu zilasalala pyu, zilatubisyigwa buu mbuli caanda.’ Ndakalimvwa mbuli kuti Jehova wakali kwaambila ndime kuti: ‘Boola kaka Vicky, atubambe twaambo akati kesu. Ndilikuzyi, ndilizyizyi zibi zyako, ndiluuzyi moyo wako—alimwi ndilakuyanda.’\\n“Ndakaba acilabila busiku oobo. Ndakacili kudooneka naa Jehova wakali kukonzya kundiyanda, pele ndakatalika kuyeeya kujatikizya cipaizyo cacinunuzyo ca Jesu. Mukaindi buyo kasyoonto, cakatalika kuboola mumizeezo kuti Jehova wakandikkazikila moyo kwaciindi cilamfwu, kunditondezya kuti ulandiyanda munzila zinji. Pele cakali mbuli kuti ndakali kumwaambila kuti: ‘Luyando lwako ndusyoonto cakuti talukonzyi kusika kulindime. Cipaizyo ca Mwanaako tacikonzyi kuvwumba zibi zyangu.’ Cakali mbuli kuti ndakali kucifwusila kuli Jehova alimwi cinunuzyo. Pele lino, kwiinda mukuzinzibala kuyeeya cipego cacinunuzyo eeci, ndakatalika kulimvwa kuyandwa a Jehova.”\\nAmwiiye Lweetelelo lwa Jehova\\nMAKANI AABUUMI Ndalongezyegwa Kubeleka Abaalumi Basimide Kumuuya\\n“Ijwi lya Leza Wesu Linooliko Lyoonse Mane Kukabe Kutamani”\\n‘Koba Sicamba, Uubeleke Mulimo’\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA September 2017\\nNGAZI YAMULINDIZI—YAKWIIYA September 2017","num_words":2026,"character_repetition_ratio":0.064,"word_repetition_ratio":0.0,"special_characters_ratio":0.165,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbuunga Ulakomba Kuli Leza\\nBALA MU Abbey Abui Acholi Afrikaans Aja Akha Altai Alur American Sign Language Amharic Angolan Sign Language Arabic Argentinean Sign Language Armenian Armenian (West) Ateso Attié Aymara Azerbaijani Azerbaijani (Cyrillic) Bashkir Bassa (Cameroon) Bassa (Liberia) Batak (Karo) Batak (Simalungun) Batak (Toba) Belize Kriol Biak Bicol Bislama Bolivian Sign Language Boulou Bété Cambodian Cebuano Changana (Zimbabwe) Chavacano Chichewa Chiga Chin (Hakha) Chin (Tiddim) Chin (Zotung) Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuvash Cibemba Cinamwanga Cinyanja Colombian Sign Language Cuban Sign Language Dakota Dangme Danish Dayak Ngaju Douala Drehu Dusun Dutch Efik English Estonian Ewe Fante Fijian Finnish Finnish Sign Language Fon French Futuna (East) Ga German Gitonga Gokana Greek Guadeloupean Creole Guarani Guarani (Bolivia) Guerze Guianese Creole Gun Guéré Haitian Creole Hausa Herero Hiligaynon Hindi Hungarian Hunsrik Iban Ibanag Ibinda Igbo Iloko Indian Sign Language Indonesian Indonesian Sign Language Irish Isoko Italian Italian Sign Language Japanese Javanese Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Khana Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisii Kisonge Kituba Kongo Korean Kpelle Krio Kurdish Kurmanji Kwangali Kwanyama Kyangonde Lahu Lamba Lambya Lari Lhukonzo Lingala Lithuanian Lomwe Luganda Lugbara Lunda Luo Luvale Macua Malagasy Malay Malayalam Malaysian Sign Language Maltese Mam Mambwe-Lungu Mapudungun Marathi Mauritian Creole Maya Mazahua Mbunda Mende Meru Mexican Sign Language Mizo Mongolian Moore Myanmar Myanmar Sign Language Nahuatl (Central) Navajo Ndau Ndebele Ndebele (Zimbabwe) Ndonga Nengone Nepali Nepali Sign Language Ngabere Ngangela Nias Nigerian Pidgin Norwegian Nsenga Nyaneka Nyungwe Nzema Odia Okpe Oromo Ossetian Otetela Pangasinan Pidgin (Cameroon) Pidgin (West Africa) Polish Ponapean Poqomchi' Portuguese (Portugal) Portuguese Sign Language Punjabi (Shahmukhi) Quebec Sign Language Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Quichua (Pastaza) Quichua (Tena) Rarotongan Romanian Romanian Sign Language Romany (Eastern Slovakia) Romany (Macedonia) Romany (Macedonia) Cyrillic Romany (Northern Greece) Romany (Serbia) Romany (Southern Greece) Ronga Runyankore Russian Rutoro Réunion Creole Samoan Sangir Sango Sena Sepedi Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Solomon Islands Pidgin Spanish Spanish Sign Language Sranantongo Sunda Swahili Swahili (Congo) Swati Swedish Tagalog Tahitian Tajiki Talian Tamil Tandroy Tankarana Tatar Tetun Dili Thai Thai Sign Language Tigrinya Tiv Tojolabal Tok Pisin Tongan Tshiluba Tshwa Tsonga Turkish Tuvaluan Twi Ukrainian Umbundu Urdu Urhobo Uruund Uzbek Vezo Vietnamese Wallisian Waray-Waray Welsh Wichi Wolaita Yacouba Zande Zulu\\n“Iwakalenga julu anyika” ulayanda kumvwa nkombyo zyesu.—Intembauzyo 115:15\\n1, 2. Nkaamboonzi nuyeeya kuti nkombyo nchipo chiyandikana, alimwi nkamboonzi nikuyandikana kuti tuzibe Bbayibbele nziliyisya atalaa nkombyo?\\nIKUTI nyika twiiyezyanisyaa julu azili mumo, nkantu kaniini loko. Ikuti Jehova walanga aansi, bantu bali muzisi zyoonse baboneka mbuli dosi lyamaanzi mukati kamugomo. (Intembauzyo 115:15; Isaya 40:15) Nikuba kuti tuboneka katuli tuniini kuti tweezyanisigwaa julu, ibbuku lyaIntembauzyo 145:18, 19 lyaamba kuti: ‘Jehova uli kufwaafwi kuliboonse bamwiita, boonse bamwiita calusinizyo. Aabo bamuyoowa ulabapa nzyobayanda, ulaswiilila cililo cabo, akubafutula.’ Nchilongezyo chigambya biyeni nchitulaacho! Jehova, Mulengi singuzuzyoonse, uyanda kubaafwiifwi andiswe alimwi uyanda kuswiilila nkombyo zyesu. Nichoonzyo, kukomba nchilongezyo, alimwi nchipo chiyandikana loko eecho Jehova nchaakapa umwi awumwi wesu.\\n2 Pesi Jehova ulatuswiilila ikuti twakomba munzila njayanda. Nga tulazichita biyeni? Atubone Bbayibbele nzilyaamba atalaa nkombyo.\\nNKAAMBOONZI NITUKOMBA KULI JEHOVA?\\n3. Nkaamboonzi nuwelede kukomba kuli Jehova?\\n3 Jehova uyanda kuti ukombe naa kwaambuulaawe. Tuzizi biyeni eezyo? Bala lugwalo lwaBaFilipi 4:6, 7. Yeeya atala akutambwa ooku kwaluyando. Mweendelezi wajulu azili mumo ulakuyandisya alimwi uyanda kuti kumubuzya zili mumoyo wako alimwi amapenzi aako.\\n4. Kukomba chiindi choonse kuli Jehova kubusimya biyeni bweenzuma bwako anguwe?\\n4 Inkombyo itugwasya kuti tubaa bweenzuma buli aafwiifwi aJehova. Ikuti bantu bamvwanana kabaambuuzyania chiindi choonse atala ambubayeeya, ambubalimvwa, bweenzinyina bwabo bulayendelela kunembo kusima akukomena. Kulakozyania akukomba kuli Jehova. Kwiinda muBbayibbele, wakakubuzya mizeezo yakwe ambwalimvwa atala anduwe, alimwi wakakubuzya zintu nzyayoochita kunembo. Ulakonzya kwaabilana anguwe kuzwaansi aamoyo nzila njulimvwaayo kuti kwaambuulaawe chiindi choonse. Mbuyabuchita eezi, bweenzuma bwako aJehova buyoosima loko.—Jakobo 4:8.\\nNIINZI NCHITWEELEDE KUCHITA KUTI TUMVWIGWE ALEZA?\\n5. Tuzi biyeni kuti Jehova taziswiilili pe nkombyo zyoonse?\\n5 Jehova ulaziswiilila na nkombyo zyoonse? Peepe, taziswiilili pe. Muchiindi chamusinsimi Isaya, Jehova wakabuzya maIsrayeli kuti: “Nekuba kuti mwakomba zikombyo zinji nsikoyooswiilila, nkaambo maanza aanu alizwide bulowa.” (Isaya 1:15) Aboobo ikuti teetwachenjela, tuyoochita zintu zitwaanzyania aJehova, zitape kuti awunduluzye nkombyo zyesu.\\n6. Nkaamboonzi kubaa lusyomo nikuyandikana? Tutondeezya biyeni kuti tulaa lusyomo?\\n6 Ikuti katuyanda kuti Jehova kaswiilila nkombyo zyesu, tweelede kubaa lusyomo muli nguwe. (Marko 11:24) Mwaapostolo Paulo wakapandulula kuti: “Pele kuti kakwiina lusyomo tacikonzeki kukonda Leza, nkaambo woonse muntu uusweena kulinguwe uleelede kuzumina kuti Leza mpali akuti nguupa cilumbo kulibaabo bamuyandaula.” (BaHebrayo 11:6) Pesi tazimanini aakwaamba kuti tulaa lusyomo. Tweelede kulutondeezya aantanganana lusyomo lwesu kwiinda mukuswiilila Jehova mazuba oonse.—Bala Jakobo 2:26.\\n7. (a) Nkaamboonzi nitweelede kulichesya akulemeka chiindi nitukomba kuli Jehova? (b) Nga tulatondeezya biyeni kuti tulaachoonzyo chiindi nitukomba?\\n7 Tweelede kulichesya akulemeka chiindi nitukomba kuli Jehova. Nkaamboonzi? Kaansinga kwali kuti nkuyaakwaambuula kumwaami naa kumweendelezi wanyika, twali kunoochita oobo munzila yakulemeka. Jehova nguLeza Singuzuzyoonse, aboobo tatweelede kutondeezya bulemu akulichesya kwiindilide na chiindi nitwaambuulaawe? (Matalikilo 17:1; Intembauzyo 138:6) Alubo tweelede kubaa choonzyo chiindi nitukomba kuli Jehova zizwa mumyoyo yesu, alimwi tatweelede kunooyindulula-yindula mabala ngitwaambide kale.—Matayo 6:7, 8.\\n8. Chiindi nitukombela chimwi chintu, niinzi nchitweelede kuchita?\\n8 Chamamanino, chiindi nitukombela atala achimwi chintu, tweelede kuchita kufumbwa nchitukonzya kutegwa tubelekele eecho nchitwakombela. Muchikozyano, ikuti twakombela nzituyanda zyabuzuba abuzuba kuli Jehova, tatweelede kukkala biyo pe katulindila kuti Jehova atupe zyoonse kakuli tulakonzya kuzibelekela kuti tuzijane. Pesi tweelede kubeleka changuzu alimwi katuzumina kufumbwa mulimu ikuti katukonzya kuuchita. (Matayo 6:11; 2 BaTesalonika 3:10) Ikuti twakombela kuti Jehova atugwasye kuleka kuchita chimwi chintu chibi, tweelede kutantamuka bukkale boonse bukonzya kutusunka. (BaKolose 3:5) Kwalino atulange-lange imwi mibuzyo izibidwe kubuzigwa atala ankombyo.\\nMIBUZYO IZIBIDWE KUBUZIGWA IILI ATALA ANKOMBYO\\n9. Tweelede kukomba kulini? Lugwalo lwaJohane 14:6 lutwiisyaanzi atala ankombyo?\\n9 Tweelede kukomba kulini? Jesu wakayiisya basikwiiya bakwe kukomba kuli “Taateesu ooli kujulu.” (Matayo 6:9) Alimwi waakamba kuti: “Ndime nzila, ndime bwini, ndime buumi. Takukwe uuza kuli-Taata, pele muli ndime.” (Johane 14:6) Nkukwaamba kuti tweelede kukomba kuli Jehova kwiinda muli Jesu. Chaambaanzi kukomba kwiinda muli Jesu? Kuti Jehova atambule nkombyo zyesu, tweelede kulemeka mulimu uyandikana ooyo Jehova ngwaakapa Jesu. Mbuli mbutwakayiiya, Jesu wakaza munyika kuzootufutula kuzwa muchibi amulufu. (Johane 3:16; BaRoma 5:12) Jehova wakasala Jesu kuti abe Mupayizi Mupati aMubetesi.—Johane 5:22; BaHebrayo 6:20.\\nUlakonzya kukomba kufumbwa chiindi\\n10. Kuli chiimo cheelede kutobelezegwa na chiindi nitukomba? Pandulula.\\n10 Kuli chiimo cheelede kutobelezegwa na chiindi nitukomba? Peepe, Jehova tatukumbili kuti tufugame, tukkale aansi, naa kuti twiimikile chiindi nitukomba. IBbayibbele lituyiisya kuti tulakonzya kwaambuula aJehova kufumbwa muchiimo chitondeezya bulemu. (1 Makani 17:16; Nehemiya 8:6; Daniele 6:10; Marko 11:25) Chintu chiyandikana kuli Jehova, teechiimo cheelede kutobelezegwa pe, pesi nkwaambuulaawe katubombede mumoyo. Tulakonzya kukombela ajulu naa katuumwine kufumbwa mputubede alimwi kufumbwa chiindi sikati amansiku. Chiindi nitukomba kuli Jehova, tulachoonzyo chakuti ulakonzya kutumvwa nikuba kuti twakombela mumoyo.—Nehemiya 2:1-6.\\n11. Nzezili zimwi zintu nzitukonzya kubuzya Jehova?\\n11 Niinzi nchitunga tulakombela? Tulakonzya kukombela zintu nzituyanda zitambulika kuli Jehova. IBbayibbele lyaamba kuti: “Na twakumbila kufumbwa cintu cili buti mbuli makanze aakwe, ulatumvwa.” (1 Johane 5:14) Zilachita na kukombela zintu nzituyanda? Iiyi. Kukomba kuli Jehova kweelede kuba mbuli kwaambuula amweenzinyokwe nguyandisya. Tulakonzya kumubuzya Jehova kufumbwa nzituyeeya azili mumyoyo yesu. (Intembauzyo 62:8) Tulakonzya kukombela kuti atupe muuya wakwe uusalala kutegwa utugwasye kuchita zili kabotu. (Luka 11:13) Alubo tulakonzya kukumbila Jehova kuti atupe busongo kutegwa tukonzye kusala kabotu, alimwi tulakonzya kukombela kuti atupe nguzu zyakuliyumya mubuyumu-yumu. (Jakobo 1:5) Tweelede kukumbila Jehova kuti atulekelele zibi zyesu. (BaEfeso 1:3, 7) Tweelede kukombela bamwi kuswaanizya mpuli zyesu, bakwesu abachizi bamumbungano.—Incito 12:5; BaKolose 4:12.\\n12. Niinzi nzitweelede kubikka mubusena bwakusaanguna munkombyo zyesu?\\n12 Niinzi nzitweelede kubikka mubusena bwakusaanguna munkombyo zyesu? NguJehova amakanze aakwe. Tweelede kumulumba zizwaansi aamoyo akaambo kazintu zibotu nzyaakatuchitila. (1 Makani 29:10-13) Eezi tulizizi nkaambo Jesu wakayiisya basikwiiya bakwe mbukukombwa naakali aanyika. (Bala Matayo 6:9-13.) Wakaamba kuti bakeelede kusaanguna kukombela zina lyaLeza kuti lisalazigwe, alimwi lyakeelede kubonwa kalisalala. Mpawo Jesu wakatondeezya kuti tweelede kukombela Bwaami bwaLeza kuti buboole akuti kuyanda kwaJehova kuchitwe munyika yoonse. Jesu wakaamba kuti tweelede kukombela nzintu ziyandikana saansi mpawo nitutakumbile zintu nzituyanda. Ikuti twabikka Jehova akuyanda kwakwe mubusena bwakusaanguna munkombyo zyesu, tunooli katutondeezya zintu ziyandikana loko mubuumi.\\n13. Inkombyo zyesu zyeelede kulampa biyeni?\\n13 Inkombyo zyesu zyeelede kulampa biyeni? IBbayibbele talitubuzyi pe. Inkombyo zyesu zilakonzya kuba zilamfu naa zifwiifwi alimwi ziyaa bukkale bwaziimo. Muchikozyano, tulakonzya kukomba nkombyo mfwiifwi katutanalya, pesi tulakonzya kukomba nkombyo ndafu chiindi nitubuzya Jehova atala ambutulimvwa naa kumulumba. (1 Samuele 1:12, 15) Tatuyandi pe kuba mbuli bantu bamuchiindi chaJesu bakali kukomba nkombyo ndamfu akaambo kakuyanda kubonwaa bamwi. (Luka 20:46, 47) Jehova tabotezegwi ankombyo zili boobo. Chiyandikana kapati kuli Jehova nchakuti tukombe zizwa mumoyo wesu.\\n14. Tweelede kukomba tungane, alimwi eezi zituyiisyaanzi atala aJehova?\\n14 Tweelede kukomba tungane? Jehova ututamba kuti twaambuulaawe chiindi choonse. IBbayibbele litubuzya kuti tweelede ‘kuzumanana kukomba,’ “akujatisya kukomba,” alimwi ‘akukomba cakutaleka.’ (Matayo 26:41; BaRoma 12:12; 1 BaTesalonika 5:17) Jehova ulilibambilide kutuswiilila chiindi choonse. Tulakonzya kumulumba mazuba oonse akaambo kaluyando abuuya bwakwe. Tulakonzya kumukumbila kuti atuzulwide, atusimye, alimwi atuumbulizye. Ikuti katulumba chachoonzyo chilongezyo nchitujisi chakukomba kuli Jehova, tuyoobelesya chiindi chiingi chakwaambuulaawe.\\n15. Nkaamboonzi nitweeelede kwaamba kuti “ameni” nitwamana kukomba?\\n15 Nkaamboonzi nitweelede kwaamba kuti “ameni” nitwamana kukomba? Ibbala lyakuti “ameni” lyaamba kuti “nichoonzyo” naa kuti “akube boobo.” Ninzila yakutondeezya kuti nzitwaamba munkombyo zyesu, tuli aachoonzyo anzizyo. (Intembauzyo 41:13) IBbayibbele lituyiisya kuti kuli kabotu kwaamba kuti “ameni,” kakutakwe kuti twaambila mujulu naa kuti twaambila mumoyo, kumamanino aankombyo yabantu biingi kutondeezya kuti tulazizumina zyaambwa.—1 Makani 16:36; 1 BaKorinto 14:16.\\nLEZA MBASANDULA NKOMBYO ZYESU\\n16. Jehova ulazisandula na choonzyo nkombyo zyesu? Pandulula.\\n16 Jehova ulazisandula na choonzyo nkombyo zyesu? Nisimpe, ulazisandula. IBbayibbele limwaamba kuti ‘Uuswiilila zikombyo.’ (Intembauzyo 65:2) Jehova ulaswiilila alimwi ulazisandula nkombyo zyachoonzyo zyamamiliyoni aabantu, alimwi uzichita munzila zisiyene-siyene.\\n17. Jehova ubabelesya biyeni bangelo ababelesi bakwe aanyika kutegwa asandule nkombyo zyesu?\\n17 Jehova ubelesya bangelo abantu bakwe aanyika kutegwa asandule nkombyo zyesu. (BaHebrayo 1:13, 14) Kuli zikozyano zyiingi zyabantu bakakombela kuti bagwasigwe kumvwisisisya Bbayibbele alimwi teekwakaba chiindi pe mpawo bakaswayigwa aBakamboni baJehova. IBbayibbele lilatutondeezya kuti bangelo abalabo balijatikizidwe mukwaambilizya “makani mabotu” munyika yoonse. (Bala Ciyubunuzyo 14:6.) Alubo, bwiingi bwesu twakaakombela mapenzi aatugeme naa nzituyanda kuli Jehova, mpawo twakajana lugwasyo ndutwakali kuyanda kuzwa kumukwesu naa kumuchizi muKristu.—Tusimpi 12:25; Jakobo 2:16.\\nJehova ulakonzya kusandula nkombyo zyesu kwiinda mulugwasyo ndutujana kuli bamwi bachiKristu\\n18. Jehova uwubelesya biyeni muuya wakwe uusalala alimwi aBbayibbele kuti asandule nkombyo zyesu?\\n18 Jehova ubelesya muuya wakwe uusalala kutegwa asandule nkombyo zyesu. Ikuti twakombela kugwasigwa kulwana penzi, ulakonzya kubelesya muuya wakwe uusalala kuti utuzulwide akuti utusimye. (2 BaKorinto 4:7) Alubo Jehova ubelesya Bbayibbele kusandula nkombyo zyesu alimwi akutugwasya kuti tusale chabusongo. Chiindi nitubala Bbayibbele, tulakonzya kujana magwalo aatugwasya. Alubo Jehova ulakonzya kusungwaazya umwi kuti asandule nzituyanda kumvwa kumiswaangano, naa kuti mwaalu wamumbungano ulakonzya kutubuzya amwi makani aagwasya aazwa muBbayibbele.—BaGalatiya 6:1.\\n19. Nkaamboonzi nikunga kulakonzya kubonekaanga Jehova tanazisandula pe nkombyo zyesu?\\n19 Pesi chimwi chiindi ulakonzya kugamba kuti, ‘Nkaamboonzi Jehova natazisanduli chakufwambaana nkombyo zyangu?’ Yeeya kuti, nguuzi chiindi akuti uzisandula biyeni nkombyo zyesu. Ulizizi nzituyanda. Tulakonzya kweendelela kunembo kunookomba zitondeezya kuti tuli aachoonzyo anzitulii kumubuzya alimwi akumutondeezya kuti tuli aalusyomo muli nguwe. (Luka 11:5-10) Chimwi chiindi Jehova usandula nkombyo zyesu munzila njitutayeeyeli pe. Muchikozyano, tulakonzya kukomba atala abukkale buyumu, pesi muchiindi chakuti agwisye penzi eelyo, ulakonzya kutupa nguzu zyakuti tuliyumye mupenzi eelyo.—Bala BaFilipi 4:13.\\n20. Nkaamboonzi nitweelede kukomba kuli Jehova chiindi choonse?\\n20 Nchilongezyo chipati biyeni chigambya nchitulaacho chakukomba kuli Jehova! Tulakonzya kubaa choonzyo chakuti unootuswiilila. (Intembauzyo 145:18) Ikuti twiinkilila kunembo kukomba kuli Jehova kazizwaansi aamoyo, bweenzuma bwesu anguwe buyoosima loko.\\nKASIMPE 1: JEHOVA UYANDA KUSWIILILA NKOMBYO ZYESU\\n“Jehova uli kufwaafwi kuliboonse bamwiita, boonse bamwiita calusinizyo.”—Intembauzyo 145:18\\nNiinzi nzitweelede kuchita ikuti katuyanda kuti Jehova aswiilizye kukomba kwesu?\\nTweelede kubaa lusyomo.\\nTweelede kulibombya akuba bantu balemeka.\\nKulijata kwesu kweelede kweendelana ankombyo zyesu.\\nTweelede kuba bantu bakomba zizwa aansi amoyo alimwi basyomeka. Tatweelede kwiinduluka-induluka majwi afanana munkombyo zyesu.\\nTweelede kupona kweendelana akuyanda kwaLeza.\\nKASIMPE 2: MIBUZYO IIZIBIKENE ATALA ANKOMBYO\\nTweelede kukomba kulini?\\nMatayo 6:9; Johane 14:6\\nKuli chiimo cheelede kutobelezegwa na chiindi nitukomba?\\n1 Makani 17:16; Nehemiya 8:5, 6; Daniele 6:10; Marko 11:25\\nJehova ulaziswiilila na nkombyo zyesu zyamumoyo?\\nInkombyo zyesu zyeelede kulampa biyeni?\\nTweelede kukomba tungana?\\nNkaamboonzi nitwaamba kuti “ameni” kumamanino aankombyo?\\n1 Makani 16:36; 1 BaKorinto 14:16\\nKASIMPE 3: NZITUNGA TULAKOMBELA\\n“Na twakumbila kufumbwa cintu cili buti cili mbuli makanze aakwe, ulatumvwa.”—1 Johane 5:14\\nNziizili zimwi zintu nzitunga tulakombela?\\nKombela kuyanda kwaJehova kuti kuchitike.\\n1 Makani 29:10-13\\nKombela kutondeezya kulumba akulumbayizya.\\nKombela zintu nzuyanda azikukataazya.\\nKombela muuya uusalala.\\nKombela busongo kuti ukonzye kusala kabotu mubuumi.\\nKombela nguzu zyakulisimya.\\nKombela kulekelelwa zibi zyesu.\\nKASIMPE 4: JEHOVA ULAZISANDULA NKOMBYO ZYESU\\n“Webo Ooswiilila zikombyo, bantu boonse bayoosika kuli nduwe.”—Intembauzyo 65:2\\nJehova uzisandula biyeni nkombyo zyesu?\\nTusimpi 12:25; Ciyubunuzyo 14:6\\nJehova ubelesya bangelo abantu kuti batugwasye.\\nMuuya wakwe uusalala utupa lugwasyo ndutuyanda.\\nUtupa luumuno anguzu nzituyanda kuti tuliyumye-yumye.\\nBaGalatiya 6:1; 2 Timoteo 3:16, 17\\nUtupa busongo kabelesya Bbayibbele alimwi ambungano.","num_words":1955,"character_repetition_ratio":0.078,"word_repetition_ratio":0.0,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 8 IBBAIB63 - Lino Leza wakaibaluka Nowa - Bible Search\\nMatalikilo 7 Matalikilo 9\\n1-Lino Leza wakaibaluka Nowa abaumi boonse abanyama mbaakali abo mubwaato. Mpawo Leza wakaungya muuwo anyika, nkabela maanzi akatalika kuyosa. 2-Tusensa toonse twamatoolo azipulo zyakujulu zyoonse zyakasinkwa, awalo mucobocobo wakalesegwa. 3-Maanzi akali kuya buunguluka ansi, mane lumwi kumamanino aamazuba aali mwanda amakumi osanwe maanzi akaceya. 4Lino mumwezi wamusanu aibili, mubuzuba bwakumi amusanu aabili bwamumwezi, bwaato bwakacuta azilundu zyaArarati. 5Nkabela maanzi akacili kuya buceya mane kusikila kumwezi wakumi, lino mumwezi wakumi, mubuzuba butaanzi bwamumwezi, mitwe yazilundu yakaboneka.\\n6-Amane buyo mazuba aali makumi one, Nowa wakajalula cipulo ncakacitide mubwaato, 7-watuma cikwangala. Nkabela wakauluka-uluka koonse koonse mane maanzi akayuminina ansi. 8Alimwi wakatuma inziba, kuti abone na maanzi atalika kuceya ansi. 9-Pele inziba teeyakajana mpiikonzya kukalila amyeendo yayo, aboobo yakapiluka kulinguwe mubwaato, nkaambo maanzi akacili manji atala anyika. Mpawo wakatandabika ijanza lyakwe, waijata, waiboozya mubwaato mwaakabede. 10Lino wakalindila alimwi mazuba aali musanu aabili, watuma inziba lwabili kuzwa mubwaato. 11-Elyo kuciindi cakumazuba inziba yakaboola kulinguwe, amumulomo wayo kiijisi itu lyaolifa ndeyakaakucela. Mpawo Nowa wakaziba kuti maanzi atalika kuceya ansi. 12Lino wakalindila alimwi mazuba aali musanu aabili, watuma inziba, pele tiikwe neyakaboola limbi pe.\\n13Lino mumwaka wamyanda iili musanu aumwi amwaka omwe, mumwezi mutaanzi, mubuzuba butaanzi bwamumwezi, maanzi akayuminina ansi. Mpawo Nowa wakavumbula lululi lwabwaato, wasondela, wabona kuti nyika yayuma. 14Nkabela mumwezi wabili, mubuzuba bwakumi amusanu aibili bwamumwezi, nyika yakayuma ntantalu. 15Lino Leza wakaambila Nowa kuti, 16-Kamuzwa mubwaato, yebo abanako, abana bako abamukabana bako boonse. 17-Banyama boonse mboli abo bamisyobo misyobo, bayuni aŋombe abauka boonse bayavula ansi, uzwe abo, kuti babe isaula ansi, bazyalisye akuvula ansi. 18Mpawo Nowa wakazwa abana bakwe abanakwe abamukabana bakwe boonse. 19Banyama boonse, abauka boonse abayuni boonse, boonse baumi bamisyobo misyobo bayavula ansi, boonse biyo bakazwa mubwaato.\\n20-Lino Nowa wakayakila Jehova cipaililo, nkabela wakabweza bamwi banyama basalala bamisyobo yoonse abayuni basalala bamisyobo yoonse, watuulila zituuzyo mpoonya awo acipaililo. 21-Mpawo Jehova naakamvwa bweema bubotu, Jehova wakaamba mumoyo wakwe kuti, Nsikooyootuka limbi nyika nkaambo kabantu pe, nkaambo miyeeyo yamoyo wamuntu mibi lyoonse kuzwa kubwanike bwakwe, alimwi nsikooyoouma limbi baumi boonse mbuli mbondakacita. 22-Nyika niiciliwo, ciindi cakubyala aciindi cakutebula, impeyo ankasaalo, cilimo amainza, isikati amasiku, zyoonse tazikooyooleka.","num_words":347,"character_repetition_ratio":0.062,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ulikubasiila chikozyano chili biyeni bana bako?\\nBazyali bali chikozyano chilikabotu bapona kweendelana anzibayiisya bana babo. Muchikozyano, tazikonzeki pe kuti mwanaako asyomeke, kuti chimwi chiindi wakakumvwa kwaamba kuti, “Mubuzye kuti tandiwo pe,” kuti kutayandi kwaambuula awumwi muntu uuli aanze.\\n“Bantu biingi baamba kuti, ‘Chita nzindaamba kutali nzindichita.’ Kwaambila bana munzila iili boobo takugwasyi pe. Bana batobelezya zintu nzitwaamba anzituchita alubo tulakonzya kubona kuti maponeno eesu asiyana anzitubayiisya kuti twalanga mbubachita.”—David.\\nNZILYAAMBA BBAYIBBELE: “Yebo okambauka kutabba, sa ulabba?”—BaRoma 2:21.\\nBana abachikula chiindi chiingi batobelezya zichitwa abazyali babo kwiinda zichitwa abasela lyabo. Eezi zyaamba kuti nduwe weelede kuyiisya bana bako zintu zilikabotu pesi eezi zilakonzeka kuti wapona kweendelana anzubayiisya.\\n“Tulakonzya kubuzya bana besu kuchita chimwi chintu kwaziindi zyiingi akukataazikana kuti balikuswiilila na pesi kuti teetwachita kweendelana anzitwaamba kwachiindi chomwe biyo, bana besu balazibona. Bana balazibona zyoonse nzituchita nikuba katutayeeyeli pe.”—Nicole.\\nNZILYAAMBA BBAYIBBELE: ‘Busongo buzwa kujulu . . . teebwakuupa-wupa ameso.’—Jakobo 3:17.\\nLilange-lange mbuchita. Uyandisya zyakulikondelezya zili biyeni? Umujata biyeni ngukwetenaawe abana bako? Mbantu bali biyeni mbumvwananaabo? Ubabikkila maanu na bamwi? Maponeno aako atondeezya kuti uyanda kuti bana bako bazoopone mbuuli nduwe na?\\n“Ime amulumaangu, bana besu tatubapi milawu njitutatobelezyi.”—Christine.\\nKumbila lulekelelo kuti wabisya. Bana banu balizi kuti chimwi chiindi mulabisya. Kwaamba kuti “undilekelele” kumuntu ngukwetenaawe akubana bako chiindi nwaabisya, ziyoogwasya bana banu kuti bazibe mbukuyandikana kusyomeka akulibombya.\\n“Bana besu beelede kutumvwa katuzumina akukumbila lulekelelo kuti twabisya. Kuti teetwachita oobo tabanoowambi pe kuti babisya.”—Robin.\\n“Mbutuli bazyali, ndiswe nitweelede kuyiisya bana besu alubo kuba chikozyano chilikabotu kuyoobagwasya nkaambo balatubona chiindi choonse. Kuli mbabo, tuli mbuuli bbuku lili azyiiyo nzibayiya.”—Wendell.","num_words":240,"character_repetition_ratio":0.058,"word_repetition_ratio":0.0,"special_characters_ratio":0.159,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"AMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bislama Bulgarian Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Cibemba Croatian Czech Danish Dutch English Estonian Ewe Fijian Finnish Fon French Ga Georgian German Greek Gun Haitian Creole Hausa Hebrew Hiligaynon Hungarian Igbo Iloko Indonesian Italian Japanese Kinyarwanda Kirghiz Kirundi Kongo Korean Lingala Lithuanian Macedonian Malagasy Malay Malayalam Maltese Myanmar Nepali Norwegian Nzema Ossetian Polish Portuguese Portuguese (Portugal) Romanian Russian Samoan Sepedi Serbian (Cyrillic) Serbian (Roman) Setswana Shona Sinhala Slovak Slovenian Spanish Swahili Swedish Tagalog Tatar Telugu Thai Tigrinya Tiv Turkish Ukrainian Uzbek Venda Vietnamese Xhosa Yoruba Zulu\\nBwiinguzi bwamu BbaibbelePeepe, taliyiisyi njiisyo yakuti ‘wafwutulwa ciindi comwe, nkokuti wafwutukila limwi.’ Muntu iwafwutulwa kwiinda mukusyoma muli Jesu Kristo ulakonzya kulusweekelwa lusyomo oolo alimwi alufwutuko iluboola akaambo kakuba alusyomo oolo. Bbaibbele lyaamba kuti kuzumanana kuba alusyomo kuyandika kubeleka canguzu, ‘kululwanina.’ (Juda 3, 5) Banakristo bakusaanguna ibakamutambwide kale Kristo bakaambilwa kuti: “Amuzumanane kubelekela lufwutuko lwanu cakuyoowa akukankama.”​—Bafilipi 2:​12.\\nTupango twamu Bbaibbele itutondezya kuti njiisyo yakuti ‘wafwutulwa ciindi comwe, nkokuti wafwutukila limwi’ njakubeja’\\nBbaibbele lilatucenjezya kujatikizya kucita zibi zipati izikonzya kupa kuti muntu atanjili mu Bwami bwa Leza ((1 Bakorinto 6:​9-​11; Bagalatiya 5:​19-​21). Kucenjezya kuli boobo nokutagwasyi nokwakali kuti muntu afwutuka wafwutukila limwi. Muciindi caboobo, Bbaibbele litondezya kuti muntu iwakafwutulwa ulakonzya kulebwa akutalika kucita zibi zipati. Mucikozyanyo, lugwalo lwa Bahebrayo 10:26 lwaamba kuti: “Ikuti katucita cibi acaali notwamana kutambula luzyibo lwini-lwini lwakasimpe, kunyina cipaizyo cimbi cazibi cili coonse cicisyeede pe.”​—Bahebrayo 6:​4-6; 2 Petro 2:​20-​22.\\nJesu wakakankaizya mbociyandika kuzumanana kuba alusyomo kwiinda mukupa cikozyanyo mwalo mwaakalikozyanisya kumusaansa mpoonya basikumutobela kumitabi yamusaansa ooyo. Bamwi akati kabo bakali kuyootondezya lusyomo mulinguwe kwiinda mumicelo naa mumicito yabo, pele mukuya kwaciindi bakali kuyakwaalilwa kucita boobo mpoonya ‘akukwezyulwa mbuli mutabi [uutazyali micelo]’ akusweekelwa lufwutuko lwabo. (Johane 15:​1-6) Mwaapostolo Paulo wakabelesya cikozyanyo cikozyenye aceeci, kwiinda mukwaamba kuti Banakristo ibatakazumanani kusyomeka ‘bayookwezyulwa.”​—Baroma 11:17-​22.\\nBanakristo balaililwa ‘kulangila.’ (Matayo 24:42; 25:13) Aabo iboona kumuuya, ambweni kwiinda mukucita “milimo yamudima” naa kwiinda mukutasungwaala kucita milimo Jesu njaakalailila, tabakafwutuki.​—Baroma 13:11-​13; Ciyubunuzyo 3:​1-3.\\nMagwalo manji atondezya kuti aabo ibakafwutulwa beelede kuliyumya cakusyomeka kusikila kumamanino. (Matayo 24:13; Bahebrayo 10:36; 12:​2, 3; Ciyubunuzyo 2:​10) Banakristo bamumwaanda wamyaka wakusaanguna bakakondwa nobakamvwa kuti basyominyina bakali kuliyumya mulusyomo lwabo. (1 Batesalonika 1:​2, 3; 3 Johane 3, 4) Ikuti aabo ibataliyumyi bayoofwutulwa abalo, sena ncamaano kuti Bbaibbele kalikulwaizya kuliyumya cakusyomeka?\\nMwaapostolo Paulo wakazyiba kuti lufwutuko lwakwe lwakalisyinizyide ciindi lufwu lwakwe nolwakaswena. (2 Timoteyo 4:​6-8) Nokuba boobo, wakalizyi kuti tanaakali kukonzya kufwutuka ikuti wabisya. Wakalemba kuti: “Ndilaudinkaula mubili wangu akuweendelezya mbuli muzike, ikutegwa ndamana kukambaukila bamwi, mebo lwangu nditajanwi amulandu uuli woonse.”​—1 Bakorinto 9:​27; Bafilipi 3:​12-​14.\\nSena Masimpe Kuti Inga Twamukkomanisya Leza?\\nBwiinguzi bulajanika muzibalo izyaamba buumi bwa Jobu, Loti, alimwi Davida, boonse aaba bakalubizya kapati.\\nIno Ncibi Cili Buti Citakonzyi Kulekelelwa?","num_words":415,"character_repetition_ratio":0.047,"word_repetition_ratio":0.0,"special_characters_ratio":0.184,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbomukonzya Kulwana Penzi Lyakulendelelwa | Lugwasyo Kumukwasyi\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bengali Bulgarian Cebuano Chichewa Chinese (Traditional) Chinese Mandarin (Simplified) Chitonga Cibemba Croatian Czech Danish Dutch Efik English Estonian Ewe Finnish French Georgian German Greek Gujarati Hebrew Hiligaynon Hindi Hungarian Icelandic Igbo Iloko Indonesian Italian Japanese Kannada Kikaonde Kinyarwanda Kirghiz Kirundi Korean Latvian Lingala Lithuanian Luvale Macedonian Malagasy Malayalam Maltese Marathi Myanmar Nepali Norwegian Pangasinan Polish Portuguese Punjabi Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Silozi Sinhala Slovak Slovenian Spanish Swahili Swahili (Congo) Swedish Tagalog Tahitian Tamil Telugu Thai Tigrinya Tok Pisin Tsonga Turkish Twi Ukrainian Vietnamese Waray-Waray Xhosa Yoruba Zulu\\n“Ndakajisi beenzuma bobilo bakali kucitila antoomwe zintu akundisiya ndelikke. Ndakali kumvwa mbobakali kukkomana antoomwe. Aciindi cimwi kabali antoomwe kuŋanda ndakatuma fooni, mpoonya muntu umwi naakaingula fooni ndakabamvwa kabaambaula akuseka. Ndakamvwa buyo mbobakakkomene, calo icakandipa kuti ndilimvwe kulendelelwa kwiinda!”—Maria. *\\nSena kuli nomwakalimvwide kulendelelwa? Naa mboobo, Bbaibbele lilijisi lulayo lukonzya kumugwasya. Pele cakusaanguna, amulange-lange zintu zisyoonto nzyomweelede kuzyiba kujatikizya kulendelelwa.\\nBantu banji balalendelelwa zimwi ziindi. Eeci cilabikkilizya abaabo ibalibonya kuba ampuwo. Ino nkaambo nzi? Akaambo kakuti kanji-kanji kulendelelwa naa ikutalendelelwa kuyeeme ambobali babotu balongwe mbajisi muntu ikutali mbobali banji balongwe aabo. Bantu ibaboneka kuba aampuwo inga kabajanika abantu banji pele kabatajisi balongwe beni-beni calo cikonzya kubapa kulendelelwa.\\nKulendelelwa kulakonzya kumupa kuciswa. Basikuvwuntauzya ibakalanga-langa malizauti aabantu ibali 148 bakaamba kuti kutayanzana kapati abantu kulakonzya kupa kuti muntu afwambaane kufwa. Alimwi kulijisi ntenda iinda “aziindi zyobilo aliyeeyo iiboola akaambo kakuneneya” alimwi “ncimwi buyo akufweba misanga yatombwe iili 15 abuzuba.”\\nKulendelelwa kulakonzya kumupa kucita cintu cili coonse. Alimwi buya kulakonzya kumupa kusala kufwumbwa muntu uukonzya kuzumina kuba mulongwe wanu. Mukubusi uutegwa Alan wakaamba kuti: “Ciindi muntu naalendelelwa, ulakonzya kuyandisya kapati kuba awakubandika limwi. Ulakonzya kutalika kuyeeya kuti kuba awakubandika limwi uuli woonse kuli kabotu muciindi cakubulila limwi. Eeci cilakonzya kuleta mapenzi.”\\nMincini iisumpukide talili lyoonse noimana penzi eeli. Mukubusi uutegwa Natalie wakaamba kuti: “Ndakali kutuma tugwalo twaafooni naa ma e-mail kubantu bali 100 abuzuba, nokuba boobo ndakalilendeledwe kapati. Awalo mukubusi uutegwa Tyler mbwalimvwa oobo. Waamba kuti: “Kutuminana tugwalo cili mbuli kulya twakulya tuuba-uba, pele kubandika mulomo mpande cili mbuli kulya cakulya cini-cini. Twakulya tuuba-uba ntubotu, pele muntu uyandika cakulya cini-cini kutegwa akkute.”\\nAmuyeeyele zintu zibotu. Mucikozyanyo, amweezyeezye kuti mwaunka a Webbusaiti mpomukonzya kubona mafwoto, mpoonya mwabona mafwoto aabeenzinyoko ibali kupobwe nkomwatakatambwa. Aciindi eeci, mulakonzya kuyeeya zintu zyobilo, ambweni ikwaamba kuti beenzinyoko tiibakayanda kumutamba naa kulanga zintu munzila yeelede. Mbwaanga tamukonzyi kuzyiba twaambo toonse tujatikizyidwe, tamweelede kuyeeyela zintu zibi. Muciindi caboobo, amuyeeye ikaambo kabotu ikapa kuti batamutambi. Kanji-kanji mbomuzilanga zintu ncecipa kulimvwa kulendelelwa ikutali zintu izyacitika.—Njiisyo yamu Bbaibbele: Tusimpi 15:15.\\nMutanoobelesyi majwi aakuyeeyela. Ciindi nomwalendelelwa, mulakonzya kwaamba majwi aakuyeeyela aakuti, ‘Mebo kunyina nonditambwa’ naa ‘Mebo bantu balanditantamuka lyoonse.’ Pele kuyeeya kuli boobu kulakonzya kupa buyo kuti ciindile kulimvwa kulendelelwa. Mizeezo iili boobu ilakonzya kupa kuti zintu kazicitika cakwiinduluka: Inga mwalimvwa kuti bantu tabamuyandi, calo cikonzya kumupa kulizandula, mpoonya mwalizandula mulakonzya kulendelelwa alimwi akulimvwa kuti bantu tabamuyandi.—Njiisyo yamu Bbaibbele: Tusimpi 18:1.\\nKamumvwana abapati. Bbaibbele lilaamba kujatikizya buumi bwa Davida walo uyeeyelwa kuti wakali mukubusi ciindi nobakazyibana a Jonatani, mwaalumi iwakali kumukomenena amyaka iili 30. Nokuba kuti bakaliindene myaka, Davida alimwi a Jonatani bakaba balongwe beni-beni. (1 Samuele 18:1) Cintu cili boobu cilakonzya kumucitikila andinywe. Kiara, musimbi uujisi myaka iili 21 wakaamba kuti: “Caino-ino, ndakabona mbociyandika kuba abalongwe bapati. Ndilijisi balongwe bandiyanda ncobeni, ibapati kulindime amyaka minji alimwi ndilalumba kujatikizya mbobazilanga kabotu zintu alimwi ambobasitikide.”—Njiisyo yamu Bbaibbele: Jobu 12:12.\\nAmuzyibe mbocigwasya kuba nyolikke. Bantu bamwi balimvwa kulendelelwa mbobabeda buyo balikke. Pele ikuba buyo nyolikke taceelede kumupa kulendelelwa. Mucikozyanyo, Jesu wakali kumvwana abantu, pele wakalizyi ambocigwasya kuba alikke. (Matayo 14:23; Marko 1:35) Mulakonzya kucita oobo andinywe. Muciindi cakubona kuti tacigwasyi kuba nyolikke, amubelesye ciindi eeci kuyeeya zintu zibotu zyamucitikila mubuumi. Eeci cilakonzya kupa kuti bantu kabayanda kuba balongwe banu.—Tusimpi 13:20.\\n^ par. 4 Mazina aamwi mucibalo eeci acincwa.\\n“Mazuba oonse aamuntu uupengede mabyaabi, pele ooyo uulaamoyo uukkomene ulaapobwe ciindi coonse.”—Tusimpi 15:15.\\n“Kufwumbwa muntu uulizandula . . . ulabukaka busongo boonse bugwasya.”—Tusimpi 18:1.\\n“Sena busongo tabujanwi kubantu bacembeede, alimwi sena maano taabooli akaambo kakupona myaka minji?”—Jobu 12:12.\\n“Ndibona kuti bakubusi banji balalendelelwa pele balasisa. Mucikozyanyo, ciindi nobatumina beenzinyina tugwalo naa kubandika a Intaneti, inga tabali antoomwe abantu mbobabandika limwi—calo icikonzya kupa muntu kulendelelwa.”\\n“Toonse tulijisi balongwe ibakalongela kumbi naa akaambo katwaambo tumwi tatukonzyi kubandika. Ndajana kuti cili kabotu kuzumanana kubandika ambabo nokuba kuti bakkala kulamfwu. Kubandika buyo amweenzinyoko ngomwakabonana kaindi, cilakonzya kumupa kulimvwa kabotu.”\\nKulwana Penzi Lyakulendelelwa\\nMbomukonzya Kuba Abalongwe Beni-beni\\nNzila zyone zikonzya kumugwasya kuba azilongwe ziyumu.\\nAmubone nzila zyotatwe zikonzya kumugwasya kumana penzi lyakulendelelwa alimwi akupanga zilongwe ziyumu.","num_words":726,"character_repetition_ratio":0.06,"word_repetition_ratio":0.0,"special_characters_ratio":0.157,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kuyuminina Muzinyonyoono: Kukwabilila Mpulungwido zya Muya Wamuntu Print\\nKuyuminina Muzinyonyoono: Kukwabilila Mpulungwido zya Muya Wamuntu\\nCamana ciindi bana bokwesu. Cibi cilamanukizya nobantu. Ncinyonyoono kuzyibila kucita zintu zibyaabi! Lino, kwiinda kaindi, ncintu ciyandikisya kukwabilila kufumbwa mpokonzya kunjililwa muya wako omuntu, aawo Saatani mpakunjilila akukuteya kuti ucegwe mukakole kakucita milandu.\\nCinyonyoono cilamanukizya. Kunyina makani kutinaa ncintu cibyaabi cili buti: inga kacinooli mbuli kunyemanyema, kuvwiya,kuyandisya kunywa akuliyasaula misamu iikola, kuyeeyela mizeezo iisofweede,kuliyanda, kunywa bukoko amisamu iikola, kulangilizya zifwanikiso azipekupekuzitondezya mantanda, kulyoomba, nokuba cintu acimwi cili coonse. Zyoonse eezyonzintu zyizyibizya muntu kucita cibi.\\nIlikke nzila kuli umwi umwi akati kesu yakwiingula zintu eezyo,ijanwa buyo mu Mufutuli wesu Yahushua. Omwe-omwe wesu uleelede kulivwiililambobweenda buumi bwakwe kumwami Yahuwah. Mboobu mbwaapandulula Mangwalo;apandulula kuti, “Nokuba kuti aaba balombwana, Noah, Daniele, a Joobo, nibalikomunyika, balo inga bakonzya buyo kuvwuna maumi aabo kwiinda mubululami bwabo,mbwaamba Simalelo Mwami Yahuwah.”(Kobala Ezekiya 14:14.) Lino kujala ŋanda yakazekelo mbokulaafwi kusika, omweomwe wesu weelede kulisinsa akulilingula mumoyo wakwe kufumbwa cibi ncasisideakulilekelela zibi zyoonse ku Mufutuli wesu Yahushua.\\nLuunyaunya—lwa koonanaakulalika, kuyandisya kulyaalya, misamu iikola, nokuba cili coonsecisofwaazya muntu — oobo mbusa bwa madaimona bulibonya kwiinda mumibili yabantu.Ilikke buyo nzila Saatani njanga woongelezya muya wamuntu, njakumunjilamumubili munzila zyosanwe eezyo akumusungilizya kuti alimvwe boobo. Eezyo nzilazyeelede kugatelwa anguzu ncobeni cakutasobanina. Kulya zintu zisalala, buumibwakuliimya, koona ŋonzi zyakulyoonenena, zyoonse eezyo zyibelekela antoomwekuti zikwabilile akuyumyayumya mbwalimvwa muntu munzila zyosanwe eezyo.\\nSaatani woongelezyamuntu kwiinda munzila zyosanwe eezyo, pele uteya muntu kwiinda mumizeezoyakwe njaliyeeyela. Aabo bayanda kuyoosalazyigwa akulibambila kucingauzyaMufutuli nayooboola mumakumbi, beelede kutonkomana kukwabilila mizeezo yabonkaambo kufumbwa muzeezo ngwayeeya muntu, nguwenya ooyo ngomuzeezo uutondezyambwalimvwa ambwabede muntu ooyo. Alimwieeyo mizeezo antoomwe ambwalimbwide muntu ooyo, nceciimo cakwe ooyo muntu.\\nKuya Kujulu kwiinda mucuumbwe, ncintu ciimpeneakwiinda kuti muntu watolwa kujulu kakwiina kufwa muciindi ca Kuboola Kwabili. Boonse aabo bayoowunka Kujulu kakwiina kufwa,beelede kuyoosikila ambaakani imwi mumaumi aabo mpobatacikonzyi kuzunda nokubakulwana lwabo balikke. Kunyina makani pe kuti naa 95% ciimo camuntu nokuba 5%ciimo cakwe kuti cakakokololwa kuzwa kubazyali bakwe mukuyandisya kucita cibi.Alikke Mufutuli Yahushua nguukonzya kufutula muntu ooyo. Muntu ulaa ciimo 95%cakuyandisya zisofweede inga kacikonzyeka kufutulwa kufumbwa buyo kuti walyaabazyoonse mubuumo bwakwe ku Mufutuli. Muntu wakakomezyelwa mubusena bukwabilidwe,kakomezyegwa abazyali balemekezya Mwami Yahuwah, alimwi kalaa ciimo cili buyo5% cakuyandisya kucita zibi, ulakonzya kusweeka kufumbwa buyo kuti kayeeya kutiinga wazunda cibi munguzu zyakwe akukaka kulyaaba buumi bwakwe kuli Yahushua.\\nMalailile aakuyaamina ku Mwami Yahuwah, inga aba mayandisi kuli ndiswe kuti twaaswiilila akwaateelela. Yebo kosyoma muli Yahuwah lyoonse. Kobaa lusyomo lutazungaani muli Nguwe nkaambo kabumboni bwa luyando anguzu Zyakwe. Kunyina muntu uutambikizya maboko aakwe mulusyomo ku Mufutuli, pele ngweenya ooyo ulakumbatilwa mumaanza aatamani, alimwi walo uloongelezyegwa akulongezyegwa.”\\n(Ellen White, Lugwalo 17, Muzaki Maziba 14, 1903.)\\nBantubanjaanji balaa mubuzyo wakuti, “Mbubuti Ime mbwenga ndyalaaba buumi bwangu kuliYahuwah?”1 Yebo uliyandisyide kuti ulipe cakumaninina kuli Nguwe,pele unyina nguzu zyakulijata, ulimuzike mumakani aakudonaika, alimwi yeboucuungililwa ziyanza zibyaabbi mubuumi bwako bwacinyonyoono. Zyoonse zintunzyosyomya kubambulula, zili mbuli ntambo yamuseenga iibumbuluka. Yebo tokonzyikweendelezya mizeezo yako kabotu, kulilingula mbolimvwide, azintu nzyoyandisya.Nkaambo kakuti yebo ulizyi zyoonse nzyookaalilwa kusyomya akuzuzika mubuumibwako, eeco ncecikutyompya akukubuzya nguzu zyakuti ubaa camba mukulisungulakwako; akukupa kuti yebo uyeeyele kuti Mwami Yahuwah takonzyi kukutambula pe;pele toyelede kubula bulangizi. Yebo ncoyelede kumvwisisya ncakuti, kuli nguzuzipati mukulikanzila kucita cintu cibotu. Eezyo nzyenguzu zyeendelezya ciimocamuntu, nguzu zyakusala, nokuba kukanza kucita cintu cimwi. Zyoonse zintuziyeeme atalaa makanze aakucita cintu ciluleme. Inguzu zyakusala kucita cintu eezyoMwami Yahuwah nzyaakapa kubantu; nzyizyabo kuti balisalile cakucita. Yebotokonzyi kucinca moyo wako, yebo tokonzyi kulipeda lwako zintu zyoonsenzyuuyanda moyo wako ku Mwami Yahuwah. Pele ulakonzya kusalakumubelekela Walo. Yebo ulakonzya kumupa luyando lwako; mpoonya Walo uyoobelekakwiinda mulinduwe kuti atondezye luyando Lwakwe mbuli mbwayanda. Aboobo ciimocako coonse inga catalika kweendelezyegwa a Muuya Uusalala ookwa Yahushua;kufumbwa ncoyanda inga kacinoogeme ali Nguwe, mizeezo yako inikweendelana aNguwe.2\\nCimwi cibeela cabuumi cikatazya kapati kubanalumi bamuselawamamanino, ncibeela ca kulijata muzisusi zyanyama. Banalumi bana Kristubanjaanji balizyibide kucenka zifwanikiso azipekupeku zitondezya mantandampoonya akutalika kulyoomba. Cintu ceelede kumvwisyigwa ncakuti, cinyonyoonocitalikila mukulanga aameso. Eelyo mwanalumi nalekela meso aakwe kutialangelange amubili wamukaintu, mizeezo yamwaalumi ooyo amanjezyeezya aakwe,aalo atalika kubeleka mulimo mulinguwe mpeenya aawo. Bamakaintu banakristubalalisamika zyakusama cabunkutwe, pele mulandu uli kumwaalumi ooyo uulekelameso aakwe kuti azwelezwele amubili wamukaintu, nanka kusala kuti atozye mesoaakwe kulubazu lumwi. Eelyo mwaalumi nasungilizya meso aakwe kulangisya cintucimwi, ayalo mizeezo yakwe itozya kucintu eeco ncacenka boobo.\\n“Eelyo notuboola ku Mwami Yahuwah akulibatamika kumwikatulilekelela bubisyi azinyonyoono zyesu, Walo wakasyomya kale kuti Walo MwiniLwakwe uyooteelela kulilauka kwesu. Bulemu bwa cuuno Cakwe ncecisyomyo cakutijwi Lyakwe liyoozuzikwa muli ndiswe.\\n“… Mupaizi wesu Mupati ulaibaluka majwi Aakwewoonse ngatukulwaizya kuti tusyome. Walo lyoonse ulaibaluka cizuminano Cakwekuli ndiswe.\\n“Boonse aabo bamuyandaula, bayoomujana Walo.Boonse aabo bakonkomona, mulyango uyoojulwa kuli mbabo. Kunyina nobati kamvwemajwi aakuti, “ Mwandisabila amuleke kundikatazyi Ime; mulyango wajalwa,kwamana; Ime nsyeyandi kuujula kabili.” Kunyina pe naba omwe uutikaambilwe kuti“ Ime nsyekonzyi kukugwasya yebo pe.” Aabo balombesya cinkwa akataa masiku kutibakasanine bafwide nzala, bayoozwidilila mukulombesya kwabo.”\\nNtaamu zyakubweza kuti Uzunde\\nKufumbwa mbocibede cintu eeco cilaa kampenda ncoyandisya alimwincosiside mumoyo wako, kuli nzila zyone nzyonga wagaminina kutaaluka kutiucizunde:\\nKoompolola Zina Lyakwe Mwami Yahuwah. Kolisakatizya muzisyomyo Zyakwe kuti zilaa nguzuzyakuzunda kufumbwa ntenda njoosikilwa buno buzuba, alimwi kopaila, kosinizyide mumoyo wakokulangila kuti ulatambula bwiinguzi alugwasyo.\\nKozumanana akutonkomana, kumutongookela kufumbwa cintu cikucumba mumoyo wako. Kolyaambilila cakuliiba eeco cintu cinicikusyupa mumajwi aako omwini.\\nKomulomba Mwami Yahuwah kuti akuzyibye ntenda iizyaakuswena munsilyako, eelyo notalika kwiingaila munsaa ntenda eeyo. Komulomba kuti akwiibalusyekuti upaile akulomba lugwasyo kotaninga sunkwa kunyomenenwa kufumbwa naancinyonyoono nzi ncoyandisya.\\nKobaa beenzinyoko bakugwasya kulilingula.\\nKusangana mukabunga abantu mbosyoma akumvwana limwi, nokuba kutikali muntu omwe buyo, ooyo ngomumvwana limwi, inga caba cintu cikugwasya kapatimukuzunda cinyonyoono. Banalumi abamakanintu aabo bakutauka mulimo munkamu yaWLC wakumwaya mulumbe mubotu kunyika yoonse, balilyaabide, moyo abuumi bwaboboonse ku Mwami Yahuwah. Pele aswebo, tucili bantu banyama. Aswebo tulalubizyambuli bantu boonse. Aswebo tuciyanda Mufutuli kuti atugwasye.\\nBanalumi bankamu ya WLC balizyi kabotu kuti imwi nzila yakuteyabanalumi eeyo Saatani njabelesya, njakuca balombwana bamusela wamamaninokwiinda mukulisofwaazya muzisusi zyanyama. Swebo tulanganya makani aankwelaamoyo uusinizyide ncobeni, alimwi aswebo mbuli bantu boonse tatukwabilidwekuntenda yamasunko aankwela pe, nanka bwaamu amamambe pe, tuli muntendambweenya buyo mbuli bantu boonse mbobali muntenda. Musololi wambunga ya WLCwakatamba banalumi ba WLC kuti bakamantane antoomwe akugwasyanya kulingula umwiaumwi wankamu kuti azumanane kulisalazya mumizeezo yakwe, muzisusi zyanyamaamuzintu zyoonse nzyaalaa busa akuyandisya.\\nSwebo twamwaabila lugwalo oolu lutobela ansi aawa, kutali kutituyanda kubbununa nkamu eeyi pe. Pele twamutamba kuti mulubale lugwalo oolukuti cibe cintu cakugwasya akukulwaizya bamwi kuti balibatamike akubomba myoyokuti bayandaule tukamu twakugwasyanya mumakani aakulijata.\\nNobayandwa muli Yahushua\\nMumazuba aayinda, ooto tusimpe tuli mu Daniele 11, twakatujatila maanu akutuzyibya mbokulaafwi ncobeni kujala ŋanda yakazekelo. Omuyandwa mwanookwesu, tuli munsimunsi kapati aciindi eeco Mufutuli wesu nayanda kwaamba kuti “Ooyo uucilaa tombe, kazumana mutombe lyakwe. Alimwi ooyo uusetekene kazumanana kusetekana.” (Ciyubunuzyo 22:11) Kuzwa eelyo Muya Uusalala naakandijata mumizeezo yangu akundizyibya kuti mamanino alaafwaafwi, moyo wangu uliminidwe nkaambo kacibi cakutalijata muluunyaunya azisusi zyanyama eeco cilebaula banalumi banjaanji mazubaano.\\nSwebo tuli banalumi bamusela wamamanio. Saatani uluujisi kwiilingana kulwana ndiswe kwiinda kaindi, kagwitide akujata maanka, alimwi kayandide ncobeni kujaya kwiinda mbwaakakanzide kujaya bantu mumusela wakainda uuli woonse. Mangwalo atuyiisya kuti “mbweenya mbuli muntu mbwayeeya mumoyo wakwe, nkokuti mbwabede ncobeni .” (Tusimpi 23:7) Yahushua wakatucenjezya kale kuti kufumbwa muntu walanga mukaintu akumufwida busa bwa kumunjilauka kucintaanda, ooyo muntu wacita kale mamambe mumoyo wakwe amukaintu ooyo.\\nSaatani ulizyi kale zyoonse eezyi alimwi teenkede kulwana banalumi bamusela wamamanino pe. Kunyina muntu wakasima cakuti talwanwi a Saatani pe. Lino kwiinda kaindi, tobanalumi bankamu ya WLC, tuyandika kulisalazya mumyoyo amumibili yesu. Eelyo Achani naakabisya, wakasisa zintu nzyaakabba mucivwuka cakwe. Pele, yoonse bungano ya Isilayeli yakasingwa akupenzyegwa nkaambo kacinyonyoono camuntu omwe. Balombwana bali makumi otatwe abali cisambomwe bakafwa munkondo ntaanzi yakulwana munzi wa Ai. Bamakaintu bali makumi otatwe abali cisambomwe bakacaala mbaamuka mufu, tabakwe mulumi. Maanda aali makumi otatwe acisambomwe, akacaala taakwe wisi wakupa bana zintu nzyobabulide. Zyoonse eezyo nkaambo buyo kacibi cakasisidwe camuntu omwe.\\nNobasazima nomuyandwa, swebo twakakamantana canguzu akutalika makanze eesu aakutola mulumbe wakasimpe ookwa Yahuwah kunyika yoonse. Inga caba cintu camanyongwe amause ataambiki kuti eeci cileleko ca Mwami Yahuwah, calesyegwa kuba mulimo wesu nkaambo kacibi akati kesu mu nkamu ya WLC. Swebo tuyandika kubelesya kufumbwa cilwanyo ncotukonzya kukwempa eeco cili munsi lyesu kuti tulwane nkondo eeyi yakuyandisya luunyaunya amamambe. Swebo toonse tulaa Mufutuli ooko nkotunga twatijila akuyooyubila. Walo wakatusyomezya kale kuti ndolugwasyo lwesu muciindi notubulide nguzu. Nokuba boobo, aswebo tulalilingula akulisyamba kala akulilesya kucita zitondwa eezyi. Aswebo tuli bantu bazyibide kucita zintu zyamusyobo ooyu mbuli bantu boonse nkaambo tucikkala ansi aano.\\nCinyonyoono ncintu cikola, cimanukizya akuzilula mizeezo, alimwi kulyoomba akulangilizya zifwanikiso azipekupeku zitondezya mantanda azitondwa ziindene, eezyo nzyezimwi akataa zintu zikatazyide muntu citaambiki kuti azilwane akuzwidilila kuzunda. Cimwi cintu cakatondezya kuti inga cagwasya muntu uuzyibide kucita kufumbwa cibi, ncakusangana mukabunga aako kamugwasyilila akumukulwaizya munkondo njalwana zisusi zyanyama yamubili wakwe.\\nIme ndalombozya kuti, mukukwabilila kabunga kasyoonto aaka, swebo tulilangaule akulizulazula mulicesu umwi awumwi. Eeyi ninkondo yakulwanina muya wamuntu omwe-omwe akati kesu, aboobo swebo tweelede kubelesya kufumbwa nzila njotukonzya kulwana nkondo eeyi. Swebo tuyanda cileleko ca Mwami Yahuwah, banabokwesu. Tweelede kupaililana. Ime ndalomba kuti umwi umwi mwaalumi uukutauka mulimo antoomwe a nkamu ya WLC, asangane kugwasyilila akulingulana abanabokwabo basazima, mukulyaaba buumi bwakwe mvwiki yomwe yomwe, katwaambilana zintu zyakupaililana kuti:\\nKwiinda muluzyalo lwa Mwami Yahuwah, amulusyomo muli Yahushua, Ime ndakonzya kulilingula akuzwidilila kulisalazya mumvwiki eeyi.\\nTunootuminana cikonkezyo eeci lyoonse mubuzuba butaanzi yainda Nsabata, muli bwa 2nd, 9th, 16th, abwa 23rd butobezya mwezi uubonwa ameso. Ime ndilomba Mweenima Q kuti abe nguuyendelezya milumbe munkamu. Mumazuba amwi aasalidwe, tunootumina muluwo cikonkezyo eeci cilaatala ku Musazima Q. Musazima Q unoola mazuba obile aakulemba mulongo wabaabo bakaalilwa kukoma nkondo alimwi balomba mipailo iigaminina cintu cibakatazya. Awalo unoosanganya zina lyakwe kuti kaciyandika. Nkaambo kakuti aaya makani aakatazyide ncobeni kuli ndiswe tomusela wabaalumi wamamanino, kuti umwi wesu taayingula, Ime ndalomba Musazima Q kuti alembe kuti ooyo wakaalilwa akumusanganya akataa baabo balomba mipailo.\\nEeci tacili cintu cakutunusya akugunya muntu pe, alimwi kunyina nocinga canyonganya kusangana munkamu ya WLC. Ooyu mulimo buyo wakugwasyilila banabokwesu aabo banjomba akukakatila kulisalazya. Ime ndalombozya kuti ooyu mulimo uzumanane kusikila ikajalwe ŋanda yakazekelo. Saatani ulwanina miya yesu mbuli munyama uyanda kukuluma akukukwamauna, aboobo tweelede kwiimikizyanya banabokwesu mumipailo.\\nOoyu mulimo ncobeni wamoyo woonse, nobayandwa. Cinyonyoono cakuyandisya zitondwa, mantanda, nzimwi zinjaanji kutali buyo kulyoomba, kulangilizya zipekupeku azifwanikiso zyamantanda. Meso, nzyempulungwido zyamuya wamuntu, aboobo, zyeelede kukwabililwa ciindi coonse. Lyoonse kuyandika kucengulula meso akulanga kumbi kuti mukaintu uutasamide cakulilemeka wainda kumbele lyako. Eeco ncecintu cikonzya kukwabilila mizeezo yesu. Swebo tatweelede kusamununa mukaintu mumizeezo yesu akumulanga amubili kalaa cinswe. Mulimo wesu nobasazima, wakugatela mpulungwido zya miya yesu akulesya meso eesu nokuba mizeezo yesu kuti yiingaile ooku akooku nkaambo eeco ncecisolweda kuti ubule nguzu akunjomba mukulyoomba nokuba kulanga zifwanikiso azipekupeku zitondwa.\\nMbuli babelesi antoomwe a nkamu ya WLC, swebo twakabunganya mbunga yesu yakugwasyana kulilingula. Tuli kabunga ka banabokwabo mu Mwami, aabo bapailila akuyumyayumya mweenzinyina umwi awumwi akati kesu. Kuti umwi akati kesu walinontola akuwa ansi nokuba kudadalika, swebo tulizyi kuti tulijisi wakutwiiminina munsi lya Taata wesu. (Langa 1 Johane 2:1) Alimwi tulizyi kuti tulakonzya kupegwa lugwasyo akumvwidwa kaambo mukulilauka kwesu kakwiina kuyoowa kuzulwa, kusinswa nanka kubetekwa.\\nUtasowi ciindi Mwanookwesu ooyandika, Yamana nyika eeyi.\\nAmucicenjelele Kapati Cinyonyoono\\nNobeenima anobacizyi, mamanino alaafwi kapati cakuti tacicilicintu cakusobanina kusowa ciindi kusala lufutuko lwesu. Iswe tweeledekucicenjelela kapati anguzu zyoonse cinyonyoono. Iswe tweelede kulikwabililakufumbwa nzila yakunjilila mubuumi bwamuntu woonse. Mumasunko aabuumi bunombotukkede, yebo kocengulukila ku Mufutuli, mpoonya Walo uyookwiimpulaakukwiimikizya kuti utawidi ansi.\\nUtaswiilili sinkondonyoko nkwakusungilizya kutiuleleme kuboola munsimunsi lya Kristu kusikila yebo ulimvwe kabotu akukkalwacamba; kusikila weelele kuboola ku Mwami Yahuwah. Kuti yebo koyanda kulindilakusikila ciindi eeco noyoolibbakamuna akulimvwa kuti uyanda kuboola ku Mwami,yebo kunyina pe nocitikakusikile ciindi eeco pe. Eelyo Saatani natondeka nduwekuti zikobela zyako zicinunka nsu mbuli cibolede, yebo koinduluka kumwaambilacisyomyo ca Mufutuli wako Yahushua, “Ooyo uuboola kuli Ndime, kunyina pe Imenenga ndamutandila anze.” Johane 6:37. Komwaambila sinkondonyoko kuti bulowabwakatika aciciingano bokwa Yahushua bulakusanzya zinyonyoono zyako zyoonse.Mupailo ookwa Davida, awube wako kuti, “Kondisanzya amululwe ime, mpoonyandiyoosalala; kondisanzya ime, nkabela ndasalala akutuba bu kwiinda caanda.”Intembauzyo 51:7.\\nNyamuka lino mukwesu, koya kuli Taata wako. Walo uyookucingauzyakocili kulaale. Kufumbwa buyo kuti yebo wataaluka niiba ntaamu yomwe kutozyakuli Nguwe mukweempwa kwako, Walo ulabinda kuzyookukumbata mumaanza Aakweaaluyando luteeli. Matwi Aakwe alijulidwe kuti amvwe kulilauka kwamoyouupengede. Kufumbwa buyo kuti moyo walungumana ku Mwami Yahuwah, Walo ulizyikale makani woonse. Kunyina mupailo uupailwa, nokuba kuti ngwakubbabbalisyakwaambaula, kunyina misyoozi iiloka kumeso, nokuba kuti njakusisikizya, kunyinakuyandisya masimpe kwamyoyo, mukuyandisya Mwami Yahuwah ooko kutazyizyilwe,nokuba kuti moyo kuubulide buti nguzu, pele Muya ookwa Yahuwah ulaunka kuyooswaangana anduwe. Nokubakuti mupailo tuuna pailwa, nanka kuyanda kwamoyo kakutaninga pozomonwakumulomo, luzyalo lwa Kristu lulayaamuka kuyooswaangana aluzyalo oololukutaukila mumoyo wamuntu ooyo.3\\n1 Mazina aasetekeneakabikkwa mucibalo eeci mucibaka camazina aamulimo wacuuno.\\n2 Ellen G. White, Steps to Christ, p. 47. Mazina aasetekene akabelesyegwa.\\n3 Ellen G. White, Christ’s Object Lessons,p. 205. Mazinaaasetekene akabelesyegwa.","num_words":1994,"character_repetition_ratio":0.039,"word_repetition_ratio":0.0,"special_characters_ratio":0.143,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 7 IBBAIB63 - Lino Jehova wakaambila Nowa - Bible Search\\nMatalikilo 6 Matalikilo 8\\nNowa mbwaakanjila mubwaato akuvunwa Kuzambangulwe\\n1-Lino Jehova wakaambila Nowa kuti, Njila mubwaato, webo abeŋanda bako boonse, nkaambo nduwe olike ngombwene kuti uliluleme mumeso aangu akati kabasyasunu. 2-Tolelela banyama bamisyobo yoonse iisalala, musanu ababili mumusyobo umwi aumwi, beenze abazyazi, Abalo banyama batasalali, tola bobile bobile, beenze abazyazi. 3Abalo bayuni bakujulu, tola musanu ababili mumusyobo umwi aumwi, beenze anseke, kuti ulondole inyungu zyabo ansi. 4-Nkaambo kwasyaala mazuba aali musanu aabili buyo, lino njoowisya imvula ansi mazuba aali makumi one, isikati amasiku, nkabela njoozizaanya baumi boonse mbendakalenga ansi. 5-Mpawo Nowa wakacita zyoonse Jehova nzyaakamulailila.\\n6Nowa kajisi myaka iili myanda iili musanu aumwi, izambangulwe nilyakasika ansi. 7-Lino Nowa wakanjila mubwaato, walo abanakwe abana bakwe abamukabana bakwe, kuti bavunwe kumaanzi aazambangulwe. 8Nkabela banyama basalala, abanyama batasalali, abayuni, abauka boonse bayavula ansi, 9akati kamisyobo yoonse biyo mwakanjila mubwaato kuli-Nowa bobile bolile, mweenze amuzyazi, mbubonya mbuli Leza mbwaakalailila Nowa. 10Lino mazuba aali musanu aabili naakamana, maanzi aazambangulwe akasika ansi.\\n11-Mumwaka wamyanda iili musanu aumwi wabuumi bwa-Nowa, mumwezi wabili, mubuzuba bwakumi amusanu aabili bwamumwezi, tusensa toonse twamatoolo twakasinkuka, azyalo zipulo zyakujulu zyakajalulwa. 12Nkabela mucobocobo wakali kuwa ansi mazuba aali makumi one, isikati amasiku. 13Mubuzuba obo mbubonya Nowa wakanjila mubwaato, walo, a-Semu a-Hamu a-Jafeti bana ba-Nowa, amuka-Nowa, abanakazi botatwe babana bakwe. 14Bakatolelela banyama bamisyobo yoonse, iŋombe zyamisyobo yoonse amisyobo yoonse yabauka bayavula ansi, amisyobo yoonse yabayuni, atuyuni toonse twamisyobo misyobo. 15Boonse bakanjila mubwaato kuli-Nowa, bobile bobile bamisyobo yoonse iili abuumi. 16-Nkabela abo ibakanjila bakali beenze abazyazi bamisyobo yoonse, mbubonya mbuli Leza mbwaakamulailila. Mpawo Jehova wakamujalila.\\n17Lino izambangulwe lyamaanzi lyakali ansi mazuba aali makumi one, nkabela maanzi akavula, akasumpula bwaato akubutola kujulu kuzwa ansi. 18-Maanzi akavwandauka, avula loko ansi, aboobo bwaato bwakali kuya bweenda atala amaanzi. 19-Maanzi akavwandauka loko malaa ansi, mane lumwi malundu malamfu oonse aamunyika akabbila. 20Elyo maanzi akacili kuvwandauka mane akaba abulamfu bwatukokola tuli ikumi amusanu, twakusotoka zilundu zyoonse. 21-Lino baumi boonse baputa ansi bakafwa, nebaba bayuni neziba iŋombe nebaba banyama nebaba bauka bayavula ansi, abalo bantu boonse. 22-Boonse ibakali ampemo zyakuyooya, boonse ibakali anyika injumu, boonse buyo bakafwa. 23-Boonse baumi bakali ansi bakaziminganizigwa, nebaba bantu neziba iŋombe nebaba bauka nebaba bayuni bakujulu. Boonse bakaziminganizigwa. Kwasyaala Nowa alike abaabo mbaakali abo mubwaato. 24-Nkabela maanzi akali kuvwandauka ansi mazuba aali mwanda amakumi osanwe.","num_words":370,"character_repetition_ratio":0.078,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Daniele 7 | Bbaibbele lili a Intaneti | Bbaibbele lya Busanduluzi Bwanyika Mpya\\nCilengaano cabanyama bone (1-8)\\nKumena kwakeja kasyoonto kalisumpula (8)\\nSinsiku ankuta yakwe (9-14)\\nMwanaamuntu wabikkwa kuba mwami (13, 14)\\nDaniele wazyibisyigwa bupanduluzi (15-28)\\nBanyama bone baiminina bami bone (17)\\nBasalali bayoopegwa bwami (18)\\nMeja aali kkumi, naa bami bayoobuka (24)\\n7 Mumwaka wakusaanguna wa Mwami Belisazara+ wa Babuloni, Daniele wakalota ciloto akubona zilengaano zyamumutwe wakwe naakalede abulo bwakwe.+ Mpoonya wakalemba ciloto eeco;+ wakaalemba makani oonse mbwaabede. 2 Daniele wakaamba kuti: “Ndakali kulangilila muzilengaano zyangu imasiku, eelyo ndakabona myuuwo yone yakujulu kaikopanya lwizi lupati.+ 3 Mpoonya banyama bapati bone+ bakazwa mulwizi, munyama umwi aumwi wakaliindene abeenzinyina. 4 “Wakusaanguna wakali mbuli syuumbwa,+ alimwi wakajisi mababa aasikwaze.+ Ndakalangilila kusikila limwi mababa aakwe akamonsolwa, mpoonya wakanyamunwa mujulu kuzwa anyika akwiimikwa amaulu aakwe obilo mbubonya mbuli muntu, alimwi wakapegwa moyo wamuntu. 5 “Amubone! Kwakalibonya munyama aumbi, wabili iwakali mbuli munyama uutegwa bbeya.+ Kulubazu lumwi wakalinyamukide, kumane kumulomo wakalumide tubambo totatwe mumeno aakwe; lino wakaambilwa kuti, ‘Nyamuka, kolya nyama nji.’+ 6 “Kuzwa waawo ndakazumanana kulangilila, eelyo ndakabona munyama umbi, uuli mbuli siluwe,+ pele andelo yakwe wakajisi mababa one mbuli aamuyuni. Munyama ooyo wakajisi mitwe yone,+ alimwi wakapegwa nguzu zyakweendelezya. 7 “Mpoonya kuzwa waawo ndakazumanana kulangilila muzilengaano zyamasiku, eelyo ndakabona munyama wane, uuyoosya, uutilimuna, alimwi uujisi nguzu zitaambiki, alimwi wakajisi meno mapati aabutale. Wakali kulya akupwayaula, mpoonya izyakasyaala wakazilyatauka amaulu aakwe.+ Wakaliindene abanyama boonse bambi aabaya ibakusaanguna kulinguwe, alimwi wakajisi meja aali kkumi. 8 Nondakacili kulanga-langa meja, ndakabona keja kamwi kaniini,+ ikakamena akati kangawo, mpoonya meja otatwe akati kameja aakusaanguna akakukkulwa kumbele lyankako. Eelyo keja aaka kakajisi meso aali mbuli aamuntu, alimwi akalomo kaambaula cakulisumpula.+ 9 “Ndakazumanana kulangilila kusikila limwi zyuuno zyabwami zyakabikkwa mubusena bwanzizyo, eelyo Sinsiku+ wakakkala.+ Cisani cakwe cakali kutuba buu mbuli caanda,+ aalo masusu aakumutwe wakwe akali mbuli boya bwambelele butakwe tombe. Cuuno cakwe cabwami cakali mabangabanga aamulilo; imavwili aancico akali mulilo uuvwilima.+ 10 Kalonga kamulilo kakali kukunka kuzwa kumbele lyakwe.+ Kwakali cuulu cazyuulu zyabaabo bakali kukutauka kumbele lyakwe, abali zyuulu zili kkumi iziyungizyidwe ziindi zili zyuulu zili kkumi ibakaimvwi kumbele lyakwe.+ Lino Nkuta+ yakakkala, alimwi mabbuku akajalulwa. 11 “Ndakazumanana kulangilila aciindi eeco akaambo kamajwi aakulisumpula ngokakali kwaamba keja;+ ndakazumanana kulangilila kusikila limwi munyama wakajaigwa awalo mutunta wakwe wakanyonyoonwa akuwaalwa mumulilo kuti upye. 12 Pele banyama bambi boonse,+ bakanyangwa bweendelezi bwabo, alimwi bakazumizyigwa kuti kabacipona kwaciindi cili mbocibede amazuba aali mbwaabede. 13 “Ndakazumanana kulangilila muzilengaano zyamasiku, eelyo ndakabona umwi uuli mbuli mwanaamuntu+ kaboola amakumbi aakujulu; wakazumizyigwa kusika kuli Sinsiku,+ alimwi bakamuleta afwaafwi kumbele lyakwe. 14 Mpoonya wakapegwa bweendelezi,+ bulemu,+ alimwi abwami, kuti bantu boonse, zisi zyoonse alimwi abantu bamyaambo yoonse bamubelekele.+ Bweendelezi bwakwe mbweendelezi bwalyoonse alyoonse oobo ibutakamani, abwalo bwami bwakwe mbwami butakanyonyoonwi.+ 15 “Lino mebo nde Daniele, ndakakatazyigwa kapati mumoyo, nkaambo zilengaano zyamumutwe wangu zyakandiyoosya.+ 16 Ndakaswena afwaafwi kuli umwi wabaabo bakaimvwi ooko kuti ndimubuzye cini ncaamba makani aaya. Aboobo wakandivwiila akundipandulwida ncozyaamba zintu eezyi. 17 “‘Banyama aaba bapati, ibali bone,+ mbami bone ibayoobuka munyika.+ 18 Pele basalali ba Mupati Kwiinda+ bayoopegwa bwami,+ eelyo bwami oobo bunooli bwabo lyoonse alyoonse,+ mane kukabe kutamani.’ 19 “Mpoonya ndakayanda kuzyiba zinji kujatikizya munyama wane, ooyo iwakaindene abambi boonse; iwakali kuyoosya citaambiki, wakajisi meno aabutale amala aamukuba, alimwi wakali kulya, kupwayaula akulyatauka amaulu aakwe zintu eezyo zyakasyeede;+ 20 akujatikizya meja aali kkumi+ aakali amutwe wakwe, alimwi akeja kamwi ikakamena, mpoonya otatwe akawa kumbele lyankako,+ inzya keja aako ikakajisi meso alimwi akalomo kaambaula cakulisumpula alimwi ikakalibonya kukomena kwiinda meenzinyina. 21 “Ndakazumanana kulangilila ciindi keja aako nikakalwana basalali akubazunda,+ 22 kusikila limwi Sinsiku+ wakaboola eelyo basalali ba Mupati Kwiinda+ bakabetekelwa kabotu, acalo ciindi cibikkidwe cakasika cakuti basalali babweze bwami.+ 23 “Mboobu mbwaakaamba: ‘Kujatikizya munyama wane, kuli bwami bwane ibuyooba anyika. Buyakwiindana amami aambi oonse, buyoolya nyika yoonse akwiilyatauka alimwi akwiipwayaula.+ 24 Mpoonya ikujatikizya meja aali kkumi, kuyoobuka bami bali kkumi mubwami oobo; pele alimwi kuyoobuka mwami aumbi musyule lyabo, eelyo walo unakwiindene abami bakusaanguna, alimwi uyoozunda bami botatwe.+ 25 Uyakwaamba majwi mabi ku Mupatikampatila,+ alimwi uyoozumanana kupenzya basalali ba Mupati Kwiinda. Uyooyeeya kucinca ziindi amulawo, eelyo bayoopegwa mumaanza aakwe kwaciindi comwe, ziindi zyobilo alimwi acisela caciindi.+ 26 Pele Nkuta yakakkala, eelyo bakamunyanga bweendelezi bwakwe, kutegwa bamujaye akumunyonyoona cakumaninina.+ 27 “‘Mpoonya bwami abweendelezi alimwi abulemu bwamami aali ansi aajulu lyoonse bwakapegwa kubantu, nkokuti ibasalali ba Mupati Kwiinda.+ Bwami bwabo mbwami butamani,+ alimwi bweendelezi buli boonse buyoobabelekela akubamvwida.’ 28 “Aawa mpaamanina makani. Lino mebo nde Daniele, mizeezo yangu yakandiyoosya kapati, cakuti busyu bwangu bwakacinca; pele alo makani ndakaayobola mumoyo wangu.”","num_words":692,"character_repetition_ratio":0.065,"word_repetition_ratio":0.0,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Baalumi bali ciloba basalwa kubeleka mulimo (1-7)\\nSitefano watamikizyigwa kuti usampaula Leza (8-15)\\n6 Lino mumazuba aayo basikwiiya nobakali kuyaabuvwula, iba Juda baambaula Chigiriki bakatalika kutongooka ba Juda ibaambaula Chihebrayo nkaambo bamukabafwu bankobazwa tiibakali kupegwa zyakulya izyakali kwaabilwa abuzuba.+ 2 Aboobo ibali Kkumi Ababili bakaita nkamu yabasikwiiya antoomwe akubaambila kuti: “Tacili cibotu* pe kuti swebo tuleke kuyiisya Jwi lya Leza akutalika kwaabila bantu zyakulya.+ 3 Aboobo bakwesu amusale baalumi bali ciloba akati kanu ibajisi mpuwo mbotu,*+ ibazwide muuya abusongo,+ ikutegwa tubape mulimo wakulanganya makani aaya aayandika;+ 4 pele swebo tulazumanana kubikkila maano kumipailo akumulimo wakuyiisya jwi lya Leza.” 5 Lino majwi ngobakaamba akababotela boonse munkamu, aboobo bakasala Sitefano, mwaalumi uuzwide lusyomo amuuya uusalala, antoomwe a Filipo,+ Purokoro, Nikanora, Timoni, Paramena alimwi a Nikolayi mu Juda musandule waku Antiokeya. 6 Bakabaleta kubaapostolo, eelyo nobakamana kupaila, baapostolo bakabikka maanza aabo aalimbabo.+ 7 Aboobo, ijwi lya Leza lyakazumanana kumwaika,+ eelyo mweelwe wabasikwiiya wakali kuyaabukomena kapati+ mu Jerusalemu; alimwi nkamu mpati yabapaizi abalo bakatalika kusyoma.+ 8 Lino Sitefano kazwide luzyalo lwa Leza anguzu, wakali kucita zintu zigambya zipati azitondezyo akati kabantu. 9 Pele bantu bamwi bankamu ya Cikombelo ca Bantu Baangulukide bakaboola antoomwe abantu bamwi baku Kurene, ku Alekizandiriya alimwi abamwi bazwa ku Kilikiya aku Asiya kuti bamukazye Sitefano. 10 Nokuba boobo kunyina nobakakonzya kuzunda busongo amuuya nzyaakali kubelesya kwaambaula.+ 11 Mpoonya cakusisikizya bakoongelezya bantu bamwi kuti baambe kuti: “Twakamumvwa kaamba majwi aakusampaula Musa alimwi a Leza.” 12 Alimwi bakanyonganya bantu, baalu alimwi abalembi, eelyo mpoonya aawo bakamujata akumukwelenkanya kumutola ku Nkuta Mpati Yaba Juda. 13 Mpoonya bakaleta bakamboni bakubeja ibakaamba kuti: “Imwaalumi ooyu taleki kwaamba majwi aakusampaula busena oobu busalala alimwi a Mulawo. 14 Mucikozyanyo, twakamumvwa kaamba kuti ooyu Jesu muna Nazareta uyoonyonyoona busena oobu akucinca zilengwa nzyaakatupa Musa.” 15 Lino boonse aabo ibakakkede mu Nkuta Mpati Yaba Juda nobakamulangisisya, bakabona kuti busyu bwakwe bwakali mbuli busyu bwamungelo.\\n^ Mu Chigiriki, “Tacikkomanisyi.”\\n^ Naa “baalumi bali ciloba balumbaizyigwa.”","num_words":297,"character_repetition_ratio":0.049,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kuswabo kalekale, Yehova ulisuni ayi mukwashi uli woonse unooba aciindi cakucita shintu sheenga shayumya bushicibusa bwabo anguwe alimwi sheenga shabacafwa kuba bacatene. (Dutolonomi 6:6, 7) Ngomulandu Bakamboni Bakwe Yehova balicite bushiku bomwi nsondo ili yoonse ndyebacita kulambila kwamukwashi—kubandikishanya makani ashakumushimu kwaamba ayi bayumye bushicibusa bwabo. Na mulakala nweenka, inga mwasebensesha ciindi ici kwiiya makani amuBaibo eenga ayumya bushicibusa bwanu aLesa.\\nNciindi cakuyumya bushicibusa aYehova. “Kamusena pafwaafwi aLesa alakwe ulaakusena pafwaafwi amwebo.” (Jemusi 4:8) Inga twamushiba kabotu Yehova na tweeya shiinji pali nguwe kwiinda muMaswi akwe. Nshila yuubu kutalika kulambila kwamukwashi nkubelenga Baibo pomwi mbuli mukwashi, na kamusuni inga mwasebensesha mulongo wa kubelenga Baibo kwa nsondo ansondo kwa mabungano a Buumi Anciito. Inga mwaabana mbasu shakubelenga muntu womwi awomwi mumukwashi, mwamana kubelenga inga mwabandika nshomweeyawo.\\nNciindi cakuyumya bushicibusa bwanu mumukwashi. Basankwa a bakaabo, bashali alimwi abaana, inga bayumya bushicibusa bwabo na kabeeya Baibo pomwi mbuli mukwashi. Cilyeelete kuba ciindi cisangalasha, caluumuno alimwi ciindi uli woonse mumukwashi ncalangila. Bashali inga basala shiiyo nsheenga basebensesha kweelana ashiimo sha bana babo, cimwi ciindi inga basebensesha makani kuswa mu Ngazi Yamulindizi alimwi a Sinsimuka! nabi makani amwi kuswa pa jw.org. Inga mwabandika lipenshi bana banu ndyobacana kucikolo akubacafwa mbweenga bacita. Inga mweebela pulogilamu yatondeshekwa pa JW Broadcasting (tv.jw.org ) alimwi inga mwasangalala kwiinduluka munyimbo sha Bwaami sheeshi shikeembwe kumabubgano ansondo iyo alimwi pesule mulakonsha kusangalala ashakulya shili shoonse nsheenga mwabamba.\\nKuba aciindi cilibetele ici cakulambila Yehova mumukwashi nsondo ansondo, cilaakucafwa mukwashi wanu kusangalala kwiiya Maswi akwe Lesa, alimwi akuleta shoolwe shiinji mubuumi bwanu.—Kulumbaisha 1:1-3.\\nIno ngumulandunshi tulacita kulambila kwamukwashi?\\nIno bashali inga bacita buyani kwaamba ayi boonse banoosangalala akulambila kwamukwashi?\\nAmwiipusheko bamwi mulibungano mbobacita kulambila kwabo kwamukwashi. Alimwi amwiipushe na kuŊanda ya Bwaami kuli mabuku ngweenga mwasebensesha kwiisha bana banu makani akwe Yehova.","num_words":278,"character_repetition_ratio":0.084,"word_repetition_ratio":0.0,"special_characters_ratio":0.149,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"LYAMUSWAANGANO waamwaka wa Watch Tower Bible and Tract Society of Pennsylvania mu October 3, 2015, ba Anthony Morris bamu Kabunga Keendelezya bakaambilizya kuti Cikolo Camulimo Weendelezyegwa a Leza, Muswaangano Wamulimo, alimwi a Ciiyo ca Bbaibbele Cambungano zyakali kuyoonjililwa busena amuswaangano mupya uutegwa Buumi Amulimo Wesu wa Bunakristo. Mukwesu Morris alimwi wakapandulula kuti Mulimo Wesu wa Bwami wakali kuyoonjilwa busena akabbuku kanoojisi zifwanikiso zyamibala alimwi kanoojisi mapeeji aali 8 ikanakwiitwa kuti Buumi Amulimo Wesu wa Bunakristo—Kabbuku Kamuswaangano, ikatondezya mulongo wamuswaangano wamvwiki amvwiki alimwi azifwanikiso izibambilidwe kuti kubala Bbaibbele kakukkomanisya.\\nMuswaangano ooyu mupya waandanizyidwe muzibeela zyotatwe zipati-pati:\\nMbono Izili mu Jwi lya Leza. Cibeela cakusaanguna mucibeela eeci makani aamaminiti aali kkumi aayeeme akubala Bbaibbele kwansondo ansondo alimwi azifwanikiso izili mukabbuku kamuswaangano. Cibeela cabili, iciitwa kuti “Kuyandaula Mbono Zyakumuuya,” ncibeela camaminiti aali lusele camubandi wakubuzya akwiingula uyeeme akubala Bbaibbele kwansondo ansondo, calo icitobelwa akubalwa kwa Bbaibbele kwamaminiti one.\\nAmusungwaale Mumulimo Wamumuunda. Kanji-kanji mucibeela eeci, basicikolo botatwe balatondezya mbotukonzya kuyiisya mulweendo lwakusaanguna, lwakupilukila alimwi aaciiyo ca Bbaibbele.\\nKupona Buumi bwa Bunakristo. Cibeela eeci cilanga-langa mbotukonzya kuzibelesya njiisyo zyamu Bbaibbele mubuumi bwesu bwabuzuba abuzuba. Lubazu lupati lwacibeela eeci mubandi wakubuzya akwiingula mucibeela cakuti Ciiyo ca Bbaibbele Cambungano.\\nBasikumwaya nyika yoonse batondezya kulumba akaambo kalwiiyo ilupegwa mumuswaangano mupya. Mukwesu umwi ku Australia wakalemba kuti: “Muswaangano Wabuumi Amulimo mubotu kapati! Iziyiigwa zilibonya kuti zilayandika kapati mubuumi bwesu, alimwi azitondezyo tazikatazyi. Ciindi cilibonya kuti cilafwambaana kumana kapati nkaambo zibeela nzifwaafwi, zilasalazya kwaamba twaambo, alimwi zilakwelelezya kwaambisya kuti kazijisi mavidiyo alimwi akuti kazibikkilizya abana.”\\nKabunga kabaalu ku Italy kakalemba kuti: “Twajana kuti muswaangano ooyu mupya watukulwaizya toonse kulibambila cakulomya, akaambo kakucita boobo, catugwasya kuyaambele mukuyiisya. Muswaangano ooyu mupya ninzila imwi mbotu kapati yakusalazya njabelesya Jehova kuyiisya bantu bakwe. Sikumwaya uujisi myaka iili 15 wakaamba kuti: ‘Kaindi, cakali kukatazya kubikkila maano kumuswaangano woonse. Pele lino muswaangano ooyu mupya wandigwasya kubikkila maano alimwi akulibambila kabotu kuŋanda.’”\\nMukwasyi umwi ku Austria wakalemba kuti: “Kubala Bbaibbele kwesu kwansondo ansondo amwaneesu musimbi uujisi myaka iili kkumi kwakali kukatazya. Pele cibeela cakuti ‘Mbono Izili mu Jwi lya Leza’ cakatukulwaizya kutola lubazu cakwaanguluka. Toonse totatwe lino tulakkomana kulibambila mukubala Bbaibbele kwansondo ansondo. Ciinda kubota ncakuti, tulakonzya kubona mwaneesu mbwayaabuya ambele kumuuya.”\\nBa Ines baku Germany bakapandulula kuti: “Ndilakulwaizyigwa kulibambila ziyooyiigwa alimwi akuzinzibala kuyeeya kapati kujatikizya zizyo. Kunyina nondakali kuvwuntauzya boobu. Lino ndilikkomene akaambo kacilongwe cibotu ncondijisi a Jehova. Nyika ya Saatani indipa kukatala akulimvwa kubula nguzu. Miswaangano ilandipa nguzu alimwi akundigwasya kuzumanana.”\\nMbungano zyaku Solomon Islands zilakkomana kapati akaambo kamuswaangano mupya alimwi zilasolekesya kulibambila kutegwa kazigwasyigwa kapati. Mbungano zinji zili kulamfwu kwalo ikunyina magesi naa Intaneti, alimwi bakwesu bapona buumi buuba-uba. Ino bacikonzya buti kujana zibelesyo zyamavidiyo alimwi amavidiyo aamwezi amwezi aamiswaangano? Basikumwaya mumbungano imwi iili ansumbu ya Malaita bakamvwana kubelekela antoomwe kwiinda mukusambala ma coconut aakayuma. Mali ngobakajana bakaasanga kumbungano kutegwa baule tv yamavidiyo iitaduli iikonzya kubelesya mulilo wa solar. Mpoonya kutegwa bajane mavidiyo mwezi umwi aumwi, bakwesu balaunka kubusena ibuli afwaafwi nkobakonzya kujana Intaneti kutegwa bakonzye kwaakkopa mavidiyo, alo ngobapa abakwesu bamwi mumbungano.\\nMukwesu umwi waku United States wakalemba kuti: “Kuboneka kuti cilanduuba-ubila kwiiya kwiinda mukweebelela zifwanikiso, mavidiyo amaccaati. Tiicali cuuba-uba mumyaka iinda ku 40. Cali kunditolela ciindi kuti ndimvwisye ncondibala kutegwa ndicikonzye kupanduluda muntu umwi. Aboobo ndiyanda kubalumba bamu Kabunga Keendelezya akaambo kazibelesyo nzyotujisi izigwasya kwiiya kwiinda mukweebelela. Mavidiyo aamakani aantalisyo aamabbuku aamu Bbaibbele alakkomanisya kapati, alimwi azitondezyo izili mukabbuku kamuswaangano nzyezizyo nzyondiyanda! Tacidoonekwi kuti Jehova wakulongezya kusolekesya kwanu ikugwasya bantu bakwe munzila eeyi. Ndalumba kapati.”\\nBUUMI AMULIMO WESU WA BUNAKRISTO—BUBAMBE BWAMISWAANGANO BUPYA\\nMAKANZE Kumvwisya makani aali mu Jwi lya Leza—2Tim. 2:15\\nZIBEELA ZIJANIKA Zifwanikiso amasena aakulembela twaambo\\nAMUSUGWAALE MUMULIMO WAMUMUUNDA\\nMAKANZE Kulibambila mulimo wamumuunda—2Tim. 4:5\\nZIBEELA ZIJANIKA Mavidiyo alimwi azitondezyo zyacikozyanyo\\nMAKANZE Kwiiya mbotukonzya kubelesya njiisyo zyamu Bbaibbele mubuumi bwabuzuba abuzuba—1Kor. 10:31\\nZIBEELA ZIJANIKA Mavidiyo aajanika a JW Broadcasting alimwi akutola lubazu lya Ciiyo ca Bbaibbele Cambungano","num_words":602,"character_repetition_ratio":0.063,"word_repetition_ratio":0.0,"special_characters_ratio":0.141,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulwana Penzi Lyakukatala Kapati Mumizeezo​—Mbomukonzya Kulikwabilila Alimwi Akugwasyigwa\\nAMUBALE MU Afrikaans Albanian Amharic Arabic Armenian Bulgarian Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch English Estonian Ewe Finnish French Georgian German Greek Hebrew Hiligaynon Hungarian Icelandic Iloko Indonesian Italian Japanese Kinyarwanda Kirghiz Kirundi Korean Lingala Lithuanian Macedonian Malagasy Maltese Myanmar Norwegian Polish Portuguese Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Swahili Swahili (Congo) Swedish Tagalog Tahitian Thai Tigrinya Tsonga Turkish Twi Ukrainian Urdu Vietnamese Xhosa Zulu\\nMbomukonzya Kulwana Penzi Lyakukatala Kapati Mumizeezo\\nBA Anil bakali kukatala kapati. Bakajana mulimo mupya akaambo kakuti mulimo ooyo wakali kuyoobapa kuba acuuno caatala alimwi akuvwola mali manji. Pele lino bakatalika kukotoka masiku, alimwi bakali kubeleka amu Mujibelo amu Nsondo, zimwi ziindi bakali kubeleka mawoola aasika ku 80 mumvwiki yomwe. Bakaamba kuti: “Kumulimo kwakali manyongwe, aboobo milimo yoonse ndime ndakeelede kwiilanganya. Mpoonya ndakalibuzya kuti: ‘Ino ncinzi ncondakalubizya? Kuti naa nditacinci, ndilafwa.’” Muciindi buyo cisyoonto, ba Anil bakatalika kukatala kapati mumizeezo.\\nKukatala kapati mumizeezo ikuboola akaambo kamulimo kulaindana akukatala kuboola akaambo kakucita milimo yabuzuba abuzuba. Tulakonzya kuzyiba kuti muntu ulikatede kapati mumizeezo kuti kalimvwa kukatala lyoonse, kuciindizya kunyema alimwi akubula nguzu. Aabo bajisi penzi eeli balaleka kubikkila maano kumulimo wabo, balatyompwa, alimwi tababeleki canguzu. Buvwuntauzi bumwi abwalo butondezya kuti kukatala kapati mumizeezo kupa kuciswa-ciswa.\\nIno ncinzi ciletela kukatala kapati mumizeezo? Kanji-kanji nkukomena kwamulimo. Akaambo kakuvwula kwamilimo, basikulemba milimo bamwi bayanda kuti babelesi babo kababeleka mawoola manji, zimwi ziindi bavwola buyo mali masyoonto. Kusumpuka kwasayaansi kupa kuti bamwi kabazumanana kubeleka, calo cipa kuti kacibayumina kwaandaanya ciindi cakulyookezya alimwi acakubeleka. Ibamwi balakatala kapati mumizeezo akaambo kakuti milimo ilakonzya kumana kufwumbwa ciindi, kwaalilwa kumana mulimo alimwi akuteendelezyegwa kabotu. Akwalo kutazyiba zyeelede kusaanguna kucitwa naa kutamvwana ababelesinyoko kulakonzya kupa kukatala kapati mumizeezo.\\nZimwi ziindi kukatala kapati mumizeezo nkwakuliyandila. Akaambo kakuyanda kuba alwiiyo lwaatala alimwi amali manji, bamwi balipa milimo minji. Bantu bali boobu inga balaciindizya kubeleka alimwi akulibikka muntenda yakukatala kapati mumizeezo.\\nIkuti naa mujisi penzi lyakukatala kapati mumizeezo, mbuti mbomukonzya kugwasyigwa? Kwaamba masimpe, kucinca kulakonzya kukatazya kuti kamulimvwa kuti muli mubukkale mbomutakonzyi kucinca. Nokuba boobo, amulange-lange nzila zyone zikonzya kumugwasya kulwana penzi lyakukatala kapati mumizeezo. Mulakonzya kuba anzila zinji zikonzya kumugwasya kwiinda mbomwali kuyeeyela.\\n1. AMUZYIBE ZYEELEDE KUSAANGUNA KUCITWA.\\nIno ncinzi ciyandika kapati kulindinywe? Bantu banji balakonzya kubikka mukwasyi alimwi abuumi buli kabotu kumatalikilo aamulongo wazintu ziyandika kapati. Eezyi nzyezintu zikonzya kujatikizyigwa nomwaba apenzi lyakukatala kapati mumizeezo.\\nKwiinda mukuzyiba nzyomweelede kusaanguna kucita, mulalibambila kujatikizya zyakusala zikatazya alimwi akubona nzyomukonzya kucinca. Mucikozyanyo, mulakonzya kubona kuti mulimo ngomucita ulamupa kukatala kapati mumizeezo. Nokuba boobo, mulakonzya kuyeeya kuti, ‘tandikonzyi kunoocinca-cinca milimo naa kucesya-cesya kubeleka; kayi ndiyandika mali!’ Masimpe kuti bantu boonse bayandika mali, pele ino muyandika mali manji buti, alimwi ino zijatikizyigwa buti zintu nzyomuyandisya kapati?\\nAmucenjele kutegwa mutayungwi kucita zintu nzyobasala kusaanguna kucita bamwi. Zintu basikumulemba mulimo nzyobabona kuti zilayandika kapati inga kaziindene azintu nzyomubona kuti zilayandika kapati. Bamwi balakonzya kusala kubikka mulimo mubusena bwakusaanguna mubuumi bwabo, pele eeci tacaambi kuti andinywe ncomweelede kucita.\\nNJIISYO YAMU BBAIBBELE: “NOKUBA KUTI MUNTU KAJISI ZYINTU ZINJI BUTI, IBUUMI BWAKWE TABUZWI KUZYINTU EEZYO NZYAJISI.”—LUKA 12:15\\n2. AMUUBYE-UBYE BUUMI BWANU.\\nKutegwa kamutakatali kapati alimwi akuba aciindi cakucita zintu ziyandika kapati, inga mwalanga-langa naa kuyandika kucesya mawoola ngomubeleka, naa kubalomba basikumulemba mulimo kutegwa bacesye-cesye milimo njomucita, alimwi zimwi ziindi inga mwabona naa muyandika kucinca mulimo. Kufwumbwa ncomukonzya kusala kucita, mulalangilwa kucinca mbomwali kwaabelesya mali alimwi akucinca bukkale bwanu. Pele eeci tacikatazyi alimwi cilakonzya kumuubila-ubila kwiinda mbomwali kuciyeeyela.\\nMumasi manji, basimakwebo bapa muzeezo wakuti lukkomano lulaboola kwiinda mukuba amali manji alimwi azintu zinji. Pele mubwini aayo taali masimpe. Kupona buumi buuba-uba kulakonzya kumuletela lwaanguluko alimwi akukkutila. Kutegwa mulibambile kujatikizya kucinca kuli boobu, amucesye-cesye zintu nzyomuula alimwi kamuyobola mali. Amusole kucesya naa kucileka kukweleta. Amubandike abanamukwasyi mbociyandika kucinca alimwi akubelekela antoomwe.\\nNJIISYO YAMU BBAIBBELE: “TWANOOJISI CAKULYA AZYAKULIVWUMBA, TUNOOKKUTILA AZYINTU EEZYI.”—1 TIMOTEYO 6:8.\\n3. AMWIIYE KUKAKA KUCITA MILIMO IMWI.\\nIkuti mulimo wamuvwulila kapati kwiinda mboceelede kuba, alimwi naa kuli penzi limwi litamani kumulimo, amwaabandike makani aayo abasikumulemba mulimo. Kuti kacikonzyeka, amupe mizeezo iikonzya kumugwasya nywebo alimwi abasikumulemba mulimo. Amubaambile kuti mulilyaabide kubeleka, alimwi amubapandulwide zintu nzyomulibambilide kucita; pele amusalazye kwaamba alimwi akusinizya zintu nzyomutakonzyi kucita.\\nAmuzyibile limwi zikonzya kucitika akulanga zintu munzila yeelede. Ikuti kamuyanda kunoobeleka ciindi cisyoonto, basikumulemba mulimo inga bayanda kuti muzumine kunoopegwa mali masyoonto. Amulibambile ncomukonzya kucita kuti mwakongwa kuti mulimo ulamana. Alimwi amuzyibe kuti kuli zyoolwe zinji zyakujana mulimo uumbi nomucibeleka.\\nNokuba kuti mwamvwana abasikumulemba mulimo kujatikizya mbomweelede kubeleka, mweelede kulangila koongelezyegwa kubeleka mawoola manji. Ino ncinzi cikonzya kumugwasya kutacinca? Kuzumanana kucita zintu kweelana ambomwakamvwana. Kucita boobu kuyoomugwasya kwaambila basikumulemba mulimo kuti abalo bacite mbubwenya mbomwakamvwana, calo cibikkilizya kumupa mulimo weelede kweelana ambomwakapangana.\\nNJIISYO YAMU BBAIBBELE: “KWAAMBA KWANU KUTI ‘IIYI’ AKUBE IIYI, AKUTI ‘PEEPE’ AKUBE PEEPE.”—MATAYO 5:37\\n4. AMUJANE CIINDI CAKULYOOKEZYA.\\nNokuba kuti kumulimo inga kamutajisi mapenzi mapati-pati, zimwi ziindi mulakonzya kukatala, kubeleka abantu bakatazya, alimwi akulijana mubukkale butakkomanisyi. Aboobo amujane ciindi cakulyookezya alimwi acakulikkomanisya. Amuzyibe kuti kulikondelezya takweelede kudula buya kutegwa nywebo alimwi amukwasyi wanu mukatalusyigwe.\\nAmutondezye luyandisisyo muzintu zimwi alimwi amubalongwe kunze lyamulimo, alimwi mutanoolipandululi kwiinda mukwaamba musyobo wamulimo ngomubeleka alimwi ambouli mupati. Ino nkaambo nzi? Ibbuku litegwa Your Money or Your Life lyaamba kuti: “Ibwini mbomubede ncecintu ciyandika kapati kwiinda mulimo ngomucita.” Aboobo ikuti bantu kabamuzyi buyo akaambo kamusyobo wamulimo ngomubeleka, nkokuti ciyoomuyumina kulanga mulimo ngomucita munzila yeelede.\\nNJIISYO YAMU BBAIBBELE: “NKANKAMANZA YOMWE IILI ALUUMUNO NIMBOTU KWIINDA MAANZA OBILE AAZWIDE MILIMO IIKATAAZYA IITAKUTYI MOYO.”—MUKAMBAUSI 4:6\\nSena ncobeni inga mwacikonzya kubweza ntaamu ziyandika kutegwa muzwidilile mukulwana penzi lyakukatala kapati mumizeezo? Inzya, inga mwacikonzya. Ba Anil, ibaambwa kumatalikilo aacibalo eeci, bakacikonzya. Baamba kuti: “Ndakabandika abaabo bakandilembede mulimo kuti bandipilusye amulimo, aboobo bakacita oobo. Ndakafwa nsoni kubonana alimwi ababelesima akaambo kakuti ndakalibaambilide makani aakujana mulimo uuvwolwa mali manji. Nokuba kuti ndakatalika kuvwola mali masyoonto, ndakaba aluumuno lwamumizeezo, alimwi ndakaba aciindi cinji cakuba abanamukwasyi acakucita zintu ziyandika ncobeni.”\\nMBOLYAKAMANA PENZI LYAKUKATALA KAPATI MUMIZEEZO\\nBa Wayne aba Marie mbaanabukwetene bajisi myaka yakuzyalwa iili kuma 30 alimwi bakkala ku United States.\\nNcinzi cakali kumupa kukatala kapati mumizeezo?\\nBa Wayne: Twakajisi makwebo aali mbwaabede alimwi twakaba azikwelete zinji kapati. Ndakali kuyanda kusumpula makwebo eesu kusikila mpotwakali kukonzya kukkala kabotu alimwi akupanga mali kumwi kandibeleka buyo asyoonto. Makanze aangu akali aakucesya-cesya kukatala, pele muciindi caboobo ndakaindila kukatala.\\nIno eeci cakamujatikizya buti?\\nBa Wayne: Twakabona kuti zintu izyakali kutupa kubeleka canguzu—mbuli kuba azisani zibotu, ŋanda mpati, alimwi amali manji twaunka kuyoolyookezya—tiizyakali kutupa kukkomana pe. Ndakatyompwa kapati, alimwi luyandisisyo loonse lwakubeleka lwakamana.\\nBa Marie: Ndakatalika kuciswa-ciswa. Lukwatano lwesu lwakaba muntenda. Tiitwakali kumvwana pe.\\nIno mwakabuubya-ubya buti buumi bwanu?\\nBa Wayne: Twakalanga-langa mbaakani zyesu alimwi abukkale bwesu. Twakacesya-cesya mali ngotwakali kubelesya kweendelezya makwebo eesu. Ndakajisi ofesi mbotu kapati, pele ndakaisambala. Ndakacinca mootokala ngondakali kuyandisya kubelesya. Makwebo ndakaacesya acaali kutegwa kaakonzya kweendelezyegwa amuntu omwe. Twakazibbadela zikwelete nzyotwakajisi alimwi akucesya zintu nzyotwakali kuula.\\nBa Marie: Kuubya-ubya buumi bwesu kunyina nicakatukatazya kapati mbuli mbondakali kuyeeyela. Twakacesya ziindi nzyotwakali kulida kumbi akutalika kulida aŋanda. Twakali kweenda kunyanyaasya mubili, alimwi twakaba abuumi buli kabotu. Mukuya kwaciindi twakatalika kubeleka buyo kwaciindi cisyoonto akucita milimo yakuliyandila.\\nIno kucita boobo kwakamugwasya buti?\\nBa Marie: Tatuciponeni kupanga mali pe. Twakatalika kubikkila maano kuzintu ziyandika kapati, alimwi lukwatano lwesu lwakaba kabotu.\\nBa Wayne: Zintu lino zitweendela kabotu alimwi tulikkomene.\\nMulimo Alimwi Amali Luumuno alimwi alukkomano\\nIno Kuzwidilila Kwini-kwini Caamba Nzi?\\nKuli kuzwidilila kumwi ikucisa kwiinda mbokucisa kwaalilwa.","num_words":1162,"character_repetition_ratio":0.07,"word_repetition_ratio":0.0,"special_characters_ratio":0.144,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ulikubamba “Ntobo Mpati Yalusyomo” Lwako Kayisimide Na? | Ngaziyakulinda Yakwiiya\\nNgaziyakulinda—Yakwiiya | November 2019\\nBALA MU Acholi Afrikaans Albanian Amharic Armenian Azerbaijani Azerbaijani (Cyrillic) Bassa (Cameroon) Batak (Karo) Batak (Simalungun) Batak (Toba) Bengali Biak Bicol Boulou Bulgarian Catalan Cebuano Chavacano Chichewa Chin (Hakha) Chinese (Traditional) Chinese Mandarin (Simplified) Chitonga (Malawi) Chitonga (Zimbabwe) Chitumbuka Chuukese Cibemba Croatian Czech Dakota Danish Douala Drehu Dutch English Estonian Fante Fijian Finnish Fon French Georgian German Greek Greenlandic Guadeloupean Creole Guarani Gujarati Gun Haitian Creole Hebrew Herero Hiligaynon Hmong (White) Hungarian Ibanag Icelandic Igbo Iloko Indonesian Italian Japanese Javanese Kabuverdianu Kachin Kannada Karen (S'gaw) Kazakh Kikaonde Kikongo Kikuyu Kiluba Kinyarwanda Kipende Kirghiz Kisi Kongo Korean Krio Kwangali Kwanyama Latvian Lhukonzo Lingala Lithuanian Lomwe Low German Luganda Lunda Macedonian Macua Malagasy Malay Malayalam Mam Mambwe-Lungu Mapudungun Marathi Marshallese Mauritian Creole Mingrelian Mizo Mongolian Moore Motu Myanmar Ndau Ndebele Ndebele (Zimbabwe) Nepali Ngangela Nias Niuean Norwegian Nzema Oromo Palauan Pangasinan Papiamento (Curaçao) Persian Pidgin (West Africa) Polish Ponapean Poqomchi' Portuguese (Portugal) Punjabi Quechua (Ancash) Quechua (Bolivia) Quechua (Cuzco) Quiche Quichua (Chimborazo) Quichua (Imbabura) Rarotongan Romanian Romany (Serbia) Romany (Southern Greece) Runyankore Russian Rutoro Samoan Sangir Sango Sena Sepedi Serbian Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovenian Solomon Islands Pidgin Spanish Sranantongo Swahili Swahili (Congo) Swedish Tagalog Tahitian Tamil Tatar Telugu Tetun Dili Thai Tigrinya Tiv Tok Pisin Tongan Tshwa Tsonga Turkish Tuvaluan Ukrainian Umbundu Urdu Urhobo Uruund Uzbek Vietnamese Wallisian Waray-Waray Wayuunaiki Welsh Wolaita Xhosa Yapese Yoruba Zulu\\nUlikubamba “Ntobo Mpati Yalusyomo” Lwako Kayisimide Na?\\n“Amubweze ntobo mpati yalusyomo.”​—EF. 6:16.\\nLWIIMBO 119 Tweelede Kuba Alusyomo\\n1-2. (a) Kweendelana alugwalo lwa Baefeso 6:16, nkamboonzi nitweelede kuba ‘antobo mpati yalusyomo’? (b) Njiili mibuzyo njitutasandule muchiyo eechi?\\nULAAYO na “ntobo mpati yalusyomo”? (Bala Baefeso 6:16.) Tusyoma kuti ulaayo. Mbuuli ntobo mpati mbiikwabilila mubili woonse, lusyomo lulatukwabilila kuzintu zibi zili mbuuli bwaamu, kulwana azimwi zintu ziteendelani akuyanda kwaLeza.\\n2 Tulikupona “kumazuba aamamanino” nkinkaako lusyomo lwesu luyoozumanana kusunkwa. (2 Tim. 3:1) Niinzi chinga chilakugwasya kubona kuti ntobo yako yalusyomo ilisimide na? Alubo nga ulachita biyeni kuti ntobo yako yalusyomo ikkale kayisimide? Lino atulange-lange nsandulo zyamibuzyo eeyi.\\nILANGE-LANGE KABOTU NTOBO YAKO\\nNiyamana nkondo, masoja bakali kuba achoonzyo chakuti ntobo yabambululwa (Langa fuka 3)\\n3. Niinzi masoja nzibakali kuchita kuntobo zyabo alubo bakali kuzichitilaanzi?\\n3 Chiindi, masoja aakali kubelesya ntobo yakali kubikkwa chikumba ajulu. Alubo bakali kwiinanika mafuta kuchitila kuti chikumba chikkale kachili muchiimo chili kabotu akuti nsimbi itabi angula. Kuti musoja wabona kuti ntobo yakwe yafwa wakali kuba achoonzyo chakuti yabambululwa kuchitila kuti alibambile nkondo iitobela. Chikozyano eechi chituyiisyaanzi atala alusyomo lwesu?\\n4. Nkamboonzi nitweelede kulanga-langa ntobo yesu yalusyomo kuti ilisimide na, alubo nga tulazichita biyeni?\\n4 Mbuuli masoja aachiindi, tweelede kukkala katulanga-langa akubambulula ntobo yesu yalusyomo kuchitila kuti tukkale katulibambilide kunkondo. Mbutuli maKristu, tuli kulwana nkondo yakumuuya alubo basinkondoma baswaanizya myuuya mibi. (Ef. 6:10-12) Takwe muntu ukonzya kukubambulwida ntobo yako yalusyomo. Niinzi chinga chilakugwasya kubona kuti lusyomo lwako lunoosimide nwazoosunkwa? Chakusaanguna, weelede kukomba kuli Leza kukumbila kuti akugwasye. Mpawo weelede kubelesya Jwi lyaLeza kuti ubone kuti ntobo yako ilisimide na. (Heb. 4:12) Bbayibbele lyaamba kuti: “Kosyoma Jehova amoyo wako woonse, utasyomi maano aako omwini pe.” (Tus. 3:5, 6) Yeeya atala akusala nkuwakachita lino-lino. Muchikozyano, kuli nwaakali waba apenzi lyamali na? Wakachiyeeya na chisyomezyo chaJehova chijanika muli Bahebrayo 13:5 chakuti: “Ziyume zitete, tandikakusiyi pe alimwi tandikakulekelezyi pe”? Chisyomesyo eechi chakapa kuti ube achoonzyo chakuti Jehova uyookugwasya na? Kuti kakuli boobo, kutondeezya kuti ntobo yako yalusyomo ilisimide.\\n5. Niinzi nzukonzya kubona nwaazwa kulanga-langa lusyomo lwako?\\n5 Nwaazwa kulanga-langa lusyomo lwako ulakonzya kugamba atala anzutabone. Ulakonzya kubona kuti kuli zintu nzutachichiti kabotu kutazi. Muchikozyano, ulakonzya kubona kuti kukataazikana, kubejelwa akumana manguzu zilikunyongania lusyomo lwako. Kuti eezi zyachitika, weelede kuchitaanzi kuti zitakunyonganyi loko?\\nUTAKATAAZIKANI LOKO, UTABEJELWI ALUBO UTAMANI MANGUZU\\n6. Nkuuli kukataazikana kuli kabotu?\\n6 Kumwi kukataazikana kuli kabotu. Muchikozyano, tulakonzya kukataazikana atala akuyanda kubotezya Jehova aJesu. (1 Kor. 7:32) Kuti twachita chibi chipati tulakonzya kukataazikana kuti nga tulabubambulula biyeni bweenzuma mbutuli aabo aLeza. (Int. 38:18) Alubo tulakonzya kukataazikana atala mbutukonzya kubotezya muntu ngutukwetenaawe ambutukonzya kugwasya bamumpuli naakuti bakombima.​—1 Kor. 7:33; 2 Kor. 11:28.\\n7. Kweendelana amajwi ali muli Tusimpi 29:25, nkamboonzi nituteelede kuyoowa bantu?\\n7 Kubbazu limwi, kukataazikana zyiindilide kulakonzya kunyongania lusyomo lwesu. Muchikozyano, tulakonzya kukataazikana zyiindilide atala ambutukonzya kujana chakulya azyakuzwaata. (Mt. 6:31, 32) Nkinkaako eezi zilakonzya kupa kuti tuyanduule bunoti. Alubo tulakonzya kuba amuuya wakuyandisya mali. Eezi zilakonzya kupa kuti lusyomo lwesu lucheye akuti tutalike kuchiswa mubukombi. (Mk. 4:19; 1 Tim. 6:10) Alubo chimwi chikonzya kupa kuti tukataazikane loko nkuyeeyesesya atala ambubatubona bamwi. Eezi zilakonzya kupa kuti tutalike kuyoowa kusekwa akupenzegwa kwiinda kuyoowa kubisizya Jehova. Kuti tutalinjizyi mukakole aaka, tweelede kukumbila Jehova kuti atupe lusyomo achibindi chakuzunda masunko.​—Bala Tusimpi 29:25; Lk. 17:5.\\n(Langa fuka 8) *\\n8. Tweelede kuchitaanzi kuti umwi muntu kayanda kutubuzya zyakubeja atala aJehova abakombima?\\n8 Saatani ‘wisi wabubeji’ ubelesya bantu mbayendelezya kuti baambe zintu zyakubeja atala aJehova abakombima. (Joh. 8:44) Muchikozyano, basiluleyo bali kupupulula twaambo twakubeja atala ambunga yaJehova kababelesya Intaneti, maTV azimwi zintu. Kubeja ooku njiimwi “mivwi . . . iiyaka mulilo iifwuswa amubi.” (Ef. 6:16) Tweelede kuchitaanzi kuti umwi muntu kayanda kutubuzya zyakubeja atala aJehova abakombima? Tatweelede kumuswiilila pe. Nkamboonzi? Nkaambo tulamusyoma Jehova abakombima. Tatuyandi kuliswaanizya abasiluleyo naakuti kuswiilizya nzibalikwaamba. Alubo tatuyandi kuzumizya muntu naakuti kuba aachiyandisyo chakuziba kuti kupe kuti tuyande kukazyania abasiluleyo.\\n9. Niinzi chikonzya kuchitika kuti twamana manguzu?\\n9 Kumana manguzu kulakonzya kupa kuti lusyomo lwesu lucheye. Nisimpe kuti tulakonzya kukataazikana nituli mumapenzi. Pesi kuchita oobo takwaambi kuti tatukwe manguzu. Chimwi chiindi tulakonzya kukataazikana pesi tatweelede kuzumizya kukataazikana ooku kuti kutumane manguzu. Kuti twakulekela kulakonzya kupa kuti tubule bulangilizi. (Ciy. 21:3, 4) Alubo kumana manguzu kulakonzya kupa kuti kutuyumine kuzumanana kubelekela Jehova. (Tus. 24:10) Nkinkaako, tatweelede kuzumizya zintu zili boobu kuti zituchitikile.\\n10. Twiiyaanzi kuzwa kulugwalo lwakalembwa awumwi muchizi?\\n10 Atubone umwi muchizi wakuUnited States ulookuzumanana kuba alusyomo lusimide nikuba kuti mulumaakwe ulookuchiswa loko. Wakalembela bakumawofesi mapati lugwalo kati: “Chimwi chiindi nga twakataazikana akumana manguzu pesi tulaabulangilizi. Alubo tulalumba akaambo kamalayilile atugwasya kusimya lusyomo lwesu akutusungwaazya. Tulaayanda malayilile akusungwaazigwa ooku nkaambo kupa kuti tuzumanane kubelekela Jehova akuti tulisimye kumasunko ayetwa aSaatani.” Chikozyano chamuchizi ooyu chituyiisya kuti tulakonzya kuzunda kumana manguzu! Nga tulakuzunda biyeni? Utalubi kuti mapenzi ngituswaana masunko azwa kuli Saatani. Alubo baachoonzyo chakuti Jehova nguwe uukonzya kutuumbulizya. Nkinkaako weelede kubelesya chakulya chamubukombi nchatupa.\\nUlikwiibamba kabotu na “ntobo mpati yalusyomo” lwako? (Langa fuka 11) *\\n11. Njiili mibuzyo njitweelede kulibuzya kuti tubone kuti lusyomo lwesu lulisimide na?\\n11 Kuli mpwabona na ayelede kubambululwa kuntobo yako yalusyomo? Mumyeezi miche yakayinda, kuli nwaakali wazunda penzi lyakukataazikana na? Kuli nwaakali wakaka na kuswiilila naakuti kukazyania abasiluleyo atala azintu zyakubeja nzibaamba? Kuli nwaakalisimya kupenzi lyakumana manguzu na? Kuti kakuli boobo, lusyomo lwako lulisimide. Pesi tweelede kuchenjela nkaambo Saatani ulakonzya kubelesya zimwi nzila kutulwana. Atubone imwi nzila njabelesya.\\n12. Niinzi chikonzya kuchitika kuti twayandisya bunoti?\\n12 Kuyandisya bunoti kulakonzya kunyongania lusyomo lwesu akupa kuti tukachilwe kubelekela Jehova amoyo woonse. Mwaapostolo Pawulu wakati: “Muntu uubeleka mulimo wabusikalumamba tatoli lubazu mumakwebo aabuumi obuno, kutegwa akkomanisye yooyo wakamunjizya busikalumamba.” (2 Tim. 2:4) Masoja aakuRoma taakali kuzumizigwa pe kuchita bbizinesi. Niinzi chakali kukonzya kuchitika kuti musoja waleka kuswiilila malayilile aaya?\\n13. Nkamboonzi musoja natayelede kuchita bbizinesi?\\n13 Atuteedi masoja afumina kukufundila kulwana kabelesya mapanga aabo pesi umwi wabo tawo pe. Musoja utawo waya kukuuzya zintu kuchintoolo. Mpawo goko masoja oonse alookulanga-langa zilwanisyo zyabo akunona mapanga aabo. Pesi musoja utawo ulookubamba zintu nzyatazoowuzye buzuba butobela. Mpawo mubuzuba butobela kabatayeeyeli pe basinkondonyina babusya nkondo. Nguuli musoja nguyeeyela kuti uyookonzya kulwana kabotu akubotezya mupati wakwe? Alubo nguuli musoja nguyanda kweendaawe, ukkala kalibambilide na naakuti uchita bbizinesi?\\n14. Niinzi chiyandikana loko mbukunga tuli masoja aKristu?\\n14 Mbuuli masoja, tatweelede kuchita zintu zipa kuti tutatambuliki kuBapati besu, Jehova aKristu. Kuchita zintu zipa kuti tutambulike kuli Jehova tukubona kakuyandikana loko kwiinda kuyandisya zintu zili munyika yeendelezegwa aSaatani. Tatuyandi kuchita zintu zipa kuti tubule chiindi amanguzu akubelekela Jehova pesi tuyanda kuti ntobo yesu yalusyomo azimwi zilwanisyo zikkale kazisimide.\\n15. Njiili nchenjezyo njaakatupa Pawulu alubo nkamboonzi?\\n15 Tweelede kukkala katulibambilide! Nkamboonzi? Mwaapostolo Pawulu wakatuchenjezya kuti, “aabo bakanzide kuvwuba” balakonzya ‘kuleya kulusyomo.’ (1 Tim. 6:9, 10) Mabala aakuti ‘kuleya kulusyomo’ atondeezya kuti kuyandisya zintu zili munyika kulakonzya kutunyongania. Eezi zilakonzya kupa kuti moyo wesu ube ‘azisusi zinji zyabufwubafwuba alimwi ziletela macise.’ Muchiindi chakuzumizya zintu eezi kuti zikkalilile mumyoyo yesu, tweelede kuzibona kazili zilwanisyo zyaSaatani zikonzya kutuchisa.\\n16. Njiili mibuzyo njitukonzya kuba aayo kuti twabala lugwalo lwa Marko 10:17-22?\\n16 Atuteedi ulaamali nyiingi, unooli wabisya na kuti wawula zimwi zintu nikuba kazitayandikani loko? Teekubisya pe. Pesi weelede kulibuzya kuti: Nikuba kuti ndilaamali yakuula zimwi zintu pesi ndilaacho na chiindi amanguzu akuzibelesya akuzibamba? Alubo tandinookkali kandiyeeya nzizyo na chiindi choonse? Kuyandisya bunoti takukapi kuti ndichite mbuuli mulombe wakakaka kutamba kwaJesu kwakuti ayungizye mulimu wakubelekela Leza na? (Bala Marko 10:17-22.) Nkinkaako tweelede kupona buumi buuba kuchitila kuti tujane chiindi amanguzu miingi aakuchita kuyanda kwaLeza.\\nZUMANANA KUBWEZA NTOBO YAKO YALUSYOMO\\n17. Niinzi nchituteelede kuluba?\\n17 Tatweelede kuluba pe kuti tuli kulwana nkondo nkinkaako tweelede kukkala katulibambilide mazuba oonse. (Ciy. 12:17) Bakwesu abachizi tabakonzyi pe kutubwezela ntobo yesu yalusyomo. Nkinkaako tweelede kuzumanana kubweza ntobo yesu.\\n18. Nkamboonzi masoja naakeelede kuzumanana kubweza ntobo zyabo?\\n18 Chiindi, musoja wakali kulemekwa akaambo kakuba achibindi munkondo. Pesi wakali kufwa bweeme kuti wabweeda kumuunzi katakwe ntobo. Umwi sikulanga-langa zyachiindi wakuRoma utegwa Tacitus wakati: “Kwakali kufwisya bweeme kuti musoja wachija kunkondo akusiya ntobo yakwe.” Akaambo kazeezi masoja akeelede kuzumanana kubweza ntobo zyabo.\\nMuchizi ulikuzumanana kubamba ntobo yakwe mpati yalusyomo kwiinda mukubala Jwi lyaLeza, kunjila miswaangano yambungano akutola lubazu mumulimu wakukambawuka (Langa fuka 19)\\n19. Nga tulachita biyeni kuti tuzumanane kubweza ntobo yesu yalusyomo?\\n19 Kunjila miswaangano yambungano akubuzya bamwi atala azina lyaJehova aBwaami bwakwe kupa kuti tuzumanane kubweza ntobo yesu yalusyomo. (Heb. 10:23-25) Alubo tubala Jwi lyaLeza buzuba abuzuba akukomba kuli Jehova kuti atugwasye kubelesya nzitubala muzintu zyoonse nzituchita. (2 Tim. 3:16, 17) Kuti twachita zintu eezi, takwe chilwanisyo chibelesegwa aSaatani chikonzya kutukachizya kuyoojana buumi butamani. (Is. 54:17) “Ntobo mpati yalusyomo” lwesu iyootukwabilila. Tuyoozumanana kubelekela Jehova katulaamwi abakwesu abachizi. Alubo kuti twachita oobo tuyoozunda nkondo njitulwana buzuba abuzuba alubo tuyooba kubbazu lyaJesu chiindi naakazunda Saatani ababo bamutobela.​—Ciy. 17:14; 20:10.\\nNGA TULALIKWABILILA BIYENI . . .\\nkukubejelwa akumana manguzu?\\nLWIIMBO 118 “Kotuyungizyila Lusyomo”\\n^ par 5 Masoja aakali kulikwabilila antobo kuti atalichisi munkondo. Lusyomo lwesu luli mbuuli ntobo. Mbuuli ntobo, lusyomo lwesu lweelede kukkala kalusimide. Muchiyo eechi tulalanga-langa kuti niinzi nzitweelede kuchita kuti “ntobo mpati yalusyomo” lwesu ikkale kayili kabotu.\\n^ par 58 BUPANDULUZI BWACHIFANIKISYO: Mpuli yaBakamboni yazima TV chiindi nikwazwa lipoti yaambuula atala amakani akubeja aambwa abasiluleyo atala aBakamboni baJehova.\\n^ par 60 BUPANDULUZI BWACHIFANIKISYO: Mukuya kwachiindi, mukwesu ulikubelesya Bbayibbele kusimya lusyomo lwampuli yakwe mukukomba kwampuli.\\nAtusimye Bweenzuma Mbutulaabo Abakombima Mamanino Kaatanasika\\nMbuutugwasya Muuya Uusalala\\nZyiiyo Nzitujana Mubbuku lyaLevitiko\\n“Amuumanizye Mulimo Ooyo Ngomwakatalika Kucita”\\nText Sala naa uyanda kukkopa zyakamwayigwa zilekkodedwe NGAZIYAKULINDA—YAKWIIYA November 2019\\nNGAZIYAKULINDA—YAKWIIYA November 2019","num_words":1666,"character_repetition_ratio":0.06,"word_repetition_ratio":0.001,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"1 Bakorinto 13 | Bbaibbele lili a Intaneti | Bbaibbele lya Busanduluzi Bwanyika Mpya\\n1 Bakorinto 13:1-13\\nLuyando—nzila yiinda zyoonse (1-13)\\n13 Ikuti kandaambaula mumyaambo yabantu ayabangelo, pele kanditajisi luyando, ndilaba mbuli mulangu uulila buyo naa cibulo cisabila. 2 Alimwi ikuti kandijisi cipego cakusinsima alimwi kandaamvwisya makani oonse aamaseseke aa Leza, akuti kandijisi luzyibo loonse+ alusyomo lunji lukonzya kundipa kulonzya malundu, pele kuti kanditajisi luyando, ndili wabuyo.*+ 3 Alimwi ikuti ndaaba lubono lwangu loonse kutegwa ndisanine bamwi+ alimwi ikuti ndaaba mubili wangu kutegwa ndilidunde, pele kanditajisi luyando,+ tacindigwasyi pe. 4 Luyando+ lulakkazika moyo+ alimwi lulaaluzyalo.+ Luyando talukwe munyono,+ talulidundi, talulisumpuli,+ 5 talukwe cisapi,+ talubikkili buyo maano kuzintu nzyoluyanda,+ talunyemi-nyemi,+ talubikkilili.+ 6 Talukkomanini kutalulama,+ pele lukkomanina kasimpe. 7 Lulajatila zintu zyoonse,+ lulasyoma zintu zyoonse,+ lulalangila zintu zyoonse,+ lulaliyumya muzintu zyoonse.+ 8 Luyando talumani. Pele ikuti naa kuli zipego zyakusinsima, ziyoomana; ikuti naa kuli kwaambaula mumyaambo,* kuyoomana; ikuti naa kuli luzyibo, alwalo luyoomana. 9 Nkaambo tujisi luzyibo lutazulide+ alimwi tulasinsima cakutazulila, 10 pele eelyo twaakuba aluzyibo luzulide akusinsima cakuzulila, eezyo zitazulide ziyoomana. 11 Nindakali mwana, ndakali kwaambaula mbuli mwana, kuyeeya mbuli mwana, kubona twaambo mbuli mwana; pele lino mbwaanga ndakomena, ndatuleka tulengwa twabwana. 12 Kwaciindi cino tatuboni kabotu* nkaambo tulanga mucimbonimboni calubulo, pele kuciindi eeco tuyoobonana cantongolameso. Kwaciindi cino ndizyi buyo kusyoonto, pele kuciindi eeco ndiyoozyiba kabotu* mbubonya mbondizyibidwe kabotu a Leza. 13 Pele lino kusyeede zintu eezyi zyotatwe: lusyomo, bulangizi aluyando; pele aali zyeezyi icipati kwiinda zyoonse, nduyando.+\\n^ Naa “tandikwe mulimo.”\\n^ Nkokuti, kwaambaula milaka iimbi camaleele.\\n^ Naa “zintu tatuziboni bwini mbozibede.”\\n^ Naa “zyoonse.”\\n1 Bakorinto 13","num_words":234,"character_repetition_ratio":0.064,"word_repetition_ratio":0.0,"special_characters_ratio":0.19,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bulozi Bwaantangalala: Kooze ka Saatani Kamaseseke Print\\nBulozi Bwaantangalala: Kooze ka Saatani Kamaseseke\\nKotyanka acifwanikiso kutegwa cikwazamuke\\nBumboni bwansiku bwa zyaando zyabusili zyokwa caduceus\\nCiyubunuzyo cijisi zintu zinjaanji zitondeka ku Bbabbuloni Mupati. Busanduluzi bulaa makani manji aa Bbabbuloni bujanwa mu Ciyubunuzyo 18 oomo muli cisyomyo cakuti, eeyo mfulumende yabusofwaazi iipenzya bantu, iyokudulimunwa kumamanino. Eeci caandaano cipandulula kaambo keni Yahuwah ncayoojayila limwi munzi wa Bbabbuloni kumamanino.\\nKosekelela ojulu akaambo kakunyonyoonwa kwanguwo! Amusekelele nobasalali abatumwa, abasinsimi boonse! Nkaambo Leza lino wausubula munzi ooyu akaambo kazeezyo nzyuwakacita kulindime! Mpoonya mungelo umwi wanguzu wakabweza bbwe pati mbuli ziyo, wakaliwaala mulwizi wakati, “Mbombubo oobu munzi mupati wa Bbabbuloni mbuyoowaalwa ansi, nkabela tuukabonwi limbi pe. Majwi aabasitulumbu, basinyeele, abasimyeembo taaciyoomvwigwi limbi mulinduwe pe! Basyaabupampu bacita milimo yiindene-indene tabayoojanwi limbi mulinduwe. Kuvwuta kwaziyo takuyoomvwigwi limbi mulinduwe pe! Alimwi takukabonwi limbi mumuni walambe pe, aalo majwi aasibwiinga anabwiinga taakamvwigwi limbi mulinduwe pe. Basimakwebo bako bakali bantu banguzu kwiindilila munyika yoonse. Lino kwaamba zyamabibo aako aakubeja, wakacenga bantu bamisyobo yoonse!” (Ciyubunuzyo 18:21, 23, KJV)\\nInkondo akataa cibotu acibi ninkondo ya moza, iilwaninwa atalaa makani aabupaizi akukomba. Nkaambo kaako, bana Kristu banjaanji bakauntuluzyila kucenjezya kupedwe atalaawa kuti takubaguminizyi lwabo. Balo bayeeyela kuti balikke aabo bakomba mituni abatamuzyi Leza, mbabakonzya kucengwa mubulozi oobo. Aboobo, basulaika kucenjezya kwabulemu kusinizyide kapati akataa kucenjezya kuli mu Mangwalo.\\nNokuba boobo, kaambo keni Ijulu ncolijayila munzi wa Bbabbuloni “mubujayi” nkaambo kakuti walo wakacenga masi woonse kwiinda “mubulozi” bwakwe. Ibbala lya “bulozi” lizyila kubbala lyaci Giliki lyakuti φαρμακεία, φάρμακον (pharmakeia).\\nOoyu ngomuyanda wabbala nkweenya kuzyila mabala aa Cikuwa mbuli lyakuti pharmasi (cintoolo camisamu) alya pharmaceuticalo (misamu yakusilisya muzibbadela). Mumyaka yansiku, ciyanza cakusilika cakali swaangene kapati abulozi, kubelesya misamu iikola iipa kuzeluka maanu akubona ziseese akwiimbilila masabe nanka madaimona. Mangwalo aambilizya kuti kubelesya misamu iikola, cicili cintu ncabelesya mazubaano Saatani kutegwa acenge miya yabantu, nokuba bwaamba Bbaibbele lina Knox kuti: “bulozi bwako bwakaloozya nyika.”\\nIcaando camazubaano cigantwa atalaa zingomo zyamisamu, ncaando cokwa Caduceus, naa nzoka zyobile zizingaidwe ku musako ulaa mababa. Eeci kutaanguna cakali caando cokwa Hermes, leza wamakwebo ooyo waatalisya masalamuzi aakwaambilila malwezi aabulozi, ooyo mumusela waciloba, wakaswaanganyidwe kapati ku lwiiyo lwakusilisya amisamu iikola. Eeli bbala lizyila kubbala lyaci Giliki lya karykeion, alyalo lwalyo lizyila kubbala lya eruko, eelyo liiminina kunyonauna naa kweendelezya. Caando citaanzi cabusilisi bwamisamu iikola, cakali nkoli yokwa Asclepius yakazingaidwe nzoka yomwe. Bantu bakali kudoomoka mumakunga kuya kuyoosilikwa kumatempele aakabambidwe Asclepius, leza wabusilisi. Wakali kuumpilwa zituuzyo alimwi kufumbwa ncaakali kulota nokuba cilengaano ncaakabona mulwazi, eeco ncecakali kweendelezya mupaizi nokuba musilisi kuti atobele ncico kupa musamu kumulwazi ooyo.\\nCaando ca nzoka cilataaluka kusikila kulaale ku muunda wa Edeni ooko Saatani nkwaakatamikizya Yahuwah kuti mubeji, eelyo Saatani naakacenga Eva kuti takafwi kuti wacita cinyonyoono. Inzoka ncaando ceelela Saatani ooyo uusunkide nyika yoonse kuti injombe mucinyonyoono. (Kobala Ciyubunuzyo 12:9 a Ciyubunuzyo 20:2.)\\nKotyanka Cifwanikiso Kutegwa Cikwazamuke\\nBumboni bwansiku bwabakomba Mituni bwa nkoli yokwa Asclepius ya 'busilisi'\\nYahuwah ulaa milawo yabuumi bubotu, eeyo iinga kuti yasotokwa, ncecintu cikonzya kubinzya kuleta lufu. Cintu cuusisya ncakuti, bunji bwamisamu minjaanji mazubaano ilakola, ilacisa akupenzya mubili cakuti inga yaletela lufu bantu banji. Inzoka yalweeno, ncitondezyo ciimpene ciiminina busilisi bwa mazubaano. Kukomba mituni\/ a Saatani, ncintu cicijatikene muziyanza zyabusilisi zinjaanji mazubaano. Icaando ca nzoka iilizingaide eeco cigantidwe muzitondezyo zya busilisi mazubaano, ncintu ceelela busilisi oobo. Kukomba zibumbwa amizimo\/ Bulozi abu Saatani, nzintu zivweledwe muziyanza zyakusilika muzibbadela zyamazubaano. Bunji bwa misamu yacikuwa yamazubaano, kwiina acimbi pele mbulozi bwaantangalala akusonda, kusisidwe mukati kalwiiyo lwa zilengwa leza amisamu. Bantu banjaanji baceendelezyegwa amusako wa Asclepius, maanu aabo aakacenjede aciindi cimwi akubaa busongo bunji, lino akafubaala akuzilaika nkaambo kamisamu iikola eeyo njobakasungilizyigwa kusilikwa, yalo yakeelede kubalisika pele yakabakola akubawungula maanu.\\nMusako wa Asclepius\\nIcikonkezyo cina Hippocratiki, mumisyobo yaco yiimpene, cicili cikonkezyo eeco basilisi bamazubaano ncobakonkezya nobanjila akutalika milimo. “Icikonkezyo cokwa Hippocrates ciciliko mulusumpuko lwa Kumbo lyanyika kuti ncecaambyo ceendelezya bantu banjide mulimo wa busilisi.” (American Medical Associa6\\ntion, Code of Medical Ethics, 1996 ed.) Bantu banji ncobatazyi ncakuti, icikonkezyo citaanzi cina Hippocrates, cakatalikila mukwiitila madaimona aababakomba mituni mbuli mukulibandauka bulozi kuti: “Ime ndakonkezya ali Apollo Musilisi aali Asclepius a Hygieia a Panacea abaleza boonse kuti ndinootobela cikonkezyo akucizuzika mboceelede.\"\\nMunkondo yakulwanina muya wamuntu, Saatani wakapelenga kapati kubbidikizya kulwana kwiinda mukubelesya misamu iikola mubusilisi bwamazubaano. Bantu basunu balafubaazya kufumbwa uubelesya musamu wa laudanumu (musamu wa opiyamu uubikkidwe waini) ooyo wakali kubelesyegwa myaanda yamyaka yakainda, pele bunji bwamisamu yamazubaano ilainda kukola alimwi icisa mubili wamuntu muntenda mpati cakuti muntu inga kayelede kusilikwa zinjaanji kwiinda kutaanguna nkaambo kakubelesya misamu eeyo. Eeci ncecitalisya muntu kuyaa kwiingaila kuyaa kubelesya misamu yiimpene lyoonse, akwiindizya myeelwe yabantu bapona maumi aabo akuzyibila kubelesya misamu lyoonse, kabapona maumi aabo kuyaamina kumisamu iikola akubapa malwazi.\\nBulwazi bwa Autizimu, mukonzyanyo umwi wamalwazi aakatalisyigwa amisamu yakuyaswa nyeleti mazubaano, mpoonya eeco, ategwa ncintu “ciyandika” kutegwa bayungizye kubelesya misamu ayimwi minjaanji yakukobelela bulwazi oobo akweendelezya buumi bwamuntu uuciswa. Akataa bantu bakayaswa misamu yanyeleti, oobo bulwazi bulalibonya mubantu baku Amelika mumuntu omwe akataa bantu bali 50. Pele akataa baabo batakayaswa nyeleti, nokuba boobo, oobo bulwazi bulibonya buyo mumuntu omwe akataa bantu bali 25,000.\\nIcipekupeku ca Basilisi, eeco cibunganya basilisi basyaazyibwene bayindene antoonwe, ciluulwa kuti “ncecibaka cakuunka kuti ukaakujane makani aalusumpuko mubusilisi, milimo yabusilisi mipya yeebeka amilumbe mipya yaambilizya kukkala buumi bubotu.”1 Mucipekupeku cakainda kaindi kasyoonto, umwi musilisi naakabuzyidwe mibuzyo wakazumina kuti bunji bwamalwazi aayo basilisi ngobasilika, taakwe acimbi pele nkusilika malwazi aakatalikila mukubelesya misamu iikola niyakanjizyigwa mumubili.\\nImpindu iibamba misamu nimpindu ilaa tombe abumpelenge kapati, pele nimpindu Mpati ncobeni. Mabbiliyoni aamadola alabelesyegwa kuuzya misamu “amukubamba” misamu mipya. Taata Yahuwah wakasyomezya kuti uyooyubununa kasimpe koonse kuli baabo bayandaula Nguwe. “Alimwi inywe muyookazyiba kasimpe, nkabela kasimpe kayoomwaangulula.” (Johane 8:32, NKJV)\\nInkuta mumazuba aakainda masyoonto yakatondezya nzila zimwi mpindu zibamba misamu yakusilisya bantu (“Big Pharma”) mbozicengelela buleya kuti basyome misamu yacikuwa kuti inga yabaponya akubapa maumi mabotu. Ooyu mulongo uutobela ngumwi akataa nzila zinjaanji zyakabbununwa munkuta akupegwa mulandu:\\nKusinka mulomo basilisi ciindi aciindi (kubabbadela mali) akubatola mumasena aakulikkomanisya nokuba kubanjizya mumilimo iivwolwa mali.\\nKucengeezya kuti misamu tiikoli akubejela Nkamu yeendelezya Zyakulya a Misamu.\\nKubbida bantu mali aabo babbadela mitelo mabbiliyoni aamali\\nKubejela baabo beendelezya zintu kuti misamu ilabeleka kakuli tiisiliki malwazi.\\nKuzumanana makwebo aakunyengelela bantu mabbiliyoni aamali akubauzya misamu iikola akukonzya kujaya muntu uutakubwene nokuba balwazi bali muzibbadela.\\nKubeja kuti misamu ya nyeleti ilabeleka ziindi zili 95 nokuba kwiinda waawo mu ziindi zili mwaanda.\\nKubikkilizya bulowa bwabanyama bamusokwe nobasunka misamu kutegwa kulibonye aanga bulowa bamuntu buleendelana amisamu eeyo.\\nKusinikizya basyaazyibwene batuzunda kuti basangane mubumpelenge bwakucenga bantu akusisikizya twaambo twamisamu iikola.\\nKukonga basyaazyibwene bazilengwa leza kuti inga batolwa ku jele pele buyo kuti baumuna akuleka kwaambilizya bujayi antenda iili mumisamu minjaanji.\\nKupangana cilongwe abasimpindu bauzya misamu kuti kabasinikizya bantu kuula misamu imwi2\\nNokuba kuti bunji bwa mpindu zibamba misamu zili mumasi aasumpukide, pele ncintu ceelede kuzyibwa amuntu woonse ncakuti, kuli intenda yakujayigwa amisamu njobabamba akwaabila masi amwi kakwiina muulo, mbuli nyeleti ziyaswa bana bavwanda kakwiina kubbadela, mumasi aacetaalide. Kuli bumboni buyaa kulibonya butondezya kuti eezyo nyeleti nzyobayaswa bantu, mapiilisi ayimwi misamu yakulinanika acikanda, yakabambilwa kucisa mubili wamuntu kumwi kiilesya malwazi amwi. Banji basyaakuvwuntauzya bataminina3 kuti ituzunda twabulwazi bwa AIDS ooto twakalobya zibaaka zya Africa, abaabo bacitaana cisaaza kumatako baku dolopo lya San Francisco ku Amelika, ooto tuzunda twakabikkilizyidwe mu nyeleti zyakusilisya bulwazi bwa Hepataitisi-B.\\nMikonzyanyi iibelesyegwa kanjaanji muzibbadela ya kukomba mituni – Inkoli ya Caduceus amusako wa Asclepius\\nAbumwi bumboni busendekezya kuti misamu iijaya luzyalo yakabikkilizyigwa mumisamu yakweendelezya luzyalo, eezyo nentenda zyizyibidwe kale mbuli bulwazi bwakubbubba moyo, kudenuka kufwa, kusinka nsinga, kubaa makoto ayimwi misyobo yamalwazi aakubola mubili akusinka bulowa mukati kabongo nokuba mukati ka moyo. Ooyu mulembi, naakabala kapepa kamusamu wakunanika atalaa cikanda camwana muvwanda, wakanyandwa kubala kuti imwi “ntenda yakubelesya musamu” ooyo nja kuciswa bulwasi bwa ntomba!\\nBig Pharma nimpindu yamabbiliyoni aamali manjaanji yeendelezyegwa “abasimakwebo baanyika.” Aayo mali ngobayobolola lyoonse amwaka “nobavwuntauzya bulwazi bwa kubaa makoto akubola mubili”, alasika muma miliyoni aaku Amelika – pele musamu wabulwazi oobo nkuuli kale! Mu 1931, Otto H. Warburg wakapegwa cipego ca (Nobelo Peace Prize) nkaambo wakatondezya mbotukomena tuzunda twabulwazi bwa makoto. Dr. Tulio Simoncini waku Italy, naakali kubelesya luzyibo oolo ndwaakatondezya Warburg antoomwe akuvwuntauzya kwakwe mwini, wakakonzya kuponya bulwazi oobo . . . kusikila naakasampaulwa mumilumbe yasikapepele, akukasyigwa kusilika mucisi ca Italy; mukuya kwaciindi wakaangwa myaka yotatwe muntolongo nkaambo buyo kakuti wakali kusilika bulwazi munzila iitakwe ntenda eeyo mpindu ya Big Pharma njiitaminina kubelesya mumisamu iijaya buumi – kusilika bulwazi bwa kkansa.\\nWebo inga toobikkila lusyomo lwako mumisamu yampindu yuulwa mali manji nkaambo kuli mbabo taakwe acimbi pele ninzila yakujana mali manji. Saatani ucibelesya bulozi bwamisamu oobu, amasalamuzi aamisamu iikola kuti ajate mulimo omwe buyo: kubikka cintu cikola mumubili wamuntu, mpoonya eeco ncecizilula akumubuzya maanu aakulyeendelezya muntu. Mizeezo yamuntu iitakoledwe ilayandika mukuteelela Muya Uusalala kuti muntu akonzye kulwana cinyonyoono. Ikaambyo kali mu Ciyubunuzyo 18:23, kakuti “nkaambo kwiinda mubulozi bwako woonse masi akeenwa,” kalembedwe kuti mu Bbaibbele lya Heritage: \". . . nkaambo kwiinda mumisamu yako iizyondola boonse bantu bakaingaila.\"\\nEeyo misamu njobayasa nyeleti basilisi munyika yoonse nokuba “misamu yakuliyandila omwini kakwiina kuya kumusilisi”, ilaa ntenda yiinda kujaya mubili wamuntu, ilagwalanganya amizeezo yamuntu ayalo. Zimwi ntenda zyamisamu minjaanji tazili buyo kuyumya mate mukanwa akuvwundausya kumoyo, pele akutolwaala, kufukula alimwi akuluba-luba zintu. Eeci ncecintu cisyaazya muntu kuti Saatani amuce mukakole kamasunko. Amwi makani aamba kuti kubikkwa bulowa mucibbadela, zimwi ziindi ncintu cipindula ciimo camuntu. Yahuwah wakaambilizya kuti bulowa tabweelede kuligwa nkaambo “buumi bwanyama buli mubulowa.” (Kobala BaLevi 17:10-14.)\\nYahuwah ngo Mulengi wazintu zyoonse. Aboobo, Walo ngulaa luzyibo luteeli lwa nzila iiluleme yakupona buumi bubotu.\\nOoyo wakalenga zibeela zyamukati kangu Nduwe,\\nWebo wakandipanga mwida lyabaama.\\nNdakutembaula nkaambo okandilenga munzila iikankamanisya,\\nokandilenga munzila iigambya iitaliboteli.\\nMilimo yako ilagambya, eeci ndicizyi kabotu-kabotu.\\nNsisisidwe, Webo ulindibwene boonse mbwebede,\\nnkecikumbwa mwida, nkekomena kakunyina uuzi, yebo wakalizi kale kuti nkweli.\\nWakandibona nketana akuba nsalalila, mazuba woonse ngookandipa munyika akalilembedwe mubbuku,\\nakalilembedwe kaatana akutalika mazuba aabuumi bwangu\\n(Intembauzyo 139:13-16, NKJV)\\nOoyo wakalenga mubili wako nguuzyi nzila yiinda kubota yakusunga mubili wako. Walo wakapa milawo iili lusele iigwasyilizya kujosya buumi bubotu akuzumanana kubaa buumi bubotu:\\nMumuni wa zuba\\nCiimo ca bulumbu (eeco ciletelezya kusyoma munguzu zya bulemu)\\nAabo balemekezya Mwami Yahuwah kwiinda mukubamba milawo Yakwe, Alakwe uyoobalemekezya mukubapa luumuno, buumi bubotu alimwi, akuzwidilila mukuzunda cinyonyoono. Yahuwah “ulati . . . aabo bandilemeka Ambeyo njoobalemeka.” (1 Samueli 2:30, KJV) Aabo bateelela akutobela milawo yoonse yokwa Yahuwah, bayoolijana kabalelekedwe munzila zitalangilwi. “Kuyoowa Yahuwah nkakasensa kabuumi, akuyaamuka tooze twa lufu.” (Tusimpi 14:27, KJV)\\nNkuyanda kwa Yahuwah kuti bantu Bakwe bapone maumi aazwide buponi bubotu. Eeci tacili cintu cikonzya kujanwa mumisamu iikola eeyo njobayasa nyeleti basilisi bamazubaano pe. Misamu yakucibbadela tiiponyi pe. Ilesya buyo kulibonya bulwazi, alimwi ziindi zinjaanji akuletelezya ntenda. Ilikke nzila yiinda kubota yakupona buumi bubotu, ninzila ya Kujulu. Yahuwah ulipede kale zintu akataa zilengwa leza zyakusilika kufumbwa bulwazi bwamuntu. Cibaaka camuluwo camu kkompyuta cilaa buvwubi bunjaanji bwaluzyibo lwatakali kujanwa kaindi. Kuti yebo koyanda kulangaula makani aabuumi amwi, koya ukayandaule mucibaka eeco izilengwa leza zikonzya kukusilika.\\nObuno buzuba, makanze aako abe aakubamba milawo yokwa Yahuwah yoonse. Walo uyookupa luzyalo, busongo akuzunda mucintu cili coonse.\\n2 Mbokulembedwe mu http:\/\/worldtruth.tv\/big-pharma-criminality-no-longer-a-conspiracy-theory-bribery-fraud-price-fixing-now-a-matter-of-public-record\/.\\n3 Kobala aawa http:\/\/www.bibliotecapleyades.net\/salud\/esp_salud33s.htm and http:\/\/originofaids.com\/.","num_words":1722,"character_repetition_ratio":0.042,"word_repetition_ratio":0.0,"special_characters_ratio":0.151,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kuyiisya Kasimpe | Yakwiiya\\nNgazi Yamulindizi—Yakwiiya | October 2018\\nAMUBALE MU Afrikaans Albanian Altai Alur American Sign Language Amharic Amis Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Bolivian Sign Language Boulou Brazilian Sign Language British Sign Language Bulgarian Cakchiquel (Western) Catalan Cebuano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Colombian Sign Language Costa Rican Sign Language Croatian Cuban Sign Language Czech Czech Sign Language Damara Dangme Danish Digor Douala Dutch Ecuadorian Sign Language Edo Efik English Esan Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Greek Greek Sign Language Guadeloupean Creole Guarani Guatemalan Sign Language Gujarati Gun Haitian Creole Hausa Hebrew Herero Hiligaynon Hindi Hiri Motu Honduras Sign Language Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kabuverdianu Kannada Kekchi Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malawi Sign Language Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mexican Sign Language Mingrelian Mixe (North Central) Mixtec (Guerrero) Mongolian Moore Motu Mozambican Sign Language Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nicaraguan Sign Language Norwegian Nzema Okpe Oromo Ossetian Otetela Panamanian Sign Language Pangasinan Papiamento (Curaçao) Paraguayan Sign Language Persian Peruvian Sign Language Pidgin (West Africa) Polish Polish Sign Language Ponapean Portuguese Portuguese (Portugal) Portuguese Sign Language Punjabi Quebec Sign Language Quechua (Ancash) Quechua (Bolivia) Romanian Romanian Sign Language Russian Russian Sign Language Salvadoran Sign Language Samoan Sango Sepedi Sepulana Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Venezuelan Sign Language Vietnamese Waray-Waray Wolaita Xhosa Yoruba Zambian Sign Language Zande Zapotec (Isthmus) Zimbabwe Sign Language Zulu\\n“O Jehova, . . . ijwi lyako lyoonse mbolibede nkasimpe.”​—INT. 119:159, 160.\\nNcinzi ncotweelede kubikkila maano mumulimo wesu wakukambauka?\\nNcinzi cakapa kuti tupegwe Zibelesyo Nzyotubelesya Kapati Mukuyiisya?\\nNcibelesyo nzi ncomweelede kuzyiba kabotu mbocibelesyegwa?\\n1, 2. (a) Mulimo nzi Jesu ngwaakabikkila maano kapati mubuumi bwakwe, alimwi nkaambo nzi? (b) Ncinzi ncotweelede kucita kutegwa tuzwidilile katuli “basimilimonyina a Leza”?\\nJESU KRISTO wakali mubezi alimwi mubelesi wa Leza. (Mk. 6:3; Rom. 15:8) Milimo yoonse yobilo wakaizyiba kabotu-kabotu. Mbwaanga wakali mubezi, wakaiya mbwaakeelede kuzyibelesya zibelesyo zibelesyegwa mumulimo ooyu. Kali mwiiyi wamakani mabotu, wakalubelesya kabotu luzyibo lwamu Magwalo ndwaakajisi kutegwa agwasye bantu ibakali kubonwa kuba baansi kapati kuti bamvwe kasimpe kamu Jwi lya Leza. (Mt. 7:28; Lk. 24:32, 45) Naakajisi myaka yakuzyalwa iili 30, Jesu wakazibikka ambali zibelesyo nzyaakali kubelesya mumulimo wakwe wakubeza nkaambo wakalizyi kuti kuba mubelesi wa Leza wakali mulimo uuyandika kapati. Wakaamba kuti mulimo wakwaambilizya makani mabotu aa Bwami bwa Leza nkamwi kakaambo nkaakatuminwa anyika. (Mt. 20:28; Lk. 3:23; 4:43) Jesu wakabikka mulimo wakukambauka mubusena bwakusaanguna mubuumi bwakwe, alimwi wakali kuyanda kuti abamwi bamusangane mumulimo ooyu.—Mt. 9:35-38.\\n2 Ambweni tatuli babezi, pele tuli babelesi bamakani mabotu. Mulimo ooyu ulayandika kapati cakuti Leza ulijatikizyidwe; twiitwa kuti tuli “basimilimonyina a Leza.” (1Kor. 3:9; 2Kor. 6:4) Tulizyi kuti “ijwi lya [Jehova] lyoonse mbolibede nkasimpe.” (Int. 119:159, 160) Nkakaambo kaako tuyanda kuba masimpe kuti ‘tulayiisya akupandulula jwi lyakasimpe bweelede’ mumulimo wesu. (Amubale 2 Timoteo 2:15.) Kutegwa tucite oobo, tulazumanana kuyungizya luzyibo lwesu mukubelesya Bbaibbele, cibelesyo ciyandika kapati ncotubelesya kuyiisya kasimpe kajatikizya Jehova, Jesu, alimwi a Bwami. Kutegwa tuzwidilile mumulimo wesu, mbunga ya Jehova yakapanga zibelesyo zimbi nzyotweelede kuzyiba kapati mbozibelesyegwa. Zibelesyo eezyi tuzyaamba kuti Zibelesyo Nzyotubelesya Kapati Mukuyiisya.\\n3. Ncinzi ncotweelede kubikkila maano kapati muciindi cisyeede cakupa bumboni, alimwi kweelana alugwalo lwa Milimo 13:48, mbaani mbotweelede kuyandaula?\\n3 Mulakonzya kulibuzya kaambo zibelesyo zyesu ncoziitwa kuti Zibelesyo Nzyotubelesya Kapati Mukuyiisya, ikutali Zibelesyo Nzyotubelesya Kapati Mukukambauka. “Kukambauka” caamba kwaambilizya mulumbe; pele “kuyiisya” caamba kwaamba mulumbe kumuntu munzila iimusika amoyo, kutegwa abweze ntaamu kweelena anzyaiya. Muciindi cisyeede cakupa bumboni, makanze eesu ayelede kuba aakutalisya ziiyo zya Bbaibbele alimwi akuyiisya bantu kasimpe. Eeci caamba kuti tweelede kubeleka canguzu kuyandaula boonse aabo ibali amyoyo mibotu ‘ibalibambilide kutambula buumi butamani’ alimwi akubagwasya kuba basyomi.—Amubale Milimo 13:44-48.\\n4. Mbuti mbotukonzya kubazyiba aabo “ibalibambilide kutambula buumi butamani,” alimwi ino inga twabajana buti?\\n4 Mbuti mbotukonzya kubazyiba aabo “ibalibambilide kutambula buumi butamani”? Mbubwenya mbocakabede mumwaanda wamyaka wakusaanguna, nzila ilikke mbotukonzya kubajana bantu aabo nkwiinda mukupa bumboni. Aboobo tweelede kucita mbubwenya Jesu mbwaakalailila: “Kufwumbwa mumunzi naa mukanzi momwanjila, amuyandaule muntu weelela.” (Mt. 10:11) Tatulangili kuti bantu batasyomeki, balisumpula, naa aabo bateendelezyegwi azintu zyakumuuya balaatambula makani mabotu. Tuyandaula bantu basyomeka, balicesya, alimwi ibalaanzala yakasimpe. Kuyandaula ooku tulakonzya kukukozyanisya ancaakali kucita Jesu kali mubezi, wakali kuyandaula mapulanga aayelede mukupanga zintu mbuli zijazyo, majoko naa zintu zimwi buyo. Ciindi naakali kwaajana mapulanga aayo, wakali kubweza zibelesyo zyakwe, kubelesya luzyibo lwakwe, alimwi akupanga zintu eezyo. Andiswe tweelede kucita mbubwenya ciindi notuyanda kugwasya bantu babombe myoyo kuba basikwiiya.—Mt. 28:19, 20.\\n5. Ncinzi ncotweelede kuzyiba kujatikizya zibelesyo izijanika mu Zibelesyo Nzyotubelesya Kapati Mukuyiisya? Amupe cikozyanyo. (Amubone zifwanikiso izili kumatalikilo aacibalo.)\\n5 Mukabbokesi kazibelesyo kali koonse, cibelesyo cimwi acimwi cili amulimo wancico uugaminide. Mucikozyanyo, atubone zibelesyo nzyaakali kubelesya Jesu mumulimo wakwe. * Wakali kuyandika cipimyo alimwi apensulo; kutenda, kudonkola, alimwi akubeza kabotu-kabotu; kweelanya, akuziswaanganya zibeela-beela. Mbubwenya buyo, Cibelesyo cimwi acimwi icijanika mu Zibelesyo Nzyotubelesya Kapati Mukuyiisya cilijisi mulimo uugaminide. Aboobo atuzilange-lange zibelesyo zyesu akubona mbotukonzya kuzibelesya zibelesyo eezyi ziyandika kapati nzyotwakapegwa.\\n6, 7. (a) Ino mutubelesya buti tukkaadi twaa jw.org? (b) Ino kapepa kakutamba bantu kumiswaangano yambungano kajisi mulimo nzi uuyandika kapati?\\n6 Tukkaadi Twaa Jw.Org. Ootu ntukkaadi tusyoonto pele ncibelesyo cibotu kapati ncotubelesya kulizyibya kubantu alimwi akubatondezya webbusaiti yesu, alo mpobakonzya kwiiya zinji kujatikizya ndiswe alimwi buya akulomba ciiyo ca Bbaibbele. Bantu bainda ku 400,000, bakalomba ziiyo zya Bbaibbele a jw.org, alimwi bantu banji balacita oobo buzuba abuzuba! Mulakonzya kuyobola tukkaadi tusyoonto buyo akutubelesya ciindi nomucita milimo yanu yabuzuba abuzuba.\\n7 Tupepa Twakutamba Bantu. Kanji-kanji kuli kapepa nkotwiita kuti kapepa kakutamba bantu kumiswaangano yambungano, kapepa aaka kalijisi mulimo uuyandika kapati. Kaamba kuti: “Mwatambwa kwiiya Bbaibbele a Bakamboni ba Jehova.” Mpoonya alimwi kaamba kuti mulakonzya kucita oobo “kumiswaangano yesu yakubuleya” naa “kuba amuntu uumuyiisya.” Aboobo, cibelesyo eeci tacituzyibyi buyo kubantu pele alimwi cilabatamba “aabo bazyi kuti bayandika kusololelwa a Leza” kwiiya Bbibbele andiswe. (Mt. 5:3) Nokuba boobo, bantu balitambidwe kujanika kumiswaangano yesu nokuba kuti bazumina ciiyo ca Bbaibbele naa pe. Ikuti bajanika kumiswaangano, bayoobona nzyobakonzya kwiiya kujatikizya Bbaibbele.\\n8. Mbuti mbocigwasya kubantu kuti bajanika kumiswaangano yesu nociba ciindi comwe buyo? Amupe cikozyanyo.\\n8 Cilayandika kapati kuzumanana kubatamba bantu kujanika kumiswaangano yesu nociba ciindi comwe buyo. Nkaambo nzi? Bayoobona kuti Bakamboni ba Jehova bayiisya kasimpe kazwa mu Bbaibbele alimwi akugwasya bantu kumuzyiba Leza, pele muzikombelo zyakubeja tabaciti oobo. (Is. 65:13) Ba Ray alimwi aba Linda, banabukwetene baku United States, bakalubona lwiindano oolu myaka minji yainda. Banabukwetene aaba bakayeeya kuti batalike kuunka kucikombelo. Bakali kusyoma muli Leza alimwi bakali kuyanda kumuzyiba, aboobo bakatalika kuunka kuzikombelo zyoonse izyakali mudolopo lyabo. Kwakali zikombelo zinji zisiyene-siyene. Banabukwetene aaba bakapangana kubikkila maano kutwaambo tobilo ntobakeelede kubona kucikombelo cili coonse ncobakali kuyoonjila. Kakusaanguna, bakeelede kwiiya cintu cimwi kucikombelo, mpoonya kabili, bantu bamucikombelo eeco bakeelede kuti kabasama mbuli bantu ibaiminina Leza. Nokwakainda myaka minji, bakazinjila zikombelo zyoonse, pele bakatyompwa kapati. Kunyina ncobakaiya, alimwi bantu ibakali kujanika kuzikombelo eezyo tiibakali kusama cabulemu. Nobakazwa mucikombelo icakali camamanino amulongo wabo, ba Linda bakaunka kumulimo mpoonya ba Ray bakaunka kuŋanda. Kabali munzila, ba Ray bakanyona a Ŋanda ya Bwami akulyaambauzya kabati, ‘Mbuti kuti ndanjila buyo oomu akubona mbobabede bantu aaba?’ Mubwini, nzyobakabona nzyakaliindene kapati anzyobakabona kuzikombelo zimbi zyoonse! Ku Ŋanda ya Bwami, bantu boonse bakalikusangalizya alimwi bakasamide cabulemu. Ba Ray bakakkalila kumbele alimwi bakazikkomanina kapati nzyobakaiya! Eeci cili buyo mbubwenya mbwaakaamba mwaapostolo Paulo kujatikizya muntu iwajanika kumiswaangano ya Banakristo ciindi cakusaanguna akwaamba kuti: “Ncobeni Leza mpali akati kanu.” (1Kor. 14:23-25) Kuzwa ciindi eeco, ba Ray bakali kujanika kumiswaangano lyoonse mu Nsondo; mpoonya bakatalika akujanika ku Muswaangano Wabuumi Amulimo lyoonse. Abalo ba Linda bakatalika kuswaangana, alimwi nokuba kuti bakajisi myaka yakuzyalwa iili kuma 70, bakazumina kwiiya Bbaibbele alimwi bakabbapatizyigwa.\\nZIBELESYO ZYAKUTALISYA MIBANDI\\n9, 10. (a) Nkaambo nzi matulakiti ncatakatazyi kubelesya? (b) Amupandulule mboibelesyegwa tulakiti yakuti Ino Bwami bwa Leza Ninzi?\\n9 Matulakiti. Tulijisi matulakiti aali lusele aatakatazyi kubelesya alo aabeleka kabotu kutalisya mibandi. Mbwaanga matulakiti aaya akatalika kumwaigwa mu 2013, kuzwa mumwaka ooyu, kwasimbwa matulakiti aali 5 bbiliyoni! Bubotu bwamatulakiti aaya mbwakuti ciindi mwazyiba mboibelesyegwa yomwe, nkokuti inga mwacikonzya kwaabelesya woonse nkaambo alikozyenye mbwaabelesyegwa. Mbuti mbomukonzya kubelesya tulakiti kutegwa mutalisye mubandi amuntu?\\n10 Ambweni inga mwasala kubelesya katulakiti kakuti Ino Bwami bwa Leza Ninzi? Amumutondezye muntu mubuzyo uuli kumatalikilo akumubuzya kuti: “Sena kuli nomwakalibuzyide kale kuti ino Bwami bwa Leza ninzi? Sena inga mwaamba kuti . . . ?” Mpoonya amumulombe kuti asale bwiinguzi bomwe akati kabwiinguzi botatwe. Kakunyina kwaamba naa bwiinguzi bwakwe buliluzi naa pe, amujalule mukatulakiti acibeela cakuti “Ncolyaamba Bbaibbele” alimwi akubala magwalo aabikkidwe, Daniele 2:44 alimwi a Isaya 9:6. Kuti kacikonzyeka, inga mwazumanana amubandi. Kumamanino aamubandi wanu, amubuzye mubuzyo uuli kunze aakatulakiti acibeela cakuti “Ino Muyeeya Buti”: “Ino buumi bunooli buti mubweendelezi bwa Bwami bwa Leza?” Eeci ciyoopa kuti mukabe amatalikilo aamubandi uutobela amuntu ooyo. Mwaakupilukila, mulakonzya kumutola muciiyo 7 mubroshuwa yakuti Makani Mabotu Aazwa Kuli Leza!, yalo iili njimwi yazibelesyo nzyotubelesya kutalisya ziiyo zya Bbaibbele.\\nZIBELESYO IZIPA KUBA ALUYANDISISYO\\n11. Ino mamagazini eesu ajisi mulimo nzi, pele ncinzi ncotweelede kuzyiba kujatikizya ngawo?\\n11 Mamagazini. Ngazi Yamulindizi alimwi a Sinsimuka! nzeziinda kumwaigwa alimwi akusandululwa munyika! Akaambo kakuti mamagazini aaya alabalwa abantu banji kapati mumasi woonse, makani aayeeme amitwe iili acivwumbyo apangidwe munzila iikkomanisya bantu boonse mumasena woonse. Tweelede kwaabelesya kazili zibelesyo zipa muntu kuba aluyandisisyo munzintu ziyandika kapati mubuumi mazuba aano. Nokuba boobo, kutegwa twaabelesye kabotu mamagazini aaya, tweelede kubazyiba ibalembelwa magazini imwi aimwi.\\n12. (a) Ino Sinsimuka! ibambilidwe bani, alimwi ino ijisi makanze nzi? (b) Nkuzwidilila kuli buti nkomwakabona caino-ino kwiinda mukubelesya cibelesyo eeci?\\n12 Sinsimuka! yakabambilwa basikubala ibajisi luzyibo lusyoonto naa aabo ibatajisi luzyibo luli loonse kujatikizya Bbaibbele. Ambweni buya kunyina ncobazyi kujatikizya njiisyo zya Banakristo, ambweni tababusyomi bukombi, alimwi ndiza tabazyi kuti Bbaibbele lilagwasya. Mulimo mupati wa Sinsimuka! ngwakugwasya basikubala kuzyiba kuti Leza nkwali. (Rom. 1:20; Heb. 11:6) Alimwi makanze aamwi ngakugwasya basikubala kusyoma kuti Bbaibbele “ncobeni . . . majwi aa Leza.” (1Tes. 2:13) Mitwe iili acivwumbyo yotatwe yamu 2018 njakuti: “Nzila Yalukkomano,” “Nzila Izili 12 Zikonzya Kupa Kuti Mukwasyi Uzwidilile,” alimwi awakuti, “Luumbulizyo Kulibaabo Balila.”\\n13. (a) Ino Ngazi Yamulindizi yakubuleya ibambilidwe bani? (b) Nkuzwidilila kuli buti nkomwakabona caino-ino kwiinda mukubelesya cibelesyo eeci?\\n13 Ngazi Yamulindizi, yakubuleya, ibikkila maano kuzintu zyakumuuya kuli baabo bamulemeka Leza alimwi a Jwi lyakwe. Nokuba kuti inga kabajisi luzyibo lumwi lwamu Bbaibbele, tabazimvwisyi njiisyo zyandilyo zyakasimpe. (Rom. 10:2; 1Tim. 2:3, 4) Mitwe iili acivwumbyo yotatwe yamu 2018 ilaingula mibuzyo eeyi yakuti: “Sena Bbaibbele Licigwasya Amazuba Aano?,” “Ino Zintu Ziyooba Buti Kumbele Aamazuba?,” alimwi awakuti “Sena Leza Ulamubikkila Maano Nywebo Kumugama?”\\nZIBELESYO IZIKULWAIZYA KWIIYA BBAIBBELE\\n14. (a) Ino Mavidiyo one aali mu Zibelesyo Nzyotubelesya Kapati Mukuyiisya ajisi mulimo nzi? (b) Nkuzwidilila kuli buti nkomwakabona kwiinda mukutondezya mavidiyo aaya?\\n14 Mavidiyo. Mumazuba aa Jesu, mubezi wakali kubelesya zibelesyo zibelesyegwa buyo amaanza. Nokuba boobo, mazuba aano, basikubeza balijisi azibelesyo zibelesya magesi, mbuli masaha, zyakudonkozya, zyakubotya, zyakubikisya mpikili, alimwi azimwi buyo. Kuyungizya amabbuku aasimbidwe, lino tujisi mavidiyo mabotu aakutondezya bantu, nkokuti mavidiyo one aali akati kazibelesyo nzyotujisi: Nkaambo Nzi Ncomweelede Kwiiya Bbaibbele?, Ino Ciiyo Ca Bbaibbele Cicitwa Buti?, Ino Ncinzi Cicitika Kuŋanda ya Bwami?, alimwi ayakuti Bakamboni ba Jehova—Ino Ndiswe Bani? Mavidiyo aamaminiti aatasiki kuli obilo alabeleka kabotu mulweendo lwakusaanguna. Malamfwu alakonzya kubelesyegwa munyendo zyakupilukila alimwi akuli baabo ibajisi ciindi cinji. Zibelesyo eezyi zibotu kapati zilakonzya kubakulwaizya bantu kwiiya Bbaibbele alimwi akujanika kumiswaangano yesu.\\n15. Amupe zikozyanyo zijatikizya mbobakulwaizyigwa kapati bantu ciindi nobeebelela noiba vidiyo yomwe buyo mumwaambo wabo.\\n15 Mucikozyanyo, ciindi mucizyi naakaswaangana amukaintu iwakazwa ku Micronesia iwakali kwaambaula mwaambo wachi Yapese, mucizyi wakamutondezya vidiyo yakuti Nkaambo Nzi Ncomweelede Kwiiya Bbaibbele? mumwaambo wakwe. Noyakatalika vidiyo, mukaintu ooyo wakaamba kuti: “Ooyu ngomwaambo wangu. Tandikonzyi kucisyoma eeci! Kumvwa buyo mbwaambaula ndazyiba kuti ooyu tuzwa limwi. Waambaula mwaambo wangu!” Mpoonya mukaintu ooyu wakaamba kuti uyoozibala zibalo zyoonse alimwi akweebelela mavidiyo woonse aaliko aa jw.org. mumwaambo wakwe. (Amweezyanisye Milimo 2:8, 11.) Atulange-lange cakuluula cimbi. Mucizyi ku United States wakatumina mwana wamupati wakwe liinki yavidiyo njoonya eeyi mumwaambo wakwe. Mwana ooyo wakayeebelela vidiyo akulembela mucizyi ooyu kuti: “Cibeela cakuti Saatani ngoweendelezya nyika cakandikkomanisya kapati. Ndakalomba ciiyo ca Bbaibbele.” Musankwa ooyu ukkala mucisi mulimo wesu moukasyidwe!\\nZIBELESYO ZYAKUYIISYA BANTU KASIMPE\\n16. Amupandulule makanze aabroshuwa imwi aimwi: (a) Amumuswiilile Leza Kutegwa Mukapone Kukabe Kutamani. (b) Makani Mabotu Aazwa Kuli Leza! (c) Ino Mbaani Bacita Kuyanda kwa Jehova Mazuba Aano?\\n16 Mabroshuwa. Mbuti mbomukonzya kuyiisya kasimpe kumuntu uutacizyi kubala naa uutajisi mabbuku aamba zyamu Bbaibbele aamumwaambo wakwe? Tulicijisi cibelesyo eeco, nibroshuwa yakuti Amumuswiilile Leza Kutegwa Mukapone Kukabe Kutamani. * Cibelesyo cibotu kapati kutalisya ziiyo zya Bbaibbele nibroshuwa yakuti Makani Mabotu Aazwa Kuli Leza! Mulakonzya kumutondezya muntu ziiyo izili 14 izili kunze aambroshuwa alimwi akumulomba kuti asale ciiyo camukkomanisya kapati. Mpoonya inga mwatalika kwiiya muciiyo eeco. Sena kuli nomwakasolede kale kubelesya nzila eeyi munyendo zyanu zyakupilukila? Ino Mbaani Bacita Kuyanda kwa Jehova Mazuba Aano? nibroshuwa yatatu iiliko mu Zibelesyo Nzyotubelesya Kapati Mukuyiisya. Ibambilidwe kusololela basikwiiya kumbunga. Kutegwa muzyibe mboibelesyegwa nomwamana kwiiya ciiyo cimwi acimwi, Amubone Kabbuku Kamuswaangano Wabuumi Amulimo Wesu wa Bunakristo kamu March 2017.\\n17. (a) Ino bbuku lyakwiiya limwi alimwi lijisi makanze nzi? (b) Ino ncinzi ciyandika kuli baabo boonse ibayaambele alimwi ibalibambilide kubbapatizyigwa, alimwi ino nkaambo nzi?\\n17 Mabbuku. Camana kutalisyigwa ciiyo mubroshuwa, mulakonzya kucinca aciindi cili coonse akutalika bbuku lya Ncinzi Bbaibbele Ncolituyiisya? Cibelesyo eeci ciyoogwasya sikwiiya kuyungizya luzyibo lwanjiisyo zyantalisyo zyamu Bbaibbele. Mwalimana bbuku eeli alimwi ikuti sikwiiya kayaambele kumuuya, amuzumanane kwiiya mubbuku lyakuti Mbomukonzya Kukkala Muluyando lwa Leza. Cibelesyo eeci ciyooyiisya sikwiiya kujatikizya mbwayelede kubelesya njiisyo zyamu Bbaibbele mubuumi bwabuzuba abuzuba. Kamuyeeya kuti, nokuba kuti babbapatizyigwa, aabo bapya beelede kuzumanana kwiiya kusikila mane bakaamane mabbuku oonse obilo. Eeci ciyoobagwasya kusimpa miyanda mukasimpe.—Amubale Bakolose 2:6, 7.\\n18. (a) Ino lugwalo lwa 1 Timoteo 4:16 lutukulwaizya kucita nzi mbotuli bamayi bakasimpe, alimwi ncinzi cikonzya kucitika? (b) Ciindi notubelesya Zibelesyo Nzyotubelesya Kapati Mukuyiisya, makanze nzi ngotweelede kuba angawo?\\n18 Mbotuli Bakamboni ba Jehova, twakapegwa “mulumbe wakasimpe kamakani mabotu” uusololela bantu kubuumi butamani. (Kol. 1:5; amubale 1 Timoteyo 4:16.) Nkakaambo kaako, twakapegwa Zibelesyo Nzyotubelesya Kapati Mukuyiisya izijisi zintu nzyotuyandika. (Amubone kabbokesi kakuti “ Zibelesyo Nzyotubelesya Kapati Mukuyiisya.”) Atuzibelesye zibelesyo eezyi cabupampu alimwi kusikila mpotugolela. Sikumwaya umwi aumwi ulakonzya kusala mabbuku ngayanda aali mucibelesyo cesu kubandika amuntu uujisi luyandisisyo alimwi aciindi nakonzya kucita oobo. Pele makanze eesu taali aakumwaya buyo mabbuku; naa kusiya mabbuku kubantu batatondezyi luyandisisyo kumulumbe wesu. Makanze eesu ngakugwasya bantu basyomeka, balicesya, alimwi ibalaanzala yakumuuya kuba basikwiiya, nkokuti bantu ‘ibalibambilide kutambula buumi butamani akuba basyomi.’—Mil. 13:48; Mt. 28:19, 20.\\n^ munc. 5 Amubone cibalo cakuti “The Carpenter” alimwi akabbokesi kakuti “The Carpenter’s Toolbox” mu Ngazi Yamulindizi yamu Chingisi ya August 1, 2010.\\n^ munc. 16 Ikuti muntu katacizyi kubala, ulakonzya kunootobelezya mubroshuwa yakuti Amumuswiilile Leza, iijisi zifwanikiso.\\nZIBELESYO NZYOTUBELESYA KAPATI MUKUYIISYA\\nTUKKAADI TWAA JW.ORG ALIMWI ATUPEPA TWAKUTAMBA BANTU\\nMABROSHUWA ALIMWI AMABBUKU\\n1918, Myaka Iili 100 Yainda\\nMAKANI AABUUMI Jehova Wakakulongezya Kusala Kwangu\\nAmusyome Musololi Wesu Uubeleka Canguzu​—Kristo\\nAmube Aluumuno Lwamumizeezo Nokuba Kuti Bukkale Bwacinca\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA October 2018\\nNGAZI YAMULINDIZI—YAKWIIYA October 2018","num_words":2486,"character_repetition_ratio":0.069,"word_repetition_ratio":0.001,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Samsoni aDelila | Zyiiyo Zyabana Zizwa muBbayibbele\\nBALA MU Acholi Afrikaans Albanian American Sign Language Amharic Angolan Sign Language Arabic Argentinean Sign Language Armenian Azerbaijani Azerbaijani (Cyrillic) Baoule Bashkir Basque Bassa (Cameroon) Batak (Karo) Batak (Toba) Biak Bicol Bislama Boulou Brazilian Sign Language British Sign Language Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chuabo Cibemba Colombian Sign Language Croatian Cuban Sign Language Czech Dangme Danish Dayak Ngaju Dutch Ecuadorian Sign Language Edo Efik English Estonian Ewe Fijian Finnish Fon French Ga Galician Garifuna Georgian German German Sign Language Greek Guarani Gun Haitian Creole Hausa Herero Hiligaynon Hindi Hmong (White) Hungarian Iban Ibinda Igbo Iloko Indonesian Irish Isoko Italian Italian Sign Language Javanese Jula Kabiye Kabuverdianu Kachin Kannada Karen (S'gaw) Kazakh Kekchi Kikaonde Kikongo Kikuyu Kimbundu Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lhukonzo Lingala Lithuanian Lomwe Low German Luganda Luo Luvale Macedonian Macua Madagascar Sign Language Malagasy Malay Malayalam Maltese Mam Marathi Marshallese Mauritian Creole Maya Mazatec (Huautla) Mexican Sign Language Miskito Mixe Mixtec (Guerrero) Moore Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndau Ndebele Ndebele (Zimbabwe) Ndonga Ngabere Ngangela Nias Nigerian Pidgin Norwegian Nyaneka Nyungwe Nzema Okpe Oromo Ossetian Otetela Pangasinan Pidgin (Cameroon) Polish Ponapean Poqomchi' Portuguese (Portugal) Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Quiche Quichua (Chimborazo) Quichua (Imbabura) Romanian Romany (Macedonia) Cyrillic Romany (Serbia) Russian Rutoro Samoan Sangir Sango Sena Sepedi Serbian Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Sinhala Slovak Slovenian Spanish Spanish Sign Language Sranantongo Sunda Swahili Swati Swedish Tagalog Tahitian Taiwanese Sign Language Tamil Tandroy Tankarana Tarascan Tatar Telugu Thai Tigrinya Tiv Tlapanec Tojolabal Tok Pisin Tongan Totonac Tshwa Tsonga Turkish Twi Tzeltal Tzotzil Ukrainian Umbundu Urhobo Uruund Uzbek Uzbek (Roman) Valencian Venda Vezo Vietnamese Waray-Waray Wayuunaiki Wolaita Xhosa Yoruba Zande Zapotec (Isthmus) Zapotec (Lachiguiri) Zimbabwe Sign Language Zulu\\nMaIsrayeli miingi akatalika lubo kukomba baleza bakubeja, eezi zyakapa kuti Jehova azumizye maFilisti kuti abapenzye. Pesi amwi maIsrayeli akali kuchita ziyandwa aJehova. Umwi wakali Manowa. Manowa amukayintu wakwe teebakalikwe bana pe. Bumwi buzuba Jehova wakatuma mungelo wakwe kuti akaswaye mukayintu waManowa. Mungelo ooyo wakabuzya mukayintu waManowa kuti: ‘Uyooba amwana. Mwana ooyo uyoovuna maIsrayeli kuzwa kumaFilisti. Uyooba Munaziri.’ Ulizi na kuti Manaziri bakali bantu bali biyeni? Bakali bantu bakali kulisalila kuba babelesi baJehova bayandikana. Manaziri taakali kuzumizigwa pe kugela masusu.\\nMumazuba, Manowa wakaba amwana alimwi wakamuuzika kuti Samsoni. Samsoni naakakomena, Jehova wakamupa manguzu miingi loko. Wakali kukonzya kujaya mulavu katajisi chintu mumaboko. Chimwi chiindi, Samsoni wakajaya maFilisti aali 30 kali alikke. Eezi zyakapa kuti maFilisti bamusulayike Samsoni alimwi bakali kuyanduula nzila zyakumujaya. Bumwi buzuba mansiku kalede kuGaza, maFilisti bakamulinda kugedi lyamuunzi kuchitila kuti bamujaye kuseeni. Pesi nikwakaba akati kamansiku, Samsoni wakabuka, wayinka kugedi lyamuunzi mpawo wakalinyukula amiduli yamuunzi. Mpawo wakalipikula gedi eelyo wakulisisya ajulu achilundu chili afwiifwi akuHebroni!\\nKuzwa waawo, maFilisti bakaya kumusimbi ngwaakali kuyandana awe, utegwa Delila, mpawo bakati kuli nguwe: ‘Tulakupa mali nyingi ikuti watubuzya kuti Samsoni uwajana kuli manguzu. Nkaambo tuyanda kumujata akumubikka muntolongo.’ Delila wakazumina nkaambo wakali kuyanda mali. Kumasaangunino, Samsoni wakali kukaka kubuzya Delila kuti manguzu wakali kwaajana kuli. Pesi Delila wakamubuzisisya kusikila Samsoni waamba nsiswa yakwe. Wakabuzya Delila kuti: ‘Ndili Munaziri nkaambo kuzwa nindakazyaligwa tandinagelwa pe.’ Ikuti ndagelwa, manguzu aangu alamana.’ Samsoni taakeelede kubuzya Delila makani aaya.\\nChakufwambaana, Delila wakabuzya maFilisti kuti: ‘Ndayiziba nsiswa yakwe!’ Kuzwa waawo, Delila wakabutika Samsoni azibelo zyakwe mpawo wakayita umwi muntu kuti amugele masusu. Mpawo Delila wakoompolola kati: ‘Samsoni, maFilisti bakuzida!’ Pesi naakabuka, manguzu aakwe akali amana. Kuzwa waawo, maFilisti bakamujata akumugwisya meso alimwi bakamubikka muntolongo.\\nBumwi buzuba maFilisti miingi akali bungene mutempele lyaleza wabo Dagoni alimwi akali koompolola kaati: ‘Leza wesu waaba Samsoni mumaanza eesu! Amumwiite Samsoni! Atusobanine.’ Bakamwiimikizya akati kaminseme yang’anda iibili alimwi bakatalisya kumuseka. Mpawo Samsoni wakakwiilila Jehova kati: ‘O Jehova ndakumbila undipe nguzu chiindi chomwe.’ Muchiindi eecho, masusu aSamsoni akali alampa. Wakatonta minsemu yatempele amanguzu aakwe oonse. Mpawo ng’anda yoonse yakawa akujaya bantu boonse bakali mukati kuswaanizya anguwe Samsoni.\\n“Zintu zyoonse buyo ndazikonzya nkaambo kanguzu nzimpedwe kuli-Kristo.”—BaFilipi 4:13\\nMibuzyo: Samsoni wakali kwaajana kuli manguzu? Niinzi chakachitika kuli Samsoni kuzwa naakabuzya Delila chakali kumupa manguzu?","num_words":686,"character_repetition_ratio":0.06,"word_repetition_ratio":0.0,"special_characters_ratio":0.156,"stopwords_ratio":0.0,"flagged_words_ratio":0.0,"lang_id_score":0.998,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Joeli 2 | Bbaibbele lili a Intaneti | Bbaibbele lya Busanduluzi Bwanyika Mpya\\nBuzuba bwa Jehova ampi yakwe mpati (1-11)\\nBantu baambilwa kuti bajokele kuli Jehova (12-17)\\n“Amuzapaule myoyo yanu” (13)\\nJehova mbwaingula bantu bakwe (18-32)\\n“Ndiyootila muuya wangu” (28)\\nZintu zigambya kujulu aanyika (30)\\nAabo baita zina lya Jehova bayoofwutuka (32)\\n2 “Amulizye mweembo mu Ziyoni!+ Amoongolole loongololo lwankondo mucilundu cangu cisalala. Bantu boonse bakkala mucisi* abakankame,Nkaambo buzuba bwa Jehova bulaboola!+ Buli afwaafwi! 2 Mbuzuba bwamudima akusiya,+Mbuzuba bwamakumbi amudima uusiya mbi,+Mbuli mumuni wakubucedo uuyaabungwengwemuka amalundu. Kuli bantu banji kapati alimwi basinguzu;+Takunabede bantu bali boobu kuzwa lili alili,Alimwi takukabi limbi ibambi bali mbuli mbaboMumyaka yamazyalani oonse. 3 Kumbele lyabo mulilo uyaabuumpa,Alimwi kusyule lyabo mabangabanga aamulilo alaumpa cakumaninina.+ Nyika iili kumbele lyabo ili mbuli muunda wa Edeni,+Pele kusyule lyabo kuli nkanda iinyonyookede,Alimwi kunyina cintu cikonzya kufwutuka. 4 Balibonya mbuli mabbiza,Alimwi babalika mbuli mabbiza aankondo.+ 5 Mijinci yabo ilimvwisya mbuli nkalaki nibasotauka atala aamalundu,+Mbuli kupasauka kwamulilo uuvwilima uumpa makuba. Bali mbuli nkamu yabantu basinguzu, ibaimvwi mumindando kabalibambilide kulwana nkondo.+ 6 Bantu bayoopenga kapati akaambo kambabo. Boonse bayoolibonya kulibilika kumeso. 7 Balabalika mbuli basinguzu,Batanta bwaanda mbuli basikalumamba,Umwi aumwi ulazumanana kweenda munzila yakwe,Tabaleyi kuzwa munzila zyabo pe. 8 Tabatonkani pe akati kabo;Umwi aumwi uluujisi kuya kumbele munzila yakwe. Ikuti bamwi bawisyigwa azilwanyo,*Aaba bamwi tabamwaiki pe kuzwa mumindando yabo. 9 Balawuumuka kunjila mumunzi, balabalika abwaanda. Balatanta aamaanda, balainda mumawindo mbuli mubbi. 10 Nyika yazungaana kumbele lyabo, aalo majulu ayuuntana. Zuba amwezi zyasiya,+Azyalo nyenyeezi zyaleka kumweka. 11 Jehova uyakoompolola ajwi lipati kumbele lyampi yakwe,+ nkaambo nkamu yakwe nimpati kapati.+ Nkaambo ooyo uuzuzikizya jwi lyakwe ngusinguzu;Nkaambo buzuba bwa Jehova mbupati alimwi bulayoosya kapati.+ Ino nguni uukonzya kuliyumya kulimbubo?”+ 12 “Pele noliba lino,” mbwaamba Jehova, “amujokele kulindime amyoyo yanu yoonse,+Cakuliimya kulya,+ cakulila alimwi acakoomoka. 13 Amuzapaule myoyo yanu,+ ikutali zisani zyanu pe,+Mujokele kuli Jehova Leza wanuNkaambo ngusilweetelelo* alimwi ngusiluse, tafwambaani kukalala+ alimwi ulizwide luyando lutamani,+Eelyo ulacinca mizeezo* akutaleta mapenzi. 14 Ino nguni uuzyi ambweni ulajokoloka akucinca mizeezo*+Akumusiila cileleko,Cituuzyo camaila alimwi acituuzyo cinyugwa izyakutuulila Jehova Leza wanu? 15 Amulizye mweembo mu Ziyoni! Amwaambilizye* ciindi cakuliimya kulya; amwiite bantu kumuswaangano uusetekene.+ 16 Amubunganye bantu; amusalazye mbungano.+ Amubabunganye bapati;* amubunganye bana alimwi abavwanda.+ Sibwiinga azwe muŋanda yakwe yamukati, awalo nabwiinga azwe muŋanda mwaalede. 17 Akati kakkoce acipaililo+Bapaizi, ibabelesi ba Jehova abalile akwaamba kuti: ‘O Jehova, kobeetelela bantu bako;Lukono lwako utalupi kuba cintu cisampaulwa,Kuti masi abeendelezye. Nkaambo nzi bantu bamasi ncobeelede kwaamba kuti, “Ino uli kuli Leza wabo?”’+ 18 Mpoonya Jehova uyoosungwaalila cisi cakweAkubafwida lubomba bantu bakwe.+ 19 Jehova uyoobavwiila bantu bakwe kuti: ‘Amubone, ndilamutumina maila, waini mupya alimwi amafwuta,Eelyo ncobeni muyookkuta;+Tandikamupi limbi kuba cintu cisampaulwa akati kamasi.+ 20 Muntu wakunyika ndiyoomutandila kulamfwu andinywe;Ndiyoomumwaila kunyika njumu iilunda kasuko alimwi iinyonyookede,Basikalumamba bakwe bakumbele bayoogama kulwizi lwakujwe*Mpoonya basikalumamba bakwe bamusyule bayoogama kulwizi lwakumbo.* Lino kununka kwakwe kuyoogwitila,Alimwi keema kakwe kabyaabi kanakuujisi kugwitila;+Nkaambo Leza uyoocita zintu zipati.’ 21 Utayoowi, onyika. Kokondwa akusekelela, nkaambo Jehova uyoocita zintu zipati. 22 Mutayoowi pe, nywebo nobanyama bamusyokwe,Nkaambo macelelo aamunkanda ayoofwefwema,+Azyalo zisamu ziyoozyala micelo;+Mukuyu alimwi amusaansa ziyoozyala kapati.+ 23 Nywebo nobana bamu Ziyoni, amukondwe akusekelela muli Jehova Leza wanu;+Nkaambo uyoomupa mvwula yakusaanguna yeelede,Alimwi uyoomuwisyila mvwula yamucobocobo,Imvwula yakusaanguna amvwula yakumamanino, mbubonya mbuli kaindi.+ 24 Mabuwa aakuumina maila ayoozula maila aapupuludwe,Azyalo zikandilo zyamisaansa ziyoozula waini mupya alimwi amafwuta.+ 25 Ndiyoomujolela zintu nzimwakasweekelwa mumyaka iilyaNocakalya cikwikwi, cisozi citakwe mababa, cisozi cilya kapati, alimwi acikwikwi cinyonyoona,Impi yangu mpati njindakatuma akati kanu.+ 26 Ncobeni muyoolya mane mukakkute,+Eelyo muyootembaula zina lya Jehova Leza wanu,+Ooyo wamucitila zintu zigambya;Bantu bangu tabakausyigwi limbi nsoni pe.+ 27 Eelyo nywebo muyoozyiba kuti ndili akati ka Israyeli+Akuti ndime Jehova Leza wanu,+ kunyina uumbi pe! Bantu bangu tabakausyigwi limbi nsoni pe. 28 Kuzwa waawo ndiyootila muuya wangu+ amuntu uuli woonse,Eelyo bana banu basankwa abasimbi bayoosinsima,Bamadaala banu bayoolota ziloto,Abalo balombwana banu bayoobona zilengaano.+ 29 Alimwi naaba abazike bangu basankwa abasimbiNdiyootila muuya wangu mumazuba aayo. 30 Alimwi ndiyoocita zintu zigambya* kujulu alimwi aanyika,Bulowa, mulilo alimwi amisumpuululu yabusi.+ 31 Izuba liyoosandulwa kuba mudima, awalo mwezi uyooba bulowa+Kabutanasika buzuba bwa Jehova bupati alimwi ibuyoosya.+ 32 Lino muntu woonse wiita zina lya Jehova uyoofwutulwa;+Nkaambo mu Cilundu ca Ziyoni alimwi amu Jerusalemu kunooli bantu ibayoofwutuka,+ mbubonya mbwaamba Jehova,Kunooli basikufwutuka aabo Jehova mbaita.”\\n^ Naa “munyika.”\\n^ Naa “azilwanyo zyakufwusa.”\\n^ Naa “uleetezyegwa.”\\n^ Naa “akweetezyegwa.”\\n^ Mu Chihebrayo, “Amusalazye.”\\n^ Naa “baalu.”\\n^ Nkokuti, Lwizi Lutajisi Buumi.\\n^ Nkokuti, Lwizi lwa Mediterranean.\\n^ Naa “zitondezyo.”","num_words":655,"character_repetition_ratio":0.044,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kasimpe Kaleta “Panga, Ikutali Luumuno”​—Matayo 10:34 | Yakwiiya\\nNgazi Yamulindizi—Yakwiiya | October 2017\\nAMUBALE MU Afrikaans Albanian American Sign Language Amharic Amis Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Bengali Bicol Bolivian Sign Language Boulou Brazilian Sign Language British Sign Language Bulgarian Catalan Cebuano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitumbuka Chiyao Chol Chuvash Cibemba Cinyanja Colombian Sign Language Croatian Cuban Sign Language Czech Czech Sign Language Dangme Danish Digor Douala Dutch Ecuadorian Sign Language Edo Efik English Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Greek Greek Sign Language Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kannada Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malawi Sign Language Malay Malayalam Mam Mambwe-Lungu Marathi Maya Mazatec (Huautla) Mbunda Mexican Sign Language Mingrelian Mixe (North Central) Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nigerian Pidgin Norwegian Nzema Okpe Oromo Ossetian Otetela Pangasinan Papiamento (Curaçao) Paraguayan Sign Language Persian Peruvian Sign Language Pidgin (Cameroon) Polish Polish Sign Language Ponapean Portuguese Portuguese Sign Language Punjabi Quebec Sign Language Quechua (Ancash) Quechua (Bolivia) Romanian Romanian Sign Language Russian Russian Sign Language Samoan Sango Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Venezuelan Sign Language Vietnamese Waray-Waray Wolaita Xhosa Yoruba Zande Zapotec (Isthmus) Zimbabwe Sign Language Zulu\\nKasimpe Kaleta “Panga, Ikutali Luumuno”\\n“Mutayeeyi kuti ndakaboola kuleta luumuno anyika; ndakaboola kuleta panga ikutali luumuno.”—MT. 10:34.\\nIno “panga” Jesu ndyaakaamba kuti uyakuleta ninzi?\\nIno inga mwazumanana buti kusyomeka kuli Jehova ikuti bacibbululu kababukazya bukombi bwakasimpe?\\nIno ncinzi cikonzya kumugwasya kuliyumya ikuti munamukwasyi wacileka kumubelekela Jehova?\\n1, 2. (a) Ino nduumuno luli buti ndotukonzya kujana lino? (b) Ino ncinzi citulesya kujana luumuno lwini-lwini mazuba aano? (Amubone cifwanikiso icili kumatalikilo aacibalo.)\\nTOONSE tulayanda kupona buumi bwaluumuno, ibutajisi zyakulibilika. Eelo kaka tulamulumba Jehova kuti ulatupa “luumuno lwa Leza,” kuliiba mumoyo kwalo ikukonzya kutukwabilila kumizeezo iinyonganya alimwi akukulimvwa bubi! (Flp. 4:6, 7) Kuyungizya waawo, akaambo kakulyaaba kuli Jehova, tulakkomana ‘aluumuno a Leza,’ cilongwe cibotu anguwe.—Rom. 5:1.\\n2 Nokuba boobo, ciindi ncayanda Leza kutegwa alete luumuno lwini-lwini tacinasika pe. Mazuba aano aamamanino aakatazya azwide mazwanga, alimwi bantu banji bajisi muuya wakukazyanya. (2Tim. 3:1-4) Mbotuli Banakristo, tweelede kuyuma munkondo yakumuuya njotulwana Saatani anjiisyo zyakubeja zyalo nzyasumpula. (2Kor. 10:4, 5) Pele cintu cipati icilangilwa kubikka luumuno lwesu muntenda cilakonzya kuzwa kuli bacibbululu ibatali Bakamboni. Bamwi balakonzya kutufwubaazya akaambo kanzyotusyoma, balakonzya kututamikizya kwaandaanya mukwasyi, naa kutukonga kuti balaleka kujatana andiswe ikuti naa twazumanana alusyomo lwesu. Mbuti mbotweelede kukubona kukazyigwa abanamukwasyi? Mbuti mbotukonzya kuzwidilila notulwana buyumuyumu ibuboola akaambo kakukazyigwa?\\nMBOTWEELEDE KUKUBONA KUKAZYIGWA ABANAMUKWASYI\\n3, 4. (a) Ino njiisyo zya Jesu inga zyabajatikizya buti bantu? (b) Ino ndilili nocikonzya kuyuma kapati kutobela Jesu?\\n3 Jesu wakalizyi kuti njiisyo zyakwe zyakali kuyoobaandaanya bantu alimwi akuti ibamutobela bakeelede kuba basicamba nobakazyigwa. Kukazyigwa ooku kwali kukonzya kulujatikizya luumuno akati kabanamukwasyi. Jesu wakaamba kuti: “Mutayeeyi kuti ndakaboola kuleta luumuno anyika; ndakaboola kuleta panga ikutali luumuno. Nkaambo ndakaboola kuleta lwaandaano akati kamwana musankwa abausyi, mwana musimbi abanyina, amukamwana abanyinazyala. Masimpe, basinkondo bamuntu bayooba bantu bamuŋanda yakwe mwini.”—Mt. 10:34-36.\\n4 Naakali kwaamba kuti “Mutayeeyi kuti ndakaboola kuleta luumuno,” Jesu wakali kupandulula kuti ibakali kumuswiilila bamwi bakaleelede kuyeeya kujatikizya zintu zibyaabi zyakali kulangilwa akaambo kakumutobela. Mulumbe wakwe wakali kuyoobaandaanya bantu. Mubwini, makanze a Jesu akali aakwaambilizya mulumbe wa Leza wakasimpe, kutali kunyonganya zilongwe. (Joh. 18:37) Nokuba boobo, kukakatila cakusyomeka kunjiisyo zya Kristo cakali kukonzya kuba cintu ciyumu ikuti balongwe naa banamukwasyi bakakaka kasimpe.\\n5. Ino nzintu nzi nzyobacitikilwa basikutobela Jesu?\\n5 Jesu wakabubikkilizya abuyumuyumu bwakukazyigwa abanamukwasyi kuti ncibeela camapenzi ngobeelede kuliyumya basikumutobela. (Mt. 10:38) Kutegwa batondezye kuti baleelela kuzulilwa kuli Kristo, basikwiiya bakwe bakeelede kuliyumya kukufwubaazyigwa nokuba kukakwa kuli banamukwasyi. Nokuba boobo, bakajana zintu zinji kapati kwiinda nzyobakasweekelwa.—Amubale Marko 10:29, 30.\\n6. Ino ncinzi ncotweelede kuyeeya ikuti bacibbululu bakukazya kusolekesya kwesu kwakukomba Jehova?\\n6 Noliba leelyo bacibbululu nobakazya kusolekesya kwesu kwakuti tumukombe Jehova, swebo tulazumanana kubayanda, pele tweelede kuyeeya kuti luyando lwesu kuli Leza a Kristo ndolweelede kuba mubusena bwakusaanguna. (Mt. 10:37) Alimwi tweelede kuzyiba kuti Saatani uyoosoleka kubelesya luyando ndotujisi kubanamukwasyi kunyonganya kusyomeka kwesu. Atulange-lange ibukkale bumwi bujatikizya kukazyigwa mumukwasyi alimwi tubone mbotukonzya kuzwidilila kulwana buyumuyumu bujanika.\\nKUTI NGOMUKWETENE LIMWI KATALI KAMBONI\\n7. Mbuti aabo ibakwetene amuntu uutali Kamboni mbobeelede kububona bukkale bwabo?\\n7 Bbaibbele licenjezya kuti aabo ibakwata naa kukwatwa “banoojisi mapenzi mumibili yabo.” (1Kor. 7:28) Ikuti naa mukwetene amuntu uutali Kamboni, mulakonzya kuba azintu zinji kapati izikonzya kumupa kupenga mumizeezo alimwi akulibilika mucikwati canu. Nokuba boobo, cilayandika kapati kubona bukkale bwanu mbubwenya mbwabubona Jehova. Kutayanda kwayooyo ngomukwetene limwi kutobela Kristo lino takali kaambo kaya koomoonga ikeelede kumupa kwaandaana naa kulekana. (1Kor. 7:12-16) Nokuba kuti mulumi uutali Kamboni takonzyi kusololela mumakani aazintu zyakumuuya, weelede kulemekwa akaambo kamukuli ngwajisi wakuba mutwe wamukwasyi. Mbubwenya buyo, mulumi Munakristo weelede kumuyanda camoyo woonse mukaintu wakwe uutali Kamboni akumutondezya luzyalo.—Ef. 5:22, 23, 28, 29.\\n8. Ino mibuzyo nzi njomweelede kulibuzya ikuti ngomukwetene limwi wamubikkila milawo kujatikizya bukombi bwanu?\\n8 Ino mbuti kuti ngomukwetene limwi wamubikkila milawo kujatikizya bukombi bwanu? Mucikozyanyo, mucizyi umwi wakaambilwa amulumaakwe kuti katola buyo lubazu mumulimo wamumuunda mumazuba aagaminide mumvwiki. Ikuti mwalijana mubukkale buli boobu, amulibuzye kuti: ‘Sena mulumaangu uyanda kuti ndicileke kukomba Leza wangu? Ikuti naa pe, sena inga ndakutobela kulomba kwakwe?’ Kunyoneka kulakonzya kumugwasya kutantamuka mazwanga aamwi aamucikwati.—Flp. 4:5.\\n9. Ino mbuti Banakristo mbobakonzya kuyiisya bana babo kulemeka muzyali uutali Kamboni?\\n9 Kuyiisya bana kulakonzya kuba cintu ciyumu kapati ikuti ngomukwetene limwi katali Kamboni. Mucikozyanyo, mweelede kubayiisya bana banu kuti beelede kuumvwida mulawo wamu Bbaibbele wakuti: “Lemeka bauso abanyoko.” (Ef. 6:1-3) Pele ino mbuti kuti ngomukwetene limwi katatobeli zyeelelo zyamu Bbaibbele zyakulilemeka zisumpukide? Amube cikozyanyo cibotu kwiinda mukumulemeka ngomukwetene limwi. Amubikkile buyo maano kubube bubotu mbwajisi, akumulumba ngomukwetene limwi. Mutanikwaambi zintu zibyaabi kujatikizya ngomukwetene limwi munsi aabana banu. Muciindi caboobo, amubapandulwide kuti muntu uuli woonse weelede kulisalila kubelekela Jehova. Kulilemeka kabotu kwabana kulakonzya kupa kuti muzyali uutali Kamboni aboole kubukombi bwakasimpe.\\nAmubayiisye bana banu kasimpe kamu Bbaibbele kufwumbwa nocikonzyeka (Amubone muncali 10)\\n10. Mbuti bazyali Banakristo mbobakonzya kuyiisya bana babo kasimpe kamu Bbaibbele mumukwasyi mobaindene bukombi?\\n10 Ziindi zimwi, muntu uutali Kamboni ngomukwetene limwi ulakonzya kwaamba kuti bana kabatola lubazu mumapobwe aabukombi bwakubeja naa kuyiisyigwa njiisyo zyabukombi bwakubeja. Bamalumi bamwi balakonzya kukasya mukaintu Munakristo kuti kayiisya bana Bbaibbele. Nokuba boobo, mukaintu Munakristo ulacita kufwumbwa ncakonzya kutegwa ayiisye bana kasimpe kamu Bbaibbele. (Mil. 16:1; 2Tim. 3:14, 15) Mucikozyanyo, mulumi uukwete mukaintu Kamboni ulakonzya kumukasya kusololela ciiyo ca Bbaibbele kubana bacili baniini naa kuunka ambabo kumiswaangano ya Bunakristo. Nokuba kuti ulalemeka zintu nzyaamba mulumi, ulakonzya alimwi kupandulula lusyomo lwakwe kubana bakwe ikuti coolwe cajanika, nkokuti kubayiisya kulilemeka kabotu alimwi akubapa luzyibo kujatikizya Jehova. (Mil. 4:19, 20) Nokuba boobo, mukuya kwaciindi bana bakwe beelede kulisalila mumakani aabukombi.—Dt. 30:19, 20. *\\nBACIBBULULU IBAKAZYA BUKOMBI BWAKASIMPE\\n11. Ino ncinzi cikonzya kuleta buyumuyumu kuli bacibbululu ibatali Bakamboni?\\n11 Kumatalikilo, kulakonzya kuti ambweni tiitwakabaambila bacibbululu kuti tulayanzana a Bakamboni ba Jehova. Aboobo, lusyomo lwesu mboluyaabukomena, twabona kuti cilayandika kwaamba nzyotusyoma caantangalala. (Mk. 8:38) Ikuti naa busicamba bwanu bwapa kuti kube buyumuyumu akati kanu abacibbululu ibatali Bakamboni, amulange-lange ntaamu nzyomweelede kubweza kutegwa mucesye mazwanga alimwi akuzumanana kusyomeka.\\n12. Ino nkaambo nzi bacibbululu ibatali Bakamboni ncobakonzya kutukazya, pele mbuti mbotukonzya kutondezya lweetelelo kulimbabo?\\n12 Amube alweetelelo kuli bacibbululu ibatali Bakamboni. Nokuba kuti tulakonzya kukkomana kapati kujatikizya kasimpe kamu Bbaibbele nkotwakaiya, bacibbululu balakonzya kubona mbuli kuti twakeenwa naa twakanjila kabunga kabuzangi. Balakonzya kubona mbuli kuti tatucibayandi akaambo kakuti tatusekeleli mazuba aakulyookezya ambabo. Mane buya balakonzya kulibilika kujatikizya buumi bwesu bwakumbele. Tweelede kutondezya lweetelelo kulimbabo kwiinda mukubona zintu mbobazibona alimwi akwiinda mukuswiililisya kutegwa tumvwisye zintu nzyobalibilika. (Tus. 20:5) Mwaapostolo Paulo wakali kuyandisisya kubamvwisya “bantu bamisyobo yoonse” kutegwa abaambile makani mabotu, aboobo kucita mbwaakacita kulakonzya kutugwasya andiswe.—1Kor. 9:19-23.\\n13. Mbuti mbotweelede kubandika abacibbululu ibatali Bakamboni?\\n13 Amubandike cabubombe. Bbaibbele lyaamba kuti: “Majwi aanu kaakondelezya lyoonse.” (Kol. 4:6) Tulakonzya kumulomba Jehova kuti atupe muuya wakwe uusalala kutegwa tucikonzye kutondezya mucelo wamuuya ciindi notwaambaula abacibbululu. Tatweelede kusola kubakazya kujatikizya njiisyo zyabo zyoonse zyabukombi bwakubeja. Ikuti naa majwi aabo naa micito yabo yatucisa kumoyo, tulakonzya kwiiya cikozyanyo cabaapostolo. Paulo wakalemba kuti: “Ibantu batutukila, tulabaleleka; notupenzyegwa tulaliyumya cakukkazika moyo; ibatubejekezya tulabaingula amoyo mubombe.”—1Kor. 4:12, 13.\\n14. Mbubotu nzi buliko akaambo kakuzumanana kulilemeka kabotu?\\n14 Amuzumanane kulilemeka kabotu. Nokuba kuti kubandika cabubombe kulakonzya kugwasya notubandika abacibbululu ibakazya, kulilemeka kwesu kubotu kulakonzya kugwasya kapati. (Amubale 1 Petro 3:1, 2, 16.) Kwiinda mucikozyanyo canu, amupe kuti babbululu banu babone kuti Bakamboni ba Jehova bajisi zikwati zyalukkomano, balabalanganya bana babo, bapona buumi buli kabotu, balalilemeka alimwi akukkutila mubuumi. Nokuba kuti babbululu tiibakatambula kasimpe, tulakonzya kujana lukkomano iluboola akaambo kakumukkomanisya Jehova kwiinda mukusyomeka kwesu.\\n15. Mbuti mbotukonzya kulibambila kakucili ciindi kujatikizya bukkale ibukonzya kupa kuti kube mazwanga?\\n15 Amulibambile kakucili ciindi. Amuyeeye kujatikizya bukkale ibukonzya kupa kuti kube mazwanga, alimwi amweezyeezye mbomukonzya kucita. (Tus. 12:16, 23) Mucizyi umwi waku Australia wakaamba kuti: “Bausyizyala bakali kukakazya kapati kasimpe. Katutanabatumina fooni kutegwa tumvwe mbobapona, mebo abalumi bangu twakali kusaanguna kupaila kuli Jehova kuti atugwasye kuti tutabainguli cabukali kuti banyema. Twakali kulibambila zibalo zyakubandika kutegwa mubandi ube wabulongwe. Kutegwa tutabi amubandi mulamfwu uukonzya kupa kuti tutalike kukazyanya kujatikizya bukombi, twakali kulibikkila bulamfwu bwaciindi cigaminide cakubandika afooni.”\\n16. Mbuti mbomukonzya kuzunda penzi lyakulimvwa kuba amulandu kujatikizya kutakkomanisya babbululu banu?\\n16 Masimpe ngakuti, tamukonzyi kweeleba mazwanga oonse abacibbululu ibatali Bakamboni. Mazwanga aali boobo alakonzya kumupa kulimvwa kuba amulandu, ikapati akaambo kakuti mulabayanda kapati babbululu banu alimwi lyoonse mulasola kubakkomanisya. Ikuti kamulimvwa boobu, amusolekesye kusaanguna kubikkila maano kukusyomeka kwanu kuli Jehova muciindi camukwasyi wanu. Ikuzilanga munzila iili boobo zintu mubwini kulakonzya kugwasya babbululu banu kubona kuti kutobela kasimpe kamu Bbaibbele makani aabuumi alufwu. Kufwumbwa naa cili buti, amuyeeye kuti tamukonzyi kusungilizya bamwi kuzumina kasimpe. Muciindi caboobo, amubaleke kuti balibonene lwabo beni bubotu ibuliko mukutobela nzila zya Jehova. Leza wesu siluyando ubapa coolwe cakusala nzila njobayootobela mbubwenya mbwacita kulindiswe.—Is. 48:17, 18.\\nIKUTI MUNAMUKWASYI WACILEKA KUBELEKELA JEHOVA\\n17, 18. Ino ncinzi cikonzya kumugwasya kuliyumya ikuti munamukwasyi wacileka kubelekela Jehova?\\n17 Ikuti munamukwasyi wagusyigwa naa walizandula kumbungano, inga mwalimvwa mbuli kuti mwayaswa panga. Ino inga mwaliyumya buti kupenzi iliboola akaambo kaceeci?\\n18 Amuzumanane kutobela bubambe bwanu bwakucita zintu zyakumuuya. Amuliyake kumuuya kwiinda mukubala Bbaibbele lyoonse, kulibambila alimwi akujanika kumiswaangano ya Bunakristo, kutola lubazu mumulimo wakukambauka, alimwi akulomba nguzu zyakuliyumya. (Jud. 20, 21) Pele ino mbuti kuti moyo wanu kautapyi muzintu nzyomucita, akuti mulimvwa buyo boobo? Mutatyompwi pe! Bubambe bubotu bwakucita zintu zyakumuuya bulakonzya kumugwasya alimwi kutalika kweendelezya mizeezo yanu alimwi ambomulimvwa. Amulange-lange cakacitika kumulembi wa Intembauzyo 73. Wakatalikide kuzilanga munzila iitali kabotu zintu alimwi akupenga kapati, pele wakacikonzya kululamika kuyeeya kwakwe ciindi naakanjila mubusena bwa Leza bwakukombela. (Int. 73:16, 17) Kukomba Jehova cakusyomeka kulakonzya kumugwasya kucita boobo.\\n19. Mbuti mbomukonzya kutondezya bulemu kububambe bwa Jehova mbwabelesya napa lulayo?\\n19 Amulemeke lulayo lwa Jehova. Bubambe bwakwe mukuya kwaciindi bulakonzya kuleta zilongezyo ziinda kubota kuli boonse, kubikkilizya akuli sikubisya, nokuba kuti kuzwa ciindi nocacitika-citika cilacisa kapati. (Amubale Bahebrayo 12:11.) Mucikozyanyo, Jehova utwaambila kuti ‘amuleke kuyanzana’ abasizibi ibateempwi. (1Kor. 5:11-13) Tacikwe makani ambocituciside mumoyo, tweelede kutantamuka kuyanzana amunamukwasyi uugusyidwe mumbungano kwiinda muluwaile, kulembelana tugwalo, kulembelana magwalo, ma e-mail, naa a intaneti mbuli facebook.\\n20. Ino mbulangizi nzi mbotweelede kuzumanana kuba ambubo?\\n20 Amuzumanane kuba abulangizi. Luyando “lulalangila zintu zyoonse,” kubikkilizya abaabo ibakacileka kubelekela Jehova kuti bayoopiluka kulinguwe. (1Kor. 13:7) Ikuti mwabona bumboni bwakuti munamukwasyi watalika kucinca mumoyo, mulakonzya kupaila kulomba kuti ajane nguzu kuzwa mu Magwalo alimwi akuzumina kutamba kwa Jehova kwakuti: “Kopiluka kulindime.”—Is. 44:22.\\n21. Ncinzi ncomukonzya kucita ikuti kwaba kwaandaana mumukwasyi akaambo kakuti mutobela Jesu?\\n21 Jesu wakaamba kuti naa twasyoma muntu muciindi canguwe, ulakonzya kutukaka. Aboobo, wakalijisi lusyomo lwakuti basikwiiya bakwe balakonzya kuba abusicamba kutegwa bazumanane kusyomeka kulinguwe tacikwe makani akukazyigwa abanamukwasyi. Ikuti naa kutobela Jesu kwaleta “panga” mumukwasyi wanu, amusyome Jehova kuti amugwasye kulwana buyumuyumu. (Is. 41:10, 13) Amujane lukkomano mukuzyiba kuti Jehova a Jesu balikkomene andinywe alimwi akuti bayoomulongezya akaambo kakusyomeka kwanu.\\n^ munc. 10 Kutegwa muzyibe zinji kujatikizya kuyiisya bana mumukwasyi mobaindene bukombi, amubone cibalo cakuti “Mibuzyo Yabasikubala” mu Ngazi Yamulindizi yamu Chingisi yamu August 15, 2002.\\nMAKANI AABUUMI Zilongezyo Zilaboola Kwiinda Mukucita Nzyatwaambila Jehova Kuti Tucite\\n“Luyando . . . Alube Lwamumilimo Amukasimpe”\\nJosefa Waku Aremateya Wakatondezya Busicamba\\nMbozimujatikizya Zilengaano Nzyaakabona Zekariya\\nNkalaki Amusini Zilamukwabilila\\nKucita Cintu Comwe Citondezya Luyando lwa Bunakristo\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA October 2017\\nNGAZI YAMULINDIZI—YAKWIIYA October 2017","num_words":2050,"character_repetition_ratio":0.07,"word_repetition_ratio":0.0,"special_characters_ratio":0.165,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kuba Acilongwe a Leza\\nAMUBALE MU Abbey Abui Acholi Afrikaans Aja Altai Alur American Sign Language Amharic Angolan Sign Language Arabic Argentinean Sign Language Armenian Armenian (West) Ateso Attié Aymara Azerbaijani Azerbaijani (Cyrillic) Bashkir Bassa (Cameroon) Bassa (Liberia) Batak (Karo) Batak (Simalungun) Batak (Toba) Belize Kriol Biak Bicol Bislama Bolivian Sign Language Boulou Bété Cambodian Cebuano Changana (Zimbabwe) Chavacano Chichewa Chin (Hakha) Chin (Tiddim) Chinese Cantonese (Simplified) Chinese Cantonese (Traditional) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuvash Cibemba Cinamwanga Cinyanja Colombian Sign Language Cuban Sign Language Damara Dangme Danish Dayak Ngaju Douala Drehu Dusun Dutch Efik English Estonian Ewe Fante Fijian Finnish Finnish Sign Language Fon French Futuna (East) Ga German Gitonga Gokana Greek Guadeloupean Creole Guarani Guarani (Bolivia) Guerze Guianese Creole Gun Guéré Haitian Creole Hausa Herero Hiligaynon Hindi Hungarian Hunsrik Iban Ibanag Ibinda Igbo Iloko Indian Sign Language Indonesian Indonesian Sign Language Irish Italian Italian Sign Language Javanese Jula Kabiye Kabuverdianu Kachin Kannada Karen (S'gaw) Kazakh Khana Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisonge Kongo Korean Kpelle Krio Kurdish Kurmanji Kwangali Kwanyama Kyangonde Lamba Lhukonzo Lingala Lithuanian Lomwe Luganda Lugbara Lunda Luo Luvale Macua Malagasy Malay Malayalam Malaysian Sign Language Maltese Mam Mambwe-Lungu Mapudungun Marathi Mauritian Creole Mazahua Mbunda Mende Meru Mexican Sign Language Mizo Mongolian Moore Myanmar Myanmar Sign Language Navajo Ndau Ndebele Ndebele (Zimbabwe) Ndonga Nengone Nepali Nepali Sign Language Ngabere Ngangela Nias Nigerian Pidgin Norwegian Nyaneka Nyungwe Nzema Odia Okpe Oromo Ossetian Otetela Pangasinan Pidgin (Cameroon) Polish Ponapean Portuguese Portuguese (Portugal) Portuguese Sign Language Punjabi (Shahmukhi) Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Quichua (Pastaza) Rarotongan Romanian Romany (Eastern Slovakia) Romany (Macedonia) Romany (Macedonia) Cyrillic Romany (Northern Greece) Romany (Serbia) Romany (Southern Greece) Runyankore Russian Rutoro Samoan Sangir Sango Sena Sepedi Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Solomon Islands Pidgin Spanish Spanish Sign Language Sranantongo Sunda Swahili Swahili (Congo) Swati Swedish Tagalog Tahitian Tajiki Talian Tamil Tandroy Tankarana Tatar Tetun Dili Thai Thai Sign Language Tigrinya Tiv Tok Pisin Tongan Tshiluba Tshwa Tsonga Turkish Tuvaluan Twi Ukrainian Umbundu Urdu Urhobo Uruund Uzbek Vezo Vietnamese Wallisian Welsh Wichi Wolaita Yacouba Zande Zulu\\nAmuzumanane Kuba Acilongwe Ciyumu a Jehova\\n1, 2. Nkuli nkotukonzya kujana lukwabililo mazuba aano?\\nAMWEEZYEEZYE kuti muyaabweenda munzila noiyanda kuwa mvwula mpati yaguwo. Kujulu kwasiya mbi makumbi, mvwula yatalika kulaba akuzuma. Mpoonya yatalika kwaapoomona. Mwasola kuyandaula busena bwakuyusila. Eelo kaka mwakkomana nomwajana busena bwakuyusila ibuli kabotu alimwi buyumu!\\n2 Andiswe tuli mubukkale buli boobu mazuba aano. Zintu zicitika munyika ziyaabwiindila kubija. Ambweni mulibuzya kuti, ‘Nkuli nkondikonzya kujana lukwabililo?’ Sintembauzyo wamu Bbaibbele wakalemba kuti: “Ndilaambila Jehova kuti: ‘Yebo uli mayubilo amampangala aangu, Leza wangu ooyo ngondisyoma.’” (Intembauzyo 91:2) Masimpe, Jehova ulakonzya kutuvwuna kumapenzi eesu lino, alimwi utupa bulangizi butaliboteli kujatikizya ziboola kumbele.\\n3. Mbuti mbotukonzya kupa kuti Jehova abe mayubilo eesu?\\n3 Mbuti Jehova mbwakonzya kutukwabilila? Ulakonzya kutugwasya kuliyumya mumapenzi aali woonse aakonzya kutusikila, alimwi ulaanguzu zinji kapati kwiinda muntu uuli woonse uunga wayanda kutucita cibi. Nokuba kuti lino twacitikilwa cintu cimwi cibi, tulijisi lusyomo lwakuti Jehova uyakuzibambulula zintu kumbele. Bbaibbele litukulwaizya kuti: ‘Amuzumanane kukkala muluyando lwa Leza.’ (Juda 21) Tweelede kuzumanana kuba acilongwe ciyumu a Jehova kutegwa atugwasye muziindi zyamapenzi. Ino mbuti mbotukonzya kucita oobo?\\nAMULUTAMBULE LUYANDO LWA LEZA\\n4, 5. Ino mbuti Jehova mbwaatondezya kuti ulatuyanda?\\n4 Kutegwa tuzumanane kuba acilongwe ciyumu a Jehova, tweelede kubona mbwatuyanda kapati walo. Amuyeeye buyo zintu zyoonse nzyaatucitila Jehova. Watupa nyika eeyi mbotu kapati akwiizuzya zintu zibotu kapati mbuli masamu, bwizu, zisyango alimwi abanyama. Alimwi watupa zyakulya zinona alimwi ameenda mabotu aakunywa. Kwiinda mu Bbaibbele, Jehova watuyiisya zina lyakwe alimwi abube bwakwe butaliboteli. Icipati kwiinda zyoonse, wakatondezya mbwatuyanda kwiinda mukutuma Mwanaakwe ngwayandisya, Jesu, kuti aboole aano aanyika kuzyikwaaba buumi bwakwe akaambo kandiswe. (Johane 3:16) Alimwi akaambo kacipaizyo eeci, tulijisi bulangizi butaliboteli bwabuumi butamani.\\n5 Jehova wakabikka Bwami bwa Mesiya, nkokuti mfwulumende yakujulu eeyo lino-lino iiyakumana mapenzi oonse. Bwami oobo buyoosandula nyika eeyi kuba paradaiso, oomo bantu boonse mobanookkala muluumuno alukkomano lyoonse mane kukabe kutamani. (Intembauzyo 37:29) Nzila aimbi Jehova mbwaatondezya kuti ulatuyanda nkwiinda mukutuyiisya kupona buumi bubotu kapati lino. Kunze lyaboobo, watutamba kuti katupaila kulinguwe alimwi lyoonse ulaiswiilila mipailo yesu. Masimpe Jehova watondezya luyando lwakwe kuli umwi aumwi wesu.\\n6. Ino ncinzi ncomweelede kucita akaambo kaluyando ndwaamutondezya Jehova?\\n6 Ino ncinzi ncomweelede kucita akaambo kaluyando ndwaamutondezya Jehova? Amumutondezye kuti mulamulumba akaambo kazintu zyoonse nzyaamucitila. Cilausisya kuti bantu banji mazuba aano tabalumbi pe. Oobo mbocakabede aaciindi Jesu naakali anyika. Ciindi cimwi Jesu wakaponya basicinsenda ibali kkumi, pele omwe buyo nguwakamulumba. (Luka 17:12-17) Tuyanda kuba mbuli muntu ooyo iwakalumba Jesu. Tuyanda kuti katumulumba Jehova ciindi coonse.\\n7. Ino Jehova tweelede kumuyanda kusika aali?\\n7 Kuyungizya waawo, tweelede kutondezya kuti tulamuyanda Jehova. Jesu wakaambila basikwiiya bakwe kuti beelede kuyanda Jehova amoyo wabo woonse, abuumi bwabo boonse, alimwi amizeezo yabo yoonse. (Amubale Matayo 22:37.) Ino eeci caamba nzi?\\n8, 9. Mbuti mbotukonzya kumutondezya Jehova kuti tulamuyanda?\\n8 Sena tweelede kwaamba buyo amulomo kuti tulamuyanda Jehova? Peepe. Ikuti katumuyanda Jehova amoyo wesu woonse, abuumi bwesu boonse alimwi amizeezo yesu yoonse, tuyootondezya mbotumuyanda kwiinda muzintu nzyotucita. (Matayo 7:16-20) Cakusalazya Bbaibbele liyiisya kuti, ikuti katumuyanda Leza, nkokuti tunootobela milawo yakwe. Sena nciyumu kucita boobo? Peepe, nkaambo ‘milawo ya Jehova tiiminyi’ pe.—Amubale 1 Johane 5:3.\\n9 Notumumvwida Jehova, tulakkomana akukkutila mubuumi. (Isaya 48:17, 18) Pele ino ncinzi cikonzya kutugwasya kuzumanana kuba acilongwe ciyumu a Jehova? Atubone bwiinguzi mumincali iitobela.\\nAMUZUMANANE KUSWENA KULI JEHOVA\\n10. Nkaambo nzi ncomweelede kuzumanana kwiiya zinji kujatikizya Jehova?\\n10 Ino mbuti mbomwakaba mulongwe wa Jehova? Kwiinda mukwiiya Bbaibbele, mwamuzyiba kapati Jehova alimwi mwaba acilongwe anguwe. Cilongwe eeci cili mbuli mulilo ngomuyanda kuti uzumanane kuyaka. Mbubonya mulilo mbouyandika kusosela nkuni kutegwa uzumanane kuyaka, andinywe mweelede kuzumanana kwiiya zinji kujatikizya Jehova kutegwa cilongwe canu anguwe cizumanane kuyuma.—Tusimpi 2:1-5.\\nMbubonya mulilo mbouyandika kusosela nkuni kuti utazimi, luyando ndomujisi kuli Jehova lweelede kuyumizyigwa lyoonse kuti luzumanane\\n11. Ino nzyomwiiya mu Bbaibbele ziyoomupa kulimvwa buti?\\n11 Nomuzumanana kwiiya Bbaibbele, munakwiiya twaambo tunji ituyoomunjila mumoyo. Amubone basikwiiya bamwi ba Jesu bobilo mbobakalimvwa ciindi Jesu naakabapanduluda businsimi bwamu Bbaibbele. Bakaamba kuti: “Sena myoyo yesu tiiyali kupya muzyamba zyesu ciindi naali kwaambaula andiswe munzila, anaali kutupandulwida Magwalo?”—Luka 24:32.\\n12, 13. (a) Ino ncinzi cikonzya kucitika kuluyando ndotujisi kuli Leza? (b) Ino mbuti mbotukonzya kuzumanana kumuyanda Jehova?\\n12 Mbubonya mboyakapya myoyo yabasikwiiya ciindi nobakaamvwisya Magwalo, andinywe mweelede kuti mwakapya moyo ciindi nomwakatalika kulimvwisya Bbaibbele. Eeci cakamugwasya kuti mumuzyibe Jehova akumuyanda. Masimpe tamuyandi kuti luyando oolu lumane.—Matayo 24:12.\\n13 Mbokunga mwaba mulongwe wa Leza, mweelede kubeleka canguzu kuti muzumanane kuba acilongwe ciyumu anguwe. Mweelede kuzumanana kwiiya zinji kujatikizya nguwe alimwi a Jesu akukkala ansi kuyeeya nzyomwiiya alimwi ambomukonzya kuzibelesya mubuumi bwanu. (Johane 17:3) Nomubala naa kwiiya Bbaibbele, amulibuzye kuti: ‘Ino makani aaya andiyiisya nzi kujatikizya Jehova Leza? Nkaambo nzi ncondeelede kumuyanda amoyo wangu woonse alimwi abuumi bwangu boonse?’—1 Timoteyo 4:15.\\n14. Ino mbuti mupailo mboutugwasya kuti tuzumanane kumuyanda kapati Jehova?\\n14 Ciindi nomujisi mulongwe ngomumvwana limwi kapati, mulabandika anguwe lyoonse, alimwi eeci cipa kuti cilongwe canu cizumanane kuyuma. Mbubonya buyo, ciindi notwaambaula a Jehova lyoonse mumupailo, cipa kuti tuzumanane kumuyanda kapati. (Amubale 1 Batesalonika 5:17.) Mupailo ncipego citaliboteli kuzwa kuli Taateesu wakujulu. Lyoonse tweelede kwaambaula anguwe kuzwa ansi aamoyo. (Intembauzyo 62:8) Tatweelede kupaila mipailo yakupeta naa yakuswatila buya, pele tweelede kwaamba cini cili mumoyo wesu. Inzya, ikuti twazumanana kwiiya Bbaibbele akupaila kuzwa ansi aamoyo, tulazumanana kumuyanda kapati Jehova.\\nKWAAMBILA BAMWI KUJATIKIZYA JEHOVA\\n15, 16. Ino muubona buti mulimo wakukambauka?\\n15 Acimbi ncotweelede kucita ikuti katuyanda kuzumanana kuba acilongwe ciyumu a Jehova, nkwaambila bamwi nzyotusyoma. Kwaambila bamwi kujatikizya Jehova ncoolwe cipati. (Luka 1:74) Alimwi ooyu mukuli Jesu ngwaakapa Banakristo bakasimpe boonse. Umwi aumwi wesu weelede kukambauka makani mabotu aa Bwami bwa Leza. Sena mwakatalika kale kucita oobo?—Matayo 24:14; 28:19, 20.\\n16 Mwaapostolo Paulo wakali kuubona kuti ulayandika kapati mulimo wakukambauka; wakawaamba kuti ‘ndubono.’ (2 Bakorinto 4:7) Ikwaambila bamwi kujatikizya Jehova alimwi amakanze aakwe, ngomulimo uuyandika kapati kwiinda milimo iili yoonse njomukonzya kucita. Nenzila imwi njomukonzya kumubelekela Jehova, alimwi walo ulalumba kapati akaambo kazintu nzyomumucitila. (Bahebrayo 6:10) Kunze lyaboobo, kukambauka kulakonzya kumugwasya nywebo lwanu alimwi abaabo bamuswiilila nkaambo kupa kuti nywebo alimwi abamwi mukonzye kuswena kuli Jehova akuba aabulangizi bwabuumi butamani. (Amubale 1 Bakorinto 15:58.) Sena kuli mulimo umbi uukonzya kumukkomanisya kapati kwiinda mulimo ooyu?\\n17. Nkaambo nzi mulimo wakukambauka ncoubindide kapati?\\n17 Mulimo wakukambauka ulibindide kapati. Tweelede ‘kukambauka jwi akufwambaana kucita oobo cabusungu.’ (2 Timoteyo 4:2) Bantu beelede kumvwa makani aajatikizya Bwami bwa Leza. Bbaibbele lyaamba kuti: “Buzuba bupati bwa Jehova buli afwaafwi! Buli afwaafwi alimwi bulaboola cakufwambaana kapati!” Mamanino ‘taakoomuka pe!’ (Zefaniya 1:14; Habakuku 2:3) Inzya, lino-lino, Jehova ulainyonyoona nyika eeyi mbyaabi ya Saatani. Kacitanacitika eeci, bantu beelede kucenjezyegwa kutegwa bakonzye kusala kubelekela Jehova.\\n18. Nkaambo nzi ncotweelede kukomba Jehova antoomwe a Banakristoma bakasimpe?\\n18 Jehova uyanda kuti katumukomba antoomwe a Banakristoma bakasimpe. Bbaibbele lyaamba kuti: “Katubikkilana maano ikutegwa tukulwaizyanye kutondezya luyando akucita milimo mibotu, tutanooleki kuswaangana antoomwe, mbuli bamwi ibajisi ciyanza eeci, pele katukulwaizyanya umwi amweenzinyina, alimwi atuzumanane kucita boobo ikapati mbomubwene kuti buzuba bwaswena afwaafwi.” (Bahebrayo 10:24, 25) Tweelede kusoleka kusikila mpotugolela kujanika kumiswaangano yoonse. Miswaangano itupa coolwe cakukulwaizyanya alimwi akuyumizyanya.\\n19. Ncinzi cikonzya kutugwasya kubayanda Banakristoma ibakwesu abacizyi?\\n19 Ciindi nomujanika kumiswaangano, muyoojana balongwe babotu ibayoomugwasya kukomba Jehova. Muyoojana bakwesu abacizyi baindene-indene, ibasoleka canguzu kumukomba Jehova mbubonya mbuli ndinywe. Alimwi mbubonya mbuli ndinywe, abalo tabalondokede, aboobo balalubizya. Nobamulubizyila, amube bantu ibalibambilide kubalekelela. (Amubale Bakolose 3:13.) Lyoonse amubikkile maano kubube bubotu mbobajisi Banakristonyoko ibakwesu abacizyi, nkaambo ikucita boobo kuyoomugwasya kubayanda alimwi akuzumanana kuyumya cilongwe canu a Jehova.\\n20, 21. Ino “buumi bwini-bwini” ninzi?\\n20 Jehova uyanda kuti balongwe bakwe boonse babe abuumi bubotu kapati ibutanabwenwe mubuumi bwabo boonse. Bbaibbele lituyiisya kuti buumi mbotuyakupona kumbele bunakwiindene kapati abuumi mbotupona mazuba aano.\\nJehova uyanda kuti mukapone “buumi bwini-bwini.” Sena nywebo mulayanda?\\n21 Kumbele, tuyakupona mane kukabe kutamani, ikutali kupona buyo myaka iili 70 naa 80 pe. Tuyakuba ‘abuumi butamani’ katulondokede, muluumuno alimwi alukkomano muparadaiso iitaliboteli. Oobo mbobuumi Bbaibbele mbolyaamba kuti “buumi bwini-bwini.” Jehova utusyomezya kutupa buumi oobu bwini-bwini, pele tweelede kucita kufwumbwa ncotukonzya kucita lino kutegwa ‘tubujatisye.’—1 Timoteyo 6:12, 19.\\n22. (a) Mbuti mbotukonzya ‘kubujatisya buumi bwini-bwini’? (b) Nkaambo nzi ncotutakonzyi kububelekela buumi butamani?\\n22 Mbuti mbotukonzya ‘kubujatisya buumi bwini-bwini’? Tweelede ‘kucita zibotu’ alimwi ‘akubeleka milimo mibotu minji.’ (1 Timoteyo 6:18) Eeci caamba kuti tweelede kuzicita nzyotwiiya mu Bbaibbele. Mubwini kujana buumi bwini-bwini takuyeeme amilimo yesu pe. Tatukonzyi kujana buumi butamani akaambo kakububelekela buya pe. Buumi butamani ncipego cizwa kuli Jehova ncabapa babelesi bakwe basyomeka, calo icitondezya ‘luzyalo lwakwe.’ (Baroma 5:15) Masimpe Taateesu wakujulu uliyandide kapati kubapa cipego eeci babelesi bakwe ibasyomeka.\\n23. Nkaambo nzi ncomweelede kusala kabotu lino?\\n23 Amulibuzye kuti, ‘Sena ndikomba Leza munzila njayanda?’ Ikuti mwabona kuti muyandika kucinca, amucite oobo ndilyonya lino. Ciindi notulanga kuli Jehova alimwi akucita kufwumbwa ncotukonzya kutegwa tumumvwide, Jehova uyooba mayubilo eesu. Walo unoobakwabilila bantu bakwe ibasyomeka mumazuba aano aamamanino aanyika mbyaabi ya Saatani. Mpoonya Jehova uyoopa kuti tupone mu Paradaiso mane kukabe kutamani, mbubonya mbwaakasyomezya. Inzya, mulakonzya kuba abuumi bwini-bwini ikuti naa lino mwasala kabotu!\\nKAAMBO KAMASIMPE 1: JEHOVA ULAMUYANDA\\n“Leza wakaiyanda kapati nyika cakuti wakapa Mwanaakwe simuzyalwaalikke, kutegwa muntu uuli woonse uumusyoma atanyonyoonwi, pele abe abuumi butamani.”—Johane 3:16\\nMbuti Jehova mbwatondezya kuti ulamuyanda?\\nJehova mayubilo eesu. Ulakonzya kutulemununa mapenzi aatujisi lino.\\nWatupa bulangizi bubotu kapati kujatikizya buumi bwakumbele.\\nLeza uyakutupa buumi butamani mubukkale bubotu kapati. Tuyakuba aluumuno, lukkomano alimwi abuumi bwakutaciswa muparadaiso iitaliboteli.\\nKAAMBO KAMASIMPE 2: JEHOVA UYANDA KUTI KAMUMUYANDA\\n“Weelede kuyanda Jehova Leza wako amoyo wako woonse, abuumi bwako boonse alimwi amizeezo yako yoonse.”—Matayo 22:37\\nIno luyando lwa Leza lumukulwaizya kucita nzi?\\nAmulumbe akaambo kazintu zyoonse Leza nzyaamucitila.\\nAmutondezye kuti mulamuyanda Leza kwiinda mukucita kuyanda kwakwe buzuba abuzuba.\\nAmutobele milawo ya Leza.\\nAmubeleke canguzu kucitila bamwi zintu zibotu.\\nKAAMBO KAMASIMPE 3: AMUZUMANANE KUYUMYA CILONGWE CANU A JEHOVA\\n‘Amuzumanane kukkala muluyando lwa Leza.’—Juda 21\\nNcinzi ciyoomugwasya kuzumanana kuba acilongwe ciyumu a Jehova?\\n1 Batesalonika 5:17\\nMatayo 28:19, 20; 2 Timoteyo 4:2\\nAmucite kufwumbwa ncomukonzya kutegwa mwaambile bamwi kujatikizya Bwami bwa Leza.\\nAmuzumanane kwiiya kujatikizya Jehova.\\nBahebrayo 10:24, 25\\nKamujanika kumiswaangano lyoonse. Bakwesu abacizyi Banakristo bayoomugwasya kuba acilongwe ciyumu a Jehova.\\nAmubaa Cilongwe a Jehova\\nAmulibambile Lino Kuyoopona Munyika Mpya","num_words":1881,"character_repetition_ratio":0.057,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kukomba mu Moza wa Kasimpe Print\\nKukomba mu Moza wa Kasimpe\\nKukombela amunzi inga caba cintu ceenzu kuti kozyibide kuya kucikombelo kumamanino aamvwiki. Nokuba boobo, kufumbwa naa ukomba mukabunga kasyoonto, naa amukwasyi wako, nokuba olikke, ulakonzya kutambula cileleko ca buzuba bwa Nsabata kokombela amunzi wako.\\nCiyubunuzyo 18 ciligaminide kulailila kuzwa mu Bbabbuloni kuti: “Kamuzwa muli nguwe, nobantu bangu, mutalisanganyi muzibi zyakwe, kutegwa mutasubulwi aanguwe.” (1599 Bbaibbele lyaku Geneva) Kunyinambungano yiindidwe kumbali kukulaigwa ooku. Zyoonse zikombelo ambungano zyabupaizi zyakasofwaala nkaambo kakucita zilubide.\\nPele eeci cileta kaambo. Kuya kucikombelo kuyoopaila cakaba cintu ceelene akukomba. Aboobo, ino nkuli (alimwi muunzila iili buti!) bantu bacikombelo mbobeelede kukomba?\\nKukomba ndibbala lya kucita cintu. Ndibbala lipandululwa kuti: “Kuyandisya; kupa bulemu kuli umwi; kulemekezya abulemu bupati alimwi akukotamina.”1 Ndibbala lizyila kubbala lyaci Hebulayo lyakuti, shâchâh eelyo liiminina kukotama akukomba. “Ndibbala libelesygwa kanjaanji mukwaamba kuboola kunembo lya [Yahuwah] akumukomba.”2 Eeci cintu boonse ncobakonzya kucitila amunzi amukwasyi ookwabo, nokuba muntu kalaalikke. Mubwini, IBbaibbele likulwaizya kuti bantu beelede kukkala amunzi mubuzuba bwa Nsabata boonse!\\nMu Kulonga 16, munsaa kupegwa mulawo kumulundu wa Sinai, Yahuwah wakaambila Mozesi kuti: “Bona! Nkaambo Yahuwah wamupa Nsabata; aboobo Walo ulamupa zisela zyakulya mazuba obile mubuzuba bwa cisambomwe. Muntu woonse kasyite amunzi wakwe; kutabi naba omwe uubweza musinzo mubuzuba bwa ciloba.” (Langa Kulonga 16:29-30.) Bana ba Isilayeli tiibakaunka kuyoobungana mucivwuka cakupailila pe, nokuba mu Nsabata kuti bakaakuswiilizye Mozesi kakambauka mulumbe pe. Pele, mukwasyi omwe-omwe wakkala amunzi akukomba Yahuwah mpeenya aawo.\\nAyebo ulakonzya kucita oobo.\\nLufutuko lyoonse mulimo wamuntu omwe-omwe kumugaminina, tuuli mulimo wambungano yabantu antoomwe pe. Kukombela amunzi ncintu citambulika ncobeni kuli Yahuwah alimwi ncecintu ceendelana amoza wakupaila wamasimpe. Njeeyi mizeezo iitobela imwi yakugwasyilila mukukombela amunzi kuti kube moza.\\nBantu banjaanji nobatija kuzwa mu Bbabbuloni bali balikke. Kutobela Mwanaa mbelele kufumbwa nkwaya , ndweendo lwa kweenda mbuli simweendaalikke. Pele wasyomezyegwa kuti, ikuti walijana koloolikke, kupaila akulumbaizya kwako Yahuwah ulakuyandisya kubee kunyina muntu uumbi munyika ngwaakapeda Mwanaakwe. Kutegwa ubaa ciindi cikondelezya yebo antoomwe a Mulengi wako, langa zitobela ansi aawa:\\nTalika kulemba bbuku lya mipailo yako. Lemba mulongo wabantu nokuba zintu nzyoyanda kusanganya mumupailo. Kogaminina kutama zintu nzyolombelela, mpoonya kutalika kupailila zintu eezyo muvwiki yoonse. Mu Nsabata, koinduluka kulembulula mulongo wazintu nzyoyanda kusanganya mumipailo yako. Eeci cinookuyungizyila lusyomo lwako nobona mipailo yako yiingulwa.\\nKupaila koli olikke caambilizya kupaila kotabikkide maanu kuzintu nzyayanda muntu umwi . Yebo noli olikke ulakonzya kudibulisya kuya mukati kajwi lya Yahuwah. Kobala kabeela ka Mangwalo. Mpoonya kulobuzya omwini kuti: 1) Ino eeci ciyubununa cintu nzi ciguminizya Yahuwah? 2) Ino ciyubununa cintu nzi ciguminizya nduwe? 3) Ino eeci cintu ciyubununa nzi cijatikizya luyando lwa Yahuwah mu buumi bwangu? Nsabata nceccindi cakumvwana a Sikabumba wesu. Kutola ciindi kubala jwi Lyakwe, kuswata, kubala, kubandauka tumpango, akupozya kulabula tumpango twa Jwi lya Yahuwah inga cakwelakwela moyo wamuntu kuswena munsi Lyakwe kwiinda cintu cili coonse mbocikonzya kucita. Kulinyika cakumaninizya mu Mangwalo kwamusyobo ooyo kulakonzya kucitika eelyo muntu nakombela amunzi, kwiinda kusyaanikizyana akataa bantu banji mucikombelo.\\nKweendeenda musokwe njenzila imwi iilaa nguzu kapati yakuti muntu alimvwe kuba munsaa Mulengi anguzu Zyakwe. Nokuba kuti koli mucooko cadolopo cuumwine, zilengwa leza zili mumo zitukwelela munsaa Sikabumba.\\nKukomba aamukwasyi ookwenu\\nIkuti yebo walonga antoomwe amukwasyi ookwenu kuzwa mu Bbabbuloni, ulilelekedwe ncobeni. Utalipenzyi kuyeeyela mbokonzya kukomezya mukwasyi wako mumoza. Kukombela amunzi inga caba cintu cikatazya nokuba cintu cuubauba kapati mbuli mboyanda kuti zyeende zintu, pele kuli cileleko cilindila boonse aabo bakkala ansi antoomwe a Yahuwah.\\nYebo toyelede pe kubula tuntimbwa twakwiimbya kuti wiimbe nyimbo zyakulumbaizya Yahuwah. Eeco ciindi nokwete bubi mukulumbaizya Taata ncecikwelela myoyo yoonse kuli Nguwe. Yebo ulakonzya kuula mabbuku aako aanyimbo, nokuba nyimbo zyaka kkopwa kuti kotobelezya kwiimba, pele kufumbwa nzila mbocita kulumbaizya kwako, kwiimba ninzila iiputausya muya wamuntu mbuli mupailo.\\nKobandauka bubotu bwa lufutuko munzila ngubauba iikonzya kuteelelwa abantu baliko boonse nobaba bana basyoonto. Yebo ulazyika musemo uyookkalilila mumaumi aabo woonse. Kobala kaano kamu Bbaibbele, mpoonya kobelesya majwi aako omwini kupandulula ncokayubununa kaano aako kujatikizya luyando lwa Yahuwah akukwabilila Kwakwe.\\nMisunko yamu Bbaibbele ninzila zikkomanisya zyakuyiisya Mangwalo ku bana basyoonto. Ilakonzya kujanwa mumabbuku nokuba kwiinda mumakkompyuta muluwo.\\nMuntu omwe-omwe mumukwasyi, kuti kakonzya, inga watola cibeela mukukomba kwamusyobo ooyu akuyungizya moza amunzi. Mpoonya boonse inga babaa cileleko cipati antoomwe.\\nKukombela antoomwe abeenzinyoko\\nKuli cintu ciindene kapati mukukomba kwa bantu bamvwene mulusyomo. Nokuba boobo, kweelede kubambililwa kuti kukombela antoomwe kutaide kuba kukomba kwakucengeezya buyo akwiinzya ciindi mbuli kukomba kuzwide tunsiyansiya kwakasiigwa musyule ku Bbabbuloni.\\n“Kupaila amoyo omwe” inga caba cintu cilaa nguzu kapati ciswenya kabunga ka basyomi munsaa Yahuwah. Kwiinda kuti muntu omwe kainduluka kupaila, nokuba kupaila kutobelana mumulongo, muntu omwe inga watalisya kupozya cili kumoyo wakwe, mpoonya awumwi ulatobela mbweenya mbuli moza wa Yahuwah mbwamuzungaanya. Takweelede kukosozya kuti “Ameni” nkaambo, boonse nobapaila boobu, ooyo mupailo omwe wabantu boonse. Mipailo yakupozya “amoyo omwe,” oomo boonse mobaangulukide kupozya mizeezo iibanjide mumyoyo mbuli moza mbwabakulwaizya, ooko nkubandika musalo antoomwe a Yahuwah abasyomi mumisela yoonse. Kubaa musalo wakumvwana boobo inga caba cintu ciinda kukkomanisya mukukomba kwaamunzi. Maminiti aali makumi one awosanwe inga ayide kuyabaila eelyo bantu nobapaila antoomwe, aboobo kuti kacikonzyeka kuli bamwi, kweelede kuletwa zyuuno zyakukkala.\\nCiindi cakwaabana bumboni bwa zileleko nzyaakapa muntu Yahuwah nciindi cikondelezya cakulemekezya Yahuwah akukulwaizya lusyomo muli boonse baswiilizya. Ncobeni, Malakayi 3 waamba kuti:\\nMpoonya aabo bakali kuyoowa Mwami Leza bakalyaambauzya,\\nnkabela Mwami Yahuwah wakaswiilila akumvwa makani aabo.\\nMpawo kwakalembwa bbuku lyaciibalusyo kumbele Lyakwe\\nlijatikizya makani aabaabo bakali kuyoowa Mwami Yahuwah\\nakulemeka zina Lyakwe!\\nMboobu mbwaamba Mwami Yahuwah Singuzuzyoonse ulati,\\n“Bayooba bantu bangu mubuzuba oobo mbwendiyooyobolola lubono lwangu. Ndiyoobalekelela\\nmbubonya mbuli wisi mbweengelela mwanaakwe uumubelekela milimo.” (Bala Malakayi 3:16-17.)\\nAbalo bana basyoonto balakonzya kusangana mukwaabana makani aazileleko nzibaatambula kuzwa kuli Yahuwah mumvwiki eeyo.\\nUtapengi kuyeeyela zyakusanganya casika mumakani aakukombela amunzi. Tacili cintu ciyandika pe kuti muntu omwe buyo kabamba mulumbe wakukambauka amunzi kubantu boonse. Kubala Bbaibbele antoomwe mukabunga, kutamba zipekupeku zikulwaizya, nokuba kuswiilizya milumbe muli sikapepele waku WLC ninzila zimwi zyakukomba Yahuwah mukabunga kasangenwe misela yabantu yiindene.\\nKukomba kwamasimpe (mbokweelede kuba) kulainda kuba buyo kukkala mumindando, kamuswiilizya muntu omwe nkwakambauka. Mupailo wakusanganya muntu woonse, nyimbo, akupa bumboni nkokulemekezya Yahuwah akukwela myoyo munsi Lyakwe.\\nZileleko zipati ziilindizya boonse aabo bateelela lwiito lwakuzwa mu Bbabbuloni, nokuba kuti baba simweendaalikke.\\nMwami Yahuwah uyoomusolweda lyoonse, uyoomucitila zyoonse nzyomuyanda munyika yacimpayuma akumuyumya. Muyooba mbuli muunda uutililwa kabotu, mbuli kasensa kamaanzi aatayuminini.\\n“Kuti naa mwabubamba buzuba bwa Nsabata, akuleka kucita nzyomuyanda mubuzuba oobu, kuti naa mwabucita mbuli buzuba bupati bulemenede ku Mwami Yahuwah, cakuti kamuteendi nyendo akutacita mbuli mbomuyanda akwiide kukanana zyabuyo,\\nmuyootangala mu Mwami Yahuwah ndiyoomucita kuti mukalemekwe munyika, eelyo muyoolikkalila munyika eeyo njindakapa sikale wanu Jakobo kuti ibe lukono lwakwe, 'Mebo lwangu nde Mwami Yahuwah ndime ndaamba'. (Langa muli Izaya58:11, 13-14.)\\nKutegwa umvwe mizeezo minjaanji mbokonzya kukombela amunzi wako, koswiilizya mulumbe wakuti “Worshipping in spirit and in truth” muli sikapepele waku WLC.\\n2 #7812, The New Strong’s Expanded Dictionary of Bible Words, 2001 ed","num_words":1059,"character_repetition_ratio":0.047,"word_repetition_ratio":0.0,"special_characters_ratio":0.154,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"“Amucenjele Kuti Kutabi Muntu Uumoongelezya Kuti Mucegwe”!​—Bakolose 2:8 | Ngazi Yamulindizi Yakwiiya\\nNgazi Yamulindizi—Yakwiiya | June 2019\\nAMUBALE MU Acholi Afrikaans Aja Albanian Amharic Arabic Armenian Aymara Azerbaijani Baoule Bassa (Cameroon) Batak (Karo) Batak (Simalungun) Batak (Toba) Biak Bicol Bislama Boulou Bulgarian Catalan Cebuano Changana (Mozambique) Chavacano Chichewa Chin (Hakha) Chinese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuukese Cibemba Croatian Czech Damara Dangme Danish Douala Drehu Dutch English Estonian Fijian Finnish Fon French Ga Georgian German Greek Greenlandic Guadeloupean Creole Guarani Gun Haitian Creole Hausa Hebrew Herero Hiligaynon Hindi Hiri Motu Hmong (White) Hungarian Ibanag Icelandic Igbo Iloko Indonesian Italian Japanese Javanese Kabiye Kabuverdianu Kachin Kannada Kazakh Kazakh (Arabic) Kekchi Kikongo Kikuyu Kiluba Kimbundu Kinyarwanda Kipende Kirghiz Kirundi Kisi Kongo Korean Krio Kwangali Kwanyama Kyangonde Laotian Latvian Lhukonzo Lingala Lithuanian Lomwe Luganda Lunda Makhuwa-Meetto Malay Malayalam Maltese Mam Mambwe-Lungu Mapudungun Marathi Marshallese Mauritian Creole Mbunda Mizo Mongolian Moore Myanmar Nahuatl (Central) Nahuatl (Guerrero) Ndau Ndebele Ndebele (Zimbabwe) Ndonga Nepali Ngangela Nias Niuean Norwegian Nyaneka Nyungwe Nzema Oromo Palauan Pangasinan Papiamento (Curaçao) Persian Polish Ponapean Portuguese Portuguese (Portugal) Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Rarotongan Romanian Romany (Serbia) Romany (Southern Greece) Ronga Runyankore Russian Rutoro Samoan Sangir Sango Sena Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Slovak Slovenian Solomon Islands Pidgin Spanish Sranantongo Sunda Swahili Swahili (Congo) Swedish Tagalog Tahitian Tamil Tatar Telugu Tetun Dili Thai Tigrinya Tiv Tongan Tshwa Turkish Tuvaluan Ukrainian Umbundu Urdu Urhobo Uzbek Vietnamese Wallisian Waray-Waray Wayuunaiki Welsh Wolaita Xhosa Yapese Yoruba Zande Zulu\\nCIBALO CAKWIIYA 23\\n“Amucenjele Kuti Kutabi Muntu Uumoongelezya Kuti Mucegwe”!\\n“Amucenjele kuti kutabi muntu uumoongelezya kuti mucegwe kwiinda mubusongo bwabantu alweeno, kweelana atunsiyansiya twabantu.”—KOL. 2:8.\\nLWIIMBO 96 Bbuku lya Leza Ndubono\\n1. Kweelana alugwalo lwa Bakolose 2:4, 8, mbuti Saatani mbwasola kunyonganya mizeezo yesu?\\nSAATANI uyanda kuti tumuzangile Jehova. Kutegwa azuzikizye makanze aakwe, ulasoleka kunyonganya mizeezo yesu, munzila imwi, kutupa kuti katuyeeya mbuli mbwayeeya walo. Ulasoleka kutoongelezya naa kutweena kutegwa tumutobele kwiinda mukubelesya zintu nzyotuyandisya.—Amubale Bakolose 2:4, 8.\\n2-3. (a) Nkaambo nzi ncotweelede kukubikkila maano kucenjezya ikuli kulugwalo lwa Bakolose 2:8? (b) Ncinzi ncotutiibandike mucibalo eeci?\\n2 Sena masimpe kuti tuli muntenda mpati yakweenwa a Saatani? Inzya tuli muntenda! Amuyeeye kuti, Paulo tanaakalembela bantu batasyomi majwi aakucenjezya aali kulugwalo lwa Bakolose 2:8. Wakalembela Banakristo ibakananikidwe amuuya uusalala. (Kol. 1:2, 5) Banakristo aabo bakali muntenda aciindi eeco, pele swebo tuli muntenda mpati kapati mazuba aano. (1Kor. 10:12) Nkaambo nzi? Nkaambo kakuti Saatani wakawaalwa ansi alimwi makanze aakwe ngakweena babelesi ba Leza basyomeka. (Ciy. 12:9, 12, 17) Kuyungizya waawo, tupona muciindi bantu babyaabi alimwi abasilweeno ‘nobayaabubija akubijila limwi.’—2Tim. 3:1, 13.\\n3 Mucibalo eeci, tulabandika kujatikizya Saatani mbwabelesya ‘lweeno’ kusola kunyonganya mizeezo yesu. Tulabona “bucenjezu” bwakwe botatwe bumwi naa “nzila zibi.” (Ef. 6:11; bupanduluzi buyungizyidwe) Mpoonya mucibalo citobela, tuyoobandika kujatikizya mbotukonzya kugwisya cintu icili coonse cibyaabi mumizeezo yesu icakanjila akaambo kakweenwa abucenjezu bwakwe. Pele cakusaanguna, tulabandika kujatikizya Saatani mbwaakabeena bana Israyeli nobakanjila mu Nyika Yakasyomezyedwe.\\nBAKASUNKWA KUKOMBA MITUNI\\n4-6. Kweelana alugwalo lwa Deuteronomo 11:10-15, ninzila nzi mpya yabulimi njobakeelede kwiiya bana Israyeli nobakasika mu Nyika Yakasyomezyedwe?\\n4 Cabucenjezu, Saatani wakasunka bana Israyeli kukomba mituni. Mbuti mbwaakacita oobo? Wakalizyi kuti bakali kuyandika cakulya, aboobo wakasoleka kubelesya makani aabulimi kutegwa abape kucita ncaakali kuyanda. Ciindi bana Israyeli nobakanjila mu Nyika Yakasyomezyedwe, bakeelede kwiiya nzila mpya yabulimi. Nobakali mu Egepita, bakali kutilaila myuunda yabo kwiinda mukubelesya maanzi aakali kuzwa mu Mulonga wa Nile. Nokuba boobo, mu Nyika Yakasyomezyedwe kwakanyina mulonga mupati, aboobo kutegwa balime zyakulya bakali kuyandika maanzi aamvwula alimwi amume. (Amubale Deuteronomo 11:10-15; Is. 18:4, 5) Aboobo bana Israyeli bakeelede kwiiya nzila zipya zyabulimi. Eeci tiicakali kuyooba cuubauba kulimbabo akaambo kakuti ibunji bwabaabo ibakajisi luzyibo kujatikizya nzila zyabulimi bakafwa munkanda.\\nMbuti Saatani mbwaakacikonzya kucinca mizeezo yabalimi bana Israyeli? (Amubone muncali 4-6) *\\n5 Jehova wakabapandulwida bantu bakwe kuti bukkale bwabo bwakacinca. Mpoonya wakabaambila majwi aakucenjezya, alo aalibonya mbuli kuti taaswaangene amakani aabulimi aakuti: “Amucenjele kuti myoyo yanu itakoongelezyegwi, kuti mukaleye akutalika kukotamina baleza bambi akubakomba.” (Dt. 11:16, 17) Nkaambo nzi Jehova ncaakacenjezya kujatikizya kukomba baleza bakubeja kakuli wakali kwaamba makani aakwiiya nzila zipya zyabulimi?\\n6 Jehova wakalizyi kuti bana Israyeli bakali kukonzya kusunkwa kwiiya nzila zimwi zyabulimi kubantu batakali kukomba Leza ibakabazungulukide. Masimpe kuti bantu aabo ibatakali kukomba Leza bakalijisi luzyibo lunji mumakani aabulimi alimwi bantu ba Leza bakali kukonzya kwiiya nzila zigwasya kuzwa kulimbabo, pele kwakali ntenda. Balimi bana Kanana bakali kukomba Baala alimwi bakali kweendelezyegwa anjiisyo zyakwe. Bakali kusyoma kuti Baala ngomukamwini julu alimwi akuti nguwakali kubapa mvwula. Jehova tanaakali kuyanda kuti bantu bakwe beenwe anjiisyo eezyo zyakubeja. Nokuba boobo, cakwiinduluka-induluka, bana Israyeli bakali kukomba Baala. (My. 25:3, 5; Bab. 2:13; 1Bam. 18:18) Lino atubone Saatani mbwaakacikonzya kubeena bana Israyeli.\\nNZILA ZYOTATWE NZYAAKABELESYA SAATANI KOONGELEZYA BANA ISRAYELI\\n7. Mbuti lusyomo lwabana Israyeli mbolwakasunkwa ciindi nobakanjila mu Nyika Yakasyomezyedwe?\\n7 Nzila yakusaanguna Saatani njaakabelesya yakali kujatikizya mvwula njobakali kuyandisya kapati bantu boonse. Kumamanino aamwezi wa April kusikila mu September amwaka, mvwula yakali nsyoonto mu Nyika yakasyomezyedwe. Aboobo kutegwa bana Israyeli bazumanane kupona alimwi akuti zisyango zyabo zikomene kabotu, bakali kuyandika mvwula kanji-kanji iyakali kutalika kuwa cakuma October. Saatani wakabeena bana Israyeli kusyoma kuti, kutegwa bazwidilile, bakeelede kwiiya zilengwa zyabasimukobonyina ibatakali kukomba Leza. Basimukobonyina aabo bakali kusyoma kuti baleza babo bakali kukonzya kupa kuti mvwula iwe lilikke buyo kuti bacita zintu zimwi zijatikizya bukombi bwa Baala. Aabo ibatakajisi lusyomo muli Jehova bakasyoma kuti eeyi nenzila ilikke iikonzya kumana cilanga, aboobo bakacita zintu zijatikizya bukombi kuli leza wakubeja Baala.\\n8. Ninzila nzi yabili Saatani njaakabelesya? Amupandulule.\\n8 Nzila yabili Saatani njaakabelesya nzisusi zyakutalilemeka. Bantu ibakali muzisi izyatakali kukomba Jehova bakali kukomba baleza babo kwiinda mukucita micito yakutalilemeka iisesemya kapati. Ikukomba kuli boobu kwakali kubikkilizya akuvwuula mutempele kwabamakaintu alimwi abasankwa. Koonana kwabantu bajisi zizo zikozyenye alimwi anzila zimwi zyakutalilemeka mumakani aakoonana zyakalizumizyidwe! (Dt. 23:17, 18; 1Bam. 14:24) Bantu ibatakali kukomba Jehova bakali kusyoma kuti zilengwa eezyi zyakali kukulwaizya baleza babo kupa kuti nyika ibe aabusani. Bana Israyeli banji bakoongelezyegwa azilengwa zyakutalilemeka mumakani aakoonana izyakali kucitwa abantu aaba alimwi bakayungwa kubelekela baleza bakubeja. Mubwini, bakacegwa a Saatani.\\n9. Kweelana alugwalo lwa Hosea 2:16, 17, mbuti Saatani mbwaakapa kuti bana Israyeli bamulube Jehova?\\n9 Nzila yatatu Saatani njaakabelesya nkunyonganya mizeezo yabana Israyeli kujatikizya mbobakali kumubona Jehova. Mumazuba aamusinsimi Jeremiya, Jehova wakaamba kuti basinsimi babeji bakapa kuti bantu bakwe balube zina lyakwe “akaambo ka Baala.” (Jer. 23:27) Aboobo kwaciindi cili mbocibede, bantu ba Leza bakaleka kulibelesya zina lya Jehova alimwi mubusena bwandilyo bakabikka zina lya Baala, ilyaamba kuti “Mukamwini” naa “Simalelo.” Eeci cakapa kuti cibakatazye bana Israyeli kuzyiba Jehova mbwaakaindene a Baala, calo icakapa kuti cibaubile kusanganya zilengwa zyabukombi bwa Baala alimwi abukombi bwa Jehova.—Amubale Hosea 2:16, 17 alimwi abupanduluzi buyungizyidwe.\\nNZILA NZYABELESYA SAATANI KWEENA BANTU MAZUBA AANO\\n10. Ninzila nzi nzyabelesya Saatani mazuba aano?\\n10 Saatani ubelesya nzila nzyoonya eezyi mazuba aano. Ulabaca bantu kwiinda mukubapa kubikkila maano kuzintu nzyobayandisya kapati, kusumpula kutalilemeka mumakani aakoonana alimwi akunyonganya mizeezo yabo kujatikizya mbobamubona Jehova. Atusaangune kulanga-langa nzila yamamanino.\\n11. Mbuti Saatani mbwanyonganya mizeezo yabantu kujatikizya mbobamubona Jehova?\\n11 Saatani unyonganya mizeezo yabantu kujatikizya mbobamubona Jehova. Nobakamana kufwa baapostolo ba Jesu, bamwi ibakali kulitaminina kuba Banakristo bakatalika kuyiisya njiisyo zyakubeja. (Mil. 20:29, 30; 2Tes. 2:3) Basiluleyo aaba bakatalika kunyonganya njiisyo zyakasimpe kujatikizya Leza mwini-mwini uuli alikke. Mucikozyanyo, bakaleka kubelesya zina lya Leza muma Bbaibbele aabo akutalika kubelesya mabala aabulemu mbuli lyakuti “Mwami.” Kwiinda mukugwisya zina lya Leza limugeme alimwi akubikka bbala lyakuti “Mwami” mubusena bwandilyo, bakapa kuti cikatazye kuli sikubala Bbaibbele kubona Jehova mbwaindene “abami” bambi ibaambidwe mu Magwalo. (1Kor. 8:5) Bakabelesya bbala ndilyonya eeli lyakuti “Mwami,” kwaamba Jehova alimwi a Jesu, calo cakapa kuti cikatazye kumvwisya kuti Jehova a Mwanaakwe baliindene alimwi akuti bajisi mikuli iindene. (Joh. 17:3) Eeci cakasololela kunjiisyo ya Butatu, eeyo iitajaniki mu Jwi lya Leza. Akaambo kaceeci, bantu banji basyoma kuti tacikonzyeki kumuzyiba Leza. Eelo kaka oobu mbubeji bupati!—Mil. 17:27.\\nMbuti Saatani mbwaabelesya bukombi bwakubeja kusumpula zisusi zyakutalilemeka? (Amubone muncali 12) *\\n12. Ino bukombi bwakubeja busumpula nzi? Kweelana alugwalo lwa Baroma 1:28-31, ncinzi cacitika akaambo kaceeco?\\n12 Saatani ubelesya zisusi zyakutalilemeka. Mumazuba aabana Israyeli bansiku, Saatani wakabelesya bukombi bwakubeja kusumpula micito yakutalilemeka. Ucicita mbubwenya oobo amazuba aano. Bukombi bwakubeja bulazumizya alimwi buya akusumpula micito yakutalilemeka. Akaambo kaceeci, banji ibalitaminina kubelekela Leza bacileka kutobela zyeelelo zyakwe zyakulilemeka. Mulugwalo ndwaakalembela bana Roma, mwaapostolo Paulo ulacipandulula icakacitika akaambo kakusumpula micito yakutalilemeka. (Amubale Baroma 1:28-31.) Akati kazintu “ziteelede,” kuli misyobo yoonse yakutalilemeka mumakani aakoonana, kubikkilizya akoonana kwabantu bajisi zizo zikozyene. (Rom. 1:24-27, 32; Ciy. 2:20) Eelo kaka cilayandika kapati kulindiswe kutobela njiisyo zyamu Bbaibbele zitakatazyi!\\n13. Ninzila nzi iimbi njabelesya Saatani kweena bantu?\\n13 Saatani ubelesya zintu nzyotuyandisya kapati. Toonse tulayanda kuba aluzyibo muzintu zimwi kutegwa katucikonzya kujana nzyotuyandika alimwi anzyobayandika banamukwasyi. (1Tim. 5:8) Kanji-kanji, luzyibo oolo tulalujana kwiinda mukuunka kucikolo alimwi akuba basungu kubala. Pele tweelede kucenjela. Muzisi zinji, basicikolo tabayiisyigwi buyo zintu zigwasya, pele balayiisyigwa abusongo bwamunyika. Mucikozyanyo, basicikolo bakulwaizyigwa kudooneka kuti naa Leza nkwali alimwi akutalemeka Bbaibbele. Baambilwa kuti bantu boonse basongo basyoma kuti buumi bwakatalika kwiinda mukusanduka. (Rom. 1:21-23) Njiisyo zili boobu tazyeendelani ‘abusongo bwa Leza.’—1Kor. 1:19-21; 3:18-20.\\n14. Ino busongo bwamunyika busumpula nzi?\\n14 Busongo bwamunyika tabweendelani azyeelelo zya Jehova alimwi buya bulakazyanya anzizyo. Tabupi kuba amucelo wamuuya wa Leza, muciindi caboobo busumpula “milimo yanyama.” (Gal. 5:19-23) Bukulwaizya bantu kuba amuuya wakulisumpula, calo icapa kuti babe “basikuliyanda.” (2Tim. 3:2-4) Bube oobu buliindene abube bwakulicesya oobo babelesi ba Leza mbobakulwaizyigwa kuba ambubo. (2Sam. 22:28) Banakristo bamwi ibakaunka kuyunivesiti bakatalika kuba amizeezo yamunyika muciindi cakuba amizeezo ya Leza. Aboobo atubone cikozyanyo comwe buyo citondezya icikonzya kucitika kuti naa tiitwacenjela.\\nIno mbuti mizeezo yesu mboikonzya kunyonganizyigwa abusongo bwabantu? (Amubone muncali 14-16) *\\n15-16. Ncinzi ncotwiiya kucakuluula camucizyi umwi?\\n15 Mucizyi umwi iwabeleka mumulimo waciindi coonse kwamyaka iili 15 wakaamba kuti: “Mbuli Kamboni uubbapatizyidwe, ndakabala alimwi akumvwa kujatikizya ntenda ziboola akaambo kakuunka kuyunivesiti, pele tiindakazibikkila maano. Ndakayeeya kuti lulayo oolo talubeleki kulindime.” Ino mbuyumuyumu nzi mbwaakajana? Wakaamba kuti: “Lwiiyo lwangu lwakanditolela ciindi cinji alimwi anguzu cakuti tiindakali kujana ciindi cakupaila kuli Jehova mbuli mbondakali kucita musyule. Ndakali kumvwa butolo kubandika zyamu Bbaibbele abamwi alimwi ndakali kukatala kapati cakuti tiindakali kulibambila kabotu miswaangano. Ndilalumba kapati akaambo kakuti mbondakazyibila buyo kuti lwiiyo lwaatala lunyonganya cilongwe cangu a Jehova, ndakabona kuti ndeelede kuleka. Mpoonya ndakacileka.”\\n16 Ino lwiiyo lwaatala lwakaijatikizya buti mizeezo yamucizyi ooyu? Wakaingula kuti: “Ndiluuside kapati kuti lwiiyo ndondakasala lwakandiyiisya kuba muntu uubikkila maano kukulubizya kwabamwi, kwaambisya bakwesu abacizyi. Ndakatalika kulangila zinji kulimbabo alimwi akulyaandaanya ambabo. Cakanditolela ciindi kuleka kuyeeya munzila iili boobu. Eeci cakandiyiisya kuti nintenda kutakubikkila maano kucenjezya nkwatupa Taateesu wakujulu kwiinda mumbunga yakwe. Jehova wakalindizyi kabotu kwiinda mbondakalizyi ndemwini. Ndakeelede kumuswiilila!”\\n17. (a) Makanze nzi ngotweelede kuba angawo? (b) Ncinzi ncotuyoobandika mucibalo citobela?\\n17 Amube amakanze aakutazumina kucegwa “kwiinda mubusongo bwabantu alweeno” lwamunyika ya Saatani. Amuzumanane kuzicenjelela nzila nzyabelesya Saatani kweena bantu. (1Kor. 3:18; 2Kor. 2:11) Mutamuzumizyi kunyonganya mizeezo yanu kujatikizya mbomumubona Jehova. Amupone kweelana azyeelelo zya Jehova zyakulilemeka izisumpukide. Kuyungizya waawo, mutalekeli Saatani kumuyunga kutabikkila maano kululayo lwa Jehova. Pele ino ncinzi ncomweelede kucita ikuti naa mwabona kuti mwakayungwa kale amizeezo yamunyika eeyi? Mucibalo citobela tuyoobona Jwi lya Leza mbolikonzya kutugwasya kunyonyoona noiba mizeezo alimwi amicito ‘miyumu nta.’—2Kor. 10:4, 5.\\nNINZILA NZI NZYABELESYA SAATANI KUTEGWA . . .\\nanyonganye mizeezo yabantu kujatikizya mbobamubona Jehova?\\nasumpule zisusi zyakutalilemeka?\\natoongelezye kwiinda mukubelesya zintu nzyotuyandisya kapati?\\nLWIIMBO 49 Kukkomanisya Moyo wa Jehova\\n^ munc. 5 Saatani ulicibwene kapati kweena bantu. Wabeena bantu banji kusyoma kuti balaangulukide kakuli mubwini mbazike bakwe. Mucibalo eeci tulalanga-langa nzila zili mbozibede Saatani nzyabelesya kweena bantu.\\n^ munc. 48 BUPANDULUZI BWAZIFWANIKISO: Bana Israyeli ibayanzana abana Kanana basunkwa kukomba Baala alimwi akutalilemeka.\\n^ munc. 51 BUPANDULUZI BWAZIFWANIKISO: Cikwankwani icaambilizya cikombelo cizumizya koonana kwabantu ibajisi zizo zikozyenye.\\n^ munc. 53 BUPANDULUZI BWAZIFWANIKISO: Mucizyi uucili mwana uli mukkilasi kuyunivesiti. Walo alimwi abasicikolonyina bayungwa amuzeezo wamwiiyi wabo wakuti sayaansi alimwi azyakupanga-panga zilakonzya kumana mapenzi aabantu woonse. Mpoonya ku Ŋanda ya Bwami takkomene alimwi ubikkila maano kukulubizya kwabamwi.\\nAmunyonyoone Mizeezo Iili Yoonse Iikazyanya Aluzyibo lwa Leza!\\nAmusyome Jehova Ciindi Nomutyompedwe\\nAmubagwasye Bamwi Kuliyumya Ciindi Nobatyompedwe\\nMbotukonzya Kulikwabilila Kukakole Kamwi ka Saatani\\nBbuku Lyakuvwunga Lyakaindi “Lyavwungululwa”\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA June 2019\\nNGAZI YAMULINDIZI—YAKWIIYA June 2019","num_words":1887,"character_repetition_ratio":0.056,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jesu Wayiisya Kujatikizya Kulekana Alimwi Akuyanda Bana | Buumi bwa Jesu\\nKuyiisya Kujatikizya Kulekana Alimwi Akuyanda Bana\\nJESU WAAMBA LEZA MBWAABONA MAKANI AAKULEKANA\\nCIPEGO CAKUTAKWATA NAA KUTAKWATWA\\nMBOCIYANDIKA KUBA MBULI BANA BASYOONTO\\nKuzwa ku Galilaya, Jesu abasikwiiya bakwe bazabuka Mulonga wa Jordano akutola nzila yuunka kumusanza kwiinda mu Pereya. Lweendo ilwainda ciindi Jesu naakali mu Pereya, wakaambilide ba Farisi ceelelo ca Leza caboola kumakani aakulekana. (Luka 16:18) Lino babusya makani aaya kutegwa bamusunke Jesu.\\nMusa wakalembede kuti mukaintu ulakonzya kulekwa ikuti kwajanwa kuti kuli “cintu cuusya nsoni” mulinguwe. (Deuteronomo 24:1) Lino kuli mizeezo yiindene-indene kujatikizya kaambo kakonzya kuzumizya bantu kulekana. Bamwi basyoma kuti balakonzya kulekana akaambo katwaambo tuniini pe tutayi komoonga. Aboobo, ba Farisi babuzya kuti: “Sena mwaalumi ulizumizyidwe kuleka mukaintu wakwe akaambo kakaambo kali koonse?”—Matayo 19:3.\\nMuciindi cakubelesya mizeezo yabantu, cabusongo Jesu waamba bubambe mbwaakabikkide Leza caboola kumakani aacikwati. Waamba kuti: “Sena tiimwakabala kuti ooyo wakabalenga kuzwa kumatalikilo, wakalenga mwaalumi amukaintu alimwi wakati: ‘Akaambo kaceeci mwaalumi uyoosiya bausyi abanyina akukakatila kumukaintu wakwe, eelyo aaba bobilo bayooba mubili omwe’? Nkokuti tabacili bobilo, pele baba mubili omwe. Aboobo aabo Leza mbaaswaanganya kutabi muntu uubaandaanya.” (Matayo 19:4-6) Ciindi Leza naakatalisya cikwati akati ka Adamu a Eva, kunyina naakabikka bubambe bwakuti inga camana cikwati cabo.\\nBa Farisi bamukazya Jesu, balaamba: “Ino nkaambo nzi Musa ncaakalailila kumupa lugwalo lwakumutanda akumuleka mukaintu?” (Matayo 19:7) Jesu wabaambila kuti: “Akaambo kakuyuma kwamyoyo yanu, Musa wakamuzumizya kuleka bamakaintu banu, pele oobo tabusyi mbocakabede kuzwa kumatalikilo.” (Matayo 19:8) “Matalikilo” aambwa waawa teensyi kumazuba aa Musa; nciindi Leza naakatalisya cikwati mu Edeni.\\nMpoonya Jesu waamba kaambo kayandika kapati, ulaamba: “Ndimwaambila kuti kufwumbwa uuleka mukaintu wakwe ikutali akaambo kabwaamu [Mu Chigiriki, por·neiʹa], akukwata umbi, wacita bumambe.” (Matayo 19:9) Aboobo, bwaamu naa koonana ikutali kwamumulawo nkakaambo kalikke kakulekanina kazumizyidwe mu Magwalo.\\nEeci capa kuti basikwiiya baambe kuti: “Ikuti oobo mbwaabede makani aamwaalumi amukaintu wakwe, nkokuti tacili cibotu kukwata.” (Matayo 19:10) Masimpe, muntu uuyanda kukwata naa kukwatwa weelede kuzyiba kuti cikwati ceelede kukkalilila lyoonse!\\nKujatikizya makani aakutakwata naa kutakwatwa, Jesu wapandulula kuti bamwi bakazyalwa kabali bazibe, ibatakonzyi kupa ziyandika mucikwati caboola kumakani aakoonana. Bambi bakacitwa kuba bazibe, tabakonzyi kucita cili coonse caboola kumakani aakoonana. Mpoonya bamwi, baliimya buyo caboola kumakani aakoonana nokuba kuti muzeezo inga nkuuli. Balacita oobo kutegwa bamaninine kubikkila maano kumakani aajatikizya Bwami. Jesu waambila baswiilizi bakwe kuti: “Ooyo uukonzya kuzumanana kakunyina kukwata [naa kukwatwa], akkale mbubonya oobo.”—Matayo 19:12.\\nLino bantu batalika kuleta bana basyoonto kuli Jesu. Pele, basikwiiya bakalalila bantu, ambweni akaambo kakuyanda kuti batamukatazyi Jesu. Abone boobu, Jesu wakalala akubaambila kuti: “Amubaleke bana baboole kulindime; mutabakasyi pe, nkaambo Bwami bwa Leza mbwabaabo bali mbuli baaba. Ncobeni ndimwaambila kuti, kufwumbwa uutatambuli Bwami bwa Leza mbuli mwana musyoonto, takanjili pe mulimbubo.”—Marko 10:14, 15; Luka 18:15.\\nTaciliboteli kaka ciiyo eeci! Kutegwa tukanjile mu Bwami bwa Leza, tweelede kulibombya akuzumina kuyiisyigwa, mbubonya mbuli bana basyoonto. Lino Jesu watondezya kuti ulabayanda bana basyoonto kwiinda mukubabweza akubafwukatila alimwi akubaleleka. Oobu mbwabayanda boonse aabo ‘ibatambula Bwami bwa Leza mbuli mwana musyoonto.’—Luka 18:17.\\nIno mbuti ba Farisi mbobasola kumusunka Jesu mumakani aakulekana?\\nKweelana ambwaamba Jesu, ino nceelelo nzi ncabikkide Leza kujatikizya kulekana?\\nNkaambo nzi basikwiiya bamwi ncobakonzya kusala kukkala buyo kabatakwete naa kukwatwa?\\nNziiyo nzi Jesu nzyaayiisya kwiinda muzintu nzyaabacitila bana basyoonto?\\nSena Bbaibbele Lilazumizya Kulekana?\\nAmwiiye ncazumizya Leza alimwi ancasulaika.\\nZintu Zipati-pati Izyakacitika Mubuumi bwa Jesu Naakali Anyika—Mulimo Ngwaakacita Jesu Kujwe lya Jordano","num_words":517,"character_repetition_ratio":0.06,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani aamu Bbaibbele: Jakobo Waunka ku Halani - Kkeyala yaa Intaneti ya Bakamboni ba Jehova\\nHENA ulibazyi bantu aaba Jakobo mbaambaula limwi? Naakamana kweenda kwamazuba manji, Jakobo wakabayaanya amugoti. Bakali kweembela mbelele zyabo. Jakobo wakababuzya kuti: ‘Ino mwazyila kuli?’\\nBakaingula bati: ‘Twazyila ku Halani.’\\nJakobo alimwi wakabuzya kuti: ‘Hena muli muzyi Labani?’\\nBakaingula kuti: ‘Inzya tuli muzyi. Langa nguulya waboola mwana wakwe musimbi Lacelo ambelele zyabo.’ Hena ulakonzya kumubona Lacelo kaboola kuya?\\nJakobo naakamubona Lacelo keembela mbelele zya bausyi ba Labani, wakaunka akuzwisya bbwe lyakali kujala aanywidwa meenda kutegwa mbelele zinywe kabotu. Kumane Jakobo wamumyonta Lacelo alimwi walipandulula. Lacelo wakakkomana kapati, alimwi wakaunka kumunzi kwaakwaambila bausyi ba Labani.\\nLabani wakakkomana kapati kubona Jakobo mweenzu. Jakobo naakasela Lacelo, Labani wakakkomana kapati. Pele wakaambila Jakobo kuti abeleke mumuunda kwamyaka iili ciloba kutegwa apegwe mukaintu Lacelo. Akaambo kakuti wakali kumuyanda kapati Lacelo, Jakobo wakabeleka. Pele ciindi nicakasika cakuti bakwatane, hena ulicizyi cakacitika?\\nLabani wakamupa Leya mupati wa Lacelo. Jakobo naakazumina kubeleka kuli Labani kwamyaka iili ciloba aimwi, Labani wakamupa awalo Lacelo kuba mukaintu wakwe. Kuciindi eeco Leza wakali kuzumizya kukwata maali. Pele mazuba aano Ibbaibbele lizumizya buyo kukwata mukaintu omwe.\\nNgwani musimbi ooyu acifwanikiso, alimwi ncinzi Jakobo ncaamucitila?\\nNcinzi Jakobo ncaakalisungula kucita kutegwa amukwate Lacelo?\\nNcinzi ncaakacita Labani nicakasika ciindi cakuti Jakobo bakwatane a Lacelo?\\nNcinzi Jakobo ncaakazumina kucita kutegwa amukwate Lacelo?\\nBala Matalikilo 29:1-30.\\nNikuba kuti Labani wakamucenga Jakobo, ncinzi Jakobo ncaatondezya kuti muntu nconzyo, alimwi ncinzi ncotukonzya kwiiya kuli eeci? (Matl. 25:27; 29:26-28; Mt. 5:37)\\nMbuti cikozyanyo ca Jakobo mbocitondezya kwiindana kuliko akati kaluyando alimwi aluyando lwini-lwini? (Matl. 29:18, 20, 30; Lwiimbo lwa Solomoni. 8:6)\\nMbaamakaintu nzi bone bakaba bamukwasyi wa Jakobo kumpela bakamuzyalila bana basankwa? (Matl. 29:23, 24, 28, 29)","num_words":255,"character_repetition_ratio":0.066,"word_repetition_ratio":0.0,"special_characters_ratio":0.185,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Deuteronomo 22 | Bbaibbele lili a Intaneti | Bbaibbele lya Busanduluzi Bwanyika Mpya\\nKulemeka banyama babasimukobonyoko (1-4)\\nKusama zisani zyamuntu ngomwiindene zizo (5)\\nKufwida banyama luzyalo (6, 7)\\nCitabililo caciluli (8)\\nKusanganya kuteelede (9-11)\\nKusuma maaya kucisani (12)\\nMilawo iijatikizya kutyola milawo yakoonana (13-30)\\n22 “Ikuti naa wajana ŋombe naa mbelele yamunyoko iisweekede, toyelede kwiileka buyo pe.+ Weelede kwiitola kumunyoko. 2 Pele ikuti munyoko katakkali afwaafwi anduwe alimwi kotamuzyi, nkokuti weelede kwiitola kuŋanda yako, ikkale kulinduwe kusikila munyoko akaboole kwiiyandaula. Mpoonya uyoomupa njiyo.+ 3 Oobu mboyelede kucita akumbongolo yakwe, kucisani cakwe akucintu camunyoko cili coonse cisweekede ncoojana. Toyelede kucileka buyo pe. 4 “Ikuti naa wabona mbongolo yamunyoko naa ŋombe yakwe iliwide munzila, toyelede kwiinda buyo pe. Weelede kumugwasya kwiibusya.+ 5 “Mukaintu teelede kusama cisani camwaalumi awalo mwaalumi teelede kusama cisani camukaintu. Nkaambo kufwumbwa uucita boobo ncisesemyo kuli Jehova Leza wanu. 6 “Ikuti wajana citeente cakayuni munzila naa mucisamu naa ansi imuli twana naa mayi alimwi nyina kakkede atwana naa amayi, toyelede kubweza nyina antoomwe atwana.+ 7 Weelede kuleka nyina kuti aunke, pele ulakonzya kubweza twana. Weelede kucita boobu kutegwa zintu zikweendele kabotu akuti upone mazuba manji. 8 “Ikuti naa wayaka ŋanda mpya, ciluli weelede kuciyakila citabililo+ kutegwa ŋanda yako itabi amulandu wabulowa nkaambo muntu ulakonzya kuloka kuzwa alinjiyo. 9 “Toyelede kusyanga misyobo yobilo yambuto mumuunda wako wamisaansa.+ Buyo-buyo, butebuzi bwambuto eeyo abwamisaansa buyootolwa kutente lisalala. 10 “Toyelede kulimya musune antoomwe ambongolo.+ 11 “Toyelede kusama cisani cisumidwe aboya bwambelele antoomwe amulembo muuba-uba.+ 12 “Weelede kusuma maaya kuzyooko zyone zyacisani cako ncosama.+ 13 “Ikuti naa mwaalumi wakwata mukaintu akoonana anguwe, mpoonya waleka kumuyanda, 14 akumutamikizya kuti tanaakali kulilemeka, eelyo wamubisizya zina kwiinda mukwaamba kuti, ‘Ndakakwata mukaintu ooyu, pele nindakoonana anguwe tiindakajana citondezyo cakuti ngunakalindu,’ 15 bausyi abanyina musimbi beelede kuleta citondezyo cabunakalindu bwamusimbi ooyo kubaalu kumulyango wamunzi. 16 Bausyi musimbi ooyo beelede kwaambila baalu kuti, ‘Ndakakwasya mwanaangu kumwaalumi ooyu, pele lino tacimuyandi 17 alimwi umutamikizya kuti tanaakali kulilemeka kwiinda mukwaamba kuti: “Tiindakajana citondezyo cabunakalindu mumwanaanu.” Nceeci citondezyo cabunakalindu bwamwanaangu.’ Mpoonya beelede kubikka cisani eeco kumbele lyabaalu bamunzi. 18 Baalu bamunzi+ beelede kujata mwaalumi ooyo akumuuma.+ 19 Bayoomubbadelesya masyekeli* aansiliva aali 100 akwaapa bausyi musimbi, nkaambo mwaalumi ooyo wabisya zina lyanakalindu muna Israyeli,+ alimwi uyoozumanana kuba mukaintu wakwe. Takazumizyigwi kumuleka mubuumi bwakwe boonse. 20 “Ikuti makani aaya kaali aamasimpe, akuti citondezyo cabunakalindu tiicakajanwa mumusimbi, 21 beelede kumuleta musimbi ooyo kumulyango waŋanda yabausyi, eelyo baalumi bamumunzi wakwe beelede kumupwaya mabwe kutegwa afwe, nkaambo wakacita cintu cuusya nsoni+ mu Israyeli kwiinda mukucita buvwuule muŋanda yabausyi.+ Aboobo mweelede kugwisya bubi akati kanu.+ 22 “Ikuti mwaalumi wajatwa bumambe amukamuntu, boonse bobilo beelede kufwa, mwaalumi amukaintu ooyo.+ Aboobo mweelede kugwisya bubi mu Israyeli. 23 “Ikuti kakuli nakalindu uusinkilidwe kumwaalumi, eelyo mwaalumi uumbi wamujana mumunzi akoonana anguwe, 24 mweelede kubaleta boonse bobilo kunze aamunzi akubapwaya mabwe kutegwa bafwe. Musimbi ulajaigwa akaambo kakuti tanaakakwiila nokuba kuti wakali mumunzi naakajatwa, eelyo mwaalumi ulajaigwa akaambo kakuti wasofwaazya mukamweenzinyina.+ Aboobo mweelede kugwisya bubi akati kanu. 25 “Nokuba boobo, ikuti kamuli musyokwe mwaalumi ooyo mwaakamujana musimbi uusinkilidwe, eelyo wakamujata akoonana anguwe, nkokuti mwaalumi ooyo iwakoonana anguwe weelede kujaigwa alikke, 26 musimbi tamweelede kumucita cintu cili coonse pe. Tajisi cibi ceelede lufwu. Eeci cili mbuli muntu umwi wajaya mweenzinyina.+ 27 Nkaambo wakamujana musyokwe, alimwi musimbi ooyo uusinkilidwe wakakwiila pele kwakanyina uumuvwuna. 28 “Ikuti mwaalumi wajana musimbi nakalindu uutasinkilidwe, eelyo wamujata akoonana anguwe mpoonya bajatwa,+ 29 mwaalumi ooyo iwoonana anguwe weelede kupa bausyi musimbi masyekeli aansiliva aali 50, alimwi uyooba mukaintu wakwe+ akaambo kakuti wamusofwaazya. Takazumizyigwi kumuleka mubuumi bwakwe boonse. 30 “Kunyina mwaalumi weelede koonana amukausyi kutegwa atabausyi nsoni bausyi.*+\\n^ Mu Chihebrayo, “atavwumbuli musinsi wabausyi.”","num_words":546,"character_repetition_ratio":0.064,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kusonda a Kunjilwa Mizimo abulumbu bwa basalali Print\\nKusonda a Kunjilwa Mizimo abulumbu bwa basalali\\nMubbuku lya Matalikilo 2:9 tubala kuti “Mumuunda ooyo Mwami Yahuwah wakamenyeka misamu yeebeka yamisyobo yoonse yakali kuzyala micelo mibotu kulya. Nkabela akati kamuunda kwakali musamu uupa buumi, alimwi amusamu wakuzibya bubotu abubi.” Kuli kaambo keni ncotweelede kusyomena kuti aaka kampango kapandulula masamu obile, masamu aajisi matuvwu ncobeni, kumwi kaajisi micelo iikonzya kutemwa akuligwa. Pele mazina amasamu aaya apandulula ciimpene.\\nMusamu wa buumi wakali kuyandika kuligwa kutegwa buumi bwamuntu kabuciya kumbele. Kakwiina kulya micelo kuzwa kumusamu ooyu lyoonse, mubili wamuntu niwakatalika kubula nguzu zyabuumi mpoonya akufwa. Eeci ncecaambwa mu Matalikilo 3:22. “Mwami Yahuwah wakati, “Lino muntu waba mbubonya mbuli mbotubede, wazyiba bubotu abubi. Tutamulekeli kucela akulya micelo yamusamu uupa buumi nkaambo kuti walya unoopona lyoonse.”\\nKulya musamu wabuumi nikwaapa muntu buumi butamani, anguzu zyakupona lyoonse. Pele kakwiina mucelo wamusamu wabuumi, muntu wakali kukonzya kufwa, akufwa kufumbwa ciindi. Aaka kampango katwaambila cintu cimwi cijatikizya musamu wa kuzyiba cibotu acibi. Muntu naakalide musamu ooyu, wakali kukonzya kwaandaanya mwini akataa cibotu acibi.\\nPele kulya micelo yamisamu eeyi kwakalaandeene. Muntu taakali kunga walya micelo yobile antoomwe pe. Kulya musamu omwe kwakali kwiiminina kuti buumi buyeeme mubwaabi bwa Yahuwah. Pele kulya micelo yamusamu umwi kwakali kwiiminina kuti muntu uyanda kubaa lwaanguluko kuzwa kubweendelezi bwa Yahuwah akubaa maanu aakusala cibou acibi kakwiina kusungilizyigwa aluyando lwa bulemu. Ncenciceeci eeyi misamu yobile nciyakaandeene. Muntu inga taayaamina muli Yahuwah kumwi kalaa lwaanguluko lwakulicitila zyakwe mwini.\\nNokuba kuti tatucijisi ciindi cakusala micelo kuzwa kumisamu yobile eeyo mumbewu, tujilangene aamizeezo yobile. Tulayibaluka kuti tweelede kuyaamina kuli Yahuwah kuti katuyanda buumi, kuzyiba cibotu acibi, kufutulwa akunununwa. Pele tulakonzya akutamauka kuti tulaa lwaanguluko kuzwa kuli nguwe lwa kusala cibotu acibi tobeni, akulijanina lufutuko akununuka kwiinda munguzu zyabuntu bwanyama. Pele cintu cintu cigambya ncakuti, eeyi mizeezo yotatwe loonse imvwikaanga yeendela antoomwe.\\nEelyo simwaaba naakasunka Adamu a Eva, walo wakati kuli Eva “Webo tokafwi ncobeni.” Matalikilo 3:4. Ooku kubeja kwakali kukazya masimpe aakuti muntu inga katayeeme kuli Yahuwah kuti abaa buumi mpoonya aciindi comwe kasulaikide kuyanda kwa Yahuwah kutwaambila cibotu acibi akusala ncaliyandila. Kuti twasala kulyaangulula kuzwa kuli Nguwe, tusala lufu. Pele ooko kubeja kulatusikila alimwi. Tuyanda kusyoma kuti tatukonzyi kufwa kumwi katulyaangulude kuzwa kuli Yahuwah.\\nMoyo wabuntu ulasekelela cabuyamba nuubona kuti kulya mucelo wakuzyiba cibotu acibi takutoli muntu mucuumbwe mpeenya aawo. Pele mbweenya buzuba oobo inzila iimweetela buumi butamani ilakosoka. Nokuba kuti mubili wamuntu ucipona, pele aasyoonto-syoonto kakwiina uubwene utalika kuyaa kupompoloka akucembaala cakuumunizya. Buzangi bwa muntu bulamoofwaazya kuti ataboni janza lya lufu litontola siko mbolyamusina kale munsingo naciyanda kumena mucelo ooyo ngwaatafuna mukanwa. Pele nokuba ciindi eeco mubili wmaunu nuulazyikwa mucuumbwe, ooko kubeja kutaanzi kucizumanana. Webo tokafwi ncobeni. Ciyanza cakuyandisya kuteelezya zyakubeja ncecipa kuti nokuba kuti muntu walibonena ameso aakwe bumboni bwa lufu akuguma amaanza aakwe, pele ucilamatide muzeezo wakuti muya wamuntu ucipona alimwi unoopona lyoonse kafwide kale muntu akunjila mucuumbwe. Ooku kubeja ngomusemo wa bupaizi abulangizi bwalweeno.\\nPele musemo wa lusyomo lwamasimpe ujanwa mu Milawo iili Kkumi. Lusyomo lulakaka omwe nokuba yongaye akataa milawo eeyo. Lusendekezya kuti Yahuwah tali omwe buyo pe. Mbombubo oobo lusyomo lwa baleza botatwe nokuba baleza banji mbobwaatalika. Lusyomo lutaluleme lusendekezya kuti Nsabata tiiceelede kubambwa, nanka kuti kuli ziindi zimwi muntu nayelede kujaya muntunyina. Tee kayi kujaya muntu tuuli mulandu mupati, nkaambo boonse bantu balafwa, mbokutamininwa oobo. Lusyomo lusofweede lyoonse lujulila kusotoka milawo abulwani. Pele kunzaa zyoonse eezyo kuli buyo kubeja komwe “Webo tokafwi ncobeni.”\\n2. Ninzi Muya wamuntu?\\nIbbaibbele lilisalazyide kuzwa kumatalikilo kuti muntu muzumi wakabambwa buti. Kubeja kutaanzi kwakuti bantu tabafwide ncobeni nobafwa kulajanwa kanjaanji cakuti Yahuwah wakafwamba kutwaambila masimpe muntu muzumi mbwaakatalika kupona, kutegwa tutacengwi. Matalikilo 2:7 alembedwe kuti: “Lino Mwami Yahuwah wakasuna bulongo kuzwa kunyika, mpoonya wakabumba muntu abulongo oobo. Naakamana Mwami Yahuwah wakayoyela muuya wabuumi mumpemo zyamuntu, nkabela muntu wakaba muzumi.”\\nKuzwa mukampango aaka twabona kuti muntu muzumi wakabambwa kuzwa kumuntu wakabumbwa abulongo bwaansi. Mubili wamuntu ncibeela comwe ca muntu muzumi, kunyina muntu muzumi kakwiina mubili wamuntu ooyo. Muya wamuntu tacili cintu citakwe mubili citafwi ciyaamuka akusiya mubili eelyo muntu naafwa pe. Muya wamuntu mubili uujisi muya wabuumi ngwaakayoyelwa muntu. Eelyo muya wabuumi uuzyila kuli Yahuwah nuuzwa mumubili wamuntu, ooyo muzumi ulaleka kupona. Mubili ulabola akujokela kuba bulongo mbuwaabumbwa, mpoonya muya wabuumi upilukila kuli Yahuwah wakapede muya ooyo. Aboobo Mukambausi 12:7 waamba kuti: “Bulongo bulapiluka kubulongonyina nkubwakazwida. Muuya ulapiluka kuli Yahuwah wakuupa.”\\nLino mbokuli bantu banji bakasyoma kubeja kutaanzi, cintu cinga caboola mumizeezo ncakuti muya unooli ucilanga alimwi ucipona kalwiindide lufu akutoleezya ciimo amizeezo njaakajisi muntu napiluke kuli Yahuwah. Pele takuli boobo pe. Ibbaibbele lilisalazyide kuti kunyina uucilanga nokuba kwiibalauka cintu mu lufu. Mukambausi 9:5,6 waamba kuti: “Nkaambo bazumi balzyi kuti bayoofwa: pele bafwide kunyina pe ncobazyi, alimwi tabacikwe bulumbu; nkaambo mizeezo yabo yakalubwa. Alwalo luyando akucimwa kwabo, akunyomenenwa kwabo, lino kulilobede; alimwi tabacikwe cibeela lyoonse mucintu nociba cicitigwa kunsaa zuba.”\\nKunjila lufu kuleelene akoona ŋonzi, alimwi Kristu Yahushua ncecintu ncaamba ziindi zinjaanji eeco. Ngooyu mukonzyanyo muli Johane 11:11, walo waamba kuti: Naakamana kwaamba boobo wakaambila basikwiiya bakwe kuti, “Lazalo, mweenzuma uloona, ono njakukuti nkamubusye.”\\nKuzwa mutwaambo ootu swebo tulizyi kuti muntu muzumi ulalibonya alimwi ulaa mubili uupona. Uba muzumi eelyo muya wabuumi nuunjila mumubili. Ulaleka kupona eelyo muya wabuumi nuuzandulwa kuzwa ku mubili. Kunyina kulimvwa bulanga mulufu pe.\\n3. Kutuminana mulomo abantu bafwide\\nBantu banji basyoma kuti bantu bafwide baceendeenda mbuli mizimo iiyanda kubandika abantu bacipona. Pele eeco ncitwayiya kuzwa mu Bbaibbele cijatikizya muntu muzumi aciimo ca lufu, cilisalede kuti eeco ncitu citakonzyeki kucitika pe. Pele zyuulu zyabantu bacizumanana kusonda kabayeeyela kuti baambaula aa mizimo yabayandwa bafwide nokuba umwi ngobayeeyela.\\nKuli mikonzyanyo yakweenwa kuli boobu amwalo mu Bbaibbele. Kaano kalaa mpuwo kapati nkookwa Saulu Mwami, ooyo wakaya kuyoosonda ku mulozi waku Endo. Walo wakabona cikoyaanga ngu Samuele kaciimpuka kuzwa mucuumbwe akukanana kuli nguwe akumwaambila mbwayoofwa. Mboobu mbokatalika kaano aaka muli Samuele 28:7. Mpoonya Saulu wakati kuli balupati-pati bakwe, “Amundiyandawide mukaintu uusonda aamizimo kutegwa ndiinke kulinguwe nkasonde.” Mpoonya balupati-pati bakwe bakati kulinguwe, “Langa, nkwali mukaintu uukonzya kwaamba aamuzimo munyenzi ku Endo.”\\n4. Ninzi muzimo munyenzi?\\nMajwi eeni ookwa Saulu abatwanga bakwe ayubununa kuti bakalizyi kuti taakali Samuele ncobeni wakalibonya atalaa cuumbwe pe. Balo tiibakali kulangila Samuele ncobeni kuti alibonye, pele bakali kulangila muzimo munyenzi. Ino ninzi muzimo munyenzi? Mateyo uligaminide kutwaambila kuti, muzimo yamusyobo ooyo madaimona. “Eelyo nikwakaba kumazuba, bakamuletela banjaanji bakanjidwe zyeelo: mpoonya wakatanda madaimona aakabanjide kabelesya jwi lyakwe, alimwi wakabaponya boonse bakacisidwe:...”\\nPele nokuba kuti eeyo mizimo niyakali mizimo yabantu bafwide, eeco citakonzyi kuba, IBbaibbele lilitonkomene kusinganya kufumbwa uutuminana mulomo amizimo.\\nMutakainki kubanjilidwe mizimo naa baŋanga kuti naa mukacite boobo, muyoosofwaala. Ndime Mwami Yahuwah wanu. (Bapaizi 19:31)\\nAlimwi kuti umwi waya kubanjilidwe mizimo, abaŋanga, kufumbwa uyaakwiingaila kubatobelezya, awalo takabi wangu akataa bantu Bangu nkaambo walisofwaazya. (Bapaizi 20:6)\\nKutakabi muntu naba omwe akati kanu uutikapaizye mwanaakwe mulombe naa musimbi mumulilo, naa musondi naa simakakata, naa wacitoba, naa mulozi, naa mucape, naa simabibo, naa uunjidwe, mukamwami naa uubuzya-buzya bafu. (Ciibalusyo 18:10-11)\\nWakapaizya mwanaakwe mulombe mumulilo, wakali kulowa akusonda alimwi wakali kubuzya-buzya akubaŋanga, basimakakata abaambaula aabafu. Wakacita zinyonyoono zinji-zinji kumbele lya Mwami Yahuwah, aboobo wakamunyemya. (2 Bami 21:6)\\nKwiinda waawa Josiya wakatanda basondi balaa mizimo abalozi antoomwe abakomba baleza bapange bamuŋanda, mituni azimwi zisesemyo zyakali kujanika mu Juda amu Jelusalemu. Wakacita oobo kuti azuzikizye majwi aamulawo aalembedwe mubbuku eelyo Hilikiya mupaizi ndyaakajana muŋanda ya Mwami Yahuwah. (2 Bami 23:24)\\nCiindi bantu nobamwaambila kuti amukabuzye zyamapenzi aanu kubasondi abamukabami bapetekezya akuvwuta-vwuta mukwaamba kwabo, mutakainki. Tee kayi mweelede kabuzya Mwami Yahuwah wanu. Ani inga mwaya buti kubafu kubuzya zyabaumi? (Izaya 8:19)\\nBaijipiti bayootyompwa, ndiyoocita makanze aabo kuti akabe aabuyo, bayoobuzya mituni amizimo yabo, basondi, abamukabami. (Izaya 19:3)\\nEelyo ndakabona myuuya iisofweede yotatwe yakali kulangika mbuli bacula. Myuuya eeyi yakazwa mumulomo wa simwaaba, mumulomo wamunyama, amumulomo wamusinsimi mubeji. Eeyi njemyuuya mibi iicita zitondezyo zigambya. Myuuya yotatwe eeyi ilainka kubami boonse baansi kuti bayooboloke antoomwe kuti bakalwane mubuzuba bupati bwa Yahuwah Singuzyoonse. (Ciyubunuzyo 16:13-14)\\nKoonse kucenjezyegwa ooku kweelede kutantamuna bantu kuti baleke kusonda mizimo ya bafwide. Ciyanza eeci kunyina ncociletela pele buyo kujulila nzila yakupenzyegwa aazyeelo atuyowela tuboola kuzyookonga bantu akubasungilizya kuya kubasondi akubeena.\\nLusyomo lwakuti muya wamuntu tuufwi, tuukwe mubili, ucilanga muntu naafwa, lujula nzila yakucenwa aa Saatani. Saatani ubelesya kweena kuli boobomumisyobo yabupaizi yoonse iilaa mpuwo. Ba Mozilemu, Bana Kristu, BaJuuda abatamuzyi leza bakomba zibumbwa boonse basyoma kweenwa kutaanzi ooku. Aboobo balalangilwa kunookongwa akweenwa aazyeelo. Madaiomna aalibonya mbuli Maliya muumbulu uulelekedwe ayaakwiindizya kulibonya eelyo dyabulosi nayaa kuyungizya mulimo wakucenga kwamamanino. Mulimo wa Saatani mupati ngwa kulipeekzya akulibonya kakanzyanya a Yahushua lwakwe. Tatweelede kumwvidilila bantu bataminina kubuka kuzwa kulufu nokuba maleele aamusyobo ooyo. Kuli musunko omwe wiinda kusalazya kuti naa cintu cili masimpe naa pe: aabo baambilizya milawo yokwa Yahuwah, milawo iili kkumi, bali masimpe. Aabo bakaka omwe nokuba yongaye mbabeji.\\nMulimo wa madaimona wakulibonga aanga muntu wakafwa ngwakusolweda akusungilizya bantu kuti bazange akuleka kusyoma. Aabo basyoma kuti muntu tafwi mbabayootolwa kukunyonyoonwa abumpelenge bwa Saatani.\\n5. Matalikilo aabuumi\\nYahuwah alikke nguutakonzyi kufwa kweendelanya bwaamba Mangwalo. Pele Walo wakanununa mukowa bantu kuzwa kulufu lwakanjila munyika nkaambo kakuteelela kucengwa kutaanzi. Buumi butamani nkobuli kwiinda muli Yahushua.\\nOoyo uusyoma Mwana ulaabuumi butamani, pele ooyo uutamusyomi takabi abuumi pe, cisubulo ca Yahuwah cili aali nguwe. (Johane 3:36)\\nMutalikutandili zilyo zimana buyo, kamutandila zilyo zikkalilila kusikila kubuumi butamani. Eezi nzezilyo nzyayoomupa Mwanaa Muntu. Nkaambo ngonguwe Yahuwah Taata ngwakazumizya. (Johane 6:27)\\nPele eezi zyakalembwa kutegwa musyome kuti Yahushua ngo Munanike, uulya Mwanaa Yahuwah, akuti mwamusyoma mube abuumi butamani. (Johane 20:31)\\nNdabona kuti ndakakankaminwa antoomwe a Kilisito aciingano. Aboobo lino buumi mbwepona tabuli bwangu pe, pele mbwa Kilisito uuli muli ndime. Buumi oobu mbwepona sunu mumubili mbwakusyoma Mwanaa Yahuwah, ooyo wakandiyandisya akwaaba buumi bwakwe nkaambo kangu. (Galatiya 2:20)\\nOoyo uujisi Mwana ulijisi buumi, alimwi ooyo uutajisi Mwanaa Yahuwah tajisi buumi pe. (1Johane 5:12)\\nNdamulembela eezi nywebo nomusyoma muzina lya Mwanaa Yahuwah kuti muzibe kuti mulijisi buumi butamani, akuti musyome muzina lya Mwanaa Yahuwah. (1Johane 5:13)\\nTulizi kuti Mwanaa Yahuwah wakaboola akutupa busongo kuti tuzibe mwini-mwini uuli masimpe, nkaambo tuli muli nguwe wamasimpe Mwanaakwe Yahushua Kilisito. Ooyo ngo Eloah wini-wini abuumi butamani. (1Johane 5:20)\\nNokuba kuti buumi butamani bupegwa baabo balaa lusyomo muli Yahushua, swebo tucibwene bantu mumbali lyesu kabaya kumuya banji. Pele buyo kuti katupona kusikila akalibonye Kristu aciindi cakuboola kwakwe kwabili, aswebo tuyoofwa. Ino mbuti kayi aabo basyoma muli Kristu mbobanjila mubuumi butamani?\\n6. Kubuka kuzwa ku lufu\\nLufu lupa kuti muzumi uupona azimaane akunyonyooka. Coonse cicaala mbulongo bwaansi kabuzandudwe kuzwa ku muya wabuumi. Kucinyina kulimvwa bulanga nokuba mizeezo iiciliko. Pele aayo taali mamanino aamakani.\\nTulasyoma kuti Yahushua wakafwa akubuka alimwi. Mbubonya oobo tulasyoma aabo bakafwa kabasyomede Yahushua, Taata Yahuwah uyoobabusya akubatola anguwe. Lino atumwaambile majwi aa Mwami mwini. Swebo notusyeede notuyoojanika tuli baumi Mwami aakuboola, takuli kuti tuyoobasaangunina aabo bakafwa pe. Nkaambo Simalelo wesu uyooselka kuzwa kujulu akataa kuyobeka kupati, ajwi lyamungelo mupati, amweembo wa Yahuwah, eelyo Kilisito uyooseluka kuzwa kujulu. Aabo bakasyoma Yahushua bayoosaanguna kubuka. Lino swebo notusyeede tobaumi notucinoopona tuyootolwa antoomwe ambabo kumakumbi kuti tukaswaangane a Mwami mujulu. Aboobo tuyookkala a Mwami lyoonse. (1Batesalonika 4:14-17)\\nKuzwa mukampango aaka tuteelela kuti aabo basyoma muli Kristu, kuti bafwa, bayoobusyigwa aciindi cakuboolwa kwakwe kwabili. Bayoobbusyilwa kubuumi butamani. Aciindi eeco, balikke aabo bapedwe buumi butamani kwiinda mukubuka kwa Kristu bayoobuka alimwi.\\nKwaakwiinda cuulu camyaka, basofweede bayoobusyigwa kuti batambule bulumbu bwa kusofwaala kwabo, lufu lwakufwida limwi. Eeci ncecipanduludwe mu Ciyubunuzyo 20:11-15.\\nLino ndakabona cuuno cituba cipati cabwami, ayooyo uukkede ali ncico. Nyika ajulu zyakamutija, nkabela tiizyakabonwa limbi pe. Mpoonya ndakabona bafu, bapati abaniini, kabaimvwi kumbele lyacuuno eeco, eelyo mabbuku akavwununwa. Alimwi kwakali alimbi bbuku lyakavwununwa, eeli lyakali bbuku lyabuumi. Bafu bakabetekwa mbubonya mbuli mbukwakalembedwe mumabbuku, kweendelana amilimo yabo. Lwizi lwakabulula bafu bali muli ndulo. Lufu acikkalilo cabafu zyakagwisya bafu bakali muli nzizyo, nkabela boonse bakabetekwa kweendelana amilimo yabo njibakacita. Mpoonya aawo lufu acikkalilo cabafu zyakafusilwa mubbibi lyamulilo. (Bbibi lyamulilo eeli ndolufu lwabili.) Nkabela kufumbwa ooyo watakajanwa zina mubbuku lyabuumi wakafusilwa mubbibi lyamulilo.” (Ciyubunuzyo 20:11-15)\\n7. Makani mubufwaafwi\\nMuntu muzumi mubili uujisi muya wabuumi.\\nMuntu muzumi ulaleka kuba eelyo mubili nuupiluka mubulongo bwaansi amuyanuupiluka kuli Yahuwah.\\nKucinyina kulimvwa bulanga nokuba muzeezo uuciliko mu lufu pe, pele nkoona buyo.\\nBatu bafwide tabakonzyi kubandika abantu bacipona pe.\\nMizimo iilipeekezya kuba bantu bafwide kabatuminana milumbe abantu bacipona madaimona aakanzide kujaya bantu.\\nZyeelo zilicengeezya kuba bantu bafwide zyakacenga bantu boonse muzikombelo zilaa mpuwo, mu Bunakristu, bu Mozilemu, bu Juuda, abaabo bakomba zibumbwa mbweenya buyo.\\nBuumi butamani mbwabaabo balikke Kristu mbapa mbubo.\\nAabo batambula buumi butamani bayoobusyilwa kabatafwi kabili akuboola kwa Kristu kwabili.\\nBasofweede bafwide bayoobusyigwa kwakaindi kasyoonto buyo kakwiindide cuulu camyaka kuti batambule cisubulo cakuumpwa mumulilo akuya kulufu lwakufwida limwi.","num_words":1986,"character_repetition_ratio":0.043,"word_repetition_ratio":0.0,"special_characters_ratio":0.159,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbongolo ya Balamu Iyaambaula | Ziiyo Zyabana Zyamu Bbaibbele\\nBana Israyeli bakali munkanda kwamyaka iitandila ku 40. Bakazunda minzi minji iyakajisi nguzu. Lino nobakayaka nkambi muzibanda zya Moabu Mulonga wa Jordano nkouli kujwe, cakasika ciindi cakuti lino banjile Munyika Yakasyomezyegwa. Balaki mwami wa Moabu wakayoowa kuti balamunyanga nyika yakwe. Aboobo wakaita mwaalumi wazina lya Balamu kuti aboole ku Moabu kutegwa asinganye bana Israyeli.\\nPele Jehova wakaambila Balamu kuti: ‘Toelede kubasinganya bana Israyeli.’ Aboobo Balamu wakakaka kuunka. Mwami Balaki wakamwiita alimwi ciindi cabili alimwi wakamusyomezya kumupa kufwumbwa cintu ncaakali kuyanda. Nokuba boobo, Balamu wakazumanana kukaka. Mpoonya Leza wakaamba kuti: ‘Koya, pele ukaambe buyo nconditiikwaambile.’\\nBalamu wakatanta mbongolo yakwe akutozya kumusanza kuya ku Moabu. Wakakanzide kusinganya bana Israyeli nokuba kuti Jehova wakamwaambilide kuti atabasinganyi pe. Mungelo wa Jehova wakalibonya ziindi zyotatwe munzila. Balamu tanaakamubona mungelo pe, pele mbongolo yakwe yakamubona. Ciindi cakusaanguna, mbongolo yakazwa munzila akuunka musyokwe. Ciindi cabili, mbongolo yakalisyaanikizya kubwaanda bwamabwe, calo cakapa kuti kuulu kwa Balamu kusyaanikizyigwe kubwaanda. Mpoonya ciindi catatu, mbongolo yakalala akati kanzila. Ziindi zyoonse eezyi, Balamu wakali kuyuuma mbongolo yakwe amusako.\\nNocakainda ciindi catatu, Jehova wakapa kuti mbongolo yaambaule. Mbongolo yakabuzya Balamu kuti: ‘Ino unduumina nzi?’ Balamu wakati: ‘Nkaambo wapa kuti ndiboneke mbuli ciyanga. Nindalijisi panga nindakujaya.’ Kumane mbongolo yakaamba kuti: ‘Wanditanta kwamyaka minji. Sena kuli nondakacitide kale cintu cili boobu?’\\nMpoonya Jehova wakapa kuti Balamu amubone mungelo. Mungelo wakati: ‘Jehova wakakwaambila kuti utabasinganyi bana Israyeli.’ Balamu wakati: ‘Ndalubizya. Ndilapiluka kuŋanda.’ Pele mungelo wakaamba kuti: ‘Inga waunka ku Moabu, pele ukaambe buyo eeco Jehova ncatiikwaambile.’\\nSena Balamu wakaiya ciiyo? Peepe. Kuzwa waawo, Balamu wakasoleka kusinganya bana Israyeli ziindi zyotatwe, pele ziindi zyoonse nzyaakasola kucita boobo, Jehova wakapa kuti abalongezye muciindi cakubasinganya. Mukuya kwaciindi, bana Israyeli bakaulwana munzi wa Moabu, alimwi Balamu wakajaigwa. Nocakabota kuti Balamu naakamuswiilila Jehova kuzwa kumatalikilo.\\n‘Amulikasye kubusyaacivwulemwangu buli boonse, nkaambo nokuba kuti muntu kajisi zintu zinji buti, ibuumi bwakwe tabuzwi kuzintu eezyo nzyajisi.’—Luka 12:15\\nMibuzyo: Ino Balamu wakaunkila nzi ku Moabu? Ino ncinzi cakacitika munzila naakali kuunka kokuya?","num_words":316,"character_repetition_ratio":0.085,"word_repetition_ratio":0.0,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Melechizedeki: Mwami Waciindi a Mazuba Aacizya Print\\nMelechizedeki: Mwami Waciindi a Mazuba Aacizya\\nLumwi lwiimbo lwakalaa mpuwo kumatalikilo aamyaka ya 1970 lwakali kutalisya aamabala aayasa kumoyo aakuti: “Ikuti cifwanikiso kaceelene amajwi aali cuulu, nkaambo nzi ncetapenti buyo cifwanikiso cako?1\\nCifwanikiso caambwa kuti “nkupenta mabala aali cuulu”, nkaambo cifwanikiso nociba cakulambaika misyobo-misyobo, nokuba cifwanikiso cakusimba aamuncini uufotola, citondezya makani aanga ayandika kupandululwa mumabala akulembwa mumapeeji manjaanji, pele nokuba leelyo, zimwi zibeela zyamakani aayo inga zyalangilwa kusiigwa anze.\\nIzitondezyo nzifwanikiso zya Mizeezo eezyo zitondezya cintu cinga caambwa mumabala aali cuulu mu Mangwalo. Citondezyo citondezya mulumbe mupati uunga wainda muvwi kuti nikwatali citondezyo. Umwi mukonzyanyo mupati mu Bbaibbele ujanwa muli Johane Mubbizyi naakali kwaamba Mufutuli kuti “Mwanaambelele ookwa Yahuwah uugwisya zinyonyoono zyanyika. ” (Johane 1:29, KJV). Kakwiina mabala aamwi aambwa aawo, eeci caambwa inga cafwamba kuletela mizeezo yamuntu eeco cicitwa mucituuzyo cakununuzya muntu wakawida mucinyonyoono.\\nAcimwi citondezyo nkocili mu Mangwalo, ciiminina Melechizedeki. Intembauzyo 110:4 yaamba kuti: “Yahuwah wakakonkezya, alimwi takabweedi musyule pe, Webo uli mupaizi kwa lyoonse alyoonse mumulongo wa Melechizedeki. ”\\nEeci cintu cilaa mulimo mupati nkaambo kakuti icintu cini ncocaamba cikoya maambila mbali eelyo mulembi wa bbuku lya baHebulayo nainduluka kwaamba bbala lyomwe-lyomwe lya kampango aaka mu BaHebulayo 7:17: “Nkaambo ooyo uukonkezya wati, Webo uli mupaizi lyoonse alyoonse mumulongo wa Melechizedeki. ” (KJV)\\nIBbaibbele lyoonse lilalipandulula lwalyo lini kwiinda muzitondezyo, aboobo cilikke muntu ncayelede kucita muntu nkucengulukila buyo kubbuku lya Matalikilo 14 akwiiya kuti wakalini Melechizedeki mwini acintu ncaakazyibidwe mpuwo.\\nMelechizedeki: wakali Mwaalumi wa Maseseke\\nMyaka minjaanji kataninga zyalwa Isaka, nguwaapa kuti Abrahamu amwetemwete akuti Sarah amvwugwe kayide kulisekela, eelyo Loti amukwasyi wakwe kabataninga fumpwa akutolwa buzike munkondo yakalwanwa akataa bami baku Kanaani bongaye. Eelyo Abramu naakamvwa maŋunuŋunu aayo, wakabinda kubunganya lumamba lwa balanda bakwe akutandila bafumpi, kuyoosikila kubbazu lya kunyika kulaale, ooko nkwaakakubavwunina boonse bakafumpidwe, antoomwe azintu zyakabbidwe kuzwa mumasi aamumisena.\\nMpoonya Abrahamu alumamba lwakwe naakali kupiluka kutozya kumusanza, kwakamuswaanganya muntu umwi uulangika bweenzu kazya kuzyoomuswaanganya. Matalikilo 14:18 aamba kuti, “Mpoonya Melechizedeki mwami waku Salemu wakamuletela cinkwa awaini: alimwi wakali mupaizi wa Leza Mupati ali boonse.”\\nMelechizedeki wakali mwami alimwi wakali kupaila “Leza mupati ali boonse, ” Yahuwah. Pele aaka kaano takamanini buyo mpeenya aawa pe. Melechizedeki wakaleleka Abramu, mpoonya awalo wakapa kwakkumi kuli Melechizedeki!\\nNaakamanizya kutambula kwakkumi kuzwa kuli Abrahamu, ooyu muntu mweenzu, wakabweeda akuleka kubonwabonwa mumisela yakatobela nsiku alimwi tanabonwa kuzwa ciindi eeco. Tatuzyi pe nkwaakazyila; tatuzyi naa bakali bani bazyali bakwe; tatuzyi ambwaakakkala acuuno ca bwami nokuba naakaba mupaizi wa Yahuwah. Kufumbwa mulumbe wamanjenzyeezya tuukwe busena aawa pe, kwacaala buyo mulumbe uuyandika ngotupedwe. Walo ulibonya buyo kwakaindi kasyoonto alimwi mbweenya mbuli mbwabbuka kulibonya, ulayabaila, pele mumuntu mweenzu ooyu, kusisidwe makani aalaa ziiyo zibotu kapati zya mulimo wa Mufutuli wakabuka kuzwa kubafu.\\nMwami wa Bululami\\nIzina lini lya, Melechizedeki, liiminina “mwami wabululami. ” Mangwalo atupa mulumbe uutakwe kampenda wa basimilimo baalilwa kucita zintu akubula nguzu pele kabatonkomene ncobeni kusyomeka muli Yahuwah, pele kunyina cilembedwe cili boobo caambilizya Melechizedeki. Aboobo muli ceeci, walo uleelela kapati kuba mucibaka ca Yahushua. Kunyina awumwi muntu wakali kutondeka kuli Messiah mbuli Melechizedeki.\\nMulembi wa BaHebulayo wakapandulula kuti:\\nLino amuyeeye bupati bwamuntu ooyu mbobubede, wakapegwa kuli sikale Abrahamu cimanyakkumi ca lubono ndwaakaakusaala. Alimwi aabo babana ba-Levi, abanjila bupaizi ncobeni babalilwa kumulawo, kuti basangilwe cimanyakkumi kubantu, nkokuti abalo mbazyalwa ba Abrahamu; pele ooyo uutali walunyungu lwabo wakatambula cimanyakkumi kuzwa kuli Abrahamu akumulongezya walo ngwaakasyomezya zisyomyo. Lino tatukwe muntu uuzumanana kuti musyoonto walongezyegwa aamupati wakwe. Alimwi sunu bantu baide kufwa buyo mbabasangilwa cimanyakkumi, pele walo ulatambula kwa kkumi kuzwa kuli mbabo, kwalo ooko omwe wakasangilwa ngowakapa bumboni bwakuti nkwali alimwi muzumi. Mbwaanga awalo Levi, uutambula cimanyakkumi, awalo wakasangila kwakkumi kuli Melechizedeki kwiinda muli Abrahamu, kwaamba boobo, nkaambo wakacili mucikungu ca wisi eelyo Melechizedeki naakaswaanganya Abrahamu. (BaHebulayo 7:4-10, NKJV)\\nMasimpe kuti Melechizedeki wakaleleka Abrahamu, wisi wa Aaroni abamukowa wakwe, akutondezya kuti bupaizi bwa Melechizedeki mbupati kwiinda bwa ba Levi.\\nMwami wa Luumuno\\nMelechizedeki taakali buyo “Mwami wa bululami. ” Mbwaakali Mwami waku Salemu, wakali “Mwami wa luumuno, ” nkaambo kakuti munzi wa Salemu wiiminina luumuno. Alimwi,\\neeci ncitondezyo ceebeka ciiminina Yahushua ooyo waambwa kuti “Mwanaa Mwami wa Luumuno.”\\nAabo basyoma baleza botatwe kwaciindi cikubwene bakali kweezyeezya kuti Melechizedeki wakali Muya Uusalala nokuba Kristu kataninga zyalwa. Bamwi balaindizya kuya kumbele kuti Melechizedeki wakali Taata muciimo cabuntu. Nokuba boobo, manjezyeezya aamusyobo ooyu azwide buyo zintu zilubide eezyo zyakacaalizya kuzwa kulusyomo lwa bupaizi bwa baleza botatwe.\\nMelechizedeki wakali muntu susu ncobeni. Kunyina pe nociceya mu Mangwalo caambilizya ciimpene aceeco. Aboobo, walo wakali kkwene cakumaninina kutondeka ku Mufutuli, ooyo mu Mangwalo uuyubununwa kuti, awalo wakali muntu uukkwene ncobeni.\\nKutegwa anunune mukowa wabantu akaambo kacibi mwaakawida Adamu, Yahushua wakeelede kuba muntu susu wanyama ncobeni. “Nkaambo kwiinda mucibi camuntu omwe banji bakafwa, aboobo luzyalo lwa Yahuwah a cipego ca Mwaalumi omwe, Yahushua Messiah, cakagwasyilizya banjaanji.” (BaLoma 5:15, NKJV)\\nAlikke mukonzyanyo (citondezyo) cikkwene buntu ncecakali kukonzya kutondeka cakumaninina kuli yooyo weelede kuba cituuzyo (cinicini) caambwa muzitondezyo eezyo, Yahushua.\\nBulangizi bwa Mukristu\\nMasimpe kuti Melechizedeki wakali mupaizi alimwi wakali mwami kumwi kali muntu wanyama uukkwene, eeci ciyiisya ciiyo ciyandika cipati caambilizya Yahushua awalo, mbweenya buyo mbwali, mwami alimwi kali mupaizi kumwi kali muntu wanyama uukkwene.\\nYahushua, mbweenya mbuli Melechizedeki ooyo wakali kumbele lyakwe,\\nawalo wakasalwa kukkala cuuno cipati amulimo mupati ooyu a Yahuwah Lwakwe. Eeci ncecipati cakuti bupaizi bwa Yahushua kabulaa bulemu bwiinda bupaizi bwa baLevi aabo bakakona buyo bupaizi bwabo nkaambo kakuzyalilwa mumukwasyi wabapaizi.\\nAlimwi mbweenya [Yahushua] mbwaatakabikkwa bupaizi kakwiina cikonkezyo (nkaambo bakabikkwa bupaizi kakwiina cikonkezyo), pele kwiinda mucikonkezyo cayooyo wakaambilizya nguwe kuti:\\nalimwi nsyekwe kubweeda musyule,\\n'Webo uli mupaizi lyoonse alyoonse\\nkweendelanya a mulongo wa Melechizedeki’”,\\nmbombuboobo Yahushua mbwaakaba cikonkezyo ca cizuminano ciinda kubota. (BaHebulayo 7:20-22, NKJV)\\nBupaizi bwa baLevi bwakasimpa aciciingano, pele bupaizi bwa Yahushua bunooliko lyoonse alyoonse. Oobu mbobulangizi bwa munaKristu:\\nAlimwi kwakali bapaizi banji [baLevi], nkaambo bakalesyegwa bupaizi kwiinda mukufwa. Pele walo [Yahushua], nkaambo kakuti unooli mupaizi lyoonse alyoonse, ulaa bupaizi butacinci. Aboobo ulakonzya kuvwuna cakumaninina aabo baboola kuli Yahuwah kwiinda muli Nguwe, nkaambo lyoonse uponena kwiiminina mbabo mucibaka cabo.\\nAlimwi aabo bakanjila bupaizi kukubalwa, nkaambo kakuti lufu lwakali kubakasya kuti kabacibeleka mulimo wabo, pele walo ulakkalilila lyoonse, aboobo tajisi muntu uunga wakkala mucibaka cabupaizi bwakwe. Cali cibotu kuti tube aa Mupaizi Mupati uuli bobuya, uusaalala, uutakwe luuni, uutakwe kampenda, uupambukide kuzwa kuli basizibi akusumpulwa kwiinda julu. Teelede kupaila azipaizyo mazuba woonse mbubonya mbuli baabo bapaizi bapati, nkaambo balo bakali kusaanguna kupailila zibi zyabo, alwabili kupailila zibi zyabantu, pele eeci Yahushua wakacicita mulweendo lomwe naakalituuzya lwakwe mwini. Nkaambo mulawo nguusala bantu mubulengausi bwabo kuti babe bapaizi bapati aabo batakwe nguzu, pele jwi lya cikonkezyo, lyakatobela kumbelaa mulawo ndelisala Mwana kuba Mupaizi uulomene lyoonse mukuyaa myaka. (BaHebulayo 7:23-24, NKJV)\\nYahushua, mbweenya mbuli Melechizedeki wakasalwa cigaminina a Yahuwah kuti akkale acuuno ca mulimo waandeene. Aboobo kwiinda mubulowa Bwakwe mbwaakatila, boonse batambula lufu Lwakwe, kubuka kwakwe kuzwa kubafu, amulimo wakwe mumaumi aabo, balaima kunembo lya Yahuwah kubee kunyina nibakacitide cinyonyoono.\\nKutegwa umvwe makani manjaanji aa Melechizedeki eceeco ooyu mwami-mupaizi wansiku ncayubununa cijatikizya mufutuli anzila ya lufutuko, kolanga cibeela ca Sikapepele ku WLC cilaa mutwe wakuti “Melchizedeki, Once & Future King.”\\n1 “If,” David Gates.","num_words":1105,"character_repetition_ratio":0.063,"word_repetition_ratio":0.0,"special_characters_ratio":0.156,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"13 Lino mumbungano yaku Antiokeya kwakali basinsimi abamayi aaba:+ Barnaba, Simiyoni uutegwa Nigeri nkokuti Uusiya, Lukiya waku Kurene, Manayeni iwakali kwiiya acikolo comwe a Heroda mweendelezi wacilikiti, alimwi a Saulo. 2 Nobakali kukutaukila Jehova* akuliimya kulya, imuuya uusalala wakati: “Amundizandwide Barnaba a Saulo+ kutegwa babeleke mulimo ngondabaitila.”+ 3 Mpoonya nobakamana kuliimya kulya akupaila, bakabikka maanza aabo alimbabo akubatuma. 4 Eelyo baalumi aaba ibakatumwa amuuya uusalala bakaselemuka kuya ku Selukiya, mpoonya kuzwa kooko bakatanta bwato akuunka ku Kupro. 5 Nobakasika ku Salami, bakatalika kukambauka jwi lya Leza muzikombelo zyaba Juda. Awalo Johane wakali ambabo kali mugwasyilizi.+ 6 Nobakainda munsumbu yoonse mane akuyoosika ku Pafo, bakayaanya mwaalumi umwi mu Juda wiitwa kuti Bari-Jesu iwakali simabibo alimwi musinsimi mubeji. 7 Wakali amweendelezi wacooko Sergio Paulu, imwaalumi uucenjede. Wakaita Barnaba a Saulo nkaambo wakali kuyandisya kumvwa jwi lya Leza. 8 Pele Elima, simasalamuzi (oobo mbolisandululwa zina lyakwe) wakatalika kubakazya, kayanda kuti mweendelezi wacooko ooyu atamvwi majwi aalusyomo. 9 Mpoonya Saulo, ooyo alimwi uutegwa Paulo, naakazula muuya uusalala wakamulangisisya 10 akwaamba kuti: “Omuntu uuzwide musyobo uuli woonse wabumpelenge amusyobo uuli woonse wabubi, yebo omwana wa Diabolosi,+ yebo sinkondonyina wazintu zyoonse ziluleme, sena tokooleka kunyonganya nzila zibotu zya Jehova?* 11 Bona! Janza lya Jehova* lili alinduwe eelyo uloofwaala, kotaboni mumuni wazuba kwaciindi cili mbocibede.” Ndilyonya eelyo wakawidwa sikunku amudima, mpoonya wakatalika kweendeenda kayandaula muntu wakumujatilila kujanza akumweenzya. 12 Mpoonya mweendelezi wacooko naakabona cakacitika, wakaba musyomi nkaambo zyakamugambya kapati njiisyo zya Jehova.* 13 Lino Paulo abeenzinyina bakatanta bwato ku Pafo akuya ku Perge mu Pamfiliya. Pele Johane+ wakabasiya akupiluka ku Jerusalemu.+ 14 Pele balo bakazumanana lweendo lwabo kuzwa ku Perge akuboola ku Antiokeya mu Pisidiya. Mpoonya nobakanjila mucikombelo+ mubuzuba bwa Sabata, bakakkala. 15 Nokwakamana kubalwa Mulawo+ alimwi a Basinsimi kubuleya, beendelezi bacikombelo bakabatumina mulomo, balaamba: “Nobaalumi, bakwesu, ikuti kakuli majwi aali oonse aakuyumya bantu ngomujisi, amwaambe.” 16 Aboobo Paulo wakanyamuka alimwi katambika ajanza lyakwe wakati: “Nobaalumi, nobana Israyeli anywebo nobamwi nomuyoowa Leza, amuswiilile. 17 Leza wabantu aaba ba Israyeli wakasala bamataateesu, alimwi wakabasumpula bantu aaba ciindi nobakali kukkala kabali bamuzwakule mucisi ca Egepita akubagusya oomo ajanza lisumpukide.+ 18 Alimwi kwaciindi citandila kumyaka iili 40 wakali kubakkazikila moyo munkanda.+ 19 Naakanyonyoona zisi zili ciloba munyika ya Kanana, wakabapa nyika eeyo kuti ibe lukono lwabo.+ 20 Zyoonse eezyi zyakacitika mumyaka iibalilwa ku 450. “Kuzwa waawo wakabapa babetesi kusikila kuciindi ca Samuele musinsimi.+ 21 Pele kuzwa kuciindi eeco bakali kuyanda mwami,+ eelyo Leza wakabapa Saulo mwana wa Kisi, imwaalumi wamukowa wa Benjamini,+ wakabalela kwamyaka iili 40. 22 Eelyo naakamugusya ooyu, wakabusya Davida kuti abe mwami wabo,+ ooyo ngwaakacitila bumboni akwaamba kuti: ‘Ndamujana Davida mwana wa Jese,+ imwaalumi weendelana amoyo wangu;+ walo uyoocita zintu zyoonse nzyondiyanda.’ 23 Kweelana acisyomezyo cakwe, kuzwa kulunyungu lwamuntu ooyu, Leza waletela ba Israyeli mufwutuli, Jesu.+ 24 Katanaboola ooyu, Johane wakakambaukide kale caantangalala kubantu boonse bamu Israyeli zyalubbapatizyo lwakali citondezyo cakweempwa.+ 25 Pele Johane naakali kuyaabumanizya lweendo lwakwe, wakali kwaamba kuti: ‘Ino muyeeya kuti ndime ni? Tandili nguwe pe. Pele amubone! Umwi ulaboola munsi lyangu ooyo ngonditeeleli kwaangununa mpato zyakumaulu aakwe.’+ 26 “Nobaalumi, bakwesu, nywebo nobana bamukwasyi wa Abrahamu abamwi bali akati kanu ibayoowa Leza, ijwi lyalufwutuko oolu lyatuminwa ndiswe.+ 27 Nkaambo bantu bakkala mu Jerusalemu abeendelezi babo tiibakamuzyiba ooyu, pele nobakalibikka mubusena bwababetesi, bakazuzikizya zintu zyakaambwa a Basinsimi,+ zyalo izibalwa cakupozya musabata imwi aimwi. 28 Nokuba kuti kunyina nobakamujanina kaambo keelede lufwu,+ bakalomba kuli Pilato kuti ajaigwe.+ 29 Lino nobakazuzikizya zintu zyoonse zilembedwe kujatikizya nguwe, bakamwaangula acisamu akumulazika mucuumbwe.+ 30 Pele Leza wakamubusya kubafwu,+ 31 alimwi kwamazuba manji wakali kuboneka kuli baabo mbaakeenda limwi kuzwa ku Galilaya kuya ku Jerusalemu. Aabo lino mbabakamboni bakwe kubantu.+ 32 “Aboobo swebo tumwaambila makani mabotu aacisyomezyo ncobakapegwa bamatata. 33 Leza wacizuzikizya coonse kulindiswe, tobana babo, kwiinda mukubusya Jesu;+ mbubonya mbokulembedwe muntembauzyo yabili kuti: ‘Yebo uli mwanaangu; sunu mebo ndaba bauso.’+ 34 Alimwi kaambo aako kakuti Leza wakamubusya kubafwu kakunyina kulangilwa kupilukila kukubola, Leza wakakaamba munzila eeyi yakuti: ‘Nywebo nobantu ndiyoomutondezya luyando lutamani ilusyomeka oolo ndundakasyomezya Davida.’+ 35 Aboobo muntembauzyo imbi alimwi kwaambidwe kuti: ‘Tokalekeli uusyomeka wako kuti abole.’+ 36 Davida, awalo wakabelekela Leza* muzyalani lyakwe mwini, wakoona mulufwu, wakalazikwa antoomwe abamausyi alimwi wakabola.+ 37 Pele ooyo Leza ngwaakabusya tanaakabola pe.+ 38 “Aboobo amuzyibe nobakwesu kuti, swebo tumwaambila zyakulekelelwa kwazibi kwiinda muli yooyu,+ 39 alimwi akuti muzintu zyoonse momwatakali kukonzya kululamikwa kwiinda mu Mulawo wa Musa,+ kufwumbwa uusyoma ulalulamikwa kulinzizyo kwiinda muli Jesu.+ 40 Aboobo, amucenjele kuti zitamucitikili eezyi zyakaambwa a Basinsimi kuti: 41 ‘Amulange eeci, nywebo nobasikusampaula, amugambwe, amulobe, nkaambo kuli mulimo ngondicita mumazuba aanu, imulimo ooyo ngomutakonzyi kusyoma naaceya nokuba kuti muntu uumbi wamwaambila makani oonse aajatikizya nguwo.’”+ 42 Lino nobakali kuzwa, bantu bakabakombelezya kuti bakabaambile makani aaya alimwi Sabata iitobela. 43 Aboobo muswaangano wamucikombelo nowakamana, ba Juda abasandule banji ibakali kukomba Leza bakamutobela Paulo a Barnaba. Eelyo aaba nobakali kwaambaula ambabo bakabakulwaizya kuti bazumanane kweenda muluzyalo lwa Leza.+ 44 Mu Sabata yakatobela munzi woonse wakatiimaninine kuboola kukuswiilila jwi lya Jehova.* 45 Ba Juda nobakabona makamu aabantu, bakazula munyono alimwi cakusampaula bakatalika kukazya zintu nzyaakali kwaamba Paulo.+ 46 Mpoonya cabusicamba ba Paulo a Barnaba bakabaambila kuti: “Kwakaleelede kuti jwi lya Leza lisaangune kwaambwa kulindinywe.+ Lino mbwaanga mwalikaka alimwi mutondezya kuti tamweeleli buumi butamani, mbubo, tulamusiya tuunke kuli bamasi.+ 47 Nkaambo Jehova* watulailila amajwi aaya aakuti: ‘Ndakubikka kuti ube mumuni kumasi, kuti ube lufwutuko kusikila kumagolelo aanyika.’”+ 48 Nobakamvwa boobo bamasi aabo, bakakondwa akulemeka jwi lya Jehova,* alimwi boonse aabo ibakali amyoyo mibotu, ibakalibambilide kutambula buumi butamani bakaba basyomi. 49 Kunze lyaboobo, ijwi lya Jehova* lyakali kuyaabumwaigwa koonse-koonse mucisi eeco. 50 Pele ba Juda bakayunga bamakaintu balaampuwo ibakali kuyoowa Leza abaalumi balupati-pati mumunzi, eelyo bakatalika kupenzya+ Paulo a Barnaba akubatanda mucisi cabo. 51 Aboobo Paulo a Barnaba bakabakunkumwida lusuko lwakali kumaulu aabo akuunka ku Ikoniyo.+ 52 Alimwi basikwiiya bakazumanana kuzula muuya uusalala akukondwa.+\\n^ Naa “wakacita kuyanda kwa Leza.”","num_words":893,"character_repetition_ratio":0.039,"word_repetition_ratio":0.0,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 38 IBBAIB63 - Lino kuciindi eco Juda wakazwa - Bible Search\\nMatalikilo 37 Matalikilo 39\\nMakani aa-Tamara. Mbwaakazyala Perezi a-Zera\\n1-Lino kuciindi eco Juda wakazwa kubakulana bakwe, waakuswaya umwi muntu waku-Adulamu, izina lyakwe kali Hira. 2-Nkabela nkukonya oko Juda wakabona musimbi mwana wa-Suwa umwi muntu mu-Kanana, elyo wakamukwata, waswanaana awe. 3-Lino wakaminta, wazyala mwana mulombe, wamuulika izina lya-Eri. 4-Wakaminta alimwi, wazyala mwana mulombe, wamuulika izina lya-Onani. 5-Alimwi lwatatu wakazyala mwana mulombe, wamuulika izina lya-Sela. Kali ku-Kezibi naakamuzyala.\\n6-Nkabela Juda wakajanina Eri mwanaakwe mutaanzi mwanakazi, izina lyakwe kali Tamara. 7-Pele Eri mwana mutaanzi wa-Juda, kali mubi mumeso aa-Jehova, aboobo Jehova wakamujaya. 8-Mpawo Juda wakaambila Onani kuti, Unjilile mwanakazi wamukulana wako, ucite mbweelede mulamu wako, ukabusizye mukulana wako lunyungu. 9-Pele Onani wakaziba kuti lunyungu talukooyooba lwakwe, aboobo naakaswanaana amukamukulana wakwe wakasowela anyika kuti atapi mukulana wakwe lunyungu. 10-Lino eco ncaakacita cakabija mumeso aa-Jehova, aboobo wakamujaya alakwe. 11-Elyo Juda wakaambila Tamara mukamwana wakwe kuti, Kosyaala mbuli nabutema muŋanda yauso mane mwanaangu Sela akomene. Nkaambo wakali kuyeeya kuti, Ambweni ulafwa alakwe mbubonya mbuli bakulana bakwe. Aboobo Tamara wakainka kuyookala muŋanda yawisi,\\n12-Lino necakaba ciindi, mwana wa-Suwa (ngonguwe muka-Juda) wakafwa. Nkabela Juda, naakaleka kulila, wakainka ku-Timna, nkobakali kuyunda imbelele zyakwe, antoomwe amuzwalani wakwe Hira mu-Adulamu. 13-Elyo Tamara wakalwiidwa kuti, Bona, usozyala wainka ku-Timna kuyooyunda imbelele zyakwe. 14-Amvwe obo, wakasamununa zyakusama zyabunabutema bwakwe, waliputilila intambala kubusyu bwakwe, walyeenyeenya, waakukala kumulyango waku-Enaimu munzila iiya ku-Timna, Nkaambo wakabona kuti Sela wakomena kale, nekubaboobo tana kumupegwa kuti amukwate. 15Lino Juda naakabona, wakayeeya kuti ngusimamambe, nkaambo kavumbide busyu bwakwe. 16Mpawo wakaleya munzila mwaakabede, wamwaambila kuti, Wence tuswanaane ayebo, Nkaambo takwakaziba kuti ngumukamwana wakwe. Wakati, Ulandipanzi kuti uswanaane ambebo? 17-Wakavuwa kuti, Ndakutumina mwana wampongo kuzwa kutanga, Wakati, Sa tokonzyi kundipa citondezyo calusyomo mane ukatume? 18-Wakabuzya kuti, Nkupe citondezyonzi? Wakati, Kondipa cinamatizyo cako antambo yako amusako uuli mujanza lyako. Wakamupa, waswanaana awe, nkabela wakaminta kuzwa kulinguwe. 19-Lino wakanyampuka, waya kulinguwe, wasamununa intambala njakasamide, wasama zyakusama zyabunabutema bwakwe,\\n20Lino Juda wakatuma mwana wampongo kujanza lyamuzwalani wakwe mu-Adulamu, kuti aboozye citondezyo kuzwa kumaanza aamwanakazi, pele takwe naakamujana pe. 21Nkabela wakabuzya bantu bakooko kuti, Uli kuli simamambe iwakali kumbali anzila ku-Enaimu? Bakavuwa kuti, Katakwe simamambe okuno pe. 22Mpawo wakapiluka kuli-Juda, wati, Nsikwe kumujana pe. Abalo bantu bakooko bakati, Katakwe simamambe okuno. 23Lino Juda wakati, Atole biyo zintu, kuti tutasekwi. Wabona kuti ndalitumide oyu mwana wampongo, pele tokwe kumujana.\\n24-Lino ciindi cili mbuli myezi yotatwe necakamana, Juda wakalwiidwa kuti, Bona! Tamara mukamwana wako wacita bwaamu, wamintila mubwaamu, Mpawo Juda wakaamba kuti, Amumugwisye, aumpwe. 25-Pele naakali mukugwisigwa, wakatumina wisizyala mulazyo wakuti, Muntu uuli azintu ezi nguwakandiminsya. Alimwi wakati, Bona, uzibe na nzizyani zintu ezi-cinamatizyo antambo amusako. 26-Mpawo Juda wakaziziba, wati, Uliluleme kwiinda ndime, nkaambo ndakabula kumupa Sela mwanaangu. Elyo takwe naakaindulula kumuziba.\\n27Lino ciindi cakwe cakutumbuka necakasika, mwakajanwa mayanga muzyalilo lyakwe. 28Nkabela mukuzyala kwakwe umwi mwana wakazuluzya ijanza lyakwe, Lino sikutumbusya wakajata ijanza lyakwe, walyaanga akatambo kasalala pyu, wati, Ngooyu mutaanzi kuzyalwa. 29Pele naakapilusya ijanza lyakwe, mweenzinyina wakazwa. Elyo wakati, Ma! Wapola buti yebo? Nciceeco izina lyakwe ncaakaulikwa kuti ngu-Perezi. 30Musule lyakwe mwakazyalwa mweenzinyina iwakajisi katambo kasalala ajanza lyakwe, nkabela wakaulikwa izina lya-Zera.","num_words":495,"character_repetition_ratio":0.051,"word_repetition_ratio":0.0,"special_characters_ratio":0.179,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Baalu Banakristo—Kuyiisyigwa Abeembezi Babikkila Maano\\nBa Joni Shalamberidze antoomwe aba Tamazi Biblaia kumatalikilo aamyaka yamuma 1990\\nKumatalikilo aamyaka yamuma 1990, bunji bwambungano zyamucisi ca Georgia zyakajisi buyo mwaalu omwe naa mukutausi omwe. Bunji bwaziindi, mbungano zyakajisi tubunga twiindene-indene itwakali kuswaangana tolikke, akaambo kakuti basikumwaya bakalitanteene kukkala mucilawo calo icakali kubikkilizya amadolopo aali mbwaabede naa minzi.\\nBa Joni Shalamberidze aba Pavle Abdushelishvili—boonse bobilo ibakabelekede kale muzilawo izili kule—bakatumwa kuyoogwasyilizya ku Telavi, idolopo lili mucooko ca Kakheti. Mbungano iyakali kubusena ooku yakajisi basikumwaya bali 300, pele kwakanyina mwaalu naba omwe. Yakajisi tubunga tuli 13 itwakali kuswaanganina mumasena aaindene-indene.\\nBa Pavle Abdushelishvili\\nTiilyakalampa, ba Joni aba Pavle bakabona cintu cipati icakali kusinkila bakwesu kuyaambele kumuuya. Ba Joni bakapandulula kuti: “Bunji bwabakwesu bakajisi myuunda mipati alimwi amyuunda yamisaansa. Mbwaanga ncilengwa buya muminzi basimukobonyina kugwasyanya milimo yabo yamumafaamu, bakwesu bakali kunga ciindi cinji bajanika aabantu batasyomi.”—1Kor. 15:33.\\nBa Joni aba Pavle bakapa muzeezo wakuti ibakwesu kabalomba Bakamboninyina kubagwasya kutebula zisyango zyabo. Kwiinda mukucita boobo, bakali kukonzya kugwasyigwa akuyanzana kubotu ciindi nobacita milimo yabo yamumafaamu. (Muk. 4:9, 10) Ba Joni bakaamba kuti: “Luyando akati kababunyina mumbungano lwakatalika kuyuma.” Nokwakainda myaka yotatwe kuzwa ciindi ba Joni aba Pavle nobakazwa kucooko ca Kakheti, kwakali baalu bali 5 abakutausi bali 12 bakubusena ooku.\\nMiswaangano Yagwasya Kuyungizya Luzyibo Mubukambausi\\nAkaambo kakuti mulimo wesu wakalilesyedwe mane kusikila kumatalikilo aamyaka yamuma 1990, Bakamboni bakali kuswaangana mutubunga tusyoonto-syoonto kucita buyo Ciiyo Cabbuku Cambungano alimwi a Ciiyo ca Ngazi Yamulindizi. Nokuba kuti miswaangano eeyi yakali kukulwaizya, tiiyakabambilidwe kuyiisya basikumwaya mbobakonzya kubeleka mulimo wakukambauka.\\nPele zintu zyakacinca nobwakamana bweendelezi bwaci Kkomyunizimu. Lino mbunga ya Jehova yakalailila mbungano kuti kazicita Cikolo Camulimo Weendelezyegwa a Leza alimwi a Muswaangano Wamulimo kuba cibeela camiswaangano yabo yansondo ansondo.\\nBa Naili Khutsishvili abapati babo bakaintu ba Lali Alekperova, balayeeya ciindi nobakali kujanika kumiswaangano eeyi. Ba Lali bakaamba kuti: “Cakali ciindi cikkomanisya kapati. Boonse bakalikkomene kapati kuzyiba kuti lino abalo bacizyi bakali kukonzya kutola lubazu mupulogilamu.”\\nBa Naili bakaamba kuti: “Mucitondezyo cimwi, mukamwiniŋanda wakali kubala muteende acibumbili ciindi naakamvwa muntu uukonkomona kumulyango. Ciindi nobakaambilwa kunjila, bacizyi bobilo bakanjila kumulyango waŋanda yakuswaanganina akweenda mane kuyoosika kucibumbili!” Ba Lali bakayungizya kwaamba kuti: “Nokuba kuti zimwi ziindi miswaangano eeyi yakali kugambya, yakatugwasya kuyungizya luzyibo lwesu mubukambausi.”\\nKuyandika Kwacakulya Cakumuuya Kwayungizyika\\nKwamyaka minji, bakwesu bamwi bakali kukkopolola mabbuku aamba zyamu Bbaibbele aŋanda kwiinda mukubelesya mincini iibelesyegwa amaanza kukkopolola. Kutegwa bacikonzye kuba amabbuku aakali kuyandika, bakwesu lino bakatalika kubelesya makkampani aabasimakwebo bapulinta ibakali kukonzya kupulinta mamagazini eesu amuulo uuli kabotu.\\nKutegwa babambe makkopi aakusimba aamamagazini eesu aamumwaambo waci Georgian, bakwesu bakali kutendulula mabala aakalembedwe mumuteende akwaamatika kucivwumbyo camagazini ya Chingisi\\nBakwesu bakali bankutwe ciindi nobakali kubamba kkopi yuunka mukupulintwa. Malembe aakasandululwa mumwaambo waci Georgian akali kulembwa kabotu-kabotu kweelana ambwaalembedwe mumagazini yamu Chingisi. Mpoonya bakwesu bakali kutendulula zifwanikiso kuzwa mumagazini ya Chingisi akubikka acipepa cakukkopolola amuncini uutegwa typewriter. Kumane, bakali kukkopa mbwaalembedwe mabala aakalembedwe kabotu mumuteende akwaanamatika kucivwumbyo camagazini. Lino magazini yakali kweelela kutumwa kukusimbwa!\\nMamagazini aamumwaambo waci Georgian aakusaanguna aakali kusimbilwa mucisi mumonya\\nCiindi notwakaba amakkompyuta, bakwesu bobilo bakubusi ba Levani Kopaliani aba Leri Mirzashvili, bakanjila zikolo zyakwiiya mbwaabelesyegwa kabotu makkompyuta aaya. Ba Leri bakaamba kuti: “Tiitwakajisi luzyibo, alimwi kanji-kanji zintu tiizyakali kweenda kabotu. Pele kwiinda mukugwasyigwa a Jehova, tiilyakalampa twakatalika kutaipa alimwi akupanga mamagazini eesu.”\\nNokuba kuti kwakali buyumuyumu, mbungano zyoonse mucisi ca Georgia zyakatalika kutambula mamagazini aakajisi zifwanikiso zyamibala-mibala (four-color magazines) aakali kusimbwa mucisi mumonya. Pele mukuya kwaciindi, cakatalika kukatazya kusimba mweelwe wamamagazini aakali kuyandika kweelana akuyungizyika kwakali kucitika. Aciindi ceelede, babelesi ba Jehova mucisi ca Georgia bakatambula malailile aaluyando kuzwa kumbunga ya Jehova.\\nMuswaangano wamasi iwakacitwa mu 1992 ku St. Petersburg, Russia, wakapa coolwe cakuti bakwesu bakucisi ca Georgia babonane abaiminizi bamutabi ibakali kuzwa kucisi ca Germany. Ba Genadi Gudadze bakaamba kuti: “Bakatupandulwida mboucitwa mulimo wakusandulula. Bakatwaambila kuti kumbele kuyooboola bayootuswaya kutegwa bakatugwasye amulimo wakusandulula.”\\nKusimba mabbuku aamba zyamu Bbaibbele aamumwaambo waci Georgian tiicakali cintu cuuba-uba pe. Mbwaanga mwaambo ooyu wakali kulembwa munzila iilibedelede, pulogilamu iibelesyegwa ambunga iitegwa Multilanguage Electronic Publishing System (MEPS) tiiyakaningatalika kubelesya mabala aamwaambo waci Georgian. Aboobo, kwakayandika kupanga foonti mpya kutegwa kaibelesyegwa ku photocomposition alimwi akukusimba.\\nKaindi, kumamanino aamyaka yamuma 1970, mukwasyi umwi wakucisi ca Georgia waba Datikashvili, wakalongela kucisi ca United States kwalo mwana umwi wamumukwasyi ooyu uutegwa Marina, nkwakaiya kasimpe mukuya kwaciindi. Wakagwasya kapati ciindi bakwesu baku Bbeteli yaku Brooklyn nobakali kupanga mabala aamumwaambo waci Georgian kutegwa alufabbeti baibikke mupulogilamu ya MEPS. Tiilyakalampa, matulakiti amabroshuwa amwi mbuli yakuti “Amubone! Ndalengulula Zintu Zyoonse Zibe Zipya” akatalika kusimbwa kucisi ca Germany.\\nLugwasyo Kujatikizya Mulimo Wakusandulula\\nMu 1993, ba Michael Fleckenstein abakaintu babo ba Silvia, bakasika mu Tbilisi kuzwa kumutabi wakucisi ca Germany kuzootalisya ofesi yakusanduluda. Ba Michael bakaamba kuti: “Mumizeezo, ndakacili kuyeeya muswaangano ngotwakajisi ku St. Petersburg. Notwakasika mu Tbilisi kakwiindide myezi iili 18, twakagambwa kapati kujana kabunga kabasanduluzi ikakali kubeleka kale!”\\nBa Leri Mirzashvili, ba Paata Morbedadze, aba Levani Kopaliani kababeleka muofesi yakusandulwida ku Tbilisi mu 1993\\nMumyezi misyoonto buyo, kabunga kabasanduluzi bali 11 kakali kubeleka muofesi iyakali muŋanda nsyoonto. Tulalumba kapati akaambo kalwiiyo ndoipa mbunga ya Jehova, cakulya cakumuuya cakatalika kutolwa mumbungano aciindi ceelede.\\nKutola Cakulya Cakumuuya Ciindi Camanyongwe\\nNobwakamana bweendelezi bwa Soviet Union, manyongwe aamucisi alimwi amazwanga akatalika muzisi zinji, kubikkilizya amucisi ca Georgia. Akaambo kaceeci, kweenda—kwaambisya kuunka muzisi zimbi—kwakatalika kuyoosya.\\nMukwesu Zaza Jikurashvili amukwesu Aleko Gvritishvili (abamakaintu babo) bakali kutola mabbuku myaka nokwakali manyongwe\\nBumwi buzuba mu November 1994, ba Aleko Gvritishvili bakali kuunka kucisi cimbi antoomwe abakwesu bamwi bobilo ciindi nkamu yabamaalumi ibakajisi ntobolo noyakabaimika akubaambila kuti bazwe mumootokala wabo. Ba Aleko bakaamba kuti: “Bamaalumi aaba bakanyema kapati nobakabona mabbuku eesu aamba zyamu Bbaibbele. Bakatwiimika mulaini mbuli kuti bakali kuyanda kutujaya. Twakapaila kuli Jehova kuzwa ansi aamoyo. Nokwakainda mawoola abalilwa kuli obilo, umwi wambabo wakatwaambila kuti, ‘Kamubweza mabbuku aanu muunke—pele kuti mukaboole alimwi, tuyooyuumpa mootokala yanu akumujaya.’”\\nNokuba kuti bakakongwa boobu, bakwesu bakazumanana kutola cakulya cakumuuya. Mukwesu Zaza Jikurashvili, iwakalyaabide kapati kuleta mabbuku aamba zyamu Bbaibbele kucisi ca Georgia, wakaamba kuti: “Twakalizyi kuti bakwesu bakali kuyandika cakulya cakumuuya. Bamakaintu besu bakatugwasyilizya kapati.”\\nBa Aleko bakaamba kuti: “Bunji bwabakwesu ibakali kutola mabbuku bakalijisi mikwasyi.” Ino ncinzi cakabakulwaizya kuzumanana nokuba kuti kwakali ntenda? Bakazumanana kwaamba kuti: “Cipati, kwakali kulumba kwesu kupati kuli Jehova alimwi aluyando ndotwakajisi kulinguwe. Alimwi twakali kuyanda kutondezya kubikkila maano kwa Jehova kubakwesu abacizyi.”\\nTulalumba kapati kubakwesu aaba akaambo kamuuya wabo wakulyaaba, mabbuku tanaakaleka kusika mumyaka nokwakali manyongwe mucisi. Mukuya kwaciindi, bakwesu bakajana nzila yakali kabotu akati kacisi ca Germany aca Georgia.\\nKukulwaizyigwa Kumuuya Aciindi Ceelede\\nCiindi manyongwe aajatikizya twaambo twacisi naakamana, Bakamboni bakapanga bubambe bwakucita muswaangano wacooko wakusaanguna. Ciindi cacilimo mu 1996, bantu babalilwa ku 6,000 ibakazwa kucisi ca Georgia bakajanika kumuswaangano wacooko iwakacitwa mumasena otatwe: Gori, Marneuli, a Tsnori.\\nBakamboni bali kumuswaangano wacooko munsi-munsi adolopo lya Gori mu 1996\\nMuswaangano iwakacitilwa mudolopo lya Gori, wakabakkomanisya kapati aabo bakajanika. Eelo kaka kwakali kucinca kuzwa leelyo bakwesu nobakali kudooneka naa bantu bakali kukonzya kuzula mubusena oobu bwakucitila miswaangano lya Ciibalusyo! Lino bakali kulangila kuti kulajanika bantu bainda ku 2,000, pele tiibakali kukonzya kujana busena bupati bwakucitila muswaangano ooyu. Aboobo bakasala kuucitila anze muswaangano, kubusena bubotu bwamalundu ibwatakali kulamfwu kapati adolopo.\\nMukwesu Kako Lomidze, iwakabelekela mu Kkomiti Yamuswaangano wakaamba kuti: “Nowakamana muswaangano, bakwesu abacizyi bakazumanana kubandika antoomwe, kwiimba nyimbo alimwi akuyanzana kukkomanisya. Cakalibonya kubantu boonse kuti bantu ba Leza balikamantene akaambo kaluyando ndobajisi.”—Joh. 13:35.\\nBubambe Bwaluyando Bwakapa Kuti Kube Kuyungizyika\\nKutalikila mu 1996, kwakabikkwa bubambe bwakuti balangizi beendeenda kabaswaya mbungano imwi aimwi mucisi kwansondo yomwe iikkwene. Kutegwa baizuzikizye mbaakani eeyi, kwakasalwa balangizi beendeenda bapya kusangana baabo ibakali kubeleka kale mucisi ca Georgia nkocili kumbo alimwi ankocili kujwe.\\nCakutadooneka, ‘kubeleka kwabo kwaluyando’ alimwi akusyomeka kumulimo kwabalangizi aaba beendeenda kwakagwasya kuti mbungano zikomene alimwi akwaatobela kabotu malailile aa Leza. (1Tes. 1:3) Kuzwa mu 1990 kusikila mu 1997, kwakaba kuyungizyika citaambiki. Nokuba kuti basikumwaya ibali 904 mbebakalipoota mulimo wabo mu 1990, kwakainda buyo myaka iili ciloba, basikumwaya bali 11,082 bakali kukambauka makani mabotu!\\nKukomena kwakumuuya ikwakatalikide myaka iili mbwiibede yakaindide, lino kwakalibonya kuti kwakalimwaikide mucisi coonse. Pele Jehova wakababambilide azimbi zilongezyo zinji bantu bakwe bamucisi ca Georgia.\\nIno Balangizi Bamabazu Bazigwasya Buti Mbungano zya Bakamboni ba Jehova?","num_words":1254,"character_repetition_ratio":0.058,"word_repetition_ratio":0.0,"special_characters_ratio":0.15,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Jesu Kristo Ngwani? | Makani Mabotu\\n1. Buumi bwaJesu bwakatalika biyeni?\\nMbobuli bube bwakapa kuti bantu kabatayowi kwambulaa Jesu?​—MATAYO 11:29; MARKO 10:13-16.\\nKusiyana abantu boonse, Jesu wakapona kujulu mbuli cilenge camuuya katanazyalwa munyika. (Johane 8:23) Wakaba cilenge citaanzi caLeza, alimwi wakagwasya mukulenga zimwi zyoonse. Akaambo kakuti nguwe wakalengwa aJehova mwini, nkikaako ncayeelede kwiitwa kuti Mwanaa Leza “uuzyalwa alike.” (Johane 1:14) Jesu wakali Sikwaambulila Leza nkikaako wiitwa kuti ndi“Jwi.”​—Bala Tusimpi 8:22, 23, 30; baKolose 1:15, 16.\\n2. Nkamboonzi Jesu ncakaza munyika?\\nLeza wakatuma Mwana wakwe munyika kwiinda mukucinca buumi bwakwe bwakujulu akububika muda lyamusimbi nakalindu Mariya wakali muJuda. Nkikaako Jesu tiiwakalaa wiisi uli muntu munyika. (Luka 1:30-35) Jesu wakaza munyika (1) kuzoyiisya kasimpe atalaa Leza, (2) kutubikila cikonzyanyo mbotukonzya kucita kuyanda kwaLeza nikuba kuti katuli mubulemu, alimwi, (3) akupa buumi bwakwe bumaninide kacili “cinunuzyo.”​—Bala Matayo 20:28.\\n3. Nkamboonzi ncituyanda cinunuzyo?\\nCinunuzyo nimbadalo igwisigwa kuti muntu aangununwe kuzwa mulufu. (Kulonga 21:29, 30) Tensi zyakali mumakanze aLeza akumatalikilo kuti bantu kabafwa akucembala. Eezyo tuzizi biyeni? Leza wakabuzya muntu wakutalika Adamu kuti wakali kuyoofwa aawo naacita ncaambwa aBbaibbele kuti “cibi.” Nkikaako nikuli Adamu taakacita cibi nikuli tafwide pe (Matalikilo 2:16, 17; 5:5) Kweendelana Bbaibbele, lufu ‘lwakanjila’ mubantu kwiinda muli Adamu. Nkikaako Adamu wakiinzya cibi eeco ciyeeta lufu kubantu. Akaambo kakuti twakakona lufu kuzwa kuli Adamu, eelyo tulaciyanda cinunuzyo.​—Bala baRoma 5:12; 6:23.\\nNgwani wakali kuyookonzya kutunununa kulufu? Ikuti twafwa tunoli twabbadalila zibi zyesu luzutu. Takukwe muntu utamaninide unga wakonzya kubbadala zibi zyabamwi.​—Bala Intembauzyo 49:7-9.\\n4. Jesu wakafwidaanzi?\\nJesu wakalisiyene andiswe, nkaambo wakalimaninide. Tiiwakacita cibi niciba comwe, nkikaako tiikwakalikuyandika kuti afwide zibi zyakwe. Nikuba boobo, Jesu wakafwida zibi zyabamwi. Leza wakatondezya bantu luyando lwakwe lupati akutuma Mwanaakwe kuti azootufwide. Jesu alakwe wakatondezya luyando kulindiswe kwiinda mukuswiilila Wisi akufwida zibi zyesu.​—Bala Johane 3:16; baRoma 5:18, 19.\\nYeebela kavidiyo kategwa Jesu Wakafwidaanzi?\\n5. Jesu ulokucitaanzi lino?\\nNakalaa nyika, Jesu wakaponya bakalikuciswa, wakabusya bakafwide, alimwi wakanununa aabo bakalimumacise mapati. Awo wakatondezya nzyatakacitile bantu boonse baswiilila mubuumi bwakunembo. (Matayo 15:30, 31; Johane 5:28) Awo Jesu nakafwa, Leza wakamubusya kalicilenge camuuya. (1 Petro 3:18) Mpawo wakakkala kujanza lyalulyo lwaLeza kalindila kusikila aawo Leza nakamupa nguzu zyakulela nyika yoonse mbuli Mwami. (baHebrayo 10:12, 13) Lino Jesu ulikutonga kujulu kali Mwami, alimwi basikumutobela balikwaambilizya aayo makani mabotu munyika yoonse.​—Bala Daniele 7:13, 14; Matayo 24:14.\\nLino-lino, Jesu uyoobelesya nguzu zyakwe kali Mwami kumanisya mapenzi oonse alimwi abaabo baweetelezya. Boonse batondezya lusyomo kuli Jesu kwiinda mukumuswiilila, bayoobotelwaa buumi muparadaiso aanyika.​—Bala Intembauzyo 37:9-11.\\nChinunuzyo niinzi? Kujana cakugwasya biyeni?","num_words":358,"character_repetition_ratio":0.041,"word_repetition_ratio":0.0,"special_characters_ratio":0.209,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Imvwula Nkukula-Nsoke Ilawa! (Hena webo uliitambula na?) Print\\nImvwula Nkukula-Nsoke Ilawa! (Hena webo uliitambula na?)\\nBana Kristu batonkomene bakali kulangila amyoyo yoonse, kulangila “Mvwula Ncaalizi” nanka cisyomyo ca “kubotezyelwa” ca Muya Uusalala eeco ncobakali kulindila kuti cibabambile kupa Koompolola Kupati mukaindi kasyoonto munsaa Kuboola Kwabili. Pele kampango kamwi kaindidwe ambali aako kali mubbuku lya Ciibalusyo, kayubununa kuti “Mvwula yalunywaanya” eeyo iliimpene acintu cili coonse ncobakali kulangila, alimwi iluujisi kale kuwa cino ciindi!\\nGanda lyakutambila zipekupeku azisobano lya Iroquois , Chicago, Illinois, mu Nalupale 1903.\\nEelyo ŋanda yakulangizyila zipekupeku azisobano ya Iroquois niyakajulwa mumwezi wa Vwumbi Pati 23, 1903, yakatembaulwa akusumpaulwa mbuli mukunzyanyo weebeka akataa masena aakulangilizya zyakulikkomanisya. Yakayakidwe munsaa cibaka cadolopo cakalaa bamasilikani azintoolo, eeco cakanyina ntenda. Alyalo pepa lya Chicago Daily News lyakasumpauzya kwaambilizya kuti: “Kunyina cilangilo kuli koonse ciinda Kubota mbuli ca Iroquois. Pele buyo ca L’Operacili ku Paris, kunyina cimbi Ime nceekabona cilaa muya uuleta kusangalala mubuyake bwaco mbuli ceeci.”1 Ipepa lya Chicago Tribune lyakaindizya kutembaula kwiinda waawo, kalyaamba kuti:\\nŊanda yakusobanina yeebeka kumabazu woonse, iilibotela, akubekema kabotu-kabotu, eeyo munzi wa Chicago tuuninga yiitide kuti njiyanguwo. Ŋanda ya Iroquois tiiyezyekwi ncobeni mububotu bwayo akataa masena woonse aakulikkomanisya kucooko cakumbo kuno, alimwi inga toodanaika kuti cooko ca kujwe inga calidunda kubaa maanda naaba obile aayelene ayeeyi.2\\nZyaambilizyo zimwi zyakubbataika zyilaa makani zyakaambilizya ganda eelyo kuti “Tiikonzyi akupya mulilo pe.”3\\nKwakainda buyo mazuba aali makumi otatwe alusele, mumwezi wa Nalupale 30, eelyo ŋanda eeyo niyakazwide bantu pamu, kuzula bantu bayanda kulangilizya zyakulikkomanisya. Kwakali bantu bakasisinkene akusyaankana basika akata 2,100-2,200, kabalindila kulangilizya musobano. Bamwi bakaliimvwi kabatakwe aakukkala –bunji bwabo kabali bamakaintu abana- aboobo bakaliimvwi kusyule lyabaabo bakakkede, akwiimina mutuzila twakweendela.\\nKaindi kasyoonto buyo nicakatalika cibeela cabili camusobano, cinsinkilizyo campulungiwdo cakatalika kuyaka mulilo. Mumaminiti obile, yoonse ŋanda eeyo mpuyakali atala yakazuzumbila mabangabanga aamulilo uuvwilima. Eddie Foy, umwi wabaabo bakali kutola lubazu mumusobano, wakasoleka kulesya bantu kulyataukana eelyo nibakali kutija mulilo kumwi kaamba kuti “Amukkale nobantu muzyuuno zyenu. Nkantu kasyoonto buyo aaka. Ulazimwa linolino. Koya kumbele, kosobana Dillea, kosobana!” 4 Awalo Mweendelezi wa Nyimbo, Joseph Dillea, wakatobela malailile ookwa Foy akuzumanana kulizya nyimbo.\\nMibili yabantu yakali lundene kusikila mafiiti kkumi mukati kamilyango eeyo yakakkiidwe, nokuba yakasyaanikizyide abantu banji bakali kutonkana kuzyila mukati.\\nKwiinda bantu bali myaanda cisambomwe (600) bakafwa mumulilo ooyo, bunji bwabo mukaindi kasyoonto buyo.\\nEeyi nintenda yakacitika mucaanda cakali kutegwa “Tiikonzyi akupya mulilo pe”, mulilo ooyo wakali kaambwa kuti “Nkantu kasyoonto buyo aaka. Ulazimwa linolino”- eeyo nintenda yakajaya bantu kwiinda ntenda zyoonse zyamililo yamumaanda mumusela waku Amelika.\\nAabo bakali kulangilizya musobano, nibakamvwa kuti mulilo ooyo tuukwe makani manji, tiibakazyi ncobeni kuti, nibakacikkede kabaswiilila nyimbo zyakali kulizyigwa, mabangabanga aamulilo akali kuvwilima akuyaa kuswena munsi lyabo mpobaabede mukati, kawuumpa akunyesya cili coonse cakali kukonzya kupya. Balo bakali kulangila mamanino aamusobano aayebeka akubapa lumwemwe kumwi kabasekelela akukambilila. Balo bakacili kulangila kuti inga bazyokela kumaanda aabo mumawoola obile aayo eelyo musobano kuumanide kusobanwa.\\nPele bweende bwazyintubwakatalikide kale kucitika munzila yakubalesya kubona zyoonse nzyobakali kulangila. Bwakabeelela mubuzuba oobo.\\nKasimpe katontomeka kuyeeya nkakuti, eeco cakacitikila bantu aabo munzila eeyo nceenya asunu ncecicitika, pele muciindi cino, kuli zinjaanji zilangilwa kunyonyooka: lufutuko luteeli lwa makamu aabantu.\\nImvwula nkukula nsoke\\nKuboola kwa Muya Uusalala aciindi ca Pentekkositi cakali cintu camoza ciyandika kapati.\\nAlimwi nibwakasika buzuba bwa Pentekkositi, boonse bakalikkede antoomwe amoyo omwe mubusena bomwe. Mpoonya wakalimvwisya kuyobeka kuzwa kujulu mbuli kuvwuuma kwaguwo pati, nkabela kwakazulila guwo muŋanda oomo mubakakkede. Mpoonya kwakalibonya cakali kukoyaanga mabangabanga aamulilo, aakalokela akukkalila atalaa mutwe waumwi aumwi. Alimwi bakazulila Muya Uusalala, akutalika kwaambaula mumyaambo yamasi aali kulaale, mbweenya mbuli Muya mbuwakali kubazumizya. (Milimo 2:1-4, KJV)\\nCipego ca Muya Uusalala eeco cakatilwa kakwiina kumamanya nokuba kupimwa, cakabapa nguzu aabo basyomi bataanzi zyakutola mulumbe mubotu kunyika yaazyibidwe mumusela omwe buyo. Ooku “nkokisika kwa “Muumbulizi” ooyo wakasyomezyedwe alimwi kwakasika mbuli “mvwula yampumpaluya.”\\nCintu ciinda kuba ciyandisi kubasyomi bamazubaano, nkubbukizya kampango ka Cizuminano Cakale aako kasyomezya cisyomyo cipati boobu, pele muciindi cino, ninguzu zya “mvwula nkukula-nsoke”. “Nkaako amukkomane nywebo nobana ba ziyoni, alimwi kamusekelela muli Yahuwah Eloah wanu: nkaambo Walo wakamupa mvwula ntaanzi, alimwi Walo uyoolekela mvwula kuti iwide ndinywe , mvwula ntaanzi amvwula ncaalizi mumwezi mutaanzi.” (Joweli 2:23, KJV)\\nCisyomyo Ciyandisi! Kutililwa Moza kuti usalazye muya abuumi bwamuntu, akubambila bantu kuti bakacingauzye Yahushua mumakumbi akubapa nguzu zyakutola mulumbe wakucenjezya wamamanino kunyika yoonse. Basyomi banjaanji balanga kucisyomyo eeci amyoyo iilangila ncobeni mucisyomyo eeci. Balo balangila kusalazyigwa. Bayanda kukamantana aJulu akupa Koompolola Kupati (kucenjezya kwamamanino) kunyika yoonse, alimwi bapailila Yahuwah kuti atumine mvwula ncaalizi yakubabambila kuzintu zyamamanino aamusela.\\nCuusisya ncakuti, bantu banji baluujisji kulubizya mbuli bantu bakali muganda lya Iroquois, eelyo nibakakkede kabalikwayide muzyuuno akuswiilila nyimbo, kabalangila kuzyokela kumaanda aabo. Babikkila mvwula ncaalizi nkukula nsoke kuti iyoowa muciindi ciboola kumbelaa mazuba kakuli muciindi cino, zintu zicitika eezyo nzyobabwene ameso aabo zilakonzya kubalesya kupiluka Kujulu.\\nKumvwisisya kaambo ncokuli kupyopyongana kwamusyobo ooyu, ncintu ciyandika kuteelelesya kuti ino ninzi mvwula ntaanzi amvwula ncaalizi nkukula nsoke, alimwi zyaamba nzi eelyo nozibelesyegwa mbuli zitondezyo.\\nIme ndakakomenena mumunzi mwakali kulimwa myuunda mipati yampunga. Kwakali cimpayuma kapati. Mumwaka umwi mume wakali kusikila buyo makumi obile aamainci, bunji bwaziindi wakali kuzyila kumvwula yaciindi camalubaluba akucaanda ca mupeyo. Balimi bakaba bankutwe akusongwaala mukulima zisyango munyika njumu boobu. Bakali kusyanga mpunga zyamupeyo mumyezi ya cilimo. Mpunga zyakali kusonsa akutalika kukomena. Mpoonya mupeyo niwaakasika, mpunga zyakali kulindila kusikila mupeyo wainda, kazikwabilidwe kuti zitayumi mpeyo kunsaa civwumbilizyo cacanda. Eelyo mvwula yaciindi camalubaluba niyakali kuwa, mpunga zyakali kukomena kufwamba, kukola akubizwa. Mpoonya zyakali kuyuma eelyo zuba nilyakatalika kubala kazitaninga tebulwa mumwezi wa Kunkumuna Masamu.\\nKusyanga mpunga munyika njumu cileelene aciyanza cabulimi butakwe meenda aakwiida zisyango bwabalimi bana Isilayeli munyika ya Palesitaini yansiku.\\n(Image used by permission of Michael Brandt Photography.)\\nOoku kuzinguluka kwabulimi mwaka amwaka, kwakali konzyene munzila imwi mbuli mbukwaali kulimwa maila munyika njumu ya Palesitaini ciindi cansiku. Balimi bakali kusyanga mbuto cilimo. Bakali kutebula maila amusyobo umwi muciindi camalubaluba akutebula mpunga mainza. Balimi bana Isilayeli bakayeeme aziindi zyobile zyakuwa mvwula kuti balime zisyango zyabo. “Imvwula ntaanzi” yakali kuwa kaindi kasyoonto kabamanide kusyanga mbuto cilimo. Eeci ncecakali kupa kuti maila atalike kusonsa akukomena.\\n“Mvwula ncaalizi nkukula nsoke” yakali kusika kumamanino aacilimo muciindi camalubaluba akusyuuka mweemvwe, akupa kuti maila abizwe. Mvwula ncaalizi njiyakali kusimya maila kupa butebuzi bunji.\\nTacili cintu cigambya aboobo kuti Moza Wacishinshimi wakasala kubelesya zitondezyo zya mvwula ntaanzi a mvwula nkukula nsoke kutondezya kukomena mumoza akubizwa kwabasyomi muciindi ca Pentekkositi, alimwi, amukaindi kasyoonto munsaa Kuboola Kwabili.\\nInzya, pele … ino caamba nzi eeci?\\nAboobo… mvwula ncaalizi Muya Uusalala. Pele ino eeco caamba nzi mubwini, mumabala maubauba? Mbubuti mbocibambila musyomi kuti alibambile kuzyokela Kujulu?\\nBwiinguzi bwa mubuzyo ooyu buyubununa kasimpe kasangalazya moyo: imvwula ncaalizi yakatalika kale kuwa! Iluujisi kuwa cino ciindi!\\nYahushua wakasandulula mulimo waandeene wa Moza Uusalala, eelyo Walo naakati:\\nIme ndimwaambila masimpe; Ime ndeelede kuunka: nkaambo kuti nsyecikkede, Muumbulizi takamubooleli inywe; pele kuti Ime ndaunka, Ime njoomutumina Walo kuli ndinywe.\\nNkabela eelyo walo aakusika, uyoosinsa nyika yoonse zinyonyoono zyayo, amubululami, amulubeta:\\nMucinyonyoono, nkaambo tabacindisyomi Ime;\\nMubululami, nkaambo Ime ndaunka kuli Taata, alimwi inywe tamucikandiboni;\\nMulubeta, nkaambo muleli wanyika eeyi wabetekwa.\\nIme ndicilaa zinjaanji zyakumwaambila inywe, pele tamukonzyi kuzyibikka mumyoyo yenu cino ciindi.\\nNokuba boobo, eelyo Moza wakasimpe aakusika,walo uyoomusolweda mukasimpe koonse: nkaambo walo takaambi zyakwe; pele kufumbwa eeco ncayoomvwa, ncencico ncayookwaamba: alimwi walo uyoomutondezya zintu zicizya kumbele.\\nWalo uyoondipa bulemu Ime: nkaambo walo uyootambula kuzwa kuli ndime, alimwi uyoomutondezya inywe. (Johani 16:7-14, KJV)\\nMuya Uusalala upedwa kupa malailile! Kuyiisya tusimpe twa Kujulu kuli sicikolo mubombe. Aboobo, nkokuti “imvwula nkukula nsoke ncaalizi”, nkasimpe kasumpukide kwiinda tusimpe tuzyibidwe kale toonse!\\nAaya masimpe alibwenwe mutumpango tobile, ooto tusisidwe mubbuku lya Ciibalusyo: “Amuswiilile, O inywe nomajulu, nkabela Ime ndakanana; alimwi koteelela, O nyika, majwi aa mulomo Wangu. Majwi aangu ayoosika mbuli mvwula, ncemwaambila ciyoosika mbuli mume, alimwi mbuli mvwula iisunsumuna atalaa mweemvwe, alimwi mbuli mvwula atalaa bwizu.” (Ciibalusyo 32:1-2, KJV)\\nMvwula ncaalizi nciiyo camoza. Mumuni mupya! Kwiimikila kunembo lya Yahuwah uusetekene kakwiina uukuzekela, cintu ciyandika kuyubununa tusimpe twansiku ooto twakasisidwe kaindi. Tusimpe ooto twakavwukidwe kunsaa kubula luzyibo, kusyoma masendekezya aziyanza zyabantu, pele lino tuyoobambululwa akujokolosyegwa katuletelezya abuumi mbuli mvwula ncaalizi iikukula nsoke mbwiikomezya akusimya zisyangidwe.\\nAlimwi lino eeci ncecicitika cino ciindi!\\nMumuni Uuyungizya Kumweka\\nAabo balamatila ziyanza zyakaindi akulubila kuzwide mvwi balasweekelwa kasimpe kakuti mumuni uciyaa kuyungizya kumweka munzila yabaabo batobela [Yahushua]; kasimpe lyoonse kaciyaa kuvwunguluka kubantu bokwa [Yah]. Swebo lyoonse tweelede kuya kumbele kutobela Musololi wesu. Ndilyeelyo notweenda mumumuni ooyo uumwekela ali ndiswe, akuteelela kasimpe aako kajulidwe kuli ndiswe kuti tuswiilile, notutambula mumuni munji kwiinda waawo. Tatukonzyi kulilekela mukutambula buyo mumuni ooyo bamatata ngubaajisi myaanda yamyaka yakainda kale. Kuti bamatata aabo bakali kuyoowa Yahuwah nibakabona ncotubwene mazubaano, akumvwa zyoonse nzyotumvwide, balo nibakatambula mumuni akweenda muli nguwo. Kuti swebo katuyanda kutobela mukusyomeka kwabo, swebo tweelede kutambula tusimpe ooto tulibonya kuli ndiswe, mbuli mbabo mbubaacitide kutusimpe ooto twakapedwe kuli mbabo; swebo tweelede kucita mbuli mbubakali kunga bacita, kuti nibakapona mumazuba aano ngotupona swebo.5\\nMumuni uuyungizya kumweka ncipego ceebeka. Yahuwah ulapa nguzu kubana Bakwe kwiinda mukubayungizyila luzyibo, busongo akumvwisisya zintu zilemu zyokwa Yahuwah. Luyando luteeli lulatondezyegwa mukuti talukasyi kuzyiba kasimpe kali koonse, aako kanga kuti katambulwa, kalakonzya kuyumya akukwabilila muya wamuntu mulweendo lwaanyika. Eelo bantu Bakwe nobafwa nzala akufwa nyota ya mumuni Wakwe, kunyina pe Taata nabatyompya.\\n“Balikke aabo bakkala maumi aabo kweendelana amumuni ooyo ngobajisi mbabayootambula mumuni wiinda waawo. Pele buyo kuti swebo katuya kumbele abuzuba kulitondezya ciimo cabuna Kristu, swebo tatukakonzyi kuzyiba Moza Uusalala waakusika mbuli mvwula ncaalizi. Kunoonga ilawa mumyoyo yabantu bali mumbali lyesu, pele swebo inga tatukakonzyi kuzyiba nocicitika eeco.” (Testimonies to Ministers, p. 507.)\\nYahushua wakaamba kuti, “Balelekwa aabo bafwide nzala abalaa nyota yabululami: nkaambo bayookkuta.” (Mateyo 5:6, KJV) Yahuwah ulabapa bulumbu aabo bayandaula mumuni wiinda kumweka amoyo woonse. Aabo babikkila maanu akutobela kasimpe, kufumbwa muulo uunga waba mukucita boobo, bayootambula zileleko zyamoza zyeelela mubuumi buno, alimwi akulongezyegwa kapati mubuumi buciboola kumbele. Yahuwah ulayumya luyando lwabo lwakasimpe amumuni uuzwa kucuuno Cakwe caluzyalo.\\nZipego zyamusyobo ooyo, nokuba boobo, zyiletelezya mulimo mupati. Inzya, kwaabana abamwi eezyo zintu zyakayiigwa, pele akuya kumbele kuyandaula mumuni wiinda waawo. Kwaciindi cilamfu kapati, zikombelo zya buna-kristu zyakali likwayide amumuni ooyo nguzyaajisi kale. Cikombelo ca Katolika caku Loma, calo ciinda kucembalaa akataa zikombelo zinjaanji, cilidunda kuti ziyanza azilengwa zyaco kwiina acimbi pele “ndwiiyo lwa bamatata bacikombelo.” Mbubuti eeci mbociimpene akwaamba kwa baJuuda kuti “ tunsiyansiya twakaambwa abalupatipati” ooto Yahushua ntwaakababwentela?\\nZikombelo eezyo zyakatalikila muciindi ca Kubambula kwa Basikukazya zyakakumbatila mumuni muyandisi wa Kujulu wakuti bantu boonse basyoma mbapaizi, mbalulami kwiinda mulusyomo, kubbizya bapati alimwi alusyomo lunjaanji lumwi, pele mpoonya zyakazyatila akwiimina mpoonaawo. Musela wabili awatatu wa Basikukazya wakalikwaya mumumuni ooyo wakatambwidwe abazyali abanyinakulu babo. Tiibakaya kumbele kukakatila kuyandaula mumuni wiinda waawo pe.\\n“Bunji bwa bamayi bayiisya bantu, balikkomene kubikka aagolela lwiiyo nkaambo balo lwabo beni tabayandi kwiindilizya kwiiya waawo, alimwi balimvwa kulibilika eelyo bamwi bantu nobayandaula kasimpe kwiinda kaako nkobajisi kale. Eelyo mumuni mupya nuupegwa, balalibilika mbuli ba Falisi mbubaalimvwide eelyo Kristu naakasika amumuni mupya mucisi ca BaJuuda. Bayanda kulesya kuyungizya mumuni. Tabalekeli buyo akukaka kusanyangula Mangwalo, pele balakakatila anguzu zyabo zyoonse kulesya bantu kulisanyangwida Mangwalo.” (Review & Herald, June 29, 1886.)\\nMbweenya buyo, bunji bwa zikombelo zyaciindi ca Kubambula kwa Basikukazya eezyo zyakatalikila mumusela wa 19th, zyakaya kumbele mumoza kwiinda Basikukazya mbubaatambula kasimpe. Ba Baptisti ba buzuba bwaciloba bakatambula mumuni wa Nsabata yabuzuba bwaciloba akwaabana mumuni ooyo aba SDA. Ba Mormoni bakakumbatila bukkale bwa buumi bubotu. Bakamboni ba Jehova bakayandaula zina lyokwa Yahuwah lyamasimpe pele baakaka mazuba aakukomba mituni woonse. Kuyungizya kutambula Nsabata yabuzuba bwa ciloba amulumbe wabukkale bwa buumi bubotu, ba SDA bakasoma tusimpe tunjaanji twacikombelo cakujulu aziiyo zili muli ncico zyakuyiisya nzila yalufutuko.\\nComwe comwe akataa zikombelo zyoonse eezi cakainduluka kulubizya mbuli kaindi, alimwi azyalo, zyakazyamya akwiima mpeenya aawo. Tiizyakatonkomana kuya kumbele mumumuni waapedwe.\\nKutambula mumuni mupya mulemu, muntu uli woonse uuyandaula kasimpe weelede kutaalukila kulaale azilengwa zyakabambwa abantu baansi. Walo weelede kulazyika ansi kufumbwa muzeezo wakweezyeezya buyo alimwi uleelede kuyandisya kuteelela kufumbwa Muya Uusalala ncamuyubunwida kuti nkasimpe.\\nKolazyika amulyango wakuvwuntauzya mizeezo yako njoliyeeyela yoonse. Webo tokakonzyi kusikila aali kasimpe kuti kosanyangula Mangwalo mukuyanda buyo kuti uyumye mizeezo yako. Kosiila limwi zyoonse eezyo anze lyamulyango kotaninga njila mukuvwuntauzya kwa Moza, alimwi koya kuli Yahuwah kolaa moyo uulitola ansi kutegwa ukamvwe ncayanda kukwaambila yebo…\\nUtabwezelezyi mizeezo yalusyomo lwako lwaanyika nounka ku Bbaibbele akubala Jwi kweendelanya amumuni wamizeezo yako. Utakakatili kucita kuti zyoonse zyili mu Bbaibbele zyeendelane amanjezyeezya aako. Kovwuntauzya Jwi kabotu-kabotu amoyo woonse mumuya wakupaila amuzeezo uusalala uutazambaidwe cili coonse. Kuti nobala watalika kulimvwisya jwi, alimwi wabona kuti mizeezo njoyandisya tiiyendelani a Jwi lyabulemu, utasoleki kweelanya Jwi kuti lyeelele kuba mumizeezo eeyo. Kocengulula mizeezo yako kuti yeendelane a Jwi. Utalekeli ncosyoma nokuba ncookali kucita kaindi kuti ceendelezye kuteelela kwako. Kojula meso aamizeezo yako kuti ubone zintu zyeebeka kuzwa mumulawo. Kovwuntauzya zyilembedwe, mpoonya kosimpa maulu aako atalaa bbwe liteeli.6\\nKulikke kucita boobo, nokonzya kusumpuka atalaa mizeezo iitabeleki akutobela kasimpe kufumbwa nkokakusolweda.\\nAawo abusena zikombelo mpuzyakaalilwa kujata mulimo wakutobela mumuni uuyungizya kumweka, milimo minjaanji iitayeeme cikombelo cili coonse yakatalikwa kuti imwaye tusimpe twa Kujulu. Eeyi milimo yakasyomeka mukuyubununa mumuni waapegwa kuli basimilimo, pele kulekela buyo asyoonto, yoonse milimo eeyo yakalisalila kulamatila buyo cibeela camumuni comwe, akukaka kutobelezya akulibalila kasimpe kainda waawo. Alimwi mbweenya mbuli zikombelo zyakainda kumbele lyazyo, mbunga zyamilimo eezi zyakayiisya batobeli bazyo kuti bakake mumuni wiinda yooyo ngobajisi kale.\\nEeyi nintenda yalufu. Nintenda mpati kumiya yabantu aabo bakaka mumuni uusumpukide uuyungizya luzyibo. Tusimpe twa Kujulu tweelede kuyandaulwa cabunkutwe! Tweelede kubalwa akutambulwa mumuya wakulumba. Kunyina kabeela, nokaceya buti nokuba kuti kaalibonya aanga takakwe mulimo mupati, aako keelede kusukuminwa ambali nokuba kusowelwa anze. Toonse tweelede kusanganyigwa antoomwe, akuyandisyigwa, akuteelelwa.\\nMulimo wamuntu uli woonse uusyoma masimpe ngwakuti : 1 avwuntauzye kasimpe ; 2) azumine kasimpe kapedwe; alimwi, 3) akkale buumi bwakwe kweendelanya amumuni ooyo wakayubununwa.\\nKusalazyigwa Kwiinda mu Kuteelela\\n“Mumuni” nkasimpe. Pele kwiinda waawo, mbumboni bwa kasimpe, oobo buletwa kubasongo, akukkalwa kwiinda mubuumi bwakuteelela. Kuzuminizya buyo tacili cintu cikonzya kuvwuna muntu naba ni. Badyabooli abalo balazuminizya nguzu zyokwa Yahuwah akukankama, pele balaindilizya kuya kumbele kuzanga, aboobo kasimpe takakonzyi kubavwuna. Kutegwa kasimpe katambulwe cakumaninina, kasimpe keelede kutobelwa alimwi ndilyeelyo moyo nuusalide kuteelela, ndendilyo Muya wa Kasimpe nuusalaza muya wamuntu.\\nPaulu wakalumbaizya Yahuwah nkaambo kakasimpe aaka: “Pele swebo tulaangilidwe lyoonse kuli [Yahuwah] nkaambo kandinywe, nobasazima bokwa [Yahushua], nkaambo Yahuwah kuzwa kumatalikilo wakamusala nywebo kwiinda mulufutuko, kwiinda mukusalazyigwa aMuuya wakusyoma awakasimpe .” (2 Batesalonika 2:13, KJV)\\nIbbala lisanduludwe waawa lyakuti “kusyoma” mu Cikuwa ndibbala luumuzi Muci Alabu, ndibbala lya kusyoma ncobeni. Mucito wakusyoma (uutobelwa akuteelelwa) nguusalazya. Teesyi kuzuminizya buyo kakwiina kucita cimwi kuzwa waawo. Eeli bbala lizyila kubbala lya CiHebulayo pis’tis (#4102) eelyo lyaamba kumvwa, koongelezyegwa akusyomezyegwa.\\nMuya wamuntu ulasalazyigwa kwiinda mukuteelela. Aaka nkaambo kayandika kapati. Mizeezo mipya, niitobelwa, iba musemo wamilazyo. Eeyi milazyo, njiitalika kuba ciimo alusyomo lwamuntu. Ciimo alusyomo lwamuntu ndolubamba mizeezo ambwalimvwa muntu. Alimwi mizeezo ambwalimvwide muntu ncecibamba ciimo cakwe.\\nCiimo ncecintu cilikke ncotuyootola Kujulu. Kunyina naba omwe weelede kusulaika mumuni nuuceya buti, nkaambo omwe-omwe mumuni ooyo nguubamba musemo aawo aayelede kuboolela mumuni mupati, ooyo uusolweda kukuteelela akusalazya muya wamuntu. Nokuba kudilika musyule ntaamu yomwe akuleka kujatilila kasimpe inga capa muya wamuntu kuti unjile muntenda.\\nKuyuma Moyo Kwiinda Mukunyansya\\nMusela wacisi ca Isilayeli nkokucenjezya kupati kwabulemu kubasyomi bacipona mazubaano. Uyubununa zintu zitobela kuti muntu wajalila moyo wakwe kumumuni uyaa kuyungizya kuyubununwa. Ntaamu ili yoonse njibaabweza bana ba Isilayeli yakukaka Mufutuli, yakalaa ntenda nkaambo yakali kutondezya kulibambila kusulaika kasimpe. Kumbelaa mazuba, mpuwo yabusongo Bwakwe amaleele ngaakacita naakalimvwisya, kwakatalikwa kuzyibwa ncobeni kuti Yahushua wakali Mesiya ncobeni ooyo wakali kulangilwa. Pele ciimo cabuntu cakawide mucinyonyoono mbuli mbocibede, kulisumpula kwabasololi kwakabalesya kuzumina kulubila kwabo kujatikizya mbobakali kulanganya Nguwe. Aboobo bakasungilizya cisi coonse kuti cimukake Mufutuli, abalo bantu bakalaa nsoni akulisumpula kapati cakuti tiibakazumina kuti bakayandide kale kuzumina kubikka lusyomo lwabo mubasololi balubide.\\nImvwula ncaalizi ipedwa kubambila myoyo kubutebuzi. Balikke aabo batambula mumuni uusumpukide ooyu mbabayoosima akukola muli Yahushua.\\n(Image used by permission of James Richman.)\\nKufumbwa sikuvwuntauzya kasimpe wancobeni weelede kuzyiba kuti eeci ncecicitika mazubaano. Basicikombelo balaletelwa mumuni mupya, pele mubunji bwaziindi, batijaanina ku beembezi babo, bapaizi nokuba bamayi, akubabuzyilila kuti, “Hena eeci cili masimpe na?”\\nBasololi babupaizi balizyi kabotu kuti mumuni mupya tuuyendelani alusyomo lwambungano eezyo zyibabbadela mali kuli basimilimo bazyo. Aboobo mulimo wabo kukaka mumuni mupya woonse, alimwi ncencico ncobacita eeco. Ooyo mulembi ulizyibene kabotu-kabotu abeembezi ba SDA aabo bazyi mubukkwene kuti Nsabata iitobezya Mwezi-aZuba njamasimpe ncobeni, pele kunyina nobayiisya makani aaya kumbungano zyabo. Balazumanana kuvwola mali kuzwa kumbungano eeyo yiimvwi kiikazyana amumuni uuyungizya luzyibo. Eeci ncecintu ciindulukwa ciindi cili coonse muntu umwi nayaamina amuntunyina kuti nguulaa nguzu muzintu zyalusyomo akuti nkakasimpe keelede kusyomwa.\\nNkaambo nzi aaba bantu ncobabuzyilila kumuntunyina kuleka kubuzya Yahuwah? Taata wakatamba kale boonse aabo bayanda kuti baboole kuli Nguwe mubusongo: “Kuti kakuli muntu akati kenu uutajisi busongo, amumuleke alombe kuli Yahuwah, walo nguupa cakwaabila limwi, alimwi kakwiina kubwentela pe: mpoonya ooyo muntu uyoopegwa.” (Jemusi 1:5, KJV)\\nMbuli bama Falisi bamumazuba ookwa Yahushua, abalo basololi babupaizi bamazubaano balalisumpula mulwiiyo lwabo. Balo bakaiya kuzikolo zipati! Balo bakasoma ciHebulayo aci Giliki camu Bbaibbele. Balo bakabala malembe aayo muntu mutuba ngataninga mvwide pe! Balo balauntuluzyila luzyibo lusumpukide alimwi balalibilika akunyema kufumbwa kuti nzyobasyoma kazyilubide.\\nMbombuboobo, kulisumpula mbokubanjilauka akubatalisya kufubaazya kufumbwa muntu uubaambila kuti ulaa luzyibo lwa mumuni kwiinda ndobajisi lwabo beni. Balo balasulaika bumboni mbobapegwa, zimwi ziindi kwiinda mukupelengusya, nokuba kukopa mizeezo, nokuba kuzwangana. Aaba basololi lwabo beni kunyina nobabala kabalaa mizeezo iisalala, nkaambo bayandisya kutabilila ceeco cibagwasyilila kujana mali abukkale bubotu. Kwiinda mucitondezyo cabo, basolweda makunga aabantu kuti badonaike mumuni mupya wakasimpe akukulwaizya masendekezya kumuntu kufumbwa uubuzyilila makani aamumuni mupya.\\nEelyo bumboni buyungizya waawo nobusikila mumizeezo yabasololi babupaizi alimwi kasimpe nokabazula mumyoyo yabo, pele baciya kumbele kuzimaanya makani aayo akulesya kwaambila batobeli babo. Bumboni boonse bukonzya kujanwa munyika tabukonzyi kudilimuna kuzuunyana kulisumpula kwabo. Balaancinko yakukazya kuti balilubide.\\nKuli ntenda eelyo [Yahuwah] nayootumina bantu bakwe mumuni wiindene, balo kabalibikka kulubazu lwa Bafalisi. Kutabi muntu akataa bantu balaa mumuni mupya, uulibikka mucibaka cakuti ulaa mumuni woonse weelede kuyubununwa kwaciindi coonse, alimwi akuti kucinyina mumuni uuciyubununwa munzila yabo kuzwa mujwi lyokwa [Yahuwah]. Mbuli bantu besu mbobaya kumbele kuvwuntauzya Mangwalo, mbweenya azintu zinjaanji mboziyooyubunwidwa kuli mbabo zilaa kasimpe kayandisi. Hena aabo bakatundululwa abasazinyina kuzwa muzikombelo, bayoosinsa bamwi eeco balo ncobacita lwabo beni? Hena inga bayoolisumpula mbuli baFalisi? Hena balafubaazya akunonga cakusampaula kufumbwa citeendelani ambabo? Hena baya kwaamba muntu uujisi mumuni mbuli ba Falisi mbubakaamba Mufutuli kuti, “Ulaa dyabooli”? Hena banoolibambide kukaka mulumbe wakwe., “nkaambo tatutobeli swebo”? Hena mutumwa ooyo [Yahuwah] ngwayootumina kalaa mumuni wiindene uyoofubaazyigwa akunongwa, mbuli Paulu mbwaakatundululwa abakomba mituni nibakamwaamba kuti, “Amumuleke tumvwe ncaamba ooyu uulabalika”?7\\nEelyo webo nounka kuli Yahuwah lwako omwini, Walo uyookuyiisya olikke. Tacili cintu ceelede kubuzyilila mizeezo njobajisi basololi babupaizi. Tusimpe tuyiigwa munzila yakubuzya Yahuwah ntusimpe tuyandisi. Eelyo Yahuwah naba mwiiyi wako, Walo ulakukkazyika mukasimpe kutegwa kubule cintu cikonzya kukuzungaanya mulusyomo lwako.\\nNcintu cikulwaizya lusyomo kulanga musyule oomo mwaakakwiinzya Yahuwah, atusimpe Walo ntwaakakuyiisya.\\nNkamu ya WLC team kunyina noyaandeene anduwe. Swebo tuli buyo nkamu yabasyomi babombe myoyo batanteene munyika, aabo bayanda Yahuwah alimwi bayandisya kwaabanya kasimpe aako nkotuyaa kuyubunwidwa. Eeci, zimwi ziindi, ncintu cakali kuyandika kweempwa antangalala kulubila kwesu kwakaindi. Pele kasimpe nkayandisi ncobeni cakuti kweempwa kwesu takutuusyi nsoni pe! Tatuyandi kulekela kulisumpula kuti kutulesye kuzumina mputwakalubide kaindi. Kasimpe kalikke nkakalaa mpindu.\\nMbuli mbokuyaa kuzuminwa kuti kuli mumuni mupya, mumuni munji uyaa kupegwa mbuli mvwula iiwa akuletelezya kasimpe kayungizya waawo. Ootu ntotusimpe tubambila bantu kubutebuzi bwamamanino aanyika.\\nOoyu musinzo wakatalikila mumwaka wa 2000 eelyo nkamu ya WLC niyakasinswa mu Moza kuti tweelede kuyaamukila limwi zikombelo zizangide zyakawa. Eelyo nkamu niyakalisalila kutobela Yahushua a Yahushua balikke, Taata wakalekela mvwula yakujulu kuti iwe cakulileka alimwi mbuli muyoba kiitobezya mulongo uulaansi aawa:\\nMwaka wa 2002:\\nKulonga kuzwa mumadolopo.\\nMwaka wa 2005:\\nKukaka lusyomo lwa Cikombelo ca Loma lwa Baleza Botatwe muli Omwe.\\nMwaka wa 2006:\\nBusanduluzi bwamasimpe bwabami bali ciloba ba Ciyubunuzyo 17 amulongo wamalelo aabo.\\nMwaka wa 2009:\\nKkalenda lya Malengelo akusowa ansi Kkalenda lyalweeno lina Gregory.\\nMvwiki yamasimpe tiili mvwiki iizinguluka kakwiina kuyozya.\\nNsabata yamu Bbaibbele yansiku.\\nCiindi cini Buzuba nobutalika.\\nCipego ca Mazuba aa Mwezi Mupya.\\nKuyaamika ansi mapobwe aamituni Kkilisimasi a Isita.\\nKoongola kwa Mapobwe Ookwa Yahuwah.\\nMwaka wa 2010:\\nNkondo yamamanino ilaa makani aakukomba.\\nLuzyibo lwa mazina aaluleme ookwa TaataaMwana aciindi cibotu cakwiita mazina aayo.\\nKumvwisisya ciiminina Caando Cokwa Yahuwah.\\nKusalazyilwa Caando ca Munyama.\\nMwaka wa 2011:\\nKuzuzikwa kwa Myeembo iili ciloba ya Ciyubunuzyo kuyoocitika kumbelaa mazuba kuleka kuti kwaazuzikwa kale musyule lyaciindi.\\nKubalila Pobwe lya Pentekkositi kutobelezya Bbaibbele.\\nMwaka wa 2012:\\nMatalikilo aa Mwaka Mupya wa Bbaibbele.\\nMwaka wa 2013:\\nMumuni mupati wakusulaika kasimpe kwabaJuuda kuzwa mumwaka wa 1540 alubazu ndubaatola ba Jesuiti mukulwana kasimpe.\\nKuganta kutondeka kuti nguni Simukazya-Kristu alimwi uli kuli cino ciindi atalaa anyika.\\nMwaka wa 2015:\\nKumvwisisya lwaanguluko oolo Yahuwah ndwaakapa mumakani aa kubizyigwa, mbuli bwaamba ba Anabaptisti.\\nMwaka wa 2016:\\nCiimo cini ca Nyika ampiibede eeni.\\nKusandulula Daniele 11 a 12, akujalwa ŋanda yakazekelo kulaafwi kucitika.\\nKumvwisisya bukamantene mwami wakunyika abami bali ciloba ba Ciyubnuzyo 17.\\nKumvwisisya Matalikilo 6:1-4 aciiyo caba Nefilimu, mbocizimaanya luyando luteeli lwa Yahuwah.\\nLuzyibo lwa Lweeno lwa Isilayeli wamazubaano.\\nKuswaanganya Ba Jesuiti kulweeno lwakuti nyika ili mbuli bbola.\\nMakanze aasisidwe mulusyomo lwabudyabooli lwa baleza botatwe muli omwe.\\nLucengo lwamamanino luyeeme amuzeezo wanyika iili mbuli bbola.\\nKutambula mumuni , Kusowa Cilubide\\nMumuni mupya tacili cintu cakuyoowa. Ncipego citeeli! Kufumbwa kumweka kwamumuni kulayubununa aawo aali cilubide. Eelyo mumuni nuutambulwa mumuya wabulumbu, akukkala buumi bweendelana amumuni kwiinda mukuteelela, ubambila moyo wamuntu kuya Kujulu.\\nKopailila mumuni mupya. Kouyandaula mbuli mabwe mayandisi aali mubulongo bwaansi. Kunyina bumboni bwiinda waawo kuti Yahuwah ulakusolweda webo kwiinda bumboni bwakuti Walo ulakuyiisya lwiiyo Lwakwe.\\nKolisinsa mumoyo wako. Hena webo wautambula mumuni mupya? Hena kuli mumuni webo ngookakaka? Hena webo ulimasimpe kuti waakaka kulubila kuleka mumuni? Kopiluka alimwi ukainduluke kulibalila. Kubala amuzeezo uusalala alimwi kolanganya bumboni boonse amoyo uuyandisya kuteelela Muya Uusalala eelyo nakuzyibya kasimpe. Kolomya kubona kuti webo watambula mumuni woonse nuucipedwe alimwi kolombelela mumuni uuyungizya waawo.\\nImvwula nkukula-nsoke iluujisi kuwa. Buvwubi bwaluzyibo lunji kapati akasimpe lino nkobuli mbuli mbukwatakali kulangilwa mumisela yoonse yamusinze ooyo wakavwumbilide nyika. Ooyu mumuni mupya, ulayandika ncobeni kumuya wako nkaambo ooyu ngomumuni uukubambila kuti webo ukaswaangane a Yahushua muluumuno eelyo Walo nayooboola.\\nAlimwi Walo ulaafwi kale kusika!\\nMumuni wakubucedo uyaakubangalala kugoko. Kotambula lwiiyo lupya amoyo wakulumba akukkomana oolo Yahuwah ndwalekela kuzya anyika, alimwi kolibambila kuya Kujulu.\\n1 Amy Leslie, quoted in Chicago Death Trap: The Iroquois Theatre Fire of 1903, by Nat Brandt, p. 25.\\n2 W. H. Hubbard, ibid.\\n3 Brandt, p. 5.\\n4 Christopher Cerf, The Experts Speak, p. 247.\\n5 Ellen G. White, Historical Sketches, p. 197.\\n6 Ellen G. White, Manuscript Releases, No. 209, pp. 431-432.\\n7 The Home Missionary, September 1, 1894.","num_words":3504,"character_repetition_ratio":0.038,"word_repetition_ratio":0.0,"special_characters_ratio":0.154,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Musa, Milawo Iili 10, alimwi a Moombe Wangolida | Ziiyo Zyabana Zyamu Bbaibbele\\nJehova wakaambila Musa kuti: ‘Koboola kucilundu. Ndilalemba milawo yangu aamabwe mpoonya ndilakupa.’ Musa wakatanta acilundu akukkala ooko kwamazuba aali 40, syikati amasiku. Naakacili kooko, Jehova wakalemba Milawo Iili 10 amabwe obilo kumane wakapa Musa.\\nNokwakainda ciindi, bana Israyeli bakayeeya kuti Musa wabasiya. Mpoonya bakaambila Aroni kuti: ‘Tuyanda muntu uunootusololela. Kotupangila leza!’ Aroni wakati: ‘Amundipe ngolida zyanu.’ Mpoonya ngolida eezyo wakazibikka mumulilo kutegwa zisungunuke kumane wakapanga moombe wangolida. Bantu bakati: ‘Moombe ooyu ngo Leza wesu iwakatugwisya mu Egepita!’ Bakatalika kukomba moombe wangolida, kumane bakapanga pobwe. Sena eeco cakali kabotu? Peepe, nkaambo bantu aaba bakasyomezyede kuti banookomba buyo Jehova alikke. Pele tiibakacibamba cisyomezyo cabo pe.\\nJehova wakacibona icakali kucitika, aboobo wakaambila Musa kuti: ‘Koya nkobabede bantu. Baleka kundimvwida akutalika kukomba leza wakubeja.’ Musa wakaselemuka kuzwa acilundu kajisi amabwe obilo.\\nNaakasika afwaafwi ankambi, Musa wakamvwa bantu ibaimba. Mpoonya wakababona kabazyana akufwugamina moombe. Musa wakanyema kapati. Mabwe obilo ngaakajisi wakaasowela ansi, mpoonya akapwaika. Mpoonya-mpoonya wakamunyonyoona moombe wangolida. Kumane wakabuzya Aroni kuti: ‘Ino bantu bakoongelezya buti kuti ucite cintu eeci cibi kapati?’ Aroni wakati: ‘Utanyemi pe. Yebo ulibazyi bantu aaba mbobabede. Bali kuyanda leza, aboobo ndabaambila kuti bandipe ngolida zyabo mpoonya ndazifwusila mumulilo akupanga moombe ooyu.’ Aroni tanaakeelede kucita boobo. Musa wakapiluka alimwi kucilundu kuyookombelezya Jehova kuti abalekelele bantu.\\nJehova wakabalekelela aabo ibakalibambilide kumumvwida. Sena wabona kuti cakali kuyandika kapati kuti bana Israyeli batobele ncaakali kubaambila Musa?\\n“Lyoonse nokonka kuli Leza, utamuki pe kucizuzikizya cikonke eeco, nkaambo walo kunyina nabakkomanina bafwubafwuba. Kozuzikizya cikonke eeco ncookonka.”—Mukambausi 5:4\\nMibuzyo: Ino ncinzi ncobakacita bana Israyeli ciindi Musa naatakaliko? Ino Musa wakacita nzi naakapiluka?\\nKulonga 24:12-18; 32:1-30\\nZIFWANIKISO IZIGWASYILIZYA BANA KWIIYA BBAIBBELE\\nBana Israyeli Bapanga Moombe Wangolida\\nBana Israyeli bakapanga cikozyanyo akwaamba kuti cakali kwiiminina Leza, pele sena Leza wakazumina?\\nCIBEELA CIJATIKIZYA ZIFWANIKISO\\nBana Israyeli Bapanga Mutuni\\nAmujane kwiindana kuliko akati kazifwanikiso mpoonya muzipente.\\nZikozyanyo Zitucenjezya Mazuba Aano\\nBana Israyeli bakaalilwa kunjila Munyika Yakasyomezyegwa. Ino nkaambo nzi? Cisobano eeci cilatondezya lusyomo lwabo mbolwakasunkwa mumbazu zyone zyabuumi bwabo: bube, balongwe, kulilemeka, alimwi abukombi.\\nBana Israyeli Tiibakacibamba Cisyomezyo Cabo","num_words":319,"character_repetition_ratio":0.06,"word_repetition_ratio":0.0,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani aamu Bbaibbele: Basankwa Basololelwa Anyenyezi - Kkeyala yaa Intaneti ya Bakamboni ba Jehova\\nHENA waibona nyenyezi iimweka kapati muntu umwi njatondeka? Nibakazwa mu Jelusalemu nyenyezi yakalibonya. Aaba basankwa bazwa Kujwe, alimwi baiya zyanyenyezi. Balisyomede kuti nyenyezi eeyi mpya ibasololela kumuntu uulemekwa.\\nBasankwa nibakasika ku Jelusalemu, bakabuzya kuti: ‘Ino uli kuli mwana uuya kuba mwami waba Juda?’ Izina lyakuti ‘ba Juda’ ndizina limwi lyabana Isilayeli. Basankwa bati: ‘Twataanguna kubona nyenyezi yamwana nitwali Kujwe, aboobo twaboola kuti tumukombe.’\\nHeloda mwami wamu Jelusalemu naakamvwa makani aaya, cakamucima. Tayandi kuti kube mwami uumbi uubweza cuuno cakwe. Aboobo Heloda wakaita bapaizi bapati akubabuzya kuti: ‘Ino uya kuzyalilwa kuli mwami wakasyomezyegwa?’ Baingula bati: ‘Ibbaibbele lyaamba kuti, nku Bbetelehemu.’\\nKumane Heloda waita basankwa bazwa Kujwe akubaambila kuti: ‘Kamuya mukamulangaule mwana. Mwaakumujana, mukandaambile kutegwa andime nkaunke nkamukombe.’ Pele mubwini, Heloda uyanda kuti aakumujana mwana akamujaye!\\nKumane nyenyezi yeendela ampela lyabasankwa kuya ku Bbetelehemu, yaakwiima abusena aali mwana. Nobanjila muŋanda, bajana Maliya amwana Jesu. Bamuletela zipego Jesu. Kumane Jehova wabacenjezya basankwa muciloto kuti batajokeli kuli Heloda. Aboobo bajokela kucisi cokwabo kwiinda mukubelesya nzila iimbi.\\nHeloda naamvwa kuti bantu aabo ibazwa Kujwe bajokela nkobazwa, wakalala kapati. Amane walailila kuti bana boonse basankwa bajaigwe bali mu Bbetelehemu ibajisi myaka yobilo kuya ansi. Pele Jehova wamucenjezya Josefa muciloto ziya kucitika kumpela, eelyo Josefa amukwasyi wakwe bazwa baunka ku Ijipiti. Josefa amvwe kuti Heloda wafwa, wamubweza Maliya a Jesu bajokela kumunzi ku Nazaleta. Ooku nkonkuko Jesu nkwaakomenena.\\nIno uyeeya kuti ngwani wakapa kuti nyenyezi mpya imunike? Koyeeya kuti basankwa bakaunka ku Jelusalemu nibakamana kubona nyenyezi. Saatani Diabolosi wakali kuyanda kujaya Mwana wa Leza, alimwi wakalizyi kuti Mwami Heloda waku Jelusalemu inga wamujaya. Aboobo ngu Saatani wakapa kuti nyenyezi imunike.\\nMbabaani basankwa bali acifwanikiso, alimwi nkaambo nzi uumwi ncatondeka nyenyezi iimweka kapati?\\nNkaambo nzi Mwami Heloda wakalala, alimwi ncinzi ncaacita?\\nNkuli nyenyezi iimweka kapati nkwiibasololela bantu, pele nkaambo nzi ncobaindila nzila iimbi nibajokela nkobazwa?\\nNcinzi Heloda ncaalailila, alimwi nkaambo nzi?\\nNcinzi Jehova ncaamwaambila Josefa kuti acite?\\nNgwani wakapa kuti nyenyezi mpya ilibonye, alimwi nkaambo nzi?\\nBala Matayo 2:1-23.\\nIno Jesu wakajisi myaka yongaye, alimwi nkuli nkwaakabede basongo nibakaunka kumubona? (Mt. 2:1, 11, 16)\\nBasikupandulula Bweende Bwanyenyeezi Baswaya Jesu\\nNkaambo nzi nyenyeezi njobakabona Kujwe ncoyakasaanguna kubasololela ku Mwami Heroda imujayi, ikutali kuli Jesu?","num_words":349,"character_repetition_ratio":0.068,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani aamu Bbaibbele: Pita Wamuswaya Koneliyo - Kkeyala yaa Intaneti ya Bakamboni ba Jehova\\nOOYO ngu Pita mwaapositolo wiimvwi waawa, aabo baimvwi kunze lyakwe mbeenzyinyina bamwi. Pele ino nkaambo nzi muntu ooyu ncamufwugamina Pita? Hena uleelede kucita boobo? Alimwi hena ulimuzyi?\\nMuntu ooyu ngu Koneliyo. Mupati wabasikalumamba wabana Loma. Koneliyo tamuzyi Pita, pele wakaambilwa kuti akamutambe Pita. Atubone eeci mbocakatalika.\\nBasikwiiya ba Jesu bakutaanguna bakali ba Juda, pele Koneliyo tali mu Juda. Pele ulamuyanda Leza, ulapaila kuli nguwe akucitila bantu zintu zinji zibotu. Buzuba bumwi kumazuba kwakaboola mungelo kuli nguwe wati: ‘Leza wakukkomanina, aboobo ulaivwiila mipailo yako yoonse. Tuma bantu baunke bakaite muntu uutegwa Pita. Ukkala mu Jopa muŋanda ya Saimoni uukkala munsi aalwizi.’\\nCakutasowa ciindi Koneliyo watuma bantu kwaakwiita Pita. Buzuba bwakaccilila, bantu kabayanda kusika ku Jopa, bajana Pita ulikkede aciluli cisasabede caŋanda ya Saimoni. Kali aciluli, Leza wapa kuti Pita mumizeezo abone mulembo mupati uuzwa kujulu. Mumulembo kuli banyama bamisyobo-misyobo. Ikweelana amulawo wa Leza, banyama aaba tiibakali kusalala kulya pe, pele ijwi lyati: ‘Pita, nyamuka. Jaya ulye!’\\nPita waingula wati: ‘Peepe! Taku nindakalide cintu citasalali.’ Pele jwi lyaambila Pita kuti: ‘Koleka kwaamba kuti tacisalali Leza ncaamba kuti cilasalala.’ Kwaziindi zyotatwe eeci cacitika. Pita kaciyeeya ncocaamba, bantu mbaatuma Koneliyo basika amunzi kumane babuzya naa nkwali Pita.\\nPita waseluka wati: ‘Ndendime muntu ngomulangaula. Nkaambo nzi ncomundiyandila?’ Bantu nibapandulula kuti mungelo wakaambila Koneliyo kuti akamutambe Pita nkwazwa, eelyo Pita wazumina kuunka ambabo. Buce Pita abeenzyinyina baunka kwaakuswaya Koneliyo ku Kaisaleya.\\nKoneliyo waleta bamukowa wakwe abeenzyinyina beni-beni. Asike Pita, Koneliyo wamutambula camaanza obilo. Wafwugama kumaulu aa Pita mbuli mbobona aawa. Kumane Pita wati: ‘Nyamuka, andime ndili muntu buyo.’ Masimpe Bbaibbele litondezya kuti tacili kabotu kufwugamina muntu akumukomba. Tweelede kukomba buyo Jehova.\\nLino Pita wakambauka kuli baabo babungenyi. Pita wati: ‘Ndabona kuti Leza ulatambula bantu boonse bamuyanda kumubelekela.’ Kacaambaula, Leza watumizya muuya wakwe uusalala, eelyo bantu batalika kwaambaula mumilaka iindenyi-indenyi. Eeci cabalamya basikwiiya ba Juda baboola a Pita, nkaambo bali kuyeeya kuti Leza utambula buyo ba Juda. Aboobo eeci cibayiisya kuti Leza talangi musyobo uumwi wabantu kuti mubotu kwiinda wabamwi, alimwi talangi kuti musyobo uumwi nguuyandika kapati kuli Leza kwiinda musyobo uumwi. Hena eeci tacili cintu cibotu kuli ndiswe toonse kuti katuciyeeya?\\nMilimo 10:1-48; 11:1-18; Ciyubunuzyo 19:10.\\nNgwani muntu ooyu uufwugemi acifwanikiso?\\nNcinzi mungelo ncaamba kuli Koneliyo?\\nNcinzi Leza ncaakapa kuti Pita abone naakali aciluli caŋanda ya Saimoni mu Jopa?\\nNkaambo nzi Pita ncaamwaambila Koneliyo kuti teelede kumufwugamina akumukomba?\\nNkaambo nzi ncibalamwa basikwiiya bana Juda mbocili limwi a Pita?\\nNciiyo nzi ciyandika ncotweelede kwiiya kuli Pita kukuswaya kwakwe kuli Koneliyo?\\nBala Milimo 10:1-48, Ci.\\nIno majwi aa Pita aajanika ku Milimo 10:42 atondezya nzi kujatikizya mulimo wakukambauka makani mabotu aa Bwami? (Mt. 28:19; Maako 13:10; Mili. 1:8)\\nBala Milimo 11:1-18.\\nMbube nzi Pita mbwaakatondezya ciindi makanze aa Jehova kujatikizya Bamasi naakalibonya, alimwi mbuti mbotukonzya kwiiya cikozyanyo cakwe? (Mili. 11:17, 18; 2 Kor. 10:5; Ef. 5:17)","num_words":441,"character_repetition_ratio":0.047,"word_repetition_ratio":0.0,"special_characters_ratio":0.187,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Baefeso 5 | Bbaibbele lili a Intaneti | Bbaibbele lya Busanduluzi Bwanyika Mpya\\nKwaamba majwi mabotu alimwi akulilemeka (1-5)\\nAmweende mbuli bana bamumuni (6-14)\\nAmuzuzyigwe muuya (15-20)\\nAmucibelesye kabotu ciindi canu (16)\\nLulayo kubalumi abamakaintu (21-33)\\n5 Aboobo, amwiiye Leza,+ mbomuli bana bayandwa, 2 alimwi amuzumanane kweenda muluyando,+ mbubonya awalo Kristo mbwaakatuyanda*+ akulyaaba akaambo kandiswe* kali cituuzyo acipaizyo cijisi bweema bubotu kuli Leza.+ 3 Bwaamu* abusofwaazi bwamusyobo uuli woonse naa busyaacivwulemwangu tazyeelede nokuba kwaambwa akati kanu pe,+ mbubonya mbokweelede kubantu basalali;+ 4 alimwi kutabi bukkale buusya nsoni naa makani aabufwubafwuba naa kwaamba masesya aajatikizya zintu zitondwa,+ izintu ziteelede, pele mweelede buyo kulumba.+ 5 Nkaambo mulicizyi eeci, inzya mulizyi kabotu-kabotu kuti kunyina sibwaamu*+ naa muntu uusofweede naa syaacivwulemwangu,+ icaamba kuba sikukomba mituni, uujisi lukono luli loonse mu Bwami bwa Kristo abwa Leza.+ 6 Kutabi muntu uumweena amajwi aabuyo, nkaambo akaambo kazintu eezyi bukali bwa Leza buyoobasikila bantu batamvwi. 7 Aboobo mutanikuyanzani ambabo pe; 8 nkaambo cimwi ciindi mwakali mudima, pele lino muli mumuni+ akaambo kakuyanzana a Mwami.+ Amuzumanane kweenda kamuli bana bamumuni, 9 nkaambo micelo yamumuni misyobo yoonse yabubotu, bululami alimwi akasimpe.+ 10 Lyoonse kamusaanguna kusinizya naa ncomucita cilatambulika+ ku Mwami; 11 alimwi amuleke kutola lubazu mumilimo yabuyo yamudima;+ muciindi caboobo, kamwiitondezya kuti njabuyo. 12 Nkaambo zintu nzyobacita cakusisikizya zyuusya nsoni nokuba kuzyaamba. 13 Lino zintu zyoonse zibikkwa antangalala zilayubununwa amumuni, nkaambo zyoonse iziyubununwa mumuni. 14 Aboobo kwaambwa kuti: “Sinsimuka, yebo noona, alimwi buka kuzwa kubafwu,+ eelyo Kristo ulamunika alinduwe.”+ 15 Aboobo amucenjele kapati, mutanikweendi mbuli bafwubafwuba pe, pele mbuli bantu basongo, 16 kamucibelesya kabotu ciindi coonse ncomujisi,*+ nkaambo mazuba aaya mabi. 17 Akaambo kaceeci, amuleke kufwubaala, pele amuzumanane kumvwisya ncayanda Jehova.*+ 18 Alimwi mutakolwi waini pe,+ nkaambo kukolwa kupa butaka,* pele amuzumanane kuzuzyigwa muuya. 19 Nomwaambauzyanya, kamubandika majwi aantembauzyo, kamutembaula Leza anyimbo zyakumuuya, kamwiimba+ akulizizya Jehova*+ nyimbo+ mumyoyo yanu, 20 lyoonse kamulumba+ Leza wesu alimwi Taateesu kujatikizya zintu zyoonse muzina lya Mwami wesu Jesu Kristo.+ 21 Kamulibombya umwi aumwi kumweenzinyina+ akaambo kakuyoowa Kristo. 22 Bakaintu kabalibombya kubalumi babo+ mbuli mbobacita ku Mwami, 23 nkaambo mulumi ngomutwe wamukaintu wakwe+ mbubonya Kristo mbwali mutwe wambungano,+ mbwaanga ngomufwutuli wamubili ooyu. 24 Mubwini, mbubonya mbungano mboilibombya kuli Kristo, abalo bakaintu beelede kulibombya kubalumi babo muzintu zyoonse. 25 Nobalumi, amuzumanane kubayanda bakaintu banu,+ mbubonya awalo Kristo mbwaakayanda mbungano akulyaaba akaambo kanjiyo,+ 26 kuti aisalazye. Wakaisalazya kwiinda mukwiisanzya amaanzi aajwi lya Leza,+ 27 kutegwa mbungano eeyo ibote mumeso aakwe, kaitakwe kabala naa kankwinya niciba cintu cimbi cili boobo,+ pele kuti kaisalala alimwi kainyina kampenda nokaba komwe.+ 28 Munzila njiyona eeyi balumi abalo beelede kuyanda bakaintu babo mbuli mbobayanda mibili yabo beni. Mwaalumi uuyanda mukaintu wakwe ulaliyanda mwini, 29 nkaambo kunyina muntu wakasulide kale mubili wakwe mwini, pele ulausanina akuubamba kabotu, mbubonya Kristo mbwacitila mbungano, 30 nkaambo tuli zizo zyamubili wakwe.+ 31 “Akaambo kaceeci mwaalumi uyoosiya bausyi abanyina akukakatila kumukaintu* wakwe, eelyo aaba bobilo bayooba mubili omwe.”+ 32 Aaya maseseke aa Leza+ mapati. Lino ndaamba makani aajatikizya Kristo ambungano.+ 33 Nokuba boobo, umwi aumwi wanu weelede kuyanda mukaintu wakwe+ mbubonya mbwaliyanda mwini; kunze lyaboobo, mukaintu awalo weelede kumulemeka kapati mulumaakwe.+\\n^ Naa ambweni, “mbwaakamuyanda.”\\n^ Naa ambweni, “kandinywe.”\\n^ Mu Chigiriki, “kamulyuulila ciindi cibikkidwe.”\\n^ Naa “kutamvwa.”\\n^ Naa “akukkalilila amukaintu.”","num_words":478,"character_repetition_ratio":0.046,"word_repetition_ratio":0.0,"special_characters_ratio":0.19,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 32 IBBAIB63 - Lino bantu nebakabona kuti Musa - Bible Search\\nKulonga 31 Kulonga 33\\nBa-Israyeli mbubakabisya kukucita moombe wangolida\\n1-Lino bantu nebakabona kuti Musa wamuka kuseluka kuzwa kucilundu, bantu bakayobolokela Aroni, bati, Buka utucitile baleza bakutuzulwida, nkaambo oyo Musa, muntu iwakatupozya mucisi ca-Egepita, tatuzi camusikila. 2-Mpoonya awo Aroni wakabaambila kuti, Amugwisye mankwintankwinta aangolida aali kumatwi aabanakazi banu abana banu balombe abasimbi, mwaalete kulindime. 3Lino bantu boonse bakagwisya mankwinta-nkwinta­ aangolida aamumatwi aabo akwaaleta kuli-Aroni. 4-Amane kwaatambula kumaanza aabo, wakaabumba-bumba acibelesyo, wapanga moombe uufulidwe. Elyo bakati, Mbaaba baleza bako, O Israyeli, ibakamupozya mucisi ca-Egepita, 5-Alakwe Aroni, naakabona, wakayaka cipaililo kunembo lyakwe. Nkabela Aroni wakalailila kuti, Junza kuli ipobwe lyaJehova. 6-Lino nebwakaca, bakafuma kubuka, batuula zipaizyo, baleta zipaizyo zyakutontozya. Elyo bantu bakakala kukulya akunywa, alimwi bakanyampuka kukusobana.\\n7-Mpawo Jehova wakaambila Musa kuti, Seluka, nkaambo bantu bako mbowakagwisya mucisi ca-Egepita babisya. 8-Bafwambaana kusia inzila njindakabalailila, balicitila moombe uufulidwe, bamukomba, bamupaizizya, bati, Mbaaba baleza bako, O Israyeli, ibakamupozya mucisi ca-Egepita. 9-Alimwi Jehova wakaambila Musa kuti, Ndibwene bantu aba. Mbantu bayumu myoyo. 10-Undileke kuti bukali bwangu bubabukile canguzu, nkabanyonyoone, lino ndakucita yebo ube musyobo mupati.\\n11-Elyo Musa wakakombelezya Leza wakwe, wati, O Jehova, nkaambonzi bukali bwako bwabukila bantu bako mbowagwisya mucisi ca-Egepita anguzu ziyoosya ajanza ijumu? 12Sa ncibotu kuti ba-Bgepita baambe kuti, Wakabapozezya bubi, kuti abajaye muzilundu akubanyonyoona, batabonwi limbi ansi. Leka bukali bwako buyoosya, utabisizyi bantu bako. 13-Ibaluka Abrahamu a-Izaka a-Israyeli balanda bako, mbowakakonkezya muzina lyako omwini cakwaamba kuti, Njoovuzya inyungu zyanu mbuli inyenyeezi zyakujulu, anyika eyi yoonse njendakasyomezya njooipa inyungu zyanu baivube lyoonse. 14-Mpawo Jehova wakalekelela bantu bakwe bubi mbwaakali kuyeeya kubacitila,\\n15-Elyo Musa wakapiluka, waseluka kuzwa kucilundu, amabwe aapapalete aamilao akali mumaanza aakwe. Ayo mabwe akalilembedwe koonse koonse, kumabazu oonse obile. 16-Mabwe akali mulimo wa-Leza, amalembo aalembedwe alingao Leza nguwakaalemba. 17Lino Joshua naakamvwa kuyobayoba kwabantu, wakaambila Musa kuti, Ndamvwa lupyopyongano lwankondo kumalabba. 18Pele wakati, Teensi majwi aabaabo bazunda nekuba bazundwa, pe. Ndamvwa majwi aabasikwiimba. 19Nkabela naakasika kufwaafwi kuzilao aku bona moombe akuzyana, bukali bwaMusa bwakabuka, nkabela mabwe wakaasowa kuzwa kumaanza aakwe, akwaapwaya nkukonya oko kunsi lyacilundu. 20Lino wakabweza moombe ngubakacitide, wamutenta mumulilo. Alimwi wakamuziya, wamwaya busu amaanzi, wanywisya bana ba-Israyeli.\\n21Lino Musa wakaambila Aroni kuti, Ino bantu aba bakubisizyanzi? Nkaambonzi wabacitya bubi obu bupati? 22Nkabela Aroni wakavuwa kuti, Bukali bwasimalelaangu butabuki. Ulizi bantu mbubabede. Myoyo yabo ilaanzikidwe kububi. 23Bakandaambila kuti, Utucitile baleza bakutuzulwida, nkaambo oyo Musa, muntu iwakatugwisya munyika ya-Egepita, tatuzi na wasikilwanzi. 24Elyo ndakabaambila kuti, Kufumbwa uujisi ingolida, aigwisye, ailete kulindime, Lino ndakaiwaala mumulilo, nkabela kwakazwa oyu moombe.\\n25Elyo Musa naakabona kuti bantu tabaciyoowi abuniini kucita zitondwa, nkaambo Aroni wakabalekelela, kuti abausye insoni kuli basinkondonyina, 26Musa wakaima kumulyango wamalabba, wati, Kufumbwa uuli kulubazu lwa-Jehova aboole kulindime. Elyo kwakamuyobolokela bana boonse ba-Levi. 27Nkabela wakabaambila kuti, Mbuboobu mbwaamba Jehova Leza waIsrayeli, Soma umwi aumwi ipanga lyakwe akasolo kakwe, lino kamuya bweendeenda kumulyango umwi aumwi koonse kumalabba, mukajaye umwi aumwi mwanaakwabo, aumwi aumwi mweenzinyina, aumwi aumwi sikamukowanyina. 28Elyo bana ba-Levi bakacita mbubonya mbwaakabalailila Musa, nkabela mubuzuba obo kwakajayigwa akati kabantu mbuli zyuulu zyotatwe. 29Lino Musa wakati, mwalikazika kuti mube bapaizi ba-Jehova, umwi aumwi kumwanaakwe akumwanaakwabo, aboobo ulamupa coolwe buzuba obuno.\\n30Nebwakaca Musa wakaambila bantu kuti, Mwacita zibi zipati. Lino ndainka kuli-Jehova, Ambweni ndakonzya kumuliyila mulandu. 31Elyo Musa wakapiluka kuli-Jehova, wati, Maawe! Bantu aba bacitazibi zipati. Balipangila baleza bangolida. 32-Sa inga ulakonzya kubalekelela zibi zyabo? Na tokonzyi, uziminganye izina lyangu mubbuku lyako ndowakalemba. 33-Pele Jehova wakaambila Musa kuti, Oyo uundibisizya ngonguwe ngonjooziminganya mubbuku lyangu. 34-Mbubo, koya, ukazulwide bantu akubasisya kubusena mbdundakakwaambila, Ncobeni angelo wangu ulamuzulwida, Nekubaboobo mubuzuba bwakubauma njoobauma nkaambo kazibi zyabo.\\n35-Nkabela Jehova wakaumya bantu malwazi nkaambo kakucita moombe ngwaakacita Aroni.","num_words":574,"character_repetition_ratio":0.057,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"“Zintu Zyoonse Ziyoopona Kufwumbwa Ooko Nkokaunka Kalonga Aaka”​—Ezekieli 47:9\\n“Zintu Zyoonse Ziyoopona Kufwumbwa Ooko Nkokaunka Kalonga Aaka”\\nMAKANI AALI MUCIBALO: Cilengaano camulonga uukunka kuzwa mutempele mbocakazuzikizyigwa kaindi, mbocizuzikizyigwa lino, alimwi ambociyoozuzikizyigwa kumbele\\n1, 2. Kweelana alugwalo lwa Ezekieli 47:1-12, ino ncinzi Ezekieli ncaakabona akuzyiba? (Amubone cifwanikiso icili kumatalikilo aacibalo.)\\nEZEKIELI alimwi wakabona cintu cimbi cigambya mutempele lyamucilengaano: Wakabona mulonga uukunka kuzwa mubusena busetekene! Amweezyeezye kuti mulimubwene katobelezya nkwaakali kuunka maanzi aayo aabalangala. (Amubale Ezekieli 47:1-12.) Maanzi aayo akali kweenda aniini-niini kuzwa kucikunguzyo catempele; mpoonya akali kuzwa mutempele munsi-munsi amulyango wakujwe. Mungelo wakamusololela Ezekieli kuzwa mutempele, kumwi kapima bulamfwu. Cakwiinduluka-induluka mungelo wakali kwaambila Ezekieli kuti ainde mumaanzi, mpoonya musinsimi ooyu wakajana kuti akali kuyaabulampa, muciindi cisyoonto buyo wakaba mulonga mulamfwu ngwaakali kukonzya kuzabuka lelikke kuti wasaya buya!\\n2 Ezekieli wakabona kuti mulonga wakali kukunkila mu Lwizi Lutajisi Buumi akupa kuti maanzi aamunyo abe kabotu, zilenge zyuumi zyakacikonzya kupona kufwumbwa ooko nkwaakakunkila maanzi aaya, kwakaba nswi zinji. Alimwi kunkomwe yamulonga, wakabona zisamu zinji zyamisyobo iindene-indene. Mwezi amwezi, zyakali kuzyala micelo mipya mibotu, alimwi zyakalijisi matuvwu aakusilisya. Kubona zintu zyoonse eezyi kweelede kuti kwakapa Ezekieli kuba abulangizi aluumuno. Pele ino cibeela catempele lyamucilengaano eeci cakali kwaamba nzi kulinguwe akubaangenyina? Alimwi ino caamba nzi kulindiswe mazuba aano?\\nIno Mulonga Ngwaakabona Ezekieli Mucilengaano Wakali Kwaamba nzi Kubaange?\\n3. Ino nkaambo nzi ba Juda bansiku ncobatakayeeya kuti mulonga wamucilengaano ca Ezekieli wakali mulonga wini buya?\\n3 Cakutadooneka ba Juda bansiku tiibakabona mulonga wamucilengaano kuti mulonga wini buya. Muciindi caboobo, kweelede kuti cibalo eeci camu Magwalo cakabayeezya businsimi bumwi bwakubukulusya ibwakasololelwa amuuya, bwalo ibwakalembwa ambweni kakwiindide myaanda yamyaka yobile musyule amusinsimi Joeli. (Amubale Joeli 3:18.) Ciindi ba Juda baange nobakabala majwi aa Joeli aakasololelwa amuuya, tiibakali kulangila kuti malundu eeni buya akali ‘kuyookunka waini uulweela’ naa kuti malundu akali ‘kuyookunka mukupa’; alimwi kunyina nobakali kulangila kuti “muŋanda ya Jehova muyooba” kasensa kamaanzi. Mbubwenya buyo, ba Judanyina aaba kweelede kuti abalo bakamvwisya kuti mulumbe wamusinsimi Ezekieli wamucilengaano tiiwakali kwaamba kujatikizya mulonga wini. * Aboobo, ino mulumbe nzi ngwaakali kwaamba Jehova? Magwalo alatugwasya kumvwisya ncozyaamba zibeela zimwi zyacilengaano eeci. Nokuba boobo, mumakani oonse, tulalanga-langa zisyomezyo zyaluyando zyotatwe zilimvwisya zyalo nzyotukonzya kwiiya kuzwa kuzibalo zyabusinsimi eezyi.\\nTUBBOKESI TWAKUYIISYA 19A: Milonga Yazilongezyo Zizwa Kuli Jehova\\n4. (a) Mulonga uuli mucilengaano ca Ezekieli wakali kukonzya kupa kuti ba Juda balangile zilongezyo nzi kuzwa kuli Jehova? (b) Mbuti mbolibelesyegwa bbala lyakuti “mulonga” alimwi alyakuti “maanzi” mu Bbaibbele mbokutupa lusyomo lwakuti Jehova uyoobalongezya bantu bakwe? (Amubone kabbokesi kakuti “Milonga Yazilongezyo Kuzwa Kuli Jehova.”)\\n4 Mulonga wazilongezyo. Mu Bbaibbele, milonga alimwi amaanzi kanji-kanji zilabelesyegwa kwaamba kukunka kwazilongezyo zya Jehova izipa buumi. Ezekieli wakabona mulonga uuli boobo kaukunka kuzwa mutempele, aboobo cilengaano cakali kukonzya kupa bantu ba Leza kulangila kuti zilongezyo zya Jehova zyakumuuya zyakali kuyookunka alimbabo kufwumbwa buyo kuti bakakatila kubukombi busalala. Ino nzilongezyo nzi eezyo? Bakali kukonzya kutalika alimwi kutambula malailile aakumuuya kuzwa kubapaizi. Alimwi ciindi zipaizyo nozyakali kunootuulwa atempele, bakali kukonzya kuba masimpe kuti milandu yabo yakali kunoomana. (Ezk. 44:15, 23; 45:17) Aboobo, bakali kukonzya kuba bantu basalala alimwi, mbuli kuti basanzyigwa amaanzi aasalala aazwa mutempele.\\n5. Mbuti mulonga wamucilengaano mbowakakumana kulibilika ikwakaliko ikwakuti naa lyoonse kwakali kuyooba zilongezyo zinji zyabantu boonse?\\n5 Sena lyoonse kunooli zilongezyo zinji zyabantu boonse? Cilengaano cilakumanizya kulibilika kuli koonse kuli boobu kwiinda mukutondezya mbwaakavwula maanzi camaleele, maanzi aakali maniini akavwula kapati mubusena bulampa makkilomita obilo buyo! (Ezk. 47:3-5) Mweelwe waba Juda ibakali munyika yakabukulusyigwa wakali kukonzya kukomena; pele, zilongezyo zya Jehova zyakali kuyoovwula kapati kutegwa bajane nzyobakali kuyandika. Mulonga wakali kutondezya kuvwula!\\n6. (a) Ino mulumbe wabusinsimi wakapa cisyomezyo nzi cikkomanisya? (b) Alimwi ino cilengaano cakapa kucenjezya nzi? (Amubone bupanduluzi buyungizyidwe.)\\n6 Maanzi aapa buumi. Mucilengaano ca Ezekieli, mulonga wakali kukunkila ku Lwizi Lutajisi Buumi, zibeela zinji zyalwizi zyakabukulusyigwa. Amubone kuti maanzi akapa buumi kunswi zyamisyobo minji kapati zyalo izyakali kweelanisyigwa answi zyakali mu Lwizi Lupati, naa Lwizi lwa Mediterranean. Alimwi buya kwakali amulimo wakuzela nswi iwakali kucitwa mumabali aa Lwizi Lutajisi Buumi akati kamadolopo obilo alo alangilwa kuti akali sanseene. Mungelo wakaamba kuti: “Zintu zyoonse ziyoopona kufwumbwa ooko nkokaunka kalonga aaka.” Pele, sena eeci caamba kuti maanzi aakali kuzwa muŋanda ya Jehova akasika mumasena oonse aa Lwizi Lutajisi Buumi? Peepe. Mungelo wakaamba kuti mumasena aamatoolo tanaakasika maanzi aapa buumi. Masena aayo ‘akajisi buyo munyo.’ * (Ezk. 47:8-11) Aboobo businsimi bwakatondezya zisyomezyo zipa bulangizi kuti bukombi busalala bwakali kuyoobabukulusya bantu, kubapa kuti bapone buumi bukkomanisya. Pele alimwi kwakapegwa amajwi aakucenjezya: Tabali boonse bakali kuyootambula zilongezyo zya Jehova; alimwi tabali boonse bakali kuyooponesyegwa.\\n7. Ino zisamu zyamucilengaano izyakali mumabali aamulonga zyakabapa cisyomezyo nzi ba Juda baange?\\n7 Zisamu zizyala micelo iiligwa amatuvwu aakusilisya. Mbuti kujatikizya zisamu izyakali mumabali aamulonga? Zyakali kubotya cilengaano, tee kayi? Alimwi kuli ncozyakali kwaamba azyalo. Cakutadooneka kweelede kuti Ezekieli abasicisinyina bakakkomana kuyeeya kujatikizya micelo mibotu zisamu eezyi njozyakali kuyoozyala, mwezi amwezi micelo mipya! Cilengaano alimwi cakabapa lusyomo lwakuti Jehova wakali kuyoobasanina kumuuya. Sena kuli acimbi? Amubone kuti matuvwu aazisamu eezyi ‘akali kuyooba aakusilisya.’ (Ezk. 47:12) Kwiinda zyoonse, Jehova wakalizyi kuti baange ibakali kuyoopiluka bakali kuyooyandika kuponesyegwa kumuuya, alimwi wakasyomezya kucita mbubwenya oobo. Mbwaakacita oobo kwakabandikwa mubusinsimi bwakubukulusya bumwi, kweelana ambotwakabona mu Cibalo 9 cabbuku eeli.\\n8. Ncinzi citondezya kuti cilengaano ca Ezekieli cakali kuyoozuzikizyigwa cakumaninina?\\n8 Nokuba boobo, kweelana ambotwakabandika mu Cibalo 9, kwakazuzikizyigwa buyo businsimi busyoonto kubaange ibakapiluka. Bantu kubagama mbebakapa kuti kuzuzikizyigwe buyo businsimi busyoonto kulimbabo. Ino mbuti Jehova mbwaakali kukonzya kubalongezya cakumaninina kumwi kabajokela kumicito yabo mibyaabi yakaindi, kutamvwida alimwi akuubya-ubya bukombi busalala nkobakali kucita cakwiinduluka-induluka? Aabo ibakali kusyomeka cakabacisa alimwi bakatyompwa akaambo kabukkale bubyaabi bwaba Judanyina. Nokuba boobo, bakombi ba Jehova basyomeka bakalizyi kuti ulazuzikizya zisyomezyo zyakwe lyoonse. (Amubale Joshua 23:14.) Aboobo, bumwi buzuba cilengaano ca Ezekieli cakali kuyoozuzikizyigwa cakumaninina. Pele lili?\\nMulonga Ulakunka Mazuba Aano!\\n9. Ndilili cilengaano ca Ezekieli catempele nocili mukuzuzikizyigwa cakumaninina?\\n9 Kweelana ambotwakabona mu Cibalo 14 cabbuku eeli, cilengaano ca Ezekieli catempele cili mukuzuzikizyigwa kapati ‘kumamanino aamazuba aano,’ ciindi bukombi busalala nobuli mukusumpulwa kwiinda lyoonse. (Is. 2:2) Muubuti cibeela eeci cacilengaano ca Ezekieli mocili mukuzuzikizyigwa mazuba aano?\\n10, 11. (a) Nzilongezyo nzi zikunka mbuli mulonga mazuba aano? (b) Ino mbuti kukunka kwazilongezyo zizwa kuli Jehova mbokwayungizyika kutegwa nzyobayandika bantu zizuzikizyigwe mumazuba aamamanino?\\n10 Mulonga wazilongezyo. Ino maanzi aakunka kuzwa muŋanda ya Jehova atuyeezya zilongezyo nzi mazuba aano? Cakutadooneka, atuyeezya zintu zinji izitugwasya kumuuya nzyatupa Jehova. Kwiinda zyoonse ninguzu zyakusalazya zyacituuzyo cacinunuzyo ca Kristo, calo icipa kuti kacikonzyeka kulekelelwa zibi zyesu. Kasimpe kali mu Jwi lya Leza akalo kakozyanisyigwa kumaanzi aapa buumi, alimwi akumaanzi aakusalazya. (Ef. 5:25-27) Ino mbuti zilongezyo zili boobu mbozikunka mazuba aano?\\n11 Mu 1919 kwakali buyo mweelwe musyoonto wababelesi ba Jehova, alimwi bakali kukkomana kutambula zyakulya zyakumuuya nzyobakali kuyandika. Mumyaka yakatobela, bakali kuyaabuyungizyika. Mazuba aano, bantu ba Leza balainda ku 8 miliyoni. Sena kukunka kwamaanzi aasalala aakasimpe kwazumanana? Inzya! Tulayiisyigwa zintu zinji kuzwa mu Bbaibbele. Mabbiliyoni aama Bbaibbele, mabbuku, mamagazini, mabroshuwa, alimwi amatulakiti zyakakunka kubantu ba Leza mumwaanda wamyaka wainda. Mbubwenya mbuli mulonga wamucilengaano ngwaakabona Ezekieli, kukunka kwakasimpe kwakomena cakufwambaana kutegwa bantu aabo boonse ibayanda bamuzyibe Leza nyika yoonse. Mabbuku aamba zyamu Bbaibbele alikupulintwa kuzwa kaindi. Alimwi lino, mabbuku aaya alajanika awebbusaiti ya jw.org mumyaambo iinda ku 900! Ino kukunka kwamaanzi kuli boobu kwabajatikizya buti babombe moyo?\\n12. (a) Ino mbuti mulumbe wakasimpe kamu Bbaibbele mbowabagwasya bantu? (b) Nkucenjezya kuli buti ikwapegwa aciindi ceelede nkocitondezya cilengaano kulindiswe mazuba aano? (Amubone abupanduluzi buyungizyidwe.)\\n12 Maanzi aapa buumi. Ezekieli wakaambilwa kuti: “Zintu zyoonse ziyoopona kufwumbwa ooko nkokaunka kalonga aaka.” Amuyeeye buyo kujatikizya mulumbe wakasimpe mbowakunka kuli baabo boonse ibaboola mucisi cesu cakumuuya cibukulusyidwe. Kasimpe kamu Bbaibbele kabasika amoyo bantu banji alimwi kabagwasya kuyumya lusyomo lwabo muli Jehova. Nokuba boobo, cilengaano alimwi cilapa kucenjezya aciindi ceelede: Tabali boonse ibakatambula kasimpe aaka. Mbubwenya mbuli masena aajisi matinti alimwi amatoolo aali mu Lwizi Lutajisi Buumi mucilengaano ca Ezekieli, kuli bantu ibakaka kukatambula alimwi akupona kweelana akasimpe. * Eeci taceelede kucitika kulindiswe!—Amubale Deuteronomo 10:16-18.\\n13. Ino nziiyo nzi nzyotukonzya kwiiya kuzisamu zyamu cilengaano?\\n13 Zisamu zizyala micelo iiligwa amatuvwu aakusilisya. Sena mazuba aano kuli ziiyo zikulwaizya nzyotukonzya kujana kuzisamu zyamucilengaano izili mumabali aamulonga? Inzya! Amuyeeye kuti, zisamu eezyo zyakali kuzyala micelo mibotu mipya mwezi amwezi, alimwi matuvwu aanzizyo akali kubelesyegwa kusilisya. (Ezk. 47:12) Aboobo zituyeezya kuti tubelekela Leza uutwaabila zyakulya alimwi uutusilika munzila iiyandika kapati, nkokuti kumuuya. Mazuba aano bantu banji tabakamvwisyi kasimpe kamu Bbaibbele. Mukwiimpana, amuyeeye buyo Jehova nzyapa. Sena kuli nomwakabala cibalo cimwi mumamagazini eesu, kwiimba lwiimbo lwamamanino kumuswaangano wabbazu naa wacooko, kweebelela vidiyo naa pulogilamu ya jw broadcasting mpoonya kumamanino mwakalimvwa kulongezyegwa akaambo kakuba acakulya cakumuuya cili boobu? Masimpe tulasaninwa kabotu. (Is. 65:13, 14) Sena kumvwisya kasimpe kamu Bbaibbele kulatugwasya kupona munzila iigwasya alimwi iikkomanisya Jehova? Lulayo lubotu kapati ndotutambula kuzwa mu Jwi lya Leza, lulatugwasya kutantamuka micito mibi mbuli kutalilemeka, bulyato, alimwi akubula lusyomo. Alimwi Jehova wabikka bubambe bwakugwasya Banakristo kulwana kuciswa kwakumuuya ikuboola akaambo kazibi zipati. (Amubale Jakobo 5:14.) Masimpe tulilelekedwe, kweelana ambokutondezyedwe mucilengaano ca Ezekieli cazisamu.\\n14, 15. (a) Nziiyo nzi nzyotweelede kwiiya kumasena aamatoolo aatakapona mucilengaano ca Ezekieli? (b) Ino mbuti mulonga wamucilengaano ca Ezekieli mboutugwasya mazuba aano?\\n14 Kunze lyaboobo, tulakonzya kwiiya ciiyo cimwi kumasena aamatoolo aayo aatakapona amaanzi. Tatweelede kukaka zilongezyo zya Jehova kukunka mubuumi bwesu. Ilakonzya kuba ntenda mpati kutapona, mbuli bantu banji ibali munyika eeyi iiciswa. (Mt. 13:15) Muciindi caboobo, tulakkomana kugwasyigwa amulonga wazilongezyo. Ciindi notuba aluyandisisyo lwakunywa maanzi aakasimpe kazwa mu Jwi lya Leza, ciindi notubaambila bamwi kasimpe kali boobu kwiinda mukukambauka, ciindi notutambula busolozi bwaluyando, luumbulizyo, alimwi alugwasyo kuzwa kubaalu ibakayiisyigwa amuzike uusyomeka, tulakonzya kuyeeya kujatikizya mulonga wamucilengaano ca Ezekieli. Mulonga ooyu upa buumi akuponya kufwumbwa nkouya.\\n15 Pele ino mbuti kujatikizya kuzuzikizyigwa kwakumbele kwacilengaano camulonga eeci? Mbubwenya mbotulaabone, mulonga uyookunka cakumaninina mu Paradaiso iiboola.\\nNcociyakwaamba Cilengaano mu Paradaiso\\n16, 17. (a) Muubuti maanzi aabuumi mwaayoovwula kapati mu Paradaiso? (b) Ino mbuti mbotuyoogwasyigwa amulonga wazilongezyo mu Paradaiso?\\n16 Sena kuli nomweezyeezya kuti muli mu Paradaiso, kamuzingulukidwe abalongwe alimwi abanamukwasyi, kamukkomene abuumi bukkomanisya kapati? Kulanga-langa cilengaano ca Ezekieli kulakonzya kupa kuti kweezyeezya ooko kakukkomanisya kapati. Mubuti? Amubone alimwi zibeela zyotatwe zyacilengaano eeci, zilimvwisya alimwi izitondezya luyando.\\n17 Mulonga wazilongezyo. Mulonga wacikozyanyo, munzila iimwi, uyooleta zilongezyo zinji kapati mu Paradaiso, nkaambo zilongezyo eezyo tazinoogwasyi buyo kumuuya pele akumubili. Mu Myaka Iili Cuulu ya Bulelo bwa Jesu, Bwami bwa Leza buyoopa kuti aabo basyomeka bakagwasyigwe kapati acinunuzyo. Asyoonto-syoonto, banooyaabulondoka! Takukabi limbi malwazi, bamadokota, bamanesi, azibbadela! Maanzi aabuumi aayo ayookunka kumamiliyoni aabantu ibayoofwutuka lya Amagedoni, nkokuti “nkamu mpati yabantu” iiyoozwa “mumapenzi mapati.” (Ciy. 7: 9, 14) Nokuba kuti kukunka kwazilongezyo kwakusaanguna ooko kunookkomanisya kapati, kunooli kusyoonto kapati kweezyanisyigwa azilongezyo zimbi ziyooccilila. Mbubwenya mbuli mucilengaano ca Ezekieli, mulonga uyookomena kutegwa bakajane ziyandika zyoonse.\\nMu Paradaiso, mulonga wazilongezyo uyoopa kuti bantu boonse bakabe bana-bana alimwi ibajisi buumi buli kabotu (Amubone muncali 17)\\n18. Ino mbuti “mulonga wamaanzi aabuumi” mbouyooba mupati mu Myaka iili Cuulu?\\n18 Maanzi aapa buumi. Mu Myaka Iili Cuulu, “mulonga wamaanzi aabuumi” uyooba mupati. (Ciy. 22:1) Mamiliyoni, naa mabbiliyoni aabantu bayoobusyigwa, bayoopegwa coolwe cakupona mu Paradaiso mane kukabe kutamani! Zilongezyo zya Jehova kwiinda mu Bwami ziyoobikkilizya akupa buumi kubantu banji ibakafwa, aabo ibakali mubulongo kwaciindi cilamfwu. (Is. 26:19) Pele, sena aabo boonse ibayoobusyigwa bayoozumanana kupona mane kukabe kutamani?\\n19. (a) Ncinzi citondezya kuti kuyooba maanzi aakasimpe mapya mu Paradaiso? (b) Muunzila nzi bamwi kumbele ‘mbobanoojisi buyo munyo’?\\n19 Umwi aumwi weelede kusala. Kayi, mabbuku mapya aakuvwunga ayoojalulwa aciindi eeco. Aboobo maanzi mabotu aazwa kuli Jehova ayoobikkilizya akasimpe kayubunudwe kapya, malailile aakumuuya mapya. Sena tacikkomanisyi kuyeeya kujatikizya bulangizi oobu? Nokuba boobo, bamwi bayakukaka kwaatobela malailile mapya aaya akusala kutamumvwida Jehova. Bantu bamwi balalangilwa kuyoozanga mu Myaka iili Cuulu, pele tabakazumizyigwi kunyonganya Paradaiso. (Is. 65:20) Tulakonzya kuyeeya kujatikizya cilengaano ca Ezekieli alimwi akuyeeya masena aamatoolo aatakapona, ‘aakajisi buyo munyo.’ Eelo kaka mbafwubafwuba aabo ibakaka acaali kunywa maanzi aabuumi aayandika kapati! Yaakwiinda Myaka iili Cuulu, nkamu yabazangi iyoomusangana Saatani. Boonse aabo ibakaka bweendelezi bwa Jehova bululeme bayoonyonyoonwa: nkokuti kufwidilila.—Ciy. 20:7-12.\\n20. Mbubambe nzi ibuyootugwasya mu Myaka Iili Cuulu ibutuyeezya zisamu nzyaakabona Ezekieli?\\n20 Zisamu zizyala micelo iiligwa amatuvwu aakusilisya. Jehova tayandi kuti umwi wesu akasweekelwe buumi butamani. Kutegwa atugwasye kukakatila kucoolwe cibotu kapati ncapa, uyoobona masimpe kuti kuli bubambe mbuli bwazisamu nzyaakabona Ezekieli. Nokuba boobo, mu Paradaiso zilongezyo zizwa kuli Jehova zinooliko kumubili alimwi akumuuya. Kujulu, Jesu Kristo antoomwe abalelinyina ibali 144,000 bayakweendelezya kabali bami kwa Myaka Iili Cuulu. Kabali bapaizi, iba 144,000 bayoopa kuti zilongezyo zyacipaizyo cacinunuzyo ca Kristo, zigwasye bantu basyomeka kulondoka. (Ciy. 20:6) Cilengaano ca Ezekieli cazisamu izyakali kuzyala micelo mibotu alimwi izyakajisi matuvwu aakusilisya cileendelana acibalo cimwi cabusinsimi cibotu ncaakalemba mwaapostolo Johane. (Amubale Ciyubunuzyo 22:1, 2.) Matuvwu aazisamu ngaakabona Johane “akali aakuponya masi.” Mamiliyoni aabantu basyomeka ayoogwasyigwa amilimo yabapaizi ibali 144,000.\\nTUBBOKESI TWAKUYIISYA 19B: Maanzi Aakunka Aniini-niini Waba Mulonga Mupati!\\n21. Ino kuyeeya mulonga wamucilengaano ca Ezekieli kumujatikizya buti, alimwi ino ncinzi ncotuyoolanga-langa? (Amubone kabbokesi kakuti “Maanzi Aakunka Aniini-niini Waba Mulonga Mupati!”)\\n21 Ciindi nomuyeeya kujatikizya mulonga wamucilengaano ca Ezekieli, sena tamukkomani alimwi akuba abulangizi? Eelo kaka cilakkomanisya eeco ncotulangila kumbele! Alimwi amuciyeeyele buyo, kwamyaka minji yainda, Jehova wakatupa businsimi bunji ibutugwasya kweezyeezya mboinoobede Paradaiso. Sena munooliko? Mulakonzya kudooneka naa munoojisi busena mu Paradaiso. Lino atulange-lange zibalo zyamamanino zyabusinsimi bwa Ezekieli mbozitupa bulangizi.\\n^ munc. 3 Kuyungizya waawo, ba Juda aabo ibakayeeyede kujatikizya mbowakabede munzi wabo kweelede kuti bakazyiba kuti mulonga tiiwakali kukonzya kukunka kuzwa mu Jerusalemu kuya ku Lwizi Lutajisi Buumi, nkaambo eeci cakali kuyandika kwiinda mutulundu-lundu mumasena aamwi.\\n^ munc. 6 Bantu bamwi baamba kuti eeci cakacitika ncibotu, baamba kuti kugusya munyo wakubelesya kuzwa ku Lwizi Lutajisi Buumi ncintu cali kuleta mpindu kuzwa kaindi. Nokuba boobo, amubone kuti cibalo caamba kuti maanzi aali mumatoolo ‘tanaakali kuyooba kabotu pe.’ Tanaakaba abuumi, tanaakaba kabotu, akaambo kakuti maanzi aapa buumi aazwa muŋanda ya Jehova kunyina naakasika kulingawo. Aboobo kulibonya kuti, mucibalo eeci, munyo uuli mumasena aaya waambwa munzila iitali kabotu.—Int. 107:33, 34; Jer. 17:6.\\n^ munc. 12 Munzila iikozyenye, atulange cikozyanyo ca Jesu calunsabwe. Inswi zinji zilajaigwa, pele tazili zyoonse izili ‘kabotu.’ Eezyo zitali kabotu zyeelede kusoogwa. Aboobo Jesu wakacenjezya kuti bantu banji ibaboola kumbunga ya Jehova mukuya kwaciindi, balakonzya kutalika kutasyomeka.—Mt. 13:47-50; 2Tim. 2:20, 21.\\nIno cilengaano ca Ezekieli camulonga cakazuzikizyigwa buti kaindi?\\nMuunzila nzi cilengaano eeci mocizuzikizyigwa mazuba aano?\\nMbuti mulonga wamucilengaano ca Ezekieli mbouyookunka cakumaninina mu Myaka Iili Cuulu ya Bulelo bwa Kristo?","num_words":2228,"character_repetition_ratio":0.071,"word_repetition_ratio":0.0,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Mbunga ya Watch Tower Bible and Tract Society Ninzi?\\nAMUBALE MU Afrikaans Albanian Amharic Arabic Armenian Armenian (West) Azerbaijani Azerbaijani (Cyrillic) Bashkir Basque Bassa (Cameroon) Batak (Toba) Bislama Boulou Bulgarian Cambodian Catalan Cebuano Chichewa Chin (Hakha) Chinese (Traditional) Chinese Mandarin (Simplified) Chitonga Chol Croatian Czech Danish Dutch English Estonian Ewe Fante Faroese Finnish French Galician Georgian German Greek Greenlandic Guarani Gun Haitian Creole Hausa Hebrew Hiligaynon Hungarian Icelandic Iloko Indonesian Italian Japanese Javanese Kabiye Kabyle Kachin Karen (S'gaw) Kazakh Kikaonde Kinyarwanda Kirghiz Kirundi Korean Lingala Lithuanian Low German Macedonian Malagasy Malay Malayalam Maltese Mam Mazatec (Huautla) Myanmar Nahuatl (Central) Nahuatl (Huasteca) Nahuatl (Northern Puebla) Ndebele (Zimbabwe) Nepali Ngabere Nias Norwegian Nzema Oromo Ossetian Otomi (Mezquital Valley) Pangasinan Persian Polish Portuguese Portuguese (Portugal) Punjabi Quechua (Cuzco) Rarotongan Romanian Russian Sepedi Serbian (Cyrillic) Serbian (Roman) Setswana Shona Sinhala Slovak Slovenian Solomon Islands Pidgin Spanish Sunda Swahili Swedish Tagalog Tahitian Tajiki Tankarana Tarascan Tatar Telugu Tetun Dili Thai Tiv Tojolabal Tongan Totonac Tsonga Turkish Turkmen Tzeltal Tzotzil Uighur (Cyrillic) Ukrainian Urdu Valencian Venda Vezo Vietnamese Wallisian Welsh Xhosa Yoruba Zapotec (Isthmus) Zulu\\nMbunga ya Watch Tower Bible and Tract Society of Pennsylvania nimbunga iitapangi mpindu iyakatalisyigwa mu 1884 kwiinda mukutobela milawo ya Commonwealth of Pennsylvania, U.S.A. Ilabelesyegwa a Bakamboni ba Jehova kusumpula mulimo wabo wanyika yoonse, walo uubikkilizya akumwaya ma Bbaibbele alimwi amabbuku aamba zyamu Bbaibbele.\\nKweelana abbuku ilyaamba makanze aambunga eeyi, makanze aanjiyo ajatikizya “bukombi, kuyiisya alimwi amilimo yakugwasya bantu,” ikapati “kukambauka alimwi akuyiisya mulumbe wa Bwami bwa Leza mubusolozi bwa Kristo Jesu.” Kutegwa muntu abe mumbunga eeyi, ccita buyo kuti watambwa alimwi kutambwa ooko takuyeeme akuvwula kwamali ngaasanga muntu. Bantu ibali mumbunga eeyi alimwi abeendelezi, bagwasyilizya bamu Kabunga Keendelezya ka Bakamboni ba Jehova.\\nMbunga Zizumizyidwe Amulawo Izigwasyilizya\\nKunze aambunga ya Watch Tower Bible and Tract Society of Pennsylvania, Bakamboni ba Jehova balabelesya mbunga zinji izizumizyidwe amulawo muzisi ziindene-indene. Akati kambunga eezyi, mumazina aanzizyo kulabikkilizyigwa amabala mbuli aakuti “Watch Tower,” “Watchtower,” naa kwaasandulula.\\nKuzwa nozyakatalisyigwa, mbunga eezyi zyatugwasya kucita mulimo mupati mbuli:\\nKulemba alimwi akumwaya. Twamwaya ma Bbaibbele aabalilwa ku 220 miliyoni alimwi amabbuku aamba zyamu Bbaibbele aabalilwa ku 40 bbiliyoni mumyaambo iinda ku 700. Webbusaiti ya jw.org yagwasya bantu kubala Bbaibbele a Intaneti kakunyina kubbadela mumyaambo iinda ku 120 alimwi akujana bwiinguzi kumibuzyo mbuli wakuti, “Ino Bwami bwa Leza Ninzi?”\\nZikolo. Tuleendelezya zikolo ziindene-indene kuyiisya Bbaibbele. Mucikozyanyo, kuzwa mu 1943 Bakamboni ba Jehova ibainda ku 8,000 bagwasyigwa alwiiyo lupegwa mucikolo citegwa Watchtower Bible School of Gilead, kubapa kuti babeleke kabali bamisyinali naa kuyumya mulimo wesu wanyika yoonse. Alimwi nsondo ansondo mamiliyoni aabantu kubikkilizya abaabo ibatali Bakamboni, balatambula malailile kumiswaangano iicitwa mumbungano zyesu. Kuyungizya waawo tuleendelezya zikolo zyakwiiya kubala akulemba alimwi tulijisi abbuku lijanika mumyaambo iili 110 iliyiisya bantu kubala akulemba.\\nMilimo yakugwasya bantu. Twagwasya bantu ibali mumapenzi akaambo kantenda kwiinda mukubapa zintu zyakuligwasya​—taciko makani naa ntenda eezyo zyapangwa abantu, mbuli yeeyo yakujayana yakacitika mu 1994 ku Rwanda naa ntenda zilicitikila mbuli yamuzuzumo yakacitika mu 2010 ku Haiti.\\nNokuba kuti kwacitwa zintu zinji kwiinda mumbunga eezyi nzyotubelesya, mulimo wesu tauyeeme ambunga eezyi. Munakristo umwi aumwi ulijisi mukuli uumugeme wakuzuzikizya mulawo uuzwa kuli Leza wakukambauka alimwi akuyiisya makani mabotu. (Matayo 24:14; 28:19, 20) Tusyoma kuti Leza ulatugwasyilizya mumulimo wesu alimwi akuti ulazumanana kupa kuti mulimo ooyu ‘ukomene.’—1 Bakorinto 3:6, 7.\\nIno Mabbuku a Bakamboni ba Jehova Alembwa Buti Alimwi Asandululwa Buti?\\nTulasimba mabbuku mumyaambo iinda ku 750. Nkaambo nzi ncotusolekesya kucita boobo?\\nIno Bakamboni ba Jehova Baajana Kuli Mali Ngobabelesya Mumulimo Wabo?\\nIno Bakamboni ba Jehova Baweendelezya Buti Mulimo Wabo Wakukambauka?","num_words":550,"character_repetition_ratio":0.058,"word_repetition_ratio":0.0,"special_characters_ratio":0.165,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbomukonzya Kukaka Kuyungwa Abeenzinyoko | Lugwasyo Kumukwasyi\\nSinsimuka! | January 2014\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bulgarian Cebuano Chichewa Chinese (Traditional) Chinese Mandarin (Simplified) Chitonga Cibemba Croatian Czech Danish Dutch Efik English Estonian Ewe Finnish French Georgian German Greek Hebrew Hiligaynon Hungarian Icelandic Igbo Iloko Indonesian Italian Japanese Kinyarwanda Kirghiz Kirundi Korean Latvian Lithuanian Macedonian Malagasy Maltese Myanmar Norwegian Oromo Pangasinan Polish Portuguese Punjabi Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Swahili Swedish Tagalog Tahitian Thai Tigrinya Tsonga Turkish Twi Ukrainian Vietnamese Xhosa Zulu\\nLUGWASYO KUMUKWASYI | BAKUBUSI\\nMbomukonzya Kukaka Kuyungwa Abeenzinyoko\\n“Kandicili kupulaimali, basicikoloma tiibakali kundiyanda. Kusekondali, ndakacinca nsamino yangu alimwi ambondakali kulilemeka, pele kutali munzila iili kabotu. Ndakali kuyandisisya kuba aabalongwe cakuti ndakazumina kuyungwa ambabo kutegwa kabandiyanda.”—Oobu mbwaakaamba Jennifer, uujisi myaka yakuzyalwa iili 16. *\\nSena mulayungwa abeenzinyoko? Ikuti kacili boobo, cibalo eeci cilamugwasya kulizunda penzi eelyo.\\nIkuti naa mwazumina kuyungwa, nkokuti muba mbuli cilobboti ceendelezyegwa abantu bamwi. Nkaambo nzi ncomuzumizya bantu kumweendelezya boobu?—Baloma 6:16.\\nKuyungwa kulakonzya kupa bantu bali kabotu kucita zyintu zibyaabi.\\n“Kuyanzana kubyaabi kunyonganya zilengwa zibotu.”—1 Bakolinto 15:33.\\n“Zimwi ziindi tulakonzya kucita cintu ncotuzyi kuti cililubide akaambo buyo kakuyanda kukkomanisya bantu!”—Oobu mbwaakaamba Dana.\\nTalili lyoonse notuyungwa abeenzuma.\\n“Ndayanda kucita cibotu, icibi cili andime.”—Baloma 7:21.\\n“Kanji-kanji ndime ndipa kuti beenzuma kabandiyunga, nkaambo ndilalitondezya kuti zyintu zyoonse nzyobaamba zilandikkomanisya.”—Oobu mbwaakaamba Diana.\\nKukaka kuyungwa ncintu ceelede kumukkomanisya kapati.\\n“Amuzumanane kuba amanjezyeezya mabotu.”—1 Petulo 3:16.\\n“Aciindi cimwi cakali kundiyumina kukaka kuyungwa, pele lino tandiyoowi kwiindana abantu bamwi alimwi tandicinci pe. Kunyina cintu cikkomanisya kapati kwiinda koona kojisi manjezyeezya mabotu.”—Oobu mbwaakaamba Carla.\\nKuti naa mwayungwa kucita cintu citaluzi, amusole kubelesya nzila eezyi zitobela:\\nAmuyeeye zyintu zibi zikonzya kucitika. Amulibuzye kuti, ‘Mbuti kuti ndakuzumina kuyungwa ooko, mpoonya ndajatwa? Ino bazyali bangu bayakundibona buti? Ino mebo inga ndalimvwa buti?’—Mpoijanika njiisyo eeyi mu Bbaibbele: Bagalatiya 6:7.\\n“Bazyali bangu balandibuzya mibuzyo mbuli yakuti, ‘Ikuti naa wazumina kuyungwa, ncinzi cikonzya kukucitikila?’ Balandigwasya kubona mbuli kuyungwa mbokukonzya kunyonganya bukkale bwangu bwakumbele.”—Oobu mbwaakaamba Olivia.\\nAmuzizyibe kabotu zyintu nzyomusyoma. Amulibuzye kuti, ‘Nkaambo nzi ncondiyeeya kuti nzila eeyi tailuzi, ambweni kulindime buyo naa akuli bamwi?’—Mpoijanika njiisyo eeyi mu Bbaibbele: Bahebulayo 5:14.\\n“Nondakacili mwana, ndakali kwaamba buyo kuti peepe, naa kupa buyo bwiinguzi bufwaafwi, pele lino ndilacikonzya kupa bupanduluzi buli kabotu ibutondezya kaambo ncondikonzya kuzumina kucita cintu cimwi naa kukaka. Ndilizizyi kabotu-kabotu zyintu nzyondisyoma kujatikizya cibi alimwi acibotu. Aboobo, bwiinguzi buzwa kulindime kundigama, kutali kumuntu uumbi uuli oonse pe.”—Oobu mbwaakaamba Anita.\\nAmuyeeye mbomuyanda kuzyibwa abantu. Amulibuzye kuti, ‘Ino ndiyanda kuba muntu uuli buti?’ Mpoonya amuyeeye kuyungwa nkomujana lino akulibuzya kuti, ‘Ino muntu ooyo ngondiyanda kuba naacita buti mubukkale oobu?’—Mpoijanika njiisyo eeyi mu Bbaibbele: 2 Bakolinto 13:5.\\n“Ndilabukkomanina bube mbondijisi, aboobo kunyina makani ambobakonzya kundiyeeyela bamwi. Alimwi buya, bantu banji balandiyanda mbubwenya mbondibede.”—Oobu mbwaakaamba Alicia.\\nAmuyeeye bukkale bwanu bwakumbele. Ikuti naa muli basicikolo, mwaakumanizya, aabo beenzinyoko mbomuyanda kukkomanisya lino, tamunooponi limwi lyoonse pe.\\n“Ndakali kulanga acifwoto cakucikolo, pele basicikoloma bamwi ndakaaluba mazyina aabo. Pele nondakali aambabo kucikolo, mizeezo yabo ndakali kwiibona kuti ilayandika kwiinda zyintu nzyondisyoma. Eelo kaka oobo bwakali bufwuba-fwuba!”—Oobu mbwaakaamba Dawn, lino uujisi myaka yakuzyalwa iili 22.\\nAmulibambile. Ibbaibbele lyaamba kuti: ‘Amuzyibe mbomweelede kumwiingula muntu umwi aumwi.’—Bakolose 4:6.\\n“Bazyali bangu balandigwasya mebo amusyoonto wangu kulanga-langa bukkale bwiindene-indene bukonzya kucitika, mpoonya twamana tulabwiinduluka ambabo bukkale oobo kutegwa caakutucitikila ncobeni, tukacikonzye kuzwidilila.”—Oobu mbwaakaamba Christine.\\n^ par. 4 Mazyina amwi mucibalo eeci acincwa.\\n“Kufwumbwa cintu muntu ncasyanga, ncencico eeco ncayootebula.”—Bagalatiya 6:7.\\n‘Bantu basimide, mbaabo ibali amaano aayiisyidwe kwaandaanya ciluzi acitaluzi.’—Bahebulayo 5:14.\\n“Amuzumanane kulilingula kutegwa muzyibe mbomubede.”—2 Bakolinto 13:5.\\n“Kuba sicamba kulakonzya kumugwasya kutegwa mutayungwi, alimwi inga kwamugwasya kutabikkila kapati maano kuzyintu nzyobamwaamba bamwi. Calo ciyoopa kuti kuyungwa kuli koonse kubule mulimo.”\\n“Ikuti kamulimvwa kubula mpindu, mulakonzya kuzizumina nzyobaamba beenzinyoko kutegwa mukkomane. Pele kuti kamuli basicamba, ciyoomuubaubila kukuzyiba kuyungwa alimwi akukukaka.”\\nSena Mulasungilizyigwa Koonana?\\nSena kuli mpindu iijanwa mukuzumina koonana kamutanakwatana? Sena kuyakumupa kuusa?\\nMAKANI AAYEEME AMUTWE UULI ACIVWUMBYO Web Site Iilibedelede\\nKUBUZYA-BUZYA Syaazibwene Mumakani Aasayaansi Ulapandulula Mbwaakatalika Kusyoma Muli Leza\\nLUGWASYO KUMIKWASYI Mbomukonzya Kukaka Kuyungwa Abeenzinyoko\\nNCOLYAAMBA BBAIBBELE Kulenga\\nZISI ALIMWI ABANTU Kuswaya ku Italy\\nSENA CAKALENGWA BUYA? Kunamatila Kwaluubilili Lwamuŋanda\\nMabala Amusale naa muyanda kukkopa zyakamwaigwa SINSIMUKA! January 2014 | Web Site Iilibedelede\\nJanuary 2014 | Web Site Iilibedelede\\nSINSIMUKA! January 2014 | Web Site Iilibedelede\\nMbokonzya Kukaka Kuyungwa Abeenzinyoko!","num_words":646,"character_repetition_ratio":0.059,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"TULAKONZYA KUSYOMA BBAIBBELE\\nBasikalumamba bazangi ibakajisi nmpuwo alimwi bakanyikizya bwato bwa Bakuwa butegwa \"Bounty\" bakayaka zyidumba akukkala antoomwe abamakaintu a kansumbu kategwa Pitikaini kali akati kalwizyi lupati lwa Pasifiki nkwali kumusanza (South Pacific). Mweelwe wabo wakali boobu: Bakuwa bakwasula mato bakali huka (9), balombwana bali cisambomwi (6) bakali baku Tahiti (Tahitian), a bamakaintu bali kkumi (10) bakali ba ku Tahiti, alimwi a kasimbi kakajisi myaka ili kkumi a isanu (15).\\nUmwi sikalumamba wabakwasuzi ba mato wakavumbula mbobuunzwa bukoko, elyo cakufwambaana bukolwi bwakakomena mukansumbu koonse. Kulwana akati kabalombwana abamakaintu kwakakomena kapati.\\nNikwakainda ciindi cili mbocibede kwakacaala buyo mulombwana omwe akati kabakwasuzi ba mato. Pele oyu mulombwana, wazyina lya Alekizanda Simiti, wakajana Bbaibbele mukanzuma nkakabweza kuzwa mubwato. Wakatalika kulibala Bbaibbele alimwi akuisya bantu makani ali mu Bbaibbele. Eci cakacita kuti buumi bwakwe busanduke, elyo kumamanino aalo maumi a bantu boonse mu kansumbu akasanduka.\\nBantu bakali kupona mukansumbu aka kunyina wakali kubaswaya pe kuzwa kumasi akunze kusikila kuciindi bwato bupati butegwa Topaazi nibwakasika kuzwa ku Amelika mu mwaka wa 1808. Bakwasuzi ba bwato obu bakajana bantu balapona kabotu, kabasumpukide, kakunyina a bukoko, naiba ntolongo, alimwi kakunyina bantu batyola mulawo. Bbaibbele lakasandula bantu kukansumbu aka kuzwa mu buumi bwa kupyopyongana kutaambiki akuba citondezyo cibotu cabaabo Leza mbwayanda kuti bantu kabapona munyika. Mbobacipona obu kusikila sunu.\\nHena Leza ucikanana kubantu kwiinda mu Bbaibbele? Masimpe Leza ulabandika kwiinda mu Bbaibbele. Mbuli mbondilemba makani aya, ndilabala pepa lya bwiinguzi lyakatumwa kulindiswe kuzwa kuli sicikolo omwe ubweza lwiiyo lwa Bbaibbele. Kumamanino a pepa lya bwiinguzi bwakwe walemba majwi apakamika aya, \"Ndili muntolongo, ndilindila kujaigwa, akaambo kamulandu ngundakacita. Kanditana talika lwiiyo olu lwa Bbaibbele, ndakali sowekede, pele lino nkocili ncondilangila kumbele, alimwi ndajana luyando lupya.\"\\nBbaibbele lilijisi nguzu zyikonzya kusandula maumi a bantu. Kuti bantu batalika kulibala Bbaibbele ca bunkutwe, maumi abo alasanduka ca kumaninina.\\n1. LEZA MBWAKANANA KULI NDISWE KWIINDA MU BBAIBBELE\\nNaakamana kulenga Adamu alimwi a Eva, mulombwana alimwi a mukaintu bakusaanguna ano a nyika, Leza wakabandika kulimbabo busyu a busyu. Pele Leza naa kaboola kubaswaya nibakamana ku bisya, hena bana-bukwetene ncinzi ncobakacita?\\n\"Mulombwana a mukaintu wakwe bakamumvwa mwami Leza kaenda mu muunda kakucitontola elyo bakamuyuba mwami Leza akati kazyisamu zya mu muunda.\" - Matalikilo 3:8.\\nCinyonyoono cakalesya mubandi wa busyu a busyu a Leza alimwi amuntu.Nicakamana kunjila cibi munyika yesu eyi, mbuti Leza mbwakakanana kubantu?\\n\"Ca masimpe Leza muleli taaciti cintu naciba comwe kakunyina kuzubulula muzeezo wakwe ku batwanga bakwe basyinsyimi.\" - Amosi 3:7.\\nMwami Leza takwe naatusiya mumusinze kumakani a buumi alimwi a ncobwaamba. Kwiinda mu basyinsyimi-bantu bakwe Leza mbakaita kuti babandike alimwi a kumulembela walo, Leza wa zubulula kwiingula kwakwe ku mibuzyo mipati ya buumi.\\n2. NGUNI WAKALEMBA BBAIBBELE?\\nBasyinsyimi bakaupa mulumbe wa Leza kwiinda mujwi alimwi a ndembyo kabacipona, elyo nibakafwa, nzyobakalemba zyakazumanana. Aya majwi a cisyinsyimi a kabungikwa antoomwe, kwiinda mu kusololelwa a Leza, mu Bbuku liitwa kuti Bbaibbele.\\nHena inga twakusyoma buti kulemba kwabo?\\n\"Muleelede ku teelelesya kuti kunyina cisyinsyimi ca Mangwalo cakaboola kwiinda mu kulimvwa abusanduluzi bwa musyinsyimi. Nkaambo busyinsyimi taku nibwakatalikila mu kuyanda kwa muntu,pele bantu bakakanana kuzwa kuli Leza mbuli mbubakayoyelwa a Moza Usalala.\" - 2 Petro 1:20, 21.\\nBalembi ba Bbaibbele baka lemba kutali kwiinda mukuyeeya antela kuyandisyisya kwabo, pele kwiinda mbuli mbubaka sololelwa, antela kuyoyelwa, a Moza Wa Leza. Bbaibbele ndi Bbuku lya Leza mwini! Mu Bbaibbele Leza ulatwaambila bube bwakwe alimwi a kuzubulula muzeezo ngwajisi ku mukowa wa bantu.\\nLilatondezya muzeezo wa Leza kuli zyakainda, alimwi a kujalula zyiya kucitika mazuba aboola, a kutwaambila mbuli penzi lya cibi mboliya kumanizyigwa kumasimpilo alimwi a mbuli luumuno mboluya kuboola ku nyika yesu.\\nHena Bbaibbele lyoonse mbolibede mulumbe kuzwa kuli Leza?\\n\"Mangwalo oonse alayoyelwa a Leza alimwi ajisi bulumbu bwa kuyiisya, kukalalila, koolola alimwi a kulaya mubululami, kucita kuti muntu wa Leza alibambile ca kumaninina ku milimo yoonse mibotu.\" - 2 Timoti 3:16, 17.\\nBbaibbele lilaguma myoyo ya bantu ca nguzu nkaambo \"Lyoonse\" Bbaibbele \"lya kayoyelwa a Leza,\" mbulembo bwa Moza, ndi Bbuku Lya Leza. Basyinsyimi baka zubulula mu mulaka wa buntu ezyo nzyobakabona alimwi a kumvwa, pele mulumbe wabo wakali tonkomene kuzwa kuli Leza . A boobo naa koyanda kuzyiba zyoonse zyigama buumi, kobala Mangwalo a Setekene. Kubala Bbaibbele kulasandula buumi bwako. Mboya kuzumanana kulibala akupailisyisya, uya kuba a luumuno lwa mizeezo lumaninide.\\nNguwena Moza usalala wakayoyela basyinsyimi kuti balembe Bbaibbele, Moza uya kucita kuti kuyiisya kwa Bbaibbele a mulumbe mubotu walyo, ulijisi nguzu zya kusandula buumi bwako kuti wautamba Moza Usalala kuba andiwe ciindi nobala Bbaibbele.\\n3. LUKAMANTANO LWA BBAIBBELE\\nKwaamba bwini, Bbaibbele nciyobwedo ca mabbuku (library) ali makumi cisambomwi a mabbuku cisambomwi (66). Mabbuku ali makumi otatwe a mabbuku huka (39) a mu Cizuminano Cakaindi (Old Testament) akalembwa akati-kati ka myaka B.C. 1450 a myaka B.C. 400, Jesu katana zyalwa. Mabbuku ali makumi obilo a ciloba (27) a Cizuminano Cipya (New Testament) akalembwa akati-kati ka myaka A.D. 50 a myaka mwaanda A.D.100.\\nJesu kazyedwe kale. Musyinsyimi Mosi wakatalika kulemba mabbuku osanwe aa kusaanguna a mu Bbaibbele kaitaninga sika myaka B.C. 1400 Jesu katana zyalwa. Mutumwa wa Mwami Johane wakalemba bbuku lya mamanino mu Bbaibbele, lya Cizubuluzyo, mu mwaka wa A.D. 95 Jesu kazyedwe kale.Kuciindi ca myaka ili 1,500 bbuku lya kusaanguna a bbuku lya mamanino mu Bbaibbele naa kalembwa, basyinsyimi bali makumi otatwe a lusele (38),balo bakalemba mabbuku kwiinda mukuyoyelwa a moza. Bamwi bakali basimakwebo (businessmen), bamwi bakali beembezi, bazezyi banswi, bahikalumamba, basilisi, bakambausi, bami, bantu susu(common men) baandeene a ndeene kuzwa mu miyaluluko yandeene ya buumi. Kanji-kanji bakali kupona mu tunsiya-nsiya a ziyanza zyaandeene.\\nPele nkooku kugambya kwazigambya zyoonse:Mabbuku a mu Bbaibbbele ali makumi cisambomwi a cisambomwi (66) a jisi mpango zipati (Chapters) zili cuulu comwe a mwaanda alimwi a makumi lusele a huka (1,189) a jisi mpango zyisyoonto (verses) zyili 31,173 naa abikwa antoomwe, tulajana mulumbe uzwide lukamantano alimwi utakazyanyi.\\nAtwaambe umwi muntu waboola a kukonkomona a mulyango wako, wamana kwaamba kuti njila, wanjila a kubikka cipaanzi ca musune mupati wa bulongo mung'anda moshite, amana wazwa kakunyina a kwaamba jwi naliba lyomwe. Kwamana kwaboola bambi bantu bali makumi one (40) omwe omwe wabo kaasiya cipaanzi ca musune wabulango cilembedwe a namba mucilao caco.\\nMuntu wa masimpilo amana kubikka cipaanzi akuunka, wakankamana a kubona kuti musune mupati mubotu wa bulongo waima kumbele lyako. Elyo wamana wateelela kuti aba babumbi ba zibumbwa zya bulongo taku nibakaswaangene pe nkaambo bazwa ku zyisi zyisiyene-siyene, bamwi bazwa kucisi ca Amelika nkwali kumusanza (South Amrica), Chaina, Lwasya (Russia), Afilika alimwi a zyisi zyimbi zya munyika ino. Hena inga waba a kusinizya kuli buti? Inga waba akusinizya kuti kuli muntu wakabikka muzeezo wa kubumba zibumbwa zya bulongo a kumutendaula zyipaanzi-paanzi zyili makumi one a cipaanzi comwe akupa cipaanzi comwe kuli omwe omwe wabo.\\nBbaibbele mbuli mbolibede lilapa mulumbe omwe ukamantene - mbubona mbuli cibumbwa ca bulongo. Muzeezo ngumwi wakabamba bwaanzike bonse, muzeezo wa Leza. Lukamantano lugambya lwa Mangwalo lupa bumboni bwakuti nakuba kuti bantu bakalemba mizeezo, bakayoyelwa a Moza wa Leza.\\n4. ULAKONZYA KUSYOMA BBAIBBELE\\n(1) Bukwabililwe bwa Bbaibbele bula kankamanisya. Oonse mapepa akalembwa kusaanguna a Bbaibbele akali kulembululwa a maanza kakutaninga ba mincini isimba (printing press). Balembi bakali kulembulula kuzwa kupepa litaanzi alimwi a kumwaiShya mapepa.\\nZyuulu zyuulu zya mapepa ngubaka lembulula antela zyibeela zyangawo zyiciliko. Malembo a muci Hebulayo a Cizuminano Cakaindi akalembwa myaka 150 kusikila 200 Jesu katanazyalwa akajanika kumbali a lwizyi lutegwa \"Dead Sea\" mu 1947. Cilagambya kuti mapepa akalembwa myaka ili zyuulu zyobilo zyainda ajisi masimpe ajanika aasimbwa sunu. Obu mbumboni bujisi nguzu zyizukide a kutondezya mbuli jwi lya Mwami Leza mbolili lya masimpe.\\nBatumwa ba Jesu (apostles) bakalemba Cizuminano Cipya mbuli magwalo ngu bakatuma ku Zyikombelo zya bakondwa Jesu naakamana kufwa alimwi a kubuka. Mapepa a bulembe boonse antela cibeela ca Cizuminano Cipya ainda ku 4,500 alatondezyegwa mu maanda a tondezyelwa zyintu zyakaindi (museums) alimwi a mumaanda muyobwedwa ma bbuku (libraries) akubukuwa alimwi a ku Amelika. Amwi akalembwa myaka myaanda yobilo kazyedwe kale Jesu. Kwiinda mu kukozyanisya mapepa a malembo a kaindi (manuscripts) a Bbaibbele lya sunu, tulakonzya kubona kuti Cizuminano Cipya ciliimvi njci kakunyina a kucinca kuzwa ni lya kalembwa ciindi ca kusanguna.\\nSunu Bbaibbele antela zyibeela zya ndilyo lya kasandululwa mu milaka a myaambo (dialects) iyinda ku 2,060. Ndelimwi lya mabbuku aulwa kapati munyika yoonse: Ma Bbaibbele antela zyibeela zya Bbaibbele zyiinda ku zyuulu zyuulu zyili mwaanda a makumi cisanu (150,000,000) alaulisyigwa mwaka omwe omwe.\\n(2) Kwendelana kwa twaambo twa kaindi alimwi a Bbaibbele kulakankamanisya.\\nBunji bwazintu zimvumbulwa a bantu bashya a kuyandaula zintu zyakazikkwa kaindi ansi (archaeological discoveries) zila zubulula munzila igambya kutonkomana a kululama kwa makani ali mu Bbaibbele. Basyaabupampu mu kwiiya zintu zya kaindi (historians)ba vumbula zyipaanzi zya bulongo zilembedwe twaambo (clay tablets) alimwi a zintu zakafwalwa kumabwe (stone monuments) zizuzikizya a kuleta antangalala muzyina,zyilawo alimwi a zyintu zyakacitika zizyibidwe buyo kwinda mu Bbaibbele.\\nKupa mukozyanyo, kweendelana a Matalikilo 11:31, Abbulahamu a mukwasyi wakwe \"bakanyamuka kuzwa ku Uli (Ur) kulubazu lwa ku Chalundiani kwiinda ku (nyika ya cisyomyo) Kenaani.\" Nkambo kakuti Bbaibbele lyalikke ndeli kanana munzi wa Uli (Ur), bamwi basyaabupampu (scholars) bakati munzi oyu kunyina niwakaliko. Pele bahyaabupampu mukusya mabwe (archaelogists) baka vwukkula musemo wa Tempele ku Ilakki (Irag) nkwali kumusanza alimwi a mabwe abulongo a kalebedwe zyina lya Uli (Ur). Kuvwukkaula kwaka tobela kwaka zubulula kuti munzi wa Uli (Ur) lyakali Dolopo(city) lyaka sumpukide kapati. Eli Dolopo lyakali lubidwe kusikila bashya mabwe nobakau vumbula oyu Munzi. Oyu munzi wa Ul i(Ur) ngoumwi wa zitondezyo zyinji zyipa bumboni bwa kutonkomana a kululama kwa Bbaibbele.\\n(3) Kuzuzikizyiga kwa zi syinsyimi zya mu Bbaibbele mbubona mbuli mbu zyaka syinsyimwa zicita kuti tulisyome Bbaibbele. Mangwalo alijisi zisyinsyimi zinji zya zintu zi zuzikizyika mu meso esu munzila igambya. Tuyakuzyi salankunya zisyinsyimi ezi mu ziiyo zili kumbele.\\n5. MBOTUKONZYA KULITEELELA BBAIBBELE\\nNobala IBbaibbele , kobikka aya malyatilo mu muzeezo:\\n(1) Koiya Bbaibbele a moyo uuwide mupailo. Kuti koobala Mangwalo a moyo alimwi a muzeezo ukwazeme kwiinda mu mupailo, Bbaibbele liya kuba ciligankizyo cako muli Jesu ca cigaminina (Johane 16:13-14).\\n(2) Kolibala Bbaibbele buzuba a buzuba. Kwiiya Bbaibbele buzuba a buzuba ncijuzyo cipa nguzu mu maumi esu, kuswaangana antoomwe a muzeezo wa Leza (Balooma 1:16).\\n(3) Ciindi noobala, kolizumizya Bbaibbele kuti likanane kulindiwe. Kolibuzya: Hena ncinzi mulembi wa Bbaibbele ncakali kuyanda kwaamba? Kwiinda mukuzyiba mpango ncoyaamba tulakonzya kulibelesya Bbaibbele cabusongo mu buumi bwesu sunu.\\n(4) Koiya mu Bbaibbele kwiinda mukubelesya mitwe ya twaambo. Kokozyanisya mpango yomwe yomwe ya Mangwalo. Jesu waka belesya muzeezo oyu kulizubulula kuti ngu Mesiya (Messiah):\\n\"Elyo kutalikila kuli Mosi alimwi a basyinsyimi boonse, wakasandulula kuli mbabo cakakananwa mu Mangwalo oonse kugama nguwe.\" - Luka 24:27.\\nKwiinda mu kubikka antoomwe zyoonse Bbaibbele nco lyaamba a mutwe wa makani, tulajana luzyibo lumaninide.\\n(5) Koiya Bbaibbele kutegwa utambule nguzu zyakupona muli Klistu. Ijwi lya Leza lila zubululwa mu Hebulayo 4:12 kuti ndi cceba, litenda koonse-koonse. Lilijisi busanduluzi bwiinda mabala buyo, nintobo iipona mu maanza esu ya kulwanya masunko ku cinyonyoono.\\n(6) Koswiilisisya mbuli Leza mbwakanana kulindiwe kwiinda Mujwi Lyakwe. Kuti muntu kayanda kuzyiba kasimpe kajanwa mu Bbaibbele ku mutwe wa makani umwi, uyelede kuti atobele ncoliisya Bbaibbele (Johane 7:17), kutali ncayeeya umwi muntu antela kuyiisya kumwi kwa Cikombelo.\\n6. BBAIBBELE LILAKONZYA KUSANDULA BUUMI BWAKO\\n\"Kunjila kwa majwi a (Mwami Leza) kupa mumuni; kupa kuti Bantu-susu (common men) babe a kuteelesyesya.\" - Ntembauzyo 119:130.\\nIjwi lya Mwami Leza talili bbuku lya mukowa omwe, musela omwe, cisi comwe, antela kansiya-nsiya (culture) komwe. Nakuba kuti lyakalembelwa ku zisi zya kujwe (Far East), lilakulwaizya balombwana a bakaintu bakumbo Lilanjila mu maanda a Bantu-susu alimwi a mu madanda abavubi.\\nBana basyoonto balatuyanda twaano tutekunya tulimumo. Makani a bantu bazwidilila mulindilyo apa ku kulwaizya ku bakubusyi, Baciswa, bazwide bundike, alimwi a bamacembele balavwmbula (discover) mulindilyo kupegwa camba alimwi a bulangizi bwa buumi bubotu.\\nNkaambo Leza ulabeleka kwiinda mu Bbaibbele, lilijisi nguzu zipati kapati. Lilapwayaula a myoyo yakayuma nta kulunya, kwiibombya bombya a kwiizuzya luyando. Twalibona Bbaibbele kalisandula cakali cigebenga alimwi a mufwebi wa lubanje kuba mukambausi munkutwe. Twalibona Bbaibbele kalisandula muntu uukkomanina kubeja kaasanduka akuba mwiiyi usyomeka. Alimwi twalibona Bbaibbele kalikwempa bantu kuzwa kukulisina a kubapa bulangizi bwa kutalika buumi bupya.\\nIbbaibbele ileta kuvwana abasinkondonyoko. Lilacita kuti bantu balisumpula balitole ansi alimwi a bantu baunyu kuti babe baabi. Bbaibbele lilatupa nguzu notuli bateteete, a kutupa camba notu tyompokelwa, kutukasaazya notuli mubuumba, a kutusololela notutazyi kwakutozya, a kutuumbaumba notuli mu kuusa, lilatutondezya mbotweelede kupona ca busicamba alimwi a mbotukonzya kulutambula lufu kakunyina kuyoowa.\\nBbuku lya Mwami Leza, Bbaibbele lilakonzya kusandula buumi bwako! Uya kucibona eci caantangalala mbuli mbo zumanana kwiiya kuvumbula kusololela (Discover Guides). Nkaambo nzi Bbaibbele ncolya kalembelwa ndiswe?\\nBwiinguzi bwa Jesu mbobu:\\n\"Pele aya (masimpe a Bbaibbele) akalembelwa kuti swebo tusyome kuti Jesu ngu Klistu, Mwana a Leza; alimwi a kuti kwiinda mukukondwa muli nguwe, tulakonzya kuba a buumi muzina Lyakwe.\" - Johane 20:31.\\nKaambo kapati bunene ncotweelede kwazyiba Mangwalo a Setekene nkakuti Bbaibbele lilijisi zifwanikiso zi zubulula Jesu Klistu alimwi a kutusyomezya buumi bwa moongole. Kwiinda mukulanga kuli Klistu kwiinda mu Bbaibbele, tulasandulwa akuba mbuli mbwabede. Aboobo nkaambo nzi ncotutataliki lino kuvumbula nguzu zyili mujwi lya Leza likonzya kutubamba kuti tube mbuli Jesu?\\ncopyright © 2002 by the Voice of Prophecy","num_words":2043,"character_repetition_ratio":0.053,"word_repetition_ratio":0.0,"special_characters_ratio":0.179,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"5 Nkaambo mupaizi mupati uuli woonse uubwezyegwa akati kabantu usalilwa kubeleka mulimo wa Leza uugwasya bantu, ikutegwa katuula zipego azipaizyo akaambo kazibi. 2 Ulakonzya kubafwida lubomba bantu batazyi ibalubizya mbwaanga awalo mwini ulapenga akubula nguzu kwakwe, 3 alimwi akaambo kaceeci weelede kutuulila zibi zyakwe mwini mbubonya mbwacitila zyabantu. 4 Kunze lyaboobo, kunyina muntu uulipa bulemu oobu mwini pe, pele lilikke naitwa a Leza, mbubonya awalo Aloni mbwaakaitwa. 5 Mbubonya buyo, Kilisito awalo tanaakalipa bulemu kwiinda mukulibikka kuba mupaizi mupati, pele wakapegwa bulemu ayooyo iwakamwaambila kuti: “Uli mwanaangu; imebo sunu ndaba bauso.” 6 Alimwi kubusena bumbi waamba kuti: “Uli mupaizi mane kukabe kutamani mbubonya mbuli Melekisedeki.” 7 Naakali kupona anyika Kilisito wakapaila mipailo yakukombelezya akulomba kuli Yooyo wakali kukonzya kumufwutula kulufwu, kacita boobo cakulila kapati akuzwa misozi, eelyo wakamvwugwa nkaambo wakali kuyoowa Leza. 8 Nokuba kuti wakali Mwana, wakaiya kumvwida kuzyintu nzyaakapenga; 9 alimwi eelyo naakalondolwa, wakapegwa mukuli wakupa lufwutuko lutamani kuli baabo boonse bamumvwida, 10 nkaambo Leza mwini nguwamubikka kuba mupaizi mupati mbubonya mbuli Melekisedeki. 11 Tujisi makani manji aakwaamba kujatikizya nguwe, pele nciyumu kwaapandulula nkaambo muli akazilukwa mukumvwa kwanu. 12 Nkaambo nokuba kuti lino mwaleelede kuba bamayi, muciyandika muntu wakumuyiisya buya alimwi kuzwa kumatalikilo kwini injiisyo zyantalisyo zijatikizya makani aasetekene aa Leza; alimwi mwapilukila musyule akuba bantu bayandika mukupa, ikutali cakulya ciyumu pe. 13 Nkaambo muntu woonse uuzumanana kunywa mukupa talizyi pe jwi lyabululami, nkaambo mwana musyoonto. 14 Pele cakulya ciyumu ncabantu basimide, aabo ibali amaano aayiisyidwe kwaandaanya ciluzi acitaluzi kwiinda mukwaabelesya.","num_words":229,"character_repetition_ratio":0.051,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 32 IBBAIB63 - Alakwe Jakobo wakacili kuya - Bible Search\\nMatalikilo 31 Matalikilo 33\\n1-Alakwe Jakobo wakacili kuya butola lweendo lwakwe, nkabela baangelo ba-Leza bakaswanana awe. 2-Ababone buyo, Jakobo wakati, Njeeyi impi ya-Leza. Aboobo kuntu oko wakakuulika izina lya-Mahanaimu.\\nJakobo mbwaakalibamba kuswanaana a-Esau\\n3-Lino Jakobo wakatuma batumwa kuti bamuzulwide kuyooswanaana a-Esau mukulana wakwe munyika ya-Seiri, cisi ca-Edomu. 4-Nkabela wakabalailila kuti, Mbuboobu mbumweelede kwaambila Esau simalelaangu. Mbuboobu mbwaamba mulanda wako Jakobo. Ndakakala-kala kuliLabani. Nkondakabede akusikila sunu. 5-Ndijisi iŋombe, imbongolo, imbelele, balanda abalanda basimbi. Lino ndatuma kukulwiida mupati wangu kuti nkafwidwe luzyalo kulinguwe.\\n6-Elyo batumwa bakaboola kuli-Jakobo, bati, Twakasika kumukulana wako Esau. Lino uleza kuzookuswanaana, uli abantu bali myanda yone. 7-Mpawo Jakobo wakayoowa loko akupenga. Nkabela bantu mbaakali abo, ambelele aŋombe ankamele zyoonse, wakababamba mumakoka obile, 8wati, Na Esau wasika kukoka lyomwe akulilwisya ikoka lisyeede liyoofutuka.\\n9-Lino Jakobo wakati, O Leza wa-Abrahamu taata, Leza wa-Izaka taata, Jehova iwakandaambila kuti, Bweeda kunyika yako akumukowa wako nkabela njookubamba kabotu, 10--mebo nsielede abuniini milimo yako yaluzyalo ayalusyomo njowandicitila ndemulanda wako. Nkaambo ndazubuka oyu Jordano amufunko wangu buyo, lino sunu ndaba makoka obile. 11-Wence kondivuna kuzwa kumaanza aamukulana wangu, kuzwa kumaanza aa-Esau, nkaambo ndamuyoowa. Ndayoowa kuti ambweni uleza kutuuma abana abamanyina babo boonse. 12--Pele webo wakaamba kuti, Ncobeni njookubamba kabotu akuvuzya lunyungu lwako lube mbuli musenga wakunkomwe yalwizi uutabaliki nkaambo kakuvula kwawo.\\n13-Elyo wakoona mpoonya awo masiku ayo, nkabela wakabweza zimwi zyambono nzyaakali azyo zibe cipo cakupa Esau munyina. 14Wakabweza impongo zili myanda yobile abagutu bali makumi obile, imbelele zili myanda yobile abasijembwe bali makumi obile, 15inkamele zinyonsya zili makumi otatwe abana bazyo, impwizi zili makumi one abacende bali ikumi, imbongolo impwizi zili makumi obile ambongolo incende zili ikumi, 16elyo ezi zyoonse wakazibika mumaanza aabalanda bakwe, itanga limwi alimwi alilike, nkabela wakaambila balanda bakwe kuti, Amuzulule kunembo lyangu, alimwi amutalamukane itanga limwi atanganyina. 17Nkabela wakalailila sitanga mutaanzi kuti, Akuswana Esau mukulana wangu, akubuzya kuti, Uli wani? Uya kuli? Azeezi nzojisi nzizyani? 18Uleelede kwaamba kuti, Nzyamulanda wako Jakobo. Ncipo catumwa kuli-Esau simalelaangu. Alakwe mwali musule. 19Awabili awatatu abasimatanga bakali musule, boonse buyo wakabalailila kuti, Mbuboobu mbumweelede kwaambila Esau, mwamujana. 20-Alimwi kamwaamba kuti, Alakwe Jakobo mulanda wako mwali musule. Nkaambo wakali kuyeeya kuti, Nkamutontozye acipo eci ncendatuma. Musule aceeci tuyoobonana kubusyu. Ambweni ulanditambula. 21Aboobo cipo cakatumwa kunembo, pele walo mwini wakoona masiku ayo mpoonya awo amalabba,\\nJakobo mbwaakasinana a-Leza\\n22-Lino masiku ayo ngaonya wakanyampuka, wabweza banakazi bakwe bobile abalanda bakwe basimbi bobile abana bakwe bali ikumi aumwi, wazubuka kucito ca-Jaboki. 23Wakabatola, wabazubusya kalonga, azyalo zintu zyoonse nzyaakali azyo. 24-Elyo Jakobo wakasyaala alike, nkabela kwakeza muntu kuzoosinana awe masiku oonse mane kubucedo. 25-Nkabela naakabona kuti tamuzundi, wakaampa intelebelo yacibelo cakwe, aboobo intelebelo yacibelo ca-Jakobo yakakwiduka mukusinana kwabo. 26-Elyo wakati, Undileke njiinke, nkaambo bwaamba kuca. Pele wakavuwa kuti, Nsikookuleka pe, cita utaangune kundilongezya. 27Wakamubuzya kuti, Nduweni izina lyako? Wakati, Ndime Jakobo. 28-Wakati, Izina lyako talikooyooambwa limbi kuti nduwe Jakobo, pe, izina lyako liyooba Israyeli, nkaambo wazundana a-Leza abantu, alimwi wazunda. 29-Mpawo Jakobo wakamubuzya kuti, Wence undilwiide izina lyako. Wakati, Ino nkaambonzi wabuzya izina lyangu? Elyo wakamulongezya mpoonya awo. 30-Elyo Jakobo wakaulika oko kuntu izina lya-Penueli, nkaambo wakati, Ndabona Leza busyu kubusyu, nekubaboobo buumi bwangu mpobucili. 31Lino izuba lyakapasula naakazubuka ku-Penueli, nkabela wakali kuya busunkuta nkaambo kacibelo cakwe. 32Nciceeco bana ba-Israyeli ncibatalidi mulambi wakasolo uubambene antelebelo yacibelo mane kusikila sunu, nkaambo kakuti wakaampa intelebelo yacibelo ca-Jakobo kumulambi wakasolo.","num_words":535,"character_repetition_ratio":0.055,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Daniele 2 | Bbaibbele lili a Intaneti | Bbaibbele lya Busanduluzi Bwanyika Mpya\\nMwami Nebukadinezara walota ciloto cinyonganya (1-4)\\nKunyina muntu musongo uukonzya kucipandulula ciloto (5-13)\\nDaniele walomba lugwasyo kuli Leza (14-18)\\nLeza watembaulwa akaambo kakuyubununa maseseke (19-23)\\nDaniele waambila mwami ciloto (24-35)\\nCiloto capandululwa (36-45)\\nBbwe liiminina Bwami liyoopwaya cibumbwa (44, 45)\\nDaniele walemekwa amwami (46-49)\\n2 Lino mumwaka wabili wabwami bwakwe, Nebukadinezara wakalota ziloto zili mbozibede, eelyo wakakopana kapati mumizeezo+ cakuti wakaba acilabila. 2 Aboobo mwami wakalailila kuti baitwe bapaizi basimasalamuzi, basondi, basimabibo alimwi aba Kasidi* kuti bamwaambile ziloto zyakwe mwami. Eelyo bakaboola akwiima kumbele lyamwami.+ 3 Mpoonya mwami wakabaambila kuti: “Kuli ciloto ncindalota, alimwi ndakopana mumizeezo nkaambo ndiyanda kuzyiba ncindalota.” 4 Eelyo ba Kasidi bakaambila mwami mu Chiaramu kuti:+ “Omwami, kopona lyoonse mane kukabe kutamani. Kotwaambila swebo tobabelesi bako ciloto eeco, eelyo tulakupandulwida ncocaamba.” 5 Lino mwami wakavwiila ba Kasidi kuti: “Nceeci ncendikanzide kucita: Ikuti naa nywebo mutandaambili ciloto cangu alimwi abupanduluzi bwancico, mulakosaulwa, alimwi maanda aanu alasandulwa kuba zimbuzi zyabanamaleya.* 6 Pele ikuti naa mundaambile ciloto cangu akundipandulwida ncocaamba, ndilamupa zipego abulumbu alimwi abulemu bunji.+ Aboobo amundaambile ciloto cangu ancocipandulula.” 7 Ciindi cabili bakavwiila kuti: “Mwami aatwaambile ciloto cakwe tobabelesi bakwe, eelyo swebo tulapandulula ncocaamba.” 8 Mpoonya mwami wakavwiila kuti: “Ndilizyi kuti nywebo muyanda buyo kwiinzya ciindi, mbokunga mulicizyi ncendikanzide kucita. 9 Ikuti mutandaambili ciloto cangu, kuli buyo cisubulo comwe ncomutiipegwe nyoonse. Pele lino mwapangana kundaambila majwi aakubeja alimwi aakundeena kutegwa zintu zicince. Aboobo amundaambile ciloto cangu, eelyo ndilazyiba kuti mulakonzya kucipandulula.” 10 Ba Kasidi bakavwiila mwami kuti: “Kunyina muntu naba omwe atala aanyika uukonzya kucicita eeco mwami ncayanda, nkaambo kunyina mwami mupati naa mweendelezi wakabuzya kale makani aali boobu kubapaizi basimasalamuzi, basondi naa ba Kasidi. 11 Eeco mwami ncayanda kuti tumwaambile nciyumu, alimwi kunyina muntu uukonzya kumupandulwida makani aaya mwami ccita buyo baleza, aabo ibatakkali abantu balya maila.” 12 Akaambo kaceeci mwami wakanyema akukalala kapati, eelyo wakalailila kuti baalumi boonse basongo bamu Babuloni bajaigwe.+ 13 Ciindi malailile naakapegwa alimwi baalumi basongo nobakali kuyanda kujaigwa, bakayandaula Daniele abeenzinyina kuti abalo bajaigwe. 14 Aciindi eeco, Daniele cabusongo abupampu kapati wakaambaula a Arioki silutwe wabasikugatela mwami, ooyo wakaunkide kuti akajaye baalumi basongo bamu Babuloni. 15 Wakabuzya Arioki silutwe wabasikugatela mwami kuti: “Ino ncinzi capa kuti mwami ape malailile aali boobu cabukali?” Eelyo Arioki wakaambila Daniele makani oonse.+ 16 Aboobo Daniele wakaunka kumwami akumulomba kuti amupe ciindi cakuti amupandulwide ciloto cakwe. 17 Mpoonya Daniele wakaunka kuŋanda yakwe, eelyo wakaambila beenzinyina ba Hananiya, Misayeli alimwi a Azariya makani aaya. 18 Kumane wakabalomba kuti bapaile kuli Leza wakujulu kuti abafwide luse akubagwasya kujatikizya maseseke aaya, kutegwa Daniele abeenzinyina batajaigwi antoomwe abaalumi basongo boonse bamu Babuloni. 19 Mpoonya imaseseke aayo akayubununwa kuli Daniele mucilengaano imasiku.+ Aboobo Daniele wakatembaula Leza wakujulu. 20 Daniele wakati: “Izina lya Leza alitembaulwe lyoonse alyoonse mane kukabe kutamani,Nkaambo busongo anguzu nzizyakwe alikke.+ 21 Ulacinca ziindi amazuba,+Ulagusya bami akubikka bami azyuuno,+Ulapa busongo kubasongo aluzyibo kuli baabo bajisi bupampu.+ 22 Ulayubununa zintu zisisidwe alimwi azyamaseseke,+Ulizizyi zintu zili mumudima,+Alimwi mumuni ukkala anguwe.+ 23 Ndakutembaula akukulumba, O Leza wabamatata,Nkaambo wandipa busongo alimwi anguzu. Alimwi lino wandizyibya eeco ncotwakakulomba kuti utugwasye;Nkaambo watuzyibya makani oonse aamwami.”+ 24 Aboobo Daniele wakaunka kuli Arioki, ooyo mwami ngwaakasalide kuti ajaye baalumi basongo bamu Babuloni,+ akumwaambila kuti: “Utajayi mwaalumi uuli woonse akati kabaalumi basongo bamu Babuloni. Konditola kumbele lyamwami, eelyo ndiyoomupandulwida ncocaamba ciloto cakwe.” 25 Mpoonya cakufwambaana Arioki wakatola Daniele kumbele lyamwami, akumwaambila kuti: “Ndajana mwaalumi akati kabazike bakazwa ku Juda+ uukonzya kupandulwida mwami ciloto cakwe.” 26 Eelyo mwami wakabuzya Daniele, ooyo wakapedwe zina lyakuti Belitsazara+ kuti: “Sena ncobeni ulakonzya kundaambila ciloto cangu, akundipandulwida ncocaamba?”+ 27 Daniele wakavwiila mwami ulaamba: “Kunyina naba omwe akati kabaalumi basongo, basondi, bapaizi basimasalamuzi alimwi abasikupandulula bweende bwanyenyeezi uukonzya kwaambila mwami maseseke aayo ngayanda kuti bamwaambile.+ 28 Pele kuli Leza wakujulu Sikuyubununa maseseke,+ eelyo watondezya Mwami Nebukadinezara iciyoocitika kumamanino aamazuba. Nceeci ciloto cako azilengaano izyakakusikila mumutwe wako nookalede abulo bwako: 29 “Lino yebo omwami, nookalede abulo bwako wakatalika kuyeeya ciyoocitika kumbele, alimwi ooyo Sikuyubununa maseseke wakutondezya ceeco ciyoocitika. 30 Pele mebo, tiindayubunwidwa maseseke aaya akaambo kakuti ndimusongo kapati kwiinda muntu uuli woonse uupona; pele caba boobo kutegwa ndizyibye mwami bupanduluzi alimwi akuti yebo uzyibe mizeezo iili mumoyo wako.+ 31 “Yebo, omwami, wakalanga akubona cibumbwa* cipati kapati. Cibumbwa eeco, icakali cipati kapati alimwi icakali kumweka kapati, cakaliimvwi kumbele lyako, alimwi cakali kuyoosya kapati mbocakali kulibonya. 32 Mutwe wacibumbwa eeco wakali wangolida mbotu,+ camba cancico amaanza aancico zyakali zyansiliva,+ ida lyancico azibelo zyancico zyakali zyamukuba,+ 33 imaulu aancico akali aabutale,+ mpoonya zimpata* zyancico zyakali zyabutale buvwelene abulongo.*+ 34 Yebo wakalanga kusikila limwi kwakakolomonwa bbwe ikutali amaanza aamuntu pe, mpoonya bbwe eelyo lyakauma cibumbwa eeco kuzimpata zyabutale abulongo akuzipwayaula.+ 35 Aciindi eeco butale, bulongo, mukuba, nsiliva alimwi angolida zyoonse zyakapwayaulwa akuba mbuli buungu bwakulubuwa lwakuumina maila ciindi cacilimo, mpoonya muwo wakazipupulula cakuti kunyina cibeela canzizyo nociba comwe cakajanwa. Pele bbwe eelyo ilyakauma cibumbwa lyakaba cilundu cipati akuzula munyika yoonse. 36 “Eeci nceciloto, eelyo lino tulaambila mwami bupanduluzi bwancico. 37 Yebo, omwami, omwami wabami, ooyo Leza wakujulu ngwaapa bwami,+ bupati, nguzu alimwi abulemu, 38 alimwi ooyo ngwaapa bantu kufwumbwa nkobakkala, kubikkilizya abanyama bamusyokwe abayuni bauluka mujulu kuti babe mumaanza aakwe, alimwi ngwaabikka kuba mweendelezi wabo boonse buyo,+ yebo ndonduwe mutwe wangolida.+ 39 “Pele kuzwa nduwe kuyoobuka bwami bumbi,+ buniini kulinduwe; mpoonya kuyoobuka bwami abumbi, bwatatu, ibwamukuba, oobo ibuyakweendelezya nyika yoonse.+ 40 “Lino kujatikizya bwami bwane, bunooli buyumu mbuli butale.+ Nkaambo mbubonya butale mbobupwayaula akuziya zintu zimbi zyoonse, inzya, mbubonya mbuli butale ibuvwinyauna, bwami oobo buyoopwayaula akuvwinyauna mami oonse aaya.+ 41 “Alimwi mbubonya mbowakabona kuti zimpata atunwe zyakali zyabulongo bwamubumbi buvwelene abutale, ibwami oobo bunakwaandeene, pele buyumu bumwi bwabutale bunooli mulimbubo, mbubonya mbowakabona kuti butale bwakalivwelene abulongo butete. 42 Alimwi mbokunga tunwe twazimpata twakali twabutale buvwelene abulongo, nkokuti bwami oobo bunooli buyumu aciindi nciconya bunooli buteteete mbuli bulongo bupwaika buyo. 43 Mbubonya mbowakabona butale buvwelene abulongo butete, bayoosangana abantu;* pele tabakakamantani pe, umwi amweenzinyina, mbubonya butale mbobutajatani abulongo. 44 “Lino mumazuba aabami aabo Leza wakujulu uyoobikka bwami+ ibutakanyonyoonwi pe.+ Bwami oobo tabukapegwi kubantu bambi pe.+ Buyoopwayaula akumanizya mami aaya oonse,+ mpoonya bwalo bulikke buyakwiima nji mane kukabe kutamani,+ 45 mbubonya mbowakabona kuti kucilundu kwakakolomonwa bbwe ikutali amaanza aamuntu, akuti bbwe eelyo lyakapwayaula butale, mukuba, bulongo, nsiliva alimwi angolida.+ Leza Mupati wazyibya mwami eeco iciyoocitika kumbele.+ Ciloto eeci ncamasimpe, abwalo bupanduluzi bwancico bulasyomeka.” 46 Mpoonya Mwami Nebukadinezara wakavwuntama ansi kumbele lya Daniele akumupa bulemu. Kumane wakalailila kuti apegwe cipego alimwi atununkilizyo. 47 Mwami wakaambila Daniele kuti: “Ncobeni Leza wanu ngu Leza wabaleza, Mwami wabami alimwi ngu Sikuyubununa maseseke, nkaambo yebo wacikonzya kuyubununa maseseke aaya.”+ 48 Aboobo mwami wakasumpula Daniele, wakamupa zipego zibotu zinji, akumubikka kuti abe mweendelezi wacooko coonse ca Babuloni+ alimwi akuti abe silutwe mupati wabaalumi basongo boonse bamu Babuloni. 49 Eelyo akaambo kakulomba kwa Daniele, mwami wakabikka Sadirake, Mesaki, alimwi a Abedinego+ kuti kabalanganya milimo yabweendelezi bwacooko ca Babuloni, pele walo Daniele wakali kubelekela muŋanda yamwami.\\n^ Nkokuti, kakamu kabasyaazibwene mukusonda alimwi amukupandulula bweende bwanyenyeezi.\\n^ Naa ambweni, “zimbotela; zilwi zyabufwumba.”\\n^ Naa “cikozyanyo.”\\n^ Bamwi baamba kuti “zituta.”\\n^ Naa “abulongo buumpidwe (bubumbidwe).”\\n^ Naa “alunyungu lwabantu,” nkokuti, bantu-bantu buyo.","num_words":1097,"character_repetition_ratio":0.051,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Myeelwe 14 IBBAIB63 - Lino bantu boonse bambungano - Bible Search\\nMyeelwe 13 Myeelwe 15\\nBantu mbubakatongauka akuyeeya kupiluka ku-Egepita\\n1Lino bantu boonse bambungano bakatalika kuyoba, nkabela bakali kulila masiku ayo. 2-Bantu boonse ba-Israyeli bakali kutongaukila Musa a-Aroni. Imbungano yoonse yakabaambila kuti, Nicakabota nitwakafwa munyika ya-Egepita nanka kufwa munkanda. 3Ino nkaambonzi Jehova watusisya kunyika eyi kuti atujazye ipanga? Banakazi besu abana besu boonse balasaalwa. Sa tacikonzyi kuba cibotu kupiluka ku-Egepita?\\n4-Lino bakaamba umwi aumwi kumweenzinyina kuti, Atulibikile silutwe, atupilusye ku-Egepita. 5Mpoonya awo ba-Musa a-Aroni bakavundama kunembo lyambungano yabana ba-Israyeli. 6Alakwe Joshua mwana wa-Nuni a-Kalebe mwana wa-Jefune, bamwi basikutwela nyika, bakadelaula zyakusama zyabo, 7baambila bantu boonse bambungano yaba-Israyeli, bati, Nyika eyo njitwakaakutwela ninyika imbotu loko. 8-Na Jehova twamubotela, ulatunjizya munyika eyo akwiipa ndiswe, nyika iikunka malili abuci. 9-Pele mutapapili Jehova, alimwi mutayoowi bantu banyika eyo, nkaambo nzilyo zyesu, Citabilizyo cabo cazwa; Jehova uli aswebo; mutabayoowi. 10-Pele bantu boonse buyo bakati baumye mabwe. Lino bulemu bwa-Jehova bwakaboneka mutente lyambunganino kumeso aabana boonse ba-Israyeli,\\nMusa mbwaakakombela bantu bakwe\\n11-Lino Jehova wakaambila Musa kuti, Ino bantu aba balaleka lili kundisampaula? Balaleka lili kukaka kundisyoma, nekuba kuti zitondezyo nzinji nzindakacita akati kabo? 12-Ndabaumya malwazi, nsikoobapa lukono, pele njoocita kuti yebo ube musyobo mupati uuli anguzu kwiinda mbabo,\\n13-Pele Musa wakaambila Jehova kuti, Na wacita obo, bayoomvwa ba-Egepita, nkaambo akati kabo mpowakagwisya bantu aba munguzu zyako. 14-Lino bayooambila bantu bakede munyika eyi. Balimvwide kuti mpoli akati kabantu aba, O Jehova, nkaambo webo O Jehova ulaboneka busyu kubusyu, alimwi ijoba lyako liliimvwi atala lyabo, nkabela ulabazulwida mumusumpululu wajoba isikati amumusumpululu wamulilo ciindi camasiku. 15Na wanyonyoona bantu aba mbuli muntu omwe, bamasi bamvwide impuwo yako bayooamba kuti, 16-Jehova wakakacilwa kunjizya bantu abo munyika eyo njaakabasyomezya, aboobo wabajaya munkanda. 17Lino inguzu zya-Mwami zikomene, mbubonya mbuli ijwi lyako lyakuti, 18-Jehova tafwambi kukalala, ulizwide luzyalo, ulalekelela milandu ansotoko, nekubaboobo talulamiki bataluleme, ulauma bana abazukulu nkaambo kazibi zyabamawisi, mane kusikila kuzyalani lyatatu alyane. 19Ndakumbila kuti muluzyalo lwako lupati ulekelele bantu aba milandu yabo, mbubonya mbowabalekelela lyoonse kuzwa ku-Egepita akusikila lino.\\n20-Elyo Jehova wakati, Mbubo, ndabalekelela, mbubonya mboamba. 21-Nekubaboobo, ncobeni mbundi muumi, anyika yoonse mbiiyoozula bulemu bwa-Jehova, 22-aba bantu boonse babwene bulemu bwangu azitondezyo zyangu nzindakacita munyika ya-Egepita amunkanda, nekubaboobo bandisunka ziindi ezi zili ikumi akutaswiilila ijwi lyangu, 23-tabakooyoobona nyika eyo njindakasyomezya bamawisi. Akati kabaabo basampaula takukooyooba naba omwe uuyooibona. 24-Pele mulanda wangu Kalebe, mbuli mbwajisi moyo wakwe alike, alimwi wanditobela camoyo woonse, njoomusisya kunyika eyo nkwaakabona, nkabela lunyungu lwakwe luyooivuba. 25Lino ba-Amaleki aba-Kanana balikede mukuti. Junza amupiluke, mulongele kunkanda, kunzila yaku-Lwizi Lusalala.\\nBasikutongauka mbubakakasigwa kunjila munyika ya-Kanana\\n26Lino Jehova wakaambila Musa a-Aroni kuti, 27-Ino inkamu eyi imbi ilaleka lili kunditongaukila? Ndimvwide matongauko aabana ba-Israyeli ngebanditongauka. 28-Kobaambila kuti, Mbundi muumi, mbwaamba Jehova, ndamucitila cintu eco nciconya ncimwaamba mumatwi aangu. 29-Mitunta yanu iyoosyaala okuno kunkanda, amweelwe woonse wabaabo ibakabalwa akati kanu, nkokuti bajisi myaka iili makumi obile abaindilila, boonse banditongauka. 30-Ncobeni tamukooyoonjila munyika eyo njendakakonkezya kuti mukale mulinjiyo, cita Kalebe mwana wa-Jefune a-Joshua mwana wa-Nuni abalike. 31-Pele twana twanu, oto ntomwakaamba kuti tulasaalwa, njootunjizya munyika njemwasampaula. 32-Pele nywebo, mitunta yanu iyoosyaala okuno kunkanda. 33-Bana banu bayooembela munkanda myaka iili makumi one, aboobo bayoopenga nkaambo kakutasyomeka kwanu, mane mitunta yanu ikamane munkanda. 34-Mbubonya mbuli mweelwe wamazuba aakutwela nyika, nkokuti mazuba aali makumi one, mbuboobu mbumuyoopegwa mulandu, buzuba nkokuti mwaka omwe, myaka ibe makumi one, muzibe kubijilwa kwangu. 35-Mebo nde-Jehova ndaamba. Ncobeni mbuboobo mbunjoocitila eti izyalani ibbi lyoonse lindibusizya inkondo. Bayoomaninina kufwa omuno munkanda.\\n36-Lino abo bantu Musa mbaakatumide kuyootwela nyika, ibakaboola akucita kuti bantu boonse batongauke nkaambo kampuwo imbi njibakaleta, 37-abo bantu ibakaleta impuwo imbi yanyika bakafwa malwazi kubusyu bwa-Jehova. 38-Joshua mwana wa-Nuni a-Kalebe mwana wa-Jefune mbebakafutuka abalike akati kabantu abo basikutwela nyika.\\n39-Lino Musa wakalwiida bantu boonse ba-Israyeli makani aya, nkabela bantu bakalila loko. 40-Buce buyo, bakafumina kucilundu, bati, Bona! Mpotuli. Tulaya kucisi eco Jehova ncaakaamba, nkaambo twabisya. 41-Pele Musa wakati, Ino nkaambonzi mulasampaula malailile aa-Jehova? Kucita obo takukonzyi kuleta coolwe pe. 42-Mutainki pe, kuti mutakazundwi kulibasinkondonyoko, nkaambo Jehova tawo akati kanu. 43-BaAmaleki aba-Kanana nkubali oko kunembo lyanu. Muyoojazigwa ipanga, nkaambo mwaleka kutobela Jehova, aboobo Jehova takooyooba anywebo. 44Nekubaboobo bakakakatila kuya kumutwe wacilundu, nekuba kuti ibbokesi lyacizuminano ca-Jehova teelyakeenda kuzwa kumalabba, naba Musa. 45Mpawo ba-Amaleki aba-Kanana ibakede mucilundu eco bakaseluka, babazunda akuba tanda mane kusikila ku-Horima.","num_words":676,"character_repetition_ratio":0.051,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bafilipi 1 | Bbaibbele Lili a Intaneti | Bbaibbele lya Busanduluzi Bwanyika Mpya\\n1 Ndime Paulo nendili antoomwe a Timoteyo, tobazike ba Kilisito Jesu, nendilembela basalali boonse ibakamantene a Kilisito Jesu ibali mu Filipi, kubikkilizya abalangizi alimwi abakutausi kuti: 2 Amube aluzyalo alimwi aluumuno kuzwa kuli Leza Taateesu aku Mwami wesu Jesu Kilisito. 3 Ndilamulumba lyoonse Leza wangu nondimwiibaluka 4 mukukombelezya koonse nkondikombela ndinywe nyoonse. Mukukombelezya akumwi ndilakomba cakukondwa, 5 akaambo kalubazu ndomwajisi mukugwasyilizya kumwaya makani mabotu kuzwa buzuba bwakusaanguna nomwakaatambula kusikila lino. 6 Nkaambo ndilisinizyide kujatikizya cintu eeci, ikuti ooyo wakatalika mulimo ooyu mubotu akati kanu ulazumanana kuubeleka kusikila mane akaumanizye mubuzuba bwa Jesu Kilisito. 7 Cili buyo kabotu kuti mebo ndiyeeye boobu kujatikizya ndinywe nyoonse, akaambo kakuti muli kalungu kangu kaamoyo, nywebo nomutola lubazu antoomwe andime muluzyalo lwa Leza, libe leelyo nondaangidwe nketani muntolongo alimwi anondikwabilila akusimpikizya makani mabotu mumulawo. 8 Nkaambo Leza ngokamboni wangu kujatikizya mbondimuyandisisya nyoonse aluyando lwamumoyo luli mbuli ndwajisi Kilisito Jesu. 9 Alimwi eeci ncondizumanana kupailila, kuti luyando lwanu luzumanane kuvwula lyoonse antoomwe aluzyibo lwini-lwini alimwi akumvwisya koonse; 10 kuti musinizye zyintu ziyandika kapati, kutegwa mutabi amulandu uuli woonse alimwi kamutatyompyi bamwi kusikila kubuzuba bwa Kilisito, 11 akuti muzule micelo iiluleme, nkokuti ikwiinda muli Jesu Kilisito, ikutegwa Leza apegwe bulemu akutembaulwa. 12 Lino bakwesu ndiyanda kuti nywebo muzyibe kuti zyintu zyakandicitikila mubwini zyapa kuti makani mabotu aunke kumbele, 13 cakuti nketani nzyondaangidwe akaambo ka Kilisito zyazyibwa koonse-koonse ku Balindizi ba Mwami muna Loma akubantu boonse. 14 Lino, ibunji bwabakwesu mu Mwami bayuma kapati akaambo kanketani nzyondaangidwe, alimwi baindila kuba basicamba ikwaamba jwi lya Leza cakutayoowa. 15 Masimpe, bamwi bakambauka Kilisito kwiinda mukuba amunyono akuzundana, pele bamwi bacita boobo amizeezo mibotu. 16 Aabo bacita boobo amizeezo mibotu baambilizya Kilisito akaambo kaluyando, nkaambo balizyi kuti ndakasalilwa kukwabilila makani mabotu; 17 pele aabo bamwi bacita boobo akaambo kakuyanda mazwanga, ikutali amizeezo mibotu, nkaambo bayanda kundiletela mapenzi nondaangidwe nketani. 18 Aboobo ino ncinzi cacitika? Cilikke cacitika ncakuti munzila zyoonse, kufwumbwa naa muukulicengeezya buyo naa muukasimpe, Kilisito ulaambilizyigwa alimwi eeci cindipa kukondwa. Alimwi buya ndilazumanana kukondwa, 19 nkaambo ndilizyi kuti eeci ciyoondipa kufwutulwa kwiinda mukukombelezya kwanu alimwi akwiinda mukugwasyigwa amuuya wa Jesu Kilisito. 20 Eeci cileendelana akulangila cakuyandisisya kwangu abulangizi bwakuti tandikausyigwi nsoni munzila iili yoonse, pele kuti mukwaamba cakutayoowa abuniini mbubonya mbocabede lyoonse, lino Kilisito ulalemekwa kwiinda mumubili wangu, mube mubuumi naa mulufwu. 21 Nkaambo kulindime ikuti kandipona, ndinooponena Kilisito, alimwi ikuti ndafwa, nimpindu. 22 Lino ikuti naa ndazumanana kupona mumubili ooyu, inga ndajana mucelo uumbi mumulimo wangu—nokuba boobo icintu nconditiisale tandikoocaamba pe. 23 Ndabula cakucita azyintu eezyi zyobilo; nkaambo ndilombozya kwaangununwa alimwi akuba a Kilisito, eeco mubwini cili ncecintu ciinda kubota. 24 Nokuba boobo, cilayandika kapati kuti ndizumanane mumubili ooyu akaambo kandinywe. 25 Aboobo, mbwaanga ndilacisyoma eeci, ndilizyi kuti ndilazumanana mumubili alimwi ndiyookkala andinywe nyoonse kutegwa muyaambele akukondwa akaambo kalusyomo lwanu, 26 ikutegwa lutangalo lwanu luvwulisye muli Kilisito Jesu akaambo kandime eelyo nendiyooba andinywe alimwi. 27 Bukkale bwanu kabweendelana amakani mabotu aajatikizya Kilisito, ikutegwa kufwumbwa naa ndikaboole kumubona neliba leelyo nonditali andinywe, kandimvwa mpuwo yanu akuti muliimvwi nji mumuuya omwe, mubelekela antoomwe mbuli muntu omwe ikulwanina lusyomo lwamakani mabotu, 28 akuti kunyina abuniini nomukongwa abasinkondonyoko. Cintu eeci ncimunya ncisinizyo cakuti balo bayoonyonyooka, pele nywebo muyoofwutuka; alimwi cizyibyo eeci cizwa kuli Leza. 29 Nkaambo nywebo mwapegwa coolwe akaambo ka Kilisito, ikutali buyo kuti mumusyome pe, pele alimwi akuti mupenge akaambo kanguwe. 30 Nkaambo nywebo mulwana nkondo njimunya njomwakabona kandilwana, lino njomumvwide kuti ndicilwana.","num_words":532,"character_repetition_ratio":0.058,"word_repetition_ratio":0.0,"special_characters_ratio":0.156,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Chakulya Chuuba Chituyiisyaanzi Atala aJesu? | Ngaziyakulinda Yakwiiya\\n“Eeci ciiminina mubili wangu. . . . Eeci ciiminina ‘bulowa bwangu bwacizuminano.’”​—MT. 26:26-28, NW.\\nLWIIMBO 16 Atumutembaule Ja Akaambo ka Mwanaakwe Uunanikidwe\\n1-2. (a) Niinzi chitondeezya kuti Jesu wakali kuyootutondeezya nzila nguba yakuyeeya lufu lwakwe? (b) Mbuubuli buntu bwaJesu mbututalange-lange?\\nKUJANA wazipandulula na zichitika kuChiyubulusyo chalufu lwaKristu, chichitwa munyaka amunyaka? Zili aantanganana kuti biingi balaziyeeya zintu ziyandikana zichitwa kuChilalilo chaMwaami Chagoko. Nkamboonzi nituziyeeya? Nkaambo kuchiitiko eechi, kwakabelesegwa zintu zyuuba. Nikuba boobo, chiitiko eechi chiyandikana loko. Nkinkaako, tulakonzya kulibuzya kuti, ‘Nkamboonzi kuchilalilo eechi nikwakabelesegwa chakulya chuuba?’\\n2 Naakali kuchita mulimu wakwe aanyika, Jesu wakazibinkene kuti wakali kuyiisya kasimpe munzila nguba, iitakataazyi alubo iimvwisisika. (Mt. 7:28, 29) Munzila iikozyenie, wakatutondeezya nzila nguba pesi iiyandikana loko yakuyeeya * lufu lwakwe. Atulange-lange chakulya chakabelesegwa kuChiyubulusyo azimwi zintu Jesu nzyakaamba anzyaakachita. Eezi ziyoopa kuti tumvwisisisye Jesu mbatondeezya kulibombya, kutayoowa aluyando ambutukonzya kuchitobelezya afwiifwi chikozyano chakwe.\\nChinkwa awayini zibelesegwa kuChiyubulusyo zituyeezya kuti Jesu wakapa buumi bwakwe akaambo kandiswe akuti lino ulikweendelezya kali Mwaami kujulu (Langa fuka 3-5)\\n3. Kweendelana amajwi aali muli Matayo 26:26-28, niinzi zitondeezya kuti Chakulya chaChiyubulusyo Jesu nchaakachita chakali chuuba alubo zintu zibili nzyakabelesya zyiimininaanzi?\\n3 Jesu wakachita Chiyubulusyo chalufu lwakwe kalaamwi abaapostolo bakwe basyomeka bali 11. Wakabelesya chakulya chakasyaala kupobwe lyaPasika mpawo wakachita chiyubulusyo eechi chuuba. (Bala Matayo 26:26-28, NW.) Wakabelesya chinkwa chitakwe busweezyo awayini njibakali aayo kale. Jesu wakabuzya baapostolo bakwe kuti, zintu eezi zibili zyakali kwiiminina mubili wakwe uumaninide abulowa bwakwe, nzyaakali kuyoopa akaambo kabo. Kulakonzeka kuti baapostolo teechakabagambya pe chakulya eechi chakali chuuba. Nkamboonzi?\\n4. Malayilile Jesu ngaakapede Marta, atugwasya biyeni kuti tumvwisisisye kuti nkamboonzi Jesu naakachita chakulya chaChiyubulusyo chuuba?\\n4 Atulange-lange zyakachitika mumyeezi miche yakiindide, mumunyaka wachitatu Jesu kakambawuka chiindi naakaswaya beenzinyina mbaakali kuyandisya Lazaro, Marta aMariya. Nibakakkede, Jesu wakatalika kubayiisya. Marta wakaliwo pesi wakachelezeka akaambo kakujika chakulya chiingi chamweenzu wabo uulemekwa. Jesu naakabona zyakali kuchitika, wakalulamika Marta kuti amugwasye kubona kuti kujika chakulya chiingi teekwakali kuyandikana pe chiindi choonse. (Lk. 10:40-42) Kali wasyaalilwa achiindi chifwiifwi kuti ajayigwe , Jesu wakazoobelesya nzyaakabuzizye Marta. Wakachita chakulya chaChiyubulusyo chuuba. Makani aaya atuyiisyaanzi atala aJesu?\\n5. Chakulya chuuba chitondeezya kuti Jesu ulibiyeni alubo eezi zyeendelana biyeni amajwi aali muli BaFilipi 2:5-8?\\n5 Jesu wakali kulibombya muzintu zyoonse nzyaakali kwaamba anzyaakali kuchita. Nkinkaako, tazigambyi pe kuti wakatondeezya kulibombya kupati mubusiku bwamamanino kali aanyika. (Mt. 11:29) Wakalizi kuti chakali chaba afwiifwi chiindi chakuti ape chinunuzyo chiyandikana kubantu akuti Jehova wakali kuyoomubusya kuti ajane chuuno chisumpukide kujulu. Nikuba boobo, taakali kuyanda kuti bantu babikkile maanu kulinguwe, nkinkaako taakabikka mulawu wakuti bantu kababelesya zintu zyiingi nibayeeya lufu lwakwe. Pesi wakabuzya basikwiiya bakwe kuti beelede kumuyeeya kamwi amunyaka kababelesya chakulya eechi chuuba. (Joh. 13:15; 1 Kor. 11:23-25) Chakulya eechi chuuba chiyandikana, chitondeezya kuti Jesu wakali kulibombya. Kulatubotezya kuziba kuti kulibombya mbuumwi buntu bupati mbwaali aabo Mwaami wesu uuli kujulu.​—Bala BaFilipi 2:5-8, NW.\\n6. Kujana twachitobelezya biyeni chikozyano chaJesu chakulibombya nituli mumasunko?\\n6 Kujana twachitobelezya biyeni chikozyano chaJesu chakulibombya? Kwiinda mukubikka ziyandwa abamwi mubusena bwakusaanguna kwiinda nzituyanda. (Flp. 2:3, 4) Yeeya busiku bwamamanino Jesu kali aanyika. Jesu wakalizi kuti muchiindi chifwiifwi chakali kutobela, wakali kuyoofwa munzila iichisa pesi wakali kukataazikana akaambo kabaapostolo bakwe basyomeka bakali kuyoosyala kabamulila. Nkinkaako, mubusiku oobo wakabayiisya, wakabasungwaazya akubasimya. (Joh. 14:25-31) Jesu wakalibombya kwiinda mukutondeezya kuti ulaandaba abamwi bantu kwiinda nguwe. Jesu wakatusiila chikozyano chibotu loko!\\nJESU TAYOOWI PE\\n7. Jesu wakakutondeezya biyeni kutayoowa kupati naakamaninsya kuchita Chilalilo chaMwaami Chagoko?\\n7 Naakamaninsya kuchita Chilalilo chaMwaami Chagoko, Jesu wakatondeezya kutayoowa kupati. Wakakutondeezya biyeni? Jesu wakazumina kuchita kuyanda kwaWisi nikuba kuti wakalizi kuti kuchita oobo kwakali kuyoopa kuti ajayigwe akaambo kakupegwa mulandu wakusampawula Leza. (Mt. 26:65, 66; Lk. 22:41, 42) Jesu wakatondeezya kusyomeka kumaninide zyakuti wakalemeka zina lyaJehova, wakasumpula bweendelezi bwaLeza alubo wakajula nzila yabuumi butamani kubantu basiya nzila zyabo zibi. Alubo, Jesu wakagwasya basikwiiya bakwe kuti balibambile nzibakali kuyooswaana muchiindi chifwiifwi chakali kutobela.\\n8. (a) Jesu wakababuzyaanzi baapostolo bakwe basyomeka? (b) Muminyaka yakatobela Jesu kafwide akubusigwa, basikwiiya bakwe bakachitobelezya biyeni chikozyano chakwe chakutayoowa?\\n8 Kuyungizya waawo, Jesu wakatondeezya kutayoowa kwiinda mukutayeeyesesya kukataazikana nkwaakali aako alubo wakatondeezya kuti ulaandaba anzibayanda baapostolo bakwe basyomeka. Chakulya chuuba nchaakabelesya naakatanda Judasi, chakali kuyooyeezya bantu bakali kuyooba batobeli bakwe bananikidwe mbubakali kuyoogwasigwa abulowa bwakwe bwakatika ambubakali kuyooswaanizigwa muchizuminano chipya. (1 Kor. 10:16, 17) Kuti agwasye basikwiiya bakwe kuti bakkale kabasyomekede akuti bakabe aamwi anguwe kujulu, Jesu wakababuzya nzyaakali kuyanda kuti we aWisi bachite. (Joh. 15:12-15) Alubo Jesu wakabuzya baapostolo masunko ngibakali kuyooswaana kunembo. Naakali kubasungwaazya kuti batobele chikozyano chakwe, wakababuzya kuti, ‘mutayoowi.’ (Joh. 16:1-4a, 33) Nikuba nikwakayinda minyaka myiingi, basikwiiya baJesu bakali kutobelezya chikozyano chakwe chakulipeda akutayoowa. Nikuba kuti bakali kuswaana mapenzi, bakali kugwasyania mubuyumu-yumu busiyene-siyene.​—Heb. 10:33, 34.\\n9. Kujana twachitobelezya biyeni chikozyano chaJesu chakutayoowa?\\n9 Munzila iikozyenie, andiswe tutobelezya chikozyano chaJesu chakutayoowa. Muchikozyano, ziyanda kutayoowa kuti tugwasye bakombima bali kupenzegwa akaambo kalusyomo lwabo. Chimwi chiindi bakombima balakonzya kusungwa munzila iitali mumulawu. Kuti eezi zyachitika, tweelede kubeleka changuzu kuti tubagwasye, kuswaanizya akubayiminina. (Flp. 1:14; Heb. 13:19) Imwi nzila njitutondeezya kutayoowa, nkuzumanana kukambawuka ‘chakutayoowa.’ (Inc. 14:3) Mbuuli Jesu, tulilibambilide kuzumanana kukambawuka mulumbe waBwaami nikuba kuti bantu balatukazya akutupenzya. Pesi chimwi chiindi, tulakonzya kuyoowa. Kujana twachita biyeni?\\n10. Kakusyeede mviki ziche kuti kuchitwe Chiyubulusyo, tweelede kuchitaanzi alubo nkamboonzi?\\n10 Tulakonzya kutondeezya kutayoowa kupati kwiinda mukuyeeya bulangilizi mbutuli aabo akaambo kachinunuzyo chaKristu. (Joh. 3:16; Ef. 1:7) Kakusyeede mviki ziche kuti tuchite Chiyubulusyo, tuli amweenya mupati wakutondeezya kuti tulachilumba chinunuzyo. Mumviki eezyo, bala mavesi aamuBbayibbele aabalwa muchiindi chaChiyubulusyo alubo ukombe akuyeeyesesya atala azintu zyakachitika Jesu kali waba aafwiifwi kufwa. Kuzwa waawo, nitwaakubungana kuChilalilo chaMwaami Chagoko, tuyoozimvwisisisya kabotu zitondeezyo zyaChiyubulusyo anchizyiiminina. Kumvwisisisya mbuzitugwazya iswe anzubo zyesu zintu Jesu aJehova nzibakatuchitila, kupa kuti bulangilizi bwesu busime akuti tulisimye katutayoowi kusikila kumamanino.​—Heb. 12:3.\\n11-12. Twayiyaanzi mumafuka aayiinda?\\n11 Mumafuka ayiinda twayiya kuti Chilalilo chaMwaami Chagoko tachituyeezyi mbuchiyandikana luzutu chinunuzyo chaJesu pesi chituyeezya buntu Jesu mbwalaabo bwakulibombya akutayoowa. Tulalumba nkaambo Jesu uchibutondeezya buntu oobo, mbukunga Mupayizi Mupati kujulu, utwaambilila zibi zyesu. (Heb. 7:24, 25) Kuti tutondeezye kuti tulalumba, tweelede kuyeeya lufu lwaJesu mbuuli mbaakatwaambila (Lk. 22:19, 20) Tuchita oobo, mubuzuba bweendelana aNisani 14, buzuba buyandikana loko mumunyaka.\\n12 MuChilalilo chaMwaami Chagoko, tulakonzya kwiiya bumwi buntu bwakapa kuti Jesu atufwide. Kachili aanyika, Jesu wakazibidwe abuntu oobo. Mbuubuli buntu oobo?\\nJESU ULI AALUYANDO\\n13. Majwi aali muli Johane 15:9; aali muli 1 Johane 4:8-10, alutondeezya biyeni luyando Jehova aJesu ndubakatondeezya alubo mbaani bagwasigwa aluyando lwabo?\\n13 Muzintu zyoonse Jesu nzyaakachita wakalutondeezya munzila iimaninide luyando Jehova ndwalaalo kulindiswe. (Bala Johane 15:9; 1 Johane 4:8-10.) Kwiinda zyoonse, Jesu wakaliyandila kazizwa aansi aamoyo kutufwida. Kwiinda muchituuzyo eecho, toonse tulagwasigwa kuluyando Jehova aMwanaakwe ndubakatutondeezya kakutakwe ndaba kuti tuli maKristu bananikidwe, naakuti tuli ‘bambelele zimwi.’ (Joh. 10:16; 1 Joh. 2:2) Alubo, yeeya zintu zibelesegwa nikuchitwa Chiyubulusyo; zitondeezya kuti Jesu ulabayanda basikwiiya bakwe akuti ulababikkila maanu. Zitondeezya biyeni?\\nJesu wakachita bubambe bwaChiyubulusyo butakataazyi bwakali kuyoochitwa kwaminyaka myiingi muzyiimo zisiyene-siyene (Langa fuka 14-16) *\\n14. Jesu wakatondeezya biyeni kuti ulabayanda basikwiiya bakwe?\\n14 Jesu wakatondeezya kuti ulabayanda batobeli bakwe bananikidwe kwiinda mukubelesya chakulya chakatalikwe zintu zyiingi kuti kabanoobelesya, naakatalisya Chiyubulusyo. Mukuya kwachiindi, basikwiiya aabo bananikidwe, bakeelede kunoochita Chiyubulusyo munyaka amunyaka muzyiimo zisiyene-siyene, nikuba kabali mujele. (Ciy. 2:10) Bakamuswiilila na Jesu? Iiyi bakamuswiilila!\\n15-16. Bamwi bakachita biyeni kuti bakonzye kuchita Chilalilo chaMwaami Chagoko nikuba nibakali muzyiimo ziyumu?\\n15 Kuzwa mumwaanda wamunyaka wakusaanguna kusika sunu, maKristu bakasimpe, baleezya anguzu zyoonse kuyeeya lufu lwaJesu. Baleezya kutobelezya zyakachitwa kuChilalilo chaMwaami Chagoko chakusaanguna nikuba kuti chimwi chiindi beelede kuchita oobo muzyiimo ziyumu. Atubone zikozyano zitobela. Mukwesu Harold King naakali alikke muchitookesi kujele lyakuChina, wakeelede kuyanduula nzila yakuti achite Chiyubulusyo. Chakusisikizya, wakalibambila zitondeezyo zyaChiyubulusyo kabelesya zintu nzyaakali aazyo. Wakabala mazuba kuti azibe buzuba bweendelana abwaChiyubulusyo. Nichakasika chiindi chakuyeeya lufu lwaJesu, wakayimba, wakakomba mpawo wakapa nkani yamuBbayibbele kali alikke muchitookesi.\\n16 Nchechi chimwi chikozyano. Bachizi bakasungidwe muchiindi chaNkondo Yabili Yanyika Yoonse, bakabikka buumi bwabo mumapenzi kuti bakonzye kuchita Chilalilo ChaMwaami Chagoko. Akaambo kakuti zintu zibelesegwa kuChiyubulusyo nzyuuba, bakakonzya kuchichita chakusisikizya. Bachizi aaba bakati: “Twakaswenana aafwiifwi katuzyungulukide tebbulu nditwakavumbide mulembo uutuba mputwakabikkide chinkwa awayini. Twakabelesya kkandela kutali layiti lyamagesi kuchitila kuti tutabonwi. . . . Twakayindulula zikonke zyesu kuli Taateesu kuti tubelesye manguzu eesu kusalazya zina lyakwe lisalala.” Bachizi aaba bakatondeezya lusyomo lupati! Jesu wakatondeezya luyando lupati naakapa kuti tukonzye kuchita Chiyubulusyo nikuba katuli muzyiimo ziyumu.\\n17. Njiili mibuzyo njitweelede kulibuzya?\\n17 Mbukunga Chiyubulusyo chabaafwiifwi, tweelede kulibuzya mibuzyo iitobela: ‘Kujana ndachitobelezya biyeni chikozyano chaJesu chakutondeezya luyando? Ndibikka zintu ziyandwa abakombima mubusena bwakusaanguna na kwiinda zyangu? Ndilangilila kuti bakombima bachite zintu nzibatakonzyi na naakuti ndileezya kubona zintu nzibatakonzyi kuchita?’ Atuzumanane kutobelezya chikozyano chaJesu akuba ‘aaluyando lwabunyina.’​—1 Pet. 3:8.\\nKKALA KUYEEYA ZYIIYO EEZI\\n18-19. (a) Nchiichili choonzyo nchitulaacho? (b) Ulibambilide kuchitaanzi?\\n18 Mulawu wakuchita Chiyubulusyo chalufu lwaKristu tawunooliwo pe lyoonse. Jesu ‘aakusika’ kuchiindi chamapenzi mapati, uyoobungania “basale” banoochisyeede kuti baye kujulu, kuzwa waawo Chiyubulusyo tachichinoochitwi pe.​—1 Kor. 11:26; Mt. 24:31.\\n19 Nikuba chiindi bakombi baJehova baakuleka kuchita Chiyubulusyo, tulakonzya kuba aachoonzyo chakuti banoochiyeeya chakulya eechi chuuba kachili chitondeezyo chakulibombya, kutayoowa aluyando zitanatondeezegwa amuntu pe. Muchiindi eecho, bantu bakali kubamba Chiyubulusyo bayoobuzya bamwi banoopona muchiindi eecho kuchitila kuti bagwasigwe anchicho. Pesi lino kuti tukonzye kugwasigwa achakulya eechi chuuba, tweelede kutobelezya chikozyano chaJesu chakulibombya, kutayoowa aluyando. Kuti twachita oobo, tulakonzya kuba aachoonzyo chakuti Jehova uyootulongezya.​—2 Pet. 1:10, 11.\\nChakulya chaChiyubulusyo chituyiisyaanzi atala abuntu bupati bwaJesu bwakulibombya?\\nJesu wakakutondeezya biyeni kutayoowa kupati chiindi naakamaninsya kuchita Chilalilo chaMwaami Chagoko?\\nJesu wakalutondeezya biyeni luyando lupati naakatalisya bubambe oobu butakataazyi?\\n^ par 5 Lino-lino tuzoochita Chilalilo chaMwaami Chagoko kuti tuyeeye lufu lwaJesu Kristu. Chakulya eechi chuuba chituyiisya atala aJesu mbaakatondeezya kulibombya, kutayoowa aluyando. Muchiiyo eechi, tulalanga-langa mbutukonzya kutobelezya buntu bwakwe buyandikana mbwaakatondeezya.\\n^ par 2 BUPANDULUZI BWAMABALA: Kuyeeya chaamba kuchita chimwi chintu chiyandikana kuchitila kuti utachilubi akuchilemeka chintu eecho naakuti muntu ooyo.\\n^ par 56 BUPANDULUZI BWAZIFANIKISYO: Chifanikisyo chitondeezya maKristu basyomeka kabali kuchita Chiyubulusyo mumbungano yamumwaanda wamunyaka wakusaanguna; kuma1800; bali mujele lyamaNazi abali muNg’anda yaBwaami iijulikide mumbali nkaambo kulapya kuchisi chakuAmerica nkwiili kuMusanza.","num_words":1501,"character_repetition_ratio":0.077,"word_repetition_ratio":0.0,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbuti Cituuzyo ca Jesu Mbocili “Cinunuzyo Cakununuzya Banji”?—Matayo 20:28\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bicol Bislama Bulgarian Cebuano Chichewa Chinese (Traditional) Chinese Mandarin (Simplified) Chitonga Croatian Czech Dangme Danish Dutch Efik English Estonian Ewe Fijian Finnish French Ga Georgian German Greek Gun Haitian Creole Hausa Hebrew Hiligaynon Hindi Hungarian Icelandic Igbo Iloko Indonesian Isoko Italian Japanese Kazakh Kikamba Kikaonde Kikuyu Kiluba Kinyarwanda Kirghiz Kirundi Kongo Korean Latvian Lingala Lithuanian Luo Macedonian Malagasy Malay Malayalam Maltese Mapudungun Mongolian Myanmar Nepali Norwegian Nzema Oromo Ossetian Pangasinan Papiamento (Aruba) Papiamento (Curaçao) Polish Portuguese Portuguese (Portugal) Romanian Russian Samoan Sepedi Serbian (Cyrillic) Serbian (Roman) Setswana Shona Sinhala Slovak Slovenian Spanish Sranantongo Swahili Swedish Tagalog Tamil Tatar Telugu Thai Tigrinya Tiv Tsonga Turkish Twi Ukrainian Uzbek Venda Vietnamese Xhosa Yoruba Zulu\\nMbuti Cituuzyo ca Jesu Mbocili “Cinunuzyo Cakununuzya Banji”?\\nCituuzyo ca Jesu nenzila njabelesya Leza kunununa, naa kufwutula bantu kucibi alufwu. Ibbaibbele lyaamba kutilwa kwabulowa bwa Jesu kuti muulo wacinunuzyo. (Baefeso 1:7; 1 Petro 1:​18, 19) Aboobo, Jesu wakaamba kuti wakaboolela ‘kupa buumi bwakwe kuti bube cinunuzyo cakununuzya banji.’​—Matayo 20:28.\\nNkaambo nzi “cinunuzyo cakununuzya banji” ncocakali kuyandika?\\nMwaalumi wakusaanguna, Adamu, wakalengwa kalondokede, naa kanyina cibi. Wakajisi bulangizi bwakupona kukabe kutamani pele wakasweekelwa coolwe eeci akaambo kakusala kuzangila Leza. (Matalikilo 3:​17-​19) Naakaba abana, wakabayambukizya cibi eeco. (Baroma 5:​12) Akaambo kaceeci, Bbaibbele litondezya kuti Adamu ‘wakalisambala’ antoomwe abana bakwe mubuzike bwacibi alufwu. (Baroma 7:​14) Mbwaanga tabalondokede, kunyina wakali kukonzya kupilusya ncaakasweekelwa Adamu.​—Intembauzyo 49:​7, 8.\\nLeza wakabafwida lubomba bana ba Adamu akaambo kakuti bakanyina bulangizi. (Johane 3:​16) Nokuba boobo, zyeelelo zya Leza zyabululami zyakapa kuti atazilangi buyo zibi zyabo. (Intembauzyo 89:14; Baroma 3:​23-​26) Leza ulabayanda bantu, aboobo wakabikka bubambe bwakuti zibi zyabo zilekelelwe alimwi akumanizyigwa. (Baroma 5:​6-8) Cinunuzyo mbobubambe oobo.\\nIno cinunuzyo cibeleka buti?\\nMu Bbaibbele, bbala lyakuti “cinunuzyo” libikkilizya zintu zyotatwe eezyi zitobela:\\nNkubbadela.​—Myeelwe 3:​46, 47.\\nCileelene amuulo wacintu cibbadelelwa. *\\nAmubone twaambo ootu mbotweendelana acituuzyo cacinunuzyo ca Jesu Kristo.\\nKubbadela. Bbaibbele lyaamba kuti Banakristo ‘bakaulwa amuulo waatala.’ (1 Bakorinto 6:​20; 7:​23) Muulo ooyu mbulowa bwa Jesu bwalo mbwaakabelesya ‘kuulila Leza bantu kuzwa kumisyobo yoonse amilaka yoonse amikowa yoonse azisi zyoonse.’​—Ciyubunuzyo 5:​8, 9.\\nKunununwa. Cituuzyo ca Jesu cipa ‘kunununwa kucibi kwiinda mucinunuzyo.’​—1 Bakorinto 1:​30; Bakolose 1:​14; Bahebrayo 9:​15.\\nKweelana. Cituuzyo ca Jesu cileelene acintu Adamu ncaakasweekelwa, nkokuti buumi bulondokede. (1 Bakorinto 15:21, 22, 45, 46) Bbaibbele lyaamba kuti: “Mbubonya ibanji mbobakaba basizibi kwiinda mukutamvwida kwamuntu omwe [Adamu], mbubonya buyo kwiinda mukumvwida kwamuntu omwe [Jesu Kristo] ibanji bayooba balulami.” (Baroma 5:​19) Eeci cipandulula lufwu lwamuntu omwe mbolukonzya kubbadela cinunuzyo cabasizibi banji. Alimwi buya, cituuzyo ca Jesu ‘ncinunuzyo ceelene cabantu boonse’ ibabweza ntaamu zyeelede kutegwa bagwasyigwe ancico.​—1 Timoteyo 2:​5, 6.\\n^ munc. 11 Mu Bbaibbele, mabala aakusaanguna aakasandululwa kuti “cinunuzyo” apa muzeezo wamuulo waatala uubbadelwa. Mucikozyanyo, bbala lya Chihebrayo lyakuti ka·phar lyaamba kuvwumba (Matalikilo 6:​14) Kanji-kanji lyaamba kuvwumba cibi. (Intembauzyo 65:3) Ibbala limbi likozyenye ilyakuti kopher lyaamba muulo uubbadelwa kuvwumba cibi eeci naa kunununa. (Kulonga 21:30) Mbubwenya buyo, bbala lya Chigiriki lyakuti lytron, kanji-kanji ilisandululwa kuti “cinunuzyo,” alimwi lilakonzya kwaambwa kuti “muulo wakunununa.” (Matayo 20:28) Basikulemba ba Giriki bakabelesya bbala eeli kwaamba mali aapegwa kunununa mwaange naa muzike.\\nJesu Lusyomo Abukombi Mibuzyo Yamu Bbaibbele Yaingulwa\\nIno Cibi Ninzi?","num_words":476,"character_repetition_ratio":0.056,"word_repetition_ratio":0.0,"special_characters_ratio":0.199,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Businsimi Bwamu Bbaibbele Ibwazuzikizyigwa Mazuba Aano\\nAMUBALE MU Afrikaans Albanian Amharic Arabic Armenian Aymara Bislama Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Danish Drehu Dutch Efik English Estonian Ewe Fijian Finnish French Ga Georgian German Greek Guarani Haitian Creole Hebrew Hiligaynon Hungarian Icelandic Igbo Iloko Indonesian Italian Japanese Kazakh Kikaonde Kikongo Kikuyu Kimbundu Kinyarwanda Kirghiz Kiribati Kirundi Kongo Korean Lingala Lithuanian Luganda Luo Luvale Macedonian Malagasy Maya Myanmar Ngabere Norwegian Nyaneka Nzema Oromo Ossetian Papiamento (Aruba) Papiamento (Curaçao) Polish Portuguese Quechua (Bolivia) Rarotongan Romanian Russian Samoan Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Solomon Islands Pidgin Spanish Sranantongo Swahili Swahili (Congo) Swedish Tagalog Tatar Thai Tigrinya Tok Pisin Totonac Tshiluba Tsonga Turkish Tuvaluan Twi Tzotzil Ukrainian Umbundu Vietnamese Wallisian Xhosa Yoruba Zapotec (Isthmus) Zulu\\nIno nkaambo nzi ncokuli businsimi mu Bbaibbele?\\nNkaambo Nzi Bbaibbele Ncolyaamba Kujatikizya Zintu Zicitika Mazuba Aano?—Luka 21:10, 11.\\nKuli businsimi bunji bujanika mu Bbaibbele. Kunyina muntu uukonzya kwaambila limwi iziyoocitika kumbele. Aboobo, kuzuzikizyigwa kwabusinsimi bwamu Bbaibbele kupa bumboni businizyide bwakuti Bbaibbele ndi Jwi lya Leza.—Amubale Joshua 23:14; 2 Petro 1:20, 21.\\nBusinsimi bwamu Bbaibbele ibwakazuzikizyigwa kale butupa kaambo kakusyoma muli Leza. (Bahebrayo 11:1) Alimwi butupa kuba alusyomo lwakuti zisyomezyo zya Leza zyakumbele ziyoozuzikizyigwa ncobeni. Aboobo, businsimi bwamu Bbaibbele butupa bulangizi businizyide.—Amubale Intembauzyo 37:29; Baroma 15:4.\\nIno businsimi bwamu Bbaibbele butugwasya buti?\\nBusinsimi bumwi bucenjezya babelesi ba Leza kubweza ntaamu. Mucikozyanyo, ciindi Banakristo bamumwaanda wamyaka wakusaanguna nobakabona businsimi bumwi kabuzuzikizyigwa, bakazwa mu Jerusalemu. Mukuya kwaciindi, ciindi munzi nowakanyonyoonwa akaambo kakuti bantu banji ibakali kukkala mumo bakamukaka Jesu, Banakristo bakali kubusena bukwabilidwe.—Amubale Luka 21:20-22.\\nMazuba aano, businsimi ibwakazuzikizyigwa butondezya kuti Bwami bwa Leza ino-ino buyakwaamanizya mami alimwi amfwulumende zyabantu. (Daniele 2:44; Luka 21:31) Aboobo cilayandika kapati kuti umwi aumwi abweze ntaamu lino kutegwa akkomaninwe a Mwami, Jesu Kristo, iwakasalwa a Leza.—Amubale Luka 21:34-36.\\n1914—Imwaka Uuyandika Kapati Mubusinsimi bwa Bbaibbele\\nIno mbumboni nzi buliko butondezya kuti mwaka wa 1914 wakali mwaka uuyandika kapati?\\nSena Tulakonzya Kuzyiba Kasimpe Kujatikizya Leza?\\nSena Bafwide Bayoopona Alimwi?\\nSena Cilakonzyeka Kubumana Bucete Munyika?","num_words":321,"character_repetition_ratio":0.067,"word_repetition_ratio":0.0,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Mweendela Antoomwe Ambunga ya Jehova? | Yakwiiya\\nAMUBALE MU Afrikaans Albanian American Sign Language Amharic Arabic Argentinean Sign Language Armenian Aymara Azerbaijani Azerbaijani (Cyrillic) Bengali Bicol Bislama Brazilian Sign Language Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Colombian Sign Language Croatian Czech Dangme Danish Drehu Dutch Efik English Estonian Ewe Finnish French Ga Georgian German Greek Greenlandic Guarani Gujarati Gun Haitian Creole Hebrew Hiligaynon Hindi Hungarian Icelandic Igbo Iloko Indonesian Italian Italian Sign Language Japanese Japanese Sign Language Kannada Kazakh Kikaonde Kikuyu Kimbundu Kinyarwanda Kirghiz Kirundi Kisonge Kongo Korean Krio Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malay Malayalam Maltese Marathi Maya Mexican Sign Language Moore Ndebele Ndonga Nepali Ngabere Norwegian Nyaneka Nzema Oromo Ossetian Pangasinan Papiamento (Aruba) Papiamento (Curaçao) Persian Polish Portuguese Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Romanian Russian Russian Sign Language Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swahili (Congo) Swati Swedish Tagalog Tahitian Tamil Tatar Telugu Thai Tigrinya Tshiluba Tsonga Turkish Twi Tzotzil Ukrainian Umbundu Urdu Uzbek Venda Vietnamese Wallisian Waray-Waray Wayuunaiki Wolaita Xhosa Yoruba Zande Zulu\\n“Meso aa Jehova ali kubalulami.”—1 PE. 3:12.\\nIno Jehova uyakucita buti ciindi Saatani aakusola kunyonyoona bantu bakwe?\\nNzintu nzi zimwi Leza nzyayanda kulindiswe mbotuli bantu bakwe?\\nNkaambo nzi ncotweelede kweendela antoomwe ambunga ya Jehova?\\n1. Nimbunga nzi yiitwa azina lya Jehova iyakanjila mubusena bwabana Israyeli basiluleyo? (Amubone cifwanikiso icili kumatalikilo aacibalo.)\\nJEHOVA ulapegwa bulemu akaambo kakutalisya mbungano ya Bunakristo mumwaanda wamyaka wakusaanguna alimwi akubukulusya bukombi bwakasimpe mazuba aano. Mbubwenya mbotwakaiya mucibalo cainda, mbunga iipangwa abasikutobela Kristo bakusaanguna njiyakanjila mubusena bwacisi cabasiluleyo cabana Israyeli kuba bantu baitwa azina lya Jehova. Mbunga mpya eeyi, njaakafwida luzyalo Leza, yakafwutuka ciindi Jerusalemu naakanyonyoonwa mu 70 C.E. (Lk. 21:20, 21) Zintu zyakacitika mumwaanda wamyaka wakusaanguna akali ngamatalikilo aazintu zicitikila babelesi ba Jehova mazuba aano. Mbunga ya Leza taikanyonyooki ciindi bweende bwazintu bwa Saatani bwaakunyonyoonwa. (2 Ti. 3:1) Mbuti mbotukonzya kuba masimpe kuti eeci ciyakucitika ncobeni?\\n2. Ncinzi Jesu ncaakaamba kujatikizya “mapenzi mapati,” alimwi ino ayakutalika buti?\\n2 Kujatikizya kubako kwakwe kutalibonyi alimwi amamanino aabweende bwazintu, Jesu wakaamba kuti: “Kuciindi eeco kuyooba mapenzi mapati aatanacitikide kuzwa kumatalikilo aanyika kusikila sunu, alimwi kunyina naayooba limbi pe.” (Mt. 24: 3, 21) Mapenzi aaya aatanabwenwe ayakutalika ciindi Jehova aakunyonyoona “Babuloni Mupati,” bukombi bwakubeja bwanyika yoonse kwiinda mukubelesya nkamu zyabasitwaambo twacisi. (Ciy. 17:3-5, 16) Ncinzi ciyakutobela kucitika?\\nNTAAMU YA SAATANI IYAKUSOLOLELA KU AMAGEDONI\\n3. Bwaakumana kunyonyoonwa bukombi bwakubeja, nkusoleka kuli buti kuyakucitwa mukulwana bantu ba Jehova?\\n3 Bwaakumana kunyonyoonwa bukombi bwakubeja, Saatani alimwi azibeela ziindene-indene zyanyika bayakulwana babelesi ba Jehova. Mucikozyanyo, kujatikizya “Gogo wakunyika ya-Magogo,” Magwalo aambila limwi kuti: “Uyoosika mbuli iguwo, uyooza mbuli ijoba livumba nyika, yebo amakamu aako oonse abantu banji mboli abo.” Akaambo kakuti Bakamboni ba Jehova tabajisi basikalumamba bankondo alimwi akaambo kakuba bantu basiluumuno, mbabantu bayakuboneka kuti inga tabakatazyi kulwana. Pele kucita boobo kuyakuba kulubizya kapati.—Ezk. 38:1, 2, 9-12.\\n4, 5. Mbuti mbwayakucita Jehova kujatikizya kusoleka kwa Saatani kwakunyonyoona bantu bakwe?\\n4 Ino Leza uyakucita buti kujatikizya kusoleka kwa Saatani kwakunyonyoona bantu bakwe? Jehova uyakubagwasya bantu bakwe kwiinda mukutondezya nguzu zyakwe mbwali Mwami Wabubumbo Boonse. Jehova ubona kuti kulwana bantu bakwe nkulwana nguwe. (Amubale Zekariya 2:8.) Aboobo, Taateesu wakujulu uyakubweza ntaamu mpoonya-mpoonya kutegwa atuvwune. Kufwutulwa ooku kuyakuboola kumamanino aakunyonyoonwa kwanyika ya Saatani lya Amagedoni, “nkondo yabuzuba bupati bwa Leza Singuzuzyoonse.”—Ciy. 16:14, 16.\\n5 Kujatikizya Amagedoni, businsimi bwamu Bbaibbele bwaamba kuti: “Jehova ulijisi makani aakukazyanya abamasi, ulabeteka bantu boonse balya maila, abasizibi ulabaaba kuti bajazigwe ipanga, Mbuboobu mbwaamba Jehova wamakamu. Amubone! Mapenzi alabuka mucisi cimwi acimwi, aguwo ipati lilabusigwa kumagolelo aanyika. Nkabela mubuzuba obo bajayidwe ba-Jehova bayoojanwa moonse munyika kuzwa kumagolelo amwi akusikila kumagolelo amwi. Tabakooyoolilwa nikuba kubambwa nikuba kuzikwa, pele bayooba bufumba buyo atala avu.” (Jer. 25:31-33) Nkondo ya Amagedoni iyakunyonyoona bweende bwazintu oobu bubyaabi. Nyika ya Saatani iyakugwisyigwa, pele cibeela caanyika cambunga ya Jehova ciyakufwutuka.\\nIKAAMBO MBUNGA YA JEHOVA NCOYAZWIDILILA MAZUBA AANO\\n6, 7. (a) Ino bapanga “nkamu mpati” bazwa kuli? (b) Ino kwaba kuyaambele kuli buti mumyaka misyoonto yainda?\\n6 Mbunga ya Leza yazwidilila mazuba aano akaambo kakuti ipangwa abantu ibali ncibeela ncakkomanina Leza. Bbaibbele litusyomezya kuti: “Meso aa Jehova ali kubalulami, amatwi aakwe aswiilila mipailo yabo yakukombelezya.” (1 Pe. 3:12) Baluleme babikkillizya “nkamu mpati” yabantu “bazwa mumapenzi mapati.” (Ciy. 7:9, 14) Aaba basikufwutuka taili buyo “nkamu” pe. ‘Ninkamu mpati’—mweelwe mupati kapati wabantu. Sena muyakuba akati kabantu bayakufwutuka lya “mapenzi mapati”?\\n7 Ino aabo bapanga nkamu mpati bazwa kuli? Balaletwa antoomwe kweelana abusinsimi bwa Jesu bujatikizya citondezyo cakubako kwakwe. Wakaamba kuti: “Makani mabotu aa Bwami aaya ayookambaukwa munyika yoonse kuti bukabe bumboni kumisyobo yoonse, mpoonya mamanino ayoosika.” (Mt. 24:14) Mumazuba aano aakumamanino, kukambauka ngomulimo mupati kapati wambunga ya Leza. Akaambo kamulimo wakukambauka uucitwa nyika yoonse alimwi akuyiisya kucitwa a Bakamboni ba Jehova, mamiliyoni aabantu batalika kukomba Leza “mumuuya amukasimpe.” (Joh. 4:23, 24) Mucikozyanyo, myaka iili kkumi yainda—mumwaka wamulimo wa 2003 kuzikusika mu 2012—bantu bainda ku 2,707,000 bakabbapatizyigwa kutondezya kulyaaba kwabo kuli Leza. Nyika yoonse, kuli Bakamboni bainda ku 7,900,000, alimwi amamiliyoni aabantu bamwi balabasangana, kwaambisya ciindi ca Ciibalusyo camwaka amwaka. Tatulilumbaizyi akaambo kamyeelwe eeyi nkaambo ‘Leza nguukomezya.’ (1 Ko. 3:5-7) Nokuba boobo, cilalibonya kuti nkamu mpati iyaabukomena alimwi akuba mpati ncobeni mwaka amwaka.\\n8. Ncinzi capa kuti kube kuyungizyika kugambya mumbunga ya Jehova yamazuba aano?\\n8 Kwaba kuyungizyika kugambya kumweelwe wababelesi ba Leza akaambo kakuti Jehova lwakwe kumugama ulabagwasya Bakamboni bakwe. (Amubale Isaya 43:10-12.) Kuyungizyika ooku kwakaambilwa limwi mumajwi aabusinsimi aakuti: “Kakamu kaniini kayooba cuulu, abantu bace bayooba mukowa mupati. Mebo nde-Jehova njoofwambya makani aya kuciindi cao ceelede.” (Is. 60:22) Aciindi cimwi, ciinga cabananike cakali buyo “kakamu kaniini,” pele mweelwe wabo wakakomena ciindi ba Israyeli bakumuuya abambi nobakaletwa mumbunga ya Leza. (Gal. 6:16) Akaambo kakulongezyegwa a Jehova mwaka amwaka, kuyungizyika kwazumanana kwiinda mukuyobololwa kwankamu mpati.\\nJEHOVA NCAYANDA KULINDISWE\\n9. Ncinzi ncotweelede kucita ikuti katuyanda kuyakukkomana abuumi bubotu busyomezyedwe mu Jwi lya Leza?\\n9 Kufwumbwa naa tuli Banakristo bananike naa bankamu mpati, tuyakukkomana abuumi bubotu busyomezyedwe mu Jwi lya Leza. Nokuba boobo, kutegwa tukacite oobo, tweelede kutobela nzyayanda Jehova. (Is. 48:17, 18) Amulange-lange cikozyanyo cabana Israyeli nobakali kweendelezyegwa a Mulawo wa Musa. Makanze amwi aa Mulawo akali aakukwabilila bana Israyeli kwiinda mukubapa milawo mibotu yeendelezya makani aakoonana, kucita makwebo abamwi, kulanganya bana, kubabona munzila iili kabotu bantu, azimwi buyo. (Kul. 20:14; Lev. 19:18, 35-37; Dt. 6:6-9) Kutobela nzyayanda Leza kulatugwasya andiswe munzila njiyonya eeyi—alimwi tacituminyi kucita kuyanda kwakwe. (Amubale 1 Johane 5:3.) Masimpe, mbubwenya Mulawo mbowakali kubakwabilila bana Israyeli, kumvwida Jehova Leza alimwi akutobela njiisyo zyakwe takutukwabilili buyo pele alimwi kulatugwasya ‘kuyuma mulusyomo.’—Tit. 1:13.\\n10. Nkaambo nzi ncotweelede kujana ciindi cakubala Bbaibbele alimwi a Kukomba Mumukwasyi nsondo ansondo?\\n10 Cibeela caanyika cambunga ya Jehova ciyaabuyaambele munzila ziindene-indene. Mucikozyanyo, twazumanana kuyaambele mukumvwisya kasimpe kamu Bbaibbele. Eeci taceelede kutugambya nkaambo “inzila yabaluleme ili mbuli mumuni uumweka, uuya bungwengwemuka mane bwaca buzuba.” (Tus. 4:18) Pele inga cabota kulibuzya kuti: ‘Sena ndeendela antoomwe akucinca mukumvwisya kasimpe kamu Magwalo? Sena ndilaacilengwa cakubala Bbaibbele buzuba abuzuba? Sena ndili munkutwe kubala mabbuku eesu? Sena mebo amukwasyi wangu tulijisi bubambe bwa Kukomba Mumukwasyi nsondo ansondo?’ Bunji bwesu tulazumina kuti tacikatazyi kapati kucita zintu eezyi. Ciyandika buyo nkujana ciindi cakucita boobo. Eelo kaka cilayandika kujana luzyibo lwamu Magwalo, kulutobela, alimwi akukomena kumuuya—kwaambisya mapenzi mapati mbwaayaabuswena afwaafwi!\\n11. Muunzila nzi mapobwe aansiku alimwi amiswaangano yamazuba aano yambungano, yaalubazu, yabbazu alimwi ayacooko mboigwasya?\\n11 Mbunga ya Jehova ilatubikkila maano kwiinda mukutukulwaizya kumvwida lulayo lwa mwaapostolo Paulo lwakuti: “Alimwi katubikkilana maano ikutegwa tukulwaizyanye kutondezya luyando akucita milimo mibotu, tutanooleki kuswaangana antoomwe, mbuli bamwi ibajisi ciyanza eeci, pele katuyumizyanya umwi amweenzinyina, alimwi atuzumanane kucita boobo ikapati mbomubwene kuti buzuba bwaswena afwaafwi.” (Heb. 10:24, 25) Mapobwe akali kucitwa mwaka amwaka alimwi amiswaangano imwi yakukomba yakabayumya kumuuya bana Israyeli. Kuyungizya waawo, mapobwe aalubazu mbuli Pobwe Lyazilawo mumazuba aa Nehemiya, zyakali ziindi zikkomanisya. (Kul. 23:15, 16; Neh. 8:9-18) Mbubwenya buyo, andiswe tulagwasyigwa amiswaangano yambungano, yaalubazu, yabbazu alimwi ayacooko. Atugwasyigwe amiswaangano eeyi kutegwa katuli bayumu kumuuya alimwi akujana lukkomano.—Tit. 2:2.\\n12. Ino tweelede kulimvwa buti kujatikizya mulimo wakukambauka Bwami?\\n12 Mbotuli bantu bazulilwa mumbunga ya Leza, tulikkomene kutola lubazu ‘mumulimo uusalala wamakani mabotu aa Leza.’ (Lom. 15:16)Kutola lubazu ‘mumulimo uusalala’ ooyu kupa kuti tube “basimilimonyina” a Jehova, “Ooyo Uusalala.” (1 Ko. 3:9; 1 Pe. 1:15) Kukambauka makani mabotu kupa kuti zina lya Jehova lisalala lisalazyigwe. Kupegwa mulimo wakukambauka “makani mabotu aabulemu aazwa kuli Leza uukkomene” ncoolwe citakonzyi kweelanisyigwa.—1 Ti. 1:11.\\n13. Ino buumi bwesu bwakumuuya alimwi abwakumubili buyeeme anzi?\\n13 Leza uyanda kuti tube bantu bayumu kumuuya kwiinda mukukakatila kulinguwe alimwi akugwasyilizya mbunga yakwe mumilimo iindene-indene. Musa wakaambila bana Israyeli kuti: “Ndatamba ijulu anyika buzuba obuno, kuti zyoonse zibe bakamboni bangu, kuzibwe kuti buumi alufu, lulongezyo alutuko, zyoonse ndazibika kuti mulisalile. Amusale buumi, kuti mupone, nywebo abana banu. Amuyandisye Jehova Leza wanu, amuswiilile ijwi lyakwe, amumukakatile, nkaambo kucita obo kulamuletela buumi akoongola, kuti mukale munyika eyo Jehova njaakakonkezya kupa bamauso wanu, Abrahamu a Izaka a Jakobo.” (Dt. 30:19, 20) Buumi bwesu buyeeme akucita kuyanda kwa Jehova, kumuyanda, kuswiilila ijwi lyakwe, alimwi akukakatila kulinguwe.\\n14. Mbuti mukwesu umwi mbwaakali kulimvwa kujatikizya cibeela caanyika cambunga ya Leza?\\n14 Mukwesu Pryce Hughes, walo wakakakatila cakutazungaana kuli Leza alimwi akuzumanana kweendela antoomwe ambunga yakwe, wakalemba kuti: “Ndilalumba kapati kuti ndapona kweelana aluzyibo kujatikizya makanze aa Jehova kuzwa ciindi eeco camusyule kautanasika mwaka wa 1914 . . . Cintu ciyandika kapati kulindime, nkweenda antoomwe ambunga ya Jehova iilibonya. Zyakandicitikila mubuumi zyakandiyiisya kuti tandeelede kusyoma busongo bwabantu. Kandijisi muzeezo ooyo mumizeezo yangu, ndakakanza kuzumanana kukkalilila mumbunga eeyi iisyomeka. Eeyi njenzila ilikke muntu mbwakonzya kulongezyegwa akukkomaninwa a Jehova!”\\nAMUZUMANANE KWEENDELA ANTOOMWE AMBUNGA YA LEZA\\n15. Amupe cikozyanyo camu Magwalo icitondezya mbotweelede kukubona kucinca mukumvwisya twaambo tumwi twamu Bbaibbele.\\n15 Ikuti katuyanda kukkomaninwa a Jehova alimwi akulongezyegwa, umwi aumwi wesu kumugama weelede kwiigwasyilizya mbunga ya Leza alimwi akuzumina kucinca mukumvwisya Magwalo. Amubone cakacitika eeci: Nolwakainda lufwu lwa Jesu, kwakali zyuulu-zyuulu zya Banakristo ba Juda ibakali basungu kutobela Mulawo alimwi cakabayumina kuleka kuutobela. (Mil. 21:17-20) Nokuba boobo, kwiinda mukugwasyigwa amagwalo Paulo ngaakalembela bana Hebrayo, bakakazumina kaambo kamasimpe kakuti ‘izipaizyo izyakali kutuulwa kweelana a Mulawo’ tiizyakabasalazya pe, pele ‘bakasalazyigwa kwiinda mucituuzyo camubili wa Jesu Kilisito ciindi comwe buyo kukabe kutamani.’ (Heb. 10:5-10) Cakutadooneka, bunji bwa Banakristo ba Juda bakacinca kuyeeya kwabo alimwi bakayaambele kumuuya. Andiswe mbubwenya tuyandika kwiiya cakulomya alimwi akuba amizeezo iikonzya kuzumina kucinca ciindi nokwaba kucinca mukumvwisya Jwi lya Leza naa mumulimo wakukambauka.\\n16. (a) Nzilongezyo nzi iziyakupa kuti buumi munyika mpya kabukkomanisya? (b) Ncinzi ncomulangila munyika mpya?\\n16 Aabo boonse ibazumanana kusyomeka kuli Jehova alimwi akumbunga yakwe bayakujana zilongezyo zinji. Bananike basyomeka bayakuba acoolwe cipati cakuba basikukonanyina a Kristo kujulu. (Lom. 8:16, 17) Ikuti kamujisi bulangizi bwakupona anyika, amweezyeezye buyo mbomuyakukkomana kupona mu Paradaiso. Mbotuli cibeela cambunga ya Jehova, cilakkomanisya kwaambila bamwi kujatikizya cisyomezyo ca Leza canyika mpya. (2 Pe. 3:13) Lugwalo lwa Intembauzyo 37:11 lwaamba kuti: “Babombemyoyo bayoovuba nyika, bayookondwa muluumuno lunji.” Bantu “bayooyaka maanda akukala mulingao” alimwi bayakukkomana ‘amilimo yamaanza aabo.’ (Is. 65:21, 22) Takukabi kudyaamininwa, bucete, alimwi anzala. (Int. 72:13-16) Taakwe muntu uyakweenwa a Babuloni Mupati nkaambo tanakuliko. (Ciy. 18:8, 21) Bantu bafwide bayakubusyigwa akupegwa coolwe cakupona kukabe kutamani. (Is. 25:8; Mil. 24:15) Eelo kaka bulakkomanisya bulangizi mbwaajisi mamiliyoni aabantu ibalyaaba kuli Jehova! Kutegwa tukazibone zisyomezyo eezyi zyamu Magwalo, umwi aumwi wesu weelede kuzumanana kukomena kumuuya, alimwi akuzumanana kweendela antoomwe ambunga ya Leza.\\nSena muleezyeezya kuba mu Paradaiso? (Amubone muncali 16)\\n17. Ino tweelede kuba amuuya uuli buti mumakani aakukomba Jehova alimwi ambunga yakwe?\\n17 Mbwaanga lino mamanino aabweende oobu ali aafwaafwi, atuzumanane kuzyandamana mulusyomo alimwi akulumba Leza kuzwa ansi aamoyo kububambe bwakumukomba. Ooyu ngomuuya ngwaakatondezya sintembauzyo Davida naakaimba kuti: “Nkocili cintu comwe ncenkumbila kuli-Jehova, ncenjandaula; nkokuti nkale muŋanda ya-Jehova mazuba oonse aabuumi bwangu, kuti njeebele bubotu bwa-Jehova akuliiya makani mucikombelo cakwe.” (Int. 27:4) Aboobo, umwi aumwi wesu akakatile kuli Leza, akuzumanana kweendela antoomwe ambunga ya Jehova alimwi abantu bakwe.","num_words":1835,"character_repetition_ratio":0.048,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"KUZWA KUMUBISYI KUYA KUMUSAANTE WAKALEKELELWA\\nKwakanyina busimbo bwaminwe. Kunyina cilwanyo cakajanika. Kunyina wakamubona mujayi kanjila ofesi ya musilisi. Kunyina wakakumvwa kudubula. Pele musilisi wakajanwa kafwide kunze a A.D. esiki lyakwe. Nkulu zyosanwe zyakanjila mucibaki cakwe. Kwakaboneka kuti bwakali bujayi bulondokede. Kutaanguna basilikani tiibakajana cakali kukonzya kubagwasya kuzyiba mbocakacitika.\\nPele bakazikubona kawaile kasyoonto kakaangidwe kuli icakali kubikkila A.D. esiki y A.D. okotela. Basilikani bakazikubona kuti icakali kubikkila mpensulu, cakali kusisa imukananinwa kumwaya twaambo calo nacaakali kubelesya dokotela mukumvwa twaambo twamibandi abamalwazi mbaakali kulaya mukuciswa kwabo.\\nKufwambaana basilikani bakakabamba kabulo kabweza twaambo, akutalika kuswiilila bujayi mbobwakacitika. Mwaalumi iwakali kutegwa Antoni wakali njide muofesi akutalika kukazyanya A.D. okotela. Kwakamvwugwa kudubula. Kuswiilila kukabulo kabweza twaambo kwakazikumanina mukumvwa kulila kw A.D. okotela ikuyoosya naakali kufwa amunseme.\\nZyoonse zyakabwezegwa akabulo kabweza twaambo, Mujayi wakali kuyeeya kuti bujayi bwakwe buya kuba maseseke. Wakasola kutasiya citondezyo cabujayi mbwaakacita. Pele kabulo kabweza twaambo kakaambaula makani oonse.\\nMuciiyo eeci tulaiya lubeta lwa Leza lwamamanino bantu, \"nobaya kubetekwa kweendelana anzyobakacita mbuli mbokulembedwe mumabbuku\" (Cizubuluzyo 20:12).\\nKuli baabo batakamutambula Klistu mbuli Mufutuli wabo, ayakuba makani mabi. Pele lubeta makani mabotu kuli baabo bakalisisa muli Klistu.\\n1. MBUTI MBONGA WAAKWIIMA MULUBETA KOTAYOOWEDE?\\n\"Wisi tabeteki muntu pe, wakabikka Mwana kuti abeteke boonse.\" - Johane 5:22.\\nMbuti ciciingano mbocakacita Klistu kuba Mubetesi wesu?\\n\"Leza wakamwaaba (Jesu) kuba muyasilo kwiinda mulusyomo mubulowa bwakwe. Wakakucita ooku kutondezya bululami bwakwe,... kutegwa ABE MULULAMI ALIMWI UULULAMIKA BAABO BAJISI LUSYOMO muli Jesu.\" - Baloma 3:25, 26.\\nLufu lwa Klistu mucilawo cesu lumucita kuti abe Mubetesi uululeme, silubomba ujisi bulemu ukonzya kulekelela mubisyi wasanduka. Ijulu ililangilizya nolibuzya mubuzyo, \"Mbuti mubetesi utasalululi mbwakonzya kwaamba muntu ujisi mulandu kuti tajisi mulandu?\" Klistu ulankonzya kwiingula kwiinda mukutondeka mumbata zili mumaanza akwe. Wakabweza mulandu wazinyonyoono zyesu mumubili wakwe.\\nMabbuku aakujulu ajisi malembo aabuumi bwamuntu oonse, alimwi aaya malembo alabelesegwa mulubeta (cizubuluzyo 20:12).\\nAayo ngamakani mabi kuli baabo bayeeya kuti zinyo nyoono zyabo zyamumaseseke amilandu yabo yamumaseseke kunyina noziya kupiluka kubayoosya. Pele kuli makani mabotu kuli baabo boonse ibakamutambula Klistu cakumaninina kuti ngomwiiminizi wabo kujulu: \"Bulowa bwa Jesu.... Bulatusalazya kuzwa kuzinyonyoono zyoonse\" (1 Johani 1:7).\\nNcinzi Jesu ncalibambide kupa mukucincanya abuumi bwesu bwacinyonyoono? \"Leza wakamucita (Klistu) watakajisi cinyonyoono kuba ciyonyoono cesu, ikutegwa muli nguwe tukonzye kuba bululami bwa Leza.\" (2 Bakolinto 5:21).\\nBuumi bwesu bwazinyonyoono bwakacincanizigwa abuumi bwa Klistu bwabululami. Akaambo kabuumi bwa Jesu bunyina cinyonyoono alufu lwakwe, Leza ulakonzya kutulekelela akutulanga mbuli Bantu batakabisya.\\nNinzi cimucita kuti Jesu abe mwiiminizi wesu amubetesi?\\n2. KLISTU WAKABOOLA A CIINDI CEELEDE\\nCiindi cakubbizyigwa kwakwe, Jesu wakananikwa Amuuya Usalala:\\n\"Mbwakamana buyo kubbizyigwa, wakazwa mumeenda. Aciindi eeco julu lyakajaluka, eelyo wakabona Moza wa Leza kauseluka mbuli nziba akukkala ali nguwe. Mpoona ijwi kuzwa kujulu lyakati, \"Ooyu Mwana wangu ngondiyanda; ndilakkomana kapati anguwe.\" - Mateyo 3:16, 17.\\nKutobela kunanikwa kwa Klistu a Muuya Usalala ciindi naakabbizyigwa, basiciiya bakaambilizya:\\n\"Twamujana munanike wa Leza (Klistu).\" - Johane 1:41.\\nBasiciiya bakalizyi kuti bbala lya cihebbilayo \"Messiah\" abbala lya cigiliki \"Klistu\" oonse aamba uunanikidwe.\" Luka, siciiya wa Jesu, wakalemba mwaka wakunanikwa kwa Jesu kuti ngu Mesiya mumwaka kkumi amyaka yosanwe yamuleli mupati Tibeliyali (Luka 3:1). Kuli ndiswe ooyo inga waba mwaka wa 27 Jesu kazyedwe kale (A.D. 27).\\nKwiinda kumyaka iili myaanda yosanwe Jesu katana zyalwa musyinsyimi Daniyeli wakasyinsyima kuti Jesu uya kunanikwa kuti ngu Mesiya mu A.D. 27:\\n\"Kuzwa Kukwaamba mulawo wakujokezya a kuyakulula Jelusalema kuya kusikila kuli yooyo uunanikidwe... kuya kuba mvwiki ciloba amvwiki cisambomwe muzibili.\" - Daniyeli 9:25.\\nMvwiki ciloba amvwiki makumi cisambomwe amvwiki ciloba muzine antela mazuba myaanda yone amazuba lusele mwaatatu (7 x 69 = 483). Mucisyinsyimi camu bbaibbele, buzuba bomwe bwiiminina mwaka (Ezekiyeli 4:6; myeelwe 14:34), aboobo mazuba ali myaanda yone amazuba lusele mwaatatu (483) ayiminina myaka 483. Daniyele wakashinshima kuti kwaambilizya kuya kuba kwakujokezya akuyakulula Jerusalema, eelyo mboiya kumanina myaka 483 kuzwa kwaambilizya ooku nokuya kucitwa, Mesiya uyakulibonya.\\nSena Jesu wakalibonya mbuli munanike wa Leza acindi cakaambwa?\\nAtakisesi wakapa mulawo wakuyakulula Jerusalema mumwaka wa B.C.457 Jesu katana zyalwa (Ezula 7:7-26). Aboobo myaka 483 yakazyoomana mumwaka wa A.D. 27 Jesu kazyedwe kale. (457 + 27 = 484). Mulawo wakapegwa mumwaka wa B.C.457 Jesu katana zyalwa, alimwi Jesu wakananikwa mumwaka wa A.D.27 ciicita myaka eeyi kuba mbazu zyamyaka. Eelyo ciindi ciluleme inga caba myaka 483.\\nA ciindi cakasalidwe, mu mwaka A.D.27, Jesu wakalibonya amulumbe: \"Ciindi casika\" (Maako 1:15). Kuzuzikizya bulembe bwacisyinsyimi camu bbaibbele eeci cisinizya kuti Jesu waku Nazaleta masimpe ngo munanike, ngo Leza munyama yabuntu. Cakali kunga cilatola ciindi cilamfwu buti kuti Jesu asinizye cisyomyo?\\n\"Uya kusinizya cizuminano (cisyomyo) abanji ku \"Ciloba\" comwe (Mvwiki, Hebulayo).\" - Daniyeli 9:27, cibeela cakutaanguna.\\nKuti twabelesya mulawo wa mwaka - buzuba, eeyi mvwiki inga yaba myaka ciloba. Aboobo myaka ciloba kuzwa mu 27 Jesu Kazyedwe kale, Jesu wakali kunga \"wasinizya cizuminano,\" antela cisyomyo, ncaakabambide kuli A.D. amu a Eva nobakamana kubisya. Leza wakabamba cizuminano, cisyomyo, cakuti uyakufutula Bantu kuzwa kucinyonyoono kwiinda mulufwu lwaumwi ngwaakali kuya kutuma kuzyoofwida zinyonyoono zyesu (Matalikilo 3:15).\\nNcinzi cakali kunga cilacitika akati-kati aacindi camvwiki zili makumi ciloba?\\n\"Akati-kati ka \"ciloba\" (Mvwiki, cihebilayo) uyakulesya muyasilo amulumbo\" - Daniyele 9:27, lubazu lwamamanino.\\nJesu wakabambulwa mu A.D. 27, \"akati-kati ka mvwiki.\" Aciindi calufu lwa Klistu, Leza wakayaula \"mulembo watempele... muzibeela zyobilo kuzwa atala kusika ansi\" (Mateyo 27:51). Muyasilo wakulumba iwakatijaigwe (citondeyo ca Jesu \"kabelele wa Leza) wakatija kuzwa mumaanza amupaizi. Eeci cakaba citondezyo cakuti Leza taakacili kuyanda kuti Bantu kabapa miyasilo yazinyama. Kuzuzikizya cisinsimi mbuli mbukwakalembedwe, Jesu \"wakalesya\" kuyandika kuzumanana kupa miyasilo. Kuzwa kuciindi calufu lwa Jesu, Bantu balakonzya kusika kuli Leza kutali kwiinda mumiyasilo yazinyama amubapaizi bantu, pele kwiinda muli unanikindwe Mesiya, kabelele wa Leza Mupaizi wesu mupati.\\n3. KUSYOMEZYA KWAZINYONYOONO ZYALEKELELWA\\nKweendelana acishinshimi ca Daniyeli nkaambo nzi Jesu ncakafwida?\\n\"Uunanikidwe uyakukosolwa pele kutali akaambo kakwe mwini.\" - Daniyele 9:26.\\nAlufu lwakwe aciciingano, Jesu wa \"kakosolwa.\" \"Wakafwa, \"pele kutali akaambo kakwe mwini,\" kutali kubbadela mulandu wacinyonyoono Cakwe, pele kubbadela mulandu wazinyonyoono zyanyika yoonse. Mbuti mbotunga twazyiba kuti Leza watulekelela zinyonyoono zyesu zyoonse?\\n\"Bululami kuzwa kuli Leza bulaboola kwiinda muli Jesu Kristu kuli baabo boonse basyoma... BOOSE BAKABISYA..., eelyo BALALULAMIKWA ALUSE LWAKWE kwiinda mulununuko lwakaboola a Klistu Jesu.... KWIINDA MULUSYOMO MUBULOWA BWAKWE.\" - Baloma 3:22-25.\\nTwaambo twini-twini muzisyoonto eezi ntootu: \"Toonse twakabisya,\" Pele akaambo ka \"LUSE\" lwa Leza, boonse \"balalulamikwa\" ibajisi \"lusyomo\" munguzu zisalazya \"bulowa\" bwa Klistu. Kuti naa twalulamikwa, Leza utwaamba kuti tatujisi mulandu, ulabweza bubi bwazinyonyoono zyesu zyakainda. Eelyo Leza utwaamba kuti tuliluleme; bululami kuzwa kuli Leza bulaboola kwiinda mulusyomo muli Jesu. coonse notukatede kuzwa mukusola kuba kabotu, mulakonzya kujana kulyookezya kwini mukumutambula Klistu. Ulasyomezya, \"Amuboole kuli ndime, nyoonse nomulemedwe, ndiyakumupa kulyookezya\" (Mateyo 11:28). Toonse notulemedwe mbata kuzwa kaindi amuzeezo uucisa uutazulide abuusu, tulakonzya kujana luumuno akumaninina muli Klistu.\\n4.\\tCIINDI CAKUTALIKA KWALUBETA\\nMucipati calusele cabbuku lya Daniyele mungele wakatondezya musyinsyimi citondezyo cipati cazyintu ziboola. Daniyele wakabona (1) sijembwe, (2) mugutu, (3) kuzwa mulwija lomwe lwa mugutu, \"alumwi lwija lwakatalika kumena asyoonto-syoonto akukomena canguzu\" (Daniyele 9:8,9); zitondezyo iziiminina (1) Medo-Persia, (2) Giilisi a; (3) Roma (Daniel 8: 1-12, 20-26).\\nNdubazu nzi lwa ne lwacishinshimi?\\n\"Ciya kutola ciindi cilamfwu buti kuti cibonisyo cizuzikizigwe - cibonisyo cijatikizya muyasilo ucitika buzuba abuzuba...? Wakati kuli ndime \"Ciya kutola zyuulu zyobile amyaanda yotatwe yamangolezya amafumofumo (antela mazuba, cihebilayo); Kwaakumana cikombelo ciya kusalazigwa.\" - Daniyele 8:13, 14.\\nDaniyele wakanetuka mungele katana pandulula lubazu lwacisyinsyimi lwa zyuulu zyobile amyaanda yotatwe - lubazu lwabuzuba lwacisyinsyimi, alimwi cipati calusele cilamana kakunyina kupandulula. Pele munsi mungele waka zikulibonya akwaamba kuti:\\n\"Kociteelela cibonizyo: Mvwiki makumi aali ciloba abikkwa kubantu bako amunzi wenu usetekene kuleka kubisya, kuleta mamanino kucinyonyoono, kusalazya babisyi.\" - Daniyele 9: 22-24.\\nMazuba zyuulu zyobilo amyaanda yotatwe, 2,300 aamba myaka iili zyuulu zyobilo amyaanda yotatwe, buzuba abumwi bwiiminina mwaka (Ezekieli 4:6). Mvwiki makumi ciloba, antela myaka iili myaanda yone amakumi fuka yakali cibeela cakutaanguna caciindi cilamfu camyaka iili zyuulu zyobilo amyaanda yotatwe.\\nZyoonse ziindi zyakatalika mumwaka was B.C. 457 Jesu katana zyalwa ciindi Persia naakabikka mulawo waku \"jokezya akuyakulula Jerusalema.\" Kugusya myaka iili myaanda yone amakumi fuka (490) kuzwa kumyaka iili zyuulu zyobilo amyaka myaanda yotatwe (2,300), isiya myaka iili cuulu comwe amyaanda lusele akkumi (1,810). Kusanganya myaka cuulu comwe amyaanda lusele akkumi kumakumi otatwe mwaane (34) Jesu kazyedwe kale, ciindi myaka iili myaanda yone amakumi fuka (490) noyakamana, citusisya kumwaka wa 1844 Jesu kazyedwe kale.\\n5. TEMPELE LYAKUJULU LYASALAZIGWA - LUBETA\\nMungele wakaambila Daniyele kuti mu 1844, kumamanino aamyaka zyuulu zyobilo amyaanda yotatwe, \"tempele liya kusalazigwa\" (Daniyele 8:14). Pele ino eeco caamba nzi? Kuzwa mumwaka makumi ciloba (70) Jesu kazyedwe kale Ba-Roma nobakamwaya tempele ku Jerusalema, Bantu ba Leza tiibakajisi tempele ansi. Aboobo tempele linga lyasalazigwa, kutalikila mu 1844, lyeelede kuba tempele lyakujulu lyalo ilyakali kwiimininwa a tempele lyaansi.\\nIno ono kusalazya tempele lyakujulu caamba nzi? Buzuba bwakusalazya tempele lyaansi Israeli wakaindi wakabwiita kuti, Yom Kippur, buzuba bwakusalazya. Ncobeni bwakali buzuba bwalubeta.\\nMbuli mbotwakabona muciiyo 12, ncatucitila Kristu mutempele cijisi mbazu zyobilo:\\n(1) Miyasilo yabuzuba-abuzuba itondeka kumulimo wamupaizi mung'anda yakutaanguna yatempele, cilawo cisetekene.\\n(2) Miyasilo yamwaka amwaka isetekanya mulimo wamupaizi mupati mung'anda yabili, cilawo cisetekene - cisetekene (Levi 16).\\nMutempele lyaansi, Bantu nobakali kulilekelela zinyonyoono zyabo buzuba abuzuba, bulowa bwabanyama ibakali kujaigwa bwakali kusansailwa acooko cakabwe, kwamana bwatolwa kucilawo cisetekene (Levi 4 a 6). Aboobo mukutondezya, buzuba abuzuba zinyonyoono izyakali kulekelelwa zyakali kuletwa mutempele akubikkwa awo.\\nEelyo aumwi mwaka, mubuzuba bwakusalazigwa, tempele lyakali kusalazigwa kuzwa kuzinyonyoono zyakalikulekelelwa mumwaka wainda (Levi 16). Mukutalika kusalazya ooku, Mupaizi mupati wakali kupa muyasilo wandeene wakapongo ikakasetekanyizidwe. Kwamana wakali kubweza bulowa bwankako kutola mucilawo cisetekene-cisetekene akubusansaila bulowa oobu busalazya acipaililo kutondezya kuti bulowa bwa Jesu, Mufutuli uboola, buya kubbadela mulandu wacinyonyoono. Mupaizi mupati kwamana, caantangalala, wakali kugusya zinyonyoono zyakali kulekelelwa, kuzwa mutempele akuzibikka amutwe wakapongo kambi, kalo kati kakafwe keni (Levi 16:20-22).\\nEeci cilengwa cabuzuba bwakusalazya amwaka cakali kusalazya tempele kuzwa kucinyonyoono. Bantu bakali kulanga kuti mbuzuba bwalubeta nkaambo aabo ibakali kukaka kulilekelela zinyonyoono zyabo bakali kuyeeyelwa kuti tabaluleme. Eelyo bakali \"kuzandulwa kuzwa kubantu (ba Leza)\" (Levi 23:29). mupaizi mupati ncaakali kucita cakwiiminina ciindi comwe buyo, mbwali mupaizi mupati (Bahebulayo 9:6-12).\\nMubuzuba bupati bwalubeta ulagusya kuzwa mutempele zinyonyoono zyalekelelwa zyabaabo boonse bamutambula mbuli Mufutuli wabo. Kuti naa twalilekelela zinyonyoono zyesu, uyakuzimaanya kukabe kutamani bulembo bwazinyonyoono zyesu kuciindi eeco (Ncito 3:19). Ooyu mulimo ngwalubeta Jesu ndwaakatalika mumwaka wa 1844 ciindi woola lyalubeta lwa Leza nolyakatalika kujulu, mulumbe wawoola lyalubeta wakatalika kukambaukwa munyika yoonse (Cizubuluzyo 14:6-7). Ziiyo zyakuzyiba ZIBOOLA KUMBELE ziya kujatikizya amulumbe ooyu.\\n6.\\tKUZYIBA ZILEMBEDWE ZYABUUMI BWAKO MULUBETA\\nKuzwa mu 1844 Klistu, mbuli Mubetesi, wali kulanga-langa zilembedwe amuntu omwe-omwe kuzyiba uyakuba akatikabaya kufutulwa Jesu naboola. Mbuli Mubetesi, Jesu \"Ulazimaanya\" zinyonyoono zyoonse zyabaluleme kuzwa kumalembo aakujulu abuumi bwabo (Ncito 3:19).\\nIzina lyako lyaakuletwa mulubeta, ciya kuubauba kulanga zilembedwe zyabuumi bwako, kuti naa wakamutambula Klistu. Lubeta lwabaluleme lwaakumana, Jesu ulaboola munyika kubapa bulumbu (Cizubuluzyo 22:12-14).\\nSena ulilibambide kuti Jesu aboole? Antela kuli ncooli kusisa kuzwa kuli nguwe?\\n\"Sena ulijisi kuswaangana kwaantangalala akwakusyomeka ayooyo usyomeka akululama alimwi uyakulekelela zinyonyoono zyesu akutusalazya kutalulama kwesu koonse.\" - 1 Johane 1:9.\\nKulilekelela caamba buyo kuzumina zinyonyoono zyesu, kutambula lulekelelo lwa Leza, akuzyiba mbotuyandika nguzu aluse lwakwe.\\nNaakali kuswaya ntolongo ku Polisidamu Mwami Fulediliki Wilyamu wakutaanguna wakaswiilizya kulomba kulekelelwa kunji. Boonse bakali muntolongo bakalumbila kuti babetesi ibakali kusalulula, bakamboni ibakali babeji, antela baiminizi baba similandu ibatakali kulangisisya twaambo twamasimpe atwakubeja mbibakacita kuti banjile muntolongo. Kuzwa kung'anda yantolongo imwi kuya kuli imwi, kaambo nkakona kakujaninwa kaambo mukulubizya kakazumanana.\\nPele mung'anda yantolongo yomwe iwakaangidwe taakajisi cakwaamba. Mukukankamana, mwami Fulediliki Wilyamu wakasabuzya, \"Ndiyeeya kuti awebo unyina mulandu.\"\\n\"Peepe omwami,\" wakaingula mwaalumi, \"Ndijisi mulandu alimwi cisubulo ncondajana cilindeelede.\" Mwami waka cenguluka kuli sikugatela akoompolola, boola wangulule ooyu utasyomeki kufwambaana, katana bisya bantu aaba batakwe mulandu.\"\\nMbuti mbotulibambila lubeta? Mbuti mbotulibambila kuboola kwa Klistu? Kwiinda buyo mukusyomeka kulilekelela kwakasimpe: Ndileleede cisubulo calufu akaambo kazinyonyoono zyangu, pele umwi watola lubazu lwangu akundipa kulekelewa kukankamanisya. Kosyomezya lino kuti kukabe buti uyakuzumanana kuswaangana a Klistu liso-a-liso cakusyomeka amoyo-a-muuya cakusyomeka.\\nKumamanino amyaka iili zyuulu zyobile amyaka myaanda yotatwe (2,300) \"tempele liya kusalazigwa.\" Mvwiki makumi aali ciloba kuziindulula ziindi ciloba (70 x 7) tujana myaka iili myaanda yone amyaka ihuka (490), \"kukosolwa\" kubantu baJuuda. Myaanda yone amakumi osanwe aciloba (457) Jesu katana zyalwa makumi obilo aciloba (27) Jesu kazyedwe kale makumi otatwe mulimwi (31) Jesu kazyedwe kale makumi otatwe aone (34) Jesu kazyedwe kale 1844 mvwiki ciloba antela myaka ciloba.","num_words":1830,"character_repetition_ratio":0.051,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulenga naa Kusanduka?—Cibeela 4: Ino Mbuti Mbondikonzya Kupandulula Nzyondisyoma Kujatikizya Kulenga? | Bakubusi Balabuzya\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bulgarian Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch English Estonian Ewe Fijian Finnish French Georgian German Greek Haitian Creole Hebrew Hiligaynon Hindi Hungarian Icelandic Iloko Indonesian Italian Japanese Kikaonde Kinyarwanda Kirghiz Korean Latvian Lingala Lithuanian Macedonian Malagasy Malay Malayalam Maltese Mongolian Myanmar Norwegian Papiamento (Curaçao) Persian Polish Portuguese Punjabi Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Sinhala Slovak Slovenian Spanish Swahili Swedish Tagalog Tamil Tatar Telugu Thai Tsonga Turkish Turkmen Tzeltal Ukrainian Vietnamese Xhosa Yoruba Zulu\\nMulasyoma kuti zintu zyakalengwa buya, pele kucikolo tamwaangulukide kwaambila bamwi makani aaya. Ambweni mabbuku ngomubelesya asumpula njiisyo yakusanduka alimwi mulalibilika kuti bayi alimwi basicikolonyoko balakonzya kumufwubaazya. Ino mbuti mbomukonzya kwaambaula cabusicamba akupandulula nzyomusyoma kujatikizya kulenga?\\nZibelesyo izikonzya kumugwasya kupandulula nzyomusyoma\\nMulakonzya kulitenga akwaamba kuti: ‘Inga tiindacikonzya kubandika makani aasayaansi alimwi akusanduka.’ Oobu mbwaakalimvwa Danielle aciindi cimwi. Wakaamba kuti: “Tiindakali kulimvwa kabotu kukazyanya abayi bangu alimwi abasicikoloma.” Awalo Diana ulazuminizya naamba kuti, “Cakali kundinyonganya ciindi nobakali kukazyanya kubelesya mabala aamusayaansi.”\\nNokuba boobo, makanze aanu taali aakuzunda beenzinyoko. Cikkomanisya ncakuti tamweelede kuba basyaabusongo musayaansi kutegwa mupandulwide bamwi ikaambo ncomusyoma kuti zintu zyakalengwa buya.\\nMuzeezo: Amubelesye bupanduluzi butakatazyi ibujanika mu Bbaibbele mulugwalo lwa Bahebrayo 3:4 lwakuti: “Iŋanda iili yoonse kuli wakaiyaka, pele ooyo wakapanga zintu zyoonse ngu Leza.”\\nMukubusi musimbi wazina lya Carol mboobu mbwalupandulula lugwalo lwa Bahebrayo 3:4: “Amweezyeezye kuti muleenda musyokwe muli zisamu zinji. Musyokwe oomu kunyina citondezya kuti kuli bantu. Mpoonya nomwalanga aansi mwabona kasanga kakulidokonozya mumenyo kakuula. Ino inga mwaamba nzi? Bantu banji balakonzya kwaamba kuti, ‘Kuli muntu wakaliko mubusena obuno.’ Aboobo ikuti kantu kaniini pe mbuli kasanga kalapa bumboni bwakuti kuli muntu musongo, ino mbuti kujatikizya bubumbo alimwi azintu zyoonse izili mumo?”\\nKuti umwi waamba kuti: “Ikuti makani aakuti zintu zyakalengwa buya ngamasimpe, ino nguni wakalenga Mulengi?”\\nMulakonzya kwaamba kuti: “Ikutazyiba makani oonse kujatikizya Mulengi tacaambi kuti kunyina Mulengi pe. Mucikozyanyo, ambweni kunyina makani ngomuzyi kujatikizya muntu wakapanga fooni yanu, pele mulasyoma kuti kuli wakaipanga, tee kayi? [Amulindile bwiinguzi.] “Kuli zintu zinji nzyotukonzya kuzyiba kujatikizya Mulengi. Ikuti kamuyandisisya kuzyiba zinji, inga ndakkomana kubandika andinywe nzyondaiya kujatikizya nguwe.”\\nIbbaibbele lyaamba kuti mweelede kuti “kamulibambilide lyoonse kuliiminina kumuntu uuli woonse uukonzya kumubuzya kaambo kajatikizya bulangizi mbomujisi, pele amucite boobo amoyo mubombe alimwi abulemu kapati.” (1 Petro 3:​15) Aboobo, amubikkile maano twaambo ootu tobilo​—nzyomwaamba alimwi ambomuzyaamba.\\nNzyomwaamba. Luyando ndomujisi kuli Leza lulayandika kapati alimwi lulakonzya kumupa nguzu zyakwaamba nzyomuzyi. Pele ikwaambila buyo bamwi mbomumuyanda Leza takuzulide pe kutegwa mubazule bamwi kuti Leza ngonguwe wakalenga zintu zyoonse. Cilakonzya kugwasya kubelesya zikozyanyo kuzwa kuzilenge kutegwa mutondezye ikaambo ncoceelela kusyoma kuti zintu zyakalengwa buya.\\nMbomuzyaamba. Amusinizye, pele mutaambi cabukali naa cakunyansya. Bantu balalangilwa kubikkila maano zintu nzyomwaamba ikuti mwaamba cabulemu kujatikizya nzyobasyoma alimwi akutondezya kuti balaangulukide kutobela nzyobayanda.\\n“Ndisyoma kuti taciyandiki kubelesya majwi aasampaula naa kulisumpula kuti ujisi luzyibo lunji. Tacikonzyi kugwasya kwaambaula munzila iitatondezyi bulemu kuli bamwi.”​—Elaine.\\nKulibambila kwiiminina nzyomusyoma cili mbuli kulibambila kucinca kukonzya kuba kujatikizya mbokutiice\\nMukubusi wazina lya Alicia waamba kuti: “Kuti katutalibambilide, inga tuumuna buyo kutegwa tutafwubaazyigwi.” Mbuli mbwaamba Alicia, kulibambila ncintu ciyandika kutegwa tuzwidilile. Jenna waamba kuti, “Inga ndilaanguluka kubandika makani aakulenga ikuti kandijisi cikozyanyo citakatazyi kumvwisya pele ncondakalibambila kabotu kutondezya nzyondisyoma.”\\nIno nkuli nkomukonzya kujana zikozyanyo zili boobu? Bakubusi banji bazwidilila akaambo kakubelesya zyakumwaya eezyi:\\nThe Wonders of Creation Reveal God’s Glory (vidiyo)\\nZibalo zyakuti “Sena Cakalengwa Buya?” izili mumagazini ya Sinsimuka! (Amulembe mabala aakuti “sena cakalengwa buya” [kubikkilizya ama quotation marks] mucibeela cakulembela bbala njomuvwuntauzya mu LAIBBULALI YAA INTANETI ya Watchtower.)\\nAmubelesye LAIBBULALI YAA INTANETI ya Watchtower kutegwa muvwuntauzye zinji.\\nAlimwi mulakonzya kugwasyigwa kwiinda mukulanga-langa zibalo zitobelene izyakamwaigwa izyakuti, “Kulenga naa Kusanduka?”\\nCibeela 1: Nkaambo Nzi Ncondisyoma Muli Leza?\\nCibeela 2: Nkaambo Nzi Ncomweelede Kwaadooneka Makani Aakusanduka?\\nCibeela 3: Nkaambo Nzi Ncomweelede Kusyoma Mukulenga?\\nMuzeezo: Amusale zikozyanyo izimupa kusyoma. Zikozyanyo eezyo tazikamukatazyi kuziyeeya, alimwi muyakwaamba kujatikizya nzizyo calusinizyo. Amusole kucita zitondezyo kujatikizya mbomuyoopandulula nzyomusyoma.\\n“Ikuti naa twakasanduka buya, nkaambo nzi ncotujisi bube mbuli luzyalo aluyando? Bube oobo bumupa kubabikkila maano bamwi muciindi cakulibikkila buyo maano nobeni. Mebo ndibona kuti tacili camaano ikwaamba kuti bube ibuli boobu bwakalitalikila buyo bulikke.”​—Brittany.\\n“Ciindi nondakali kwiiya biology, ndakaiya mbwaapangidwe maseelo eesu alimwi ambwaabeleka. Nokuba kuti lwiiyo lwa biology lwakali kusumpula njiisyo yakusanduka, nzyondakaiya zyakandipa kusinizya kuti twakapangwa asikupanga musongo.”​—Breanna.\\nKusanduka naa kulenga Sayaansi alimwi a Bbaibbele\\nSyaazibwene Mulwiiyo Lwazilenge Ulaamba Mbwaakatalika Kusyoma Muli Leza\\nAmubale muzyibe kaambo umwi syaabusongo mumakani aasayaansi mbwaakacinca kujatikizya mbwaakali kulibona Bbaibbele, kusanduka kwazyintu, alimwi amatalikilo aabuumi.","num_words":712,"character_repetition_ratio":0.053,"word_repetition_ratio":0.0,"special_characters_ratio":0.145,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Nyika Iyoonyonyoonwa?\\nAMUBALE MU Abkhaz Afrikaans Albanian Amharic Arabic Armenian Azerbaijani Baoule Bashkir Batak (Toba) Bislama Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Cibemba Colombian Sign Language Croatian Czech Danish Dutch English Estonian Ewe Faroese Fijian Finnish Fon French Georgian German Greek Gun Haitian Creole Hebrew Hiligaynon Hindi Hmong (White) Hungarian Iban Icelandic Iloko Indonesian Italian Italian Sign Language Japanese Kazakh Kikaonde Kinyarwanda Kirghiz Kiribati Kirundi Korean Kwanyama Lingala Lithuanian Luganda Malay Malayalam Maltese Mambwe-Lungu Mongolian Moore Myanmar Ndau Ndebele (Zimbabwe) Nepali Norwegian Nzema Ossetian Pangasinan Pennsylvania German Persian Polish Portuguese Portuguese (Portugal) Romanian Russian Sango Serbian (Cyrillic) Serbian (Roman) Setswana Seychelles Creole Shona Sinhala Slovak Slovenian Spanish Sunda Swahili Swedish Tagalog Tatar Telugu Tetun Dili Thai Tigrinya Turkish Twi Tzotzil Ukrainian Urhobo Uruund Uzbek Venda Vietnamese Welsh Yoruba Zulu\\nPeepe, nyika kunyina noiyoonyonyoonwa, kuumpwa, naa kunjililwa mubusena anyika iimbi. Bbaibbele liyiisya kuti Leza wakalenga nyika kutegwa kaikkalwa bantu mane kukabe kutamani.\\n“Balulami bayookona nyika, alimwi bayookkala alinjiyo lyoonse mane kukabe kutamani.”​—Intembauzyo 37:29.\\n“[Leza] wakkazikizya nyika antalisyo zyanjiyo ziyumu; kunyina noiyoogwisyigwa abusena bwanjiyo lyoonse alyoonse, mane kukabe kutamani.”​—Intembauzyo 104:5.\\n“Nyika inooliko lyoonse mane kukabe kutamani.”​—Mukambausi 1:4.\\n“Ooyo wakabumba nyika, iwakaipanga akwiikkazikizya, ooyo watakailenga buyo kakunyina kaambo, pele iwakaibumba kutegwa kaikkalwa bantu.”​—Isaya 45:18.\\nSena bantu bayooinyonyoona nyika eeyi?\\nLeza kunyina naaceya nayoolekela bantu kuti bainyonyoone nyika cakumaninina kwiinda mukwiisofwaazya, munkondo naa munzila iili yoonse. Muciindi caboobo, ‘uyoobanyonyoona aabo banyonyoona nyika.’ (Ciyubunuzyo 11:18). Ino mbuti mbwayoocita oobo?\\nLeza uyoopa kuti, Bwami bwakujulu bukanjile mubusena bwamfwulumende zyabantu zyalo izyaalilwa kukwabilila nyika. (Daniele 2:​44; Matayo 6:​9, 10). Bwami oobo bunooyendelezyegwa a Mwana wa Leza, Jesu Kristo. (Isaya 9:​6, 7). Naakali anyika, Jesu wakatondezya nguzu zyakwe camaleele kuzilengwaleza. (Marko 4:​35-​41). Mbuli Mwami wa Bwami bwa Leza, Jesu uyoozyeendelezya cakumaninina zyoonse zili anyika. Inzya uyoozibambulula zintu anyika, akupa kuti zibe mbuli mbozyakabede mumuunda wa Edeni.​—Matayo 19:28; Luka 23:43.\\nSena Bbaibbele talyaambi kuti nyika iyakuumpwa amulilo?\\nPeepe, talyaambi oobo pe. Kuyeeya kuli boobu kutaluzi nkokuli akaambo kakutamvwisya lugwalo lwa 2 Petro 3:7, ilwaamba kuti: “Majulu alimwi anyika ziliko lino zyabambilwa mulilo.” Amubone twaambo tobilo tuyandika kapati mbotugwasya kwaamvwisya makani aaya:\\nBbaibbele lilaabelesya mabala akuti “majulu,” “nyika” alimwi “amulilo” munzila ziindene-indene. Mucikozyanyo, lugwalo lwa Matalikilo 11:1 lwaamba kuti: “Lino nyika yoonse yakajisi mwaambo omwe.” Aawa “nyika” yaambwa mbantu.\\nMakani aayeengelede lugwalo lwa 2 Petro 3:7 alatondezya ncaamba majulu, nyika alimwi amulilo. Tupango 5 a 6 tutondezya kukozyanya kuliko amakani aa Zambangulwe lyakumazuba aa Nowa. Nyika yakuciindi eeciya yakanyonyoonwa a Zambangulwe, mbantu babyaabi, kutali nyika bulongo motukkala. (Matalikilo 6:11) Kunze lyaboobo, lyakanyonyoona “amajulu,” nkokuti bantu bakali kweendelezya. Aboobo, bantu babyaabi mbabakanyonyoonwa, kutali nyika bulongo. Nowa amukwasyi wakwe bakafwutuka lunyonyooko lwanyika iilya alimwi bakazumanana kukkala munyika nolyakainda Zambangulwe.​—Matalikilo 8:​15-​18.\\nMbubwenya mbuli Zambangulwe, ilunyonyooko naa “mulilo” waambidwe ku 2 Petro 3:7 uyoonyonyoona nyika nkokuti bantu babyaabi kutali nyika motukkala. Leza usyomezya “majulu mapya anyika mpya” mwalo ‘imuyooba bululami.’ (2 Petro 3:​13) “Nyika mpya” naa ciinga cabantu cipya ciyakweendelezyegwa ‘amajulu mapya’ naa bweendelezi bupya nkokuti Bwami bwa Leza. Mubweendelezi bwa Bwami oobu, nyika iyooba paradaiso yaluumuno.​—Ciyubunuzyo 21:​1-4\\nIno citondezyo ‘camazuba aamamanino,’ naa ‘kuciindi cakumamanino’ ninzi”?\\nBbaibbele lilaamba zintu naa bukkale ibweelede kucitika katanasika “mamanino aanyika.”\\nIno Mwami wa Bwami bwa Leza nguni, alimwi ino Bwami buyoozuzikizya nzi?\\nIno Nyika Iyoomana Lili?","num_words":497,"character_repetition_ratio":0.048,"word_repetition_ratio":0.0,"special_characters_ratio":0.184,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amubagwasye Bana Banu Kuba ‘Basongo Kutegwa Bakafwutuke’ | Yakwiiya\\nNgazi Yamulindizi—Yakwiiya | December 2017\\nAMUBALE MU Afrikaans Albanian Alur American Sign Language Amharic Amis Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Bengali Bicol Bolivian Sign Language Boulou Brazilian Sign Language British Sign Language Bulgarian Catalan Cebuano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Colombian Sign Language Croatian Cuban Sign Language Czech Czech Sign Language Dangme Danish Digor Douala Dutch Ecuadorian Sign Language Edo Efik English Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Greek Greek Sign Language Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kannada Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Luganda Lunda Luo Luvale Macedonian Malagasy Malawi Sign Language Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mexican Sign Language Mingrelian Mixe (North Central) Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nigerian Pidgin Norwegian Nzema Okpe Oromo Ossetian Otetela Pangasinan Papiamento (Curaçao) Paraguayan Sign Language Persian Peruvian Sign Language Pidgin (Cameroon) Polish Polish Sign Language Ponapean Portuguese Portuguese Sign Language Punjabi Quebec Sign Language Quechua (Ancash) Quechua (Bolivia) Romanian Romanian Sign Language Russian Russian Sign Language Samoan Sango Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Venda Venezuelan Sign Language Vietnamese Waray-Waray Wolaita Xhosa Yoruba Zande Zapotec (Isthmus) Zimbabwe Sign Language Zulu\\nNobazyali​—Amubagwasye Bana Banu Kuba ‘Basongo Kutegwa Bakafwutuke’\\n“Kuzwa kubuvwanda ulaazyi malembe aasalala, aayo aakonzya kukupa kuti ube musongo kutegwa ukafwutuke.”—2TIM. 3:15.\\nNYIMBO: 141, 134\\nINO CAAMBA NZI . . .\\nkuzyiba malembe aasalala?\\nkuba musongo kutegwa ukafwutuke?\\n1, 2. Ino bazyali bamwi inga balibilika nzi ciindi bana babo nobayanda kubweza ntaamu yakulyaaba akubbapatizyigwa?\\nMWAKA AMWAKA bantu banji ibaiya Bbaibbele balalyaaba kuli Jehova akubbapatizyigwa. Bunji bwabo mbakubusi ibakakomezyegwa mukasimpe alimwi ibakasala kupona buumi bubotu kwiinda. (Int. 1: 1-3) Ikuti kamuli muzyali Munakristo, tacidoonekwi kuti mulabulangila buzuba ciindi mwanaanu nayoobbapatizyigwa.—Amweezyanisye 3 Johane 4.\\n2 Nokuba boobo, ambweni kuli zintu nzyomulibilika. Andiza mwakabona bakubusi bamwi ibakabbapatizyigwa pele mukuya kwaciindi bakatalika kudooneka busongo bujanwa kwiinda mukupona kweelana azyeelelo zya Leza. Mane buya bamwi bakakasiya kasimpe. Aboobo, ambweni mulalibilika kuti mwanaanu kumatalikilo uyootobela nzila ya Bunakristo pele kumbele akacince maano akululeka luyando ndwaakajisi kujatikizya kasimpe. Ulakonzya kuba mbuli baabo ibakali mumbungano yamumwaanda wamyaka wakusaanguna mu Efeso yalo Jesu njaakaambila kuti: “Waleka kutondezya luyando ndowakajisi kumatalikilo.” (Ciy. 2:4) Ino inga mwacita buti kutegwa cintu cili boobo citacitiki akugwasya mwanaanu kutegwa ‘akomene mane kulufwutuko’? (1Pet. 2:2) Kutegwa tujane bwiinguzi, atulange-lange cikozyanyo ca Timoteyo.\\n“ULAAZYI MALEMBE AASALALA”\\n3. (a) Ino Timoteyo wakaba buti Munakristo, alimwi ino mbuti mbwaakazitambula njiisyo zya Bunakristo? (b) Ino nimbazu nzi zyotatwe zyakwiiya Paulo nzyaakaambila Timoteyo kubikkila maano?\\n3 Kulibonya kuti Timoteyo wakabuzyiba Bunakristo mu 47 C.E., ciindi mwaapostolo Paulo naakali kuswaya Lustro ciindi cakusaanguna. Nokuba kuti Timoteyo aciindi eeco kulibonya kuti wakacili mukubusi, weelede kuti wakali kuzibelesya nzyaakali kwiiya. Myaka yobilo yakatobela wakatalika kweenda a Paulo. Nokwakainda myaka iili 16, Paulo wakalembela Timoteyo kuti: “Kozumanana kuzitobela zintu nzyookayiisyigwa alimwi nzyookagwasyigwa kusyoma camoyo woonse, nkaambo ulibazyi aabo ibakakuyiisya nzizyo akuti kuzwa kubuvwanda ulaazyi malembe aasalala [Magwalo aa Chihebrayo], aayo aakonzya kukupa kuti ube musongo kutegwa ukafwutuke kwiinda mulusyomo muli Kristo Jesu.” (2Tim. 3:14, 15) Amubone kuti Paulo wakaamba kujatikizya (1) kuzyiba malembe aasalala, (2) kugwasyigwa kusyoma zintu nzyaakaiya, alimwi (3) kuba musongo kutegwa akafwutuke kwiinda mulusyomo muli Kristo Jesu.\\n4. Ino nzibelesyo nzi nzyomwajana kuti zilagwasya kapati nomuyiisya bana banu ibacili baniini? (Amubone cifwanikiso icili kumatalikilo aacibalo.)\\n4 Mbuli muzyali Munakristo, muyanda kuti mwanaanu azyibe malembe aasalala, aayo mazuba aano aabikkilizya Magwalo aa Chihebrayo alimwi a Magwalo aa Bunakristo aa Chigriki. Kweelana aumwi mwana mbwakonzya, nobaba bana baniini kapati balakonzya kuba aluzyibo lwabantu alimwi azintu zyaambidwe mu Bbaibbele. Mbunga ya Jehova yatupa zibelesyo zinji bazyali nzyobakonzya kubelesya kutegwa babagwasye bana babo. Sena kuli nzyomukonzya kuyeeya iziliko mumwaambo wanu? Amuyeeye kuti, kuba aluzyibo lwamu Magwalo mpaayeeme cilongwe ciyumu a Jehova.\\n5. (a) Ino ‘kugwasyigwa kusyoma’ caamba nzi? (b) Ino tuzyiba buti kuti Timoteyo wakagwasyigwa kusyoma makani mabotu kujatikizya Jesu?\\n5 Luzyibo lwamalembe aasalala lulayandika kapati. Nokuba boobo, nzinji zijatikizyidwe mukuyiisya bana zintu zyakumuuya kwiinda kwiile kubayiisya kuzyiba bantu azintu izyakacitika izyaambidwe mu Bbaibbele. Timoteyo alimwi ‘wakagwasyigwa kusyoma.’ Mumwaambo wakusaanguna, majwi aayo aamba “kuba masimpe kujatikizya cintu cimwi” naa “kusinizya kuti cintu cimwi ncamasimpe.” Timoteyo wakayiisyigwa Magwalo aa Chihebrayo kuzwa kubuvwanda. Pele aciindi cimwi wakasinizya kwiinda mubumboni bulimvwisya bwakuti Jesu wakali Mesiya. Munzila imwi, luzyibo lwakwe lwakakomena kwiinda mukusinizya. Mubwini, lusyomo lwa Timoteyo kujatikizya makani mabotu lwakali luyumu kapati cakuti wakaba sikwiiya uubbapatizyidwe akusangana Paulo mumulimo wabumisyinali.\\n6. Ino mbuti mbomukonzya kugwasya bana banu kugwasyigwa kusyoma nzyobaiya kuzwa mu Jwi lya Leza?\\n6 Ino mbuti mbomukonzya kugwasya kuti bana banu babe alusinizyo kutegwa bagwasyigwe kusyoma mbubwenya mbuli Timoteyo? Cakusaanguna, amukkazike moyo. Lusyomo talubooli-booli buyo; talukonzyi kuzwa kulindinywe akuunka kubana banu akaambo kakuti nywebo mwakagwasyigwa kusyoma. Mwana umwi aumwi weelede “kubelesya maano” kutegwa abe alusyomo kujatikizya kasimpe kamu Bbaibbele. (Amubale Baroma 12:1.) Nywebo mbuli bazyali mulijisi mukuli mupati mumbazu eeyi, kwaambisya ciindi bana banu nobabuzya mibuzyo. Atulange-lange cikozyanyo.\\n7, 8. (a) Ino mbuti usyi umwi Munakristo mbwatondezya kukkazika moyo ciindi nayiisya mwanaakwe musimbi? (b) Ino mbuti andinywe mbomwajana kuti cilayandika kutondezya kukkazika moyo kuli boobo?\\n7 Ba Thomas, ibajisi mwana musimbi uujisi myaka iili 11 bakaamba kuti: “Mwanaangu inga ulandibuzya kuti, ‘Sena Jehova wakabelesya nzila yakusanduka kwazintu ikutalisya buumi aanyika?’ naa, ‘Ino nkaambo nzi ncotutatoli lubazu mumakani aacitika mucilawo, mucikozyanyo mukusala beendelezi bamfwulumende, kutegwa tusoleke kupa kuti zintu zibote?’ Zimwi ziindi inga ndiyandika kulilesya buya kutegwa nditamwaambili nzyayelede kusyoma. Kayi, icipa kuti muntu asyome takali kasimpe komwe buyo pe. Pele ntubeela-beela tunji itupa bumboni.”\\n8 Kweelana ambobazyi ba Thomas, kuyiisya kuyandika kukkazika moyo. Alimwi buya, kukkazika moyo kulayandika ku Banakristo boonse. (Kol. 3:12) Ba Thomas balizyi kuti inga kwayandika mibandi minji kwaciindi cili mbocibede. Beelede kumugwasya kwaamvwisya Magwalo kutegwa mwanaabo musimbi asinizye kujatikizya nzyaiya. Ba Thomas bakaamba kuti: “Mebo abakaintu bangu tulayanda kuzyiba naa mwaneesu musimbi ulazisyoma ncobeni nzyaiya alimwi akuti naa zilalimvwisya kulinguwe. Ikuti kajisi mibuzyo, cili buyo kabotu. Ikwaamba masimpe, nondali kulibilika ikuti naali kuzumina cintu cimwi kakunyina kubuzya mibuzyo.”\\n9. Ino mbuti mbomukonzya kuyiisya bana banu Jwi lya Leza?\\n9 Kwiinda mukuyiisya cakukkazika moyo kwabazyali babo, bana asyoonto-syoonto bayootalika kumvwisya “bwamba, bulamfwu, bulamfwu bwakuya mujulu alimwi abulamfwu bwakuyaansi” bwalusyomo. (Ef. 3:18) Tulakonzya kulanga-langa ceeco iceelela kweelana amyaka yabo alimwi anzyobakonzya kwiiya. Mbobayaabusinizya zintu nzyobaiya, bayoozumanana kwiiminina nzyobasyoma kuli bamwi, kubikkilizya abasicikolonyina. (1Pet. 3:15) Mucikozyanyo, sena bana banu balakonzya kupandulula ncolyaamba Bbaibbele kujatikizya icicitika kuti muntu wafwa? Sena bupanduluzi mbolipa Bbaibbele bulalimvwisya kulimbabo? * Masimpe, kuyiisya bana banu Jwi lya Leza kuyandika kukkazika moyo, pele cilagwasya kusolekesya.—Dt. 6:6, 7.\\n10. Ino ncinzi ceelede kuba cintu ciyandika kapati mukuyiisya kwanu?\\n10 Pele, cikozyanyo canu acalo cilayandika kapati caboola kukupa kuti babe alusyomo. Ba Stephanie, ibajisi bana basimbi botatwe, baamba boobu: “Kuzwa ciindi bana bangu nobakacili baniini, ndakali kulibuzya kuti, ‘Sena ndilabaambila bana bangu kujatikizya kaambo mebo ncondisinizyide kujatikizya kubako kwa Jehova, luyando lwakwe, alimwi anzila zyakwe ziluzi? Sena cakutadooneka bana bangu balakonzya kubona kuti mebo ndilamuyanda ncobeni Jehova?’ Tandikonzyi kulangila kuti bana bangu balagwasyigwa ccita kuti mebo ndakagwasyigwa.”\\n“UBE MUSONGO KUTEGWA UKAFWUTUKE”\\n11, 12. Ino busongo ninzi, alimwi nkaambo nzi ncotukonzya kwaamba kuti tabuyeeme buyo aciimo camuntu?\\n11 Kweelana ambotwabona, Timoteyo wakajisi (1) luzyibo lujatikizya Magwalo alimwi (2) wakasinizya kujatikizya zintu nzyaakali kusyoma. Pele ino ncinzi Paulo ncaakali kupandulula kwiinda mukwaamba kuti malembe aasalala akali kukonzya kupa Timoteyo kuti ‘abe musongo kutegwa akafwutuke’?\\n12 Ibbuku lya Insight on the Scriptures, Volyumu 2, lipandulula kuti mu Bbaibbele, busongo bubikkilizya “nguzu zyakubelesya luzyibo alimwi akumvwisya cakuzwidilila kutegwa mumane penzi, mweelebe ntenda, musike ambaakani imwi naa kutegwa mukonzye kupa lulayo lweelede. Busongo buliindene abufwubafwuba.” Ibbaibbele lyaamba kuti “bufwubafwuba bulaangidwe mumoyo wamwana.” (Tus. 22:15) Aboobo cileelela kuti, busongo—oobo ibwiindene abufwubafwuba—mbumwi bwabumboni ibutondezya kusima. Kusima kumuuya takuyeeme buyo aciimo camuntu pe, pele kulalibonya kwiinda mukuyoowa kwini-kwini muntu nkwajisi kuli Jehova alimwi ambwalibambilide kutobela milawo yakwe.—Amubale Intembauzyo 111:10.\\n13. Ino mbuti mukubusi mbwakonzya kutondezya kuti ulijisi busongo kutegwa akafwutuke?\\n13 Bakubusi ibasimide kumuuya kunyina ‘nobaibaulwa amayuwe akupepululwa’ azisusi zyabo naa kuyungwa abeenzinyina. (Ef. 4:14) Muciindi caboobo, bayaambele kwiinda ‘mukubelesya maano aabo aayiisyidwe kwaandaanya ciluzi acitaluzi.’ (Heb. 5:14) Batondezya kuti bayaambele kutegwa basime kwiinda mukusala cabusongo—noliba leelyo bazyali babo naa bapati bamwi nobatako. (Flp. 2:12) Busongo ibuli boobo bulayandika kutegwa bakafwutuke. (Amubale Tusimpi 24:14.) Ino mbuti mbomukonzya kubagwasya bana banu kutegwa babujane? Cakusaanguna, amubone kuti mwabaambila bana banu cakusalazya zyeelelo zyanu zyamu Bbaibbele. Kwiinda mumajwi aanu alimwi acikozyanyo canu, amubazyibye bana banu kuti zyeelelo zyamu Jwi lya Leza nzyezyeelelo zyanu andinywe.—Rom. 2:21-23.\\nIno nkaambo nzi kuzumanana kusolekesya ncokuyandika kapati kumuzyali? (Amubone muncali 14-18)\\n14, 15. (a) Ino nzintu nzi nzyayelede kulanga-langa mwana uujisi makanze akubbapatizyigwa? (b) Ino mbuti mbomukonzya kubagwasya bana banu kulanga-langa zilongezyo ziboola akaambo kakumvwida milawo ya Leza?\\n14 Nokuba boobo, nzinji zibikkilizyidwe kunze buyo akubaambila ciluzi acitaluzi bana banu. Alimwi inga cabota kubagwasya kulanga-langa mibuzyo mbuli bwayeeyi: ‘Ino nkaambo nzi Bbaibbele ncolikasya zintu zilibonya mbuli kuti zili kabotu? Ino ncinzi cindipa kusyoma kuti zyeelelo zyamu Bbaibbele zinoondigwasya lyoonse?’—Is. 48:17, 18.\\n15 Mwana iwatondezya luyando lwakubbapatizyigwa weelede kugwasyigwa kulanga-langa mbazu aimwi—mbwalimvwa kujatikizya mikuli iboola akaambo kakuba Munakristo. Ino mbubotu nzi buliko? Ino mbuyumuyumu nzi mbwakonzya kujana? Ino bubotu mbunji buti kwiinda buyumuyumu? (Mk. 10:29, 30) Eezyi nzyezintu nzyalangilwa kuyaanya umwi amana kubbapatizyigwa. Aboobo, cilayandika kapati kuziyeeya zintu eezyi katanabweza ntaamu eeyi iyandika kapati. Ciindi bana nobagwasyigwa kuzilanga-langa cakubikkila maano zilongezyo ziboola akaambo kakumvwida alimwi abubi buboola akaambo kakutamvwida, balalangilwa kutalika kusyoma. Kusyoma nzi? Bayoosyoma kuti zyeelelo zyamu Bbaibbele zinoobagwasya lyoonse.—Dt. 30:19, 20.\\nCIINDI MUKUBUSI UUBBAPATIZYIDWE NAJANA BUYUMUYUMU\\n16. Ino ncinzi bazyali ncobeelede kulanga-langa ikuti naa mwana uubbapatizyidwe kale watalika kuzidooneka nzyasyoma?\\n16 Pele ino ncinzi ncomweelede kucita ikuti naa mwanaanu watalika kuzidooneka zintu zimwi aciindi cimwi naamana kubbapatizyigwa? Mucikozyanyo, mukubusi uubbapatizyidwe ulakonzya kulibonya kuyandisisya zintu zyamunyika eeyi naa ambweni inga watalika kudooneka naa cilagwasya kupona kweelana anjiisyo zyamu Bbaibbele. (Int. 73:1-3, 12, 13) Mbomuli muzyali, amuzyibe kuti nzila mbomukulanganya kudooneka kuli boobo ikujatikizya mwanaanu, kulakonzya kupa kuti azumanane kukwelelezyegwa kulusyomo lwanu naa kumutantamuna buya. Amubone kuti tiimwatalika kumulwana mwanaanu kujatikizya twaambo ootu, kufwumbwa naa ucili muniini naa lino mukubusi buya. Mbaakani yanu yeelede kuba yakupa lugwasyo munzila yaluyando alimwi akumugwasya kutegwa azunde.\\n17, 18. Ikuti mukubusi kadooneka, ino mbuti bazyali mbobakonzya kumugwasya?\\n17 Masimpe ngakuti, mukubusi uubbapatizyidwe wakalyaaba camoyo woonse kuli Jehova. Kulyaaba ooko ncisyomezyo cakuyanda Leza alimwi akubikka kuyanda kwakwe mubusena bwakusaanguna kwiinda zintu zyoonse. (Amubale Marko 12:30.) Jehova tacuubyi-ubyi cisyomezyo eeco, alimwi naba yooyo iwakasyomezya tayelede kucuubya-ubya naaceya pe. (Muk. 5:4, 5) Aciindi ceelede alimwi caluyando, amumuyeezye mwanaanu twaambo ooto twamasimpe. Nokuba boobo, kamutanacita oobo, amulubelesye kabotu lulayo lupegwa ambunga ya Jehova kubazyali. Kuti mwacita boobo cilakonzya kupa kuti mube antalisyo mbotu yakukankaizya mbwaali mapati makani aakulyaaba kuli Jehova azilongezyo ziboola alimwi akuba Munakristo uubbapatizyidwe.\\n18 Mucikozyanyo, lulayo lugwasya lulakonzya kujanwa mucibeela cabupanduluzi buyungizyidwe cijisi mutwe wakuti “Questions Parents Ask,” kumamanino aabbuku lyakuti Questions Young People Ask—Answers That Work, Volume 1. Caamba kuti: “Tamweelede kubinda ikwaamba kuti mwanaanu walukaka lusyomo lwanu. Kanji-kanji, inga kuli kaambo kaliko.” Ambweni nkuyungwa abalongwe. Atumbi twaambo itulangilwa kuti ntotupa kuti cibe boobo ambweni nkulendelelwa naa kulimvwa kuti bakubusi bamwi Banakristo bacita kabotu kumuuya. Cibeela cabupanduluzi buyungizyidwe cilazumanana kwaamba kuti, “Mubwini twaambo ituli boobo taakwe ambotuswaangene anjiisyo zyalusyomo lwanu. Kanji-kanji tujatikizya bukkale bwalo ibupa kuti ciyume kutondezya lusyomo.” Aboobo, cibeela cabupanduluzi buyungizyidwe cilapa nzila zili mbozibede muzyali Munakristo mbwakonzya kugwasya mukubusi uudooneka lusyomo lwakwe.\\n19. Ino mbuti bazyali mbobakonzya kubagwasya bana babo kuti babe ‘basongo kutegwa bakafwutuke’?\\n19 Mbomuli muzyali, mulijisi mukuli mupati—alimwi acoolwe—cakukomezya bana banu “mululayo alwiiyo lwa Jehova.” (Ef. 6:4) Kweelana ambotwabona, kucita boobo tacibikkilizyi buyo kubayiisya ncolyaamba Bbaibbele pele alimwi cibikkilizya kubagwasya kuti bazisyome nzyobaiya. Inzya, beelede kuzisyoma kapati nzyobaiya cakuti ceelede kubapa kulyaaba kuli Jehova alimwi akumubelekela camoyo woonse. Aboobo amulekele Jwi lya Jehova, muuya wakwe alimwi akusolekesya kwanu mbuli muzyali kuti zibagwasye bana banu kuba ‘basongo kutegwa bakafwutuke.’\\n^ munc. 9 Zibeela zigwasya kwiiya zya “Ino Ncinzi Cini Bbaibbele Ncoliyiisya?” nzibelesyo zibotu kapati kugwasya bakubusi alimwi abapati kumvwisya akupandulula kasimpe kamu Bbaibbele. Zilakonzya kujanika a jw.org mumyaambo minji. Amubone aalembedwe kuti NJIISYO ZYAMU BBAIBBELE > ZIBELESYO ZIGWASYA KWIIYA BBAIBBELE.\\n“Ndilizyi Kuti Uyoobuka”\\n“Ndilijisi Bulangizi Kuli Leza”\\nNobakubusi​—“Amuzumanane Kubelekela Lufwutuko Lwanu”\\nMAKANI AABUUMI Kusiya Zintu Zyoonse Akutobela Kristo\\nMulongo Wamitwe Yazibalo mu Ngazi Yamulindizi Yamu 2017\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA December 2017\\nNGAZI YAMULINDIZI—YAKWIIYA December 2017","num_words":2079,"character_repetition_ratio":0.064,"word_repetition_ratio":0.0,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matayo 22 | Bbaibbele lili a Intaneti | Bbaibbele lya Busanduluzi Bwanyika Mpya\\n22 Alimwi Jesu wakabaambila kwiinda muzikozyanyo, wakati: 2 “Bwami bwakujulu inga bwakozyanisyigwa amwami iwakabamba pobwe lyabwiinga+ lyamwanaakwe musankwa. 3 Mpoonya wakatuma bazike bakwe kuyakwiita baabo bakatambidwe kupobwe lyabwiinga, pele tiibakali kuyanda kuboola.+ 4 Alimwi wakatuma bazike abambi akubaambila kuti, ‘Amubaambile aabo batambidwe kuti: “Amubone! Ndabamba cakulya camasyikati, kwajaigwa ŋombe abanyama bangu baneneede, alimwi zintu zyoonse zyabambwa kale. Amuboole kupobwe lyabwiinga.”’ 5 Pele kakunyina kubikkila maano bakaunka kumbi, umwi kumuunda wakwe, umwi kumakwebo aakwe;+ 6 aabo bakacaala, bakajata bazike bakwe akubasampaula kumane bakabajaya. 7 “Mwami wakakalala akutuma basikalumamba bakwe, eelyo bakabanyonyoona bajayi aabo akuumpa munzi wabo.+ 8 Mpoonya wakaambila bazike bakwe kuti, ‘Pobwe lyabwiinga lyabambwa, pele aabo batambidwe tiibali kweelela pe.+ 9 Aboobo kamuya kunzila zizwa mumunzi, mutambe kufwumbwa ngomuyoojana kuti aboole kupobwe lyabwiinga.’+ 10 Aboobo bazike aabo bakaunka mumigwagwa akubabunganya antoomwe boonse aabo mbobakajana, babi ababotu; eelyo ŋanda yabwiinga yakazula bantu aabo ibakali kulya.* 11 “Ciindi mwami naakanjila kuti alingule beenzu, wakabona muntu umwi watakasamide cisani cabwiinga. 12 Aboobo wakamubuzya kuti, ‘Ino musa wanjila buti omuno kotasamide cisani cabwiinga?’ Eelyo wakabula cakwaamba. 13 Lino mwami wakaambila babelesi bakwe kuti, ‘Amumwaange kumaanza akumaulu mumusowele anze mumudima. Ooko nkwayoolilila akulumina ntwino.’ 14 “Mwami wakaita banji pele wakasala buyo basyoonto.” 15 Mpoonya ba Farisi bakaunka akumvwana kutegwa bamujanine kaambo kumajwi aakwe.+ 16 Aboobo bakamutumina basikwiiya babo, antoomwe acipani cabasikutobela Heroda,+ kabati: “Omwiiyi, tulizyi kuti lyoonse waamba masimpe alimwi uyiisya nzila ya Leza mukasimpe, alimwi tolibotyi-botyi kumuntu uuli woonse, nkaambo tolangi ziimo zyabantu. 17 Aboobo kotwaambila, ino uyeeya buti? Sena cilizumizyidwe* kutela mutelo kuli Kaisara naa pe?” 18 Pele mbokunga Jesu wakalizyi mbobakali babi myoyo, wakababuzya kuti: “Ino mundisunkila nzi, nywebo nobasikuupaupa ameso? 19 Amunditondezye kkobili litelwa.” Eelyo bakamuletela dinari.* 20 Wakababuzya kuti: “Ino cikozyanyo eeci alimwi azina eeli nzizyani?” 21 Bakati: “Nzizya Kaisara.” Mpoonya wakabaambila kuti: “Aboobo amupe Kaisara zintu zya Kaisara, pele zintu zya Leza amupe Leza.”+ 22 Nobakamvwa boobu bakagambwa, mpoonya bakamusiya akuunka. 23 Mubuzuba oobo ba Saduki, ibaamba kuti kunyina bubuke,+ bakaboola akumubuzya kuti:+ 24 “Omwiiyi, Musa wakaamba kuti: ‘Ikuti mwaalumi wafwa katajisi bana, imwanookwabo weelede kumukwata mukaintu wakwe akumuzyalila bana munyina.’+ 25 Lino kwakali babunyina bali ciloba mbotwakali limwi. Wakusaanguna wakakwata, pele wakafwa katajisi mwana, wakasiila munyina mukaintu wakwe. 26 Mbucakacitika oobu kuli wabili awatatu, akuli boonse bali ciloba. 27 Mpoonya awalo mukaintu wakafwa. 28 Aboobo mububuke, ino uyooba mukaintu wani aali baaba bali ciloba? Nkaambo boonse bakalimukwete.” 29 Mukwiingula Jesu wakabaambila kuti: “Mulisweekede nkaambo tamwaazyi Magwalo naa nguzu zya Leza;+ 30 nkaambo mububuke baalumi tabakwati alimwi bamakaintu tabakwatwi, pele bali mbuli bangelo kujulu.+ 31 Kujatikizya bubuke bwabafwide, sena tiimwakabala nzyaakamwaambila Leza naakati: 32 ‘Ndime Leza wa Abrahamu a Leza wa Izaka a Leza wa Jakobo’?+ Tali Leza wabafwu, pele ngwabaumi.”+ 33 Naakamvwa boobo, makamu aabantu akagambwa ambwaakali kuyiisya.+ 34 Lino ba Farisi nobakamvwa kuti ba Saduki wabazula, bakalibunga-bunga antoomwe. 35 Lino umwi wabo uuzyi Mulawo, wakamusunka kwiinda mukumubuzya kuti: 36 “Omwiiyi, ino nguuli mulawo mupati mu Mulawo?”+ 37 Wakamwaambila kuti: “‘Weelede kuyanda Jehova* Leza wako amoyo wako woonse, abuumi bwako boonse alimwi amizeezo yako yoonse.’+ 38 Ooyu ngomulawo mupati alimwi ngonguwe wakusaanguna. 39 Alimwi ngooyu wabili uuli mbuli yooyu: ‘Weelede kuyanda simukobonyoko mbubonya mbuli mboliyanda omwini.’+ 40 Amilawo eeyi yobilo mpaayeeme Mulawo woonse a Basinsimi.”+ 41 Lino ba Farisi nobakabungene antoomwe, Jesu wakababuzya kuti:+ 42 “Ino mbuti mbomuyeeya kujatikizya Kristo? Ino mwanaani?” Bakamuvwiila kuti: “Mwana wa Davida.”+ 43 Wakababuzya kuti: “Aboobo, ino nkaambo nzi Davida kwiinda mukusololelwa amuuya+ ncamwiita kuti Mwami naamba kuti, 44 ‘Jehova* wakaambila Mwami wangu kuti: “Kkala kujanza lyangu lyalulyo kusikila mane ndikabikke basinkondonyoko kunsi aamaulu aako”’?+ 45 Aboobo, ikuti Davida umwiita kuti Mwami, ino mwanaakwe buti?”+ 46 Eelyo kunyina wakakonzya kumuvwiila noliba jwi lyomwe, alimwi kuzwa buzuba oobo, taakwe wakasola kabili kumubuzya mubuzyo.\\n^ Naa “ibakakkede kutebulu.”","num_words":576,"character_repetition_ratio":0.049,"word_repetition_ratio":0.0,"special_characters_ratio":0.194,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mukamufu wakuZarefati aMusinsimi Eliya | Zyiiyo Zyabana Zizwa muBbayibbele\\nChiindi chanzala, Jehova wakabuzya Eliya kuti: ‘Yinka kuZarefati. Mukamufu wankukooko uyookupa chakulya.’ Naakasika kumulyango wamuunzi, Eliya wakabona mukamufu muchete kali kutebba nkuni. Wakakumbila maanzi aakunywa. Naakayinka kuyoomweetela maanzi, Eliya wakamwiita kati: ‘Undeetele achinkwa.’ Pesi mukamufu wakati: ‘Tandikwe chinkwa. Ndilaatufulawa atufuta twakuti tujike amwanaangu.’ Eliya wakamubuzya kuti: ‘Jehova wati sanguna kundijikila chinkwa mpawo fulawa amafuta tazikamani kusikila mvula ikawe.’\\nMukamufu wakayinka kung’anda kuyoojikila musinsimi waJehova chinkwa. Muchiindi chanzala, mukamufu amwaakwe bakakkala kabali achakulya mbuli mbaakabasyomezya Jehova. Nongo yakwe yafulawa ayamafuta taakwe nizyakamana.\\nKuzwa waawo, kwakachitika chintu chuusisya. Mwana wamukamufu wakachiswa alimwi wakafwa. Mukamufu wakakumbila kuti Eliya amugwasye. Eliya wakabweza mwana wamukamufu akwiinkawe kung’anda yamujulu. Wakamulazika abulo akukomba kati: ‘Jehova ndikumbila kuti uchite kuti mwana ooyu apone lubo.’ Ulizi na kuti nkamboonzi nichakali kuyooba chintu chigambya chakali kuyoochitwa aJehova? Nkaambo taakwe muntu wakali wabusigwa kuzwa chiindi. Alimwi mukamufu ooyu amwanaakwe teebakali maIsrayeli pe.\\nPesi mwana ooyo wakaba muumi akutalisya kuyoya! Eliya wakabuzya mukamufu kuti: ‘Bona! Mwanaako wabuka!’ Mukamufu wakabotelwa loko alimwi wakabuzya Eliya kuti: ‘Lino ndaziba kuti uli muntu waLeza. Alubo ndaziba kuti wambuula majwi azwa kuli Jehova akuti alazuzikizigwa.’\\n“Amuyeeye bacikwangala, tabasyangi, tabatebuli, tabajisi matala neciba ciyobwedo, kwalo Leza ulabasanina. Nywebo mulayandika kapati kwiinda bayuni.”—Luka 12:24\\nMibuzyo: Mukamufu wakuZarefati wakatondeezya biyeni kuti wakali kusyoma Jehova? Tuzi biyeni kuti Eliya wakali musinsimi waLeza wakasimpe?","num_words":214,"character_repetition_ratio":0.064,"word_repetition_ratio":0.0,"special_characters_ratio":0.156,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Musinsimi Eliya Wakalangila Akulindila Kumwi Kapaila Lyoonse | Lusyomo Lwini-lwini\\nAMUBALE MU Acholi Afrikaans Albanian American Sign Language Amharic Arabic Armenian Aymara Azerbaijani Azerbaijani (Cyrillic) Baoule Bashkir Bassa (Cameroon) Batak (Karo) Batak (Toba) Bengali Bicol Brazilian Sign Language Bulgarian Catalan Cebuano Chichewa Chilean Sign Language Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chuvash Cibemba Colombian Sign Language Croatian Cuban Sign Language Czech Danish Dutch Efik English Estonian Ewe Faroese Fijian Finnish French Ga Georgian German Greek Greenlandic Guarani Gujarati Gun Haitian Creole Hausa Hebrew Herero Hiligaynon Hindi Hungarian Igbo Iloko Indonesian Isoko Italian Italian Sign Language Japanese Javanese Jula Kabiye Kannada Karen (S'gaw) Kazakh Kikuyu Kiluba Kinyarwanda Kirghiz Kirundi Kisonge Kongo Korean Korean Sign Language Kwangali Kwanyama Lhukonzo Lingala Lithuanian Luganda Lunda Luo Macedonian Macua Malagasy Malay Malayalam Maltese Marathi Mauritian Creole Maya Mexican Sign Language Mixe (North Central) Mongolian Moore Myanmar Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nias Norwegian Nzema Oromo Ossetian Otetela Pangasinan Papiamento (Aruba) Papiamento (Curaçao) Persian Peruvian Sign Language Polish Polish Sign Language Portuguese Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Romanian Russian Russian Sign Language Samoan Sango Sena Sepedi Serbian (Cyrillic) Serbian (Roman) Sesotho (Lesotho) Setswana Seychelles Creole Shona Silozi Sinhala Slovak Slovenian Spanish Spanish Sign Language Sranantongo Swahili Swahili (Congo) Swati Swedish Tagalog Tahitian Tamil Tatar Telugu Tetun Dili Thai Tigrinya Tiv Totonac Tshiluba Tshwa Tsonga Turkish Turkmen Twi Tzotzil Ukrainian Umbundu Urdu Venda Vietnamese Waray-Waray Wayuunaiki Wolaita Xhosa Yoruba Zande Zapotec (Isthmus) Zulu\\n1, 2. Mulimo nzi muyumu ngwaakajisi Eliya, alimwi muunzila nzi walo a Ahabu mobakaindene?\\nELIYA wakali kuyanda kuti abe alikke kutegwa apaile kuli Usyi wakujulu. Pele bantu banji ibakabungene aciindi eeco alimwi ibakamubona musinsimi ooyu wancobeni naakaleta mulilo kuzwa kujulu, cakutadooneka bakali kuyanda kulitondezya kuti bali kulubazu lwakwe kutegwa abafwide luse naa kubalongezya. Pele Eliya katanatanta a Cilundu ca Karimeli kutegwa akapaile kuli Jehova Leza kali alikke, wakeelede kucita mulimo muyumu. Wakeelede kubandika a Mwami Ahabu.\\n2 Ahabu a Eliya bakaliindene kapati. Ahabu wakasamide zisani zyabwami alimwi wakali mulyato, alimwi siluleyo iwakali kweendelezyegwa abantu bambi kucita zyintu zibyaabi. Eliya wakasamide zisani zyabusinsimi—zitaduli, izyakabambwa kuzwa kuzipaya naa zyakasumwa aboya bwankamela naa bwampongo. Wakali mwaalumi sicamba alimwi uusyomeka. Zyintu izyakacitika mubuzuba oobo zyakatondezya caantangalala mbobakaindene baalumi aaba bobilo.\\n3, 4. (a) Nkaambo nzi ncobwakali buzuba bubi kuli Ahabu alimwi abakombi ba Baala bambi? (b) Ino mibuzyo nzi njotutiibandike?\\n3 Ahabu abakombi ba Baala bakasampuka ibuzuba oobu. Bukombi bwakubeja mbwaakali kusumpula Ahabu amukaintu wakwe, Jezebeli, mubwami bwamisyobo iili kkumi ya Israyeli bwakasikilwa penzi lipati. Bantu bakalibonena kuti bukombi bwa Baala bwakali bwakubeja. Ooyo leza uutaponi wakaalilwa kucita mulimo musyoonto wakuleta mulilo ciindi basinsimi bakwe nobakali kumulomba, kuzyana akulinengaula. Baala wakaalilwa kuvwuna baalumi bali 450 ibakeelede kujaigwa. Pele kuli cintu cimbi ncaakaalilwa kucita leza wakubeja ooyo alimwi kwakasyeede buyo ciindi cisyoonto kuti zyoonse zilibonye. Kwamyaka iinda kuli yotatwe, bakombi ba Baala bakali kumulomba kuti amanizye ciyumayuma cakakatazyide mucisi, pele Baala wakaalilwa kuleta mvwula. Kwakaceede buyo ciindi cisyoonto kuti Jehova atondezye kuti wakali Leza mwini-mwini kwiinda mukumanizya ciyumayuma.—1 Bam. 16:30–17:1; 18:1-40.\\n4 Pele, ino ndilili Jehova naakali kuyakubweza ntaamu eeyi? Ino Eliya wakeelede kucita nzi naakali kulindila kuti Jehova abweze ntaamu? Alimwi ncinzi ncotukonzya kwiiya kumwaalumi ooyu iwakajisi lusyomo? Atujane bwiinguzi ciindi notulanga-langa cibalo eeci.—Amubale 1 Bami 18:41-46.\\nWakali Kupaila Lyoonse\\n5. Ino Eliya wakaambila Ahabu kucita nzi, alimwi sena kulibonya kuti Ahabu wakaiya cimwi cintu kuzyintu izyakacitika buzuba oobo?\\n5 Eliya wakaunka kuli Ahabu akumwaambila kuti: ‘Koya ukalye akunywa, nkaambo ndamvwa kuvwuuma kwamvwula.’ Sena kuli ncaakaiya mwami mubi ooyu kuzyintu zyakacitika buzuba oobo? Kaambo aaka takaambidwe mucibalo eeci, alimwi kunyina majwi aakweempwa ngaakaamba naa aakulomba musinsimi kuti amupailile kuli Jehova akulomba kulekelelwa. Ahabu wakaile ‘kuunka kuyoolya akunywa.’ (1 Bam. 18:41, 42) Ino walo Eliya wakacita nzi?\\n6, 7. Ino Eliya wakali kupailila nzi, alimwi nkaambo nzi?\\n6 ‘Eliya wakatanta atala aa Karimeli, wakotamina ansi, amutwe wakwe wakasika akati kamazwi aakwe.’ Ahabu naakaunka kuyoolya, Eliya wakabelesya coolwe eeci kupaila kuli Usyi wakujulu. Amulange buyo cibalo mbocaamba mbwaakalicesya musinsimi Eliya naakafwugama akubikka mutwe wakwe akati kamazwi. Ino ncinzi ncaakali kucita Eliya? Tatweelede kuyeeyela buya. Mulugwalo lwa Jakobo 5:18, Ibbaibbele litwaambila kuti Eliya wakali kupailila ciyumayuma kuti cimane. Kulangilwa kuti ooyo ngomupailo ngwaakali kupaila atala lyacilundu ca Karimeli.\\nMipailo ya Eliya yakatondezya kuti wakali kuyanda ncobeni kuti makanze aa Leza azuzikizyigwe\\n7 Kazitanacitika zyintu eezyi, Jehova wakaambide kuti: “Njoowisizya nyika imvula.” (1 Bam. 18:1) Aboobo, Eliya wakali kupailila kuti makanze ngaakaambide Jehova azuzikizyigwe, mbubwenya mbuli Jesu mbwaakayiisya basikumutobela kuti kabapaila nokwakainda myaka iibalilwa ku 1000 kuzwa ciindi ca Eliya.—Mt. 6:9, 10.\\n8. Ino cikozyanyo ca Eliya cituyiisya nzi kujatikizya mupailo?\\n8 Nzinji nzyotukonzya kwiiya kucikozyano ca Eliya kujatikizya mupailo. Cintu ciyandika kapati Eliya ncaakali kuyanda, nkuzuzikizyigwa kwamakanze aa Leza. Notupaila, tweelede kuyeeya kuti: ‘Kufwumbwa cintu ncotumulomba ceendelana akuyanda kwa Leza, ulatumvwa.’ (1 Jo. 5:14) Aboobo, tweelede kwaazyiba makanze aa Leza kwiinda mukwiiya Bbaibbele abuzuba kutegwa mipailo yesu itambulwe. Masimpe kuti Eliya awalo wakali kuyanda kuti ciyumayuma cimane akaambo kakuti bantu bamucisi cokwabo bakalipengede. Kweelede kuti wakalumba kapati kuzwa ansi aamoyo naakabona maleele Jehova ngaakacita mubuzuba oobo. Andiswe, mipailo yesu yeelede kutondezya kulumba kuzwa ansi aamoyo alimwi akutondezya kuti tulababikkila maano bamwi.—Amubale 2 Bakolinto 1:11; Bafilipi 4:6.\\n9. Ino Eliya wakaambila mulanda wakwe kucita nzi, alimwi mbube nzi bobilo mbotutiilange-lange?\\n9 Eliya wakali kusyoma kuti Jehova uyakumanizya ciyumayuma, pele taakacizyi ciindi Jehova naakali kuyakucita oobo. Aboobo, ino ncinzi ncaakali kucita musinsimi naakali kulindila? Amubone cibalo mbocaamba: ‘Wakaambila mulanda wakwe kuti, koya ukalange kulubazu lwalwizi. Wakaya, walanga, wati, taakwe pe. Pele ziindi zili musanu azibili wakaindulula kumutuma.’ (1 Bam. 18:43) Cikozyanyo ca Eliya cituyiisya zyintu zyobilo. Cakusaanguna, ncotwiiya ncakuti musinsimi ooyu wakalaalusyomo. Cabili, wakali kulangila.\\nEliya wakayandaula bumboni buzwa kuli Jehova butondezya kuti wakalaafwaafwi kubweza ntaamu\\n10, 11. (a) Muunzila nzi Eliya mwaakatondezya lusyomo mucisyomezyo ca Jehova? (b) Nkaambo nzi ncotukonzya kuba alusyomo luli boobo?\\n10 Akaambo kakuti Eliya wakali kuzisyoma zisyomezyo zya Jehova, wakazumanana kulangila kutegwa abone citondezyo cakuti Jehova wakali afwaafwi kubweza ntaamu. Aboobo wakatuma mulanda wakwe kuyakutanta acilundu kutegwa akabone naa kuli makumbi aamvwula aali woonse. Mulanda wakwe naakapiluka, wakamuletela makani aatyompya aakuti: “Taakwe pe.” Kwakanyina makumbi aamvwula aali woonse. Pele amubone kaambo aaka kagambya. Eliya wakaambila Mwami Ahabu kuti: ‘Ndamvwa kuvwuuma kwamvwula.’ Ino nkaambo nzi musinsimi ooyu ncaakaambila boobo kakuli kwakanyina makumbi aamvwula?\\n11 Eliya wakalicizyi cisyomezyo ca Jehova. Mbwaanga wakali mwiiminizi alimwi amusinsimi wa Jehova, wakali kusyoma kuti Leza wakali kuyakuzuzikizya ncaakasyomezya. Eliya wakalijisi lusyomo luyumu cakuti wakali kumvwa mbuli kuti kuvwuuma mvwula. Eeci cilakonzya kutuyeezya kaambo kali mu Bbaibbele kajatikizya Musa kakuti: “Wakazumanana kuzyandamana mbuli kuti wakali mubwene Ooyo uutalibonyi.” Sena andinywe mbomumubona Leza oobo? Watupa zyintu zinji zikonzya kutugwasya kumusyoma akusyoma zisyomezyo zyakwe.—Heb. 11:1, 27.\\n12. Mbuti Eliya mbwaakatondezya kuti ulalangila, alimwi ncinzi ncaakacita naakamvwa kuti kuli kakumbi komwe kasyoonto?\\n12 Cimbi, amubone Eliya mbwaakali kulangila. Wakatuma mulanda wakwe ikutali buyo ciindi comwe naa zyobilo pele ziindi zili ciloba. Tulakonzya kweezeezya mulanda ooyo mbwaakakatala kutanta akuselemuka cilundu ziindi zinji, pele Eliya wakazumanana kulangila citondezyo. Naakaunka ciindi camamanino, mulanda wakazyikwaamba kuti: ‘Kwaboneka kakumbi kaniini kali mbuli ijanza lyamuntu, kazwa kulwizi.’ Amweezeezye mulanda ooyo katambika janza lyakwe ikutondezya kuceya kwakakumbi kakali kuzwa mu Lwizi Lupati. Kweelede kuti mulanda ooyo wakakanyansya kakumbi aako. Pele kuli Eliya, kakumbi aako kakali kuyandika kapati. Aboobo, cakufwambaana wakalailila mulanda wakwe kuti: “Koya ukaambile Ahabu kuti, kolibambila inkalaki yako, kuti imvula itakukasyi.”—1 Bam. 18:44.\\n13, 14. (a) Mbuti mbotukonzya kwiiya kulangila kwa Eliya? (b) Ntwaambo nzi ntotujisi itutupa kubeleka cakubikkila maano?\\n13 Kwiinda muzyintu eezyi, Eliya alimwi wakatusiila cikozyanyo cibotu. Andiswe tupona mumazuba Leza nali afwaafwi kubweza ntaamu yakuzuzikizya makanze aakwe. Eliya wakalindila kumana kwaciyumayuma; babelesi ba Leza bamazuba aano balangila kumana kwabweende bwazyintu oobu bubyaabi. (1 Jo. 2:17) Mbubwenya mbuli Eliya, andiswe tweelede kuzumanana kupakamana kusikila ciindi Jehova Leza nayakubweza ntaamu. Mwana wa Leza, Jesu, wakakulwaizya basikumutobela kuti: “Amulangile, nkaambo tamuzyi buzuba Mwami wanu nayooboola.” (Mt. 24:42) Sena Jesu wakali kupandulula kuti basikumutobela kunyina nobakali kukonzya kuzyiba mamanino naayakusika? Peepe, nkaambo wakaamba zyintu zinji zyakali kuyakucitika munyika kaatanasika mamanino. Toonse tulakonzya kucizyiba citondezyo “camamanino aabweende bwazyintu.”—Amubale Matayo 24:3-7.\\nKakumbi komwe kasyoonto kakamupa kusyoma Eliya kuti Jehova wakalaafwaafwi kubweza ntaamu. Citondezyo camazuba aamamanino citupa twaambo ncotweelede kubeleka cakubikkila maano\\n14 Cibeela cimwi acimwi cacitondezyo ncaakaamba Jesu cipa bumboni bwakuti mamanino alaafwaafwi. Sena bumboni oobo bulakonzya kupa kuti tupakamane mumulimo wesu kuli Jehova? Eliya naakamvwa kuti kuli kakumbi komwe buyo kasyoonto, wakasyoma kuti Jehova wakalaafwaafwi kubweza ntaamu. Sena ncaakali kulangila musinsimi ooyo uusyomeka cakacitika?\\nJehova Wakabavwuna Akubaleleka Bantu\\n15, 16. Ino nzyintu nzi izyakacitika cakufwambaana, alimwi kweelede kuti ncinzi Eliya ncaakali kulangila kujatikizya Ahabu?\\n15 Cibalo citwaambila kuti: “Lino nikakaba kaindi, ijulu lyoonse lyakasiya nkaambo kamayoba amuuwo, nkabela imvula yakawa loko. Elyo Ahabu wakatanta munkalaki kuya ku-Jezreeli.” (1 Bam. 18:45) Zyintu zyakacitika cakufwambaana. Mulanda wa Eliya naakali kutola mulumbe kuli Ahabu, kakumbi ikakali kasyoonto kakakomena akupa kuti julu lyoonse lisiye. Iguwo lyakaunga. Lino kakwiindide myaka yotatwe acisela, mvwula yakatalika kuwa alimwi mu Israyeli. Inyika iyakali njumu lino yakabomba. Imvwula noyakawa citaambiki, mulonga wa Kisoni wakapaya aboobo cakutadooneka bulowa bwabasinsimi ba Baala ibakajaigwa bwakaunka amaanzi. Abalo bana Israyeli bakazangide bakapegwa ciindi cakutantamuka bukombi bwa Baala busesemya.\\n“Nkabela imvula yakawa loko”\\n16 Mubwini, Eliya wakali kucilangila cintu eeci kuti ciyakucitika! Andiza wakali kuyeeya Ahabu ncaakali kuyakucita akaambo kazyintu eezyi izyakacitika. Sena Ahabu wakali kukonzya kweempwa akutantamuka bukombi busofweede bwa Baala? Zyintu izyakacitika ibuzuba oobo zyakeelede kumupa kucinca. Bwini mbwakuti, tatukonzyi kuzyiba ncaakali kuyeeya Ahabu aciindi eeci. Cibalo citwaambila buyo kuti mwami “wakatanta munkalaki kuya ku-Jezreeli.” Sena kuli ncaakaiya? Sena wakalilibambilide kucinca bukkale bwakwe? Zyintu izyakatobela zitondezya kuti tanaakalibambide kucinca pe. Nokuba boobo, kuli zyintu zimbi izyakali kulangilwa kucitikila Ahabu a Eliya buzuba mbubwenya oobo.\\n17, 18. (a) Ncinzi cakamucitikila Eliya naakali munzila kuya ku Jezreeli? (b) Ncinzi cakali kugambya kujatikizya kubalika kwa Eliya kuzwa ku Karimeli kuya ku Jezreeli? (Amubone amajwi aamunsi.)\\n17 Musinsimi wa Jehova wakabweza lweendo kubelesya nzila njiyona njaakabelesya Ahabu. Wakali musinzo mulamfwu ngwakeelede kweenda masiku alimwi munzila mwakali mankandya. Pele kwakacitika cintu cigambya.\\n18 “Ijanza lya-Jehova lyakalijisi Eliya, aboobo wakalyaanga-anga mucikungu, wazuzaana kunembo lya-Ahabu mane wakasika kumanjililo aa-Jezreeli.” (1 Bam. 18:46) Cilisalede kuti “ijanza lya-Jehova” lyakali kugwasyilizya Eliya munzila iigambya. Musinzo wakuya ku Jezreeli wakali kulampa makkilomita aali 30 alimwi Eliya wakalicembeede. * Amweezeezye buyo musinsimi ooyo kakwela cisani cilamfwu cakali kulengeenga akucaanga mucibuno kutegwa citamulebi, akutalika kubalika munzila iyakali kukunka maanzi aamvwula—kabalika cakufwambaana mane wayeenzya nkalaki njaakatantide mwami akuyiindilila!\\n19. (a) Ino nguzu Leza nzyaakapa Eliya inga zyatuyeezya businsimi buli? (b) Ncinzi ncaakazyi Eliya ciindi naakali kubalika kuya ku Jezreeli?\\n19 Eelo kaka eeci cakali cilongezyo cipati kuli Eliya! Kweelede kuti musinsimi ooyu wakakkomana kapati akaambo kakupegwa nguzu alimwi kuzwa kubwana bwakwe taakwe buzuba nobuba bomwe naakalilimvwide boobo. Eeci cilakonzya kutuyeezya businsimi bwakuti aabo basyomeka baya kulondoka akuba anguzu mu Paradaiso anyika. (Amubale Isaya 35:6; Lk. 23:43) Eliya naakali kuyaabubalika munzila eeyo iyakali kukunka maanzi, mubwini wakalizyi kuti wakali kuyandwa a Usyi, Jehova, Leza wakasimpe uuli alikke!\\n20. Ncinzi ncotweelede kucita kutegwa tulongezyegwe a Jehova?\\n20 Jehova ulilibambilide kutulongezya. Mbwaanga zilongezyo zyakwe nzibotu loko, tweelede kubeleka canguzu kutegwa tukazitambule. Mbubwenya mbuli Eliya, tweelede kupakamana kwiinda mukubona bumboni butondezya kuti Jehova ulaafwaafwi kubweza ntaamu muziindi eezyi zikatazya zyamamanino. Mbubwenya mbuli Eliya, tulijisi bumboni bunji butondezya kuti tweelede kuzisyoma nzyaakatusyomezya Jehova ‘Leza wakasimpe.’—Int. 31:5.\\n^ munc. 18 Nokwakainda ciindi cisyoonto, Jehova wakatuma Eliya kutalika kuyiisya Elisha, walo iwakali kuyakuzyibwa kuti “ngonguwe iwakali kutila maanzi amaanza aa-Eliya.” (2 Bam. 3:11) Elisha wakabeleka mbuli mulanda wa Eliya, kulibonya kuti ngowakali kugwasyilizya Eliya iwakacembeede.\\nTWAAMBO NTOMWEELEDE KUYEEYA . . .\\nMbuti Eliya mbwaakatondezya muuya wakupaila?\\nMbuti Eliya mbwaakatondezya lusyomo muzisyomezyo zya Jehova?\\nNcinzi ncotukonzya kwiiya kucikozyanyo ca Eliya cakulangila?\\nNcinzi ncomuyanda kucita kutegwa mwiiye lusyomo lwa Eliya?\\nABELO “Nokuba Kuti Wakafwa, Ucaambaula”\\nNOWA ‘Wakeenda a Leza Wakasimpe’\\nABRAHAMU “Usyi Wabaabo Boonse Bajisi Lusyomo”\\nRUTE ‘Kufwumbwa Nkoya Yebo Andime Ndilaunka’\\nRUTE ‘Mwanakazi Mubotu Kapati’\\nHANA Wakapaila Kuli Leza Camoyo Woonse\\nSAMUELE ‘Wakazumanana Kukomena Mumeso aa Jehova’\\nSAMUELE Wakaliyumya Nociba Ciindi Nobakamutyompya\\nABIGAYELI Wakacita Cabusongo\\nELIYA Wakasumpula Bukombi Busalala\\nELIYA Wakalangila Akulindila\\nELIYA Wakaumbulizyigwa a Leza Wakwe\\nJONA Wakaiya Kuzwa Kukulubizya Kwakwe\\nJONA Wakaiya Ciiyo Cakuba Aluse\\nESITA Wakabaiminina Bantu ba Leza\\nESITA Wakacita Zyintu Cabusongo, Cabusicamba, Alimwi Cakulyaaba\\nMARIYA “Bona, Mebo Ndili Muzike wa Jehova!”\\nMARIYA Wakali ‘Kuyeeya Ncaakali Kwaamba’\\nJOSEFA Wakaukwabilila, Wakaulanganya, Wakazumanana kusyomeka\\nPETRO Wakakulwana Kuyoowa Akudooneka\\nPETRO Wakasyomeka Ciindi Naakali Kusunkwa\\nPETRO Wakaiya Kulekelela Kuzwa Kuli Simalelo\\nMabala Amusale naa muyanda kukkopa zyakamwaigwa Amwiiye Lusyomo Lwabo","num_words":1932,"character_repetition_ratio":0.051,"word_repetition_ratio":0.0,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Intembauzyo 46 | Bbaibbele lili a Intaneti | Bbaibbele lya Busanduluzi Bwanyika Mpya\\n“Leza mayubilo eesu”\\nMilimo ya Leza iigambya (8)\\nLeza wamanizya nkondo munyika yoonse (9)\\nKumweendelezi wanyimbo. Intembauzyo yabana ba Kora.+ Kweelana abwiimbwa Alamoti.* Lwiimbo. 46 Leza mayubilo eesu alimwi ninguzu zyesu,+Mugwasyi ngotukonzya kujana lyoonse muziindi zyamapenzi.+ 2 Nkakaambo kaako tatukooyoowa pe, nokuba kuti nyika yacinca,Nokuba kuti malundu akolomokela mumpisi zyalwizi,+ 3 Nokuba kuti maanzi aandulo avwuuma akuzwa ccovwu,+Nokuba kuti malundu azungaana akaambo kakukopana kwandulo. (Sela) 4 Kuli mulonga uujisi tulonga tupa kuti munzi wa Leza ukondwe,+Itente lipati lisalala lyakukombela lya Mupatikampatila. 5 Leza uli mumunzi ooyu;+ taukonzyi kuzundwa pe. Leza uyakuugwasya kubucedo.+ 6 Masi akapyopyongana, imami akazundwa;Wakoongolola ajwi lyakwe, eelyo nyika yakanyenguluka.+ 7 Jehova wamakamu ulaandiswe;+Leza wa Jakobo mayubilo eesu aakwabilidwe.* (Sela) 8 Amuboole mulibonene milimo ya Jehova,Mbwaacita zintu zigambya kapati anyika. 9 Ulamanizya nkondo munyika yoonse mboizulwa.+ Ibuta ulabutyolaula alyalo sumo ulalipwayaula;Inkalaki zyankondo* ulazyuumpa amulilo. 10 “Amulibombye muzyibe kuti ndime Leza. Ndiyoosumpulwa akati kamasi;+Ndiyoosumpulwa munyika.”+ 11 Jehova wamakamu ulaandiswe;+Leza wa Jakobo mayubilo eesu aakwabilidwe.+ (Sela)\\n^ Naa “mayubilo eesu aasumpukide.”\\n^ Naa ambweni, “Intobo.”","num_words":158,"character_repetition_ratio":0.068,"word_repetition_ratio":0.0,"special_characters_ratio":0.189,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani Aakuluula: Ndakaumbulizyigwa Muzintu Zyoonse Nzyondakali Kulibilika | Ba Edward Bazely\\nAMUBALE MU Afrikaans Albanian Alur Amharic Amis Arabic Armenian Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Boulou Bulgarian Cakchiquel (Western) Catalan Cebuano Chichewa Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Croatian Czech Damara Dangme Danish Douala Dutch Edo Efik English Esan Estonian Ewe Fijian Finnish Fon French Ga Garifuna Georgian German Greek Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hungarian Ibanag Icelandic Igbo Iloko Indonesian Isoko Italian Japanese Jula Kabiye Kabuverdianu Kannada Kekchi Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mingrelian Mixe (North Central) Mixtec (Guerrero) Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nigerian Pidgin Norwegian Nzema Okpe Oromo Ossetian Otetela Pangasinan Papiamento (Curaçao) Persian Pidgin (Cameroon) Polish Ponapean Portuguese Portuguese (Portugal) Punjabi Quechua (Ancash) Quechua (Bolivia) Romanian Russian Samoan Sango Sepedi Sepulana Serbian (Cyrillic) Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovenian Solomon Islands Pidgin South African Sign Language Spanish Sranantongo Swahili Swahili (Congo) Swati Swedish Tagalog Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Vietnamese Waray-Waray Wolaita Xhosa Yoruba Zande Zapotec (Isthmus) Zulu\\nNdakaumbulizyigwa Muzintu Zyoonse Nzyondakali Kulibilika\\nAkaluulwa aba Edward Bazely\\nKucito cili kumbo a Mulonga wa Indus, mucisi lino ciitwa kuti Pakistan, kuli munzi wakaindi wa Sukkur. Ooko nkonkuko nkondakazyalilwa mu November 9, 1929. Aciindi eeco, bazyali bangu bakabweza mabbuku aamibala mibotu kuzwa kuli misyinali mukuwa. Nondakali kuyaabukomena mabbuku aaya aamba zyamu Bbaibbele akandigwasya kwiiya kasimpe.\\nMABBUKU aayo akali aamibala iindene-indene mbuli fwulicoongo. Nondakatalika kwaalanga-langa, ndakajana zifwanikiso zibotu zyalo zyakandipa kutalika kweezyeezya. Aboobo, kuzwa kubwana, ndakaba aluyandisisyo lwakuba aluzyibo lwamu Bbaibbele, mbuli loolo ilwakali mumabbuku aaya aalibedelede.\\nCiindi Nkondo Yanyika Yabili noyakali afwaafwi kusika mu India, buumi bwangu bwakatalika kuyaabubija. Bazyali bangu bakaandaana, mpoonya bakazyikulekana. Cakandikatazya kumvwisya ikaambo kakapa kuti bantu bobilo mbondakali kuyanda balekane. Ndakakatazyigwa mumizeezo alimwi akulimvwa kulekelezyegwa. Ndakazyedwe buyo endikke, alimwi tiindakali kujana luumbulizyo alugwasyo ndondakali kuyandika kapati.\\nAciindi eeco mebo abamaama twakali kukkala mu Karachi, idolopo lipati mucooko eeco. Bumwi buzuba, ba Fred Hardaker, badokotela bacembeede alimwi Bakamboni ba Jehova, bakatuswaya kuŋanda. Bakajisi lusyomo lukozyenye alwamisyinali ooyo iwakatupede mabbuku aalya. Bakabalomba bamaama kuti kabaiya Bbaibbele ambabo. Pele bamaama bakakaka akwaamba kuti ambweni mebo inga ndayanda. Ndakatalika kwiiya a Mukwesu Hardaker nsondo njoonya iyakatobela.\\nNokwakainda nsondo zisyoonto, ndakatalika kujanika kumiswaangano ya Bunakristo kucibbaddela ca Mukwesu Hardaker. Bakamboni bacembeede basika ku 12 bakali kuswaangana ooko kutegwa bakombe. Bakanduumbulizya alimwi akundibikkila maano mbuli mwanaabo wakulizyalila. Ndilayeeya mbobakali kukkala andime, kulibikka muciimo cangu, alimwi katubandika mbuli balongwe beni-beni, cintu ncondakali kuyanda aciindi eeco.\\nKakutanainda ciindi, Mukwesu Hardaker wakanditamba kuti tubeleke limwi mumulimo wamumuunda. Wakandiyiisya mbocibelesyegwa cilimba camalekkoodi kutegwa katulizya makani mafwaafwi aamu Bbaibbele akalekkoodwa. Makani aamwi akali kwaambwa munzila yacigaminina, aboobo bantu bamwi mbotwakali kujana mumaanda tiibakali kwaakkomanina. Pele ndakali kukukkomanina kukambaukila bamwi. Ndakali musungu kukasimpe kamu Bbaibbele alimwi ndakali kukkomana kukaambila bamwi.\\nCiindi basikalumamba bana Japan nobakali kulibambila kulwana cisi ca India, beendelezi bamfwulumende yaku Britain bakaindizya kubapenzya Bakamboni ba Jehova. Mpoonya mu July 1943, kupenzyegwa ooko kwakandijatikizya andime kundigama. Mupati wacikolo, imusololi wacikombelo ca Anglican wakanditanda cikolo. Wakaambila bamaama kuti kuyanzana kwangu a Bakamboni ba Jehova tiikwakali cikozyanyo cibotu kuli basicikolo bamwi. Aboobo bakanditola kuli bataata ku Peshawar, idolopo lili kulamfwu amakkilomita aali 1,370 kutozya kunyika. Akaambo kakutalya cakulya cakumuuya alimwi akutayanzana abakwesu, cilongwe cangu a Jehova cakanyongana.\\nNDAKACIYUMYA ALIMWI CILONGWE CANGU A JEHOVA\\nMu 1947, ndakajokela alimwi ku Karachi kuyakuyandaula mulimo. Kandili kokuya, ndakaunka kucibbaddela ca Dr. Hardaker. Bakanditambula amaanza obilo.\\nKabayeeya kuti ndaboola kusilikwa, bakandibuzya kuti, “Ino waciswa nzi?”\\nNdakayingula kuti, “Badokotela, tandicisidwe pe, ndiyanda ciiyo ca Bbaibbele.”\\nMpoonya bakandibuzya kuti, “Ino uyanda kuti tukatalike lili?”\\nNdakaingula kuti, “Inga twatalika ndilyonya lino kuti kacikonzyeka.”\\nCakali kukkomanisya kapati kwiiya Bbaibbele mangolezya aayo. Ndakalimvwa kwaanguluka akaambo kakuba akati kabantu ba Jehova alimwi. Bamaama bakasoleka canguzu kundikasya kuyanzana a Bakamboni, pele aciindi aawo ndakalikanzide kusala kubelekela Jehova. Mu August 31, 1947, ndakakutondezya kulyaaba kwangu kuli Jehova kwiinda mukubbapatizyigwa mumeenda. Kakutanainda ciindi, kandijisi myaka iili 17, ndakatalika kubeleka kandili mupainiya waciindi coonse.\\nMULIMO WABUPAINIYA UUKKOMANISYA\\nKu Quetta nkondakasaanguna kubeleka kandili mupainiya, ooko nkobakali kukkala basikalumamba bana Britain. Mu 1947, cisi ca India cakaandaanizyigwa muzibeela zyobilo kupanga cisi ca India alimwi aca Pakistan. * Eeci cakatalisya nkondo mpati yazikombelo, calo cakapa kuti bantu banji kapati balonge, kulonga ooku kwakali kupati kwiinda. Bazangalisi bali 14 miliyoni bakalozyegwa. Ba Mozilemu ibakali mu India bakaunka ku Pakistan, mpoonya ba Hindu aba Sikhs ibakali ku Pakistan bakaunka ku India. Kakuli manyongwe aayo, ndakatanta citima imwakali bantu banji kapati mudolopo lya Karachi, aboobo tiindakanjila mukati pele ndakajatilide buyo atubulo twaamulyango lweendo loonse kuya ku Quetta.\\nNdakajanika kumuswaangano wabbazu ku India mu 1948\\nKu Quetta, ndakajana mukwesu George Singh, mupainiya waalubazu wakajisi myaka yakuzyalwa iili 25. Mukwesu ooyu wakandipa ncinga yakaindi kutegwa kandibelesya mucilawo icakajisi tulundu-lundu. Ziindi zinji, ndakali kukambauka ndelikke. Mumyezi iili cisambomwe, ndakaba aziiyo zya Bbaibbele zili 17, alimwi ziiyo zimwi zyakaboola mukasimpe. Umwi wabo wakali silutwe wabasikalumamba wazina lya Sadiq Masih, iwakagwasya mukwesu George andime kusandulula mabbuku aamwi aamba zyamu Bbaibbele kutola muci Urdu, imwaambo uubelesyegwa kapati mucisi ca Pakistan. Mukuya kwaciindi, ba Sadiq bakaba basikumwaya bamakani mabotu basungu.\\nNondakali kuunka ku Cikolo ca Gileadi kwiinda mukubelesya bwato butegwa Queen Elizabeth\\nNokwakainda ciindi, ndakajokela ku Karachi akubeleka amukwesu Henry Finch alimwi a Harry Forrest, bamisyinali bapya ibakazwa ku Cikolo ca Gileadi. Eelo kaka bakandipa lwiiyo lweendelezyegwa a Leza lutaliboteli! Ciindi cimwi ndakamusangana Mukwesu Finch mulweendo lwakwe lwakuyookambaukila ku Pakistan nkoili kunyika. Kunselelo aamulundu, twakajana babombe myoyo ibaambaula mwaambo waci Urdu ibakali aanyota yakasimpe kamu Bbaibbele. Nokwakainda myaka yobilo, ndakaunka ku Cikolo ca Gileadi; mpoonya ndakajoka ku Pakistan kwalo zimwi ziindi nkondakali kubeleka mbuli mulangizi wabbazu. Ndakali kukkala abamisyinali botatwe aŋanda yabamisyinali ku Lahore.\\nKUKATALUSYIGWA KUZWA KUKUTYOMPWA\\nCuusisya ncakuti, mu 1954, bamisyinali ku Lahore bakazwangana, calo cakapa kuti bakuofesi yamutabi babaandaanye. Akaambo kakuti ndakaanjila makani aayo, ndakapegwa lulayo ilulaanguzu kapati. Ndakatyompwa kapati, akulimvwa kuti ndaalilwa kuuzuzikizya mulimo wangu. Ndakajokela alimwi ku Karachi, kumane ndakaunka ku England mudolopo lya London, kandijisi makanze aakuyooyitalika buya alimwi milimo yakumuuya kubusena bumbi.\\nKu London, mumbungano mondakabede mwakali bakwesu abacizyi banji ibamukwasyi wa Beteli yaku London. Mukwesu Pryce Hughes, iwakali mubelesi uulanganya mutabi, caluyando wakatalika kundiyiisya. Bumwi buzuba, wakandaambila kujatikizya ciindi naakapegwa lulayo lulaanguzu kuzwa kumukwesu Joseph F. Rutherford, iwakali kulanganya mulimo wakukambauka nyika yoonse. Ciindi Mukwesu Hughes naakasola kulitamizya, Mukwesu Rutherford wakamusinsa. Aboobo ndakagambwa kubona Mukwesu Hughes kamweta-mweta ciindi naakali kwaambaula. Wakaamba kuti kumatalikilo wakanyema kuli ceeco icakacitika. Pele kumamanino wakazyiba kuti wakali kuyandika lulayo alimwi akuti cakali citondezyo caluyando lwa Jehova. (Heb. 12:6) Makani ngaakaamba akandinjila mumoyo alimwi akandigwasya kuubeleka alimwi mulimo ooyu calukkomano.\\nAciindi eeco, bamaama bakalongela ku London alimwi bakazumina kutalika kwiiya Bbaibbele amukwesu John E. Barr, ooyo kumbele iwakabeleka mu Kabunga Keendelezya. Bakayaambele cakufwambaana kumuuya alimwi bakabbapatizyigwa mu 1957. Mukuya kwaciindi, ndakamvwa kuti bataata abalo kabatanafwa, bakaiya a Bakamboni ba Jehova.\\nMu 1958, twakakwatana aba Lene, imucizyi waku Denmark pele iwakali kukkala mu London. Mwaka wakatobela, twakalongezyegwa kwiinda mukuba amwana musimbi, Jane, imutaanzi akati kabana bosanwe mbotwakazyala. Kuyungizya waawo, ndakaba acoolwe cakubikkwa kuba mwaalu mu Mbungano ya Fulham. Nokuba boobo, mukuya kwaciindi, akaambo kakuciswa-ciswa kwaba Lene, twakasala kulongela kubusena bukasaala. Aboobo mu 1967, twakalongela ku Australia, mudolopo lya Adelaide.\\nCINTU CUUSISYA KAPATI\\nMumbungano yesu ku Adelaide mwakali a Banakristo bananike bali 12. Bakali basungu kapati mumulimo wakukambauka. Tiilyakalampa, andiswe twakaba basungu mukubelekela Jehova.\\nMu 1979, mebo aba Lene twakaba amwana wasanu, Daniel. Wakazyalwa abulwazi bwa Down syndrome * alimwi tanaakali kunoopona kwaciindi cilamfwu. Noliba lino ndilakatazyigwa kupandulula mbondakalimvwide. Twakacita zyoonse nzyotwakali kukonzya kutegwa tumulanganye, kumwi katulanganya abana besu bambi bone. Zimwi ziindi lukanda lwa Daniel lwakali kucinca kuba mbuli mubala wacikambwe akaambo kakuceya kwamuya wakuyoya ikwakali kucitika akaambo katupulo tobilo twakali kumoyo wakwe, aboobo twakali kumutola cakufwambaana kucibbadela. Pele nokuba kuti wakali kuciswa-ciswa, wakali musongo alimwi siluyando. Alimwi wakali kumuyanda kapati Jehova. Ciindi notwakali kupaila mbuli mukwasyi katutanalya, wakali kulijata mumaanza, kuzuminizya amutwe, alimwi akwaamba kuzwa aansi amoyo kuti “Ameni!” Amana kucita oobo ndendilyo naakali kutalika kulya.\\nCiindi Daniel naakakkwanya myaka yone, wakatalika kuciswa bulwazi bwa acute leukemia (kkansa yamumafwuwa.) Mebo aba Lene twakali kukatala kapati alimwi akukatazyigwa mumizeezo. Ndakali kulimvwa mbuli kuti ndiyanda kusondoka. Mpoonya bumwi buzuba ciindi notwakatyompedwe kapati, mulangizi wesu wabbazu, wazina lya Neville Bromwich, wakatuswaya aŋanda. Busiku oobo, kumwi kalila, wakatukumbata. Mpoonya toonse twakalila. Majwi aakwe aaluyando alimwi aaluzyalo akatuumbulizya kapati. Wakanyamuka cakuma 13 hrs buzuba bwakatobela. Tiilyakalampa, Daniel wakafwa. Lufwu lwakwe ncecintu cakatucisa kapati mubuumi bwesu. Nokuba boobo, twakaliyumya kubuumba bwesu, katujisi lusyomo lwakuti, noluba lufwu, talukonzyi kumwaandaanya Daniel kuluyando lwa Jehova. (Rom. 8:38, 39) Aboobo tulangila ciindi notuyooba anguwe aakubusyigwa munyika mpya ya Leza!—Joh. 5:28, 29.\\nKUJANA LUKKOMANO KWIINDA MUKUGWASYA BAMWI\\nMazuba aano, nokuba kuti ndakalebuka mubili ziindi zyobilo, ndicili mwaalu mumbungano. Zintu zyakandicitikila mubuumi zindipa kuba alweetelelo alimwi alubomba kuli bamwi, ikapati aabo ibali mumapenzi. Ndilasoleka kutababeteka. Muciindi caboobo, ndilalibuzya kuti: ‘Ino mbuti zintu zyakabacitikila mubuumi bwabo mbozijatikizya mbobalimvwa alimwi ambobayeeya? Mbuti mbondikonzya kutondezya kuti ndilababikkila maano? Mbuti mbondikonzya kubakulwaizya kutobela nzila zya Jehova?’ Eelo kaka ndilakukkomanina kucita mulimo wabweembezi mumbungano! Masimpe, ciindi nondibaumbulizya alimwi akubakatalusya bamwi kumuuuya, ndilimvwa kuti andime lwangu ndilalyuumbulizya akulikatalusya.\\nNdilazumanana kujana lukkomano mukucita nyendo zyabweembezi\\nNdilimvwa mbuli sintembauzyo iwakaamba kuti: “Mizeezo minji iilibilisya neyakandikatazya, [Jehova] wakanduumbulizya akunditontozya.” (Int. 94:19) Wali kundigwasya kutegwa ndiliyumye mubuyumu-yumu bwamukwasyi, mukukazyigwa kujatikizya bukombi alimwi anondali kutyompwa. Masimpe, Jehova wali Taata mwini-mwini kulindime!\\n^ munc. 19 Kumatalikilo, cisi ca Pakistan cakali muzibeela zyobilo, nkokuti West Pakistan (lino ciitwa kuti Pakistan) alimwi a East Pakistan (lino ciitwa kuti Bangladesh).\\n^ munc. 29 Amubone cibalo cakuti “Raising a Child With Down Syndrome—The Challenge and the Reward” mu Sinsimuka! ya Chingisi yamu June, 2011.\\nLuumbulizyo Muziindi Zyamapenzi","num_words":1600,"character_repetition_ratio":0.035,"word_repetition_ratio":0.0,"special_characters_ratio":0.155,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Twasika Munsaa Mamanino! Twaanjila Sunu Mapenzi Aatanabwenwe! Print\\nTwasika Munsaa Mamanino! Twaanjila Sunu Mapenzi Aatanabwenwe!\\nZishinshimi zyokwa Daniele zyaambilizya mwaka wa 1922 kuti ngamatalikilo aakubalila ciindi cisikila kumamanino.\\nKoyiya lino ooyu mwaka ncuulaa mulimo mupati!\\nMwanaangu mutaanzi kuzyalwa, wakalaa nsoni kapati. Ncobeni nobantu kufumbwa kuti yebo naa walanga mubbuku lipandulula mabala ncolyaamba ibbala lyakuti “nsoni”, inga eelyo bbala kalipandulula zina lini mbwaakabede mwana ooyo! Mukubaa coolwe, batumbu bangu bakabala cimwi cibalo cakali kupandulula buvwuntauzi bwabana oobo bwakatolede busena aciindi cimwi; eeco cibalo cakali kwaambilizya kuti aabo bantu “balaa nsoni”, mbantu bakatazyidwe kuzyiba ziimo zyabantunyina bali mumbali lyabo. Kujanza limwi, aabo basangalede akwaanguluka akataa bantunyina, mbantu bafwamba kuzyiba kabotu ziimo zyabantunyina kakwiina kulubizya.\\nKuvwuntauzya akataa bantu kwakatondezya kuti bana \"balaa nsoni \" balikatazyidwe kuzyibana abantunyina kwiinda bana baccangamukide kuliiba akataa bantunyina.\\nOobu bwakali bupanduluzi bukkwene. Kuti yebo kotakonzyi kuzyiba ciimo camuntunyoko ambwalimvwide kuti wamulanga mbwalyeendelezya amubili wakwe, kuti yebo koide kuliyeeyela buyo kuti ooyo muntu uli kalalide nkaambo kako (nokuba kuti katanyemede ncobeni), mpoonya yebo inga nkwiide kusuuluka akwiimina kulaale amuntu ooyo nkaambo toozyiba bwini mbwalimvwide. Ncenciceeci ncokuli bantu “balaa nsoni” batazyi mbobabede bantunyina.\\nNibakamanizya kubala cibalo eeci batumbu, bakatalika kupandulwida mwaneesu musankwa ncaakali kunga walangila kufumbwa ciindi naakali akataa bantu banjaanji. Eelyo nitwakacili mumootokala, katuyaa kukunkulika kufumbwa nkotwakali kuyanda kugama, batumbu bakali kumwaambilila limwi mwana kuti nguni uunooliko kubusena ooko nkotuya, ancobani kwaamba bantu bali kooko, kumwi kabamwaanzya, alimwi awalo ncayelede kwaamba mukwiingula bantunyina aabo. Tiibakamulekela kuti abbizye mutwe wakwe akuyuba bantu kakwiina kwaanzya. Balo bakazumanana kuti mwana weelede kubaa mulemeko akwiingula kabotu-kabotu, pele bakamuubyaubila makani woonse akumwaambila zintu zyakali kuyoocitika, aceeco ncaakali kunga walangila kucitika. Alyalo naakalaa myaka yakuzyalwa iili 10 a 11, walo wakali kunga ubuzyilila banyina kuti bamwaambile ncaakali kunga walangila kucitika kufumbwa naakali kuyanda kucita cintu ceenzu cipya.\\nAciindi nceenya eeco, kwakali balongwenyina bakalaa mukwasyi wakalaa mwana musimbi, awalo ooyo mwana mbweenya buyo mbuli mwaneesu musankwa, wakali musimbi wakalaa nsoni kapati. Eeco cakali cintu cicumba moyo kubona mwana nkwapenga kufwa nsoni. Pele kuleka mbuli batumbu bangu, aabo bakaintu banyina mwana musimbi ooyo, tiibakali kumulaya kuti weelede kubaa mulemeko akwiingula bantunyina munzila yakulemekezya naambaula abapati. Aabo bakaintu bakalekela kana kabo kasimbi kuduunta mutwe akulisisa busyu mumusiinsi wabanyina, nokuba kuuntuluzyila muntu ooyo uusola kwaambaula anguwe mwana ooyo. Myaka minjaanji kayiindide, ooyo musimbi wakacilaa nsoni, eezyo mwaneesu nzyaakalubide kale kuzwa naakakomena. Cintu cilikke cakayindene cakali cakuti, batumbu bangu bakamulaya mwaneesu akumuzyibya musyule lya ciindi eezyo zintu nzyaakali kunga walangila, alimwi ambwaakali kweelela kulyeendelezya akwiingula bantunyina.\\n“Makanze aako ayelede kusiya mbi akutazyibika mbuli musinze wamasiku, pele yebo nonyanyaala, weelede kuumputa mbuli lulabo.” Silumamba Sun Tzu\\nIkaambyo kamuci Latini kakuti, “Præmonitus, præmunitus,” kalaa makani aamasimpe aajanwa munyika yoonse: “Ooyo uucenjezyedwe nguulibambide kulwana nkondo.” Awalo Mwami Yahuwah ulaazyi kabotu ncobeni makani aaya. Awalo mushinshimi Amosi wakaambilizya kuti: “Ncobeni Adonai Yahuwah kunyina cintu ncanga wacita, pele Walo uyubunwida maseseke Aakwe kubatwanga Bakwe bashinshimi.” (Amosi 3:7, KJV) Kuli kaambo keni ncocili boobo. Eelyo muntu nabbaatikizyigwa zintu zimucitikila, nceciindi eelyo walo nanga wajatwa katalibambide pe. Mubwini, oobu mbusongo bwakulwanwa nkondo buyandika kubaa mulimo mupati, cakuti umwi silumamba wansiku mu Chinese alimwi mwiyi, Sun Tzu, wakasanganya ciyanza cakubbaatikizya basinkondonyina kuti cibe cimwi akata nzila zyosanwe zyakuzwidilila kukoma naakali kulwana nkondo. Mumulumbe wakwe uulaa mpuwo wanzila zyakulwana nkondo, oomo mwaakalemba cibalo cilaa mutwe wakuti The Art of War, Sun Tzu wakati: “Ooyo uuzunda, nguyooyo wakalibambila, uulindila kubbonta sinkondonyina natalibambide.” Wakayungizya aawo kumwi kati: “Yebo kobazyibya bantu zintu nzyobalangila; eeco ncecintu ncobateelela alimwi ncecibakkazyika myoyo yabo. Pele eeco ncecintu cibakkazyika muciimo anzila njobalangilwa kwiingula kufumbwa kuti kwacitika cintu cimwi, akuzuzya mizeezo yabo kakuli yebo ulindila buyo ciindi cibotu — kuti ubajanikizye kabatalibambide nokuba kuti kabatakulangili.”\\nKunyandya ngomulazyo wakulwana nkondo ngwabelesyegwa ziindi zinjaanji awalo Saatani lwakwe. Dyabooli lyoonse uliingene mumulimo wakweena bantu. Kwiinda mukucenga bantu kuti batazyibi kasimpe keni, walo ulabadyuumika kuti batalike kuliiba kabayeeyela kuti bacilaa ciindi cakulibambila eelyo Mufutuli nataninga boola. Mpoonya, eelyo manyongwe aakumamanino aakubasikila bantu aabo, bayoojanikizyigwa kabatalibambide; bayoobbaatikilwa akunjila mumanyongwe aatanabwenwe kuzwa niyakalengwa nyika yoonse.\\n“Ooyo wakacenjezyegwa nguulibambide kulwana nkondo.”\\nZishinshimi zya Mangwalo, nzipego zya Mwami Yahuwah kubantu basyaalizya bamusela wamamanino. Mucishinshimi, tulipedwe makani aagaminide kutuzyibya nkondo amanyongwe aamamanino, azimwi zintu ziciboola kumbelaa mazuba. Kunyina muntu weelede kujatwa katalibambide pe. Pele kasimpe keni nokuba boobo, kalagambya ncobeni. Kweendelanya ajwi lyakasimpe lya cishinshimi, inyika yakasika kale anjeleela ya “ciindi camamanino” kuzwa mumwaka wa 1798; aboobo lino ijatide bubi kutongela “mumapenzi aatanabwenwe” kuzwa mu 1922!\\nIbbuku lya Daniele lilipandulwidwe amubbuku lya Ciyubunuzyo. Eezyo zishinshimi zipedwe a Moza wachishinshimi, tazyikonzyi kwaandaanyigwa pe. Ciyubunuzyo 13 ncishinshimi cakagolela mu 1798:\\nLino Ime neekaimvwi ankomwe yalwizi, ndakabona munyama wabbuka kazwa mulwizi. Wakalijisi meja aali kkumi amitwe iili ciloba, kulwija lomwe-lomwe kwakali mushini, alimwi amutwe omwe-omwe kwakali zina lisampaula Leza.\\nMunyama ooyo ngondakabona wakali kulangika mbuli siluwe. Maulu aakwe akali mbuli aamalama, awalo mulomo wakwe wakali mbuli wasyuumbwa. Nkabela simwaaba wakapa munyama ooyu nguzu zyakwe, cuuno, abulelo bwakwe bupati.\\nUmwi wamitwe yamunyama ooyu wakali kulangika mbuli kuti ujisi dondamwaka, pele dondamwaka eelyo lyakapona. Bantu boonse ibakatobela munyama ooyu, bakagambwa kapati. (Ciyubunuzyo 13:1-3, KJV)\\nKwamyaka iili cuulu, myaanda yobile amakumi cisambomwe eeyo yakatalikila mu 538 C.E., Cikombelo ca Katolika caku Loma cakaluujisi kunyonauna buna Kristu munzila yabumpelenge, akutumina bapaizi baco ba Jesuiti kuti bakazunde akoozyeka makunga aabantu mumasi aanyika yoonse akubatola buzike. Ooyu mulongo wamyaka iili 1260, ulibonyaanga ulayinduluka kwaambwa muli Daniele amu Ciyubunuzyo. Ciindi camamanino cakasika mu 1798 kwiinda muzintu zyobile nizyakacitika aciindi eeco: 1) sikalumamba mupati waba Frenchi , Louis-Alexandre Berthier wakatola poopo buzike akumuwaalila muntolongo; alimwi, 2) Mfulumende Yabuzangi yaba Frenchi, kilaa muzeezo wakuti kucinyina leza uupona kujulu, yakaanza kkalenda lipya kuti libeleke mulimo wakulesya buna-kristu mucisi ca France akugwisya Nsondo muvwiki yakkalenda eelyo. (Insondo yakali kuluulwa kuti mbuzuba bwakupaila, kuleka Nsabata yamu Bbaibbele, aboobo Nsondo yakali “citondezyo canguzu” ca Cikombelo ca Katolika caku Loma.)\\nEezi zintu zyobile nizyakacitika, zyakayasa mutwe wabupoopo “cilonda calufu”, akugozya mulongo wamyaka yabulelo bwa poopo kumamanino mu 1798. Aboobo, kuzwa mumwaka ooyo, nyika ili “kumamanino aaciindi.” Eeco cishinshimi nocakazuzikwa: lwakali lwiito lwa kasimpe oolo lwakasinsimuna bana Kristu bakatonkomene mumusela wa 19th , akubasolweda kukusanyangulisya Bbaibbele akuvwuntauzya kasimpe. Pele mamanino taakaninga sika pe.\\nCisi cizangi ca France, cakasulaika kkalenda lina “Gregory” lyokwa poopo akukaka nguzu zyabweendelezi zyokwa poopo. “Ikkalenda lya Bulelo bwaba Frenchi . . . talyeelede kukonzyanya nokuba kasyoonto amicito yabwaapositolo bwa Cikombelo ca Loma.” Pierre-Sylvain Maréchal\\nCifwanikiso: Cokwa Debucourt, Philibert Louis - Bibliothèque nationale de France,\\nMucibaka Caantangalala, https:\/\/commons.wikimedia.org\/w\/index.php?curid=276075\\nCiindi ca Mapenzi Aatanabwenwe\\nZishinshimi zyokwa Daniele a Ciyubunuzyo, nzipego zyokwa Yahuwah kubantu Bakwe. Bunji bwa zishinshimi zyokwa Daniele, nzipego zyaabilwa kugaminina musela wamamanino. Eezi zishinshimi zyaambilizya kuti cisi ca France ngo “ Mwami Wancinko” wamu Daniele 11; Ijipita ngo “Mwami wa Kumusanza,” alimwi Bulelo bwa Ottoman ngo “ Mwami wa Kunyika.” (Kutegwa ubale makani manjaanji aajatikizya bami botatwe aaba, twakukomba kuti ubale cibalo eeci “Napoleon, Atatürk a Poopo Francis Baambilizya kuti Kujala Ŋanda Yakazekelo Kulaafwi Kucitika.”)\\nNcintu cipati kupampanuna zishinshimi zyoonse kwiinda mulumbe uuli mucibalo coonse eeci. Nokuba boobo, kukosozya buyo makani: Masi aa Kumbo, kwaciindi cilamfu akali kulanganya Bulelo bwa Ottoman kuti ngo “mulombwana uusondokede waku Bukuwa.” Daniele wakaambilizya kuti: “Kumananino aaciindi Mwami wa Kumusanza [Ijipita] uyootonkaika nguwe [ Mwami Sincinko, France]: alimwi Mwami wa Kunyika [Bulelo bwa Ottoman] uyoomufuumina mbuli kambizi… pele walo [Mwami wa Kunyika] uyoosikila mpagolela kumamanino, alimwi kunyina naba omwe uutikamugwasye walo pe.” (Daniele 11:40 a 45, KJV)\\nMustafa Kemal, uuzyibidwe azina lyakuti Atatürk, naa “Wisi waba Turki” wakayakulula Bulelo butaanzi bwa Ottoman. Walo wakamwaila limwi buleli bwaba sultani mu 1922 alimwi “akubamba nzila yamilawo mpya, iikonzyanya aya ku Bukuwa. Alimwi wakabamba milawo eeyo yakakosweda limwi kufumbwa cijatanya bulelo bwakwe kubupaizi amulawo wa Islamu [Sharia].”\\nEeci cakadadula silutwe wabupaizi bwa Islamu cilonda calufu eeco ncobutaninga pona.\\nEeci ncecaacitika ncobeni. Bulelo bwa Ottoman— bulelo bwakalaa mpuwo mpati akukankamya masi manji aa Bukuwa kusikila alibilika akukankama bukandu, oobo bulelo bwakajazya zyuulunzuma zya bana Kristu akubatola buzike — bwakasika mpobugolela kumamanino, kutali munkondo iisabila akulwanwa kapati pe, pele mukaziziizi. Alimwi kunyina wakali kuyanda nokuba kugwasyilila bulelo oobo. Mbweenya buyo amwalo mumusela wakainda musyule, Silutwe walumamba Berthier naakayasa mutwe wabupoopo cilonda calufu, Mustafa Kemal, wakapegwa mutwe wacuuno wakuti ngu Atatürk, alimwi wakayasa mutwe bupaizi bwa Islamu cicisa calufu.\\nAtatürk wakamwaya sultanate, mutwe wabupaizi bwa Ottoman antoomwe a caliphate, mutwe wabupaizi bwa Isilamu, akuyaka Bulelo bupya mucisi ca Turkey. Walo wakaleta lusumpuko kucisi cipya ca Turkey akucaandaanyacaali kuzwa kumilawo yabupaizi bwa Islamu. Nkabela Bulelo bwa Ottoman bwakasikila kumagolelo kumamanino aa Vwumbi Pati 1, 1922. Eeci ncecintu cilaa mulimo kapati kubantu bokwa Yahuwah, nkaambo ncintu ciganta aatalikila “ciindi camapenzi aatanabwenwe.”\\nEeco cishinshimi, citondeka mwaka wini, cilaa mulimo mupati kubantu bokwa Yahuwah. Bulelo bwa Ottoman oobo bwakasika kumamanino mu 1922, bwakali bulelo bwa Mwami wa Kunyika naakasika kumamanino aabulelo bwakwe kakwiina muntu wakumuyavwa kulwana basinkondonyina. Eeci ncecintu ciyumya kutondezya kakwiina kudonaika kuti lino swebo tuli muciindi camapenzi ncobeni. Eeci cishinshimi cilaa mulimo munzila zitobela:\\n1. Kuzuzika cishinshimi eeci, akuganta mwaka wa 1922 kuti mpaatalikila ciindi camapenzi aatanabwenwe, ncecintu ciyumya mizeezo yabantu boonse basyomeka kuti ijwi lyachishinshimi lyokwa Yahuwah lililuleme ncobeni alimwi lilakonzya kulibonya muzintu zicitika masimpe atalaa nyika eeyi. Makani aakoolegwa kwa Bulelo bwa Ottoman, maubauba kutondezya alimwi alilembedwe mumabbuku aamisela yacisi eeco. Mwami Yahuwah tasiide cintu cilaa mulimo mupati boobu kuti cibe cintu cakweezyeezya cikatazya kubona nanka kuteelela.\\n2. Kuzuzika cishinshimi eeci, ncintu cilomya kutondezya kuti Mwami wa Kunyika ooyo waambwa muli Daniele 11, mwami wiiminina Bulelo bwa Ottoman. Eeci cishinshimi cilatondezya kakwiina kudonaika matalikilo eeni aa “Ciindi camapenzi” cokwa Daniele. Cibalo ca Daniele 11 cijuzya mulumbe abupanduluzi bwa Mwami wa Kunyika ooyo “uuyoosika kumamanino aakwe kakunyina muntu uyoomugwasya pe.” (Daniele 11:45, KJV)\\nKampango keni katobela waawo kaamba kuti: “Kuciindi eeco, Mikayeli mungelo mupati uukwabilila bantu bako, uyoobuka. Kuyooba ciindi camapenzi aayoosya aatanabwenwe kuzwa kuciindi kakutanaba masi pe. Pele ciindi eeco bantu bako, boonse bali aamazina aalembedwe mubbuku bayoofutulwa.” (Daniele 12:1, KJV) Kunyina ciindi cakulelema. Mpoonya buyo Mwami wa Kunyika nasika kumamanino aakwe, mpeenya aciindi eeco kwakaba “ciindi camapenzi aatanabwenwe kuzwa nikwakaba cisi atalaa nyika kusikila ciindi eeco.”\\nMumazuba buyo aali 100, mu 1994 Kujaya Bantu ku Rwanda kwakakukula maumi aasika 800,000 (bamwi bayeeyela kuti kusikila maumi aali cuulunzuma comwe). Imwi mikwasyi yoonse yakajayilwa limwi bantu boonse. Akali manyongwe aatapanduluki.\\nEeconceciindi ncotupona mazubaano. Musela wa 20th wakalaa nkondo zyabujayi kapati zinjaanji, alimwi bunji bwabantu bakajayigwa amfulumende zyabo kwiinda musela uuli woonse wakainda. Milton Leitenberg, mubbuku lyakwe lilaa mutwe wakuti “Lufu mu Nkondo a Mumazwanga aamusela wa 20th,” weezyeezya kuti kusikila munsaa 231 zyuulunzuma zyabantu bakafwa mumusela wakainda ulikke. Bamwi basikuvwuntauzya bataminina kuti kuyungizya waawo, zyuulunzuma zili 260 zyabantu, bakajayigwa amfulumende zyacisi cokwabo.\\nMumyaka iili buyo 10, 1966 kusikila mu 1976, kusikila zyuulunzuma 2 zyaba Chinese bakajayigwa amfulumende yabo mumusela wa Zilengwa zya Kulwana Mfulumende. Mumyaka yone buyo, 1975 kusikila mu 1979, kwiinda cuulunzuma 1 cabantu baku Cambodia, bakasweekelwa maumi aabo mumabanda mobakali kujailwa muciindi cabulelo bwa Khmer Rouge. Pele eeyi myeelwe iliceede kapati kweelanya a zyuulunzuma zyamaumi aabantu akaakosoolwa amuleli wabulwani waku Soviet, Joseph Stalin. Bamwi bayeeyela kuti mweelwe wabantu bakafwa baku Soviet ulasika kulampa mbuli zyuulunzuma zili 60 zyabantu. Masimpe ncobeni, eeyo myaka kuzwa mu 1922, myaka yamapenzi aatanabwenwe kuzwa nikwakabede cisi atalaa nyika.\\n3. Lino buzuba bwa matalikilo aaciindi camapenzi mbobwalibonya, bantu bokwa Yahuwah balikwabilidwe kuzwa kulucengo lwa Saatani. Kakwiina mwaka wa 1922 kuti ngomwaka uutalikilwa kupima “ciindi camapenzi”, eeco ciindi inga lyoonse kaciide kunootonkelwa kumbelaa mazuba aacizya kumbele. Bantu basyomeka kubala Bbaibbele, balangaula cintu cimwi cakubatondezya bweende bwa misela, pele kuti kakwiina mwaka wa 1922 uubagantila aakutalikila ciindi camapenzi, balo balangaula zintu zyalucengo kumwi kabatakubwene kuti ciindi camapenzi cakatalika kale! Saatani ulabazilaisya akubakopanya mumizeezo nkaambo, eelyo nobatonkela ciindi camapenzi kumbelaa mazuba aatalangilwi kusika, muntu ulalelema kulyaaba akulibambila kukuboola kwa Yahushua.\\nMbantu bamusyobo ooyu baambilwa majwi aamause aakuti:\\nTakuli kuti boonse bandiita kuti 'Mwami, Mwami' bayoonjila mubwami bwakujulu pe';\\npele ccita buyo ooyo uucita nzyayanda Taata uuli kujulu.\\nMubuzuba oobo banji-banji bayoondaambila kuti 'O Mwami, Mwami wangu, sena tiitwaakashinshima muzina lyako?\\nakutanda myuuya mibi yazyeelo? akucita milimo yanguzu minji muzina lyako?'\\nLino ndiyoobaambila kuti, 'Nsimwizi pe! Amunditantamuke nywebo nomucita zibyaabi.” (Mateyo7:21-23, KJV)\\n4. 1922 ngomwaka uumaninide kusalazya akataa ciindi camapenzi eeco caambwa mu Daniele12:1, alimwi abulembedwe muli Mateyo 24:21. Eezi zibalo tazyili cishinshimi comwe pe. Cishinshimi cokwa Yahushua citola kaindi kasyoonto buyo akusika munsaa mpaagolela mamanino:\\nPele maawe kubakaintu baminsi abaabo bali kuyoonyonsya kumazuba aayo!!\\nAmukombe kuti kutija kwanu kutakabi ciindi camupeyo nikuba Buzuba bwa Kulyookezya butegwa Nsabata. :\\nNkaambo kuciindi eeco kuyooba mapenzi mapati, aatanabwenwe kuzwa kumalengelo aanyika kusikila sunu,\\nalimwi takukabi aambi aali boobo pe..\\nLino kuti naa aayo mazuba naatakafwiinsigwa, taakwe muntu naba omwe wali kunoyoofutuka,\\npele Yahuwah uyooafwiinsya mazuba aaya akaambo kabantu mbaakasala..\\nCiindi eeco, kuti naa umwi akati, 'Bona ngooyu Kristo!' naa 'Nguulya!' mutakamuzuminini..\\nNkaambo kuyooba balyaamba kuti, 'Ndime Kristo,' alimwi kuyooba basinsimi babeji!\\nBayoocita zitondezyo amaleele aagambya, kuti naa kakukonzyeka bakacenge aabo Yahuwah mbaakasala..\\nAmuswiilile, ndamwaambilila limwi zintu eezi kazitana citika (Mateyo 24:1-25)\\nKakwiina kutalikila mumwaka wa 1922 kubalila ciindi kuya kumamanino, basicikolo ba Bbaibbele inga bacaazya buyo kabazeleemba muntenda, kumwi kabasumpya ciindi camamanino kuti cicizya kumbele mumazuba aatazyibidwe.\\nMuciindi eeci camapenzi eelyo nokuyoomvwika koompolola mupati (mulumbe wamamanino waluzyalo uucenjezya bantu) nuuyoopegwa kunyika yoonse, bantu banji bayoosweekelwa maumi aabo nkaambo kakasimpe. Ciindi camapenzi cokwa Daniele, kutalikila mu 1922, cijatikizya masi woonse aamunyika. Pele tabali boonse bayoofwa muciindi eeci kuti bayoofwida kasimpe pe. Eeco ciindi ncaamba Yahushua, nciindi ciinda kulula kwiinda ciindi cokwa Daniele. Ciindi camapenzi ncaamba Yahushua, cisikila kumamanino kwini alimwi ciyookosolwa nkaambo nikwaakubula naba muntu omwe uucaala atalaa nyika.\\n5. Cishinshimi ca Mwami wa Kunyika naakasika kumamanino aakwe mu 1922, aciindi camapenzi citalikila kuzwa waawo, cipandulwida mizeezo yabantu kaambo keni nyika lyoonse nciigwitide kulwana nkondo kuzwa mu 1922, alimwi ciyooba boobo kusikila Mufutuli Yahushua akazyokele.\\nKweendelanya acilembedwe mutwe wakuti Science Daily, mweelwe wamazambangulwe aacitikila mu Lwaanje lwa Atlantic, wakayungizya ziindi zyobile mumusela wakainda.1 Alimwi aayo mazambangulwe aameenda buyo kakwiina kusanganya azimwi zyaacitika. Myeelwe akuzuzuma kwanyika kwakaindizya kusikasika kapati. Mubwini, akataa mizuzumo mipati iili kkumi yakacitika mumusela wanyika, iili fuka yakacitika kawiindide mwakwa 1922. Mwiyi Mike Sandiford, syaazyibwene wamabwe abubambe bwanyika ku Cikolo cipati ku Melbourne, waamba kuti “Basyaazyibwene ba mizuzumo yanyika bakabona kuti kuzuzuma kwanyika kwakaindila kuvwula akuzuzuma canguzu kutalikila mumyaka iili kkumi yakainda musyule.”2\\nMyeelwe yalufu munkondo, kujayigwa amfulumende zijaya bantu bazyo, kujayana akataa bantu bamisyobo yiimpene amanyongwe aazilengwa leza kuzwa mumwaka wa 1922, zyoonse eezyo nzintu zyatakali kulangilwa mumusela uuli woonse.\\n“Eeyo milandu njotubilide kusinganya akupingilila kusubula, yakacitilwa caali mubumpelenge, alimwi ilaa bujayi bunyonyoona ncobeni cakuti, kunyina lusumpuko lutakonzyi kubikkilila maanu akuuntuluzyila milandu eeyo, nkaambo oolo lusumpuko inga tiilwa ongola kuti yainduluka kucitwa milandu eeyo.”\\nRobert Jackson, Silutwe Muzeki wankuta ku Amelika, naakali kujuzya muswaangano wa Nkuta Yalumamba Munyika Yoonse, ku Germany, Vwumbi Pati 21, 1945.\\n6. Cishinshimi cokwa Daniele “cilacenjezya kuti kujala ŋanda yakazekelo tacili cintu ciyoocitikila mumazuba aacizya kumbele kulaale, eelyo nobatanooliko bantu bapona mazubaano. Pele swebo “tulaafwi kusika akataa masiku.” Ŋanda yakazekelo iyanda kujalwa alimwi kucinyina ciindi cakutombaila kulelema cakuliiba kulizulazula akulilangaula myoyo yesu.\\n7. Kuzuzikwa kwini kwa cishinshimi ca Mwami wa Kunyika naakasika kumamanino aakwe alimwi kakwiina muntu uumugwasya, ncecigwasyilizya kutondezya akuyumya kuti kuli buyo zishinshimi zisyoonto ziceede kuzuzikwa; azyalo ziyoozuzikwa munzila njeenya buyo mubukkwene. Eeci ncintu ciyandika kapati nkaambo zimwi akataa zeezyo, muciindi cino, zikonzya buyo kubonwa ameso aalaa lusyomo. Pele, mbweenya Mwami Yahuwah mbwaamba, ziyoozuzikwa muciindi eeco, alimwi munzila njeenya mbozyakashinshimwa kucitika.\\nKaindi kasyoonto Kusika Akataa Masiku\\nSwebo tulaafwi lino kusika akataa masiku.\\nIme neekacili acijatilo canzoka, bazyali bangu bakalaa nkoloko mpati yakaindi loko, eeyo yakali kuyaa kukonwa mumukwasyi wesu kwamyaka amisela minjaanji. Eeyo nkoloko yakali kunga yangondoola kulizya mulangu kwainda ciindi catunzumina tuli kkumi amusanu, ciindi casika akataa woola, alimwi nokuceede tunzumina kkumi amusanu kuti lisike woola litobela. Eno lyasika woola litobela, nokuba boobo, eeyi nkoloko yakali kunga yatalika kulizya kaimbo kasyoonto kiitaninga talika kungondoola mulangu mujwi lidedema kubbesa. Kwakanyina kaanza kabalila akupima tunzumina tusyoonto pe, pele buyo kaanza kabalila tunzumina tupati akaanza kabalila mawoola.\\nNokuba boobo, kuti yebo nookaswiilizya kabotu-kabotu, mukaindi kasyoonto eeyo nkoloko kiitaninga talika kulizya kaimbo, inga nookamvwa jwi mbuli kuti kuli cijuzyo cikopolola mulyango mukati kankoloko eelyo niyakali kulibambila kutalika kulizya kaimbo aako, mpoonya akumvwika cintu cizukuunya kuti zwiii mukati, nkokuya kamvwike kaimbo aako. Eelyo nitwakali kukutauka mulimo wakumanizya ziiyo nzitwakapedwe kucikolo kuti tukamanizyile kumunzi, eelyo nitwakali kumvwa nkoloko nkwiityolooka mukati, Ime amusazima twakali kunga tulindila buyo kumvwa nkoloko eeyo kuti ituzyibye kuti woola lyakupenga kukutauka mulimo wakucikolo lyasika kumamanino, aboobo kuti lino ciindi cakuti tuye anze tukasobane acalo casika mpeenya aawo.\\nMpampawo aawo mpotubede sunu bakwesu mumusela wanyikeeyi. Ciindi camapenzi tacicili kumbelaa mazuba pe. Bantu banjaanji babala cibalo eeci bakazyalwa ciindi camapenzi nicakatalikide kale! Swebo lino tulindizya buyo kuti tumvwe jwi likokolosya mbuli cijuzyo ciyanda kujula mulyango akutuzyibya kuti lino ciindi casika kumagolelo! Mutakacegwi nokuba kujanwa tamulibambide nobasaama. Amukkale ansi cino ciindi akwiiya zishinshimi zya Mangwalo ncozyaamba cini. Nkuyanda kwa Mwami Yahuwah kuti inywe muzyibe ncobeni eezyo zintu zizinga mizeezo munguzu lino zilaafwi kubbukila nyika yoonse, nkaambo kufumbwa buyo yaakutalika koompolola myeembo ya Ciyubunuzyo, kucinyina kulekezya nokaba kaindi kasyoonto kusikila zyoonse zikamanizye kucitika akumanina do.\\nEelyo Mufutuli Yahushua naakabuzyigwa mazuba masyoonto kataninga fwa, kuti apandulule bweende bwazintu kusikila kumamanino, Walo wakapa buyo majwi aakulwaizya akwaamba kuti, “Lino eezi zintu zyaakutalika kucitika, amulungumike mitwe yanu kujulu, nkaambo lwaanguluko lwenu lwaaswena afwaafwi. ” (Luka 21:28)\\nLino tuli buyo kaindi kasyoonto kuti tusike akataa masiku. Mamanino asika mwanookwesu, alaafwaafwi kapati kwiinda mboyeeyela.\\nKutegwa uzyibe zinjaanji zijatikizya mazuba aazya kumbele, nkamu ya WLC yakutamba kuti yebo ulibalile zitobela ansi aawa:\\nLweeno lwa Mamanino: Saatani Kasamide Zikobela zya Mumuni\\nImvwula Nkukula Nsoke Iluujisi Kuwa! (Hena yebo uliitambula na?)","num_words":2736,"character_repetition_ratio":0.048,"word_repetition_ratio":0.0,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Deuteronomo 21 | Bbaibbele lili a Intaneti | Bbaibbele lya Busanduluzi Bwanyika Mpya\\nMujayi watazyibwa (1-9)\\nKukwata bamakaintu bazike (10-14)\\nMbwaakeelede kucitilwa mwana mutaanzi kuzyalwa (15-17)\\nMwana sicinguni (18-21)\\nMuntu waanzikwa acisamu ulisinganizyidwe (22, 23)\\n21 “Ikuti naa kwajanika muntu uujaidwe musyokwe munyika eeyo Jehova Leza wanu njayoomupa, alimwi iwakamujaya katazyibidwe, 2 baalu banu ababetesi banu+ beelede kuunka ooko akuyoopima misinzo kuminzi iizingulukide muntu ooyo uujaidwe. 3 Mpoonya baalu bamunzi ooyo uuli afwaafwi kapati amutunta beelede kubweza ŋombe mpwizi akati kabutanga iitanabelesyedwe mulimo alimwi iitanapopedwe, 4 alimwi baalu bamunzi ooyo beelede kutola ŋombe mpwizi eeyo kukalonga kakunka maanzi ooko nyika nkwiitana kulimwa naa kusyangwa, mpoonya beelede kutyola nsingo yaŋombe eeyo ooko mukalonga.+ 5 “Alimwi bapaizi, iba Levi, bayooboola nkaambo Jehova Leza wanu wakabasala kuti kabamubelekela+ akulongezya muzina lya Jehova.+ Bayakwaamba mbwaayelede kukosolwa makani oonse aajatikizya mazwanga.+ 6 Mpoonya baalu boonse bamunzi ibali afwaafwi amuntu ooyo uujaidwe beelede kusamba kumaanza+ atala aampwizi iyatyolwa nsingo mukalonga, 7 alimwi beelede kwaamba kuti, ‘Maanza eesu taakwe naakatila bulowa oobu pe, naa meso eesu kubona bulowa oobu bwakatilwa. 8 Utabapi mulandu ooyu bantu bako ibana Israyeli mbookanununa,+ O Jehova, alimwi utalekeli mulandu wabulowa bwamuntu uunyina mulandu kuba alimbabo.’+ Eelyo tabakapegwi mulandu wabulowa. 9 Munzila eeyi muyoogwisya mulandu wabulowa bwamuntu uunyina mulandu akati kanu kwiinda mukucita ciluleme mumeso aa Jehova. 10 “Ikuti naa mwaunka kuyoolwana basinkondonyoko, eelyo Jehova Leza wanu wabazunda alimwi mwabatola mubuzike,+ 11 mpoonya wabona mukaintu mubotu akati kabazike aabo alimwi wamumenena mate akuyanda kumubweza kuti abe mukaintu wako, 12 ulakonzya kumutola muŋanda yako. Mpoonya weelede kugela masusu aakwe akutenda mala aakwe, 13 akumusamununa zisani eezyo nzyaakajatwa azyalo akukkala muŋanda yako. Uyoolila bausyi abanyina mwezi woonse,+ amana kucita boobo, ulakonzya koonana anguwe; yebo uyooba mulumaakwe walo uyooba mukaintu wako. 14 Pele ikuti naa tonoomukkomanina, weelede kumuleka kuti aunke+ kufwumbwa nkwayanda. Pele toyelede kumusambala naa kumupenzya pe nkaambo wamusofwaazya kale. 15 “Ikuti naa mwaalumi kakwete bamakaintu bobilo, umwi kamuyandisya kwiinda umwi, mpoonya boonse bobilo bamuzyalila bana basankwa alimwi mutaanzi kali wayooyo ngwatayandi,+ 16 mubuzuba oobo mbwapa lukono lwakwe kubana bakwe basankwa, takazumizyigwi kuti mwana wamukaintu ngwayandisya abe ngomwanaakwe mutaanzi mucibaka camwana wayooyo ngwatayandi, imutaanzi kuzyalwa. 17 Weelede kupa mwana wayooyo ngwatayandi bulemu bwamwana musankwa mutaanzi kuzyalwa kwiinda mukumupa zipaanzi zyobilo zyazintu zyoonse nzyajisi, nkaambo ooyo ngamatalikilo aanguzu zyaluzyalo lwakwe. Coolwe cakuba mutaanzi kuzyalwa ncicakwe.+ 18 “Ikuti muntu kajisi mwana sicinguni alimwi muzangi, uutaswiilili bausyi abanyina,+ alimwi kakuli bakali kumulaya pele tamvwi,+ 19 bausyi abanyina beelede kumujata akumutola kubaalu bamunzi wakwe kumulyango wamunzi, 20 eelyo beelede kwaambila baalu kuti, ‘Mwaneesu ooyu ngusicinguni alimwi muzangi, tatuswiilili pe. Mulyato+ alimwi ngucakolwa.’+ 21 Mpoonya bantu bamumunzi wakwe boonse beelede kumupwaya mabwe kutegwa afwe. Mweelede kugwisya bubi akati kanu alimwi bana Israyeli boonse bayoomvwa akuyoowa.+ 22 “Ikuti muntu umwi wacita cibi ceelede lufwu alimwi wajaigwa,+ eelyo mwamwaanzika acisamu,+ 23 mutunta wakwe taweelede kuba acisamu+ masiku oonse pe. Pele mweelede kumuzikka buzuba mbubonya oobo, nkaambo kufwumbwa waanzikwa acisamu ulisinganizyidwe a Leza,+ alimwi tamweelede kusofwaazya nyika yanu eeyo Jehova Leza wanu njayoomupa kuti ibe lukono lwanu.+","num_words":462,"character_repetition_ratio":0.056,"word_repetition_ratio":0.0,"special_characters_ratio":0.174,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Pulogilamu yaMuswaangano waBuumi Amulimu Wesu YamuMarch 26–April 1, 2018 Iijanika aJW\\nLwiimbo 143 Ankombyo\\n“Amulangile”: (10 min.)\\nMt 25:1-6—Basimbi balimusanu bachenjede abalimusanu bafuba-fuba bakaya kuyootambula sibwiinga\\nMt 25:7-10—Basimbi bafuba-fuba teebakaliwo sibwiinga naakasika\\nMt 25:11, 12—Basimbi bachenjede mbabo bakanjilaawe mupobwe lyamuchado\\nMt 25:31-33—Kujana mwachipandulula biyeni chikozyano chambelele ampongo? (w15 3\/15 27 ¶7)\\nMt 25:40—Kujana twabagwasilizya biyeni maKristu bananikidwe? (w09 10\/15 16 ¶16-18)\\nKubala Bbayibbele: (4 min. naa kutasika aawo) Mt 25:1-23\\nKubweeda Kwachibili: (3 min. naa kutasika aawo) Belesya chikozyano chili muzikozyano zyakwaambuuzyania. Tamba muntu kuChiyubulusyo.\\nKubweeda Kwachitatu: (3 min. naa kutasika aawo) Belesya lugwalo nduyanda mpawo umupe bbuku ndimunooyiya.\\nNkani: (6 min. naa kutasika aawo) w15 3\/15 27 ¶7-10—Mutwe: Chikozyano Chambelele Ampongo Chitondeezya Biyeni Kuti Mulimu Wakukambawuka Ulayandikana?\\n“Kuyungizya Luzibo Lwesu Mumulimu Wakukambawuka—Kuyiisya Bantu Mbitwiiyaabo Bbayibbele Kulibambila Chiiyo”: (10 min.) Kwaambuuzyania. Amweebele kavidiyo katondeezya sikupupulula kalikugwasya muntu ngwayiyaawe Bbayibbele kulibambila chiiyo. Kumbila baswiilizi baambe zimwi nzila nzibabelesya chiindi nibagwasya bantu mbibayiyaabo Bbayibbele kulibambila chiiyo.\\nAtubatambule Beenzu: (5 min.) Nkani ijanika muKabbuku Kamuswaangano Wabuumi Amulimu Wesu kamuMarch 2016. Wamba zibotu nzimwakajana muchiindi chaChiyubulusyo chamunyaka wayinda. Alubo wamba makani aali atala amilyango yakunjilila ayakuzwida, busena bwakupaka moota, nzibeelede kuchenjelela azimwi zyeelede kuchitwa mubuzuba bwaChiyubulusyo chinooli mu31 March.\\nChiiyo chaBbayibbele chaMbungano: (30 min.) lv Chaandaano 5 ¶16-23\\nLwiimbo 79 Ankombyo\\nPulogilamu yaMuswaangano waBuumi Bwesu bwachiKristu Amulimu Wesu yamuMarch 26–April 1, 2018","num_words":179,"character_repetition_ratio":0.072,"word_repetition_ratio":0.0,"special_characters_ratio":0.213,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nibwayinda Buzuba Bwamuchado—Amube Alukwatano Lusimide\\nNibwayinda Buzuba Bwamuchado\\n‘Luyando talumani.’—1 BAKORINTO 13:8.\\n1, 2. Kuti kwaba mapenzi mulukwatano zyaamba kuti taluchizwidilili na? Pandulula.\\nLUKWATANO nchipo chizwa kuli Jehova. Lupa kuti bantu babotelwe. Nikuba boobo, taakwe lukwatano lutakwe mapenzi. Kulakonzya kubonekaanga mapenzi aayo tazoomani pe, eezi zilakonzya kupa kuti bantu bakwetene batayandani mbuuli mbubakali kuchita chiindi.\\n2 Tatweelede kugamba kuti kwaba mapenzi mulukwatano. Nkaambo mapenzi taambi kuti lukwatano talukazwidilili. Bamwi bakali amapenzi mulukwatano, bakajana nzila zyakwaamana akupa kuti lukwatano lwabo lusime. Bakachita biyeni?\\nKUSWENA AFWIIFWI ALEZA AMUNTU NGUKWETENAAWE\\n3, 4. Niinzi chikonzya kuchitika mulukwatano?\\n3 Lukwatano luswaanizya bantu babili bali amaponeno aasiyene abube busiyene. Mwaalumi amukayintu bakakomezegwa munzila iisiyene alubo bali aziyanza zisiyene. Nkinkaako, zitola chiindi kuti bantu bakwetene bazibane kabotu.\\n4 Kuti muntu uuli mulukwatano wabikkila maanu kuzintu nzyayanda kutali ziyandwa awumwi, zipa kuti batamvwanani. Balakonzya kubonaanga tabachili nyama yomwe. Niinzi chikonzya kubagwasya kuti bamvwanane?\\nKubelesya malayilile aamuBbayibbele kupa kuti bantu bakwetene babotelwe\\n5. (a) Niinzi chikonzya kugwasya muKristu kuti aswene afwiifwi amuntu ngwakwetenaawe? (b) Kweendelana alugwalo lwaBaHebrayo 13:4, tweelede kulubona biyeni lukwatano?\\n5 Jehova upa malayilile aagwasya bantu bakwetene kuti baswene afwiifwi anguwe akuti bamvwanane. (Intembauzyo 25:4; Isaya 48:17, 18) Leza waamba kuti: “Kukwatana kabakulemeka boonse.” (BaHebrayo 13:4) Chintu nchuyandisya ulachilemeka. Ulachikwabilila akuchibamba kabotu. Jehova uyanda kuti tubone lukwatano munzila eeyi.\\nKUYANDA JEHOVA KULAKONZYA KUMUGWASYA\\n6. Lugwalo lwaMatayo 19:4-6 lutuyiisyaanzi atala aJehova mbalubona lukwatano?\\n6 Jehova nguwe wakatalisya lukwatano. Mwanaakwe Jesu wakati: “Sa tamubalide kuti oyo iwakabalenga kuzwa kumatalikilo wakabacita baalumi abanakazi? Alimwi wakaamba kuti, Nkaambo kaako mwaalumi asie wisi abanyina, akakatile mukakwe, kuti aba bobile babe nyama yomwe. Lino tabacili bobile pe, baba nyama yomwe. Nkaambo kaako, abo mbaakakakatizya Leza muntu atabapambukanyi.” (Matayo 19:4-6) Jehova wakatalisya lukwatano kuti lube lujatano lutamani akati kamwanakazi amwaalumi. Wakali kuyanda kuti bantu bakwetene kababotelwa akuti kabakkalaamwi.\\n7. Niinzi chikonzya kugwasya bantu bakwetene kuti batalekani?\\n7 Mazubaano bantu bakwetene baswaana mapenzi akukataazikana kwiingi loko. Chimwi chiindi mapenzi ngibaswaana apa kuti bayeeye kuti tabachikonzyi pe kukkalaamwi. Pesi kuziba Jehova mbalubona lukwatano kuyootugwasya.—1 Johane 5:3.\\n8, 9. (a) Ndiilili nitweelede kuswiilila malayilile aaJehova mulukwatano? (b) Kujana twatondeezya biyeni kuti lukwatano tulubona kuti nchintu chiyandikana?\\n8 Malayilile Jehova ngatupa alatugwasya. Utubuzya kuti: “Kukwatana kabakulemeka boonse.” (BaHebrayo 13:4; Mukambausi 5:4) Kutobela malayilile aaJehova kuyootugwasya nikuba kuti chimwi chiindi teekuuba pe kuchita oobo.—1 BaTesalonika 1:3; BaHebrayo 6:10.\\n9 Akaambo kakuti lukwatano nchintu chiyandikana kulindiswe, tatukaambuuli majwi atali kabotu akuchita zintu ziyoopa kuti tutamvwanani. Pesi tuyanda kuti tukkale katubotelwa mulukwatano lwesu. Kujana twazichita biyeni eezi?\\nAMULEMEKE LUKWATANO LWANU MUZINTU NZIMUCHITA AMUMAJWI\\n10, 11. (a) Ngaali mapenzi aliwo mulukwatano? (b) Nkamboonzi nitweelede kwiibikkila maanu nzila njitwaambuulaayo amuntu ngutukwetenaawe?\\n10 Chimwi chiindi bantu bakwetene balakonzya kuchitilana zintu zibi kabatayeeyeli. MaKristu tabeelede kuuma ngubakwetenaawe naakuti kubelesya zimwi nzila zyakumuchisa. Pesi bamwi balazichita kwiinda mumajwi. Majwi alakonzya kuba zilwanisyo. Umwi mwanakazi wakaamba kuti: “Mulumaangu waambuula majwi aayasa mbuuli panga. Ndilakonzya kutaba azilonda ziboneka pesi majwi mabi ngabelesya aaIi mbuuli aakuti ‘ulimukuli!’ akuti ‘tugwasyi pe!’ alandichisa.” Umwi mwaalumi wakaamba kuti mukayintu wakwe wakali kwaamba majwi akumufubaazya akumwiita mazina aakuninda. Wakati: “Zintu nzyakkala kandibuzya tazyaambiki pe kubantu. Nzizyo zindipa kuti kanditaambuuli anguwe chiindi chiingi akuti kandinonoka kuzwa kumulimu. Kuchita oobo ndikubona kakundipa kufulwa luuwo.” Mazubaano, bantu bayandisya kwaambuula majwi aatali kabotu.\\n11 Kuti mwanakazi amwaalumi batalika kwaambilana majwi aatali kabotu, zipa kuti batamvwanani. Jehova tayandi kuti bantu bakwetene bajatane munzila iili boobu. Zilachitika kuti umuchitile zintu zimuchisya moyo muntu ngukwetenaawe kutazi. Chimwi chiindi ulakonzya kuyeeya kuti umujata kabotu ngukwetenaawe pesi we ulimvwa biyeni? Kuti kukkala kwaambuula majwi aatali kabotu kumuntu ngukwetenaawe weelede kuchincha.—BaGalatiya 5:15; bala BaEfeso 4:31.\\n12. Niinzi chikonzya kupa kuti muntu ulimulukwatano atabi abweenzinyina bulikabotu aJehova?\\n12 Nzila njuwambuulaayo amuntu ngukwetenaawe kunembo lyabantu naakuti kamuli amulikke, ilakonzya kunyongania bweenzinyokwe mbulaabo aJehova. (Bala 1 Petro 3:7.) Lugwalo lwaJakobo 1:26 lwaamba kuti: “Na nkwali uuliyeeya kuti musyomi, nekubaboobo taangi lulimi lwakwe pele walyeena mumoyo wakwe mwini, busyomi bwayooyo mbwabuyo.”\\n13. Njiili imwi nzila bantu bakwetene mbubakonzya kuchitila umwi zintu zimuchisya moyo?\\n13 Kuli zimwi nzila bantu bakwetene mbubakonzya kuchitila ngubakwetenaawe zintu zimuchisya moyo. Muchikozyano, ngukwetenaawe kujana wamvwa biyeni kuti kuyandisya kukkala awumwi muntu? Kujana wamvwa biyeni kuti kulibbizya awumwi muntu mumulimu wakukambawuka naakuti kuli kugwasya umwi? Umwi muchizi wakati: “Kuziba kuti mulumaangu uba achiindi chilamfu awumwi muchizi wamumbungano akuti umubikkila maanu kapati kundichisya moyo. Eezi zipa kuti ndilibone kanditagwasyi pe.”\\n14. (a) Lugwalo lwaMatalikilo 2:24 lutuyiisyaanzi? (b) Njiili mibuzyo njitweelede kulibuzya?\\n14 MaKristu beelede kubabikkila maanu bazyali babo abakwesu abachizi bali mumbungano. Pesi kuti muntu wanjila mulukwatano weelede kubikkila maanu kumuntu ngwakwetenaawe. Jehova wakaamba kuti mwaalumi weelede ‘kukakatila kumwanakazi wakwe.’ (Matalikilo 2:24) Tweelede kubikkila maanu kunzila njalimvwaayo muntu ngutukwetenaawe. Libuzye kuti: ‘Ndilaachiindi chakubaamwi angundikwetenaawe na? Ndimubikkila maanu akumuyanda kweendelana ambayanda na?’\\n15. Nkamboonzi maKristu nibateelede kumvwanana zyiindilide amuntu ngubatakwetenaawe?\\n15 Kuti twatalika kumvwanana amuntu ngututakwetenaawe lukwatano lwesu lulakonzya kunjila mumapenzi. Tulakonzya kutalika kumuyanda muntu ooyo. (Matayo 5:28) Kumamanino ulakonzya kuchita chintu chiyoopa kuti lukwatano lwanu lutabi abulemu.\\n‘BULO BWAKUKWATANINA KABUSALALA’\\n16. Bbayibbele lituyiisyaanzi atala alukwatano?\\n16 Musule aakwaamba kuti “Kukwatana kabakulemeka boonse,” Bbayibbele liyungizya kuti: ‘Abulo bwakukwatanina kabusalala, nkaambo Leza uyoobabeteka baamu abachita bumambe.’ (BaHebrayo 13:4) Majwi aakuti “abulo bwakukwatanina” aamba koonana kwabantu bakwetene. (Tusimpi 5:18) Kujana twatondeezya biyeni kuti tulalulemeka lukwatano akuti tatuyandi kulusofwaazya?\\n17. (a) Bantu biingi bakubona biyeni kuchita bumambe? (b) MaKristu beelede kukubona biyeni kuchita bumambe?\\n17 Bantu biingi babonaanga tazichiti pe kuti muntu akkale kasyomeka mulukwatano. Tatweelede kuba amaboneno aali boobo. Jehova takuyandi kuchita bwaamu abumambe. (Bala BaRoma 12:9; BaHebrayo 10:31; 12:29) Kuti twachita bumambe tunooli twasofwaazya lukwatano lwesu. Tatukabi abweenzinyina buli kabotu aJehova nkaambo tunooli twatondeezya kuti tatwaalemeki malayilile aakwe. Nkinkaako, tweelede kutantamuka kufumbwa chintu chikonzya kupa kuti tuchite bumambe. Alubo toyelede kumumenena mate muntu ngutakwetenaawe.—Jobu 31:1.\\n18. (a) Kuchita bumambe kukozyenie biyeni akukomba mituni? (b) Jehova ukubona biyeni kuchita bumambe?\\n18 Muchiindi chamaIsrayeli, kuchita bumambe chakali chibi chipati chikozyenie akukomba mituni. Bantu bakali kuchita zintu eezi bakali kujayigwa. (Levitiko 20:2, 10) Kuchita bumambe kwakali kweendelana biyeni akukomba mituni? Kuti muIsrayeli wakomba mituni chaamba kuti wakali watyola chizuminano chakwe chakusyomeka kuli Jehova. Alubo kuti wachita bumambe unooli watyola chizuminano chakwe amuntu ngwakwetenaawe. (Kulonga 19:5, 6; Deuteronomo 5:9; bala Malaki 2:14.) Zili antanganana kuti kuchita bumambe chakali chibi chipati kuli Jehova.\\n19. Niinzi chiyootugwasya kuti tutachiti bumambe?\\n19 Mazubaano Jehova ukubona biyeni kuchita bumambe? Nikuba kuti tatuchitobelezyi Mulawu waMusa, Jehova tanachincha pe maboneno aakwe. Mbukunga tatuyandi kukomba mituni nkinkaako tweelede kusyomeka kumuntu ngutukwetenaawe. (Intembauzyo 51:1, 4; BaKolose 3:5) Kuti twatondeezya kutasyomeka ziyoopa kuti lukwatano lwesu lubule bulemu akuti Jehova Leza wesu atabotelwi.—Langa Makani Aakumamanino 26.\\nNIINZI CHIKONZYA KUPA KUTI LUKWATANO LWANU LUSIME?\\n20. Kuba abusongo kugwasya biyeni mulukwatano?\\n20 Niinzi chikonzya kupa kuti lukwatano lwanu lusime? Bbayibbele lyaamba kuti: “Ing’anda ilayasigwa busongo, ilaimikwa amaanu.” (Tusimpi 24:3) Ng’anda ilakonzya kutontola, kutaba azintu naakuti kukasaala akukkalika. Mbulubede lukwatano. Muntu musongo weelede kubona kuti lukwatano lwakwe lulabotezya.\\n21. Kuba aluzibo kugwasya biyeni kuti lukwatano lusime?\\n21 Alubo kalipandulula atala ang’anda eeyo Bbayibbele liti: “Kuluzibo twaanda twayo tulazuzigwa imbono zyoonse ziyandika zibotezya.” (Tusimpi 24:4) Zintu nzimwiiya muJwi lyaLeza zilakonzya kumugwasya mulukwatano lwanu. (BaRoma 12:2; BaFilipi 1:9) Nimubala Bbayibbele amabbuku ambunga mweelede kubona mbumukonzya kubelesya zintu nzimwiiya. Amuyanduule nzila zyakutondeezyania luyando akulemekana alubo kamubikkilana maanu. Komba kuli Jehova umukumbile kuti akugwasye kuti ube abube buyoopa kuti mubotelwe mulukwatano lwanu akuti ngukwetenaawe akuyandisye.—Tusimpi 15:16, 17; 1 Petro 1:7.\\nMweelede kukomba kuli Jehova nimuchita kukomba kwampuli\\n22. Nkamboonzi bantu bakwetene nibeelede kutondeezyania luyando akulemekana?\\n22 Bantu bakwetene beelede kubeleka changuzu kuti batondeezyanie luyando akulemekana. Kuti bachita oobo lukwatano lwabo luyoosima. Chiinda waawo, lukwatano lwabo luyoopa kuti Jehova abotelwe.—Intembauzyo 147:11; BaRoma 12:10.\\n1 LUKWATANO LWANU ALUPE KUTI JEHOVA ALEMEKWE\\n‘Luyando talumani.’—1 BaKorinto 13:8\\nNiinzi chikonzya kugwasya bantu bakwetene kuti bakkale kababotelwa?\\nMukambausi 5:4; Matayo 19:4-6\\nTaakwe lukwatano lutakwe mapenzi. Aboobo, mutafwambaani kuyeeya kuti tamuchikonzyi pe kukkalaamwi.\\nIntembauzyo 25:4; Isaya 48:17, 18; Matayo 6:33, 34\\nKuti bantu bakwetene baswena afwiifwi aJehova, lukwatano lwabo lulasima.\\n2 AMULEMEKE LUKWATANO LWANU MUZINTU NZIMUCHITA AMUMAJWI\\n“Babe nyama yomwe buyo.”—Matalikilo 2:24\\nNiinzi nzindeelede kuchita kuti nditamuchitili zintu zimuchisya moyo muntu ngundikwetenaawe?\\nMatayo 5:28; BaEfeso 4:31\\nWeelede kusyomeka kumuntu ngukwetenaawe muzintu nzuyeeya. Bikkila maanu kunzila njalimvwaayo. Kuti wabona kuti zintu nzuchita zilamuchisa weelede kuchincha.\\nTatweelede kumuuma ngutukwetenaawe naakuti kumuchisa kwiinda mukwaambuula majwi aatali kabotu. Majwi aatali kabotu apa kuti bantu bakwetene batamvwanani.\\nTusimpi 5:18; BaHebrayo 13:4\\nKuchita bumambe nchibi chipati kuli Jehova. Tweelede kusyomeka kumuntu ngutukwetenaawe akubona lukwatano lwesu mbuuli chintu chiyandikana. Tatuyandi kuchita chintu chiyoopa kuti Jehova angutukwetenaawe batabotelwi.\\n3 MBUMUKONZYA KUPA KUTI LUKWATANO LWANU LUSIME\\n“Ing’anda ilayasigwa busongo.”—Tusimpi 24:3\\nNiinzi chikonzya kupa kuti lukwatano lwanu lusime akuti mubotelwe?\\nTusimpi 24:4; Matayo 6:14, 15; BaRoma 12:2; 1 Petro 3:1\\nWeelede kujana chiindi chakwaambuula angukwetenaawe. Weelede kulemeka ngukwetenaawe akumutondeezya luyando aluzyalo. Alubo weelede kumulekelela chakufwambaana.\\nTusimpi 14:1; 31:29; BaFilipi 1:9; 2:4; 1 Petro 3:7\\nKomba kuli Jehova umukumbile kuti akugwasye kuti ube mwaalumi naakuti mukayintu uulikabotu. Bona mbukonzya kumubikkila maanu akumufwida luzyalo ngukwetenaawe.\\nBaRoma 12:10; 1 Petro 4:8\\nKuti wabeleka changuzu kuti umuyande akumulemeka ngukwetenaawe, lukwatano lwanu luyoosima alubo luyoopa kuti Jehova abotelwe.","num_words":1333,"character_repetition_ratio":0.08,"word_repetition_ratio":0.0,"special_characters_ratio":0.179,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"UDHR - Tonga\\nUniversal Declaration of Human Rights - Tonga\\n1. Oonse wapegwa mulandu ulaangulukide kwiitwa kuti ucisalalakusikila akaianwe amulandu mu nkuta mbuli bwaamba mulawo libetekwa alimwi ulizumizyilwe kujmana bamwiimiminina libetekwa mulandu wakwe.\\n2. Kunyina ukonzya kujanwa mulandu kuti kakuli cintu comwe cicaala citakonzyi kupa kuti ube mulandu, kwiinda mu milawo ya cisi antela ijatikizya masi oonse, ciindi mulandu ooyu niwakacitika. Lyalo kunyina cisubulo cipati ceelede kupegwa kunze aacisubulo ceendelana amulawo ciindi mulandu niwakacitwa.\\n1. Oonse muntu ulaangulukide kweenda mbwayanda alimwi akukkala kufumbwa mucisi.\\n2. Oonse muntu ulaangulukide kuzwa kufumbwa mucisi, kusanganizya acisi cokwabo, alimwi akupiluka kucisi cokwabo.\\n1. Oonse muntu ulaangulukide kulomba kukkala akuliiba mucisi cimbi mwaatijila kuyuba kwaangwa antela kupezyegwa musi mwazwa.\\n2. Kukwabililwa kulwaanguluko oolu kulakozya kutyolwa kubantu batija kubetekwa milandu isalala kabotu itali mbuli ya makani atwaambo twacisi antela itayendelani anzila alimwi amilawo ya mbunga ya manyika oonse (United Nations).\\n1. Oonse muntu ulaangulukide kuba munacisi wacisi ncayanda kukkala.\\n2. Kunyina uyedele kukasyigwa kucinca busicisi antela kukasyigwa kutacinca.\\n1. Basankwa abakaintu bakakomena, kakunyina kubakasya akaambo kacikanda cabo, cisi ncobazwa antela cikombelo, balangulukide kukwata kufumbwa ngobayanda alimwi akubamba mukwasyi. Balangulukide kuba alwaanguluko lweelene lwa bakwetene ciindi nobacikwetene alimwi anobalekana.\\n2. Kukwatana kuya kulembezyegwa abaabo basikuyandana bobile kakunyina kuyoowa.\\n3. Mukwasyi ncilenga cabuleya kukkala antoomwe alimwi mukwasyi weelede kukwabililwa ku buleya alimwi akucisi.\\n1. Oonse muntu ulaangulukide kuba alubono alikke antela kubeleka aatomwe abamwi.\\n2. Kunyina weelede kunyonganizyigwa antela kunyangwa lubono lwakwe.\\n1. Muntu oonse ulaangulukide kuba mukabunga antela kubungana kwaluumuno.\\n2. Kunyina weelede kusungilizyigwa kuba mukabunga nkatayandi.\\n1. Muntu oonse ulaangulukide kutola lubazu mubweendelezi bwa mfulumende mucisi cokwabo antela kwiinda kumuntu usalwa biya abana maleya antela lwakwe mukamwini.\\n2. Muntu oonse ulaangulukide kupegwa lugwasyo lweelene alugwasyigwa bana maleya mucisi.\\n3. Kuyanda kwabantu kweelede kuba ciiminizyo ca mfulumende; kuyanda ooku kweelede kutondezyegwa kwainda ciindi alimwi akusala kwamasimpe kweelede kucitwa abana maleya bamucisi bazumizyigwa amulawo kusala alimwi akuzumizyigwa kusala ngwayanda kakunyina kunyonganyizyigwa.\\n1. Muntu oonse ulaangulukide kujana mulimo, kulisalila mulimo ngwayanda, kububotu bujanwa amulimo ooyo alimwi akukwabililwa kupenzi lyakubula milimo.\\n2. Oonse, kakunyina kusalaula, ulakwabililwa kuvwozyegwa mali ayelene amulimo ngwabeleka.\\n3. Oonse ubeleka ulaangulukide kupegwa mali abikkilwa atala antela bbonasi alimwi akukwabililwa buumi bwakwe alimwi abwamukwasyi wakwe azyintu zyimbi zyeelede kukwabililwa.\\n4. Muntu oonse ulaangulukide kunjila antela kutalika mbunga ilwanina akukwabilila babelesi.\\n1. Muntu oonse ulaangulukide ku buumi abukkale bubotu antoomwe amukwasyi wakwe, mbuli kuli cakulya, zyakusama, ng'anda yakukkala alimwi amicelo yakusilikwa azyintu zyimbi ziyandika kumuntu, alimwi akukwabililwa buumi bwakwe wani kubeleka, kukwabililwa kumalwazi, bulema, kufwidwa, kucembaala alimwi azyimbi zyikonzya kusinkila muntu kubuumi zyatakonzyi kucita akaambo kakubula nzila yakuzyicita.\\n2. Bamatumbu alimwi abana balaangulukide kulugwasyo luyandika. Bana boonse, abe wamung'anda antela wamusyokwe, beelede kulangwa kabotu alimwi akukwabililwa kweelene.\\n1. Muntu oonse ulaangulukide kuyiya, lwiiyo lweelede kupegwa biyo kakunyina kubbadela, kapati muma giledi akutalisya masyoonto alimwi aakati-kati. Kunjila cikolo kumagiledi akutalisya weelede kuba mulawo natayandi nayanda mwana. Lwiiyo lwa milimo ya maanza alimwi aiyandika kuba haanzyibwene wa mulimo umwi lweelede kuti lyoonse kaluliko alimwi lwiiyo lwa mabbuku mapati alwalo lweelede kupegwa kuli baabo bajisi maanu.\\n2. Lwiiyo lweelede kuba lwakusumpula bukkale bwa muntu alimwi akuyumya lwaanguluko alimwi akusala ciyanda muntu. Lupa bantu kumvwisisya, kuba sicamba alimwi akusumpula lumvwanoakati kamasi, kakunyina kusalaula cikanda, cikombelo alimwi akuyumya milimo ya mbunga ya masi oonse munyika ya United Nations kutontozya luumuno munyika.\\n3. Bazyali balaangulukile kusala lwiiyo ndobayanda antela ndobayeeyela kuba lubotu kubana babo.\\n1. Oonse muntu ulaangulukide kakunyina kukasyigwa kutola lubazu mubuumi bukkala bana maleya, kuyiya zyilenwa zyacisi alimwi akwaabana busongo.\\n2. Oonse muntu ulaangulukide kukwabililwa ku zyintu zyayanda mbuli zya kulyaanzila, nyimbo azyisobano zyalilembela mukamwini.\\n1. Muntu oonse ujisi mulimo kubuleya ooko nkwaangulukide kuliiba akusumpula buntu bwakwe.\\n2. Mukubelesya lwaanguluko anguzu zyapedwe, muntu oonse ulaangulukide kulikkalila kwakutaindilizya ku lwaanguluko ndwapedwe amulawo kutegwa awalo kalemeka lwaanguluko lwa bantu bambi alimwi abulemu buyandika kumuntu alimwi akuliiba kwa bana maleya.\\n3. Lwaanguluko alimwi akuliiba takweelede kwiindilizyigwa ku mizeezo yakabambwa ambunga ya masi oonse aamunyika ya United Nations.","num_words":607,"character_repetition_ratio":0.111,"word_repetition_ratio":0.0,"special_characters_ratio":0.15,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Musa Wakasala Kukomba Jehova Leza | Zyiiyo Zyabana Zizwa muBbayibbele\\nChiindi mpuli yaJakkobo niyakali kuEgepita yakali kwiitwa kuti maIsrayeli. Chiindi Jakkobo aJosefa nibakafwa, kwakasaanguna kweendelezya umwi Faro. Naakabona kuti maIsrayeli akali kuvula, wakayoowa kuti akali kuyooba anguzu kwiinda bantu bakuEgepita. Nkinkako, Faro wakachita kuti maIsrayeli abe bazike. Wakabasinikizya kuti bawume zitina akuti babeleke changuzu mumyuunda. Pesi chiindi bantu bakuEgepita nibakali kubabelesya maIsrayeli, maIsrayeli akali kuvula. Faro taakali kuyanda pe kuti maIsrayeli avule, nkinkaako, wakalayilila kuti kujayigwe bana balombe boonse bamaIsrayeli bakali kuzyalwa. Yeeya mbubakayoowa maIsrayeli nibakamvwa makani aaya!\\nUmwi mukayintu muIsrayeli wakali kutegwa Jokkebbedi, wakazyala mwana mulombe mubotu. Kuti akwabilile mwanaakwe, wakamubikka muchisewe akuchibikka mumateete kumbali amulonga waNayile. Muchizi wamwana ooyo, wakali kutegwa Miriyamu, wakakkala afwiifwi kuti abone zyakali kuyoochitika.\\nMwana musimbi waFaro wakaza kumulonga kuti azosambe mpawo wakabona chisewe. Wakajana kana kakali kulila mukati, mpawo wakakeetelela. Miriyamu wakabuzya mwana waFaro kuti: ‘Ulayanda na kuti ndikuyandwide banyina kuti bamunyonsye?’ Mwana musimbi waFaro wakazumina alimwi Miriyamu wakayinka kuyooyita banyina Jokkebbedi. Mwana musimbi waFaro wakabuzya Jokkebbedi kuti: ‘Bweza mwana ooyu, umulele, mpawo ndiyookubbadala.’\\nNaakakomena mwana, Jokkebbedi wakamweeta kumwana musimbi waFaro alimwi wakamuuzika kuti Musa akumukomezya mbuli mwanaakwe. Musa wakakomezegwa mbuli mwana wamwaami alimwi wakali kukonzya kujana kufumbwa nzyayanda. Pesi Musa taakamuluba pe Jehova. Wakalizi kuti taakali munaEgepita pe, pesi wakali muIsrayeli. Mpawo wakasala kukomba Jehova.\\nNaakaba aminyaka iili 40, Musa wakayanda kugwasya bantu bakuli mbabo. Chiindi Musa naakabona umwi munaEgepita kawuma umwi muzike muIsrayeli, wakamujaya munaEgepita ooyo. Mpawo Musa wakasisa mutunta wamuntu ooyo museele. Chiindi Faro naakamvwa makani aayo, wakayanda kujaya Musa. Pesi Musa wakachijila kunyika yabaMidiyani. Nikuba boobo, Jehova wakamulangania kali nkukooko.\\n“Musa, naakakomena, lusyomo ndwaakakakila kwaambwa kuti mwana wamwana wa-Farao. Wakasala kupenzegwa antoomwe abantu ba-Leza.”—BaHebrayo 11:24, 25\\nMibuzyo: MaIsrayeli akali kujatwa biyeni kuEgepita? Nkamboonzi Musa naakachija kuEgepita?\\nMatalikilo 49:33; Kulonga 1:1-14, 22; 2:1-15; Incito 7:17-29; BaHebrayo 11:23-27","num_words":280,"character_repetition_ratio":0.072,"word_repetition_ratio":0.0,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nkaambo Nzi Nconditeelede Kwiiya Bukkale Bwabasimbi Batondezyegwa aa TV? | Bakubusi Balabuzya\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bulgarian Cebuano Chichewa Chinese (Traditional) Chinese Mandarin (Simplified) Chitonga Cibemba Croatian Czech Danish Dutch English Estonian Ewe Finnish French Ga Georgian German Greek Hausa Hebrew Hiligaynon Hungarian Icelandic Iloko Indonesian Italian Japanese Kazakh Kikaonde Kinyarwanda Kirghiz Kirundi Korean Lingala Lithuanian Malagasy Malay Malayalam Maltese Myanmar Norwegian Polish Portuguese Punjabi Romanian Russian Sepedi Serbian (Cyrillic) Serbian (Roman) Sesotho (Lesotho) Shona Sinhala Slovak Slovenian Spanish Swahili Swedish Tagalog Tatar Telugu Thai Tsonga Turkish Ukrainian Vietnamese Xhosa Yoruba\\nIno bantu batondezyegwa aa TV bajisi bukkale buli buti?\\nAmubone mabala aali ansi aawa, mpoonya mwiingule mibuzyo iitobela.\\nBajisi maano aabwana\\nMabala aali aatondezya mbobabede bakubusi basimbi mbomubona mumavidiyo, aa TV, naa mumamagazini?\\nMabala aali aatondezya mboyanda kuzyibwa?\\nKulangilwa kuti bwiinguzi mboopa kumubuzyo wakusaanguna wabujana mucibeela 1, mpoonya bwiinguzi kumubuzyo wabili wabujana mucibeela Ikuti kacili boobo, nkokuti uyanda kuti umwiinde mukubusi uulya uutondezyegwa mu TV, alimwi toli olikke pe! Kobona ncocili boobu.\\n“Mumavidiyo, mukubusi utondezyegwa kuti muzangi, uutalangi zintu munzila iili kabotu. Citondezya mbuli kuti toonse tuli basimbi batasyomeki, babikkila buyo maano mbobatubona bantu akupa kuti makani masyoonto-syoonto abe mbuli kuti makani mapati.”​—Erin .\\n“Basimbi bakubusi ibatondezyegwa mumavidiyo aa TV lyoonse bayanda kuti bantu kabababona alimwi babikkila kapati maano mbobaboneka, mbobasama, mpuwo, alimwi abasankwa.”​—Natalie.\\n“Kanji-kanji musimbi weebelwa aa TV ulanywa bukoko, uloona abasankwa, alimwi tabamvwidi bazyali bakwe. Ikuti musimbi kataciti zintu eezyi, inga ubonwa mbuli kuti ulipa kaleza-leza naa ulaayoowa makani aakoonana.”​—Maria.\\nAmulibuzye kuti: ‘Sena mbondisama, mbondicita zintu, alimwi ambondaambaula citondezya bwini mbondibede, naa citondezya kuti ndiiya muntu uulya uutondezyegwa aa TV?’\\nBanji ibayeeya kuti batondezya bube bwabo beni mubwini inga batobela nzyobabona aa TV. Mukaintu umwi wazina lya Karen wakaamba boobu: “Oobu mbwabede musyoonto wangu musimbi. Ucita mbuli kuti kunyina ncabikkila maano pele buyo zisani abasankwa. Ndilizyi kuti kuli ncacitila boobo pele ooku nkulipanga buyo nkaambo uyanda buyo kuti abe mbuli basimbinyina bamwi. Alimwi ujisi buyo myaka iili 12!”\\nBbaibbele lyaamba kuti: “Amuleke kutobela ziyanza zyabweende bwazintu obuno.”​—Baroma 12:⁠2.\\nBukkale butondezyegwa aa TV tabutondezyi bwini basimbi boonse mbobayanda kuba. Alexis uujisi myaka iili 15 wakaamba kuti: “Basimbi batondezyegwa aa TV balaliyanda, tabasitikide, alimwi bacita zintu cabwana, pele ndiyeeya kuti tobanji tulijisi maano aakucita zintu kabotu. Tujisi zimbi zyakucita mubuumi bwesu kunze lyakuyeeya basankwa.”\\nBbaibbele lyaamba kuti: “Bantu basimide . . . balaamaano aayiisyidwe kwaandaanya ciluzi acitaluzi.”​—Bahebrayo 5:⁠14.\\nIkwiiya bukkale bwabantu batondezyegwa aa TV kusumpula basimakwebo​—kutali basimbi bakubusi. Akaambo kakubona kuti balakonzya kujana mpindu, basimakwebo bapanga zintu​—mbuli mabbuku, zisani, makkompyuta, alimwi azintu zyakulikondelezya​—nzyobayandisya bana batanasika abukubusi. Bbuku litegwa 12 Going on 29 lyakaamba boobu: “Basimakwebo baamba kuti bana batanakkwanya myaka iili 13 ibatajisi zisani zipya, zyakulisakatizya alimwi atuncini tubeleka mbuli kkompyuta, tabajisi mpuwo. Lyoonse bana batanakkwanya myaka iili 13 babona nzyobaambilizya basimakwebo izikwelelezya, kabatanazyiba ikaambo zintu eezyo ncozikwelelezya.”\\nBbaibbele lyaamba kuti: “Zintu zyoonse zili munyika​—zisusi zyanyama alimwi azisusi zyameso amambonwa akaambo kazintu nzyajisi muntu​—tazizwi kuli Taata pe, pele zizwa munyika.”​—1 Johane 2:​16.\\nNcomweelede kuyeeya: “Kuti mwayeeya kujatikizya mazina aalembedwe aazintu zidumide kapati, ino mbaani bajana mpindu kapati? Mubwini mbaani bajana mpindu ikuti mwaula fooni iidumide kutegwa mubonwe kuti ndinywe buyo nomwiijisi akati kabeenzinyoko? Ino ncinzi ncobabikkila kapati maano basimakwebo​—bubotu mbomujana naa mpindu njobajana?\\nAmwiiye kukaka bukkale butondezyegwa aa TV. Nomuyaabukomena, mulaba amaano akubona zintu kabotu. Amubelesye maano kutegwa muzyibe zintu izitondezyegwa aa TV mbozikonzya kumujatikizya. Musimbi wazina lya Alana uujisi myaka iili 14 wakaamba kuti: “Musimbi mukubusi inga utondezyegwa kuba azyakulisakatizya zinji muciindi cakusama kabotu, alimwi bakubusi banji tabazyi kuti muciindi cakuboneka kabotu​—zibapa kutaboneka kabotu.”\\nAmube ambaakani zyakuba muntu ngomuyanda kuti mube. Mucikozyanyo, amuyeeye kujatikizya bukkale bubotu mbomwabona kumatalikilo aacibalo eeci​—bukkale mbomulombozya kuba ambubo. Mulakonzya kutalika kusolekesya kuba abukkale oobo lino, naa kuyaambele mukubutondezya. Bbaibbele lyaamba kuti: ‘Amulisamike buntu bupya, oobo bubukulusyigwa lyoonse kwiinda muluzyibo lwini-lwini kutegwa bukozyanye acinkozya cayooyo wakabulenga’​—ikutali kweelana abukkale mbobakulwaizya basikwaambilizya makwebo.​—Bakolose 3:​10.\\nAmujane bantu bajisi cikozyanyo cibotu. Bantu aaba mulakonzya kubajana mumukwasyi wanu, mbuli banyoko naa mwanookwabo banyoko mukaintu. Bamwi balakonzya kuba bamakaintu basimide alimwi abalongwe. Bakamboni ba Jehova balikkomene kuba abamakaintu Banakristo banji mumbungano ibajisi bukkale bubotu.​—Tito 2:​3-5.\\nMuzeezo: Amubelesye bbuku lya Amwiiye Lusyomo Lwabo kutegwa mwiiye kuzwa kuzikozyanyo zyamu Bbaibbele zyabamakaintu bakajisi bukkale bubotu mbuli Rute, Hana, Abigayeli, Esita, Mariya alimwi a Marta. Bbuku lya Amwiiye Lusyomo Lwabo lilamwaigwa a Bakamboni ba Jehova alimwi nkolili a www.jw.org\/toi.\\n“Mukaintu wini-wini ulizyi kabotu mbwabede alimwi ulakkomana mbwaboneka. Ulalilemeka. Munzila imwi, mukaintu wini-wini ulizyi mbwayandika.”​—Hadassa.\\n“Mukubusi musimbi uusimide ulalilemeka kabotu. Nokuba kuti uli akati kabantu tayandi kuti bantu babikkile nguwe maano. Alimwi ikuti wabikkilwa maano, talisumpuli pe.”​—Marissa.\\nKu United States, bbala lyakuti “mukubusi” lyakatalika kuduma muma 1940 ciindi basimakwebo nobakatalika kwaandaanya bantu kweelana ambobakali kuula zintu. Bbuku litegwa The Rise and Fall of the American Teenager lyaamba kuti bakubusi “kanji-kanji bakali kujanika mubusena bomwe​—kucikolo​—kucitila antoomwe zintu, alimwi bakali bana alimwi bakali kukonzya kucita zintu zipya. Mubufwaafwi cakali cuubauba kubasambala zintu.”\\nBbala lyamu Chingisi lyakuti “tween” lyalo ilyaamba basimbi abasankwa bajisi myaka iili 10-13, caino-ino lyakaduma kapati mumakwebo. Bbuku litegwa Talk to Me First lyaamba kuti: “Tiikwakali cintu icitegwa ‘tween identity’ kusikila limwi basimakwebo nobakalipangila zina eeli. Ciindi muntu umwi naayeeya buyo kujatikizya cintu cibotu akucipa zina, mbuli lyakuti ‘tween’ . . . , nkokuti eelyo ndelyakali kuba zina lipya mumakwebo.”","num_words":818,"character_repetition_ratio":0.054,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 1 | TONGA Bibel | YouVersion\\nLeza mbwaakalenga julu a nyika\\n1Kumatalikilo Leza wakalenga julu anyika. 2Lino nyika tiiyakajisi ciimo cabubumbe alimwi tiiyakajisi cintu pe. Mudima wakavumbide maanzi manji, alimwi Muuya wa Leza wakali kweendeenda atala aamaanzi. 3Eelyo Leza wakati, «Akusalale.» Mpoonya kwakasalala ncobeni. 4Nkabela Leza wakabona kusalala ooku kuti nkubotu. Mpawo wakaandaanya kusalala kuzwa kumudima. 5Kusalala wakakuulika kuti, «Sikati,» mudima wakuuulika kuti, «Masiku.» Eelyo kwakaba masiku alimwi kwakaba sikati, oobu mbobuzuba bwakusaanguna.\\n6Lino Leza wakati, «Akube mweenya uuvungumene kuti waandaanye maanzi kuzwa kumaanzinyina.» Mpawo kwakacitika mbubonya oobo. 7Aboobo Leza wakacita mweenya uuvungumene, eelyo wakaandaanya maanzi aakali kunsi lyawo kuzwa kumaanzi aakali atala lyawo, nkabela kwakaba mbubonya oobo. 8Mweenya ooyu Leza wakuuulika kuti, «Julu.» Eelyo kwakaba masiku alimwi kwakaba sikati, oobu mbobuzuba bwabili.\\n9Lino Leza wakati, «Maanzi aali kunsi lyamweenya ooyu abungane antoomwe kutegwa insi njumu ilibonye.» Nkabela kwakaba mbubonya oobo. 10Insi njumu Leza wakiiulika kuti, «Nyika,» alimwi maanzi aakabungana wakaaulika kuti, «Lwizi.» Lino naakalanga mulimo ngwaakacita, wakabona kuti mmubotu. 11Eelyo Leza wakati, «Anyika akumene zisyango zizyala nseke alimwi amisamu iizyala micelo iijisi nseke, mbubonya mbuli misyobo yayo.» Nkabela kwakaba mbubonya oobo. 12Aboobo nyika yakamena zisyango zizyala nseke amisamu iizyala micelo iijisi nseke mukati mbubonya mbuli misyobo yayo. Mpoonya Leza wakabona kuti ncibotu. 13Eelyo kwakaba masiku alimwi kwakaba sikati, oobu mbobuzuba bwatatu.\\n14Lino Leza wakati, «Akube mimuni mumweenya wakujulu uuvungumene kuti yaandaanye sikati kuzwa kumasiku, akutondezya ziindi zyamazuba, aziindi zyamwaka. 15Mimuni eeyo ikkale mujulu akumunikila nyika.» Mpoonya kwakaba mbubonya oobo. 16Aboobo Leza wakalenga mimuni mipati yobilo, izuba kulela sikati, awalo mwezi kulela masiku, alimwi wakalenga anyenyezi. 17Eeyi mimuni wakiibikka mujulu kuti kiimunikila nyika 18akulela sikati amasiku, alimwi akwaandaanya mumuni kuzwa kumudima. Nkabela Leza wakabona kuti ncibotu. 19Eelyo kwakaba masiku alimwi kwakaba sikati oobu mbobuzuba bwane.\\n20Lino Leza wakati, «Mumaanzi amube makamu manji aamisyobo yazintu zyoonse zipona, abalo bayuni bauluke muluuwo.» 21Aboobo Leza wakalenga banyama bapati bayoosya bamumaanzi, azintu zyoonse zipona mumaanzi, eezyo zyakavula mbuli mumisyobo yazyo. Alimwi bayuni bamuluuwo, amisyobo yoonse yazintu zimwi zyuuluka azyalo zyakavuzyanya mbuli mumisyobo yazyo. Lino Leza wakabona kuti ncibotu. 22Nkabela Leza wakazileleka akuti, «Zintu zyoonse zyamumaanzi azizyalane akuzuzya lwizi, abalo bayuni bavule munyika.» 23Eelyo kwakaba masiku alimwi kwakaba sikati, oobu mbobuzuba bwasanu.\\n24Lino Leza wakati, «Amwalo munyika amube zyuumi, cimwi acimwi mbuli musyobo waco, banyama boonse bavubwa, zintu zikalaba, banyama bapati abaniini bamusokwe.» Nkabela kwakaba mbubonya oobo. 25Aboobo wakalenga misyobo yoonse yabanyama bavubwa, misyobo yoonse yabanyama bapati abaniini bamusokwe alimwi azikalaba zyoonse. Nkabela wakabona kuti ncibotu.\\n26Lino Leza wakati, «Atulenge muntu mucikozyanyo cesu, abe mbubonya mbuli ndiswe. Bakabe abwami bwakweendelezya nswi zyamumaanzi, bayuni bamuluuwo, banyama bavubwa, banyama boonse bapati abaniini bamusokwe, alimwi azyoonse zikalaba.» 27Aboobo Leza wakalenga muntu. Ooyo muntu wakalengwa mucikozyanyo cakwe mwini Leza. Wakalenga mwaalumi amukaintu. 28Nkabela Leza wakabaleleka wakati, «Amuzyalane, mukavuzyanye cakuti mukazuzye nyika yoonse akwiiendelezya. Ndamupa bwami bwakweendelezya nswi zyamumaanzi, abayuni bamuluuwo, alimwi abanyama boonse nibali buti.»\\n29Alimwi Leza wakaambila muntu wakati, «Ncobeni ndakupa misyobo yoonse yazisyango zizyala nseke amisyobo yoonse yamisamu iizyala micelo, kuti zikabe cakulya cako. 30Alimwi kubanyama boonse bapati abaniini, kubayuni boonse, akuzintu zikalaba kufumbwa cintu cili aabuumi muli ncico, ndapa kuti kazilya matu abwizu, cikabe ncecakulya cazyo.» Nkabela kwakaba mbubonya oobo. 31Leza wakabona zintu zyoonse zyaakalenga, nkabela zyakali zibotu kapati. Eelyo kwakaba masiku alimwi kwakaba sikati, oobu mbobuzuba bwacisambomwe.\\nMehr über die Bbaibele 1996 erfahren","num_words":525,"character_repetition_ratio":0.091,"word_repetition_ratio":0.012,"special_characters_ratio":0.173,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mukamufwu Waku Zarefati Alimwi a Elija Musinsimi | Ziiyo Zyabana Zyamu Bbaibbele\\nKakucili ciyumayuma, Jehova wakaambila Elija kuti: ‘Koya ku Zarefati. Ookuya mukamufwu uyookupa cakulya.’ Kacili kumilyango yamunzi, Elija wakabona mukamufwu mucete katebba nkuni. Naakasika afwaafwi, wakamulomba maanzi aakunywa. Mukamufwu ooyo naakali kuunka kuyooleta maanzi, Elija wakamwiita akumwaambila kuti: ‘Ndalomba kaka undiletele akankwa.’ Pele mukamufwu wakaamba kuti: ‘Tandijisi cinkwa cakukupa. Ndijisi buyo tufulaulu alimwi atufwuta tusyoonto tukonzya kupanga buyo kankwa nkotukonzya kukkwana mebo amwanaangu.’ Elija wakamwaambila kuti: ‘Jehova wasyomezya kuti, ikuti wandipangila cinkwa, fulaulu alimwi amafwuta aako tazikamani pe kusikila mvwula ikawe alimwi.’\\nAboobo mukamufwu wakaunka kuŋanda akupanga cinkwa camusinsimi wa Jehova. Mbubwenya Jehova mbwaakasyomezyede, mukamufwu amwanaakwe lyoonse bakalijisi cakulya ciindi nokwakali ciyumayuma. Nongo yakwe yafulaulu alimwi ayamafwuta zyakazumanana kazizwide.\\nPele kwakacitika cintu cimwi cuusisya kapati. Mwana wamukamufwu ooyu wakaciswa kapati cakuti wakafwa. Mukamufwu wakakombelezya Elija kuti amugwasye. Elija wakabweza mwana akumutola muŋanda yamujulu yamukamufwu. Mpoonya wakamulazika abulo akupaila kuti: ‘Akaka Jehova komupilusyila buumi bwakwe mwana ooyu.’ Sena ulizyi kaambo eeci ncocakali kugambya kuti Jehova inga wacicita? Nkaambo kweelana ambotuzyi, kunyina muntu wakabuka kale kuzwa kubafwu. Alimwi buya mukamufwu ooyu amwanaakwe tiibakali bana Israyeli pe.\\nPele mwana ooyu wakabuka alimwi akutalika kuyoya. Elija wakaambila mukamufwu kuti: ‘Bona! Mwanaako wabuka.’ Mukamufwu wakakkomana kapati akwaambila Elija kuti: ‘Masimpe uli muntu wa Leza. Ndilizyi oobu nkaambo waamba buyo nzyakwaambila Jehova.’\\n“Amuyeeye bacikwangala: Tabasyangi mbuto naa kutebula; tabajisi butala naa ciyobwedo, nokuba boobo, Leza ulabasanina. Sena nywebo tamuyandiki kapati kwiinda bayuni?”—Luka 12:24\\nMibuzyo: Ino mbuti mukamufwu waku Zarefati mbwaakatondezya lusyomo muli Jehova? Ino tuzyi buti kuti Elija wakali musinsimi wa Leza mwini-mwini?\\n1 Bami 17:8-24; Luka 4:25, 26\\nKubusyigwa kwamwana wamukamufwu cakali akati kazyintu izyakamucitikila mubuumi bwakwe icakapa kuti lusyomo lwakwe luyume. Nziiyo nzi nzyotukonzya kwiiya kuzwa kulinguwe?","num_words":273,"character_repetition_ratio":0.065,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Zyintu Zyotatwe Zitakonzyi Kuulwa Amali\\nSinsimuka! | October 2013\\nAMUBALE MU Afrikaans Albanian Amharic Arabic Armenian Azerbaijani Azerbaijani (Cyrillic) Bengali Bulgarian Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch Efik English Estonian Ewe Fijian Finnish French Georgian German Greek Gujarati Hebrew Hiligaynon Hindi Hungarian Icelandic Igbo Iloko Indonesian Italian Japanese Kannada Kinyarwanda Kirghiz Kirundi Korean Lingala Lithuanian Malagasy Malayalam Maltese Myanmar Nepali Norwegian Oromo Pangasinan Polish Portuguese Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Sinhala Slovak Slovenian Spanish Swahili Swedish Tagalog Tahitian Tamil Thai Tigrinya Tsonga Turkish Twi Ukrainian Urdu Vietnamese Xhosa Zulu\\nCIGAMBYA ncakuti, nokuba ciindi bantu nobalangilwa kusweekelwa mulimo wabo, ŋanda naa mali, ibanji inga baciyanda kuula zyintu zinji.\\nBantu bali boobu bali muntenda yakuyungwa abasikwaambilizya makwebo, balo kwiinda munzila nzyobabelesya kwaambilizya makwebo batwaambila kuti tweelede kuba aŋanda mpati, mootokala mubotu, alimwi azisani zipya izidula zyalo zisamwa abantu balaampuwo. Baamba kuti nokuba kuti tojisi mali, ulakonzya kukweleta akuula zyintu. Bantu banji makanze aabo ngakuyanda buyo kuboneka mbuli kuti mbavwubi nokuba kuti balijisi zikwelete.\\nPele mukuya kwaciindi bwini bulazyibwa. Ibbuku litegwa The Narcissism Epidemic lyaamba kuti: “Kukweleta zyintu zibotu kutegwa muntu kaboneka mbuli kuti muvwubi cilikozyenye akufweba musamu uukola (cocaine) kutegwa akkomane. Kumatalikilo zyoonse inga kazilibonya mbuli kuti zili buyo kabotu, pele kwaciindi cisyoonto. Kumamanino ulacaala katakwe mali alimwi katyompedwe.”\\nIbbaibbele lilabuyubununa bubi ‘bwamambonwa akaambo kazyintu nzyajisi muntu.’ (1 Johane 2:16) Masimpe ngakuti, kubikkila kapati maano kulubono kutupa kutabikkila maano kuzyintu ziyandika kapati mubuumi bwesu—zyintu zitakonzyi kuulwa amali. Atulange-lange zikozyanyo eezyi zyotatwe.\\n1. LUKAMANTANO MUMUKWASYI\\nMukubusi waku United States wazyina lya Brianne, * waamba kuti bausyi babikkila kapati maano kumulimo wabo alimwi azyintu zikonzya kuulwa amali. Waamba kuti: “Tulijisi zyoonse nzyotuyandika, pele bataata tabakkali aŋanda nkaambo lyoonse inga bali mulweendo. Ndilizyi kuti bacita boobo akaambo kamulimo wabo, pele ndiyeeya kuti balijisi aumbi mukuli uujatikizya mukwasyi wabo!”\\nZyakuyeeyesya: Mapenzi nzi aakumbele ngobakonzya kuba angawo mubuumi bausyi Brianne? Mbuti kubikkila kapati maano kuzyintu zyakumubili mbokucijatikizya cilongwe cabo amwanaabo? Ncinzi mukwasyi wabo ncuuyanda kulimbabo iciinda mali?\\nNjiisyo zyamu Bbaibbele izyeelede kulangwa-langwa:\\n“Nkaambo kuyandisya mali ngomuyanda wamisyobo yoonse yazyintu zibyaabi, eelyo kwiinda mukuba aluyandisisyo luli boobu bantu bamwi . . . baliyasaula koonse-koonse amacise manji.”—1 Timoteyo 6:10.\\n“Bulilu bwazisyu buli antoomwe aluyando mbubotu kwiinda musune uuyokedwe alusulo.”—Tusimpi 15:17.\\nKaambo kayandika: Mali taakonzyi kuula lukamantano mumukwasyi. Lukamantano lulaboola kwiinda mukuba aciindi cakukkala amukwasyi wanu, kubabikkila maano alimwi akubatondezya luyando.—Bakolose 3:18-21.\\n2. KUKWABILILWA KWINI-KWINI\\nMukubusi wazyina lya Sara uujisi myaka yakuzyalwa iili 17, waamba kuti: “Bamaama lyoonse bandaambila kuti ndeelede kuyookwatwa kumusankwa uujisi mali manji alimwi akuti ndeelede kwiiya mulimo uumwi uuyoondigwasya kujana mulimo uuvwolwa mali manji kutegwa ukandigwasye ikuti naa mali aamulumaangu amana. Lyoonse bayeeya buyo mbobakonzya kuzumanana kujana mali.”\\nZyakuyeeyesya: Ciindi nomuyeeya zyakumbele, ncinzi ciyandika ncomulibilika kapati? Ndilili kulibilika kuli kabotu nokwiindila? Kujatikizya mali, mbuti banyina Sarah mbobakonzya kuzilanga munzila yeelede zyintu?\\nNjiisyo zyamu Bbaibbele zyeelede kulangwa-langwa:\\n“Amuleke kuliyobweda lubono anyika, aawo mpoluligwa zyuuka ankalaya alimwi ababbi mpobanjila akubba.”—Matayo 6:19.\\n“Tamuzyi mbobunoobede buumi bwanu juunza.” —Jakobo 4:14.\\nKaambo kayandika: Nzinji ziyandika kutegwa tukakkale kabotu kumbele kwiinda buyo kuba amali manji. Kayi, mali alakonzya kubbigwa alimwi taakonzyi kusilika malwazi naa kulesya lufwu. (Mukambausi 7:12) Ibbaibbele liyiisya kuti kukwabililwa kwini-kwini kulaboola kwiinda mukuzyiba Leza alimwi amakanze aakwe.—Johane 17:3.\\nMukubusi wazyina lya Tanya uujisi myaka yakuzyalwa iili 24, waamba kuti: “Bazyali bangu bakandiyiisya kutayanda zyintu zinji. Mebo a simaangama twakakomena katukkomene, nokuba kuti ziindi zinji twakajisi buyo zyintu zisyoonto ziyandika.”\\nZyakuyeeyesya: Nkaambo nzi ncocikatazya kukkutila azyintu nzyotuyandika? Caboola kumakani aamali, ncikozyanyo nzi ncomupa kumukwasyi wanu?\\n“Twanoojisi cakulya azyakulivwumba, tunookkutila azyintu eezyi.”—1 Timoteyo 6:8.\\n“Balikkomene aabo bazyi kuti bayandika zyintu zyakumuuya.”—Matayo 5:3.\\nKaambo kayandika: Nzinji ziyandika mubuumi kwiinda mali alimwi azyintu mali nzyaakonzya kuula. Kayi Bbaibbele lyaamba kuti: “Nokuba kuti muntu kajisi zyintu zinji buti, ibuumi bwakwe tabuzwi kuzyintu eezyo nzyajisi.” (Luka 12:15) Masimpe, kukkutila kwini-kwini mubuumi kulaboola kwiinda mukwiingula mibuzyo iiyandika mbuli yakuti:\\nNkaambo nzi ncotuponena?\\nIno mbulangizi nzi mbotujisi kumbele?\\nMbuti mbondikonzya kujana nzyondiyandika zyakumuuya?\\n^ munc. 8 Mazyina mucibalo eeci acincwa.\\nSena Kuba Aazyintu Zinji Zyakumubili Nenzila Iisololela Kulukkomano?\\nIbbuku litegwa The Narcissism Epidemic lyaamba kuti: “Kanji-kanji bantu bayandisisya zyintu zyakumubili tabajisi lukkomano alimwi balityompedwe kapati. Nobaba bantu bayandisisya kuba aamali manji balanyongana mumizeezo, alimwi balaciswa malwazi aakumubili mbuli kuba aazilonda amoyo, kuciswa musana, mutwe alimwi bantu bali boobo balalangilwa kunywa bukoko cakuciindizya alimwi akubelesya misamu iikola iitazumizyidwe. Kanji-kanji, kuyandisisya kuvwuba kuletela mause.”\\n“Muma 1960 alimwi akumatalikilo aamuma 1970, nobakabuzyigwa kujatikizya kaambo ncobakali kuunkila kukkoleji, basicikolo banji bakali kwaamba kuti ‘bayanda kwiiya kapati.’ Mbasyoonto buyo ibakaamba kuti ‘bayanda kuba amali manji.’ Pele kutalikila muma 1990, basicikolo banji baamba kuti ‘kuyanda kuba amali manji’ kaba nkakaambo kakuunkila kukkoleji . . . Kucinca kwabasicikolo ooko kwacitika ciindi kutyompwa, kulijaya, alimwi amapenzi aamwi aamumizeezo naavwula kapati akati kabasicikolo.”—Oobu mbolyaamba bbuku litegwa The Price of Privilege, lyakalembwa aba Dr. Madeline Levine\\n“Cilengwa Cakuula Zyintu”\\nKweelana ambobakaamba ba Dr. Madeline Levine, “cilengwa cakuula zyintu” cilakonzya kubaumbulizya bantu munyika mwalo mikwasyi, banamaleya, alimwi abukombi mozibaletela mapenzi. Mubbuku lyabo litegwa The Price of Privilege bakalemba kuti: “Kuula zyintu ninzila imwi iipa nguzu kuli basikuula. Calo cibapa kuti basikuula kabalimvwa mbuli kuti mbabeendelezya makwebo. Pele nguzu zili boobu, tazikonzyeki. Basikwaambilizya makwebo alimwi amakkampani mapati mbabajisi nguzu zini, nkaambo balajana mali manji kwiinda mukukulwaizya bantu kuula zyintu.”\\n[Cifwanikiso icili apeeji 11]\\nMbomukonzya Kutaciindizya Kuula Zintu\\nMutalindili kuti mane mali amumanine buya nomuya mutalike kuyeeya mbomwaabelesya. Amwiiye mbomukonzya kutaciindizya kuula zintu kalitanakomena penzi.\\nLUGWASYO KUMIKWASYI Kuciindizya Kumvwana Amuntu Ngomutakwetene Limwi\\nMAKANI AAYEEME AMUTWE UULI ACIVWUMBYO Zyintu Zyotatwe Zitakonzyi Kuulwa Amali\\nNcomweelede Kuzyiba Kujatikizya Kusuntuka\\nNCOLYAAMBA BBAIBBELE Kutyompwa\\nSENA CAKALENGWA BUYA? Nguzu Zyakumvwa Zyanswabanda\\nIno Inga Ndacita Buti Kuti Muntu Umwi Kandicitila Luta?\\nMabala Amusale naa muyanda kukkopa zyakamwaigwa SINSIMUKA! October 2013 | Zyintu Zyotatwe Zitakonzyi Kuulwa Amali\\nOctober 2013 | Zyintu Zyotatwe Zitakonzyi Kuulwa Amali\\nSINSIMUKA! October 2013 | Zyintu Zyotatwe Zitakonzyi Kuulwa Amali","num_words":888,"character_repetition_ratio":0.05,"word_repetition_ratio":0.0,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Yanda Aabo Bayandwaa Leza | Luyando LwaLeza\\nBALA MU Acholi Afrikaans Albanian Altai American Sign Language Amharic Arabic Argentinean Sign Language Armenian Assamese Australian Sign Language Azerbaijani Azerbaijani (Cyrillic) Baoule Bashkir Bassa (Cameroon) Batak (Toba) Bengali Bicol Bislama Bissau Guinean Creole Boulou Brazilian Sign Language British Sign Language Bulgarian Cakchiquel (Central) Cambodian Catalan Cebuano Chavacano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chuabo Chuvash Cibemba Cinyanja Colombian Sign Language Croatian Czech Dangme Danish Douala Drehu Dutch Ecuadorian Sign Language Efik English Estonian Ewe Faroese Fijian Finnish Finnish Sign Language Ga Garifuna Georgian German Greek Greenlandic Guarani Gujarati Guna Haitian Creole Hausa Hebrew Hiligaynon Hindi Hmong (White) Hungarian Iban Ibanag Icelandic Iloko Indonesian Japanese Japanese Sign Language Jula Kabiye Kachin Kannada Kazakh Kekchi Kikuyu Kiluba Kimbundu Kinyarwanda Kirghiz Kiribati Kirundi Kisi Kongo Korean Korean Sign Language Kosraean Krio Kurdish Kurmanji (Caucasus) Kurdish Kurmanji (Cyrillic) Kwangali Kwanyama Laotian Lhukonzo Lithuanian Lomwe Low German Luganda Luo Macedonian Macua Malagasy Malay Malayalam Mam Mambwe-Lungu Mapudungun Marathi Mauritian Creole Mazatec (Huautla) Mbunda Mexican Sign Language Mixe Mizo Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndau Ndebele Ndebele (Zimbabwe) Ndonga Ngabere Ngangela Niuean Norwegian Nyaneka Nyungwe Nzema Oromo Ossetian Otomi (Mezquital Valley) Palauan Pangasinan Papiamento (Curaçao) Persian Peruvian Sign Language Polish Polish Sign Language Ponapean Poqomchi' Portuguese (Portugal) Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Quiche Rarotongan Romanian Rotuman Runyankore Russian Russian Sign Language Rutoro Samoan Sango Sena Sepedi Serbian Serbian (Roman) Sesotho (Lesotho) Setswana Seychelles Creole Shona Sinhala Slovak Slovenian Solomon Islands Pidgin Spanish Spanish Sign Language Sranantongo Swahili Swati Swedish Tahitian Tajiki Tamil Tankarana Tarascan Tatar Tetun Dili Thai Tigrinya Tiv Tlapanec Tojolabal Totonac Tshwa Tsonga Turkish Turkmen Tuvaluan Twi Tzeltal Tzotzil Uighur (Cyrillic) Ukrainian Umbundu Urdu Urhobo Uzbek Venda Venezuelan Sign Language Vezo Wallisian Wayuunaiki Welsh Wolaita Xhosa Yoruba Zande Zapotec (Isthmus) Zapotec (Lachiguiri) Zulu\\nYanda Aabo Bayandwaa Leza\\n“Uuenda abasongo ulasongwaala.”—TUSIMPI 13:20.\\n1-3. (a) Nkaakali kasimpe kaambwa muBbayibbele? (b) Kujana twabasala biyeni beenzuma bakonzya kutusungwaazya kuchita zintu zili kabotu?\\nMULIIMWI nzila bantu balakonzya kukozyanisigwaa chigogo chinywida maanzi. Batobelezya zintu zichitwaa beenzinyina. Nchuuba kutobelezya mbobachita, makkalilo abube bwabaabo mbibamvwananaabo.\\n2 Bbayibbele lyaamba kasimpe kakuti: “Uuenda abasongo ulasongwaala, pele muzwalani wabafubafuba ulabisizigwa.” (Tusimpi 13:20) Kasimpi aaka takaambi kumvwanana kwabuyo pe. Bbala lyakuti “uuenda” lyaamba kumvwanana kwiinkilila kunembo. * Kalipandulula lugwalo oolu, limwi bbuku lyaambuula atalaa Bbayibbele lyakati: “Kweendaa muntu kuswaanizya kubaa luyando abwenzinyina bulaafwiifwi.” Tuzumini na kuti zili mubulowa kutobelezya bantu mbituyanda? Masimpe, akaambo kakuti tulaliswaanizya abantu mbituyanda, bantu aaba balakonzya kutusungwaazya kuti tuchite zintu zibotu naa kutusinikizya kuchita zibi.\\n3 Ikuti tukkale katuli muluyando lwaLeza, tweelede kuyanduula beenzuma batusungwaazya kuchita zintu zili kabotu. Tulakonzya kuzichita biyeni eezi? Kwiinda mukuyanda aabo bayandwaa Leza akubaa buzolwani abantu balaabuzolwani aLeza. Koyeeya atalaa nzizyo! Mpubali na beenzuma bali kabotu kwiinda aabo balaa bube buyandwaa Jehova? Atwiiye kuti Leza uyanda bantu balibiyeni. Ikuti twaziba bantu mbayanda, tuyookonzya kusala beenzuma bakonzya kutusungwaazya kuchita zintu zili kabotu.\\nAABO BAYANDWAA LEZA\\n4. Nkamboonzi Jehova nalaa cheelelo chakusala beenzinyina, alimwi nkamboonzi nakiita Abrahamu kuti “muzolwani wangu”?\\n4 Jehova usala chakuchenjela bantu mbayanda kuti babe beenzinyina. Takwaacho na cheelelo chakuchita oobo? Ulaacho, nkaambo nguMwaami wanyika yoonse alimwi nchoolwe chipati loko kubaa bweenzinyina anguwe. Ino usala bantu bali biyeni kuti babe beenzinyina? Jehova usala aabo bamusyoma chamoyo woonse abalaa lusyomo kulinguwe. Muchikozyano, yeeya atalaa sikale Abrahamu, mwaalumi wakalaa lusyomo lupati. Takwe chintu chiyumu mbuli kwaambila wisi kuti ajaye mwanaakwe mbuli chipayizyo. * Nikuba boobo, Abrahamu “wakatuula Izaka” kalaa lusyomo lwakuti “Leza ulijisi inguzu neziba zyakubusya bantu kukufwa.” (BaHebrayo 11:17-19) Akaambo kakuti Abrahamu wakatondeezya lusyomo akuswiilila, Jehova wakamwiita kuti “muzolwani wangu.”—Isaya 41:8; Jakobo 2:21-23.\\n5. Jehova ubabona biyeni aabo bamuswiilila chamoyo woonse?\\n5 Jehova uyanda bantu baswiilila chamoyo woonse. Ulabayanda aabo basyomeka kulinguwe chamoyo woonse. (Bala 2 Samuele 22:26.) Mbuli mbutwakabona muChaandano 1 mubbuku eeli, Jehova ulabayanda aabo basala kumuswiilila akaambo kakuti balamuyanda. Lugwalo lwa Tusimpi 3:32 lwaamba kuti ‘balulami mbabo balaa bweenzinyina bulaafwiifwi anguwe.’ Jehova utamba aabo baswiilila lulayo lwakwe kuti baze “mucilao” chakwe, kuti bazoomukombe alimwi balakonzya kukomba kuli nguwe kabaangunukide.—Intembauzyo 15:1-5.\\n6. Kujana twatondeezya biyeni kuti tulamuyanda Jesu, alimwi Jehova ulimvwa biyeni atalaa baabo bayanda Mwanaakwe?\\n6 Jehova ulabayanda aabo bayanda Jesu, Mwanaakwe simuzyalwaalike. Jesu wakati: “Naa muntu ulandiyanda unoobamba ijwi lyangu, awalo Taata ulamuyanda, tulasika kulinguwe tukakale awalo.” (Johane 14:23) Kujana twatondeezya biyeni kuti tulamuyanda Jesu? Kwiinda mukubamba milawu yakwe iiswaanizya kukambawuka makani mabotu akuchita kuti bantu babe basikwiiya. (Matayo 28:19, 20; Johane 14:15, 21) Alubo, tutondeezya kuti tulamuyanda Jesu chiindi ‘notutobela mumikondo yakwe’ kwiinda muzintu nzyotwaambuula anzituchita kweendelanaa mbotukonzya, mbukunga tuli bantu batamaninide. (1 Petro 2:21) Jehova ulabotelwa nabona aabo batobelezya mikondo yaMwanaakwe, Kristu, akaambo kakuti balamuyanda.\\n7. Nkamboonzi nochili chabusongo kusala beenzinyina baJehova kuti babe beenzuma?\\n7 Lusyomo, kusyomeka, kuswiilila akuyanda Jesu anzila zyakwe, nziimwi zintu zilaakati kabube bulangwaa Jehova kuli baabo mbayanda kuti babe beenzinyina. Umwi awumwi weelede kulibuzuya kuti: ‘Beenzuma balaa bube buli mbuboobu na? Beenzinyina baJehova mbibeenzuma na? Kuchita oobo mbusongo. Bantu balaa bube buyandwaa Leza abasungwede kukambawuka makani mabotu aaBwaami balakonzya kutugwasya kuti twiinkilile kunembo katubotezya Leza.—Langa kabbokesi katii “ Mweenzuma Uulikabotu Nguuli Biyeni?”\\nMWEENZUMA UULIKABOTU NGUULI BIYENI?\\nNjiisyo: “Muzwalani ulayandisya kuziindi zyoonse, alimwi munyina wazyalilwa mapenzi.”—Tusimpi 17:17.\\nBeenzinyina baJehova aJesu mbibeenzuma na?—Johane 15:14, 16; Jakobo 2:23.\\nIno beenzuma balandigwasya kuti ndichite zintu zili kabotu na?—1 BaKorinto 15:33.\\nIno beenzuma balandiyanda na zyakuti balandilulamika chiindi nindabisya?—Intembauzyo 141:5; Tusimpi 27:6.\\nIno nzindaambuula anzindichita zitondeezya kuti ndilimweezinyina uuli biyeni kuli bamwi?—Tusimpi 12:18; 18:24; 1 Johane 3:16-18.\\nKWIIYA KUZWA KUCHIKOZYANO CHAMUBBAYIBBELE\\n8. Niinzi chikubotezya atalaa bweenzinyina bwakaliwo akati ka (a) Naomi aRute? (b) balombe batatu baHebrayo? (c) Paulo aTimoteo?\\n8 Magwalo alazikozyano zyiingi zyabantu bakagwasigwa kwiinda mukusala beenzinyina balikabotu. Ulakonzya kubala atalaa bweenzinyina mbwaakalabo Naomi amukamwanaakwe Rute, bweenzinyina mbubakalabo balombe batatu baHebrayo bakajisini muBabuloni, abweenzinyina mbwaakalabo Paulo aTimoteo. (Rute 1:16; Daniele 3:17, 18; 1 BaKorinto 4:17; BaFilipi 2:20-22) Atwiiye atalaa chikozyano chabweenzinyina bwakaliwo akati kaDavida aJonatani.\\n9, 10. Niinzi chakapa kuti Davida aJonatani babe beenzinyina?\\n9 Bbayibbele lyaamba kuti kuzwa chiindi Davida nakajaya Goliyati, “moyo waJonatani wakaswaana amoyo waDavida, nkabela Jonatani wakamuyandisya mbuli mbwaliyanda mwini.” (1 Samuele 18:1) Eezi zyakapa kuti babaa bweenzinyina busimide loko. Nikuba kuti bakasiyenaa minyaka myiingi, bakamvwanana kusikila Jonatani nakafwa kunkondo. * (2 Samuele 1:26) Niinzi chakasimya bweenzinyina bwaDavida aJonatani?\\n10 Davida aJonatani bakali kumvwanana nkaambo boonse bakali kuyanda Leza alimwi bakali kuyanda kusyomeka kuli nguwe. Alubo baalumi aaba bakali kumvwanana nkaambo boonse bakali kuyanda kubotezya Leza. Umwi awumwi wabo wakalaa bube bwakali kubotezya mweenzinyina. Zyakamuyasa moyo Jonatani kubona busichamba akusungwaala kwamulombe ooyo wakayiminina zina lyaJehova. Chilaantanganana kuti Davida wakali kulemeka Jonatani nkaambo wakali kutobela mabambe aaJehova chakusyomeka alimwi wakabikka ziyandwaa Davida mubusena bwakusaanguna kwiinda ziyandwaa nguwe. Yeeya zyakachitika chiindi Davida naakali kukkala kunkanda kakatazikene akaambo kakuyoowa Mwaami Saulo, wisaa Jonatani. Chakusyomeka, Jonatani “wakanyamuka, wainka kuli Davida oko kucisaka akumuyumyayumya muli Leza.” (1 Samuele 23:16) Yeeya mbwakalimvwa Davida chiindi mweenzinyina naakasika kuti azomusungwaazye! *\\n11. Wiyaanzi kuzwa kubweenzinyina bwaJonatani aDavida?\\n11 Twiiyaanzi kuzwa kuchikozyano chaJonatani aDavida? Chiiyo chipati nchakuti bantu bayanda kuba beenzinyina beelede kuti boonse kabayanda kuchita zintu zibotezya Leza. Chiindi nitumvwanana abaabo basyoma nzitusyoma, balijata mbuli ndiswe, abasyomeka kuli Leza, tulakonzya kubuzyana nzyotuyeeya, mbotulimvwa azintu zyakatuchitikila zikonzya kutusungwaazya akutusimya. (Bala BaRoma 1:11, 12.) Tulakonzya kujana beenzuma bayanda kuchita zintu zibotezya Leza aakati kabakombima. Pesi eezi zyaamba kuti kufumbwa muntu uusika kumiswaangano, kuNg’anda yaBwaami mweenzuma uulikabotu na? Peepe.\\nMBOTUKONZYA KUSALA BEENZUMA\\n12, 13. (a) Nkamboonzi nchotweelede kusala beenzuma chabusongo nikuba akati kabakombima? (b) Mbuubuli buyumu-yumu bwakaswaananaa mbungano zyamumwaanda wamunyaka wakusaanguna, alimwi Paulo wakabachenjezya katyeni?\\n12 Nikuba mumbungano, tweelede kusala chabusongo kuti tujane beenzuma batatugwasye kusimya buzolwani bwesu aJehova. Eezi zyeelede kutugambya na? Tazyeelede kutugambya pe. Imwi michelo iitola chiindi chilamfu kuti ibizwe, mbumbubo, amwi maKristu alakonzya kutola chiindi chilamfu kuti akomene kuzintu zyabukombi. Nkinkaako mumbungano maKristu akomena munzila iisiyene kuzintu zyabukombi. (BaHebrayo 5:12–6:3) Nikuba boobo, tutondeezya luyando amoyo mulamfu kuli baabo bachili bapya mumbungano naa batanasima muzintu zyabukombi, nkaambo tuyanda kubagwasya kuti bakomene kuzintu zyabukombi.—BaRoma 14:1; 15:1.\\n13 Chimwi chiindi kulakonzya kubaa chiimo chiyanda kuti tuchenjelele bantu mbotusala kuti babe beenzuma mumbungano. Bamwi balakonzya kuswaanizigwa kukuchita michito mibi. Bamwi balakonzya kutakkutisikana naa kung’ung’una. Azilazyo mbungano zyamumwaanda wamunyaka wakusaanguna zyakaswaananaa buyumu-yumu buli oobu. Nikuba kuti biingi bakali kusyomeka, bamwi tiibakali kulijata kabotu. Akaambo kakuti bamwi mumbungano yakuKorinto tiibakali kuswiilila zimwi njiisyo zyabuKristu, mwaapostolo Paulo wakachenjezya mbungano kuti: “Mutalyeni. Mweenda abamineme, anywebo mulaminama.” (1 BaKorinto 15:12, 33) Paulo wakachenjezya Timoteo kuti nikuba akati kamaKristu kulakonzya kuba bamwi bantu batalijati kabotu. Alubo, wakabuzya Timoteo kuti ataliswaanizyi abantu bali boobo alimwi atabachiti kuti babe beenzinyina.—Bala 2 Timoteo 2:20-22.\\n14. Kujana twalubelesya biyeni lulayo lujanika mumajwi aaPaulo aakuchenjezya lulaatalaa kusala beenzuma?\\n14 Kujana twalubelesya biyeni lulayo lujanika mumajwi aaPaulo aakuchenjezya? Kwiinda mukutaliswaanizyaa bantu bakonzya kutunyonganya, nikuba bali mumbungano naa batali mumbungano. (2 BaTesalonika 3:6, 7, 14) Tweelede kukwabilila bweenzuma mbotulabo aJehova. Utalubi kuti mbuli chigogo chinywida maanzi, tutobelezya zichitwaa beenzuma ambobayeeya. Ikuti twanika chigogo chituba mumaanzi alaadoti, tatulangilili kuti chizwe kachitakwe doti pe. Mbumbubo, ikuti twaliswaanizyaa bantu bachita zintu zibi, tatulangilili kuti batugwasye kuchita zintu zili kabotu.—1 BaKorinto 5:6.\\nUlakonzya kujana beenzinyokwe bali kabotu akati kabakombinyokwe\\n15. Tulakonzya kubajana biyeni bantu balaa bweenzinyinaa Leza mumbungano?\\n15 Zilabotezya kuti tulakonzya kujana beenzuma bali kabotu akati kabakombima. (Intembauzyo 133:1) Tulakonzya kubajana biyeni bantu balaa bweenzinyinaa Leza mumbungano? Mbuli mboyezya kubaa bube buyandwaa Leza, uyoobona kuti bamwi bayooyanda kuba beenzinyoko. Kuchiindi nchicheecho, weelede kuchita chimwi chintu kuti ujane beenzinyokwe bapya. (Langa kabbokesi katii “ Mbotwakajana Beenzuma Bali Kabotu.”) Yanduula aabo balaa bube mbuyanda kubaabo. Tobela lulayo lujanika muBbayibbele lwakuti “amujule myoyo yanu,” alimwi uyanduule beenzinyokwe akati kabakombima kutali kulanga mubala walukanda, musyobo, naa tunsiya-nsiya twabo. (2 BaKorinto 6:13; bala 1 Petro 2:17.) Utasali kumvwananaa bantu mbuyeelenaabo luzutu. Utalubi kuti Jonatani wakali mupati loko kwiinda Davida. Kuti wabaa bweenzinyina abantu bakomena, balakonzya kukwaabila luzibo abusongo.\\nMBOTWAKAJANA BEENZUMA BALI KABOTU\\n“Kumatalikilo, kwakali kundiyumina kuti ndijane beenzuma mumbungano. Pesi kusungwaala mumulimu wakukambawuka kwakandigwasya kuti ndibaa moyo mulamfu, ndiliyumye akuti ndibaa luyando lwachoonzyo. Mbuli mbondiinkilila kunembo kubaa bube buli boobo, ndakabona kuti bantu balaa bube buli boobo balandiyanda, lino ndilaa beenzuma balikabotu.”—Shivani.\\n“Ndakakomba kuti ndijane beenzuma mumbungano. Pesi kwachiindi chilaamfu, ndakali kubonaanga nkombyo zyangu tiizyakali kusandulwa pe. Ndakazobona kuti takwe nzindakali kuchita pe kuti ndijane beenzuma. Kuzwa nindakatalika kuchita kweendelanaa nkombyo zyangu ndakazobona kuti Jehova ulazisandula nkombyo zyangu.”—Ryan.\\nCHIINDI NOKWABA KUTAMVWANANA\\n16, 17. Nkamboonzi notuteelede kulyandanyaa mbungano kuti ngotukombaawe watunyemya?\\n16 Akaambo kakusiyana kwanzila njitwakakomenaayo abube bwesu, kulakonzya kuba kutamvwanana mumbungano. Ngotukombaawe ulakonzya kwaambuula naa kuchita chimwi chintu chikonzya kutuchisya moyo. (Tusimpi 12:18) Chimwi chiindi kutamvwanana ooku kulakonzya kweetwaa kusiyana kwabube naa kwanzila njotuyeyaayo. Tuyoonyema na chiindi nikwaba kutamvwanana alimwi tuyosala kulyaandanyaa mbungano na? Ikuti katuyanda Jehova amoyo wesu woonse alimwi katuyanda aabo mbayanda, tatukoyoozichita pe eezi.\\n17 Tweelede kumuyanda Jehova akumubelekela chamoyo woonse nkaambo Mulengi wesu alimwi nguSikutupa buumi. (Ciyubunuzyo 4:11) Kuyungizya waawo, tweelede kugwasyanaa mbungano yaLeza. (BaHebrayo 13:17) Nkinkaako, nikuba kuti ngotukombaawe watubuzya majwi atunyemya tatweelede kulyandaania mbungano mbuli nzila yakutondeezya kuti tiitwabotelwa pe. Tunozichitilaanzi eezi? Jehova teensi nguwe watunyemya pe. Kuyanda Jehova takukoyoopa kuti tuleke kumukomba naa tulyandaanyaa bantu mbayanda!—Bala Intembauzyo 119:165.\\n18. (a) Kujana twachitaanzi kuti kube luumuno mumbungano? (b) Kulekelela kweeta zilongezyoonzi?\\n18 Kuyanda aabo mbotukombaabo kweelede kupa kuti tuyande kuti kube luumuno mumbungano. Jehova talangilili zintu zimaninide kubantu batamaninide, aswebo tweelede kuchita mbuboobo. Luyando luyoopa kuti tulekelele bamwi katuyeeya kuti tuli bantu batamaninide akuti aswebo tulabisya. (Tusimpi 17:9; 1 Petro 4:8) Luyando lulatugwasya kuti tukonzye “kulekelelana.” (BaKolose 3:13) Tachili chuuba pe kutobelezya malayilile aaya. Ikuti twatobelezya miyeeyo mibi, tulakonzya kubaa mfundiilili, katubonaanga kunyema kwesu ninzila yakusubula watunyemya. Kwaamba masimpe, kubaa mfundiilili kulakonzya kutuchisa. Kulekelela kulayandikana kuti kakuli kaambo kakuchita oobo, nkaambo kweeta zilongezyo. (Luka 17:3, 4) Kweeta luumuno mumizeezo, mumoyo amumbungano, alimwi kwiinda zyoonse, kukwabilila bweenzuma mbotulaabo aJehova.—Matayo 6:14, 15; BaRoma 14:19.\\nCHIINDI NOTWEELEDE KUMANA KUMVWANANA\\n19. Nziizili zyiimo zikonzya kupa kuti tumane kumvwananaa mukombima?\\n19 Chimwi chiindi, tulakonzya kubuzigwa kuti tuleke kuyanzanaa umwi ngotukombaawe. Eechi chilakonzya kuchitika kuti umwi watyola mulawu waLeza naa kukaka lusyomo kwiinda mukuyiisya njiisyo zyakubeja naa kwiinda mukulyandanyaa mbungano. Jwi lyaLeza litwaambila zilaantanganana kuti: “mutavwelani ayooyo pe.” * (Bala 1 BaKorinto 5:11-13; 2 Johane 9-11) Tachili chuuba pe kulyanzaanyaa nzubo naa mweenzuma wagwisigwa mumbungano. Tuyootondeezya na kuti tubikka kusyomeka kwesu kuli Jehova amilawu yakwe iiluleme kwiinda zyoonse mubusena bwakusaanguna? Utalubi kuti Jehova ulabayanda aabo basyomeka abamuswiilila.\\n20, 21. (a) Nkamboonzi kugwisigwa mumbungano naali mabambe aaluyando? (b) Nkamboonzi nokuyandikana kuti tusale beenzuma chabusongo?\\n20 Kugwisigwa mumbungano mabambe aaJehova aaluyando lupati. Nkamboonzi? Kugwisya muntu uteempwi mumbungano kutondeezya kuyanda Jehova akulemeka zina lyakwe lisalala. (1 Petro 1:15, 16) Mabambe aaya akwabilila mbungano. Bakombi basyomeka balakonzya kukwabililwa kulweeno luzwa kuli basikubisya bateempwi. Alubo, balakonzya kwiinkilila kunembo mukukomba kabazi kuti mbungano njiyo iipa lukwabililo lwachoonzyo kuzwa munyika eeyi iizwide bubi. (1 BaKorinto 5:7; BaHebrayo 12:15, 16) Lulayo oolu lutondeezya luyando kuli sikubisya. Lulakonzya kugwasya sikubisya kubona kuti weelede kubweza ntaamu kuti abweede kuli Jehova.—BaHebrayo 12:11.\\n21 Masimpe, tatukonzyi kukaka kuti tutobelezya eezyo zichitwaa beenzuma. Nkinkaako, chilayandikana kuti tusale beenzuma chabusongo. Kwiinda mukubaa bweenzuma abeenzinyina baLeza akuyanda aabo bayandwaa Leza, tuyoojana beenzuma bali kabotu. Nzyotutakayiiye kulimbabo ziyootugwasya kuti tuchite zintu zibotezya Jehova.\\n^ par 2 Bbala lyachiHebrayo lyakuti “muzwalani,” lyaamba “mweenzinyina” naa “kweenda amuntu.”—Babetesi 14:20; Tusimpi 22:24.\\n^ par 4 Kwiinda mukubuzya Abrahamu kuti achite eezi, Jehova wakali kutondeezya mbwakalikuyotuula Mwanaakwe, simuzyalwaalikke. (Johane 3:16) Munkani yaAbrahamu, Jehova wakanjilila, alimwi wakamupa mugutu wambelele mubusena bwakuti ajaye Izaka.—Matalikilo 22:1, 2, 9-13.\\n^ par 9 Davida ‘wakali muniini’ chiindi nakajaya Goliyati alimwi wakalaaminyaka iili 30 chiindi Jonatani naakafwa. (1 Samuele 17:33; 31:2; 2 Samuele 5:4) Jonatani wakafwa kalaa minyaka iili 60, eezi zitondeezya kuti wakali mupati kuli Davida aminyaka iili 30.\\n^ par 10 Kweendelanaa lugwalo lwa 1 Samuele 23:17, Jonatani wakaamba zintu zili musanu zyakali kuyosungwaazya Davida: (1) Wakasungwaazya Davida kuti takeelede kuyoowa pe. (2) Wakamubuzya kuti makanze aaSaulo taakali kuyoozwidilila pe. (3) Wakayeezya Davida kuti wakali kuyooba Mwaami, mbuli mbwakasyomezezye Leza. (4) Wakasyomezya Davida kuti unoosyomekede kuli nguwe chiindi choonse. (5) Wakabuzya Davida kuti nikuba Saulo wakalizi kuti ulisyomekede kuli nguwe.\\n^ par 19 Kuti ujane amwi makani atalaa baabo bakagwisigwa mumbungano, langa “Mbotukonzya Kukkalaa Muntu Wakagwisigwa Mumbungano.”","num_words":2155,"character_repetition_ratio":0.057,"word_repetition_ratio":0.0,"special_characters_ratio":0.174,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Nkaambo nzi Leza Ncalekelede Kupenga? — LAIBBULALI YAA INTANETI ya Watchower\\nbh cibalo. 11 map. 106-114\\nNKAAMBO NZI KUPENGA NCOKUVWULIDE?\\nIKAAMBO KAPATI KATALISYIGWA\\nNKAAMBO NZI NCAAKULEKELA KWACIINDI CILAMFWU KAPATI?\\nINO MULACIBELESYA BUTI CIPEGO NCAAKAMUPA LEZA?\\nNkaambo nzi Ncokuli Kupenga Kapati?Ncinzi Bbaibbele Ncolituyiisya?\\nNcinzi Ncolyaamba Bbaibbele?Ngazi Yamulindizi Yaambilizya Bwami bwa Jehova (Yakubuleya)—2017\\nIkaambo Kupenga Koonse Ncokuya Kumanina Ino-inoNgazi Yamulindizi—2007\\nSena ngu Leza wakatalisya kupenga kuli munyika?\\nIno nkaambo nzi kakatalisyigwa mumuunda wa Edeni?\\nIno mbuti Leza mbwayookumanizya kupenga kwabantunsi?\\n1, 2. Nkupenga kuli buti kubacitikila bantu sunu, alimwi ino banji kubapa kubuzya mibuzyo nzi?\\nNOYAKAMANA kulwa nkondo nkali mucisi cimwi mulwanwa nkondo lyoonse, zyuulu-zyuulu zyabanakazi abamwi batali basikalumamba bakazikkwa antoomwe mucuumbwe comwe cipati cakazingulukidwe ambaakani zyaziingano mumbali-mbali. Iciingano acimwi cakalembedwe kuti: “Nkaambo nzi?” Ooyu ngomubuzyo ngobabuzya bantu nobacimidwe kapati akaambo kakutaciteelela cakasololela kupenzi limwi lipati. Ibantu balaubuzya mubuzyo ooyu eelyo nkondo naa intenda imwi noijaya muyandwa wabo, kunyonyoona ŋanda yabo naa kuletela kupenga kutaambiki munzila zimbi. Balayanda kuzyiba ncobakacitikilwa mapenzi aali boobo.\\n2 Ino nkaambo nzi Leza ncakuzumizya kupenga? Ikuti Jehova Leza kali singuzuzyoonse, siluyando, imusongo alimwi uululeme, ino nkaambo nzi nyika ncoizwide kusulaikana alimwi akutalulama? Sena nywebo kuli nomwakalibuzyide mibuzyo iili boobu?\\n3, 4. (a) Ncinzi citondezya kuti tacilubide ikubuzya ncakulekelede kupenga Leza? (b) Ino Jehova ulimvwa buti kujatikizya bubi akupenga?\\n3 Sena cililubide ikubuzya ncakulekelede kupenga Leza? Bamwi balalibilika kuti ikubuzya mubuzyo uuli boobo inga kwaamba kuti tabajisi lusyomo luyumu naa kuti basampaula Leza. Pele mwabala Bbaibbele, muyoojana kuti bantu basyomeka alimwi ibakali kuyoowa kubisizya Leza bakabuzya mibuzyo njimunya eeyi. Mucikozyanyo, imusinsimi Habakuku wakabuzya Jehova kuti: ‘Ino nkaambo nzi ncondipa kubona mapenzi aali boobu, alimwi ino nkaambo nzi ncolekelela kubisya ooku? Alimwi ino nkaambo nzi lunyonyooko amazwanga ncozindizingulukide akukazyanya ncokuya kumbele alimwi akulwana ncokucitwa?’—Habakuku 1:3.\\nJehova uyookumanizya kupenga koonse\\n4 Sena Jehova wakamunyemena musinsimi uusyomeka Habakuku akaambo kakubuzya mibuzyo eeyo? Peepe. Muciindi caboobo, Leza wakaabikkilizya majwi aa Habakuku ngaakaamba camoyo woonse mumakani aali mu Bbaibbele ngaakasololela amuuya wakwe. Alimwi Leza wakamugwasya kwaamvwisya makani akumupa kuba alusyomo luyumu. Eeco Jehova ncayanda kumucitila anywebo. Kamuyeeyede kuti Bbaibbele liyiisya kuti “nguumucebuka lyoonse.” (1 Petro 5:7) Leza ulabusulaika kapati bubi akupenga kucitika akaambo kambubo kwiinda mbobabusulaika bantunsi. (Isaya 55:8, 9) Aboobo ino nkaambo nzi kupenga ncokuvwulide kapati boobu munyika?\\n5. Ntwaambo nzi tupegwa zimwi ziindi ikupandulula ncobapenga bantu, pele ino Bbaibbele lituyiisya nzi?\\n5 Ibantu bazikombelo ziindene-indene babuzya beendelezi babo bazikombelo abamayi ncokuvwulide boobu kupenga. Ikanji-kanji, ibwiinguzi inga mbwakuti ikupenga nkuyanda kwa Leza alimwi akuti kaindi wakazisalila limwi zyoonse zyakali kuyoocitika, kubikkilizya amapenzi. Ibanji baambilwa kuti inzila zya Leza tazikonzyi kupandululwa naa kuti Leza upa kuti bantu bafwe kubikkilizya abana ikutegwa kakkala ambabo kujulu. Pele kweelana ambomwaiya, kunyina Jehova Leza natalisya cintu cibyaabi. Ibbaibbele lyaamba kuti: “Kacili kule a-Leza kuti acite bubi, akuli-Singuzuzyoonse kuti alubizye.”—Jobu 34:10.\\n6. Nkaambo nzi bantu banji ncobalubizya mukupa Leza mulandu kujatikizya kupenga kuli munyika?\\n6 Sena mulikazyi kaambo bantu ncobalubizya mukupa Leza mulandu kujatikizya kupenga koonse kuli munyika? Ikanji-kanji bapa Leza Singuzuzyoonse mulandu akaambo kakuyeeya kuti ngomweendelezi wini wanyika eeyi. Tabaizyi njiisyo iitakatazyi, pele iiyandika kapati njoliyiisya Bbaibbele. Mwakayiiya njiisyo eeyo mu Cibalo 3 mubbuku lino. Imweendelezi wini wanyika eeyi ngu Saatani Diabolosi.\\n7, 8. (a) Mbuti nyika mboitondezya mbwabede mweendelezi wanjiyo? (b) Mbuti kutalondoka alimwi ‘aziindi zyalufwu azyamapenzi’ mbozyatuletela kupenga?\\n7 Cakusalazya Bbaibbele lyaamba kuti: “Nyika yoonse yeendelezyegwa amubi.” (1 Johane 5:19, NW) Sena tamuzumini kuti makani aaya ngamasimpe mwakkala ansi kuyeeya? Inyika eeyi izwide bube bwacilenge camuuya citalibonyi icili ‘mukweena bantu boonse baansi.’ (Ciyubunuzyo 12:9) Saatani ulasulaika, ngusilweeno alimwi ngusilunya. Aboobo nyika njayendelezya ayalo izwide kusulaika, lweeno alimwi alunya. Aaka nkaambo kamwi ncokuvwulide kupenga.\\n8 Ikaambo kabili ncokuvwulide kupenga nkakuti mbubwenya mbokwakabandikwa mu Cibalo 3, banamaleya tabalondokede alimwi mbaasizibi kuzwa ciindi kuzanga nokwakacitika mumuunda wa Edeni. Bantunsi basizibi balwanina kuba ampuwo zyakweendelezya bamwi, alimwi eeci capa kuti kube nkondo, kudyaaminina alimwi akupenga. (Mukambausi 4:1; 8:9) Ikaambo katatu ncokuli kupenga kajatikizya “ziindi zyalufu azyamapenzi.” (Amubale Mukambausi 9:11) Munyika oomo Jehova mwatali Mweendelezi uukwabilila, ibantu balakonzya kupenga akaambo kakuba abusena bumwi aciindi citeelede.\\n9. Nkaambo nzi ncotunga twasinizya kuti Jehova ulijisi twaambo tubotu ncakulekelede kuzumanana kupenga?\\n9 Ncintu cituumbulizya swebo ikuzyiba kuti Leza teensyi nguukutalisya kupenga pe. Tajisi mulandu kujatikizya nkondo, milandu, kudyaaminina nezyiba ntenda zyacilengwaleza izibapa kupenga bantu. Pele tuciyandika kuzyiba, Ino nkaambo nzi Jehova ncakulekelede kupenga ooku koonse? Ikuti kali Singuzuzyoonse, nkokuti ulijisi nguzu zyakukulesya kupenga. Aboobo ino nkaambo nzi ncatakulesyi? Leza siluyando ngotwazyiba kabotu weelede kuti ulijisi twaambo tubotu ncatanalesya ikupenga.—1 Johane 4:8.\\n10. Ino ncinzi Saatani ncaakapa kuti cidoonekwe, alimwi mmunzila nzi?\\n10 Ikutegwa tuzyibe kaambo Leza ncalekelede kupenga, tweelede kuyeeya cakacitika ikupenga nokwakatalika. Saatani naakapa kuti ba Adamu a Eva bazangile Jehova, ikaambo kayandika kapati kakatalisyigwa. Saatani kunyina naakapa kuti kudoonekwe nguzu nzyajisi Jehova. Naba Saatani ulizyi kuti nguzu zya Jehova tazyeeli. Muciindi caboobo, Saatani wakapa kudoonekwa kweelela kwabweendelezi bwa Jehova. Kwiinda mukwaamba Leza kuti mmubeji uuyima balelwa bakwe zintu zibotu, Saatani wakali kwaamba kuti Jehova mmweendelezi mubyaabi. (Amubale Matalikilo 3:2-5) Saatani wakali kwaamba kuti banamaleya bakali kuyoopona kabotu kapati ikuti kabateendelezyegwi a Leza. Ooku kwakali kulwana bulelo bwa Jehova, ikweelela kwakwe kwakweendelezya.\\n11. Ino nkaambo nzi Jehova ncaatakaile kubanyonyoona buyo basikuzanga mu Edeni?\\n11 Ba Adamu a Eva bakamuzangila Jehova. Mubwini bakati: “Tatuyandi kuti Jehova kali Mweendelezi wesu. Tulakonzya kulisalila tobeni cintu ciluzi acitaluzi.” Ino mbuti Jehova mbwaakali kunga wakeendelezya kaambo aaka? Mbuti mbwaakali kunga wayiisya zilenge zyakwe zyamaanu zyoonse kuti basikuzanga bakalilubizyide akuti mubwini inzila yakwe nenzila yiinda zyoonse kubota? Umwi inga waamba kuti Leza wakeelede buyo kubanyonyoona basikuzanga akutalika buya alimwi. Pele Jehova wakalaambide makanze aakwe aakuti nyika izule bana ba Adamu a Eva, alimwi wakali kuyanda kuti kabapona munyika yaparadaiso. (Matalikilo 1:28) Lyoonse Jehova ulaazuzikizya makanze aakwe. (Isaya 55:10, 11) Kuyungizya waawo, ikunyonyoona basikuzanga mu Edeni tiikwakali kuyookasalazya kaambo kakatalisyidwe kujatikizya kweelela kwa Jehova kwakweendelezya.\\n12, 13. Amupe cikozyanyo citondezya kaambo Jehova ncaazumizyila Saatani kuba mweendelezi wanyika eeyi alimwi ancaazumizyila bantunsi kulyeendelezya beni.\\n12 Atupandulule kwiinda mukubelesya cikozyanyo. Amweezyeezye kuti mwiiyi waambila basicikolo mbayiisya nzila mbokujanwa namba imwi iikatazya. Sicikolo umwi uujisi maanu alimwi uutamvwi wataminina kuti inzila njobabelesya bayi tailuzi pe. Ikutondezya kuti mwiiyi tacibwene kabotu kuyiisya, ooyu sikuzanga wayuminina kwaamba kuti walo uzyi nzila mbotu yakujana namba eeyo. Basicikolo bamwi bayeeya kuti uliluzi, eelyo abalo bazanga. Ino ncinzi mwiiyi nceelede kucita? Ikuti naa wabatanda mukkilasi basikuzanga, ino basicikolo bamwi inga bayeeya nzi? Sena tabakasyomi kuti sicikolonyina alimwi abaabo bakamusangana baliluzi? Basicikolo bambi boonse mukkilasi inga bacileka kumulemeka mwiiyi, kabayeeya kuti uyoowa kuzyibwa kuti ulilubizyide. Pele ino mbuti kuti mwiiyi wamuzumizya sikuzanga ikutondezya basicikolonyina nzila mbwanga waijana namba?\\nSena sicikolo ulicibwene kuyiisya kwiinda mwiiyi?\\n13 Jehova wacita ceeco mwiiyi wamucikozyanyo cesu ncaakali kunga wacita. Amuyeeye kuti basikuzanga mu Edeni teensyi mbebakajatikizyidwe balikke. Tuulunzuma twabangelo bakali kulangilila. (Jobu 38:7; Daniele 7:10) Mbwaakeendelezya kuzanga ooko Jehova kwakali kuyoobajatikizya bangelo aabo boonse, alimwi kumbele ibangelo abantu boonse. Aboobo ino ncinzi ncaacita Jehova? Wamuzumizya Saatani kutondezya mbwanga weendelezya banamaleya. Alimwi Leza wazumizya bantunsi kulyeendelezya beni kwiinda mubusolozi bwa Saatani.\\n14. Ino nimpindu nzi iiyoojanwa akaambo kakuti Jehova wakasala kuzumizya bantunsi kulyeendelezya beni?\\n14 Imwiiyi wamucikozyanyo cesu ulizyi kuti sikuzanga kubikkilizya abasicikolo bamutobela balilubizyide. Pele alimwi ulizyi kuti ikubapa ciindi cakusola kusalazya kaambo kabo inga kwabagwasya boonse mukkilasi. Basikuzanga bakakilwa kwiijana namba, basicikolo basyomeka boonse balazyiba kuti mwiiyi nguweelede alikke kusololela basicikolo mukkilasi. Balakateelela kaambo mwiiyi ncanga lino wabatandila basikuzanga boonse mukkilasi. Mbubwenya buyo, Jehova ulizyi kuti bantunsi boonse babombe myoyo alimwi abangelo bayoogwasyigwa ikubona Saatani abasikuzanga limwi kuti bakakilwa akuti bantunsi tabakonzyi kulyeendelezya beni. Mbubwenya mbuli Jeremiya wansiku, bayooyiya njiisyo yakasimpe iiyandika kapati eeyi yakuti: “O Jehova, ndizi kuti muntu waansi tezi kubamba kabotu inzila yakwe. Muntu ulaya bweenda, pele tabwene kweenzya intaamu zyakwe.”—Jeremiya 10:23.\\n15, 16. (a) Nkaambo nzi Jehova ncaazumizyila kupenga kuti kuzumanane kwaciindi cilamfwu kapati? (b) Nkaambo nzi Jehova ncaatazilesya kucitika zintu zili mbuli milandu mipati?\\n15 Pele ino nkaambo nzi Jehova ncaakulekela kuzumanana kupenga kwaciindi cilamfwu kapati? Alimwi ino nkaambo nzi ncatazilesyi kucitika zintu zibyaabi? Amulange-lange zintu zyobile mwiiyi wamucikozyanyo cesu nzyaatakali kunga wacita. Cakusaanguna, tanaakali kunga wamukasya sicikolo sikuzanga ooyo kupandulula nzila yakwe yakujana namba. Cabili, mwiiyi tanaakali kunga wamugwasya sikuzanga ikutondezya nzila yakwe yakujana namba. Mbubwenya buyo, amulange-lange nzila zyobile Jehova nzyaasala kuti ataziciti. Cakusaanguna, kunyina naamulesya Saatani abaabo bamutobela kusoleka kulisalazya kuti baliluzi. Aboobo ikulekela kuti kwiinde ciindi kwali kuyandika. Muzyuulu-zyuulu zyamyaka yabukkale bwabantunsi, banamaleya bali kukonzya kusoleka bweendelezi mbobayeeya buli boonse naa mfwulumende. Banamaleya bayaambele mumakani aasayaansi amuzintu zimwi, pele kutalulama, bucete, milandu alimwi ankondo zyaindila buya. Bweendelezi bwabantunsi lino bwalibonya kuti bwakakilwa.\\n16 Cabili, kunyina Jehova naamugwasya Saatani kweendelezya nyika eeyi. Mucikozyanyo, ikuti Leza naakailesya milandu mipati, sena naatali kupa bumboni bwakuti basikuzanga bakaliluzi? Sena Leza naatali kupa bantu kuyeeya kuti ambweni bantunsi balakonzya kulyeendelezya beni kakunyina zintu zibyaabi zicitika? Ikuti Jehova naakacita boobo, naakajatikizyigwa mukaambo kakubeja. Pele “Leza takonzyi kubeja.”—Bahibulu 6:18.\\n17, 18. Ino ncinzi Jehova ncayoocita kujatikizya bunyonyoosi boonse bwacitwa abweendelezi bwabantunsi alimwi akuyunga kwa Saatani?\\n17 Pele ino mbuti kujatikizya bunyonyoosi boonse bwacitwa mukuzangila Leza kwaliko kwaciindi cilamfwu? Tweelede kuyeeya kuti Jehova, ngusinguzuzyoonse. Aboobo ulakonzya alimwi uyoowamanizya mapenzi oonse aacitika nkaambo kakupenga kwabanamaleya. Mbubwenya mbotwaiya kale, ikunyonyoonwa kwanyika yesu kuyoomanizyigwa kwiinda mukusandula nyika kuba Paradaiso. Izintu ziboola akaambo kacibi ziyoogusyigwa kwiinda mulusyomo ndobajisi bantu mucituuzyo ca Jesu cacinunuzyo, alimwi iziboola akaambo kalufwu ziyoomanizyigwa kwiinda mububuke. Aboobo Leza uyoobelesya Jesu ‘kujaya milimo ya Saatani.’ (1 Johane 3:8) Eezyi zyoonse uyoozizuzikizya Jehova muciindi cini ceelede. Inga twakkomana kuti tanaakafwambaana kubweza ntaamu, nkaambo kukkazyika moyo kwakwe kwatupa coolwe cakwiiya kasimpe alimwi akumubelekela. (Amubale 2 Petro 3:9, 10) Calino Leza uluujisi kuyandaula bakombi basinizyide alimwi akubagwasya kuliyumya mukupenga kunga kwabasikila munyika eeyi yamapenzi.—Johane 4:23; 1 Ba-Korinto 10:13.\\n18 Bamwi inga babuzya kuti, Sena kupenga ooku koonse nokwakalesyegwa ikuti Leza naakalengede ba Adamu a Eva munzila iibapa kuti kacitakonzyeki kuzanga? Ikutegwa mwiingule mubuzyo ooyu, mweelede kuyeeya cipego citaliboteli ncaakamupa Jehova.\\nLeza uyoomugwasya kuliyumya mumapenzi\\n19. Ncipengo nzi ciyandika kapati ncaakatupa Jehova, alimwi ino nkaambo nzi ncotweelede kucikkomanina?\\n19 Mbubwenya mbokwakaambwa mu Cibalo 5, bantunsi bakalengwa kabajisi nguzu zyakulisalila. Sena mulizyi mbocili cipego ciyandika kapati eeci? Leza wakalenga banyama batalivwulili, alimwi ikapati aaba beendelezyegwa aziyanza zyakulengwa aanzizyo. Bantu bapanga mincini iikonzya kucitwa kuti kiitobela buyo cintu comwe. Sena notwalikkomene ikuti Leza naakatulenga boobo? Peepe. Tulikkomene kwaanguluka kusala mbotuyanda kuba, ibuumi mbotuyanda kupona, ibantu mbotuyanda kuba balongwe besu azimwi zinji. Tulakukkomanina kuba alwaanguluko luli mbolubede alimwi oobo Leza mbwayanda kuti tube.\\n20, 21. Mbuti mbotunga twabelesya cipego canguzu zyakulisalila munzila iigwasya kapati, alimwi ino nkaambo nzi ncotweelede kuyandisya kucita boobo?\\n20 Jehova taukkomanini mulimo uucitwa cakusinikizyigwa. (2 Ba-Korinto 9:7) Mucikozyanyo: Ino ncinzi cinga camukkomanisya kapati muzyali? Sena ndileelyo mwana naamba kuti “Ndalumba” akaambo kakuti waambilwa kuti alumbe naa ndileelyo mwana nalyaambilila mwini akaambo kambwalimvwa mumoyo? Aboobo cilayandika kubuzya kuti, Ino muyoozibelesya buti nguzu zyakulisalila nzyaakamupa Jehova? Saatani, Adamu alimwi a Eva bakazibelesya munzila mbyaabi kapati nguzu zyakulisalila. Bakamukaka Jehova Leza. Ino nywebo muyoocita nzi?\\n21 Mulijisi coolwe cakubelesya cipego citaliboteli canguzu zyakulisalila nzyomuyanda munzila iigwasya kapati. Mulakonzya kusangana atuulunzuma twabantu babweza ntaamu yakutobela Jehova. Leza bamupa kukondwa akaambo kakuti mbasungu mukutondezya kuti Saatani mmubeji alimwi waalilwa ceetezya kali mweendelezi. (Tusimpi 27:11) Anywebo mulakonzya kucita oobo kwiinda mukusala kutobela bukkale buluzi mubuumi. Ibukkale oobu bulapandululwa mucibalo citobela.\\nTeensyi Leza wakatalisya bukkale bubyaabi buli munyika.—Jobu 34:10.\\nIkwiinda mukwaamba Leza kuti mmubeji alimwi akuti ulabaima zintu zibotu balelwa bakwe, Saatani wakapa kudoonekwa kwakweelela kwabweendelezi bwa Jehova.—Matalikilo 3:2-5.\\nJehova uyoobelesya Mwanaakwe, Imweendelezi wa Bwami bwabu Mesiya ikumanizya kupenga kwabantunsi amapenzi oonse aacitika.—1 Johane 3:8.","num_words":1782,"character_repetition_ratio":0.053,"word_repetition_ratio":0.0,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Tobelezya Chikozyano chaLeza Chakubikkila Maanu Akuba Aluzyalo | Ngaziyakulinda Yakwiiya\\nNgaziyakulinda—Yakwiiya | September 2018\\nBALA MU Afrikaans Albanian Altai Alur American Sign Language Amharic Amis Angolan Sign Language Arabic Argentinean Sign Language Armenian Australian Sign Language Aymara Azerbaijani Azerbaijani (Cyrillic) Bashkir Bassa (Cameroon) Belize Kriol Bengali Bicol Bolivian Sign Language Boulou Brazilian Sign Language British Sign Language Bulgarian Cakchiquel Catalan Cebuano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chinese Sign Language Chitonga Chitonga (Malawi) Chitonga (Zimbabwe) Chitumbuka Chiyao Chol Chuvash Cibemba Cinyanja Colombian Sign Language Costa Rican Sign Language Croatian Cuban Sign Language Czech Czech Sign Language Dakota Dangme Danish Digor Douala Dutch Ecuadorian Sign Language Edo Efik English Esan Estonian Ewe Fijian Filipino Sign Language Finnish Finnish Sign Language Fon French French Sign Language Ga Garifuna Georgian German German Sign Language Greek Greek Sign Language Guadeloupean Creole Guarani Guatemalan Sign Language Gujarati Gun Haitian Creole Hausa Hebrew Herero Hiligaynon Hindi Hiri Motu Honduras Sign Language Hungarian Hungarian Sign Language Ibanag Icelandic Igbo Iloko Indian Sign Language Indonesian Indonesian Sign Language Isoko Italian Italian Sign Language Japanese Japanese Sign Language Jula Kabiye Kabuverdianu Kannada Kekchi Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Korean Sign Language Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Latvian Lingala Lithuanian Low German Luganda Lunda Luo Luvale Macedonian Malagasy Malawi Sign Language Malay Malayalam Mam Mambwe-Lungu Marathi Marshallese Maya Mazatec (Huautla) Mbunda Mexican Sign Language Mingrelian Mixe Mixtec (Guerrero) Mongolian Moore Motu Mozambican Sign Language Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndebele (Zimbabwe) Ndonga Nepali Ngabere Nicaraguan Sign Language Norwegian Nzema Okpe Oromo Ossetian Otetela Panamanian Sign Language Pangasinan Papiamento (Curaçao) Paraguayan Sign Language Persian Peruvian Sign Language Pidgin (West Africa) Polish Polish Sign Language Ponapean Poqomchi' Portuguese (Portugal) Portuguese Sign Language Punjabi Quebec Sign Language Quechua (Ancash) Quechua (Bolivia) Romanian Romanian Sign Language Russian Russian Sign Language Salvadoran Sign Language Samoan Sango Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Shona Sidama Silozi Sinhala Slovak Slovak Sign Language Slovenian Solomon Islands Pidgin South African Sign Language Spanish Spanish Sign Language Sranantongo Swahili Swahili (Congo) Swati Swedish Tagalog Taiwanese Sign Language Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tsonga Turkish Turkmen Tuvaluan Twi Tzeltal Tzotzil Ukrainian Urhobo Uzbek Uzbek (Roman) Venda Venezuelan Sign Language Vietnamese Waray-Waray Wolaita Xhosa Yoruba Zambian Sign Language Zande Zapotec (Isthmus) Zimbabwe Sign Language Zulu\\nTobelezya Chikozyano chaJehova Chakubikkila Maanu Akuba Aluzyalo\\n“Ulikkomene ooyo uumubikkila maano muntu uupengede.”​—INT. 41:1, NW.\\nNYIMBO: 130, 107\\nKUJANA TWATONDEEZYA BIYENI KUTI TULABABIKKILA MAANU BAMWI . . .\\n1. Bakombi baLeza batondeezyania biyeni luyando?\\nBAKOMBI baLeza nimpuli iimwi iijisini nkaambo bali aluyando. (1 Joh. 4:16, 21) Balalipeda kuti bagwasye bakombinyina pesi chiindi chiingi babatondeezya luyando kwiinda mukubachitila zintu ziniini. Kuti twabafwida luzyalo akubabikkila maanu bamwi, tuyooba “basikwiiya ba-Leza mbuli bana bayandwi.”​—Ef. 5:1.\\n2. Jesu wakatondeezya biyeni kuti uli aluyando mbuuli Wisi?\\n2 Jesu wakatobelezya chikozyano chaWisi munzila iimaninide. Jesu wakati: “Amuboole kulindime nyoonse nomukatede nomulemenwa, ndime enti kamulemunune . . . , nkaambo ndilibombede, ndi mutete moyo.” (Mt. 11:28, 29) Kutobelezya chikozyano chaJesu kwiinda ‘mukubabikkila maanu bantu bapengede’ kupa kuti Leza abotelwe akuti andiswe tubotelwe. (Int. 41:1, NW) Atubone mbutukonzya kubabikkila maanu bamwi mumpuli, mumbungano amumulimu wakukambawuka.\\nBABIKKILE MAANU BAMWI MUMPULI\\n3. Mwaalumi weelede kutondeezya biyeni kuti ulamvwisisisya akubikkila maanu? (Langa chifanikisyo chili kumatalikilo achiiyo.)\\n3 Baalumi beelede kuba chikozyano chibotu chakubabikkila maanu bamwi mumpuli. (Ef. 5:25; 6:4) Muchikozyano basungwazigwa kukkala abakayintu babo “kweelana aluzyibo.” Majwi aaya alakonzya kwaambwa kuti “kubabikkila maano; kubamvwisya.” (1 Pet. 3:7; NW majwi aamunsi) Kumvwisisisya akubikkila maanu zyeenda aamwi. Muchikozyano, mwaalumi uumvwisisisya ulizi kuti mukayintu wakwe mugwasilizi akuti ulisiyene anguwe munzila zyiingi pesi tamulangilaansi pe. (Matl. 2:18) Ulayimvwisisisya nzila mukayintu wakwe njalimvwaayo alubo ulamulemeka akumulumbayizya. Umwi mukayintu wakuCanada wakaamba majwi aatobela atala amulumaakwe. Wakati: “Mulumaangu tayilangilaansi nzila njindilimvwaayo alubo tandaambili kuti, ‘Toyelede kulimvwa oobo.’ Ulandiswiilila. Nandigwasya kuti ndibe amaboneno aalikabotu atala ayimwi nkani, undibuzya chaluzyalo.”\\n4. Mwaalumi utondeezya biyeni kuti ulamubikkila maanu mukayintu wakwe chiindi naambuula abantu bachikayintu?\\n4 Mwaalumi uumvwisisisya ulamubikkila maanu mukayintu wakwe mbalimvwa chiindi naambuula abantu bachikayintu. Tasaani aluyando abamwi bachikayintu naakuti kubabikkila maanu zyiindilide. Alubo tachiti oobo nabelesya Intaneti azimwi nzila zyakwaambuuzyania. (Job. 31:1) Ukkala kasyomekede kumukayintu wakwe kutali akaambo kakuti ulamuyanda luzutu pesi akaambo kakuti uyanda Leza akuti tabuyandi bubi.​—Bala Intembauzyo 19:14; 97:10.\\n5. Kujana mukayintu watondeezya biyeni kuti ulamubikkila maanu mulumaakwe?\\n5 Kuti mwaalumi watobelezya chikozyano chasilutwe wakwe Jesu Kristu, ziyoopa kuti mukayintu wakwe ‘amulemeke.’ (Ef. 5:22-25, 33) Kulemeka mulumaakwe kuyoopa kuti atondeezye kuti ulamubikkila maanu mulumaakwe nachita imwi mikuli yambungano naakuti nakataazikene azimwi. Umwi mwaalumi wakuBritain wakati: “Chimwi chiindi mukayintu wangu ngawazibona kuti ndilikataazikene. Mpawo ubelesya malayilile aajanika muli Tusimpi 20:5, nikuba kuti chimwi chiindi weelede kulindila kuti ‘ayubunune’ mizeezo yangu mpawo kuti kazyeelela, tulakonzya kuzuwa atala ankani iindikataazya.”\\n6. Kujana twabasungwaazya biyeni bana kuti kabababikkila maanu bamwi alubo eezi zibagwasya biyeni?\\n6 Kuti bazyali kababikkilana maanu, ziyoopa kuti babe chikozyano chibotu kubana babo. Bazyali mbabo bali amukuli wakuyiisya bana babo kuti kabababikkila maanu bamwi. Muchikozyano, bazyali balakonzya kuyiisya bana babo kuti batasaani kuNg’anda yaBwaami. Nibali kupobwe, bazyali balakonzya kuyiisya bana babo kuti batanooyingilili bapati nibali kutola chakulya. Nikuba boobo, muntu woonse mumbungano ulakonzya kugwasya bazyali. Muchikozyano, kuti mwana wachita chimwi chintu chibotu, mbuuli kujula mulyango, tweelede kumulumbayizya. Kuchita oobo kulakonzya kumusungwaazya mwana alubo kumugwasya kubona kuti “kupa kulakkomanisya kapati kwiinda kupegwa.”​—Inc. 20:35, NW.\\n‘ATUBIKKILANE MAANU’ MUMBUNGANO\\n7. Jesu wakatondeezya biyeni kuti wakamubikkila maanu mwaalumi musinke matwi alubo twiiyaanzi kuchikozyano chaJesu?\\n7 Chimwi chiindi Jesu naakali kuDekapole, bantu “bakamuletela umwi musinkematwi sikubebezya.” (Mk. 7:31-35) Jesu taakaponia mwaalumi ooyu aakati kabantu pesi “wakamutola kumbali” mpawo wakamuponia. Nkamboonzi naakachita oobo? Kulakonzeka kuti chiimo chamwaalumi ooyu teechakali kupa kuti aangunuke aakati kabantu. Amwi Jesu wakazibona eezi nkinkaako zyakapa kuti amutole kumbali. Nikuba kuti tatukwe manguzu aakuponia bantu munzila iigambya, pesi tweelede kuziba nzibayanda bakombima akubabikkila maanu mbubalimvwa. Mwaapostolo Pawulu wakalemba kuti: ‘Katunga katuyeeyana, katubusyanya-busyanya mukuyandana akuchita milimu mibotu.’ (Heb. 10:24) Jesu wakalizi mbaakali kulimvwa mwaalumi wakali musinke matwi alubo wakamubikkila maanu. Eechi nchikozyano chibotu loko kulindiswe!\\n8, 9. Kujana twatondeezya biyeni kuti tulababikkila maanu bachembeede abalemene? (Amba zikozyano.)\\n8 Babikkile maanu bachembeede abalemene. Chiyandikana mumbungano yachiKristu nduyando kutali mbiibeleka luzutu. (Joh. 13:34, 35) Luyando oolu lutusungwaazya kuti tugwasye bachembeede abalemene kuti banjile miswaangano yachiKristu akutola lubazu mumulimu wakukambawuka. Kuchita oobu kulayandikana nikuba kuti nzibachita nziche. (Mt. 13:23) Michael weenda awheelchair ulalulumba lugwasyo ndwajana kuli bamumpuli yakwe akubakombinyina bamukabunga kamulimu wakukambawuka mwabede. Wakati: “Ndilakonzya kunjila miswaangano akutola lubazu mumulimu wakukambawuka akaambo kakundigwasya nkubachita. Ndiyandisya bukambawusi bwaantanganana.”\\n9 MumaBbeteli miingi, kuli bakwesu abachizi bachembeede abalemene. Baalu bababikkila maanu bakwesu bachizi aaba kwiinda mukuchita mabambe akuti bakambawuke kababelesya magwalo naakuti fooni. Bill, uuli aminyaka iili 86 uukambawukila bantu bali kule kwiinda mukubalembela magwalo wakati: “Tulayiyanda nzila yakukambawuka katubelesya magwalo.” Nancy uuli aminyaka iili 90, wakati: “Kulemba magwalo tandikuboni kakuli kubikka magwalo mu-envelopu luzutu. Ndikubona kawuli mulimu wakukambawuka. Bantu beelede kuziba kasimpe!” Ethel wakazyalwa mu1921 wakati: “Ndikkala kandichiswa. Alubo amwi mazuba ngandakachilwa kulizwatika.” Pesi ulakuyanda kukambawuka kabelesya fooni alubo ulaabantu mbayiyaabo Bbayibbele. Barbara uuli aminyaka iili 85 wakapandulula kuti: “Kulandiyumina kuya kukukambawuka nkaambo ndikkala kandichiswa. Pesi kukambawuka kandibelesya fooni kupa kuti ndaambuule abamwi. Ndamulumba Jehova!” Kawutanamana munyaka, kabunga kabantu bachembeede bakakambawuka ma-awa aali 1 228, bakalemba magwalo aali 6 265, bakafoonena bantu kwaziindi zisika ku2 000 alubo bakapa bantu mabbuku asika ku6 315! Zilaantanganana kuti nzibakachita zyakapa kuti moyo waJehova ubotelwe!​—Tus. 27:11.\\n10. Kujana twachita biyeni kuti bakombima bagwasigwe amiswaangano yachiKristu?\\n10 Babikkile maanu bamwi kumiswaangano yachiKristu. Tuyanda kuti bakombima bagwasigwe kumiswaangano yambungano. Kubabikkila maanu bamwi kupa kuti bagwasigwe. Bagwasigwa biyeni? Imwi nzila nkufwambaana kusika kumiswaangano kuchitila kuti tutanyonganyi bamwi. Chimwi chiindi kulakonzya kuba zyiimo zipa kuti tunonoke. Pesi kuti katuli aachiyanza chakunonoka, tweelede kuyeeyesesya mbutukonzya kubabikkila maanu bamwi. Alubo tatweelede kuluba kuti Jehova aMwanaakwe mbabo batutamba kumiswaangano. (Mt. 18:20) Nkinkaako tweelede kubalemeka loko!\\n11. Nkamboonzi bakwesu bali azipanzi kumiswaangano nibeelede kutobelezya malayilile aajanika muli 1 BaKorinto 14:40?\\n11 Kuti katubabikkila maanu bakombima tweelede kutobelezya malayilile aamuBbayibbele aakuti: “Pele zintu zyoonse buyo zicitwe kabotu akucililana.” (1 Kor. 14:40) Bakwesu bali azipanzi kumiswaangano beelede kutobelezya malayilile aaya kwiinda mukubelesya chiindi nchibapedwe. Kuchita oobo takugwasyi mukwesu ulaachipanzi chitobela luzutu pesi kugwasya mbungano yoonse. Bamwi bakwesu beenda misinzo milamfu kubweeda nkubakkala. Bamwi babelesya moota zibelesegwa abantu biingi. Alubo bamwi bakwetene abantu batakombi bayanda kuti kabafwambana kuchayizya.\\nAtubabikkile Maanu Aabo Batweendelezya\\nChimwi chiindi mukwesu uuzibinkene loko ulakonzya kuswaya mbungano yesu naakuti muswaangano waBbooma ngutwanjila. Kulakonzeka kuti mulangizi wabbazu, ubelekela kuBbeteli, uli mukkomiti yaMutabi, uli muKabunga Keendelezya naakuti mugwasilizi waKabunga Keendelezya.\\nBakwesu aaba basyomeka tweelede ‘kubalemekesya loko chaluyando akaambo kamilimu yabo.’ (1 Tes. 5:12, 13) Tulakonzya kutondeezya kuti tulababikkila maanu kwiinda mukubabona kuti mbakombima kutali bantu balaampuwo. Bamwi bakatondeezya kutabalemeka. Bakachitaanzi? Bakabakatola mafoto kabatazi naakuti kabatakumbide akwaatumizya bamwi kababelesya nzila zyakwaambuuzyania zyamazubaano akubakumbila kuti basayine mabbuku aabo naakuti maBbayibbele. Kuchita oobo takutondeezyi kuba amuuya wanyika na?​—Ef. 2:1, 2.\\nJehova uyanda kuti bakombi bakwe kabalibombya, kapati aabo bali amikuli myiingi! (Mt. 23:11, 12) Nkinkaako tweelede kubabikkila maanu bakwesu aaba kutali kuyanda kubatola mafoto. *​—Mik. 6:8; 1 Kor. 10:31.\\n^ par 50 Langa kabbokesi kati “Luyando ‘Talukwe Cisapi’” muNgaziyakulinda yaChikuwa yamuJanuary 2016, peji 27.\\n12. Nkamboonzi nitweelede ‘kubalemekesya loko chaluyando’ baalu babeleka changuzu? (Langa kabbokesi kati “ Atubabikkile Maanu Aabo Batweendelezya.”)\\n12 Beembezi babeleka changuzu mumbungano alubo basungu mumulimu wakukambawuka beelede kulemekwa. (Bala 1 BaTesalonika 5:12, 13.) Tulabalumba bakwesu batugwasya munzila iili boobu. Tweelede kutondeezya kuti tulabalumba kwiinda mukubelekaamwi ambabo akubagwasya. Bakwesu aaba, ‘balangania ndiswe kabali baabo bayoobuzigwa makani.’​—Heb. 13:7, 17.\\nBABIKKILE MAANU BAMWI MUMULIMU WAKUKAMBAWUKA\\n13. Twiiyaanzi kunzila Jesu njaakali kubajataayo bantu?\\n13 Kaamba atala azyakali kuyoochitwa aJesu, Isaya wakasinsima kuti: “Itete lifuyukide takooyoolityola, akamuni kasuka takooyookazimya.” (Is. 42:3) Luyando Jesu ndwaakalaalo lwakapa kuti abafwide luzyalo bantu. Wakali kukumvwisisisya mbubakali kulimvwa bantu bakali mbuuli tete lifuyukide naakuti bakali mbuuli kamuni kalampi lyaba afwiifwi kuzima. Eezi zyakapa kuti ababikkile maanu, abafwide luzyalo bantu akuba amoyo mulamfu. Nikuba bana baniini bakali wangunukide kwiinka kulinguwe. (Mk. 10:14) Nichoonzyo kuti tatukwe busongo buli mbuuli bwaJesu alubo tatukonzyi kuyiisya mbuuli nguwe! Pesi tweelede kubabikkila maanu bantu mbitukambawukila. Kuchita oobo kuswaanizya mbutwaambulaabo, chiindi nchitutola akuti ndiilili nituchita oobo.\\n14. Nkamboonzi nitweelede kwiibikkila maanu nzila njitwaambuulaayo abamwi?\\n14 Tweelede kwaambuula biyeni abantu? Mazubaano, bantu biingi ‘balikatede akumwayika’ nkaambo balikudyamininwa abeendelezi bazyatwaambo twanyika, bazyakuuzya abazikombelo. (Mt. 9:36) Eezi zipa kuti bantu batabasyomi bamwi akuti babule bulangilizi. Nkinkaako majwi eesu ambutwaawambuula ayelede kutondeezya kuti tuli aluzyalo! Kuchita oobo kupa kuti bantu biingi bakatambule kasimpe kutali akaambo kakuti tuli aluzibo atala aBbayibbele pesi akaambo kakuti tulabayanda akuti tulababikkila maanu.\\n15. Nziizili nzila nzitukonzya kuchita zitondeezya kuti tulababikkila maanu bantu mbitukambawukila?\\n15 Kuli nzila zyiingi nzitukonzya kubabikkila maanu bantu mbitukambawukila. Muchikozyano, tulakonzya kubelesya mibuzyo. Tweelede kubuzya mibuzyo munzila iilikabotu alubo yabulemu. Umwi payona uukambawukila kubusena kuli bantu batazibide kubuzigwa mibuzyo abantu mbibatazibide, wakabona kuti tayelede kubuzya mibuzyo iipa kuti bantu babe abweeme. Eezi ziswaanizya kubuzya mibuzyo iipa kuti muntu akachilwe kusandula naakuti asandule zitali nzizyo. Muchikozyano, wakabona kuti tayelede kubuzya mibuzyo mbuuli yakuti, ‘Mulilizi na zina lyaLeza?’ naakuti ‘Mulizi na kuti Bwaami bwaLeza niinzi?’ Pesi waamba kuti: “Ndakiiya muBbayibbele kuti Leza ulazina limupeleme. Ndikumbila kumutondeezya.” Akaambo kakuti maponeno aziyanza zyabantu zilisiyene, nkinkaako tatweelede kuba amulawu pe. Pesi tweelede kubabikkila maanu bamwi akubalemeka, chaamba kuziba mbubapona bantu bamuchilawu eecho.\\n16, 17. Kubabikkila maanu basimayakilane kupa kuti (a) tubaswaye achiindi chili biyeni? (b) twaambuule chiindi chilamfu biyeni ambabo?\\n16 Ndiilili nitweelede kuswaya basimayakilane? Chiindi nitukambawuka kung’anda ang’anda ngatuli beenzu batatambidwe. Nkinkaako kulayandikana kuti tubaswaye achiindi nibalibambilide kuzuwa! (Mt. 7:12) Muchikozyano, bantu bamuchilawu chanu balanonoka na kubuka muMugibelo amuNsondo? Kuti kakuli boobo, ulakonzya kuchita bukambawusi bwamumugwagwa, bukambawusi bwaantanganana naakuti kubweedela bantu mbuzi kuti banooli babuka.\\n17 Tweelede kukkala kwachiindi chilamfu biyeni? Bantu biingi bali azintu zyiingi zyakuchita nkinkaako tatweelede kutola chiindi chilamfu, kapati nitubonana kakusaanguna. Tweelede kufwambaana kumaninsya kutali kukkala kwachiindi chilamfu. (1 Kor. 9:20-23) Kuti bantu babona kuti tulababikkila maanu akaambo kakuti bali azintu zyiingi zyakuchita, ziyoopa kuti bazumine kuti tuzoobaswaye lubo. Tweelede kutondeezya michelo yamuuya mumulimu wakukambawuka. Tuba ‘basimilimonyina aLeza’ chiindi natubelesya kuti tugwasye umwi muntu kuziba kasimpe.​—1 Kor. 3:6, 7, 9.\\n18. Nziizili zilongezyo nzitujana kuti twababikkila maanu bamwi?\\n18 Nkinkaako, atubeleke changuzu kuti tubabikkile maanu bamwi mumpuli, mumbungano amumulimu wakukambawuka. Kuchita oobo kupa kuti tujane zilongezyo lino amuchiindi chilikunembo. Muli Intembauzyo 41:1, 2, NW Bbayibbele lyaamba kuti: “Ulikkomene ooyo uumubikkila maano muntu uupengede; Jehova uyoomuvwuna mubuzuba bwamapenzi. . . . Munyika uyakwaambwa kuti ulikkomene.”\\n‘Kuti Kamuzizi Zintu Eezi, Munoobotelwa Kuti Kamuzichita’\\nNibakwesu Bakomena—Jehova Ulabotelwa Akusyomeka Kwanu\\nAtuzumanane Kutondeezyania Luyando Luyaka\\nBalabotelwa Bantu Bakomba “Leza Uukkomene”\\nUlichizi Na Chiindi?\\nNguSinguzuzyoonse Pesi Ulatubikkila Maanu\\nText Sala naa uyanda kukkopa zyakamwayigwa zilekkodedwe NGAZIYAKULINDA—YAKWIIYA September 2018\\nNGAZIYAKULINDA—YAKWIIYA September 2018","num_words":1958,"character_repetition_ratio":0.08,"word_repetition_ratio":0.0,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Buumi Abulowa Ububona Mbuuli Mbabubona Na Leza?\\nMbutukonzya Kukkala Katuli Muluyando lwaLeza\\nBALA MU Afrikaans Alur Amharic Aymara Azerbaijani Azerbaijani (Cyrillic) Bassa (Cameroon) Batak (Karo) Belize Kriol Biak Bicol Boulou Cebuano Chichewa Chin (Hakha) Chin (Tiddim) Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Zimbabwe) Chitumbuka Chiyao Chokwe Cibemba Cinyanja Colombian Sign Language Cuban Sign Language Danish Douala Dutch English Ewe Fijian Filipino Sign Language Fon French Ga German Greek Guarani Gun Haitian Creole Herero Hiligaynon Hindi Hungarian Iloko Indian Sign Language Indonesian Irish Isoko Javanese Jula Kabiye Kabuverdianu Karen (S'gaw) Kazakh Kikaonde Kikuyu Kiluba Kinyarwanda Kirghiz Kiribati Kirundi Kisi Kongo Korean Krio Kurdish Kurmanji (Caucasus) Kurdish Kurmanji (Cyrillic) Kwanyama Kyangonde Lahu Lhukonzo Lingala Lomwe Luganda Luvale Malay Malayalam Mambwe-Lungu Mbunda Mixtec (Guerrero) Mongolian Moore Myanmar Ndebele Ndebele (Zimbabwe) Nepali Ngangela Nias Norwegian Nyaneka Okpe Otetela Pangasinan Poqomchi' Portuguese (Portugal) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Russian Samoan Sango Sena Sepedi Sesotho (South Africa) Seychelles Creole Shona Sidama Silozi Sinhala Spanish Spanish Sign Language Sunda Swahili Swahili (Congo) Swedish Tagalog Tamil Thai Tigrinya Tok Pisin Tongan Tshiluba Tuvaluan Ukrainian Urhobo Uruund Valencian Vietnamese Wayuunaiki Wolaita Zande\\nBuumi Ububona Mbuuli Mbabubona Na Leza?\\n“Mulinduwe mokabede kasensa kabuumi.”—INTEMBAUZYO 36:9.\\n1, 2. Nchiichili chipo chiyandikana nchitwakapegwa aJehova?\\nJEHOVA wakatupa chipo chiyandikana loko. Wakatupa buumi. (Matalikilo 1:27) Uyanda kuti tube abuumi bulikabotu. Wakatupa malayilile aakonzya kutugwasya kuti tusale munzila iilikabotu. Malayilile alakonzya kutugwasya “kusala cibotu ecibi.” (BaHebrayo 5:14) Chiindi nitubelesya malayilile, tutondeezya kuti tuyanda kuyiisigwa aJehova. Kupona kweendelana amalayilile aLeza akubona mbaatugwasya zipa kuti tubone mbaayandikana mubuumi bwesu.\\n2 Chimwi chiindi, buumi bulakonzya kutuyumina. Kulakonzya kuba zyiimo zitakwe milawu ilaantanganana muBbayibbele. Muchikozyano, tulakonzya kusala nzila yakusilikwa kakubelesegwa bulowa. Kujana twachita biyeni kuti tusale munzila iibotezya Jehova? MuBbayibbele muli malayilile aatondeezya mbabubona Jehova buumi abulowa. Kuti twaamvwisisisya malayilile aaya, tulakonzya kusala kabotu akuba amanjezeezya aasalala. (Tusimpi 2:6-11) Lino, atulange-lange amwi malayilile.\\nJEHOVA UBUBONA BIYENI BUUMI ABULOWA?\\n3, 4. (a) Jehova wakatondeezya biyeni mbabubona bulowa? (b) Bulowa bwiimininaanzi?\\n3 Bbayibbele lituyiisya kuti bulowa bulasalala nkaambo bwiiminina buumi. Alubo buumi bulayandikana kuli Jehova. Kkayini naakajaya mwanikaakwe, Jehova wakamubuzya kuti: “Ijwi lyabulowa bwamwanike wako lilandikwiilila kuzwa muvu.” (Matalikilo 4:10) Bulowa bwaAbbelo bwakali kwiiminina buumi bwakwe. Chiindi Jehova nakaamba atala abulowa bwaAbbelo, wakali kwaamba buumi bwaAbbelo.\\n4 Nilyakiinda Zambangulwe lyamuchiindi chaNowa, Leza wakabuzya bantu kuti balye nyama. Pesi wakaamba chaantanganana kuti: “Tamweelede kulya nyama antoomwe abuumi bwayo, nkokuti bulowa bwayo.” (Matalikilo 9:4) Mulawu ooyu wakali kubeleka muchiindi chaNowa alubo uchibeleka akulindiswe. Eezi zitondeezya chaantanganana kuti kuli Jehova bulowa bwiiminina buumi. Andiswe mbutweelede kububona bulowa.—Intembauzyo 36:9.\\n5, 6. Mulawu waMusa wakali kutondeezya kuti Jehova ububona biyeni buumi abulowa?\\n5 MuMulawu waMusa, Jehova wakati: “Kufumbwa muntu . . . uulya bulowa, njoomulwisya oyo muntu uulya bulowa, njoomutanda muciinga cakwe. Nkaambo mubulowa mobubede buumi bwanyama.”—Levitiko 17:10, 11.\\n6 Mulawu waMusa wakali kwaamba kuti muntu uuyanda kujaya munyama kuti alye, wakeelede kuvwikka bulowa bwamunyama munyika. Eezi zyakali kutondeezya kuti buumi bwamunyama ooyo bwabweeda kuMulengi, Jehova. (Deuteronomo 12:16; Ezekiele 18:4) Nikuba boobo, Jehova taakali kulangilila kuti maIsrayeli bagwisye bulowa boonse bwamunyama. Nikuba kuti kuli bulowa bwachaala mumunyama, maIsrayeli bakali kukonzya kulya nyama eeyo manjezeezya aabo kaasalala. Kulemeka bulowa bwabanyama kwakali kutondeezya kuti balamulemeka Sikupa buumi, Jehova. Alubo muMulawu waMusa, Jehova wakalayilila maIsrayeli kuti bapayizye banyama kuchitila kuti balekelelwe zibi zyabo.—Langa Makani Aakumamanino 19 a 20.\\n7. Davida wakatondeezya biyeni kuti ulabulemeka buumi?\\n7 Tulakonzya kubona mbubuyandikana bulowa kwiinda muzintu zyakachitwa aDavida naakali kulwana amaFilisti. Basilumamba baDavida nibakabona kuti waba anyota, bakabikka buumi bwabo mumapenzi kwiinda mukunjila muchilawu chabasinkondonyina kuti bakamutekele maanzi. Pesi Davida wakakaka kwaanywa alubo “wakaatila ansi buyo kuli-Jehova.” Wakati: “Cinditonde, O Jehova, kucita obo. Sa ndakonzya kunywa bulowa bwabantu aba ibakeenda cakutayoowa kufwa?” Davida wakalizi kuti buumi abulowa ziyandikana loko kuli Leza.—2 Samuele 23:15-17.\\n8, 9. MaKristu beelede kububona biyeni bulowa?\\n8 MaKristu bamumwaanda wakusaanguna, teebakachili kutuula zipayizyo zyabanyama. Nikuba boobo, bakeelede kuba amaboneno aalikabotu atala abulowa. Umwi Mulawu Jehova ngwaakalayilide maKristu wakali wakuti ‘balikasye . . . kubulowa.’ Kuchita oobo kwakalikozyenie akutantamuka bwaamu akukomba mituni.—Incito 15:28, 29.\\nNdilakonzya na kupandulula nzindisala atala akusilikwa kakubelesegwa tupanzi twabulowa?\\n9 Mbukubede amazubaano. TumaKristu, tulizi kuti buumi buzwa kuli Jehova. Alubo, tulizi kuti bulowa bulasalala akuti bwiiminina buumi. Nkinkaako, tweelede kubelesya malayilile aamuBbayibbele chiindi nitusala nzila zyakusilikwa kakubelesegwa bulowa.\\nKUSILIKWA KAKUBELESEGWA BULOWA\\n10, 11. (a) Bakamboni baJehova bakubona biyeni kusilikwa kakubelesegwa bulowa naakuti zipaanzi zine zyabulowa? (b) Nkuukuli kusala kweelede kuchitwa amuKristu umwi awumwi?\\n10 Mbutuli Bakamboni baJehova tulizi kuti ‘kulikasya . . . kubulowa’ tachaambi kubulya naakuti kubunywa luzutu. Pesi chaamba kutabikkwa bulowa, kutapa bamwi bulowa kuti bakabubelesye akutabulondola kuchitila kuti buzoobelesegwe. Alubo, ziswaanizya kutabikkwa zipanzi zyabulowa zili 4 zitobela: maseelo aasalala (red cells), maseelo aatuba (white cells), maplateletes aplasma.\\n11 Zipanzi zine zyabulowa ngazyapambulwa akuba tupanzi tuniini twabulowa. MuKristu umwi awumwi weelede kulisalila kuti ulabelesya tupanzi ootu naakuti kutatubelesya. Ulakonzya kulisalila kubelesya busilisi buswaanizya kusilikwa kakubelesegwa bulowa bwakwe. Umwi awumwi weelede kulisalila kuti bulowa bwakwe buyoobelesegwa biyeni naliku-opaletwa, nalikulangwa-langwa malwazi mumubili analikusilikwa muli zimwi nzila.—Langa Makani Aakumamanino 21.\\n12. (a) Jehova ulakubikkila na maanu kusala nkutuchita katubelesya manjezeezya eesu? (b) Niinzi chikonzya kutugwasya kuti tusale kabotu mumakani aabusilisi?\\n12 Jehova ulakubikkila na maanu kusala nkutuchita katubelesya manjezeezya eesu? Iiyi. Alubo, Jehova ulazibona nzituchita anzituyeeya. (Bala Tusimpi 17:3; 24:12.) Nkinkaako, chiindi nitusala kubelesya imwi nzila yabusilisi, tweelede kukomba kuli Jehova katukumbila kuti atugwasye alubo tuyanduulisisye atala abusilisi oobo. Kuzwa waawo, tweelede kubelesya manjezeezya eesu aakayiisigwa aBbayibbele kuti tusale kabotu. Tatweelede kubuzya bamwi kuti batusalile zyakuchita naakuti kubabuzya kuti balikunoochita biyeni kaansinga mbabo balikuyanda kusala nzila yabusilisi. Nkaambo muKristu umwi awumwi, “uleelede kunyampula mukuli wakwe mwini.”—BaGalatiya 6:5; BaRoma 14:12.\\nMILAWU YAJEHOVA ITONDEEZYA KUTI ULATUYANDA\\n13. Milawu amalayilile aaJehova aali atala abulowa zituyiisyaanzi?\\n13 Zintu zyoonse Jehova nzyatubuzya kuti tuchite zigwasya ndiswe alubo zitondeezya kuti ulatuyanda. (Intembauzyo 19:7-11) Tachaambi kuti tuswiilila Jehova akaambo kakuti milawu yakwe igwasya ndiswe luzutu. Pesi tulamuswiilila nkaambo tulamuyanda. Kuyanda Jehova kupa kuti tutazumini kubikkwa bulowa. (Incito 15:20) Eezi zilatukwabilila kumalwazi. Bantu biingi balizi kuti kubikkwa bulowa kweeta malwazi alubo madokotela miingi bakabona kuti kwaandulwa kakutabelesegwi bulowa kulagwasya. Zilaantanganana kuti malayilile aJehova ngabusongo akuti ulaaluyando.—Bala Isaya 55:9; Johane 14:21, 23.\\n14, 15. (a) Njiili milawu Jehova njaakapa bakombi bakwe kuti bakwabililwe? (b) Kujana waabelesya biyeni malayilile ajanika mumilawu eeyi?\\n14 Milawu yaLeza igwasya bakombi bakwe. Jehova wakapa maIsrayeli milawu yakali kubakwabilila. Muchikozyano, umwi mulawu wakali wakuti, kuti muntu wayaka ng’anda, wakeelede kuyaka chitabililo aakaluli kuti bantu batawi. (Deuteronomo 22:8) Umwi mulawu wakali kwaambuula atala abanyama. Muntu wakali ang’ombe iidinka, wakeelede kwiiyembela kuchitila kuti itadinki naakuti kujaya muntu. (Kulonga 21:28, 29) Muntu wakali kukachilwa kutobelezya malayilile aaya, wakali kuba amulandu wabulowa kuti muntu wafwa.\\n15 Milawu eeyi itondeezya kuti buumi bulayandikana kuli Jehova. Kuziba eezi kutugwasya biyeni? Kutugwasya kuti tulemeke buumi kwiinda munzila njitubamba myuunzi yesu, mbutweenzya moota, ambutusala zyakulikondelezya. Bamwi bantu, kapati bachikula, babonaanga taakwe bubi pe kuchita zintu zikonzya kubanjizya mumapenzi. Pesi Jehova tayandi pe kuti tuchite oobo. Uyanda kuti tubulemeke buumi bwesu abwabamwi.—Mukambausi 11:9, 10.\\n16. Jehova ukubona biyeni kugwisya da?\\n16 Buumi bwabantu boonse bulayandikana kuli Jehova. Nikuba mwana uutanazyalwa ulayandikana kulinguwe. Mulawu waMusa wakali kwaamba kuti, kuti muntu wachisa mukayintu uli aada katayeeyelede zyakuti mukayintu ooyo wafwa naakuti wasowa, Jehova wakali kupa muntu ooyo mulandu wakujaya. Eezi zyakali kwaamba kuti nikuba kuti muntu ooyo wamujaya chakutayeeyela, pesi unooli wajaya akuti buumi oobo bwakeelede kubbadalwa. (Bala Kulonga 21:22, 23.) Mwana uutanazyalwa, Leza umubona kali muntu. Ubonaanga Jehova umvwa biyeni atala akugwisya da? Alubo, ubonaanga Jehova umvwa biyeni nabona bana biingi batanazyalwa kabajayigwa?\\n17. Niinzi chikonzya kuumbulizya mwanakazi wakagwisya da katanayiya atala aJehova?\\n17 Niinzi nchayelede kuziba mwanakazi wakagwisya da katanayiya atala aJehova? Weelede kuziba kuti Jehova ulakonzya kumulekelela kwiinda muchinunuzyo chaJesu. (Luka 5:32; BaEfeso 1:7) Mwanakazi wakachita chibi chipati chiindi, teelede kukkala kalipa mulandu atala achibi nchaakachita nkaambo “Jehova ngusibuuya, ngusiluse, . . . Mbuli kujwe mbokuli kule kuzwa kumbo, mbuboobu mbwaalampya insotoko zyesu kuzwa kulindiswe.”—Intembauzyo 103:8-14.\\nTANTAMUKA MIZEEZO MIBI\\n18. Nkamboonzi nitweelede kubeleka changuzu kuti tugwisye muzeezo wakusula bamwi?\\n18 Kulemeka buumi kutalikila mumoyo. Alubo, kuswaanizya mbutubabona bamwi. Mwaapostolo Johane wakalemba kuti: “Muntu uusula mweenzinyina, mujayi.” (1 Johane 3:15) Chimwi chiindi, kutayanda bamwi kulakonzya kupa kuti tubasule. Kusula bamwi kulakonzya kupa kuti tutabalemeki, twaambe zyakubeja atala ambabo nikuba kulombozya kuti anooli bafwa. Jehova ulizi mbutulimvwa atala abamwi. (Levitiko 19:16; Deuteronomo 19:18-21; Matayo 5:22) Kuti katuli amizeezo iili boobo, tweelede kubeleka changuzu kuti twiigwisye.—Jakobo 1:14, 15; 4:1-3.\\n19. Mbakubona Jehova kulwana kupa kuti tuchiteenzi?\\n19 Kuli imwi nzila njitukonzya kutondeezya kuti tulabulemeka buumi. Lugwalo lwaIntembauzyo 11:5 lutondeezya kuti Jehova ‘ulabasula basinkondo.’ Kulikondelezya azintu zyakulwana, kutondeezya kuti tulakuyanda kulwana. Tatuyandi kuzuzya mizeezo yesu azintu zili atala akulwana azifanikisyo zitali kabotu. Pesi tweelede kubikka zintu zilikabotu azipa luumuno mumizeezo yesu.—Bala BaFilipi 4:8, 9.\\nUTALISWAANIZYI AMBUNGA ZITALEMEKI BUUMI\\n20-22. (a) Jehova ubabona biyeni bantu batalemeki buumi? (b) Kujana bakombi baJehova batondeezya biyeni kuti ‘tabali bayeeyi nyika’?\\n20 Bantu bamunyika tababulemeki pe buumi alubo kuli Jehova bali amulandu wakujaya. Bantu bayandisya twaambo twanyika bapa kuti bantu biingi bafwe kuswaanizya abakombi baJehova. MuBbayibbele, mfulumende eezi zikozyanisigwa abanyama bayoosya bali alunya. (Daniele 8:3, 4, 20-22; Ciyubunuzyo 13:1, 2, 7, 8) Mazubaano, bantu biingi baliikujana mali nyingi kwiinda mukuuzya zilwanisyo zijaya. Zilaantanganana kuti “nyika yoonse iikede muzibi.”—1 Johane 5:19.\\n21 MaKristu ‘tabali bayeeyi nyika.’ Bakombi baJehova tabatoli lubazu mutwaambo twanyika amunkondo. Tabajayi bantu alubo tabasumpuli mbunga zipa kuti bantu bafwe. (Johane 15:19; 17:16) MaKristu nibapenzegwa, tababweedezyi chibi kuchibi. Jesu wakati tweelede kuyanda basinkondoma.—Matayo 5:44; BaRoma 12:17-21.\\n22 Zikombelo zyakubeja zisumpula mulimu uupa kuti bantu biingi bafwe. Bbayibbele lyaamba kuti Bbabbiloni Mupati wiiminina bukombi bwakubeja boonse, akuti “mulinguwe mwakajanwa bulowa bwabasinsimi abwabasalali abulowa bwabantu boonse ibakajayigwa ansi.” Ulizi na kuti nkamboonzi Jehova natulayilila kuti: ‘Amuzwe mulinguwe nobantu bangu’? Bakombi baJehova tabaliswaanizyi mubukombi bwakubeja.—Ciyubunuzyo 17:6; 18:2, 4, 24.\\n23. ‘Kuzwa’ muli Bbabbiloni Mupati kuswaanizyaanzi?\\n23 ‘Kuzwa’ muli Bbabbiloni Mupati kuswaanizya kutatola lubazu muzintu zyoonse zichitwa mubukombi bwakubeja. Muchikozyano, tweelede kwaazimya mazina eesu ngitwakalembesezye muzikombelo zyakubeja. Pesi kuli zyiingi zyeelede kuchitwa. Tweelede kusula zintu zibi zichitwa mubukombi bwakubeja. Zikombelo zyakubeja zisumpula bwaamu, twaambo twanyika abutangazu. (Bala Intembauzyo 97:10; Ciyubunuzyo 18:7, 9, 11-17) Eezi zyapa kuti bantu biingi bafwe.\\n24, 25. Kujana kuziba Jehova kwatugwasya biyeni kuti tube aluumuno amanjezeezya aasalala?\\n24 Katutanayiya kasimpe, toonse twakali kusumpula zintu zibi zisungwaazigwa aSaatani. Pesi lino, twakachincha. Twakasyoma muchinunuzyo akulipeda kuli Leza. Twakajana “ziindi zyakulyookezya izizwa kubusyu bwa-Jehova.” Kuziba kuti tulikuchita kuyanda kwaLeza kupa kuti tube aluumuno amanjezeezya aasalala.—Incito 3:19; Isaya 1:18.\\n25 Jehova ulakonzya kutulekelela kwiinda muchinunuzyo nikuba kuti twakali mumbunga zitalemeki buumi. Tulachilumba chipo chabuumi Jehova nchaakatupa. Tutondeezya kulumba kwiinda mukukambawuka makani mabotu akutatobelezya zilimunyika yaSaatani. Eezi zipa kuti tube abweenzuma bulikabotu aLeza.—2 BaKorinto 6:1, 2.\\nBUZYA BAMWI ATALA ABWAAMI\\n26-28. (a) Nguuli mulimu uuyandikana Jehova ngwaakapede Ezekkiyele? (b) Jehova uyanda kuti tuchiteenzi?\\n26 Muchiindi chamaIsrayeli, Jehova wakabuzya musinsimi Ezekkiyele kuti achenjezye bantu atala akunyonyoonwa kwaJerusalemu akubabuzya nzibakeelede kuchita kuti bafutuke. Kaansinga Ezekkiyele taakabachenjezya, wakali kuyooba amulandu wabulowa kuli Jehova. (Ezekiele 33:7-9) Ezekkiyele wakatondeezya kuti ulabulemeka buumi kwiinda mukuchenjezya bantu.\\n27 Jehova utupede mulimu wakuti tuchenjezye bantu kuti nyika eeyi yaba afwiifwi kunyonyoonwa akuti bazibe atala aJehova kuti bakapone munyika mpya. (Isaya 61:2; Matayo 24:14) Tweelede kubeleka changuzu kuti tubuzye bamwi makani aaya. Toonse tulayanda kwaamba mbuli mbakaamba Pawulu naakati: “Ndasalala kubulowa bwabantu boonse, nkaambo nsikasiside cintu pe, ndakamwaambila luyando loonse lwa-Leza.”—Incito 20:26, 27.\\n28 Kuli zimwi mbazu mutweelede kusalala. Tuyooyiya atala anzizyo muchaandaano chitobela.\\nNJIISYO ZIZWA MUBBAYIBBELE\\n1 BUUMI BULAYANDIKANA KULI JEHOVA\\n“Mulinduwe mokabede kasensa kabuumi.”​—Intembauzyo 36:9\\nNkamboonzi nitweelede kubona kuti buumi nchipo chiyandikana loko?\\nMatalikilo 1:27; Intembauzyo 19:7-11; Tusimpi 2:6-11\\nJehova wakalenga zintu zyoonse kuswaanizya abantu. Ulatuyanda alubo uyanda kuti bantu boonse babotelwe akuba abuumi bulikabotu.\\nBaRoma 14:12; BaGalatiya 6:5\\nJehova taakatulenga mbuuli marobboti pe. Wakatupa lwaangunuko lwakulisalila nzila zikonzya kutondeezya kuti tulabulemeka buumi.\\n2 BULOWA BULASALALA KULI JEHOVA\\n“Nkaambo mubulowa mobubede buumi bwanyama.”​—Levitiko 17:11\\nJehova ububona biyeni bulowa?\\nLevitiko 17:10; Tusimpi 13:16; Incito 15:20; BaRoma 12:2\\nKulakonzya kuba zyiimo ziyanda kuti tusale nzila zyakusilikwa kakubelesegwa tupanzi twabulowa. Tatweelede kubuzya bamwi kuti batusalile zyakuchita. Kakutanachitika penzi lili boobo, tweelede kukomba kuli Jehova katukumbila kuti atugwasye alubo tweelede kuyanduulisisya.\\nMatalikilo 9:4, 5, 9; Deuteronomo 12:16; Incito 15:28, 29\\nMuBbayibbele, bulowa bwiiminina buumi. Mulawu waLeza uuli atala abulowa tunachincha pe. Wakali kubeleka kuchiindi chaNowa, kuchiindi chamaIsrayeli akumaKristu.\\n3 BUUMI TWEELEDE KUBUBONA MBUULI MBABUBONA JEHOVA\\n“Inzila zyangu zilisumpwidwe kwiinda inzila zyanu amiyeeyo yangu kwiinda miyeeyo yanu.”—Isaya 55:9\\nNziizili zimwi nzila mutukonzya kutondeezya kuti tulabulemeka buumi?\\nKulonga 21:22, 23\\nBuumi bwabantu boonse bulayandikana kuli Jehova. Nkinkaako, kugwisya da nkubisya nkaambo nikuba mwana uutanazyalwa, Leza umubona kali muntu.\\nIntembauzyo 103:8-14; Incito 3:19; BaEfeso 1:7\\nJehova ulamulekelela mwanakazi wakagwisya da katanayiya kasimpe kuti wachincha maponeno aakwe.\\nIntembauzyo 11:5; Mukambausi 11:9, 10\\nTutondeezya kuti tulabulemeka buumi kwiinda mukutantamuka zisobano zikonzya kutunjizya mumapenzi. Alubo tweelede kubamba myuunzi yesu amoota zyesu munzila iilikabotu.\\n4 BANTU BATALEMEKI BUUMI BALI AMULANDU WABULOWA KULI JEHOVA\\n“Ndakabona kuti mwanakazi oyo ulikoledwe abulowa bwabasalali.”—Ciyubunuzyo 17:6\\nNkamboonzi bantu batalemeki buumi nibali amulandu wabulowa?\\nCiyubunuzyo 18:2, 4, 9, 24\\nBantu biingi balikufwa akaambo kazintu zichitwa abantu bali muzikombelo zyakubeja, bali mutwaambo twachisi abatangazu.\\nMatayo 24:14; Johane 17:16; Incito 20:26, 27\\nMaKristu tabaliswaanizyi mutwaambo twanyika alubo tabaliswaanizyi mumbunga zisumpula nkondo akujayana. Tugwasya bantu kuti bayiye atala aJehova kuti bakapone kukabe kutamani.\\nBuumi Ububona Mbuuli Mbabubona Na Leza\\nCHAANDAANO 1 Luyando lwaLeza Talumani Pe\\nCHAANDAANO 2 Kuba Amanjezeezya Ayandwa aLeza\\nCHAANDAANO 3 Sala Beenzinyokwe Bayanda Leza\\nCHAANDAANO 4 Nkamboonzi Nitweelede Kulemeka Bweendelezi?\\nCHAANDAANO 5 Mbutukonzya Kulisiyanisya Anyika\\nCHAANDAANO 6 Mbutweelede Kusala Zyakulikondelezya\\nCHAANDAANO 7 Buumi Ububona Mbuuli Mbabubona Na Leza?\\nCHAANDAANO 8 Jehova Uyanda Kuti Bakombi Bakwe Kabasalala\\nCHAANDAANO 9 “Amucije Bwaamu!”\\nCHAANDAANO 10 Lukwatano Nchipo Chizwa Kuli Leza\\nCHAANDAANO 11 Nibwayinda Buzuba Bwamuchado\\nCHAANDAANO 12 Amwaambe “Majwi Aaelede Aakonzya Kuyaka”\\nCHAANDAANO 13 Mapobwe Oonse Alatambulika Na Kuli Leza?\\nCHAANDAANO 14 Syomeka Muzintu Zyoonse\\nCHAANDAANO 15 Botelwa Amulimu Ngubeleka\\nCHAANDAANO 16 Amumukazye Saatani\\nCHAANDAANO 17 Kkala Kuli Muluyando lwaLeza\\nText Sala naa uyanda kukkopa zyakamwayigwa zilekkodedwe Mbutukonzya Kukkala Katuli Muluyando lwaLeza","num_words":2061,"character_repetition_ratio":0.052,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Johane 12 | Bbaibbele lili a Intaneti | Bbaibbele lya Busanduluzi Bwanyika Mpya\\nMariya wamutila mafwuta kumaulu Jesu (1-11)\\nJesu wanjila cabulemu (12-19)\\nJesu wasinsima zyalufwu lwakwe (20-37)\\nKubula lusyomo kwaba Juda kwazuzikizya businsimi (38-43)\\nJesu wakaboola kuzoofwutula nyika (44-50)\\n12 Kakusyeede mazuba aali cisambomwe kuti litalike Pobwe Lyakwiindilila, Jesu wakasika ku Betaniya ooko kwakali kukkala Lazaro+ ooyo ngwaakabusya kuzwa kubafwu. 2 Aboobo bakamubambila cilalilo ooko, alimwi Marta wakali kubakutaukila,+ pele Lazaro wakali umwi wabaabo bakali kulya* anguwe. 3 Mpoonya Mariya wakabweza nsazi* yamafwuta aanunkilila, nardo iini-ini iidula kapati, eelyo wakananika maulu aa Jesu akwaapukuta amasusu aakwe. Iŋanda yoonse yakanunkilila mafwuta+ aayo. 4 Pele Judasi Isikariote,+ umwi wabasikwiiya bakwe ooyo wakali kuyanda kumwaaba wakati: 5 “Nkaambo nzi mafwuta aaya aanunkilila ncaatasambalwa madinari* aali 300 akupa mali aayo kubacete?” 6 Lino tanaakaamba boobu akaambo kakuyanda kugwasya bacete pe, pele akaambo kakuti wakali mubbi alimwi nguwakajisi ciyobwedo camali oomo mwaakali kubba mali aakayobodwe. 7 Mpoonya Jesu wakati: “Komuleka, kutegwa acite cilengwa eeci ikulibambila buzuba bwangu bwakuzikkwa.+ 8 Nkaambo bacete munooli limwi lyoonse,+ pele mebo tamunooli andime lyoonse pe.”+ 9 Kulubazu lumwi nkamu mpati yaba Juda yakazyiba kuti nkwali, mpoonya bakaboola ikutali akaambo ka Jesu buyo, pele akuti babone Lazaro ooyo ngwaakabusya kuzwa kubafwu.+ 10 Mpoonya basilutwe babapaizi bakamvwana kuti bamujaye Lazaro awalo, 11 nkaambo bantu banji akati kaba Juda bakali kuunka ooko akumusyoma Jesu+ akaambo kanguwe. 12 Ibuzuba bwakatobela, nkamu mpati yabantu iyakaboolede kupobwe yakamvwa kuti Jesu wakali kuboola ku Jerusalemu. 13 Aboobo bakabweza malala akuunka kuyoomucinga alimwi bakatalika koompolola kuti: “Amumufwutule! Ulilelekedwe ooyo uuboola muzina lya Jehova,*+ Mwami wa Israyeli!”+ 14 Jesu naakajana mwana wambongolo, wakatanta alinguwe,+ mbubonya mbokulembedwe kuti: 15 “Utayoowi omwana musimbi wa Ziyoni. Bona! Mwami wako ulaboola katantide amwana wambongolo.”+ 16 Makani aaya basikwiiya bakwe tiibakaamvwisya ciindi cakusaanguna, pele Jesu naakalemekwa+ bakaibaluka kuti makani aaya akalilembedwe kujatikizya nguwe akuti bakacitila nguwe zintu eezyi.+ 17 Lino nkamu iyakali anguwe ciindi naakaita Lazaro mucuumbwe+ akumubusya kuzwa kubafwu, yakazumanana kupa bumboni.+ 18 Aaka nkakaambo akamwi nkamu yabantu ncoyakaunkila kuyoomucinga nkaambo bakamvwa kuti wakacitide citondezyo eeci. 19 Eelyo ba Farisi bakalyaambauzya akati kabo balaamba: “Tee kayi mwalibonena kuti tatuzwidilili naaceya. Amubone! Nyika yoonse yamutobela.”+ 20 Lino kwakali ba Giriki akati kabaabo bakaboola kukukomba kupobwe. 21 Aboobo aaba bakasikila Filipo+ ooyo iwakali kuzwa ku Betesaida waku Galilaya, akutalika kumulomba kuti: “Omunene, tuyanda kubona Jesu.” 22 Filipo wakaboola akwaambila Andreya. Eelyo Andreya a Filipo bakaboola akwaambila Jesu. 23 Pele Jesu wakabaingula kuti: “Casika ciindi cakuti Mwanaamuntu alemekwe.+ 24 Ncobeni ndimwaambila masimpe kuti, ikuti nseke yawiiti yatawida mubulongo akufwa, inooli buyo yomwe; pele ikuti yafwa,+ ilazyala micelo minji. 25 Kufwumbwa ooyo uuyandisya buumi bwakwe ulabunyonyoona, pele kufwumbwa ooyo uusulaika buumi+ bwakwe munyika eeyi ubuyobweda buumi butamani.+ 26 Ikuti muntu kayanda kundibelekela anditobele, alimwi ooko nkondibede nkwanoobede awalo mubelesi wangu.+ Ikuti muntu kayanda kundibelekela, Taata uyoomulemeka. 27 Lino moyo wangu wapenga+ kapati, eelyo ino ndilaamba nzi? Taata kondifwutula kuciindi eeci.+ Nokuba boobo, aaka nkekaambo ncondasikila kuciindi eeci. 28 Taata, kopa kuti zina lyako lilemekwe.” Mpoonya kwakamvwugwa jwi+ kujulu lyakati: “Ndakalipa kale kuti lilemekwe alimwi ndiyoopa kuti lilemekwe alimwi.”+ 29 Inkamu yabantu bakaimvwi waawo nibakalimvwa jwi, bakatalika kwaamba kuti yazuma. Ibamwi bakati: “Imungelo waambaula anguwe.” 30 Jesu wakaingula kuti: “Eeli jwi lyamvwugwa ikutali akaambo kandime, pele akaambo kandinywe. 31 Lino nyika eeyi ilabetekwa; eelyo mweendelezi wanyika+ eeyi uyootandwa.+ 32 Pele mebo ndaakusumpulwa mujulu kuzwa anyika,+ ndiyoobakwelela kulindime bantu bamisyobo yoonse.” 33 Mubwini wakaamba boobu ikutondezya mbolwakali kuyooba lufwu lwakwe ilwakali afwaafwi.+ 34 Aboobo inkamu yabantu yakamwiingula kuti: “Twakamvwa mu Mulawo kuti Kristo ulapona kukabe kutamani.+ Ino nkaambo nzi ncowaamba kuti Mwanaamuntu weelede kusumpulwa mujulu?+ Ino nguni Mwanaamuntu ooyu?” 35 Aboobo Jesu wakabaambila kuti: “Munooli amumuni kwaciindi cisyoonto. Amweende mumumuni nomucijisi mumuni kutegwa mudima utamuzundi; kufwumbwa ooyo weenda mumudima takuzyi nkwaya.+ 36 Nomucijisi mumuni, amusyome mumumuni kutegwa mube bana bamumuni.”+ Jesu wakaamba majwi aaya amane wakaunka waakubayuba. 37 Nokuba kuti wakacitide zitondezyo zinji kumbele lyabo, kunyina nobakamusyoma pe, 38 kutegwa azuzikizyigwe majwi aamusinsimi Isaya iwakaamba kuti: “Jehova,* ino nguni wasyoma zintu nzyobakamvwa kulindiswe?*+ Alimwi kujatikizya janza lya Jehova,* ino nguni ngolyayubunwidwa?”+ 39 Ikaambo ncobatakali kukonzya kusyoma kweelana ambwaakaamba Isaya alimwi nkakuti: 40 “Waofwaazya meso aabo alimwi wayumya myoyo yabo kuti bataboni ameso aabo akuti batamvwisyi mumyoyo yabo alimwi akuti batasanduki kutegwa ndibaponye.”+ 41 Isaya wakaamba zintu eezyi nkaambo wakabubona bulemu bwakwe alimwi wakali kwaamba zyanguwe.+ 42 Nokuba boobo, ibanji kubikkilizya abeendelezi beni bakamusyoma,+ pele akaambo kaba Farisi tiibakali kulitondezya kuti balamusyoma, ikutegwa batatandwi mucikombelo;+ 43 nkaambo bakali kuyandisya bulemu bwabantu kwiinda bulemu bwa Leza.+ 44 Pele Jesu wakoompolola kuti: “Kufwumbwa ooyo uundisyoma tasyomi buyo ndime, pele ulamusyoma ayooyo wakandituma;+ 45 alimwi kufwumbwa ooyo uundibona wamubona ayooyo wakandituma.+ 46 Ndakaboola kandili mumuni munyika+ kutegwa muntu woonse uundisyoma atazumanani kuba mumudima.+ 47 Pele ikuti muntu wamvwa majwi aangu kumane taabambi, tandimubeteki pe; nkaambo tiindakaboolela kubeteka nyika, pele ndakaboolela kwiifwutula.+ 48 Kufwumbwa ooyo uutandibikkili maano alimwi uutatambuli majwi aangu nkwali uuyoomubeteka. Majwi ngondaamba ngaayoomubeteka mubuzuba bwamamanino. 49 Nkaambo tiindali kwaamba mukuyanda kwangu ndemwini pe, pele Taata iwakandituma nguwakandilailila kujatikizya nzyondeelede kwaamba akukanana.+ 50 Alimwi ndilizyi kuti mulawo wakwe usololela kubuumi butamani.+ Aboobo kufwumbwa cintu ncindaamba, ndaamba kweelana ambwaakandaambila Taata.”+\\n^ Naa “bakakkede kutebulu.”\\n^ Eeyi ninsazi yaba Roma iilema magilamu aali 327. Amubone Makani Aayungizyidwe B14.","num_words":793,"character_repetition_ratio":0.04,"word_repetition_ratio":0.0,"special_characters_ratio":0.183,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Inzila Yaandaana Print\\nNcintu cakali ceenzu. Lubulo lwa golide lwakabbukizyigwa kumbo lya Masi Aasweene (US), mumazuba masyoono bantu bakabweza musinzo kuzwa kujwe kabatantide mabbiza, akuccililwa mumyezi iitobela ankalaki zijisi mikwasyi; boonse kabatandila kujana buvwubi. Bantu banji bakauzya zintu zyabo zyoonse akubweza musinzo kuya munyika yataana kkedwe kumbo. Zyuulu zyabantu zyakasweekelwa lubono, amaumi aabo. Ntenda zyamusinzo ooyo, malwazi, abasinkondo zyakacesya nkamu zyankalaki kusikila bace buyo bakacaala mbibakasika nkobaali kuya. Pele, mbasyoonto akati kabaabo bakajana nokaba kasyoonto kabwe kagolide akubaa buvwubi mbobakaabila zintu zyoonse kuti babujane.\\nZimwi nkalaki zyakapa mulimo kubasololi kuti babasolwede nzila. Bamwi bakasala muntu akati kabo kuti abaamulimo wabusololi. Ooyo mulimo waali mulemu kapati. Buumi bwaali kukonzya kusweeka kuti kwasalwa nzila iitaluleme. Buyumuyumu bwaali kwiindila kuti kwayindwa ambali lya cikala cameenda nokuba kuyaka civwuka mucibaka citali kabotu. Kulwanwa basinkondo kwaali kukonzya kujaya bantu bataazyi bwakulikwabilila. Bukwabilizi bwa nkamu bwakakkede makkuko aamusololi.\\nKuti musololi wankalaki naakainda nzila iitaluleme, akusala nzila mbyaabi, wakali mulimo wakwe kwaambila bantu kuti bazyokoloke, akupiluka, kuti bakabweze nzila iiluleme. Eeci caali kukonzya kuyungizya musinzo, kusowaila ciindi akutongooka kunjaanji. Muziindi zimwi, nkalaki zimwi zyakaya kumbele munzila iitaluleme kwiinda kuti zipiluke musyule muzyakazyila. Kuti musololi naakazumina kuti walubila caali cintu cimupa kutasyomeka mubusololi bwakwe. Waali kukonzya kuzwisyigwa mubusololi. Musololi uulaa busongo wakeelede kuvwuntauzya twaambo tunji tujatikizya musinzo ooyo, aluzyibo lwakubelesya mumizeezo yakusolweda nkamu.\\nBa World's Last Chance mbasololi munzila yakumwaya mulumbe wabupaizi muluwo. Mbuli mbobali kumbele kuyiisya kukomba muNsabata yabuzuba bwa ciloba, balaa mulimo wakuyiisya kasimpe alimwi kasimpe kalikke. Nkaambo kakuti kasimpe kaciyaa kwiindila kuvwunguluka akulibonya, akwalo kuvwuntauzya kweelede kuya kumbele kutegwa kuzyibwe cisyomwa celeede kuyiigwa aceeco ceelede kulubwa. Yahuwah wakasyomezya musololi kuli baabo bayandaula kasimpe koonse cakutontomana. Musela wamamanino walo uuya kwiinda muciindi camapenzi ngoweelede kubaa kasimpe kalikke koonse, kakwiina cilubide muli nzyobasyoma. Beelede kusimpa lusyomo lwabo mukasimpe aako kutegwa batakazungaani akulwanaa bantu nokuba kweenwa amadaimona.\\nBa World's Last Chance lyoonse balomya kusyoma kuti bantu boonse balaa mulimo ku Mulengi wabo wakukomba Nguwe mubuzuba bwa ciloba, mbwaakabikka kuti nje Nsabata kutobezya bwaamba mulawo wane. Pele ino mbubuti eeyo Nsabata mboinga yajanwa? Hena cilakonzyeka kululama kujana buzuba pele kobelesya kkalenda litaluleme kuganta buzuba oobo? Mumyezi yainda, kuvwuntauzya cakutontomana kwaacitwa abasi Nsabata banjaanji, kuti bazyibe naa kkalenda lina Gregory libelesyegwa kanji mazubaano, kuti ndikkalenda lyakasimpe lya Bbaibbele. Ino nkukuli kujanwa miyanda ya kkalenda lina Juliyasi\/Gregory? Ndilili kkalenda ndibaali kubelesya bama Juuda muciindi ca Yahushua, Kristu?\\nKusanyangula mibuzyo eeyi cakuvwuntaulisya kwaatozya basikuvwuntala kumuzeezo wakuti myeelwe yakasimpe kageme buzuba bweelede kukombwa kayiisyigwa kale. Buzuba bwaciloba nje Nsabata. Nokubaboobo, kkalenda litaanzi lya Bbaibbele litobezya mwezi azuba ndelyeelede kubelesyegwa kujana buzuba bwa Yahuwah bwamasimpe. Mubweende bwa ciindi kwakali ma Kkalenda manjaanji, anzila zinji zyakupima ciindi mukujana mazuba aakukomba. Ibbaibbele lyeelede kuba musololi wesu; mangwalo ayelede kutondezya nokweelede kukombwa akkalenda lyeelede kubelesyegwa. Twaambo tunji twamisela inga twabelesyegwa antoomwe aBbaibbele kulomya kujana kasimpe, pele Bbaibbele lyeelede kuba ndelipa nguzu atalaa zyoonse.\\nBa World's Last Chance bakatumina muluwo zilembedwe, makkoosi, azipekupeku oomo mobaabanya makani aakajanwa abasikuvwuntauzya. Ncintu cinyandya caajanwa knuti muzeezo wa “mvwiki zitaleki kuzingulukana kuzwa kumalengelo” waali muzeezo uutaluleme. Ikkalenda lina Gregory naa lyabu poopo ndyabukombi bwazilengwa leza alimwi ncipimyo citaluleme kujanya buzuba bwa ciloba bwini nokukombwa. Ncintu ceenzu kumizeezo kusoleka kuzyibila nzila imbi yakupima ciindi. Pele, kasimpe kalayandika kapati, nkukondwa kupati kuzyiba kuti Nsabata iiluleme ilakonzya kujanwa kwiinda mukubelesya kkalenda litobezya mwezi azuba. Twakomba amusanyangule kuti muteelele kaambo aaka kalo kacinca-buumi nobeni lwenu. Twakomba kuti mweezyekanye aMangwalo atwaambo twamisela kutegwa mubone Saatani mbwaakacita ncobeni mukusoleka “kucinca ziindi amilawo”. Twakomba amuupe ciindi Moza wa Yahuwah kuti uyumye mizeezo yenu mukutobela Nguwe naa kuti Wamuyubunwida kuti nkakasimpe aaka.\\nAmusangane abasyomeka kuzinguluka nyika mbuli mbotuyaa kujokela mumukondo wesu, luzyibo lwanzila yansiku lwabambululwa alimwi mizeezo iilangika aanga mipya kuli ndiswe yateelelwa. Mipailo yakukwabililwa mumoza wenu ilaimpuka lyoonse kuzwa kubabelesi abasikusanyangula baku World's Last Chance. Yahushua Kristu ulazya linolino. Atuswaangane mumyoyo amujwi, mumoza amukasimpe kujatikizya buzuba bwa ciloba bwamasimpe butobezya mwezi azuba kuti tukombe Mulengi wesu.","num_words":629,"character_repetition_ratio":0.05,"word_repetition_ratio":0.0,"special_characters_ratio":0.139,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Amusangalale Akulambila kwa Mumukwashi | Mukwashi Usangalalite\\nAmulambile Yehova pantu pomwi Amukwashi Wanu\\n“Amulambile uyo wakalenga liculu, acishi ca panshi.”—Ciyubululo 14:7\\nMbuli mbomwaiya mubuloshuwa iyi, Baibo ilicite njiisho sheenga shamucafwa amukwashi wanu. Yehova ulisuni kwaamba ayi munoosangalala. Wakalasha ayi na citaanshi mwayandoola bwaami bwakwe, “ulaakumupa shintu shoonse ishi.” (Mateyo 6:33) Ulisunishishi ayi mube shicibusa wakwe. Amusebenseshe ciindi ncomucite kuyumya bushicibusa bwanu aLesa. Bushicibusa aLesa ncoolwe cinene kwiinda pa shintu shoonse muntu nsheenga wabaasho.—Mateyo 22:37, 38.\\n1 AMUYUMYE BUSHICIBUSA BWANU A YEHOVA\\nBAIBO ILAAMBA AYI: “‘Ndaakuba ishiwanu, amwebo mulaakuba bana bangu, basankwa abanakashi, Nebo neMwaami Lesa Shinkusu shoonse ndaamba.” (2 Bene Kolinto 6:18) Lesa ulisuni ayi mube shicibusa wakwe. Kupaila inga kwamucafwa kuba shicibusa wakwe Lesa. Yehova utoomwiita ayi ‘munopaila kuli nguwe lyoonse.’ (1 Bene Tesalonika 5:17) Ulayandishisha kunyumfwa shili mumoyo wanu alimwi ashimusukamika. (Bene Filipi 4:6) Na kamupaila pantu pomwi amukwashi wanu, bamumukwashi wanu balaakushiba kwaamba ayi ncakwiila mulashoma Lesa.\\nTeshibo kupaila kuli Lesa kweenka kuyandika, sombi mulyeelete kukutika akuli nguwe. Inga mwacita boobo kwiinda mukwiiya Maswi akwe alimwi akubelenga mabuku aamba sha muBaibo. (Kulumbaisha 1:1, 2) Amutole ciindi kuyeeya pa shintu nshemutobelenga. (Kulumbaisha 77:11, 12) Tulakutika kuli Lesa ndyetucanika kukubungana kwa Bwineklistu lyoonse.—Kulumbaisha 122:1-4.\\nCimwi ceenga cayumya bushicibusa bwesu aYehova, nkwaambilaako bamwi pali nguwe. Na mwatolelela kucita boobo, mulaakusena pafwaafwi anguwe.—Mateyo 28:19, 20.\\nBushiku buli boonse munoobika ciindi cakubelenga Baibo akupaila\\nMunoobikila maano kushintu shakumushimu kwiinda shakulisekesha akookesha\\n2 MUNOSANGALALA AKULAMBILA KWAMUMUKWASHI\\nBAIBO ILAAMBA AYI: “Kamusena pafwaafwi aLesa alakwe ulaakusena pafwaafwi amwebo.” (Jemusi 4:8) Mulyeelete kuba apulogilamu ya kulambila kwamumukwashi alimwi akutolelela kucita kweelana ambomwakabika. (Matalikilo 18:19) Sombi kuli ashimwi shiyandika. Citaanshi mulyeelete kubika Lesa panembo mushintu shoonse nshemucita. Amuyumye bushicibusa bwamukwashi wanu aLesa kwiinda mukubandika pali nguwe “ndyemuli kumishaanu nabi kumwibo, pakookesha nabi pakusebensa.” (Dutolonomi 6:6, 7) Amube anga ngu Joshuwa, wakaamba ayi: “Sombi nebo abamuŋanda yangu, tulanoosebenselabo Mwaami Lesa.”—Joshuwa 24:15.\\nLyoonse amube apulogilamu ya kwiiya alimwi ndyemutokwiiya amwaambe pa shintu sheenga shacafwa womwi awomwi mumukwashi\\nBASEBENSHI BAKWE YEHOVA BASANGALALITE\\nTaakuwo cintu cibotu kwiinda kulambila Yehova Lesa. Ulakondwa na mwebo amukwashi wanu kamumusebensela camoyo womwi. Kutolelela kucita boobo, kulaakumucafwa kusuna Yehova akukonkela mibo yakwe mushintu shoonse. (Maako 12:30; Bene Efeso 5:1) Kubika Lesa panembo mucikwati canu, kulayumya bushicibusa bwanu ambomweebenaabo. (Shikushimikila 4:12; Isaya 48:17) Mukwashi wanu inga waba alusangalalo kwa muyayaya, “mukwiinga Mwaami Lesa, Lesa wanu wamupa coolwe.”—Dutolonomi 12:7.\\nIno ndilili ndyetwakapailawo pantu pomwi angonjeebenaakwe?\\nIno nciinshi nceenga tweeya amukwashi wangu kwaamba ayi tuyumye lushomo lwesu muli Yehova?\\nMASWI KUMITWI YAMIKWASHI\\nMutalekeli cintu cili coonse kunyonyoonganya bubambo bwakulambila kwamumukwashi\\nAmubaambilile limwi boonse mumukwashi nsheshi mukabandike kwaamba ayi balibambile\\nBoonse mumukwashi balyeelete kucanikawo\\nAmuyuminishe mushimu wa luumuno kwaamba ayi boonse basangalale\\nAmwiiye mbweenga bubambo ubu bwamucafwa kuyumya bushicibusa bwanu aLesa alimwi amukwashi wanu.","num_words":401,"character_repetition_ratio":0.066,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino Leza Nguni? — LAIBBULALI YAA INTANETI ya Watchower\\nbhs cibalo. 1 map. 8-18\\nAmulubale mu Ncoliyiisya Bbaibbele\\nSENA LEZA ULATUBIKKILA MAANO NAA NGUSILUNYA?\\nINO LEZA ULIMVWA BUTI CIINDI BANTU NOBAPENGA?\\nLEZA UYANDA KUTI NYWEBO MUMUZYIBE\\nSENA MULAKONZYA KUBA MULONGWE WA JEHOVA?\\nMuunzila Nzi Jehova Mwatondezya Kuti Ulatuyanda?\\nKasimpe Kajatikizya Leza Alimwi a Jesu\\nNgazi Yamulindizi Yaambilizya Bwami bwa Jehova (Yakubuleya)—2020\\n1, 2. Ino bantu bavwula kubuzya mibuzyo iijatikizya makani nzi?\\nBANA balayanda kapati kubuzya mibuzyo. Mulakonzya kubapanduluda cintu cimwi, pele bunji bwaziindi babuzya kuti, ‘Nkaambo nzi?’ Alimwi ciindi nomusola kubapa bwiinguzi, balakonzya kuzumanana kubuzya kuti, ‘Pele ino nkaambo nzi ncocili boobo?’\\n2 Kufwumbwa naa tuli bana naa bapati, toonse tulaamibuzyo. Ambweni tulaamibuzyo yakuti, ‘Ino tulalya nzi? Ino tulasama nzi? Ino tulaula nzi?’ Naa ambweni tulijisi mibuzyo mipati kujatikizya buumi alimwi aziboola kumbele. Pele ciindi notutajani bwiinguzi bumvwika bwamibuzyo iijatikizya makani aaya, tulakonzya kuleka kuyandaula bwiinguzi.\\n3. Ino nkaambo nzi bantu banji ncobayeeya kuti tabakonzyi kujana bwiinguzi bwamibuzyo mipati njobajisi?\\n3 Sena Bbaibbele lilijisi bwiinguzi bwamibuzyo mipati njotubuzya? Bantu bamwi mbobayeeya oobo; nokuba boobo bayeeya kuti Bbaibbele lilakatazya kapati kumvwa. Bayeeya kuti balikke bamafwundisi naa bapaizi mbabajisi bwiinguzi. Alimwi bamwi balalisenda kwaamba kuti tababuzyi bwiinguzi. Ino nywebo mulimvwa buti?\\n4, 5. Ino mibuzyo nzi imwi mipati njotukonzya kulibuzya? Nkaambo nzi ncomweelede kuzumanana kuyandaula bwiinguzi bwamibuzyo eeyo?\\n4 Ambweni muyanda kuzyiba bwiinguzi bwamibuzyo mbuli yakuti: Nkaambo nzi ncotuli waano aanyika? Ncinzi ciyakucitika kulindime ndaakufwa? Ino mbuti Leza mbwabede? Jesu, Imwiiyi uuzyibidwe kapati, wakaamba kuti: “Amuzumanane kulomba, eelyo muyoopegwa; amuzumanane kuyandaula, eelyo muyoojana; amuzumanane kukonkomona, eelyo muyoojulilwa.” (Matayo 7:7) Aboobo, mutatyompwi pe kusikila mane mubujane bwiinguzi mbomukonzya kusyoma.\\n5 Masimpe, ikuti “muzumanane kuyandaula,” mulabujana bwiinguzi mu Bbaibbele. (Tusimpi 2:1-5) Bwiinguzi oobo tabukatazyi pe kumvwisya. Nzyomutiiye zilamupa kuba abuumi bukkomanisya lino akuba abulangizi bubotu kapati kujatikizya ziboola kumbele. Lino atubandike mubuzyo umwi uubakatazya kapati bantu banji.\\n6. Ino nkaambo nzi bantu bamwi ncobayeeya kuti Leza tababikkili maano?\\n6 Bantu banji bayeeya kuti Leza tatubikkili maano. Bayeeya kuti, ikuti Leza naali kutubikkila maano, nyika noyatali boobu mboibede. Nyika yoonse mboizulwa tubona nkondo, kusulaikana alimwi amapenzi. Bantu balaciswa, balapenga alimwi balafwa. Aboobo bamwi balalibuzya kuti, ‘Ikuti naa Leza ulatubikkila maano, nkaambo nzi ncataamanini mapenzi oonse aaya?’\\n7. (a) Ino mbuti basololi bazikombelo mbobayiisya bantu kuti Leza ngusilunya? (b) Ino nkaambo nzi ncotukonzya kusyoma kuti Leza tali nguwe uupa kuti zintu zibi kazicitika?\\n7 Zimwi ziindi basololi bazikombelo bapa kuti bantu kabayeeya kuti Leza ngusilunya. Ciindi nokwacitika cintu cibi mbuli ntenda, baamba kuti nkuyanda kwa Leza naa kuti Leza nguuzyi. Baamba kuti walo nguwayanda kuti cicitike. Mubwini, mukwaamba boobu bapa Leza mulandu. Pele Bbaibbele liyiisya kuti bubi tabuzwi kuli Leza. Lugwalo lwa Jakobo 1:13 lutondezya kuti Leza tasunki muntu uuli woonse azintu zibi. Lwaamba kuti: “Ciindi muntu nasunkwa, ataambi kuti: ‘Ndili mukusunkwa a Leza.’ Nkaambo kunyina muntu uunga wasunka Leza azintu zibyaabi alimwi walo mwini tasunki muntu uuli woonse azintu zibyaabi.” Eeci caamba kuti nokuba kuti Leza tanaazilesya kucitika zintu zibi, tali nguwe pe uupa kuti kazicitika. (Amubale Jobu 34:10-12.) Amuleke tupe cikozyanyo.\\n8, 9. Nkaambo nzi ncocitali kabotu kupa Leza mulandu notujana mapenzi? Amupe cikozyanyo.\\n8 Amweezyeezye mwana musankwa uucikkala abazyali bakwe aŋanda. Bausyi balamuyanda mwana ooyo alimwi bakamuyiisya kusala zintu cabusongo. Lino mwana ooyo wabazangila bausyi akuzwa aŋanda. Watalika kucita zintu zibi, mpoonya wanjila mumapenzi. Sena inga mwapa bausyi mulandu akaambo kamapenzi ngaajana mwana ooyo? Peepe! (Luka 15:11-13) Mbubonya mbuli usyi mwana ooyo, Leza tanaakabakasya bantu nobakasala kumuzangila akucita zintu zibi. Aboobo, ciindi nokwacitika cintu cimwi cibi, tatweelede kuyeeya kuti Leza nguwapa kuti cicitike. Inga calubila kumupa mulandu Leza.\\n9 Kuli kaambo kapati Leza ncatanazilesya kucitika zintu zibi ambuli sunu. Mu Cibalo 11, muyakwiiya ncolyaamba Bbaibbele kujatikizya makani aaya. Pele masimpe ngakuti Leza ulatuyanda alimwi tali nguwe pe uupa kuti katupenga. Mubwini, walo alikke nguukonzya kwaamana mapenzi eesu.—Isaya 33:2.\\n10. Nkaambo nzi ncotukonzya kusyoma kuti Leza uyoobambulula zintu zyoonse nzyobanyonyoona bantu babi?\\n10 Leza ulasalala. (Isaya 6:3) Zintu zyoonse nzyacita zilasalala, zililuleme alimwi nzibotu. Aboobo tulakonzya kumusyoma. Pele bantu tabali boobo pe. Zimwi ziindi balacita zintu zibi. Naba muleli uulomene kapati tajisi nguzu zyakubambulula zintu zyoonse zibi nzyobacita bantu babi. Taaku muntu naba omwe uujisi nguzu mbuli zyeezyo nzyajisi Leza. Walo Leza ulakonzya kubambulula zintu zyoonse nzyobanyonyoona bantu babi alimwi buya uyoocita oobo. Uyoobugusya bubi boonse mane kukabe kutamani.—Amubale Intembauzyo 37:9-11.\\n11. Ino Leza ulimvwa buti ciindi nomupenga?\\n11 Ino Leza ulimvwa buti ciindi nabona zintu zicitika munyika alimwi azyeezyo izimucitikila nywebo? Bbaibbele liyiisya kuti Leza “uyandisya bululami.” (Intembauzyo 37:28) Aboobo ulaziyanda kapati zintu zibotu pele zibi taziyandi naaceya. Cilamucisa kapati ciindi bantu nobapenga. Bbaibbele lyaamba kuti musyule oomu “wakapenga mumoyo” ciindi naakabona kuti nyika yazula bubi. (Matalikilo 6:5, 6) Leza tacincide pe. (Malaki 3:6) Bbaibbele lyaamba kuti ncobeni Leza ulamubikkila maano nywebo kumugama.—Amubale 1 Petro 5:7.\\nBbaibbele liyiisya kuti Jehova ngo Mulengi siluyando wajulu anyika\\n12, 13. (a) Ncinzi citupa kuti katubayanda akubabikkila maano bantu, alimwi ino tulimvwa buti twabona mapenzi aali munyika? (b) Nkaambo nzi ncotukonzya kusyoma kuti Leza uyakwaagusya mapenzi oonse alimwi akutalulama koonse?\\n12 Bbaibbele alimwi lyaamba kuti Leza wakatulenga mucinkozya cakwe. (Matalikilo 1:26) Eeci caamba kuti Leza wakatulenga katujisi bube bubotu mbubonya mbwajisi walo. Aboobo, ikuti naa nywebo cilamucisa ciindi nomubona bantu batakwe mulandu kabapenga, nkokuti walo Leza cilainda kumucisa! Ino tuzyi buti oobo?\\n13 Bbaibbele lituyiisya kuti “Leza nduyando.” (1 Johane 4:8) Zintu zyoonse nzyacita Leza ulazicita akaambo kaluyando. Aboobo, swebo tulatondezya luyando nkaambo Leza ngusiluyando. Amuyeeye kaambo aaka: Ikuti nomwalijisi nguzu, sena inga mwaagusya mapenzi oonse alimwi akutalulama koonse ikuli munyika? Masimpe mulakonzya kucita oobo, nkaambo mulabayanda bantu. Ino mbuti walo Leza? Ulijisi nguzu, alimwi mbokunga ulatuyanda, uyakwaagusya mapenzi oonse alimwi akutalulama koonse. Amuzyibe kuti zisyomezyo zyoonse zya Leza izyaambidwe kumatalikilo aabbuku eeli ziyoozuzikizyigwa! Pele kutegwa muzisyome zisyomezyo eezyi, muyandika kuzyiba zinji kujatikizya Leza.\\nNomuyanda kutalisya cilongwe amuntu umwi, mulamwaambila zina lyanu. Leza ulatwaambila zina lyakwe mu Bbaibbele\\n14. Ino Leza nguni zina lyakwe, alimwi ino tuzyi buti kuti tweelede kulibelesya?\\n14 Ciindi nomuyanda kupanga cilongwe amuntu umwi, ino ncinzi ncomusaanguna kumwaambila? Bunji bwaziindi inga mumwaambila zina lyanu. Sena Leza ulijisi zina? Zikombelo zinji zyaamba kuti izina lyakwe ngu Leza naa Mwami, pele aaya taali mazina pe. Aaya mazina aabulemu mbubonya mbuli bbala lyakuti “mweendelezi” naa “muleli.” Leza utwaambila kuti izina lyakwe ngu Jehova. Lugwalo lwa Intembauzyo 83:18 lwaamba kuti: “Bantu abazyibe kuti yebo, oojisi zina lyakuti Jehova, yebo olikke ndonduwe Mupatikampatila atala aanyika yoonse.” Bantu ibakalemba Bbaibbele bakalibelesya zina lya Leza ziindi zinji kapati. Aboobo, Jehova uyanda kuti nywebo mulizyibe zina lyakwe alimwi akulibelesya. Wamwaambila zina lyakwe kutegwa mube mulongwe wakwe.\\n15. Ino zina lyakuti Jehova lyaamba nzi?\\n15 Izina lya Leza lyakuti Jehova lilijisi bupanduluzi bupati. Lyaamba kuti Leza ulakonzya kuzuzikizya cintu cili coonse ncaasyomezya alimwi ulakonzya kuzuzikizya makanze aakwe. Taaku cikonzya kumulesya pe. Jehova alikke nguweelela kuba azina eeli.*\\n16, 17. Ino caamba nzi ikwaamba kuti (a) “Singuzuzyoonse”? (b) “Mwami walyoonse alyoonse”? (c) “Mulengi”?\\n16 Mbuli mbotwabala musyule oomu, lugwalo lwa Intembauzyo 83:18 lwaamba Jehova kuti: “Yebo olikke ndonduwe Mupatikampatila.” Kuyungizya waawo, lugwalo lwa Ciyubunuzyo 15:3 lwaamba kuti: “Milimo yako mipati alimwi ilagambya, Jehova Leza, Singuzuzyoonse. Inzila zyako zililuleme alimwi nzyamasimpe, O Mwami walyoonse alyoonse.” Ino zina lyabulemu lyakuti “Singuzuzyoonse” lyaamba nzi? Lyaamba kuti Jehova nguubainda nguzu boonse kujulu alimwi aanyika. Mpoonya zina lyabulemu lyakuti “Mwami walyoonse alyoonse” lyaamba kuti walo waliko lyoonse. Lugwalo lwa Intembauzyo 90:2 lwaamba kuti walo waliko kuzwa lili alili alimwi unooliko lyoonse mane kukabe kutamani. Eelo kaka makani aaya alagambya!\\n17 Jehova alikke ngo Mulengi. Lugwalo lwa Ciyubunuzyo 4:11 lwaamba kuti: “Uleelela, Jehova, O Leza wesu, ikutambula bulemu alulemeko alimwi anguzu, nkaambo nduwe wakalenga zintu zyoonse, alimwi akaambo kakuyanda kwako zyakabako alimwi zyakalengwa.” Inzya, Jehova wakalenga zintu zyoonse nzyomukonzya kuyeeya, babe bangelo kujulu, nyenyeezi izili kujulu, micelo iili muzisamu naa nswi izili mumilonga amulwizi!\\n18. Nkaambo nzi bantu bamwi ncobakonzya kuyeeya kuti tabakonzyi kuba balongwe ba Leza? Ino Bbaibbele lyaamba nzi kumakani aayo?\\n18 Bantu bamwi nobabala kujatikizya bube bugambya bwa Jehova, balayoowa akutalika kuyeeya kuti, ‘Leza ulaanguzu kapati, mupati kapati alimwi uli kulamfwu kapati andime, mwati inga wandibikkila maano mebo?’ Pele sena oobo Leza mbwayanda kuti katulimvwa? Tabusyi pe. Jehova uyanda kuba afwaafwi andiswe, kuba acilongwe anguwe. Bbaibbele lyaamba kuti Leza “tali kulamfwu kuli umwi aumwi wesu.” (Milimo 17:27) Leza uyanda kuti muswene kulinguwe, nkokuti mube acilongwe anguwe, alimwi usyomezya kuti “awalo ulaswena kulindinywe.”—Jakobo 4:8.\\n19. (a) Ino mbuti mbomukonzya kuba mulongwe wa Leza? (b) Mbube nzi akati kabube mbwajisi Jehova mbomuyanda kapati?\\n19 Ino mbuti mbomukonzya kuba mulongwe wa Leza? Jesu wakaamba kuti: “Eeci caamba buumi butamani, ikuti bakuzyiba yebo O Leza mwini-mwini ooli olikke, ayooyo ngookatuma, Jesu Kristo.” (Johane 17:3) Amuzumanane kwiiya, eelyo mulamuzyiba Jehova alimwi a Jesu. Mpoonya mulakonzya kujana buumi butamani. Mucikozyanyo, twaiya kale kuti “Leza nduyando.” (1 Johane 4:16) Pele ulijisi bube abumbi bunji ibubotu kapati. Bbaibbele litwaambila kuti Jehova ‘ngusiluse alimwi ngusilweetelelo, tafwambaani kukalala alimwi ulizwide luyando lutamani akasimpe.’ (Kulonga 34:6) Jehova “mubotu alimwi ulilibambilide kulekelela zibi.” (Intembauzyo 86:5) Leza ulakkazika moyo alimwi ulasyomeka. (2 Petro 3:9; Ciyubunuzyo 15:4) Mulaiya zinji kujatikizya bube bwakwe ibubotu ciindi nomubala Bbaibbele.\\n20-22. (a) Ino mbuti mbomukonzya kuba acilongwe a Leza nokuba kuti tamukonzyi kumubona? (b) Ncinzi ncomweelede kucita ikuti bamwi bayanda kuti mucileke kwiiya Bbaibbele?\\n20 Mbuti mbomukonzya kuba acilongwe a Leza mbwaanga tamukonzyi kumubona? (Johane 1:18; 4:24; 1 Timoteyo 1:17) Ciindi nomubala makani aajatikizya Jehova mu Bbaibbele, mulamuzyiba bwini mbwabede. (Intembauzyo 27:4; Baroma 1:20) Alimwi nomwiiya zinji kujatikizya nguwe, muyootalika kumuyanda kapati alimwi muyakulimvwa kuti mulaacilongwe ciyumu anguwe.\\nUsyi ulabayanda bana bakwe, pele walo Taateesu wakujulu ulainda aawo kutuyanda\\n21 Muyakumvwisya kuti Jehova ngu Taateesu. (Matayo 6:9) Wakatupa buumi, alimwi uyanda kuti katupona buumi bubotu kapati. Eeco ncencico muzyali uuli woonse siluyando ncayanda kuti kabajisi bana bakwe. (Intembauzyo 36:9) Ncobeni, Bbaibbele liyiisya kuti mulakonzya kuba mulongwe wa Jehova. (Jakobo 2:23) Amuciyeeyele buyo ncocaamba eeci. Jehova Mulengi wajulu anyika, uyanda kuti nywebo mube mulongwe wakwe!\\n22 Bantu bamwi inga bayanda kuti mucileke kwiiya Bbaibbele. Balakonzya kucita boobo akaambo kakuyoowa kuti inga mwacinca cikombelo canu. Pele mutazumizyi muntu uuli woonse kumulesya kuba mulongwe wa Jehova. Walo ngo Mulongwe mubotu kwiinda boonse ngomukonzya kuba anguwe.\\n23, 24. (a) Nkaambo nzi ncomweelede kuzumanana kubuzya mibuzyo? (b) Ncinzi ncotuyakubandika mucibalo citobela?\\n23 Ciindi nomwiiya Bbaibbele, kuli zintu zimwi izinoomukatazya kumvwisya. Mutafwi nsoni kubuzya mibuzyo naa kulomba lugwasyo. Jesu wakaamba kuti tweelede kulicesya mbuli bana baniini. (Matayo 18:2-4) Mbuli mbotuzyi, bana balayanda kapati kubuzya mibuzyo. Leza uyanda kuti mujane bwiinguzi. Aboobo amwiiye Bbaibbele cakulomya kutegwa musinizye kuti nzyomwiiya nzyamasimpe.—Amubale Milimo 17:11.\\n24 Nzila mbotu kapati yakwiiya kujatikizya Jehova nkwiiya Bbaibbele. Mucibalo citobela, tulabona kaambo Bbaibbele ncoliindene amabbuku aambi woonse.\\nIkuti naa Bbaibbele lyanu talijisi zina lyakuti Jehova alimwi ikuti naa muyanda kuzyiba zinji kujatikizya ncolyaamba ambolyaambwa zina lya Leza, amubone Bupanduluzi Buyungizyidwe 1.\\nKAAMBO KAMASIMPE 1: INO LEZA NGUNI?\\n“Nduwe wakalenga zintu zyoonse.”​—Ciyubunuzyo 4:11\\nNcinzi Bbaibbele ncolituyiisya kujatikizya Leza?\\nNgu Singuzuzyoonse, nguujisi nguzu zinji kapati kwiinda boonse kujulu aanyika.\\nWaliko lyoonse kuzwa lili alili.\\nLeza ngu Taateesu.\\nUyanda kuti tube abuumi bubotu kapati.\\nLeza uyanda kuti tube acilongwe anguwe.\\nKAAMBO KAMASIMPE 2: LEZA ULAAZINA\\n“Jehova . . . ndezina lyangu lyoonse alyoonse.”​—Kulonga 3:15\\nIno nkaambo nzi izina lya Leza ncoliyandika kapati?\\nLeza utwaambila kuti izina lyakwe ngu Jehova. Mabala aakuti “Leza” a “Mwami” taali mazina pe. Aaya mazina aabulemu mbubonya mbuli mabala aakuti “mweendelezi” naa “muleli.” Jehova uyanda kuti kamulibelesya zina lyakwe.\\nIzina lyakwe lyaamba kuti “Upa Kuti Kube.” Akaambo kakuti Jehova wakalenga zintu zyoonse, ulakonzya kucizuzikizya kufwumbwa ncaasyomezya alimwi akupa kuti makanze aakwe azwidilile.\\nKAAMBO KAMASIMPE 3: JEHOVA ULATUYANDA\\n“Leza nduyando.”​—1 Johane 4:8\\nIno luyando lwa Leza lutujatikizya buti?\\nKulonga 34:6; Intembauzyo 37:28\\nNgusiluse alimwi ngusilubomba. Uyandisya kasimpe abululami.\\nKAAMBO KAMASIMPE 4: LEZA ULAMUBIKKILA MAANO\\n“Kamuwaala makatazyo aanu oonse kulinguwe, nkaambo ulamubikkila maano.”—1 Petro 5:7\\nNcinzi cimuzyibya kuti ncobeni Leza ulamubikkila maano?\\nUsyomezya kuti uyakwaagusya mapenzi alimwi akubambulula zintu zyoonse nzyobanyonyoona bantu babi.\\nJehova uyanda kuti mube acilongwe anguwe.\\nMbomuyaabuzumanana kwiiya zinji kujatikizya Leza, alwalo luyando ndomujisi kulinguwe lunooyaabukomena.","num_words":1828,"character_repetition_ratio":0.062,"word_repetition_ratio":0.0,"special_characters_ratio":0.186,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Cipangano Cisyomezyegwa Misela a Musunko Wamamanino Print\\nCipangano Cisyomezyegwa Misela a Musunko Wamamanino\\nCibeela 1: Kumvwisisya mbocili cipati Cipangano eeci\\nLino swebo tulaa ciindi cibotu mubuumi buno cakubamba cipangano cilaa mpindu mpati amuulo musyoonto buyo. Impindu yacipangano eeci nimpati cakuti cilainda zyoonse zyeelene ancico. Eeci cipangano [makani aali mucibalo eeci] nciyandisi kapati alimwi cilainda kubaa mpindu kwiinda mali woonse mbuli makobili aa Bbitikoini, golide, nsiliva nokuba kwiinda muulo wabbwe libekema , daimondi lya Graffu. Kunyina cintu cinga ceezyekwa ampindu iili mucipangano eeci pe.\\nMubuzyo- Hena wasinizya masimpe yebo? Mwati ambeyo inga ndalijanina ncobeni cipangano eeci nokuba kuti ndimucete citaambiki?\\nBwiinguzi- Bwiinguzi bwini mbwakuti: INZYA, ncobeni kufumbwa muntu inga walijanina cibeela mucipangano eeci. Muulo wacipangano eeci ulakonzya kubbadelwa nokuba muntu uucetaalide buti kufumbwa kuti kacili muzumi buno buzuba.\\nMubuzyo- Nkaambo nzi ncetanamvwide makani aacipangano eeci?\\nA- The powers that be do not want you to chase after this asset. When more people discover and chase after this asset, they will have to contend with people who will not willingly submit to their rules and laws indiscriminately. People who will come to posses this asset will readily recognize that their first and foremost allegiance is to the one who provided this asset to them. This is why disseminating knowledge about this asset is their last priority. The rulers of this world would much prefer that the masses remain subservient to them.\\nBwiinguzi- Inguzu zyeendelezya buumi mazubaano taziyandide kuti yebo utandile buvwubi bwacipangano eeci pe. Kuti kwaba bantu banjaanji babbukizya buvwubi oobu, eezyo nguzu zyamfulumende inga zyajata maanka kulwana bantu banji boobo batayandi kweendelezyegwa atulawolawo twa mfulumende zyabulwani eezyo. Aabo bantu bajana buvwubi oobu balisalila kuti kuyandisya kwabo kutaanzi kweelede kutozya mukulemekezya Yooyo wakabapa buvwubi oobu. Ncenciceeci ncuuli mulimo wabuumi bwabo kuzyibya bantunyina mulumbe wabuvwubi oobu. Baleli banyika eeyi bayandisya buyo kuti bantu kabacizilaika kutobela milawo yacisi kakwiina kulyeendelela.\\nQ- Ndakomba nkooko ndaambile bwini eeci cintu ncoambaula. Ime ndiyanda kuzyiba zinjaanji zijatikizya ncico.\\nBwiinguzi- Swebo tulikkomene kapati kukwaambila kufumbwa ncotuzyi ciguminizya cintu cilaa mpindu yabuvwubi eeci ambokonzya kulijanina. Alimwi yebo inga walibonena kuti naba muntu mutuba akati kesu ulakonzya kucijana kwiinda baabo balaa milwi yamali. Eelyo webo wazyiba cintu eeci, ulatalika kulibonena kuti kubaa mali manji tacikonzyi kukugwasya pe.\\nMubuzyo- Lino wandisinsimuna mizeezo yangu ncobeni, njandisya kuti ndizyibe. Nkooko ndakomba ndaambile kace, ncintu nzi eeci cilaa mpindu yabuvwubi ncogantauka kwaamba kakwiina kuyubununa?\\nBwiinguzi- Katutana kwiingula akuyubuna cintu ciinda kubaa mpindu ncokonzya kuvwuba, atukusunke, koingula mubuzyo uutobela: Kuti yebo koli akataa lwaanje lwamaguwe mapati, mpoonya watalika kunywida meenda akubilaula meso koyaa kunyikila, kotajisi ciyaambyo, ninzi cinga cakubedaa mpindu aciindi eeco? Ninzi nconga wakkomanina kuti muntu akuwaalile: milwi yamakkobili aamali naa cintu cikonzya kukugwasya kuyaamba kuti utanyikili kunsaa meenda?\\nBwiinguzi- Kuti yebo koli muntu uukkwene, kozwide maanu woonse, mpoonya aawo inga wasala cintu cakuyaambya kutegwa utaunkili kunsaa mayuwe. Inga wabaa mpindu nzi kuti muntu wakuwaala masaka aalema kuzula makkobili aansiliva nokuba golide koyanda kubbila kunsaa meenda akunyikila? Tede aayo makkobili inga anyikila mumeenda kufwambaana kwiinda nduwe! Cintu cinga cakubedaa mpindu aciindi eeco ncintu cakuyaambya eeco ncokonzya kujatilila kutegwa utanyikili ayebo.\\nMubuzyo- Ino ziswaangene buti eezyo zintu nzyomwaamba; cintu cakuyaambya mumeenda acintu cilaa mpindu yabuvwubi bupati?\\nBwiinguzi- Ooyu wali mukonzyanyo buyo mukwesu. Tee wabona kayi, swebo tatuli akataa lwizi luvwuuma katunywida meenda, pele tuyaakunyikila muzyiba lyacinyonyoono. Nolilampa buti, bumwi buzuba toonse tuyoofwa muzinyonyoono zyesu. Kunyina uunga watija masimpe aaya. IBbaibbele lyaamba kuti “bulumbu bwa cinyonyoono ndufu.” (BaLoma 6:23) Swebo toonse tulisingidwe bweenya mbuli muntu uunywida meenda kaimpauka mulwaanje akubilaula meso kayaa kunyikila. Kuti nikwanyina muntu umwi uututambikizya “cintu cakuyaambya,” toonse inga twamanina kubbila kunsaa meenda muzyiba eelyo.\\nMubuzyo- Koinduluka alimwi kundaambila, ziswaangene buti eezi zyobile, cintu cilaa mpindu mpati yabuvwubi acintu cakuyaambya ncoosanganya mukaano?\\nBwiinguzi- Cibeela cabili mukampango ka BaLoma 6:23 caamba kuti “cipego ca Mwami Yahuwah mbuumi butamani kwiinda muli Yahushua Kristu Simalelo wesu.” Inzya, toonse tulisinganyidwe kuyoofwa, pele Taata Yahuwah wakatupa nzila yalufutuko, eeco nceciyaambyo cakuti tutanyikili akufwidilila kwiinda mu Mwanaakwe, Yahushua.\\nMubuzyo – Mbuti Yahushua mbwanga waba cintu cakuyaambya kumuntu? Ime nsyeemvwisisya mboziswaangene pe.\\nBwiinguzi- Ooyu mubuzyo mubotu wamaanu kubuzya. Tee wabona kayi mukwesu yebo, kufumbwa muntu wakapona atalaa nyika iipapalele eeyi wakabisya. Boonse bantu kakwiina kugwisyila naba omwe. Nobaba bashinshimi batonkomene bamu Bbaibbele abaapositolo, boonse bakacita cinyonyoono aciindi cimwi mumaumi aabo. Aboobo, abalo tabakonzyi kuba bantu banga batuvwuna kuti tutafwi nkaambo abalo basingidwe lufu mbweenya mbuli ndiswe toonse. Nokuba boobo, nkwali Omwe wanyama yabuntu Ooyo wakapona buumi katakwe cinyonyoono: Yahushua, Mwanaa Yahuwah. Ooyo alikke nguuyelela kuvwuna muntu woonse kuti atanyikili.\\nMubuzyo - Nkaambo nzi ncocili boobo?\\nBwiinguzi- Tee wabona, nkaambo Yahushua wakapona buumi butakwe kampenda, alimwi wakali muntu wanyama 100% alimwi wakalaa bulemu bwakujulu 100%, aboobo nkaambo kakuti twakalengwa kwiinda muli Nguwe (kobala Bakolose 1:16), Walo nguukonzya kulumbula kufumbwa muntu acipego cakumumwailwa zinyonyoono kwiinda mubuumi Bwakwe bwabulemu. Nkaambo buumi Bwakwe buleelene kupedwa zilengwa leza zyoonse akwiinda waawo. Aboobo, Walo ulayandisya kutupa bululami Bwakwe, eeco ncecipego Cakwe citakwe muulo [citakonzyi kuulwa nuuba mulwi wamali mupati buti]. Walo uliyandide kuti akupe cipego eeci. BaLoma 4:25 baamba kuti Yahushua “wakapenzyelwa milandu yesu, alimwi wakabusyilwa kululamikwa kwesu.” Aaya ngamakani mabotu kwiinda zyoonse kuli ndiswe tobabisyi. Masimpe kuti Taata Yahuwah wakabusya Mwanaakwe Yahushua kuzwa kulufu, eeco ncecitonzezya kuti Yahushua wakapona buumi butakwe cinyonyoono. Kuti Walo naakacita cinyonyoono, nokaceya buti, nokuba ciindi comwe buyo, Taata naatakamubusya kulufu pe, nkaambo “Yahuwah tasalauli muntu pe.” (Milimo 10:34). Kuti naali muntu uusalauzya bantu, Walo naakalanga kumbali akulekelela Adamu kutegwa Mwanaakwe atakalisamiki ciwa cabuntu akutundululwa cakusampaulwa aciciingano. Pele kunyina pe Taata mbwaakali kunga wamwaya cinyonyoono cokwa Adamu; inzila yalufutuko azintu zijatikizya njiyo, yakeelede kuba njiimwaya cinyonyoono eeco. Mpoonya kuzwidilila nzila yalufutuko eeyo nkokuyandisya kwa Yahushua kuti atwaabile bululami Bwakwe.\\nMubuzyo- Caamba nzi kuti Yahushua ulayandisya kutwaabila bululami Bwakwe? Ndakomba ndipandulwide cintu eeci.\\nBwiinguzi- Caamba kuti eelyo notwiimvwi kunembo lya cuuno ca Lubeta cokwa Taata, tunooli mbuli muntu watakacitide cinyonyoono nkaambo bululami bwa Mwanaakwe bulatuvwumbilila. Tacili cintu cikonzyeka munyama yabuntu kuteelelesya cipego cilaa mpindu mpati boobu ncotusombedwe.\\nMubuzyo- Ino cibeleka munzila iili buti cipego eeci? Ninzi ncenga ndacita kutegwa cikobela Cakwe ca bululami cindivwumbe kutegwa ndilulame kunembo lya Taata?\\nBwiinguzi- Webo kunyina pe ncokonzya kucita kuti utambule cikobela Cakwe ca bululami. Kunyina cintu ncoyelede kucita pele buyo kwiimikila kumbele lya Mufutuli Yahushua, akumulomba Walo kuti akusamike cikobela Cakwe cabululami. Kunyina cimbi ncolangilwa kucita pe. Milimo yako tiikonzyi kukujanya cikobela cabululami eeci pe. Tacuulwi mali pe, ncakwaabilwa buyo. Nokuba milimo yesu yabululami, ili mbuli “magamba aanunka nsu” kunembo lya Taata Yahuwah. ( Kobala Izaya 64:6.) Kunyina ncotukonzya kucita eeco cinga catugwasya kwiimikila munguzu zyesu kunembo lya Taata pe.\\nMubuzyo- Ime candikatazya ncobeni kusyoma kuti kunyina ncenga ndacita kuti ndivwole bululami bwa Yahushua munguzu zyangu ndemwini. Nditondezye naa kuli mpolyaamba boobo Bbaibbele?\\nBwiinguzi- Inzya, nkobuli ncobeni bwiinguzi. Tatwaambi buyo masendekezya pe. Zyoonse nzyotwiisya ziyeeme mu Jwi Lyakwe lisetekene. Muli Zekaliya caandaano 3, tupedwe nzila yakutambula bululami bwa Yahushua, ancotweelede kucita kuti tutambule bululami oobo. Mucaandaano eeci “Joshua mupaizi mupati” wiiminina mubisyi uuli woonse. Walo uliimvwi kunembo lya Yahushua “kasamide zikobela zilaa tombe.” (Kampango 3). Saatani uliimvwi kululyo lwakwe, kabwentauka kuti nkaambo nzi Joshua ncayimvwi kunembo lya Yahushua kasamide zikobela zilaa tombe. Mumajwi amwi, ooku nkokwaamba kuti Saatani ulabwenta kumwi kataminina kuti Joshua uli kulubazu lwakwe nkaambo usamide zikobela zilaa tombe, aboobo teeleli kwiimikila kunembo lyokwa Yahushua. Nkokuti walo weelede kutantamuka kuzwa munsaa Yahushua, akuzumanana kuba muzike uubelekela Saatani.\\nMubuzyo – Ninzi Yahushua ncacita naswiilizya Saatani nkwabentauka muli Zekaliya 3?\\nBwiinguzi- Yahushua, Ooyo wakatuumbulizya naakacili anyika acisyomyo cakuti “kufumbwa uuboola kuli Ndime, Ime nsyekamutandili anze pe” (Johane 6:37), ucengulukila kuli Saatani akumukalalila ziindi zyobile muzina lya Taata (kampango 2). Yahushua waambila Saatani kuti “Joshua” wakayokololwa kuzwa mumulilo, aboobo lino “Nguwangu”, nkabela webo tocikwe nguzu nozyiba buti ali nguwe pe, nkaambo Joshua wakaboola kuzoovwunwa kuli ndime, alimwi wakaboola kasamide zikobela zilaa tombe. Mpoonya Yahushua ucita cintu citalangilwi kucitika: Walo ulailila bangele Bakwe (kampango 5) kuti basamunune “Joshua” zikobela zyakwe zilaa tombe akumusamika zikobela zipya ( bululami bwa Yahushua). Nokuba kusamununa zikobela zinunka tombe, tiikwakacitwa a “Joshua” mwini pe, pele bangele mbibaacita mulimo ooyo. Mumajwi amwi, ooku nkwaamba kuti bangele baalengelwa kutugwasya munguzu zyabulemu bwakujulu kugwisya ziyanza zyesu zibyaabi azinyonyoono zyesu. Alitembaulwe Zina Lyakwe. Kunyina pe Joshua ncaakalaililwa kucita kutegwa 'ayelele' kutambula zikobela zyabululami. Cilikke Joshua ncaakacita cakali buyo kuzumizya bangele akutabasinkila mulimo wabo kuti bamusamunune zikobela zyakwe zinunka tombe. Hena yebo walyaaba zikobela zyako zyoonse zilaa tombe ku bangele bokwa Yahushua, kutegwa yebo usamikwe bululami Bwakwe?\\nMubuzyo- Ninzi caamucitikila Joshua (wiiminina mubisyi uuli woonse muli Zekaliya 3) naakamanizya kusamikwa zikobela zipya zitakwe kampenda kacibi mucibaka ca zikobela zyakwe zinunka tombe?\\nBwiinguzi- Yahushua wakaambilizya kucenjezya cakusinizya kuli Joshua, Walo wakaambilizya kucenjezya ooku muzina lya Taata. Mumajwi amwi, ooku nkusinizya masimpe aagolela kusinizya. Walo wakacenjezya Joshua kuti: “Ikuti Webo weende munzila Zyangu, Mboobu mbwaamba Mwami Yahuwah Singuzuzyoonse ulati, “Kuti naa kotobela nzila zyangu akucita nzendikwaambila, uyookonzya kweendelezya ŋanda Yangu akubamba mabuwa aaŋanda yangu, ambebo nenjookukkazika akati kabaaba baimvwi waawa.” (Kampango 7) Nceeci ncokwiiminina kucenjezya kwa Yahushua: Joshua wakacenjezyegwa, nkaambo lino wakasamide bululami bwa Yahushua:, aboobo lino wakeelede kweendelela munzila Zyakwe. Mumajwi amwi, Yahushua wakali kwaamba kuti, “Ime ndakugwisya zinyonyoono zyako zyoonse nzyookacitide, alimwi ndakusamika bululami Bwangu, oobo mbweekabbadela bulowa Bwangu bwini, nkabela webo weelede kukonkezya kuli Taata Wangu kuti unikweendela munzila Zyangu.” Ooyu ngomulazyo wakusama bululami Bwakwe. Mbweenya buyo, aabo bangele bakamusamununa zikobela zyakwe zinunka tombe akuziwaalila mumaanza ookwa Saatani wakayimvwi munsi lyakwe, baliimvwi munsimunsi kuti basamunune Joshua zikobela zyabululami mbeenya mbubakamusamununa cikobela cakwe cinunka tombe, kufumbwa kuti taayendela mumulawo. Nkaambo bululami bwa Yahushua tabweelede kusiyasiya tombe akubaa kabata kacinyonyoono nokuba komwe. Alimwi (Yahuwah tazumizyi) kuti Joshua naakeelede kusamununwa zikobela zyabululami nkaambo kakuteendela munzila zyokwa Yahushua, Saatani wakaliimvwi munsimunsi kalindizya kuti asamike Joshua zikobela zyatombe.\\nMubuzyo- Nkabela kuti Ime ndaalilwa kweendela munzila yokwa Yahushua eelyo nesamide zikobela zya bululami bwa Yahushua, hena inga Mebo ndasamikwa zikobela zyabululami zyokwa Yahushua ciindi cabili na?\\nBwiinguzi- Inzya ulakonzya, pele kuli cintu comwe buyo. Musinzo wakusweekelwa akutambula zikobela zitakwe kampenda zyokwa Yahushua utola ciindi cikubwene, nkaambo Taata ulaa luzyalo alimwi ulatweengelela. Walo ulizyi kuti tuli bulongo butakwe nguzu. Kufumbwa ciindi notusweekelwa cikobela Cakwe cabululami cituvwumbilila, cilakatazya kuzumanana kululama, nkaambo twaalilwa kuzunda cinyonyoono. Alimwi kufumbwa notusweekelwa bululami bwa Yahushua, Saatani ulatuca mukakole, akutusobelela lyoonse kufumbwa notutakwe nguzu akutuunsyila mu tombe. Kuyungizya waawo, kuyoosika ciindi cimwi ncotutabwene swebo, eelyo buumi bwesu nobuyookoswedwa makani woonse akuzekelwa munkuta ya Kujulu. Tatuzyi pe eelyo buumi bwesu nobuyoozekelwa lubeta. Oobo buzuba tabuzyibidwe pe. Kuti mulandu wesu wasika mulubeta, mpoonya babetesi ba Kujulu batujana tusamikidwe cikobela cabululami Bwakwe, babetesi tabakatupi mulandu pe, mpoonya Taata uyokwaanda buumi bwamuntu ooyo kuti takwe mulandu kukabe kutamani. Nkaambo kakuti tatuzyi notuyoozekelwa akubetekwa, inga kwaba kufubaala kusobanina cinyonyoono akulelemya bululami bwa Yahushua kuti “tulikkomanisye muzinyonyoono kwakaindi kasyoonto.” (Langa BaHebulayo 11:25.) Pele cintu cabusongo buno buzuba nkukaka cibi “abulowa bwini akulwana cinyonyoono”, mbwaakatukulwaizya Paulu mu BaHebulayo 12:4.\\nTutambula ncobeni cintu cini ciinda kubaa mpindu yabuvwubi mumisela yoonse, eelyo notucincanya zikobela zyesu zilaa kaundundu katombe akusama bululami bwa Mufutuli Yahushua butakwe kampenda. Mizeezo yesu iitakwe nguzu tiikonzyi kuteelelesya mbocicitika cintu eeci, nokuba mbotutambula cintu eeci kakwiina muulo. Ulikke muulo ngotweelede kubbadela ngwa kuyandisya buyo kuti tulyaabe zikobela zyesu zilaa tombe. Alitembaulwe Zina Lyakwe nkaambo ka luyando Lwakwe lutapanduluki.\\nCibeela 2: Kutobezya Mumukondo Wakwe\\nLino mbotwasala kuti tweendele munzila Zyakwe mbuli mbwaakalailila Yahushua, katutaangunide kusamikwa bululami Bwakwe, swebo tuyandika kumvwisisya kuti ninzila Zyakwe zili buti oomo motweelede kweendela, kutegwa tukatambule buumi butamani. Malailile ookwa Yahushua kuti tweendele munzila Zyakwe, akatobelwa acisyomyo cakuti, Walo uyootupa “masena mwakweendela akataa baaba baimvwi munsimunsi.” Kampango 7. Mumajwi amwi, Walo wakasyomya kutukkazyika akataa bangele kukabe kutamani. Ma! Kubota cisyomyo eeci, kufumbwa kuti twazumanana kusama cikobela Cakwe cabululami citakwe kabata.\\nMubuzyo- Ninzila nzi Zyakwe? Ime njanda kuzyiba nzila Zyakwe kutegwa nditaleyi kuzwa munzila eezyo.\\nBwiinguzi- Cintu citaanzi ncoyelede kwiibaluka ncakuti, eelyo webo noyandisya kuzyiba Nzila Zyakwe, webo weelede kubikka Nguwe kuti abe mweendelezi wako alikke luzutu. Kunyina busena bwamuntu umwi wiingana akataa nduwe a Nguwe. Walo uyookuyubunwida Nzila Zyakwe eelyo nozumanana kutobela Nguwe kuleka kutobela muntu.\\nMubuzyo- Mbuti mbwenga ndatalika kutobela Nguwe munzila iigaminina ngubauba? Ime njanda kutondezya kusyomeka kwangu ku Jwi Lyakwe, akulumba kwangu nkaambo kacipego camisela cilaa mpindu yiinda buvwubi. Ime njanda kutondezya Nguwe kuti ndamuyanda alimwi njanda kutobela Nguwe, kunyina kaambo naa ndasweekelwa cili buti. Tee kayi, walo wakandisamika bululami Bwakwe akundigwisya zikobela zyangu zinunka tombe. Aboobo, Ime njanda kutondezya Nguwe munzila iisalala kuti Ime ndamuyanda kwiinda buumi bwangu.\\nBwiinguzi- Ooyu mubuzyo mubotu loko alimwi njenzila ntaanzi yakutalika kweendela munzila Zyakwe. Taata wesu wa Kujulu ngu Eloah uulaa bufwi, alimwi Walo uyandisya moyo amuya wako woonse 100%, nkaambo Walo wakaaba zyoonse zyakali kumoyo wakwe kuti akwaabile cipego cidula kwiinda buvwubi. Aboobo Walo ulangila nduwe kuti ukoswede limwi kufumbwa cikuswaanganya asinkondonyina Wakwe, Saatani, kutegwa Walo akakusanganyile limwi mumukwasyi Wakwe, akweendelezya matende aako kusikila Walo akakusisye mu Bulelo Bwakwe bwa Kujulu. Nceeci ncakwaambila mu Jwi Lyakwe kuti ucite: “ “Mutavwelaani abakunze. Ino bululami inga bwaswaangana buti abubi? Naa mumuni ulavwelana buti amudima? Sena Kristu a Saatani balakonzya kuzuminana? Ino musyomi ujisi lubazu nzi ayooyo uutasyomi? Ncizuminano nzi ŋanda ya Mwami Yahuwah nciijisi abaleza bapange? Nkaambo swebo tuli ŋanda ya Yahuwah muumi, mbuli Yahuwah mbwaamba kuti, “Ndizyooba mubantu bangu akukkala akati kabo, nzyooba Leza wabo, abalo bazyooba bantu bangu. Aboobo amuzwe muli bakunze, amube nyolikke”, mbwaamba Mwami Yahuwah. “Mutagumi cintu citondwa, nenzoomutambula. Nkabela nzooba Uso, eelyo anywebo muzooba bana bangu balombe abasimbi, mbwaamba Mwami Yahuwah Singuzuzyoonse (2 Bakolinto 6:14-18) Swebo tupedwe malailile aakusiila limwi zikombelo zyoonse abupaizi bwamazubaano, nkaambo zyakaba matempele aamusinze wakukomba Beliya. Bubotu bwamalaile aaya mbwakuti eelyo notwaatobela, Walo ulabinda kututambula akubamba kuti tube bana Bakwe basankwa abasimbi. Hena kucili acimwi cintu ncozyi ciinda kubaa bulemu kwiinda kuba mwana musankwa nokuba musimbi ookwa Taata Yahuwah, mpoonya aciindi nceenya kosamikidwe bululami bwa Yahushua?\\nMubuzyo- Mbubuti mbwenga ndazyiba kuti aaya malailile ookwa Yahuwah aapedwe atala aambilizya cikombelo nkwezulilwa?\\nBwiinguzi- Ncuubauba kapati kwiingula mubuzyo ooyu. Swebo tusyoma canguzu kuti malailile ookwa Yahuwah aakuti “kamuzwa muli nguwe nobantu bangu” aagumizya zikombelo zyoonse kakwiina kwiinda ambali nociba comwe pe. Twaambila boobu nkaambo zikombelo zyoonse zilikamantene kusulaika kkalenda lya Yahuwah libelesya mwezi azuba alimwi zilikamantene kutobela kkalenda lina Gregory, eelyo ndekkalenda lyamfulumende ya Cikombelo ca Katolika caku Loma. Aboobo, mukkalenda eelyo yebo kunyina pe nokonzya kulyookezya akukomba mu Nsabata yabuzuba bwa ciloba pe. Kubamba Nsabata iiluleme njenzila imwi yakutondezya luyando lwesu kuli Nguwe. Mbubuti mbotunga twalangila kweenda munzila Zyakwe kuti twadukwida masyule eesu ku Buzuba bwa Nsabata Yakwe Iisetekene, eeyo iitakonzyi kujanwa mu kkalenda lyaku Loma?\\nMubuzyo- Nkaambo nzi Ime ncetakonzyi kwiijana Nsabata yamasimpe mukkalenda lina Gregory eelyo ndyotubelesya mucikombelo cokwesu?\\nBwiinguzi: Eelyo Taata a Mwana nibakalenga nyika, bakapa zuba amwezi antoomwe kuti zibe zitondezyo zya mazuba Aakwe aakujulu aasetekene. Matalikilo 1:14 aamba kuti, “Mpoonya Elohimu wakati, Akube mimuni mumweenya wakujulu kuti yaandaanye buzuba kuzwa kubusiku; alimwi ibe zitondezyo, zya ziindi zyamwaka, amazuba, amyaka.”\\nIbbala lyakuti “ziindi zyamwaka” lizyila kubbala lya mo'ed. Eeli ndibbala lijanwa mu Bbaibbele liiminina mbungano zyabantu bokwa Yahuwah babungene kupaila. Aboobo, kumalengelo, Taata a Mwana antoomwe bakasala ziindi zyakukomba eezyo zyakeelede kutondezyegwa azuba amwezi. Izuba litutondezya buzuba mpobutalikila ampobugolela, kakuli mwezi utondezya buzuba bwa mwezi ooyo nokweelede kukombwa. Tulabala makani aaya mu Ntembauzyo 104:19: “Walo wakapa mwezi mulimo wakutondezya ziindi zyamwaka.” Alimwi, ndeenya bbala libelesyedwe aawa kwaambilizya ziindi zyamwaka muci Hebulayo, ndya mo'ed. Imwezi wakapegwa mulimo a Taata Yahuwah wakutondezya mazuba aakukomba. Aboobo, kufumbwa kkalenda litasimpidwe mubweende bwa mwezi, mbuli lina Gregory, talikonzyi kubeleka kujana Nsabata iisetekene yokwa Yahuwah amapobwe aamwaka. Tee ono wabona kayi cikombelo cokwenu mbocaadukula syule kusulaika kkalenda lya Mwami Yahuwah akubikka mucibaka calyo kkalenda lya Cikombelo ca Katolika caku Loma?\\nSwebo tulakonzya kubandauka zinjaanji zilubide kusyomwa muzikombelo eezyo nzyoyelede “kuzwida akati kabo” pele tuuli mulimo wacibalo eeci. Mulimo wacibalo eeci ngwakukutondezya kaambo kaubauba kuti ulibonene omwini kuti cikombelo cokwenu, mbweenya mbuli zikombelo zyabuna Kristu zyakawa zyoonse, zyakapangana cilongwe asinkondonyina wa Mwami Yahuwah eelyo nizyakasala kupaila akutobela kkalenda lina Gregory.\\nHena yebo wasala kwiimikila kunembo lyokwa Yahushua akumuzumizya kuti Walo alailile bangele bakwe kukusamununa zikobela zyako zinunka tombe akukusamika cikobela citakwe kabata cabululami bwakwe Yahushua? Hena yebo wasala kutobela Nguwe kusikila kumamanino kwini koyendela munzila Zyakwe? Hena yebo uyoosala “kuzwa mucikombelo cokwenu ciwide” kutegwa wiitwe kuba mwana musankwa nokuba musimbi ookwa Taata Yahuwah? Hena yebo wasala buno buzuba kutalika kusanyangula mangwalo cakutontomeka kuti kuzyibe Nsabata Yakwe yamasimpe, eeyo yeelede kubambwa akuba musunko wamamanino kubantu boonse? Kuti kakuli kusala kwako kutobela Nguwe munzila yoonse akweendela buyo munzila Zyakwe, akujatilila mucipego Cakwe camisela, kotacebauki kucenka zikobela zyako zilaa tombe, nkokuti twakulombesya kuti uzumanane kuvwuntauzya kasimpe Kakwe. Aboobo twakutamba kuti ukatuswaye ku: www.worldslastchance.com.","num_words":2631,"character_repetition_ratio":0.057,"word_repetition_ratio":0.0,"special_characters_ratio":0.154,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Lemeka Buumi Abulowa Mbuli Mbwachita Leza (Incito 15:20) | Luyando LwaLeza\\n‘Amukkale Kamuli Muluyando lwaLeza’\\nBALA MU Acholi Afrikaans Albanian Altai American Sign Language Amharic Arabic Argentinean Sign Language Armenian Assamese Australian Sign Language Azerbaijani Azerbaijani (Cyrillic) Baoule Bashkir Bassa (Cameroon) Batak (Toba) Bengali Bicol Bislama Bissau Guinean Creole Boulou Brazilian Sign Language British Sign Language Bulgarian Cakchiquel (Central) Cambodian Catalan Cebuano Chavacano Chichewa Chilean Sign Language Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chuabo Chuvash Cibemba Cinyanja Colombian Sign Language Croatian Czech Dangme Danish Douala Drehu Dutch Ecuadorian Sign Language Efik English Estonian Ewe Faroese Fijian Finnish Finnish Sign Language Ga Garifuna Georgian German Greek Greenlandic Guarani Gujarati Guna Haitian Creole Hausa Hebrew Hiligaynon Hindi Hmong (White) Hungarian Iban Ibanag Icelandic Igbo Iloko Indonesian Japanese Japanese Sign Language Jula Kabiye Kachin Kannada Kazakh Kekchi Kikuyu Kiluba Kimbundu Kinyarwanda Kirghiz Kiribati Kirundi Kisi Kongo Korean Korean Sign Language Kosraean Krio Kurdish Kurmanji (Caucasus) Kurdish Kurmanji (Cyrillic) Kwangali Kwanyama Laotian Lhukonzo Lithuanian Lomwe Low German Luganda Luo Macedonian Macua Malagasy Malay Malayalam Mam Mambwe-Lungu Mapudungun Marathi Mauritian Creole Mazatec (Huautla) Mbunda Mexican Sign Language Mixe Mizo Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndau Ndebele Ndebele (Zimbabwe) Ndonga Ngabere Ngangela Niuean Norwegian Nyaneka Nyungwe Nzema Oromo Ossetian Otomi (Mezquital Valley) Palauan Pangasinan Papiamento (Curaçao) Persian Peruvian Sign Language Polish Polish Sign Language Ponapean Poqomchi' Portuguese (Portugal) Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Quiche Rarotongan Romanian Rotuman Runyankore Russian Russian Sign Language Rutoro Samoan Sango Sena Sepedi Serbian Serbian (Roman) Sesotho (Lesotho) Setswana Seychelles Creole Shona Sinhala Slovak Slovenian Solomon Islands Pidgin Spanish Spanish Sign Language Sranantongo Swahili Swati Swedish Tahitian Tajiki Tamil Tankarana Tarascan Tatar Tetun Dili Thai Tigrinya Tiv Tlapanec Tojolabal Totonac Tshwa Tsonga Turkish Turkmen Tuvaluan Twi Tzeltal Tzotzil Uighur (Cyrillic) Ukrainian Umbundu Urdu Urhobo Uzbek Venda Venezuelan Sign Language Vezo Wallisian Wayuunaiki Welsh Wolaita Xhosa Yoruba Zande Zapotec (Isthmus) Zapotec (Lachiguiri) Zulu\\nUlabulemeka Na Buumi Mbuli Mbwachita Leza?\\n1, 2. Nchiichili chipo chiyandikana loko chakazwa kuli Leza alimwi nkamboonzi nochiyandikana?\\nMBULI zilenge zikonzya kutobelezya bube bwakwe, Ndeende wesu wakujulu wakatupa chipo chiyandikana loko chabuumi. (Matalikilo 1:27) Tulachilumba loko chipo eechi nkaambo chipa kuti tukonzye kuyeeyesesya atalaa malayilile aazwa muBbayibbele. Kwiinda mukwabelesya tulakonzya kusima kuzintu zyabukombi, tube bantu bayanda Jehova “abali amiyeeyo iyakaiisigwa kusala cibotu ecibi.”—BaHebrayo 5:14.\\n2 Kuyeeyesesya atalaa malayilile aazwa muBbayibbele kulayandikana mazubaano nkaambo nyika yiindilila kubija alimwi tachikwe mulawu ukonzya kubelesegwa muzintu zichitika mubuumi. Luzibo lwabusilisi lutondeezya kuti makani aaya ngamasimpe, kapati atalaa misamu yabusilisi anzila zyakusilikwa kakubelesegwa bulowa. Aaya makani alayandikana kuli baabo bayanda kuswiilila Jehova. Nikuba boobo, kuti twaamvwisisisya malayilile aazwa muBbayibbele, tuyoosala munzila ipa kuti tukkutisikane alimwi tuyookkala katuli muluyando lwaLeza. (Tusimpi 2:6-11) Atulange-lange amwi malayilile ngitukonzya kubelesya.\\nBUUMI ABULOWA ZILASALALA\\n3, 4. Ino ndiilili aawo kusalala kwabulowa nikwakatalika kwaambuulwa muMagwalo, alimwi ngaali malayilile aakonzya kutugwasya mumakani aaya?\\n3 Jehova wakayubununa kweendelana kuliwo aakati kakusalala kwabuumi abulowa, chiindi Kaini naakajaya Abelo. Leza wakaambila Kaini kuti: “Ma! Ijwi lyabulowa bwamwanike wako lilandikwiilila kuzwa muvu.” (Matalikilo 4:10) Mumeso aaJehova, bulowa bwaAbelo bwakali kwiiminina buumi bwakwe, bwakafwiinsigwa chalunya. Nkinkaako, bulowa bwaAbelo bwakali kukwiilila Leza kuti abweedezye.—BaHebrayo 12:24.\\n4 Musulaa Zambangulwe lyachiindi chaNowa, Leza wakazumizya bantu kuti balye nyama kutali bulowa pe. Leza wakati: “Tamweelede kulya nyama antoomwe abuumi bwayo, nkokuti bulowa bwayo. Ncobeni bulowa bwanu, bulowa bwabuumi bwanu, njobuyandaula.” (Matalikilo 9:4, 5) Ambulisunu, mulawu ooyu tuchiwutobela nkaambo tuli bazukulu baNowa. Mulawu ooyu utondeezya kuti majwi aaJehova ngakaambila Kaini ngachoonzyo aakuti, buumi bwazilenge zyoonse bwiimininwaa bulowa. Mulawu ooyu utondeezya kuti Jehova, Kasensa kabuumi, uyoobeteka bantu boonse batalemeki buumi abulowa.—Intembauzyo 36:9.\\n5, 6. Mulawu waMusa wakatondeezya biyeni kuti bulowa bulasalala akuti bulayandikana? (Langa kabbokesi “ Lemeka Buumi Bwabanyama.”)\\n5 Twaambo ootu tubili twamasimpe, twakatondeezegwa muMulawu waMusa. Lugwalo lwa Levitiko 17:10, 11 lwaamba kuti: “Kufumbwa muntu . . . uulya bulowa, njoomulwisya oyo muntu uulya bulowa, njoomutanda muciinga cakwe. Nkaambo mubulowa mobubede buumi bwanyama, alimwi mbombubo mbondimupede acipaililo kuti bumanye milandu yanu, nkaambo bulowa mbobumanya milandu nkaambo kabuumi.” *—Langa kabbokesi katii, “ Manguzu Aabulowa Aakumaninsya Mulandu.”\\nMANGUZU AABULOWA AAKUMANINSYA MULANDU\\nMujwi lyaLeza, bulowa buleelene abuumi. Muchii­ndi chamaIsrayeli, mubusena bwakuti muntu abetekwe akaambo kakutyola milawu yaJehova, sikubisya wakeelede kutuula chipayizyo chamunyama kuchipayililo chaLeza. (Levitiko 4:27-31) Chituuzyo eechi, chakalikukonzya kuvumba zibi zyakwe pesi kwachiindi chifwiifwi.\\nMbuli mbulibelesedwe muBbayibbele bbala lyakuti “kumanya” lipa muzeezo “wakuvumba” mbuli chivunikisyo mbochivunika mpucheelela. Nikuba boobo, taakwe munyama wakali kukonzya “kuvumba” naa kumana zibi zyabantu munzila iimaninide. Zituuzyo zyabanyama zyakali kuchitwa zyakali kwiiminina chituuzyo chimaninide chakali kuyoopegwa.—BaHebrayo 10:1, 4.\\nChituuzyo eechi chakapegwa “nkaambo Jesu Kristo wakatuula mubili wakwe lweendo lomwe luzutu.” (BaHebrayo 10:10) Buumi bwaJesu bumaninide bwiimininwa “abulowa buyandisi mbuli bwamwana mbelele uutajisi akampenda nanka kabala,” bwakaleelene abuumi bwakasowegwaa Adamu. (1 Petro 1:19) Nkinkaako, munzila eeyi iibotezya ayaluyando, bululami bwakatondeezegwa alimwi twakajana “lununuko lutamani.”—BaHebrayo ­9:11, 12; Johane 3:16; Ciyubunuzyo 7:14.\\n6 Ikuti bulowa bwamunyama wajeegwa teebwabelesegwa kukutuula kuchipayililo, bwakeelede kutilwaansi. Nkinkaako, munzila yakukozyanisya, buumi bunooli bwabweedezegwa kuli Munaabo. (Deuteronomo 12:16; Ezekiele 18:4) Nikuba boobo, maIsrayeli taakeelede kwiindilila mukweezya kugwisya bulowa munyama njibakali kuyanda kulya. Ikuti munyama wajayigwa akugwisigwa bulowa munzila yeelede, muIsrayeli wakali kukonzya kulya nyama yawo kaangunukide mbukunga unooli watondeezya kulemeka Sikupa Buumi.\\n7. Davida wakatondeezya biyeni kuti ulakulemeka kusalala kwabulowa?\\n7 Davida, “mwaalumi wakumoyo [waLeza]” waakamvwisisisya malayilile akali kusololela munkani yabulowa. (Incito 13:22) Chimwi chiindi naakalanyota, baalumi batatu mbaakali kwendaabo bakanjila changuzu muli umwi muunzi wabasinkondonyina alimwi bakakumutekela maanzi kuzwa kuchikala. Davida wakachita biyeni? Wakabuzya kuti, “Sa ndakonzya kunywa bulowa bwabantu aba ibakeenda cakutayoowa kufwa?” Davida wakabona maanzi aaya mbuli bulowa bwabaalumi aabo. Nkinkaako, nikuba kuti wakalaanyota, “wakaatila ansi buyo kuli Jehova.”—2 Samuele 23:15-17.\\n8, 9. Maboneno aaLeza atalaa buumi abulowa akachincha na chiindi nikwakatalika mbungano yachiKristu? Pandulula.\\n8 Nikwakiinda myaaka iili 2 400 Nowa kaali wapegwa mulawu, alimwi kakuli kwiinda myaaka iili 1 500 kakuli kwapangwa chizuminano chaMulawu, Jehova wakasololela kabunga keendelezya kamaKristu aakusaanguna kulemba kuti: “Kwakabotela Muuya Uusalala, aswebo, kuti tutamubikili mukuli mulemu uuinda ezi izyeelede, zyakuti mulikasye kulya izipailwa mizimo akubulowa, akulizisinwa, akumamambi.”—Incito 15:28, 29.\\n9 Chilaantanganana kuti kabunga keendelezya kachiindi, kakamvwisisisya kuti bulowa bulasalala akuti kutabubelesya kabotu kuli mbuli kukomba mituni naa kuchita bumambi. Mazubaano, maKristu aachoonzyo alawuzumina mulawu ooyu. Akaambo kakuti abelesya malayilile aazwa muBbayibbele chiindi naasala kujatikizya kubelesegwa kwabulowa, alamubotezya kaka Jehova.\\nKUBELESEGWA KWABULOWA MUBUSILISI\\nKujana ndamupandulwida biyeni musilisi kujatikizya mbondisala kumakani akubikkwa tupaanzi twabulowa?\\n10, 11. (a) Bakamboni baJehova bakubona biyeni kubikkwa bulowa naa chimwi chazipaanzi zyone zyabulowa? (b) Nziizili zyiimo aawo maKristu mpakonzya kubaa maboneno aasiyene?\\n10 Bakamboni baJehova balamvwisisisya kuti “ikulikasya . . . kubulolwa” kwaamba kutazumina kubikkwa bulowa, kugwisya bulowa kuti bukabelesegwe abamwi bantu naa kubamba bulowa bwabo kuti bukabelesegwe muchiindi chiza. Akaambo kakulemeka milawu yaLeza, tabazumini pe kubikkwa zipaanzi zyabulowa zili mbuli maseelo aasalala (red cells), maseelo aatuba (white cells), plasma ama platelets.\\n11 Mazubaano, zipaanzi eezi zyabulowa zilaanzanisigwa mukuba tupaanzi tuniini tukonzya kubelesegwa munzila zisiyene-siyene. Ino muKristu weelede kuzumina na kubikkwa tupaanzi ootu? Uyootubona mbuli “bulowa” na? Muntu umwi awumwi weelede kulisalila kumakani aaya. Alubo, malayilile aaya alabeleka muli zimwi nzila zyabusilisi kakubelesegwa bulowa bwamuntu uusilikwa, kutali kubelesya bulowa bwakwe bubambidwe kale. Nzila eezi ziswaanizya hemodialysis, hemodilution, a cell salvage.—Langa Makani Aakuyungizya “Tupaanzi Twabulowa Anzila Zyakwaandulwa.”\\n12. Tweelede kwabona biyeni makani aamanjezeezya?\\n12 Ino Jehova takwe ndaba na akusala kwamuntu umwi awumwi? Ulaandaba, nkaambo ulazibikkila maanu nzituyeeya anzituyandisya mumoyo. (Bala Tusimpi 17:3; 24:12.) Nkinkaako, musulaa kukomba katuyanduula busolozi bwanzila yabusilisi njituyanda, tweelede kuswiilila nzitubuzigwaa manjezeezya eesu aayiisidwe aaBbayibbele. (BaRoma 14:2, 22, 23) Nikuba boobo, bamwi tabeelede kutusinikizya kuchita nzibazumizigwaa manjezeezya aabo alimwi tatweelede kubabuzya kuti, “Niinzi nzuwali kuyoochita nikuli nduwe uuli muchiimo changu?” Muzyiimo zili boobu, muKristu weelede “kunyampula mukuli wakwe.” *—BaGalatiya 6:5; BaRoma 14:12; Langa kabbokesi katii, “ Ndibona Bulowa Mbuli Chintu Chisalala Na?”\\nNDIBONA BULOWA MBULI CHINTU CHISALALA NA?\\nNjiisyo: ‘Amulikasye . . . kubulowa.’—Incito 15:20.\\nImwi mibuzyo njuweelede kulibuzya\\nKujana ndakupandulula biyeni kusiyana kuliko aakati kazipaanzi zyone zyabulowa atupaanzi tuniini twabulowa? *\\nNkamboonzi nondeelede kulisalila kuzumina ­naa kukaka kubikkwa tupaanzi tuniini twabulowa ­naa kubelesya zimwi nzila zyabusilisi kakubelesegwa bulowa bwangu?—BaRoma 12:2; ­BaGalatiya 6:5.\\nKujana ndamupandulwida biyeni musilisi wangu kaambo kandipa kuzumina naa kukaka kubikkwa tupaanzi tuniini twabulowa?—Tusimpi 13:16.\\nMILAWU YAJEHOVA ITONDEEZYA KUTI NGUNDEENDE ULAALUYANDO\\n13. Milawu amalayilile aaJehova zitondeezya kuti muntu ulibiyeni? Kozyanisya.\\n13 Milawu azyeelelo zijanika muBbayibbele zitondeezya kuti Jehova nguSikupa Milawu alimwi nguNdeende ulaaluyando alubo ulaandaba abuumi bwabana bakwe. (Intembauzyo 19:7-11) Nikuba kuti mulawu ‘wakulikasya . . . kubulowa’ teewakapegwa mbuli busolozi bwabusilisi pesi ulakonzya kutugwasya munkani yakubikkwa bulowa. (Incito 15:20) Aboobo, mazubaano basilisi biingi babona kusilika kabatabelesyi bulowa mbuli “nziila iyinda zyoonse.” KumaKristu aachoonzyo, nzila eezi zyabusilisi zitondeezya busongo bwaJehova buteeli aluyando lwakwe.—Bala Isaya 55:9; Johane 14:21, 23.\\n14, 15. (a) Njiili milawu yakali kutondeezya kuti Leza ulabayanda bantu bakwe? (b) Kujana waabelesya biyeni malayilile aakulikwabilila mumapenzi?\\n14 Kubaandaba abuumi bwabantu bakwe kwakatondeezegwa mumilawu njakapa maIsrayeli aachiindi. Muchikozyano, wakalayilila kuti maanda aamaIsrayeli abikkwe chitabililo aakaluli kuti balikwabilile kumapenzi aakonzya kuchitika, nkaambo aatululi ootu kwakali kuchitilwa milimu myiingi. (Deuteronomo 22:8; 1 Samuele 9:25, 26; Nehemiya 8:16; Incito 10:9) Alubo, Leza wakabalayilila kuti balanganye basune bayasa. (Kulonga 21:28, 29) Kutatobelezya zyeelelo eezi kwakali kutondeezya kutalemeka buumi bwabamwi alimwi zyakali kukonzya kupa kuti muntu abaa mulandu wabulowa.\\n15 Kujana waabelesya biyeni malayilile aabeleka mumilawu eeyi? Yeeya atalaa moota yako, nzila njoyiyenzyaayo, banyama mbuvubide, muunzi wako, nkobelekela azintu nzusala muli zyakulikondelezya. Muli zimwi nyika, bantu biingi balafwa akaambo kamapenzi, ikapati bachikomena nkaambo bachita zintu kabatabikkili maanu. Nikuba boobo, bachikomena bayanda kukkala kabali muluyando lwaLeza babona buumi mbuli chintu chiyandikana alimwi tabayandi kulikondelezyaa zintu zipa kuti banjile mumapenzi. Tabayeeyi kuti tabakonzyi kunjila mumapenzi nkaambo bachikula. Kunze lyaboobo, balabotelwa mubuumi akaambo kakuti batantamuka zintu zibi.—Mukambausi 11:9, 10.\\n16. Ngaali malayilile aabeleka kujatikizya kugwisya da? (Langa makani aali munsi.)\\n16 Nikuba buumi bwamwana uutanazyalwa bulayandikana mumeso aaLeza. Kuchiindi chamaIsrayeli, ikuti umwi muntu wachisa mwanakazi ulaada chakuti mwanakazi ooyo wafwa naa mwanaakwe, Leza wakali kubona muntu ooyo mbuli mujayi, alimwi wakeelede kubbadala “buumi kubuumi.” * (Bala Kulonga 21:22, 23.) Lino yeeya kuti Jehova ulimvwa biyeni naabona bantu bagwisya mada munyaka amunyaka, akaambo kakuyanda kulikondelezya naa kutalijata kabotu.\\n17. Kujana wamuumbulizya biyeni muntu wakagwisya da katanayiiya atalaa zyeelelo zyaJehova?\\n17 Kujana twatyeni atalaa mwanakazi wakagwisizye da katanaziba kasimpe kazwa muBbayibbele? Kujana Leza waleka na kumutondeezya luzyalo? Peepe! Nkaambo Jehova ulamulekelela muntu weempwa kazizwaansi aamoyo kwiinda mubulowa bwaJesu. (Intembauzyo 103:8-14; BaEfeso 1:7) Jesu lwakwe wakati: “Nsizide kwiita baluleme, pele bacita zibi, kuti basanduke.”—Luka 5:32.\\n18. Bbayibbele lyaamba kuti niinzi chipa kuti bantu batile bulowa?\\n18 Jehova uyanda kuti tutachisi bamwi akuti tugwisye lusulo mumyoyo yesu, lukonzya kupa kuti tutile bulowa. Mwaapostolo Johane wakalemba kuti: “Kufumbwa muntu uusula mweenzinyina mujayi.” (1 Johane 3:15) Muntu uuli boobo, tamusulayiki luzutu mweenzinyina pesi uyanda kuti afwe biya. Lusulo lwakwe lukakonzya kumupa kuti abejelezye mweenzinyina, zyakuti kuti zyaba zyachoonzyo eezyo nzyaliikwaamba, ooyo muntu uliikubejelezegwa ulakonzya kubetekwaa Leza. (Levitiko 19:16; Deuteronomo 19:18-21; Matayo 5:22) Eelyo kaka, chilayandika kuti tugwisye zintu zibi mumyoyo yesu kuti zitakkalilili!—Jakobo 1:14, 15; 4:1-3.\\n19. Muntu uuzulwidwaa malayilile aazwa muBbayibbele waabona biyeni magwalo aali mbuli Intembauzyo 11:5 a BaFilipi 4:8, 9?\\n19 Aabo balemeka buumi mbuli mbwabulemeka Jehova abayanda kukkala kabali muluyando lwakwe tabalwani pe. Lugwalo lwa Intembauzyo 11:5 lwaamba kuti: “Moyo wakwe ulisulide basikufumpa.” Makani aaya taawambi buyo atalaa bube bwaLeza luzutu pesi malayilile akonzya kutusololela mubuumi. Apa kuti aabo bayanda Leza batantamuke kufumbwa zyakulikondelezya zijatikizya kulwana. Majwi aakuti “luumuno lwa Leza,” apa kuti babelesi bakwe babaa miyeeyo yakubaa luyando, yakuchita zintu zili kabotu ayakuchita zintu zilumbayizika alimwi zipa kuti kube luumuno.—Bala BaFilipi 4:8, 9.\\nTANTAMUKA MBUNGANO ZILAAMULANDU WABULOWA\\n20-22. MaKristu ayibona biyeni nyika, alimwi nkamboonzi?\\n20 Mumeso aaLeza, nyika yoonse yaSaatani ilaamulandu wabulowa. Zyatwaambo twachisi, eezyo zikozyanisigwaa munyama ulaalunya muBbayibbele, zyajaya bantu biingi kuswa anizya ababelesi baJehova. (Daniele 8:3, 4, 20-22; Ciyubunuzyo 13:1, 2, 7, 8) Bamabbizinesi abazyasayensi baliikubelekelaamwi abeendelezi bali mbuli munyama ulaamanguzu mukupanga zilwanyo zijaya chalunya, kabaliikujana mali nyiingi kuzwa mulinzizyo. Chilaantangana kuti “nyika yoonse ikede muzibi”!—1 Johane 5:19.\\n21 Akaambo kakuti batobeli baJesu ‘tabali bayeeyi nyika,’ nkinkaako tabatoli lubazu mutwaambo twachisi naa munkondo alimwi batantamuka mukuba amulandu wabulowa kubantu boonse. * (Johane 15:19; 17:16) Batobelezya Kristu kwiinda mukutatondeezya lunya kuli baabo babapenzya. Kunze lyaboobo, batondeezya luyando kuli basinkondonyina alimwi balabakombela.—Matayo 5:44; BaRoma 12:17-21.\\n22 Kwiinda zyoonse, maKristu aachoonzyo taliswaanizyi pe ‘aBabuloni Mupati,’ bukombi bwakubeja alimwi bulaamulandu mupati wakutila bulowa munyika yoonse. Bbayibbele lyaamba kuti “Muli nguwe mwakajanwa bulowa bwabasinsimi abwabasalali abulowa bwabantu boonse ibakajaigwa ansi.” Nkinkaako tuchenjezegwa kuti: “Kamuzwa mulinguwe nobantu bangu.”—Ciyubunuzyo 17:6; 18:2, 4, 24.\\n23. Kuzwa muBabuloni Mupati kwaambaanzi?\\n23 Kuzwa muBabuloni Mupati takwaambi kugwisya zina lyako muchikombelo chakubeja luzutu. Kuswaanizya kusula michito mibi iisumpula bukombi bwakubeja, iili mbuli kutalijata kabotu, kutola lubazu mutwaambo twachisi akuyandisya buvubi. (Bala Intembauzyo 97:10; Ciyubunuzyo 18:7, 9, 11-17) Masimpe, michito eeyi isololela kukutila bulowa!\\n24, 25. (a) Niinzi chipa kuti Leza amufwide luzyalo muntu ulaamulandu wabulowa weempwa? (b) Eezi zituyeezya atalaa mabambe aali aachiindi?\\n24 Katutanaba bakombi bachoonzyo, toonse twakali kujatikizigwa mukusumpula bweende bwaSaatani alimwi twakalaa mulandu wakutila bulowa. Nikuba boobo, akaambo kakuti twakachincha buumi bwesu akubaa lusyomo kuchinunuzyo chaKristu, mpawo twakaaba buumi bwesu kuli Leza, eezi zyakapa kuti Leza atufwide luzyalo alimwi atukwabilile kuzintu zikonzya kunyongania buzolwani bwesu anguwe. (Incito 3:19) Lukwabililo oolu lutuyeezya atalaa madolopo aakuyubila aachiindi.—Myeelwe 35:11-15; Deuteronomo 21:1-9.\\n25 Mabambe aaya akali kubeleka biyeni? Ikuti muIsrayeli wajaya muntu katakanzide, wakeelede kuchijila kumadolopo aakuyubila. Ikuti babetesi balanga-langa mulandu wakwe, sikujaya wakeelede kukkala kudolopo lyakuyubila kusikila mupayizi mupati naafwa. Aboobo, unooli waangunuka kukkala kufumbwa nkwayanda. Eelyo kaka, eechi nchikozyano chilikabotu chaluzyalo lwaLeza achakutondeezya mbobuyandikana buumi bwabantu! Mazubaano, madolopo aamayubilo aachiindi ayimininwaa chipo nchitwakapegwaa Leza, chachinunuzyo chaKristu chitukwabilila kuzwa kulufu akukutyola mulawu waLeza uujatikizya mbobuyandika buumi abulowa. Ulachilemeka na chipo eechi? Kujana watondeezya biyeni kuti ulachilemeka? Imwi nzila njakutamba bantu kuti batambule lukwabililo luzwa kuli Leza, mbwanga “mapenzi mapati” abaafwiifwi.—Matayo 24:21; 2 BaKorinto 6:1, 2.\\nLEMEKA BUUMI KWIINDA MUKUKAMBAWUKA MULUMBE WABWAMI\\n26-28. Muliili nzila bukkale bwesu nchobukozyenie abwamusinsimi Ezekiele, alimwi kujana twakkala biyeni katuli muluyando lwaLeza?\\n26 Mazubaano, bukkale bwabantu baLeza bukozyania aabukkale bwamusinsimi wansiku Ezekiele, wakalayililwaa Jehova kuti abeleke kali mulindizi mumuunzi wamaIsrayeli. Leza wakaamba kuti: “Uyooswiilila majwi aakumulomo wangu, lino uleelede kubacenjezya muzina lyangu.” Nikuli Ezekiele wakaawubaansya majwi aaya, wakali kuyobaa mulandu wabulowa kulibaabo bakali kuzoofwa chiindi muunzi waJerusalemu niwakali kuyoonyonyoonwa. (Ezekiele 33:7-9) Pesi, Ezekiele wakaswiilila alimwi takabaa mulandu wabulowa.\\n27 Tulikupona mumazuba aakumamanino aanyika yaSaatani. Nkinkaako, Bakamboni baJehova bakubona mbuli mulawu alimwi mbuli chilongezyo kwaambilizya atalaa ‘buzuba bwaLeza bwakuliya inkoto’ akukambawuka atalaa mulumbe waBwaami. (Isaya 61:2; Matayo 24:14) Ulikubeleka chabusungu na mumulimu ooyu uyandikana loko? Mwaapostolo Paulo wakachita mulimu wakukambawuka chabusungu. Nkinkaako, wakaamba kuti: “Ndasalala kubulowa bwabantu boonse, nkaambo nsikasiside cintu pe, ndakamwaambila luyando loonse lwa-Leza.” (Incito 20:26, 27) Eechi nchikozyano chibotu loko nchitweelede kutobelezya!\\n28 Masimpe, kuti tukkale katuli muluyando lwaLeza tweelede kuchita zyiinda kubona buumi abulowa mbuli mbwazibona Jehova. Kuyungizya waawo, tweelede kukkala katusalala kumeso aakwe mbuli mbotutakabone muchaandano chitobela.\\n^ par 5 Kujatikizya majwi aaLeza aakuti, “mubulowa mobubede buumi bwanyama,” kabbuku kategwa Scientific American kakati: “Katutakozyanisyi pe, makani aaya ngamasimpe nkaambo maseelo oonse aabulowa alayandikana kuti kube buumi.”\\n^ par 12 Langa Awake! yamu August 2006, peeji 3-12, yakapupululwa aaBakamboni baJehova.\\n^ par 16 Basikupandulula malembe amuBbayibbele baamba kuti majwi aachiHebrayo aali mulugwalo lwaKulonga 21:23, atondeezya kuti, “teechakali kukonzeka pe kuti kuchisigwe mwanakazi alikke.” Alubo ziba kuti Bbayibbele talyaambi kuti Jehova wakali kulanga minyaka yamwana uuchili mwida chiindi nabeteka.\\n^ par 21 Langa Chaandano 5 chili mubbuku eeli chitii “Mbotukonzya Kulyandaanyaa Nyika.”\\n^ par 70 Kuti ujane makani miingi langa Makani Aakuyungizya “Tupaanzi Twabulowa Anzila Zyakwaandulwa.”\\nLEMEKA BUUMI BWABANYAMA\\nNikuba kuti Jehova ulatuzumizya kuti tujaye banyama kuti tujane nyama yakulya azyakuzwaata ­naa kuti tulikwabilile kumapenzi, tatweelede kuchita chijaye-jaye pe. (Matalikilo 3:21; 9:3) Tatuyandi kuba mbuli muvwimi ulaalunya, Nimrodi wakali kujaya banyama kayanda kulikondelezya. (Matalikilo 10:9) Kunze lyaboobo, tweelede kutobelezya Jehova ulaandaba abanyama boonse nikuba tuyuni tuniini loko.—Jona 4:11; Matayo 10:29.\\nKubaandaba kwaLeza kwakatondeezegwa mumulawu waMusa. (Kulonga 23:4, 5, 12; Deuteronomo 22:10; 25:4) Kweendelana amulawu ooyu lugwalo lwa Tusimpi 12:10 lwaamba kuti: “Muntu uululeme ulalela kabotu banyama bakwe, pele basizibi, luzyalo lwabo mbukali.” Lino-lino basizibi anzila zyabo bayoonyonyoonwa.\\nCHAANDANO 1 “Oku Nkokuyanda Leza”\\nCHAANDANO 2 Kujana Wachita Biyeni Kuti Ukkale kulaa Manjezeezya Aalikabotu?\\nCHAANDANO 3 Yanda Aabo Bayandwaa Leza\\nCHAANDANO 4 Nkamboonzi Nitweelede Kulemeka Beendelezi?\\nCHAANDANO 5 Mbotukonzya Kulyandaanyaa Nyika\\nCHAANDANO 6 Mbotukonzya Kusala Zyakulikondelezya Zili Kabotu\\nCHAANDANO 7 Ulabulemeka Na Buumi Mbuli Mbwachita Leza?\\nCHAANDANO 8 Leza Uyanda Bantu Basalala\\nCHAANDANO 9 “Amucije Bwaamu”\\nCHAANDANO 10 Lukwakatano Nchipo Chizwa Kuli Leza Siluyando\\nCHAANDANO 11 “Kukwatana Kabakulemeka Boonse”\\nCHAANDANO 12 Amwaambuule “Majwi Aaelede Aakonzya Kuyaka”\\nCHAANDANO 13 Mapobwe Aasesemya Leza\\nCHAANDANO 14 Kosyomeka Muzintu Zyoonse\\nCHAANDANO 15 Botelelwa Mulimu Ngubeleka Changuzu\\nCHAANDANO 16 Amumukazye Diabolosi Ameeneno Aakwe\\nCHAANDANO 17 “Amuliyake Mulusyomo Lwanu Lusalala Cakwiinda”\\nMAKANI AAKUYUNGIZYA Mbotukonzya Kukkalaa Muntu Wakagwisigwa Mumbungano\\nMAKANI AAKUYUNGIZYA Ndiilili Nikweelela Kuzwaata Ngwaani naa Kwaanga Nduku alimwi Nkamboonzi?\\nMAKANI AAKUYUNGIZYA Kusalutila Fuleegi, Kuvota Amulimu Uutali Wabusilumamba\\nMAKANI AAKUYUNGIZYA Tupaanzi Twabulowa Anzila Zyakwaandulwa\\nMAKANI AAKUYUNGIZYA Mbokonzya Kuzunda Chiyanza Chakusanaa Zizo Zyamubili Zyakuzyazya\\nMAKANI AAKUYUNGIZYA Maboneno AaBbayibbele atalaa Kulekana Akwaanzaana\\nMAKANI AAKUYUNGIZYA Kwaambuuzyania Kuli Kabotu kuti Kwaba Kutamvwanana Mubbizinesi\\nText Sala naa uyanda kukkopa zyakamwayigwa zilekkodedwe ‘Amukkale Kamuli Muluyando lwaLeza’","num_words":2556,"character_repetition_ratio":0.046,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 19 IBBAIB63 - Lino baangelo bobile bakasika - Bible Search\\nMatalikilo 18 Matalikilo 20\\nLunyonyooko lwa-Sodoma a-Gomora\\n1-Lino baangelo bobile bakasika ku-Sodoma ciindi camangolezya, Nkabela Loti kakede kumulyango wa-Sodoma. Ababone buyo, Loti wakanyampuka, wabaswanganya, wabakotamina cakuvundama ansi. 2-Elyo wakati, Amuswiilile, nobami bangu. Amuleye, munjile muŋanda yangu ndemulanda wanu, kuti mulale ukusamba kumaulu. Bwaca, mulafuma akutola lweendo lwanu. Bakati, Pe, pe, tula lala anze. 3-Pele wakabasungilizya loko mane lumwi bakaleya akunjila muganda yakwe. Nkabela wakabacitila ipobwe akujika zibunge kuti balye. 4Pele kabatana kulala, bantu bamunzi, nkokuti bantu ba-Sodoma boonse buyo, nibaba banike nibaba bapati, bakazyunguluka iŋanda. 5-Bakoongolola Loti kuti, Bali kuli bantu basika kulinduwe sunu mangolezya? Kobagwisya kulindiswe, kuti tubazibe. 6Mpawo Loti wakaya anze kumulyango nkubakabede, wajala ikoma kusule lyakwe, 7wati, Wence bakwesu, mutabisyi obo. 8Amubone! Ndijisi bana basimbi bobile batana kuziba mwaalumi. Ndabaleta kulindinywe, lino mulabacitila kufumbwa cibotu mumeso aanu. Pele bantu aba, mutabacitili cintu pe, nkaambo mbeenzu bamuŋanda yangu. 9-Lino bakati, Tantamukila oko. Alimwi bakati, Oyu muntu wakeza kukala-kala akati kesu, lino sunu ulayanda kuba mubetesi wesu, Mbubo. Tulabisizya nduwe kwiinda mbabo. Mpawo bakatalika kufumpisya oyo muntu Loti akuswena kufwaafwi kuzoopwaya ikoma. 10Pele abo beenzu bakatambika maanza aabo, baboozya Loti muŋanda mubakabede, bajala mulyango. 11-Nkabela bantu ibakali kumulyango waŋanda, baniini abapati boonse buyo, bakabaofwaazya, aboobo cakabakataazya kujana mulyango nkuubede.\\n12-Elyo beenzu bakaambila Loti kuti, Sa ulijisi bantu abamwi okuno? Bakwaansa bako, bana bako balombe, bana bako basimbi, aboonse mboli abo mumunzi, kobagwisya omuno, 13-nkaambo tulanyonyoona busena obuno. Nkaambo kulila kwabo kulayoosya kunembo lya-Jehova, aboobo Jehova watutuma kukunyonyoona munzi. 14-Mpawo Loti wakainka kuyooambila bakwaansa bakwe ibakaamba kukwata bana basimbi bakwe, wati, Amubuke, muzwe okuno, nkaambo Jehova ulayanda kunyonyoona munzi. Pele mumeso aabakwaansa bakwe kali mbuli sikusobana.\\n15Nibwakaca, baangelo bakasungilizya Loti kuti, Buka, tola mukaako abana basimbi bako bobile mboli abo, kuti utasyukuti mumilandu yamunzi. 16-Lino naakacili kuzyozyoka, bantu abo bakajata ijanza lyakwe ajanza lyamukaakwe amaanza aabana bakwe basimbi bobile, (nkaambo Jehova wakamufwida luzyalo), bamutola anze lyamunzi. 17-Bamane kubasisya anze, bakati, Cija lufu. Utacebuki musule nikuba kulindila abuniini moonse mubbuwa, Cijila kucilundu, kuti utasyukuti. 18Pele Loti wakuti, Pe, nobami bangu. 19-Amubone! Mulanda wako wajana luzyalo mumeso aako. Ncobeni wavuzya buuya mbowandicitila kukufutusya buumi bwangu. Lino mebo nsikonzyi kucijila kucilundu pe; ambweni bubi bulanditobela mane nkafwe. 20Bona! Ulya munzi uli afwaafwi kucijila nkuko, alimwi muniini. Ncijile nkuko, Sa tuuli muniini? Lino buumi bwangu buyoofutuka. 21Elyo wakamwaambila kuti, Mbubo, ndakuzuminina mucintu eci acalo. Nsikooyoomwaya munzi ulya ngoamba. 22-Fwambaana kucijila nkuko, nkaambo nsikonzyi kucita cintu niciba cimwi mane ukasike nkuko. Nciceeco oyo munzi ncoambilwa kuti ngu-Zoari. 23Lino izuba nilyakamana kupata, Loti wakanjila mu-Zoari,\\n24-Mpoonya awo Jehova wakalosya sulufa amulilo aminzi ya-Sodoma a-Gomora. Zyakazwa kuli-Jehova kujulu. 25-Aboobo wakamwaya minzi eyo, acisi coonse ceengelede, abantu boonse ibakakede muminzi, azisyuuka muvu. 26-Pele mukaakwe wakacebuka musule, nkabela mpawo wakaba indomba yamunyo. 27-Nkabela Abrahamu wakafuma loko kuya oko nkwaakaimvwi kubusyu bwa-Jehova. 28-Nkabela naakalanga kubbazu lya­-Sodoma a-Gomora acisi ceengelede, wakabona busi bwanyika bulauntumuka mbuli busi bwaceengelo.\\n29-Mbuboobo Leza mbwaakayeeya Abrahamu, ciindi eciya naakanyonyoona minzi yamumabuwa; wakalobosya Loti kuzwa kulunyonyooko ndwaakanyonyoozya minzi eyo Loti njaakakede.\\nMoabu a-Amoni mbubakazyalwa\\n30-Lino Loti wakazwa mu-Zoari, wakaakukala mucilundu, abana basimbi bakwe bobile, nkaambo wakali kuyoowa kukala mu-Zoari. Nkabela wakali kukala musempo abana bakwe bobile. 31-Elyo mupati wakaambila mwanike wakwe kuti, Tateesu wacemaala, alimwi taakwe mwaalumi naba omwe ansi uukonzya kutukwata mbuli muciyanza canyika. 32-Koza, tukanywisye tateesu waini, kuti tulale awe, aboobo tulakonzya kubusya lunyungu kuzwa kulitateesu. 33Mpoonya awo bakanywisya wisaabo waini masiku ayo ngaonya, nkabela mupati wakasika, walala uwisi, pele takazibide na wakalala lili nanka wakabuka lili. 34Lino nibwakaca, mupati wakaambila mwanike wakwe kuti, Bona! Jilo ndakalede ataata, Atumunywisye waini alimwi masiku ano, ukasike akulala awe ayebo, aboobo tulakonzya kubusya lunyungu kuzwa kulitateesu. 35Lino bakanywisya wisaabo waini alimwi masiku ayo, nkabela mwanike wakasika, walala awe, pele takazibide na wakalala lili nanka wakabuka lili. 36Aboobo bana basimbi boonse bobile ba-Loti bakaminta kuzwa kuliwisaabo. 37-Nkabela mupati wakazyala mwana mulombe, wamuulika izina lya-Moabu. Ngonguwe wisaabo ba-Moabu boonse kusikila asunu. 38-Alakwe mwanike wakazyala mwana mulombe, wamuulika izina lya-Beni-Ami. Ngonguwe wisaabo ba-Amoni boonse kusikila asunu.","num_words":643,"character_repetition_ratio":0.041,"word_repetition_ratio":0.0,"special_characters_ratio":0.18,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino ngumulandunshi bantu aba batooboneka basangalete? bali kukubungana Kunene. Bweenka mbuli basebenshi bakwe Lesa bakalekale abo bakaambilwa ayi banoobungana mankanda otatwe mumwaaka, aswebo tulalangila kubungana pantu pomwi mumabungano anene. (Dutolonomi 16:16) Tulaba amabungano anene otatwe mumwaaka: Kubungana kwalubasu kwa bushiku bomwi, kucitwa mankanda obilo mumwaaka, akubungana kunene kwa nshiku shotatwe. Ino mabungano aya alatucafwa buyani?\\nAlayumya bushicibusa bwesu abashominyineesu. Bweenka mbuli bene Isilaeli mbobakalinga kusangalala kulumbaisha Yehova ndyebakalinga kubungana, aswebo tulasangalala ndyetubungana pantu pomwi kumabungano alibetele. (Kulumbaisha 26:12, 111:1) Mabungano aya alatupa coolwe cakushibana aBakamboni baswa mumabungano amwi na mumisena ipusenepusene. Paciindi cakookesha, soonse tulalita pantu pomwi pamusena wakubunganinaako, alimwi kucita boobo kulatupa lusangalalo. (Milimo ya Batumwi 2:42) Pakubungana uku tulabona lusuno lucatanya ‘ciinga coonse cabakwesu’ pacishi coonse.—1 Pita 2:17, NWT.\\nAlatucafwa kuya panembo lwakumushimu. Kusansulula kabotu Malembo kwakacafwa bene Isilaeli kwanyumfwisha. (Neyemiya 8:8, 12) Aswebo tulalumba lwiiyo lwamu Baibo ndotutambula kumabungano esu anene. Mutwi wa pulogilamu ili yoonse ulaswa muMalembo. Tuleeya mbweenga twacita kuyanda kwakwe Lesa mubuumi bwesu kwiinda mushitondesho, makani asangalasha alimwi amakani akushiilana. Cilatuyuminisha abuumbi kwiiya sha Beneklistunyineesu mbobatoocikonsha kukoma mapensho amunshiku shino shikatasha. Shisekano shiba kumabungano anene, shilatucafwa kubona makani amuBaibo kuba ancine alimwi atwiisha shintu sheenga shatucafwa. Pakubungana kunene kulikoonse, kulaba akubombekwa kwabaabo basuni kutondesha kulyaaba kwabo kuli Lesa.\\nIno nceebonshi mabungano esu anene alasangalasha?\\nIno inga mwacafwikwa buyani na mwacanika kumabungano anene?\\nNa mulisuni kushiba kabotu sha Bakamboni Bakwe Yehova, amukacanike kukubungana kunene kweshi kukabeeko. Mbomwiiyabo Baibo balaakumubonesha pulogilamu ya kubungana. Bushiku amusena kweshi kukabete kubungana uku, inga mwashilemba pakalenda yanu, alimwi na mukacikoonshe, amukacanikeeko.","num_words":239,"character_repetition_ratio":0.067,"word_repetition_ratio":0.0,"special_characters_ratio":0.154,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Tempele Lyakwe Akataa Bantu: Kulangila Kwa Maseseke Mumoyo wa Taata! Print\\nTempele Lyakwe Akataa Bantu: Kulangila Kwa Maseseke Mumoyo wa Taata!\\nSaatani wakasungilizya muzeezo wakuti takukabi tempele munyika mpya. Akaambo kaako, kulangila kupati kwa Taata tiikwakazyibwa akukkomaninwa.\\nKasimpe kainda kubombya moyo mu Mangwalo nkakuti Mulengi wesu ulangila kukkala antoomwe abana Bakwe. Kacitaninga njila munyika cinyonyoono, Muunda wa Edeni, munzila imwi, lyakali tempele lya Yahuwah nkaambo oomo mumuunda momumo Mulengi mwaakali kulibbizya kwiizya abana Bakwe “nokwatontozya kumazuba.” (Bala Matalikilo 3:8.) Ooku nkokwiizya antoomwe camoyo woonse nkwaakali kulangila kapati Taata eelyo, Adamu naakawa mucibi, naakaleka kubandika busyu-abusyu a Taata.\\nOoku kuswaangana kwakatalika aasyoonto alimwi aciindi ca Mozesi. Yahuwah wakaambila Mozesi kuti: “Amundibambile civwuka Ime; kutegwa ndikkale akati kenu” Kulonga 25:8, KJV)\\nCivwuka cakaba cikkalilo cokwa Yahuwah. Oomo Walo wakali kulibonya muciimo cabulemu bumweka kabuzingulukide cuuno caluse cilaa bulemu atalaa bbokesi lya cizuminano.\\nItempele lya munkanda, amatempele aakayakwa mumazuba aakatobela, akali cikkalilo cokwa Yahuwah oomo mwaakali kubandika antoomwe abamukowa wabantu. Kutali mbuli matempele aabakomba zibumbwa aayakidwe kaajisi malele angazi zyeebeka, tempele lya Yahuwah tiilyakeelede kubaa malele. Walo taakali kuyanda kuti bana Bakwe kabalipenzya kutanta malele kuzya kuli Nguwe. Walo wakali kuyanda kuti kanooseluka Ngunwe Lwakwe kuboola waawo mpobabede akubaswaanganya.\\nTempele lili mu Jelusalema Mupya\\nEelyo Johane naakabona Jelusalema mupya kuuseluka kuzwa Kujulu, wakabona cimwi catakayakidwe akusiilwa limwi mumunzi ooyo. Naakamanizya kupandulula ncaakabona mumunzi uusetekene ooyo, walo wakati, “Pele kwiina tempele muli nguwo.” (Ciyubunuzyo 21:22, NKJV) Aaka kaambo komwe buyo nkakaaletelezya maŋunuŋunu amasendekezya aakusisa kasimpe kayandisi kakuti: kunyina mulyango wa tempele mu Jelusalema mupya nkaambo Jelusalema Mupya lwawo nde tempele lya Yahuwah! Johane ulazumina makani aaya naamba kuti: “Pele Ime nsyeekabona tempele muli nguwo, nkaambo Yahuwah, Singuzyoonse a Mwanaambelele ndetemepele lyawo.”\\nMatempele lyoonse akali maanda aabaleza. Aboobo, kufumbwa aawo mpabede Yahuwah, mpeenya aawo ndetempele Lyakwe. Paulu wakabuzya Bakolinto kuti; “Saa tamuzyi nywebo kuti muli tempele lyokwa Yahuwah alimwi Moza wa Yahuwah nguukkala mukati muli ndinywe?” (Bala 1 Bakolinto 3:16.)\\nNcenciceeco Taata ncaakali kulangila ciindi coonse eeci kuzwa naakatutantamuka nkaambo ka Adamu wakawida mucibi. Walo ulangila kuswena munsaa mwanaakwe omwe-omwe akubaa cilongwe ca luyando. Eelyo Jelusalema Mupya waakulonzyelwa anyika akulengululwa bupya, moyo Wakwe uyookkalikila nkaambo uyoojana cintu ncayandisya.\\nBulemu kabukkede akataa bantu\\nNzila ya lufutuko iyoopilusya cilongwe cipati akataa Mulengi acilengwa leza eeco cakasweeka Adamu naakawa. Oobo mbobulumbu mbwaakasyomezyegwa mukomi alimwi ncenciceeco ncokunoonyina tempele liyakidwe mu Jelusalema Mupya nkaambo, mbweenya mbuli mu Muunda wa Edeni wakaindi, awalo Jelusalema Mupya lwawo ndi tempele. Boonse batambula cipego ca lufutuko kwiinda mu lusyomo lwabo, balipedwe bulemu bwakuyookkala mu tempele eelyo, itempele lizumi, oomo mukkala Singuzyoonse.\\nKuboola kuli Nguwe ibbwe lipona, ooyo wakasulaikidwe abantu, pele wakasalwa a Yahuwah kuti abe muyandwa, ayebo, mbuli mabwe aalaa buzumi, ulakuyakilizya antoomwe muŋanda ya moza, mubupaizi busetekene, kotuuzya cituuzyo ca moza citambulika kuli Yahuwah kwiinda muli Yahushua Messiah. Eeco ncecilembedwe amu Mangwalo kuti,\\n“Amulange, Ime ndalazyika bbwe lyabuumi mu Ziyoni, eelyo lyakasulaikidwe abantu, pele Yahuwah wakalisala akulilemeka. Anywebo amube mbuli mabwe maumi, mukayakilizyigwe kuba ŋanda yamuuya. Oomo mukabeleke mbuli bapaizi basalala nomutuula zipaizyo zyapegwa amoyo woonse, zitambulika kuli Yahuwah muli Yahushua Munanike. Nkaambo mu Malembe mulilembedwe kuti,\\n“Amubone, ndasala bbwe liyandisi. Ndalibikka mu Ziyoni acooko caŋanda, uumusyoma takooyoofwa nsoni ” (Bala muli 1 Petulo 2:4-6.)\\nOobu mbobulumbu bwa mukomi!\\nBulumbu bwa kusyomeka\\nPaulu wakati: Pele mbuli Malembe mbwaati, “Eezyo muntu nzyaatanabona naa kumvwa,\\neezyo muntu nzyaatanayeeyela, nzenzizyo Yahuwah nzyabambilide baabo bamuyanda. (Langa 1 Bakolinto 2:9.) Oobo bulumbu butakonzyi kuyeeyelwa mumizeezo yabuntu, nkupona munsaa mpabede Yahuwah.\\nYahushua wakasyomya kuti: “Ooyo uuzunda ndiyoomubikka kuti akabe cicinda caŋanda ya Eloah wangu, taakwe nayoozwa mulinjiyo pe. Alinguwe ndiyoolemba zina lya Eloah wangu, alyamunzi wa Eloah wangu, nkokuti Jelusalemu mupya, walo ooyo uyoozwa kujulu kuli Eloah wangu. Alimwi ndiyoolemba alinguwe zina lyangu lipya.” (Ciyubunuzyo 3:12, KJV)\\nYahushua wakazyalilwa kuswaanganya Yahuwah amukowa wabantu wakawida mucibi. Kaindi kasyoonto munsaa kwaabwa mumuunda wa Getisemani, walo wakapailila baabo banoosyoma mumisela yoonse:\\n“Tandikombeli baaba bali waano balikke pe, ndakombela abaabo basyoma mulindime kwiindila mumajwi aabaaba. Ndibakombela kuti boonse babe omwe, mbubonya yebo Taata mboli mulindime, ambebo ndili mulinduwe, abalo mbubonya babe mulindiswe kutegwa luundu loonse luzumine kuti nduwe wakandituma. Mbubonya mbookandilemeka ambebo ndabalemeka kutegwa babe omwe mbubonya aswe mbotuli omwe. Mebo mulimbabo ayebo mulindime, kuti abalo bakamantane ncobeni, kutegwa luundu luzyibe kuti nduwe wakandituma alimwi akuti wakabayanda mbubonya mbookandiyanda ambebo.” (Langa muli Johane 17:20-23.)\\nKwiinda muli Messiah, basyomi balamvwana alimwi akubaa cilongwe a Yahuwah. Izaya wakashinshima kuti: “Nkaako ono Mwami Yahuwah Lwakwe mwini ulamupa citondezyo. Musimbi uutalede amusankwa uyoomita, uyoozyala mwana mulombe ngwatikaulike zina lya Imanuweli.” (Langa muli Izaya 7:14.) Immanuel ndizina liiminina kuti “Eli ulaa ndiswe.” Eeci ncecisyomyo, cakazuzikwa mucibeela cisyoonto naakazyalwa Yahushua pele ciyoozuzikwa cakumaninizya mu Jelusalema Mupya waakuletwa ansaano kuti uzyoobe munzi uuteeli wa Taata a basalali Bakwe.\\nLino ndakabona julu lipya anyika mpya. Nkaambo julu lyakusaanguna anyika yakusaanguna zyakamana, alwizi lwakazimaana. Eelyo Ime nde Johane, ndakabona munzi uusalala, Jelusalemu mupya, kuboola ansi kuzwa kuli [Yahuwah] kujulu. Wakalibambidwe mbuli nabwiinga mbwalibambilila mulumi wakwe. Mpawo ndakamvwa jwi pati lyakazwa kucuuno cabwami lyakati, “Lino munzi wa Yahuwah wakkala akati kabantu! Yahuwah uyookkala ambabo, abalo bayooba bantu bakwe. Iiyi, Yahuwah lwakwe uyookkala ambabo, alimwi uyooba Elohimu wabo. Nkabela uyoosansamuna misozi yabo. Takukooyooba limbi lufu, kuusa, kulila, nikuba kuciswa. Zintu zyakale zyoonse zyamana. (Langa mu Ciyubunuzyo 21:1-4.)\\nKosala kutambula lufutuko sunu, mpoonya ayebo, ulakonzya kuyookkala kukabe kutamani kokkomene cakulilekela kukkala antoomwe a Taata.\\nKutegwa uzyibe makani manjaanji aa tempele lya Yahuwah a Jelusalema Mupya, langaula musalo a “His Temple With Men: the secret longing of the Father's heart” muli sikapepele waku WLC!\\nLuyando Lutamani| Cibeela 1: Luyando lwa Yahuwah ku Muntu\\nLuyando Lutamani| Cibeela 2: Kwiingula kwa Muntu","num_words":874,"character_repetition_ratio":0.045,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"1 Ndime Paulo, imutumwa kutali kuzwa kubantu naa kwiinda mumuntu pe, pele ikwiinda muli Jesu Kilisito alimwi a Leza Taata iwakabusya Jesu kuzwa kubafwu, 2 mebo abakwesu boonse mbotuli limwi twamulembela nomuli mumbungano zyamu Galatiya kuti: 3 Amube aluzyalo alimwi aluumuno ikuzwa kuli Leza Taateesu alimwi aku Mwami wesu Jesu Kilisito. 4 Wakalyaaba akaambo kazibi zyesu kutegwa atuvwune kubweende bwazyintu oobu bubyaabi kweelana akuyanda kwa Leza wesu alimwi Taateesu. 5 Kulinguwe akube bulemu lyoonse mane kukabe kutamani. Ameni. 6 Ndagambwa kapati kuti muyaabumufwutatila cakufwambaana Ooyo wakamwiita muluzyalo lwa Kilisito akutalika kuswiilila makani mabotu aambi. 7 Pele taali aambi pe; nkuti buyo kuli bantu bamwi bamunyonganya alimwi ibayanda kupilinganya makani mabotu aajatikizya Kilisito. 8 Pele nokuba kuti umwi akati kesu naa mungelo uuzwa kujulu waambilizya makani mabotu kulindinywe aaindene amakani mabotu ngotwakaambilizya, muntu ooyo aasinganizyigwe. 9 Mbubonya mbotwaamba kale, lino alimwi ndainduluka kwaamba kuti, Kufwumbwa muntu waambilizya makani mabotu kulindinywe aaindene amakani ngomwakazumina, muntu ooyo aasinganizyigwe. 10 Mubwini, sena lino ndisola kuzuminwa abantu naa a Leza? Naa sena ndiyanda kukkomanisya bantu? Ikuti nindacili kukkomanisya bantu, nindatali muzike wa Kilisito pe. 11 Nkaambo bakwesu, ndiyanda kumuzyibya kuti makani mabotu ngondakaambilizya kulindinywe taali aabuntu pe; 12 nkaambo kunyina nindakaatambula kumuntu nokuba kuyiisyigwa ngawo pe, pele Jesu Kilisito nguwakaayubununa kulindime. 13 Cakutadooneka mwakamvwa kujatikizya bukkale bwangu bwamusyule nindakacili kutobela bukombi bwaba Juda, kuti ndakazumanana kupenzya mbungano ya Leza citaambiki akusola kwiinyonyoona, 14 alimwi ndakali kuyaambele kapati mubukombi bwaba Juda kwiinda bamusela wangu banji mumusyobo wangu, nkaambo ndakali musungu kapati kwiinda boonse kujatikizya tunsiyansiya twabamatata. 15 Pele eelyo Leza ooyo wakandaandaanya kuda lyabaama akundiita kwiinda muluzyalo lwakwe, nicakamubotela 16 kuyubununa Mwanaakwe kwiinda mulindime, kutegwa ndaambilizye makani mabotu kujatikizya nguwe kumasi, kunyina nindakabuzya muntu uuli woonse pe. 17 Alimwi kunyina nindakatanta kuya ku Jelusalemu kuyoobuzya baabo ibakaba batumwa mebo kanditanaba mutumwa, pele ndakaunka ku Alabiya, mpoonya ndakapiluka ku Damasiko. 18 Mpoonya nokwakainda myaka yotatwe ndakatanta ku-ya ku Jelusalemu kuyooswaya Kefa, eelyo ndakakkala anguwe kwamazuba aali kkumi amusanu. 19 Pele kunyina naba omwe akati kabatumwa bamwi ngondakabona, ccita buyo Jakobo imunyina Mwami. 20 Lino kujatikizya zyintu eezyi nzyondimulembela, kumbele lya Leza ndimwaambila masimpe kuti tandibeji pe. 21 Kuzwa waawo ndakaunka muzyooko zyamu Siliya alimwi amu Kilikiya. 22 Pele mbungano zyamu Judaya izyakakamantene a Kilisito tiizyakandizyi pe mebo kundigama. 23 Bakali kumvwa buyo kuti: “Imuntu uulya iwakali kutupenzya musyule lino waambilizya makani mabotu aalusyomo ndwaakali kusola kunyonyoona musyule.” 24 Aboobo bakatalika kumulemeka Leza akaambo kandime.","num_words":373,"character_repetition_ratio":0.065,"word_repetition_ratio":0.0,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"“Meso aako akandibona nkencili insalalila.”—INTEMBAUZYO 139:16\\nNZITWIIYA KUZWA KUZINTU ZYAKALENGWA\\nYeeya atala akumvwanana nkubalaako mambile. Mambile amvwanana loko. Umwi mwanakazi uutegwa Nancy Segal, mupati wakabunga kategwa Twin Studies Center wakazyalwa kali mumbile wakapandulula kuti, amwi mambile “alakonzya kuziba zilikwaambwa amweenzinyina nikuba kuti wakachilwa kuzipandulula.” Umwi mwanakazi naakali kupandulula atala akumvwanana nkubalaako amweenzinyina mumbile wakati: “Taakwe nchinditazi pe atala anguwe.”\\nNiinzi chipa kuti mambile bakonzye kuzibana munzila iili boobu? Basikuyanduulisisya bayeeyela kuti maponeno, nzila njibakakomezegwaayo kuswaanizya akuba amagenes ayendelana, nzizyo zipa kuti mambile bazibane kabotu.\\nLIBUZYE KUTI: Mbukunga Leza nguwe wakalenga bantu kabali amagenes aaliboobu, tazili antanganana na kuti ulimwizi umwi awumwi wesu mbabede choonzyo? Sintembawuzyo Davida wakati: “Nduwe wakandinunganya [naakuti wakandisisa] mwida lyabama. Mubili wangu teewakasiswa kulinduwe, nendakapangwa cakusisa. . . . Meso aako akandibona nkencili insalalila; mubbuku lyako zizo zyangu zyoonse kazilembedwe.” (Intembauzyo 139:13, 15, 16) Leza nguwe alikke uukonzya kuziba magenes aamuntu umwi awumwi alubo ulizizi kabotu zintu nzituswaana mubuumi. Kuziba kuti Jehova wakatulenga katuli amagenes aaliboobu kutondeezya kuti taakwe nchatazi atala andiswe.\\nNZILYAAMBA BBAYIBBELE ATALA AMBATUZI LEZA\\nDavida wakakomba kati: “O Jehova, ulandilingula, ulindizi. Ulizi kukala kwangu akubuka kwangu, ulibwene miyeeyo yangu noli kule. Nkaambo taakwe ijwi lyalulimi lwangu ndotezi loko, O Jehova.” (Intembauzyo 139:1, 2, 4) Kuyungizya waawo, Jehova ulizi mbutulimvwa alubo “ulazibisya makanze oonse amiyeeyo yoonse.” (1 Makani 28:9; 1 Samuele 16:6, 7) Magwalo aaya atuyiisyaanzi atala aLeza?\\nNikuba kuti chimwi chiindi tulakonzya kukachilwa kwaamba zimwi zintu nzituyanda nitulikukomba pesi Mulengi wesu ulazibona nzituchita akuti niinzi zyapa kuti tuchite munzila eeyo. Kuyungizya waawo, ulizizi zintu zibotu nzituyanda kumuchitila alubo ulatumvwisisisya kuti twakachilwa kuzichita. Akaambo kakuti Leza wakatulenga katulaaluyando, alakwe ulaachiyandisyo chakubona akuziba nzituyeeya ambutulimvwa.—1 Johane 4:7-10.\\n“Meso aa-Jehova ali kubaluleme, amatwi aakwe alijukide kukukomba kwabo.”—1 PETRO 3:12.\\nLeza wakatusyomezya kuti: “Njookulaya akukutondezya inzila njoelede kutola, njookweenzya kukubika liso lyangu alinduwe.”—INTEMBAUZYO 32:8.\\nKuziba kuti Leza ulaabona mapenzi ngituswaana akuti ulizi mbutulimvwa, kujana kwatugwasya biyeni kuti tulisimye chiindi nituli mumapenzi? Atulange zyakachitika kuli Anna, uukkala kuNigeria, wakati: “Ndakali kulibuzya kuti ndiponenaanzi nkaambo buumi bwangu bwakali bwamapenzi luzutu. Ndakali mukamufu, mwanaangu musimbi wakali kuchibbadela nkaambo wakali kuchiswa bulwazi bwakuzula maanzi muboongo mpawo andime ndakali abulwazi bwakkensa munkolo alubo ndakeelede ku-opaletwa akubelesya busilisi busiyene-siyene. Ndakali muchiimo chiyumu loko. Nikuba kuti ndakali kuchiswa achiindi nchicheecho, ndakeelede kulangania mwanaangu wakali kuchiswa.”\\nNiinzi chakagwasya Anna kuti alisimye? Wakati: “Ndakayeeyesesya atala alugwalo lwa BaFilipi 4:6, 7 luti, ‘luumuno lwa-Leza lwiinda miyeeyo yoonse yabantu luyooyaminina myoyo yanu amiyeeyo yanu.’ Chiindi nindakali kuyeeya lugwalo oolu, ndakali kulimvwa kandili afwiifwi aJehova alubo ndakabona kuti ulindizi kwiinda mbundilizi. Alubo bakombima bakandisungwaazya loko.\\n“Nikuba kuti bulwazi bwangu abwamwanaangu tabunamana, pesi twakaba mbubo-mbubo. Twakabona kuti tweelede kulisimya akuba amaboneno aalikabotu chiindi nituli mumapenzi nkaambo Jehova ulatugwasya. Alubo lugwalo lwa Jakobo 5:11 lwaamba kuti: ‘[Balikkomene, NW] bakakatila. Mulimvwide kale aalukakatilo lwa-Jobo, alimwi mulizi mbwaakamucitila Jehova kumamanino. Mwabona kuti Jehova ngusibuuya, ngusiluzyalo.’” Jehova wakalaazi mapenzi ngaakali kuswaana Jobu andiswe tuli achoonzyo chakuti ulaazi mapenzi ngituswaana.\\nLeza ulazibona zintu zyoonse zituchitikila. Ulaabona mapenzi ngituswaana nikuba kuti bamwi tabakonzyi kwaabona naakuti kutumvwisisisya nituli mumapenzi\\nBbayibbele litondeezya kuti Leza ulaazi mapenzi ngituswaana alubo ulatufwida luzyalo.","num_words":470,"character_repetition_ratio":0.046,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"JW Mulongo wa Muswaangano Wabuumi Amulimo Wamu March 26–April 1, 2018\\nMt. 25:1-6—Banakalindu bosanwe bacenjede alimwi abanakalindu bosanwe bafwubafwuba bakaunka kutegwa bakacinge sibwiinga\\nMt. 25:7-10—Banakalindu bafwubafwuba tiibakaliko ciindi sibwiinga naakasika\\nMt. 25:11, 12—Balikke banakalindu bacenjede mbobakazumizyigwa kunjila muŋanda yapobwe lyabwiinga\\nMt. 25:31-33—Amupandulule cikozyanyo cambelele ampongo. (w15 3\/15 27 ¶7)\\nMt. 25:40—Mbuti mbotukonzya kutondezya kuti tulababikkila maano banabokwabo a Kristo? (w09 10\/15 16 ¶16-18)\\nKubala Bbaibbele: (4 min.) Mt. 25:1-23\\nLweendo Lwakupilukila Lwabili: (3 min.) Amubelesye mubandi wacitondezyo. Amumutambe mukamwiniŋanda ku Ciibalusyo.\\nLweendo Lwakupilukila Lwatatu: (3 min.) Amulisalile lugwalo lwakubelesya, mpoonya amumwaabile bbuku libelesyegwa kwiiya.\\nMakani: (6 min.) w15 3\/15 27 ¶7-10—Mutwe: Ino Cikozyanyo Cambelele Ampongo Citondezya Buti Mbouyandika Mulimo Wakukambauka?\\n“Kuyungizya Luzyibo Lwesu Mumulimo Wakukambauka—Kuyiisya Basikwiiya Kulibambila”: (10 min.) Mubandi abaswiilizi. Mwamana, amweebelele alimwi akubandika kavidiyo ikatondezya sikumwaya uuyiisya sikwiiya Bbaibbele mbokulibambilwa cibalo cakwiiya. Amubatambe baswiilizi kwaamba nzila zimwi nzyobakacita kutegwa bazwidilile kugwasya basikwiiya kulibambila ciiyo ca Bbaibbele.\\nAmukabatambule Beenzu: (5 min.) Makani aayeeme acibalo icili mu Kabbuku Kamuswaangano wa Buumi Amulimo kamu March 2016. Amwaambe zyakuluula zimwi izyakamukkomanisya mumwaka wa 2017 ciindi ca Ciibalusyo. Amubayeezye boonse kujatikizya kwakupakiŋila myootokala, kwakunjilila alimwi akwakuzwida akubayeezya zintu zimwi ziyandika kujatikizya muswaangano wa Ciibalusyo uuyooba mu March 31.\\nCiiyo ca Bbaibbele Cambungano: (30 min.) jy cibalo 14\\nLwiimbo 79 Amupailo\\nMulongo wa Muswaangano Wabuumi Amulimo Wesu wa Bunakristo Wamu March 26–​April 1, 2018","num_words":186,"character_repetition_ratio":0.056,"word_repetition_ratio":0.0,"special_characters_ratio":0.214,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 26 IBBAIB63 - Lino ucitile itente zisitilizyo - Bible Search\\nKulonga 25 Kulonga 27\\n1-Lino ucitile itente zisitilizyo zili ikumi zyamasani aalukidwe kabotu, amasani aanyanzabili amasani aakamwemvwe amasani aasalala pyu, Uleelede kuzicita azikozyano zyabakerubi zibezedwe kabotu. 2Bulamfu bwacisitilizyo comwe bube tukokola tuli makumi obile amusanu atutatu, abwaamba bwaco tukokola tone; zisitilizyo zyoonse zikabe amweelwe omwe uuelene. 3-Zisitilizyo zyosanwe ziyooswanaanizigwa, azisitilizyo zimwi zyosanwe ziyooswanaanizigwa. 4-Alimwi ucite zyaanzikilo zyanyanzabili kumoombe wacisitilizyo caanze cacipanzi citaanzi; acalo cisitilizyo caanze cacipanzi cabili ucicitile mbubonya. 5Cita zyaanzikilo zili makumi osanwe mucisitilizyo cimwi, azyaanzikilo zili makumi osanwe mumoombe wacisitilizyo camucipanzi cabili; zyaanzikilo zilangane. 6Alimwi ucite zijatilizyo zyangolida zili makumi osanwe zyakuswanaanya zisitilizyo cimwi acimwi aceenzinyina­, kuti itente libe lyomwe.\\n7-Lino cita zisitilizyo zyaboya bwampongo, zibe itente ipati lyakuvumbilizya itente lyabukalo. Zisitilizyo zibe ikumi acimwi. 8Bulamfu bwacisitilizyo cimwi acimwi bube tukokola tuli makumi otatwe, abwaamba bwacisitilizyo cimwi acimwi cibe tukokola tone, Zyoonse zili ikumi acimwi zielane. 9Uswanizye zisitilizyo zyosanwe azilike, azisitilizyo zimwi zili musanu acimwi azilike, lino cisitilizyo camusanu acimwi ucivunge kunembo lyatente. 10Alimwi ucite zyaanzikilo zili makumi osanwe kumoombe wacisitilizyo cili kumamanino aacipanzi cimwi, azyaanzikilo zili makumi osanwe kumoombe wacisitilizyo cili kumamanino aacipanzi cabili.\\n11Alimwi ucite zijatilizyo zili makumi osanwe zyamukuba, ukanjizye zyaanzikilo muzijatilizyo, ukaswanizye itente lyoonse, libe lyomwe. 12Lino cipanzi cacisitilizyo cisyaala, cisela cacisitilizyo cisyaala, cileelede kulengelela kusule lyatente. 13Kakokola komwe kulubazu lumwi, akakokola komwe kulubazu lumwi, nkokuti eco cisyaala cabulamfu bwazisitilizyo zyatente, cilengelela kumabazu aatente, kumwi akumwi, kuti cilivumbe. 14-Alimwi ucite cakuvumba itente camatobo aabagutu aasalazidwe, acakuvumba cazipaya kujulu,\\n15Alimwi ucitile itente minsende yamuunga. 16Bulamfu bwamunsende omwe bube tukokola tuli ikumi, abwaamba bwamunsende bube kakokola acisela. 17Munsende umwi aumwi ube aziswanizizyo zyobile, kuti iswanaane umwi aumwi kumweenzinyina. Mboelede kucitila minsende yoonse yatente, 18Minsende yatente ibe obo. Beza minsende iili makumi obile yakulubazu lwamusanza. 19-Alimwi kunsi lyaminsende iili makumi obile panga zikazikilo zyansiliva zili makumi one, nkokuti zikazikilo zyobile kunsi lyamunsende umwi aumwi aziswanizizyo zyawo zyobile. 20Akwalo kulubazu lwabili lwatente, nkokuti lubazu lwakunyika, beza minsende iili makumi obile, 21azikazikilo zyayo zili makumi one zyansiliva, zikazikilo zyobile kunsi lyamunsende umwi aumwi. 22Alimwi kulubazu lwatente lwakujwe beza minsende iili musanu aumwi, 23akuzyooko zyatente zyakusule, minsende yobile, 24iipambukanye ansi akuswanaana kujulu kumubalo mutaanzi. Mbwiiyooba yoonse yobile. Iyooba kuzyooko zyobile. 25Kuyooba minsende iili musanu aitatu, azikazikilo zyayo zyansiliva zili ikumi amusanu aumwi, zikazikilo zyobile kumi lyamunsende umwi aumwi.\\n26-Alimwi ucite minkulu yamuunga, minkulu yosanwe kulubazu lumwi lwatente, 27aminkulu yosanwe kulubazu lwabili lwatente, aminkulu yosanwe kulubazu lwatente lwakusule kumbo. 28Nkabela munkulu waakati, akatikati kaminsende, ulapola koonse koonse. 29Lino minsende uleelede kwiiziluluzya ingolida, ancoko zyayo uzipanzye ingolida, zijate minkulu, ayalo minkulu uiziluluzye ingolida. 30-Yaka itente lyakukombela mbubonya mbuli mampyali aalyo ngowakatondezegwa mucilundu.\\n31-Alimwi ucite cisitilizyo camasani aanyanzabili amasani aakamwemvwe amasani aasalala pyu amasani aalukidwe kabotu; citungwe camaanu azikozyano zyabakerubi. 32Uleelede kucaanzika amisumpululu yone yamuunga iizilulwidwe ingolida iili amanembe aangolida azikazikilo zyone zyansiliva. 33-Cisitilizyo eco ucaanzike azijatilizyo. Lino unjizye mukati kaco ibbokesi lyamilao. Cisitilizyo nceciyoopambukanya kuntu kusalala akusalalisya loko. 34-Acalo cuuno caluzyalo ucibike atala lyabbokesi lyamulao mubusena busalalisya loko. 35-Ayalo intafule ibikwe anze lyacisitilizyo, acikazikilo camalampi bulangene antafule kulubazu lwatente lwakumusanza; yalo intafule ibikwe kulubazu lwakunyika.\\n36-Alimwi ukacite cisitilizyo kumulyango watente, masani aanyanzabili akamwemvwe amasani aasalala pyu amasani aalukidwe kabotu, milimo yamanyengwe. 37-Acisitilizyo eco ucibezele misumpululu yosanwe yamuunga, uiziluluzye ingolida. Manembe abe aangolida, alimwi ukaafulile zikazikilo zyosanwe zyamukuba.","num_words":524,"character_repetition_ratio":0.101,"word_repetition_ratio":0.0,"special_characters_ratio":0.154,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kupa Luumbulizyo Kuli Baabo Ibatundululwa | Ngazi Yamulindizi Yakwiiya\\nNgazi Yamulindizi—Yakwiiya | May 2019\\nAMUBALE MU Acholi Afrikaans Aja Akha Albanian Amharic Amis Arabic Armenian Aymara Azerbaijani Azerbaijani (Cyrillic) Baoule Bashkir Bassa (Cameroon) Batak (Karo) Batak (Simalungun) Batak (Toba) Belize Kriol Biak Bicol Bislama Boulou Bulgarian Cambodian Catalan Cebuano Changana (Mozambique) Chavacano Chichewa Chin (Hakha) Chinese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuukese Cibemba Cinyanja Croatian Czech Damara Dangme Danish Digor Douala Drehu Dutch Edo Efik English Estonian Ewe Fijian Finnish Fon French Ga Georgian German Greek Greenlandic Guadeloupean Creole Guarani Gun Haitian Creole Hausa Hebrew Herero Hiligaynon Hindi Hiri Motu Hmong (White) Hungarian Ibanag Icelandic Igbo Iloko Indonesian Italian Japanese Javanese Kabiye Kabuverdianu Kachin Kannada Karen (S'gaw) Kazakh Kazakh (Arabic) Kekchi Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kirundi Kisi Kisonge Kongo Korean Krio Kwangali Kwanyama Kyangonde Lahu Laotian Latvian Lhukonzo Lingala Lithuanian Lomwe Low German Luganda Lunda Luo Luvale Macua Makhuwa-Meetto Malagasy Malay Malayalam Maltese Mam Mambwe-Lungu Mapudungun Marathi Marshallese Mauritian Creole Mbunda Mingrelian Mixtec (Guerrero) Mizo Mongolian Moore Myanmar Nahuatl (Central) Nahuatl (Guerrero) Ndau Ndebele Ndebele (Zimbabwe) Ndonga Nepali Ngabere Ngangela Nias Niuean Norwegian Nyaneka Nyungwe Okpe Oromo Ossetian Palauan Pangasinan Papiamento (Curaçao) Persian Polish Ponapean Portuguese Portuguese (Portugal) Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Rarotongan Romanian Romany (Macedonia) Romany (Macedonia) Cyrillic Romany (Serbia) Romany (Southern Greece) Ronga Runyankore Russian Russian Sign Language Rutoro Samoan Sangir Sango Sena Sepedi Serbian (Cyrillic) Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Slovak Slovenian Solomon Islands Pidgin Spanish Sranantongo Sunda Swahili Swahili (Congo) Swati Swedish Tagalog Tahitian Tamil Tatar Telugu Tetun Dili Thai Tigrinya Tok Pisin Tongan Tshiluba Tshwa Tsonga Turkish Tuvaluan Ukrainian Umbundu Urdu Urhobo Uruund Uzbek Venda Vietnamese Wallisian Waray-Waray Wayuunaiki Welsh Wolaita Xhosa Yapese Yoruba Zande Zulu\\nCIBALO CAKWIIYA 20\\nKupa Luumbulizyo Kuli Baabo Ibatundululwa\\n“Leza siluumbulizyo loonse, uutuumbulizya mumapenzi eesu oonse.”—2KOR. 1:3, 4.\\nLWIIMBO 134 Bana Ncipego Kuzwa Kuli Leza\\n1-2. (a) Nzikozyanyo nzi zitondezya kuti bantu balazyalwa abube bwakuyanda kuumbulizyigwa alimwi akuumbulizya bamwi? (b) Ino mbuti bana bamwi mbobalimvwa kutyompwa?\\nBANTU boonse balazyalwa kabayanda kuumbulizyigwa alimwi balijisi bube bubotu bwakuyanda kuumbulizya bamwi. Mucikozyanyo, ikuti mwana musyoonto wawa akulicisa agondo naali kusobana, ulakonzya kubalikila kuli bausyi naa banyina, kumwi kalila. Bazyali tabakonzyi kupa kuti cilonda cipone, pele balakonzya kumuumbulizya mwana. Balakonzya kumubuzya capa kuti alicise, kumupukuta misozi, kumoongelezya alimwi ambweni akumubikka musamu naa kubikka bbandeji alincico. Kalitanalampa, mwana ulaleka kulila alimwi buya ulakonzya kujokela kukusobana. Mukuya kwaciindi, cilonda cilapona.\\n2 Nokuba boobo, zimwi ziindi bana balatyompwa akaambo kakucitikilwa zintu zimwi zibi kapati. Bamwi balatundululwa mumakani aakoonana. Mwana ulakonzya kutundululwa ciindi comwe naa ziindi zinji kwamyaka minji. Kufwumbwa mbocikonzya kuba, kutundululwa kulabatyompya kapati alimwi kupenga mumizeezo ikuboola akaambo kakutundululwa kulazumanana. Zimwi ziindi, sikutundulula ulajatwa akusubulwa. Pele zimwi ziindi, kulakonzya kulibonya kuti sikutundulula kunyina naasubulwa. Nokuba kuti sikutundulula ulakonzya kusubulwa mpoonya-mpoonya, mwana iwatundululwa ulakonzya kuzumanana kupenga nociba ciindi naakomena.\\n3. Kweelana alugwalo lwa 2 Bakorinto 1:3, 4, ino ncinzi ncayanda Jehova alimwi tulalanga-langa mibuzyo nzi?\\n3 Ikuti naa Munakristo iwakatundululwa kacili mwana ucizumanana kupenga mumoyo noliba leelyo naakomena, ino ndugwasyo nzi ndwakonzya kupegwa? (Amubale 2 Bakorinto 1:3, 4.) Cilisalede kuti, nkuyanda kwa Jehova kuti mbelele zyakwe kazitambula luyando alimwi aluumbulizyo ndoziyandika. Aboobo atulange-lange mibuzyo yotatwe: (1) Nkaambo nzi aabo ibakatundululwa kubwana ncobayandika luumbulizyo? (2) Ino mbaani ibakonzya kupa luumbulizyo luyandika? (3) Mbuti mbotukonzya kubaumbulizya munzila iigwasya kapati?\\nNKAAMBO NZI LUUMBULIZYO NCOLUYANDIKA?\\n4-5. (a) Nkaambo nzi ncociyandika kuzyiba kuti bana baliindene abapati? (b) Mbuti kutundululwa mbokukonzya kulujatikizya lusyomo ndwajisi mwana kuli bamwi?\\n4 Bapati bamwi ibakatundululwa kubwana baciyandika luumbulizyo nokuba kuti kwainda myaka minji. Nkaambo nzi? Kutegwa tumvwisye, tweelede kusaanguna kuzyiba kuti bana baliindene kapati abapati. Kanji-kanji mwana ulajatikizyigwa munzila ziindene abapati mbobakonzya kujatikizyigwa ciindi nobateendelezyegwi kabotu. Atulange-lange zikozyanyo zimwi.\\n5 Bana bayandika kuba acilongwe ciyumu akubasyoma aabo ibabalela alimwi akubalanganya. Cilongwe cili boobo cipa bana kulimvwa kukwabililwa alimwi cibayiisya kubasyoma bamwi ibabayanda. (Int. 22:9) Pele cuusisya ncakuti, kutundululwa kanji-kanji kutalikila aŋanda alimwi banamukwasyi abalongwe ziindi zinji mbambabo ibatundulula bana. Ciindi mwana natundululwa amuntu umwi ngwasyoma, cipa kuti cimuyumine kubasyoma bamwi nomuba mumyaka iili kumbele.\\n6. Nkaambo nzi kutundulula bana mumakani aakoonana ncoluli lunya alimwi ncocitali kabotu?\\n6 Bana tabakonzyi kulikwabilila. Kutundululwa mumakani aakoonana ndunya alimwi tacili kabotu. Kusinikizya bana kucita micito yakoonana kabatanakomena, kulakonzya kuleta mapenzi mapati. Kutundululwa kulakonzya kubapa kukubona munzila iitali kabotu koonana, kulibona kubula mpindu, naa kumubona munzila iitali kabotu muntu uuli woonse uuyanda kuba mulongwe wabo.\\n7. (a) Nkaambo nzi ncocili cuuba-uba kumuntu umwi kucenga akutundulula mwana alimwi mbuti sikutundulula mbwakonzya kucita oobo? (b) Nzintu nzi zikonzya kucitika akaambo kabubeji buli boobo?\\n7 Bana inga tabanazyiba kabotu kulanga-langa twaambo, kusala zyakucita alimwi akweeleba ntenda. (1Kor. 13:11) Aboobo ncuuba-uba kapati kumuntu umwi kubacenga alimwi akubatundulula. Basikutundulula baambila bana zintu zyakubeja. Mucikozyanyo, baamba kuti mwana ooyo nguujisi mulandu, kuti makani aayo ayelede kuba maseseke, akuti kunyina uyooswiilila naa kubikkila maano ikuti akaambe cakacitika naa kuti koonana kwamuntu mupati alimwi amwana ninzila iili buyo kabotu yakutondezya luyando. Bubeji buli boobu bulakonzya kunyonganya mizeezo yamwana alimwi akumupa kwaalilwa kumvwisya kasimpe kujatikizya makani aaya kwamyaka minji. Mwana uuli boobo ulakonzya kukomena kayeeya kuti wakanyongana, wakasofwaala alimwi akuti takonzyi kuyandwa akuumbulizyigwa a Leza.\\n8. Nkaambo nzi ncotujisi lusyomo lwakuti Jehova ulakonzya kubapa luumbulizyo aabo batyompedwe?\\n8 Aboobo, tacigambyi kuti kutundululwa mumakani aakoonana kulakonzya kuleta mapenzi kwamyaka minji. Ooyu mulandu mupati! Kutundulula kuli boobu, ikucitika munyika yoonse kutondezya kuti tupona kumazuba aamamanino ciindi bantu banji ‘nobatajisi luyando lwakuzyalwa andulo’ alimwi iciindi ‘bantu babyaabi abasilweeno nobabija akubijila limwi.’ (2Tim. 3:1-5, 13) Nzila nzyabelesya Saatani nzibi ncobeni alimwi cilausisya ciindi bantu nobacita zintu munzila iikkomanisya Diabolosi. Nokuba boobo, Jehova ulijisi nguzu zinji kapati kwiinda Saatani naa bantu bakwe. Ulizibwene zintu nzyacita Saatani. Tulaalusyomo lwakuti Jehova ulikuzyi kupenga kwesu, alimwi ulakonzya kutupa luumbulizyo ndotuyandika. Tulilelekedwe kubelekela “Leza siluumbulizyo loonse, uutuumbulizya mumapenzi eesu oonse, ikutegwa tukonzye kuumbulizya bamwi ibali mumapenzi aali oonse aluumbulizyo ndotujana kuli Leza.” (2Kor. 1:3, 4) Pele ino mbaani Jehova mbabelesya kupa luumbulizyo?\\nINO MBAANI IBAKONZYA KUPA LUUMBULIZYO?\\n9. Kweelana amajwi aa Mwami Davida aajanika kulugwalo lwa Intembauzyo 27:10, ncinzi Jehova ncayoobacitila aabo ibakapenzyegwa abanamukwasyi?\\n9 Aabo ibatakakwabililwa abazyali babo kukutundululwa naa aabo ibakatundululwa abanamukwasyi inga bayandika kapati kuumbulizyigwa. Sintembauzyo Davida wakalizyi kuti Jehova ngonguwe wiinda kupa luumbulizyo. (Amubale Intembauzyo 27:10.) Davida wakalisinizyide kuti Jehova uyooba Usyi wabaabo boonse ibakapenzyegwa abanamukwasyi. Mbuti Jehova mbwacita oobo? Ubelesya babelesi bakwe ibasyomeka. Bakwesu abacizyi mumbungano bali mbuli banamukwasyi. Mucikozyanyo, Jesu wakaamba kuti aabo ibakali kukomba Jehova antoomwe anguwe bakali banabokwabo, bacizyi bakwe alimwi abanyina.—Mt. 12:48-50.\\n10. Mbuti mwaapostolo Paulo mbwaakaupandulula mulimo wakwe kali mwaalu?\\n10 Atulange cikozyanyo cili boobu icitondezya mbungano ya Bunakristo mboili mbuli mukwasyi. Mwaapostolo Paulo wakali mwaalu uusyomeka alimwi uubeleka canguzu. Wakatondezya cikozyanyo cibotu alimwi buya wakasololelwa amuuya kwaambila bamwi kwiiya nguwe mbubonya walo mbwaakali kwiiya Kristo. (1Kor. 11:1) Lino amubone Paulo mbwaakaupandulula mulimo wakwe kali mwaalu: “Twakaba batete myoyo akati kanu, mbubonya mbuli mutumbu uunyonsya mbwabalanganya kabotu bana bakwe.” (1Tes. 2:7) Mbubwenya buyo amazuba aano, baalu basyomeka balakonzya kubelesya majwi aaluzyalo ciindi nobapa luumbulizyo lwamu Magwalo kuli baabo ibayandika lugwasyo.\\nBacizyi Banakristo basimide kanji-kanji balapa luumbulizyo lugwasya (Amubone muncali 11) *\\n11. Ncinzi citondezya kuti tabali baalu balikke ibakonzya kupa luumbulizyo?\\n11 Sena mbaalu balikke ibakonzya kupa luumbulizyo kuli baabo ibakatundululwa? Peepe. Toonse tulijisi mukuli ‘wakuzumanana kuumbulizyanya.’ (1Tes. 4:18) Ikapati bacizyi Banakristo ibasimide balakonzya kubakulwaizya bacizyi ibayandika luumbulizyo. Cakweelela, Jehova Leza wakalikozyanisya kumutumbu iwuumbulizya mwanaakwe. (Is. 66:13) Bbaibbele lilijisi zikozyanyo zyabamakaintu ibakapa luumbulizyo kuli baabo ibakali mumapenzi. (Job. 42:11) Eelo kaka cilamukkomanisya Jehova kubona bamakaintu Banakristo mazuba aano kabaumbulizya bacizyinyina aabo ibalwana mapenzi aamumizeezo! Mubukkale bumwi, cabupampu baalu balakonzya kulomba mucizyi uusimide kumuuya ikuti naa inga wamugwasya mucizyi uupengede munzila eeyo. *\\nMBUTI MBOTUKONZYA KUPA LUUMBULIZYO?\\n12. Ncinzi ncotuteelede kucita?\\n12 Ciindi notusola kugwasya mukwesu naa mucizyi, tatweelede kubuzya kujatikizya zintu nzyatayandi kwaambila bamwi. (1Tes. 4:11) Nokuba boobo, ino ncinzi ncotukonzya kucita kuli baabo ibayandika lugwasyo aluumbulizyo? Atulange-lange nzila zyosanwe zyamu Magwalo zijatikizya mbotukonzya kupa luumbulizyo.\\n13. Kweelana alugwalo lwa 1 Bami 19:5-8, ncinzi mungelo wa Jehova ncaakamucitila Elija alimwi mbuti mbotukonzya kumwiiya mungelo?\\n13 Amupe lugwasyo luyandika. Ciindi musinsimi Elija naakali kutija baabo ibakali kuyanda kumujaya, wakatyompwa kapati cakuti wakali kulombozya kufwa. Jehova wakatuma mungelo singuzu kutegwa amuswaye mwaalumi ooyo iwakatyompedwe. Mungelo ooyo wakamupa lugwasyo luyandika kapati. Wakapa Elija cakulya icakali kupya alimwi akumukulwaizya kuti alye. (Amubale 1 Bami 19:5-8.) Cibalo eeco citondezya kaambo aaka ikayandika kapati: Zimwi ziindi kantu kasyoonto nkotukonzya kumucitila umwi kalakonzya kugwasya kapati. Ambweni cakulya, cipego citaduli naa kkaadi iijisi majwi aakulwaizya zilakonzya kumutondezya mukwesu naa mucizyi uutyompedwe mbotumuyanda alimwi ambotumubikkila maano. Ikuti naa catuyumina kubandika amuntu umwi kujatikizya mbwalimvwide, tulakonzya kutondezya kuti tulamubikkila maano kwiinda mukucita zimwi akati kazintu eezyi izigwasya.\\n14. Nciiyo nzi ncotukonzya kwiiya kucibalo cijatikizya Elija?\\n14 Amupe kuti batyompedwe balimvwe kukwabililwa alimwi akwaanguluka. Tulakonzya kwiiya ciiyo acimbi kuzwa kucibalo cijatikizya Elija. Munzila yamaleele Jehova wakapa musinsimi lugwasyo ndwaakali kuyandika kutegwa aunke ku Cilundu ca Horebu. Ambweni abusena oobo, alo Jehova mpaakapangila cizuminano abantu bakwe myaka yamusyule, Elija wakalimvwa kukwabililwa. Kweelede kuti wakalimvwa kuti, lino uli kulamfwu abantu aabo ibakali kuyanda kumujaya. Ino twiiya nzi kucikozyanyo eeci? Ikuti katuyanda kupa luumbulizyo kuli baabo ibakatundululwa, tweelede kusaanguna kubagwasya kulimvwa kukwabililwa. Mucikozyanyo, baalu beelede kuyeeya kuti mucizyi uutyompedwe ulakonzya kulimvwa kukwabililwa alimwi akwaanguluka kapati ikuti kali kuŋanda kakkede cakuliiba ikwiinda ciindi nali ku Ŋanda ya Bwami. Umwi ulakonzya kulimvwa kukwabililwa akwaanguluka ciindi nali ku Ŋanda ya Bwami.\\nTulakonzya kuponya kwiinda mukuswiilila cakukkazika moyo, kupaila camoyo woonse alimwi akubelesya majwi aaumbulizya (Amubone muncali 15-20) *\\n15-16. Ino nzinzi zibikkilizyidwe mukuba muswiilizi mubotu?\\n15 Amube muswiilizi mubotu. Bbaibbele lipa lulayo oolu cakutainda mumbali: “Muntu woonse weelede kufwambaana kuswiilila, kumuka kwaambaula.” (Jak. 1:19) Sena tuli baswiilizi babotu? Ambweni inga twayeeya kuti kuba muswiilizi mubotu caamba kuti tweelede buyo kumulanga muntu ooyo waambaula kakunyina kwaamba cili coonse. Pele kuba muswiilizi mubotu kubikkilizya zinji. Mucikozyanyo, Elija wakamwaambila Jehova mbwaakauside alimwi Jehova wakaswiilila cakubikkila maano. Jehova wakabona kuti Elija wakaliyoowede, wakalilendeledwe alimwi wakali kuyeeya kuti milimo yakwe yoonse yakali yabuyo. Caluyando, Jehova wakamugwasya kuzunda kulibilika ooko. Wakatondezya kuti wakamuswiilila cakubikkila maano Elija.—1Bam. 19:9-11, 15-18.\\n16 Mbuti mbotukonzya kutondezya lweetelelo alimwi alubomba ciindi notuswiilila? Zimwi ziindi, majwi masyoonto aambwa cabupampu alimwi munzila iikulwaizya alakonzya kutondezya mbotulimvwide. Mulakonzya kwaamba kuti: “Ndausa kapati kuti eeci ncicakamucitikila! Kunyina mwana iweelede kucitikilwa cili boobu!” Ambweni mulakonzya kubuzya mubuzyo omwe naa yobilo ikutegwa musinizye kuti mwacimvwisya ncasola kwaamba mulongwe wanu uutyompedwe. Mulakonzya kubuzya kuti, “Ino mupandulula nzi?” naa “Ciindi nomwaamba kaambo aako, mebo ndali kuyeeya kuti mwaamba kuti . . . Sena mbombubo?” Majwi aali boobu aambwa munzila yaluyando alakonzya kupa muntu ooyo kubona kuti mulamuswiilila ncobeni alimwi akubona kuti mwacimvwisya ncali mukwaamba.—1Kor. 13:4, 7.\\n17. Nkaambo nzi ncotweelede kukkazika moyo alimwi ‘akumuka kwaambaula’?\\n17 Nokuba boobo, mweelede kucenjela “kumuka kwaambaula.” Tamweelede kufwambaana kupa lulayo naa kululamika mbwayeeya muntu ooyo. Alimwi mweelede kukkazika moyo! Ciindi Elija naakaambila Jehova mbwaakalimvwide, wakalityompedwe kapati alimwi wakaambaula cakuusa. Mpoonya, Jehova naakamana kuyumya lusyomo lwa Elija, mwaalumi ooyu wakainduluka kwaamba mbwaakalimvwide, ikubelesya majwi ngoonya. (1Bam. 19:9, 10, 13, 14) Ino ncinzi ncotwiiya kuli ceeci? Zimwi ziindi aabo ibatyompedwe balakonzya kwaamba mbobalimvwa ziindi zinji. Mbubwenya mbuli Jehova, tweelede kuswiilila cakukkazika moyo. Muciindi cakusola kubaambila ncobeelede kucita, tweelede kutondezya lweetelelo alimwi alubomba.—1Pet. 3:8.\\n18. Mbuti mipailo yesu mboikonzya kubaumbulizya aabo ibatyompedwe?\\n18 Amupaile camoyo woonse amuntu ooyo uutyompedwe. Bantu ibatyompedwe kapati balakonzya kwaalilwa kupaila. Muntu ulakonzya kulimvwa kuti teeleli kupaila kuli Jehova. Ikuti katuyanda kumuumbulizya muntu ooyo, inga twapaila anguwe akulyaamba zina lyakwe mumupailo. Tulakonzya kumwaambila Jehova kujatikizya mbotumuyanda muntu ooyo uutyompedwe swebo lwesu kutugama alimwi abakwesu abacizyi mumbungano. Tulakonzya kulomba Jehova kuti ayuumbulizye mbelele yakwe eeyo iiyandika kapati. Mipailo iili boobo ilaumbulizya kapati.—Jak. 5:16.\\n19. Ncinzi cikonzya kutugwasya kutegwa tulibambile kuumbulizya umwi?\\n19 Amubelesye majwi aaponya alimwi aawumbulizya. Amuyeeye kamutanaambaula. Majwi aambwa cakutayeeya alakonzya kubacisa bamwi. Majwi aaluzyalo alakonzya kuponya. (Tus. 12:18) Aboobo amupaile kuli Jehova kutegwa amugwasye kujana majwi aaluzyalo, aawumbulizya alimwi aayaka. Amuyeeye kuti kunyina majwi aali aanguzu kapati kwiinda majwi aa Jehova aajanika mu Bbaibbele.—Heb. 4:12.\\n20. Ino zintu zibyaabi zyakabacitikila kaindi zibapa kulimvwa buti bamwi alimwi ncinzi ncotuyanda kubayeezya?\\n20 Bakwesu naa bacizyi bamwi ibakatundululwa kaindi balimvwa kuti tabasalali, tabeeleli naa kuti tabakonzyi kuyandwa amuntu uuli woonse. Ooku nkubeja kupati! Aboobo amubelesye Magwalo kubayeezya kuti Jehova ulabayanda kapati. (Amubone kabbokesi kakuti “ Luumbulizyo Lwamu Magwalo.”) Amuyeeye kujatikizya mungelo mbwaakamuyumya caluzyalo musinsimi Daniele ciindi naakatyompedwe. Jehova wakali kuyanda kuti mwaalumi uuyandwa ooyu azyibe kuti wakali kuyandika kapati. (Dan. 10:2, 11, 19) Mbubwenya buyo, bakwesu abacizyi batyompedwe balayandika kapati kuli Jehova!\\nLuumbulizyo Lwamu Magwalo\\nIno magwalo nzi aabaumbulizya kapati aabo ibakatundululwa mumakani aakoonana? Nkwaali manji aakonzya kulembwa, pele aaya masyoonto buyo akati kayaayo aapa luumbulizyo. Ansi aa Lugwalo lumwi alumwi kuli twaambo naa majwi aakazubululwa aatondezya tupango mbotukonzya kubelesyegwa munzila iigwasya.\\nZimwi ziindi, cilibonya mbuli kuti basikutundulula tabakasubulwi pe. Pele tabakonzyi kumuyuba Jehova, uuswiilila kulila kwabaabo mbobatundulula. Kuba alusyomo mubululami bwa Jehova kulakonzya kutugwasya kujana luumuno.\\n“Kweelana ambolukulwaizya lugwalo oolu, ndakamwaambila Jehova zyoonse izyakali mumoyo, ndakamukombelezya kuti anduumbulizye alimwi akuti andigwasye kweendelezya mbondakali kulimvwa akuyeeya. Kwiinda mukupaila lyoonse kuli Jehova, buce-buce ndakajana luumbulizyo lwini-lwini alimwi akuliiba mumizeezo.”—Oobo mbwaakaamba mwaalu iwakatundululwa mumakani aakoonana ciindi naakajisi myaka yakuzyalwa iisika ku 9.—Amubone alimwi Intembauzyo 56:8-13.\\nTupango ootu tutondezya luumbulizyo ndwapa Jehova mbwali Taata siluyando, uukwabilila alimwi uugwasya babelesi bakwe muziindi zikatazya. Bantu ba Leza munyika yoonse balibonena mbwaali aamasimpe majwi aayo, kubikkilizya aciindi nobatundululwa.\\n“Ndakalomba baalu kuti bandigwasye. Twakakkala ambabo ziindi zinji alimwi bakabandika andime cakukkazika moyo. Bakandibikkila maano alimwi akundiswiilila kabotu-kabotu. Bakapaila antoomwe andime alimwi akundipailila.”—Oobo mbwaakaamba mucizyi Munakristo iwakatundululwa mumakani aakoonana naakajisi myaka yakuzyalwa iisika kucisambomwe.\\n1 BAKORINTO 13:4, 7\\nAmutuyeeye tupango ootu ciindi umwi namwaambila kuti wakatundululwa kaindi. Amweelebe majwi aatondezya kuti tamuzisyomi naa kuti mulazidooneka nzyamwaambila sikutundululwa. Basikutundulula banji baambila bana kuti, ikuti naa bakaambe cacitika, kunyina uuyoobasyoma. Bana bamwi balakomena kabayeeya mbubonya oobo. Aboobo amubikkile maano kujatikizya mbwalimvwide Munakristonyoko alimwi akumupa luumbulizyo ndomukonzya.\\n2 BAKORINTO 10:4, 5\\nKutundululwa mumakani aakoonana kulakonzya kuyiisya bana kusyoma bubeji pele Jwi lyakasololelwa amuuya lilakonzya kumwaya noziba zintu ziyumu nta zyabubeji bwa Saatani.\\n1 JOHANE 3:19, 20\\nCiindi moyo wesu noutupa mulandu, tweelede kuyeeya kuti Jehova “mupati kwiinda myoyo yesu alimwi ulizyi zintu zyoonse.” Pele Jwi lyakwe lilatupa kukasinizya kasimpe aaka kakuti: Tulayandika kapati kuli Leza.\\nAmubone cibalo 24 mubbuku lyakuti Amubaa Acilongwe a Jehova.\\n21. Ncinzi ciyoocitika kuli baabo boonse ibacita zintu zibyaabi alimwi ibateempwi, pele calino, ino makanze nzi ngotweelede kuba angawo?\\n21 Ciindi notuumbulizya bamwi, tulabagwasya kuyeeya kuti Jehova ulabayanda. Alimwi lyoonse tweelede kuyeeya kuti Jehova ngu Leza wabululami. Kunyina makani mabyaabi aali woonse aajatikizya kutundulula ngatazyi Jehova. Ulabona zintu zyoonse alimwi uyoobasubula bantu bacita zibi ibateempwi. (My. 14:18) Calino, atucite kufwumbwa ncotukonzya kutegwa tutondezye luyando kuli baabo ibakatundululwa. Eelo kaka cilaumbulizya kuzyiba kuti Jehova uyoobapa lukkomano lutamani boonse aabo ibatundululwa a Saatani alimwi anyika yakwe! Ino-ino, zintu zibyaabi zyoonse eezyi kunyina noziya kuyeeyegwa limbi.—Is. 65:17.\\nNkaambo nzi aabo ibakatundululwa kubwana ncobayandika luumbulizyo nokuba kuti kwainda myaka minji?\\nIno mbaani ibakonzya kupa luumbulizyo kuli baabo ibapengede?\\nNinzila nzi izigwasya mukupa luumbulizyo?\\nLWIIMBO 109 Amuyandane Kapati Kuzwa Ansi Aamoyo\\n^ munc. 5 Aabo ibakatundululwa kubwana balakonzya kujana buyumuyumu bunji nomuba mumyaka iili kumbele. Mucibalo eeci tulagwasyigwa kumvwisya kaambo ncocili boobo. Alimwi tulalanga-langa ibakonzya kubaumbulizya bantu bali boobo. Mpoonya, tulabandika nzila zimwi zigwasya zijatikizya mbotukonzya kubaumbulizya.\\n^ munc. 11 Muntu iwakatundululwa ulakonzya kulisalila naa uyanda kuyoobonana adokota kutegwa apegwe lugwasyo.\\n^ munc. 76 BUPANDULUZI BWACIFWANIKISO: Mucizyi uusimide kumuuya uumbulizya mucizyi uutyompedwe.\\n^ munc. 78 BUPANDULUZI BWACIFWANIKISO: Baalu bobilo bamuswaya mucizyi uutyompedwe. Mucizyi uutyompedwe watamba mucizyi ooyo uusimide kumuuya kuti awalo ajanike.\\nKutondezya Luyando Abululami mu Mbungano ya Bunakristo\\nKutondezya Luyando Abululami Munyika Mbyaabi\\nMuteenwi ‘Abusongo Bwanyika Eeyi’\\nAmubikkile Maano Kujatikizya Mbomubala\\nMabala Amusale naa muyanda kukkopa zyakamwaigwa izyakalekkoodwa NGAZI YAMULINDIZI—YAKWIIYA May 2019\\nNGAZI YAMULINDIZI—YAKWIIYA May 2019","num_words":2462,"character_repetition_ratio":0.064,"word_repetition_ratio":0.0,"special_characters_ratio":0.162,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 8 IBBAIB63 - Lino Jehova wakaambila Musa kuti, - Bible Search\\nKulonga 7 Kulonga 9\\nBa-Egepita mbubakapenzegsua abacaande\\n1-Lino Jehova wakaambila Musa kuti, Njila muli-Farao, ukamwaambile kuti, Mbuboobu mbwaamba Jehova. Leka bantu bangu, baye, bandi­ kombe. 2-Na wakaka kubaleka, mebo ndauma nyika yako abacaande. 3-Lwizi lulazula bacaande. Balazwa nkuko, akunjila muŋanda yako, amukaanda kako kakoona, aatala lyabulo bwako oonse, amumaanda aabalanda bako, aakati kabantu bako, amuziko zyako, amuzyaambikwa zyako. 4Alinduwe aabantu bako aabalanda bako boonse buyo, bacaande balamusikila. 5-Elyo Jehova wakaambila ba-Musa a-Aroni kuti, Tandabika ijanza lyako amusako wako atala lyamilonga alwizi amalambwa, kuti kuze bacaande munyika yoonse ya-Egepita. 6-Mpawo Aroni wakatandabika ijanza lyakwe atala lyamaanzi aa-Egepita, nkabela kwakasika bacaande kuzuzya nyika yoonse ya-Egepita. 7-Pele basimabibo abalo bakacita mbubonya amabibo aabo akuleta bacaande munyika ya-Egepita,\\n8-Mpoonya awo Farao wakaita ba-Musa a-Aroni, wati, Amukumbile kuli-Jehova, kuti agwisye bacaande kulindime akubantu bangu, elyo ndaleka bantu kuti baye kuyoopaila kuli-Jehova. 9Lino Musa wakaambila Farao kuti, Mbubo, bulemu abube bwako. Kondaambila na ndeelede kukukumbilila lili, yebo abalanda bako abantu bako, kuti bacaande bamane kuzwa kulinduwe akumaanda aako, basyaale mulwizi amulike. 10-Wakati, Kube junza. Wakati, Ncibotu, kuyooba mbubonya mbuli majwi aako, kuti uzibe kuti taakwe naba omwe uuelene a-Jehova Leza wesu. 11Bacaande balazwa kulinduwe akumaanda aako akubalanda bako akubantu bako, balasyaala mulwizi luzutu. 12-Mpawo ba-Musa a-Aroni bakazwa kuli-Farao, nkabela Musa wakakwiilila Jehova nkaambo kabacaande mbaakabikilide Farao. 13Lino Jehova wakacita mbubonya mbuli mbwaakaamba Musa, nkabela bacaande bakafwa mumaanda amumbuwa amunyuunda. 14Elyo bakababungika muzilwi zilwi mane cisi cakanunka. 15-Pele Farao naakabona kuti wajana buyoyelo, wakayumya moyo wakwe, wakaka kubaswiilila mbubonya mbuli Jehova mbwaakaamba.\\nBa-Egepita mbubakapenzegwa mansenya\\n16Lino Jehova wakaambila Musa kuti, Ambila Aroni kuti, Tandabika musako wako, uume bulongo bwaansi, kuti busanduke kuba mansenya mucisi coonse ca-Egepita. 17-Mpoonya awo Aroni waka cita obo: wakatandabika ijanza lyakwe amusako wakwe, wauma bulongo bwacisi, nkabela bwakasanduka kuba mansenya akati kabantu aakati kabanyama. Bulongo boonse bwacisi bwakaba mansenya mucisi coonse ca-Egepita. 18-Abalo basimabibo bakasoleka kucita mansenya mubucapi bwabo, pele bakakacilwa, aboobo kwakajanwa mansenya koonse koonse kubantu akubanyama. 19-Mpawo basimabibo bakaambila Farao kuti, Ngooyu munwe wa-Leza. Pele moyo wa-Farao wakayumisigwa, wakaka kubaswiilila, mbubonya mbuli Jehova mbwaakaamba.\\nBa-Egepita mbubakapenzegwa mazi\\n20-Lino Jehova wakaambila Musa kuti, Fuma cifumo, ukaime kubusyu bwa-Farao, anooya kumaanzi, Uleelede kumwaambila kuti, Mbuboobu mbwaamba Mwami Jehova. Leka bantu bangu, baye, bandikombe. 21Na wakaka kuleka bantu bangu, bona! Ndamutumina, yebo abalanda bako abantu bako amumaanda aako, matanga matanga aamazi. Maanda aabaEgepita alazula mazi, aalo ansi mpobeenda. 22-Pele mubuzuba obo njooanzaanya cisi ca-Goseni, nkobakede bantu bangu, kuti kutabi mazi oko, kuti muzibe kuti ndime Jehova mukati kanyika. 23Njooanzaanya bantu bangu abantu bako. Eci citondezyo ciyooba junza. 24-Nkabela Jehova wakacita obo. Kwakasika matanga mapati aamazi muŋanda ya-Farao amumaanda aabalanda bakwe. Mucisi coonse ca-Egepita nyika yakanyonyooka nkaambo kamazi.\\n25Mpawo Farao wakaita ba-Musa a-Aroni, wati, Kamuya, mukapaile Leza wanu mumonya omuno munyika. 26Pele Musa wakati, Tacicitiki obo pe, nkaambo tulapaizizya Jehova Leza wesu zintu zisesemya ba-Egepira. Na twapaizya zintu zibasesemya kumeso aabo, sa tabakootufusa mabwe? 27-Tuleelede kutola lweendo lwamazuba otatwe kuya munkanda, kuti tuka-paile Jehova Leza wesu mbubonya mbwaatulailila. 28-Farao wakati, Mbubo, ndamuleka, kuti mukapaile Jehova Leza wanu munkanda, pele mutainki kule. Amundikumbilile. 29Musa wakati, Bona! Ndakusia buyo, ndakumbila kuli-Jehova, kuti junza agwisye matanga aamazi kuzwa kuli-Farao akubalanda bakwe akubantu bakwe. Pele Farao atatweeni limbi kukutaleka bantu kuti bakapaile Jehova. 30Mpawo Musa naakazwa kuliFarao, wakakumbila kuli-Jehova. 31-Nkabela Jehova wakacita mbubonya mbwaakaamba Musa. Wakagwisya matanga aamazi kuzwa kuli-Farao akubalanda bakwe akubantu bakwe. Taakwe neliba lyomwe lyakasyaala. 32-Nekubaboobo kuciindi eco acalo Farao wakayumya moyo wakwe, taakwe naakaleka bantu kuti baye.","num_words":561,"character_repetition_ratio":0.068,"word_repetition_ratio":0.0,"special_characters_ratio":0.18,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mulayandika Kapati Kuli Jehova Leza Wanu! — LAIBBULALI YAA INTANETI ya Watchower\\nw20 January map. 14-19\\nMulayandika Kapati Kuli Jehova Leza Wanu!\\nTULAYANDIKA KAPATI KULI JEHOVA\\nKUTI KAMUJISI PENZI LYAKUJANA MALI AAYANDIKA\\nCIINDI NOTULIYUMYA KUMAPENZI AABOOLA AKAAMBO KAKUCEMBAALA\\nTaakwe Cikonzya “Kutwaandaanya Kuluyando lwa-Leza”\\nAmubaa Acilongwe a Jehova\\nCIBALO CAKWIIYA 3\\n“Wakatuyeeya notwakali mumapenzi”—INT. 136:23.\\nLWIIMBO 33 Kowaala Mukuli Wako Uuminya Mumaanza aa Jehova\\n1-2. Mapenzi nzi ngobajana babelesi ba Jehova banji, alimwi ino abajatikizya buti?\\nAMUYEEYE kujatikizya bukkale oobu botatwe: Mukwesu uucili mwana-mwana wajanwa abulwazi bupati. Mukwesu uucili aanguzu alimwi uubeleka canguzu watandwa mulimo alimwi nokuba kuti wasolekesya kapati kuyandaula mulimo uumbi kunyina naaujana. Mucizyi uucembeede uusyomeka tacibeleki mbuli mbwaakali kubeleka musyule mumulimo wa Jehova.\\n2 Ikuti naa andinywe muli mubukkale oobu, ambweni mulakonzya kulimvwa kuti tamuciyandiki. Bukkale oobu bulakonzya kumumanina lukkomano, kumupa kulimvwa kuti munyina mpindu, alimwi akumupa kutaanguluka kuba azilongwe abamwi.\\n3. Ino Saatani alimwi abaabo ibayungwa anguwe babubona buti buumi bwabantu?\\n3 Nyika eeyi itondezya mbwabubona buumi bwabantu Saatani. Lyoonse ubona mbuli kuti bantu banyina mpindu. Nokuba kuti Saatani wakalizyi kabotu-kabotu kuti kutamvwida Leza kwakali kuyoosololela kulufwu, calunya wakaambila Eva kuti wakali kuyooba alwaanguluko ikuti wasala kutamvwida Leza. Saatani ngonguwe weendelezya makwebo, mapolitikisi alimwi abukombi bwamunyika eeyi. Aboobo tacigambyi kuti basimakwebo banji, basimapolitikisi alimwi abasololi babukombi batondezya muuya ngwajisi wakutalemeka buumi bwabantu.\\n4. Ncinzi ncotutiibandike mucibalo eeci?\\n4 Nokuba boobo, mukwiimpana a Saatani, Jehova uyanda kuti tuzyibe kuti tulayandika kapati, alimwi ulatugwasya ciindi notulijana mubukkale ibukonzya kutupa kulimvwa kubula mpindu. (Int. 136:23; Rom. 12:3) Cibalo eeci cilabandika kujatikizya mbwatugwasya Jehova mubukkale oobu butobela: (1) ciindi notuciswa, (2) ciindi notujisi buyumu-yumu bwakujana mali aayandika, alimwi (3) ciindi kucembaala nokutupa kulimvwa kuti kunyina ncotukonzya kucita mumulimo wa Jehova. Aboobo cakusaanguna, atubone kaambo ncotukonzya kuba alusyomo lwakuti umwi aumwi wesu ulayandika kapati kuli Jehova.\\n5. Ncinzi cimupa kusinizya kuti bantu balayandika kapati kuli Jehova?\\n5 Nokuba kuti twakabumbwa kuzwa kubulongo, tulayandika kapati kwiinda bulongo. (Matl. 2:7) Amubone twaambo tumwi itutondezya kuti tulayandika kapati kuli Jehova. Wakalenga bantu munzila yakuti kabacikonzya kwiiya bube bwakwe. (Matl. 1:27) Kwiinda mukucita boobo, utupa kuti katwiindene kapati azilenge zyoonse izili anyika alimwi watupa mukuli wakulanganya nyika abanyama.—Int. 8:4-8.\\n6. Mbumboni nzi bumbi ibutupa kusyoma kuti Jehova ulababikkila maano bantu batalondokede?\\n6 Noliba leelyo Adamu naakabisya, Jehova wakazumanana kubabikkila maano bantu. Leza ulatuyanda kapati cakuti wakatupa Mwanaakwe ngwayandisya, Jesu, kali cinunuzyo cazibi zyesu. (1Joh. 4:9, 10) Kwiinda mukubelesya mpindu yacinunuzyo, Jehova uyoobabusya aabo ibakafwa akaambo kacibi ca Adamu, nkokuti “baluleme abataluleme.” (Mil. 24:15) Ijwi lyakwe litondezya kuti tulayandika kapati kulinguwe, tacikwe makani tulaciswa, tujisi penzi lyamali naa ambweni tulicembeede.—Mil. 10:34, 35.\\n7. Ntwaambo nzi atumbi itupa babelesi ba Leza kusyoma kuti Jehova ulababikkila maano?\\n7 Tulijisi twaambo atumbi itutupa kusyoma kuti tulayandika kapati kuli Jehova. Wakatukwela kulinguwe alimwi akubona mbotwakaatambula makani mabotu. (Joh. 6:44) Mbotwakatalikila buyo kuswena kulinguwe, awalo wakaswena kulindiswe. (Jak. 4:8) Jehova ulabelesya ciindi cinji alimwi anguzu kutuyiisya, kutondezya kuti tulayandika kapati kulinguwe. Ulizyi mbotubede lino alimwi ambotukonzya kuba. Kuyungizya waawo, ulatupa lulayo akaambo kakuti ulatuyanda. (Tus. 3:11, 12) Eelo kaka oobu mbumboni bukkwene ibwakuti Jehova ulatubikkila maano kapati!\\n8. Mbuti majwi aali kulugwalo lwa Intembauzyo 18:27-29 mbwaakujatikizya kuyeeya kwesu kumapenzi ngotujisi?\\n8 Bamwi bakali kubona Mwami Davida kuti unyina mpindu, pele walo wakalizyi kuti Jehova ulamuyanda alimwi akuti uli kulubazu lwakwe. Eeci cakamugwasya Davida kubulanga munzila yeelede bukkale bwakwe. (2Sam. 16:5-7) Ciindi notutyompedwe naa notuli mubukkale bukatazya, Jehova ulakonzya kutugwasya kuzilanga munzila yeelede zintu alimwi akutugwasya kuzunda penzi lili lyoonse. (Amubale Intembauzyo 18:27-29.) Ciindi notugwasyigwa a Jehova, kunyina cikonzya kutulesya kumubelekela calukkomano. (Rom. 8:31) Lino atubulange-lange bukkale obuya botatwe bugaminide mwalo motuyandika kubona kuti Jehova ulatuyanda alimwi ulatubikkila maano.\\nKubala jwi lya Jehova lyakasololelwa amuuya kuyootugwasya kulwana mizeezo iitaluzi iiboola akaambo kakuciswa (Amubone muncali 9-12)\\n9. Mbuti kuciswa mbokukujatikizya mbotulibona?\\n9 Kuciswa kulakonzya kwiijatikizya mizeezo yesu alimwi akutupa kulimvwa mbuli kuti tatucijisi mpindu kumuntu uuli woonse. Tulakonzya kufwa nsoni ciindi bamwi nobabona kuti kuli cilubide kulindiswe. Nokuba kuti bamwi inga kabatazyi kuti tulaciswa, tulakonzya kufwa nsoni akaambo kakuti tatucicikonzyi kucita zintu zimwi nzyotwakali kucita. Muziindi eezyo zikatazya, Jehova ulatuyumya-yumya. Munzila nzi?\\n10. Kweelana alugwalo lwa Tusimpi 12:25, ncinzi cikonzya kutugwasya ciindi notuciswa?\\n10 Ciindi notuciswa, ‘Ijwi libotu’ lilakonzya kutuyumya-yumya. (Amubale Tusimpi 12:25.) Kwiinda mu Bbaibbele, Jehova ulatwaambila zintu zinji zibotu izituyeezya kuti tulayandika kapati kulinguwe nokuba kuti tulaciswa. (Int. 31:19; 41:3) Ikuti twaabala cakwiinduluka-induluka majwi aaya aakasololelwa amuuya, Jehova uyootugwasya kulwana kuyeeya kutaluzi ikuboola akaambo kakuciswa.\\n11. Mbuti mukwesu umwi mbwaakagwasyigwa a Jehova?\\n11 Amubone cikozyanyo caba Jorge. Nobakacili bana, bakaciswa bulwazi ibwakabapa kulimvwa kubula mpindu. Bakaamba kuti, “Tiindakazyi kuti bulwazi bwangu bwakali kuyoondipa kulimvwa boobu naa kufwa nsoni akaambo kakuti bwakali kupa kuti bantu kabandilanga kapati. Bulwazi bwangu bwakakomena alimwi ndakali kuyeeya kujatikizya buumi bwangu mbobwakali kunoocinca. Ndakatyompwa kapati, aboobo ndakakombelezya Jehova kuti andigwasye.” Ino Jehova wakabagwasya buti? Bakaamba kuti, “Ndakajisi penzi lyakutacikonzya kubikkila maano kuzintu nzyondakali kubala akaambo kakuyeeya kapati kujatikizya bulwazi bwangu, aboobo ndakakulwaizyigwa kubala buyo zibalo zifwaafwi mubbuku lya Intembauzyo, izitondezya kuti Jehova ulababikkila maano babelesi bakwe. Ndakali kwaabala cakwiinduluka-induluka magwalo aayo masyoonto abuzuba, alimwi ndakaabona kuti alaumbulizya. Mukuya kwaciindi, bantu bakatalika kubona kuti ndakalikkomene. Mane buya bakaamba kuti lukkomano lwangu lwakabakulwaizya. Ndakabona kuti Jehova wakayiingula mipailo yangu! Wakandigwasya kucinca mbondakali kulibona. Aboobo ndakatalika kubikkila maano kuli ncolyaamba Jwi lyakwe kujatikizya mbwandibona nokuba kuti ndilaciswa.”\\n12. Ikuti kamuciswa, ino inga mwacita buti kutegwa Jehova amugwasye?\\n12 Ikuti naa mulaciswa, amusyome kuti Jehova ulibuzyi bukkale bwanu. Amumulombe kutegwa amugwasye kubulanga munzila yeelede bukkale bwanu. Mpoonya amubale mulumbe wamu Bbaibbele uumbulizya. Amubikkile maano kuzibalo izitondezya Jehova mbwababikkila maano babelesi bakwe. Nomucita boobo, muyoobona kuti Jehova ulababikkila maano aabo boonse ibamubelekela cakusyomeka.—Int. 84:11.\\nKuyeeya kuti Jehova wakatusyomezya kuti unootupa nzyotuyandika kuyootugwasya ciindi nocitukatazya kujana mulimo (Amubone muncali 13-15)\\n13. Mbuti silutwe wamukwasyi mbwakonzya kulimvwa ikuti naa watandwa mulimo?\\n13 Silutwe wamukwasyi uuli woonse ulayanda kubajanina nzyobayandika bamukwasyi wakwe. Amweezyeezye kuti, kakunyina ncaalubizya, watandwa mulimo. Nokuba kuti wasolekesya kuyandaula mulimo uumbi, kunyina naaujana. Kuba mubukkale oobu, inga kwamupa kulimvwa kubula mpindu. Ino mbuti kubikkila maano kuzisyomezyo zya Jehova mbokukonzya kumugwasya?\\n14. Ino ntwaambo nzi itupa kuti Jehova kazuzikizya zisyomezyo zyakwe?\\n14 Jehova lyoonse ulazuzikizya zisyomezyo zyakwe. (Jos. 21:45; 23:14) Ulacita oobo akaambo katwaambo tunji. Kaambo kamwi nkakuti izina lyakwe libotu naa mpuwo, ilajatikizyigwa. Jehova wakasyomezya kuti unoobalanganya babelesi bakwe basyomeka alimwi ulakkomana kucizuzikizya cisyomezyo eeci. (Int. 31:1-3) Kuyungizya waawo, Jehova ulizyi kuti swebo, mbwaanga tuli cibeela camukwasyi wakwe, tulakonzya kuusa alimwi akutyompwa ikuti katatulanganyi. Wakasyomezya kuti unootupa zintu nzyotuyandika kumubili akumuuya alimwi kunyina icikonzya kumulesya kuzuzikizya cisyomezyo eeco!—Mt. 6:30-33; 24:45.\\n15. (a) Mbuyumuyumu nzi mbobakajana Banakristo bamumwaanda wamyaka wakusaanguna? (b) Ino lugwalo lwa Intembauzyo 37:18, 19 lutupa kuba alusyomo nzi?\\n15 Ciindi notuyeeya twaambo itumupa kuzuzikizya zisyomezyo zyakwe Jehova, tulakonzya kuba alusyomo lwakuti uyootugwasya ciindi notujisi penzi lyakujana mali aayandika. Amubone cikozyanyo ca Banakristo bamumwaanda wamyaka wakusaanguna. Ciindi mbungano iyakali mu Jerusalemu noyakatalika kupenzyegwa kapati, ‘basikwiiya boonse bakamwaika, kwakasyaala buyo baapostolo.’ (Mil. 8:1) Amuyeeya buyo icakacitika akaambo kaceeci. Bukkale bwakayuma! Kweelede kuti Banakristo bakasweekelwa maanda aabo alimwi amakwebo. Nokuba boobo, Jehova kunyina naakabalekelezya; alimwi lukkomano lwabo kunyina nolwakamana. (Mil. 8:4; Heb. 13:5, 6; Jak. 1:2, 3) Jehova wakabagwasya Banakristo aaba basyomeka, andiswe uyootugwasya.—Amubale Intembauzyo 37:18, 19.\\nKubikkila maano kuzintu nzyotukonzya kucita, nokuba kuti tulicembeede, kuyootupa kuba masimpe kuti Jehova ulatubikkila maano alimwi amulimo wesu ngotubeleka cakusyomeka (Amubone muncali 16-18)\\n16. Ncinzi cikonzya kutupa kuyeeya kuti ambweni bukombi bwesu tabuyandiki kuli Jehova?\\n16 Ciindi notuyaabucembaala, tulakonzya kutalika kulimvwa kuti tatukonzyi kumupa zinji Jehova. Ambweni Mwami Davida awalo mbwaakali kulimvwa mbubwenya oobu ciindi naakali kuyaabucembaala. (Int. 71:9) Ino Jehova inga watugwasya buti?\\n17. Ino ncinzi ncotwaiya kucikozyanyo camucizyi Jheri?\\n17 Amubone cikozyanyo camucizyi wazina lya Jheri. Wakatambwa kuti ajanike Ŋanda ya Bwami kucibeela calwiiyo lwakubambulula mayake aabelesyegwa mumulimo wa Jehova, pele tanaakali kuyanda kuunka. Wakaamba kuti: “Ndilicembeede, ndili mukamufwu alimwi tandijisi luzyibo luli loonse ndondikonzya kubelesya mumulimo ooyu. Ndinyina mpindu.” Busiku cikolo kacitanatalika, wakapaila kuli Jehova kuzwa ansi aamoyo. Naakasika ku Ŋanda ya Bwami buzuba bwakatobela, wakacili kulibuzya naa wakaleelede ncobeni kujanika. Nobakali kwiiya, mwaambi umwi wakaamba kuti luzyibo ilwakali kuyandika kapati nkulyaaba kwesu kutegwa tuyiisyigwe a Jehova. Mucizyi Jheri wakaamba kuti: “Ndakati, ‘luzyibo oolo ndililujisi!’ Ndakatalika kulila ciindi nondakazyiba kuti Jehova wakawiingula mupailo wangu. Wakandipa kuba alusyomo lwakuti kuli cintu cimwi iciyandika kapati ncondikonzya kupa alimwi akuti wakalilibambilide kundiyiisya!” Alanga musyule, waamba kuti: “Ndakanjila mu Ŋanda ya Bwami kandiyoowede, kandityompedwe alimwi akulimvwa kubula mpindu. Pele nondakazwa ndakalaangulukide, kukulwaizyigwa alimwi akulimvwa kuba ampindu!”\\n18. Mbuti Bbaibbele mbolitondezya kuti Jehova ulazumanana kububikkila maano bukombi bwesu ciindi notwacembaala?\\n18 Nokuba kuti tuyaabucembaala, tulakonzya kuba masimpe kuti kuli mulimo Jehova ngwaciyanda kuti tucite. (Int. 92:12-15) Jesu wakatuyiisya kuti nokuba kuti zintu nzyotukonzya kucita zilibonya kuti taziyandiki kapati kulindiswe, Jehova ulabikkila maano kucintu cili coonse ncotukonzya kucita mumulimo wakwe. (Lk. 21:2-4) Aboobo kamubikkila buyo maano kuzintu nzyomukonzya kucita. Mucikozyanyo, mulakonzya kwaamba makani aajatikizya Jehova, kupailila bakwesu alimwi akukulwaizya bamwi kuti bazumanane kusyomeka. Jehova umubona kuti muli basimilimonyina, ikutali akaambo kazintu nzyomukonzya kucita, pele akaambo kakulyaaba kwanu kumumvwida.—1Kor. 3:5-9.\\n19. Ino lugwalo lwa Baroma 8:38, 39, lutupa kuba alusyomo nzi?\\n19 Eelo kaka tulikkomene kukomba Jehova, Leza uubabikkila maano kapati aabo ibamubelekela! Wakatulenga kutegwa katucita kuyanda kwakwe, alimwi bukombi bwakasimpe mbobutuletela lukkomano mubuumi. (Ciy. 4:11) Nokuba kuti nyika ilakonzya kutubona kuti tunyina mpindu, Jehova kunyina natubona boobo pe. (Heb. 11:16, 38) Ciindi notutyompwa akaambo kakuciswa, kubula mali aayandika naa kucembaala, atuyeeye kuti kunyina cintu cili coonse icikonzya kutwaandaanya kuluyando lwa Taateesu wakujulu.—Amubale Baroma 8:38, 39.\\nSena kuli nomwakali mubukkale ibwakamupa kulimvwa kubula mpindu? Cibalo eeci cilamuyeezya mbomuyandika kapati kuli Jehova. Cilabandika kujatikizya mbotukonzya kulimvwa kuba ampindu tacikwe makani azintu zikonzya kutucitikila mubuumi.\\nMBUTI JEHOVA MBWATONDEZYA KUTI ULATUBIKKILA MAANO CIINDI . . .\\nnotujisi penzi lyakujana mali aayandika?\\nnotulimvwa kuti tatukonzyi kucita zinji akaambo kakucembaala?\\nLWIIMBO 30 Ngu Taata, ngu Leza Wangu, Mweenzuma","num_words":1497,"character_repetition_ratio":0.07,"word_repetition_ratio":0.0,"special_characters_ratio":0.176,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Kulonga 37 IBBAIB63 - Lino Bezaleli wakabeza ibbokesi - Bible Search\\nKulonga 36 Kulonga 38\\nZibelesyo zyamutente mbuzyakacitwa\\n1-Lino Bezaleli wakabeza ibbokesi lyamuunga. Bulamfu bwalyo bwakali tukokola tobile acisela, bwaamba bwalyo bwakali kakokola komwe acisela, abwiime bwalyo bwakali kakokola komwe acisela. 2Nkabela wakaliziluluzya ingolida iisalala koonse koonse, mukati aanze; alimwi wakalicitila moombe wangolida cakuzinguluka. 3Lino wakalifulila incoko zyone zyangolida amabazu aalyo one: incoko zyobile kulubazu lumwi, ancoko zyobile kulubazu alumwi. 4-Alimwi wakabeza miziyo yamuunga, waiziluluzya ingolida, 5-wabika miziyo muncoko kumabazu aabbokesi, ibe yakuyumuzya ibbokesi. 6-Alimwi wakacita cuuno caluzyalo cangolida iisalala. Bulamfu bwaco bwakali tukokola tobile acisela, abwaamba bwaco kakokola komwe acisela. 7Nkabela wakapanga bakerubi bobile bangolida yacifulamubisi kumpela zyobile zyacuuno caluzyalo; 8umwi kerubi kali kumpela imwi akerubi umwi kumpela imwi; bakalijatilide mucuuno caluzyalo kumpela zyaco zyobile. 9-Bakerubi bakalitandabikide maboko aabo kujulu cakuvumbilila cuuno caluzyalo, amasyu aabo akalilangene. Masyu aabakerubi­ akali kulanga cuuno caluzyalo,\\n10-Alimwi wakacita intafule yamuunga. Bulamfu bwayo bwakali tukokola tobile, bwaamba bwayo bwakali kakokola komwe, abwiime bwayo bwakali kakokola komwe acisela. 11Wakaiziluluzya ingolida iisalala, akwiifulila moongola wangolida cakuzyunguluka. 12Alimwi wakaicitila mubalo uuzingulukide uuli abwaamba bwajanza, ayooyo mubalo kauli amoongola wangolida koonse koonse. 13Alimwi wakaifulila incoko zyone zyangolida akubika incoko kuzyooko zyone zyakumaulu aayo. 14Kufwaafwi kumubalo kwakabikwa incoko, zijate miziyo yakuyumuzya intafule. 15Miziyo wakaibezya muunga, waiziluluzya ingolida, ibe yakuyumuzya intafule. 16-Azyalo zibelesyo zyantafule wakazicitya ingolida iisalala: mitiba yayo, azilongo zyayo, amfulu zyayo zyakupaizya.\\n17-Acalo ciimikilo camalampi wakacifuzya ingolida iisalala. Matako aaco amubili waco kaali acifulamubisi; inkomeki zyaco atunkuli twaco amalubaluba aaco zyoonse zyakajatilila mulincico. 18Nkabela mumabazu aaco mwakazwa mitabi iili musanu aumwi; yotatwe kulubazu lumwi alumwi lwaciimikilo. 19Mutabi umwi aumwi kaubezedwe ankomeki zyotatwe zili mbuli micelo yaalmondi, zili atunkuli amalubaluba; mitabi yoonse iili musanu aumwi iizwa kuciimikilo mbuyakacitidwe. 20-Aalo aciimikilo cini akabezwa inkomeki zyone zili mbuli micelo yaalmondi, zili atunkuli amalubaluba. 21Alimwi kwakali kankuli kunsi lyamitabi yobile, akamwi kunsi lyamitabi yobile, akamwi kunsi lyamitabi yobile, kumitabi yoonse iili musanu aumwi iizwa kuciimikilo. 22Tunkuli amitabi, zyoonse kazijatilide mulincico, coonse cacifulamubisi, ingolida iisalala. 23-Alimwi wakacicitila malampi aali musanu aabili, amano zyaco ankaye zyaco; zyoonse zyakali zyangolida iisalala. 24Ciimikilo azibelesyo zyaco zyoonse wakazicita atalenta lyomwe lyangolida.\\n25-Alimwi wakacita cipaililo cakutentela tununkilizyo; wakacicitya muunga, Bulamfu bwaco bwakali kakokola komwe, abwaamba bwaco bwakali kakokola komwe; kacili azyooko zyone zyeelene. Abwiime bwaco bwakali tukokola tobile. Ameja aaco kaakumbetene. 26Wakaciziluluzya ingolida iisalala: mutwe waco amabazu aaco ameja aaco. Alimwi wakacifulila moongola wangolida koonse koonse. 27Akunsi lyamoongola kumabazu aaco, kumabazu aaco oonse obile, wakacita incoko zyangolida zyakuseka miziyo yakuyumuzya. 28Ayalo miziyo wakaibezya muunga akwiiziluluzya ingolida. 29-Alimwi wakakondola mafuta aasalala aakunana, atununkilizyo tusalala tubotu, mbubonya mbwacita mweengi wamafuta.","num_words":410,"character_repetition_ratio":0.091,"word_repetition_ratio":0.0,"special_characters_ratio":0.158,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena Lulayo Lwakukwata naa Kukwatwa “Buyo mu Mwami” Lucibeleka Asunu?u| Yakwiiya\\nAMUBALE MU Acholi Albanian Amharic Arabic Armenian Aymara Azerbaijani Azerbaijani (Cyrillic) Bengali Bicol Bislama Bulgarian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Chuvash Cibemba Cinyanja Croatian Czech Danish Drehu Dutch Efik English Estonian Finnish French Georgian German Greek Guarani Gujarati Gun Haitian Creole Hebrew Hiligaynon Hindi Hiri Motu Hungarian Icelandic Igbo Iloko Indonesian Isoko Italian Japanese Kannada Kazakh Kikamba Kikaonde Kikuyu Kiluba Kinyarwanda Kirghiz Kiribati Kirundi Kisonge Kongo Korean Krio Latvian Lithuanian Luganda Lunda Luo Luvale Macedonian Malagasy Malay Malayalam Mambwe-Lungu Marathi Mauritian Creole Maya Mixe (North Central) Mongolian Ndebele (Zimbabwe) Nepali Norwegian Nyaneka Oromo Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Punjabi Quechua (Bolivia) Quichua (Imbabura) Romanian Runyankore Russian Samoan Sango Serbian (Cyrillic) Serbian (Roman) Seychelles Creole Shona Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tajiki Tamil Tatar Telugu Tetun Dili Thai Tigrinya Tiv Tok Pisin Tshiluba Turkish Turkmen Turkmen (Cyrillic) Tuvaluan Tzotzil Ukrainian Urdu Uzbek Vietnamese Wallisian Waray-Waray Wolaita Yoruba Zande Zapotec (Isthmus)\\n“Tandikonzyi kujana muntu wakukwatana limwi mumbungano, alimwi ndilayoowa kuti ndiyoocembala kandili ndelikke.”\\n“Baalumi bamwi bakunyika mbaasilubomba, mbaasiluyando, alimwi balabikkila maano. Tabakazyi pe nzyondisyoma, alimwi balasangalizya kwiinda bakwesu bamwi.”\\nBabelesi ba Jehova bamwi abalo bakaamba kale majwi aali boobu kujatikizya kujana muntu wakukwatana limwi. Nokuba boobo, baliluzyi lulayo ndwaakaamba mwaapostolo Paulo kujatikizya kukwata naa kukwatwa “buyo mu Mwami”—lulayo ilweelede kubeendelezya Banakristo boonse. (1Kor. 7:39) Pele ino nkaambo nzi ncobaambila boobu?\\nIKAAMBO BAMWI NCOBADOONEKA\\nAabo ibaamba boobu inga balimvwa kuti mweelwe wabakwesu beelela kukwata awabacizyi beelela kukwatwa taweelene pe. Masimpe, muzisi zinji oobu mbocibede. Amubone buyo zikozyanyo zyobilo: Mucisi ca Korea, akati ka Bakamboni bali 100, ibali 57 mbacizyi alimwi ibali 43 mbakwesu. Cisi ca Colombia cakapa lipooti iitondezya kuti 66 pesenti ya Bakamboni mbacizyi alimwi 34 pesenti mbakwesu.\\nMuzisi zimwi, kaambo kamwi ikapa kuti kukwata naa kukwatwa cibe cintu cikatazya kapati nkakuti bazyali batasyomi inga bayanda kupegwa lubono lunji kapati, calo icileta buyumuyumu kubakwesu batajisi mali manji. Kuyeeya zisinkilizyo zili boobu, mucizyi inga walimvwa kuti bulangizi bwakujana mukwesu wakukwatana limwi “mu Mwami” mbusyoonto. Aboobo, mucizyi inga walibuzya kuti, “Sena kuli bulangizi bwakuti ndilakonzya kujana wakukwatana limwi weelela akati ka Banakristoma?” *\\nKUSYOMA JEHOVA KULAYANDIKA\\nKuti naa kuli nomwakayeeyede boobu, amusyome kuti Jehova ulibuzyi bukkale bwanu. Inzya ulizyi mbomulimvwa kujatikizya makani aaya.—2Mak. 6:29, 30.\\nNokuba boobo, Jehova wakapa kuti malailile aajatikizya kukwata naa kukwatwa buyo mu Mwami alembwe mu Jwi lyakwe. Ino nkaambo nzi? Nkaambo ulizizyi zintu zikonzya kubagwasya bantu bakwe. Tayandi buyo kuti babelesi bakwe bakwabililwe kumapenzi aaboola akaambo kakucita zintu cabufwubafwuba, pele alimwi uyanda kuti kabakkomene. Mumazuba aa Nehemiya, ciindi bama Juda nobakali kukwatana abamuzwakule ibatakali kukomba Jehova, Nehemiya wakaamba kujatikizya cikozyanyo cibi ca Solomoni. Nokuba kuti Solomoni “wakali kuyandwa kuli Leza wakwe, . . . bamakaintu beenzu bakamupa kubisya.” (Neh. 13:23-26) Aboobo, kutegwa babelesi bakwe bagwasyigwe, Leza ulailila kuti katukwatana buyo abakombi bakasimpe. (Int. 19:7-10; Is. 48:17, 18) Banakristo bakasimpe balalumba akaambo kakubabikkila maano caluyando alimwi basyoma busolozi bwakwe. Aboobo, kwiinda mukulibombya kulinguwe mbwali Muleli, balazumina kuti ngo Mweendelezi Wakoonse-koonse.—Tus. 1:5.\\nMubwini muliyandide kweeleba ‘kunjila mujoko lyomwe’ amuntu uukonzya kupa kuti mumutantamuke Leza. (2Kor. 6:14) Banakristo banji mazuba aano baatobela malailile aa Leza aaya aagwasya lyoonse alimwi bajana kuti bacita cabusongo. Pele bamwi basala kucita ziimpene.\\nMALAILILE AAYA ACIBELEKA ASUNU\\nBa Maggy, * mucizyi waku Australia, bakaamba kujatikizya zyakacitika ciindi nobakatalika kweebana amuntu uutasyomi, bakati: “Tiindakali kujanika kumiswaangano minji kutegwa ndibe buyo anguwe. Ndakayaansi kumuuya.” Ba Ratana baku India bakatalika kuyandana amuntu ngobakali kwiiya limwi kucikolo iwakatalika kwiiya Bbaibbele. Nokuba boobo, mukuya kwaciindi wakalitondezya kuti makanze aakwe aakali aakuti basyabane amucizyi. Mukuya kwaciindi, wakakasiya kasimpe akutalika kukomba kucikombelo cimbi kutegwa akwatwe.\\nCikozyanyo cimwi ncikozyanyo caba Ndenguè baku Cameroon. Bakajisi myaka yakuzyalwa iili 19 ciindi nobakakwatwa. Musankwa iwakali kuyanda kubakwata wakabasyomezya kuti bayakwaanguluka kukomba kucikombelo cabo. Pele nokwakainda nsondo zyobilo kuzwa nobwakainda bwiinga bwabo, mulumi wabo wakabakasya kujanika kumiswaangano ya Bunakristo. Ba Ndenguè bakaamba kuti: “Ndakalendelelwa alimwi ndakalila. Ndakazyiba kuti lino tiindakajisi lwaanguluko lwakucita ncondiyanda mubuumi bwangu. Lyoonse ndakali kulipa mulandu.”\\nBwini mbwakuti tabali bantu boonse batasyomi ibakonzya kuba basilunya alimwi batabikkili maano. Nokuba kuti inga tiimwapenga munzila eeyi akaambo kakukwatana amuntu uutasyomi, ino cilongwe canu a Uso wakujulu inga cajatikizyigwa buti? Ino inga mwalimvwa buti kuzyiba kuti tiimwakalutobela lulayo Leza ndwaakamupa kutegwa mugwasyigwe andulo? Alimwi kwiinda zyoonse, ino inga walimvwa buti kujatikizya kusala kwanu?—Tus. 1:33.\\nBakwesu abacizyi nyika yoonse mbwiizulwa balazumina kuti kukwata naa kukwatwa “buyo mu Mwami” mulawo mubotu kapati. Aabo batakwete naa batakwekwe balikanzide kukkomanisya Leza kwiinda mukuyanda kuti bakwatane buyo amuntu weelela akati kabakombi ba Leza. Ba Michiko baku Japan, mucizyi uutakwetwe, babbululu bakwe bakasoleka kumusungilizya kuti akwatwe kumuntu uutasyomi. Kuyungizya aabuyumuyumu bwakukaka kuyungwa, wakabona beenzyinyina kabakwatwa mumbungano. Wakaamba kuti: “Lyoonse ndakali kuliyeezya kuti mbwaanga Jehova ngu “Leza uukkomene,” lukkomano lwesu taluyeeme aakukwatwa naa pe. Alimwi ndisyoma kuti ulatupa nzyotulombozya mumoyo. Aboobo, nokuba kuti tatukonzyi kujana wakutwatana limwi nokuba kuti tulayanda kukwatwa, cilayandika kapati kuzumanana katutakwetwe kwaciindi cino.” (1Tim. 1:11) Mukuya kwaciindi, ba Michiko bakakwatwa kumukwesu uuli kabotu, alimwi balikkomene kuti bakalindila.\\nBakwesu bamwi abalo balindila kutegwa bajane wakukwatana limwi uuli kabotu. Ba Bill ku Australia mbamwi babaabo. Bakaamba kuti zimwi ziindi bakali kulimvwa kuti bamakaintu bakunyika bali buyo kabotu. Nokuba boobo bakali kweeleba kumvwana kapati ambabo. Ino nkaambo nzi? Tiibakali kuyanda kubweza ntaamu yakusaanguna iyakali kuyoobasololela ‘kukunjila mujoko lyomwe’ abantu batasyomi. Mumyaka yainda, bakajisi luyandisisyo mubacizyi bamwi, pele tiibakali kweendelana. Ba Bill bakalindila myaka iili 30 kabatanajana mucizyi ngobakali kweendelana. Ba Bill bakati: “Tandilipi mulandu pe kuti ndakalindila. Ndilimvwa kuti ndililelekedwe nkaambo tulaunka mubukambausi antoomwe, tulaiya antoomwe, alimwi tulakomba antoomwe. Ndilakkomana kuswaangana akuyanzana abalongwe babakaintu bangu nkaambo boonse mbakombi ba Jehova. Tuyumya cikwati cesu kwiinda mukubelesya njiisyo zyamu Bbaibbele.”\\nCIINDI NOMULINDILA JEHOVA\\nNcinzi ncomukonzya kucita ciindi nomusiya makani aaya mumaanza aa Jehova? Cimwi ncomukonzya kucita nkuyeeya kaambo ncomutakwete naa ncomutakwetwe. Kuti naa muyeeya kuti kaambo kapati kayeeme aakumvwida malailile aamu Bbaibbele aakuti mweelede kukwata naa kukwatwa “buyo mu Mwami,” nkokuti tulamulumbaizya kapati akaambo kakulemeka mulawo ooyu wa Leza. Amusyome kuti Jehova ulikkomene akaambo kamakanze aanu aakumvwida Jwi lyakwe. (1Sam. 15:22; Tus. 27:11) Mulakonzya kumwaambila Leza “zyoonse zili mumyoyo yanu” kwiinda mumupailo. (Int. 62:8) Mipailo yanu ilakonzya kugwasya kapati ciindi nomumukombelezya kuzwa ansi aamoyo alimwi anomucita oobo cakwiinduluka-induluka. Cilongwe canu a Jehova ciyooyumizyigwa buzuba abuzuba ciindi nomuliyumya nokuba kuti mulwana buyumuyumu bumwi mbomujana. Amusyome kuti Mupatikampatila ulabakkomanina babelesi bakwe boonse basyomeka alimwi akuti mulayandika kapati kulinguwe. Ulabikkila maano kuzintu nzyomuyandika alimwi azintu nzyomulombozya. Tasyomezyi muntu uuli woonse kuti uyoomupa muntu wakukwatana limwi. Nokuba boobo, ikuti ncobeni kamuyanda muntu wakukwatana limwi, Leza ulizyi nzila mbotu mbwakonzya kuzuzikizya zintu zibotu nzyomulombozya.—Int. 145:16; Mt. 6:32.\\nZiindi zimwi inga mwalimvwa mbuli mbwaakalimvwa sintembauzyo Davida, iwakaamba kuti: “Kofwambaana kondivwiila, O Jehova; Nguzu zyangu zyamana. Utandisisi busyu bwako.” (Int. 143:5-7, 10) Muziindi zili boobu, amumupe ciindi Uso wakujulu kutegwa amutondezye makanze aakwe kujatikizya ndinywe. Mulakonzya kucita boobu kwiinda mukujana ciindi cakubala Jwi lya Leza alimwi akuzinzibala kuyeeya nzyomubala. Muyoozyiba ncoyaamba milawo yakwe alimwi muyoobona nzyaakabacitila bantu bakwe bamusyule. Kwiinda mukumuswiilila, lusyomo lwanu luyooyuma, muyoobona kuti kuswiilila nguwe cilagwasya.\\nBatakwete naa batakwetwe balayandika kapati mumbungano, kanji-kanji bagwasyilizya mikwasyi alimwi abakubusi\\nNcinzi cimbi cikonzya kumupa kukkomana akucita zintu zigwasya mumyaka njomukkala kamutanajana wakukwatana limwi? Nomutanajana wakukwatana limwi, mulakonzya kubelesya ciindi eeci kuba muntu mupampu kumuuya, kuba mwaabi, kubeleka canguzu, kuba muntu mubotu, kutondezya kulyaaba kwabunaleza, alimwi akuba ampuwo mbotu—zintu iziyandika kapati kutegwa mukkomane mumukwasyi. (Matl. 24:16-21; Rut. 1:16, 17; 2:6, 7, 11; Tus. 31:10-27) Amusaangune kuyandaula Bwami kwiinda mukutola lubazu cakumaninina mumulimo wakukambauka amumilimo imwi ya Bunakristo; kucita boobo kuyoomukwabilila. Kujatikizya myaka nobakali kuyanda kukwata, ba Bill, mbotwaambide kumatalikilo, bakaamba kuti: “Myaka yakafwambaana kweenda! Ndakabelesya ciindi eeci mumulimo wa Jehova kandili mupainiya.”\\nInzya, kukwata naa kukwatwa “buyo mu Mwami” kucibeleka asunu. Kumvwida malailile aaya kulakonzya kumugwasya kulemeka Jehova alimwi mulakonzya kukkutila kukabe kutamani. Bbaibbele lyaamba kuti: “Ulikkomene muntu uuyoowa Jehova, ooyo wiikkomanina kapati milawo yakwe. Lubono abuvwubi zili muŋanda yakwe, alimwi bululami bwakwe bulazumanana lyoonse mane kukabe kutamani.” (Int. 112:1, 3) Aboobo, amukanze kukakatila kumulawo wa Leza wakukwata naa kukwatwa “buyo mu Mwami.”\\n^ par. 7 Mucibalo eeci, tulanga-langa makani aaya mbuli bacizyi mbobaalanga, nokuba boobo njiisyo nzimunya eezyi zilabeleka akubakwesu.\\n^ par. 13 Mazina amwi acincwa.\\nMabala Amusale naa muyanda kukkopa zyakamwaigwa NGAZI YAMULINDIZI—YAKWIIYA March 2015","num_words":1299,"character_repetition_ratio":0.051,"word_repetition_ratio":0.0,"special_characters_ratio":0.166,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Magwalo aa Banakristo aa Chigiriki alaamba kujatikizya Barnaba alimwi amwaapostolo Paulo. Baalumi aaba bakali kubeleka kabali balangizi beendeenda, kuswaya mbungano zyakusaanguna. Nkaambo nzi? Bakali kubikkila ncobeni maano kujatikizya mbobakali kucita banyina bakumuuya. Paulo wakaamba kuti wakali kuyanda ‘kupilukila kuti akaswaye bakwesu’ akubona mbobakali kupona. Wakalilyaabide kweenda makkilomita manji kutegwa akabayumye-yumye. (Milimo 15:36) Ncencico ncobalombozya balangizi beendeenda mazuba aano.\\nBaboolela kutukulwaizya. Mulangizi wabbazu umwi aumwi ulaswaya mbungano zibalilwa ku 20 naa kwiinda waawo. Eeci caamba kuti mumwaka woonse mbungano imwi aimwi ulaiswaya ziindi zyobilo. Tulakonzya kugwasyigwa kapati aluzyibo lwabakwesu aaba alimwi alwabamakaintu babo ikuti kabakwete. Bakwesu aaba alimwi abamakaintu babo balasoleka kutegwa babazyibe bana abapati, alimwi balayandisisya kubeleka andiswe mumulimo wakukambauka aciindi nitusololela ziiyo zya Bbaibbele. Balangizi aaba antoomwe abaalu balacita nyendo zyabweembezi, alimwi kutegwa batuyumye-yumye balapa makani aakulwaizya ciindi camiswaangano yambungano akumiswaangano mipati.—Milimo 15:35.\\nBalatubikkila maano toonse. Balangizi bamabazu balabikkila kapati maano kuciimo cakumuuya cambungano. Balaswaangana abaalu alimwi abakutausi kutegwa balange-lange kuyaambele kwambungano alimwi akubapa lulayo lugwasya mukuzuzikizya mikuli yabo. Balabagwasya bapainiya kutegwa bazwidilile mumulimo wabo, alimwi balakkomana kuzyiba bapya akuzyiba kuyaambele kwabo kumuuya. Umwi aumwi wabakwesu aaba ulalyaaba kubeleka kali ‘similimoma uutubelekela.’ (2 Bakorinto 8:23) Tweelede kwiiya lusyomo lwabo alimwi akulyaaba kwabo kuli Leza.—Bahebrayo 13:7.\\nMakanze nzi ngobajisi balangizi bamabazu nobaswaya mbungano?\\nMbuti mbomukonzya kugwasyigwa akuswaya kwabo?\\nAmulembe deeti akkalenda yanu nayooswaya mbungano yanu mulangizi wabbazu kutegwa mutakaindwi makani ngayoopa ku Ŋanda ya Bwami. Ikuti kamuyanda kuti walo naa mukaintu wakwe akaboole kuŋanda yanu ciindi mwanooiya Bbaibbele kutegwa mumuzyibe kabotu, amubaambile bayi banu ba Bbaibbele.\\nNkaambo Nzi Bakamboni ba Jehova Ncobaunkila Kumiswaangano Mipati?\\nMwaka amwaka tulaswaangana kumiswaangano yotatwe iiyandika. Ino inga mwagwasyigwa buti kumiswaangano eeyi?\\nTutobela cikozyano ncaakasiya Jesu naakali anyika. Ino ninzila nzi zimwi nzyotubelesya mukukambauka?","num_words":266,"character_repetition_ratio":0.057,"word_repetition_ratio":0.0,"special_characters_ratio":0.145,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Miss Hong Kong Wakajana Cintu Cibotu Kapati Kwiinda Buumi Bwaatala | Makani Aakuluula\\nAMUBALE MU Afrikaans Albanian Amharic Arabic Armenian Aymara Bicol Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Cibemba Croatian Czech Danish Dutch Efik English Estonian Ewe Fijian Finnish French Ga Georgian German Greek Greenlandic Guarani Haitian Creole Hausa Hebrew Hiligaynon Hungarian Icelandic Igbo Iloko Indonesian Isoko Italian Japanese Kazakh Kikaonde Kikongo Kikuyu Kimbundu Kinyarwanda Kirghiz Kiribati Kirundi Kongo Korean Kwangali Kwanyama Lingala Lithuanian Luganda Luo Luvale Macedonian Malagasy Maltese Maya Myanmar Ndebele Ndonga Ngabere Norwegian Nyaneka Nzema Ossetian Pangasinan Papiamento (Aruba) Papiamento (Curaçao) Persian Polish Portuguese Quechua (Bolivia) Rarotongan Romanian Russian Samoan Sango Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tatar Thai Tigrinya Tiv Tok Pisin Totonac Tshiluba Tsonga Turkish Tuvaluan Twi Tzotzil Ukrainian Umbundu Urdu Venda Vietnamese Waray-Waray Wolaita Xhosa Yoruba Zapotec (Isthmus) Zulu\\nNdakajana Cintu Cibotu Kapati Kwiinda Buumi Bwaatala\\nAkaluulwa Aba Mina Hung Godenzli\\nBuzuba bumwi masiku mu 1984, ndakacinca kuzwa kukuba mukubusi-kubusi buyo akuba muntu uulaampuwo kapati. Ndakasalwa kuba Miss Hong Kong. Cifwoto cangu cakali kubikkwa acivwumbyo camamagazini alimwi amiteende. Ndakali kwiimba, kuzyana, kukanana kumbele lyabantu banji, kuba amapulogilamu aacipekupeku, kusama zisani zibotu, alimwi akuba antoomwe abantu balemekwa kapati mbuli mweendelezi waku Hong Kong.\\nMwaka wakatobela, ndakatalika kutola lubazu mumafilimu alimwi bunji bwaziindi ndime ndakali mukamwini filimu. Basimubweza twaambo bakali kuyanda kuzyiba makani aajatikizya ndime, basikufwotola bakali kuyanda cifwoto cangu, abalo bantu bakali kuyanda kuti kandijanika kujalula zisobano zyabo, kutenda malibboni aakujalula cintu cipya, kutambwa kucakulya casyikati, alimwi acakumazuba. Lyoonse ndime ndakali kubikkilwa kapati maano.\\nPele mukuya kwaciindi, ndakabona kuti zyoonse eezyi tiizyakali kundikkomanisya kapati mbuli mbondakali kuziyeeyela. Kanji-kanji ndakali kutola lubazu mumafilimu aabikka buumi muntenda. Basikusobana mumafilimu baku Hong Kong tiibakali kuvwula kubelesya bantu bambi kuti kababasobanina tubeela tunoneezya pele tubikka buumi muntenda mbuli mbobakali kucita basikusobana bamufilimu ya Hollywood, aboobo mebo ndakali kulicitila tubeela ootu, mbuli kusotosya honda atala aamootokala. Bunji bwamafilimu ngondakali kusobana akali kutondezya bukkale bwakutalilemeka alimwi ankondo. Amwi akali kutondezya mizimo.\\nMu 1995, ndakakwatwa kuli sikupanga mafilimu. Nokuba kuti ndakali kuboneka mbuli kuti ndakalijisi zintu zyoonse izyakali kukonzya kundipa kukkomana mbuli kuba abuumi bwaatala, buvwubi, alimwi amulumi wakali kundiyanda kapati—tiindakakkomene pe. Aboobo ndakacileka kusobana mumafilimu.\\nKUYEEYA ZINTU NZYONDAKALI KUSYOMA KUBWANA\\nNdakatalika kuziyeeya kapati zintu nzyondakali kusyoma kandicili mwana. Kuciindi eeco, mubuzuba bwamu Mujibelo bumwi abumwi, mebo amupati wangu musimbi twakali kuunka kuyooswaya mukwasyi umwi wa Bakamboni ba Jehova. Mbuli muzyali ba Joe McGrath, bakali kutuyiisya Bbaibbele antoomwe abana babo basimbi botatwe. Mukwasyi wabo wakalikkomene alimwi bakali kumvwana, alimwi “ba Joe” bakali kubalemeka bakaintu babo abana babo. Alimwi ndakali kukkomana kuunka ambabo kumiswaangano ya Bunakristo. Zimwi ziindi twakali kuunka kumiswaangano mipati. Eezyo zyakali ziindi zikkomanisya kapati. Ndakali kulimvwa kukwabililwa kuba akati ka Bakamboni.\\nMukwiimpana, zintu zibi zyakali kundicitikila mumukwasyi wesu. Buumi mbobakali kupona bataata bwakabaletela mapenzi baama, aboobo bakalityompedwe kapati. Nondakali aamyaka yakuzyalwa iili 10, Baama bakaleka kuyanzana a Bakamboni ba Jehova. Mebo ndakazumanana nokuba kuti tiindakali kucita oobo amoyo woonse, pesi ndakabbapatizyigwa kandijisi myaka iili 17. Pele nokwakainda buyo kaindi kasyoonto, ndakanjila mubukkale buteelede ku Banakristo, aboobo tiindakacili kuyanzana ambungano.\\nNowakainda buyo mucado wangu, baalu bobilo bamumbungano iyakali aafwaafwi ya Bakamboni ba Jehova bakandiswaya. Bakandipandulwida mbondakali kukonzya kupiluka kuli Jehova Leza, mpoonya bakapanga bubambe bwakuti mucizyi umwi misyinali uutegwa Cindy kandigwasyilizya. Aciindi eeci, ndakajisi buyo lusyomo lusyoonto, aboobo ndakamulomba kuti andigwasye kusinizya kuti Bbaibbele ndi Jwi lya Leza ncobeni. Wakanditondezya zikozyanyo zyabusinsimi bwamu Bbaibbele ibwakazuzikizyigwa. Mukuya kwaciindi, twakaba balongwe beni-beni, mpoonya wakandilomba kuti kandiiya Bbaibbele anguwe. Ndakazumina. Eeci ncecakali ciindi cakusaanguna kuzyiba kuti Jehova ngu Leza siluyando, walo uuyanda kuti kandikkomene.\\nCiindi nondakatalika alimwi kuunka kumiswaangano ya Bunakristo, ndakajana kuti ndakali kukkomana kapati kuba a Bakamboni kwiinda mbondakali kukkomana kuba abantu mbotwakali kusobana limwi mumafilimu. Pele zintu izyakandicitikila kubwana zyakandipa kulimvwa kuti kunyina muntu ngondikonzya kusyoma, alimwi ndakali kulimvwa kubula mpindu. Umwi wamumbungano wakandigwasya ciindi naakanditondezya mu Bbaibbele mbondikonzya kulwana penzi lyakulimvwa boobu, alimwi ndakaba abalongwe beni-beni.\\nCINTU CIBOTU KAPATI KWIINDA BUUMI BWAATALA\\nMu 1997, mebo abalumi bangu twakalongela ku Hollywood, ku California, U.S.A. Kandili ookuya, ndakaba musungu kapati kugwasya bantu kuzyiba busongo bujanika mu Jwi lya Leza. Kuyiisya bantu Bbaibbele kwandipa kukkutila kapati kwiinda buumi bwaatala mbondakali kupona kaindi. Mucikozyanyo, mu 2002, twakaswaangana a Cheri, imweenzuma ngotwakali kumvwana limwi kaindi waku Hong Kong. Bunji bwazintu izyakatucitikila mubuumi zyakalikozyenye. Awalo wakali Miss Hong Kong kakwiindide mwaka omwe kanditanaba mebo. Mane buya ciindi nondakawina coolwe eeci, nguwakandisamika musini. Alimwi wakazootalika kutola lubazu kusobana mumafilimu mpoonya mukuya kwaciindi wakazooba sikupanga mafilimu akubeleka abapati-pati ibakazyibidwe kapati. Awalo wakalongelede ku Hollywood.\\nCheri wakandeetezya kapati ciindi nondakazyiba kuti wakafwidwa musankwa iwakali kuyanda kumukwata akaambo kabulwazi bwamoyo. Kunyina luumbulizyo ndwaakajana kucikombelo cakwe caci Buddha. Mbubwenya mbuli ndime, wakali kupona buumi bwaatala kapati mbobakali kunyomenena bamwi, pele kunyina naakakkomene alimwi kunyina muntu ngwaakali kusyoma. Ndakatalika kumwaambila nzyondakaiya mu Bbaibbele, pele cakamukatazya kuzisyoma akaambo kazintu nzyaakaiya kucikombelo caci Buddha.\\nMweenzuma Cheri kalibambilide kusobana mufilimu\\nBumwi buzuba mu 2003, Cheri wakanditumina fooni kali ku Vancouver, Canada, nkwaakali kupangila filimu. Kakkomene kapati, wakandaambila kuti wakali kuyabweendeenda amootokala wakwe kubona busena mpoonya akutalika kupaila cakupozya kati: “Kondaambila, Ino nguni Leza wakasimpe? Ino nduwe ni zina lyako?” Aciindi eeco, wakaunka aŋanda ya Bwami akubona zina lyakuti Jehova. Wakalimvwa kuti oobu mbwiinguzi kuzwa ku Leza, aboobo wakayanda kuti abonane a Bakamboni ba Jehova cakufwambaana. Ndakapanga bubambe, mpoonya nokwakainda buyo mazuba masyoonto, wakaunka kuyooswaangana ambungano yamwaambo waci Chinese ku Vancouver.\\nMpoonya nokwakainda ciindi wakandaambila kuti: “Aaba bantu balandibikkila maano ncobeni. Ndilakonzya kubaambila mbondilimvwa.” Ndakakkomana kapati nondakamvwa boobu, nkaambo ciindi Cheri naakali mumakwebo aakupanga mafilimu, kunyina naakali kuyanda kuba abalongwe. Cheri wakazumanana kujanika kumiswaangano. Pele mu 2005, wakazumina mulimo wakupanga mafilimu malamfwu obilo ku China, calo cakapa kuti ayandike kujokela ku Hong Kong. Cikkomanisya ncakuti mu 2006, Cheri wakaaba buumi bwakwe kuli Jehova akubbapatizyigwa amuswaangano wa Bakamboni ku Hong Kong. Nokuba kuti wakali kuyanda kumubelekela kapati Jehova, mulimo ngwaakali kucita wakupanga mafilimu wakapa kuti cimuyumine kapati kucita boobo alimwi eeci cakamupa kubula lukkomano.\\nLUKKOMANO LUBOOLA AKAAMBO KAKUGWASYA BANTU\\nMu 2009, buumi bwa Cheri bwakacinca cakumaninina. Wakasala kuleka kubeleka mulimo wakupanga mafilimu kutegwa acikonzye kumubelekela kabotu Jehova. Wakaba abalongwe banji mumbungano ya Bunakristo. Wakaba mukambausi waciindi coonse wamakani mabotu aa Bwami alimwi wakali kukkomana kapati kugwasya bantu kujana nzila mbotu yabuumi.—Matayo 24:14.\\nMpoonya Cheri wakasala kwiiya mwaambo waci Nepalese kutegwa agwasyilizye kakamu ikakali kuyaabukomena kamwaambo waci Nepalese ku Hong Kong. Bunji bwabantu baambaula mwaambo waci Nepalese tababikkilwi maano mu Hong Kong alimwi balasampaulwa akaambo kakuti tabacizyi kabotu kwaambaula Chingisi naa mwaambo waci Chinese alimwi akaambo kakuti bajisi zilengwa ziindene. Cheri wakandaambila mbwaakali kukkomana akaambo kukugwasya bantu aaba kumvwisya Bbaibbele. Mucikozyanyo, bumwi buzuba naakali kukambauka kuŋanda aŋanda, wakaswaanganya mukaintu umwi waambaula mwaambo waci Nepalese iwakazyi buyo makani masyoonto kujatikizya Jesu, pele kunyina ncaakazyi kujatikizya Leza wakasimpe, Jehova. Cheri wakabelesya Bbaibbele kutondezya mukaintu ooyu kuti Jesu wakali kupaila kuli Usyi wakujulu. Ciindi mukaintu ooyu naakazyiba kuti wakali kukonzya kupaila kuli Leza wakasimpe, wazina lyakuti Jehova, wakajalula moyo wakwe akuzumina makani mabotu. Tiilyakalampa, mulumaakwe antoomwe amwanaakwe musimbi abalo bakatalika kwiiya Bbaibbele.—Intembauzyo 83:18; Luka 22:41, 42.\\nCheri mazuba aano\\nNondakabona Cheri mbwaakali kukkomana akaambo kakukambauka ciindi coonse, ndakalibuzya kuti, ‘Ino mebo ncinzi cindilesya kucita ncacita?’ Aciindi eeci, andime ndakali kukkala mu Hong Kong alimwi. Ndakayeeya kubambulula bukkale bwangu kutegwa ndicikonzye kutola lubazu mukuyiisya kabotu kasimpe kamu Bbaibbele. Ndajana kuti kubaswiilila bantu alimwi akubagwasya kumvwisya Jwi lya Leza cindipa lukkomano lwini-lwini.\\nNdajana kuti kugwasya bantu kumvwisya Jwi lya Leza cindipa lukkomano lwini-lwini\\nMucikozyanyo, ndakacikonzya kwiiya Bbaibbele amukaintu umwi waku Vietnam walo iwakaluuside ciindi coonse alimwi kanji-kanji wakali kulila. Lino zintu uzilanga munzila yeelede alimwi ulakkomana kapati kuyanzana abantu bamumbungano.\\nToonse tobilo, mebo a Cheri twakajana cintu cibotu kapati kwiinda buumi bwaatala. Nokuba kuti kubeleka mulimo wakupanga mafilimu wakali kukkomanisya alimwi wakatupa kuba ampuwo, ikuyiisya bantu kujatikizya Jehova Leza cilakkomanisya kwiinda, nkaambo cipa kuti alemekwe. Twaabona ncobeni mbwaali aamasimpe majwi aa Jesu aakuti: “Kupa kulakkomanisya kapati kwiinda kupegwa.”—Milimo 20:35.\\nBakubusi ibanji ibabona mbuli kuti basola kuba abukkale bumwi, mubwini batobela buyo bukkale bwakukona.","num_words":1282,"character_repetition_ratio":0.05,"word_repetition_ratio":0.0,"special_characters_ratio":0.148,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ba Morisco––Ba Muslimu Ibakatandwa mu Spain | Makani Aajatikizya Bantu Bakaindi\\nAMUBALE MU Afrikaans Albanian Amharic Arabic Armenian Bulgarian Cebuano Chichewa Chinese (Traditional) Chinese Mandarin (Simplified) Chitonga Croatian Czech Danish Dutch English Estonian Ewe Finnish French Georgian German Greek Hebrew Hiligaynon Hungarian Icelandic Iloko Indonesian Italian Japanese Kinyarwanda Kirghiz Kirundi Korean Lingala Lithuanian Macedonian Malagasy Maltese Norwegian Polish Portuguese Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Silozi Sinhala Slovak Slovenian Spanish Swahili Swahili (Congo) Swedish Tagalog Thai Tigrinya Tsonga Turkish Twi Ukrainian Vietnamese Xhosa Zulu\\nMAKANI AAJATIKIZYA BANTU BAKAINDI\\nBana Spain Bakabatanda Ba Morisco\\nKwaambwa kuti zintu zyoonse nzyobakali kucita bana Spain mumakani aaya aausisya zyakali kugwasyilizyigwa acikombelo. Eelo kaka makani aaya alayandika kwaabala!\\nMFWULUMENDE yabana Spain yakali kuyanda kuti cisi coonse cibe ca Bunakristo akutobela milawo iikozyenye. Ba Morisco bakali kubonwa kuti mbantu batakombi, aboobo kubako kwabo mucisi eeci kwakali kubonwa kuti mulandu mupati kuli Leza. Nokwakainda myaka minji, kwakasalwa cakucita. Ino ncinzi cakasalwa? Bakeelede kutandwa! *\\nKwamyaka minji, kabunga kaba Muslimu mu Spain, ikakali kwiitwa kuti Mudéjar kakali kupona muluumuno mumasena aakali kweendelezyegwa aba Katolika. Kwaciindi cili mbocibede, mumasena amwi bakalizumizyidwe kutobela milawo azilengwa zyabo, alimwi akukomba muzikombelo zyabo.\\nPele mu 1492, beendelezi baci Katolika ba Ferdinand II alimwi aba Isabella bakazunda dolopo lya Granada, cibeela camamanino ca Iberia icakali kweendelezyegwa aba Muslimu. Nobakazundwa bantu aaba, bakapegwa lwaanguluko lukozyenye andobakajisi ba Mudéjar. Nokuba boobo, kalitanalampa beendelezi baci Katolika, bakaindila kupenzya ba Muslimu mbobakali kweendelezya kutegwa basanduke. Ba Muslimu bakaleta manyongwe nkaambo bweendelezi tiibwakacita nzyobakapangana, mpoonya mu 1499 bakazangila bweendelezi. Basikalumamba bamfwulumende bakaamana manyongwe aaya, mpoonya ba Muslimu bamubusena bumwi abumwi bakaambilwa kuti basale kucinca bukombi naa kuzwa mucisi. Bana Spain bakabaita kuti ba Morisco aabo ibakasanduka akuzumanana kukkala mu Spain.\\n“TIIBAKALI BANAKRISTO BALI KABOTU NAA BALELWA BASYOMEKA”\\nKuzikusika mu 1526, bukombi bwaba Muslimu bwakalesyegwa mucisi ca Spain, pele ba Morisco banji bakazumanana abukombi bwabo cakusisikizya. Nokuba kuti zintu zyakali boobu, bakazumanana azilengwa zyabo.\\nKumatalikilo, milimo ba Morisco njobakali kubelekela ba Katolika cakwiinzya buyo mulawo yakali kuzuminwa. Bakali kubelesyegwa mumilimo iiyandika kapati mbuli muzyakupanga-panga, mukubbadela mitelo amumilimo buyo imbi. Nokuba boobo, akaambo kakukaka kucinca zilengwa zyabo, ba Morisco bakali kupenzyegwa amfwulumende alimwi abantu buyo. Kupenzyegwa kuli boobu ambweni kwakatalika akaambo kakuti basicikombelo banji bakali kubayeeyela kuti kusanduka kwabo tiikwakali kwancobeni.\\nTiilyakalampa pe, bakacileka kubalanga buyo pele bakatalika kubasinikizya buya. Aboobo mu 1567, Mwami Philip II wakabikka mulawo wakukasya mwaambo, nsamino, alimwi azilengwa zyaba Morisco. Eeci cakapa kuti kubuke mazwanga aambi alimwi akujayana.\\nKuyeeyelwa kuti ba Morisco bali 300,000 bakatandwa mu Spain kabali mumapenzi\\nBasyaazibwene mumakani aakaindi bakaamba kuti beendelezi baku Spain bakazikusinizya kuti “ba Morisco tiibakali Banakristo bali kabotu naa balelwa basyomeka.” Akaambo kaceeci, bakatamikizyigwa kuti bakali kumvwana abasinkondonyina Spain mbuli basimato bana Barbary, ba Protestanti baku France, alimwi abana Turkey kutegwa balwane bana Spain. Kuyoowa alimwi akuyeeyela kuti ba Morisco kumbele bakali kuyoobabukila kwakapa kuti Philip III abatande mumwaka wa 1609. * Mumyaka yakatobela, bantu ibakali kuyeeyelwa kuti mba Morisco bakali kupenzyegwa. Kwiinda mukubelesya nzila eezyi zitali kabotu, cisi ca Spain cakaba caci Katolika.\\n^ par. 4 Ibbala lyakuti Moriscos muci Spanish lyaamba “Kabunga Kaba Muslimu.” Basyaazibwene mumakani aakaindi balalibelesya bbala eeli munzila iikulwaizya nobaamba bantu ibakali ba Muslimu pele ibakasanduka kuba ba Katolika alimwi akukkala mu Iberian Peninsula kuzwa nobwakawa bwami bwamamanino bwaba Muslimu mu 1492.\\n^ par. 12 Basyaazibwene mumakani aakaindi bayeeyela kuti umwi wabeendelezi baku Spain wakavwuba kapati kwiinda mukubweza zintu nzyobakajisi ba Morisco.\\nKumatalikilo aamwaanda wamyaka walusele C.E., ba Muslimu baku North Africa abaci Arab bakazunda bantu bakubusena butegwa Iberian Peninsula, busena oobu mazuba aano ncisi ca Spain alimwi aca Portugal.\\nAsyoonto-syoonto basikalumamba bana Katolika bakatalika kuzunda alimwi, akumanizya mu 1492 ciindi nobakazunda kabunga kaba Muslimu kakasyeede mudolopo lya Granada.\\nMu 1492, Mwami Ferdinand alimwi a Namalelo Isabella bakabatanda mubwami bwabo ba Juda boonse ibakali kukaka kuba ba Katolika. Mumyaka yakuma 1500, ba Muslimu ibakasanduka, kubikkilizya amikowa yabo, bakapenzyegwa alimwi akulonzyegwa. Kuzwa mu 1609 kusikila mu 1614, ba Morisco, “Banakristo bapya” nkokuti aabo ibakali ba Muslimu, bakatandwa.\\nKuyeeyelwa kuti ba Morisco bali 300,000 bakatandwa mu Spain kabali mumapenzi. Alimwi kulibonya kuti bantu basika ku 10,000 bakafwa akaambo kakukaka kutandwa.\\nBa Katolika “Beni-beni” Mucisi Coonse!\\nJuan de Ribera, bbishopo mupati waku Valencia, wakakuzuminizya kutandwa kwaba Morisco\\nTacidoonekwi kuti bana Spain bakapenga akaambo kakubula babelesi ciindi ba Morisco nobakaunka. Nokuba boobo, mucisi kwakaba lukkomano akaambo kakutandwa kwaba Morisco. Mabbuku aamba makani aakaindi atondezya kuti, bunji bwabana Spain tiibakali kukkomana akubako kwaba Morisco kubikkilizya acikombelo cabo calo “icakali kubacima akuleta masampu kucisi cabo.” Lino cintu icakali kubacima, cakamana. Beendelezi, alimwi abantu kubikkilizya acikombelo, bakakkomana kuti lino kwakali buyo ba Katolika “beni-beni” mucisi coonse.\\nBasikuyandaula Kasimpe Botatwe Bamumwaanda Wamyaka Wa 16—Ino Ncinzi Ncobakajana?","num_words":728,"character_repetition_ratio":0.056,"word_repetition_ratio":0.0,"special_characters_ratio":0.16,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mungelo Gabriyeli Waamba Milumbe Iizwa Kuli Leza | Buumi bwa Jesu\\nMilumbe Yobilo Iizwa Kuli Leza\\nMUNGELO GABRIYELI WASINSIMA KUJATIKIZYA KUZYALWA KWA JOHANE MUBBAPATIZI\\nGABRIYELI WAAMBILA MARIYA KUJATIKIZYA KUZYALWA KWA JESU IKULANGILWA\\nMubwini Bbaibbele lyoonse mbolibede tulakonzya kulibona kuti mulumbe uuzwa kuli Leza. Taateesu wakujulu watupa Bbaibbele kutegwa tuyiisyigwe. Pele amulange-lange milumbe yobilo iilibedelede iyakaambwa myaka yiinda ku 2,000 musyule oomu. Milumbe eeyo yakaambwa amungelo wazina lyakuti Gabriyeli, “ooyo wiima kubusyu bwa Leza.” (Luka 1:19) Ino bukkale bwakali buti eelyo mungelo ooyu naakaamba milumbe eeyo iiyandika kapati?\\nKulangilwa kuti muumwaka wa 3 B.C.E. Ino nkuukuli Gabriyeli nkwaatola mulumbe wakusaanguna? Mucooko catulundulundu ca Judaya, ambweni munsi-munsi amunzi wa Jerusalemu, kuli mupaizi wa Jehova uujisi zina lyakuti Zekariya. Walo alimwi amukaintu wakwe, Elizabeta, balicembeede alimwi tabajisi bana pe. Lino mbulizyi bwa Zekariya kuti abeleke milimo yakwe yabupaizi kutempele lya Leza ku Jerusalemu. Zekariya kali kutempele, Gabriyeli walibonya cakutayeeyelwa munsi-munsi aacipaililo catununkilizyo.\\nCakutadooneka, eeci camuyoosya Zekariya. Pele mungelo wamukkazika moyo Zekariya, ulaamba: “Utayoowi Zekariya, nkaambo kulomba kwako kwamvwugwa, aboobo mukaintu wako, Elizabeta, uyookuzyalila mwana musankwa, eelyo ukamuulike zina lyakuti Johane.” Gabriyeli wayungizya kuti Johane “unooli mupati mumeso aa Jehova” alimwi ‘uyoobambila Jehova bantu balibambilide.’—Luka 1:13-17.\\nKuli Zekariya eeci cilibonya mbuli kuti tacikonzyeki pe. Nkaambo nzi? Nkaambo walo alimwi a Elizabeta balicembeede. Aboobo Gabriyeli wamwaambila kuti: “Ulaba syaataambi alimwi tokoocikonzya kwaambaula kusikila buzuba zintu eezyi noziyoocitika nkaambo tonoosyoma majwi aangu.”—Luka 1:20.\\nAciindi eeci bantu ibali aanze batalika kulibilika akaambo kakuti Zekariya watola ciindi cilamfwu kali mukati. Mpoonya wazwa anze, pele takonzyi kwaambaula pe. Lino Zekariya ukonzya buyo kutambaika maanza. Cilisalede kuti wabona cintu cigambya naali mutempele.\\nZekariya naamanizya mulimo wakwe kutempele, wapiluka kuŋanda yakwe. Kwiinde buyo ciindi cisyoonto, Elizabeta wamita! Kwamyezi yosanwe Elizabeta ukkede aŋanda katasangani abantu, ciindi nalindila kuzyalwa kwamwanaakwe.\\nMpoonya Gabriyeli walibonya ciindi cabili. Ino walibonya kuli ni? Kumusimbi uutakwetwe wazina lyakuti Mariya, ooyo uukkala kulubazu lwakunyika kucooko citegwa Galilaya, mumunzi wa Nazareta. Ino mungelo wamwaambila nzi? Waamba kuti: “Leza wakukkomanina.” Gabriyeli wazumanana kwaambila Mariya kuti: “Bona! Uyoomita akuzyala mwana musankwa, ngoyakuulika zina lyakuti Jesu.” Mpoonya Gabriyeli wayungizya kuti: “Ooyu unooli mupati alimwi uyootegwa Mwana wa Mupatikampatila, . . . eelyo unooli Mwami uuyoolela muŋanda ya Jakobo kukabe kutamani, alimwi Bwami bwakwe tabukamani.”—Luka 1:30-33.\\nMasimpe mulakonzya kuyeeyela mbwalimvwide kuba acoolwe Gabriyeli ikwaamba milumbe eeyi yobilo. Notuzumanana kubala ziyungizyidwe kujatikizya Johane alimwi a Jesu, tulabona kaambo milumbe eeyi iizwa kujulu ncoiyandika kapati.\\nIno nguni waamba milumbe yobilo iiyandika kapati iizwa kujulu?\\nIno wayaambila bani milumbe eeyi?\\nIno muyeeya kuti nkaambo nzi milumbe eeyi yazwa kujulu ncoikatazya kapati kusyoma?","num_words":394,"character_repetition_ratio":0.056,"word_repetition_ratio":0.0,"special_characters_ratio":0.164,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Marko 8 | Bbaibbele lili a Intaneti | Bbaibbele lya Busanduluzi Bwanyika Mpya\\nJesu wasanina bantu bali 4,000 (1-9)\\nKuyanda citondezyo (10-13)\\nBumena bwaba Farisi abwa Heroda (14-21)\\nMoofwu waponesyegwa ku Betesaida (22-26)\\nPetro wamuzyiba Kristo (27-30)\\nLufwu lwa Jesu lwasinsimwa (31-33)\\nNcocaamba kuba sikwiiya mwini-mwini (34-38)\\n8 Kumazuba aayo, alimwi kwakali nkamu mpati yabantu, alimwi bakanyina cakulya. Aboobo wakaita basikwiiya bakwe akubaambila kuti: 2 “Yandeetezya nkamu yabantu eeyi,+ nkaambo aba kale mazuba otatwe ngobakkala andime alimwi tabajisi cakulya.+ 3 Ikuti ndibaambile kuti baunke mwabo-mwabo anzala,* balanetuka munzila, alimwi bamwi bazwa kulamfwu.” 4 Pele basikwiiya bakwe bakamwiingula kuti: “Ino musyokwe omuno muntu inga wazijana kuli zinkwa zikonzya kukkwana bantu aaba?” 5 Mpoonya wakababuzya kuti: “Ino mujisi zinkwa zyongaye?” Bakati: “Zili ciloba.”+ 6 Aboobo wakalailila nkamu yabantu kuti bakkale ansi. Mpoonya wakabweza zinkwa zili ciloba, wapaila, wazikomauna akutalika kupa basikwiiya bakwe kuti baabanye bantu, mpoonya bakazyaabanya nkamu yabantu.+ 7 Alimwi bakalijisi atuswi tusyoonto, mpoonya naakamana kulumba Leza, wakabaambila kuti baabanye bantu. 8 Aboobo bakalya akukkuta, alimwi bakabweza zisuwo zipati* zili ciloba zizwide bufwefwelenga ibwakacaala.+ 9 Lino kwakali baalumi batandila ku 4,000. Kumane wakabaleka kuti baunke. 10 Ndilyonya wakatanta bwato abasikwiiya bakwe akuboola kucooko ca Dalimanuta.+ 11 Ooko ba Farisi bakaboola akutalika kukazyanya anguwe, kabayanda kuti abape citondezyo kuzwa kujulu, ikumusunka.+ 12 Aboobo wakapenga kapati mumoyo, eelyo wakabuzya kuti: “Nkaambo nzi izyalani eeli ncoliyanda citondezyo?+ Ncobeni ndati, kunyina citondezyo ciyoopegwa kuzyalani eeli pe.”+ 13 Naakamana kwaamba boobo, wakatanta bwato akuya mutala limwi. 14 Pele bakaluba kubwezelezya zinkwa, aboobo kwakali buyo cinkwa+ comwe ncobakajisi mubwato. 15 Eelyo wakabacenjezya cakutainda mumbali kuti: “Amulangisye; amubucenjelele bumena bwaba Farisi abumena bwa Heroda.”+ 16 Aboobo bakatalika kukazyanya akaambo kakuti tiibakajisi zinkwa. 17 Naakabona boobo, wakababuzya kuti: “Nkaambo nzi ncomukazyanya akaambo kakuti tamujisi zinkwa? Sena aino tamunazyiba akumvwisya ncecaamba eeci? Sena myoyo yanu icikatazyigwa kumvwisya? 18 ‘Nokuba kuti mulijisi meso, sena tamuboni; alimwi nokuba kuti mulijisi matwi, sena tamumvwi?’ Sena tamuciyeeyi ciindi 19 nindakakomauna zinkwa+ zyosanwe kusanina baalumi bali 5,000, kuti zyakali zyongaye zisuwo izyakazwide bufwefwelenga nzyomwakabweza?” Bakamwiingula kuti: “Zyakali 12.”+ 20 “Nindakakomauna zinkwa zili ciloba kusanina baalumi bali 4,000, ino zyakali zyongaye zisuwo zipati* izyakazwide bufwefwelenga nzyomwakabweza?” Bakamwiingula kuti: “Zyakali ciloba.”+ 21 Kumane boobo wakababuzya kuti: “Sena aino tamunamvwisya ncecaamba eeci?” 22 Lino bakasika ku Betesaida. Okuya bantu bakamuletela mwaalumi moofwu, alimwi bakamukombelezya kuti amujate.+ 23 Mpoonya wakamujata kujanza mwaalumi ooyo moofwu akumutola kunze aamunzi. Naakamuswida mate mumeso+ wakamujata akumubuzya kuti: “Sena kuli ncobona?” 24 Muntu ooyu wakaintamuka walanga akwaamba kuti: “Ndibona bantu, pele balibonya mbuli zisamu zyeendeenda.” 25 Ciindi cabili wakajata meso aamuntu ooyu, eelyo wakatalika kubona kabotu. Boofwu bwakwe bwakamana alimwi wakali kukonzya kubona zintu zyoonse mbozibede. 26 Aboobo wakamuleka kuti aunke kuŋanda akumwaambila kuti: “Utajokeli mumunzi.” 27 Lino Jesu abasikwiiya bakwe bakaunka kuminzi yaku Kaisareya Filipi, mpoonya munzila wakatalika kubuzya basikwiiya bakwe kuti: “Ino bantu baamba kuti ndime ni?”+ 28 Bakamwiingula kuti: “Johane Mubbapatizi,+ pele bamwi baamba kuti Elija,+ alimwi bamwi baamba kuti, umwi wabasinsimi.” 29 Mpoonya wakababuzya kuti: “Ino nywebo mwaamba kuti ndime ni?” Petro wakamwiingula kuti: “Nduwe Kristo.”+ 30 Kumane wakabalailila cakusinizya kuti bataambili muntu uuli woonse kuti ngu Kristo.+ 31 Alimwi wakatalika kubayiisya kuti Mwanaamuntu weelede kwiinda mumapenzi manji akukakwa abaalu, basilutwe babapaizi abalembi akuti uyoojaigwa+ akubuka kwaakwiinda mazuba otatwe.+ 32 Masimpe, wakali kubaambila kaambo aako cakutainda mumbali. Pele Petro wakamutola ambali akutalika kumukalalila.+ 33 Mpoonya walo wakacenguluka akulanga basikwiiya bakwe, akumukalalila Petro kuti: “Koya kusyule lyangu, Saatani! Nkaambo ulaamizeezo yabantu ikutali ya Leza.”+ 34 Lino wakaita nkamu yabantu antoomwe abasikwiiya bakwe akubaambila kuti: “Ikuti umwi kayanda kunditobela, aliimye akunyamuna cisamu cakwe cakupenzyezya* akuzumanana kunditobela.+ 35 Nkaambo kufwumbwa uuyanda kufwutula buumi bwakwe uyoobusweekelwa, pele kufwumbwa uusweekelwa buumi bwakwe akaambo kandime alimwi amakani mabotu uyoobufwutula.+ 36 Mubwini, nimpindu nzi njakonzya kujana muntu ikuti wavwuba nyika yoonse pele wasweekelwa buumi bwakwe?+ 37 Ncinzi mubwini muntu ncakonzya kupa kuti anunune buumi bwakwe?+ 38 Nkaambo kufwumbwa uufwa nsoni akaambo kandime amajwi aangu muzyalani eeli lyabasimamambe* abasizibi, awalo Mwanaamuntu uyoofwa nsoni akaambo kamuntu ooyo+ aakuboola mubulemu bwa Bausyi antoomwe abangelo basalala.”+\\n^ Naa “lyabantu batasyomeki.”","num_words":605,"character_repetition_ratio":0.063,"word_repetition_ratio":0.0,"special_characters_ratio":0.193,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"24 Lino Jesu wakali mulweendo kuzwa kutempele, pele basikwiiya bakwe bakamusikila kuti bamutondezye mayake aatempele. 2 Mukubaingula wakati: “Sena tamuzibwene zyintu zyoonse eezyi? Ncobeni ndimwaambila kuti: Taakwe bbwe liyoocaala aano atala aabbwenyina kakunyina kukolomonwa.” 3 Kakkede aa Cilundu ca Maolifa, basikwiiya bakamusikila kumbali akumubuzya kuti: “Kotwaambila, Ino ndilili zyintu eezyi noziyooba alimwi ncinzi ciyooba citondezyo cakubako kwako acamamanino aabweende bwazyintu?” 4 Eelyo mukwiingula Jesu wakabaambila kuti: “Amulangisye kuti kutabi uumweena, 5 nkaambo banji bayooboola muzyina lyangu kabati, ‘Ndime Kilisito,’ eelyo baya kweena banji. 6 Muyoomvwa nkondo mumasena aali afwaafwi alimwi amasena aali kule; pele nywebo mutakayoowi. Nkaambo zyintu eezyi zyeelede kucitika, pele mamanino taanasika. 7 “Nkaambo cisi ciyoobukila cisinyina abwami buyoobukila bwaminyina, alimwi kuyooba nzala amizuzumo yanyika mumasena aaindene-indene. 8 Zyintu zyoonse eezyi ngamatalikilo aamapenzi aali mbuli kumyongwa kwamukaintu uuyanda kutumbuka. 9 “Mpoonya bantu bayoomunjizya mumapenzi alimwi akumujaya, alimwi muyoosulwa amisyobo yoonse akaambo kazyina lyangu. 10 Kunze lyaboobo, ibanji bayoolebwa akwaaba umwi amweenzinyina alimwi bayoosulana. 11 Alimwi basinsimi bakubeja banji bayoobuka akweena banji, 12 alimwi akaambo kakuvwula kwabubi, luyando lwabantu banji luyoomana. 13 Pele ooyo uuliyumya kusikila kumamanino nguuyoofwutulwa. 14 Alimwi makani mabotu aa Bwami aaya ayookambaukwa munyika yoonse kuti bukabe bumboni kumisyobo yoonse, mpoonya mamanino ayoosika. 15 “Aboobo, mwaakubona cisesemyo cinyonyoona icakaambwa kwiinda mumusinsimi Daniyele kaciimvwi mubusena busalala (ooyo uubala abelesye bupampu), 16 mpoonya aabo bali mu Judaya bakatalike kutijila kumalundu. 17 Muntu uuli aciluli caŋanda atakaseluki kuzyi kuzwisya zyintu muŋanda yakwe, 18 awalo muntu uuli mumuunda atakapiluki kuŋanda kuyoobweza cisani cakwe caatala. 19 Maawe kubakaintu bamitide abaabo banyonsya bana kumazuba aayo! 20 Kamuujisi kupaila kutegwa kutija kwanu kutakabi ciindi camupeyo naa mubuzuba bwa Sabata, 21 nkaambo kuciindi eeco kuyooba mapenzi mapati aatanacitikide kuzwa kumatalikilo aanyika kusikila sunu, alimwi kunyina naayooba limbi pe. 22 Mubwini, ccita kuti mazuba aayo akafwiinsyigwe, kunyina muntu uukonzya kuyoofwutuka, pele akaambo kabasale imazuba aayo ayoofwiinsyigwa. 23 “Alimwi ikuti umwi akamwaambile kuti, ‘Amubone! Ngooyu Kilisito,’ naa, ‘Nguulya!’ Mutakasyomi pe. 24 Nkaambo ba Kilisito bakubeja abasinsimi bakubeja bayoobuka akucita zitondezyo zipati azyintu zigambya kutegwa naa cakonzyeka bakabeene nobaba basale. 25 Amubone! Ndamucenjezyela limwi. 26 Aboobo, ikuti bantu bamwaambila kuti, ‘Amubone! Uli munkanda,’ mutaunki pe; alimwi naa bati, ‘Amubone! Uli mukati kaŋanda,’ mutasyomi pe. 27 Nkaambo mbubonya mbuli lulabo mbolulaba kuzwa kujwe akumunika kusikila kumbo, akubako kwa Mwana wamuntu mbokuyooba. 28 Kufwumbwa kuli mutunta, ooko nkobayoobungana antoomwe basikwaze. 29 “Mbwaayoomanina buyo mapenzi aakumazuba aayo, izuba liyoosizyigwa amwezi taukamuniki alimwi nyenyeezi ziyooloka kuzwa kujulu, anguzu zyakujulu ziyoozungaanizyigwa. 30 Mpoonya citondezyo ca Mwana wamuntu ciyoolibonya kujulu, eelyo bantu bamisyobo yoonse anyika bayoolyuuma acamba akulila alimwi bayoobona Mwana wamuntu kaboola mumakumbi aakujulu kajisi nguzu abulemu bupati. 31 Alimwi uyootuma bangelo bakwe akulila kupati kwamweembo, eelyo bayoobunganya basale antoomwe kuzwa kumbazu zyone, kuzwa kumagolelo amwi aajulu kusikila kuli ambi. 32 “Lino amwiiye kaambo aaka kuzwa kucikozyanyo camukuyu: Mboyatalikila buyo kusyuuka mitabi yanguwo akuba amatuvwu, mulazyiba kuti mainza ali afwaafwi. 33 Mbubonya buyo, mwaakubona zyintu zyoonse eezyi, amukazyibe kuti uli afwaafwi, uli amulyango. 34 Ncobeni ndimwaambila kuti izyalani eeli talikooyoomana kusikila zyintu zyoonse eezyi zikacitike. 35 Julu anyika ziyoomana, pele majwi aangu kunyina naayoomana pe. 36 “Kujatikizya buzuba oobo alimwi aciindi, kunyina uuzizyi pe, nobaba bangelo kujulu naba Mwana, pele Taata alikke. 37 Nkaambo mbubonya mazuba aa Nowa mbwaakabede, akwalo kubako kwa Mwana wamuntu mbokuyooba. 38 Nkaambo mbubonya mbuli kumazuba aayo Zambangulwe kalitanaboola, mbobakali kulya akunywa, baalumi kukwata abakaintu kukwasyigwa kusikila mubuzuba Nowa mbwaakanjila mubwato, 39 pele tiibakabikkila maano kusikila Zambangulwe lyakaboola akubatola boonse, mbubonya oobo mbokuyooba kubako kwa Mwana wamuntu. 40 Lino baalumi bobilo banooli mumuunda: Omwe uyootolwa mpoonya umwi uyoosiigwa; 41 bamakaintu bobilo banooziya aziyo: Omwe uyootolwa mpoonya umwi uyoosiigwa. 42 Aboobo amulangile, nkaambo tamuzyi buzuba Mwami wanu nayooboola. 43 “Pele kamuzyiba kuti: Ikuti mwiniŋanda naakalizyi ciindi mubbi ncaakali kuboola, naatakoona akulekela mubbi kunjila muŋanda yakwe. 44 Aboobo andinywe amulibambile, nkaambo aciindi ncomutayeeyeli, Mwana wamuntu ulaboola. 45 “Ino mubwini, nguni muzike musyomesi uucenjede ooyo Simalelo wakwe ngwaakasala kulanganya babelesi bamuŋanda yakwe, kuti kabapa cakulya cabo aciindi ceelede? 46 Ulikkomene muzike ooyo ikuti Simalelo wakwe aakusika akamujane ulacita oobo! 47 Ncobeni ndimwaambila kuti, Uyoomusala kulanganya lubono lwakwe loonse. 48 “Pele ikuti muzike mubi ooyo mumoyo wakwe waamba kuti, ‘Simalelo wangu wamuka,’ 49 mpoonya watalika kuuma bazikenyina akulya akunywa abakolwi, 50 Simalelo wamuzike ooyo uyooboola mubuzuba mbwatayeeyeli alimwi aciindi eeco ncatazyi, 51 eelyo uyoomusubula acisubulo cipati alimwi akumusowela ooko kujanwa basikuupaupa ameso. Nkonkuko nkwayoolilila akulumina ntwino.","num_words":663,"character_repetition_ratio":0.048,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Anansi a Busongo - Storybooks Zambia\\nAnansi a Busongo Anansi and Wisdom Anansi na Ukwiluka\\nKaindi, ibantu banji kunyina ncebakalizyi. Tibakalizyi kusyanga zisyango, nakuba kusuma zisani, nanka bwakupanga zintu zyakubelesha ang’anda akumyunda. Elyo, kwakali leza wakali kutegwa Nyame wakalijisi busongo bwakupa nyika yonse. Wakabusunga kabotu munongo.\\nBumwi Buzuba Nyame wakayeya kuti ape busongo kuli Anansi. Kuvwumbwa cindi Anansi alanga munongo, wakali kuba akwiya cintu cipya. Cakali cintu cikomanisya.\\nAnansi wakayeya cakuliyanda, “Ndilaibika nongo atala acisamu kutegwa busongo bube bwangu endike.” Nakamana, wakalyangilila katambo kunongo amucibuno cakwe akutalika kutanta mucisamu. Wakapengekana kapati akutanta.\\nMwanaakwe mushoto wakali kulangilila cindi conse munsi acisamu. Wakati, “Inga ticauba-uba kuti mwalyangilila kumusana?” Anansi wakasola, nkabela, cakauba-uba.\\nMukaindi kashonto, wakasika atala acisamu. Mpona wakaima akuyeya, “Ndime ndeleede kuba abusongo bonse, pesi mwanaangu ulicenjede kwinda ndime!” Anansi wakanyema kapati akusowa nongo ansi.\\nInongo yakapwaika. Ibusonga bwakaba antangalala kuli bantu bonse. Kuzwa wao, bantu bakacizyiba kulima, kusuma akucita zintu zyonse bantu zyobacizyi kucita.\\nImbuto Ishonto: Kaano ka Wangari Maathai Nozibele a Masusu Otatwe. Nkuku, Joongola Mbongolo Nyimbo ya Sakima Buzuba Mbondakaunka Kudolopo Nseke a Sikube","num_words":167,"character_repetition_ratio":0.053,"word_repetition_ratio":0.0,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Mbomukonzya Kuzunda Penzi Lyakulimvwa Kutakwabililwa\\nNgazi Yamulindizi | No. 1 2016\\nAMUBALE MU Afrikaans Albanian Amharic Arabic Armenian Aukan Aymara Azerbaijani Azerbaijani (Cyrillic) Batak (Toba) Bengali Bislama Bulgarian Cambodian Catalan Cebuano Chichewa Chinese (Traditional) Chinese Mandarin (Simplified) Chitonga Chitonga (Malawi) Chitumbuka Chiyao Cibemba Croatian Czech Dangme Danish Drehu Dutch Efik English Estonian Ewe Fijian Finnish French Ga Garifuna Georgian German Greek Guarani Gujarati Gun Haitian Creole Hebrew Hiligaynon Hindi Hungarian Igbo Iloko Indonesian Italian Japanese Kannada Kazakh Kikamba Kikaonde Kikongo Kimbundu Kinyarwanda Kirghiz Kiribati Kirundi Kongo Korean Kurdish Kurmanji (Caucasus) Kurdish Kurmanji (Cyrillic) Latvian Lingala Lithuanian Luganda Luo Luvale Macedonian Macua Malagasy Malay Malayalam Mam Marathi Maya Mixe (North Central) Mongolian Myanmar Nahuatl (Central) Nahuatl (Northern Puebla) Ngabere Norwegian Nyaneka Nzema Oromo Ossetian Otetela Pangasinan Papiamento (Aruba) Papiamento (Curaçao) Polish Portuguese Punjabi Quechua (Ayacucho) Quechua (Bolivia) Romanian Russian Samoan Sango Saramaccan Sena Sepedi Serbian (Cyrillic) Serbian (Roman) Sesotho (Lesotho) Setswana Shona Silozi Sinhala Slovak Slovenian Spanish Sranantongo Swahili Swahili (Congo) Swedish Tagalog Tamil Tatar Telugu Thai Tigrinya Tojolabal Tok Pisin Totonac Tshiluba Tshwa Tsonga Turkish Tuvaluan Twi Tzotzil Ukrainian Umbundu Urdu Vietnamese Wallisian Wolaita Xhosa Yoruba Zapotec (Isthmus) Zulu\\nKUNYINA cilibonya mbuli kuti tacijisi lukwabililo kwiinda mwana wazyalwa ino-ino. Notwakazyalwa, lukwabililo lwesu lwakayeeme abazyali besu. Notwakaiya kweenda, twakali kuswaanganya bantu mbotutazyi ibakali kutwiinda kulampa. Bakali kutuyoosya ccita kuti bazyali besu kabali afwaafwi. Pele twakali kulimvwa kukwabililwa ikuti twajatilila kujanza lyabamaama naa bataata.\\nNotwakacili bana, kutegwa tujane lukkomano cakayeeme aaluyando alimwi akukulwaizyigwa abazyali besu. Ciindi notwakazyiba kuti balatuyanda, cakatupa kulimvwa kukwabililwa kapati. Nobakatwaambila kuti tucita kabotu, twakakulwaizyigwa kapati alimwi twakayaambele.\\nNotwakakomena-komena, balongwe abalo bakali kutupa kulimvwa kukwabililwa. Twakali kuliiba kuba ambabo alimwi eeci cakali kutupa kuti katulimvwa kukwabililwa kucikolo.\\nKuyeeya kuli boobu kutondezya buyo mbokubede kubwana. Bakubusi bamwi tabajisi balongwe banji, alimwi bana banji inga tabagwasyigwi abazyali babo. Melissa * wakaamba kuti: “Lyoonse nondibona mikwasyi iikamantene kaicita zintu antoomwe, inga ndilalyaambauzya kuti, ‘Kubota nindakajisi buumi buli boobu nindakacili muniini.’” Ambweni mbomulimvwa oobo andinywe.\\nMAPENZI AABOOLA AKAAMBO KAKUTAKOMEZYEGWA KABOTU\\nNdiza nomwakali kukomena kunyina nomwakali kusyoma kuti inga mwacita zintu zyamaano. Ambweni taakwe bakali kumuyanda akumukulwaizya. Ambweni muliyeeyede kuti bazyali banu bakali kulwana lyoonse calo cakapa kuti baandaane. Mpoonya mwakali kulipa mulandu. Naa ambweni muzyali umwi wakali kumutundulula kwiinda mumajwi naa mukumupenzya.\\nIno ncinzi ncakonzya kucita mwana uulimvwa kutakwabililwa? Bamwi balatalika kubelesya misamu iikola naa kuciindizya kunywa bukoko kabacili bakubusi. Bamwi balanjila mutubunga twazigwebenga kutegwa balimvwe kuti kuli nkobazulilwa. Bakubusi ibalimvwa kutakwabililwa balakonzya kunjila mucisyabo kabatalibambilide, kutegwa bajane muntu uubayanda akubabikkila maano. Pele kanji-kanji zisyabo zili boobo inga nzyakaindi buyo kasyoonto, alimwi ikuti naa zyamana inga cilaindila buya kulimvwa kutakwabililwa.\\nNobaba bakubusi bacikonzya kweeleba micito iili boobu balakonzya kukomena kabalimvwa kuti tabakonzyi kucita cintu cilaamaano. Ana wakapandulula kuti: “Ndakalisinizyide kuti tandijisi mulimo, kayi bamaama mbobakali kundaambila ciindi aciindi. Tandiyeeyede buzuba nobakandilumbaizya naa kunditondezya luyando.”\\nMbotukomezyegwa takali nkakaambo kalikke katupa kulimvwa kutakwabililwa. Tulakonzya kulimvwa kutakwabililwa ambweni akaambo kakulekana, mapenzi aakubucembele, naa kulibilika akaambo kambotuboneka. Kufwumbwa naa nkaambo nzi, cilakonzya kutupa kutakkomana alimwi akunyonganya cilongwe cesu abamwi. Ino ncinzi ncotukonzya kucita kutegwa tuzunde penzi eeli?\\nLEZA ULATUBIKKILA MAANO\\nTweelede kuzyiba kuti lugwasyo nkoluli. Toonse tulijisi muntu uukonzya kutugwasya alimwi uuyanda kucita boobo, Leza kumugama.\\nOoyu ngomulumbe Leza ngwaakatuma kwiinda mumusinsimi Isaya kuti: “Utalibiliki pe, nkaambo ndime Leza wako. Ndilakuyumya, inzya ndilakugwasya, ncobeni ndinookujatilide ajanza lyangu lyalulyo lyabululami.” (Isaya 41:10, 13) Eelo kaka cilaumbulizya kuyeeya kuti munzila yacikozyanyo Leza uyanda kutujatilila kujanza! Aboobo, tatweelede kulibilika pe.\\nMu Bbaibbele tulabala kujatikizya babelesi ba Leza ibakali kulibilika, pele ibakaiya kujatilila Leza kujanza. Hana banyina Samuele, wakali kulimvwa kwaalilwa nkaambo tanaakajisi mwana. Wakali kusampaulwa akaambo kakutazyala. Eeci cakali kumupa kutalya alimwi ziindi zinji wakali kulila. (1 Samuele 1:6, 8) Pele naakapaila kuli Leza camoyo woonse, tanaakacuuside pe.—1 Samuele 1:18.\\nZimwi ziindi sintembauzyo Davida awalo wakali kulimvwa kutakwabililwa. Kwamyaka minji, Mwami Saulo wakali kuyanda kumujaya. Ziindi zili mbozibede Davida wakafwutuka, alimwi zimwi ziindi wakali kulimvwa kuti mapenzi aakwe taakamani. (Intembauzyo 55:3-5; 69:1) Nokuba kuti wakajisi mapenzi aaya, wakalemba kuti: “Ndilalandabala akoona muluumuno, mbokunga yebo olikke O Jehova, nduwe uundipa kukkala cakuliiba.”—Intembauzyo 4:8.\\nBoonse bobilo Hana alimwi a Davida, bakawaala mapenzi aabo kuli Jehova, alimwi wakabagwasya. (Intembauzyo 55:22) Mbuti mbotukonzya kucita oobo mazuba aano?\\nNZILA ZYOTATWE ZIKONZYA KUTUGWASYA KULIMVWA KUKWABILILWA\\n1. Amwiiye kusyoma Jehova kali Taata.\\nJesu wakatukulwaizya kuti tumuzyibe Usyi, ‘Leza mwini-mwini uuli alikke.’ (Johane 17:3) Mwaapostolo Paulo utusyomezya kuti: “Tali kulamfwu kuli umwi aumwi wesu.” (Milimo 17:27) Jakobo wakalemba kuti: “Amuswene kuli Leza, eelyo awalo ulaswena kulindinywe.”—Jakobo 4:8.\\nKuzyiba kuti tujisi Taateesu wakujulu uutuyanda alimwi uutubikkila maano cilatugwasya kuzunda penzi lyakulibilika. Masimpe, cilakonzya kutola ciindi kuba alusyomo luli boobo, pele banji bajana kuti kucita boobo cilagwasya kapati. Ba Caroline bakaamba kuti: “Ciindi Jehova naakaba Taata, ndakaba amuntu ngondakali kukonzya kwaambila mbondilimvwa. Eeci cakandikatalusya kapati.”\\nBa Rachel bakaamba kuti: “Jehova ngowakandigwasya kuti kandilimvwa kukwabililwa ciindi bazyali bangu nobakandisiya endikke. Ndakali kukonzya kubandika awalo alimwi akumulomba kuti andigwasye mumapenzi aangu. Alimwi wakandigwasya.” *\\n2. Amujane mukwasyi wakumuuya.\\nJesu wakayiisya basikwiiya bakwe kubona bamwi kuti mbakwesu abacizyi. Wakabaambila kuti: “Nyoonse muli babunyina.” (Matayo 23:8) Wakali kuyanda kuti basikwiiya bakwe beni-beni kabayandana alimwi akupanga mukwasyi mupati wakumuuya.—Matayo 12:48-50; Johane 13:35.\\nMbungano zya Bakamboni ba Jehova zilasolekesya kutondezya luyando alimwi aluumbulizyo lujanika mumukwasyi wini wakumuuya. (Bahebrayo 10:24, 25) Banji bagwasyigwa kapati amiswaangano yambungano nkaambo ili mbuli mafwuta aaponya zilonda zyabo zyamumizeezo.\\nBa Eva bakaamba kuti: “Ndakalijisi mulongwe waalubazu mumbungano, walo iwakali kwaamvwisya mapenzi ngondakajisi. Wakali kundiswiilila, kundibalila, alimwi akupaila andime. Wakali kuba masimpe kuti tandili ndelikke. Wakali kundigwasya kubamba twaambo kutegwa ndilemununwe. Ndilalumba kulugwasyo lwakwe, nkaambo ndakatalika kulimvwa kukwabililwa.” Ba Rachel bakayungizya kuti: “Ndakajana ‘bamaama abataata’ mumbungano. Bakandipa kulimvwa kuyandwa alimwi akukwabililwa.���\\n3. Amutondezye luyando aluzyalo kuli bamwi.\\nKutondezya luyando aluzyalo kuli bamwi kuyumya zilongwe. Jesu wakaamba kuti: “Kupa kulakkomanisya kapati kwiinda kupegwa.” (Milimo 20:35) Cakutadooneka tuyoobona kuti ikuti naa twatondezya luyando kuli bamwi, andiswe tuyootondezyegwa luyando. Jesu wakaambila basikwiiya bakwe kuti: “Amube baabi, abalo bantu bayoomwaabila.”—Luka 6:38.\\nKwiinda mukutondezya alimwi akutondezyegwa luyando, tuyoolimvwa kukwabililwa. Mbubwenya Bbaibbele mbolyaamba, “luyando talumani.” (1 Bakorinto 13:8) Ba María bakazumina akwaamba kuti: “Ndilizyi kuti mizeezo imwi iitali kabotu kujatikizya ndime taili yamasimpe pe. Ndilacikonzya kulwana mizeezo eeyi kwiinda mukugwasya bamwi akuluba mapenzi aangu. Lyoonse ndilaakulimvwa kukkutila ikuti ndagwasya bamwi.”\\nBANTU BOONSE NOBAYOOKWABILILWA\\nNzila nzyotwabandika kale taali maleele aagwasya mpoonya-mpoonya kumana mapenzi. Pele zilakonzya kugwasya kapati. Ba Caroline bakaamba kuti: “Zimwi ziindi ndilalimvwa kutakwabililwa. Pele lino ndilizyi kuti ndilayandika kapati. Ndilizyi kuti Leza ulandibikkila maano, alimwi ndilijisi balongwe banji ibandigwasya kutegwa ndilimvwe kukwabililwa.” Ba Rachel abalo mbobalimvwa oobo. Bakaamba kuti: “Zimwi ziindi ndilaakuusa. Pele ndilijisi bakwesu abacizyi bakumuuya bakonzya kundigwasya kuzilanga munzila yeelede zintu.” Kwiinda zyoonse, ndilijisi Taata ngondikonzya kubandika anguwe buzuba abuzuba. Eeci cilandigwasya kapati.”\\nBbaibbele lyaamba kuti kumbele kunooli nyika mpya, mwalo umwi aumwi wesu mwanookwabilidwe\\nAlimwi kuli nzila iikonzya kulimanizyila limwi penzi eeli. Bbaibbele lyaamba kuti kumbele kunooli nyika mpya, mwalo umwi aumwi wesu mwanookwabilidwe. Ijwi lya Leza lisyomezya kuti: “Bayookkala umwi aumwi munsi lyamusaansa wakwe amunsi lyamukuyu wakwe, alimwi takukabi muntu naba omwe uuyoobayoosya.” (Mika 4:4) Ciindi eeco kunyina uyootupa kulimvwa kutakwabililwa, alimwi taakwe uyootucisa. Naaba mapenzi aakaindi ‘taakaibalukwi limbi pe.’ (Isaya 65:17, 25) Leza alimwi a Mwanaakwe, Kristo Jesu, bayooleta “bululami bwini-bwini.” Mpoonya kuyooba “luumuno akuliiba mane kukabe kutamani.”—Isaya 32:17.\\n^ par. 5 Mazina woonse acincwa.\\n^ par. 21 Bakamboni ba Jehova balilibambilide kwiiya Bbaibbele abantu bayanda kuswena kuli Leza kakunyina kubbadela.\\nNzyobaamba Ibakali Kulimvwa Kutakwabililwa\\n“Ciindi bataata nobakali kukolwa akunyema kapati, bakali kucinca mbobakali kulibonya. Bakali kulibonya mbuli umpe uuyanda kuluma kanyama kakunyina kukeengelela. Mebo ndakali kulimvwa mbuli kabelele kayoowede, akuyuba kutegwa batandiboni. Ndakali kulibilika buzuba abuzuba.”—Ba Caroline kabayeeya zyakali kubacitikila kabacili bana.\\n“Ndakali kulimvwa kuti kunyina ngondikonzya kusyoma. Cakali mbuli kuti ndakalisweekede atala amulundu kandikwiilila lugwasyo, pele kwakanyina naba omwe wakali kukonzya kundigwasya, naa kundikwabilila.”—Ba Eva, ibakalekwa caino-ino.\\n“Ziindi zinji bataata bakali kundibwentela kabaamba kuti, ‘Toli kabotu. Kunyina uukonzya kukuyanda!’ Kwamyaka minji ndalikusola kuyeeya kuti tandili muntu mubi pe alimwi akuti bamwi balandiyanda. Ndakali kulimvwa mbuli kuti ndili kabwa kapetede mucila mumaulu, lyoonse ndakali kuyandaula lugwasyo, pele tiindakalujana.”—Ba Mark, ibakali kufwubaazyigwa abausyi.\\n“Zimwi ziindi ndalanga mukaintu mubotu ndilamukozyanisya amaluba-luba mabotu bantu ngobakonzya kuyanda kuba aangawo mumaanda aabo. Pele mebo ndili mbuli nsaku njobatakonzyi kuyanda bantu.”—Ba María, bakaintu bacili bana-bana ibalwana penzi lyakulimvwa kuba muntu uunyina mpindu.\\n“Kandijisi buyo myaka yakuzyalwa iili 12, bazyali bangu bakalongela kucisi cimbi akundisiila mukuli wakulanganya basyoonto bangu basimbi bobilo. Ndakali kulendelelwa kapati. Ndakali kuyanda muntu wakundilanganya alimwi akundilumbaizya. Pele ndakalimvwa mbuli kuti ndasweeka mucisaka cisiya mbi. Nokuba kuti ndakazumanana kuliyumya mubukkale oobu buzuba abuzuba, ndakali kuyanda kujana nzila yakuzwa mumo. Alimwi ndakali kuyanda lukkomano alukwabililo.”—Ba Rachel, ibajisi bazyali bakalongela kucisi cimbi.\\nSena Leza Ulandigwasya Kuti naa Ndapaila?\\nSena ncobeni Leza ulatulanganya kujatikizya mapenzi eesu?\\nMAKANI AAYEEME AMUTWE UULI ACIVWUMBYO Sena Kusyomeka Takucigwasyi?\\nMAKANI AAYEEME AMUTWE UULI ACIVWUMBYO Kutasyomeka Mbokumujatikizya\\nMAKANI AAYEEME AMUTWE UULI ACIVWUMBYO Ikaambo Kusyomeka Ncokugwasya\\nIBBAIBBELE LILAKONZYA KUBACINCA BANTU Kondipa Buyo Mwaka Omwe Waluumuno Alukkomano\\nBUSONGO BWAKAINDI IBUGWASYA MAZUBA AANO Mutanoolibiliki\\nNcinzi Ncolyaamba Bbaibbele?\\nMabala Amusale naa muyanda kukkopa zyakamwaigwa NGAZI YAMULINDIZI No. 1 2016 | Nkaambo Nzi Ncotweelede Kusyomeka?\\nNo. 1 2016 | Nkaambo Nzi Ncotweelede Kusyomeka?\\nNGAZI YAMULINDIZI No. 1 2016 | Nkaambo Nzi Ncotweelede Kusyomeka?\\nSena Mulakonzya Kugwasyigwa Abukombi, Leza, naa Bbaibbele Kutegwa Mulimvwe Kabotu Kujatikizya Buumi Bwanu?","num_words":1418,"character_repetition_ratio":0.055,"word_repetition_ratio":0.001,"special_characters_ratio":0.161,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Baroma 2 | Bbaibbele Lili a Intaneti | Bbaibbele lya Busanduluzi Bwanyika Mpya\\nMatayo Marko Luka Johane Milimo Baroma 1 Bakorinto 2 Bakorinto Bagalatiya Baefeso Bafilipi Bakolose 1 Batesalonika 2 Batesalonika 1 Timoteyo 2 Timoteyo Tito Filimoni Bahebrayo Jakobo 1 Petro 2 Petro 1 Johane 2 Johane 3 Johane Juda Ciyubunuzyo 1 2 3 4 5 6 7 8 9 10 11 12 13 14 15 16\\n2 Aboobo unyina cilitamizyo pe, yebo omuntu oobeteka bamwi, kunyina makani naa nduwe ni; nkaambo mumakani ngobeteka bamwi ulipa mulandu omwini, mbokunga yebo oobeteka bamwi ucita zyintu nzizyonya eezyo nzyobetekela bamwi. 2 Lino tulizyi kuti lubeta lwa Leza ilweendelana akasimpe lulabasikila bantu bacita zyintu zili boobu. 3 Pele yebo omuntu, sena uyeeya kuti akaambo kakuti ulababeteka aabo bacita zyintu zili boobo, yebo uyooloboka lubeta lwa Leza nokuba kuti ucita zyintu nzizyonya eezyo? 4 Naa sena uubaula bupati bwaluzyalo lwa Leza, bwalweetelelo abwakukkazyika moyo kwakwe akaambo kakuti tozyi kuti Leza muluzyalo lwakwe uyanda kukusololela kukweempwa? 5 Pele akaambo kabusicinguni bwako akuteempwa kwamoyo wako, uliyobweda bukali mubuzuba bwabukali abwakuyubununwa kwalubeta lwa Leza lululeme. 6 Lino uyoopilusizya umwi aumwi kweelana amilimo yakwe: 7 uyoobapa buumi butamani aabo bayandaula bulemu, kulemekwa alimwi akutafwa kwiinda mukuliyumya mumulimo mubotu; 8 pele aabo bakazya alimwi ibataswiilili kasimpe, pele ibatobela kutalulama bayoosikilwa bukali alunyemo. 9 Kuyooba mapenzi amakatazyo kubantu boonse bacita zyintu zibi, kusaanguna ba Juda mpoonya ba Giliki; 10 pele boonse bacita zibotu bayoolumbaizyigwa, bayoopegwa bulemu aluumuno, kusaanguna ba Juda mpoonya ba Giliki. 11 Nkaambo Leza unyina lusalululo pe. 12 Boonse aabo ibakabisya kabatajisi mulawo bayoonyonyoonwa kakunyina mulawo; pele boonse aabo ibakabisya kabajisi mulawo bayoobetekwa amulawo ngoonya ooyo. 13 Nkaambo aabo ibamvwa mulawo tabasyi mbabaluleme kuli Leza, pele aabo bautobela mulawo bayooambwa kuti mbalulami. 14 Nkaambo lyoonse bantu bamasi ibatajisi mulawo nobacita zyintu zyaambwa mumulawo, aaba bantu nokuba kuti tabajisi mulawo, baba ngomulawo beni. 15 Aaba mbambabo ibatondezya kuti injiisyo zyamumulawo zililembedwe mumyoyo yabo, eelyo manjezyeezya aabo naapa bumboni antoomwe ambabo, aboobo mumizeezo yabo beni balapegwa mulandu nokuba kutajaninwa mulandu. 16 Eezyi ziyoocitika mubuzuba oobo Leza kwiinda muli Kilisito Jesu aakubeteka bantu kujatikizya zyintu zyamaseseke nzyobayeeya akucita, kweelena amakani mabotu ngondaambilizya. 17 Lino ikuti naa uli mu Juda wazyina buyo alimwi usyoma mulawo akulilumbaizya muli Leza, 18 alimwi ulizyi nzyayanda akucikonzya kusala zyintu ziyandika kapati nkaambo ulayiisyigwa mulomo mpande mu Mulawo; 19 alimwi ulisinizyide kuti uli musololi waboofwu, imumuni kuli baabo ibali mumudima, 20 mulayi wabafwubafwuba, mwiiyi wabana alimwi oomvwisya zyintu ziyandika kujatikizya luzyibo akasimpe ka Leza izili mu Mulawo— 21 pele sena yebo ooyiisya umbi, toliyiisyi omwini? Yebo ookambauka kuti “Utabbi,” sena yebo ulabba? 22 Ye-bo ooamba kuti “Utaciti bumambe,” sena yebo ulacita bumambe? Yebo oosesemwa mituni, sena ulabba ziyobwedwe mumatempele? 23 Yebo oolilumbaizya mumulawo, sena ulamusampaula Leza kwiinda mukusotoka Mulawo kwako? 24 Nkaambo “izyina lya Leza lilasampaulwa akati kabamasi akaambo kandinywe”; mbubonya mbokulembedwe. 25 Ibupalule bugwasya buyo ikuti kotobela mulawo; pele ikuti koli sikusotoka mulawo, bupalule bwako tabucikwe mpindu, buli buyo mbuli kutapalulwa. 26 Aboobo, ikuti muntu uutapalwidwe katobela zyeelelo ziluleme zya Mulawo, sena ikutapalulwa kwakwe takukabonwi kuba bupalule? 27 Eelyo kwiinda mukutobela Mulawo imuntu uutapalwidwe kumubili uyookubeteka yebo oosotoka Mulawo nokuba kuti uluujisi Mulawo uulembedwe alimwi ulipalwidwe. 28 Nkaambo kuba mu Juda mwini-mwini takujatikizyi ciwa pe, alimwi kupalulwa kwakwe takuli amubili wakwe pe. 29 Pele mu Juda mwini-mwini ngooyo uuli boobo mumoyo, alimwi bupalule bwakwe mbwamumoyo kwiinda mumuuya ikutali bwamumulawo. Imuntu ooyo talumbaizyigwi abantu pe, pele a Leza.","num_words":502,"character_repetition_ratio":0.047,"word_repetition_ratio":0.0,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matayo 9 | Bbaibbele lili a Intaneti | Bbaibbele lya Busanduluzi Bwanyika Mpya\\nJesu waponya muntu uulebukide mubili (1-8)\\nJesu waita Matayo (9-13)\\nMubuzyo uujatikizya kuliimya kulya (14-17)\\nMwana musimbi wa Jairo; mukaintu wajata cisani ca Jesu (18-26)\\nJesu waponya boofwu alimwi asyaataambi (27-34)\\nButebuzi mbupati pele babelesi mbasyoonto (35-38)\\n9 Eelyo naakatanta bwato, wakazabuka akuunka kumunzi okwabo.+ 2 Lino bakamuletela mwaalumi uulebukide mubili wakalede amacila. Naakabona lusyomo lwabo, Jesu wakaambila muntu ooyo uulebukide mubili kuti: “Koba acamba mwanaangu! Walekelelwa zibi zyako.”+ 3 Lino bamwi balembi bakalyaambauzya kuti: “Muntu ooyu usampaula Leza.” 4 Pele Jesu akaambo kakuzyiba mizeezo yabo wakati: “Ino nkaambo nzi ncomuyeeya zintu zibi mumyoyo yanu?+ 5 Mucikozyanyo, ncili cuuba-uba, ikwaamba kuti, ‘Walekelelwa zibi zyako,’ naa kwaamba kuti, ‘Nyamuka weende’?+ 6 Pele kutegwa muzyibe kuti Mwanaamuntu ulijisi nguzu zyakulekelela bantu zibi anyika—” mpoonya wakaambila muntu ooyo uulebukide mubili kuti: “Nyamuka, bweza macila aako, uunke kuŋanda yako.”+ 7 Mpoonya wakanyamuka akuunka kuŋanda yakwe. 8 Makamu aabantu naakabona cakacitika, akayoowa alimwi akalemeka Leza iwakapa nguzu zili boobu kubantu. 9 Kuzwa waawo, naakali kuyaabweenda kuzwa kooko, Jesu wakabona mwaalumi wazina lya Matayo kakkede aŋanda iitelelwa mitelo, eelyo wakamwaambila kuti: “Koba sikunditobela.” Mpoonya wakanyamuka akumutobela.+ 10 Aciindi cimwi, Jesu naakali kulya* muŋanda, basimutelo abasizibi banji bakaboola akulya* anguwe alimwi abasikwiiya bakwe.+ 11 Pele nobakabona boobu, ba Farisi bakaambila basikwiiya bakwe kuti: “Ino nkaambo nzi mwiiyi wanu ncalida antoomwe abasimutelo alimwi abasizibi?”+ 12 Eelyo naakabamvwa, wakaamba kuti: “Bantu bataciswi tabayandiki musilisi, pele aabo baciswa mbabayandika musilisi.+ 13 Aboobo kamuya mukaiye ncaamba majwi aaya aakuti: ‘Ndiyanda luse kutali cipaizyo.’+ Nkaambo ndakaboolela kwiita basizibi ikutali bantu baluleme.” 14 Mpoonya basikwiiya ba Johane bakaboola kulinguwe akumubuzya kuti: “Ino nkaambo nzi swebo aba Farisi ncotuliimya kulya, pele basikwiiya bako tabaliimyi?”+ 15 Aboobo Jesu wakabaambila kuti: “Sena balongwe basibwiinga balijisi kaambo kabapa kulila ciindi sibwiinga+ nacili ambabo? Pele ciyoosika ciindi ncobayoonyangwa sibwiinga,+ eelyo bayooliimya kulya. 16 Kunyina muntu uusuma cigamba camulembo mupya acisani caatala cakaindi, nkaambo cigamba camulembo mupya cilakonzya kukwela cisani eeco, aboobo cimonko cilakomena kapati.+ 17 Alimwi bantu tababikki waini mupya munkomo zyazipaya zyakaindi. Ikuti bacita boobo, nkomo zilaanduka, waini ulatika ankomo zilanyonyooka. Pele bantu babikka waini mupya munkomo zyazipaya zipya, eelyo zyoonse zyobilo zilayobolwa.” 18 Naakacili kubaambila zintu eezyi, kwakasika muleli umwi iwakamufwugamina* akwaamba kuti: “Mwanaangu musimbi weelede kuti lino wafwa kale, pele koboola uzoobikke janza lyako alinguwe, eelyo ulaba muumi.”+ 19 Mpoonya Jesu wakanyamuka akumutobela antoomwe abasikwiiya bakwe. 20 Mpoonya mukaintu iwakali kuciswa kalobola kwamyaka iili 12,+ wakaboola kusyule lya Jesu akujata maaya aacisani cakwe caatala,+ 21 nkaambo wakali kulyaambauzya kuti: “Kuti ndijate buyo cisani cakwe caatala, ndilapona.” 22 Jesu wakacenguluka, eelyo naakamubona wakati: “Koba acamba, mwanaangu! Lusyomo lwako lwakuponya.”+ Kuzwa aciindi eeco mukaintu ooyu wakapona.+ 23 Lino naakanjila muŋanda yamuleli akubona basikusiba muntolilo ankamu yabantu kabayobeka,+ 24 Jesu wakati: “Amuzwe omuno, nkaambo musimbi ooyu tafwide pe, pele uloona.”+ Aboobo bakatalika kumuseka. 25 Mpoonya nkamu mboyakazwida buyo anze, wakanjila akumujata kujanza,+ eelyo musimbi wakabuka.+ 26 Aboobo makani aaya akamwaika mucooko coonse eeco. 27 Lino Jesu naakali kweenda kuzwa kooko, baalumi boofwu bobilo+ bakamutobela kaboongolola kuti: “Tufwide luse, O Mwana wa Davida.” 28 Naakanjila muŋanda, baalumi boofwu bakaboola kulinguwe eelyo Jesu wakababuzya kuti: “Sena mulaalusyomo lwakuti ndilakonzya kucicita eeci?”+ Bakamwiingula kuti: “Inzya Mwami.” 29 Aboobo wakajata meso aabo,+ akwaamba kuti: “Kweelana alusyomo lwanu, acicitike kulindinywe.” 30 Eelyo meso aabo akatalika kubona. Alimwi Jesu wakabacenjezya kuti: “Kutabi muntu naba omwe uuzyiba makani aaya.”+ 31 Pele nobakazwa anze, bakamwaya mpuwo yakwe mucooko coonse eeco. 32 Nobakatalika kweenda, bantu bakamuletela syaataambi wakanjidwe daimona;+ 33 eelyo naakalitanda daimona, syaataambi wakaambaula.+ Lino makamu aabantu akagambwa akwaamba kuti: “Takunabwenwe cintu cili boobu mu Israyeli.”+ 34 Pele ba Farisi bakali kwaamba kuti: “Utanda madaimona kwiinda munguzu zyamweendelezi wamadaimona.”+ 35 Lino Jesu wakali kuyaabweenda muminzi yoonse amutunzi, kayaabuyiisya muzikombelo zyabo akukambauka makani mabotu aa Bwami, akuponya malwazi aamisyobo yoonse.+ 36 Lino naakabona makamu aabantu, wakabeetelela+ nkaambo bakali kupenzyegwa alimwi bakalimwaikide mbuli mbelele zitakwe mweembezi.+ 37 Mpoonya wakaambila basikwiiya bakwe kuti: “Masimpe, mulimo wakutebula mupati, pele babelesi mbasyoonto.+ 38 Aboobo, amulombe Simalelo wabutebuzi kuti atume babelesi mumulimo wakwe wakutebula.”+\\n^ Naa “naakakkede kutebulu.”\\n^ Naa “akukkala kutebulu.”\\n^ Naa “iwakamukotamina.”","num_words":625,"character_repetition_ratio":0.05,"word_repetition_ratio":0.0,"special_characters_ratio":0.193,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Makani aamu Bbaibbele: Muŋanda Iikkiidwe - Kkeyala yaa Intaneti ya Bakamboni ba Jehova\\nPITA a Johane nibazwa kucuumbwe Jesu nkwaakazikkidwe, Maliya wacaala alikke acuumbwe. Watalika kulila. Kumane wasondela mucuumbwe mbuli mbotwabona acifwanikiso cili kunze. Oomu wabona bangelo bobilo. Bamubuzya Maliya kuti: ‘Ncinzi ncolila baama?’\\nMaliya waingula kuti: ‘Bamubweza Mwami wangu, alimwi tandizyi nkobamubikka.’ Kumane Maliya waceba wabona muntu umwi. Ooyu muntu wamubuzya wati: ‘Ngwani ngolangaula?’\\nMaliya uyeeya kuti muntu ooyu mulimi akuti ndiza ngooubweza mubili wa Jesu. Aboobo Maliya wati: ‘Ikuti naa waubweza mubili, kondaambila nkooubikka.’ Pele mubwini muntu ooyu ngu Jesu. Ujisi mubili Maliya ngwatakonzyi kuzyiba. Pele Jesu naamwiita Maliya zina, Maliya wazyiba kuti ooyu ngu Jesu. Wabalika kwaakwaambila basikwiiya, wati: ‘Ndamubona Mwami!’\\nMbweena buzuba oobo kumazuba, basikwiiya bobilo kabeenda kuya kumunzi wa Emau, muntu umwi wabasangana mulweendo. Basikwiiya baluuside kapati nkaambo Jesu wakajaigwa. Pele kabeenda, muntu ooyu wapandulula zintu zinji zyamu Bbaibbele zyalo zyabatontomeka moyo. Nobaima kuti balye, basikwiiya bamuzyiba kuti muntu ooyu ngu Jesu. Kumane Jesu wazibaana, eelyo aaba bobilo basikwiiya cakufwambaana bajokela ku Jelusalemu kwaakwaambila baapositolo kuti bamubona Jesu.\\nKabacaambaula, Jesu walibonya akuli Pita. Bamwi bakkomana nibamvwa makani aaya. Kumane basikwiiya aaba bobilo baunka ku Jelusalemu kwaakulanga baapositolo. Babaambila Jesu mbwaalibonya kuli mbabo abalo munzila. Mpeena buyo aawo kabacaamba makani aaya, hena ulicizyi cintu cilamya cacitika?\\nLanga acifwanikiso. Jesu walibonya muŋanda, nokuba kuti kumulyango kuli kkiidwe. Elo nkukondwa basikwiiya! Hena oobo tabuli buzuba bukkomanisya? Hena inga wakonzya kuzyibandauka ziindi Jesu nzyaalibonya kuli basikwiiya bakwe? Hena waamba kuti zili zyosanwe?\\nImwaapositolo Tomasi tabali limwi Jesu naalibonya. Aboobo basikwiiya bamwaambila kuti: ‘Twamubona Mwami!’ Pele tanaasyoma Tomasi, uyanda kuti alibonene ameso kuti ooyu ngu Jesu. Kwiinde mazuba aali lusele, basikwiiya alimwi banjila muŋanda akukkiya kumulyango, aciindi aawa Tomasi awalo nkwali. Cakutayeeyelwa Jesu walibonya muŋanda. Lino Tomasi wasyoma.\\nNcinzi Maliya ncaamba kumuntu ngwayeeya kuti mulimi, pele ncinzi camupa kuti azyibe kuti muntu ooyu masimpe ngu Jesu?\\nNcinzi cacitika kuli basikwiiya bobilo beenda kuya kumunzi wa Emau?\\nNcintu nzi cilamya cacitika basikwiiya bobilo nibali kwaambila baapositolo kuti bamubona Jesu?\\nNziindi zyongaye Jesu nzyaalibonya kuli basikwiiya bakwe?\\nNcinzi Tomasi ncaamba naamvwa kuti basikwiiya bamubona Mwami, pele ncinzi cacitika nokwainda mazuba aali lusele?\\nHena ku Johane 20:23 Jesu wakali kwaamba kuti bantu balijisi nguzu zyakulekelela zibi? Pandulula. (Int. 49:2, 7; Is. 55:7; 1 Timo. 2:5, 6; 1 Joh. 2:1, 2)\\nMbuti mbotukonzya kulibambila moyo wesu kutegwa tukonzye kumvwa kasimpe ka Bbaibbele? (Lk. 24:32, 33; Ezr. 7:10; Mt. 5:3; Inc. 16:14; Heb. 5:11-14)\\nBantu Banji Bamubona Kalitanasika Pobwe lya Pentekoste\\nKabukide kubafwu pele katanaunka kujulu, cakwiinduluka-induluka Jesu wakankaizya kwaamba ceeco basikwiiya bakwe ncobakali kuyootambula alimwi ambobakali kuyoocibelesya.","num_words":392,"character_repetition_ratio":0.068,"word_repetition_ratio":0.0,"special_characters_ratio":0.181,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ino painiya wa Bakamboni Bakwe Yehova Ngaani?\\nBatooshimikila kuŋanda aŋanda\\nCiiyo ca Baibo\\nLiswi lyakwaamba ayi “painiya” liinji lilaamba baabo bayandoola misena ipya akucalula nshila yakwaamba ayi bamwi bakonkele. Yesu wakalinga mbuli painiya, wakatumwa pacishi kusa mukusebensa ncito ipa buumi alimwi akucalula nshila yalupulusho. (Mateyo 20:28) Munshiku shino, bashikwiiya bakwe balakonkela cakubonenaako cakwe Yesu kwiinda mukusebensa ciindi cilaamfu kucafwa bamwi kuba bashikwiiya. (Mateyo 28:19, 20) Bamwi balacita ncito njotwiita ayi incito ya bupainiya.\\nPainiya ngumuntu ushimikila ciindi coonse. Boonse Bakamboni bakwe Yehova balashimikila makani abotu. Ono sombi, kuli bamwi boobya shintu mubuumi kwaamba ayi banosebensa mbuli bapainiya baciindi coonse, balasebensa mawoola ali 70 mweenshi uli woonse. Kwaamba ayi bacite boobu, balaceesha ncito shakumubili. Bamwi balasalwa kwaamba ayi basebense mbuli bapainiya balibetele kumisena kutoyandika beshikushimikila sha Bwaami baanji. Balasebensa mawoola ashika ku 130 na kwiindaawo, mweenshi uli woonse. Bapainiya tababikili maano kukulangoola shintu shiinji shakumubili mubuumi bwabo, balashoma ayi Yehova ulaakubacafwa kucana nshebasuniki mubuumi. (Mateyo 6:31-33; 1 Timoti 6:6-8) Abo batacikoonshi kusebensa ncito ya ciindi coonse, inga basebensa bupainiya bwakucafwilisha bwa mawoola ali 30 na 50 pamweenshi.\\nKuba alusuno pali Lesa abantu ncocilengesha muntu kutalika ncito yabupainiya. Bweenka mbuli Yesu, aswebo tulabona bantu baanji muciindi cino basuni kushiba pali Lesa akuyanda kwakwe. (Maako 6:34) Sombi tulicite lushibo lweenga lwabacafwa pacecino ciindi, akuba abulindilishi bwakunembo. Kuba alusuno kubantu nkokulengesha bapainiya kusebensesha ciindi ankusu shabo muncito yakushimikila makani abotu. (Mateyo 22:39; 1 Tesalonika 2:8) Kwiisha bamwi makani abotu kulacafwa bapainiya kuba alushomo abushicibusa buyumu aLesa alimwi alusangalalo lwancinencine.—Milimo ya Batumwi 20:35.\\nIno nciinshi ciyuminisha bamwi kucita bupainiya bwaciindi coonse?","num_words":236,"character_repetition_ratio":0.062,"word_repetition_ratio":0.0,"special_characters_ratio":0.175,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Toonse tulagwasigwa acakulya cesu cakumuuya\\nNaakabaa fwiifwi kukufwa, Jesu wakambuula aambali abasikwiiya bakwe bone​—Petro, Jakobo, Johane, a Andreya. Jesu naakali kwaambilizya zitondeezyo zyakuboola kwakwe mumazuba aakumamanino, wakabuzya mubuzyo uuyandikana: “Nguni muzike musyomesi uucenjede ngwaakakazika mwami wakwe kuti abe mwami wabo basin’anda bakwe, abaabile zilyo zyabo kuciindi ceelede?” (Matayo 24:3, 45; Marko 13:3, 4) Jesu wakasyomezya batobeli bakwe kali “simalelo wabo,” kuti wakali kuzoosala aabo bayoopa batobeli bakwe cakulya cakumuuya muciindi celeede mumazuba aakumamanino. Mbaani babumba muzike ooyu?\\nNkabunga kaniini mubananike batobela Jesu. “Muzike” ooyu Nkabunga Keendelezya kaBakamboni baJehova. Kapa cakulya cakumuuya kubakombi baJehova muciindi celeede. Tulangilide kumuzike uusyomekede kuti “kapa zilyo kuciindi ceelede.”​—Luka 12:42.\\nKaIanga-langa zyamuN’anda yaLeza. (1 Timoteo 3:15) Jesu wakapa muzike mutolo ooyo mulemu wakulanga-langa mulimu wanyika wambunga yaJehova, uuswaanizya kulanga zibelesyo zyayo, kweendelezya mulimu wakukambawuka akutuyiisya kwiinda mumbungano zyesu. Ikuti atupe nzituyanda ciindi nituziyanda “muzike uusyomeka alimwi uucenjede” uli kutupa cakulya cakumuuya kwiinda mumabbuku ngitubelesya mumulimu wesu, alimwi kwiinda munkani zipegwa kumiswaangano miniini amipati.\\nMuzike ulisyomekede kukasimpe kali muBbaibbele akumulimu wakukambawuka makani mabotu, alimwi uliceenjede mukulangania ziyandikana zyaKristu zili aanyika. (Incito 10:42) Jehova ulikuulongezya mulimu wamuzike kwiinda mukupa cakulya cakumuuya ciingi.​—Isaya 60:22; 65:13.\\nNgwani wakasalwa aJesu kuti asanine basikwiiya bakwe zyakulya zyakumuuya?\\nMunzila nzi muzike mwasyomeka ambwacenjede?","num_words":186,"character_repetition_ratio":0.064,"word_repetition_ratio":0.0,"special_characters_ratio":0.171,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Matalikilo 25 IBBAIB63 - Lino Abrahamu wakakwata aumwi - Bible Search\\nMatalikilo 24 Matalikilo 26\\n1Lino Abrahamu wakakwata aumwi mwanakazi, izina lyakwe kali Ketura. 2-Nkabela wakamuzyalila Zimirani, a-Jokisani, a-Medani, a-Midyani, a-Isibaki, a-Sua, 3Alakwe Jokisani wakazyala Seba a-Dedani. Abana ba-Dedani mbaaba: ba-Asuri aba-Letusi aba-Leumi. 4Abana ba-Midyani mbaaba: Efa a-Eferi a-Hanoki a-Abida a-Elidaa, Aba boonse kabali bana ba-Ketura. 5-Nkabela zintu zyoonse nzyaakajisi, Abrahamu wakazipa Izaka. 6-Bana babasimamambe Abrahamu mbaakajisi, Abrahamu wakabapa zipo akubamwaisya kuzwa kuli-Izaka mwanaakwe naakacili muumi, nkabela bakaya kujwe kunyika yakujwe.\\n7Lino mazuba aabuumi bwa-Abrahamu ngaakapona akasika kumyaka iili mwanda amakumi aali musanu aabili amusanu. 8-Nkabela kumamanino, Abrahamu naakafwa, kali abucekulu bubotu, kacembeede loko, Elyo wakaya kulibasinsiku bakwe. 9-Lino Izaka a-Ismayeli bana bakwe bakamuzika musempo lya-Makipela kumuunda wa-Efroni mwana wa-Zohari mu-Hiti uuli kunembo lya-Mamre, 10-ngonguwo muunda Abrahamu ngwaakaulide kubana ba-Heti, Nkuko Abrahamu nkwaakazikwa a-Sara mukaakwe. 11-Lino Abrahamu naakamana kufwa, Leza wakalongezya Izaka mwanaakwe, Nkabela Izaka kakede ku-Cikala ca-Lahai-roi.\\n12-Ngaaya mazyalani aa-Ismayeli mwana wa-Abrahamu, ngonguwe Hagare mu-Egepita mulanda wa-Sara ngwaakazyalila Abrahamu. 13Ngaaya mazina aabana ba-Ismayeli, balilembedwe mbubakazyalwa: mwana mutaanzi wa-Ismayeli kali Nebayoti, a-Kedara, a-Adibeli, a-Mibisamu, 14a-Misma, a-Duma, a-Masa, 15Hadada, a-Tema, a-Jeturi, a-Nafisi, a-Kedema, 16-Mbaabo bana ba-Ismayeli. Ngaayo mazina aabo mutunzuunzi twabo amumakalilo aabo, bami bali ikumi ababili muzisi zyabo. 17-Lino ngooyu mweelwe wamyaka yabuumi bwa-Ismayeli: myaka iili mwanda amakumi otatwe amusanu aibili, Elyo lumwi wakafwa, waya kulibasinsiku bakwe. 18-Bakali kukala koonse koonse kuzwa ku-Havila kusikila ku-Suri, kunembo lya-Egepita kulubazu lwakuya ku-Asuri.\\nJakobo a-Esau mbubakazyalwa\\n19-Lino ngaaya mazyalani aa-Izaka mwana wa-Abrahamu. Abrahamu wakazyala Izaka, 20-nkabela Izaka naakaba amyaka iili makumi one, wakakwata Rebeka mwana musimbi wa-Betueli mu-Aramu waku-Padanaramu, mucizi wa-Labani mu-Aramu. 21-Nkabela Izaka wakakumbilila mukazi wakwe kuli-Jehova, nkaambo kali musundi, nkabela Jehova wakaswiilila, elyo Rebeka mukaakwe wakaminta. 22-Lino bana bakali kuzundana mwida lyakwe. Mpawo wakati, Na makani ali boobo, nkaambonzi nencipona? Lino wakaya kukubuzya kuli-Jehova. 23-Nkabela Jehova wakamwaambila kuti,\\nMuli misyobo yobile muzyalilo lyako;\\nAmikowa yobile iyoozwa mwida lyako.\\nUmwi musyobo uyoojata inguzu kwiinda musyobonyina,\\nAmupati uyoobelekela muniini milimo.\\n24Lino ciindi cakutumbuka nicakasika, kwakabonwa mayanga muzyalilo lyakwe. 25-Mutaanzi wakazwa kasalala, amubili akwe woonse kauli mbuli cibaki caboya, nkabela bakamuulika izina lya-Esau. 26-Musule lyayooyo kwakazwa mwanike wakwe, nkabela ijanza lyakwe lyakalijisi kasindi ka-Esau, aboobo bakamuulika izina lya-Jakobo. Nkabela Izaka kajisi myaka iili makumi aali musanu aumwi naakabazyala.\\nEsau mbicaakauzya bupati bakwe\\n27-Lino balombe nibakakula, Esau wakaba sikuvwima, bwizubwesaka, pele Jakobo kali muntu waamunzi. 28-Nkabela Izaka kayandisya Esau, nkaambo wakali kulya nyama yakwe, pele Rebeka kayandisya Jakobo.\\n29Cimwi ciindi Jakobo naakali kujika musinza, Esau wakazwa musokwe, ulikateede. 30Mpawo Esau wakaambila Jakobo kuti, Wence undisusuzye oyo musinza uusalala, nkaambo ndakataala. (Nciceeco ncaakapedwa izina lya-Edomu.) 31Jakobo wakavuwa kuti, Taanguna kunduuzizya bupati bwako. 32Esau wakati, Langa! Ndaamba kufwa. Obu bupati bulandigwasyanzi? 33-Elyo Jakobo wakati, Taanguna kukonka. Wakakonka, wauzizya Jakobo bupati bwakwe. 34-Mpawo Jakobo wakapa Esau insima amusinza wanyangu. Lino wakalya, wanywa, wanyampuka, waya. Mbuboobo Esau mbwaakasampaula bupati bwakwe.","num_words":443,"character_repetition_ratio":0.051,"word_repetition_ratio":0.0,"special_characters_ratio":0.189,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Bakanzide Kuzumanana Kusyomeka Noliba Leelyo Mulimo Nowakalesyedwe Alimwi Anobakali Kupenzyegwa | Makani Aakaindi Aajatikizya Mulimo Mbowakatalika mu Indonesia\\nCiindi camapulogilamu aamuswaangano iwakacitwa ciindi mulimo wesu nowakalesyedwe, abaswiilizi bamwi kabaswiililila mubwato\\nCiindi bakwesu bakumutabi nobakazyiba kuti mulimo wesu walesyegwa, cakufwambaana bakabweza ntaamu. Ba Ronald Jacka baamba kuti: “Twakalonzya mapepa aajisi makani aamaseseke, mabbuku, alimwi amali aamutabi akwaatola mumaanda aatakazyibidwe abantu mu Jakarta moonse. Mpoonya twakalonzya ofesi yamutabi akwiitola kubusena bwatakazyibidwe alimwi cakaumuumu twakasambala maanda ngotwakali kubelesya kaali ofesi yamutabi.”\\nBunji bwabakwesu bakubusena oobu bakazumanana kuubeleka mulimo cabusungu alimwi cakutayoowa. Bakaliyumya mumasunko mapati aakasololela kukulesyegwa kwamulimo wesu, alimwi bakazumanana kusyoma Jehova. Pele nocakacitika eeci, bakwesu bamwi bakajanika kuti tabalibambilide. Baalu basyoonto bakayoowa alimwi bakasaina mapepa kuzumina kuleka kukambauka. Bamwi bakayubununa mazina aabakwesu bamumbungano. Ofesi yamutabi yakatuma bakwesu basimide kumuuya kuyooyumya mbungano alimwi akugwasya baabo ibakatama. Mukwesu John Booth, umwi wamu Kabunga Keendelezya, awalo wakaswaya cisi ca Indonesia akupa bakwesu lulayo lubotu ndobakali kuyandika kapati.\\nCilisalede kuti Jehova, Mweembezi Mupati, wakali kubayumya alimwi akubaumbulizya bantu bakwe. (Ezk. 34:15) Baalu bakatalika kusololela cabusungu muzintu zyakumuuya, alimwi basikumwaya bakajana nzila zipya alimwi zyabupampu zyakukambauka. (Mt. 10:16) Bakwesu banji bakali kuula makkopi aa Bbaibbele lipya ilyakamwaigwa ambunga ya Indonesian Bible Society alo aatakali kudula mpoonya akwaamwaya kubantu ibakajisi luyandisisyo; aboobo cabupampu bakali kubikkilizya amulumbe wa Bwami kufwumbwa nocakali kukonzyeka kucita boobo. Bamwi bakali kugusya peeji lilembedwe makani aajatikizya basikumwaya bamabbuku eesu akwaamwaya kubantu ibakajisi luyandisisyo. Bapainiya banji bakazumanana kukambauka kabacita mbuli kuti bayaabusambala zintu mumaanda aabantu, mbubonya mbobakali kucita beenzinyina ciindi cisi ca Japan nocakali kweendelezya cisi ca Indonesia.\\nBa Margarete aba Norbert Häusler\\nMpoonya mu 1977, cibeela camfwulumende citegwa Department of Religious Affairs cakajana nzila imbi yakulwana Bakamboni—cakakaka kusaina mapepa aakubayungizyila ciindi cakukkala mucisi bamisyinali ba Bakamboni ba Jehova. Bamisyinali banji ba Bakamboni bakatumwa kuzisi zimbi. * Bamisyinali bazina lyakuti Norbert Häusler, ibakabeleka antoomwe abakaintu babo ba Margarete mu Manado, North Sulawesi balayeeya ategwa: “Bakwesu abacizyi banji kapati bakaboola abalo kubbuwa lyandeke kuzyootulaya. Twakeenda kuunka kumatantilo aandeke, mpoonya twakaima akucebuka. Maanza manji kapati akatubbaibbisya, mpoonya twakamvwa majwi aakali kwaambila aantoomwe kuzwa mutala lyamugwagwa kuti: ‘Twalumba. Twalumba kuti mwakaboola kuzyootugwasya.’ Twakanjila mundeke akulila.”\\nManyongwe mu Sumba\\nMakani aajatikizya kulesyegwa kwamulimo wesu naakamvwika munsumbu zyoonse zyamu Indonesia, kabunga kategwa Indonesian Communion of Churches kakaambila bantu bankako kuti bakamwaambe kumfwulumende muntu uuli woonse uucita mulimo wa Bakamboni. Eeci cakapa kuti bakwesu banji baangwe akubuzyigwa-buzyigwa munsumbu zinji.\\nMu Waingapu, munsumbu ya Sumba, mupati wabasikalumamba mucilikiti eeco wakaita bakwesu bali 23 kunkambi yabasikalumamba yakooko akubaambila kuti basaine mapepa aamba kuti batama lusyomo lwabo. Ciindi bakwesu nobakakaka kucita boobo, mupati wabasikalumamba wakabaambila kuti bakapiluke kunkambi eeyo buzuba butobela—ikweenda makkilomita aali 14 amaulu kuunka akujoka.\\nBakwesu aabo nobakasika kumupati wabasikalumamba mafwumofwumo buzuba bwakatobela, bakali kwiitwa omwe-omwe akwaambilwa kuti basaine mapepa aamba kuti batama lusyomo lwabo. Ikuti mukwesu wakaka kusaina, basikalumamba bakali kumuuma amasanzo aamamvwa. Basikalumamba bakatalika kucita mbuli kuti basondoka buya, akuuma bakwesu cakunga bamwi bakanetuka. Nobakali kucitwa boobo, bakwesu bamwi bakali kulindila ciindi cabo. Mpoonya, mukwesu umwi uucili mwana-mwana wazina lyakuti Mone Kele wakainka kumbele akulemba aapepa. Bakwesu bakatyompwa kapati, pele mupati wabasikalumamba wakanyema kapati. Mone wakalembede kuti, “Ndikanzide kuzumanana kandili umwi wa Bakamboni ba Jehova mane kukabe kutamani!” Bakamuuma kapati Mone akumucisa, cakunga wakatolwa buya kucibbadela, pele cilongwe cakwe a Jehova cakacili ciyumu nta.\\nMupati wabasikalumamba wakasoleka kwamazuba aali 11 kuti abatyompye bakwesu akubapa kuleka kusyomeka. Wakabalailila kuti baimikile muzuba lipya ibuzuba boonse. Wakabasinikizya kuti bakalabe kwamakkilomita manji alimwi akuzuza kuya kulamfwu kabanyamwide zibbudu zilema. Kabeezyeka cipeni cantobolo aamoyo, wakabalailila kuti basalyuute ndembela; pele alimwi bakakaka. Aboobo wakalailila kuti baumwe alimwi.\\nBuzuba abuzuba mafwumofwumo bakwesu bakali kweenda kabayaabulikwela kuunka kunkambi kabayeeya naa mapenzi nzi aambi aakali kubalindila. Kabali munzila, bakali kupaila antoomwe akukulwaizyanya kuti bazumanane kusyomeka. Alimwi buzuba abuzuba masiku bakali kulikwela kuunka kuŋanda, kabajisi mankwambululwa alimwi kabweenda bulowa, pele bakalikkomene kuti basyomeka kuli Jehova.\\nMbobakamvwida buyo makani aakuti bakwesu bakali kupenzyegwa, bakwesu bakuofesi yamutabi, cakufwambaana bakalemba milumbe yaatelegilamu yakutongooka kumupati wabasikalumamba wamu Waingapu, kumupati wabasikalumamba wacooko mu Timor, kumupati wabasikalumamba uulanganya nkamu imwi waku Bali, kumupati wabasikalumamba wiinda boonse wamu Jakarta, alimwi akubalupati-pati bambi ibalemekwa kapati bamumfwulumende. Akaambo kakugunwa kuzyiba kuti makani aamicito yakwe mibi akamwaika mucisi coonse ca Indonesia, mupati wabasikalumamba wamu Waingapu wakaleka kubapenzya bakwesu.\\n“Bakamboni ba Jehova Bali Mbuli Mpikili”\\nMumyaka yakaccilila, Bakamboni banji kapati mucisi ca Indonesia coonse bakaangwa, kubuzyigwa-buzyigwa, alimwi akuumwa. Bamisyinali ba Bill Perrie balayeeya ategwa: “Mubusena bumwi, bakwesu banji bakakululwa menyo aakumbele. Bakwesu nobakali kuyaanya mukwesu iwakajisi menyo aakumbele, mukuseka bakali kubuzya kuti: ‘Sena uli mupya? Naa sena wali kutama lusyomo lwako?’ Nokuba kuti bakasunkwa kapati, aabo ibakali kupenzyegwa kunyina nobakaleka kukkomana akusungwaala kubelekela Jehova.”\\n“Kukkala muntolongo kwakandiyiisya kumusyoma ncobeni Jehova, alimwi kwakandipa kuti ndiyume kapati kumuuya”\\nCiindi cimwi icakatola myaka iili 13, Bakamboni ibali 93 bakaangwa muntolongo, bamwi kwamyezi yobilo, eelyo bambi kwamyezi yiinda waawo mane buya kusika kumyaka yone. Pele kupenzyegwa munzila iili boobu kwakabayumya kuti bazumanane amakanze aabo aakusyomeka kuli Jehova. Nobakamana kupika ntolongo kwamyezi iili lusele, ba Musa Rade bakaswaya bakwesu mubusena mobakali kukkala akubakulwaizya kuti bazumanane kukambauka. Bakaamba kuti: “Kukkala muntolongo kwakandiyiisya kumusyoma ncobeni Jehova, alimwi kwakandipa kuti ndiyume kapati kumuuya.” Tacigambyi pe kuti bantu bamwi ibakali kubona izyakali kucitika bakaamba kuti: “Bakamboni ba Jehova bali mbuli mpikili. Mwaindila kubapenzya, abalo balaindila kuyuma mbubonya mbuli mpikili mboziindila kunjila mukati mwazumanana kuzigagaila.”\\nBasikumwaya kabali munzila kuunka kuyookambauka mu Ambon, Maluku\\n^ par. 1 Ba Peter Vanderhaegen aba Len Davis, ibakali bamisyinali kwaciindi cilamfwu bakalicembeede alimwi ba Marian Tambunan (ibakali ba Marian Stoove musyule) bakakwetwe kumuna Indonesia, aboobo bakazumizyigwa kukkala mucisi ca Indonesia. Boonse aaba botatwe bakazumanana kabali basungu kumuuya alimwi mulimo wabo wakazyala micelo ciindi coonse mulimo wesu nowakakasyidwe.\\nIndonesia: Bakanzide Kuzumanana Kusyomeka","num_words":894,"character_repetition_ratio":0.063,"word_repetition_ratio":0.002,"special_characters_ratio":0.143,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Sena inga muntu ulalulama buti a Leza? Sena inga mubisyi ulacitwa buti kuti alulame? Kwiinda muli Klistu a like nguunga ulatuswaanganya a Leza, a kusetekana, pesi sena inga tulaboola buti kuli Klistu? Banji banji balabuzya mubuzyonguwona mbuli wakabuzya bantu banji banji mubuzuba bwa pentekositi. Cinyonyono nocakabazula bakalila ati, “Sena inga tulacita buti?” Ijwi lyakutaanguna Petro ndyaaka ingula wakati, Amusanduke.” Incito 2:38. Aciindi cimbi, kaindi kashoonto kuzwa nakaamba kuti “amusanduke, mweempe kuti zinyonyono zyanu zi zijatilwe.” Incito 3:19. KLMNP 13.1\\nKusanduka caamba kuusila cinyonyono, akucisiya. Tatukacisiyi cinyonyono cita twabona bubi bwaco, cita twazwa kuli ncico mukati kamoyo, takukabi kusanduka kwa masimpe mu buumi. Nkobali banji banji ibatahi kusanduka kwa kasimpe. Banji banji balausa kuti babisya, alimwi balalitondezya ikusanduka icaatala kuti babisya, nkaambo balayoowa kuti kubisya kwabo kulabaletela mapenzi. Balila kupenga kwiinda cinyonyono pele ooku takuli kusanduka kwini mu mulawo wa Bbaibbele. Akuusa kwa Esau mbokwakabede naakabona kuli zileleko zyabupati bwakwe wazisowekelwa takazijani limbi. Bbalaamu wakamuyoosya mungele wakaimvwi munzila yakwe kajisi iceba, wakakuzumina kubisya kwakwe kutegwa atasowekelwi buumi bwakwe, pesi kwakanyina kusanduka kwini kuzwa ku cinyonyono, kwakanyina kweempa mulinguwe kuzwa kucintu ncaakali kucita, kwakanyina lusulaiko lwacibi. Juda Sikalioti, naakamana kwaaba Mwami wakwe, wakalila, “Ndabisya nkaambo ndaaba bulowa bunyina mulandu.” Mateyo 27:4. KLMNP 13.2\\nKulilekelela kwakasinizigwa kuzwa ku muuya wakwe amuzeezo uyoosya walubeta. Wakayoowa kapati kuzintu zyakali kunoocitika kumbele lyakwe, pesi kwakanyina kutyoka kwa moyo a kuusa kwa muya wakwe, kuti wa mwaaba Mwana a Leza unyina katombe, a kumukaka usetekene wa Isiraeli. Faalo, nakapegwa icisubulo kuzwa kuli Leza, wakacizumina cinyonyono cakwe kuti azwe mu mapenzi akuti cisubulo citayi kumbele, pesi impenzyo nozyakajatwa wakapiluka mukukazya zya kujulu. Zyoonse ezi zyakali kwaamba bulumbu bwa cinyonyono, pesi kwakanyina kuusila cinyonyono lwaco. KLMNP 13.3\\nPesi moyo nuutambula milimo ya Muya wa Leza, kufwambaana muzezo ulabukulusigwa, elyo mubisyi ulabona bulumbu bwakululama kwa mulao wa Leza lisetekene, akuhiba kuti matalikilo a bulelo bwa Kwe mujulu a munyika. “mu muni uusalazizya muntu oonse uboola munyika.” Johani 1:9. Ulapa kusalala kuleta aantangalala zyoonse zisisidwe mucamba camuntu, azintu zyoonse zili mu musinze zilabonwa. Johani 1:9. Kuzulwa kulanjila mu mizezo a mu moyo. Mubisyi ulajana muzeezo wakuyeeya bululami bwa Jehova, akuyoowa kwa kuboola kwa Kwe kuti atajanwi mubuyamba a mu kutalulama, kumbele lya ooyo uutasiswi cili mu moyo. Ulalubona luyando lwa Leza, abubotu bwa bululami, a kukomana kwa kusalala, ono wayanda kusalazigwa, alimwi akuti a swaanganizigwe a julu. KLMNP 13.4\\nKupaila kwa Davida naakabisya, kutondeezya ikuusa kwa kasimpe a kaambo ka cinyonyono, kusanduka kwakwe kwakalizwide alimwi kwakali- maninide kuzwa kunsi amoyo wakwe. Kwakanyina nguzu zyakuyanda kuzimaanya cibi cakwe. Kwakanyina moyo wakuyanda kucija lubeta lwakabikidwe mu kupaila kwakwe. Davida wakabona kuti walubizya kapati, wakabona bubisyi bwa moyo wakwe elyo wakacisulaika cibi cakwe. Teekwakali buyo ikulekelelwa cinyonyoono nkwaakali kupailila pele akusalazigwa kwa moyo. Wakali kulombozya kubaa kukomana kwa kusetekana-kuti abukulusigwe kuti bamvwane akuba a cilongwe a Leza. Ooyu wakaba mulaka wa buponi bwakwe “Walelekwa oyo ulaa cinyonyono cakalekelelwa ulaacibi cavunikwa. Walelekwa ooyo muntu Leza ngwaatapa cinyonyono, ulaa muya unyina lucengo.” Intembauzyo 32:1, 2. KLMNP 14.1\\n“Kondeetelela, O Leza, mbubona mbuli Luzyalo lwako, zibinganya milandu yangu: Ndakuzumina kubisya kwangu cinyonyono cangu cili kumbele lyangu lyoonse. Kondisanzya amusamu wako wahisopo njakutuba kwiinda caanda. Kolenga muli ndime moyo usalala, O Leza, webo O Leza wa lufutuko lwangu: Mulaka wangu uya kwiimba kapati mu bululami bwako.” Intembauzyo 51:1-14. KLMNP 14.2\\nKusanduka kuli boobu kuli kulaale anguzu zyesu nkozitakonzyi kusika; Ooku kulajanwa muli Klistu alike, iwakasumpulwa kuya kujulu, akupa zipego ku bantu. KLMNP 14.3\\nMpaawa banji banji mpobalubizya, akujana kuti baalilwa kutambula lugwasyo kuzwa kuli Klistu ndwayanda kubapa. Bayeeya kuti tabakozyi kuboola kuli Klistu cita basanduka, akuyeeya kuti ikusanduka kubamba nzila yakulekelelwazinyonyoono. Mukasimpe ikusanduka nkokutaanguna imuntu katana kulekelelwa zinyonyono. nkaambo kakuti moyo utyokede nguya kuliteelela kuyanda Mufutuli. Sena imubisyi uleelede kulindila limwi akasanduke eelyo nkokuboola kuli Jesu? Hena kusanduka nkokukonzya kusinkila mubisyi kuzwa ku Mufutuli? KLMNP 14.4\\nBbaibele talyaambi kuti mubisyi uleelede kusanduka kusaanguna katana tambula lwiito lwa Klistu, “Amuboole kuli ndime, inywe nyoonse nomukatede nomulemedwe, nja kumupa kulyookezya.” Mateyo 11:28. Mbululami buzwa kuli Klistu busololela kusanduka kubotu. Petro ukanana kabotu ku bana ba Isiraeli, naakamba kuti: “Walo Leza ngwakasumpula a janza lya Kwe lyalulyo kuba Muleli a kuba Mufutuli, kupa kusanduka ku bana ba Isiraeli, a kupa lulekelelo lwa zinyonyono. Incito 5:31. Tatukonzyi kusanduka kakunyina mooza wa Klistu kutubusya mu maanu, mbubona mbotunga tatukoolekelelwa kakwiina Klistu. Klistu nkakasensa kakucita bululami. Ngonguwe alike nguunga wabyala mbuto mu moyo wa muntu yakuzonda cinyonyoono. Ikuyandisya kwakasimpe, akusalala, ikuzulwa kwesu koonse kwazinyonyoono, ncitondeezyo caamba kuti mooza wakwe ulabeleka mukati kamyoyo yesu. KLMNP 14.5\\nJesu wakati, “Mebo kuti ndasumpulwa kuzwa aansi njakuleta bantu boonse kuli ndime.” Johani 12:32. Klistu uleelede kuzubululwa ku Mubisyi mbuli Mufutuli wakafwida zinyonyono zya nyika, kwiinda mukuyeeya kabelele wa Leza a ciingano ca Kalivaali cakuusa, maseseke aa kunununwa alatalika kusika mu mizezo yesu, elyo bululami bwa Leza bula tusololela ku kusanduka. Mukufwida babisyi Klistu wakatondezya luyando lupati lutakonzyeki kuteelelwa; aboobo mubisyi nalubona luyando oolu, luteteesya moyo wakwe, akuulemba, akuubika kusanduka kwa kweempa mu moyo. KLMNP 15.1\\nKuli kasimpe kuti bantu cimwi ciindi balausa anzila zyabo zibyaabi, a kuleka zilengwa zyabo zimwi zibyaabi, kabatana ziba kuti Moza wa Leza ubakwelela kuli Klistu. Pesi kuti na basola kuti bajane ikucinca mubukale bwabo kuzwa aansi aa moyo kuti bacite bubotu, ninguzu zya Klistu zibakwela. Muzezo ngoba takonzyi kuziba ulabeleka mu muya, moyo ulabusigwa, eelyo kusanduka kwa buumi kulatalika kulibonya. Klistu nabakwelelezya kuti balange ku ciingano ca Kwe, kumubona walo wakayaswa, akaambo ka zinyonyono zyabo, mulawo kufwambaana ulasika ku muzeezo wabo. Kusofwaala kwa buumi bwabo, cibi ca mu muya wabo cilazubululwa kulimbabo. Balatalika kuteelela bululami bwa Klistu, akwaamba kuti. sena cinyonyono ninzi? kuti citole muyasilo uliboobu akaambo kalufutuko Iwabo? Hena lwakali luyando loonse olu, akupenga koonse ooku akulyeeta aansi oku nkukwakacita kuti tutafwi, pele tube a buumi butamani? KLMNP 15.2\\nMubisyi inga walukaka luyando olu, inga ulakaka kuletwa kuli Jesu; pele kuti talukaki ingalwamutola kuli klistu; akuzumina inga muzeezo walufutuko ulamusololela kumaulu aciingano a kusanduka kuzwa ku zinyonyono zyakwe zyakaleta mapenzi a Mwana a Leza. KLMNP 15.3\\nMuzezo nguwena ubeleka kuzilengwa zyoonse ulakanana ku myoyo ya bantu, akuleta inyota yakuyandisya ku cintu cimwi ncobatajisi. Zintu zya munyika tazikonzyi iku kusya kuyanda kwabo. Muya wa Leza ulabakombelela kuti bayandaule zintu zyolike zikonzya kubapa luumuno a kulyookezya—luse lwa Klistu a kukomana kwa bululami. Kwiinda mu milimo yoonse ibonwa ayitabonwi, Mufutuli wesu ulasebenza lyoonse kuleta mizeezo ya bantu kuzwa ku zisobano zyaciinyooono izita kutwi ulaita bantu kuti baboole kuzifeleko izitamani eezyo zinga zilaba zyabo muli nguwe. Kubantu boonse aaba, ibasoleka icakulipenzya ikunywa kuzinywido zya nyika ezyo zifwide, mulumbe usetekene uzwa kuli Leza ulakaanana ati, “Ooyo ufwide nyota aboole. Oyo oonse uyanda anywe meenda abuumi cakwaanguluka” Ciyubunuzyo 22:17. KLMNP 16.1\\nNywebo nomuyanda cintu cibotu kwiinda nciikonzya kupa nyika eyi, amuhibe kuti oku kuyandisya kwenu ndijwi lya Leza ku buumi bwanu. A mulombe amupe lusanduko, a zubulule Klistu kuli ndinywe mu luyando lwa Kwe lutamani, a mukusalala kwa Kwe kulondokede. Mukupona kwa Mufutuli inzila zya mulawo wa Leza—Luyando kuli Leza a kumuntu— zyakazubululwa icakumaninina Lweengelelo, luyando lwakutaliyanda, kwa kali nkokupona kwa Kwe. Motusolela kukala buumi mbwaakapona akulanga kuli nguwe, imumuni ulasika alindiswe, kuti tubone bubi bwa myoyo yesu. KLMNP 16.2\\nNdiza tulalicenga tobeni, mbuli Nikodemu mbwaakalicenga, akuti buumi bwesu buliluleme, kuti ciimo cesu cililuleme, akuyeeya kuti tatweelede kulitola ansi kumbele lya Leza, mbuli mubisyi oonse, pele imumuni niwamweka kuzwa kuli Klistu mukati ka myoyo yesu, tuya kubona kuti tuli babisyi ikasimpe, tuya kwandaanya kuliyanda kwa kuliteelela, a munyono wa kulwana Leza, ooko wabisya mulimo omwe omwe wa buumi bwesu. Eelyo tuya kubona kuti bululami bwesu bulisofwede mbuli n’ganda yatombe, akuti bulowa bwa Klistu bulike mbobukonzya kutusalazya kuzwa ku kusofwaala kwa cinyonyono, a kulengulula myoyo yesu mu mukozyanyo wa Kwe. KLMNP 16.3\\nMutunga zuba omwe wa kusalala kwa Leza, kumweka komwe komwe kwa kusetekana kwa Klistu ikwiinda mubuumi, kucita kusofwaala komwe komwe kuli mu mizeezo kuletwe aantangalala icakucisa kapati, akutondezya kubulwa kwa ciimo ca buntu. Mumuni oyu ulapa citondezyo ca luyando lutasalali akuyuma kwa moyo, a kusofwaala kwa milomo. Imillimo ya mubisyi ya kutateelela mulawo wa Leza akuyanda kubika kuti ngwabuyo, zyoonse eezi zilazubullul wa kumbele lyakwe, eelyo moza wakwe ulaciswa akupenzyegwa a Moza wa Leza uyandaula kusalazya akugusya zibi muli nguwe. Ulalichesya lwakwe mwini nabona kusetekana, a kubula katombe kwa ciimo ca Klistu. KLMNP 16.4\\nMusyinsyimi Danieli naa kabona bulemu kabuzingulukide masinja wakujulu iwakatumwa kuli nguwe, wakapenzegwa abuteteete akutalulama kwa kwe. Mukukanana cakatola busena mucilengaano cikankamanisya wakati, “Kunyina nguzu zyakacaala muli ndime: Ibuumuzi bwaangu bwaka boneka abe nku sofwaala kulindime, aboobo ndakanyina nguzu.” Danieli 10:8. Aboobo moyo woonse wajatwa uya kuzonda kuliyanda, kuzonda kuliyanda cakumaninina a mukuyowa nkabela uyakuyaandaula ibululami bwa klistu, akusalala kwa moyo ooko kujatana amilawo yaleza aciimo ca klistu. KLMNP 17.1\\nPaulo waamba kuti, “Kukanana a bululami buli mu mulawo,” a kwaamba milimo yaatala,—wakanyina cibi; Filipo 3:6. Pesi nakalanga bululami a ciimo ca mulawo nica katondezyegwa mbuli mbocibede mu Moza, wakabona kuti walo wakali mubisyi. Kubeteka kwa mulawo mbuli ngwaakazi kutaanguna alimwi mbubona mbuli bantu mbobabulanga buumi bwaatala, kulinguwe wali mululami,wakalizwide mu cinyonyono, pesi naakalanga mubulamfu bwakusetekana kwawo, wakalibona lwakwe mwini mbuli mbwamubona Leza, wavuntama mu kulitola ansi, wazumina kubisya kwakwe. Wakati, “Nda kali kupona kakunyina mulawo: pesi mulawo niwakaboola cinyonyono ca kayuma, eelyo ndakafwa.” Roma 7:9. Naakabona nguzu zyamoza zya mulawo, cinyonyono cakalitondezya bubi bwaco kuyeeya kwakwe kwakamana. KLMNP 17.2\\nLeza tazilangi kuti zinyonyono zyoonse zileelene, kuli kwandaana kwakubisya mu muzeezo wa Kwe, oobu mbocibede akuli zeezyo zya muntu, pele mu kusobanya kanyonyoono aka akaaka olo kaboneke kuceya buti mumeso abantu, pesi kunyina cinyonyono cisyoonto mubusyu bwa Leza. Imuzeezo wa muntu ngwa cisela alimwi taululeme, pesi Leza ulazilanga zintu zyoonse mbubona mbozibede. Mukolwi ulasampaulwa ulaambilwa kuti cinyonyono ciya ku mwaandanya kuzwa kujulu, kakuli kulisumpula, kuliyanda, akunyonokela lyoonse tazilulamikwi. Aboobo ezi nzezinyonyono zibi kapati kuli Leza, nkaambo zilwana lweengelelo lwa ciimo ca Kwe, luyando lutali lwa kuliyandi ndoluuwo luunga mukati kajulu lisetekene. Walo oyo uuwida mu cinyonyono cipati ulaliteelela kuusa a bucete akuyanda kwakwe kwa kuyanda Luse lwa Klistu, pesi kulisumpula takulimvwi kubula, aboobo kusinkila moyo kuli Klistu, a kuzileleko zisetekene nzyaakaboolela kupa. KLMNP 17.3\\nUmwi mucete simutelo wakapaila, “Leza koba a luse kuli ndime ndemubisyi,” Luka 18:13. Wakalibona lwakwe mwini mbuli muntu mubisyi, a bantu bamwi bakali kumulanga mbubona obo, pesi wakali kuyanda kugwasigwa, elyo akuusa kwakwe kupati a mukuli wa cinyonyono wakaboola kumbele lya Leza, kulomba luse lwa Kwe. Moyo wakwe wakali libambide kutambula Muya wa Leza kuti ucite mulimo wawo mubotu, a kumwaangulula kuzwa ku cinyonyono. Kupaila kwa kulisumpula kwa bululami bwa kulipa kwa mufalisi kwakatondezya kuti moyo wakwe wakali jalidwe mulimo wa Muya Usalala. Nkaambo kakuba kulaale a Leza, wakanyina muzeezo wa bubisyi bwakwe. Mukutayanda kusetekana kuzwa kuli Leza, kunyina ncaakatambula. KLMNP 17.4\\nNaakuti walibona bubisyi bwako, utalindili kuti uya kulibamba lwako omwini. Mbangaye bayeeya kuti tabaluleme aboobo taabayelede kuboola kuli Klistu? Muyeeya kuti milimo yanu nobeni inga ya mululamika? KLMNP 18.1\\n“Sena inga mubisyi ula cisandula cikanda cakwe, naba siluwe, sena inga ulasandula mabala aakwe?” Nkokuti anywebo inga mwacita bubotu nomuhibide kucita zibi. Jeremiya 13:23. Kugwasigwa kwesu kuli muli Leza alike. Tutalindili kukombelelwa kupati, aziindi ziboola zibotu, naa ciindi moyo waakukala kabotu. Kunyina ncotunga twacita lwesu tobeni. Tuleelede tuboole kuli Klistu mbubona mbotubede. KLMNP 18.2\\nPesi kutabi ulicenga amuzeezo wakuti, Leza mu luyando Lwakwe lupati, aluse lwa Kwe, uya kufutula abaabo bakaka kululama Kwakwe. Bupati bwa cinyonyono bulakonzeka buyo kuhibwa kwiindila mu mumumi waciingano. Bantu nobayeeya kuti Leza mubotu takonzyi kusowa mubisyi a balange ku Kalivaali. Nkaambo kwakanyina nzila iimbi muntu njaakali kunga ulafutuzigwa, nkaambo kakuti kunze kwa muyasilo oyu kwakanyina nzila ya kuti muntu azwe ku nguzu zya cinyonyono, aswaanganizigwe a bangele basetekene cakali ciyumu kubantu kuti alimwi batambule buumi bwa moza, nka kaambo kaako Klistu ncaakabwezela buumi bwa muntu wakasweeka akupenga mu cilawo ca mubisyi. Luyando alufu lwa Mwana a Leza zyoonse zitondezya bubi bwa cinyonyono. akuti kunyina nzila ya kutija kuzwa kuli ncico, kunyina cisyomyo ca buumi bupati, pele kwiinda mu kulitola ansi kwa muntu kuli Klistu. KLMNP 18.3\\nCimwi ciindi babisyi bala licenga lwabo beni akulipa Buna klistu bwa kumeso,akuti”ndimubotumbubonambuli bamwi. Tabali kasyi,kulilemeka naa kulijata mu milimo yabo kwiinda ndime, akucenjela, akulilanga mu milimo yabo kwiinda ndime. Balayanda kuli komanisya lwabo beni mbubona mbuli ndime.” Aboobo bacita kuti milandu ya bamwi abe mayubilo kubuyamba bwabo. Pesi zinyonyono akulubizya kwaumwi takwaangululi muntu; nkaambo Mwami taakatupa mubili wakulubizya lyoonse. Mwana muntu unyina katombe wakalipa kuti cibe citondezyo cesu, aabo batongauka kulubila banaKlistu beelede kutondezya buumi bubotu bwa buntu. Kuti kabajisi muzeezo mupati wa kuhiba kuti mu Klistu weelede kuba buti, sena cinyonyono cabo tacili cipati? Balikahi kasimpe, pele tabayandi kukacita. KLMNP 18.4\\nA mucenjele a kubikilila. Mutauleki mulimo wakusowa zinyonyoono zyanu, a kuyandaula bubotu bwa moyo kwiinda muli Jesu. Mpaawa zyuulu a zyuulu zya bantu mpozisweekela akutola nzila yakunyonyooka kuya kulufu kukabe kutamani. Nsekookanana kapati mukufwimpa akutahibwa kwa buumi, pesi kuli cilijazyo cipati—cilijazyocitakonzyeki kuteelelwa— mukumuka kuteelela kujwi lya Leza lya Moza usalala, a kusola kupona mu cinyonyoono, kumuka kuli boobo mpokuli. Cinyonyoono nociceya buti kuti kacicitwa cilaletela kusweekelwa kwa buumi butamani Eeco nco tutazundi, ciiya kutuzunda, a kutupa lufu. KLMNP 19.1\\nAdamu a Eva bakayeeya ikuti cintu cishoonto mbuli kulya ku musamu wakakasigwa takukonzyi ikuletela ikupenga ikupati mbuli nkwaakabacenjezya Leza. Pesi kulubizya ooku kusyoonto buyo kwakali kutyola mulawo wa Leza utasanduki usetekene, kwakandaanya muntu kuzwa kuli Leza, a kujalula zilyango zya lufu a mapenzi a tamani munyika yesu. Misela a misela lyoonse kuli kulila kutamani kuzwa munyika yesu, kucintu icakalengwa coonse kuli kuciswa akulila antomwe akucisa akaambo ka kutateeelela kwa muntu. Ijulu lwalyo lyaa kumvwa kuzanga kwakwe kuzwa kuli Leza. Ciingano ca kalivali nciyeezyo camuyasilo mupati wakapegwa mu kusotoka mulawo usetekene. Tutabi bakulanga cinyonyoono aku cuubya. KLMNP 19.2\\nMulimo woonse wakusotoka mulawo, a kuyambaalila luse lwa Klistu. nkulijaya 1wako omwini, upa kuti moyo uyume mu kutayanda Leza, ucesya nguzu zyakulisalila cibotu, kunyonganya mizeezo, akuyipa kuti itacikonzyi, kutambula kukombelela kwa mooza wa Leza nkukukombelela icaluse. KLMNP 19.3\\nBamwi banji banji bala uumuzya muzeezo upengede, a kuyeeya kuti balakonzya kusandula mulimo wa cinyonyoono mu ciindi ncobanga bayanda beni, akuti balakonzya kusobanya lwiito lwa luse, akuti lunoita lyoonse. Bayeeya kuti munsi a kusampaula luse lwa moza, a kubika milimo yabo ali Satani, akuti mu ciindi ca mapenzi ayoosya inga bakonzya kusandula milimo yabo. Pesi eeci tacili cuubauba kucita. Iluhibo kwiinda mukubona zicitika, lwiiyo luyiigwa muciindi ca buponi bwamuntu, zibika iciimo icimbi mu muntu icakuti mba shoonto ibayanda kutambula mukozyano wa Jesu. KLMNP 19.4\\nNakuba kubija kwa ciimo komwe, noluba luyando lwa cinyoonyono comwe, ikuti kwatolelela mu moyo kumasimpilo kuya kwandaanya nguzu zya mulumbe. Kulikomanisya koonse kwabubisyi kuyumya muuya wakuzonda Leza. Muntu utondeezya kutashoma muli Leza akuyumya moyo akusulaika kasimpe. utebula bulumbu mbwaa kasyanga. Mu Bbaibbele lyoonse kunyina kulailila kuyoosya ku muntu usobanya cinyonyoono kwiinda kulailila majwi a muntu musongo, kuti milandu yasizibi ilamuca,” Itusimpi 5:22. KLMNP 19.5\\nKlistu ulilibambide kutwaangulula kuzwa ku cinyonyoono. pesi tatusinikizyi luyando, pele ikuti akaambo ka kuyumya myoyo yesu twatolelela kubisya, eelyo twaba ba kutayanda kuti twaangululwe, naa kuti tatulutambuli luse lwakwe, ino ncinzi icimbi ncanga alimwi ulacita? Twakali jaya lwesu tobeni akaambo ka bukanze bwa kukaka luyando lwakwe. “Kolanga, lino nce ciindi ceelede, kolanga, lino mbo buzuba bwa lufutuko.” “Sunu mwaliteelela ijwi lyakwe, mutayumyi myoyo yanu.” Ba Kolinto 6:2. Ba Hebbulayo 3:7, 8. KLMNP 20.1\\n“Muntu ulanga atala, pesi Leza ulanga mu moyo.”— Moyo wa muntu a mizeezo ilwana kuusa aku komana; moyo ula Ingaila mu mizeezo, omo muzwide mizeezo isofweede ya cinyonyoono. 1 Samuyele 16:7. Ulizyi mizeezo yawo, a kuyanda kwawo. Koya kuli nguwe mbuli mbobede ulizyi kusofwaala kwa moyo wako Mbuli mwiimbi, mbwaleta chamba cakwe akucijalula antangalala kuliso libona a kwaamba kuti. “Undilingulule, O Leza, kozyiba moyo wangu kondisola kozyiba mizeezo yangu ulange naa kulaba nzila mbyaabi muli ndime, undisololele mu nzila itamani.” Intembauzyo 139:23, 24. KLMNP 20.2\\nBanji banji balatambula akuzumina muzeezo wakukomba, a ciimo cabu Leza, pesi moyo kutasalali. A kube kupaila kwanu, “Kolenga muli ndime moyo usalala, Oo Leza, kolengulula muya usalala muli ndime.” Intembauzyo 51:10. Amubeleke amubili wenu cakutalyeena mukasimpe. Mucibike mbuli mbomunga mulabeleka ica nguzu ikuti buumi bwenu buli akati kakufwa abuumi. Ooyu muzeezo uyelede kucitwa akati ka moyo wako a Leza, inzila yaako ibambilwe limwi kukabe kutamani. Lusyomo lwa kulicenga mukuyeeya kuti ulikabotu kunyina cimbi ncoyanda, luya kukuletela buyo kunyonyooka. KLMNP 20.3\\nMuliiye ijwi lya Leza a kupaila. I jwi lyapegwa kumbele lyanu, mu mulawo wa Leza a mu buumi bwa Klistu, milawo mipati yabululami, kunze kwazyo “Kunyina muntu uya kubona Leza.” Ba Hebulayo 12:14. Mulawo uhibya cinyonyoono, uzubulula nzila yalufutuko. A muteelele milawo mbiwamba nkaambo ndijwi lya Leza likanana ku moyo wanu. KLMNP 20.4\\nNomwazyiba bubi bwa cinyonyoono, mwali bona mbuli mbo.mubede nobeni, mutatyompwi. Jesu wakaboolela kufutula babisyi. Tatweelede kuli swaanganya a Leza, pele amubone—Oo luyando lukankamanisya!— Leza kwiinda muli Klistu “ula iswaanganya nyika lwakwe mwini.” Ba 2 Kolinto 5:19. Ulatamba a luyando lwakwe lubotu myoyo yabana bakwe bazimide. Kunyina muzyali wa munyika unga ulalindila akulekelela milandu a kulubizya kwa bana bakwe, mbuli Leza mbwa cita kuli baabo mbayanda kufutula. Kunyina unga ulakombelela kapati aluse lupati ku muntu mubisyi. Kunyina milomo ya muntu eyo yakatila majwi mabotu aluse ku muntu uusweekede mbuli Leza mbwacita. Zisyomyo zyakwe zyoonse, kulailila kwakwe, koonse ooku nkuyoya kwakwe kwa luyando lutaambwi. KLMNP 20.5\\nSatani naboola ku kwaambila kuti uli mubisyi mupati, ulange mujulu ku Mufutuli wako, ukanane bubotu a luse lwakwe. Eeco cinga cilakugwasya nkulanga ku kusalala kwakwe. A Kuzumina cinyonyoono cako, pesi umwaambile sinkondonyoko kuti “Jesu Klistu waka boola munyika kuzyi ku futula babishi” eelyo aboobo ulakonzya kufutulwa a luyando lwakwe lukankamanisya. 1 Timoti 1:15 Jesu wakabuzya mubuzyo kuli Saimoni akaambo ka basizikoloto bobilo. Umwi wakali kolotede ku mwami wakwe mali masyoonto, umwi mali manjaanji, pesi boonse wabalekelela, Klistu wakabuzya Samoni kuti nguuli sicikwelete akati kabo wakayandisya mwami wakwe kwiinda. Saimoni wakati, “Ooyo ngwaka lekelela kwiinda.” Luka 7:43. Twakali babisyi beni beni, pesi Klistu wakatufwida kuti tulekelelwe milandu. Luse lwa muyasilo wakwe luli zulide kutondeezya kuli usyi a kaambo kesu; Aabo mbaa kalekelela kwiinda baleelede kumuyanda kwiinda, alimwi baya kwiima munsi a cuuno cakwe kumulumbaizya a kaambo ka luyando a muyasilo wakwe mupati. Ciindi ncotuteelela luyando lwa Leza lupati, notuyeeya kapati a kuvula kwa cinyonyoono. Twabona bulamfu bwa nketani yakapegwa kuli ndiswe, twateelela muyasilo utamani Klistu ngwaka cita kuli ndiswe, moyo uleenzemuka a buteteete a kuusa. KLMNP 21.1","num_words":2930,"character_repetition_ratio":0.044,"word_repetition_ratio":0.0,"special_characters_ratio":0.174,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Tandileki Kuyeeya Zyakoonana | Bakubusi\\nAMUBALE MU Afrikaans Albanian American Sign Language Amharic Arabic Armenian Azerbaijani Azerbaijani (Cyrillic) Bulgarian Cebuano Chichewa Chinese (Traditional) Chinese Mandarin (Simplified) Chitonga Chitumbuka Cibemba Croatian Czech Danish Dutch Efik English Estonian Ewe Fijian Finnish French Ga Georgian German Greek Greenlandic Haitian Creole Hausa Hebrew Hiligaynon Hindi Hungarian Icelandic Igbo Iloko Indonesian Isoko Italian Japanese Kikongo Kinyarwanda Kirundi Korean Latvian Lingala Lithuanian Luganda Macedonian Malagasy Malay Malayalam Maltese Moore Myanmar Ndau Norwegian Ossetian Papiamento (Curaçao) Polish Portuguese Romanian Russian Sepedi Serbian (Cyrillic) Serbian (Roman) Sesotho (Lesotho) Setswana Shona Sinhala Slovak Slovenian Spanish Swahili Swedish Tagalog Tamil Tatar Telugu Thai Tiv Tojolabal Tsonga Turkish Ukrainian Umbundu Urhobo Vietnamese Xhosa Yoruba Zulu\\nAmusale kabotu balongwe banu. Ikuti beenzinyoko abasicikolonyoko batalika kubandika makani aajatikizya bwaamu, ikwaanjilila kulakonzya kupa kuti mukatazyigwe kweendelezya mizeezo yanu. Kanji-kanji, mulakonzya kuzwa akuusiya mubandi kakunyina kuboneka mbuli kuti mulipa bunaleza calo cikonzya kubapa kuti batalike kumuseka.\\nSena inga mwalekela mavailasi kuti anyonganye kkompyuta yanu? Aboobo, nkaambo nzi ncomulekela zyintu zibi kunyonganya mizeezo yanu?\\nAmuzitantamuke zyakulikondelezya zitali kabotu. Zyakulikondelezya zinji mazuba aano zibambidwe munzila iikonzya kuletela muzeezo wakoonana. Ino Bbaibbele lipa lulayo nzi? “ Atulisalazye kuzyintu zyoonse zisofwaazya mubili amuuya, alimwi atulondole kusalala kwesu lyoonse mukuyoowa Leza. ” (2 Bakolinto 7:1) Amuzitantamuke zyakulikondelezya zibusya muzeezo wakoonana.\\nKamuyeeya eeci: Kulimvwa kuyanda koonana takuli kubi. Leza wakalenga mwaalumi amukaintu kuti kabayandana, akoonana mucikwati. Aboobo kuti mulimvwa kuyandisya koonana, mutayeeyi kuti muli babi naa kuti inga tamukonzyi kulilemeka.\\nKaambo keelede kubikkilwa maano: Mulakonzya kusala ncomuyanda kuyeeya. Mulakonzya kunoosalala mumizeezo amubukkale bwanu kuti mwasala kucita oobo!","num_words":245,"character_repetition_ratio":0.05,"word_repetition_ratio":0.0,"special_characters_ratio":0.142,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Lusyomo muli Jesu lulaizunda nyika (1-12)\\nNcocaamba kuyanda Leza (3)\\nKusyoma nguzu zyamupailo (13-17)\\nAmucenjele munyika mbyaabi (18-21)\\nNyika yoonse ili mumaanza aamubi (19)\\n5 Muntu woonse uusyoma kuti Jesu ngu Kristo uzyedwe kuli Leza,+ alimwi muntu woonse uuyanda yooyo wakapa kuti azyalwe ulamuyanda ooyo uuzyedwe kuli yooyo. 2 Tulazyiba kuti tulabayanda bana ba Leza+ ciindi notumuyanda Leza akucita ncoyaamba milawo yakwe. 3 Nkaambo kuyanda Leza caamba kuti katubamba milawo yakwe;+ alimwi buya milawo yakwe tiiminyi,+ 4 nkaambo muntu woonse* uuzyedwe kuli Leza ulaizunda nyika.+ Alimwi oolu ndoluzundo ilwazunda nyika, ilusyomo lwesu.+ 5 Ino nguni uunga wazunda nyika?+ Sena tali yooyo uujisi lusyomo lwakuti Jesu Mwana wa Leza?+ 6 Ooyu ngonguwe wakaboola kwiinda mumaanzi abulowa, Jesu Kristo, ikutali amaanzi buyo pe,+ pele maanzi alimwi abulowa.+ Alimwi muuya nguupa bumboni,+ nkaambo muuya nkakasimpe. 7 Nkaambo kuli bakamboni botatwe: 8 imuuya,+ maanzi+ alimwi abulowa;+ alimwi eezyi zyotatwe zilazuminana. 9 Ikuti naa tulabuzumina bumboni bwabantu, ibumboni bwa Leza mbupati kapati. Nkaambo oobu mbobumboni mbwapa Leza, kuti wapa bumboni kujatikizya Mwanaakwe. 10 Muntu uulaalusyomo mu Mwana wa Leza ulijisi bumboni mulinguwe mwini. Imuntu uutajisi lusyomo muli Leza wapa kuti abe mubeji,+ nkaambo tanaasyoma bumboni mbwaapa Leza kujatikizya Mwanaakwe. 11 Lino oobu mbobumboni bwapegwa, kuti Leza wakatupa buumi butamani,+ alimwi ibuumi oobu buli mu Mwanaakwe.+ 12 Ooyo uujisi Mwana ulibujisi buumi oobu; ooyo uutajisi Mwana wa Leza tabujisi pe buumi oobu.+ 13 Ndimulembela zintu eezyi kutegwa muzyibe kuti mujisi buumi butamani,+ nywebo nomujisi lusyomo muzina lya Mwana wa Leza.+ 14 Alimwi oolu ndolusyomo* ndotujisi mulinguwe,+ kuti kufwumbwa cintu ncotumulomba ceendelana akuyanda kwakwe, ulatumvwa.+ 15 Alimwi ikuti katuzyi kuti ulatumvwa kujatikizya cintu cili coonse ncotulomba, tulizyi kuti tuyooba azintu nzyotulomba mbwaanga twazilomba kulinguwe.+ 16 Ikuti umwi wabona munyina kacita cibi citaleteli lufwu, uyoolomba, alimwi Leza uyoopa buumi kuli yooyu,+ inzya kuli baabo bataciti cibi cikonzya kuletela lufwu. Kuli cibi ciletela lufwu.+ Eeci ncecibi ncenditamwaambili kuti amulombele. 17 Kutalulama koonse ncibi,+ nokuba boobo kuli cibi citaleteli lufwu. 18 Tulizyi kuti muntu woonse uuzyedwe kuli Leza tazumanani pe kucita cibi, pele ooyo* uuzyedwe kuli Leza ulamulinda, alimwi ooyo mubi takonzyi kumujata pe.+ 19 Tulizyi kuti tuzwa kuli Leza, pele nyika yoonse ili mumaanza aamubi.+ 20 Pele tulizyi kuti Mwana wa Leza waboola,+ alimwi watupa maano kutegwa tukonzye kuba aluzyibo lwayooyo mwini-mwini. Alimwi tulikamantene ayooyo mwini-mwini+ kwiinda mu Mwanaakwe, Jesu Kristo. Ooyu ngo Leza mwini-mwini alimwi mbobuumi butamani.+ 21 Nobana bangu bayandwa, amwiitantamuke mituni.+\\n^ Mu Chigiriki, “cintu coonse.”\\n^ Naa “Alimwi ooku nkokwaambaula cakutayoowa.”\\n^ Nkokuti, Jesu Kristo Mwana wa Leza.","num_words":385,"character_repetition_ratio":0.064,"word_repetition_ratio":0.0,"special_characters_ratio":0.198,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Ezara Mupaizi Wakali Kuyiisya Mulawo wa Leza | Ziiyo Zyabana Zyamu Bbaibbele\\nKwakaliindide kale myaka iili 70 kuzwa ciindi bana Israyeli nobakapiluka ku Jerusalemu, pele bamwi bakacili kukkala mumasena aaindene-indene mubulelo bwabana Persia. Umwi wambabo wakali mupaizi wazina lya Ezara, walo iwakali kuyiisya Mulawo wa Jehova. Ezara wakazyiba kuti bantu ku Jerusalemu tiibakali kuutobela Mulawo, aboobo wakali kuyanda kuunka kutegwa akabagwasye. Mwami waku Persia wazina lya Aritasasita wakamwaambila kuti: ‘Leza wakakupa busongo kutegwa koyiisya Mulawo wakwe. Koya, ukabweze kufwumbwa uuyanda kukutobela.’ Ezara wakaswaangana abaabo boonse ibakali kuyanda kupiluka ku Jerusalemu. Bakapaila kuli Jehova kutegwa abakwabilile mulweendo lwabo lulamfwu, kumane bakanyamuka.\\nNokwakainda myezi iili 4, bakasika ku Jerusalemu. Basilutwe bakokuya bakaambila Ezara kuti: ‘Bana Israyeli bamuzangila Jehova akukwata bamakaintu ibakomba baleza bakubeja.’ Ino Ezara wakacita nzi? Kali kumbele lyabantu, Ezara wakafwugama akupaila kuti: ‘Jehova, watucitila zintu zinji kapati, pele swebo twakubisyila.’ Bantu bakeempwa, pele bakacili kucita zintu zimwi zibi. Ezara wakasala baalu alimwi ababetesi kuti baalanganye makani aaya. Myezi yotatwe yakatobela, aabo ibatakali kukomba Jehova bakatandwa.\\nKwakainda myaka iili 12. Aciindi eeci, bwaanda bwa Jerusalemu bwakaliyakulwidwe kale. Aboobo Ezara wakabunganya bantu kutegwa ababalile Mulawo wa Leza. Ciindi Ezara naakajalula bbuku, bantu boonse bakaimikila. Wakatembaula Jehova, mpoonya balo bakatambika maanza aabo kutondezya kuti bazumina. Kumane Ezara wakaubala akuupandulula Mulawo, mpoonya bantu bakaswiilila cakubikkila maano. Bakazumina kuti bakalimuzangilide alimwi Jehova, aboobo bakalila. Buzuba bwakatobela, Ezara wakababalila makani manji kuzwa mu Mulawo. Bakaambilwa kuti kakutanainda ciindi, bakeelede kusekelela Pobwe lya Zivwuka. Mpoonya aawo, bakatalika kulibambila pobwe eelyo.\\nMumazuba aali 7 ngobakali kusekelela pobwe, bantu bakakkomana akulumba Jehova akaambo kabutebuzi bubotu. Tiikwakaningabede Pobwe lya Zivwuka ilili mbuli leeli kuzwa mumazuba aa Joshua. Nolyakamana pobwe, bantu bakabungana antoomwe akupaila kuti: ‘Jehova, wakatuvwuna mubuzike, wakatusanina munkanda, alimwi wakatupa nyika eeyi mbotu. Pele twakakubisyila cakwiinduluka-induluka. Wakatutumina basinsimi kuti batucenjezye, pele tiitwakaswiilila pe. Nokuba boobo, wakatukkazikila moyo. Wakacibamba cisyomezyo ncookasyomezya Abrahamu. Lino tusyomezya kuti tunookumvwida.’ Bakacilemba cisyomezyo cabo, mpoonya basilutwe, ba Levi alimwi abapaizi bakabikka ciganto cabo alincico.\\n‘Balikkomene aabo baswiilila jwi lya Leza akucita ncolyaamba!’—Luka 11:28\\nMibuzyo: Ncinzi Ezara ncaakayiisya bana Israyeli ibakabungene ku Jerusalemu? Ino ncinzi bantu ncobakamusyomezya Jehova?\\nMakani Aantalisyo Aabbuku lya Ezara\\nJehova wakazuzikizya zisyomezyo zyakwe zyakwaangulula bantu bakwe mubuzike ku Babuloni alimwi akubukulusya bukombi bwakasimpe mu Jerusalemu.","num_words":350,"character_repetition_ratio":0.055,"word_repetition_ratio":0.0,"special_characters_ratio":0.153,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Levitiko 5 IBBAIB63 - Kufumbwa muntu uubisya kukubula - Bible Search\\nZimwi zintu zileta milandu\\n1-Kufumbwa muntu uubisya kukubula kwaamba, na walaililwa kuba kamboni mumakani ngaabwene na ngezi, ulijisi mulandu. 2-Nanka muntu uuampa cintu neciba cimwi cisofweede, mbuli mutunta wamunyama uusofweede na mutunta waŋombe zisofweede na mutunta wabauka basofweede, alimwi makani alisiseme, aboobo wasofwaazigwa, ulijisi mulandu. 3-Nanka uuguma busofwaazi bwamuntu, kufumbwa cintu cikonzya kusofwaazya muntu, alimwi makani alisiseme, azibwa buyo ulijisi mulandu. 4-Nanka muntu uufwanzya amilomo yakwe kukukonka kucita cintu, neciba cibotu neciba cibi, kufumbwa cintu bantu ncibakonka cakufwanzya, alimwi makani alisisidwe kulinguwe, aziba buyo ulijisi mulandu. 5-Muntu uujisi mulandu muzintu zyoonse zili boobu, alyaambe cibi ncaakabisya, 6aletele Jehova cipaizyo cakwe cakupaizizya cibi ncaakabisya, kabelele nanka kapongo kapwizi, kabe cipaizyo cazibi, kuti mupaizi amanye mulandu wakwe.\\n7-Pele na muntu wacetaala, aboobo takonzyi kujana kabelele, cipaizyo ncaletela Jehova nkaambo kazibi zyakwe cibe inziba zyobile nanka twana twankwilimba tobile; imwi njacipaizyo cazibi, aimwi njacipaizyo citentwa. 8Azilete kumupaizi, lino mupaizi sansi apaizye yacipaizyo cazibi. Anyone mutwe wayo kunsingo, pele ataunyunguli. 9Lino akombole bulowa bwacipaizyo cazibi, asansaile amabazu aacipaililo, aboonse bulowa busyeede abuminunwide kutako lyacipaililo. Ncipaizyo cazibi. 10-Ayalo yabili aipaizye mbubonya mbuli zipaizyo zyakutenta mbuzipaizigwa, aboobo: nupaizi ulamumanina mulandu wa cibi ncaakabisya, alekelelwe.\\n11-Pele na muntu wacetaala loko, aboobo takonzyi kujana inziba zyobile na twana twankwilimba tobile, cipaizyo cakwe ncaletela cibi ncaakabisya cibe cipanzi cakumi cacisuwo cabusu bunante, cibe cipaizyo cazibi. Atabiki mafuta nanka musamu walibano, pe, nkaambo ncipaizyo cazibi. 12-Acilete kumupaizi, lino mupaizi abweze inkankamanza, ibe ciibalusyo cakutenta acipaililo atala lyazituuzyo zitentelwa Jehova. Ncipaizyo cazibi. 13Aboobo mupaizi ulamanya mulandu wacibi ncaakabisya, na wabisya mumakani naaba aali buti akati kayaayo, kuti alekelelwe, Abusu busyeede bube bwamupaizi, mbubonya mbuli cipaizyo cabusu.\\n14Lino Jehova wakaambila Musa kuti, 15-Kufumbwa muntu uubisya cakulubya mumakani aazintu zisalala zya-Jehova, aletele Jehova cipaizyo cakwe candubo. Alete mugutu uutakwe kampenda wakumatanga aakwe, Umubikile muulo mumasyekele aansiliva mbuli masyekele mbwapimwa mucikombelo. Ncipaizyo cakulubya. 16-Alimwi kufumbwa cintu ncaakaluba, aciboozye akubika cipanzi casanu alincico. Acilete kumupaizi, lino mupaizi amanye mulandu wakwe amugutu wacituuzyo candubo kuti alekelelwe,\\n17-Kufumbwa muntu uubisya kukucita cintu neciba cimwi akati kazintu Jehova nzyakasya, nekuba kuti tezi, ulijisi mulandu, ulijisi kaambo. 18Alete mugutu uutakwe kampenda wakumatanga aakwe, mbuli muulo ngobika, cibe cipaizyo candubo, Acilete kumupaizi, kuti mupaizi amanye mulandu wandubo zyakwe nzyaakalubya cakutaziba, aboobo ulalekelelwa. 19-Ncecipaizyo candubo, nkaambo ulijisi mulandu kumeso aa-Jehova.","num_words":371,"character_repetition_ratio":0.087,"word_repetition_ratio":0.0,"special_characters_ratio":0.163,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Namalelo Esita Wabavwuna Bantu Bakwe | Ziiyo Zyabana Zyamu Bbaibbele\\nEsita wakali musimbi mu Juda iwakali kukkala mu Persia mumunzi wa Susani. Myaka minji yainda, Nebukadinezara wakabweza mukwasyi wakwe akuutola ku Jerusalemu. Pele walo wakakomezyegwa amweeninyina Moodekai, imubelesi wa Mwami Ahasuera waku Persia.\\nMwami Ahasuera wakali kuyanda namalelo mupya. Babelesi bakwe bakamuletela bamakaintu bainda kubota mucisi, kubikkilizya a Esita. Akati kabamakaintu boonse aabo, mwami wakasala Esita kuba namalelo. Moodekai wakaambila Esita kuti ataliyubununi kuti mu Juda.\\nMwaalumi uulisumpula wazina lya Hamani ngowakali mupati wabasilutwe boonse. Wakali kuyanda kuti boonse kabamufwugamina. Moodekai wakakaka kucita oobo, aboobo Hamani wakanyema kapati cakuti wakali kuyanda kumujaya. Ciindi Hamani naakazyiba kuti Moodekai mu Juda, wakaba amuzeezo wakujaya ba Juda boonse ibakali kukkala mucisi eeci. Wakaambila mwami kuti: ‘Ba Juda mbabi kapati; weelede kubajaya.’ Ahasuera wakati: ‘Kocita kufwumbwa ncoyanda,’ alimwi wakamupa anguzu zyakubikka mulawo. Hamani wakabikka mulawo iwakali kwaamba kuti bantu beelede kubajaya ba Juda boonse mubuzuba bwa 13 mumwezi wa Ada. Jehova wakali kulangilila izyakali kucitika.\\nEsita tanaakauzyi mulawo ooyu pe. Aboobo Moodekai wakamutumina lugwalo lwamulawo ooyu akumwaambila kuti: ‘Koya ukaambaule amwami.’ Esita wakaamba kuti: ‘Kufwumbwa muntu uunka kumwami katatambidwe weelede kujaigwa. Lino kwainda mazuba aali 30 mwami katanditambi. Pele ndilaunka. Ikuti akanditondeke nkoli yakwe yabwami, nkokuti tandikajaigwi. Pele kuti atakaciti oobo, nkokuti ndiyoojaigwa.’\\nEsita wakaunka kulubuwa lwamwami. Ciindi mwami naakamubona, wakamutondeka ankoli yakwe yabwami. Wakaunka kulinguwe mpoonya mwami wakamubuzya kuti: ‘Ncinzi ncoyanda kuti ndikucitile Esita?’ Wakaingula kuti: ‘Ndaboola kutamba nduwe a Hamani kupobwe.’ Kabacili kupobwe eeli, Esita wakabatamba alimwi kupobwe lyabili. Nolyakali kucitika pobwe lyabili, mwami wakabuzya Esita alimwi kuti: ‘Ncinzi ncoyanda kuti ndikucitile?’ Wakaingula kuti: ‘Kuli muntu uuyanda kundijaya abantu bangu. Twalomba kaka, kotuvwuna!’ Mwami wakabuzya kuti: ‘Ino nguni uuyanda kumujaya?’ Wakati: ‘Ngweenya ooyu mwaalumi mubi Hamani.’ Ahasuera wakanyema kapati cakuti mpoonya-mpoonya wakalailila kuti Hamani ajaigwe.\\nPele kunyina iwakali kukonzya kuucinca mulawo ngwaakabikka Hamani, naba mwami buya. Aboobo mwami wakabikka Moodekai kuba mupati wabasilutwe alimwi wakamupa nguzu zyakubikka mulawo mupya. Moodekai wakabikka mulawo iwakali kugwasya ba Juda ikulikwabilila kuli basinkondonyina. Mubuzuba bwa 13 mumwezi wa Ada, ba Juda bakabazunda basinkondonyina. Kuzwa ciindi eeco, mwaka amwaka bakali kusekelela akaambo kakuzunda ooko.\\n“Muyootolwa kubeendelezi abami akaambo kandime kuti bukabe bumboni kulimbabo akuli bamasi.”—Matayo 10:18\\nMibuzyo: Ino makanze nzi mabi ngaakajisi Hamani kujatikizya ba Juda? Mbuti Esita mbwaakatondezya lusyomo muli Jehova?\\nEsita 2:5-20; 3:1–5:8; 7:1–8:14; 9:1-28\\nMAVIDIYO AANTALISYO AAMABBUKU AAMU BBAIBBELE\\nMakani Aantalisyo Aabbuku lya Esita\\nZintu zyakacitika muciindi ca Esita zilayumya lusyomo lwanu munguzu nzyajisi Jehova Leza mazuba aano zyakugwasya bantu bakwe kuliyumya mumasunko.\\nEsita—Wakabaiminina Bantu ba Leza\\nKutondezya luyando luli boobu mbuli Esita kuyandika lusyomo alimwi abusicamba.\\nEsita—Wakacita Zyintu Cabusongo, Cabusicamba, Alimwi Cakulyaaba\\nMbuti Esita mbwaakabelekela Jehova abantu bakwe cakutaliyanda?","num_words":413,"character_repetition_ratio":0.048,"word_repetition_ratio":0.0,"special_characters_ratio":0.167,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Milimo 5 | Bbaibbele lili a Intaneti | Bbaibbele lya Busanduluzi Bwanyika Mpya\\nHananiya a Safira (1-11)\\nBaapostolo bacita zitondezyo zinji (12-16)\\nBaangwa alimwi akwaangululwa (17-21a)\\nBaletwa alimwi kumbele lya Nkuta Mpati Yaba Juda (21b-32)\\n‘Kumvwida Leza kutali bantu’ (29)\\nLulayo lwa Gamaliyeli (33-40)\\nKukambauka kuŋanda aŋanda (41, 42)\\n5 Pele mwaalumi umwi uutegwa Hananiya antoomwe amukaintu wakwe Safira, bakasambala lubono lumwi ndobakajisi. 2 Pele wakasisa mali amwi aakajanwa, imukaintu wakwe awalo wakalizyi, eelyo wakaleta buyo mali amwi akwaapa baapostolo.+ 3 Pele Petro wakati: “Hananiya, nkaambo nzi ncowalekela Saatani kuti ayendelezye moyo wako kuti ucenge+ muuya uusalala+ alimwi akusisa mali amwi aamuulo wamuunda? 4 Sena kotanausambala muunda tiiwakali wako? Alimwi nookausambala sena mali aakajanwa tanaakacili aako? Ino nkaambo nzi ncooyeeya kucita cintu cili boobu mumoyo wako? Lino tonoocenga bantu pe, pele wabeja kuli Leza.” 5 Naakamvwa majwi aaya, Hananiya wakawa muzinga akufwa. Eelyo boonse ibakamvwa makani aaya bakayoowa kapati. 6 Mpoonya balombwana bakanyamuka, bamuvwungaila mumilembo, bamane bakamutola anze akuyoomuzikka. 7 Lino nokwakainda mawoola aatandila kuli otatwe mukaintu wakwe wakaboola akunjila, katazyi cakacitikide. 8 Petro wakati kulinguwe: “Kondaambila, sena aaya ngamali alikke yebo amulumaako ngomwakajana nomwakasambala muunda wanu?” Wakati: “Inzya, ngangawo.” 9 Aboobo Petro wakati kulinguwe: “Nkaambo nzi nywebo nyobilo ncomwakapangana kusunka muuya wa Jehova?* Bona! Imaulu aabaabo bazikka mulumaako ali amulyango, eelyo ayebo balakutola anze.” 10 Mpoonya aawo wakawa muzinga kumaulu aa Petro akufwa. Ibalombwana nobakanjila, bakajana wafwa kale, eelyo bakamutola anze akuyoomuzikka kumbali aamulumaakwe. 11 Aboobo mbungano yoonse alimwi abaabo boonse ibakamvwa makani aaya bakayoowa kapati. 12 Kunze lyaboobo, kwiinda mumaanza aabaapostolo izitondezyo azintu zigambya zinji zyakazumanana kucitika akati kabantu;+ alimwi boonse bakali kubungana antoomwe mu Kkoce lya Solomoni.+ 13 Masimpe, kunyina muntu umbi uutali umwi wabo iwakaba abusicamba bwakubasangana; nokuba boobo, bantu bakali kubalumbaizya. 14 Alimwi bantu ibasyoma Mwami bakazumanana kuyungizyigwa, makamu-makamu aabaalumi alimwi abamakaintu.+ 15 Mane bakali kutola baciswa mumigwagwa akubalazika aatulo alimwi aamacila, ikutegwa Petro anakwiinda, ambweni icinzimweemwe buyo cakwe inga cabaguma bamwi akati kabo.+ 16 Alimwi makamu-makamu aabantu ibazwa muminzi yeengelede Jerusalemu bakazumanana kuboola, kabajisi bantu baciswa abaabo bakali kupenzyegwa amyuuya iisofweede, eelyo boonse bakali kuponesyegwa. 17 Pele mupaizi mupati aboonse bakali anguwe, ibakali bankamu yabukombi yaba Saduki, bakanyamuka kabazwide munyono. 18 Eelyo bakajata baapostolo akubabikka muntolongo yabuleya.+ 19 Pele masiku, mungelo wa Jehova* wakajalula milyango yantolongo,+ wakabagusya anze akwaamba kuti: 20 “Kamuya, mukaime mutempele, muzumanane kwaambila bantu makani oonse aajatikizya buumi oobu.” 21 Nobakamvwa boobo bakanjila mutempele mafwumofwumo akutalika kuyiisya. Lino mupaizi mupati abaabo mbaakali limwi nobakasika, bakabunganya Nkuta Mpati Yaba Juda antoomwe alimwi ankamu yoonse yabaalu babana Israyeli, eelyo bakatuma bakapaso kuyoobaletela baapostolo kuzwa muntolongo. 22 Pele bakapaso nobakasika ooko tiibakabajana muntolongo. Aboobo bakapiluka akuzikwaamba 23 kuti: “Twaakujana ntolongo ilijalidwe akukkiigwa kabotu, alimwi balindizi baliimvwi amilyango, pele nitwajalula twajana kunyina muntu mukati.” 24 Lino silutwe wabalindizi baatempele abasilutwe babapaizi nobakamvwa majwi aaya, bakamaninwa maano kujatikizya cakali kunoocitika. 25 Pele muntu umwi wakaboola akubaambila kuti: “Amubone! Ibaalumi mbomwakabikka muntolongo bali mutempele, baliimvwi bayiisya bantu.” 26 Mpoonya silutwe abakapaso bakwe bakaunka baakubaleta, pele bakabaleta kakunyina kubalwana, nkaambo bakali kuyoowa kuti bantu balabapwaya mabwe.+ 27 Aboobo bakabaleta akubaimika kumbele lya Nkuta Mpati Yaba Juda. Mpoonya mupaizi mupati wakababuzya 28 akubaambila kuti: “Twakamulailila cakusinizya kuti mutazumanani kuyiisya muzina eeli,+ pele lino amubone! Mwazuzya Jerusalemu yoonse anjiisyo zyanu, alimwi mukanzide kutuletela mulandu wabulowa bwamuntu ooyu.”+ 29 Petro abaapostolo bambi bakaingula kuti: “Tweelede kumvwida Leza mbwali mweendelezi kutali bantu.+ 30 Leza wabamatata wakamubusya Jesu ngomwakajaya kwiinda mukumugagaila aacisamu.+ 31 Leza wakamusumpula ooyu kujanza lyakwe lyalulyo+ kuti abe Musololi Mupati+ alimwi Mufwutuli,+ kutegwa ba Israyeli abape kweempwa akulekelelwa zibi.+ 32 Alimwi tuli bakamboni kumakani aaya,+ swebo antoomwe amuuya uusalala+ ooyo Leza ngwapa baabo bamumvwida mbwali mweendelezi.” 33 Nobakamvwa majwi aaya, bakanyema kapati* alimwi bakali kuyanda kubajaya. 34 Pele mu Farisi umwi uutegwa Gamaliyeli+ wakanyamuka mu Nkuta Mpati Yaba Juda; wakali mwiiyi wa Mulawo iwakali kulemekwa kapati abantu boonse, eelyo wakalailila kuti babagusye anze baalumi aabo kwakaindi kasyoonto. 35 Mpoonya wakabaambila kuti: “Nobaalumi bamu Israyeli, amucenjele kapati kujatikizya ncomuyanda kubacita baalumi aaba. 36 Mucikozyanyo, kumazuba aamusyule kwakabuka Teuda, iwakali kulidunda kuti muntu mupati, alimwi munkamu yakwe mwakanjila bantu banji ibabalilwa ku 400. Pele wakajaigwa, alimwi boonse aabo ibakali kumutobela bakamwaika akuloba. 37 Kuzwa yooyu, kwakabuka Judasi muna Galilaya kumazuba aakulembwa kwabantu, alimwi wakakwela bantu kuti bamutobele. Pele muntu ooyo awalo wakafwa alimwi boonse aabo ibakali kumutobela bakamwaika. 38 Aboobo mumakani aaya ngotujisi lino, ndimwaambila kuti, kutabi ncomucita kubaalumi aaba, pele amubaleke buyo. Nkaambo ikuti makanze aaya naa mulimo ooyu uzwa kubantu, taukazwidilili; 39 pele ikuti kauzwa kuli Leza, tamukookonzya kuulesya.+ Buyo-buyo, mulaile kulijana kuti mulwana Leza.”+ 40 Nobakamvwa boobo bakamumvwida, alimwi bakaita baapostolo, babakwibbaula*+ akubalailila kuti baleke kwaamba muzina lya Jesu, mpoonya bakabaleka baunka. 41 Aboobo bakazwa kumbele lya Nkuta Mpati Yaba Juda, kabakkomene+ nkaambo bakajanwa kuti baleelela kusampaulwa akaambo kazina lyakwe. 42 Alimwi buzuba abuzuba bakazumanana cakutaleka kuyiisya akwaambilizya makani mabotu aajatikizya Kristo Jesu+ mutempele akuŋanda aŋanda.+\\n^ Naa “myoyo yabo yakacisa kapati.”\\n^ Naa “babauma.”","num_words":750,"character_repetition_ratio":0.045,"word_repetition_ratio":0.0,"special_characters_ratio":0.177,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"1 Bakorinto 8 | Bbaibbele Lili a Intaneti | Bbaibbele lya Busanduluzi Bwanyika Mpya\\n8 Lino kujatikizya zyakulya zituulwa kumituni: tulizyi kuti toonse tulijisi luzyibo. Luzyibo lupa kulisumpula, pele iluyando lulayaka. 2 Nokuba kuti umwi uyeeya kuti ulicizyi cintu cimwi, tanacizyiba kabotu pe kweelana ambwayelede kucizyiba. 3 Pele ikuti umwi kamuyanda Leza, ooyu ulizyibidwe anguwe. 4 Lino ikujatikizya kulya zyakulya zituulwa kumituni, tulizyi kuti mutuni kunyina mbuubede munyika, akuti kuli buyo Leza mwini-mwini omwe. 5 Nkaambo nokuba kuti nkobali aabo baitwa kuti “baleza,” kufwumbwa naa nkuujulu naa anyika, mbubonya mbokuli “baleza” banji “abami” banji, 6 kulindiswe kuli buyo Leza omwe Taateesu, ooyo wakalenga zyintu zyoonse alimwi swebo ngotuponena; alimwi kuli buyo Mwami omwe, Jesu Kilisito, ooyo wakabelesyegwa kulenga zyintu zyoonse akuti aswebo tulengwe. 7 Nokuba boobo, tabali bantu boonse balujisi luzyibo oolu pe; pele bamwi, akaambo kakuti bakali kutola lubazu muzyintu zijatikizya mituni, nobalya cakulya babona mbuli kuti cakulya eeco capaizyigwa mituni, alimwi akaambo kakuti manjezyeezya aabo taasimide, alasofwaala. 8 Pele cakulya tacikatupi kuswena afwaafwi a Leza; ikuti naa katutalyi, tatusweekelwi cintu cili coonse, alimwi ikuti naa katulya, tatujani mpindu iili yoonse. 9 Pele amucenjele lyoonse kuti lwaanguluko ndomujisi lwakulisalila lutabi cilebyo kuli baabo batajisi nguzu. 10 Nkaambo ikuti naa umwi wakubona yebo oojisi luzyibo kokkede akulya cakulya mutempele lyamituni, sena manjezyeezya aamuntu ooyo uutasimide taakoomukulwaizya kutalika kulya zyakulya zituulwa kumituni? 11 Mubwini, kwiinda muluzyibo lwako, imuntu ooyo uutasimide ulanyonyoonwa, imunyoko ooyo ngwaakafwida Kilisito. 12 Aboobo nomubisizya ibanyoko akunyonganya manjezyeezya aabo aatasimide, mubisizya Kilisito. 13 Aboobo ikuti naa ncondilya cilamutyompya mukwesu, tandikalyi limbi nyama alimwi pe, kutegwa nditatyompyi mukwesu.","num_words":242,"character_repetition_ratio":0.063,"word_repetition_ratio":0.0,"special_characters_ratio":0.17,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Isaya 42 | Bbaibbele lili a Intaneti | Bbaibbele lya Busanduluzi Bwanyika Mpya\\nMubelesi wa Leza amulimo wakwe (1-9)\\n‘Jehova ndezina lyangu’ (8)\\nLwiimbo lupya lwakutembaula Jehova (10-17)\\nBana Israyeli mboofwu alimwi mbasinkematwi (18-25)\\n42 Amubone! Mubelesi wangu+ ngondigwasya! Musale wangu,+ ooyo ngondikkomanina!+ Ndabikka muuya wangu mulinguwe;+Uyooleta bululami kumasi.+ 2 Takoongololi pe nokuba koompolola ajwi lyakwe,Alimwi takalekeli kuti jwi lyakwe limvwugwe munzila.+ 3 Takatyoli tete lipwayikide,Alimwi takakazimi katambo kalambe kasuka busi.+ Uyooleta bululami cakusyomeka.+ 4 Mumuni wakwe taukazimi pe alimwi takapwaigwi kusikila mane akabikke bululami munyika;+Alimwi nsumbu zinakuujisi kulindila mulawo wakwe.* 5 Mboobu mbwaamba Leza mwini-mwini, Jehova,Mulengi wamajulu alimwi Ooyo Mupati wakaatandabula,+Ooyo wakayala nyika azintu zizwa mulinjiyo,+Ooyo uupa muya kubantu bakkala alinjiyo+Alimwi amuuya kulibaabo beendeenda alinjiyo:+ 6 “Mebo, nde Jehova, ndakwiita mubululami;Ndakujata kujanza. Ndiyookukwabilila akukupa kuba cizuminano kubantu+Kuba mbuli mumuni wamasi,+ 7 Kutegwa ukajalule meso aaboofwu,+Ukagwisye mwaange uuli muntolongo yaansiAkugwisya baabo bakkede mumudima muntolongo.+ 8 Ndime Jehova. Eeli ndezina lyangu;Bulemu bwangu tandibupi umbi pe,*Akwalo kutembaulwa kwangu tandikupi zikozyanyo zibezedwe.+ 9 Amubone, zintu zyakusaanguna zyacitika;Lino ndaambilizya zintu zipya. Kazitanacitika, ndilamwaambila kujatikizya nzizyo.”+ 10 Amwiimbile Jehova lwiimbo lupya,+Amumutembaule kuzwa kumagolelo aanyika,+Nywebo nomuselemukila kulwizi akuli zyoonse eezyo zili mumo,Nywebo nonsumbu andinywe nomukkala mulinzizyo.+ 11 Nkanda aminzi yanjiyo azyoongolole,+Inkambi mobakkala bana Kedara.+ Aabo bakkala mumwala aboongolole cakukondwa;Aboompolole kuzwa atala aazilundu. 12 Abamupe bulemu JehovaAkwaambilizya ntembauzyo zyakwe munsumbu.+ 13 Jehova uyakuunka mbuli muntu singuzu.+ Uyoobusya busungu bwakwe mbuli sikalumamba.+ Uyakoompolola, inzya uyakoongolola loongololo lwankondo;Uyootondezya kuti ngusinguzu kapati kwiinda basinkondonyina.+ 14 “Ndaluumwine kwaciindi cilamfwu. Ndaluumwine alimwi ndalikulilesya. Mbubonya mbuli mukaintu uutumbuka,Ndiyootongela, ndiyoofwekemba akumaninwa muya aciindi nciconya. 15 Ndiyoonyonyoona malundu atulundu-lunduAlimwi ndiyoopa kuti zimena mpawo zyoonse ziyume. Ndiyoosandula milonga kuba nsumbu*Akupa kuti mazyiba aajisi matete ayuminine.+ 16 Ndiyoopa kuti boofwu beende munzila njobatazyi+Akubapa kweenda munzila nzyobatazyibide.+ Ndiyoosandula mudima uuli kumbele lyabo kuba mumuni+Anyika yamaguguunya kuti iyalane.+ Eezyi nzyezintu nzyondiyoobacitila, alimwi tandikabalekelezyi pe.” 17 Bayootandwa akujolwa, eelyo bayoogunwa kapati,Aabo basyoma zikozyanyo zibezedwe,Aabo baambila zikozyanyo zifwulidwe kuti: “Ndinywe baleza besu.”+ 18 Amuswiilile, nywebo nobasinkematwi;Amulange mubone, nywebo noboofwu.+ 19 Ino nguni woofweede kunze lyamubelesi wangu,Ino nguni uusinkide matwi mbuli mutumwa wangu? Ino nguni woofweede mbuli yooyo uulumbulwa?Nguni woofweede mbuli mubelesi wa Jehova,+ 20 Yebo ubona zintu zinji, pele topakamani pe. Usinkula matwi aako, pele toswiilili pe.+ 21 Akaambo kabululami bwakwe,Jehova camubotela kuti asumpule mulawo* akuupa kuti ulemekwe. 22 Pele aaba mbantu bakabbidwa akusaalwa;+Boonse balisinkilidwe mumalindi, alimwi balisisidwe muntolongo.+ Babbidwa kakunyina uubavwuna,+Alimwi basaalwa kakunyina waamba kuti: “Kobajola!” 23 Ino nguni akati kanu uutiimvwe makani aaya? Nguni uutiibikkile maano akuswiilila kutegwa azyibe ziboola kumbele? 24 Ino nguni wamwaaba Jakobo kuti asaalweAkwaaba Israyeli kubabbi? Sena tali Jehova, ooyo ngotwabisyila? Bakakaka kweenda munzila zyakwe,Alimwi tiibakatobela mulawo* wakwe.+ 25 Aboobo wakazumanana kumupoomweda kunyema kwakwe,Bukali bwakwe ankondo iibbebbede.+ Mabangabanga aamulilo wankondo akamuumpa koonse-koonse, pele tanaakabikkila maano.+ Akazumanana kumuvwilimina, pele kunyina naakabikka moyo wakwe kumakani aaya.+\\n^ Naa “malailile aakwe.”\\n^ Naa “Tandizumizyi bulemu bwangu kuunka kuluumbi.”\\n^ Naa “nyika iili kumbali aalwizi.”","num_words":431,"character_repetition_ratio":0.037,"word_repetition_ratio":0.0,"special_characters_ratio":0.172,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"“Ameni” Wako Ulayandikana Kuli Leza\\nBALA MU Acholi Afrikaans Aja Akha Albanian Altai Alur American Sign Language Amharic Amis Angolan Sign Language Arabic Armenian Aukan Aymara Azerbaijani Azerbaijani (Cyrillic) Baoule Bashkir Bassa (Cameroon) Batak (Karo) Batak (Simalungun) Batak (Toba) Belize Kriol Bengali Biak Bicol Bislama Boulou British Sign Language Bulgarian Cakchiquel Cambodian Catalan Cebuano Changana (Mozambique) Chavacano Chichewa Chin (Hakha) Chinese (Traditional) Chinese Cantonese (Simplified) Chinese Cantonese (Traditional) Chinese Mandarin (Simplified) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuukese Chuvash Cibemba Cinyanja Colombian Sign Language Congolese Sign Language Costa Rican Sign Language Croatian Czech Dakota Dangme Danish Dayak Ngaju Digor Douala Drehu Dutch Ecuadorian Sign Language Edo Efik English Esan Estonian Ewe Fijian Finnish Fon French Ga Garifuna Georgian German German Sign Language Gitonga Greek Greenlandic Guadeloupean Creole Guarani Guatemalan Sign Language Gujarati Gun Haitian Creole Hausa Hebrew Herero Hiligaynon Hindi Hiri Motu Hmong (White) Hungarian Iban Ibanag Ibinda Icelandic Igbo Iloko Indonesian Isoko Italian Japanese Javanese Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Kekchi Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisonge Kongo Korean Korean Sign Language Krio Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Lahu Laotian Latvian Lhukonzo Lingala Lithuanian Lomwe Low German Luganda Lunda Luo Luvale Macedonian Macua Makhuwa-Meetto Malagasy Malay Malayalam Maltese Mam Mambwe-Lungu Mapudungun Marathi Marshallese Mauritian Creole Maya Mazatec (Huautla) Mbunda Mexican Sign Language Mingrelian Mixe Mixtec (Guerrero) Mizo Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndau Ndebele Ndebele (Zimbabwe) Ndonga Nepali Ngabere Ngangela Nias Nicaraguan Sign Language Niuean Norwegian Nyaneka Nyungwe Nzema Okpe Oromo Ossetian Otetela Palauan Panamanian Sign Language Pangasinan Papiamento (Curaçao) Persian Pidgin (West Africa) Polish Polish Sign Language Ponapean Poqomchi' Portuguese (Portugal) Punjabi Quebec Sign Language Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Rarotongan Romanian Romany (Macedonia) Romany (Macedonia) Cyrillic Romany (Serbia) Romany (Southern Greece) Ronga Runyankore Russian Russian Sign Language Rutoro Samoan Sangir Sango Saramaccan Sena Sepedi Sepulan Serbian Serbian (Roman) Sesotho (Lesotho) Sesotho (South Africa) Setswana Seychelles Creole Shona Sidama Silozi Sinhala Slovak Slovenian Solomon Islands Pidgin South African Sign Language Spanish Spanish Sign Language Sranantongo Sunda Swahili Swahili (Congo) Swati Swedish Tagalog Tahitian Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tshwa Tsonga Turkish Turkmen Tuvaluan Twi Tzeltal Tzotzil Uighur (Arabic) Uighur (Cyrillic) Ukrainian Umbundu Urdu Urhobo Uruund Uzbek Uzbek (Roman) Venda Venezuelan Sign Language Vietnamese Wallisian Waray-Waray Wayuunaiki Welsh Wolaita Xhosa Yapese Yoruba Zande Zapotec (Isthmus) Zulu\\nJEHOVA ububona kabuyandikana loko bukombi bwesu. Jehova ‘ulabaswiilila akubamvwa’ babelesi bakwe alubo zintu zyoonse nzituchita mubukombi ulazibona, nikuba kazili ziniini. (Malk. 3:16) Muchikozyano, atulange-lange bbala nditubelesya kwaziindi zyiingi. Ndibbala liti “ameni.” Jehova ukubona kakuyandikana na kwaamba bbala eeli fwiifwi? Iiyi, ukubona kakuyandikana! Kuti tuzibe kuti nkamboonzi nakubona kakuyandikana, atulange-lange nzilyaamba bbala eeli ambulibelesedwe muBbayibbele.\\n“BANTU BOONSE BAYAKWAAMBA KUTI, ‘AMENI!’”\\nBbala lyaambwa kuti “ameni” muChitonga, lyaamba kuti “akube boobo” naakuti “mbubo, achichitike.” Lizwa kubbala lyachiHebbrayo lyaamba kuti “syomeka.” Chimwi chiindi lyakali kubelesegwa munkuta. Chiindi muntu naamaninsya kukonkezya, wakali kwaamba kuti “ameni,” kutondeezya kuti nzyaawamba nzyachoonzyo akuti ulazizumina zyoonse zitachitike. (My. 5:22) Kwaamba kuti “ameni” kunembo lyabantu, kwakali kupa kuti azuzikizye chisyomezyo chakwe.—Neh. 5:13.\\nChikozyano chipati chitondeezya mbulyakabelesegwa bbala lyakuti “ameni,” chijanika muli Deuteronomo chaandaano 27. MaIsrayeli nibakanjila muNyika Yachisyomezyo, bakabungana aakati kaChilundu chaEbbala achaGerizimu kuti bamvwe kubalwa kwaMulawu. Teebakeelede kuuswiilila luzutu pesi bakeelede kutondeezya kuti bawutambula Mulawu. Bakachita oobo kwiinda mukusandula kuti “Ameni!” nikwakali kubalwa mapenzi ngibakali kukonzya kuswaana kuti baleka kuswiilila. (Dt. 27:15-26) Yeeyela musindo wakaba chiindi zyuulu zyabaalumi, banakazi abana nibakali kusandula amajwi aali aajulu! (Jos. 8:30-35) Kweelede teebakaaluba pe majwi ngibakaamba mubuzuba oobo. MaIsrayeli aabo bakazizuzikizya nzibakaamba nkaambo Bbayibbele liti: “Nkabela bana ba-Israyeli bakamanina Jehova milimo amazuba oonse aa-Joshua, amazuba oonse abapati ibakacisyeede Joshua naakafwa, ibakabwene milimo ya-Jehova njaakacitila ba-Israyeli.”—Jos. 24:31.\\nAlubo Jesu wakabelesya bbala lyakuti “ameni” kutondeezya kuti nzyaakali kwaamba zyakali zyachoonzyo pesi wakalibelesya munzila iisiyene abamwi. Jesu taakabelesya bbala lyakuti “ameni” (lyakasandululwa kuti “nchobeni” muChitonga) chiindi umwi muntu naamaninsya kwaambuula pesi wakali kulibelesya katanaamba amwi majwi, kuti atondeezye kuti nzyayanda kwaamba nzyachoonzyo. Chimwi chiindi Jesu wakali kwiindulula bbala eeli kwiinda mukwaamba kuti “ameni ameni,” lyakasandululwa kuti ‘nchobeni.’ (Mt. 5:18; Joh. 1:51) Wakali kutondeezya baswiilizi kuti nzyaakali kwaamba nzyachoonzyo. Jesu wakali aachoonzyo anzyaakali kwaamba nkaambo wakapedwe chilongezyo chakuzuzikizya zisyomezyo zyaLeza zyoonse.—2 Kor. 1:20; Ciy. 3:14.\\n“BANTU BOONSE BAKAAMBA KUTI, ‘AMENI,’ AKUTEMBAULA JEHOVA”\\nMaIsrayeli bakali kwaamba kuti “ameni” nibakali kutembawula Jehova anibakali kukomba. (Neh. 8:6; Int. 41:13) Kwaamba bbala eeli, nikwamana kukombwa, kwakali kutondeezya kuti baswiilizi balazizumina zyaambwa munkombyo. Eezi zyakali kupa kuti boonse batole lubazu akubotelwa kukomba Jehova. Nzizyo zyakachitika chiindi Mwaami Davida naakeeta Bbokesi lyaJehova kuJerusalemu. Kupobwe lyakatobela, Davida wakaamba nkombyo yakali kuzwa aansi aamoyo yakazooba lwiimbo lujanika muli 1 Makani 16:8-36. Majwi ngakaamba akabasika aamoyo “mpawo bantu boonse bakaamba kuti, ‘Ameni,’ akutembaula Jehova.” Nisimpe, kuvwiililaamwi nkubakachita, kwakatondeezya kuti bakali kubotelwa kukomba Jehova kabali aamwi.\\nMaKristu bamumwaanda wamunyaka wakusaanguna ambabo bakali kulibelesya bbala lyakuti “ameni” nibakali kutembawula Jehova. Balembi baBbayibbele, bakali kulibelesya mumagwalo ngibakali kulemba. (Rom. 1:25; 16:27; 1 Pet. 4:11) Muli Chiyubunuzyo, Bbayibbele litondeezya zilenge zyamuuya kujulu kazilumbayizya Jehova kwiinda mukwaamba akuti: “Ameni, Amumutembaule Ja!” (Ciy. 19:1, 4, NW) MaKristu bakusaanguna chiindi chiingi bakali kwaamba kuti “ameni” nikwamana kukombwa kumiswaangano yabo. (1 Kor. 14:16) Pesi teebakali kulyaamba luzutu bbala eeli kabatabikkilide maanu.\\nNKAMBOONZI KWAAMBA KUTI “AMENI” NIKUYANDIKANA?\\nKuziba mbubakali kulibelesya bbala lyakuti “ameni” bakombi baJehova bachiindi, kupa kuti tuzibe kuti nkamboonzi nitweelede kulyaamba kumamanino aankombyo. Chiindi nitwaamba kuti “ameni” nitukomba atulikke, tutondeezya kuti tuli aachoonzyo anzitwaamba. Nikuba chiindi nitwaamba kuti “ameni” mumoyo kumamanino aankombyo yapegwa aali bantu biingi, ngatulikutondeezya kuti tulazizumina zyaambwa. Atubone tumwi twaambo tutondeezya kuti nkamboonzi nikuyandikana kwaamba kuti “ameni.”\\nKutondeezya kuti tulikuswiilila nikuli kukombwa. Tukomba Jehova kutali kwiinda mukuzumina zyaambwa munkombyo luzutu pesi kuswaanizya ambutuchita chiindi nikukombwa. Chiyandisyo chesu chakwaamba kuti “ameni,” chipa kuti tuswiilisisye nikuli kukombwa.\\nTulijisini abakombima. Nkombyo zipegwa aali bantu biingi, zipa kuti tumvwe makani aakozyenie angibalikumvwa bamwi mumbungano. (Inc. 1:14; 12:5) Kwaambilaamwi abakombima kuti “ameni,” kupa kuti tujatane. Alubo kwaamba kuti “ameni” kupa kuti Jehova asandule nkombyo zyesu nzitukumbila katulaamwi, nikuba kuti twavwiilila aajulu naakuti mumoyo.\\nKwaamba kuti “ameni” nkutuchita kupa kuti Jehova atembawulwe\\nKutondeezya kuti tuli kutembawula Jehova. Jehova ulazibona zyoonse nzituchita mubukombi bwesu nikuba kazili ziniini. (Lk. 21:2, 3) Ulaabona makanze eesu azintu zili mumyoyo yesu. Nikuba chiindi nituli kuswiilila miswaangano aafooni, tulakonzya kuba aachoonzyo chakuti Jehova ulakumvwa kwaamba kwesu kwakuti “ameni.” Chiindi nitwaamba kuti “ameni,” tutondeezya kuti tuli aamwi abamwi kumiswaangano mukutembawula Jehova.\\nKwaamba kuti “ameni” nkutuchita kulakonzya kubonekaanga nkantu kaniini pesi kuyandikana loko. Limwi bbuku lipandulula makani aamuBbayibbele lyakati, “kwiinda mukubelesya bbala eeli limwi,” bakombi baLeza batondeezya kuti zyaambwa “balazisyoma, balazizumina akuti bali abulangilizi mumyoyo yabo.” Tusyoma kuti kwaamba kuti “ameni,” nkutuchita chiindi choonse kunoomubotezya Jehova.—Int. 19:14.\\nWeelede Kwaamba Kuti “Ameni” Na Chiindi Choonse?\\nKwaamba kuti “ameni” kuyandikana loko. Pesi tweelede kuchita biyeni kuti uulikukomba waamba zitali nzizyo? Tweelede kuleka na kwaamba kuti “ameni”? Tatweelede kuleka pe nkaambo Jehova ulizi kuti chimwi chiindi twaamba majwi aatali ngawo pesi taabikkili maanu pe. Kuti twabikkila maanu kuli nzyalikweezya kwaamba umwi nalikukomba, tatukabikkili maanu kumajwi ngaawamba aatali ngawo.\\nKubbazu limwi, tatwaambi pe kuti “ameni” ajwi lili aajulu naakuti mumoyo chiindi muntu uutali Kamboni naakomba. Pesi kujana twachita biyeni kuti katuliwo muntu ooyo nalikukomba? Muchikozyano, kulakonzeka kuti tuli amuswaangano wamuchilawu mpawo kwakumbilwa umwi muntu kuti akombe, naakuti silutwe mumpuli uutali Kamboni, wasala kuti akombe. Tweelede kuchita biyeni?\\nKuti twaba muchiimo chili boobo, tulakonzya kusala kuumuna pesi munzila yabulemu. Tatweelede kwaamba pe kuti “ameni”; naakuti kujatana kumaboko nikuli kukombwa, nkaambo kuti teetwachita oobo tunooli tulikutondeezya kuti tuli kubbazu limwi ambabo. Tulakonzya kusala kukombela mumoyo pesi tatweelede kubbusya pe kuti “ameni” nkaambo kuti twabbusya balakonzya kubonaanga twali aamwi nibali kukomba. Kuti bantu aabo basala kwiimikila nibalikukomba, zilaba kulindiswe kuti twiimikile na mbuuli mbabo naakuti pe, nkaambo kwiimikila naakuti kukotama teekukomba pe. MuKristu umwi awumwi weelede kubona kuti ulachita biyeni muchiimo chili boobo alubo taakwe muntu weelede kumupa mulandu akusala kwakwe.\\nZyaambwa aajulu zitondeezya kuti nkamboonzi kwaamba kuti “ameni” nikuyandikana kuli Jehova.","num_words":1284,"character_repetition_ratio":0.078,"word_repetition_ratio":0.0,"special_characters_ratio":0.168,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"8 Saulo awalo wakakuzuminizya kujaigwa kwa Sitefano. Ibuzuba oobo imbungano yakali mu Jelusalemu yakatalika kupenzyegwa kapati; alimwi basikwiiya boonse bakamwaikila muzyooko zyoonse zyamu Judaya a Samaliya, kwakasyaala buyo batumwa. 2 Pele baalumi bamwi bakombi bakamubweza Sitefano akuyoomuzikka, alimwi bakamulila kapati. 3 Pele Saulo wakatalika kupenzya mbungano ciyoosya. Wakali kunjila muŋanda aŋanda kayaabukwelaanya baalumi abamakaintu akubatola kuntolongo. 4 Pele aabo bakamwaikide bakainda koonse-koonse kabaya bwaambilizya makani mabotu aajwi lya Leza. 5 Filipo walo wakaselemukila kumunzi wa Samaliya akutalika kubakambaukila makani aa Kilisito. 6 Lino makamu aabantu oonse akali kubikkila maano kuzyintu nzyaakali kwaamba Filipo kumwi kabaswiilila akulangilila zitondezyo nzyaakali kucita. 7 Nkaambo bantu banji bakajisi myuuya iisofweede, alimwi eeyi yakali koompolola ajwi pati akuzwa mulimbabo. Kunze lyaboobo, ibanji bakalebukide mubili abalemene bakaponesyegwa abalo. 8 Aboobo bantu bakakondwa kapati mumunzi ooyo. 9 Lino mumunzi ooyo kwakali mwaalumi umwi uutegwa Simoni, ooyo musyule wakali simasalamuzi, alimwi wakali kubagambya bantu bamucisi ca Samaliya, kalikankaizya kuti wakali muntu mupati. 10 Boonse buyo, kutalikila kumwana akusikila kumupati, bakali kubikkila maano kulinguwe akwaamba kuti: “Ooyu muntu Ninguzu zya Leza, eezyo izitegwa Nzipati.” 11 Aboobo bakali kubikkila maano kulinguwe nkaambo kwaciindi cilamfwu wakali kubagambya amasalamuzi aakwe. 12 Pele nobakamusyoma Filipo iwakali kwaambilizya makani mabotu aa Bwami bwa Leza azyina lya Jesu Kilisito, bakatalika kubbapatizyigwa, ibaalumi alimwi abamakaintu. 13 Naba Simoni wakasyoma awalo, alimwi naakabbapatizyigwa, lyoonse buyo wakali kuyanzana a Filipo; alimwi wakali kugambwa naakali kubona zitondezyo amilimo mipati yanguzu yakali kucitika. 14 Lino ibatumwa mu Jelusalemu nobakamvwa kuti bana Samaliya bakalitambula jwi lya Leza, bakabatumina Petulo a Johane; 15 eelyo aaba bakaselemuka kuya nkuko akuyoobapailila kuti batambule muuya uusalala. 16 Nkaambo kunyina naba omwe akati kabo wakatambwide kale muuya uusalala, pele bakabbapatizyidwe buyo muzyina lya Mwami Jesu. 17 Mpoonya bakabaampa, eelyo bakatalika kutambula muuya uusalala. 18 Lino Simoni naakabona kuti muuya wakali kupegwa ibatumwa nobakali kwaampa bantu, wakasyomezya kubapa mali, 19 kati: “Amundipe nguzu eezyi andime, kutegwa kufwumbwa ngondibikka maanza aangu atambule muuya uusalala.” 20 Pele Petulo wakati kulinguwe: “Mali aako aansiliva aafwidilile antoomwe anduwe, nkaambo uyeeya kuti cipego ca Leza cabuyo inga caulwa amali. 21 Unyina cibeela nociba caabilo mumakani aaya, nkaambo moyo wako taululeme pe mumeso aa Leza. 22 Aboobo empwa kububi bwako oobu, akukombelezya Jehova kutegwa ambweni inga walekelelwa kukuyeeya kubi kwamoyo wako; 23 nkaambo ndabona kuti uli ndulwe iijaya alimwi amuzike wakutalulama.” 24 Aboobo Simoni wakati: “Nobaalumi, amundikombelezyezye kuli Jehova kutegwa kutabi cintu cili coonse akati kazyintu nzyomwaamba citiindicitikile.” 25 Aboobo nobakapa bumboni cakulomya akubandika jwi lya Jehova, bakapiluka ku Jelusalemu alimwi bakali kuyaabwaambilizya makani mabotu muminzi minji yabana Samaliya. 26 Pele mungelo wa Jehova wakaambila Filipo kuti: ���Nyamuka uunke kumusanza kunzila iiselemuka kuzwa ku Jelusalemu kuya ku Gaza.” (Eeyi ninzila yiinda mucimpayuma.) 27 Eelyo wakanyamuka akuunka, lino ooko wakajana muntu umwi uulemekwa muna Etiyopiya, imwaalumi wakajisi cuuno cipati mubwami bwa Kandake mwami mukaintu wabana Etiyopiya alimwi nguwakali kulanganya lubono loonse lwa Mwami mukaintu ooyu. Wakaunkide ku Jelusalemu kuyookomba, 28 pele lino wakali kupiluka kwabo alimwi wakalikkede munkalaki yakwe kabala bbuku lyamusinsimi Izaya cakupozya. 29 Aboobo muuya wakaambila Filipo kuti: “Koya afwaafwi weende limwi ankalaki eeyi.” 30 Filipo wakabalikila kumbali ankalaki alimwi wakamumvwa kabala bbuku lyamusinsimi Izaya cakupozya, eelyo wakati: “Sena mubwini ulicizyi eeco ncobala?” 31 Wakati: “Mubwini mbuti mbondinga ndacizyiba ikuti kakunyina umwi wakundipandulwida?” Eelyo wakalomba Filipo kuti atante munkalaki akukkala anguwe. 32 Lino cibalo ca Magwalo ncaakali kubala cakupozya nceeci: “Mbubonya mbuli mbelele wakaletwa kukujaigwa, alimwi mbuli mwana wambelele uutalili sikugela namugela boya, awalo tabbamuni mulomo wakwe. 33 Naakali kusampaulwa taakabetekwa bweelede. Ino nguni uuyoolungulula makani aazyalani lyakwe? Nkaambo uyoojaigwa anyika.” 34 Mpoonya muntu ooyo uulemekwa wakati kuli Filipo: “Ndakulomba ndaambile, Ino nguni ngwaamba musinsimi kujatikizya zyintu eezyi? Sena ulyaamba lwakwe mwini naa waamba muntu uumbi?” 35 Filipo wakabbamuna mulomo wakwe, alimwi kutalikila a Lugwalo oolu, wakaambilizya makani mabotu aa Jesu kulinguwe. 36 Lino nobakali kuyaabweenda munzila, bakasika aakali maanzi, eelyo muntu uulemekwa ooyo wakati: “Bona! Ndeeli zyiba lyamaanzi; ino ncinzi cindikasya kubbapatizyigwa?” 37 * — 38 Mpoonya muntu ooyo uulemekwa wakaimika nkalaki, eelyo boonse bobilo, Filipo amuntu ooyo uulemekwa bakaseluka akunjila mumaanzi; mpoonya Filipo wakamubbapatizya. 39 Nobakazwa mumaanzi, cakufwambaana muuya wa Jehova wakamutola kumbi Filipo, alimwi muntu ooyo uulemekwa tanaakamubona limbi Filipo, nkaambo wakazumanana mulweendo lwakwe kakondedwe kapati. 40 Pele Filipo wakaakulijana ku Asidodi, alimwi wakainda mucilawo coonse eeco akuzumanana kwaambilizya makani mabotu muminzi yoonse mane waakusika ku Kaisaleya.\\n^ Kujatikizya majwi aatako, amubone bupanduluzi buyungizyidwe kuli Mt 17:21.","num_words":674,"character_repetition_ratio":0.054,"word_repetition_ratio":0.0,"special_characters_ratio":0.168,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}
+{"url":"","collection":"madlad400","source":"CC 20220801","original_code":"dov","text":"Cisyomyo ca Leza nceeci, “Muya kundiyandaula, eelyo muya kundijana, mwaakundiyandula a moyo wanu woonse.” Jelemiya 29:13. KLMNP 26.1\\nMoyo oonse uleelede kupegwa kuli Leza, nkaambo kunyina kusanduka kunga kwaba muli ndiswe kunga kulatucita kuti tupiluke mu mukozyano wakwe. Kuzwa ku kuzyalwa kwesu tuli bantu bazangi kuzwa kuli Leza. Muya usetekene ulatwambila ciimo cesu mbocibede, mu majwi aliboobu. “Mulifwide mukusotoka milawo a cinyonyoono.” “Mutwe woonse ulaciswa, a moyo woonse ulanetuka.” “Kunyina kupona mulimbabo.” Kakole ka Satani kalitujisi anguzu, “twatolwa mubuzike anguzu zyakwe kuli nguwe.” Ba Efeso 2:1; Isaya 1:5, 6; 2 Timoti 2:26. Leza ulayanda kutufutula a kutwaangulula. Pele eeci inga cacitika buyo kuti twasanduka ica kumaninina, a kulengulula buumi bwesu boonse, tuleelede kulipa cakumaninina kuli nguwe. KLMNP 26.2\\nInkondo yakulilwana omwini mukugwisya kuliyanda njenkondo mpati iyeelede kulwanwa kwiinda inkondo zyoonse. Kulipa omwini, a kulisungula mu nguzu zya Leza zyoonse, nkuyumu shita twalwana camoza, pesi muntu ulelede kulipa kuli Leza cakumaninina katana lengulul wa mu bululami kuti asetekane. KLMNP 26.3\\nBulelo bwa Leza tabuli, mbuli Satani mbwabubika kuti buboneke, bwakusungilizya akulipa mu mudima, akuti bwa kayakwa a matalikilo aatali mayumu, aatajisi kuyeeya kubotu. Bulelo bwa Leza bwiita kuyeeya akuhibya muntu ncayanda kusala akumupa nguzu zya kulisalila. “Amuboole lino tukanazyane antoomwe,” ooku nko kutamba kwa Mulengi kubantu bakwe mbaakalenga. Isaya 1:18 Leza tasinikizyi luyando lwa bantu bakwe, takonzyi kutambula kulemekwa kutazwi ku moyo cakulipa mu luyando amu busongo. Kukomba kwa kusungilizyigwa kuya kusinkila ku komena kwa mu mizeezo naakuba ku komena kwa ciimo; kuya kucita muntu kuti acite nzila zya Leza mbuli muncini, kakwiina luyando, ooyu tauli ngo muzeezo wa Mulengi. Ulayanda kuti muntu, ngwaakalenga anguzu zyakwe zilenga, a kasike mu kukomena kupati. Wakabika kumbele lyesu cileleko cisumpukide ncayanda kuti atupe kwiinda muluse lwakwe. Ulatutamba kuti tulipe lwesu tobeni kuli nguwe, kuti abike luyando lwakwe muli ndiswe. Cili kulindiswe kuti tusale na inga tulaanguluka kuzwa mu buzike bwa cinyonyoono, kuswaangana antoomwe a lwanguluko lumweka mweka lwabana ba Leza. KLMNP 26.4\\nMu kulipa lwesu tobeni kuli Leza, tuleelede kusiya zyoonse zintu zinga zyatwandaanya kuzwa kuli nguwe. Mufutuli mbwaamba mboobu “oonse nababuti utasiyi nkwajisi, takabi siciiya wangu.” Luka 14:33. Kufumbwa cintu cinga cilagusya moyo kuzwa kuli Leza cileelede cisowegwe. Buvubi ngo leza wa banji banji. Kuyanda mali, kuyanda buvubi, ninketani ya ngolide ibaanga kuli Satani. Impuwo a kulemekwa kwa mu nyika kula kombwa a bamwi bantu. Buumi bwa kupona kuubauba a kwaanguluka kuzwa ku milimo miyumu ngu leza wabamwi awalo. Pesi makamu aaya abuzike aleelede amane. Tatukonzyi kuti lumwi lubazu tube ba Leza lumwi tube ba nyika. Tatukonzyi kuba bana ba Leza cita twamaninina ceelede. KLMNP 27.1\\nNkobali baamba kuti basebenzela Leza, pesi basyoma nguzu zyabo kuti ba muteelele babambe mulawo wakwe, a kuba a ciimo ciluleme, a kujana lufutuko. Myoyo yabo taiyeeyi kapati a luyando lwa Klistu, pesi bayanda kucita milimo ya buumi bwa bu Klistu kuti bakanjile mujulu. Kukondwa kuli boobo nkwa buyo. Klistu nakala mu moyo, buumi buyakuvula, luyando, a kukomana kwa kuswaangana a nguwe, kuya kujatilila kuli nguwe, mu kuyeeyanguwe,kuliyandakuyakulubwa. Luyando kuli Klistu uyakuba ngo mwiinzo wa nguzu akucita kuti tubeleke mulimo wakwe. Aabo bateelela kusungilizya kwa nguzu zya Leza, aabo bamvwa luyando lwa Leza kalwiita, tababuzyi kuti nkupa kushoonto kuli buti nkondeelede kupa kuli Leza kuti anditambule? Tababuzyi kupa kushoonto, pele balo bayandisya buyo kusika aciimo cimaninide ica kuyanda mufutuli wesu. Mukuyandisya kwabo kupati balapa zyoonse akubika luyando ilweelene acintu ncobayanda kujana. Ibu Klistu kakwiina luyando luzwa aansi amoyo mbuli loolu,nkukanana kutakwe mpindu, ncabuyo, ncintu cifwide alimwi nkulipenzya kupati. KLMNP 27.2\\nSena muyeeya kuti muyasilo mupati ikupa zyoonse kuli Klistu? Amulibuzye mubuzyo nobeni, Sena Klistu wakandipa nzi ? Mwanaa Leza wakapa zyoonse, buumi, luyando, a kupenga a kaambo kalufutuko lwesu. Sena inga cilaba kuti swebo, to bantu no tuteelede luyando lupati luli boobu, tukasye myoyo yesu kuya kuli nguwe? Mu ziindi zyoonse zya kupona kwesu twali batambuli bazileleko zyaluse, akaambo kali boobu tatukonzyi kuyeeya kapati a bulamfu bwa kutazy iba a mapenzi motwakafutulwa. Sena inga tulalanga alinguwe wakayaswa zinyonyoono zyesu, eelyo akutolelela mu kubisya nokuba kuti twalanga ku luyando lwakwe a muyasilo wakwe? Mukutondeezya kulitolaansi amu kusampaulwa mwakainda Mwami wabulemu, sena inga tulatongauka nkaambo kakuti inga tula njila mu buumi kwiinda mukati mu kulwana a kulitola ansi kwa kutaliyanda? KLMNP 27.3\\nKulomba kwa moyo ulisumpula kuliboobu, “Nkaambonzi ncengunkila mu kuusa a kulitola ansi nketana hiba cakasimpe kuti ndatambulwa kuli Leza?” Ndimutondeezya kuli Klistu. Wakanyina katombe, kwiinda awa alimwi, wakali Mwami mupati mu julu; pesi akaambo ka bantu wakaba mubishi wa mukowa. “Wakabalilwa akati ka babisyi, wakabweza cinyonyoono cabanji banji, wakaiminina babisyi.” Isaya 53:12. KLMNP 28.1\\nSena ncinzi ncotupa, notupa koonse? Moyo ubijide acinyonyoono, kuti Jesu ausalazye, kuusalazya abulowa bwakwe, a kufutula a luyando lwakwe lutamani. Pesi bantu bayeeya kuti nkuyumu kuzisiya zyoonse! Ndausa kuciteelela ka cikananwa, ndausa kucilemba. KLMNP 28.2\\nLeza tatulombi kuti tusiye cintu citukomanisya. Muzintu zyoonse nzya cita, ulijisi kuyeeya kwa bana bakwe. Sena aabo bata kasala Klistu ingabalayeeya kuti ulijisi cintu cibotu ncanga ulabapa kwiinda ncobanga bala lijanina beni. Muntu ubika cilijazyo a bubyaabi bupati ku buumi bwakwe nayeeya kubeleka kwandeene a nguzu zya Leza. Kunyina ku komana kunga kwa janwa mu nzila nzya kakasya walo uuzyi, akuyeeya bubotu bwa zintu zyakwe nzya kalenga. Inzila yakubisya ninzila yakuusa a lufu. KLMNP 28.3\\nNkulubizya kwaamba kuti Leza ulakomana nabona bana bakwe kabapenga. Julu lyoonse lilakomana kubona muntu ka komana. Taata wesu uli kujulu tajali inzila zijisi kukomanya kuzintu zyakwe zyoonse nzyaa kalenga. Kulombwa kubotu kulaitwa kuli ndiswe kuti tucije zintu zinga zila tuletela ikupenga a kuusa, zinga zilajala mulyango wa kujulu akukomana kwesu. Mufutuli wa nyika ulabatambula bantu mbuli mbo babede, akuyanda kwabo, akutalulama kwabo, alimwi takabasanzyi buyo kuzwa kucinyonyoono kulike akubapa lufutuko, ikwiindila mubulowa bwakwe, pele uya kuzuzya kuyanda kwa moyo wabaabo boonse bazumina kubweza jokwe lyakwe; akubweza mukuli wakwe. Nduyando lwakwe mwini lupa kuumuna a kulyookezya kuli boonse baboola kuli nguwe kuyanda nsima ya buumi. Ulatulomba kuti tucite buyo milimo iya kusololela malyatilo eesu kututola kuli kukomana ooko batateeleli nkobatakonzyi kusika. Buumi bwa kasimpe bwa ku komana kwa moza nkuba a Jesu, olu ndusyomo lwa bulemu. KLMNP 28.4\\nBanji banji balabuzya, “Sena inga ndalisungula buti kuli Leza?” Mulayanda kulipa kuli nguwe, pesi muli bateteete nguzu zya kucita kubotu taziwo, mucili mu buzike bwa kwezeezya mulakomwa a zilengwa zya buumi bwanu bwa cinyonyoono. Zisyomyo abukanze bwanu zili mbuli intambo zya musenga. Tamukonzyi kujata mizeezo yanu, a kuyeeya kwanu, kuyandakwanu. Luzyibo lwazisyomyo zyanu zya kubeja nzisyomyo zitali kasimpe ziteteesya lusyomyo lwanu mu kusalala kwanu, a kumuyeezya kuti, Leza takonzyi kumutambula, pesi mutamaninwi lusyomo. Nco mweelede kuteelela ninguzu zya kasimpe zyakusalala. Eezi nzenguzu zilela mukupona kwa muntu, nguzu zyakusala, no ziba zyakukosola. Zintu zyoonse zisyoma a mulimo wanguzu ululeme. Leza wakapa nguzu zya kusala ku bantu, nzizyabo kuti bazibelesye. Tokonzyi kusandula moyo wako, tokonzyi kupa milimo ya moyo wako kuli Leza, pesi ulakonzya kusala kuti umukombe. Ulakonzya kumupa luyando lwako, eelyo uyakubeleka muli nduwe luyando a kucita mbuli kuyanda kwakwe. Eelyo ciimo cako coonse ciyakubikwa mukubeleka ca nguzu zya Moza wa Klistu, luyando lwako luyakubikwa alinguwe, Mizeezo yako iya kuswaangana a mizeezo yakwe. KLMNP 28.5\\nKuyanda kwa bubotu a bululami nkubotu mbuli mbokubede, pesi kuti waleka mpoona aawa, kunyina nco ziyakucita. Banji banji baya kusweeka kabajisi kusyoma a kuyanda kuba ba klistu. Tabasiki mu nzila yakupa luyando lwabo abuumi bwabo kuli Leza. Tabasali kuba baklistu. KLMNP 29.1\\nMukuyanda kwa kusala kululeme, kusanduka kupati kulaba mu buumi bwabo. A kupa luyando lwabo kuli Klistu, wali swaanganya lwako ku nguzu zilaatala a zisi a nguzu zyoonse. Uya kutambula nguzu zizwa kujulu ku kuyumya, aboobo mukulipa lyoonse kuli Leza uya ku kugwasya kuti upone a buumi bupya, a buumi bwa lusyomo. KLMNP 29.2","num_words":1228,"character_repetition_ratio":0.043,"word_repetition_ratio":0.0,"special_characters_ratio":0.178,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}